UzbekAI

ЎЗБЕКИСТОН РЕСПУБЛИКАСИ МАРКАЗИЙ БАНКИ БОШҚАРУВИНИНГ

ҚАРОРИ

«Ўзбекистон Республикаси Марказий банки томонидан банклар ва уларнинг филиалларида инспекция (текшириш) ўтказиш тартиби тўғрисидаги низомни тасдиқлаш ҳақида»ги қарорга ўзгартиришлар киритиш тўғрисида

Ўзбекистон Республикасининг « Ўзбекистон Республикасининг Марказий банки тўғрисида »ги ва « Банклар ва банк фаолияти тўғрисида »ги қонунлари ҳамда Ўзбекистон Республикаси Вазирлар Маҳкамасининг 2024 йил 11 сентябрдаги 562-сон «Қонунчилик ҳужжатларида коррупциявий омилларни бартараф этиш ҳамда норматив-ҳуқуқий ҳужжатларни коррупцияга қарши экспертизадан ўтказиш чора-тадбирлари тўғрисида»ги қарорига мувофиқ Ўзбекистон Республикаси Марказий банки бошқаруви қарор қилади:

1. Ўзбекистон Республикаси Марказий банки бошқарувининг 2011 йил 12 мартдаги 8/1-сон «Ўзбекистон Республикаси Марказий банки томонидан банклар ва уларнинг филиалларида инспекция (текшириш) ўтказиш тартиби тўғрисидаги низомни тасдиқлаш ҳақида»ги қарорига (рўйхат рақами 2217, 2011 йил 14 апрель) (Ўзбекистон Республикаси қонун ҳужжатлари тўплами, 2011 й., 15-сон, 157-модда) иловага мувофиқ ўзгартиришлар киритилсин.

2. Мазкур қарор расмий эълон қилинган кундан эътиборан кучга киради.

Ўзбекистон Республикаси Марказий банки бошқарувининг 2025 йил 15 сентябрдаги 21/9-сон қарорига ИЛОВА

«Ўзбекистон Республикаси Марказий банки томонидан банклар ва уларнинг филиалларида инспекция (текшириш) ўтказиш тартиби тўғрисидаги низомни тасдиқлаш ҳақида»ги қарорга киритилаётган ўзгартиришлар

1. Қарорнинг номи ва 1-бандидаги «банклар ва уларнинг филиалларида» деган сўзлар «банкларда» деган сўз билан алмаштирилсин.

2. Низомда :

1) номи ва 1-банддаги «банклар ва уларнинг филиалларида» деган сўзлар «банкларда» деган сўз билан алмаштирилсин;

2) муқаддима қуйидаги таҳрирда баён этилсин:

«Мазкур Низом Ўзбекистон Республикасининг Марказий банки (бундан буён матнда Марказий банк деб юритилади) томонидан банклар, шу жумладан уларнинг филиаллари, банк хизматлари офислари ҳамда банк хизматлари марказларида (бундан буён матнда банк деб юритилади) инспекция (текширув) ўтказиш тартибини белгилайди.»;

3) 2 ва 7-бандлардаги «Банклар ва уларнинг филиалларида» деган сўзлар «Банкларда» деган сўз билан алмаштирилсин;

4) 3-бандда :

иккинчи хатбоши қуйидаги таҳрирда баён этилсин:

«комплекс инспекция қилиш (текшириш) — банкларнинг ҳақиқий молиявий аҳволини ва банк фаолиятига хос бўлган хавф-хатарларни бевосита жойига чиқиш орқали ўрганган ҳолда уларнинг фаолиятига умумий баҳо бериш мақсадида инспекция (текшириш) ўтказилишини кўзда тутувчи назорат тури;»;

учинчи ва бешинчи хатбошилардаги «банк ва (ёки) унинг филиалларида» деган сўзлар «банкларда» деган сўз билан алмаштирилсин;

5) 4-бандда :

биринчи ва еттинчи хатбошилардаги «банклар ва уларнинг филиаллари» деган сўзлар «банклар» деган сўз билан алмаштирилсин;

иккинчи хатбошидаги «банклар ва уларнинг филиалларини» деган сўзлар «банкларни» деган сўз билан алмаштирилсин;

учинчи хатбоши қуйидаги таҳрирда баён этилсин:

«банклар фаолиятига хос таваккалчиликни баҳолаш, иқтисодий нормативларга риоя қилиниши, уларга белгиланган меъёрларнинг тўғри ҳисобланиши аҳволини текшириш. Бунда ташқи омилларнинг банк молиявий ҳолатига таъсирини аниқлаш нуқтаи назаридан ҳамда банк капитали, активлари сифати, бошқаруви, даромадлари ҳамда ликвидлилигини текшириш;»

тўртинчи ва олтинчи хатбошилардаги «банклар ва уларнинг филиалларида» деган сўзлар «банкларда» деган сўз билан алмаштирилсин;

6) 5-банддаги «банклар ва уларнинг филиаллари» деган сўзлар «банклар» деган сўз билан алмаштирилсин;

7) 6-банддаги «банклар ва уларнинг филиалларида» ва «банклар ва уларнинг филиаллари» деган сўзлар тегишли равишда «банкларда» ва «банклар» деган сўзлар билан алмаштирилсин;

8) 8-банднинг биринчи хатбошиси ва V бобнинг номидаги «Банклар ва уларнинг филиалларини» деган сўзлар «Банкларни» деган сўз билан алмаштирилсин;

9) 12-банд қуйидаги таҳрирда баён этилсин:

«12. Комплекс инспекция қилиш (текшириш)лар ёки алоҳида масалалар юзасидан инспекция қилиш (текшириш)лар давомида аниқланган хато ва камчиликларни банклар томонидан бартараф этилиши устидан назорат тартибида текшириш масофадан назорат қилиш натижаларига кўра илгариги текширишда кўрсатилган қоидабузарликларнинг бартараф этилмаганлиги ёки уларнинг бартараф этилганлиги ҳақидаги маълумотлар тақдим этилмаганлиги ёхуд ҳаққоний бўлмаган маълумотлар тақдим этилганлиги аниқланганда Марказий банкнинг Банк назорати қўмитаси қарорига асосан ўтказилиши мумкин.»;

10) 16-банддаги «филиаллари» деган сўз «бўлинмалари» деган сўз билан алмаштирилсин;

11) 20-бандда :

биринчи хатбоши қуйидаги таҳрирда баён этилсин:

«20. Банкларда комплекс инспекция қилиш (текшириш) Марказий банкнинг фармойиши асосида тайинланади.»;

12) 22-банд қуйидаги таҳрирда баён этилсин:

«22. Банкларни инспекция (текшириш)дан ўтказувчи текширув гуруҳининг таркиби ва унинг раҳбари, бажариладиган ишлар ҳажми ва хусусияти, бўлинмалар тармоғининг кенглиги инобатга олинган ҳолда Марказий банк ёки унинг ҳудудий бош бошқармаларининг фармойишига илова тариқасида тасдиқланади.»;

13) 26-банддаги «банк ҳамда унинг филиаллари» деган сўзлар «банк» деган сўз билан алмаштирилсин;

14) 27-банд қуйидаги таҳрирда баён этилсин:

«27. Далолатнома текширув гуруҳи раҳбари ҳамда инспекция (текшириш) тайинланган банк раҳбари, штат жадвалида бош бухгалтер назарда тутилган ҳолларда бош бухгалтер ёки бошқа ходимлар томонидан имзоланади.

Бунда, банк раҳбари, бош бухгалтер ёки бошқа ходимлар далолатномани имзолашдан бош тортган ҳолларда, далолатнома текширув гуруҳи раҳбари ва текширув гуруҳининг камида бир аъзоси томонидан имзоланади.»;

15) 28-банддаги «банк ва унинг филиалига» деган сўзлар «банкка» деган сўз билан алмаштирилсин;

16) 29-бандда :

иккинчи хатбошидаги «банк ва унинг филиаллари» деган сўзлар «банк» деган сўз билан алмаштирилсин;

бешинчи хатбошидаги «банклар ва уларнинг филиаллари раҳбари» деган сўзлар «банк раҳбари» деган сўзлар билан алмаштирилсин;

олтинчи хатбошидаги «банк ва унинг филиалларининг раҳбарлари» деган сўзлар «банк раҳбари» деган сўзлар билан алмаштирилсин;

еттинчи хатбошидаги «банк ва унинг филиаллари раҳбарлари» деган сўзлар «банк раҳбари» деган сўзлар билан алмаштирилсин;

саккизинчи хатбоши чиқариб ташлансин;

17) 30-бандда :

учинчи хатбошидаги «банк ва унинг филиаллари» деган сўзлар «банкка унинг» деган сўзлар билан алмаштирилсин;

тўртинчи хатбошидаги «банк ёки унинг филиали» деган сўзлар «банк» деган сўз билан алмаштирилсин;

саккизинчи хатбошидаги «банк ва унинг филиалларидан» деган сўзлар «банкдан» деган сўз билан алмаштирилсин;

18) VI бобнинг номидаги «банк ва унинг филиалларининг» деган сўзлар «банкнинг» деган сўз билан алмаштирилсин;

19) 31-бандда :

биринчи хатбошидаги «банк ва унинг филиаллари» деган сўзлар «банк» деган сўз билан алмаштирилсин;

еттинчи хатбошидаги «Банклар ва уларнинг филиаллари» деган сўзлар «Банклар» деган сўз билан алмаштирилсин;

20) 32-бандда :

биринчи хатбошидаги «банк ва унинг филиаллари» деган сўзлар «банк» деган сўз билан алмаштирилсин;

олтинчи хатбошидаги «Банклар ва уларнинг филиаллари» деган сўзлар «Банклар» деган сўз билан алмаштирилсин;

21) 33-банддаги «Банк ва унинг филиалларида» деган сўзлар «Банкда» деган сўз билан алмаштирилсин;

22) 34-банд қуйидаги таҳрирда баён этилсин:

«34. Инспекция (текшириш) ҳисоботи уч нусхада тузилиб, уларнинг ҳар бири текширув гуруҳи раҳбари ва аъзолари, инспекция (текшириш) ўтказилган банк раҳбари, шунингдек штат жадвалида бош бухгалтер назарда тутилган ҳолларда бош бухгалтер томонидан имзоланади.»;

23) 35-банддаги «Банк ва (ёки) унинг филиали раҳбари ёхуд» деган сўзлар «Инспекция (текшириш) ўтказилган банк раҳбари ва (ёки)» деган сўзлар билан алмаштирилсин;

24) 36 ва 37-бандлардаги «банк ва (ёки) унинг филиали раҳбари ёхуд» деган сўзлар «банк раҳбари ва (ёки)» деган сўзлар билан алмаштирилсин;

25) 38-бандда :

биринчи хатбошидаги «банклар ва уларнинг филиалларидаги» деган сўзлар «банклардаги» деган сўз билан алмаштирилсин;

иккинчи хатбошидаги «банклар ёки уларнинг филиалларига» деган сўзлар «инспекция (текшириш) ўтказилган банкка» деган сўзлар билан алмаштирилсин;

26) 39-бандда :

биринчи хатбошидаги «банклар ва уларнинг филиалларидаги» деган сўзлар «инспекция (текшириш) ўтказилган филиал, банк хизматлари офиси ёки банк хизматлари марказига» деган сўзлар билан алмаштирилсин;

иккинчи хатбошидаги «банкларнинг филиалларига» деган сўзлар «банкка» деган сўз билан алмаштирилсин;

учинчи хатбошидан «банк филиалларида» деган сўзлар чиқариб ташлансин;

27) 40-банддаги «банк ва (ёки) унинг филиалида» деган сўзлар «банкда» деган сўз билан алмаштирилсин.

Раис Т. ИШМЕТОВ

Тошкент ш.,

2025 йил 15 сентябрь,

21/9-сон

(Қонунчилик маълумотлари миллий базаси, 06.10.2025 й., 10/25/2217-4/0896-сон)

lex.uz

OʻZBEKISTON RESPUBLIKASI MARKAZIY BANKI BOSHQARUVINING

QARORI

“Oʻzbekiston Respublikasi Markaziy banki tomonidan banklar va ularning filiallarida inspeksiya (tekshirish) oʻtkazish tartibi toʻgʻrisidagi nizomni tasdiqlash haqida”gi qarorga oʻzgartirishlar kiritish toʻgʻrisida

Oʻzbekiston Respublikasining “ Oʻzbekiston Respublikasining Markaziy banki toʻgʻrisida ”gi va “ Banklar va bank faoliyati toʻgʻrisida ”gi qonunlari hamda Oʻzbekiston Respublikasi Vazirlar Mahkamasining 2024-yil 11-sentabrdagi 562-son “Qonunchilik hujjatlarida korrupsiyaviy omillarni bartaraf etish hamda normativ-huquqiy hujjatlarni korrupsiyaga qarshi ekspertizadan oʻtkazish chora-tadbirlari toʻgʻrisida”gi qaroriga muvofiq Oʻzbekiston Respublikasi Markaziy banki boshqaruvi qaror qiladi:

1. Oʻzbekiston Respublikasi Markaziy banki boshqaruvining 2011-yil 12-martdagi 8/1-son “Oʻzbekiston Respublikasi Markaziy banki tomonidan banklar va ularning filiallarida inspeksiya (tekshirish) oʻtkazish tartibi toʻgʻrisidagi nizomni tasdiqlash haqida”gi qaroriga (roʻyxat raqami 2217, 2011-yil 14-aprel) (Oʻzbekiston Respublikasi qonun hujjatlari toʻplami, 2011-y., 15-son, 157-modda) ilovaga muvofiq oʻzgartirishlar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

Oʻzbekiston Respublikasi Markaziy banki boshqaruvining 2025-yil 15-sentabrdagi 21/9-son qaroriga ILOVA

1. Qarorning nomi va 1-bandidagi “banklar va ularning filiallarida” degan soʻzlar “banklarda” degan soʻz bilan almashtirilsin.

2. Nizomda :

1) nomi va 1-banddagi “banklar va ularning filiallarida” degan soʻzlar “banklarda” degan soʻz bilan almashtirilsin;

2) muqaddima quyidagi tahrirda bayon etilsin:

“Mazkur Nizom Oʻzbekiston Respublikasining Markaziy banki (bundan buyon matnda Markaziy bank deb yuritiladi) tomonidan banklar, shu jumladan ularning filiallari, bank xizmatlari ofislari hamda bank xizmatlari markazlarida (bundan buyon matnda bank deb yuritiladi) inspeksiya (tekshiruv) oʻtkazish tartibini belgilaydi.”;

3) 2 va 7-bandlardagi “Banklar va ularning filiallarida” degan soʻzlar “Banklarda” degan soʻz bilan almashtirilsin;

4) 3-bandda :

ikkinchi xatboshi quyidagi tahrirda bayon etilsin:

“kompleks inspeksiya qilish (tekshirish) — banklarning haqiqiy moliyaviy ahvolini va bank faoliyatiga xos boʻlgan xavf-xatarlarni bevosita joyiga chiqish orqali oʻrgangan holda ularning faoliyatiga umumiy baho berish maqsadida inspeksiya (tekshirish) oʻtkazilishini koʻzda tutuvchi nazorat turi;”;

uchinchi va beshinchi xatboshilardagi “bank va (yoki) uning filiallarida” degan soʻzlar “banklarda” degan soʻz bilan almashtirilsin;

5) 4-bandda :

birinchi va yettinchi xatboshilardagi “banklar va ularning filiallari” degan soʻzlar “banklar” degan soʻz bilan almashtirilsin;

ikkinchi xatboshidagi “banklar va ularning filiallarini” degan soʻzlar “banklarni” degan soʻz bilan almashtirilsin;

uchinchi xatboshi quyidagi tahrirda bayon etilsin:

“banklar faoliyatiga xos tavakkalchilikni baholash, iqtisodiy normativlarga rioya qilinishi, ularga belgilangan meʼyorlarning toʻgʻri hisoblanishi ahvolini tekshirish. Bunda tashqi omillarning bank moliyaviy holatiga taʼsirini aniqlash nuqtai nazaridan hamda bank kapitali, aktivlari sifati, boshqaruvi, daromadlari hamda likvidliligini tekshirish;”

toʻrtinchi va oltinchi xatboshilardagi “banklar va ularning filiallarida” degan soʻzlar “banklarda” degan soʻz bilan almashtirilsin;

6) 5-banddagi “banklar va ularning filiallari” degan soʻzlar “banklar” degan soʻz bilan almashtirilsin;

7) 6-banddagi “banklar va ularning filiallarida” va “banklar va ularning filiallari” degan soʻzlar tegishli ravishda “banklarda” va “banklar” degan soʻzlar bilan almashtirilsin;

8) 8-bandning birinchi xatboshisi va V bobning nomidagi “Banklar va ularning filiallarini” degan soʻzlar “Banklarni” degan soʻz bilan almashtirilsin;

9) 12-band quyidagi tahrirda bayon etilsin:

“12. Kompleks inspeksiya qilish (tekshirish)lar yoki alohida masalalar yuzasidan inspeksiya qilish (tekshirish)lar davomida aniqlangan xato va kamchiliklarni banklar tomonidan bartaraf etilishi ustidan nazorat tartibida tekshirish masofadan nazorat qilish natijalariga koʻra ilgarigi tekshirishda koʻrsatilgan qoidabuzarliklarning bartaraf etilmaganligi yoki ularning bartaraf etilganligi haqidagi maʼlumotlar taqdim etilmaganligi yoxud haqqoniy boʻlmagan maʼlumotlar taqdim etilganligi aniqlanganda Markaziy bankning Bank nazorati qoʻmitasi qaroriga asosan oʻtkazilishi mumkin.”;

10) 16-banddagi “filiallari” degan soʻz “boʻlinmalari” degan soʻz bilan almashtirilsin;

11) 20-bandda :

birinchi xatboshi quyidagi tahrirda bayon etilsin:

“20. Banklarda kompleks inspeksiya qilish (tekshirish) Markaziy bankning farmoyishi asosida tayinlanadi.”;

ikkinchi xatboshidagi “banklar va ularning filiallarini” degan soʻzlar “banklarni” degan soʻz bilan almashtirilsin;

12) 22-band quyidagi tahrirda bayon etilsin:

“22. Banklarni inspeksiya (tekshirish)dan oʻtkazuvchi tekshiruv guruhining tarkibi va uning rahbari, bajariladigan ishlar hajmi va xususiyati, boʻlinmalar tarmogʻining kengligi inobatga olingan holda Markaziy bank yoki uning hududiy bosh boshqarmalarining farmoyishiga ilova tariqasida tasdiqlanadi.”;

13) 26-banddagi “bank hamda uning filiallari” degan soʻzlar “bank” degan soʻz bilan almashtirilsin;

14) 27-band quyidagi tahrirda bayon etilsin:

“27. Dalolatnoma tekshiruv guruhi rahbari hamda inspeksiya (tekshirish) tayinlangan bank rahbari, shtat jadvalida bosh buxgalter nazarda tutilgan hollarda bosh buxgalter yoki boshqa xodimlar tomonidan imzolanadi.

Bunda, bank rahbari, bosh buxgalter yoki boshqa xodimlar dalolatnomani imzolashdan bosh tortgan hollarda, dalolatnoma tekshiruv guruhi rahbari va tekshiruv guruhining kamida bir aʼzosi tomonidan imzolanadi.”;

15) 28-banddagi “bank va uning filialiga” degan soʻzlar “bankka” degan soʻz bilan almashtirilsin;

16) 29-bandda :

ikkinchi xatboshidagi “bank va uning filiallari” degan soʻzlar “bank” degan soʻz bilan almashtirilsin;

beshinchi xatboshidagi “banklar va ularning filiallari rahbari” degan soʻzlar “bank rahbari” degan soʻzlar bilan almashtirilsin;

oltinchi xatboshidagi “bank va uning filiallarining rahbarlari” degan soʻzlar “bank rahbari” degan soʻzlar bilan almashtirilsin;

yettinchi xatboshidagi “bank va uning filiallari rahbarlari” degan soʻzlar “bank rahbari” degan soʻzlar bilan almashtirilsin;

sakkizinchi xatboshi chiqarib tashlansin;

17) 30-bandda :

uchinchi xatboshidagi “bank va uning filiallari” degan soʻzlar “bankka uning” degan soʻzlar bilan almashtirilsin;

toʻrtinchi xatboshidagi “bank yoki uning filiali” degan soʻzlar “bank” degan soʻz bilan almashtirilsin;

sakkizinchi xatboshidagi “bank va uning filiallaridan” degan soʻzlar “bankdan” degan soʻz bilan almashtirilsin;

18) VI bobning nomidagi “bank va uning filiallarining” degan soʻzlar “bankning” degan soʻz bilan almashtirilsin;

19) 31-bandda :

birinchi xatboshidagi “bank va uning filiallari” degan soʻzlar “bank” degan soʻz bilan almashtirilsin;

yettinchi xatboshidagi “Banklar va ularning filiallari” degan soʻzlar “Banklar” degan soʻz bilan almashtirilsin;

20) 32-bandda :

birinchi xatboshidagi “bank va uning filiallari” degan soʻzlar “bank” degan soʻz bilan almashtirilsin;

oltinchi xatboshidagi “Banklar va ularning filiallari” degan soʻzlar “Banklar” degan soʻz bilan almashtirilsin;

21) 33-banddagi “Bank va uning filiallarida” degan soʻzlar “Bankda” degan soʻz bilan almashtirilsin;

22) 34-band quyidagi tahrirda bayon etilsin:

“34. Inspeksiya (tekshirish) hisoboti uch nusxada tuzilib, ularning har biri tekshiruv guruhi rahbari va aʼzolari, inspeksiya (tekshirish) oʻtkazilgan bank rahbari, shuningdek shtat jadvalida bosh buxgalter nazarda tutilgan hollarda bosh buxgalter tomonidan imzolanadi.”;

23) 35-banddagi “Bank va (yoki) uning filiali rahbari yoxud” degan soʻzlar “Inspeksiya (tekshirish) oʻtkazilgan bank rahbari va (yoki)” degan soʻzlar bilan almashtirilsin;

24) 36 va 37-bandlardagi “bank va (yoki) uning filiali rahbari yoxud” degan soʻzlar “bank rahbari va (yoki)” degan soʻzlar bilan almashtirilsin;

25) 38-bandda :

birinchi xatboshidagi “banklar va ularning filiallaridagi” degan soʻzlar “banklardagi” degan soʻz bilan almashtirilsin;

ikkinchi xatboshidagi “banklar yoki ularning filiallariga” degan soʻzlar “inspeksiya (tekshirish) oʻtkazilgan bankka” degan soʻzlar bilan almashtirilsin;

26) 39-bandda :

birinchi xatboshidagi “banklar va ularning filiallaridagi” degan soʻzlar “inspeksiya (tekshirish) oʻtkazilgan filial, bank xizmatlari ofisi yoki bank xizmatlari markaziga” degan soʻzlar bilan almashtirilsin;

ikkinchi xatboshidagi “banklarning filiallariga” degan soʻzlar “bankka” degan soʻz bilan almashtirilsin;

uchinchi xatboshidan “bank filiallarida” degan soʻzlar chiqarib tashlansin;

27) 40-banddagi “bank va (yoki) uning filialida” degan soʻzlar “bankda” degan soʻz bilan almashtirilsin.

Rais T. ISHMETOV

Toshkent sh.,

2025-yil 15-sentabr,

21/9-son

(Qonunchilik maʼlumotlari milliy bazasi, 06.10.2025-y., 10/25/2217-4/0896-son)

lex.uz