UzbekAI

Ўзбекистон Республикаси Президентининг

Қарори

МАҚСАДЛИ КЎРСАТКИЧЛАРИ

ЙИҒМА КЎРСАТКИЧЛАРИ

МАНЗИЛЛИ РЎЙХАТИ

РЎЙХАТИ

Ҳудудларда саноатни жадал ривожлантириш ва саноат корхоналарини экспортга жалб қилишнинг қўшимча чора-тадбирлари тўғрисида

Ҳудудларда саноатни жадал ривожлантириш, хомашёни чуқур қайта ишлаш, рақобатбардош тайёр маҳсулотлар ишлаб чиқариш ва саноат корхоналарининг экспорт салоҳиятини янада ошириш, шунингдек, маҳаллий корхоналарни қўллаб-қувватлашга қаратилган саноат сиёсатини амалга ошириш мақсадида қарор қиламан:

I. Асосий мақсадлар

1. 2025-2026 йилларда ҳудудларда саноатни ривожлантиришнинг асосий мақсадли кўрсаткичлари этиб қуйидагилар белгилансин:

(а) республика саноатида ҳудудий саноатнинг улушини 45 фоизга етказиш;

(б) Саноатни жадал ривожлантириш бўйича лойиҳа офислари томонидан уларга бириктирилган туманларда илгари ўз маҳсулотини экспорт қилмаган жами 100 та корхонани экспорт фаолиятига жалб қилиш ва экспортчи корхонага айлантириш;

(в) ҳудудий саноат штаблари томонидан ҳар бир туман ва шаҳарда қўшимча захираларни аниқлаш ва йўналтириш орқали саноат маҳсулотлари ишлаб чиқаришни қўшимча 5 фоизга ошириш;

(г) ҳудудларда 34 та юқори технологияли саноат лойиҳаларини амалга ошириш орқали саноатда технологик маҳсулотлар улушини 25 фоизга етказиш ва 3,5 мингдан ортиқ янги иш ўринларини яратиш;

(д) ҳар бир туман ва шаҳарларда 5 тагача саноат «ўсиш нуқтаси»ни ривожлантириш;

(ж) «республика — вилоят — туман» тамойили асосида саноат корхоналарининг республика даражасидаги тизимли муаммоларини тезкорлик билан ҳал этиб бориш.

2. Иқтисодиёт ва молия вазирлиги томонидан ҳудудий саноат штаблари билан биргаликда ишлаб чиқилган:

(а) 2025-2026 йилларда саноат маҳсулотлари ишлаб чиқариш бўйича ҳудудлар кесимида эришиладиган ўсиш суръатларининг мақсадли кўрсаткичлари 1-иловага мувофиқ;

(б) 2025-2026 йилларда туман ва шаҳарларда саноат маҳсулотлари ишлаб чиқариш йўналишида амалга ошириладиган 316 та лойиҳа бўйича микродастур йиғма кўрсаткичлари 2-иловага мувофиқ;

(в) 2025-2026 йилларда амалга ошириладиган 34 та юқори технологияли янги саноат лойиҳаларнинг манзилли рўйхати 3-иловага мувофиқ тасдиқлансин.

3. Иқтисодиёт ва молия вазирлиги бир ой муддатда:

(а) мазкур қарорга 1-иловага мувофиқ 2026 йил учун мақсадли кўрсаткичларини шаҳар ва туманлар кесимида тасдиқласин ва унинг ижросини назорат қилсин;

(б) мазкур қарорга 2-иловага мувофиқ микродастур йиғма кўрсаткичлари асосида лойиҳаларнинг манзилли рўйхатини тасдиқласин ва унинг ижросини назорат қилсин.

II. Давлат томонидан саноат корхоналарини қўллаб-қувватлаш

4. Шундай тартиб ўрнатилсинки, унга мувофиқ 2026 йил 1 январдан бошлаб 2028 йил 1 январга қадар:

(а) ишчиларининг ўртача иш ҳақи миқдори ҳар ойда меҳнатга ҳақ тўлашнинг энг кам миқдорининг икки бараваридан кам бўлмаган мазкур қарорнинг 4-иловасига мувофиқ маҳаллий саноат корхоналарининг ишчиларни ташиш ва овқатлантириш билан боғлиқ харажатларидан ҳар бир ишчи ходим учун бир ойда бир базавий ҳисоблаш миқдоригача бўлган қисми ижтимоий солиқ базасидан чиқариб ташланади;

(б) ўз эҳтиёжи учун гипс хомашёсини қазиб чиқарувчи ва ундан тайёр қурилиш материаллари ишлаб чиқарувчи корхоналарга гипс олиш учун белгиланган ер қаъридан фойдаланганлик учун солиқ ставкаси 50 фоиз миқдорида қўлланади.

5. Иқтисодиёт ва молия вазирлиги, Рақобатни ривожлантириш ва истеъмолчилар ҳуқуқларини ҳимоя қилиш қўмитасининг цемент ишлаб чиқарувчи барча корхоналар томонидан ишлаб чиқарилган цементнинг камида 50 фоизини биржа савдолари орқали реализация қилиш талабини 25 фоизга пасайтириш бўйича таклифига розилик берилсин.

6. Тиббиёт амалиётида қўлланилишига рухсат этилган дори воситалари, тиббий буюмлар ва тиббий техника давлат реестрига киритилган маҳаллий ишлаб чиқарувчилар томонидан ишлаб чиқарилган дори воситалари, тиббий буюмлар ва тиббий техникалар тўғридан-тўғри Ўзбекистон Республикаси ҳудудида ишлаб чиқарилган маҳаллий товар деб эътироф этилсин.

7. 2025 йил 1 ноябрдан бошлаб шундай тартиб ўрнатилсинки, унга мувофиқ Савдога кўмаклашиш жамғармасидан белгиланган тартибда қоплаб бериладиган йўналишлардаги харажатларни Савдо-саноат палатасининг Тармоқларни қўллаб-қувватлаш жамғармаси маблағлари ҳисобидан молиялаштиришга йўл қўйилмайди. Бунда Тармоқларни қўллаб-қувватлаш жамғармасининг тежаб қолинадиган маблағлари қуйидаги харажатларни қоплаб беришга йўналтирилади:

(а) танлов асосида ҳар йили 4 та ҳудуднинг ихтисослашуви бўйича саноатни ривожлантириш стратегияларини ишлаб чиқишга хорижий консалтинг компанияларини жалб қилиш харажатларининг 50 фоизини, бироқ бир ҳудуд бўйича 250 минг АҚШ доллари эквивалентидан ошмаган миқдордаги қисмини;

(б) хусусий саноат корхоналарида энергия тежамкорлик бўйича ўтказилган энергия аудити харажатларининг 50 фоизини, бироқ бир корхона учун 100 млн сўмдан ошмаган миқдордаги қисмини;

(в) замонавий бошқарув механизмлари, жумладан, захираларни тўғри баҳолаш ва самарадорликни ошириш методологияларини жорий этиш бўйича ўқув-амалий курсларни ташкил этиш харажатларининг 100 фоизини, бироқ бир корхона учун 20 млн сўмдан ошмаган миқдордаги қисмини.

III. Қарор ижросини ташкил этиш, таъминлаш ва назорат

8. Қорақалпоғистон Республикаси Вазирлар Кенгаши Раисининг молия, иқтисодиёт ва камбағалликни қисқартириш масалалари бўйича биринчи ўринбосари — иқтисодиёт ва молия вазири, вилоятлар ва Тошкент шаҳар ҳокимларининг молия-иқтисодиёт ва камбағалликни қисқартириш масалалари бўйича биринчи ўринбосарлари ҳамда туман ва шаҳар ҳокимларига:

(а) мазкур қарорда белгиланган мақсадли кўрсаткичларга эришиш, микродастурга киритилган ҳамда юқори технологияли янги лойиҳаларни ўз вақтида амалга ошириш ва ишга тушириш;

(б) мазкур топшириқларнинг ҳудудий саноат штаблари томонидан сифатли ижро этилиши устидан тизимли назорат ўрнатиш, ҳар ойда Иқтисодиёт ва молия вазирлигига ахборот киритиб бориш бўйича шахсий жавобгарлик юклансин.

9. Иқтисодиёт ва молия вазирлиги (Х. Мустафоев) қарор ижроси белгиланган тартибда мониторинг қилиб борилишини таъминласин. Бунда:

(а) Иқтисодиёт ва молия вазирлиги қарор ижросини ҳар йили 15 февралга қадар мониторингдан ўтказсин ҳамда мониторинг натижаларини Ҳисоб палатаси ва Адлия вазирлигига киритиб борсин;

(б) Ҳисоб палатаси Адлия вазирлиги билан биргаликда ушбу қарорнинг 1-бандида келтирилган мақсадларга эришилганлигини назорат қилсин ҳамда ҳар йили 25 февралга қадар Президент Администрациясига ахборот киритиб борсин;

(в) «Ijro.gov.uz» тизимида қарор ижросини назоратдан ечишда мазкур қарорнинг 1-бандида кўрсатилган мақсадларга эришилганлиги инобатга олинсин.

10. Иқтисодиёт ва молия вазирлиги икки ой муддатда қуйидагиларни ишлаб чиқиб, белгиланган тартибда Вазирлар Маҳкамасига киритсин:

(а) мазкур қарорнинг 4-банди «а» кичик бандида назарда тутилган тартиб юзасидан Солиқ кодексига тегишли ўзгартириш ва қўшимчалар киритиш бўйича қонун лойиҳасини;

(б) Савдо-саноат палатаси билан биргаликда Тармоқларни қўллаб-қувватлаш жамғармаси даромадларини шакллантириш ва маблағларидан фойдаланиш тартибини такомиллаштириш юзасидан таклифларни;

(в) манфаатдор вазирлик ва идоралар билан биргаликда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисидаги таклифларни.

11. Мазкур қарорнинг ижросини самарали ташкил қилишга масъул ва шахсий жавобгар этиб Бош вазир ўринбосари Ж.А. Қўчқоров ҳамда Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари белгилансин.

Ўзбекистон Республикаси Президентининг 2025 йил 4 октябрдаги ПҚ-295-сон қарорига 1-ИЛОВА

2025-2026 йилларда саноат маҳсулотлари ишлаб чиқариш бўйича ҳудудлар кесимида эришиладиган ўсиш суръатларининг

фоизда Т/р Ҳудудлар номи 2025 йил 2026 йил 1. Қорақалпоғистон Республикаси 103,6 105,0 2. Андижон вилояти 107,2 106,0 3. Бухоро вилояти 107,5 106,5 4. Жиззах вилояти 110,5 107,5 5. Қашқадарё вилояти 107,0 106,2 6. Навоий вилояти 109,4 106,0 7. Наманган вилояти 109,1 107,5 8. Самарқанд вилояти 107,0 106,5 9. Сирдарё вилояти 106,0 106,2 10. Сурхондарё вилояти 107,0 107,5 11. Тошкент вилояти 106,5 107,2 12. Фарғона вилояти 106,2 106,5 13. Хоразм вилояти 107,5 106,7 14. Тошкент шаҳри 106,3 106,5

Ўзбекистон Республикаси Президентининг 2025 йил 4 октябрдаги ПҚ-295-сон қарорига 2-ИЛОВА

2025-2026 йилларда туман ва шаҳарларда саноат маҳсулотлари ишлаб чиқариш йўналишида амалга ошириладиган 316 та лойиҳа бўйича микродастур

Т/р Ҳудудлар номи Лойиҳалар сони Лойиҳа қиймати, млрд сўм Иш ўрни, бирликда Йиллик ишлаб чиқариш имконияти, млрд сўм ЖАМИ 316 6 801 13 837 3 321 1. Қорақалпоғистон Республикаси 19 480 701 240 2. Андижон вилояти 24 373 1 506 271 3. Бухоро вилояти 13 114 275 58 4. Жиззах вилояти 22 735 885 269 5. Қашқадарё вилояти 22 264 757 93 6. Навоий вилояти 14 158 345 39 7. Наманган вилояти 16 306 698 164 8. Самарқанд вилояти 25 705 935 385 9. Сурхондарё вилояти 23 146 500 47 10. Сирдарё вилояти 15 607 893 187 11. Тошкент вилояти 39 957 2 166 456 12. Фарғона вилояти 53 1 294 2 701 654 13. Хоразм вилояти 13 254 475 180 14. Тошкент шаҳри 18 408 1 000 279

Ўзбекистон Республикаси Президентининг 2025 йил 4 октябрдаги ПҚ-295-сон қарорига 3-ИЛОВА

2025-2026 йилларда амалга ошириладиган 34 та юқори технологияли саноат лойиҳаларининг

Т/р Лойиҳанинг номи Лойиҳа ташаббускори Лойиҳа қуввати Қиймати, минг доллар шу жумладан: Иш ўрни Ишга тушиш муддати ўз маблағи хорижий инвестиция Лойиҳалар бўйича — жами: 672 117 244 031 428 086 3 456 Қорақалпоғистон Республикаси 37 700 37 700 400 1. Электромотоцикл ишлаб чиқариш «ZK Zhougguo Trade» МЧЖ 20 мингта электромотоцикл 1 500 1 500 50 2026 йил декабрь 2. Шамол электр станциялари учун паррак, шамол генератори ва мачта ишлаб чиқариш «Sany Renewable Energy» XK 50 тўплам 15 000 15 000 50 2026 йил декабрь 3. Радиатор ишлаб чиқариш «Osten technologies» МЧЖ 850 тонна 21 200 21 200 300 2025 йил декабрь Андижон вилояти 22 250 8 250 14 000 240 4. Шиша толали ип ишлаб чиқариш «Kompozit Group» МЧЖ 1,1 минг тонна 5 000 1 000 4 000 40 2025 йил декабрь 5. Автомобиллар учун иситиш тизими ишлаб чиқариш «ADM Electrics» МЧЖ 120 минг тўплам 3 000 3 000 100 2025 йил декабрь 6. Инфузион эритма, ампула ва аэрозол шаклидаги дори воситалари ишлаб чиқариш «Makro Farm Andijon» МЧЖ 500 минг қадоқ 14 250 4 250 10 000 100 2026 йил март Бухоро вилояти 56 200 1 200 55 000 250 7. Тиббиёт буюмлари, оксигинатор ва ЭКМО аппарати учун тўпламлар ишлаб чиқариш (2-босқич) «Tibtexnika noanix» ҚK 120 дона 1 200 1 200 40 2026-2027 йй. 8. Электромобиллар учун қувватлаш қурилмаси, трансформаторлар ва эҳтиёт қисмлар ишлаб чиқариш «Arev-Gurlushik Elektro» XK 3 мингта қувватлаш қурилмаси, 7 мингта трансформатор 30 000 30 000 150 2026 йил декабрь 9. Энергия тежамкор иситиш қозонлари ишлаб чиқариш «China xiangyang» МЧЖ ҚK 1,1 мингта 25 000 25 000 60 2026 йил декабрь Жиззах вилояти 130 000 110 000 20 000 360 10. Энергия тежамкор совиткич ва электр газ плиталари ишлаб чиқариш «Climate ease» МЧЖ ХК 1,5 млн дона 50 000 50 000 210 2026 йил сентябрь 11. Электромобилларни қувватлаш ускуналари ишлаб чиқариш «Yongtaishuneng» XK 5 мингта 20 000 20 000 70 2026 йил декабрь 12. Шамол парраги ишлаб чиқариш «Sinoma technology wind power blades» МЧЖ 339 тўплам 60 000 60 000 80 2026 йил ноябрь Қашқадарё вилояти 34 200 6 600 27 600 135 13. Стеклокристаллит панеллар ишлаб чиқариш «Shah-Polan M» МЧЖ 700 минг метр квадрат 27 200 4 600 22 600 85 2026-2027 йй. 14. LED d55, d65, d75, d85, d100 телевизор ва кир ювиш машиналари ишлаб чиқариш (2-босқич) «ALP TEX N O SERVIS» хусусий корхонаси 390 минг дона 7 000 2 000 5 000 50 2026 йил декабрь Навоий вилояти 81 884 1 784 80 100 190 15. Олеум, антрахинон, водород кислотаси ва полиалюминий хлорид ишлаб чиқариш (2-босқич) «Zarafshon Industrial Technology» МЧЖ 40 минг тн олеум, 20 минг тн антрахинон, 20 минг тн водород кислотаси, 100 минг тн полиалюминий хлорид 79 000 79 000 160 2025 йил декабрь 16. «Дамас» автомобили учун редукторлар ишлаб чиқариш «Gidro-Stanko-Servis» МЧЖ 120 минг дона 2 884 1 784 1 100 30 2026 йил декабрь Наманган вилояти 3 000 3 000 38 17. Энергия тежамкор иситиш радиатор панеллари ишлаб чиқариш «Termo Time» МЧЖ 300 минг дона 3 000 3 000 38 2026 йил декабрь Самарқанд вилояти 10 000 10 000 100 18. Фрезер (музқаймоқ аппарати) ишлаб чиқариш «Firdavs Qandolat Invest» МЧЖ 1,0 минг дона 10 000 10 000 100 2026 йил сентябрь Сирдарё вилояти 78 78 4 19. Плазмали металл кесиш ускуналари ишлаб чиқаришни кенгайтириш « N X-C N C production» МЧЖ 200 дона 78 78 4 2026 йил сентябрь Сурхондарё вилояти 15 600 400 15 200 220 20. Пахта линтидан альфа целлюлоза ишлаб чиқариш «ASG ORGA N IC TEXTILE» МЧЖ 25 минг тонна 14 600 14 600 200 2026 йил декабрь 21. Электромотороллер ва скутерлар ишлаб чиқариш «Koʻhinur progress» МЧЖ 700 та электромотороллер, 1,5 минг дона скутер 1 000 400 600 20 2026 йил март Тошкент вилояти 110 486 110 486 219 22. Экструдирланган ХПС пенополистирол ишлаб чиқариш «Angren Polymeric Insulation» МЧЖ 280 минг метр куб 14 486 14 486 49 2025 йил декабрь 23. «Ақлли» сув ҳисоблагичлар ишлаб чиқариш «Smart solutions system» МЧЖ 200 минг дона 75 000 75 000 120 2026 йил декабрь 24. Электромобилларни қувватлаш ускуналари ишлаб чиқариш «Zhongzhi-ideal» МЧЖ 1,5 минг дона 21 000 21 000 50 2026 йил декабрь Фарғона вилояти 75 120 35 120 40 000 700 25. Металл панелли радиаторлар ишлаб чиқаришни ташкил этиш «Thermo Tech» МЧЖ 900 минг дона 30 000 30 000 300 2025 йил декабрь 26. Автомобиль ва электроскутерлар учун аккумулятор ишлаб чиқариш «Comfort Velo Parts» МЧЖ 3,0 минг дона 5 120 5 120 100 2025 йил декабрь 27. Литий аккумуляторлар ишлаб чиқариш «Hong gang international» МЧЖ XK 4,0 минг дона 10 000 10 000 50 2026 йил декабрь 28. Фармацевтик жиҳозлар ва турли хилдаги дори воситалари ишлаб чиқариш «Bailing» МЧЖ 4,0 минг дона 20 000 20 000 150 2026-2027 йй. 29. Скутерлар , трицикллар , скутерлар учун мотошина ва болалар учун ўйинчоқ машиналар ишлаб чиқариш «Luyon» МЧЖ ХК 52,1 минг дона 10 000 10 000 100 2026-2027 йй. Хоразм вилояти 3 099 3 099 55 30. Эскалатор ва лифт қурилмалари ишлаб чиқариш «SPACE-S» МЧЖ 200 та эскалатор, 1,0 мингта лифт 2 023 2 023 25 2025 йил ноябрь 31. Автомобиллар учун аудио тизимлар ишлаб чиқариш «W-I N DUSTRY» МЧЖ 150 мингта 1 076 1 076 30 2026-2027 йй. Тошкент шаҳри 92 500 74 500 18 000 545 32. Сатҳ ўлчаш асбоблари ишлаб чиқариш «Termopribor zavodi» МЧЖ 12 мингта 1 500 1 500 15 2026 йил март 33. Мини ГЭС қурилмалари ишлаб чиқариш (1-босқич) «Sof Techno» МЧЖ 80 дона 1 000 1 000 30 2025 йил декабрь 34. Алюмин банкалар ишлаб чиқариш «East Can Solution» МЧЖ 500 млн дона 90 000 72 000 18000 500 2025 йил декабрь

Ўзбекистон Республикаси Президентининг 2025 йил 4 октябрдаги ПҚ-295-сон қарорига 4-ИЛОВА

Ишчи ходимларини ташиш ва овқатлантириш билан боғлиқ харажатларига имтиёз қўлланиладиган маҳаллий саноат корхоналари

Т/р Саноат йўналишлари Саноат маҳсулотлари * 1. Ипакчилик саноати Ипакдан тайёр матолар, кийимлар, гиламлар ва бошқа буюмлар 2. Озиқ-овқат саноати Қуритилган, қадоқланган ва консерваланган озиқ-овқат маҳсулотлари, спиртсиз ичимликлар (энергетик ичимликлардан ташқари), қадоқланган гўшт ва колбаса маҳсулотлари, қандолат маҳсулотлари 3. Қурилиш материаллари саноати Бўёқлар, кафель, сантехника маҳсулотлари 4. Электротехника саноати Электротехника маҳсулотлари 5. Фармацевтика саноати Дори-дармонлар, тиббий буюмлар, тиббий техника, биологик фаол қўшимчалар 6. Мебелчилик саноати Тайёр мебеллар 7. Кимё, парфюмерия ва косметика саноати Кимё воситалари, шу жумладан, косметика, парфюмерия, шампунь, совун 8. Автомобиль саноати Автотранспорт воситалари ва бутловчи қисмлар 9. Металлургия саноати Металл маҳсулотлар ва буюмлар

Ўзбекистон Республикаси Президенти Ш. МИРЗИЁЕВ

Тошкент ш.,

2025 йил 4 октябрь,

ПҚ-295-сон

(Қонунчилик маълумотлари миллий базаси, 09.10.2025 й., 07/25/295/0911-сон)

lex.uz

Oʻzbekiston Respublikasi Prezidentining

Qarori

MAQSADLI KOʻRSATKICHLARI

YIGʻMA KOʻRSATKICHLARI

MANZILLI ROʻYXATI

ROʻYXATI

Hududlarda sanoatni jadal rivojlantirish va sanoat korxonalarini eksportga jalb qilishning qoʻshimcha chora-tadbirlari toʻgʻrisida

Hududlarda sanoatni jadal rivojlantirish, xomashyoni chuqur qayta ishlash, raqobatbardosh tayyor mahsulotlar ishlab chiqarish va sanoat korxonalarining eksport salohiyatini yanada oshirish, shuningdek, mahalliy korxonalarni qoʻllab-quvvatlashga qaratilgan sanoat siyosatini amalga oshirish maqsadida qaror qilaman:

I. Asosiy maqsadlar

1. 2025-2026-yillarda hududlarda sanoatni rivojlantirishning asosiy maqsadli koʻrsatkichlari etib quyidagilar belgilansin:

(a) respublika sanoatida hududiy sanoatning ulushini 45 foizga yetkazish;

(b) Sanoatni jadal rivojlantirish boʻyicha loyiha ofislari tomonidan ularga biriktirilgan tumanlarda ilgari oʻz mahsulotini eksport qilmagan jami 100 ta korxonani eksport faoliyatiga jalb qilish va eksportchi korxonaga aylantirish;

(v) hududiy sanoat shtablari tomonidan har bir tuman va shaharda qoʻshimcha zaxiralarni aniqlash va yoʻnaltirish orqali sanoat mahsulotlari ishlab chiqarishni qoʻshimcha 5 foizga oshirish;

(g) hududlarda 34 ta yuqori texnologiyali sanoat loyihalarini amalga oshirish orqali sanoatda texnologik mahsulotlar ulushini 25 foizga yetkazish va 3,5 mingdan ortiq yangi ish oʻrinlarini yaratish;

(d) har bir tuman va shaharlarda 5 tagacha sanoat “oʻsish nuqtasi”ni rivojlantirish;

(j) “respublika — viloyat — tuman” tamoyili asosida sanoat korxonalarining respublika darajasidagi tizimli muammolarini tezkorlik bilan hal etib borish.

2. Iqtisodiyot va moliya vazirligi tomonidan hududiy sanoat shtablari bilan birgalikda ishlab chiqilgan:

(a) 2025-2026-yillarda sanoat mahsulotlari ishlab chiqarish boʻyicha hududlar kesimida erishiladigan oʻsish surʼatlarining maqsadli koʻrsatkichlari 1-ilovaga muvofiq;

(b) 2025-2026-yillarda tuman va shaharlarda sanoat mahsulotlari ishlab chiqarish yoʻnalishida amalga oshiriladigan 316 ta loyiha boʻyicha mikrodastur yigʻma koʻrsatkichlari 2-ilovaga muvofiq;

(v) 2025-2026-yillarda amalga oshiriladigan 34 ta yuqori texnologiyali yangi sanoat loyihalarning manzilli roʻyxati 3-ilovaga muvofiq tasdiqlansin.

3. Iqtisodiyot va moliya vazirligi bir oy muddatda:

(a) mazkur qarorga 1-ilovaga muvofiq 2026-yil uchun maqsadli koʻrsatkichlarini shahar va tumanlar kesimida tasdiqlasin va uning ijrosini nazorat qilsin;

(b) mazkur qarorga 2-ilovaga muvofiq mikrodastur yigʻma koʻrsatkichlari asosida loyihalarning manzilli roʻyxatini tasdiqlasin va uning ijrosini nazorat qilsin.

II. Davlat tomonidan sanoat korxonalarini qoʻllab-quvvatlash

4. Shunday tartib oʻrnatilsinki, unga muvofiq 2026-yil 1-yanvardan boshlab 2028-yil 1-yanvarga qadar:

(a) ishchilarining oʻrtacha ish haqi miqdori har oyda mehnatga haq toʻlashning eng kam miqdorining ikki baravaridan kam boʻlmagan mazkur qarorning 4-ilovasiga muvofiq mahalliy sanoat korxonalarining ishchilarni tashish va ovqatlantirish bilan bogʻliq xarajatlaridan har bir ishchi xodim uchun bir oyda bir bazaviy hisoblash miqdorigacha boʻlgan qismi ijtimoiy soliq bazasidan chiqarib tashlanadi;

(b) oʻz ehtiyoji uchun gips xomashyosini qazib chiqaruvchi va undan tayyor qurilish materiallari ishlab chiqaruvchi korxonalarga gips olish uchun belgilangan yer qaʼridan foydalanganlik uchun soliq stavkasi 50 foiz miqdorida qoʻllanadi.

5. Iqtisodiyot va moliya vazirligi, Raqobatni rivojlantirish va isteʼmolchilar huquqlarini himoya qilish qoʻmitasining sement ishlab chiqaruvchi barcha korxonalar tomonidan ishlab chiqarilgan sementning kamida 50 foizini birja savdolari orqali realizatsiya qilish talabini 25 foizga pasaytirish boʻyicha taklifiga rozilik berilsin.

6. Tibbiyot amaliyotida qoʻllanilishiga ruxsat etilgan dori vositalari, tibbiy buyumlar va tibbiy texnika davlat reyestriga kiritilgan mahalliy ishlab chiqaruvchilar tomonidan ishlab chiqarilgan dori vositalari, tibbiy buyumlar va tibbiy texnikalar toʻgʻridan-toʻgʻri Oʻzbekiston Respublikasi hududida ishlab chiqarilgan mahalliy tovar deb eʼtirof etilsin.

7. 2025-yil 1-noyabrdan boshlab shunday tartib oʻrnatilsinki, unga muvofiq Savdoga koʻmaklashish jamgʻarmasidan belgilangan tartibda qoplab beriladigan yoʻnalishlardagi xarajatlarni Savdo-sanoat palatasining Tarmoqlarni qoʻllab-quvvatlash jamgʻarmasi mablagʻlari hisobidan moliyalashtirishga yoʻl qoʻyilmaydi. Bunda Tarmoqlarni qoʻllab-quvvatlash jamgʻarmasining tejab qolinadigan mablagʻlari quyidagi xarajatlarni qoplab berishga yoʻnaltiriladi:

(a) tanlov asosida har yili 4 ta hududning ixtisoslashuvi boʻyicha sanoatni rivojlantirish strategiyalarini ishlab chiqishga xorijiy konsalting kompaniyalarini jalb qilish xarajatlarining 50 foizini, biroq bir hudud boʻyicha 250 ming AQSH dollari ekvivalentidan oshmagan miqdordagi qismini;

(b) xususiy sanoat korxonalarida energiya tejamkorlik boʻyicha oʻtkazilgan energiya auditi xarajatlarining 50 foizini, biroq bir korxona uchun 100 mln soʻmdan oshmagan miqdordagi qismini;

(v) zamonaviy boshqaruv mexanizmlari, jumladan, zaxiralarni toʻgʻri baholash va samaradorlikni oshirish metodologiyalarini joriy etish boʻyicha oʻquv-amaliy kurslarni tashkil etish xarajatlarining 100 foizini, biroq bir korxona uchun 20 mln soʻmdan oshmagan miqdordagi qismini.

III. Qaror ijrosini tashkil etish, taʼminlash va nazorat

8. Qoraqalpogʻiston Respublikasi Vazirlar Kengashi Raisining moliya, iqtisodiyot va kambagʻallikni qisqartirish masalalari boʻyicha birinchi oʻrinbosari — iqtisodiyot va moliya vaziri, viloyatlar va Toshkent shahar hokimlarining moliya-iqtisodiyot va kambagʻallikni qisqartirish masalalari boʻyicha birinchi oʻrinbosarlari hamda tuman va shahar hokimlariga:

(a) mazkur qarorda belgilangan maqsadli koʻrsatkichlarga erishish, mikrodasturga kiritilgan hamda yuqori texnologiyali yangi loyihalarni oʻz vaqtida amalga oshirish va ishga tushirish;

(b) mazkur topshiriqlarning hududiy sanoat shtablari tomonidan sifatli ijro etilishi ustidan tizimli nazorat oʻrnatish, har oyda Iqtisodiyot va moliya vazirligiga axborot kiritib borish boʻyicha shaxsiy javobgarlik yuklansin.

9. Iqtisodiyot va moliya vazirligi (X. Mustafoyev) qaror ijrosi belgilangan tartibda monitoring qilib borilishini taʼminlasin. Bunda:

(a) Iqtisodiyot va moliya vazirligi qaror ijrosini har yili 15-fevralga qadar monitoringdan oʻtkazsin hamda monitoring natijalarini Hisob palatasi va Adliya vazirligiga kiritib borsin;

(b) Hisob palatasi Adliya vazirligi bilan birgalikda ushbu qarorning 1-bandida keltirilgan maqsadlarga erishilganligini nazorat qilsin hamda har yili 25-fevralga qadar Prezident Administratsiyasiga axborot kiritib borsin;

(v) “Ijro.gov.uz” tizimida qaror ijrosini nazoratdan yechishda mazkur qarorning 1-bandida koʻrsatilgan maqsadlarga erishilganligi inobatga olinsin.

10. Iqtisodiyot va moliya vazirligi ikki oy muddatda quyidagilarni ishlab chiqib, belgilangan tartibda Vazirlar Mahkamasiga kiritsin:

(a) mazkur qarorning 4-bandi “a” kichik bandida nazarda tutilgan tartib yuzasidan Soliq kodeksiga tegishli oʻzgartirish va qoʻshimchalar kiritish boʻyicha qonun loyihasini;

(b) Savdo-sanoat palatasi bilan birgalikda Tarmoqlarni qoʻllab-quvvatlash jamgʻarmasi daromadlarini shakllantirish va mablagʻlaridan foydalanish tartibini takomillashtirish yuzasidan takliflarni;

(v) manfaatdor vazirlik va idoralar bilan birgalikda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisidagi takliflarni.

11. Mazkur qarorning ijrosini samarali tashkil qilishga masʼul va shaxsiy javobgar etib Bosh vazir oʻrinbosari J.A. Qoʻchqorov hamda Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari belgilansin.

Oʻzbekiston Respublikasi Prezidentining 2025-yil 4-oktabrdagi PQ-295-son qaroriga 1-ILOVA

2025-2026-yillarda sanoat mahsulotlari ishlab chiqarish boʻyicha hududlar kesimida erishiladigan oʻsish surʼatlarining

foizda T/r Hududlar nomi 2025-yil 2026-yil 1. Qoraqalpogʻiston Respublikasi 103,6 105,0 2. Andijon viloyati 107,2 106,0 3. Buxoro viloyati 107,5 106,5 4. Jizzax viloyati 110,5 107,5 5. Qashqadaryo viloyati 107,0 106,2 6. Navoiy viloyati 109,4 106,0 7. Namangan viloyati 109,1 107,5 8. Samarqand viloyati 107,0 106,5 9. Sirdaryo viloyati 106,0 106,2 10. Surxondaryo viloyati 107,0 107,5 11. Toshkent viloyati 106,5 107,2 12. Fargʻona viloyati 106,2 106,5 13. Xorazm viloyati 107,5 106,7 14. Toshkent shahri 106,3 106,5

Oʻzbekiston Respublikasi Prezidentining 2025-yil 4-oktabrdagi PQ-295-son qaroriga 2-ILOVA

2025-2026-yillarda tuman va shaharlarda sanoat mahsulotlari ishlab chiqarish yoʻnalishida amalga oshiriladigan 316 ta loyiha boʻyicha mikrodastur

T/r Hududlar nomi Loyihalar soni Loyiha qiymati, mlrd soʻm Ish oʻrni, birlikda Yillik ishlab chiqarish imkoniyati, mlrd soʻm JAMI 316 6 801 13 837 3 321 1. Qoraqalpogʻiston Respublikasi 19 480 701 240 2. Andijon viloyati 24 373 1 506 271 3. Buxoro viloyati 13 114 275 58 4. Jizzax viloyati 22 735 885 269 5. Qashqadaryo viloyati 22 264 757 93 6. Navoiy viloyati 14 158 345 39 7. Namangan viloyati 16 306 698 164 8. Samarqand viloyati 25 705 935 385 9. Surxondaryo viloyati 23 146 500 47 10. Sirdaryo viloyati 15 607 893 187 11. Toshkent viloyati 39 957 2 166 456 12. Fargʻona viloyati 53 1 294 2 701 654 13. Xorazm viloyati 13 254 475 180 14. Toshkent shahri 18 408 1 000 279

Oʻzbekiston Respublikasi Prezidentining 2025-yil 4-oktabrdagi PQ-295-son qaroriga 3-ILOVA

2025-2026-yillarda amalga oshiriladigan 34 ta yuqori texnologiyali sanoat loyihalarining

T/r Loyihaning nomi Loyiha tashabbuskori Loyiha quvvati Qiymati, ming dollar shu jumladan: Ish oʻrni Ishga tushish muddati oʻz mablagʻi xorijiy investitsiya Loyihalar boʻyicha — jami: 672 117 244 031 428 086 3 456 Qoraqalpogʻiston Respublikasi 37 700 37 700 400 1. Elektromototsikl ishlab chiqarish “ZK Zhougguo Trade” MCHJ 20 mingta elektromototsikl 1 500 1 500 50 2026-yil dekabr 2. Shamol elektr stansiyalari uchun parrak, shamol generatori va machta ishlab chiqarish “Sany Renewable Energy” XK 50 toʻplam 15 000 15 000 50 2026-yil dekabr 3. Radiator ishlab chiqarish “Osten technologies” MCHJ 850 tonna 21 200 21 200 300 2025-yil dekabr Andijon viloyati 22 250 8 250 14 000 240 4. Shisha tolali ip ishlab chiqarish “Kompozit Group” MCHJ 1,1 ming tonna 5 000 1 000 4 000 40 2025-yil dekabr 5. Avtomobillar uchun isitish tizimi ishlab chiqarish “ADM Electrics” MCHJ 120 ming toʻplam 3 000 3 000 100 2025-yil dekabr 6. Infuzion eritma, ampula va aerozol shaklidagi dori vositalari ishlab chiqarish “Makro Farm Andijon” MCHJ 500 ming qadoq 14 250 4 250 10 000 100 2026-yil mart Buxoro viloyati 56 200 1 200 55 000 250 7. Tibbiyot buyumlari, oksiginator va EKMO apparati uchun toʻplamlar ishlab chiqarish (2-bosqich) “Tibtexnika noanix” QK 120 dona 1 200 1 200 40 2026-2027 yy. 8. Elektromobillar uchun quvvatlash qurilmasi, transformatorlar va ehtiyot qismlar ishlab chiqarish “Arev-Gurlushik Elektro” XK 3 mingta quvvatlash qurilmasi, 7 mingta transformator 30 000 30 000 150 2026-yil dekabr 9. Energiya tejamkor isitish qozonlari ishlab chiqarish “China xiangyang” MCHJ QK 1,1 mingta 25 000 25 000 60 2026-yil dekabr Jizzax viloyati 130 000 110 000 20 000 360 10. Energiya tejamkor sovitkich va elektr gaz plitalari ishlab chiqarish “Climate ease” MCHJ XK 1,5 mln dona 50 000 50 000 210 2026-yil sentabr 11. Elektromobillarni quvvatlash uskunalari ishlab chiqarish “Yongtaishuneng” XK 5 mingta 20 000 20 000 70 2026-yil dekabr 12. Shamol parragi ishlab chiqarish “Sinoma technology wind power blades” MCHJ 339 toʻplam 60 000 60 000 80 2026-yil noyabr Qashqadaryo viloyati 34 200 6 600 27 600 135 13. Steklokristallit panellar ishlab chiqarish “Shah-Polan M” MCHJ 700 ming metr kvadrat 27 200 4 600 22 600 85 2026-2027 yy. 14. LED d55, d65, d75, d85, d100 televizor va kir yuvish mashinalari ishlab chiqarish (2-bosqich) “ALP TEX N O SERVIS” xususiy korxonasi 390 ming dona 7 000 2 000 5 000 50 2026-yil dekabr Navoiy viloyati 81 884 1 784 80 100 190 15. Oleum, antraxinon, vodorod kislotasi va polialuminiy xlorid ishlab chiqarish (2-bosqich) “Zarafshon Industrial Technology” MCHJ 40 ming tn oleum, 20 ming tn antraxinon, 20 ming tn vodorod kislotasi, 100 ming tn polialuminiy xlorid 79 000 79 000 160 2025-yil dekabr 16. “Damas” avtomobili uchun reduktorlar ishlab chiqarish “Gidro-Stanko-Servis” MCHJ 120 ming dona 2 884 1 784 1 100 30 2026-yil dekabr Namangan viloyati 3 000 3 000 38 17. Energiya tejamkor isitish radiator panellari ishlab chiqarish “Termo Time” MCHJ 300 ming dona 3 000 3 000 38 2026-yil dekabr Samarqand viloyati 10 000 10 000 100 18. Frezer (muzqaymoq apparati) ishlab chiqarish “Firdavs Qandolat Invest” MCHJ 1,0 ming dona 10 000 10 000 100 2026-yil sentabr Sirdaryo viloyati 78 78 4 19. Plazmali metall kesish uskunalari ishlab chiqarishni kengaytirish “ N X-C N C production” MCHJ 200 dona 78 78 4 2026-yil sentabr Surxondaryo viloyati 15 600 400 15 200 220 20. Paxta lintidan alfa sellyuloza ishlab chiqarish “ASG ORGA N IC TEXTILE” MCHJ 25 ming tonna 14 600 14 600 200 2026-yil dekabr 21. Elektromotoroller va skuterlar ishlab chiqarish “Koʻhinur progress” MCHJ 700 ta elektromotoroller, 1,5 ming dona skuter 1 000 400 600 20 2026-yil mart Toshkent viloyati 110 486 110 486 219 22. Ekstrudirlangan XPS penopolistirol ishlab chiqarish “Angren Polymeric Insulation” MCHJ 280 ming metr kub 14 486 14 486 49 2025-yil dekabr 23. “Aqlli” suv hisoblagichlar ishlab chiqarish “Smart solutions system” MCHJ 200 ming dona 75 000 75 000 120 2026-yil dekabr 24. Elektromobillarni quvvatlash uskunalari ishlab chiqarish “Zhongzhi-ideal” MCHJ 1,5 ming dona 21 000 21 000 50 2026-yil dekabr Fargʻona viloyati 75 120 35 120 40 000 700 25. Metall panelli radiatorlar ishlab chiqarishni tashkil etish “Thermo Tech” MCHJ 900 ming dona 30 000 30 000 300 2025-yil dekabr 26. Avtomobil va elektroskuterlar uchun akkumulyator ishlab chiqarish “Comfort Velo Parts” MCHJ 3,0 ming dona 5 120 5 120 100 2025-yil dekabr 27. Litiy akkumulyatorlar ishlab chiqarish “Hong gang international” MCHJ XK 4,0 ming dona 10 000 10 000 50 2026-yil dekabr 28. Farmatsevtik jihozlar va turli xildagi dori vositalari ishlab chiqarish “Bailing” MCHJ 4,0 ming dona 20 000 20 000 150 2026-2027 yy. 29. Skuterlar , tritsikllar , skuterlar uchun motoshina va bolalar uchun oʻyinchoq mashinalar ishlab chiqarish “Luyon” MCHJ XK 52,1 ming dona 10 000 10 000 100 2026-2027 yy. Xorazm viloyati 3 099 3 099 55 30. Eskalator va lift qurilmalari ishlab chiqarish “SPACE-S” MCHJ 200 ta eskalator, 1,0 mingta lift 2 023 2 023 25 2025-yil noyabr 31. Avtomobillar uchun audio tizimlar ishlab chiqarish “W-I N DUSTRY” MCHJ 150 mingta 1 076 1 076 30 2026-2027 yy. Toshkent shahri 92 500 74 500 18 000 545 32. Sath oʻlchash asboblari ishlab chiqarish “Termopribor zavodi” MCHJ 12 mingta 1 500 1 500 15 2026-yil mart 33. Mini GES qurilmalari ishlab chiqarish (1-bosqich) “Sof Techno” MCHJ 80 dona 1 000 1 000 30 2025-yil dekabr 34. Alyumin bankalar ishlab chiqarish “East Can Solution” MCHJ 500 mln dona 90 000 72 000 18000 500 2025-yil dekabr

Oʻzbekiston Respublikasi Prezidentining 2025-yil 4-oktabrdagi PQ-295-son qaroriga 4-ILOVA

Ishchi xodimlarini tashish va ovqatlantirish bilan bogʻliq xarajatlariga imtiyoz qoʻllaniladigan mahalliy sanoat korxonalari

T/r Sanoat yoʻnalishlari Sanoat mahsulotlari * 1. Ipakchilik sanoati Ipakdan tayyor matolar, kiyimlar, gilamlar va boshqa buyumlar 2. Oziq-ovqat sanoati Quritilgan, qadoqlangan va konservalangan oziq-ovqat mahsulotlari, spirtsiz ichimliklar (energetik ichimliklardan tashqari), qadoqlangan goʻsht va kolbasa mahsulotlari, qandolat mahsulotlari 3. Qurilish materiallari sanoati Boʻyoqlar, kafel, santexnika mahsulotlari 4. Elektrotexnika sanoati Elektrotexnika mahsulotlari 5. Farmatsevtika sanoati Dori-darmonlar, tibbiy buyumlar, tibbiy texnika, biologik faol qoʻshimchalar 6. Mebelchilik sanoati Tayyor mebellar 7. Kimyo, parfyumeriya va kosmetika sanoati Kimyo vositalari, shu jumladan, kosmetika, parfyumeriya, shampun, sovun 8. Avtomobil sanoati Avtotransport vositalari va butlovchi qismlar 9. Metallurgiya sanoati Metall mahsulotlar va buyumlar

Oʻzbekiston Respublikasi Prezidenti Sh. MIRZIYOYEV

Toshkent sh.,

2025-yil 4-oktabr,

PQ-295-son

(Qonunchilik maʼlumotlari milliy bazasi, 09.10.2025-y., 07/25/295/0911-son)

lex.uz

Президента республики узбекистан

Постановление

О дополнительных мерах по ускоренному развитию промышленности в регионах и привлечению промышленных предприятий к экспорту

В целях ускоренного развития промышленности в регионах, глубокой переработки сырья, производства конкурентоспособной готовой продукции и дальнейшего повышения экспортного потенциала промышленных предприятий, а также реализации промышленной политики, направленной на поддержку отечественных предприятий, постановляю:

I. Основные цели

1. Определить основными целевыми показателями развития промышленности в регионах в 2025-2026 годах:

(а) доведение доли региональной промышленности в промышленности республики до 45 процентов;

(б) привлечение проектными офисами по ускоренному развитию промышленности к экспортной деятельности в общей сложности 100 предприятий в районах, прикрепленных к ним, которые ранее не экспортировали свою продукцию, а также преобразование данных предприятий в предприятия-экспортеры;

(в) увеличение производства промышленной продукции дополнительно на 5 процентов путем определения и направления региональными промышленными штабами дополнительных резервов в каждом районе и городе;

(г) доведение доли технологической продукции в промышленности до 25 процентов и создание более 3,5 тысячи новых рабочих мест путем реализации 34 высокотехнологичных промышленных проектов в регионах;

(д) развитие в каждом районе и городе до 5 «точек роста» промышленности;

(ж) оперативное решение системных проблем республиканского уровня промышленных предприятий на основе принципа «республика — область — район».

2. Утвердить разработанные Министерством экономики и финансов совместно с региональными промышленными штабами:

(а) Целевые показатели темпов роста производства промышленной продукции, достигаемые в разрезе регионов в 2025-2026 годах, согласно приложению № 1 * ;

(б) Сводные показатели микропрограмм по 316 проектам, реализуемым в районах и городах в 2025-2026 годах в направлении производства промышленной продукции, согласно приложению № 2 * ;

(в) Адресный перечень 34 новых высокотехнологичных промышленных проектов, реализуемых в 2025-2026 годах, согласно приложению № 3 * .

3. Министерству экономики и финансов в месячный срок:

(а) утвердить целевые показатели на 2026 год в разрезе городов и районов согласно приложению № 1 * к настоящему постановлению и осуществлять контроль их исполнения;

(б) утвердить адресный перечень проектов на основе сводных показателей микропрограмм согласно приложению № 2 * к настоящему постановлению и осуществлять контроль их исполнения.

II. Государственная поддержка промышленных предприятий

4. Установить порядок, в соответствии с которым начиная с 1 января 2026 года до 1 января 2028 года:

(а) часть расходов отечественных промышленных предприятий, согласно приложению № 4 * к настоящему постановлению, связанных с транспортировкой и питанием работников, в размере до одной базовой расчетной величины в месяц на каждого работника, при условии, что средняя заработная плата работников этих предприятий составляет не менее двух минимальных размеров оплаты труда ежемесячно, исключается из базы социального налога;

(б) к предприятиям, добывающим гипсовое сырье для собственных нужд и производящим из него готовые строительные материалы, налоговая ставка, установленная за пользование недрами для добычи гипса, применяется в размере 50 процентов.

5. Согласиться с предложением Министерства экономики и финансов, Комитета по развитию конкуренции и защите прав потребителей по снижению на 25 процентов требования реализации через биржевые торги не менее 50 процентов цемента, произведенного всеми предприятиями-производителями цемента.

6. Произведенные отечественными производителями лекарственные средства, изделия медицинского назначения и медицинскую технику, включенные в Государственный реестр лекарственных средств, изделий медицинского назначения и медицинской техники, разрешенных к применению в медицинской практике, признать отечественным товаром, непосредственно произведенным на территории Республики Узбекистан.

7. Установить с 1 ноября 2025 года порядок, в соответствии с которым расходы в направлениях, возмещаемых в установленном порядке из Фонда содействия торговле, не допускается финансировать за счет средств Фонда поддержки отраслей Торгово-промышленной палаты. При этом сэкономленные средства Фонда поддержки отраслей направляются на покрытие следующих расходов:

(а) 50 процентов расходов на привлечение зарубежных консалтинговых компаний к разработке стратегий развития промышленности по специализации 4 регионов ежегодно на конкурсной основе, но в части, не превышающей размера в эквиваленте 250 тысяч долларов США по одному региону;

(б) 50 процентов расходов энергетического аудита, проведенного по энергосбережению на частных промышленных предприятиях, но в части, не превышающей 100 млн сумов для одного предприятия;

(в) 100 процентов расходов по организации учебно-практических курсов по внедрению современных механизмов управления, в том числе методологий надлежащей оценки резервов и повышения эффективности, но в части, не превышающей 20 млн сумов для одного предприятия.

III. Организация, обеспечение и контроль исполнения постановления

8. Возложить на первого заместителя Председателя Совета Министров Республики Каракалпакстан по финансово-экономическим вопросам и сокращению бедности — министра экономики и финансов, первых заместителей хокимов областей и города Ташкента по финансово-экономическим вопросам и сокращению бедности, а также на хокимов районов и городов персональную ответственность за:

(а) достижение целевых показателей, определенных настоящим постановлением, своевременную реализацию и запуск новых высокотехнологичных проектов, внесенных в микропрограмму;

(б) установку системного контроля за качественным исполнением данных поручений региональными промышленными штабами, ежемесячное внесение информации в Министерство экономики и финансов.

9. Министерству экономики и финансов (Х. Мустафоев) обеспечить проведение в установленном порядке мониторинга исполнения постановления. При этом:

(а) Министерству экономики и финансов проводить мониторинг исполнения постановления ежегодно до 15 февраля, а также вносить результаты мониторинга в Счетную палату и Министерство юстиции;

(б) Счетной палате совместно с Министерством юстиции установить контроль за достижением целей, приведенных в пункте 1 настоящего постановления, а также вносить информацию в Администрацию Президента ежегодно до 25 февраля;

(в) при снятии с контроля в системе «Ijro.gov.uz» исполнения постановления принять во внимание достижение целей, указанных в пункте 1 настоящего постановления.

10. Министерству экономики и финансов в двухмесячный срок разработать и внести в установленном порядке в Кабинет Министров:

(а) проект закона по внесению соответствующих изменений и дополнений в Налоговый кодекс касательно порядка, предусмотренного в подпункте «а» пункта 4 настоящего постановления;

(б) совместно с Торгово-промышленной палатой — предложения по совершенствованию порядка формирования доходов и пользования средствами Фонда поддержки отраслей;

(в) совместно с заинтересованными министерствами и ведомствами — предложения об изменениях и дополнениях в акты законодательства, вытекающих из настоящего постановления.

11. Возложить на заместителя Премьер-министра Д.А. Кучкарова, Председателя Совета Министров Республики Каракалпакстан, хокимов областей и города Ташкента персональную ответственность за эффективную организацию исполнения настоящего постановления.

Президент Республики Узбекистан Ш. МИРЗИЁЕВ

г. Ташкент,

4 октября 2025 г.,

№ ПП-295

(Национальная база данных законодательства, 09.10.2025 г., № 07/25/295/0911)

lex.uz