📅 2025-yil 21-oktabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 21 октябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 21 октября 2025 г. · Постановления Президента
Официальный текст. Официальный документ. Редакционные примечания не включены.
📅 21 October 2025 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Республиканинг олис ҳудудларида алоқа қамровини оширишда йўлдош алоқа технологияларини жорий этиш чора-тадбирлари тўғрисида
Республикада рақамли инфратузилмани жадал ривожлантириш, шаҳар ва қишлоқ ҳудудлари ўртасидаги рақамли тафовутни қисқартириш, олис ҳудудларда алоқа хизматлари қамровини кенгайтириш, рақамли иқтисодиётни ривожлантириш ҳамда «Рақамли Ўзбекистон — 2030» стратегиясида белгиланган вазифаларни амалга ошириш мақсадида қарор қиламан:
I. Устувор йўналишлар
1. Йўлдош алоқа технологияларини ривожлантиришнинг устувор йўналишлари этиб қуйидагилар белгилансин:
(а) ўрта ва паст орбитали йўлдош алоқа тизимларини жорий этиш ва фойдаланишнинг норматив-ҳуқуқий асосларини яратиш;
(б) олис ҳудудлар ва ер усти тармоқлари қамровидан ташқари ҳудудларда телекоммуникация хизматларини кўрсатиш учун қулай шароитлар яратиш;
(в) йўлдош алоқа орқали тармоқлар ишончлилигини ва фавқулодда ҳолатларда захирали алоқани таъминлаш;
(г) йўлдош алоқа тизимларидан фойдаланишда ахборот хавфсизлигини таъминлашнинг ташкилий-техник асосларини белгилаш.
II. Асосий талаблар
2. Йўлдош алоқа тизимини жорий этиш ва йўлдош интернет хизматларини кўрсатиш Ўзбекистон Республикаси ҳудудида телекоммуникациялар соҳасида лицензияланадиган фаолият турлари этиб белгилансин.
3. Йўлдош алоқа тизимини жорий этиш фаолиятининг асосий талаблари этиб қуйидагилар белгилансин:
(а) радиочастота ажратилиши ва радиоэлектрон воситалардан фойдаланиш учун рухсатномаларни расмийлаштириш;
(б) Ўзбекистон Республикаси ҳудудида юридик шахс ташкил этиш ёки маҳаллий телекоммуникация оператори билан ҳамкорлик қилиш;
(в) марказий ер станцияси (Gateway)ни мамлакат ҳудудида қуриш ва ахборот хавфсизлиги талабларига риоя этиш;
(г) фойдаланувчи маълумотларини республика ҳудудида сақлаш.
III. Ер участкалари ва инфратузилма
4. Белгилансинки, йўлдош алоқа инфратузилмаси (марказий ер станциялари, терминаллар ва йўлдош алоқа инфратузилмасининг бошқа актив қурилмалари)ни жойлаштиришда телекоммуникация воситаларини жойлаштириш учун ижара шартномаларини расмийлаштириш тартиби татбиқ этилади.
IV. Имтиёзлар ва преференциялар
5. Шундай тартиб ўрнатилсинки, унга мувофиқ 2026 йил 1 январдан бошлаб 5 йил муддатга ўрта ва паст орбитали йўлдош алоқа тармоқларини Ўзбекистон ҳудудида марказий ер станцияси орқали ташкил қилиш билан боғлиқ бўлган лойиҳалар доирасида:
(а) телекоммуникация операторларининг йўлдош алоқа тармоқларига тегишли қурилмалар, дастурий маҳсулотлар, эҳтиёт ва бутловчи қисмларни сотиб олиш ва уларга хизматлар кўрсатиш йўлдош алоқа қурилмалари ишлаб чиқарувчилар ва (ёки) етказиб берувчилар билан тендер (танлов) савдоларини ўтказмасдан музокаралар асосида тўғридан-тўғри шартномалар тузиш орқали амалга оширилади;
(б) импорт қилинадиган қурилмалар, дастурий маҳсулотлар, эҳтиёт ва бутловчи қисмлар божхона тўловларидан озод қилинади (божхона расмийлаштируви йиғимлари бундан мустасно);
(в) телекоммуникация операторлари ўрта ва паст орбитали йўлдош алоқа тармоқлари томонидан радиочастота спектридан фойдаланганлик учун тўловлардан озод қилинади (ҳаракатдаги йўлдош алоқа тармоғида йўлдошдан бевосита якуний фойдаланувчи қурилмасига (Direct-to-Device) ҳамда йўлдошдан бевосита мобил алоқа терминалига (Direct-to-Cellular) тўғридан-тўғри уланишларни, шунингдек, автомобиль ва поездларда ҳаракатдаги ер станцияси (ESIM) тизимларини ташкил қилиш билан боғлиқ тўловлар бундан мустасно);
(г) йўлдош алоқа тармоқлари операторлари томонидан йўлдош алоқа тизими орқали кўрсатилган хизматлар қўшилган қиймат солиғидан озод этилади;
(д) марказий ер станциялари, терминаллар ва йўлдош алоқа инфратузилмасининг бошқа актив қурилмалари жойлаштирилган телекоммуникация иншоотлари ва уларнинг ер майдонлари мол-мулк солиғи ва ер солиғидан озод этилади;
(ж) йўлдош алоқа тармоқлари операторлари яратилган йўлдош алоқа тизими орқали кўрсатган хизматлари учун фойда солиғидан озод қилинади.
6. Иқтисодиёт ва молия вазирлиги, Солиқ қўмитаси ва Рақамли технологиялар вазирлиги уч ой муддатда мазкур қарорнинг 5-бандидан келиб чиқиб, Солиқ кодексига ўзгартириш ва қўшимчалар киритишни назарда тутувчи қонун лойиҳасини Вазирлар Маҳкамасига киритсин.
V. Ташкилий тадбирлар
7. 2030 йил 31 декабрга қадар йўлдош алоқа тармоқларига эга телекоммуникация операторларига йўлдош алоқа хизматларини жорий этиш бўйича телекоммуникациялар соҳасида лицензия олган санадан бошлаб 6 ой муддатга қуйидагиларга рухсат берилсин:
(а) марказий ер станциялари ва терминал майдонлари бўйича лойиҳалаштириш ва қурилиш-монтаж ишларини «fast-track» усули билан амалга ошириш;
(б) мазкур қарорнинг 3-банди «б» — «г» кичик бандлари талабларини бажариш шарти билан радиоэлектрон воситаларни сотиб олиш, ўрнатиш, Ўзбекистон Республикаси ҳудудига олиб кириш ва фойдаланиш учун рухсатномаларни ҳамда телекоммуникация воситалари ва иншоотларини фойдаланишга қабул қилиш далолатномасини ва улардан фойдаланишга доир рухсатномани расмийлаштириш билан бир вақтда телекоммуникация хизматларини кўрсатиш.
VI. Қарор ижросини ташкил этиш, таъминлаш ва назорат
8. Рақамли технологиялар вазирлиги икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
9. Мазкур қарор ижросини мониторинг қилиб бориш қуйидаги тартибда амалга оширилсин:
(а) Рақамли технологиялар вазирлиги ҳар йили 15 февралга қадар қарор ижросини мониторингдан ўтказсин ҳамда мониторинг натижаларини Ҳисоб палатаси ва Адлия вазирлигига киритиб борсин;
(б) Ҳисоб палатаси Адлия вазирлиги билан биргаликда мониторинг режаси асосида қарор ижросини назорат қилсин ҳамда ҳар йили 25 февралга қадар Ўзбекистон Республикаси Президенти Администрациясига ахборот киритиб борсин.
10. Мазкур қарорнинг ижросини самарали ташкил қилишга масъул ва шахсий жавобгар этиб рақамли технологиялар вазири Ш.Х. Шерматов белгилансин.
11. Қарор ижросини муҳокама қилиб бориш, масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 21 октябрь,
ПҚ-313-сон
Oʻzbekiston Respublikasi Prezidentining
qarori
Respublikaning olis hududlarida aloqa qamrovini oshirishda yoʻldosh aloqa texnologiyalarini joriy etish chora-tadbirlari toʻgʻrisida
Respublikada raqamli infratuzilmani jadal rivojlantirish, shahar va qishloq hududlari oʻrtasidagi raqamli tafovutni qisqartirish, olis hududlarda aloqa xizmatlari qamrovini kengaytirish, raqamli iqtisodiyotni rivojlantirish hamda “Raqamli Oʻzbekiston — 2030” strategiyasida belgilangan vazifalarni amalga oshirish maqsadida qaror qilaman:
I. Ustuvor yoʻnalishlar
1. Yoʻldosh aloqa texnologiyalarini rivojlantirishning ustuvor yoʻnalishlari etib quyidagilar belgilansin:
(a) oʻrta va past orbitali yoʻldosh aloqa tizimlarini joriy etish va foydalanishning normativ-huquqiy asoslarini yaratish;
(b) olis hududlar va yer usti tarmoqlari qamrovidan tashqari hududlarda telekommunikatsiya xizmatlarini koʻrsatish uchun qulay sharoitlar yaratish;
(v) yoʻldosh aloqa orqali tarmoqlar ishonchliligini va favqulodda holatlarda zaxirali aloqani taʼminlash;
(g) yoʻldosh aloqa tizimlaridan foydalanishda axborot xavfsizligini taʼminlashning tashkiliy-texnik asoslarini belgilash.
II. Asosiy talablar
2. Yoʻldosh aloqa tizimini joriy etish va yoʻldosh internet xizmatlarini koʻrsatish Oʻzbekiston Respublikasi hududida telekommunikatsiyalar sohasida litsenziyalanadigan faoliyat turlari etib belgilansin.
3. Yoʻldosh aloqa tizimini joriy etish faoliyatining asosiy talablari etib quyidagilar belgilansin:
(a) radiochastota ajratilishi va radioelektron vositalardan foydalanish uchun ruxsatnomalarni rasmiylashtirish;
(b) Oʻzbekiston Respublikasi hududida yuridik shaxs tashkil etish yoki mahalliy telekommunikatsiya operatori bilan hamkorlik qilish;
(v) markaziy yer stansiyasi (Gateway)ni mamlakat hududida qurish va axborot xavfsizligi talablariga rioya etish;
(g) foydalanuvchi maʼlumotlarini respublika hududida saqlash.
III. Yer uchastkalari va infratuzilma
4. Belgilansinki, yoʻldosh aloqa infratuzilmasi (markaziy yer stansiyalari, terminallar va yoʻldosh aloqa infratuzilmasining boshqa aktiv qurilmalari)ni joylashtirishda telekommunikatsiya vositalarini joylashtirish uchun ijara shartnomalarini rasmiylashtirish tartibi tatbiq etiladi.
IV. Imtiyozlar va preferensiyalar
5. Shunday tartib oʻrnatilsinki, unga muvofiq 2026-yil 1-yanvardan boshlab 5 yil muddatga oʻrta va past orbitali yoʻldosh aloqa tarmoqlarini Oʻzbekiston hududida markaziy yer stansiyasi orqali tashkil qilish bilan bogʻliq boʻlgan loyihalar doirasida:
(a) telekommunikatsiya operatorlarining yoʻldosh aloqa tarmoqlariga tegishli qurilmalar, dasturiy mahsulotlar, ehtiyot va butlovchi qismlarni sotib olish va ularga xizmatlar koʻrsatish yoʻldosh aloqa qurilmalari ishlab chiqaruvchilar va (yoki) yetkazib beruvchilar bilan tender (tanlov) savdolarini oʻtkazmasdan muzokaralar asosida toʻgʻridan-toʻgʻri shartnomalar tuzish orqali amalga oshiriladi;
(b) import qilinadigan qurilmalar, dasturiy mahsulotlar, ehtiyot va butlovchi qismlar bojxona toʻlovlaridan ozod qilinadi (bojxona rasmiylashtiruvi yigʻimlari bundan mustasno);
(v) telekommunikatsiya operatorlari oʻrta va past orbitali yoʻldosh aloqa tarmoqlari tomonidan radiochastota spektridan foydalanganlik uchun toʻlovlardan ozod qilinadi (harakatdagi yoʻldosh aloqa tarmogʻida yoʻldoshdan bevosita yakuniy foydalanuvchi qurilmasiga (Direct-to-Device) hamda yoʻldoshdan bevosita mobil aloqa terminaliga (Direct-to-Cellular) toʻgʻridan-toʻgʻri ulanishlarni, shuningdek, avtomobil va poyezdlarda harakatdagi yer stansiyasi (ESIM) tizimlarini tashkil qilish bilan bogʻliq toʻlovlar bundan mustasno);
(g) yoʻldosh aloqa tarmoqlari operatorlari tomonidan yoʻldosh aloqa tizimi orqali koʻrsatilgan xizmatlar qoʻshilgan qiymat soligʻidan ozod etiladi;
(d) markaziy yer stansiyalari, terminallar va yoʻldosh aloqa infratuzilmasining boshqa aktiv qurilmalari joylashtirilgan telekommunikatsiya inshootlari va ularning yer maydonlari mol-mulk soligʻi va yer soligʻidan ozod etiladi;
(j) yoʻldosh aloqa tarmoqlari operatorlari yaratilgan yoʻldosh aloqa tizimi orqali koʻrsatgan xizmatlari uchun foyda soligʻidan ozod qilinadi.
6. Iqtisodiyot va moliya vazirligi, Soliq qoʻmitasi va Raqamli texnologiyalar vazirligi uch oy muddatda mazkur qarorning 5-bandidan kelib chiqib, Soliq kodeksiga oʻzgartirish va qoʻshimchalar kiritishni nazarda tutuvchi qonun loyihasini Vazirlar Mahkamasiga kiritsin.
V. Tashkiliy tadbirlar
7. 2030-yil 31-dekabrga qadar yoʻldosh aloqa tarmoqlariga ega telekommunikatsiya operatorlariga yoʻldosh aloqa xizmatlarini joriy etish boʻyicha telekommunikatsiyalar sohasida litsenziya olgan sanadan boshlab 6 oy muddatga quyidagilarga ruxsat berilsin:
(a) markaziy yer stansiyalari va terminal maydonlari boʻyicha loyihalashtirish va qurilish-montaj ishlarini “fast-track” usuli bilan amalga oshirish;
(b) mazkur qarorning 3-bandi “b” — “g” kichik bandlari talablarini bajarish sharti bilan radioelektron vositalarni sotib olish, oʻrnatish, Oʻzbekiston Respublikasi hududiga olib kirish va foydalanish uchun ruxsatnomalarni hamda telekommunikatsiya vositalari va inshootlarini foydalanishga qabul qilish dalolatnomasini va ulardan foydalanishga doir ruxsatnomani rasmiylashtirish bilan bir vaqtda telekommunikatsiya xizmatlarini koʻrsatish.
VI. Qaror ijrosini tashkil etish, taʼminlash va nazorat
8. Raqamli texnologiyalar vazirligi ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
9. Mazkur qaror ijrosini monitoring qilib borish quyidagi tartibda amalga oshirilsin:
(a) Raqamli texnologiyalar vazirligi har yili 15-fevralga qadar qaror ijrosini monitoringdan oʻtkazsin hamda monitoring natijalarini Hisob palatasi va Adliya vazirligiga kiritib borsin;
(b) Hisob palatasi Adliya vazirligi bilan birgalikda monitoring rejasi asosida qaror ijrosini nazorat qilsin hamda har yili 25-fevralga qadar Oʻzbekiston Respublikasi Prezidenti Administratsiyasiga axborot kiritib borsin.
10. Mazkur qarorning ijrosini samarali tashkil qilishga masʼul va shaxsiy javobgar etib raqamli texnologiyalar vaziri Sh.X. Shermatov belgilansin.
11. Qaror ijrosini muhokama qilib borish, masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 21-oktabr,
PQ-313-son
Президента Республики Узбекистан
Постановление
О мерах по внедрению технологий спутниковой связи для расширения охвата связью в отдаленных районах республики
В целях ускоренного развития цифровой инфраструктуры в республике, сокращения цифрового разрыва между городскими и сельскими территориями, расширения охвата услуг связи в отдаленных регионах, развития цифровой экономики, а также реализации задач, обозначенных в Стратегии «Цифровой Узбекистан — 2030», постановляю:
I. Приоритетные направления
1. Определить приоритетными направлениями развития технологий спутниковой связи:
(а) создание нормативно-правовой базы внедрения и использования средне- и низкоорбитальных спутниковых систем связи;
(б) создание благоприятных условий для предоставления телекоммуникационных услуг в отдаленных регионах и на территориях, не охваченных наземными сетями;
(в) обеспечение посредством спутниковой связи надежности сетей и резервной связи в чрезвычайных ситуациях;
(г) определение организационно-технических основ обеспечения информационной безопасности при использовании систем спутниковой связи.
II. Основные требования
2. Установить, что внедрение систем спутниковой связи и предоставление услуг спутникового интернета являются лицензируемыми видами деятельности в сфере телекоммуникаций на территории Республики Узбекистан.
3. Определить основными требованиями деятельности по внедрению системы спутниковой связи:
(а) оформление разрешений на выделение радиочастот и использование радиоэлектронных средств;
(б) создание юридического лица на территории Республики Узбекистан или сотрудничество с местным оператором телекоммуникаций;
(в) строительство центральной земной станции (Gateway) на территории страны и соблюдение требований информационной безопасности;
(г) хранение пользовательских данных на территории республики.
III. Земельные участки и инфраструктура
4. Установить, что при размещении инфраструктуры спутниковой связи (центральных земных станций, терминалов и других активных устройств инфраструктуры спутниковой связи) применяется порядок оформления договоров аренды на размещение средств телекоммуникаций.
IV. Льготы и преференции
5. Установить порядок, в соответствии с которым начиная с 1 января 2026 года сроком на 5 лет в рамках проектов, связанных с организацией средне- и низкоорбитальных спутниковых сетей связи через центральную земную станцию на территории Узбекистана:
(а) закупка и обслуживание оборудования, программных продуктов, запасных частей и комплектующих, относящихся к сетям спутниковой связи операторов телекоммуникаций, осуществляются путем заключения прямых договоров с производителями и (или) поставщиками оборудования спутниковой связи на основе переговоров без проведения тендерных (конкурсных) торгов;
(б) импортируемое оборудование, программные продукты, запасные части и комплектующие освобождаются от таможенных платежей (за исключением сборов за таможенное оформление);
(в) операторы телекоммуникаций освобождаются от платы за использование радиочастотного спектра средне- и низкоорбитальными спутниковыми сетями связи (за исключением платы, связанной с организацией прямого подключения от спутника к устройству конечного пользователя (Direct-to-Device) и от спутника непосредственно к мобильному терминалу связи (Direct-to-Cellular) в сети подвижной спутниковой связи, а также систем подвижной земной станции (ESIM) в автомобилях и поездах);
(г) услуги, предоставленные операторами сетей спутниковой связи через систему спутниковой связи, освобождаются от налога на добавленную стоимость;
(д) сооружения телекоммуникаций и их земельные участки, на которых размещены центральные земные станции, терминалы и другие активные устройства инфраструктуры спутниковой связи, освобождаются от налога на имущество и земельного налога;
(ж) операторы сетей спутниковой связи освобождаются от налога на прибыль за услуги, оказанные через созданную систему спутниковой связи.
6. Министерству экономики и финансов, Налоговому комитету и Министерству цифровых технологий в трехмесячный срок внести в Кабинет Министров проект закона, предусматривающего исходя из пункта 5 настоящего постановления внесение изменений и дополнений в Налоговый кодекс .
V. Организационные мероприятия
7. Разрешить до 31 декабря 2030 года операторам телекоммуникаций, имеющим сети спутниковой связи, в течение 6 месяцев с даты получения лицензии в сфере телекоммуникаций на внедрение услуг спутниковой связи:
(а) осуществление проектных и строительно-монтажных работ по центральным земным станциям и терминальным площадкам методом «fast-track»;
(б) оформление разрешений на приобретение, установку, ввоз на территорию Республики Узбекистан и эксплуатацию радиоэлектронных средств, а также акта приемки в эксплуатацию средств и сооружений телекоммуникаций и разрешения на их использование с одновременным оказанием услуг телекоммуникаций, при условии выполнения требований подпунктов «б» — «г» пункта 3 настоящего постановления.
VI. Организация, обеспечение и контроль исполнения постановления
8. Министерству цифровых технологий в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
9. Мониторинг исполнения настоящего постановления осуществлять в следующем порядке:
(а) Министерству цифровых технологий ежегодно до 15 февраля проводить мониторинг исполнения постановления и вносить результаты мониторинга в Счетную палату и Министерство юстиции;
(б) Счетной палате совместно с Министерством юстиции осуществлять контроль за исполнением постановления на основе Плана ведения мониторинга и ежегодно до 25 февраля представлять информацию в Администрацию Президента Республики Узбекистан.
10. Возложить на министра цифровых технологий Ш.Х. Шерматова персональную ответственность за эффективную организацию исполнения настоящего постановления.
11. Обсуждение хода исполнения настоящего постановления, осуществление координации и контроля за деятельностью ответственных организаций возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
21 октября 2025 г.,
№ ПП-313