📅 2025-yil 3-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 3 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 3 ноября 2025 г. · Постановления Президента
Официальный текст. Официальный документ. Редакционные примечания не включены.
📅 3 November 2025 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
ТАРКИБИ
АСОСИЙ ВАЗИФАЛАРИ
«Келажак мероси» халқаро мукофотини таъсис этиш тўғрисида
Халқимизнинг фидокорона меҳнати билан барпо этилаётган Янги Ўзбекистоннинг маданий-маърифий асосларини мустаҳкамлаш, мамлакатимизнинг бу борадаги халқаро обрў-эътиборини юксалтиришда қадимий тарихий меросимиз намуналари, маданий бойликлар, илмий ютуқ ва инновацион ғояларни турли шаклларда, жумладан, илмий, адабий-бадиий, тасвирий йўллар билан фаол тарғиб этиш, уларнинг нафақат бугунги, балки келгуси тараққиётимизга хизмат қиладиган таъсирчан воситага айлантиришга қаратилган интилиш ва амалий ҳаракатлар бугунги кунда тобора муҳим аҳамият касб этиб бормоқда.
Ана шундай ғоят кенг қамровли жараёнларни Ер юзидаги барча халқлар, жумладан, Ўзбекистон халқининг эзгу орзулари билан боғлаб, адабиёт, маданият, санъат, илм-фан, таълим ва рақамли технологиялар соҳаларида юксак натижаларга эришаётган ҳамда миллий ва умумбашарий қадриятлар ривожига, глобал маданий тараққиётга муносиб ҳисса қўшиб келаётган маҳаллий ҳамда хорижий ижодкор ва зиёлиларни рағбатлантириш ва қўллаб-қувватлаш мақсадида қарор қиламан:
1. «Келажак мероси» халқаро мукофоти (кейинги ўринларда — Халқаро мукофот) таъсис этилсин.
2. Халқаро мукофот учун танловлар 2025 йилдан бошлаб ҳар йили қуйидаги йўналишларда ўтказиб борилсин:
(а) адабиёт;
(б) маданий мерос;
(в) театр ва кино;
(г) мусиқа ва рақс;
(д) тасвирий ва амалий санъат;
(ж) мода ва дизайн;
(з) илм-фан, таълим ва рақамли технологиялар.
3. Белгилансинки:
(а) Халқаро мукофотнинг ҳар бир йўналиши бўйича ғолиблар статуэтка, диплом ва 10 минг АҚШ доллари миқдоридаги бир марталик пул мукофоти билан тақдирланади;
(б) ғолибларга Халқаро мукофот тантанали равишда топширилади.
4. «Келажак мероси» халқаро мукофоти кенгаши тузилсин, унинг таркиби ҳамда асосий вазифалари 1 ва 2-иловаларга мувофиқ тасдиқлансин. Маданият вазирлиги Кенгашнинг ишчи органи этиб белгилансин.
5. Вазирлар Маҳкамаси бир ҳафта муддатда «Келажак мероси» халқаро мукофоти тўғрисидаги низомни тасдиқласин.
6. Ташқи ишлар вазирлиги Халқаро мукофотни хорижий мамлакатларда кенг оммалаштиришга ва ғолиб деб топилган чет эллик иштирокчиларнинг мамлакатимизга таклиф этилишига кўмаклашсин, шунингдек, уларга кириш визаларини, зарур ҳолларда «Тошкент» ва «Самарқанд» халқаро аэропортларида расмийлаштиришни таъминласин.
7. Маданият вазирлиги Оммавий ахборот воситалари учун контент тайёрлаш маркази, Ўзбекистон миллий ахборот агентлиги, Ўзбекистон миллий телерадиокомпанияси, Ўзбекистон миллий медиа бирлашмаси, «Дунё» ахборот агентлиги ва бошқа оммавий ахборот воситалари билан биргаликда Халқаро мукофот, унинг аҳамияти ҳамда ушбу қарор доирасида амалга оширилаётган ишлар кенг ёритиб борилишини ташкил этсин.
8. Белгилаб қўйилсинки, Халқаро мукофот танловини ташкил этиш ва уни ўтказиш бўйича харажатлар 2025 йилда Вазирлар Маҳкамасининг захира жамғармаси ҳисобидан молиялаштирилади, 2026 йилдан бошлаб эса Давлат бюджети параметрларида назарда тутилади.
9. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2025 йил 3 ноябрдаги ПҚ-330-сон қарорига 1-ИЛОВА
«Келажак мероси» халқаро мукофоти кенгаши
1. Т.К. Нарбаева — Ўзбекистон Республикаси Олий Мажлиси Сенати Раиси, Кенгаш раиси 2. Ж.А. Ходжаев — Ўзбекистон Республикаси Бош вазири ўринбосари, Кенгаш раиси ўринбосари 3. Г.О. Умерова — Маданият ва санъатни ривожлантириш жамғармаси раиси 4. О.А. Назарбеков — маданият вазири 5. Б.О. Саидов — ташқи ишлар вазири 6. Ш.Х. Шерматов — рақамли технологиялар вазири 7. Э.Г. Каримова — мактабгача ва мактаб таълими вазири 8. К.А. Шарипов — олий таълим, фан ва инновациялар вазири 9. И.И. Норқулов — иқтисодиёт ва молия вазирининг биринчи ўринбосари 10. Ш.А. Аюпов — Фанлар академияси президенти 11. Б.Г. Абдикаримов — Маданий мерос агентлиги директори 12. Ш.Т. Ризаев — Кинематография агентлиги директори в.б. 13. С.С. Саидов — Ўзбекистон Ёзувчилар уюшмаси раиси 14. А.В. Нуридинов — Ўзбекистон Бадиий академияси раиси 15. Р.А. Абдуллаев — Ўзбекистон композиторлари ва бастакорлари уюшмаси раиси 16. Келишув асосида — халқаро эксперт 17. Келишув асосида — халқаро эксперт 18. Келишув асосида — халқаро эксперт 19. Э.И. Нажимов — Ўзбекистон Республикаси Президенти Администрацияси Креатив иқтисодиёт ва туризм бўйича департаменти бошлиғи ўринбосари, Кенгаш котиби
Ўзбекистон Республикаси Президентининг 2025 йил 3 ноябрдаги ПҚ-330-сон қарорига 2-ИЛОВА
«Келажак мероси» халқаро мукофоти кенгашининг
1. Малакали мутахассис ва ижодкорлардан иборат таркибда талабгорларнинг ишларини кўриб чиқиш бўйича ишчи гуруҳлар фаолиятини йўлга қўйиш.
2. Ишчи гуруҳларнинг хулосаларини ҳамда кенг жамоатчиликнинг фикр-мулоҳазаларини инобатга олган ҳолда Халқаро мукофот ғолибларини аниқлаш.
3. Халқаро мукофот билан тантанали тақдирлаш маросимларига тайёргарлик кўриш ва уни юқори даражада ўтказиш.
4. Халқаро мукофотнинг махсус дипломи ва статуэткаси лойиҳаларини тасдиқлаш.
5. Халқаро мукофотнинг расмий веб-саҳифасини яратиш, ишга тушириш ҳамда фаолияти узлуксиз юритилишини таъминлаш.
6. Халқаро мукофотни маҳаллий ва хорижий оммавий ахборот воситалари, интернет, шу жумладан, ижтимоий тармоқларда кенг тарғиб этиш ҳамда оммалаштириш.
7. Халқаро мукофот ғолиблари билан мунтазам фаол ижодий ҳамкорликни йўлга қўйиш.
8. Халқаро мукофотни жаҳон миқёсидаги нуфузини ошириш ҳамда бу борада фаол халқаро ҳамкорликни йўлга қўйиш.
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 3 ноябрь,
ПҚ-330-сон
Oʻzbekiston Respublikasi Prezidentining
qarori
TARKIBI
ASOSIY VAZIFALARI
“Kelajak merosi” xalqaro mukofotini taʼsis etish toʻgʻrisida
Xalqimizning fidokorona mehnati bilan barpo etilayotgan Yangi Oʻzbekistonning madaniy-maʼrifiy asoslarini mustahkamlash, mamlakatimizning bu boradagi xalqaro obroʻ-eʼtiborini yuksaltirishda qadimiy tarixiy merosimiz namunalari, madaniy boyliklar, ilmiy yutuq va innovatsion gʻoyalarni turli shakllarda, jumladan, ilmiy, adabiy-badiiy, tasviriy yoʻllar bilan faol targʻib etish, ularning nafaqat bugungi, balki kelgusi taraqqiyotimizga xizmat qiladigan taʼsirchan vositaga aylantirishga qaratilgan intilish va amaliy harakatlar bugungi kunda tobora muhim ahamiyat kasb etib bormoqda.
Ana shunday gʻoyat keng qamrovli jarayonlarni Yer yuzidagi barcha xalqlar, jumladan, Oʻzbekiston xalqining ezgu orzulari bilan bogʻlab, adabiyot, madaniyat, sanʼat, ilm-fan, taʼlim va raqamli texnologiyalar sohalarida yuksak natijalarga erishayotgan hamda milliy va umumbashariy qadriyatlar rivojiga, global madaniy taraqqiyotga munosib hissa qoʻshib kelayotgan mahalliy hamda xorijiy ijodkor va ziyolilarni ragʻbatlantirish va qoʻllab-quvvatlash maqsadida qaror qilaman:
1. “Kelajak merosi” xalqaro mukofoti (keyingi oʻrinlarda — Xalqaro mukofot) taʼsis etilsin.
2. Xalqaro mukofot uchun tanlovlar 2025-yildan boshlab har yili quyidagi yoʻnalishlarda oʻtkazib borilsin:
(a) adabiyot;
(b) madaniy meros;
(v) teatr va kino;
(g) musiqa va raqs;
(d) tasviriy va amaliy sanʼat;
(j) moda va dizayn;
(z) ilm-fan, taʼlim va raqamli texnologiyalar.
3. Belgilansinki:
(a) Xalqaro mukofotning har bir yoʻnalishi boʻyicha gʻoliblar statuetka, diplom va 10 ming AQSH dollari miqdoridagi bir martalik pul mukofoti bilan taqdirlanadi;
(b) gʻoliblarga Xalqaro mukofot tantanali ravishda topshiriladi.
4. “Kelajak merosi” xalqaro mukofoti kengashi tuzilsin, uning tarkibi hamda asosiy vazifalari 1 va 2-ilovalarga muvofiq tasdiqlansin. Madaniyat vazirligi Kengashning ishchi organi etib belgilansin.
5. Vazirlar Mahkamasi bir hafta muddatda “Kelajak merosi” xalqaro mukofoti toʻgʻrisidagi nizomni tasdiqlasin.
6. Tashqi ishlar vazirligi Xalqaro mukofotni xorijiy mamlakatlarda keng ommalashtirishga va gʻolib deb topilgan chet ellik ishtirokchilarning mamlakatimizga taklif etilishiga koʻmaklashsin, shuningdek, ularga kirish vizalarini, zarur hollarda “Toshkent” va “Samarqand” xalqaro aeroportlarida rasmiylashtirishni taʼminlasin.
7. Madaniyat vazirligi Ommaviy axborot vositalari uchun kontent tayyorlash markazi, Oʻzbekiston milliy axborot agentligi, Oʻzbekiston milliy teleradiokompaniyasi, Oʻzbekiston milliy media birlashmasi, “Dunyo” axborot agentligi va boshqa ommaviy axborot vositalari bilan birgalikda Xalqaro mukofot, uning ahamiyati hamda ushbu qaror doirasida amalga oshirilayotgan ishlar keng yoritib borilishini tashkil etsin.
8. Belgilab qoʻyilsinki, Xalqaro mukofot tanlovini tashkil etish va uni oʻtkazish boʻyicha xarajatlar 2025-yilda Vazirlar Mahkamasining zaxira jamgʻarmasi hisobidan moliyalashtiriladi, 2026-yildan boshlab esa Davlat budjeti parametrlarida nazarda tutiladi.
9. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2025-yil 3-noyabrdagi PQ-330-son qaroriga 1-ILOVA
“Kelajak merosi” xalqaro mukofoti kengashi
1. T.K. Narbayeva — Oʻzbekiston Respublikasi Oliy Majlisi Senati Raisi, Kengash raisi 2. J.A. Xodjayev — Oʻzbekiston Respublikasi Bosh vaziri oʻrinbosari , Kengash raisi oʻrinbosari 3. G.O. Umerova — Madaniyat va sanʼatni rivojlantirish jamgʻarmasi raisi 4. O.A. Nazarbekov — madaniyat vaziri 5. B.O. Saidov — tashqi ishlar vaziri 6. Sh.X. Shermatov — raqamli texnologiyalar vaziri 7. E.G. Karimova — maktabgacha va maktab taʼlimi vaziri 8. K.A. Sharipov — oliy taʼlim, fan va innovatsiyalar vaziri 9. I.I. Norqulov — iqtisodiyot va moliya vazirining birinchi oʻrinbosari 10. Sh.A. Ayupov — Fanlar akademiyasi prezidenti 11. B.G. Abdikarimov — Madaniy meros agentligi direktori 12. Sh.T. Rizayev — Kinematografiya agentligi direktori v.b. 13. S.S. Saidov — Oʻzbekiston Yozuvchilar uyushmasi raisi 14. A.V. Nuridinov — Oʻzbekiston Badiiy akademiyasi raisi 15. R.A. Abdullayev — Oʻzbekiston kompozitorlari va bastakorlari uyushmasi raisi 16. Kelishuv asosida — xalqaro ekspert 17. Kelishuv asosida — xalqaro ekspert 18. Kelishuv asosida — xalqaro ekspert 19. E.I. Najimov — Oʻzbekiston Respublikasi Prezidenti Administratsiyasi Kreativ iqtisodiyot va turizm boʻyicha departamenti boshligʻi oʻrinbosari, Kengash kotibi
Oʻzbekiston Respublikasi Prezidentining 2025-yil 3-noyabrdagi PQ-330-son qaroriga 2-ILOVA
“Kelajak merosi” xalqaro mukofoti kengashining
1. Malakali mutaxassis va ijodkorlardan iborat tarkibda talabgorlarning ishlarini koʻrib chiqish boʻyicha ishchi guruhlar faoliyatini yoʻlga qoʻyish.
2. Ishchi guruhlarning xulosalarini hamda keng jamoatchilikning fikr-mulohazalarini inobatga olgan holda Xalqaro mukofot gʻoliblarini aniqlash.
3. Xalqaro mukofot bilan tantanali taqdirlash marosimlariga tayyorgarlik koʻrish va uni yuqori darajada oʻtkazish.
4. Xalqaro mukofotning maxsus diplomi va statuetkasi loyihalarini tasdiqlash.
5. Xalqaro mukofotning rasmiy veb-sahifasini yaratish, ishga tushirish hamda faoliyati uzluksiz yuritilishini taʼminlash.
6. Xalqaro mukofotni mahalliy va xorijiy ommaviy axborot vositalari, internet, shu jumladan, ijtimoiy tarmoqlarda keng targʻib etish hamda ommalashtirish.
7. Xalqaro mukofot gʻoliblari bilan muntazam faol ijodiy hamkorlikni yoʻlga qoʻyish.
8. Xalqaro mukofotni jahon miqyosidagi nufuzini oshirish hamda bu borada faol xalqaro hamkorlikni yoʻlga qoʻyish.
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 3-noyabr,
PQ-330-son
Президента Республики Узбекистан
Постановление
СОСТАВ
ОСНОВНЫЕ ЗАДАЧИ
Об учреждении международной премии «Келажак мероси»
В настоящее время все более важное значение обретают устремления и практические действия, направленные на укрепление культурно-просветительских основ Нового Узбекистана, возводимого самоотверженным трудом нашего народа, активную пропаганду образцов древнего исторического наследия, культурных ценностей, научных достижений и инновационных идей в различных формах, в том числе путем научного, литературно-художественного, изобразительного методов в деле повышения международного статуса и авторитета нашей страны в этом направлении, а также на превращение их в действенный инструмент, служащий не только нашему нынешнему, но и будущему развитию.
В целях стимулирования и поддержки отечественных и зарубежных представителей творческой интеллигенции, которые сочетая такие чрезвычайно широкомасштабные процессы с благородными мечтами всех народов на планете, в частности, народа Узбекистана, достигают высоких результатов в сферах литературы, культуры, искусства, науки, образования и цифровых технологий, а также вносят достойный вклад в развитие национальных и общечеловеческих ценностей, глобальный культурный прогресс, постановляю:
1. Учредить международную премию «Келажак мероси» («Наследие будущего») (далее — Международная премия).
2. Проводить конкурсы на Международную премию начиная с 2025 года ежегодно в следующих направлениях:
(а) литература;
(б) культурное наследие;
(в) театр и кино;
(г) музыка и танцы;
(д) изобразительное и прикладное искусство;
(ж) мода и дизайн;
(з) наука, образование и цифровые технологии.
3. Определить, что:
(а) победители Международной премии по каждому направлению награждаются статуэткой, дипломом и единовременной денежной премией в размере 10 тысяч долларов США;
(б) Международная премия вручается победителям в торжественной обстановке.
4. Создать Совет международной премии «Келажак мероси», утвердить его состав и основные задачи согласно приложениям №№ 1 и 2 . Определить Министерство культуры рабочим органом Совета.
5. Кабинету Министров в недельный срок утвердить Положение о Международной премии «Келажак мероси».
6. Министерству иностранных дел оказать содействие широкой популяризации Международной премии в зарубежных странах и приглашению иностранных участников, признанных победителями, в нашу страну, а также обеспечить оформление им въездных виз, при необходимости в международных аэропортах «Ташкент» и «Самарканд».
7. Министерству культуры совместно с Центром подготовки контента для средств массовой информации, Национальным информационным агентством Узбекистана, Национальной телерадиокомпанией Узбекистана, Национальной медиа-ассоциацией Узбекистана, Информационным агентством «Дунё» и другими средствами массовой информации организовать широкое освещение Международной премии, ее значения, а также работы, осуществляемой в рамках настоящего постановления.
8. Установить, что расходы, связанные с организацией и проведением конкурса на Международную премию, в 2025 году финансируются за счет Резервного фонда Кабинета Министров, начиная с 2026 года предусматриваются в параметрах Государственного бюджета.
9. Контроль за исполнением настоящего постановления возложить на Премьер-министра Республики Узбекистан А.Н. Арипова.
ПРИЛОЖЕНИЕ № 1 к постановлению Президента Республики Узбекистан от 3 ноября 2025 года № ПП-330
Совета международной премии «Келажак мероси»
1. Т.К. Нарбаева — председатель Сената Олий Мажлиса Республики Узбекистан, председатель Совета 2. Ж.А. Ходжаев — заместитель Премьер-министра Республики Узбекистан, заместитель председателя Совета 3. Г.О. Умерова — председатель Фонда развития культуры и искусства 4. О.А. Назарбеков — министр культуры 5. Б.О. Саидов — министр иностранных дел 6. Ш.Х. Шерматов — министр цифровых технологий 7. Э.Г. Каримова — министр дошкольного и школьного образования 8. К.А. Шарипов — министр высшего образования, науки и инноваций 9. И.И. Норкулов — первый заместитель министра экономики и финансов 10. Ш.А. Аюпов — Президент Академии наук 11. Б.Г. Абдикаримов — директор Агентства культурного наследия 12. Ш.Т. Ризаев — и.о. директора Агентства кинематографии 13. С.С. Саидов — председатель Союза писателей Узбекистана 14. А.В. Нуридинов — председатель Академии художеств Узбекистана 15. Р.А. Абдуллаев — председатель Союза композиторов и бастакоров Узбекистана 16. По согласованию — международный эксперт 17. По согласованию — международный эксперт 18. По согласованию — международный эксперт 19. Э.И. Нажимов — заместитель начальника Департамента по креативной экономике и туризму Администрации Президента Республики Узбекистан, секретарь Совета
ПРИЛОЖЕНИЕ № 2 к постановлению Президента Республики Узбекистан от 3 ноября 2025 года № ПП-330
Совета международной премии «Келажак мероси»
1. Организация деятельности рабочих групп по рассмотрению работ претендентов из числа квалифицированных специалистов и творческих деятелей.
2. Определение победителей Международной премии с учетом заключения рабочих групп и мнения широкой общественности.
3. Подготовка и проведение на высоком уровне церемоний торжественного вручения Международной премии.
4. Утверждение проектов специального диплома и статуэтки Международной премии.
5. Создание, запуск и обеспечение бесперебойного функционирования официального веб-сайта Международной премии.
6. Широкая пропаганда и популяризация Международной премии в отечественных и зарубежных средствах массовой информации, интернете, в том числе социальных сетях.
7. Организация регулярного активного творческого сотрудничества с победителями Международной премии.
8. Повышение авторитета Международной премии в мировом масштабе и установление активного международного сотрудничества в данном направлении.
Президент Республики Узбекистан Ш. МИРЗИЁЕВ
г. Ташкент,
3 ноября 2025 г.,
№ ПП-330