UzbekAI

Ўзбекистон Республикаси Вазирлар Маҳкамасининг

қарори

РЎЙХАТИ

«Соғлом авлод учун» ҳукуматга қарашли бўлмаган халқаро хайрия фондининг фаолиятини янада такомиллаштириш чора-тадбирлари тўғрисида

«Соғлом авлод учун» ҳукуматга қарашли бўлмаган халқаро хайрия фондининг фаолиятини янада такомиллаштириш, шунингдек, репродуктив ёшдаги аёллар, ҳомиладорлар ва болаларга кўрсатиладиган тиббий ёрдам сифатини ошириш мақсадида Вазирлар Маҳкамаси қарор қилади:

1. «Соғлом авлод учун» ҳукуматга қарашли бўлмаган халқаро хайрия фондининг (кейинги ўринларда — Фонд):

туман (шаҳар)ларда ташкил этилган Фонднинг таянч пунктларини тугатиш;

таянч пунктларининг вазифаларини Фонднинг ҳудудий филиалларига юклаш;

таянч пунктларининг мавжуд мол-мулкини белгиланган тартибда Фонднинг ҳудудий филиалларига ўтказиш тўғрисидаги таклифлари инобатга олинсин.

2. Фондга Соғлиқни сақлаш вазирлиги билан биргаликда жойларда, айниқса олис ва чекка ҳудудларда репродуктив ёшдаги аёллар, ҳомиладорлар ва болаларга кўрсатиладиган тиббий ёрдам сифатини оширишни янада яхшилаш мақсадида:

репродуктив ёшдаги аёллар ва болалар орасида касалланишни камайтиришга ҳамда уларни соғломлаштиришга йўналтирилган «Соғлом аёл ва бола ойлиги»ни йилига икки маротаба ташкил этиш;

болалар ва ўсмирлар, айниқса, ўсмир-қизларни профилактик кўриклар билан қамраб олиш;

бемор аёллар ва ногиронлиги бўлган болаларни чуқурлаштирилган тиббий кўрикдан ўтказилишини таъминлаш ҳамда уларни соғломлаштириш чораларини кўриш тавсия этилсин.

3. Транспорт вазирлиги, «Uzbekistan Airports» АЖ Фонднинг мурожаатига асосан «Реасе Village International» халқаро ташкилоти томонидан бемор болаларни ташиш учун буюртма қилинган ҳаво кемасини қабул қилиш ва жўнатишда аэронавигация ва ер усти аэропорт хизматлари учун йиғим ва тўловлардан озод этишни (ёқилғи учун тўлов бундан мустасно), шунингдек, бемор болалар ва уларни кузатиб борувчи шифокорларни Ислом Каримов номидаги Тошкент халқаро аэропортининг «CIP» залидан бепул ўтишларини ташкил этсин.

4. Адлия вазирлиги Солиқ қўмитаси билан биргаликда Фондга унинг туман (шаҳар) таянч пунктларини белгиланган тартибда тугатиш ишларини ташкил этишда амалий кўмак кўрсатсин.

5. Ўзбекистон Республикаси Ҳукуматининг иловага мувофиқ айрим қарорлари ўз кучини йўқотган деб ҳисоблансин.

6. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — Оила ва хотин қизлар қўмитаси раиси З.Б. Махкамова ҳамда соғлиқни сақлаш вазири А.А. Худаяров зиммасига юклансин.

Вазирлар Маҳкамасининг 2025 йил 6 октябрдаги 626-сон қарорига ИЛОВА

Ўзбекистон Республикаси Ҳукуматининг ўз кучини йўқотган деб ҳисобланаётган айрим қарорлари

1. Вазирлар Маҳкамасининг «Соғлом авлод учун» ҳукуматга қарашли бўлмаган халқаро хайрия жамғармасининг таклифлари тўғрисида» 1993 йил 28 октябрдаги 524-сон қарорининг 5-банди .

2. Вазирлар Маҳкамасининг «Соғлом авлод учун» ҳукуматга қарашли бўлмаган халқаро хайрия жамғармасини давлат томонидан қўллаб-қувватлаш тўғрисида» 1994 йил 5 мартдаги 119-сон қарори .

3. Вазирлар Маҳкамасининг «Соғлом авлод учун» ҳукуматга қарашли бўлмаган халқаро хайрия фондини қўллаб-қувватлашга доир қўшимча чора-тадбирлар тўғрисида» 2014 йил 30 январдаги 20-сон қарорига 2-илованинг «Фонднинг таянч пунктлари» блоки ва 6-илованинг 1-банди .

4. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек баъзиларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Тадбиркорлик субъектларига давлат хизматларини кўрсатиш механизмларини такомиллаштиришга доир қўшимча чора-тадбирлар тўғрисида» 2017 йил 1 февралдаги ПҚ-2750-сон қарори)» 2017 йил 1 майдаги 252-сон қарорига 1-илованинг 1-банди .

5. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек баъзиларини ўз кучини йўқотган деб ҳисоблаш тўғрисида» 2017 йил 11 майдаги 270-сон қарорига 1-илованинг 3-банди .

6. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш тўғрисида (Ўзбекистон Республикаси Президентининг «Аҳолига давлат хизматлари кўрсатишнинг миллий тизимини тубдан ислоҳ қилиш чора-тадбирлари тўғрисида» 2017 йил 12 декабрдаги ПФ-5278-сон Фармони ва Ўзбекистон Республикаси Президентининг «Ўзбекистон Республикаси Адлия вазирлиги ҳузуридаги Давлат хизматлари агентлиги фаолиятини ташкил этиш тўғрисида» 2017 йил 12 декабрдаги ПҚ-3430-сон қарори)» 2018 йил 22 январдаги 40-сон қарорига илованинг 1-банди .

7. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш тўғрисида (Ўзбекистон Республикасининг «Норматив-ҳуқуқий ҳужжатлар тўғрисида» 2021 йил 20 апрелдаги ЎРҚ-682-сон Қонуни)» 2022 йил 4 апрелдаги 153-сон қарорига илованинг 4-банди .

Ўзбекистон Республикаси Бош вазири А. АРИПОВ

Тошкент ш.,

2025 йил 6 октябрь,

626 -сон

(Қонунчилик маълумотлари миллий базаси, 06.10.2025 й., 09/25/626/0898-сон)

lex.uz

Oʻzbekiston Respublikasi Vazirlar Mahkamasining

qarori

ROʻYXATI

“Sogʻlom avlod uchun” hukumatga qarashli boʻlmagan xalqaro xayriya fondining faoliyatini yanada takomillashtirish chora-tadbirlari toʻgʻrisida

“Sogʻlom avlod uchun” hukumatga qarashli boʻlmagan xalqaro xayriya fondining faoliyatini yanada takomillashtirish, shuningdek, reproduktiv yoshdagi ayollar, homiladorlar va bolalarga koʻrsatiladigan tibbiy yordam sifatini oshirish maqsadida Vazirlar Mahkamasi qaror qiladi:

1. “Sogʻlom avlod uchun” hukumatga qarashli boʻlmagan xalqaro xayriya fondining (keyingi oʻrinlarda — Fond):

tuman (shahar)larda tashkil etilgan Fondning tayanch punktlarini tugatish;

tayanch punktlarining vazifalarini Fondning hududiy filiallariga yuklash;

tayanch punktlarining mavjud mol-mulkini belgilangan tartibda Fondning hududiy filiallariga oʻtkazish toʻgʻrisidagi takliflari inobatga olinsin.

2. Fondga Sogʻliqni saqlash vazirligi bilan birgalikda joylarda, ayniqsa olis va chekka hududlarda reproduktiv yoshdagi ayollar, homiladorlar va bolalarga koʻrsatiladigan tibbiy yordam sifatini oshirishni yanada yaxshilash maqsadida:

reproduktiv yoshdagi ayollar va bolalar orasida kasallanishni kamaytirishga hamda ularni sogʻlomlashtirishga yoʻnaltirilgan “Sogʻlom ayol va bola oyligi”ni yiliga ikki marotaba tashkil etish;

bolalar va oʻsmirlar, ayniqsa, oʻsmir-qizlarni profilaktik koʻriklar bilan qamrab olish;

bemor ayollar va nogironligi boʻlgan bolalarni chuqurlashtirilgan tibbiy koʻrikdan oʻtkazilishini taʼminlash hamda ularni sogʻlomlashtirish choralarini koʻrish tavsiya etilsin.

3. Transport vazirligi, “Uzbekistan Airports” AJ Fondning murojaatiga asosan “Rease Village International” xalqaro tashkiloti tomonidan bemor bolalarni tashish uchun buyurtma qilingan havo kemasini qabul qilish va joʻnatishda aeronavigatsiya va yer usti aeroport xizmatlari uchun yigʻim va toʻlovlardan ozod etishni (yoqilgʻi uchun toʻlov bundan mustasno), shuningdek, bemor bolalar va ularni kuzatib boruvchi shifokorlarni Islom Karimov nomidagi Toshkent xalqaro aeroportining “CIP” zalidan bepul oʻtishlarini tashkil etsin.

4. Adliya vazirligi Soliq qoʻmitasi bilan birgalikda Fondga uning tuman (shahar) tayanch punktlarini belgilangan tartibda tugatish ishlarini tashkil etishda amaliy koʻmak koʻrsatsin.

5. Oʻzbekiston Respublikasi Hukumatining ilovaga muvofiq ayrim qarorlari oʻz kuchini yoʻqotgan deb hisoblansin.

6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — Oila va xotin qizlar qoʻmitasi raisi Z.B. Maxkamova hamda sogʻliqni saqlash vaziri A.A. Xudayarov zimmasiga yuklansin.

Vazirlar Mahkamasining 2025-yil 6-oktabrdagi 626-son qaroriga ILOVA

Oʻzbekiston Respublikasi Hukumatining oʻz kuchini yoʻqotgan deb hisoblanayotgan ayrim qarorlari

1. Vazirlar Mahkamasining “Sogʻlom avlod uchun” hukumatga qarashli boʻlmagan xalqaro xayriya jamgʻarmasining takliflari toʻgʻrisida” 1993-yil 28-oktabrdagi 524-son qarorining 5-bandi .

2. Vazirlar Mahkamasining “Sogʻlom avlod uchun” hukumatga qarashli boʻlmagan xalqaro xayriya jamgʻarmasini davlat tomonidan qoʻllab-quvvatlash toʻgʻrisida” 1994-yil 5-martdagi 119-son qarori .

3. Vazirlar Mahkamasining “Sogʻlom avlod uchun” hukumatga qarashli boʻlmagan xalqaro xayriya fondini qoʻllab-quvvatlashga doir qoʻshimcha chora-tadbirlar toʻgʻrisida” 2014-yil 30-yanvardagi 20-son qaroriga 2-ilovaning “Fondning tayanch punktlari” bloki va 6-ilovaning 1-bandi .

4. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Tadbirkorlik subyektlariga davlat xizmatlarini koʻrsatish mexanizmlarini takomillashtirishga doir qoʻshimcha chora-tadbirlar toʻgʻrisida” 2017-yil 1-fevraldagi PQ-2750-son qarori)” 2017-yil 1-maydagi 252-son qaroriga 1-ilovaning 1-bandi .

5. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida” 2017-yil 11-maydagi 270-son qaroriga 1-ilovaning 3-bandi .

6. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasi Prezidentining “Aholiga davlat xizmatlari koʻrsatishning milliy tizimini tubdan isloh qilish chora-tadbirlari toʻgʻrisida” 2017-yil 12-dekabrdagi PF-5278-son Farmoni va Oʻzbekiston Respublikasi Prezidentining “Oʻzbekiston Respublikasi Adliya vazirligi huzuridagi Davlat xizmatlari agentligi faoliyatini tashkil etish toʻgʻrisida” 2017-yil 12-dekabrdagi PQ-3430-son qarori)” 2018-yil 22-yanvardagi 40-son qaroriga ilovaning 1-bandi .

7. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasining “Normativ-huquqiy hujjatlar toʻgʻrisida” 2021-yil 20-apreldagi OʻRQ-682-son Qonuni)” 2022-yil 4-apreldagi 153-son qaroriga ilovaning 4-bandi .

Oʻzbekiston Respublikasi Bosh vaziri A. ARIPOV

Toshkent sh.,

2025-yil 6-oktabr,

626 -son

(Qonunchilik maʼlumotlari milliy bazasi, 06.10.2025-y., 09/25/626/0898-son)

lex.uz