UzbekAI

Ўзбекистон Республикаси Президентининг

Қарори

РЎЙХАТИ

ЧОРА-ТАДБИРЛАР ДАСТУРИ

Истеъмолчилар ҳуқуқларини самарали ҳимоя қилишни ташкил этиш чора-тадбирлари тўғрисида

Озиқ-овқат маҳсулотларининг сифати ва хавфсизлиги устидан назоратни янада кучайтириш, шунингдек, истеъмолчилар ҳуқуқларини ҳимоя қилишнинг самарали механизмларини йўлга қўйиш мақсадида қарор қиламан:

I. Истеъмолчилар ҳуқуқларини ҳимоя қилиш тизимини такомиллаштириш.

1. Шундай тартиб ўрнатилсинки, унга мувофиқ 2026 йил 1 мартдан бошлаб рақамли маркировка тизими жорий қилинган товарларнинг яроқлилик муддати ўтган бўлса, уларнинг савдоси ушбу тизим орқали автоматик равишда чекланади. Бунда рақамли маркировкаланган муддати ўтган товарларга назорат-касса техникаларида харид чеки чиқарилмайди.

2. Белгилансинки:

(а) 2025 йил 1 ноябрдан бошлаб санитария-эпидемиологик хулоса расмийлаштириш мақсадида давлат санитария назорати органи тизимидаги аккредитация қилинган лабораторияларда ўтказиладиган барча синовлар баённомалари электрон кўринишда «E-akkreditatsiya» ахборот тизимининг «E-laboratoriya» модули орқали расмийлаштирилади ҳамда ушбу органнинг расмий веб-сайтида хулосаси расмийлаштирилган озиқ-овқат маҳсулотларининг ягона онлайн реестри юритилади;

(б) 2025 йил 15 октябрдан 2027 йил 1 январга қадар тажриба тариқасида нодавлат нотижорат ташкилотлар томонидан истеъмолчиларнинг мурожаатларини кўриб чиқиш ҳамда «сирли мижоз» ва назорат хариди тадбирларини ўтказиш тартиби жорий этилади. Бунда мазкур тадбирларни ўтказиш учун нодавлат нотижорат ташкилотнинг тегишли ходими Рақобатни ривожлантириш ва истеъмолчилар ҳуқуқларини ҳимоя қилиш қўмитаси (кейинги ўринларда — Рақобат қўмитаси) ҳузуридаги Рақобат сиёсати ва истеъмолчилар ҳуқуқлари тадқиқотлари марказининг ўқув курсларини тамомлаганлиги тўғрисидаги махсус сертификатга эга бўлиши лозим;

(в) нодавлат нотижорат ташкилотлар фаолиятини қўллаб-қувватлаш мақсадида Рақобат қўмитасининг бюджетдан ташқари Рақобатни ривожлантиришга кўмаклашиш жамғармаси (кейинги ўринларда — Жамғарма) маблағлари ҳисобидан уларга истеъмолчилар ҳуқуқларини ҳимоя қилишни ташкил қилиш ва соҳадаги муаммоларни ўрганиш учун давлат ижтимоий буюртмалари бериш тарзида маблағлар ажратиб борилади. Бунда:

(i) ушбу маблағлар Жамғармадан Ўзбекистон Республикасининг республика бюджетига ўтказиладиган маблағлар қисми ҳисобидан ажратилади;

(ii) истеъмолчилар мурожаатларини кўриб чиқиш ҳамда «сирли мижоз» ва назорат хариди тадбирларини ўтказиш учун давлат ижтимоий буюртмалари беришда нодавлат нотижорат ташкилотлар фаолиятини баҳолаш мезонлари белгиланади;

(iii) нодавлат нотижорат ташкилотларга давлат ижтимоий буюртмалари бериш тарзида ажратиладиган маблағлардан самарали фойдаланишни ташкил қилиш учун ғазначилик назорати ўрнатилади.

3. Истеъмолчиларнинг мурожаатларини кўриб чиқиш самарадорлигини ошириш мақсадида 2025 йил 1 декабрдан бошлаб «истеъмолчи — тадбиркор — нодавлат нотижорат ташкилотлар — давлат органлари» тизими жорий этилади. Бунда:

(а) истеъмолчиларнинг барча мурожаатлари Рақобат қўмитасида ишга тушириладиган «Истеъмолчи мурожаати» ахборот тизими орқали қабул қилинади ва барча босқичларда мониторинг қилиб бориш тизими йўлга қўйилади;

(б) «Истеъмолчи мурожаати» ахборот тизимини Солиқ қўмитасининг ягона ахборот тизимига интеграция қилиш орқали барча тадбиркорлик субъектларига истеъмолчилардан мурожаатлар келиб тушгани ҳақида хабар юбориш тизими йўлга қўйилади;

(в) истеъмолчининг «Истеъмолчи мурожаати» ахборот тизими орқали рўйхатга олинган мурожаати, биринчи навбатда, тадбиркор томонидан Рақобат қўмитаси назорати остида 10 кун ичида кўриб чиқилади, истеъмолчи мурожаати ижобий ҳал этилмаган тақдирда, мурожаатчининг танловига кўра Қўмитага ёки нодавлат нотижорат ташкилотларга ўрганиб чиқиш учун юборилади. Бунда:

(i) истеъмолчи ҳуқуқларининг бузилиши ҳолатлари мавжуд бўлганда, нодавлат нотижорат ташкилотлар тадбиркорга ихтиёрий тартибда ҳуқуқбузарликни бартараф этиш бўйича кўрсатма беради;

(ii) агар тадбиркор 10 кун ичида ҳуқуқбузарликни ихтиёрий тарзда бартараф этмаса, нодавлат нотижорат ташкилотлар ҳолат юзасидан истеъмолчилар ҳуқуқларини ҳимоя қилиш бўйича тегишли ваколатли давлат органларига мазкур тизим орқали ёки судга мурожаат қилади;

(г) Рақобат қўмитаси истеъмолчиларнинг тизимли муаммоларини ўрганиш ва ҳал этиш, номуайян доирадаги истеъмолчилар ҳуқуқларини ҳимоя қилиш ишларини амалга оширади.

4. Рақобат қўмитасининг яроқлилик муддати ўтган, шунингдек, ишлаб чиқарилган санаси ва яроқлилик муддати кўрсатилиши шартлиги белгиланган озиқ-овқат маҳсулотларини уларнинг ишлаб чиқарилган санаси ва яроқлилик муддати кўрсатилмаган ҳолда сотганлик ҳамда сотиш учун қабул қилганлик учун маъмурий ҳуқуқбузарлик бўйича жарималар миқдорини уч бараваргача ошириш тўғрисидаги таклифига розилик берилсин.

Рақобат қўмитаси икки ой муддатда мазкур бандда келтирилган таклиф юзасидан Ўзбекистон Республикасининг Маъмурий жавобгарлик тўғрисидаги кодексига ўзгартириш ва қўшимчалар киритиш тўғрисидаги қонун лойиҳасини Вазирлар Маҳкамасига киритсин.

5. Ўзбекистон Республикаси Олий Мажлиси ҳузуридаги Нодавлат нотижорат ташкилотлари ва фуқаролик жамиятининг бошқа институтларини қўллаб-қувватлаш жамоат фондига истеъмолчилар ҳуқуқларини ҳимоя қилиш йўналишида нодавлат нотижорат ташкилотларга давлат субсидиялари, грантлар ажратиш ва ижтимоий аҳамиятга молик лойиҳаларни молиялаштириш тавсия этилсин.

II. Қарор ижросини ташкил этиш, таъминлаш ва назорат.

6. Истеъмолчиларнинг мурожаатларини ўз вақтида қабул қилиш ва кўриб чиқиш мақсадида 1-иловага мувофиқ давлат органлари ва ташкилотлар уч ой муддатда ўз ахборот тизимларини «Истеъмолчи мурожаати» ахборот тизимига интеграция қилишни таъминласин.

7. Истеъмолчилар ҳуқуқларини самарали ҳимоя қилишни ташкил этиш ва янги босқичга олиб чиқиш бўйича чора-тадбирлар дастури 2-иловага мувофиқ тасдиқлансин.

8. Рақобат қўмитаси манфаатдор вазирлик ва идоралар билан биргаликда уч ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.

9. Ўзбекистон Республикаси Президентининг айрим қарорларига 3-иловага мувофиқ ўзгартириш ва қўшимчалар киритилсин.

10. Мазкур қарор ижросини самарали ташкил қилишга масъул ва шахсий жавобгар этиб Рақобатни ривожлантириш ва истеъмолчилар ҳуқуқларини ҳимоя қилиш қўмитаси раиси Ҳ.С. Турахужаев белгилансин.

11. Қарор ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.

Ўзбекистон Республикаси Президентининг 2025 йил 6 октябрдаги ПҚ-296-сон қарорига 1-ИЛОВА

Ўз ахборот тизимларини «Истеъмолчи мурожаати» ахборот тизимига интеграция қиладиган давлат органлари ва ташкилотлар

Т/р Давлат органлари ва ташкилотлар номи Интеграция қилинадиган тизим номи 1. Ўзбекистон Республикаси Президенти Администрацияси cabinetpm2.gov.uz 2. Ўзбекистон Республикаси Вазирлар Маҳкамаси kb-business.gov.uz 3. Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил admbusiness.gov.uz 4. Бош прокуратура 1007.prokuratura.uz 5. Солиқ қўмитаси my.soliq.uz 6. Рақамли технологиялар вазирлиги murojaat.gov.uz

Ўзбекистон Республикаси Президентининг 2025 йил 6 октябрдаги ПҚ-296-сон қарорига 2-ИЛОВА

Истеъмолчилар ҳуқуқларини самарали ҳимоя қилишни самарали ташкил этиш ва янги босқичга олиб чиқиш бўйича

Т/р Чора-тадбирлар номи Амалга ошириш механизми Бажариш муддати Ижро учун масъуллар 1. «Сирли мижоз» ва назорат хариди тадбирларини ўтказиш учун Рақобат қўмитаси ҳузуридаги Рақобат сиёсати ва истеъмолчилар ҳуқуқлари тадқиқотлари марказининг ўқув курсларида нодавлат нотижорат ташкилотларнинг ходимларини ўқитиш ва уларга махсус сертификат бериш тўғрисидаги низомни тасдиқлаш. Идоравий ҳужжат 2025 йил октябрь Рақобат қўмитаси 2. Нодавлат нотижорат ташкилотнинг «Сирли мижоз» ва назорат хариди тадбирларини ўтказишга жалб этиладиган ходимларини Рақобат қўмитаси ҳузуридаги Рақобат сиёсати ва истеъмолчилар ҳуқуқлари тадқиқотлари марказида ўқитиш. Амалий чора-тадбир Доимий Рақобат қўмитаси 3. Нодавлат нотижорат ташкилотларга истеъмолчилар мурожаатларини кўриб чиқиш ҳамда «Сирли мижоз» ва назорат хариди тадбирларини ўтказиш учун давлат ижтимоий буюртмалари беришда нодавлат нотижорат ташкилотлар фаолиятини баҳолаш мезонларини тасдиқлаш. Идоравий ҳужжат 2025 йил октябрь Рақобат қўмитаси 4. Нодавлат нотижорат ташкилотлар томонидан истеъмолчиларнинг мурожаатларини кўриб чиқиш, «Сирли мижоз» ва назорат хариди тадбирларини ўтказиш бўйича тажриба натижаларидан келиб чиқиб, тегишли функцияларни нодавлат нотижорат ташкилотларга ўтказиш бўйича Вазирлар Маҳкамасига таклиф киритиш. Таклиф киритиш 2026 йил декабрь Рақобат қўмитаси 5. Санитария-эпидемиологик хулосани расмийлаштириш мақсадида давлат санитария назорати органи тизимидаги аккредитация қилинган лабораторияларда ўтказиладиган барча синовлар баённомаларини электрон кўринишда «E-akkreditatsiya» ахборот тизимининг «E-laboratoriya» модули орқали расмийлаштириш ҳамда ушбу органнинг расмий веб-сайтида хулосаси расмийлаштирилган озиқ-овқат маҳсулотларининг ягона онлайн реестрини юритиш. Амалий чора-тадбир 2025 йил октябрь Соғлиқни сақлаш вазирлиги, Ўзбекистон техник жиҳатдан тартибга солиш агентлиги 6. Рақобат қўмитасининг «Fair tech» ягона ахборот тизими доирасида истеъмолчиларнинг барча мурожаатларини қабул қилиш ва нодавлат нотижорат ташкилотларга юбориш, кўриб чиқиш жараёнларини қамраб олувчи «Истеъмолчи мурожаати» ахборот тизимини ишга тушириш. Бунда Рақобат қўмитасига истеъмолчилардан келиб тушган мурожаатларни автоматик равишда ягона ахборот тизимига ўтказиш ва ижро жараёнини онлайн кузатиш имкониятини яратиш мақсадида «Истеъмолчи мурожаати» ахборот тизимини Ўзбекистон Республикаси Президентининг виртуал қабулхонаси, Бош вазирнинг виртуал қабулхонаси, Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил, Бош прокуратуранинг ахборот тизимларига интеграция қилиш. Амалий чора-тадбир 2025 йил ноябрь Рақобат қўмитаси, Рақамли технологиялар вазирлиги, Ўзбекистон Республикаси Президентининг Халқ қабулхоналари ва Виртуал қабулхонаси, Бош прокуратура, Адлия вазирлиги, Қурилиш ва уй-жой коммунал хўжалиги вазирлиги, Соғлиқни сақлаш вазирлиги, Экология вазирлиги, Солиқ қўмитаси, Ўзбекистон техник жиҳатдан тартибга солиш агентлиги, Савдо-саноат палатаси 7. «Истеъмолчи мурожаати» ахборот тизимини Солиқ қўмитасининг ягона ахборот тизими билан интеграция қилиш орқали барча тадбиркорлик субъектларига истеъмолчиларнинг мурожаатлари келиб тушганлиги ҳақида хабар юбориш тизимини йўлга қўйиш. Амалий чора-тадбирлар 2025 йил ноябрь Солиқ қўмитаси, Рақобат қўмитаси 8. Ўзбекистон Республикасининг «Жисмоний ва юридик шахсларнинг мурожаатлари тўғрисида»ги Қонунига истеъмолчиларнинг мурожаатларини кўриб чиқиш муддатлари ва тартибини ўзгартиришни назарда тутувчи ўзгартириш ва қўшимчалар киритиш юзасидан Вазирлар Маҳкамасига таклиф киритиш. Қонун лойиҳаси 2025 йил ноябрь Рақобат қўмитаси, Адлия вазирлиги 9. Истеъмолчиларнинг мурожаатларини онлайн қабул қилиш, кўриб чиқиш ва тезкор маслаҳат ёки жавоб бериш тизимини жорий этиш. Бунда замонавий ва «ақлли» технологиялардан (сунъий интеллектдан) фойдаланган ҳолда истеъмолчиларнинг мурожаатларини онлайн қабул қилиш, кўриб чиқиш, тезкор маслаҳат ва жавоб бериш амалиётини жорий этиш. Рақобат қўмитасининг веб-сайтида ва телеграм ботида рукн ташкил этиш 2026 йил январь Рақобат қўмитаси, Рақамли технологиялар вазирлиги 10. Рақамли маркировка тизими жорий қилинган товарларнинг яроқлилик муддати ўтган бўлса, уларнинг савдосини тизим орқали автоматик равишда чеклаш, назорат-касса техникаларида товар чеки чиқарилмаслигини йўлга қўйиш. Амалий чора-тадбир 2026 йил февраль Солиқ қўмитаси, Иқтисодиёт ва молия вазирлиги 11. Ўзбекистон Республикасининг « Табиатни муҳофаза қилиш тўғрисида », « Истеъмолчиларнинг ҳуқуқларини ҳимоя қилиш тўғрисида », « Товар белгилари, хизмат кўрсатиш белгилари ва товар келиб чиққан жой номлари тўғрисида », « Реклама тўғрисида »ги қонунларига товар (иш, хизмат)лар номи, ёрлиқлари, тамғалари, техник ҳужжатлари ва рекламасида, шунингдек, фирма номида сохта ёки истеъмолчини чалғитиши мумкин бўлган белгилардан асоссиз фойдаланишнинг олдини олиш мақсадида экологик софликни ифодаловчи сўзлар («эко», «eco», «eko»), шунингдек, ушбу сўзлардан ҳосил бўладиган сўз бирикмалари ёки мазкур сўзларни ўз ичига олган сўзлардан фойдаланишни қонун даражасида тартибга солишни назарда тутувчи ўзгартириш ва қўшимчалар юзасидан Вазирлар Маҳкамасига таклиф киритиш. Қонун лойиҳаси 2025 йил ноябрь Рақобат қўмитаси, Экология вазирлиги, манфаатдор вазирлик ва идоралар

Ўзбекистон Республикаси Президентининг 2025 йил 6 октябрдаги ПҚ-296-сон қарорига 3-ИЛОВА

Ўзбекистон Республикаси Президентининг айрим қарорларига киритилаётган ўзгартириш ва қўшимчалар

1. Ўзбекистон Республикаси Президентининг 2020 йил 7 декабрдаги ПҚ-4913-сон қарори билан тасдиқланган Давлат бошқаруви соҳасига хусусий секторни жалб қилишнинг дастлабки йўналишлари қуйидаги мазмундаги изоҳ билан тўлдирилсин:

2. Ўзбекистон Республикаси Президентининг 2021 йил 17 мартдаги ПҚ-5031-сон қарори билан тасдиқланган Товар-хом ашё биржалари фаолиятига илғор ахборот технологияларини кенг жорий этиш ва электрон тижорат фаолиятини изчил ривожлантириш бўйича «йўл харитаси»нинг 2-позицияси «Масъул ижрочилар» устунидаги «Рақобатни ривожлантириш ва истеъмолчилар ҳуқуқларини ҳимоя қилиш қўмитаси» сўзлари «Иқтисодий жиноятларга қарши курашиш департаменти қошидаги Алкоголь ва тамаки бозорини тартибга солиш инспекцияси» сўзлари билан алмаштирилсин.

3. Ўзбекистон Республикаси Президентининг 2023 йил 4 апрелдаги «Аҳолини сифатли истеъмол товарлари билан таъминлашга қаратилган қўшимча чора-тадбирлар тўғрисида»ги ПҚ-110-сон қарорида :

(а) 4-банднинг учинчи хатбошисидаги «Рақобатни ривожлантириш ва истеъмолчилар ҳуқуқларини ҳимоя қилиш қўмитаси» сўзлари «Иқтисодий жиноятларга қарши курашиш департаменти қошидаги Алкоголь ва тамаки бозорини тартибга солиш инспекцияси» сўзлари билан алмаштирилсин;

(б) 5-банддаги «Рақобатни ривожлантириш ва истеъмолчилар ҳуқуқларини ҳимоя қилиш қўмитаси» сўзлари «Иқтисодий жиноятларга қарши курашиш департаменти қошидаги Алкоголь ва тамаки бозорини тартибга солиш инспекцияси» сўзлари билан алмаштирилсин.

Ўзбекистон Республикаси Президенти Ш. МИРЗИЁЕВ

Тошкент ш.,

2025 йил 6 октябрь,

ПҚ-296-сон

(Қонунчилик маълумотлари миллий базаси, 08.10.2025 й., 07/25/296/0902-сон)

lex.uz

Oʻzbekiston Respublikasi Prezidentining

Qarori

ROʻYXATI

CHORA-TADBIRLAR DASTURI

Isteʼmolchilar huquqlarini samarali himoya qilishni tashkil etish chora-tadbirlari toʻgʻrisida

Oziq-ovqat mahsulotlarining sifati va xavfsizligi ustidan nazoratni yanada kuchaytirish, shuningdek, isteʼmolchilar huquqlarini himoya qilishning samarali mexanizmlarini yoʻlga qoʻyish maqsadida qaror qilaman:

I. Isteʼmolchilar huquqlarini himoya qilish tizimini takomillashtirish.

1. Shunday tartib oʻrnatilsinki, unga muvofiq 2026-yil 1-martdan boshlab raqamli markirovka tizimi joriy qilingan tovarlarning yaroqlilik muddati oʻtgan boʻlsa, ularning savdosi ushbu tizim orqali avtomatik ravishda cheklanadi. Bunda raqamli markirovkalangan muddati oʻtgan tovarlarga nazorat-kassa texnikalarida xarid cheki chiqarilmaydi.

2. Belgilansinki:

(a) 2025-yil 1-noyabrdan boshlab sanitariya-epidemiologik xulosa rasmiylashtirish maqsadida davlat sanitariya nazorati organi tizimidagi akkreditatsiya qilingan laboratoriyalarda oʻtkaziladigan barcha sinovlar bayonnomalari elektron koʻrinishda “E-akkreditatsiya” axborot tizimining “E-laboratoriya” moduli orqali rasmiylashtiriladi hamda ushbu organning rasmiy veb-saytida xulosasi rasmiylashtirilgan oziq-ovqat mahsulotlarining yagona onlayn reyestri yuritiladi;

(b) 2025-yil 15-oktabrdan 2027-yil 1-yanvarga qadar tajriba tariqasida nodavlat notijorat tashkilotlar tomonidan isteʼmolchilarning murojaatlarini koʻrib chiqish hamda “sirli mijoz” va nazorat xaridi tadbirlarini oʻtkazish tartibi joriy etiladi. Bunda mazkur tadbirlarni oʻtkazish uchun nodavlat notijorat tashkilotning tegishli xodimi Raqobatni rivojlantirish va isteʼmolchilar huquqlarini himoya qilish qoʻmitasi (keyingi oʻrinlarda — Raqobat qoʻmitasi) huzuridagi Raqobat siyosati va isteʼmolchilar huquqlari tadqiqotlari markazining oʻquv kurslarini tamomlaganligi toʻgʻrisidagi maxsus sertifikatga ega boʻlishi lozim;

(v) nodavlat notijorat tashkilotlar faoliyatini qoʻllab-quvvatlash maqsadida Raqobat qoʻmitasining budjetdan tashqari Raqobatni rivojlantirishga koʻmaklashish jamgʻarmasi (keyingi oʻrinlarda — Jamgʻarma) mablagʻlari hisobidan ularga isteʼmolchilar huquqlarini himoya qilishni tashkil qilish va sohadagi muammolarni oʻrganish uchun davlat ijtimoiy buyurtmalari berish tarzida mablagʻlar ajratib boriladi. Bunda:

(i) ushbu mablagʻlar Jamgʻarmadan Oʻzbekiston Respublikasining respublika budjetiga oʻtkaziladigan mablagʻlar qismi hisobidan ajratiladi;

(ii) isteʼmolchilar murojaatlarini koʻrib chiqish hamda “sirli mijoz” va nazorat xaridi tadbirlarini oʻtkazish uchun davlat ijtimoiy buyurtmalari berishda nodavlat notijorat tashkilotlar faoliyatini baholash mezonlari belgilanadi;

(iii) nodavlat notijorat tashkilotlarga davlat ijtimoiy buyurtmalari berish tarzida ajratiladigan mablagʻlardan samarali foydalanishni tashkil qilish uchun gʻaznachilik nazorati oʻrnatiladi.

3. Isteʼmolchilarning murojaatlarini koʻrib chiqish samaradorligini oshirish maqsadida 2025-yil 1-dekabrdan boshlab “isteʼmolchi — tadbirkor — nodavlat notijorat tashkilotlar — davlat organlari” tizimi joriy etiladi. Bunda:

(a) isteʼmolchilarning barcha murojaatlari Raqobat qoʻmitasida ishga tushiriladigan “Isteʼmolchi murojaati” axborot tizimi orqali qabul qilinadi va barcha bosqichlarda monitoring qilib borish tizimi yoʻlga qoʻyiladi;

(b) “Isteʼmolchi murojaati” axborot tizimini Soliq qoʻmitasining yagona axborot tizimiga integratsiya qilish orqali barcha tadbirkorlik subyektlariga isteʼmolchilardan murojaatlar kelib tushgani haqida xabar yuborish tizimi yoʻlga qoʻyiladi;

(v) isteʼmolchining “Isteʼmolchi murojaati” axborot tizimi orqali roʻyxatga olingan murojaati, birinchi navbatda, tadbirkor tomonidan Raqobat qoʻmitasi nazorati ostida 10 kun ichida koʻrib chiqiladi, isteʼmolchi murojaati ijobiy hal etilmagan taqdirda, murojaatchining tanloviga koʻra Qoʻmitaga yoki nodavlat notijorat tashkilotlarga oʻrganib chiqish uchun yuboriladi. Bunda:

(i) isteʼmolchi huquqlarining buzilishi holatlari mavjud boʻlganda, nodavlat notijorat tashkilotlar tadbirkorga ixtiyoriy tartibda huquqbuzarlikni bartaraf etish boʻyicha koʻrsatma beradi;

(ii) agar tadbirkor 10 kun ichida huquqbuzarlikni ixtiyoriy tarzda bartaraf etmasa, nodavlat notijorat tashkilotlar holat yuzasidan isteʼmolchilar huquqlarini himoya qilish boʻyicha tegishli vakolatli davlat organlariga mazkur tizim orqali yoki sudga murojaat qiladi;

(g) Raqobat qoʻmitasi isteʼmolchilarning tizimli muammolarini oʻrganish va hal etish, nomuayyan doiradagi isteʼmolchilar huquqlarini himoya qilish ishlarini amalga oshiradi.

4. Raqobat qoʻmitasining yaroqlilik muddati oʻtgan, shuningdek, ishlab chiqarilgan sanasi va yaroqlilik muddati koʻrsatilishi shartligi belgilangan oziq-ovqat mahsulotlarini ularning ishlab chiqarilgan sanasi va yaroqlilik muddati koʻrsatilmagan holda sotganlik hamda sotish uchun qabul qilganlik uchun maʼmuriy huquqbuzarlik boʻyicha jarimalar miqdorini uch baravargacha oshirish toʻgʻrisidagi taklifiga rozilik berilsin.

Raqobat qoʻmitasi ikki oy muddatda mazkur bandda keltirilgan taklif yuzasidan Oʻzbekiston Respublikasining Maʼmuriy javobgarlik toʻgʻrisidagi kodeksiga oʻzgartirish va qoʻshimchalar kiritish toʻgʻrisidagi qonun loyihasini Vazirlar Mahkamasiga kiritsin.

5. Oʻzbekiston Respublikasi Oliy Majlisi huzuridagi Nodavlat notijorat tashkilotlari va fuqarolik jamiyatining boshqa institutlarini qoʻllab-quvvatlash jamoat fondiga isteʼmolchilar huquqlarini himoya qilish yoʻnalishida nodavlat notijorat tashkilotlarga davlat subsidiyalari, grantlar ajratish va ijtimoiy ahamiyatga molik loyihalarni moliyalashtirish tavsiya etilsin.

II. Qaror ijrosini tashkil etish, taʼminlash va nazorat.

6. Isteʼmolchilarning murojaatlarini oʻz vaqtida qabul qilish va koʻrib chiqish maqsadida 1-ilovaga muvofiq davlat organlari va tashkilotlar uch oy muddatda oʻz axborot tizimlarini “Isteʼmolchi murojaati” axborot tizimiga integratsiya qilishni taʼminlasin.

7. Isteʼmolchilar huquqlarini samarali himoya qilishni tashkil etish va yangi bosqichga olib chiqish boʻyicha chora-tadbirlar dasturi 2-ilovaga muvofiq tasdiqlansin.

8. Raqobat qoʻmitasi manfaatdor vazirlik va idoralar bilan birgalikda uch oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

9. Oʻzbekiston Respublikasi Prezidentining ayrim qarorlariga 3-ilovaga muvofiq oʻzgartirish va qoʻshimchalar kiritilsin.

10. Mazkur qaror ijrosini samarali tashkil qilishga masʼul va shaxsiy javobgar etib Raqobatni rivojlantirish va isteʼmolchilar huquqlarini himoya qilish qoʻmitasi raisi H.S. Turaxujayev belgilansin.

11. Qaror ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidentining 2025-yil 6-oktabrdagi PQ-296-son qaroriga 1-ILOVA

Oʻz axborot tizimlarini “Isteʼmolchi murojaati” axborot tizimiga integratsiya qiladigan davlat organlari va tashkilotlar

T/r Davlat organlari va tashkilotlar nomi Integratsiya qilinadigan tizim nomi 1. Oʻzbekiston Respublikasi Prezidenti Administratsiyasi cabinetpm2.gov.uz 2. Oʻzbekiston Respublikasi Vazirlar Mahkamasi kb-business.gov.uz 3. Tadbirkorlik subyektlarining huquqlari va qonuniy manfaatlarini himoya qilish boʻyicha vakil admbusiness.gov.uz 4. Bosh prokuratura 1007.prokuratura.uz 5. Soliq qoʻmitasi my.soliq.uz 6. Raqamli texnologiyalar vazirligi murojaat.gov.uz

Oʻzbekiston Respublikasi Prezidentining 2025-yil 6-oktabrdagi PQ-296-son qaroriga 2-ILOVA

Isteʼmolchilar huquqlarini samarali himoya qilishni samarali tashkil etish va yangi bosqichga olib chiqish boʻyicha

T/r Chora-tadbirlar nomi Amalga oshirish mexanizmi Bajarish muddati Ijro uchun masʼullar 1. “Sirli mijoz” va nazorat xaridi tadbirlarini oʻtkazish uchun Raqobat qoʻmitasi huzuridagi Raqobat siyosati va isteʼmolchilar huquqlari tadqiqotlari markazining oʻquv kurslarida nodavlat notijorat tashkilotlarning xodimlarini oʻqitish va ularga maxsus sertifikat berish toʻgʻrisidagi nizomni tasdiqlash. Idoraviy hujjat 2025-yil oktabr Raqobat qoʻmitasi 2. Nodavlat notijorat tashkilotning “Sirli mijoz” va nazorat xaridi tadbirlarini oʻtkazishga jalb etiladigan xodimlarini Raqobat qoʻmitasi huzuridagi Raqobat siyosati va isteʼmolchilar huquqlari tadqiqotlari markazida oʻqitish. Amaliy chora-tadbir Doimiy Raqobat qoʻmitasi 3. Nodavlat notijorat tashkilotlarga isteʼmolchilar murojaatlarini koʻrib chiqish hamda “Sirli mijoz” va nazorat xaridi tadbirlarini oʻtkazish uchun davlat ijtimoiy buyurtmalari berishda nodavlat notijorat tashkilotlar faoliyatini baholash mezonlarini tasdiqlash. Idoraviy hujjat 2025-yil oktabr Raqobat qoʻmitasi 4. Nodavlat notijorat tashkilotlar tomonidan isteʼmolchilarning murojaatlarini koʻrib chiqish, “Sirli mijoz” va nazorat xaridi tadbirlarini oʻtkazish boʻyicha tajriba natijalaridan kelib chiqib, tegishli funksiyalarni nodavlat notijorat tashkilotlarga oʻtkazish boʻyicha Vazirlar Mahkamasiga taklif kiritish. Taklif kiritish 2026-yil dekabr Raqobat qoʻmitasi 5. Sanitariya-epidemiologik xulosani rasmiylashtirish maqsadida davlat sanitariya nazorati organi tizimidagi akkreditatsiya qilingan laboratoriyalarda oʻtkaziladigan barcha sinovlar bayonnomalarini elektron koʻrinishda “E-akkreditatsiya” axborot tizimining “E-laboratoriya” moduli orqali rasmiylashtirish hamda ushbu organning rasmiy veb-saytida xulosasi rasmiylashtirilgan oziq-ovqat mahsulotlarining yagona onlayn reyestrini yuritish. Amaliy chora-tadbir 2025-yil oktabr Sogʻliqni saqlash vazirligi, Oʻzbekiston texnik jihatdan tartibga solish agentligi 6. Raqobat qoʻmitasining “Fair tech” yagona axborot tizimi doirasida isteʼmolchilarning barcha murojaatlarini qabul qilish va nodavlat notijorat tashkilotlarga yuborish, koʻrib chiqish jarayonlarini qamrab oluvchi “Isteʼmolchi murojaati” axborot tizimini ishga tushirish. Bunda Raqobat qoʻmitasiga isteʼmolchilardan kelib tushgan murojaatlarni avtomatik ravishda yagona axborot tizimiga oʻtkazish va ijro jarayonini onlayn kuzatish imkoniyatini yaratish maqsadida “Isteʼmolchi murojaati” axborot tizimini Oʻzbekiston Respublikasi Prezidentining virtual qabulxonasi, Bosh vazirning virtual qabulxonasi, Tadbirkorlik subyektlarining huquqlari va qonuniy manfaatlarini himoya qilish boʻyicha vakil, Bosh prokuraturaning axborot tizimlariga integratsiya qilish. Amaliy chora-tadbir 2025-yil noyabr Raqobat qoʻmitasi, Raqamli texnologiyalar vazirligi, Oʻzbekiston Respublikasi Prezidentining Xalq qabulxonalari va Virtual qabulxonasi, Bosh prokuratura, Adliya vazirligi, Qurilish va uy-joy kommunal xoʻjaligi vazirligi, Sogʻliqni saqlash vazirligi, Ekologiya vazirligi, Soliq qoʻmitasi, Oʻzbekiston texnik jihatdan tartibga solish agentligi, Savdo-sanoat palatasi 7. “Isteʼmolchi murojaati” axborot tizimini Soliq qoʻmitasining yagona axborot tizimi bilan integratsiya qilish orqali barcha tadbirkorlik subyektlariga isteʼmolchilarning murojaatlari kelib tushganligi haqida xabar yuborish tizimini yoʻlga qoʻyish. Amaliy chora-tadbirlar 2025 yil noyabr Soliq qoʻmitasi, Raqobat qoʻmitasi 8. Oʻzbekiston Respublikasining “Jismoniy va yuridik shaxslarning murojaatlari toʻgʻrisida”gi Qonuniga isteʼmolchilarning murojaatlarini koʻrib chiqish muddatlari va tartibini oʻzgartirishni nazarda tutuvchi oʻzgartirish va qoʻshimchalar kiritish yuzasidan Vazirlar Mahkamasiga taklif kiritish. Qonun loyihasi 2025-yil noyabr Raqobat qoʻmitasi, Adliya vazirligi 9. Isteʼmolchilarning murojaatlarini onlayn qabul qilish, koʻrib chiqish va tezkor maslahat yoki javob berish tizimini joriy etish. Bunda zamonaviy va “aqlli” texnologiyalardan (sunʼiy intellektdan) foydalangan holda isteʼmolchilarning murojaatlarini onlayn qabul qilish, koʻrib chiqish, tezkor maslahat va javob berish amaliyotini joriy etish. Raqobat qoʻmitasining veb-saytida va telegram botida rukn tashkil etish 2026-yil yanvar Raqobat qoʻmitasi, Raqamli texnologiyalar vazirligi 10. Raqamli markirovka tizimi joriy qilingan tovarlarning yaroqlilik muddati oʻtgan boʻlsa, ularning savdosini tizim orqali avtomatik ravishda cheklash, nazorat-kassa texnikalarida tovar cheki chiqarilmasligini yoʻlga qoʻyish. Amaliy chora-tadbir 2026-yil fevral Soliq qoʻmitasi, Iqtisodiyot va moliya vazirligi 11. Oʻzbekiston Respublikasining “ Tabiatni muhofaza qilish toʻgʻrisida ”, “ Isteʼmolchilarning huquqlarini himoya qilish toʻgʻrisida ”, “ Tovar belgilari, xizmat koʻrsatish belgilari va tovar kelib chiqqan joy nomlari toʻgʻrisida ”, “ Reklama toʻgʻrisida ”gi qonunlariga tovar (ish, xizmat)lar nomi, yorliqlari, tamgʻalari, texnik hujjatlari va reklamasida, shuningdek, firma nomida soxta yoki isteʼmolchini chalgʻitishi mumkin boʻlgan belgilardan asossiz foydalanishning oldini olish maqsadida ekologik soflikni ifodalovchi soʻzlar (“eko”, “eco”, “eko”), shuningdek, ushbu soʻzlardan hosil boʻladigan soʻz birikmalari yoki mazkur soʻzlarni oʻz ichiga olgan soʻzlardan foydalanishni qonun darajasida tartibga solishni nazarda tutuvchi oʻzgartirish va qoʻshimchalar yuzasidan Vazirlar Mahkamasiga taklif kiritish. Qonun loyihasi 2025-yil noyabr Raqobat qoʻmitasi, Ekologiya vazirligi, manfaatdor vazirlik va idoralar

Oʻzbekiston Respublikasi Prezidentining 2025-yil 6-oktabrdagi PQ-296-son qaroriga 3-ILOVA

Oʻzbekiston Respublikasi Prezidentining ayrim qarorlariga kiritilayotgan oʻzgartirish va qoʻshimchalar

1. Oʻzbekiston Respublikasi Prezidentining 2020-yil 7-dekabrdagi PQ-4913-son qarori bilan tasdiqlangan Davlat boshqaruvi sohasiga xususiy sektorni jalb qilishning dastlabki yoʻnalishlari quyidagi mazmundagi izoh bilan toʻldirilsin:

2. Oʻzbekiston Respublikasi Prezidentining 2021-yil 17-martdagi PQ-5031-son qarori bilan tasdiqlangan Tovar-xom ashyo birjalari faoliyatiga ilgʻor axborot texnologiyalarini keng joriy etish va elektron tijorat faoliyatini izchil rivojlantirish boʻyicha “yoʻl xaritasi”ning 2-pozitsiyasi “Masʼul ijrochilar” ustunidagi “Raqobatni rivojlantirish va isteʼmolchilar huquqlarini himoya qilish qoʻmitasi” soʻzlari “Iqtisodiy jinoyatlarga qarshi kurashish departamenti qoshidagi Alkogol va tamaki bozorini tartibga solish inspeksiyasi” soʻzlari bilan almashtirilsin.

3. Oʻzbekiston Respublikasi Prezidentining 2023-yil 4-apreldagi “Aholini sifatli isteʼmol tovarlari bilan taʼminlashga qaratilgan qoʻshimcha chora-tadbirlar toʻgʻrisida”gi PQ-110-son qarorida :

(a) 4-bandning uchinchi xatboshisidagi “Raqobatni rivojlantirish va isteʼmolchilar huquqlarini himoya qilish qoʻmitasi” soʻzlari “Iqtisodiy jinoyatlarga qarshi kurashish departamenti qoshidagi Alkogol va tamaki bozorini tartibga solish inspeksiyasi” soʻzlari bilan almashtirilsin;

(b) 5-banddagi “Raqobatni rivojlantirish va isteʼmolchilar huquqlarini himoya qilish qoʻmitasi” soʻzlari “Iqtisodiy jinoyatlarga qarshi kurashish departamenti qoshidagi Alkogol va tamaki bozorini tartibga solish inspeksiyasi” soʻzlari bilan almashtirilsin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2025-yil 6-oktabr,

PQ-296-son

(Qonunchilik maʼlumotlari milliy bazasi, 08.10.2025-y., 07/25/296/0902-son)

lex.uz

Президента Республики Узбекистан

Постановление

О мерах по организации эффективной защиты прав потребителей

В целях дальнейшего усиления контроля за качеством и безопасностью продовольственных товаров, а также внедрения эффективных механизмов защиты прав потребителей постановляю:

I. Совершенствование системы защиты прав потребителей.

1. Установить порядок, в соответствии с которым с 1 марта 2026 года при истекшем сроке годности товаров, на которые внедрена система цифровой маркировки, торговля ими в автоматическом порядке ограничивается посредством данной системы. При этом на товары, срок цифровой маркировки которых истек, товарный чек в контрольно-кассовой технике не распечатывается.

2. Определить, что:

(а) с 1 ноября 2025 года в целях оформления санитарно-эпидемиологического заключения протоколы всех испытаний, проводимых в лабораториях, аккредитованных в системе органа государственного санитарного надзора, оформляются в электронной форме посредством модуля «E-laboratoriya» информационной системы «E-akkreditatsiya», а также на официальном веб-сайте данного органа ведется единый онлайн-реестр продовольственных товаров, на которые оформлены заключения;

(б) на срок с 15 октября 2025 года до 1 января 2027 года в качестве эксперимента внедряется порядок рассмотрения обращений потребителей негосударственными некоммерческими организациями, а также проведения ими мероприятий «тайный покупатель» и контрольной покупки. При этом соответствующий работник негосударственной некоммерческой организации для проведения данных мероприятий должен иметь специальный сертификат об окончании учебных курсов Центра исследований конкурентной политики и прав потребителей при Комитете по развитию конкуренции и защите прав потребителей (далее — Комитет по конкуренции);

(в) в целях поддержки деятельности негосударственных некоммерческих организаций им для организации защиты прав потребителей и изучения проблем в сфере за счет средств внебюджетного Фонда содействия развитию конкуренции (далее — Фонд) Комитета по конкуренции выделяются средства в виде выдачи государственных социальных заказов. При этом:

(i) данные средства выделяются из Фонда за счет части средств, перечисляемых в республиканский бюджет Республики Узбекистан;

(ii) для рассмотрения обращения потребителей и проведения мероприятий «тайный покупатель» и контрольной покупки при предоставлении государственных социальных заказов определяются критерии оценки деятельности негосударственных некоммерческих организаций;

(iii) для организации эффективного использования средств, выделяемых негосударственным некоммерческим организациям в виде предоставления государственных социальных заказов, устанавливается казначейский надзор.

3. В целях повышения эффективности рассмотрения обращений потребителей с 1 декабря 2025 года внедряется система «потребитель — предприниматель — негосударственная некоммерческая организация — государственный орган». При этом:

(а) все обращения потребителей принимаются посредством информационной системы «Обращение потребителя», запускаемой в Комитете по конкуренции, и внедряется система ведения мониторинга на всех этапах;

(б) налаживается система направления всем субъектам предпринимательства уведомления о поступлении обращений от потребителей посредством интеграции информационной системы «Обращение потребителя» с единой информационной системой Налогового комитета;

(в) обращение потребителя, зарегистрированное посредством информационной системы «Обращение потребителя», в первую очередь рассматривается предпринимателем в течение 10 дней под контролем Комитета по конкуренции, в случае если обращение потребителя не решено положительно, оно по усмотрению заявителя направляется в Комитет или негосударственные некоммерческие организации для изучения. При этом:

(i) при наличии случаев нарушений прав потребителей негосударственные некоммерческие организации вносят предпринимателю предписание по устранению правонарушений в добровольном порядке;

(ii) если предприниматель в течение 10 дней не устранит правонарушение в добровольном порядке, то негосударственные некоммерческие организации по данному случаю обращаются посредством вышеуказанной системы к соответствующим уполномоченным государственным органам по защите прав потребителей или в суд;

(г) Комитет по конкуренции осуществляет работу по изучению и решению системных проблем потребителей, защите прав неопределенного круга потребителей.

4. Согласиться с предложением Комитета по конкуренции об увеличении до трехкратного размера штрафов по административным правонарушениям за реализацию и принятие к реализации продовольственных товаров с истекшим сроком годности, а также на которых не указаны, но должны быть обязательно указаны дата производства и срок годности.

Комитету по конкуренции в двухмесячный срок касательно указанного в настоящем пункте предложения представить в Кабинет Министров проект закона о внесении изменений и дополнений в Кодекс Республики Узбекистан об административной ответственности.

5. Рекомендовать Общественному фонду по поддержке негосударственных некоммерческих организаций и других институтов гражданского общества при Олий Мажлисе Республики Узбекистан выделение негосударственным некоммерческим организациям в направлении защиты прав потребителей государственных субсидий, грантов и финансирование ими социально значимых проектов.

II. Организация, обеспечение и контроль исполнения постановления.

6. Государственным органам и организациям, указанным в приложении № 1 * , в трехмесячный срок в целях своевременного принятия и рассмотрения обращений потребителей обеспечить интеграцию своих информационных систем с информационной системой «Обращение потребителя».

7. Утвердить Программу мер по организации эффективной защиты прав потребителей и выведению ее на новый уровень согласно приложению № 2 * .

8. Комитету по конкуренции совместно с заинтересованными министерствами и ведомствами в трехмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.

9. Внести изменения и дополнения в некоторые постановления Президента Республики Узбекистан согласно приложению № 3 .

10. Возложить на председателя Комитета по развитию конкуренции и защите прав потребителей Х.С. Турахужаева персональную ответственность за эффективную организацию исполнения настоящего постановления.

11. Обсуждение хода исполнения настоящего постановления, осуществление координации и контроля за деятельностью организаций, ответственных за его исполнение, возложить на Премьер-министра Республики Узбекистан А.Н. Арипова.

ПРИЛОЖЕНИЕ № 3 к постановлению Президента Республики Узбекистан от 6 октября 2025 года № ПП-296

Изменения и дополнения, вносимые в некоторые постановления Президента Республики Узбекистан

1. Первоначальные направления привлечения частного сектора в сферу государственного управления, утвержденные постановлением Президента Республики Узбекистан от 7 декабря 2020 года № ПП-4913, дополнить примечанием следующего содержания:

2. В графе «Ответственные исполнители» позиции 2 «Дорожной карты» по широкому внедрению передовых информационных технологий в деятельность товарно-сырьевых бирж и последовательному развитию их электронной коммерческой деятельности, утвержденной постановлением Президента Республики Узбекистан от 17 марта 2021 года № ПП-5031, слова «Комитет по развитию конкуренции и защите прав потребителей» заменить словами «Инспекция по регулированию алкогольного и табачного рынка при Департаменте по борьбе с экономическими преступлениями».

3. В постановлении Президента Республики Узбекистан от 4 апреля 2023 года № ПП-110 «О дополнительных мерах, направленных на обеспечение населения качественными потребительскими товарами»:

(а) в абзаце третьем пункта 4 слова «Комитет по развитию конкуренции и защите прав потребителей» заменить словами «Инспекция по регулированию алкогольного и табачного рынка при Департаменте по борьбе с экономическими преступлениями»;

(б) в пункте 5 слова «Комитету по развитию конкуренции и защите прав потребителей» заменить словами «Инспекции по регулированию алкогольного и табачного рынка при Департаменте по борьбе с экономическими преступлениями».

Президент Республики Узбекистан Ш. МИРЗИЁЕВ

г. Ташкент,

6 октября 2025 г.,

№ ПП-296

(Национальная база данных законодательства, 08.10.2025 г., № 07/25/296/0902)

lex.uz