📅 2025-yil 19-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 19 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 19 сентября 2025 г. · Постановления Президента
Официальный текст. Официальный документ. Редакционные примечания не включены.
📅 19 September 2025 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
ТАРКИБИ
Ўзбекистон Республикаси миллий инвестиция жамғармаси фаолиятини янада такомиллаштириш чора-тадбирлари тўғрисида
Ўзбекистон Республикаси миллий инвестиция жамғармаси фаолиятини янада такомиллаштириш орқали унинг акцияларини маҳаллий ва халқаро фонд биржаларида бирламчи жойлаштиришга пухта тайёргарлик кўриш ва Жамғарманинг инвестицион жозибадорлигини ошириш мақсадида қарор қиламан:
1. Иқтисодиёт ва молия вазирлиги, Давлат активларини бошқариш агентлигининг қуйидаги таклифларига розилик берилсин:
(а) Ўзбекистон Республикаси миллий инвестиция жамғармасига (кейинги ўринларда — Жамғарма) тегишли:
(i) «Uzbekistan Airports» АЖ, «Бизнесни ривожлантириш банки» АТБ ва «Микрокредитбанк» АТБнинг акциялари Жамғарманинг устав капиталидаги давлат улушини камайтириш ҳисобига Иқтисодиёт ва молия вазирлигига;
(ii) «Ўзбекистон почтаси» АЖнинг акциялари Жамғарманинг устав капиталидаги давлат улушини камайтириш ҳисобига Давлат активларини бошқариш агентлигига;
(б) «Ўзсаноатқурилишбанк» АТБнинг Тикланиш ва тараққиёт жамғармасига тегишли 30 фоиз акция улуши кейинчалик Жамғармага ўтказиш учун Иқтисодиёт ва молия вазирлигига;
(в) «Ўзбекгидроэнерго» АЖнинг 20 фоиз, «Ўзбекинвест» АЖнинг 10 фоиз ва «Темирйўлинфратузилма» АЖнинг 15 фоиз акция улушларини қўшимча равишда Жамғармага ўтказиш.
2. Қуйидагилар:
(а) Тикланиш ва тараққиёт жамғармаси (Ш. Вафаев) «Ўзсаноатқурилишбанк» АТБнинг Тикланиш ва тараққиёт жамғармасига тегишли 30 фоиз акция улуши;
(б) Давлат активларини бошқариш агентлиги (А. Ортиқов) «Ўзбекинвест» АЖнинг 10 фоиз акция улуши;
(в) «Ўзбекистон темир йўллари» АЖ (З. Нарзуллаев) устав капиталидаги давлат улушини камайтириш ҳисобига «Темирйўлинфратузилма» АЖнинг 15 фоиз акция улуши Иқтисодиёт ва молия вазирлигига икки ҳафта муддатда ўтказилишини таъминласин.
3. Иқтисодиёт ва молия вазирлиги (Ж. Қўчқоров) бир ой муддатда «Агробанк» АТБ ҳамда Иқтисодиёт ва молия вазирлигига тегишли давлат улуши мавжуд бошқа тижорат банкларининг акциялари улуши Тикланиш ва тараққиёт жамғармасига мазкур қарорнинг 2-банди «а» кичик бандида келтирилган акциялар улушига тенг қийматда ўтказилишини таъминласин.
4. Белгилаб қўйилсинки, Жамғарманинг инвестиция портфелидаги корхоналар ва тижорат банкларининг устав капиталида давлат улуши оширилган тақдирда, шунингдек, халқаро молия институтларининг конвертация қилинадиган кредит линияларини конвертация қилиш натижасида уларнинг улуши ошганда, Жамғармага унинг улушини сақлаб қолиш учун давлат улушидан акциялар мутаносиб равишда ўтказилади.
5. Ўзбекистон Республикаси миллий инвестиция жамғармаси акцияларини бирламчи оммавий савдога чиқариш ишларини мувофиқлаштирувчи ишчи гуруҳ 1-иловага мувофиқ таркибда ташкил этилсин.
6. Қуйидагилар:
(а) Иқтисодиёт ва молия вазирлиги Давлат активларини бошқариш агентлиги ва Солиқ қўмитаси билан биргаликда икки ой муддатда Жамғарманинг дивидендлар тарзидаги даромадларини дивиденд солиғидан озод этиш юзасидан Ўзбекистон Республикаси Солиқ кодексига ўзгартириш киритиш;
(б) Истиқболли лойиҳалар миллий агентлиги Иқтисодиёт ва молия вазирлиги билан биргаликда уч ой муддатда Ўзбекистон Республикасининг «Инвестиция ва пай фондлари тўғрисида»ги Қонуни ҳамда «Қимматли қоғозлар бозори тўғрисида»ги Қонунига ишончли бошқарувчига рухсат этилган амалиётларни кенгайтиришни назарда тутувчи ўзгартириш ва қўшимчалар киритиш тўғрисидаги таклифларни Вазирлар Маҳкамасига киритсин.
7. Ўзбекистон Республикаси Президентининг ҳамда Ўзбекистон Республикаси Ҳукуматининг айрим қарорларига 2-иловага мувофиқ ўзгартириш ва қўшимчалар киритилсин.
8. Мазкур қарорнинг ижросини назорат қилиш Бош вазир ўринбосари Ж.А. Қўчқоров зиммасига юклансин.
Ўзбекистон Республикаси Президентининг 2025 йил 19 сентябрдаги ПҚ-289-сон қарорига 1-ИЛОВА
Ўзбекистон Республикаси миллий инвестиция жамғармаси акцияларини бирламчи оммавий савдога чиқариш ишларини мувофиқлаштирувчи ишчи гуруҳ
1. Ж. Қўчқоров — Ўзбекистон Республикаси Бош вазири ўринбосари — иқтисодиёт ва молия вазири, Ишчи гуруҳ раҳбари 2. Б. Ходжаев — Ўзбекистон Республикаси Президенти Администрацияси департамент бошлиғи, Ишчи гуруҳ раҳбари ўринбосари 3. Х. Мустафаев — иқтисодиёт ва молия вазири ўринбосари 4. Н. Сайдуллаев — Марказий банк раисининг биринчи ўринбосари 5. Н. Хусанов — Давлат активларини бошқариш агентлиги директорининг биринчи ўринбосари 6. Б. Абдиназаров — «Uzassets» АЖ бошқаруви раиси 7. Ж. Абдушукуров — Иқтисодиёт ва молия вазирлиги департамент директори, Ишчи гуруҳ котиби
Ўзбекистон Республикаси Президентининг 2025 йил 19 сентябрдаги ПҚ-289-сон қарорига 2-ИЛОВА
Ўзбекистон Республикаси Президентининг ҳамда Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар
2. Ўзбекистон Республикаси Президентининг 2023 йил 31 июлдаги «Ўзсаноатқурилишбанк» акциядорлик тижорат банкининг молиявий барқарорлигини мустаҳкамлаш ва хусусийлаштиришни жадаллаштиришга оид қўшимча чора-тадбирлар тўғрисида»ги ПҚ-253-сон қарорининг 2-банди «г» кичик банди ўз кучини йўқотган деб ҳисоблансин.
3. Ўзбекистон Республикаси Президентининг 2024 йил 27 августдаги «Ўзбекистон Республикаси миллий инвестиция жамғармасини ташкил этиш тўғрисида»ги ПҚ-303-сон қарорига илова қуйидаги таҳрирда баён этилсин:
««Ўзбекистон Республикаси миллий инвестиция жамғармаси» АЖ устав капиталини шакллантириш учун давлат улуши ўтказиладиган корхона ва тижорат банкларининг РЎЙХАТИ
Т/р Номланиши Ўтказиладиган улуш, (фоизда) 1. «Навоийазот» АЖ 25 2. «Ҳудудий электр тармоқлари» АЖ 40 3. «Иссиқлик электр станциялари» АЖ 25 4. АТ «Халқ банки» 30 5. «Ўзбекгидроэнерго» АЖ 40 6. «Ўзбектелеком» АЖ 25 7. «Uzbekistan airways» АЖ 25 8. «Темирйўлинфратузилма» АЖ 40 9. «Ҳудудгазтаъминот» АЖ 40 10. «Тошшаҳартрансхизмат» АЖ 25 11. «Ўзбекистон МЭТ» АЖ 40 12. «Ўзбекистон республика товар-хом ашё биржаси» АЖ 40 13. «Ўзбекинвест» АЖ 30 14. «Ўзсувтаъминот» АЖ 40 15. «Ўзсаноатқурилишбанк» АТБ 30 ».
4. Вазирлар Маҳкамасининг 2014 йил 20 августдаги «Қимматли қоғозларни муомалага киритиш квоталари ва тартиби тўғрисидаги Низомни тасдиқлаш ҳақида»ги 239-сон қарорга илованинг 22-банди қуйидаги мазмундаги хатбоши билан тўлдирилсин:
«Бунда Ўзбекистон Республикаси Президентининг қарорларига асосан халқаро ва маҳаллий фонд бозорида акцияларининг бирламчи (IPO) ва (ёки) иккиламчи (SPO) оммавий таклифи ўтказиладиган давлат иштирокидаги корхоналарга мазкур бандда белгиланган тартиб татбиқ этилмайди».
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 19 сентябрь,
ПҚ-289-сон
Oʻzbekiston Respublikasi Prezidentining
qarori
TARKIBI
Oʻzbekiston Respublikasi milliy investitsiya jamgʻarmasi faoliyatini yanada takomillashtirish chora-tadbirlari toʻgʻrisida
Oʻzbekiston Respublikasi milliy investitsiya jamgʻarmasi faoliyatini yanada takomillashtirish orqali uning aksiyalarini mahalliy va xalqaro fond birjalarida birlamchi joylashtirishga puxta tayyorgarlik koʻrish va Jamgʻarmaning investitsion jozibadorligini oshirish maqsadida qaror qilaman:
1. Iqtisodiyot va moliya vazirligi, Davlat aktivlarini boshqarish agentligining quyidagi takliflariga rozilik berilsin:
(a) Oʻzbekiston Respublikasi milliy investitsiya jamgʻarmasiga (keyingi oʻrinlarda — Jamgʻarma) tegishli:
(i) “Uzbekistan Airports” AJ, “Biznesni rivojlantirish banki” ATB va “Mikrokreditbank” ATBning aksiyalari Jamgʻarmaning ustav kapitalidagi davlat ulushini kamaytirish hisobiga Iqtisodiyot va moliya vazirligiga;
(ii) “Oʻzbekiston pochtasi” AJning aksiyalari Jamgʻarmaning ustav kapitalidagi davlat ulushini kamaytirish hisobiga Davlat aktivlarini boshqarish agentligiga;
(b) “Oʻzsanoatqurilishbank” ATBning Tiklanish va taraqqiyot jamgʻarmasiga tegishli 30 foiz aksiya ulushi keyinchalik Jamgʻarmaga oʻtkazish uchun Iqtisodiyot va moliya vazirligiga;
(v) “Oʻzbekgidroenergo” AJning 20 foiz, “Oʻzbekinvest” AJning 10 foiz va “Temiryoʻlinfratuzilma” AJning 15 foiz aksiya ulushlarini qoʻshimcha ravishda Jamgʻarmaga oʻtkazish.
2. Quyidagilar:
(a) Tiklanish va taraqqiyot jamgʻarmasi (Sh. Vafayev) “Oʻzsanoatqurilishbank” ATBning Tiklanish va taraqqiyot jamgʻarmasiga tegishli 30 foiz aksiya ulushi;
(b) Davlat aktivlarini boshqarish agentligi (A. Ortiqov) “Oʻzbekinvest” AJning 10 foiz aksiya ulushi;
(v) “Oʻzbekiston temir yoʻllari” AJ (Z. Narzullayev) ustav kapitalidagi davlat ulushini kamaytirish hisobiga “Temiryoʻlinfratuzilma” AJning 15 foiz aksiya ulushi Iqtisodiyot va moliya vazirligiga ikki hafta muddatda oʻtkazilishini taʼminlasin.
3. Iqtisodiyot va moliya vazirligi (J. Qoʻchqorov) bir oy muddatda “Agrobank” ATB hamda Iqtisodiyot va moliya vazirligiga tegishli davlat ulushi mavjud boshqa tijorat banklarining aksiyalari ulushi Tiklanish va taraqqiyot jamgʻarmasiga mazkur qarorning 2-bandi “a” kichik bandida keltirilgan aksiyalar ulushiga teng qiymatda oʻtkazilishini taʼminlasin.
4. Belgilab qoʻyilsinki, Jamgʻarmaning investitsiya portfelidagi korxonalar va tijorat banklarining ustav kapitalida davlat ulushi oshirilgan taqdirda, shuningdek, xalqaro moliya institutlarining konvertatsiya qilinadigan kredit liniyalarini konvertatsiya qilish natijasida ularning ulushi oshganda, Jamgʻarmaga uning ulushini saqlab qolish uchun davlat ulushidan aksiyalar mutanosib ravishda oʻtkaziladi.
5. Oʻzbekiston Respublikasi milliy investitsiya jamgʻarmasi aksiyalarini birlamchi ommaviy savdoga chiqarish ishlarini muvofiqlashtiruvchi ishchi guruh 1-ilovaga muvofiq tarkibda tashkil etilsin.
6. Quyidagilar:
(a) Iqtisodiyot va moliya vazirligi Davlat aktivlarini boshqarish agentligi va Soliq qoʻmitasi bilan birgalikda ikki oy muddatda Jamgʻarmaning dividendlar tarzidagi daromadlarini dividend soligʻidan ozod etish yuzasidan Oʻzbekiston Respublikasi Soliq kodeksiga oʻzgartirish kiritish;
(b) Istiqbolli loyihalar milliy agentligi Iqtisodiyot va moliya vazirligi bilan birgalikda uch oy muddatda Oʻzbekiston Respublikasining “Investitsiya va pay fondlari toʻgʻrisida”gi Qonuni hamda “Qimmatli qogʻozlar bozori toʻgʻrisida”gi Qonuniga ishonchli boshqaruvchiga ruxsat etilgan amaliyotlarni kengaytirishni nazarda tutuvchi oʻzgartirish va qoʻshimchalar kiritish toʻgʻrisidagi takliflarni Vazirlar Mahkamasiga kiritsin.
7. Oʻzbekiston Respublikasi Prezidentining hamda Oʻzbekiston Respublikasi Hukumatining ayrim qarorlariga 2-ilovaga muvofiq oʻzgartirish va qoʻshimchalar kiritilsin.
8. Mazkur qarorning ijrosini nazorat qilish Bosh vazir oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidentining 2025-yil 19-sentabrdagi PQ-289-son qaroriga 1-ILOVA
Oʻzbekiston Respublikasi milliy investitsiya jamgʻarmasi aksiyalarini birlamchi ommaviy savdoga chiqarish ishlarini muvofiqlashtiruvchi ishchi guruh
1. J. Qoʻchqorov — Oʻzbekiston Respublikasi Bosh vaziri oʻrinbosari — iqtisodiyot va moliya vaziri, Ishchi guruh rahbari 2. B. Xodjayev — Oʻzbekiston Respublikasi Prezidenti Administratsiyasi departament boshligʻi, Ishchi guruh rahbari oʻrinbosari 3. X. Mustafayev — iqtisodiyot va moliya vaziri oʻrinbosari 4. N. Saydullayev — Markaziy bank raisining birinchi oʻrinbosari 5. N. Xusanov — Davlat aktivlarini boshqarish agentligi direktorining birinchi oʻrinbosari 6. B. Abdinazarov — “Uzassets” AJ boshqaruvi raisi 7. J. Abdushukurov — Iqtisodiyot va moliya vazirligi departament direktori, Ishchi guruh kotibi
Oʻzbekiston Respublikasi Prezidentining 2025-yil 19-sentabrdagi PQ-289-son qaroriga 2-ILOVA
Oʻzbekiston Respublikasi Prezidentining hamda Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
2. Oʻzbekiston Respublikasi Prezidentining 2023-yil 31-iyuldagi “Oʻzsanoatqurilishbank” aksiyadorlik tijorat bankining moliyaviy barqarorligini mustahkamlash va xususiylashtirishni jadallashtirishga oid qoʻshimcha chora-tadbirlar toʻgʻrisida”gi PQ-253-son qarorining 2-bandi “g” kichik bandi oʻz kuchini yoʻqotgan deb hisoblansin.
3. Oʻzbekiston Respublikasi Prezidentining 2024-yil 27-avgustdagi “Oʻzbekiston Respublikasi milliy investitsiya jamgʻarmasini tashkil etish toʻgʻrisida”gi PQ-303-son qaroriga ilova quyidagi tahrirda bayon etilsin:
““Oʻzbekiston Respublikasi milliy investitsiya jamgʻarmasi” AJ ustav kapitalini shakllantirish uchun davlat ulushi oʻtkaziladigan korxona va tijorat banklarining ROʻYXATI
T/r Nomlanishi Oʻtkaziladigan ulush, (foizda) 1. “Navoiyazot” AJ 25 2. “Hududiy elektr tarmoqlari” AJ 40 3. “Issiqlik elektr stansiyalari” AJ 25 4. AT “Xalq banki” 30 5. “Oʻzbekgidroenergo” AJ 40 6. “Oʻzbektelekom” AJ 25 7. “Uzbekistan airways” AJ 25 8. “Temiryoʻlinfratuzilma” AJ 40 9. “Hududgaztaʼminot” AJ 40 10. “Toshshahartransxizmat” AJ 25 11. “Oʻzbekiston MET” AJ 40 12. “Oʻzbekiston respublika tovar-xom ashyo birjasi” AJ 40 13. “Oʻzbekinvest” AJ 30 14. “Oʻzsuvtaʼminot” AJ 40 15. “Oʻzsanoatqurilishbank” ATB 30 ”.
4. Vazirlar Mahkamasining 2014-yil 20-avgustdagi “Qimmatli qogʻozlarni muomalaga kiritish kvotalari va tartibi toʻgʻrisidagi Nizomni tasdiqlash haqida”gi 239-son qarorga ilovaning 22-bandi quyidagi mazmundagi xatboshi bilan toʻldirilsin:
“Bunda Oʻzbekiston Respublikasi Prezidentining qarorlariga asosan xalqaro va mahalliy fond bozorida aksiyalarining birlamchi (IPO) va (yoki) ikkilamchi (SPO) ommaviy taklifi oʻtkaziladigan davlat ishtirokidagi korxonalarga mazkur bandda belgilangan tartib tatbiq etilmaydi”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 19-sentabr,
PQ-289-son
Президента Республики Узбекистан
Постановление
СОСТАВ
О мерах по дальнейшему совершенствованию деятельности Национального инвестиционного фонда Республики Узбекистан
В целях тщательной подготовки к первичному размещению акций Национального инвестиционного фонда Республики Узбекистан на местных и международных фондовых биржах путем дальнейшего совершенствования его деятельности и повышения инвестиционной привлекательности постановляю:
1. Согласиться с предложениями Министерства экономики и финансов, Агентства по управлению государственными активами о передаче:
(а) принадлежащих Национальному инвестиционному фонду Республики Узбекистан (далее — Фонд):
(i) акций АО «Uzbekistan Airports», АКБ «Банк развития бизнеса» и АКБ «Микрокредитбанк» — Министерству экономики и финансов за счет уменьшения государственной доли в уставном капитале Фонда;
(ii) акций АО «Узбекистон почтаси» — Агентству по управлению государственными активами за счет уменьшения государственной доли в уставном капитале Фонда;
(б) 30-процентной доли акций АКБ «Узпромстройбанк», принадлежащей Фонду реконструкции и развития, — Министерству экономики и финансов для последующей передачи в Фонд;
(в) дополнительных 20-процентной доли акций АО «Узбекгидроэнерго», 10-процентной доли акций АО «Узбекинвест» и 15-процентной доли акций АО «Темирйулинфратузилма» — Фонду.
2. Обеспечить в двухнедельный срок передачу Министерству экономики и финансов:
(а) Фондом реконструкции и развития (Ш. Вафаев) — 30-процентной доли акций АКБ «Узпромстройбанк», принадлежащей Фонду реконструкции и развития;
(б) Агентством по управлению государственными активами (А. Ортиков) — 10-процентной доли акций АО «Узбекинвест»;
(в) АО «Узбекистон темир йуллари» (З. Нарзуллаев) — 15-процентной доли акций АО «Темирйулинфратузилма» за счет уменьшения государственной доли в уставном капитале.
3. Министерству экономики и финансов (Д. Кучкаров) в месячный срок обеспечить передачу Фонду реконструкции и развития доли акций АКБ «Агробанк» и других коммерческих банков, имеющих государственную долю, принадлежащих Министерству экономики и финансов, в размере, равном доле акций, указанной в подпункте «а» пункта 2 настоящего постановления.
4. Установить, что в случае увеличения государственной доли в уставном капитале предприятий, входящих в инвестиционный портфель Фонда, а также коммерческих банков, равно как и в случае увеличения доли международных финансовых институтов в результате конвертации их кредитных линий в конвертируемой валюте, Фонду пропорционально передаются акции из государственной доли для сохранения его участия.
5. Образовать Рабочую группу по координации работ по размещению на первичных публичных торгах акций Национального инвестиционного фонда Республики Узбекистан в составе согласно приложению № 1 .
6. Внести в Кабинет Министров предложения:
(а) Министерству экономики и финансов совместно с Агентством по управлению государственными активами и Налоговым комитетом в двухмесячный срок — по внесению изменения в Налоговый кодекс Республики Узбекистан, предусматривающего освобождение доходов Фонда в виде дивидендов от налога на дивиденды;
(б) Национальному агентству перспективных проектов совместно с Министерством экономики и финансов в трехмесячный срок — по внесению изменений и дополнений в законы Республики Узбекистан « Об инвестиционных и паевых фондах » и « О рынке ценных бумаг », предусматривающих расширение перечня операций, разрешенных доверительному управляющему.
7. Внести изменения и дополнения в некоторые постановления Президента Республики Узбекистан и Правительства Республики Узбекистан согласно приложению № 2 .
8. Контроль за исполнением настоящего постановления возложить на заместителя Премьер-министра Д.А. Кучкарова.
ПРИЛОЖЕНИЕ № 1 к постановлению Президента Республики Узбекистан от 19 сентября 2025 года № ПП-289
Рабочей группы по координации работ по размещению на первичных публичных торгах акций Национального инвестиционного фонда Республики Узбекистан
1. Д. Кучкаров — заместитель Премьер-министра Республики Узбекистан — министр экономики и финансов, руководитель Рабочей группы 2. Б. Ходжаев — начальник департамента Администрации Президента Республики Узбекистан, заместитель руководителя Рабочей группы 3. Х. Мустафаев — заместитель министра экономики и финансов 4. Н. Сайдуллаев — первый заместитель председателя Центрального банка 5. Н. Хусанов — первый заместитель директора Агентства по управлению государственными активами 6. Б. Абдиназаров — председатель Правления АО « Uzassets » 7. Ж. Абдушукуров — директор департамента Министерства экономики и финансов, секретарь Рабочей группы
ПРИЛОЖЕНИЕ № 2 к постановлению Президента Республики Узбекистан от 19 сентября 2025 года № ПП-289
Изменения и дополнения, вносимые в некоторые постановления Президента Республики Узбекистан и Правительства Республики Узбекистан
2. Подпункт «г» пункта 2 постановления Президента Республики Узбекистан от 31 июля 2023 года № ПП-253 «О дополнительных мерах по укреплению финансовой устойчивости и ускорению приватизации Акционерного коммерческого банка «Узпромстройбанк» признать утратившим силу.
3. Приложение к постановлению Президента Республики Узбекистан от 27 августа 2024 года № ПП-303 «Об образовании Национального инвестиционного фонда Республики Узбекистан» изложить в следующей редакции:
« ПЕРЕЧЕНЬ предприятий и коммерческих банков, государственная доля в которых передается для формирования уставного капитала АО «Национальный инвестиционный фонд Республики Узбекистан»
№ Наименование Передаваемая доля (в процентах) 1. АО «Навоийазот» 25 2. АО «Региональные электрические сети» 40 3. АО «Тепловые электрические станции» 25 4. АК «Народный банк» 30 5. АО «Узбекгидроэнерго» 40 6. АО «Узбектелеком» 25 7. АО «Uzbekistan airways» 25 8. АО «Темирйулинфратузилма» 40 9. АО «Худудгазтаъминот» 40 10. АО «Тошшахартрансхизмат» 25 11. АО «Узбекистон МЭТ» 40 12. АО «Узбекская республиканская товарно-сырьевая биржа» 40 13. АО «Узбекинвест» 30 14. АО «Узсувтаъминот» 40 15. АКБ «Узпромстройбанк» 30 ».
4. Пункт 22 приложения к постановлению Кабинета Министров от 20 августа 2014 года № 239 «Об утверждении Положения о квотах и порядке допуска к обращению ценных бумаг» дополнить абзацем следующего содержания:
«При этом на предприятия с государственным участием, проводящим первичное (IPO) и (или) вторичное (SPO) публичное размещение акций на международном или местном фондовом рынке на основании решений Президента Республики Узбекистан, порядок, установленный в данном пункте, не распространяется».
Президент Республики Узбекистан Ш. МИРЗИЁЕВ
г. Ташкент,
19 сентября 2025 г.,
№ ПП-289