UzbekAI

Ўзбекистон Республикаси Вазирлар Маҳкамасининг

қарори

низом

СХЕМАСИ

ТАРТИБИ

НИЗОМ

СХЕМА

НИЗОМ

НИЗОМ

СХЕМАСИ

НИЗОМ

НИЗОМ

СХЕМАСИ

РЎЙХАТИ

Энергия сервис хизматлари бозорини шакллантириш ҳамда аҳоли уй-жойларининг энергия самарадорлиги оширилишини рағбатлантириш чора-тадбирлари тўғрисида

Ўзбекистон Республикаси Президентининг «Энергия самарадорлигини ошириш соҳасида давлат бошқарувини такомиллаштириш ва энергия сервис компаниялари хизматлари бозорини ривожлантириш чора-тадбирлари тўғрисида» 2025 йил 27 мартдаги ПФ-63-сон Фармони ижросини таъминлаш мақсадида Вазирлар Маҳкамаси қарор қилади:

1. Қуйидагилар:

Аҳоли уй-жойларини энергия аудитидан ўтказиш, энергия самарадор қурилмаларни харид қилиш ва ўрнатишда субсидия ажратиш тўғрисидаги низом 1-иловага мувофиқ;

Энергия аудиторларини сертификатлаш тартиби тўғрисидаги низом 2-иловага мувофиқ;

Энергия сервис хизматларини кўрсатиш тартиби тўғрисидаги низом 3-иловага мувофиқ;

«Яшил таъмир» кредити бўйича фоиз тўловларининг бир қисмини қоплаб бериш тартиби тўғрисидаги низом 4-иловага мувофиқ;

Энергия самарадорлигини ошириш рақамли платформасида қайта тикланувчи энергия манбалари қурилмалари ва бошқа энергия самарадор ускуналарнинг савдоларини ўтказиш, шартномаларни тузиш, етказиб бериш ҳамда ўрнатиш тартиби тўғрисидаги низом 5-иловага мувофиқ;

Тижорат банклари томонидан тўқимачилик саноати корхоналарининг ўз эҳтиёжлари учун қуёш панелларини харид қилиш ва ўрнатишга ажратиладиган кредитлари бўйича фоиз тўловларининг бир қисмини компенсация қилиш тартиби тўғрисидаги низом 6-иловага мувофиқ тасдиқлансин.

2. Вазирлар Маҳкамаси ҳузуридаги Энергия самарадорлиги миллий агентлиги (кейинги ўринларда — Агентлик) бир ой муддатда «Ўзбекистон ипотекани қайта молиялаштириш компанияси» АЖ томонидан «яшил таъмир» кредитларига ресурс маблағларини ажратиш бўйича ҳамкорлик ўрнатган тижорат банклари билан ушбу кредит фоиз тўловларининг бир қисмини қоплаб бериш юзасидан бош келишувларга эришиш чораларини кўрсин.

3. Белгилансинки, давлат хизматларини кўрсатишда рақамлаштириш кўламини кенгайтириш ҳамда давлат ва фуқаро (G2C) ўртасидаги муносабатларда аҳоли учун енгилликлар яратиш мақсадида 2025 йил ноябрь ойидан бошлаб Агентликнинг Энергия самарадорлигини ошириш рақамли платформаси (кейинги ўринларда — платформа) орқали аҳолига энергия самарадор технологиялар ҳамда қайта тикланувчи энергия манбалари қурилмаларини харид қилишда субсидиялар ажратиш тизими жорий қилинади.

Бунда Рақамли технологиялар вазирлиги платформани:

Энергетика вазирлиги ва Божхона қўмитасининг қайта тикланувчи энергия манбалари қурилмалари ўрнатилган объектлар бўйича «Yashil energiya» тизимига;

етказиб берилган электр энергияси ҳажмлари бўйича «Ҳудудий электр тармоқлари» АЖнинг «ASKUE» дастурига;

етказиб берилган табиий газ ҳажмлари бўйича «Ҳудудгазтаъминот» АЖнинг «ASKUG» дастурига;

етказиб берилган иссиқлик энергияси бўйича «Иссиқликтаъминоти» АЖнинг «Billing» тизимига;

энергия самарадор қурилма ва ускуналарнинг мувофиқлик сертификати мавжудлиги бўйича Ўзбекистон техник жиҳатдан тартибга солиш агентлигининг «Техник тартибга солиш» миллий ахборот тизимига;

кадастр ва кўчмас мулкларни рўйхатдан ўтказиш маълумотлари бўйича Иқтисодиёт ва молия вазирлиги ҳузуридаги Кадастр агентлигининг «UZKAD» ахборот тизимига «Электрон ҳукумат» тизимининг идоралараро интеграциялашув платформаси ҳамда Ягона интерактив давлат хизматлари портали орқали интеграция қилинишини таъминласин.

4. Қурилиш ва уй-жой коммунал хўжалиги вазирлиги икки ҳафта муддатда Агентликка «Шаффоф қурилиш» миллий ахборот тизимининг «Бино ва иншоотларнинг энергия аудити» электрон платформасидан тўлиқ фойдаланиш имкониятини тақдим этсин.

5. Агентлик Қурилиш ва уй-жой коммунал хўжалиги вазирлиги ҳамда манфаатдор вазирлик ва идоралар билан биргаликда 2025 йил 1 декабрга қадар энергия самарадорлигини ошириш соҳасида профессионал кадрлар тайёрлаш, қайта тайёрлаш ва уларнинг малакасини баҳолаб бориш тизимини йўлга қўйиш бўйича таклифлар ишлаб чиқсин ва белгиланган тартибда Вазирлар Маҳкамасига киритсин.

6. Қурилиш ва уй-жой коммунал хўжалиги вазирлиги Агентлик билан биргаликда бир ой муддатда «Шаффоф қурилиш» миллий ахборот тизимининг «Соҳавий қурилиш-пудрат ва лойиҳа-қидирув ташкилотлари рейтинги» платформасида қурилиш-пудрат ва лойиҳа-қидирув ташкилотларини энергия самарадорлиги йўналишида баҳолаш амалиётини жорий қилсин.

Бунда қурилиш-пудрат ва лойиҳа-қидирув ташкилотларини энергия самарадорлиги йўналишида баҳолашда Агентлик томонидан берилган сертификатлар инобатга олинади.

7. Қурилиш ва уй-жой коммунал хўжалиги вазирлиги Агентлик билан биргаликда халқаро консультантларни жалб қилган ҳолда, 2025 йил якунига қадар фойдаланиш майдони 200 квадрат метрдан ортиқ бўлган бино ва иншоотларнинг энергия самарадорлигини «A», «B», «C», «D», «E», «F» ва «G» белгилари орқали тоифалаш тартибини ишлаб чиқсин.

8. Энергетика вазирлиги Иқтисодиёт ва молия вазирлиги ҳамда Агентлик билан биргаликда икки ҳафта муддатда Энергетика вазирлиги ҳузуридаги бюджетдан ташқари Тармоқлараро энергияни тежаш жамғармасига тегишли бўлган барча активларнинг белгиланган тартибда Агентликка топширилишини якунласин.

9. Иқтисодиёт ва молия вазирлиги, Энергетика вазирлиги ва Агентликнинг:

Тармоқлараро энергияни тежаш жамғармасининг «Яшил энергия» МЧЖ устав фондига киритилган улушини Энергетика вазирлигига ўтказиш;

давлат улуши бўйича дивидендлар ҳисобидан нефть-газ ва электр энергетикаси тармоқлари корхоналарининг соф фойдасидан 5 фоиз миқдоридаги ўтказмалар ҳамда энергияни меъёрдан ортиқча истеъмол қилганлик учун корхоналарга қўлланадиган оширилган тарифлардан тушумлардан 2025 йил 1 январга қадар тўланиши лозим бўлган дебитор қарздорликларни ҳамда ёқилғи-энергетика ресурсларидан фойдаланишда аниқланган ҳуқуқбузарликлар бўйича ундирилган иқтисодий санкциялар суммасининг 20 фоизини Энергетика вазирлигининг бюджетдан ташқари Ёқилғи-энергетика тармоғини ривожлантириш жамғармасига ўтказиш тўғрисидаги таклифларига розилик берилсин.

Бунда энергияни меъёрдан ортиқча истеъмол қилганлик учун корхоналарга қўлланадиган оширилган тарифлардан тушумлар ва давлат улуши бўйича дивидендлар ҳисобидан нефть-газ ва электр энергетикаси тармоқлари корхоналарининг соф фойдасидан 5 фоиз миқдоридаги ўтказмалар бўйича 2025 йил 1 январдан кейин тўланиши лозим бўлган маблағлар Агентлик ҳузуридаги Энергия самарадорлигини рағбатлантириш ва қўллаб-қувватлаш жамғармасига ўтказилади.

10. Аҳоли уй-жойларининг энергия самарадорлигини оширишда қўшимча рағбатлантириш ва енгилликлар яратиш мақсадида:

а) 2025 йил ноябрдан бошлаб аҳолига тижорат банклари орқали ажратиладиган «яшил таъмир» кредити ҳамда Вазирлар Маҳкамасининг 2023 йил 29 сентябрдаги 517-сон қарори билан тасдиқланган «Яшил» истеъмол кредити бўйича фоиз тўловларининг бир қисмини қоплаб бериш тартиби тўғрисидаги низомда назарда тутилган «яшил» истеъмол кредити бўйича энергия самарадор қурилма ва ускуналарни (гелиоколлектор, қуёш панеллари, иссиқлик насослари, қурилиш изоляция материаллари, энергия самарадор газ ёндиргичли қозонлар ва бошқалар) харид қилиш ва ўрнатиш учун компенсация бериш ҳамда аҳоли уй-жойларини энергия аудитидан ўтказиш харажатларини қоплаш учун субсидиялар ажратиш фақат Агентлик томонидан ажратилади.

Бунда «яшил таъмир» ва «яшил» истеъмол кредитлари фоиз ставкасининг 19 фоизидан ошган қисмига, бироқ 4 фоизлик банддан ошмаган миқдорда Агентликнинг ягона реестрига киритилган энергия аудиторларининг тегишли хулосалари асосида платформа орқали Энергия самарадорлигини рағбатлантириш ва қўллаб-қувватлаш жамғармаси маблағлари ҳисобидан қоплаб берилади;

б) «яшил таъмир» ҳамда «яшил» истеъмол кредитлари ва (ёки) аҳолининг ўз маблағлари ҳисобидан энергия самарадор қурилма ва ускуналар сотиб олинганда, харажатларининг бир қисмини қоплаш учун қуйидаги миқдорларда субсидия ажратилади:

аҳоли уй-жойларини энергия аудитидан ўтказиш харажатларининг 100 фоизи миқдорида;

аҳоли уй-жойларига қуёш панеллари, гелиоколлекторлар ҳамда бошқа маиший иситиш қозонлари, қурилма ва ускуналарни харид қилиш ва ўрнатиш харажатларининг 20 фоизи миқдорида;

аҳоли уй-жойларига иссиқлик насосларини харид қилиш ва ўрнатиш харажатларининг 40 фоизи миқдорида, бунда ушбу йўналишда ажратиладиган субсидия миқдори базавий ҳисоблаш миқдорининг 50 бараваридан ошмаслиги лозим.

11. Энергетика вазирлиги, «Ҳудудий электр тармоқлари» АЖ ҳар чоракда, чорак якунидан кейинги ойнинг 15-санасига қадар ҳудудлардаги тармоқларнинг қувватлари ва кучланишларидан келиб чиқиб, қуёш панелларида ишлаб чиқарилган электр энергиясини қабул қилиш имкониятлари бўйича маҳаллалар кесимида энергия балансларини Агентликка тақдим қилиб борсин ҳамда улар платформада эълон қилиб борилишини таъминласин.

12. Ўзбекистон Республикаси Ҳукуматининг 7-иловага мувофиқ айрим қарорларига ўзгартириш ва қўшимчалар киритилсин.

13. Ўзбекистон Республикаси Ҳукуматининг 8-иловага мувофиқ айрим қарорлари ўз кучини йўқотган деб ҳисоблансин.

14. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари — иқтисодиёт ва молия вазири Ж.А. Қўчқоров зиммасига юклансин.

Вазирлар Маҳкамасининг 2025 йил 24 октябрдаги 673-сон қарорига 1-ИЛОВА

Аҳоли уй-жойларини энергия аудитидан ўтказиш, энергия самарадор қурилмаларни харид қилиш ва ўрнатишда субсидия ажратиш тўғрисида

1-боб. Умумий қоидалар

1. Ушбу Низом аҳоли уй-жойларини энергия аудитидан ўтказиш харажатларини тўлиқ қоплаш, қуёш панеллари, гелиоколлекторлар, иссиқлик насослари ҳамда бошқа маиший иситиш қозонлари, қурилма ва ускуналарни харид қилиш ва ўрнатиш харажатларининг бир қисмини қоплаш учун субсидия ажратиш тартибини белгилайди.

2. Ушбу Низомда қуйидаги тушунчалардан фойдаланилади:

бошланғич тоифадаги энергия аудитори — Вазирлар Маҳкамаси ҳузуридаги Энергия самарадорлиги миллий агентлигининг (кейинги ўринларда — Агентлик) Энергия самарадорлигини ошириш соҳасидаги аудиторларнинг ягона реестрига (кейинги ўринларда — ягона реестр) киритилган, энергия аудитини ўтказиш ва энергия самарадорлигини ошириш йўналишида энергия аудиторларини тайёрлаш бўйича қисқа муддатли махсус ўқув курсларини тамомлаган ҳамда фақат аҳоли уй-жойларида энергия аудитини ўтказиш ҳуқуқига эга энергия аудиторлари тоифаси;

гелиоколлектор — қуёш нурининг иссиқлик энергиясини қабул қилиб, уни иссиқлик ташувчи манбага (сув, антифриз, ҳаво) ўтказадиган, қуёш энергиясини умумий тармоққа уланмасдан ёки минимал электр энергияси сарфи билан (насос, автоматика) фойдаланиладиган иссиқликка айлантириш қурилмаси;

етказиб берувчи — Агентликнинг Энергия самарадорлигини ошириш рақамли платформаси (кейинги ўринларда — платформа) орқали қуёш панеллари, гелиоколлекторлар, иссиқлик насослари ҳамда бошқа маиший иситиш қозонлари, қурилма ва ускуналарни харид қилиш ва ўрнатишни таклиф этувчи юридик шахс;

иссиқлик насоси — атроф-муҳитдан (ҳаво, сув ёки геотермал манбалардан) энергия олиб, уни иссиқлик ёки совитиш энергиясига айлантириш ва етказиб бериш қурилмаси;

Инсофсиз етказиб берувчилар реестри — ушбу Низомнинг 4-бобида белгиланган талаблар асосида платформанинг маркетплейс тизимидан четлатилган етказиб берувчилар рўйхати;

маблағларни банд қилиш — платформада шартнома бўйича энергия аудитори ва етказиб берувчилар мажбуриятларининг тўлиқ бажарилишини таъминловчи маблағлар ҳаракатини шартнома ёпилгунга қадар тўхтатиб қўйиш;

платформанинг маркетплейс тизими — платформада энергия аудити хизматларини, энергия самарадор қурилма ва ускуналарни бозор тамойиллари асосида эркин сотиб олиш ёки сотиш хизматларини таклиф қилувчи, талабгор томонидан етказиб берувчи ва энергия аудиторларини мустақил танлаш имкониятини берадиган электрон савдо майдони;

профессионал тоифадаги энергия аудитори — устав капиталида 50 фоиз ва ундан юқори давлат улуши мавжуд корхоналарни, уй-жойларни, давлат муассасаларини, ижтимоий соҳа объектларини, хусусий корхоналарни энергия аудитидан ўтказиш билан шуғулланувчи, етарли тажриба ва тегишли малака сертификатига эга бўлган энергия аудиторлари тоифаси;

субсидия — аҳоли уй-жойларини энергия аудитидан ўтказиш харажатларини тўлиқ ҳамда аҳолининг ўз маблағи ёки тижорат банклари кредитлари ҳисобидан қуёш панеллари, гелиоколлекторлар, иссиқлик насослари ҳамда бошқа маиший иситиш қозонлари, қурилма ва ускуналарни харид қилиш ва ўрнатиш харажатларнинг бир қисмини қоплаш учун Агентлик ҳузуридаги Энергия самарадорлигини рағбатлантириш ва қўллаб-қувватлаш жамғармасидан ажратиладиган маблағлар;

талабгор — уй-жойни энергия аудитидан ўтказиш ҳамда қуёш панеллари, гелиоколлекторлар, иссиқлик насосларини ҳамда бошқа маиший иситиш қозонлари, қурилма ва ускуналарни харид қилиш ва ўрнатиш бўйича платформа орқали мурожаат қилган жисмоний шахс;

энергия аудитори — энергия истеъмолчиларини энергия аудитидан ўтказиш соҳасида етарли билим, тажриба ва малака сертификатига эга (бундан бошланғич тоифадаги энергия аудитори мустасно) ҳамда белгиланган минимал талабларга жавоб берувчи жисмоний шахс;

энергия самарадор қурилма ва ускуналар — қуёш панеллари, гелиоколлекторлар, иссиқлик насослари ҳамда бошқа маиший иситиш қозонлари, қурилма ва ускуналари;

қуёш панеллари — қуёш нурларидан электр энергияси ишлаб чиқаришга мўлжалланган қурилма.

3. Субсидия талабгорга аҳоли уй-жойларига энергия самарадор қурилма ва ускуналар энергия аудитори хулосаси асосида ўрнатилганда берилади.

Бунда ўрнатилган қурилма ва ускуналар харажатларининг бир қисми бўйича субсидия ушбу Низомнинг 4-бандида белгиланган миқдорлар асосида Агентлик томонидан ажратилади.

Талабгор томонидан қурилма ва ускуналар харажатлари учун тўловлар субсидия ажратиладиган қисм чегириб ташланган ҳолда амалга оширилади. Қурилма ва ускуналар харажатларининг субсидия қилинадиган қисми Агентлик томонидан етказиб берувчига тўлаб берилади.

Энергия аудитори хизматлари ва энергия самарадор қурилма ва ускуналарни харид қилиш бўйича шартномалар бозор тамойиллари асосида платформанинг маркетплейс тизимида шакллантирилади.

Энергия аудитори хулосасининг амал қилиш муддати 3 йил этиб белгиланади.

4. Субсидия қуйидаги миқдорларда ажратилади:

аҳоли уй-жойларини энергия аудитидан ўтказиш харажатларининг 100 фоизи миқдорида;

аҳоли уй-жойларига қуёш панеллари, гелиоколлекторлар ҳамда бошқа маиший иситиш қозонлари, қурилма ва ускуналарни харид қилиш ва ўрнатиш харажатларининг 20 фоизи миқдорида;

аҳоли уй-жойларига иссиқлик насосларини харид қилиш ва ўрнатиш харажатларининг 40 фоизи миқдорида, бунда ушбу йўналишда ажратиладиган субсидия миқдори базавий ҳисоблаш миқдорининг 50 бараваридан ошмаслиги лозим.

Бунда энергия самарадор бўлган бошқа қурилма ва ускуналар турлари Агентлик томонидан белгиланиши мумкин.

5. Субсидия ажратиладиган талабгорларга қуйидаги кредитлар бўйича кредит фоиз ставкасининг 19 фоизидан ошган қисми, бироқ 4 фоизлик банддан ошмаган миқдорда Агентлик маблағлари ҳисобидан тижорат банкларига қўшимча равишда қоплаб берилади:

Вазирлар Маҳкамасининг 2023 йил 29 сентябрдаги 517-сон қарори билан тасдиқланган «Яшил» истеъмол кредити бўйича фоиз тўловларининг бир қисмини қоплаб бериш тартиби тўғрисидаги низом талаблари асосида олинган «яшил» истеъмол кредитлари;

«Яшил таъмир» кредити бўйича фоиз тўловларининг бир қисмини қоплаб бериш тартиби тўғрисидаги низомда назарда тутилган «яшил таъмир» кредитлари;

ойига 1000 куб метрдан ортиқ табиий газ сарфлайдиган аҳоли хонадонларига энергия самарадор қурилмалар ва ускуналарни (газ горелкали қурилмаларни) ўрнатиш учун ажратиладиган «яшил кредитлар».

Бунда Агентлик ягона реестрига киритилган энергия аудиторларининг платформа орқали қабул қилинган хулосалари мавжуд бўлгандагина «яшил» истеъмол ҳамда «яшил таъмир» кредитлари фоиз тўловларининг бир қисми қоплаб берилади.

6. «Ўзбекистон республика товар-хом ашё биржаси» АЖ платформа оператори ҳисобланади.

2-боб. Энергия самарадорлигини ошириш рақамли платформасидан рўйхатдан ўтиш тартиби

7. Платформада фойдаланувчиларга етказиб берувчилар ҳамда энергия аудиторлари томонидан аҳоли уй-жойларининг энергия самарадорлигини ошириш учун энергия аудитидан ўтказиш, энергия самарадор қурилма ва ускуналар тўғрисида тўлиқ маълумот бериш ҳамда харид қилиш учун сўровлар юбориш имконияти яратилади.

8. Талабгорлар платформада ЖШШИР маълумотлари ва (ёки) электрон рақамли имзо орқали рўйхатдан ўтади.

9. Платформада рўйхатдан ўтиш учун етказиб берувчилар ва энергия аудиторлари Агентликка қуйидаги ҳужжатларни илова қилган ҳолда платформа орқали ариза юборадилар:

а) етказиб берувчилар:

юридик шахснинг номи, жойлашган жойи (почта манзили), унинг рўйхатдан ўтиш рақами, санаси, гувоҳнома берган орган номи, СТИР рақами;

энергия самарадор қурилма ва ускуналарнинг мувофиқлик сертификатлари нусхалари;

кафолат муддати давомида доимий асосда хизмат кўрсатиш имконияти мавжудлиги тўғрисида маълумот.

Бунда платформада рўйхатдан ўтиш истагидаги қуёш панели етказиб берувчилар ариза берилган санадан олдинги бир йил мобайнида камида 1 МВт қувватдаги қуёш фотоэлектр станциясини муваффақиятли ўрнатган бўлиши шарт. 1 МВт қувватдаги қуёш фотоэлектр станциясини муваффақиятли ўрнатганлик етказиб берувчи билан имзоланган шартномалар ва улар бўйича ҳисобварақ фактуралар асосида аниқланади;

б) энергия аудиторлари:

бошланғич тоифадаги энергия аудиторлари:

ЖШШИР;

энергия аудиторларини тайёрлаш бўйича қисқа муддатли ўқув курсларини тамомлагани тўғрисидаги сертификат нусхаси;

профессионал тоифадаги энергия аудиторлари:

ЖШШИР;

Энергия аудиторларини сертификатлаш тартиби тўғрисидаги низомда назарда тутилган малака тоифаси берилганини тасдиқловчи сертификат нусхаси ёки ушбу қарор кучга киргунга қадар олинган профессионал тоифадаги энергия аудиторлари эга бўлган малакани тасдиқловчи ҳужжатнинг (сертификат, гувоҳнома) нусхаси;

камида битта энергия аудитини ўтказиш шартномаси бўйича қонунчиликда белгиланган минимал талаблар асосида тайёрланган энергия аудити ҳисоботи нусхаси;

профессионал тоифадаги энергия аудитори фаолият юритаётган юридик шахснинг номи ва СТИР рақами.

10. Тақдим этилган ҳужжатлар 7 иш куни ичида Агентлик томонидан ўрганиб чиқилиб, энергия аудиторлари ягона реестрда рўйхатдан ўтказилади.

11. Субсидия олиш учун платформада энергия аудитидан ўтказиш буюртманомаси (кейинги ўринларда — буюртманома) бепул қолдирилади (тўлдирилади).

12. Платформа доимий янгилаб борилади ва фойдаланувчиларга реал вақт режимида маълумот тақдим этилади.

13. Платформа орқали амалга оширилган ҳар бир операция ва мурожаат тегишли рақамли идентификация билан қайд этилади.

3-боб. Аҳоли уй-жойларини энергия аудитидан ўтказиш ва етказиб берувчи хизматларидан фойдаланиш жараёни

14. Аҳоли уй-жойларини энергия аудитидан ўтказиш, энергия самарадор қурилма ва ускуналарни харид қилиш ва ўрнатишда субсидия ажратиш ушбу Низомга 1-иловадаги схемага мувофиқ амалга оширилади.

15. Талабгор томонидан энергия аудиторлари хизматидан фойдаланиш, энергия самарадор қурилма ва ускуналарни ўрнатиш учун харид қилиш платформадан рўйхатда ўтган ҳолда қуйидаги тартибда амалга оширилади:

а) энергия аудитидан ўтказиш босқичида:

талабгор платформага энергия аудитидан ўтказилиши лозим бўлган уй-жойга тегишли бўлган маълумотларни (манзили, яшаш майдони, йиллик электр, газ истеъмоли ҳажми) киритади ва энергия аудити буюртманомаси варағи шакллантирилади;

талабгор платформада буюртманомани шакллантиргандан сўнг Агентлик икки иш кунида тақдим этилган маълумотларни ўрганиб, буюртманомани қабул қилади;

Агентлик томонидан тасдиқланган энергия аудитори томонидан аҳоли уй-жойларини энергия аудитидан ўтказиш билан боғлиқ харажатлар ҳисоб-китоби асосида энергия аудитини ўтказишнинг бошланғич нархи автоматик белгиланади. Энергия аудитори томонидан аҳоли уй-жойларини энергия аудитидан ўтказиш билан боғлиқ харажатлар ушбу Низомга 2-иловага мувофиқ ҳисоб-китоб қилинади;

талабгор уй-жойга тегишли бўлган маълумотларнинг тўғри ва аниқлиги учун жавобгар ҳисобланиб, энергия аудитини ўтказиш жараёнида маълумотлар талабгор томонидан нотўғри киритилгани аниқланса, шартнома қийматига қўшиладиган қўшимча маблағни талабгор тўлайди;

б) энергия самарадор қурилма ва ускуналарни ўрнатиш босқичида:

талабгор энергия аудиторининг ижобий хулосаси асосида энергия самарадор қурилма ва ускуналарни харид қилиш учун платформа орқали етказиб берувчиларга нарх таклифини юборади;

платформага нарх таклифи берилган кундан бошлаб бир иш кунида етказиб берувчи ва талабгор ўртасида электрон олди-сотди шартномаси платформа орқали расмийлаштирилади;

етказиб берувчи ва талабгор ўртасидаги электрон тарзда расмийлаштирилган олди-сотди шартномасига мувофиқ талабгор беш иш кунида шартнома бўйича тўловларнинг 80 фоизини платформага ўтказади ва платформада ушбу маблағлар банд қилинади;

етказиб берувчи электрон тарзда расмийлаштирилган шартнома бўйича харидор тўловларни ўтказганидан сўнг етти календарь кунда талабгорга ушбу ускуна ва қурилмаларнинг ўрнатилишини таъминлайди;

етказиб берувчи томонидан уй-жойнинг шарт-шароитларини ўрганиш натижасига кўра энергия аудитори хулосасидаги тавсияларни амалга ошириш имконияти мавжуд эмаслиги аниқланса (қурилмани ўрнатиш учун шарт-шароит мавжуд бўлмаганда, қонунчилик ҳужжатларига зид бўлган бошқа ҳолатлар аниқланганда), талабгорга қурилмани ўрнатишни рад этиши мумкин;

етказиб берувчи томонидан ўрнатилган ускуна ва қурилмалар тўғрисида фото ҳамда видеоҳисоботлар, тўлов чеклари, ўрнатилган ускуналарнинг қувватлари, ўзига хос серия рақамлари, хонадоннинг кадастр ҳужжатлари ёки ер ажратиш тўғрисидаги қарорлар ва бошқа зарур маълумотлар платформага юкланади;

тегишли маълумотлар етказиб берувчи томонидан платформага юкланганидан сўнг платформада автоматик тарзда бажарилган ишларни қабул қилиш ва топшириш далолатномаси шакллантирилади;

талабгор етказиб берувчи томонидан кўрсатилган хизматдан қаноат ҳосил қилган тақдирда, қабул қилиш ва топшириш далолатномасини тасдиқлайди;

энергия аудитори томонидан ўрнатилган қурилмалар созлиги текширилади ва шундан сўнг уларнинг созлигини платформадаги шахсий кабинети орқали электрон тарзда тасдиқлайди;

бир молия йилидаги чорак давомида икки ва ундан ортиқ маротаба ускуна ва қурилмалар ўрнатилганини жойига чиққан ҳолда тасдиқлашда иштирок этмаган энергия аудиторлари ягона реестридан чиқарилади;

талабгор қабул қилиш ва топшириш далолатномасини тасдиқлаб, энергия аудитори томонидан ўрнатилган қурилмалар созлиги тасдиқланганидан сўнг талабгор яшаш манзилидаги ҳоким ёрдамчисининг «Онлайн маҳалла» платформасига жойига чиқиб ўрганишни ўтказиши бўйича хабарнома юборилади;

ҳоким ёрдамчиси ўз ҳудудидаги фуқаролар хонадонларида энергия самарадор қурилма ва ускуналар ўрнатилганини «Онлайн маҳалла» платформаси орқали хабарнома келганидан сўнг икки иш кунида манзилга бориб текширади ва ҳолатни «Онлайн маҳалла» платформаси орқали тасдиқлайди;

ўрганиш натижасида ҳоким ёрдамчиси томонидан камчиликлар (ускуна ва қурилмаларнинг тўлиқ ёки қисман ўрнатилмагани, шунингдек, етказиб берувчи ва талабгор ўртасида қабул қилиш ва топшириш далолатномаси тасдиқланмагани) аниқланганда, «Онлайн маҳалла» платформаси орқали қурилма ва ускуналар ишчи ҳолатида эмаслигини тасдиқлайди;

қабул қилиш ва топшириш далолатномасининг талабгор томонидан тасдиқланиши ҳамда ҳоким ёрдамчисининг «Онлайн маҳалла» платформаси орқали қурилма ва ускуналарнинг ҳақиқатда ўрнатилиб, ишчи ҳолатидалигининг тасдиқланиши талабгор ва етказиб берувчи ўртасида тузилган шартнома бўйича қуёш панеллари, гелиоколлекторлар ҳамда бошқа маиший иситиш қозонлари, қурилма ва ускуналарни харид қилиш ва ўрнатиш харажатларининг қийматининг 20 фоизи, иссиқлик насослари (ҳаво, сув ва геотермал) харид қилиш ва ўрнатиш харажатларининг 40 фоизи Агентлик томонидан етказиб берувчининг банк ҳисобварағига субсидия маблағи ажратишни кўриб чиқишга асос бўлади;

Агентлик томонидан платформада жойлаштирилган қабул қилиш ва топшириш далолатномаси, фото ва видеоҳисоботга асосан энергия самарадор қурилма ва ускуналарнинг баҳоси, миқдори, қуввати, сифати, қурилманинг серия рақамлари ва бошқа кўрсаткичлари бўйича платформанинг маркетплейс тизимида кўрсатилган талабларга мос келиши ёки келмаслиги тўғрисида 3 иш куни давомида дастлабки ўрганиш ўтказилади.

16. Энергия аудитори ва талабгор ўртасидаги шартнома қуйидаги тартибда расмийлаштирилади:

талабгорнинг платформага киритган маълумотлари лот тарзида шакллантирилади ва платформада рўйхатдан ўтган барча энергия аудиторларига платформа томонидан хабарнома юборилади;

бунда талабгор киритган маълумотлар асосида 24 соат ичида энг паст нархларда ўз хизматини таклиф қилган энергия аудитори билан талабгор ўртасида хизматлар кўрсатиш бўйича электрон шартнома расмийлаштирилади;

энергия аудиторлари томонидан таклифлар киритилмаган ҳолларда электрон тизим нарх киритилгунига қадар таклиф киритиш жараёнини кейинги 24 соатга узайтириб боради;

кейинги 24 соатга узайтирилган тақдирда, бошланғич нархга нисбатан 10 фоизгача юқори нархни ҳам қабул қилиш имконияти яратилади;

талабгор ва энергия аудитори ўртасида хизматлар кўрсатиш бўйича электрон шартномага асосан талабгор томонидан энергия аудиторининг платформада очилган ҳисобварағига шартнома маблағининг 70 фоизи беш иш кунида ўтказилади ва маблағлар платформада вақтинча банд қилинади.

17. Энергия аудитори хизматлари учун тўлов қуйидаги тартибда амалга оширилади:

энергия аудитори хулосаси расмийлаштирилганидан сўнг талабгор ҳисобварағидаги маблағларнинг 70 фоизига қўйилган банд бекор қилинади ва маблағлар энергия аудиторининг банк ҳисобварағига ўтказилади;

шартнома маблағининг 70 фоизи ўтказилганидан сўнг энергия аудитори ўн беш календарь кун муддатда кўрсатилган уй-жойнинг энергия аудитидан ўтказилишини таъминлайди ва хулосани платформага юклайди;

шартнома қийматининг қолган 30 фоизи ўрнатилган қурилмаларнинг қабул қилиш ва топшириш далолатномаси талабгор томонидан тасдиқланиб, етказиб берувчи ва талабгор ўртасидаги шартнома шартларига мувофиқ ўрнатилгани ва қурилмаларнинг ишга туширилгани энергия аудитори томонидан электрон тарзда платформада тасдиқланганидан сўнг энергия аудитори ҳисобварағига Агентлик томонидан беш иш кунида ўтказиб берилади;

талабгор энергия аудитори хулосаси олингандан сўнг энергия самарадор қурилма ва ускуналарни ўрнатишдан бош тортган тақдирда, аудит ўтказиш учун сарфланган харажатлар Агентлик томонидан талабгорга қоплаб берилмайди;

энергия аудитори томонидан платформага жойлаштириладиган хулосада объектнинг энергия самарадорлигини ошириш бўйича аниқ таклиф ва тавсиялар, шу жумладан, ўрнатилиши лозим бўлган энергия самарадор қурилма ва ускуналарнинг қувватлари кўрсатилиши лозим.

18. Энергия аудитори томонидан қурилма ва ускуналарнинг ишга тушгани ва тўғри ўрнатилгани тасдиқланиши энергия аудиторининг талабгор билан ўзаро шартнома мажбуриятлари якунига етганини англатади.

19. Бир вақтнинг ўзида якунига етказилмаган 10 та шартномалар мавжуд бўлган тақдирда, платформа энергия аудиторига талабгор билан янги шартномалар тузишга рухсат бермайди.

20. Ҳоким ёрдамчиси «Онлайн маҳалла» платформаси орқали ўрнатилган қурилмалар созлиги ва ишчи ҳолатда эканлигини тасдиқлаганидан сўнг беш иш куни ичида Агентлик томонидан харажатлар белгиланган тартибда молиялаштириб берилади.

Ўрнатилган қурилмаларнинг қабул қилиш ва топшириш далолатномаси талабгор томонидан тасдиқланиб, энергия аудитори томонидан ўрнатилган қурилмалар созлиги текширилганидан сўнг, талабгор томонидан энергия аудитори хизматлар кўрсатиш шартномасига асосан 70 фоиз ўтказилган маблағлар Агентлик томонидан субсидия кўринишида талабгорнинг шахсий банк пластик картасига беш иш кунида тушириб бериш орқали қоплаб берилади.

21. Агар талабгор тижорат банкларидан «яшил» кредитларни олиш мақсадида уй-жойларни энергия аудитидан ўтказиш сўровини юбориш орқали шартнома расмийлаштирганда, шартнома маблағи 100 фоиз миқдорда олдиндан ўтказилади ва платформада вақтинча банд қилинади.

Бунда энергия аудитори хулосаси расмийлаштирилганидан сўнг талабгор ҳисобварағидаги маблағларга банд бекор қилинади ва маблағлар энергия аудиторининг банк ҳисобварағига ўтказилади;

Мазкур қарорга «Яшил таъмир» кредити бўйича фоиз тўловларининг бир қисмини қоплаб бериш тартиби тўғрисидаги низомнинг 18-бандига мувофиқ «яшил» кредитларни тижорат банклари томонидан ажратиш маъқуллангандан сўнг талабгор томонидан энергия аудитидан ўтказиш учун маблағлар Агентлик томонидан 100 фоиз миқдорда талабгорнинг шахсий банк пластик картасига беш иш кунида тушириб бериш орқали қоплаб берилади.

21 1 . Қуйидаги ҳолларда энергия аудиторларининг Платформада иштирок этишларига 10 кунгача муддатга чеклов ўрнатилиши мумкин:

аҳолига кўрсатилган энергия аудити хизмати ва (ёки) белгиланган тартибда имзоланган шартномалар бўйича Агентликка талабгорлар томонидан камида 3 маротаба расмий ёзма мурожаат (шикоят) келиб тушганда;

Платформада тузилган энергия аудити шартномасига кўра энергия аудитини ўтказиш ва хулосани Платформага юклаш муддати бир ой давомида 3 ва ундан кўп маротаба кечиктирилганда.

4-боб. Етказиб берувчини платформанинг маркетплейс тизимида иштирок этишдан четлатиш тартиби

22. Агентлик қуйидаги ҳолларда етказиб берувчини платформанинг маркетплейс тизимида иштирок этишдан четлатади ва Инсофсиз етказиб берувчилар реестрига киритади:

етказиб берувчи ва талабгор ўзаро келишган ҳолда маблағларни мақсадсиз ишлатгани аниқланганда;

етказиб берувчига нисбатан тўловга қобилиятсизлик тартиб-таомиллари жорий этилганда;

етказиб берувчи малакавий, техник ва тижорат талабларига жавоб бермайдиган қурилмалар таклиф этганда;

етказиб берувчи рақобатга қарши ҳаракатларни содир этганда ёки қонунчиликни бузган ҳолда манфаатлар тўқнашувини келтириб чиқарганда;

талабгорлар томонидан етказиб берувчи устидан уч ва ундан ортиқ ҳолатда келиб тушган ёзма шикоятлар асосли деб топилганда. Бунда мазкур ҳолатлар суд томонидан аниқланади.

23. Етказиб берувчилар Инсофсиз етказиб берувчилар реестрига бир йил муддатга киритилади ҳамда ушбу давр мобайнида платформанинг маркетплейс тизимида қайта рўйхатдан ўтказилмайди.

5-боб. Энергия самарадор қурилма ва ускуналардан самарали фойдаланишни назорат қилиш

24. Аҳолининг ўрнатилган энергия самарадор қурилма ва ускуналардан доимий ҳамда самарали фойдаланишини мониторинг қилиб бориш тегишлилиги бўйича туман (шаҳар) ҳокимларининг молия-иқтисод ва камбағалликни қисқартириш масалалари бўйича биринчи ўринбосарлари ҳамда ҳоким ёрдамчиларининг зиммасига юкланади.

25. Агентлик ажратилган субсидия мақсадли ишлатилишини ўрганиш мақсадида етказиб берувчи томонидан талабгорга ўрнатилган энергия самарадор қурилма ва ускуналарни танлов асосида жойига чиққан ҳолда мониторинг қилиш ҳуқуқига эга.

26. Ўрнатилган қуёш панелларининг мунтазам ишлаши платформа орқали «Ҳудудий электр тармоқлари» акциядорлик жамиятининг «ASKUE» тизимига «Электрон ҳукумат» тизимининг идоралараро интеграциялашув платформага интеграция қилиш орқали мониторинг қилинади.

Бунда «Ҳудудий электр тармоқлари» АЖнинг «ASKUE» тизими орқали субсидия ажратилган талабгорларга ўрнатилган қуёш фотоэлектр станцияларида ишлаб чиқарилган электр энергияси тармоққа узатилмай қолиш ҳолатлари ўрганилади.

27. Ўрнатилган энергия самарадор қурилма ва ускуналарни бир йил мобайнида бошқа хонадонларга қайта ўрнатиш, олиб ташлаш ёки сотиб юбориш тақиқланади. Мониторинг натижасида шундай ҳолат аниқланганда, ажратилган субсидия талабгор томонидан Агентликка тўлиқ миқдорда қайтарилади, ер участкаларининг жамоат эҳтиёжлари учун олиб қўйилиши муносабати билан бузиладиган ва кўчириладиган уй-жойлар бундан мустасно.

Субсидияни қайтариш мажбурияти юзага келган ҳолларда, Агентлик талабгорга расмий огоҳлантириш юборади, бунда талабгор ўн иш куни давомида вужудга келган ҳолатни бартараф этиши ёки ажратилган субсидияни тўлиқ қайтариши талаб қилинади.

Талабгор субсидияни қайтаришдан бош тортган тақдирда, маблағлар талабгордан суд тартибида ундирилади.

6-боб. Якунловчи қоида

28. Ушбу Низом талаблари бузилишида айбдор бўлган шахслар қонунчилик ҳужжатларига мувофиқ жавоб берадилар.

Аҳоли уй-жойларини энергия аудитидан ўтказиш, энергия самарадор қурилмаларни харид қилиш ва ўрнатишда субсидия ажратиш тўғрисидаги низомга 1-ИЛОВА

Аҳоли уй-жойларини энергия аудитидан ўтказиш, энергия самарадор қурилма ва ускуналарни харид қилиш ва ўрнатишда субсидия ажратиш

Босқичлар Субъектлар Тадбирлар Муддат 1-босқич Талабгор Платформага энергия аудитидан ўтказилиши лозим бўлган уй-жойга тегишли бўлган маълумотларни (манзили, йиллик электр, газ истеъмоли ҳажми) киритади. Заруратга кўра 2-босқич Агентлик Платформада буюртманомани шакллантиргандан сўнг тақдим этилган маълумотларни ўрганиб, буюртманомани қабул қилади. 2 иш куни 3-босқич Платформа 1. Талабгор киритган маълумотлар лот тарзида шакллантирилади ва платформада рўйхатдан ўтган барча энергия аудиторларига хабарнома шаклида юборилади. 2. Кейинги 24 соат ичида талабгор киритган маълумотларга мувофиқ энг паст нархда ўз хизматини таклиф қилган энергия аудитори билан шартнома тузилади. 24 соат ичида 4-босқич Талабгор Талабгор ва энергия аудитори ўртасида хизматлар кўрсатиш бўйича электрон шартномага асосан энергия аудиторининг платформада очилган ҳисобварағига шартнома маблағининг 70 фоизи ўтказилади ва маблағлар платформада вақтинча банд қилинади. 5 иш куни 5-босқич Энергия аудитори 1. Шартномада кўрсатилган муддатларда уй-жойни энергия аудитидан ўтказади. 2. Энергия аудитори хулосаси ва ундаги маълумотлар — объектнинг энергия самарадорлигини ошириш бўйича аниқ таклиф ва тавсияларни платформага юклайди. 15 календарь кун ичида 6-босқич Талабгор Талабгор энергия аудитори хулосаси асосида энергия самарадор қурилма ва ускуналар қурилмалари сотиб олиш бўйича платформа орқали нарх сўрови юборади. 1 кун 7-босқич Платформа 24 соат ичида талабгор киритган нарх сўрови бўйича энг паст нархда ўз хизматини таклиф қилган етказиб берувчи билан шартнома тузилишини таъминлайди. 24 соат ичида 8-босқич Етказиб берувчи 1. Шартнома бўйича харидор тўловларни ўтказганидан сўнг талабгорга ушбу ускуна ва қурилмаларнинг ўрнатилишини таъминлайди. 2. Ўрнатилган ускуна ва қурилмалар тўғрисида фото ҳамда видеоҳисоботлар, ўрнатилган ускуналарнинг қувватлари, ўзига хос серия рақамлари, хонадоннинг кадастр ҳужжатлари ёки ер ажратиш тўғрисида маълумотларни платформага юклайди. 7 кун 9-босқич Платформа 1. Автоматик тарзда бажарилган ишларнинг қабул қилиш-топшириш далолатномасини шакллантиради. 2. Талабгор, энергия аудитори ва етказиб берувчи томонидан СМС-хабарнома ёки платформадаги шахсий кабинети орқали электрон тарзда далолатнома тасдиқланади. 3. Далолатнома тасдиқланганидан сўнг маҳаллалардаги ҳоким ёрдамчилари «Онлайн маҳалла» платформасига автоматик хабарнома юборилади. 2 кун 10-босқич Ҳоким ёрдамчиси Ҳоким ёрдамчилари жойига чиққан ҳолда қабул қилиш ва топшириш далолатномасида кўрсатилган ишлар ҳақиқатда бажарилганини тасдиқлайди. Хабарнома келиб тушган кундан бошлаб 2 кун муддатда 11-босқич Агентлик 1. Субсидия ажратиш асосларини кўриб чиқиб, Ғазначилик хизмати қўмитасига субсидияни молиялаштириш бўйича тегишли буюртманомани юборади. 5 иш куни ичида 2. Буюртманомага асосан Ғазначилик хизмати қўмитасидан ажратилган субсидияни етказиб берувчи ва энергия аудиторининг ҳисобрақамига ҳамда талабгорнинг банк пластик картасига ўтказиб беради. 1 кун муддатда

Аҳоли уй-жойларини энергия аудитидан ўтказиш, энергия самарадор қурилмаларни харид қилиш ва ўрнатишда субсидия ажратиш тўғрисидаги низомга 2-ИЛОВА

Энергия аудитори томонидан аҳоли уй-жойларини энергия аудитидан ўтказиш билан боғлиқ харажатларни ҳисоб-китоб қилиш

1. Ушбу тартиб аҳоли уй-жойларида ўтказиладиган энергия аудити хизмати нархини шакллантириш мезонлари ва ҳисоб-китоб усулларини белгилайди.

2. Аҳоли уй-жойларини энергия аудитидан ўтказиш хизмати нархи энергия аудити ўтказишда амалга ошириладиган ишларга сарфланадиган вақт, ҳисобот тайёрлаш, энергия паспортини шакллантириш, транспорт харажатлари, ҳисобга олинмаган харажатлар ва қўшилган қиймат солиғини ҳисобга олган ҳолда шакллантирилади.

3. Энергия аудити хизматининг умумий нархи ишчи кучи (аудитор) томонидан сарфланган вақт асосида шакллантирилади. Бинонинг умумий фойдаланиш майдони (м²) — хизмат кўрсатиш давомийлигига бевосита таъсир қилувчи асосий мезон ҳисобланади.

4. Шу асосда қуйидаги ёндашув қабул қилинади:

аҳоли уй-жойларини энергия аудитидан ўтказиш хизмати нархи базавий 100 м 2 майдонга эга аҳоли уй-жойларига нисбатан 1-жадвалда келтирилган қийматларга мутаносиб тарзда ҳисобланади.

Аҳоли уй-жойларини энергия аудитидан ўтказишда амалга ошириладиган ишлар

РЎЙХАТИ

1-жадвал Босқич Ишларнинг батафсил рўйхати Сарфланадиган вақт/ соат 1. Маълумотларни тайёрлаш ва йиғиш. 1. Уй-жойлар учун техник ҳужжатлар тўпламини йиғиш. 2. Уй-жойлар схемаси, майдони, қурилган йилини таҳлил қилиш. 3. Биноларнинг иш режимини аниқлаш. 1,00 2. Тўсувчи конструкцияларни текшириш. 1. Уй-жойлар деворларини, томларни, полларни, деразаларни, эшикларни текшириш. 2. Уй-жойларнинг кўринадиган нуқсонларини қидириш (бўшлиқлар, ёриқлар). 3. Изоляцияни баҳолаш (паспорт бўйича ёки визуал). 1,00 3. Муҳандислик тизимларини таҳлил қилиш. 1. Иситиш, шамоллатиш, иссиқ сув таъминоти тизимларини текшириш. 2. Қозонларнинг, насосларнинг, қувурларнинг ҳолатини текшириш. 3. Ёритиш, электр таъминоти, кондиционерларни таҳлил қилиш. 2,00 4. Инструментал ўлчовлар. 1. Бино ичидаги ва ташқарисидаги ҳароратни ўлчаш. 2. Термал тасвирни текшириш. 3. Намлик, изоляцияга чидамлилик ва бошқаларни ўлчаш. 1,00 5. Иссиқлик йўқотилишини ҳисоблаш. 1. Тўсувчи конструкциялар орқали иссиқлик йўқотилишини ҳисоблаш. 2. Вентиляция ва инфильтрация орқали иссиқлик йўқотилишини баҳолаш. 3. Иссиқлик талабини ҳисоблаш ва ҳақиқий истеъмол билан таққослаш. 3,00 6. Энергия сарфини таҳлил қилиш. 1. Электр, газ, сув сарфини таҳлил қилиш. 2. Стандартлар ва кўрсаткичлар билан таққослаш. 3. Самарасиз истеъмол зоналарини аниқлаш. 2,00 7. Ҳисобот ва тавсияларни тайёрлаш. 1. Уй-жой учун энергия паспортини тайёрлаш. 2. Энергияни тежаш бўйича чора-тадбирлар рўйхатини ишлаб чиқиш. 3. Жамғарма ва тўлов муддатини ҳисоблаш. 3,00 Жами: 14

5. Энергия аудитидан ўтказиш хизмати нархи қуйидагича ҳисобланади:

а) 1-позиция:

энергия аудитини ўтказишда амалга ошириладиган ишларга ( 1-жадвал ) ҳар бир босқич бўйича сарфланадиган вақт (T) базавий 100 м 2 майдонга нисбатан ўртача ҳисобланган вақтга (t o ) нисбатан қуйидаги формула асосида ҳисобланади.

T = t o х ( А ) 0.8 100

бунда:

А – бинонинг майдони (м 2 )

б) 2-позиция:

жами босқич бўйича сарфланадиган вақт ( Tu ) қуйидагича ҳисобланади:

T 1 , T 2 , T 3 , T 4 , T 5 , T 6 , T 7 — мос равишда 1-жадвал бўйича ҳар бир босқич учун сарфланадиган вақт (соат).

6. Аҳоли уй-жойларининг энергетик паспортини шакллантиришда 2-жадвалга мувофиқ ишлар белгиланган вақтларда амалга оширилади. Бунда ажратилган вақт ўзгармас бўлиб, жами 6 соатни ташкил этади.

Аҳоли уй-жойларининг энергетик паспортини шакллантиришда амалга ошириладиган ишлар

РЎЙХАТИ

2-жадвал Т/р Бўлим номи Тавсиф Ажратиладиган вақт (соат) 1. Умумий маълумотлар объектнинг манзили; фойдаланиш мақсади (турар жой биноси); қурилган йили; эгасининг Ф.И.О. 0,2 2. Қурилиш параметрлари умумий майдони (м²); қаватлар сони; девор, том, пол қисми материаллари; ойнали майдони. 0,3 3. Муҳандислик тизимлари ҳақида маълумот иситиш тизими (тури, қуввати); иссиқ сув манбаи; электр таъминоти (бир фазали/уч фазали); вентиляция ва кондиционер. 1 4. Энергия истеъмоли йиллик электр энергияси истеъмоли (кВт соат); йиллик газ истеъмоли (м³); сув истеъмоли (м³); 1 м² учун энергия улуши. 0,5 5. Иссиқлик баланси девор, том, пол қисми, деразалар орқали йўқотишлар; вентиляция туфайли йўқотишлар; ички иссиқликнинг ошиши; стандартлар билан таққослаш. 1 6. Энергия самарадорлиги энергия самарадорлиги таснифи; ҳар бир м² учун йиллик энергия улуши (кВт / м² йил); A-G шкаласи бўйича баҳолаш. 1,5 7. Энергияни тежаш бўйича тавсиялар тузилмаларни изоляциялаш; деразаларни алмаштириш; иситиш тизимларини автоматлаштириш; энергияни тежовчи қурилмалардан фойдаланиш. 1,5 Жами: 6

7. Ходимларга иш ҳақи тўлаш учун харажатлар қуйидаги таркибий қисмлардан иборат бўлади ( 3-позиция ):

а) тўғридан-тўғри иш ҳақи харажатлари:

бевосита бажарувчи мутахассисларга (энергия аудитори, техник мутахассис, ўлчовчиларга) тўланадиган иш ҳақи. Ушбу қиймат статистика бўйича 2025 йил учинчи чорак ҳолатига кўра меҳнатга ҳақ тўлашнинг энг кам миқдори (МҲТЭКМ)нинг ўртача 5,9 бараварига тенг. Ходим учун тўланадиган бир соатлик иш ҳақи қуйидаги формула билан ҳисобланади:

Бир соатлик иш ҳақи = (МҲТЭКМ×5.9)/168

Бунда 168 соат — ўртача бир ойда ходимнинг иш вақти;

б) фойда маржаси (рентабеллик) ташкилот томонидан хизматдан олинадиган фойда миқдори сифатида белгиланади. Бу қиймат ходимларга тўланадиган жами иш ҳақига фоиз тарзида қуйидаги формулада ҳисобланади:

фойда маржаси = иш ҳақи жами×фойда ставкаси;

в) якуний хизмат нархини ҳисоблаш қуйидаги формула асосида шакллантирилади:

жами нарх (ҚҚСсиз) = тўғридан-тўғри иш ҳақи + фойда;

г) қўшилган қиймат солиғи (ҚҚС) қўшилади: ҚҚС=жами нарх×12 фоиз;

д) якуний тўланадиган сумма (ҚҚС билан) қуйидаги формула асосида келиб чиқади:

тўланадиган жами сумма = жами нарх+ҚҚС.

3-жадвал Т/р Ходимларга иш ҳақини тўлаш учун харажатлар Бир соатлик иш ҳақи (киши/соат) (сўм) 1. Тўғридан-тўғри иш ҳақи харажатлари 40 562,5 2. Фойда маржаси 4 056,25 3. Жами нарх (ҚҚС сиз) 44 618,75 4. ҚҚС 5 354,25 5. ҚҚС билан бирга тўланадиган жами 49 973

8. Энергия аудити хизматининг нархи (C) энергия аудитини ўтказиш учун сарфланадиган жами вақт ва энергия паспорти учун сарфланадиган вақтлар йиғиндиси ( Tu +6 soat) ва ходимларга иш ҳақини тўлаш учун харажатлар (49 973 сўм) кўпайтириш орқали ҳисобланади (4-позиция):

C= ( Tu +6 соат) × 49 973

9. Объектни текширишнинг умумий нархи энергия аудити хизматининг нархи (C), транспорт харажатлари, ҳисобга олинмаган қийматлар ва ҚҚС йиғиндиларига тенг бўлади (5-позиция). Бунда транспорт харажатлари меҳнатга ҳақ тўлашнинг энг кам миқдори (МҲТЭКМ)нинг 20 фоиз миқдорини, ҳисобга олинмаган қийматлар 10 фоизини ташкил этади.

10. Аҳоли уй-жойларини энергия аудитидан ўтказиш хизмати нархи 4-жадвалга мувофиқ намунавий калькуляция асосида ҳисобланади.

Аҳоли уй-жойларини энергия аудитидан ўтказиш хизмати нархини ҳисоблаш бўйича намунавий

КАЛЬКУЛЯЦИЯ

4-жадвал T/р Хизматлар Бирлиги Миқдор Сўм 1. Бинонинг майдони м 2 100 2. Бир киши учун иш ҳақи / соат сўм 49973 4. Энергия паспорти соат 6,00 299 838,00 5. Энергия аудити жараёни соат 13,00 649 649,00 3. Умумий миқдор соат 19,00 949 487,00 6. Транспорт харажатлари 20% 231 000,00 7. Ҳисобга олинмаган қийматлар 10,00% 115 500,00 8. Жами: 1 295 987,00 9. ҚҚС 12,00% 155 518,44 10. Жами, ҚҚС билан 1 451 505,44 Меҳнатга ҳақ тўлашнинг энг кам миқдори (МҲТЭКМ), сўм 1 155 000

Вазирлар Маҳкамасининг 2025 йил 24 октябрдаги 673-сон қарорига 2-ИЛОВА

Энергия аудиторларини сертификатлаш тартиби тўғрисида

1-боб. Умумий қоидалар

1. Ушбу Низом энергия аудиторларини сертификатлаш тартибини белгилайди.

2. Сертификатлаш мажбурий ва ихтиёрий шаклда амалга оширилади.

Давлат муассасалари, шу жумладан, ижтимоий соҳа объектлари, давлат иштирокидаги корхоналар, Давлат энергетика реестрига киритилган ёқилғи энергетика ресурслари истеъмолчиларида энергия аудитини ўтказадиган энергия аудиторлари учун сертификатлаш мажбурий бўлиб, қолган барча ёқилғи энергетика ресурслари истеъмолчиларида энергия аудитини ўтказадиган энергия аудиторлари учун ихтиёрийдир.

Халқаро грантлар ва бошқа хорижий маблағлар ҳисобидан молиялаштириладиган энергия аудитини ўтказадиган энергия аудиторларини сертификатлаш талаб этилмайди.

3. Ушбу Низомда қуйидаги тушунчалардан фойдаланилади:

бошланғич тоифадаги энергия аудитори — Вазирлар Маҳкамаси ҳузуридаги Энергия самарадорлиги миллий агентлигининг (кейинги ўринларда — Агентлик) Энергия самарадорлигини ошириш соҳасидаги аудиторларнинг ягона реестрига (кейинги ўринларда — ягона реестр) киритилган, энергия аудитини ўтказиш ва энергия самарадорлигини ошириш йўналишида энергия аудиторларини тайёрлаш бўйича қисқа муддатли махсус ўқув курсларини тамомлаган ҳамда фақат аҳоли уй-жойларида энергия аудитини ўтказиш ҳуқуқига эга энергия аудиторлари тоифаси;

профессионал тоифадаги энергия аудитори — устав капиталида 50 фоиз ва ундан юқори давлат улуши мавжуд корхоналарни, уй-жойларни, давлат муассасаларини, ижтимоий соҳа объектларини, хусусий корхоналарни энергия аудитидан ўтказиш билан шуғулланувчи, етарли тажриба ва тегишли малака сертификатига эга бўлган энергия аудиторлари тоифаси;

сертификат — малака тоифаси берилганини тасдиқловчи ҳужжат;

талабгор — сертификат олиш учун ариза берган жисмоний шахслар;

энергия аудитори — энергия истеъмолчиларини энергия аудитидан ўтказиш соҳасида етарли билим, тажриба ва малака сертификатига эга (бундан бошланғич тоифадаги энергия аудитори мустасно) ҳамда белгиланган минимал талабларга жавоб берувчи жисмоний шахс;

энергия аудиторлик ташкилоти — энергия аудиторлик фаолиятини юритиш учун бошланғич ва профессионал тоифадаги энергия аудиторларини меҳнат қонунчилиги ҳамда фуқаролик-ҳуқуқий шартнома асосида жалб этган тижорат шаклидаги юридик шахс.

4. Энергия аудиторларини сертификатлаш ишлари Вазирлар Маҳкамаси ҳузуридаги Электр энергияси, нефть маҳсулотлари ва газдан фойдаланишни назорат қилиш инспекцияси (кейинги ўринларда — Ўзэнергоинспекция) томонидан Вазирлар Маҳкамаси ҳузуридаги Энергия самарадорлиги миллий агентлиги билан келишилган ҳолда (кейинги ўринларда — Агентлик) амалга оширилади.

5. Сертификатлаш ишларини амалга оширишда:

а) Агентлик:

Ўзэнергоинспекция билан биргаликда сертификатлаш имтиҳонлари ўтказилишини электрон шаклда Энергия самарадорлигини ошириш рақамли платформаси (кейинги ўринларда — платформа) орқали ташкил қилади ва назорат қилади;

платформада ягона реестрини шакллантиради ва юритади;

энергия аудиторларини сертификатлаш тартибини такомиллаштиради;

б) Ўзэнергоинспекция:

сертификатлаш жараёнини назорат қилади ва мувофиқликни таъминлайди;

сертификатлаш талаблари ва имтиҳон натижалари асосида мазкур Низом талабларига мувофиқ энергия аудиторларига сертификат беради.

2-боб. Сертификатлаш ишларини амалга ошириш тартиби

6. Сертификат олиш учун талабгорлар қуйидаги малака талабларига жавоб бериши шарт:

ўрта махсус ёки олий маълумотга эга бўлиши;

энергия аудити, энергетика менежменти (ISO 50001 ва ISO 50002 халқаро стандартлари) талаблари бўйича назарий билим ҳамда амалий кўникмаларга эга бўлиши;

бино ва иншоотлар ҳамда якка тартибдаги аҳоли уй-жойлари учун 48 соат, саноат корхоналари талабгорлари учун 144 соатлик ўқув-модуль асосида шакллантирилган махсус ўқув дастурини тўлиқ ўзлаштирган ҳамда имтиҳондан ўтган бўлиши.

7. Энергия аудиторларига ушбу Низомга 1-иловада келтирилган схемага мувофиқ сертификат берилади.

8. Ўзбекистон Республикаси Олий таълим, фан ва инновациялар вазирлиги ҳузуридаги Олий аттестация комиссияси томонидан эълон қилинган рўйхатдаги «Энергетика, электротехника, қишлоқ хўжалиги ишлаб чиқаришини электрлаштириш технологияси, электроника» йўналишларида илмий унвонга (фан номзоди ёки фан доктори), шунингдек, энергия аудити соҳасида бакалавр ва магистр даражасига эга бўлган шахслар сертификатлаш учун тўғридан-тўғри имтиҳон босқичига ўтказилади.

9. Сертификатлаш бўйича аризалар қуйидаги ҳужжатларни электрон шаклда илова қилган ҳолда талабгор томонидан платформа орқали электрон шаклда ёки қоғоз шаклида почта орқали Агентлик ва Ўзэнергоинспекцияга юборилади:

энергия аудити соҳасида аккредитациядан ўтган, ўқув дастури ва услубий материалларини Ўзэнергоинспекция ва Агентлик билан келишган ўқув курсини муваффақиятли тамомлаганини тасдиқловчи гувоҳнома (сертификат)нинг нусхаси;

илмий даражага эга эканлигини тасдиқловчи гувоҳнома ҳужжат (агар мавжуд бўлса);

зарур ҳолларда почта хизмати орқали хабар юбориш учун талабгорнинг доимий ёки вақтинча рўйхатдан ўтган тўлиқ почта манзили.

Ҳужжат топширган номзодлардан ушбу бандда кўрсатилган ҳужжатлардан бошқа ҳужжатлар талаб қилинишига йўл қўйилмайди.

10. Аризалар Комиссия томонидан 15 кун муддатда кўриб чиқилади ҳамда номзоднинг шахсий кабинетига сертификатлаш бўйича имтиҳонга киритилиши тўғрисида ёки рад этиш бўйича асослар кўрсатилган ҳолда платформа ёки почта орқали хабар юборилади.

Бунда номзоднинг қуйидаги ҳолларда сертификатлаш бўйича имтиҳонга киритилиши рад этилиши мумкин:

ҳужжатлар тўлиқ тақдим этилмаганда;

малака талабларига жавоб бермаганда.

Номзодлар мазкур камчиликларни бартараф этган ҳолда такроран сертификат олиш учун белгиланган тартибда мурожаат қилиши мумкин.

11. Сертификатлаш имтиҳони саволлари Ўзэнергоинспекция ва Агентлик билан келишилган ўқув дастури асосида шакллантирилади ҳамда тегишли мавзулар Ўзэнергоинспекция ҳамда Агентликнинг расмий саҳифасида, шунингдек, Агентлик томонидан платформада эълон қилинади (жойлаштирилади).

12. Ушбу Низомнинг 6-банди бешинчи хатбошисида назарда тутилган ўқув дастурлари мажбурий тартибда Ўзэнергоинспекция ва Агентлик билан келишилган ҳолда ўқув марказлари томонидан шакллантирилади ҳамда ўқув дастури мавзулари Ўзэнергоинспекциянинг ҳамда Агентликнинг расмий саҳифасида, шунингдек, Агентлик томонидан платформада эълон қилинади (жойлаштирилади).

13. Сертификатлаш имтиҳонлари ҳар чоракда камида бир маротаба, талабгорлар мавжуд бўлганда ўтказиб борилади.

14. Энергия аудиторларини сертификатлаш бўйича имтиҳонлар Ўзэнергоинспекция ҳамда Агентлик томонидан тасдиқланадиган 1 нафар раис, 4 нафар малакали мутахассис ва 1 нафар котибдан иборат таркибдаги комиссия (кейинги ўринларда — Комиссия) томонидан мувофиқлаштирилади.

15. Сертификатлаш имтиҳонлари тест шаклида ўтказилиб, имтиҳон саволлари бино ва иншоотлар, якка тартибдаги аҳоли уй-жойлари учун алоҳида ҳамда саноат корхоналарини энергия аудитидан ўтказувчилар учун алоҳида Комиссия томонидан шакллантирилади ва доимий равишда янгиланиб борилади.

Бунда Комиссия котиби талабгорларга платформа орқали сертификатлаш имтиҳонларини ўтказиш вақти ва жойи тўғрисида маълумотларни талабгорнинг шахсий кабинети ва (ёки) СМС-хабарнома юбориш орқали сертификатлаш имтиҳони ўтказиш санасига камида 7 кун қолганда маълум қилади.

16. Комиссия аъзолари таркиби имтиҳон йўналишига қараб қуйидагича шакллантирилади:

бино ва иншоотлар ҳамда якка тартибдаги аҳоли уй-жойларини энергия аудитидан ўтказиш бўйича сертификатлаш имтиҳони учун Агентлик ва Ўзэнергоинспекциядан икки нафардан вакил, Қурилиш ва уй-жой коммунал хўжалиги вазирлигидан бир нафар вакил;

саноат корхоналарини энергия аудитидан ўтказиш бўйича сертификатлаш ўтказиладиган имтиҳонлар учун Ўзэнергоинспекциядан уч нафар вакил, Агентликдан икки нафар вакил.

17. Бино ва иншоотлар ҳамда якка тартибдаги аҳоли уй-жойларини ва саноат корхоналарини энергия аудитидан ўтказиш бўйича сертификатлаш имтиҳони қуйидаги тартибда ўтказилади:

имтиҳон платформа орқали тест синовлари шаклида ўтказилади;

имтиҳон тест саволлари Комиссия томонидан ишлаб чиқилади ва доимий равишда тест саволлари базаси бойитиб борилади;

30 та тест саволларига жавоб бериш учун 60 дақиқа вақт берилади, ҳар бир тўғри жавоб 2 баллдан автоматик баҳоланади;

умумий натижаларга кўра жами 40 — 60 балл тўплаганлар имтиҳондан муваффақиятли ўтган ҳисобланади.

Тест натижасидан норози бўлган талабгорлар беш иш куни ичида Комиссияга ёзма равишда ёки белгиланган тартибда судга шикоят қилиши мумкин.

18. Тест жараёнлари видеотасвирга олинган ҳолда ўтказилади.

19. Сертификатлаш имтиҳонидан ўтиш жараёнида талабгорларга қуйидагилар тақиқланади:

қонунчилик ҳужжатлари, ахборотномалар ва бошқа турдаги барча адабиётлардан фойдаланиш;

мобил алоқа воситаси ва бошқа алоқа воситаларидан фойдаланиш;

бошқа номзодлар билан суҳбатлашиш;

имтиҳон ўтказилаётган хонадан ташқарига чиқиш.

Ушбу талабларни бузган номзодлар четлаштирилади ва имтиҳондан ўтмаган ҳисобланади.

Бегона шахсларга имтиҳонда иштирок этишга рухсат берилмайди.

3-боб. Сертификатнинг амал қилиш муддати, қайта сертификатлаш ва сертификат бериш тартиби

20. Сертификатнинг амал қилиш муддати — уч йил.

Сертификатнинг амал қилиш муддати тугаганидан кейин энергия аудиторлари қайта сертификатлаш имтиҳонидан белгиланган тартибда ўтказилади.

21. Имтиҳон натижалари имтиҳон ўтказилган кунда платформа орқали талабгор электрон шаклда маълум қилинади.

Сертификатлаш имтиҳонларидан муваффақиятли ўтган талабгорларга ушбу Низомга 2-иловага мувофиқ белгиланган намунадаги махсус QR-кодли энергия аудиторлари сертификатлашдан ўтгани тўғрисидаги сертификат 3 иш кунида платформада электрон шаклда юклаб олиш учун тайёр бўлади.

Сертификатда унинг мутахассисликнинг қайси йўналиши бўйича берилгани қайд этилади.

4-боб. Энергия самарадорлигини ошириш соҳасидаги энергия аудиторларининг ягона реестрини юритиш тартиби

22. Агентлик Реестрни юритади, янгилаб боради ва мувофиқлаштиради.

Реестр платформада онлайн режимда юритиб борилади ва Реестр қуйидаги маълумотларни ўз ичига олади:

энергия аудитори тўғрисидаги умумий маълумотлар (фамилияси, исми, отасининг исми, телефон рақами, электрон почта манзили);

энергия аудитори сертификати (сертификат рақами, берилган сана, амал қилиш муддати, сертификат берган орган);

аудиторлик фаолиятини юритувчи тадбиркорлик субъекти тўғрисидаги маълумотлар (СТИР, манзили, телефон рақами, электрон почта манзили);

Реестрга киритиш ва ундан чиқариш санаси ва рўйхатга олиш рақами.

23. Аудиторлар тўғрисидаги маълумотларни Реестрга киритиш учун тўлов ундирилмайди.

24. Реестр энергия аудиторларини икки тоифага ажратилган ҳолда юритилади:

бошланғич тоифадаги энергия аудитори;

профессионал тоифадаги энергия аудитори.

Бунда устав капиталида 50 фоиз ва ундан юқори давлат улуши мавжуд корхоналар, давлат муассасалари ва ижтимоий соҳа объектларининг ва давлат энергетика реестрига киритилган субъектларнинг энергия аудити уч нафар ва ундан ортиқ профессионал тоифадаги энергия аудиторларига эга хўжалик субъектлари томонидан ўтказилади.

25. Талабгор Реестрга киритиш учун ўзлари томонидан тақдим этилган ҳужжатларнинг ишончлилиги ва қонунчилик ҳужжатларига мувофиқлиги учун жавобгар ҳисобланади.

Бунда Реестрга киритилган энергия аудиторлари белгиланган тартибда энергия аудиторларига қўйиладиган минимал талаблар доирасида ўтказилган энергия аудити натижаси бўйича ҳисоботни тайёрлаши мажбурий ҳисобланади.

26. Қуйидаги ҳолларда энергия аудиторлари Реестрдан чиқарилиши мумкин:

тегишли давлат назорати органлари томонидан энергия аудитори фаолиятида қонунчилик бузилиши ҳолатлари аниқланиб, уларнинг фаолияти белгиланган тартибда тўхтатилганда (тугатилганда);

энергия аудити хулосаларида кетма-кет (камида 3 марта) сохта маълумотлар аниқланганда ёки кўрсатилган энергия аудити хизмати устидан икки мартадан ортиқ шикоят келиб тушиб, энергия аудитори суд томонидан айбли деб топилганда;

сертификатнинг амал қилиш муддати тугаганда ва бекор қилинганда ёки сертификат ҳақиқий эмас деб топилганда.

26 1 . Реестрга киритилган энергия аудиторларининг фаолияти самарадорлигини ошириш ҳамда уларнинг энергия аудити соҳасида тажриба ва касбий кўникмаларини, шартномавий мажбуриятлар лозим даражада ва белгиланган муддатларда бажарилишини инобатга олган ҳолда, платформада баллар асосида автоматик равишда баҳоланади ва рейтинги юритилади.

26 2 . Қуйидаги мезонлар асосида энергия аудиторларининг рейтинги юритилади:

бино ва иншоотларни энергия аудитидан ўтказиш учун энергия аудиторлик малака сертификати мавжудлиги: мавжуд бўлса 10 балл, бўлмаса 0 балл;

саноат корхоналарини энергия аудитидан ўтказиш учун энергия аудиторлик сертификати мавжудлиги: мавжуд бўлса 10 балл, бўлмаса 0 балл;

энергия аудити ва энергия менежменти соҳасида олинган бошқа сертификатлар (ISO 50001, ISO 50002 ва ISO 14001 халқаро стандартлари ва бошқалар): ҳар бир сертификат учун 1 балл, агар мавжуд бўлмаса 0 балл;

энергия аудити соҳасида олинган хорижий сертификатлар: ҳар бир сертификат учун 1 балл, агар мавжуд бўлмаса 0 балл;

қонунчиликда белгиланган минимал талаблар асосида тайёрланган энергия аудити ҳисоботнинг мавжудлиги: мавжуд бўлса 10 балл, бўлмаса 0 балл;

энергия аудиторнинг қурилиш, муҳандислик ёки энергетика соҳасида олий маълумотга ва илмий даражага эгалиги:

бакалавр — 1 балл;

магистр — 2 балл;

PhD (фалсафа доктори) ёки DSc (фан доктори) — 3 балл.

Бунда энергия аудитори томонидан шартномавий мажбуриятларнинг лозим даражада ва белгиланган муддатларда бажарилишини бир ойда камида 3 маротаба кечиктириш ёки бажармаслик умумий тўпланган балларнинг 10 баллга тушишига олиб келади ҳамда ушбу пастлатилган рейтинг 3 ой давомида сақланиб қолинади.

26 3 . Энергия аудиторларининг рейтинг маълумотлари Платформада очиқ тарзда акс эттирилади ва доимий янгилаб турилади.

26 4 . Энергия аудиторлик фаолияти билан шуғулланувчи корхоналар рейтинг баллари корхонадаги мавжуд энергия аудиторлари балларининг ўртача қиймати билан шакллантирилади.

26 5 . Энергия аудиторларининг рейтинг натижалари энергия аудити хизматларини талабгорлар (буюртмачилар) томонидан танлашда ахборот сифатида фойдаланилади.

5-боб. Сертификатнинг амал қилишини муддатидан олдин тўхтатиш ва бекор қилиш тартиби

27. Қуйидаги ҳолларда сертификатнинг амал қилиниши муддатидан олдин Комиссия томонидан тўхтатилиши мумкин:

давлат назорати органлари томонидан энергия аудитори фаолиятида жиддий қоидабузарликлар аниқланганда;

ҳисобот, энергетика паспорти ҳамда ташкилий-техник чора-тадбирларда сохта маълумотлар кўрсатилгани суд томонидан аниқланганда;

ҳисоботда энергия ўлчов асбоблари орқали аниқланган кўрсаткичлар келтирилмаганда;

суд қарори билан аудиторнинг касбий фаолият юритиши маълум муддатга тўхтатилганда.

Сертификатнинг амал қилиш муддати энергия аудиторининг ўз ихтиёрига кўра муддатидан аввал тўхтатилиши мумкин.

28. Қуйидаги ҳолларда сертификатнинг амал қилиши муддатидан олдин Комиссия томонидан бекор қилиниши мумкин:

сертификат эгаси вафот этганда;

энергия аудити хулосаларига сохта маълумотлар киритилганлиги суд томонидан тасдиқланганда;

сертификат олиш учун тақдим этилган маълумотлар ҳақиқий эмас, деб топилганда;

суд қарори билан аудиторнинг касбий фаолият юритиш ҳуқуқи бекор қилинганда.

Сертификатнинг амал қилиш муддати энергия аудиторининг ўз ихтиёрига кўра муддатидан олдин бекор қилиниши мумкин.

Мазкур банднинг бешинчи ва олтинчи хатбошиларига мувофиқ сертификат муддатидан олдин тўхтатилган ҳолларда, номзод платформа орқали 3 иш кунида хабар бериш мажбуриятини олади.

29. Сертификатнинг амал қилиши муддатидан олдин бекор қилинган ва (ёки) сертификат муддати тугаган энергия аудиторлари Агентлик томонидан бу ҳақда ёзма ёки электрон шаклда платформа орқали сертификат бекор қилинган ёки муддати тугаган кундан бошлаб 3 иш кунида хабардор қилинади ва ушбу маълумот тегишли Реестрда акс эттирилади.

6-боб. Якунловчи қоидалар

30. Ушбу Низомни қўллашда юзага келадиган низолар қонунчилик ҳужжатларида белгиланган тартибда ҳал этилади.

31. Ушбу Низом талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Энергия аудиторларини сертификатлаш тартиби тўғрисидаги низомга 1-ИЛОВА

Энергия аудиторларини сертификатлаш тартиби бўйича

Босқичлар Субъектлар Тадбирлар Ижро муддати 1-босқич Талабгор Талабгор сертификат олиш учун платформа орқали электрон шаклда ёки қоғоз шаклида почта орқали ариза билан мурожаат қилади. Заруратга кўра 2-босқич Комиссия Аризалар кўриб чиқилади ҳамда номзоднинг шахсий кабинетига сертификатлаш бўйича имтиҳонга киритилиши тўғрисида ёки рад этиш бўйича асослар кўрсатилган ҳолда платформа ёки почта орқали хабар юборилади. 15 кун муддатда 3-босқич Комиссия Талабгорларга платформа орқали сертификатлаш имтиҳонларини ўтказиш вақти ва жойи тўғрисида хабар беради. Имтиҳон ўтказиш санасига камида 7 кун қолганда 4-босқич Платформа 1. Имтиҳон тест синовлари шаклида ўтказилади. Ҳар чоракда камида бир маротаба 2. Имтиҳон натижалари имтиҳон ўтказилган кунда платформа орқали талабгор электрон шаклда маълум қилинади. 1 кун ичида 3. Сертификатлаш имтиҳонларидан муваффақиятли ўтган талабгорларга сертификатларни платформа орқали юклаб олиш имкони яратилади. 3 иш кунида

Энергия аудиторларини сертификатлаш тартиби тўғрисидаги низомга 2-ИЛОВА

Ўзбекистон Республикаси Вазирлар Маҳкамаси ҳузуридаги Энергия самарадорлиги миллий агентлиги

Ўзбекистон Республикаси Вазирлар Маҳкамаси ҳузуридаги Электр энергияси, нефть маҳсулотлари ва газдан фойдаланишни назорат қилиш инспекцияси Энергия аудиторлари сертификатлашдан ўтганлиги тўғрисида СЕРТИФИКАТ № ___________ 20____ йил «____» __________ ____________________ (берилган жойи) _________________________________________________________________________________________ _________________________________________________________________________________________ (мутахассиснинг фамилияси, исми, отасининг исми) 20____ йил «____» ___________дан 20____ йил «____» ___________гача _________________________________________________________________________________________ _________________________________________________________________________________________ (Сертификат берилган соҳа тури) Комиссия раиси ____________________ (имзо) (М.Ў.)

Вазирлар Маҳкамасининг 2025 йил 24 октябрдаги 673-сон қарорига 3-ИЛОВА

Энергия сервис хизматларини кўрсатиш тартиби тўғрисида

1-боб. Умумий қоидалар

1. Ушбу Низом энергия сервис хизматларини кўрсатиш ва энергия сервис шартномасини тузиш тартиби, шартлари, энергия сервис хизматларини молиялаштириш, энергия сервис хизматлари бўйича лойиҳа ва пудрат ташкилотларини танлаш тартибини белгилайди.

Ушбу Низом талаблари давлат органлари ҳамда давлат иштирокидаги корхоналарнинг энергия сервис компаниялари (кейинги ўринларда — ЭСКО) билан тузилган энергия сервис хизматларига оид шартномавий муносабатларига нисбатан татбиқ этилади.

2. Ушбу Низом доирасидаги барча хизматлар, шартномалар ва лойиҳалар бўйича муносабатлар ушбу Низом ва бошқа қонунчилик ҳужжатлари талабларига мувофиқ амалга оширилади.

3. Ушбу Низомда қуйидаги асосий тушунчалардан фойдаланилади:

буюртмачи — энергия самарадорлигини ошириш хизматларига эҳтиёж мавжуд бўлган, лойиҳага буюртма бераётган юридик ва (ёки) жисмоний шахслар;

FIDIC шартлари — халқаро қурилиш ва муҳандислик лойиҳалари бўйича шартномавий муносабатларни тартибга солувчи стандарт шартлар тўплами;

энергия сервис хизматлари — энергия тежамкорлиги ва энергия самарадорлигини ошириш мақсадида қурилиш, қурилиш-монтаж ва созлаш ишларини бажариш, энергия қурилмаларини ишга тушириш ҳамда бундай қурилмалар мавжуд бўлган объектларда энергия аудитини ўтказиш, шу жумладан, қайта тикланувчи энергия манбалари қурилмаларини ўрнатиш ва эксплуатация қилиш билан боғлиқ комплекс хизматлар (ишлар, тадбирлар);

энергия сервис компанияси (ЭСКО) — энергия сервис хизматларини кўрсатиш шартномасига мувофиқ энергия тежамкорлиги ва энергия самарадорлигини ошириш мақсадида қурилиш, қурилиш-монтаж ва созлаш ишларини бажариш, энергия қурилмаларини ишга тушириш ҳамда бундай қурилмалар мавжуд бўлган объектларда энергия аудитини ўтказиш, шу жумладан, қайта тикланувчи энергия манбалари қурилмаларини ўрнатиш ва эксплуатация қилиш билан комплекс равишда шуғулланадиган юридик шахс;

энергия сервис шартномаси — энергия сервис компанияси ва буюртмачи ўртасида тузиладиган шартнома бўлиб, энергия сервис компаниясининг энергия тежамкорлиги ва энергия самарадорлигини оширишга қаратилган хизматлари (ишлари, тадбирлари) юзасидан тарафларнинг ҳуқуқ ва мажбуриятларини белгилайди;

ЭСКО лойиҳалари — шартнома асосида энергия сервис хизматларини кўрсатишга қаратилган лойиҳалар;

ўлчаш ва тасдиқлаш — энергия самарадорлиги лойиҳалари натижасида эришилган энергия самарадорлиги кўрсатгичларини аниқлаш.

2-боб. Энергия сервис шартномасини тузиш тартиби

4. Энергия сервис шартномаси (кейинги ўринларда — шартнома) корхоналар, ташкилотларнинг бино ва иншоотлари, якка тартибдаги уй-жойлар ёки бошқа объектларда энергия самарадорлиги тадбирлари ҳамда энергия тежовчи технологияларни жорий этиш орқали энергия ресурсларидан фойдаланиш самарасини ошириш бўйича комплекс чора-тадбирларни ўз ичига олади.

5. Шартномани тузишда томонлар Ўзбекистон Республикасининг Фуқаролик кодексига , «Хўжалик юритувчи субъектлар фаолиятининг шартномавий-ҳуқуқий асослари тўғрисида»ги Қонунига , ушбу Низомга ва бошқа қонунчилик ҳужжатларига амал қиладилар.

6. Шартномада асосий шартлар билан бир қаторда қуйидаги шартлар кўрсатилиши керак:

энергия самарадорлиги тадбирларининг техник вазифаси ва лойиҳанинг асосий техник-иқтисодий кўрсаткичлари;

лойиҳа предмети ва молиялаштириш шартлари ҳамда лойиҳа давридаги таваккалчиликларни кафолатлаш механизмлари;

лойиҳадан талаб қилинадиган натижа ҳамда лойиҳа натижасида тежаладиган энергия ресурсларини ўлчаш ва тасдиқлаш;

шартнома муддати, шу жумладан, шартнома бўйича кўрсатиладиган хизматлар ва ишларнинг бажарилиш муддатлари, молиявий шартлар, лойиҳанинг натижаларини тақсимлаш шакли, қабул ва топшириш;

назорат ва ҳисобот механизмлари.

Шартномага қўшимча равишда қуйидагилар киритилиши мумкин:

шартноманинг амал қилиш даврида энергия ресурсларидан фойдаланишнинг бошқа шартлари;

фойдаланиладиган энергия ресурсларини ўлчаш воситаларини ўрнатиш ва ишга тушириш юзасидан энергия сервис компаниясининг мажбуриятлари;

шартномани амалга ошириш натижасида тежалган (иқтисод қилинган) энергия ресурслари қийматидан келиб чиқиб, энергия сервис хизмати учун мукофот пулларини тўлаш ва бошқалар.

Халқаро ЭСКОлари жалб этилганда шартномалар FIDIC шартлари асосида тузилиши мумкин.

7. Шартномалар рўйхати (шартнома номи, тузилган санаси ва шартнома томонларининг номини кўрсатган ҳолда) Вазирлар Маҳкамаси ҳузуридаги Энергия самарадорлиги миллий агентлигининг (кейинги ўринларда — Агентлик) Энергия самарадорлигини ошириш рақамли платформасида (кейинги ўринларда — платформа) юритилади.

3-боб. ЭСКО лойиҳаларини молиялаштириш тартиби

8. Қуйидагилар ЭСКО лойиҳаларини молиялаштириш манбалари бўлиши мумкин:

ЭСКОларининг ўз маблағлари;

буюртмачи маблағлари;

тижорат банклари кредитлари;

халқаро молия институтлари, халқаро молия ташкилотлари ва донор ташкилотларнинг кредитлари ва грантлари;

қонунчиликка зид бўлмаган бошқа манбалар маблағлари.

9. ЭСКО лойиҳасини амалга ошириш натижасида ушбу лойиҳа объектининг харажатлар сметасида энергия ресурслари харажатлари учун режалаштирилган маблағларнинг иқтисод қилиниши натижасида бўшаган маблағлар ҳисобидан шартномаларда назарда тутилган тартиб ва муддатларда ЭСКО лойиҳаси учун сарфланган харажатлар қоплаб борилиши мумкин.

Шартномаларнинг амал қилиш даврида бюджет ташкилотлари ва бюджет маблағларини олувчиларни молиялаштиришда коммунал хизматлар учун, шу жумладан, тарифлар ўсишини ҳисобга олиб, илгари назарда тутилган бюджет ажратмалари миқдори сақлаб қолинади ҳамда келгуси молия йиллари учун харажатлар сметасини режалаштиришда ўтган йилда ушбу харажатлар ҳисобидан иқтисод қилинган (камайтирилган) маблағларнинг қисқартирилиши тақиқланади.

4-боб. ЭСКО лойиҳалари бўйича лойиҳа ва пудрат ташкилотларини танлаш, улардан маълумотлар олиш тартиби

10. Давлат буюртмаси асосида давлат ташкилотлари ҳамда давлат иштирокидаги корхоналарнинг объектлари учун ЭСКО лойиҳалари бўйича лойиҳа ва пудрат ташкилотлари амалдаги қонунчилик ҳужжатларига мувофиқ белгиланган тартибда танланади.

11. Лойиҳанинг амалга оширилиши буюртмачи томонидан мониторинг қилиб борилади.

Бунда буюртмачилар шартнома имзоланган кундан бошлаб шартномада белгиланган муддат ва шартларга асосан мониторинг юритади.

12. ЭСКОлари ҳар ярим йилда ЭСКО лойиҳалари доирасида Агентликка қуйидаги маълумотларни тақдим этиб боради:

энергия сервис лойиҳаси бўйича натижалар;

ҳар бир объект бўйича ўлчаш ва тасдиқлаш натижалари;

муаммолар ва уларни бартараф этиш чоралари.

13. Агентлик бир йилда камида икки марта бажарилган ЭСКО лойиҳалари доирасида эришилган энергия самарадорлиги кўрсаткичлари бўйича таҳлил қилади, заруратга кўра, уларни такомиллаштириш бўйича таклифлар ишлаб чиқиб, буюртмачига тақдим этади.

14. Агентлик ЭСКОлар тақдим этган ҳисоботлар асосида ЭСКОларнинг фаолияти бўйича баҳолаш рейтингини тузади ва баҳолаш натижаларини платформада эълон қилиб боради.

5-боб. ЭСКОларини ягона реестрга киритиш ва реестрни юритиш тартиби

15. Агентлик платформада ЭСКОларининг ягона реестрини (кейинги ўринларда — Реестр) шакллантиради, доимий равишда ҳар бир ЭСКО натижалари янгиланишини таъминлайди.

16. ЭСКО Реестрга Агентлик томонидан қуйидаги ҳолларда киритилади:

камида битта энергия аудитори сертификатига эга бўлган ходими бўлса;

камида битта шартномани муваффақиятли якунлаган бўлса.

17. Реестр платформада онлайн режимда юритиб борилади.

Реестрда ЭСКОнинг номи, юридик манзили, СТИР, ЭСКО томонидан амалга оширилган лойиҳаларнинг умумий сони ва муваффақиятли якунланган лойиҳалар номи тўғрисидаги маълумотлар кўрсатилади.

18. ЭСКО қуйидаги ҳолларда Агентлик томонидан Реестрдан чиқарилади:

ушбу Низомнинг 12-бандига мувофиқ тақдим этилган маълумотларнинг нотўғрилиги аниқланганда;

буюртмачининг ЭСКО томонидан бажарилган ишлар натижасида аниқланган ҳамда тўғрилаб бўлмайдиган нуқсонлар бўйича ўз тасдиғини топган мурожаатлари асосида.

6-боб. Якунловчи қоида

19. Ушбу Низом талаблари бузилишида айбдор бўлган шахслар қонунчилик ҳужжатларига мувофиқ жавоб берадилар.

Вазирлар Маҳкамасининг 2025 йил 24 октябрдаги 673-сон қарорига 4-ИЛОВА

«Яшил таъмир» кредити бўйича фоиз тўловларининг бир қисмини қоплаб бериш тартиби тўғрисида

1-боб. Умумий қоидалар

1. Ушбу Низом Вазирлар Маҳкамаси ҳузуридаги Энергия самарадорлиги миллий агентлиги (кейинги ўринларда — Агентлик) томонидан «Ўзбекистон ипотекани қайта молиялаштириш компанияси» АЖнинг «Яшил таъмир» платформасида шакллантирилган «Яшил лойиҳа» сертификати асосида аҳолига тижорат банклари томонидан ажратиладиган «яшил таъмир» кредитлари бўйича фоиз тўловларининг бир қисмини қоплаб бериш (кейинги ўринларда — компенсация) тартибини белгилайди.

2. Ушбу Низомда қуйидаги асосий тушунчалардан фойдаланилади:

жисмоний шахс (қарз олувчи) — тижорат банкига «яшил таъмир» кредитини олиш учун ариза тақдим этган фуқаролар;

компенсация — ажратилган «яшил таъмир» кредити бўйича фоиз тўловларининг бир қисмини қоплаб бериш учун Агентлик томонидан тижорат банкининг тегишли ҳисобварағига ўтказиладиган маблағ;

«яшил таъмир» кредити — тижорат банклари томонидан аҳолига турар жой биноларининг энергия харажатларини камайтириш мақсадида, шу жумладан, қуёш панеллари, гелиоколлекторлар ва иссиқлик насослари (ҳаво, сув ва геотермал) ўрнатиш, девор ва томни изоляция қилиш, дераза ва эшикларнинг иссиқлик йўқотишлари ва ўтказувчанлигини камайтирувчи турларига алмаштириш ҳамда ўрнатилган қозон ва ҳаво совитиш-иситиш (кондиционер) тизимларини энергия тежамкор турларига алмаштириш учун «Ўзбекистон ипотекани қайта молиялаштириш компанияси» АЖнинг «Яшил лойиҳа» сертификати асосида ажратиладиган кредитлар.

3. Ушбу Низомга мувофиқ компенсация ажратиш учун Агентлик ва тижорат банки ўртасида Бош келишув (кейинги ўринларда — келишув) тузилади ва келишув шартлари тижорат банклари томонидан ушбу келишув тузилган санадан кейин ажратилган «яшил таъмир» кредитлари учун татбиқ этилади.

4. Тижорат банки келишувни тузиш учун банкнинг тегишли бошқарув органи томонидан тасдиқланган битимни тузиш тўғрисидаги қарор ёки келишув тузиш ваколатини берувчи бошқа ҳужжатнинг нусхасини илова қилган ҳолда Агентликка мурожаат қилади.

2-боб. Компенсация ажратиш тартиби

5. Агентлик компенсацияни тижорат банкига ушбу Низомга 1-иловада келтирилган схемага мувофиқ ажратади.

6. Компенсация тижорат банклари томонидан жисмоний шахсларга «яшил таъмир» кредитлари бўйича тўлаб берилади. Бунда компенсация «яшил таъмир» кредитлари фоиз ставкасининг 19 фоизидан ошган қисмига, бироқ 4 фоизлик банддан ошмаган миқдорда кредитнинг дастлабки 5 йил муддати давомида тўлаб берилади.

Бунда қарз олувчи Аҳоли уй-жойларини энергия аудитидан ўтказиш, энергия самарадор қурилмаларни харид қилиш ва ўрнатишда субсидия ажратиш тўғрисидаги низомда назарда тутилган Энергия самарадорлигини ошириш рақамли платформасида белгиланган тартибда Агентлик ягона реестрига киритилган энергия аудиторлари томонидан энергия аудитидан ўтказилган ва хулоса олинган ҳолда ажратилади.

7. Бир жисмоний шахс томонидан бир вақтнинг ўзида иккита «яшил таъмир» кредитлари бўйича компенсация олинишига йўл қўйилмайди. Бунда компенсация биринчи олинган «яшил таъмир» кредити бўйича берилади.

8. Компенсация оладиган жисмоний шахслар Агентликнинг буюртманомасида қарз олувчи сифатида кўрсатилган жисмоний шахснинг шахсий идентификация рақами (ЖШШИР) бўйича аниқланади.

9. Агентлик томонидан «яшил таъмир» кредитлари бўйича бериладиган компенсация белгиланган тартибда Агентлик маблағлари ҳисобидан ажратилади.

Бунда Агентлик томонидан ажратиладиган компенсация миқдорлари ҳар йили молия йили давомида чораклар кесимида тақсимланган ҳолда прогноз қилинади.

10. Молия йили давомида самарадорлик кўрсаткичлари ва таваккалчилик даражасидан келиб чиқиб, компенсация ажратиш тўхтатилиши, шунингдек, компенсация ажратиш қоидаларига ўзгартириш ва қўшимчалар киритилиши мумкин.

11. «Яшил таъмир» кредити шартномалари бўйича кредитни қайтариш жадвалига ўзгартириш киритилганда, амалдаги кредит шартномаси шартлари мутаносиб равишда ўзгартирилади.

Бунда компенсация миқдорлари қайта ҳисоб-китоб қилиниб, кредит муддатига мос равишда тижорат банкига тўлаб борилади.

12. Қарз олувчи жисмоний шахсларнинг тижорат банкларига кредит берилиши учун зарур бўлган ҳужжатлар тўплами ҳамда «Ўзбекистон ипотекани қайта молиялаштириш компанияси» АЖнинг «Яшил лойиҳа» сертификатини илова қилган ҳолда ариза билан мурожаат қилиши компенсация ташаббусига асос ҳисобланади.

13. Тижорат банки томонидан жисмоний шахсга «яшил таъмир» кредити ва компенсация ажратиш шартлари бўйича ижобий қарор қабул қилиниб, қарз олувчи ва тижорат банки ўртасидаги кредит шартномасига мувофиқ ажратилган кредит маблағларининг мақсадли ишлатилишини мониторинг қилгандан сўнг ушбу Низомнинг 6-бандида кўрсатилган шартларда компенсация ажратилади.

14. Тижорат банки кредит ажратиш тўғрисида қарор қабул қилинган жисмоний шахсларга компенсация бериш тўғрисидаги буюртманома билан ҳар ойда кейинги ойнинг 10-санасига қадар Агентликка мурожаат қилади ва қуйидаги ҳужжатларни тақдим этади:

ушбу Низомга 2-иловага мувофиқ шаклда компенсация ажратиш тўғрисида буюртманома;

«яшил таъмир» кредитлари ажратилган жисмоний шахсларнинг рўйхати (кредит олувчининг Ф.И.О., ЖШШИР, кредит суммаси, кредит муддати, фоиз ставкаси, кредит мақсади, қайтариш жадвали шакли, кредит берилган сана, кредитни қайтариш санаси, 16325-ҳисобварағидаги ҳисобланган фоизлар, энергия аудити шартномаси рақами ва санаси ҳамда бошқа маълумотлар).

15. Буюртманома ҳамда жисмоний шахслар бўйича кўрсатилган маълумотларнинг ҳаққонийлиги бўйича тижорат банкининг буюртманомани имзолаган мансабдор шахси жавобгар ҳисобланади.

16. Агентликка нотўғри ва/ёки ҳақиқий бўлмаган маълумотларнинг тақдим қилиниши, ушбу маълумотлар асосида компенсация олганлик, шунингдек, тижорат банки ва қарз олувчи томонидан мажбуриятлар ўз вақтида бажарилмагани учун Агентлик жавобгар ҳисобланмайди.

17. Ушбу Низомнинг 14-бандида назарда тутилган буюртманома ва унга илова қилинган ҳужжатлар Агентликка келиб тушган санадан бошлаб уч иш куни ичида Агентлик томонидан кўриб чиқилади ҳамда ушбу Низомда белгиланган талаблардан келиб чиқиб, компенсация ажратишни маъқуллаш ёки компенсация ажратишни рад этиш тўғрисида маълум қилинади.

Рад этилган буюртманома тижорат банкига бир иш кунида компенсация ажратишни рад этиш сабабларини кўрсатган ҳолда қайтарилади.

Бунда компенсация ажратиш қуйидаги ҳолатларда рад этилиши мумкин:

«яшил таъмир» кредитлари мақсадсиз ишлатилганда;

муддати ўтган қарздорлик 90 кундан ошиб кетганда.

Агентлик томонидан компенсация ажратилиши рад этилгани тўғрисида буюртманома олган тижорат банки бир иш куни ичида бу ҳақида ҳудудий филиалини ва қарз олувчини хабардор қилади.

18. Компенсация ажратиш маъқулланган буюртманома кўриб чиқилгандан сўнг, уч иш куни ичида тижорат банки ушбу буюртманома бўйича компенсацияни алоҳида очилган ҳисобвараққа ўтказиб беради.

19. Агентлик томонидан компенсация ажратилиши шартлари тижорат банки ва қарз олувчи ўртасида имзоланадиган «яшил таъмир» кредити шартномасида алоҳида банд билан кўрсатилган бўлиши лозим.

20. «Яшил таъмир» кредити шартномасида Агентлик томонидан ажратиладиган компенсациянинг миқдори ва шартлари кўрсатилади.

21. Агентлик маблағлардан фойдаланиш юзасидан мониторинг юритади ҳамда мониторинг натижасида аниқланган ҳолатларни бартараф этиш чораларини кўради.

Агентлик томонидан ажратилган компенсация маблағларининг мақсадли ишлатилишини ўрганиш мақсадида тижорат банкларидан компенсация маблағлари бўйича транзит ҳисобварақлари, қарз олувчиларнинг 16325-ҳисобварақлари ҳамда компенсацияга тегишли бошқа ҳисобварақлари айланмалари сўралиши мумкин.

Агентлик томонидан компенсациянинг мақсадли сарфланиши юзасидан мониторинг юритиш даврида тижорат банки ва қарз олувчи ўртасида тузилган кредит шартномаси ва кредитни қайтариш жадвали талаб қилиб олиниши мумкин.

3-боб. Компенсация ҳисобини юритиш

22. Тижорат банки компенсация шартномаларига асосан ҳисобланган ва Агентлик томонидан компенсация ажратилган фоиз тўловларининг ҳисобини алоҳида 16325 баланс ҳисобварақларида юритади.

23. Агентлик томонидан компенсация банк рўйхати асосида бир қанча кредит шартномалари бўйича банкнинг 29801 транзит ҳисобварағига ўтказилади.

Бунда 29801 транзит ҳисобварағига тушадиган маблағлар банкнинг Агентлик компенсациялари ҳисобидан қопланадиган ҳисобланган фоизлар 16325-ҳисобварағига автоматик равишда ўтказилади.

24. Қарз олувчилар кредитни муддати ўтганидан сўнг қайтарган ҳолатларда, ажратиладиган компенсация миқдори тасдиқланган қайтариш жадвалида қайд этилган миқдордан ошмаслиги лозим.

25. Агентлик тижорат банкларининг хабарига асосан кредитлар бўйича компенсация ажратишни қуйидаги ҳолатларда тўхтатади:

фоиз тўловлари компенсация қилинадиган кредитдан мақсадсиз фойдаланилганда;

қарз олувчи тўловлар жадвалига мувофиқ банкка тўловларни тўлаш мажбуриятларини уч ой ичида кетма-кет бажармаганда;

қарз олувчи томонидан кредит миқдори муддатидан олдин сўндирилганда;

тижорат банки ва қарз олувчи ўртасида кредит шартномаси бекор қилинганда ёки ҳақиқий эмас деб топилганда;

қарз олувчининг банк ҳисобварағидаги маблағлари хатловга олинганда;

қарз олувчининг тижорат банкига тақдим этган ҳужжатларида ишончсиз ёки нотўғри маълумотлар тақдим этилгани аниқланганда.

26. Тижорат банки белгиланган тартибда қарз олувчи билан тузилган шартнома шартларига мувофиқ қарз олувчининг «яшил таъмир» кредити ҳисобидан олинган ускуналарнинг ҳолатини ўрганиш мақсадида жойига чиққан ҳолда мониторинг юритади.

27. Тижорат банки ушбу Низомнинг 25-бандида назарда тутилган ҳолатлар аниқланган тақдирда, Агентликни компенсация ажратишни тўхтатиш учун уч иш куни ичида хабардор қилади.

28. Агентлик тижорат банкидан хабарномани олгандан сўнг уч иш куни ичида компенсация ажратиш тўхтатилиши тўғрисида қарор қабул қилади ва тўхтатиш сабаблари кўрсатилган ёзма хабарномани тижорат банкига юборади.

29. Агентлик қарорини олгандан сўнг тижорат банки бир иш кунида қарз олувчини фоиз тўловларининг бир қисмини компенсация қилиш тўхтатилгани тўғрисида хат орқали хабардор қилади.

30. Қарз олувчининг кредити бўйича компенсация ажратишни қайта тиклашга фақатгина ушбу Низомнинг 25-бандида кўрсатилган ҳолатлар бартараф этилганидан сўнг рухсат берилади.

31. Тижорат банки ҳар ойда ҳисобот ойидан кейинги ойнинг 5-санасига қадар Агентликка унинг компенсация маблағларининг сарфланиши мижозлар кесимида сўндириш санаси ва бошқа маълумотлар тўғрисида ҳисоботлар тақдим этиб боради.

4-боб. Якунловчи қоида

32. Ушбу Низомнинг талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

«Яшил таъмир» кредити бўйича фоиз тўловларининг бир қисмини қоплаб бериш тартиби тўғрисидаги низомга 1-ИЛОВА

Агентлик ҳисобидан «яшил таъмир» кредити бўйича фоиз тўловларининг бир қисмини қоплаб бериш учун компенсация ажратиш

Босқичлар Субъектлар Тадбирлар Ижро муддати 1-босқич Қарз олувчи Қарз олувчи тижорат банки ёки унинг ҳудудий филиалига «яшил таъмир» кредитини ажратиш тўғрисида мурожаат қилади. Заруратга кўра 2-босқич Тижорат банки «Яшил таъмир» кредити фоиз тўловларининг бир қисмини қоплаш учун компенсация ажратиш бўйича буюртманома, «яшил таъмир» кредитлари ажратилган жисмоний шахсларнинг рўйхатини Агентликка тақдим этади. Ҳар ойнинг 10-санасига қадар 3-босқич Агентлик, тижорат банки 1. Агентлик тижорат банки томонидан юборилган буюртманомаларни кўриб чиқади ҳамда белгиланган талаблардан келиб чиқиб, компенсация ажратишни маъқуллайди ёки компенсация ажратишни рад этади. 3 иш куни ичида 2. Агентлик рад этилган буюртманомани тижорат банкига рад этиш сабаблари кўрсатилган ҳолда хат орқали юборади. 1 иш куни ичида 3. Тижорат банки қарз олувчини компенсация ажратилиши тўғрисида хат орқали хабардор қилади. 1 иш куни ичида 4-босқич Агентлик Компенсация ажратиш маъқулланган буюртманомалар бўйича компенсацияни тижорат банкининг алоҳида очилган ҳисобварағига ўтказиб беради. 3 иш куни ичида

«Яшил таъмир» кредити бўйича фоиз тўловларининг бир қисмини қоплаб бериш тартиби тўғрисидаги низомга 2-ИЛОВА

Агентлик ҳисобидан «яшил таъмир» кредити бўйича фоиз тўловларининг бир қисмини қоплаб бериш учун компенсация ажратиш тўғрисида БУЮРТМАНОМА 20___ йил __________ Буюртманома берувчи: _______________________________ банки Буюртманомани қабул қилувчи: Энергия самарадорлиги миллий агентлиги Компенсация суммаси: _________________________ Ҳисобварақ: _______________________ «яшил таъмир» кредити ажратилган мижозлар рўйхати илова қилинмоқда. Буюртманома берувчи: _______________________________ банки Бошқаруви раиси _________________________ Ф.И.О.

Вазирлар Маҳкамасининг 2025 йил 24 октябрдаги 673-сон қарорига 5-ИЛОВА

Энергия самарадорлигини ошириш рақамли платформасида қайта тикланувчи энергия манбалари қурилмалари ва бошқа энергия самарадор ускуналарнинг савдоларини ўтказиш, шартномаларни тузиш, етказиб бериш ҳамда ўрнатиш тартиби тўғрисида

1-боб. Умумий қоидалар

1. Ушбу Низом Энергия самарадорлигини ошириш рақамли платформаси (кейинги ўринларда — платформа) орқали қайта тикланувчи энергия манбалари қурилмалари ва бошқа энергия самарадор ускуналарнинг савдоларни ўтказиш ва шартномаларни тузиш, етказиб бериш ҳамда ўрнатиш тартибини белгилайди.

2. Ушбу Низомда қуйидаги асосий тушунчалардан фойдаланилади:

етказиб берувчи — платформа орқали маҳсулот етказиб берувчи жисмоний ва юридик шахслар;

маҳсулот — қайта тикланувчи энергия манбалари қурилмалари ва бошқа энергия самарадор ускуналар;

платформа оператори — «Ўзбекистон республика товар-хом ашё биржаси» АЖ;

платформа иштирокчиси — етказиб берувчи, энергия сервис компаниялари, талабгор ва энергия аудиторлари;

талабгор — платформа орқали маҳсулот сотиб олувчи жисмоний шахслар;

шахсий кабинет — платформа иштирокчиларининг савдоларда иштирок этишини ҳамда зарур ахборотни жойлаштиришни ва ундан фойдаланишни, шунингдек, ҳисоб-китобларни амалга оширишини таъминлайдиган алоҳида саҳифа;

ўхшаш маҳсулотлар — функционал мақсади, киритилган параметрлари, қўлланиши, сифати ва техник хусусиятлари бир хил бўлган маҳсулотлар;

закалат — талабгор томонидан тузилган шартнома бўйича тўловлар тўлиқ ҳажмда тўланишини ҳамда етказиб берувчи томонидан ўзининг таклифларини таъминлаш усули;

Ҳисоб-китоб-клиринг палатаси (кейинги ўринларда — ҲККП) — бўнак тўловларини депонентлаш ва ҳисобга олиш орқали шартномалар бўйича мажбуриятларни бажара оладиган платформа иштирокчиларининг савдоларга киришини таъминловчи платформа операторининг таркибий бўлинмаси.

2-боб. Платформада иштирокчиларни рўйхатга олиш

3. Жисмоний ва юридик шахслар платформада иштирокчи сифатида «Электрон ҳукумат» тизими фойдаланувчиларини идентификациялашнинг ягона ахборот тизими орқали рўйхатдан ўтишлари мумкин.

4. Платформада рўйхатга олиш якунлари билан бир иш куни давомида платформа иштирокчиларига фойдаланувчининг индивидуал рақамини берилади ҳамда тузилган шартномалар бўйича мажбуриятларни ва талаб қилиш ҳуқуқини ҳисобга олиш учун зарур бўлган тегишли шахсий ҳисобварақ очилади.

3-боб. Платформа операторининг ҳуқуқ ва мажбуриятлари

5. Платформа оператори қуйидаги ҳуқуқларга эга:

платформада жойлаштирилган маълумотларга технологик ва ахборот хавфсизлигини таъминлаш талабларини белгилаш;

платформа иштирокчиларига хизматлар кўрсатиш шартларини белгилаш (қонунчилик ҳужжатларида назарда тутилган ҳолатлар бундан мустасно);

платформа иштирокчилари учун талабларни белгилаш;

платформа иштирокчиларининг белгиланган қоидаларга риоя этмаслик ҳолатлари аниқланганда, шунингдек, платформа оператори ёки платформа иштирокчилари олдида тўланмаган қарзлари мавжуд бўлганда, платформада тузилган шартнома шартлари бажарилмаганда, уларга хизмат кўрсатишни тўхтатиб туриш;

платформа иштирокчиларига электрон тижорат билан боғлиқ ахборотларни етказиш, маълумот ва маслаҳат бериш ҳамда бошқа қўшимча хизматларни кўрсатиш;

бошқа ахборот воситачилари билан ҳамкорликда маълумотлар базасини яратиш;

платформа оператори қонунчилик ҳужжатларига ва шартномага мувофиқ бошқа ҳуқуқларга эга бўлиши мумкин.

6. Платформа оператори платформанинг барқарор, узлуксиз ва ишончли ишлашини таъминлайди, унинг барча функционал жараёнлари белгиланган тартиб ва талабларга мувофиқ равишда амалга оширилишига масъул ҳисобланади.

7. Платформа оператори қуйидагиларга мажбур:

электрон тизимнинг узлуксиз ишлашини, унга жойлаштирилган ахборотларнинг тўлиқ сақланишини, ўз электрон ресурси белгиланган тартибда тегишли давлат органларининг расмий веб-сайтлари ва ахборот тизимлари билан уйғунлашган ҳолда ишлашини таъминлаш;

техник хизмат кўрсатиш, маълумотлар хавфсизлиги, фойдаланувчилар учун шаффофликни таъминлаш;

жисмоний ва юридик шахсларнинг қонунчилик ҳужжатларига мувофиқ платформада мавжуд бўлган ахборотлардан бепул ва эркин фойдаланишини таъминлаш;

амалга оширилган харидлар натижалари бўйича маълумотлар базасини яратиш ва доимий янгилаб бориш;

платформада тузилган шартномалар реестрини шакллантириш ва юритиш;

республика ижро этувчи ҳокимияти органлари ва хўжалик бирлашмаларига ушбу Низомда назарда тутилган тартибда ахборотлардан фойдаланиш имконини яратиш;

платформага ахборот жойлаштирилган вақтдан бошлаб унинг маълумотлар базасида ўн йил мобайнида сақланишини таъминлаш;

ҲККП платформа иштирокчиларининг шахсий ҳисобварақлари очилишини таъминлаш;

платформада маълумотлари етарли бўлмаган оферта таклифларининг жойлаштирилиши бўйича мониторинг юритиш;

платформанинг босқичма-босқич такомиллаштирилиб борилишини таъминлаш;

платформа оператори қонунчилик ҳужжатларига ва шартномага мувофиқ бошқа мажбуриятларга эга бўлиши мумкин.

8. Платформа оператори:

савдоларни амалга ошириш ва маҳсулот нархларини белгилаш жараёнларига аралашишга, контрагентларни танлаш ва шартномалар тузишда платформа иштирокчиларининг эркинлигини чеклашга, шунингдек, платформа иштирокчиларининг ҳуқуқларини бошқача тарзда чеклашга;

узатиладиган, олинадиган ва сақланадиган электрон ҳужжатлар ҳамда электрон хабарларнинг ишончлилигини, шунингдек, агар қонунчилик ҳужжатларида ёки шартномада бошқача қоидалар назарда тутилмаган бўлса, уларнинг қонунчилик ҳужжатларига мувофиқлигини назорат қилишга ёки текширишга;

платформа иштирокчилари томонидан жойлаштириладиган электрон ҳужжатлар ва электрон хабарларнинг мазмунини ўзгартиришга ҳақли эмас.

9. Платформа оператори иштирокчилар томонидан тақдим этиладиган электрон ҳужжат ва хабарларнинг, шунингдек, ўтказиладиган савдолар бўйича платформага жойлаштириладиган ахборотларнинг мазмуни билан боғлиқ ҳуқуқий оқибатлар учун жавобгар ҳисобланмайди.

4-боб. Платформа иштирокчиларининг ҳуқуқ ва мажбуриятлари

10. Платформа иштирокчиси қуйидаги ҳуқуқларга эга:

томонлар ўртасида тузилган битимнинг ижросида юзага келадиган келишмовчилик ва низолар бўйича суд тартибида шикоят қилиш;

қонунчилик ҳужжатларига мувофиқ таклифларга ўзгартиришлар киритиш ёки уларни қайтариб олиш (таклифлар акцептлангунга қадар).

Платформа иштирокчиси қонунчилик ҳужжатларига ва шартномага мувофиқ бошқа ҳуқуқларга эга бўлиши мумкин.

11. Платформа иштирокчиси:

ушбу Низом талабларига риоя этиши;

тақдим этилган ахборотнинг ишончлилигини таъминлаши;

савдоларда ғолиб деб топилган тақдирда, қонунчилик ҳужжатларида белгиланган тартибда ва муддатда шартнома тузиши шарт.

Платформа иштирокчиси қонунчилик ҳужжатларига ва шартномага мувофиқ бошқа мажбуриятларга эга бўлиши мумкин.

12. Платформа иштирокчиси ўзи томонидан тақдим этилган электрон ҳужжат ва хабарларнинг, шунингдек, ўтказиладиган савдолар бўйича платформага жойлаштирган ахборотларнинг мазмуни учун жавобгар ҳисобланади.

13. Давлат буюртмачилари томонидан энергия самарадор қурилма ва ускуналарни сотиб олиш ҳамда бино ва иншоотларни энергия самарадорлиги бўйича таъмирлаш ва (ёки) қайта жиҳозлаш хизматлари билан боғлиқ харидлар устувор равишда қонунчиликда белгиланган тартибда Платформа орқали рақобатли шаклда (электрон дўкон, энг яхши таклифларни танлаш ва тендер механизми асосида) ўтказилади.

5-боб. Платформада эълонларни жойлаштириш тартиби

14. Етказиб берувчининг платформага маҳсулотни етказиб ва ўрнатиб бериш бўйича жойлаштирган таклифи талабгорларга юборилган оммавий оферта ҳисобланади.

15. Етказиб берувчи томонидан платформага жойлаштириладиган таклифда қуйидагилар назарда тутилиши лозим:

савдога қўйилаётган маҳсулотнинг номи;

маҳсулотнинг маркаси;

сони;

ишлаб чиқарувчи номи;

техник хусусиятлари;

қувват ўлчов бирлиги;

маҳсулотнинг сотиш нархи;

маҳсулот ишлаб чиқарилган йил;

яроқлилик муддати;

кафолат муддати;

етказиб бериш муддати;

етказиб ва ўрнатиб бериш ҳудудлари (вилоят, туман);

товар фотосурати.

16. Етказиб берувчининг офертаси у Платформага жойлаштирилиб, савдолар учун фаоллаштирилган пайтдан эътиборан ўн беш иш куни мобайнида амал қилади. Ушбу муддат тугагандан сўнг етказиб берувчи уни яна ўн беш иш кунига активлаштиришга ҳақли.

17. Оферта талабгор томонидан акцептлангунга қадар етказиб берувчи офертани ҳар қандай муддатда қайтариб олишга ёки унга ўзгартириш ва қўшимчалар киритишга ҳақли ҳисобланади.

18. Платформада қайта тикланувчи энергия манбалари қурилмаларини (қуёш панеллари, гелиоколлектор, иссиқлик насослари) сотишни ташкил этиш билан боғлиқ хизматлар учун битим суммасидан 0,15 фоиз, бироқ базавий ҳисоблаш миқдорининг 2 бараваридан кўп бўлмаган миқдорда етказиб берувчидан комиссия ундирилади.

Бунда ушбу йиғимдан тушадиган маблағнинг 60 фоизи платформа оператори ва 40 фоизи Агентлик ҳузуридаги Энергия самарадорлигини рағбатлантириш ва қўллаб-қувватлаш жамғармасига ўтказилади.

6-боб. Савдоларни ўтказиш тартиби

19. Платформада савдолар маҳсулот нархи сўровидан фойдаланган ҳолда ўтказилади.

20. Талабгор савдонинг маҳсулот нархи сўрови шаклида етказиб берувчи офертасини ўрганиб чиқади ҳамда ўзи хоҳлаган маҳсулотни танлайди ва маҳсулот нархи сўрови механизмидан фойдаланади.

21. Талабгорнинг маҳсулот нархи сўрови офферентга ва шунга ўхшаш маҳсулотларни таклиф этаётган барча етказиб берувчига маҳсулот нархи талабида иштирок этиш учун юборилади.

22. Етказиб берувчи маҳсулот нархи сўровида иштирок этиш учун таклиф юборилган пайтдан бошлаб 24 соат ичида ўз таклифини фақат бир марта тақдим этиш ҳуқуқига эга.

23. Етказиб берувчи томонидан тақдим этилган маҳсулот нархи таклифи автоматик равишда платформа томонидан таққосланади.

24. Платформа битимни талабгор томонидан танланган етказиб берувчининг офертасида кўрсатилган шартларга мувофиқ ва етказиб берувчи томонидан таклиф қилинган энг паст нархда тузади.

25. Агар бошқа етказиб берувчи маҳсулотнинг бошланғич нархидан паст нархни таклиф қилмаса, электрон тизим талабгор ва у танлаган оферта етказиб берувчиси ўртасидаги битимни рўйхатдан ўтказади.

26. Битим бўйича тарафларнинг ҳуқуқ ва мажбуриятлари шартнома электрон тизимда рўйхатдан ўтказилган пайтдан бошлаб кучга киради.

27. Платформанинг рақобатли шаклларидан фойдаланган ҳолда тузилган шартномадаги маҳсулот нархи оферта жойлаштирилган пайтдан эътиборан 24 соатдан кам бўлмаган вақт мобайнида икки ва ундан ортиқ салоҳиятли платформа иштирокчиларига рақобатли таклифларни эркин равишда топшириш имкони берилган тақдирда, бозор нархи деб эътироф этилади.

7-боб. Ҳисоб-китобларни амалга ошириш тартиби

28. Платформада битимлар бўйича ҳисоб-китоблар ҲККП орқали амалга оширилади. Бунда тарафлар шартнома таъминоти сифатида закалатдан фойдаланади.

29. Закалат миқдори эълон жойлаштирилган вақтда етказиб берувчи ва талабгор учун шартнома қийматининг 3 фоизи миқдорида белгиланади.

30. Платформа иштирокчилари рўйхатдан ўтгандан сўнг ҲККПнинг «Ўзбекистон республика товар-хом ашё биржаси» АЖга хизмат кўрсатувчи банкда очилган иккиламчи ҳисобварағига савдоларда иштирок этиш ҳамда ўз мажбуриятини бажариш учун маблағни ўтказади. Жисмоний шахслар савдоларда банк карталаридан фойдаланган ҳолда иштирок этиши мумкин.

31. Электрон клиринг тизими ҳар бир савдодан олдин буюртмаларнинг таъминлангани бўйича назоратни амалга оширади. Буюртмаларнинг таъминлангани савдолар доирасида тузиладиган битимларга мувофиқ буюртмалар бўйича назорат қилинади.

32. Талабгор савдолар доирасида тузилган шартнома бўйича тўловларни тўлиқ ҳажмда амалга ошириш учун ушбу шартнома электрон тизимда рўйхатга олинган пайтдан бошлаб 5 иш кунида ўзининг ҲККПдаги ҳисобварағига маблағларни ўтказади. Бунда закалат шартнома бўйича тўлов суммасига қўшиб ҳисобланиши мумкин.

33. Агар талабгор шартномада белгиланган муддатда тўловни амалга оширмаса, унинг закалати бир иш куни мобайнида етказиб берувчининг ҲККПдаги тегишли ҳисобварағига ўтказилади.

34. ҲККП тузилган шартнома бўйича талабгордан тушадиган тўлов суммасини банд қилиб қўяди ва маблағлар тушадиган кундан кейинги иш кунидан кечиктирмасдан бу тўғрисида етказиб берувчига хабарнома юборади.

Ушбу хабарнома етказиб берувчига маҳсулотни талабгорга етказиб бериш ва ўрнатиш учун асос бўлади.

35. Етказиб берувчи ҲККПдан маблағ тушгани тўғрисидаги хабарнома келишидан олдин маҳсулотни талабгорга етказиб берган тақдирда, талабгор томонидан қабул қилинган маҳсулот бўйича тўлов амалга оширилмаслиги билан боғлиқ хатарлар етказиб берувчининг зиммасида бўлади.

36. Етказиб берувчи томонидан маҳсулот етказиб ва ўрнатиб берилгандан сўнг етказиб берувчи бу тўғрисидаги ахборотни маҳсулот етказиб ва ўрнатиб берилган кундан бошлаб бир иш куни мобайнида, лекин битим шартларидаги маҳсулотни охирги етказиб бериш кунидан кечиктирмасдан, ўзининг шахсий кабинети орқали ҲККП ва талабгорга тақдим этади.

37. Талабгор битим бўйича маҳсулот етказиб ва ўрнатиб берилгани тўғрисидаги ахборотни олгандан кейин икки иш куни мобайнида уни тасдиқлаши ёки рад этиши тўғрисидаги ахборотни ўзининг шахсий кабинети орқали платформага жойлаштиришга мажбур ҳисобланади.

Маҳсулот етказиб ва ўрнатиб берилгани тўғрисидаги ахборот талабгор томонидан белгиланган муддатда тасдиқланмаганда ёки рад этилмаганда, маҳсулот етказиб берилган деб ҳисобланади.

38. Платформа тузилган шартномага мувофиқ маҳсулот тўлиқ ҳажмда етказилган ва ўрнатилгани ҳақидаги маълумотни олгандан сўнг бир иш куни мобайнида:

электрон тўлов топшириқномасини шакллантиради ва платформа операторига хизмат кўрсатувчи банкка юборади, банк эса тўлов топшириқномасини олгандан сўнг бир иш куни мобайнида талабгорнинг маблағини етказиб берувчига юборади;

етказиб берувчининг закалатига қўйилган бандни бекор қилади ва закалатни етказиб берувчининг шахсий ҳисобварағига қайтаради (закалат шартнома бўйича тўлаш суммасига қўшиб ҳисобланган ҳоллар бундан мустасно).

39. Тузилган шартнома бўйича маҳсулот етказиб ва ўрнатиб берилгани тўғрисидаги ахборот етказиб берувчи томонидан тақдим қилинмаганда, ҲККП ушбу шартнома бўйича маҳсулотни етказиб ва ўрнатиб бериш муддати тугагандан сўнг уч иш куни мобайнида талабгорнинг битим бўйича маблағига қўйилган бандни бекор қилади.

8-боб. Якунловчи қоидалар

40. Томонлар ўртасида юзага келган низолар «Ўзбекистон республика товар-хом ашё биржаси» АЖнинг Арбитраж комиссияси ёки суд тартибида ҳал этилади.

41. Платформа оператори ушбу Низом ва бошқа қонунчилик ҳужжатлари талабларига риоя этмаган платформа иштирокчисини савдоларда иштирок этишдан четлатишга ҳақли.

42. Ушбу Низом талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Вазирлар Маҳкамасининг 2025 йил 24 октябрдаги 673-сон қарорига 6-ИЛОВА

Тижорат банклари томонидан тўқимачилик саноати корхоналарининг ўз эҳтиёжлари учун қуёш панелларини харид қилиш ва ўрнатишга ажратиладиган кредитлари бўйича фоиз тўловларининг бир қисмини компенсация қилиш тартиби тўғрисида

1-боб. Умумий қоидалар

1. Ушбу Низом тижорат банклари томонидан тўқимачилик саноати корхоналари (кейинги ўринларда — корхоналар)да ўз эҳтиёжлари учун қуёш панелларини харид қилиш ва ўрнатишга ажратиладиган кредитлари бўйича фоиз тўловларининг бир қисмини Вазирлар Маҳкамаси ҳузуридаги Энергия самарадорлиги миллий агентлиги (кейинги ўринларда — Агентлик) томонидан компенсация қилиш тартибини белгилайди.

2. Ушбу Низомда қуйидаги асосий тушунчалардан фойдаланилади:

етказиб берувчилар — платформа орқали қуёш панелларини етказиб бериш ва ўрнатишни таклиф этувчи юридик шахслар;

компенсация — корхоналарнинг ишлаб чиқариш эҳтиёжлари учун қуёш панелларини харид қилиш ва ўрнатишга ажратиладиган кредитлар бўйича фоиз тўловларининг бир қисмини қоплаб бериш учун Агентлик томонидан тижорат банкларининг тегишли ҳисобварақларига ўтказиладиган маблағ;

корхоналар — тўқимачилик саноати корхоналари;

платформа — Энергия самарадорлиги миллий агентлигининг Энергия самарадорлигини ошириш рақамли платформаси.

қуёш панеллари — қуёш нурларидан электр энергияси ишлаб чиқаришга мўлжалланган қурилма;

3. Ушбу Низомга мувофиқ компенсация ажратиш учун Агентлик ва тижорат банки ўртасида Бош келишув (кейинги ўринларда — келишув) тузилади ва келишув шартлари тижорат банклари томонидан келишув тузилган санадан кейин ажратиладиган кредитлар учун татбиқ этилади.

2-боб. Компенсация ажратиш тартиби

4. Компенсациялар тижорат банкларига ушбу Низомга 1-иловада келтирилган схемага мувофиқ Агентлик томонидан ажратилади.

5. Компенсация Агентликнинг ягона реестрига киритилган энергия аудиторлари томонидан белгиланган тартибда энергия аудитидан ўтган ҳамда қуёш панелларини платформа орқали харид қилган ва ўрнатган корхоналарга ажратилади.

Энергия аудитидан ўтказишдан олдин аудитор энергия аудитидан ўтказиш дастурини шакллантиради ва «Ҳудудий электр тармоқлари» АЖ билан келишилган ҳолда ишлаб чиқарилган электр энергиясини электр тармоғи хўжалиги объектларига улаш юзасидан тегишли хулосасини олади.

6. Энергия аудитини ўтказиш билан боғлиқ харажатлар корхоналарнинг ўз маблағлари ҳисобидан амалга оширилади.

7. Компенсация корхоналарга Марказий банк қайта молиялаштириш ставкасидан юқори ва 1,75 бараваридан ошмаган ставкада миллий валютада 2 миллиард сўмгача ажратиладиган кредитларнинг 10 фоизигача миқдорда уч йилдан ортиқ бўлмаган муддатга Агентлик маблағлари ҳисобидан ажратилади.

8. Компенсациялар 3 йиллик давр учун:

дастлабки 12 ойлик муддат учун тўлиқ;

кейинги икки йил учун, ҳар йили корхонада олдинги йилдаги компенсация ҳисобидан бўшаган (иқтисод қилинган) маблағларни тўлиқ энергия самарадорлигини ошириш тадбирларига йўналтирилгани тасдиқланганида ажратилади.

Бунда корхонадаги энергия самарадорлигини ошириш тадбирлари натижалари энергия аудиторлари томонидан ўтказилган верификация асосида аниқланади ва хулоса билан расмийлаштирилади.

9. Бир корхона томонидан бир вақтнинг ўзида қуёш панелини харид қилиш ва ўрнатиш билан боғлиқ иккита кредит бўйича компенсация олинишига йўл қўйилмайди. Бунда компенсация биринчи олинган кредит бўйича ажратилади.

10. Корхона энергия аудитори хулосаси асосида қуёш панелларини харид қилиш ва ўрнатиш учун платформа орқали ариза юборади.

11. Ариза берилган кундан бошлаб уч иш кунида платформа орқали энг арзон нархларни таклиф қилган етказиб берувчилар ва корхона ўртасида электрон шартнома расмийлаштирилади.

12. Корхона кредит ва компенсация олиш учун платформа орқали корхонанинг энергия аудитори ҳамда етказиб берувчилар билан тузилган шартномаси ва бошқа зарур бўлган ҳужжатларни илова қилган ҳолда тижорат банкига мурожаат қилади.

13. Тижорат банки бош офиси ҳар ойда, кейинги ойнинг 10-санасига қадар корхоналар томонидан ўзига тегишли фоиз тўлови тўлагандан сўнг, кредит берилган корхоналар учун компенсация ажратиш юзасидан Агентликка қуйидаги ҳужжатларни илова қилган ҳолда платформа орқали мурожаат қилади:

ушбу Низомга 2-иловага мувофиқ шаклда компенсация ажратиш тўғрисида буюртманома;

қуёш панелларни харид қилиш ва ўрнатиш бўйича кредит шартномалари нусхаси, кредитлар ажратилган корхоналарнинг рўйхати (кредит олувчининг СТИР, кредит суммаси, кредит муддати, фоиз ставкаси, кредит мақсади, қайтариш жадвали шакли, кредит берилган сана, кредитни қайтариш санаси, 16325-ҳисобварағидаги ҳисобланган фоизлар, энергия аудити шартномаси рақами ва санаси ҳамда бошқа маълумотлар).

14. Буюртманома ҳамда корхоналар бўйича кўрсатилган маълумотларнинг ҳаққонийлиги бўйича тижорат банкининг буюртманомани имзолаган мансабдор шахси жавобгар ҳисобланади.

15. Ушбу Низомнинг 13-бандида назарда тутилган буюртманома ва унга илова қилинган ҳужжатлар Агентликка келиб тушган санадан бошлаб уч иш куни ичида Агентлик томонидан кўриб чиқилади ҳамда ушбу Низом талабларидан келиб чиқиб, компенсация ажратишни маъқуллаш ёки рад этиш тўғрисида платформа орқали маълум қилинади.

Рад этилган буюртманома тижорат банкига бир иш кунида компенсация ажратишни рад этиш асосларини кўрсатган ҳолда қайтарилади.

Бунда компенсация ажратиш қуйидаги ҳолатларда рад этилиши мумкин:

қарз олувчи корхона томонидан ўзига тегишли фоиз тўлови тўланмаганда;

қуёш панелларини харид қилиш ва ўрнатиш бўйича кредитлар мақсадсиз ишлатилгани ҳолати аниқланганда;

буюртманомада кўрсатилган компенсация миқдорлари ушбу Низомга мос келмаганда ёки кредит муддати узайтирилганда;

ажратилган кредит бўйича муддати ўтган қарздорлик 90 кундан ошиб кетганда;

кредит аввалги йилларда харид қилинган қуёш панеллари учун ажратилганда;

ҳужжатлардаги маълумотлар ҳақиқатда ўрнатилган қуёш панели маълумотларига мос бўлмаганда;

буюртманомада кўрсатилган кредитлар келишув расмийлаштиришдан олдин берилганда.

16. Агентлик томонидан компенсация ажратилиши рад этилганда тижорат банки бир иш куни ичида бу ҳақида ҳудудий филиалини ва қарз олувчи корхонани хабардор қилади.

17. Компенсация ажратиш маъқулланган буюртманома бўйича компенсация маблағлари Агентлик томонидан уч иш куни ичида тижорат банкининг алоҳида очилган ҳисобварағига ўтказиб берилади.

Бунда компенсация тўловлари Агентлик ҳузуридаги Энергия самарадорлигини рағбатлантириш ва қўллаб-қувватлаш жамғармасига Давлат бюджетидан ажратилган маблағлар ҳисобидан амалга оширилади.

Қарз олувчи корхоналарнинг кредит тўловларини қайтариш графикларидаги ўзгаришлар инобатга олинмаслиги натижасида ортиқча компенсация тўловлари юзага келганда, ушбу маблағлар тижорат банкининг ўз маблағлари ҳисобидан Агентликка қайтариб тўлаб берилади.

18. Компенсация берилиши ҳисобидан корхоналарда бўшаган (иқтисод қилинган) маблағлар мақсадли равишда тўлиқ мазкур корхоналарда энергия самарадорлигини ошириш билан боғлиқ тадбирларга йўналтирилиши шарт.

3-боб. Компенсация ҳисобини юритиш

19. Тижорат банки компенсация шартномаларига асосан ҳисобланган ва Агентлик томонидан компенсация ажратилган фоиз тўловларининг ҳисобини алоҳида 16325 баланс ҳисобварақларида юритади.

20. Агентлик компенсацияси банк рўйхати асосида бир қанча кредит шартномалари бўйича банкнинг 29801 транзит ҳисобварағига ўтказилади.

Бунда 29801 транзит ҳисобварағига тушадиган маблағлар банкнинг 16325 ҳисобварағига автоматик равишда ўтказилади.

Корхона ва банк ўртасидаги тузилган кредит шартномаси шартлари ўзгарганда, илгари тасдиқланган ва ҳисобланган компенсация миқдори оширилмайди.

21. Корхоналар кредитни кечиктириб, муддати ўтганидан сўнг қайтарган ҳолларда, ажратиладиган компенсация суммаси тасдиқланган қайтариш жадвалида қайд этилган суммадан ошмаслиги лозим.

Қарз олувчи корхона шартноманинг тўлов жадвалига мувофиқ ўзига тегишли бўлган кредит фоиз тўловларини (компенсациядан ташқари) тўлиқ тўлаган бўлиши шарт.

22. Тижорат банклари корхона билан тузилган кредит шартномалари асосида белгиланган тартибда кредитлардан мақсадли фойдаланилишини ўрганиш юзасидан жойига чиққан ҳолда мониторинг қилиб боради.

23. Қуйидаги ҳолатлар аниқланганда, тижорат банклари томонидан платформа орқали икки иш кунида компенсация ажратишни тўхтатиш бўйича Агентликка хабарнома юборилиши шарт:

фоиз тўловлари компенсация қилинадиган кредитдан мақсадсиз фойдаланилганлик ҳолати аниқланганда;

корхона тўловлар жадвалига мувофиқ тўловларни тўлаш мажбуриятларини уч ой кетма-кет бажармаганда;

корхона томонидан кредит суммаси муддатидан олдин сўндирилганда;

тижорат банки ва корхона ўртасида кредит шартномаси бекор қилинганда ёки ҳақиқий эмас деб топилганда;

корхонанинг банк ҳисобварағидаги маблағлари хатловга олинганда;

корхона томонидан кредит олиш учун тақдим этилган ҳужжатларида ишончсиз ёки нотўғри маълумотлар мавжудлиги аниқланганда;

қарз олувчининг компенсацияни тўхтатиш тўғрисидаги мурожаати мавжуд бўлганда;

кредит шартномаси тўлиқ бекор қилинганда ёки қарз мажбуриятлари бошқа шахсга ўтказилганда;

корхона ўз фаолиятини тўхтатганда.

24. Ушбу Низомнинг 23-бандида назарда тутилган ҳолатлар аниқлангани тўғрисидаги тижорат банкларининг тегишли хабарномаси олинган санадан бошлаб икки иш кунида Агентлик компенсация ажратишни тўхтатиш бўйича тегишли қарор қабул қилади ва платформа орқали тижорат банкига хабарнома юборади.

25. Агентликнинг тегишли хабарномаси олинганидан сўнг тижорат банки бир иш кунида фоиз тўловларининг бир қисмини компенсация қилиш тўхтатилгани бўйича корхонани хабардор қилади.

26. Компенсация ажратишни қайта тиклашга ушбу Низомнинг 23-банди учинчи , олтинчи ва еттинчи хатбошиларда кўрсатилган ҳолатлар бартараф этилганидан сўнг рухсат берилади.

27. Тижорат банки ҳар ойда, ҳисобот ойидан кейинги ойнинг 5-санасига қадар Агентликка компенсация маблағларининг корхоналар кесимида сарфланиши, кредитларнинг сўндирилиш санаси ва бошқа маълумотлар бўйича ҳисобот тақдим этиб боради.

4-боб. Якунловчи қоидалар

28. Тарафлар ўртасида юзага келадиган низолар белгиланган тартибда суд томонидан ҳал этилади.

29. Ушбу Низом талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Тижорат банклари томонидан тўқимачилик саноати корхоналарининг ўз эҳтиёжлари учун қуёш панелларини харид қилиш ва ўрнатишга ажратиладиган кредитлари бўйича фоиз тўловларининг бир қисмини компенсация қилиш тартиби тўғрисидаги низомга 1-ИЛОВА

Тижорат банклари томонидан тўқимачилик саноати корхоналарининг ўз эҳтиёжлари қуёш панелларини ўрнатишга ажратиладиган кредитлари бўйича фоиз тўловларининг бир қисмини компенсация қилиш

Босқичлар Субъектлар Тадбирлар Ижро муддати 1-босқич Тўқимачилик саноати корхонаси Тўқимачилик саноати корхонаси тижорат банки ёки унинг ҳудудий филиалига ўз эҳтиёжлари учун қуёш панеллари харид қилиш учун кредит ажратиш тўғрисида мурожаат қилади. Заруратга кўра 2-босқич Тижорат банки Қуёш панеллари харид қилиш учун кредит фоиз тўловларининг бир қисмини қоплаш учун компенсация ажратиш бўйича буюртманома, кредитлар ажратилган корхоналарнинг рўйхатини Агентликка тақдим этади. Ҳар ойнинг 10-санасига қадар 3-босқич Агентлик, тижорат банки 1. Агентлик тижорат банки томонидан юборилган буюртманомаларни кўриб чиқади ҳамда белгиланган талаблардан келиб чиқиб, компенсация ажратишни маъқуллайди ёки компенсация ажратишни рад этади. 3 иш куни ичида 2. Агентлик томонидан рад этилган буюртманома тижорат банкига рад этиш сабаблари кўрсатилган ҳолда хат орқали юборилади. 1 иш куни ичида 3. Тижорат банки қарз олувчи корхонани компенсация ажратилиши тўғрисида хат орқали хабардор қилади. 1 иш куни ичида 4-босқич Агентлик Компенсация ажратиш маъқулланган буюртманомалар бўйича маблағларни тижорат банкининг алоҳида очилган ҳисобварағига ўтказиб беради. 3 иш куни ичида

Тижорат банклари томонидан тўқимачилик саноати корхоналарининг ўз эҳтиёжлари учун қуёш панелларини харид қилиш ва ўрнатишга ажратиладиган кредитлари бўйича фоиз тўловларининг бир қисмини компенсация қилиш тартиби тўғрисидаги низомга 2-ИЛОВА

Тўқимачилик саноати корхоналарининг ўз эҳтиёжлари учун қуёш панелларини ўрнатиш учун ажратиладиган кредитлар бўйича фоиз тўловларининг бир қисмини қоплаб бериш тўғрисида БУЮРТМАНОМА 20___ йил __________ Буюртманома берувчи: _______________________________ банки Буюртманомани қабул қилувчи: Энергия самарадорлиги миллий агентлиги Компенсация суммаси: _________________________ Ҳисобварақ: _______________________ Қуёш панелларини харид қилиш ва ўрнатиш учун кредит ажратилган корхоналар рўйхати илова қилинмоқда. Буюртманома берувчи: _______________________________ банки Бошқарув раиси _________________________ Ф.И.О.

Вазирлар Маҳкамасининг 2025 йил 24 октябрдаги 673-сон қарорига 7-ИЛОВА

Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар

1. Вазирлар Маҳкамасининг 2011 йил 7 январдаги 6-сон қарори билан тасдиқланган Якка тартибдаги тадбиркорлар шуғулланиши мумкин бўлган фаолият турлари рўйхати қуйидаги мазмундаги 92-позиция билан тўлдирилсин:

« 92. Энергия аудиторлик хизматлари ».

2. Вазирлар Маҳкамасининг 2019 йил 9 февралдаги 108-сон қарори билан тасдиқланган Ўзбекистон Республикаси Энергетика вазирлиги тўғрисидаги низомда :

а) 2-бандда :

учинчи хатбошидаги «ва ижтимоий соҳада» сўзлари «жумладан, нефть-газ ва электр энергетика соҳасида (табиий газ, суюлтирилган газ, нефть маҳсулотлари, кўмир, электр энергияси ва бошқалар)» сўзлари билан алмаштирилсин;

тўртинчи хатбошидаги «ва ижтимоий соҳанинг» сўзлари «жумладан, нефть-газ ва электр энергетика соҳасида (табиий газ, суюлтирилган газ, нефть маҳсулотлари, кўмир, электр энергияси ва бошқалар)» сўзлари билан алмаштирилсин;

бешинчи хатбоши «Республика комиссиясининг» сўзларидан сўнг «нефть-газ ва электр энергетика соҳаси ҳамда қайта тикланувчи энергия манбаларини ривожлантиришга оид масалалари бўйича» сўзлари билан тўлдирилсин;

б) 10-бандда :

тўққизинчи хатбоши «жорий қилинишини рағбатлантириш,» сўзларидан кейин «ушбу ташкилотларда» сўзлари билан тўлдирилсин;

ўн бешинчи ва ўн олтинчи хатбошилар қуйидаги таҳрирда баён этилсин:

«иқтисодиёт тармоқлари, жумладан, нефть-газ ва электр энергетика соҳасида (табиий газ, суюлтирилган газ, нефть маҳсулотлари, кўмир, электр энергияси ва бошқалар) энергия самарадорлигини ошириш, ушбу йўналишларда энергия сарфи ҳажмини пасайтириш соҳасида ягона давлат сиёсатини юритиш, шунингдек, соҳада энергия тежовчи илғор технологиялар фаол жорий этилишини рағбатлантириш;

«иқтисодиёт тармоқлари, жумладан, нефть-газ ва электр энергетика соҳасида (табиий газ, суюлтирилган газ, нефть маҳсулотлари, кўмир, электр энергияси ва бошқалар) энергия самарадорлигини ошириш мақсадида илмий-тадқиқот ишларини ташкил этиш ва амалга ошириш орқали инвестиция лойиҳалари бўйича таклифлар ишлаб чиқиш».

3. Вазирлар Маҳкамасининг «Яшил истеъмол кредити бўйича фоиз тўловларининг бир қисмини қоплаб бериш тартиби тўғрисидаги низомни тасдиқлаш ҳақида» 2023 йил 29 сентябрдаги 517-сон қарорида :

а) 2-банднинг учинчи хатбошиси қуйидаги таҳрирда баён этилсин:

«қиймати базавий ҳисоблаш миқдорининг 500 бараваридан ошмаган «яшил» истеъмол кредитлари бўйича кредит фоиз ставкасининг 19 фоизидан ошган қисми, бироқ 4 фоизлик банддан ошмаган миқдорда тижорат банкларига 5 йил муддат давомида тўлаб берилади»;

б) 3-банднинг иккинчи хатбошисидаги «Энергетика вазирлиги ҳузуридаги бюджетдан ташқари Тармоқлараро энергияни тежаш жамғармаси» сўзлари «Вазирлар Маҳкамаси ҳузуридаги Энергия самарадорлиги миллий агентлигининг Энергия самарадорлигини рағбатлантириш ва қўллаб-қувватлаш жамғармаси» сўзлари билан алмаштирилсин;

в) 1-иловада :

1-банддаги «Энергетика вазирлиги ҳузуридаги бюджетдан ташқари Тармоқлараро энергияни тежаш жамғармаси» сўзлари «Вазирлар Маҳкамаси ҳузуридаги Энергия самарадорлиги миллий агентлигининг Энергия самарадорлигини рағбатлантириш ва қўллаб-қувватлаш жамғармаси» сўзлари билан алмаштирилсин;

6-банд қуйидаги таҳрирда баён этилсин:

«6. Жамғарма томонидан қиймати базавий ҳисоблаш миқдорининг 500 бараваридан ошмаган «яшил» истеъмол кредитлари бўйича кредит фоиз ставкасининг 19 фоизидан ошган қисми, бироқ 4 фоизлик банддан ошмаган миқдорда тижорат банкларига 5 йил муддат давомида тўлаб берилади».

4. Вазирлар Маҳкамасининг «Қайта тикланувчи энергия манбалари асосида энергия таъминотини ташкил этиш соҳасини тартибга солиш ва ривожлантириш тўғрисида» 2024 йил 8 январдаги 13-сон қарорида :

3-банд қуйидаги мазмундаги иккинчи хатбоши билан тўлдирилсин:

«Вазирлар Маҳкамаси ҳузуридаги Энергия самарадорлиги миллий агентлиги «Яшил энергия» ахборот тизимидан ўз фаолият йўналиши бўйича эркин фойдаланиш ҳуқуқига эга»;

иккинчи — тўртинчи хатбошилар тегишлича учинчи — бешинчи хатбошилар деб ҳисоблансин.

5. Вазирлар Маҳкамасининг 2024 йил 19 октябрдаги 690-сон қарори билан тасдиқланган Ёқилғи-энергетика ресурслари истеъмолчиларини мажбурий энергия аудитидан ўтказиш тартиби тўғрисидаги низомда :

а) 5-банднинг биринчи ва иккинчи хатбошиларидаги «Энергетика вазирлиги» сўзлари « Вазирлар Маҳкамаси ҳузуридаги Энергия самарадорлиги миллий агентлиги» сўзлари билан алмаштирилсин;

б) 7-банд «истеъмолчи маблағлари» сўзларидан кейин «ва (ёки) энергия сервис компаниялари маблағлари» сўзлари билан тўлдирилсин;

в) 14-банд «Энергетика вазирлиги» сўзларидан кейин « Вазирлар Маҳкамаси ҳузуридаги Энергия самарадорлиги миллий агентлиги» сўзлари билан тўлдирилсин.

6. Вазирлар Маҳкамасининг «Ўзбекистон Республикаси Вазирлар Маҳкамаси ҳузуридаги Энергия самарадорлиги миллий агентлиги фаолиятини ташкил этиш чора-тадбирлари тўғрисида» 2025 йил 2 майдаги 292-сон қарорида :

а) 2-иловада :

21-банд қуйидаги мазмундаги учинчи хатбоши билан тўлдирилсин:

«Ҳайъат фаолиятининг тартиби Ҳайъат томонидан тасдиқланадиган регламент билан белгиланади»;

33-банд қуйидаги мазмундаги иккинчи хатбоши билан тўлдирилсин:

«Ходимларнинг меҳнатига ҳақ тўлаш фонди лавозим маоши, кўп йиллик хизмати учун устама, мукофотлар, шу жумладан, байрам кунлари учун мукофотлар, қўшимча ҳақлар ва устамалар, рағбатлантириш тўловларидан, шунингдек, қонунчилик ҳужжатларида назарда тутилган бошқа тўловлардан иборат»;

34-банд қуйидаги таҳрирда баён этилсин:

«34. Агентлик ходимларига Ўзбекистон Республикаси Давлат бюджети маблағларидан:

Агентлик ходимлари учун Ягона тариф сеткаси бўйича тасдиқланган разрядларга мувофиқ лавозим маоши, бунда лавозим маошини ҳисоблашда тасдиқланган тариф разрядлари тариф коэффициенти 1,8 бараварга оширилган миқдорда қўлланади.

Давлат ташкилотида ва давлат иштирокидаги ташкилотларида кўп йиллик хизмат учун ҳар ойда қуйидаги миқдорда устама ҳақлар (рағбатлантириш коэффициентини ҳисобга олган ҳолда, лавозим маошига нисбатан оширилган тариф коэффициенти ҳисобида):

1 йилдан 3 йилгача — 0,3;

3 йилдан 5 йилгача — 0,6;

5 йилдан 10 йилгача — 0,8;

10 йилдан 15 йилгача — 1,0;

15 йилдан 20 йилгача — 1,2;

20 йилдан ортиқ — 1,5.»;

б) 3-иловада :

3-банд қуйидаги мазмундаги тўртинчи-бешинчи хатбошилар билан тўлдирилсин:

«энергияни меъёрдан ортиқча истеъмол қилганлик учун корхоналарга қўлланадиган оширилган тарифлардан тушумлар;

Энергия самарадорлигини ошириш рақамли платформаси оператори — «Ўзбекистон республика товар-хом ашё биржаси» АЖнинг платформада хизматларни кўрсатиш учун олинадиган комиссиянинг 40 фоизи;

энергия самарадорлиги лойиҳаларини амалга оширишда буюртмачини сақлаш харажатлари учун ажратиладиган маблағлар;»;

тўртинчи — еттинчи хатбошилар тегишинча олтинчи — ўнинчи хатбошилар деб ҳисоблансин;

6-банд қуйидаги таҳрирда баён этилсин:

«6. Жамғарма маблағлари ҳисобидан Агентлик ходимларини қуйидаги шаклларда моддий рағбатлантириш устамалари ва ижтимоий қўллаб-қувватлаш (моддий ёрдам) тўловлари амалга оширилади:

а) Агентлик раҳбар ва ходимларини моддий жиҳатдан қўллаб-қувватлаш мақсадида Агентлик директори томонидан ходимларга лавозим маошига (лавозим маошига нисбатан рағбатлантириш коэффициентлари ҳисобга олинган ҳолда) нисбатан 200 фоизгача бўлган миқдорда ҳар ойлик устамалар;

б) Агентлик директори томонидан Жамғарма маблағлари ҳисобидан Ўзбекистон Республикаси Президенти Администрацияси, Вазирлар Маҳкамасининг алоҳида топшириқларини сидқидилдан бажараётган, самарали фаолият кўрсатаётган Агентлик ходимлари сонининг 30 фоизидан ошмаган қисмига ойлик лавозим маошининг 100 фоизигача (рағбатлантириш коэффициентлари ҳисобга олинган ҳолда) шахсий устамалар;

в) қонунчиликда белгиланган тартибда Ўзбекистон Республикасининг Меҳнат кодекси 208-моддасида келтирилган байрамлар муносабати билан лавозим маошининг (рағбатлантириш коэффициентлари ҳисобга олинган ҳолда) нисбатан бир баравари миқдорида бир марталик мукофот пули;

г) ҳар ойда (жамоа шартномасига мувофиқ) йўл-транспорт харажатлари учун базавий ҳисоблаш миқдорининг бир бараваригача ҳамда ходимнинг овқатланиши харажатларига кўмаклашиш мақсадида базавий ҳисоблаш миқдорининг икки бараваригача миқдорда тўловлар;

д) қишлоқ хўжалиги маҳсулотларини сотиб олиш учун йилда бир марта (сентябрь — ноябрь ойларида) базавий ҳисоблаш миқдорининг ўн бараваригача миқдорида моддий ёрдам пули;

е) зарур ҳолларда (рағбатлантирувчи коэффициентни ҳисобга олган ҳолда) бир ойлик лавозим маоши миқдорида (кам таъминланган оилалар, ходимнинг даволаниши, 50, 55, 60 юбилей ёши муносабати билан, шунингдек, пенсияга чиққанда, тўй, дафн маросими ва бошқалар учун) ходимларга касаба уюшмаси билан келишилган моддий ёрдам пули берилади»;

10-банд қуйидаги мазмундаги еттинчи хатбоши билан тўлдирилсин:

«Вазирлар Маҳкамаси билан келишган ҳолда Жамғарма маблағларидан фойдаланиш йўналишларига ўзгартиришларни киритади»;

қуйидаги мазмундаги 10 1 -банд билан тўлдирилсин:

«10 1 . Кенгашга раис раҳбарлик қилади ва Кенгашнинг вазифалари, ваколатлари ва унинг фаолиятини ташкил этиш тартиби Кенгаш раиси томонидан тасдиқланадиган низомга мувофиқ белгиланади».

7. Вазирлар Маҳкамасининг «Энергия самарадорлигини оширишга қаратилган лойиҳаларни жадаллаштириш чора-тадбирлари тўғрисида» 2025 йил 7 майдаги 300-сон қарорида :

а) 1-банднинг иккинчи ва тўртинчи хатбошиларидаги , 1 ва 3-илованинг номидаги «2025 йилда» сўзлари «2025-2026 йилларда» сўзлари билан алмаштирилсин;

б) 7-иловада:

2-банддаги «ва харид қилиш тартиб-таомилларини электрон шаклда ўтказмасдан» сўзлари «ва харид қилиш тартиб-таомилларини электрон шаклда ўтказмасдан ҳамда тўғридан-тўғри танлаб олиш натижалари бўйича тузилган шартнома тўғрисидаги ахборот махсус ахборот порталига жойлаштирилмасдан» сўзлари билан алмаштирилсин;.

3-банддаги «гелиоколлекторлар билан жиҳозлаш» сўзларидан кейин «, ностандарт, иссиқлик энергияси йўқотишлари мавжуд ҳамда табиий газ истеъмоли юқори бўлган иситиш қозонларини яхшилаш» сўзлари билан тўлдирилсин.

8. Вазирлар Маҳкамасининг 2025 йил 21 майдаги 325-сон қарори билан тасдиқланган Вазирликлар, қўмиталар ва идораларнинг бюджетдан ташқари жамғармаларига йўналтириладиган давлат божлари, йиғимлар ва солиқ бўлмаган тўловлардан, маъмурий ва молиявий жазолардан ажратмалар миқдорлари қуйидаги мазмундаги 49-позиция билан тўлдирилсин:

« 49. Вазирлар Маҳкамаси ҳузуридаги Энергия самарадорлиги миллий агентлиги давлат улуши бўйича дивидендлар ҳисобидан нефть-газ ва электр энергетикаси тармоқлари корхоналарининг соф фойдасидан ўтказмалар 5 энергияни меъёрдан ортиқча истеъмол қилганлик учун корхоналарга қўлланадиган оширилган тарифлардан тушумлар 100 Энергия самарадорлигини ошириш рақамли платформаси оператори — «Ўзбекистон республика товар-хом ашё биржаси» АЖнинг платформада хизматларни кўрсатиш учун олинадиган комиссия 40 » .

Вазирлар Маҳкамасининг 2025 йил 24 октябрдаги 673-сон қарорига 8-ИЛОВА

Ўзбекистон Республикаси Ҳукуматининг ўз кучини йўқотган деб ҳисобланаётган айрим қарорлари

1. Вазирлар Маҳкамасининг «Энергия сервис хизматлари кўрсатиш тартиби тўғрисидаги Низомни тасдиқлаш ҳақида» 2018 йил 18 июлдаги 551-сон қарори .

2. Вазирлар Маҳкамасининг «Ўзбекистон Республикаси Энергетика вазирлиги ҳузуридаги бюджетдан ташқари Тармоқлараро энергияни тежаш жамғармаси тўғрисидаги низомни тасдиқлаш ҳақида» 2020 йил 9 октябрдаги 640-сон қарори .

3. Вазирлар Маҳкамасининг «Энергия самарадор ва энергия тежовчи қурилмаларни харид қилиш ҳамда ушбу мақсадлар учун олинган кредитлар бўйича фоиз харажатларининг бир қисмини қоплаш учун Ўзбекистон Республикаси Давлат бюджети маблағлари ҳисобидан компенсация ажратиш тартиби тўғрисидаги низомни тасдиқлаш ҳақида» 2021 йил 14 апрелдаги 217-сон қарори .

4. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш тўғрисида (Ўзбекистон Республикасининг «Норматив-ҳуқуқий ҳужжатлар тўғрисида» 2021 йил 20 апрелдаги ЎРҚ-682-сон Қонуни) 2022 йил 4 апрелдаги 153-сон қарорига илованинг 919-банди .

5. Вазирлар Маҳкамасининг «Аҳолининг маҳаллий ишлаб чиқарувчилар томонидан ишлаб чиқарилган қайта тикланувчи энергия манбаларининг қурилмаларини харид қилиш харажатларининг бир қисмини компенсация қилиш ёки бўлиб-бўлиб тўлаган ҳолда сотиб олиш тартиби тўғрисидаги низомни тасдиқлаш ҳақида» 2022 йил 5 октябрдаги 568-сон қарори .

6. Вазирлар Маҳкамасининг «Тўловга қобилиятсизлик соҳасидаги қонунчилик ҳужжатлари такомиллаштирилганлиги муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида» 2023 йил 21 июлдаги 304-сон қарорига илованинг 57-банди .

7. Вазирлар Маҳкамасининг «Яшил» истеъмол кредити бўйича фоиз тўловларининг бир қисмини қоплаб бериш тартиби тўғрисидаги низомни тасдиқлаш ҳақида» 2023 йил 29 сентябрдаги 517-сон қарорининг 1 ва 4-бандлари ҳамда қарорга 2-илова .

8. Вазирлар Маҳкамасининг «Қайта тикланувчи энергия манбаларидан фойдаланиш кенгайтирилиши ҳамда тариф ислоҳотларининг тизимли амалга оширилиши муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида» 2024 йил 27 декабрдаги 894-сон қарорига илованинг 2 ва 3-бандлари .

9. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида» 2025 йил 1 мартдаги 135-сон қарорига 1-илованинг 87-банди .

Ўзбекистон Республикасининг Бош вазири А. АРИПОВ

Тошкент ш.,

2025 йил 24 октябрь,

673-сон

(Қонунчилик маълумотлари миллий базаси, 27.10.2025 й., 09/25/673/0980-сон; 04.06.2026 й., 09/26/277/0562-сон)

lex.uz

Oʻzbekiston Respublikasi Vazirlar Mahkamasining

qarori

nizom

SXEMASI

TARTIBI

NIZOM

SXEMA

NIZOM

NIZOM

SXEMASI

NIZOM

NIZOM

SXEMASI

ROʻYXATI

Energiya servis xizmatlari bozorini shakllantirish hamda aholi uy-joylarining energiya samaradorligi oshirilishini ragʻbatlantirish chora-tadbirlari toʻgʻrisida

Oʻzbekiston Respublikasi Prezidentining “Energiya samaradorligini oshirish sohasida davlat boshqaruvini takomillashtirish va energiya servis kompaniyalari xizmatlari bozorini rivojlantirish chora-tadbirlari toʻgʻrisida” 2025-yil 27-martdagi PF-63-son Farmoni ijrosini taʼminlash maqsadida Vazirlar Mahkamasi qaror qiladi:

1. Quyidagilar:

Aholi uy-joylarini energiya auditidan oʻtkazish, energiya samarador qurilmalarni xarid qilish va oʻrnatishda subsidiya ajratish toʻgʻrisidagi nizom 1-ilovaga muvofiq;

Energiya auditorlarini sertifikatlash tartibi toʻgʻrisidagi nizom 2-ilovaga muvofiq;

Energiya servis xizmatlarini koʻrsatish tartibi toʻgʻrisidagi nizom 3-ilovaga muvofiq;

“Yashil taʼmir” krediti boʻyicha foiz toʻlovlarining bir qismini qoplab berish tartibi toʻgʻrisidagi nizom 4-ilovaga muvofiq;

Energiya samaradorligini oshirish raqamli platformasida qayta tiklanuvchi energiya manbalari qurilmalari va boshqa energiya samarador uskunalarning savdolarini oʻtkazish, shartnomalarni tuzish, yetkazib berish hamda oʻrnatish tartibi toʻgʻrisidagi nizom 5-ilovaga muvofiq;

Tijorat banklari tomonidan toʻqimachilik sanoati korxonalarining oʻz ehtiyojlari uchun quyosh panellarini xarid qilish va oʻrnatishga ajratiladigan kreditlari boʻyicha foiz toʻlovlarining bir qismini kompensatsiya qilish tartibi toʻgʻrisidagi nizom 6-ilovaga muvofiq tasdiqlansin.

2. Vazirlar Mahkamasi huzuridagi Energiya samaradorligi milliy agentligi (keyingi oʻrinlarda — Agentlik) bir oy muddatda “Oʻzbekiston ipotekani qayta moliyalashtirish kompaniyasi” AJ tomonidan “yashil taʼmir” kreditlariga resurs mablagʻlarini ajratish boʻyicha hamkorlik oʻrnatgan tijorat banklari bilan ushbu kredit foiz toʻlovlarining bir qismini qoplab berish yuzasidan bosh kelishuvlarga erishish choralarini koʻrsin.

3. Belgilansinki, davlat xizmatlarini koʻrsatishda raqamlashtirish koʻlamini kengaytirish hamda davlat va fuqaro (G2C) oʻrtasidagi munosabatlarda aholi uchun yengilliklar yaratish maqsadida 2025-yil noyabr oyidan boshlab Agentlikning Energiya samaradorligini oshirish raqamli platformasi (keyingi oʻrinlarda — platforma) orqali aholiga energiya samarador texnologiyalar hamda qayta tiklanuvchi energiya manbalari qurilmalarini xarid qilishda subsidiyalar ajratish tizimi joriy qilinadi.

Bunda Raqamli texnologiyalar vazirligi platformani:

Energetika vazirligi va Bojxona qoʻmitasining qayta tiklanuvchi energiya manbalari qurilmalari oʻrnatilgan obyektlar boʻyicha “Yashil energiya” tizimiga;

yetkazib berilgan elektr energiyasi hajmlari boʻyicha “Hududiy elektr tarmoqlari” AJning “ASKUE” dasturiga;

yetkazib berilgan tabiiy gaz hajmlari boʻyicha “Hududgaztaʼminot” AJning “ASKUG” dasturiga;

yetkazib berilgan issiqlik energiyasi boʻyicha “Issiqliktaʼminoti” AJning “Billing” tizimiga;

energiya samarador qurilma va uskunalarning muvofiqlik sertifikati mavjudligi boʻyicha Oʻzbekiston texnik jihatdan tartibga solish agentligining “Texnik tartibga solish” milliy axborot tizimiga;

kadastr va koʻchmas mulklarni roʻyxatdan oʻtkazish maʼlumotlari boʻyicha Iqtisodiyot va moliya vazirligi huzuridagi Kadastr agentligining “UZKAD” axborot tizimiga “Elektron hukumat” tizimining idoralararo integratsiyalashuv platformasi hamda Yagona interaktiv davlat xizmatlari portali orqali integratsiya qilinishini taʼminlasin.

4. Qurilish va uy-joy kommunal xoʻjaligi vazirligi ikki hafta muddatda Agentlikka “Shaffof qurilish” milliy axborot tizimining “Bino va inshootlarning energiya auditi” elektron platformasidan toʻliq foydalanish imkoniyatini taqdim etsin.

5. Agentlik Qurilish va uy-joy kommunal xoʻjaligi vazirligi hamda manfaatdor vazirlik va idoralar bilan birgalikda 2025-yil 1-dekabrga qadar energiya samaradorligini oshirish sohasida professional kadrlar tayyorlash, qayta tayyorlash va ularning malakasini baholab borish tizimini yoʻlga qoʻyish boʻyicha takliflar ishlab chiqsin va belgilangan tartibda Vazirlar Mahkamasiga kiritsin.

6. Qurilish va uy-joy kommunal xoʻjaligi vazirligi Agentlik bilan birgalikda bir oy muddatda “Shaffof qurilish” milliy axborot tizimining “Sohaviy qurilish-pudrat va loyiha-qidiruv tashkilotlari reytingi” platformasida qurilish-pudrat va loyiha-qidiruv tashkilotlarini energiya samaradorligi yoʻnalishida baholash amaliyotini joriy qilsin.

Bunda qurilish-pudrat va loyiha-qidiruv tashkilotlarini energiya samaradorligi yoʻnalishida baholashda Agentlik tomonidan berilgan sertifikatlar inobatga olinadi.

7. Qurilish va uy-joy kommunal xoʻjaligi vazirligi Agentlik bilan birgalikda xalqaro konsultantlarni jalb qilgan holda, 2025-yil yakuniga qadar foydalanish maydoni 200 kvadrat metrdan ortiq boʻlgan bino va inshootlarning energiya samaradorligini “A”, “B”, “C”, “D”, “E”, “F” va “G” belgilari orqali toifalash tartibini ishlab chiqsin.

8. Energetika vazirligi Iqtisodiyot va moliya vazirligi hamda Agentlik bilan birgalikda ikki hafta muddatda Energetika vazirligi huzuridagi budjetdan tashqari Tarmoqlararo energiyani tejash jamgʻarmasiga tegishli boʻlgan barcha aktivlarning belgilangan tartibda Agentlikka topshirilishini yakunlasin.

9. Iqtisodiyot va moliya vazirligi, Energetika vazirligi va Agentlikning:

Tarmoqlararo energiyani tejash jamgʻarmasining “Yashil energiya” MCHJ ustav fondiga kiritilgan ulushini Energetika vazirligiga oʻtkazish;

davlat ulushi boʻyicha dividendlar hisobidan neft-gaz va elektr energetikasi tarmoqlari korxonalarining sof foydasidan 5 foiz miqdoridagi oʻtkazmalar hamda energiyani meʼyordan ortiqcha isteʼmol qilganlik uchun korxonalarga qoʻllanadigan oshirilgan tariflardan tushumlardan 2025-yil 1-yanvarga qadar toʻlanishi lozim boʻlgan debitor qarzdorliklarni hamda yoqilgʻi-energetika resurslaridan foydalanishda aniqlangan huquqbuzarliklar boʻyicha undirilgan iqtisodiy sanksiyalar summasining 20 foizini Energetika vazirligining budjetdan tashqari Yoqilgʻi-energetika tarmogʻini rivojlantirish jamgʻarmasiga oʻtkazish toʻgʻrisidagi takliflariga rozilik berilsin.

Bunda energiyani meʼyordan ortiqcha isteʼmol qilganlik uchun korxonalarga qoʻllanadigan oshirilgan tariflardan tushumlar va davlat ulushi boʻyicha dividendlar hisobidan neft-gaz va elektr energetikasi tarmoqlari korxonalarining sof foydasidan 5 foiz miqdoridagi oʻtkazmalar boʻyicha 2025-yil 1-yanvardan keyin toʻlanishi lozim boʻlgan mablagʻlar Agentlik huzuridagi Energiya samaradorligini ragʻbatlantirish va qoʻllab-quvvatlash jamgʻarmasiga oʻtkaziladi.

10. Aholi uy-joylarining energiya samaradorligini oshirishda qoʻshimcha ragʻbatlantirish va yengilliklar yaratish maqsadida:

a) 2025-yil noyabrdan boshlab aholiga tijorat banklari orqali ajratiladigan “yashil taʼmir” krediti hamda Vazirlar Mahkamasining 2023-yil 29-sentabrdagi 517-son qarori bilan tasdiqlangan “Yashil” isteʼmol krediti boʻyicha foiz toʻlovlarining bir qismini qoplab berish tartibi toʻgʻrisidagi nizomda nazarda tutilgan “yashil” isteʼmol krediti boʻyicha energiya samarador qurilma va uskunalarni (geliokollektor, quyosh panellari, issiqlik nasoslari, qurilish izolyatsiya materiallari, energiya samarador gaz yondirgichli qozonlar va boshqalar) xarid qilish va oʻrnatish uchun kompensatsiya berish hamda aholi uy-joylarini energiya auditidan oʻtkazish xarajatlarini qoplash uchun subsidiyalar ajratish faqat Agentlik tomonidan ajratiladi.

Bunda “yashil taʼmir” va “yashil” isteʼmol kreditlari foiz stavkasining 19 foizidan oshgan qismiga, biroq 4 foizlik banddan oshmagan miqdorda Agentlikning yagona reyestriga kiritilgan energiya auditorlarining tegishli xulosalari asosida platforma orqali Energiya samaradorligini ragʻbatlantirish va qoʻllab-quvvatlash jamgʻarmasi mablagʻlari hisobidan qoplab beriladi;

b) “yashil taʼmir” hamda “yashil” isteʼmol kreditlari va (yoki) aholining oʻz mablagʻlari hisobidan energiya samarador qurilma va uskunalar sotib olinganda, xarajatlarining bir qismini qoplash uchun quyidagi miqdorlarda subsidiya ajratiladi:

aholi uy-joylarini energiya auditidan oʻtkazish xarajatlarining 100 foizi miqdorida;

aholi uy-joylariga quyosh panellari, geliokollektorlar hamda boshqa maishiy isitish qozonlari, qurilma va uskunalarni xarid qilish va oʻrnatish xarajatlarining 20 foizi miqdorida;

aholi uy-joylariga issiqlik nasoslarini xarid qilish va oʻrnatish xarajatlarining 40 foizi miqdorida, bunda ushbu yoʻnalishda ajratiladigan subsidiya miqdori bazaviy hisoblash miqdorining 50 baravaridan oshmasligi lozim.

11. Energetika vazirligi, “Hududiy elektr tarmoqlari” AJ har chorakda, chorak yakunidan keyingi oyning 15-sanasiga qadar hududlardagi tarmoqlarning quvvatlari va kuchlanishlaridan kelib chiqib, quyosh panellarida ishlab chiqarilgan elektr energiyasini qabul qilish imkoniyatlari boʻyicha mahallalar kesimida energiya balanslarini Agentlikka taqdim qilib borsin hamda ular platformada eʼlon qilib borilishini taʼminlasin.

12. Oʻzbekiston Respublikasi Hukumatining 7-ilovaga muvofiq ayrim qarorlariga oʻzgartirish va qoʻshimchalar kiritilsin.

13. Oʻzbekiston Respublikasi Hukumatining 8-ilovaga muvofiq ayrim qarorlari oʻz kuchini yoʻqotgan deb hisoblansin.

14. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov zimmasiga yuklansin.

Vazirlar Mahkamasining 2025-yil 24-oktabrdagi 673-son qaroriga 1-ILOVA

Aholi uy-joylarini energiya auditidan oʻtkazish, energiya samarador qurilmalarni xarid qilish va oʻrnatishda subsidiya ajratish toʻgʻrisida

1-bob. Umumiy qoidalar

1. Ushbu Nizom aholi uy-joylarini energiya auditidan oʻtkazish xarajatlarini toʻliq qoplash, quyosh panellari, geliokollektorlar, issiqlik nasoslari hamda boshqa maishiy isitish qozonlari, qurilma va uskunalarni xarid qilish va oʻrnatish xarajatlarining bir qismini qoplash uchun subsidiya ajratish tartibini belgilaydi.

2. Ushbu Nizomda quyidagi tushunchalardan foydalaniladi:

boshlangʻich toifadagi energiya auditori — Vazirlar Mahkamasi huzuridagi Energiya samaradorligi milliy agentligining (keyingi oʻrinlarda — Agentlik) Energiya samaradorligini oshirish sohasidagi auditorlarning yagona reyestriga (keyingi oʻrinlarda — yagona reyestr) kiritilgan, energiya auditini oʻtkazish va energiya samaradorligini oshirish yoʻnalishida energiya auditorlarini tayyorlash boʻyicha qisqa muddatli maxsus oʻquv kurslarini tamomlagan hamda faqat aholi uy-joylarida energiya auditini oʻtkazish huquqiga ega energiya auditorlari toifasi;

geliokollektor — quyosh nurining issiqlik energiyasini qabul qilib, uni issiqlik tashuvchi manbaga (suv, antifriz, havo) oʻtkazadigan, quyosh energiyasini umumiy tarmoqqa ulanmasdan yoki minimal elektr energiyasi sarfi bilan (nasos, avtomatika) foydalaniladigan issiqlikka aylantirish qurilmasi;

yetkazib beruvchi — Agentlikning Energiya samaradorligini oshirish raqamli platformasi (keyingi oʻrinlarda — platforma) orqali quyosh panellari, geliokollektorlar, issiqlik nasoslari hamda boshqa maishiy isitish qozonlari, qurilma va uskunalarni xarid qilish va oʻrnatishni taklif etuvchi yuridik shaxs;

issiqlik nasosi — atrof-muhitdan (havo, suv yoki geotermal manbalardan) energiya olib, uni issiqlik yoki sovitish energiyasiga aylantirish va yetkazib berish qurilmasi;

Insofsiz yetkazib beruvchilar reyestri — ushbu Nizomning 4-bobida belgilangan talablar asosida platformaning marketpleys tizimidan chetlatilgan yetkazib beruvchilar roʻyxati;

mablagʻlarni band qilish — platformada shartnoma boʻyicha energiya auditori va yetkazib beruvchilar majburiyatlarining toʻliq bajarilishini taʼminlovchi mablagʻlar harakatini shartnoma yopilgunga qadar toʻxtatib qoʻyish;

platformaning marketpleys tizimi — platformada energiya auditi xizmatlarini, energiya samarador qurilma va uskunalarni bozor tamoyillari asosida erkin sotib olish yoki sotish xizmatlarini taklif qiluvchi, talabgor tomonidan yetkazib beruvchi va energiya auditorlarini mustaqil tanlash imkoniyatini beradigan elektron savdo maydoni;

professional toifadagi energiya auditori — ustav kapitalida 50 foiz va undan yuqori davlat ulushi mavjud korxonalarni, uy-joylarni, davlat muassasalarini, ijtimoiy soha obyektlarini, xususiy korxonalarni energiya auditidan oʻtkazish bilan shugʻullanuvchi, yetarli tajriba va tegishli malaka sertifikatiga ega boʻlgan energiya auditorlari toifasi;

subsidiya — aholi uy-joylarini energiya auditidan oʻtkazish xarajatlarini toʻliq hamda aholining oʻz mablagʻi yoki tijorat banklari kreditlari hisobidan quyosh panellari, geliokollektorlar, issiqlik nasoslari hamda boshqa maishiy isitish qozonlari, qurilma va uskunalarni xarid qilish va oʻrnatish xarajatlarning bir qismini qoplash uchun Agentlik huzuridagi Energiya samaradorligini ragʻbatlantirish va qoʻllab-quvvatlash jamgʻarmasidan ajratiladigan mablagʻlar;

talabgor — uy-joyni energiya auditidan oʻtkazish hamda quyosh panellari, geliokollektorlar, issiqlik nasoslarini hamda boshqa maishiy isitish qozonlari, qurilma va uskunalarni xarid qilish va oʻrnatish boʻyicha platforma orqali murojaat qilgan jismoniy shaxs;

energiya auditori — energiya isteʼmolchilarini energiya auditidan oʻtkazish sohasida yetarli bilim, tajriba va malaka sertifikatiga ega (bundan boshlangʻich toifadagi energiya auditori mustasno) hamda belgilangan minimal talablarga javob beruvchi jismoniy shaxs;

energiya samarador qurilma va uskunalar — quyosh panellari, geliokollektorlar, issiqlik nasoslari hamda boshqa maishiy isitish qozonlari, qurilma va uskunalari;

quyosh panellari — quyosh nurlaridan elektr energiyasi ishlab chiqarishga moʻljallangan qurilma.

3. Subsidiya talabgorga aholi uy-joylariga energiya samarador qurilma va uskunalar energiya auditori xulosasi asosida oʻrnatilganda beriladi.

Bunda oʻrnatilgan qurilma va uskunalar xarajatlarining bir qismi boʻyicha subsidiya ushbu Nizomning 4-bandida belgilangan miqdorlar asosida Agentlik tomonidan ajratiladi.

Talabgor tomonidan qurilma va uskunalar xarajatlari uchun toʻlovlar subsidiya ajratiladigan qism chegirib tashlangan holda amalga oshiriladi. Qurilma va uskunalar xarajatlarining subsidiya qilinadigan qismi Agentlik tomonidan yetkazib beruvchiga toʻlab beriladi.

Energiya auditori xizmatlari va energiya samarador qurilma va uskunalarni xarid qilish boʻyicha shartnomalar bozor tamoyillari asosida platformaning marketpleys tizimida shakllantiriladi.

Energiya auditori xulosasining amal qilish muddati 3 yil etib belgilanadi.

4. Subsidiya quyidagi miqdorlarda ajratiladi:

aholi uy-joylarini energiya auditidan oʻtkazish xarajatlarining 100 foizi miqdorida;

aholi uy-joylariga quyosh panellari, geliokollektorlar hamda boshqa maishiy isitish qozonlari, qurilma va uskunalarni xarid qilish va oʻrnatish xarajatlarining 20 foizi miqdorida;

aholi uy-joylariga issiqlik nasoslarini xarid qilish va oʻrnatish xarajatlarining 40 foizi miqdorida, bunda ushbu yoʻnalishda ajratiladigan subsidiya miqdori bazaviy hisoblash miqdorining 50 baravaridan oshmasligi lozim.

Bunda energiya samarador boʻlgan boshqa qurilma va uskunalar turlari Agentlik tomonidan belgilanishi mumkin.

5. Subsidiya ajratiladigan talabgorlarga quyidagi kreditlar boʻyicha kredit foiz stavkasining 19 foizidan oshgan qismi, biroq 4 foizlik banddan oshmagan miqdorda Agentlik mablagʻlari hisobidan tijorat banklariga qoʻshimcha ravishda qoplab beriladi:

Vazirlar Mahkamasining 2023-yil 29-sentabrdagi 517-son qarori bilan tasdiqlangan “Yashil” isteʼmol krediti boʻyicha foiz toʻlovlarining bir qismini qoplab berish tartibi toʻgʻrisidagi nizom talablari asosida olingan “yashil” isteʼmol kreditlari;

“Yashil taʼmir” krediti boʻyicha foiz toʻlovlarining bir qismini qoplab berish tartibi toʻgʻrisidagi nizomda nazarda tutilgan “yashil taʼmir” kreditlari;

oyiga 1000 kub metrdan ortiq tabiiy gaz sarflaydigan aholi xonadonlariga energiya samarador qurilmalar va uskunalarni (gaz gorelkali qurilmalarni) oʻrnatish uchun ajratiladigan “yashil kreditlar”.

Bunda Agentlik yagona reyestriga kiritilgan energiya auditorlarining platforma orqali qabul qilingan xulosalari mavjud boʻlgandagina “yashil” isteʼmol hamda “yashil taʼmir” kreditlari foiz toʻlovlarining bir qismi qoplab beriladi.

6. “Oʻzbekiston respublika tovar-xom ashyo birjasi” AJ platforma operatori hisoblanadi.

2-bob. Energiya samaradorligini oshirish raqamli platformasidan roʻyxatdan oʻtish tartibi

7. Platformada foydalanuvchilarga yetkazib beruvchilar hamda energiya auditorlari tomonidan aholi uy-joylarining energiya samaradorligini oshirish uchun energiya auditidan oʻtkazish, energiya samarador qurilma va uskunalar toʻgʻrisida toʻliq maʼlumot berish hamda xarid qilish uchun soʻrovlar yuborish imkoniyati yaratiladi.

8. Talabgorlar platformada JSHSHIR maʼlumotlari va (yoki) elektron raqamli imzo orqali roʻyxatdan oʻtadi.

9. Platformada roʻyxatdan oʻtish uchun yetkazib beruvchilar va energiya auditorlari Agentlikka quyidagi hujjatlarni ilova qilgan holda platforma orqali ariza yuboradilar:

a) yetkazib beruvchilar:

yuridik shaxsning nomi, joylashgan joyi (pochta manzili), uning roʻyxatdan oʻtish raqami, sanasi, guvohnoma bergan organ nomi, STIR raqami;

energiya samarador qurilma va uskunalarning muvofiqlik sertifikatlari nusxalari;

kafolat muddati davomida doimiy asosda xizmat koʻrsatish imkoniyati mavjudligi toʻgʻrisida maʼlumot.

Bunda platformada roʻyxatdan oʻtish istagidagi quyosh paneli yetkazib beruvchilar ariza berilgan sanadan oldingi bir yil mobaynida kamida 1 MVt quvvatdagi quyosh fotoelektr stansiyasini muvaffaqiyatli oʻrnatgan boʻlishi shart. 1 MVt quvvatdagi quyosh fotoelektr stansiyasini muvaffaqiyatli oʻrnatganlik yetkazib beruvchi bilan imzolangan shartnomalar va ular boʻyicha hisobvaraq fakturalar asosida aniqlanadi;

b) energiya auditorlari:

boshlangʻich toifadagi energiya auditorlari:

JSHSHIR;

energiya auditorlarini tayyorlash boʻyicha qisqa muddatli oʻquv kurslarini tamomlagani toʻgʻrisidagi sertifikat nusxasi;

professional toifadagi energiya auditorlari:

JSHSHIR;

Energiya auditorlarini sertifikatlash tartibi toʻgʻrisidagi nizomda nazarda tutilgan malaka toifasi berilganini tasdiqlovchi sertifikat nusxasi yoki ushbu qaror kuchga kirgunga qadar olingan professional toifadagi energiya auditorlari ega boʻlgan malakani tasdiqlovchi hujjatning (sertifikat, guvohnoma) nusxasi;

kamida bitta energiya auditini oʻtkazish shartnomasi boʻyicha qonunchilikda belgilangan minimal talablar asosida tayyorlangan energiya auditi hisoboti nusxasi;

professional toifadagi energiya auditori faoliyat yuritayotgan yuridik shaxsning nomi va STIR raqami.

10. Taqdim etilgan hujjatlar 7 ish kuni ichida Agentlik tomonidan oʻrganib chiqilib, energiya auditorlari yagona reyestrda roʻyxatdan oʻtkaziladi.

11. Subsidiya olish uchun platformada energiya auditidan oʻtkazish buyurtmanomasi (keyingi oʻrinlarda — buyurtmanoma) bepul qoldiriladi (toʻldiriladi).

12. Platforma doimiy yangilab boriladi va foydalanuvchilarga real vaqt rejimida maʼlumot taqdim etiladi.

13. Platforma orqali amalga oshirilgan har bir operatsiya va murojaat tegishli raqamli identifikatsiya bilan qayd etiladi.

3-bob. Aholi uy-joylarini energiya auditidan oʻtkazish va yetkazib beruvchi xizmatlaridan foydalanish jarayoni

14. Aholi uy-joylarini energiya auditidan oʻtkazish, energiya samarador qurilma va uskunalarni xarid qilish va oʻrnatishda subsidiya ajratish ushbu Nizomga 1-ilovadagi sxemaga muvofiq amalga oshiriladi.

15. Talabgor tomonidan energiya auditorlari xizmatidan foydalanish, energiya samarador qurilma va uskunalarni oʻrnatish uchun xarid qilish platformadan roʻyxatda oʻtgan holda quyidagi tartibda amalga oshiriladi:

a) energiya auditidan oʻtkazish bosqichida:

talabgor platformaga energiya auditidan oʻtkazilishi lozim boʻlgan uy-joyga tegishli boʻlgan maʼlumotlarni (manzili, yashash maydoni, yillik elektr, gaz isteʼmoli hajmi) kiritadi va energiya auditi buyurtmanomasi varagʻi shakllantiriladi;

talabgor platformada buyurtmanomani shakllantirgandan soʻng Agentlik ikki ish kunida taqdim etilgan maʼlumotlarni oʻrganib, buyurtmanomani qabul qiladi;

Agentlik tomonidan tasdiqlangan energiya auditori tomonidan aholi uy-joylarini energiya auditidan oʻtkazish bilan bogʻliq xarajatlar hisob-kitobi asosida energiya auditini oʻtkazishning boshlangʻich narxi avtomatik belgilanadi. Energiya auditori tomonidan aholi uy-joylarini energiya auditidan oʻtkazish bilan bogʻliq xarajatlar ushbu Nizomga 2-ilovaga muvofiq hisob-kitob qilinadi;

talabgor uy-joyga tegishli boʻlgan maʼlumotlarning toʻgʻri va aniqligi uchun javobgar hisoblanib, energiya auditini oʻtkazish jarayonida maʼlumotlar talabgor tomonidan notoʻgʻri kiritilgani aniqlansa, shartnoma qiymatiga qoʻshiladigan qoʻshimcha mablagʻni talabgor toʻlaydi;

b) energiya samarador qurilma va uskunalarni oʻrnatish bosqichida:

talabgor energiya auditorining ijobiy xulosasi asosida energiya samarador qurilma va uskunalarni xarid qilish uchun platforma orqali yetkazib beruvchilarga narx taklifini yuboradi;

platformaga narx taklifi berilgan kundan boshlab bir ish kunida yetkazib beruvchi va talabgor oʻrtasida elektron oldi-sotdi shartnomasi platforma orqali rasmiylashtiriladi;

yetkazib beruvchi va talabgor oʻrtasidagi elektron tarzda rasmiylashtirilgan oldi-sotdi shartnomasiga muvofiq talabgor besh ish kunida shartnoma boʻyicha toʻlovlarning 80 foizini platformaga oʻtkazadi va platformada ushbu mablagʻlar band qilinadi;

yetkazib beruvchi elektron tarzda rasmiylashtirilgan shartnoma boʻyicha xaridor toʻlovlarni oʻtkazganidan soʻng yetti kalendar kunda talabgorga ushbu uskuna va qurilmalarning oʻrnatilishini taʼminlaydi;

yetkazib beruvchi tomonidan uy-joyning shart-sharoitlarini oʻrganish natijasiga koʻra energiya auditori xulosasidagi tavsiyalarni amalga oshirish imkoniyati mavjud emasligi aniqlansa (qurilmani oʻrnatish uchun shart-sharoit mavjud boʻlmaganda, qonunchilik hujjatlariga zid boʻlgan boshqa holatlar aniqlanganda), talabgorga qurilmani oʻrnatishni rad etishi mumkin;

yetkazib beruvchi tomonidan oʻrnatilgan uskuna va qurilmalar toʻgʻrisida foto hamda videohisobotlar, toʻlov cheklari, oʻrnatilgan uskunalarning quvvatlari, oʻziga xos seriya raqamlari, xonadonning kadastr hujjatlari yoki yer ajratish toʻgʻrisidagi qarorlar va boshqa zarur maʼlumotlar platformaga yuklanadi;

tegishli maʼlumotlar yetkazib beruvchi tomonidan platformaga yuklanganidan soʻng platformada avtomatik tarzda bajarilgan ishlarni qabul qilish va topshirish dalolatnomasi shakllantiriladi;

talabgor yetkazib beruvchi tomonidan koʻrsatilgan xizmatdan qanoat hosil qilgan taqdirda, qabul qilish va topshirish dalolatnomasini tasdiqlaydi;

energiya auditori tomonidan oʻrnatilgan qurilmalar sozligi tekshiriladi va shundan soʻng ularning sozligini platformadagi shaxsiy kabineti orqali elektron tarzda tasdiqlaydi;

bir moliya yilidagi chorak davomida ikki va undan ortiq marotaba uskuna va qurilmalar oʻrnatilganini joyiga chiqqan holda tasdiqlashda ishtirok etmagan energiya auditorlari yagona reyestridan chiqariladi;

talabgor qabul qilish va topshirish dalolatnomasini tasdiqlab, energiya auditori tomonidan oʻrnatilgan qurilmalar sozligi tasdiqlanganidan soʻng talabgor yashash manzilidagi hokim yordamchisining “Onlayn mahalla” platformasiga joyiga chiqib oʻrganishni oʻtkazishi boʻyicha xabarnoma yuboriladi;

hokim yordamchisi oʻz hududidagi fuqarolar xonadonlarida energiya samarador qurilma va uskunalar oʻrnatilganini “Onlayn mahalla” platformasi orqali xabarnoma kelganidan soʻng ikki ish kunida manzilga borib tekshiradi va holatni “Onlayn mahalla” platformasi orqali tasdiqlaydi;

oʻrganish natijasida hokim yordamchisi tomonidan kamchiliklar (uskuna va qurilmalarning toʻliq yoki qisman oʻrnatilmagani, shuningdek, yetkazib beruvchi va talabgor oʻrtasida qabul qilish va topshirish dalolatnomasi tasdiqlanmagani) aniqlanganda, “Onlayn mahalla” platformasi orqali qurilma va uskunalar ishchi holatida emasligini tasdiqlaydi;

qabul qilish va topshirish dalolatnomasining talabgor tomonidan tasdiqlanishi hamda hokim yordamchisining “Onlayn mahalla” platformasi orqali qurilma va uskunalarning haqiqatda oʻrnatilib, ishchi holatidaligining tasdiqlanishi talabgor va yetkazib beruvchi oʻrtasida tuzilgan shartnoma boʻyicha quyosh panellari, geliokollektorlar hamda boshqa maishiy isitish qozonlari, qurilma va uskunalarni xarid qilish va oʻrnatish xarajatlarining qiymatining 20 foizi, issiqlik nasoslari (havo, suv va geotermal) xarid qilish va oʻrnatish xarajatlarining 40 foizi Agentlik tomonidan yetkazib beruvchining bank hisobvaragʻiga subsidiya mablagʻi ajratishni koʻrib chiqishga asos boʻladi;

Agentlik tomonidan platformada joylashtirilgan qabul qilish va topshirish dalolatnomasi, foto va videohisobotga asosan energiya samarador qurilma va uskunalarning bahosi, miqdori, quvvati, sifati, qurilmaning seriya raqamlari va boshqa koʻrsatkichlari boʻyicha platformaning marketpleys tizimida koʻrsatilgan talablarga mos kelishi yoki kelmasligi toʻgʻrisida 3 ish kuni davomida dastlabki oʻrganish oʻtkaziladi.

16. Energiya auditori va talabgor oʻrtasidagi shartnoma quyidagi tartibda rasmiylashtiriladi:

talabgorning platformaga kiritgan maʼlumotlari lot tarzida shakllantiriladi va platformada roʻyxatdan oʻtgan barcha energiya auditorlariga platforma tomonidan xabarnoma yuboriladi;

bunda talabgor kiritgan maʼlumotlar asosida 24 soat ichida eng past narxlarda oʻz xizmatini taklif qilgan energiya auditori bilan talabgor oʻrtasida xizmatlar koʻrsatish boʻyicha elektron shartnoma rasmiylashtiriladi;

energiya auditorlari tomonidan takliflar kiritilmagan hollarda elektron tizim narx kiritilguniga qadar taklif kiritish jarayonini keyingi 24 soatga uzaytirib boradi;

keyingi 24 soatga uzaytirilgan taqdirda, boshlangʻich narxga nisbatan 10 foizgacha yuqori narxni ham qabul qilish imkoniyati yaratiladi;

talabgor va energiya auditori oʻrtasida xizmatlar koʻrsatish boʻyicha elektron shartnomaga asosan talabgor tomonidan energiya auditorining platformada ochilgan hisobvaragʻiga shartnoma mablagʻining 70 foizi besh ish kunida oʻtkaziladi va mablagʻlar platformada vaqtincha band qilinadi.

17. Energiya auditori xizmatlari uchun toʻlov quyidagi tartibda amalga oshiriladi:

energiya auditori xulosasi rasmiylashtirilganidan soʻng talabgor hisobvaragʻidagi mablagʻlarning 70 foiziga qoʻyilgan band bekor qilinadi va mablagʻlar energiya auditorining bank hisobvaragʻiga oʻtkaziladi;

shartnoma mablagʻining 70 foizi oʻtkazilganidan soʻng energiya auditori oʻn besh kalendar kun muddatda koʻrsatilgan uy-joyning energiya auditidan oʻtkazilishini taʼminlaydi va xulosani platformaga yuklaydi;

shartnoma qiymatining qolgan 30 foizi oʻrnatilgan qurilmalarning qabul qilish va topshirish dalolatnomasi talabgor tomonidan tasdiqlanib, yetkazib beruvchi va talabgor oʻrtasidagi shartnoma shartlariga muvofiq oʻrnatilgani va qurilmalarning ishga tushirilgani energiya auditori tomonidan elektron tarzda platformada tasdiqlanganidan soʻng energiya auditori hisobvaragʻiga Agentlik tomonidan besh ish kunida oʻtkazib beriladi;

talabgor energiya auditori xulosasi olingandan soʻng energiya samarador qurilma va uskunalarni oʻrnatishdan bosh tortgan taqdirda, audit oʻtkazish uchun sarflangan xarajatlar Agentlik tomonidan talabgorga qoplab berilmaydi;

energiya auditori tomonidan platformaga joylashtiriladigan xulosada obyektning energiya samaradorligini oshirish boʻyicha aniq taklif va tavsiyalar, shu jumladan, oʻrnatilishi lozim boʻlgan energiya samarador qurilma va uskunalarning quvvatlari koʻrsatilishi lozim.

18. Energiya auditori tomonidan qurilma va uskunalarning ishga tushgani va toʻgʻri oʻrnatilgani tasdiqlanishi energiya auditorining talabgor bilan oʻzaro shartnoma majburiyatlari yakuniga yetganini anglatadi.

19. Bir vaqtning oʻzida yakuniga yetkazilmagan 10 ta shartnomalar mavjud boʻlgan taqdirda, platforma energiya auditoriga talabgor bilan yangi shartnomalar tuzishga ruxsat bermaydi.

20. Hokim yordamchisi “Onlayn mahalla” platformasi orqali oʻrnatilgan qurilmalar sozligi va ishchi holatda ekanligini tasdiqlaganidan soʻng besh ish kuni ichida Agentlik tomonidan xarajatlar belgilangan tartibda moliyalashtirib beriladi.

Oʻrnatilgan qurilmalarning qabul qilish va topshirish dalolatnomasi talabgor tomonidan tasdiqlanib, energiya auditori tomonidan oʻrnatilgan qurilmalar sozligi tekshirilganidan soʻng, talabgor tomonidan energiya auditori xizmatlar koʻrsatish shartnomasiga asosan 70 foiz oʻtkazilgan mablagʻlar Agentlik tomonidan subsidiya koʻrinishida talabgorning shaxsiy bank plastik kartasiga besh ish kunida tushirib berish orqali qoplab beriladi.

21. Agar talabgor tijorat banklaridan “yashil” kreditlarni olish maqsadida uy-joylarni energiya auditidan oʻtkazish soʻrovini yuborish orqali shartnoma rasmiylashtirganda, shartnoma mablagʻi 100 foiz miqdorda oldindan oʻtkaziladi va platformada vaqtincha band qilinadi.

Bunda energiya auditori xulosasi rasmiylashtirilganidan soʻng talabgor hisobvaragʻidagi mablagʻlarga band bekor qilinadi va mablagʻlar energiya auditorining bank hisobvaragʻiga oʻtkaziladi;

Mazkur qarorga “Yashil taʼmir” krediti boʻyicha foiz toʻlovlarining bir qismini qoplab berish tartibi toʻgʻrisidagi nizomning 18-bandiga muvofiq “yashil” kreditlarni tijorat banklari tomonidan ajratish maʼqullangandan soʻng talabgor tomonidan energiya auditidan oʻtkazish uchun mablagʻlar Agentlik tomonidan 100 foiz miqdorda talabgorning shaxsiy bank plastik kartasiga besh ish kunida tushirib berish orqali qoplab beriladi.

21 1 . Quyidagi hollarda energiya auditorlarining Platformada ishtirok etishlariga 10 kungacha muddatga cheklov oʻrnatilishi mumkin:

aholiga koʻrsatilgan energiya auditi xizmati va (yoki) belgilangan tartibda imzolangan shartnomalar boʻyicha Agentlikka talabgorlar tomonidan kamida 3 marotaba rasmiy yozma murojaat (shikoyat) kelib tushganda;

Platformada tuzilgan energiya auditi shartnomasiga koʻra energiya auditini oʻtkazish va xulosani Platformaga yuklash muddati bir oy davomida 3 va undan koʻp marotaba kechiktirilganda.

4-bob. Yetkazib beruvchini platformaning marketpleys tizimida ishtirok etishdan chetlatish tartibi

22. Agentlik quyidagi hollarda yetkazib beruvchini platformaning marketpleys tizimida ishtirok etishdan chetlatadi va Insofsiz yetkazib beruvchilar reyestriga kiritadi:

yetkazib beruvchi va talabgor oʻzaro kelishgan holda mablagʻlarni maqsadsiz ishlatgani aniqlanganda;

yetkazib beruvchiga nisbatan toʻlovga qobiliyatsizlik tartib-taomillari joriy etilganda;

yetkazib beruvchi malakaviy, texnik va tijorat talablariga javob bermaydigan qurilmalar taklif etganda;

yetkazib beruvchi raqobatga qarshi harakatlarni sodir etganda yoki qonunchilikni buzgan holda manfaatlar toʻqnashuvini keltirib chiqarganda;

talabgorlar tomonidan yetkazib beruvchi ustidan uch va undan ortiq holatda kelib tushgan yozma shikoyatlar asosli deb topilganda. Bunda mazkur holatlar sud tomonidan aniqlanadi.

23. Yetkazib beruvchilar Insofsiz yetkazib beruvchilar reyestriga bir yil muddatga kiritiladi hamda ushbu davr mobaynida platformaning marketpleys tizimida qayta roʻyxatdan oʻtkazilmaydi.

5-bob. Energiya samarador qurilma va uskunalardan samarali foydalanishni nazorat qilish

24. Aholining oʻrnatilgan energiya samarador qurilma va uskunalardan doimiy hamda samarali foydalanishini monitoring qilib borish tegishliligi boʻyicha tuman (shahar) hokimlarining moliya-iqtisod va kambagʻallikni qisqartirish masalalari boʻyicha birinchi oʻrinbosarlari hamda hokim yordamchilarining zimmasiga yuklanadi.

25. Agentlik ajratilgan subsidiya maqsadli ishlatilishini oʻrganish maqsadida yetkazib beruvchi tomonidan talabgorga oʻrnatilgan energiya samarador qurilma va uskunalarni tanlov asosida joyiga chiqqan holda monitoring qilish huquqiga ega.

26. Oʻrnatilgan quyosh panellarining muntazam ishlashi platforma orqali “Hududiy elektr tarmoqlari” aksiyadorlik jamiyatining “ASKUE” tizimiga “Elektron hukumat” tizimining idoralararo integratsiyalashuv platformaga integratsiya qilish orqali monitoring qilinadi.

Bunda “Hududiy elektr tarmoqlari” AJning “ASKUE” tizimi orqali subsidiya ajratilgan talabgorlarga oʻrnatilgan quyosh fotoelektr stansiyalarida ishlab chiqarilgan elektr energiyasi tarmoqqa uzatilmay qolish holatlari oʻrganiladi.

27. Oʻrnatilgan energiya samarador qurilma va uskunalarni bir yil mobaynida boshqa xonadonlarga qayta oʻrnatish, olib tashlash yoki sotib yuborish taqiqlanadi. Monitoring natijasida shunday holat aniqlanganda, ajratilgan subsidiya talabgor tomonidan Agentlikka toʻliq miqdorda qaytariladi, yer uchastkalarining jamoat ehtiyojlari uchun olib qoʻyilishi munosabati bilan buziladigan va koʻchiriladigan uy-joylar bundan mustasno.

Subsidiyani qaytarish majburiyati yuzaga kelgan hollarda, Agentlik talabgorga rasmiy ogohlantirish yuboradi, bunda talabgor oʻn ish kuni davomida vujudga kelgan holatni bartaraf etishi yoki ajratilgan subsidiyani toʻliq qaytarishi talab qilinadi.

Talabgor subsidiyani qaytarishdan bosh tortgan taqdirda, mablagʻlar talabgordan sud tartibida undiriladi.

6-bob. Yakunlovchi qoida

28. Ushbu Nizom talablari buzilishida aybdor boʻlgan shaxslar qonunchilik hujjatlariga muvofiq javob beradilar.

Aholi uy-joylarini energiya auditidan oʻtkazish, energiya samarador qurilmalarni xarid qilish va oʻrnatishda subsidiya ajratish toʻgʻrisidagi nizomga 1-ILOVA

Aholi uy-joylarini energiya auditidan oʻtkazish, energiya samarador qurilma va uskunalarni xarid qilish va oʻrnatishda subsidiya ajratish

Bosqichlar Subyektlar Tadbirlar Muddat 1-bosqich Talabgor Platformaga energiya auditidan oʻtkazilishi lozim boʻlgan uy-joyga tegishli boʻlgan maʼlumotlarni (manzili, yillik elektr, gaz isteʼmoli hajmi) kiritadi. Zaruratga koʻra 2-bosqich Agentlik Platformada buyurtmanomani shakllantirgandan soʻng taqdim etilgan maʼlumotlarni oʻrganib, buyurtmanomani qabul qiladi. 2 ish kuni 3-bosqich Platforma 1. Talabgor kiritgan maʼlumotlar lot tarzida shakllantiriladi va platformada roʻyxatdan oʻtgan barcha energiya auditorlariga xabarnoma shaklida yuboriladi. 2. Keyingi 24 soat ichida talabgor kiritgan maʼlumotlarga muvofiq eng past narxda oʻz xizmatini taklif qilgan energiya auditori bilan shartnoma tuziladi. 24 soat ichida 4-bosqich Talabgor Talabgor va energiya auditori oʻrtasida xizmatlar koʻrsatish boʻyicha elektron shartnomaga asosan energiya auditorining platformada ochilgan hisobvaragʻiga shartnoma mablagʻining 70 foizi oʻtkaziladi va mablagʻlar platformada vaqtincha band qilinadi. 5 ish kuni 5-bosqich Energiya auditori 1. Shartnomada koʻrsatilgan muddatlarda uy-joyni energiya auditidan oʻtkazadi. 2. Energiya auditori xulosasi va undagi maʼlumotlar — obyektning energiya samaradorligini oshirish boʻyicha aniq taklif va tavsiyalarni platformaga yuklaydi. 15 kalendar kun ichida 6-bosqich Talabgor Talabgor energiya auditori xulosasi asosida energiya samarador qurilma va uskunalar qurilmalari sotib olish boʻyicha platforma orqali narx soʻrovi yuboradi. 1 kun 7-bosqich Platforma 24 soat ichida talabgor kiritgan narx soʻrovi boʻyicha eng past narxda oʻz xizmatini taklif qilgan yetkazib beruvchi bilan shartnoma tuzilishini taʼminlaydi. 24 soat ichida 8-bosqich Yetkazib beruvchi 1. Shartnoma boʻyicha xaridor toʻlovlarni oʻtkazganidan soʻng talabgorga ushbu uskuna va qurilmalarning oʻrnatilishini taʼminlaydi. 2. Oʻrnatilgan uskuna va qurilmalar toʻgʻrisida foto hamda videohisobotlar, oʻrnatilgan uskunalarning quvvatlari, oʻziga xos seriya raqamlari, xonadonning kadastr hujjatlari yoki yer ajratish toʻgʻrisida maʼlumotlarni platformaga yuklaydi. 7 kun 9-bosqich Platforma 1. Avtomatik tarzda bajarilgan ishlarning qabul qilish-topshirish dalolatnomasini shakllantiradi. 2. Talabgor, energiya auditori va yetkazib beruvchi tomonidan SMS-xabarnoma yoki platformadagi shaxsiy kabineti orqali elektron tarzda dalolatnoma tasdiqlanadi. 3. Dalolatnoma tasdiqlanganidan soʻng mahallalardagi hokim yordamchilari “Onlayn mahalla” platformasiga avtomatik xabarnoma yuboriladi. 2 kun 10-bosqich Hokim yordamchisi Hokim yordamchilari joyiga chiqqan holda qabul qilish va topshirish dalolatnomasida koʻrsatilgan ishlar haqiqatda bajarilganini tasdiqlaydi. Xabarnoma kelib tushgan kundan boshlab 2 kun muddatda 11-bosqich Agentlik 1. Subsidiya ajratish asoslarini koʻrib chiqib, Gʻaznachilik xizmati qoʻmitasiga subsidiyani moliyalashtirish boʻyicha tegishli buyurtmanomani yuboradi. 5 ish kuni ichida 2. Buyurtmanomaga asosan Gʻaznachilik xizmati qoʻmitasidan ajratilgan subsidiyani yetkazib beruvchi va energiya auditorining hisobraqamiga hamda talabgorning bank plastik kartasiga oʻtkazib beradi. 1 kun muddatda

Aholi uy-joylarini energiya auditidan oʻtkazish, energiya samarador qurilmalarni xarid qilish va oʻrnatishda subsidiya ajratish toʻgʻrisidagi nizomga 2-ILOVA

Energiya auditori tomonidan aholi uy-joylarini energiya auditidan oʻtkazish bilan bogʻliq xarajatlarni hisob-kitob qilish

1. Ushbu tartib aholi uy-joylarida oʻtkaziladigan energiya auditi xizmati narxini shakllantirish mezonlari va hisob-kitob usullarini belgilaydi.

2. Aholi uy-joylarini energiya auditidan oʻtkazish xizmati narxi energiya auditi oʻtkazishda amalga oshiriladigan ishlarga sarflanadigan vaqt, hisobot tayyorlash, energiya pasportini shakllantirish, transport xarajatlari, hisobga olinmagan xarajatlar va qoʻshilgan qiymat soligʻini hisobga olgan holda shakllantiriladi.

3. Energiya auditi xizmatining umumiy narxi ishchi kuchi (auditor) tomonidan sarflangan vaqt asosida shakllantiriladi. Binoning umumiy foydalanish maydoni (m²) — xizmat koʻrsatish davomiyligiga bevosita taʼsir qiluvchi asosiy mezon hisoblanadi.

4. Shu asosda quyidagi yondashuv qabul qilinadi:

aholi uy-joylarini energiya auditidan oʻtkazish xizmati narxi bazaviy 100 m 2 maydonga ega aholi uy-joylariga nisbatan 1-jadvalda keltirilgan qiymatlarga mutanosib tarzda hisoblanadi.

Aholi uy-joylarini energiya auditidan oʻtkazishda amalga oshiriladigan ishlar

ROʻYXATI

1-jadval Bosqich Ishlarning batafsil roʻyxati Sarflanadigan vaqt/ soat 1. Maʼlumotlarni tayyorlash va yigʻish. 1. Uy-joylar uchun texnik hujjatlar toʻplamini yigʻish. 2. Uy-joylar sxemasi, maydoni, qurilgan yilini tahlil qilish. 3. Binolarning ish rejimini aniqlash. 1,00 2. Toʻsuvchi konstruksiyalarni tekshirish. 1. Uy-joylar devorlarini, tomlarni, pollarni, derazalarni, eshiklarni tekshirish. 2. Uy-joylarning koʻrinadigan nuqsonlarini qidirish (boʻshliqlar, yoriqlar). 3. Izolyatsiyani baholash (pasport boʻyicha yoki vizual). 1,00 3. Muhandislik tizimlarini tahlil qilish. 1. Isitish, shamollatish, issiq suv taʼminoti tizimlarini tekshirish. 2. Qozonlarning, nasoslarning, quvurlarning holatini tekshirish. 3. Yoritish, elektr taʼminoti, konditsionerlarni tahlil qilish. 2,00 4. Instrumental oʻlchovlar. 1. Bino ichidagi va tashqarisidagi haroratni oʻlchash. 2. Termal tasvirni tekshirish. 3. Namlik, izolyatsiyaga chidamlilik va boshqalarni oʻlchash. 1,00 5. Issiqlik yoʻqotilishini hisoblash. 1. Toʻsuvchi konstruksiyalar orqali issiqlik yoʻqotilishini hisoblash. 2. Ventilyatsiya va infiltratsiya orqali issiqlik yoʻqotilishini baholash. 3. Issiqlik talabini hisoblash va haqiqiy isteʼmol bilan taqqoslash. 3,00 6. Energiya sarfini tahlil qilish. 1. Elektr, gaz, suv sarfini tahlil qilish. 2. Standartlar va koʻrsatkichlar bilan taqqoslash. 3. Samarasiz isteʼmol zonalarini aniqlash. 2,00 7. Hisobot va tavsiyalarni tayyorlash. 1. Uy-joy uchun energiya pasportini tayyorlash. 2. Energiyani tejash boʻyicha chora-tadbirlar roʻyxatini ishlab chiqish. 3. Jamgʻarma va toʻlov muddatini hisoblash. 3,00 Jami: 14

5. Energiya auditidan oʻtkazish xizmati narxi quyidagicha hisoblanadi:

a) 1-pozitsiya:

energiya auditini oʻtkazishda amalga oshiriladigan ishlarga ( 1-jadval ) har bir bosqich boʻyicha sarflanadigan vaqt (T) bazaviy 100 m 2 maydonga nisbatan oʻrtacha hisoblangan vaqtga (t o ) nisbatan quyidagi formula asosida hisoblanadi.

T = t o x ( A ) 0.8 100

bunda:

A – binoning maydoni (m 2 )

b) 2-pozitsiya:

jami bosqich boʻyicha sarflanadigan vaqt ( Tu ) quyidagicha hisoblanadi:

T 1 , T 2 , T 3 , T 4 , T 5 , T 6 , T 7 — mos ravishda 1-jadval boʻyicha har bir bosqich uchun sarflanadigan vaqt (soat).

6. Aholi uy-joylarining energetik pasportini shakllantirishda 2-jadvalga muvofiq ishlar belgilangan vaqtlarda amalga oshiriladi. Bunda ajratilgan vaqt oʻzgarmas boʻlib, jami 6 soatni tashkil etadi.

Aholi uy-joylarining energetik pasportini shakllantirishda amalga oshiriladigan ishlar

ROʻYXATI

2-jadval T/r Boʻlim nomi Tavsif Ajratiladigan vaqt (soat) 1. Umumiy maʼlumotlar obyektning manzili; foydalanish maqsadi (turar joy binosi); qurilgan yili; egasining F.I.O. 0,2 2. Qurilish parametrlari umumiy maydoni (m²); qavatlar soni; devor, tom, pol qismi materiallari; oynali maydoni. 0,3 3. Muhandislik tizimlari haqida maʼlumot isitish tizimi (turi, quvvati); issiq suv manbai; elektr taʼminoti (bir fazali/uch fazali); ventilyatsiya va konditsioner. 1 4. Energiya isteʼmoli yillik elektr energiyasi isteʼmoli (kVt soat); yillik gaz isteʼmoli (m³); suv isteʼmoli (m³); 1 m² uchun energiya ulushi. 0,5 5. Issiqlik balansi devor, tom, pol qismi, derazalar orqali yoʻqotishlar; ventilyatsiya tufayli yoʻqotishlar; ichki issiqlikning oshishi; standartlar bilan taqqoslash. 1 6. Energiya samaradorligi energiya samaradorligi tasnifi; har bir m² uchun yillik energiya ulushi (kVt / m² yil); A-G shkalasi boʻyicha baholash. 1,5 7. Energiyani tejash boʻyicha tavsiyalar tuzilmalarni izolyatsiyalash; derazalarni almashtirish; isitish tizimlarini avtomatlashtirish; energiyani tejovchi qurilmalardan foydalanish. 1,5 Jami: 6

7. Xodimlarga ish haqi toʻlash uchun xarajatlar quyidagi tarkibiy qismlardan iborat boʻladi ( 3-pozitsiya ):

a) toʻgʻridan-toʻgʻri ish haqi xarajatlari:

bevosita bajaruvchi mutaxassislarga (energiya auditori, texnik mutaxassis, oʻlchovchilarga) toʻlanadigan ish haqi. Ushbu qiymat statistika boʻyicha 2025-yil uchinchi chorak holatiga koʻra mehnatga haq toʻlashning eng kam miqdori (MHTEKM)ning oʻrtacha 5,9 baravariga teng. Xodim uchun toʻlanadigan bir soatlik ish haqi quyidagi formula bilan hisoblanadi:

Bir soatlik ish haqi = (MHTEKM×5.9)/168

Bunda 168 soat — oʻrtacha bir oyda xodimning ish vaqti;

b) foyda marjasi (rentabellik) tashkilot tomonidan xizmatdan olinadigan foyda miqdori sifatida belgilanadi. Bu qiymat xodimlarga toʻlanadigan jami ish haqiga foiz tarzida quyidagi formulada hisoblanadi:

foyda marjasi = ish haqi jami×foyda stavkasi;

v) yakuniy xizmat narxini hisoblash quyidagi formula asosida shakllantiriladi:

jami narx (QQSsiz) = toʻgʻridan-toʻgʻri ish haqi + foyda;

g) qoʻshilgan qiymat soligʻi (QQS) qoʻshiladi: QQS=jami narx×12 foiz;

d) yakuniy toʻlanadigan summa (QQS bilan) quyidagi formula asosida kelib chiqadi:

toʻlanadigan jami summa = jami narx+QQS.

3-jadval T/r Xodimlarga ish haqini toʻlash uchun xarajatlar Bir soatlik ish haqi (kishi/soat) (soʻm) 1. Toʻgʻridan-toʻgʻri ish haqi xarajatlari 40 562,5 2. Foyda marjasi 4 056,25 3. Jami narx (QQS siz) 44 618,75 4. QQS 5 354,25 5. QQS bilan birga toʻlanadigan jami 49 973

8. Energiya auditi xizmatining narxi (C) energiya auditini oʻtkazish uchun sarflanadigan jami vaqt va energiya pasporti uchun sarflanadigan vaqtlar yigʻindisi ( Tu +6 soat) va xodimlarga ish haqini toʻlash uchun xarajatlar (49 973 soʻm) koʻpaytirish orqali hisoblanadi (4-pozitsiya):

C= ( Tu +6 soat) × 49 973

9. Obyektni tekshirishning umumiy narxi energiya auditi xizmatining narxi (C), transport xarajatlari, hisobga olinmagan qiymatlar va QQS yigʻindilariga teng boʻladi (5-pozitsiya). Bunda transport xarajatlari mehnatga haq toʻlashning eng kam miqdori (MHTEKM)ning 20 foiz miqdorini, hisobga olinmagan qiymatlar 10 foizini tashkil etadi.

10. Aholi uy-joylarini energiya auditidan oʻtkazish xizmati narxi 4-jadvalga muvofiq namunaviy kalkulyatsiya asosida hisoblanadi.

Aholi uy-joylarini energiya auditidan oʻtkazish xizmati narxini hisoblash boʻyicha namunaviy

KALKULYATSIYA

4-jadval T/r Xizmatlar Birligi Miqdor Soʻm 1. Binoning maydoni m 2 100 2. Bir kishi uchun ish haqi / soat soʻm 49973 4. Energiya pasporti soat 6,00 299 838,00 5. Energiya auditi jarayoni soat 13,00 649 649,00 3. Umumiy miqdor soat 19,00 949 487,00 6. Transport xarajatlari 20% 231 000,00 7. Hisobga olinmagan qiymatlar 10,00% 115 500,00 8. Jami: 1 295 987,00 9. QQS 12,00% 155 518,44 10. Jami, QQS bilan 1 451 505,44 Mehnatga haq toʻlashning eng kam miqdori (MHTEKM), soʻm 1 155 000

Vazirlar Mahkamasining 2025-yil 24-oktabrdagi 673-son qaroriga 2-ILOVA

Energiya auditorlarini sertifikatlash tartibi toʻgʻrisida

1-bob. Umumiy qoidalar

1. Ushbu Nizom energiya auditorlarini sertifikatlash tartibini belgilaydi.

2. Sertifikatlash majburiy va ixtiyoriy shaklda amalga oshiriladi.

Davlat muassasalari, shu jumladan, ijtimoiy soha obyektlari, davlat ishtirokidagi korxonalar, Davlat energetika reyestriga kiritilgan yoqilgʻi energetika resurslari isteʼmolchilarida energiya auditini oʻtkazadigan energiya auditorlari uchun sertifikatlash majburiy boʻlib, qolgan barcha yoqilgʻi energetika resurslari isteʼmolchilarida energiya auditini oʻtkazadigan energiya auditorlari uchun ixtiyoriydir.

Xalqaro grantlar va boshqa xorijiy mablagʻlar hisobidan moliyalashtiriladigan energiya auditini oʻtkazadigan energiya auditorlarini sertifikatlash talab etilmaydi.

3. Ushbu Nizomda quyidagi tushunchalardan foydalaniladi:

boshlangʻich toifadagi energiya auditori — Vazirlar Mahkamasi huzuridagi Energiya samaradorligi milliy agentligining (keyingi oʻrinlarda — Agentlik) Energiya samaradorligini oshirish sohasidagi auditorlarning yagona reyestriga (keyingi oʻrinlarda — yagona reyestr) kiritilgan, energiya auditini oʻtkazish va energiya samaradorligini oshirish yoʻnalishida energiya auditorlarini tayyorlash boʻyicha qisqa muddatli maxsus oʻquv kurslarini tamomlagan hamda faqat aholi uy-joylarida energiya auditini oʻtkazish huquqiga ega energiya auditorlari toifasi;

professional toifadagi energiya auditori — ustav kapitalida 50 foiz va undan yuqori davlat ulushi mavjud korxonalarni, uy-joylarni, davlat muassasalarini, ijtimoiy soha obyektlarini, xususiy korxonalarni energiya auditidan oʻtkazish bilan shugʻullanuvchi, yetarli tajriba va tegishli malaka sertifikatiga ega boʻlgan energiya auditorlari toifasi;

sertifikat — malaka toifasi berilganini tasdiqlovchi hujjat;

talabgor — sertifikat olish uchun ariza bergan jismoniy shaxslar;

energiya auditori — energiya isteʼmolchilarini energiya auditidan oʻtkazish sohasida yetarli bilim, tajriba va malaka sertifikatiga ega (bundan boshlangʻich toifadagi energiya auditori mustasno) hamda belgilangan minimal talablarga javob beruvchi jismoniy shaxs;

energiya auditorlik tashkiloti — energiya auditorlik faoliyatini yuritish uchun boshlangʻich va professional toifadagi energiya auditorlarini mehnat qonunchiligi hamda fuqarolik-huquqiy shartnoma asosida jalb etgan tijorat shaklidagi yuridik shaxs.

4. Energiya auditorlarini sertifikatlash ishlari Vazirlar Mahkamasi huzuridagi Elektr energiyasi, neft mahsulotlari va gazdan foydalanishni nazorat qilish inspeksiyasi (keyingi oʻrinlarda — Oʻzenergoinspeksiya) tomonidan Vazirlar Mahkamasi huzuridagi Energiya samaradorligi milliy agentligi bilan kelishilgan holda (keyingi oʻrinlarda — Agentlik) amalga oshiriladi.

5. Sertifikatlash ishlarini amalga oshirishda:

a) Agentlik:

Oʻzenergoinspeksiya bilan birgalikda sertifikatlash imtihonlari oʻtkazilishini elektron shaklda Energiya samaradorligini oshirish raqamli platformasi (keyingi oʻrinlarda — platforma) orqali tashkil qiladi va nazorat qiladi;

platformada yagona reyestrini shakllantiradi va yuritadi;

energiya auditorlarini sertifikatlash tartibini takomillashtiradi;

b) Oʻzenergoinspeksiya:

sertifikatlash jarayonini nazorat qiladi va muvofiqlikni taʼminlaydi;

sertifikatlash talablari va imtihon natijalari asosida mazkur Nizom talablariga muvofiq energiya auditorlariga sertifikat beradi.

2-bob. Sertifikatlash ishlarini amalga oshirish tartibi

6. Sertifikat olish uchun talabgorlar quyidagi malaka talablariga javob berishi shart:

oʻrta maxsus yoki oliy maʼlumotga ega boʻlishi;

energiya auditi, energetika menejmenti (ISO 50001 va ISO 50002 xalqaro standartlari) talablari boʻyicha nazariy bilim hamda amaliy koʻnikmalarga ega boʻlishi;

bino va inshootlar hamda yakka tartibdagi aholi uy-joylari uchun 48 soat, sanoat korxonalari talabgorlari uchun 144 soatlik oʻquv-modul asosida shakllantirilgan maxsus oʻquv dasturini toʻliq oʻzlashtirgan hamda imtihondan oʻtgan boʻlishi.

7. Energiya auditorlariga ushbu Nizomga 1-ilovada keltirilgan sxemaga muvofiq sertifikat beriladi.

8. Oʻzbekiston Respublikasi Oliy taʼlim, fan va innovatsiyalar vazirligi huzuridagi Oliy attestatsiya komissiyasi tomonidan eʼlon qilingan roʻyxatdagi “Energetika, elektrotexnika, qishloq xoʻjaligi ishlab chiqarishini elektrlashtirish texnologiyasi, elektronika” yoʻnalishlarida ilmiy unvonga (fan nomzodi yoki fan doktori), shuningdek, energiya auditi sohasida bakalavr va magistr darajasiga ega boʻlgan shaxslar sertifikatlash uchun toʻgʻridan-toʻgʻri imtihon bosqichiga oʻtkaziladi.

9. Sertifikatlash boʻyicha arizalar quyidagi hujjatlarni elektron shaklda ilova qilgan holda talabgor tomonidan platforma orqali elektron shaklda yoki qogʻoz shaklida pochta orqali Agentlik va Oʻzenergoinspeksiyaga yuboriladi:

energiya auditi sohasida akkreditatsiyadan oʻtgan, oʻquv dasturi va uslubiy materiallarini Oʻzenergoinspeksiya va Agentlik bilan kelishgan oʻquv kursini muvaffaqiyatli tamomlaganini tasdiqlovchi guvohnoma (sertifikat)ning nusxasi;

ilmiy darajaga ega ekanligini tasdiqlovchi guvohnoma hujjat (agar mavjud boʻlsa);

zarur hollarda pochta xizmati orqali xabar yuborish uchun talabgorning doimiy yoki vaqtincha roʻyxatdan oʻtgan toʻliq pochta manzili.

Hujjat topshirgan nomzodlardan ushbu bandda koʻrsatilgan hujjatlardan boshqa hujjatlar talab qilinishiga yoʻl qoʻyilmaydi.

10. Arizalar Komissiya tomonidan 15 kun muddatda koʻrib chiqiladi hamda nomzodning shaxsiy kabinetiga sertifikatlash boʻyicha imtihonga kiritilishi toʻgʻrisida yoki rad etish boʻyicha asoslar koʻrsatilgan holda platforma yoki pochta orqali xabar yuboriladi.

Bunda nomzodning quyidagi hollarda sertifikatlash boʻyicha imtihonga kiritilishi rad etilishi mumkin:

hujjatlar toʻliq taqdim etilmaganda;

malaka talablariga javob bermaganda.

Nomzodlar mazkur kamchiliklarni bartaraf etgan holda takroran sertifikat olish uchun belgilangan tartibda murojaat qilishi mumkin.

11. Sertifikatlash imtihoni savollari Oʻzenergoinspeksiya va Agentlik bilan kelishilgan oʻquv dasturi asosida shakllantiriladi hamda tegishli mavzular Oʻzenergoinspeksiya hamda Agentlikning rasmiy sahifasida, shuningdek, Agentlik tomonidan platformada eʼlon qilinadi (joylashtiriladi).

12. Ushbu Nizomning 6-bandi beshinchi xatboshisida nazarda tutilgan oʻquv dasturlari majburiy tartibda Oʻzenergoinspeksiya va Agentlik bilan kelishilgan holda oʻquv markazlari tomonidan shakllantiriladi hamda oʻquv dasturi mavzulari Oʻzenergoinspeksiyaning hamda Agentlikning rasmiy sahifasida, shuningdek, Agentlik tomonidan platformada eʼlon qilinadi (joylashtiriladi).

13. Sertifikatlash imtihonlari har chorakda kamida bir marotaba, talabgorlar mavjud boʻlganda oʻtkazib boriladi.

14. Energiya auditorlarini sertifikatlash boʻyicha imtihonlar Oʻzenergoinspeksiya hamda Agentlik tomonidan tasdiqlanadigan 1 nafar rais, 4 nafar malakali mutaxassis va 1 nafar kotibdan iborat tarkibdagi komissiya (keyingi oʻrinlarda — Komissiya) tomonidan muvofiqlashtiriladi.

15. Sertifikatlash imtihonlari test shaklida oʻtkazilib, imtihon savollari bino va inshootlar, yakka tartibdagi aholi uy-joylari uchun alohida hamda sanoat korxonalarini energiya auditidan oʻtkazuvchilar uchun alohida Komissiya tomonidan shakllantiriladi va doimiy ravishda yangilanib boriladi.

Bunda Komissiya kotibi talabgorlarga platforma orqali sertifikatlash imtihonlarini oʻtkazish vaqti va joyi toʻgʻrisida maʼlumotlarni talabgorning shaxsiy kabineti va (yoki) SMS-xabarnoma yuborish orqali sertifikatlash imtihoni oʻtkazish sanasiga kamida 7 kun qolganda maʼlum qiladi.

16. Komissiya aʼzolari tarkibi imtihon yoʻnalishiga qarab quyidagicha shakllantiriladi:

bino va inshootlar hamda yakka tartibdagi aholi uy-joylarini energiya auditidan oʻtkazish boʻyicha sertifikatlash imtihoni uchun Agentlik va Oʻzenergoinspeksiyadan ikki nafardan vakil, Qurilish va uy-joy kommunal xoʻjaligi vazirligidan bir nafar vakil;

sanoat korxonalarini energiya auditidan oʻtkazish boʻyicha sertifikatlash oʻtkaziladigan imtihonlar uchun Oʻzenergoinspeksiyadan uch nafar vakil, Agentlikdan ikki nafar vakil.

17. Bino va inshootlar hamda yakka tartibdagi aholi uy-joylarini va sanoat korxonalarini energiya auditidan oʻtkazish boʻyicha sertifikatlash imtihoni quyidagi tartibda oʻtkaziladi:

imtihon platforma orqali test sinovlari shaklida oʻtkaziladi;

imtihon test savollari Komissiya tomonidan ishlab chiqiladi va doimiy ravishda test savollari bazasi boyitib boriladi;

30 ta test savollariga javob berish uchun 60 daqiqa vaqt beriladi, har bir toʻgʻri javob 2 balldan avtomatik baholanadi;

umumiy natijalarga koʻra jami 40 — 60 ball toʻplaganlar imtihondan muvaffaqiyatli oʻtgan hisoblanadi.

Test natijasidan norozi boʻlgan talabgorlar besh ish kuni ichida Komissiyaga yozma ravishda yoki belgilangan tartibda sudga shikoyat qilishi mumkin.

18. Test jarayonlari videotasvirga olingan holda oʻtkaziladi.

19. Sertifikatlash imtihonidan oʻtish jarayonida talabgorlarga quyidagilar taqiqlanadi:

qonunchilik hujjatlari, axborotnomalar va boshqa turdagi barcha adabiyotlardan foydalanish;

mobil aloqa vositasi va boshqa aloqa vositalaridan foydalanish;

boshqa nomzodlar bilan suhbatlashish;

imtihon oʻtkazilayotgan xonadan tashqariga chiqish.

Ushbu talablarni buzgan nomzodlar chetlashtiriladi va imtihondan oʻtmagan hisoblanadi.

Begona shaxslarga imtihonda ishtirok etishga ruxsat berilmaydi.

3-bob. Sertifikatning amal qilish muddati, qayta sertifikatlash va sertifikat berish tartibi

20. Sertifikatning amal qilish muddati — uch yil.

Sertifikatning amal qilish muddati tugaganidan keyin energiya auditorlari qayta sertifikatlash imtihonidan belgilangan tartibda oʻtkaziladi.

21. Imtihon natijalari imtihon oʻtkazilgan kunda platforma orqali talabgor elektron shaklda maʼlum qilinadi.

Sertifikatlash imtihonlaridan muvaffaqiyatli oʻtgan talabgorlarga ushbu Nizomga 2-ilovaga muvofiq belgilangan namunadagi maxsus QR-kodli energiya auditorlari sertifikatlashdan oʻtgani toʻgʻrisidagi sertifikat 3 ish kunida platformada elektron shaklda yuklab olish uchun tayyor boʻladi.

Sertifikatda uning mutaxassislikning qaysi yoʻnalishi boʻyicha berilgani qayd etiladi.

4-bob. Energiya samaradorligini oshirish sohasidagi energiya auditorlarining yagona reyestrini yuritish tartibi

22. Agentlik Reyestrni yuritadi, yangilab boradi va muvofiqlashtiradi.

Reyestr platformada onlayn rejimda yuritib boriladi va Reyestr quyidagi maʼlumotlarni oʻz ichiga oladi:

energiya auditori toʻgʻrisidagi umumiy maʼlumotlar (familiyasi, ismi, otasining ismi, telefon raqami, elektron pochta manzili);

energiya auditori sertifikati (sertifikat raqami, berilgan sana, amal qilish muddati, sertifikat bergan organ);

auditorlik faoliyatini yurituvchi tadbirkorlik subyekti toʻgʻrisidagi maʼlumotlar (STIR, manzili, telefon raqami, elektron pochta manzili);

Reyestrga kiritish va undan chiqarish sanasi va roʻyxatga olish raqami.

23. Auditorlar toʻgʻrisidagi maʼlumotlarni Reyestrga kiritish uchun toʻlov undirilmaydi.

24. Reyestr energiya auditorlarini ikki toifaga ajratilgan holda yuritiladi:

boshlangʻich toifadagi energiya auditori;

professional toifadagi energiya auditori.

Bunda ustav kapitalida 50 foiz va undan yuqori davlat ulushi mavjud korxonalar, davlat muassasalari va ijtimoiy soha obyektlarining va davlat energetika reyestriga kiritilgan subyektlarning energiya auditi uch nafar va undan ortiq professional toifadagi energiya auditorlariga ega xoʻjalik subyektlari tomonidan oʻtkaziladi.

25. Talabgor Reyestrga kiritish uchun oʻzlari tomonidan taqdim etilgan hujjatlarning ishonchliligi va qonunchilik hujjatlariga muvofiqligi uchun javobgar hisoblanadi.

Bunda Reyestrga kiritilgan energiya auditorlari belgilangan tartibda energiya auditorlariga qoʻyiladigan minimal talablar doirasida oʻtkazilgan energiya auditi natijasi boʻyicha hisobotni tayyorlashi majburiy hisoblanadi.

26. Quyidagi hollarda energiya auditorlari Reyestrdan chiqarilishi mumkin:

tegishli davlat nazorati organlari tomonidan energiya auditori faoliyatida qonunchilik buzilishi holatlari aniqlanib, ularning faoliyati belgilangan tartibda toʻxtatilganda (tugatilganda);

energiya auditi xulosalarida ketma-ket (kamida 3-marta) soxta maʼlumotlar aniqlanganda yoki koʻrsatilgan energiya auditi xizmati ustidan ikki martadan ortiq shikoyat kelib tushib, energiya auditori sud tomonidan aybli deb topilganda;

sertifikatning amal qilish muddati tugaganda va bekor qilinganda yoki sertifikat haqiqiy emas deb topilganda.

26 1 . Reyestrga kiritilgan energiya auditorlarining faoliyati samaradorligini oshirish hamda ularning energiya auditi sohasida tajriba va kasbiy koʻnikmalarini, shartnomaviy majburiyatlar lozim darajada va belgilangan muddatlarda bajarilishini inobatga olgan holda, platformada ballar asosida avtomatik ravishda baholanadi va reytingi yuritiladi.

26 2 . Quyidagi mezonlar asosida energiya auditorlarining reytingi yuritiladi:

bino va inshootlarni energiya auditidan oʻtkazish uchun energiya auditorlik malaka sertifikati mavjudligi: mavjud boʻlsa 10 ball, boʻlmasa 0 ball;

sanoat korxonalarini energiya auditidan oʻtkazish uchun energiya auditorlik sertifikati mavjudligi: mavjud boʻlsa 10 ball, boʻlmasa 0 ball;

energiya auditi va energiya menejmenti sohasida olingan boshqa sertifikatlar (ISO 50001, ISO 50002 va ISO 14001 xalqaro standartlari va boshqalar): har bir sertifikat uchun 1 ball, agar mavjud boʻlmasa 0 ball;

energiya auditi sohasida olingan xorijiy sertifikatlar: har bir sertifikat uchun 1 ball, agar mavjud boʻlmasa 0 ball;

qonunchilikda belgilangan minimal talablar asosida tayyorlangan energiya auditi hisobotning mavjudligi: mavjud boʻlsa 10 ball, boʻlmasa 0 ball;

energiya auditorning qurilish, muhandislik yoki energetika sohasida oliy maʼlumotga va ilmiy darajaga egaligi:

bakalavr — 1 ball;

magistr — 2 ball;

PhD (falsafa doktori) yoki DSc (fan doktori) — 3 ball.

Bunda energiya auditori tomonidan shartnomaviy majburiyatlarning lozim darajada va belgilangan muddatlarda bajarilishini bir oyda kamida 3 marotaba kechiktirish yoki bajarmaslik umumiy toʻplangan ballarning 10 ballga tushishiga olib keladi hamda ushbu pastlatilgan reyting 3 oy davomida saqlanib qolinadi.

26 3 . Energiya auditorlarining reyting maʼlumotlari Platformada ochiq tarzda aks ettiriladi va doimiy yangilab turiladi.

26 4 . Energiya auditorlik faoliyati bilan shugʻullanuvchi korxonalar reyting ballari korxonadagi mavjud energiya auditorlari ballarining oʻrtacha qiymati bilan shakllantiriladi.

26 5 . Energiya auditorlarining reyting natijalari energiya auditi xizmatlarini talabgorlar (buyurtmachilar) tomonidan tanlashda axborot sifatida foydalaniladi.

5-bob. Sertifikatning amal qilishini muddatidan oldin toʻxtatish va bekor qilish tartibi

27. Quyidagi hollarda sertifikatning amal qilinishi muddatidan oldin Komissiya tomonidan toʻxtatilishi mumkin:

davlat nazorati organlari tomonidan energiya auditori faoliyatida jiddiy qoidabuzarliklar aniqlanganda;

hisobot, energetika pasporti hamda tashkiliy-texnik chora-tadbirlarda soxta maʼlumotlar koʻrsatilgani sud tomonidan aniqlanganda;

hisobotda energiya oʻlchov asboblari orqali aniqlangan koʻrsatkichlar keltirilmaganda;

sud qarori bilan auditorning kasbiy faoliyat yuritishi maʼlum muddatga toʻxtatilganda.

Sertifikatning amal qilish muddati energiya auditorining oʻz ixtiyoriga koʻra muddatidan avval toʻxtatilishi mumkin.

28. Quyidagi hollarda sertifikatning amal qilishi muddatidan oldin Komissiya tomonidan bekor qilinishi mumkin:

sertifikat egasi vafot etganda;

energiya auditi xulosalariga soxta maʼlumotlar kiritilganligi sud tomonidan tasdiqlanganda;

sertifikat olish uchun taqdim etilgan maʼlumotlar haqiqiy emas, deb topilganda;

sud qarori bilan auditorning kasbiy faoliyat yuritish huquqi bekor qilinganda.

Sertifikatning amal qilish muddati energiya auditorining oʻz ixtiyoriga koʻra muddatidan oldin bekor qilinishi mumkin.

Mazkur bandning beshinchi va oltinchi xatboshilariga muvofiq sertifikat muddatidan oldin toʻxtatilgan hollarda, nomzod platforma orqali 3 ish kunida xabar berish majburiyatini oladi.

29. Sertifikatning amal qilishi muddatidan oldin bekor qilingan va (yoki) sertifikat muddati tugagan energiya auditorlari Agentlik tomonidan bu haqda yozma yoki elektron shaklda platforma orqali sertifikat bekor qilingan yoki muddati tugagan kundan boshlab 3 ish kunida xabardor qilinadi va ushbu maʼlumot tegishli Reyestrda aks ettiriladi.

6-bob. Yakunlovchi qoidalar

30. Ushbu Nizomni qoʻllashda yuzaga keladigan nizolar qonunchilik hujjatlarida belgilangan tartibda hal etiladi.

31. Ushbu Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Energiya auditorlarini sertifikatlash tartibi toʻgʻrisidagi nizomga 1-ILOVA

Energiya auditorlarini sertifikatlash tartibi boʻyicha

Bosqichlar Subyektlar Tadbirlar Ijro muddati 1-bosqich Talabgor Talabgor sertifikat olish uchun platforma orqali elektron shaklda yoki qogʻoz shaklida pochta orqali ariza bilan murojaat qiladi. Zaruratga koʻra 2-bosqich Komissiya Arizalar koʻrib chiqiladi hamda nomzodning shaxsiy kabinetiga sertifikatlash boʻyicha imtihonga kiritilishi toʻgʻrisida yoki rad etish boʻyicha asoslar koʻrsatilgan holda platforma yoki pochta orqali xabar yuboriladi. 15 kun muddatda 3-bosqich Komissiya Talabgorlarga platforma orqali sertifikatlash imtihonlarini oʻtkazish vaqti va joyi toʻgʻrisida xabar beradi. Imtihon oʻtkazish sanasiga kamida 7 kun qolganda 4-bosqich Platforma 1. Imtihon test sinovlari shaklida oʻtkaziladi. Har chorakda kamida bir marotaba 2. Imtihon natijalari imtihon oʻtkazilgan kunda platforma orqali talabgor elektron shaklda maʼlum qilinadi. 1 kun ichida 3. Sertifikatlash imtihonlaridan muvaffaqiyatli oʻtgan talabgorlarga sertifikatlarni platforma orqali yuklab olish imkoni yaratiladi. 3 ish kunida

Energiya auditorlarini sertifikatlash tartibi toʻgʻrisidagi nizomga 2-ILOVA

Oʻzbekiston Respublikasi Vazirlar Mahkamasi huzuridagi Energiya samaradorligi milliy agentligi

Oʻzbekiston Respublikasi Vazirlar Mahkamasi huzuridagi Elektr energiyasi, neft mahsulotlari va gazdan foydalanishni nazorat qilish inspeksiyasi Energiya auditorlari sertifikatlashdan oʻtganligi toʻgʻrisida SERTIFIKAT № ___________ 20____ yil “____” __________ ____________________ (berilgan joyi) _________________________________________________________________________________________ _________________________________________________________________________________________ (mutaxassisning familiyasi, ismi, otasining ismi) 20____ yil “____” ___________dan 20____ yil “____” ___________gacha _________________________________________________________________________________________ _________________________________________________________________________________________ (Sertifikat berilgan soha turi) Komissiya raisi ____________________ (imzo) (M.Oʻ.)

Vazirlar Mahkamasining 2025-yil 24-oktabrdagi 673-son qaroriga 3-ILOVA

Energiya servis xizmatlarini koʻrsatish tartibi toʻgʻrisida

1-bob. Umumiy qoidalar

1. Ushbu Nizom energiya servis xizmatlarini koʻrsatish va energiya servis shartnomasini tuzish tartibi, shartlari, energiya servis xizmatlarini moliyalashtirish, energiya servis xizmatlari boʻyicha loyiha va pudrat tashkilotlarini tanlash tartibini belgilaydi.

Ushbu Nizom talablari davlat organlari hamda davlat ishtirokidagi korxonalarning energiya servis kompaniyalari (keyingi oʻrinlarda — ESKO) bilan tuzilgan energiya servis xizmatlariga oid shartnomaviy munosabatlariga nisbatan tatbiq etiladi.

2. Ushbu Nizom doirasidagi barcha xizmatlar, shartnomalar va loyihalar boʻyicha munosabatlar ushbu Nizom va boshqa qonunchilik hujjatlari talablariga muvofiq amalga oshiriladi.

3. Ushbu Nizomda quyidagi asosiy tushunchalardan foydalaniladi:

buyurtmachi — energiya samaradorligini oshirish xizmatlariga ehtiyoj mavjud boʻlgan, loyihaga buyurtma berayotgan yuridik va (yoki) jismoniy shaxslar;

FIDIC shartlari — xalqaro qurilish va muhandislik loyihalari boʻyicha shartnomaviy munosabatlarni tartibga soluvchi standart shartlar toʻplami;

energiya servis xizmatlari — energiya tejamkorligi va energiya samaradorligini oshirish maqsadida qurilish, qurilish-montaj va sozlash ishlarini bajarish, energiya qurilmalarini ishga tushirish hamda bunday qurilmalar mavjud boʻlgan obyektlarda energiya auditini oʻtkazish, shu jumladan, qayta tiklanuvchi energiya manbalari qurilmalarini oʻrnatish va ekspluatatsiya qilish bilan bogʻliq kompleks xizmatlar (ishlar, tadbirlar);

energiya servis kompaniyasi (ESKO) — energiya servis xizmatlarini koʻrsatish shartnomasiga muvofiq energiya tejamkorligi va energiya samaradorligini oshirish maqsadida qurilish, qurilish-montaj va sozlash ishlarini bajarish, energiya qurilmalarini ishga tushirish hamda bunday qurilmalar mavjud boʻlgan obyektlarda energiya auditini oʻtkazish, shu jumladan, qayta tiklanuvchi energiya manbalari qurilmalarini oʻrnatish va ekspluatatsiya qilish bilan kompleks ravishda shugʻullanadigan yuridik shaxs;

energiya servis shartnomasi — energiya servis kompaniyasi va buyurtmachi oʻrtasida tuziladigan shartnoma boʻlib, energiya servis kompaniyasining energiya tejamkorligi va energiya samaradorligini oshirishga qaratilgan xizmatlari (ishlari, tadbirlari) yuzasidan taraflarning huquq va majburiyatlarini belgilaydi;

ESKO loyihalari — shartnoma asosida energiya servis xizmatlarini koʻrsatishga qaratilgan loyihalar;

oʻlchash va tasdiqlash — energiya samaradorligi loyihalari natijasida erishilgan energiya samaradorligi koʻrsatgichlarini aniqlash.

2-bob. Energiya servis shartnomasini tuzish tartibi

4. Energiya servis shartnomasi (keyingi oʻrinlarda — shartnoma) korxonalar, tashkilotlarning bino va inshootlari, yakka tartibdagi uy-joylar yoki boshqa obyektlarda energiya samaradorligi tadbirlari hamda energiya tejovchi texnologiyalarni joriy etish orqali energiya resurslaridan foydalanish samarasini oshirish boʻyicha kompleks chora-tadbirlarni oʻz ichiga oladi.

5. Shartnomani tuzishda tomonlar Oʻzbekiston Respublikasining Fuqarolik kodeksiga , “Xoʻjalik yurituvchi subyektlar faoliyatining shartnomaviy-huquqiy asoslari toʻgʻrisida”gi Qonuniga , ushbu Nizomga va boshqa qonunchilik hujjatlariga amal qiladilar.

6. Shartnomada asosiy shartlar bilan bir qatorda quyidagi shartlar koʻrsatilishi kerak:

energiya samaradorligi tadbirlarining texnik vazifasi va loyihaning asosiy texnik-iqtisodiy koʻrsatkichlari;

loyiha predmeti va moliyalashtirish shartlari hamda loyiha davridagi tavakkalchiliklarni kafolatlash mexanizmlari;

loyihadan talab qilinadigan natija hamda loyiha natijasida tejaladigan energiya resurslarini oʻlchash va tasdiqlash;

shartnoma muddati, shu jumladan, shartnoma boʻyicha koʻrsatiladigan xizmatlar va ishlarning bajarilish muddatlari, moliyaviy shartlar, loyihaning natijalarini taqsimlash shakli, qabul va topshirish;

nazorat va hisobot mexanizmlari.

Shartnomaga qoʻshimcha ravishda quyidagilar kiritilishi mumkin:

shartnomaning amal qilish davrida energiya resurslaridan foydalanishning boshqa shartlari;

foydalaniladigan energiya resurslarini oʻlchash vositalarini oʻrnatish va ishga tushirish yuzasidan energiya servis kompaniyasining majburiyatlari;

shartnomani amalga oshirish natijasida tejalgan (iqtisod qilingan) energiya resurslari qiymatidan kelib chiqib, energiya servis xizmati uchun mukofot pullarini toʻlash va boshqalar.

Xalqaro ESKOlari jalb etilganda shartnomalar FIDIC shartlari asosida tuzilishi mumkin.

7. Shartnomalar roʻyxati (shartnoma nomi, tuzilgan sanasi va shartnoma tomonlarining nomini koʻrsatgan holda) Vazirlar Mahkamasi huzuridagi Energiya samaradorligi milliy agentligining (keyingi oʻrinlarda — Agentlik) Energiya samaradorligini oshirish raqamli platformasida (keyingi oʻrinlarda — platforma) yuritiladi.

3-bob. ESKO loyihalarini moliyalashtirish tartibi

8. Quyidagilar ESKO loyihalarini moliyalashtirish manbalari boʻlishi mumkin:

ESKOlarining oʻz mablagʻlari;

buyurtmachi mablagʻlari;

tijorat banklari kreditlari;

xalqaro moliya institutlari, xalqaro moliya tashkilotlari va donor tashkilotlarning kreditlari va grantlari;

qonunchilikka zid boʻlmagan boshqa manbalar mablagʻlari.

9. ESKO loyihasini amalga oshirish natijasida ushbu loyiha obyektining xarajatlar smetasida energiya resurslari xarajatlari uchun rejalashtirilgan mablagʻlarning iqtisod qilinishi natijasida boʻshagan mablagʻlar hisobidan shartnomalarda nazarda tutilgan tartib va muddatlarda ESKO loyihasi uchun sarflangan xarajatlar qoplab borilishi mumkin.

Shartnomalarning amal qilish davrida budjet tashkilotlari va budjet mablagʻlarini oluvchilarni moliyalashtirishda kommunal xizmatlar uchun, shu jumladan, tariflar oʻsishini hisobga olib, ilgari nazarda tutilgan budjet ajratmalari miqdori saqlab qolinadi hamda kelgusi moliya yillari uchun xarajatlar smetasini rejalashtirishda oʻtgan yilda ushbu xarajatlar hisobidan iqtisod qilingan (kamaytirilgan) mablagʻlarning qisqartirilishi taqiqlanadi.

4-bob. ESKO loyihalari boʻyicha loyiha va pudrat tashkilotlarini tanlash, ulardan maʼlumotlar olish tartibi

10. Davlat buyurtmasi asosida davlat tashkilotlari hamda davlat ishtirokidagi korxonalarning obyektlari uchun ESKO loyihalari boʻyicha loyiha va pudrat tashkilotlari amaldagi qonunchilik hujjatlariga muvofiq belgilangan tartibda tanlanadi.

11. Loyihaning amalga oshirilishi buyurtmachi tomonidan monitoring qilib boriladi.

Bunda buyurtmachilar shartnoma imzolangan kundan boshlab shartnomada belgilangan muddat va shartlarga asosan monitoring yuritadi.

12. ESKOlari har yarim yilda ESKO loyihalari doirasida Agentlikka quyidagi maʼlumotlarni taqdim etib boradi:

energiya servis loyihasi boʻyicha natijalar;

har bir obyekt boʻyicha oʻlchash va tasdiqlash natijalari;

muammolar va ularni bartaraf etish choralari.

13. Agentlik bir yilda kamida ikki marta bajarilgan ESKO loyihalari doirasida erishilgan energiya samaradorligi koʻrsatkichlari boʻyicha tahlil qiladi, zaruratga koʻra, ularni takomillashtirish boʻyicha takliflar ishlab chiqib, buyurtmachiga taqdim etadi.

14. Agentlik ESKOlar taqdim etgan hisobotlar asosida ESKOlarning faoliyati boʻyicha baholash reytingini tuzadi va baholash natijalarini platformada eʼlon qilib boradi.

5-bob. ESKOlarini yagona reyestrga kiritish va reyestrni yuritish tartibi

15. Agentlik platformada ESKOlarining yagona reyestrini (keyingi oʻrinlarda — Reyestr) shakllantiradi, doimiy ravishda har bir ESKO natijalari yangilanishini taʼminlaydi.

16. ESKO Reyestrga Agentlik tomonidan quyidagi hollarda kiritiladi:

kamida bitta energiya auditori sertifikatiga ega boʻlgan xodimi boʻlsa;

kamida bitta shartnomani muvaffaqiyatli yakunlagan boʻlsa.

17. Reyestr platformada onlayn rejimda yuritib boriladi.

Reyestrda ESKOning nomi, yuridik manzili, STIR, ESKO tomonidan amalga oshirilgan loyihalarning umumiy soni va muvaffaqiyatli yakunlangan loyihalar nomi toʻgʻrisidagi maʼlumotlar koʻrsatiladi.

18. ESKO quyidagi hollarda Agentlik tomonidan Reyestrdan chiqariladi:

ushbu Nizomning 12-bandiga muvofiq taqdim etilgan maʼlumotlarning notoʻgʻriligi aniqlanganda;

buyurtmachining ESKO tomonidan bajarilgan ishlar natijasida aniqlangan hamda toʻgʻrilab boʻlmaydigan nuqsonlar boʻyicha oʻz tasdigʻini topgan murojaatlari asosida.

6-bob. Yakunlovchi qoida

19. Ushbu Nizom talablari buzilishida aybdor boʻlgan shaxslar qonunchilik hujjatlariga muvofiq javob beradilar.

Vazirlar Mahkamasining 2025-yil 24-oktabrdagi 673-son qaroriga 4-ILOVA

“Yashil taʼmir” krediti boʻyicha foiz toʻlovlarining bir qismini qoplab berish tartibi toʻgʻrisida

1-bob. Umumiy qoidalar

1. Ushbu Nizom Vazirlar Mahkamasi huzuridagi Energiya samaradorligi milliy agentligi (keyingi oʻrinlarda — Agentlik) tomonidan “Oʻzbekiston ipotekani qayta moliyalashtirish kompaniyasi” AJning “Yashil taʼmir” platformasida shakllantirilgan “Yashil loyiha” sertifikati asosida aholiga tijorat banklari tomonidan ajratiladigan “yashil taʼmir” kreditlari boʻyicha foiz toʻlovlarining bir qismini qoplab berish (keyingi oʻrinlarda — kompensatsiya) tartibini belgilaydi.

2. Ushbu Nizomda quyidagi asosiy tushunchalardan foydalaniladi:

jismoniy shaxs (qarz oluvchi) — tijorat bankiga “yashil taʼmir” kreditini olish uchun ariza taqdim etgan fuqarolar;

kompensatsiya — ajratilgan “yashil taʼmir” krediti boʻyicha foiz toʻlovlarining bir qismini qoplab berish uchun Agentlik tomonidan tijorat bankining tegishli hisobvaragʻiga oʻtkaziladigan mablagʻ;

“yashil taʼmir” krediti — tijorat banklari tomonidan aholiga turar joy binolarining energiya xarajatlarini kamaytirish maqsadida, shu jumladan, quyosh panellari, geliokollektorlar va issiqlik nasoslari (havo, suv va geotermal) oʻrnatish, devor va tomni izolyatsiya qilish, deraza va eshiklarning issiqlik yoʻqotishlari va oʻtkazuvchanligini kamaytiruvchi turlariga almashtirish hamda oʻrnatilgan qozon va havo sovitish-isitish (konditsioner) tizimlarini energiya tejamkor turlariga almashtirish uchun “Oʻzbekiston ipotekani qayta moliyalashtirish kompaniyasi” AJning “Yashil loyiha” sertifikati asosida ajratiladigan kreditlar.

3. Ushbu Nizomga muvofiq kompensatsiya ajratish uchun Agentlik va tijorat banki oʻrtasida Bosh kelishuv (keyingi oʻrinlarda — kelishuv) tuziladi va kelishuv shartlari tijorat banklari tomonidan ushbu kelishuv tuzilgan sanadan keyin ajratilgan “yashil taʼmir” kreditlari uchun tatbiq etiladi.

4. Tijorat banki kelishuvni tuzish uchun bankning tegishli boshqaruv organi tomonidan tasdiqlangan bitimni tuzish toʻgʻrisidagi qaror yoki kelishuv tuzish vakolatini beruvchi boshqa hujjatning nusxasini ilova qilgan holda Agentlikka murojaat qiladi.

2-bob. Kompensatsiya ajratish tartibi

5. Agentlik kompensatsiyani tijorat bankiga ushbu Nizomga 1-ilovada keltirilgan sxemaga muvofiq ajratadi.

6. Kompensatsiya tijorat banklari tomonidan jismoniy shaxslarga “yashil taʼmir” kreditlari boʻyicha toʻlab beriladi. Bunda kompensatsiya “yashil taʼmir” kreditlari foiz stavkasining 19 foizidan oshgan qismiga, biroq 4 foizlik banddan oshmagan miqdorda kreditning dastlabki 5 yil muddati davomida toʻlab beriladi.

Bunda qarz oluvchi Aholi uy-joylarini energiya auditidan oʻtkazish, energiya samarador qurilmalarni xarid qilish va oʻrnatishda subsidiya ajratish toʻgʻrisidagi nizomda nazarda tutilgan Energiya samaradorligini oshirish raqamli platformasida belgilangan tartibda Agentlik yagona reyestriga kiritilgan energiya auditorlari tomonidan energiya auditidan oʻtkazilgan va xulosa olingan holda ajratiladi.

7. Bir jismoniy shaxs tomonidan bir vaqtning oʻzida ikkita “yashil taʼmir” kreditlari boʻyicha kompensatsiya olinishiga yoʻl qoʻyilmaydi. Bunda kompensatsiya birinchi olingan “yashil taʼmir” krediti boʻyicha beriladi.

8. Kompensatsiya oladigan jismoniy shaxslar Agentlikning buyurtmanomasida qarz oluvchi sifatida koʻrsatilgan jismoniy shaxsning shaxsiy identifikatsiya raqami (JSHSHIR) boʻyicha aniqlanadi.

9. Agentlik tomonidan “yashil taʼmir” kreditlari boʻyicha beriladigan kompensatsiya belgilangan tartibda Agentlik mablagʻlari hisobidan ajratiladi.

Bunda Agentlik tomonidan ajratiladigan kompensatsiya miqdorlari har yili moliya yili davomida choraklar kesimida taqsimlangan holda prognoz qilinadi.

10. Moliya yili davomida samaradorlik koʻrsatkichlari va tavakkalchilik darajasidan kelib chiqib, kompensatsiya ajratish toʻxtatilishi, shuningdek, kompensatsiya ajratish qoidalariga oʻzgartirish va qoʻshimchalar kiritilishi mumkin.

11. “Yashil taʼmir” krediti shartnomalari boʻyicha kreditni qaytarish jadvaliga oʻzgartirish kiritilganda, amaldagi kredit shartnomasi shartlari mutanosib ravishda oʻzgartiriladi.

Bunda kompensatsiya miqdorlari qayta hisob-kitob qilinib, kredit muddatiga mos ravishda tijorat bankiga toʻlab boriladi.

12. Qarz oluvchi jismoniy shaxslarning tijorat banklariga kredit berilishi uchun zarur boʻlgan hujjatlar toʻplami hamda “Oʻzbekiston ipotekani qayta moliyalashtirish kompaniyasi” AJning “Yashil loyiha” sertifikatini ilova qilgan holda ariza bilan murojaat qilishi kompensatsiya tashabbusiga asos hisoblanadi.

13. Tijorat banki tomonidan jismoniy shaxsga “yashil taʼmir” krediti va kompensatsiya ajratish shartlari boʻyicha ijobiy qaror qabul qilinib, qarz oluvchi va tijorat banki oʻrtasidagi kredit shartnomasiga muvofiq ajratilgan kredit mablagʻlarining maqsadli ishlatilishini monitoring qilgandan soʻng ushbu Nizomning 6-bandida koʻrsatilgan shartlarda kompensatsiya ajratiladi.

14. Tijorat banki kredit ajratish toʻgʻrisida qaror qabul qilingan jismoniy shaxslarga kompensatsiya berish toʻgʻrisidagi buyurtmanoma bilan har oyda keyingi oyning 10-sanasiga qadar Agentlikka murojaat qiladi va quyidagi hujjatlarni taqdim etadi:

ushbu Nizomga 2-ilovaga muvofiq shaklda kompensatsiya ajratish toʻgʻrisida buyurtmanoma;

“yashil taʼmir” kreditlari ajratilgan jismoniy shaxslarning roʻyxati (kredit oluvchining F.I.O., JSHSHIR, kredit summasi, kredit muddati, foiz stavkasi, kredit maqsadi, qaytarish jadvali shakli, kredit berilgan sana, kreditni qaytarish sanasi, 16325-hisobvaragʻidagi hisoblangan foizlar, energiya auditi shartnomasi raqami va sanasi hamda boshqa maʼlumotlar).

15. Buyurtmanoma hamda jismoniy shaxslar boʻyicha koʻrsatilgan maʼlumotlarning haqqoniyligi boʻyicha tijorat bankining buyurtmanomani imzolagan mansabdor shaxsi javobgar hisoblanadi.

16. Agentlikka notoʻgʻri va/yoki haqiqiy boʻlmagan maʼlumotlarning taqdim qilinishi, ushbu maʼlumotlar asosida kompensatsiya olganlik, shuningdek, tijorat banki va qarz oluvchi tomonidan majburiyatlar oʻz vaqtida bajarilmagani uchun Agentlik javobgar hisoblanmaydi.

17. Ushbu Nizomning 14-bandida nazarda tutilgan buyurtmanoma va unga ilova qilingan hujjatlar Agentlikka kelib tushgan sanadan boshlab uch ish kuni ichida Agentlik tomonidan koʻrib chiqiladi hamda ushbu Nizomda belgilangan talablardan kelib chiqib, kompensatsiya ajratishni maʼqullash yoki kompensatsiya ajratishni rad etish toʻgʻrisida maʼlum qilinadi.

Rad etilgan buyurtmanoma tijorat bankiga bir ish kunida kompensatsiya ajratishni rad etish sabablarini koʻrsatgan holda qaytariladi.

Bunda kompensatsiya ajratish quyidagi holatlarda rad etilishi mumkin:

“yashil taʼmir” kreditlari maqsadsiz ishlatilganda;

muddati oʻtgan qarzdorlik 90 kundan oshib ketganda.

Agentlik tomonidan kompensatsiya ajratilishi rad etilgani toʻgʻrisida buyurtmanoma olgan tijorat banki bir ish kuni ichida bu haqida hududiy filialini va qarz oluvchini xabardor qiladi.

18. Kompensatsiya ajratish maʼqullangan buyurtmanoma koʻrib chiqilgandan soʻng, uch ish kuni ichida tijorat banki ushbu buyurtmanoma boʻyicha kompensatsiyani alohida ochilgan hisobvaraqqa oʻtkazib beradi.

19. Agentlik tomonidan kompensatsiya ajratilishi shartlari tijorat banki va qarz oluvchi oʻrtasida imzolanadigan “yashil taʼmir” krediti shartnomasida alohida band bilan koʻrsatilgan boʻlishi lozim.

20. “Yashil taʼmir” krediti shartnomasida Agentlik tomonidan ajratiladigan kompensatsiyaning miqdori va shartlari koʻrsatiladi.

21. Agentlik mablagʻlardan foydalanish yuzasidan monitoring yuritadi hamda monitoring natijasida aniqlangan holatlarni bartaraf etish choralarini koʻradi.

Agentlik tomonidan ajratilgan kompensatsiya mablagʻlarining maqsadli ishlatilishini oʻrganish maqsadida tijorat banklaridan kompensatsiya mablagʻlari boʻyicha tranzit hisobvaraqlari, qarz oluvchilarning 16325-hisobvaraqlari hamda kompensatsiyaga tegishli boshqa hisobvaraqlari aylanmalari soʻralishi mumkin.

Agentlik tomonidan kompensatsiyaning maqsadli sarflanishi yuzasidan monitoring yuritish davrida tijorat banki va qarz oluvchi oʻrtasida tuzilgan kredit shartnomasi va kreditni qaytarish jadvali talab qilib olinishi mumkin.

3-bob. Kompensatsiya hisobini yuritish

22. Tijorat banki kompensatsiya shartnomalariga asosan hisoblangan va Agentlik tomonidan kompensatsiya ajratilgan foiz toʻlovlarining hisobini alohida 16325 balans hisobvaraqlarida yuritadi.

23. Agentlik tomonidan kompensatsiya bank roʻyxati asosida bir qancha kredit shartnomalari boʻyicha bankning 29801 tranzit hisobvaragʻiga oʻtkaziladi.

Bunda 29801 tranzit hisobvaragʻiga tushadigan mablagʻlar bankning Agentlik kompensatsiyalari hisobidan qoplanadigan hisoblangan foizlar 16325-hisobvaragʻiga avtomatik ravishda oʻtkaziladi.

24. Qarz oluvchilar kreditni muddati oʻtganidan soʻng qaytargan holatlarda, ajratiladigan kompensatsiya miqdori tasdiqlangan qaytarish jadvalida qayd etilgan miqdordan oshmasligi lozim.

25. Agentlik tijorat banklarining xabariga asosan kreditlar boʻyicha kompensatsiya ajratishni quyidagi holatlarda toʻxtatadi:

foiz toʻlovlari kompensatsiya qilinadigan kreditdan maqsadsiz foydalanilganda;

qarz oluvchi toʻlovlar jadvaliga muvofiq bankka toʻlovlarni toʻlash majburiyatlarini uch oy ichida ketma-ket bajarmaganda;

qarz oluvchi tomonidan kredit miqdori muddatidan oldin soʻndirilganda;

tijorat banki va qarz oluvchi oʻrtasida kredit shartnomasi bekor qilinganda yoki haqiqiy emas deb topilganda;

qarz oluvchining bank hisobvaragʻidagi mablagʻlari xatlovga olinganda;

qarz oluvchining tijorat bankiga taqdim etgan hujjatlarida ishonchsiz yoki notoʻgʻri maʼlumotlar taqdim etilgani aniqlanganda.

26. Tijorat banki belgilangan tartibda qarz oluvchi bilan tuzilgan shartnoma shartlariga muvofiq qarz oluvchining “yashil taʼmir” krediti hisobidan olingan uskunalarning holatini oʻrganish maqsadida joyiga chiqqan holda monitoring yuritadi.

27. Tijorat banki ushbu Nizomning 25-bandida nazarda tutilgan holatlar aniqlangan taqdirda, Agentlikni kompensatsiya ajratishni toʻxtatish uchun uch ish kuni ichida xabardor qiladi.

28. Agentlik tijorat bankidan xabarnomani olgandan soʻng uch ish kuni ichida kompensatsiya ajratish toʻxtatilishi toʻgʻrisida qaror qabul qiladi va toʻxtatish sabablari koʻrsatilgan yozma xabarnomani tijorat bankiga yuboradi.

29. Agentlik qarorini olgandan soʻng tijorat banki bir ish kunida qarz oluvchini foiz toʻlovlarining bir qismini kompensatsiya qilish toʻxtatilgani toʻgʻrisida xat orqali xabardor qiladi.

30. Qarz oluvchining krediti boʻyicha kompensatsiya ajratishni qayta tiklashga faqatgina ushbu Nizomning 25-bandida koʻrsatilgan holatlar bartaraf etilganidan soʻng ruxsat beriladi.

31. Tijorat banki har oyda hisobot oyidan keyingi oyning 5-sanasiga qadar Agentlikka uning kompensatsiya mablagʻlarining sarflanishi mijozlar kesimida soʻndirish sanasi va boshqa maʼlumotlar toʻgʻrisida hisobotlar taqdim etib boradi.

4-bob. Yakunlovchi qoida

32. Ushbu Nizomning talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

“Yashil taʼmir” krediti boʻyicha foiz toʻlovlarining bir qismini qoplab berish tartibi toʻgʻrisidagi nizomga 1-ILOVA

Agentlik hisobidan “yashil taʼmir” krediti boʻyicha foiz toʻlovlarining bir qismini qoplab berish uchun kompensatsiya ajratish

Bosqichlar Subyektlar Tadbirlar Ijro muddati 1-bosqich Qarz oluvchi Qarz oluvchi tijorat banki yoki uning hududiy filialiga “yashil taʼmir” kreditini ajratish toʻgʻrisida murojaat qiladi. Zaruratga koʻra 2-bosqich Tijorat banki “Yashil taʼmir” krediti foiz toʻlovlarining bir qismini qoplash uchun kompensatsiya ajratish boʻyicha buyurtmanoma, “yashil taʼmir” kreditlari ajratilgan jismoniy shaxslarning roʻyxatini Agentlikka taqdim etadi. Har oyning 10-sanasiga qadar 3-bosqich Agentlik, tijorat banki 1. Agentlik tijorat banki tomonidan yuborilgan buyurtmanomalarni koʻrib chiqadi hamda belgilangan talablardan kelib chiqib, kompensatsiya ajratishni maʼqullaydi yoki kompensatsiya ajratishni rad etadi. 3 ish kuni ichida 2. Agentlik rad etilgan buyurtmanomani tijorat bankiga rad etish sabablari koʻrsatilgan holda xat orqali yuboradi. 1 ish kuni ichida 3. Tijorat banki qarz oluvchini kompensatsiya ajratilishi toʻgʻrisida xat orqali xabardor qiladi. 1 ish kuni ichida 4-bosqich Agentlik Kompensatsiya ajratish maʼqullangan buyurtmanomalar boʻyicha kompensatsiyani tijorat bankining alohida ochilgan hisobvaragʻiga oʻtkazib beradi. 3 ish kuni ichida

“Yashil taʼmir” krediti boʻyicha foiz toʻlovlarining bir qismini qoplab berish tartibi toʻgʻrisidagi nizomga 2-ILOVA

Agentlik hisobidan “yashil taʼmir” krediti boʻyicha foiz toʻlovlarining bir qismini qoplab berish uchun kompensatsiya ajratish toʻgʻrisida BUYURTMANOMA 20___ yil __________ Buyurtmanoma beruvchi: _______________________________ banki Buyurtmanomani qabul qiluvchi: Energiya samaradorligi milliy agentligi Kompensatsiya summasi: _________________________ Hisobvaraq: _______________________ “yashil taʼmir” krediti ajratilgan mijozlar roʻyxati ilova qilinmoqda. Buyurtmanoma beruvchi: _______________________________ banki Boshqaruvi raisi _________________________ F.I.O.

Vazirlar Mahkamasining 2025-yil 24-oktabrdagi 673-son qaroriga 5-ILOVA

Energiya samaradorligini oshirish raqamli platformasida qayta tiklanuvchi energiya manbalari qurilmalari va boshqa energiya samarador uskunalarning savdolarini oʻtkazish, shartnomalarni tuzish, yetkazib berish hamda oʻrnatish tartibi toʻgʻrisida

1-bob. Umumiy qoidalar

1. Ushbu Nizom Energiya samaradorligini oshirish raqamli platformasi (keyingi oʻrinlarda — platforma) orqali qayta tiklanuvchi energiya manbalari qurilmalari va boshqa energiya samarador uskunalarning savdolarni oʻtkazish va shartnomalarni tuzish, yetkazib berish hamda oʻrnatish tartibini belgilaydi.

2. Ushbu Nizomda quyidagi asosiy tushunchalardan foydalaniladi:

yetkazib beruvchi — platforma orqali mahsulot yetkazib beruvchi jismoniy va yuridik shaxslar;

mahsulot — qayta tiklanuvchi energiya manbalari qurilmalari va boshqa energiya samarador uskunalar;

platforma operatori — “Oʻzbekiston respublika tovar-xom ashyo birjasi” AJ;

platforma ishtirokchisi — yetkazib beruvchi, energiya servis kompaniyalari, talabgor va energiya auditorlari;

talabgor — platforma orqali mahsulot sotib oluvchi jismoniy shaxslar;

shaxsiy kabinet — platforma ishtirokchilarining savdolarda ishtirok etishini hamda zarur axborotni joylashtirishni va undan foydalanishni, shuningdek, hisob-kitoblarni amalga oshirishini taʼminlaydigan alohida sahifa;

oʻxshash mahsulotlar — funksional maqsadi, kiritilgan parametrlari, qoʻllanishi, sifati va texnik xususiyatlari bir xil boʻlgan mahsulotlar;

zakalat — talabgor tomonidan tuzilgan shartnoma boʻyicha toʻlovlar toʻliq hajmda toʻlanishini hamda yetkazib beruvchi tomonidan oʻzining takliflarini taʼminlash usuli;

Hisob-kitob-kliring palatasi (keyingi oʻrinlarda — HKKP) — boʻnak toʻlovlarini deponentlash va hisobga olish orqali shartnomalar boʻyicha majburiyatlarni bajara oladigan platforma ishtirokchilarining savdolarga kirishini taʼminlovchi platforma operatorining tarkibiy boʻlinmasi.

2-bob. Platformada ishtirokchilarni roʻyxatga olish

3. Jismoniy va yuridik shaxslar platformada ishtirokchi sifatida “Elektron hukumat” tizimi foydalanuvchilarini identifikatsiyalashning yagona axborot tizimi orqali roʻyxatdan oʻtishlari mumkin.

4. Platformada roʻyxatga olish yakunlari bilan bir ish kuni davomida platforma ishtirokchilariga foydalanuvchining individual raqamini beriladi hamda tuzilgan shartnomalar boʻyicha majburiyatlarni va talab qilish huquqini hisobga olish uchun zarur boʻlgan tegishli shaxsiy hisobvaraq ochiladi.

3-bob. Platforma operatorining huquq va majburiyatlari

5. Platforma operatori quyidagi huquqlarga ega:

platformada joylashtirilgan maʼlumotlarga texnologik va axborot xavfsizligini taʼminlash talablarini belgilash;

platforma ishtirokchilariga xizmatlar koʻrsatish shartlarini belgilash (qonunchilik hujjatlarida nazarda tutilgan holatlar bundan mustasno);

platforma ishtirokchilari uchun talablarni belgilash;

platforma ishtirokchilarining belgilangan qoidalarga rioya etmaslik holatlari aniqlanganda, shuningdek, platforma operatori yoki platforma ishtirokchilari oldida toʻlanmagan qarzlari mavjud boʻlganda, platformada tuzilgan shartnoma shartlari bajarilmaganda, ularga xizmat koʻrsatishni toʻxtatib turish;

platforma ishtirokchilariga elektron tijorat bilan bogʻliq axborotlarni yetkazish, maʼlumot va maslahat berish hamda boshqa qoʻshimcha xizmatlarni koʻrsatish;

boshqa axborot vositachilari bilan hamkorlikda maʼlumotlar bazasini yaratish;

platforma operatori qonunchilik hujjatlariga va shartnomaga muvofiq boshqa huquqlarga ega boʻlishi mumkin.

6. Platforma operatori platformaning barqaror, uzluksiz va ishonchli ishlashini taʼminlaydi, uning barcha funksional jarayonlari belgilangan tartib va talablarga muvofiq ravishda amalga oshirilishiga masʼul hisoblanadi.

7. Platforma operatori quyidagilarga majbur:

elektron tizimning uzluksiz ishlashini, unga joylashtirilgan axborotlarning toʻliq saqlanishini, oʻz elektron resursi belgilangan tartibda tegishli davlat organlarining rasmiy veb-saytlari va axborot tizimlari bilan uygʻunlashgan holda ishlashini taʼminlash;

texnik xizmat koʻrsatish, maʼlumotlar xavfsizligi, foydalanuvchilar uchun shaffoflikni taʼminlash;

jismoniy va yuridik shaxslarning qonunchilik hujjatlariga muvofiq platformada mavjud boʻlgan axborotlardan bepul va erkin foydalanishini taʼminlash;

amalga oshirilgan xaridlar natijalari boʻyicha maʼlumotlar bazasini yaratish va doimiy yangilab borish;

platformada tuzilgan shartnomalar reyestrini shakllantirish va yuritish;

respublika ijro etuvchi hokimiyati organlari va xoʻjalik birlashmalariga ushbu Nizomda nazarda tutilgan tartibda axborotlardan foydalanish imkonini yaratish;

platformaga axborot joylashtirilgan vaqtdan boshlab uning maʼlumotlar bazasida oʻn yil mobaynida saqlanishini taʼminlash;

HKKP platforma ishtirokchilarining shaxsiy hisobvaraqlari ochilishini taʼminlash;

platformada maʼlumotlari yetarli boʻlmagan oferta takliflarining joylashtirilishi boʻyicha monitoring yuritish;

platformaning bosqichma-bosqich takomillashtirilib borilishini taʼminlash;

platforma operatori qonunchilik hujjatlariga va shartnomaga muvofiq boshqa majburiyatlarga ega boʻlishi mumkin.

8. Platforma operatori:

savdolarni amalga oshirish va mahsulot narxlarini belgilash jarayonlariga aralashishga, kontragentlarni tanlash va shartnomalar tuzishda platforma ishtirokchilarining erkinligini cheklashga, shuningdek, platforma ishtirokchilarining huquqlarini boshqacha tarzda cheklashga;

uzatiladigan, olinadigan va saqlanadigan elektron hujjatlar hamda elektron xabarlarning ishonchliligini, shuningdek, agar qonunchilik hujjatlarida yoki shartnomada boshqacha qoidalar nazarda tutilmagan boʻlsa, ularning qonunchilik hujjatlariga muvofiqligini nazorat qilishga yoki tekshirishga;

platforma ishtirokchilari tomonidan joylashtiriladigan elektron hujjatlar va elektron xabarlarning mazmunini oʻzgartirishga haqli emas.

9. Platforma operatori ishtirokchilar tomonidan taqdim etiladigan elektron hujjat va xabarlarning, shuningdek, oʻtkaziladigan savdolar boʻyicha platformaga joylashtiriladigan axborotlarning mazmuni bilan bogʻliq huquqiy oqibatlar uchun javobgar hisoblanmaydi.

4-bob. Platforma ishtirokchilarining huquq va majburiyatlari

10. Platforma ishtirokchisi quyidagi huquqlarga ega:

tomonlar oʻrtasida tuzilgan bitimning ijrosida yuzaga keladigan kelishmovchilik va nizolar boʻyicha sud tartibida shikoyat qilish;

qonunchilik hujjatlariga muvofiq takliflarga oʻzgartirishlar kiritish yoki ularni qaytarib olish (takliflar akseptlangunga qadar).

Platforma ishtirokchisi qonunchilik hujjatlariga va shartnomaga muvofiq boshqa huquqlarga ega boʻlishi mumkin.

11. Platforma ishtirokchisi:

ushbu Nizom talablariga rioya etishi;

taqdim etilgan axborotning ishonchliligini taʼminlashi;

savdolarda gʻolib deb topilgan taqdirda, qonunchilik hujjatlarida belgilangan tartibda va muddatda shartnoma tuzishi shart.

Platforma ishtirokchisi qonunchilik hujjatlariga va shartnomaga muvofiq boshqa majburiyatlarga ega boʻlishi mumkin.

12. Platforma ishtirokchisi oʻzi tomonidan taqdim etilgan elektron hujjat va xabarlarning, shuningdek, oʻtkaziladigan savdolar boʻyicha platformaga joylashtirgan axborotlarning mazmuni uchun javobgar hisoblanadi.

13. Davlat buyurtmachilari tomonidan energiya samarador qurilma va uskunalarni sotib olish hamda bino va inshootlarni energiya samaradorligi boʻyicha taʼmirlash va (yoki) qayta jihozlash xizmatlari bilan bogʻliq xaridlar ustuvor ravishda qonunchilikda belgilangan tartibda Platforma orqali raqobatli shaklda (elektron doʻkon, eng yaxshi takliflarni tanlash va tender mexanizmi asosida) oʻtkaziladi.

5-bob. Platformada eʼlonlarni joylashtirish tartibi

14. Yetkazib beruvchining platformaga mahsulotni yetkazib va oʻrnatib berish boʻyicha joylashtirgan taklifi talabgorlarga yuborilgan ommaviy oferta hisoblanadi.

15. Yetkazib beruvchi tomonidan platformaga joylashtiriladigan taklifda quyidagilar nazarda tutilishi lozim:

savdoga qoʻyilayotgan mahsulotning nomi;

mahsulotning markasi;

soni;

ishlab chiqaruvchi nomi;

texnik xususiyatlari;

quvvat oʻlchov birligi;

mahsulotning sotish narxi;

mahsulot ishlab chiqarilgan yil;

yaroqlilik muddati;

kafolat muddati;

yetkazib berish muddati;

yetkazib va oʻrnatib berish hududlari (viloyat, tuman);

tovar fotosurati.

16. Yetkazib beruvchining ofertasi u Platformaga joylashtirilib, savdolar uchun faollashtirilgan paytdan eʼtiboran oʻn besh ish kuni mobaynida amal qiladi. Ushbu muddat tugagandan soʻng yetkazib beruvchi uni yana oʻn besh ish kuniga aktivlashtirishga haqli.

17. Oferta talabgor tomonidan akseptlangunga qadar yetkazib beruvchi ofertani har qanday muddatda qaytarib olishga yoki unga oʻzgartirish va qoʻshimchalar kiritishga haqli hisoblanadi.

18. Platformada qayta tiklanuvchi energiya manbalari qurilmalarini (quyosh panellari, geliokollektor, issiqlik nasoslari) sotishni tashkil etish bilan bogʻliq xizmatlar uchun bitim summasidan 0,15 foiz, biroq bazaviy hisoblash miqdorining 2 baravaridan koʻp boʻlmagan miqdorda yetkazib beruvchidan komissiya undiriladi.

Bunda ushbu yigʻimdan tushadigan mablagʻning 60 foizi platforma operatori va 40 foizi Agentlik huzuridagi Energiya samaradorligini ragʻbatlantirish va qoʻllab-quvvatlash jamgʻarmasiga oʻtkaziladi.

6-bob. Savdolarni oʻtkazish tartibi

19. Platformada savdolar mahsulot narxi soʻrovidan foydalangan holda oʻtkaziladi.

20. Talabgor savdoning mahsulot narxi soʻrovi shaklida yetkazib beruvchi ofertasini oʻrganib chiqadi hamda oʻzi xohlagan mahsulotni tanlaydi va mahsulot narxi soʻrovi mexanizmidan foydalanadi.

21. Talabgorning mahsulot narxi soʻrovi offerentga va shunga oʻxshash mahsulotlarni taklif etayotgan barcha yetkazib beruvchiga mahsulot narxi talabida ishtirok etish uchun yuboriladi.

22. Yetkazib beruvchi mahsulot narxi soʻrovida ishtirok etish uchun taklif yuborilgan paytdan boshlab 24 soat ichida oʻz taklifini faqat bir marta taqdim etish huquqiga ega.

23. Yetkazib beruvchi tomonidan taqdim etilgan mahsulot narxi taklifi avtomatik ravishda platforma tomonidan taqqoslanadi.

24. Platforma bitimni talabgor tomonidan tanlangan yetkazib beruvchining ofertasida koʻrsatilgan shartlarga muvofiq va yetkazib beruvchi tomonidan taklif qilingan eng past narxda tuzadi.

25. Agar boshqa yetkazib beruvchi mahsulotning boshlangʻich narxidan past narxni taklif qilmasa, elektron tizim talabgor va u tanlagan oferta yetkazib beruvchisi oʻrtasidagi bitimni roʻyxatdan oʻtkazadi.

26. Bitim boʻyicha taraflarning huquq va majburiyatlari shartnoma elektron tizimda roʻyxatdan oʻtkazilgan paytdan boshlab kuchga kiradi.

27. Platformaning raqobatli shakllaridan foydalangan holda tuzilgan shartnomadagi mahsulot narxi oferta joylashtirilgan paytdan eʼtiboran 24 soatdan kam boʻlmagan vaqt mobaynida ikki va undan ortiq salohiyatli platforma ishtirokchilariga raqobatli takliflarni erkin ravishda topshirish imkoni berilgan taqdirda, bozor narxi deb eʼtirof etiladi.

7-bob. Hisob-kitoblarni amalga oshirish tartibi

28. Platformada bitimlar boʻyicha hisob-kitoblar HKKP orqali amalga oshiriladi. Bunda taraflar shartnoma taʼminoti sifatida zakalatdan foydalanadi.

29. Zakalat miqdori eʼlon joylashtirilgan vaqtda yetkazib beruvchi va talabgor uchun shartnoma qiymatining 3 foizi miqdorida belgilanadi.

30. Platforma ishtirokchilari roʻyxatdan oʻtgandan soʻng HKKPning “Oʻzbekiston respublika tovar-xom ashyo birjasi” AJga xizmat koʻrsatuvchi bankda ochilgan ikkilamchi hisobvaragʻiga savdolarda ishtirok etish hamda oʻz majburiyatini bajarish uchun mablagʻni oʻtkazadi. Jismoniy shaxslar savdolarda bank kartalaridan foydalangan holda ishtirok etishi mumkin.

31. Elektron kliring tizimi har bir savdodan oldin buyurtmalarning taʼminlangani boʻyicha nazoratni amalga oshiradi. Buyurtmalarning taʼminlangani savdolar doirasida tuziladigan bitimlarga muvofiq buyurtmalar boʻyicha nazorat qilinadi.

32. Talabgor savdolar doirasida tuzilgan shartnoma boʻyicha toʻlovlarni toʻliq hajmda amalga oshirish uchun ushbu shartnoma elektron tizimda roʻyxatga olingan paytdan boshlab 5 ish kunida oʻzining HKKPdagi hisobvaragʻiga mablagʻlarni oʻtkazadi. Bunda zakalat shartnoma boʻyicha toʻlov summasiga qoʻshib hisoblanishi mumkin.

33. Agar talabgor shartnomada belgilangan muddatda toʻlovni amalga oshirmasa, uning zakalati bir ish kuni mobaynida yetkazib beruvchining HKKPdagi tegishli hisobvaragʻiga oʻtkaziladi.

34. HKKP tuzilgan shartnoma boʻyicha talabgordan tushadigan toʻlov summasini band qilib qoʻyadi va mablagʻlar tushadigan kundan keyingi ish kunidan kechiktirmasdan bu toʻgʻrisida yetkazib beruvchiga xabarnoma yuboradi.

Ushbu xabarnoma yetkazib beruvchiga mahsulotni talabgorga yetkazib berish va oʻrnatish uchun asos boʻladi.

35. Yetkazib beruvchi HKKPdan mablagʻ tushgani toʻgʻrisidagi xabarnoma kelishidan oldin mahsulotni talabgorga yetkazib bergan taqdirda, talabgor tomonidan qabul qilingan mahsulot boʻyicha toʻlov amalga oshirilmasligi bilan bogʻliq xatarlar yetkazib beruvchining zimmasida boʻladi.

36. Yetkazib beruvchi tomonidan mahsulot yetkazib va oʻrnatib berilgandan soʻng yetkazib beruvchi bu toʻgʻrisidagi axborotni mahsulot yetkazib va oʻrnatib berilgan kundan boshlab bir ish kuni mobaynida, lekin bitim shartlaridagi mahsulotni oxirgi yetkazib berish kunidan kechiktirmasdan, oʻzining shaxsiy kabineti orqali HKKP va talabgorga taqdim etadi.

37. Talabgor bitim boʻyicha mahsulot yetkazib va oʻrnatib berilgani toʻgʻrisidagi axborotni olgandan keyin ikki ish kuni mobaynida uni tasdiqlashi yoki rad etishi toʻgʻrisidagi axborotni oʻzining shaxsiy kabineti orqali platformaga joylashtirishga majbur hisoblanadi.

Mahsulot yetkazib va oʻrnatib berilgani toʻgʻrisidagi axborot talabgor tomonidan belgilangan muddatda tasdiqlanmaganda yoki rad etilmaganda, mahsulot yetkazib berilgan deb hisoblanadi.

38. Platforma tuzilgan shartnomaga muvofiq mahsulot toʻliq hajmda yetkazilgan va oʻrnatilgani haqidagi maʼlumotni olgandan soʻng bir ish kuni mobaynida:

elektron toʻlov topshiriqnomasini shakllantiradi va platforma operatoriga xizmat koʻrsatuvchi bankka yuboradi, bank esa toʻlov topshiriqnomasini olgandan soʻng bir ish kuni mobaynida talabgorning mablagʻini yetkazib beruvchiga yuboradi;

yetkazib beruvchining zakalatiga qoʻyilgan bandni bekor qiladi va zakalatni yetkazib beruvchining shaxsiy hisobvaragʻiga qaytaradi (zakalat shartnoma boʻyicha toʻlash summasiga qoʻshib hisoblangan hollar bundan mustasno).

39. Tuzilgan shartnoma boʻyicha mahsulot yetkazib va oʻrnatib berilgani toʻgʻrisidagi axborot yetkazib beruvchi tomonidan taqdim qilinmaganda, HKKP ushbu shartnoma boʻyicha mahsulotni yetkazib va oʻrnatib berish muddati tugagandan soʻng uch ish kuni mobaynida talabgorning bitim boʻyicha mablagʻiga qoʻyilgan bandni bekor qiladi.

8-bob. Yakunlovchi qoidalar

40. Tomonlar oʻrtasida yuzaga kelgan nizolar “Oʻzbekiston respublika tovar-xom ashyo birjasi” AJning Arbitraj komissiyasi yoki sud tartibida hal etiladi.

41. Platforma operatori ushbu Nizom va boshqa qonunchilik hujjatlari talablariga rioya etmagan platforma ishtirokchisini savdolarda ishtirok etishdan chetlatishga haqli.

42. Ushbu Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Vazirlar Mahkamasining 2025-yil 24-oktabrdagi 673-son qaroriga 6-ILOVA

Tijorat banklari tomonidan toʻqimachilik sanoati korxonalarining oʻz ehtiyojlari uchun quyosh panellarini xarid qilish va oʻrnatishga ajratiladigan kreditlari boʻyicha foiz toʻlovlarining bir qismini kompensatsiya qilish tartibi toʻgʻrisida

1-bob. Umumiy qoidalar

1. Ushbu Nizom tijorat banklari tomonidan toʻqimachilik sanoati korxonalari (keyingi oʻrinlarda — korxonalar)da oʻz ehtiyojlari uchun quyosh panellarini xarid qilish va oʻrnatishga ajratiladigan kreditlari boʻyicha foiz toʻlovlarining bir qismini Vazirlar Mahkamasi huzuridagi Energiya samaradorligi milliy agentligi (keyingi oʻrinlarda — Agentlik) tomonidan kompensatsiya qilish tartibini belgilaydi.

2. Ushbu Nizomda quyidagi asosiy tushunchalardan foydalaniladi:

yetkazib beruvchilar — platforma orqali quyosh panellarini yetkazib berish va oʻrnatishni taklif etuvchi yuridik shaxslar;

kompensatsiya — korxonalarning ishlab chiqarish ehtiyojlari uchun quyosh panellarini xarid qilish va oʻrnatishga ajratiladigan kreditlar boʻyicha foiz toʻlovlarining bir qismini qoplab berish uchun Agentlik tomonidan tijorat banklarining tegishli hisobvaraqlariga oʻtkaziladigan mablagʻ;

korxonalar — toʻqimachilik sanoati korxonalari;

platforma — Energiya samaradorligi milliy agentligining Energiya samaradorligini oshirish raqamli platformasi.

quyosh panellari — quyosh nurlaridan elektr energiyasi ishlab chiqarishga moʻljallangan qurilma;

3. Ushbu Nizomga muvofiq kompensatsiya ajratish uchun Agentlik va tijorat banki oʻrtasida Bosh kelishuv (keyingi oʻrinlarda — kelishuv) tuziladi va kelishuv shartlari tijorat banklari tomonidan kelishuv tuzilgan sanadan keyin ajratiladigan kreditlar uchun tatbiq etiladi.

2-bob. Kompensatsiya ajratish tartibi

4. Kompensatsiyalar tijorat banklariga ushbu Nizomga 1-ilovada keltirilgan sxemaga muvofiq Agentlik tomonidan ajratiladi.

5. Kompensatsiya Agentlikning yagona reyestriga kiritilgan energiya auditorlari tomonidan belgilangan tartibda energiya auditidan oʻtgan hamda quyosh panellarini platforma orqali xarid qilgan va oʻrnatgan korxonalarga ajratiladi.

Energiya auditidan oʻtkazishdan oldin auditor energiya auditidan oʻtkazish dasturini shakllantiradi va “Hududiy elektr tarmoqlari” AJ bilan kelishilgan holda ishlab chiqarilgan elektr energiyasini elektr tarmogʻi xoʻjaligi obyektlariga ulash yuzasidan tegishli xulosasini oladi.

6. Energiya auditini oʻtkazish bilan bogʻliq xarajatlar korxonalarning oʻz mablagʻlari hisobidan amalga oshiriladi.

7. Kompensatsiya korxonalarga Markaziy bank qayta moliyalashtirish stavkasidan yuqori va 1,75 baravaridan oshmagan stavkada milliy valyutada 2 milliard soʻmgacha ajratiladigan kreditlarning 10 foizigacha miqdorda uch yildan ortiq boʻlmagan muddatga Agentlik mablagʻlari hisobidan ajratiladi.

8. Kompensatsiyalar 3 yillik davr uchun:

dastlabki 12 oylik muddat uchun toʻliq;

keyingi ikki yil uchun, har yili korxonada oldingi yildagi kompensatsiya hisobidan boʻshagan (iqtisod qilingan) mablagʻlarni toʻliq energiya samaradorligini oshirish tadbirlariga yoʻnaltirilgani tasdiqlanganida ajratiladi.

Bunda korxonadagi energiya samaradorligini oshirish tadbirlari natijalari energiya auditorlari tomonidan oʻtkazilgan verifikatsiya asosida aniqlanadi va xulosa bilan rasmiylashtiriladi.

9. Bir korxona tomonidan bir vaqtning oʻzida quyosh panelini xarid qilish va oʻrnatish bilan bogʻliq ikkita kredit boʻyicha kompensatsiya olinishiga yoʻl qoʻyilmaydi. Bunda kompensatsiya birinchi olingan kredit boʻyicha ajratiladi.

10. Korxona energiya auditori xulosasi asosida quyosh panellarini xarid qilish va oʻrnatish uchun platforma orqali ariza yuboradi.

11. Ariza berilgan kundan boshlab uch ish kunida platforma orqali eng arzon narxlarni taklif qilgan yetkazib beruvchilar va korxona oʻrtasida elektron shartnoma rasmiylashtiriladi.

12. Korxona kredit va kompensatsiya olish uchun platforma orqali korxonaning energiya auditori hamda yetkazib beruvchilar bilan tuzilgan shartnomasi va boshqa zarur boʻlgan hujjatlarni ilova qilgan holda tijorat bankiga murojaat qiladi.

13. Tijorat banki bosh ofisi har oyda, keyingi oyning 10-sanasiga qadar korxonalar tomonidan oʻziga tegishli foiz toʻlovi toʻlagandan soʻng, kredit berilgan korxonalar uchun kompensatsiya ajratish yuzasidan Agentlikka quyidagi hujjatlarni ilova qilgan holda platforma orqali murojaat qiladi:

ushbu Nizomga 2-ilovaga muvofiq shaklda kompensatsiya ajratish toʻgʻrisida buyurtmanoma;

quyosh panellarni xarid qilish va oʻrnatish boʻyicha kredit shartnomalari nusxasi, kreditlar ajratilgan korxonalarning roʻyxati (kredit oluvchining STIR, kredit summasi, kredit muddati, foiz stavkasi, kredit maqsadi, qaytarish jadvali shakli, kredit berilgan sana, kreditni qaytarish sanasi, 16325-hisobvaragʻidagi hisoblangan foizlar, energiya auditi shartnomasi raqami va sanasi hamda boshqa maʼlumotlar).

14. Buyurtmanoma hamda korxonalar boʻyicha koʻrsatilgan maʼlumotlarning haqqoniyligi boʻyicha tijorat bankining buyurtmanomani imzolagan mansabdor shaxsi javobgar hisoblanadi.

15. Ushbu Nizomning 13-bandida nazarda tutilgan buyurtmanoma va unga ilova qilingan hujjatlar Agentlikka kelib tushgan sanadan boshlab uch ish kuni ichida Agentlik tomonidan koʻrib chiqiladi hamda ushbu Nizom talablaridan kelib chiqib, kompensatsiya ajratishni maʼqullash yoki rad etish toʻgʻrisida platforma orqali maʼlum qilinadi.

Rad etilgan buyurtmanoma tijorat bankiga bir ish kunida kompensatsiya ajratishni rad etish asoslarini koʻrsatgan holda qaytariladi.

Bunda kompensatsiya ajratish quyidagi holatlarda rad etilishi mumkin:

qarz oluvchi korxona tomonidan oʻziga tegishli foiz toʻlovi toʻlanmaganda;

quyosh panellarini xarid qilish va oʻrnatish boʻyicha kreditlar maqsadsiz ishlatilgani holati aniqlanganda;

buyurtmanomada koʻrsatilgan kompensatsiya miqdorlari ushbu Nizomga mos kelmaganda yoki kredit muddati uzaytirilganda;

ajratilgan kredit boʻyicha muddati oʻtgan qarzdorlik 90 kundan oshib ketganda;

kredit avvalgi yillarda xarid qilingan quyosh panellari uchun ajratilganda;

hujjatlardagi maʼlumotlar haqiqatda oʻrnatilgan quyosh paneli maʼlumotlariga mos boʻlmaganda;

buyurtmanomada koʻrsatilgan kreditlar kelishuv rasmiylashtirishdan oldin berilganda.

16. Agentlik tomonidan kompensatsiya ajratilishi rad etilganda tijorat banki bir ish kuni ichida bu haqida hududiy filialini va qarz oluvchi korxonani xabardor qiladi.

17. Kompensatsiya ajratish maʼqullangan buyurtmanoma boʻyicha kompensatsiya mablagʻlari Agentlik tomonidan uch ish kuni ichida tijorat bankining alohida ochilgan hisobvaragʻiga oʻtkazib beriladi.

Bunda kompensatsiya toʻlovlari Agentlik huzuridagi Energiya samaradorligini ragʻbatlantirish va qoʻllab-quvvatlash jamgʻarmasiga Davlat budjetidan ajratilgan mablagʻlar hisobidan amalga oshiriladi.

Qarz oluvchi korxonalarning kredit toʻlovlarini qaytarish grafiklaridagi oʻzgarishlar inobatga olinmasligi natijasida ortiqcha kompensatsiya toʻlovlari yuzaga kelganda, ushbu mablagʻlar tijorat bankining oʻz mablagʻlari hisobidan Agentlikka qaytarib toʻlab beriladi.

18. Kompensatsiya berilishi hisobidan korxonalarda boʻshagan (iqtisod qilingan) mablagʻlar maqsadli ravishda toʻliq mazkur korxonalarda energiya samaradorligini oshirish bilan bogʻliq tadbirlarga yoʻnaltirilishi shart.

3-bob. Kompensatsiya hisobini yuritish

19. Tijorat banki kompensatsiya shartnomalariga asosan hisoblangan va Agentlik tomonidan kompensatsiya ajratilgan foiz toʻlovlarining hisobini alohida 16325 balans hisobvaraqlarida yuritadi.

20. Agentlik kompensatsiyasi bank roʻyxati asosida bir qancha kredit shartnomalari boʻyicha bankning 29801 tranzit hisobvaragʻiga oʻtkaziladi.

Bunda 29801 tranzit hisobvaragʻiga tushadigan mablagʻlar bankning 16325 hisobvaragʻiga avtomatik ravishda oʻtkaziladi.

Korxona va bank oʻrtasidagi tuzilgan kredit shartnomasi shartlari oʻzgarganda, ilgari tasdiqlangan va hisoblangan kompensatsiya miqdori oshirilmaydi.

21. Korxonalar kreditni kechiktirib, muddati oʻtganidan soʻng qaytargan hollarda, ajratiladigan kompensatsiya summasi tasdiqlangan qaytarish jadvalida qayd etilgan summadan oshmasligi lozim.

Qarz oluvchi korxona shartnomaning toʻlov jadvaliga muvofiq oʻziga tegishli boʻlgan kredit foiz toʻlovlarini (kompensatsiyadan tashqari) toʻliq toʻlagan boʻlishi shart.

22. Tijorat banklari korxona bilan tuzilgan kredit shartnomalari asosida belgilangan tartibda kreditlardan maqsadli foydalanilishini oʻrganish yuzasidan joyiga chiqqan holda monitoring qilib boradi.

23. Quyidagi holatlar aniqlanganda, tijorat banklari tomonidan platforma orqali ikki ish kunida kompensatsiya ajratishni toʻxtatish boʻyicha Agentlikka xabarnoma yuborilishi shart:

foiz toʻlovlari kompensatsiya qilinadigan kreditdan maqsadsiz foydalanilganlik holati aniqlanganda;

korxona toʻlovlar jadvaliga muvofiq toʻlovlarni toʻlash majburiyatlarini uch oy ketma-ket bajarmaganda;

korxona tomonidan kredit summasi muddatidan oldin soʻndirilganda;

tijorat banki va korxona oʻrtasida kredit shartnomasi bekor qilinganda yoki haqiqiy emas deb topilganda;

korxonaning bank hisobvaragʻidagi mablagʻlari xatlovga olinganda;

korxona tomonidan kredit olish uchun taqdim etilgan hujjatlarida ishonchsiz yoki notoʻgʻri maʼlumotlar mavjudligi aniqlanganda;

qarz oluvchining kompensatsiyani toʻxtatish toʻgʻrisidagi murojaati mavjud boʻlganda;

kredit shartnomasi toʻliq bekor qilinganda yoki qarz majburiyatlari boshqa shaxsga oʻtkazilganda;

korxona oʻz faoliyatini toʻxtatganda.

24. Ushbu Nizomning 23-bandida nazarda tutilgan holatlar aniqlangani toʻgʻrisidagi tijorat banklarining tegishli xabarnomasi olingan sanadan boshlab ikki ish kunida Agentlik kompensatsiya ajratishni toʻxtatish boʻyicha tegishli qaror qabul qiladi va platforma orqali tijorat bankiga xabarnoma yuboradi.

25. Agentlikning tegishli xabarnomasi olinganidan soʻng tijorat banki bir ish kunida foiz toʻlovlarining bir qismini kompensatsiya qilish toʻxtatilgani boʻyicha korxonani xabardor qiladi.

26. Kompensatsiya ajratishni qayta tiklashga ushbu Nizomning 23-bandi uchinchi , oltinchi va yettinchi xatboshilarda koʻrsatilgan holatlar bartaraf etilganidan soʻng ruxsat beriladi.

27. Tijorat banki har oyda, hisobot oyidan keyingi oyning 5-sanasiga qadar Agentlikka kompensatsiya mablagʻlarining korxonalar kesimida sarflanishi, kreditlarning soʻndirilish sanasi va boshqa maʼlumotlar boʻyicha hisobot taqdim etib boradi.

4-bob. Yakunlovchi qoidalar

28. Taraflar oʻrtasida yuzaga keladigan nizolar belgilangan tartibda sud tomonidan hal etiladi.

29. Ushbu Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Tijorat banklari tomonidan toʻqimachilik sanoati korxonalarining oʻz ehtiyojlari uchun quyosh panellarini xarid qilish va oʻrnatishga ajratiladigan kreditlari boʻyicha foiz toʻlovlarining bir qismini kompensatsiya qilish tartibi toʻgʻrisidagi nizomga 1-ILOVA

Tijorat banklari tomonidan toʻqimachilik sanoati korxonalarining oʻz ehtiyojlari quyosh panellarini oʻrnatishga ajratiladigan kreditlari boʻyicha foiz toʻlovlarining bir qismini kompensatsiya qilish

Bosqichlar Subyektlar Tadbirlar Ijro muddati 1-bosqich Toʻqimachilik sanoati korxonasi Toʻqimachilik sanoati korxonasi tijorat banki yoki uning hududiy filialiga oʻz ehtiyojlari uchun quyosh panellari xarid qilish uchun kredit ajratish toʻgʻrisida murojaat qiladi. Zaruratga koʻra 2-bosqich Tijorat banki Quyosh panellari xarid qilish uchun kredit foiz toʻlovlarining bir qismini qoplash uchun kompensatsiya ajratish boʻyicha buyurtmanoma, kreditlar ajratilgan korxonalarning roʻyxatini Agentlikka taqdim etadi. Har oyning 10-sanasiga qadar 3-bosqich Agentlik, tijorat banki 1. Agentlik tijorat banki tomonidan yuborilgan buyurtmanomalarni koʻrib chiqadi hamda belgilangan talablardan kelib chiqib, kompensatsiya ajratishni maʼqullaydi yoki kompensatsiya ajratishni rad etadi. 3 ish kuni ichida 2. Agentlik tomonidan rad etilgan buyurtmanoma tijorat bankiga rad etish sabablari koʻrsatilgan holda xat orqali yuboriladi. 1 ish kuni ichida 3. Tijorat banki qarz oluvchi korxonani kompensatsiya ajratilishi toʻgʻrisida xat orqali xabardor qiladi. 1 ish kuni ichida 4-bosqich Agentlik Kompensatsiya ajratish maʼqullangan buyurtmanomalar boʻyicha mablagʻlarni tijorat bankining alohida ochilgan hisobvaragʻiga oʻtkazib beradi. 3 ish kuni ichida

Tijorat banklari tomonidan toʻqimachilik sanoati korxonalarining oʻz ehtiyojlari uchun quyosh panellarini xarid qilish va oʻrnatishga ajratiladigan kreditlari boʻyicha foiz toʻlovlarining bir qismini kompensatsiya qilish tartibi toʻgʻrisidagi nizomga 2-ILOVA

Toʻqimachilik sanoati korxonalarining oʻz ehtiyojlari uchun quyosh panellarini oʻrnatish uchun ajratiladigan kreditlar boʻyicha foiz toʻlovlarining bir qismini qoplab berish toʻgʻrisida BUYURTMANOMA 20___ yil __________ Buyurtmanoma beruvchi: _______________________________ banki Buyurtmanomani qabul qiluvchi: Energiya samaradorligi milliy agentligi Kompensatsiya summasi: _________________________ Hisobvaraq: _______________________ Quyosh panellarini xarid qilish va oʻrnatish uchun kredit ajratilgan korxonalar roʻyxati ilova qilinmoqda. Buyurtmanoma beruvchi: _______________________________ banki Boshqaruv raisi _________________________ F.I.O.

Vazirlar Mahkamasining 2025-yil 24-oktabrdagi 673-son qaroriga 7-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining 2011-yil 7-yanvardagi 6-son qarori bilan tasdiqlangan Yakka tartibdagi tadbirkorlar shugʻullanishi mumkin boʻlgan faoliyat turlari roʻyxati quyidagi mazmundagi 92-pozitsiya bilan toʻldirilsin:

“ 92. Energiya auditorlik xizmatlari ”.

2. Vazirlar Mahkamasining 2019-yil 9-fevraldagi 108-son qarori bilan tasdiqlangan Oʻzbekiston Respublikasi Energetika vazirligi toʻgʻrisidagi nizomda :

a) 2-bandda :

uchinchi xatboshidagi “va ijtimoiy sohada” soʻzlari “jumladan, neft-gaz va elektr energetika sohasida (tabiiy gaz, suyultirilgan gaz, neft mahsulotlari, koʻmir, elektr energiyasi va boshqalar)” soʻzlari bilan almashtirilsin;

toʻrtinchi xatboshidagi “va ijtimoiy sohaning” soʻzlari “jumladan, neft-gaz va elektr energetika sohasida (tabiiy gaz, suyultirilgan gaz, neft mahsulotlari, koʻmir, elektr energiyasi va boshqalar)” soʻzlari bilan almashtirilsin;

beshinchi xatboshi “Respublika komissiyasining” soʻzlaridan soʻng “neft-gaz va elektr energetika sohasi hamda qayta tiklanuvchi energiya manbalarini rivojlantirishga oid masalalari boʻyicha” soʻzlari bilan toʻldirilsin;

b) 10-bandda :

toʻqqizinchi xatboshi “joriy qilinishini ragʻbatlantirish,” soʻzlaridan keyin “ushbu tashkilotlarda” soʻzlari bilan toʻldirilsin;

oʻn beshinchi va oʻn oltinchi xatboshilar quyidagi tahrirda bayon etilsin:

“iqtisodiyot tarmoqlari, jumladan, neft-gaz va elektr energetika sohasida (tabiiy gaz, suyultirilgan gaz, neft mahsulotlari, koʻmir, elektr energiyasi va boshqalar) energiya samaradorligini oshirish, ushbu yoʻnalishlarda energiya sarfi hajmini pasaytirish sohasida yagona davlat siyosatini yuritish, shuningdek, sohada energiya tejovchi ilgʻor texnologiyalar faol joriy etilishini ragʻbatlantirish;

“iqtisodiyot tarmoqlari, jumladan, neft-gaz va elektr energetika sohasida (tabiiy gaz, suyultirilgan gaz, neft mahsulotlari, koʻmir, elektr energiyasi va boshqalar) energiya samaradorligini oshirish maqsadida ilmiy-tadqiqot ishlarini tashkil etish va amalga oshirish orqali investitsiya loyihalari boʻyicha takliflar ishlab chiqish”.

3. Vazirlar Mahkamasining “Yashil isteʼmol krediti boʻyicha foiz toʻlovlarining bir qismini qoplab berish tartibi toʻgʻrisidagi nizomni tasdiqlash haqida” 2023-yil 29-sentabrdagi 517-son qarorida :

a) 2-bandning uchinchi xatboshisi quyidagi tahrirda bayon etilsin:

“qiymati bazaviy hisoblash miqdorining 500 baravaridan oshmagan “yashil” isteʼmol kreditlari boʻyicha kredit foiz stavkasining 19 foizidan oshgan qismi, biroq 4 foizlik banddan oshmagan miqdorda tijorat banklariga 5 yil muddat davomida toʻlab beriladi”;

b) 3-bandning ikkinchi xatboshisidagi “Energetika vazirligi huzuridagi budjetdan tashqari Tarmoqlararo energiyani tejash jamgʻarmasi” soʻzlari “Vazirlar Mahkamasi huzuridagi Energiya samaradorligi milliy agentligining Energiya samaradorligini ragʻbatlantirish va qoʻllab-quvvatlash jamgʻarmasi” soʻzlari bilan almashtirilsin;

v) 1-ilovada :

1-banddagi “Energetika vazirligi huzuridagi budjetdan tashqari Tarmoqlararo energiyani tejash jamgʻarmasi” soʻzlari “Vazirlar Mahkamasi huzuridagi Energiya samaradorligi milliy agentligining Energiya samaradorligini ragʻbatlantirish va qoʻllab-quvvatlash jamgʻarmasi” soʻzlari bilan almashtirilsin;

6-band quyidagi tahrirda bayon etilsin:

“6. Jamgʻarma tomonidan qiymati bazaviy hisoblash miqdorining 500 baravaridan oshmagan “yashil” isteʼmol kreditlari boʻyicha kredit foiz stavkasining 19 foizidan oshgan qismi, biroq 4 foizlik banddan oshmagan miqdorda tijorat banklariga 5 yil muddat davomida toʻlab beriladi”.

4. Vazirlar Mahkamasining “Qayta tiklanuvchi energiya manbalari asosida energiya taʼminotini tashkil etish sohasini tartibga solish va rivojlantirish toʻgʻrisida” 2024-yil 8-yanvardagi 13-son qarorida :

3-band quyidagi mazmundagi ikkinchi xatboshi bilan toʻldirilsin:

“Vazirlar Mahkamasi huzuridagi Energiya samaradorligi milliy agentligi “Yashil energiya” axborot tizimidan oʻz faoliyat yoʻnalishi boʻyicha erkin foydalanish huquqiga ega”;

ikkinchi — toʻrtinchi xatboshilar tegishlicha uchinchi — beshinchi xatboshilar deb hisoblansin.

5. Vazirlar Mahkamasining 2024-yil 19-oktabrdagi 690-son qarori bilan tasdiqlangan Yoqilgʻi-energetika resurslari isteʼmolchilarini majburiy energiya auditidan oʻtkazish tartibi toʻgʻrisidagi nizomda :

a) 5-bandning birinchi va ikkinchi xatboshilaridagi “Energetika vazirligi” soʻzlari “ Vazirlar Mahkamasi huzuridagi Energiya samaradorligi milliy agentligi” soʻzlari bilan almashtirilsin;

b) 7-band “isteʼmolchi mablagʻlari” soʻzlaridan keyin “va (yoki) energiya servis kompaniyalari mablagʻlari” soʻzlari bilan toʻldirilsin;

v) 14-band “Energetika vazirligi” soʻzlaridan keyin “ Vazirlar Mahkamasi huzuridagi Energiya samaradorligi milliy agentligi” soʻzlari bilan toʻldirilsin.

6. Vazirlar Mahkamasining “Oʻzbekiston Respublikasi Vazirlar Mahkamasi huzuridagi Energiya samaradorligi milliy agentligi faoliyatini tashkil etish chora-tadbirlari toʻgʻrisida” 2025-yil 2-maydagi 292-son qarorida :

a) 2-ilovada :

21-band quyidagi mazmundagi uchinchi xatboshi bilan toʻldirilsin:

“Hayʼat faoliyatining tartibi Hayʼat tomonidan tasdiqlanadigan reglament bilan belgilanadi”;

33-band quyidagi mazmundagi ikkinchi xatboshi bilan toʻldirilsin:

“Xodimlarning mehnatiga haq toʻlash fondi lavozim maoshi, koʻp yillik xizmati uchun ustama, mukofotlar, shu jumladan, bayram kunlari uchun mukofotlar, qoʻshimcha haqlar va ustamalar, ragʻbatlantirish toʻlovlaridan, shuningdek, qonunchilik hujjatlarida nazarda tutilgan boshqa toʻlovlardan iborat”;

34-band quyidagi tahrirda bayon etilsin:

“34. Agentlik xodimlariga Oʻzbekiston Respublikasi Davlat budjeti mablagʻlaridan:

Agentlik xodimlari uchun Yagona tarif setkasi boʻyicha tasdiqlangan razryadlarga muvofiq lavozim maoshi, bunda lavozim maoshini hisoblashda tasdiqlangan tarif razryadlari tarif koeffitsiyenti 1,8 baravarga oshirilgan miqdorda qoʻllanadi.

Davlat tashkilotida va davlat ishtirokidagi tashkilotlarida koʻp yillik xizmat uchun har oyda quyidagi miqdorda ustama haqlar (ragʻbatlantirish koeffitsiyentini hisobga olgan holda, lavozim maoshiga nisbatan oshirilgan tarif koeffitsiyenti hisobida):

1 yildan 3 yilgacha — 0,3;

3 yildan 5 yilgacha — 0,6;

5 yildan 10 yilgacha — 0,8;

10 yildan 15 yilgacha — 1,0;

15 yildan 20 yilgacha — 1,2;

20 yildan ortiq — 1,5.”;

b) 3-ilovada :

3-band quyidagi mazmundagi toʻrtinchi-beshinchi xatboshilar bilan toʻldirilsin:

“energiyani meʼyordan ortiqcha isteʼmol qilganlik uchun korxonalarga qoʻllanadigan oshirilgan tariflardan tushumlar;

Energiya samaradorligini oshirish raqamli platformasi operatori — “Oʻzbekiston respublika tovar-xom ashyo birjasi” AJning platformada xizmatlarni koʻrsatish uchun olinadigan komissiyaning 40 foizi;

energiya samaradorligi loyihalarini amalga oshirishda buyurtmachini saqlash xarajatlari uchun ajratiladigan mablagʻlar;”;

toʻrtinchi — yettinchi xatboshilar tegishincha oltinchi — oʻninchi xatboshilar deb hisoblansin;

6-band quyidagi tahrirda bayon etilsin:

“6. Jamgʻarma mablagʻlari hisobidan Agentlik xodimlarini quyidagi shakllarda moddiy ragʻbatlantirish ustamalari va ijtimoiy qoʻllab-quvvatlash (moddiy yordam) toʻlovlari amalga oshiriladi:

a) Agentlik rahbar va xodimlarini moddiy jihatdan qoʻllab-quvvatlash maqsadida Agentlik direktori tomonidan xodimlarga lavozim maoshiga (lavozim maoshiga nisbatan ragʻbatlantirish koeffitsiyentlari hisobga olingan holda) nisbatan 200 foizgacha boʻlgan miqdorda har oylik ustamalar;

b) Agentlik direktori tomonidan Jamgʻarma mablagʻlari hisobidan Oʻzbekiston Respublikasi Prezidenti Administratsiyasi, Vazirlar Mahkamasining alohida topshiriqlarini sidqidildan bajarayotgan, samarali faoliyat koʻrsatayotgan Agentlik xodimlari sonining 30 foizidan oshmagan qismiga oylik lavozim maoshining 100 foizigacha (ragʻbatlantirish koeffitsiyentlari hisobga olingan holda) shaxsiy ustamalar;

v) qonunchilikda belgilangan tartibda Oʻzbekiston Respublikasining Mehnat kodeksi 208-moddasida keltirilgan bayramlar munosabati bilan lavozim maoshining (ragʻbatlantirish koeffitsiyentlari hisobga olingan holda) nisbatan bir baravari miqdorida bir martalik mukofot puli;

g) har oyda (jamoa shartnomasiga muvofiq) yoʻl-transport xarajatlari uchun bazaviy hisoblash miqdorining bir baravarigacha hamda xodimning ovqatlanishi xarajatlariga koʻmaklashish maqsadida bazaviy hisoblash miqdorining ikki baravarigacha miqdorda toʻlovlar;

d) qishloq xoʻjaligi mahsulotlarini sotib olish uchun yilda bir marta (sentabr — noyabr oylarida) bazaviy hisoblash miqdorining oʻn baravarigacha miqdorida moddiy yordam puli;

e) zarur hollarda (ragʻbatlantiruvchi koeffitsiyentni hisobga olgan holda) bir oylik lavozim maoshi miqdorida (kam taʼminlangan oilalar, xodimning davolanishi, 50, 55, 60 yubiley yoshi munosabati bilan, shuningdek, pensiyaga chiqqanda, toʻy, dafn marosimi va boshqalar uchun) xodimlarga kasaba uyushmasi bilan kelishilgan moddiy yordam puli beriladi”;

10-band quyidagi mazmundagi yettinchi xatboshi bilan toʻldirilsin:

“Vazirlar Mahkamasi bilan kelishgan holda Jamgʻarma mablagʻlaridan foydalanish yoʻnalishlariga oʻzgartirishlarni kiritadi”;

quyidagi mazmundagi 10 1 -band bilan toʻldirilsin:

“10 1 . Kengashga rais rahbarlik qiladi va Kengashning vazifalari, vakolatlari va uning faoliyatini tashkil etish tartibi Kengash raisi tomonidan tasdiqlanadigan nizomga muvofiq belgilanadi”.

7. Vazirlar Mahkamasining “Energiya samaradorligini oshirishga qaratilgan loyihalarni jadallashtirish chora-tadbirlari toʻgʻrisida” 2025-yil 7-maydagi 300-son qarorida :

a) 1-bandning ikkinchi va toʻrtinchi xatboshilaridagi , 1 va 3-ilovaning nomidagi “2025-yilda” soʻzlari “2025-2026-yillarda” soʻzlari bilan almashtirilsin;

b) 7-ilovada:

2-banddagi “va xarid qilish tartib-taomillarini elektron shaklda oʻtkazmasdan” soʻzlari “va xarid qilish tartib-taomillarini elektron shaklda oʻtkazmasdan hamda toʻgʻridan-toʻgʻri tanlab olish natijalari boʻyicha tuzilgan shartnoma toʻgʻrisidagi axborot maxsus axborot portaliga joylashtirilmasdan” soʻzlari bilan almashtirilsin;.

3-banddagi “geliokollektorlar bilan jihozlash” soʻzlaridan keyin “, nostandart, issiqlik energiyasi yoʻqotishlari mavjud hamda tabiiy gaz isteʼmoli yuqori boʻlgan isitish qozonlarini yaxshilash” soʻzlari bilan toʻldirilsin.

8. Vazirlar Mahkamasining 2025-yil 21-maydagi 325-son qarori bilan tasdiqlangan Vazirliklar, qoʻmitalar va idoralarning budjetdan tashqari jamgʻarmalariga yoʻnaltiriladigan davlat bojlari, yigʻimlar va soliq boʻlmagan toʻlovlardan, maʼmuriy va moliyaviy jazolardan ajratmalar miqdorlari quyidagi mazmundagi 49-pozitsiya bilan toʻldirilsin:

“ 49. Vazirlar Mahkamasi huzuridagi Energiya samaradorligi milliy agentligi davlat ulushi boʻyicha dividendlar hisobidan neft-gaz va elektr energetikasi tarmoqlari korxonalarining sof foydasidan oʻtkazmalar 5 energiyani meʼyordan ortiqcha isteʼmol qilganlik uchun korxonalarga qoʻllanadigan oshirilgan tariflardan tushumlar 100 Energiya samaradorligini oshirish raqamli platformasi operatori — “Oʻzbekiston respublika tovar-xom ashyo birjasi” AJning platformada xizmatlarni koʻrsatish uchun olinadigan komissiya 40 ” .

Vazirlar Mahkamasining 2025-yil 24-oktabrdagi 673-son qaroriga 8-ILOVA

Oʻzbekiston Respublikasi Hukumatining oʻz kuchini yoʻqotgan deb hisoblanayotgan ayrim qarorlari

1. Vazirlar Mahkamasining “Energiya servis xizmatlari koʻrsatish tartibi toʻgʻrisidagi Nizomni tasdiqlash haqida” 2018-yil 18-iyuldagi 551-son qarori .

2. Vazirlar Mahkamasining “Oʻzbekiston Respublikasi Energetika vazirligi huzuridagi budjetdan tashqari Tarmoqlararo energiyani tejash jamgʻarmasi toʻgʻrisidagi nizomni tasdiqlash haqida” 2020-yil 9-oktabrdagi 640-son qarori .

3. Vazirlar Mahkamasining “Energiya samarador va energiya tejovchi qurilmalarni xarid qilish hamda ushbu maqsadlar uchun olingan kreditlar boʻyicha foiz xarajatlarining bir qismini qoplash uchun Oʻzbekiston Respublikasi Davlat budjeti mablagʻlari hisobidan kompensatsiya ajratish tartibi toʻgʻrisidagi nizomni tasdiqlash haqida” 2021-yil 14-apreldagi 217-son qarori .

4. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasining “Normativ-huquqiy hujjatlar toʻgʻrisida” 2021-yil 20-apreldagi OʻRQ-682-son Qonuni) 2022-yil 4-apreldagi 153-son qaroriga ilovaning 919-bandi .

5. Vazirlar Mahkamasining “Aholining mahalliy ishlab chiqaruvchilar tomonidan ishlab chiqarilgan qayta tiklanuvchi energiya manbalarining qurilmalarini xarid qilish xarajatlarining bir qismini kompensatsiya qilish yoki boʻlib-boʻlib toʻlagan holda sotib olish tartibi toʻgʻrisidagi nizomni tasdiqlash haqida” 2022-yil 5-oktabrdagi 568-son qarori .

6. Vazirlar Mahkamasining “Toʻlovga qobiliyatsizlik sohasidagi qonunchilik hujjatlari takomillashtirilganligi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2023-yil 21-iyuldagi 304-son qaroriga ilovaning 57-bandi .

7. Vazirlar Mahkamasining “Yashil” isteʼmol krediti boʻyicha foiz toʻlovlarining bir qismini qoplab berish tartibi toʻgʻrisidagi nizomni tasdiqlash haqida” 2023-yil 29-sentabrdagi 517-son qarorining 1 va 4-bandlari hamda qarorga 2-ilova .

8. Vazirlar Mahkamasining “Qayta tiklanuvchi energiya manbalaridan foydalanish kengaytirilishi hamda tarif islohotlarining tizimli amalga oshirilishi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2024-yil 27-dekabrdagi 894-son qaroriga ilovaning 2 va 3-bandlari .

9. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2025-yil 1-martdagi 135-son qaroriga 1-ilovaning 87-bandi .

Oʻzbekiston Respublikasining Bosh vaziri A. ARIPOV

Toshkent sh.,

2025-yil 24-oktabr,

673-son

(Qonunchilik maʼlumotlari milliy bazasi, 27.10.2025-y., 09/25/673/0980-son; 04.06.2026-y., 09/26/277/0562-son)

lex.uz