📅 2025-yil 19-sentabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 19 сентябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 19 сентября 2025 г. · Постановления Кабинета Министров
Официальный текст. Официальный документ. Редакционные примечания не включены.
📅 19 September 2025 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
РЎЙХАТИ
Республикада ғилдиракли транспорт воситаларининг экологик тоифа талабларига мувофиқлигини баҳолаш тизимини янада такомиллаштириш чора-тадбирлари тўғрисида
Ўзбекистон Республикаси Президентининг «Хизматлар соҳаси барқарор ривожланиши учун қулай шарт-шароитлар яратишга оид қўшимча чора-тадбирлар тўғрисида» 2025 йил 27 февралдаги ПҚ-78-сон қарори ижросини таъминлаш мақсадида Вазирлар Маҳкамаси қарор қилади:
1. Белгилансинки:
а) Ўзбекистон Республикасига олиб кириладиган «М» ва «N» тоифалардаги ғилдиракли янги транспорт воситаларининг экологик тоифа талабларига мувофиқлигини экологик сертификатлаш тартиби бекор қилинади;
б) Ўзбекистон Республикасига олиб кириладиган «М» ва «N» тоифалардаги ғилдиракли транспорт воситаларининг экологик тоифа талабларига мувофиқлиги Вазирлар Маҳкамасининг 2017 йил 25 апрелдаги 237-сон қарори билан тасдиқланган Муомалага чиқарилаётган ғилдиракли транспорт воситаларининг хавфсизлиги тўғрисидаги умумий техник регламент талаблари асосида баҳоланади ҳамда транспорт воситасининг турини маъқуллаш ва мувофиқлик сертификатларида акс эттирилади;
в) электр двигателлар билан жиҳозланган ғилдиракли транспорт воситаларининг (ички ёнув двигатели ҳамда электр двигателда ҳаракатланувчи автотранспорт воситалари бундан мустасно) экологик тоифа талабларига мувофиқлиги баҳоланмайди.
2. Вазирлар Маҳкамасининг 2017 йил 25 апрелдаги 237-сон қарори билан тасдиқланган Муомалага чиқарилаётган ғилдиракли транспорт воситаларининг хавфсизлиги тўғрисидаги умумий техник регламентга 1-иловага мувофиқ қўшимча киритилсин.
3. Ўзбекистон Республикаси Ҳукуматининг 2-иловага мувофиқ айрим қарорлари ўз кучини йўқотган деб ҳисоблансин.
4. Вазирлар Маҳкамаси ҳузуридаги Ўзбекистон техник жиҳатдан тартибга солиш агентлиги Ўзбекистон Миллий телерадиокомпанияси ҳамда Ўзбекистон Миллий ахборот агентлиги, оммавий ахборот воситалари билан биргаликда ушбу қарорнинг мазмун-моҳияти оммавий ахборот воситаларида, шу жумладан, Интернет жаҳон ахборот тармоғида ва ижтимоий тармоқларда кенг жамоатчиликка тушунтирилишини таъминласин.
5. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари — иқтисодиёт ва молия вазири Ж.А. Қўчқоров ҳамда Вазирлар Маҳкамаси ҳузуридаги Ўзбекистон техник жиҳатдан тартибга солиш агентлиги директори А.Р. Жуманазаров зиммасига юклансин.
Вазирлар Маҳкамасининг 2025 йил 19 сентябрдаги 597-сон қарорига 1-ИЛОВА
Вазирлар Маҳкамасининг 2017 йил 25 апрелдаги 237-сон қарори билан тасдиқланган Муомалага чиқарилаётган ғилдиракли транспорт воситаларининг хавфсизлиги тўғрисидаги умумий техник регламентга киритилаётган қўшимча
4-бобнинг рус тилидаги матни қуйидаги мазмундаги 3-параграф билан тўлдирилсин:
«3-§. Оценка соответствия колесных транспортных средств категорий М и N на соответствие требованиям экологического класса посредством идентификации соответствующих документов при их помещении под таможенный режим «временный ввоз» и «выпуск для свободного обращения (импорт)» в целях эксплуатации и реализации
44 1 . Оценка соответствия колесных транспортных средств категорий М и N требованиям экологических классов «Евро-4» и выше осуществляется:
в рамках оформления сертификата соответствия на транспортные средства — путем идентификации посредством признания документов, прилагаемых к заявлению;
в рамках одобрения типа — путем анализа соответствия установленных норм выбросов загрязняющих веществ с помощью аккредитованной в республике испытательной лаборатории, а при отсутствии такой лаборатории путем идентификации посредством признания документов, прилагаемых к заявлению.
44 2 . Для идентификации соответствия транспортного средства требованиям экологического класса заявитель предоставляет в орган по сертификации следующие документы или один из них:
наличие законодательных актов, подтверждающих, что в стране-производителя транспортных средств категорий М и N производство колесных транспортных средств ниже требований экологического класса «Евро-4» запрещено (на момент производства транспортного средства);
официальное письмо производителя или его уполномоченного представителя о том, что колесные транспортные средства категорий М и N не ниже требований экологической категории «Евро-4»;
иные технические документы, подтверждающие, что колесные транспортные средства категорий М и N соответствуют требованиям экологического класса категории не ниже «Евро-4».
44 3 . Выдача документов, удостоверяющих соответствие требованиям Технического регламента при выпуске в обращение транспортных средств при несоответствии допустимому экологическому классу запрещена».
Вазирлар Маҳкамасининг 2025 йил 19 сентябрдаги 597-сон қарорига 2-ИЛОВА
Ўзбекистон Республикаси Ҳукуматининг ўз кучини йўқотган деб эътироф этилаётган қарорлари
1. Вазирлар Маҳкамасининг «Ғилдиракли янги транспорт воситаларини экологик сертификатлаш тизимини такомиллаштириш тўғрисида» 2020 йил 30 январдаги 50-сон қарори .
2. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш тўғрисида (Ўзбекистон Республикасининг «Норматив-ҳуқуқий ҳужжатлар тўғрисида» 2021 йил 20 апрелдаги ЎРҚ-682-сон Қонуни)» 2022 йил 4 апрелдаги 153-сон қарорига илованинг 773-банди .
Ўзбекистон Республикасининг Бош вазири А. АРИПОВ
Тошкент ш.,
2025 йил 19 сентябрь,
597-сон
Oʻzbekiston Respublikasi Vazirlar Mahkamasining
qarori
ROʻYXATI
Respublikada gʻildirakli transport vositalarining ekologik toifa talablariga muvofiqligini baholash tizimini yanada takomillashtirish chora-tadbirlari toʻgʻrisida
Oʻzbekiston Respublikasi Prezidentining “Xizmatlar sohasi barqaror rivojlanishi uchun qulay shart-sharoitlar yaratishga oid qoʻshimcha chora-tadbirlar toʻgʻrisida” 2025-yil 27-fevraldagi PQ-78-son qarori ijrosini taʼminlash maqsadida Vazirlar Mahkamasi qaror qiladi:
1. Belgilansinki:
a) Oʻzbekiston Respublikasiga olib kiriladigan “M” va “N” toifalardagi gʻildirakli yangi transport vositalarining ekologik toifa talablariga muvofiqligini ekologik sertifikatlash tartibi bekor qilinadi;
b) Oʻzbekiston Respublikasiga olib kiriladigan “M” va “N” toifalardagi gʻildirakli transport vositalarining ekologik toifa talablariga muvofiqligi Vazirlar Mahkamasining 2017-yil 25-apreldagi 237-son qarori bilan tasdiqlangan Muomalaga chiqarilayotgan gʻildirakli transport vositalarining xavfsizligi toʻgʻrisidagi umumiy texnik reglament talablari asosida baholanadi hamda transport vositasining turini maʼqullash va muvofiqlik sertifikatlarida aks ettiriladi;
v) elektr dvigatellar bilan jihozlangan gʻildirakli transport vositalarining (ichki yonuv dvigateli hamda elektr dvigatelda harakatlanuvchi avtotransport vositalari bundan mustasno) ekologik toifa talablariga muvofiqligi baholanmaydi.
2. Vazirlar Mahkamasining 2017-yil 25-apreldagi 237-son qarori bilan tasdiqlangan Muomalaga chiqarilayotgan gʻildirakli transport vositalarining xavfsizligi toʻgʻrisidagi umumiy texnik reglamentga 1-ilovaga muvofiq qoʻshimcha kiritilsin.
3. Oʻzbekiston Respublikasi Hukumatining 2-ilovaga muvofiq ayrim qarorlari oʻz kuchini yoʻqotgan deb hisoblansin.
4. Vazirlar Mahkamasi huzuridagi Oʻzbekiston texnik jihatdan tartibga solish agentligi Oʻzbekiston Milliy teleradiokompaniyasi hamda Oʻzbekiston Milliy axborot agentligi, ommaviy axborot vositalari bilan birgalikda ushbu qarorning mazmun-mohiyati ommaviy axborot vositalarida, shu jumladan, Internet jahon axborot tarmogʻida va ijtimoiy tarmoqlarda keng jamoatchilikka tushuntirilishini taʼminlasin.
5. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov hamda Vazirlar Mahkamasi huzuridagi Oʻzbekiston texnik jihatdan tartibga solish agentligi direktori A.R. Jumanazarov zimmasiga yuklansin.
Vazirlar Mahkamasining 2025-yil 19-sentabrdagi 597-son qaroriga 1-ILOVA
Vazirlar Mahkamasining 2017-yil 25-apreldagi 237-son qarori bilan tasdiqlangan Muomalaga chiqarilayotgan gʻildirakli transport vositalarining xavfsizligi toʻgʻrisidagi umumiy texnik reglamentga kiritilayotgan qoʻshimcha
4-bobning rus tilidagi matni quyidagi mazmundagi 3-paragraf bilan toʻldirilsin:
“3-§. Otsenka sootvetstviya kolesnix transportnix sredstv kategoriy M i N na sootvetstviye trebovaniyam ekologicheskogo klassa posredstvom identifikatsii sootvetstvuyushix dokumentov pri ix pomeshenii pod tamojenniy rejim “vremenniy vvoz” i “vipusk dlya svobodnogo obrasheniya (import)” v selyax ekspluatatsii i realizatsii
44 1 . Otsenka sootvetstviya kolesnix transportnix sredstv kategoriy M i N trebovaniyam ekologicheskix klassov “Yevro-4” i vishe osushestvlyayetsya:
v ramkax oformleniya sertifikata sootvetstviya na transportnie sredstva — putem identifikatsii posredstvom priznaniya dokumentov, prilagayemix k zayavleniyu;
v ramkax odobreniya tipa — putem analiza sootvetstviya ustanovlennix norm vibrosov zagryaznyayushix veshestv s pomoshyu akkreditovannoy v respublike ispitatelnoy laboratorii, a pri otsutstvii takoy laboratorii putem identifikatsii posredstvom priznaniya dokumentov, prilagayemix k zayavleniyu.
44 2 . Dlya identifikatsii sootvetstviya transportnogo sredstva trebovaniyam ekologicheskogo klassa zayavitel predostavlyayet v organ po sertifikatsii sleduyushiye dokumenti ili odin iz nix:
nalichiye zakonodatelnix aktov, podtverjdayushix, chto v strane-proizvoditelya transportnix sredstv kategoriy M i N proizvodstvo kolesnix transportnix sredstv nije trebovaniy ekologicheskogo klassa “Yevro-4” zapresheno (na moment proizvodstva transportnogo sredstva);
ofitsialnoye pismo proizvoditelya ili yego upolnomochennogo predstavitelya o tom, chto kolesnie transportnie sredstva kategoriy M i N ne nije trebovaniy ekologicheskoy kategorii “Yevro-4”;
inie texnicheskiye dokumenti, podtverjdayushiye, chto kolesnie transportnie sredstva kategoriy M i N sootvetstvuyut trebovaniyam ekologicheskogo klassa kategorii ne nije “Yevro-4”.
44 3 . Vidacha dokumentov, udostoveryayushix sootvetstviye trebovaniyam Texnicheskogo reglamenta pri vipuske v obrasheniye transportnix sredstv pri nesootvetstvii dopustimomu ekologicheskomu klassu zapreshena”.
Vazirlar Mahkamasining 2025-yil 19-sentabrdagi 597-son qaroriga 2-ILOVA
Oʻzbekiston Respublikasi Hukumatining oʻz kuchini yoʻqotgan deb eʼtirof etilayotgan qarorlari
1. Vazirlar Mahkamasining “Gʻildirakli yangi transport vositalarini ekologik sertifikatlash tizimini takomillashtirish toʻgʻrisida” 2020-yil 30-yanvardagi 50-son qarori .
2. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasining “Normativ-huquqiy hujjatlar toʻgʻrisida” 2021-yil 20-apreldagi OʻRQ-682-son Qonuni)” 2022-yil 4-apreldagi 153-son qaroriga ilovaning 773-bandi .
Oʻzbekiston Respublikasining Bosh vaziri A. ARIPOV
Toshkent sh.,
2025-yil 19-sentabr,
597-son