UzbekAI

Ўзбекистон Республикаси Вазирлар Маҳкамасининг

қарори

НИЗОМ

СХЕМАСИ

БУЮРТМАНОМА

ТАЛАБНОМА

НИЗОМ

СХЕМАСИ

ЧОРА-ТАДБИРЛАР ДАСТУРИ

Ўзбекистон Республикаси Вазирлар Маҳкамаси ҳузуридаги Енгил саноатни ривожлантириш агентлиги фаолиятини ташкил этиш тўғрисида

Ўзбекистон Республикаси Президентининг «Енгил саноат соҳасида юқори қўшилган қийматли маҳсулотлар ишлаб чиқариш ва экспорт ҳажмини ошириш учун қўшимча шарт-шароитлар яратиш тўғрисида» 2025 йил 19 сентябрдаги ПФ-174-сон Фармони ҳамда «Тўқимачилик ва тикув-трикотаж саноатида ислоҳотларни жадаллаштириш ва экспорт салоҳиятини кенгайтириш чора-тадбирлари тўғрисида» 2025 йил 19 сентябрдаги ПҚ-290-сон қарори ижросини таъминлаш мақсадида Вазирлар Маҳкамаси қарор қилади:

1. Қуйидагилар:

Ўзбекистон Республикаси Вазирлар Маҳкамаси ҳузуридаги Енгил саноатни ривожлантириш агентлиги тўғрисидаги низом 1-иловага мувофиқ;

Ўзбекистон Республикаси Вазирлар Маҳкамаси ҳузуридаги Енгил саноатни ривожлантириш агентлиги қошидаги Енгил саноатни қўллаб-қувватлаш жамғармаси даромадларини шакллантириш ва маблағларидан фойдаланиш тартиби тўғрисидаги низом 2-иловага мувофиқ;

Ўзбекистон Республикаси Вазирлар Маҳкамаси ҳузуридаги Енгил саноатни ривожлантириш агентлиги қошидаги Енгил саноатни қўллаб-қувватлаш жамғармаси маблағлари ҳисобидан тижорат банкларига енгил саноат корхоналарига айланма маблағлар ва ускуналар харидига ажратиладиган кредитлар учун молиявий ресурслар тақдим этиш тартиби тўғрисидаги низом 3-иловага мувофиқ;

Ўзбекистон Республикаси Вазирлар Маҳкамаси ҳузуридаги Енгил саноатни ривожлантириш агентлиги қошидаги Енгил саноатни қўллаб-қувватлаш жамғармаси маблағлари ҳисобидан енгил саноат корхоналарини молиявий қўллаб-қувватлаш тартиби тўғрисидаги низом 4-иловага мувофиқ;

2025 — 2027 йилларда тўқимачилик корхоналарида автоматик бошқарув тизимларини жорий этиш бўйича чора-тадбирлар дастури 5-иловага мувофиқ тасдиқлансин.

2. Вазирлар Маҳкамасининг 6-иловага мувофиқ айрим ҳужжатларига ўзгартириш ва қўшимчалар киритилсин.

3. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари — иқтисодиёт ва молия вазири Ж.А. Қўчқоров ҳамда Вазирлар Маҳкамаси ҳузуридаги Енгил саноатни ривожлантириш агентлиги директори Н.Қ. Холмуродов зиммасига юклансин.

Вазирлар Маҳкамасининг 2025 йил 17 ноябрдаги 729-сон қарорига 1-ИЛОВА

Ўзбекистон Республикаси Вазирлар Маҳкамаси ҳузуридаги Енгил саноатни ривожлантириш агентлиги тўғрисида

1-боб. Умумий қоидалар

1. Ушбу Низом Ўзбекистон Республикаси Вазирлар Маҳкамаси ҳузуридаги Енгил саноатни ривожлантириш агентлигининг (кейинги ўринларда — Агентлик) мақоми, асосий вазифалари, функциялари, ҳуқуқлари ва мажбуриятлари, фаолиятини ташкил этиш тартиби, шунингдек, Агентлик директори ва унинг ўринбосарларининг асосий функционал вазифалари ва жавобгарлигини белгилайди.

2. Агентлик тўқимачилик, чарм-пойабзал, ипакчилик ва гиламчилик саноати (кейинги ўринларда — енгил саноат) соҳаларида устувор йўналишларни белгилаш ва амалга ошириш бўйича республика мустақил ижро этувчи ҳокимият органи ҳисобланади.

3. Агентлик бевосита Вазирлар Маҳкамасига бўйсунади ва фаолияти юзасидан ҳисобот беради.

4. Агентлик ўз фаолиятида Ўзбекистон Республикасининг Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, Вазирлар Маҳкамасининг қарорлари ва фармойишларига, шунингдек, ушбу Низом ва бошқа қонунчилик ҳужжатларига амал қилади.

5. Агентликнинг ўз ваколатлари доирасида қабул қилган қарорлари республика ва маҳаллий ижро этувчи ҳокимият органлари, бошқа ташкилотлар, мансабдор шахслар ва фуқаролар томонидан ижро этилиши мажбурий ҳисобланади.

6. Агентлик юридик шахс ҳисобланади, Ўзбекистон Республикаси Давлат герби тасвири туширилган ва ўз номи ёзилган муҳрга ва бланкаларга, мустақил балансга, Ўзбекистон Республикаси Иқтисодиёт ва молия вазирлиги ҳузуридаги Ғазначилик хизмати қўмитасида шахсий ғазна ҳисобварақларига, шу жумладан, хорижий валютадаги шахсий ғазна ҳисобварақларига эга бўлади.

7. Агентликнинг расмий номи:

а) давлат тилида:

тўлиқ номи — Ўзбекистон Республикаси Вазирлар Маҳкамаси ҳузуридаги Енгил саноатни ривожлантириш агентлиги, қисқартирилган номи — Енгил саноат агентлиги;

б) рус тилида:

тўлиқ номи — Агентство по развитию легкой промышленности при Кабинете Министров Республики Узбекистан, қисқартирилган номи — Агентство легкой промышленности;

в) инглиз тилида:

тўлиқ номи — Agency for the Development of Light Industry under the Cabinet of Ministers of the Republic of Uzbekistan, қисқартирилган номи — Agency of Light Industry.

8. Агентликнинг жойлашган манзили: Тошкент шаҳри Мирзо Улуғбек тумани Мустақиллик шоҳкўчаси 109-уй.

2-боб. Агентликнинг тузилмаси

9. Агентлик тизимига қуйидагилар киради:

Агентликнинг марказий аппарати;

Ўзбекистон — Корея ўқув амалий технопарки;

Ипакчилик илмий-тадқиқот институти;

Ўзбекистон табиий толалар илмий-тадқиқот институти.

Енгил саноат соҳасида белгиланган вазифаларни амалга оширишда «Ўзтўқимачиликсаноат», «Ўзчармсаноат» ва «Ўзбекипаксаноат» уюшмалари ҳамда кадрларни тайёрлаш, таълим йўналишлари ва дастурларини ишлаб чиқиш, илмий-тадқиқот ишларини амалга оширишда Тошкент тўқимачилик ва енгил саноат институти ўз фаолиятини Агентлик билан ҳамкорликда олиб боради.

3-боб. Агентликнинг асосий вазифалари ва функциялари

10. Қуйидагилар Агентликнинг асосий вазифалари ҳисобланади:

юқори қўшилган қийматли тайёр маҳсулотлар ишлаб чиқариш ҳажмини ошириш;

экспортни оширишни рағбатлантириш;

инвестицияларни жалб қилиш;

соҳа корхоналарининг молиявий ҳолатини яхшилаш ва замонавий бошқарув усулларини жорий этиш;

маҳаллий ва хорижий бозорларнинг ҳолати ҳамда ривожланиш тенденцияларини ўз ичига қамраб олган таҳлилий материалларни доимий эълон қилиб бориш асосида соҳа корхоналарига кўмаклашиш;

Агентлик тасарруфига ўтказилаётган ўқув-амалий ва илмий-тадқиқот муассасаларининг «Ўзтўқимачиликсаноат», «Ўзчармсаноат» ва «Ўзбекипаксаноат» уюшмалари ҳамда тўқимачилик, тикув-трикотаж, чарм-пойабзал, ипакчилик ва гиламчилик саноати корхоналари билан манфаатли ҳамкорлигини ва ўзаро тажриба алмашувини йўлга қўйиш;

енгил саноат соҳасида грант, ижтимоий буюртма ҳамда бошқа қонунчилик ҳужжатларида тақиқланмаган молиялаштириш механизмлари орқали дастурлар ва норматив-ҳуқуқий ҳужжатларни ишлаб чиқиш ҳамда амалга оширишга жамоат бирлашмаларини уларнинг розилигига кўра жалб этиш;

енгил саноат соҳасида Агентликка юклатилган вазифаларни «Ўзтўқимачиликсаноат», «Ўзчармсаноат» ва «Ўзбекипаксаноат» уюшмалари ҳамда кадрларни тайёрлаш, таълим йўналишлари ва дастурларини ишлаб чиқиш, илмий-тадқиқот ишларини амалга оширишда Тошкент тўқимачилик ва енгил саноат институти билан ҳамкорликда амалга ошириш.

11. Агентлик ўзига юклатилган вазифалардан келиб чиқиб, қуйидаги функцияларни амалга оширади:

а) юқори қўшилган қийматли тайёр маҳсулотлар ишлаб чиқариш ҳажмини ошириш йўналишида:

енгил саноат маҳсулотлари ишлаб чиқаришнинг мақсадли кўрсаткичларини ишлаб чиқади;

жаҳон тажрибаси ва илмий тадқиқотлар, замонавий бозор тамойиллари ҳамда иқтисодий моделлаштиришдан фойдаланган ҳолда енгил саноат соҳасида ривожланиш параметрларини таҳлил қилиш ва прогнозлашни такомиллаштириш чораларини кўради;

бўяш, мато ва газлама тўқиш ҳамда тўқув, бўёқ ва тайёр маҳсулот ишлаб чиқариш қувватларини оширишга шарт-шароитлар яратиш, ўзаро кооперация тизимини рағбатлантириш асосида қувватлардан фойдаланишни ошириш бўйича дастурлар ишлаб чиқиш ва амалга оширишга кўмаклашади;

соҳада илмий ёндашувларни жорий этиш ва ишчи ва мутахассисларни (технолог, инженер, дизайнер, дастурчи ва бошқалар) жалб қилишда ташкилий ва молиявий кўмак кўрсатади;

енгил саноатни ривожлантириш концепциясини, тармоқларнинг узоқ муддатли истиқболларини, мақсадли илмий-техникавий, иқтисодий, ижтимоий дастурларини ишлаб чиқади ва уларни тасдиқлаш учун Вазирлар Маҳкамасига киритиб боради;

бозор муносабатлари шароитидан келиб чиққан ҳолда иқтисодий нормативлар, давлат буюртмаси ва бошқа кўрсаткичларни ишлаб чиқади ҳамда уларни тармоқ корхоналарига етказади;

ички бозорни юқори сифатли маҳаллий енгил саноат маҳсулотлари билан тўлдириш, ушбу маҳсулотларнинг экспорт географиясини кенгайтириш бўйича чора-тадбирларни амалга оширади;

хомашё ва ишлаб чиқариш базасини ривожлантириш, маҳаллий хомашё ресурсларини чуқур қайта ишлаш бўйича инвестицияларни жалб этиш стратегиясини ишлаб чиқади;

ички ва ташқи бозор конъюнктурасини доимий ўрганиб боради, хорижий ҳамкорлар билан иқтисодий, молиявий ҳамда илмий-техникавий ҳамкорликни ривожлантиришга кўмаклашади;

енгил саноат корхоналарининг барқарор фаолият кўрсатишига тўсқинлик қилувчи тизимли муаммоларни аниқлаш ҳамда мазкур соҳадаги қонунчилик ҳужжатларини янада такомиллаштириш бўйича таклифлар ишлаб чиқади ва Вазирлар Маҳкамасига киритади;

енгил саноат анъанавий ривожланаётган туман ва шаҳарларда тадбиркорлик субъектларининг фаолиятини қўллаб-қувватлаш ва саноат концентрацияси учун шарт-шароитлар яратиш чораларини кўради;

б) экспортни оширишни рағбатлантириш йўналишида:

маркетинг тадқиқотларини олиб бориш, халқаро кўргазмаларда иштирок этиш, истиқболли тайёр маҳсулотлар билан янги бозорларга чиқишда енгил саноат корхоналарига кўмаклашади;

халқаро сифат, бошқарув сертификатлари ва экологик, ижтимоий сертификатларни корхоналарга жорий этиш, замонавий лабораторияларни ташкил этиш, жиҳозлаш ва халқаро аккредитациядан ўтказишга кўмаклашиш чораларини кўради;

ташқи бозорларда маҳсулотлар оммабоплигини таъминлаш бўйича маркетинг тадбирларини амалга ошириш, лойиҳаолди ҳужжатларини (бизнес-режа, техник-иқтисодий асослар ва бошқалар) ишлаб чиқиш, шунингдек, жаҳон бозори конъюнктурасини ўрганиш, маркетинг тадқиқотларини ўтказиш учун халқаро маълумотлар базаларига (ахборот ресурсларига) уланиш билан боғлиқ харажатларни қоплаб беради;

хорижий сорсинг компаниялари ва халқаро брендларни жалб қилиш, миллий брендларни ривожлантириш, шу жумладан, «Made in Uzbekistan» бренди шаклланишини ҳар томонлама қўллаб-қувватлайди, маҳаллий ва хорижий кўргазмаларда иштирок этади;

экспорт географиясини кенгайтириш, хорижий инвесторларни кенг жалб қилиш, маҳаллийлаштиришни ривожлантириш мақсадида хорижда ташкил этилаётган кўргазма тадбирларида енгил саноат корхоналарининг ўз маҳсулотлари билан иштирок этишига ёрдам беради;

комплекс чора-тадбирлар ишлаб чиқиш масалаларини енгил саноат соҳалари ва товар бозорларининг барқарор, динамик ва мувозанатли ривожланишини таъминлаш бўйича мувофиқлаштиради;

прогноз параметрларининг бажарилиш ҳолатини, бажарилмаслик омилларини таҳлил қилади ва уларни бартараф этиш бўйича таклифлар ишлаб чиқади, ҳар чорак ва ойлик жадваллар асосида экспорт кўрсаткичлари бажарилишини мониторинг қилади;

халқаро жамоат ташкилотлари ва брендларни Ўзбекистон Республикасида мажбурий меҳнатнинг бартараф этилгани ҳақида кенг хабардор қилади, «Better work», «FWF» ва «BCI» каби дастурлар ҳамда стандартларни жорий этишни кенгайтиришга ёрдам беради;

стандартлаштириш ва сертификатлашнинг халқаро тизимларини жорий этиш, шунингдек, хорижий ваколатли органларда миллий маҳсулотлар ва брендларни (товар белгиларини) рўйхатдан ўтказишда экспорт қилувчи ташкилотларга молиявий кўмак кўрсатади;

экспорт қилувчиларга улар суғурта хизматларидан фойдаланганда, суғурта мукофоти харажатларини қоплаш учун компенсациялар тақдим этади;

маҳаллий экспорт қилувчи ташкилотларнинг савдо уйларини очиш ва сақлаш, офис, савдо ва омбор биноларини ижарага олиш, шу билан бирга, реклама кампанияларини ташкил қилиш билан боғлиқ чет элдаги харажатларининг бир қисмини қоплаб беради;

кўргазма стендларини ташкил этишда ва халқаро кўргазма-ярмаркаларда иштирок этишда, шунингдек, хорижий мамлакатларда бўлиб ўтадиган ўқув семинарлари, бизнес-семинарлар, тренинглар, савдо миссиялари ва бизнес-форумларда иштирок этиш ҳамда маҳаллий маҳсулотлар, хизматлар ва брендлар (товар белгилари) бўйича рақамли рекламани хорижий интернет ресурсларида, шу жумладан, ижтимоий тармоқлар, савдо майдончалари ва мобил иловаларда жойлаштиришда, маҳсулотлар намуналарини таништириш мақсадида хорижий мамлакатларга юборишда молиявий ёрдам кўрсатади;

логистикага кўмаклашиш ва етказиб бериш харажатларини оптималлаштириш бўйича хорижий ҳамкорлар билан ишларни ташкил этиш, истиқболли бозорларда (Европа Иттифоқи, АҚШ, Араб давлатлари ва бошқалар) экспорт ташқи инфратузилмаси, жумладан, савдо уйлари, дўконлар ва омборхоналар ташкил этишга ҳамда электрон савдо платформалари орқали экспортни оширишга кўмаклашади;

хориждан ишчи ва мутахассисларни жалб қилиш харажатларини қоплаб беради;

тадбиркорлик субъектларига нуфузли халқаро брендларни жалб қилишга кўмаклашади, шунингдек, уларнинг нуфузли халқаро брендлар эгалари билан ҳамкорлигини йўлга қўйиш, жумладан, халқаро стандартларни жорий қилиш, экологик ва мувофиқлик бўйича сертификатлаш, мутахассисларни ўқитиш харажатларини қоплаш учун грантлар ажратади;

белгиланган тартибда Агентликка ажратиладиган маблағлар ҳисобидан соҳанинг экспортчи корхоналарини айланма маблағлар билан таъминлаш мақсадида тижорат банклари орқали ресурслар ажратади;

экспорт акселератори («тадбиркордан экспортчигача») дастури доирасида хорижий консалтинг компанияларини жалб қилишда корхоналарга молиявий кўмаклашади;

ички ва ташқи бозорларда маҳаллий брендлар савдосини ривожлантириш, халқаро тадбирларни ўтказиш ҳамда уларда қатнашиш учун грант ва субсидиялар ажратади;

халқаро стандартларни жорий этиш, тайёр маҳсулотларни ташқи бозорлар талабларини ҳисобга олган ҳолда сертификатлаш тадбирларини молиялаштиради;

хорижий ваколатхоналарни сақлаш ва хорижий маслаҳатчиларни жалб этиш харажатларини компенсация қилади;

в) инвестицияларни жалб қилиш йўналишида:

ишлаб чиқариш занжиридаги бўшлиқларни тўлдириш (тўқимачиликда тўқув ва бўёқ-пардозлаш, чарм-пойабзал ҳамда ипак саноатида тайёр маҳсулотлар ишлаб чиқариш)га қаратилган инвестиция лойиҳаларини амалга оширишни қўллаб-қувватлайди;

сунъий ва аралаш хомашёдан маҳсулотлар, аксессуар ва фурнитура, бўёқ ва кимёвий воситалар ишлаб чиқаришга йўналтирилган лойиҳаларга инвесторларни жалб қилади;

Европа, Туркия, Хитой давлатлари ва бошқа хорижий давлатлар корхоналари ҳамда бренд компанияларининг ишлаб чиқариш қувватларини релокация қилиш бўйича инвесторлар билан иш олиб боради;

енгил саноат соҳасига хорижий инвестицияларни жалб қилишга кўмаклашади;

ҳудудларда ихтисослаштирилган индустриал технопарклар фаолиятини самарали ташкил этишга кўмаклашади;

молиявий ҳисоботларнинг халқаро стандартларини (IFRS) жорий қилиш, амалга ошириладиган инвестиция лойиҳаларига халқаро молия институтлари ва хорижий банклардан тўғридан-тўғри кредитларни жалб қилишга кўмаклашади;

г) соҳа корхоналарининг молиявий ҳолатини яхшилаш ва замонавий бошқарув усулларини жорий этиш йўналишида:

маҳсулот таннархини тушириш, жумладан, ишлаб чиқаришни рақамлаштириш, ахборот тизимларини кенг жорий қилиш, энергия самарадорлигини оширишни қўллаб-қувватлайди;

соҳада экологик, ижтимоий ва корпоратив бошқарув (ESG) принципларини жорий этиш орқали маҳсулот сифатини ҳамда меҳнат шароитларини яхшилашга кўмаклашади;

олис ва чекка ҳудудларда саноатни ривожлантиришни рағбатлантириш мақсадида 3 — 5-тоифадаги туманларда ишлаб чиқариш филиалини белгиланган шартлар асосида очадиган тўқимачилик ва тикув-трикотаж корхоналарига тижорат банклари орқали кредит учун ресурс ажратади;

тайёр маҳсулот ишлаб чиқарувчи енгил саноат корхоналарини, кейинчалик қайтариш шарти билан маблағ ажратиш орқали молиявий қўллаб-қувватлайди;

енгил саноат соҳасида божхона божлари ставкаларини белгилаш ва ташқи савдо фаолиятини амалга оширишда нотариф тартибга солиш чора-тадбирларини қўллаш бўйича халқаро тажрибани ўрганади ва таклифлар ишлаб чиқади.

молиявий ҳисоботларни халқаро стандартлар асосида юритишни жорий қилиш харажатларини қисман қоплаб беради;

соҳада узоқ йиллардан буён фаолият кўрсатаётган, молиявий барқарор ва доимий иш ўринларини яратган корхоналарни доимий қўллаб-қувватлаб бориш бўйича таклифлар ишлаб чиқади;

Енгил саноат тармоқ илмий-техник кенгашини ташкил этади ва енгил саноат йўналишидаги лойиҳалар бўйича хулоса беради;

енгил саноат соҳасини моддий ресурслар билан таъминлашнинг устувор йўналишларини белгилайди;

енгил саноат соҳаси корхоналарининг ишлаб чиқариш жараёнларига замонавий энергия самарадор ва энергия тежовчи технологиялар жорий этилишини рағбатлантириш механизмларининг ишлаб чиқилишида иштирок этади;

илмий-тадқиқот ишлари ва инновацион лойиҳаларни амалга оширишни рағбатлантириш ҳамда молиялаштиришга кўмаклашади;

кадрларни тайёрлаш, қайта тайёрлаш ва уларнинг малакасини ошириш, жумладан, хорижий таълим муассасаси ва ташкилотларида амалиёт ўташ ва малака оширишларини ташкил қилади;

енгил саноат соҳасига халқаро ташкилотлар, хорижий мутахассислар ва экспертларни жалб қилиш билан боғлиқ харажатларни молиялаштиради;

енгил саноат маҳсулотлари ишлаб чиқарувчи маҳаллий корхоналарда ишлаб чиқариш жараёнини рақамлаштириш (ERP, MES, PLM тизимларини жорий қилиш) билан боғлиқ харажатларни қоплаб беради.

4-боб. Агентликнинг ҳуқуқлари ва мажбуриятлари

12. Агентлик ўзига юкланган вазифаларни бажаришда қуйидаги ҳуқуқларга эга:

ўз ваколати доирасида, шу жумладан, бошқа давлат органлари билан биргаликда норматив-ҳуқуқий ҳужжатларни қабул қилиш;

Вазирлар Маҳкамасига норматив-ҳуқуқий ҳужжатлар лойиҳаларини, шунингдек, Агентликка юкланган вазифалар ва функцияларни бажариш билан боғлиқ бўлган бошқа ҳужжатларни белгиланган тартибда киритиш;

республика ва маҳаллий ижро этувчи ҳокимият органлари ҳамда бошқа ташкилотлар томонидан бажарилиши мажбурий бўлган норматив-ҳуқуқий ҳужжатларни қабул қилиш, зарур ҳолларда бошқа вазирлик ва идоралар билан биргаликда қўшма қарорлар ҳамда бошқа ҳужжатлар қабул қилиш;

енгил саноатни ривожлантиришга қаратилган чора-тадбирлар ва дастурларни ишлаб чиқиш;

республика ва маҳаллий ижро этувчи ҳокимият органлари ҳамда бошқа ташкилотлар билан енгил саноат корхоналари фаолиятини мувофиқлаштириш;

статистика ва солиқ органлари, давлат хизматлари марказлари ҳамда вазирлик ва идоралардан зарур маълумотларни сўраш ва бепул олиш;

соҳа корхоналарини молиявий қўллаб-қувватлаш бўйича Вазирлар Маҳкамасига бевосита таклифлар киритиш;

енгил саноат соҳасида кадрлар тайёрлаш, қайта тайёрлаш ва уларнинг малакасини ошириш йўналишларида консультантларни жалб қилиш, хорижий ташкилотлар, фан ва таълим ташкилотлари билан ҳамкорлик қилиш;

норматив-ҳуқуқий ҳужжатлар лойиҳаларини ишлаб чиқишда илмий-тадқиқот ташкилотлари ва бошқа ташкилотлар олимлари ва мутахассисларини, шунингдек, маҳаллий ва хорижий экспертларни консультант сифатида жалб қилиш ва (ёки) уларнинг хулоса ҳамда тавсияларини олиш;

енгил саноат соҳасидаги давлат ва тижорат лойиҳалари ҳамда дастурларида иштирок этиш;

ўз ваколатига кирадиган масалалар бўйича хорижий давлатлар, халқаро ва хорижий ташкилотлар вакиллари билан белгиланган тартибда музокаралар ўтказиш;

ушбу Низомда Агентликка юклатилган вазифаларга эришишга йўналтирилган, қонунчилик ҳужжатларида тақиқланмаган бошқа фаолият турларини амалга ошириш.

13. Агентлик қуйидагиларга мажбур:

Ўзбекистон Республикаси Президенти ва Вазирлар Маҳкамаси топшириқларини ўз вақтида, тўлиқ ва сифатли бажариш, ўрта ва узоқ муддатли ривожланиш дастурларини ишлаб чиқиш, уларнинг ижроси таъминлаш;

енгил саноат соҳаси билан боғлиқ бўлган мақсадли кўрсаткичларга эришиш ишларини самарали ташкил этиш;

Ўзбекистон Республикаси Президенти Администрацияси ҳамда Вазирлар Маҳкамасига киритиладиган норматив-ҳуқуқий ҳужжатлар ва бошқа ҳужжатлар лойиҳаларини сифатли ишлаб чиқиш;

енгил саноат соҳасини ривожлантириш ва ҳудудларнинг муаммоли масалаларини ҳал қилиш бўйича дастурлар, тадбирлар режаси, йўл хариталари ва бошқа ҳужжатларнинг ижросини сифатли таъминлаш;

юридик ва жисмоний шахсларнинг мурожаатлари белгиланган муддатларда кўриб чиқилишини таъминлаш;

ижро интизомини таъминлаш;

Агентлик ходимларини мунтазам равишда қайта тайёрлаш ва уларнинг малакаси оширилишини ташкил этиш.

5-боб. Агентлик раҳбарларининг асосий функционал вазифалари

14. Қуйидагилар Агентлик директорининг асосий функционал вазифалари ҳисобланади:

Ўзбекистон Республикаси Конституцияси ва қонунлари ҳамда бошқа норматив-ҳуқуқий ҳужжатлар талабларига риоя этиш;

Агентлик фаолиятига умумий раҳбарлик қилиш, Ўзбекистон Республикаси Президентининг тегишли ҳужжатлари, Вазирлар Маҳкамасининг қарорлари ва бошқа қонунчилик ҳужжатлари билан Агентликка юкланган вазифа ва функциялар бажарилишини ташкил этиш;

Ўзбекистон Республикаси Президенти, Вазирлар Маҳкамасининг топшириқларини бажариш;

директор ўринбосарлари ва таркибий тузилмалар раҳбарларининг ваколатларини белгилаш ҳамда вазифаларни тақсимлаш;

Агентлик фаолияти режалаштирилишини ташкил этиш, Агентликнинг даврий иш режаларини тасдиқлаш, уларнинг бажарилиши юзасидан назоратни таъминлаш;

Ўзбекистон Республикаси Президенти, Вазирлар Маҳкамаси топшириқларига ва ўз ташаббусига кўра норматив-ҳуқуқий ҳужжатлар лойиҳаларининг сифатли ишлаб чиқилишини, улар Ўзбекистон Республикасининг «Норматив-ҳуқуқий ҳужжатлар тўғрисида»ги Қонуни , Ўзбекистон Республикаси Президенти Администрацияси Регламенти ва Вазирлар Маҳкамасининг Регламенти талабларига мувофиқ равишда ўз вақтида киритилишини ташкил этиш, лойиҳаларнинг Вазирлар Маҳкамасида пухта ишланишида, Вазирлар Маҳкамаси раҳбарияти ҳузурида ҳимоя қилинишида ва Ўзбекистон Республикаси Президенти Администрациясида кўриб чиқилишида иштирок этиш;

Ўзбекистон Республикаси Президентининг фармонлари, қарорлари, фармойишлари, Вазирлар Маҳкамасининг қарорлари, фармойишлари ва топшириқлари бажарилишини таъминлаш, таркибий бўлинмаларда ижро интизомини мустаҳкамлаш бўйича комплекс чора-тадбирларни амалга ошириш, Ўзбекистон Республикаси Президентининг «Қонунчилик ҳужжатлари ижросини самарали ташкил этишда давлат бошқаруви органлари ва маҳаллий ижро этувчи ҳокимият органлари раҳбарларининг шахсий жавобгарлигини кучайтиришга доир қўшимча чора-тадбирлар тўғрисида» 2021 йил 10 февралдаги ПФ-6166-сон Фармонига , Ўзбекистон Республикаси Президентининг «Давлат органлари ва ташкилотларда ижро интизомини янада мустаҳкамлашнинг қўшимча чора-тадбирлари тўғрисида» 2025 йил 25 июлдаги ПФ-117-сон Фармонига , «Ijro.gov.uz» ижро интизоми идоралараро ягона электрон тизими самарали фаолият кўрсатишини таъминлашга қаратилган қўшимча чора-тадбирлар тўғрисида» 2021 йил 31 майдаги ПҚ-5132-сон қарорига ва Ўзбекистон Республикаси Вазирлар Маҳкамасининг «Ўзбекистон Республикаси Вазирлар Маҳкамасининг қарорлари ижросини назорат қилишнинг янги механизмларини жорий этиш тўғрисида» 2025 йил 30 сентябрдаги 616-сон қарорига мувофиқ таркибий бўлинма раҳбарларининг шахсий масъулиятини ошириш чораларини кўриш;

Агентлик раҳбарлари ва ходимлари хизмат сафарларини Ўзбекистон Республикаси Президентининг « Мансабдор шахсларнинг хорижий мамлакатларга чиқиш тартибини такомиллаштириш чоралари тўғрисида » 2014 йил 5 мартдаги ПҚ-2142-сон ва «Хорижий хизмат сафарларида бўлиш самарадорлиги ва хорижий делегацияларнинг Ўзбекистон Республикасига ташрифларини ташкил этиш учун мансабдор шахсларнинг шахсий масъулиятини янада ошириш чора-тадбирлари тўғрисида» 2017 йил 3 августдаги ПҚ-3170-сон қарорлари талабларига мувофиқ ташкил этиш, хизмат сафарларининг асослангани, самарадорлиги ва натижадорлигини, сафар учун ажратиладиган маблағлардан мақсадли ва оқилона фойдаланишни таъминлаш;

Агентлик ваколатига кирадиган масалалар бўйича кўрсатмалар чиқариш, буйруқлар ва норматив-ҳуқуқий ҳужжатларни қабул қилиш;

Агентлик ходимлари томонидан Вазирлар Маҳкамасининг 2022 йил 14 октябрдаги 595-сон қарори билан тасдиқланган Давлат фуқаролик хизматчилари одоб-ахлоқининг намунавий қоидалари асосида тасдиқланган Агентлик ходимлари одоб-ахлоқ қоидаларига риоя этилишини таъминлаш;

жисмоний ва юридик шахсларнинг мурожаатларини кўриб чиқиш бўйича ишларни Ўзбекистон Республикасининг «Жисмоний ва юридик шахсларнинг мурожаатлари тўғрисида»ги Қонуни , Вазирлар Маҳкамасининг 2018 йил 7 майдаги 341-сон қарори билан тасдиқланган Давлат органларида, давлат муассасаларида ва давлат иштирокидаги ташкилотларда жисмоний ва юридик шахсларнинг мурожаатлари билан ишлаш тартиби тўғрисидаги намунавий низомга мувофиқ самарали ташкил этиш, жамоатчилик билан бевосита ҳамда очиқ мулоқот ўрнатиш, шахсий қабуллар ўтказиш, шу жумладан, жисмоний ва юридик шахсларнинг вакилларини жойларга чиқиб қабул қилишни ташкил этиш;

давлат органлари ва бошқа ташкилотларда, судларда, шунингдек, давлат органлари, халқаро ташкилотлар ва хорижий мамлакат вакиллари иштирокида ўтказиладиган расмий тадбирларда Агентлик номидан иштирок этиш;

Ўзбекистон Республикасининг «Коррупцияга қарши курашиш тўғрисида»ги Қонуни ва коррупцияга қарши курашишга доир бошқа қонунчилик ҳужжатларига риоя этиш, фаолиятда коррупциявий хавф-хатарларни ва манфаатлар тўқнашувини ўз вақтида аниқлаш ҳамда уларга чек қўйиш, коррупцияга оид ҳуқуқбузарликларнинг олдини олиш чораларини кўриш ҳамда тизимда коррупциянинг олдини олиш ва унга қарши муросасиз курашишга доир ишларга раҳбарлик қилиш ҳамда мувофиқлаштириш;

Ўзбекистон Республикасининг «Манфаатлар тўқнашуви тўғрисида»ги Қонуни ва манфаатлар тўқнашуви билан боғлиқ муносабатларни тартибга солишга доир ишларга раҳбарлик қилиш ва мувофиқлаштириш;

Ўзбекистон Республикаси Президентининг Халқ қабулхоналари билан самарали ҳамкорлик қилишни ташкил этиш, Агентлик раҳбарлари ва ходимлари уларнинг фаолиятида фаол иштирок этишини, жисмоний ва юридик шахсларнинг Ўзбекистон Республикаси Президентининг Виртуал қабулхонасидан келиб тушадиган мурожаатларини ўз вақтида ва тўлақонли кўриб чиқилишини таъминлаш;

Агентлик ҳайъати мажлисларида раислик қилиш;

Агентликка юкланган вазифаларни бажариш учун шартнома асосида жалб этиладиган малакали хорижий мутахассислар хизматига ҳақ тўлаш шартларини халқаро амалиётдан келиб чиққан ҳолда белгилаш ҳамда уларга Агентлик ҳузуридаги Енгил саноатни қўллаб-қувватлаш жамғармаси (кейинги ўринларда — Жамғарма) маблағлари ҳисобидан ҳақ тўлаш ва бошқа сақлаш харажатлари учун тўловларни амалга ошириш;

Агентлик ходимларини уларнинг кўп йиллик ва самарали фаолияти, алоҳида хизматлари учун Ўзбекистон Республикаси давлат мукофотлари билан тақдирлаш учун белгиланган тартибда таклифлар киритишни таъминлаш ва тавсиялар бериш;

Агентлик мулкини қонунчилик ҳужжатларида белгиланган тартибда тасарруф этиш;

Агентлик ваколатига кирадиган масалалар юзасидан Ўзбекистон Республикасининг халқаро шартномаларини белгиланган тартибда имзолаш;

Агентликнинг ички ташкилий масалалари юзасидан қарорлар қабул қилиш;

Агентлик ходимларини лавозимга тайинлаш ва лавозимидан озод этиш, меҳнат шартномалари (буйруқлари)ни имзолаш;

Агентлик ходимларига вазифаларни юклаш;

Агентлик ходимларининг малакасини ошириш ва уларни хорижий давлатларга стажировка ва тажриба алмашиш учун юборишни ташкил этиш;

Агентлик ходимларини рағбатлантириш ва интизомий жавобгарликка тортиш масалаларини ҳал қилиш, директор ўринбосарларини рағбатлантириш ва интизомий жавобгарликка тортиш масалаларини, шу жумладан, келгусида унинг эгаллаб турган лавозимида қолишининг мақсадга мувофиқлиги масалаларини кўриб чиқиш тўғрисида Вазирлар Маҳкамасига таклифлар киритиш, уларнинг шахсий жавобгарлигини ошириш бўйича тизимли чора-тадбирларни амалга ошириш;

Агентликнинг ташқи ва ички ташкилий фаолияти устидан доимий ва қатъий назорат ўрнатиш;

Агентликка киритилган таклифлар ва тақдим этилган норматив-ҳуқуқий ҳужжатлар лойиҳаларининг тўлиқ ва ҳар томонлама кўриб чиқилишини, Ўзбекистон Республикаси Президенти Администрацияси Регламенти ва Вазирлар Маҳкамасининг Регламентида белгиланган муддатларда келишилишини (виза қўйилиши) таъминлаш;

давлат сирлари ёки қонун билан қўриқланадиган бошқа сирни ташкил этувчи маълумотлар билан ишлашда қонунчилик ҳужжатларида белгиланган талабларга риоя қилиш;

ходимларнинг белгиланган чекланган сони доирасида Агентлик штатлар жадвалини, шунингдек, Давлат бюджети маблағлари ҳисобидан молиялаштириладиган Агентликнинг харажатлари сметасини тасдиқлаш;

ушбу Низомда ва қонунчилик ҳужжатларида назарда тутилган бошқа ваколатларни амалга ошириш.

15. Қуйидагилар директор ўринбосарларининг асосий функционал вазифалари ҳисобланади:

Агентлик директори муайян сабабларга кўра (хизмат сафари, меҳнат таътили, бетоблиги даврида) йўқлигида унинг вазифаларини бажариш;

Агентликнинг ўзи мутасаддилик қиладиган таркибий тузилмалари фаолиятини мувофиқлаштириш, назорат ва бевосита раҳбарлик қилиш, ходимлар ўртасида вазифаларни тақсимлаш;

Агентлик фаолиятининг ўзи мутасаддилик қиладиган йўналишларини янада такомиллаштириш юзасидан Ўзбекистон Республикаси Президентининг ҳужжатлари, Ўзбекистон Республикаси Президенти Администрацияси раҳбарининг топшириқлари ва Вазирлар Маҳкамаси қарорлари билан тасдиқланган комплекс дастур ва комплекс чора-тадбирлар ижросини танқидий ва чуқур таҳлил қилиш;

мутасаддилигидаги таркибий тузилмалар бўлинма раҳбарларининг ҳисоботларини мунтазам эшитиб бориш ва белгиланган кўрсаткичларга эришиш учун уларнинг шахсий жавобгарлигини ошириш;

Агентлик директорининг қонунчилик доирасидаги буйруқ ҳамда топшириқлари ижросини ўз вақтида ва сифатли таъминлаш;

Агентликка киритилган таклифлар ва тақдим этилган норматив-ҳуқуқий ҳужжатларнинг лойиҳаларини тўлиқ ва ҳар томонлама кўриб чиқиш;

кадрларни белгиланган тартибда танлаш ва жой-жойига қўйиш бўйича Агентлик директорига таклифлар тақдим этиш, уларнинг профессионаллиги, ўз ишини билиши, юксак даражадаги ишчанлик ва маънавий-ахлоқий фазилатларга эга бўлишини таъминлаш, касбий малакасини ошириш чораларини кўриш, мутасаддилиги бўйича таркибий тузилмаларда кадрлар захирасини шакллантириш чораларини кўриш;

Агентлик ходимлари томонидан Вазирлар Маҳкамасининг 2022 йил 14 октябрдаги 595-сон қарори билан тасдиқланган Давлат фуқаролик хизматчилари одоб-ахлоқининг намунавий қоидалари асосида тасдиқланган Агентлик ходимларининг одоб-ахлоқ қоидалари талабларига риоя этилишини таъминлаш;

жисмоний ва юридик шахсларнинг мурожаатларини кўриб чиқиш бўйича ишларни Ўзбекистон Республикасининг «Жисмоний ва юридик шахсларнинг мурожаатлари тўғрисида»ги Қонуни , Вазирлар Маҳкамасининг 2018 йил 7 майдаги 341-сон қарори билан тасдиқланган Давлат органларида, давлат муассасаларида ва давлат иштирокидаги ташкилотларда жисмоний ва юридик шахсларнинг мурожаатлари билан ишлаш тартиби тўғрисидаги намунавий низомга мувофиқ самарали ташкил этиш, жамоатчилик билан бевосита ва очиқ мулоқот ўрнатиш, шахсий қабуллар ўтказиш, шу жумладан, жисмоний ва юридик шахсларнинг вакилларини жойларга бориб қабул қилишни ташкил этиш;

Ўзбекистон Республикасининг «Коррупцияга қарши курашиш тўғрисида»ги Қонуни ва коррупцияга қарши курашишга доир бошқа қонунчилик ҳужжатларига ҳамда Ўзбекистон Республикасининг «Манфаатлар тўқнашуви тўғрисида»ги Қонунига риоя қилиш ва манфаатлар тўқнашуви билан боғлиқ муносабатларни тартибга солишга доир ишларни мувофиқлаштириш;

Агентлик фаолиятини такомиллаштириш бўйича амалий чоралар кўриш, ушбу соҳада қонунчиликни такомиллаштиришга доир таклифларни ишлаб чиқиб, кўриб чиқиш учун Агентлик директорига киритиш;

енгил саноат соҳасидаги норматив базанинг тизимли асосда қайта кўриб чиқилишини ташкил этиш;

енгил саноат соҳасида давлат сиёсатининг асосий йўналишлари бўйича таклифлар тайёрлаш;

хорижий давлатлар, халқаро ва хорижий ташкилотлар билан енгил саноат соҳасини ривожлантириш ҳамда тартибга солиш масалалари бўйича ҳамкорлик қилиш;

давлат сирлари ёки қонун билан қўриқланадиган бошқа сирни ташкил этувчи маълумотлар билан ишлашда қонунчилик ҳужжатларида белгиланган талабларга риоя қилиш.

6-боб. Агентлик раҳбарларининг жавобгарлиги

16. Агентлик директори:

Агентликка юкланган вазифа ва функцияларнинг бажарилиши учун;

Агентликнинг ушбу Низомда назарда тутилган жавобгарлик соҳалари бўйича ҳамда Низомнинг 14-бандида кўрсатилган ўз функционал мажбуриятларининг сифатли бажарилиши учун шахсан жавоб беради.

17. Агентлик директори ўринбосарлари:

мутасаддилик қилинадиган йўналиш ва таркибий бўлинмаларда Агентликка юкланган вазифалар ва функцияларнинг бажарилиши учун;

ушбу Низомнинг 15-бандида кўрсатилган ўз функционал вазифаларининг сифатли бажарилиши учун шахсан жавоб беради.

7-боб. Агентлик фаолиятини ташкил этиш

18. Агентликка Ўзбекистон Республикаси Президенти томонидан лавозимга тайинланадиган ва лавозимидан озод этиладиган директор раҳбарлик қилади.

Агентлик директорининг ўринбосарлари Ўзбекистон Республикаси Президенти билан келишилган ҳолда Вазирлар Маҳкамаси томонидан лавозимга тайинланади ва лавозимидан озод қилинади.

19. Агентлик директори:

Агентлик фаолиятига якка тартибда раҳбарлик қилади;

Агентлик фаолиятига умумий раҳбарлик қилади ва Агентликка юкланган вазифалар ва функцияларнинг бажарилиши учун шахсан жавоб беради;

Агентлик ходимларининг лавозим мажбуриятларини белгиланган тартибда тасдиқлайди;

ўз ваколати доирасида Агентлик ходимлари томонидан бажарилиши мажбурий бўлган буйруқлар чиқаради ва тегишли кўрсатмалар беради.

Директор қонунчилик ҳужжатларига мувофиқ бошқа ваколатларни ҳам амалга ошириши мумкин.

20. Агентлик директори маълум сабабларга кўра (хизмат сафари, меҳнат таътили, бетоблиги даврида) йўқлигида унинг биринчи ўринбосари директор вазифаларини бажаради.

21. Агентлик ўз вазифалари ва функцияларини амалга оширишда республика ва маҳаллий ижро этувчи ҳокимият органлари, хўжалик бирлашмалари ҳамда бошқа ташкилотлар билан ҳамкорлик қилади.

8-боб. Агентлик ҳайъати

22. Ҳайъат Агентликнинг коллегиал органи ҳисобланиб, директор (Ҳайъат раиси), унинг ўринбосарлари (лавозим бўйича), шунингдек, Агентлик фаолиятининг асосий йўналишларини мувофиқлаштирувчи таркибий бўлинмалар раҳбарларидан иборат таркибда ташкил этилади.

Ҳайъат таркибининг сони ва шахсий таркиби белгиланган тартибда Вазирлар Маҳкамаси томонидан тасдиқланади.

23. Ҳайъатга қуйидаги вазифалар юкланади:

Агентликка юкланган вазифаларни амалга оширишнинг энг муҳим самарадорлик кўрсаткичларини ишлаб чиқиш ва уларнинг бажарилишини назорат қилиш;

Агентлик фаолияти билан боғлиқ долзарб масалаларнинг жойларда муҳокама этилишини таъминлаган ҳолда Ҳайъатнинг кенгайтирилган мажлислари ўтказилишини ташкил этиш, шунингдек, юзага келган муаммоларни ўз ваколатлари доирасида бартараф этиш бўйича тегишли қарорларни ишлаб чиқиш ва қабул қилиш;

Агентлик таркибига кирувчи лавозимлар номенклатурасини кўриб чиқиш ва тасдиқлаш;

Ўзбекистон Республикаси Президенти ва Вазирлар Маҳкамасининг қарор ва топшириқларида белгиланган вазифаларни ўз вақтида ва сифатли амалга ошириш мақсадида Агентлик раҳбарлари ва ходимларининг ижро интизомини мустаҳкамлаш ҳамда шахсий жавобгарлигини ошириш.

Ҳайъат, шунингдек, Агентлик ваколатига киритилган бошқа масалаларни ҳам кўриб чиқишга ҳақли.

24. Агентлик директори қарори билан қуйидагилар:

Ҳайъат иш режалари ва белгиланган вазифаларни бажариш муддатлари;

таклифлар ташаббуси билан чиқиш, лойиҳаларни бошлаш ва ҳисобот бериш тартиблари;

Ҳайъатнинг фаолиятини самарали таъминлаш учун Агентлик масъул таркибий бўлинмаларининг вазифалари тасдиқланиши мумкин.

25. Ҳайъат йиғилишига Агентлик ваколатига тегишли масалалар юзасидан республика ва маҳаллий ижро этувчи ҳокимият органлари, бошқа ташкилотлар раҳбарлари ва эксперт мутахассислар таклиф этилиши мумкин.

26. Ҳайъат мажлиси аъзоларининг ярмидан кўпи иштирок этган тақдирда, ваколатли ҳисобланади. Ҳайъат қарорлари оддий кўпчилик овози билан қабул қилинади.

27. Директор ва Ҳайъат аъзолари ўртасида келишмовчиликлар юзага келган тақдирда, директор ушбу келишмовчиликлар хусусида Вазирлар Маҳкамасига ва Ўзбекистон Республикаси Президенти Администрациясига ахборот бериб, мустақил равишда қарор қабул қилади. Ҳайъат аъзолари ҳам ўз фикрларини Вазирлар Маҳкамасига ва Ўзбекистон Республикаси Президенти Администрациясига билдиришлари мумкин.

28. Ҳайъат ўз фаолияти учун зарур бўлган ҳужжатлар, ҳисоботлар ва бошқа маълумотларни сўраб олишга ҳақли.

29. Ҳайъат қарорлари Ҳайъат раиси томонидан имзоланади ва Агентлик буйруғи (қарори) билан амалга оширилади.

9-боб. Агентлик фаолияти самарадорлиги ва натижадорлигини баҳолаш мезонлари ҳамда иш индикаторлари

30. Агентлик фаолиятининг самарадорлиги мунтазам баҳоланади.

31. Агентлик фаолияти самарадорлиги ва натижадорлигига берилган баҳо Вазирлар Маҳкамаси томонидан тасдиқланадиган Агентлик фаолияти самарадорлиги ва натижадорлигини баҳолаш мезонлари ҳамда иш индикаторларига асосланади.

32. Агентлик фаолияти самарадорлиги ва натижадорлигини баҳолаш якунлари бўйича:

Агентлик раҳбарлари ва ходимларини қўшимча рағбатлантириш (мукофотлаш) ёки интизомий жавобгарликка тортиш;

Агентлик фаолиятида аниқланган камчиликларни бартараф этиш ва унинг фаолиятини янада такомиллаштириш чоралари кўрилади.

33. Агентлик фаолияти самарадорлиги ва натижадорлигини баҳолаш тартиби ҳамда услуби қонунчилик ҳужжатлари билан белгиланади.

10-боб. Агентлик фаолиятини молиялаштириш ва моддий-техник таъминлаш, унинг ходимлари меҳнатига ҳақ тўлаш ҳамда моддий рағбатлантириш

34. Агентликнинг моддий-техник таъминоти, ходимлари меҳнатига ҳақ тўлаш ва уларни моддий рағбатлантириш, идоравий мансуб ташкилотларнинг моддий-техник базасини мустаҳкамлаш, фаолиятини амалга ошириш ҳамда марказий аппарат таъминоти билан боғлиқ харажатларни молиялаштириш манбаларига қуйидагилар киради:

Ўзбекистон Республикаси Давлат бюджети маблағлари;

Жамғарма маблағлари;

халқаро молия институтлари кредитлари (қарз маблағлари) ва грантлари;

жисмоний ва юридик шахсларнинг ҳомийлик хайриялари;

Агентлик томонидан шартнома асосида хизмат кўрсатишдан олинадиган даромадлар;

қонунчиликда тақиқланмаган бошқа манбалар.

35. Агентлик ходимлари ҳамда шартнома асосида жалб қилинадиган мутахассислар меҳнатига ҳақ тўлаш ва уларни моддий рағбатлантириш шартлари:

а) Ўзбекистон Республикаси республика бюджетидан:

Ягона тариф сеткаси бўйича тасдиқланган разрядларга мувофиқ лавозим маоши;

кўп йиллик хизмати учун ҳар ойда узоқ муддат хизмати учун (иш стажига кўра) устама ҳақ миқдорлари бюджет маблағлари ҳисобидан лавозим маошига (рағбатлантириш коэффициентини ҳисобга олган ҳолда) нисбатан қуйидаги коэффициентлар билан ҳисобланади:

1 йилдан 3 йилгача — 0,4;

3 йилдан 5 йилгача — 0,8;

5 йилдан 10 йилгача — 1,0;

10 йилдан 15 йилгача — 1,2;

15 йилдан юқори — 1,5.

Узоқ йиллик хизмати учун устама ҳақ олиш ҳуқуқини берувчи иш стажи Агентлик томонидан тасдиқланадиган тартибга мувофиқ ҳисоблаб чиқилади;

б) Жамғарма маблағлари ҳисобидан:

Агентлик марказий аппарати ходимларига ўз хизмат вазифаларини виждонан бажарганликлари учун Агентлик директори томонидан лавозим маошининг (рағбатлантирувчи коэффициентни ҳисобга олган ҳолда) 300 фоизгача миқдорда ҳар ойлик устамалар;

ходимларни ижтимоий муҳофаза қилиш ва уларнинг меҳнати самарадорлигини ошириш мақсадида ҳар ойда (жамоа шартномасига мувофиқ) транспорт харажатлари учун базавий ҳисоблаш миқдорининг икки бараваригача миқдорида ва овқатланиш харажатларини қоплаш учун базавий ҳисоблаш миқдорининг икки бараваригача миқдорида тўловлар;

Ўзбекистон Республикасининг Меҳнат кодекси 208-моддаси биринчи қисмида белгиланган байрам кунлари муносабати билан лавозим маошининг (рағбатлантирувчи коэффициент ва кўп йиллик хизматлари учун устамаларни ҳисобга олган ҳолда) 100 фоизи миқдорида мукофот;

қишлоқ хўжалиги маҳсулотларини харид қилиш учун ходимларга бир йилда бир маротаба меҳнатга ҳақ тўлашнинг энг кам миқдорининг ўн бараваригача бўлган миқдорда тўловлар тўланади;

Агентлик раҳбарияти томонидан ходим ёки тегишли бўлинма раҳбари мурожаатига мувофиқ, қуйидаги бир марталик рағбатлантириш ҳамда ижтимоий қўллаб-қувватлаш бўйича тўловлар берилиши мумкин:

ходим юбилей ёшига тўлганда (50, 60 ва 70 ёш) меҳнатга ҳақ тўлашнинг энг кам миқдорининг етти бараваригача;

ходим пенсияга чиқиши муносабати билан меҳнатга ҳақ тўлашнинг энг кам миқдорининг ўн бараваригача;

ходимнинг никоҳдан ўтиши муносабати билан меҳнатга ҳақ тўлашнинг энг кам миқдорининг ўн бараваригача;

ходимнинг фарзанди никоҳдан ўтиши муносабати билан меҳнатга ҳақ тўлашнинг энг кам миқдорининг беш бараваригача;

ходимнинг узоқ муддат (бир ой ва ундан ортиқ) даволаниши талаб этиладиган оғир касалликка чалиниши, оғир, тезкор жарроҳлик амалиётини ўтказиши ва даволаниши учун қимматбаҳо дори-дармон воситаларидан фойдаланиш зарурати мавжуд бўлган ҳолларда Агентлик касаба уюшмаси таклифига асосан меҳнатга ҳақ тўлашнинг энг кам миқдорининг 15 бараваригача;

ходимнинг яқин қариндошлари (отаси, онаси, турмуш ўртоғи, фарзандлари) вафот этганда меҳнатга ҳақ тўлашнинг энг кам миқдорининг ўн бараваригача (ўлим қайд этилган санадан бошлаб 6 ой ичида);

ходимнинг ўлими сабабли ходимнинг оила аъзоларига меҳнатга ҳақ тўлашнинг энг кам миқдорининг 20 бараваригача.

36. Агентлик меҳнат жамоаси томонидан тузилган Касаба уюшмаси қўмитасининг моддий ҳолатини қўллаб-қувватлаш мақсадида, Касаба уюшмасининг Агентлик ходимларини қўллаб-қувватлашга қаратилган тегишли сўровига асосан, директорнинг буйруғи билан унинг ҳисобрақамига молиявий ёрдам ўтказилиши мумкин.

37. Ўзбекистон Республикаси норезидентлари бўлган Агентликнинг жалб этилган ходимлари, экспертлари ва маслаҳатчилари хизматларига тузилган шартнома шартларига мувофиқ қонунчилик ҳужжатларида белгиланган тартибда ҳақ тўланади.

38. Рағбатлантирувчи қўшимча тўлов сифатида фаолият самарадорлигининг энг муҳим кўрсаткичларини таъминлаган ходимларга Агентлик директори ва меҳнат жамоаси томонидан имзоланадиган жамоа шартномасига мувофиқ лавозим маошининг (рағбатлантирувчи коэффициентни ҳисобга олган ҳолда) 200 фоизи миқдорида шахсий устама тўлаб берилади.

11-боб. Якунловчи қоида

39. Ушбу Низом талаблари бузилишида айбдор бўлган шахслар қонунчилик ҳужжатларига мувофиқ жавобгар бўлади.

Вазирлар Маҳкамасининг 2025 йил 17 ноябрдаги 729-сон қарорига 2-ИЛОВА

1-боб. Умумий қоидалар

2. Жамғарма юридик шахс ҳисобланмайди ва унинг маблағлари ҳисоби Ўзбекистон Республикаси Иқтисодиёт ва молия вазирлиги ҳузуридаги Ғазначилик хизмати қўмитасида очилган ягона шахсий ғазна ҳисобварағида юритилади ҳамда қонунчилик ҳужжатлари ва ушбу Низомда белгиланган мақсад ва йўналишларга сарфланади.

3. Агентлик Жамғарманинг ижро этувчи органи ҳисобланади.

2-боб. Жамғарма маблағларини шакллантириш

4. Жамғарма маблағлари қуйидаги манбалар ҳисобидан шакллантирилади:

Тижорат банклари орқали корхоналарни айланма маблағ билан таъминлаш учун молиявий ресурслар ажратиш мақсадида Жамғарма буюртманомалари асосида Тикланиш ва тараққиёт жамғармасидан босқичма-босқич ажратиладиган 200 миллион АҚШ доллари;

Ўзбекистон Республикаси Давлат бюджетидан Жамғармага белгиланган тартибда ўтказиб бериладиган, жумладан, корхоналарни қўллаб-қувватлаш чоралари учун ажратиладиган маблағлар;

Ўзбекистон Республикаси Президентининг фармонлари ва қарорлари, Ҳукумат қарорлари билан ажратиладиган маблағлар;

жисмоний ва юридик шахсларнинг хайрия маблағлари, халқаро молия институтлари ва хорижий ташкилотларнинг грантлари;

вақтинча бўш турган маблағларни тижорат банклари депозитларига жойлаштиришдан олинадиган даромадлар;

қонунчилик ҳужжатларида тақиқланмаган бошқа манбалар.

3-боб. Жамғарма маблағларидан фойдаланиш тартиби

5. Жамғарма маблағларидан қуйидаги харажатларни молиялаштириш учун фойдаланилади:

а) халқаро брендларни жалб қилиш, стандартлаштириш ва сертификатлашнинг халқаро тизимларини, молиявий ҳисоботларнинг халқаро стандартларини жорий этиш, экспорт шартномалари бўйича суғурталашни молиялаштириш харажатларини қоплаш ҳамда мутахассисларни ўқитиш учун грантлар ажратиш;

б) хорижий давлатларда савдо уйларини очиш ва сақлаш, офис, савдо ва омбор биноларини ижарага олиш, реклама кампанияларини ташкил этиш билан боғлиқ чет элдаги харажатларнинг бир қисмини қоплаш;

в) хорижий консалтинг компанияларини ва ишчи ва мутахасиссларни жалб қилиш, кўргазма стендларини ташкил этиш ва халқаро кўргазма-ярмаркалар, тренинглар ва бизнес-форумларда иштирок этиш харажатларини қоплаб бериш, хорижий ахборот ресурсларида маълумотларни жойлаштиришда молиявий ёрдам кўрсатиш;

г) енгил саноат корхоналарини, шу жумладан, тайёр тикув-трикотаж, табиий ва сунъий чармдан тайёр пойабзал ва чарм-атторлик маҳсулотлари, ипак мато ишлаб чиқарувчи корхоналарни белгиланган тартибда молиявий қўллаб-қувватлаш;

д) Жамғарма маблағлари ҳисобидан ҳудудларда ташкил этиладиган енгил саноат корхоналарига кўмаклашиш лойиҳа офисларини сақлаш, жалб қилинадиган хорижий маслаҳатчилар ва консалтинг компаниялари харажатларини қоплаш, Агентлик фаолиятини қўллаб-қувватлаш;

е) енгил саноат корхоналарига айланма маблағларини тўлдириш учун тижорат банклари орқали кредитлар ажратиш ва факторинг хизматлари учун ресурслар тақдим этиш;

ж) олис ва чекка ҳудудларда енгил саноатни ривожлантиришни рағбатлантириш мақсадида 3 — 5-тоифадаги туманларда ишлаб чиқариш филиалини белгиланган шартлар асосида очадиган тўқимачилик ва тикув-трикотаж корхоналарига кредит бериш;

з) енгил саноат соҳасини ривожлантириш стратегияларини ишлаб чиқиш ҳамда корхоналарни рақамлаштириш тадбирларини молиялаштириш;

и) Агентлик, унинг тизимидаги Ўзбекистон — Корея ўқув-амалий тўқимачилик технопарки, Ипакчилик илмий-тадқиқот институти ва Ўзбекистон табиий толалар илмий-тадқиқот институти жорий харажатларини молиялаштириш, моддий-техник базасини мустаҳкамлаш, ходимларни моддий рағбатлантириш;

к) Ўзбекистон Республикаси Президенти ва Ҳукумат ҳужжатларида белгиланган бошқа мақсадлар учун сарфланиши мумкин;

л) енгил саноат тармоқ уюшмаларини грант ва ижтимоий буюртма ва бошқа қонунчилик ҳужжатларида тақиқланмаган молиялаштириш механизмлари орқали молиялаштириш.

м) йирик брендлар ва ритейлерлар иштирокидаги халқаро кўргазма ва конференцияларда «ҳомийлик» тўловларини тўлайди;

н) хорижий бренд, «сорсинг» ва ритейлерлар мутахассисларининг Ўзбекистонга ташрифи харажатларини қоплаш (авиачипта, транспорт, меҳмонхона);

о) терини қайта ишлаш, пойабзал ва чарм-атторлик йўналишида:

терини қайта ишлаб, тайёр чарм ишлаб чиқарувчи корхоналарга ишлаб чиқариб, реализация қилинган тайёр чармнинг (краст, финиш) ҳар бир дециметр квадрати учун 350 сўм миқдорида субсидия ажратилади;

пойабзал ва чарм-атторлик маҳсулотларини ишлаб чиқарувчи корхоналарга ишлаб чиқаришга жорий қилинган ҳар бир янги модел учун 1 миллион сўм, бироқ бир корхона учун бир календарь йилида 50 миллион сўмдан ошмаган миқдорда субсидия ажратилади;

пойабзал ишлаб чиқарувчи корхоналар томонидан ўз эҳтиёжлари учун импорт қилинган пойабзал қолиплари (колодка, пресс-форма) қийматининг 50 фоиз қисми, бироқ бир календарь йилда Европа Иттифоқи давлатлари учун 10 минг АҚШ доллари, бошқа давлатлар учун 5 минг АҚШ долларидан ошмаган миқдорда қоплаб берилади;

п) енгил саноат корхоналари томонидан сув тозалаш иншоотларида белгиланган меъёрлар доирасида сувни тозалаш учун харид қилинган кимёвий воситалар ва реагентлар қийматининг 50 фоиз қисми қоплаб берилади;

р) Чарм-пойабзал саноат зоналарини бошқариш дирекцияси ходимларини сақлаш харажатлари.

6. Жамғарма маблағлари ҳисобидан Агентлик тизимидаги Ўзбекистон — Корея ўқув-амалий тўқимачилик технопарки, Ипакчилик илмий-тадқиқот институти ва Ўзбекистон табиий толалар илмий-тадқиқот институти жорий харажатлари, моддий-техник базасини мустаҳкамлаш харажатлари, ходимларни моддий рағбатлантириш учун ажратиладиган маблағлар Агентлик директори томонидан тасдиқланадиган харажатлар сметасига асосан молиялаштирилади.

7. Жамғарма маблағларидан Агентлик томонидан чораклар кесимида тасдиқланадиган Жамғарманинг йиллик даромадлари ва харажатлари сметасига мувофиқ фойдаланилади.

4-боб. Жамғарма фаолиятини бошқариш

8. Агентлик директори Жамғарманинг ижро этувчи органига раҳбарлик қилади.

9. Жамғарманинг ижро этувчи органи таркиби Агентлик директори, Агентлик директорининг ўринбосарлари, бошқарма бошлиқлари, бош ҳисобчиси ва бош юристконсультидан иборат бўлади.

10. Жамғарманинг ижро этувчи органи:

Енгил саноат соҳасида жамоатчилик кенгашининг (кейинги ўринларда — Кенгаш) тавсиялари асосида Жамғарманинг даромадлари ва харажатлари прогнозини кўриб чиққан ҳолда, чораклар кесимида йиллик харажатлар сметасини (кейинги ўринларда — смета) Иқтисодиёт ва молия вазирлиги билан келишилган ҳолда тасдиқлайди;

тасдиқланган сметага асосан маблағларнинг самарали ва мақсадли ишлатилишини таъминлайди.

11. Жамғарманинг ижро этувчи органи раҳбари сметанинг 10 фоизигача миқдорида, кейинчалик Кенгашга маълумот киритиш шарти билан ўзгартириш киритиш ҳуқуқига эга.

12. Жамғарма маблағларидан фойдаланишда эришиладиган натижалар бўйича тегишли йил учун мақсадли кўрсаткичлар Кенгаш билан келишилган ҳолда Агентлик томонидан ишлаб чиқилади.

5-боб. Жамғарма маблағларидан фойдаланиш юзасидан ҳисобот ва назорат

12. Жамғарманинг даромадлари ва харажатлари ҳисоби Агентлик томонидан алоҳида юритилади.

13. Енгил саноат тармоқ уюшмалари томонидан Жамғармадан ажратилган маблағлар ҳисобидан амалга оширилган харажатлар тўғрисидаги ҳисоботлар ҳар ойнинг 10-санасига қадар Жамғарманинг ижро этувчи органига киритиб борилади.

14. Агентлик ҳар чоракда ҳисобот чорагидан кейинги ойнинг 15-санасигача Кенгаш билан келишилган Жамғарма маблағларидан фойдаланиш тўғрисидаги ҳисоботни Иқтисодиёт ва молия вазирлигига тақдим этади.

15. Жамғарма маблағларининг мақсадли фойдаланилиши юзасидан назорат белгиланган тартибда давлат молиявий назорати органлари томонидан амалга оширилади.

6-боб. Якунловчи қоидалар

16. Жамғарма қонунчилик ҳужжатларида белгиланган тартибда тугатилади ёки қайта тузилади.

17. Ушбу Низом талаблари бузилишида айбдор бўлган шахслар қонунчилик ҳужжатларига мувофиқ жавобгар бўлади.

Вазирлар Маҳкамасининг 2025 йил 17 ноябрдаги 729-сон қарорига 3-ИЛОВА

1-боб. Умумий қоидалар

1. Ушбу Низом Ўзбекистон Республикаси Вазирлар Маҳкамаси ҳузуридаги Енгил саноатни ривожлантириш агентлиги (кейинги ўринларда — Агентлик) қошидаги Енгил саноатни қўллаб-қувватлаш жамғармаси (кейинги ўринларда — Жамғарма) маблағлари ҳисобидан тижорат банкларига енгил саноат корхоналарининг айланма маблағлари ҳамда ускуналар харидига ажратиладиган кредит ва факторинг хизматлари учун молиявий ресурслар тақдим этиш тартибини белгилайди.

2. Ушбу Низомда қуйидаги асосий тушунчалардан фойдаланилади:

енгил саноат корхоналари — Ўзбекистон Республикасида рўйхатдан ўтган ва тўқимачилик, ипакчилик, чарм-пойабзал ва гиламчилик саноатида фаолиятини амалга ошираётган ёки уни бошлаш истагидаги тадбиркорлик субъектлари;

молиявий ресурслар — Агентлик томонидан тижорат банкларига енгил саноат корхоналарини айланма маблағлар билан таъминлашга ҳамда ускуналар харидига ажратиладиган кредитлар учун тақдим этиладиган миллий ва хорижий валютадаги пул маблағлари;

ускуналар — тўқув ва тикувчилик маҳсулотларини ишлаб чиқариш учун зарур дастгоҳлар;

факторинг — тижорат банкига акцептланган ёки гаров остида, бироқ хорижий харидор томонидан тўлови амалга оширилмаган етказиб берилган товарлар, кўрсатилган хизматлар ва бажарилган ишлар учун тўлов талабномаси асосида тўловларни қабул қилиш орқали товарлар (ишлар, хизматлар) етказиб берувчи ташкилотларни молиялаштириш хизмати.

3. Агентлик томонидан тижорат банкларига енгил саноат корхоналари учун молиявий ресурслар қуйидаги молиялаштириш турлари орқали миллий ва хорижий валютада тақдим этилади:

корхоналар айланма маблағларини тўлдириш учун кредитлар ажратиш;

ускуналар хариди учун кредитлар ажратиш;

енгил саноат корхоналарининг фоиз ставкаси хорижий валютада 7 фоиздан ва миллий валютада 16 фоиздан баланд бўлган амалдаги кредитларини Агентликнинг мавжуд ресурслари ҳисобидан хорижий валютада қайта кредитлаш;

факторинг хизматларини кўрсатиш;

Ўзбекистон Республикаси Президенти ва Вазирлар Маҳкамасининг қарорларида кўзда тутилган молиялаштиришнинг бошқа турлари ва йўналишлари.

2-боб. Тижорат банкларига молиявий ресурслар тақдим этиш шартлари

4. Агентлик томонидан молиявий ресурслар Жамғарма маблағлари ҳисобидан енгил саноат корхоналари учун тижорат банклари орқали қуйидаги шартларда кредит маҳсулотларини жорий қилиш учун ажратилади:

а) айланма маблағларни тўлдириш ҳамда факторинг хизматлари учун енгил саноат корхоналарининг охирги 12 ой мобайнида амалга оширилган маҳсулот реализацияси ҳажмидан келиб чиққан ҳолда 36 ой муддатгача хорижий валютада:

5 миллион АҚШ долларигача эквивалентда маҳсулот реализация қилинганда — 1 миллион АҚШ долларигача;

5 миллион АҚШ долларидан 10 миллион АҚШ долларигача эквивалентда маҳсулот реализация қилинганда — 2 миллион АҚШ долларигача;

10 миллион АҚШ долларидан 15 миллион АҚШ долларигача эквивалентда маҳсулот реализация қилинганда — 3 миллион АҚШ долларигача;

15 миллион АҚШ долларидан 20 миллион АҚШ долларигача эквивалентда маҳсулот реализация қилинганда — 4 миллион АҚШ долларигача;

20 миллион АҚШ доллари эквивалентидан кўп миқдорда маҳсулот реализация қилинганда — 5 миллион АҚШ долларигача.

хорижий бренд активларини бренд номи билан биргаликда харид қилиб, республикага релокация қилган енгил саноат корхоналарига улар томонидан сотилган маҳсулот ҳажмидан қатъи назар, 5 миллион АҚШ долларигача.

Бунда:

молиявий ресурслар йиллик 7 фоиз ставкадан (шундан 2 фоизи банк маржаси, 1 фоизи Агентлик харажатлари) ошмаган ҳолда тақдим этилади;

Ҳукуматнинг алоҳида топшириқларига асосан Агентлик томонидан тадбиркорлик субъектларига тақдим этиладиган молиявий ресурсни қайтариш муддати 6 ойгача узайтирилишига рухсат берилади;

б) олис ва чекка ҳудудларда енгил саноатни ривожлантиришни рағбатлантириш мақсадида 3 — 5-тоифадаги туманларда ишлаб чиқариш филиалини очадиган тўқимачилик ва тикув-трикотаж корхоналарига филиалда камида 200 та иш ўрни яратиш ва ойлик ўртача иш ҳақини 2,5 миллион сўмдан кам бўлмаган миқдорда тўлаш шарти билан Жамғармадан ускуна хариди ва (ёки) айланма маблағларни тўлдириш учун беш йилга 10 миллиард сўмгача кредит Марказий банк асосий ставкасида (шундан 5 фоизи банк маржаси) тижорат банклари орқали тақдим этилади.

в) Ўзбекистон Республикаси Президентининг 2026 йил 12 январдаги «Маҳаллий енгил саноат корхоналарининг халқаро етказиб бериш занжирларида иштирокини кенгайтириш ҳамда ташқи бозорларда ўрнини мустаҳкамлашга қаратилган чора-тадбирлар тўғрисида»ги ПФ-4-сон Фармонининг 15-бандида назарда тутилган ҳамда Ўзбекистон Республикаси Президентининг 2025 йил 19 сентябрдаги «Енгил саноат соҳасида юқори қўшилган қийматли маҳсулотлар ишлаб чиқариш ва экспорт ҳажмини ошириш учун қўшимча шарт-шароитлар яратиш тўғрисида»ги ПФ-174-сон Фармонининг 11-банди билан ажратилган маблағлар ҳисобидан, шу жумладан, Жамғармага жалб қилинадиган хорижий кредит линиялари ҳисобидан енгил саноат корхоналарининг фоиз ставкаси хорижий валютада 7 фоиздан баланд бўлган амалдаги кредитларини қайта кредитлаш асосида, уларнинг муддатига мутаносиб равишда, бироқ 36 ойдан ошмаган муддатга, Ўзбекистон Республикаси Президентининг 2023 йил 10 январдаги «Пахта-тўқимачилик кластерлари фаолиятини қўллаб-қувватлаш, тўқимачилик ва тикув-трикотаж саноатини тубдан ислоҳ қилиш ҳамда соҳанинг экспорт салоҳиятини янада ошириш чора-тадбирлари тўғрисида»ги ПФ-2-сон Фармони 2-бандининг «д» кичик бандида кўрсатилган шартлар асосида кредитлар ажратилади.

г) Ўзбекистон Республикаси Президенти ва Вазирлар Маҳкамасининг қарорларида белгиланган бошқа молиялаштириш турлари учун ушбу ҳужжатларда белгилаб берилган шартлар ва миқдорларда.

Бунда филиалда жами ишчилар сони бўйича белгиланган талаб кредит ажратилган санадан бошлаб олти ой ўтгандан кейин кредит ажратилган муддатга жорий этилади.

5. Енгил саноат корхоналарига Агентликнинг молиявий ресурслари ҳисобидан тижорат банклари томонидан айланма маблағларни тўлдириш учун револьвер кредитлар ажратилиши мумкин.

6. Агентлик томонидан енгил саноат корхоналарига тижорат банклари орқали факторинг хизматлари кўрсатилиши учун миллий валютада молиявий ресурс ажратилиши мумкин.

Бунда молиявий ресурслар йиллик Марказий банк асосий ставкасидан (шундан 5 фоизи банк маржаси) ошмаган ҳолда тақдим этилади.

7. Агентликнинг молиявий ресурслари ҳисобидан берилган кредитларни ўз вақтида сўндириб келаётган тадбиркорлик субъектларига бир неча марта қўшимча молиявий ресурс ажратишга рухсат этилади.

8. Агентликнинг молиявий ресурслари ҳисобидан молиялаштириладиган кредитлардан мақсадли фойдаланилиши тижорат банки томонидан мониторинг қилиб борилади.

9. Тижорат банки молиявий ресурслар олиш учун Агентлик билан қонунчилик ҳужжатларида белгиланган тартибда бош келишув тузади.

Бош келишувда ушбу Низомда белгиланган шарт ва тартибларни инобатга олган ҳолда томонларнинг ҳуқуқлари, мажбуриятлари ва жавобгарликлари ҳамда молиявий ресурсларни тақдим этиш ва ундан фойдаланиш шартлари белгиланади.

10. Молиявий ресурслардан фойдаланиш учун тижорат банкида алоҳида махсус ҳисобварақ очилади.

11. Тижорат банки томонидан молиявий ресурслар Агентлик ва тижорат банки ўртасида тасдиқланадиган молиявий ресурсларни қайтариш графигида белгиланган муддатларда қайтарилади, форс-мажор ҳолатлар бундан мустасно.

12. Молиявий ресурслардан фақат ушбу Низомда назарда тутилган молиялаштириш турлари учун фойдаланилади.

13. Тижорат банки айланма маблағларни тўлдириш, факторинг хизматларини кўрсатиш ва ускуналар хариди учун ажратиладиган кредитларига молиявий ресурс ажратилиши бўйича Агентликка буюртманома тақдим этади.

14. Тижорат банки Агентликнинг молиявий ресурслари ҳисобидан молиялаштиришда тадбиркорлик субъектлари томонидан қуйидаги шартларнинг бажарилишини текширади:

ушбу Низомда назарда тутилган молиялаштириш турларидан фойдаланиш бўйича мурожаат қилганини;

тадбиркорлик субъекти тугатиш босқичида эмаслиги ёки уларга нисбатан банкротлик тартиботи қўзғатилмаганини;

тадбиркорлик субъектларининг охирги 12 ой мобайнида маҳсулот реализацияси ҳажмини;

бюджетга тўловлар бўйича муддати ўтган қарздорликлари мавжуд ёки мавжуд эмаслигини.

3-боб. Молиявий ресурсларни олиш учун тижорат банкидан талаб этиладиган ҳужжатлар ва уларни кўриб чиқиш тартиби

15. Тижорат банкининг молиявий ресурслар олиш бўйича буюртманомалари ушбу Низомга 1-иловада келтирилган схемага мувофиқ кўриб чиқилади.

16. Бош келишув тузган тижорат банки молиявий ресурслар олиш учун Агентликка ушбу Низомга 2-иловага мувофиқ буюртманома тақдим этади.

Буюртманома электрон ахборот тизими орқали ёки тўғридан-тўғри, почта алоқа хизмати орқали тижорат банкининг масъул раҳбари имзоси (электрон рақамли имзоси) билан тасдиқланган ҳолатда киритилади.

Тақдим этилган буюртманомадаги маълумотларнинг ҳаққонийлиги ва ишончлилигига тижорат банки жавобгар ҳисобланади.

17. Тижорат банки томонидан киритилган буюртманома Агентлик томонидан уч иш кунигача бўлган муддатда кўриб чиқилади.

Буюртманома молиялаштириш тури, миқдори, муддати ҳамда ушбу Низомда белгиланган бошқа талаблар ва шартларга мувофиқлиги юзасидан кўриб чиқилади.

Буюртманомадаги маълумотлар ахборот тизимлари, шу жумладан, Солиқ ва Божхона қўмиталарининг электрон ахборот тизимлари ҳамда тегишли ташкилотларнинг интернет тармоғидаги маълумотлар базалари ёрдамида Агентлик томонидан ўрганиб чиқилиши мумкин.

18. Агентлик буюртманомани кўриб чиқиш якуни бўйича қабул қилинган қарор тўғрисида электрон ахборот тизими ёки почта алоқа хизмати орқали тижорат банкига билдиришнома юборади.

Билдиришномада молиявий ресурс ажратилиши (тўлиқ ёки қисман) ёки рад этилиши сабаблари кўрсатилади.

Тижорат банки молиявий ресурс ажратилиши рад этилган буюртманомалар бўйича тегишли тадбиркорлик субъектини бир банк иш кунида хабардор қилади.

19. Тижорат банки молиявий ресурс ажратилиши тўғрисидаги ижобий билдиришномани олган кундан бошлаб беш банк иш куни ичида тадбиркорлик субъекти билан ўрнатилган тартибда ҳужжатларни расмийлаштиради ҳамда Агентликка ушбу Низомга 3-иловага мувофиқ тижорат банкининг масъул раҳбари томонидан имзоланган талабномани киритади.

Ушбу талабнома электрон ахборот тизими ёки тўғридан-тўғри, почта алоқа хизмати орқали киритилиши мумкин.

4-боб. Молиявий ресурслар тақдим этилишини рад этиш

20. Қуйидагилар тижорат банкига молиявий ресурслар тақдим этишни рад этиш учун асос бўлади:

ушбу Низомнинг 2-бобида кўрсатилган шартлар ёки улардан бирининг бажарилмаслиги;

молиявий ресурслар ҳисобидан молиялаштириш кўзда тутилган тадбиркорлик субъекти тугатиш босқичида эканлиги ёки уларга нисбатан банкротлик тартиботи қўзғатилгани;

бюджетга тўловлар бўйича муддати ўтган қарздорликнинг мавжудлиги;

тижорат банки томонидан тақдим этилган буюртманомада ушбу Низомнинг 17-бандида белгиланган тартибда ўтказилган ўрганиш натижасида ишончсиз ва нотўғри маълумотларнинг мавжудлиги ёки уларнинг бузиб кўрсатилиши аниқлангани.

21. Ушбу Низомнинг 20 ва 25-бандларида кўрсатилган ҳолатлардан бошқа асосларга кўра молиявий ресурсларнинг тақдим этилишини рад этишга йўл қўйилмайди.

22. Тижорат банки буюртманома бўйича рад этиш тўғрисида билдиришнома олганда, рад этиш асослари бўйича кўрсатилган камчиликларни бартараф этган ҳолда молиявий ресурс олиш учун Агентликка қайта буюртманома тақдим этишга ҳақли.

5-боб. Молиявий ресурслар бўйича тўловларни амалга ошириш

23. Агентлик талабнома келиб тушган кундан бошлаб икки иш кунида улардаги маълумотларнинг буюртманома ва билдиришномадаги маълумотларга мувофиқлигини текширади, маълумотлар мувофиқ деб топилганда, тегишли молиявий ресурсларни тижорат банкининг махсус очилган ҳисобварағига ўтказиб беради.

Талабномадаги маълумотлар буюртманома ва билдиришномадаги маълумотларга мувофиқ келмаган ҳолларда Агентлик бир иш кунида тўлов талабномасини тижорат банкига қайтаради.

Тижорат банки талабномадаги номувофиқликларни бартараф этган ҳолда беш банк иши куни ичида Агентликка қайта талабнома киритиши мумкин.

Молиявий ресурс ажратилиши билдирилган буюртманома бўйича талабнома тижорат банки томонидан уч иш куни давомида киритилмаган ёки аниқланган номувофиқликлар бартараф этилмаган тақдирда, билдиришнома ўз кучини йўқотган ҳисобланади ва молиявий ресурс ажратилиши бекор қилинади.

24. Тижорат банки махсус очилган ҳисобварағига келиб тушган маблағни молиялаштириш турларидан фойдаланиш бўйича имзоланган шартномага мувофиқ уч иш кунида тадбиркорлик субъектининг тегишли банк ҳисобварағига ўтказиб беради ва буни тасдиқловчи банк ҳужжатларини Агентликка тақдим этади.

25. Тижорат банкининг махсус очилган ҳисобварағига Агентликдан келиб тушган маблағлардан буюртманомада кўрсатилганидан бошқа мақсадлар учун фойдаланиш тақиқланади.

26. Тижорат банки Агентлик томонидан ажратилган молиявий ресурсларни ушбу Низомнинг 4-бандида белгиланган фоиз ставкалари асосида ҳисобланган устама ҳақи билан бирга ўзаро тасдиқланган молиявий ресурсларни қайтариш графигига асосан Агентликка ўтказиб борилишини таъминлайди.

Бунда тижорат банкига ажратилган молиявий ресурслар бўйича ҳисобланган устама ҳақи тижорат банкининг жамғариб бориладиган ҳисобварағида йиғилади ва молиявий ресурсларни қайтариш графигида белгиланган муддатларда Агентликка ўтказиб борилади.

27. Молиявий ресурслардан фойдаланаётган тадбиркорлик субъектлари ушбу Низомда белгиланган молиялаштириш турлари бўйича олган маблағларни муддатидан олдин қайтарган тақдирда, тегишли маблағлар (молиявий ресурс ва у бўйича ҳисобланган устама ҳақи) тижорат банки томонидан Агентликка икки банк иш кунида ўтказиб берилиши ва ушбу бўйича Агентликка маълумот тақдим этилиши керак.

28. Молиявий ресурслардан фойдаланаётган тадбиркорлик субъектлари ушбу Низомда белгиланган молиялаштириш турлари бўйича олган маблағларини ўз муддатида қайтара олмаган ҳолларда, молиявий ресурсларнинг белгиланган муддатларда Агентликка қайтарилиши бўйича жавобгарлик тижорат банки зиммасига юкланади.

29. Тижорат банки томонидан молиявий ресурсларнинг ушбу Низомнинг 4-бандида белгиланган муддатларда Агентликка қайтарилмаслиги тадбиркорлик субъектлари томонидан тўловларнинг тижорат банкига ўз муддатида қайтарилмаётгани билан боғлиқ ҳолларда, молиявий ресурсларни қайтариш муддати Агентликнинг қарорига асосан ўзгартирилиши мумкин.

30. Агентлик томонидан молиявий ресурслар:

а) айланма маблағларни тўлдириш ва факторинг хизматларини кўрсатиш учун Жамғармага Тикланиш ва тараққиёт жамғармасидан ажратилган ресурслар ҳисобидан;

б) олис ва чекка ҳудудларда енгил саноатни ривожлантиришни рағбатлантириш мақсадида 3 — 5-тоифадаги туманларда ишлаб чиқариш филиалини очадиган тўқимачилик ва тикув-трикотаж корхоналарига ускуна хариди ва (ёки) айланма маблағларни тўлдириш учун бюджетдан ажратиладиган ссуда ва Жамғарманинг бошқа даромадлари ҳисобидан ажратилади.

6-боб. Якунловчи қоидалар

31. Агентлик ва тижорат банки ўртасидаги низолар суд тартибида ҳал этилади.

32. Агентлик томонидан тижорат банкига ажратилган молиявий ресурслардан мақсадли фойдаланилиши бўйича жавобгарлик тижорат банки зиммасига юкланади.

33. Тижорат банки томонидан қуйидаги ҳолларда:

бош келишувга асосан молиявий ресурс ва унга ҳисобланган устама ҳақи бўйича молиявий ресурсларни қайтариш графигида кўрсатилган муддатлардан кечиктирилганда;

тижорат банкининг махсус ҳисобварағига ўтказилган, лекин тадбиркорлик субъекти томонидан фойдаланиш рад этилган маблағларни Агентликка ўтказиб бериш кечиктирилганда;

тижорат банки муддати ўтган ҳар бир кун учун кечиктирилган қарз суммасининг 0,1 фоизи миқдорида, бироқ мажбуриятларининг бажарилмаган қисми миқдорининг 30 фоизидан кўп бўлмаган миқдорда жарима (пеня) тўлайди.

34. Ушбу Низом талаблари бузилишида айбдор бўлган шахслар қонунчилик ҳужжатларига мувофиқ жавобгар бўлади.

Ўзбекистон Республикаси Вазирлар Маҳкамаси ҳузуридаги Енгил саноатни ривожлантириш агентлиги томонидан Енгил саноатни қўллаб-қувватлаш жамғармаси маблағлари ҳисобидан тижорат банкларига енгил саноат корхоналарига айланма маблағлар ва ускуналар харидига ажратиладиган кредитлар учун молиявий ресурслар тақдим этиш тартиби тўғрисидаги низомга 1-ИЛОВА

Енгил саноатни ривожлантириш агентлиги томонидан тижорат банкларига молиявий ресурслар ажратиш

Босқичлар Масъул ижрочилар Тадбирлар Бажариш муддатлари 1-босқич Тижорат банки 1. Тадбиркорлик субъектлари томонидан айланма маблағларни тўлдириш, факторинг ва ускуна хариди учун кредит ажратилиши бўйича тақдим этилган ариза ва ҳужжатларни кўриб чиқади. 2. Маблағлар ажратиш имкониятини баҳолайди ва дастлабки қарор қабул қилади (маблағ ажратиш ёки рад этиш тўғрисида). 3. Маблағ ажратиш тўғрисида дастлабки қарор қабул қилинган мурожаатлар бўйича молиявий ресурс учун эҳтиёжи бўлган тақдирда, Агентликка буюртманома беради. 15 банк иш куни ичида 2-босқич Енгил саноатни ривожлантириш агентлиги Тижорат банки томонидан киритилган буюртманомани белгиланган тартибда кўриб чиқади ва молиявий ресурс ажратиш ёки рад этиш тўғрисидаги билдиришномани (қарорни) тижорат банкига юборади. 3 иш куни мобайнида 3-босқич Тижорат банки 1. Билдиришномага мувофиқ тадбиркорлик субъектларига молиявий ресурс ҳисобидан маблағ ажратилганини ёки рад этилганини маълум қилади. 1 банк иш куни мобайнида 2. Молиявий ресурс ажратилиши бўйича ижобий қарор қабул қилинганда, буюртманома бўйича ўрнатилган тартибда зарур ҳужжатларни расмийлаштириш ҳамда молиявий ресурс олиш учун Агентликка талабнома юборади. 5 банк иш куни мобайнида 4-босқич Енгил саноатни ривожлантириш агентлиги Талабномадаги маълумотларнинг тегишли буюртманома ва билдиришномадаги маълумотларга мувофиқлигини кўриб чиқади: 1) мувофиқлиги тасдиқланган талабнома бўйича тегишли маблағларни тижорат банкининг алоҳида махсус ҳисобварағига ўтказиб беради; 2 иш куни мобайнида 2) маълумотларида номувофиқлик аниқланган талабномани тижорат банкига қайтаради. 1 иш куни мобайнида 5-босқич Тижорат банки 1. Молиявий ресурсларни тадбиркорлик субъектларининг банк ҳисобварағига ўтказиб беради. 3 иш куни мобайнида 2. Талабномадаги номувофиқликларни бартараф этган ҳолда Агентликка қайта киритади. 3 иш куни мобайнида 6-босқич Тижорат банки Агентлик томонидан тақдим этилган молиявий ресурсларни қайтаради. Агентлик ва тижорат банки ўртасида тасдиқланган графикда белгиланган муддатларда

Енгил саноатни ривожлантириш агентлигидан молиявий ресурслар олиш учун

1. Тижорат банкининг реквизитлари СТИР: Банк номи: Манзил: Алоҳида махсус ҳисобварақ (молиявий ресурсни ўтказиш учун): МФО: Бошқарув раиси ўринбосари: Ишончнома: Масъул ходим: Масъул ходим телефон рақами: 2. Қарз олувчи ташкилотнинг реквизитлари СТИР: Номи: Манзили: Ҳисобварағи (миллий ва хорижий): МФО: ИФУТ: Раҳбари (Ф.И.О): Раҳбарнинг телефон рақами: 3. Банк олдидаги муддати ўтган кредит қарздорлиги миқдори (буюртманома тақдим этилган санага) (Муддати ўтган кредит қарздорлиги мавжуд эмас ёки _______ (сўм ёки АҚШ доллари) миқдорида муддати ўтган кредит қарздорлиги мавжуд деб кўрсатилади) 4. Бюджет олдидаги мажбурий тўловлар бўйича муддати ўтган қарздорлик (Мавжуд эмас ёки бюджет олдида ________ сўм миқдорида муддати ўтган қарздорлик мавжуд деб кўрсатилади) 5. Қарз олувчи ташкилотнинг ҳолати (Фаолият кўрсатаётган ва солиқ мажбуриятларига эга / Фаолият кўрсатмаётган деб кўрсатилади) 6. Агентликдан сўралаётган молиявий ресурс миқдори _____ АҚШ доллари _____ сўм 7. Маблағ олиш учун тақдим этилаётган таъминоти тури, унинг қиймати (Банк томонидан қабул қилинадиган қиймат бўйича) Кўчмас мулклар: ____ млн сўм Автотранспорт воситалари: ____ млн сўм Хорижий банк кафолати: ____ минг АҚШ доллари Банк аккредитиви: ____ минг АҚШ доллари Суғурта полиси: ____ млн сўм Бошқа таъминот турлари: ____ млн сўм (тегишлилари кўрсатилади) 8. Молиялаштириш тури Банк фоиз ставкаси Айланма маблағларни тўлдириш, факторинг, ускуналар хариди (тегишлиси кўрсатилади): йиллик ____ фоиздан 9. Молиялаштириш тури бўйича маблағларни қайтариш муддати (ойлар сони кўрсатилади) 10. Маблағлардан фойдаланиш мақсади 11. Айланма маблағларни тўлдириш учун олинадиган кредит маблағлари ҳисобидан амалга оширилиши режалаштирилган маҳсулот реализацияси ҳажми ____ сўм 12. Молиявий ресурсдан фойдаланиш бўйича алоҳида қабул қилинган ҳужжат (Молиявий ресурсдан фойдаланиш бўйича тегишли қабул қилинган Фармон ёки қарор танланади) 13. Қарз олувчи ташкилотнинг ишчи ходимлари сони ____ нафар 14. Қарз олувчининг охирги 12 ойдаги амалга оширган маҳсулот реализацияси ҳажми, шундан хорижий валютада _____ сўм _____ АҚШ доллари, улуши __ фоизда

Енгил саноатни ривожлантириш агентлигига

(молиявий ресурс ажратиш тўғрисида) __________________________________________ қарз олувчи ташкилотга айланма маблағларни тўлдиришга, факторинг, ускуналар харидига ___________________________________________________ _______________________________________________________ (тижорат банки номи) кредитлар тақдим этиш учун ___________ АҚШ доллари (сўм) миқдоридаги молиявий ресурсни тижорат банкининг қуйидаги реквизитлари бўйича ажратишингизни сўрайди. Банк СТИР: Манзил: Ҳисобварақ: МФО: ________________________________ ____________________ бошқаруви раиси __________ _______________________________ ______ (тижорат банки номи) (имзо) (Ф.И.О.) Боғланиш учун тел.: +998 (___) ___ ___ ___

Вазирлар Маҳкамасининг 2025 йил 17 ноябрдаги 729-сон қарорига 4-ИЛОВА

1-боб. Умумий қоидалар

1. Ушбу Низом Енгил саноатни қўллаб-қувватлаш жамғармаси (кейинги ўринларда — Жамғарма) маблағлари ҳисобидан енгил саноат корхоналарини молиявий қўллаб-қувватлаш тартибини белгилайди.

2. Ушбу Низомда қуйидаги асосий тушунчалардан фойдаланилади:

бизнес-семинарлар — тадбиркорлик фаолиятига оид тажриба, билим ва маълумотлар алмашиш мақсадида ўтказиладиган интерфаол ўқув-амалий тадбир шакли, шу жумладан, онлайн интерфаол ўқув-амалий тадбир шакли;

бизнес-тренинг — маълум бир йўналишда тадбиркорлар, уларнинг ходимлари (ишчилари) билим ва кўникмаларини ҳамда фаолияти самарадорлигини оширишга қаратилган ўқитиш шакли, шу жумладан, онлайн ўқитиш шакли;

бизнес-форум — бизнес вакилларининг маълум бир йўналиш, соҳа ва тармоқдаги бизнес масалаларини муҳокама қилишга бағишланган йиғилиши, шу жумладан, онлайн йиғилиши;

кўргазма-ярмарка тадбирлари — хорижда ва Ўзбекистон Республикасида ташкил этиладиган халқаро, минтақалараро, ҳудудлараро кўргазма-ярмарка, конференция, фестиваль ва енгил саноат соҳасини ривожлантиришга қаратилган бошқа тадбирлар, шу жумладан, онлайн тадбирлар;

мувофиқлик сертификати — мувофиқликни баҳолаш объектларининг техник жиҳатдан тартибга солиш соҳасидаги норматив ҳужжатларда белгиланган талабларга мувофиқлигини тасдиқловчи ҳужжат;

реклама кампанияси (тақдимот) — маълум бир даврга ва бозорга мўлжалланган, савдо ҳажмини ошириш бўйича маркетинг мақсадларига эришишга, хусусан, маҳсулотлар (хизматлар) билан таништириш, уларни таклиф этиш ва харидорларни жалб қилишга қаратилган кенг қамровли тадбирларни амалга ошириш;

савдо миссиялари — савдо қилувчи ташкилотлар билан салоҳиятли хорижий харидорлар ўртасида шериклик алоқаларини ўрнатиш, шунингдек, маҳсулот тақдимотларини ўтказиб, улар билан келгусида тузиладиган шартномаларнинг шартларини муҳокама қилиш ва шартномалар тузиш мақсадида ташкил этиладиган тадбирлар;

суғурта мукофотлари — ҳисоблаш тартиби ва миқдори суғурта шартномаси билан белгиланадиган, суғурта қилдирувчи томонидан тўланадиган пул маблағи.

Ушбу Низом доирасидаги муносабатлар учун суғурта қилдирувчи — тадбиркорлик субъекти ҳисобланади;

суғурта қилдирувчи — суғурталовчи билан суғурта шартномасини тузувчи, суғурта шартномаси бўйича ҳисобланган суғурта мукофотини тўловчи ҳамда суғурталовчилар билан муайян суғурта муносабатларига киришувчи ҳар қандай ташкилий-ҳуқуқий шаклдаги юридик шахс ёки тўлиқ фуқаролик лаёқатига эга бўлган жисмоний шахс;

тадбиркорлик субъектлари — Ўзбекистон Республикасида рўйхатдан ўтган ва Ўзбекистон Республикаси ҳудудида фаолият юритаётган тўқимачилик, чарм-пойабзал, ипакчилик ва гиламчилик саноати корхоналари;

фоиз харажатларининг бир қисмини қоплаш — хорижий бренд активларини бренд номи билан биргаликда харид қилиб, республикага релокация қилган енгил саноат корхоналарининг мазкур қарорга 3-илова 4-банди «а» қисмининг еттинчи хатбошисида назарда тутилган шартларда ажратилган кредит фоиз харажатларининг 2 фоиз пунктини қоплаб бериш.

3. Вазирлар Маҳкамаси ҳузуридаги Енгил саноатни ривожлантириш агентлиги (кейинги ўринларда — Агентлик) томонидан тадбиркорлик субъектларига молиявий ёрдам кўрсатишнинг асосий йўналишлари:

а) халқаро брендларни жалб қилиш;

б) стандартлаштириш ва сертификатлашнинг халқаро тизимларини жорий этиш;

в) молиявий ҳисоботларни халқаро стандартлар асосида юритишни жорий қилиш харажатларини қоплаб бериш;

г) экспорт шартномалари бўйича суғурталашни молиялаштириш харажатларини қоплаш;

д) мутахассисларни ўқитиш харажатларини қоплаб бериш;

е) хорижий давлатларда савдо уйларини очиш ва сақлаш, офис, савдо ва омбор биноларини ижарага олиш билан боғлиқ чет элдаги харажатларни қоплаб бериш;

ж) реклама кампанияларини ташкил этиш билан боғлиқ чет элдаги харажатларининг бир қисмини қоплаш;

з) хорижий консалтинг компанияларни ва малакали мутахассисларни жалб қилиш харажатларини қоплаб бериш;

и) кўргазма стендларини ташкил этиш харажатларини қоплаб бериш;

к) халқаро кўргазма-ярмаркалар, тренинглар ва бизнес-форумларда иштирок этиш харажатларини қоплаб бериш;

л) хорижий ахборот ресурсларида маълумотларни жойлаштиришда молиявий ёрдам кўрсатиш;

м) енгил саноат корхоналарини, шу жумладан, тайёр тикув-трикотаж, табиий ва сунъий чармдан тайёр пойабзал ва чарм-атторлик маҳсулотлари, ипак мато ишлаб чиқарувчи корхоналарни белгиланган тартибда молиявий қўллаб-қувватлаш, жумладан:

ҳудудларда ташкил этиладиган енгил саноат корхоналарига кўмаклашиш лойиҳа офисларини сақлаш, жалб қилинадиган хорижий маслаҳатчилар ва консалтинг компаниялари харажатларини қоплаш;

миллий брендлар ва маҳсулотларни хорижда тарғиб қилиш бўйича «Made in Uzbekistan» дастурини амалга ошириш, шу жумладан, миллий, тармоқ ва минтақавий кўргазмалар ҳамда товарлар ярмаркаларини ўтказишни молиялаштириш;

корхоналарда ишлаб чиқаришни рақамлаштириш ва ахборот тизимларини кенг жорий қилиш.

н) енгил саноат корхоналарини жаҳон бозорларига жалб қилишни кенгайтириш мақсадида:

йирик брендлар ва ритейлерлар иштирокдаги халқаро кўргазма ва конференцияларда «ҳомийлик» тўловларини тўлаш;

хорижий бренд, «сорсинг» ва ритейлерлар мутахассисларининг Ўзбекистонга ташрифи харажатларини қоплаш (авиачипта, транспорт, меҳмонхона);

о) терини қайта ишлаш, пойабзал ва чарм-атторлик соҳасини қуйидаги механизмлар орқали қўллаб-қувватлаш:

пойабзал ва чарм-атторлик маҳсулотларини ишлаб чиқарувчи корхоналарга ишлаб чиқаришга жорий қилинган ҳар бир янги модел учун 1 миллион сўм, бироқ бир корхона учун бир календарь йилда 50 миллион сўмдан ошмаган миқдорда субсидия ажратиш;

4. Тадбиркорлик субъектларига ушбу Низомга 1-иловада келтирилган схемага мувофиқ молиявий ёрдам кўрсатилади.

2-боб. Молиявий ёрдам олиш учун тақдим этиладиган ҳужжатлар

5. Молиявий ёрдам олиш учун тадбиркорлик субъектлари томонидан Агентликка қуйидаги ҳужжатлар тақдим этилади:

а) халқаро брендларни жалб қилиш харажатларини қоплаб бериш йўналишида — харажатларни тасдиқловчи ҳужжатлар (шартнома ва (ёки) инвойс, бажарилган ишлар бўйича далолатнома, хизмат кўрсатувчи банк томонидан тасдиқланган тўловларни тасдиқловчи ҳужжатлари нусхалари);

б) стандартлаштириш ва сертификатлашнинг халқаро тизимларини жорий этиш йўналишларида:

харажатларни тасдиқловчи ҳужжатлар (шартнома, ҳисоб-фактура ва (ёки) бажарилган ишлар бўйича далолатнома, тўлов топшириқномаси ва (ёки) SWIFT нусхаси (хизмат кўрсатувчи банк томонидан тасдиқланган);

сертификат нусхаси;

халқаро сертификат (стандарт)ни тақдим этган халқаро сертификатлаштирувчи ташкилотнинг ушбу стандарт бўйича халқаро аккредитацияси нусхаси;

стандарт жорий қилингани бўйича сўровнома;

в) молиявий ҳисоботларни халқаро стандартлар асосида юритишни жорий қилиш харажатларини қоплаб бериш йўналишида:

харажатларни тасдиқловчи ҳужжатлар (шартнома, ҳисоб-фактура ва (ёки) бажарилган ишлар бўйича далолатнома, хизмат кўрсатувчи банк томонидан тасдиқланган тўлов топшириқномаси;

трансформация ҳисоботлари нусхалари;

г) экспорт шартномалари бўйича суғурталашни молиялаштириш харажатларини қоплаб бериш йўналишида:

экспорт шартномаси (инвойс) ва (ёки) воситачилик шартномаси нусхаси;

божхона юк декларацияси, суғурта мукофоти харажатини тасдиқловчи ҳужжатлар — суғурта шартномаси ва суғурта полисининг нусхаси, тўлов амалга оширилганини (тўлов топшириқномаси) тасдиқловчи ҳужжатлар нусхаси (тегишли ижрочи банк томонидан тасдиқланган), хизмат кўрсатилганини тасдиқловчи ҳисобварақ-фактура нусхаси;

д) мутахассисларни ўқитиш харажатларини қоплаш йўналишида — харажатларни тасдиқловчи ҳужжатлар (шартнома ва (ёки) инвойс, бажарилган ишлар бўйича далолатнома, хизмат кўрсатувчи банк томонидан тасдиқланган тўловларни тасдиқловчи ҳужжатлар нусхалари);

е) хорижий давлатларда савдо уйларини очиш ва сақлаш, офис, савдо ва омбор биноларини ижарага олиш билан боғлиқ чет элдаги харажатларни қоплаб бериш йўналишида:

Инвестициялар, саноат ва савдо вазирлиги томонидан юритиладиган Ўзбекистон Республикаси юридик шахслари томонидан чет элда ташкилотлар ташкил этиш ёки уларнинг устав фонди (капитали)да улуш билан иштирок этиш реестрига киритилгани ҳақидаги маълумот (тадбиркорлик субъектининг Ўзбекистон Республикасида рўйхатдан ўтган корхонаси томонидан хорижий давлатларда савдо омборлари ижарага олинган ҳолатлар бундан мустасно);

ваколатли орган томонидан тасдиқланган тадбиркорлик субъектининг чет элда юридик шахс ташкил этганини тасдиқловчи ҳужжатлар (тадбиркорлик субъектининг Ўзбекистон Республикасида рўйхатдан ўтган корхонаси томонидан хорижий давлатларда савдо омборлари ижарага олинган ҳолатлар бундан мустасно);

харажатларни тасдиқловчи ҳужжатлар (шартнома ва (ёки) инвойс, ҳисоб-фактура ва (ёки) бажарилган ишлар бўйича далолатнома, хизмат кўрсатувчи банк томонидан тасдиқланган тўлов топшириқномаси нусхалари);

ж) реклама кампанияларини ташкил этиш билан боғлиқ чет элдаги харажатларининг бир қисмини қоплаш йўналишида:

маҳсулотларнинг тақдимот материаллари, тарқатма материаллар (тақдимот, видеоролик, брошюра, буклетлар — тадбиркорлик субъектларининг танловига кўра);

тадбиркорлик субъектлари томонидан тўловлар тўланган ҳолатларда:

харажатларни тасдиқловчи ҳужжатлар (шартнома ва (ёки) оферта, ҳисоб-фактура ва бажарилган ишлар бўйича далолатнома (барча кўрсатилган хизматлар бажарилган ишлар далолатномасида акс эттирилиши шарт), хизмат кўрсатувчи банк томонидан тасдиқланган тўлов топшириқномаси нусхалари, рақамли реклама жойлаштирилган Интернет тармоғидаги хорижий ахборот ресурсларига ҳаволалар;

з) хорижий консалтинг компанияларни ва малакали мутахассисларни жалб қилиш харажатларини қоплаб бериш йўналишида — харажатларни тасдиқловчи ҳужжатлар (шартнома, далолатнома, хизмат кўрсатувчи банк томонидан тасдиқланган тўловларни тасдиқловчи ҳужжатлар нусхалари), ишга қабул қилингани ҳақида буйруқ, меҳнат фаолияти ҳуқуқини берадиган тасдиқнома (my.mehnat.uz сайтидан), хорижий мутахассиснинг мутахассислигини тасдиқловчи диплом, сертификат (ёки бошқа ҳужжат) нусхаси;

и) кўргазма-ярмарка тадбирларида иштирок этиш йўналишида:

корхона ва унинг маҳсулотлари тўғрисида маълумотга эга бўлган тижорат таклифи;

тадбиркорлик субъектлари алоҳида ўзи иштирок этган ҳолатларда:

харажатларни тасдиқловчи ҳужжатлар (шартнома, ҳисоб-фактура ва бажарилган ишлар бўйича далолатнома (барча кўрсатилган хизматлар бажарилган ишлар далолатномаси акс эттирилиши шарт), хизмат кўрсатувчи банк томонидан тасдиқланган тўлов топшириқномаси нусхалари;

ўтказилган кўргазма номи ҳамда иштирок этилган стендни акс эттирувчи фотосуратлар ва видеолавҳалар;

к) хорижда ва Ўзбекистонда бўлиб ўтадиган ўқув-семинар, бизнес-семинар, тренинг, савдо миссиялари ва бизнес-форумларда иштирок этиш йўналишида тадбиркорлик субъектлари алоҳида ўзи шахсан қатнашган ҳолатларда:

харажатларни тасдиқловчи ҳужжатлар (шартнома ва (ёки) инвойс, ҳисоб-фактура ва бажарилган ишлар бўйича далолатнома (барча кўрсатилган хизматлар бажарилган ишлар далолатномасида акс эттирилиши шарт), хизмат кўрсатувчи банк томонидан тасдиқланган тўлов топшириқномаси нусхалари;

ўтказилган тадбир номи ҳамда иштирокини акс эттирувчи фотосуратлар ва видеолавҳалар;

л) хорижий ахборот ресурсларида маълумотларни жойлаштиришда молиявий ёрдам кўрсатиш йўналишида:

тадбиркорлик субъектлари томонидан тўловлар тўланган ҳолатларда — харажатларни тасдиқловчи ҳужжатлар (шартнома ва (ёки) оферта, ҳисоб-фактура ва бажарилган ишлар бўйича далолатнома (барча кўрсатилган хизматлар бажарилган ишлар далолатномасида акс эттирилиши шарт), хизмат кўрсатувчи банк томонидан тасдиқланган тўлов топшириқномаси нусхалари;

м) ҳудудларда ташкил этиладиган енгил саноат корхоналарига кўмаклашиш лойиҳа офисларини сақлаш, жалб қилинадиган хорижий маслаҳатчилар ва консалтинг компаниялари харажатларини қоплаш йўналишида — Агентлик томонидан тасдиқланадиган дастур;

о) корхоналарда ишлаб чиқаришни рақамлаштириш ва ахборот тизимларини кенг жорий қилиш йўналишида — Агентлик томонидан тасдиқланадиган дастур ва имзоланган шартнома бўйича «Лойиҳалар ва харидлар самарадорлигини ошириш маркази» ДМнинг экспертиза хулосаси;

п) хорижий ваколатли органларда миллий маҳсулотлар ва брендларни (товар белгиларини) рўйхатдан ўтказиш йўналишида — харажатларни тасдиқловчи ҳужжатлар (шартнома, инвойс ва (ёки) оферта, ҳисоб-фактура ва бажарилган ишлар бўйича далолатнома, миллий бренд рўйхатдан ўтказилгани тўғрисидаги гувоҳнома;

р) маҳсулотлар намуналарини таништириш мақсадида хорижий харидорларга, ташқи савдо уйлари ва шоурумларга, шу жумладан, харидор топишда кўмак олиш учун Ўзбекистон Республикасининг чет элдаги дипломатик ваколатхоналарига юбориш йўналишида — транспорт ва (ёки) почта харажатларини тасдиқловчи ҳужжатлар, (шартнома, инвойс ва (ёки) ҳисоб-фактура.

Қайта ташкил этиш, тўловга қобилиятсизлик ва (ёки) тугатиш ҳолатидаги тадбиркорлик субъектларининг аризалари кўриб чиқиш учун қабул қилинмайди.

с) йирик брендлар ва ритейлерлар иштирокдаги халқаро кўргазма ва конференцияларда «ҳомийлик» тўловларини тўлаш йўналишида Инвестицияларни жалб қилиш, саноатни ривожлантириш ва савдони тартибга солиш масалалари бўйича Ҳукумат комиссияси қарори, йирик брендлар ва ритейлерлар ҳамда Агентлик ўртасида тузилган шартномалар;

т) хорижий бренд, «сорсинг» ва ритейлерлар мутахассисларининг Ўзбекистонга ташрифи харажатларини қоплаш йўналишида Инвестицияларни жалб қилиш, саноатни ривожлантириш ва савдони тартибга солиш масалалари бўйича Ҳукумат комиссияси қарори, Агентлик ва хорижий бренд, «сорсинг» ва ритейлер компаниялари билан Агентлик ўртасида тузилган шартномага мувофиқ;

у) терини қайта ишлаш, пойабзал ва чарм-атторлик соҳасини қуйидаги механизмлар орқали қўллаб-қувватлаш йўналишида:

терини қайта ишлаб, тайёр чарм ишлаб чиқарувчи корхоналарга ишлаб чиқариб, реализация қилинган тайёр чармнинг (краст, финиш) ҳар бир дециметр квадрати учун субсидия ажратишда:

тайёр чарм (краст, финиш) ишлаб чиқариш корхонасининг ўзи фойдаланаётган ва ижарага берган йиллик қувватлари тўғрисида маълумот, ҳисобот даврида солиқ органларига топширилган ҚҚС ҳисоботлари иловалари билан (солиқ органлари томонидан электрон тасдиқланган), ишлов берилмаган тери маҳсулотларини харид қилинганлиги тўғрисида шартнома, ҳисоб-фактуралар (электрон ҳужжатлар айланмаси орқали олинган ва корхонанинг муҳри билан тасдиқланган) ёки сотиб олиш акти (корхона томонидан харид қилинган) ва банк операцияси амалга оширилганлиги тўғрисидаги ҳужжатлари (банк томонидан муҳр қўйиб тасдиқланган);

ҳисобот даври бошига ишлов берилмаган тери маҳсулотлари номенклатураси, ҳажми ва нархи бўйича қолдиғи, ҳисобот даврида харид қилинган ишлов берилмаган тери маҳсулотлари номенклатураси, ҳажми ва нархи, ҳисобот даврида ишлаб чиқаришга йўналтирилган ишлов берилмаган тери маҳсулотлари номенклатураси, ҳажми ва нархи;

ҳисобот даврида ишлаб чиқарилган ва реализация қилинган тайёр чарм (краст, финиш) маҳсулотлари тўғрисидаги маълумотнома, унда ҳисобот даври бошига тайёр чарм номенклатураси, ҳажми ва нархи бўйича қолдиғи, ҳисобот даврида ишлаб чиқарилган тайёр чарм номенклатураси, ҳажми ва нархи, ҳисобот даврида сотилган тайёр чарм номенклатураси, ҳажми ва нархи контерагентлар кесимида кўрсатилади;

тайёр чарм (краст, финиш) ички бозорга реализация қилинганида:

тайёр чарм маҳсулотини сотиб олган пойабзал ёки чарм-атторлик маҳсулотлари ишлаб чиқариш корхонасининг ишлаб чиқариш қувватлари тўғрисида (улар томонидан тасдиқланган) маълумотнома, корхона томонидан тайёр чармдан ишлаб чиқарган маҳсулоти реализация қилинганлиги бўйича ҳужжатлар (счет фактура ёки чакана савдо чеки);

тайёр чарм маҳсулотини сотиб олиб, кейинчалик экспорт қилган савдо корхонаси билан тузилган шартнома (электрон ҳужжатлар айланмаси орқали олинган ва корхонанинг муҳри билан тасдиқланган, ҳисоб фактуралар (электрон ҳужжатлар айланмаси орқали олинган ва корхонанинг муҳри билан тасдиқланган), экспорт шартномаси (Ташқи савдо операциялари ягона электрон ахборот тизими — ТСОЯЭАТ дан кўчирма), божхона юк декларацияси, инвойс, товар ишлаб чиқарилган давлатни тасдиқловчи сертификат нусхаси;

тайёр чарм (краст, финиш) ишлаб чиқарувчи корхона томонидан ташқи бозорга реализация қилинганда экспорт шартномаси (Ташқи савдо операциялари ягона электрон ахборот тизими — ТСОЯЭАТ дан кўчирма) ҳамда божхона юк декларацияси, инвойс, товар ишлаб чиқарилган давлатни тасдиқловчи сертификат (сертификат происхождения товара);

ишлаб чиқарувчи корхонанинг ўз ишлаб чиқариш қувватлари бўлмаган тақдирда, бошқа қувватларни ижарага олиш бўйича ижара шартномаси (e-ijara электрон платформасидан рўйхатдан ўтказилган ва корхонанинг муҳри билан тасдиқланган). Бунда ижара шартнома камида 12 ойга тузилган ва ижарачи 6 ой ишлаган бўлиши керак. Ижарага берувчи корхонанинг ойлик ишлаб чиқариш қуввати ва берилаётган қувват бўйича маълумот бўлиши шарт;

мурожаат қилувчи корхонада ишлов берилмаган терини қайта ишлаш имкониятлари бўлмаганда, харид қилинган хом терига нисбатан реализация қилинган тайёр чарм (краст, финиш) маҳсулотлари тўғрисидаги маълумотлар ўзаро номувофиқ бўлганда, шунингдек, шартномалар ўзаро аффилланган шахслар ўртасида тузилганда субсидия тақдим этиш рад этилади;

пойабзал ва чарм-атторлик маҳсулотларини ишлаб чиқарувчи корхоналарга ишлаб чиқаришга жорий қилинган янги модел учун субсидия ажратишда:

янги моделдаги пойабзал ва чарм-атторлик маҳсулотларини ишлаб чиқаришга жорий қилиш тўғрисида корхона раҳбарининг буйруғи, янги моделнинг техник паспорти, фотосуратлари ва эскиз нусхалари, моделни ишлаб чиқаришга жорий қилиш бўйича далолатнома, янги модел бўйича камида 100 жуфт пойабзал ёки 50 дона чарм-атторлик маҳсулотлари ишлаб чиқарилганлиги тўғрисида тасдиқланган ҳисобот, сотувни тасдиқловчи ҳужжатлар (электрон ҳисобварақ-фактура, шартнома ёки товар юкхатлари), агар янги модел мустақил модельер-дизайнер ёки шу турдаги хизмат кўрсатувчи бошқа тадбиркорлик субъекти томонидан тайёрланган бўлса унинг фаолият турига мувофиқ тегишли ҳужжатлари (гувоҳномаси, модел ишлаб чиқиш бўйича сертификати);

пойабзал ишлаб чиқарувчи корхоналар томонидан ўз эҳтиёжлари учун импорт қилинган пойабзал қолиплари (колодка, пресс-форма) қийматининг 50 фоизини қоплаб бериш йўналишида харажатларни тасдиқловчи ҳужжатлар (импорт шартнома ва (ёки) оферта, божхона юк декларацияси ва бажарилган ишлар бўйича далолатнома, хизмат кўрсатувчи банк томонидан тасдиқланган тўлов топшириқномаси нусхалари, товар ишлаб чиқарилган давлатни тасдиқловчи сертификат (товарнинг келиб чиқиш сертификати);

пойабзал ва чарм-атторлик маҳсулотларини ишлаб чиқарувчи корхоналарга ёки уларнинг рўйхатга олинган савдо белгиси (бренд номи) билан Қорақалпоғистон Республикаси маъмурий маркази, вилоятлар марказлари ва Тошкент шаҳри, шунингдек, республиканинг аҳоли сони 100 минг кишидан ошадиган йирик шаҳарларида савдо уйлари ва фирма дўконларини ташкил этган тадбиркорларга дастлабки 1 йил давомида бино ва майдонларни ижарага олиш харажатларининг қоплаб бериш йўналишида савдо уйи ёки дўкон очиш тўғрисидаги корхона раҳбарининг қарори, e-ijara электрон платформасидан рўйхатдан ўтказилган ва корхонанинг муҳри билан тасдиқланган ижара шартномаси (бунда шартнома бир йилдан кам бўлмаган муддатга тузилган ва камида 3 ой ўз иш фаолиятини олиб борган бўлиши керак) савдо уйи ёки дўконда ўрнатилган касса аппаратини туман солиқ инспекциясида рўйхатдан ўтганлиги тўғрисида маълумотнома, савдо уйи ёки дўкон учун ижарага олинган бинога бўлган ҳуқуқни тасдиқловчи ҳужжат, шартнома бўйича топшириш қабул қилиш далолатномаси, тўловларни тўлаганлик тўғрисидаги ҳужжат (банк томонидан тасдиқланган), ҳар ой якуни бўйича ижара шартномаси бўйича такдим этилган ҳисоб-фактуралари;

ф) енгил саноат корхоналари томонидан сув тозалаш иншоотларида белгиланган меъёрлар доирасида сувни тозалаш учун харид қилинган кимёвий воситалар ва реагентлар қийматининг 50 фоиз қисми қоплаб бериш йўналиши бўйича белгиланган тартибда тасдиқланадиган тегишли техник регламентдаги меъёрлар асосида.

6. Тадбиркорлик субъектларидан ушбу Низомнинг 5-бандида назарда тутилмаган ҳужжатларни тақдим этишни талаб қилишга йўл қўйилмайди.

7. Тадбиркорлик субъектлари томонидан тегишли ҳужжатлар Агентликнинг электрон платформаси, шунингдек, Ягона интерактив давлат хизматлари портали ҳамда давлат хизматлари марказлари платформалари орқали электрон шаклда ёки тўғридан-тўғри, почта алоқа хизмати орқали тақдим этилади.

8. Аризада тадбиркорлик субъектларининг электрон манзили кўрсатилгани унинг аризаси бўйича қабул қилинган қарор ҳақида электрон платформа орқали электрон шаклда хабарнома олишга бўлган розилиги ҳисобланади.

Бунда электрон ахборот тизимидан фойдаланиш орқали тадбиркорлик субъектлари томонидан молиявий қўллаб-қувватлаш учун тақдим этилган аризаларни кўриб чиқиш тўғрисида оммавий офертани ҳамда молиявий ёрдамни олиш бўйича махсус шартлар тўғрисидаги офертани тасдиқлаш орқали амалга оширилади.

9. Тегишли ҳужжатлар Агентликка тадбиркорлик субъектлари томонидан электрон платформа орқали электрон шаклда ёки тўғридан-тўғри, почта алоқа хизмати орқали тақдим этилгандан кейин ушбу Низомнинг 5-бандида кўрсатилган ҳужжатлар тўлиқ эмаслиги аниқланган тақдирда, Агентлик беш иш куни ичида тадбиркорлик субъектига етишмаган ҳужжатлар билан бирга қайта мурожаат қилиши ҳақида электрон шаклда хабар юборади.

10. Тақдим этилган ҳужжатларнинг ишончлилиги ва ҳаққонийлиги учун жавобгарлик тадбиркорлик субъектларига юкланади.

3-боб. Тадбиркорлик субъектларининг аризаларини кўриб чиқиш тартиби

11. Ариза ва унга илова қилинадиган ҳужжатлар Агентлик томонидан ариза қабул қилинган кундан бошлаб етти иш куни давомида кўриб чиқилади.

12. Агентлик тақдим этилган ҳужжатлар ва уларда кўрсатилган маълумотларнинг тўлиқлиги, ишончлилиги, молиявий ёрдам кўрсатиш йўналишлари, шартлари ва мақсадларига ҳамда молиявий ёрдам миқдорининг ушбу Низомнинг 19-бандида белгиланган юқори чегараларга, шунингдек, ташқи савдо операциялари бўйича мавжуд муддати ўтган дебитор қарздорликнинг ушбу Низомда белгиланган миқдорларга мувофиқлиги нуқтаи назардан кўриб чиқади.

Агентлик томонидан тадбиркорлик субъектларига молиявий ёрдам кўрсатиш учун:

а) барча йўналишда:

тадбиркорлик субъектларининг ташқи савдо операциялари бўйича муддати ўтган дебитор қарздорлиги миқдори (дебитор қарздорликни ундириш бўйича суд қарори мавжуд бўлган дебитор қарздорлик миқдори бундан мустасно) охирги 12 ой мобайнида амалга оширилган ташқи савдо ҳажмининг 10 фоизидан ортиқ бўлмаслиги керак;

ариза топширилган 2028 йил 1 январга қадар барқарорлик рейтингидан қатъий назар ва 2028 йил 1 январдан бошлаб санада барқарорлик рейтингида «ААА», «АА», «А» ва «ВВВ», «ВВ», «В» рейтингга эга бўлган корхона бўлиши (рўйхатдан ўтганига олти ой бўлмаган ва (ёки) Ўзбекистон Республикаси Президентининг «Республика ҳудудларини тоифаларга ажратиш ва тадбиркорликни қўллаб-қувватлашнинг табақалаштирилган тизимини жорий этиш чора-тадбирлари тўғрисида» 2022 йил 30 декабрдаги ПФ-287-сон Фармонига мувофиқ 4 ва 5-тоифадаги туманларда фаолият юритаётган тадбиркорлик субъектлари ҳамда Агентлик томонидан тузиладиган шартномаларга асосан товарлар (ишлар, хизматлар) етказиб берувчи (бажарувчи, кўрсатувчи) тегишли ташкилотларга тўловлар тўғридан-тўғри амалга оширилган ҳолатларда кўргазма-ярмарка тадбирларида иштирок этиш ҳамда хорижий мамлакатларда бўлиб ўтадиган ўқув-семинар, бизнес-семинар, тренинг, савдо миссиялари ва бизнес-форумларда иштирок этиш йўналишларидан фойдаланган корхоналар бундан мустасно);

бюджет олдидаги қарздорлик миқдори 100 миллион сўмдан кўп бўлмаслиги;

б) савдо уйларини очиш ва сақлаш, офис, савдо ва омбор биноларини ижарага олиш билан боғлиқ чет элдаги харажатларни қоплаб бериш йўналишида ушбу банднинг «а» кичик бандида кўрсатилган талабларга қўшимча равишда:

тадбиркорлик субъектлари ва (ёки) уларнинг чет элдаги юридик шахслари (савдо уйлари) томонидан офис, савдо ва омбор бинолари ижарага олинган бўлиши керак;

савдо уйларини очиш ва сақлаш, офис, савдо ва омбор биноларини ижарага олиш билан боғлиқ чет элдаги харажатлари бўйича тўловлар тадбиркорлик субъектлари ва (ёки) уларнинг чет элдаги юридик шахслари томонидан амалга оширилган бўлиши керак;

в) суғурта хизматларидан фойдаланганда суғурта мукофоти харажатларини қоплаб бериш учун ушбу банднинг «а» кичик бандида кўрсатилган талабларга қўшимча равишда:

суғурта шартномаси бўйича суғурта мукофоти суғурталовчига тадбиркорлик субъектлари томонидан тўланган бўлиши;

суғурталовчи томонидан тадбиркорлик субъектига суғурта шартномаси бўйича тўловлар амалга оширилгандан кейин суғурта полиси тақдим қилинган бўлиши;

тадбиркорлик хавфини суғурта қилиш шартномаси бўйича фақат суғурта қилдирувчининг ўз тадбиркорлик хавфи фойдасига суғурталаниши;

г) корхоналарда ишлаб чиқаришни рақамлаштириш ва ахборот тизимларини кенг жорий қилиш йўналишида — Агентлик томонидан тасдиқланадиган дастур асосида корхоналарда ахборот тизимлари ишга туширилиши керак.

13. Молиявий ёрдам ажратиш тўғрисидаги қарор Жамғарманинг ижро органи раҳбарининг буйруғига асосан шакллантирилган комиссиялар томонидан қабул қилинади.

Агентлик бир иш куни давомида электрон платформа орқали электрон шаклда ёки тўғридан-тўғри, почта алоқа хизмати орқали қабул қилинган қарор тўғрисида тадбиркорлик субъектларига хабарнома юборади.

14. Агентлик молиявий ёрдам кўрсатиш белгиланган аризалар бўйича товарлар (ишлар, хизматлар) етказиб берувчилар (бажарувчи, кўрсатувчи) билан (тендер, конкурс ва бошқалар) қонунчилик ҳужжатларида белгиланган тартибда ва муддатларда шартномалар тузади.

15. Молиявий ёрдам ажратиш тўғрисида қарор қабул қилинганда, тўловлар Агентлик томонидан белгиланган тартибда тузилган шартномаларга мувофиқ товарлар (ишлар, хизматлар) етказиб берувчиларнинг (бажарувчи, кўрсатувчи) банк ҳисобварағига, амалга оширилган харажатлар бўйича эса, қарор қабул қилинган кундан бошлаб беш иш куни ичида тадбиркорлик субъектларининг банк ҳисобварағига ўтказиб берилади.

16. Агентлик томонидан ўтказиладиган мониторинг натижаларига кўра Агентлик билан тадбиркорлик субъектлари ва товарлар (ишлар, хизматлар) етказиб берувчилар (бажарувчи, кўрсатувчи) ўртасида тузилган шартнома (уч томонлама) ижроси шартномада кўрсатилган муддатларда таъминланмагани аниқланган тақдирда, тегишли маблағлар Агентлик томонидан юборилган ёзма билдиришнома қабул қилинган санадан бошлаб ўн иш куни давомида шартнома шартларини бажармаган тараф томонидан қайтарилиши керак.

Тадбиркорлик субъектлари, товарлар (ишлар, хизматлар) етказиб берувчилар (бажарувчи, кўрсатувчи) ва Агентлик ўртасида тузилган шартнома шартларининг бузилиши билан боғлиқ низолар суд тартибида ҳал этилади.

17. Аризалар иш вақтидан кейин ёки дам олиш ва байрам кунлари келиб тушганда, навбатдаги иш куни аризаларнинг ваколатли органга келиб тушган ва қабул қилинган куни ҳисобланади.

4-боб. Мақсадли молиявий ёрдам йўналишлари ва предмети

18. Молиявий ёрдам қуйидагилар билан боғлиқ харажатларни тўлаб бериш учун кўрсатилади:

а) халқаро брендларни жалб қилиш харажатларини қоплаб бериш йўналишида:

халқаро брендларни жалб қилиш, уларнинг эгалари билан ҳамкорликни йўлга қўйиш, шунингдек, бу йўналишдаги сорсинг компанияси хизмати харажатлари;

транспорт харажати — эконом класс учун;

Ўзбекистон Республикаси ҳудудида меҳмонхона харажати;

таржимонлик хизмати;

б) стандартлаштириш ва сертификатлашнинг халқаро тизимларини жорий этиш йўналишларида:

стандартларни жорий қилиш;

мувофиқлик сертификатларини олиш;

сертификатларни олиш талабларига мослаштириш;

маҳсулот намуналарини хориждаги ва (ёки) Ўзбекистон Республикасидаги лабораторияларда текшириш, синовдан ўтказиш, хулосалар олиш, хориждаги лабораторияларга маҳсулот намуналарини етказиб бериш, сақлаш ва (ёки) йўқ қилиш, шу жумладан, хорижий харидорларнинг талабларини бажариш ва экспорт шартномалари ижросини таъминлаш;

миллий стандартлар асосида тузилган молиявий ҳисоботларни халқаро стандартларга трансформация қилиш;

молиявий ҳисоботларнинг халқаро стандартлари бўйича ходимларни ўқитиш ва ходимларнинг тегишли халқаро сертификатларни олиш;

ҳисоботларни халқаро аудитдан ўтказиш;

г) суғурта хизматларидан фойдаланганда суғурта мукофоти харажатларини қоплаб бериш йўналишида тадбиркорлик субъектлари қуйидаги суғурта шартномаларига асосан суғурта хизматларидан фойдаланганда компенсация қилинади:

экспорт шартномаси бўйича мажбуриятлар бажарилмаслигини суғурта қилиш шартномаси;

логистика таваккалчиликларини суғурта қилиш шартномаси;

д) мутахассисларни ўқитиш харажатларини қоплаб бериш йўналишида:

ўқув-тренингларида қатнашиш тўлови;

транспорт харажати — эконом класс учун;

меҳмонхона харажати;

е) савдо уйларини очиш ва сақлаш, офис, савдо ва омбор биноларини ижарага олиш билан боғлиқ чет элдаги харажатларни қоплаб бериш йўналишларида:

рўйхатга олиш йиғимлари;

офис, савдо ва омбор биноларини ижарага олиш;

ж) реклама кампанияларини ташкил этиш билан боғлиқ чет элдаги харажатларнинг бир қисмини қоплаб бериш йўналишида:

қидирув маркетингини ўтказиш (Search Engine Marketing — SEM);

рекламани тайёрлаш ва ўтказиш харажатлари;

з) енгил саноат корхоналарига хориждан ишчи ва мутахассисларни жалб қилиш харажатларини қоплаб бериш йўналишида — жалб қилинган дизайнер, технолог, инженер, дастурчи, маркетолог, сифат назоратчилари ва бошқалар меҳнатига ҳақ тўлаш;

и) кўргазма-ярмарка тадбирларида иштирок этиш йўналишида:

Агентлик томонидан Ўзбекистоннинг ягона миллий стенди ташкил қилинган ҳолларда (тадбиркорлик субъектларининг алоҳида ўзи ижарага олган майдонда қатнашган ҳолатлардан ташқари):

рўйхатга олиш йиғимлари;

кўргазма майдонларини (шу жумладан, стендларни жойлаштиришнинг ўзига хос хусусиятларини ҳисобга олган ҳолда) ҳамда кўргазма стенди ва жиҳозларини ижарага олиш;

стендларни ишлаб чиқариш, монтаж ва демонтаж қилиш, қўшимча кўргазма ускуналари ва мебелларни ижарага олиш, фриз ёзуви хизмати, стенд дизайнини яратиш, аутсорсинг хизматлари;

электр таъминоти манбаларига уланиш, шу жумладан, электр энергиясидан фойдаланиш;

маҳсулотлар намуналари ва бошқа кўргазма экспонатларини хорижий давлатдаги кўргазма-ярмарка тадбирлари майдонига етказиб бериш ва Ўзбекистон Республикасига қайтариб олиб келиш;

қўшимча кўргазма хизматларидан фойдаланиш (стендни тозалаш, қўриқлаш, алоқа воситаларини улаш ва кўргазма экспонатларини йўқ қилиш);

салоҳиятли импорт қилувчи харидорларни топиш учун ихтисослашган хорижий компаниялар хизматларидан фойдаланиш;

тақдимот материаллари, тарқатма материаллар (брошюралар, ташриф қоғозлари, буклетлар) тайёрлаш;

тадбиркорлик субъектларининг алоҳида ўзи иштирок этган ҳолатларда:

рўйхатга олиш йиғимлари;

электр таъминоти манбаларига уланиш, шу жумладан, электр энергиясидан фойдаланиш;

кўргазма майдонларини ва (ёки) стандарт жиҳозланган кўргазма майдонларини ижарага олиш;

к) хорижда ва Ўзбекистонда ташкил этиладиган ўқув-семинар, бизнес-семинар, тренинг, савдо миссиялари ва бизнес-форумларда иштирок этиш йўналишида:

Агентлик томонидан ташкил қилинган ҳолларда:

бизнес-семинар, тренинг ва форумларда иштирок этиш (қатнашиш тўлови, транспорт харажати — эконом класс учун, меҳмонхона харажати — стандарт номер учун);

савдо миссияларини ташкил этиш (транспорт ва меҳмонхона харажатлари, хорижий компаниялар, мутахассисларнинг хизмат ҳақи, бинони ижарага олиш, техник таъминот, ахборот-тақдимот материалларини тайёрлаш, эсдалик совғалари олиш, кофе-брейклар ташкил этиш, вакиллик харажатлари, делегацияга чет элда ҳамроҳлик қилиш бўйича хизматлар ҳақи, учрашув, трансфер, таржимон, шу билан бирга, ушбу хизматларни кўрсатишда аутсорсинг хизматидан фойдаланиш);

тадбиркорлик субъектларининг алоҳида ўзи шахсан қатнашган ҳолатларда:

қатнашиш тўлови;

транспорт харажати — эконом класс учун;

меҳмонхона харажати — стандарт номер учун;

л) хорижий ахборот ресурсларида маълумотларни жойлаштиришда молиявий ёрдам кўрсатиш йўналишида:

рақамли рекламани тайёрлаш ҳамда хорижий интернет ахборот ресурсларида, шу жумладан, ижтимоий тармоқлар, мобил иловалар, мессенжерлар, онлайн ўйинларда жойлаштириш;

чет эл газеталари, бизнес журналлар ва каталогларида нашр қилиш;

маҳсулот ва хизматларни халқаро электрон савдо майдончаларига ва B2B платформаларга жойлаштириш (Alibaba.com, Wildberries.uz, Ozon.ru ва шу кабилар);

лойиҳа офисларини сақлаш;

жалб қилинадиган хорижий маслаҳатчилар ва консалтинг компаниялари харажатлари;

н) миллий брендлар ва маҳсулотларни хорижда тарғиб қилиш бўйича «Made in Uzbekistan» дастурини амалга ошириш, шу жумладан, миллий, тармоқ ва минтақавий кўргазмалар ҳамда товарлар ярмаркаларини ўтказишни молиялаштириш йўналишида — тадбирларни ўтказиш билан боғлиқ барча харажатлар, жумладан, хорижий ҳамкорларни ҳамда хорижий мутахассисларни миллий, тармоқ ва минтақавий кўргазмаларга жалб қилишни молиялаштириш, уларнинг транспорт, меҳмонхона, эсдалик совғалар билан боғлиқ харажатлари;

о) корхоналарда ишлаб чиқаришни рақамлаштириш ва ахборот тизимларини кенг жорий қилиш йўналишида — Агентлик томонидан тасдиқланадиган дастур асосида ахборот тизимларини жорий этиш;

п) хорижий ваколатли органларда миллий маҳсулотлар ва брендларни (товар белгиларини) рўйхатдан ўтказиш йўналишида — рўйхатдан ўтказиш билан боғлиқ харажатлар;

маҳсулот намуналарини почта, курьерлик ва транспорт компаниялари хизматларидан фойдаланган ҳолда етказиб бериш ва Ўзбекистон Республикасига қайтариб олиб келиш;

маҳсулот намуналарини хорижий давлатда импортга расмийлаштириш (хорижий давлат қонунчилигига мувофиқ намуна сифатида юборилган маҳсулотларни импорт қилишда тўловлар ундирилиши белгиланган ҳолларда).

с) йирик брендлар ва ритейлерлар иштирокидаги халқаро кўргазма ва конференцияларда «ҳомийлик» тўловларини тўлаш йўналишида:

кўргазма ва конференцияларни ташкил қилиш билан боғлиқ харажатлар;

кўргазма ва конференцияларни ўтказиш павильонларини ижарага олиш билан боғлиқ харажатлар;

баннерлар тайёрлаш, мультимедия маҳсулотларини тайёрлаш, стендлар тайёрлаш билан боғлиқ харажатлар;

т) хорижий бренд, «сорсинг» ва ритейлерлар мутахассисларининг Ўзбекистонга ташрифи харажатларини қоплаш йўналишида:

авиачипта — эконом класс учун;

Ўзбекистон Республикаси ҳудудидаги меҳмонхона харажатлари — стандарт хона;

Ўзбекистон Республикаси ҳудудидаги транспорт харажатлари — эконом класс учун;

таржимонлик хизмати.

5-боб. Молиявий ёрдам миқдори ва шартлари

19. Агентлик томонидан бериладиган молиявий ёрдам ушбу Низомнинг 18-бандида кўрсатилган йўналишларга мувофиқ қуйидаги миқдорларда тақдим этилади:

а) халқаро брендларни жалб қилиш йўналишида, бир календарь йилида 2 та брендни жалб қилиш учун тадбиркорлик субъектларининг ихтиёрига кўра товарлар (ишлар, хизматлар) етказиб берувчилар (бажарувчи, кўрсатувчи) билан тўғридан-тўғри шартнома тузилганда — 100 фоиз миқдорда, бироқ бир тадбиркорлик субъекти учун бир календарь йилида жами 30 000 АҚШ долларидан кўп бўлмаган миқдорда тадбиркорлик субъектлари томонидан амалга оширилган ҳақиқий харажатлар, бироқ чет элдаги меҳмонхона харажатлари Ўзбекистон Республикаси Иқтисодиёт ва молия вазирлиги томонидан белгиланган тартибда тасдиқланган вазирликлар ва идоралар ходимлари учун хорижий хизмат сафари харажатлари миқдорларидан кўп бўлмаган миқдорда ҳамда Ўзбекистон Республикаси ҳудудидаги меҳмонхона харажатлари учун Ўзбекистон Республикасида амалда бўлган базавий ҳисоблаш миқдорининг 1,5 баробаридан ошмаган миқдорда қоплаб берилади;

б) стандартлаштириш ва сертификатлашнинг халқаро тизимларини жорий этиш йўналишида, бир календарь йилида 5 та халқаро сертификат учун тадбиркорлик субъектининг ихтиёрига кўра товарлар (ишлар, хизматлар) етказиб берувчилар (бажарувчи, кўрсатувчи) билан тўғридан-тўғри шартнома тузилиб, мувофиқлик сертификатлари (International Organization for Standardization — ISO сертификатлари учун 1 та) олинган ҳолатларда битта халқаро сертификатни олиш бўйича — 100 фоиз миқдорда, бироқ 15 000 АҚШ долларидан (International Organization for Standardization — ISO сертификатлари учун 3 000 АҚШ долларидан ва «GOTS», «OEKO-TEX», «BCI», «BSCI», «Organic Cotton», «SEDEX» сертификатини олиш, шунингдек «Better work» ва «FWF» каби дастурлар ҳамда стандартларни жорий этиш бўйича 20 000 АҚШ долларидан) кўп бўлмаган миқдорда;

в) молиявий ҳисоботларни халқаро стандартлар асосида юритишни жорий қилиш харажатларини қоплаб бериш йўналишида, тадбиркорлик субъектининг ихтиёрига кўра товарлар (ишлар, хизматлар) етказиб берувчилар (бажарувчи, кўрсатувчи) билан тўғридан-тўғри шартнома тузилганда — 100 фоиз миқдорда, бироқ 25 000 АҚШ долларидан кўп бўлмаган миқдорда;

г) суғурта хизматларидан фойдаланганда суғурта мукофоти харажатларини қоплаб бериш йўналишида — суғурта мукофотининг 100 фоизи, бироқ суғурта пулининг 0,5 фоизидан ортиқ бўлмаган қисми;

д) мутахассисларни ўқитиш харажатларини қоплаб бериш йўналишида, бир календарь йилида бештагача мутахассисни ўқитиш учун тадбиркорлик субъектларининг ихтиёрига кўра товарлар (ишлар, хизматлар) етказиб берувчилар (бажарувчи, кўрсатувчи) билан тўғридан-тўғри шартнома тузилганда — 100 фоиз миқдорда тадбиркорлик субъектлари томонидан амалга оширилган ҳақиқий харажатлар, бироқ чет элдаги меҳмонхона харажатлари Ўзбекистон Республикаси Иқтисодиёт ва молия вазирлиги томонидан белгиланган тартибда тасдиқланган вазирликлар ва идоралар ходимлари учун хорижий хизмат сафари харажатлари миқдорларидан кўп бўлмаган миқдорда ҳамда Ўзбекистон Республикаси ҳудудидаги меҳмонхона харажатлари учун Ўзбекистон Республикасида амалда бўлган базавий ҳисоблаш миқдорининг 1,5 баробаридан ошмаган миқдорда қоплаб берилади;

е) савдо уйларини очиш ва сақлаш, офис, савдо ва омбор биноларини ижарага олиш билан боғлиқ чет элдаги харажатларни қоплаб бериш йўналишида, тадбиркорлик субъектларининг ихтиёрига кўра товарлар (ишлар, хизматлар) етказиб берувчилар (бажарувчи, кўрсатувчи) билан тўғридан-тўғри шартнома тузилганда офис, савдо ва омбор биноларини ижарага олишда — ҳақиқатан амалга оширилган харажатларнинг 100 фоизи миқдорида, лекин 2-иловага мувофиқ савдо уйлари учун офис, савдо ва омбор биноларини ижарага олиш харажатлари бўйича тўлаб бериладиган ҳар бир квадрат метр учун бир ойлик қатъий миқдорлардан кўп бўлмаган миқдорда. Бунда тадбиркорлик субъекти учун битта хорижий давлатда жами 2000 квадрат метргача (охирги 12 ойда 5 миллион АҚШ доллари эквиваленти миқдорида хорижий валютада маҳсулот реализация қилган ҳамда товарлар (ишлар, хизматлар) етказиб берувчилар (бажарувчи, кўрсатувчи) хизматларидан фойдаланган кундан бошлаб 12 ой ичида корхоналар томонидан сарфланган харажатларнинг камида 10 баравари миқдорида айнан ўша савдо уйи ёки омбор орқали хорижий валютада Ўзбекистонда ишлаб чиқарилган маҳсулот реализация қилган бир тадбиркорлик субъекти учун 4 000 квадрат метргача) бўлган майдон ҳисобига, бир вақтнинг ўзида битта тадбиркорлик субъекти учун битта хорижий давлатда 2 тадан кўп бўлмаган миқдорда омбор биноларини ижарага олиш харажатлари қоплаб берилади;

Бунда Ҳукуматнинг алоҳида топшириқларига асосан Агентлик томонидан тадбиркорлик субъектларининг офис, савдо ва омбор биноларини ижарага олиш, шу жумладан, чет элда ташкил қилинган савдо уйларининг ижара шартномалари бўйича харажатларини қоплаш юзасидан молиявий ёрдам миқдори ва шартларини ўзгартиришга рухсат берилади.

тўловлар Агентлик томонидан тузиладиган шартномаларга асосан товарлар (ишлар, хизматлар) етказиб берувчи (бажарувчи, кўрсатувчи) тегишли ташкилотларга тўғридан-тўғри амалга ошириладиган ҳолатларда — 100 фоиз миқдорда;

тадбиркорлик субъектларининг ихтиёрига кўра товарлар (ишлар, хизматлар) етказиб берувчилар (бажарувчи, кўрсатувчи) билан тўғридан-тўғри шартнома тузилиб, реклама жойлаштирилган ҳолатларда — 100 фоиз миқдорда, лекин бир тадбиркорлик субъекти учун бир календарь йилида 20 000 АҚШ долларидан кўп бўлмаган миқдорда;

з) енгил саноат корхоналарига хориждан малакали мутахассисларни жалб қилиш харажатларини қоплаб бериш йўналишида, биттадан (охирги 12 ойда 5 миллион АҚШ доллари эквивалентидан юқори миқдорида хорижий валютада маҳсулот реализация қилган корхоналарга — иккитадан, охирги 12 ойда 10 миллион АҚШ доллари эквивалентидан юқори миқдорида хорижий валютада маҳсулот реализация қилган корхоналарга — учтадан, охирги 12 ойда 50 миллион АҚШ доллари эквивалентидан юқори миқдорида хорижий валютада маҳсулот реализация қилган корхоналарга — тўрттадан) дизайнерлар, технологлар, дастурчилар, инженерлар, маркетологлар, сифат назоратчилари ва бошқаларни жалб қилиш учун тадбиркорлик субъектларининг ихтиёрига кўра товарлар (ишлар, хизматлар) етказиб берувчилар (бажарувчи, кўрсатувчи) билан тўғридан-тўғри шартнома тузилиб, мутахассислар жалб қилинган ҳолатларда — 100 фоиз миқдорда, бироқ бир ойда битта мутахассис (дизайнерлар, технологлар, дастурчилар, инженерлар, маркетологлар, сифат назоратчилари ва бошқалар) учун меҳнатга ҳақ тўлашнинг энг кам миқдорининг 25 баробаридан кўп бўлмаган қисми қоплаб берилади.

Бунда хорижий мутахассислар учун молиявий ёрдам тўловлари 6 ойдан ошмаган муддат учун қоплаб берилади;

и) кўргазма-ярмарка тадбирларида иштирок этиш йўналишида:

Агентлик томонидан тадбиркорлик субъектлари учун Ўзбекистоннинг ягона миллий стенди ташкил қилинган ҳолатларда (тадбиркорлик субъектлари алоҳида ўзи иштирок этган ҳолатлардан ташқари) — 100 фоиз миқдорда, Агентликнинг ҳақиқий харажатлари бўйича чекланмаган миқдорда. Бунда Ўзбекистоннинг ягона миллий стенди ташкил қилинадиган кўргазмаларда камида 5 та тадбиркорлик субъекти иштироки таъминланадиган ҳолатларда молиявий ёрдам кўрсатилади;

тадбиркорлик субъектлари алоҳида ўзи ижарага олган майдонда қатнашган ҳолатларда — 100 фоиз миқдорда, лекин 12 квадрат метрдан ошмаган миқдорда оддий конструкцияда тармоқ корхоналари (гиламчилик корхоналари бундан мустасно) учун битта кўргазма бўйича қатъий белгиланган кўргазма майдони ҳисобидан келиб чиқиб, тадбиркорлик субъектлари томонидан амалга оширилган ҳақиқий харажатлари қоплаб берилади;

Агентлик томонидан Ўзбекистоннинг ягона миллий стенди ташкил қилинган кўргазма-ярмарка тадбирларида ягона миллий стендда жойлашган тадбиркорлик субъектлари ушбу кўргазма-ярмаркада қўшимча алоҳида ўзи ижарага олган майдонлари учун молиявий ёрдам кўрсатилмайди;

к) маҳаллий, шунингдек, хорижий мамлакатларда бўлиб ўтадиган ўқув-семинар, бизнес-семинар, тренинг, савдо миссиялари ва бизнес-форумларда иштирок этиш йўналишида:

Агентлик томонидан ташкил қилинган ҳолатларда хорижга маҳсулот реализация қилаётган ва (ёки) уни бошлаш истагидаги барча тадбиркорлик субъектлари учун — 100 фоиз миқдорда, Агентликнинг ҳақиқий харажатлари бўйича чекланмаган миқдорда молиявий ёрдам кўрсатилади;

тадбиркорлик субъектларининг алоҳида ўзи шахсан қатнашган ҳолатларда — 100 фоиз миқдорда тадбиркорлик субъектлари томонидан амалга оширилган ҳақиқий харажатлар, бироқ чет элдаги меҳмонхона харажатлари Ўзбекистон Республикаси Иқтисодиёт ва молия вазирлиги томонидан белгиланган тартибда тасдиқланган вазирликлар ва идоралар ходимлари учун хорижий хизмат сафари харажатлари миқдорларидан миқдорлардан кўп бўлмаган миқдорда ҳамда Ўзбекистон Республикаси ҳудудидаги меҳмонхона харажатлари учун Ўзбекистон Республикасида амалда бўлган базавий ҳисоблаш миқдорининг 1,5 баробаридан ошмаган миқдорда қоплаб берилади;

л) хорижий ахборот ресурсларида маълумотларни жойлаштиришда молиявий ёрдам кўрсатиш йўналишида:

м) ҳудудларда ташкил этиладиган енгил саноат корхоналарига кўмаклашиш лойиҳа офисларини сақлаш, жалб қилинадиган хорижий маслаҳатчилар ва консалтинг компаниялари харажатларини қоплаш йўналишида Агентлик томонидан тасдиқланган харажатлар сметаси асосида;

о) корхоналарда ишлаб чиқаришни рақамлаштириш ва ахборот тизимларини кенг жорий қилиш йўналишида Агентлик томонидан тасдиқланадиган дастур асосида тўқимачилик корхоналарида ишлаб чиқариш жараёнини рақамлаштириш (ERP, MES, PLM тизимларини ҳамда сунъий интеллект асосидаги тизимларни, шу жумладан, IT-парк резидентларининг сунъий интеллект ечимларини жорий қилиш) билан боғлиқ харажатларнинг 50 фоизини, лекин битта тадбиркорлик субъектига кўпи билан 20 минг АҚШ доллари эквиваленти миқдорини қоплаш;

п) хорижий ваколатли органларда миллий маҳсулотлар ва брендларни (товар белгиларини) рўйхатдан ўтказиш йўналишида, тадбиркорлик субъектининг ихтиёрига кўра товарлар (ишлар, хизматлар) етказиб берувчилар (бажарувчи, кўрсатувчи) билан тўғридан-тўғри шартнома тузилганда — 100 фоиз миқдорда, бироқ бир тадбиркорлик субъекти учун бир календарь йилида 20 000 АҚШ долларидан кўп бўлмаган миқдорда;

р) маҳсулотлар намуналарини таништириш мақсадида хорижий харидорларга, ташқи савдо уйлари ва шоурумларига, шу жумладан, харидор топишда кўмак олиш учун Ўзбекистон Республикасининг чет элдаги дипломатик ваколатхоналарига юбориш йўналишида, тадбиркорлик субъектларининг ихтиёрига кўра товарлар (ишлар, хизматлар) етказиб берувчилар (бажарувчи, кўрсатувчи) билан тўғридан-тўғри ёки халқаро етказиб берувчи почта хизматларининг Ўзбекистондаги ваколатхоналари ва шу хизматни кўрсатувчи учинчи юридик шахслар билан шартнома тузилганда — 100 фоиз миқдорда, лекин бир тадбиркорлик субъекти учун бир календарь йилида жами 5000 АҚШ долларидан кўп бўлмаган миқдорда тадбиркорлик субъектлари томонидан амалга оширилган ҳақиқий харажатлар қоплаб берилади.

Бунда ушбу бандда назарда тутилган йўналишлар (кўргазма-ярмарка тадбирларида иштирок этиш, хорижий мамлакатларда бўлиб ўтадиган ўқув-семинар, бизнес-семинар, тренинг, савдо миссиялари ва бизнес-форумларда иштирок этиш, мутахассисларни ўқитиш ва савдо уйларини очиш ва сақлаш, офис, савдо ва омбор биноларини ижарага олиш билан боғлиқ чет элдаги харажатларни қоплаб бериш йўналишлар бундан мустасно) бўйича тадбиркорлик субъектларининг ихтиёрига кўра товарлар (ишлар, хизматлар) етказиб берувчи (бажарувчи, кўрсатувчи)лар билан тўғридан-тўғри шартнома тузилиб, харажатлар амалга оширилган ҳолатларда молиявий ёрдам миқдорларидан келиб чиқиб 2028 йил 1 январга қадар 100 фоиз миқдорида ва 2028 йил 1 январдан бошлаб:

«ААА» тоифа — амалдаги миқдорнинг 100 фоизи;

«АА» тоифа — амалдаги миқдорнинг 90 фоизи;

«А» тоифа — амалдаги миқдорнинг 80 фоизи;

«ВВВ» тоифа — амалдаги миқдорнинг 70 фоизи;

«ВВ» тоифа — амалдаги миқдорнинг 60 фоизи;

«В» тоифа — амалдаги миқдорнинг 50 фоизи;

рўйхатдан ўтганига олти ой бўлмаган ва (ёки) Ўзбекистон Республикаси Президентининг «Республика ҳудудларини тоифаларга ажратиш ва тадбиркорликни қўллаб-қувватлашнинг табақалаштирилган тизимини жорий этиш чора-тадбирлари тўғрисида» 2022 йил 30 декабрдаги ПФ-287-сон Фармонига мувофиқ 4 ва 5-тоифадаги туманларда фаолият юритаётган тадбиркорлик субъектларига уларнинг рейтинг даражасидан қатъи назар, амалдаги миқдорларда молиявий ёрдам тақдим этилади.

с) йирик брендлар ва ритейлерлар иштирокидаги халқаро кўргазма ва конференцияларда «ҳомийлик» тўловларини тўлаш йўналишида Ҳукумат комиссиясининг қарорига мувофиқ битта йирик брендлар ва ритейлерлар корхонасига битта кўргазма ёки конференция учун 100 минг АҚШ долларидан кўп бўлмаган миқдорда;

т) хорижий бренд, «сорсинг» ва ритейлерлар мутахассисларининг Ўзбекистонга ташрифи харажатларини қоплаш йўналишида Ҳукумат комиссиясининг қарори билан битта корхона учун 100 фоиз миқдордаги харажатлар қоплаб берилади.

20. Ушбу Низомнинг 19-бандига мувофиқ Ўзбекистон Республикаси Президенти ва Ҳукуматнинг қарорларига мувофиқ ўзгартиришлар киритилиши мумкин.

21. Ушбу Низомнинг 19-бандига мувофиқ тадбиркорлик субъектларининг ихтиёрига кўра товарлар (ишлар, хизматлар) етказиб берувчилар (бажарувчи, кўрсатувчи) билан тўғридан-тўғри шартнома тузилиб, харажатлар амалга оширилган ҳолатларда товарлар (ишлар, хизматлар) етказиб берувчиларга (бажарувчи, кўрсатувчи) тўловлар тўлиқ амалга оширилганда молиявий кўмак кўрсатилади.

Бунда:

молиявий ёрдам тадбиркорлик субъектлари томонидан амалга оширилган ҳақиқий харажатлар асосида, товарлар (ишлар, хизматлар) учун тўланган қўшилган қиймат солиғини чегирган ҳолда ҳисобланади;

хорижий валютадаги харажатлар бўйича кўрсатиладиган молиявий ёрдам миқдори ҳамда реализация миқдорини аниқлашда тадбиркорлик субъектлари тўловларни амалга оширган санада Ўзбекистон Республикаси Марказий банки томонидан белгиланган курс бўйича миллий валютада ҳисобланиб, тўлаб берилади.

6-боб. Молиявий ёрдам кўрсатишни рад этиш тартиби

22. Қуйидагилар молиявий ёрдам кўрсатишни рад этиш учун асос бўлади:

аввал фойдаланилган молиявий ёрдам йўналиши бўйича тузилган шартнома шартлари тадбиркорлик субъекти томонидан бузилган бўлса, ажратилган молиявий ёрдамнинг ушбу Низомнинг шартларига мувофиқ тегишли қисми қайтарилмаган бўлса;

тадбиркорлик субъектлари томонидан ушбу Низомга мувофиқ белгиланган ҳужжатлар тўлиқ ҳажмда тақдим этилмаган бўлса;

тадбиркорлик субъектлари томонидан сўралаётган молиявий ёрдам ушбу Низомда белгиланган тартиб ва талабларга номувофиқ бўлса;

ташқи савдо операциялари бўйича муддати ўтган дебитор қарздорлиги мавжуд бўлса (тадбиркорлик субъектларининг ташқи савдо операциялари бўйича муддати ўтган дебитор қарздорлиги миқдори охирги 12 ой мобайнида хорижга маҳсулот реализацияси ҳажмининг 10 фоизидан ортиқ бўлмаган ва дебитор қарздорликни ундириш бўйича суд қарори мавжуд бўлган ҳолатлар бундан мустасно);

тадбиркорлик субъектлари тақдим этган ҳужжатларда ноаниқ ёки бузиб кўрсатилган маълумотлар мавжуд бўлса.

23. Бошқа сабабларга кўра молиявий ёрдам кўрсатишни рад этишга йўл қўйилмайди.

24. Рад этиш учун асослар мавжуд бўлган тақдирда, Агентлик бир иш куни давомида тадбиркорлик субъектларига Агентликнинг мансабдор шахслари томонидан имзоланган рад этиш сабаблари кўрсатилган хабарнома юборади.

25. Тадбиркорлик субъекти молиявий ёрдам кўрсатишни рад этиш учун асос бўлган сабабларни бартараф этиб, беш иш куни муддатда ушбу Низомда назарда тутилган ҳужжатларни, шу жумладан, рад этишнинг илгари кўрсатилган сабаблари бартараф этилганини тасдиқловчи ҳужжатларни қайта кўриб чиқиш учун Агентликка топшириш ҳуқуқига эга.

26. Тадбиркорлик субъекти белгиланган муддатда молиявий ёрдам кўрсатишни рад этиш учун асос бўлган сабабларни бартараф этган тақдирда, Агентлик томонидан ҳужжатлар рад этилган сабабларни бартараф этиш учун ариза олинган кундан бошлаб уч иш кунидан кўп бўлмаган муддатда қайта кўриб чиқилади.

27. Аризани қайта кўриб чиқишда Агентлик томонидан рад этишнинг илгари ёзма равишда билдирилмаган сабабларини кўрсатишга йўл қўйилмайди, илгари кўрсатилган сабаблар бартараф этилганини тасдиқловчи ҳужжатлар билан боғлиқ рад этиш сабаблари бундан мустасно.

28. Белгиланган муддатдан кейин берилган ҳужжатлар янги топширилган деб ҳисобланади ва умумий асосларда кўриб чиқилади.

29. Тадбиркорлик субъектлари молиявий ёрдам кўрсатишни рад этиш тўғрисидаги қарор, шунингдек, Агентликнинг мансабдор шахслари ҳаракати (ҳаракатсизлиги) юзасидан белгиланган тартибда шикоят қилиш ҳуқуқига эга.

7-боб. Молиявий ёрдам бўйича тўловни амалга ошириш тартиби

30. Тадбиркорлик субъектларига кўрсатиладиган молиявий ёрдам Жамғармада молиявий ёрдам йўналишлари бўйича ажратилиши назарда тутилган маблағлар доирасида амалга оширилади.

31. Ўзбекистон Республикаси ҳудудида харажатлар Ўзбекистон Республикаси қонунчилигига мувофиқ молиялаштирилади.

32. Хориждаги шартномалар бўйича харажатлар Вазирлар Маҳкамасининг «Ўзбекистон Республикаси бюджет тизими бюджетларининг чет эл валютасидаги маблағларини самарали бошқариш тўғрисида» 2020 йил 23 майдаги 329-сон қарорига мувофиқ амалга оширилади.

8-боб. Якунловчи қоидалар

33. Ушбу Низом талаблари бузилишида айбдор шахслар қонунчилик ҳужжатларига мувофиқ жавобгар бўлади.

Ўзбекистон Республикаси Вазирлар Маҳкамаси ҳузуридаги Енгил саноатни ривожлантириш агентлиги қошидаги Енгил саноатни қўллаб-қувватлаш жамғармаси маблағлари ҳисобидан енгил саноат корхоналарини молиявий қўллаб-қувватлаш тартиби тўғрисидаги низомга 1-ИЛОВА

Тадбиркорлик субъектларига молиявий ёрдам кўрсатиш

Босқичлар Масъул ижрочилар Тадбирлар Бажариш муддатлари 1-босқич Тадбиркорлик субъекти Тегишли ҳужжатларни тайёрлайди ва электрон шаклда тақдим этади. Заруратга кўра 2-босқич Енгил саноатни ривожлантириш агентлиги Аризаларни кўриб чиқиш ва молиявий ёрдам кўрсатиш ёки рад этиш тўғрисида қарор қабул қилади. Ариза қабул қилинган кундан бошлаб 7 иш куни мобайнида 3-босқич Енгил саноатни ривожлантириш агентлиги Тадбиркорлик субъектларига қабул қилинган қарор тўғрисида билдиришнома юборади. Қарор қабул қилинган кундан бошлаб 1 иш куни мобайнида Молиявий ёрдам кўрсатиш белгиланган аризалар бўйича товарлар (ишлар, хизматлар) етказиб берувчилар (бажарувчи, кўрсатувчи) билан шартнома тузиш тадбирларини (тендер, конкурс ва бошқалар) амалга оширади. Қонунчилик ҳужжатларида белгиланган тартибда ва муддатларда 4-босқич Енгил саноатни ривожлантириш агентлиги Молиявий ёрдам кўрсатиш бўйича тўловларни амалга оширади: а) Енгил саноатни ривожлантириш агентлиги томонидан белгиланган тартибда тузилган шартномалар бўйича; Шартномада белгиланган муддатда б) амалга оширилган харажатлар бўйича. Қарор қабул қилинган кундан бошлаб 5 иш куни мобайнида 5-босқич Енгил саноатни ривожлантириш агентлиги Енгил саноатни ривожлантириш агентлиги билан тадбиркорлик субъекти ва товарлар (ишлар, хизматлар) етказиб берувчи ўртасида тузилган шартнома ижросини мониторинг қилади. Доимий равишда

Ўзбекистон Республикаси Вазирлар Маҳкамаси ҳузуридаги Енгил саноатни ривожлантириш агентлиги қошидаги Енгил саноатни қўллаб-қувватлаш жамғармаси маблағлари ҳисобидан енгил саноат корхоналарини молиявий қўллаб-қувватлаш тартиби тўғрисидаги низомга 2-ИЛОВА

Савдо уйлари учун офис, савдо ва омбор биноларини ижарага олиш харажатлари бўйича Енгил саноатни ривожлантириш агентлиги томонидан тўлаб бериладиган бир ойлик қатъий миқдорлар

1 м 2 учун АҚШ долларида Харажат номи Қўшни давлатлар Россия Федерацияси Кавказ давлатлари (Озарбайжон, Арманистон, Грузия) , Белоруссия, Украина, Молдова ва Туркия Осиё қитъаси Европа қитъаси Америка қитъаси Африка қитъаси Бошқалар (Австралия ва орол давлатлар) Яқин Шарқ ва бошқа Осиё давлатлари Осиё-Тинч океани давлатлари Офис, савдо ва омбор биноларини ижарага олиш харажатлари* 6 20 8 8 26 31 26 6 26

Вазирлар Маҳкамасининг 2025 йил 17 ноябрдаги 729-сон қарорига 5-ИЛОВА

2025 — 2027 йилларда тўқимачилик корхоналарида автоматик бошқарув тизимларини жорий этиш бўйича

Т/р Чора-тадбирлар номи Амалга ошириш механизми Ижро муддати Молиялаштириш манбалари Масъул ижрочилар I. Автоматик бошқарув тизимларини жорий қилиш 1. Технологик карталарни ишлаб чиқиш 1. Технологик карталар апробация қилинадиган корхоналарни танлаб олиш мезонларини ишлаб чиқиш. 2. Белгиланган мезонлар асосида енгил саноат корхоналарини танлаб олиш. 3. Технолог ва экспертларни жалб қилган ҳолда ушбу корхоналардаги ишлаб чиқариш (йигирув, тўқув, бўёқ, тикувчилик) жараёнларини ўрганиш. 4 Ишлаб чиқариш жараёнларига автоматлаштирилган бошқарув тизимларини (ERP) жорий қилиш билан боғлиқ норматив-маълумотнома ахборотлари ва технологик карталарни ишлаб чиқиш. 5. Ҳар бир ишлаб чиқариш босқичи бўйича танлаб олинган корхоналарда апробация ўтказиш. 2026 йил май Енгил саноатни ривожлантириш агентлиги, Жамғарма маблағлари ҳисобидан Енгил саноатни ривожлантириш агентлиги, Рақамли технологиялар вазирлиги 6. ERP тизимларини жорий қилиш билан боғлиқ намунавий технологик карталарни (норматив-маълумотнома ахборотларини) ишлаб чиқиб, енгил саноат корхоналарига бепул тақдим этиш механизмини жорий қилиш. 2026 йил сентябрдан бошлаб 2. Тўқимачилик корхоналарида ERP тизимларини жорий этиш чораларини кўриш. Тўқимачилик корхоналарида ERP ва сунъий интеллект асосидаги тизимларни жорий этиш бўйича дастур ишлаб чиқиш. Бунда: а) автоматлаштирилган бошқарув тизимлари (ERP) жорий этилган енгил саноат корхоналарининг улушини ошириб бориш; б) 2026 йил якунига қадар экспорт фаолиятини йўлга қўйган 100 та енгил саноат корхонасида жорий этиш; в) енгил саноат корхоналарида 2026 йилда қайта ишлаш харажатларини автоматлаштириш ҳисобидан камида 10 фоизгача пасайтириш; г) енгил саноат соҳасида 2025-2026 йилларда камида 2 минг нафар мутахассисни ERP тизимларида ишлашга ўқитиш; д) халқаро маркетплейсларда маҳаллий енгил саноат маҳсулотларини сотиш имкониятларини кенгайтириш, ижтимоий тармоқлар орқали тарғиб қилиш ҳисобидан 2027 йил якунига қадар экспорт ҳажмларини ошириш. 2026 йил март Енгил саноатни ривожлантириш агентлиги, Жамғарма маблағлари ҳисобидан Енгил саноатни ривожлантириш агентлиги, Иқтисодиёт ва молия вазирлиги, Рақамли технологиялар вазирлиги 3. Ягона интерактив давлат хизматлари порталида ERP тизимларини жорий этиш учун субсидияларни ажратиш бўйича давлат хизматини жорий қилиш. 1. Лойиҳанинг техник ҳужжатларини ишлаб чиқиш ва экспертизадан ўтказиш. 2. Ахборот тизимини ишлаб чиқиш. 3. Ахборот тизимини «Рақамли ҳукумат» тизимлари билан интеграция қилиш. 4. Давлат хизматини жорий қилиш бўйича маъмурий регламентни ишлаб чиқиш ва Вазирлар Маҳкамасига киритиш. 5. ERP тизимларини жорий қилиш учун субсидия ажратиш давлат хизматини Ягона интерактив давлат хизматлари порталида жорий этиш. 2026 йил август Енгил саноатни ривожлантириш агентлиги, Жамғарма маблағлари ҳисобидан Енгил саноатни ривожлантириш агентлиги, Рақамли технологиялар вазирлиги, Иқтисодиёт ва молия вазирлиги II. Маҳаллий автоматик бошқарув тизимларини ривожлантириш 4. Пахта толасини тайёр маҳсулотгача қайта ишлаш ва тўлиқ ишлаб чиқариш занжирини кузатиб бориш Рақамли платформасини ишга тушириш. 1. Лойиҳаолди ўрганиш ишларини амалга ошириш. 2. Лойиҳанинг техник ҳужжатларни ишлаб чиқиш ва экспертизадан ўтказиш. 3. Лойиҳа бўйича тендер (танлов) савдоларини ўтказиш. 4. Платформани ишлаб чиқиш ва синов тариқасида жорий этиш. 5. Тўқимачилик корхоналарининг ахборот тизимларини Платформага интеграция қилиш. 2026 йил октябрь Енгил саноатни ривожлантириш агентлиги, Жамғарма маблағлари ҳисобидан Енгил саноатни ривожлантириш агентлиги, Қишлоқ хўжалиги вазирлиги, Рақамли технологиялар вазирлиги Қорақалпоғистон Республикаси Вазирлар Кенгаши, вилоятлар ҳокимликлари, Тўқимачилик корхоналари 5. Тўқимачилик ва тикув-трикотаж корхоналарида ERP автоматлаштирилган тизимларини жорий этиш бўйича тарғибот ишларни ўтказиш. 1. Тўқимачилик ва тикув-трикотаж корхоналарида тизимларни автоматлаштириш бўйича дастурий таъминотлар рўйхатини шакллантириш. 2025 йил декабрь Енгил саноатни ривожлантириш агентлиги, Жамғарма маблағлари ҳисобидан Енгил саноатни ривожлантириш агентлиги, Тўқимачилик ва тикув-трикотаж корхоналари, Рақамли технологиялар вазирлиги 2. IT-парк резидентлари томонидан ишлаб чиқилган энг яхши 10 та маҳаллий ERP дастурларини танлаб олиш ҳамда енгил саноат корхоналарига жорий этиш бўйича дастурий таъминотларни мослаштириш бўйича чоралар кўриш. 2026 йил март 3. Танлаб олинган дастурларнинг ҳудудлардаги тўқимачилик ва тикув-трикотаж корхоналарида тақдимотларини ўтказиш. график асосида 6. Маҳаллий автоматик бошқарув тизимлари ва дастурий таъминотлар яратувчиларини қўллаб-қувватлаш тизимини жорий қилиш. 1. Автоматик бошқарув тизимлари ва дастурий таъминотлар бўйича «Энг яхши бошқарув тизими/дастурий маҳсулот» танловини ўтказиш тартибини ишлаб чиқиш. Бунда: танлов ғолибларига пул мукофотлари ва субсидиялар тақдим қилиш механизмини жорий қилиш; саноат корхоналарида чегирмали нархларда ўрнатишни йўлга қўйишни назарда тутиш. 2. Тартибни Вазирлар Маҳкамасига тасдиқлаш учун киритиш. 2026 йил март Рақамли технологиялар вазирлиги Рақамли технологиялар вазирлиги III. Рақамли инфратузилмани ривожлантириш 7. Енгил саноатни ривожлантириш агентлиги рақамли инфратузилмасини ташкил этиш. 1. IT архитектура ва унга зарур бўлган моддий техникалар рўйхатини шакллантириш. 2. Зарурий моддий-техник таъминотни ва қурилмаларни харид қилиш ва ўрнатиш. 2025 йил декабрь Енгил саноатни ривожлантириш агентлиги, Жамғарма маблағлари ҳисобидан Енгил саноатни ривожлантириш агентлиги, Рақамли технологиялар вазирлиги 8. Енгил саноатни ривожлантириш агентлигининг электрон ҳужжат айланиш тизимини жорий этиш. 1. Тизимни жорий қилиш бўйича шартнома расмийлаштириш. 2. Масъул ходимларни тизимдан фойдаланиш бўйича ўқитиш. 3. Тизимни жорий қилиш ва ҳужжат айланиш тизимини тўлиқ рақамлаштириш. 2026 йил март Енгил саноатни ривожлантириш агентлиги, Жамғарма маблағлари ҳисобидан Енгил саноатни ривожлантириш агентлиги, Рақамли технологиялар вазирлиги 9. Енгил саноатни ривожлантириш агентлигининг веб-сайтини ишлаб чиқиш ва ишга тушириш. Веб-сайтда қуйидаги маълумотларни жойлаштириш: технологик карталар; норматив-ҳуқуқий ҳамда информацион маълумотлар; тавсия этилган дастурий таъминотлар рўйхати. 1. Ҳукумат порталида Агентлик веб-саҳифасини очиш ва маълумотларни эълон қилиб боришни йўлга қўйиш. 2. Тегишли ахборот тизимларига интеграция қилиш. 2026 йил июнь Енгил саноатни ривожлантириш агентлиги, Жамғарма маблағлари ҳисобидан Енгил саноатни ривожлантириш агентлиги, Рақамли технологиялар вазирлиги 10. Енгил саноатни ривожлантириш агентлигининг ахборот тизимларини босқичма-босқич «Рақамли ҳукумат»нинг маълумотларни қайта ишлаш марказига жойлаштириш 1. Ахборот тизимларини маълумотларни қайта ишлаш марказига жойлаштириш бўйича режа-жадвал ишлаб чиқиш. 2026 йил февраль Енгил саноатни ривожлантириш агентлиги, Жамғарма маблағлари ҳисобидан, тўқимачилик ва тикув-трикотаж корхоналари маблағлари Енгил саноатни ривожлантириш агентлиги, Тўқимачилик ва тикув-трикотаж корхоналари, Рақамли технологиялар вазирлиги 2. Ахборот тизимларини маълумотларни қайта ишлаш марказига жойлаштириш бўйича шартнома тузиш. 3. Ахборот тизимларини маълумотларни қайта ишлаш марказига жойлаштириш. режа-жадвалга мувофиқ IV. Кадрлар малакасини ошириш 11. Маҳаллий маҳсулот ва брендларни халқаро «маркетплейс»ларда тарғиб қилиш, жойлаштириш ва реклама қилишга кўмаклашиш бўйича чора-тадбирларни амалга ошириш. 1. Тўқимачилик корхоналари ходимларига «маркетплейс»лар билан ишлаш малакасини шакллантириш бўйича ҳар бир ҳудудда тегишли ўқув курсларини ташкил этиш. 2. Уларнинг маҳсулотларини «маркетплейс»ларда дастлабки жойлаштиришда кўмаклашиш. 2026 йил якунига қадар Енгил саноатни ривожлантириш агентлиги, Жамғарма маблағлари ҳисобидан Енгил саноатни ривожлантириш агентлиги, Рақамли технологиялар вазирлиги 12. Енгил саноатни ривожлантириш агентлиги ва тўқимачилик корхоналари ходимларини маҳаллий ва халқаро IT сертификатларга ўқитиш. 1. Агентлик ва тўқимачилик корхоналари ходимларини ўқитиш бўйича режа-жадвал ишлаб чиқиш 2. Ходимларнинг доимий равишда малакасини ошириб бориш. Доимий Енгил саноатни ривожлантириш агентлиги, Жамғарма маблағлари ҳисобидан, тўқимачилик ва тикув-трикотаж корхоналари маблағлари Енгил саноатни ривожлантириш агентлиги, Тўқимачилик ва тикув-трикотаж корхоналари

Вазирлар Маҳкамасининг 2025 йил 17 ноябрдаги 729-сон қарорига 6-ИЛОВА

Ўзбекистон Республикаси Ҳукуматининг айрим ҳужжатларига киритилаётган ўзгартириш ва қўшимчалар

1. Вазирлар Маҳкамасининг 2024 йил 31 июлдаги 466-сон қарори билан тасдиқланган Ўзбекистон Республикаси Савдо-саноат палатасининг Тармоқларни қўллаб-қувватлаш жамғармаси даромадларини шакллантириш ва маблағларидан фойдаланиш тартиби тўғрисидаги низомнинг 3-бандида :

учинчи — бешинчи хатбошилар чиқариб ташлансин;

олтинчи — ўн биринчи хатбошилар тегишлича учинчи — саккизинчи хатбошилар деб ҳисоблансин.

2. Вазирлар Маҳкамасининг 2006 йил 26 апрелдаги 180-Ф-сон фармойиши билан тасдиқланган Ислом Каримов номидаги «Тошкент» халқаро аэропортида алоҳида муҳим йўловчиларга хизмат кўрсатиш зали тўғрисидаги низомга илованинг рус тилидаги матни қуйидаги мазмундаги 6.8-кичик банд билан тўлдирилсин:

«6.8. Директор Агентства развития легкой промышленности при Кабинете Министров Республики Узбекистан и его заместители.».

Ўзбекистон Республикасининг Бош вазири А. АРИПОВ

Тошкент ш.,

2025 йил 17 ноябрь,

729-сон

(Қонунчилик маълумотлари миллий базаси, 19.11.2025 й., 09/25/729/1059-сон; 15.01.2026 й., 06/26/4/0043-сон; 09.04.2026 й., 09/26/154/0331-сон; 02.07.2026 й., 07/26/250/0671-сон; 14.08.2026 й., 09/26/438/0843-сон)

lex.uz

Oʻzbekiston Respublikasi Vazirlar Mahkamasining

qarori

NIZOM

SXEMASI

BUYURTMANOMA

TALABNOMA

NIZOM

SXEMASI

CHORA-TADBIRLAR DASTURI

Oʻzbekiston Respublikasi Vazirlar Mahkamasi huzuridagi Yengil sanoatni rivojlantirish agentligi faoliyatini tashkil etish toʻgʻrisida

Oʻzbekiston Respublikasi Prezidentining “Yengil sanoat sohasida yuqori qoʻshilgan qiymatli mahsulotlar ishlab chiqarish va eksport hajmini oshirish uchun qoʻshimcha shart-sharoitlar yaratish toʻgʻrisida” 2025-yil 19-sentabrdagi PF-174-son Farmoni hamda “Toʻqimachilik va tikuv-trikotaj sanoatida islohotlarni jadallashtirish va eksport salohiyatini kengaytirish chora-tadbirlari toʻgʻrisida” 2025-yil 19-sentabrdagi PQ-290-son qarori ijrosini taʼminlash maqsadida Vazirlar Mahkamasi qaror qiladi:

1. Quyidagilar:

Oʻzbekiston Respublikasi Vazirlar Mahkamasi huzuridagi Yengil sanoatni rivojlantirish agentligi toʻgʻrisidagi nizom 1-ilovaga muvofiq;

Oʻzbekiston Respublikasi Vazirlar Mahkamasi huzuridagi Yengil sanoatni rivojlantirish agentligi qoshidagi Yengil sanoatni qoʻllab-quvvatlash jamgʻarmasi daromadlarini shakllantirish va mablagʻlaridan foydalanish tartibi toʻgʻrisidagi nizom 2-ilovaga muvofiq;

Oʻzbekiston Respublikasi Vazirlar Mahkamasi huzuridagi Yengil sanoatni rivojlantirish agentligi qoshidagi Yengil sanoatni qoʻllab-quvvatlash jamgʻarmasi mablagʻlari hisobidan tijorat banklariga yengil sanoat korxonalariga aylanma mablagʻlar va uskunalar xaridiga ajratiladigan kreditlar uchun moliyaviy resurslar taqdim etish tartibi toʻgʻrisidagi nizom 3-ilovaga muvofiq;

Oʻzbekiston Respublikasi Vazirlar Mahkamasi huzuridagi Yengil sanoatni rivojlantirish agentligi qoshidagi Yengil sanoatni qoʻllab-quvvatlash jamgʻarmasi mablagʻlari hisobidan yengil sanoat korxonalarini moliyaviy qoʻllab-quvvatlash tartibi toʻgʻrisidagi nizom 4-ilovaga muvofiq;

2025 — 2027-yillarda toʻqimachilik korxonalarida avtomatik boshqaruv tizimlarini joriy etish boʻyicha chora-tadbirlar dasturi 5-ilovaga muvofiq tasdiqlansin.

2. Vazirlar Mahkamasining 6-ilovaga muvofiq ayrim hujjatlariga oʻzgartirish va qoʻshimchalar kiritilsin.

3. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov hamda Vazirlar Mahkamasi huzuridagi Yengil sanoatni rivojlantirish agentligi direktori N.Q. Xolmurodov zimmasiga yuklansin.

Vazirlar Mahkamasining 2025-yil 17-noyabrdagi 729-son qaroriga 1-ILOVA

Oʻzbekiston Respublikasi Vazirlar Mahkamasi huzuridagi Yengil sanoatni rivojlantirish agentligi toʻgʻrisida

1-bob. Umumiy qoidalar

1. Ushbu Nizom Oʻzbekiston Respublikasi Vazirlar Mahkamasi huzuridagi Yengil sanoatni rivojlantirish agentligining (keyingi oʻrinlarda — Agentlik) maqomi, asosiy vazifalari, funksiyalari, huquqlari va majburiyatlari, faoliyatini tashkil etish tartibi, shuningdek, Agentlik direktori va uning oʻrinbosarlarining asosiy funksional vazifalari va javobgarligini belgilaydi.

2. Agentlik toʻqimachilik, charm-poyabzal, ipakchilik va gilamchilik sanoati (keyingi oʻrinlarda — yengil sanoat) sohalarida ustuvor yoʻnalishlarni belgilash va amalga oshirish boʻyicha respublika mustaqil ijro etuvchi hokimiyat organi hisoblanadi.

3. Agentlik bevosita Vazirlar Mahkamasiga boʻysunadi va faoliyati yuzasidan hisobot beradi.

4. Agentlik oʻz faoliyatida Oʻzbekiston Respublikasining Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, shuningdek, ushbu Nizom va boshqa qonunchilik hujjatlariga amal qiladi.

5. Agentlikning oʻz vakolatlari doirasida qabul qilgan qarorlari respublika va mahalliy ijro etuvchi hokimiyat organlari, boshqa tashkilotlar, mansabdor shaxslar va fuqarolar tomonidan ijro etilishi majburiy hisoblanadi.

6. Agentlik yuridik shaxs hisoblanadi, Oʻzbekiston Respublikasi Davlat gerbi tasviri tushirilgan va oʻz nomi yozilgan muhrga va blankalarga, mustaqil balansga, Oʻzbekiston Respublikasi Iqtisodiyot va moliya vazirligi huzuridagi Gʻaznachilik xizmati qoʻmitasida shaxsiy gʻazna hisobvaraqlariga, shu jumladan, xorijiy valyutadagi shaxsiy gʻazna hisobvaraqlariga ega boʻladi.

7. Agentlikning rasmiy nomi:

a) davlat tilida:

toʻliq nomi — Oʻzbekiston Respublikasi Vazirlar Mahkamasi huzuridagi Yengil sanoatni rivojlantirish agentligi, qisqartirilgan nomi — Yengil sanoat agentligi;

b) rus tilida:

toʻliq nomi — Agentstvo po razvitiyu legkoy promishlennosti pri Kabinete Ministrov Respubliki Uzbekistan, qisqartirilgan nomi — Agentstvo legkoy promishlennosti;

v) ingliz tilida:

toʻliq nomi — Agency for the Development of Light Industry under the Cabinet of Ministers of the Republic of Uzbekistan, qisqartirilgan nomi — Agency of Light Industry.

8. Agentlikning joylashgan manzili: Toshkent shahri Mirzo Ulugʻbek tumani Mustaqillik shohkoʻchasi 109-uy.

2-bob. Agentlikning tuzilmasi

9. Agentlik tizimiga quyidagilar kiradi:

Agentlikning markaziy apparati;

Oʻzbekiston — Koreya oʻquv amaliy texnoparki;

Ipakchilik ilmiy-tadqiqot instituti;

Oʻzbekiston tabiiy tolalar ilmiy-tadqiqot instituti.

Yengil sanoat sohasida belgilangan vazifalarni amalga oshirishda “Oʻztoʻqimachiliksanoat”, “Oʻzcharmsanoat” va “Oʻzbekipaksanoat” uyushmalari hamda kadrlarni tayyorlash, taʼlim yoʻnalishlari va dasturlarini ishlab chiqish, ilmiy-tadqiqot ishlarini amalga oshirishda Toshkent toʻqimachilik va yengil sanoat instituti oʻz faoliyatini Agentlik bilan hamkorlikda olib boradi.

3-bob. Agentlikning asosiy vazifalari va funksiyalari

10. Quyidagilar Agentlikning asosiy vazifalari hisoblanadi:

yuqori qoʻshilgan qiymatli tayyor mahsulotlar ishlab chiqarish hajmini oshirish;

eksportni oshirishni ragʻbatlantirish;

investitsiyalarni jalb qilish;

soha korxonalarining moliyaviy holatini yaxshilash va zamonaviy boshqaruv usullarini joriy etish;

mahalliy va xorijiy bozorlarning holati hamda rivojlanish tendensiyalarini oʻz ichiga qamrab olgan tahliliy materiallarni doimiy eʼlon qilib borish asosida soha korxonalariga koʻmaklashish;

Agentlik tasarrufiga oʻtkazilayotgan oʻquv-amaliy va ilmiy-tadqiqot muassasalarining “Oʻztoʻqimachiliksanoat”, “Oʻzcharmsanoat” va “Oʻzbekipaksanoat” uyushmalari hamda toʻqimachilik, tikuv-trikotaj, charm-poyabzal, ipakchilik va gilamchilik sanoati korxonalari bilan manfaatli hamkorligini va oʻzaro tajriba almashuvini yoʻlga qoʻyish;

yengil sanoat sohasida grant, ijtimoiy buyurtma hamda boshqa qonunchilik hujjatlarida taqiqlanmagan moliyalashtirish mexanizmlari orqali dasturlar va normativ-huquqiy hujjatlarni ishlab chiqish hamda amalga oshirishga jamoat birlashmalarini ularning roziligiga koʻra jalb etish;

yengil sanoat sohasida Agentlikka yuklatilgan vazifalarni “Oʻztoʻqimachiliksanoat”, “Oʻzcharmsanoat” va “Oʻzbekipaksanoat” uyushmalari hamda kadrlarni tayyorlash, taʼlim yoʻnalishlari va dasturlarini ishlab chiqish, ilmiy-tadqiqot ishlarini amalga oshirishda Toshkent toʻqimachilik va yengil sanoat instituti bilan hamkorlikda amalga oshirish.

11. Agentlik oʻziga yuklatilgan vazifalardan kelib chiqib, quyidagi funksiyalarni amalga oshiradi:

a) yuqori qoʻshilgan qiymatli tayyor mahsulotlar ishlab chiqarish hajmini oshirish yoʻnalishida:

yengil sanoat mahsulotlari ishlab chiqarishning maqsadli koʻrsatkichlarini ishlab chiqadi;

jahon tajribasi va ilmiy tadqiqotlar, zamonaviy bozor tamoyillari hamda iqtisodiy modellashtirishdan foydalangan holda yengil sanoat sohasida rivojlanish parametrlarini tahlil qilish va prognozlashni takomillashtirish choralarini koʻradi;

boʻyash, mato va gazlama toʻqish hamda toʻquv, boʻyoq va tayyor mahsulot ishlab chiqarish quvvatlarini oshirishga shart-sharoitlar yaratish, oʻzaro kooperatsiya tizimini ragʻbatlantirish asosida quvvatlardan foydalanishni oshirish boʻyicha dasturlar ishlab chiqish va amalga oshirishga koʻmaklashadi;

sohada ilmiy yondashuvlarni joriy etish va ishchi va mutaxassislarni (texnolog, injener, dizayner, dasturchi va boshqalar) jalb qilishda tashkiliy va moliyaviy koʻmak koʻrsatadi;

yengil sanoatni rivojlantirish konsepsiyasini, tarmoqlarning uzoq muddatli istiqbollarini, maqsadli ilmiy-texnikaviy, iqtisodiy, ijtimoiy dasturlarini ishlab chiqadi va ularni tasdiqlash uchun Vazirlar Mahkamasiga kiritib boradi;

bozor munosabatlari sharoitidan kelib chiqqan holda iqtisodiy normativlar, davlat buyurtmasi va boshqa koʻrsatkichlarni ishlab chiqadi hamda ularni tarmoq korxonalariga yetkazadi;

ichki bozorni yuqori sifatli mahalliy yengil sanoat mahsulotlari bilan toʻldirish, ushbu mahsulotlarning eksport geografiyasini kengaytirish boʻyicha chora-tadbirlarni amalga oshiradi;

xomashyo va ishlab chiqarish bazasini rivojlantirish, mahalliy xomashyo resurslarini chuqur qayta ishlash boʻyicha investitsiyalarni jalb etish strategiyasini ishlab chiqadi;

ichki va tashqi bozor konyunkturasini doimiy oʻrganib boradi, xorijiy hamkorlar bilan iqtisodiy, moliyaviy hamda ilmiy-texnikaviy hamkorlikni rivojlantirishga koʻmaklashadi;

yengil sanoat korxonalarining barqaror faoliyat koʻrsatishiga toʻsqinlik qiluvchi tizimli muammolarni aniqlash hamda mazkur sohadagi qonunchilik hujjatlarini yanada takomillashtirish boʻyicha takliflar ishlab chiqadi va Vazirlar Mahkamasiga kiritadi;

yengil sanoat anʼanaviy rivojlanayotgan tuman va shaharlarda tadbirkorlik subyektlarining faoliyatini qoʻllab-quvvatlash va sanoat konsentratsiyasi uchun shart-sharoitlar yaratish choralarini koʻradi;

b) eksportni oshirishni ragʻbatlantirish yoʻnalishida:

marketing tadqiqotlarini olib borish, xalqaro koʻrgazmalarda ishtirok etish, istiqbolli tayyor mahsulotlar bilan yangi bozorlarga chiqishda yengil sanoat korxonalariga koʻmaklashadi;

xalqaro sifat, boshqaruv sertifikatlari va ekologik, ijtimoiy sertifikatlarni korxonalarga joriy etish, zamonaviy laboratoriyalarni tashkil etish, jihozlash va xalqaro akkreditatsiyadan oʻtkazishga koʻmaklashish choralarini koʻradi;

tashqi bozorlarda mahsulotlar ommabopligini taʼminlash boʻyicha marketing tadbirlarini amalga oshirish, loyihaoldi hujjatlarini (biznes-reja, texnik-iqtisodiy asoslar va boshqalar) ishlab chiqish, shuningdek, jahon bozori konyunkturasini oʻrganish, marketing tadqiqotlarini oʻtkazish uchun xalqaro maʼlumotlar bazalariga (axborot resurslariga) ulanish bilan bogʻliq xarajatlarni qoplab beradi;

xorijiy sorsing kompaniyalari va xalqaro brendlarni jalb qilish, milliy brendlarni rivojlantirish, shu jumladan, “Made in Uzbekistan” brendi shakllanishini har tomonlama qoʻllab-quvvatlaydi, mahalliy va xorijiy koʻrgazmalarda ishtirok etadi;

eksport geografiyasini kengaytirish, xorijiy investorlarni keng jalb qilish, mahalliylashtirishni rivojlantirish maqsadida xorijda tashkil etilayotgan koʻrgazma tadbirlarida yengil sanoat korxonalarining oʻz mahsulotlari bilan ishtirok etishiga yordam beradi;

kompleks chora-tadbirlar ishlab chiqish masalalarini yengil sanoat sohalari va tovar bozorlarining barqaror, dinamik va muvozanatli rivojlanishini taʼminlash boʻyicha muvofiqlashtiradi;

prognoz parametrlarining bajarilish holatini, bajarilmaslik omillarini tahlil qiladi va ularni bartaraf etish boʻyicha takliflar ishlab chiqadi, har chorak va oylik jadvallar asosida eksport koʻrsatkichlari bajarilishini monitoring qiladi;

xalqaro jamoat tashkilotlari va brendlarni Oʻzbekiston Respublikasida majburiy mehnatning bartaraf etilgani haqida keng xabardor qiladi, “Better work”, “FWF” va “BCI” kabi dasturlar hamda standartlarni joriy etishni kengaytirishga yordam beradi;

standartlashtirish va sertifikatlashning xalqaro tizimlarini joriy etish, shuningdek, xorijiy vakolatli organlarda milliy mahsulotlar va brendlarni (tovar belgilarini) roʻyxatdan oʻtkazishda eksport qiluvchi tashkilotlarga moliyaviy koʻmak koʻrsatadi;

eksport qiluvchilarga ular sugʻurta xizmatlaridan foydalanganda, sugʻurta mukofoti xarajatlarini qoplash uchun kompensatsiyalar taqdim etadi;

mahalliy eksport qiluvchi tashkilotlarning savdo uylarini ochish va saqlash, ofis, savdo va ombor binolarini ijaraga olish, shu bilan birga, reklama kampaniyalarini tashkil qilish bilan bogʻliq chet eldagi xarajatlarining bir qismini qoplab beradi;

koʻrgazma stendlarini tashkil etishda va xalqaro koʻrgazma-yarmarkalarda ishtirok etishda, shuningdek, xorijiy mamlakatlarda boʻlib oʻtadigan oʻquv seminarlari, biznes-seminarlar, treninglar, savdo missiyalari va biznes-forumlarda ishtirok etish hamda mahalliy mahsulotlar, xizmatlar va brendlar (tovar belgilari) boʻyicha raqamli reklamani xorijiy internet resurslarida, shu jumladan, ijtimoiy tarmoqlar, savdo maydonchalari va mobil ilovalarda joylashtirishda, mahsulotlar namunalarini tanishtirish maqsadida xorijiy mamlakatlarga yuborishda moliyaviy yordam koʻrsatadi;

logistikaga koʻmaklashish va yetkazib berish xarajatlarini optimallashtirish boʻyicha xorijiy hamkorlar bilan ishlarni tashkil etish, istiqbolli bozorlarda (Yevropa Ittifoqi, AQSH, Arab davlatlari va boshqalar) eksport tashqi infratuzilmasi, jumladan, savdo uylari, doʻkonlar va omborxonalar tashkil etishga hamda elektron savdo platformalari orqali eksportni oshirishga koʻmaklashadi;

xorijdan ishchi va mutaxassislarni jalb qilish xarajatlarini qoplab beradi;

tadbirkorlik subyektlariga nufuzli xalqaro brendlarni jalb qilishga koʻmaklashadi, shuningdek, ularning nufuzli xalqaro brendlar egalari bilan hamkorligini yoʻlga qoʻyish, jumladan, xalqaro standartlarni joriy qilish, ekologik va muvofiqlik boʻyicha sertifikatlash, mutaxassislarni oʻqitish xarajatlarini qoplash uchun grantlar ajratadi;

belgilangan tartibda Agentlikka ajratiladigan mablagʻlar hisobidan sohaning eksportchi korxonalarini aylanma mablagʻlar bilan taʼminlash maqsadida tijorat banklari orqali resurslar ajratadi;

eksport akseleratori (“tadbirkordan eksportchigacha”) dasturi doirasida xorijiy konsalting kompaniyalarini jalb qilishda korxonalarga moliyaviy koʻmaklashadi;

ichki va tashqi bozorlarda mahalliy brendlar savdosini rivojlantirish, xalqaro tadbirlarni oʻtkazish hamda ularda qatnashish uchun grant va subsidiyalar ajratadi;

xalqaro standartlarni joriy etish, tayyor mahsulotlarni tashqi bozorlar talablarini hisobga olgan holda sertifikatlash tadbirlarini moliyalashtiradi;

xorijiy vakolatxonalarni saqlash va xorijiy maslahatchilarni jalb etish xarajatlarini kompensatsiya qiladi;

v) investitsiyalarni jalb qilish yoʻnalishida:

ishlab chiqarish zanjiridagi boʻshliqlarni toʻldirish (toʻqimachilikda toʻquv va boʻyoq-pardozlash, charm-poyabzal hamda ipak sanoatida tayyor mahsulotlar ishlab chiqarish)ga qaratilgan investitsiya loyihalarini amalga oshirishni qoʻllab-quvvatlaydi;

sunʼiy va aralash xomashyodan mahsulotlar, aksessuar va furnitura, boʻyoq va kimyoviy vositalar ishlab chiqarishga yoʻnaltirilgan loyihalarga investorlarni jalb qiladi;

Yevropa, Turkiya, Xitoy davlatlari va boshqa xorijiy davlatlar korxonalari hamda brend kompaniyalarining ishlab chiqarish quvvatlarini relokatsiya qilish boʻyicha investorlar bilan ish olib boradi;

yengil sanoat sohasiga xorijiy investitsiyalarni jalb qilishga koʻmaklashadi;

hududlarda ixtisoslashtirilgan industrial texnoparklar faoliyatini samarali tashkil etishga koʻmaklashadi;

moliyaviy hisobotlarning xalqaro standartlarini (IFRS) joriy qilish, amalga oshiriladigan investitsiya loyihalariga xalqaro moliya institutlari va xorijiy banklardan toʻgʻridan-toʻgʻri kreditlarni jalb qilishga koʻmaklashadi;

g) soha korxonalarining moliyaviy holatini yaxshilash va zamonaviy boshqaruv usullarini joriy etish yoʻnalishida:

mahsulot tannarxini tushirish, jumladan, ishlab chiqarishni raqamlashtirish, axborot tizimlarini keng joriy qilish, energiya samaradorligini oshirishni qoʻllab-quvvatlaydi;

sohada ekologik, ijtimoiy va korporativ boshqaruv (ESG) prinsiplarini joriy etish orqali mahsulot sifatini hamda mehnat sharoitlarini yaxshilashga koʻmaklashadi;

olis va chekka hududlarda sanoatni rivojlantirishni ragʻbatlantirish maqsadida 3 — 5-toifadagi tumanlarda ishlab chiqarish filialini belgilangan shartlar asosida ochadigan toʻqimachilik va tikuv-trikotaj korxonalariga tijorat banklari orqali kredit uchun resurs ajratadi;

tayyor mahsulot ishlab chiqaruvchi yengil sanoat korxonalarini, keyinchalik qaytarish sharti bilan mablagʻ ajratish orqali moliyaviy qoʻllab-quvvatlaydi;

yengil sanoat sohasida bojxona bojlari stavkalarini belgilash va tashqi savdo faoliyatini amalga oshirishda notarif tartibga solish chora-tadbirlarini qoʻllash boʻyicha xalqaro tajribani oʻrganadi va takliflar ishlab chiqadi.

moliyaviy hisobotlarni xalqaro standartlar asosida yuritishni joriy qilish xarajatlarini qisman qoplab beradi;

sohada uzoq yillardan buyon faoliyat koʻrsatayotgan, moliyaviy barqaror va doimiy ish oʻrinlarini yaratgan korxonalarni doimiy qoʻllab-quvvatlab borish boʻyicha takliflar ishlab chiqadi;

Yengil sanoat tarmoq ilmiy-texnik kengashini tashkil etadi va yengil sanoat yoʻnalishidagi loyihalar boʻyicha xulosa beradi;

yengil sanoat sohasini moddiy resurslar bilan taʼminlashning ustuvor yoʻnalishlarini belgilaydi;

yengil sanoat sohasi korxonalarining ishlab chiqarish jarayonlariga zamonaviy energiya samarador va energiya tejovchi texnologiyalar joriy etilishini ragʻbatlantirish mexanizmlarining ishlab chiqilishida ishtirok etadi;

ilmiy-tadqiqot ishlari va innovatsion loyihalarni amalga oshirishni ragʻbatlantirish hamda moliyalashtirishga koʻmaklashadi;

kadrlarni tayyorlash, qayta tayyorlash va ularning malakasini oshirish, jumladan, xorijiy taʼlim muassasasi va tashkilotlarida amaliyot oʻtash va malaka oshirishlarini tashkil qiladi;

yengil sanoat sohasiga xalqaro tashkilotlar, xorijiy mutaxassislar va ekspertlarni jalb qilish bilan bogʻliq xarajatlarni moliyalashtiradi;

yengil sanoat mahsulotlari ishlab chiqaruvchi mahalliy korxonalarda ishlab chiqarish jarayonini raqamlashtirish (ERP, MES, PLM tizimlarini joriy qilish) bilan bogʻliq xarajatlarni qoplab beradi.

4-bob. Agentlikning huquqlari va majburiyatlari

12. Agentlik oʻziga yuklangan vazifalarni bajarishda quyidagi huquqlarga ega:

oʻz vakolati doirasida, shu jumladan, boshqa davlat organlari bilan birgalikda normativ-huquqiy hujjatlarni qabul qilish;

Vazirlar Mahkamasiga normativ-huquqiy hujjatlar loyihalarini, shuningdek, Agentlikka yuklangan vazifalar va funksiyalarni bajarish bilan bogʻliq boʻlgan boshqa hujjatlarni belgilangan tartibda kiritish;

respublika va mahalliy ijro etuvchi hokimiyat organlari hamda boshqa tashkilotlar tomonidan bajarilishi majburiy boʻlgan normativ-huquqiy hujjatlarni qabul qilish, zarur hollarda boshqa vazirlik va idoralar bilan birgalikda qoʻshma qarorlar hamda boshqa hujjatlar qabul qilish;

yengil sanoatni rivojlantirishga qaratilgan chora-tadbirlar va dasturlarni ishlab chiqish;

respublika va mahalliy ijro etuvchi hokimiyat organlari hamda boshqa tashkilotlar bilan yengil sanoat korxonalari faoliyatini muvofiqlashtirish;

statistika va soliq organlari, davlat xizmatlari markazlari hamda vazirlik va idoralardan zarur maʼlumotlarni soʻrash va bepul olish;

soha korxonalarini moliyaviy qoʻllab-quvvatlash boʻyicha Vazirlar Mahkamasiga bevosita takliflar kiritish;

yengil sanoat sohasida kadrlar tayyorlash, qayta tayyorlash va ularning malakasini oshirish yoʻnalishlarida konsultantlarni jalb qilish, xorijiy tashkilotlar, fan va taʼlim tashkilotlari bilan hamkorlik qilish;

normativ-huquqiy hujjatlar loyihalarini ishlab chiqishda ilmiy-tadqiqot tashkilotlari va boshqa tashkilotlar olimlari va mutaxassislarini, shuningdek, mahalliy va xorijiy ekspertlarni konsultant sifatida jalb qilish va (yoki) ularning xulosa hamda tavsiyalarini olish;

yengil sanoat sohasidagi davlat va tijorat loyihalari hamda dasturlarida ishtirok etish;

oʻz vakolatiga kiradigan masalalar boʻyicha xorijiy davlatlar, xalqaro va xorijiy tashkilotlar vakillari bilan belgilangan tartibda muzokaralar oʻtkazish;

ushbu Nizomda Agentlikka yuklatilgan vazifalarga erishishga yoʻnaltirilgan, qonunchilik hujjatlarida taqiqlanmagan boshqa faoliyat turlarini amalga oshirish.

13. Agentlik quyidagilarga majbur:

Oʻzbekiston Respublikasi Prezidenti va Vazirlar Mahkamasi topshiriqlarini oʻz vaqtida, toʻliq va sifatli bajarish, oʻrta va uzoq muddatli rivojlanish dasturlarini ishlab chiqish, ularning ijrosi taʼminlash;

yengil sanoat sohasi bilan bogʻliq boʻlgan maqsadli koʻrsatkichlarga erishish ishlarini samarali tashkil etish;

Oʻzbekiston Respublikasi Prezidenti Administratsiyasi hamda Vazirlar Mahkamasiga kiritiladigan normativ-huquqiy hujjatlar va boshqa hujjatlar loyihalarini sifatli ishlab chiqish;

yengil sanoat sohasini rivojlantirish va hududlarning muammoli masalalarini hal qilish boʻyicha dasturlar, tadbirlar rejasi, yoʻl xaritalari va boshqa hujjatlarning ijrosini sifatli taʼminlash;

yuridik va jismoniy shaxslarning murojaatlari belgilangan muddatlarda koʻrib chiqilishini taʼminlash;

ijro intizomini taʼminlash;

Agentlik xodimlarini muntazam ravishda qayta tayyorlash va ularning malakasi oshirilishini tashkil etish.

5-bob. Agentlik rahbarlarining asosiy funksional vazifalari

14. Quyidagilar Agentlik direktorining asosiy funksional vazifalari hisoblanadi:

Oʻzbekiston Respublikasi Konstitutsiyasi va qonunlari hamda boshqa normativ-huquqiy hujjatlar talablariga rioya etish;

Agentlik faoliyatiga umumiy rahbarlik qilish, Oʻzbekiston Respublikasi Prezidentining tegishli hujjatlari, Vazirlar Mahkamasining qarorlari va boshqa qonunchilik hujjatlari bilan Agentlikka yuklangan vazifa va funksiyalar bajarilishini tashkil etish;

Oʻzbekiston Respublikasi Prezidenti, Vazirlar Mahkamasining topshiriqlarini bajarish;

direktor oʻrinbosarlari va tarkibiy tuzilmalar rahbarlarining vakolatlarini belgilash hamda vazifalarni taqsimlash;

Agentlik faoliyati rejalashtirilishini tashkil etish, Agentlikning davriy ish rejalarini tasdiqlash, ularning bajarilishi yuzasidan nazoratni taʼminlash;

Oʻzbekiston Respublikasi Prezidenti, Vazirlar Mahkamasi topshiriqlariga va oʻz tashabbusiga koʻra normativ-huquqiy hujjatlar loyihalarining sifatli ishlab chiqilishini, ular Oʻzbekiston Respublikasining “Normativ-huquqiy hujjatlar toʻgʻrisida”gi Qonuni , Oʻzbekiston Respublikasi Prezidenti Administratsiyasi Reglamenti va Vazirlar Mahkamasining Reglamenti talablariga muvofiq ravishda oʻz vaqtida kiritilishini tashkil etish, loyihalarning Vazirlar Mahkamasida puxta ishlanishida, Vazirlar Mahkamasi rahbariyati huzurida himoya qilinishida va Oʻzbekiston Respublikasi Prezidenti Administratsiyasida koʻrib chiqilishida ishtirok etish;

Oʻzbekiston Respublikasi Prezidentining farmonlari, qarorlari, farmoyishlari, Vazirlar Mahkamasining qarorlari, farmoyishlari va topshiriqlari bajarilishini taʼminlash, tarkibiy boʻlinmalarda ijro intizomini mustahkamlash boʻyicha kompleks chora-tadbirlarni amalga oshirish, Oʻzbekiston Respublikasi Prezidentining “Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qoʻshimcha chora-tadbirlar toʻgʻrisida” 2021-yil 10-fevraldagi PF-6166-son Farmoniga , Oʻzbekiston Respublikasi Prezidentining “Davlat organlari va tashkilotlarda ijro intizomini yanada mustahkamlashning qoʻshimcha chora-tadbirlari toʻgʻrisida” 2025-yil 25-iyuldagi PF-117-son Farmoniga , “Ijro.gov.uz” ijro intizomi idoralararo yagona elektron tizimi samarali faoliyat koʻrsatishini taʼminlashga qaratilgan qoʻshimcha chora-tadbirlar toʻgʻrisida” 2021-yil 31-maydagi PQ-5132-son qaroriga va Oʻzbekiston Respublikasi Vazirlar Mahkamasining “Oʻzbekiston Respublikasi Vazirlar Mahkamasining qarorlari ijrosini nazorat qilishning yangi mexanizmlarini joriy etish toʻgʻrisida” 2025-yil 30-sentabrdagi 616-son qaroriga muvofiq tarkibiy boʻlinma rahbarlarining shaxsiy masʼuliyatini oshirish choralarini koʻrish;

Agentlik rahbarlari va xodimlari xizmat safarlarini Oʻzbekiston Respublikasi Prezidentining “ Mansabdor shaxslarning xorijiy mamlakatlarga chiqish tartibini takomillashtirish choralari toʻgʻrisida ” 2014-yil 5-martdagi PQ-2142-son va “Xorijiy xizmat safarlarida boʻlish samaradorligi va xorijiy delegatsiyalarning Oʻzbekiston Respublikasiga tashriflarini tashkil etish uchun mansabdor shaxslarning shaxsiy masʼuliyatini yanada oshirish chora-tadbirlari toʻgʻrisida” 2017-yil 3-avgustdagi PQ-3170-son qarorlari talablariga muvofiq tashkil etish, xizmat safarlarining asoslangani, samaradorligi va natijadorligini, safar uchun ajratiladigan mablagʻlardan maqsadli va oqilona foydalanishni taʼminlash;

Agentlik vakolatiga kiradigan masalalar boʻyicha koʻrsatmalar chiqarish, buyruqlar va normativ-huquqiy hujjatlarni qabul qilish;

Agentlik xodimlari tomonidan Vazirlar Mahkamasining 2022-yil 14-oktabrdagi 595-son qarori bilan tasdiqlangan Davlat fuqarolik xizmatchilari odob-axloqining namunaviy qoidalari asosida tasdiqlangan Agentlik xodimlari odob-axloq qoidalariga rioya etilishini taʼminlash;

jismoniy va yuridik shaxslarning murojaatlarini koʻrib chiqish boʻyicha ishlarni Oʻzbekiston Respublikasining “Jismoniy va yuridik shaxslarning murojaatlari toʻgʻrisida”gi Qonuni , Vazirlar Mahkamasining 2018-yil 7-maydagi 341-son qarori bilan tasdiqlangan Davlat organlarida, davlat muassasalarida va davlat ishtirokidagi tashkilotlarda jismoniy va yuridik shaxslarning murojaatlari bilan ishlash tartibi toʻgʻrisidagi namunaviy nizomga muvofiq samarali tashkil etish, jamoatchilik bilan bevosita hamda ochiq muloqot oʻrnatish, shaxsiy qabullar oʻtkazish, shu jumladan, jismoniy va yuridik shaxslarning vakillarini joylarga chiqib qabul qilishni tashkil etish;

davlat organlari va boshqa tashkilotlarda, sudlarda, shuningdek, davlat organlari, xalqaro tashkilotlar va xorijiy mamlakat vakillari ishtirokida oʻtkaziladigan rasmiy tadbirlarda Agentlik nomidan ishtirok etish;

Oʻzbekiston Respublikasining “Korrupsiyaga qarshi kurashish toʻgʻrisida”gi Qonuni va korrupsiyaga qarshi kurashishga doir boshqa qonunchilik hujjatlariga rioya etish, faoliyatda korrupsiyaviy xavf-xatarlarni va manfaatlar toʻqnashuvini oʻz vaqtida aniqlash hamda ularga chek qoʻyish, korrupsiyaga oid huquqbuzarliklarning oldini olish choralarini koʻrish hamda tizimda korrupsiyaning oldini olish va unga qarshi murosasiz kurashishga doir ishlarga rahbarlik qilish hamda muvofiqlashtirish;

Oʻzbekiston Respublikasining “Manfaatlar toʻqnashuvi toʻgʻrisida”gi Qonuni va manfaatlar toʻqnashuvi bilan bogʻliq munosabatlarni tartibga solishga doir ishlarga rahbarlik qilish va muvofiqlashtirish;

Oʻzbekiston Respublikasi Prezidentining Xalq qabulxonalari bilan samarali hamkorlik qilishni tashkil etish, Agentlik rahbarlari va xodimlari ularning faoliyatida faol ishtirok etishini, jismoniy va yuridik shaxslarning Oʻzbekiston Respublikasi Prezidentining Virtual qabulxonasidan kelib tushadigan murojaatlarini oʻz vaqtida va toʻlaqonli koʻrib chiqilishini taʼminlash;

Agentlik hayʼati majlislarida raislik qilish;

Agentlikka yuklangan vazifalarni bajarish uchun shartnoma asosida jalb etiladigan malakali xorijiy mutaxassislar xizmatiga haq toʻlash shartlarini xalqaro amaliyotdan kelib chiqqan holda belgilash hamda ularga Agentlik huzuridagi Yengil sanoatni qoʻllab-quvvatlash jamgʻarmasi (keyingi oʻrinlarda — Jamgʻarma) mablagʻlari hisobidan haq toʻlash va boshqa saqlash xarajatlari uchun toʻlovlarni amalga oshirish;

Agentlik xodimlarini ularning koʻp yillik va samarali faoliyati, alohida xizmatlari uchun Oʻzbekiston Respublikasi davlat mukofotlari bilan taqdirlash uchun belgilangan tartibda takliflar kiritishni taʼminlash va tavsiyalar berish;

Agentlik mulkini qonunchilik hujjatlarida belgilangan tartibda tasarruf etish;

Agentlik vakolatiga kiradigan masalalar yuzasidan Oʻzbekiston Respublikasining xalqaro shartnomalarini belgilangan tartibda imzolash;

Agentlikning ichki tashkiliy masalalari yuzasidan qarorlar qabul qilish;

Agentlik xodimlarini lavozimga tayinlash va lavozimidan ozod etish, mehnat shartnomalari (buyruqlari)ni imzolash;

Agentlik xodimlariga vazifalarni yuklash;

Agentlik xodimlarining malakasini oshirish va ularni xorijiy davlatlarga stajirovka va tajriba almashish uchun yuborishni tashkil etish;

Agentlik xodimlarini ragʻbatlantirish va intizomiy javobgarlikka tortish masalalarini hal qilish, direktor oʻrinbosarlarini ragʻbatlantirish va intizomiy javobgarlikka tortish masalalarini, shu jumladan, kelgusida uning egallab turgan lavozimida qolishining maqsadga muvofiqligi masalalarini koʻrib chiqish toʻgʻrisida Vazirlar Mahkamasiga takliflar kiritish, ularning shaxsiy javobgarligini oshirish boʻyicha tizimli chora-tadbirlarni amalga oshirish;

Agentlikning tashqi va ichki tashkiliy faoliyati ustidan doimiy va qatʼiy nazorat oʻrnatish;

Agentlikka kiritilgan takliflar va taqdim etilgan normativ-huquqiy hujjatlar loyihalarining toʻliq va har tomonlama koʻrib chiqilishini, Oʻzbekiston Respublikasi Prezidenti Administratsiyasi Reglamenti va Vazirlar Mahkamasining Reglamentida belgilangan muddatlarda kelishilishini (viza qoʻyilishi) taʼminlash;

davlat sirlari yoki qonun bilan qoʻriqlanadigan boshqa sirni tashkil etuvchi maʼlumotlar bilan ishlashda qonunchilik hujjatlarida belgilangan talablarga rioya qilish;

xodimlarning belgilangan cheklangan soni doirasida Agentlik shtatlar jadvalini, shuningdek, Davlat budjeti mablagʻlari hisobidan moliyalashtiriladigan Agentlikning xarajatlari smetasini tasdiqlash;

ushbu Nizomda va qonunchilik hujjatlarida nazarda tutilgan boshqa vakolatlarni amalga oshirish.

15. Quyidagilar direktor oʻrinbosarlarining asosiy funksional vazifalari hisoblanadi:

Oʻzbekiston Respublikasi Konstitutsiyasi va qonunlari hamda boshqa normativ-huquqiy hujjatlar talablariga rioya etish;

Agentlik direktori muayyan sabablarga koʻra (xizmat safari, mehnat taʼtili, betobligi davrida) yoʻqligida uning vazifalarini bajarish;

Agentlikning oʻzi mutasaddilik qiladigan tarkibiy tuzilmalari faoliyatini muvofiqlashtirish, nazorat va bevosita rahbarlik qilish, xodimlar oʻrtasida vazifalarni taqsimlash;

Agentlik faoliyatining oʻzi mutasaddilik qiladigan yoʻnalishlarini yanada takomillashtirish yuzasidan Oʻzbekiston Respublikasi Prezidentining hujjatlari, Oʻzbekiston Respublikasi Prezidenti Administratsiyasi rahbarining topshiriqlari va Vazirlar Mahkamasi qarorlari bilan tasdiqlangan kompleks dastur va kompleks chora-tadbirlar ijrosini tanqidiy va chuqur tahlil qilish;

mutasaddiligidagi tarkibiy tuzilmalar boʻlinma rahbarlarining hisobotlarini muntazam eshitib borish va belgilangan koʻrsatkichlarga erishish uchun ularning shaxsiy javobgarligini oshirish;

Agentlik direktorining qonunchilik doirasidagi buyruq hamda topshiriqlari ijrosini oʻz vaqtida va sifatli taʼminlash;

Agentlikka kiritilgan takliflar va taqdim etilgan normativ-huquqiy hujjatlarning loyihalarini toʻliq va har tomonlama koʻrib chiqish;

kadrlarni belgilangan tartibda tanlash va joy-joyiga qoʻyish boʻyicha Agentlik direktoriga takliflar taqdim etish, ularning professionalligi, oʻz ishini bilishi, yuksak darajadagi ishchanlik va maʼnaviy-axloqiy fazilatlarga ega boʻlishini taʼminlash, kasbiy malakasini oshirish choralarini koʻrish, mutasaddiligi boʻyicha tarkibiy tuzilmalarda kadrlar zaxirasini shakllantirish choralarini koʻrish;

Agentlik xodimlari tomonidan Vazirlar Mahkamasining 2022-yil 14-oktabrdagi 595-son qarori bilan tasdiqlangan Davlat fuqarolik xizmatchilari odob-axloqining namunaviy qoidalari asosida tasdiqlangan Agentlik xodimlarining odob-axloq qoidalari talablariga rioya etilishini taʼminlash;

jismoniy va yuridik shaxslarning murojaatlarini koʻrib chiqish boʻyicha ishlarni Oʻzbekiston Respublikasining “Jismoniy va yuridik shaxslarning murojaatlari toʻgʻrisida”gi Qonuni , Vazirlar Mahkamasining 2018-yil 7-maydagi 341-son qarori bilan tasdiqlangan Davlat organlarida, davlat muassasalarida va davlat ishtirokidagi tashkilotlarda jismoniy va yuridik shaxslarning murojaatlari bilan ishlash tartibi toʻgʻrisidagi namunaviy nizomga muvofiq samarali tashkil etish, jamoatchilik bilan bevosita va ochiq muloqot oʻrnatish, shaxsiy qabullar oʻtkazish, shu jumladan, jismoniy va yuridik shaxslarning vakillarini joylarga borib qabul qilishni tashkil etish;

Oʻzbekiston Respublikasining “Korrupsiyaga qarshi kurashish toʻgʻrisida”gi Qonuni va korrupsiyaga qarshi kurashishga doir boshqa qonunchilik hujjatlariga hamda Oʻzbekiston Respublikasining “Manfaatlar toʻqnashuvi toʻgʻrisida”gi Qonuniga rioya qilish va manfaatlar toʻqnashuvi bilan bogʻliq munosabatlarni tartibga solishga doir ishlarni muvofiqlashtirish;

Agentlik faoliyatini takomillashtirish boʻyicha amaliy choralar koʻrish, ushbu sohada qonunchilikni takomillashtirishga doir takliflarni ishlab chiqib, koʻrib chiqish uchun Agentlik direktoriga kiritish;

yengil sanoat sohasidagi normativ bazaning tizimli asosda qayta koʻrib chiqilishini tashkil etish;

yengil sanoat sohasida davlat siyosatining asosiy yoʻnalishlari boʻyicha takliflar tayyorlash;

xorijiy davlatlar, xalqaro va xorijiy tashkilotlar bilan yengil sanoat sohasini rivojlantirish hamda tartibga solish masalalari boʻyicha hamkorlik qilish;

davlat sirlari yoki qonun bilan qoʻriqlanadigan boshqa sirni tashkil etuvchi maʼlumotlar bilan ishlashda qonunchilik hujjatlarida belgilangan talablarga rioya qilish.

6-bob. Agentlik rahbarlarining javobgarligi

16. Agentlik direktori:

Agentlikka yuklangan vazifa va funksiyalarning bajarilishi uchun;

Agentlikning ushbu Nizomda nazarda tutilgan javobgarlik sohalari boʻyicha hamda Nizomning 14-bandida koʻrsatilgan oʻz funksional majburiyatlarining sifatli bajarilishi uchun shaxsan javob beradi.

17. Agentlik direktori oʻrinbosarlari:

mutasaddilik qilinadigan yoʻnalish va tarkibiy boʻlinmalarda Agentlikka yuklangan vazifalar va funksiyalarning bajarilishi uchun;

ushbu Nizomning 15-bandida koʻrsatilgan oʻz funksional vazifalarining sifatli bajarilishi uchun shaxsan javob beradi.

7-bob. Agentlik faoliyatini tashkil etish

18. Agentlikka Oʻzbekiston Respublikasi Prezidenti tomonidan lavozimga tayinlanadigan va lavozimidan ozod etiladigan direktor rahbarlik qiladi.

Agentlik direktorining oʻrinbosarlari Oʻzbekiston Respublikasi Prezidenti bilan kelishilgan holda Vazirlar Mahkamasi tomonidan lavozimga tayinlanadi va lavozimidan ozod qilinadi.

19. Agentlik direktori:

Agentlik faoliyatiga yakka tartibda rahbarlik qiladi;

Agentlik faoliyatiga umumiy rahbarlik qiladi va Agentlikka yuklangan vazifalar va funksiyalarning bajarilishi uchun shaxsan javob beradi;

Agentlik xodimlarining lavozim majburiyatlarini belgilangan tartibda tasdiqlaydi;

oʻz vakolati doirasida Agentlik xodimlari tomonidan bajarilishi majburiy boʻlgan buyruqlar chiqaradi va tegishli koʻrsatmalar beradi.

Direktor qonunchilik hujjatlariga muvofiq boshqa vakolatlarni ham amalga oshirishi mumkin.

20. Agentlik direktori maʼlum sabablarga koʻra (xizmat safari, mehnat taʼtili, betobligi davrida) yoʻqligida uning birinchi oʻrinbosari direktor vazifalarini bajaradi.

21. Agentlik oʻz vazifalari va funksiyalarini amalga oshirishda respublika va mahalliy ijro etuvchi hokimiyat organlari, xoʻjalik birlashmalari hamda boshqa tashkilotlar bilan hamkorlik qiladi.

8-bob. Agentlik hayʼati

22. Hayʼat Agentlikning kollegial organi hisoblanib, direktor (Hayʼat raisi), uning oʻrinbosarlari (lavozim boʻyicha), shuningdek, Agentlik faoliyatining asosiy yoʻnalishlarini muvofiqlashtiruvchi tarkibiy boʻlinmalar rahbarlaridan iborat tarkibda tashkil etiladi.

Hayʼat tarkibining soni va shaxsiy tarkibi belgilangan tartibda Vazirlar Mahkamasi tomonidan tasdiqlanadi.

23. Hayʼatga quyidagi vazifalar yuklanadi:

Agentlikka yuklangan vazifalarni amalga oshirishning eng muhim samaradorlik koʻrsatkichlarini ishlab chiqish va ularning bajarilishini nazorat qilish;

Agentlik faoliyati bilan bogʻliq dolzarb masalalarning joylarda muhokama etilishini taʼminlagan holda Hayʼatning kengaytirilgan majlislari oʻtkazilishini tashkil etish, shuningdek, yuzaga kelgan muammolarni oʻz vakolatlari doirasida bartaraf etish boʻyicha tegishli qarorlarni ishlab chiqish va qabul qilish;

Agentlik tarkibiga kiruvchi lavozimlar nomenklaturasini koʻrib chiqish va tasdiqlash;

Oʻzbekiston Respublikasi Prezidenti va Vazirlar Mahkamasining qaror va topshiriqlarida belgilangan vazifalarni oʻz vaqtida va sifatli amalga oshirish maqsadida Agentlik rahbarlari va xodimlarining ijro intizomini mustahkamlash hamda shaxsiy javobgarligini oshirish.

Hayʼat, shuningdek, Agentlik vakolatiga kiritilgan boshqa masalalarni ham koʻrib chiqishga haqli.

24. Agentlik direktori qarori bilan quyidagilar:

Hayʼat ish rejalari va belgilangan vazifalarni bajarish muddatlari;

takliflar tashabbusi bilan chiqish, loyihalarni boshlash va hisobot berish tartiblari;

Hayʼatning faoliyatini samarali taʼminlash uchun Agentlik masʼul tarkibiy boʻlinmalarining vazifalari tasdiqlanishi mumkin.

25. Hayʼat yigʻilishiga Agentlik vakolatiga tegishli masalalar yuzasidan respublika va mahalliy ijro etuvchi hokimiyat organlari, boshqa tashkilotlar rahbarlari va ekspert mutaxassislar taklif etilishi mumkin.

26. Hayʼat majlisi aʼzolarining yarmidan koʻpi ishtirok etgan taqdirda, vakolatli hisoblanadi. Hayʼat qarorlari oddiy koʻpchilik ovozi bilan qabul qilinadi.

27. Direktor va Hayʼat aʼzolari oʻrtasida kelishmovchiliklar yuzaga kelgan taqdirda, direktor ushbu kelishmovchiliklar xususida Vazirlar Mahkamasiga va Oʻzbekiston Respublikasi Prezidenti Administratsiyasiga axborot berib, mustaqil ravishda qaror qabul qiladi. Hayʼat aʼzolari ham oʻz fikrlarini Vazirlar Mahkamasiga va Oʻzbekiston Respublikasi Prezidenti Administratsiyasiga bildirishlari mumkin.

28. Hayʼat oʻz faoliyati uchun zarur boʻlgan hujjatlar, hisobotlar va boshqa maʼlumotlarni soʻrab olishga haqli.

29. Hayʼat qarorlari Hayʼat raisi tomonidan imzolanadi va Agentlik buyrugʻi (qarori) bilan amalga oshiriladi.

9-bob. Agentlik faoliyati samaradorligi va natijadorligini baholash mezonlari hamda ish indikatorlari

30. Agentlik faoliyatining samaradorligi muntazam baholanadi.

31. Agentlik faoliyati samaradorligi va natijadorligiga berilgan baho Vazirlar Mahkamasi tomonidan tasdiqlanadigan Agentlik faoliyati samaradorligi va natijadorligini baholash mezonlari hamda ish indikatorlariga asoslanadi.

32. Agentlik faoliyati samaradorligi va natijadorligini baholash yakunlari boʻyicha:

Agentlik rahbarlari va xodimlarini qoʻshimcha ragʻbatlantirish (mukofotlash) yoki intizomiy javobgarlikka tortish;

Agentlik faoliyatida aniqlangan kamchiliklarni bartaraf etish va uning faoliyatini yanada takomillashtirish choralari koʻriladi.

33. Agentlik faoliyati samaradorligi va natijadorligini baholash tartibi hamda uslubi qonunchilik hujjatlari bilan belgilanadi.

10-bob. Agentlik faoliyatini moliyalashtirish va moddiy-texnik taʼminlash, uning xodimlari mehnatiga haq toʻlash hamda moddiy ragʻbatlantirish

34. Agentlikning moddiy-texnik taʼminoti, xodimlari mehnatiga haq toʻlash va ularni moddiy ragʻbatlantirish, idoraviy mansub tashkilotlarning moddiy-texnik bazasini mustahkamlash, faoliyatini amalga oshirish hamda markaziy apparat taʼminoti bilan bogʻliq xarajatlarni moliyalashtirish manbalariga quyidagilar kiradi:

Oʻzbekiston Respublikasi Davlat budjeti mablagʻlari;

Jamgʻarma mablagʻlari;

xalqaro moliya institutlari kreditlari (qarz mablagʻlari) va grantlari;

jismoniy va yuridik shaxslarning homiylik xayriyalari;

Agentlik tomonidan shartnoma asosida xizmat koʻrsatishdan olinadigan daromadlar;

qonunchilikda taqiqlanmagan boshqa manbalar.

35. Agentlik xodimlari hamda shartnoma asosida jalb qilinadigan mutaxassislar mehnatiga haq toʻlash va ularni moddiy ragʻbatlantirish shartlari:

a) Oʻzbekiston Respublikasi respublika budjetidan:

Yagona tarif setkasi boʻyicha tasdiqlangan razryadlarga muvofiq lavozim maoshi;

koʻp yillik xizmati uchun har oyda uzoq muddat xizmati uchun (ish stajiga koʻra) ustama haq miqdorlari budjet mablagʻlari hisobidan lavozim maoshiga (ragʻbatlantirish koeffitsiyentini hisobga olgan holda) nisbatan quyidagi koeffitsiyentlar bilan hisoblanadi:

1 yildan 3 yilgacha — 0,4;

3 yildan 5 yilgacha — 0,8;

5 yildan 10 yilgacha — 1,0;

10 yildan 15 yilgacha — 1,2;

15 yildan yuqori — 1,5.

Uzoq yillik xizmati uchun ustama haq olish huquqini beruvchi ish staji Agentlik tomonidan tasdiqlanadigan tartibga muvofiq hisoblab chiqiladi;

b) Jamgʻarma mablagʻlari hisobidan:

Agentlik markaziy apparati xodimlariga oʻz xizmat vazifalarini vijdonan bajarganliklari uchun Agentlik direktori tomonidan lavozim maoshining (ragʻbatlantiruvchi koeffitsiyentni hisobga olgan holda) 300 foizgacha miqdorda har oylik ustamalar;

xodimlarni ijtimoiy muhofaza qilish va ularning mehnati samaradorligini oshirish maqsadida har oyda (jamoa shartnomasiga muvofiq) transport xarajatlari uchun bazaviy hisoblash miqdorining ikki baravarigacha miqdorida va ovqatlanish xarajatlarini qoplash uchun bazaviy hisoblash miqdorining ikki baravarigacha miqdorida toʻlovlar;

Oʻzbekiston Respublikasining Mehnat kodeksi 208-moddasi birinchi qismida belgilangan bayram kunlari munosabati bilan lavozim maoshining (ragʻbatlantiruvchi koeffitsiyent va koʻp yillik xizmatlari uchun ustamalarni hisobga olgan holda) 100 foizi miqdorida mukofot;

qishloq xoʻjaligi mahsulotlarini xarid qilish uchun xodimlarga bir yilda bir marotaba mehnatga haq toʻlashning eng kam miqdorining oʻn baravarigacha boʻlgan miqdorda toʻlovlar toʻlanadi;

Agentlik rahbariyati tomonidan xodim yoki tegishli boʻlinma rahbari murojaatiga muvofiq, quyidagi bir martalik ragʻbatlantirish hamda ijtimoiy qoʻllab-quvvatlash boʻyicha toʻlovlar berilishi mumkin:

xodim yubiley yoshiga toʻlganda (50, 60 va 70 yosh) mehnatga haq toʻlashning eng kam miqdorining yetti baravarigacha;

xodim pensiyaga chiqishi munosabati bilan mehnatga haq toʻlashning eng kam miqdorining oʻn baravarigacha;

xodimning nikohdan oʻtishi munosabati bilan mehnatga haq toʻlashning eng kam miqdorining oʻn baravarigacha;

xodimning farzandi nikohdan oʻtishi munosabati bilan mehnatga haq toʻlashning eng kam miqdorining besh baravarigacha;

xodimning uzoq muddat (bir oy va undan ortiq) davolanishi talab etiladigan ogʻir kasallikka chalinishi, ogʻir, tezkor jarrohlik amaliyotini oʻtkazishi va davolanishi uchun qimmatbaho dori-darmon vositalaridan foydalanish zarurati mavjud boʻlgan hollarda Agentlik kasaba uyushmasi taklifiga asosan mehnatga haq toʻlashning eng kam miqdorining 15 baravarigacha;

xodimning yaqin qarindoshlari (otasi, onasi, turmush oʻrtogʻi, farzandlari) vafot etganda mehnatga haq toʻlashning eng kam miqdorining oʻn baravarigacha (oʻlim qayd etilgan sanadan boshlab 6 oy ichida);

xodimning oʻlimi sababli xodimning oila aʼzolariga mehnatga haq toʻlashning eng kam miqdorining 20 baravarigacha.

36. Agentlik mehnat jamoasi tomonidan tuzilgan Kasaba uyushmasi qoʻmitasining moddiy holatini qoʻllab-quvvatlash maqsadida, Kasaba uyushmasining Agentlik xodimlarini qoʻllab-quvvatlashga qaratilgan tegishli soʻroviga asosan, direktorning buyrugʻi bilan uning hisobraqamiga moliyaviy yordam oʻtkazilishi mumkin.

37. Oʻzbekiston Respublikasi norezidentlari boʻlgan Agentlikning jalb etilgan xodimlari, ekspertlari va maslahatchilari xizmatlariga tuzilgan shartnoma shartlariga muvofiq qonunchilik hujjatlarida belgilangan tartibda haq toʻlanadi.

38. Ragʻbatlantiruvchi qoʻshimcha toʻlov sifatida faoliyat samaradorligining eng muhim koʻrsatkichlarini taʼminlagan xodimlarga Agentlik direktori va mehnat jamoasi tomonidan imzolanadigan jamoa shartnomasiga muvofiq lavozim maoshining (ragʻbatlantiruvchi koeffitsiyentni hisobga olgan holda) 200 foizi miqdorida shaxsiy ustama toʻlab beriladi.

11-bob. Yakunlovchi qoida

39. Ushbu Nizom talablari buzilishida aybdor boʻlgan shaxslar qonunchilik hujjatlariga muvofiq javobgar boʻladi.

Vazirlar Mahkamasining 2025-yil 17-noyabrdagi 729-son qaroriga 2-ILOVA

1-bob. Umumiy qoidalar

2. Jamgʻarma yuridik shaxs hisoblanmaydi va uning mablagʻlari hisobi Oʻzbekiston Respublikasi Iqtisodiyot va moliya vazirligi huzuridagi Gʻaznachilik xizmati qoʻmitasida ochilgan yagona shaxsiy gʻazna hisobvaragʻida yuritiladi hamda qonunchilik hujjatlari va ushbu Nizomda belgilangan maqsad va yoʻnalishlarga sarflanadi.

3. Agentlik Jamgʻarmaning ijro etuvchi organi hisoblanadi.

2-bob. Jamgʻarma mablagʻlarini shakllantirish

4. Jamgʻarma mablagʻlari quyidagi manbalar hisobidan shakllantiriladi:

Tijorat banklari orqali korxonalarni aylanma mablagʻ bilan taʼminlash uchun moliyaviy resurslar ajratish maqsadida Jamgʻarma buyurtmanomalari asosida Tiklanish va taraqqiyot jamgʻarmasidan bosqichma-bosqich ajratiladigan 200 million AQSH dollari;

Oʻzbekiston Respublikasi Davlat budjetidan Jamgʻarmaga belgilangan tartibda oʻtkazib beriladigan, jumladan, korxonalarni qoʻllab-quvvatlash choralari uchun ajratiladigan mablagʻlar;

Oʻzbekiston Respublikasi Prezidentining farmonlari va qarorlari, Hukumat qarorlari bilan ajratiladigan mablagʻlar;

jismoniy va yuridik shaxslarning xayriya mablagʻlari, xalqaro moliya institutlari va xorijiy tashkilotlarning grantlari;

vaqtincha boʻsh turgan mablagʻlarni tijorat banklari depozitlariga joylashtirishdan olinadigan daromadlar;

qonunchilik hujjatlarida taqiqlanmagan boshqa manbalar.

3-bob. Jamgʻarma mablagʻlaridan foydalanish tartibi

5. Jamgʻarma mablagʻlaridan quyidagi xarajatlarni moliyalashtirish uchun foydalaniladi:

a) xalqaro brendlarni jalb qilish, standartlashtirish va sertifikatlashning xalqaro tizimlarini, moliyaviy hisobotlarning xalqaro standartlarini joriy etish, eksport shartnomalari boʻyicha sugʻurtalashni moliyalashtirish xarajatlarini qoplash hamda mutaxassislarni oʻqitish uchun grantlar ajratish;

b) xorijiy davlatlarda savdo uylarini ochish va saqlash, ofis, savdo va ombor binolarini ijaraga olish, reklama kampaniyalarini tashkil etish bilan bogʻliq chet eldagi xarajatlarning bir qismini qoplash;

v) xorijiy konsalting kompaniyalarini va ishchi va mutaxasisslarni jalb qilish, koʻrgazma stendlarini tashkil etish va xalqaro koʻrgazma-yarmarkalar, treninglar va biznes-forumlarda ishtirok etish xarajatlarini qoplab berish, xorijiy axborot resurslarida maʼlumotlarni joylashtirishda moliyaviy yordam koʻrsatish;

g) yengil sanoat korxonalarini, shu jumladan, tayyor tikuv-trikotaj, tabiiy va sunʼiy charmdan tayyor poyabzal va charm-attorlik mahsulotlari, ipak mato ishlab chiqaruvchi korxonalarni belgilangan tartibda moliyaviy qoʻllab-quvvatlash;

d) Jamgʻarma mablagʻlari hisobidan hududlarda tashkil etiladigan yengil sanoat korxonalariga koʻmaklashish loyiha ofislarini saqlash, jalb qilinadigan xorijiy maslahatchilar va konsalting kompaniyalari xarajatlarini qoplash, Agentlik faoliyatini qoʻllab-quvvatlash;

e) yengil sanoat korxonalariga aylanma mablagʻlarini toʻldirish uchun tijorat banklari orqali kreditlar ajratish va faktoring xizmatlari uchun resurslar taqdim etish;

j) olis va chekka hududlarda yengil sanoatni rivojlantirishni ragʻbatlantirish maqsadida 3 — 5-toifadagi tumanlarda ishlab chiqarish filialini belgilangan shartlar asosida ochadigan toʻqimachilik va tikuv-trikotaj korxonalariga kredit berish;

z) yengil sanoat sohasini rivojlantirish strategiyalarini ishlab chiqish hamda korxonalarni raqamlashtirish tadbirlarini moliyalashtirish;

i) Agentlik, uning tizimidagi Oʻzbekiston — Koreya oʻquv-amaliy toʻqimachilik texnoparki, Ipakchilik ilmiy-tadqiqot instituti va Oʻzbekiston tabiiy tolalar ilmiy-tadqiqot instituti joriy xarajatlarini moliyalashtirish, moddiy-texnik bazasini mustahkamlash, xodimlarni moddiy ragʻbatlantirish;

k) Oʻzbekiston Respublikasi Prezidenti va Hukumat hujjatlarida belgilangan boshqa maqsadlar uchun sarflanishi mumkin;

l) yengil sanoat tarmoq uyushmalarini grant va ijtimoiy buyurtma va boshqa qonunchilik hujjatlarida taqiqlanmagan moliyalashtirish mexanizmlari orqali moliyalashtirish.

m) yirik brendlar va riteylerlar ishtirokidagi xalqaro koʻrgazma va konferensiyalarda “homiylik” toʻlovlarini toʻlaydi;

n) xorijiy brend, “sorsing” va riteylerlar mutaxassislarining Oʻzbekistonga tashrifi xarajatlarini qoplash (aviachipta, transport, mehmonxona);

o) terini qayta ishlash, poyabzal va charm-attorlik yoʻnalishida:

terini qayta ishlab, tayyor charm ishlab chiqaruvchi korxonalarga ishlab chiqarib, realizatsiya qilingan tayyor charmning (krast, finish) har bir detsimetr kvadrati uchun 350 soʻm miqdorida subsidiya ajratiladi;

poyabzal va charm-attorlik mahsulotlarini ishlab chiqaruvchi korxonalarga ishlab chiqarishga joriy qilingan har bir yangi model uchun 1 million soʻm, biroq bir korxona uchun bir kalendar yilida 50 million soʻmdan oshmagan miqdorda subsidiya ajratiladi;

poyabzal ishlab chiqaruvchi korxonalar tomonidan oʻz ehtiyojlari uchun import qilingan poyabzal qoliplari (kolodka, press-forma) qiymatining 50 foiz qismi, biroq bir kalendar yilda Yevropa Ittifoqi davlatlari uchun 10 ming AQSH dollari, boshqa davlatlar uchun 5 ming AQSH dollaridan oshmagan miqdorda qoplab beriladi;

p) yengil sanoat korxonalari tomonidan suv tozalash inshootlarida belgilangan meʼyorlar doirasida suvni tozalash uchun xarid qilingan kimyoviy vositalar va reagentlar qiymatining 50 foiz qismi qoplab beriladi;

r) Charm-poyabzal sanoat zonalarini boshqarish direksiyasi xodimlarini saqlash xarajatlari.

6. Jamgʻarma mablagʻlari hisobidan Agentlik tizimidagi Oʻzbekiston — Koreya oʻquv-amaliy toʻqimachilik texnoparki, Ipakchilik ilmiy-tadqiqot instituti va Oʻzbekiston tabiiy tolalar ilmiy-tadqiqot instituti joriy xarajatlari, moddiy-texnik bazasini mustahkamlash xarajatlari, xodimlarni moddiy ragʻbatlantirish uchun ajratiladigan mablagʻlar Agentlik direktori tomonidan tasdiqlanadigan xarajatlar smetasiga asosan moliyalashtiriladi.

7. Jamgʻarma mablagʻlaridan Agentlik tomonidan choraklar kesimida tasdiqlanadigan Jamgʻarmaning yillik daromadlari va xarajatlari smetasiga muvofiq foydalaniladi.

4-bob. Jamgʻarma faoliyatini boshqarish

8. Agentlik direktori Jamgʻarmaning ijro etuvchi organiga rahbarlik qiladi.

9. Jamgʻarmaning ijro etuvchi organi tarkibi Agentlik direktori, Agentlik direktorining oʻrinbosarlari, boshqarma boshliqlari, bosh hisobchisi va bosh yuristkonsultidan iborat boʻladi.

10. Jamgʻarmaning ijro etuvchi organi:

Yengil sanoat sohasida jamoatchilik kengashining (keyingi oʻrinlarda — Kengash) tavsiyalari asosida Jamgʻarmaning daromadlari va xarajatlari prognozini koʻrib chiqqan holda, choraklar kesimida yillik xarajatlar smetasini (keyingi oʻrinlarda — smeta) Iqtisodiyot va moliya vazirligi bilan kelishilgan holda tasdiqlaydi;

tasdiqlangan smetaga asosan mablagʻlarning samarali va maqsadli ishlatilishini taʼminlaydi.

11. Jamgʻarmaning ijro etuvchi organi rahbari smetaning 10 foizigacha miqdorida, keyinchalik Kengashga maʼlumot kiritish sharti bilan oʻzgartirish kiritish huquqiga ega.

12. Jamgʻarma mablagʻlaridan foydalanishda erishiladigan natijalar boʻyicha tegishli yil uchun maqsadli koʻrsatkichlar Kengash bilan kelishilgan holda Agentlik tomonidan ishlab chiqiladi.

5-bob. Jamgʻarma mablagʻlaridan foydalanish yuzasidan hisobot va nazorat

12. Jamgʻarmaning daromadlari va xarajatlari hisobi Agentlik tomonidan alohida yuritiladi.

13. Yengil sanoat tarmoq uyushmalari tomonidan Jamgʻarmadan ajratilgan mablagʻlar hisobidan amalga oshirilgan xarajatlar toʻgʻrisidagi hisobotlar har oyning 10-sanasiga qadar Jamgʻarmaning ijro etuvchi organiga kiritib boriladi.

14. Agentlik har chorakda hisobot choragidan keyingi oyning 15-sanasigacha Kengash bilan kelishilgan Jamgʻarma mablagʻlaridan foydalanish toʻgʻrisidagi hisobotni Iqtisodiyot va moliya vazirligiga taqdim etadi.

15. Jamgʻarma mablagʻlarining maqsadli foydalanilishi yuzasidan nazorat belgilangan tartibda davlat moliyaviy nazorati organlari tomonidan amalga oshiriladi.

6-bob. Yakunlovchi qoidalar

16. Jamgʻarma qonunchilik hujjatlarida belgilangan tartibda tugatiladi yoki qayta tuziladi.

17. Ushbu Nizom talablari buzilishida aybdor boʻlgan shaxslar qonunchilik hujjatlariga muvofiq javobgar boʻladi.

Vazirlar Mahkamasining 2025-yil 17-noyabrdagi 729-son qaroriga 3-ILOVA

1-bob. Umumiy qoidalar

1. Ushbu Nizom Oʻzbekiston Respublikasi Vazirlar Mahkamasi huzuridagi Yengil sanoatni rivojlantirish agentligi (keyingi oʻrinlarda — Agentlik) qoshidagi Yengil sanoatni qoʻllab-quvvatlash jamgʻarmasi (keyingi oʻrinlarda — Jamgʻarma) mablagʻlari hisobidan tijorat banklariga yengil sanoat korxonalarining aylanma mablagʻlari hamda uskunalar xaridiga ajratiladigan kredit va faktoring xizmatlari uchun moliyaviy resurslar taqdim etish tartibini belgilaydi.

2. Ushbu Nizomda quyidagi asosiy tushunchalardan foydalaniladi:

yengil sanoat korxonalari — Oʻzbekiston Respublikasida roʻyxatdan oʻtgan va toʻqimachilik, ipakchilik, charm-poyabzal va gilamchilik sanoatida faoliyatini amalga oshirayotgan yoki uni boshlash istagidagi tadbirkorlik subyektlari;

moliyaviy resurslar — Agentlik tomonidan tijorat banklariga yengil sanoat korxonalarini aylanma mablagʻlar bilan taʼminlashga hamda uskunalar xaridiga ajratiladigan kreditlar uchun taqdim etiladigan milliy va xorijiy valyutadagi pul mablagʻlari;

uskunalar — toʻquv va tikuvchilik mahsulotlarini ishlab chiqarish uchun zarur dastgohlar;

faktoring — tijorat bankiga akseptlangan yoki garov ostida, biroq xorijiy xaridor tomonidan toʻlovi amalga oshirilmagan yetkazib berilgan tovarlar, koʻrsatilgan xizmatlar va bajarilgan ishlar uchun toʻlov talabnomasi asosida toʻlovlarni qabul qilish orqali tovarlar (ishlar, xizmatlar) yetkazib beruvchi tashkilotlarni moliyalashtirish xizmati.

3. Agentlik tomonidan tijorat banklariga yengil sanoat korxonalari uchun moliyaviy resurslar quyidagi moliyalashtirish turlari orqali milliy va xorijiy valyutada taqdim etiladi:

korxonalar aylanma mablagʻlarini toʻldirish uchun kreditlar ajratish;

uskunalar xaridi uchun kreditlar ajratish;

yengil sanoat korxonalarining foiz stavkasi xorijiy valyutada 7 foizdan va milliy valyutada 16 foizdan baland boʻlgan amaldagi kreditlarini Agentlikning mavjud resurslari hisobidan xorijiy valyutada qayta kreditlash;

faktoring xizmatlarini koʻrsatish;

Oʻzbekiston Respublikasi Prezidenti va Vazirlar Mahkamasining qarorlarida koʻzda tutilgan moliyalashtirishning boshqa turlari va yoʻnalishlari.

2-bob. Tijorat banklariga moliyaviy resurslar taqdim etish shartlari

4. Agentlik tomonidan moliyaviy resurslar Jamgʻarma mablagʻlari hisobidan yengil sanoat korxonalari uchun tijorat banklari orqali quyidagi shartlarda kredit mahsulotlarini joriy qilish uchun ajratiladi:

a) aylanma mablagʻlarni toʻldirish hamda faktoring xizmatlari uchun yengil sanoat korxonalarining oxirgi 12 oy mobaynida amalga oshirilgan mahsulot realizatsiyasi hajmidan kelib chiqqan holda 36 oy muddatgacha xorijiy valyutada:

5 million AQSH dollarigacha ekvivalentda mahsulot realizatsiya qilinganda — 1 million AQSH dollarigacha;

5 million AQSH dollaridan 10 million AQSH dollarigacha ekvivalentda mahsulot realizatsiya qilinganda — 2 million AQSH dollarigacha;

10 million AQSH dollaridan 15 million AQSH dollarigacha ekvivalentda mahsulot realizatsiya qilinganda — 3 million AQSH dollarigacha;

15 million AQSH dollaridan 20 million AQSH dollarigacha ekvivalentda mahsulot realizatsiya qilinganda — 4 million AQSH dollarigacha;

20 million AQSH dollari ekvivalentidan koʻp miqdorda mahsulot realizatsiya qilinganda — 5 million AQSH dollarigacha.

xorijiy brend aktivlarini brend nomi bilan birgalikda xarid qilib, respublikaga relokatsiya qilgan yengil sanoat korxonalariga ular tomonidan sotilgan mahsulot hajmidan qatʼi nazar, 5 million AQSH dollarigacha.

Bunda:

moliyaviy resurslar yillik 7 foiz stavkadan (shundan 2 foizi bank marjasi, 1 foizi Agentlik xarajatlari) oshmagan holda taqdim etiladi;

Hukumatning alohida topshiriqlariga asosan Agentlik tomonidan tadbirkorlik subyektlariga taqdim etiladigan moliyaviy resursni qaytarish muddati 6 oygacha uzaytirilishiga ruxsat beriladi;

b) olis va chekka hududlarda yengil sanoatni rivojlantirishni ragʻbatlantirish maqsadida 3 — 5-toifadagi tumanlarda ishlab chiqarish filialini ochadigan toʻqimachilik va tikuv-trikotaj korxonalariga filialda kamida 200 ta ish oʻrni yaratish va oylik oʻrtacha ish haqini 2,5 million soʻmdan kam boʻlmagan miqdorda toʻlash sharti bilan Jamgʻarmadan uskuna xaridi va (yoki) aylanma mablagʻlarni toʻldirish uchun besh yilga 10 milliard soʻmgacha kredit Markaziy bank asosiy stavkasida (shundan 5 foizi bank marjasi) tijorat banklari orqali taqdim etiladi.

v) Oʻzbekiston Respublikasi Prezidentining 2026-yil 12-yanvardagi “Mahalliy yengil sanoat korxonalarining xalqaro yetkazib berish zanjirlarida ishtirokini kengaytirish hamda tashqi bozorlarda oʻrnini mustahkamlashga qaratilgan chora-tadbirlar toʻgʻrisida”gi PF-4-son Farmonining 15-bandida nazarda tutilgan hamda Oʻzbekiston Respublikasi Prezidentining 2025-yil 19-sentabrdagi “Yengil sanoat sohasida yuqori qoʻshilgan qiymatli mahsulotlar ishlab chiqarish va eksport hajmini oshirish uchun qoʻshimcha shart-sharoitlar yaratish toʻgʻrisida”gi PF-174-son Farmonining 11-bandi bilan ajratilgan mablagʻlar hisobidan, shu jumladan, Jamgʻarmaga jalb qilinadigan xorijiy kredit liniyalari hisobidan yengil sanoat korxonalarining foiz stavkasi xorijiy valyutada 7 foizdan baland boʻlgan amaldagi kreditlarini qayta kreditlash asosida, ularning muddatiga mutanosib ravishda, biroq 36 oydan oshmagan muddatga, Oʻzbekiston Respublikasi Prezidentining 2023-yil 10-yanvardagi “Paxta-toʻqimachilik klasterlari faoliyatini qoʻllab-quvvatlash, toʻqimachilik va tikuv-trikotaj sanoatini tubdan isloh qilish hamda sohaning eksport salohiyatini yanada oshirish chora-tadbirlari toʻgʻrisida”gi PF-2-son Farmoni 2-bandining “d” kichik bandida koʻrsatilgan shartlar asosida kreditlar ajratiladi.

g) Oʻzbekiston Respublikasi Prezidenti va Vazirlar Mahkamasining qarorlarida belgilangan boshqa moliyalashtirish turlari uchun ushbu hujjatlarda belgilab berilgan shartlar va miqdorlarda.

Bunda filialda jami ishchilar soni boʻyicha belgilangan talab kredit ajratilgan sanadan boshlab olti oy oʻtgandan keyin kredit ajratilgan muddatga joriy etiladi.

5. Yengil sanoat korxonalariga Agentlikning moliyaviy resurslari hisobidan tijorat banklari tomonidan aylanma mablagʻlarni toʻldirish uchun revolver kreditlar ajratilishi mumkin.

6. Agentlik tomonidan yengil sanoat korxonalariga tijorat banklari orqali faktoring xizmatlari koʻrsatilishi uchun milliy valyutada moliyaviy resurs ajratilishi mumkin.

Bunda moliyaviy resurslar yillik Markaziy bank asosiy stavkasidan (shundan 5 foizi bank marjasi) oshmagan holda taqdim etiladi.

7. Agentlikning moliyaviy resurslari hisobidan berilgan kreditlarni oʻz vaqtida soʻndirib kelayotgan tadbirkorlik subyektlariga bir necha marta qoʻshimcha moliyaviy resurs ajratishga ruxsat etiladi.

8. Agentlikning moliyaviy resurslari hisobidan moliyalashtiriladigan kreditlardan maqsadli foydalanilishi tijorat banki tomonidan monitoring qilib boriladi.

9. Tijorat banki moliyaviy resurslar olish uchun Agentlik bilan qonunchilik hujjatlarida belgilangan tartibda bosh kelishuv tuzadi.

Bosh kelishuvda ushbu Nizomda belgilangan shart va tartiblarni inobatga olgan holda tomonlarning huquqlari, majburiyatlari va javobgarliklari hamda moliyaviy resurslarni taqdim etish va undan foydalanish shartlari belgilanadi.

10. Moliyaviy resurslardan foydalanish uchun tijorat bankida alohida maxsus hisobvaraq ochiladi.

11. Tijorat banki tomonidan moliyaviy resurslar Agentlik va tijorat banki oʻrtasida tasdiqlanadigan moliyaviy resurslarni qaytarish grafigida belgilangan muddatlarda qaytariladi, fors-major holatlar bundan mustasno.

12. Moliyaviy resurslardan faqat ushbu Nizomda nazarda tutilgan moliyalashtirish turlari uchun foydalaniladi.

13. Tijorat banki aylanma mablagʻlarni toʻldirish, faktoring xizmatlarini koʻrsatish va uskunalar xaridi uchun ajratiladigan kreditlariga moliyaviy resurs ajratilishi boʻyicha Agentlikka buyurtmanoma taqdim etadi.

14. Tijorat banki Agentlikning moliyaviy resurslari hisobidan moliyalashtirishda tadbirkorlik subyektlari tomonidan quyidagi shartlarning bajarilishini tekshiradi:

ushbu Nizomda nazarda tutilgan moliyalashtirish turlaridan foydalanish boʻyicha murojaat qilganini;

tadbirkorlik subyekti tugatish bosqichida emasligi yoki ularga nisbatan bankrotlik tartiboti qoʻzgʻatilmaganini;

tadbirkorlik subyektlarining oxirgi 12 oy mobaynida mahsulot realizatsiyasi hajmini;

budjetga toʻlovlar boʻyicha muddati oʻtgan qarzdorliklari mavjud yoki mavjud emasligini.

3-bob. Moliyaviy resurslarni olish uchun tijorat bankidan talab etiladigan hujjatlar va ularni koʻrib chiqish tartibi

15. Tijorat bankining moliyaviy resurslar olish boʻyicha buyurtmanomalari ushbu Nizomga 1-ilovada keltirilgan sxemaga muvofiq koʻrib chiqiladi.

16. Bosh kelishuv tuzgan tijorat banki moliyaviy resurslar olish uchun Agentlikka ushbu Nizomga 2-ilovaga muvofiq buyurtmanoma taqdim etadi.

Buyurtmanoma elektron axborot tizimi orqali yoki toʻgʻridan-toʻgʻri, pochta aloqa xizmati orqali tijorat bankining masʼul rahbari imzosi (elektron raqamli imzosi) bilan tasdiqlangan holatda kiritiladi.

Taqdim etilgan buyurtmanomadagi maʼlumotlarning haqqoniyligi va ishonchliligiga tijorat banki javobgar hisoblanadi.

17. Tijorat banki tomonidan kiritilgan buyurtmanoma Agentlik tomonidan uch ish kunigacha boʻlgan muddatda koʻrib chiqiladi.

Buyurtmanoma moliyalashtirish turi, miqdori, muddati hamda ushbu Nizomda belgilangan boshqa talablar va shartlarga muvofiqligi yuzasidan koʻrib chiqiladi.

Buyurtmanomadagi maʼlumotlar axborot tizimlari, shu jumladan, Soliq va Bojxona qoʻmitalarining elektron axborot tizimlari hamda tegishli tashkilotlarning internet tarmogʻidagi maʼlumotlar bazalari yordamida Agentlik tomonidan oʻrganib chiqilishi mumkin.

18. Agentlik buyurtmanomani koʻrib chiqish yakuni boʻyicha qabul qilingan qaror toʻgʻrisida elektron axborot tizimi yoki pochta aloqa xizmati orqali tijorat bankiga bildirishnoma yuboradi.

Bildirishnomada moliyaviy resurs ajratilishi (toʻliq yoki qisman) yoki rad etilishi sabablari koʻrsatiladi.

Tijorat banki moliyaviy resurs ajratilishi rad etilgan buyurtmanomalar boʻyicha tegishli tadbirkorlik subyektini bir bank ish kunida xabardor qiladi.

19. Tijorat banki moliyaviy resurs ajratilishi toʻgʻrisidagi ijobiy bildirishnomani olgan kundan boshlab besh bank ish kuni ichida tadbirkorlik subyekti bilan oʻrnatilgan tartibda hujjatlarni rasmiylashtiradi hamda Agentlikka ushbu Nizomga 3-ilovaga muvofiq tijorat bankining masʼul rahbari tomonidan imzolangan talabnomani kiritadi.

Ushbu talabnoma elektron axborot tizimi yoki toʻgʻridan-toʻgʻri, pochta aloqa xizmati orqali kiritilishi mumkin.

4-bob. Moliyaviy resurslar taqdim etilishini rad etish

20. Quyidagilar tijorat bankiga moliyaviy resurslar taqdim etishni rad etish uchun asos boʻladi:

ushbu Nizomning 2-bobida koʻrsatilgan shartlar yoki ulardan birining bajarilmasligi;

moliyaviy resurslar hisobidan moliyalashtirish koʻzda tutilgan tadbirkorlik subyekti tugatish bosqichida ekanligi yoki ularga nisbatan bankrotlik tartiboti qoʻzgʻatilgani;

budjetga toʻlovlar boʻyicha muddati oʻtgan qarzdorlikning mavjudligi;

tijorat banki tomonidan taqdim etilgan buyurtmanomada ushbu Nizomning 17-bandida belgilangan tartibda oʻtkazilgan oʻrganish natijasida ishonchsiz va notoʻgʻri maʼlumotlarning mavjudligi yoki ularning buzib koʻrsatilishi aniqlangani.

21. Ushbu Nizomning 20 va 25-bandlarida koʻrsatilgan holatlardan boshqa asoslarga koʻra moliyaviy resurslarning taqdim etilishini rad etishga yoʻl qoʻyilmaydi.

22. Tijorat banki buyurtmanoma boʻyicha rad etish toʻgʻrisida bildirishnoma olganda, rad etish asoslari boʻyicha koʻrsatilgan kamchiliklarni bartaraf etgan holda moliyaviy resurs olish uchun Agentlikka qayta buyurtmanoma taqdim etishga haqli.

5-bob. Moliyaviy resurslar boʻyicha toʻlovlarni amalga oshirish

23. Agentlik talabnoma kelib tushgan kundan boshlab ikki ish kunida ulardagi maʼlumotlarning buyurtmanoma va bildirishnomadagi maʼlumotlarga muvofiqligini tekshiradi, maʼlumotlar muvofiq deb topilganda, tegishli moliyaviy resurslarni tijorat bankining maxsus ochilgan hisobvaragʻiga oʻtkazib beradi.

Talabnomadagi maʼlumotlar buyurtmanoma va bildirishnomadagi maʼlumotlarga muvofiq kelmagan hollarda Agentlik bir ish kunida toʻlov talabnomasini tijorat bankiga qaytaradi.

Tijorat banki talabnomadagi nomuvofiqliklarni bartaraf etgan holda besh bank ishi kuni ichida Agentlikka qayta talabnoma kiritishi mumkin.

Moliyaviy resurs ajratilishi bildirilgan buyurtmanoma boʻyicha talabnoma tijorat banki tomonidan uch ish kuni davomida kiritilmagan yoki aniqlangan nomuvofiqliklar bartaraf etilmagan taqdirda, bildirishnoma oʻz kuchini yoʻqotgan hisoblanadi va moliyaviy resurs ajratilishi bekor qilinadi.

24. Tijorat banki maxsus ochilgan hisobvaragʻiga kelib tushgan mablagʻni moliyalashtirish turlaridan foydalanish boʻyicha imzolangan shartnomaga muvofiq uch ish kunida tadbirkorlik subyektining tegishli bank hisobvaragʻiga oʻtkazib beradi va buni tasdiqlovchi bank hujjatlarini Agentlikka taqdim etadi.

25. Tijorat bankining maxsus ochilgan hisobvaragʻiga Agentlikdan kelib tushgan mablagʻlardan buyurtmanomada koʻrsatilganidan boshqa maqsadlar uchun foydalanish taqiqlanadi.

26. Tijorat banki Agentlik tomonidan ajratilgan moliyaviy resurslarni ushbu Nizomning 4-bandida belgilangan foiz stavkalari asosida hisoblangan ustama haqi bilan birga oʻzaro tasdiqlangan moliyaviy resurslarni qaytarish grafigiga asosan Agentlikka oʻtkazib borilishini taʼminlaydi.

Bunda tijorat bankiga ajratilgan moliyaviy resurslar boʻyicha hisoblangan ustama haqi tijorat bankining jamgʻarib boriladigan hisobvaragʻida yigʻiladi va moliyaviy resurslarni qaytarish grafigida belgilangan muddatlarda Agentlikka oʻtkazib boriladi.

27. Moliyaviy resurslardan foydalanayotgan tadbirkorlik subyektlari ushbu Nizomda belgilangan moliyalashtirish turlari boʻyicha olgan mablagʻlarni muddatidan oldin qaytargan taqdirda, tegishli mablagʻlar (moliyaviy resurs va u boʻyicha hisoblangan ustama haqi) tijorat banki tomonidan Agentlikka ikki bank ish kunida oʻtkazib berilishi va ushbu boʻyicha Agentlikka maʼlumot taqdim etilishi kerak.

28. Moliyaviy resurslardan foydalanayotgan tadbirkorlik subyektlari ushbu Nizomda belgilangan moliyalashtirish turlari boʻyicha olgan mablagʻlarini oʻz muddatida qaytara olmagan hollarda, moliyaviy resurslarning belgilangan muddatlarda Agentlikka qaytarilishi boʻyicha javobgarlik tijorat banki zimmasiga yuklanadi.

29. Tijorat banki tomonidan moliyaviy resurslarning ushbu Nizomning 4-bandida belgilangan muddatlarda Agentlikka qaytarilmasligi tadbirkorlik subyektlari tomonidan toʻlovlarning tijorat bankiga oʻz muddatida qaytarilmayotgani bilan bogʻliq hollarda, moliyaviy resurslarni qaytarish muddati Agentlikning qaroriga asosan oʻzgartirilishi mumkin.

30. Agentlik tomonidan moliyaviy resurslar:

a) aylanma mablagʻlarni toʻldirish va faktoring xizmatlarini koʻrsatish uchun Jamgʻarmaga Tiklanish va taraqqiyot jamgʻarmasidan ajratilgan resurslar hisobidan;

b) olis va chekka hududlarda yengil sanoatni rivojlantirishni ragʻbatlantirish maqsadida 3 — 5-toifadagi tumanlarda ishlab chiqarish filialini ochadigan toʻqimachilik va tikuv-trikotaj korxonalariga uskuna xaridi va (yoki) aylanma mablagʻlarni toʻldirish uchun budjetdan ajratiladigan ssuda va Jamgʻarmaning boshqa daromadlari hisobidan ajratiladi.

6-bob. Yakunlovchi qoidalar

31. Agentlik va tijorat banki oʻrtasidagi nizolar sud tartibida hal etiladi.

32. Agentlik tomonidan tijorat bankiga ajratilgan moliyaviy resurslardan maqsadli foydalanilishi boʻyicha javobgarlik tijorat banki zimmasiga yuklanadi.

33. Tijorat banki tomonidan quyidagi hollarda:

bosh kelishuvga asosan moliyaviy resurs va unga hisoblangan ustama haqi boʻyicha moliyaviy resurslarni qaytarish grafigida koʻrsatilgan muddatlardan kechiktirilganda;

tijorat bankining maxsus hisobvaragʻiga oʻtkazilgan, lekin tadbirkorlik subyekti tomonidan foydalanish rad etilgan mablagʻlarni Agentlikka oʻtkazib berish kechiktirilganda;

tijorat banki muddati oʻtgan har bir kun uchun kechiktirilgan qarz summasining 0,1 foizi miqdorida, biroq majburiyatlarining bajarilmagan qismi miqdorining 30 foizidan koʻp boʻlmagan miqdorda jarima (penya) toʻlaydi.

34. Ushbu Nizom talablari buzilishida aybdor boʻlgan shaxslar qonunchilik hujjatlariga muvofiq javobgar boʻladi.

Oʻzbekiston Respublikasi Vazirlar Mahkamasi huzuridagi Yengil sanoatni rivojlantirish agentligi tomonidan Yengil sanoatni qoʻllab-quvvatlash jamgʻarmasi mablagʻlari hisobidan tijorat banklariga yengil sanoat korxonalariga aylanma mablagʻlar va uskunalar xaridiga ajratiladigan kreditlar uchun moliyaviy resurslar taqdim etish tartibi toʻgʻrisidagi nizomga 1-ILOVA

Yengil sanoatni rivojlantirish agentligi tomonidan tijorat banklariga moliyaviy resurslar ajratish

Bosqichlar Masʼul ijrochilar Tadbirlar Bajarish muddatlari 1-bosqich Tijorat banki 1. Tadbirkorlik subyektlari tomonidan aylanma mablagʻlarni toʻldirish, faktoring va uskuna xaridi uchun kredit ajratilishi boʻyicha taqdim etilgan ariza va hujjatlarni koʻrib chiqadi. 2. Mablagʻlar ajratish imkoniyatini baholaydi va dastlabki qaror qabul qiladi (mablagʻ ajratish yoki rad etish toʻgʻrisida). 3. Mablagʻ ajratish toʻgʻrisida dastlabki qaror qabul qilingan murojaatlar boʻyicha moliyaviy resurs uchun ehtiyoji boʻlgan taqdirda, Agentlikka buyurtmanoma beradi. 15 bank ish kuni ichida 2-bosqich Yengil sanoatni rivojlantirish agentligi Tijorat banki tomonidan kiritilgan buyurtmanomani belgilangan tartibda koʻrib chiqadi va moliyaviy resurs ajratish yoki rad etish toʻgʻrisidagi bildirishnomani (qarorni) tijorat bankiga yuboradi. 3 ish kuni mobaynida 3-bosqich Tijorat banki 1. Bildirishnomaga muvofiq tadbirkorlik subyektlariga moliyaviy resurs hisobidan mablagʻ ajratilganini yoki rad etilganini maʼlum qiladi. 1 bank ish kuni mobaynida 2. Moliyaviy resurs ajratilishi boʻyicha ijobiy qaror qabul qilinganda, buyurtmanoma boʻyicha oʻrnatilgan tartibda zarur hujjatlarni rasmiylashtirish hamda moliyaviy resurs olish uchun Agentlikka talabnoma yuboradi. 5 bank ish kuni mobaynida 4-bosqich Yengil sanoatni rivojlantirish agentligi Talabnomadagi maʼlumotlarning tegishli buyurtmanoma va bildirishnomadagi maʼlumotlarga muvofiqligini koʻrib chiqadi: 1) muvofiqligi tasdiqlangan talabnoma boʻyicha tegishli mablagʻlarni tijorat bankining alohida maxsus hisobvaragʻiga oʻtkazib beradi; 2 ish kuni mobaynida 2) maʼlumotlarida nomuvofiqlik aniqlangan talabnomani tijorat bankiga qaytaradi. 1 ish kuni mobaynida 5-bosqich Tijorat banki 1. Moliyaviy resurslarni tadbirkorlik subyektlarining bank hisobvaragʻiga oʻtkazib beradi. 3 ish kuni mobaynida 2. Talabnomadagi nomuvofiqliklarni bartaraf etgan holda Agentlikka qayta kiritadi. 3 ish kuni mobaynida 6-bosqich Tijorat banki Agentlik tomonidan taqdim etilgan moliyaviy resurslarni qaytaradi. Agentlik va tijorat banki oʻrtasida tasdiqlangan grafikda belgilangan muddatlarda

Yengil sanoatni rivojlantirish agentligidan moliyaviy resurslar olish uchun

1. Tijorat bankining rekvizitlari STIR: Bank nomi: Manzil: Alohida maxsus hisobvaraq (moliyaviy resursni oʻtkazish uchun): MFO: Boshqaruv raisi oʻrinbosari: Ishonchnoma: Masʼul xodim: Masʼul xodim telefon raqami: 2. Qarz oluvchi tashkilotning rekvizitlari STIR: Nomi: Manzili: Hisobvaragʻi (milliy va xorijiy): MFO: IFUT: Rahbari (F.I.O): Rahbarning telefon raqami: 3. Bank oldidagi muddati oʻtgan kredit qarzdorligi miqdori (buyurtmanoma taqdim etilgan sanaga) (Muddati oʻtgan kredit qarzdorligi mavjud emas yoki _______ (soʻm yoki AQSH dollari) miqdorida muddati oʻtgan kredit qarzdorligi mavjud deb koʻrsatiladi) 4. Budjet oldidagi majburiy toʻlovlar boʻyicha muddati oʻtgan qarzdorlik (Mavjud emas yoki budjet oldida ________ soʻm miqdorida muddati oʻtgan qarzdorlik mavjud deb koʻrsatiladi) 5. Qarz oluvchi tashkilotning holati (Faoliyat koʻrsatayotgan va soliq majburiyatlariga ega / Faoliyat koʻrsatmayotgan deb koʻrsatiladi) 6. Agentlikdan soʻralayotgan moliyaviy resurs miqdori _____ AQSH dollari _____ soʻm 7. Mablagʻ olish uchun taqdim etilayotgan taʼminoti turi, uning qiymati (Bank tomonidan qabul qilinadigan qiymat boʻyicha) Koʻchmas mulklar: ____ mln soʻm Avtotransport vositalari: ____ mln soʻm Xorijiy bank kafolati: ____ ming AQSH dollari Bank akkreditivi: ____ ming AQSH dollari Sugʻurta polisi: ____ mln soʻm Boshqa taʼminot turlari: ____ mln soʻm (tegishlilari koʻrsatiladi) 8. Moliyalashtirish turi Bank foiz stavkasi Aylanma mablagʻlarni toʻldirish, faktoring, uskunalar xaridi (tegishlisi koʻrsatiladi): yillik ____ foizdan 9. Moliyalashtirish turi boʻyicha mablagʻlarni qaytarish muddati (oylar soni koʻrsatiladi) 10. Mablagʻlardan foydalanish maqsadi 11. Aylanma mablagʻlarni toʻldirish uchun olinadigan kredit mablagʻlari hisobidan amalga oshirilishi rejalashtirilgan mahsulot realizatsiyasi hajmi ____ soʻm 12. Moliyaviy resursdan foydalanish boʻyicha alohida qabul qilingan hujjat (Moliyaviy resursdan foydalanish boʻyicha tegishli qabul qilingan Farmon yoki qaror tanlanadi) 13. Qarz oluvchi tashkilotning ishchi xodimlari soni ____ nafar 14. Qarz oluvchining oxirgi 12 oydagi amalga oshirgan mahsulot realizatsiyasi hajmi, shundan xorijiy valyutada _____ soʻm _____ AQSH dollari, ulushi __ foizda

Yengil sanoatni rivojlantirish agentligiga

(moliyaviy resurs ajratish toʻgʻrisida) __________________________________________ qarz oluvchi tashkilotga aylanma mablagʻlarni toʻldirishga, faktoring, uskunalar xaridiga ___________________________________________________ _______________________________________________________ (tijorat banki nomi) kreditlar taqdim etish uchun ___________ AQSH dollari (soʻm) miqdoridagi moliyaviy resursni tijorat bankining quyidagi rekvizitlari boʻyicha ajratishingizni soʻraydi. Bank STIR: Manzil: Hisobvaraq: MFO: ________________________________ ____________________ boshqaruvi raisi __________ _______________________________ ______ (tijorat banki nomi) (imzo) (F.I.O.) Bogʻlanish uchun tel.: +998 (___) ___ ___ ___

Vazirlar Mahkamasining 2025-yil 17-noyabrdagi 729-son qaroriga 4-ILOVA

1-bob. Umumiy qoidalar

1. Ushbu Nizom Yengil sanoatni qoʻllab-quvvatlash jamgʻarmasi (keyingi oʻrinlarda — Jamgʻarma) mablagʻlari hisobidan yengil sanoat korxonalarini moliyaviy qoʻllab-quvvatlash tartibini belgilaydi.

2. Ushbu Nizomda quyidagi asosiy tushunchalardan foydalaniladi:

biznes-seminarlar — tadbirkorlik faoliyatiga oid tajriba, bilim va maʼlumotlar almashish maqsadida oʻtkaziladigan interfaol oʻquv-amaliy tadbir shakli, shu jumladan, onlayn interfaol oʻquv-amaliy tadbir shakli;

biznes-trening — maʼlum bir yoʻnalishda tadbirkorlar, ularning xodimlari (ishchilari) bilim va koʻnikmalarini hamda faoliyati samaradorligini oshirishga qaratilgan oʻqitish shakli, shu jumladan, onlayn oʻqitish shakli;

biznes-forum — biznes vakillarining maʼlum bir yoʻnalish, soha va tarmoqdagi biznes masalalarini muhokama qilishga bagʻishlangan yigʻilishi, shu jumladan, onlayn yigʻilishi;

koʻrgazma-yarmarka tadbirlari — xorijda va Oʻzbekiston Respublikasida tashkil etiladigan xalqaro, mintaqalararo, hududlararo koʻrgazma-yarmarka, konferensiya, festival va yengil sanoat sohasini rivojlantirishga qaratilgan boshqa tadbirlar, shu jumladan, onlayn tadbirlar;

muvofiqlik sertifikati — muvofiqlikni baholash obyektlarining texnik jihatdan tartibga solish sohasidagi normativ hujjatlarda belgilangan talablarga muvofiqligini tasdiqlovchi hujjat;

reklama kampaniyasi (taqdimot) — maʼlum bir davrga va bozorga moʻljallangan, savdo hajmini oshirish boʻyicha marketing maqsadlariga erishishga, xususan, mahsulotlar (xizmatlar) bilan tanishtirish, ularni taklif etish va xaridorlarni jalb qilishga qaratilgan keng qamrovli tadbirlarni amalga oshirish;

savdo missiyalari — savdo qiluvchi tashkilotlar bilan salohiyatli xorijiy xaridorlar oʻrtasida sheriklik aloqalarini oʻrnatish, shuningdek, mahsulot taqdimotlarini oʻtkazib, ular bilan kelgusida tuziladigan shartnomalarning shartlarini muhokama qilish va shartnomalar tuzish maqsadida tashkil etiladigan tadbirlar;

sugʻurta mukofotlari — hisoblash tartibi va miqdori sugʻurta shartnomasi bilan belgilanadigan, sugʻurta qildiruvchi tomonidan toʻlanadigan pul mablagʻi.

Ushbu Nizom doirasidagi munosabatlar uchun sugʻurta qildiruvchi — tadbirkorlik subyekti hisoblanadi;

sugʻurta qildiruvchi — sugʻurtalovchi bilan sugʻurta shartnomasini tuzuvchi, sugʻurta shartnomasi boʻyicha hisoblangan sugʻurta mukofotini toʻlovchi hamda sugʻurtalovchilar bilan muayyan sugʻurta munosabatlariga kirishuvchi har qanday tashkiliy-huquqiy shakldagi yuridik shaxs yoki toʻliq fuqarolik layoqatiga ega boʻlgan jismoniy shaxs;

tadbirkorlik subyektlari — Oʻzbekiston Respublikasida roʻyxatdan oʻtgan va Oʻzbekiston Respublikasi hududida faoliyat yuritayotgan toʻqimachilik, charm-poyabzal, ipakchilik va gilamchilik sanoati korxonalari;

foiz xarajatlarining bir qismini qoplash — xorijiy brend aktivlarini brend nomi bilan birgalikda xarid qilib, respublikaga relokatsiya qilgan yengil sanoat korxonalarining mazkur qarorga 3-ilova 4-bandi “a” qismining yettinchi xatboshisida nazarda tutilgan shartlarda ajratilgan kredit foiz xarajatlarining 2 foiz punktini qoplab berish.

3. Vazirlar Mahkamasi huzuridagi Yengil sanoatni rivojlantirish agentligi (keyingi oʻrinlarda — Agentlik) tomonidan tadbirkorlik subyektlariga moliyaviy yordam koʻrsatishning asosiy yoʻnalishlari:

a) xalqaro brendlarni jalb qilish;

b) standartlashtirish va sertifikatlashning xalqaro tizimlarini joriy etish;

v) moliyaviy hisobotlarni xalqaro standartlar asosida yuritishni joriy qilish xarajatlarini qoplab berish;

g) eksport shartnomalari boʻyicha sugʻurtalashni moliyalashtirish xarajatlarini qoplash;

d) mutaxassislarni oʻqitish xarajatlarini qoplab berish;

e) xorijiy davlatlarda savdo uylarini ochish va saqlash, ofis, savdo va ombor binolarini ijaraga olish bilan bogʻliq chet eldagi xarajatlarni qoplab berish;

j) reklama kampaniyalarini tashkil etish bilan bogʻliq chet eldagi xarajatlarining bir qismini qoplash;

z) xorijiy konsalting kompaniyalarni va malakali mutaxassislarni jalb qilish xarajatlarini qoplab berish;

i) koʻrgazma stendlarini tashkil etish xarajatlarini qoplab berish;

k) xalqaro koʻrgazma-yarmarkalar, treninglar va biznes-forumlarda ishtirok etish xarajatlarini qoplab berish;

l) xorijiy axborot resurslarida maʼlumotlarni joylashtirishda moliyaviy yordam koʻrsatish;

m) yengil sanoat korxonalarini, shu jumladan, tayyor tikuv-trikotaj, tabiiy va sunʼiy charmdan tayyor poyabzal va charm-attorlik mahsulotlari, ipak mato ishlab chiqaruvchi korxonalarni belgilangan tartibda moliyaviy qoʻllab-quvvatlash, jumladan:

hududlarda tashkil etiladigan yengil sanoat korxonalariga koʻmaklashish loyiha ofislarini saqlash, jalb qilinadigan xorijiy maslahatchilar va konsalting kompaniyalari xarajatlarini qoplash;

milliy brendlar va mahsulotlarni xorijda targʻib qilish boʻyicha “Made in Uzbekistan” dasturini amalga oshirish, shu jumladan, milliy, tarmoq va mintaqaviy koʻrgazmalar hamda tovarlar yarmarkalarini oʻtkazishni moliyalashtirish;

korxonalarda ishlab chiqarishni raqamlashtirish va axborot tizimlarini keng joriy qilish.

n) yengil sanoat korxonalarini jahon bozorlariga jalb qilishni kengaytirish maqsadida:

yirik brendlar va riteylerlar ishtirokdagi xalqaro koʻrgazma va konferensiyalarda “homiylik” toʻlovlarini toʻlash;

xorijiy brend, “sorsing” va riteylerlar mutaxassislarining Oʻzbekistonga tashrifi xarajatlarini qoplash (aviachipta, transport, mehmonxona);

o) terini qayta ishlash, poyabzal va charm-attorlik sohasini quyidagi mexanizmlar orqali qoʻllab-quvvatlash:

poyabzal va charm-attorlik mahsulotlarini ishlab chiqaruvchi korxonalarga ishlab chiqarishga joriy qilingan har bir yangi model uchun 1 million soʻm, biroq bir korxona uchun bir kalendar yilda 50 million soʻmdan oshmagan miqdorda subsidiya ajratish;

4. Tadbirkorlik subyektlariga ushbu Nizomga 1-ilovada keltirilgan sxemaga muvofiq moliyaviy yordam koʻrsatiladi.

2-bob. Moliyaviy yordam olish uchun taqdim etiladigan hujjatlar

5. Moliyaviy yordam olish uchun tadbirkorlik subyektlari tomonidan Agentlikka quyidagi hujjatlar taqdim etiladi:

a) xalqaro brendlarni jalb qilish xarajatlarini qoplab berish yoʻnalishida — xarajatlarni tasdiqlovchi hujjatlar (shartnoma va (yoki) invoys, bajarilgan ishlar boʻyicha dalolatnoma, xizmat koʻrsatuvchi bank tomonidan tasdiqlangan toʻlovlarni tasdiqlovchi hujjatlari nusxalari);

b) standartlashtirish va sertifikatlashning xalqaro tizimlarini joriy etish yoʻnalishlarida:

xarajatlarni tasdiqlovchi hujjatlar (shartnoma, hisob-faktura va (yoki) bajarilgan ishlar boʻyicha dalolatnoma, toʻlov topshiriqnomasi va (yoki) SWIFT nusxasi (xizmat koʻrsatuvchi bank tomonidan tasdiqlangan);

sertifikat nusxasi;

xalqaro sertifikat (standart)ni taqdim etgan xalqaro sertifikatlashtiruvchi tashkilotning ushbu standart boʻyicha xalqaro akkreditatsiyasi nusxasi;

standart joriy qilingani boʻyicha soʻrovnoma;

v) moliyaviy hisobotlarni xalqaro standartlar asosida yuritishni joriy qilish xarajatlarini qoplab berish yoʻnalishida:

xarajatlarni tasdiqlovchi hujjatlar (shartnoma, hisob-faktura va (yoki) bajarilgan ishlar boʻyicha dalolatnoma, xizmat koʻrsatuvchi bank tomonidan tasdiqlangan toʻlov topshiriqnomasi;

transformatsiya hisobotlari nusxalari;

g) eksport shartnomalari boʻyicha sugʻurtalashni moliyalashtirish xarajatlarini qoplab berish yoʻnalishida:

eksport shartnomasi (invoys) va (yoki) vositachilik shartnomasi nusxasi;

bojxona yuk deklaratsiyasi, sugʻurta mukofoti xarajatini tasdiqlovchi hujjatlar — sugʻurta shartnomasi va sugʻurta polisining nusxasi, toʻlov amalga oshirilganini (toʻlov topshiriqnomasi) tasdiqlovchi hujjatlar nusxasi (tegishli ijrochi bank tomonidan tasdiqlangan), xizmat koʻrsatilganini tasdiqlovchi hisobvaraq-faktura nusxasi;

d) mutaxassislarni oʻqitish xarajatlarini qoplash yoʻnalishida — xarajatlarni tasdiqlovchi hujjatlar (shartnoma va (yoki) invoys, bajarilgan ishlar boʻyicha dalolatnoma, xizmat koʻrsatuvchi bank tomonidan tasdiqlangan toʻlovlarni tasdiqlovchi hujjatlar nusxalari);

e) xorijiy davlatlarda savdo uylarini ochish va saqlash, ofis, savdo va ombor binolarini ijaraga olish bilan bogʻliq chet eldagi xarajatlarni qoplab berish yoʻnalishida:

Investitsiyalar, sanoat va savdo vazirligi tomonidan yuritiladigan Oʻzbekiston Respublikasi yuridik shaxslari tomonidan chet elda tashkilotlar tashkil etish yoki ularning ustav fondi (kapitali)da ulush bilan ishtirok etish reyestriga kiritilgani haqidagi maʼlumot (tadbirkorlik subyektining Oʻzbekiston Respublikasida roʻyxatdan oʻtgan korxonasi tomonidan xorijiy davlatlarda savdo omborlari ijaraga olingan holatlar bundan mustasno);

vakolatli organ tomonidan tasdiqlangan tadbirkorlik subyektining chet elda yuridik shaxs tashkil etganini tasdiqlovchi hujjatlar (tadbirkorlik subyektining Oʻzbekiston Respublikasida roʻyxatdan oʻtgan korxonasi tomonidan xorijiy davlatlarda savdo omborlari ijaraga olingan holatlar bundan mustasno);

xarajatlarni tasdiqlovchi hujjatlar (shartnoma va (yoki) invoys, hisob-faktura va (yoki) bajarilgan ishlar boʻyicha dalolatnoma, xizmat koʻrsatuvchi bank tomonidan tasdiqlangan toʻlov topshiriqnomasi nusxalari);

j) reklama kampaniyalarini tashkil etish bilan bogʻliq chet eldagi xarajatlarining bir qismini qoplash yoʻnalishida:

mahsulotlarning taqdimot materiallari, tarqatma materiallar (taqdimot, videorolik, broshyura, bukletlar — tadbirkorlik subyektlarining tanloviga koʻra);

tadbirkorlik subyektlari tomonidan toʻlovlar toʻlangan holatlarda:

xarajatlarni tasdiqlovchi hujjatlar (shartnoma va (yoki) oferta, hisob-faktura va bajarilgan ishlar boʻyicha dalolatnoma (barcha koʻrsatilgan xizmatlar bajarilgan ishlar dalolatnomasida aks ettirilishi shart), xizmat koʻrsatuvchi bank tomonidan tasdiqlangan toʻlov topshiriqnomasi nusxalari, raqamli reklama joylashtirilgan Internet tarmogʻidagi xorijiy axborot resurslariga havolalar;

z) xorijiy konsalting kompaniyalarni va malakali mutaxassislarni jalb qilish xarajatlarini qoplab berish yoʻnalishida — xarajatlarni tasdiqlovchi hujjatlar (shartnoma, dalolatnoma, xizmat koʻrsatuvchi bank tomonidan tasdiqlangan toʻlovlarni tasdiqlovchi hujjatlar nusxalari), ishga qabul qilingani haqida buyruq, mehnat faoliyati huquqini beradigan tasdiqnoma (my.mehnat.uz saytidan), xorijiy mutaxassisning mutaxassisligini tasdiqlovchi diplom, sertifikat (yoki boshqa hujjat) nusxasi;

i) koʻrgazma-yarmarka tadbirlarida ishtirok etish yoʻnalishida:

korxona va uning mahsulotlari toʻgʻrisida maʼlumotga ega boʻlgan tijorat taklifi;

tadbirkorlik subyektlari alohida oʻzi ishtirok etgan holatlarda:

xarajatlarni tasdiqlovchi hujjatlar (shartnoma, hisob-faktura va bajarilgan ishlar boʻyicha dalolatnoma (barcha koʻrsatilgan xizmatlar bajarilgan ishlar dalolatnomasi aks ettirilishi shart), xizmat koʻrsatuvchi bank tomonidan tasdiqlangan toʻlov topshiriqnomasi nusxalari;

oʻtkazilgan koʻrgazma nomi hamda ishtirok etilgan stendni aks ettiruvchi fotosuratlar va videolavhalar;

k) xorijda va Oʻzbekistonda boʻlib oʻtadigan oʻquv-seminar, biznes-seminar, trening, savdo missiyalari va biznes-forumlarda ishtirok etish yoʻnalishida tadbirkorlik subyektlari alohida oʻzi shaxsan qatnashgan holatlarda:

xarajatlarni tasdiqlovchi hujjatlar (shartnoma va (yoki) invoys, hisob-faktura va bajarilgan ishlar boʻyicha dalolatnoma (barcha koʻrsatilgan xizmatlar bajarilgan ishlar dalolatnomasida aks ettirilishi shart), xizmat koʻrsatuvchi bank tomonidan tasdiqlangan toʻlov topshiriqnomasi nusxalari;

oʻtkazilgan tadbir nomi hamda ishtirokini aks ettiruvchi fotosuratlar va videolavhalar;

l) xorijiy axborot resurslarida maʼlumotlarni joylashtirishda moliyaviy yordam koʻrsatish yoʻnalishida:

mahsulotlarning taqdimot materiallari, tarqatma materiallar (taqdimot, videorolik, broshyura, bukletlar — tadbirkorlik subyektlarining tanloviga koʻra);

tadbirkorlik subyektlari tomonidan toʻlovlar toʻlangan holatlarda — xarajatlarni tasdiqlovchi hujjatlar (shartnoma va (yoki) oferta, hisob-faktura va bajarilgan ishlar boʻyicha dalolatnoma (barcha koʻrsatilgan xizmatlar bajarilgan ishlar dalolatnomasida aks ettirilishi shart), xizmat koʻrsatuvchi bank tomonidan tasdiqlangan toʻlov topshiriqnomasi nusxalari;

m) hududlarda tashkil etiladigan yengil sanoat korxonalariga koʻmaklashish loyiha ofislarini saqlash, jalb qilinadigan xorijiy maslahatchilar va konsalting kompaniyalari xarajatlarini qoplash yoʻnalishida — Agentlik tomonidan tasdiqlanadigan dastur;

o) korxonalarda ishlab chiqarishni raqamlashtirish va axborot tizimlarini keng joriy qilish yoʻnalishida — Agentlik tomonidan tasdiqlanadigan dastur va imzolangan shartnoma boʻyicha “Loyihalar va xaridlar samaradorligini oshirish markazi” DMning ekspertiza xulosasi;

p) xorijiy vakolatli organlarda milliy mahsulotlar va brendlarni (tovar belgilarini) roʻyxatdan oʻtkazish yoʻnalishida — xarajatlarni tasdiqlovchi hujjatlar (shartnoma, invoys va (yoki) oferta, hisob-faktura va bajarilgan ishlar boʻyicha dalolatnoma, milliy brend roʻyxatdan oʻtkazilgani toʻgʻrisidagi guvohnoma;

r) mahsulotlar namunalarini tanishtirish maqsadida xorijiy xaridorlarga, tashqi savdo uylari va shourumlarga, shu jumladan, xaridor topishda koʻmak olish uchun Oʻzbekiston Respublikasining chet eldagi diplomatik vakolatxonalariga yuborish yoʻnalishida — transport va (yoki) pochta xarajatlarini tasdiqlovchi hujjatlar, (shartnoma, invoys va (yoki) hisob-faktura.

Qayta tashkil etish, toʻlovga qobiliyatsizlik va (yoki) tugatish holatidagi tadbirkorlik subyektlarining arizalari koʻrib chiqish uchun qabul qilinmaydi.

s) yirik brendlar va riteylerlar ishtirokdagi xalqaro koʻrgazma va konferensiyalarda “homiylik” toʻlovlarini toʻlash yoʻnalishida Investitsiyalarni jalb qilish, sanoatni rivojlantirish va savdoni tartibga solish masalalari boʻyicha Hukumat komissiyasi qarori, yirik brendlar va riteylerlar hamda Agentlik oʻrtasida tuzilgan shartnomalar;

t) xorijiy brend, “sorsing” va riteylerlar mutaxassislarining Oʻzbekistonga tashrifi xarajatlarini qoplash yoʻnalishida Investitsiyalarni jalb qilish, sanoatni rivojlantirish va savdoni tartibga solish masalalari boʻyicha Hukumat komissiyasi qarori, Agentlik va xorijiy brend, “sorsing” va riteyler kompaniyalari bilan Agentlik oʻrtasida tuzilgan shartnomaga muvofiq;

u) terini qayta ishlash, poyabzal va charm-attorlik sohasini quyidagi mexanizmlar orqali qoʻllab-quvvatlash yoʻnalishida:

terini qayta ishlab, tayyor charm ishlab chiqaruvchi korxonalarga ishlab chiqarib, realizatsiya qilingan tayyor charmning (krast, finish) har bir detsimetr kvadrati uchun subsidiya ajratishda:

tayyor charm (krast, finish) ishlab chiqarish korxonasining oʻzi foydalanayotgan va ijaraga bergan yillik quvvatlari toʻgʻrisida maʼlumot, hisobot davrida soliq organlariga topshirilgan QQS hisobotlari ilovalari bilan (soliq organlari tomonidan elektron tasdiqlangan), ishlov berilmagan teri mahsulotlarini xarid qilinganligi toʻgʻrisida shartnoma, hisob-fakturalar (elektron hujjatlar aylanmasi orqali olingan va korxonaning muhri bilan tasdiqlangan) yoki sotib olish akti (korxona tomonidan xarid qilingan) va bank operatsiyasi amalga oshirilganligi toʻgʻrisidagi hujjatlari (bank tomonidan muhr qoʻyib tasdiqlangan);

hisobot davri boshiga ishlov berilmagan teri mahsulotlari nomenklaturasi, hajmi va narxi boʻyicha qoldigʻi, hisobot davrida xarid qilingan ishlov berilmagan teri mahsulotlari nomenklaturasi, hajmi va narxi, hisobot davrida ishlab chiqarishga yoʻnaltirilgan ishlov berilmagan teri mahsulotlari nomenklaturasi, hajmi va narxi;

hisobot davrida ishlab chiqarilgan va realizatsiya qilingan tayyor charm (krast, finish) mahsulotlari toʻgʻrisidagi maʼlumotnoma, unda hisobot davri boshiga tayyor charm nomenklaturasi, hajmi va narxi boʻyicha qoldigʻi, hisobot davrida ishlab chiqarilgan tayyor charm nomenklaturasi, hajmi va narxi, hisobot davrida sotilgan tayyor charm nomenklaturasi, hajmi va narxi konteragentlar kesimida koʻrsatiladi;

tayyor charm (krast, finish) ichki bozorga realizatsiya qilinganida:

tayyor charm mahsulotini sotib olgan poyabzal yoki charm-attorlik mahsulotlari ishlab chiqarish korxonasining ishlab chiqarish quvvatlari toʻgʻrisida (ular tomonidan tasdiqlangan) maʼlumotnoma, korxona tomonidan tayyor charmdan ishlab chiqargan mahsuloti realizatsiya qilinganligi boʻyicha hujjatlar (schet faktura yoki chakana savdo cheki);

tayyor charm mahsulotini sotib olib, keyinchalik eksport qilgan savdo korxonasi bilan tuzilgan shartnoma (elektron hujjatlar aylanmasi orqali olingan va korxonaning muhri bilan tasdiqlangan, hisob fakturalar (elektron hujjatlar aylanmasi orqali olingan va korxonaning muhri bilan tasdiqlangan), eksport shartnomasi (Tashqi savdo operatsiyalari yagona elektron axborot tizimi — TSOYAEAT dan koʻchirma), bojxona yuk deklaratsiyasi, invoys, tovar ishlab chiqarilgan davlatni tasdiqlovchi sertifikat nusxasi;

tayyor charm (krast, finish) ishlab chiqaruvchi korxona tomonidan tashqi bozorga realizatsiya qilinganda eksport shartnomasi (Tashqi savdo operatsiyalari yagona elektron axborot tizimi — TSOYAEAT dan koʻchirma) hamda bojxona yuk deklaratsiyasi, invoys, tovar ishlab chiqarilgan davlatni tasdiqlovchi sertifikat (sertifikat proisxojdeniya tovara);

ishlab chiqaruvchi korxonaning oʻz ishlab chiqarish quvvatlari boʻlmagan taqdirda, boshqa quvvatlarni ijaraga olish boʻyicha ijara shartnomasi (e-ijara elektron platformasidan roʻyxatdan oʻtkazilgan va korxonaning muhri bilan tasdiqlangan). Bunda ijara shartnoma kamida 12 oyga tuzilgan va ijarachi 6 oy ishlagan boʻlishi kerak. Ijaraga beruvchi korxonaning oylik ishlab chiqarish quvvati va berilayotgan quvvat boʻyicha maʼlumot boʻlishi shart;

murojaat qiluvchi korxonada ishlov berilmagan terini qayta ishlash imkoniyatlari boʻlmaganda, xarid qilingan xom teriga nisbatan realizatsiya qilingan tayyor charm (krast, finish) mahsulotlari toʻgʻrisidagi maʼlumotlar oʻzaro nomuvofiq boʻlganda, shuningdek, shartnomalar oʻzaro affillangan shaxslar oʻrtasida tuzilganda subsidiya taqdim etish rad etiladi;

poyabzal va charm-attorlik mahsulotlarini ishlab chiqaruvchi korxonalarga ishlab chiqarishga joriy qilingan yangi model uchun subsidiya ajratishda:

yangi modeldagi poyabzal va charm-attorlik mahsulotlarini ishlab chiqarishga joriy qilish toʻgʻrisida korxona rahbarining buyrugʻi, yangi modelning texnik pasporti, fotosuratlari va eskiz nusxalari, modelni ishlab chiqarishga joriy qilish boʻyicha dalolatnoma, yangi model boʻyicha kamida 100 juft poyabzal yoki 50 dona charm-attorlik mahsulotlari ishlab chiqarilganligi toʻgʻrisida tasdiqlangan hisobot, sotuvni tasdiqlovchi hujjatlar (elektron hisobvaraq-faktura, shartnoma yoki tovar yukxatlari), agar yangi model mustaqil modelyer-dizayner yoki shu turdagi xizmat koʻrsatuvchi boshqa tadbirkorlik subyekti tomonidan tayyorlangan boʻlsa uning faoliyat turiga muvofiq tegishli hujjatlari (guvohnomasi, model ishlab chiqish boʻyicha sertifikati);

poyabzal ishlab chiqaruvchi korxonalar tomonidan oʻz ehtiyojlari uchun import qilingan poyabzal qoliplari (kolodka, press-forma) qiymatining 50 foizini qoplab berish yoʻnalishida xarajatlarni tasdiqlovchi hujjatlar (import shartnoma va (yoki) oferta, bojxona yuk deklaratsiyasi va bajarilgan ishlar boʻyicha dalolatnoma, xizmat koʻrsatuvchi bank tomonidan tasdiqlangan toʻlov topshiriqnomasi nusxalari, tovar ishlab chiqarilgan davlatni tasdiqlovchi sertifikat (tovarning kelib chiqish sertifikati);

poyabzal va charm-attorlik mahsulotlarini ishlab chiqaruvchi korxonalarga yoki ularning roʻyxatga olingan savdo belgisi (brend nomi) bilan Qoraqalpogʻiston Respublikasi maʼmuriy markazi, viloyatlar markazlari va Toshkent shahri, shuningdek, respublikaning aholi soni 100 ming kishidan oshadigan yirik shaharlarida savdo uylari va firma doʻkonlarini tashkil etgan tadbirkorlarga dastlabki 1 yil davomida bino va maydonlarni ijaraga olish xarajatlarining qoplab berish yoʻnalishida savdo uyi yoki doʻkon ochish toʻgʻrisidagi korxona rahbarining qarori, e-ijara elektron platformasidan roʻyxatdan oʻtkazilgan va korxonaning muhri bilan tasdiqlangan ijara shartnomasi (bunda shartnoma bir yildan kam boʻlmagan muddatga tuzilgan va kamida 3 oy oʻz ish faoliyatini olib borgan boʻlishi kerak) savdo uyi yoki doʻkonda oʻrnatilgan kassa apparatini tuman soliq inspeksiyasida roʻyxatdan oʻtganligi toʻgʻrisida maʼlumotnoma, savdo uyi yoki doʻkon uchun ijaraga olingan binoga boʻlgan huquqni tasdiqlovchi hujjat, shartnoma boʻyicha topshirish qabul qilish dalolatnomasi, toʻlovlarni toʻlaganlik toʻgʻrisidagi hujjat (bank tomonidan tasdiqlangan), har oy yakuni boʻyicha ijara shartnomasi boʻyicha takdim etilgan hisob-fakturalari;

f) yengil sanoat korxonalari tomonidan suv tozalash inshootlarida belgilangan meʼyorlar doirasida suvni tozalash uchun xarid qilingan kimyoviy vositalar va reagentlar qiymatining 50 foiz qismi qoplab berish yoʻnalishi boʻyicha belgilangan tartibda tasdiqlanadigan tegishli texnik reglamentdagi meʼyorlar asosida.

6. Tadbirkorlik subyektlaridan ushbu Nizomning 5-bandida nazarda tutilmagan hujjatlarni taqdim etishni talab qilishga yoʻl qoʻyilmaydi.

7. Tadbirkorlik subyektlari tomonidan tegishli hujjatlar Agentlikning elektron platformasi, shuningdek, Yagona interaktiv davlat xizmatlari portali hamda davlat xizmatlari markazlari platformalari orqali elektron shaklda yoki toʻgʻridan-toʻgʻri, pochta aloqa xizmati orqali taqdim etiladi.

8. Arizada tadbirkorlik subyektlarining elektron manzili koʻrsatilgani uning arizasi boʻyicha qabul qilingan qaror haqida elektron platforma orqali elektron shaklda xabarnoma olishga boʻlgan roziligi hisoblanadi.

Bunda elektron axborot tizimidan foydalanish orqali tadbirkorlik subyektlari tomonidan moliyaviy qoʻllab-quvvatlash uchun taqdim etilgan arizalarni koʻrib chiqish toʻgʻrisida ommaviy ofertani hamda moliyaviy yordamni olish boʻyicha maxsus shartlar toʻgʻrisidagi ofertani tasdiqlash orqali amalga oshiriladi.

9. Tegishli hujjatlar Agentlikka tadbirkorlik subyektlari tomonidan elektron platforma orqali elektron shaklda yoki toʻgʻridan-toʻgʻri, pochta aloqa xizmati orqali taqdim etilgandan keyin ushbu Nizomning 5-bandida koʻrsatilgan hujjatlar toʻliq emasligi aniqlangan taqdirda, Agentlik besh ish kuni ichida tadbirkorlik subyektiga yetishmagan hujjatlar bilan birga qayta murojaat qilishi haqida elektron shaklda xabar yuboradi.

10. Taqdim etilgan hujjatlarning ishonchliligi va haqqoniyligi uchun javobgarlik tadbirkorlik subyektlariga yuklanadi.

3-bob. Tadbirkorlik subyektlarining arizalarini koʻrib chiqish tartibi

11. Ariza va unga ilova qilinadigan hujjatlar Agentlik tomonidan ariza qabul qilingan kundan boshlab yetti ish kuni davomida koʻrib chiqiladi.

12. Agentlik taqdim etilgan hujjatlar va ularda koʻrsatilgan maʼlumotlarning toʻliqligi, ishonchliligi, moliyaviy yordam koʻrsatish yoʻnalishlari, shartlari va maqsadlariga hamda moliyaviy yordam miqdorining ushbu Nizomning 19-bandida belgilangan yuqori chegaralarga, shuningdek, tashqi savdo operatsiyalari boʻyicha mavjud muddati oʻtgan debitor qarzdorlikning ushbu Nizomda belgilangan miqdorlarga muvofiqligi nuqtai nazardan koʻrib chiqadi.

Agentlik tomonidan tadbirkorlik subyektlariga moliyaviy yordam koʻrsatish uchun:

a) barcha yoʻnalishda:

tadbirkorlik subyektlarining tashqi savdo operatsiyalari boʻyicha muddati oʻtgan debitor qarzdorligi miqdori (debitor qarzdorlikni undirish boʻyicha sud qarori mavjud boʻlgan debitor qarzdorlik miqdori bundan mustasno) oxirgi 12 oy mobaynida amalga oshirilgan tashqi savdo hajmining 10 foizidan ortiq boʻlmasligi kerak;

ariza topshirilgan 2028-yil 1-yanvarga qadar barqarorlik reytingidan qatʼiy nazar va 2028-yil 1-yanvardan boshlab sanada barqarorlik reytingida “AAA”, “AA”, “A” va “VVV”, “VV”, “V” reytingga ega boʻlgan korxona boʻlishi (roʻyxatdan oʻtganiga olti oy boʻlmagan va (yoki) Oʻzbekiston Respublikasi Prezidentining “Respublika hududlarini toifalarga ajratish va tadbirkorlikni qoʻllab-quvvatlashning tabaqalashtirilgan tizimini joriy etish chora-tadbirlari toʻgʻrisida” 2022-yil 30-dekabrdagi PF-287-son Farmoniga muvofiq 4 va 5-toifadagi tumanlarda faoliyat yuritayotgan tadbirkorlik subyektlari hamda Agentlik tomonidan tuziladigan shartnomalarga asosan tovarlar (ishlar, xizmatlar) yetkazib beruvchi (bajaruvchi, koʻrsatuvchi) tegishli tashkilotlarga toʻlovlar toʻgʻridan-toʻgʻri amalga oshirilgan holatlarda koʻrgazma-yarmarka tadbirlarida ishtirok etish hamda xorijiy mamlakatlarda boʻlib oʻtadigan oʻquv-seminar, biznes-seminar, trening, savdo missiyalari va biznes-forumlarda ishtirok etish yoʻnalishlaridan foydalangan korxonalar bundan mustasno);

budjet oldidagi qarzdorlik miqdori 100 million soʻmdan koʻp boʻlmasligi;

b) savdo uylarini ochish va saqlash, ofis, savdo va ombor binolarini ijaraga olish bilan bogʻliq chet eldagi xarajatlarni qoplab berish yoʻnalishida ushbu bandning “a” kichik bandida koʻrsatilgan talablarga qoʻshimcha ravishda:

tadbirkorlik subyektlari va (yoki) ularning chet eldagi yuridik shaxslari (savdo uylari) tomonidan ofis, savdo va ombor binolari ijaraga olingan boʻlishi kerak;

savdo uylarini ochish va saqlash, ofis, savdo va ombor binolarini ijaraga olish bilan bogʻliq chet eldagi xarajatlari boʻyicha toʻlovlar tadbirkorlik subyektlari va (yoki) ularning chet eldagi yuridik shaxslari tomonidan amalga oshirilgan boʻlishi kerak;

v) sugʻurta xizmatlaridan foydalanganda sugʻurta mukofoti xarajatlarini qoplab berish uchun ushbu bandning “a” kichik bandida koʻrsatilgan talablarga qoʻshimcha ravishda:

sugʻurta shartnomasi boʻyicha sugʻurta mukofoti sugʻurtalovchiga tadbirkorlik subyektlari tomonidan toʻlangan boʻlishi;

sugʻurtalovchi tomonidan tadbirkorlik subyektiga sugʻurta shartnomasi boʻyicha toʻlovlar amalga oshirilgandan keyin sugʻurta polisi taqdim qilingan boʻlishi;

tadbirkorlik xavfini sugʻurta qilish shartnomasi boʻyicha faqat sugʻurta qildiruvchining oʻz tadbirkorlik xavfi foydasiga sugʻurtalanishi;

g) korxonalarda ishlab chiqarishni raqamlashtirish va axborot tizimlarini keng joriy qilish yoʻnalishida — Agentlik tomonidan tasdiqlanadigan dastur asosida korxonalarda axborot tizimlari ishga tushirilishi kerak.

13. Moliyaviy yordam ajratish toʻgʻrisidagi qaror Jamgʻarmaning ijro organi rahbarining buyrugʻiga asosan shakllantirilgan komissiyalar tomonidan qabul qilinadi.

Agentlik bir ish kuni davomida elektron platforma orqali elektron shaklda yoki toʻgʻridan-toʻgʻri, pochta aloqa xizmati orqali qabul qilingan qaror toʻgʻrisida tadbirkorlik subyektlariga xabarnoma yuboradi.

14. Agentlik moliyaviy yordam koʻrsatish belgilangan arizalar boʻyicha tovarlar (ishlar, xizmatlar) yetkazib beruvchilar (bajaruvchi, koʻrsatuvchi) bilan (tender, konkurs va boshqalar) qonunchilik hujjatlarida belgilangan tartibda va muddatlarda shartnomalar tuzadi.

15. Moliyaviy yordam ajratish toʻgʻrisida qaror qabul qilinganda, toʻlovlar Agentlik tomonidan belgilangan tartibda tuzilgan shartnomalarga muvofiq tovarlar (ishlar, xizmatlar) yetkazib beruvchilarning (bajaruvchi, koʻrsatuvchi) bank hisobvaragʻiga, amalga oshirilgan xarajatlar boʻyicha esa, qaror qabul qilingan kundan boshlab besh ish kuni ichida tadbirkorlik subyektlarining bank hisobvaragʻiga oʻtkazib beriladi.

16. Agentlik tomonidan oʻtkaziladigan monitoring natijalariga koʻra Agentlik bilan tadbirkorlik subyektlari va tovarlar (ishlar, xizmatlar) yetkazib beruvchilar (bajaruvchi, koʻrsatuvchi) oʻrtasida tuzilgan shartnoma (uch tomonlama) ijrosi shartnomada koʻrsatilgan muddatlarda taʼminlanmagani aniqlangan taqdirda, tegishli mablagʻlar Agentlik tomonidan yuborilgan yozma bildirishnoma qabul qilingan sanadan boshlab oʻn ish kuni davomida shartnoma shartlarini bajarmagan taraf tomonidan qaytarilishi kerak.

Tadbirkorlik subyektlari, tovarlar (ishlar, xizmatlar) yetkazib beruvchilar (bajaruvchi, koʻrsatuvchi) va Agentlik oʻrtasida tuzilgan shartnoma shartlarining buzilishi bilan bogʻliq nizolar sud tartibida hal etiladi.

17. Arizalar ish vaqtidan keyin yoki dam olish va bayram kunlari kelib tushganda, navbatdagi ish kuni arizalarning vakolatli organga kelib tushgan va qabul qilingan kuni hisoblanadi.

4-bob. Maqsadli moliyaviy yordam yoʻnalishlari va predmeti

18. Moliyaviy yordam quyidagilar bilan bogʻliq xarajatlarni toʻlab berish uchun koʻrsatiladi:

a) xalqaro brendlarni jalb qilish xarajatlarini qoplab berish yoʻnalishida:

xalqaro brendlarni jalb qilish, ularning egalari bilan hamkorlikni yoʻlga qoʻyish, shuningdek, bu yoʻnalishdagi sorsing kompaniyasi xizmati xarajatlari;

transport xarajati — ekonom klass uchun;

Oʻzbekiston Respublikasi hududida mehmonxona xarajati;

tarjimonlik xizmati;

b) standartlashtirish va sertifikatlashning xalqaro tizimlarini joriy etish yoʻnalishlarida:

standartlarni joriy qilish;

muvofiqlik sertifikatlarini olish;

sertifikatlarni olish talablariga moslashtirish;

mahsulot namunalarini xorijdagi va (yoki) Oʻzbekiston Respublikasidagi laboratoriyalarda tekshirish, sinovdan oʻtkazish, xulosalar olish, xorijdagi laboratoriyalarga mahsulot namunalarini yetkazib berish, saqlash va (yoki) yoʻq qilish, shu jumladan, xorijiy xaridorlarning talablarini bajarish va eksport shartnomalari ijrosini taʼminlash;

v) moliyaviy hisobotlarni xalqaro standartlar asosida yuritishni joriy qilish xarajatlarini qoplab berish yoʻnalishida:

milliy standartlar asosida tuzilgan moliyaviy hisobotlarni xalqaro standartlarga transformatsiya qilish;

moliyaviy hisobotlarning xalqaro standartlari boʻyicha xodimlarni oʻqitish va xodimlarning tegishli xalqaro sertifikatlarni olish;

hisobotlarni xalqaro auditdan oʻtkazish;

g) sugʻurta xizmatlaridan foydalanganda sugʻurta mukofoti xarajatlarini qoplab berish yoʻnalishida tadbirkorlik subyektlari quyidagi sugʻurta shartnomalariga asosan sugʻurta xizmatlaridan foydalanganda kompensatsiya qilinadi:

eksport shartnomasi boʻyicha majburiyatlar bajarilmasligini sugʻurta qilish shartnomasi;

logistika tavakkalchiliklarini sugʻurta qilish shartnomasi;

d) mutaxassislarni oʻqitish xarajatlarini qoplab berish yoʻnalishida:

oʻquv-treninglarida qatnashish toʻlovi;

transport xarajati — ekonom klass uchun;

mehmonxona xarajati;

e) savdo uylarini ochish va saqlash, ofis, savdo va ombor binolarini ijaraga olish bilan bogʻliq chet eldagi xarajatlarni qoplab berish yoʻnalishlarida:

roʻyxatga olish yigʻimlari;

ofis, savdo va ombor binolarini ijaraga olish;

j) reklama kampaniyalarini tashkil etish bilan bogʻliq chet eldagi xarajatlarning bir qismini qoplab berish yoʻnalishida:

qidiruv marketingini oʻtkazish (Search Engine Marketing — SEM);

reklamani tayyorlash va oʻtkazish xarajatlari;

z) yengil sanoat korxonalariga xorijdan ishchi va mutaxassislarni jalb qilish xarajatlarini qoplab berish yoʻnalishida — jalb qilingan dizayner, texnolog, injener, dasturchi, marketolog, sifat nazoratchilari va boshqalar mehnatiga haq toʻlash;

i) koʻrgazma-yarmarka tadbirlarida ishtirok etish yoʻnalishida:

Agentlik tomonidan Oʻzbekistonning yagona milliy stendi tashkil qilingan hollarda (tadbirkorlik subyektlarining alohida oʻzi ijaraga olgan maydonda qatnashgan holatlardan tashqari):

roʻyxatga olish yigʻimlari;

koʻrgazma maydonlarini (shu jumladan, stendlarni joylashtirishning oʻziga xos xususiyatlarini hisobga olgan holda) hamda koʻrgazma stendi va jihozlarini ijaraga olish;

stendlarni ishlab chiqarish, montaj va demontaj qilish, qoʻshimcha koʻrgazma uskunalari va mebellarni ijaraga olish, friz yozuvi xizmati, stend dizaynini yaratish, autsorsing xizmatlari;

elektr taʼminoti manbalariga ulanish, shu jumladan, elektr energiyasidan foydalanish;

mahsulotlar namunalari va boshqa koʻrgazma eksponatlarini xorijiy davlatdagi koʻrgazma-yarmarka tadbirlari maydoniga yetkazib berish va Oʻzbekiston Respublikasiga qaytarib olib kelish;

qoʻshimcha koʻrgazma xizmatlaridan foydalanish (stendni tozalash, qoʻriqlash, aloqa vositalarini ulash va koʻrgazma eksponatlarini yoʻq qilish);

salohiyatli import qiluvchi xaridorlarni topish uchun ixtisoslashgan xorijiy kompaniyalar xizmatlaridan foydalanish;

taqdimot materiallari, tarqatma materiallar (broshyuralar, tashrif qogʻozlari, bukletlar) tayyorlash;

tadbirkorlik subyektlarining alohida oʻzi ishtirok etgan holatlarda:

roʻyxatga olish yigʻimlari;

elektr taʼminoti manbalariga ulanish, shu jumladan, elektr energiyasidan foydalanish;

koʻrgazma maydonlarini va (yoki) standart jihozlangan koʻrgazma maydonlarini ijaraga olish;

k) xorijda va Oʻzbekistonda tashkil etiladigan oʻquv-seminar, biznes-seminar, trening, savdo missiyalari va biznes-forumlarda ishtirok etish yoʻnalishida:

Agentlik tomonidan tashkil qilingan hollarda:

biznes-seminar, trening va forumlarda ishtirok etish (qatnashish toʻlovi, transport xarajati — ekonom klass uchun, mehmonxona xarajati — standart nomer uchun);

savdo missiyalarini tashkil etish (transport va mehmonxona xarajatlari, xorijiy kompaniyalar, mutaxassislarning xizmat haqi, binoni ijaraga olish, texnik taʼminot, axborot-taqdimot materiallarini tayyorlash, esdalik sovgʻalari olish, kofe-breyklar tashkil etish, vakillik xarajatlari, delegatsiyaga chet elda hamrohlik qilish boʻyicha xizmatlar haqi, uchrashuv, transfer, tarjimon, shu bilan birga, ushbu xizmatlarni koʻrsatishda autsorsing xizmatidan foydalanish);

tadbirkorlik subyektlarining alohida oʻzi shaxsan qatnashgan holatlarda:

qatnashish toʻlovi;

transport xarajati — ekonom klass uchun;

mehmonxona xarajati — standart nomer uchun;

l) xorijiy axborot resurslarida maʼlumotlarni joylashtirishda moliyaviy yordam koʻrsatish yoʻnalishida:

raqamli reklamani tayyorlash hamda xorijiy internet axborot resurslarida, shu jumladan, ijtimoiy tarmoqlar, mobil ilovalar, messenjerlar, onlayn oʻyinlarda joylashtirish;

chet el gazetalari, biznes jurnallar va kataloglarida nashr qilish;

mahsulot va xizmatlarni xalqaro elektron savdo maydonchalariga va B2B platformalarga joylashtirish (Alibaba.com, Wildberries.uz, Ozon.ru va shu kabilar);

loyiha ofislarini saqlash;

jalb qilinadigan xorijiy maslahatchilar va konsalting kompaniyalari xarajatlari;

n) milliy brendlar va mahsulotlarni xorijda targʻib qilish boʻyicha “Made in Uzbekistan” dasturini amalga oshirish, shu jumladan, milliy, tarmoq va mintaqaviy koʻrgazmalar hamda tovarlar yarmarkalarini oʻtkazishni moliyalashtirish yoʻnalishida — tadbirlarni oʻtkazish bilan bogʻliq barcha xarajatlar, jumladan, xorijiy hamkorlarni hamda xorijiy mutaxassislarni milliy, tarmoq va mintaqaviy koʻrgazmalarga jalb qilishni moliyalashtirish, ularning transport, mehmonxona, esdalik sovgʻalar bilan bogʻliq xarajatlari;

o) korxonalarda ishlab chiqarishni raqamlashtirish va axborot tizimlarini keng joriy qilish yoʻnalishida — Agentlik tomonidan tasdiqlanadigan dastur asosida axborot tizimlarini joriy etish;

p) xorijiy vakolatli organlarda milliy mahsulotlar va brendlarni (tovar belgilarini) roʻyxatdan oʻtkazish yoʻnalishida — roʻyxatdan oʻtkazish bilan bogʻliq xarajatlar;

mahsulot namunalarini pochta, kuryerlik va transport kompaniyalari xizmatlaridan foydalangan holda yetkazib berish va Oʻzbekiston Respublikasiga qaytarib olib kelish;

mahsulot namunalarini xorijiy davlatda importga rasmiylashtirish (xorijiy davlat qonunchiligiga muvofiq namuna sifatida yuborilgan mahsulotlarni import qilishda toʻlovlar undirilishi belgilangan hollarda).

s) yirik brendlar va riteylerlar ishtirokidagi xalqaro koʻrgazma va konferensiyalarda “homiylik” toʻlovlarini toʻlash yoʻnalishida:

koʻrgazma va konferensiyalarni tashkil qilish bilan bogʻliq xarajatlar;

koʻrgazma va konferensiyalarni oʻtkazish pavilyonlarini ijaraga olish bilan bogʻliq xarajatlar;

bannerlar tayyorlash, multimediya mahsulotlarini tayyorlash, stendlar tayyorlash bilan bogʻliq xarajatlar;

t) xorijiy brend, “sorsing” va riteylerlar mutaxassislarining Oʻzbekistonga tashrifi xarajatlarini qoplash yoʻnalishida:

aviachipta — ekonom klass uchun;

Oʻzbekiston Respublikasi hududidagi mehmonxona xarajatlari — standart xona;

Oʻzbekiston Respublikasi hududidagi transport xarajatlari — ekonom klass uchun;

tarjimonlik xizmati.

5-bob. Moliyaviy yordam miqdori va shartlari

19. Agentlik tomonidan beriladigan moliyaviy yordam ushbu Nizomning 18-bandida koʻrsatilgan yoʻnalishlarga muvofiq quyidagi miqdorlarda taqdim etiladi:

a) xalqaro brendlarni jalb qilish yoʻnalishida, bir kalendar yilida 2 ta brendni jalb qilish uchun tadbirkorlik subyektlarining ixtiyoriga koʻra tovarlar (ishlar, xizmatlar) yetkazib beruvchilar (bajaruvchi, koʻrsatuvchi) bilan toʻgʻridan-toʻgʻri shartnoma tuzilganda — 100 foiz miqdorda, biroq bir tadbirkorlik subyekti uchun bir kalendar yilida jami 30 000 AQSH dollaridan koʻp boʻlmagan miqdorda tadbirkorlik subyektlari tomonidan amalga oshirilgan haqiqiy xarajatlar, biroq chet eldagi mehmonxona xarajatlari Oʻzbekiston Respublikasi Iqtisodiyot va moliya vazirligi tomonidan belgilangan tartibda tasdiqlangan vazirliklar va idoralar xodimlari uchun xorijiy xizmat safari xarajatlari miqdorlaridan koʻp boʻlmagan miqdorda hamda Oʻzbekiston Respublikasi hududidagi mehmonxona xarajatlari uchun Oʻzbekiston Respublikasida amalda boʻlgan bazaviy hisoblash miqdorining 1,5 barobaridan oshmagan miqdorda qoplab beriladi;

b) standartlashtirish va sertifikatlashning xalqaro tizimlarini joriy etish yoʻnalishida, bir kalendar yilida 5 ta xalqaro sertifikat uchun tadbirkorlik subyektining ixtiyoriga koʻra tovarlar (ishlar, xizmatlar) yetkazib beruvchilar (bajaruvchi, koʻrsatuvchi) bilan toʻgʻridan-toʻgʻri shartnoma tuzilib, muvofiqlik sertifikatlari (International Organization for Standardization — ISO sertifikatlari uchun 1 ta) olingan holatlarda bitta xalqaro sertifikatni olish boʻyicha — 100 foiz miqdorda, biroq 15 000 AQSH dollaridan (International Organization for Standardization — ISO sertifikatlari uchun 3 000 AQSH dollaridan va “GOTS”, “OEKO-TEX”, “BCI”, “BSCI”, “Organic Cotton”, “SEDEX” sertifikatini olish, shuningdek “Better work” va “FWF” kabi dasturlar hamda standartlarni joriy etish boʻyicha 20 000 AQSH dollaridan) koʻp boʻlmagan miqdorda;

v) moliyaviy hisobotlarni xalqaro standartlar asosida yuritishni joriy qilish xarajatlarini qoplab berish yoʻnalishida, tadbirkorlik subyektining ixtiyoriga koʻra tovarlar (ishlar, xizmatlar) yetkazib beruvchilar (bajaruvchi, koʻrsatuvchi) bilan toʻgʻridan-toʻgʻri shartnoma tuzilganda — 100 foiz miqdorda, biroq 25 000 AQSH dollaridan koʻp boʻlmagan miqdorda;

g) sugʻurta xizmatlaridan foydalanganda sugʻurta mukofoti xarajatlarini qoplab berish yoʻnalishida — sugʻurta mukofotining 100 foizi, biroq sugʻurta pulining 0,5 foizidan ortiq boʻlmagan qismi;

d) mutaxassislarni oʻqitish xarajatlarini qoplab berish yoʻnalishida, bir kalendar yilida beshtagacha mutaxassisni oʻqitish uchun tadbirkorlik subyektlarining ixtiyoriga koʻra tovarlar (ishlar, xizmatlar) yetkazib beruvchilar (bajaruvchi, koʻrsatuvchi) bilan toʻgʻridan-toʻgʻri shartnoma tuzilganda — 100 foiz miqdorda tadbirkorlik subyektlari tomonidan amalga oshirilgan haqiqiy xarajatlar, biroq chet eldagi mehmonxona xarajatlari Oʻzbekiston Respublikasi Iqtisodiyot va moliya vazirligi tomonidan belgilangan tartibda tasdiqlangan vazirliklar va idoralar xodimlari uchun xorijiy xizmat safari xarajatlari miqdorlaridan koʻp boʻlmagan miqdorda hamda Oʻzbekiston Respublikasi hududidagi mehmonxona xarajatlari uchun Oʻzbekiston Respublikasida amalda boʻlgan bazaviy hisoblash miqdorining 1,5 barobaridan oshmagan miqdorda qoplab beriladi;

e) savdo uylarini ochish va saqlash, ofis, savdo va ombor binolarini ijaraga olish bilan bogʻliq chet eldagi xarajatlarni qoplab berish yoʻnalishida, tadbirkorlik subyektlarining ixtiyoriga koʻra tovarlar (ishlar, xizmatlar) yetkazib beruvchilar (bajaruvchi, koʻrsatuvchi) bilan toʻgʻridan-toʻgʻri shartnoma tuzilganda ofis, savdo va ombor binolarini ijaraga olishda — haqiqatan amalga oshirilgan xarajatlarning 100 foizi miqdorida, lekin 2-ilovaga muvofiq savdo uylari uchun ofis, savdo va ombor binolarini ijaraga olish xarajatlari boʻyicha toʻlab beriladigan har bir kvadrat metr uchun bir oylik qatʼiy miqdorlardan koʻp boʻlmagan miqdorda. Bunda tadbirkorlik subyekti uchun bitta xorijiy davlatda jami 2000 kvadrat metrgacha (oxirgi 12 oyda 5 million AQSH dollari ekvivalenti miqdorida xorijiy valyutada mahsulot realizatsiya qilgan hamda tovarlar (ishlar, xizmatlar) yetkazib beruvchilar (bajaruvchi, koʻrsatuvchi) xizmatlaridan foydalangan kundan boshlab 12 oy ichida korxonalar tomonidan sarflangan xarajatlarning kamida 10 baravari miqdorida aynan oʻsha savdo uyi yoki ombor orqali xorijiy valyutada Oʻzbekistonda ishlab chiqarilgan mahsulot realizatsiya qilgan bir tadbirkorlik subyekti uchun 4 000 kvadrat metrgacha) boʻlgan maydon hisobiga, bir vaqtning oʻzida bitta tadbirkorlik subyekti uchun bitta xorijiy davlatda 2 tadan koʻp boʻlmagan miqdorda ombor binolarini ijaraga olish xarajatlari qoplab beriladi;

Bunda Hukumatning alohida topshiriqlariga asosan Agentlik tomonidan tadbirkorlik subyektlarining ofis, savdo va ombor binolarini ijaraga olish, shu jumladan, chet elda tashkil qilingan savdo uylarining ijara shartnomalari boʻyicha xarajatlarini qoplash yuzasidan moliyaviy yordam miqdori va shartlarini oʻzgartirishga ruxsat beriladi.

j) reklama kampaniyalarini tashkil etish bilan bogʻliq chet eldagi xarajatlarning bir qismini qoplab berish yoʻnalishida:

toʻlovlar Agentlik tomonidan tuziladigan shartnomalarga asosan tovarlar (ishlar, xizmatlar) yetkazib beruvchi (bajaruvchi, koʻrsatuvchi) tegishli tashkilotlarga toʻgʻridan-toʻgʻri amalga oshiriladigan holatlarda — 100 foiz miqdorda;

tadbirkorlik subyektlarining ixtiyoriga koʻra tovarlar (ishlar, xizmatlar) yetkazib beruvchilar (bajaruvchi, koʻrsatuvchi) bilan toʻgʻridan-toʻgʻri shartnoma tuzilib, reklama joylashtirilgan holatlarda — 100 foiz miqdorda, lekin bir tadbirkorlik subyekti uchun bir kalendar yilida 20 000 AQSH dollaridan koʻp boʻlmagan miqdorda;

z) yengil sanoat korxonalariga xorijdan malakali mutaxassislarni jalb qilish xarajatlarini qoplab berish yoʻnalishida, bittadan (oxirgi 12 oyda 5 million AQSH dollari ekvivalentidan yuqori miqdorida xorijiy valyutada mahsulot realizatsiya qilgan korxonalarga — ikkitadan, oxirgi 12 oyda 10 million AQSH dollari ekvivalentidan yuqori miqdorida xorijiy valyutada mahsulot realizatsiya qilgan korxonalarga — uchtadan, oxirgi 12 oyda 50 million AQSH dollari ekvivalentidan yuqori miqdorida xorijiy valyutada mahsulot realizatsiya qilgan korxonalarga — toʻrttadan) dizaynerlar, texnologlar, dasturchilar, injenerlar, marketologlar, sifat nazoratchilari va boshqalarni jalb qilish uchun tadbirkorlik subyektlarining ixtiyoriga koʻra tovarlar (ishlar, xizmatlar) yetkazib beruvchilar (bajaruvchi, koʻrsatuvchi) bilan toʻgʻridan-toʻgʻri shartnoma tuzilib, mutaxassislar jalb qilingan holatlarda — 100 foiz miqdorda, biroq bir oyda bitta mutaxassis (dizaynerlar, texnologlar, dasturchilar, injenerlar, marketologlar, sifat nazoratchilari va boshqalar) uchun mehnatga haq toʻlashning eng kam miqdorining 25 barobaridan koʻp boʻlmagan qismi qoplab beriladi.

Bunda xorijiy mutaxassislar uchun moliyaviy yordam toʻlovlari 6 oydan oshmagan muddat uchun qoplab beriladi;

i) koʻrgazma-yarmarka tadbirlarida ishtirok etish yoʻnalishida:

Agentlik tomonidan tadbirkorlik subyektlari uchun Oʻzbekistonning yagona milliy stendi tashkil qilingan holatlarda (tadbirkorlik subyektlari alohida oʻzi ishtirok etgan holatlardan tashqari) — 100 foiz miqdorda, Agentlikning haqiqiy xarajatlari boʻyicha cheklanmagan miqdorda. Bunda Oʻzbekistonning yagona milliy stendi tashkil qilinadigan koʻrgazmalarda kamida 5 ta tadbirkorlik subyekti ishtiroki taʼminlanadigan holatlarda moliyaviy yordam koʻrsatiladi;

tadbirkorlik subyektlari alohida oʻzi ijaraga olgan maydonda qatnashgan holatlarda — 100 foiz miqdorda, lekin 12 kvadrat metrdan oshmagan miqdorda oddiy konstruksiyada tarmoq korxonalari (gilamchilik korxonalari bundan mustasno) uchun bitta koʻrgazma boʻyicha qatʼiy belgilangan koʻrgazma maydoni hisobidan kelib chiqib, tadbirkorlik subyektlari tomonidan amalga oshirilgan haqiqiy xarajatlari qoplab beriladi;

Agentlik tomonidan Oʻzbekistonning yagona milliy stendi tashkil qilingan koʻrgazma-yarmarka tadbirlarida yagona milliy stendda joylashgan tadbirkorlik subyektlari ushbu koʻrgazma-yarmarkada qoʻshimcha alohida oʻzi ijaraga olgan maydonlari uchun moliyaviy yordam koʻrsatilmaydi;

k) mahalliy, shuningdek, xorijiy mamlakatlarda boʻlib oʻtadigan oʻquv-seminar, biznes-seminar, trening, savdo missiyalari va biznes-forumlarda ishtirok etish yoʻnalishida:

Agentlik tomonidan tashkil qilingan holatlarda xorijga mahsulot realizatsiya qilayotgan va (yoki) uni boshlash istagidagi barcha tadbirkorlik subyektlari uchun — 100 foiz miqdorda, Agentlikning haqiqiy xarajatlari boʻyicha cheklanmagan miqdorda moliyaviy yordam koʻrsatiladi;

tadbirkorlik subyektlarining alohida oʻzi shaxsan qatnashgan holatlarda — 100 foiz miqdorda tadbirkorlik subyektlari tomonidan amalga oshirilgan haqiqiy xarajatlar, biroq chet eldagi mehmonxona xarajatlari Oʻzbekiston Respublikasi Iqtisodiyot va moliya vazirligi tomonidan belgilangan tartibda tasdiqlangan vazirliklar va idoralar xodimlari uchun xorijiy xizmat safari xarajatlari miqdorlaridan miqdorlardan koʻp boʻlmagan miqdorda hamda Oʻzbekiston Respublikasi hududidagi mehmonxona xarajatlari uchun Oʻzbekiston Respublikasida amalda boʻlgan bazaviy hisoblash miqdorining 1,5 barobaridan oshmagan miqdorda qoplab beriladi;

l) xorijiy axborot resurslarida maʼlumotlarni joylashtirishda moliyaviy yordam koʻrsatish yoʻnalishida:

o) korxonalarda ishlab chiqarishni raqamlashtirish va axborot tizimlarini keng joriy qilish yoʻnalishida Agentlik tomonidan tasdiqlanadigan dastur asosida toʻqimachilik korxonalarida ishlab chiqarish jarayonini raqamlashtirish (ERP, MES, PLM tizimlarini hamda sunʼiy intellekt asosidagi tizimlarni, shu jumladan, IT-park rezidentlarining sunʼiy intellekt yechimlarini joriy qilish) bilan bogʻliq xarajatlarning 50 foizini, lekin bitta tadbirkorlik subyektiga koʻpi bilan 20 ming AQSH dollari ekvivalenti miqdorini qoplash;

p) xorijiy vakolatli organlarda milliy mahsulotlar va brendlarni (tovar belgilarini) roʻyxatdan oʻtkazish yoʻnalishida, tadbirkorlik subyektining ixtiyoriga koʻra tovarlar (ishlar, xizmatlar) yetkazib beruvchilar (bajaruvchi, koʻrsatuvchi) bilan toʻgʻridan-toʻgʻri shartnoma tuzilganda — 100 foiz miqdorda, biroq bir tadbirkorlik subyekti uchun bir kalendar yilida 20 000 AQSH dollaridan koʻp boʻlmagan miqdorda;

r) mahsulotlar namunalarini tanishtirish maqsadida xorijiy xaridorlarga, tashqi savdo uylari va shourumlariga, shu jumladan, xaridor topishda koʻmak olish uchun Oʻzbekiston Respublikasining chet eldagi diplomatik vakolatxonalariga yuborish yoʻnalishida, tadbirkorlik subyektlarining ixtiyoriga koʻra tovarlar (ishlar, xizmatlar) yetkazib beruvchilar (bajaruvchi, koʻrsatuvchi) bilan toʻgʻridan-toʻgʻri yoki xalqaro yetkazib beruvchi pochta xizmatlarining Oʻzbekistondagi vakolatxonalari va shu xizmatni koʻrsatuvchi uchinchi yuridik shaxslar bilan shartnoma tuzilganda — 100 foiz miqdorda, lekin bir tadbirkorlik subyekti uchun bir kalendar yilida jami 5000 AQSH dollaridan koʻp boʻlmagan miqdorda tadbirkorlik subyektlari tomonidan amalga oshirilgan haqiqiy xarajatlar qoplab beriladi.

Bunda ushbu bandda nazarda tutilgan yoʻnalishlar (koʻrgazma-yarmarka tadbirlarida ishtirok etish, xorijiy mamlakatlarda boʻlib oʻtadigan oʻquv-seminar, biznes-seminar, trening, savdo missiyalari va biznes-forumlarda ishtirok etish, mutaxassislarni oʻqitish va savdo uylarini ochish va saqlash, ofis, savdo va ombor binolarini ijaraga olish bilan bogʻliq chet eldagi xarajatlarni qoplab berish yoʻnalishlar bundan mustasno) boʻyicha tadbirkorlik subyektlarining ixtiyoriga koʻra tovarlar (ishlar, xizmatlar) yetkazib beruvchi (bajaruvchi, koʻrsatuvchi)lar bilan toʻgʻridan-toʻgʻri shartnoma tuzilib, xarajatlar amalga oshirilgan holatlarda moliyaviy yordam miqdorlaridan kelib chiqib 2028-yil 1-yanvarga qadar 100 foiz miqdorida va 2028-yil 1-yanvardan boshlab:

“AAA” toifa — amaldagi miqdorning 100 foizi;

“AA” toifa — amaldagi miqdorning 90 foizi;

“A” toifa — amaldagi miqdorning 80 foizi;

“VVV” toifa — amaldagi miqdorning 70 foizi;

“VV” toifa — amaldagi miqdorning 60 foizi;

“V” toifa — amaldagi miqdorning 50 foizi;

roʻyxatdan oʻtganiga olti oy boʻlmagan va (yoki) Oʻzbekiston Respublikasi Prezidentining “Respublika hududlarini toifalarga ajratish va tadbirkorlikni qoʻllab-quvvatlashning tabaqalashtirilgan tizimini joriy etish chora-tadbirlari toʻgʻrisida” 2022-yil 30-dekabrdagi PF-287-son Farmoniga muvofiq 4 va 5-toifadagi tumanlarda faoliyat yuritayotgan tadbirkorlik subyektlariga ularning reyting darajasidan qatʼi nazar, amaldagi miqdorlarda moliyaviy yordam taqdim etiladi.

s) yirik brendlar va riteylerlar ishtirokidagi xalqaro koʻrgazma va konferensiyalarda “homiylik” toʻlovlarini toʻlash yoʻnalishida Hukumat komissiyasining qaroriga muvofiq bitta yirik brendlar va riteylerlar korxonasiga bitta koʻrgazma yoki konferensiya uchun 100 ming AQSH dollaridan koʻp boʻlmagan miqdorda;

t) xorijiy brend, “sorsing” va riteylerlar mutaxassislarining Oʻzbekistonga tashrifi xarajatlarini qoplash yoʻnalishida Hukumat komissiyasining qarori bilan bitta korxona uchun 100 foiz miqdordagi xarajatlar qoplab beriladi.

20. Ushbu Nizomning 19-bandiga muvofiq Oʻzbekiston Respublikasi Prezidenti va Hukumatning qarorlariga muvofiq oʻzgartirishlar kiritilishi mumkin.

21. Ushbu Nizomning 19-bandiga muvofiq tadbirkorlik subyektlarining ixtiyoriga koʻra tovarlar (ishlar, xizmatlar) yetkazib beruvchilar (bajaruvchi, koʻrsatuvchi) bilan toʻgʻridan-toʻgʻri shartnoma tuzilib, xarajatlar amalga oshirilgan holatlarda tovarlar (ishlar, xizmatlar) yetkazib beruvchilarga (bajaruvchi, koʻrsatuvchi) toʻlovlar toʻliq amalga oshirilganda moliyaviy koʻmak koʻrsatiladi.

Bunda:

moliyaviy yordam tadbirkorlik subyektlari tomonidan amalga oshirilgan haqiqiy xarajatlar asosida, tovarlar (ishlar, xizmatlar) uchun toʻlangan qoʻshilgan qiymat soligʻini chegirgan holda hisoblanadi;

xorijiy valyutadagi xarajatlar boʻyicha koʻrsatiladigan moliyaviy yordam miqdori hamda realizatsiya miqdorini aniqlashda tadbirkorlik subyektlari toʻlovlarni amalga oshirgan sanada Oʻzbekiston Respublikasi Markaziy banki tomonidan belgilangan kurs boʻyicha milliy valyutada hisoblanib, toʻlab beriladi.

6-bob. Moliyaviy yordam koʻrsatishni rad etish tartibi

22. Quyidagilar moliyaviy yordam koʻrsatishni rad etish uchun asos boʻladi:

avval foydalanilgan moliyaviy yordam yoʻnalishi boʻyicha tuzilgan shartnoma shartlari tadbirkorlik subyekti tomonidan buzilgan boʻlsa, ajratilgan moliyaviy yordamning ushbu Nizomning shartlariga muvofiq tegishli qismi qaytarilmagan boʻlsa;

tadbirkorlik subyektlari tomonidan ushbu Nizomga muvofiq belgilangan hujjatlar toʻliq hajmda taqdim etilmagan boʻlsa;

tadbirkorlik subyektlari tomonidan soʻralayotgan moliyaviy yordam ushbu Nizomda belgilangan tartib va talablarga nomuvofiq boʻlsa;

tashqi savdo operatsiyalari boʻyicha muddati oʻtgan debitor qarzdorligi mavjud boʻlsa (tadbirkorlik subyektlarining tashqi savdo operatsiyalari boʻyicha muddati oʻtgan debitor qarzdorligi miqdori oxirgi 12 oy mobaynida xorijga mahsulot realizatsiyasi hajmining 10 foizidan ortiq boʻlmagan va debitor qarzdorlikni undirish boʻyicha sud qarori mavjud boʻlgan holatlar bundan mustasno);

tadbirkorlik subyektlari taqdim etgan hujjatlarda noaniq yoki buzib koʻrsatilgan maʼlumotlar mavjud boʻlsa.

23. Boshqa sabablarga koʻra moliyaviy yordam koʻrsatishni rad etishga yoʻl qoʻyilmaydi.

24. Rad etish uchun asoslar mavjud boʻlgan taqdirda, Agentlik bir ish kuni davomida tadbirkorlik subyektlariga Agentlikning mansabdor shaxslari tomonidan imzolangan rad etish sabablari koʻrsatilgan xabarnoma yuboradi.

25. Tadbirkorlik subyekti moliyaviy yordam koʻrsatishni rad etish uchun asos boʻlgan sabablarni bartaraf etib, besh ish kuni muddatda ushbu Nizomda nazarda tutilgan hujjatlarni, shu jumladan, rad etishning ilgari koʻrsatilgan sabablari bartaraf etilganini tasdiqlovchi hujjatlarni qayta koʻrib chiqish uchun Agentlikka topshirish huquqiga ega.

26. Tadbirkorlik subyekti belgilangan muddatda moliyaviy yordam koʻrsatishni rad etish uchun asos boʻlgan sabablarni bartaraf etgan taqdirda, Agentlik tomonidan hujjatlar rad etilgan sabablarni bartaraf etish uchun ariza olingan kundan boshlab uch ish kunidan koʻp boʻlmagan muddatda qayta koʻrib chiqiladi.

27. Arizani qayta koʻrib chiqishda Agentlik tomonidan rad etishning ilgari yozma ravishda bildirilmagan sabablarini koʻrsatishga yoʻl qoʻyilmaydi, ilgari koʻrsatilgan sabablar bartaraf etilganini tasdiqlovchi hujjatlar bilan bogʻliq rad etish sabablari bundan mustasno.

28. Belgilangan muddatdan keyin berilgan hujjatlar yangi topshirilgan deb hisoblanadi va umumiy asoslarda koʻrib chiqiladi.

29. Tadbirkorlik subyektlari moliyaviy yordam koʻrsatishni rad etish toʻgʻrisidagi qaror, shuningdek, Agentlikning mansabdor shaxslari harakati (harakatsizligi) yuzasidan belgilangan tartibda shikoyat qilish huquqiga ega.

7-bob. Moliyaviy yordam boʻyicha toʻlovni amalga oshirish tartibi

30. Tadbirkorlik subyektlariga koʻrsatiladigan moliyaviy yordam Jamgʻarmada moliyaviy yordam yoʻnalishlari boʻyicha ajratilishi nazarda tutilgan mablagʻlar doirasida amalga oshiriladi.

31. Oʻzbekiston Respublikasi hududida xarajatlar Oʻzbekiston Respublikasi qonunchiligiga muvofiq moliyalashtiriladi.

32. Xorijdagi shartnomalar boʻyicha xarajatlar Vazirlar Mahkamasining “Oʻzbekiston Respublikasi budjet tizimi budjetlarining chet el valyutasidagi mablagʻlarini samarali boshqarish toʻgʻrisida” 2020-yil 23-maydagi 329-son qaroriga muvofiq amalga oshiriladi.

8-bob. Yakunlovchi qoidalar

33. Ushbu Nizom talablari buzilishida aybdor shaxslar qonunchilik hujjatlariga muvofiq javobgar boʻladi.

Oʻzbekiston Respublikasi Vazirlar Mahkamasi huzuridagi Yengil sanoatni rivojlantirish agentligi qoshidagi Yengil sanoatni qoʻllab-quvvatlash jamgʻarmasi mablagʻlari hisobidan yengil sanoat korxonalarini moliyaviy qoʻllab-quvvatlash tartibi toʻgʻrisidagi nizomga 1-ILOVA

Tadbirkorlik subyektlariga moliyaviy yordam koʻrsatish

Bosqichlar Masʼul ijrochilar Tadbirlar Bajarish muddatlari 1-bosqich Tadbirkorlik subyekti Tegishli hujjatlarni tayyorlaydi va elektron shaklda taqdim etadi. Zaruratga koʻra 2-bosqich Yengil sanoatni rivojlantirish agentligi Arizalarni koʻrib chiqish va moliyaviy yordam koʻrsatish yoki rad etish toʻgʻrisida qaror qabul qiladi. Ariza qabul qilingan kundan boshlab 7 ish kuni mobaynida 3-bosqich Yengil sanoatni rivojlantirish agentligi Tadbirkorlik subyektlariga qabul qilingan qaror toʻgʻrisida bildirishnoma yuboradi. Qaror qabul qilingan kundan boshlab 1 ish kuni mobaynida Moliyaviy yordam koʻrsatish belgilangan arizalar boʻyicha tovarlar (ishlar, xizmatlar) yetkazib beruvchilar (bajaruvchi, koʻrsatuvchi) bilan shartnoma tuzish tadbirlarini (tender, konkurs va boshqalar) amalga oshiradi. Qonunchilik hujjatlarida belgilangan tartibda va muddatlarda 4-bosqich Yengil sanoatni rivojlantirish agentligi Moliyaviy yordam koʻrsatish boʻyicha toʻlovlarni amalga oshiradi: a) Yengil sanoatni rivojlantirish agentligi tomonidan belgilangan tartibda tuzilgan shartnomalar boʻyicha; Shartnomada belgilangan muddatda b) amalga oshirilgan xarajatlar boʻyicha. Qaror qabul qilingan kundan boshlab 5 ish kuni mobaynida 5-bosqich Yengil sanoatni rivojlantirish agentligi Yengil sanoatni rivojlantirish agentligi bilan tadbirkorlik subyekti va tovarlar (ishlar, xizmatlar) yetkazib beruvchi oʻrtasida tuzilgan shartnoma ijrosini monitoring qiladi. Doimiy ravishda

Oʻzbekiston Respublikasi Vazirlar Mahkamasi huzuridagi Yengil sanoatni rivojlantirish agentligi qoshidagi Yengil sanoatni qoʻllab-quvvatlash jamgʻarmasi mablagʻlari hisobidan yengil sanoat korxonalarini moliyaviy qoʻllab-quvvatlash tartibi toʻgʻrisidagi nizomga 2-ILOVA

Savdo uylari uchun ofis, savdo va ombor binolarini ijaraga olish xarajatlari boʻyicha Yengil sanoatni rivojlantirish agentligi tomonidan toʻlab beriladigan bir oylik qatʼiy miqdorlar

1 m 2 uchun AQSH dollarida Xarajat nomi Qoʻshni davlatlar Rossiya Federatsiyasi Kavkaz davlatlari (Ozarbayjon, Armaniston, Gruziya) , Belorussiya, Ukraina, Moldova va Turkiya Osiyo qitʼasi Yevropa qitʼasi Amerika qitʼasi Afrika qitʼasi Boshqalar (Avstraliya va orol davlatlar) Yaqin Sharq va boshqa Osiyo davlatlari Osiyo-Tinch okeani davlatlari Ofis, savdo va ombor binolarini ijaraga olish xarajatlari* 6 20 8 8 26 31 26 6 26

Vazirlar Mahkamasining 2025-yil 17-noyabrdagi 729-son qaroriga 5-ILOVA

2025 — 2027-yillarda toʻqimachilik korxonalarida avtomatik boshqaruv tizimlarini joriy etish boʻyicha

T/r Chora-tadbirlar nomi Amalga oshirish mexanizmi Ijro muddati Moliyalashtirish manbalari Masʼul ijrochilar I. Avtomatik boshqaruv tizimlarini joriy qilish 1. Texnologik kartalarni ishlab chiqish 1. Texnologik kartalar aprobatsiya qilinadigan korxonalarni tanlab olish mezonlarini ishlab chiqish. 2. Belgilangan mezonlar asosida yengil sanoat korxonalarini tanlab olish. 3. Texnolog va ekspertlarni jalb qilgan holda ushbu korxonalardagi ishlab chiqarish (yigiruv, toʻquv, boʻyoq, tikuvchilik) jarayonlarini oʻrganish. 4 Ishlab chiqarish jarayonlariga avtomatlashtirilgan boshqaruv tizimlarini (ERP) joriy qilish bilan bogʻliq normativ-maʼlumotnoma axborotlari va texnologik kartalarni ishlab chiqish. 5. Har bir ishlab chiqarish bosqichi boʻyicha tanlab olingan korxonalarda aprobatsiya oʻtkazish. 2026-yil may Yengil sanoatni rivojlantirish agentligi, Jamgʻarma mablagʻlari hisobidan Yengil sanoatni rivojlantirish agentligi, Raqamli texnologiyalar vazirligi 6. ERP tizimlarini joriy qilish bilan bogʻliq namunaviy texnologik kartalarni (normativ-maʼlumotnoma axborotlarini) ishlab chiqib, yengil sanoat korxonalariga bepul taqdim etish mexanizmini joriy qilish. 2026-yil sentabrdan boshlab 2. Toʻqimachilik korxonalarida ERP tizimlarini joriy etish choralarini koʻrish. Toʻqimachilik korxonalarida ERP va sunʼiy intellekt asosidagi tizimlarni joriy etish boʻyicha dastur ishlab chiqish. Bunda: a) avtomatlashtirilgan boshqaruv tizimlari (ERP) joriy etilgan yengil sanoat korxonalarining ulushini oshirib borish; b) 2026-yil yakuniga qadar eksport faoliyatini yoʻlga qoʻygan 100 ta yengil sanoat korxonasida joriy etish; v) yengil sanoat korxonalarida 2026-yilda qayta ishlash xarajatlarini avtomatlashtirish hisobidan kamida 10 foizgacha pasaytirish; g) yengil sanoat sohasida 2025-2026-yillarda kamida 2 ming nafar mutaxassisni ERP tizimlarida ishlashga oʻqitish; d) xalqaro marketpleyslarda mahalliy yengil sanoat mahsulotlarini sotish imkoniyatlarini kengaytirish, ijtimoiy tarmoqlar orqali targʻib qilish hisobidan 2027-yil yakuniga qadar eksport hajmlarini oshirish. 2026-yil mart Yengil sanoatni rivojlantirish agentligi, Jamgʻarma mablagʻlari hisobidan Yengil sanoatni rivojlantirish agentligi, Iqtisodiyot va moliya vazirligi, Raqamli texnologiyalar vazirligi 3. Yagona interaktiv davlat xizmatlari portalida ERP tizimlarini joriy etish uchun subsidiyalarni ajratish boʻyicha davlat xizmatini joriy qilish. 1. Loyihaning texnik hujjatlarini ishlab chiqish va ekspertizadan oʻtkazish. 2. Axborot tizimini ishlab chiqish. 3. Axborot tizimini “Raqamli hukumat” tizimlari bilan integratsiya qilish. 4. Davlat xizmatini joriy qilish boʻyicha maʼmuriy reglamentni ishlab chiqish va Vazirlar Mahkamasiga kiritish. 5. ERP tizimlarini joriy qilish uchun subsidiya ajratish davlat xizmatini Yagona interaktiv davlat xizmatlari portalida joriy etish. 2026-yil avgust Yengil sanoatni rivojlantirish agentligi, Jamgʻarma mablagʻlari hisobidan Yengil sanoatni rivojlantirish agentligi, Raqamli texnologiyalar vazirligi, Iqtisodiyot va moliya vazirligi II. Mahalliy avtomatik boshqaruv tizimlarini rivojlantirish 4. Paxta tolasini tayyor mahsulotgacha qayta ishlash va toʻliq ishlab chiqarish zanjirini kuzatib borish Raqamli platformasini ishga tushirish. 1. Loyihaoldi oʻrganish ishlarini amalga oshirish. 2. Loyihaning texnik hujjatlarni ishlab chiqish va ekspertizadan oʻtkazish. 3. Loyiha boʻyicha tender (tanlov) savdolarini oʻtkazish. 4. Platformani ishlab chiqish va sinov tariqasida joriy etish. 5. Toʻqimachilik korxonalarining axborot tizimlarini Platformaga integratsiya qilish. 2026-yil oktabr Yengil sanoatni rivojlantirish agentligi, Jamgʻarma mablagʻlari hisobidan Yengil sanoatni rivojlantirish agentligi, Qishloq xoʻjaligi vazirligi, Raqamli texnologiyalar vazirligi Qoraqalpogʻiston Respublikasi Vazirlar Kengashi, viloyatlar hokimliklari, Toʻqimachilik korxonalari 5. Toʻqimachilik va tikuv-trikotaj korxonalarida ERP avtomatlashtirilgan tizimlarini joriy etish boʻyicha targʻibot ishlarni oʻtkazish. 1. Toʻqimachilik va tikuv-trikotaj korxonalarida tizimlarni avtomatlashtirish boʻyicha dasturiy taʼminotlar roʻyxatini shakllantirish. 2025-yil dekabr Yengil sanoatni rivojlantirish agentligi, Jamgʻarma mablagʻlari hisobidan Yengil sanoatni rivojlantirish agentligi, Toʻqimachilik va tikuv-trikotaj korxonalari, Raqamli texnologiyalar vazirligi 2. IT-park rezidentlari tomonidan ishlab chiqilgan eng yaxshi 10 ta mahalliy ERP dasturlarini tanlab olish hamda yengil sanoat korxonalariga joriy etish boʻyicha dasturiy taʼminotlarni moslashtirish boʻyicha choralar koʻrish. 2026-yil mart 3. Tanlab olingan dasturlarning hududlardagi toʻqimachilik va tikuv-trikotaj korxonalarida taqdimotlarini oʻtkazish. grafik asosida 6. Mahalliy avtomatik boshqaruv tizimlari va dasturiy taʼminotlar yaratuvchilarini qoʻllab-quvvatlash tizimini joriy qilish. 1. Avtomatik boshqaruv tizimlari va dasturiy taʼminotlar boʻyicha “Eng yaxshi boshqaruv tizimi/dasturiy mahsulot” tanlovini oʻtkazish tartibini ishlab chiqish. Bunda: tanlov gʻoliblariga pul mukofotlari va subsidiyalar taqdim qilish mexanizmini joriy qilish; sanoat korxonalarida chegirmali narxlarda oʻrnatishni yoʻlga qoʻyishni nazarda tutish. 2. Tartibni Vazirlar Mahkamasiga tasdiqlash uchun kiritish. 2026-yil mart Raqamli texnologiyalar vazirligi Raqamli texnologiyalar vazirligi III. Raqamli infratuzilmani rivojlantirish 7. Yengil sanoatni rivojlantirish agentligi raqamli infratuzilmasini tashkil etish. 1. IT arxitektura va unga zarur boʻlgan moddiy texnikalar roʻyxatini shakllantirish. 2. Zaruriy moddiy-texnik taʼminotni va qurilmalarni xarid qilish va oʻrnatish. 2025-yil dekabr Yengil sanoatni rivojlantirish agentligi, Jamgʻarma mablagʻlari hisobidan Yengil sanoatni rivojlantirish agentligi, Raqamli texnologiyalar vazirligi 8. Yengil sanoatni rivojlantirish agentligining elektron hujjat aylanish tizimini joriy etish. 1. Tizimni joriy qilish boʻyicha shartnoma rasmiylashtirish. 2. Masʼul xodimlarni tizimdan foydalanish boʻyicha oʻqitish. 3. Tizimni joriy qilish va hujjat aylanish tizimini toʻliq raqamlashtirish. 2026-yil mart Yengil sanoatni rivojlantirish agentligi, Jamgʻarma mablagʻlari hisobidan Yengil sanoatni rivojlantirish agentligi, Raqamli texnologiyalar vazirligi 9. Yengil sanoatni rivojlantirish agentligining veb-saytini ishlab chiqish va ishga tushirish. Veb-saytda quyidagi maʼlumotlarni joylashtirish: texnologik kartalar; normativ-huquqiy hamda informatsion maʼlumotlar; tavsiya etilgan dasturiy taʼminotlar roʻyxati. 1. Hukumat portalida Agentlik veb-sahifasini ochish va maʼlumotlarni eʼlon qilib borishni yoʻlga qoʻyish. 2. Tegishli axborot tizimlariga integratsiya qilish. 2026-yil iyun Yengil sanoatni rivojlantirish agentligi, Jamgʻarma mablagʻlari hisobidan Yengil sanoatni rivojlantirish agentligi, Raqamli texnologiyalar vazirligi 10. Yengil sanoatni rivojlantirish agentligining axborot tizimlarini bosqichma-bosqich “Raqamli hukumat”ning maʼlumotlarni qayta ishlash markaziga joylashtirish 1. Axborot tizimlarini maʼlumotlarni qayta ishlash markaziga joylashtirish boʻyicha reja-jadval ishlab chiqish. 2026-yil fevral Yengil sanoatni rivojlantirish agentligi, Jamgʻarma mablagʻlari hisobidan, toʻqimachilik va tikuv-trikotaj korxonalari mablagʻlari Yengil sanoatni rivojlantirish agentligi, Toʻqimachilik va tikuv-trikotaj korxonalari, Raqamli texnologiyalar vazirligi 2. Axborot tizimlarini maʼlumotlarni qayta ishlash markaziga joylashtirish boʻyicha shartnoma tuzish. 3. Axborot tizimlarini maʼlumotlarni qayta ishlash markaziga joylashtirish. reja-jadvalga muvofiq IV. Kadrlar malakasini oshirish 11. Mahalliy mahsulot va brendlarni xalqaro “marketpleys”larda targʻib qilish, joylashtirish va reklama qilishga koʻmaklashish boʻyicha chora-tadbirlarni amalga oshirish. 1. Toʻqimachilik korxonalari xodimlariga “marketpleys”lar bilan ishlash malakasini shakllantirish boʻyicha har bir hududda tegishli oʻquv kurslarini tashkil etish. 2. Ularning mahsulotlarini “marketpleys”larda dastlabki joylashtirishda koʻmaklashish. 2026-yil yakuniga qadar Yengil sanoatni rivojlantirish agentligi, Jamgʻarma mablagʻlari hisobidan Yengil sanoatni rivojlantirish agentligi, Raqamli texnologiyalar vazirligi 12. Yengil sanoatni rivojlantirish agentligi va toʻqimachilik korxonalari xodimlarini mahalliy va xalqaro IT sertifikatlarga oʻqitish. 1. Agentlik va toʻqimachilik korxonalari xodimlarini oʻqitish boʻyicha reja-jadval ishlab chiqish 2. Xodimlarning doimiy ravishda malakasini oshirib borish. Doimiy Yengil sanoatni rivojlantirish agentligi, Jamgʻarma mablagʻlari hisobidan, toʻqimachilik va tikuv-trikotaj korxonalari mablagʻlari Yengil sanoatni rivojlantirish agentligi, Toʻqimachilik va tikuv-trikotaj korxonalari

Vazirlar Mahkamasining 2025-yil 17-noyabrdagi 729-son qaroriga 6-ILOVA

Oʻzbekiston Respublikasi Hukumatining ayrim hujjatlariga kiritilayotgan oʻzgartirish va qoʻshimchalar

1. Vazirlar Mahkamasining 2024-yil 31-iyuldagi 466-son qarori bilan tasdiqlangan Oʻzbekiston Respublikasi Savdo-sanoat palatasining Tarmoqlarni qoʻllab-quvvatlash jamgʻarmasi daromadlarini shakllantirish va mablagʻlaridan foydalanish tartibi toʻgʻrisidagi nizomning 3-bandida :

uchinchi — beshinchi xatboshilar chiqarib tashlansin;

oltinchi — oʻn birinchi xatboshilar tegishlicha uchinchi — sakkizinchi xatboshilar deb hisoblansin.

2. Vazirlar Mahkamasining 2006-yil 26-apreldagi 180-F-son farmoyishi bilan tasdiqlangan Islom Karimov nomidagi “Toshkent” xalqaro aeroportida alohida muhim yoʻlovchilarga xizmat koʻrsatish zali toʻgʻrisidagi nizomga ilovaning rus tilidagi matni quyidagi mazmundagi 6.8-kichik band bilan toʻldirilsin:

“6.8. Direktor Agentstva razvitiya legkoy promishlennosti pri Kabinete Ministrov Respubliki Uzbekistan i yego zamestiteli.”.

Oʻzbekiston Respublikasining Bosh vaziri A. ARIPOV

Toshkent sh.,

2025-yil 17-noyabr,

729-son

(Qonunchilik maʼlumotlari milliy bazasi, 19.11.2025-y., 09/25/729/1059-son; 15.01.2026-y., 06/26/4/0043-son; 09.04.2026-y., 09/26/154/0331-son; 02.07.2026-y., 07/26/250/0671-son; 14.08.2026-y., 09/26/438/0843-son)

lex.uz