UzbekAI

ЎЗБЕКИСТОН РЕСПУБЛИКАСИ ВАЗИРЛАР МАҲКАМАСИНИНГ

ҚАРОРИ

ТАВСИФИ

«Андижон технопарки» махсус саноат зонасини ташкил этиш тўғрисида

Андижон вилоятида инвестиция муҳитини янада яхшилаш, қурилиш материалларини ва бошқа соҳаларда рақобатбардош тайёр маҳсулотларни ишлаб чиқариш учун қулай шарт-шароитлар яратиш мақсадида Вазирлар Маҳкамаси қарор қилади:

1. Андижон вилояти ҳокимлиги ҳамда Инвестициялар, саноат ва савдо вазирлигининг қуйидаги таклифларига розилик берилсин:

Хўжаобод туманида «Хўжаобод» массивининг 626, 627, 628, 599, 619, 620-контурларидаги 37,8 гектар ва «Иттифоқ» массивининг 743к, 851к, 854, 855к, 847-контурларидаги 60,42 гектар Хўжаобод тумани ҳокимлиги захирасидаги жами 98,22 гектар саноат, транспорт, алоқа, мудофаа ва бошқа мақсадларга мўлжалланган ерларда «Андижон технопарки» махсус саноат зонасини (кейинги ўринларда — Махсус саноат зонаси) ташкил этиш;

Махсус саноат зонаси ҳудудида 2025-2026 йилларда камида 300 миллион АҚШ доллари миқдорида инвестицияларни ўзлаштириш, 3 мингта янги иш ўринларини яратиш, саноат маҳсулотлари ишлаб чиқарилишини йиллик 1,5 триллион сўмга ва экспорти ҳажмини 10 миллион АҚШ долларига етказиш ҳамда йилига 100 миллиард сўм қўшимча солиқ тушумларини таъминлаш.

2. «Андижон технопарки» махсус саноат зонаси чегараларининг тавсифи иловага мувофиқ тасдиқлансин.

3. Белгилансинки:

Махсус саноат зонаси кейинчалик узайтириш имконияти билан 25 йил муддатга ташкил этилади;

Махсус саноат зонаси ҳудудидаги ерлар Ўзбекистон Республикаси Президентининг «Махсус иқтисодий ва саноат зоналари фаолиятининг самарадорлигини ошириш бўйича қўшимча чора-тадбирлар тўғрисида» 2025 йил 4 мартдаги ПФ-41-сон Фармонида белгиланган тартибга асосан ажратилади;

Махсус саноат зонаси иштирокчиларига «Махсус иқтисодий зоналар тўғрисида»ги Қонун , Солиқ кодекси ва Вазирлар Маҳкамасининг 2021 йил 4 июндаги 352-сон қарори билан тасдиқланган Ўзбекистон Республикаси ҳудудига импорт қилишда божхона божи ва қўшилган қиймат солиғидан озод этиладиган ўхшаши республикада ишлаб чиқарилмайдиган технологик асбоб-ускуналар рўйхатида махсус иқтисодий зоналар иштирокчилари учун белгиланган солиқ ва божхона имтиёзлари татбиқ этилади;

Махсус саноат зонасини бошқариш учун «Андижон технопарки» махсус саноат зонасининг бошқарув компанияси» масъулияти чекланган жамияти (кейинги ўринларда — Бошқарув компанияси) ташкил этилади;

Бошқарув компаниясининг муассислари Инвестицияларни жалб қилиш, саноатни ривожлантириш ва савдони тартибга солиш масалалари бўйича Ҳукумат комиссияси (кейинги ўринларда — Ҳукумат комиссияси) томонидан танлаб олинади.

4. Ҳукумат комиссияси (Ж. Ходжаев) қисқа муддатларда Махсус саноат зонасини илғор тажриба асосида самарали бошқариш учун Бошқарув компаниясининг муассислигига хорижий корхоналарни жалб қилиш чораларини кўрсин.

5. Қуйидагилар Махсус саноат зонаси фаолиятининг асосий йўналишлари этиб белгилансин:

ташқи ва ички бозорларда талаб катта бўлган юқори қўшилган қийматли ва импорт ўрнини босувчи қурилиш материалларини ишлаб чиқариш, электротехника, машинасозлик, кимё ва бошқа соҳалардаги инновацион ишлаб чиқаришларни ташкил этиш учун хорижий ва маҳаллий инвестицияларни кенг жалб қилиш;

саноат соҳасида энергия тежамкор, экологик тоза ва атроф-муҳит муҳофазасига қаратилган замонавий ишлаб чиқариш қувватларини ташкил этиш;

Махсус саноат зонаси иштирокчилари ўртасида ва республика бўйлаб мустаҳкам саноат кооперацияси алоқаларини ўрнатиш орқали маҳаллий хомашё ва материаллар асосида юқори технологияли маҳсулотлар ишлаб чиқариш ва маҳаллийлаштириш жараёнларини жадаллаштириш.

6. Қуйидагилар Бошқарув компаниясининг асосий вазифалари этиб белгилансин:

Махсус саноат зонаси ерларидан самарали фойдаланишни таъминлаш ва умумий фойдаланишдаги ерларни сақлаш;

юқори қўшилган қийматли, юқори технологик ва рақобатбардош маҳсулотлар ишлаб чиқарилишини йўлга қўйиш ҳамда замонавий логистика марказларини барпо этиш учун инвесторларни жалб қилиш;

бўш ерлар ҳамда бино ва иншоотлар инвестиция лойиҳаларини амалга ошириш учун ижарага берилишини таъминлаш;

кейинчалик инвесторларга ижарага бериш, сотиш, лизингга бериш ёки қийматини бўлиб-бўлиб тўлаш орқали сотиш мақсадида замонавий тайёр ишлаб чиқариш бино ва иншоотларини қуриш;

Махсус саноат зонаси ҳудудида жойлаштириладиган инвестиция лойиҳалари ташаббускорлари билан инвестиция битимлари тузилишини таъминлаш;

инвестиция мажбуриятларини ўз вақтида ёки сифатли бажармаган Махсус саноат зонаси иштирокчилари билан тузилган инвестиция битими ва ижара шартномасини бекор қилиш чораларини кўриш.

7. Бошқарув компаниясига Махсус саноат зонаси фаолиятини ташкил этиш жараёнида қуйидагилар тавсия этилсин:

атроф-муҳитга таъсирни баҳолаш ҳужжатларини ишлаб чиқиш ҳамда давлат экологик экспертизасидан ўтказиш учун Экология, атроф-муҳитни муҳофаза қилиш ва иқлим ўзгариши вазирлигига тақдим этиш;

ҳудуддаги дарахт, бута ва яшил майдонларни асраш, ҳосил бўладиган барча турдаги чиқиндиларни ўз вақтида бартараф этиш ҳамда чанглар тарқалишини камайтириш чораларини кўриш;

Махсус саноат зонаси ва унга туташ ҳудудларда «яшил боғ» ҳамда «яшил белбоғ»ларни барпо этиш, кўкаламзорлаштириш тадбирларини амалга ошириш;

автотранспорт воситалари шовқинини камайтириш ва уларнинг зарарли ташланмаларини ушлаб қолиш учун Махсус саноат зонасига олиб борадиган автомобиль йўлларининг икки томонида камида 5 қатордан иборат дарахт кўчатларини экиб, иҳота минтақасини яратиш.

8. Шундай тартиб ўрнатилсинки, унга мувофиқ Махсус саноат зонаси ҳудудида:

инвестиция лойиҳаларини лойиҳалаштиришда табиий газ талаб этилмайдиган ишлаб чиқаришларни жойлаштириш ҳамда табиий газга муқобил бўлган ёқилғи тури ва энергия тежамкор технологиялардан, шу жумладан, гелиоколлектор, иссиқлик насоси, қуёш панеллари, иссиқликни қайта тиклаш-рекуперация қилиш ускуналаридан фойдаланилади;

Махсус саноат зонаси иштирокчилари билан Бошқарув компанияси ўртасида умумий мулкни сақлаш шартномаси тузилади, унга асосан тушадиган маблағлар Махсус саноат зонаси ҳудудини сақлаш ва ободонлаштириш ҳамда инфратузилмасини яхшилаш учун Бошқарув компаниясига йўналтирилади;

муҳандислик-коммуникация инфратузилмаси объектлари ва автомобиль йўлларини қуриш ишлари Ўзбекистон Республикаси Президентининг «Ҳудудларда муҳандислик-коммуникация инфратузилмасини янада ривожлантириш чора-тадбирлари тўғрисида» 2020 йил 18 декабрдаги ПҚ-4929-сон қарорига асосан молиялаштирилади;

муҳандислик-коммуникация инфратузилмаси объектлари ва автомобиль йўлларини қуриш ишларини амалга ошириш учун буюртмачилар Ўзбекистон Республикаси Президентининг «Махсус иқтисодий ва кичик саноат зоналари муҳандислик-коммуникация инфратузилмасини янада ривожлантириш чора-тадбирлари тўғрисида» 2021 йил 30 апрелдаги ПҚ-5101-сон қарорига мувофиқ танлаб олинади;

сув таъминоти иншоотларини қуришда лойиҳа ва пудрат ташкилотлари амалдаги қонунчилик талаблари асосида белгиланган тартибда тендер (танлов) савдолари орқали аниқланади.

9. Тоғ-кон саноати ва геология вазирлиги Вазирлар Маҳкамасининг «Ер қаъри участкаларидан фойдаланиш ҳуқуқи учун рухсатномалар бериш тартибини янада такомиллаштириш чора-тадбирлари тўғрисида» 2022 йил 25 мартдаги 133-сон қарори талаблари асосида Махсус саноат зонасида амалга ошириладиган инвестиция лойиҳаларини хомашё билан таъминлаш учун зарур конларни ажратиш чораларини кўрсин.

10. Андижон вилояти ҳокимлиги Инвестициялар, саноат ва савдо вазирлиги билан биргаликда:

икки ой муддатда хорижий экспертларни жалб қилган ҳолда Махсус саноат зонасининг мастер режаси ва бизнес режаси тасдиқланишини таъминласин;

2025-2026 йилларда Махсус саноат зонаси ташкил этилган ерлар ўзлаштирилганлиги, инвестиция лойиҳалари амалга оширилганлиги ва мақсадли кўрсаткичларга эришилганлиги натижасидан келиб чиқиб, Махсус саноат зонаси ҳудудини босқичма-босқич кенгайтириш бўйича асослантирилган таклифларни Вазирлар Маҳкамасига киритсин.

11. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари Ж.А. Ходжаев ва Андижон вилояти ҳокими Ш.Қ. Абдураҳманов зиммасига юклансин.

Вазирлар Маҳкамасининг 2025 йил 14 апрелдаги 228-сон қарорига ИЛОВА

«Андижон технопарки» махсус саноат зонаси чегараларининг

Т/р Ҳудуд ва унинг чегаралари тавсифи Майдони, гектар Хўжаобод тумани « Хўжаобод » массиви 1. Ғарб томондан 1-нуқта 40°42'16.86''С 72°29'17.48''В 37,8 3-нуқта 40°42'24.85''С 72°29'26.50''В 10-нуқта 40°42'13.64''С 72°29'58.47''В 15-нуқта 40°42'14.67''С 72°29'35.08''В 19-нуқта 40°42'14.55''С 72°29'20.54''В 2. Шимол томондан 2-нуқта 40°42'20.01''С 72°29'19.16''В 4-нуқта 40°42'21.53''С 72°29'35.42''В 3. Шарқ томондан 5-нуқта 40°42'26.76''С 72°29'40.61''В 6-нуқта 40°42'24.02''С 72°30'12.60''В 8-нуқта 40°42'13.45''С 72°30'12.66''В 12-нуқта 40°42'11.38''С 72°29'41.19''В 13-нуқта 40°42'10.48''С 72°29'36.20''В 17-нуқта 40°42'9.76''С 72°29'25.01''В 4. Жануб томонидан 7-нуқта 40°42'16.70''С 72°30'14.65''В 9-нуқта 40°42'14.58''С 72°30'9.45''В 10-нуқта 40°42'4.68''С 72°29'53.98''В 11-нуқта 40°42'5.28''С 72°29'41.14''В 12-нуқта 40°42'11.96''С 72°29'37.12''В 14-нуқта 40°42'10.71''С 72°29'32.99''В 16-нуқта 40°42'15.81''С 72°29'28.00''В 18-нуқта 40°42'10.77''С 72°29'20.07''В Хўжаобод тумани « Иттифоқ » массиви 1. Жануб томонидан 1-нуқта 40°42'19.08''С 72°29'6.31''В 60,42 3-нуқта 40°42ʼ24.40ʼʼС 72°28ʼ53.86ʼʼВ 2. Ғарб томондан 2-нуқта 40°42ʼ21.13ʼʼС 72°28ʼ55.24ʼʼВ 3. Шамол томондан 4-нуқта 40°42ʼ25.84ʼʼС 72°28ʼ49.16ʼʼВ 6-нуқта 40°42ʼ35.10ʼʼС 72°29ʼ24.80ʼʼВ 4. Шарқ томондан 5-нуқта 40°42ʼ42.24ʼʼС 72°29ʼ24.47ʼʼВ 7-нуқта 40°42ʼ33.16ʼʼС 72°29ʼ19.60ʼʼВ 8-нуқта 40°42ʼ31.15ʼʼС 72°29ʼ20.77ʼʼВ 9-нуқта 40°42ʼ19.68ʼʼС 72°29ʼ6.93ʼʼВ Жами: 98,22

Ўзбекистон Республикасининг Бош вазири А. АРИПОВ

Тошкент ш.,

2025 йил 14 апрель,

228 -сон

(Қонунчилик маълумотлари миллий базаси, 14.10.2025 й., 09/25/228/0936-сон)

lex.uz

OʻZBEKISTON RESPUBLIKASI VAZIRLAR MAHKAMASINING

QARORI

TAVSIFI

“Andijon texnoparki” maxsus sanoat zonasini tashkil etish toʻgʻrisida

Andijon viloyatida investitsiya muhitini yanada yaxshilash, qurilish materiallarini va boshqa sohalarda raqobatbardosh tayyor mahsulotlarni ishlab chiqarish uchun qulay shart-sharoitlar yaratish maqsadida Vazirlar Mahkamasi qaror qiladi:

1. Andijon viloyati hokimligi hamda Investitsiyalar, sanoat va savdo vazirligining quyidagi takliflariga rozilik berilsin:

Xoʻjaobod tumanida “Xoʻjaobod” massivining 626, 627, 628, 599, 619, 620-konturlaridagi 37,8 gektar va “Ittifoq” massivining 743k, 851k, 854, 855k, 847-konturlaridagi 60,42 gektar Xoʻjaobod tumani hokimligi zaxirasidagi jami 98,22 gektar sanoat, transport, aloqa, mudofaa va boshqa maqsadlarga moʻljallangan yerlarda “Andijon texnoparki” maxsus sanoat zonasini (keyingi oʻrinlarda — Maxsus sanoat zonasi) tashkil etish;

Maxsus sanoat zonasi hududida 2025-2026-yillarda kamida 300 million AQSH dollari miqdorida investitsiyalarni oʻzlashtirish, 3 mingta yangi ish oʻrinlarini yaratish, sanoat mahsulotlari ishlab chiqarilishini yillik 1,5 trillion soʻmga va eksporti hajmini 10 million AQSH dollariga yetkazish hamda yiliga 100 milliard soʻm qoʻshimcha soliq tushumlarini taʼminlash.

2. “Andijon texnoparki” maxsus sanoat zonasi chegaralarining tavsifi ilovaga muvofiq tasdiqlansin.

3. Belgilansinki:

Maxsus sanoat zonasi keyinchalik uzaytirish imkoniyati bilan 25 yil muddatga tashkil etiladi;

Maxsus sanoat zonasi hududidagi yerlar Oʻzbekiston Respublikasi Prezidentining “Maxsus iqtisodiy va sanoat zonalari faoliyatining samaradorligini oshirish boʻyicha qoʻshimcha chora-tadbirlar toʻgʻrisida” 2025-yil 4-martdagi PF-41-son Farmonida belgilangan tartibga asosan ajratiladi;

Maxsus sanoat zonasi ishtirokchilariga “Maxsus iqtisodiy zonalar toʻgʻrisida”gi Qonun , Soliq kodeksi va Vazirlar Mahkamasining 2021-yil 4-iyundagi 352-son qarori bilan tasdiqlangan Oʻzbekiston Respublikasi hududiga import qilishda bojxona boji va qoʻshilgan qiymat soligʻidan ozod etiladigan oʻxshashi respublikada ishlab chiqarilmaydigan texnologik asbob-uskunalar roʻyxatida maxsus iqtisodiy zonalar ishtirokchilari uchun belgilangan soliq va bojxona imtiyozlari tatbiq etiladi;

Maxsus sanoat zonasini boshqarish uchun “Andijon texnoparki” maxsus sanoat zonasining boshqaruv kompaniyasi” masʼuliyati cheklangan jamiyati (keyingi oʻrinlarda — Boshqaruv kompaniyasi) tashkil etiladi;

Boshqaruv kompaniyasining muassislari Investitsiyalarni jalb qilish, sanoatni rivojlantirish va savdoni tartibga solish masalalari boʻyicha Hukumat komissiyasi (keyingi oʻrinlarda — Hukumat komissiyasi) tomonidan tanlab olinadi.

4. Hukumat komissiyasi (J. Xodjayev) qisqa muddatlarda Maxsus sanoat zonasini ilgʻor tajriba asosida samarali boshqarish uchun Boshqaruv kompaniyasining muassisligiga xorijiy korxonalarni jalb qilish choralarini koʻrsin.

5. Quyidagilar Maxsus sanoat zonasi faoliyatining asosiy yoʻnalishlari etib belgilansin:

tashqi va ichki bozorlarda talab katta boʻlgan yuqori qoʻshilgan qiymatli va import oʻrnini bosuvchi qurilish materiallarini ishlab chiqarish, elektrotexnika, mashinasozlik, kimyo va boshqa sohalardagi innovatsion ishlab chiqarishlarni tashkil etish uchun xorijiy va mahalliy investitsiyalarni keng jalb qilish;

sanoat sohasida energiya tejamkor, ekologik toza va atrof-muhit muhofazasiga qaratilgan zamonaviy ishlab chiqarish quvvatlarini tashkil etish;

Maxsus sanoat zonasi ishtirokchilari oʻrtasida va respublika boʻylab mustahkam sanoat kooperatsiyasi aloqalarini oʻrnatish orqali mahalliy xomashyo va materiallar asosida yuqori texnologiyali mahsulotlar ishlab chiqarish va mahalliylashtirish jarayonlarini jadallashtirish.

6. Quyidagilar Boshqaruv kompaniyasining asosiy vazifalari etib belgilansin:

Maxsus sanoat zonasi yerlaridan samarali foydalanishni taʼminlash va umumiy foydalanishdagi yerlarni saqlash;

yuqori qoʻshilgan qiymatli, yuqori texnologik va raqobatbardosh mahsulotlar ishlab chiqarilishini yoʻlga qoʻyish hamda zamonaviy logistika markazlarini barpo etish uchun investorlarni jalb qilish;

boʻsh yerlar hamda bino va inshootlar investitsiya loyihalarini amalga oshirish uchun ijaraga berilishini taʼminlash;

keyinchalik investorlarga ijaraga berish, sotish, lizingga berish yoki qiymatini boʻlib-boʻlib toʻlash orqali sotish maqsadida zamonaviy tayyor ishlab chiqarish bino va inshootlarini qurish;

Maxsus sanoat zonasi hududida joylashtiriladigan investitsiya loyihalari tashabbuskorlari bilan investitsiya bitimlari tuzilishini taʼminlash;

investitsiya majburiyatlarini oʻz vaqtida yoki sifatli bajarmagan Maxsus sanoat zonasi ishtirokchilari bilan tuzilgan investitsiya bitimi va ijara shartnomasini bekor qilish choralarini koʻrish.

7. Boshqaruv kompaniyasiga Maxsus sanoat zonasi faoliyatini tashkil etish jarayonida quyidagilar tavsiya etilsin:

atrof-muhitga taʼsirni baholash hujjatlarini ishlab chiqish hamda davlat ekologik ekspertizasidan oʻtkazish uchun Ekologiya, atrof-muhitni muhofaza qilish va iqlim oʻzgarishi vazirligiga taqdim etish;

hududdagi daraxt, buta va yashil maydonlarni asrash, hosil boʻladigan barcha turdagi chiqindilarni oʻz vaqtida bartaraf etish hamda changlar tarqalishini kamaytirish choralarini koʻrish;

Maxsus sanoat zonasi va unga tutash hududlarda “yashil bogʻ” hamda “yashil belbogʻ”larni barpo etish, koʻkalamzorlashtirish tadbirlarini amalga oshirish;

avtotransport vositalari shovqinini kamaytirish va ularning zararli tashlanmalarini ushlab qolish uchun Maxsus sanoat zonasiga olib boradigan avtomobil yoʻllarining ikki tomonida kamida 5 qatordan iborat daraxt koʻchatlarini ekib, ihota mintaqasini yaratish.

8. Shunday tartib oʻrnatilsinki, unga muvofiq Maxsus sanoat zonasi hududida:

investitsiya loyihalarini loyihalashtirishda tabiiy gaz talab etilmaydigan ishlab chiqarishlarni joylashtirish hamda tabiiy gazga muqobil boʻlgan yoqilgʻi turi va energiya tejamkor texnologiyalardan, shu jumladan, geliokollektor, issiqlik nasosi, quyosh panellari, issiqlikni qayta tiklash-rekuperatsiya qilish uskunalaridan foydalaniladi;

Maxsus sanoat zonasi ishtirokchilari bilan Boshqaruv kompaniyasi oʻrtasida umumiy mulkni saqlash shartnomasi tuziladi, unga asosan tushadigan mablagʻlar Maxsus sanoat zonasi hududini saqlash va obodonlashtirish hamda infratuzilmasini yaxshilash uchun Boshqaruv kompaniyasiga yoʻnaltiriladi;

muhandislik-kommunikatsiya infratuzilmasi obyektlari va avtomobil yoʻllarini qurish ishlari Oʻzbekiston Respublikasi Prezidentining “Hududlarda muhandislik-kommunikatsiya infratuzilmasini yanada rivojlantirish chora-tadbirlari toʻgʻrisida” 2020-yil 18-dekabrdagi PQ-4929-son qaroriga asosan moliyalashtiriladi;

muhandislik-kommunikatsiya infratuzilmasi obyektlari va avtomobil yoʻllarini qurish ishlarini amalga oshirish uchun buyurtmachilar Oʻzbekiston Respublikasi Prezidentining “Maxsus iqtisodiy va kichik sanoat zonalari muhandislik-kommunikatsiya infratuzilmasini yanada rivojlantirish chora-tadbirlari toʻgʻrisida” 2021-yil 30-apreldagi PQ-5101-son qaroriga muvofiq tanlab olinadi;

suv taʼminoti inshootlarini qurishda loyiha va pudrat tashkilotlari amaldagi qonunchilik talablari asosida belgilangan tartibda tender (tanlov) savdolari orqali aniqlanadi.

9. Togʻ-kon sanoati va geologiya vazirligi Vazirlar Mahkamasining “Yer qaʼri uchastkalaridan foydalanish huquqi uchun ruxsatnomalar berish tartibini yanada takomillashtirish chora-tadbirlari toʻgʻrisida” 2022-yil 25-martdagi 133-son qarori talablari asosida Maxsus sanoat zonasida amalga oshiriladigan investitsiya loyihalarini xomashyo bilan taʼminlash uchun zarur konlarni ajratish choralarini koʻrsin.

10. Andijon viloyati hokimligi Investitsiyalar, sanoat va savdo vazirligi bilan birgalikda:

ikki oy muddatda xorijiy ekspertlarni jalb qilgan holda Maxsus sanoat zonasining master rejasi va biznes rejasi tasdiqlanishini taʼminlasin;

2025-2026-yillarda Maxsus sanoat zonasi tashkil etilgan yerlar oʻzlashtirilganligi, investitsiya loyihalari amalga oshirilganligi va maqsadli koʻrsatkichlarga erishilganligi natijasidan kelib chiqib, Maxsus sanoat zonasi hududini bosqichma-bosqich kengaytirish boʻyicha asoslantirilgan takliflarni Vazirlar Mahkamasiga kiritsin.

11. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Xodjayev va Andijon viloyati hokimi Sh.Q. Abdurahmanov zimmasiga yuklansin.

Vazirlar Mahkamasining 2025-yil 14-apreldagi 228-son qaroriga ILOVA

“Andijon texnoparki” maxsus sanoat zonasi chegaralarining

T/r Hudud va uning chegaralari tavsifi Maydoni, gektar Xoʻjaobod tumani “ Xoʻjaobod ” massivi 1. Gʻarb tomondan 1-nuqta 40°42'16.86''S 72°29'17.48''V 37,8 3-nuqta 40°42'24.85''S 72°29'26.50''V 10-nuqta 40°42'13.64''S 72°29'58.47''V 15-nuqta 40°42'14.67''S 72°29'35.08''V 19-nuqta 40°42'14.55''S 72°29'20.54''V 2. Shimol tomondan 2-nuqta 40°42'20.01''S 72°29'19.16''V 4-nuqta 40°42'21.53''S 72°29'35.42''V 3. Sharq tomondan 5-nuqta 40°42'26.76''S 72°29'40.61''V 6-nuqta 40°42'24.02''S 72°30'12.60''V 8-nuqta 40°42'13.45''S 72°30'12.66''V 12-nuqta 40°42'11.38''S 72°29'41.19''V 13-nuqta 40°42'10.48''S 72°29'36.20''V 17-nuqta 40°42'9.76''S 72°29'25.01''V 4. Janub tomonidan 7-nuqta 40°42'16.70''S 72°30'14.65''V 9-nuqta 40°42'14.58''S 72°30'9.45''V 10-nuqta 40°42'4.68''S 72°29'53.98''V 11-nuqta 40°42'5.28''S 72°29'41.14''V 12-nuqta 40°42'11.96''S 72°29'37.12''V 14-nuqta 40°42'10.71''S 72°29'32.99''V 16-nuqta 40°42'15.81''S 72°29'28.00''V 18-nuqta 40°42'10.77''S 72°29'20.07''V Xoʻjaobod tumani “ Ittifoq ” massivi 1. Janub tomonidan 1-nuqta 40°42'19.08''S 72°29'6.31''V 60,42 3-nuqta 40°42ʼ24.40ʼʼS 72°28ʼ53.86ʼʼV 2. Gʻarb tomondan 2-nuqta 40°42ʼ21.13ʼʼS 72°28ʼ55.24ʼʼV 3. Shamol tomondan 4-nuqta 40°42ʼ25.84ʼʼS 72°28ʼ49.16ʼʼV 6-nuqta 40°42ʼ35.10ʼʼS 72°29ʼ24.80ʼʼV 4. Sharq tomondan 5-nuqta 40°42ʼ42.24ʼʼS 72°29ʼ24.47ʼʼV 7-nuqta 40°42ʼ33.16ʼʼS 72°29ʼ19.60ʼʼV 8-nuqta 40°42ʼ31.15ʼʼS 72°29ʼ20.77ʼʼV 9-nuqta 40°42ʼ19.68ʼʼS 72°29ʼ6.93ʼʼV Jami: 98,22

Oʻzbekiston Respublikasining Bosh vaziri A. ARIPOV

Toshkent sh.,

2025-yil 14-aprel,

228 -son

(Qonunchilik maʼlumotlari milliy bazasi, 14.10.2025-y., 09/25/228/0936-son)

lex.uz