📅 2025-yil 19-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 19 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 19 сентября 2025 г. · Постановления Президента
Официальный текст. Официальный документ. Редакционные примечания не включены.
📅 19 September 2025 · Presidential resolutions
Official text. Official document. Editorial notes are not included.
Ўзбекистон Республикаси ПРЕЗИДЕНТИНИНГ
ҚАРОРИ
«ЙЎЛ ХАРИТАСИ»
Коррупцияга қарши курашиш соҳасида фуқаролик жамияти институтларининг иштирокини янада кенгайтириш ва илмий тадқиқотларни қўллаб-қувватлаш чора-тадбирлари тўғрисида
Жамиятда коррупция ҳолатларига сабаб бўлаётган омилларни аниқлаш ва илмий жиҳатдан тадқиқ этиш, коррупциянинг олдини олиш ва унга қарши курашиш соҳасида фуқаролик жамияти институтларининг иштирокини янада кенгайтириш, Бирлашган Миллатлар Ташкилотининг Коррупцияга қарши конвенцияси қоидаларини ҳамда БМТ Глобал кун тартибининг Барқарор ривожланиш мақсадларини изчил амалга ошириш, шунингдек, 2025 йил 5 март куни Коррупцияга қарши курашиш бўйича миллий кенгашнинг кенгайтирилган йиғилишида белгиланган устувор вазифалар ижросини таъминлаш мақсадида қарор қиламан:
I. Устувор вазифалар
1. Қуйидагилар коррупцияга қарши курашишни илмий асосда ташкил этиш, соҳада фуқаролик жамияти институтлари иштирокини янада кенгайтириш ва илмий тадқиқотларни қўллаб-қувватлашнинг устувор вазифалари этиб белгилансин:
(а) коррупцияга қарши курашиш фаолиятида илмий ташкилотлар ва фуқаролик жамияти институтларининг ролини ошириш;
(б) коррупцияга қарши курашиш ишларининг натижадорлиги ва самарадорлигини ҳар бир соҳа ва ҳудуд кесимида таҳлил қилиш тизимини жорий этиш;
(в) коррупцияга қарши курашиш соҳасидаги тадқиқотларга маҳаллий ва хорижий етакчи олий таълим ҳамда илмий-тадқиқот ташкилотларини кенг жалб этиш, қўшма илмий тадқиқотлар олиб бориш, илғор тажриба алмашиш борасида ҳамкорликни йўлга қўйиш;
(г) коррупцияга қарши курашишнинг энг долзарб масалалари бўйича комплекс социологик, илмий ва амалий тадқиқотларни тизимли асосда, шу жумладан, миллий ва халқаро грантларни жалб этган ҳолда амалга ошириш;
(д) коррупцияга қарши курашиш соҳасидаги тадқиқотлар натижаларини ўрганиш, таҳлил қилиш ва уларнинг амалиётга жорий этилишига кўмаклашиш, соҳада фаолият юритувчи олимлар, экспертлар ва тадқиқотчилар фаолиятини илмий-услубий таъминлаш.
II. Асосий чора-тадбирлар
2. Коррупцияга қарши курашишда фуқаролик жамияти институтларининг иштирокини янада кенгайтиришга қаратилган қуйидагиларни назарда тутувчи янги тартиб жорий этилсин:
(а) БМТнинг Коррупцияга қарши конвенцияси қоидаларининг бажарилишини мониторинг қилишга нодавлат нотижорат ташкилотларни жалб этиб, улар томонидан муқобил баҳолаш тизимини йўлга қўйиш;
(б) нодавлат нотижорат ташкилотларнинг коррупцияга қарши курашиш йўналишидаги лойиҳаларига ҳар йили 10 млрд сўм миқдорида грантлар ажратиш ва ижтимоий буюртмалар бериш.
Бунда ушбу мақсадлар учун маблағлар Олий Мажлис ҳузуридаги Фуқаролик жамияти институтларини қўллаб-қувватлаш жамоат фондига ажратилган маблағларнинг йил давомида иқтисод қилинган қисми ҳамда коррупцияга қарши курашиш ишларининг самарадорлиги Коррупцияга қарши курашиш агентлиги (кейинги ўринларда — Агентлик) томонидан ташкил этиладиган рейтинг баҳолаш натижаларига кўра «қониқарсиз» деб топилган давлат органлари ва ташкилотларининг бюджетдан ташқари маблағлари ҳисобидан ажратиб борилади;
(в) Агентликнинг ижтимоий буюртмаси асосида соҳалар ва ҳудудлар кесимида маиший коррупция ҳолатларини келтириб чиқарадиган омиллар ва унга фуқароларнинг муносабатини ўрганиш мақсадида ижтимоий сўровлар ўтказиш.
3. Белгилансинки, Агентлик:
(а) нодавлат нотижорат ташкилотлар учун коррупцияга қарши курашишда фуқаролик жамияти институтлари иштирокини янада кенгайтиришнинг устувор вазифалари доирасида тизимли равишда тренинглар ташкил этади, улар билан ҳамкорликда лойиҳаларни амалга оширади;
(б) ҳар йили 1 апрелга қадар Коррупцияга қарши курашиш бўйича миллий кенгашга (кейинги ўринларда — Миллий кенгаш) қуйидагиларни киритиб боради:
(i) нодавлат нотижорат ташкилотларнинг коррупцияга қарши курашиш йўналишидаги лойиҳалари ва уларни тегишли давлат органлари ва ташкилотлари томонидан молиялаштириш юзасидан таклифлар;
(ii) коррупцияга қарши курашишда фуқаролик жамияти институтларининг иштироки, жумладан, уларнинг давлат органлари ва ташкилотлари билан ҳамкорлиги, соҳага оид норматив-ҳуқуқий ҳужжатлар лойиҳалари ишлаб чиқилишида таклиф ва ташаббуслари, шунингдек, улар томонидан амалга оширилган лойиҳалар, тадқиқотлар ва ўрганишлар тўғрисида ахборот.
4. Ўзбекистон нодавлат нотижорат ташкилотлари миллий ассоциацияси, «Юксалиш» ҳаракати ва «Ижтимоий фикр» республика жамоатчилик фикрини ўрганиш марказининг улар муассислигида муассаса шаклидаги «Коррупцияга қарши курашиш муаммолари бўйича минтақавий тадқиқот маркази» нодавлат нотижорат ташкилотини (кейинги ўринларда — Марказ) ташкил этиш ва унинг асосий вазифалари этиб қуйидагиларни белгилаш ҳақидаги ташаббуси қўллаб-қувватлансин:
(а) аҳолининг, айниқса, ёшларнинг, фуқаролик жамияти институтларининг коррупцияга қарши курашишдаги фаоллигини ошириш, жамиятда ушбу иллатга қарши муросасиз муносабатни шакллантириш масалаларини тадқиқ этиш;
(б) давлат ва жамият ҳаётининг барча соҳаларида ҳалоллик стандартларини жорий этишга кўмаклашиш, давлат органлари ҳамда бошқа ташкилотларга илмий-услубий ёрдам кўрсатиш;
(в) халқаро ва минтақавий долзарб аҳамиятга эга бўлган коррупцияга қарши курашиш муаммоларини, коррупциянинг, шу жумладан, маиший коррупциянинг ҳолатини, хусусиятини, миқёсларини, ўзгаришларини ҳамда уни келтириб чиқараётган асосий омилларни комплекс ўрганиш ва тадқиқ қилиш;
(г) коррупциянинг олдини олиш ҳамда коррупциявий хавф-хатарларни камайтиришга қаратилган илмий-амалий таклифларни ишлаб чиқиш, Ўзбекистоннинг коррупцияга қарши курашишга оид халқаро рейтингларда муносиб ўрин эгаллаши учун амалий чоралар кўриш;
(д) коррупцияга қарши курашиш муаммоларини тадқиқ этишда маҳаллий ва хорижий экспертлар ҳамкорлигини йўлга қўйиш;
(ж) коррупцияга қарши курашиш соҳасида хорижий давлатларнинг қонунчилиги ҳамда ҳуқуқни қўллаш амалиёти, шу жумладан, илғор тажрибасини жорий этиш самарадорлигини прогноз қилиш, бу борада тегишли таклиф ва тавсиялар ишлаб чиқиш;
(з) Ўзбекистон Республикаси томонидан БМТнинг Коррупцияга қарши конвенцияси ва коррупцияга қарши курашиш соҳасидаги бошқа халқаро шартномалар қоидаларининг бажарилиши юзасидан ўрганишлар ўтказиш ҳамда муқобил ҳисоботларни тайёрлаш.
5. Коррупцияга қарши курашиш соҳасида фуқаролик жамияти институтларининг иштирокини янада кенгайтириш ва Коррупцияга қарши курашиш муаммолари бўйича минтақавий тадқиқот марказининг фаолиятини самарали ташкил этиш юзасидан «йўл харитаси» иловага мувофиқ тасдиқлансин.
Миллий кенгаш «йўл харитаси»да белгиланган чора-тадбирларнинг ўз вақтида ва самарали амалга оширилиши устидан тизимли назорат ўрнатсин.
III. Қарор ижросини ташкил этиш, таъминлаш ва назорат қилиш
6. Агентлик:
(а) коррупцияга қарши курашиш масалаларини тадқиқ этиш соҳасида олий таълим ва илмий-тадқиқот муассасаларининг Марказ билан яқин ҳамкорлиги ўрнатилишига кўмаклашсин;
(б) Ўзбекистон Республикасида коррупцияга қарши курашиш тўғрисидаги ҳар йилги миллий маърузани тайёрлашда Марказ томонидан ўтказилган ўрганишлар ва таҳлилларнинг натижаларидан фойдалансин.
7. Ташқи ишлар вазирлиги ва Агентлик:
(а) Марказга хорижий тадқиқот муассасалари билан яқин ҳамкорликни йўлга қўйишда, тажриба алмашиш ҳамда замонавий услуб ва ёндашувлар асосида коррупцияга қарши курашиш муаммоларини ўрганишни ташкил этиш ва таҳлил қилиш кўникмаларини такомиллаштириш учун уларнинг малакали мутахассисларини жалб этишда;
(б) Марказ фаолиятига жалб этиладиган хорижий мутахассисларга ўрнатилган тартибда кириш визаларини расмийлаштиришда кўмаклашсин.
8. Белгилансинки, Марказ Ўзбекистон Республикаси Миллий статистика қўмитаси ҳамда бошқа вазирлик ва идоралардан коррупцияга қарши курашишга оид статистик ва бошқа таҳлилий маълумотларни сўраб олиши мумкин, давлат сирлари ёки қонун билан қўриқланадиган бошқа сирни ташкил этувчи маълумотлар бундан мустасно.
9. Миллий кенгаш:
(а) коррупцияга қарши курашишда фуқаролик жамияти институтлари ва жамоатчилик вакиллари билан яқин ҳамкорликни йўлга қўйиб, уларнинг имкониятларидан кенг фойдаланишга алоҳида эътибор қаратсин;
(б) ҳар йили нодавлат нотижорат ташкилотларнинг коррупцияга қарши курашиш йўналишидаги лойиҳалари ва уларни тегишли давлат органлари ва ташкилотлари томонидан молиялаштириш дастурларини тасдиқлаб, уларнинг ижросини таъминласин;
(в) фуқаролик жамияти институтлари ва Марказ томонидан коррупцияга қарши курашиш муаммолари бўйича ўтказилган ўрганишлар ҳамда тадқиқотларнинг натижаларини вазирлик ва идоралар масъуллари иштирокида мунтазам равишда муҳокама қилиб борсин.
10. Ўзбекистон Миллий ахборот агентлиги Ўзбекистон Миллий телерадиокомпанияси билан биргаликда фуқаролик жамияти институтлари ҳамда Марказ томонидан ўтказилган ўрганишлар ва таҳлиллар натижалари оммавий ахборот воситаларида кенг ёритилишини ташкил этиб борсин.
11. Марказ Тошкент шаҳри, Яккасарой тумани, Шота Руставели кўчаси, 8а-уй манзилидаги бинога текин фойдаланиш ҳуқуқи асосида жойлаштирилсин.
12. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2025 йил 19 сентябрдаги ПҚ-288-сон қарорига ИЛОВА
Коррупцияга қарши курашиш соҳасида фуқаролик жамияти институтларининг иштирокини янада кенгайтириш ва Коррупцияга қарши курашиш муаммолари бўйича минтақавий тадқиқот марказининг фаолиятини самарали ташкил этиш юзасидан
Т/р Чора-тадбир номи Амалга ошириш шакли Ижро муддати Молиялаштириш манбалари Масъул ижрочилар I. Коррупцияга қарши курашиш соҳасида фуқаролик жамияти институтларининг иштирокини янада кенгайтириш 1. Коррупцияга қарши курашиш соҳасида фуқаролик жамияти институтлари иштирокини кенгайтиришнинг устувор вазифалари доирасида ҳар йили 10 млрд сўм миқдорида грантлар ажратиш ва ижтимоий буюртмалар бериб бориш ҳамда бу борада алоҳида танловлар ўтказиш. Амалий чора-тадбирлар 2025 йилдан бошлаб доимий Фуқаролик жамияти институтларини қўллаб-қувватлаш жамоат фонди маблағлари, тегишли вазирлик ва идораларнинг бюджетдан ташқари маблағлари Олий Мажлис ҳузуридаги Фуқаролик жамияти институтларини қўллаб-қувватлаш жамоат фонди маблағларини бошқариш бўйича парламент комиссияси, Коррупцияга қарши курашиш агентлиги (А. Бурханов) манфаатдор вазирлик ва идоралар, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари 2. Эълон қилинадиган давлат грантларини ажратиш учун танловларга мунтазам равишда коррупцияга қарши курашиш йўналишидаги мавзуларни киритиш. Амалий чора-тадбирлар 2025 йилдан бошлаб доимий - Олий Мажлис ҳузуридаги Фуқаролик жамияти институтларини қўллаб-қувватлаш жамоат фондининг Қорақалпоғистон Республикаси, вилоятлар ва Тошкент шаҳридаги бўлинмалари, Коррупцияга қарши курашиш агентлиги (А. Бурханов) 3. 1. Фуқаролик жамияти институтларининг лойиҳалари ва ташаббусларини амалга ошириш орқали ҳар бир ҳудуд ва соҳа кесимида маиший коррупция ҳолатларини келтириб чиқарадиган омилларни бартараф қилишга қаратилган «Навоий тажрибаси»ни яратиш. Бунда: Коррупцияга қарши курашиш агентлигининг ижтимоий буюртмаси асосида маиший коррупция ҳолатларини келтириб чиқарадиган омилларни ва унга жамоатчиликнинг муносабатини ўрганиш мақсадида ижтимоий сўровлар ўтказиш; ижтимоий сўровлар натижаси бўйича тегишли лойиҳа ва ташаббусларни амалга ошириш ҳамда қонунчиликни такомиллаштириш бўйича таклифлар ишлаб чиқиш. Амалий чора-тадбирлар 2025 йил якунига қадар Фуқаролик жамияти институтларини қўллаб-қувватлаш жамоат фонди маблағлари, Коррупцияга қарши курашиш агентлигининг бюджетдан ташқари маблағлари Коррупцияга қарши курашиш бўйича миллий кенгаш (Т. Нарбаева) , Коррупцияга қарши курашиш агентлиги (А. Бурханов), Олий Мажлис ҳузуридаги Фуқаролик жамияти институтларини қўллаб-қувватлаш жамоат фонди маблағларини бошқариш бўйича парламент комиссияси, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари, манфаатдор вазирлик ва идоралар 2. «Навоий тажрибаси» бўйича эришилган ижобий натижаларни Коррупцияга қарши курашиш бўйича миллий кенгашда муҳокама қилиш ва уни бошқа ҳудудларда татбиқ қилиш масаласини кўриб чиқиш. 2026 йил январь II. Коррупцияга қарши курашиш муаммолари бўйича минтақавий тадқиқот марказини ташкил этиш 4. Коррупцияга қарши курашиш муаммолари бўйича минтақавий тадқиқот марказини ташкил этиш билан боғлиқ тегишли ҳужжатларни ишлаб чиқиш. Идоравий ҳужжат 2025 йил сентябрь - Ўзбекистон нодавлат нотижорат ташкилотлари миллий ассоциацияси (Н. Ишанходжаев) , «Юксалиш» ҳаракати (Б. Бекмуродов) , «Ижтимоий фикр» республика жамоатчилик фикрини ўрганиш маркази (Н. Рахимова), Коррупцияга қарши курашиш агентлиги (А. Бурханов) 5. Муассаса шаклидаги «Коррупцияга қарши курашиш муаммолари бўйича минтақавий тадқиқот маркази» нодавлат нотижорат ташкилоти (кейинги ўринларда — Марказ)ни давлат рўйхатидан ўтказиш. Ташкилий чора-тадбирлар 2025 йил сентябрь - Коррупцияга қарши курашиш агентлиги (А. Бурханов) , Адлия вазирлиги (А. Ташкулов) III. Марказ фаолиятини услубий ва амалий жиҳатдан қўллаб-қувватлаш 6. Марказга коррупцияга қарши курашиш муаммоларига оид тадқиқотларнинг натижаларини эълон қилиб бориш учун илмий-амалий журнални таъсис этишга ёрдам кўрсатиш. Ташкилий чора-тадбирлар 2025 йил ноябрь Халқаро донорларнинг техник кўмак маблағлари Коррупцияга қарши курашиш агентлиги (А. Бурханов), манфаатдор вазирлик ва идоралар 7. Коррупцияга қарши курашиш муаммоларига оид журнални докторлик диссертациялари асосий илмий натижаларини нашр қилиш тавсия этилган илмий нашрлар рўйхатига киритишга кўмаклашиш. Ташкилий чора-тадбирлар 2025 йил ноябрь - Олий таълим, фан ва инновациялар вазирлиги ҳузуридаги Олий аттестация комиссияси (А. Юсупов) 8. Марказ билан биргаликда мансабдорлик ва маиший коррупцияни келтириб чиқарувчи омилларни таҳлил қилиш, уларнинг олдини олиш бўйича илмий асосланган таклифлар ишлаб чиқиб, амалиётга жорий қилиб бориш. Амалий чора-тадбирлар Доимий - Бош прокуратура (Н. Йўлдошев) , Давлат хавфсизлик хизмати (Б. Курбанов), Ички ишлар вазирлиги (А. Ташпулатов), Адлия вазирлиги (А. Ташкулов), Коррупцияга қарши курашиш агентлиги (А. Бурханов) 9. Марказ томонидан ўтказилган ўрганишлар ва таҳлилларнинг натижалари оммавий ахборот воситаларида эълон қилиниши ва муҳокамасини ташкиллаштиришга кўмаклашиш. Ташкилий чора-тадбирлар Доимий - Ўзбекистон Миллий ахборот агентлиги (А. Кўчимов) , Ўзбекистон Миллий телерадиокомпанияси (А. Жўрабоев) 10. Аҳоли ўртасида коррупцияга нисбатан муросасиз муносабатни шакллантиришга қаратилган тарғибот тадбирлари оммавий ахборот воситалари, шу жумладан, Интернет тармоғи орқали кенг ёритилишини таъминлаш. Ташкилий чора-тадбирлар Доимий Халқаро донорларнинг техник кўмак маблағлари Коррупцияга қарши курашиш агентлиги (А. Бурханов), Ўзбекистон Миллий ахборот агентлиги (А. Кўчимов) , Ўзбекистон Миллий телерадиокомпанияси (А. Жўрабоев ) IV. Марказнинг моддий-техник базасини мустаҳкамлаш 11. Марказнинг фаолиятини қўллаб-қувватлаш, янги тадқиқот лойиҳаларини амалга ошириш, унинг интеллектуал таҳлилий салоҳиятини ривожлантириш мақсадида халқаро донорлар, шу жумладан, Европа Иттифоқи ва БМТ Тараққиёт дастурини жалб қилиш чораларини кўриш. Ташкилий чора-тадбирлар 2025 йил сентябрдан бошлаб доимий - Коррупцияга қарши курашиш агентлиги (А. Бурханов) , Инвестициялар, саноат ва савдо вазирлиги (Л. Кудратов) 12. Марказни зарур мебель жиҳозлари, компьютер техникаси ва бошқа моддий-техник воситалар билан таъминлаш. Ташкилий чора-тадбирлар 2025 йил октябрь Халқаро донорларнинг техник кўмак маблағлари Коррупцияга қарши курашиш агентлиги (А. Бурханов) 13. Марказни Тошкент шаҳри, Яккасарой тумани, Шота Руставели кўчаси, 8а-уй манзилидаги бинога текин фойдаланиш ҳуқуқи асосида жойлаштириш. Ташкилий чора-тадбирлар 2025 йил октябрь - Давлат активларини бошқариш агентлиги (А. Ортиков) , Коррупцияга қарши курашиш агентлиги (А. Бурханов)
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 19 сентябрь,
ПҚ- 288 -сон
Oʻzbekiston Respublikasi PREZIDENTINING
QARORI
“YOʻL XARITASI”
Korrupsiyaga qarshi kurashish sohasida fuqarolik jamiyati institutlarining ishtirokini yanada kengaytirish va ilmiy tadqiqotlarni qoʻllab-quvvatlash chora-tadbirlari toʻgʻrisida
Jamiyatda korrupsiya holatlariga sabab boʻlayotgan omillarni aniqlash va ilmiy jihatdan tadqiq etish, korrupsiyaning oldini olish va unga qarshi kurashish sohasida fuqarolik jamiyati institutlarining ishtirokini yanada kengaytirish, Birlashgan Millatlar Tashkilotining Korrupsiyaga qarshi konvensiyasi qoidalarini hamda BMT Global kun tartibining Barqaror rivojlanish maqsadlarini izchil amalga oshirish, shuningdek, 2025-yil 5-mart kuni Korrupsiyaga qarshi kurashish boʻyicha milliy kengashning kengaytirilgan yigʻilishida belgilangan ustuvor vazifalar ijrosini taʼminlash maqsadida qaror qilaman:
I. Ustuvor vazifalar
1. Quyidagilar korrupsiyaga qarshi kurashishni ilmiy asosda tashkil etish, sohada fuqarolik jamiyati institutlari ishtirokini yanada kengaytirish va ilmiy tadqiqotlarni qoʻllab-quvvatlashning ustuvor vazifalari etib belgilansin:
(a) korrupsiyaga qarshi kurashish faoliyatida ilmiy tashkilotlar va fuqarolik jamiyati institutlarining rolini oshirish;
(b) korrupsiyaga qarshi kurashish ishlarining natijadorligi va samaradorligini har bir soha va hudud kesimida tahlil qilish tizimini joriy etish;
(v) korrupsiyaga qarshi kurashish sohasidagi tadqiqotlarga mahalliy va xorijiy yetakchi oliy taʼlim hamda ilmiy-tadqiqot tashkilotlarini keng jalb etish, qoʻshma ilmiy tadqiqotlar olib borish, ilgʻor tajriba almashish borasida hamkorlikni yoʻlga qoʻyish;
(g) korrupsiyaga qarshi kurashishning eng dolzarb masalalari boʻyicha kompleks sotsiologik, ilmiy va amaliy tadqiqotlarni tizimli asosda, shu jumladan, milliy va xalqaro grantlarni jalb etgan holda amalga oshirish;
(d) korrupsiyaga qarshi kurashish sohasidagi tadqiqotlar natijalarini oʻrganish, tahlil qilish va ularning amaliyotga joriy etilishiga koʻmaklashish, sohada faoliyat yurituvchi olimlar, ekspertlar va tadqiqotchilar faoliyatini ilmiy-uslubiy taʼminlash.
II. Asosiy chora-tadbirlar
2. Korrupsiyaga qarshi kurashishda fuqarolik jamiyati institutlarining ishtirokini yanada kengaytirishga qaratilgan quyidagilarni nazarda tutuvchi yangi tartib joriy etilsin:
(a) BMTning Korrupsiyaga qarshi konvensiyasi qoidalarining bajarilishini monitoring qilishga nodavlat notijorat tashkilotlarni jalb etib, ular tomonidan muqobil baholash tizimini yoʻlga qoʻyish;
(b) nodavlat notijorat tashkilotlarning korrupsiyaga qarshi kurashish yoʻnalishidagi loyihalariga har yili 10 mlrd soʻm miqdorida grantlar ajratish va ijtimoiy buyurtmalar berish.
Bunda ushbu maqsadlar uchun mablagʻlar Oliy Majlis huzuridagi Fuqarolik jamiyati institutlarini qoʻllab-quvvatlash jamoat fondiga ajratilgan mablagʻlarning yil davomida iqtisod qilingan qismi hamda korrupsiyaga qarshi kurashish ishlarining samaradorligi Korrupsiyaga qarshi kurashish agentligi (keyingi oʻrinlarda — Agentlik) tomonidan tashkil etiladigan reyting baholash natijalariga koʻra “qoniqarsiz” deb topilgan davlat organlari va tashkilotlarining budjetdan tashqari mablagʻlari hisobidan ajratib boriladi;
(v) Agentlikning ijtimoiy buyurtmasi asosida sohalar va hududlar kesimida maishiy korrupsiya holatlarini keltirib chiqaradigan omillar va unga fuqarolarning munosabatini oʻrganish maqsadida ijtimoiy soʻrovlar oʻtkazish.
3. Belgilansinki, Agentlik:
(a) nodavlat notijorat tashkilotlar uchun korrupsiyaga qarshi kurashishda fuqarolik jamiyati institutlari ishtirokini yanada kengaytirishning ustuvor vazifalari doirasida tizimli ravishda treninglar tashkil etadi, ular bilan hamkorlikda loyihalarni amalga oshiradi;
(b) har yili 1-aprelga qadar Korrupsiyaga qarshi kurashish boʻyicha milliy kengashga (keyingi oʻrinlarda — Milliy kengash) quyidagilarni kiritib boradi:
(i) nodavlat notijorat tashkilotlarning korrupsiyaga qarshi kurashish yoʻnalishidagi loyihalari va ularni tegishli davlat organlari va tashkilotlari tomonidan moliyalashtirish yuzasidan takliflar;
(ii) korrupsiyaga qarshi kurashishda fuqarolik jamiyati institutlarining ishtiroki, jumladan, ularning davlat organlari va tashkilotlari bilan hamkorligi, sohaga oid normativ-huquqiy hujjatlar loyihalari ishlab chiqilishida taklif va tashabbuslari, shuningdek, ular tomonidan amalga oshirilgan loyihalar, tadqiqotlar va oʻrganishlar toʻgʻrisida axborot.
4. Oʻzbekiston nodavlat notijorat tashkilotlari milliy assotsiatsiyasi, “Yuksalish” harakati va “Ijtimoiy fikr” respublika jamoatchilik fikrini oʻrganish markazining ular muassisligida muassasa shaklidagi “Korrupsiyaga qarshi kurashish muammolari boʻyicha mintaqaviy tadqiqot markazi” nodavlat notijorat tashkilotini (keyingi oʻrinlarda — Markaz) tashkil etish va uning asosiy vazifalari etib quyidagilarni belgilash haqidagi tashabbusi qoʻllab-quvvatlansin:
(a) aholining, ayniqsa, yoshlarning, fuqarolik jamiyati institutlarining korrupsiyaga qarshi kurashishdagi faolligini oshirish, jamiyatda ushbu illatga qarshi murosasiz munosabatni shakllantirish masalalarini tadqiq etish;
(b) davlat va jamiyat hayotining barcha sohalarida halollik standartlarini joriy etishga koʻmaklashish, davlat organlari hamda boshqa tashkilotlarga ilmiy-uslubiy yordam koʻrsatish;
(v) xalqaro va mintaqaviy dolzarb ahamiyatga ega boʻlgan korrupsiyaga qarshi kurashish muammolarini, korrupsiyaning, shu jumladan, maishiy korrupsiyaning holatini, xususiyatini, miqyoslarini, oʻzgarishlarini hamda uni keltirib chiqarayotgan asosiy omillarni kompleks oʻrganish va tadqiq qilish;
(g) korrupsiyaning oldini olish hamda korrupsiyaviy xavf-xatarlarni kamaytirishga qaratilgan ilmiy-amaliy takliflarni ishlab chiqish, Oʻzbekistonning korrupsiyaga qarshi kurashishga oid xalqaro reytinglarda munosib oʻrin egallashi uchun amaliy choralar koʻrish;
(d) korrupsiyaga qarshi kurashish muammolarini tadqiq etishda mahalliy va xorijiy ekspertlar hamkorligini yoʻlga qoʻyish;
(j) korrupsiyaga qarshi kurashish sohasida xorijiy davlatlarning qonunchiligi hamda huquqni qoʻllash amaliyoti, shu jumladan, ilgʻor tajribasini joriy etish samaradorligini prognoz qilish, bu borada tegishli taklif va tavsiyalar ishlab chiqish;
(z) Oʻzbekiston Respublikasi tomonidan BMTning Korrupsiyaga qarshi konvensiyasi va korrupsiyaga qarshi kurashish sohasidagi boshqa xalqaro shartnomalar qoidalarining bajarilishi yuzasidan oʻrganishlar oʻtkazish hamda muqobil hisobotlarni tayyorlash.
5. Korrupsiyaga qarshi kurashish sohasida fuqarolik jamiyati institutlarining ishtirokini yanada kengaytirish va Korrupsiyaga qarshi kurashish muammolari boʻyicha mintaqaviy tadqiqot markazining faoliyatini samarali tashkil etish yuzasidan “yoʻl xaritasi” ilovaga muvofiq tasdiqlansin.
Milliy kengash “yoʻl xaritasi”da belgilangan chora-tadbirlarning oʻz vaqtida va samarali amalga oshirilishi ustidan tizimli nazorat oʻrnatsin.
III. Qaror ijrosini tashkil etish, taʼminlash va nazorat qilish
6. Agentlik:
(a) korrupsiyaga qarshi kurashish masalalarini tadqiq etish sohasida oliy taʼlim va ilmiy-tadqiqot muassasalarining Markaz bilan yaqin hamkorligi oʻrnatilishiga koʻmaklashsin;
(b) Oʻzbekiston Respublikasida korrupsiyaga qarshi kurashish toʻgʻrisidagi har yilgi milliy maʼruzani tayyorlashda Markaz tomonidan oʻtkazilgan oʻrganishlar va tahlillarning natijalaridan foydalansin.
7. Tashqi ishlar vazirligi va Agentlik:
(a) Markazga xorijiy tadqiqot muassasalari bilan yaqin hamkorlikni yoʻlga qoʻyishda, tajriba almashish hamda zamonaviy uslub va yondashuvlar asosida korrupsiyaga qarshi kurashish muammolarini oʻrganishni tashkil etish va tahlil qilish koʻnikmalarini takomillashtirish uchun ularning malakali mutaxassislarini jalb etishda;
(b) Markaz faoliyatiga jalb etiladigan xorijiy mutaxassislarga oʻrnatilgan tartibda kirish vizalarini rasmiylashtirishda koʻmaklashsin.
8. Belgilansinki, Markaz Oʻzbekiston Respublikasi Milliy statistika qoʻmitasi hamda boshqa vazirlik va idoralardan korrupsiyaga qarshi kurashishga oid statistik va boshqa tahliliy maʼlumotlarni soʻrab olishi mumkin, davlat sirlari yoki qonun bilan qoʻriqlanadigan boshqa sirni tashkil etuvchi maʼlumotlar bundan mustasno.
9. Milliy kengash:
(a) korrupsiyaga qarshi kurashishda fuqarolik jamiyati institutlari va jamoatchilik vakillari bilan yaqin hamkorlikni yoʻlga qoʻyib, ularning imkoniyatlaridan keng foydalanishga alohida eʼtibor qaratsin;
(b) har yili nodavlat notijorat tashkilotlarning korrupsiyaga qarshi kurashish yoʻnalishidagi loyihalari va ularni tegishli davlat organlari va tashkilotlari tomonidan moliyalashtirish dasturlarini tasdiqlab, ularning ijrosini taʼminlasin;
(v) fuqarolik jamiyati institutlari va Markaz tomonidan korrupsiyaga qarshi kurashish muammolari boʻyicha oʻtkazilgan oʻrganishlar hamda tadqiqotlarning natijalarini vazirlik va idoralar masʼullari ishtirokida muntazam ravishda muhokama qilib borsin.
10. Oʻzbekiston Milliy axborot agentligi Oʻzbekiston Milliy teleradiokompaniyasi bilan birgalikda fuqarolik jamiyati institutlari hamda Markaz tomonidan oʻtkazilgan oʻrganishlar va tahlillar natijalari ommaviy axborot vositalarida keng yoritilishini tashkil etib borsin.
11. Markaz Toshkent shahri, Yakkasaroy tumani, Shota Rustaveli koʻchasi, 8a-uy manzilidagi binoga tekin foydalanish huquqi asosida joylashtirilsin.
12. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2025-yil 19-sentabrdagi PQ-288-son qaroriga ILOVA
Korrupsiyaga qarshi kurashish sohasida fuqarolik jamiyati institutlarining ishtirokini yanada kengaytirish va Korrupsiyaga qarshi kurashish muammolari boʻyicha mintaqaviy tadqiqot markazining faoliyatini samarali tashkil etish yuzasidan
T/r Chora-tadbir nomi Amalga oshirish shakli Ijro muddati Moliyalashtirish manbalari Masʼul ijrochilar I. Korrupsiyaga qarshi kurashish sohasida fuqarolik jamiyati institutlarining ishtirokini yanada kengaytirish 1. Korrupsiyaga qarshi kurashish sohasida fuqarolik jamiyati institutlari ishtirokini kengaytirishning ustuvor vazifalari doirasida har yili 10 mlrd soʻm miqdorida grantlar ajratish va ijtimoiy buyurtmalar berib borish hamda bu borada alohida tanlovlar oʻtkazish. Amaliy chora-tadbirlar 2025-yildan boshlab doimiy Fuqarolik jamiyati institutlarini qoʻllab-quvvatlash jamoat fondi mablagʻlari, tegishli vazirlik va idoralarning budjetdan tashqari mablagʻlari Oliy Majlis huzuridagi Fuqarolik jamiyati institutlarini qoʻllab-quvvatlash jamoat fondi mablagʻlarini boshqarish boʻyicha parlament komissiyasi, Korrupsiyaga qarshi kurashish agentligi (A. Burxanov) manfaatdor vazirlik va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari 2. Eʼlon qilinadigan davlat grantlarini ajratish uchun tanlovlarga muntazam ravishda korrupsiyaga qarshi kurashish yoʻnalishidagi mavzularni kiritish. Amaliy chora-tadbirlar 2025-yildan boshlab doimiy - Oliy Majlis huzuridagi Fuqarolik jamiyati institutlarini qoʻllab-quvvatlash jamoat fondining Qoraqalpogʻiston Respublikasi, viloyatlar va Toshkent shahridagi boʻlinmalari, Korrupsiyaga qarshi kurashish agentligi (A. Burxanov) 3. 1. Fuqarolik jamiyati institutlarining loyihalari va tashabbuslarini amalga oshirish orqali har bir hudud va soha kesimida maishiy korrupsiya holatlarini keltirib chiqaradigan omillarni bartaraf qilishga qaratilgan “Navoiy tajribasi”ni yaratish. Bunda: Korrupsiyaga qarshi kurashish agentligining ijtimoiy buyurtmasi asosida maishiy korrupsiya holatlarini keltirib chiqaradigan omillarni va unga jamoatchilikning munosabatini oʻrganish maqsadida ijtimoiy soʻrovlar oʻtkazish; ijtimoiy soʻrovlar natijasi boʻyicha tegishli loyiha va tashabbuslarni amalga oshirish hamda qonunchilikni takomillashtirish boʻyicha takliflar ishlab chiqish. Amaliy chora-tadbirlar 2025-yil yakuniga qadar Fuqarolik jamiyati institutlarini qoʻllab-quvvatlash jamoat fondi mablagʻlari, Korrupsiyaga qarshi kurashish agentligining budjetdan tashqari mablagʻlari Korrupsiyaga qarshi kurashish boʻyicha milliy kengash (T. Narbayeva) , Korrupsiyaga qarshi kurashish agentligi (A. Burxanov), Oliy Majlis huzuridagi Fuqarolik jamiyati institutlarini qoʻllab-quvvatlash jamoat fondi mablagʻlarini boshqarish boʻyicha parlament komissiyasi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari, manfaatdor vazirlik va idoralar 2. “Navoiy tajribasi” boʻyicha erishilgan ijobiy natijalarni Korrupsiyaga qarshi kurashish boʻyicha milliy kengashda muhokama qilish va uni boshqa hududlarda tatbiq qilish masalasini koʻrib chiqish. 2026-yil yanvar II. Korrupsiyaga qarshi kurashish muammolari boʻyicha mintaqaviy tadqiqot markazini tashkil etish 4. Korrupsiyaga qarshi kurashish muammolari boʻyicha mintaqaviy tadqiqot markazini tashkil etish bilan bogʻliq tegishli hujjatlarni ishlab chiqish. Idoraviy hujjat 2025-yil sentabr - Oʻzbekiston nodavlat notijorat tashkilotlari milliy assotsiatsiyasi (N. Ishanxodjayev) , “Yuksalish” harakati (B. Bekmurodov) , “Ijtimoiy fikr” respublika jamoatchilik fikrini oʻrganish markazi (N. Raximova), Korrupsiyaga qarshi kurashish agentligi (A. Burxanov) 5. Muassasa shaklidagi “Korrupsiyaga qarshi kurashish muammolari boʻyicha mintaqaviy tadqiqot markazi” nodavlat notijorat tashkiloti (keyingi oʻrinlarda — Markaz)ni davlat roʻyxatidan oʻtkazish. Tashkiliy chora-tadbirlar 2025-yil sentabr - Korrupsiyaga qarshi kurashish agentligi (A. Burxanov) , Adliya vazirligi (A. Tashkulov) III. Markaz faoliyatini uslubiy va amaliy jihatdan qoʻllab-quvvatlash 6. Markazga korrupsiyaga qarshi kurashish muammolariga oid tadqiqotlarning natijalarini eʼlon qilib borish uchun ilmiy-amaliy jurnalni taʼsis etishga yordam koʻrsatish. Tashkiliy chora-tadbirlar 2025-yil noyabr Xalqaro donorlarning texnik koʻmak mablagʻlari Korrupsiyaga qarshi kurashish agentligi (A. Burxanov), manfaatdor vazirlik va idoralar 7. Korrupsiyaga qarshi kurashish muammolariga oid jurnalni doktorlik dissertatsiyalari asosiy ilmiy natijalarini nashr qilish tavsiya etilgan ilmiy nashrlar roʻyxatiga kiritishga koʻmaklashish. Tashkiliy chora-tadbirlar 2025-yil noyabr - Oliy taʼlim, fan va innovatsiyalar vazirligi huzuridagi Oliy attestatsiya komissiyasi (A. Yusupov) 8. Markaz bilan birgalikda mansabdorlik va maishiy korrupsiyani keltirib chiqaruvchi omillarni tahlil qilish, ularning oldini olish boʻyicha ilmiy asoslangan takliflar ishlab chiqib, amaliyotga joriy qilib borish. Amaliy chora-tadbirlar Doimiy - Bosh prokuratura (N. Yoʻldoshev) , Davlat xavfsizlik xizmati (B. Kurbanov), Ichki ishlar vazirligi (A. Tashpulatov), Adliya vazirligi (A. Tashkulov), Korrupsiyaga qarshi kurashish agentligi (A. Burxanov) 9. Markaz tomonidan oʻtkazilgan oʻrganishlar va tahlillarning natijalari ommaviy axborot vositalarida eʼlon qilinishi va muhokamasini tashkillashtirishga koʻmaklashish. Tashkiliy chora-tadbirlar Doimiy - Oʻzbekiston Milliy axborot agentligi (A. Koʻchimov) , Oʻzbekiston Milliy teleradiokompaniyasi (A. Joʻraboyev) 10. Aholi oʻrtasida korrupsiyaga nisbatan murosasiz munosabatni shakllantirishga qaratilgan targʻibot tadbirlari ommaviy axborot vositalari, shu jumladan, Internet tarmogʻi orqali keng yoritilishini taʼminlash. Tashkiliy chora-tadbirlar Doimiy Xalqaro donorlarning texnik koʻmak mablagʻlari Korrupsiyaga qarshi kurashish agentligi (A. Burxanov), Oʻzbekiston Milliy axborot agentligi (A. Koʻchimov) , Oʻzbekiston Milliy teleradiokompaniyasi (A. Joʻraboyev ) IV. Markazning moddiy-texnik bazasini mustahkamlash 11. Markazning faoliyatini qoʻllab-quvvatlash, yangi tadqiqot loyihalarini amalga oshirish, uning intellektual tahliliy salohiyatini rivojlantirish maqsadida xalqaro donorlar, shu jumladan, Yevropa Ittifoqi va BMT Taraqqiyot dasturini jalb qilish choralarini koʻrish. Tashkiliy chora-tadbirlar 2025-yil sentabrdan boshlab doimiy - Korrupsiyaga qarshi kurashish agentligi (A. Burxanov) , Investitsiyalar, sanoat va savdo vazirligi (L. Kudratov) 12. Markazni zarur mebel jihozlari, kompyuter texnikasi va boshqa moddiy-texnik vositalar bilan taʼminlash. Tashkiliy chora-tadbirlar 2025-yil oktabr Xalqaro donorlarning texnik koʻmak mablagʻlari Korrupsiyaga qarshi kurashish agentligi (A. Burxanov) 13. Markazni Toshkent shahri, Yakkasaroy tumani, Shota Rustaveli koʻchasi, 8a-uy manzilidagi binoga tekin foydalanish huquqi asosida joylashtirish. Tashkiliy chora-tadbirlar 2025-yil oktabr - Davlat aktivlarini boshqarish agentligi (A. Ortikov) , Korrupsiyaga qarshi kurashish agentligi (A. Burxanov)
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 19-sentabr,
PQ- 288 -son
ПРЕЗИДЕНТА РЕСПУБЛИКИ УЗБЕКИСТАН
ПОСТАНОВЛЕНИЕ
О мерах по дальнейшему расширению участия институтов гражданского общества и поддержке научных исследований в сфере противодействия коррупции
В целях выявления и научного исследования факторов, способствующих возникновению случаев коррупции в обществе, дальнейшего расширения участия институтов гражданского общества в сфере предупреждения и противодействия коррупции, последовательной реализации положений Конвенции Организации Объединенных Наций против коррупции и Целей устойчивого развития Глобальной повестки дня ООН, а также обеспечения исполнения приоритетных задач, определенных на расширенном заседании Национального совета по противодействию коррупции 5 марта 2025 года, постановляю:
I. Приоритетные задачи
1. Определить следующие приоритетные задачи по организации на научной основе деятельности по противодействию коррупции, дальнейшему расширению участия институтов гражданского общества и поддержке научных исследований в данной сфере:
(а) повышение роли научных организаций и институтов гражданского общества в деятельности по противодействию коррупции;
(б) внедрение системы анализа эффективности и результативности мер по противодействию коррупции в разрезе каждой сферы и региона;
(в) широкое привлечение ведущих отечественных и зарубежных высших образовательных и научно-исследовательских организаций к проведению исследований в области противодействия коррупции, налаживание сотрудничества в проведении совместных научных исследований, обмене передовым опытом;
(г) проведение на системной основе комплексных социологических, научных и практических исследований по наиболее актуальным вопросам противодействия коррупции, в том числе с привлечением национальных и международных грантов;
(д) изучение, анализ и содействие внедрению в практику результатов научных исследований в сфере противодействия коррупции, научно-методическое обеспечение деятельности ученых, экспертов и исследователей в данной сфере.
II. Основные меры
2. Внедрить новый порядок дальнейшего расширения участия институтов гражданского общества в сфере противодействия коррупции, предусматривающий:
(а) привлечение негосударственных некоммерческих организаций к мониторингу выполнения положений Конвенции ООН против коррупции с внедрением ими альтернативной системы оценки;
(б) ежегодное выделение грантов и предоставление социальных заказов в размере 10 млрд сумов на проекты негосударственных некоммерческих организаций в сфере противодействия коррупции.
При этом средства на указанные цели выделяются за счет сэкономленных в течение года средств, выделенных Общественному фонду по поддержке институтов гражданского общества при Олий Мажлисе, а также за счет внебюджетных средств государственных органов и организаций, эффективность деятельности по противодействию коррупции которых по итогам рейтинговой оценки, организуемой Агентством по противодействию коррупции (далее — Агентство), признана «неудовлетворительной»;
(в) проведение на основе социального заказа Агентства социальных опросов в разрезе сфер и регионов с целью изучения факторов, способствующих бытовой коррупции, и отношения граждан к ней.
3. Установить, что Агентство:
(а) организует на системной основе тренинги для негосударственных некоммерческих организаций в рамках приоритетных задач по дальнейшему расширению участия институтов гражданского общества в противодействии коррупции, а также реализует проекты совместно с ними;
(б) ежегодно до 1 апреля вносит в Национальный совет по противодействию коррупции (далее — Национальный совет):
(i) проекты в сфере противодействия коррупции негосударственных некоммерческих организаций и предложения по их финансированию соответствующими государственными органами и организациями;
(ii) информацию об участии институтов гражданского общества в противодействии коррупции, в том числе об их сотрудничестве с государственными органами и организациями, их предложениях и инициативах при разработке проектов нормативно-правовых актов в данной сфере, а также о реализованных ими проектах, исследованиях и изучениях.
4. Поддержать инициативу Национальной ассоциации негосударственных некоммерческих организаций Узбекистана, Движения «Юксалиш» и Республиканского центра изучения общественного мнения «Ижтимоий фикр» о создании при их учредительстве негосударственной некоммерческой организации «Региональный исследовательский центр по проблемам противодействия коррупции» (далее — Центр) в форме учреждения, определив его следующие основные задачи:
(а) повышение активности населения, особенно молодежи, институтов гражданского общества в противодействии коррупции, исследование вопросов формирования нетерпимого отношения к данному негативному явлению в обществе;
(б) оказание содействия внедрению стандартов добропорядочности во всех сферах жизнедеятельности государства и общества, оказание научно-методического содействия государственным органам и другим организациям;
(в) комплексное изучение и исследование проблем противодействия коррупции, имеющих актуальное значение на международном и региональном уровнях, состояния коррупции, в том числе бытовой коррупции, ее характера, масштабов, динамики и способствующих ей основных факторов;
(г) разработка научно-практических предложений, направленных на предупреждение коррупции и снижение коррупционных рисков, принятие практических мер по занятию Узбекистаном достойной позиции в международных рейтингах в области противодействия коррупции;
(д) установление сотрудничества отечественных и зарубежных экспертов в исследовании проблем противодействия коррупции;
(ж) прогнозирование эффективности внедрения законодательства и правоприменительной практики зарубежных государств в сфере противодействия коррупции, в том числе их передового опыта, разработка соответствующих предложений и рекомендаций в данном направлении;
(з) проведение изучений и подготовка альтернативных отчетов по выполнению Республикой Узбекистан положений Конвенции ООН против коррупции и других международных договоров в сфере противодействия коррупции.
5. Утвердить «Дорожную карту» по дальнейшему расширению участия институтов гражданского общества в сфере противодействия коррупции и эффективной организации деятельности Регионального исследовательского центра по проблемам противодействия коррупции согласно приложению * .
Национальному совету установить систематический контроль за своевременной и эффективной реализацией мер, определенных в «Дорожной карте».
III. Организация, обеспечение и контроль исполнения постановления
6. Агентству:
(а) оказать содействие в установлении тесного сотрудничества высших образовательных и научно-исследовательских учреждений с Центром в области исследования вопросов противодействия коррупции;
(б) использовать результаты изучений и анализов, проводимых Центром, при подготовке ежегодного Национального доклада о противодействии коррупции в Республике Узбекистан.
7. Министерству иностранных дел и Агентству оказать содействие:
(а) Центру в налаживании тесного сотрудничества с зарубежными исследовательскими учреждениями, обмене опытом и привлечении их квалифицированных специалистов для организации изучения проблем противодействия коррупции и совершенствования навыков их анализа на основе современных методов и подходов;
(б) в оформлении в установленном порядке въездных виз зарубежным специалистам, привлекаемым к деятельности Центра.
8. Установить, что Центр может запрашивать у Национального комитета Республики Узбекистан по статистике и других министерств и ведомств статистические и другие аналитические данные касательно противодействия коррупции, за исключением сведений, составляющих государственные секреты или иную охраняемую законом тайну.
9. Национальному совету:
(а) установить тесное сотрудничество с институтами гражданского общества и представителями общественности в борьбе с коррупцией и уделять особое внимание широкому использованию их возможностей;
(б) ежегодно утверждать проекты в сфере противодействия коррупции негосударственных некоммерческих организаций и программы их финансирования соответствующими государственными органами и организациями, а также обеспечивать их реализацию;
(в) регулярно обсуждать результаты изучений и исследований по проблемам противодействия коррупции, проведенных институтами гражданского общества и Центром, с участием ответственных лиц министерств и ведомств.
10. Национальному информационному агентству Узбекистана совместно с Национальной телерадиокомпанией Узбекистана регулярно организовывать широкое освещение в средствах массовой информации результатов изучений и анализов, проведенных институтами гражданского общества и Центром.
11. Разместить Центр в здании, расположенном по адресу: город Ташкент, Яккасарайский район, улица Шота Руставели, дом 8а, на праве безвозмездного пользования.
12. Контроль за исполнением настоящего постановления возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
19 сентября 2025 г.,
№ ПП- 288