📅 2025-yil 4-oktabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 4 октябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 4 октября 2025 г. · Указы Президента
Официальный текст. Официальный документ. Редакционные примечания не включены.
📅 4 October 2025 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
ТАРКИБИ
Чет эл фуқаролари учун махсус солиқ режимини жорий этиш чора-тадбирлари тўғрисида
Чет эл фуқароларининг Ўзбекистон Республикасида ҳаётий қизиқишларини шакллантиришни рағбатлантириш ва уларга қулай шарт-шароитлар яратиш орқали мамлакатимизга тўғридан-тўғри хорижий инвестицияларни жалб қилишнинг қўшимча механизмларини жорий этиш мақсадида қарор қиламан:
I. Чет эл фуқаролари учун махсус солиқ режими
1. 2026 йил 1 январдан бошлаб қуйидаги шартларга жавоб берадиган чет эл фуқароларининг Ўзбекистон Республикаси ҳудудидан ташқаридаги манбалардан олинган даромадларини жисмоний шахслардан олинадиган даромад солиғидан озод қилишни назарда тутувчи чет эл фуқароларининг даромадларини солиққа тортишнинг махсус солиқ режими (кейинги ўринларда — махсус солиқ режими) жорий этилсин:
(а) 50 минг АҚШ доллари миқдорида махсус йиғим тўлаш;
(б) Ўзбекистон Республикасидаги махсус ваколатли тижорат банкида банк ҳисобварағини ёки махсус ваколатли крипто-биржада крипто-ҳамён очиш.
2. Белгилансинки, махсус солиқ режими доирасида тегишли мақоми ўзига нисбатан белгиланган солиқ даври бошланадиган ёки тугайдиган ҳар қандай кетма-кет ўн икки ойлик давр давомида жами 30 календарь кундан кўпроқ Ўзбекистон Республикасида ҳақиқатда бўлган жисмоний шахслар улар мулк ёки ижара ҳуқуқи асосида Ўзбекистон Республикаси ҳудудида турар жой кўчмас мулк объектига эга бўлганда Ўзбекистон Республикасининг солиқ резидентлари деб эътироф этилади.
3. Махсус солиқ режими вояга етган ҳар бир яқин қариндош учун 10 минг АҚШ доллари миқдорида махсус йиғим тўланганда мазкур Фармоннинг 2-бандида кўрсатилган чет эл фуқароларининг яқин қариндошларига нисбатан ҳам татбиқ этилсин.
4. Чет эл фуқароларига махсус солиқ режимини тақдим этиш комиссияси (кейинги ўринларда — Комиссия) иловага мувофиқ таркибда ташкил этилсин ва Солиқ қўмитаси унинг ишчи органи этиб белгилансин.
5. Шундай тартиб ўрнатилсинки, унга мувофиқ:
(а) чет эл фуқаролари махсус солиқ режимини олиш учун Комиссияга Солиқ қўмитаси орқали мурожаат қилади;
(б) чет эл фуқароларининг мурожаатлари Комиссия томонидан 5 иш куни мобайнида кўриб чиқилади ва натижалари бўйича махсус солиқ режимини тақдим этиш ёки уни тақдим этишни рад қилиш бўйича қарор қабул қилинади;
(в) Комиссиянинг махсус солиқ режимини тақдим этиш бўйича қарорини олган чет эл фуқаролари махсус ваколатли тижорат банкига банк ҳисобварағини ёки махсус ваколатли крипто-биржага крипто-ҳамён очиш бўйича мурожаат қилади ва махсус йиғимни тўлайди;
(г) махсус солиқ режими тақдим этилган мижозларнинг банк ҳисобварағи ёки крипто-ҳамёнига маблағларни кирим қилиш махсус ваколатли тижорат банклари ёки крипто-биржалар томонидан жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашишга қаратилган чора-тадбирлар ва хавф-хатарларни баҳолаш натижалари асосида амалга оширилади.
6. Белгилаб қўйилсинки, махсус йиғим тўлаган мазкур Фармоннинг 2-бандида назарда тутилган чет эл фуқаролари ва уларнинг яқин қариндошлари Ўзбекистон Республикаси ҳудудида турган жойи (уларга ёки уларнинг яқин қариндошларига мулк ёки ижара ҳуқуқи асосида тегишли бўлган турар жой кўчмас мулк объекти) бўйича 5 йилгача муддатга ариза ва махсус йиғим тўланганлигини тасдиқловчи ҳужжат асосида бир кун муддатда рўйхатдан ўтказилади.
II. Фармон ижросини ташкил этиш, таъминлаш ва назорат
7. Вазирлар Маҳкамаси икки ой муддатда қуйидагиларни назарда тутувчи Махсус солиқ режимини тақдим этиш тартибини тасдиқласин:
(а) чет эл фуқароларининг махсус солиқ режимини тақдим этиш бўйича аризаларини кўриб чиқиш, уларни рўйхатдан ўтказиш ёки рўйхатдан ўтказишни рад этиш;
(б) махсус солиқ режими тақдим этиладиган талабгорларга қўйиладиган талаблар;
(в) чет эл фуқароларига махсус солиқ режимини тақдим этиш муддати, уни узайтириш ёки муддатидан олдин бекор қилиш асослари.
8. Ички ишлар вазирлиги чет эл фуқароларини рўйхатдан ўтказиш бўйича мазкур Фармоннинг 6-бандида назарда тутилган тартибга сўзсиз амал қилинишини таъминласин.
9. Қуйидагилар бир ой муддатда:
(а) Марказий банк — махсус ваколатли тижорат банклари;
(б) Истиқболли лойиҳалар миллий агентлиги — махсус ваколатли крипто-биржалар рўйхатларини тасдиқласин, уларни ўз расмий веб-сайтларида эълон қилсин ва Солиқ қўмитасига тақдим этсин.
10. Солиқ қўмитаси:
(а) Иқтисодиёт ва молия вазирлиги, Ички ишлар вазирлиги ҳамда манфаатдор вазирлик ва идоралар билан биргаликда икки ой муддатда Солиқ кодекси ва бошқа қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин;
(б) 2026 йил 1 январга қадар:
(i) махсус ваколатли тижорат банклари ва махсус ваколатли крипто-биржалар тўғрисидаги маълумотлар ва махсус йиғимни тўлаш бўйича тўлов реквизитлари ўз расмий веб-сайти ва бошқа ахборот ресурсларида эълон қилинишини;
(ii) махсус солиқ режимини олиш бўйича чет эл фуқароларининг аризаларини қабул қилиш ва қайта ишлаш бўйича ахборот тизими жорий этилишини таъминласин.
11. Мазкур Фармоннинг ижросини самарали ташкил қилишга масъул ва шахсий жавобгар этиб Солиқ қўмитаси раиси Ш.Д. Кудбиев белгилансин.
12. Фармон ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Бош вазир ўринбосари Ж.А. Қўчқоров зиммасига юклансин.
Ўзбекистон Республикаси Президентининг 2025 йил 4 октябрдаги ПФ-180-сон Фармонига ИЛОВА
Чет эл фуқароларига махсус солиқ режимини тақдим этиш комиссияси
Ж.А. Қўчқоров — Ўзбекистон Республикаси Бош вазири ўринбосари — иқтисодиёт ва молия вазири, Комиссия раиси Д.Р. Ли — Ўзбекистон Республикаси Истиқболли лойиҳалар миллий агентлиги директори, Комиссия раиси ўринбосари Н.Н. Сайдуллаев — Ўзбекистон Республикаси Марказий банки раисининг биринчи ўринбосари Ш.Д. Кудбиев — Ўзбекистон Республикаси Солиқ қўмитаси раиси, Комиссиянинг ишчи органи раҳбари
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 4 октябрь,
ПФ-180-сон
Oʻzbekiston Respublikasi Prezidentining
Farmoni
TARKIBI
Chet el fuqarolari uchun maxsus soliq rejimini joriy etish chora-tadbirlari toʻgʻrisida
Chet el fuqarolarining Oʻzbekiston Respublikasida hayotiy qiziqishlarini shakllantirishni ragʻbatlantirish va ularga qulay shart-sharoitlar yaratish orqali mamlakatimizga toʻgʻridan-toʻgʻri xorijiy investitsiyalarni jalb qilishning qoʻshimcha mexanizmlarini joriy etish maqsadida qaror qilaman:
I. Chet el fuqarolari uchun maxsus soliq rejimi
1. 2026-yil 1-yanvardan boshlab quyidagi shartlarga javob beradigan chet el fuqarolarining Oʻzbekiston Respublikasi hududidan tashqaridagi manbalardan olingan daromadlarini jismoniy shaxslardan olinadigan daromad soligʻidan ozod qilishni nazarda tutuvchi chet el fuqarolarining daromadlarini soliqqa tortishning maxsus soliq rejimi (keyingi oʻrinlarda — maxsus soliq rejimi) joriy etilsin:
(a) 50 ming AQSH dollari miqdorida maxsus yigʻim toʻlash;
(b) Oʻzbekiston Respublikasidagi maxsus vakolatli tijorat bankida bank hisobvaragʻini yoki maxsus vakolatli kripto-birjada kripto-hamyon ochish.
2. Belgilansinki, maxsus soliq rejimi doirasida tegishli maqomi oʻziga nisbatan belgilangan soliq davri boshlanadigan yoki tugaydigan har qanday ketma-ket oʻn ikki oylik davr davomida jami 30 kalendar kundan koʻproq Oʻzbekiston Respublikasida haqiqatda boʻlgan jismoniy shaxslar ular mulk yoki ijara huquqi asosida Oʻzbekiston Respublikasi hududida turar joy koʻchmas mulk obyektiga ega boʻlganda Oʻzbekiston Respublikasining soliq rezidentlari deb eʼtirof etiladi.
3. Maxsus soliq rejimi voyaga yetgan har bir yaqin qarindosh uchun 10 ming AQSH dollari miqdorida maxsus yigʻim toʻlanganda mazkur Farmonning 2-bandida koʻrsatilgan chet el fuqarolarining yaqin qarindoshlariga nisbatan ham tatbiq etilsin.
4. Chet el fuqarolariga maxsus soliq rejimini taqdim etish komissiyasi (keyingi oʻrinlarda — Komissiya) ilovaga muvofiq tarkibda tashkil etilsin va Soliq qoʻmitasi uning ishchi organi etib belgilansin.
5. Shunday tartib oʻrnatilsinki, unga muvofiq:
(a) chet el fuqarolari maxsus soliq rejimini olish uchun Komissiyaga Soliq qoʻmitasi orqali murojaat qiladi;
(b) chet el fuqarolarining murojaatlari Komissiya tomonidan 5 ish kuni mobaynida koʻrib chiqiladi va natijalari boʻyicha maxsus soliq rejimini taqdim etish yoki uni taqdim etishni rad qilish boʻyicha qaror qabul qilinadi;
(v) Komissiyaning maxsus soliq rejimini taqdim etish boʻyicha qarorini olgan chet el fuqarolari maxsus vakolatli tijorat bankiga bank hisobvaragʻini yoki maxsus vakolatli kripto-birjaga kripto-hamyon ochish boʻyicha murojaat qiladi va maxsus yigʻimni toʻlaydi;
(g) maxsus soliq rejimi taqdim etilgan mijozlarning bank hisobvaragʻi yoki kripto-hamyoniga mablagʻlarni kirim qilish maxsus vakolatli tijorat banklari yoki kripto-birjalar tomonidan jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashishga qaratilgan chora-tadbirlar va xavf-xatarlarni baholash natijalari asosida amalga oshiriladi.
6. Belgilab qoʻyilsinki, maxsus yigʻim toʻlagan mazkur Farmonning 2-bandida nazarda tutilgan chet el fuqarolari va ularning yaqin qarindoshlari Oʻzbekiston Respublikasi hududida turgan joyi (ularga yoki ularning yaqin qarindoshlariga mulk yoki ijara huquqi asosida tegishli boʻlgan turar joy koʻchmas mulk obyekti) boʻyicha 5 yilgacha muddatga ariza va maxsus yigʻim toʻlanganligini tasdiqlovchi hujjat asosida bir kun muddatda roʻyxatdan oʻtkaziladi.
II. Farmon ijrosini tashkil etish, taʼminlash va nazorat
7. Vazirlar Mahkamasi ikki oy muddatda quyidagilarni nazarda tutuvchi Maxsus soliq rejimini taqdim etish tartibini tasdiqlasin:
(a) chet el fuqarolarining maxsus soliq rejimini taqdim etish boʻyicha arizalarini koʻrib chiqish, ularni roʻyxatdan oʻtkazish yoki roʻyxatdan oʻtkazishni rad etish;
(b) maxsus soliq rejimi taqdim etiladigan talabgorlarga qoʻyiladigan talablar;
(v) chet el fuqarolariga maxsus soliq rejimini taqdim etish muddati, uni uzaytirish yoki muddatidan oldin bekor qilish asoslari.
8. Ichki ishlar vazirligi chet el fuqarolarini roʻyxatdan oʻtkazish boʻyicha mazkur Farmonning 6-bandida nazarda tutilgan tartibga soʻzsiz amal qilinishini taʼminlasin.
9. Quyidagilar bir oy muddatda:
(a) Markaziy bank — maxsus vakolatli tijorat banklari;
(b) Istiqbolli loyihalar milliy agentligi — maxsus vakolatli kripto-birjalar roʻyxatlarini tasdiqlasin, ularni oʻz rasmiy veb-saytlarida eʼlon qilsin va Soliq qoʻmitasiga taqdim etsin.
10. Soliq qoʻmitasi:
(a) Iqtisodiyot va moliya vazirligi, Ichki ishlar vazirligi hamda manfaatdor vazirlik va idoralar bilan birgalikda ikki oy muddatda Soliq kodeksi va boshqa qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin;
(b) 2026-yil 1-yanvarga qadar:
(i) maxsus vakolatli tijorat banklari va maxsus vakolatli kripto-birjalar toʻgʻrisidagi maʼlumotlar va maxsus yigʻimni toʻlash boʻyicha toʻlov rekvizitlari oʻz rasmiy veb-sayti va boshqa axborot resurslarida eʼlon qilinishini;
(ii) maxsus soliq rejimini olish boʻyicha chet el fuqarolarining arizalarini qabul qilish va qayta ishlash boʻyicha axborot tizimi joriy etilishini taʼminlasin.
11. Mazkur Farmonning ijrosini samarali tashkil qilishga masʼul va shaxsiy javobgar etib Soliq qoʻmitasi raisi Sh.D. Kudbiyev belgilansin.
12. Farmon ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Bosh vazir oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidentining 2025-yil 4-oktabrdagi PF-180-son Farmoniga ILOVA
Chet el fuqarolariga maxsus soliq rejimini taqdim etish komissiyasi
J.A. Qoʻchqorov — Oʻzbekiston Respublikasi Bosh vaziri oʻrinbosari — iqtisodiyot va moliya vaziri, Komissiya raisi D.R. Li — Oʻzbekiston Respublikasi Istiqbolli loyihalar milliy agentligi direktori, Komissiya raisi oʻrinbosari N.N. Saydullayev — Oʻzbekiston Respublikasi Markaziy banki raisining birinchi oʻrinbosari Sh.D. Kudbiyev — Oʻzbekiston Respublikasi Soliq qoʻmitasi raisi, Komissiyaning ishchi organi rahbari
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 4-oktabr,
PF-180-son
Президента Республики Узбекистан
Указ
СОСТАВ
О мерах по внедрению специального налогового режима для иностранных граждан
В целях внедрения дополнительных механизмов привлечения прямых иностранных инвестиций в страну путем стимулирования формирования у иностранных граждан жизненных интересов и предоставления им благоприятных условий в Республике Узбекистан постановляю:
I. Специальный налоговый режим для иностранных граждан
1. Внедрить с 1 января 2026 года специальный налоговый режим для налогообложения доходов иностранных граждан (далее — специальный налоговый режим), предусматривающий освобождение от уплаты налога на доходы физических лиц доходов иностранных граждан, полученных от источников за пределами Республики Узбекистан, соответствующих следующим условиям:
(а) уплата специального сбора в размере 50 тысяч долларов США;
(б) открытие банковского счета в специально уполномоченном коммерческом банке или крипто-кошелька на специально уполномоченной крипто-бирже в Республике Узбекистан.
2. Установить, что в рамках специального налогового режима физические лица, фактически находящиеся в Республике Узбекистан в совокупности более 30 календарных дней в течение любого последовательного двенадцатимесячного периода, начинающегося или заканчивающегося в том налоговом периоде, применительно к которому определяется соответствующий статус, признаются налоговыми резидентами Республики Узбекистан при наличии у них объекта жилой недвижимости на праве собственности или аренды на территории Республики Узбекистан.
3. Распространить специальный налоговый режим также на близких родственников иностранных граждан, указанных в пункте 2 настоящего Указа, при уплате специального сбора в размере 10 тысяч долларов США за каждого совершеннолетнего близкого родственника.
4. Образовать Комиссию по предоставлению специального налогового режима для иностранных граждан (далее — Комиссия) в составе согласно приложению и определить Налоговый комитет ее рабочим органом.
5. Установить порядок, в соответствии с которым:
(а) иностранные граждане для получения специального налогового режима обращаются в Комиссию через Налоговый комитет;
(б) обращения иностранных граждан рассматриваются Комиссией в течение пяти рабочих дней, по результатам рассмотрения принимается решение о предоставлении специального налогового режима либо отказе в его предоставлении;
(в) иностранные граждане, получившие решение Комиссии о предоставлении специального налогового режима, обращаются в специально уполномоченный коммерческий банк для открытия банковского счета или в специально уполномоченную крипто-биржу для открытия крипто-кошелька и уплачивают специальный сбор;
(г) средства на банковский счет или в крипто-кошелек клиентов, которым предоставлен специальный налоговый режим, зачисляются специально уполномоченными коммерческими банками или крипто-биржами на основании результатов мер, направленных на противодействие легализации доходов, полученных от преступной деятельности, финансированию терроризма и финансированию распространения оружия массового уничтожения, а также оценки рисков.
6. Установить, что иностранные граждане, указанные в пункте 2 настоящего Указа, и их близкие родственники, за которых уплачен специальный сбор, проходят регистрацию сроком до 5 лет по месту пребывания (объекта жилой недвижимости, принадлежащего им или их близким родственникам на праве собственности либо на праве аренды) на территории Республики Узбекистан на основании их заявления и документа, подтверждающего уплату специального сбора, в течение одного дня.
II. Организация, обеспечение и контроль исполнения Указа
7. Кабинету Министров в двухмесячный срок утвердить Порядок предоставления специального налогового режима, предусматривающий:
(а) рассмотрение, регистрацию или отказ в регистрации заявлений иностранных граждан на предоставление специального налогового режима;
(б) требования к претендентам на предоставление специального налогового режима;
(в) сроки предоставления специального налогового режима иностранным гражданам, основания для их продления или досрочной отмены.
8. Министерству внутренних дел обеспечить неукоснительное соблюдение порядка, предусмотренного пунктом 6 настоящего Указа, по регистрации иностранных граждан.
9. Нижеследующим в месячный срок утвердить перечень с публикацией на своих официальных веб-сайтах и предоставлением Налоговому комитету:
(а) Центральному банку — специально уполномоченных коммерческих банков;
(б) Национальному агентству перспективных проектов — специально уполномоченных крипто-бирж.
10. Налоговому комитету:
(а) в двухмесячный срок совместно с Министерством экономики и финансов, Министерством внутренних дел и заинтересованными министерствами и ведомствами внести в Кабинет Министров предложения об изменениях и дополнениях в Налоговый кодекс и другие акты законодательства, вытекающих из настоящего Указа;
(б) в срок до 1 января 2026 года обеспечить:
(i) публикацию на своем официальном веб-сайте и других информационных ресурсах сведений о специально уполномоченных коммерческих банках и специально уполномоченных крипто-биржах, а также реквизитов для уплаты специального сбора;
(ii) внедрение информационной системы по приему и обработке заявлений иностранных граждан для получения специального налогового режима.
11. Возложить на председателя Налогового комитета Ш.Д. Кудбиева персональную ответственность за эффективную организацию исполнения настоящего Указа.
12. Обсуждение хода исполнения настоящего Указа, осуществление координации и контроля за деятельностью ведомств, ответственных за его исполнение, возложить на заместителя Премьер-министра Д.А. Кучкарова.
ПРИЛОЖЕНИЕ к Указу Президента Республики Узбекистан от 4 октября 2025 года № УП-180
Комиссии по предоставлению специального налогового режима для иностранных граждан
Д.А. Кучкаров — заместитель Премьер-министра Республики Узбекистан — министр экономики и финансов, председатель Комиссии Д.Р. Ли — директор Национального агентства перспективных проектов Республики Узбекистан, заместитель председателя Комиссии Н.Н. Сайдуллаев — первый заместитель председателя Центрального банка Республики Узбекистан Ш.Д. Кудбиев — председатель Налогового комитета Республики Узбекистан, руководитель рабочего органа Комиссии
Президент Республики Узбекистан Ш. МИРЗИЁЕВ
г. Ташкент,
4 октября 2025 г.,
№ УП-180