📅 2025-yil 19-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 19 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 19 ноября 2025 г. · Постановления Президента
Официальный текст. Официальный документ. Редакционные примечания не включены.
📅 19 November 2025 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
НИЗОМ
Ўзбекистон Республикаси Урбанизация ва уй-жой бозорини барқарор ривожлантириш миллий қўмитаси фаолиятини ташкил этиш чора-тадбирлари тўғрисида
Ўзбекистон Республикаси Президентининг 2025 йил 19 ноябрдаги «Ўзбекистон Республикасида уй-жой ва ипотека бозорини барқарор ривожлантириш чора-тадбирлари тўғрисида»ги ПФ-219-сон Фармони ижросини таъминлаш ҳамда Ўзбекистон Республикаси Урбанизация ва уй-жой бозорини барқарор ривожлантириш миллий қўмитаси фаолиятини ташкил этиш мақсадида қарор қиламан:
I. Мақсадлар
1. Қуйидагилар мазкур қарорни қабул қилишдан кўзланган асосий мақсадлар этиб белгилансин:
(а) урбанизация ва уй-жой соҳасида давлат бошқаруви самарадорлигини ошириш;
(б) Ўзбекистон Республикаси Урбанизация ва уй-жой бозорини барқарор ривожлантириш миллий қўмитаси (кейинги ўринларда — Миллий қўмита) фаолиятини ташкил этиш;
(в) урбанизация ва уй-жой соҳасида давлат органлари ўртасида ўзаро интеграцияни ташкил этган ҳолда ҳамкорликни янада ривожлантириш;
(г) урбанизация ва уй-жой соҳасида етакчи хорижий давлатлар ва халқаро ташкилотлар билан самарали ҳамкорликни йўлга қўйиш.
II. Давлат органи масъулиятини ошириш
2. Шундай тартиб ўрнатилсинки, унга кўра қуйидаги масалаларни ўз ичига олган норматив-ҳуқуқий ҳужжатлар лойиҳалари Миллий қўмита билан мажбурий келишилиши шарт:
(а) уй-жойлар қурилишида давлат томонидан қўллаб-қувватлаш чоралари;
(б) Нукус ва Тошкент шаҳарларида, вилоятлар марказлари ва бошқа агломерацияларда уй-жой ҳамда нотурар жой мажмуаларини қуриш лойиҳаларини амалга ошириш;
(в) «Янги Ўзбекистон» массивларида ва бошқа массивларда кўп квартирали уйлар қурилиши бўйича йиллик мақсадли кўрсаткичларни тасдиқлаш;
(г) комплекс қурилиш лойиҳалари амалга ошириладиган ва «Янги Ўзбекистон» массивлари қуриладиган ҳудудларни белгилаш.
3. Белгилаб қўйилсинки:
(а) Миллий қўмита бошқарув ходимларининг умумий чекланган сони 160 та штат бирлигидан иборат бўлади;
(б) Миллий қўмита лойиҳавий бошқарув тамойили асосида ривожлантириш лойиҳаларини амалга ошириш учун маҳаллий ва хорижий мутахассис ва экспертларни, шу жумладан, олимлар, илмий изланувчилар ва тадқиқотчиларни тўғридан-тўғри шартномалар асосида жалб қилиши (ишга олиши) мумкин;
(в) Миллий қўмита фаолияти Давлат бюджети маблағлари ва қонунчилик ҳужжатларида тақиқланмаган бошқа манбалар ҳисобидан молиялаштирилади.
4. Ўзбекистон Республикаси Урбанизация ва уй-жой бозорини барқарор ривожлантириш миллий қўмитаси тўғрисидаги низом иловага мувофиқ тасдиқлансин.
5. Миллий қўмита Тошкент шаҳри, Зулфияхоним кўчаси, 1а-уйда жойлашган маъмурий бинога оператив бошқариш ҳуқуқи асосида жойлаштирилсин.
III. Қарор ижросини ташкил этиш, таъминлаш ва назорат
6. Ушбу қарорнинг самарали ижросини ташкил этиш учун масъул ва шахсий жавобгар этиб Урбанизация ва уй-жой бозорини барқарор ривожлантириш миллий қўмитаси раиси белгилансин.
7. Қарор ижросини назорат қилиш ва ижро учун масъул ташкилотлар фаолиятини мувофиқлаштириш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2025 йил 19 ноябрдаги ПҚ-347-сон қарорига ИЛОВА
Ўзбекистон Республикаси Урбанизация ва уй-жой бозорини барқарор ривожлантириш миллий қўмитаси тўғрисида
1-боб. Умумий қоидалар
1. Ушбу Низом Ўзбекистон Республикаси Урбанизация ва уй-жой бозорини барқарор ривожлантириш миллий қўмитасининг (кейинги ўринларда — Миллий қўмита) мақоми, вазифалари, функциялари, ваколатлари ва фаолиятининг ташкилий асосларини, шунингдек, унинг раҳбарларининг функционал мажбуриятлари ҳамда жавобгарлигини белгилайди.
2. Миллий қўмита ўз фаолиятида Ўзбекистон Республикаси Президентига ҳисобдордир.
3. Миллий қўмита уй-жой соҳасини ривожлантириш борасидаги давлат сиёсатини ишлаб чиқиш ва амалга ошириш соҳасида ваколатли орган ҳисобланади. Миллий қўмита тизимига Ўзбекистон Республикаси Урбанизация ва уй-жой бозорини барқарор ривожлантириш миллий қўмитаси ҳузуридаги Кадастр агентлиги (кейинги ўринларда — Кадастр агентлиги) киради.
4. Миллий қўмита ўз фаолиятида Ўзбекистон Республикаси Конституцияси ва қонунлари, Ўзбекистон Республикаси Олий Мажлиси палаталарининг қарорлари, Ўзбекистон Республикаси Президентининг фармонлари, қарорлари ва фармойишлари, ушбу Низом ҳамда бошқа қонунчилик ҳужжатларига амал қилади.
5. Миллий қўмита томонидан ўз ваколати доирасида қабул қилинган қарорлар давлат ва хўжалик бошқаруви органлари, маҳаллий давлат ҳокимияти органлари, бошқа ташкилотлар ва идоралар, хўжалик юритувчи субъектлар (кейинги ўринларда — давлат органлари ва бошқа ташкилотлар) учун бажарилиши мажбурий ҳисобланади.
6. Миллий қўмита юридик шахс ҳисобланади, Ўзбекистон Республикаси Давлат герби тасвири туширилган ва ўз номи кўрсатилган муҳрга эга бўлади.
7. Миллий қўмитанинг расмий номи:
(а) давлат тилида:
тўлиқ — Ўзбекистон Республикаси Урбанизация ва уй-жой бозорини барқарор ривожлантириш миллий қўмитаси, қисқартирилгани — Урбанизация ва уй-жой бозори қўмитаси;
(б) рус тилида:
тўлиқ — Национальный комитет Республики Узбекистан по устойчивому развитию урбанизации и рынка жилья, қисқартирилгани — Комитет по урбанизации и рынку жилья;
(в) инглиз тилида:
тўлиқ — National Committee for Sustainable Development of Urbanization and Нousing Market of the Republic of Uzbekistan, қисқартирилгани — Urbanization and Нousing Committee.
2-боб. Миллий қўмитанинг вазифалари ва функциялари
8. Миллий қўмита фаолиятининг асосий вазифалари қуйидагилардан иборат:
(а) урбанизация жараёнларини мувофиқлаштириш ва ривожлантириш;
(б) самарали ва барқарор уй-жой сиёсатини ишлаб чиқиш ва амалга ошириш;
(в) реновация дастурларининг самарали ижросини таъминлаш;
(г) «Янги Ўзбекистон» массивларида қурилиш ишларини мувофиқлаштириш, жумладан, ҳудудларни танлашда ва урбанизация тамойилларига риоя этилишида қонунчилик ҳужжатларида белгиланган қоидаларга амал қилишни таъминлаш;
(д) Миллий қўмита ваколатига кирувчи масалалар бўйича халқаро ҳамкорликни ташкил этиш.
9. Миллий қўмита ўзига юкланган вазифаларга мувофиқ қуйидаги функцияларни амалга оширади:
(а) урбанизация жараёнларини мувофиқлаштириш ва ривожлантириш бўйича:
(i) ҳудудларни комплекс қуриш механизмларини жорий этади, комплекс қурилиш дастурларини ишлаб чиқиш ва бошқариш бўйича компетенциялар марказини шакллантиради;
(ii) давлат дастурлари ва бошқа дастурларни ишлаб чиқади ҳамда уларнинг амалга оширилишига кўмаклашади;
(iii) ҳудудий режалаштириш амалиётини ривожлантириш ва бош режаларни тайёрлашга кўмаклашади;
(iv) уй-жой қурилишига давлат мулкидаги ер участкалари ҳамда бошқа ер майдонларини жалб этишда шаффоф тартиб-таомилларни жорий этишга кўмаклашади;
(v) инвестиция-қурилиш лойиҳаларини амалга ошириш муддатларини қисқартириш ва маъмурий жараёнларни мақбуллаштириш чораларини кўради;
(vi) комплекс қурилиш тамойилларига риоя этилишини назорат қилади;
(б) самарали ва барқарор уй-жой сиёсатини ишлаб чиқиш ва амалга ошириш бўйича:
(i) қонунчиликни такомиллаштириш ва уй-жой соҳасини ривожлантиришнинг устувор йўналишларини белгилаш бўйича таклифлар ишлаб чиқади;
(ii) Ўзбекистон Республикаси Президентининг топшириқларига кўра ёки ўз ташаббуси билан норматив-ҳуқуқий ҳужжатлар лойиҳаларини ишлаб чиқади ва белгиланган тартибда кўриб чиқиш учун киритади;
(iii) уй-жой соҳасини ривожлантириш ва реновация дастурларини амалга ошириш масалалари бўйича норматив-ҳуқуқий ҳужжатлар лойиҳаларини экспертизадан ўтказади;
(iv) давлат органлари ва бошқа ташкилотлар ходимларини тайёрлаш масалалари бўйича илмий-таълим муассасалари билан ҳамкорлик қилади;
(v) улушли қурилишга инвестиция киритувчи шахсларнинг ҳуқуқ ва қонуний манфаатларини ҳимоя қилиш чораларини кўради;
(vi) «эскроу» ҳисобварақлари ва лойиҳа молиялаштириш асосида уй-жой қурилишини молиялаштириш механизмларини жорий этади;
(vii) улушли қурилиш учун электрон платформани жорий этишни таъминлайди, ушбу платформа орқали улушли иштирок этиш шартномаларини тузиш ва маблағларни «эскроу» ҳисобварақларида жойлаштириш жараёнларининг хавфсизлигини таъминлайди, маълумотларни тақсимланган реестр технологиялари асосида юритади;
(viii) уй-жой харидорларини давлат томонидан қўллаб-қувватлаш чоралари бўйича таклифлар ишлаб чиқади;
(ix) уй-жой қурилишини молиялаштириш манбаларини кенгайтириш бўйича аҳоли ва институционал инвесторлар маблағларини жалб этишга оид таклифлар тайёрлайди;
(x) ижара уй-жой фондларини яратиш ва бошқариш ҳамда ижара уй-жой бозорининг турли сегментларини ривожлантиришга кўмаклашади;
(xi) уй-жой соҳасининг асосий кўрсаткичлари бўйича тўлиқ ва ишончли ахборот ҳамда таҳлилий маълумотлар билан таъминлайди;
(xii) аҳоли кенг қатламлари ва бозорнинг профессионал иштирокчилари ўртасида уй-жой соҳасини ривожлантириш бўйича амалга оширилаётган чора-тадбирларни тарғиб қилади;
(в) реновация дастурларининг самарали ижросини таъминлаш бўйича:
(i) реновация дастурларини амалга ошириш бўйича чора-тадбирлар режаларини келишади;
(ii) реновация дастурларини амалга оширишда комплекс қурилиш тамойилларига риоя этилишини таъминлайди;
(iii) реновация дастурларининг ижросини мониторинг ва таҳлил қилиш, уларнинг самарадорлигини ошириш бўйича таклифлар ва тавсиялар тайёрлайди;
(г) «Янги Ўзбекистон» массивларида қурилиш ишларини мувофиқлаштириш, жумладан, ҳудудларни танлашда ва урбанизация тамойилларига риоя этилишида қонунчилик ҳужжатларида белгиланган қоидаларга амал қилишни таъминлаш бўйича:
(i) «Янги Ўзбекистон» массивларида кўп квартирали уйларни қуриш бўйича йиллик мақсадли кўрсаткичларни келишади;
(ii) комплекс қурилиш ва «Янги Ўзбекистон» массивларини барпо этиш учун танланган ҳудудларни келишади;
(iii) «Янги Ўзбекистон» массивларини қуришда урбанизация тамойилларига риоя этилишини таъминлайди;
(д) Миллий қўмита ваколатига кирувчи масалалар бўйича халқаро ҳамкорликни ташкил этиш бўйича:
(i) уй-жой қурилишини ривожлантириш соҳасида тажриба алмашиш ҳамда мазкур йўналишларда халқаро бошқарув амалиётини қўллаш бўйича ҳамкорликни ташкил этади;
(ii) уй-жой қурилиши масалалари бўйича жамоат ва халқаро ташкилотлар билан ҳамкорлик қилади;
(iii) уй-жой қурилиши соҳасида халқаро ҳамкорликни белгиланган тартибда амалга оширади, ўз ваколати доирасида хорижий давлатлар тегишли органлари ва халқаро ташкилотлар билан халқаро шартномалар тузади.
3-боб. Миллий қўмитанинг ҳуқуқ ва жавобгарлиги
10. Миллий қўмита ўзига юкланган вазифа ва функцияларни амалга ошириш учун қуйидаги ҳуқуқларга эга:
(а) Миллий қўмита ваколатига кирадиган масалалар бўйича давлат ва хўжалик бошқаруви органлари ҳамда маҳаллий давлат ҳокимияти органлари фаолиятини мувофиқлаштириш;
(б) белгиланган тартибда Ўзбекистон Республикаси Президенти Администрацияси ва Вазирлар Маҳкамасига норматив-ҳуқуқий ҳужжатлар лойиҳаларини, шунингдек, Миллий қўмитага юкланган вазифа ва функцияларни бажариш билан боғлиқ бошқа ҳужжатларни ишлаб чиқиш ва киритиш;
(в) Миллий қўмита ваколатига кирадиган масалаларни ҳал этиш учун давлат ва хўжалик бошқаруви органлари, маҳаллий давлат ҳокимияти органлари ҳамда бошқа ташкилотлардан белгиланган тартибда ахборотни сўраш ва олиш;
(г) давлат статистикаси органларидан зарур статистика маълумотларини бепул асосда олиш;
(д) Миллий қўмита ваколатига кирадиган масалалар бўйича услубий материаллар ва тавсиялар ишлаб чиқиш;
(ж) Миллий қўмитага юкланган вазифаларни амалга ошириш доирасида давлат органлари ва бошқа ташкилотлар, нодавлат нотижорат ташкилотлар, илмий-таълим муассасалари, лойиҳа институтлари ҳамда халқаро ташкилотлар, хорижий компанияларнинг юқори малакали мутахассисларини жалб этиш;
(з) уй-жой қурилиши соҳасида давлат томонидан кўрсатиладиган қўллаб-қувватлаш чораларини назарда тутувчи, марказлаштирилган манбалар ҳисобидан имтиёзли ипотека кредитлаш (субсидиялаш), Нукус шаҳри, вилоят марказлари, Тошкент шаҳри ва бошқа агломерацияларда турар ва нотурар жойлар мажмуаларини қуриш лойиҳаларини амалга ошириш, «Янги Ўзбекистон» массивларида ва бошқа массивларда кўп квартирали уйлар қуриш бўйича йиллик мақсадли кўрсаткичларни тасдиқлаш, бошқарув компаниялари ва уй-жой мулкдорлари ширкатлари фаолиятини тартибга солишга оид норматив-ҳуқуқий ҳужжатларни мажбурий тарзда келишиш;
(и) Ўзбекистон Республикаси Президентининг 2025 йил 21 февралдаги «Уй-жой ва ипотека бозорини янада ривожлантиришга оид қўшимча чора-тадбирлар тўғрисида»ги ПФ-26-сон Фармонининг 2-банди ҳамда 2025 йил 19 ноябрдаги «Ўзбекистон Республикасида уй-жой ва ипотека бозорини барқарор ривожлантириш чора-тадбирлари тўғрисида»ги ПФ-219-сон Фармонининг 6-бандида белгиланган мезонларга мувофиқлик устидан мониторинг ва назоратни амалга ошириш;
(к) давлат ва хўжалик бошқаруви органлари ҳамда маҳаллий давлат ҳокимияти органлари томонидан уй-жой қурилиши соҳасидаги давлат дастурлари ва ҳудудий дастурлар, лойиҳалар ҳамда тадбирлар бажарилишини назорат қилиш ва бу масалалар бўйича Ўзбекистон Республикаси Президенти Администрациясига таклифлар киритиш;
(л) Миллий қўмита ваколатига кирадиган масалалар бўйича аниқланган қонун бузилиши ва бошқа ҳолатлар юзасидан давлат органлари ва ташкилотлари ҳамда бошқа тузилмаларга огоҳлантириш, хулоса ҳамда бажарилиши мажбурий бўлган кўрсатмалар юбориш;
(м) Миллий қўмита ваколатига кирадиган масалалар бўйича давлат ва хўжалик бошқаруви органлари, маҳаллий давлат ҳокимияти органлари, шунингдек, хўжалик бирлашмалари раҳбарлари ва мутахассисларини жалб этган ҳолда белгиланган тартибда йиғилишлар ўтказиш;
(н) Ўзбекистон Республикаси Президенти топшириғига биноан халқаро ташкилотларда мамлакат манфаатларини ифода этиш ва белгиланган тартибда, халқаро ҳуқуқ нормаларига мувофиқ бошқа давлатлар тегишли ташкилотлари билан уй-жой қурилиши масалалари бўйича ҳамкорлик тўғрисида шартномалар тузиш;
(о) белгиланган тартибда нашриёт фаолиятини амалга ошириш, ахборот материаллари, даврий нашрлар ва бошқа чоп этилган маҳсулотларни тайёрлаш ва тарқатиш;
(п) биноларга хизмат кўрсатиш, инвентарь ва хўжалик жиҳозларини сақлаш ва улардан фойдаланиш, автотранспорт, алоқа воситалари, ҳисоблаш, компьютер ва офис техникаси, дастурий таъминот сотиб олиш бўйича белгиланган тартибда шартномалар тузиш;
(р) Миллий қўмита ваколатига кирадиган масалалар бўйича дипломатик ваколатхоналар ва консуллик муассасалари, халқаро ташкилотлар ҳамда хорижий компаниялар билан хизмат ёзишмаларини юритиш, тадбирлар ташкил этиш ва ҳадли келишувлар тузиш;
(с) Миллий қўмита ҳамда унинг тизимига кирадиган ташкилотларнинг моддий-техник базасини мустаҳкамлаш бўйича чоралар кўриш;
(т) Миллий қўмита тизимининг ижтимоий инфратузилмасини яратиш ва такомиллаштириш, тизим ходимларини рағбатлантириш ва моддий қўллаб-қувватлашнинг ягона тизимини шакллантириш;
(у) Миллий қўмита қонунчилик ҳужжатларига мувофиқ бошқа ҳуқуқларга ҳам эга бўлиши мумкин.
11. Миллий қўмита ўзига юкланган вазифаларнинг самарали бажарилиши учун жавобгар ҳисобланади.
4-боб. Миллий қўмита фаолиятини ташкил этиш
12. Миллий қўмитага Ўзбекистон Республикаси Президенти томонидан лавозимга тайинланадиган ва лавозимидан озод этиладиган раис раҳбарлик қилади.
13. Миллий қўмита раиси Ўзбекистон Республикаси Президенти томонидан лавозимга тайинланадиган ва лавозимидан озод этиладиган уч нафар ўринбосарга, жумладан, бир нафар биринчи ўринбосарга эга бўлади.
14. Миллий қўмита раиси ўз мақоми ҳамда тиббий ва транспорт хизматини кўрсатиш шартлари бўйича Ўзбекистон Республикаси Президенти маслаҳатчисига, раиснинг биринчи ўринбосари — Президент маслаҳатчисининг биринчи ўринбосарига, раис ўринбосари — Президент маслаҳатчиси ўринбосарига тенглаштирилади.
15. Миллий қўмита ходимлари Миллий қўмита раиси томонидан лавозимга тайинланади ва лавозимидан озод этилади.
16. Миллий қўмита ходимларининг меҳнатига ҳақ тўлаш шартлари Миллий қўмита раиси томонидан белгиланади.
Миллий қўмитада хизматчиларнинг асосий лавозимлари ва ишчи касбларининг классификатори ҳамда Меҳнатга ҳақ тўлаш бўйича ягона тариф сеткасининг тариф коэффициентларини қўллаш тавсиявий хусусиятга эга.
17. Миллий қўмита ходимларига тиббий хизмат кўрсатиш шартлари Ўзбекистон Республикаси Президенти Администрацияси ходимлари учун белгиланган тартибда амалга оширилади.
18. Миллий қўмитага 5 та енгил хизмат автотранспорт воситаларини, шу жумладан, 4 та шахсан бириктирилган, 1 та навбатчи автотранспорт воситасини харид қилиш ва сақлаш учун лимит берилади.
19. Миллий қўмита фаолиятини молиялаштириш манбалари қуйидагилардан иборат:
(а) Ўзбекистон Республикаси Давлат бюджети маблағлари;
(б) жисмоний ва юридик шахсларнинг, шу жумладан, хорижий жисмоний ва юридик шахсларнинг хайрия маблағлари;
(в) Миллий қўмитанинг вақтинча бўш маблағларини банкларда жойлаштиришдан олинадиган даромадлар;
(в 1 ) бюджетдан ташқари маблағлар;
(г) қонунчилик ҳужжатлари билан тақиқланмаган бошқа тушумлар.
20. Миллий қўмита раиси:
(а) Миллий қўмита фаолиятига умумий раҳбарлик қилади ҳамда Миллий қўмитага юкланган вазифа ва функцияларни бажариш учун шахсан жавоб беради;
(б) Миллий қўмита штат жадвали ва харажатлар сметасини тасдиқлайди;
(в) Миллий қўмита бошқарув ходимларининг умумий чекланган сони доирасида Миллий қўмита тузилмасини тасдиқлайди;
(г) Миллий қўмита таркибий бўлинмалари тўғрисидаги низомларни тасдиқлайди;
(д) Миллий қўмита ходимларининг лавозим вазифаларини тасдиқлайди;
(ж) хорижий давлатларнинг ваколатли органлари, халқаро ташкилотлар, хорижий илмий-таълим муассасалар ва компаниялар билан ҳамкорлик тўғрисидаги битимлар ва бошқа шартномаларни тузади;
(з) Кадастр агентлиги директори ва унинг ўринбосарларини лавозимга тайинлаш ва лавозимдан озод этиш бўйича тақдимномалар киритади;
(и) Кадастр агентлиги тузилмаси ва штат сонини келишади;
(к) ўз ваколати доирасида буйруқлар, қарорлар ва фармойишлар чиқаради, Миллий қўмита ходимлари учун бажарилиши мажбурий бўлган кўрсатмалар беради;
(л) Миллий қўмитанинг бюджетдан ташқари маблағлари ҳисобидан Миллий қўмита ходимларига шахсий устамалар ва мукофотлар белгилайди.
5-боб. Кадастр агентлиги фаолиятини мувофиқлаштириш
21. Кадастр агентлиги директори Ўзбекистон Республикаси Президенти томонидан лавозимга тайинланади ва лавозимидан озод этилади.
22. Кадастр агентлиги директори Ўзбекистон Республикаси Президенти Администрацияси раҳбари томонидан лавозимга тайинланадиган ва лавозимидан озод этиладиган ўринбосарларга, шу жумладан, бир нафар биринчи ўринбосарга эга бўлади.
23. Кадастр агентлиги бошқарув ходимларининг мавжуд чекланган сони, шунингдек, меҳнатга ҳақ тўлаш тартиби, тиббий ва транспорт хизмати кўрсатишнинг амалдаги шартлари сақлаб қолинади.
24. Кадастр агентлиги директори Миллий қўмита раиси билан келишган ҳолда Агентлик тузилмаси ва штат жадвалини тасдиқлаш, шунингдек, Агентлик тузилмасига бошқарув ходимларининг умумий чекланган сони доирасида ўзгартиришлар киритиш ҳуқуқига эга.
6-боб. Якуний қоида
25. Миллий қўмитани қайта ташкил этиш ва тугатиш қонунчилик ҳужжатларида белгиланган тартибда амалга оширилади.
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 19 ноябрь,
ПҚ- 347 -сон
Oʻzbekiston Respublikasi Prezidentining
qarori
NIZOM
Oʻzbekiston Respublikasi Urbanizatsiya va uy-joy bozorini barqaror rivojlantirish milliy qoʻmitasi faoliyatini tashkil etish chora-tadbirlari toʻgʻrisida
Oʻzbekiston Respublikasi Prezidentining 2025-yil 19-noyabrdagi “Oʻzbekiston Respublikasida uy-joy va ipoteka bozorini barqaror rivojlantirish chora-tadbirlari toʻgʻrisida”gi PF-219-son Farmoni ijrosini taʼminlash hamda Oʻzbekiston Respublikasi Urbanizatsiya va uy-joy bozorini barqaror rivojlantirish milliy qoʻmitasi faoliyatini tashkil etish maqsadida qaror qilaman:
I. Maqsadlar
1. Quyidagilar mazkur qarorni qabul qilishdan koʻzlangan asosiy maqsadlar etib belgilansin:
(a) urbanizatsiya va uy-joy sohasida davlat boshqaruvi samaradorligini oshirish;
(b) Oʻzbekiston Respublikasi Urbanizatsiya va uy-joy bozorini barqaror rivojlantirish milliy qoʻmitasi (keyingi oʻrinlarda — Milliy qoʻmita) faoliyatini tashkil etish;
(v) urbanizatsiya va uy-joy sohasida davlat organlari oʻrtasida oʻzaro integratsiyani tashkil etgan holda hamkorlikni yanada rivojlantirish;
(g) urbanizatsiya va uy-joy sohasida yetakchi xorijiy davlatlar va xalqaro tashkilotlar bilan samarali hamkorlikni yoʻlga qoʻyish.
II. Davlat organi masʼuliyatini oshirish
2. Shunday tartib oʻrnatilsinki, unga koʻra quyidagi masalalarni oʻz ichiga olgan normativ-huquqiy hujjatlar loyihalari Milliy qoʻmita bilan majburiy kelishilishi shart:
(a) uy-joylar qurilishida davlat tomonidan qoʻllab-quvvatlash choralari;
(b) Nukus va Toshkent shaharlarida, viloyatlar markazlari va boshqa aglomeratsiyalarda uy-joy hamda noturar joy majmualarini qurish loyihalarini amalga oshirish;
(v) “Yangi Oʻzbekiston” massivlarida va boshqa massivlarda koʻp kvartirali uylar qurilishi boʻyicha yillik maqsadli koʻrsatkichlarni tasdiqlash;
(g) kompleks qurilish loyihalari amalga oshiriladigan va “Yangi Oʻzbekiston” massivlari quriladigan hududlarni belgilash.
3. Belgilab qoʻyilsinki:
(a) Milliy qoʻmita boshqaruv xodimlarining umumiy cheklangan soni 160 ta shtat birligidan iborat boʻladi;
(b) Milliy qoʻmita loyihaviy boshqaruv tamoyili asosida rivojlantirish loyihalarini amalga oshirish uchun mahalliy va xorijiy mutaxassis va ekspertlarni, shu jumladan, olimlar, ilmiy izlanuvchilar va tadqiqotchilarni toʻgʻridan-toʻgʻri shartnomalar asosida jalb qilishi (ishga olishi) mumkin;
(v) Milliy qoʻmita faoliyati Davlat budjeti mablagʻlari va qonunchilik hujjatlarida taqiqlanmagan boshqa manbalar hisobidan moliyalashtiriladi.
4. Oʻzbekiston Respublikasi Urbanizatsiya va uy-joy bozorini barqaror rivojlantirish milliy qoʻmitasi toʻgʻrisidagi nizom ilovaga muvofiq tasdiqlansin.
5. Milliy qoʻmita Toshkent shahri, Zulfiyaxonim koʻchasi, 1a-uyda joylashgan maʼmuriy binoga operativ boshqarish huquqi asosida joylashtirilsin.
III. Qaror ijrosini tashkil etish, taʼminlash va nazorat
6. Ushbu qarorning samarali ijrosini tashkil etish uchun masʼul va shaxsiy javobgar etib Urbanizatsiya va uy-joy bozorini barqaror rivojlantirish milliy qoʻmitasi raisi belgilansin.
7. Qaror ijrosini nazorat qilish va ijro uchun masʼul tashkilotlar faoliyatini muvofiqlashtirish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2025-yil 19-noyabrdagi PQ-347-son qaroriga ILOVA
Oʻzbekiston Respublikasi Urbanizatsiya va uy-joy bozorini barqaror rivojlantirish milliy qoʻmitasi toʻgʻrisida
1-bob. Umumiy qoidalar
1. Ushbu Nizom Oʻzbekiston Respublikasi Urbanizatsiya va uy-joy bozorini barqaror rivojlantirish milliy qoʻmitasining (keyingi oʻrinlarda — Milliy qoʻmita) maqomi, vazifalari, funksiyalari, vakolatlari va faoliyatining tashkiliy asoslarini, shuningdek, uning rahbarlarining funksional majburiyatlari hamda javobgarligini belgilaydi.
2. Milliy qoʻmita oʻz faoliyatida Oʻzbekiston Respublikasi Prezidentiga hisobdordir.
3. Milliy qoʻmita uy-joy sohasini rivojlantirish borasidagi davlat siyosatini ishlab chiqish va amalga oshirish sohasida vakolatli organ hisoblanadi. Milliy qoʻmita tizimiga Oʻzbekiston Respublikasi Urbanizatsiya va uy-joy bozorini barqaror rivojlantirish milliy qoʻmitasi huzuridagi Kadastr agentligi (keyingi oʻrinlarda — Kadastr agentligi) kiradi.
4. Milliy qoʻmita oʻz faoliyatida Oʻzbekiston Respublikasi Konstitutsiyasi va qonunlari, Oʻzbekiston Respublikasi Oliy Majlisi palatalarining qarorlari, Oʻzbekiston Respublikasi Prezidentining farmonlari, qarorlari va farmoyishlari, ushbu Nizom hamda boshqa qonunchilik hujjatlariga amal qiladi.
5. Milliy qoʻmita tomonidan oʻz vakolati doirasida qabul qilingan qarorlar davlat va xoʻjalik boshqaruvi organlari, mahalliy davlat hokimiyati organlari, boshqa tashkilotlar va idoralar, xoʻjalik yurituvchi subyektlar (keyingi oʻrinlarda — davlat organlari va boshqa tashkilotlar) uchun bajarilishi majburiy hisoblanadi.
6. Milliy qoʻmita yuridik shaxs hisoblanadi, Oʻzbekiston Respublikasi Davlat gerbi tasviri tushirilgan va oʻz nomi koʻrsatilgan muhrga ega boʻladi.
7. Milliy qoʻmitaning rasmiy nomi:
(a) davlat tilida:
toʻliq — Oʻzbekiston Respublikasi Urbanizatsiya va uy-joy bozorini barqaror rivojlantirish milliy qoʻmitasi, qisqartirilgani — Urbanizatsiya va uy-joy bozori qoʻmitasi;
(b) rus tilida:
toʻliq — Natsionalniy komitet Respubliki Uzbekistan po ustoychivomu razvitiyu urbanizatsii i rinka jilya, qisqartirilgani — Komitet po urbanizatsii i rinku jilya;
(v) ingliz tilida:
toʻliq — National Committee for Sustainable Development of Urbanization and Nousing Market of the Republic of Uzbekistan, qisqartirilgani — Urbanization and Nousing Committee.
2-bob. Milliy qoʻmitaning vazifalari va funksiyalari
8. Milliy qoʻmita faoliyatining asosiy vazifalari quyidagilardan iborat:
(a) urbanizatsiya jarayonlarini muvofiqlashtirish va rivojlantirish;
(b) samarali va barqaror uy-joy siyosatini ishlab chiqish va amalga oshirish;
(v) renovatsiya dasturlarining samarali ijrosini taʼminlash;
(g) “Yangi Oʻzbekiston” massivlarida qurilish ishlarini muvofiqlashtirish, jumladan, hududlarni tanlashda va urbanizatsiya tamoyillariga rioya etilishida qonunchilik hujjatlarida belgilangan qoidalarga amal qilishni taʼminlash;
(d) Milliy qoʻmita vakolatiga kiruvchi masalalar boʻyicha xalqaro hamkorlikni tashkil etish.
9. Milliy qoʻmita oʻziga yuklangan vazifalarga muvofiq quyidagi funksiyalarni amalga oshiradi:
(a) urbanizatsiya jarayonlarini muvofiqlashtirish va rivojlantirish boʻyicha:
(i) hududlarni kompleks qurish mexanizmlarini joriy etadi, kompleks qurilish dasturlarini ishlab chiqish va boshqarish boʻyicha kompetensiyalar markazini shakllantiradi;
(ii) davlat dasturlari va boshqa dasturlarni ishlab chiqadi hamda ularning amalga oshirilishiga koʻmaklashadi;
(iii) hududiy rejalashtirish amaliyotini rivojlantirish va bosh rejalarni tayyorlashga koʻmaklashadi;
(iv) uy-joy qurilishiga davlat mulkidagi yer uchastkalari hamda boshqa yer maydonlarini jalb etishda shaffof tartib-taomillarni joriy etishga koʻmaklashadi;
(v) investitsiya-qurilish loyihalarini amalga oshirish muddatlarini qisqartirish va maʼmuriy jarayonlarni maqbullashtirish choralarini koʻradi;
(vi) kompleks qurilish tamoyillariga rioya etilishini nazorat qiladi;
(b) samarali va barqaror uy-joy siyosatini ishlab chiqish va amalga oshirish boʻyicha:
(i) qonunchilikni takomillashtirish va uy-joy sohasini rivojlantirishning ustuvor yoʻnalishlarini belgilash boʻyicha takliflar ishlab chiqadi;
(ii) Oʻzbekiston Respublikasi Prezidentining topshiriqlariga koʻra yoki oʻz tashabbusi bilan normativ-huquqiy hujjatlar loyihalarini ishlab chiqadi va belgilangan tartibda koʻrib chiqish uchun kiritadi;
(iii) uy-joy sohasini rivojlantirish va renovatsiya dasturlarini amalga oshirish masalalari boʻyicha normativ-huquqiy hujjatlar loyihalarini ekspertizadan oʻtkazadi;
(iv) davlat organlari va boshqa tashkilotlar xodimlarini tayyorlash masalalari boʻyicha ilmiy-taʼlim muassasalari bilan hamkorlik qiladi;
(v) ulushli qurilishga investitsiya kirituvchi shaxslarning huquq va qonuniy manfaatlarini himoya qilish choralarini koʻradi;
(vi) “eskrou” hisobvaraqlari va loyiha moliyalashtirish asosida uy-joy qurilishini moliyalashtirish mexanizmlarini joriy etadi;
(vii) ulushli qurilish uchun elektron platformani joriy etishni taʼminlaydi, ushbu platforma orqali ulushli ishtirok etish shartnomalarini tuzish va mablagʻlarni “eskrou” hisobvaraqlarida joylashtirish jarayonlarining xavfsizligini taʼminlaydi, maʼlumotlarni taqsimlangan reyestr texnologiyalari asosida yuritadi;
(viii) uy-joy xaridorlarini davlat tomonidan qoʻllab-quvvatlash choralari boʻyicha takliflar ishlab chiqadi;
(ix) uy-joy qurilishini moliyalashtirish manbalarini kengaytirish boʻyicha aholi va institutsional investorlar mablagʻlarini jalb etishga oid takliflar tayyorlaydi;
(x) ijara uy-joy fondlarini yaratish va boshqarish hamda ijara uy-joy bozorining turli segmentlarini rivojlantirishga koʻmaklashadi;
(xi) uy-joy sohasining asosiy koʻrsatkichlari boʻyicha toʻliq va ishonchli axborot hamda tahliliy maʼlumotlar bilan taʼminlaydi;
(xii) aholi keng qatlamlari va bozorning professional ishtirokchilari oʻrtasida uy-joy sohasini rivojlantirish boʻyicha amalga oshirilayotgan chora-tadbirlarni targʻib qiladi;
(v) renovatsiya dasturlarining samarali ijrosini taʼminlash boʻyicha:
(i) renovatsiya dasturlarini amalga oshirish boʻyicha chora-tadbirlar rejalarini kelishadi;
(ii) renovatsiya dasturlarini amalga oshirishda kompleks qurilish tamoyillariga rioya etilishini taʼminlaydi;
(iii) renovatsiya dasturlarining ijrosini monitoring va tahlil qilish, ularning samaradorligini oshirish boʻyicha takliflar va tavsiyalar tayyorlaydi;
(g) “Yangi Oʻzbekiston” massivlarida qurilish ishlarini muvofiqlashtirish, jumladan, hududlarni tanlashda va urbanizatsiya tamoyillariga rioya etilishida qonunchilik hujjatlarida belgilangan qoidalarga amal qilishni taʼminlash boʻyicha:
(i) “Yangi Oʻzbekiston” massivlarida koʻp kvartirali uylarni qurish boʻyicha yillik maqsadli koʻrsatkichlarni kelishadi;
(ii) kompleks qurilish va “Yangi Oʻzbekiston” massivlarini barpo etish uchun tanlangan hududlarni kelishadi;
(iii) “Yangi Oʻzbekiston” massivlarini qurishda urbanizatsiya tamoyillariga rioya etilishini taʼminlaydi;
(d) Milliy qoʻmita vakolatiga kiruvchi masalalar boʻyicha xalqaro hamkorlikni tashkil etish boʻyicha:
(i) uy-joy qurilishini rivojlantirish sohasida tajriba almashish hamda mazkur yoʻnalishlarda xalqaro boshqaruv amaliyotini qoʻllash boʻyicha hamkorlikni tashkil etadi;
(ii) uy-joy qurilishi masalalari boʻyicha jamoat va xalqaro tashkilotlar bilan hamkorlik qiladi;
(iii) uy-joy qurilishi sohasida xalqaro hamkorlikni belgilangan tartibda amalga oshiradi, oʻz vakolati doirasida xorijiy davlatlar tegishli organlari va xalqaro tashkilotlar bilan xalqaro shartnomalar tuzadi.
3-bob. Milliy qoʻmitaning huquq va javobgarligi
10. Milliy qoʻmita oʻziga yuklangan vazifa va funksiyalarni amalga oshirish uchun quyidagi huquqlarga ega:
(a) Milliy qoʻmita vakolatiga kiradigan masalalar boʻyicha davlat va xoʻjalik boshqaruvi organlari hamda mahalliy davlat hokimiyati organlari faoliyatini muvofiqlashtirish;
(b) belgilangan tartibda Oʻzbekiston Respublikasi Prezidenti Administratsiyasi va Vazirlar Mahkamasiga normativ-huquqiy hujjatlar loyihalarini, shuningdek, Milliy qoʻmitaga yuklangan vazifa va funksiyalarni bajarish bilan bogʻliq boshqa hujjatlarni ishlab chiqish va kiritish;
(v) Milliy qoʻmita vakolatiga kiradigan masalalarni hal etish uchun davlat va xoʻjalik boshqaruvi organlari, mahalliy davlat hokimiyati organlari hamda boshqa tashkilotlardan belgilangan tartibda axborotni soʻrash va olish;
(g) davlat statistikasi organlaridan zarur statistika maʼlumotlarini bepul asosda olish;
(d) Milliy qoʻmita vakolatiga kiradigan masalalar boʻyicha uslubiy materiallar va tavsiyalar ishlab chiqish;
(j) Milliy qoʻmitaga yuklangan vazifalarni amalga oshirish doirasida davlat organlari va boshqa tashkilotlar, nodavlat notijorat tashkilotlar, ilmiy-taʼlim muassasalari, loyiha institutlari hamda xalqaro tashkilotlar, xorijiy kompaniyalarning yuqori malakali mutaxassislarini jalb etish;
(z) uy-joy qurilishi sohasida davlat tomonidan koʻrsatiladigan qoʻllab-quvvatlash choralarini nazarda tutuvchi, markazlashtirilgan manbalar hisobidan imtiyozli ipoteka kreditlash (subsidiyalash), Nukus shahri, viloyat markazlari, Toshkent shahri va boshqa aglomeratsiyalarda turar va noturar joylar majmualarini qurish loyihalarini amalga oshirish, “Yangi Oʻzbekiston” massivlarida va boshqa massivlarda koʻp kvartirali uylar qurish boʻyicha yillik maqsadli koʻrsatkichlarni tasdiqlash, boshqaruv kompaniyalari va uy-joy mulkdorlari shirkatlari faoliyatini tartibga solishga oid normativ-huquqiy hujjatlarni majburiy tarzda kelishish;
(i) Oʻzbekiston Respublikasi Prezidentining 2025-yil 21-fevraldagi “Uy-joy va ipoteka bozorini yanada rivojlantirishga oid qoʻshimcha chora-tadbirlar toʻgʻrisida”gi PF-26-son Farmonining 2-bandi hamda 2025-yil 19-noyabrdagi “Oʻzbekiston Respublikasida uy-joy va ipoteka bozorini barqaror rivojlantirish chora-tadbirlari toʻgʻrisida”gi PF-219-son Farmonining 6-bandida belgilangan mezonlarga muvofiqlik ustidan monitoring va nazoratni amalga oshirish;
(k) davlat va xoʻjalik boshqaruvi organlari hamda mahalliy davlat hokimiyati organlari tomonidan uy-joy qurilishi sohasidagi davlat dasturlari va hududiy dasturlar, loyihalar hamda tadbirlar bajarilishini nazorat qilish va bu masalalar boʻyicha Oʻzbekiston Respublikasi Prezidenti Administratsiyasiga takliflar kiritish;
(l) Milliy qoʻmita vakolatiga kiradigan masalalar boʻyicha aniqlangan qonun buzilishi va boshqa holatlar yuzasidan davlat organlari va tashkilotlari hamda boshqa tuzilmalarga ogohlantirish, xulosa hamda bajarilishi majburiy boʻlgan koʻrsatmalar yuborish;
(m) Milliy qoʻmita vakolatiga kiradigan masalalar boʻyicha davlat va xoʻjalik boshqaruvi organlari, mahalliy davlat hokimiyati organlari, shuningdek, xoʻjalik birlashmalari rahbarlari va mutaxassislarini jalb etgan holda belgilangan tartibda yigʻilishlar oʻtkazish;
(n) Oʻzbekiston Respublikasi Prezidenti topshirigʻiga binoan xalqaro tashkilotlarda mamlakat manfaatlarini ifoda etish va belgilangan tartibda, xalqaro huquq normalariga muvofiq boshqa davlatlar tegishli tashkilotlari bilan uy-joy qurilishi masalalari boʻyicha hamkorlik toʻgʻrisida shartnomalar tuzish;
(o) belgilangan tartibda nashriyot faoliyatini amalga oshirish, axborot materiallari, davriy nashrlar va boshqa chop etilgan mahsulotlarni tayyorlash va tarqatish;
(p) binolarga xizmat koʻrsatish, inventar va xoʻjalik jihozlarini saqlash va ulardan foydalanish, avtotransport, aloqa vositalari, hisoblash, kompyuter va ofis texnikasi, dasturiy taʼminot sotib olish boʻyicha belgilangan tartibda shartnomalar tuzish;
(r) Milliy qoʻmita vakolatiga kiradigan masalalar boʻyicha diplomatik vakolatxonalar va konsullik muassasalari, xalqaro tashkilotlar hamda xorijiy kompaniyalar bilan xizmat yozishmalarini yuritish, tadbirlar tashkil etish va hadli kelishuvlar tuzish;
(s) Milliy qoʻmita hamda uning tizimiga kiradigan tashkilotlarning moddiy-texnik bazasini mustahkamlash boʻyicha choralar koʻrish;
(t) Milliy qoʻmita tizimining ijtimoiy infratuzilmasini yaratish va takomillashtirish, tizim xodimlarini ragʻbatlantirish va moddiy qoʻllab-quvvatlashning yagona tizimini shakllantirish;
(u) Milliy qoʻmita qonunchilik hujjatlariga muvofiq boshqa huquqlarga ham ega boʻlishi mumkin.
11. Milliy qoʻmita oʻziga yuklangan vazifalarning samarali bajarilishi uchun javobgar hisoblanadi.
4-bob. Milliy qoʻmita faoliyatini tashkil etish
12. Milliy qoʻmitaga Oʻzbekiston Respublikasi Prezidenti tomonidan lavozimga tayinlanadigan va lavozimidan ozod etiladigan rais rahbarlik qiladi.
13. Milliy qoʻmita raisi Oʻzbekiston Respublikasi Prezidenti tomonidan lavozimga tayinlanadigan va lavozimidan ozod etiladigan uch nafar oʻrinbosarga, jumladan, bir nafar birinchi oʻrinbosarga ega boʻladi.
14. Milliy qoʻmita raisi oʻz maqomi hamda tibbiy va transport xizmatini koʻrsatish shartlari boʻyicha Oʻzbekiston Respublikasi Prezidenti maslahatchisiga, raisning birinchi oʻrinbosari — Prezident maslahatchisining birinchi oʻrinbosariga, rais oʻrinbosari — Prezident maslahatchisi oʻrinbosariga tenglashtiriladi.
15. Milliy qoʻmita xodimlari Milliy qoʻmita raisi tomonidan lavozimga tayinlanadi va lavozimidan ozod etiladi.
16. Milliy qoʻmita xodimlarining mehnatiga haq toʻlash shartlari Milliy qoʻmita raisi tomonidan belgilanadi.
Milliy qoʻmitada xizmatchilarning asosiy lavozimlari va ishchi kasblarining klassifikatori hamda Mehnatga haq toʻlash boʻyicha yagona tarif setkasining tarif koeffitsiyentlarini qoʻllash tavsiyaviy xususiyatga ega.
17. Milliy qoʻmita xodimlariga tibbiy xizmat koʻrsatish shartlari Oʻzbekiston Respublikasi Prezidenti Administratsiyasi xodimlari uchun belgilangan tartibda amalga oshiriladi.
18. Milliy qoʻmitaga 5 ta yengil xizmat avtotransport vositalarini, shu jumladan, 4 ta shaxsan biriktirilgan, 1 ta navbatchi avtotransport vositasini xarid qilish va saqlash uchun limit beriladi.
19. Milliy qoʻmita faoliyatini moliyalashtirish manbalari quyidagilardan iborat:
(a) Oʻzbekiston Respublikasi Davlat budjeti mablagʻlari;
(b) jismoniy va yuridik shaxslarning, shu jumladan, xorijiy jismoniy va yuridik shaxslarning xayriya mablagʻlari;
(v) Milliy qoʻmitaning vaqtincha boʻsh mablagʻlarini banklarda joylashtirishdan olinadigan daromadlar;
(v 1 ) budjetdan tashqari mablagʻlar;
(g) qonunchilik hujjatlari bilan taqiqlanmagan boshqa tushumlar.
20. Milliy qoʻmita raisi:
(a) Milliy qoʻmita faoliyatiga umumiy rahbarlik qiladi hamda Milliy qoʻmitaga yuklangan vazifa va funksiyalarni bajarish uchun shaxsan javob beradi;
(b) Milliy qoʻmita shtat jadvali va xarajatlar smetasini tasdiqlaydi;
(v) Milliy qoʻmita boshqaruv xodimlarining umumiy cheklangan soni doirasida Milliy qoʻmita tuzilmasini tasdiqlaydi;
(g) Milliy qoʻmita tarkibiy boʻlinmalari toʻgʻrisidagi nizomlarni tasdiqlaydi;
(d) Milliy qoʻmita xodimlarining lavozim vazifalarini tasdiqlaydi;
(j) xorijiy davlatlarning vakolatli organlari, xalqaro tashkilotlar, xorijiy ilmiy-taʼlim muassasalar va kompaniyalar bilan hamkorlik toʻgʻrisidagi bitimlar va boshqa shartnomalarni tuzadi;
(z) Kadastr agentligi direktori va uning oʻrinbosarlarini lavozimga tayinlash va lavozimdan ozod etish boʻyicha taqdimnomalar kiritadi;
(i) Kadastr agentligi tuzilmasi va shtat sonini kelishadi;
(k) oʻz vakolati doirasida buyruqlar, qarorlar va farmoyishlar chiqaradi, Milliy qoʻmita xodimlari uchun bajarilishi majburiy boʻlgan koʻrsatmalar beradi;
(l) Milliy qoʻmitaning budjetdan tashqari mablagʻlari hisobidan Milliy qoʻmita xodimlariga shaxsiy ustamalar va mukofotlar belgilaydi.
5-bob. Kadastr agentligi faoliyatini muvofiqlashtirish
21. Kadastr agentligi direktori Oʻzbekiston Respublikasi Prezidenti tomonidan lavozimga tayinlanadi va lavozimidan ozod etiladi.
22. Kadastr agentligi direktori Oʻzbekiston Respublikasi Prezidenti Administratsiyasi rahbari tomonidan lavozimga tayinlanadigan va lavozimidan ozod etiladigan oʻrinbosarlarga, shu jumladan, bir nafar birinchi oʻrinbosarga ega boʻladi.
23. Kadastr agentligi boshqaruv xodimlarining mavjud cheklangan soni, shuningdek, mehnatga haq toʻlash tartibi, tibbiy va transport xizmati koʻrsatishning amaldagi shartlari saqlab qolinadi.
24. Kadastr agentligi direktori Milliy qoʻmita raisi bilan kelishgan holda Agentlik tuzilmasi va shtat jadvalini tasdiqlash, shuningdek, Agentlik tuzilmasiga boshqaruv xodimlarining umumiy cheklangan soni doirasida oʻzgartirishlar kiritish huquqiga ega.
6-bob. Yakuniy qoida
25. Milliy qoʻmitani qayta tashkil etish va tugatish qonunchilik hujjatlarida belgilangan tartibda amalga oshiriladi.
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 19-noyabr,
PQ- 347 -son
Президента Республики Узбекистан
Постановление
О мерах по организации деятельности Национального комитета Республики Узбекистан по устойчивому развитию урбанизации и рынка жилья
В целях обеспечения исполнения Указа Президента Республики Узбекистан от 19 ноября 2025 года № УП-219 «О мерах по устойчивому развитию рынка жилья и ипотеки в Республике Узбекистан», а также организации деятельности Национального комитета Республики Узбекистан по устойчивому развитию урбанизации и рынка жилья постановляю:
I. Цели
1. Определить основными целями принятия настоящего постановления:
(а) повышение эффективности государственного управления в сфере урбанизации и жилья;
(б) организацию деятельности Национального комитета Республики Узбекистан по устойчивому развитию урбанизации и рынка жилья (далее — Национальный комитет);
(в) дальнейшее развитие сотрудничества между государственными органами в сфере урбанизации и жилья путем организации их взаимной интеграции;
(г) налаживание эффективного сотрудничества с ведущими зарубежными государствами и международными организациями в сфере урбанизации и жилья.
II. Повышение ответственности государственных органов
2. Установить порядок, в соответствии с которым обязательному согласованию с Национальным комитетом подлежат проекты нормативно-правовых актов, включающих в себя следующие вопросы:
(а) меры государственной поддержки при строительстве жилья;
(б) реализация проектов строительства жилых и нежилых комплексов в городах Нукусе и Ташкенте, областных центрах и других агломерациях;
(в) утверждение годовых целевых показателей по строительству многоквартирных домов на массивах «Янги Узбекистон» и других массивах;
(г) определение территорий, на которых будут реализованы проекты комплексного строительства и построены массивы «Янги Узбекистон».
3. Определить, что:
(а) общая предельная численность управленческого персонала Национального комитета состоит из 160 штатных единиц;
(б) Национальный комитет может привлекать (принимать на работу) на основе прямых договоров отечественных и зарубежных специалистов и экспертов, в том числе ученых, научных соискателей и исследователей, для реализации проектов развития по принципу проектного управления;
(в) деятельность Национального комитета финансируется за счет средств Государственного бюджета и иных источников, не запрещенных актами законодательства.
4. Утвердить Положение о Национальном комитете Республики Узбекистан по устойчивому развитию урбанизации и рынка жилья согласно приложению * .
5. Разместить Национальный комитет в административном здании, расположенном по адресу: город Ташкент, улица Зульфияхоним, дом 1а на праве оперативного управления.
III. Организация, обеспечение и контроль исполнения постановления
6. Возложить на председателя Национального комитета Республики Узбекистан по устойчивому развитию урбанизации и рынка жилья персональную ответственность за эффективную организацию исполнения настоящего постановления.
7. Контроль за исполнением настоящего постановления и осуществление координации деятельности организаций, ответственных за его исполнение, возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
19 ноября 2025 г.,
№ ПП- 347