📅 2025-yil 3-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 3 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 3 ноября 2025 г. · Постановления Президента
Официальный текст. Официальный документ. Редакционные примечания не включены.
📅 3 November 2025 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
МАНЗИЛЛИ ДАСТУР
«ЙЎЛ ХАРИТАСИ»
Қорақалпоғистон Республикасида тузни қайта ишлашни ривожлантиришга қаратилган чора-тадбирлар тўғрисида
Ўзбекистон Республикаси Президентининг 2025 йил 1 апрелдаги ПҚ-132-сон қарори билан тасдиқланган Қўнғирот туманини 2025-2026 йилларда жадал комплекс ривожлантириш дастурининг 3-бандига мувофиқ Қорақалпоғистон Республикасидаги «Барсакелмес» туз конининг мавжуд имкониятларидан самарали фойдаланиш мақсадида қарор қиламан:
I. «Kungrad Salt Free Zone» саноат зонасини ташкил этиш
1. Қорақалпоғистон Республикаси Вазирлар Кенгаши, Инвестициялар, саноат ва савдо вазирлиги ҳамда «Қорақалпоғистон Республикасида лойиҳаларни амалга ошириш маркази» лойиҳа офисининг (кейинги ўринларда — Лойиҳа офиси) «Барсакелмес» туз конида:
(а) 2026 йилда:
(i) қўшимча инфратузилма барпо этиш орқали тузни қайта ишлаш учун қулай шароит яратиш, камида 50 миллион АҚШ доллари миқдоридаги инвестицияларни ўзлаштириш;
(ii) дунё бозоридаги йирик инвесторларни жалб қилиш ва янги экспорт бозорларини ўзлаштириш;
(б) 2026 — 2030 йилларда жами 200 миллион АҚШ доллари миқдоридаги инвестицияларни жалб қилиш тўғрисидаги таклифлари маъқуллансин.
2. Қорақалпоғистон Республикаси Вазирлар Кенгаши, Инвестициялар, саноат ва савдо вазирлиги ҳамда Лойиҳа офиси:
(а) Қўнғирот туманидаги «Барсакелмес» туз кони ҳудудида 1-иловага мувофиқ чегараларда тузни қайта ишлашга ихтисослаштирилган «Kungrad Salt Free Zone» саноат зонаси (кейинги ўринларда — Саноат зонаси)ни ташкил этсин;
(б) 2025-2026 йилларда 50 гектар ер участкасида инвестиция лойиҳаларини амалга оширсин, келгуси йилларда заруратдан келиб чиқиб, Саноат зонаси ҳудудини 200 гектаргача кенгайтириб борсин.
3. Саноат зонасини бошқариш Қорақалпоғистон Республикаси Вазирлар Кенгаши ҳузуридаги Кичик ва ёшлар саноат зоналарини бошқариш дирекциясига юклансин.
II. Манзилли дастур ва молиявий ресурслар
4. «Kungrad Salt Free Zone» саноат зонасини 2025-2026 йилларда муҳандислик-коммуникация ва автомобиль йўллари инфратузилмаси билан таъминлаш бўйича манзилли дастур (кейинги ўринларда — Манзилли дастур) 2-иловага мувофиқ тасдиқлансин.
5. Иқтисодиёт ва молия вазирлиги Манзилли дастурга киритилган объектларни қуриш учун зарур бўлган маблағлар 2025-2026 йилларда ижтимоий ва ишлаб чиқариш инфратузилмасини ривожлантириш дастурлари доирасида ажратилишини таъминласин.
6. Энергетика вазирлиги, «Ўзсувтаъминот» АЖ, Транспорт вазирлиги ҳузуридаги Автомобиль йўллари қўмитаси, «Ҳудудий электр тармоқлари» АЖ ҳамда «Ўзбекистон темир йўллари» АЖ Манзилли дастурга киритилган объектлар тегишлилиги бўйича ўз вақтида ва сифатли қурилишини таъминласин.
III. Инвесторларни жалб қилиш ва уларни қўллаб-қувватлаш
7. Белгилансинки:
(а) «Kungrad Salt Free Zone» саноат зонаси ҳамда «Нукус саноат технопарки» фаолияти Лойиҳа офиси томонидан мувофиқлаштирилади;
(б) Лойиҳа офисига Саноат зонасида лойиҳаларни амалга ошириш бўйича инвесторларнинг барча юзага келган муаммосини «ягона дарча» тамойили асосида вазирлик ва идоралар ҳамда давлат ташкилотлар орқали ҳал қилиш ваколати берилади;
(в) вазирлик ва идоралар ҳамда давлат ташкилотларининг биринчи раҳбарлари Лойиҳа офиси томонидан инвесторлар билан боғлиқ муаммолар тезкор ҳал қилинишини шахсан назорат қилади;
(г) Саноат зонасида инвестиция лойиҳаларини амалга оширишни бошлаган тадбиркорларга 5 йил муддатга «Нукус» эркин иқтисодий зонаси иштирокчиси мақоми берилади.
8. Шундай тартиб ўрнатилсинки, унга мувофиқ:
(а) Саноат зонасида юқори технологияларга асосланган ишлаб чиқаришни йўлга қўйиб, маҳаллий аҳолини ишга қабул қилиш учун қайта тайёрлаш ва малакасини ошириш марказларини ташкил этган инвесторларга ўқитиш билан боғлиқ барча харажатлари қоплаб берилади;
(б) бўш турган давлат мулки объектлари маҳаллий аҳолини қайта тайёрлаш ва малакасини ошириш марказларини ташкил этиш учун инвесторларга тўғридан-тўғри шартномалар асосида 5 йилгача муддатга ижарага ёки текин фойдаланишга Камбағалликни қисқартириш ва бандлик вазирлиги ёки Давлат активларни бошқариш агентлиги томонидан берилади;
(в) маҳаллий аҳолини қайта тайёрлаш ва малакасини ошириш учун инвесторлар томонидан жалб қилинадиган мутахассис, муҳандис ва технологларнинг иш ҳақи харажатлари Бандликка кўмаклашиш давлат жамғармаси маблағлари ҳисобидан қоплаб берилади.
9. Стратегик ривожланиш ва ислоҳотлар агентлиги, Ташқи ишлар вазирлиги Лойиҳа офиси билан келишган ҳолда Қорақалпоғистон Республикасида саноатни ривожлантириш учун юқори технологияли лойиҳаларни амалга ошириш мақсадида 2026 йил 1 апрелга қадар узоқ муддатли шартнома асосида доимий равишда фаолият юритадиган халқаро даражадаги етакчи экспертни жалб этиш чораларини кўрсин.
IV. Қарор ижросини ташкил этиш, таъминлаш ва назорат
10. Саноат зонаси фаолиятини самарали ташкил этиш бўйича «йўл харита»си 3-иловага мувофиқ тасдиқлансин.
11. Мазкур қарорда белгиланган вазифалар ижроси самарали ташкил этилиши ва ўз вақтида амалга оширилишига шахсан масъул этиб Қорақалпоғистон Республикаси Вазирлар Кенгаши Раиси Ф.У. Эрманов белгилансин.
12. Мазкур қарорнинг ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Бош вазир ўринбосари Ж.А. Ходжаев зиммасига юклансин.
Ўзбекистон Республикаси Президентининг 2025 йил 3 ноябрдаги ПҚ-333-сон қарорига 1-ИЛОВА
«Kungrad Salt Free Zone» саноат зонаси ташкил этиладиган ҳудудларнинг чегаралари тавсифи
Т/р Ҳудуд ва унинг чегаралари тавсифи Майдони, гектар Қорақалпоғистон Республикаси Қўнғирот тумани «Устюрт» овул фуқаролар йиғини 1. Шимол томондан 1-нуқта 43°22'44.763''N 58°1'44.975''E 50 2. Шарқ томондан 2-нуқта 43°22'27.275''N 58°2'35.054''E 3. Жануб томондан 3-нуқта 43°22'15.586''N 58°2'27.381''E 4. Ғарб томондан 4-нуқта 43°22'33.073''N 58°1'37.304''E
Ўзбекистон Республикаси Президентининг 2025 йил 3 ноябрдаги ПҚ-333-сон қарорига 2-ИЛОВА
«Kungrad Salt Free Zone» саноат зонасини 2025-2026 йилларда муҳандислик-коммуникация ва автомобиль йўллари инфратузилмаси билан таъминлаш бўйича
Т/р Лойиҳа (объект) номи Амалга ошириш механизми Амалга ошириш муддати Масъул ижрочилар 1. «Kungrad Free Salt Zone» саноат зонасидан сув таъминоти тармоғигача 7 км оралиқда 219 диаметрли сув қувурини тортиш. 1. Лойиҳа-смета ҳужжатларини ишлаб чиқиш ва экспертизадан ўтказиш. 2. Лойиҳа-смета ҳужжатларига мувофиқ қурилиш ишларини амалга ошириш. 2025 йил «Ўзсувтаъминот» АЖ, Иқтисодиёт ва молия вазирлиги, Қорақалпоғистон Республикаси Вазирлар Кенгаши 3. Лойиҳани белгиланган муддатларда ишга тушириш. 2025 - 2026 йиллар 2. Қирққиз маҳалласидаги тармоқдан 33 км оралиқда ер остидан 219 диаметрли газ қувурини тортиш. 1. Лойиҳа-смета ҳужжатларини ишлаб чиқиш ва экспертизадан ўтказиш. 2. Лойиҳа-смета ҳужжатларига мувофиқ қурилиш ишларини амалга ошириш. 2025 йил Энергетика вазирлиги, «Ҳудудгазтаъминот» АЖ, Иқтисодиёт ва молия вазирлиги, Қорақалпоғистон Республикаси Вазирлар Кенгаши 3. Лойиҳани белгиланган муддатларда ишга тушириш. 2025-2026 йиллар 3. «Барсакелмес» туз конидаги сода заводининг мавжуд подстанциясидан электр энергияси тармоғини тортиш. 1. Лойиҳа-смета ҳужжатларини ишлаб чиқиш ва экспертизадан ўтказиш. 2. Лойиҳа-смета ҳужжатларига мувофиқ қурилиш ишларини амалга ошириш. 2025 йил Энергетика вазирлиги, «Ҳудудий электр тармоқлари» АЖ, Иқтисодиёт ва молия вазирлиги, Қорақалпоғистон Республикаси Вазирлар Кенгаши 3. Лойиҳани белгиланган муддатларда ишга тушириш. 2025-2026 йиллар
Ўзбекистон Республикаси Президентининг 2025 йил 3 ноябрдаги ПҚ-333-сон қарорига 3-ИЛОВА
Саноат зона фаолиятини самарали ташкил этиш бўйича
Т/р Чора-тадбирлар Амалга ошириш механизми Амалга ошириш шакли Ижро муддати Масъул ижрочилар 1. Саноат зонасини ташкил этиш учун ер участкасини ажратиш. 1. Саноат зонасини ташкил этиш учун Қўнғирот тумани «Устюрт» овул фуқаролар йиғини ҳудудидан 50 гектар ер майдонини доимий фойдаланиш ҳуқуқи асосида саноат зонаси дирекциясига ажратиш. 2. Заруратдан келиб чиқиб, Саноат зонаси майдонини 200 гектаргача кенгайтириш. Маҳаллий ҳокимликнинг тегишли қарори 2025 йил ноябрь Қорақалпоғистон Республикаси Вазирлар Кенгаши (Ф. Эрманов) 2. Саноат зонасининг бош режасини ишлаб чиқиш ва тасдиқлаш. Саноат зонасининг бош режасини ишлаб чиқиш ва тасдиқлаш чораларини кўриш. Амалий чора-тадбирлар 2025 йил декабрь Қорақалпоғистон Республикаси Вазирлар Кенгаши (Ф. Эрманов), Қурилиш ва уй-жой коммунал хўжалиги вазирлиги (Ш. Хидоятов), Инвестициялар, саноат ва савдо вазирлиги (Л. Кудратов) 3. Саноат зонаси фаолиятини самарали ташкил этиш. Саноат зонаси дирекцияси томонидан: (а) саноат зонаси ҳудудида инвестиция лойиҳаларини амалга ошириш учун тадбиркорлик субъектларини жалб этиш ҳамда ушбу зона ҳудудида ишлаб чиқаришларни жойлаштириш бўйича инвестиция буюртманомаларини сифатли ва ўз вақтида кўриб чиқиш; (б) саноат зонаси ҳудудидаги ер участкалари белгиланган тартибда онлайн аукцион савдоларига чиқарилишини таъминлаш; (в) саноат зонаси ҳудудида жойлаштириладиган инвестиция лойиҳалари ташаббускорлари билан инвестиция битимларини тузиб, белгиланган тартибда тадбиркорларга саноат зонаси иштирокчиси мақомини бериш; (г) «ягона дарча» тамойили асосида лицензия ва рухсат этиш хусусиятига эга ҳужжатларни, шу жумладан, саноат зонасининг бош режасига мувофиқ бинолар ва иншоотларни лойиҳалаштириш, қуриш, ишга тушириш ҳамда улардан фойдаланишни ташкил этиш; (д) инвестиция мажбуриятларини ўз вақтида ёки сифатли бажармаган саноат зонаси иштирокчилари билан тузилган инвестиция битими ва ижара шартномаларини белгиланган тартибда бекор қилиш ҳамда уларнинг саноат зонаси иштирокчиси мақомини бекор қилиш чораларини кўриб бориш. Амалий чора-тадбирлар Доимий Қорақалпоғистон Республикаси Вазирлар Кенгаши (Ф. Эрманов) 4. Қорақалпоғистон Республикасида мавжуд туз захираларини ва истиқболли туз конларини аниқлаш ва ўзлаштириш. 1. Ҳудудда мавжуд туз захираларини ва истиқболли туз конларини аниқлаш ҳамда улар ҳақида маълумотларни очиқ маълумотлар порталига жойлаштириш. Амалий чора-тадбирлар 2026 йил март Тоғ-кон саноати ва геология вазирлиги (Б. Исламов), Иқтисодиёт ва молия вазирлиги (И. Норқулов), Қорақалпоғистон Республикаси Вазирлар Кенгаши (Ф. Эрманов) 2. Аниқланган туз захиралари ва истиқболли туз конларини ўзлаштириш бўйича Вазирлар Маҳкамасига асослантирилган таклифлар киритиш. Асосланган таклифлар ишлаб чиқиш 2026 йил апрель 5. Қорақалпоғистон Республикасини ижтимоий-иқтисодий ривожлантириш бўйича узоқ муддатга хорижий экспертни жалб қилиш. 1. Хорижий экспертнинг Қорақалпоғистон Республикасини ижтимоий-иқтисодий ривожлантириш ҳамда хорижий инвесторларни жалб қилиш бўйича ҳисоботини ва таклифларини кўриб чиқиш. 2. Ҳисобот ва таклифларни кўриб чиқиш натижалари бўйича экспертни жалб қилиш ҳамда унинг фаолиятини Лойиҳа офиси билан яқин ҳамкорликда ташкил қилиш. Амалий чора-тадбирлар 2026 йил апрель Стратегик ривожланиш ва ислоҳотлар агентлиги (Б. Рахматов), Ташқи ишлар вазирлиги (Б. Саидов), Лойиҳа офиси (Б. Жумамуратов) 6. Саноат зонасига тадбиркор ва инвесторларни жалб қилиш. 1. Мамлакатимизда тузни қазиб олиш ва қайта ишлаш соҳасида фаолият юритаётган маҳаллий тадбиркорлар ҳамда хорижий инвесторларга саноат зонасида яратилган шарт-шароитларни етказиш учун Нукус шаҳрида тузни қайта ишловчилар форумини ўтказиш. 2. Форум доирасида тадбиркорлар ҳамда хорижий инвесторларни саноат зонасига жалб қилиш бўйича музокаралар ўтказиш. Амалий чора-тадбирлар 2026 йил сентябрь Инвестициялар, саноат ва савдо вазирлиги (Л. Кудратов), Савдо-саноат палатаси (Д. Вахобов) , Қорақалпоғистон Республикаси Вазирлар Кенгаши (Ф. Эрманов), Лойиҳа офиси (Б. Жумамуратов), Ўзбекистон Республикасининг Хитой, Туркия ва Ҳиндистондаги фавқулодда ва мухтор элчилари 7. Саноат зонаси ҳудудига хорижий инвесторларни жалб қилиш. 1. Хорижий инвесторлар учун саноат зонасида ташкил қилинган қулай инвестиция муҳити, шу жумладан, мавжуд имтиёз ва енгилликлар бўйича маълумотларни қамраб олган тақдимот тайёрлаш. 2. Дунёдаги тузни экспорт қилувчи йирик корхоналарни жалб қилиш бўйича давлатлар ва хорижий корхоналар кесимида «йўл харитаси»ни ишлаб чиқиб, тасдиқлаш. Бунда «K+S» (Германия), «China N ational Salt Industry Corporation» (Хитой), «Tata Chemicals Limited» (Ҳиндистон) корхоналари билан музокаралар ўтказиш, Қорақалпоғистонда лойиҳаларни амалга ошириш учун жалб қилиш ва ҳар бир корхона бўйича масъул вазирлик ва идораларни аниқ белгилаш. Амалий чора-тадбирлар 2026 йил февраль Инвестициялар, саноат ва савдо вазирлиги (Л. Кудратов), Ташқи ишлар вазирлиги (Б. Саидов), Қорақалпоғистон Республикаси Вазирлар Кенгаши (Ф. Эрманов), Лойиҳа офиси (Б. Жумамуратов)
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 3 ноябрь,
ПҚ- 333 -сон
Oʻzbekiston Respublikasi Prezidentining
qarori
MANZILLI DASTUR
“YOʻL XARITASI”
Qoraqalpogʻiston Respublikasida tuzni qayta ishlashni rivojlantirishga qaratilgan chora-tadbirlar toʻgʻrisida
Oʻzbekiston Respublikasi Prezidentining 2025-yil 1-apreldagi PQ-132-son qarori bilan tasdiqlangan Qoʻngʻirot tumanini 2025-2026-yillarda jadal kompleks rivojlantirish dasturining 3-bandiga muvofiq Qoraqalpogʻiston Respublikasidagi “Barsakelmes” tuz konining mavjud imkoniyatlaridan samarali foydalanish maqsadida qaror qilaman:
I. “Kungrad Salt Free Zone” sanoat zonasini tashkil etish
1. Qoraqalpogʻiston Respublikasi Vazirlar Kengashi, Investitsiyalar, sanoat va savdo vazirligi hamda “Qoraqalpogʻiston Respublikasida loyihalarni amalga oshirish markazi” loyiha ofisining (keyingi oʻrinlarda — Loyiha ofisi) “Barsakelmes” tuz konida:
(a) 2026-yilda:
(i) qoʻshimcha infratuzilma barpo etish orqali tuzni qayta ishlash uchun qulay sharoit yaratish, kamida 50 million AQSH dollari miqdoridagi investitsiyalarni oʻzlashtirish;
(ii) dunyo bozoridagi yirik investorlarni jalb qilish va yangi eksport bozorlarini oʻzlashtirish;
(b) 2026 — 2030-yillarda jami 200 million AQSH dollari miqdoridagi investitsiyalarni jalb qilish toʻgʻrisidagi takliflari maʼqullansin.
2. Qoraqalpogʻiston Respublikasi Vazirlar Kengashi, Investitsiyalar, sanoat va savdo vazirligi hamda Loyiha ofisi:
(a) Qoʻngʻirot tumanidagi “Barsakelmes” tuz koni hududida 1-ilovaga muvofiq chegaralarda tuzni qayta ishlashga ixtisoslashtirilgan “Kungrad Salt Free Zone” sanoat zonasi (keyingi oʻrinlarda — Sanoat zonasi)ni tashkil etsin;
(b) 2025-2026-yillarda 50 gektar yer uchastkasida investitsiya loyihalarini amalga oshirsin, kelgusi yillarda zaruratdan kelib chiqib, Sanoat zonasi hududini 200 gektargacha kengaytirib borsin.
3. Sanoat zonasini boshqarish Qoraqalpogʻiston Respublikasi Vazirlar Kengashi huzuridagi Kichik va yoshlar sanoat zonalarini boshqarish direksiyasiga yuklansin.
II. Manzilli dastur va moliyaviy resurslar
4. “Kungrad Salt Free Zone” sanoat zonasini 2025-2026-yillarda muhandislik-kommunikatsiya va avtomobil yoʻllari infratuzilmasi bilan taʼminlash boʻyicha manzilli dastur (keyingi oʻrinlarda — Manzilli dastur) 2-ilovaga muvofiq tasdiqlansin.
5. Iqtisodiyot va moliya vazirligi Manzilli dasturga kiritilgan obyektlarni qurish uchun zarur boʻlgan mablagʻlar 2025-2026-yillarda ijtimoiy va ishlab chiqarish infratuzilmasini rivojlantirish dasturlari doirasida ajratilishini taʼminlasin.
6. Energetika vazirligi, “Oʻzsuvtaʼminot” AJ, Transport vazirligi huzuridagi Avtomobil yoʻllari qoʻmitasi, “Hududiy elektr tarmoqlari” AJ hamda “Oʻzbekiston temir yoʻllari” AJ Manzilli dasturga kiritilgan obyektlar tegishliligi boʻyicha oʻz vaqtida va sifatli qurilishini taʼminlasin.
III. Investorlarni jalb qilish va ularni qoʻllab-quvvatlash
7. Belgilansinki:
(a) “Kungrad Salt Free Zone” sanoat zonasi hamda “Nukus sanoat texnoparki” faoliyati Loyiha ofisi tomonidan muvofiqlashtiriladi;
(b) Loyiha ofisiga Sanoat zonasida loyihalarni amalga oshirish boʻyicha investorlarning barcha yuzaga kelgan muammosini “yagona darcha” tamoyili asosida vazirlik va idoralar hamda davlat tashkilotlar orqali hal qilish vakolati beriladi;
(v) vazirlik va idoralar hamda davlat tashkilotlarining birinchi rahbarlari Loyiha ofisi tomonidan investorlar bilan bogʻliq muammolar tezkor hal qilinishini shaxsan nazorat qiladi;
(g) Sanoat zonasida investitsiya loyihalarini amalga oshirishni boshlagan tadbirkorlarga 5 yil muddatga “Nukus” erkin iqtisodiy zonasi ishtirokchisi maqomi beriladi.
8. Shunday tartib oʻrnatilsinki, unga muvofiq:
(a) Sanoat zonasida yuqori texnologiyalarga asoslangan ishlab chiqarishni yoʻlga qoʻyib, mahalliy aholini ishga qabul qilish uchun qayta tayyorlash va malakasini oshirish markazlarini tashkil etgan investorlarga oʻqitish bilan bogʻliq barcha xarajatlari qoplab beriladi;
(b) boʻsh turgan davlat mulki obyektlari mahalliy aholini qayta tayyorlash va malakasini oshirish markazlarini tashkil etish uchun investorlarga toʻgʻridan-toʻgʻri shartnomalar asosida 5 yilgacha muddatga ijaraga yoki tekin foydalanishga Kambagʻallikni qisqartirish va bandlik vazirligi yoki Davlat aktivlarni boshqarish agentligi tomonidan beriladi;
(v) mahalliy aholini qayta tayyorlash va malakasini oshirish uchun investorlar tomonidan jalb qilinadigan mutaxassis, muhandis va texnologlarning ish haqi xarajatlari Bandlikka koʻmaklashish davlat jamgʻarmasi mablagʻlari hisobidan qoplab beriladi.
9. Strategik rivojlanish va islohotlar agentligi, Tashqi ishlar vazirligi Loyiha ofisi bilan kelishgan holda Qoraqalpogʻiston Respublikasida sanoatni rivojlantirish uchun yuqori texnologiyali loyihalarni amalga oshirish maqsadida 2026-yil 1-aprelga qadar uzoq muddatli shartnoma asosida doimiy ravishda faoliyat yuritadigan xalqaro darajadagi yetakchi ekspertni jalb etish choralarini koʻrsin.
IV. Qaror ijrosini tashkil etish, taʼminlash va nazorat
10. Sanoat zonasi faoliyatini samarali tashkil etish boʻyicha “yoʻl xarita”si 3-ilovaga muvofiq tasdiqlansin.
11. Mazkur qarorda belgilangan vazifalar ijrosi samarali tashkil etilishi va oʻz vaqtida amalga oshirilishiga shaxsan masʼul etib Qoraqalpogʻiston Respublikasi Vazirlar Kengashi Raisi F.U. Ermanov belgilansin.
12. Mazkur qarorning ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Bosh vazir oʻrinbosari J.A. Xodjayev zimmasiga yuklansin.
Oʻzbekiston Respublikasi Prezidentining 2025-yil 3-noyabrdagi PQ-333-son qaroriga 1-ILOVA
“Kungrad Salt Free Zone” sanoat zonasi tashkil etiladigan hududlarning chegaralari tavsifi
T/r Hudud va uning chegaralari tavsifi Maydoni, gektar Qoraqalpogʻiston Respublikasi Qoʻngʻirot tumani “Ustyurt” ovul fuqarolar yigʻini 1. Shimol tomondan 1-nuqta 43°22'44.763''N 58°1'44.975''E 50 2. Sharq tomondan 2-nuqta 43°22'27.275''N 58°2'35.054''E 3. Janub tomondan 3-nuqta 43°22'15.586''N 58°2'27.381''E 4. Gʻarb tomondan 4-nuqta 43°22'33.073''N 58°1'37.304''E
Oʻzbekiston Respublikasi Prezidentining 2025-yil 3-noyabrdagi PQ-333-son qaroriga 2-ILOVA
“Kungrad Salt Free Zone” sanoat zonasini 2025-2026-yillarda muhandislik-kommunikatsiya va avtomobil yoʻllari infratuzilmasi bilan taʼminlash boʻyicha
T/r Loyiha (obyekt) nomi Amalga oshirish mexanizmi Amalga oshirish muddati Masʼul ijrochilar 1. “Kungrad Free Salt Zone” sanoat zonasidan suv taʼminoti tarmogʻigacha 7 km oraliqda 219 diametrli suv quvurini tortish. 1. Loyiha-smeta hujjatlarini ishlab chiqish va ekspertizadan oʻtkazish. 2. Loyiha-smeta hujjatlariga muvofiq qurilish ishlarini amalga oshirish. 2025-yil “Oʻzsuvtaʼminot” AJ, Iqtisodiyot va moliya vazirligi, Qoraqalpogʻiston Respublikasi Vazirlar Kengashi 3. Loyihani belgilangan muddatlarda ishga tushirish. 2025 - 2026-yillar 2. Qirqqiz mahallasidagi tarmoqdan 33 km oraliqda yer ostidan 219 diametrli gaz quvurini tortish. 1. Loyiha-smeta hujjatlarini ishlab chiqish va ekspertizadan oʻtkazish. 2. Loyiha-smeta hujjatlariga muvofiq qurilish ishlarini amalga oshirish. 2025-yil Energetika vazirligi, “Hududgaztaʼminot” AJ, Iqtisodiyot va moliya vazirligi, Qoraqalpogʻiston Respublikasi Vazirlar Kengashi 3. Loyihani belgilangan muddatlarda ishga tushirish. 2025-2026-yillar 3. “Barsakelmes” tuz konidagi soda zavodining mavjud podstansiyasidan elektr energiyasi tarmogʻini tortish. 1. Loyiha-smeta hujjatlarini ishlab chiqish va ekspertizadan oʻtkazish. 2. Loyiha-smeta hujjatlariga muvofiq qurilish ishlarini amalga oshirish. 2025-yil Energetika vazirligi, “Hududiy elektr tarmoqlari” AJ, Iqtisodiyot va moliya vazirligi, Qoraqalpogʻiston Respublikasi Vazirlar Kengashi 3. Loyihani belgilangan muddatlarda ishga tushirish. 2025-2026-yillar
Oʻzbekiston Respublikasi Prezidentining 2025-yil 3-noyabrdagi PQ-333-son qaroriga 3-ILOVA
Sanoat zona faoliyatini samarali tashkil etish boʻyicha
T/r Chora-tadbirlar Amalga oshirish mexanizmi Amalga oshirish shakli Ijro muddati Masʼul ijrochilar 1. Sanoat zonasini tashkil etish uchun yer uchastkasini ajratish. 1. Sanoat zonasini tashkil etish uchun Qoʻngʻirot tumani “Ustyurt” ovul fuqarolar yigʻini hududidan 50 gektar yer maydonini doimiy foydalanish huquqi asosida sanoat zonasi direksiyasiga ajratish. 2. Zaruratdan kelib chiqib, Sanoat zonasi maydonini 200 gektargacha kengaytirish. Mahalliy hokimlikning tegishli qarori 2025-yil noyabr Qoraqalpogʻiston Respublikasi Vazirlar Kengashi (F. Ermanov) 2. Sanoat zonasining bosh rejasini ishlab chiqish va tasdiqlash. Sanoat zonasining bosh rejasini ishlab chiqish va tasdiqlash choralarini koʻrish. Amaliy chora-tadbirlar 2025-yil dekabr Qoraqalpogʻiston Respublikasi Vazirlar Kengashi (F. Ermanov), Qurilish va uy-joy kommunal xoʻjaligi vazirligi (Sh. Xidoyatov), Investitsiyalar, sanoat va savdo vazirligi (L. Kudratov) 3. Sanoat zonasi faoliyatini samarali tashkil etish. Sanoat zonasi direksiyasi tomonidan: (a) sanoat zonasi hududida investitsiya loyihalarini amalga oshirish uchun tadbirkorlik subyektlarini jalb etish hamda ushbu zona hududida ishlab chiqarishlarni joylashtirish boʻyicha investitsiya buyurtmanomalarini sifatli va oʻz vaqtida koʻrib chiqish; (b) sanoat zonasi hududidagi yer uchastkalari belgilangan tartibda onlayn auksion savdolariga chiqarilishini taʼminlash; (v) sanoat zonasi hududida joylashtiriladigan investitsiya loyihalari tashabbuskorlari bilan investitsiya bitimlarini tuzib, belgilangan tartibda tadbirkorlarga sanoat zonasi ishtirokchisi maqomini berish; (g) “yagona darcha” tamoyili asosida litsenziya va ruxsat etish xususiyatiga ega hujjatlarni, shu jumladan, sanoat zonasining bosh rejasiga muvofiq binolar va inshootlarni loyihalashtirish, qurish, ishga tushirish hamda ulardan foydalanishni tashkil etish; (d) investitsiya majburiyatlarini oʻz vaqtida yoki sifatli bajarmagan sanoat zonasi ishtirokchilari bilan tuzilgan investitsiya bitimi va ijara shartnomalarini belgilangan tartibda bekor qilish hamda ularning sanoat zonasi ishtirokchisi maqomini bekor qilish choralarini koʻrib borish. Amaliy chora-tadbirlar Doimiy Qoraqalpogʻiston Respublikasi Vazirlar Kengashi (F. Ermanov) 4. Qoraqalpogʻiston Respublikasida mavjud tuz zaxiralarini va istiqbolli tuz konlarini aniqlash va oʻzlashtirish. 1. Hududda mavjud tuz zaxiralarini va istiqbolli tuz konlarini aniqlash hamda ular haqida maʼlumotlarni ochiq maʼlumotlar portaliga joylashtirish. Amaliy chora-tadbirlar 2026-yil mart Togʻ-kon sanoati va geologiya vazirligi (B. Islamov), Iqtisodiyot va moliya vazirligi (I. Norqulov), Qoraqalpogʻiston Respublikasi Vazirlar Kengashi (F. Ermanov) 2. Aniqlangan tuz zaxiralari va istiqbolli tuz konlarini oʻzlashtirish boʻyicha Vazirlar Mahkamasiga asoslantirilgan takliflar kiritish. Asoslangan takliflar ishlab chiqish 2026-yil aprel 5. Qoraqalpogʻiston Respublikasini ijtimoiy-iqtisodiy rivojlantirish boʻyicha uzoq muddatga xorijiy ekspertni jalb qilish. 1. Xorijiy ekspertning Qoraqalpogʻiston Respublikasini ijtimoiy-iqtisodiy rivojlantirish hamda xorijiy investorlarni jalb qilish boʻyicha hisobotini va takliflarini koʻrib chiqish. 2. Hisobot va takliflarni koʻrib chiqish natijalari boʻyicha ekspertni jalb qilish hamda uning faoliyatini Loyiha ofisi bilan yaqin hamkorlikda tashkil qilish. Amaliy chora-tadbirlar 2026-yil aprel Strategik rivojlanish va islohotlar agentligi (B. Raxmatov), Tashqi ishlar vazirligi (B. Saidov), Loyiha ofisi (B. Jumamuratov) 6. Sanoat zonasiga tadbirkor va investorlarni jalb qilish. 1. Mamlakatimizda tuzni qazib olish va qayta ishlash sohasida faoliyat yuritayotgan mahalliy tadbirkorlar hamda xorijiy investorlarga sanoat zonasida yaratilgan shart-sharoitlarni yetkazish uchun Nukus shahrida tuzni qayta ishlovchilar forumini oʻtkazish. 2. Forum doirasida tadbirkorlar hamda xorijiy investorlarni sanoat zonasiga jalb qilish boʻyicha muzokaralar oʻtkazish. Amaliy chora-tadbirlar 2026-yil sentabr Investitsiyalar, sanoat va savdo vazirligi (L. Kudratov), Savdo-sanoat palatasi (D. Vaxobov) , Qoraqalpogʻiston Respublikasi Vazirlar Kengashi (F. Ermanov), Loyiha ofisi (B. Jumamuratov), Oʻzbekiston Respublikasining Xitoy, Turkiya va Hindistondagi favqulodda va muxtor elchilari 7. Sanoat zonasi hududiga xorijiy investorlarni jalb qilish. 1. Xorijiy investorlar uchun sanoat zonasida tashkil qilingan qulay investitsiya muhiti, shu jumladan, mavjud imtiyoz va yengilliklar boʻyicha maʼlumotlarni qamrab olgan taqdimot tayyorlash. 2. Dunyodagi tuzni eksport qiluvchi yirik korxonalarni jalb qilish boʻyicha davlatlar va xorijiy korxonalar kesimida “yoʻl xaritasi”ni ishlab chiqib, tasdiqlash. Bunda “K+S” (Germaniya), “China N ational Salt Industry Corporation” (Xitoy), “Tata Chemicals Limited” (Hindiston) korxonalari bilan muzokaralar oʻtkazish, Qoraqalpogʻistonda loyihalarni amalga oshirish uchun jalb qilish va har bir korxona boʻyicha masʼul vazirlik va idoralarni aniq belgilash. Amaliy chora-tadbirlar 2026-yil fevral Investitsiyalar, sanoat va savdo vazirligi (L. Kudratov), Tashqi ishlar vazirligi (B. Saidov), Qoraqalpogʻiston Respublikasi Vazirlar Kengashi (F. Ermanov), Loyiha ofisi (B. Jumamuratov)
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 3-noyabr,
PQ- 333 -son