📅 2025-yil 30-oktabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 30 октябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 30 октября 2025 г. · Постановления Президента
Официальный текст. Официальный документ. Редакционные примечания не включены.
📅 30 October 2025 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Сунъий интеллект технологияларига асосланган лойиҳаларни қўллаб-қувватлашга оид қўшимча чора-тадбирлар тўғрисида
Ижтимоий соҳа ва иқтисодиёт тармоқларида сунъий интеллект технологияларини кенг жорий этиш ҳамда давлат органлари ва ташкилотлари фаолиятида мазкур технологияларга асосланган ечимларни ишлаб чиқишни жадаллаштириш мақсадида қарор қиламан:
I. Мақсад
1. Белгилансинки, ушбу қарорни қабул қилишнинг асосий мақсади ижтимоий соҳа ва иқтисодиёт тармоқларида сунъий интеллект технологияларига асосланган устувор ва стартап лойиҳаларни молиялаштиришни кенгайтириш ҳисобланади.
II. Стартап лойиҳаларни молиялаштиришни кенгайтириш
2. Қуйидагилар:
(а) сунъий интеллект технологияларини ривожлантириш учун Тикланиш ва тараққиёт жамғармасидан Рақамли технологиялар вазирлигига:
(i) Ўзбекистон Республикаси Президентининг 2024 йил 14 октябрдаги ПҚ-358-сон қарорига асосан 2 йиллик имтиёзли давр билан 5 йил муддатга 50 миллион АҚШ доллари миқдорида фоизсиз кредит;
(ii) Ўзбекистон Республикаси Президентининг 2025 йил 22 октябрдаги ПФ-189-сон Фармонига асосан беғараз асосда 10 миллион АҚШ доллари ҳамда 3 йиллик имтиёзли давр билан 7 йил муддатга 90 миллион АҚШ доллари миқдорида фоизсиз кредит ажратилганлиги;
(б) Ўзбекистон Республикаси Президентининг 2024 йилдаги 14 октябрдаги ПҚ-357-сон қарорига асосан венчур жамғармаларни молиялаштирувчи «Фондлар фонди» ҳамда IT-парк ҳузурида рақамли технологиялар соҳасидаги стартап лойиҳаларни молиялаштирадиган «IT Park Ventures» венчур жамғармалари ташкил этилганлиги маълумот учун қабул қилинсин.
3. Ижтимоий соҳа ва иқтисодиёт тармоқларида сунъий интеллект технологияларига асосланган, шу жумладан, стартап лойиҳаларни молиялаштириш учун Тикланиш ва тараққиёт жамғармасидан 2026-2027 йилларда қўшимча 100 миллион АҚШ доллари миқдорида маблағ қуйидаги мақсадлар учун ажратилсин:
(а) 50 миллион АҚШ доллари миқдорида маблағ беғараз асосда давлат органлари ва ташкилотлари фаолиятига сунъий интеллект технологияларини жорий этиш учун. Бунда ижтимоий аҳамиятга эга лойиҳаларга устуворлик берилади;
(б) 50 миллион АҚШ доллари миқдорида маблағ тенг улушларда «Фондлар фонди» ва «IT Park Ventures» венчур жамғармалари устав капиталига Тикланиш ва тараққиёт жамғармасининг улуши сифатида киритилиши орқали сунъий интеллект технологияларига асосланган лойиҳаларни қўллаб-қувватлаш учун.
4. Белгилансинки:
(а) мазкур қарорнинг 3-бандида назарда тутилган маблағлар «Рақамли Ўзбекистон — 2030» стратегиясини амалга ошириш бўйича мувофиқлаштириш комиссияси (кейинги ўринларда — Мувофиқлаштириш комиссияси) томонидан тақсимланади. Бунда:
(i) тармоқ ва ҳудудлар кесимида маблағларни тақсимлаш йиллик сметаси, шу жумладан, лойиҳалар кесимида молиялаштириш ҳажми Мувофиқлаштириш комиссияси томонидан белгиланади;
(ii) 2025 йил 1 декабрга қадар давлат органлари ва ташкилотлари ўз фаолиятига сунъий интеллект технологияларини жорий этиш бўйича таклифларни Мувофиқлаштириш комиссиясининг ишчи органига тақдим этади;
(iii) 2026 йил 1 январга қадар ишчи орган таклифларни саралаб, Мувофиқлаштириш комиссиясига киритади;
(iv) «Фондлар фонди» ва «IT Park Ventures» венчур жамғармалари орқали молиялаштириладиган лойиҳаларнинг устувор йўналишлари ва мезонлари Мувофиқлаштириш комиссияси томонидан белгиланади;
(б) лойиҳалар Мувофиқлаштириш комиссияси кўрсатмасига асосан қуйидагича молиялаштирилади:
(i) Ўзбекистон Республикаси Президентининг 2025 йил 22 октябрдаги ПФ-189-сон Фармонига асосан шакллантирилган реестрга киритилган тадбиркорлик субъектлари билан тузиладиган шартномаларга асосан;
(ii) ушбу реестрда мавжуд бўлмаган янги лойиҳалар бўйича Мувофиқлаштириш комиссияси томонидан белгиланган талаб ва мезонларга мувофиқ келувчи иштирокчилар орасида ўтказиладиган очиқ танлов натижаларига кўра;
(в) мазкур қарор доирасида ишлаб чиқиладиган ахборот тизими ва ресурслари техник ҳужжатларининг экспертизаси, истисно тариқасида, барча экспертиза органларида бир вақтнинг ўзида 15 кун муддатда амалга оширилади.
III. Қарор ижросини ташкил этиш, таъминлаш ва назорат
5. Қарор ижросини назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 30 октябрь,
ПҚ-320-сон
Oʻzbekiston Respublikasi Prezidentining
Qarori
Sunʼiy intellekt texnologiyalariga asoslangan loyihalarni qoʻllab-quvvatlashga oid qoʻshimcha chora-tadbirlar toʻgʻrisida
Ijtimoiy soha va iqtisodiyot tarmoqlarida sunʼiy intellekt texnologiyalarini keng joriy etish hamda davlat organlari va tashkilotlari faoliyatida mazkur texnologiyalarga asoslangan yechimlarni ishlab chiqishni jadallashtirish maqsadida qaror qilaman:
I. Maqsad
1. Belgilansinki, ushbu qarorni qabul qilishning asosiy maqsadi ijtimoiy soha va iqtisodiyot tarmoqlarida sunʼiy intellekt texnologiyalariga asoslangan ustuvor va startap loyihalarni moliyalashtirishni kengaytirish hisoblanadi.
II. Startap loyihalarni moliyalashtirishni kengaytirish
2. Quyidagilar:
(a) sunʼiy intellekt texnologiyalarini rivojlantirish uchun Tiklanish va taraqqiyot jamgʻarmasidan Raqamli texnologiyalar vazirligiga:
(i) Oʻzbekiston Respublikasi Prezidentining 2024-yil 14-oktabrdagi PQ-358-son qaroriga asosan 2 yillik imtiyozli davr bilan 5 yil muddatga 50 million AQSH dollari miqdorida foizsiz kredit;
(ii) Oʻzbekiston Respublikasi Prezidentining 2025-yil 22-oktabrdagi PF-189-son Farmoniga asosan begʻaraz asosda 10 million AQSH dollari hamda 3 yillik imtiyozli davr bilan 7 yil muddatga 90 million AQSH dollari miqdorida foizsiz kredit ajratilganligi;
(b) Oʻzbekiston Respublikasi Prezidentining 2024-yildagi 14-oktabrdagi PQ-357-son qaroriga asosan venchur jamgʻarmalarni moliyalashtiruvchi “Fondlar fondi” hamda IT-park huzurida raqamli texnologiyalar sohasidagi startap loyihalarni moliyalashtiradigan “IT Park Ventures” venchur jamgʻarmalari tashkil etilganligi maʼlumot uchun qabul qilinsin.
3. Ijtimoiy soha va iqtisodiyot tarmoqlarida sunʼiy intellekt texnologiyalariga asoslangan, shu jumladan, startap loyihalarni moliyalashtirish uchun Tiklanish va taraqqiyot jamgʻarmasidan 2026-2027-yillarda qoʻshimcha 100 million AQSH dollari miqdorida mablagʻ quyidagi maqsadlar uchun ajratilsin:
(a) 50 million AQSH dollari miqdorida mablagʻ begʻaraz asosda davlat organlari va tashkilotlari faoliyatiga sunʼiy intellekt texnologiyalarini joriy etish uchun. Bunda ijtimoiy ahamiyatga ega loyihalarga ustuvorlik beriladi;
(b) 50 million AQSH dollari miqdorida mablagʻ teng ulushlarda “Fondlar fondi” va “IT Park Ventures” venchur jamgʻarmalari ustav kapitaliga Tiklanish va taraqqiyot jamgʻarmasining ulushi sifatida kiritilishi orqali sunʼiy intellekt texnologiyalariga asoslangan loyihalarni qoʻllab-quvvatlash uchun.
4. Belgilansinki:
(a) mazkur qarorning 3-bandida nazarda tutilgan mablagʻlar “Raqamli Oʻzbekiston — 2030” strategiyasini amalga oshirish boʻyicha muvofiqlashtirish komissiyasi (keyingi oʻrinlarda — Muvofiqlashtirish komissiyasi) tomonidan taqsimlanadi. Bunda:
(i) tarmoq va hududlar kesimida mablagʻlarni taqsimlash yillik smetasi, shu jumladan, loyihalar kesimida moliyalashtirish hajmi Muvofiqlashtirish komissiyasi tomonidan belgilanadi;
(ii) 2025-yil 1-dekabrga qadar davlat organlari va tashkilotlari oʻz faoliyatiga sunʼiy intellekt texnologiyalarini joriy etish boʻyicha takliflarni Muvofiqlashtirish komissiyasining ishchi organiga taqdim etadi;
(iii) 2026-yil 1-yanvarga qadar ishchi organ takliflarni saralab, Muvofiqlashtirish komissiyasiga kiritadi;
(iv) “Fondlar fondi” va “IT Park Ventures” venchur jamgʻarmalari orqali moliyalashtiriladigan loyihalarning ustuvor yoʻnalishlari va mezonlari Muvofiqlashtirish komissiyasi tomonidan belgilanadi;
(b) loyihalar Muvofiqlashtirish komissiyasi koʻrsatmasiga asosan quyidagicha moliyalashtiriladi:
(i) Oʻzbekiston Respublikasi Prezidentining 2025-yil 22-oktabrdagi PF-189-son Farmoniga asosan shakllantirilgan reyestrga kiritilgan tadbirkorlik subyektlari bilan tuziladigan shartnomalarga asosan;
(ii) ushbu reyestrda mavjud boʻlmagan yangi loyihalar boʻyicha Muvofiqlashtirish komissiyasi tomonidan belgilangan talab va mezonlarga muvofiq keluvchi ishtirokchilar orasida oʻtkaziladigan ochiq tanlov natijalariga koʻra;
(v) mazkur qaror doirasida ishlab chiqiladigan axborot tizimi va resurslari texnik hujjatlarining ekspertizasi, istisno tariqasida, barcha ekspertiza organlarida bir vaqtning oʻzida 15 kun muddatda amalga oshiriladi.
III. Qaror ijrosini tashkil etish, taʼminlash va nazorat
5. Qaror ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 30-oktabr,
PQ-320-son
Президента Республики Узбекистан
Постановление
О дополнительных мерах по поддержке проектов, основанных на технологиях искусственного интеллекта
В целях широкого внедрения технологий искусственного интеллекта в социальную сферу и отрасли экономики, а также ускорения выработки решений, основанных на данных технологиях, в деятельности государственных органов и организаций, постановляю:
I. Цель
1. Определить, что основной целью принятия настоящего постановления является увеличение финансирования основанных на технологиях искусственного интеллекта приоритетных и стартап-проектов в социальной сфере и отраслях экономики.
II. Увеличение финансирования стартап-проектов
2. Принять к сведению, что:
(а) в целях развития технологий искусственного интеллекта из Фонда реконструкции и развития выделены Министерству цифровых технологий:
(i) на основании постановления Президента Республики Узбекистан от 14 октября 2024 года № ПП-358 — беспроцентные кредиты в размере 50 миллионов долларов США на срок 5 лет, включая двухлетний льготный период;
(ii) на основании Указа Президента Республики Узбекистан от 22 октября 2025 года № УП-189 — на безвозмездной основе 10 миллионов долларов США, а также беспроцентные кредиты в размере 90 миллионов долларов США на срок 7 лет, включая трехлетний льготный период;
(б) на основании постановления Президента Республики Узбекистан от 14 октября 2024 года № ПП-357 образованы венчурные фонды «Фонд фондов» — для финансирования венчурных фондов, а также «IT Park Ventures» при IТ-парке — для финансирования стартап-проектов в сфере цифровых технологий.
3. Выделить из Фонда реконструкции и развития в 2026-2027 годах дополнительные средства в размере 100 миллионов долларов США для финансирования основанных на технологиях искусственного интеллекта проектов, в том числе стартап-проектов в социальной сфере и отраслях экономики, в частности:
(а) 50 миллионов долларов США на безвозмездной основе — в целях внедрения технологий искусственного интеллекта в деятельность государственных органов и организаций. При этом приоритет предоставляется социально значимым проектам;
(б) 50 миллионов долларов США — в целях поддержки проектов, основанных на технологиях искусственного интеллекта, путем внесения данных средств в уставный капитал венчурных фондов «Фонд фондов» и «IT Park Ventures» в равных долях в качестве доли Фонда реконструкции и развития.
4. Установить, что:
(а) средства, предусмотренные пунктом 3 настоящего постановления, распределяются Координационной комиссией по реализации Стратегии «Цифровой Узбекистан — 2030» (далее — Координационная комиссия). При этом:
(i) годовая смета распределения средств в разрезе отраслей и регионов, в том числе объемы финансирования в разрезе проектов, определяются Координационной комиссией;
(ii) государственным органам и организациям в срок до 1 декабря 2025 года представить в Рабочий орган Координационной комиссии предложения о внедрении технологий искусственного интеллекта в свою деятельность;
(iii) Рабочему органу в срок до 1 января 2026 года провести отбор и внести предложения в Координационную комиссию;
(iv) приоритетные направления и критерии по проектам, финансируемым посредством венчурных фондов «Фонд фондов» и «IT Park Ventures», определяются Координационной комиссией;
(б) финансирование проектов осуществляется по указаниям Координационной комиссии на основании:
(i) договоров, заключаемых с субъектами предпринимательства, включенными в Реестр, формируемый на основании Указа Президента Республики Узбекистан от 22 октября 2025 года № УП-189;
(ii) результатов открытого конкурса, проводимого среди участников, соответствующих требованиям и критериям, определенным Координационной комиссией, — по новым проектам, не включенным в Реестр;
(в) экспертиза технической документации информационной системы и ресурсов, разрабатываемых в рамках настоящего постановления, проводится в порядке исключения во всех органах экспертизы одновременно в 15-дневный срок.
III. Организация, обеспечение и контроль исполнения постановления
5. Контроль за исполнением настоящего постановления возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
30 октября 2025 г.,
№ ПП-320