📅 2025-yil 26-avgust · Vazirlik va idoralar hujjatlari · Iqtisodiyot va moliya vaziri
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 26 август · Вазирлик ва идоралар ҳужжатлари · Иқтисодиёт ва молия вазири
Расмий матн. Расмий ҳужжат. Таҳририй изоҳлар киритилмаган.
📅 26 августа 2025 г. · Документы министерств и ведомств · Министр экономики и финансов
Официальный текст. Официальный документ. Редакционные примечания не включены.
📅 26 August 2025 · Ministry and agency documents · Iqtisodiyot va moliya vaziri
Official text. Official document. Editorial notes are not included.
ЎЗБЕКИСТОН РЕСПУБЛИКАСИ ИҚТИСОДИЁТ ВА МОЛИЯ ВАЗИРИНИНГ
БУЙРУҒИ
Ўзбекистон Республикаси бухгалтерия ҳисобининг миллий стандарти (6-сонли БҲМС) «Ижара ҳисоби»га ўзгартириш ва қўшимчалар киритиш ҳақида
Ўзбекистон Республикасининг «Бухгалтерия ҳисоби тўғрисида»ги Қонунига мувофиқ буюраман:
1. Ўзбекистон Республикаси молия вазирининг 2009 йил 6 апрелдаги 41-сон буйруғи (рўйхат рақами 1946, 2009 йил 24 апрель) (Ўзбекистон Республикаси қонун ҳужжатлари тўплами, 2009 й., 17-сон, 220-модда) билан тасдиқланган Ўзбекистон Республикаси бухгалтерия ҳисобининг миллий стандарти (6-сонли БҲМС) «Ижара ҳисоби»га иловага мувофиқ ўзгартириш ва қўшимчалар киритилсин.
2. Мазкур буйруқ расмий эълон қилинган кундан эътиборан кучга киради.
Ўзбекистон Республикаси иқтисодиёт ва молия вазирининг 2025 йил 26 августдаги 281-сон буйруғига ИЛОВА
Ўзбекистон Республикаси бухгалтерия ҳисобининг миллий стандарти (6-сонли БҲМС) «Ижара ҳисоби»га киритилаётган ўзгартириш ва қўшимчалар
1. 1-банд қуйидаги таҳрирда баён этилсин:
«1. Мазкур БҲМСнинг мақсади хўжалик юритувчи субъектларда (бундан бюджет ташкилотлари, банклар ва нобанк кредит ташкилотлари мустасно) ижара операцияларини бухгалтерия ҳисобида ва молиявий ҳисоботларда акс эттиришнинг ягона услубий асосини белгилаш ҳисобланади.».
2. Қуйидаги мазмундаги 1 1 -банд билан тўлдирилсин:
«1 1 . Ижара операцияларини бухгалтерия ҳисобининг ҳисобварақларида акс эттириш тартиби Ўзбекистон Республикаси бухгалтерия ҳисобининг миллий стандарти (21-сонли БҲМС) «Хўжалик юритувчи субъектларда бухгалтерия ҳисобининг ҳисобварақлар режаси ва уни қўллаш бўйича йўриқнома»га (рўйхат рақами 3593, 2024 йил 27 декабрь) мувофиқ амалга оширилади.».
3. Қуйидаги мазмундаги 5 1 -банд билан тўлдирилсин:
«5 1 . Ижарани таснифлаш ижара муносабатлари бошланган санада амалга оширилади ва ижара шартномасига ўзгартиришлар қилинганда ижаранинг таснифланиши қайта кўриб чиқилади. Ҳисоб баҳоларидаги ўзгаришлар (масалан, таянч активнинг иқтисодий хизмат муддати ёки тугатиш қиймати бўйича ҳисоб баҳоларидаги ўзгаришлар) ёки ҳолатлардаги ўзгаришлар (масалан, ижарачининг ўз мажбуриятларини бажармаслиги) ҳисобга олиш мақсадларида ижарани қайта таснифлаш заруратини келтириб чиқармайди.».
4. Қуйидаги мазмундаги 25 1 ва 25 2 -бандлар билан тўлдирилсин:
«25 1 . Агар молиявий ижара шартномасининг шарти бўйича молиявий ижара объекти сотувчи томонидан ижарага берувчини (лизингга берувчини) четлаб бевосита ижарага олувчига (лизингга олувчига) етказиб берилса, ижарага берувчининг (лизингга берувчининг) бухгалтерия ҳисобида молиявий ижара объектининг кирими ва чиқими тўғрисидаги ёзувлар молиявий ижара объектининг ҳаракатини тасдиқловчи бирламчи ҳужжатлар асосида амалга оширилади.
25 2 . Агар молиявий ижара шартномасининг шарти бўйича ижарага берувчи (лизингга берувчи) томонидан молиявий ижара объекти сотиб олинган бўлса, лекин ижарага олувчи (лизингга олувчи) маълум сабабларга кўра уни қабул қилишдан бош тортса, мазкур молиявий ижара объекти ундан фойдалангунга ёки чиқиб кетгунга қадар капитал қўйилмаларни ҳисобга олувчи счётларда (0800) ҳисобга олинади.».
5. 33-банддаги «(рўйхат рақами 1299, 2004 йил 20 январь)» деган сўзлар «(рўйхат рақами 3546, 2024 йил 9 август)» деган сўзлар билан алмаштирилсин.
6. 36-банд ўз кучини йўқотган деб топилсин.
Вазир Д. КУЧКАРОВ
Тошкент ш.,
2025 йил 26 август,
281-сон
OʻZBEKISTON RESPUBLIKASI IQTISODIYOT VA MOLIYA VAZIRINING
BUYRUGʻI
Oʻzbekiston Respublikasi buxgalteriya hisobining milliy standarti (6-sonli BHMS) “Ijara hisobi”ga oʻzgartirish va qoʻshimchalar kiritish haqida
Oʻzbekiston Respublikasining “Buxgalteriya hisobi toʻgʻrisida”gi Qonuniga muvofiq buyuraman:
1. Oʻzbekiston Respublikasi moliya vazirining 2009-yil 6-apreldagi 41-son buyrugʻi (roʻyxat raqami 1946, 2009-yil 24-aprel) (Oʻzbekiston Respublikasi qonun hujjatlari toʻplami, 2009-y., 17-son, 220-modda) bilan tasdiqlangan Oʻzbekiston Respublikasi buxgalteriya hisobining milliy standarti (6-sonli BHMS) “Ijara hisobi”ga ilovaga muvofiq oʻzgartirish va qoʻshimchalar kiritilsin.
2. Mazkur buyruq rasmiy eʼlon qilingan kundan eʼtiboran kuchga kiradi.
Oʻzbekiston Respublikasi iqtisodiyot va moliya vazirining 2025-yil 26-avgustdagi 281-son buyrugʻiga ILOVA
Oʻzbekiston Respublikasi buxgalteriya hisobining milliy standarti (6-sonli BHMS) “Ijara hisobi”ga kiritilayotgan oʻzgartirish va qoʻshimchalar
1. 1-band quyidagi tahrirda bayon etilsin:
“1. Mazkur BHMSning maqsadi xoʻjalik yurituvchi subyektlarda (bundan budjet tashkilotlari, banklar va nobank kredit tashkilotlari mustasno) ijara operatsiyalarini buxgalteriya hisobida va moliyaviy hisobotlarda aks ettirishning yagona uslubiy asosini belgilash hisoblanadi.”.
2. Quyidagi mazmundagi 1 1 -band bilan toʻldirilsin:
“1 1 . Ijara operatsiyalarini buxgalteriya hisobining hisobvaraqlarida aks ettirish tartibi Oʻzbekiston Respublikasi buxgalteriya hisobining milliy standarti (21-sonli BHMS) “Xoʻjalik yurituvchi subyektlarda buxgalteriya hisobining hisobvaraqlar rejasi va uni qoʻllash boʻyicha yoʻriqnoma”ga (roʻyxat raqami 3593, 2024-yil 27-dekabr) muvofiq amalga oshiriladi.”.
3. Quyidagi mazmundagi 5 1 -band bilan toʻldirilsin:
“5 1 . Ijarani tasniflash ijara munosabatlari boshlangan sanada amalga oshiriladi va ijara shartnomasiga oʻzgartirishlar qilinganda ijaraning tasniflanishi qayta koʻrib chiqiladi. Hisob baholaridagi oʻzgarishlar (masalan, tayanch aktivning iqtisodiy xizmat muddati yoki tugatish qiymati boʻyicha hisob baholaridagi oʻzgarishlar) yoki holatlardagi oʻzgarishlar (masalan, ijarachining oʻz majburiyatlarini bajarmasligi) hisobga olish maqsadlarida ijarani qayta tasniflash zaruratini keltirib chiqarmaydi.”.
4. Quyidagi mazmundagi 25 1 va 25 2 -bandlar bilan toʻldirilsin:
“25 1 . Agar moliyaviy ijara shartnomasining sharti boʻyicha moliyaviy ijara obyekti sotuvchi tomonidan ijaraga beruvchini (lizingga beruvchini) chetlab bevosita ijaraga oluvchiga (lizingga oluvchiga) yetkazib berilsa, ijaraga beruvchining (lizingga beruvchining) buxgalteriya hisobida moliyaviy ijara obyektining kirimi va chiqimi toʻgʻrisidagi yozuvlar moliyaviy ijara obyektining harakatini tasdiqlovchi birlamchi hujjatlar asosida amalga oshiriladi.
25 2 . Agar moliyaviy ijara shartnomasining sharti boʻyicha ijaraga beruvchi (lizingga beruvchi) tomonidan moliyaviy ijara obyekti sotib olingan boʻlsa, lekin ijaraga oluvchi (lizingga oluvchi) maʼlum sabablarga koʻra uni qabul qilishdan bosh tortsa, mazkur moliyaviy ijara obyekti undan foydalangunga yoki chiqib ketgunga qadar kapital qoʻyilmalarni hisobga oluvchi schyotlarda (0800) hisobga olinadi.”.
5. 33-banddagi “(roʻyxat raqami 1299, 2004-yil 20-yanvar)” degan soʻzlar “(roʻyxat raqami 3546, 2024-yil 9-avgust)” degan soʻzlar bilan almashtirilsin.
6. 36-band oʻz kuchini yoʻqotgan deb topilsin.
Vazir D. KUCHKAROV
Toshkent sh.,
2025-yil 26-avgust,
281-son
МИНИСТРА ЭКОНОМИКИ И ФИНАНСОВ РЕСПУБЛИКИ УЗБЕКИСТАН
ПРИКАЗ
О внесении изменений и дополнений в Национальный стандарт бухгалтерского учета Республики Узбекистан (НСБУ № 6) «Учет аренды»
В соответствии с Законом Республики Узбекистан «О бухгалтерском учете» приказываю:
1. Внести изменения и дополнения в Национальный стандарт бухгалтерского учета Республики Узбекистан (НСБУ № 6) «Учет аренды» , утвержденный приказом министра финансов Республики Узбекистан от 6 апреля 2009 года № 41 (рег. № 1946 от 24 апреля 2009 года) (Собрание законодательства Республики Узбекистан, 2009 г., № 17, ст. 220), согласно приложению .
2. Настоящий приказ вступает в силу со дня его официального опубликования.
ПРИЛОЖЕНИЕ к приказу министра экономики и финансов Республики Узбекистан от 26 августа 2025 года № 281
Изменения и дополнения, вносимые в Национальный стандарт бухгалтерского учета Республики Узбекистан (НСБУ № 6) «Учет аренды»
1. Пункт 1 изложить в следующей редакции:
«1. Целью настоящего НСБУ является определение единой методологической основы отражения арендных операций в бухгалтерском учете и финансовой отчетности хозяйствующих субъектов (за исключением бюджетных организаций, банков и небанковских кредитных организаций).».
2. Дополнить пунктом 1 1 следующего содержания:
«1 1 . Порядок отражения арендных операций на счетах бухгалтерского учета осуществляется в соответствии с Национальным стандартом бухгалтерского учета Республики Узбекистан (НСБУ № 21) «План счетов бухгалтерского учета хозяйствующих субъектов и Инструкция по его применению» (рег. № 3593 от 27 декабря 2024 года).».
3. Дополнить пунктом 5 1 следующего содержания:
«5 1 . Классификация аренды осуществляется на дату начала арендных отношений и пересматривается при внесении изменений в договор аренды. Изменения в оценочных значениях (например, изменения в расчетной оценке срока экономического использования или ликвидационной стоимости базового актива) или изменения в обстоятельствах (например, неисполнение арендатором своих обязательств) не приводят к необходимости пересмотра классификации аренды в целях учета.».
4. Дополнить пунктами 25 1 и 25 2 следующего содержания:
«25 1 . Если по условиям договора финансовой аренды объект финансовой аренды поставляется его продавцом непосредственно арендатору (лизингополучателю), минуя арендодателя (лизингодателя), то записи по приходу и выбытию объекта финансовой аренды осуществляются в бухгалтерском учете арендодателя (лизингодателя) на основании первичных документов, подтверждающих движение объекта финансовой аренды.
25 2 . Если по условиям договора финансовой аренды арендодателем (лизингодателем) был приобретен объект финансовой аренды, но арендатор (лизингополучатель) по ряду причин отказался его принять, то данный объект финансовой аренды учитывается на счете учета капитальных вложений (0800) до момента его использования или выбытия.».
5. В пункте 33 слова «(рег. № 1299 от 20 января 2004 года)» заменить словами «(рег. № 3546 от 9 августа 2024 года)».
6. Пункт 36 признать утратившим силу.
Министр Д. КУЧКАРОВ
г. Ташкент,
26 августа 2025 г.,
№ 281