UzbekAI

Ўзбекистон Республикаси Мактабгача ва мактаб таълими вазирлиги Ўзбекистон Республикаси Иқтисодиёт ва молия вазирлиги Ўзбекистон Республикаси Соғлиқни сақлаш вазирлигининг

Қарори

Умумтаълим муассасаларида синфларни комплектлаш ҳамда тарификация рўйхатларини шакллантириш тартиби тўғрисидаги низомга ўзгартиришлар киритиш ҳақида

Ўзбекистон Республикаси Президентининг 2022 йил 21 декабрдаги ПФ-269-сон « Янги Ўзбекистон маъмурий ислоҳотларини амалга ошириш чора-тадбирлари тўғрисида »ги ва 2023 йил 26 майдаги ПФ-79-сон « Мактабгача ва мактаб таълими вазирлиги ҳамда унинг тизимидаги ташкилотлар фаолиятини самарали ташкил этиш чора-тадбирлари тўғрисида »ги фармонлари ҳамда Ўзбекистон Республикаси Вазирлар Маҳкамасининг 2021 йил 12 октябрдаги 638-сон «Алоҳида таълим эҳтиёжлари бўлган болаларга таълим беришга оид норматив-ҳуқуқий ҳужжатларни тасдиқлаш тўғрисида»ги қарорига мувофиқ Ўзбекистон Республикаси Мактабгача ва мактаб таълими вазирлиги, Иқтисодиёт ва молия вазирлиги ҳамда Соғлиқни сақлаш вазирлиги қарор қилади:

1. Ўзбекистон Республикаси Халқ таълими вазирлиги, Молия вазирлиги ва Соғлиқни сақлаш вазирлигининг 2020 йил 22 июндаги 8-мҳ, 28, 124/1-сон қарори (рўйхат рақами 3271, 2020 йил 30 июнь) (Қонун ҳужжатлари маълумотлари миллий базаси, 30.06.2020 й., 10/20/3271/1117-сон) билан тасдиқланган Умумтаълим муассасаларида синфларни комплектлаш ҳамда тарификация рўйхатларини шакллантириш тартиби тўғрисидаги низомга иловага мувофиқ ўзгартиришлар киритилсин.

2. Мазкур қарор расмий эълон қилинган кундан эътиборан кучга киради.

Мазкур қарорга илованинг 5-банди 2026 йилнинг 1 августидан эътиборан кучга киради.

Ўзбекистон Республикаси Мактабгача ва мактаб таълими вазирлигининг 2025 йил 3 октябрдаги 12-мҳ-сон, Иқтисодиёт ва молия вазирлигининг 2025 йил 29 сентябрдаги 291-сон, Соғлиқни сақлаш вазирлигининг 2025 йил 26 сентябрдаги 11-сон қарорига ИЛОВА

Умумтаълим муассасаларида синфларни комплектлаш ҳамда тарификация рўйхатларини шакллантириш тартиби тўғрисидаги низомга киритилаётган ўзгартиришлар

1. 3-бандда :

тўртинчи хатбошидаги «туман (шаҳар) халқ таълими ва молия бўлимлари» деган сўзлар «ҳудудий мактабгача ва мактаб таълими бўлимлари ҳамда ҳудудий иқтисодиёт ва молия органлари» деган сўзлар билан алмаштирилсин;

бешинчи хатбоши қуйидаги таҳрирда баён этилсин:

«Жисмоний, ақлий, сенсор (сезги) ёки руҳий нуқсонлари бўлган болалар учун ихтисослаштирилган давлат таълим муассасалари, Республика ўғил болалар ўқув-тарбия муассасалари, Республика қиз болалар ўқув-тарбия муассасалари ҳамда айрим фанлар чуқур ўрганиладиган давлат ихтисослаштирилган умумтаълим муассасаларида синфлар тегишлилиги бўйича Ўзбекистон Республикаси Вазирлар Маҳкамасининг 2008 йил 7 августдаги 173-сон «Айрим фанлар чуқур ўрганиладиган давлат ихтисослаштирилган умумтаълим муассасалари фаолиятини такомиллаштириш тўғрисида»ги, 2019 йил 17 октябрдаги 880-сон «Республика ўқув-тарбия муассасалари фаолиятини ташкил этиш чора-тадбирлари тўғрисида»ги, 2021 йил 12 октябрдаги 638-сон «Алоҳида таълим эҳтиёжлари бўлган болаларга таълим беришга оид норматив-ҳуқуқий ҳужжатларни тасдиқлаш тўғрисида»ги қарорларига мувофиқ комплектланади.».

2. 9-банднинг иккинчи хатбошисидаги «ҳудудий халқ таълими бўлинмалари ҳамда ҳудудий молия органларига» деган сўзлар «ҳудудий мактабгача ва мактаб таълими бўлинмалари ҳамда ҳудудий иқтисодиёт ва молия органларига» деган сўзлар билан алмаштирилсин.

3. 10-банд қуйидаги таҳрирда баён этилсин:

«10. Ҳудудий мактабгача ва мактаб таълими бўлинмалари ҳамда ҳудудий иқтисодиёт ва молия органлари томонидан кўриб чиқилган ва тасдиқланган синфлар комплектини шакллантириш тўғрисидаги маълумотлар асосида ҳудудий мактабгача ва мактаб таълими бўлинмасининг ўз ҳудудидаги умумтаълим муассасаларида ташкил этиладиган синфлар комплектлари тўғрисидаги тегишли буйруғи қабул қилинади.».

4. 14-банднинг иккинчи хатбошисидаги «Бунда таълим» ва «ҳудудий халқ таълими» деган сўзлар тегишли равишда «Бунда таълим ўзбек,» ва «ҳудудий мактабгача ва мактаб таълими» деган сўзлар билан алмаштирилсин.

5. 15-банд қуйидаги таҳрирда баён этилсин:

«15. Умумтаълим муассасалари томонидан шакллантирилган дарс соатлари сеткаси умумтаълим муассасасининг педагогик кенгаши томонидан икки иш куни ичида кўриб чиқилиб, ҳар йили 15-сентябрга қадар ўқитувчиларга дарс соатлари қуйидаги кўрсаткичларнинг устувор кетма-кетлиги асосида тақсимланади:

олий малака тоифасига эга ўқитувчилар (педагог кадрнинг аттестациядан ўтганлиги тўғрисидаги сертификатнинг амал қилиш муддатига кўра);

дарс берадиган фанидан педагог ходимларга устама белгилашда қўлланиладиган миллий ёки халқаро тан олинган сертификатга эга ўқитувчилар (сертификатнинг белгиланган даражаси ва амал қилиш муддатига кўра);

биринчи малака тоифасига эга ўқитувчилар (педагог кадрнинг аттестациядан ўтганлиги тўғрисидаги сертификатнинг амал қилиш муддатига кўра);

иккинчи малака тоифасига эга ўқитувчилар (педагог кадрнинг аттестациядан ўтганлиги тўғрисидаги сертификатнинг амал қилиш муддатига кўра);

олий маълумотли тоифасиз ўқитувчилар;

қайта тайёрлаш бўйича дипломга эга ўқитувчилар (ўқитувчида қайта тайёрлаш мутахассислиги бўйича мазкур банднинг иккинчи — олтинчи хатбошиларида назарда тутилган кўрсаткичлардан бири ёки бир нечтаси мавжуд бўлганда тааллуқлилигига кўра тегишли кўрсаткичлар мавжуд бўлган ўқитувчилар билан тенг устуворликка эга бўлади);

ўриндошлик асосида ишлаётган олий маълумотли ўқитувчилар;

олий таълим муассасаларининг педагогика йўналиши бўйича учинчи ва ундан юқори курс талабалари;

олий маълумотли ўқитувчилар билан таъминлангунига қадар ўрта махсус, профессионал маълумотга эга ўқитувчилар (фақат бошланғич синфларда дарс берувчи ўқитувчилар учун);

олий маълумотли ўқитувчилар билан таъминлангунига қадар умумтаълим муассасасининг тегишли мутахассислиги бўйича раҳбар ходимлари.

Бошланғич синфларда ўқитиладиган фанлар бўйича дарс соатларини тақсимлашда ўқитувчиларнинг бошланғич таълим мутахассислигига эгалиги ёки тегишинча ушбу фанни бошланғич синфларда ўқитиш методикаси бўйича таълим олганлиги инобатга олинади.

Умумтаълим муассасасининг педагогик кенгаши томонидан дарс соатлари қайта тақсимланиши мумкин.».

Мактабгача ва мактаб таълими вазири Э. КАРИМОВА

Иқтисодиёт ва молия вазири Ж. КУЧКАРОВ

Соғлиқни сақлаш вазири А. ХУДАЯРОВ

Тошкент ш.,

2025 йил 3 октябрь,

Тошкент ш.,

2025 йил 29 сентябрь,

Тошкент ш.,

2025 йил 26 сентябрь,

12-мҳ-сон

291-сон

11-сон

(Қонунчилик маълумотлари миллий базаси, 28.10.2025 й., 10/25/3271-1/0989-сон)

lex.uz

Oʻzbekiston Respublikasi Maktabgacha va maktab taʼlimi vazirligi Oʻzbekiston Respublikasi Iqtisodiyot va moliya vazirligi Oʻzbekiston Respublikasi Sogʻliqni saqlash vazirligining

Qarori

Umumtaʼlim muassasalarida sinflarni komplektlash hamda tarifikatsiya roʻyxatlarini shakllantirish tartibi toʻgʻrisidagi nizomga oʻzgartirishlar kiritish haqida

Oʻzbekiston Respublikasi Prezidentining 2022-yil 21-dekabrdagi PF-269-son “ Yangi Oʻzbekiston maʼmuriy islohotlarini amalga oshirish chora-tadbirlari toʻgʻrisida ”gi va 2023-yil 26-maydagi PF-79-son “ Maktabgacha va maktab taʼlimi vazirligi hamda uning tizimidagi tashkilotlar faoliyatini samarali tashkil etish chora-tadbirlari toʻgʻrisida ”gi farmonlari hamda Oʻzbekiston Respublikasi Vazirlar Mahkamasining 2021-yil 12-oktabrdagi 638-son “Alohida taʼlim ehtiyojlari boʻlgan bolalarga taʼlim berishga oid normativ-huquqiy hujjatlarni tasdiqlash toʻgʻrisida”gi qaroriga muvofiq Oʻzbekiston Respublikasi Maktabgacha va maktab taʼlimi vazirligi, Iqtisodiyot va moliya vazirligi hamda Sogʻliqni saqlash vazirligi qaror qiladi:

1. Oʻzbekiston Respublikasi Xalq taʼlimi vazirligi, Moliya vazirligi va Sogʻliqni saqlash vazirligining 2020-yil 22-iyundagi 8-mh, 28, 124/1-son qarori (roʻyxat raqami 3271, 2020-yil 30-iyun) (Qonun hujjatlari maʼlumotlari milliy bazasi, 30.06.2020-y., 10/20/3271/1117-son) bilan tasdiqlangan Umumtaʼlim muassasalarida sinflarni komplektlash hamda tarifikatsiya roʻyxatlarini shakllantirish tartibi toʻgʻrisidagi nizomga ilovaga muvofiq oʻzgartirishlar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

Mazkur qarorga ilovaning 5-bandi 2026-yilning 1-avgustidan eʼtiboran kuchga kiradi.

Oʻzbekiston Respublikasi Maktabgacha va maktab taʼlimi vazirligining 2025-yil 3-oktabrdagi 12-mh-son, Iqtisodiyot va moliya vazirligining 2025-yil 29-sentabrdagi 291-son, Sogʻliqni saqlash vazirligining 2025-yil 26-sentabrdagi 11-son qaroriga ILOVA

Umumtaʼlim muassasalarida sinflarni komplektlash hamda tarifikatsiya roʻyxatlarini shakllantirish tartibi toʻgʻrisidagi nizomga kiritilayotgan oʻzgartirishlar

1. 3-bandda :

toʻrtinchi xatboshidagi “tuman (shahar) xalq taʼlimi va moliya boʻlimlari” degan soʻzlar “hududiy maktabgacha va maktab taʼlimi boʻlimlari hamda hududiy iqtisodiyot va moliya organlari” degan soʻzlar bilan almashtirilsin;

beshinchi xatboshi quyidagi tahrirda bayon etilsin:

“Jismoniy, aqliy, sensor (sezgi) yoki ruhiy nuqsonlari boʻlgan bolalar uchun ixtisoslashtirilgan davlat taʼlim muassasalari, Respublika oʻgʻil bolalar oʻquv-tarbiya muassasalari, Respublika qiz bolalar oʻquv-tarbiya muassasalari hamda ayrim fanlar chuqur oʻrganiladigan davlat ixtisoslashtirilgan umumtaʼlim muassasalarida sinflar tegishliligi boʻyicha Oʻzbekiston Respublikasi Vazirlar Mahkamasining 2008-yil 7-avgustdagi 173-son “Ayrim fanlar chuqur oʻrganiladigan davlat ixtisoslashtirilgan umumtaʼlim muassasalari faoliyatini takomillashtirish toʻgʻrisida”gi, 2019-yil 17-oktabrdagi 880-son “Respublika oʻquv-tarbiya muassasalari faoliyatini tashkil etish chora-tadbirlari toʻgʻrisida”gi, 2021-yil 12-oktabrdagi 638-son “Alohida taʼlim ehtiyojlari boʻlgan bolalarga taʼlim berishga oid normativ-huquqiy hujjatlarni tasdiqlash toʻgʻrisida”gi qarorlariga muvofiq komplektlanadi.”.

2. 9-bandning ikkinchi xatboshisidagi “hududiy xalq taʼlimi boʻlinmalari hamda hududiy moliya organlariga” degan soʻzlar “hududiy maktabgacha va maktab taʼlimi boʻlinmalari hamda hududiy iqtisodiyot va moliya organlariga” degan soʻzlar bilan almashtirilsin.

3. 10-band quyidagi tahrirda bayon etilsin:

“10. Hududiy maktabgacha va maktab taʼlimi boʻlinmalari hamda hududiy iqtisodiyot va moliya organlari tomonidan koʻrib chiqilgan va tasdiqlangan sinflar komplektini shakllantirish toʻgʻrisidagi maʼlumotlar asosida hududiy maktabgacha va maktab taʼlimi boʻlinmasining oʻz hududidagi umumtaʼlim muassasalarida tashkil etiladigan sinflar komplektlari toʻgʻrisidagi tegishli buyrugʻi qabul qilinadi.”.

4. 14-bandning ikkinchi xatboshisidagi “Bunda taʼlim” va “hududiy xalq taʼlimi” degan soʻzlar tegishli ravishda “Bunda taʼlim oʻzbek,” va “hududiy maktabgacha va maktab taʼlimi” degan soʻzlar bilan almashtirilsin.

5. 15-band quyidagi tahrirda bayon etilsin:

“15. Umumtaʼlim muassasalari tomonidan shakllantirilgan dars soatlari setkasi umumtaʼlim muassasasining pedagogik kengashi tomonidan ikki ish kuni ichida koʻrib chiqilib, har yili 15-sentabrga qadar oʻqituvchilarga dars soatlari quyidagi koʻrsatkichlarning ustuvor ketma-ketligi asosida taqsimlanadi:

oliy malaka toifasiga ega oʻqituvchilar (pedagog kadrning attestatsiyadan oʻtganligi toʻgʻrisidagi sertifikatning amal qilish muddatiga koʻra);

dars beradigan fanidan pedagog xodimlarga ustama belgilashda qoʻllaniladigan milliy yoki xalqaro tan olingan sertifikatga ega oʻqituvchilar (sertifikatning belgilangan darajasi va amal qilish muddatiga koʻra);

birinchi malaka toifasiga ega oʻqituvchilar (pedagog kadrning attestatsiyadan oʻtganligi toʻgʻrisidagi sertifikatning amal qilish muddatiga koʻra);

ikkinchi malaka toifasiga ega oʻqituvchilar (pedagog kadrning attestatsiyadan oʻtganligi toʻgʻrisidagi sertifikatning amal qilish muddatiga koʻra);

oliy maʼlumotli toifasiz oʻqituvchilar;

qayta tayyorlash boʻyicha diplomga ega oʻqituvchilar (oʻqituvchida qayta tayyorlash mutaxassisligi boʻyicha mazkur bandning ikkinchi — oltinchi xatboshilarida nazarda tutilgan koʻrsatkichlardan biri yoki bir nechtasi mavjud boʻlganda taalluqliligiga koʻra tegishli koʻrsatkichlar mavjud boʻlgan oʻqituvchilar bilan teng ustuvorlikka ega boʻladi);

oʻrindoshlik asosida ishlayotgan oliy maʼlumotli oʻqituvchilar;

oliy taʼlim muassasalarining pedagogika yoʻnalishi boʻyicha uchinchi va undan yuqori kurs talabalari;

oliy maʼlumotli oʻqituvchilar bilan taʼminlanguniga qadar oʻrta maxsus, professional maʼlumotga ega oʻqituvchilar (faqat boshlangʻich sinflarda dars beruvchi oʻqituvchilar uchun);

oliy maʼlumotli oʻqituvchilar bilan taʼminlanguniga qadar umumtaʼlim muassasasining tegishli mutaxassisligi boʻyicha rahbar xodimlari.

Boshlangʻich sinflarda oʻqitiladigan fanlar boʻyicha dars soatlarini taqsimlashda oʻqituvchilarning boshlangʻich taʼlim mutaxassisligiga egaligi yoki tegishincha ushbu fanni boshlangʻich sinflarda oʻqitish metodikasi boʻyicha taʼlim olganligi inobatga olinadi.

Umumtaʼlim muassasasining pedagogik kengashi tomonidan dars soatlari qayta taqsimlanishi mumkin.”.

Maktabgacha va maktab taʼlimi vaziri E. KARIMOVA

Iqtisodiyot va moliya vaziri J. KUCHKAROV

Sogʻliqni saqlash vaziri A. XUDAYAROV

Toshkent sh.,

2025-yil 3-oktabr,

Toshkent sh.,

2025-yil 29-sentabr,

Toshkent sh.,

2025-yil 26-sentabr,

12-mh-son

291-son

11-son

(Qonunchilik maʼlumotlari milliy bazasi, 28.10.2025-y., 10/25/3271-1/0989-son)

lex.uz