📅 2025-yil 3-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 3 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 3 ноября 2025 г. · Постановления Президента
Официальный текст. Официальный документ. Редакционные примечания не включены.
📅 3 November 2025 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
ЧОРА-ТАДБИРЛАР ДАСТУРИ
РЕЖАСИ
2026 — 2030 йилларда кам учрайдиган (орфан) ва бошқа ирсий-генетик касалликларга чалинган болаларга тиббий ва ижтимоий ёрдам кўрсатишни ташкил этиш бўйича чора-тадбирлар дастурини тасдиқлаш тўғрисида
Ўзбекистон Республикаси Президентининг 2025 йил 19 майдаги «2025 — 2030 йилларда болалар саратонига қарши курашиш бўйича Ўзбекистон Республикаси миллий стратегиясини амалга ошириш чора-тадбирлари тўғрисида»ги ПҚ-186-сон қарорига мувофиқ 2026 — 2030 йилларда кам учрайдиган (орфан) ва бошқа ирсий-генетик касалликларга чалинган болаларга ўз вақтида ташхис қўйиш ва даволаш, мавжуд ва аниқланаётган янги турдаги ирсий ва генетик касалликлар бўйича тиббий ва ижтимоий хизматларни такомиллаштириш мақсадида қарор қиламан:
I. Мақсадлар
1. Қуйидагилар 2026 — 2030 йилларда кам учрайдиган (орфан) ва бошқа ирсий-генетик касалликларни даволаш ва олдини олишнинг асосий мақсадлари этиб белгилансин:
(а) Давлат бюджети маблағлари ҳисобидан бепул даволанадиган кам учрайдиган (орфан) ва бошқа ирсий-генетик касалликлар турини 5 тадан 10 тага етказиш;
(б) кам учрайдиган (орфан) ва бошқа ирсий-генетик касалликларга чалинган болаларнинг дори воситалари, махсус озиқ-овқатлар ва тиббий жиҳозлар билан таъминланиш даражасини 95 фоиздан 99 фоизгача етказиш;
(в) кам учрайдиган (орфан) ва бошқа ирсий-генетик касалликларга чалинган болалар саломатлигини муҳофаза қилиш ва тиклаш, болаларнинг ҳаёт сифатини яхшилаш, уларнинг жамият ҳаётида иштирок этиши учун шарт-шароитлар яратиш.
II. Кам учрайдиган (орфан) ва бошқа ирсий-генетик касалликларга чалинган болаларга тиббий ва ижтимоий ёрдам кўрсатиш ишларини ташкил этиш
2. Ушбу қарор билан белгиланган мақсад ва устувор вазифаларга эришиш мақсадида қуйидагиларни назарда тутувчи 2026 — 2030 йилларда кам учрайдиган (орфан) ва бошқа ирсий-генетик касалликларга чалинган болаларга тиббий ва ижтимоий ёрдам кўрсатиш ишларини ташкил этиш бўйича чора-тадбирлар дастури (кейинги ўринларда — Дастур) 1-иловага мувофиқ тасдиқлансин:
(а) муковисцидоз, талассемия, гемофилия, тизимли бошланувчи ювенил артрит, туғма буллёзли эпидермолиз, бирламчи (туғма) иммунодефицит ҳолати, Дюшенн мушак дистрофияси, склерозлашган панэнцефалит, Гоше ва Помпе касалликларига чалинган беморларни Ўзбекистон Республикаси Давлат бюджети ва грант маблағлари ҳисобидан бепул дори воситалари, махсус озиқ-овқатлар ва тиббий жиҳозлар билан таъминлаш;
(б) аҳоли ўртасида кенг ахборот ва тарғибот кампаниясини ўтказиш.
3. Шундай тартиб ўрнатилсинки, унга кўра 2026 йил 1 январдан бошлаб кам учрайдиган (орфан) ва бошқа ирсий-генетик касалликларга чалинган 18 ёшдан 21 ёшгача бўлган (21 ёш ҳам киради) беморлар Давлат бюджети маблағлари ҳисобидан бепул тиббий кузатувда бўлади ва даволаниш ишлари давом эттирилади.
III. Молиявий таъминот
4. Иқтисодиёт ва молия вазирлиги Соғлиқни сақлаш вазирлигининг асосланган ҳисоб-китоблари асосида 2026 йилдан бошлаб Давлат бюджети параметрларини шакллантиришда зарур маблағларни назарда тутсин.
IV. Соғлиқни сақлаш йўналишидаги тадбирлар бўйича харажатларни молиялаштириш тартибини такомиллаштириш
5. Шундай тартиб ўрнатилсинки, унга мувофиқ соғлиқни сақлаш йўналишидаги қуйидаги тадбирлар бўйича харажатларни молиялаштириш учун зарур маблағлар 2026 йилдан бошлаб ҳар йили Давлат бюджети параметрларида назарда тутилади:
(а) вирусли гепатитнинг «С» ва «В» турларини эрта ташхислаш ва вирусга қарши махсус даволаш ишларини ташкил этиш;
(б) эндокринологик касалликларнинг олдини олиш ва даволаш сифатини ошириш;
(в) нефрология ва гемодиализ хизматини такомиллаштириш;
(г) гематология ва трансфузиология хизматларини ривожлантириш ҳамда онкогематологик ва даволаш қийин бўлган касалликларга чалинган шахсларни янада қўллаб-қувватлаш;
(д) буйрак ва жигар трансплантацияси амалиётларини ўтказиш.
Бунда ушбу йўналишлар бўйича дастурларни амалга оширишни назарда тутувчи алоҳида норматив-ҳуқуқий ҳужжат қабул қилингунга қадар амалдаги қонунчилик ҳужжатларида белгиланган тартибда ва асосланган ҳисоб-китоблар асосида маблағлар режалаштирилади.
V. Қарор ижросини ташкил этиш, таъминлаш ва назорат
6. Мазкур қарор ижросини мониторинг қилиб бориш режаси 2-иловага мувофиқ тасдиқлансин. Бунда:
(а) Соғлиқни сақлаш вазирлиги қарор ижросини мониторинг режасига асосан ҳар йили 15 февралга қадар мониторингдан ўтказсин ҳамда мониторинг натижаларини Ҳисоб палатаси ва Адлия вазирлигига киритиб борсин;
(б) Ҳисоб палатаси Адлия вазирлиги билан биргаликда мониторинг режаси асосида қарор ижросини назорат қилсин ҳамда ҳар йили 25 февралга қадар Президент Администрациясига ахборот киритиб борсин;
(в) «Ijro.gov.uz» тизимида қарор ижросини назоратдан ечишда мониторинг режасида кўрсатилган мақсадларга эришилганлиги инобатга олинсин.
7. Соғлиқни сақлаш вазирлиги Ўзбекистон Миллий телерадиокомпанияси, Олий таълим, фан ва инновациялар вазирлиги, Оила ва хотин-қизлар қўмитаси, Ёшлар ишлари агентлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, нодавлат нотижорат ташкилотлар билан биргаликда тизимли равишда аҳоли ўртасида кам учрайдиган (орфан) ва ирсий-генетик касалликларнинг олдини олиш, соғлом оилани шакллантириш ва соғлом бола туғилиши бўйича тарғибот ишларини мунтазам равишда амалга ошириб борсин.
8. Ўзбекистон Республикаси Президентининг ва Ўзбекистон Республикаси Ҳукуматининг айрим ҳужжатларига 3-иловага мувофиқ ўзгартириш ва қўшимчалар киритилсин.
9. Соғлиқни сақлаш вазирлиги манфаатдор вазирлик ва идоралар билан биргаликда уч ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
10. Мазкур қарорнинг ижросини самарали ташкил қилишга масъул ва шахсий жавобгар этиб соғлиқни сақлаш вазири А.А. Худаяров, Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари белгилансин.
11. Қарор ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2025 йил 3 ноябрдаги ПҚ-331-сон қарорига 1-ИЛОВА
2026 — 2030 йилларда кам учрайдиган (орфан) ва бошқа ирсий-генетик касалликларга чалинган болаларга тиббий ва ижтимоий ёрдам кўрсатишни ташкил этиш бўйича
Т/р Чора-тадбирлар номи Амалга ошириш механизми Бажариш муддати Маблағ (ҳисоб-китоблар асосида) Молиялаштириш манбалари Масъул ижрочилар 1. Муковисцидоз касаллигига чалинган болаларни орфан дори воситалари (Дорназа-альфа, микросферали панкреатин) ва махсус озиқ-овқат маҳсулотлари билан бепул таъминлаш. Ташкилий чора-тадбирлар 2026 — 2030 йиллар 85 млрд сўм , шундан 2026 йилда 14,5 млрд сўм Давлат бюджети маблағлари Соғлиқни сақлаш вазирлиги, Иқтисодиёт ва молия вазирлиги, Инвестициялар, саноат ва савдо вазирлиги 74 млрд сўм , шундан 2026 йилда 12,6 млрд сўм Грантлар ва ҳомийлик хайриялари 2. Гемофилия касаллигига чалинган болаларни орфан дори воситалари (VIII, IX қон ивиш омиллари) билан бепул таъминлаш. Ташкилий чора-тадбирлар 2026 — 2030 йиллар 50 млрд сўм , шундан 2026 йилда 9,5 млрд сўм 160 млрд сўм , шундан 2026 йилда 30,3 млрд сўм Давлат бюджети маблағлари, Онкологик ва гематологик касалликларга чалинган болаларни соғломлаштиришга кўмаклашиш жамғармаси Соғлиқни сақлаш вазирлиги, Иқтисодиёт ва молия вазирлиги 3. Талассемия касаллигига чалинган болаларни орфан дори воситалари (Деферозирокс, дефираксамин) билан бепул таъминлаш. Ташкилий чора-тадбирлар 2026 — 2030 йиллар 77,6 млрд сўм , шундан 2026 йилда 14,6 млрд сўм Давлат бюджети маблағлари Соғлиқни сақлаш вазирлиги, Иқтисодиёт ва молия вазирлиги 115,4 млрд сўм , шундан 2026 йилда 21,7 млрд сўм Онкологик ва гематологик касалликларга чалинган болаларни соғломлаштиришга кўмаклашиш жамғармаси 4. Буллёз эпидермолиз касаллигига чалинган болаларни тиббий буюмлар (декспантенол, мупироцин) ва махсус озиқ-овқат маҳсулотлари билан бепул таъминлаш. Ташкилий чора-тадбирлар 2026 — 2030 йиллар 82,5 млрд сўм , шундан 2026 йилда 16,5 млрд сўм Давлат бюджети маблағлари Соғлиқни сақлаш вазирлиги, Иқтисодиёт ва молия вазирлиги 5. Тизимли бошланувчи ювенил артрит касаллигига чалинган болаларни орфан дори воситалари (Тоцилизумаб) билан бепул таъминлаш. Ташкилий чора-тадбирлар 2026 — 2030 йиллар 20 млрд сўм , шундан 2026 йил учун 3 млрд сўм Давлат бюджети маблағлари Соғлиқни сақлаш вазирлиги, Иқтисодиёт ва молия вазирлиги, Инвестициялар, саноат ва савдо вазирлиги 19,5 млрд сўм , шундан 2026 йилда 3 млрд сўм Грантлар ва ҳомийлик хайриялари 6. Гоше билан оғриган беморларни махсус дори воситалари (Имиглюцераза) билан бепул таъминлаш. Ташкилий чора-тадбирлар 2026 — 2030 йиллар 92,9 млрд сўм , шундан 2026 йил учун 16,8 млрд сўм Болаларни қўллаб-қувватлаш жамоат фонди Соғлиқни сақлаш вазирлиги 7. Помпе билан оғриган беморларни махсус дори воситалари (Алглюкозидаза-альфа) билан бепул таъминлаш. Ташкилий чора-тадбирлар 2026 — 2030 йиллар 45,4 млрд сўм , шундан 2026 йил учун 4,8 млрд сўм Болаларни қўллаб-қувватлаш жамоат фонди Соғлиқни сақлаш вазирлиги 8. Бирламчи (туғма) иммун танқислиги билан оғриган беморларни махсус дори воситалари (одам иммуноглобулини-G) билан бепул таъминлаш. Ташкилий чора-тадбирлар 2026 — 2030 йиллар 41,8 млрд сўм , шундан 2026 йил учун 7,8 млрд сўм Онкологик ва гематологик касалликларга чалинган болаларни соғломлаштиришга кўмаклашиш жамғармаси Соғлиқни сақлаш вазирлиги 9. Дюшен мушак дистрофияси билан касалланган беморларни патогенетик дорилар (дефлазакорт) билан бепул таъминлаш. Ташкилий чора-тадбирлар 2026 — 2030 йиллар 28,4 млрд сўм , шундан 2026 йил учун 5,3 млрд сўм Давлат бюджети маблағлари Соғлиқни сақлаш вазирлиги, Иқтисодиёт ва молия вазирлиги 10. Ўткир ости склерозлашган панэнцефалит билан оғриган беморларни махсус дори воситалари (одам иммуноглобулини-G) ва махсус озиқ-овқат маҳсулотлари билан бепул таъминлаш. Ташкилий чора-тадбирлар 2026 — 2030 йиллар 68,7 млрд сўм , шундан 2026 йил учун 11,9 млрд сўм Давлат бюджети маблағлари Соғлиқни сақлаш вазирлиги, Иқтисодиёт ва молия вазирлиги 11. Кам учрайдиган (орфан) ва бошқа ирсий-генетик касалликларни эрта босқичларда аниқлаш ва даволаш масалалари юзасидан аҳолининг хабардорлик даражаси ва саводхонлигини ошириш. Аҳоли ўртасида оммавий ахборот воситалари, интернет ва ижтимоий тармоқлар орқали кенг кўламли тушунтириш ишларини олиб бориш, мақолалар, теледастур ва радиоэшиттиришлар, аудиовизуал тарғибот материалларини тайёрлаш. 2026 — 2030 йиллар Ҳисоб-китоблар асосида Ижрочилар маблағлари Соғлиқни сақлаш вазирлиги, Ўзбекистон Миллий ахборот агентлиги, Ўзбекистон Миллий телерадиокомпанияси
Изоҳлар: 1. Мазкур дастур доирасида молиялаштириш манбалари ҳисобидан ажратиладиган маблағлар миқдорига нарх ўзгаришлари ҳамда инфляция даражасига мутаносиб равишда Соғлиқни сақлаш вазирлигининг асосланган ҳисоб-китобларига мувофиқ йиллик индексация қилиб бориш орқали аниқлик киритилади. 2. 2026 — 2030 йилларда кам учрайдиган (орфан) ва бошқа ирсий-генетик касалликларга чалинган болаларга тиббий ва ижтимоий ёрдам кўрсатишни ташкил этиш чора-тадбирлари дастурини амалга ошириш учун жами харажатлар 961,2 млрд сўм: шундан: млрд сўм Давлат бюджети маблағлари — 412,2 Онкологик ва гематологик касалликларга чалинган болаларни соғломлаштиришга кўмаклашиш жамғармаси маблағлари — 317,2 Болаларни қўллаб-қувватлаш жамоат фонди маблағлари — 138,3 Халқаро молия ташкилотларининг грант ва кредитлари — 93,5 2026 йил учун: — 172,3 шундан: Давлат бюджети маблағлари — 75,3 Онкологик ва гематологик касалликларга чалинган болаларни соғломлаштиришга кўмаклашиш жамғармаси маблағлари — 59,9 Болаларни қўллаб-қувватлаш жамоат фонди маблағлари — 21,5 Халқаро молия ташкилотларининг грант ва кредитлари — 15,6
Ўзбекистон Республикаси Президентининг 2025 йил 3 ноябрдаги ПҚ-331-сон қарорига 2-ИЛОВА
Ўзбекистон Республикаси Президентининг «2026 — 2030 йилларда кам учрайдиган (орфан) ва бошқа ирсий-генетик касалликларга чалинган болаларга тиббий ва ижтимоий ёрдам кўрсатишни ташкил этиш бўйича чора-тадбирлар дастурини тасдиқлаш тўғрисида»ги қарори ижросини мониторинг қилиш
Т/р Индикатор (субиндикатор) номи Ўлчов бирлиги Жорий ҳолат (йиллик) Мақсадли кўрсаткичлар Ижро учун масъул идоралар Маълумот беришга масъул идоралар 2026 2027 2028 2029 2030 1 2 3 4 5 6 7 8 9 10 11 МАҚСАД: БЕМОР БОЛАЛАРНИ ДОРИ ВОСИТАЛАРИ ВА МАХСУС ОЗИҚ-ОВҚАТ МАҲСУЛОТЛАРИ БИЛАН ТАЪМИНЛАШ I. Ресурс кўрсаткичлари 1. Ажратиладиган Давлат бюджети маблағлари. млн сўм 0 75 329 78 729 82 848 86 357 88 642 Иқтисодиёт ва молия вазирлиги Соғлиқни сақлаш вазирлиги, Иқтисодиёт ва молия вазирлиги 2. Жалб этиладиган грант ва хайрия маблағлари. млн сўм 0 15 588 17 111 19 239 20 333 21 318 Соғлиқни сақлаш вазирлиги Соғлиқни сақлаш вазирлиги, Ташқи ишлар вазирлиги, Иқтисодиёт ва молия вазирлиги, Инвестициялар, саноат ва савдо вазирлиги 3. Онкологик ва гематологик касалликларга чалинган болаларни соғломлаштиришга кўмаклашиш жамғармаси. млн сўм 0 59 861 61 649 63 562 65 625 66 467 Соғлиқни сақлаш вазирлиги Соғлиқни сақлаш вазирлиги, Болалар онкологияси, гематологияси ва иммунологияси ИАТМ 4. Болаларни қўллаб-қувватлаш жамоат фонди маблағлари. млн сўм 0 21 531 23 919 27 830 31 741 33 264 Соғлиқни сақлаш вазирлиги Болаларни қўллаб-қувватлаш жамоат фонди II. Фаолият кўрсаткичлари 1. Дори воситаларини харид қилиш. сон 0 1900 2000 2150 2200 2250 Соғлиқни сақлаш вазирлиги Соғлиқни сақлаш вазирлиги 2. Тиббий жиҳозларни харид қилиш. сон 0 320 320 320 320 320 Соғлиқни сақлаш вазирлиги Соғлиқни сақлаш вазирлиги 3. Махсус озиқ-овқат маҳсулотларини харид қилиш. сон 0 600 600 600 650 650 Соғлиқни сақлаш вазирлиги Соғлиқни сақлаш вазирлиги 4. Ажратилган маблағларнинг мақсадли ўзлаштирилганлиги (харид қилинган дори воситалари, тиббий жиҳозлар ва махсус озиқ-овқат маҳсулотларининг тарқатилиши). фоиз 0 100 100 100 100 100 Соғлиқни сақлаш вазирлиги, масъул жамғармалар Соғлиқни сақлаш вазирлиги, масъул жамғармалар 5. Олиб борилган тарғибот тадбирлари. сон 0 28 30 32 34 36 Соғлиқни сақлаш вазирлиги Соғлиқни сақлаш вазирлиги, Ўзбекистон Миллий ахборот агентлиги, Ўзбекистон Миллий телерадиокомпанияси III. Натижадорлик кўрсаткичлари 1. Кам учрайдиган (орфан) ва бошқа ирсий-генетик касалликларга чалинган болаларнинг дори воситалари билан таъминланганлиги. фоиз 0 96 97 97 98 98 Соғлиқни сақлаш вазирлиги, масъул жамғармалар Соғлиқни сақлаш вазирлиги, масъул жамғармалар 2. Кам учрайдиган (орфан) ва бошқа ирсий-генетик касалликларга чалинган болаларнинг тиббий жиҳозлар билан таъминланганлиги. фоиз 0 95 96 96 97 97 Соғлиқни сақлаш вазирлиги, масъул жамғармалар Соғлиқни сақлаш вазирлиги, масъул жамғармалар 3. Кам учрайдиган (орфан) ва бошқа ирсий-генетик касалликларга чалинган болаларнинг махсус озиқ-овқатлар билан таъминланганлиги. фоиз 0 95 96 96 97 97 Соғлиқни сақлаш вазирлиги, масъул жамғармалар Соғлиқни сақлаш вазирлиги, масъул жамғармалар 4. Аҳолининг кам учрайдиган (орфан) ва бошқа ирсий-генетик касалликлар ва уларнинг вужудга келиш сабабларидан хабардорлик даражаси (сўровнома асосида). фоиз 0 95 96 96 97 97 Соғлиқни сақлаш вазирлиги Соғлиқни сақлаш вазирлиги
Ўзбекистон Республикаси Президентининг 2025 йил 3 ноябрдаги ПҚ-331-сон қарорига 3-ИЛОВА
Ўзбекистон Республикаси Президентининг ва Ўзбекистон Республикаси Ҳукуматининг айрим ҳужжатларига киритилаётган ўзгартириш ва қўшимчалар
1. Ўзбекистон Республикаси Президентининг 2021 йил 28 июлдаги «Соғлиқни сақлаш соҳасида ихтисослаштирилган тиббий ёрдам кўрсатиш тизимини янада такомиллаштириш чора-тадбирлари тўғрисида»ги ПҚ-5199-сон қарорининг 7-банди тўртинчи хатбошиси қуйидаги таҳрирда баён этилсин:
«Республика ихтисослаштирилган онкология ва тиббий радиология илмий-амалий тиббиёт маркази комплекс фойдаланишга топширилиши сабабли Марказнинг Тошкент шаҳар ва Тошкент вилояти филиаллари фаолияти босқичма-босқич тугатилади ҳамда ушбу ҳудудлар аҳолиси учун ҳудудий даражада кўрсатилиши белгиланган тиббий хизматлар Марказда кўрсатилади».
2. Ўзбекистон Республикаси Президентининг 2025 йил 19 майдаги «Соғлиқни сақлаш тизимидаги ислоҳотларни амалга оширишнинг қўшимча чора-тадбирлари тўғрисида»ги ПҚ-185-сон қарорида :
(а) 12-банднинг «а» кичик банди қуйидаги таҳрирда баён этилсин:
«(а) меҳнат қонунчилиги талабларига мувофиқ бирламчи тиббий-санитария ёрдами муассасалари ва туман (шаҳар) марказий шифохоналарининг меҳнат шартлари ўзгарадиган шифокор ва ўрта тиббиёт ходимлари шаффоф имтиҳонлар асосида белгиланган тартибда қайта ишга расмийлаштирилади. Бунда:
(i) имтиҳонлар Соғлиқни сақлаш вазирлиги томонидан Бошқарув самарадорлиги агентлиги билан биргаликда ташкил этилади;
(ii) ходимлар малакасини аниқлашда биринчи навбатда ўтказилган имтиҳон натижалари инобатга олинади ҳамда имтиҳонда энг яхши натижа кўрсатган ходимлар ишга қабул қилинади»;
(б) 1-илованинг матни қуйидаги таҳрирда баён этилсин:
«Туман (шаҳар) соғлиқни сақлаш бўлимларининг намунавий ташкилий тузилмаси
3. Вазирлар Маҳкамасининг 2025 йил 20 июндаги «Республикада аҳолига бирламчи тиббий-санитария ёрдамини кўрсатиш тизимини такомиллаштириш бўйича тажриба-синов лойиҳасини амалга ошириш чора-тадбирлари тўғрисида»ги 384-сон қарорида :
(а) 3-илова қуйидаги мазмундаги 19 1 -банд билан тўлдирилсин:
«19 1 . Туман (шаҳар) марказий шифохонасининг ташкилий тузилмаси туман (шаҳар) соғлиқни сақлаш бўлими томонидан тасдиқланади»;
(б) 6-илованинг 12-банди қуйидаги таҳрирда баён этилсин:
«12. Тиббиёт муассасаларида дастлабки бир чорак давомида:
а) оилавий поликлиника мудирига — базавий тариф ставкасининг 50 фоизи миқдорида;
б) олий тоифали оилавий шифокорларга базавий тариф ставкасининг 60 фоизи, 1-тоифали оилавий шифокорларга — 40 фоизи, 2-тоифали оилавий шифокорларга — 20 фоизи, тоифасиз оилавий шифокорларга — 10 фоизи миқдорида;
в) олий тоифали тиббиёт бригадаси ўрта тиббиёт ходимларига базавий тариф ставкасининг 40 фоизи, 1-тоифали тиббиёт бригадаси ўрта тиббиёт ходимларига — 30 фоизи, 2-тоифали тиббиёт бригадаси ўрта тиббиёт ходимларига — 10 фоизи, тоифасиз тиббиёт бригадаси ўрта тиббиёт ходимларига — 5 фоизи миқдорида устамалар тўланади.
Бунда ушбу тартиб 2025 йил 1 июлдан бошлаб соғлиқни сақлаш тизимини ташкил этишнинг янги модели жорий этилган ҳудудлардаги бирламчи тиббий-санитария ёрдами муассасаларида — 2026 йил 1 январга қадар, бошқа тиббиёт муассасаларида — 2026 йил 1 апрелга қадар амалда бўлади».
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 3 ноябрь,
ПҚ-331-сон
Oʻzbekiston Respublikasi Prezidentining
qarori
CHORA-TADBIRLAR DASTURI
REJASI
2026 — 2030-yillarda kam uchraydigan (orfan) va boshqa irsiy-genetik kasalliklarga chalingan bolalarga tibbiy va ijtimoiy yordam koʻrsatishni tashkil etish boʻyicha chora-tadbirlar dasturini tasdiqlash toʻgʻrisida
Oʻzbekiston Respublikasi Prezidentining 2025-yil 19-maydagi “2025 — 2030-yillarda bolalar saratoniga qarshi kurashish boʻyicha Oʻzbekiston Respublikasi milliy strategiyasini amalga oshirish chora-tadbirlari toʻgʻrisida”gi PQ-186-son qaroriga muvofiq 2026 — 2030-yillarda kam uchraydigan (orfan) va boshqa irsiy-genetik kasalliklarga chalingan bolalarga oʻz vaqtida tashxis qoʻyish va davolash, mavjud va aniqlanayotgan yangi turdagi irsiy va genetik kasalliklar boʻyicha tibbiy va ijtimoiy xizmatlarni takomillashtirish maqsadida qaror qilaman:
I. Maqsadlar
1. Quyidagilar 2026 — 2030-yillarda kam uchraydigan (orfan) va boshqa irsiy-genetik kasalliklarni davolash va oldini olishning asosiy maqsadlari etib belgilansin:
(a) Davlat budjeti mablagʻlari hisobidan bepul davolanadigan kam uchraydigan (orfan) va boshqa irsiy-genetik kasalliklar turini 5 tadan 10 taga yetkazish;
(b) kam uchraydigan (orfan) va boshqa irsiy-genetik kasalliklarga chalingan bolalarning dori vositalari, maxsus oziq-ovqatlar va tibbiy jihozlar bilan taʼminlanish darajasini 95 foizdan 99 foizgacha yetkazish;
(v) kam uchraydigan (orfan) va boshqa irsiy-genetik kasalliklarga chalingan bolalar salomatligini muhofaza qilish va tiklash, bolalarning hayot sifatini yaxshilash, ularning jamiyat hayotida ishtirok etishi uchun shart-sharoitlar yaratish.
II. Kam uchraydigan (orfan) va boshqa irsiy-genetik kasalliklarga chalingan bolalarga tibbiy va ijtimoiy yordam koʻrsatish ishlarini tashkil etish
2. Ushbu qaror bilan belgilangan maqsad va ustuvor vazifalarga erishish maqsadida quyidagilarni nazarda tutuvchi 2026 — 2030-yillarda kam uchraydigan (orfan) va boshqa irsiy-genetik kasalliklarga chalingan bolalarga tibbiy va ijtimoiy yordam koʻrsatish ishlarini tashkil etish boʻyicha chora-tadbirlar dasturi (keyingi oʻrinlarda — Dastur) 1-ilovaga muvofiq tasdiqlansin:
(a) mukovissidoz, talassemiya, gemofiliya, tizimli boshlanuvchi yuvenil artrit, tugʻma bullyozli epidermoliz, birlamchi (tugʻma) immunodefitsit holati, Dyushenn mushak distrofiyasi, sklerozlashgan panensefalit, Goshe va Pompe kasalliklariga chalingan bemorlarni Oʻzbekiston Respublikasi Davlat budjeti va grant mablagʻlari hisobidan bepul dori vositalari, maxsus oziq-ovqatlar va tibbiy jihozlar bilan taʼminlash;
(b) aholi oʻrtasida keng axborot va targʻibot kampaniyasini oʻtkazish.
3. Shunday tartib oʻrnatilsinki, unga koʻra 2026-yil 1-yanvardan boshlab kam uchraydigan (orfan) va boshqa irsiy-genetik kasalliklarga chalingan 18 yoshdan 21 yoshgacha boʻlgan (21 yosh ham kiradi) bemorlar Davlat budjeti mablagʻlari hisobidan bepul tibbiy kuzatuvda boʻladi va davolanish ishlari davom ettiriladi.
III. Moliyaviy taʼminot
4. Iqtisodiyot va moliya vazirligi Sogʻliqni saqlash vazirligining asoslangan hisob-kitoblari asosida 2026-yildan boshlab Davlat budjeti parametrlarini shakllantirishda zarur mablagʻlarni nazarda tutsin.
IV. Sogʻliqni saqlash yoʻnalishidagi tadbirlar boʻyicha xarajatlarni moliyalashtirish tartibini takomillashtirish
5. Shunday tartib oʻrnatilsinki, unga muvofiq sogʻliqni saqlash yoʻnalishidagi quyidagi tadbirlar boʻyicha xarajatlarni moliyalashtirish uchun zarur mablagʻlar 2026-yildan boshlab har yili Davlat budjeti parametrlarida nazarda tutiladi:
(a) virusli gepatitning “S” va “V” turlarini erta tashxislash va virusga qarshi maxsus davolash ishlarini tashkil etish;
(b) endokrinologik kasalliklarning oldini olish va davolash sifatini oshirish;
(v) nefrologiya va gemodializ xizmatini takomillashtirish;
(g) gematologiya va transfuziologiya xizmatlarini rivojlantirish hamda onkogematologik va davolash qiyin boʻlgan kasalliklarga chalingan shaxslarni yanada qoʻllab-quvvatlash;
(d) buyrak va jigar transplantatsiyasi amaliyotlarini oʻtkazish.
Bunda ushbu yoʻnalishlar boʻyicha dasturlarni amalga oshirishni nazarda tutuvchi alohida normativ-huquqiy hujjat qabul qilingunga qadar amaldagi qonunchilik hujjatlarida belgilangan tartibda va asoslangan hisob-kitoblar asosida mablagʻlar rejalashtiriladi.
V. Qaror ijrosini tashkil etish, taʼminlash va nazorat
6. Mazkur qaror ijrosini monitoring qilib borish rejasi 2-ilovaga muvofiq tasdiqlansin. Bunda:
(a) Sogʻliqni saqlash vazirligi qaror ijrosini monitoring rejasiga asosan har yili 15-fevralga qadar monitoringdan oʻtkazsin hamda monitoring natijalarini Hisob palatasi va Adliya vazirligiga kiritib borsin;
(b) Hisob palatasi Adliya vazirligi bilan birgalikda monitoring rejasi asosida qaror ijrosini nazorat qilsin hamda har yili 25-fevralga qadar Prezident Administratsiyasiga axborot kiritib borsin;
(v) “Ijro.gov.uz” tizimida qaror ijrosini nazoratdan yechishda monitoring rejasida koʻrsatilgan maqsadlarga erishilganligi inobatga olinsin.
7. Sogʻliqni saqlash vazirligi Oʻzbekiston Milliy teleradiokompaniyasi, Oliy taʼlim, fan va innovatsiyalar vazirligi, Oila va xotin-qizlar qoʻmitasi, Yoshlar ishlari agentligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, nodavlat notijorat tashkilotlar bilan birgalikda tizimli ravishda aholi oʻrtasida kam uchraydigan (orfan) va irsiy-genetik kasalliklarning oldini olish, sogʻlom oilani shakllantirish va sogʻlom bola tugʻilishi boʻyicha targʻibot ishlarini muntazam ravishda amalga oshirib borsin.
8. Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga 3-ilovaga muvofiq oʻzgartirish va qoʻshimchalar kiritilsin.
9. Sogʻliqni saqlash vazirligi manfaatdor vazirlik va idoralar bilan birgalikda uch oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
10. Mazkur qarorning ijrosini samarali tashkil qilishga masʼul va shaxsiy javobgar etib sogʻliqni saqlash vaziri A.A. Xudayarov, Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari belgilansin.
11. Qaror ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2025-yil 3-noyabrdagi PQ-331-son qaroriga 1-ILOVA
2026 — 2030-yillarda kam uchraydigan (orfan) va boshqa irsiy-genetik kasalliklarga chalingan bolalarga tibbiy va ijtimoiy yordam koʻrsatishni tashkil etish boʻyicha
T/r Chora-tadbirlar nomi Amalga oshirish mexanizmi Bajarish muddati Mablagʻ (hisob-kitoblar asosida) Moliyalashtirish manbalari Masʼul ijrochilar 1. Mukovissidoz kasalligiga chalingan bolalarni orfan dori vositalari (Dornaza-alfa, mikrosferali pankreatin) va maxsus oziq-ovqat mahsulotlari bilan bepul taʼminlash. Tashkiliy chora-tadbirlar 2026 — 2030-yillar 85 mlrd soʻm , shundan 2026-yilda 14,5 mlrd soʻm Davlat budjeti mablagʻlari Sogʻliqni saqlash vazirligi, Iqtisodiyot va moliya vazirligi, Investitsiyalar, sanoat va savdo vazirligi 74 mlrd soʻm , shundan 2026-yilda 12,6 mlrd soʻm Grantlar va homiylik xayriyalari 2. Gemofiliya kasalligiga chalingan bolalarni orfan dori vositalari (VIII, IX qon ivish omillari) bilan bepul taʼminlash. Tashkiliy chora-tadbirlar 2026 — 2030-yillar 50 mlrd soʻm , shundan 2026-yilda 9,5 mlrd soʻm 160 mlrd soʻm , shundan 2026-yilda 30,3 mlrd soʻm Davlat budjeti mablagʻlari, Onkologik va gematologik kasalliklarga chalingan bolalarni sogʻlomlashtirishga koʻmaklashish jamgʻarmasi Sogʻliqni saqlash vazirligi, Iqtisodiyot va moliya vazirligi 3. Talassemiya kasalligiga chalingan bolalarni orfan dori vositalari (Deferoziroks, defiraksamin) bilan bepul taʼminlash. Tashkiliy chora-tadbirlar 2026 — 2030-yillar 77,6 mlrd soʻm , shundan 2026-yilda 14,6 mlrd soʻm Davlat budjeti mablagʻlari Sogʻliqni saqlash vazirligi, Iqtisodiyot va moliya vazirligi 115,4 mlrd soʻm , shundan 2026-yilda 21,7 mlrd soʻm Onkologik va gematologik kasalliklarga chalingan bolalarni sogʻlomlashtirishga koʻmaklashish jamgʻarmasi 4. Bullyoz epidermoliz kasalligiga chalingan bolalarni tibbiy buyumlar (dekspantenol, mupirotsin) va maxsus oziq-ovqat mahsulotlari bilan bepul taʼminlash. Tashkiliy chora-tadbirlar 2026 — 2030-yillar 82,5 mlrd soʻm , shundan 2026-yilda 16,5 mlrd soʻm Davlat budjeti mablagʻlari Sogʻliqni saqlash vazirligi, Iqtisodiyot va moliya vazirligi 5. Tizimli boshlanuvchi yuvenil artrit kasalligiga chalingan bolalarni orfan dori vositalari (Totsilizumab) bilan bepul taʼminlash. Tashkiliy chora-tadbirlar 2026 — 2030-yillar 20 mlrd soʻm , shundan 2026-yil uchun 3 mlrd soʻm Davlat budjeti mablagʻlari Sogʻliqni saqlash vazirligi, Iqtisodiyot va moliya vazirligi, Investitsiyalar, sanoat va savdo vazirligi 19,5 mlrd soʻm , shundan 2026-yilda 3 mlrd soʻm Grantlar va homiylik xayriyalari 6. Goshe bilan ogʻrigan bemorlarni maxsus dori vositalari (Imiglyutseraza) bilan bepul taʼminlash. Tashkiliy chora-tadbirlar 2026 — 2030-yillar 92,9 mlrd soʻm , shundan 2026-yil uchun 16,8 mlrd soʻm Bolalarni qoʻllab-quvvatlash jamoat fondi Sogʻliqni saqlash vazirligi 7. Pompe bilan ogʻrigan bemorlarni maxsus dori vositalari (Alglyukozidaza-alfa) bilan bepul taʼminlash. Tashkiliy chora-tadbirlar 2026 — 2030-yillar 45,4 mlrd soʻm , shundan 2026-yil uchun 4,8 mlrd soʻm Bolalarni qoʻllab-quvvatlash jamoat fondi Sogʻliqni saqlash vazirligi 8. Birlamchi (tugʻma) immun tanqisligi bilan ogʻrigan bemorlarni maxsus dori vositalari (odam immunoglobulini-G) bilan bepul taʼminlash. Tashkiliy chora-tadbirlar 2026 — 2030-yillar 41,8 mlrd soʻm , shundan 2026-yil uchun 7,8 mlrd soʻm Onkologik va gematologik kasalliklarga chalingan bolalarni sogʻlomlashtirishga koʻmaklashish jamgʻarmasi Sogʻliqni saqlash vazirligi 9. Dyushen mushak distrofiyasi bilan kasallangan bemorlarni patogenetik dorilar (deflazakort) bilan bepul taʼminlash. Tashkiliy chora-tadbirlar 2026 — 2030-yillar 28,4 mlrd soʻm , shundan 2026-yil uchun 5,3 mlrd soʻm Davlat budjeti mablagʻlari Sogʻliqni saqlash vazirligi, Iqtisodiyot va moliya vazirligi 10. Oʻtkir osti sklerozlashgan panensefalit bilan ogʻrigan bemorlarni maxsus dori vositalari (odam immunoglobulini-G) va maxsus oziq-ovqat mahsulotlari bilan bepul taʼminlash. Tashkiliy chora-tadbirlar 2026 — 2030-yillar 68,7 mlrd soʻm , shundan 2026-yil uchun 11,9 mlrd soʻm Davlat budjeti mablagʻlari Sogʻliqni saqlash vazirligi, Iqtisodiyot va moliya vazirligi 11. Kam uchraydigan (orfan) va boshqa irsiy-genetik kasalliklarni erta bosqichlarda aniqlash va davolash masalalari yuzasidan aholining xabardorlik darajasi va savodxonligini oshirish. Aholi oʻrtasida ommaviy axborot vositalari, internet va ijtimoiy tarmoqlar orqali keng koʻlamli tushuntirish ishlarini olib borish, maqolalar, teledastur va radioeshittirishlar, audiovizual targʻibot materiallarini tayyorlash. 2026 — 2030-yillar Hisob-kitoblar asosida Ijrochilar mablagʻlari Sogʻliqni saqlash vazirligi, Oʻzbekiston Milliy axborot agentligi, Oʻzbekiston Milliy teleradiokompaniyasi
Izohlar: 1. Mazkur dastur doirasida moliyalashtirish manbalari hisobidan ajratiladigan mablagʻlar miqdoriga narx oʻzgarishlari hamda inflyatsiya darajasiga mutanosib ravishda Sogʻliqni saqlash vazirligining asoslangan hisob-kitoblariga muvofiq yillik indeksatsiya qilib borish orqali aniqlik kiritiladi. 2. 2026 — 2030-yillarda kam uchraydigan (orfan) va boshqa irsiy-genetik kasalliklarga chalingan bolalarga tibbiy va ijtimoiy yordam koʻrsatishni tashkil etish chora-tadbirlari dasturini amalga oshirish uchun jami xarajatlar 961,2 mlrd soʻm: shundan: mlrd soʻm Davlat budjeti mablagʻlari — 412,2 Onkologik va gematologik kasalliklarga chalingan bolalarni sogʻlomlashtirishga koʻmaklashish jamgʻarmasi mablagʻlari — 317,2 Bolalarni qoʻllab-quvvatlash jamoat fondi mablagʻlari — 138,3 Xalqaro moliya tashkilotlarining grant va kreditlari — 93,5 2026-yil uchun: — 172,3 shundan: Davlat budjeti mablagʻlari — 75,3 Onkologik va gematologik kasalliklarga chalingan bolalarni sogʻlomlashtirishga koʻmaklashish jamgʻarmasi mablagʻlari — 59,9 Bolalarni qoʻllab-quvvatlash jamoat fondi mablagʻlari — 21,5 Xalqaro moliya tashkilotlarining grant va kreditlari — 15,6
Oʻzbekiston Respublikasi Prezidentining 2025-yil 3-noyabrdagi PQ-331-son qaroriga 2-ILOVA
Oʻzbekiston Respublikasi Prezidentining “2026 — 2030-yillarda kam uchraydigan (orfan) va boshqa irsiy-genetik kasalliklarga chalingan bolalarga tibbiy va ijtimoiy yordam koʻrsatishni tashkil etish boʻyicha chora-tadbirlar dasturini tasdiqlash toʻgʻrisida”gi qarori ijrosini monitoring qilish
T/r Indikator (subindikator) nomi Oʻlchov birligi Joriy holat (yillik) Maqsadli koʻrsatkichlar Ijro uchun masʼul idoralar Maʼlumot berishga masʼul idoralar 2026 2027 2028 2029 2030 1 2 3 4 5 6 7 8 9 10 11 MAQSAD: BEMOR BOLALARNI DORI VOSITALARI VA MAXSUS OZIQ-OVQAT MAHSULOTLARI BILAN TAʼMINLASH I. Resurs koʻrsatkichlari 1. Ajratiladigan Davlat budjeti mablagʻlari. mln soʻm 0 75 329 78 729 82 848 86 357 88 642 Iqtisodiyot va moliya vazirligi Sogʻliqni saqlash vazirligi, Iqtisodiyot va moliya vazirligi 2. Jalb etiladigan grant va xayriya mablagʻlari. mln soʻm 0 15 588 17 111 19 239 20 333 21 318 Sogʻliqni saqlash vazirligi Sogʻliqni saqlash vazirligi, Tashqi ishlar vazirligi, Iqtisodiyot va moliya vazirligi, Investitsiyalar, sanoat va savdo vazirligi 3. Onkologik va gematologik kasalliklarga chalingan bolalarni sogʻlomlashtirishga koʻmaklashish jamgʻarmasi. mln soʻm 0 59 861 61 649 63 562 65 625 66 467 Sogʻliqni saqlash vazirligi Sogʻliqni saqlash vazirligi, Bolalar onkologiyasi, gematologiyasi va immunologiyasi IATM 4. Bolalarni qoʻllab-quvvatlash jamoat fondi mablagʻlari. mln soʻm 0 21 531 23 919 27 830 31 741 33 264 Sogʻliqni saqlash vazirligi Bolalarni qoʻllab-quvvatlash jamoat fondi II. Faoliyat koʻrsatkichlari 1. Dori vositalarini xarid qilish. son 0 1900 2000 2150 2200 2250 Sogʻliqni saqlash vazirligi Sogʻliqni saqlash vazirligi 2. Tibbiy jihozlarni xarid qilish. son 0 320 320 320 320 320 Sogʻliqni saqlash vazirligi Sogʻliqni saqlash vazirligi 3. Maxsus oziq-ovqat mahsulotlarini xarid qilish. son 0 600 600 600 650 650 Sogʻliqni saqlash vazirligi Sogʻliqni saqlash vazirligi 4. Ajratilgan mablagʻlarning maqsadli oʻzlashtirilganligi (xarid qilingan dori vositalari, tibbiy jihozlar va maxsus oziq-ovqat mahsulotlarining tarqatilishi). foiz 0 100 100 100 100 100 Sogʻliqni saqlash vazirligi, masʼul jamgʻarmalar Sogʻliqni saqlash vazirligi, masʼul jamgʻarmalar 5. Olib borilgan targʻibot tadbirlari. son 0 28 30 32 34 36 Sogʻliqni saqlash vazirligi Sogʻliqni saqlash vazirligi, Oʻzbekiston Milliy axborot agentligi, Oʻzbekiston Milliy teleradiokompaniyasi III. Natijadorlik koʻrsatkichlari 1. Kam uchraydigan (orfan) va boshqa irsiy-genetik kasalliklarga chalingan bolalarning dori vositalari bilan taʼminlanganligi. foiz 0 96 97 97 98 98 Sogʻliqni saqlash vazirligi, masʼul jamgʻarmalar Sogʻliqni saqlash vazirligi, masʼul jamgʻarmalar 2. Kam uchraydigan (orfan) va boshqa irsiy-genetik kasalliklarga chalingan bolalarning tibbiy jihozlar bilan taʼminlanganligi. foiz 0 95 96 96 97 97 Sogʻliqni saqlash vazirligi, masʼul jamgʻarmalar Sogʻliqni saqlash vazirligi, masʼul jamgʻarmalar 3. Kam uchraydigan (orfan) va boshqa irsiy-genetik kasalliklarga chalingan bolalarning maxsus oziq-ovqatlar bilan taʼminlanganligi. foiz 0 95 96 96 97 97 Sogʻliqni saqlash vazirligi, masʼul jamgʻarmalar Sogʻliqni saqlash vazirligi, masʼul jamgʻarmalar 4. Aholining kam uchraydigan (orfan) va boshqa irsiy-genetik kasalliklar va ularning vujudga kelish sabablaridan xabardorlik darajasi (soʻrovnoma asosida). foiz 0 95 96 96 97 97 Sogʻliqni saqlash vazirligi Sogʻliqni saqlash vazirligi
Oʻzbekiston Respublikasi Prezidentining 2025-yil 3-noyabrdagi PQ-331-son qaroriga 3-ILOVA
Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2021-yil 28-iyuldagi “Sogʻliqni saqlash sohasida ixtisoslashtirilgan tibbiy yordam koʻrsatish tizimini yanada takomillashtirish chora-tadbirlari toʻgʻrisida”gi PQ-5199-son qarorining 7-bandi toʻrtinchi xatboshisi quyidagi tahrirda bayon etilsin:
“Respublika ixtisoslashtirilgan onkologiya va tibbiy radiologiya ilmiy-amaliy tibbiyot markazi kompleks foydalanishga topshirilishi sababli Markazning Toshkent shahar va Toshkent viloyati filiallari faoliyati bosqichma-bosqich tugatiladi hamda ushbu hududlar aholisi uchun hududiy darajada koʻrsatilishi belgilangan tibbiy xizmatlar Markazda koʻrsatiladi”.
2. Oʻzbekiston Respublikasi Prezidentining 2025-yil 19-maydagi “Sogʻliqni saqlash tizimidagi islohotlarni amalga oshirishning qoʻshimcha chora-tadbirlari toʻgʻrisida”gi PQ-185-son qarorida :
(a) 12-bandning “a” kichik bandi quyidagi tahrirda bayon etilsin:
“(a) mehnat qonunchiligi talablariga muvofiq birlamchi tibbiy-sanitariya yordami muassasalari va tuman (shahar) markaziy shifoxonalarining mehnat shartlari oʻzgaradigan shifokor va oʻrta tibbiyot xodimlari shaffof imtihonlar asosida belgilangan tartibda qayta ishga rasmiylashtiriladi. Bunda:
(i) imtihonlar Sogʻliqni saqlash vazirligi tomonidan Boshqaruv samaradorligi agentligi bilan birgalikda tashkil etiladi;
(ii) xodimlar malakasini aniqlashda birinchi navbatda oʻtkazilgan imtihon natijalari inobatga olinadi hamda imtihonda eng yaxshi natija koʻrsatgan xodimlar ishga qabul qilinadi”;
(b) 1-ilovaning matni quyidagi tahrirda bayon etilsin:
“Tuman (shahar) sogʻliqni saqlash boʻlimlarining namunaviy tashkiliy tuzilmasi
3. Vazirlar Mahkamasining 2025-yil 20-iyundagi “Respublikada aholiga birlamchi tibbiy-sanitariya yordamini koʻrsatish tizimini takomillashtirish boʻyicha tajriba-sinov loyihasini amalga oshirish chora-tadbirlari toʻgʻrisida”gi 384-son qarorida :
(a) 3-ilova quyidagi mazmundagi 19 1 -band bilan toʻldirilsin:
“19 1 . Tuman (shahar) markaziy shifoxonasining tashkiliy tuzilmasi tuman (shahar) sogʻliqni saqlash boʻlimi tomonidan tasdiqlanadi”;
(b) 6-ilovaning 12-bandi quyidagi tahrirda bayon etilsin:
“12. Tibbiyot muassasalarida dastlabki bir chorak davomida:
a) oilaviy poliklinika mudiriga — bazaviy tarif stavkasining 50 foizi miqdorida;
b) oliy toifali oilaviy shifokorlarga bazaviy tarif stavkasining 60 foizi, 1-toifali oilaviy shifokorlarga — 40 foizi, 2-toifali oilaviy shifokorlarga — 20 foizi, toifasiz oilaviy shifokorlarga — 10 foizi miqdorida;
v) oliy toifali tibbiyot brigadasi oʻrta tibbiyot xodimlariga bazaviy tarif stavkasining 40 foizi, 1-toifali tibbiyot brigadasi oʻrta tibbiyot xodimlariga — 30 foizi, 2-toifali tibbiyot brigadasi oʻrta tibbiyot xodimlariga — 10 foizi, toifasiz tibbiyot brigadasi oʻrta tibbiyot xodimlariga — 5 foizi miqdorida ustamalar toʻlanadi.
Bunda ushbu tartib 2025-yil 1-iyuldan boshlab sogʻliqni saqlash tizimini tashkil etishning yangi modeli joriy etilgan hududlardagi birlamchi tibbiy-sanitariya yordami muassasalarida — 2026-yil 1-yanvarga qadar, boshqa tibbiyot muassasalarida — 2026-yil 1-aprelga qadar amalda boʻladi”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 3-noyabr,
PQ-331-son
Президента Республики Узбекистан
Постановление
Об утверждении Программы мер по организации оказания медицинской и социальной помощи детям, страдающим редкими (орфанными) и другими наследственно-генетическими заболеваниями, на 2026 — 2030 годы
В соответствии с постановлением Президента Республики Узбекистан от 19 мая 2025 года № ПП-186 «О мерах по реализации Национальной стратегии Республики Узбекистан по борьбе с детским раком на 2025 — 2030 годы» и в целях своевременной диагностики и лечения детей, страдающих редкими (орфанными) и другими наследственно-генетическими заболеваниями, совершенствования медицинских и социальных услуг по имеющимся и выявляемым новым видам наследственных и генетических заболеваний в 2026 — 2030 годах постановляю:
I. Цели
1. Определить основными целями лечения и профилактики редких (орфанных) и других наследственно-генетических заболеваний в 2026 — 2030 годах:
(а) доведение с 5 видов до 10 видов редких (орфанных) и других наследственно-генетических заболеваний, лечение которых осуществляется на бесплатной основе за счет средств Государственного бюджета;
(б) доведение с 95 процентов до 99 процентов уровня обеспечения лекарственными средствами, специальным питанием и изделиями медицинского назначения детей, страдающих редкими (орфанными) и другими наследственно-генетическими заболеваниями;
(в) охрану здоровья и реабилитацию детей, страдающих редкими (орфанными) и другими наследственно-генетическими заболеваниями, а также создание условий для улучшения качества жизни детей и их участия в общественной жизни.
II. Организация работ по оказанию медицинской и социальной помощи детям, страдающим редкими (орфанными) и другими наследственно-генетическими заболеваниями
2. Для достижения целей и приоритетных задач, определенных настоящим постановлением, утвердить Программу мер организации работ по оказанию медицинской и социальной помощи детям, страдающим редкими (орфанными) и другими наследственно-генетическими заболеваниями, на 2026 — 2030 годы (далее — Программа) согласно приложению № 1 * , предусматривающую:
(а) обеспечение на бесплатной основе лекарственными средствами, специальным питанием и изделиями медицинского назначения для лечения больных, страдающих такими болезнями, как муковисцидоз, талассемия, гемофилия, ювенильный артрит с системным началом, врожденный буллезный эпидермолиз, первичные (врожденные) иммунодефицитные состояния, миодистрофия Дюшенна (мышечная дистрофия), склерозный панэнцефалит, а также болезнями Гоше и Помпе, за счет средств Государственного бюджета Республики Узбекистан и грантов;
(б) проведение среди населения широкой информационной и пропагандистской кампании.
3. Установить порядок, в соответствии с которым начиная с 1 января 2026 года медицинское наблюдение больных в возрасте от 18 лет до 21 года (включительно), страдающих редкими (орфанными) и другими наследственно-генетическими заболеваниями, а также меры по их лечению осуществляются на бесплатной основе за счет средств Государственного бюджета.
III. Финансовое обеспечение
4. Министерству экономики и финансов на основе обоснованных расчетов Министерства здравоохранения начиная с 2026 года предусматривать необходимые средства при формировании параметров Государственного бюджета.
IV. Совершенствование порядка финансирования расходов по мероприятиям в направлении здравоохранения
5. Установить порядок, в соответствии с которым средства, необходимые для финансирования расходов на следующие мероприятия в направлении здравоохранения, начиная с 2026 года ежегодно предусматриваются в параметрах Государственного бюджета:
(а) организация работ по ранней диагностике вирусного гепатита видов «С» и «В», противовирусному специальному лечению;
(б) повышение качества профилактики и лечения эндокринологических заболеваний;
(в) совершенствование службы нефрологии и гемодиализа;
(г) развитие служб гематологии и трансфузиологии, а также дальнейшая поддержка лиц, страдающих онкогематологическими и трудноизлечимыми заболеваниями;
(д) проведение операций по трансплантации почек и печени.
При этом до принятия отдельного нормативно-правового акта, предусматривающего реализацию программ по данным направлениям, средства планируются в установленном действующими актами законодательства порядке и на основе обоснованных расчетов.
V. Организация, обеспечение и контроль исполнения постановления
6. Утвердить План ведения мониторинга исполнения настоящего постановления согласно приложению № 2 * . При этом:
(а) Министерству здравоохранения в соответствии с Планом ведения мониторинга ежегодно в срок до 15 февраля проводить мониторинг исполнения настоящего постановления, результаты которого вносить в Счетную палату и Министерство юстиции;
(б) Счетной палате совместно с Министерством юстиции на основании Плана ведения мониторинга контролировать исполнение настоящего постановления и ежегодно в срок до 25 февраля вносить информацию в Администрацию Президента Республики Узбекистан;
(в) при снятии с контроля исполнения настоящего постановления в системе «Ijro.gov.uz» учитывать достижение целей, указанных в Плане ведения мониторинга.
7. Министерству здравоохранения совместно с Национальной телерадиокомпанией Узбекистана, Министерством высшего образования, науки и инноваций, Комитетом семьи и женщин, Агентством по делам молодежи, Советом Министров Республики Каракалпакстан, хокимиятами областей и города Ташкента, а также негосударственными некоммерческими организациями на постоянной основе вести пропагандистские работы по профилактике редких (орфанных) и других наследственно-генетических заболеваний, формированию здоровой семьи и рождению здорового ребенка среди населения на системной основе.
8. Внести изменения и дополнения в некоторые акты Президента Республики Узбекистан и Правительства Республики Узбекистан согласно приложению № 3 .
9. Министерству здравоохранения совместно с заинтересованными министерствами и ведомствами в трехмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
10. Возложить на министра здравоохранения А.А. Худаярова, Председателя Совета Министров Республики Каракалпакстан, хокимов областей и города Ташкента персональную ответственность за эффективную организацию исполнения настоящего постановления.
11. Обсуждение хода исполнения настоящего постановления, осуществление координации и контроля за деятельностью организаций, ответственных за его исполнение, возложить на Премьер-министра Республики Узбекистан А.Н. Арипова.
ПРИЛОЖЕНИЕ № 3 к постановлению Президента Республики Узбекистан от 3 ноября 2025 года № ПП-331
Изменения и дополнения, вносимые в некоторые акты Президента Республики Узбекистан и Правительства Республики Узбекистан
1. Абзац четвертый пункта 7 постановления Президента Республики Узбекистан от 28 июля 2021 года № ПП-5199 «О мерах по дальнейшему совершенствованию системы оказания специализированной медицинской помощи в сфере здравоохранения» изложить в следующей редакции:
«в связи со сдачей в комплексную эксплуатацию Республиканского специализированного научно-практического медицинского центра онкологии и медицинской радиологии деятельность Ташкентского городского и Ташкентского областного филиалов Центра будет поэтапно прекращена, а также медицинские услуги, подлежащие оказанию на территориальном уровне населению данных регионов, будут предоставляться в Центре».
2. В постановлении Президента Республики Узбекистан от 19 мая 2025 года № ПП-185 «О дополнительных мерах по реализации реформ в системе здравоохранения»:
(а) подпункт «а» пункта 12 изложить в следующей редакции:
«(а) врачи и средний медицинский персонал учреждений первичной медико-санитарной помощи и центральных больниц районов (городов) с изменяющимися условиями труда согласно требованиям трудового законодательства переоформляются на работу на основе прозрачно проводимых экзаменов в установленном порядке. При этом:
(i) экзамены организовываются Министерством здравоохранения совместно с Агентством эффективности управления;
(ii) при определении квалификации работников в первую очередь учитываются результаты проведенных экзаменов и на работу принимаются работники, показавшие на экзамене наилучший результат»;
(б) текст на государственном языке приложения № 1 изложить в следующей редакции:
«Туман (шаҳар) соғлиқни сақлаш бўлимларининг намунавий ташкилий тузилмаси
3. В тексте на государственном языке постановления Кабинета Министров от 20 июня 2025 года № 384 «О мерах по реализации экспериментального проекта по совершенствованию системы оказания первичной медико-санитарной помощи населению в республике»:
(а) приложение № 3 дополнить пунктом 19 1 следующего содержания:
«19 1 . Туман (шаҳар) марказий шифохонасининг ташкилий тузилмаси туман (шаҳар) соғлиқни сақлаш бўлими томонидан тасдиқланади»;
(б) пункт 12 приложения № 6 изложить в следующей редакции:
«12. Тиббиёт муассасаларида дастлабки бир чорак давомида:
а) оилавий поликлиника мудирига — базавий тариф ставкасининг 50 фоизи миқдорида;
б) олий тоифали оилавий шифокорларга базавий тариф ставкасининг 60 фоизи, 1-тоифали оилавий шифокорларга — 40 фоизи, 2-тоифали оилавий шифокорларга — 20 фоизи, тоифасиз оилавий шифокорларга — 10 фоизи миқдорида;
в) олий тоифали тиббиёт бригадаси ўрта тиббиёт ходимларига базавий тариф ставкасининг 40 фоизи, 1-тоифали тиббиёт бригадаси ўрта тиббиёт ходимларига — 30 фоизи, 2-тоифали тиббиёт бригадаси ўрта тиббиёт ходимларига — 10 фоизи, тоифасиз тиббиёт бригадаси ўрта тиббиёт ходимларига — 5 фоизи миқдорида устамалар тўланади.
Бунда ушбу тартиб 2025 йил 1 июлдан бошлаб соғлиқни сақлаш тизимини ташкил этишнинг янги модели жорий этилган ҳудудлардаги бирламчи тиббий-санитария ёрдами муассасаларида — 2026 йил 1 январга қадар, бошқа тиббиёт муассасаларида — 2026 йил 1 апрелга қадар амалда бўлади».
Президент Республики Узбекистан Ш. МИРЗИЁЕВ
г. Ташкент,
3 ноября 2025 г.,
№ ПП-331