📅 2025-yil 15-oktabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 15 октябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 15 октября 2025 г. · Постановления Президента
Официальный текст. Официальный документ. Редакционные примечания не включены.
📅 15 October 2025 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Заргарлик соҳасида фаолият юритаётган тадбиркорлик субъектларини янада қўллаб-қувватлаш чора-тадбирлари тўғрисида
Заргарлик соҳасида фаолият юритаётган тадбиркорлик субъектларига ҳар томонлама кўмаклашиш ҳамда аҳолининг юқори сифатли маҳаллий заргарлик буюмларига бўлган талабини қондириш мақсадида қарор қиламан:
1. Ўзбекистон Республикаси Президентининг 2022 йил 23 декабрдаги ПҚ-452-сон қарорининг 2-бандига мувофиқ қимматбаҳо металларни биржа савдолари ҳамда тўғридан-тўғри шартномалар орқали сотишда бериладиган чегирмаларнинг амал қилиш муддати 2029 йил 1 февралга қадар узайтирилсин.
2. Белгилансинки, 2026 йил 1 февралдан бошлаб ушбу қарорнинг 1-бандида назарда тутилган чегирмалардан фойдаланадиган заргарлик буюмларини ишлаб чиқарувчи тадбиркорлик субъектларининг рўйхатини шакллантиришда қуйидаги қўшимча мезонлар инобатга олинади:
(а) яратилган янги иш ўринларига ишга қабул қилинган заргарлар (МХСК — 08 бўйича коди — 7313) билан белгиланган тартибда меҳнат шартномаси тузилгани ва уларга меҳнатга ҳақ тўлашнинг энг кам миқдорининг тўрт бараваридан кам бўлмаган миқдорда иш ҳақи ҳисоблангани ҳамда ушбу ҳолат солиқ органлари томонидан тасдиқлангани;
(б) заргарлик марказларида камида бир ой давомида фаолият олиб бораётган тадбиркорлик субъекти бўлиши.
3. Иқтисодиёт ва молия вазирлиги Марказий банк ҳамда Тоғ-кон саноати ва геология вазирлиги билан биргаликда биржа савдолари ва тўғридан-тўғри шартномалар асосида олтин сотиш ҳажмларини ошириш чораларини кўрсин.
4. Иқтисодиёт ва молия вазирлиги манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
5. Мазкур қарор ижросини назорат қилиш Бош вазир ўринбосари Ж.А. Қўчқоров зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 15 октябрь,
ПҚ-303-сон
Oʻzbekiston Respublikasi Prezidentining
qarori
Zargarlik sohasida faoliyat yuritayotgan tadbirkorlik subyektlarini yanada qoʻllab-quvvatlash chora-tadbirlari toʻgʻrisida
Zargarlik sohasida faoliyat yuritayotgan tadbirkorlik subyektlariga har tomonlama koʻmaklashish hamda aholining yuqori sifatli mahalliy zargarlik buyumlariga boʻlgan talabini qondirish maqsadida qaror qilaman:
1. Oʻzbekiston Respublikasi Prezidentining 2022-yil 23-dekabrdagi PQ-452-son qarorining 2-bandiga muvofiq qimmatbaho metallarni birja savdolari hamda toʻgʻridan-toʻgʻri shartnomalar orqali sotishda beriladigan chegirmalarning amal qilish muddati 2029-yil 1-fevralga qadar uzaytirilsin.
2. Belgilansinki, 2026-yil 1-fevraldan boshlab ushbu qarorning 1-bandida nazarda tutilgan chegirmalardan foydalanadigan zargarlik buyumlarini ishlab chiqaruvchi tadbirkorlik subyektlarining roʻyxatini shakllantirishda quyidagi qoʻshimcha mezonlar inobatga olinadi:
(a) yaratilgan yangi ish oʻrinlariga ishga qabul qilingan zargarlar (MXSK — 08 boʻyicha kodi — 7313) bilan belgilangan tartibda mehnat shartnomasi tuzilgani va ularga mehnatga haq toʻlashning eng kam miqdorining toʻrt baravaridan kam boʻlmagan miqdorda ish haqi hisoblangani hamda ushbu holat soliq organlari tomonidan tasdiqlangani;
(b) zargarlik markazlarida kamida bir oy davomida faoliyat olib borayotgan tadbirkorlik subyekti boʻlishi.
3. Iqtisodiyot va moliya vazirligi Markaziy bank hamda Togʻ-kon sanoati va geologiya vazirligi bilan birgalikda birja savdolari va toʻgʻridan-toʻgʻri shartnomalar asosida oltin sotish hajmlarini oshirish choralarini koʻrsin.
4. Iqtisodiyot va moliya vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
5. Mazkur qaror ijrosini nazorat qilish Bosh vazir oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 15-oktabr,
PQ-303-son
Президента Республики Узбекистан
Постановление
О мерах по дальнейшей поддержке субъектов предпринимательства, осуществляющих деятельность в ювелирной отрасли
В целях всестороннего содействия субъектам предпринимательства, осуществляющим деятельность в ювелирной отрасли, а также удовлетворения спроса населения на отечественные ювелирные изделия высокого качества постановляю:
1. Продлить до 1 февраля 2029 года срок действия скидок, предоставляемых при реализации через биржевые торги и по прямым договорам драгоценных металлов в соответствии с пунктом 2 постановления Президента Республики Узбекистан от 23 декабря 2022 года № ПП-452.
2. Установить, что с 1 февраля 2026 года при формировании списка субъектов предпринимательства-производителей ювелирных изделий, пользующихся скидками, предусмотренными пунктом 1 настоящего постановления, учитываются следующие дополнительные критерии:
(а) заключение в установленном порядке трудового договора с ювелирами, принятыми на работу на созданные новые рабочие места (МСКЗ — 08, код 7313), начисление им заработной платы в не менее, чем четырехкратном размере минимального размера оплаты труда, а также подтверждение налоговыми органами данного факта;
(б) осуществление субъектом предпринимательства деятельности в ювелирных центрах в течение не менее одного месяца.
3. Министерству экономики и финансов совместно с Центральным банком и Министерством горнодобывающей промышленности и геологии принять меры по увеличению объемов реализации золота через биржевые торги и на основе прямых договоров.
4. Министерству экономики и финансов совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
5. Контроль за исполнением настоящего постановления возложить на заместителя Премьер-министра Д.А. Кучкарова.
Президент Республики Узбекистан Ш. МИРЗИЁЕВ
г. Ташкент,
15 октября 2025 г.,
№ ПП-303