UzbekAI

Ўзбекистон Республикаси Вазирлар Маҳкамасининг

қарори

РЎЙХАТИ

ТАЛАБЛАР

Ўсимликлар карантини чегара пунктларини карантин остидаги маҳсулотларни олиб киришга ихтисослаштириш тўғрисида

Мамлакатимизда ўсимликлар карантини ва ҳимояси соҳасини такомиллаштириш бўйича кенг кўламли ишлар амалга ошириб келинмоқда. Хусусан, фитосанитар хавфсизликни таъминлаш, ўсимликларни зарарли организмлардан ишончли ҳимоя қилишни такомиллаштириш, тадбиркорлик субъектларини янада қўллаб-қувватлаш ҳамда ўсимликлар карантини соҳасида кўрсатиладиган хизматлар сифатини халқаро стандартларга мувофиқлаштириш борасида тизимли чора-тадбирлар олиб борилмоқда.

Хорижий мамлакатлардан Ўзбекистон Республикасига олиб кириладиган карантин остидаги маҳсулотлар билан карантин аҳамиятига эга бўлган зарарли организмлар кириб келишининг олдини олишда Ўзбекистон Республикасининг Давлат чегараси орқали ўтказиш пунктларига бевосита туташ бўлган ёки бўлмаган ҳудудларида ташкил этилган ва этиладиган божхона терминалларида тезкор фитосанитар назоратни амалга ошириш зарурати юзага келмоқда.

Ўзбекистон Республикаси Президентининг «Ўзбекистон Республикаси Ўсимликлар карантини ва ҳимояси агентлигини ташкил этиш тўғрисида» 2021 йил 15 июлдаги ПҚ-5185-сон қарорига мувофиқ ўсимликлар карантини чегара пунктларини республика ҳудудига карантин остидаги маҳсулотлар олиб кирилишига ихтисослаштириш мақсадида Вазирлар Маҳкамаси қарор қилади:

1. Қуйидагилар:

Карантин остидаги маҳсулотларни олиб киришга ихтисослаштириладиган ўсимликлар карантини чегара пунктлари рўйхати 1-иловага мувофиқ;

Ўсимликлар карантини чегара пунктларини карантин остидаги маҳсулотларни олиб киришга ихтисослаштиришга доир талаблар 2-иловага мувофиқ тасдиқлансин.

2. Ўзбекистон Республикасининг «Ўсимликлар карантини тўғрисида»ги Қонуни 14-моддасига мувофиқ ўсимликлар карантини чегара пункти Ўзбекистон Республикасининг Давлат чегараси орқали ўтказиш пунктларида, ички ҳудудлараро чегара пунктларида ташкил этилади ҳамда Ўзбекистон Республикасининг Давлат бюджети маблағлари ҳисобидан хоналар, текширувлар ўтказиш ва намуналар олиш, фитосанитария экспертизасини ва фумигация ишларини амалга ошириш учун воситалар, алоқа воситалари ва Интернет жаҳон ахборот тармоғи билан таъминланиши белгилангани маълумот учун қабул қилинсин.

3. Белгилансинки, 2026 йил 1 январдан бошлаб:

ўсимликлар карантини чегара пунктларида ҳамда унга бевосита туташ бўлган ва бўлмаган ҳудудларида ташкил этилган ва этиладиган божхона терминаллари ҳамда карантин остидаги маҳсулотларни божхона расмийлаштирувига қадар вақтинча сақлаш учун фойдаланиладиган бино ва иншоотлари (омборлар) ҳамда уларнинг шарт-шароитлари манфаатдор жисмоний ва юридик шахслар томонидан ўз маблағлари ёки қонунчиликда тақиқланмаган бошқа маблағлар ҳисобидан 2-иловада белгиланган талабларга мувофиқлаштирилади;

ўсимликлар карантини чегара пунктлари орқали кириб келадиган карантин остидаги маҳсулотларни чегара пунктларига бевосита туташ бўлган ва бўлмаган ҳудудларда ташкил этилган божхона терминалларида ва/ёки карантин остидаги маҳсулотларни божхона расмийлаштирувига қадар вақтинча сақлаш учун фойдаланиладиган бино ва иншоотларда (омборларда) фитосанитария назоратидан ўтказилади.

4. Ўзбекистон Республикаси Қишлоқ хўжалиги вазирлиги ҳузуридаги Ўсимликлар карантини ва ҳимояси агентлиги:

а) ҳар чоракда карантин остидаги маҳсулотларни олиб киришга ихтисослаштириладиган ўсимликлар карантини чегара пунктлари ҳамда унга бевосита туташ бўлган ва бўлмаган ҳудудларида ташкил этилган ва ташкил этиладиган божхона терминалларини ҳамда карантин остидаги маҳсулотларни божхона расмийлаштирувига қадар вақтинча сақлаш учун фойдаланиладиган бино ва иншоотлар (омборлар)ни 2-иловага асосан талабларга мувофиқлиги бўйича хатловдан ўтказади ва реестрини шакллантиради ҳамда шакллантирилган реестрни Ўзбекистон Республикаси Иқтисодиёт ва молия вазирлиги ҳузуридаги Божхона қўмитаси (кейинги ўринда — Божхона қўмитаси)га тақдим этиб боради.

Бунда Божхона қўмитаси Ўсимликлар карантини ва ҳимояси агентлиги томонидан тақдим этилган реестр асосида республика ҳудудига олиб кириладиган карантин остидаги маҳсулотларни фитосанитария назоратидан ўтказишга йўналтиради ҳамда бу ҳақда ташқи иқтисодий фаолият субъектларини божхона ахборот тизими орқали хабардор қилиб боради;

б) Божхона қўмитаси билан биргаликда ўсимликлар карантини чегара пунктларини 2025 — 2027 йилларда босқичма-босқич республика ҳудудига олиб кириладиган карантин остидаги маҳсулотлар бўйича ихтисослаштиришга доир талабларга мувофиқлаштириш чораларини кўради ҳамда, заруратга кўра, ушбу қарорга 1-иловада келтирилган рўйхатга ўзгартириш ва қўшимчалар киритиш бўйича Вазирлар Маҳкамасига таклифлар киритиб боради.

5. Карантин остидаги маҳсулотларни олиб киришга ихтисослаштирилган ўсимликлар карантини чегара пунктларининг экспорт йўналишида ташқи савдо юклари бўйича ўтказиладиган фитосанитария назорат функциялари божхона органлари томонидан мувофиқлаштирилади. Бунда:

божхона органлари ўсимликлар карантини чегара пунктларининг республика ҳудудидан экспорт йўналишида олиб чиқиладиган карантин остидаги маҳсулотларни ҳужжатли назорат тартиб-таомилларидан ўтказади ҳамда божхона ахборот тизимига бу ҳақда қайд этиб боради;

шубҳали ёки зарур ҳолатларда маҳсулотларни кўздан кечириш ҳамда қўл юкида мавжуд карантин остидаги маҳсулотларга белгиланган тартибда фитосанитария сертификатини расмийлаштириш учун ўсимликлар карантини давлат инспекторини жалб қилади.

6. Ўзбекистон Республикаси Қишлоқ хўжалиги вазирлиги манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни икки ой муддатда ушбу қарорга мувофиқлаштирсин.

7. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари Ж.А. Ходжаев зиммасига юклансин.

Вазирлар Маҳкамасининг 2025 йил 29 сентябрдаги 609-сон қарорига 1-ИЛОВА

Карантин остидаги маҳсулотларни олиб киришга ихтисослаштириладиган ўсимликлар карантини чегара пунктлари

Т/р Ўсимликлар карантини чегара ўтказиш пунктлари номи Ҳудудлар номи Автомобиль ўтказиш пунктларидаги ўсимликлар карантини чегара пунктлари 1. «Довутота» Қорақалпоғистон Республикаси 2. «Дўстлик» Андижон вилояти 3. «Хонобод» 4. «Олот» Бухоро вилояти 5. «Учқўрғон» Наманган вилояти 6. «Ўзбекистон» Фарғона вилояти 7. «Сариосиё» Сурхондарё вилояти 8. «Айритом» 9. «Сирдарё» Сирдарё вилояти 10. «Ойбек» Тошкент вилояти 11. «Яллама» 12. «Навоий» 13. «С. Нажимов» 14. «Шовот» Хоразм вилояти Халқаро аэропортлардаги ўсимликлар карантини чегара пунктлари 1. Ислом Каримов номидаги «Тошкент» халқаро аэропорти Тошкент шаҳри 2. Самарқанд халқаро аэропорти Самарқанд вилояти 3. Навоий халқаро аэропорти Навоий вилояти 4. Термиз халқаро аэропорти Сурхондарё вилояти 5. Фарғона халқаро аэропорти Фарғона вилояти 6. Наманган халқаро аэропорти Наманган вилояти

Вазирлар Маҳкамасининг 2025 йил 29 сентябрдаги 609-сон қарорига 2-ИЛОВА

Ўсимликлар карантини чегара пунктларини карантин остидаги маҳсулотларни олиб киришга ихтисослаштиришга доир

1-боб. Умумий қоидалар

1. Карантин остидаги маҳсулотларни олиб киришга ихтисослаштириладиган ўсимликлар карантини чегара пунктлари ва унинг бевосита туташ бўлган ёки бўлмаган ҳудудларида ташкил этилган ва этиладиган божхона терминалларини, карантин остидаги маҳсулотларни фитосанитария назоратидан ўтказиш ҳамда карантин остидаги маҳсулотларни божхона расмийлаштирувига қадар вақтинча сақланадиган бино ва иншоотларни (омборлар) ташкил этиш, қуриш ва реконструкция қилиш ишлари ушбу талаблар асосида амалга оширилади.

2. Ушбу Талабларда қуйидаги асосий тушунчалар қўлланади:

карантин остидаги маҳсулот — ўсимликлар карантини объектларини ташувчилар бўлиши мумкин бўлган ўсимликлар, уларнинг қисмлари, экин материаллари, қайта ишлаш маҳсулоти ва бошқа маҳсулот ҳамда юклар;

фитосанитария назорати — Ўзбекистон Республикаси ҳудудига олиб кирилаётган, унинг ҳудудидан олиб чиқилаётган ва транзит тарзида ташиладиган карантин остидаги маҳсулотларни текширишда ўсимликлар карантини давлат инспектори томонидан амалга ошириладиган комплекс тадбирлар.

2-боб. Карантин остидаги маҳсулотларни олиб киришга ихтисослаштириладиган ўсимликлар карантини чегара пунктлари ва унинг бевосита туташ бўлган ёки бўлмаган ҳудудларида ташкил этилган ва этиладиган божхона терминалларига талаблар

3. Карантин остидаги маҳсулотларни олиб киришга ихтисослаштириладиган ўсимликлар карантини чегара пунктлари ва унинг бевосита туташ бўлган ёки бўлмаган ҳудудларида ташкил этилган ва этиладиган божхона терминалларини қуриш ва реконструкция қилиш мазкур Талаблар асосида амалга оширилиши лозим. Бунда қуйидагилар талаб қилинади:

хоналари санитария-гигиена, қурилиш меъёрлари ва қоидаларида белгиланган талабларга мувофиқ шамоллатилиши, ҳавони совитиш ва иситиш, сув таъминоти ва канализация, шунингдек, ёнғинга қарши воситалар ва фавқулодда ҳолатларда огоҳлантириш сигнализация тизимлари билан жиҳозланган бўлиши;

барча кириш ва ўтиш йўллари, пиёдалар йўлаклари, юкни ортиш ва тушириш майдончалари чанг ҳосил қилмайдиган, сув ўтказмайдиган, ювиш ҳамда дезинфекция қилиш учун қулай, ҳосил бўлган оқоваларни канализацияга йўналтириш имкониятига эга қаттиқ қопламали бўлиши;

ҳудуди дарахт ва буталардан холи бўлиши;

бино ва иншоотлари, омборхона хоналари карантин остидаги маҳсулотларни бут сақлайдиган ва ушбу маҳсулотларга нисбатан фитосанитария назоратини тўлиқ амалга ошириш учун ушбу Талабларнинг 9-бандида белгиланган инвентарь ва асбоб-ускуналар билан жиҳозланиши;

товарларни тушириш-ортиш учун кўчма ва (ёки) ердаги эстакада (юклаш-тушириш ишларини амалга ошириш учун ер юзасидан маълум баландликда қуриладиган ёки ўрнатиладиган тўсинсимон конструкциялардан иборат кўприксимон иншоот) бўлиши;

бино ва иншоот (омборхона)ларда карантин остидаги маҳсулотларни кўрикдан ўтказиш учун платформалар ва рампалар ўрнатилиши лозим.

3-боб. Карантин остидаги маҳсулотларни олиб киришга ихтисослаштириладиган ўсимликлар карантини чегара пунктлари ва унинг бевосита туташ бўлган ёки бўлмаган ҳудудларида ташкил этилган ва этиладиган божхона терминалларида хизмат хоналарининг таркиби ва уларга қўйиладиган талаблар

4. Карантин остидаги маҳсулотларни олиб киришга ихтисослаштириладиган ўсимликлар карантини чегара пунктлари ва унинг бевосита туташ бўлган ёки бўлмаган ҳудудларида ташкил этилган ва этиладиган божхона терминалларида ўсимликлар карантини давлат инспектори фаолият юритиши учун қуйидаги хизмат хоналари ташкил этилган бўлиши лозим:

навбатчи (оператив);

махсус;

маиший (хўжалик);

дам олиш хонаси.

5. Навбатчи (оператив) хона ўсимликлар карантини давлат инспектори фаолият олиб борадиган хизмат хонаси ҳисобланади. Ушбу хонада ўсимликлар карантини давлат инспектори ўз ваколати доирасида ҳужжатли назоратни амалга оширади ва соҳага оид ҳужжатларни расмийлаштиради.

6. Махсус хонадан тезкор (экспресс) лаборатория таҳлилларини амалга оширишда, карантин остидаги маҳсулотларнинг намуналарини сақлашда, транспорт воситалари ҳамда карантин остидаги маҳсулотларни зарарсизлантиришга оид махсус техник воситалар ва кимёвий моддаларни сақлашда, зарарланган карантин остидаги маҳсулотларни зарарсизлантиришда, шунингдек, йўналишга оид бошқа мақсадларда фойдаланилади.

7. Маиший (хўжалик) хоналардан фитосанитария назоратини амалга ошириш учун махсус кийим-бошлар ва асбоб-ускуналарни сақлашда фойдаланилади.

8. Дам олиш хонаси иш режими туну кун бўлган ўсимликлар карантини чегара пунктларида ташкил этилади. Бунда ўсимликлар карантини давлат инспектори дам олиши учун шарт-шароит яратилади.

9. Навбатчи, махсус, маиший ва дам олиш хоналари давлат инспектори ва бошқа шахслар учун санитария-гигиена воситалари, иссиқ ва совуқ сув, санузел тизимлари билан таъминланиши, шунингдек, иловага мувофиқ инвентарь ва асбоб-ускуналар билан жиҳозланиши лозим.

10. Мазкур объектларда ўрнатиладиган инвентарь ва асбоб-ускуналарни жойлаштиришда хавфсизлик, техник хизмат кўрсатиш ва таъмирлаш қулайлиги таъминланиши ҳамда технологик жараённинг кетма-кетлиги талаблари ва технологик лойиҳалаш меъёрларига мувофиқ бўлиши лозим.

Шунингдек, ушбу объектларда ўрнатиладиган, лаборатория таҳлиллари ўтказиш учун фойдаланиладиган синов ва ўлчаш воситалари ўрнатилган тартибда метрологик аттестациядан ўтказилган бўлиши шарт.

4-боб. Карантин остидаги маҳсулотларни фитосанитария назоратидан ўтказиш ҳамда божхона расмийлаштирувига қадар вақтинча сақлаш учун фойдаланиладиган бино ва иншоотлар (омборлар)га қўйиладиган талаблар

11. Хорижий мамлакатлардан олиб кириладиган карантин остидаги маҳсулотларни фитосанитария назоратидан ўтказиш ҳамда божхона расмийлаштирувига қадар вақтинча сақлаш учун фойдаланиладиган бино ва иншоотлар (омборлар)нинг ташкил этилиши, қурилиши ва реконструкция қилиниши ушбу Талаблар асосида амалга оширилиши лозим.

Бунда карантин остидаги маҳсулотларни сақлаш учун зарур бўлган технологик режим ва шароитлар билан таъминланиши, шунингдек, карантин остидаги маҳсулотларни фитосанитария назоратидан ўтказиш вақтида ўсимликлар карантинидаги зарарли организмлар ва бошқа хавфли зараркунандалар тарқалишининг олдини олишга қаратилган бўлиши керак.

12. Карантин остидаги маҳсулотларни фитосанитария назоратидан ўтказиш ҳамда божхона расмийлаштирувига қадар вақтинча сақлаш учун фойдаланиладиган бино ва иншоотлар (омборлар) амалдаги санитария-гигиена, қурилиш меъёрлари ва қоидаларига, экологик талабларга жавоб бериши шарт. Жумладан:

шамоллатиш, ҳавони совитиш ва иситиш ҳамда омборлар фавқулодда ҳолатларда огоҳлантириш тизими билан жиҳозланган бўлиши;

ёруғлик (табиий ёки сунъий) билан таъминланган бўлиши;

деворлари бўялган ёки оқланган, ёриқларсиз, эшик ва деразаларнинг герметиклиги таъминланган бўлиши;

кириш ва ўтиш йўллари, пиёдалар йўлаклари, юкни тушириш ва юклаш учун махсус ажратилган майдон бўлиши;

пестицид ва кимёвий воситалар сақланадиган алоҳида хона ва уларни сақлаш учун металл шкаф бўлиши;

товарларни тушириш-ортиш учун кўчма ва (ёки) ердаги эстакада (юклаш-тушириш ишларини амалга ошириш учун ер юзасидан маълум баландликда қуриладиган ёки ўрнатиладиган тўсинсимон конструкциялардан иборат кўприксимон иншоот) бўлиши;

поллари рухсат этилган механик, термик ёки кимёвий таъсирларга чидамли, тешикларсиз, сирти осон тозаланадиган, пол конструкцияси элементлари иш пайтида ерга тушадиган зарарли моддаларни ўзида тўпламайдиган ёки сингдирмайдиган ва суюқлик оқиши учун нишаблик бўлиши керак.

Шунингдек, маҳсулот турига қараб, омборларда техник жиҳатдан тартибга солиш соҳасидаги норматив ҳужжатларга мувофиқ сақлаш шароитлари, намуна олиш учун жиҳозлар билан тўлиқ таъминланган бўлиши лозим, жумладан:

экиш материаллари учун герметик ёпилиши таъминланадиган ёпиқ бино ва иншоот (омборхона);

мева-сабзавот, полиз маҳсулотлари ҳамда бошқа тез бузилувчи карантин остидаги маҳсулотлар учун вақтинча сақлаш учун совиткич (ҳарорат меъёри -10 С 0 дан +20 С 0 гача бўлиши лозим) ;

ёғоч материаллари учун — намуна олиш учун арра (электр ёки мото);

донли, дуккакли ва мойли экин маҳсулотлари учун — намуна олиш учун шуп, чашка ва уруғ майдалагич (дробилка);

маҳсулотдан олинган намунани кўрикдан ўтказиш учун махсус кўрик столи бўлиши лозим.

13. Мазкур объектларда ўрнатиладиган инвентарь ва асбоб-ускуналарга нисбатан ушбу Талабларнинг 10-бандида белгиланган шартлар қўлланади.

Ўсимликлар карантини чегара пунктларини карантин остидаги маҳсулотларни олиб киришга ихтисослаштиришга доир талабларга ИЛОВА

Хизмат хоналарининг сони, уларни жиҳозлаш бўйича талаб этиладиган инвентарь ва асбоб-ускуналар

Т/р Номланиши Тавсия этиладиган минимал майдон Тавсия этиладиган жиҳозлар Тавсия этиладиган асбоб-ускуналар ва техникалар Алоқа воситалари Навбатчи (оператив) хоналар 1. Фитосанитария назоратидан ўтказиш пункти навбатчи давлат инспекторининг хонаси 6 м 2 Иш столи, стул, гардеробли жавон, ҳужжатлар сақлаш учун сейф Доимий соз ҳолатдаги, божхона органларининг дастурий таъминоти билан ишлаш имконига эга бўлган компьютер, принтер ва нусха кўчирадиган аппарат, алоқа воситалари (шу жумладан, телефон, Интернет), кондиционер Хавфсиз каналга эга интернет, телефон ёки радиоалоқа, видеокузатув камераси 2. Фитосанитария назоратидан ўтказиш пункти мудирининг хонаси 12 м 2 Иш столи, стул, гардеробли жавон, ҳужжатлар сақлаш учун сейф Доимий соз ҳолатдаги, божхона органларининг дастурий таъминоти билан ишлаш имконига эга бўлган компьютер, принтер ва нусха кўчирадиган аппарат, алоқа воситалари (шу жумладан телефон, Интернет), кондиционер Хавфсиз каналга эга интернет , телефон ёки радиоалоқа Махсус хоналар 3. Фитосанитария лаборатория таҳлилларини амалга ошириш учун камида алоҳида 3 та хона Ҳар бир хона учун 15 м 2 Лаборатория столлари (пўлат ёки зангламас металл қопламали), тебранишдан ҳимояланган стол, кимёвий таҳлилларни амалга ошириш учун махсус столлар, стуллар, асбоб-ускуна ва ёрдамчи ускуналарни сақлаш учун мўлжалланган лаборатория жавони (зангламас ёки сув шиммайдиган қопламали) Сув таъминоти ва канализация тизими, компьютер, нусха кўчириш мосламаси, сканер, принтер, калькулятор, совиткич, совуқ ва иссиқ сув билан таъминловчи кран, ювиниш ҳавзаси (санузел), ёнғинга қарши воситалар Хавфсиз каналга эга интернет, телефон ёки радиоалоқа, видеокузатув камераси 4. Техник назорат воситаларини сақлашга мўлжалланган хона (омбор) 16 м 2 Техник назорат ускуналарини сақлаш учун жавонлар Хавфсизлик сигнали, ёнғинга қарши воситалар Видеокузатув камераси, сигнализация 5. Карантин остидаги маҳсулотлардан синов учун олинган намуналарни сақлаш хонаси 9 м 2 Намуналарни сақлаш учун жавонлар Совитиш камераси, ёнғинга қарши воситалар Видеокузатув камераси, сигнализация 6. Ноқонуний олиб кирилган (олиб қўйилган) карантин остидаги маҳсулотларни сақлаш жойи (омбор) Ёпиқ омбор 60 м 2 Маҳсулотларни сақлаш учун махсус жойлар Совитиш камераси, ёнғинга қарши воситалар Видеокузатув камераси, сигнализация 7. Транспорт воситалари ва карантин остидаги маҳсулотларни фитосанитария назоратидан ўтказиш учун махсус жой Усти ёпиқ омбор (ҳисоб-китобга кўра) Карантин кўригини ўтказиш учун махсус стол ва столни ёритадиган лампа (чироқ) Гидравлик текислаш платформаси, автоматик ёки электр юклагич, нарвон, эстакада, ёнғинга қарши воситалар Видеокузатув камераси, сигнализация 8. Аэропорт, дарё порти, автомобиль, халқаро почтампт ўсимликлар карантини чегара пунктлари, ТИФ масканлари ҳамда темир йўл станциясининг терминалида карантин остидаги маҳсулотларни фитосанитария назоратидан ўтказиш учун махсус жой (хона) 10 м 2 Карантин кўригини ўтказиш учун махсус стол ва столни ёритадиган лампа (чироқ) Гидравлик текислаш платформаси, автоматик ёки электр юклагич, нарвон, эстакада, рампа, ёнғинга қарши воситалар Видеокузатув камераси, сигнализация 9. Зарарланган карантин остидаги маҳсулотларни йўқ қилиш учун махсус жой (печ) 10 — 15 м 2 Ускуналарни сақлаш учун жавон Махсус печ (кўмир, табиий газ ва бошқа ёқишга мўлжалланган), ёнғинга қарши воситалар Видеокузатув камераси, сигнализация 10. Пестицид ва кимёвий воситаларни сақлаш хонаси (омбор) 10 м 2 Пестицидларни сақлаш учун металл жавон Ёнғинга қарши воситалар Видеокузатув камераси, сигнализация 11. Карантин остидаги маҳсулотларни зарарсизлантириш учун ускуналар билан жиҳозланган хона (майдон) Ускуна ҳажмига қараб Фумигация камералари OʻzDSt-3346:2018 стандарти асосида қўл юкларини дезинфекциялаш учун ҳажми 3 м 3 бўлган фумигацион мобил камера, 224 м 3 ҳажмдаги автомобил ва контейнерни дезинфекциялаш учун фумигацион камералар (ҳисоб-китобга кўра), ёнғинга қарши воситалар Видеокузатув камераси, сигнализация Маиший (хўжалик) хоналар 12. Кийим ечиш ва кийиниш хонаси 12 м 2 Кийим учун шкафлар, диван, стол, стул Кийим илгич, ёнғинга қарши воситалар Сигнализация 13. Омборхона 6 — 8 м 2 Дезинфекциялаш воситалари ва маиший жиҳозларни сақлаш учун жавонлар Хона жиҳозларини дезинфекцияловчи аппарат, ёнғинга қарши воситалар Сигнализация Дам олиш хонаси 14. Дам олиш хонаси (ётоқхона) Камида 20 м 2 (мутахассислар сонига қараб) Каравот ёки диван, кийим-кечак учун шкаф Кондиционер, ёнғинга қарши воситалар Сигнализация

Ўзбекистон Республикасининг Бош вазири А. АРИПОВ

Тошкент ш.,

2025 йил 29 сентябрь,

609-сон

(Қонунчилик маълумотлари миллий базаси, 02.10.2025 й., 09/25/609/0886-сон)

lex.uz

Oʻzbekiston Respublikasi Vazirlar Mahkamasining

qarori

ROʻYXATI

TALABLAR

Oʻsimliklar karantini chegara punktlarini karantin ostidagi mahsulotlarni olib kirishga ixtisoslashtirish toʻgʻrisida

Mamlakatimizda oʻsimliklar karantini va himoyasi sohasini takomillashtirish boʻyicha keng koʻlamli ishlar amalga oshirib kelinmoqda. Xususan, fitosanitar xavfsizlikni taʼminlash, oʻsimliklarni zararli organizmlardan ishonchli himoya qilishni takomillashtirish, tadbirkorlik subyektlarini yanada qoʻllab-quvvatlash hamda oʻsimliklar karantini sohasida koʻrsatiladigan xizmatlar sifatini xalqaro standartlarga muvofiqlashtirish borasida tizimli chora-tadbirlar olib borilmoqda.

Xorijiy mamlakatlardan Oʻzbekiston Respublikasiga olib kiriladigan karantin ostidagi mahsulotlar bilan karantin ahamiyatiga ega boʻlgan zararli organizmlar kirib kelishining oldini olishda Oʻzbekiston Respublikasining Davlat chegarasi orqali oʻtkazish punktlariga bevosita tutash boʻlgan yoki boʻlmagan hududlarida tashkil etilgan va etiladigan bojxona terminallarida tezkor fitosanitar nazoratni amalga oshirish zarurati yuzaga kelmoqda.

Oʻzbekiston Respublikasi Prezidentining “Oʻzbekiston Respublikasi Oʻsimliklar karantini va himoyasi agentligini tashkil etish toʻgʻrisida” 2021-yil 15-iyuldagi PQ-5185-son qaroriga muvofiq oʻsimliklar karantini chegara punktlarini respublika hududiga karantin ostidagi mahsulotlar olib kirilishiga ixtisoslashtirish maqsadida Vazirlar Mahkamasi qaror qiladi:

1. Quyidagilar:

Karantin ostidagi mahsulotlarni olib kirishga ixtisoslashtiriladigan oʻsimliklar karantini chegara punktlari roʻyxati 1-ilovaga muvofiq;

Oʻsimliklar karantini chegara punktlarini karantin ostidagi mahsulotlarni olib kirishga ixtisoslashtirishga doir talablar 2-ilovaga muvofiq tasdiqlansin.

2. Oʻzbekiston Respublikasining “Oʻsimliklar karantini toʻgʻrisida”gi Qonuni 14-moddasiga muvofiq oʻsimliklar karantini chegara punkti Oʻzbekiston Respublikasining Davlat chegarasi orqali oʻtkazish punktlarida, ichki hududlararo chegara punktlarida tashkil etiladi hamda Oʻzbekiston Respublikasining Davlat budjeti mablagʻlari hisobidan xonalar, tekshiruvlar oʻtkazish va namunalar olish, fitosanitariya ekspertizasini va fumigatsiya ishlarini amalga oshirish uchun vositalar, aloqa vositalari va Internet jahon axborot tarmogʻi bilan taʼminlanishi belgilangani maʼlumot uchun qabul qilinsin.

3. Belgilansinki, 2026-yil 1-yanvardan boshlab:

oʻsimliklar karantini chegara punktlarida hamda unga bevosita tutash boʻlgan va boʻlmagan hududlarida tashkil etilgan va etiladigan bojxona terminallari hamda karantin ostidagi mahsulotlarni bojxona rasmiylashtiruviga qadar vaqtincha saqlash uchun foydalaniladigan bino va inshootlari (omborlar) hamda ularning shart-sharoitlari manfaatdor jismoniy va yuridik shaxslar tomonidan oʻz mablagʻlari yoki qonunchilikda taqiqlanmagan boshqa mablagʻlar hisobidan 2-ilovada belgilangan talablarga muvofiqlashtiriladi;

oʻsimliklar karantini chegara punktlari orqali kirib keladigan karantin ostidagi mahsulotlarni chegara punktlariga bevosita tutash boʻlgan va boʻlmagan hududlarda tashkil etilgan bojxona terminallarida va/yoki karantin ostidagi mahsulotlarni bojxona rasmiylashtiruviga qadar vaqtincha saqlash uchun foydalaniladigan bino va inshootlarda (omborlarda) fitosanitariya nazoratidan oʻtkaziladi.

4. Oʻzbekiston Respublikasi Qishloq xoʻjaligi vazirligi huzuridagi Oʻsimliklar karantini va himoyasi agentligi:

a) har chorakda karantin ostidagi mahsulotlarni olib kirishga ixtisoslashtiriladigan oʻsimliklar karantini chegara punktlari hamda unga bevosita tutash boʻlgan va boʻlmagan hududlarida tashkil etilgan va tashkil etiladigan bojxona terminallarini hamda karantin ostidagi mahsulotlarni bojxona rasmiylashtiruviga qadar vaqtincha saqlash uchun foydalaniladigan bino va inshootlar (omborlar)ni 2-ilovaga asosan talablarga muvofiqligi boʻyicha xatlovdan oʻtkazadi va reyestrini shakllantiradi hamda shakllantirilgan reyestrni Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasi (keyingi oʻrinda — Bojxona qoʻmitasi)ga taqdim etib boradi.

Bunda Bojxona qoʻmitasi Oʻsimliklar karantini va himoyasi agentligi tomonidan taqdim etilgan reyestr asosida respublika hududiga olib kiriladigan karantin ostidagi mahsulotlarni fitosanitariya nazoratidan oʻtkazishga yoʻnaltiradi hamda bu haqda tashqi iqtisodiy faoliyat subyektlarini bojxona axborot tizimi orqali xabardor qilib boradi;

b) Bojxona qoʻmitasi bilan birgalikda oʻsimliklar karantini chegara punktlarini 2025 — 2027-yillarda bosqichma-bosqich respublika hududiga olib kiriladigan karantin ostidagi mahsulotlar boʻyicha ixtisoslashtirishga doir talablarga muvofiqlashtirish choralarini koʻradi hamda, zaruratga koʻra, ushbu qarorga 1-ilovada keltirilgan roʻyxatga oʻzgartirish va qoʻshimchalar kiritish boʻyicha Vazirlar Mahkamasiga takliflar kiritib boradi.

5. Karantin ostidagi mahsulotlarni olib kirishga ixtisoslashtirilgan oʻsimliklar karantini chegara punktlarining eksport yoʻnalishida tashqi savdo yuklari boʻyicha oʻtkaziladigan fitosanitariya nazorat funksiyalari bojxona organlari tomonidan muvofiqlashtiriladi. Bunda:

bojxona organlari oʻsimliklar karantini chegara punktlarining respublika hududidan eksport yoʻnalishida olib chiqiladigan karantin ostidagi mahsulotlarni hujjatli nazorat tartib-taomillaridan oʻtkazadi hamda bojxona axborot tizimiga bu haqda qayd etib boradi;

shubhali yoki zarur holatlarda mahsulotlarni koʻzdan kechirish hamda qoʻl yukida mavjud karantin ostidagi mahsulotlarga belgilangan tartibda fitosanitariya sertifikatini rasmiylashtirish uchun oʻsimliklar karantini davlat inspektorini jalb qiladi.

6. Oʻzbekiston Respublikasi Qishloq xoʻjaligi vazirligi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.

7. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Xodjayev zimmasiga yuklansin.

Vazirlar Mahkamasining 2025-yil 29 sentabrdagi 609-son qaroriga 1-ILOVA

Karantin ostidagi mahsulotlarni olib kirishga ixtisoslashtiriladigan oʻsimliklar karantini chegara punktlari

T/r Oʻsimliklar karantini chegara oʻtkazish punktlari nomi Hududlar nomi Avtomobil oʻtkazish punktlaridagi oʻsimliklar karantini chegara punktlari 1. “Dovutota” Qoraqalpogʻiston Respublikasi 2. “Doʻstlik” Andijon viloyati 3. “Xonobod” 4. “Olot” Buxoro viloyati 5. “Uchqoʻrgʻon” Namangan viloyati 6. “Oʻzbekiston” Fargʻona viloyati 7. “Sariosiyo” Surxondaryo viloyati 8. “Ayritom” 9. “Sirdaryo” Sirdaryo viloyati 10. “Oybek” Toshkent viloyati 11. “Yallama” 12. “Navoiy” 13. “S. Najimov” 14. “Shovot” Xorazm viloyati Xalqaro aeroportlardagi oʻsimliklar karantini chegara punktlari 1. Islom Karimov nomidagi “Toshkent” xalqaro aeroporti Toshkent shahri 2. Samarqand xalqaro aeroporti Samarqand viloyati 3. Navoiy xalqaro aeroporti Navoiy viloyati 4. Termiz xalqaro aeroporti Surxondaryo viloyati 5. Fargʻona xalqaro aeroporti Fargʻona viloyati 6. Namangan xalqaro aeroporti Namangan viloyati

Vazirlar Mahkamasining 2025-yil 29-sentabrdagi 609-son qaroriga 2-ILOVA

Oʻsimliklar karantini chegara punktlarini karantin ostidagi mahsulotlarni olib kirishga ixtisoslashtirishga doir

1-bob. Umumiy qoidalar

1. Karantin ostidagi mahsulotlarni olib kirishga ixtisoslashtiriladigan oʻsimliklar karantini chegara punktlari va uning bevosita tutash boʻlgan yoki boʻlmagan hududlarida tashkil etilgan va etiladigan bojxona terminallarini, karantin ostidagi mahsulotlarni fitosanitariya nazoratidan oʻtkazish hamda karantin ostidagi mahsulotlarni bojxona rasmiylashtiruviga qadar vaqtincha saqlanadigan bino va inshootlarni (omborlar) tashkil etish, qurish va rekonstruksiya qilish ishlari ushbu talablar asosida amalga oshiriladi.

2. Ushbu Talablarda quyidagi asosiy tushunchalar qoʻllanadi:

karantin ostidagi mahsulot — oʻsimliklar karantini obyektlarini tashuvchilar boʻlishi mumkin boʻlgan oʻsimliklar, ularning qismlari, ekin materiallari, qayta ishlash mahsuloti va boshqa mahsulot hamda yuklar;

fitosanitariya nazorati — Oʻzbekiston Respublikasi hududiga olib kirilayotgan, uning hududidan olib chiqilayotgan va tranzit tarzida tashiladigan karantin ostidagi mahsulotlarni tekshirishda oʻsimliklar karantini davlat inspektori tomonidan amalga oshiriladigan kompleks tadbirlar.

2-bob. Karantin ostidagi mahsulotlarni olib kirishga ixtisoslashtiriladigan oʻsimliklar karantini chegara punktlari va uning bevosita tutash boʻlgan yoki boʻlmagan hududlarida tashkil etilgan va etiladigan bojxona terminallariga talablar

3. Karantin ostidagi mahsulotlarni olib kirishga ixtisoslashtiriladigan oʻsimliklar karantini chegara punktlari va uning bevosita tutash boʻlgan yoki boʻlmagan hududlarida tashkil etilgan va etiladigan bojxona terminallarini qurish va rekonstruksiya qilish mazkur Talablar asosida amalga oshirilishi lozim. Bunda quyidagilar talab qilinadi:

xonalari sanitariya-gigiyena, qurilish meʼyorlari va qoidalarida belgilangan talablarga muvofiq shamollatilishi, havoni sovitish va isitish, suv taʼminoti va kanalizatsiya, shuningdek, yongʻinga qarshi vositalar va favqulodda holatlarda ogohlantirish signalizatsiya tizimlari bilan jihozlangan boʻlishi;

barcha kirish va oʻtish yoʻllari, piyodalar yoʻlaklari, yukni ortish va tushirish maydonchalari chang hosil qilmaydigan, suv oʻtkazmaydigan, yuvish hamda dezinfeksiya qilish uchun qulay, hosil boʻlgan oqovalarni kanalizatsiyaga yoʻnaltirish imkoniyatiga ega qattiq qoplamali boʻlishi;

hududi daraxt va butalardan xoli boʻlishi;

bino va inshootlari, omborxona xonalari karantin ostidagi mahsulotlarni but saqlaydigan va ushbu mahsulotlarga nisbatan fitosanitariya nazoratini toʻliq amalga oshirish uchun ushbu Talablarning 9-bandida belgilangan inventar va asbob-uskunalar bilan jihozlanishi;

tovarlarni tushirish-ortish uchun koʻchma va (yoki) yerdagi estakada (yuklash-tushirish ishlarini amalga oshirish uchun yer yuzasidan maʼlum balandlikda quriladigan yoki oʻrnatiladigan toʻsinsimon konstruksiyalardan iborat koʻpriksimon inshoot) boʻlishi;

bino va inshoot (omborxona)larda karantin ostidagi mahsulotlarni koʻrikdan oʻtkazish uchun platformalar va rampalar oʻrnatilishi lozim.

3-bob. Karantin ostidagi mahsulotlarni olib kirishga ixtisoslashtiriladigan oʻsimliklar karantini chegara punktlari va uning bevosita tutash boʻlgan yoki boʻlmagan hududlarida tashkil etilgan va etiladigan bojxona terminallarida xizmat xonalarining tarkibi va ularga qoʻyiladigan talablar

4. Karantin ostidagi mahsulotlarni olib kirishga ixtisoslashtiriladigan oʻsimliklar karantini chegara punktlari va uning bevosita tutash boʻlgan yoki boʻlmagan hududlarida tashkil etilgan va etiladigan bojxona terminallarida oʻsimliklar karantini davlat inspektori faoliyat yuritishi uchun quyidagi xizmat xonalari tashkil etilgan boʻlishi lozim:

navbatchi (operativ);

maxsus;

maishiy (xoʻjalik);

dam olish xonasi.

5. Navbatchi (operativ) xona oʻsimliklar karantini davlat inspektori faoliyat olib boradigan xizmat xonasi hisoblanadi. Ushbu xonada oʻsimliklar karantini davlat inspektori oʻz vakolati doirasida hujjatli nazoratni amalga oshiradi va sohaga oid hujjatlarni rasmiylashtiradi.

6. Maxsus xonadan tezkor (ekspress) laboratoriya tahlillarini amalga oshirishda, karantin ostidagi mahsulotlarning namunalarini saqlashda, transport vositalari hamda karantin ostidagi mahsulotlarni zararsizlantirishga oid maxsus texnik vositalar va kimyoviy moddalarni saqlashda, zararlangan karantin ostidagi mahsulotlarni zararsizlantirishda, shuningdek, yoʻnalishga oid boshqa maqsadlarda foydalaniladi.

7. Maishiy (xoʻjalik) xonalardan fitosanitariya nazoratini amalga oshirish uchun maxsus kiyim-boshlar va asbob-uskunalarni saqlashda foydalaniladi.

8. Dam olish xonasi ish rejimi tunu kun boʻlgan oʻsimliklar karantini chegara punktlarida tashkil etiladi. Bunda oʻsimliklar karantini davlat inspektori dam olishi uchun shart-sharoit yaratiladi.

9. Navbatchi, maxsus, maishiy va dam olish xonalari davlat inspektori va boshqa shaxslar uchun sanitariya-gigiyena vositalari, issiq va sovuq suv, sanuzel tizimlari bilan taʼminlanishi, shuningdek, ilovaga muvofiq inventar va asbob-uskunalar bilan jihozlanishi lozim.

10. Mazkur obyektlarda oʻrnatiladigan inventar va asbob-uskunalarni joylashtirishda xavfsizlik, texnik xizmat koʻrsatish va taʼmirlash qulayligi taʼminlanishi hamda texnologik jarayonning ketma-ketligi talablari va texnologik loyihalash meʼyorlariga muvofiq boʻlishi lozim.

Shuningdek, ushbu obyektlarda oʻrnatiladigan, laboratoriya tahlillari oʻtkazish uchun foydalaniladigan sinov va oʻlchash vositalari oʻrnatilgan tartibda metrologik attestatsiyadan oʻtkazilgan boʻlishi shart.

4-bob. Karantin ostidagi mahsulotlarni fitosanitariya nazoratidan oʻtkazish hamda bojxona rasmiylashtiruviga qadar vaqtincha saqlash uchun foydalaniladigan bino va inshootlar (omborlar)ga qoʻyiladigan talablar

11. Xorijiy mamlakatlardan olib kiriladigan karantin ostidagi mahsulotlarni fitosanitariya nazoratidan oʻtkazish hamda bojxona rasmiylashtiruviga qadar vaqtincha saqlash uchun foydalaniladigan bino va inshootlar (omborlar)ning tashkil etilishi, qurilishi va rekonstruksiya qilinishi ushbu Talablar asosida amalga oshirilishi lozim.

Bunda karantin ostidagi mahsulotlarni saqlash uchun zarur boʻlgan texnologik rejim va sharoitlar bilan taʼminlanishi, shuningdek, karantin ostidagi mahsulotlarni fitosanitariya nazoratidan oʻtkazish vaqtida oʻsimliklar karantinidagi zararli organizmlar va boshqa xavfli zararkunandalar tarqalishining oldini olishga qaratilgan boʻlishi kerak.

12. Karantin ostidagi mahsulotlarni fitosanitariya nazoratidan oʻtkazish hamda bojxona rasmiylashtiruviga qadar vaqtincha saqlash uchun foydalaniladigan bino va inshootlar (omborlar) amaldagi sanitariya-gigiyena, qurilish meʼyorlari va qoidalariga, ekologik talablarga javob berishi shart. Jumladan:

shamollatish, havoni sovitish va isitish hamda omborlar favqulodda holatlarda ogohlantirish tizimi bilan jihozlangan boʻlishi;

yorugʻlik (tabiiy yoki sunʼiy) bilan taʼminlangan boʻlishi;

devorlari boʻyalgan yoki oqlangan, yoriqlarsiz, eshik va derazalarning germetikligi taʼminlangan boʻlishi;

kirish va oʻtish yoʻllari, piyodalar yoʻlaklari, yukni tushirish va yuklash uchun maxsus ajratilgan maydon boʻlishi;

pestitsid va kimyoviy vositalar saqlanadigan alohida xona va ularni saqlash uchun metall shkaf boʻlishi;

tovarlarni tushirish-ortish uchun koʻchma va (yoki) yerdagi estakada (yuklash-tushirish ishlarini amalga oshirish uchun yer yuzasidan maʼlum balandlikda quriladigan yoki oʻrnatiladigan toʻsinsimon konstruksiyalardan iborat koʻpriksimon inshoot) boʻlishi;

pollari ruxsat etilgan mexanik, termik yoki kimyoviy taʼsirlarga chidamli, teshiklarsiz, sirti oson tozalanadigan, pol konstruksiyasi elementlari ish paytida yerga tushadigan zararli moddalarni oʻzida toʻplamaydigan yoki singdirmaydigan va suyuqlik oqishi uchun nishablik boʻlishi kerak.

Shuningdek, mahsulot turiga qarab, omborlarda texnik jihatdan tartibga solish sohasidagi normativ hujjatlarga muvofiq saqlash sharoitlari, namuna olish uchun jihozlar bilan toʻliq taʼminlangan boʻlishi lozim, jumladan:

ekish materiallari uchun germetik yopilishi taʼminlanadigan yopiq bino va inshoot (omborxona);

meva-sabzavot, poliz mahsulotlari hamda boshqa tez buziluvchi karantin ostidagi mahsulotlar uchun vaqtincha saqlash uchun sovitkich (harorat meʼyori -10 S 0 dan +20 S 0 gacha boʻlishi lozim) ;

yogʻoch materiallari uchun — namuna olish uchun arra (elektr yoki moto);

donli, dukkakli va moyli ekin mahsulotlari uchun — namuna olish uchun shup, chashka va urugʻ maydalagich (drobilka);

mahsulotdan olingan namunani koʻrikdan oʻtkazish uchun maxsus koʻrik stoli boʻlishi lozim.

13. Mazkur obyektlarda oʻrnatiladigan inventar va asbob-uskunalarga nisbatan ushbu Talablarning 10-bandida belgilangan shartlar qoʻllanadi.

Oʻsimliklar karantini chegara punktlarini karantin ostidagi mahsulotlarni olib kirishga ixtisoslashtirishga doir talablarga ILOVA

Xizmat xonalarining soni, ularni jihozlash boʻyicha talab etiladigan inventar va asbob-uskunalar

T/r Nomlanishi Tavsiya etiladigan minimal maydon Tavsiya etiladigan jihozlar Tavsiya etiladigan asbob-uskunalar va texnikalar Aloqa vositalari Navbatchi (operativ) xonalar 1. Fitosanitariya nazoratidan oʻtkazish punkti navbatchi davlat inspektorining xonasi 6 m 2 Ish stoli, stul, garderobli javon, hujjatlar saqlash uchun seyf Doimiy soz holatdagi, bojxona organlarining dasturiy taʼminoti bilan ishlash imkoniga ega boʻlgan kompyuter, printer va nusxa koʻchiradigan apparat, aloqa vositalari (shu jumladan, telefon, Internet), konditsioner Xavfsiz kanalga ega internet, telefon yoki radioaloqa, videokuzatuv kamerasi 2. Fitosanitariya nazoratidan oʻtkazish punkti mudirining xonasi 12 m 2 Ish stoli, stul, garderobli javon, hujjatlar saqlash uchun seyf Doimiy soz holatdagi, bojxona organlarining dasturiy taʼminoti bilan ishlash imkoniga ega boʻlgan kompyuter, printer va nusxa koʻchiradigan apparat, aloqa vositalari (shu jumladan telefon, Internet), konditsioner Xavfsiz kanalga ega internet , telefon yoki radioaloqa Maxsus xonalar 3. Fitosanitariya laboratoriya tahlillarini amalga oshirish uchun kamida alohida 3 ta xona Har bir xona uchun 15 m 2 Laboratoriya stollari (poʻlat yoki zanglamas metall qoplamali), tebranishdan himoyalangan stol, kimyoviy tahlillarni amalga oshirish uchun maxsus stollar, stullar, asbob-uskuna va yordamchi uskunalarni saqlash uchun moʻljallangan laboratoriya javoni (zanglamas yoki suv shimmaydigan qoplamali) Suv taʼminoti va kanalizatsiya tizimi, kompyuter, nusxa koʻchirish moslamasi, skaner, printer, kalkulyator, sovitkich, sovuq va issiq suv bilan taʼminlovchi kran, yuvinish havzasi (sanuzel), yongʻinga qarshi vositalar Xavfsiz kanalga ega internet, telefon yoki radioaloqa, videokuzatuv kamerasi 4. Texnik nazorat vositalarini saqlashga moʻljallangan xona (ombor) 16 m 2 Texnik nazorat uskunalarini saqlash uchun javonlar Xavfsizlik signali, yongʻinga qarshi vositalar Videokuzatuv kamerasi, signalizatsiya 5. Karantin ostidagi mahsulotlardan sinov uchun olingan namunalarni saqlash xonasi 9 m 2 Namunalarni saqlash uchun javonlar Sovitish kamerasi, yongʻinga qarshi vositalar Videokuzatuv kamerasi, signalizatsiya 6. Noqonuniy olib kirilgan (olib qoʻyilgan) karantin ostidagi mahsulotlarni saqlash joyi (ombor) Yopiq ombor 60 m 2 Mahsulotlarni saqlash uchun maxsus joylar Sovitish kamerasi, yongʻinga qarshi vositalar Videokuzatuv kamerasi, signalizatsiya 7. Transport vositalari va karantin ostidagi mahsulotlarni fitosanitariya nazoratidan oʻtkazish uchun maxsus joy Usti yopiq ombor (hisob-kitobga koʻra) Karantin koʻrigini oʻtkazish uchun maxsus stol va stolni yoritadigan lampa (chiroq) Gidravlik tekislash platformasi, avtomatik yoki elektr yuklagich, narvon, estakada, yongʻinga qarshi vositalar Videokuzatuv kamerasi, signalizatsiya 8. Aeroport, daryo porti, avtomobil, xalqaro pochtampt oʻsimliklar karantini chegara punktlari, TIF maskanlari hamda temir yoʻl stansiyasining terminalida karantin ostidagi mahsulotlarni fitosanitariya nazoratidan oʻtkazish uchun maxsus joy (xona) 10 m 2 Karantin koʻrigini oʻtkazish uchun maxsus stol va stolni yoritadigan lampa (chiroq) Gidravlik tekislash platformasi, avtomatik yoki elektr yuklagich, narvon, estakada, rampa, yongʻinga qarshi vositalar Videokuzatuv kamerasi, signalizatsiya 9. Zararlangan karantin ostidagi mahsulotlarni yoʻq qilish uchun maxsus joy (pech) 10 — 15 m 2 Uskunalarni saqlash uchun javon Maxsus pech (koʻmir, tabiiy gaz va boshqa yoqishga moʻljallangan), yongʻinga qarshi vositalar Videokuzatuv kamerasi, signalizatsiya 10. Pestitsid va kimyoviy vositalarni saqlash xonasi (ombor) 10 m 2 Pestitsidlarni saqlash uchun metall javon Yongʻinga qarshi vositalar Videokuzatuv kamerasi, signalizatsiya 11. Karantin ostidagi mahsulotlarni zararsizlantirish uchun uskunalar bilan jihozlangan xona (maydon) Uskuna hajmiga qarab Fumigatsiya kameralari OʻzDSt-3346:2018 standarti asosida qoʻl yuklarini dezinfeksiyalash uchun hajmi 3 m 3 boʻlgan fumigatsion mobil kamera, 224 m 3 hajmdagi avtomobil va konteynerni dezinfeksiyalash uchun fumigatsion kameralar (hisob-kitobga koʻra), yongʻinga qarshi vositalar Videokuzatuv kamerasi, signalizatsiya Maishiy (xoʻjalik) xonalar 12. Kiyim yechish va kiyinish xonasi 12 m 2 Kiyim uchun shkaflar, divan, stol, stul Kiyim ilgich, yongʻinga qarshi vositalar Signalizatsiya 13. Omborxona 6 — 8 m 2 Dezinfeksiyalash vositalari va maishiy jihozlarni saqlash uchun javonlar Xona jihozlarini dezinfeksiyalovchi apparat, yongʻinga qarshi vositalar Signalizatsiya Dam olish xonasi 14. Dam olish xonasi (yotoqxona) Kamida 20 m 2 (mutaxassislar soniga qarab) Karavot yoki divan, kiyim-kechak uchun shkaf Konditsioner, yongʻinga qarshi vositalar Signalizatsiya

Oʻzbekiston Respublikasining Bosh vaziri A. ARIPOV

Toshkent sh.,

2025-yil 29-sentabr,

609-son

(Qonunchilik maʼlumotlari milliy bazasi, 02.10.2025-y., 09/25/609/0886-son)

lex.uz