📅 2025-yil 11-noyabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 11 ноябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 11 ноября 2025 г. · Указы Президента
Официальный текст. Официальный документ. Редакционные примечания не включены.
📅 11 November 2025 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Америка-Ўзбекистон ишбилармонлик ва инвестиция кенгашини ташкил этиш тўғрисида
Ўзбекистон Республикаси ва Америка Қўшма Штатлари ўртасида ўзаро манфаатли савдо-инвестициявий ва тижорат алоқаларини янада кенгайтириш ва мустаҳкамлаш ҳамда ишбилармонлик муҳитини сифат жиҳатдан яхшилаш ва тадбиркорлик фаолиятини қўллаб-қувватлаш, ушбу йўналишда ишларни самарали ташкил этиш мақсадида қарор қиламан:
1. Ўзбекистон Республикаси Президентининг 2025 йил 4 — 6 ноябрь кунлари АҚШга ташрифи давомида «С5+1» саммити доирасида Ўзбекистон томонидан Ўзбекистон Республикаси Президенти Администрацияси раҳбари ва Америка томони билан келишган ҳолда АҚШ Президенти вакили ҳамраислигида Америка-Ўзбекистон ишбилармонлик ва инвестиция кенгашини (кейинги ўринларда — Кенгаш) ташкил этиш бўйича келишувга эришилганлиги маълумот учун қабул қилинсин.
2. Ўзбекистон Республикаси Президенти Администрацияси раҳбарига Ўзбекистон томонидан Кенгаш таркибини, унинг регламентини ва фаолияти тартиб-таомилларини тасдиқлаш ваколати берилсин.
3. Белгилансинки, Кенгашга кўриб чиқиш учун киритиладиган қуйидаги масалаларни ишлаб чиқиш устувор ҳисобланади:
(а) стратегик бизнес ташаббуслар, йирик инвестиция ва савдо лойиҳалари ишлаб чиқилиши ва келишилишини мувофиқлаштириш, шунингдек, улар амалга оширилишини доимий мониторинг қилиш;
(б) Ўзбекистонга қўшимча инвестицияларни жалб этиш учун махсус инвестиция фондини яратиш, йирик инвесторлар сифатида Халқаро молиявий тараққиёт корпорацияси (DFC)ни ва Ўзбекистон томонидан ҳам инвесторларни белгилаш, шунингдек, муҳим инфратузилмавий ва стратегик лойиҳаларни молиялаштириш ва хатарларни тақсимлаш учун йирик молия институтларини (ЕТТБ, ХМК, ОТБ) жалб қилиш;
(в) тариф ставкаларини ўзаро пасайтириш масалалари бўйича музокараларни давом эттириш;
(г) Дастурий маҳсулотлар ва ахборот технологиялари технологик парки (IT-парк) резидентлари бўлган компаниялар маҳсулотлари ва хизматларини тизимли равишда илгари суриш;
(д) мамлакатнинг инвестиция портфелини, шу жумладан, Ўзбекистон Республикаси Марказий банки валюта захирасининг бир қисмини ва бошқа активларини диверсификациялаш бўйича таклифлар киритиш.
4. Ташқи сиёсий ва давлат ташаббусларини мувофиқлаштириш самарадорлигини ошириш мақсадида 2026 йил 1 январдан Ўзбекистоннинг АҚШдаги элчихонаси тузилмасига қўшимча маслаҳатчи-элчи — Ўзбекистон Республикаси Президенти Администрациясининг АҚШдаги вакили (кейинги ўринларда — маслаҳатчи-элчи) лавозими киритилсин. Белгилансинки:
(а) маслаҳатчи-элчи лавозимига тайинлаш ва ундан озод этиш, шунингдек, фаолияти регламентини тасдиқлаш Ўзбекистон Республикаси Президенти Администрацияси раҳбари томонидан амалга оширилади;
(б) маслаҳатчи-элчи ўз фаолиятида Ўзбекистон Республикаси Президенти Администрацияси раҳбарига ҳисобдор ва Ўзбекистон Республикасининг АҚШдаги дипломатик ваколатхонаси раҳбари фаолиятини икки томонлама муносабатларни ривожлантириш қисмида қўллаб-қувватлашга масъул ҳисобланади.
5. Маслаҳатчи-элчи зиммасига қуйидаги вазифалар юклатилсин:
(а) Ўзбекистон ва АҚШда йирик ва стратегик инвестиция ва савдо лойиҳаларини амалга ошириш масалалари бўйича тўғридан-тўғри ташаббус кўрсатиш ва муҳокама қилиш;
(б) Ўзбекистон томонидан Кенгаш ишини комплекс мувофиқлаштириш.
6. Инвестиция-савдо блокини мустаҳкамлаш ва ишбилармонлик ҳамкорлигини кенгайтириш, Кенгашнинг масала ва лойиҳаларини муваффақиятли амалга ошириш, шунингдек, маслаҳатчи-элчиси фаолиятига кўмаклашиш мақсадида Ўзбекистон Республикаси Ташқи ишлар вазирлиги:
(а) Ўзбекистон Республикаси Инвестициялар, саноат ва савдо вазирлиги билан биргаликда уч ҳафта муддатда Ўзбекистон Республикасининг АҚШдаги элчихонаси ходимлари штат бирлигини кўпайтириш тўғрисида таклиф киритсин;
(б) бир ой муддатда АҚШ ҳудудида қўшимча консулликлар очиш масаласини ишлаб чиқсин, бунда географик қамровни таъминлаш учун контингентга АҚШ тармоқларининг асосий хаблари билан ишловчи ходимлар ва мутахассисларни киритсин ҳамда ватандошлар йирик диаспоралари энг кўп тўпланган ҳудудларни (Филадельфия, Чикаго, Орландо ва Сиэтл шаҳарлари) ҳисобга олсин.
7. АҚШнинг барча штатларида яшаб келаётган ўзбек диаспоралари билан самарали ҳамкорлик моделини ишлаб чиқиш ва муваффақиятли амалга ошириш — АҚШ ҳудудида янгидан ташкил этилаётган консулликларнинг асосий вазифаларидан бири этиб белгилансин.
8. Белгилансинки, 2026 йил 1 январдан бошлаб хорижий корхоналарнинг устав фондини шакллантириш (ёки капиталда иштирок этиш) учун АҚШдаги инвестиция фаолияти бўйича резидентлар операциялари — Ўзбекистон Республикасидаги банкларда резидентлар ҳисобларидан пул маблағларини ўтказиш, АҚШдаги филиалларини айланма маблағлар билан тўлдириш чекловларсиз, резидентлар ҳисобларидаги маблағлар доирасида амалга оширилади.
Ўзбекистон Республикаси Марказий банки бир ой муддатда қонунчилик ҳужжатларига мазкур банд талабларидан келиб чиқадиган ўзгартиришлар киритсин.
9. Иқтисодиёт ва молия вазирлиги Марказий банк билан биргаликда даромадни ошириш мақсадида Кенгашга энг фойдали ва юқори ликвидли, шу жумладан, АҚШда жойлашган активларга йўналтириш учун мамлакатнинг инвестиция активлари ва валюта захиралари тузилмасини такомиллаштириш юзасидан таклифлар киритсин.
10. Ўзбекистон Республикаси Инвестициялар, саноат ва савдо вазирлиги Ташқи ишлар вазирлиги билан биргаликда:
(а) икки ҳафта муддатда Америка томони билан биргаликда доимий офиси АҚШда бўлган Кенгашнинг ижро органи ходимлари доимий штатини, шу жумладан, АҚШ мутахассисларидан иборат таркибда шакллантириш масаласини ўрганиб чиқсин;
(б) йигирма кун муддатда Ўзбекистон томонидан Кенгашнинг регламенти ва фаолияти тартиб-таомилларини тасдиқлаш учун киритсин;
(в) бир ой муддатда:
(i) Ўзбекистон томонидан Кенгаш таркибини, шу жумладан, унга Америка ишбилармонлик ва инвестиция ҳамжамияти нуфузли вакилларини жалб қилган ҳолда тасдиқлашга киритсин;
(ii) Америка томони билан Инвестицияларни ўзаро қўллаб-қувватлаш ва ҳимоя қилиш тўғрисидаги битим бўйича музокаралар бошласин.
11. Ўзбекистон Республикаси Ташқи ишлар вазирлиги манфаатдор вазирликлар ва идоралар билан биргаликда бир ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида таклифлар киритсин.
12. Мазкур Фармоннинг ижросини назорат қилиш Ўзбекистон Республикаси Президенти Администрацияси раҳбари С.Ш. Мирзиёева зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 11 ноябрь,
ПФ-210-сон
Oʻzbekiston Respublikasi Prezidentining
Farmoni
Amerika-Oʻzbekiston ishbilarmonlik va investitsiya kengashini tashkil etish toʻgʻrisida
Oʻzbekiston Respublikasi va Amerika Qoʻshma Shtatlari oʻrtasida oʻzaro manfaatli savdo-investitsiyaviy va tijorat aloqalarini yanada kengaytirish va mustahkamlash hamda ishbilarmonlik muhitini sifat jihatdan yaxshilash va tadbirkorlik faoliyatini qoʻllab-quvvatlash, ushbu yoʻnalishda ishlarni samarali tashkil etish maqsadida qaror qilaman:
1. Oʻzbekiston Respublikasi Prezidentining 2025-yil 4 — 6-noyabr kunlari AQSHga tashrifi davomida “S5+1” sammiti doirasida Oʻzbekiston tomonidan Oʻzbekiston Respublikasi Prezidenti Administratsiyasi rahbari va Amerika tomoni bilan kelishgan holda AQSH Prezidenti vakili hamraisligida Amerika-Oʻzbekiston ishbilarmonlik va investitsiya kengashini (keyingi oʻrinlarda — Kengash) tashkil etish boʻyicha kelishuvga erishilganligi maʼlumot uchun qabul qilinsin.
2. Oʻzbekiston Respublikasi Prezidenti Administratsiyasi rahbariga Oʻzbekiston tomonidan Kengash tarkibini, uning reglamentini va faoliyati tartib-taomillarini tasdiqlash vakolati berilsin.
3. Belgilansinki, Kengashga koʻrib chiqish uchun kiritiladigan quyidagi masalalarni ishlab chiqish ustuvor hisoblanadi:
(a) strategik biznes tashabbuslar, yirik investitsiya va savdo loyihalari ishlab chiqilishi va kelishilishini muvofiqlashtirish, shuningdek, ular amalga oshirilishini doimiy monitoring qilish;
(b) Oʻzbekistonga qoʻshimcha investitsiyalarni jalb etish uchun maxsus investitsiya fondini yaratish, yirik investorlar sifatida Xalqaro moliyaviy taraqqiyot korporatsiyasi (DFC)ni va Oʻzbekiston tomonidan ham investorlarni belgilash, shuningdek, muhim infratuzilmaviy va strategik loyihalarni moliyalashtirish va xatarlarni taqsimlash uchun yirik moliya institutlarini (YETTB, XMK, OTB) jalb qilish;
(v) tarif stavkalarini oʻzaro pasaytirish masalalari boʻyicha muzokaralarni davom ettirish;
(g) Dasturiy mahsulotlar va axborot texnologiyalari texnologik parki (IT-park) rezidentlari boʻlgan kompaniyalar mahsulotlari va xizmatlarini tizimli ravishda ilgari surish;
(d) mamlakatning investitsiya portfelini, shu jumladan, Oʻzbekiston Respublikasi Markaziy banki valyuta zaxirasining bir qismini va boshqa aktivlarini diversifikatsiyalash boʻyicha takliflar kiritish.
4. Tashqi siyosiy va davlat tashabbuslarini muvofiqlashtirish samaradorligini oshirish maqsadida 2026-yil 1-yanvardan Oʻzbekistonning AQSHdagi elchixonasi tuzilmasiga qoʻshimcha maslahatchi-elchi — Oʻzbekiston Respublikasi Prezidenti Administratsiyasining AQSHdagi vakili (keyingi oʻrinlarda — maslahatchi-elchi) lavozimi kiritilsin. Belgilansinki:
(a) maslahatchi-elchi lavozimiga tayinlash va undan ozod etish, shuningdek, faoliyati reglamentini tasdiqlash Oʻzbekiston Respublikasi Prezidenti Administratsiyasi rahbari tomonidan amalga oshiriladi;
(b) maslahatchi-elchi oʻz faoliyatida Oʻzbekiston Respublikasi Prezidenti Administratsiyasi rahbariga hisobdor va Oʻzbekiston Respublikasining AQSHdagi diplomatik vakolatxonasi rahbari faoliyatini ikki tomonlama munosabatlarni rivojlantirish qismida qoʻllab-quvvatlashga masʼul hisoblanadi.
5. Maslahatchi-elchi zimmasiga quyidagi vazifalar yuklatilsin:
(a) Oʻzbekiston va AQSHda yirik va strategik investitsiya va savdo loyihalarini amalga oshirish masalalari boʻyicha toʻgʻridan-toʻgʻri tashabbus koʻrsatish va muhokama qilish;
(b) Oʻzbekiston tomonidan Kengash ishini kompleks muvofiqlashtirish.
6. Investitsiya-savdo blokini mustahkamlash va ishbilarmonlik hamkorligini kengaytirish, Kengashning masala va loyihalarini muvaffaqiyatli amalga oshirish, shuningdek, maslahatchi-elchisi faoliyatiga koʻmaklashish maqsadida Oʻzbekiston Respublikasi Tashqi ishlar vazirligi:
(a) Oʻzbekiston Respublikasi Investitsiyalar, sanoat va savdo vazirligi bilan birgalikda uch hafta muddatda Oʻzbekiston Respublikasining AQSHdagi elchixonasi xodimlari shtat birligini koʻpaytirish toʻgʻrisida taklif kiritsin;
(b) bir oy muddatda AQSH hududida qoʻshimcha konsulliklar ochish masalasini ishlab chiqsin, bunda geografik qamrovni taʼminlash uchun kontingentga AQSH tarmoqlarining asosiy xablari bilan ishlovchi xodimlar va mutaxassislarni kiritsin hamda vatandoshlar yirik diasporalari eng koʻp toʻplangan hududlarni (Filadelfiya, Chikago, Orlando va Sietl shaharlari) hisobga olsin.
7. AQSHning barcha shtatlarida yashab kelayotgan oʻzbek diasporalari bilan samarali hamkorlik modelini ishlab chiqish va muvaffaqiyatli amalga oshirish — AQSH hududida yangidan tashkil etilayotgan konsulliklarning asosiy vazifalaridan biri etib belgilansin.
8. Belgilansinki, 2026-yil 1-yanvardan boshlab xorijiy korxonalarning ustav fondini shakllantirish (yoki kapitalda ishtirok etish) uchun AQSHdagi investitsiya faoliyati boʻyicha rezidentlar operatsiyalari — Oʻzbekiston Respublikasidagi banklarda rezidentlar hisoblaridan pul mablagʻlarini oʻtkazish, AQSHdagi filiallarini aylanma mablagʻlar bilan toʻldirish cheklovlarsiz, rezidentlar hisoblaridagi mablagʻlar doirasida amalga oshiriladi.
Oʻzbekiston Respublikasi Markaziy banki bir oy muddatda qonunchilik hujjatlariga mazkur band talablaridan kelib chiqadigan oʻzgartirishlar kiritsin.
9. Iqtisodiyot va moliya vazirligi Markaziy bank bilan birgalikda daromadni oshirish maqsadida Kengashga eng foydali va yuqori likvidli, shu jumladan, AQSHda joylashgan aktivlarga yoʻnaltirish uchun mamlakatning investitsiya aktivlari va valyuta zaxiralari tuzilmasini takomillashtirish yuzasidan takliflar kiritsin.
10. Oʻzbekiston Respublikasi Investitsiyalar, sanoat va savdo vazirligi Tashqi ishlar vazirligi bilan birgalikda:
(a) ikki hafta muddatda Amerika tomoni bilan birgalikda doimiy ofisi AQSHda boʻlgan Kengashning ijro organi xodimlari doimiy shtatini, shu jumladan, AQSH mutaxassislaridan iborat tarkibda shakllantirish masalasini oʻrganib chiqsin;
(b) yigirma kun muddatda Oʻzbekiston tomonidan Kengashning reglamenti va faoliyati tartib-taomillarini tasdiqlash uchun kiritsin;
(v) bir oy muddatda:
(i) Oʻzbekiston tomonidan Kengash tarkibini, shu jumladan, unga Amerika ishbilarmonlik va investitsiya hamjamiyati nufuzli vakillarini jalb qilgan holda tasdiqlashga kiritsin;
(ii) Amerika tomoni bilan Investitsiyalarni oʻzaro qoʻllab-quvvatlash va himoya qilish toʻgʻrisidagi bitim boʻyicha muzokaralar boshlasin.
11. Oʻzbekiston Respublikasi Tashqi ishlar vazirligi manfaatdor vazirliklar va idoralar bilan birgalikda bir oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida takliflar kiritsin.
12. Mazkur Farmonning ijrosini nazorat qilish Oʻzbekiston Respublikasi Prezidenti Administratsiyasi rahbari S.Sh. Mirziyoyeva zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 11-noyabr,
PF-210-son
Президента Республики Узбекистан
Указ
О создании Американо-узбекского делового и инвестиционного совета
В целях дальнейшего расширения и укрепления взаимовыгодных торгово-инвестиционных и коммерческих отношений между Республикой Узбекистан и Соединенными Штатами Америки, а также качественного улучшения деловой среды и поддержки предпринимательской деятельности, организации эффективной работы в этом направлении постановляю:
1. Принять к сведению, что в ходе визита Президента Республики Узбекистан 4 — 6 ноября 2025 года в США в рамках саммита «С5+1» достигнута договоренность о создании Американо-узбекского делового и инвестиционного совета (далее — Совет) под сопредседательством руководителя Администрации Президента Республики Узбекистан с узбекской стороны и представителя Президента США по согласованию с американской стороны.
2. Предоставить руководителю Администрации Президента Республики Узбекистан полномочия по утверждению состава Совета, его регламента и процедуры деятельности с узбекской стороны.
3. Определить приоритетными проработку следующих вопросов, вносимых на рассмотрение Совета:
(а) координация разработки и согласования стратегических бизнес-инициатив, крупных инвестиционных и торговых проектов, а также постоянный мониторинг их реализации;
(б) создание специального инвестиционного фонда для мобилизации дополнительных инвестиций в Узбекистан, с определением в качестве якорных инвесторов Корпорацию международного финансового развития (DFC) и с узбекской стороны, а также с привлечением крупных международных финансовых институтов (ЕБРР, МФК, АБР) для финансирования важнейших инфраструктурных и стратегических проектов и разделения рисков;
(в) продолжение переговоров по вопросам взаимного снижения тарифных ставок;
(г) системное продвижение продуктов и услуг компаний — резидентов Технологического парка программных продуктов и информационных технологий (IT-парк);
(д) внесение предложений по диверсификации инвестиционного портфеля страны, включая часть валютных резервов Центрального банка Республики Узбекистан и иных активов.
4. В целях повышения эффективности координации внешнеполитических и государственных инициатив с 1 января 2026 года ввести в структуру посольства Узбекистана в США дополнительную должность советника-посланника — представителя Администрации Президента Республики Узбекистан в США (далее — советник-посланник). Установить, что:
(а) назначение на должность советника-посланника и освобождение от нее, а также утверждение регламента его деятельности осуществляются руководителем Администрации Президента Республики Узбекистан;
(б) советник-посланник в своей деятельности подотчетен руководителю Администрации Президента Республики Узбекистан и является ответственным за поддержку деятельности руководителя дипломатического представительства Республики Узбекистан в США в части развития двусторонних отношений.
5. Возложить на советника-посланника следующие задачи:
(а) прямое инициирование и обсуждение вопросов реализации крупных и стратегических инвестиционных и торговых проектов в Узбекистане и США;
(б) комплексную координацию работы Совета с узбекской стороны.
6. Для укрепления инвестиционного-торгового блока и расширения делового сотрудничества, успешной реализации задач и проектов Совета, а также содействия работе советника-посланника Министерству иностранных дел Республики Узбекистан:
(а) совместно с Министерством инвестиций, промышленности и торговли Республики Узбекистан в трехнедельный срок внести предложение об увеличении штата сотрудников посольства Республики Узбекистан в США;
(б) в месячный срок проработать вопрос об открытии дополнительных консульств на территории США, с включением в контингент сотрудников и специалистов по работе с ключевыми хабами отраслей США для обеспечения географического охвата, а также с учетом концентрации крупных диаспор соотечественников (города Филадельфия, Чикаго, Орландо и Сиэтл).
7. Определить одной из основных задач вновь создаваемых консульств на территории США разработку и успешную реализацию модели эффективного взаимодействия с узбекскими диаспорами, проживающими во всех штатах США.
8. Установить, что с 1 января 2026 года операции резидентов по инвестиционной деятельности в США — перевод денежных средств со счетов резидентов в банках Республики Узбекистан для формирования уставных фондов иностранных предприятий (или участия в капитале), пополнения оборотными средствами их филиалов в США осуществляются без ограничений, в пределах средств на счетах резидентов.
Центральному банку Республики Узбекистан в месячный срок внести изменения в законодательство, вытекающие из требований настоящего пункта.
9. Министерству экономики и финансов совместно с Центральным банком в целях повышения доходности внести в Совет предложения по совершенствованию структуры инвестиционных активов и валютных резервов страны, для направления в наиболее прибыльные и высоколиквидные активы, в том числе находящиеся в США.
10. Министерству инвестиций, промышленности и торговли совместно с Министерством иностранных дел Республики Узбекистан в:
(а) двухнедельный срок проработать совместно с американской стороной вопрос формирования постоянного штата сотрудников исполнительного органа Совета с постоянным офисом в США, включая специалистов из США;
(б) двадцатидневный срок внести для утверждения регламент и процедуру деятельности Совета с узбекской стороны;
(в) месячный срок:
(i) внести на утверждение состав Совета с узбекской стороны, в том числе с привлечением в него значимых представителей американского делового и инвестиционного сообщества;
(ii) начать переговоры с американской стороной по Соглашению о взаимном поощрении и защите инвестиций.
11. Министерству иностранных дел Республики Узбекистан совместно с заинтересованными министерствами и ведомствами в месячный срок внести в установленном порядке предложения об изменениях и дополнениях в законодательство, вытекающих из настоящего Указа.
12. Контроль за исполнением настоящего Указа возложить на руководителя Администрации Президента Республики Узбекистан С.Ш. Мирзиёеву.
Президент Республики Узбекистан Ш. МИРЗИЁЕВ
г. Ташкент,
11 ноября 2025 г.,
№ УП-210