📅 2025-yil 8-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 8 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 8 сентября 2025 г. · Постановления Президента
Официальный текст. Официальный документ. Редакционные примечания не включены.
📅 8 September 2025 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
РЎЙХАТИ
РЎЙХАТИ
МАНЗИЛЛИ РЎЙХАТ
МИҚДОРЛАРИ
«ЙЎЛ ХАРИТАСИ»
Янги авлод муҳандисларини тайёрлаш ва муҳандислик таълимини ривожлантиришга оид чора-тадбирлар тўғрисида
Муҳандислик йўналишини мактаб таълимида устувор йўналиш сифатида жорий этиш, мазкур йўналишда таълим сифатини ошириш ва малакали педагогларни таълим жараёнига жалб қилиш мақсадида қарор қиламан:
I. Асосий мақсад
1. Ушбу қарорнинг асосий мақсади этиб муҳандислик таълимини ривожлантириш орқали қуйидагиларни назарда тутувчи «Ўзбекистон — илғор муҳандислар мамлакати» ташаббусини амалга ошириш белгилансин:
(а) мамлакатда янги авлод муҳандис кадрлар тайёрлаш, олий таълим ташкилотларининг саноат билан узвий интеграциясига асосланган муҳандислик мактаблари тармоғини ташкил этиш;
(б) республика миқёсида умумий ўрта таълим ташкилотлари (кейинги ўринларда — умумтаълим мактаблари) ўртасида муҳандисликка оид фанларни ўқитиш бўйича рақобат муҳитини яратиш ҳамда умумтаълим мактабларини рағбатлантириш тизимини жорий этиш.
II. Муҳандислик мактаблари тармоғини ташкил этиш ва муҳандислик таълим дастурини жорий қилиш
2. Ихтисослаштирилган таълим муассасалари агентлиги (кейинги ўринларда — Агентлик) тизимида 1-иловага мувофиқ фаолияти тугатиладиган ўрта махсус ва касбий таълим ташкилотлари негизида «Янги Ўзбекистон» университети ҳамда Мирзо Улуғбек номидаги ихтисослаштирилган мактаб тажрибаси асосида муҳандислик мактаблари ташкил этилсин.
3. Белгилаб қўйилсинки:
(а) муҳандислик мактабларига ўқувчиларни саралаб олиш ва қабул қилиш 2026/2027 ўқув йилидан бошлаб босқичма-босқич Агентлик тизимидаги ихтисослаштирилган мактаблар учун белгиланган тартиб асосида амалга оширилади. Бунда бир синфда ўқувчилар сони 24 нафардан ошмаслигини ҳисобга олган ҳолда:
(i) биринчи ўқув йилида, истисно тариқасида, 7 — 10-синфларга, иккинчи ўқув йилидан бошлаб умумтаълим мактабларининг 6-синф битирувчилари орасидан 7-синфга қабул қилинади;
(ii) муҳандислик мактабларида Давлат бюджети маблағлари ҳисобидан ўқитиладиган ўқувчиларнинг умумий чекланган сони 240 нафар этиб белгиланади;
(iii) муҳандислик мактабларига ўз қувватидан келиб чиққан ҳолда пулли таълим хизматларини кўрсатиш, шу жумладан, қўшимча синфлар очиш ва ўқиш учун тўлов миқдорини белгилаш ҳуқуқи берилади;
(б) муҳандислик мактабларида «Янги Ўзбекистон» университети ва Мирзо Улуғбек номидаги ихтисослаштирилган мактаб тажрибаси асосида қуйидагиларни назарда тутувчи муҳандис кадрлар тайёрлайдиган олий таълим ташкилотлари (кейинги ўринларда — муҳандислик олийгоҳлари) билан интеграциялашган муҳандислик таълим дастури жорий этилади:
(i) ўқув жараёнини 5 йиллик дастур асосида STEM модели бўйича ташкил этиш, дастлабки 3 йилда физика, математика ва хорижий тил фанларидан, кейинги 2 йилда муҳандислик фанлари бўйича бошланғич тайёргарликка эътибор қаратиш;
(ii) муҳандислик мактабининг 10-11-синф ҳамда муҳандислик олийгоҳлари тегишли таълим йўналишининг 1-курс ўқув режаларини интеграция қилиш. Бунда ўқувчи муҳандислик олийгоҳининг ўқув режасига оид фанлар (кейинги ўринларда — олий таълим фанлари) бўйича қўшимча ўқитилади;
(iii) олий таълим фанларини ўқитишни кредит-модуль тизими асосида ташкил этиш ва ушбу фанлар бўйича академик кўрсаткичларни (Academic Performance) белгиланган тартибда тан олиш;
(в) муҳандислик мактабларида муҳандислик таълим дастурини жорий этиш 2-иловада кўрсатилган муҳандислик олийгоҳлари томонидан амалга оширилади. Бунда:
(i) муҳандислик таълим дастурини жорий этиш ҳамда муҳандислик олийгоҳлари ва муҳандислик мактабларига услубий ёрдам кўрсатиш учун мутаносиб равишда «Янги Ўзбекистон» университети ва Мирзо Улуғбек номидаги ихтисослаштирилган мактаб таянч олийгоҳ ва таянч мактаб сифатида белгиланади;
(ii) муҳандислик таълим дастурлари доирасида интеграция қилинадиган таълим йўналишлари муҳандислик олийгоҳи томонидан мустақил белгиланади;
(iii) олий таълим фанлари муҳандислик олийгоҳининг профессор-ўқитувчилари томонидан ўқитилади ва ушбу жараёнга оид барча харажатлар ушбу муҳандислик олийгоҳининг бюджетдан ташқари маблағлари ҳисобидан қопланади;
(г) қуйидаги талабларни бажарган муҳандислик мактаблари битирувчиларига муҳандислик таълим дастури бўйича тегишли таълим йўналишида бир йиллик қўшимча давлат гранти асосида 2-курсдан тест синовларисиз ва қўшимча имтиҳонларсиз ўқишни давом эттириш ҳуқуқи берилади:
(i) Scholastic Assessment Test (SAT) халқаро имтиҳон тизими бўйича энг камида 1 300 балл тўплаш ёки Билим ва малакаларни баҳолаш агентлиги томонидан тақдим этиладиган муҳандислик олийгоҳи таълим йўналишига қараб математика, физика ва кимё фанларидан бири бўйича энг камида B2 даражадаги давлат намунасидаги сертификатга эга бўлиш;
(ii) олий таълим фанлари бўйича академик кўрсаткичларни (Academic Performance) ўрнатилган талаб бўйича ўзлаштирганлик.
Бунда келгуси ўқув йилидан қонунчилик ҳужжатларида белгиланган тартибда давлат грантини тақдим этиш табақалаштирилган тартибда қайта тақсимлаш тизими бўйича давом эттирилади;
(д) 11-синф муҳандислик мактаблари ўқувчилари учун икки ойлик мажбурий ишлаб чиқариш амалиёти (стажировка) жорий этилади. Бунда ўқувчи муҳандислик таълим дастури бўйича таҳсил олаётган тегишли таълим йўналишига оид ишлаб чиқариш корхонасида амалиёт (стажировка) ўташи лозим;
(ж) муҳандислик мактаблари биноларини капитал таъмирлаш, реконструкция қилиш, жиҳозлаш ва ободонлаштириш ишлари 3-иловага мувофиқ 2026 — 2028 йиллар давомида Ўзбекистон Республикасининг ижтимоий ва ишлаб чиқариш инфратузилмасини ривожлантириш дастури доирасида молиялаштирилади.
III. Муҳандислик мактаблари фаолиятини ташкил этиш
4. Муҳандислик мактабларида қуйидаги бошқарув лавозимлари жорий этилсин:
(а) ўқув жараёнини ташкил этиш ва бошқариш бўйича академик директор;
(б) маъмурий-молиявий фаолиятни мувофиқлаштириш бўйича ижрочи директор;
(в) муҳандислик мактабларининг соҳа корхоналари билан яқиндан ҳамкорлигини таъминлаш бўйича саноат билан алоқалар менежери.
5. Белгилаб қўйилсинки:
(а) академик директор лавозими муҳандислик олийгоҳининг штатлар жадвалида назарда тутилади ҳамда Агентлик билан келишилган ҳолда муҳандислик олийгоҳи директори томонидан тайинланади;
(б) меҳнатга ҳақ тўлаш ва моддий рағбатлантириш шартларига кўра:
(i) академик директор — муҳандислик олийгоҳи деканига;
(ii) саноат билан алоқалар менежери — Агентлик тизимидаги ҳудудий ихтисослаштирилган мактабнинг директор ўринбосарига;
(iii) қолган барча маъмурий-бошқарув, педагогик, ўқув-ёрдамчи, техник ва хизмат кўрсатувчи ходимлар — Агентлик тизимидаги ҳудудий ихтисослаштирилган мактабнинг тегишли ходимларига тенглаштирилади;
(в) академик директор, ижрочи директор ва саноат билан алоқалар менежери фаолиятининг энг муҳим самарадорлик кўрсаткичи битирувчи ўқувчилар ўқишни муҳандислик олийгоҳида белгиланган тартибда 2-курсдан давом эттириши ҳисобланади ва бир марталик рағбатлантириш механизмлари жорий қилинади;
(г) муҳандислик мактабларини сақлаш харажатлари Давлат бюджети ҳисобидан амалга оширилади.
IV. Ўзбекистон Республикаси Президенти соврини учун «Илғор муҳандислик мактаби» миллий танлови
6. 2026 йил 1 январдан бошлаб ҳар йили умумтаълим мактаблари ўртасида Ўзбекистон Республикаси Президенти соврини учун «Илғор муҳандислик мактаби» миллий танлови (кейинги ўринларда — Танлов) ўтказилсин.
7. Қуйидагилар Танловни ўтказишнинг асосий мақсадлари этиб белгилансин:
(а) умумтаълим мактаблари ўртасида STEM фанларини ўқитишда рақобат ва янгиликка интилиш муҳитини яратиш;
(б) умумтаълим мактабларида STEM фанлари бўйича таълим жараёнининг самарадорлиги ва сифатини оширишга кўмаклашиш;
(в) педагог ўқитувчиларнинг STEM фанларини ўқитишга бўлган қизиқиши ва интилишини кучайтириш.
8. Белгилаб қўйилсинки:
(а) Танлов 3 босқичда — туман (шаҳар), Қорақалпоғистон Республикаси, вилоятлар ва Тошкент шаҳри ҳамда республика миқёсида ўтказилади;
(б) Танлов натижаларига кўра унинг ғолиблари қуйидаги кўринишда рағбатлантирилади:
(i) 4-иловага мувофиқ танлов ғолибларини моддий рағбатлантириш;
(ii) Танловнинг республика босқичи ғолиблари учун хорижий давлатларга таълим саёҳатини ташкил этиш;
(iii) Танловнинг республика босқичида 1-ўринни эгаллаган мактабга Давлат бюджети ҳисобидан муҳандисликка оид лабораториялар жамланмасини ўз ичига олган инновацион технопарк ташкил этиш учун 1 миллиард сўм миқдорида маблағ ажратиш.
Бунда инновацион технопаркка эга бўлган мактабларда меҳнатга ҳақ тўлаш ва моддий рағбатлантириш шартларига кўра физика ўқитувчисига тенглаштирилган 1 та штат бирлигида лаборант лавозими киритилади.
V. Қарор ижросини ташкил этиш, таъминлаш ва назорат
9. «Ўзбекистон — илғор муҳандислар мамлакати» ташаббусини амалга ошириш бўйича «йўл харитаси» 5-иловага мувофиқ тасдиқлансин.
10. Мазкур қарорда белгиланган тадбирларни амалга ошириш билан боғлиқ харажатлар 2026 йилдан бошлаб ҳар йили Давлат бюджети параметрларида негизида муҳандислик мактаблари ташкил этилаётган ўрта махсус ва касбий таълим ташкилотларидан бўшаган маблағлар ҳисобидан назарда тутилади.
11. Мактабгача ва мактаб таълими вазирлиги, Олий таълим, фан ва инновациялар вазирлиги икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
12. Мазкур қарорнинг ижросини самарали ташкил қилишга масъул ва шахсий жавобгар этиб мактабгача ва мактаб таълими вазири Э.Г. Каримова ҳамда олий таълим, фан ва инновациялар вазири К.А. Шарипов белгилансин.
13. Қарор ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти Администрацияси раҳбарининг ўринбосари Х.У. Умарова зиммасига юклансин.
Ўзбекистон Республикаси Президентининг 2025 йил 8 сентябрдаги ПҚ-278-сон қарорига 1-ИЛОВА
Фаолияти тугатиладиган ва негизида «Янги Ўзбекистон» университети ҳамда Мирзо Улуғбек номидаги ихтисослаштирилган мактаб тажрибаси асосида муҳандислик мактаблари ташкил этиладиган ўрта махсус ва касбий таълим ташкилотлари
Т/р Ҳудудлар Ўрта махсус ва касбий таълим ташкилотлари номи * Янгидан ташкил этиладиган муҳандислик мактаблари номи 1. Қорақалпоғистон Республикаси Нукус рақамли технологиялар техникуми Нукус шаҳридаги муҳандислик мактаби 2. Андижон вилояти Андижон транспорт техникуми Андижон шаҳридаги муҳандислик мактаби 3. Бухоро вилояти Бухоро давлат техника университети академик лицейи Бухоро шаҳридаги муҳандислик мактаби 4. Жиззах вилояти Жиззах политехника институти академик лицейи Жиззах шаҳридаги муҳандислик мактаби 5. Қашқадарё вилояти Қарши давлат техника университети 1-сон академик лицейи Қарши шаҳридаги муҳандислик мактаби 6. Навоий вилояти Навоий юридик техникуми Навоий шаҳридаги муҳандислик мактаби 7. Наманган вилояти Наманган давлат техника университети 1-сон академик лицейи Наманган шаҳридаги муҳандислик мактаби 8. Самарқанд вилояти Самарқанд архитектура-қурилиш техникуми Самарқанд шаҳридаги муҳандислик мактаби 9. Сирдарё вилояти Собиқ Мирзаобод технологиялар техникуми (ҳозирги Гулистон давлат педагогика институти биноси) Мирзаобод туманидаги муҳандислик мактаби 10. Сурхондарё вилояти Жарқўрғон қурилиш ва транспорт техникуми Жарқўрғон туманидаги муҳандислик мактаби 11. Тошкент вилояти Тошкент вилояти педагогика техникуми Ангрен шаҳридаги муҳандислик мактаби 12. Фарғона вилояти Фарғона юридик техникуми Фарғона шаҳридаги муҳандислик мактаби 13. Хоразм вилояти Урганч шаҳар 1-сон политехникуми Урганч шаҳридаги муҳандислик мактаби
Ўзбекистон Республикаси Президентининг 2025 йил 8 сентябрдаги ПҚ-278-сон қарорига 2-ИЛОВА
Муҳандис кадрлар тайёрлайдиган олий таълим ташкилотларига бириктириладиган муҳандислик мактаблари
Т/р Ҳудудлар Муҳандислик олийгоҳлари Муҳандислик мактаби 1. Қорақалпоғистон Республикаси Нукус давлат техника университети Нукус шаҳридаги муҳандислик мактаби 2. Андижон вилояти Андижон давлат техника институти Андижон шаҳридаги муҳандислик мактаби 3. Бухоро вилояти Бухоро давлат техника университети Бухоро шаҳридаги муҳандислик мактаби 4. Жиззах вилояти Жиззах политехника институти Жиззах шаҳридаги муҳандислик мактаби 5. Қашқадарё вилояти Қарши давлат техника университети Қарши шаҳридаги муҳандислик мактаби 6. Навоий вилояти Навоий давлат кончилик ва технологиялар университети Навоий шаҳридаги муҳандислик мактаби 7. Наманган вилояти Наманган давлат техника университети Наманган шаҳридаги муҳандислик мактаби 8. Самарқанд вилояти Самарқанд давлат архитектура-қурилиш университети Самарқанд шаҳридаги муҳандислик мактаби 9. Сирдарё вилояти Тошкент кимё-технология институти Янгиер филиали Мирзаобод туманидаги муҳандислик мактаби 10. Сурхондарё вилояти Термиз давлат муҳандислик ва агротехнологиялар университети Жарқўрғон туманидаги муҳандислик мактаби 11. Тошкент вилояти Тошкент давлат техника университети Олмалиқ филиали Ангрен шаҳридаги муҳандислик мактаби 12. Фарғона вилояти Фарғона давлат техника университети Фарғона шаҳридаги муҳандислик мактаби 13. Хоразм вилояти Ал-Хоразмий университети Урганч шаҳридаги муҳандислик мактаби
Ўзбекистон Республикаси Президентининг 2025 йил 8 сентябрдаги ПҚ-278-сон қарорига 3-ИЛОВА
Муҳандислик мактабларини 2026 — 2028 йилларда капитал таъмирлаш, реконструкция қилиш, жиҳозлаш ва ободонлаштириш бўйича
Т/р Ҳудуд номи Қурилиш-таъмирлаш ишлари амалга ошириладиган муассасалар номи Қуввати Жами 2026 — 2028 йилларда шу жумладан: 2026 йилда 2027 йилда 2028 йилда Жами: 7 980 14 2 7 5 1. Қорақалпоғистон Республикаси Нукус шаҳридаги муҳандислик мактаби 360 1 1 2. Андижон вилояти Андижон шаҳридаги муҳандислик мактаби 900 1 1 3. Бухоро вилояти Бухоро шаҳридаги муҳандислик мактаби 825 1 1 4. Жиззах вилояти Жиззах шаҳридаги муҳандислик мактаби 525 1 1 5. Қашқадарё вилояти Қарши шаҳридаги муҳандислик мактаби 450 1 1 6. Навоий вилояти Навоий шаҳридаги муҳандислик мактаби 600 1 1 7. Наманган вилояти Наманган шаҳридаги муҳандислик мактаби 820 1 1 8. Самарқанд вилояти Самарқанд шаҳридаги муҳандислик мактаби 600 1 1 9. Сирдарё вилояти Мирзаобод туманидаги муҳандислик мактаби 540 1 1 10. Сурхондарё вилояти Жарқўрғон туманидаги муҳандислик мактаби 720 1 1 11. Тошкент вилояти Ангрен шаҳридаги муҳандислик мактаби 450 1 1 12. Фарғона вилояти Фарғона шаҳридаги муҳандислик мактаби 450 1 1 13. Хоразм вилояти Урганч шаҳридаги муҳандислик мактаби 540 1 1 14. Тошкент шаҳри Мирзо Улуғбек номидаги ихтисослаштирилган мактаб * 200 1 1
Ўзбекистон Республикаси Президентининг 2025 йил 8 сентябрдаги ПҚ-278-сон қарорига 4-ИЛОВА
Ўзбекистон Республикаси Президенти соврини учун «Илғор муҳандислик мактаби» миллий танлови ғолибларини рағбатлантириш
(базавий ҳисоблаш миқдорида) Т/р Босқич 1-ўрин 2-ўрин 3-ўрин 1. Туман (шаҳар) 200 150 100 2. Қорақалпоғистон Республикаси, вилоятлар ва Тошкент шаҳри 300 250 200 3. Республика 600 450 300
Ўзбекистон Республикаси Президентининг 2025 йил 8 сентябрдаги ПҚ-278-сон қарорига 5-ИЛОВА
«Ўзбекистон — илғор муҳандислар мамлакати» ташаббусини амалга ошириш бўйича
Т/р Чора-тадбирлар номи Амалга ошириш шакли Ижро муддати Молиялаштириш манбалари Масъул ижрочилар I. Муҳандислик мактаблари тармоғини ташкил этиш 1. Негизида муҳандислик мактаблари ташкил этилиши режа қилинган ўрта махсус ва касбий таълим ташкилотлари балансида бўлган бино ва иншоотларни Ихтисослаштирилган таълим муассасалари агентлиги (кейинги ўринларда — Агентлик) тасарруфига ўтказиш ҳамда Агентлик тизимида муҳандислик мактабларини ташкил этиш. Бунда: муҳандислик мактаблари уставини тасдиқлаш; муҳандислик мактабларини давлат рўйхатидан ўтказиш чораларини кўриш. Идоравий ҳужжат лойиҳаси 2026 йил март - Олий таълим, фан ва инновациялар вазирлиги, Мактабгача ва мактаб таълими вазирлиги, Қорақалпоғистон Республикаси Вазирлар Кенгаши ва вилоятлар ҳокимликлари 2. Муҳандислик мактабларининг ижобий имижини яратиш ва пулли таълим хизматларини кўрсатиш ҳажмини оширишга қаратилган муҳандислик мактаблари тармоғининг маркетинг стратегиясини тасдиқлаш ҳамда стратегия асосида тарғибот-ташвиқот ишларини ташкил этиш. Идоравий ҳужжат лойиҳаси ва комплекс чора-тадбирлар 2026 йил апрель Мактабгача ва мактаб таълими вазирлигининг бюджетдан ташқари маблағлари ва Агентлик ҳузуридаги жамғарма маблағлари Мактабгача ва мактаб таълими вазирлиги 3. Муҳандислик мактабларининг маъмурий бошқарув, ўқув-ёрдамчи ходимларининг лавозим мажбуриятларини ишлаб чиқиш. Бунда академик директор, ижрочи директор ва саноат билан алоқалар менежери лавозимларини инобатга олиш. Мазкур лавозимларни танлов асосида юқори малакали кадрлар билан тўлдириш чораларини кўриш. Ташкилий чора-тадбирлар 2026 йил июль-август - Мактабгача ва мактаб таълими вазирлиги 4. Муҳандислик мактабларининг таълим дастурини ишлаб чиқиш ва амалиётга жорий этиш. Ташкилий чора-тадбирлар 2026 йил июнь - Мактабгача ва мактаб таълими вазирлиги, Олий таълим, фан ва инновациялар вазирлиги 5. Муҳандислик мактаблари ўқувчиларининг амалиёт ўташ тартибини ишлаб чиқиш ва тасдиқлаш. Ташкилий чора-тадбирлар 2026 йил декабрь - Мактабгача ва мактаб таълими вазирлиги ҳамда масъул вазирлик ва идоралар 6. Академик директор, ижрочи директор ва саноат билан алоқалар менежери фаолиятининг энг муҳим самарадорлик кўрсаткичи асосида бир марталик рағбатлантириш механизмларини жорий этиш. Бунда: битирувчиларнинг 100 фоизи бириктирилган олий таълим ташкилотининг муҳандислик йўналишида ўқишни давом эттирганда — базавий ҳисоблаш миқдори (БҲМ)нинг 100 баравари; битирувчиларнинг 75 фоизи бириктирилган олий таълим ташкилотининг муҳандислик йўналишида ўқишни давом эттирганда — БҲМнинг 75 баравари; битирувчиларнинг 50 фоизи ва ундан юқориси бириктирилган олий таълим ташкилотининг муҳандислик йўналишида ўқишни давом эттирганда — БҲМнинг 50 баравари миқдорида рағбатлантиришни назарда тутиш. Норматив-ҳуқуқий ҳужжат лойиҳаси 2026 йил декабрь Давлат бюджети маблағлари Мактабгача ва мактаб таълими вазирлиги 7. Муҳандислик мактабларини капитал таъмирлаш, реконструкция қилиш ва жиҳозлаш ишларини 2026 — 2028 йиллардаги ижтимоий ва ишлаб чиқариш инфратузилмасини ривожлантириш дастурига киритиш чораларини кўриш. Норматив-ҳуқуқий ҳужжат лойиҳаси 2026 — 2028 йиллар давомида Давлат бюджети маблағлари Мактабгача ва мактаб таълими вазирлиги, Иқтисодиёт ва молия вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари II. Ўзбекистон Республикаси Президенти соврини учун «Илғор муҳандислик мактаби» миллий танловини ташкил этиш 8. Ўзбекистон Республикаси Президенти соврини учун «Илғор муҳандислик мактаби» миллий танловини ўтказиш тартибини ишлаб чиқиш ва тасдиқлаш. Бунда: танлов иштирокчиларини моддий рағбатлантириш; танловнинг республика босқичи ғолиблари учун хорижий давлатларга таълим саёҳатини ташкил этиш; инновацион технопарк ташкил этиш учун 1 млрд сўм миқдорида маблағ ажратишни назарда тутиш. Норматив-ҳуқуқий ҳужжат лойиҳаси 2025 йил декабрь Давлат бюджети маблағлари Мактабгача ва мактаб таълими вазирлиги 9. Инновацион технопаркнинг намунавий лойиҳасини ишлаб чиқиш ва тасдиқлаш. Ташкилий чора-тадбирлар 2026 йил декабрь Давлат бюджети маблағлари Мактабгача ва мактаб таълими вазирлиги, Қурилиш ва уй-жой коммунал хўжалиги вазирлиги, Рақамли технологиялар вазирлиги
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 8 сентябрь,
ПҚ-278-сон
Oʻzbekiston Respublikasi Prezidentining
Qarori
ROʻYXATI
ROʻYXATI
MANZILLI ROʻYXAT
MIQDORLARI
“YOʻL XARITASI”
Yangi avlod muhandislarini tayyorlash va muhandislik taʼlimini rivojlantirishga oid chora-tadbirlar toʻgʻrisida
Muhandislik yoʻnalishini maktab taʼlimida ustuvor yoʻnalish sifatida joriy etish, mazkur yoʻnalishda taʼlim sifatini oshirish va malakali pedagoglarni taʼlim jarayoniga jalb qilish maqsadida qaror qilaman:
I. Asosiy maqsad
1. Ushbu qarorning asosiy maqsadi etib muhandislik taʼlimini rivojlantirish orqali quyidagilarni nazarda tutuvchi “Oʻzbekiston — ilgʻor muhandislar mamlakati” tashabbusini amalga oshirish belgilansin:
(a) mamlakatda yangi avlod muhandis kadrlar tayyorlash, oliy taʼlim tashkilotlarining sanoat bilan uzviy integratsiyasiga asoslangan muhandislik maktablari tarmogʻini tashkil etish;
(b) respublika miqyosida umumiy oʻrta taʼlim tashkilotlari (keyingi oʻrinlarda — umumtaʼlim maktablari) oʻrtasida muhandislikka oid fanlarni oʻqitish boʻyicha raqobat muhitini yaratish hamda umumtaʼlim maktablarini ragʻbatlantirish tizimini joriy etish.
II. Muhandislik maktablari tarmogʻini tashkil etish va muhandislik taʼlim dasturini joriy qilish
2. Ixtisoslashtirilgan taʼlim muassasalari agentligi (keyingi oʻrinlarda — Agentlik) tizimida 1-ilovaga muvofiq faoliyati tugatiladigan oʻrta maxsus va kasbiy taʼlim tashkilotlari negizida “Yangi Oʻzbekiston” universiteti hamda Mirzo Ulugʻbek nomidagi ixtisoslashtirilgan maktab tajribasi asosida muhandislik maktablari tashkil etilsin.
3. Belgilab qoʻyilsinki:
(a) muhandislik maktablariga oʻquvchilarni saralab olish va qabul qilish 2026/2027 oʻquv yilidan boshlab bosqichma-bosqich Agentlik tizimidagi ixtisoslashtirilgan maktablar uchun belgilangan tartib asosida amalga oshiriladi. Bunda bir sinfda oʻquvchilar soni 24 nafardan oshmasligini hisobga olgan holda:
(i) birinchi oʻquv yilida, istisno tariqasida, 7 — 10-sinflarga, ikkinchi oʻquv yilidan boshlab umumtaʼlim maktablarining 6-sinf bitiruvchilari orasidan 7-sinfga qabul qilinadi;
(ii) muhandislik maktablarida Davlat budjeti mablagʻlari hisobidan oʻqitiladigan oʻquvchilarning umumiy cheklangan soni 240 nafar etib belgilanadi;
(iii) muhandislik maktablariga oʻz quvvatidan kelib chiqqan holda pulli taʼlim xizmatlarini koʻrsatish, shu jumladan, qoʻshimcha sinflar ochish va oʻqish uchun toʻlov miqdorini belgilash huquqi beriladi;
(b) muhandislik maktablarida “Yangi Oʻzbekiston” universiteti va Mirzo Ulugʻbek nomidagi ixtisoslashtirilgan maktab tajribasi asosida quyidagilarni nazarda tutuvchi muhandis kadrlar tayyorlaydigan oliy taʼlim tashkilotlari (keyingi oʻrinlarda — muhandislik oliygohlari) bilan integratsiyalashgan muhandislik taʼlim dasturi joriy etiladi:
(i) oʻquv jarayonini 5 yillik dastur asosida STEM modeli boʻyicha tashkil etish, dastlabki 3 yilda fizika, matematika va xorijiy til fanlaridan, keyingi 2 yilda muhandislik fanlari boʻyicha boshlangʻich tayyorgarlikka eʼtibor qaratish;
(ii) muhandislik maktabining 10-11-sinf hamda muhandislik oliygohlari tegishli taʼlim yoʻnalishining 1-kurs oʻquv rejalarini integratsiya qilish. Bunda oʻquvchi muhandislik oliygohining oʻquv rejasiga oid fanlar (keyingi oʻrinlarda — oliy taʼlim fanlari) boʻyicha qoʻshimcha oʻqitiladi;
(iii) oliy taʼlim fanlarini oʻqitishni kredit-modul tizimi asosida tashkil etish va ushbu fanlar boʻyicha akademik koʻrsatkichlarni (Academic Performance) belgilangan tartibda tan olish;
(v) muhandislik maktablarida muhandislik taʼlim dasturini joriy etish 2-ilovada koʻrsatilgan muhandislik oliygohlari tomonidan amalga oshiriladi. Bunda:
(i) muhandislik taʼlim dasturini joriy etish hamda muhandislik oliygohlari va muhandislik maktablariga uslubiy yordam koʻrsatish uchun mutanosib ravishda “Yangi Oʻzbekiston” universiteti va Mirzo Ulugʻbek nomidagi ixtisoslashtirilgan maktab tayanch oliygoh va tayanch maktab sifatida belgilanadi;
(ii) muhandislik taʼlim dasturlari doirasida integratsiya qilinadigan taʼlim yoʻnalishlari muhandislik oliygohi tomonidan mustaqil belgilanadi;
(iii) oliy taʼlim fanlari muhandislik oliygohining professor-oʻqituvchilari tomonidan oʻqitiladi va ushbu jarayonga oid barcha xarajatlar ushbu muhandislik oliygohining budjetdan tashqari mablagʻlari hisobidan qoplanadi;
(g) quyidagi talablarni bajargan muhandislik maktablari bitiruvchilariga muhandislik taʼlim dasturi boʻyicha tegishli taʼlim yoʻnalishida bir yillik qoʻshimcha davlat granti asosida 2-kursdan test sinovlarisiz va qoʻshimcha imtihonlarsiz oʻqishni davom ettirish huquqi beriladi:
(i) Scholastic Assessment Test (SAT) xalqaro imtihon tizimi boʻyicha eng kamida 1 300 ball toʻplash yoki Bilim va malakalarni baholash agentligi tomonidan taqdim etiladigan muhandislik oliygohi taʼlim yoʻnalishiga qarab matematika, fizika va kimyo fanlaridan biri boʻyicha eng kamida B2 darajadagi davlat namunasidagi sertifikatga ega boʻlish;
(ii) oliy taʼlim fanlari boʻyicha akademik koʻrsatkichlarni (Academic Performance) oʻrnatilgan talab boʻyicha oʻzlashtirganlik.
Bunda kelgusi oʻquv yilidan qonunchilik hujjatlarida belgilangan tartibda davlat grantini taqdim etish tabaqalashtirilgan tartibda qayta taqsimlash tizimi boʻyicha davom ettiriladi;
(d) 11-sinf muhandislik maktablari oʻquvchilari uchun ikki oylik majburiy ishlab chiqarish amaliyoti (stajirovka) joriy etiladi. Bunda oʻquvchi muhandislik taʼlim dasturi boʻyicha tahsil olayotgan tegishli taʼlim yoʻnalishiga oid ishlab chiqarish korxonasida amaliyot (stajirovka) oʻtashi lozim;
(j) muhandislik maktablari binolarini kapital taʼmirlash, rekonstruksiya qilish, jihozlash va obodonlashtirish ishlari 3-ilovaga muvofiq 2026 — 2028-yillar davomida Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi doirasida moliyalashtiriladi.
III. Muhandislik maktablari faoliyatini tashkil etish
4. Muhandislik maktablarida quyidagi boshqaruv lavozimlari joriy etilsin:
(a) oʻquv jarayonini tashkil etish va boshqarish boʻyicha akademik direktor;
(b) maʼmuriy-moliyaviy faoliyatni muvofiqlashtirish boʻyicha ijrochi direktor;
(v) muhandislik maktablarining soha korxonalari bilan yaqindan hamkorligini taʼminlash boʻyicha sanoat bilan aloqalar menejeri.
5. Belgilab qoʻyilsinki:
(a) akademik direktor lavozimi muhandislik oliygohining shtatlar jadvalida nazarda tutiladi hamda Agentlik bilan kelishilgan holda muhandislik oliygohi direktori tomonidan tayinlanadi;
(b) mehnatga haq toʻlash va moddiy ragʻbatlantirish shartlariga koʻra:
(i) akademik direktor — muhandislik oliygohi dekaniga;
(ii) sanoat bilan aloqalar menejeri — Agentlik tizimidagi hududiy ixtisoslashtirilgan maktabning direktor oʻrinbosariga;
(iii) qolgan barcha maʼmuriy-boshqaruv, pedagogik, oʻquv-yordamchi, texnik va xizmat koʻrsatuvchi xodimlar — Agentlik tizimidagi hududiy ixtisoslashtirilgan maktabning tegishli xodimlariga tenglashtiriladi;
(v) akademik direktor, ijrochi direktor va sanoat bilan aloqalar menejeri faoliyatining eng muhim samaradorlik koʻrsatkichi bitiruvchi oʻquvchilar oʻqishni muhandislik oliygohida belgilangan tartibda 2-kursdan davom ettirishi hisoblanadi va bir martalik ragʻbatlantirish mexanizmlari joriy qilinadi;
(g) muhandislik maktablarini saqlash xarajatlari Davlat budjeti hisobidan amalga oshiriladi.
IV. Oʻzbekiston Respublikasi Prezidenti sovrini uchun “Ilgʻor muhandislik maktabi” milliy tanlovi
6. 2026-yil 1-yanvardan boshlab har yili umumtaʼlim maktablari oʻrtasida Oʻzbekiston Respublikasi Prezidenti sovrini uchun “Ilgʻor muhandislik maktabi” milliy tanlovi (keyingi oʻrinlarda — Tanlov) oʻtkazilsin.
7. Quyidagilar Tanlovni oʻtkazishning asosiy maqsadlari etib belgilansin:
(a) umumtaʼlim maktablari oʻrtasida STEM fanlarini oʻqitishda raqobat va yangilikka intilish muhitini yaratish;
(b) umumtaʼlim maktablarida STEM fanlari boʻyicha taʼlim jarayonining samaradorligi va sifatini oshirishga koʻmaklashish;
(v) pedagog oʻqituvchilarning STEM fanlarini oʻqitishga boʻlgan qiziqishi va intilishini kuchaytirish.
8. Belgilab qoʻyilsinki:
(a) Tanlov 3 bosqichda — tuman (shahar), Qoraqalpogʻiston Respublikasi, viloyatlar va Toshkent shahri hamda respublika miqyosida oʻtkaziladi;
(b) Tanlov natijalariga koʻra uning gʻoliblari quyidagi koʻrinishda ragʻbatlantiriladi:
(i) 4-ilovaga muvofiq tanlov gʻoliblarini moddiy ragʻbatlantirish;
(ii) Tanlovning respublika bosqichi gʻoliblari uchun xorijiy davlatlarga taʼlim sayohatini tashkil etish;
(iii) Tanlovning respublika bosqichida 1-oʻrinni egallagan maktabga Davlat budjeti hisobidan muhandislikka oid laboratoriyalar jamlanmasini oʻz ichiga olgan innovatsion texnopark tashkil etish uchun 1 milliard soʻm miqdorida mablagʻ ajratish.
Bunda innovatsion texnoparkka ega boʻlgan maktablarda mehnatga haq toʻlash va moddiy ragʻbatlantirish shartlariga koʻra fizika oʻqituvchisiga tenglashtirilgan 1 ta shtat birligida laborant lavozimi kiritiladi.
V. Qaror ijrosini tashkil etish, taʼminlash va nazorat
9. “Oʻzbekiston — ilgʻor muhandislar mamlakati” tashabbusini amalga oshirish boʻyicha “yoʻl xaritasi” 5-ilovaga muvofiq tasdiqlansin.
10. Mazkur qarorda belgilangan tadbirlarni amalga oshirish bilan bogʻliq xarajatlar 2026-yildan boshlab har yili Davlat budjeti parametrlarida negizida muhandislik maktablari tashkil etilayotgan oʻrta maxsus va kasbiy taʼlim tashkilotlaridan boʻshagan mablagʻlar hisobidan nazarda tutiladi.
11. Maktabgacha va maktab taʼlimi vazirligi, Oliy taʼlim, fan va innovatsiyalar vazirligi ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
12. Mazkur qarorning ijrosini samarali tashkil qilishga masʼul va shaxsiy javobgar etib maktabgacha va maktab taʼlimi vaziri E.G. Karimova hamda oliy taʼlim, fan va innovatsiyalar vaziri K.A. Sharipov belgilansin.
13. Qaror ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti Administratsiyasi rahbarining oʻrinbosari X.U. Umarova zimmasiga yuklansin.
Oʻzbekiston Respublikasi Prezidentining 2025-yil 8-sentabrdagi PQ-278-son qaroriga 1-ILOVA
Faoliyati tugatiladigan va negizida “Yangi Oʻzbekiston” universiteti hamda Mirzo Ulugʻbek nomidagi ixtisoslashtirilgan maktab tajribasi asosida muhandislik maktablari tashkil etiladigan oʻrta maxsus va kasbiy taʼlim tashkilotlari
T/r Hududlar Oʻrta maxsus va kasbiy taʼlim tashkilotlari nomi * Yangidan tashkil etiladigan muhandislik maktablari nomi 1. Qoraqalpogʻiston Respublikasi Nukus raqamli texnologiyalar texnikumi Nukus shahridagi muhandislik maktabi 2. Andijon viloyati Andijon transport texnikumi Andijon shahridagi muhandislik maktabi 3. Buxoro viloyati Buxoro davlat texnika universiteti akademik litseyi Buxoro shahridagi muhandislik maktabi 4. Jizzax viloyati Jizzax politexnika instituti akademik litseyi Jizzax shahridagi muhandislik maktabi 5. Qashqadaryo viloyati Qarshi davlat texnika universiteti 1-son akademik litseyi Qarshi shahridagi muhandislik maktabi 6. Navoiy viloyati Navoiy yuridik texnikumi Navoiy shahridagi muhandislik maktabi 7. Namangan viloyati Namangan davlat texnika universiteti 1-son akademik litseyi Namangan shahridagi muhandislik maktabi 8. Samarqand viloyati Samarqand arxitektura-qurilish texnikumi Samarqand shahridagi muhandislik maktabi 9. Sirdaryo viloyati Sobiq Mirzaobod texnologiyalar texnikumi (hozirgi Guliston davlat pedagogika instituti binosi) Mirzaobod tumanidagi muhandislik maktabi 10. Surxondaryo viloyati Jarqoʻrgʻon qurilish va transport texnikumi Jarqoʻrgʻon tumanidagi muhandislik maktabi 11. Toshkent viloyati Toshkent viloyati pedagogika texnikumi Angren shahridagi muhandislik maktabi 12. Fargʻona viloyati Fargʻona yuridik texnikumi Fargʻona shahridagi muhandislik maktabi 13. Xorazm viloyati Urganch shahar 1-son politexnikumi Urganch shahridagi muhandislik maktabi
Oʻzbekiston Respublikasi Prezidentining 2025-yil 8-sentabrdagi PQ-278-son qaroriga 2-ILOVA
Muhandis kadrlar tayyorlaydigan oliy taʼlim tashkilotlariga biriktiriladigan muhandislik maktablari
T/r Hududlar Muhandislik oliygohlari Muhandislik maktabi 1. Qoraqalpogʻiston Respublikasi Nukus davlat texnika universiteti Nukus shahridagi muhandislik maktabi 2. Andijon viloyati Andijon davlat texnika instituti Andijon shahridagi muhandislik maktabi 3. Buxoro viloyati Buxoro davlat texnika universiteti Buxoro shahridagi muhandislik maktabi 4. Jizzax viloyati Jizzax politexnika instituti Jizzax shahridagi muhandislik maktabi 5. Qashqadaryo viloyati Qarshi davlat texnika universiteti Qarshi shahridagi muhandislik maktabi 6. Navoiy viloyati Navoiy davlat konchilik va texnologiyalar universiteti Navoiy shahridagi muhandislik maktabi 7. Namangan viloyati Namangan davlat texnika universiteti Namangan shahridagi muhandislik maktabi 8. Samarqand viloyati Samarqand davlat arxitektura-qurilish universiteti Samarqand shahridagi muhandislik maktabi 9. Sirdaryo viloyati Toshkent kimyo-texnologiya instituti Yangiyer filiali Mirzaobod tumanidagi muhandislik maktabi 10. Surxondaryo viloyati Termiz davlat muhandislik va agrotexnologiyalar universiteti Jarqoʻrgʻon tumanidagi muhandislik maktabi 11. Toshkent viloyati Toshkent davlat texnika universiteti Olmaliq filiali Angren shahridagi muhandislik maktabi 12. Fargʻona viloyati Fargʻona davlat texnika universiteti Fargʻona shahridagi muhandislik maktabi 13. Xorazm viloyati Al-Xorazmiy universiteti Urganch shahridagi muhandislik maktabi
Oʻzbekiston Respublikasi Prezidentining 2025-yil 8-sentabrdagi PQ-278-son qaroriga 3-ILOVA
Muhandislik maktablarini 2026 — 2028-yillarda kapital taʼmirlash, rekonstruksiya qilish, jihozlash va obodonlashtirish boʻyicha
T/r Hudud nomi Qurilish-taʼmirlash ishlari amalga oshiriladigan muassasalar nomi Quvvati Jami 2026 — 2028-yillarda shu jumladan: 2026-yilda 2027-yilda 2028-yilda Jami: 7 980 14 2 7 5 1. Qoraqalpogʻiston Respublikasi Nukus shahridagi muhandislik maktabi 360 1 1 2. Andijon viloyati Andijon shahridagi muhandislik maktabi 900 1 1 3. Buxoro viloyati Buxoro shahridagi muhandislik maktabi 825 1 1 4. Jizzax viloyati Jizzax shahridagi muhandislik maktabi 525 1 1 5. Qashqadaryo viloyati Qarshi shahridagi muhandislik maktabi 450 1 1 6. Navoiy viloyati Navoiy shahridagi muhandislik maktabi 600 1 1 7. Namangan viloyati Namangan shahridagi muhandislik maktabi 820 1 1 8. Samarqand viloyati Samarqand shahridagi muhandislik maktabi 600 1 1 9. Sirdaryo viloyati Mirzaobod tumanidagi muhandislik maktabi 540 1 1 10. Surxondaryo viloyati Jarqoʻrgʻon tumanidagi muhandislik maktabi 720 1 1 11. Toshkent viloyati Angren shahridagi muhandislik maktabi 450 1 1 12. Fargʻona viloyati Fargʻona shahridagi muhandislik maktabi 450 1 1 13. Xorazm viloyati Urganch shahridagi muhandislik maktabi 540 1 1 14. Toshkent shahri Mirzo Ulugʻbek nomidagi ixtisoslashtirilgan maktab * 200 1 1
Oʻzbekiston Respublikasi Prezidentining 2025-yil 8-sentabrdagi PQ-278-son qaroriga 4-ILOVA
Oʻzbekiston Respublikasi Prezidenti sovrini uchun “Ilgʻor muhandislik maktabi” milliy tanlovi gʻoliblarini ragʻbatlantirish
(bazaviy hisoblash miqdorida) T/r Bosqich 1-oʻrin 2-oʻrin 3-oʻrin 1. Tuman (shahar) 200 150 100 2. Qoraqalpogʻiston Respublikasi, viloyatlar va Toshkent shahri 300 250 200 3. Respublika 600 450 300
Oʻzbekiston Respublikasi Prezidentining 2025-yil 8-sentabrdagi PQ-278-son qaroriga 5-ILOVA
“Oʻzbekiston — ilgʻor muhandislar mamlakati” tashabbusini amalga oshirish boʻyicha
T/r Chora-tadbirlar nomi Amalga oshirish shakli Ijro muddati Moliyalashtirish manbalari Masʼul ijrochilar I. Muhandislik maktablari tarmogʻini tashkil etish 1. Negizida muhandislik maktablari tashkil etilishi reja qilingan oʻrta maxsus va kasbiy taʼlim tashkilotlari balansida boʻlgan bino va inshootlarni Ixtisoslashtirilgan taʼlim muassasalari agentligi (keyingi oʻrinlarda — Agentlik) tasarrufiga oʻtkazish hamda Agentlik tizimida muhandislik maktablarini tashkil etish. Bunda: muhandislik maktablari ustavini tasdiqlash; muhandislik maktablarini davlat roʻyxatidan oʻtkazish choralarini koʻrish. Idoraviy hujjat loyihasi 2026-yil mart - Oliy taʼlim, fan va innovatsiyalar vazirligi, Maktabgacha va maktab taʼlimi vazirligi, Qoraqalpogʻiston Respublikasi Vazirlar Kengashi va viloyatlar hokimliklari 2. Muhandislik maktablarining ijobiy imijini yaratish va pulli taʼlim xizmatlarini koʻrsatish hajmini oshirishga qaratilgan muhandislik maktablari tarmogʻining marketing strategiyasini tasdiqlash hamda strategiya asosida targʻibot-tashviqot ishlarini tashkil etish. Idoraviy hujjat loyihasi va kompleks chora-tadbirlar 2026-yil aprel Maktabgacha va maktab taʼlimi vazirligining budjetdan tashqari mablagʻlari va Agentlik huzuridagi jamgʻarma mablagʻlari Maktabgacha va maktab taʼlimi vazirligi 3. Muhandislik maktablarining maʼmuriy boshqaruv, oʻquv-yordamchi xodimlarining lavozim majburiyatlarini ishlab chiqish. Bunda akademik direktor, ijrochi direktor va sanoat bilan aloqalar menejeri lavozimlarini inobatga olish. Mazkur lavozimlarni tanlov asosida yuqori malakali kadrlar bilan toʻldirish choralarini koʻrish. Tashkiliy chora-tadbirlar 2026-yil iyul-avgust - Maktabgacha va maktab taʼlimi vazirligi 4. Muhandislik maktablarining taʼlim dasturini ishlab chiqish va amaliyotga joriy etish. Tashkiliy chora-tadbirlar 2026-yil iyun - Maktabgacha va maktab taʼlimi vazirligi, Oliy taʼlim, fan va innovatsiyalar vazirligi 5. Muhandislik maktablari oʻquvchilarining amaliyot oʻtash tartibini ishlab chiqish va tasdiqlash. Tashkiliy chora-tadbirlar 2026-yil dekabr - Maktabgacha va maktab taʼlimi vazirligi hamda masʼul vazirlik va idoralar 6. Akademik direktor, ijrochi direktor va sanoat bilan aloqalar menejeri faoliyatining eng muhim samaradorlik koʻrsatkichi asosida bir martalik ragʻbatlantirish mexanizmlarini joriy etish. Bunda: bitiruvchilarning 100 foizi biriktirilgan oliy taʼlim tashkilotining muhandislik yoʻnalishida oʻqishni davom ettirganda — bazaviy hisoblash miqdori (BHM)ning 100 baravari; bitiruvchilarning 75 foizi biriktirilgan oliy taʼlim tashkilotining muhandislik yoʻnalishida oʻqishni davom ettirganda — BHMning 75 baravari; bitiruvchilarning 50 foizi va undan yuqorisi biriktirilgan oliy taʼlim tashkilotining muhandislik yoʻnalishida oʻqishni davom ettirganda — BHMning 50 baravari miqdorida ragʻbatlantirishni nazarda tutish. Normativ-huquqiy hujjat loyihasi 2026-yil dekabr Davlat budjeti mablagʻlari Maktabgacha va maktab taʼlimi vazirligi 7. Muhandislik maktablarini kapital taʼmirlash, rekonstruksiya qilish va jihozlash ishlarini 2026 — 2028-yillardagi ijtimoiy va ishlab chiqarish infratuzilmasini rivojlantirish dasturiga kiritish choralarini koʻrish. Normativ-huquqiy hujjat loyihasi 2026 — 2028-yillar davomida Davlat budjeti mablagʻlari Maktabgacha va maktab taʼlimi vazirligi, Iqtisodiyot va moliya vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari II. Oʻzbekiston Respublikasi Prezidenti sovrini uchun “Ilgʻor muhandislik maktabi” milliy tanlovini tashkil etish 8. Oʻzbekiston Respublikasi Prezidenti sovrini uchun “Ilgʻor muhandislik maktabi” milliy tanlovini oʻtkazish tartibini ishlab chiqish va tasdiqlash. Bunda: tanlov ishtirokchilarini moddiy ragʻbatlantirish; tanlovning respublika bosqichi gʻoliblari uchun xorijiy davlatlarga taʼlim sayohatini tashkil etish; innovatsion texnopark tashkil etish uchun 1 mlrd soʻm miqdorida mablagʻ ajratishni nazarda tutish. Normativ-huquqiy hujjat loyihasi 2025-yil dekabr Davlat budjeti mablagʻlari Maktabgacha va maktab taʼlimi vazirligi 9. Innovatsion texnoparkning namunaviy loyihasini ishlab chiqish va tasdiqlash. Tashkiliy chora-tadbirlar 2026-yil dekabr Davlat budjeti mablagʻlari Maktabgacha va maktab taʼlimi vazirligi, Qurilish va uy-joy kommunal xoʻjaligi vazirligi, Raqamli texnologiyalar vazirligi
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 8-sentabr,
PQ-278-son
Президента Республики Узбекистан
Постановление
О мерах по подготовке инженеров нового поколения и развитию инженерного образования
В целях внедрения инженерного направления в школьное образование в качестве приоритетного, повышения качества образования в данной сфере и привлечения квалифицированных педагогов к образовательному процессу постановляю:
I. Основная цель
1. Определить основной целью настоящего постановления реализацию инициативы «Узбекистан — страна передовых инженеров» посредством развития инженерного образования, предусматривающей:
(а) создание сети инженерных школ в стране, основанных на подготовке инженерных кадров нового поколения и тесной интеграции высших образовательных организаций с промышленностью;
(б) формирование конкурентной среды между общими средними образовательными организациями (далее — общеобразовательные школы) по преподаванию инженерных дисциплин на республиканском уровне, а также внедрение системы стимулирования общеобразовательных школ.
II. Организация сети инженерных школ и внедрение программы инженерного образования
2. Создать в системе Агентства специализированных образовательных учреждений (далее — Агентство) инженерные школы на базе организаций среднего специального и профессионального образования, деятельность которых прекращается в соответствии с приложением № 1 * , исходя из опыта Университета «Новый Узбекистан» и специализированной школы имени Мирзо Улугбека.
3. Установить, что:
(а) поэтапно с 2026/2027 учебного года отбор и прием учащихся в инженерные школы осуществляются в порядке, установленном для специализированных школ системы Агентства. Количество учащихся в одном классе не должно превышать 24 человек, при этом:
(i) в первый учебный год, в порядке исключения, прием осуществляется в 7 — 10-е классы, начиная со второго учебного года — в 7-й класс из числа выпускников 6-х классов общеобразовательных школ;
(ii) общее предельное количество учащихся, обучающихся в инженерных школах за счет средств Государственного бюджета, устанавливается в размере 240 человек;
(iii) инженерным школам предоставляется право, исходя из своих возможностей, оказывать платные образовательные услуги, включая открытие дополнительных классов и установление размеров платы за обучение;
(б) в инженерных школах на основе опыта Университета «Новый Узбекистан» и специализированной школы имени Мирзо Улугбека внедряется программа инженерного образования, интегрированная с высшими образовательными организациями, осуществляющими подготовку инженерных кадров (далее — инженерные вузы), предусматривающая:
(i) организацию учебного процесса на основе 5-летней программы по модели STEM, при этом в первые 3 года особое внимание уделяется изучению физики, математики и иностранных языков, а в последующие 2 года — начальной подготовке по инженерным дисциплинам;
(ii) интеграцию учебных планов 10-11-х классов инженерной школы и 1-го курса соответствующего направления образования инженерных вузов. При этом учащиеся дополнительно обучаются дисциплинам, относящимся к учебному плану инженерных вузов (далее — дисциплины высшего образования);
(iii) организацию преподавания дисциплин высшего образования на основе кредитно-модульной системы и признание академических показателей (Academic Performance) по данным дисциплинам в установленном порядке;
(в) внедрение программы инженерного образования в инженерных школах осуществляется инженерными вузами, указанными в приложении № 2 * . При этом:
(i) для внедрения программы инженерного образования и оказания методической помощи инженерным вузам и инженерным школам в качестве базового вуза и базовой школы определяются соответственно Университет «Новый Узбекистан» и специализированная школа имени Мирзо Улугбека;
(ii) направления образования, интегрируемые в рамках программ инженерного образования, определяются инженерным вузом самостоятельно;
(iii) дисциплины высшего образования преподаются профессорско-преподавательским составом инженерного вуза, а все расходы, связанные с этим процессом, покрываются за счет внебюджетных средств данного инженерного вуза;
(г) выпускникам инженерных школ, выполнившим следующие требования, предоставляется право продолжить обучение по программе инженерного образования в соответствующем направлении образования со второго курса, без прохождения тестовых испытаний и дополнительных экзаменов, на основании одногодичного дополнительного государственного гранта:
(i) набрать не менее 1 300 баллов по международной экзаменационной системе Scholastic Assessment Test (SAT) либо в зависимости от направления образования инженерного вуза иметь сертификат государственного образца не ниже уровня «B2» по одному из предметов — математика, физика или химия, выданный Агентством по оценке знаний и квалификаций;
(ii) достичь академических показателей (Academic Performance) по дисциплинам высшего образования в соответствии с установленными требованиями.
При этом с последующего учебного года предоставление государственного гранта будет продолжено по системе перераспределения на дифференцированной основе в порядке, установленном актами законодательства;
(д) для учащихся 11-х классов инженерных школ вводится обязательная двухмесячная производственная практика (стажировка). При этом учащийся должен проходить практику (стажировку) на производственном предприятии по соответствующему направлению образования, по которому он обучается в рамках программы инженерного образования;
(ж) работы по капитальному ремонту, реконструкции, оснащению и благоустройству зданий инженерных школ финансируются в рамках Программы развития социальной и производственной инфраструктуры Республики Узбекистан на 2026 — 2028 годы в соответствии с приложением № 3 * .
III. Организация деятельности инженерных школ
4. Ввести в инженерных школах следующие руководящие должности:
(а) академический директор по организации и управлению учебным процессом;
(б) исполнительный директор по координации административно-финансовой деятельности;
(в) менеджер по связям с промышленностью по обеспечению тесного сотрудничества инженерных школ с отраслевыми предприятиями.
5. Установить, что:
(а) должность академического директора предусматривается в штатном расписании инженерного вуза и назначается директором данного вуза по согласованию с Агентством;
(б) в части условий оплаты труда и материального стимулирования:
(i) академический директор приравнивается к декану инженерного вуза;
(ii) менеджер по связям с промышленностью — к заместителю директора региональной специализированной школы в системе Агентства;
(iii) все остальные административно-управленческие, педагогические, учебно-вспомогательные, технические и обслуживающие работники — к соответствующим работникам региональной специализированной школы в системе Агентства;
(в) основным критерием эффективности деятельности академического директора, исполнительного директора и менеджера по связям с промышленностью является показатель продолжения обучения выпускниками-учащимися со второго курса инженерного вуза в установленном порядке, при этом вводятся механизмы единовременного стимулирования;
(г) расходы по содержанию инженерных школ осуществляются за счет средств Государственного бюджета.
IV. Национальный конкурс «Передовая инженерная школа» на приз Президента Республики Узбекистан
6. Проводить начиная с 1 января 2026 года ежегодно среди общеобразовательных школ Национальный конкурс «Передовая инженерная школа» на приз Президента Республики Узбекистан (далее — Конкурс).
7. Определить основными целями Конкурса:
(а) создание конкурентной среды и стремления к новаторству среди общеобразовательных школ при преподавании предметов STEM;
(б) содействие повышению эффективности и качества образовательного процесса по предметам STEM в общеобразовательных школах;
(в) усиление интереса и стремления педагогов-преподавателей к преподаванию предметов STEM.
8. Установить, что:
(а) Конкурс проводится в 3 этапа — на районном (городском), уровне Республики Каракалпакстан, областей и города Ташкента, а также на республиканском уровне;
(б) по итогам Конкурса его победители поощряются в следующем порядке:
(i) материальное стимулирование победителей Конкурса в соответствии с приложением № 4 * ;
(ii) организация для победителей республиканского этапа Конкурса образовательной поездки в зарубежные государства;
(iii) предоставление школе, занявшей 1-е место на республиканском этапе Конкурса, средств в размере 1 миллиарда сумов за счет Государственного бюджета на создание инновационного технопарка, включающего в себя комплекс инженерных лабораторий.
При этом в школах, имеющих инновационный технопарк, вводится должность лаборанта в 1 штатную единицу, приравненная по условиям оплаты труда и материального стимулирования к должности учителя физики.
V. Организация, обеспечение и контроль исполнения постановления
9. Утвердить «Дорожную карту» по реализации инициативы «Узбекистан — страна передовых инженеров» согласно приложению № 5 * .
10. Расходы, связанные с реализацией мероприятий, предусмотренных настоящим постановлением, начиная с 2026 года ежегодно предусматриваются в параметрах Государственного бюджета за счет средств, высвобождаемых в результате прекращения деятельности организаций среднего специального и профессионального образования, на базе которых создаются инженерные школы.
11. Министерству дошкольного и школьного образования, Министерству высшего образования, науки и инноваций в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
12. Возложить на министра дошкольного и школьного образования Э.Г. Каримову и министра высшего образования, науки и инноваций К.А. Шарипова персональную ответственность за эффективную организацию исполнения настоящего постановления.
13. Контроль за исполнением настоящего постановления возложить на Премьер-министра Республики Узбекистан А.Н. Арипова и заместителя руководителя Администрации Президента Республики Узбекистан Х.У. Умарову.
Президент Республики Узбекистан Ш. МИРЗИЁЕВ
г. Ташкент,
8 сентября 2025 г.,
№ ПП-278