UzbekAI

Ўзбекистон Республикаси Президентининг

Фармони

АСОСИЙ ВАЗИФАЛАРИ

РЎЙХАТИ

Экология ва туризм соҳаларида аҳоли талабларига тезкор жавоб бера оладиган бошқарув тизимини яратиш чора-тадбирлари тўғрисида

Экология, атроф-муҳитни муҳофаза қилиш ва туризм соҳаларида белгиланган вазифаларни тезкор ҳамда янги ёндашув асосида сифатли ташкил этиш, шунингдек, мазкур йўналишдаги давлат бошқаруви ва назорати тизимини такомиллаштириш мақсадида қарор қиламан:

I. Бошқарув тизимини такомиллаштириш

1. Қуйидагилар:

(а) Экология, атроф-муҳитни муҳофаза қилиш ва иқлим ўзгариши вазирлиги ҳузуридаги Туризм қўмитаси Ўзбекистон Республикаси Туризм қўмитаси сифатида қайта ташкил этилсин;

(б) Экология, атроф-муҳитни муҳофаза қилиш ва иқлим ўзгариши вазирлиги Вазирлар Маҳкамаси тизимидан чиқарилиб, унинг негизида амалдаги штат бирликлари сақланган ҳолда Экология ва иқлим ўзгариши миллий қўмитаси (кейинги ўринларда — Экология қўмитаси) ташкил этилсин.

2. Белгилансинки:

(а) Экология қўмитаси қулай экологик ҳолатни барқарор сақлаш, атроф-муҳитни муҳофаза қилиш, «Яшил макон» умуммиллий лойиҳасини амалга ошириш, ўрмонларни кўпайтириш, глобал иқлим ўзгариши оқибатларини юмшатиш ва чўлланишга қарши курашиш соҳаларида ягона давлат сиёсати ва назоратини амалга ошириш бўйича ваколатли орган ҳисобланади;

(б) Ўзбекистон Республикаси Президенти Администрацияси ташкилий тузилмасида 2 та штат бирлигидан иборат Ўзбекистон Республикаси Президентининг экология масалалари бўйича маслаҳатчиси бўлинмаси ташкил этилади;

(в) Ўрмон ва яшил ҳудудларни кўпайтириш, чўлланишга қарши курашиш агентлиги, Гидрометеорология хизмати агентлиги ҳамда Чиқиндиларни бошқариш ва циркуляр иқтисодиётни ривожлантириш агентлиги ўз фаолиятини Экология қўмитаси ҳузурида давом эттиради.

3. Белгилаб қўйилсинки, Экология, атроф-муҳитни муҳофаза қилиш ва иқлим ўзгариши вазирлигининг асосий вазифаларидан ташқари, Экология қўмитаси 1-иловага мувофиқ қуйидаги умуммиллий лойиҳаларни амалга ошириш учун масъул ҳисобланади:

(а) чиқиндиларни қайта ишлаш ва улар билан ишлаш тизимини такомиллаштиришга қаратилган «Чиқиндидан ҳоли ҳудуд» умуммиллий лойиҳаси;

(б) атмосфера ҳавоси сифатини яхшилашга қаратилган «Тоза ҳаво» умуммиллий лойиҳаси;

(в) 2028 йилга қадар Қорақалпоғистон Республикаси, вилоятлар ва Тошкент шаҳрида қўшимча равишда жами майдони 100 гектардан кам бўлмаган ботаника ва дендрология боғларини ташкил қилишга қаратилган «Яшил макон» умуммиллий лойиҳаси;

(г) аҳоли орасида эко-одатларни шакллантириш ва экологик ҳаёт тарзини кенг тарғиб қилишга қаратилган «Эко-маданият» умуммиллий лойиҳаси;

(д) биохилма-хилликни келажак авлод учун асрашга қаратилган «Био мерос» умуммиллий лойиҳаси.

4. Экология қўмитаси ҳузурида 15 нафаргача хорижий ва маҳаллий экспертларни фуқаровий-ҳуқуқий шартномалар асосида жалб қилган ҳолда экология соҳасидаги «Эколойиҳалар фабрикаси» (кейинги ўринларда — Лойиҳа офиси) ташкил этилсин.

II. Экологик назоратни кучайтириш

5. Белгилансинки, 2026 йил 1 апрелдан бошлаб 2-иловага мувофиқ экология, атроф-муҳитни муҳофаза қилиш ва табиатдан фойдаланиш соҳасидаги қонунчиликни бузганлик учун юридик шахсларга нисбатан молиявий санкцияларни қўллаш тартиби жорий этилади, бунда:

(а) молиявий санкциялар пул ундириш (жарималар) тарзида фақат юридик шахсларга қўлланади;

(б) бир хил ҳуқуқбузарлик учун молиявий санкциялар қўлланган юридик шахсларнинг ходимларига маъмурий жазо чорасини қўллашга йўл қўйилмайди;

(в) ҳуқуқбузарликнинг такроран содир этилишига йўл қўймаслик ҳақида огоҳлантириш олиш ҳамда жаримани тўлаш экология, атроф-муҳитни муҳофаза қилиш ва табиатдан фойдаланиш соҳасидаги қонунчиликнинг бузилишига йўл қўйган шахсни Экология қўмитасининг қарорини (тақдимномасини, кўрсатмасини) бажариш ёки қонунчиликда назарда тутилган бошқа ҳаракатларни амалга ошириш мажбуриятидан озод этмайди.

6. Қуйидагилар негизида алоҳида юридик шахс бўлмаган Экология ва иқлим ўзгариши миллий қўмитасининг Давлат экологик назорат инспекцияси (Экополиция) (кейинги ўринларда — Экополиция) ташкил этилсин:

(а) Экология, атроф-муҳитни муҳофаза қилиш ва иқлим ўзгариши вазирлигининг Давлат экологик назорат инспекцияси;

(б) Қорақалпоғистон Республикаси, Тошкент ва Жиззах вилоятларидаги табиатни муҳофаза қилиш бўйича ҳудудий махсус прокуратуралар;

(в) Қорақалпоғистон Республикаси, вилоятлар ва Тошкент шаҳри прокуратураларининг экология, атроф-муҳитни муҳофаза қилиш ва ўрмон хўжалиги соҳасидаги қонунчилик ижроси устидан назорат йўналишидаги бўлинмаларининг оптималлаштириладиган штат бирликлари.

7. Белгилансинки:

(а) Қорақалпоғистон Республикаси, вилоятлар ва Тошкент шаҳри прокуратураларига экология, атроф-муҳитни муҳофаза қилиш ва ўрмон хўжалиги соҳасидаги қонунчилик ижроси устидан назорат йўналишида ажратилган 40 та штат бирлиги Экополицияга ўтказилади;

(б) Экополиция Экология қўмитасининг экологик хавфсизликни таъминлаш ва бу борадаги ҳуқуқбузарликлар профилактикаси соҳасида ҳуқуқни муҳофаза қилишга доир айрим вазифаларга эга бўлган махсус бўлинмасидир;

(в) Экология қўмитаси раиси бир вақтнинг ўзида Экополиция бошлиғи ҳисобланади;

(г) Экополиция бошлиғининг ўринбосари бир вақтнинг ўзида Экология қўмитаси раиси ўринбосари ҳисобланади ва Экополициянинг тезкор штабига раҳбарлик қилади;

(д) Экополицияга унинг ҳудудий бўлинмаларини маъмурий-ҳудудий бирликлар чегараларини ҳисобга олмаган ҳолда табиий экологик ҳудудлар чегаралари доирасида ташкил этишга рухсат этилади.

III. Фармон ижросини ташкил этиш, таъминлаш ва назорат

8. Экология қўмитаси қуйидагилар юзасидан Ўзбекистон Республикаси Президентига мунтазам равишда ахборот киритиб борсин:

(а) йирик корхона ва тармоқлар томонидан экология ва атроф-муҳитни муҳофаза қилиш соҳасида содир этилган ҳуқуқбузарликлар, улар ва уларнинг мансабдор шахсларига нисбатан кўрилган чоралар;

(б) соҳадаги масъул бошқарув ва назорат органларининг ўз вазифаларини сифатли ва ўз вақтида бажариши ҳолати;

(в) давлат органларининг экология ва атроф-муҳитни муҳофаза қилиш соҳасидаги қонунчилик талабларига зид бўлган қарорларини бекор қилиш.

9. Экология қўмитаси Адлия вазирлиги ҳамда манфаатдор вазирлик ва идоралар билан биргаликда бир ой муддатда экология ва атроф-муҳитни муҳофаза қилиш соҳасидаги қонунчиликни бузганлик учун юридик шахсларга молиявий санкцияларни жорий этиш ва уларни қўллашни назарда тутувчи қонун лойиҳасини ишлаб чиқиб, Ўзбекистон Республикаси Президенти Администрациясига киритсин.

10. Экология қўмитаси манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу Фармон талабларидан келиб чиқадиган ўзгартириш ва қўшимчалар тўғрисида таклифлар киритсин.

11. Ўзбекистон Республикаси Президентининг айрим ҳужжатларига 3-иловага мувофиқ ўзгартириш ва қўшимчалар киритилсин.

12. Фармон ижросини назорат қилиш Ўзбекистон Республикаси Президенти Администрацияси раҳбари С.Ш. Мирзиёева зиммасига юклансин.

Ўзбекистон Республикаси Президентининг 2025 йил 18 ноябрдаги ПФ-217-сон Фармонига 1-ИЛОВА

Экология, атроф-муҳитни муҳофаза қилиш соҳасидаги умуммиллий лойиҳаларнинг

1. «Чиқиндидан ҳоли ҳудуд» умуммиллий лойиҳаси доирасида:

(а) республиканинг барча ҳудудларини қамраб оладиган чиқиндиларни ёқиб, электр энергия ишлаб чиқариш корхоналарини қуриш;

(б) тиббиёт ва хавфли чиқиндиларни хавфсиз ва тўлақонли утилизация қилиш тизимини яратиш;

(в) чиқиндиларни олиб чиқиб кетиш бўйича юридик шахслар масъулиятини ошириш;

(г) чиқиндиларни тўплаш ва олиб чиқиб кетиш хизмати сифатини ошириш ва аҳоли талабларига мослаштириш, шу жумладан, техника ва контейнерлар сонини тубдан ошириш;

(д) полигонларни рекультивация қилиш ва улар сонини кескин камайтириш;

(ж) қайта юклаш станциялари фаолиятини йўлга қўйиш.

2. «Тоза ҳаво» умуммиллий лойиҳаси доирасида:

(а) марказий ва саноатга ихтисослаштирилган туман (шаҳар)ларнинг ҳаво сифатини яхшилаш;

(б) ҳаво сифати сурункали бузилаётган туман (шаҳар)да алоҳида махсус назорат тизимини жорий қилиш;

(в) саноат корхоналари томонидан автоматик мониторинг станциялари, чанг-газ тозалаш ускуналари ва сув тозалаш иншоотларининг ўрнатилишини таъминлаш;

(г) атмосфера ҳавосининг ифлосланиши кузатувларининг давлат тизимини ривожлантириш ва модернизация қилиш;

(д) ташламаларнинг умумий ҳажмини камайтириш.

3. «Яшил макон» умуммиллий лойиҳасига қуйидаги қўшимча вазифаларни киритиш:

(а) Қорақалпоғистон Республикаси, вилоятлар ва Тошкент шаҳрида қўшимча равишда жами майдони 100 гектардан кам бўлмаган ботаника ва дендрология боғларини ташкил қилиш;

(б) ҳар бир шаҳар ва туманда камида 2 тадан сояли сайр кўчаларини ташкил қилиш.

4. «Эко-маданият» умуммиллий лойиҳаси доирасида:

(а) мактабгача таълимнинг энг асосий самарадорлик кўрсаткичи сифатида болаларда эко-одатларни шакллантириш;

(б) болалар орасида экологик ҳаёт тарзини ташвиқот қилиш учун эко-контент базасини шакллантириш (бунда мультфильм, роликлар, қисқа метражли фильмлар яратиш, блоглар юритиш);

(в) Эковолонтёрлар миллий тармоғини яратиш ҳамда мактабларда ташаббускор мактаб ўқувчиларини тақдирлаш мақсадида уч даражали эко-аълочилар кўкрак нишонини жорий қилиш;

(г) Қорақалпоғистон Республикаси, вилоятлар ва Тошкент шаҳрида эко-оромгоҳлар ташкил қилиш. Бунда эко-аълочиларнинг оромгоҳларда имтиёзли равишда дам олишини ташкиллаштириш;

(д) ўқувчилар ва талабаларнинг стартап лойиҳалари учун мини-грантлар ажратиб бориш;

(ж) экологик краудфандинг фаолиятига ҳуқуқий мақом бериш ва қўллаб-қувватлаш;

(з) ҳар бир маҳаллада жамоатчилик экология назоратчиси тизимини жорий қилиш, бунда улар иштирокида амалга оширилган маъмурий жариманинг ўн фоиз миқдоридаги маблағларни жамоатчилик экология назоратчисини рағбатлантиришга йўналтириш;

(и) «Экофаол», «Яшил тадбиркор» платформаларини жорий қилиш.

5. «Био мерос» умуммиллий лойиҳаси доирасида:

(а) муҳофаза этиладиган табиий ҳудудларни бошқариш тизими самарадорлигини ошириш ва уларнинг ҳудудларини кенгайтириш;

(б) камёб ва йўқолиб кетиш хавфи бўлган ёввойи ҳайвон ва ўсимлик турлари бўйича алоҳида питомниклар ташкил қилиш ҳамда уларни қайта тиклаш (реинтродукция) чора-тадбирларини амалга ошириш;

(в) биологик ресурслардан барқарор фойдаланиш, шу жумладан, биологик хилма-хиллик ва экотизим хизматларининг қийматини иқтисодий баҳолаш механизмларини жорий этиш.

Ўзбекистон Республикаси Президентининг 2025 йил 18 ноябрдаги ПФ-217-сон Фармонига 2-ИЛОВА

Экология, атроф-муҳитни муҳофаза қилиш ва табиатдан фойдаланиш соҳасида юридик шахсларга нисбатан молиявий санкциялар жорий қилинадиган қонун бузарлик ҳолатлари

1. Дарёларнинг ўзанларини тозалашга ва қирғоқларини мустаҳкамлашга доир ишларни амалга ошириш тартибини бузиш.

2. Сув ресурсларини муҳофаза қилиш қоидаларини бузиш.

3. Дарахтлар ва буталарни ғайриқонуний равишда кесиш, йўқ қилиш ва уларни муҳофаза қилиш чораларини кўрмаслик.

4. Ифлослантирувчи моддаларни атмосфера ҳавосига чиқариб ташлаш ёки атмосфера ҳавосидан белгиланган талабларни бузган ҳолда фойдаланиш.

5. Қурилиш майдонларида атмосфера ҳавосини муҳофаза қилиш талабларига риоя этмаслик.

6. Ёқилғи, моддалар, материал ва чиқиндиларни ёқишда атмосфера ҳавосини муҳофаза қилиш талабларига риоя этмаслик.

7. Чиқиндилар билан муомалада бўлишда атроф-муҳитни муҳофаза қилиш талабларига риоя этмаслик.

Ўзбекистон Республикаси Президентининг 2025 йил 18 ноябрдаги ПФ-217-сон Фармонига 3-ИЛОВА

Ўзбекистон Республикаси Президентининг айрим ҳужжатларига киритилаётган ўзгартириш ва қўшимчалар

1. Ўзбекистон Республикаси Президентининг 2021 йил 7 апрелдаги «Кино санъати ва саноатини янги босқичга олиб чиқиш, соҳани давлат томонидан қўллаб-қувватлаш тизимини янада такомиллаштириш тўғрисида»ги ПФ-6202-сон Фармони 9-бандининг «а» кичик банди қуйидаги таҳрирда баён этилсин:

«а) хорижий кинокомпаниялар учун, агар харажатлар суммаси:

3 миллиард сўмгача бўлса — 10 фоиз;

3 миллиард сўмдан 5 миллиард сўмгача бўлса — 15 фоиз;

5 миллиард сўмдан 10 миллиард сўмгача бўлса — 20 фоиз;

10 миллиард сўмдан ортиқ бўлса — 25 фоиз, бироқ битта фильм учун 4 миллиард сўмдан ошмаган миқдорда қоплаб берилади».

2. Ўзбекистон Республикаси Президентининг 2023 йил 25 январдаги «Республика ижро этувчи ҳокимият органлари фаолиятини самарали йўлга қўйишга доир биринчи навбатдаги ташкилий чора-тадбирлар тўғрисида»ги ПФ-14-сон Фармонида :

(а) 1-иловада :

«11. Экология, атроф-муҳитни муҳофаза қилиш ва иқлим ўзгариши вазирлиги» бўлими чиқариб ташлансин;

қуйидаги мазмундаги 39-бўлим билан тўлдирилсин:

« 39. Туризм қўмитаси Туризм қўмитаси 275 275 шу жумладан, раис ўринбосарлари сони 2 2 » ;

«Изоҳлар» қисмидан 5.9 ., 5.10 . ва 5.11.-кичик бандлар ўз кучини йўқотган деб ҳисоблансин;

(б) 2-иловада :

11-банд ҳамда 11.1 — 11.4-кичик бандлар ўз кучини йўқотган деб ҳисоблансин;

қуйидаги мазмундаги 42-банд билан тўлдирилсин:

«42. Туризм қўмитаси»;

(в) 2а-иловада :

11 — 11.4.-позициялар чиқариб ташлансин;

қуйидаги мазмундаги 42-позиция билан тўлдирилсин:

« 42. Ўзбекистон Республикаси Туризм қўмитаси Туризм қўмитаси Комитет по туризму » .

3. Ўзбекистон Республикаси Президентининг 2023 йил 31 майдаги «Экология ва атроф-муҳитни муҳофаза қилиш соҳасини трансформация қилиш ва ваколатли давлат органи фаолиятини ташкил этиш чора-тадбирлари тўғрисида»ги ПФ-81-сон Фармонида :

(а) 5-бандда :

учинчи хатбоши чиқариб ташлансин;

тўртинчи хатбошидаги «70» рақами «30» рақами билан алмаштирилсин;

бешинчи хатбошидаги «77» рақами «37» рақами билан алмаштирилсин;

(б) 7-бандда :

иккинчи — тўртинчи ва олтинчи хатбошилар чиқариб ташлансин;

бешинчи , еттинчи — ўнинчи хатбошилар тегишинча иккинчи — олтинчи хатбошилар деб ҳисоблансин.

4. Ўзбекистон Республикаси Президентининг 2025 йил 24 мартдаги «Чиқиндиларни қайта ишлаш соҳасини янада такомиллаштириш ҳамда комплекс тизимлаштириш чора-тадбирлари тўғрисида»ги ПФ-56-сон Фармонида :

(а) 4-банд қуйидаги мазмундаги «н» кичик банд билан тўлдирилсин:

«н) Экология ва иқлим ўзгариши миллий қўмитаси Энергетика вазирлиги, Қишлоқ хўжалиги вазирлиги, Иқтисодиёт ва молия вазирлиги билан биргаликда, заруратга кўра, Инвестиция лойиҳасини амалга ошириш учун экосаноат зоналарига туташ ҳудудларда ҳаво электр узатиш тармоқларини ва электр инфратузилмаси қурилмаларини қуриш учун зарур ер участкаларини танлаб олсин ҳамда уларнинг чегараларига аниқлик киритиб, тегишлилиги бўйича оммавий сервитут белгилаш ва ер фонди тоифасини ўзгартириш юзасидан Қишлоқ хўжалигига мўлжалланган ва ўрмон фонди ерларининг ер фонди тоифаларини ўзгартириш масалаларини кўриб чиқиш бўйича Ҳукумат комиссиясига таклифларни киритсин»;

(б) 4-илованинг 9-позицияси «I ва II тоифаларга мансуб корхоналар» сўзларидан кейин «ҳамда Ўзбекистон Республикаси Президентининг 2024 йил 4 январдаги «Чиқиндиларни бошқариш тизимини такомиллаштириш ва уларнинг экологик вазиятга салбий таъсирини камайтириш бўйича чора-тадбирлар тўғрисида»ги ПФ-5-сон Фармонига 2а-иловада келтирилган чиқиндиларни қайта ишлашни ёки экологик хавфсиз тарзда утилизация қилишни йўлга қўйган тадбиркорлар» сўзлари билан тўлдирилсин.

5. Ўзбекистон Республикаси Президентининг 2025 йил 30 майдаги «Яшил макон» умуммиллий лойиҳаси доирасида ҳамда ўрмонларни бошқариш тизимида ислоҳотларни изчил давом эттириш, яшил ҳудудларни кенгайтириш чора-тадбирлари тўғрисида»ги ПФ-90-сон Фармони 9-бандининг биринчи хатбошисидаги «2025/2026» рақамлари «2026/2027» рақамлари билан алмаштирилсин.

6. Ўзбекистон Республикаси Президентининг 2020 йил 17 ноябрдаги «Ўзбекистон Республикаси гидрометеорология хизмати фаолиятини янада такомиллаштириш чора-тадбирлари тўғрисида»ги ПҚ-4896-сон қарори 9-бандининг олтинчи хатбошиси қуйидаги таҳрирда баён этилсин:

«Белгилансинки, ушбу бандда белгиланган чора-тадбирларни амалга ошириш билан боғлиқ, шунингдек, Гидрометеорология илмий-тадқиқот институтини сақлаш, ходимлар меҳнатига ҳақ тўлаш бўйича харажатлар Давлат бюджети маблағлари ҳисобидан амалга оширилади».

7. Ўзбекистон Республикаси Президентининг 2023 йил 31 майдаги «Экология, атроф-муҳитни муҳофаза қилиш ва иқлим ўзгариши вазирлиги фаолиятини самарали ташкил этиш чора-тадбирлари тўғрисида»ги ПҚ-171-сон қарорига 1-илованинг «о» , «п» ва «р» кичик бандлари ўз кучини йўқотган деб ҳисоблансин.

8. Ўзбекистон Республикаси Президентининг 2023 йил 31 майдаги «Марказий Осиё атроф-муҳит ва иқлим ўзгаришини ўрганиш университети (Green University) фаолиятини ташкил этиш чора-тадбирлари тўғрисида»ги ПҚ-174-сон қарори қуйидаги мазмундаги 9 1 -банд билан тўлдирилсин:

«9 1 . Белгилансинки, Марказий Осиё атроф-муҳит ва иқлим ўзгаришини ўрганиш университетининг халқаро ҳамкорлик ва алоқалар бўлими бошлиғи, режа-молия бўлими бошлиғи, бош аудитор, бош ҳисобчи лавозим маошлари олий таълим муассасасининг факультет декани базавий лавозим маошига, бошқа бўлим бошлиқлари, марказ ва дирекция раҳбарлари, катта юрисконсульт, матбуот котиби, илмий кенгаш котиби ва университет кенгаши котиби лавозим маошлари олий таълим муассасасининг факультет декани ўринбосари базавий лавозим маошига, бўлим бошлиғи ўринбосарлари, бош ҳисобчи ўринбосари, бош энергетик, бош муҳандис лавозим маошлари олий таълим муассасасининг катта ўқитувчи базавий лавозим маошига, бош мутахассис, бош иқтисодчи, психолог, олий маълумотли етакчи мутахассис, услубчи, илмий-тадқиқот ишлари бўйича муҳандис, кабинет мудири, бухгалтер, иқтисодчи ва кутубхоначи лавозим маошлари олий таълим муассасасининг ўқитувчи-стажёри базавий лавозим маошига тенглаштирилади».

9. Ўзбекистон Республикаси Президентининг 2023 йил 27 июлдаги «Туризм йўналишидаги ислоҳотларни янада жадаллаштириш ва соҳада давлат бошқаруви тизимини самарали ташкил қилиш чора-тадбирлари тўғрисида»ги ПҚ-238-сон қарори 2-бандининг «а» кичик банди қуйидаги таҳрирда баён этилсин:

«а) 3 юлдузли тоифа учун 60 та хонадан кам бўлмаган, 4 ва 5 юлдузли тоифа учун 120 та хонадан кам бўлмаган хоналар фондига эга беш қаватдан паст бўлмаган меҳмонхона 2026 йил 31 декабрга қадар фойдаланишга топширилган тақдирда, меҳмонхона тоифаси тасдиқлангач, инвесторларнинг янги меҳмонхонани қуриш (реконструкция қилиш бундан мустасно) ва жиҳозлаш ҳамда 2026 йил 1 январдан бошлаб меҳмонхонани қўшимча бино ва иншоотлар қуриш орқали кенгайтириш ёки мавжуд бино ва иншоотларнинг ихтисослашишини меҳмонхона фаолиятига ўзгартириш учун кетган харажатларининг бир қисмини Ўзбекистон Республикаси Давлат бюджети маблағлари ҳисобидан қуйидаги миқдорларда қоплаб бериш тизими жорий қилинсин:

3 юлдузли тоифага эга меҳмонхоналардаги ҳар бир хона учун 40 миллион сўм;

4 ва 5 юлдузли тоифага эга меҳмонхоналардаги ҳар бир хона учун 65 миллион сўм.

Бунда республика бўйича тоифали (юлдузли) меҳмонхоналар мавжуд бўлмаган туман (шаҳар)ларда янгидан қуриладиган меҳмонхоналарга, мазкур харажатлар қуйидаги тартиб асосида 50 фоизга оширилган миқдорда қоплаб берилиши белгилансин:

дастлабки 2 та 4 ёки 5 юлдузли тоифага эга меҳмонхоналарга;

дастлабки 3 та 3 юлдузли тоифага эга меҳмонхоналарга;

Белгилансинки қаватлар сони билан боғлиқ талаблар ЮНЕСКОнинг Умумжаҳон маданий мероси рўйхатига киритилган ҳудудларда ёки тоғли ва тоғолди ҳудудларда янги қурилган меҳмонхоналарга татбиқ этилмайди».

10. Ўзбекистон Республикаси Президентининг 2025 йил 24 мартдаги «Тошкент шаҳри, Тошкент ва Андижон вилоятларида қаттиқ маиший чиқиндиларни ёқиш орқали электр энергияси ишлаб чиқариш» инвестиция лойиҳасини амалга ошириш чора-тадбирлари тўғрисида»ги ПҚ-116-сон қарорининг 8-банди қуйидаги мазмундаги «г» кичик банд билан тўлдирилсин:

«(г) Инвесторга барча солиқлар ва йиғимлар тўланган ҳолда, инвестиция лойиҳасини молиялаштириш доирасида қуйидаги ҳуқуқлар берилади:

кредит олиш, чет эл валютасида маблағлар олиш ва улардан фойдаланиш (шу жумладан, чет эл валютасида кредит тушумлари) учун чет элдаги хорижий банкларда банк ҳисобварақлари очиш;

Ўзбекистон Республикасидан ташқарида бўлган хорижий пудрат ташкилотлари, етказиб берувчилар ёки хорижий кредиторларга тўловларни Ўзбекистон Республикасидаги банк ҳисобварақлари орқали ўтказмасдан, тўғридан-тўғри амалга ошириш».

Ўзбекистон Республикаси Президенти Ш. МИРЗИЁЕВ

Тошкент ш.,

2025 йил 18 ноябрь,

ПФ-217-сон

(Қонунчилик маълумотлари миллий базаси, 19.11.2025 й., 06/25/217/1060-сон)

lex.uz

Oʻzbekiston Respublikasi Prezidentining

Farmoni

ASOSIY VAZIFALARI

ROʻYXATI

Ekologiya va turizm sohalarida aholi talablariga tezkor javob bera oladigan boshqaruv tizimini yaratish chora-tadbirlari toʻgʻrisida

Ekologiya, atrof-muhitni muhofaza qilish va turizm sohalarida belgilangan vazifalarni tezkor hamda yangi yondashuv asosida sifatli tashkil etish, shuningdek, mazkur yoʻnalishdagi davlat boshqaruvi va nazorati tizimini takomillashtirish maqsadida qaror qilaman:

I. Boshqaruv tizimini takomillashtirish

1. Quyidagilar:

(a) Ekologiya, atrof-muhitni muhofaza qilish va iqlim oʻzgarishi vazirligi huzuridagi Turizm qoʻmitasi Oʻzbekiston Respublikasi Turizm qoʻmitasi sifatida qayta tashkil etilsin;

(b) Ekologiya, atrof-muhitni muhofaza qilish va iqlim oʻzgarishi vazirligi Vazirlar Mahkamasi tizimidan chiqarilib, uning negizida amaldagi shtat birliklari saqlangan holda Ekologiya va iqlim oʻzgarishi milliy qoʻmitasi (keyingi oʻrinlarda — Ekologiya qoʻmitasi) tashkil etilsin.

2. Belgilansinki:

(a) Ekologiya qoʻmitasi qulay ekologik holatni barqaror saqlash, atrof-muhitni muhofaza qilish, “Yashil makon” umummilliy loyihasini amalga oshirish, oʻrmonlarni koʻpaytirish, global iqlim oʻzgarishi oqibatlarini yumshatish va choʻllanishga qarshi kurashish sohalarida yagona davlat siyosati va nazoratini amalga oshirish boʻyicha vakolatli organ hisoblanadi;

(b) Oʻzbekiston Respublikasi Prezidenti Administratsiyasi tashkiliy tuzilmasida 2 ta shtat birligidan iborat Oʻzbekiston Respublikasi Prezidentining ekologiya masalalari boʻyicha maslahatchisi boʻlinmasi tashkil etiladi;

(v) Oʻrmon va yashil hududlarni koʻpaytirish, choʻllanishga qarshi kurashish agentligi, Gidrometeorologiya xizmati agentligi hamda Chiqindilarni boshqarish va sirkulyar iqtisodiyotni rivojlantirish agentligi oʻz faoliyatini Ekologiya qoʻmitasi huzurida davom ettiradi.

3. Belgilab qoʻyilsinki, Ekologiya, atrof-muhitni muhofaza qilish va iqlim oʻzgarishi vazirligining asosiy vazifalaridan tashqari, Ekologiya qoʻmitasi 1-ilovaga muvofiq quyidagi umummilliy loyihalarni amalga oshirish uchun masʼul hisoblanadi:

(a) chiqindilarni qayta ishlash va ular bilan ishlash tizimini takomillashtirishga qaratilgan “Chiqindidan holi hudud” umummilliy loyihasi;

(b) atmosfera havosi sifatini yaxshilashga qaratilgan “Toza havo” umummilliy loyihasi;

(v) 2028-yilga qadar Qoraqalpogʻiston Respublikasi, viloyatlar va Toshkent shahrida qoʻshimcha ravishda jami maydoni 100 gektardan kam boʻlmagan botanika va dendrologiya bogʻlarini tashkil qilishga qaratilgan “Yashil makon” umummilliy loyihasi;

(g) aholi orasida eko-odatlarni shakllantirish va ekologik hayot tarzini keng targʻib qilishga qaratilgan “Eko-madaniyat” umummilliy loyihasi;

(d) bioxilma-xillikni kelajak avlod uchun asrashga qaratilgan “Bio meros” umummilliy loyihasi.

4. Ekologiya qoʻmitasi huzurida 15 nafargacha xorijiy va mahalliy ekspertlarni fuqaroviy-huquqiy shartnomalar asosida jalb qilgan holda ekologiya sohasidagi “Ekoloyihalar fabrikasi” (keyingi oʻrinlarda — Loyiha ofisi) tashkil etilsin.

II. Ekologik nazoratni kuchaytirish

5. Belgilansinki, 2026-yil 1-apreldan boshlab 2-ilovaga muvofiq ekologiya, atrof-muhitni muhofaza qilish va tabiatdan foydalanish sohasidagi qonunchilikni buzganlik uchun yuridik shaxslarga nisbatan moliyaviy sanksiyalarni qoʻllash tartibi joriy etiladi, bunda:

(a) moliyaviy sanksiyalar pul undirish (jarimalar) tarzida faqat yuridik shaxslarga qoʻllanadi;

(b) bir xil huquqbuzarlik uchun moliyaviy sanksiyalar qoʻllangan yuridik shaxslarning xodimlariga maʼmuriy jazo chorasini qoʻllashga yoʻl qoʻyilmaydi;

(v) huquqbuzarlikning takroran sodir etilishiga yoʻl qoʻymaslik haqida ogohlantirish olish hamda jarimani toʻlash ekologiya, atrof-muhitni muhofaza qilish va tabiatdan foydalanish sohasidagi qonunchilikning buzilishiga yoʻl qoʻygan shaxsni Ekologiya qoʻmitasining qarorini (taqdimnomasini, koʻrsatmasini) bajarish yoki qonunchilikda nazarda tutilgan boshqa harakatlarni amalga oshirish majburiyatidan ozod etmaydi.

6. Quyidagilar negizida alohida yuridik shaxs boʻlmagan Ekologiya va iqlim oʻzgarishi milliy qoʻmitasining Davlat ekologik nazorat inspeksiyasi (Ekopolitsiya) (keyingi oʻrinlarda — Ekopolitsiya) tashkil etilsin:

(a) Ekologiya, atrof-muhitni muhofaza qilish va iqlim oʻzgarishi vazirligining Davlat ekologik nazorat inspeksiyasi;

(b) Qoraqalpogʻiston Respublikasi, Toshkent va Jizzax viloyatlaridagi tabiatni muhofaza qilish boʻyicha hududiy maxsus prokuraturalar;

(v) Qoraqalpogʻiston Respublikasi, viloyatlar va Toshkent shahri prokuraturalarining ekologiya, atrof-muhitni muhofaza qilish va oʻrmon xoʻjaligi sohasidagi qonunchilik ijrosi ustidan nazorat yoʻnalishidagi boʻlinmalarining optimallashtiriladigan shtat birliklari.

7. Belgilansinki:

(a) Qoraqalpogʻiston Respublikasi, viloyatlar va Toshkent shahri prokuraturalariga ekologiya, atrof-muhitni muhofaza qilish va oʻrmon xoʻjaligi sohasidagi qonunchilik ijrosi ustidan nazorat yoʻnalishida ajratilgan 40 ta shtat birligi Ekopolitsiyaga oʻtkaziladi;

(b) Ekopolitsiya Ekologiya qoʻmitasining ekologik xavfsizlikni taʼminlash va bu boradagi huquqbuzarliklar profilaktikasi sohasida huquqni muhofaza qilishga doir ayrim vazifalarga ega boʻlgan maxsus boʻlinmasidir;

(v) Ekologiya qoʻmitasi raisi bir vaqtning oʻzida Ekopolitsiya boshligʻi hisoblanadi;

(g) Ekopolitsiya boshligʻining oʻrinbosari bir vaqtning oʻzida Ekologiya qoʻmitasi raisi oʻrinbosari hisoblanadi va Ekopolitsiyaning tezkor shtabiga rahbarlik qiladi;

(d) Ekopolitsiyaga uning hududiy boʻlinmalarini maʼmuriy-hududiy birliklar chegaralarini hisobga olmagan holda tabiiy ekologik hududlar chegaralari doirasida tashkil etishga ruxsat etiladi.

III. Farmon ijrosini tashkil etish, taʼminlash va nazorat

8. Ekologiya qoʻmitasi quyidagilar yuzasidan Oʻzbekiston Respublikasi Prezidentiga muntazam ravishda axborot kiritib borsin:

(a) yirik korxona va tarmoqlar tomonidan ekologiya va atrof-muhitni muhofaza qilish sohasida sodir etilgan huquqbuzarliklar, ular va ularning mansabdor shaxslariga nisbatan koʻrilgan choralar;

(b) sohadagi masʼul boshqaruv va nazorat organlarining oʻz vazifalarini sifatli va oʻz vaqtida bajarishi holati;

(v) davlat organlarining ekologiya va atrof-muhitni muhofaza qilish sohasidagi qonunchilik talablariga zid boʻlgan qarorlarini bekor qilish.

9. Ekologiya qoʻmitasi Adliya vazirligi hamda manfaatdor vazirlik va idoralar bilan birgalikda bir oy muddatda ekologiya va atrof-muhitni muhofaza qilish sohasidagi qonunchilikni buzganlik uchun yuridik shaxslarga moliyaviy sanksiyalarni joriy etish va ularni qoʻllashni nazarda tutuvchi qonun loyihasini ishlab chiqib, Oʻzbekiston Respublikasi Prezidenti Administratsiyasiga kiritsin.

10. Ekologiya qoʻmitasi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu Farmon talablaridan kelib chiqadigan oʻzgartirish va qoʻshimchalar toʻgʻrisida takliflar kiritsin.

11. Oʻzbekiston Respublikasi Prezidentining ayrim hujjatlariga 3-ilovaga muvofiq oʻzgartirish va qoʻshimchalar kiritilsin.

12. Farmon ijrosini nazorat qilish Oʻzbekiston Respublikasi Prezidenti Administratsiyasi rahbari S.Sh. Mirziyoyeva zimmasiga yuklansin.

Oʻzbekiston Respublikasi Prezidentining 2025-yil 18-noyabrdagi PF-217-son Farmoniga 1-ILOVA

Ekologiya, atrof-muhitni muhofaza qilish sohasidagi umummilliy loyihalarning

1. “Chiqindidan holi hudud” umummilliy loyihasi doirasida:

(a) respublikaning barcha hududlarini qamrab oladigan chiqindilarni yoqib, elektr energiya ishlab chiqarish korxonalarini qurish;

(b) tibbiyot va xavfli chiqindilarni xavfsiz va toʻlaqonli utilizatsiya qilish tizimini yaratish;

(v) chiqindilarni olib chiqib ketish boʻyicha yuridik shaxslar masʼuliyatini oshirish;

(g) chiqindilarni toʻplash va olib chiqib ketish xizmati sifatini oshirish va aholi talablariga moslashtirish, shu jumladan, texnika va konteynerlar sonini tubdan oshirish;

(d) poligonlarni rekultivatsiya qilish va ular sonini keskin kamaytirish;

(j) qayta yuklash stansiyalari faoliyatini yoʻlga qoʻyish.

2. “Toza havo” umummilliy loyihasi doirasida:

(a) markaziy va sanoatga ixtisoslashtirilgan tuman (shahar)larning havo sifatini yaxshilash;

(b) havo sifati surunkali buzilayotgan tuman (shahar)da alohida maxsus nazorat tizimini joriy qilish;

(v) sanoat korxonalari tomonidan avtomatik monitoring stansiyalari, chang-gaz tozalash uskunalari va suv tozalash inshootlarining oʻrnatilishini taʼminlash;

(g) atmosfera havosining ifloslanishi kuzatuvlarining davlat tizimini rivojlantirish va modernizatsiya qilish;

(d) tashlamalarning umumiy hajmini kamaytirish.

3. “Yashil makon” umummilliy loyihasiga quyidagi qoʻshimcha vazifalarni kiritish:

(a) Qoraqalpogʻiston Respublikasi, viloyatlar va Toshkent shahrida qoʻshimcha ravishda jami maydoni 100 gektardan kam boʻlmagan botanika va dendrologiya bogʻlarini tashkil qilish;

(b) har bir shahar va tumanda kamida 2 tadan soyali sayr koʻchalarini tashkil qilish.

4. “Eko-madaniyat” umummilliy loyihasi doirasida:

(a) maktabgacha taʼlimning eng asosiy samaradorlik koʻrsatkichi sifatida bolalarda eko-odatlarni shakllantirish;

(b) bolalar orasida ekologik hayot tarzini tashviqot qilish uchun eko-kontent bazasini shakllantirish (bunda multfilm, roliklar, qisqa metrajli filmlar yaratish, bloglar yuritish);

(v) Ekovolontyorlar milliy tarmogʻini yaratish hamda maktablarda tashabbuskor maktab oʻquvchilarini taqdirlash maqsadida uch darajali eko-aʼlochilar koʻkrak nishonini joriy qilish;

(g) Qoraqalpogʻiston Respublikasi, viloyatlar va Toshkent shahrida eko-oromgohlar tashkil qilish. Bunda eko-aʼlochilarning oromgohlarda imtiyozli ravishda dam olishini tashkillashtirish;

(d) oʻquvchilar va talabalarning startap loyihalari uchun mini-grantlar ajratib borish;

(j) ekologik kraudfanding faoliyatiga huquqiy maqom berish va qoʻllab-quvvatlash;

(z) har bir mahallada jamoatchilik ekologiya nazoratchisi tizimini joriy qilish, bunda ular ishtirokida amalga oshirilgan maʼmuriy jarimaning oʻn foiz miqdoridagi mablagʻlarni jamoatchilik ekologiya nazoratchisini ragʻbatlantirishga yoʻnaltirish;

(i) “Ekofaol”, “Yashil tadbirkor” platformalarini joriy qilish.

5. “Bio meros” umummilliy loyihasi doirasida:

(a) muhofaza etiladigan tabiiy hududlarni boshqarish tizimi samaradorligini oshirish va ularning hududlarini kengaytirish;

(b) kamyob va yoʻqolib ketish xavfi boʻlgan yovvoyi hayvon va oʻsimlik turlari boʻyicha alohida pitomniklar tashkil qilish hamda ularni qayta tiklash (reintroduksiya) chora-tadbirlarini amalga oshirish;

(v) biologik resurslardan barqaror foydalanish, shu jumladan, biologik xilma-xillik va ekotizim xizmatlarining qiymatini iqtisodiy baholash mexanizmlarini joriy etish.

Oʻzbekiston Respublikasi Prezidentining 2025-yil 18-noyabrdagi PF-217-son Farmoniga 2-ILOVA

Ekologiya, atrof-muhitni muhofaza qilish va tabiatdan foydalanish sohasida yuridik shaxslarga nisbatan moliyaviy sanksiyalar joriy qilinadigan qonun buzarlik holatlari

1. Daryolarning oʻzanlarini tozalashga va qirgʻoqlarini mustahkamlashga doir ishlarni amalga oshirish tartibini buzish.

2. Suv resurslarini muhofaza qilish qoidalarini buzish.

3. Daraxtlar va butalarni gʻayriqonuniy ravishda kesish, yoʻq qilish va ularni muhofaza qilish choralarini koʻrmaslik.

4. Ifloslantiruvchi moddalarni atmosfera havosiga chiqarib tashlash yoki atmosfera havosidan belgilangan talablarni buzgan holda foydalanish.

5. Qurilish maydonlarida atmosfera havosini muhofaza qilish talablariga rioya etmaslik.

6. Yoqilgʻi, moddalar, material va chiqindilarni yoqishda atmosfera havosini muhofaza qilish talablariga rioya etmaslik.

7. Chiqindilar bilan muomalada boʻlishda atrof-muhitni muhofaza qilish talablariga rioya etmaslik.

Oʻzbekiston Respublikasi Prezidentining 2025-yil 18-noyabrdagi PF-217-son Farmoniga 3-ILOVA

Oʻzbekiston Respublikasi Prezidentining ayrim hujjatlariga kiritilayotgan oʻzgartirish va qoʻshimchalar

1. Oʻzbekiston Respublikasi Prezidentining 2021-yil 7-apreldagi “Kino sanʼati va sanoatini yangi bosqichga olib chiqish, sohani davlat tomonidan qoʻllab-quvvatlash tizimini yanada takomillashtirish toʻgʻrisida”gi PF-6202-son Farmoni 9-bandining “a” kichik bandi quyidagi tahrirda bayon etilsin:

“a) xorijiy kinokompaniyalar uchun, agar xarajatlar summasi:

3 milliard soʻmgacha boʻlsa — 10 foiz;

3 milliard soʻmdan 5 milliard soʻmgacha boʻlsa — 15 foiz;

5 milliard soʻmdan 10 milliard soʻmgacha boʻlsa — 20 foiz;

10 milliard soʻmdan ortiq boʻlsa — 25 foiz, biroq bitta film uchun 4 milliard soʻmdan oshmagan miqdorda qoplab beriladi”.

2. Oʻzbekiston Respublikasi Prezidentining 2023-yil 25-yanvardagi “Respublika ijro etuvchi hokimiyat organlari faoliyatini samarali yoʻlga qoʻyishga doir birinchi navbatdagi tashkiliy chora-tadbirlar toʻgʻrisida”gi PF-14-son Farmonida :

(a) 1-ilovada :

“11. Ekologiya, atrof-muhitni muhofaza qilish va iqlim oʻzgarishi vazirligi” boʻlimi chiqarib tashlansin;

quyidagi mazmundagi 39-boʻlim bilan toʻldirilsin:

“ 39. Turizm qoʻmitasi Turizm qoʻmitasi 275 275 shu jumladan, rais oʻrinbosarlari soni 2 2 ” ;

“Izohlar” qismidan 5.9 ., 5.10 . va 5.11.-kichik bandlar oʻz kuchini yoʻqotgan deb hisoblansin;

(b) 2-ilovada :

11-band hamda 11.1 — 11.4-kichik bandlar oʻz kuchini yoʻqotgan deb hisoblansin;

quyidagi mazmundagi 42-band bilan toʻldirilsin:

“42. Turizm qoʻmitasi”;

(v) 2a-ilovada :

11 — 11.4.-pozitsiyalar chiqarib tashlansin;

quyidagi mazmundagi 42-pozitsiya bilan toʻldirilsin:

“ 42. Oʻzbekiston Respublikasi Turizm qoʻmitasi Turizm qoʻmitasi Komitet po turizmu ” .

3. Oʻzbekiston Respublikasi Prezidentining 2023-yil 31-maydagi “Ekologiya va atrof-muhitni muhofaza qilish sohasini transformatsiya qilish va vakolatli davlat organi faoliyatini tashkil etish chora-tadbirlari toʻgʻrisida”gi PF-81-son Farmonida :

(a) 5-bandda :

uchinchi xatboshi chiqarib tashlansin;

toʻrtinchi xatboshidagi “70” raqami “30” raqami bilan almashtirilsin;

beshinchi xatboshidagi “77” raqami “37” raqami bilan almashtirilsin;

(b) 7-bandda :

ikkinchi — toʻrtinchi va oltinchi xatboshilar chiqarib tashlansin;

beshinchi , yettinchi — oʻninchi xatboshilar tegishincha ikkinchi — oltinchi xatboshilar deb hisoblansin.

4. Oʻzbekiston Respublikasi Prezidentining 2025-yil 24-martdagi “Chiqindilarni qayta ishlash sohasini yanada takomillashtirish hamda kompleks tizimlashtirish chora-tadbirlari toʻgʻrisida”gi PF-56-son Farmonida :

(a) 4-band quyidagi mazmundagi “n” kichik band bilan toʻldirilsin:

“n) Ekologiya va iqlim oʻzgarishi milliy qoʻmitasi Energetika vazirligi, Qishloq xoʻjaligi vazirligi, Iqtisodiyot va moliya vazirligi bilan birgalikda, zaruratga koʻra, Investitsiya loyihasini amalga oshirish uchun ekosanoat zonalariga tutash hududlarda havo elektr uzatish tarmoqlarini va elektr infratuzilmasi qurilmalarini qurish uchun zarur yer uchastkalarini tanlab olsin hamda ularning chegaralariga aniqlik kiritib, tegishliligi boʻyicha ommaviy servitut belgilash va yer fondi toifasini oʻzgartirish yuzasidan Qishloq xoʻjaligiga moʻljallangan va oʻrmon fondi yerlarining yer fondi toifalarini oʻzgartirish masalalarini koʻrib chiqish boʻyicha Hukumat komissiyasiga takliflarni kiritsin”;

(b) 4-ilovaning 9-pozitsiyasi “I va II toifalarga mansub korxonalar” soʻzlaridan keyin “hamda Oʻzbekiston Respublikasi Prezidentining 2024-yil 4-yanvardagi “Chiqindilarni boshqarish tizimini takomillashtirish va ularning ekologik vaziyatga salbiy taʼsirini kamaytirish boʻyicha chora-tadbirlar toʻgʻrisida”gi PF-5-son Farmoniga 2a-ilovada keltirilgan chiqindilarni qayta ishlashni yoki ekologik xavfsiz tarzda utilizatsiya qilishni yoʻlga qoʻygan tadbirkorlar” soʻzlari bilan toʻldirilsin.

5. Oʻzbekiston Respublikasi Prezidentining 2025-yil 30-maydagi “Yashil makon” umummilliy loyihasi doirasida hamda oʻrmonlarni boshqarish tizimida islohotlarni izchil davom ettirish, yashil hududlarni kengaytirish chora-tadbirlari toʻgʻrisida”gi PF-90-son Farmoni 9-bandining birinchi xatboshisidagi “2025/2026” raqamlari “2026/2027” raqamlari bilan almashtirilsin.

6. Oʻzbekiston Respublikasi Prezidentining 2020-yil 17-noyabrdagi “Oʻzbekiston Respublikasi gidrometeorologiya xizmati faoliyatini yanada takomillashtirish chora-tadbirlari toʻgʻrisida”gi PQ-4896-son qarori 9-bandining oltinchi xatboshisi quyidagi tahrirda bayon etilsin:

“Belgilansinki, ushbu bandda belgilangan chora-tadbirlarni amalga oshirish bilan bogʻliq, shuningdek, Gidrometeorologiya ilmiy-tadqiqot institutini saqlash, xodimlar mehnatiga haq toʻlash boʻyicha xarajatlar Davlat budjeti mablagʻlari hisobidan amalga oshiriladi”.

7. Oʻzbekiston Respublikasi Prezidentining 2023-yil 31-maydagi “Ekologiya, atrof-muhitni muhofaza qilish va iqlim oʻzgarishi vazirligi faoliyatini samarali tashkil etish chora-tadbirlari toʻgʻrisida”gi PQ-171-son qaroriga 1-ilovaning “o” , “p” va “r” kichik bandlari oʻz kuchini yoʻqotgan deb hisoblansin.

8. Oʻzbekiston Respublikasi Prezidentining 2023-yil 31-maydagi “Markaziy Osiyo atrof-muhit va iqlim oʻzgarishini oʻrganish universiteti (Green University) faoliyatini tashkil etish chora-tadbirlari toʻgʻrisida”gi PQ-174-son qarori quyidagi mazmundagi 9 1 -band bilan toʻldirilsin:

“9 1 . Belgilansinki, Markaziy Osiyo atrof-muhit va iqlim oʻzgarishini oʻrganish universitetining xalqaro hamkorlik va aloqalar boʻlimi boshligʻi, reja-moliya boʻlimi boshligʻi, bosh auditor, bosh hisobchi lavozim maoshlari oliy taʼlim muassasasining fakultet dekani bazaviy lavozim maoshiga, boshqa boʻlim boshliqlari, markaz va direksiya rahbarlari, katta yuriskonsult, matbuot kotibi, ilmiy kengash kotibi va universitet kengashi kotibi lavozim maoshlari oliy taʼlim muassasasining fakultet dekani oʻrinbosari bazaviy lavozim maoshiga, boʻlim boshligʻi oʻrinbosarlari, bosh hisobchi oʻrinbosari, bosh energetik, bosh muhandis lavozim maoshlari oliy taʼlim muassasasining katta oʻqituvchi bazaviy lavozim maoshiga, bosh mutaxassis, bosh iqtisodchi, psixolog, oliy maʼlumotli yetakchi mutaxassis, uslubchi, ilmiy-tadqiqot ishlari boʻyicha muhandis, kabinet mudiri, buxgalter, iqtisodchi va kutubxonachi lavozim maoshlari oliy taʼlim muassasasining oʻqituvchi-stajyori bazaviy lavozim maoshiga tenglashtiriladi”.

9. Oʻzbekiston Respublikasi Prezidentining 2023-yil 27-iyuldagi “Turizm yoʻnalishidagi islohotlarni yanada jadallashtirish va sohada davlat boshqaruvi tizimini samarali tashkil qilish chora-tadbirlari toʻgʻrisida”gi PQ-238-son qarori 2-bandining “a” kichik bandi quyidagi tahrirda bayon etilsin:

“a) 3 yulduzli toifa uchun 60 ta xonadan kam boʻlmagan, 4 va 5 yulduzli toifa uchun 120 ta xonadan kam boʻlmagan xonalar fondiga ega besh qavatdan past boʻlmagan mehmonxona 2026-yil 31-dekabrga qadar foydalanishga topshirilgan taqdirda, mehmonxona toifasi tasdiqlangach, investorlarning yangi mehmonxonani qurish (rekonstruksiya qilish bundan mustasno) va jihozlash hamda 2026-yil 1-yanvardan boshlab mehmonxonani qoʻshimcha bino va inshootlar qurish orqali kengaytirish yoki mavjud bino va inshootlarning ixtisoslashishini mehmonxona faoliyatiga oʻzgartirish uchun ketgan xarajatlarining bir qismini Oʻzbekiston Respublikasi Davlat budjeti mablagʻlari hisobidan quyidagi miqdorlarda qoplab berish tizimi joriy qilinsin:

3 yulduzli toifaga ega mehmonxonalardagi har bir xona uchun 40 million soʻm;

4 va 5 yulduzli toifaga ega mehmonxonalardagi har bir xona uchun 65 million soʻm.

Bunda respublika boʻyicha toifali (yulduzli) mehmonxonalar mavjud boʻlmagan tuman (shahar)larda yangidan quriladigan mehmonxonalarga, mazkur xarajatlar quyidagi tartib asosida 50 foizga oshirilgan miqdorda qoplab berilishi belgilansin:

dastlabki 2 ta 4 yoki 5 yulduzli toifaga ega mehmonxonalarga;

dastlabki 3 ta 3 yulduzli toifaga ega mehmonxonalarga;

Belgilansinki qavatlar soni bilan bogʻliq talablar YUNESKOning Umumjahon madaniy merosi roʻyxatiga kiritilgan hududlarda yoki togʻli va togʻoldi hududlarda yangi qurilgan mehmonxonalarga tatbiq etilmaydi”.

10. Oʻzbekiston Respublikasi Prezidentining 2025-yil 24-martdagi “Toshkent shahri, Toshkent va Andijon viloyatlarida qattiq maishiy chiqindilarni yoqish orqali elektr energiyasi ishlab chiqarish” investitsiya loyihasini amalga oshirish chora-tadbirlari toʻgʻrisida”gi PQ-116-son qarorining 8-bandi quyidagi mazmundagi “g” kichik band bilan toʻldirilsin:

“(g) Investorga barcha soliqlar va yigʻimlar toʻlangan holda, investitsiya loyihasini moliyalashtirish doirasida quyidagi huquqlar beriladi:

kredit olish, chet el valyutasida mablagʻlar olish va ulardan foydalanish (shu jumladan, chet el valyutasida kredit tushumlari) uchun chet eldagi xorijiy banklarda bank hisobvaraqlari ochish;

Oʻzbekiston Respublikasidan tashqarida boʻlgan xorijiy pudrat tashkilotlari, yetkazib beruvchilar yoki xorijiy kreditorlarga toʻlovlarni Oʻzbekiston Respublikasidagi bank hisobvaraqlari orqali oʻtkazmasdan, toʻgʻridan-toʻgʻri amalga oshirish”.

Oʻzbekiston Respublikasi Prezidenti Sh. MIRZIYOYEV

Toshkent sh.,

2025-yil 18-noyabr,

PF-217-son

(Qonunchilik maʼlumotlari milliy bazasi, 19.11.2025-y., 06/25/217/1060-son)

lex.uz

Президента Республики Узбекистан

Указ

О мерах по созданию системы управления по оперативному реагированию на требования населения в сферах экологии и туризма

В целях оперативной и качественной организации на основе новых подходов определенных задач в сферах экологии, охраны окружающей среды и туризма, а также совершенствования системы государственного управления и контроля в данном направлении постановляю:

I. Совершенствование системы управления

1. Образовать:

(а) Комитет по туризму Республики Узбекистан путем реорганизации Комитета по туризму при Министерстве экологии, охраны окружающей среды и изменения климата;

(б) Национальный комитет по экологии и изменению климата (далее — Комитет по экологии) на базе Министерства экологии, охраны окружающей среды и изменения климата путем его выведения из системы Кабинета Министров с сохранением действующих штатных единиц.

2. Установить, что:

(а) Комитет по экологии является уполномоченным органом по осуществлению единой государственной политики и контроля в сферах стабильного поддержания благоприятной экологической обстановки, охраны окружающей среды, реализации Общенационального проекта «Яшил макон», увеличения лесов, смягчения последствий глобального изменения климата и борьбы с опустыниванием;

(б) в Организационной структуре Администрации Президента Республики Узбекистан создается Подразделение советника Президента Республики Узбекистан по вопросам экологии, состоящее из 2 штатных единиц;

(в) Агентство по лесоразведению и увеличению зеленых зон, борьбе с опустыниванием, Агентство гидрометеорологической службы, а также Агентство по управлению отходами и развитию циркулярной экономики продолжают свою деятельность при Комитете по экологии.

3. Определить, что Комитет по экологии наряду с основными задачами Министерства экологии, охраны окружающей среды и изменения климата согласно приложению № 1 * является ответственным за реализацию нижеследующих общенациональных проектов:

(а) Общенациональный проект «Территория, свободная от отходов», направленный на совершенствование системы переработки отходов и обращения с ними;

(б) Общенациональный проект «Чистый воздух», направленный на улучшение качества атмосферного воздуха;

(в) Общенациональный проект «Яшил макон», направленный на создание в дополнительном порядке в Республике Каракалпакстан, областях и городе Ташкенте ботанических и дендрологических парков общей площадью не менее 100 гектаров в период до 2028 года;

(г) Общенациональный проект «Экокультура», направленный на формирование эко-традиций и широкую пропаганду экологического образа жизни среди населения;

(д) Общенациональный проект «Бионаследие», направленный на сохранение биоразнообразия для будущего поколения.

4. Образовать при Комитете по экологии «Фабрику экопроектов» (далее — Проектный офис) в сфере экологии с привлечением до 15 зарубежных и отечественных экспертов на основании гражданско-правовых договоров.

II. Усиление экологического контроля

5. Установить, что начиная с 1 апреля 2026 года согласно приложению № 2 * внедряется порядок применения финансовых санкций к юридическим лицам за нарушение законодательства в сфере экологии, охраны окружающей среды и природопользования, в соответствии с которым:

(а) финансовые санкции применяются в форме взыскания денежных средств (штрафа) исключительно к юридическим лицам;

(б) применение к работникам юридических лиц мер административного наказания за одно и то же правонарушение, за которое к ним применены финансовые санкции, не допускается;

(в) получение предупреждения о недопущении совершения правонарушения повторно, а также оплата штрафа не освобождают лицо, допустившее нарушение законодательства в сфере экологии, охраны окружающей среды и природопользования, от исполнения решения (представления, указания) Комитета по экологии или обязательства осуществления других действий, предусмотренных законодательством.

6. Образовать Государственную инспекцию экологического контроля Национального комитета по экологии и изменению климата (Экополицию) (далее — Экополиция) без статуса юридического лица на базе:

(а) Государственной инспекции экологического контроля Министерства экологии, охраны окружающей среды и изменения климата;

(б) региональных специальных прокуратур по охране природы Республики Каракалпакстан, Ташкентской и Джизакской областей;

(в) оптимизируемых штатных единиц подразделений по надзору за исполнением законодательства в сферах экологии, охраны окружающей среды и лесного хозяйства прокуратуры Республики Каракалпакстан, областей и города Ташкента.

7. Определить, что:

(а) 40 штатных единиц в направлении надзора за исполнением законодательства в сферах экологии, охраны окружающей среды и лесного хозяйства, выделенных прокуратурам Республики Каракалпакстан, областей и города Ташкента, передаются Экополиции;

(б) Экополиция является специальным подразделением Комитета по экологии, наделенным отдельными правоохранительными задачами в сфере обеспечения экологической безопасности и профилактики правонарушений в данном направлении;

(в) председатель Комитета по экологии одновременно является начальником Экополиции;

(г) заместитель начальника Экополиции одновременно является заместителем председателя Комитета по экологии и осуществляет руководство оперативным штабом Экополиции;

(д) Экополиции разрешается создавать свои территориальные подразделения, не учитывая границы административно-территориальных единиц в рамках границ природных экологических территорий.

III. Организация, обеспечение и контроль исполнения Указа

8. Комитету по экологии представлять Президенту Республики Узбекистан на постоянной основе информацию по:

(а) правонарушениям в сфере экологии и охраны окружающей среды, совершенным крупными предприятиями и отраслями, мерам, принятым к ним и их должностным лицам;

(б) состоянию качественного и своевременного исполнения своих задач управленческими и контролирующими органами, ответственными в данной сфере;

(в) отмене решений государственных органов, противоречащих требованиям законодательства в сфере экологии и охраны окружающей среды.

9. Комитету по экологии совместно с Министерством юстиции, а также заинтересованными министерствами и ведомствами в месячный срок разработать и внести в Администрацию Президента Республики Узбекистан проект закона, предусматривающий внедрение и применение финансовых санкций в отношении юридических лиц за нарушение законодательства в сфере экологии и охраны окружающей среды.

10. Комитету по экологии совместно с заинтересованными министерствами и ведомствами в двухмесячный срок внести предложения об изменениях и дополнениях в акты законодательства, вытекающих из требований настоящего Указа.

11. Внести изменения и дополнения в некоторые акты Президента Республики Узбекистан согласно приложению № 3 * .

12. Контроль за исполнением настоящего Указа возложить на руководителя Администрации Президента Республики Узбекистан С.Ш. Мирзиёеву.

Президент Республики Узбекистан Ш. МИРЗИЁЕВ

г. Ташкент,

18 ноября 2025 г.,

№ УП-217

(Национальная база данных законодательства, 19.11.2025 г., № 06/25/217/1060)

lex.uz