📅 2025-yil 17-noyabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 17 ноябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 17 ноября 2025 г. · Постановления Кабинета Министров
Официальный текст. Официальный документ. Редакционные примечания не включены.
📅 17 November 2025 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
«ЙЎЛ ХАРИТАСИ»
рўйхати
Бино ва иншоотларнинг зилзилабардошлигини оширишга оид қўшимча чора-тадбирлар тўғрисида
Ўзбекистон Республикаси Президентининг «Бино ва иншоотларнинг зилзилабардошлигини ошириш ҳамда сейсмик хавфни мониторинг қилиш фаолиятини такомиллаштириш чора-тадбирлари тўғрисида» 2024 йил 17 апрелдаги ПҚ-161-сон қарори ижросини таъминлаш мақсадида Вазирлар Маҳкамаси қарор қилади:
1. Ўзбекистон Республикаси Президентининг «Бино ва иншоотларнинг зилзилабардошлигини ошириш ҳамда сейсмик хавфни мониторинг қилиш фаолиятини такомиллаштириш чора-тадбирлари тўғрисида» 2024 йил 17 апрелдаги ПҚ-161-сон қарорига мувофиқ:
MSK-64 шкаласи бўйича 8 ва ундан юқори балли сейсмик фаол зоналарда қурилиши режалаштирилаётган тегишли янги биноларнинг сейсмик хавфсизлигини таъминлашга замонавий ёндашувларни жорий қилиш, бино ва иншоотларнинг зилзилабардошлигини янада оширишнинг замонавий тизимини яратиш;
янги қурилиши режалаштирилаётган ва хавфлилик омили III-IV тоифа бўлган объектларга бино ва иншоотларнинг юк кўтарувчи конструкцияларини автоматик мониторинг қилиш ускунасини ўрнатиш;
хавфлилик омили III-IV тоифа бўлган объектларни ҳудуднинг зилзилалар кучини кўрсатиб берувчи минтақавий акселерограммалар базаларидан келиб чиқиб лойиҳалаштириш ва қуриш тартиби жорий этилиши белгилангани маълумот учун қабул қилинсин.
2. Қуйидагилар:
Сейсмик хавфсизликни таъминлаш ҳамда бино ва иншоотларнинг зилзилабардошлигини ошириш тизимини такомиллаштириш бўйича «йўл харитаси» 1-иловага ;
MSK-64 шкаласи бўйича 8 ва ундан юқори балли сейсмик фаол зоналар қайд этилган ҳудудларнинг рўйхати 2-иловага мувофиқ тасдиқлансин.
3. Қурилиш ва уй-жой коммунал хўжалиги вазирлиги:
а) 2025 йил 1 декабрдан бошлаб Фанлар академияси билан биргаликда зилзилалар кучини кўрсатиб берувчи минтақавий акселерограммалар базаларидан келиб чиқиб лойиҳалаштириш амалиётини йўлга қўйсин;
б) 2026 йил 1 декабрга қадар юк кўтарувчи конструкцияларни автоматик мониторинг қилиш ускунасини қўллаш шартлари ва услубиётини ишлаб чиқиб, тасдиқласин;
в) 2027 йил 1 октябрга қадар MSK-64 шкаласи бўйича 8 ва ундан юқори балли сейсмик фаол зоналарда махсус сейсмик ҳимоялаш ускуналари ёрдамида лойиҳалаштиришга устуворлик бериладиган объектлар турларини тасдиқласин.
4. Белгилансинки 2026 йил 1 февралдан бошлаб:
а) Вазирлар Маҳкамасининг 2022 йил 15 октябрдаги 603-сон қарори талаблари асосида бериладиган зилзилабардошлик бўйича илмий хулоса учун ундириладиган тўлов миқдори 50 фоизга қисқартирилади;
бир хил серияли объектларга илмий хулосалар фақат бир маротаба тўлов асосида берилади, қолган шу турдаги объектларнинг лойиҳаларига илмий хулоса бериш учун тўлов ундирилмайди;
б) Фанлар академияси томонидан:
Қурилиш ва уй-жой коммунал хўжалиги вазирлиги билан биргаликда зилзилабардошлик бўйича илмий хулосалар бериш «Шаффоф қурилиш» миллий ахборот тизимига интеграция қилинади;
зилзилабардошлик бўйича илмий хулосалар «Шаффоф қурилиш» миллий ахборот тизимига жойлаштириб борилади ҳамда уларнинг электрон реестрини юритиш йўлга қўйилади.
5. Ўзбекистон Республикаси Ҳукуматининг 3-иловага мувофиқ айрим қарорларига ўзгартириш ва қўшимчалар киритилсин.
6. Ўзбекистон Миллий ахборот агентлиги, Миллий телерадиокомпанияси мутасадди вазирлик ва идоралар билан биргаликда ушбу қарорнинг мазмун ва моҳияти оммавий ахборот воситаларида кенг ёритилишини таъминласин.
7. Ушбу қарорнинг бажарилишини самарали ташкил қилишга қурилиш ва уй-жой коммунал хўжалиги вазири Ш.С. Ҳидоятов ҳамда Фанлар академияси президенти Ш.А. Аюпов масъул этиб белгилансин.
Вазирлар Маҳкамасининг 2025 йил 17 ноябрдаги 727-сон қарорига 1-ИЛОВА
Сейсмик хавфсизликни таъминлаш ҳамда бино ва иншоотларнинг зилзилабардошлигини ошириш тизимини такомиллаштириш бўйича
Т /р Чора-тадбирлар Амалга ошириш механизми Бажариш муддатлари Молиялаштириш манбалари Масъул ижрочилар I. Сейсмик хавфсизликни таъминлаш соҳасидаги хорижий тажрибани ўрганиш ҳамда соқада кадрлар тайёрлаш, қайта тайёрлаш ва уларнинг малакасини ошириш 1. Конструктор-ҳисобчи ва лойиҳа бош муҳандисларини бино ва иншоотларни махсус сейсмик ҳимоя воситалари ёрдамида лойиҳалаштириш ва ночизиқли ҳисоблаш усулида лойиҳалаш ҳамда минтақавий акселерограммалардан фойдаланиб, лойиҳалаштириш бўйича халқаро тажрибани ўрганиш. 1. Конструктор-ҳисобчи ва лойиҳа бош муҳандисларидан иборат кичик гуруҳларни шакллантириш. 2026-2027 йиллар давомида (ҳар йили март ойига қадар) Вазирлик ва идораларнинг бюджетдан ташқари жамғармалари, Сейсмология, иншоотларнинг сейсмик мустаҳкамлиги ва сейсмик хавфсизликни таъминлаш соҳасини қўллаб-қувватлаш жамғармаси Қурилиш ва уй-жой коммунал хўжалиги вазирлиги (Ш. Хидоятов), Ташқи ишлар вазирлиги (Б. Саидов), манфаатдор вазирлик ва идоралар 2. Ўқув ва малака ошириш курслари режасини тузиш ва зилзилабардош қурилишга ихтисослашган етакчи хорижий қабул қилувчи томон билан келишиш. 2026-2027 йиллар давомида (ҳар йили апрель ойига қадар) 3. Шакллантирилган гуруҳларни келишувга эришилган ташкилотларга босқичма-босқич қисқа муддатли (2 ҳафтадан 1 ойгача) ўқув ва малака ошириш курсларига юбориш. 2026-2027 йиллар давомида 4. Ўқув ва малака ошириш курсларида олинган тажрибани таҳлил қилиб бориш. Таҳлил натижаларига кўра сейсмик ҳимоялаш ва мониторинг қилиш воситаларини қўллаш шартлари ва лойиҳалаштириш услубиёти, минтақавий акселлограммалар асосида ҳамда конструкцияларни ночизиқли ҳисоблаш усуллари, шунингдек, газ ва электр тармоқларини блоклаш тизимларини амалиётга жорий қилиш учун амалдаги норматив ҳужжатларни қайта кўриб чиқиш ва таклифлар киритиш. 2026-2027 йиллар 2. Қурилиш йўналишидаги олий таълим муассасаларида конструктор-ҳисобчи мутахассисларини тайёрлаш тизимини такомиллаштириш. 1. Ўқув ва малака ошириш курсларида бўлиб қайтган мутахассислар иштирокида олий таълимнинг бакалавриат ва магистратура босқичлари учун ўқув дастурларини тузиш ва мавжудларини қайта кўриб чиқиш. 2026-2027 йилларда июнь ойигача Вазирлик ва идораларнинг бюджетдан ташқари жамғармалари Олий таълим, фан ва инновациялар вазирлиги (Қ. Шарипов), Фанлар академияси (С. Мирзаев), манфаатдор вазирлик ва идоралар 2. Ўқув ва малака ошириш курсларида бўлиб қайтган мутахассислардан тайинланган тренерларни олий таълим муассасаси профессор-ўқитувчиларини ишлаб чиқилган дастурлар бўйича ўқитишини ташкил этиш. 2026-2027 йилларда октябрь ойида 3. Махсус сейсмик ҳимоя тизимлари, юк кўтарувчи конструкцияларни мониторинг қилиш, минтақавий акселлограммалар асосида ҳамда конструкцияларни ночизиқли ҳисоблаш услублари бўйича тайёрланган ўқув дастурларини олий таълим муассасаларида жорий қилиш. 2027 йил август П. Бино ва иншоотларнинг зилзилабардошлигини оширишга оид амалий чора-тадбирлар 3. Махсус сейсмик ҳимоялаш воситалари қўлланилган кўп қаватли тураржой биносини экспериментал лойиҳа асосида қуриш. 1. Махсус сейсмик ҳимоялаш воситалари қўлланилган, битта экспериментал бинони ушбу йўналишда тажрибага эга етакчи хорижий компанияни жалб қилган ҳолда лойиҳалаштириш, бунда лойиҳалаштириш жараёнларида маҳаллий мутахассислар иштирокини таъминлаш. 2026 йил якунига қадар Буюртмачи ташкилотлар маблағлари Қурилиш ва уй-жой коммунал хўжалиги вазирлиги (Ш. Хидоятов), манфаатдор вазирлик ва идоралар 2. Махсус сейсмик ҳимоялаш воситалари ёрдамида лойиҳалаштирилган бинони ушбу йўналишда тажрибага эга хорижий компанияни жалб қилинган ҳолда қуриш ва синаш, бунда қурилиш-монтаж ишларида маҳаллий мутахассислар иштирокини таъминлаш. 2027 йил июнь 3. Махсус сейсмик ҳимоялаш воситалари қўлланиладиган бино ва иншоотлар турларини аниқлаш ва Вазирлар Маҳкамасига таклиф киритиш. 2027 йил сентябрь III. Сейсмик мустаҳкам қурилиш соҳасида илмий-тадқиқотлар ўтказиш, соҳани рақамлаштириш ва норматив базани такомиллаштириш 4. Бино ва иншоотларнинг юк кўтарувчи конструкцияларига автоматик мониторинг қилиш ускунасини ўрнатиш амалиётини йўлга қўйиш. 1. Бино ва иншоотларнинг юк кўтарувчи конструкцияларида ўрнатиладиган автоматик мониторинг қилиш ускуналари тизимини ишлаб чиқиш ҳамда ундан олинадиган маълумотлар асосида сейсмик мустаҳкамликни баҳолаш бўйича илмий-тадқиқот ишларини олиб бориш. 2025-2026-йиллар Олий таълим, фан ва инновациялар вазирлиги томонидан илмий-тадқиқот лойиҳалари учун ажратиладиган мақсадли грантлар, Сейсмология, иншоотларнинг сейсмик мустаҳкамлиги ва сейсмик хавфсизликни таъминлаш соҳасини қўллаб-қувватлаш жамғармаси маблағлари Қурилиш ва уй-жой коммунал хўжалиги вазирлиги (Ш. Хидоятов), Олий таълим, фан ва инновациялар вазирлиги (Қ. Шарипов), Сейсмопрогностик мониторинг республика маркази (Қ. Қўчқоров), манфаатдор вазирлик ва идоралар 2. Тадқиқот натижаларига кўра миллий норматив ҳужжатларни ишлаб чиқиш ва уларнинг белгиланган ўрнатилган тартибда тасдиқланишини таъминлаш. 2026 йил якунига қадар 5. Биноларнинг тўсувчи конструкцияларини динамик юкларга синаш услубиётини жорий этиш. 1. Биноларнинг тўсувчи конструкцияларини динамик юкларга синаш услубиётини ишлаб чиқиш бўйича илмий лойиҳаларни амалга ошириш 2026-2027 йиллар Олий таълим, фан ва инновациялар вазирлиги томонидан илмий-тадқиқот лойиҳалари учун ажратиладиган мақсадли грантлар Қурилиш ва уй-жой коммунал хўжалиги вазирлиги (Ш. Хидоятов), Олий таълим, фан ва инновациялар вазирлиги (Қ. Шарипов), манфаатдор вазирлик ва идоралар 2. Баланд бинолар тўсувчи конструкцияларини динамик юкларга синашнинг стандартлаштирилган услубиётларини амалиётга жорий этиш. 2027 йил якунига қадар 6. Шаҳарсозлик нормалари ва қоидаларини такомиллаштириш, илғор халқаро тажриба билан уйғунлаштириш ва самарали услубиётларни аниқлаш учун сунъий интеллект технологияларини жорий этиш. 1. Сунъий интеллект технологияларининг (AI) машинада ўргатиш (ML) ва чуқур ўргатиш (DRL) орқали қурилиш нормалари бўйича халқаро тажрибани таҳлил қилиш тизимини яратиш бўйича илмий-тадқиқот ишларини олиб бориш. 2026-2027 йиллар Олий таълим, фан ва инновациялар вазирлиги томонидан илмий-тадқиқот лойиҳалари учун ажратиладиган мақсадли грантлар Қурилиш ва уй-жой коммунал хўжалиги вазирлиги (Ш. Хидоятов), Олий таълим, фан ва инновациялар вазирлиги (Қ. Шарипов), манфаатдор вазирлик ва идоралар 2. Сунъий интеллект технологияларининг (AI) машинада ўргатиш (ML) ва чуқур ўргатиш (DRL) орқали биноларнинг сейсмик мустаҳкамлигини ҳисоблашнинг самарали услубиётини аниқлаш бўйича илмий лойиҳаларни амалга ошириш. 7. Сейсмиклиги 9 балли ҳудудларда конструктив тизими яхлит ва йиғма темир-бетондан ташкил топган 16 қаватгача бўлган биноларни лойиҳалаштириш бўйича амалдаги шаҳарсозлик нормалари ва қоидаларига ўзгартиришлар киритиш. Сейсмиклиги 9 балли ҳудудларда яхлит темир-бетон каркаслар ҳамда яхлит темир-бетон деворлар, йирик панелли деворлар ва ҳажмли темир-бетон блоклардан ташкил топган конструктив тизимли 16 қаватгача бўлган биноларни лойиҳалаштириш бўйича ҚМҚ 2.01.03 «Сейсмик ҳудудларда қурилиш» шаҳарсозлик нормалари ва қоидаларига тўпланган тажриба ва амалиётдан келиб чиққан ҳолда тегишли ўзгартириш ва қўшимчалар киритиш. 2026 йил апрель Қурилиш ва уй-жой коммунал хўжалиги вазирлигининг ривожлантириш дастурлари учун ажратилган маблағлари Қурилиш ва уй-жой коммунал хўжалиги вазирлиги (Ш. Хидоятов), Адлия вазирлиги (А. Ташкулов), манфаатдор вазирлик ва идоралар 8. Махсус сейсмик ҳимоялаш тизимларини қўллаш учун техник талабларни ишлаб чиқиш. Амалга оширилган экспериментал лойиҳалаштириш ва қурилиш натижалари ва халқаро норматив ҳужжатлар талаблари асосида миллий норматив ҳужжат лойиҳасини ишлаб чиқиш ва унинг белгиланган тартибда тасдиқланишини таъминлаш. 2027 йил декабрь Қурилиш ва уй-жой коммунал хўжалиги вазирлигининг ривожлантириш дастурлари учун ажратилган маблағлари Қурилиш ва уй-жой коммунал хўжалиги вазирлиги (Ш. Хидоятов), Адлия вазирлиги (А. Ташкулов), манфаатдор вазирлик ва идоралар 9. Грунтларни муҳандислик тайёрлаш ва сейсмик жадалликни камайтириш усулларини жорий этиш, муҳандислик-геологик қидирувларни тизимлаштириш ҳамда норматив-техник ҳужжат тайёрлаш. Грунтларни муҳандислик тайёрлаш ва сейсмик жадалликни камайтириш усулларини жорий этиш ҳамда геотехник қидирувларни назарда тутувчи норматив-техник ҳужжатни тайёрлаш. 2027 йил июнь - Қурилиш ва уй-жой коммунал хўжалиги вазирлиги (Ш. Хидоятов), манфаатдор вазирлик ва идоралар
Вазирлар Маҳкамасининг 2025 йил 17 ноябрдаги 727-сон қарорига 2-ИЛОВА
MSK-64 шкаласи бўйича 8 ва ундан юқори балли сейсмик фаол зоналар қайд этилган ҳудудларнинг
Т /р Вилоят ва шаҳар номи Вилоят ва шаҳарларга бўйсунадиган туман/шаҳарлар MSK-64 шкаласи бўйича сейсмик фаол зоналарда қуриладиган объектларнинг лойиҳалаштирилиши мажбурий бўлган баллар 1. Андижон вилояти 1. Андижон ш. 9 балл 2. Хонобод ш. 8 балл 3. Андижон т. 9 балл 4. Асака 9 балл 5. Балиқчи 8 балл 6. Бўстон 8 балл 7. Булоқбоши 8 балл 8. Жалақудуқ 8 балл 9. Избоскан 9 балл 10. Қўрғонтепа 8 балл 11. Марҳамат 8 балл 12. Олтинкўл 9 балл 13. Пахтаобод 9 балл 14. Хўжаобод 9 балл 15. Шаҳрихон 9 балл 16. Улуғнор 8 балл 2. Бухоро вилояти 1. Бухоро ш. 8-9 балл 2. Бухоро 8 балл 3. Вобкент 8 балл 4. Ромитон 8 балл 5. Шофиркон 8 балл 6. Ғиждувон 8 балл 3. Жиззах вилояти 1. Жиззах ш. 8 балл 2. Арнасой 8 балл 3. Бахмал 8 балл 4. Ғаллаорол 8 балл 5. Ш. Рашидов 8 балл 6. Зарбдор 8 балл 7. Зафаробод 8 балл 8. Зомин 8 балл 9. Фориш 8 балл 10. Янгиобод 8 балл 4. Навоий вилояти 1. Навоий ш. 8 балл 2. Кармана 8 балл 3. Навбаҳор 8 балл 4. Нурота 8 балл 5. Қизилтепа 8 балл 6. Хатирчи 8 балл 5. Наманган вилояти 1. Наманган ш. 8-9 балл 2. Чортоқ 8-9 балл 3. Чуст 9 балл 4. Косонсой 8 балл 5. Мингбулоқ 9 балл 6. Наманган т. 9 балл 7. Норин 8-9 балл 8. Поп 9 балл 9. Тўрақўрғон 9 балл 10. Учқўрғон 9 балл 11. Уйчи 9 балл 12. Янгиқўрғон 9 балл 6. Самарқанд вилояти 1. Самарқанд ш. 8 балл 2. Каттақўрғон ш. 8 балл 3. Жомбой 8 балл 4. Нарпай 8 балл 5. Паяриқ 8 балл 6. Самарқанд т. 8 балл 7. Ургут 8 балл 8. Иштихон 8 балл 9. Нуробод 8 балл 10. Пастдарғом 8 балл 11. Тойлоқ 8 балл 12. Булунғур 8 балл 13. Каттақўрғон 8 балл 14. Оқдарё 8 балл 15. Пахтачи 8 балл 7. Сирдарё вилояти 1. Гулистон ш. 8 балл 2. Янгиер ш. 8 балл 3. Сирдарё т. 8 балл 8. Сурхондарё вилояти 1. Термиз ш. 7-8 балл 2. Бандихон 8 балл 3. Бойсун 8 балл 4. Денов 8 балл 5. Қизириқ 8 балл 6. Қумқўрғон 8 балл 7. Олтинсой 8 балл 8. Сариосиё 8 балл 9. Узун 8 балл 10. Шеробод 8 балл 11. Шўрчи 8 балл 9. Тошкент вилояти 1. Нурафшон ш. 8-9 балл 2. Янгийўл ш. 8 балл 3. Чирчиқ ш. 8-9 балл 4. Олмалиқ ш. 8 балл 5. Бекобод ш. 8 балл 6. Оҳангарон ш. 8 балл 7. Тошкент 8 балл 8. Паркент 8 балл 9. Юқоричирчиқ 8 балл 10. Ўртачирчиқ 8 балл 11. Бўстонлиқ 8 балл 12. Қибрай 8 балл 13. Оҳангарон 8 балл 14. Пискент 8 балл 15. Зангиота 8 балл 16. Чиноз 8 балл 17. Янгийўл 8 балл 10. Тошкент шаҳри 1. Бектемир 8 балл 2. Миробод 8 балл 3. Мирзо Улуғбек 8-9 балл 4. Олмазор 8-9 балл 5. Сергели 8 балл 6. Учтепа 9 балл 7. Шайхонтоҳур 9 балл 8. Чилонзор 8-9 балл 9. Юнусобод 8-9 балл 10. Яшнобод 8-9 балл 11. Янги ҳаёт 8 балл 12. Яккасарой 8-9 балл 11. Фарғона вилояти 1. Фарғона ш. 8-9 балл 2. Марғилон ш. 8 балл 3. Қувасой ш. 8 балл 4. Қўқон ш. 8 балл 5. Фарғона т. 8 балл 6. Қува 8 балл 7. Тошлоқ 8 балл 8. Ёзёвон 8 балл 9. Қўштепа 8 балл 10. Олтиариқ 8 балл 11. Риштон 8 балл 12. Бағдод 8 балл 13. Бувайда 8 балл 14. Учкўприк 8 балл 15. Данғара 8 балл 16. Фурқат 8 балл 17. Ўзбекистон 8 балл 18. Бешариқ 8 балл 19. Сўх 8 балл 12. Қашқадарё вилояти 1. Қарши ш. 8 балл 2. Шаҳрисабз ш. 8 балл 3. Деҳқонобод 8 балл 4. Китоб 8 балл 5. Кўкдала 8 балл 6. Нишон 8 балл 7. Чироқчи 8 балл 8. Яккабоғ 8 балл 9. Қамаши 9 балл 10. Қарши т. 8 балл 11. Ғузор 8 балл
Вазирлар Маҳкамасининг 2025 йил 17 ноябрдаги 727-сон қарорига 3-ИЛОВА
Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар
1. Вазирлар Маҳкамасининг «Бино ва иншоотларнинг сейсмик мустаҳкамлигини баҳолаш ҳамда электрон техник паспортларни шакллантириш тизимини жорий этиш тўғрисида» 2021 йил 30 июндаги 405-сон қарорида :
а) 6-бандда :
қуйидаги мазмундаги олтинчи хатбоши билан тўлдирилсин:
«буюртмачи функцияси мавжуд вазирлик ва идоралар, маҳаллий давлат ҳокимияти органлари, хўжалик бирлашмалари ҳамда бошқа ташкилотлар томонидан янги қурилаётган бино ва иншоотларнинг инструментал-техник текширув билан боғлиқ харажатларини объектларнинг лойиҳа-смета ҳужжатларидаги буюртмачи харажатларида кўзда тутиш»;
олтинчи ва еттинчи хатбошилар тегишлича еттинчи ва саккизинчи хатбошилар деб ҳисоблансин;
б) илованинг 14-банди қуйидаги мазмундаги ўнинчи ва ўн биринчи хатбошилар билан тўлдирилсин:
«Буюртмачи функцияси мавжуд вазирлик ва идоралар, маҳаллий давлат ҳокимияти органлари, хўжалик бирлашмалари ҳамда бошқа ташкилотлар томонидан янги қурилаётган бино ва иншоотларнинг инструментал-техник текширув билан боғлиқ харажатлари объектларнинг лойиҳа-смета ҳужжатларидаги буюртмачи харажатларида кўзда тутилади.
Сейсмик фаол зоналарда жойлашган ва фойдаланишга қабул қилинганлиги 10 йилдан ошган III-IV тоифадаги бино ва иншоотларнинг инструментал-техник текширув билан боғлиқ харажатлари объектнинг техник ҳолатига қараб, эксплуатация қилиш харажатларида кўзда тутилиши шарт».
2. Вазирлар Маҳкамасининг 2022 йил 15 октябрдаги 603-сон қарори билан тасдиқланган Республиканинг сейсмик фаол зоналарида қурилиши режалаштирилаётган хавфлилик омили IV тоифага мансуб бўлган бино ва иншоотларга зилзилабардошлик бўйича илмий хулосалар бериш тартиби тўғрисидаги низомда :
8-банд қуйидаги таҳрирда баён этилсин:
«8. Илмий тажриба-синов ўтказиш ҳамда илмий хулоса бериш бўйича Фанлар академияси ва буюртмачи ташкилот ўртасида шартнома тузилади.
Шартнома қиймати Вазирлар Маҳкамасининг 2021 йил 17 сентябрдаги 579-сон қарори билан тасдиқланган Объектларни қуриш, реконструкция қилиш, мукаммал ва жорий таъмирлаш бўйича шаҳарсозлик ва лойиҳа ҳужжатларининг лойиҳавий ечимларини шаҳарсозлик ҳужжатларига мувофиқлиги юзасидан экспертизадан ўтказиш тартиби тўғрисидаги низомга 6-илованинг 5-банди асосида шаклланган қийматнинг 50 фоизи миқдорида белгиланади.
Объект туридан келиб чиқиб шаклланган қийматни ҳисоблаш Вазирлар Маҳкамаси томонидан мақбуллаштирилиши мумкин.
Тушган маблағларнинг кўпи билан 25 фоизи ходимларни ижтимоий ҳимоя қилиш ва моддий рағбатлантириш учун, қолган 75 фоизи моддий-техника базани мустаҳкамлашга сарфланади.
Шунингдек, давлат бюджети ва унга тенглаштирилган манбалар, давлат ташкилотлари кафолатлари остида олинган ташқи инвестиция маблағлари ҳисобидан амалга ошириладиган фойдали қазилма конларни аниқлаш, модернизация қилиш ва кенгайтириш бўйича истиқболли лойиҳаларни илмий тажриба-синовдан ўтказиб, илмий хулосалар бериш бўйича хизматлар ҳақи алоҳида ҳисоб-китоб қилинади.
Бунда шартнома қиймати қурилишнинг бошланғич қийматидан ҚҚСни инобатга олмаган ҳолда 0,01 фоиз, бироқ базавий ҳисоблаш миқдорининг 100 бараваридан ортиқ бўлмаган миқдорда белгиланади.
Бир хил серияли лойиҳалаштирилган объектларга илмий хулосалар фақат бир маротаба тўлов асосида берилади, қолган шу турдаги объектларнинг лойиҳаларига илмий хулоса бериш учун тўлов ундирилмайди»;
11-банд қуйидаги мазмундаги иккинчи ва учинчи хатбошилар билан тўлдирилсин:
«Қурилиш ва уй-жой коммунал хўжалиги вазирлиги томонидан лойиҳа-смета ҳужжатлари зилзилабардошлик бўйича илмий хулосалар олиш учун давлат муассасаси шаклидаги бошқа илмий тадқиқот институтларига ҳам юборилиши мумкин.
Бунда, илмий тадқиқот институтлари томонидан зилзилабардошлик бўйича илмий хулосалар бериш ушбу Низомга иловада келтирилган схемага мувофиқ амалга оширилади.»
Ўзбекистон Республикасининг Бош вазири А. АРИПОВ
Тошкент ш.,
2025 йил 17 ноябрь,
727-сон
Oʻzbekiston Respublikasi Vazirlar Mahkamasining
qarori
“YOʻL XARITASI”
roʻyxati
Bino va inshootlarning zilzilabardoshligini oshirishga oid qoʻshimcha chora-tadbirlar toʻgʻrisida
Oʻzbekiston Respublikasi Prezidentining “Bino va inshootlarning zilzilabardoshligini oshirish hamda seysmik xavfni monitoring qilish faoliyatini takomillashtirish chora-tadbirlari toʻgʻrisida” 2024-yil 17-apreldagi PQ-161-son qarori ijrosini taʼminlash maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “Bino va inshootlarning zilzilabardoshligini oshirish hamda seysmik xavfni monitoring qilish faoliyatini takomillashtirish chora-tadbirlari toʻgʻrisida” 2024-yil 17-apreldagi PQ-161-son qaroriga muvofiq:
MSK-64 shkalasi boʻyicha 8 va undan yuqori balli seysmik faol zonalarda qurilishi rejalashtirilayotgan tegishli yangi binolarning seysmik xavfsizligini taʼminlashga zamonaviy yondashuvlarni joriy qilish, bino va inshootlarning zilzilabardoshligini yanada oshirishning zamonaviy tizimini yaratish;
yangi qurilishi rejalashtirilayotgan va xavflilik omili III-IV toifa boʻlgan obyektlarga bino va inshootlarning yuk koʻtaruvchi konstruksiyalarini avtomatik monitoring qilish uskunasini oʻrnatish;
xavflilik omili III-IV toifa boʻlgan obyektlarni hududning zilzilalar kuchini koʻrsatib beruvchi mintaqaviy akselerogrammalar bazalaridan kelib chiqib loyihalashtirish va qurish tartibi joriy etilishi belgilangani maʼlumot uchun qabul qilinsin.
2. Quyidagilar:
Seysmik xavfsizlikni taʼminlash hamda bino va inshootlarning zilzilabardoshligini oshirish tizimini takomillashtirish boʻyicha “yoʻl xaritasi” 1-ilovaga ;
MSK-64 shkalasi boʻyicha 8 va undan yuqori balli seysmik faol zonalar qayd etilgan hududlarning roʻyxati 2-ilovaga muvofiq tasdiqlansin.
3. Qurilish va uy-joy kommunal xoʻjaligi vazirligi:
a) 2025-yil 1-dekabrdan boshlab Fanlar akademiyasi bilan birgalikda zilzilalar kuchini koʻrsatib beruvchi mintaqaviy akselerogrammalar bazalaridan kelib chiqib loyihalashtirish amaliyotini yoʻlga qoʻysin;
b) 2026-yil 1-dekabrga qadar yuk koʻtaruvchi konstruksiyalarni avtomatik monitoring qilish uskunasini qoʻllash shartlari va uslubiyotini ishlab chiqib, tasdiqlasin;
v) 2027-yil 1-oktabrga qadar MSK-64 shkalasi boʻyicha 8 va undan yuqori balli seysmik faol zonalarda maxsus seysmik himoyalash uskunalari yordamida loyihalashtirishga ustuvorlik beriladigan obyektlar turlarini tasdiqlasin.
4. Belgilansinki 2026-yil 1-fevraldan boshlab:
a) Vazirlar Mahkamasining 2022-yil 15-oktabrdagi 603-son qarori talablari asosida beriladigan zilzilabardoshlik boʻyicha ilmiy xulosa uchun undiriladigan toʻlov miqdori 50 foizga qisqartiriladi;
bir xil seriyali obyektlarga ilmiy xulosalar faqat bir marotaba toʻlov asosida beriladi, qolgan shu turdagi obyektlarning loyihalariga ilmiy xulosa berish uchun toʻlov undirilmaydi;
b) Fanlar akademiyasi tomonidan:
Qurilish va uy-joy kommunal xoʻjaligi vazirligi bilan birgalikda zilzilabardoshlik boʻyicha ilmiy xulosalar berish “Shaffof qurilish” milliy axborot tizimiga integratsiya qilinadi;
zilzilabardoshlik boʻyicha ilmiy xulosalar “Shaffof qurilish” milliy axborot tizimiga joylashtirib boriladi hamda ularning elektron reyestrini yuritish yoʻlga qoʻyiladi.
5. Oʻzbekiston Respublikasi Hukumatining 3-ilovaga muvofiq ayrim qarorlariga oʻzgartirish va qoʻshimchalar kiritilsin.
6. Oʻzbekiston Milliy axborot agentligi, Milliy teleradiokompaniyasi mutasaddi vazirlik va idoralar bilan birgalikda ushbu qarorning mazmun va mohiyati ommaviy axborot vositalarida keng yoritilishini taʼminlasin.
7. Ushbu qarorning bajarilishini samarali tashkil qilishga qurilish va uy-joy kommunal xoʻjaligi vaziri Sh.S. Hidoyatov hamda Fanlar akademiyasi prezidenti Sh.A. Ayupov masʼul etib belgilansin.
Vazirlar Mahkamasining 2025-yil 17-noyabrdagi 727-son qaroriga 1-ILOVA
Seysmik xavfsizlikni taʼminlash hamda bino va inshootlarning zilzilabardoshligini oshirish tizimini takomillashtirish boʻyicha
T /r Chora-tadbirlar Amalga oshirish mexanizmi Bajarish muddatlari Moliyalashtirish manbalari Masʼul ijrochilar I. Seysmik xavfsizlikni taʼminlash sohasidagi xorijiy tajribani oʻrganish hamda soqada kadrlar tayyorlash, qayta tayyorlash va ularning malakasini oshirish 1. Konstruktor-hisobchi va loyiha bosh muhandislarini bino va inshootlarni maxsus seysmik himoya vositalari yordamida loyihalashtirish va nochiziqli hisoblash usulida loyihalash hamda mintaqaviy akselerogrammalardan foydalanib, loyihalashtirish boʻyicha xalqaro tajribani oʻrganish. 1. Konstruktor-hisobchi va loyiha bosh muhandislaridan iborat kichik guruhlarni shakllantirish. 2026-2027-yillar davomida (har yili mart oyiga qadar) Vazirlik va idoralarning budjetdan tashqari jamgʻarmalari, Seysmologiya, inshootlarning seysmik mustahkamligi va seysmik xavfsizlikni taʼminlash sohasini qoʻllab-quvvatlash jamgʻarmasi Qurilish va uy-joy kommunal xoʻjaligi vazirligi (Sh. Xidoyatov), Tashqi ishlar vazirligi (B. Saidov), manfaatdor vazirlik va idoralar 2. Oʻquv va malaka oshirish kurslari rejasini tuzish va zilzilabardosh qurilishga ixtisoslashgan yetakchi xorijiy qabul qiluvchi tomon bilan kelishish. 2026-2027-yillar davomida (har yili aprel oyiga qadar) 3. Shakllantirilgan guruhlarni kelishuvga erishilgan tashkilotlarga bosqichma-bosqich qisqa muddatli (2 haftadan 1 oygacha) oʻquv va malaka oshirish kurslariga yuborish. 2026-2027-yillar davomida 4. Oʻquv va malaka oshirish kurslarida olingan tajribani tahlil qilib borish. Tahlil natijalariga koʻra seysmik himoyalash va monitoring qilish vositalarini qoʻllash shartlari va loyihalashtirish uslubiyoti, mintaqaviy aksellogrammalar asosida hamda konstruksiyalarni nochiziqli hisoblash usullari, shuningdek, gaz va elektr tarmoqlarini bloklash tizimlarini amaliyotga joriy qilish uchun amaldagi normativ hujjatlarni qayta koʻrib chiqish va takliflar kiritish. 2026-2027-yillar 2. Qurilish yoʻnalishidagi oliy taʼlim muassasalarida konstruktor-hisobchi mutaxassislarini tayyorlash tizimini takomillashtirish. 1. Oʻquv va malaka oshirish kurslarida boʻlib qaytgan mutaxassislar ishtirokida oliy taʼlimning bakalavriat va magistratura bosqichlari uchun oʻquv dasturlarini tuzish va mavjudlarini qayta koʻrib chiqish. 2026-2027-yillarda iyun oyigacha Vazirlik va idoralarning budjetdan tashqari jamgʻarmalari Oliy taʼlim, fan va innovatsiyalar vazirligi (Q. Sharipov), Fanlar akademiyasi (S. Mirzayev), manfaatdor vazirlik va idoralar 2. Oʻquv va malaka oshirish kurslarida boʻlib qaytgan mutaxassislardan tayinlangan trenerlarni oliy taʼlim muassasasi professor-oʻqituvchilarini ishlab chiqilgan dasturlar boʻyicha oʻqitishini tashkil etish. 2026-2027-yillarda oktabr oyida 3. Maxsus seysmik himoya tizimlari, yuk koʻtaruvchi konstruksiyalarni monitoring qilish, mintaqaviy aksellogrammalar asosida hamda konstruksiyalarni nochiziqli hisoblash uslublari boʻyicha tayyorlangan oʻquv dasturlarini oliy taʼlim muassasalarida joriy qilish. 2027-yil avgust P. Bino va inshootlarning zilzilabardoshligini oshirishga oid amaliy chora-tadbirlar 3. Maxsus seysmik himoyalash vositalari qoʻllanilgan koʻp qavatli turarjoy binosini eksperimental loyiha asosida qurish. 1. Maxsus seysmik himoyalash vositalari qoʻllanilgan, bitta eksperimental binoni ushbu yoʻnalishda tajribaga ega yetakchi xorijiy kompaniyani jalb qilgan holda loyihalashtirish, bunda loyihalashtirish jarayonlarida mahalliy mutaxassislar ishtirokini taʼminlash. 2026-yil yakuniga qadar Buyurtmachi tashkilotlar mablagʻlari Qurilish va uy-joy kommunal xoʻjaligi vazirligi (Sh. Xidoyatov), manfaatdor vazirlik va idoralar 2. Maxsus seysmik himoyalash vositalari yordamida loyihalashtirilgan binoni ushbu yoʻnalishda tajribaga ega xorijiy kompaniyani jalb qilingan holda qurish va sinash, bunda qurilish-montaj ishlarida mahalliy mutaxassislar ishtirokini taʼminlash. 2027-yil iyun 3. Maxsus seysmik himoyalash vositalari qoʻllaniladigan bino va inshootlar turlarini aniqlash va Vazirlar Mahkamasiga taklif kiritish. 2027-yil sentabr III. Seysmik mustahkam qurilish sohasida ilmiy-tadqiqotlar oʻtkazish, sohani raqamlashtirish va normativ bazani takomillashtirish 4. Bino va inshootlarning yuk koʻtaruvchi konstruksiyalariga avtomatik monitoring qilish uskunasini oʻrnatish amaliyotini yoʻlga qoʻyish. 1. Bino va inshootlarning yuk koʻtaruvchi konstruksiyalarida oʻrnatiladigan avtomatik monitoring qilish uskunalari tizimini ishlab chiqish hamda undan olinadigan maʼlumotlar asosida seysmik mustahkamlikni baholash boʻyicha ilmiy-tadqiqot ishlarini olib borish. 2025-2026-yillar Oliy taʼlim, fan va innovatsiyalar vazirligi tomonidan ilmiy-tadqiqot loyihalari uchun ajratiladigan maqsadli grantlar, Seysmologiya, inshootlarning seysmik mustahkamligi va seysmik xavfsizlikni taʼminlash sohasini qoʻllab-quvvatlash jamgʻarmasi mablagʻlari Qurilish va uy-joy kommunal xoʻjaligi vazirligi (Sh. Xidoyatov), Oliy taʼlim, fan va innovatsiyalar vazirligi (Q. Sharipov), Seysmoprognostik monitoring respublika markazi (Q. Qoʻchqorov), manfaatdor vazirlik va idoralar 2. Tadqiqot natijalariga koʻra milliy normativ hujjatlarni ishlab chiqish va ularning belgilangan oʻrnatilgan tartibda tasdiqlanishini taʼminlash. 2026-yil yakuniga qadar 5. Binolarning toʻsuvchi konstruksiyalarini dinamik yuklarga sinash uslubiyotini joriy etish. 1. Binolarning toʻsuvchi konstruksiyalarini dinamik yuklarga sinash uslubiyotini ishlab chiqish boʻyicha ilmiy loyihalarni amalga oshirish 2026-2027-yillar Oliy taʼlim, fan va innovatsiyalar vazirligi tomonidan ilmiy-tadqiqot loyihalari uchun ajratiladigan maqsadli grantlar Qurilish va uy-joy kommunal xoʻjaligi vazirligi (Sh. Xidoyatov), Oliy taʼlim, fan va innovatsiyalar vazirligi (Q. Sharipov), manfaatdor vazirlik va idoralar 2. Baland binolar toʻsuvchi konstruksiyalarini dinamik yuklarga sinashning standartlashtirilgan uslubiyotlarini amaliyotga joriy etish. 2027-yil yakuniga qadar 6. Shaharsozlik normalari va qoidalarini takomillashtirish, ilgʻor xalqaro tajriba bilan uygʻunlashtirish va samarali uslubiyotlarni aniqlash uchun sunʼiy intellekt texnologiyalarini joriy etish. 1. Sunʼiy intellekt texnologiyalarining (AI) mashinada oʻrgatish (ML) va chuqur oʻrgatish (DRL) orqali qurilish normalari boʻyicha xalqaro tajribani tahlil qilish tizimini yaratish boʻyicha ilmiy-tadqiqot ishlarini olib borish. 2026-2027-yillar Oliy taʼlim, fan va innovatsiyalar vazirligi tomonidan ilmiy-tadqiqot loyihalari uchun ajratiladigan maqsadli grantlar Qurilish va uy-joy kommunal xoʻjaligi vazirligi (Sh. Xidoyatov), Oliy taʼlim, fan va innovatsiyalar vazirligi (Q. Sharipov), manfaatdor vazirlik va idoralar 2. Sunʼiy intellekt texnologiyalarining (AI) mashinada oʻrgatish (ML) va chuqur oʻrgatish (DRL) orqali binolarning seysmik mustahkamligini hisoblashning samarali uslubiyotini aniqlash boʻyicha ilmiy loyihalarni amalga oshirish. 7. Seysmikligi 9 balli hududlarda konstruktiv tizimi yaxlit va yigʻma temir-betondan tashkil topgan 16 qavatgacha boʻlgan binolarni loyihalashtirish boʻyicha amaldagi shaharsozlik normalari va qoidalariga oʻzgartirishlar kiritish. Seysmikligi 9 balli hududlarda yaxlit temir-beton karkaslar hamda yaxlit temir-beton devorlar, yirik panelli devorlar va hajmli temir-beton bloklardan tashkil topgan konstruktiv tizimli 16 qavatgacha boʻlgan binolarni loyihalashtirish boʻyicha QMQ 2.01.03 “Seysmik hududlarda qurilish” shaharsozlik normalari va qoidalariga toʻplangan tajriba va amaliyotdan kelib chiqqan holda tegishli oʻzgartirish va qoʻshimchalar kiritish. 2026-yil aprel Qurilish va uy-joy kommunal xoʻjaligi vazirligining rivojlantirish dasturlari uchun ajratilgan mablagʻlari Qurilish va uy-joy kommunal xoʻjaligi vazirligi (Sh. Xidoyatov), Adliya vazirligi (A. Tashkulov), manfaatdor vazirlik va idoralar 8. Maxsus seysmik himoyalash tizimlarini qoʻllash uchun texnik talablarni ishlab chiqish. Amalga oshirilgan eksperimental loyihalashtirish va qurilish natijalari va xalqaro normativ hujjatlar talablari asosida milliy normativ hujjat loyihasini ishlab chiqish va uning belgilangan tartibda tasdiqlanishini taʼminlash. 2027-yil dekabr Qurilish va uy-joy kommunal xoʻjaligi vazirligining rivojlantirish dasturlari uchun ajratilgan mablagʻlari Qurilish va uy-joy kommunal xoʻjaligi vazirligi (Sh. Xidoyatov), Adliya vazirligi (A. Tashkulov), manfaatdor vazirlik va idoralar 9. Gruntlarni muhandislik tayyorlash va seysmik jadallikni kamaytirish usullarini joriy etish, muhandislik-geologik qidiruvlarni tizimlashtirish hamda normativ-texnik hujjat tayyorlash. Gruntlarni muhandislik tayyorlash va seysmik jadallikni kamaytirish usullarini joriy etish hamda geotexnik qidiruvlarni nazarda tutuvchi normativ-texnik hujjatni tayyorlash. 2027-yil iyun - Qurilish va uy-joy kommunal xoʻjaligi vazirligi (Sh. Xidoyatov), manfaatdor vazirlik va idoralar
Vazirlar Mahkamasining 2025-yil 17-noyabrdagi 727-son qaroriga 2-ILOVA
MSK-64 shkalasi boʻyicha 8 va undan yuqori balli seysmik faol zonalar qayd etilgan hududlarning
T /r Viloyat va shahar nomi Viloyat va shaharlarga boʻysunadigan tuman/shaharlar MSK-64 shkalasi boʻyicha seysmik faol zonalarda quriladigan obyektlarning loyihalashtirilishi majburiy boʻlgan ballar 1. Andijon viloyati 1. Andijon sh. 9 ball 2. Xonobod sh. 8 ball 3. Andijon t. 9 ball 4. Asaka 9 ball 5. Baliqchi 8 ball 6. Boʻston 8 ball 7. Buloqboshi 8 ball 8. Jalaquduq 8 ball 9. Izboskan 9 ball 10. Qoʻrgʻontepa 8 ball 11. Marhamat 8 ball 12. Oltinkoʻl 9 ball 13. Paxtaobod 9 ball 14. Xoʻjaobod 9 ball 15. Shahrixon 9 ball 16. Ulugʻnor 8 ball 2. Buxoro viloyati 1. Buxoro sh. 8-9 ball 2. Buxoro 8 ball 3. Vobkent 8 ball 4. Romiton 8 ball 5. Shofirkon 8 ball 6. Gʻijduvon 8 ball 3. Jizzax viloyati 1. Jizzax sh. 8 ball 2. Arnasoy 8 ball 3. Baxmal 8 ball 4. Gʻallaorol 8 ball 5. Sh. Rashidov 8 ball 6. Zarbdor 8 ball 7. Zafarobod 8 ball 8. Zomin 8 ball 9. Forish 8 ball 10. Yangiobod 8 ball 4. Navoiy viloyati 1. Navoiy sh. 8 ball 2. Karmana 8 ball 3. Navbahor 8 ball 4. Nurota 8 ball 5. Qiziltepa 8 ball 6. Xatirchi 8 ball 5. Namangan viloyati 1. Namangan sh. 8-9 ball 2. Chortoq 8-9 ball 3. Chust 9 ball 4. Kosonsoy 8 ball 5. Mingbuloq 9 ball 6. Namangan t. 9 ball 7. Norin 8-9 ball 8. Pop 9 ball 9. Toʻraqoʻrgʻon 9 ball 10. Uchqoʻrgʻon 9 ball 11. Uychi 9 ball 12. Yangiqoʻrgʻon 9 ball 6. Samarqand viloyati 1. Samarqand sh. 8 ball 2. Kattaqoʻrgʻon sh. 8 ball 3. Jomboy 8 ball 4. Narpay 8 ball 5. Payariq 8 ball 6. Samarqand t. 8 ball 7. Urgut 8 ball 8. Ishtixon 8 ball 9. Nurobod 8 ball 10. Pastdargʻom 8 ball 11. Toyloq 8 ball 12. Bulungʻur 8 ball 13. Kattaqoʻrgʻon 8 ball 14. Oqdaryo 8 ball 15. Paxtachi 8 ball 7. Sirdaryo viloyati 1. Guliston sh. 8 ball 2. Yangiyer sh. 8 ball 3. Sirdaryo t. 8 ball 8. Surxondaryo viloyati 1. Termiz sh. 7-8 ball 2. Bandixon 8 ball 3. Boysun 8 ball 4. Denov 8 ball 5. Qiziriq 8 ball 6. Qumqoʻrgʻon 8 ball 7. Oltinsoy 8 ball 8. Sariosiyo 8 ball 9. Uzun 8 ball 10. Sherobod 8 ball 11. Shoʻrchi 8 ball 9. Toshkent viloyati 1. Nurafshon sh. 8-9 ball 2. Yangiyoʻl sh. 8 ball 3. Chirchiq sh. 8-9 ball 4. Olmaliq sh. 8 ball 5. Bekobod sh. 8 ball 6. Ohangaron sh. 8 ball 7. Toshkent 8 ball 8. Parkent 8 ball 9. Yuqorichirchiq 8 ball 10. Oʻrtachirchiq 8 ball 11. Boʻstonliq 8 ball 12. Qibray 8 ball 13. Ohangaron 8 ball 14. Piskent 8 ball 15. Zangiota 8 ball 16. Chinoz 8 ball 17. Yangiyoʻl 8 ball 10. Toshkent shahri 1. Bektemir 8 ball 2. Mirobod 8 ball 3. Mirzo Ulugʻbek 8-9 ball 4. Olmazor 8-9 ball 5. Sergeli 8 ball 6. Uchtepa 9 ball 7. Shayxontohur 9 ball 8. Chilonzor 8-9 ball 9. Yunusobod 8-9 ball 10. Yashnobod 8-9 ball 11. Yangi hayot 8 ball 12. Yakkasaroy 8-9 ball 11. Fargʻona viloyati 1. Fargʻona sh. 8-9 ball 2. Margʻilon sh. 8 ball 3. Quvasoy sh. 8 ball 4. Qoʻqon sh. 8 ball 5. Fargʻona t. 8 ball 6. Quva 8 ball 7. Toshloq 8 ball 8. Yozyovon 8 ball 9. Qoʻshtepa 8 ball 10. Oltiariq 8 ball 11. Rishton 8 ball 12. Bagʻdod 8 ball 13. Buvayda 8 ball 14. Uchkoʻprik 8 ball 15. Dangʻara 8 ball 16. Furqat 8 ball 17. Oʻzbekiston 8 ball 18. Beshariq 8 ball 19. Soʻx 8 ball 12. Qashqadaryo viloyati 1. Qarshi sh. 8 ball 2. Shahrisabz sh. 8 ball 3. Dehqonobod 8 ball 4. Kitob 8 ball 5. Koʻkdala 8 ball 6. Nishon 8 ball 7. Chiroqchi 8 ball 8. Yakkabogʻ 8 ball 9. Qamashi 9 ball 10. Qarshi t. 8 ball 11. Gʻuzor 8 ball
Vazirlar Mahkamasining 2025-yil 17-noyabrdagi 727-son qaroriga 3-ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1. Vazirlar Mahkamasining “Bino va inshootlarning seysmik mustahkamligini baholash hamda elektron texnik pasportlarni shakllantirish tizimini joriy etish toʻgʻrisida” 2021-yil 30-iyundagi 405-son qarorida :
a) 6-bandda :
quyidagi mazmundagi oltinchi xatboshi bilan toʻldirilsin:
“buyurtmachi funksiyasi mavjud vazirlik va idoralar, mahalliy davlat hokimiyati organlari, xoʻjalik birlashmalari hamda boshqa tashkilotlar tomonidan yangi qurilayotgan bino va inshootlarning instrumental-texnik tekshiruv bilan bogʻliq xarajatlarini obyektlarning loyiha-smeta hujjatlaridagi buyurtmachi xarajatlarida koʻzda tutish”;
oltinchi va yettinchi xatboshilar tegishlicha yettinchi va sakkizinchi xatboshilar deb hisoblansin;
b) ilovaning 14-bandi quyidagi mazmundagi oʻninchi va oʻn birinchi xatboshilar bilan toʻldirilsin:
“Buyurtmachi funksiyasi mavjud vazirlik va idoralar, mahalliy davlat hokimiyati organlari, xoʻjalik birlashmalari hamda boshqa tashkilotlar tomonidan yangi qurilayotgan bino va inshootlarning instrumental-texnik tekshiruv bilan bogʻliq xarajatlari obyektlarning loyiha-smeta hujjatlaridagi buyurtmachi xarajatlarida koʻzda tutiladi.
Seysmik faol zonalarda joylashgan va foydalanishga qabul qilinganligi 10 yildan oshgan III-IV toifadagi bino va inshootlarning instrumental-texnik tekshiruv bilan bogʻliq xarajatlari obyektning texnik holatiga qarab, ekspluatatsiya qilish xarajatlarida koʻzda tutilishi shart”.
2. Vazirlar Mahkamasining 2022-yil 15-oktabrdagi 603-son qarori bilan tasdiqlangan Respublikaning seysmik faol zonalarida qurilishi rejalashtirilayotgan xavflilik omili IV toifaga mansub boʻlgan bino va inshootlarga zilzilabardoshlik boʻyicha ilmiy xulosalar berish tartibi toʻgʻrisidagi nizomda :
8-band quyidagi tahrirda bayon etilsin:
“8. Ilmiy tajriba-sinov oʻtkazish hamda ilmiy xulosa berish boʻyicha Fanlar akademiyasi va buyurtmachi tashkilot oʻrtasida shartnoma tuziladi.
Shartnoma qiymati Vazirlar Mahkamasining 2021-yil 17-sentabrdagi 579-son qarori bilan tasdiqlangan Obyektlarni qurish, rekonstruksiya qilish, mukammal va joriy taʼmirlash boʻyicha shaharsozlik va loyiha hujjatlarining loyihaviy yechimlarini shaharsozlik hujjatlariga muvofiqligi yuzasidan ekspertizadan oʻtkazish tartibi toʻgʻrisidagi nizomga 6-ilovaning 5-bandi asosida shakllangan qiymatning 50 foizi miqdorida belgilanadi.
Obyekt turidan kelib chiqib shakllangan qiymatni hisoblash Vazirlar Mahkamasi tomonidan maqbullashtirilishi mumkin.
Tushgan mablagʻlarning koʻpi bilan 25 foizi xodimlarni ijtimoiy himoya qilish va moddiy ragʻbatlantirish uchun, qolgan 75 foizi moddiy-texnika bazani mustahkamlashga sarflanadi.
Shuningdek, davlat budjeti va unga tenglashtirilgan manbalar, davlat tashkilotlari kafolatlari ostida olingan tashqi investitsiya mablagʻlari hisobidan amalga oshiriladigan foydali qazilma konlarni aniqlash, modernizatsiya qilish va kengaytirish boʻyicha istiqbolli loyihalarni ilmiy tajriba-sinovdan oʻtkazib, ilmiy xulosalar berish boʻyicha xizmatlar haqi alohida hisob-kitob qilinadi.
Bunda shartnoma qiymati qurilishning boshlangʻich qiymatidan QQSni inobatga olmagan holda 0,01 foiz, biroq bazaviy hisoblash miqdorining 100 baravaridan ortiq boʻlmagan miqdorda belgilanadi.
Bir xil seriyali loyihalashtirilgan obyektlarga ilmiy xulosalar faqat bir marotaba toʻlov asosida beriladi, qolgan shu turdagi obyektlarning loyihalariga ilmiy xulosa berish uchun toʻlov undirilmaydi”;
11-band quyidagi mazmundagi ikkinchi va uchinchi xatboshilar bilan toʻldirilsin:
“Qurilish va uy-joy kommunal xoʻjaligi vazirligi tomonidan loyiha-smeta hujjatlari zilzilabardoshlik boʻyicha ilmiy xulosalar olish uchun davlat muassasasi shaklidagi boshqa ilmiy tadqiqot institutlariga ham yuborilishi mumkin.
Bunda, ilmiy tadqiqot institutlari tomonidan zilzilabardoshlik boʻyicha ilmiy xulosalar berish ushbu Nizomga ilovada keltirilgan sxemaga muvofiq amalga oshiriladi.”
Oʻzbekiston Respublikasining Bosh vaziri A. ARIPOV
Toshkent sh.,
2025-yil 17-noyabr,
727-son