📅 2025-yil 3-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 3 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 3 ноября 2025 г. · Постановления Президента
Официальный текст. Официальный документ. Редакционные примечания не включены.
📅 3 November 2025 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Ёш офицер кадрлар тайёрлаш учун сарфланган маблағларни ундириш тартиби такомиллаштирилиши муносабати билан Ўзбекистон Республикаси Президентининг 2019 йил 12 сентябрдаги ПҚ-4447-сон қарори билан тасдиқланган Ўзбекистон Республикаси фуқароларининг ҳарбий хизматни ўташ тартиби тўғрисидаги низомга ўзгартириш ва қўшимча киритиш тўғрисида
Қонунчиликка мувофиқ, фуқаролар олий ҳарбий таълим муассасасини тамомлагандан сўнг беш календарь йил мобайнида офицерлар таркиби лавозимларида ҳарбий хизматни ўташи, хизматни ўтамаган тақдирда эса ўқитиш учун сарфланган маблағларни Давлат бюджетига қайтариши лозимлиги белгиланган.
Шу билан бирга бугунги кунда олий ҳарбий таълим муассасаларининг битирувчилари нафақат ҳарбий хизматчи бўлиб, балки ходим сифатида ҳам хизматни ўташ учун бошқа вазирлик ва идораларга юборилаётгани сабабли ушбу битирувчиларнинг ходим сифатида беш календарь йил давомида хизматни ўташга мажбурлигини қонунчиликда белгилаш зарурати юзага келмоқда.
Юқоридагиларга кўра Давлат бюджетидан сарфланган маблағлар самарали бўлишини таъминлаш ва ёш офицер кадрлар қўнимсизлигининг олдини олиш мақсадида қарор қиламан:
1. Ўзбекистон Республикаси Президентининг 2019 йил 12 сентябрдаги ПҚ-4447-сон қарори билан тасдиқланган Ўзбекистон Республикаси фуқароларининг ҳарбий хизматни ўташ тартиби тўғрисидаги низомга иловага мувофиқ олий ҳарбий таълим муассасалари битирувчилари ўқишни битиргандан сўнг офицер лавозимларида беш календарь йил давомида хизматни ўтамаганда, улардан ўқитиш учун сарфланган маблағлар ундириб олинишини назарда тутувчи ўзгартириш ва қўшимча киритилсин.
2. Миллий гвардия, Ички ишлар вазирлиги, Мудофаа вазирлиги, Фавқулодда вазиятлар вазирлиги, Давлат хавфсизлик хизмати ва бошқа манфаатдор ташкилотлар:
(а) ушбу қарорнинг ижросини, ижрочиларга етказилишини ҳамда моҳияти ва аҳамияти шахсий таркиб ўртасида тушунтирилишини таъминласин;
(б) олий ҳарбий таълим муассасалари курсантлари билан мазкур қарор билан киритилаётган ўзгартириш ва қўшимчага мувофиқ қўшимча контрактлар тузсин.
3. Миллий гвардия манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
4. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов ва Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов зиммасига юклансин.
Ўзбекистон Республикаси Президентининг 2025 йил 3 ноябрдаги ПҚ-327-сон қарорига ИЛОВА
Ўзбекистон Республикаси Президентининг 2019 йил 12 сентябрдаги ПҚ-4447-сон қарори билан тасдиқланган Ўзбекистон Республикаси фуқароларининг ҳарбий хизматни ўташ тартиби тўғрисидаги низомга киритилаётган ўзгартириш ва қўшимча
1. 304-банд қуйидаги таҳрирда баён этилсин:
«304. Олий ҳарбий таълим муассасасини битиргандан кейин ўқишни тугатгандан сўнг тузилган контракт бўйича кўзда тутилган муддат тугамасдан ёки беш календарь йил мобайнида офицерлар таркиби лавозимларида хизматни ўтамасдан ҳарбий хизматни (хизматни) ўташдан бош тортган, шунингдек, контракт шартларини бажармаганлиги, содир этган жинояти учун судланганлиги сабабли бўшатилаётган ёки бундай контрактни тузишдан бош тортган ҳарбий хизматчи (ходим) Ўзбекистон Республикаси қонунчилигига мувофиқ уни ўқитиш учун сарфланган бюджет маблағларини давлатга қоплаб беради».
2. 3-илованинг 2-банди «в» кичик банди «беш йил муддатга контракт тузиш» сўзларидан кейин «ёки беш календарь йил давомида офицерлар таркиби лавозимларида хизматни ўташ» сўзлари билан тўлдирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 3 ноябрь,
ПҚ- 327 -сон
Oʻzbekiston Respublikasi Prezidentining
qarori
Yosh ofitser kadrlar tayyorlash uchun sarflangan mablagʻlarni undirish tartibi takomillashtirilishi munosabati bilan Oʻzbekiston Respublikasi Prezidentining 2019-yil 12-sentabrdagi PQ-4447-son qarori bilan tasdiqlangan Oʻzbekiston Respublikasi fuqarolarining harbiy xizmatni oʻtash tartibi toʻgʻrisidagi nizomga oʻzgartirish va qoʻshimcha kiritish toʻgʻrisida
Qonunchilikka muvofiq, fuqarolar oliy harbiy taʼlim muassasasini tamomlagandan soʻng besh kalendar yil mobaynida ofitserlar tarkibi lavozimlarida harbiy xizmatni oʻtashi, xizmatni oʻtamagan taqdirda esa oʻqitish uchun sarflangan mablagʻlarni Davlat budjetiga qaytarishi lozimligi belgilangan.
Shu bilan birga bugungi kunda oliy harbiy taʼlim muassasalarining bitiruvchilari nafaqat harbiy xizmatchi boʻlib, balki xodim sifatida ham xizmatni oʻtash uchun boshqa vazirlik va idoralarga yuborilayotgani sababli ushbu bitiruvchilarning xodim sifatida besh kalendar yil davomida xizmatni oʻtashga majburligini qonunchilikda belgilash zarurati yuzaga kelmoqda.
Yuqoridagilarga koʻra Davlat budjetidan sarflangan mablagʻlar samarali boʻlishini taʼminlash va yosh ofitser kadrlar qoʻnimsizligining oldini olish maqsadida qaror qilaman:
1. Oʻzbekiston Respublikasi Prezidentining 2019-yil 12-sentabrdagi PQ-4447-son qarori bilan tasdiqlangan Oʻzbekiston Respublikasi fuqarolarining harbiy xizmatni oʻtash tartibi toʻgʻrisidagi nizomga ilovaga muvofiq oliy harbiy taʼlim muassasalari bitiruvchilari oʻqishni bitirgandan soʻng ofitser lavozimlarida besh kalendar yil davomida xizmatni oʻtamaganda, ulardan oʻqitish uchun sarflangan mablagʻlar undirib olinishini nazarda tutuvchi oʻzgartirish va qoʻshimcha kiritilsin.
2. Milliy gvardiya, Ichki ishlar vazirligi, Mudofaa vazirligi, Favqulodda vaziyatlar vazirligi, Davlat xavfsizlik xizmati va boshqa manfaatdor tashkilotlar:
(a) ushbu qarorning ijrosini, ijrochilarga yetkazilishini hamda mohiyati va ahamiyati shaxsiy tarkib oʻrtasida tushuntirilishini taʼminlasin;
(b) oliy harbiy taʼlim muassasalari kursantlari bilan mazkur qaror bilan kiritilayotgan oʻzgartirish va qoʻshimchaga muvofiq qoʻshimcha kontraktlar tuzsin.
3. Milliy gvardiya manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
4. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov zimmasiga yuklansin.
Oʻzbekiston Respublikasi Prezidentining 2025-yil 3-noyabrdagi PQ-327-son qaroriga ILOVA
Oʻzbekiston Respublikasi Prezidentining 2019-yil 12-sentabrdagi PQ-4447-son qarori bilan tasdiqlangan Oʻzbekiston Respublikasi fuqarolarining harbiy xizmatni oʻtash tartibi toʻgʻrisidagi nizomga kiritilayotgan oʻzgartirish va qoʻshimcha
1. 304-band quyidagi tahrirda bayon etilsin:
“304. Oliy harbiy taʼlim muassasasini bitirgandan keyin oʻqishni tugatgandan soʻng tuzilgan kontrakt boʻyicha koʻzda tutilgan muddat tugamasdan yoki besh kalendar yil mobaynida ofitserlar tarkibi lavozimlarida xizmatni oʻtamasdan harbiy xizmatni (xizmatni) oʻtashdan bosh tortgan, shuningdek, kontrakt shartlarini bajarmaganligi, sodir etgan jinoyati uchun sudlanganligi sababli boʻshatilayotgan yoki bunday kontraktni tuzishdan bosh tortgan harbiy xizmatchi (xodim) Oʻzbekiston Respublikasi qonunchiligiga muvofiq uni oʻqitish uchun sarflangan budjet mablagʻlarini davlatga qoplab beradi”.
2. 3-ilovaning 2-bandi “v” kichik bandi “besh yil muddatga kontrakt tuzish” soʻzlaridan keyin “yoki besh kalendar yil davomida ofitserlar tarkibi lavozimlarida xizmatni oʻtash” soʻzlari bilan toʻldirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 3-noyabr,
PQ- 327 -son
Президента Республики Узбекистан
Постановление
О внесении изменения и дополнения в Положение о порядке прохождения военной службы гражданами Республики Узбекистан, утвержденное постановлением Президента Республики Узбекистан от 12 сентября 2019 года № ПП-4447, в связи с совершенствованием порядка взыскания средств, затраченных на подготовку молодых офицерских кадров
В соответствии с законодательством установлено, что граждане должны пройти военную службу на должностях офицерского состава в течение пяти календарных лет после окончания высшего военного образовательного учреждения, в случае непрохождения службы — вернуть средства, затраченные на обучение, в Государственный бюджет.
Наряду с этим на сегодняшний день по причине направления выпускников высших военных образовательных учреждений для прохождения службы в другие министерства и ведомства не только как военнослужащего, но также в качестве сотрудника возникает необходимость определения в законодательстве обязанности прохождения службы данными выпускниками в качестве сотрудников в течение пяти календарных лет.
Согласно вышеизложенному, в целях обеспечения эффективности затраченных средств Государственного бюджета и предотвращения текучести кадров молодых офицеров, постановляю:
1. Внести изменение и дополнение в Положение о порядке прохождения военной службы гражданами Республики Узбекистан, утвержденное постановлением Президента Республики Узбекистан от 12 сентября 2019 года № ПП-4447, согласно приложению , предусматривающие взыскание средств, затраченных на обучение выпускников высших военных образовательных учреждений, в случае непрохождения службы на должностях офицерского состава в течение пяти календарных лет после окончания учебы.
2. Национальной гвардии, Министерству внутренних дел, Министерству обороны, Министерству по чрезвычайным ситуациям, Службе государственной безопасности и другим заинтересованным организациям:
(а) обеспечить исполнение, доведение до исполнителей настоящего постановления, а также разъяснение его содержания и значения среди личного состава;
(б) заключить дополнительные контракты с курсантами высших военных образовательных учреждений в соответствии с изменением и дополнением, вносимыми на основании настоящего постановления.
3. Национальной гвардии совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
4. Контроль за исполнением настоящего постановления возложить на Премьер-министра Республики Узбекистан А.Н. Арипова и секретаря Совета безопасности при Президенте Республики Узбекистан В.В. Махмудова.
ПРИЛОЖЕНИЕ к постановлению Президента Республики Узбекистан от 3 ноября 2025 года № ПП-327
Изменение и дополнение, вносимые в Положение о порядке прохождения военной службы гражданами Республики Узбекистан, утвержденное постановлением Президента Республики Узбекистан от 12 сентября 2019 года № ПП-4447
1. Пункт 304 изложить в следующей редакции:
«304. Военнослужащий (сотрудник) после окончания высшего военного образовательного учреждения, отказавшийся проходить военную службу (службу) до истечения срока, предусмотренного контрактом, заключенным после окончания учебы, или без прохождения военной службы на должностях офицерского состава в течение пяти календарных лет, а также увольняемый в связи с невыполнением условий контракта, осуждением за совершенное преступление либо отказавшийся заключать такой контракт, возмещает государству бюджетные средства, затраченные на его обучение в соответствии с законодательством Республики Узбекистан».
2. В подпункте «в» пункта 2 приложения № 3 после слов «сроком на пять лет» дополнить словами «или прохождении службы на должностях офицерского состава в течение пяти календарных лет».
Президент Республики Узбекистан Ш. МИРЗИЁЕВ
г. Ташкент,
3 ноября 2025 г.,
№ ПП- 327