UzbekAI

Ўзбекистон Республикаси Вазирлар Маҳкамасининг

қарори

Қишлоқ хўжалиги маҳсулотлари етиштирувчиларнинг насос агрегатлари ва суғориш қудуқлари истеъмол қиладиган электр энергияси қийматини қоплаш учун Ўзбекистон Республикаси Давлат бюджетидан субсидиялар ажратиш тартиби тўғрисида низомга ўзгартириш киритиш ҳақида

Ўзбекистон Республикаси Президентининг «Пахта хом ашёси ва бошоқли дон етиштиришни молиялаштириш тизимини тубдан такомиллаштириш чора-тадбирлари тўғрисида» 2018 йил 28 февралдаги ПҚ-3574-сон қарори ижросини таъминлаш, шунингдек пахта ва ғалла етиштиришда ишлатилган электр энергияси учун харажатлари қопланадиган истеъмолчилар рўйхатини «Ҳудудий электр тармоқлари» АЖ билан келишиш амалиётини жорий қилиш мақсадида қарор қилади:

1. Ўзбекистон Республикаси Президентининг «Ўзбекистон Республикасида электр энергетика тармоғини янада ривожлантириш ва ислоҳ қилиш стратегияси тўғрисида» 2019 йил 27 мартдаги ПҚ-4249-сонли қарорига мувофиқ электр энергиясини етказиб бериш ва истеъмолчилар билан ишлаш функциялари Энергетика вазирлиги тизимидан ажратилиб, «Ҳудудий электр тармоқлари» АЖ зиммасига юклатилгани маълумот учун қабул қилинсин.

2. Вазирлар Маҳкамасининг 2018 йил 3 майдаги 320-сон қарори билан тасдиқланган Қишлоқ хўжалиги маҳсулотлари етиштирувчиларнинг насос агрегатлари ва суғориш қудуқлари истеъмол қиладиган электр энергияси қийматини қоплаш учун Ўзбекистон Республикаси Давлат бюджетидан субсидиялар ажратиш тартиби тўғрисида низомнинг 17-банди иккинчи хатбошисидаги «Энергетика вазирлиги» сўзлари «Ҳудудий электр тармоқлари» АЖ» сўзлари билан алмаштирилсин.

3. Ушбу қарорнинг бажарилишини назорат қилиш Ўзбекистон Республикаси энергетика вазири Ж.Т. Мирзамаҳмудов зиммасига юклансин.

Ўзбекистон Республикасининг Бош вазири А. АРИПОВ

Тошкент ш.,

2025 йил 12 ноябрь,

719-сон

(Қонунчилик маълумотлари миллий базаси, 13.11.2025 й., 09/25/719/1044-сон)

lex.uz

Oʻzbekiston Respublikasi Vazirlar Mahkamasining

qarori

Qishloq xoʻjaligi mahsulotlari yetishtiruvchilarning nasos agregatlari va sugʻorish quduqlari isteʼmol qiladigan elektr energiyasi qiymatini qoplash uchun Oʻzbekiston Respublikasi Davlat budjetidan subsidiyalar ajratish tartibi toʻgʻrisida nizomga oʻzgartirish kiritish haqida

Oʻzbekiston Respublikasi Prezidentining “Paxta xom ashyosi va boshoqli don yetishtirishni moliyalashtirish tizimini tubdan takomillashtirish chora-tadbirlari toʻgʻrisida” 2018-yil 28-fevraldagi PQ-3574-son qarori ijrosini taʼminlash, shuningdek paxta va gʻalla yetishtirishda ishlatilgan elektr energiyasi uchun xarajatlari qoplanadigan isteʼmolchilar roʻyxatini “Hududiy elektr tarmoqlari” AJ bilan kelishish amaliyotini joriy qilish maqsadida qaror qiladi:

1. Oʻzbekiston Respublikasi Prezidentining “Oʻzbekiston Respublikasida elektr energetika tarmogʻini yanada rivojlantirish va isloh qilish strategiyasi toʻgʻrisida” 2019-yil 27-martdagi PQ-4249-sonli qaroriga muvofiq elektr energiyasini yetkazib berish va isteʼmolchilar bilan ishlash funksiyalari Energetika vazirligi tizimidan ajratilib, “Hududiy elektr tarmoqlari” AJ zimmasiga yuklatilgani maʼlumot uchun qabul qilinsin.

2. Vazirlar Mahkamasining 2018-yil 3-maydagi 320-son qarori bilan tasdiqlangan Qishloq xoʻjaligi mahsulotlari yetishtiruvchilarning nasos agregatlari va sugʻorish quduqlari isteʼmol qiladigan elektr energiyasi qiymatini qoplash uchun Oʻzbekiston Respublikasi Davlat budjetidan subsidiyalar ajratish tartibi toʻgʻrisida nizomning 17-bandi ikkinchi xatboshisidagi “Energetika vazirligi” soʻzlari “Hududiy elektr tarmoqlari” AJ” soʻzlari bilan almashtirilsin.

3. Ushbu qarorning bajarilishini nazorat qilish Oʻzbekiston Respublikasi energetika vaziri J.T. Mirzamahmudov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2025-yil 12-noyabr,

719-son

(Qonunchilik maʼlumotlari milliy bazasi, 13.11.2025-y., 09/25/719/1044-son)

lex.uz