📅 2025-yil 14-noyabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 14 ноябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 14 ноября 2025 г. · Указы Президента
Официальный текст. Официальный документ. Редакционные примечания не включены.
📅 14 November 2025 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
«ЙЎЛ ХАРИТАСИ»
Бизнес юритишни ҳамда лицензиялаш ва рухсат бериш тартиб-таомилларини соддалаштиришга доир навбатдаги чора-тадбирлар тўғрисида
Ўзбекистон Республикаси Президентининг тадбиркорлар билан V очиқ мулоқотида белгиланган вазифалар ижросини таъминлаш, шунингдек, бизнесни бошлашда давлат хизматларини комплекс тарзда кўрсатишни йўлга қўйиш ҳамда лицензиялаш ва рухсат бериш тартиб-таомилларини қисқартириш мақсадида қарор қиламан:
I. Асосий мақсад
1. Ушбу Фармонни қабул қилишдан кўзланган асосий мақсад этиб тадбиркорларнинг маъмурий харажатларини 90 миллиард сўмгача қисқартириш, шунингдек, давлат органлари билан ўзаро ҳамкорлик жараёнларида 15 кунгача вақтини тежаш белгилансин.
II. Бизнесни комплекс тарзда рўйхатдан ўтказиш тизимини жорий этиш
2. 2026 йил 1 январдан бошлаб «Бизнесни 15 дақиқада бошлаш» тамойили асосида тадбиркорлик субъектларини давлат рўйхатидан ўтказишда бир вақтнинг ўзида қуйидаги хизматларни кўрсатиш тартиби жорий этилсин:
(а) электрон рақамли имзо калитини бериш;
(б) банк ҳисобварақларини очишга ариза топшириш ҳамда уларни фаоллаштириш;
(в) айрим фаолият турлари бўйича лицензия, рухсатнома олишга ариза ёки хабарнома юбориш;
(г) кўчмас мулк ижара шартномасини расмийлаштириш;
(д) қўшилган қиймат солиғи тўловчиси гувоҳномасини олиш (солиқ хавфи даражасига аниқлик киритилмасдан туриб автоматик равишда гувоҳнома бериладиган солиқ тўловчиларга);
(ж) онлайн назорат-касса машиналарини онлайн равишда харид қилиш ва уларни солиқ органларида рўйхатдан ўтказиш;
(з) юридик шахс раҳбарини тайинлаш ва уни «Ягона миллий меҳнат тизими» идоралараро дастурий-аппарат комплексида ҳисобга қўйиш.
3. Белгилансинки, «Бизнесни 15 дақиқада бошлаш» тамойили доирасида:
(а) тадбиркорлик субъекти ҳар бир хизматдан ўз танлови асосида ихтиёрий равишда фойдаланади;
(б) танланган хизматлар бўйича ягона QR код орқали тўловни амалга ошириш имконияти яратилади.
4. Белгилаб қўйилсинки, 2026 йил 1 январдан бошлаб:
(а) якка тартибдаги тадбиркорларга фирма номига эга бўлишга рухсат берилади;
(б) тадбиркорлик субъектларининг бирламчи маълумотлари (исми, фамилияси, отасининг исми, фирма номи, манзили, ташкилий-ҳуқуқий шакли ва ҳ.қ.) ўзгарганда ушбу маълумотлар бўйича ўзгартиришлар якка тартибдаги тадбиркор гувоҳномасига, лицензия, рухсатнома ва хабарномаларга автоматик тарзда идоралараро электрон ҳамкорлик йўли билан бепул киритилади. Бунда:
(i) якка тартибдаги тадбиркорнинг исми, фамилияси ва отасининг исми ўзгарганлиги ҳақидаги маълумотлар — Ички ишлар вазирлигининг «ID-карта» автоматлаштирилган ахборот тизимидан;
(ii) бошқа маълумотлар — Тадбиркорлик субъектларини давлат рўйхатидан ўтказиш ва ҳисобга қўйишнинг автоматлаштирилган тизимидан ўрнатилган тартибда реал вақт режимида «Лицензия» ахборот тизимига тақдим этилади.
III. Лицензиялаш ва рухсат бериш тартиб-таомилларини соддалаштириш
5. 2026 йил 1 мартдан бошлаб:
(а) лицензиялаш, рухсат бериш ва хабардор қилиш тартиб-таомиллари соҳасидаги ҳуқуқбузарликларни содир этганлик учун юридик шахсларга жарима қўлланилганда, уларнинг мансабдор шахсларини маъмурий жавобгарликка тортиш тартиби бекор қилинсин;
(б) «Лицензия» ахборот тизимида лицензия ва рухсат бериш хусусиятига эга ҳужжатларни олишда қуйидагиларни назарда тутувчи ихтиёрий дастлабки баҳолаш хизмати йўлга қўйилсин:
(i) дастлабки баҳолаш доирасида талабгор лицензия ёки рухсатнома олиш учун харид қилиши режалаштирган бино-иншоотлар, моддий-техника базаси, асбоб-ускуналар, ёллаш кўзда тутилган ходимлар тўғрисидаги ҳамда бошқа маълумотлар лицензия ва рухсат бериш талаб ҳамда шартларига мувофиқлиги ўрганилади ва тегишли хулоса берилади;
(ii) дастлабки баҳолаш хизмати 20 кундан ошмаган муддатда кўрсатилади ва тегишли лицензия ёки рухсат бериш хусусиятига эга ҳужжатни беришда аризани кўриб чиққанлик учун тўланадиган йиғимдан ортиқ бўлмаган миқдорда тўлов ундирилади.
IV. Фармон ижросини ташкил этиш, таъминлаш ва назорат
6. Тадбиркорлик фаолиятини давлат томонидан тартибга солиш юкини камайтириш ҳамда бюрократик тўсиқларни қисқартириш бўйича «йўл харитаси» иловага мувофиқ тасдиқлансин.
7. Ўзбекистон Миллий ахборот агентлиги ва Ўзбекистон Миллий телерадиокомпанияси мазкур Фармоннинг мақсади, вазифалари ҳамда ундан кутилаётган натижаларни оммавий ахборот воситалари, Интернет ва ижтимоий тармоқларда кенг ёритиш ишларини ташкил қилсин.
8. Адлия вазирлиги икки ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
9. Мазкур Фармоннинг ижросини самарали ташкил қилишга масъул ва шахсий жавобгар этиб адлия вазири А.Ж. Ташкулов белгилансин.
10. Фармон ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2025 йил 14 ноябрдаги ПФ-214-сон Фармонига ИЛОВА
Тадбиркорлик фаолиятини давлат томонидан тартибга солиш юкини камайтириш ҳамда бюрократик тўсиқларни қисқартириш бўйича
Т/р Чора-тадбирлар Амалга ошириш механизми Молиялаштириш манбаи Ижро муддати Масъул ижрочилар 1. «Бизнесни 15 дақиқада бошлаш» тамойили асосида тадбиркорлик субъектларини давлат рўйхатидан ўтказишда бир вақтнинг ўзида қуйидаги хизматларни композит кўрсатишни йўлга қўйиш: электрон рақамли имзо калитини бериш; тижорат банкларида ҳисобварақ очишга ариза топшириш ва уни фаоллаштириш; айрим фаолият турлари бўйича лицензия, рухсатнома олишга ариза ёки хабарнома юбориш; кўчмас мулк ижара шартномасини расмийлаштириш; қўшилган қиймат солиғи тўловчи гувоҳномасини олиш (солиқ хавфи даражасига аниқлик киритилмасдан туриб автоматик равишда гувоҳнома бериладиган солиқ тўловчиларга); онлайн назорат-касса машиналарини онлайн равишда харид қилиш ва уларни солиқ органларида рўйхатдан ўтказиш; юридик шахс раҳбарини тайинлаш ва уни «Ягона миллий меҳнат тизими» идоралараро дастурий-аппарат комплексида ҳисобга қўйиш. 1. Норматив-ҳуқуқий ҳужжат лойиҳаси - 2025 йил декабрь Адлия вазирлиги (Ташкулов) , Камбағалликни қисқартириш ва бандлик вазирлиги (Захидов) , Солиқ қўмитаси (Кудбиев) , тижорат банклари 2. Амалий чора-тадбирлар Адлия вазирлигининг Давлат хизматларини ривожлантириш жамғармаси маблағлари 2. «ФҲДЁнинг ягона электрон архиви» ахборот тизими ва Тадбиркорлик субъектларини давлат рўйхатидан ўтказиш ва ҳисобга қўйишнинг автоматлаштирилган тизимини «Лицензия» ахборот тизимига интеграция қилиш. Амалий чора-тадбирлар - 2025 йил декабрь Адлия вазирлиги (Ташкулов) 3. «ID-карта» автоматлаштирилган ахборот тизимини Тадбиркорлик субъектларини давлат рўйхатидан ўтказиш ва ҳисобга қўйишнинг автоматлаштирилган тизими ва «Лицензия» ахборот тизимига интеграция қилиш. Амалий чора-тадбирлар - 2025 йил декабрь Ички ишлар вазирлиги (Ташпулатов) , Адлия вазирлиги (Ташкулов) 4. Юридик шахсларни давлат рўйхатидан ўтказиш вақтида тайинланган раҳбар маълумотларини «Ягона миллий меҳнат тизими» идоралараро дастурий-аппарат комплексида ҳисобга қўйиш. Амалий чора-тадбирлар - 2025 йил декабрь Камбағалликни қисқартириш ва бандлик вазирлиги (Захидов) , Адлия вазирлиги (Ташкулов) 5. Онлайн назорат-касса машиналарини солиқ органларида рўйхатдан ўтказиш учун Тадбиркорлик субъектларини давлат рўйхатидан ўтказиш ва ҳисобга қўйишнинг автоматлаштирилган тизимини Солиқ қўмитасининг ахборот тизими билан интеграция қилиш. Амалий чора-тадбирлар - 2025 йил декабрь Солиқ қўмитаси (Кудбиев) , Адлия вазирлиги (Ташкулов) 6. «Лицензия» ахборот тизимида лицензия ва рухсат бериш хусусиятига эга ҳужжатларни олишда талабгорнинг лицензия ҳамда рухсат бериш талаб ва шартларига мос келишини аниқлашга қаратилган дастлабки баҳолаш хизматини йўлга қўйиш. 1. Норматив-ҳуқуқий ҳужжат лойиҳаси. 2. Амалий чора-тадбирлар. Адлия вазирлигининг Давлат хизматларини ривожлантириш жамғармаси маблағлари 2026 йил февраль Адлия вазирлиги (Ташкулов) , манфаатдор вазирлик ва идоралар 7. Ҳудудий архитектура-шаҳарсозлик кенгашлари томонидан бинолар, иншоотлар ва бошқа объектларнинг лойиҳаларини электрон шаклда «Шаффоф қурилиш» тизими орқали кўриб чиқиш ва келишиш тартибини ишлаб чиқиш. Норматив-ҳуқуқий ҳужжат лойиҳаси - 2025 йил декабрь Қурилиш ва уй-жой коммунал хўжалиги вазирлиги (Хидоятов) , Адлия вазирлиги (Ташкулов) 8. Қуйидаги лицензия ва рухсатномаларни ариза берувчиларнинг хоҳишига кўра тезлаштирилган тартибда бериш: туристик фаолиятни амалга ошириш учун лицензия; концерт-томоша фаолияти учун лицензия; моддий маданий мероснинг кўчмас мулк объектларини асрашга доир фаолиятни амалга ошириш учун лицензия; ветеринария фаолияти учун лицензия; хусусий бандлик агентликларининг Ўзбекистон Республикасидан ташқарида иш қидираётган шахсларни ишга жойлаштириш бўйича фаолияти учун лицензия; хавфи юқори бўлган объектларни ва потенциал хавфли ишлаб чиқаришларни лойиҳалаштириш, қуриш ҳамда улардан фойдаланиш фаолияти учун лицензия; автомобилларга ёнилғи қуйиш станцияларининг нефть маҳсулотларини қабул қилиш, сақлаш, ҳисобга олиш ва тарқатиш талабларига мувофиқлиги тўғрисида хулоса; оммавий ахборот воситаси давлат рўйхатидан ўтказилганлиги тўғрисидаги гувоҳнома; давлат мулки бўлган архив ҳужжатлари ёки уларнинг кўчирма нусхаларини, шунингдек, Миллий архив фондининг нодавлат қисмига киритилган архив ҳужжатлари ёки уларнинг кўчирма нусхаларини Ўзбекистон Республикасидан ташқарига вақтинча олиб чиқиш учун рухсатнома. Норматив-ҳуқуқий ҳужжат лойиҳаси - 2026 йил март Адлия вазирлиги (Ташкулов) , Маданият вазирлиги (Назарбеков) , Қишлоқ хўжалиги вазирлиги (Абдураҳмонов) , Камбағалликни қисқартириш ва бандлик вазирлиги (Захидов) , Қурилиш ва уй-жой коммунал хўжалиги вазирлиги (Хидоятов) , Маданий мерос агентлиги (Абдикаримов) , Саноат, радиация ва ядро хавфсизлиги қўмитаси (Рафиқов) , Электр энергияси, нефть маҳсулотлари ва газдан фойдаланишни назорат қилиш инспекцияси (Эшқўзиев) , Туризм қўмитаси (Шадиев) 9. Лицензиялаш, рухсат бериш ва хабардор қилиш тартиб-таомиллари соҳасидаги ҳуқуқбузарликлар учун жарималарни «Лицензия» ахборот тизими орқали қўллаш тизимини йўлга қўйиш. Амалий чора-тадбирлар Адлия вазирлигининг Давлат хизматларини ривожлантириш жамғармаси маблағлари 2026 йил февраль Адлия вазирлиги (Ташкулов) 10. «Лицензия» ахборот тизимида аризаларни тўлдириш жараёнида талабгорнинг тегишли талаб ва шартларга мос келишига автоматик ёки сунъий интеллект технологияси орқали баҳо бериш тизимини йўлга қўйиш. Амалий чора-тадбирлар Адлия вазирлигининг Давлат хизматларини ривожлантириш жамғармаси маблағлари 2026 йил май Адлия вазирлиги (Ташкулов) 11. «Лицензия» ахборот тизимида ваколатли органлар томонидан аризаларни кўриб чиқиш жараёнларини автоматлаштириш. Ариза ва тақдим этилган ҳужжатлардаги рақамлашган маълумотларга ахборот тизимлари ёки сунъий интеллект технологияси орқали баҳо бериш тизимини йўлга қўйиш. Амалий чора-тадбирлар Адлия вазирлигининг Давлат хизматларини ривожлантириш жамғармаси маблағлари 2026 йил август Адлия вазирлиги (Ташкулов) , манфаатдор вазирлик ва идоралар 12. Давлат муассасаларига рухсат бериш тартиб-таомилларидан ўтиш тартиби тўғрисидаги низомларда ва уларнинг паспортларида тегишли фаолият ёки ҳаракатни рухсат этиш хусусиятига эга ҳужжат олмасдан амалга оширишга рухсат берилган бўлса, уларга ушбу фаолиятни бевосита амалга оширишга рухсат бериш юзасидан «Лицензиялаш, рухсат бериш ва хабардор қилиш тартиб-таомиллари тўғрисида»ги Қонунга ўзгартириш ва қўшимчалар киритиш тўғрисида таклиф ишлаб чиқиш. Норматив-ҳуқуқий ҳужжат лойиҳаси - 2025 йил декабрь Адлия вазирлиги (Ташкулов) 13. Тегишли фаолият билан лицензиясиз ёки рухсат этиш хусусиятига эга ҳужжатсиз, шунингдек, хабарнома юбормасдан шуғулланиш ҳолатлари билан боғлиқ қонунбузилишлар жисмоний ва юридик шахсларнинг мурожаатлари асосида аниқланганда ва ҳуқуқбузарлик тасдиқланганда, бу ҳақида ваколатли органларга хабар берган жисмоний ва юридик шахсларни ундирилган жариманинг ўн фоизи миқдоридаги пул мукофоти билан рағбатлантириш тартибини жорий қилиш. Норматив-ҳуқуқий ҳужжат лойиҳаси - 2026 йил апрель Адлия вазирлиги (Ташкулов) , Бизнес-омбудсман (Урунов) , Савдо-саноат палатаси (Ваҳобов) 14. «Фирма номлари тўғрисида»ги Қонуннинг янги таҳририни ишлаб чиқиш. Норматив-ҳуқуқий ҳужжат лойиҳаси - 2026 йил апрель Адлия вазирлиги (Ташкулов) , Бизнес-омбудсман (Урунов) , Савдо-саноат палатаси (Ваҳобов) 15. 10 турдаги лицензия ва рухсат бериш тартиб-таомилларини бекор қилиш бўйича Вазирлар Маҳкамасига таклиф киритиш. Норматив-ҳуқуқий ҳужжат лойиҳаси - 2025 йил декабрь Адлия вазирлиги (Ташкулов) , Бизнес-омбудсман (Урунов) , Савдо-саноат палатаси (Ваҳобов) 16. «Бизнесни 15 дақиқада бошлаш» тамойилини амалда қўллаш бўйича давлат хизматлари марказлари ва давлат ташкилотлари ходимларини, шунингдек, тадбиркорлик субъектларини ўқитиш. Амалий чора-тадбирлар - Режа-график асосида ҳар ойда Адлия вазирлиги (Ташкулов) , Бизнес-омбудсман (Урунов) , Савдо-саноат палатаси (Ваҳобов), манфаатдор вазирлик ва идоралар 17. «Бизнесни 15 дақиқада бошлаш» тамойили мазмун-моҳиятини аҳоли ва тадбиркорларга қуйидаги тартибда тушунтириш: ахборот-таҳлилий материаллардан фойдаланган ҳолда ҳужжатлар тўпламини (маъруза матни, тақдимот, аннотация, инфографика, схема) тайёрлаш; матбуот анжуманларини ўтказиш; ҳудудларда манзилли ва предметли тарғибот тадбирларини ўтказиш; мустақил экспертлар, мутахассислар, аҳоли ва тадбиркорларнинг фикри ва муносабатини акс эттирувчи таҳлилий ток-шоулар, мунозаралар, баҳслар ўтказиш. Амалий чора-тадбирлар Адлия вазирлигининг Давлат хизматларини ривожлантириш жамғармаси маблағлари Режа-график асосида Адлия вазирлиги (Ташкулов) , Бизнес-омбудсман (Урунов) , Савдо-саноат палатаси (Ваҳобов), манфаатдор вазирлик ва идоралар 18. Давлат хизматлари марказларида тадбиркорлик фаолиятини бошлаш ва амалга ошириш учун зарур бўлган хизматлар, жумладан, банк-молия, ҳуқуқий, консалтинг, риэлторлик, транспорт-логистика каби хизматлар ҳамда уларни кўрсатувчи ташкилотлар тўғрисидаги маълумотларни акс эттирувчи стендлар, баннерлар, онлайн реклама таблоларини жойлаштириш. Амалий чора-тадбирлар Адлия вазирлигининг Давлат хизматларини ривожлантириш жамғармаси маблағлари ҳамда тадбиркорлар маблағлари 2026 йил январь Адлия вазирлиги (Ташкулов) , Савдо-саноат палатаси (Ваҳобов), тижорат банклари, манфаатдор ташкилотлар
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 14 ноябрь,
ПФ-214-сон
Oʻzbekiston Respublikasi Prezidentining
Farmoni
“YOʻL XARITASI”
Biznes yuritishni hamda litsenziyalash va ruxsat berish tartib-taomillarini soddalashtirishga doir navbatdagi chora-tadbirlar toʻgʻrisida
Oʻzbekiston Respublikasi Prezidentining tadbirkorlar bilan V ochiq muloqotida belgilangan vazifalar ijrosini taʼminlash, shuningdek, biznesni boshlashda davlat xizmatlarini kompleks tarzda koʻrsatishni yoʻlga qoʻyish hamda litsenziyalash va ruxsat berish tartib-taomillarini qisqartirish maqsadida qaror qilaman:
I. Asosiy maqsad
1. Ushbu Farmonni qabul qilishdan koʻzlangan asosiy maqsad etib tadbirkorlarning maʼmuriy xarajatlarini 90 milliard soʻmgacha qisqartirish, shuningdek, davlat organlari bilan oʻzaro hamkorlik jarayonlarida 15 kungacha vaqtini tejash belgilansin.
II. Biznesni kompleks tarzda roʻyxatdan oʻtkazish tizimini joriy etish
2. 2026-yil 1-yanvardan boshlab “Biznesni 15 daqiqada boshlash” tamoyili asosida tadbirkorlik subyektlarini davlat roʻyxatidan oʻtkazishda bir vaqtning oʻzida quyidagi xizmatlarni koʻrsatish tartibi joriy etilsin:
(a) elektron raqamli imzo kalitini berish;
(b) bank hisobvaraqlarini ochishga ariza topshirish hamda ularni faollashtirish;
(v) ayrim faoliyat turlari boʻyicha litsenziya, ruxsatnoma olishga ariza yoki xabarnoma yuborish;
(g) koʻchmas mulk ijara shartnomasini rasmiylashtirish;
(d) qoʻshilgan qiymat soligʻi toʻlovchisi guvohnomasini olish (soliq xavfi darajasiga aniqlik kiritilmasdan turib avtomatik ravishda guvohnoma beriladigan soliq toʻlovchilarga);
(j) onlayn nazorat-kassa mashinalarini onlayn ravishda xarid qilish va ularni soliq organlarida roʻyxatdan oʻtkazish;
(z) yuridik shaxs rahbarini tayinlash va uni “Yagona milliy mehnat tizimi” idoralararo dasturiy-apparat kompleksida hisobga qoʻyish.
3. Belgilansinki, “Biznesni 15 daqiqada boshlash” tamoyili doirasida:
(a) tadbirkorlik subyekti har bir xizmatdan oʻz tanlovi asosida ixtiyoriy ravishda foydalanadi;
(b) tanlangan xizmatlar boʻyicha yagona QR kod orqali toʻlovni amalga oshirish imkoniyati yaratiladi.
4. Belgilab qoʻyilsinki, 2026-yil 1-yanvardan boshlab:
(a) yakka tartibdagi tadbirkorlarga firma nomiga ega boʻlishga ruxsat beriladi;
(b) tadbirkorlik subyektlarining birlamchi maʼlumotlari (ismi, familiyasi, otasining ismi, firma nomi, manzili, tashkiliy-huquqiy shakli va h.q.) oʻzgarganda ushbu maʼlumotlar boʻyicha oʻzgartirishlar yakka tartibdagi tadbirkor guvohnomasiga, litsenziya, ruxsatnoma va xabarnomalarga avtomatik tarzda idoralararo elektron hamkorlik yoʻli bilan bepul kiritiladi. Bunda:
(i) yakka tartibdagi tadbirkorning ismi, familiyasi va otasining ismi oʻzgarganligi haqidagi maʼlumotlar — Ichki ishlar vazirligining “ID-karta” avtomatlashtirilgan axborot tizimidan;
(ii) boshqa maʼlumotlar — Tadbirkorlik subyektlarini davlat roʻyxatidan oʻtkazish va hisobga qoʻyishning avtomatlashtirilgan tizimidan oʻrnatilgan tartibda real vaqt rejimida “Litsenziya” axborot tizimiga taqdim etiladi.
III. Litsenziyalash va ruxsat berish tartib-taomillarini soddalashtirish
5. 2026-yil 1-martdan boshlab:
(a) litsenziyalash, ruxsat berish va xabardor qilish tartib-taomillari sohasidagi huquqbuzarliklarni sodir etganlik uchun yuridik shaxslarga jarima qoʻllanilganda, ularning mansabdor shaxslarini maʼmuriy javobgarlikka tortish tartibi bekor qilinsin;
(b) “Litsenziya” axborot tizimida litsenziya va ruxsat berish xususiyatiga ega hujjatlarni olishda quyidagilarni nazarda tutuvchi ixtiyoriy dastlabki baholash xizmati yoʻlga qoʻyilsin:
(i) dastlabki baholash doirasida talabgor litsenziya yoki ruxsatnoma olish uchun xarid qilishi rejalashtirgan bino-inshootlar, moddiy-texnika bazasi, asbob-uskunalar, yollash koʻzda tutilgan xodimlar toʻgʻrisidagi hamda boshqa maʼlumotlar litsenziya va ruxsat berish talab hamda shartlariga muvofiqligi oʻrganiladi va tegishli xulosa beriladi;
(ii) dastlabki baholash xizmati 20 kundan oshmagan muddatda koʻrsatiladi va tegishli litsenziya yoki ruxsat berish xususiyatiga ega hujjatni berishda arizani koʻrib chiqqanlik uchun toʻlanadigan yigʻimdan ortiq boʻlmagan miqdorda toʻlov undiriladi.
IV. Farmon ijrosini tashkil etish, taʼminlash va nazorat
6. Tadbirkorlik faoliyatini davlat tomonidan tartibga solish yukini kamaytirish hamda byurokratik toʻsiqlarni qisqartirish boʻyicha “yoʻl xaritasi” ilovaga muvofiq tasdiqlansin.
7. Oʻzbekiston Milliy axborot agentligi va Oʻzbekiston Milliy teleradiokompaniyasi mazkur Farmonning maqsadi, vazifalari hamda undan kutilayotgan natijalarni ommaviy axborot vositalari, Internet va ijtimoiy tarmoqlarda keng yoritish ishlarini tashkil qilsin.
8. Adliya vazirligi ikki oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
9. Mazkur Farmonning ijrosini samarali tashkil qilishga masʼul va shaxsiy javobgar etib adliya vaziri A.J. Tashkulov belgilansin.
10. Farmon ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2025-yil 14-noyabrdagi PF-214-son Farmoniga ILOVA
Tadbirkorlik faoliyatini davlat tomonidan tartibga solish yukini kamaytirish hamda byurokratik toʻsiqlarni qisqartirish boʻyicha
T/r Chora-tadbirlar Amalga oshirish mexanizmi Moliyalashtirish manbai Ijro muddati Masʼul ijrochilar 1. “Biznesni 15 daqiqada boshlash” tamoyili asosida tadbirkorlik subyektlarini davlat roʻyxatidan oʻtkazishda bir vaqtning oʻzida quyidagi xizmatlarni kompozit koʻrsatishni yoʻlga qoʻyish: elektron raqamli imzo kalitini berish; tijorat banklarida hisobvaraq ochishga ariza topshirish va uni faollashtirish; ayrim faoliyat turlari boʻyicha litsenziya, ruxsatnoma olishga ariza yoki xabarnoma yuborish; koʻchmas mulk ijara shartnomasini rasmiylashtirish; qoʻshilgan qiymat soligʻi toʻlovchi guvohnomasini olish (soliq xavfi darajasiga aniqlik kiritilmasdan turib avtomatik ravishda guvohnoma beriladigan soliq toʻlovchilarga); onlayn nazorat-kassa mashinalarini onlayn ravishda xarid qilish va ularni soliq organlarida roʻyxatdan oʻtkazish; yuridik shaxs rahbarini tayinlash va uni “Yagona milliy mehnat tizimi” idoralararo dasturiy-apparat kompleksida hisobga qoʻyish. 1. Normativ-huquqiy hujjat loyihasi - 2025-yil dekabr Adliya vazirligi (Tashkulov) , Kambagʻallikni qisqartirish va bandlik vazirligi (Zaxidov) , Soliq qoʻmitasi (Kudbiyev) , tijorat banklari 2. Amaliy chora-tadbirlar Adliya vazirligining Davlat xizmatlarini rivojlantirish jamgʻarmasi mablagʻlari 2. “FHDYning yagona elektron arxivi” axborot tizimi va Tadbirkorlik subyektlarini davlat roʻyxatidan oʻtkazish va hisobga qoʻyishning avtomatlashtirilgan tizimini “Litsenziya” axborot tizimiga integratsiya qilish. Amaliy chora-tadbirlar - 2025-yil dekabr Adliya vazirligi (Tashkulov) 3. “ID-karta” avtomatlashtirilgan axborot tizimini Tadbirkorlik subyektlarini davlat roʻyxatidan oʻtkazish va hisobga qoʻyishning avtomatlashtirilgan tizimi va “Litsenziya” axborot tizimiga integratsiya qilish. Amaliy chora-tadbirlar - 2025-yil dekabr Ichki ishlar vazirligi (Tashpulatov) , Adliya vazirligi (Tashkulov) 4. Yuridik shaxslarni davlat roʻyxatidan oʻtkazish vaqtida tayinlangan rahbar maʼlumotlarini “Yagona milliy mehnat tizimi” idoralararo dasturiy-apparat kompleksida hisobga qoʻyish. Amaliy chora-tadbirlar - 2025-yil dekabr Kambagʻallikni qisqartirish va bandlik vazirligi (Zaxidov) , Adliya vazirligi (Tashkulov) 5. Onlayn nazorat-kassa mashinalarini soliq organlarida roʻyxatdan oʻtkazish uchun Tadbirkorlik subyektlarini davlat roʻyxatidan oʻtkazish va hisobga qoʻyishning avtomatlashtirilgan tizimini Soliq qoʻmitasining axborot tizimi bilan integratsiya qilish. Amaliy chora-tadbirlar - 2025-yil dekabr Soliq qoʻmitasi (Kudbiyev) , Adliya vazirligi (Tashkulov) 6. “Litsenziya” axborot tizimida litsenziya va ruxsat berish xususiyatiga ega hujjatlarni olishda talabgorning litsenziya hamda ruxsat berish talab va shartlariga mos kelishini aniqlashga qaratilgan dastlabki baholash xizmatini yoʻlga qoʻyish. 1. Normativ-huquqiy hujjat loyihasi. 2. Amaliy chora-tadbirlar. Adliya vazirligining Davlat xizmatlarini rivojlantirish jamgʻarmasi mablagʻlari 2026-yil fevral Adliya vazirligi (Tashkulov) , manfaatdor vazirlik va idoralar 7. Hududiy arxitektura-shaharsozlik kengashlari tomonidan binolar, inshootlar va boshqa obyektlarning loyihalarini elektron shaklda “Shaffof qurilish” tizimi orqali koʻrib chiqish va kelishish tartibini ishlab chiqish. Normativ-huquqiy hujjat loyihasi - 2025-yil dekabr Qurilish va uy-joy kommunal xoʻjaligi vazirligi (Xidoyatov) , Adliya vazirligi (Tashkulov) 8. Quyidagi litsenziya va ruxsatnomalarni ariza beruvchilarning xohishiga koʻra tezlashtirilgan tartibda berish: turistik faoliyatni amalga oshirish uchun litsenziya; konsert-tomosha faoliyati uchun litsenziya; moddiy madaniy merosning koʻchmas mulk obyektlarini asrashga doir faoliyatni amalga oshirish uchun litsenziya; veterinariya faoliyati uchun litsenziya; xususiy bandlik agentliklarining Oʻzbekiston Respublikasidan tashqarida ish qidirayotgan shaxslarni ishga joylashtirish boʻyicha faoliyati uchun litsenziya; xavfi yuqori boʻlgan obyektlarni va potensial xavfli ishlab chiqarishlarni loyihalashtirish, qurish hamda ulardan foydalanish faoliyati uchun litsenziya; avtomobillarga yonilgʻi quyish stansiyalarining neft mahsulotlarini qabul qilish, saqlash, hisobga olish va tarqatish talablariga muvofiqligi toʻgʻrisida xulosa; ommaviy axborot vositasi davlat roʻyxatidan oʻtkazilganligi toʻgʻrisidagi guvohnoma; davlat mulki boʻlgan arxiv hujjatlari yoki ularning koʻchirma nusxalarini, shuningdek, Milliy arxiv fondining nodavlat qismiga kiritilgan arxiv hujjatlari yoki ularning koʻchirma nusxalarini Oʻzbekiston Respublikasidan tashqariga vaqtincha olib chiqish uchun ruxsatnoma. Normativ-huquqiy hujjat loyihasi - 2026-yil mart Adliya vazirligi (Tashkulov) , Madaniyat vazirligi (Nazarbekov) , Qishloq xoʻjaligi vazirligi (Abdurahmonov) , Kambagʻallikni qisqartirish va bandlik vazirligi (Zaxidov) , Qurilish va uy-joy kommunal xoʻjaligi vazirligi (Xidoyatov) , Madaniy meros agentligi (Abdikarimov) , Sanoat, radiatsiya va yadro xavfsizligi qoʻmitasi (Rafiqov) , Elektr energiyasi, neft mahsulotlari va gazdan foydalanishni nazorat qilish inspeksiyasi (Eshqoʻziyev) , Turizm qoʻmitasi (Shadiyev) 9. Litsenziyalash, ruxsat berish va xabardor qilish tartib-taomillari sohasidagi huquqbuzarliklar uchun jarimalarni “Litsenziya” axborot tizimi orqali qoʻllash tizimini yoʻlga qoʻyish. Amaliy chora-tadbirlar Adliya vazirligining Davlat xizmatlarini rivojlantirish jamgʻarmasi mablagʻlari 2026-yil fevral Adliya vazirligi (Tashkulov) 10. “Litsenziya” axborot tizimida arizalarni toʻldirish jarayonida talabgorning tegishli talab va shartlarga mos kelishiga avtomatik yoki sunʼiy intellekt texnologiyasi orqali baho berish tizimini yoʻlga qoʻyish. Amaliy chora-tadbirlar Adliya vazirligining Davlat xizmatlarini rivojlantirish jamgʻarmasi mablagʻlari 2026-yil may Adliya vazirligi (Tashkulov) 11. “Litsenziya” axborot tizimida vakolatli organlar tomonidan arizalarni koʻrib chiqish jarayonlarini avtomatlashtirish. Ariza va taqdim etilgan hujjatlardagi raqamlashgan maʼlumotlarga axborot tizimlari yoki sunʼiy intellekt texnologiyasi orqali baho berish tizimini yoʻlga qoʻyish. Amaliy chora-tadbirlar Adliya vazirligining Davlat xizmatlarini rivojlantirish jamgʻarmasi mablagʻlari 2026-yil avgust Adliya vazirligi (Tashkulov) , manfaatdor vazirlik va idoralar 12. Davlat muassasalariga ruxsat berish tartib-taomillaridan oʻtish tartibi toʻgʻrisidagi nizomlarda va ularning pasportlarida tegishli faoliyat yoki harakatni ruxsat etish xususiyatiga ega hujjat olmasdan amalga oshirishga ruxsat berilgan boʻlsa, ularga ushbu faoliyatni bevosita amalga oshirishga ruxsat berish yuzasidan “Litsenziyalash, ruxsat berish va xabardor qilish tartib-taomillari toʻgʻrisida”gi Qonunga oʻzgartirish va qoʻshimchalar kiritish toʻgʻrisida taklif ishlab chiqish. Normativ-huquqiy hujjat loyihasi - 2025-yil dekabr Adliya vazirligi (Tashkulov) 13. Tegishli faoliyat bilan litsenziyasiz yoki ruxsat etish xususiyatiga ega hujjatsiz, shuningdek, xabarnoma yubormasdan shugʻullanish holatlari bilan bogʻliq qonunbuzilishlar jismoniy va yuridik shaxslarning murojaatlari asosida aniqlanganda va huquqbuzarlik tasdiqlanganda, bu haqida vakolatli organlarga xabar bergan jismoniy va yuridik shaxslarni undirilgan jarimaning oʻn foizi miqdoridagi pul mukofoti bilan ragʻbatlantirish tartibini joriy qilish. Normativ-huquqiy hujjat loyihasi - 2026-yil aprel Adliya vazirligi (Tashkulov) , Biznes-ombudsman (Urunov) , Savdo-sanoat palatasi (Vahobov) 14. “Firma nomlari toʻgʻrisida”gi Qonunning yangi tahririni ishlab chiqish. Normativ-huquqiy hujjat loyihasi - 2026-yil aprel Adliya vazirligi (Tashkulov) , Biznes-ombudsman (Urunov) , Savdo-sanoat palatasi (Vahobov) 15. 10 turdagi litsenziya va ruxsat berish tartib-taomillarini bekor qilish boʻyicha Vazirlar Mahkamasiga taklif kiritish. Normativ-huquqiy hujjat loyihasi - 2025-yil dekabr Adliya vazirligi (Tashkulov) , Biznes-ombudsman (Urunov) , Savdo-sanoat palatasi (Vahobov) 16. “Biznesni 15 daqiqada boshlash” tamoyilini amalda qoʻllash boʻyicha davlat xizmatlari markazlari va davlat tashkilotlari xodimlarini, shuningdek, tadbirkorlik subyektlarini oʻqitish. Amaliy chora-tadbirlar - Reja-grafik asosida har oyda Adliya vazirligi (Tashkulov) , Biznes-ombudsman (Urunov) , Savdo-sanoat palatasi (Vahobov), manfaatdor vazirlik va idoralar 17. “Biznesni 15 daqiqada boshlash” tamoyili mazmun-mohiyatini aholi va tadbirkorlarga quyidagi tartibda tushuntirish: axborot-tahliliy materiallardan foydalangan holda hujjatlar toʻplamini (maʼruza matni, taqdimot, annotatsiya, infografika, sxema) tayyorlash; matbuot anjumanlarini oʻtkazish; hududlarda manzilli va predmetli targʻibot tadbirlarini oʻtkazish; mustaqil ekspertlar, mutaxassislar, aholi va tadbirkorlarning fikri va munosabatini aks ettiruvchi tahliliy tok-shoular, munozaralar, bahslar oʻtkazish. Amaliy chora-tadbirlar Adliya vazirligining Davlat xizmatlarini rivojlantirish jamgʻarmasi mablagʻlari Reja-grafik asosida Adliya vazirligi (Tashkulov) , Biznes-ombudsman (Urunov) , Savdo-sanoat palatasi (Vahobov), manfaatdor vazirlik va idoralar 18. Davlat xizmatlari markazlarida tadbirkorlik faoliyatini boshlash va amalga oshirish uchun zarur boʻlgan xizmatlar, jumladan, bank-moliya, huquqiy, konsalting, rieltorlik, transport-logistika kabi xizmatlar hamda ularni koʻrsatuvchi tashkilotlar toʻgʻrisidagi maʼlumotlarni aks ettiruvchi stendlar, bannerlar, onlayn reklama tablolarini joylashtirish. Amaliy chora-tadbirlar Adliya vazirligining Davlat xizmatlarini rivojlantirish jamgʻarmasi mablagʻlari hamda tadbirkorlar mablagʻlari 2026-yil yanvar Adliya vazirligi (Tashkulov) , Savdo-sanoat palatasi (Vahobov), tijorat banklari, manfaatdor tashkilotlar
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 14-noyabr,
PF-214-son
Президента Республики Узбекистан
Указ
Об очередных мерах по упрощению ведения бизнеса, а также лицензионных и разрешительных процедур
В целях обеспечения исполнения задач, определенных в ходе V открытого диалога Президента Республики Узбекистан с предпринимателями, а также налаживания комплексного оказания государственных услуг при начале бизнеса, сокращения лицензионных и разрешительных процедур постановляю:
I. Основная цель
1. Определить основной целью принятия настоящего Указа сокращение до 90 миллиардов сумов административных расходов предпринимателей, а также экономию их времени до 15 дней в процессах взаимодействия с государственными органами.
II. Внедрение системы комплексной регистрации бизнеса
2. Внедрить с 1 января 2026 года порядок одновременного оказания следующих услуг при государственной регистрации субъектов предпринимательства на основе принципа «Начать бизнес за 15 минут»:
(а) предоставление ключа электронной цифровой подписи;
(б) подача заявления на открытие и активацию банковских счетов;
(в) направление заявления на получение лицензии, разрешения или уведомления по некоторым видам деятельности;
(г) оформление договора аренды недвижимого имущества;
(д) получение свидетельства плательщика налога на добавленную стоимость (налогоплательщикам, которым свидетельство выдается в автоматическом порядке без уточнения уровня налогового риска);
(ж) приобретение онлайн контрольно-кассовых машин в режиме онлайн и регистрация их в налоговых органах;
(з) назначение руководителя юридического лица и постановка его на учет в межведомственном аппаратно-программном комплексе «Единая национальная система труда».
3. Установить, что в рамках принципа «Начать бизнес за 15 минут»:
(а) субъект предпринимательства добровольно пользуется каждой услугой на основе своего выбора;
(б) по выбранным услугам создается возможность осуществления платежа путем единого QR кода.
4. Определить, что с 1 января 2026 года:
(а) индивидуальным предпринимателям разрешается иметь фирменное наименование;
(б) при изменении первичных данных (имя, фамилия, отчество, фирменное наименование, адрес, организационно-правовая форма и т.д.) субъектов предпринимательства изменения по этим данным в свидетельство индивидуального предпринимателя, лицензии, разрешения и уведомления вносятся бесплатно путем межведомственного электронного взаимодействия в автоматическом порядке. При этом:
(i) сведения об изменении имени, фамилии и отчества индивидуального предпринимателя предоставляются через автоматизированную информационную систему «ID-карта» Министерства внутренних дел;
(ii) другие сведения предоставляются из Автоматизированной системы государственной регистрации и постановки на учет субъектов предпринимательства в информационную систему «Лицензия» в режиме реального времени в установленном порядке.
III. Упрощение лицензионных и разрешительных процедур
5. С 1 марта 2026 года:
(а) при применении штрафа юридическим лицам за совершение правонарушения в сфере лицензионных, разрешительных и уведомительных процедур отменить порядок привлечения к административной ответственности их должностных лиц;
(б) при получении лицензии и документов разрешительного характера в информационной системе «Лицензия» внедрить услугу добровольной предварительной оценки, при которой:
(i) в рамках предварительной оценки изучается соответствие данных о зданиях и сооружениях, материально-технической базе, оборудовании, планируемых к приобретению, нанимаемых работниках для получения лицензии или разрешения претендентом и других данных, требованиям и условиям получения лицензии и разрешения, а также выдается соответствующее заключение;
(ii) услуга предварительной оценки оказывается в срок, не превышающий 20 дней, а также взимается платеж в размере, не превышающем сбора, уплачиваемого за рассмотрение заявления на выдачу соответствующей лицензии или документа разрешительного характера.
IV. Организация, обеспечение и контроль исполнения Указа
6. Утвердить «Дорожную карту» по уменьшению нагрузки государственного регулирования предпринимательской деятельности, а также сокращению бюрократических преград согласно приложению * .
7. Национальному информационному агентству Узбекистана и Национальной телерадиокомпании Узбекистана организовать работу по широкому освещению в средствах массовой информации, интернете и социальных сетях целей, задач настоящего Указа и ожидаемых результатов его исполнения.
8. Министерству юстиции в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего Указа.
9. Возложить на министра юстиции А.Д. Ташкулова персональную ответственность за эффективную организацию исполнения настоящего Указа.
10. Обсуждение хода исполнения настоящего Указа, осуществление координации и контроля за деятельностью ведомств, ответственных за его исполнение, возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
14 ноября 2025 г.,
№ УП-214