📅 2025-yil 17-sentabr · Vazirlik va idoralar hujjatlari · Ichki ishlar vaziri
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 17 сентябрь · Вазирлик ва идоралар ҳужжатлари · Ички ишлар вазири
Расмий матн. Расмий ҳужжат. Таҳририй изоҳлар киритилмаган.
📅 17 сентября 2025 г. · Документы министерств и ведомств · Министр внутренних дел
Официальный текст. Официальный документ. Редакционные примечания не включены.
📅 17 September 2025 · Ministry and agency documents · Ichki ishlar vaziri
Official text. Official document. Editorial notes are not included.
Ўзбекистон Республикаси Ички ишлар вазирининг
буйруғи
ЙЎРИҚНОМА
Хорижий давлатлардан реадмиссия қилинган Ўзбекистон Республикаси фуқароларига истисно ҳолатларда хорижга чиқиш биометрик паспортини расмийлаштириб бериш тўғрисидаги йўриқномани тасдиқлаш ҳақида
Ўзбекистон Республикаси Вазирлар Маҳкамасининг 2025 йил 13 майдаги 313-сон «Меҳнат миграцияси жараёнларини такомиллаштириш бўйича қўшимча чора-тадбирлар тўғрисида»ги қарорига мувофиқ буюраман:
1. Хорижий давлатлардан реадмиссия қилинган Ўзбекистон Республикаси фуқароларига истисно ҳолатларда хорижга чиқиш биометрик паспортини расмийлаштириб бериш тўғрисидаги йўриқнома иловага мувофиқ тасдиқлансин.
2. Мазкур буйруқ Ўзбекистон Республикаси Вазирлар Маҳкамаси ҳузуридаги Миграция агентлиги, Давлат хавфсизлик хизмати ва Ташқи ишлар вазирлиги билан келишилган.
3. Мазкур буйруқ расмий эълон қилинган кундан эътиборан кучга киради.
Келишилди:
Ўзбекистон Республикаси Ички ишлар вазирининг 2025 йил 17 сентябрдаги 523-сон буйруғига ИЛОВА
Хорижий давлатлардан реадмиссия қилинган Ўзбекистон Республикаси фуқароларига истисно ҳолатларда хорижга чиқиш биометрик паспортини расмийлаштириб бериш тўғрисидаги
Ушбу Йўриқнома хорижий давлатлардан реадмиссия қилинган Ўзбекистон Республикаси фуқароларига истисно ҳолатларда хорижга чиқиш биометрик паспортини (бундан буён матнда хорижга чиқиш паспорти деб юритилади) расмийлаштириб бериш тартибини белгилайди.
1-боб. Умумий қоидалар
1. Мазкур Йўриқномада қуйидаги асосий тушунчалардан фойдаланилади:
реадмиссия — хорижий давлат ҳудудида амалда бўлган чет эл фуқароларининг ва фуқаролиги бўлмаган шахсларнинг кириши, чиқиши ва бўлиши масалалари бўйича қонунчиликни бузган ҳолда мазкур хорижий давлатга кирган ёки у ерда бўлган шахсни Ўзбекистон Республикасининг халқаро шартномаларида белгиланган тартиб, шартлар ва мақсадларга кўра ушбу хорижий давлатнинг ваколатли давлат органлари томонидан топшириш ва Ўзбекистон Республикасининг ваколатли давлат органлари томонидан қабул қилиб олиш жараёни;
реадмиссия қилинган Ўзбекистон Республикаси фуқаролари (бундан буён матнда реадмиссия қилинган фуқаро деб юритилади) — хорижий давлат ҳудудида амалда бўлган чет эл фуқароларининг ва фуқаролиги бўлмаган шахсларнинг кириши, чиқиши ва бўлиши масалалари бўйича қонунчиликни бузган ҳолда мазкур хорижий давлатга кирганлиги ёки у ерда бўлганлиги учун хорижий давлатнинг ваколатли давлат органлари томонидан топширилган ва Ўзбекистон Республикасининг ваколатли давлат органлари томонидан қабул қилиб олинган Ўзбекистон Республикасининг фуқаролари;
талабнома — хорижга чиқиш паспорти олувчи ҳақида маълумотларни йиғиш пункти томонидан шакллантирилган биографик маълумотлар ва биометрик параметрларни ўз ичига олган электрон ҳужжат.
2. Мазкур Йўриқнома хорижий давлатлардан реадмиссия қилинмаган Ўзбекистон Республикаси фуқароларига нисбатан қўлланилмайди.
2-боб. Хорижий давлатлардан реадмиссия қилинган шахсларнинг рўйхатини юритиш
3. Хорижий давлатлардан реадмиссия қилинган шахслар тўғрисидаги маълумотлар Ўзбекистон Республикаси Ички ишлар вазирлиги ҳузуридаги Миграция ва персоналлаштириш департаменти (бундан буён матнда МваPD деб юритилади) томонидан «Паспорт-виза» автоматлаштирилган ахборот тизимига (бундан буён матнда «Паспорт-виза» ААТ деб юритилади) киритилади.
4. Ўзбекистон Республикасининг халқаро шартномаларига мувофиқ реадмиссия қилинган фуқароларга «Паспорт-виза» ААТга уларнинг реадмиссия қилинганлиги тўғрисидаги маълумотлар киритилган кундан бошлаб икки йил давомида хорижга чиқиш паспортини бериш бўйича давлат хизмати кўрсатилмайди.
5. MваPD ва унинг ҳудудий бўлинмалари ҳамда давлат хизматлари марказлари ходимлари томонидан ёки фуқаронинг ўзи томонидан Ўзбекистон Республикаси Ягона интерактив давлат хизматлари портали орқали хорижга чиқиш паспортини расмийлаштириш тўғрисидаги электрон талабнома шакллантирилганда, талабнома автоматик равишда «Паспорт-виза» ААТда онлайн текширувдан ўтказилади.
Бунда, фуқаро хорижий давлатлардан реадмиссия қилинганлиги аниқланган тақдирда, электрон талабнома ахборот тизимларида автоматик равишда рад этилади.
3-боб. Реадмиссия қилинган фуқароларга хорижга чиқиш паспорти расмийлаштириб бериладиган истисно ҳолатлар
6. Қуйидаги ҳолатларда истисно тариқасида реадмиссия қилинган фуқароларга хорижга чиқиш паспорти ваколатли давлат органларида реадмиссия қилинган фуқарони хорижга чиқишига тўсқинлик қилувчи бошқа маълумотлар мавжуд бўлмаганда расмийлаштириб берилади:
реадмиссия қилинган фуқаронинг яқин қариндоши хорижда вафот этганда;
реадмиссия қилинган фуқаро ёки унинг яқин қариндошига хорижий давлатда ихтисослашган тиббий ёрдам кўрсатиш ёки жарроҳлик амалиётини ўтказиш зарур бўлганда;
фан олимпиадаси, таълим ёки халқаро спорт мусобақасида иштирок этадиган бўлса;
яшаш жойи Ўзбекистон Республикасининг чегара зонаси ва эксклав ҳудудларида бўлганда;
Ўзбекистон Республикаси Президенти ва Ўзбекистон Республикаси Вазирлар Маҳкамасининг ҳужжатлари ҳамда топшириқлари, шунингдек Ўзбекистон Республикаси Президенти Администрацияси раҳбарининг фармойишлари ҳамда топшириқлари ижросини таъминлаш зарур бўлганда.
7. Реадмиссия қилинган фуқароларга истисно тариқасида хорижга чиқиш паспортини расмийлаштириб беришда қуйидаги маълумотлар асос бўлади:
хорижий тиббий хулоса ёки ўлим ҳақидаги гувоҳнома (маълумотнома);
хорижий давлатда ихтисослашган тиббий ёрдам кўрсатиш ёки жарроҳлик амалиётини ўтказиш зарурлиги бўйича Ўзбекистон Республикаси Соғлиқни сақлаш вазирлиги ёки унинг ҳудудий бошқармалари томонидан берилган йўлланма;
реадмиссия қилинган фуқаронинг фан олимпиадаси, таълим ёки халқаро спорт мусобақасига юборилаётганлиги тўғрисида масъул ваколатли давлат органининг маълумотномаси;
реадмиссия қилинган фуқаронинг яшаш жойи Ўзбекистон Республикасининг чегара зонаси ва эксклав ҳудудларда эканлигини тасдиқловчи маълумот;
Ўзбекистон Республикаси Президенти ва Ўзбекистон Республикаси Вазирлар Маҳкамасининг ҳужжатлари ҳамда топшириқлари, шунингдек Ўзбекистон Республикаси Президенти Администрацияси раҳбарининг фармойишлари ҳамда топшириқлари.
Реадмиссия қилинган фуқаронинг яқин қариндоши хорижда вафот этганда Ўзбекистон Республикаси Ташқи ишлар вазирлиги хорижий тиббий хулоса ёки ўлим ҳақидаги гувоҳномани (маълумотнома) олишда реадмиссия қилинган фуқарога белгиланган тартибда кўмаклашади.
4-боб. Реадмиссия қилинган фуқароларга истисно тариқасида хорижга чиқиш паспортини расмийлаштириш учун ҳужжатларни кўриб чиқиш
8. Реадмиссия қилинган фуқаролар истисно тариқасида хорижга чиқиш паспортини расмийлаштириш учун асослантирилган ҳужжатларни тақдим этган ҳолда MваPDга ёки унинг ҳудудий бошқармаларига мурожаат қилади.
Бунда, реадмиссия қилинган фуқаронинг яшаш жойи тўғрисидаги маълумот Ўзбекистон Республикаси Ички ишлар вазирлигининг «Манзил» автоматлаштирилган ахборот тизимидан автоматик равишда олинади.
Тақдим этилган ҳужжатлар 3 иш кунида MваPD ёки унинг ҳудудий бошқармалари томонидан кўриб чиқилиб, «Паспорт-виза» ААТга истисно тариқасида реадмиссия қилинган фуқароларга хорижга чиқиш паспортини расмийлаштириб бериш мумкинлиги тўғрисида маълумот киритилади.
9. Маълумотлар «Паспорт-виза» ААТга киритилганидан кейин реадмиссия қилинган фуқарога хорижга чиқиш паспортини расмийлаштиришни рад этиш автоматик равишда бекор қилинади ва реадмиссия қилинган фуқарога хорижга чиқиш паспортини расмийлаштириш бўйича давлат хизматини кўрсатиш имкони яратилганлиги тўғрисида хабарнома юборилади.
10. Реадмиссия қилинган фуқароларга истисно тариқасида хорижга чиқиш биометрик паспортини расмийлаштириш ва бериш бўйича давлат хизматларини кўрсатиш Ўзбекистон Республикаси Президентининг 2018 йил 26 декабрдаги ПҚ-4079-сон қарори билан тасдиқланган Ўзбекистон Республикаси фуқароларининг хорижга чиқишлари тартиби тўғрисидаги низом талабларига мувофиқ амалга оширилади.
5-боб. Якуний қоида
11. Ушбу Йўриқнома талабларининг бузилишида айбдор бўлган шахслар қонунчилик ҳужжатларида белгиланган тартибда жавобгар бўладилар.
Вазир А. ТАШПУЛАТОВ
Давлат хавфсизлик хизмати раиси ўринбосари Д. АНАРКУЛОВ
Миграция агентлиги директори Б. МУСАЕВ
Ташқи ишлар вазирининг биринчи ўринбосари Б. АЪЛОЕВ
Тошкент ш.,
2025 йил 17 сентябрь,
2025 йил 25 июль
2025 йил 25 июнь
2025 йил 21 июнь
523-сон
Oʻzbekiston Respublikasi Ichki ishlar vazirining
buyrugʻi
YOʻRIQNOMA
Xorijiy davlatlardan readmissiya qilingan Oʻzbekiston Respublikasi fuqarolariga istisno holatlarda xorijga chiqish biometrik pasportini rasmiylashtirib berish toʻgʻrisidagi yoʻriqnomani tasdiqlash haqida
Oʻzbekiston Respublikasi Vazirlar Mahkamasining 2025-yil 13-maydagi 313-son “Mehnat migratsiyasi jarayonlarini takomillashtirish boʻyicha qoʻshimcha chora-tadbirlar toʻgʻrisida”gi qaroriga muvofiq buyuraman:
1. Xorijiy davlatlardan readmissiya qilingan Oʻzbekiston Respublikasi fuqarolariga istisno holatlarda xorijga chiqish biometrik pasportini rasmiylashtirib berish toʻgʻrisidagi yoʻriqnoma ilovaga muvofiq tasdiqlansin.
2. Mazkur buyruq Oʻzbekiston Respublikasi Vazirlar Mahkamasi huzuridagi Migratsiya agentligi, Davlat xavfsizlik xizmati va Tashqi ishlar vazirligi bilan kelishilgan.
3. Mazkur buyruq rasmiy eʼlon qilingan kundan eʼtiboran kuchga kiradi.
Kelishildi:
Oʻzbekiston Respublikasi Ichki ishlar vazirining 2025-yil 17-sentabrdagi 523-son buyrugʻiga ILOVA
Xorijiy davlatlardan readmissiya qilingan Oʻzbekiston Respublikasi fuqarolariga istisno holatlarda xorijga chiqish biometrik pasportini rasmiylashtirib berish toʻgʻrisidagi
Ushbu Yoʻriqnoma xorijiy davlatlardan readmissiya qilingan Oʻzbekiston Respublikasi fuqarolariga istisno holatlarda xorijga chiqish biometrik pasportini (bundan buyon matnda xorijga chiqish pasporti deb yuritiladi) rasmiylashtirib berish tartibini belgilaydi.
1-bob. Umumiy qoidalar
1. Mazkur Yoʻriqnomada quyidagi asosiy tushunchalardan foydalaniladi:
readmissiya — xorijiy davlat hududida amalda boʻlgan chet el fuqarolarining va fuqaroligi boʻlmagan shaxslarning kirishi, chiqishi va boʻlishi masalalari boʻyicha qonunchilikni buzgan holda mazkur xorijiy davlatga kirgan yoki u yerda boʻlgan shaxsni Oʻzbekiston Respublikasining xalqaro shartnomalarida belgilangan tartib, shartlar va maqsadlarga koʻra ushbu xorijiy davlatning vakolatli davlat organlari tomonidan topshirish va Oʻzbekiston Respublikasining vakolatli davlat organlari tomonidan qabul qilib olish jarayoni;
readmissiya qilingan Oʻzbekiston Respublikasi fuqarolari (bundan buyon matnda readmissiya qilingan fuqaro deb yuritiladi) — xorijiy davlat hududida amalda boʻlgan chet el fuqarolarining va fuqaroligi boʻlmagan shaxslarning kirishi, chiqishi va boʻlishi masalalari boʻyicha qonunchilikni buzgan holda mazkur xorijiy davlatga kirganligi yoki u yerda boʻlganligi uchun xorijiy davlatning vakolatli davlat organlari tomonidan topshirilgan va Oʻzbekiston Respublikasining vakolatli davlat organlari tomonidan qabul qilib olingan Oʻzbekiston Respublikasining fuqarolari;
talabnoma — xorijga chiqish pasporti oluvchi haqida maʼlumotlarni yigʻish punkti tomonidan shakllantirilgan biografik maʼlumotlar va biometrik parametrlarni oʻz ichiga olgan elektron hujjat.
2. Mazkur Yoʻriqnoma xorijiy davlatlardan readmissiya qilinmagan Oʻzbekiston Respublikasi fuqarolariga nisbatan qoʻllanilmaydi.
2-bob. Xorijiy davlatlardan readmissiya qilingan shaxslarning roʻyxatini yuritish
3. Xorijiy davlatlardan readmissiya qilingan shaxslar toʻgʻrisidagi maʼlumotlar Oʻzbekiston Respublikasi Ichki ishlar vazirligi huzuridagi Migratsiya va personallashtirish departamenti (bundan buyon matnda MvaPD deb yuritiladi) tomonidan “Pasport-viza” avtomatlashtirilgan axborot tizimiga (bundan buyon matnda “Pasport-viza” AAT deb yuritiladi) kiritiladi.
4. Oʻzbekiston Respublikasining xalqaro shartnomalariga muvofiq readmissiya qilingan fuqarolarga “Pasport-viza” AATga ularning readmissiya qilinganligi toʻgʻrisidagi maʼlumotlar kiritilgan kundan boshlab ikki yil davomida xorijga chiqish pasportini berish boʻyicha davlat xizmati koʻrsatilmaydi.
5. MvaPD va uning hududiy boʻlinmalari hamda davlat xizmatlari markazlari xodimlari tomonidan yoki fuqaroning oʻzi tomonidan Oʻzbekiston Respublikasi Yagona interaktiv davlat xizmatlari portali orqali xorijga chiqish pasportini rasmiylashtirish toʻgʻrisidagi elektron talabnoma shakllantirilganda, talabnoma avtomatik ravishda “Pasport-viza” AATda onlayn tekshiruvdan oʻtkaziladi.
Bunda, fuqaro xorijiy davlatlardan readmissiya qilinganligi aniqlangan taqdirda, elektron talabnoma axborot tizimlarida avtomatik ravishda rad etiladi.
3-bob. Readmissiya qilingan fuqarolarga xorijga chiqish pasporti rasmiylashtirib beriladigan istisno holatlar
6. Quyidagi holatlarda istisno tariqasida readmissiya qilingan fuqarolarga xorijga chiqish pasporti vakolatli davlat organlarida readmissiya qilingan fuqaroni xorijga chiqishiga toʻsqinlik qiluvchi boshqa maʼlumotlar mavjud boʻlmaganda rasmiylashtirib beriladi:
readmissiya qilingan fuqaroning yaqin qarindoshi xorijda vafot etganda;
readmissiya qilingan fuqaro yoki uning yaqin qarindoshiga xorijiy davlatda ixtisoslashgan tibbiy yordam koʻrsatish yoki jarrohlik amaliyotini oʻtkazish zarur boʻlganda;
fan olimpiadasi, taʼlim yoki xalqaro sport musobaqasida ishtirok etadigan boʻlsa;
yashash joyi Oʻzbekiston Respublikasining chegara zonasi va eksklav hududlarida boʻlganda;
Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining hujjatlari hamda topshiriqlari, shuningdek Oʻzbekiston Respublikasi Prezidenti Administratsiyasi rahbarining farmoyishlari hamda topshiriqlari ijrosini taʼminlash zarur boʻlganda.
7. Readmissiya qilingan fuqarolarga istisno tariqasida xorijga chiqish pasportini rasmiylashtirib berishda quyidagi maʼlumotlar asos boʻladi:
xorijiy tibbiy xulosa yoki oʻlim haqidagi guvohnoma (maʼlumotnoma);
xorijiy davlatda ixtisoslashgan tibbiy yordam koʻrsatish yoki jarrohlik amaliyotini oʻtkazish zarurligi boʻyicha Oʻzbekiston Respublikasi Sogʻliqni saqlash vazirligi yoki uning hududiy boshqarmalari tomonidan berilgan yoʻllanma;
readmissiya qilingan fuqaroning fan olimpiadasi, taʼlim yoki xalqaro sport musobaqasiga yuborilayotganligi toʻgʻrisida masʼul vakolatli davlat organining maʼlumotnomasi;
readmissiya qilingan fuqaroning yashash joyi Oʻzbekiston Respublikasining chegara zonasi va eksklav hududlarda ekanligini tasdiqlovchi maʼlumot;
Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining hujjatlari hamda topshiriqlari, shuningdek Oʻzbekiston Respublikasi Prezidenti Administratsiyasi rahbarining farmoyishlari hamda topshiriqlari.
Readmissiya qilingan fuqaroning yaqin qarindoshi xorijda vafot etganda Oʻzbekiston Respublikasi Tashqi ishlar vazirligi xorijiy tibbiy xulosa yoki oʻlim haqidagi guvohnomani (maʼlumotnoma) olishda readmissiya qilingan fuqaroga belgilangan tartibda koʻmaklashadi.
4-bob. Readmissiya qilingan fuqarolarga istisno tariqasida xorijga chiqish pasportini rasmiylashtirish uchun hujjatlarni koʻrib chiqish
8. Readmissiya qilingan fuqarolar istisno tariqasida xorijga chiqish pasportini rasmiylashtirish uchun asoslantirilgan hujjatlarni taqdim etgan holda MvaPDga yoki uning hududiy boshqarmalariga murojaat qiladi.
Bunda, readmissiya qilingan fuqaroning yashash joyi toʻgʻrisidagi maʼlumot Oʻzbekiston Respublikasi Ichki ishlar vazirligining “Manzil” avtomatlashtirilgan axborot tizimidan avtomatik ravishda olinadi.
Taqdim etilgan hujjatlar 3 ish kunida MvaPD yoki uning hududiy boshqarmalari tomonidan koʻrib chiqilib, “Pasport-viza” AATga istisno tariqasida readmissiya qilingan fuqarolarga xorijga chiqish pasportini rasmiylashtirib berish mumkinligi toʻgʻrisida maʼlumot kiritiladi.
9. Maʼlumotlar “Pasport-viza” AATga kiritilganidan keyin readmissiya qilingan fuqaroga xorijga chiqish pasportini rasmiylashtirishni rad etish avtomatik ravishda bekor qilinadi va readmissiya qilingan fuqaroga xorijga chiqish pasportini rasmiylashtirish boʻyicha davlat xizmatini koʻrsatish imkoni yaratilganligi toʻgʻrisida xabarnoma yuboriladi.
10. Readmissiya qilingan fuqarolarga istisno tariqasida xorijga chiqish biometrik pasportini rasmiylashtirish va berish boʻyicha davlat xizmatlarini koʻrsatish Oʻzbekiston Respublikasi Prezidentining 2018-yil 26-dekabrdagi PQ-4079-son qarori bilan tasdiqlangan Oʻzbekiston Respublikasi fuqarolarining xorijga chiqishlari tartibi toʻgʻrisidagi nizom talablariga muvofiq amalga oshiriladi.
5-bob. Yakuniy qoida
11. Ushbu Yoʻriqnoma talablarining buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladilar.
Vazir A. TASHPULATOV
Davlat xavfsizlik xizmati raisi oʻrinbosari D. ANARKULOV
Migratsiya agentligi direktori B. MUSAYEV
Tashqi ishlar vazirining birinchi oʻrinbosari B. AʼLOYEV
Toshkent sh.,
2025-yil 17-sentabr,
2025-yil 25-iyul
2025-yil 25-iyun
2025-yil 21-iyun
523-son