📅 2025-yil 9-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 9 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 9 ноября 2025 г. · Постановления Президента
Официальный текст. Официальный документ. Редакционные примечания не включены.
📅 9 November 2025 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Тиббиёт ва фармацевтика ходимларини қўллаб-қувватлаш чоралари тўғрисида
Давлат тиббиёт муассасалари ходимларини ижтимоий ҳимоя қилишни кучайтириш, уларнинг моддий манфаатдорлигини ошириш, самарали ишлаши учун муносиб шарт-шароитлар яратиш мақсадида қарор қиламан:
I. Мақсадлар
1. Қуйидагилар тиббиёт ва фармацевтика ходимларини қўллаб-қувватлашнинг асосий мақсадлари этиб белгилансин:
(а) тиббиёт ва фармацевтика ходимларини ижтимоий ҳимоя қилишни кучайтириш, уларнинг моддий манфаатдорлигини ошириш;
(б) аҳолига сифатли ва самарали тиббий хизмат кўрсатаётган фидойи ходимларга қўшимча рағбатлантириш чораларини жорий этиш;
(в) истиқболли ёш мутахассислар ўз касбий малакасини ошириб бориши учун қўшимча имкониятлар яратиш;
(г) «шифокор — аҳоли саломатлиги посбони» шиори остида жамиятда уларнинг нуфузини ошириш.
II. Тиббиёт ва фармацевтика ходимларини молиявий қўллаб-қувватлаш
2. 2026 йилдан бошлаб давлат тиббиёт муассасалари ходимлари «Тиббиёт ходимлари куни» муносабати билан Тиббиёт муассасаларининг моддий рағбатлантириш ва ривожлантириш жамғармаси ҳисобидан ҳар йили меҳнатга ҳақ тўлашнинг энг кам миқдорида рағбатлантирилсин.
3. Тиббиёт ходимлари куни муносабати билан ҳар йили қуйидаги номинациялар бўйича танлов ўтказилсин:
(а) «Энг яхши республика шифохонаси раҳбари», «Энг яхши ҳудудий соғлиқни сақлаш органи раҳбари»;
(б) ҳар бир ҳудудда:
(i) «Энг яхши туман (шаҳар) соғлиқни сақлаш органи раҳбари», «Энг яхши оилавий поликлиника раҳбари», «Энг яхши туман (шаҳар) шифокори» ва «Энг яхши туман (шаҳар) ўрта тиббиёт ходими»;
(ii) «Энг яхши оилавий поликлиника», «Энг яхши туман (шаҳар) шифохонаси» ва «Энг яхши ҳудудий шифохона».
4. Белгилансинки:
(а) танлов натижалари асосида ғолиблар қуйидаги миқдорларда Тиббиётни ривожлантириш давлат мақсадли жамғармаси (кейинги ўринларда — Жамғарма) ҳисобидан бир марталик рағбатлантирилади:
(i) тиббиёт муассасалари — 500 миллион сўм;
(ii) тиббиёт ва раҳбар ходимлар — 30 миллион сўм;
(б) танлов ғолиблари Тиббиёт ходимлари куни арафасида эълон қилинади, уларни давлат мукофотларига тавсия этиш ҳамда хориждаги нуфузли таълим ва илмий ташкилотларда Жамғарма маблағлари ҳисобидан менежерлик ва бошқа замонавий дастурлар асосида ўқитиш амалиёти йўлга қўйилади;
(в) «Энг яхши республика шифохонаси раҳбари», «Энг яхши туман (шаҳар) соғлиқни сақлаш органи раҳбари» ва «Энг яхши оилавий поликлиника раҳбари» номинациялари бўйича танлов ғолиблари «Ўзбекистон Республикасида хизмат кўрсатган соғлиқни сақлаш ходими» фахрий унвони билан тақдирлашга тавсия этилади.
5. 2026 йил 1 апрелдан бошлаб давлат тиббиёт муассасаларининг иш вақти режими беш кунлик иш ҳафтасига ўтказилсин. Бунда тиббиёт муассасалари иш фаолиятининг узлуксизлигини таъминлаш учун байрам ва дам олиш кунлари навбатчилик асосида ишлаш йўлга қўйилади.
6. Белгилаб қўйилсинки, 2026 йил 1 январдан бошлаб давлат тиббиёт муассасаларида Жамғарма маблағлари ҳисобидан:
(а) туман (шаҳар) даражасида янги даволаш усулларини жорий қилган ва унинг ижобий самарасига эришган туман (шаҳар) тиббиёт муассасалари шифокорларига базавий ҳисоблаш миқдорининг 50 баравари миқдорида бир марталик пул мукофоти берилади;
(б) давлат тиббиёт муассасаларида камида 15 йил иш стажига эга бўлган тиббиёт ва фармацевтика ходимларининг фарзандларига республика ҳудудидаги олий таълим ташкилотларида бакалавриат таълим йўналиши бўйича йиллик контракт суммасининг 30 фоизи миқдоридаги, бироқ базавий ҳисоблаш миқдорининг 15 бараваридан ошмайдиган қисми қоплаб берилади;
(в) тиббиёт ва фармацевтика ходимларининг халқаро илмий-техник маълумотлар базасида индексланувчи ва юқори импакт-факторли журналларда мақолаларни чоп этиш билан боғлиқ харажатлари тўлиқ қоплаб берилади;
(г) ҳар йили давлат тиббиёт муассасаларида камида 15 йил иш стажига эга бўлган 500 нафар тиббиёт ва фармацевтика ходимларини уй-жой билан таъминлаш учун ипотека кредити асосида сотиб олинадиган уй-жойнинг дастлабки бадал тўловининг 25 фоизи қоплаб берилади.
7. Соғлиқни сақлаш вазирлиги ҳамда Иқтисодиёт ва молия вазирлигининг миллий аккредитациядан ўтган давлат тиббиёт муассасалари ходимларига 2026 йил 1 январдан бошлаб лавозим маошининг 10 фоизи миқдорида ойлик устама тўлаш тўғрисидаги таклифига розилик берилсин.
8. 2026 йил 1 январдан бошлаб давлат тиббиёт муассасаларининг тиббиёт ва фармацевтика ходимларига қуйидаги қўшимча имтиёзлар берилсин:
(а) давлат тиббиёт муассасаларида камида 3 йил иш стажига эга бўлган ходимларга Давлат бюджети маблағлари ҳисобидан бир йилда бир маротаба бепул юқори технологик ихтисослаштирилган тиббий ёрдам кўрсатиш;
(б) давлат тиббиёт муассасаларида камида 15 йил иш стажига эга бўлган ходимларга Касаба уюшмалари федерацияси ҳамда тиббиёт муассасасининг маблағлари ҳисобидан бир йилда бир маротаба республика ҳудудидаги санаторийларга бепул йўлланма бериш;
(в) барча турдаги давлат хизматлари учун тўловлар миқдорини икки баробар камайтириш.
III. Қарор ижросини ташкил этиш, таъминлаш ва назорат қилиш
9. Соғлиқни сақлаш вазирлиги бир ой муддатда мазкур қарорда белгиланган имтиёзларни қўллаш ҳамда танлов ғолибларини аниқлаш бўйича мезон ва тартиб-таомилларни тасдиқлаш чораларини кўрсин.
10. Иқтисодиёт ва молия вазирлиги 2026 йилдан бошлаб:
(а) мазкур мақсадлар учун ҳар йили Жамғармага қўшимча индексация қилиб бориладиган 100 миллиард сўм маблағ ажратсин;
(б) Давлат бюджети параметрларида мазкур қарор билан белгиланган тадбирларни амалга ошириш билан боғлиқ харажатларни молиялаштириш учун зарур маблағларнинг кўзда тутилишини таъминласин.
11. Соғлиқни сақлаш вазирлиги манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
12. Мазкур қарорнинг ижросини самарали ташкил қилишга масъул ҳамда шахсий жавобгар этиб соғлиқни сақлаш вазири А.А. Худаяров белгилансин.
13. Қарор ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов ҳамда Ўзбекистон Республикаси Президенти Администрацияси раҳбарининг тиббиётни ислоҳ қилиш бўйича ўринбосари Т.А. Алиева зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 9 ноябрь,
ПҚ-336-сон
Oʻzbekiston Respublikasi Prezidentining
qarori
Tibbiyot va farmatsevtika xodimlarini qoʻllab-quvvatlash choralari toʻgʻrisida
Davlat tibbiyot muassasalari xodimlarini ijtimoiy himoya qilishni kuchaytirish, ularning moddiy manfaatdorligini oshirish, samarali ishlashi uchun munosib shart-sharoitlar yaratish maqsadida qaror qilaman:
I. Maqsadlar
1. Quyidagilar tibbiyot va farmatsevtika xodimlarini qoʻllab-quvvatlashning asosiy maqsadlari etib belgilansin:
(a) tibbiyot va farmatsevtika xodimlarini ijtimoiy himoya qilishni kuchaytirish, ularning moddiy manfaatdorligini oshirish;
(b) aholiga sifatli va samarali tibbiy xizmat koʻrsatayotgan fidoyi xodimlarga qoʻshimcha ragʻbatlantirish choralarini joriy etish;
(v) istiqbolli yosh mutaxassislar oʻz kasbiy malakasini oshirib borishi uchun qoʻshimcha imkoniyatlar yaratish;
(g) “shifokor — aholi salomatligi posboni” shiori ostida jamiyatda ularning nufuzini oshirish.
II. Tibbiyot va farmatsevtika xodimlarini moliyaviy qoʻllab-quvvatlash
2. 2026-yildan boshlab davlat tibbiyot muassasalari xodimlari “Tibbiyot xodimlari kuni” munosabati bilan Tibbiyot muassasalarining moddiy ragʻbatlantirish va rivojlantirish jamgʻarmasi hisobidan har yili mehnatga haq toʻlashning eng kam miqdorida ragʻbatlantirilsin.
3. Tibbiyot xodimlari kuni munosabati bilan har yili quyidagi nominatsiyalar boʻyicha tanlov oʻtkazilsin:
(a) “Eng yaxshi respublika shifoxonasi rahbari”, “Eng yaxshi hududiy sogʻliqni saqlash organi rahbari”;
(b) har bir hududda:
(i) “Eng yaxshi tuman (shahar) sogʻliqni saqlash organi rahbari”, “Eng yaxshi oilaviy poliklinika rahbari”, “Eng yaxshi tuman (shahar) shifokori” va “Eng yaxshi tuman (shahar) oʻrta tibbiyot xodimi”;
(ii) “Eng yaxshi oilaviy poliklinika”, “Eng yaxshi tuman (shahar) shifoxonasi” va “Eng yaxshi hududiy shifoxona”.
4. Belgilansinki:
(a) tanlov natijalari asosida gʻoliblar quyidagi miqdorlarda Tibbiyotni rivojlantirish davlat maqsadli jamgʻarmasi (keyingi oʻrinlarda — Jamgʻarma) hisobidan bir martalik ragʻbatlantiriladi:
(i) tibbiyot muassasalari — 500 million soʻm;
(ii) tibbiyot va rahbar xodimlar — 30 million soʻm;
(b) tanlov gʻoliblari Tibbiyot xodimlari kuni arafasida eʼlon qilinadi, ularni davlat mukofotlariga tavsiya etish hamda xorijdagi nufuzli taʼlim va ilmiy tashkilotlarda Jamgʻarma mablagʻlari hisobidan menejerlik va boshqa zamonaviy dasturlar asosida oʻqitish amaliyoti yoʻlga qoʻyiladi;
(v) “Eng yaxshi respublika shifoxonasi rahbari”, “Eng yaxshi tuman (shahar) sogʻliqni saqlash organi rahbari” va “Eng yaxshi oilaviy poliklinika rahbari” nominatsiyalari boʻyicha tanlov gʻoliblari “Oʻzbekiston Respublikasida xizmat koʻrsatgan sogʻliqni saqlash xodimi” faxriy unvoni bilan taqdirlashga tavsiya etiladi.
5. 2026-yil 1-apreldan boshlab davlat tibbiyot muassasalarining ish vaqti rejimi besh kunlik ish haftasiga oʻtkazilsin. Bunda tibbiyot muassasalari ish faoliyatining uzluksizligini taʼminlash uchun bayram va dam olish kunlari navbatchilik asosida ishlash yoʻlga qoʻyiladi.
6. Belgilab qoʻyilsinki, 2026-yil 1-yanvardan boshlab davlat tibbiyot muassasalarida Jamgʻarma mablagʻlari hisobidan:
(a) tuman (shahar) darajasida yangi davolash usullarini joriy qilgan va uning ijobiy samarasiga erishgan tuman (shahar) tibbiyot muassasalari shifokorlariga bazaviy hisoblash miqdorining 50 baravari miqdorida bir martalik pul mukofoti beriladi;
(b) davlat tibbiyot muassasalarida kamida 15 yil ish stajiga ega boʻlgan tibbiyot va farmatsevtika xodimlarining farzandlariga respublika hududidagi oliy taʼlim tashkilotlarida bakalavriat taʼlim yoʻnalishi boʻyicha yillik kontrakt summasining 30 foizi miqdoridagi, biroq bazaviy hisoblash miqdorining 15 baravaridan oshmaydigan qismi qoplab beriladi;
(v) tibbiyot va farmatsevtika xodimlarining xalqaro ilmiy-texnik maʼlumotlar bazasida indekslanuvchi va yuqori impakt-faktorli jurnallarda maqolalarni chop etish bilan bogʻliq xarajatlari toʻliq qoplab beriladi;
(g) har yili davlat tibbiyot muassasalarida kamida 15 yil ish stajiga ega boʻlgan 500 nafar tibbiyot va farmatsevtika xodimlarini uy-joy bilan taʼminlash uchun ipoteka krediti asosida sotib olinadigan uy-joyning dastlabki badal toʻlovining 25 foizi qoplab beriladi.
7. Sogʻliqni saqlash vazirligi hamda Iqtisodiyot va moliya vazirligining milliy akkreditatsiyadan oʻtgan davlat tibbiyot muassasalari xodimlariga 2026-yil 1-yanvardan boshlab lavozim maoshining 10 foizi miqdorida oylik ustama toʻlash toʻgʻrisidagi taklifiga rozilik berilsin.
8. 2026-yil 1-yanvardan boshlab davlat tibbiyot muassasalarining tibbiyot va farmatsevtika xodimlariga quyidagi qoʻshimcha imtiyozlar berilsin:
(a) davlat tibbiyot muassasalarida kamida 3 yil ish stajiga ega boʻlgan xodimlarga Davlat budjeti mablagʻlari hisobidan bir yilda bir marotaba bepul yuqori texnologik ixtisoslashtirilgan tibbiy yordam koʻrsatish;
(b) davlat tibbiyot muassasalarida kamida 15 yil ish stajiga ega boʻlgan xodimlarga Kasaba uyushmalari federatsiyasi hamda tibbiyot muassasasining mablagʻlari hisobidan bir yilda bir marotaba respublika hududidagi sanatoriylarga bepul yoʻllanma berish;
(v) barcha turdagi davlat xizmatlari uchun toʻlovlar miqdorini ikki barobar kamaytirish.
III. Qaror ijrosini tashkil etish, taʼminlash va nazorat qilish
9. Sogʻliqni saqlash vazirligi bir oy muddatda mazkur qarorda belgilangan imtiyozlarni qoʻllash hamda tanlov gʻoliblarini aniqlash boʻyicha mezon va tartib-taomillarni tasdiqlash choralarini koʻrsin.
10. Iqtisodiyot va moliya vazirligi 2026-yildan boshlab:
(a) mazkur maqsadlar uchun har yili Jamgʻarmaga qoʻshimcha indeksatsiya qilib boriladigan 100 milliard soʻm mablagʻ ajratsin;
(b) Davlat budjeti parametrlarida mazkur qaror bilan belgilangan tadbirlarni amalga oshirish bilan bogʻliq xarajatlarni moliyalashtirish uchun zarur mablagʻlarning koʻzda tutilishini taʼminlasin.
11. Sogʻliqni saqlash vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
12. Mazkur qarorning ijrosini samarali tashkil qilishga masʼul hamda shaxsiy javobgar etib sogʻliqni saqlash vaziri A.A. Xudayarov belgilansin.
13. Qaror ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov hamda Oʻzbekiston Respublikasi Prezidenti Administratsiyasi rahbarining tibbiyotni isloh qilish boʻyicha oʻrinbosari T.A. Aliyeva zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 9-noyabr,
PQ-336-son
Президента Республики Узбекистан
Постановление
О мерах по поддержке медицинских и фармацевтических работников
В целях усиления социальной защиты работников государственных медицинских учреждений, повышения их материальной заинтересованности, создания достойных условий для эффективной работы постановляю:
I. Цели
1. Определить основными целями поддержки медицинских и фармацевтических работников:
(а) усиление социальной защиты медицинских и фармацевтических работников, повышение их материальной заинтересованности;
(б) внедрение мер дополнительного стимулирования самоотверженных работников, оказывающих населению качественные и эффективные медицинские услуги;
(в) создание дополнительных возможностей для повышения своей профессиональной квалификации перспективными молодыми специалистами;
(г) повышение авторитета врачей в обществе под девизом «врач — хранитель здоровья населения».
II. Финансовая поддержка медицинских и фармацевтических работников
2. Начиная с 2026 года ежегодно поощрять работников государственных медицинских учреждений в связи с Днем медицинских работников в минимальном размере оплаты труда за счет Фонда материального стимулирования и развития медицинских учреждений.
3. В связи с Днем медицинских работников ежегодно проводить конкурс по следующим номинациям:
(а) «Лучший руководитель республиканской больницы», «Лучший руководитель территориального органа здравоохранения»;
(б) в каждом регионе:
(i) «Лучший руководитель районного (городского) органа здравоохранения», «Лучший руководитель семейной поликлиники», «Лучший врач района (города)» и «Лучший средний медицинский работник района (города)»;
(ii) «Лучшая семейная поликлиника», «Лучшая районная (городская) больница» и «Лучшая территориальная больница».
4. Определить, что:
(а) по итогам конкурса победители поощряются единовременным вознаграждением за счет Государственного целевого фонда развития медицины (далее — Фонд) в следующих размерах:
(i) медицинские учреждения — 500 миллионов сумов;
(ii) медицинские и руководящие работники — 30 миллионов сумов;
(б) победители конкурса объявляются накануне Дня медицинских работников, налаживается практика их представления к государственным наградам, а также обучения в престижных образовательных и научных организациях за рубежом за счет средств Фонда на основе программ менеджмента и других современных программ;
(в) победители конкурса в номинациях «Лучший руководитель республиканской больницы», «Лучший руководитель районного (городского) органа здравоохранения» и «Лучший руководитель семейной поликлиники» представляются к награждению почетным званием «Ўзбекистон Республикасида хизмат кўрсатган соғлиқни сақлаш ходими» («Заслуженный работник здравоохранения Республики Узбекистан»).
5. С 1 апреля 2026 года перевести режим рабочего времени государственных медицинских учреждений на пятидневную рабочую неделю. При этом в целях обеспечения непрерывности деятельности медицинских учреждений в праздничные и выходные дни работа организуется на основе дежурства.
6. Определить, что с 1 января 2026 года в государственных медицинских учреждениях за счет средств Фонда:
(а) врачам медицинских учреждений районов (городов), внедрившим на уровне района (города) новые методы лечения и добившимся его положительного результата, выплачивается единовременное денежное вознаграждение в размере 50-кратного размера базовой расчетной величины;
(б) детям медицинских и фармацевтических работников, имеющих стаж работы минимум 15 лет в государственных медицинских учреждениях, компенсируется часть суммы годового контракта по направлению образования бакалавриата в высших образовательных организациях на территории республики в размере 30 процентов, но не превышающем 15-кратного размера базовой расчетной величины;
(в) полностью покрываются расходы медицинских и фармацевтических работников, связанные с опубликованием статей в журналах, индексируемых в международных научно-технических базах данных и с высоким импакт-фактором;
(г) покрывается 25 процентов первоначального взноса за жилье, приобретаемое на основе ипотечного кредита, в целях обеспечения жильем ежегодно 500 медицинских и фармацевтических работников, имеющих стаж работы минимум 15 лет в государственных медицинских учреждениях.
7. Согласиться с предложением Министерства здравоохранения и Министерства экономики и финансов о выплате с 1 января 2026 года ежемесячной надбавки в размере 10 процентов должностного оклада работникам государственных медицинских учреждений, прошедшим национальную аккредитацию.
8. Предоставить с 1 января 2026 года медицинским и фармацевтическим работникам государственных медицинских учреждений следующие дополнительные льготы:
(а) оказание работникам, имеющим стаж работы минимум 3 года в государственных медицинских учреждениях, бесплатной высокотехнологичной специализированной медицинской помощи один раз в год за счет средств Государственного бюджета;
(б) выдача работникам, имеющим стаж работы минимум 15 лет в государственных медицинских учреждениях, бесплатной путевки в санатории, расположенные на территории республики, один раз в год за счет средств Федерации профсоюзов Узбекистана и медицинского учреждения;
(в) снижение в два раза размера платежей за государственные услуги всех видов.
III. Организация, обеспечение и контроль исполнения постановления
9. Министерству здравоохранения в месячный срок принять меры по утверждению критериев и процедур применения льгот, определенных настоящим постановлением, а также выявления победителей конкурса.
10. Министерству экономики и финансов начиная с 2026 года:
(а) ежегодно выделять Фонду дополнительно индексируемые 100 миллиардов сумов на эти цели;
(б) обеспечивать предусмотрение в параметрах Государственного бюджета необходимых средств для финансирования расходов, связанных с осуществлением мероприятий, определенных настоящим постановлением.
11. Министерству здравоохранения совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
12. Возложить на министра здравоохранения А.А. Худаярова персональную ответственность за эффективную организацию исполнения настоящего постановления.
13. Обсуждение хода исполнения настоящего постановления, осуществление координации и контроля за деятельностью организаций, ответственных за его исполнение, возложить на Премьер-министра Республики Узбекистан А.Н. Арипова и заместителя руководителя Администрации Президента Республики Узбекистан по реформированию здравоохранения Т.А. Алиеву.
Президент Республики Узбекистан Ш. МИРЗИЁЕВ
г. Ташкент,
9 ноября 2025 г.,
№ ПП-336