📅 2025-yil 19-sentabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 19 сентябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 19 сентября 2025 г. · Указы Президента
Официальный текст. Официальный документ. Редакционные примечания не включены.
📅 19 September 2025 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
АСОСИЙ ВАЗИФАЛАРИ
Енгил саноат соҳасида юқори қўшилган қийматли маҳсулотлар ишлаб чиқариш ва экспорт ҳажмини ошириш учун қўшимча шарт-шароитлар яратиш тўғрисида
[Кўчирма]
Енгил саноат соҳасида давлат сиёсатининг устувор йўналишларини ишлаб чиқиш ва сифатли амалга ошириш, шу жумладан, тўқимачилик, чарм-пойабзал, ипакчилик ва гиламчилик йўналишида амалга оширилаётган ислоҳотларни янада жадаллаштириш мақсадида қарор қиламан:
I. Давлат бошқарувини такомиллаштириш
1. Ўзбекистон Республикаси Вазирлар Маҳкамаси ҳузурида Енгил саноатни ривожлантириш агентлиги (кейинги ўринларда — Агентлик) ташкил этилсин ва Агентликнинг асосий вазифалари 1-иловага мувофиқ тасдиқлансин.
2. Белгилаб қўйилсинки, Агентлик тўқимачилик, чарм-пойабзал, ипакчилик ва гиламчилик саноати (кейинги ўринларда — енгил саноат) соҳаларида устувор йўналишларни ишлаб чиқиш ва амалга ошириш бўйича ваколатли давлат органи ҳисобланади.
3. Агентликка юклатилган вазифалар ижросини самарали таъминлаш мақсадида:
(а) Иқтисодиёт ва молия вазирлиги, Инвестициялар, саноат ва савдо вазирлиги, «Ўзтўқимачиликсаноат», «Ўзчармсаноат» ва «Ўзбекипаксаноат» уюшмаларининг Агентлик қошида тажрибали тадбиркорлардан иборат Енгил саноат соҳасида жамоатчилик кенгашини 2-иловага мувофиқ таркибда тузиш тўғрисидаги таклифи маъқуллансин;
(б) Ўзбекистон-Корея ўқув-амалий тўқимачилик технопарки, Ипакчилик илмий-тадқиқот институти ва Ўзбекистон табиий толалар илмий-тадқиқот институтлари амалдаги молиялаштириш тартибини сақлаб қолган ҳолда Агентлик тизимига ўтказилсин.
4. Агентликка мазкур Фармоннинг 3-банди «б» кичик бандида назарда тутилган ўқув-амалий ва илмий-тадқиқот муассасалари раҳбарларини белгиланган тартибда лавозимга тайинлаш ва лавозимидан озод этиш ваколати берилсин.
5. Белгилаб қўйилсинки, енгил саноат соҳасида белгиланган вазифаларни амалга оширишда «Ўзтўқимачиликсаноат», «Ўзчармсаноат» ва «Ўзбекипаксаноат» уюшмалари ҳамда кадрларни тайёрлаш, таълим йўналишлари ва дастурларини ишлаб чиқиш, илмий-тадқиқот ишларини амалга оширишда Тошкент тўқимачилик ва енгил саноат институти ўз фаолиятини Агентлик билан ҳамкорликда олиб боради.
6. Агентлик қошида юридик шахс ташкил этмаган ҳолда бюджетдан ташқари Енгил саноатни қўллаб-қувватлаш жамғармаси (кейинги ўринларда — Жамғарма) ташкил этилсин ва Жамғарма даромадларини шакллантириш манбалари 3-иловага мувофиқ тасдиқлансин.
7. Агентлик томонидан енгил саноат соҳасидаги корхоналарга Жамғарма маблағлари ҳисобидан 2025 йил 1 октябрдан бошлаб қуйидаги молиявий қўллаб-қувватлаш чоралари қўлланилиши белгилаб қўйилсин:
(а) халқаро брендларни жалб қилиш, стандартлаштириш ва сертификатлашнинг халқаро тизимларини, молиявий ҳисоботларнинг халқаро стандартларини жорий этиш, экспорт шартномалари бўйича суғурталашни молиялаштириш харажатларини қоплаш ҳамда мутахассисларни ўқитиш учун грантлар ажратиш;
(б) хорижий давлатларда савдо уйларини очиш ва сақлаш, офис, савдо ва омбор биноларини ижарага олиш, реклама кампанияларини ташкил этиш билан боғлиқ чет элдаги харажатларининг бир қисмини қоплаш;
(в) хорижий консалтинг компанияларни ва малакали мутахассисларни жалб қилиш, кўргазма стендларини ташкил этиш ва халқаро кўргазма-ярмаркалар, тренинглар ва бизнес-форумларда иштирок этиш харажатларини қоплаб бериш, хорижий ахборот ресурсларида маълумотларни жойлаштиришда молиявий ёрдам кўрсатиш;
(г) енгил саноат корхоналарини, шу жумладан, тайёр тикув-трикотаж, табиий ва сунъий чармдан тайёр пойабзал ва чарм атторлик маҳсулотлари, ипак мато ишлаб чиқарувчи корхоналарни белгиланган тартибда молиявий қўллаб-қувватлаш;
(д) Жамғарма маблағлари ҳисобидан ҳудудларда ташкил этиладиган енгил саноат корхоналарига кўмаклашиш лойиҳа офисларини сақлаш, жалб қилинадиган хорижий маслаҳатчилар ва консалтинг компаниялари харажатларини қоплаш, Агентлик фаолиятини қўллаб-қувватлаш, ҳамкор уюшмалар ҳамда илмий муассасаларни ўрнатилган тартибда молиялаштириш.
8. Агентлик Жамғарма маблағлари ҳисобидан Ўзбек-Корея ўқув-амалий тўқимачилик технопарки негизида:
(а) 2026 йил 1 июлга қадар 24 турдаги текширувлар ўтказиладиган замонавий тўқимачилик лабораториясини ташкил этиш ҳамда уни жиҳозлаш ва халқаро аккредитациядан ўтказишни таъминласин;
(б) уч ой муддатда «Fashion business incubator» лойиҳасини амалга ошириш ҳамда уни молиялаштириш учун дастлабки босқичда 5 млрд сўм ажратиш чораларини кўрсин.
9. Белгилансинки, Жамғарманинг йиллик харажатлари чораклар кесимида Агентлик томонидан Кенгаш тавсиялари асосида ишлаб чиқилиб, Иқтисодиёт ва молия вазирлиги билан келишилгандан кейин тасдиқланади. Агентлик директорига йиллик харажатлар сметасининг 10 фоизигача миқдорда кейинчалик Кенгашга маълумот киритиш шарти билан ўзгартиришлар киритиш ҳуқуқи берилсин.
10. Белгилаб қўйилсинки, олис туманларда саноатни ривожлантиришни рағбатлантириш мақсадида 3 — 5 тоифадаги туманларда ишлаб чиқариш филиалини очадиган тўқимачилик ва тикув-трикортаж корхоналарига филиалда 200 та иш ўрни яратиш ва ойлик ўртача иш ҳақини 2,5 миллион сўмдан кам бўлмаган миқдорда тўлаш шарти билан Жамғармадан:
(а) беш йилга 10 миллиард сўмгача Марказий банк асосий ставкасида кредит берилади;
(б) хориждан жалб қиладиган дизайнер, технолог, конструктор ва маркетологлар ойлигининг бир қисми қоплаб берилади.
II. Молиялаштириш манбалари
11. Тикланиш ва тараққиёт жамғармаси Жамғармага 2030 йил 1 январга қадар қайтариш шарти билан йиллик 4 фоиз ставкада 200 миллион АҚШ доллари миқдоридаги маблағларни 2025-2026 йилларда мутаносиб равишда, Жамғарма буюртманомалари асосида босқичма-босқич ажратилишини таъминласин. Бунда Тикланиш ва тараққиёт жамғармаси маблағлари ҳисобидан корхоналарни айланма маблағ билан таъминлаш учун Агентлик томонидан тижорат банкларига молиявий ресурслар ажратилади.
12. Иқтисодиёт ва молия вазирлиги:
(а) мазкур Фармоннинг 7-бандида назарда тутилган қўллаб-қувватлаш чоралари ҳамда Агентлик фаолиятини ташкил этиш билан боғлиқ сақлаш харажатлари учун Савдога кўмаклашиш жамғармасига 2025 йилда ажратилган маблағлар ҳисобидан 20 миллиард сўмни бир ҳафта муддатда Жамғармага ўтказсин, келгуси йилларда бюджет параметрларини шакллантиришда ушбу харажатларни назарда тутсин;
(б) Енгил саноат соҳаларини 2030 йилга қадар ривожлантириш стратегиясини ишлаб чиқиш ҳамда корхоналарни рақамлаштириш тадбирларини молиялаштириш учун Жамғармага 2026 йилда 50 миллиард сўм, 2027 йилда 100 миллиард сўм миқдорида маблағлар ажратилишини таъминласин.
III. Фармон ижросини ташкил этиш, таъминлаш ва назорат
13. Вазирлар Маҳкамаси икки ҳафта муддатда Агентлик фаолиятини ташкил этиш ва Енгил саноатни қўллаб-қувватлаш жамғармаси маблағларини шакллантириш ҳамда ундан фойдаланиш тартибини назарда тутувчи норматив-ҳуқуқий ҳужжатни тасдиқласин.
14. Агентлик бир ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисидаги таклифларни Вазирлар Маҳкамасига киритсин.
15. Бош вазир ўринбосарлари Ж. Қўчқоров ва Ж. Ходжаев:
(а) икки ой муддатда енгил саноат соҳасини чуқур таҳлил қилган ҳолда юқори қўшилган қийматли маҳсулот ишлаб чиқариш ва экспортни ошириш бўйича чора-тадбирлар дастурини тасдиқласин;
(б) уч ой муддатда:
(i) халқаро консультантларни жалб қилган ҳолда Енгил саноат соҳаларини 2030 йилга қадар ривожлантириш стратегиясининг асосий йўналишларини ишлаб чиқсин;
(ii) чарм-пойабзал, ипакчилик ва гиламчилик саноатини ривожлантириш бўйича қарор лойиҳаларини Вазирлар Маҳкамасига киритсин.
16. Агентлик бошқарув ходимларининг чекланган штатлари сони 60 та этиб белгилансин ҳамда мазкур штат бирликлари Ўзбекистон Республикаси Президентининг 2025 йил 26 июндаги ПФ-105-сон Фармони 7-банди ижроси доирасида қисқартирилиши белгиланган штат бирликлари ҳисобидан шакллантирилсин.
17. Белгилаб қўйилсинки:
(а) Агентлик директори Ўзбекистон Республикаси Президенти томонидан лавозимга тайинланади ва лавозимидан озод этилади;
(б) Агентлик директори, унинг биринчи ўринбосари ва ўринбосарлари мақоми, тиббий ва транспорт хизмат кўрсатиш шартлари бўйича тегишли равишда вазирнинг биринчи ўринбосари ва вазир ўринбосарига тенглаштирилади;
(в) Агентлик ходимларининг меҳнатига ҳақ тўлаш қонунчиликда белгиланган разрядларга асосан бошқарув ходимларининг лавозим маошини аниқлашда тариф коэффициентлари 1,8 бараварга оширилган ҳолда қўлланилади.
18. Иқтисодиёт ва молия вазирлиги:
(а) икки ҳафта муддатда Агентлик фаолиятини ташкил қилиш учун талаб қилинадиган маблағларни 2025 йил учун Ўзбекистон Республикаси Давлат бюджетининг тасдиқланган параметрлари доирасида ажратсин ҳамда Агентликнинг 2025 йилга мўлжалланган харажатлар сметасини тасдиқласин;
(б) Жамғарма маблағлари ҳисобидан Агентлик томонидан тақдим этилган ҳисоб-китобларга асосан Агентликни хизмат автомашинаси, мебель, компьютер ва бошқа зарур жиҳозлар билан таъминлаш учун маблағ ажратсин;
(в) 2026 йилдан бошлаб ҳар йили Ўзбекистон Республикаси Давлат бюджети параметрларини шакллантиришда Агентлик фаолиятини молиялаштириш учун зарур маблағларни кўзда тутсин.
19. Тошкент шаҳри Мирзо Улуғбек тумани Мустақиллик шоҳ кўчаси 109-уй манзилидаги бино моддий-техник базаси билан биргаликда Агентликка оператив бошқарув ҳуқуқи асосида берилсин.
20. Миллий статистика қўмитаси ишлаб чиқаришни таҳлил қилиш ва маҳсулотлар балансини ишлаб чиқиш мақсадида корхоналар ва маҳсулотлар кесимида статистик маълумотларни Агентликка тақдим этиб борсин.
21. Ташқи ишлар вазирлиги Агентлик буюртманомаларига асосан жалб этиладиган чет эллик мутахассислар ва халқаро консультантларнинг кириш визалари консуллик ва бошқа йиғимлар ундирилмасдан белгиланган тартибда расмийлаштирилишини таъминласин.
22. Ўзбекистон Республикаси Президентининг ва Ўзбекистон Республикаси Ҳукуматининг айрим ҳужжатларига 4-иловага мувофиқ ўзгартириш ва қўшимчалар киритилсин.
23. Мазкур Фармоннинг ижросини самарали ташкил қилишга масъул ва шахсий жавобгар этиб Бош вазир ўринбосарлари Ж.А. Қўчқоров ҳамда Ж.А. Ходжаев белгилансин.
24. Фармон ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2025 йил 19 сентябрдаги ПФ-174-сон Фармонига 1-ИЛОВА
Енгил саноатни ривожлантириш агентлигининг
1. Юқори қўшилган қийматли тайёр маҳсулотлар ишлаб чиқариш ҳажмини ошириш йўналишида:
(а) бўяш, мато ва газлама тўқиш, тўқув, бўёқ ва тайёр маҳсулот ишлаб чиқариш қувватларини оширишга шарт-шароит яратиш, ўзаро кооперация тизимини рағбатлантириш ва ишлаб чиқариш қувватларидан фойдаланишни ошириш бўйича дастурлар ишлаб чиқиш ва амалга оширишга кўмаклашиш;
(б) тўқимачилик, чарм-пойабзал, ипакчилик ва гиламчилик соҳаларида, шу жумладан, ривожланаётган туман ва шаҳарларда, тадбиркорлик субъектларининг фаолиятини қўллаб-қувватлаш ва саноат кооперацияси учун шарт-шароит яратиш;
(в) соҳада илмий ёндашувларни жорий этиш ва малакали мутахассисларни (технолог, инженер, дизайнер, дастурчи ва бошқалар) жалб қилишда ташкилий ва молиявий кўмак кўрсатиш.
2. Экспортни оширишни рағбатлантириш йўналишида:
(а) маркетинг тадқиқотларини олиб бориш, халқаро кўргазмаларда иштирок этиш, истиқболли тайёр маҳсулотлар билан янги бозорларга чиқиш;
(б) енгил саноат соҳасига хорижий сорсинг компаниялар ва халқаро брендларни жалб қилиш, миллий брендларни ривожлантириш, шу жумладан, «Made in Uzbekistan» бренди шаклланишини ҳар томонлама қўллаб-қувватлаш;
(в) халқаро сифат, экологик, бошқарув ва ижтимоий сертификатларни корхоналарга жорий этиш, замонавий лабораторияларни ташкил этиш, жиҳозлаш ва халқаро аккредитациядан ўтказишга кўмаклашиш чораларини кўриш;
(г) логистикага кўмаклашиш ва етказиб бериш харажатларини мақбуллаштириш бўйича хорижий ташкилотлар билан ишларни ташкил этиш, истиқболли бозорларда (Европа Иттифоқи, АҚШ ва бошқалар) экспорт ташқи инфратузилмаси, жумладан, савдо уйлари, дўконлар ва омборхона ташкил этиш ва электрон савдо платформалари орқали экспортни оширишга кўмаклашиш;
(д) халқаро жамоат ташкилотлари ва брендларни Ўзбекистон Республикасида мажбурий меҳнатнинг бартараф этилгани ҳақида кенг хабардор қилиш, «Better work», «FWF» ва «BCI» каби дастурлар ҳамда стандартларни жорий этишни кенгайтириш.
3. Инвестицияларни жалб қилиш йўналишида:
(а) ишлаб чиқариш занжиридаги бўшлиқларни тўлдириш (тўқимачиликда тўқув ва бўёқ-пардозлаш, чарм-пойабзал ва ипак саноатида тайёр маҳсулотлар ишлаб чиқариш)га қаратилган инвестиция лойиҳаларини амалга оширишни қўллаб-қувватлаш;
(б) сунъий ва аралаш хомашёдан маҳсулотлар, аксессуар ва фурнитура, бўёқ ва кимёвий воситалар ишлаб чиқаришга йўналтирилган лойиҳаларга инвесторларни жалб қилиш;
(в) Европа, Туркия, Хитой ва бошқа хорижий давлатлар корхоналари ҳамда бренд компанияларининг ишлаб чиқариш қувватларини релокация қилиш бўйича инвесторлар билан ишлаш.
4. Соҳа корхоналарининг молиявий ҳолатини яхшилаш ва замонавий бошқарув усулларини жорий этиш йўналишида:
(а) соҳада узоқ йиллардан буён фаолият кўрсатаётган, молиявий барқарор ва доимий иш ўринларини яратган корхоналарни доимий қўллаб-қувватлаб бориш бўйича таклифлар ишлаб чиқиш;
(б) маҳсулот таннархини тушириш, жумладан, ишлаб чиқаришни рақамлаштириш, ахборот тизимларини кенг жорий қилиш, энергия самарадорлигини оширишни қўллаб-қувватлаш;
(в) молиявий ҳисоботларнинг халқаро стандартларини (IFRS) жорий қилиш, амалга ошириладиган инвестиция лойиҳаларига халқаро молия институтлари ва хорижий банклардан тўғридан-тўғри кредитлар ҳамда инвестицияларни жалб қилишга кўмаклашиш;
(г) соҳада экологик, ижтимоий ва корпоратив бошқарув (ESG) принципларини жорий этиш орқали маҳсулот сифатини ҳамда меҳнат шароитларини яхшилашга шароитлар яратиш.
5. Маҳаллий ва хорижий бозорларнинг ҳолати ҳамда ривожланиш тенденцияларини ўз ичига қамраб олган таҳлилий материалларни доимий эълон қилиб бориш асосида соҳа корхоналарига кўмаклашиш.
6. Агентлик тасарруфига ўтказилаётган ўқув-амалий ва илмий-тадқиқот муассасаларини «Ўзтўқимачиликсаноат», «Ўзчармсаноат» ва «Ўзбекипаксаноат» уюшмалари ҳамда тўқимачилик, тикув-трикотаж, чарм-пойабзал, ипакчилик ва гиламчилик саноати корхоналари билан манфаатли ҳамкорлигини ва ўзаро тажриба алмашувини йўлга қўйиш.
7. Енгил саноат соҳасида грант, ижтимоий буюртма ва бошқа қонунчиликда тақиқланмаган молиялаштириш механизмлари орқали дастурлар ва норматив-ҳуқуқий ҳужжатларни ишлаб чиқиш ҳамда амалга оширишга жамоат бирлашмаларини уларнинг розилигига кўра жалб этиш.
8. Енгил саноат соҳасида Агентликка юклатилган вазифаларни «Ўзтўқимачиликсаноат», «Ўзчармсаноат» ва «Ўзбекипаксаноат» уюшмалари ҳамда кадрларни тайёрлаш, таълим йўналишлари ва дастурларини ишлаб чиқиш, илмий тадқиқот ишларини амалга оширишда Тошкент тўқимачилик ва енгил саноат институти билан ҳамкорликда амалга ошириш.
Ўзбекистон Республикаси Президентининг 2025 йил 19 сентябрдаги ПФ-174-сон Фармонига 2-ИЛОВА
Енгил саноат соҳасида жамоатчилик кенгаши таркиби
Т/р Ф.И.Ш. Лавозими * 1. М. Раззаков «Global Textile» корхоналар гуруҳи раҳбари, Жамоатчилик кенгаши раиси I. Тўқимачилик саноати 2. Лавозими бўйича «Ўзтўқимачиликсаноат» уюшмаси раиси 3. А. Ахроров «Samarkand apparel» корхонаси раҳбари 4. Ш. Каюмов «Trusted Textile Marketplace» корхонаси раҳбари 5. И. Хамраев «Merganteks» корхонаси раҳбари 6. Н. Эргашев «Sultontex Group» корхонаси раҳбари 7. Ш. Жумаев « N avbahor teks» корхонаси раҳбари 8. Д. Рейна «Indorama Kokand Textile» корхонаси раҳбари II. Гиламчилик саноати 9. К. Абдуллаев «SAG» корхонаси раҳбари 10. Ш. Холназаров « N avoiy-Ishonch-Gilamlari» корхонаси раҳбари III. Чарм-пойабзал саноати 11. Лавозими бўйича «Ўзчармсаноат» уюшмаси раиси 12. А. Абдувахобов «Peng Sheng Charm» корхонаси директори ўринбосари 13. А. Хамидов «Нamkor N ur Savdo» корхонаси раҳбари 14. Р. Салихов «RUS-SAL» корхонаси раҳбари IV. Ипакчилик саноати 15. Лавозими бўйича «Ўзбекипаксаноат» уюшмаси раиси 16. О. Пирматов «Xarir tola» корхонаси раҳбари 17. Қ. Катаев «Romstar» корхонаси раҳбари 18. Ш. Хожиев «Kumushkent ipagi» корхонаси раҳбари 19. Лавозими бўйича Енгил саноатни ривожлантириш агентлиги бошқарма бошлиғи, Жамоатчилик кенгаши котиби
Ўзбекистон Республикаси Президентининг 2025 йил 19 сентябрдаги ПФ-174-сон Фармонига 3-ИЛОВА
Енгил саноатни қўллаб-қувватлаш жамғармаси даромадларини шакллантириш манбалари
1. Тижорат банклари орқали корхоналарни айланма маблағ билан таъминлаш учун молиявий ресурслар ажратиш мақсадида Жамғарма буюртманомалари асосида Тикланиш ва тараққиёт жамғармасидан босқичма-босқич ажратиладиган 200 миллион АҚШ доллари. *
2. Давлат бюджетидан белгиланган тартибда ўтказиб бериладиган, жумладан, корхоналарни қўллаб-қувватлаш чораларини амалга ошириш учун ажратиладиган маблағлар.
3. Жисмоний ва юридик шахсларнинг хайрия маблағлари, халқаро молия институтлари ва хорижий ҳукумат молия ташкилотларининг грантлари.
4. Қонунчилик ҳужжатлари билан тақиқланмаган бошқа манбалар.
Ўзбекистон Республикаси Президентининг 2025 йил 19 сентябрдаги ПФ-174-сон Фармонига 4-ИЛОВА
Ўзбекистон Республикаси Президентининг ва Ўзбекистон Республикаси Ҳукуматининг айрим ҳужжатларига киритилаётган ўзгартириш ва қўшимчалар
1. Ўзбекистон Республикаси Президентининг 2023 йил 25 январдаги «Республика ижро этувчи ҳокимият органлари фаолиятини самарали йўлга қўйишга доир биринчи навбатдаги ташкилий чора-тадбирлар тўғрисида»ги ПФ-14-сон Фармонида :
(а) 1-иловада :
(i) «Жами» позициясининг «Жами бошқарув штат бирликлари сони» устунидаги «49 034» ва «Давлат бюджети ҳисобидан» устунидаги «45 099» рақамлари тегишинча «49 094» ва «45 159» рақамлари билан алмаштирилсин;
(ii) қуйидаги мазмундаги 37-бўлим билан тўлдирилсин:
« 37. Вазирлар Маҳкамаси ҳузуридаги Енгил саноатни ривожлантириш агентлиги Енгил саноатни ривожлантириш агентлиги 60 60 шу жумладан, директор ўринбосарлари сони 3 3 » ;
(б) 2-иловада :
(i) қуйидаги мазмундаги 40-банд билан тўлдирилсин:
«40. Вазирлар Маҳкамаси ҳузуридаги Енгил саноатни ривожлантириш агентлиги»;
(ii) изоҳ қисмидаги «69» рақами «70» рақами билан, «26» рақами «27» рақами билан, «мустақил агентликлар — 9 та» сўзлари «мустақил агентликлар — 10 та» сўзлари билан алмаштирилсин;
(в) 2а-илова қуйидаги мазмундаги 40-позиция билан тўлдирилсин:
« 40. Ўзбекистон Республикаси Вазирлар Маҳкамаси ҳузуридаги Енгил саноатни ривожлантириш агентлиги Енгил саноат агентлиги Агентство легкой промышленности » .
2. Ўзбекистон Республикаси Президентининг 2023 йил 12 декабрдаги «Қишлоқ хўжалигида эркин бозор муносабатларини янада ривожлантиришнинг қўшимча чора-тадбирлари тўғрисида»ги ПФ-205-сон Фармонининг 5-бандида :
(а) «а» кичик банднинг иккинчи хатбошисидаги «20 фоизигача» сўзлари «30 фоизигача» сўзлари билан алмаштирилсин;
(б) «б» кичик банднинг иккинчи хатбошиси қуйидаги таҳрирда баён этилсин:
«пахта хом ашёси ялпи ҳосили хариди бўйича якуний ҳисоб-китоб ва терим учун пахта хом ашёси қийматининг 80 фоизигача йиллик 14 фоиз ставкада, 60 фоизигача йиллик 10 фоиз ставкада (шундан, банк маржаси 2 фоиз) 12 ойга, шу жумладан, 6 ойлик имтиёзли давр ва охирги 6 ой давомида тенг улушларда қайтариш шарти билан»;
(в) «б» кичик банднинг тўртинчи хатбошисидаги «20 фоизигача» сўзлари «30 фоизигача» сўзлари билан алмаштирилсин;
(г) «б 1 » кичик банд ўз кучини йўқотган деб ҳисоблансин.
3. Ўзбекистон Республикаси Президентининг 2024 йил 1 майдаги «Тўқимачилик ва тикув-трикотаж саноатини ривожлантиришни янги босқичга олиб чиқиш чора-тадбирлари тўғрисида» ги ПФ-71-сон Фармонида :
(а) 4-банднинг иккинчи хатбошиси қуйидаги таҳрирда баён этилсин:
«Бунда Тариф ва нотариф тартибга солиш кенгаши Вазирлар Маҳкамаси ҳузуридаги Енгил саноатни ривожлантириш агентлигининг Иқтисодиёт ва молия вазирлиги билан келишилган таклифлари асосида ҳар чоракда ушбу рўйхатга тегишли ўзгартириш киритиб бориши мумкин»;
(б) 7-бандда «2024 йил май ойидан бошлаб, 4 ой давомида 50 миллиард сўмдан, жами 200 миллиард сўм» сўзлари чиқариб ташлансин.
4. Ўзбекистон Республикаси Президентининг 2024 йил 23 августдаги «Ўзбекистон Республикаси Президентининг ва Ўзбекистон Республикаси Ҳукуматининг айрим ҳужжатларига қўшимча ва ўзгартиришлар киритиш тўғрисида»ги ПФ-119-сон Фармонининг 1-банди ўз кучини йўқотган деб ҳисоблансин.
5. Ўзбекистон Республикаси Президентининг 2024 йил 27 декабрдаги «Тадбиркорлар учун тенг шароитлар ва адолатли рақобат муҳитини таъминлаш бўйича навбатдаги чора-тадбирлар тўғрисида»ги ПФ-229-сон Фармонининг 2-бандида :
(а) иккинчи хатбоши чиқариб ташлансин;
(б) учинчи — еттинчи хатбошилар тегишлича иккинчи — олтинчи хатбошилар деб ҳисоблансин;
(в) учинчи хатбошидаги «камида 90 фоизини» сўзлари «камида 70 фоизини» сўзлари билан алмаштирилсин.
6. Ўзбекистон Республикаси Президентининг 2025 йил 16 январдаги «Тўқимачилик ва тикув-трикотаж саноатида қайта ишлаш занжирини ривожлантириш бўйича қўшимча чора-тадбирлар тўғрисида»ги ПФ-6-сон Фармонида :
(а) 2-банд ўз кучини йўқотган деб ҳисоблансин;
(б) 6-банднинг иккинчи хатбошиси қуйидаги таҳрирда баён этилсин:
«Тикланиш ва тараққиёт жамғармаси 5 йил муддатга 2028 йил 1 январдан қайтариш шарти билан йиллик 4 фоиз ставкада Компанияга унинг буюртмасига асосан 50 миллион АҚШ доллари, Марказий банкнинг буюртмасига асосан тижорат банкларига 50 миллион АҚШ доллари, жами 100 миллион АҚШ доллари миқдорида маблағ ажратади;
(в) қуйидаги мазмундаги тўртинчи хатбоши билан тўлдирилсин:
«мазкур маблағларнинг тижорат банкларига ажратиладиган 50 миллион АҚШ доллари қисми Енгил саноатни ривожлантириш агентлигининг тавсиясига асосан енгил саноат корхоналарига қулай шартларда факторинг ва лизинг хизматлари, хомашё харид қилиш ва сотиш бўйича савдо операциялари учун молиявий хизматларни кўрсатишга йўналтирилади»;
(г) тўртинчи — олтинчи хатбошилар тегишлича бешинчи — еттинчи хатбошилар деб ҳисоблансин.
7. Ўзбекистон Республикаси Президентининг 2025 йил 30 январдаги «Яйловларни муҳофаза қилиш ва улардан оқилона фойдаланишнинг замонавий механизмларини жорий этиш чора-тадбирлари тўғрисида»ги ПФ-15-сон Фармонининг 1-бандида :
(а) тўртинчи ва олтинчи хатбошилардаги «Қишлоқ хўжалиги вазирлиги» сўзлари «Енгил саноатни ривожлантириш агентлиги» сўзлари билан алмаштирилсин;
(б) қуйидаги мазмундаги еттинчи хатбоши билан тўлдирилсин:
«Ипакчилик қўмитаси балансида бўлган моддий-техник база (давлат активлари) Енгил саноатни ривожлантириш агентлигига фойдаланиш учун берилади».
8. Ўзбекистон Республикаси Президентининг 2025 йил 14 мартдаги «Маҳсулотларни экспорт қилиш тартиб-таомилларини такомиллаштириш ва қўшилган қийматга эга тайёр маҳсулотлар ишлаб чиқаришни рағбатлантириш чора-тадбирлари тўғрисида»ги ПФ-47-сон Фармонига 1-илованинг 33-позицияси қуйидаги таҳрирда баён этилсин:
« 33. 4101 Йирик шохли қорамол (жумладан, ҳўкизлар (буйвол) ёки отлар оиласига мансуб ҳайвонларнинг янги шилинган ҳолатидаги ёки тузланган, қуритилган, ошланган, пикелланган ёки бошқа усулда консерваланган, ошланмаган пергамент учун тайёрланган ёки қўшимча ишлов берилмаган, жун қатлами бўлган ёки бўлмаган, икки қатламга ажратилган ёки ажратилмаган хом терилари 30, лекин ҳар бир тоннаси учун 300 АҚШ долларидан кам бўлмаган миқдорда » .
9. Ўзбекистон Республикаси Президентининг 2024 йил 24 сентябрдаги «Чанг бўронларига қарши курашиш ва атмосфера ҳавоси сифатини яхшилаш бўйича биринчи навбатдаги чора-тадбирлар тўғрисида»ги ПҚ-338-сон қарорига 2-илованинг 1-позицияси «Молиялаштириш манбалари» устунидаги «2024» рақами «2025» рақами билан ҳамда «Амалга ошириш муддати» устунидаги «2025» рақами «2026» рақами билан алмаштирилсин.
10. Вазирлар Маҳкамасининг 2023 йил 25 декабрдаги «Пахта хом ашёсини етиштириш ва пахта йиғим-терими харажатларини кредитлаш ҳамда уларни реализация қилишнинг қўшимча чора-тадбирлари тўғрисида»ги 680-сон қарорида :
(а) Пахта хом ашёсини етиштириш ва пахта йиғим-терими харажатларини ҳамда пахта хом ашёсини харид қилишнинг якуний ҳисоб-китобини кредитлаш тўғрисидаги низомда :
(i) 2-банднинг тўртинчи хатбошисидан «пахта-тўқимачилик кластерлари билан фьючерс шартномаси тузган» сўзлари чиқариб ташласин;
(ii) 9-бандда :
«а» кичик банднинг иккинчи хатбошиси қуйидаги таҳрирда баён этилсин:
«фермер хўжаликлари ва бошқа қишлоқ хўжалиги субъектларига пахта хом ашёси йиғим-терими учун — пахта хом ашёси ялпи қийматининг 30 фоизигача йиллик 8 фоиз ставкада, кредит ресурсларини қайтариш муддатини узайтириш ҳуқуқисиз жойлаштиради»;
«в» ва «г» кичик бандлардаги «20 фоизигача» сўзлари «30 фоизигача» сўзлари билан алмаштирилсин;
«д» кичик банд қуйидаги таҳрирда баён этилсин:
«д) пахта-тўқимачилик кластерлари ҳамда тўқимачилик маҳсулотлари ишлаб чиқаришни йўлга қўйган корхоналарнинг пахта хом ашёсини харид қилишнинг якуний ҳисоб-китоби ва теримини кредитлаш учун 12 ой муддатга, 6 ойлик имтиёзли давр ва сўнгги 6 ойда тенг улушларда қайтариш шарти билан, пахта хом ашёси қийматининг 80 фоизигача йиллик 12 фоиз ставкада, 60 фоизигача йиллик 8 фоиз ставкада кредит ресурсларини қайтариш муддатини узайтириш ҳуқуқисиз жойлаштиради»;
«е» кичик банд ўз кучини йўқотган деб ҳисоблансин;
(iii) 11-банд «в» кичик бандининг иккинчи хатбошиси қуйидаги таҳрирда баён этилсин:
«пахта хом ашёсини етказиб бериш бўйича фьючерс ва спот шартномалари»;
(iv) 18-бандда :
«а» кичик банднинг иккинчи хатбошиси қуйидаги таҳрирда баён этилсин:
«фермер хўжаликлари ва бошқа қишлоқ хўжалиги субъектларига пахта хом ашёси йиғим-терими учун — пахта хом ашёси ялпи қийматининг 30 фоизигача йиллик 10 фоиз ставкада (шундан банк маржаси 2 фоиз) 4 ойга кредит ажратилади»;
«д» кичик банднинг биринчи хатбошиси қуйидаги таҳрирда баён этилсин:
«д) пахта-тўқимачилик кластерлари ҳамда тўқимачилик маҳсулотлари ишлаб чиқаришни йўлга қўйган корхоналарнинг пахта хом ашёсини харид қилишнинг якуний ҳисоб-китоби ва теримини кредитлаш учун 12 ой муддатга, 6 ойлик имтиёзли давр ва сўнгги 6 ойда тенг улушларда қайтариш шарти билан, пахта хом ашёси қийматининг 80 фоизигача йиллик 14 фоиз ставкада, 60 фоизигача йиллик 10 фоиз ставкада (шундан банк маржаси 2 фоиз) кредит ажратади»;
«е» кичик банд ўз кучини йўқотган деб ҳисоблансин;
(б) Пахта хом ашёсини биржа савдолари орқали сотишни тартибга солиш тўғрисидаги низом 3-бандининг иккинчи хатбошиси қуйидаги таҳрирда баён этилсин:
«Етиштирилган пахта хом ашёси ёки уни қайта ишлаш натижасида олинган бирламчи ва иккиламчи маҳсулотларни (тола, чигит, линт, ўлик пахта) харидорга сотиш шартномаси биржанинг ахборот порталида тузилади ва ушбу шартнома бўйича тўловлар биржанинг ҳисоб-китоб-клиринг операцияларини ўтказиш (тўлов ҳужжатларига мувофиқ пул ўтказиш) қоидалари асосида амалга оширилади».
11. Вазирлар Маҳкамасининг 2024 йил 13 сентябрдаги «Пахта хом ашёси етиштирувчиларини молиявий қўллаб-қувватлаш чора-тадбирлари тўғрисида»ги 574-сон қарорининг 8-банди қуйидаги таҳрирда баён этилсин:
«8. Иқтисодиёт ва молия вазирлиги Жамғарманинг мазкур қарор доирасида юзага келадиган қўшимча харажатларини қоплаш учун Жамғармага Давлат бюджетидан 3,5 трлн сўмгача беғараз маблағлар ажратсин».
12. Вазирлар Маҳкамасининг 2025 йил 24 июлдаги «Пахта хом ашёси етиштириш харажатларини муқобил манбалар ҳисобидан молиялаштириш ва самарали фаолият юритаётган қишлоқ хўжалиги субъектларини янада қўллаб-қувватлаш чора-тадбирлари тўғрисида»ги 466-сон қарори 5-бандининг иккинчи хатбошиси қуйидаги таҳрирда баён этилсин:
«Бунда интеграция харажатлари Давлат бюджети ҳисобидан амалга оширилсин ҳамда ушбу порталга интеграция қилинган ахборот тизимлари орқали киритилган маълумотларнинг ҳаққонийлигига тегишли вазирлик ва идоралар масъул этиб белгилансин».
14. Вазирлар Маҳкамасининг 2024 йил 11 майдаги «Республикада тўқимачилик, чарм-пойабзал ва электротехника маҳсулотлари экспортини тартибга солиш чора-тадбирлари тўғрисида»ги 274-сон қарори ўз кучини йўқотган деб ҳисоблансин.
15. Вазирлар Маҳкамасининг 2024 йил 31 июлдаги 466-сон қарори билан тасдиқланган Ўзбекистон Республикаси Савдо-саноат палатасининг Тармоқларни қўллаб-қувватлаш жамғармаси даромадларини шакллантириш ва маблағларидан фойдаланиш тартиби тўғрисидаги низомнинг 12-бандининг ўн тўртинчи хатбошиси қуйидаги таҳрирда баён этилсин:
«электротехника ва электро маиший маҳсулотлар ишлаб чиқарувчи маҳаллий корхоналарда ҳамда Енгил саноатни ривожлантириш агентлиги тавсия этган тўқимачилик корхоналарида ишлаб чиқариш жараёнини рақамлаштириш (ERP, MES, PLM тизимларини ҳамда сунъий интеллект асосидаги тизимларни, шу жумладан IT-парк резидентларининг сунъий интеллект ечимларини жорий қилиш) билан боғлиқ харажатларнинг 50 фоизини, лекин битта тадбиркорлик субъектига кўпи билан 20 минг АҚШ доллари эквиваленти миқдорини қоплаш».
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 19 сентябрь,
ПФ-174-сон
Oʻzbekiston Respublikasi Prezidentining
Farmoni
ASOSIY VAZIFALARI
Yengil sanoat sohasida yuqori qoʻshilgan qiymatli mahsulotlar ishlab chiqarish va eksport hajmini oshirish uchun qoʻshimcha shart-sharoitlar yaratish toʻgʻrisida
[Koʻchirma]
Yengil sanoat sohasida davlat siyosatining ustuvor yoʻnalishlarini ishlab chiqish va sifatli amalga oshirish, shu jumladan, toʻqimachilik, charm-poyabzal, ipakchilik va gilamchilik yoʻnalishida amalga oshirilayotgan islohotlarni yanada jadallashtirish maqsadida qaror qilaman:
I. Davlat boshqaruvini takomillashtirish
1. Oʻzbekiston Respublikasi Vazirlar Mahkamasi huzurida Yengil sanoatni rivojlantirish agentligi (keyingi oʻrinlarda — Agentlik) tashkil etilsin va Agentlikning asosiy vazifalari 1-ilovaga muvofiq tasdiqlansin.
2. Belgilab qoʻyilsinki, Agentlik toʻqimachilik, charm-poyabzal, ipakchilik va gilamchilik sanoati (keyingi oʻrinlarda — yengil sanoat) sohalarida ustuvor yoʻnalishlarni ishlab chiqish va amalga oshirish boʻyicha vakolatli davlat organi hisoblanadi.
3. Agentlikka yuklatilgan vazifalar ijrosini samarali taʼminlash maqsadida:
(a) Iqtisodiyot va moliya vazirligi, Investitsiyalar, sanoat va savdo vazirligi, “Oʻztoʻqimachiliksanoat”, “Oʻzcharmsanoat” va “Oʻzbekipaksanoat” uyushmalarining Agentlik qoshida tajribali tadbirkorlardan iborat Yengil sanoat sohasida jamoatchilik kengashini 2-ilovaga muvofiq tarkibda tuzish toʻgʻrisidagi taklifi maʼqullansin;
(b) Oʻzbekiston-Koreya oʻquv-amaliy toʻqimachilik texnoparki, Ipakchilik ilmiy-tadqiqot instituti va Oʻzbekiston tabiiy tolalar ilmiy-tadqiqot institutlari amaldagi moliyalashtirish tartibini saqlab qolgan holda Agentlik tizimiga oʻtkazilsin.
4. Agentlikka mazkur Farmonning 3-bandi “b” kichik bandida nazarda tutilgan oʻquv-amaliy va ilmiy-tadqiqot muassasalari rahbarlarini belgilangan tartibda lavozimga tayinlash va lavozimidan ozod etish vakolati berilsin.
5. Belgilab qoʻyilsinki, yengil sanoat sohasida belgilangan vazifalarni amalga oshirishda “Oʻztoʻqimachiliksanoat”, “Oʻzcharmsanoat” va “Oʻzbekipaksanoat” uyushmalari hamda kadrlarni tayyorlash, taʼlim yoʻnalishlari va dasturlarini ishlab chiqish, ilmiy-tadqiqot ishlarini amalga oshirishda Toshkent toʻqimachilik va yengil sanoat instituti oʻz faoliyatini Agentlik bilan hamkorlikda olib boradi.
6. Agentlik qoshida yuridik shaxs tashkil etmagan holda budjetdan tashqari Yengil sanoatni qoʻllab-quvvatlash jamgʻarmasi (keyingi oʻrinlarda — Jamgʻarma) tashkil etilsin va Jamgʻarma daromadlarini shakllantirish manbalari 3-ilovaga muvofiq tasdiqlansin.
7. Agentlik tomonidan yengil sanoat sohasidagi korxonalarga Jamgʻarma mablagʻlari hisobidan 2025-yil 1-oktabrdan boshlab quyidagi moliyaviy qoʻllab-quvvatlash choralari qoʻllanilishi belgilab qoʻyilsin:
(a) xalqaro brendlarni jalb qilish, standartlashtirish va sertifikatlashning xalqaro tizimlarini, moliyaviy hisobotlarning xalqaro standartlarini joriy etish, eksport shartnomalari boʻyicha sugʻurtalashni moliyalashtirish xarajatlarini qoplash hamda mutaxassislarni oʻqitish uchun grantlar ajratish;
(b) xorijiy davlatlarda savdo uylarini ochish va saqlash, ofis, savdo va ombor binolarini ijaraga olish, reklama kampaniyalarini tashkil etish bilan bogʻliq chet eldagi xarajatlarining bir qismini qoplash;
(v) xorijiy konsalting kompaniyalarni va malakali mutaxassislarni jalb qilish, koʻrgazma stendlarini tashkil etish va xalqaro koʻrgazma-yarmarkalar, treninglar va biznes-forumlarda ishtirok etish xarajatlarini qoplab berish, xorijiy axborot resurslarida maʼlumotlarni joylashtirishda moliyaviy yordam koʻrsatish;
(g) yengil sanoat korxonalarini, shu jumladan, tayyor tikuv-trikotaj, tabiiy va sunʼiy charmdan tayyor poyabzal va charm attorlik mahsulotlari, ipak mato ishlab chiqaruvchi korxonalarni belgilangan tartibda moliyaviy qoʻllab-quvvatlash;
(d) Jamgʻarma mablagʻlari hisobidan hududlarda tashkil etiladigan yengil sanoat korxonalariga koʻmaklashish loyiha ofislarini saqlash, jalb qilinadigan xorijiy maslahatchilar va konsalting kompaniyalari xarajatlarini qoplash, Agentlik faoliyatini qoʻllab-quvvatlash, hamkor uyushmalar hamda ilmiy muassasalarni oʻrnatilgan tartibda moliyalashtirish.
8. Agentlik Jamgʻarma mablagʻlari hisobidan Oʻzbek-Koreya oʻquv-amaliy toʻqimachilik texnoparki negizida:
(a) 2026-yil 1-iyulga qadar 24 turdagi tekshiruvlar oʻtkaziladigan zamonaviy toʻqimachilik laboratoriyasini tashkil etish hamda uni jihozlash va xalqaro akkreditatsiyadan oʻtkazishni taʼminlasin;
(b) uch oy muddatda “Fashion business incubator” loyihasini amalga oshirish hamda uni moliyalashtirish uchun dastlabki bosqichda 5 mlrd soʻm ajratish choralarini koʻrsin.
9. Belgilansinki, Jamgʻarmaning yillik xarajatlari choraklar kesimida Agentlik tomonidan Kengash tavsiyalari asosida ishlab chiqilib, Iqtisodiyot va moliya vazirligi bilan kelishilgandan keyin tasdiqlanadi. Agentlik direktoriga yillik xarajatlar smetasining 10 foizigacha miqdorda keyinchalik Kengashga maʼlumot kiritish sharti bilan oʻzgartirishlar kiritish huquqi berilsin.
10. Belgilab qoʻyilsinki, olis tumanlarda sanoatni rivojlantirishni ragʻbatlantirish maqsadida 3 — 5 toifadagi tumanlarda ishlab chiqarish filialini ochadigan toʻqimachilik va tikuv-trikortaj korxonalariga filialda 200 ta ish oʻrni yaratish va oylik oʻrtacha ish haqini 2,5 million soʻmdan kam boʻlmagan miqdorda toʻlash sharti bilan Jamgʻarmadan:
(a) besh yilga 10 milliard soʻmgacha Markaziy bank asosiy stavkasida kredit beriladi;
(b) xorijdan jalb qiladigan dizayner, texnolog, konstruktor va marketologlar oyligining bir qismi qoplab beriladi.
II. Moliyalashtirish manbalari
11. Tiklanish va taraqqiyot jamgʻarmasi Jamgʻarmaga 2030-yil 1-yanvarga qadar qaytarish sharti bilan yillik 4 foiz stavkada 200 million AQSH dollari miqdoridagi mablagʻlarni 2025-2026-yillarda mutanosib ravishda, Jamgʻarma buyurtmanomalari asosida bosqichma-bosqich ajratilishini taʼminlasin. Bunda Tiklanish va taraqqiyot jamgʻarmasi mablagʻlari hisobidan korxonalarni aylanma mablagʻ bilan taʼminlash uchun Agentlik tomonidan tijorat banklariga moliyaviy resurslar ajratiladi.
12. Iqtisodiyot va moliya vazirligi:
(a) mazkur Farmonning 7-bandida nazarda tutilgan qoʻllab-quvvatlash choralari hamda Agentlik faoliyatini tashkil etish bilan bogʻliq saqlash xarajatlari uchun Savdoga koʻmaklashish jamgʻarmasiga 2025-yilda ajratilgan mablagʻlar hisobidan 20 milliard soʻmni bir hafta muddatda Jamgʻarmaga oʻtkazsin, kelgusi yillarda budjet parametrlarini shakllantirishda ushbu xarajatlarni nazarda tutsin;
(b) Yengil sanoat sohalarini 2030-yilga qadar rivojlantirish strategiyasini ishlab chiqish hamda korxonalarni raqamlashtirish tadbirlarini moliyalashtirish uchun Jamgʻarmaga 2026-yilda 50 milliard soʻm, 2027-yilda 100 milliard soʻm miqdorida mablagʻlar ajratilishini taʼminlasin.
III. Farmon ijrosini tashkil etish, taʼminlash va nazorat
13. Vazirlar Mahkamasi ikki hafta muddatda Agentlik faoliyatini tashkil etish va Yengil sanoatni qoʻllab-quvvatlash jamgʻarmasi mablagʻlarini shakllantirish hamda undan foydalanish tartibini nazarda tutuvchi normativ-huquqiy hujjatni tasdiqlasin.
14. Agentlik bir oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisidagi takliflarni Vazirlar Mahkamasiga kiritsin.
15. Bosh vazir oʻrinbosarlari J. Qoʻchqorov va J. Xodjayev:
(a) ikki oy muddatda yengil sanoat sohasini chuqur tahlil qilgan holda yuqori qoʻshilgan qiymatli mahsulot ishlab chiqarish va eksportni oshirish boʻyicha chora-tadbirlar dasturini tasdiqlasin;
(b) uch oy muddatda:
(i) xalqaro konsultantlarni jalb qilgan holda Yengil sanoat sohalarini 2030-yilga qadar rivojlantirish strategiyasining asosiy yoʻnalishlarini ishlab chiqsin;
(ii) charm-poyabzal, ipakchilik va gilamchilik sanoatini rivojlantirish boʻyicha qaror loyihalarini Vazirlar Mahkamasiga kiritsin.
16. Agentlik boshqaruv xodimlarining cheklangan shtatlari soni 60 ta etib belgilansin hamda mazkur shtat birliklari Oʻzbekiston Respublikasi Prezidentining 2025-yil 26-iyundagi PF-105-son Farmoni 7-bandi ijrosi doirasida qisqartirilishi belgilangan shtat birliklari hisobidan shakllantirilsin.
17. Belgilab qoʻyilsinki:
(a) Agentlik direktori Oʻzbekiston Respublikasi Prezidenti tomonidan lavozimga tayinlanadi va lavozimidan ozod etiladi;
(b) Agentlik direktori, uning birinchi oʻrinbosari va oʻrinbosarlari maqomi, tibbiy va transport xizmat koʻrsatish shartlari boʻyicha tegishli ravishda vazirning birinchi oʻrinbosari va vazir oʻrinbosariga tenglashtiriladi;
(v) Agentlik xodimlarining mehnatiga haq toʻlash qonunchilikda belgilangan razryadlarga asosan boshqaruv xodimlarining lavozim maoshini aniqlashda tarif koeffitsiyentlari 1,8 baravarga oshirilgan holda qoʻllaniladi.
18. Iqtisodiyot va moliya vazirligi:
(a) ikki hafta muddatda Agentlik faoliyatini tashkil qilish uchun talab qilinadigan mablagʻlarni 2025-yil uchun Oʻzbekiston Respublikasi Davlat budjetining tasdiqlangan parametrlari doirasida ajratsin hamda Agentlikning 2025-yilga moʻljallangan xarajatlar smetasini tasdiqlasin;
(b) Jamgʻarma mablagʻlari hisobidan Agentlik tomonidan taqdim etilgan hisob-kitoblarga asosan Agentlikni xizmat avtomashinasi, mebel, kompyuter va boshqa zarur jihozlar bilan taʼminlash uchun mablagʻ ajratsin;
(v) 2026-yildan boshlab har yili Oʻzbekiston Respublikasi Davlat budjeti parametrlarini shakllantirishda Agentlik faoliyatini moliyalashtirish uchun zarur mablagʻlarni koʻzda tutsin.
19. Toshkent shahri Mirzo Ulugʻbek tumani Mustaqillik shoh koʻchasi 109-uy manzilidagi bino moddiy-texnik bazasi bilan birgalikda Agentlikka operativ boshqaruv huquqi asosida berilsin.
20. Milliy statistika qoʻmitasi ishlab chiqarishni tahlil qilish va mahsulotlar balansini ishlab chiqish maqsadida korxonalar va mahsulotlar kesimida statistik maʼlumotlarni Agentlikka taqdim etib borsin.
21. Tashqi ishlar vazirligi Agentlik buyurtmanomalariga asosan jalb etiladigan chet ellik mutaxassislar va xalqaro konsultantlarning kirish vizalari konsullik va boshqa yigʻimlar undirilmasdan belgilangan tartibda rasmiylashtirilishini taʼminlasin.
22. Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga 4-ilovaga muvofiq oʻzgartirish va qoʻshimchalar kiritilsin.
23. Mazkur Farmonning ijrosini samarali tashkil qilishga masʼul va shaxsiy javobgar etib Bosh vazir oʻrinbosarlari J.A. Qoʻchqorov hamda J.A. Xodjayev belgilansin.
24. Farmon ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2025-yil 19-sentabrdagi PF-174-son Farmoniga 1-ILOVA
Yengil sanoatni rivojlantirish agentligining
1. Yuqori qoʻshilgan qiymatli tayyor mahsulotlar ishlab chiqarish hajmini oshirish yoʻnalishida:
(a) boʻyash, mato va gazlama toʻqish, toʻquv, boʻyoq va tayyor mahsulot ishlab chiqarish quvvatlarini oshirishga shart-sharoit yaratish, oʻzaro kooperatsiya tizimini ragʻbatlantirish va ishlab chiqarish quvvatlaridan foydalanishni oshirish boʻyicha dasturlar ishlab chiqish va amalga oshirishga koʻmaklashish;
(b) toʻqimachilik, charm-poyabzal, ipakchilik va gilamchilik sohalarida, shu jumladan, rivojlanayotgan tuman va shaharlarda, tadbirkorlik subyektlarining faoliyatini qoʻllab-quvvatlash va sanoat kooperatsiyasi uchun shart-sharoit yaratish;
(v) sohada ilmiy yondashuvlarni joriy etish va malakali mutaxassislarni (texnolog, injener, dizayner, dasturchi va boshqalar) jalb qilishda tashkiliy va moliyaviy koʻmak koʻrsatish.
2. Eksportni oshirishni ragʻbatlantirish yoʻnalishida:
(a) marketing tadqiqotlarini olib borish, xalqaro koʻrgazmalarda ishtirok etish, istiqbolli tayyor mahsulotlar bilan yangi bozorlarga chiqish;
(b) yengil sanoat sohasiga xorijiy sorsing kompaniyalar va xalqaro brendlarni jalb qilish, milliy brendlarni rivojlantirish, shu jumladan, “Made in Uzbekistan” brendi shakllanishini har tomonlama qoʻllab-quvvatlash;
(v) xalqaro sifat, ekologik, boshqaruv va ijtimoiy sertifikatlarni korxonalarga joriy etish, zamonaviy laboratoriyalarni tashkil etish, jihozlash va xalqaro akkreditatsiyadan oʻtkazishga koʻmaklashish choralarini koʻrish;
(g) logistikaga koʻmaklashish va yetkazib berish xarajatlarini maqbullashtirish boʻyicha xorijiy tashkilotlar bilan ishlarni tashkil etish, istiqbolli bozorlarda (Yevropa Ittifoqi, AQSH va boshqalar) eksport tashqi infratuzilmasi, jumladan, savdo uylari, doʻkonlar va omborxona tashkil etish va elektron savdo platformalari orqali eksportni oshirishga koʻmaklashish;
(d) xalqaro jamoat tashkilotlari va brendlarni Oʻzbekiston Respublikasida majburiy mehnatning bartaraf etilgani haqida keng xabardor qilish, “Better work”, “FWF” va “BCI” kabi dasturlar hamda standartlarni joriy etishni kengaytirish.
3. Investitsiyalarni jalb qilish yoʻnalishida:
(a) ishlab chiqarish zanjiridagi boʻshliqlarni toʻldirish (toʻqimachilikda toʻquv va boʻyoq-pardozlash, charm-poyabzal va ipak sanoatida tayyor mahsulotlar ishlab chiqarish)ga qaratilgan investitsiya loyihalarini amalga oshirishni qoʻllab-quvvatlash;
(b) sunʼiy va aralash xomashyodan mahsulotlar, aksessuar va furnitura, boʻyoq va kimyoviy vositalar ishlab chiqarishga yoʻnaltirilgan loyihalarga investorlarni jalb qilish;
(v) Yevropa, Turkiya, Xitoy va boshqa xorijiy davlatlar korxonalari hamda brend kompaniyalarining ishlab chiqarish quvvatlarini relokatsiya qilish boʻyicha investorlar bilan ishlash.
4. Soha korxonalarining moliyaviy holatini yaxshilash va zamonaviy boshqaruv usullarini joriy etish yoʻnalishida:
(a) sohada uzoq yillardan buyon faoliyat koʻrsatayotgan, moliyaviy barqaror va doimiy ish oʻrinlarini yaratgan korxonalarni doimiy qoʻllab-quvvatlab borish boʻyicha takliflar ishlab chiqish;
(b) mahsulot tannarxini tushirish, jumladan, ishlab chiqarishni raqamlashtirish, axborot tizimlarini keng joriy qilish, energiya samaradorligini oshirishni qoʻllab-quvvatlash;
(v) moliyaviy hisobotlarning xalqaro standartlarini (IFRS) joriy qilish, amalga oshiriladigan investitsiya loyihalariga xalqaro moliya institutlari va xorijiy banklardan toʻgʻridan-toʻgʻri kreditlar hamda investitsiyalarni jalb qilishga koʻmaklashish;
(g) sohada ekologik, ijtimoiy va korporativ boshqaruv (ESG) prinsiplarini joriy etish orqali mahsulot sifatini hamda mehnat sharoitlarini yaxshilashga sharoitlar yaratish.
5. Mahalliy va xorijiy bozorlarning holati hamda rivojlanish tendensiyalarini oʻz ichiga qamrab olgan tahliliy materiallarni doimiy eʼlon qilib borish asosida soha korxonalariga koʻmaklashish.
6. Agentlik tasarrufiga oʻtkazilayotgan oʻquv-amaliy va ilmiy-tadqiqot muassasalarini “Oʻztoʻqimachiliksanoat”, “Oʻzcharmsanoat” va “Oʻzbekipaksanoat” uyushmalari hamda toʻqimachilik, tikuv-trikotaj, charm-poyabzal, ipakchilik va gilamchilik sanoati korxonalari bilan manfaatli hamkorligini va oʻzaro tajriba almashuvini yoʻlga qoʻyish.
7. Yengil sanoat sohasida grant, ijtimoiy buyurtma va boshqa qonunchilikda taqiqlanmagan moliyalashtirish mexanizmlari orqali dasturlar va normativ-huquqiy hujjatlarni ishlab chiqish hamda amalga oshirishga jamoat birlashmalarini ularning roziligiga koʻra jalb etish.
8. Yengil sanoat sohasida Agentlikka yuklatilgan vazifalarni “Oʻztoʻqimachiliksanoat”, “Oʻzcharmsanoat” va “Oʻzbekipaksanoat” uyushmalari hamda kadrlarni tayyorlash, taʼlim yoʻnalishlari va dasturlarini ishlab chiqish, ilmiy tadqiqot ishlarini amalga oshirishda Toshkent toʻqimachilik va yengil sanoat instituti bilan hamkorlikda amalga oshirish.
Oʻzbekiston Respublikasi Prezidentining 2025-yil 19-sentabrdagi PF-174-son Farmoniga 2-ILOVA
Yengil sanoat sohasida jamoatchilik kengashi tarkibi
T/r F.I.Sh. Lavozimi * 1. M. Razzakov “Global Textile” korxonalar guruhi rahbari, Jamoatchilik kengashi raisi I. Toʻqimachilik sanoati 2. Lavozimi boʻyicha “Oʻztoʻqimachiliksanoat” uyushmasi raisi 3. A. Axrorov “Samarkand apparel” korxonasi rahbari 4. Sh. Kayumov “Trusted Textile Marketplace” korxonasi rahbari 5. I. Xamrayev “Merganteks” korxonasi rahbari 6. N. Ergashev “Sultontex Group” korxonasi rahbari 7. Sh. Jumayev “ N avbahor teks” korxonasi rahbari 8. D. Reyna “Indorama Kokand Textile” korxonasi rahbari II. Gilamchilik sanoati 9. K. Abdullayev “SAG” korxonasi rahbari 10. Sh. Xolnazarov “ N avoiy-Ishonch-Gilamlari” korxonasi rahbari III. Charm-poyabzal sanoati 11. Lavozimi boʻyicha “Oʻzcharmsanoat” uyushmasi raisi 12. A. Abduvaxobov “Peng Sheng Charm” korxonasi direktori oʻrinbosari 13. A. Xamidov “Namkor N ur Savdo” korxonasi rahbari 14. R. Salixov “RUS-SAL” korxonasi rahbari IV. Ipakchilik sanoati 15. Lavozimi boʻyicha “Oʻzbekipaksanoat” uyushmasi raisi 16. O. Pirmatov “Xarir tola” korxonasi rahbari 17. Q. Katayev “Romstar” korxonasi rahbari 18. Sh. Xojiyev “Kumushkent ipagi” korxonasi rahbari 19. Lavozimi boʻyicha Yengil sanoatni rivojlantirish agentligi boshqarma boshligʻi, Jamoatchilik kengashi kotibi
Oʻzbekiston Respublikasi Prezidentining 2025-yil 19-sentabrdagi PF-174-son Farmoniga 3-ILOVA
Yengil sanoatni qoʻllab-quvvatlash jamgʻarmasi daromadlarini shakllantirish manbalari
1. Tijorat banklari orqali korxonalarni aylanma mablagʻ bilan taʼminlash uchun moliyaviy resurslar ajratish maqsadida Jamgʻarma buyurtmanomalari asosida Tiklanish va taraqqiyot jamgʻarmasidan bosqichma-bosqich ajratiladigan 200 million AQSH dollari. *
2. Davlat budjetidan belgilangan tartibda oʻtkazib beriladigan, jumladan, korxonalarni qoʻllab-quvvatlash choralarini amalga oshirish uchun ajratiladigan mablagʻlar.
3. Jismoniy va yuridik shaxslarning xayriya mablagʻlari, xalqaro moliya institutlari va xorijiy hukumat moliya tashkilotlarining grantlari.
4. Qonunchilik hujjatlari bilan taqiqlanmagan boshqa manbalar.
Oʻzbekiston Respublikasi Prezidentining 2025-yil 19-sentabrdagi PF-174-son Farmoniga 4-ILOVA
Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2023-yil 25-yanvardagi “Respublika ijro etuvchi hokimiyat organlari faoliyatini samarali yoʻlga qoʻyishga doir birinchi navbatdagi tashkiliy chora-tadbirlar toʻgʻrisida”gi PF-14-son Farmonida :
(a) 1-ilovada :
(i) “Jami” pozitsiyasining “Jami boshqaruv shtat birliklari soni” ustunidagi “49 034” va “Davlat budjeti hisobidan” ustunidagi “45 099” raqamlari tegishincha “49 094” va “45 159” raqamlari bilan almashtirilsin;
(ii) quyidagi mazmundagi 37-boʻlim bilan toʻldirilsin:
“ 37. Vazirlar Mahkamasi huzuridagi Yengil sanoatni rivojlantirish agentligi Yengil sanoatni rivojlantirish agentligi 60 60 shu jumladan, direktor oʻrinbosarlari soni 3 3 ” ;
(b) 2-ilovada :
(i) quyidagi mazmundagi 40-band bilan toʻldirilsin:
“40. Vazirlar Mahkamasi huzuridagi Yengil sanoatni rivojlantirish agentligi”;
(ii) izoh qismidagi “69” raqami “70” raqami bilan, “26” raqami “27” raqami bilan, “mustaqil agentliklar — 9 ta” soʻzlari “mustaqil agentliklar — 10 ta” soʻzlari bilan almashtirilsin;
(v) 2a-ilova quyidagi mazmundagi 40-pozitsiya bilan toʻldirilsin:
“ 40. Oʻzbekiston Respublikasi Vazirlar Mahkamasi huzuridagi Yengil sanoatni rivojlantirish agentligi Yengil sanoat agentligi Agentstvo legkoy promishlennosti ” .
2. Oʻzbekiston Respublikasi Prezidentining 2023-yil 12-dekabrdagi “Qishloq xoʻjaligida erkin bozor munosabatlarini yanada rivojlantirishning qoʻshimcha chora-tadbirlari toʻgʻrisida”gi PF-205-son Farmonining 5-bandida :
(a) “a” kichik bandning ikkinchi xatboshisidagi “20 foizigacha” soʻzlari “30 foizigacha” soʻzlari bilan almashtirilsin;
(b) “b” kichik bandning ikkinchi xatboshisi quyidagi tahrirda bayon etilsin:
“paxta xom ashyosi yalpi hosili xaridi boʻyicha yakuniy hisob-kitob va terim uchun paxta xom ashyosi qiymatining 80 foizigacha yillik 14 foiz stavkada, 60 foizigacha yillik 10 foiz stavkada (shundan, bank marjasi 2 foiz) 12 oyga, shu jumladan, 6 oylik imtiyozli davr va oxirgi 6 oy davomida teng ulushlarda qaytarish sharti bilan”;
(v) “b” kichik bandning toʻrtinchi xatboshisidagi “20 foizigacha” soʻzlari “30 foizigacha” soʻzlari bilan almashtirilsin;
(g) “b 1 ” kichik band oʻz kuchini yoʻqotgan deb hisoblansin.
3. Oʻzbekiston Respublikasi Prezidentining 2024-yil 1-maydagi “Toʻqimachilik va tikuv-trikotaj sanoatini rivojlantirishni yangi bosqichga olib chiqish chora-tadbirlari toʻgʻrisida” gi PF-71-son Farmonida :
(a) 4-bandning ikkinchi xatboshisi quyidagi tahrirda bayon etilsin:
“Bunda Tarif va notarif tartibga solish kengashi Vazirlar Mahkamasi huzuridagi Yengil sanoatni rivojlantirish agentligining Iqtisodiyot va moliya vazirligi bilan kelishilgan takliflari asosida har chorakda ushbu roʻyxatga tegishli oʻzgartirish kiritib borishi mumkin”;
(b) 7-bandda “2024-yil may oyidan boshlab, 4 oy davomida 50 milliard soʻmdan, jami 200 milliard soʻm” soʻzlari chiqarib tashlansin.
4. Oʻzbekiston Respublikasi Prezidentining 2024-yil 23-avgustdagi “Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga qoʻshimcha va oʻzgartirishlar kiritish toʻgʻrisida”gi PF-119-son Farmonining 1-bandi oʻz kuchini yoʻqotgan deb hisoblansin.
5. Oʻzbekiston Respublikasi Prezidentining 2024-yil 27-dekabrdagi “Tadbirkorlar uchun teng sharoitlar va adolatli raqobat muhitini taʼminlash boʻyicha navbatdagi chora-tadbirlar toʻgʻrisida”gi PF-229-son Farmonining 2-bandida :
(a) ikkinchi xatboshi chiqarib tashlansin;
(b) uchinchi — yettinchi xatboshilar tegishlicha ikkinchi — oltinchi xatboshilar deb hisoblansin;
(v) uchinchi xatboshidagi “kamida 90 foizini” soʻzlari “kamida 70 foizini” soʻzlari bilan almashtirilsin.
6. Oʻzbekiston Respublikasi Prezidentining 2025-yil 16-yanvardagi “Toʻqimachilik va tikuv-trikotaj sanoatida qayta ishlash zanjirini rivojlantirish boʻyicha qoʻshimcha chora-tadbirlar toʻgʻrisida”gi PF-6-son Farmonida :
(a) 2-band oʻz kuchini yoʻqotgan deb hisoblansin;
(b) 6-bandning ikkinchi xatboshisi quyidagi tahrirda bayon etilsin:
“Tiklanish va taraqqiyot jamgʻarmasi 5 yil muddatga 2028-yil 1-yanvardan qaytarish sharti bilan yillik 4 foiz stavkada Kompaniyaga uning buyurtmasiga asosan 50 million AQSH dollari, Markaziy bankning buyurtmasiga asosan tijorat banklariga 50 million AQSH dollari, jami 100 million AQSH dollari miqdorida mablagʻ ajratadi;
(v) quyidagi mazmundagi toʻrtinchi xatboshi bilan toʻldirilsin:
“mazkur mablagʻlarning tijorat banklariga ajratiladigan 50 million AQSH dollari qismi Yengil sanoatni rivojlantirish agentligining tavsiyasiga asosan yengil sanoat korxonalariga qulay shartlarda faktoring va lizing xizmatlari, xomashyo xarid qilish va sotish boʻyicha savdo operatsiyalari uchun moliyaviy xizmatlarni koʻrsatishga yoʻnaltiriladi”;
(g) toʻrtinchi — oltinchi xatboshilar tegishlicha beshinchi — yettinchi xatboshilar deb hisoblansin.
7. Oʻzbekiston Respublikasi Prezidentining 2025-yil 30-yanvardagi “Yaylovlarni muhofaza qilish va ulardan oqilona foydalanishning zamonaviy mexanizmlarini joriy etish chora-tadbirlari toʻgʻrisida”gi PF-15-son Farmonining 1-bandida :
(a) toʻrtinchi va oltinchi xatboshilardagi “Qishloq xoʻjaligi vazirligi” soʻzlari “Yengil sanoatni rivojlantirish agentligi” soʻzlari bilan almashtirilsin;
(b) quyidagi mazmundagi yettinchi xatboshi bilan toʻldirilsin:
“Ipakchilik qoʻmitasi balansida boʻlgan moddiy-texnik baza (davlat aktivlari) Yengil sanoatni rivojlantirish agentligiga foydalanish uchun beriladi”.
8. Oʻzbekiston Respublikasi Prezidentining 2025-yil 14-martdagi “Mahsulotlarni eksport qilish tartib-taomillarini takomillashtirish va qoʻshilgan qiymatga ega tayyor mahsulotlar ishlab chiqarishni ragʻbatlantirish chora-tadbirlari toʻgʻrisida”gi PF-47-son Farmoniga 1-ilovaning 33-pozitsiyasi quyidagi tahrirda bayon etilsin:
“ 33. 4101 Yirik shoxli qoramol (jumladan, hoʻkizlar (buyvol) yoki otlar oilasiga mansub hayvonlarning yangi shilingan holatidagi yoki tuzlangan, quritilgan, oshlangan, pikellangan yoki boshqa usulda konservalangan, oshlanmagan pergament uchun tayyorlangan yoki qoʻshimcha ishlov berilmagan, jun qatlami boʻlgan yoki boʻlmagan, ikki qatlamga ajratilgan yoki ajratilmagan xom terilari 30, lekin har bir tonnasi uchun 300 AQSH dollaridan kam boʻlmagan miqdorda ” .
9. Oʻzbekiston Respublikasi Prezidentining 2024-yil 24-sentabrdagi “Chang boʻronlariga qarshi kurashish va atmosfera havosi sifatini yaxshilash boʻyicha birinchi navbatdagi chora-tadbirlar toʻgʻrisida”gi PQ-338-son qaroriga 2-ilovaning 1-pozitsiyasi “Moliyalashtirish manbalari” ustunidagi “2024” raqami “2025” raqami bilan hamda “Amalga oshirish muddati” ustunidagi “2025” raqami “2026” raqami bilan almashtirilsin.
10. Vazirlar Mahkamasining 2023-yil 25-dekabrdagi “Paxta xom ashyosini yetishtirish va paxta yigʻim-terimi xarajatlarini kreditlash hamda ularni realizatsiya qilishning qoʻshimcha chora-tadbirlari toʻgʻrisida”gi 680-son qarorida :
(a) Paxta xom ashyosini yetishtirish va paxta yigʻim-terimi xarajatlarini hamda paxta xom ashyosini xarid qilishning yakuniy hisob-kitobini kreditlash toʻgʻrisidagi nizomda :
(i) 2-bandning toʻrtinchi xatboshisidan “paxta-toʻqimachilik klasterlari bilan fyuchers shartnomasi tuzgan” soʻzlari chiqarib tashlasin;
(ii) 9-bandda :
“a” kichik bandning ikkinchi xatboshisi quyidagi tahrirda bayon etilsin:
“fermer xoʻjaliklari va boshqa qishloq xoʻjaligi subyektlariga paxta xom ashyosi yigʻim-terimi uchun — paxta xom ashyosi yalpi qiymatining 30 foizigacha yillik 8 foiz stavkada, kredit resurslarini qaytarish muddatini uzaytirish huquqisiz joylashtiradi”;
“v” va “g” kichik bandlardagi “20 foizigacha” soʻzlari “30 foizigacha” soʻzlari bilan almashtirilsin;
“d” kichik band quyidagi tahrirda bayon etilsin:
“d) paxta-toʻqimachilik klasterlari hamda toʻqimachilik mahsulotlari ishlab chiqarishni yoʻlga qoʻygan korxonalarning paxta xom ashyosini xarid qilishning yakuniy hisob-kitobi va terimini kreditlash uchun 12 oy muddatga, 6 oylik imtiyozli davr va soʻnggi 6 oyda teng ulushlarda qaytarish sharti bilan, paxta xom ashyosi qiymatining 80 foizigacha yillik 12 foiz stavkada, 60 foizigacha yillik 8 foiz stavkada kredit resurslarini qaytarish muddatini uzaytirish huquqisiz joylashtiradi”;
“e” kichik band oʻz kuchini yoʻqotgan deb hisoblansin;
(iii) 11-band “v” kichik bandining ikkinchi xatboshisi quyidagi tahrirda bayon etilsin:
“paxta xom ashyosini yetkazib berish boʻyicha fyuchers va spot shartnomalari”;
(iv) 18-bandda :
“a” kichik bandning ikkinchi xatboshisi quyidagi tahrirda bayon etilsin:
“fermer xoʻjaliklari va boshqa qishloq xoʻjaligi subyektlariga paxta xom ashyosi yigʻim-terimi uchun — paxta xom ashyosi yalpi qiymatining 30 foizigacha yillik 10 foiz stavkada (shundan bank marjasi 2 foiz) 4 oyga kredit ajratiladi”;
“d” kichik bandning birinchi xatboshisi quyidagi tahrirda bayon etilsin:
“d) paxta-toʻqimachilik klasterlari hamda toʻqimachilik mahsulotlari ishlab chiqarishni yoʻlga qoʻygan korxonalarning paxta xom ashyosini xarid qilishning yakuniy hisob-kitobi va terimini kreditlash uchun 12 oy muddatga, 6 oylik imtiyozli davr va soʻnggi 6 oyda teng ulushlarda qaytarish sharti bilan, paxta xom ashyosi qiymatining 80 foizigacha yillik 14 foiz stavkada, 60 foizigacha yillik 10 foiz stavkada (shundan bank marjasi 2 foiz) kredit ajratadi”;
“e” kichik band oʻz kuchini yoʻqotgan deb hisoblansin;
(b) Paxta xom ashyosini birja savdolari orqali sotishni tartibga solish toʻgʻrisidagi nizom 3-bandining ikkinchi xatboshisi quyidagi tahrirda bayon etilsin:
“Yetishtirilgan paxta xom ashyosi yoki uni qayta ishlash natijasida olingan birlamchi va ikkilamchi mahsulotlarni (tola, chigit, lint, oʻlik paxta) xaridorga sotish shartnomasi birjaning axborot portalida tuziladi va ushbu shartnoma boʻyicha toʻlovlar birjaning hisob-kitob-kliring operatsiyalarini oʻtkazish (toʻlov hujjatlariga muvofiq pul oʻtkazish) qoidalari asosida amalga oshiriladi”.
11. Vazirlar Mahkamasining 2024-yil 13-sentabrdagi “Paxta xom ashyosi yetishtiruvchilarini moliyaviy qoʻllab-quvvatlash chora-tadbirlari toʻgʻrisida”gi 574-son qarorining 8-bandi quyidagi tahrirda bayon etilsin:
“8. Iqtisodiyot va moliya vazirligi Jamgʻarmaning mazkur qaror doirasida yuzaga keladigan qoʻshimcha xarajatlarini qoplash uchun Jamgʻarmaga Davlat budjetidan 3,5 trln soʻmgacha begʻaraz mablagʻlar ajratsin”.
12. Vazirlar Mahkamasining 2025-yil 24-iyuldagi “Paxta xom ashyosi yetishtirish xarajatlarini muqobil manbalar hisobidan moliyalashtirish va samarali faoliyat yuritayotgan qishloq xoʻjaligi subyektlarini yanada qoʻllab-quvvatlash chora-tadbirlari toʻgʻrisida”gi 466-son qarori 5-bandining ikkinchi xatboshisi quyidagi tahrirda bayon etilsin:
“Bunda integratsiya xarajatlari Davlat budjeti hisobidan amalga oshirilsin hamda ushbu portalga integratsiya qilingan axborot tizimlari orqali kiritilgan maʼlumotlarning haqqoniyligiga tegishli vazirlik va idoralar masʼul etib belgilansin”.
14. Vazirlar Mahkamasining 2024-yil 11-maydagi “Respublikada toʻqimachilik, charm-poyabzal va elektrotexnika mahsulotlari eksportini tartibga solish chora-tadbirlari toʻgʻrisida”gi 274-son qarori oʻz kuchini yoʻqotgan deb hisoblansin.
15. Vazirlar Mahkamasining 2024-yil 31-iyuldagi 466-son qarori bilan tasdiqlangan Oʻzbekiston Respublikasi Savdo-sanoat palatasining Tarmoqlarni qoʻllab-quvvatlash jamgʻarmasi daromadlarini shakllantirish va mablagʻlaridan foydalanish tartibi toʻgʻrisidagi nizomning 12-bandining oʻn toʻrtinchi xatboshisi quyidagi tahrirda bayon etilsin:
“elektrotexnika va elektro maishiy mahsulotlar ishlab chiqaruvchi mahalliy korxonalarda hamda Yengil sanoatni rivojlantirish agentligi tavsiya etgan toʻqimachilik korxonalarida ishlab chiqarish jarayonini raqamlashtirish (ERP, MES, PLM tizimlarini hamda sunʼiy intellekt asosidagi tizimlarni, shu jumladan IT-park rezidentlarining sunʼiy intellekt yechimlarini joriy qilish) bilan bogʻliq xarajatlarning 50 foizini, lekin bitta tadbirkorlik subyektiga koʻpi bilan 20 ming AQSH dollari ekvivalenti miqdorini qoplash”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 19-sentabr,
PF-174-son
Президента Республики Узбекистан
Указ
О создании дополнительных условий для производства продукции с высокой добавленной стоимостью и увеличения объема экспорта в сфере легкой промышленности
[Извлечение]
В целях разработки и качественной реализации приоритетных направлений государственной политики в сфере легкой промышленности, в частности дальнейшего ускорения реформ, проводимых в текстильной, кожевенно-обувной, шелковой отраслях и ковроткачестве, постановляю:
I. Совершенствование государственного управления
1. Создать Агентство развития легкой промышленности при Кабинете Министров Республики Узбекистан (далее — Агентство) и утвердить основные задачи Агентства согласно приложению № 1 * .
2. Определить, что Агентство является уполномоченным государственным органом по разработке и реализации приоритетных направлений в сферах текстильной, кожевенно-обувной, шелковой промышленности и ковроткачества (далее — легкая промышленность).
3. В целях эффективного обеспечения исполнения возложенных на Агентство задач:
(а) одобрить предложение Министерства экономики и финансов, Министерства инвестиций, промышленности и торговли, ассоциаций «Узтукимачиликсаноат», «Узчармсаноат» и «Узбекипаксаноат» о создании при Агентстве Общественного совета в сфере легкой промышленности, состоящего из опытных предпринимателей в составе, согласно приложению № 2 * ;
(б) перевести в систему Агентства Узбекско-Корейский учебно-практический текстильный технопарк, Научно-исследовательский институт шелководства и Узбекский научно-исследовательский институт натуральных волокон с сохранением действующего порядка финансирования.
4. Предоставить Агентству полномочия по назначению на должность и освобождению от должности руководителей учебно-практических и научно-исследовательских учреждений, предусмотренных подпунктом «б» пункта 3 настоящего Указа, в установленном порядке.
5. Установить, что ассоциации «Узтукимачиликсаноат», «Узчармсаноат» и «Узбекипаксаноат» осуществляют свою деятельность совместно с Агентством в реализации задач, определенных в сфере легкой промышленности, а также Ташкентский институт текстильной и легкой промышленности — в сфере подготовки кадров, разработки образовательных направлений и программ, проведении научно-исследовательской работы.
6. Создать при Агентстве внебюджетный Фонд поддержки легкой промышленности (далее — Фонд) без образования юридического лица и утвердить источники формирования доходов Фонда согласно приложению № 3 * .
7. Установить применение Агентством к предприятиям сферы легкой промышленности за счет средств Фонда с 1 октября 2025 года следующих мер финансовой поддержки:
(а) покрытие расходов на привлечение международных брендов, внедрение международных систем стандартизации и сертификации, международных стандартов финансовой отчетности, финансирование страхования по экспортным договорам, а также выделение грантов для обучения специалистов;
(б) покрытие части расходов за рубежом, связанных с открытием и содержанием торговых домов в зарубежных государствах, арендой офисов, торговых и складских помещений, организацией рекламных кампаний;
(в) покрытие расходов на привлечение зарубежных консалтинговых компаний и квалифицированных специалистов, создание выставочных стендов, участие в международных выставках-ярмарках, тренингах и бизнес-форумах, оказание финансовой помощи в размещении информации в зарубежных информационных ресурсах;
(г) финансовая поддержка в установленном порядке предприятий легкой промышленности, включая предприятия по производству готовой швейно-трикотажной продукции, готовой обуви из натуральной и искусственной кожи и кожевенно-галантерейной продукции, шелковой ткани;
(д) покрытие расходов на содержание проектных офисов по содействию предприятиям легкой промышленности, организуемым в регионах за счет средств Фонда, а также привлекаемых зарубежных консультантов и консалтинговых компаний, поддержку деятельности Агентства, финансирование в установленном порядке ассоциаций-партнеров и научных учреждений.
8. Агентству за счет средств Фонда на базе Узбекско-Корейского учебно-практического текстильного технопарка:
(а) в срок до 1 июля 2026 года обеспечить создание, оснащение и проведение международной аккредитации современной текстильной лаборатории с возможностью проведения 24 видов испытаний;
(б) в трехмесячный срок принять меры для выделения на начальном этапе средств в размере 5 миллиардов сумов на реализацию и финансирование проекта «Fashion business incubator».
9. Определить, что годовые расходы Фонда разрабатываются в разрезе кварталов Агентством на основе рекомендаций Совета и утверждаются после согласования с Министерством экономики и финансов. Предоставить директору Агентства право внесения изменений в размере до 10 процентов сметы годовых расходов с условием последующего внесения информации Совету.
10. Установить, что в целях стимулирования развития промышленности в отдаленных районах для текстильных и швейно-трикотажных предприятий, открывающих производственный филиал в районах, отнесенных к 3 — 5-й категориям, при условии создания в филиале 200 рабочих мест и выплаты ими среднемесячной заработной платы в размере не менее 2,5 миллиона сумов, из Фонда:
(а) выделяется кредит в размере до 10 миллиардов сумов на срок пять лет по основной ставке Центрального банка;
(б) возмещается часть расходов на оплату труда дизайнеров, технологов, конструкторов и маркетологов, привлеченных из-за рубежа.
II. Источники финансирования
11. Фонду реконструкции и развития обеспечить выделение Фонду в 2025-2026 годах средств в размере 200 миллионов долларов США по ставке 4 процента годовых пропорционально с условием возврата до 1 января 2030 года, поэтапное выделение — на основе заявок Фонда. При этом для обеспечения предприятий оборотными средствами за счет средств Фонда реконструкции и развития Агентством коммерческим банкам выделяются финансовые ресурсы.
12. Министерству экономики и финансов:
(а) в недельный срок перечислить в Фонд 20 миллиардов сумов за счет средств, выделенных в 2025 году Фонду содействия торговле, для мер поддержки, предусмотренных пунктом 7 настоящего Указа, а также расходов на содержание, связанных с организацией деятельности Агентства, в последующие годы предусмотреть данные расходы при формировании бюджетных параметров;
(б) обеспечить выделение Фонду в 2026 году средств в размере 50 миллиардов сумов, в 2027 году — 100 миллиардов сумов на финансирование разработки Стратегии развития сфер легкой промышленности до 2030 года, а также мероприятий по цифровизации предприятий.
III. Организация, обеспечение и контроль исполнения Указа
13. Кабинету Министров в недельный срок утвердить нормативно-правовой акт, предусматривающий порядок организации деятельности Агентства, формирования и использования средств Фонда поддержки легкой промышленности.
14. Агентству в месячный срок внести в Кабинет Министров предложения об изменениях и дополнениях в акты законодательства, вытекающих из настоящего Указа.
15. Заместителям Премьер-министра Д. Кучкарову и Ж. Ходжаеву:
(а) в двухмесячный срок утвердить программу мер по увеличению производства и экспорта продукции с высокой добавленной стоимостью с проведением глубокого анализа сферы легкой промышленности;
(б) в трехмесячный срок:
(i) с привлечением международных консультантов разработать основные направления Стратегии развития отраслей легкой промышленности до 2030 года;
(ii) внести в Кабинет Министров проекты постановлений по развитию кожевенно-обувной, шелковой промышленности и отрасли ковроткачества.
16. Установить предельную штатную численность управленческого персонала Агентства в количестве 60 единиц и сформировать данные штатные единицы за счет подлежащих сокращению штатных единиц в рамках исполнения пункта 7 Указа Президента Республики Узбекистан от 26 июня 2025 года № УП-105.
17. Определить, что:
(а) директор Агентства назначается на должность и освобождается от должности Президентом Республики Узбекистан;
(б) директор Агентства, его первый заместитель и заместители по своему статусу, условиям медицинского и транспортного обслуживания приравниваются соответственно к первому заместителю министра и заместителю министра;
(в) оплата труда работников Агентства осуществляется на основании разрядов, определенных в законодательстве, с повышением в 1,8 раза тарифных коэффициентов при установлении должностного оклада управленческого персонала.
18. Министерству экономики и финансов:
(а) в двухнедельный срок выделить средства, требуемые для организации деятельности Агентства, в рамках утвержденных параметров Государственного бюджета Республики Узбекистан на 2025 год, а также утвердить смету расходов Агентства на 2025 год;
(б) выделить средства для обеспечения Агентства служебной автомашиной, мебелью, компьютерами и другим необходимым оборудованием за счет средств Фонда на основании представленных Агентством расчетов;
(в) начиная с 2026 года при формировании параметров Государственного бюджета Республики Узбекистан ежегодно предусматривать необходимые средства для финансирования деятельности Агентства.
19. Передать Агентству на основе права оперативного управления вместе с материально-технической базой здание, расположенное по адресу: город Ташкент, Мирзо-Улугбекский район, проспект Мустакиллик, дом 109.
20. Национальному комитету по статистике в целях анализа производства и разработки баланса продукции представлять Агентству статистические данные в разрезе предприятий и продукции.
21. Министерству иностранных дел на основании заявок Агентства обеспечить оформление в установленном порядке въездных виз привлекаемым иностранным специалистам и международным консультантам без взимания консульских и иных сборов.
22. Внести изменения и дополнения в некоторые акты Президента Республики Узбекистан и Правительства Республики Узбекистан согласно приложению № 4 .
23. Возложить на заместителей Премьер-министра Д.А. Кучкарова и Ж.А. Ходжаева персональную ответственность за эффективную организацию исполнения настоящего Указа.
24. Обсуждение хода исполнения настоящего Указа, осуществление координации и контроля за деятельностью организаций, ответственных за его исполнение, возложить на Премьер-министра Республики Узбекистан А.Н. Арипова.
ПРИЛОЖЕНИЕ № 4 к Указу Президента Республики Узбекистан от 19 сентября 2025 года № УП-174
Изменения и дополнения, вносимые в некоторые акты Президента Республики Узбекистан и Правительства Республики Узбекистан
1. В Указе Президента Республики Узбекистан от 25 января 2023 года № УП-14 «О первоочередных организационных мерах по эффективному налаживанию деятельности республиканских органов исполнительной власти»:
(а) в приложении № 1 :
(i) в графах «Общее количество управленческих штатных единиц» и «за счет Государственного бюджета» позиции «Всего» цифры «49 034» и «45 099» заменить соответственно цифрами «49 094» и «45 159»;
(ii) дополнить разделом 37 следующего содержания:
« 37. Агентство по развитию легкой промышленности при Кабинете Министров Агентство по развитию легкой промышленности 60 60 в т.ч. количество заместителей директора 3 3 »;
(б) в приложении № 2 :
(i) дополнить пунктом 40 следующего содержания:
«40. Агентство по развитию легкой промышленности при Кабинете Министров»;
(ii) в примечании цифру «69» заменить цифрой «70», цифру «26» заменить цифрой «27», слова «самостоятельные комитеты, имеющие особый статус, — 9 ед.» заменить словами «самостоятельные агентства, имеющие особый статус, — 10 ед.»;
(в) приложение № 2а дополнить позицией 40 следующего содержания:
« 40. Агентство по развитию легкой промышленности при Кабинете Министров Республики Узбекистан Енгил саноат агентлиги Агентство легкой промышленности » .
2. В пункте 5 Указа Президента Республики Узбекистан от 12 декабря 2023 года № УП-205 «О дополнительных мерах по дальнейшему развитию свободных рыночных отношений в сельском хозяйстве»:
(а) в абзаце втором подпункта «а» слова «до 20 процентов» заменить словами «до 30 процентов»;
(б) абзац второй подпункта «б» изложить в следующей редакции:
«для окончательного расчета по закупкам валового урожая хлопка-сырца и на его сбор — в размере до 80 процентов стоимости хлопка-сырца по ставке 14 процентов годовых, в размере до 60 процентов по ставке 10 процентов годовых (из них маржа банка — 2 процента) на срок 12 месяцев, включая льготный период 6 месяцев с условием возврата в течение последних 6 месяцев в равных долях»;
(в) в абзаце четвертом подпункта «б» слова «до 20 процентов» заменить словами «до 30 процентов»;
(г) подпункт «б 1 » признать утратившим силу.
3. В Указе Президента Республики Узбекистан от 1 мая 2024 года № УП-71 «О мерах по выведению на новый этап развития текстильной и швейно-трикотажной промышленности»:
(а) абзац второй пункта 4 изложить в следующей редакции:
«При этом Совет по тарифному и нетарифному регулированию может ежеквартально вносить изменения в данный перечень на основании предложений Агентства по развитию легкой промышленности при Кабинете Министров, согласованных с Министерством экономики и финансов»;
(б) в пункте 7 слова «200 миллиардов сумов, по 50 миллиардов сумов в течение четырех месяцев, начиная с мая 2024 года» заменить словом «средства».
4. Пункт 1 Указа Президента Республики Узбекистан от 23 августа 2024 года № УП-119 «О внесении дополнений и изменений в некоторые акты Президента Республики Узбекистан и Правительства Республики Узбекистан» признать утратившим силу.
5. В пункте 2 Указа Президента Республики Узбекистан от 27 декабря 2024 года № УП-229 «Об очередных мерах по обеспечению равных условий для предпринимателей и справедливой конкурентной среды»:
(а) абзац второй исключить;
(б) абзацы третий — седьмой считать абзацами вторым — шестым соответственно;
(в) в абзаце третьем слова «не менее 90 процентов» заменить словами «не менее 70 процентов».
6. В Указе Президента Республики Узбекистан от 16 января 2025 года № УП-6 «О дополнительных мерах по развитию цепочки переработки в текстильной и швейно-трикотажной промышленности»:
(а) пункт 2 признать утратившим силу;
(б) абзац второй пункта 6 изложить в следующей редакции:
«Фонд реконструкции и развития выделяет средства в общей сложности 100 миллионов долларов США на срок 5 лет с условием погашения с 1 января 2028 года, в частности Компании на основании ее заявки — 50 миллионов долларов США по ставке 4 процента годовых, коммерческим банкам на основании заявки Центрального банка — 50 миллионов долларов США;
(в) дополнить абзацем четвертым следующего содержания:
«часть указанных средств в размере 50 миллионов долларов США, выделяемая коммерческим банкам, направляется предприятиям легкой промышленности на основании рекомендации Агентства по развитию легкой промышленности для оказания факторинговых и лизинговых услуг, а также финансовых услуг для торговых операций по закупкам и реализации сырья на благоприятных условиях»;
(г) абзацы четвертый — шестой считать абзацами пятым — седьмым соответственно.
7. В пункте 1 Указа Президента Республики Узбекистан от 30 января 2025 года № УП-15 «О мерах по внедрению современных механизмов охраны и рационального использования пастбищ»:
(а) в абзацах четвертом и шестом слова «Министерство сельского хозяйства» в соответствующем падеже заменить словами «Агентство по развитию легкой промышленности» в соответствующем падеже;
(б) дополнить абзацем седьмым следующего содержания:
«Материально-техническая база (государственные активы), находившаяся на балансе Комитета шелководства, передается Агентству по развитию легкой промышленности для пользования».
8. Позицию 33 приложения № 1 к Указу Президента Республики Узбекистан от 14 марта 2025 года № УП-47 «О мерах по совершенствованию процедур экспорта продукции и стимулированию производства готовой продукции с добавленной стоимостью» изложить в следующей редакции:
« 33. 4101 Необработанные шкуры крупного рогатого скота (включая буйволов) или животных семейства лошадиных (парные или соленые, сушеные, золеные, пикелеванные или консервированные другим способом, но не дубленые, выделанные под пергамент или не подвергнутые дальнейшей обработке), с волосяным покровом или без волосяного покрова, двоеные или недвоеные 30, но в размере не менее 300 долларов США за каждую тонну ».
9. В тексте на государственном языке граф «Молиялаштириш манбалари» и «Амалга ошириш муддати» позиции 1 приложения № 2 к постановлению Президента Республики Узбекистан от 24 сентября 2024 года № ПП-338 «О первоочередных мерах по борьбе с пыльными бурями и улучшению качества атмосферного воздуха» цифры «2024» и «2025» заменить цифрами «2025» и «2026» соответственно.
10. В тексте на государственном языке постановления Кабинета Министров от 25 декабря 2023 года № 680 «О дополнительных мерах по кредитованию затрат на выращивание хлопкового сырья и сбор хлопка, а также его реализацию»:
(а) в Положении о кредитовании затрат на выращивание хлопка-сырца и сбор хлопка, а также окончательного расчета по закупкам хлопка-сырца:
(i) из абзаца четвертого пункта 2 слова «пахта-тўқимачилик кластерлари билан фьючерс шартномаси тузган» исключить;
(ii) в пункте 9 :
абзац второй подпункта «а» изложить в следующей редакции:
«фермер хўжаликлари ва бошқа қишлоқ хўжалиги субъектларига пахта хом ашёси йиғим-терими учун — пахта хом ашёси ялпи қийматининг 30 фоизигача йиллик 8 фоиз ставкада, кредит ресурсларини қайтариш муддатини узайтириш ҳуқуқисиз жойлаштиради»;
в подпунктах «в» и «г» слова «20 фоизгача» заменить словами «30 фоизгача»;
подпункт «д» изложить в следующей редакции;
«д) пахта-тўқимачилик кластерлари ҳамда тўқимачилик маҳсулотлари ишлаб чиқаришни йўлга қўйган корхоналарнинг пахта хом ашёсини харид қилишнинг якуний ҳисоб-китоби ва теримини кредитлаш учун 12 ой муддатга, 6 ойлик имтиёзли давр ва сўнгги 6 ойда тенг улушларда қайтариш шарти билан, пахта хом ашёси қийматининг 80 фоизигача йиллик 12 фоиз ставкада, 60 фоизигача йиллик 8 фоиз ставкада кредит ресурсларини қайтариш муддатини узайтириш ҳуқуқисиз жойлаштиради»;
подпункт «е» признать утратившим силу;
(iii) абзац второй подпункта «в» пункта 11 изложить в следующей редакции:
«пахта хом ашёсини етказиб бериш бўйича фьючерс ва спот шартномалари»;
(iv) в пункте 18 :
абзац второй подпункта «а» изложить в следующей редакции:
«фермер хўжаликлари ва бошқа қишлоқ хўжалиги субъектларига пахта хом ашёси йиғим-терими учун — пахта хом ашёси ялпи қийматининг 30 фоизигача йиллик 10 фоиз ставкада (шундан банк маржаси 2 фоиз) 4 ойга кредит ажратилади»;
абзац первый подпункта «д» изложить в следующей редакции:
«д) пахта-тўқимачилик кластерлари ҳамда тўқимачилик маҳсулотлари ишлаб чиқаришни йўлга қўйган корхоналарнинг пахта хом ашёсини харид қилишнинг якуний ҳисоб-китоби ва теримини кредитлаш учун 12 ой муддатга, 6 ойлик имтиёзли давр ва сўнгги 6 ойда тенг улушларда қайтариш шарти билан, пахта хом ашёси қийматининг 80 фоизигача йиллик 14 фоиз ставкада, 60 фоизигача йиллик 10 фоиз ставкада (шундан банк маржаси 2 фоиз) кредит ажратади»;
подпункт «е» признать утратившим силу;
(б) абзац второй пункта 3 Положения о регулировании реализации хлопка-сырца на биржевых торгах изложить в следующей редакции:
«Етиштирилган пахта хом ашёси ёки уни қайта ишлаш натижасида олинган бирламчи ва иккиламчи маҳсулотларни (тола, чигит, линт, ўлик пахта) харидорга сотиш шартномаси биржанинг ахборот порталида тузилади ва ушбу шартнома бўйича тўловлар биржанинг ҳисоб-китоб-клиринг операцияларини ўтказиш (тўлов ҳужжатларига мувофиқ пул ўтказиш) қоидалари асосида амалга оширилади».
11. В тексте на государственном языке пункт 8 постановления Кабинета Министров от 13 сентября 2024 года № 574 «О мерах финансовой поддержки производителей хлопка-сырца» изложить в следующей редакции:
«8. Иқтисодиёт ва молия вазирлиги Жамғарманинг мазкур қарор доирасида юзага келадиган қўшимча харажатларини қоплаш учун Жамғармага Давлат бюджетидан 3,5 трлн сўмгача беғараз маблағлар ажратсин».
12. В тексте на государственном языке абзаца второго пункта 5 постановления Кабинета Министров от 24 июля 2025 года № 466 «О мерах по финансированию затрат на выращивание хлопка-сырца за счет альтернативных источников и дальнейшей поддержке субъектов сельского хозяйства, осуществляющих эффективную деятельность» изложить в следующей редакции:
«Бунда интеграция харажатлари Давлат бюджети ҳисобидан амалга оширилсин ҳамда ушбу порталга интеграция қилинган ахборот тизимлари орқали киритилган маълумотларнинг ҳаққонийлигига тегишли вазирлик ва идоралар масъул этиб белгилансин».
14. Постановление Кабинета Министров от 11 мая 2024 года № 274 «О мерах по регулированию экспорта текстильной, кожевенно-обувной и электротехнической продукции в республике» признать утратившим силу.
15. В тексте на государственном языке абзаца четырнадцатого пункта 12 Положения о порядке формирования доходов фонда поддержки отраслей Торгово-промышленной палаты Республики Узбекистан и использования его средств, утвержденного постановлением Кабинета Министров от 31 июля 2024 года № 466, изложить в следующей редакции:
«электротехника ва электро маиший маҳсулотлар ишлаб чиқарувчи маҳаллий корхоналарда ҳамда Енгил саноатни ривожлантириш агентлиги тавсия этган тўқимачилик корхоналарида ишлаб чиқариш жараёнини рақамлаштириш (ERP, MES, PLM тизимларини ҳамда сунъий интеллект асосидаги тизимларни, шу жумладан IT-парк резидентларининг сунъий интеллект ечимларини жорий қилиш) билан боғлиқ харажатларнинг 50 фоизини, лекин битта тадбиркорлик субъектига кўпи билан 20 минг АҚШ доллари эквиваленти миқдорини қоплаш».
Президент Республики Узбекистан Ш. МИРЗИЁЕВ
г. Ташкент,
19 сентября 2025 г.,
№ УП-174