📅 2025-yil 20-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 20 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 20 ноября 2025 г. · Постановления Президента
Официальный текст. Официальный документ. Редакционные примечания не включены.
📅 20 November 2025 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Бутунжаҳон туризм ташкилоти шафелигида Халқаро туризм академияси Самарқанд кампуси фаолиятини ташкил этиш тўғрисида
Туризм ва бошқа хизмат кўрсатиш соҳалари учун замонавий талабларга мувофиқ рақобатбардош кадрлар тайёрлаш, қайта тайёрлаш ва уларнинг малакасини ошириш тизимини янада такомиллаштириш мақсадида қарор қиламан:
I. Мақсадлар
1. БМТнинг Бутунжаҳон туризм ташкилоти (кейинги ўринларда — Бутунжаҳон туризм ташкилоти) шафелигида ташкил этилган Халқаро туризм академияси Самарқанд кампуси (кейинги ўринларда — Академия) фаолиятининг мақсадли кўрсаткичлари этиб қуйидагилар белгилансин:
(а) дунёнинг энг нуфузли топ-10 рейтингига кирган таълим ташкилоти билан ҳамкорлик ўрнатиш ва мутахассислар тайёрлашни йўлга қўйиш;
(б) 2025 — 2028 йилларда туризм ва бошқа хизмат кўрсатиш соҳаларида фаолият олиб бораётган 2,8 минг нафар мутахассисларни қайта тайёрлаш ва уларнинг малакасини ошириш;
(в) 1 ойгача бўлган малака ошириш ҳамда 8 ойгача бўлган қайта тайёрлаш ўқув курсларини ташкил этиш.
II. Академия фаолиятини йўлга қўйиш
2. Белгилансинки:
(а) Академия «Ипак йўли» туризм ва маданий мерос халқаро университетининг (кейинги ўринларда — Университет) ташкилий тузилмасига киради;
(б) Академияда ўқитиш Ўзбекистон Республикасида амалдаги таълим шаклларида ўзбек, рус ва инглиз тилларида амалга оширилади;
(в) қайта тайёрлаш ўқув курсларини муваффақиятли тамомлаган битирувчиларга ва малака ошириш ўқув курсларини тўлиқ ўзлаштирган тингловчиларга сертификат берилади;
(г) 2025 йил 1 декабрдан бошлаб туризм соҳаси субъектлари мутахассислари ўз маблағлари ҳамда иш берувчи ва буюртмачи ташкилотларнинг маблағлари (бюджетдан ташқари маблағлари) ҳисобидан шартнома асосида қайта тайёрланади ва малакаси оширилади;
(д) Университет васийлик кенгашига Академиянинг тузилмасини ходимларнинг белгиланган чекланган сони ва меҳнатга ҳақ тўлаш фонди доирасида тасдиқлаш ва унга ўзгартиришлар киритиш ҳуқуқи берилади;
(ж) Академияга Туризм қўмитаси раиси билан келишилган ҳолда Университет ректори томонидан лавозимга тайинланадиган ва лавозимидан озод этиладиган директор раҳбарлик қилади.
3. Қуйидагилар Академиянинг асосий вазифалари ва фаолият йўналишлари этиб белгилансин:
(а) туризм ва бошқа хизмат кўрсатиш соҳаларида кадрлар тайёрлаш тизимини такомиллаштиришга қаратилган янги таълим дастурларини ҳамда ўқитишнинг инновацион шаклларини ишлаб чиқиш ва жорий этиш;
(б) замонавий инновацион ва илмий-педагогик технологияларни, фан ва техниканинг энг янги ютуқларини қўллаган ҳолда туризм ва бошқа хизмат кўрсатиш соҳалари учун юқори малакали профессионал кадрларни миллий ва халқаро таълим стандартларига мувофиқ тайёрлашни таъминлаш;
(в) таълимнинг тегишли йўналишлари ва мутахассисликлари бўйича ўқув-методик адабиётларни яратиш, талабалар ва ёш мутахассисларни жалб қилган ҳолда фундаментал ва амалий тадқиқотлар олиб бориш, туризм ва бошқа хизмат кўрсатиш соҳаларидаги таълим муассасаларига етакчи хорижий таълим ташкилотлари тажрибасини жорий қилиш;
(г) туризм ва бошқа хизмат кўрсатиш соҳалари субъектлари мутахассисларини қайта тайёрлаш ва уларнинг малакасини оширишнинг замонавий механизмларини жорий этиш;
(д) таълим ва илмий фаолиятнинг ишлаб чиқариш фаолияти билан узвий интеграциялашуви учун шарт-шароитлар яратиш;
(ж) туризм ва бошқа хизмат кўрсатиш соҳаларида илғор хорижий тажрибаларни ўрганиш ва мамлакатимизда жорий этиш бўйича тавсиялар ишлаб чиқиш, хорижий мамлакатларнинг соҳадаги етакчи муассасалари билан халқаро алоқаларни ривожлантириш;
(з) етакчи хорижий олий таълим ташкилотларининг профессор-ўқитувчиларини жалб қилган ҳолда ҳамкорликда ўқув дастурларини амалга ошириш.
4. Туризм қўмитаси ҳамда Самарқанд вилояти ҳокимлигининг қуйидаги таклифларига розилик берилсин:
(а) Академия тузилмасида туризмнинг экологияга салбий таъсирини камайтириш йўналишида халқаро илмий тадқиқотлар олиб бориш мақсадида юридик шахс мақомига эга бўлмаган Глобал яшил туризм стартаплари лабораториясини (кейинги ўринларда — Лаборатория) ташкил этиш;
(б) Университет тузилмасида юридик шахс мақомига эга бўлмаган «Бадиий галерея» ўқув лабораториясини ташкил этиш.
III. Молиявий ресурслар
5. Қуйидагилар Академия фаолиятини молиялаштириш манбалари этиб белгилансин:
(а) Ўзбекистон Республикаси Давлат бюджетидан ажратиладиган маблағлар;
(б) Туризмни қўллаб-қувватлаш жамғармаси маблағлари;
(в) илмий фаолиятга оид давлат дастурларини амалга ошириш учун Олий таълим, фан ва инновациялар вазирлиги томонидан ўтказиладиган танловлар натижалари бўйича ажратиладиган грантлар;
(г) илмий-тадқиқот, ахборот-таҳлил ишларини амалга оширишдан, шартнома асосида пуллик таълим хизматлари ва бошқа хизматлар кўрсатишдан тушадиган маблағлар;
(д) жисмоний ва юридик шахсларнинг ҳомийлик хайриялари;
(ж) қонунчилик ҳужжатларида тақиқланмаган бошқа манбалар.
6. Белгилаб қўйилсинки:
(а) 2027 йил 1 декабрдан бошлаб ҳар йили Туризмни қўллаб-қувватлаш жамғармаси маблағлари ҳисобидан Бутунжаҳон туризм ташкилотига аъзо давлатларнинг 100 нафар иқтидорли мутахассисларига Академиянинг қайта тайёрлаш ва малака ошириш ўқув дастурларида таълим олиш учун махсус грант ажратилади;
(б) Академияни сақлаш билан боғлиқ харажатларни молиялаштириш 2025 йилда Ўзбекистон Республикасининг республика бюджетидан биринчи даражали бюджет маблағларини тақсимловчи сифатида Туризм қўмитасига ажратилган маблағлар доирасида амалга оширилади, 2026 йилдан бошлаб Ўзбекистон Республикаси Давлат бюджети параметрларида назарда тутилади;
(в) Академия ходимларининг меҳнатига ҳақ тўлаш ҳамда моддий рағбатлантириш Университет ходимлари учун белгиланган тартибга мувофиқ амалга оширилади.
7. Иқтисодиёт ва молия вазирлиги Ўзбекистон Республикасининг республика бюджетидан қуйидаги мақсадлар учун 50 миллиард сўмгача маблағлар Академияга ажратилишини таъминласин:
(а) туризм ва бошқа хизмат кўрсатиш соҳаларида мутахассислар тайёрлаш бўйича дунёнинг энг нуфузли топ-10 рейтингига кирган таълим ташкилоти билан ҳамкорликда мутахассислар тайёрлашни йўлга қўйиш;
(б) туризм ва бошқа хизмат кўрсатиш соҳаларида халқаро тан олинган етакчи хорижий ташкилотлар мутахассисларини жалб қилиш орқали Академиянинг профессор-ўқитувчилари ҳамда республиканинг туристлар оқими юқори бўлган ҳудудларидаги меҳмонхона ва хизмат кўрсатиш соҳаси вакилларининг халқаро даражада малакасини ошириш ҳамда уларни қайта тайёрлаш;
(в) туризм ва бошқа хизмат кўрсатиш соҳалари учун мутахассислар тайёрловчи халқаро тан олинган таълим ташкилотларини жалб қилиш билан боғлиқ харажатларни қоплаш.
8. Белгилансинки, 2026 йил 1 январдан бошлаб «Бадиий галерея» ўқув лабораторияси ва Лаборатория фаолияти Университет маблағлари ҳисобидан молиялаштирилади.
IV. Қарор ижросини ташкил этиш, таъминлаш ва назорат
9. Туризм қўмитаси:
(а) Олий таълим, фан ва инновациялар вазирлиги билан биргаликда икки ой муддатда Академияда ўқув жараёнини ташкил этиш учун малакали профессор-ўқитувчилар, жумладан, хориждан ўқитувчилар, олимлар ва мутахассислар жалб этилишини;
(б) Университет васийлик кенгаши билан биргаликда туризм ва бошқа хизмат кўрсатиш соҳаларида кадрлар тайёрлаш, қайта тайёрлаш ҳамда уларнинг малакасини ошириш бўйича белгиланган муддатларда ўқув жараёни бошланишини таъминласин.
10. Ташқи ишлар вазирлиги Туризм қўмитаси билан биргаликда дипломатик каналлар орқали Бутунжаҳон туризм ташкилотига аъзо давлатларнинг мутахассисларига Академияда махсус грант дастури асосида таълим олишда мазкур қарор билан берилган имкониятлар тўғрисида тарғибот ишлари олиб борилишини таъминласин.
11. Экология ва иқлим ўзгариши миллий қўмитаси, Давлат активларини бошқариш агентлиги ва Самарқанд вилояти ҳокимлиги ўн кун муддатда Самарқанд шаҳри Гўрўғли кўчаси 13-уй манзилида жойлашган бино ва иншоотлар туташ ҳудудлари билан биргаликда Университет балансига беғараз ўтказиб берилишини таъминласин.
12. Самарқанд вилояти ҳокимлиги вилоят стоматология поликлиникасини кўчириш ҳамда унга зарур шарт-шароитлар яратиш билан боғлиқ харажатлар маҳаллий бюджет маблағлари ҳисобидан қопланишини таъминласин.
13. Вазирлар Маҳкамаси икки ҳафта муддатда Академия фаолиятини такомиллаштириш, «Бадиий галерея» ўқув лабораторияси ва Лаборатория фаолиятини йўлга қўйишни назарда тутувчи Ҳукумат қарорини қабул қилсин.
14. Мазкур қарорнинг ижросини самарали ташкил қилишга масъул ва шахсий жавобгар этиб Туризм қўмитаси раиси ҳамда Самарқанд вилояти ҳокими вазифасини бажарувчи А.М. Бобоев белгилансин.
15. Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 20 ноябрь,
ПҚ-350-сон
Oʻzbekiston Respublikasi Prezidentining
qarori
Butunjahon turizm tashkiloti shafeligida Xalqaro turizm akademiyasi Samarqand kampusi faoliyatini tashkil etish toʻgʻrisida
Turizm va boshqa xizmat koʻrsatish sohalari uchun zamonaviy talablarga muvofiq raqobatbardosh kadrlar tayyorlash, qayta tayyorlash va ularning malakasini oshirish tizimini yanada takomillashtirish maqsadida qaror qilaman:
I. Maqsadlar
1. BMTning Butunjahon turizm tashkiloti (keyingi oʻrinlarda — Butunjahon turizm tashkiloti) shafeligida tashkil etilgan Xalqaro turizm akademiyasi Samarqand kampusi (keyingi oʻrinlarda — Akademiya) faoliyatining maqsadli koʻrsatkichlari etib quyidagilar belgilansin:
(a) dunyoning eng nufuzli top-10 reytingiga kirgan taʼlim tashkiloti bilan hamkorlik oʻrnatish va mutaxassislar tayyorlashni yoʻlga qoʻyish;
(b) 2025 — 2028-yillarda turizm va boshqa xizmat koʻrsatish sohalarida faoliyat olib borayotgan 2,8 ming nafar mutaxassislarni qayta tayyorlash va ularning malakasini oshirish;
(v) 1 oygacha boʻlgan malaka oshirish hamda 8 oygacha boʻlgan qayta tayyorlash oʻquv kurslarini tashkil etish.
II. Akademiya faoliyatini yoʻlga qoʻyish
2. Belgilansinki:
(a) Akademiya “Ipak yoʻli” turizm va madaniy meros xalqaro universitetining (keyingi oʻrinlarda — Universitet) tashkiliy tuzilmasiga kiradi;
(b) Akademiyada oʻqitish Oʻzbekiston Respublikasida amaldagi taʼlim shakllarida oʻzbek, rus va ingliz tillarida amalga oshiriladi;
(v) qayta tayyorlash oʻquv kurslarini muvaffaqiyatli tamomlagan bitiruvchilarga va malaka oshirish oʻquv kurslarini toʻliq oʻzlashtirgan tinglovchilarga sertifikat beriladi;
(g) 2025-yil 1-dekabrdan boshlab turizm sohasi subyektlari mutaxassislari oʻz mablagʻlari hamda ish beruvchi va buyurtmachi tashkilotlarning mablagʻlari (budjetdan tashqari mablagʻlari) hisobidan shartnoma asosida qayta tayyorlanadi va malakasi oshiriladi;
(d) Universitet vasiylik kengashiga Akademiyaning tuzilmasini xodimlarning belgilangan cheklangan soni va mehnatga haq toʻlash fondi doirasida tasdiqlash va unga oʻzgartirishlar kiritish huquqi beriladi;
(j) Akademiyaga Turizm qoʻmitasi raisi bilan kelishilgan holda Universitet rektori tomonidan lavozimga tayinlanadigan va lavozimidan ozod etiladigan direktor rahbarlik qiladi.
3. Quyidagilar Akademiyaning asosiy vazifalari va faoliyat yoʻnalishlari etib belgilansin:
(a) turizm va boshqa xizmat koʻrsatish sohalarida kadrlar tayyorlash tizimini takomillashtirishga qaratilgan yangi taʼlim dasturlarini hamda oʻqitishning innovatsion shakllarini ishlab chiqish va joriy etish;
(b) zamonaviy innovatsion va ilmiy-pedagogik texnologiyalarni, fan va texnikaning eng yangi yutuqlarini qoʻllagan holda turizm va boshqa xizmat koʻrsatish sohalari uchun yuqori malakali professional kadrlarni milliy va xalqaro taʼlim standartlariga muvofiq tayyorlashni taʼminlash;
(v) taʼlimning tegishli yoʻnalishlari va mutaxassisliklari boʻyicha oʻquv-metodik adabiyotlarni yaratish, talabalar va yosh mutaxassislarni jalb qilgan holda fundamental va amaliy tadqiqotlar olib borish, turizm va boshqa xizmat koʻrsatish sohalaridagi taʼlim muassasalariga yetakchi xorijiy taʼlim tashkilotlari tajribasini joriy qilish;
(g) turizm va boshqa xizmat koʻrsatish sohalari subyektlari mutaxassislarini qayta tayyorlash va ularning malakasini oshirishning zamonaviy mexanizmlarini joriy etish;
(d) taʼlim va ilmiy faoliyatning ishlab chiqarish faoliyati bilan uzviy integratsiyalashuvi uchun shart-sharoitlar yaratish;
(j) turizm va boshqa xizmat koʻrsatish sohalarida ilgʻor xorijiy tajribalarni oʻrganish va mamlakatimizda joriy etish boʻyicha tavsiyalar ishlab chiqish, xorijiy mamlakatlarning sohadagi yetakchi muassasalari bilan xalqaro aloqalarni rivojlantirish;
(z) yetakchi xorijiy oliy taʼlim tashkilotlarining professor-oʻqituvchilarini jalb qilgan holda hamkorlikda oʻquv dasturlarini amalga oshirish.
4. Turizm qoʻmitasi hamda Samarqand viloyati hokimligining quyidagi takliflariga rozilik berilsin:
(a) Akademiya tuzilmasida turizmning ekologiyaga salbiy taʼsirini kamaytirish yoʻnalishida xalqaro ilmiy tadqiqotlar olib borish maqsadida yuridik shaxs maqomiga ega boʻlmagan Global yashil turizm startaplari laboratoriyasini (keyingi oʻrinlarda — Laboratoriya) tashkil etish;
(b) Universitet tuzilmasida yuridik shaxs maqomiga ega boʻlmagan “Badiiy galereya” oʻquv laboratoriyasini tashkil etish.
III. Moliyaviy resurslar
5. Quyidagilar Akademiya faoliyatini moliyalashtirish manbalari etib belgilansin:
(a) Oʻzbekiston Respublikasi Davlat budjetidan ajratiladigan mablagʻlar;
(b) Turizmni qoʻllab-quvvatlash jamgʻarmasi mablagʻlari;
(v) ilmiy faoliyatga oid davlat dasturlarini amalga oshirish uchun Oliy taʼlim, fan va innovatsiyalar vazirligi tomonidan oʻtkaziladigan tanlovlar natijalari boʻyicha ajratiladigan grantlar;
(g) ilmiy-tadqiqot, axborot-tahlil ishlarini amalga oshirishdan, shartnoma asosida pullik taʼlim xizmatlari va boshqa xizmatlar koʻrsatishdan tushadigan mablagʻlar;
(d) jismoniy va yuridik shaxslarning homiylik xayriyalari;
(j) qonunchilik hujjatlarida taqiqlanmagan boshqa manbalar.
6. Belgilab qoʻyilsinki:
(a) 2027-yil 1-dekabrdan boshlab har yili Turizmni qoʻllab-quvvatlash jamgʻarmasi mablagʻlari hisobidan Butunjahon turizm tashkilotiga aʼzo davlatlarning 100 nafar iqtidorli mutaxassislariga Akademiyaning qayta tayyorlash va malaka oshirish oʻquv dasturlarida taʼlim olish uchun maxsus grant ajratiladi;
(b) Akademiyani saqlash bilan bogʻliq xarajatlarni moliyalashtirish 2025-yilda Oʻzbekiston Respublikasining respublika budjetidan birinchi darajali budjet mablagʻlarini taqsimlovchi sifatida Turizm qoʻmitasiga ajratilgan mablagʻlar doirasida amalga oshiriladi, 2026-yildan boshlab Oʻzbekiston Respublikasi Davlat budjeti parametrlarida nazarda tutiladi;
(v) Akademiya xodimlarining mehnatiga haq toʻlash hamda moddiy ragʻbatlantirish Universitet xodimlari uchun belgilangan tartibga muvofiq amalga oshiriladi.
7. Iqtisodiyot va moliya vazirligi Oʻzbekiston Respublikasining respublika budjetidan quyidagi maqsadlar uchun 50 milliard soʻmgacha mablagʻlar Akademiyaga ajratilishini taʼminlasin:
(a) turizm va boshqa xizmat koʻrsatish sohalarida mutaxassislar tayyorlash boʻyicha dunyoning eng nufuzli top-10 reytingiga kirgan taʼlim tashkiloti bilan hamkorlikda mutaxassislar tayyorlashni yoʻlga qoʻyish;
(b) turizm va boshqa xizmat koʻrsatish sohalarida xalqaro tan olingan yetakchi xorijiy tashkilotlar mutaxassislarini jalb qilish orqali Akademiyaning professor-oʻqituvchilari hamda respublikaning turistlar oqimi yuqori boʻlgan hududlaridagi mehmonxona va xizmat koʻrsatish sohasi vakillarining xalqaro darajada malakasini oshirish hamda ularni qayta tayyorlash;
(v) turizm va boshqa xizmat koʻrsatish sohalari uchun mutaxassislar tayyorlovchi xalqaro tan olingan taʼlim tashkilotlarini jalb qilish bilan bogʻliq xarajatlarni qoplash.
8. Belgilansinki, 2026-yil 1-yanvardan boshlab “Badiiy galereya” oʻquv laboratoriyasi va Laboratoriya faoliyati Universitet mablagʻlari hisobidan moliyalashtiriladi.
IV. Qaror ijrosini tashkil etish, taʼminlash va nazorat
9. Turizm qoʻmitasi:
(a) Oliy taʼlim, fan va innovatsiyalar vazirligi bilan birgalikda ikki oy muddatda Akademiyada oʻquv jarayonini tashkil etish uchun malakali professor-oʻqituvchilar, jumladan, xorijdan oʻqituvchilar, olimlar va mutaxassislar jalb etilishini;
(b) Universitet vasiylik kengashi bilan birgalikda turizm va boshqa xizmat koʻrsatish sohalarida kadrlar tayyorlash, qayta tayyorlash hamda ularning malakasini oshirish boʻyicha belgilangan muddatlarda oʻquv jarayoni boshlanishini taʼminlasin.
10. Tashqi ishlar vazirligi Turizm qoʻmitasi bilan birgalikda diplomatik kanallar orqali Butunjahon turizm tashkilotiga aʼzo davlatlarning mutaxassislariga Akademiyada maxsus grant dasturi asosida taʼlim olishda mazkur qaror bilan berilgan imkoniyatlar toʻgʻrisida targʻibot ishlari olib borilishini taʼminlasin.
11. Ekologiya va iqlim oʻzgarishi milliy qoʻmitasi, Davlat aktivlarini boshqarish agentligi va Samarqand viloyati hokimligi oʻn kun muddatda Samarqand shahri Goʻroʻgʻli koʻchasi 13-uy manzilida joylashgan bino va inshootlar tutash hududlari bilan birgalikda Universitet balansiga begʻaraz oʻtkazib berilishini taʼminlasin.
12. Samarqand viloyati hokimligi viloyat stomatologiya poliklinikasini koʻchirish hamda unga zarur shart-sharoitlar yaratish bilan bogʻliq xarajatlar mahalliy budjet mablagʻlari hisobidan qoplanishini taʼminlasin.
13. Vazirlar Mahkamasi ikki hafta muddatda Akademiya faoliyatini takomillashtirish, “Badiiy galereya” oʻquv laboratoriyasi va Laboratoriya faoliyatini yoʻlga qoʻyishni nazarda tutuvchi Hukumat qarorini qabul qilsin.
14. Mazkur qarorning ijrosini samarali tashkil qilishga masʼul va shaxsiy javobgar etib Turizm qoʻmitasi raisi hamda Samarqand viloyati hokimi vazifasini bajaruvchi A.M. Boboyev belgilansin.
15. Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 20-noyabr,
PQ-350-son
Президента Республики Узбекистан
Постановление
Об организации деятельности Самаркандского кампуса Международной академии туризма под эгидой Всемирной туристской организации
В целях дальнейшего совершенствования системы подготовки, переподготовки и повышения квалификации конкурентоспособных кадров для сферы туризма и других сфер услуг в соответствии с современными требованиями постановляю:
I. Цели
1. Определить целевыми показателями деятельности Самаркандского кампуса Международной академии туризма (далее — Академия), созданной под эгидой Всемирной туристской организации ООН (далее — Всемирная туристская организация):
(а) установление сотрудничества с высшими образовательными организациями, включенными в рейтинг топ — 10 самых авторитетных образовательных организаций мира, налаживание с ними подготовки специалистов;
(б) переподготовку и повышение квалификации 2,8 тысячи специалистов, ведущих свою деятельность в сфере туризма и других сферах услуг, в 2025 — 2028 годах;
(в) организацию учебных курсов повышения квалификации сроком до одного месяца и учебных курсов переподготовки — сроком до восьми месяцев.
II. Организация деятельности Академии
2. Определить, что:
(а) Академия входит в организационную структуру Международного университета туризма и культурного наследия «Шелковый путь» (далее — Университет);
(б) преподавание в Академии ведется на узбекском, русском и английском языках по действующим в Республике Узбекистан формам обучения;
(в) выпускникам, успешно окончившим учебные курсы переподготовки и освоившим учебные курсы повышения квалификации в полном объеме, выдается сертификат;
(г) с 1 декабря 2025 года переподготовка и повышение квалификации специалистов субъектов сферы туризма осуществляются за счет их собственных средств, а также средств (внебюджетных средств) работодателей и организаций-заказчиков на договорной основе;
(д) Попечительскому совету Университета предоставляется право утверждать структуру Академии в рамках установленной предельной численности работников и фонда оплаты труда, а также вносить в нее изменения;
(ж) руководство Академией осуществляет директор, назначаемый на должность и освобождаемый от должности ректором Университета по согласованию с председателем Комитета по туризму.
3. Определить основными задачами и направлениями деятельности Академии:
(а) разработку и внедрение новых образовательных программ и инновационных форм обучения, направленных на совершенствование системы подготовки кадров в сфере туризма и других сферах услуг;
(б) обеспечение в соответствии с национальными и международными образовательными стандартами подготовки высококвалифицированных профессиональных кадров для сферы туризма и других сфер услуг с применением современных инновационных и научно-педагогических технологий, новейших достижений науки и техники;
(в) создание учебно-методической литературы по соответствующим направлениям и специальностям образования, проведение фундаментальных и прикладных исследований с привлечением студентов и молодых специалистов, а также внедрение опыта ведущих зарубежных высших образовательных организаций в образовательных учреждениях сферы туризма и других сфер услуг;
(г) внедрение современных механизмов переподготовки и повышения квалификации специалистов субъектов сферы туризма и других сфер услуг;
(д) создание условий для тесной интеграции образовательной и научной деятельности с производственной;
(ж) разработку рекомендаций по изучению и внедрению в стране передового зарубежного опыта, развитие международных связей с ведущими профильными учреждениями зарубежных стран в сфере туризма и других сферах услуг;
(з) реализацию совместных учебных программ с привлечением профессоров-преподавателей ведущих зарубежных высших образовательных организаций.
4. Согласиться с предложениями Комитета по туризму и хокимията Самаркандской области, предусматривающими создание:
(а) в структуре Академии Лаборатории стартапов глобального зеленого туризма (далее — Лаборатория) без статуса юридического лица в целях осуществления международных научных исследований по направлению снижения негативного воздействия туризма на экологию;
(б) в структуре Университета учебной лаборатории «Художественная галерея» без статуса юридического лица.
III. Финансовые ресурсы
5. Определить источниками финансирования деятельности Академии:
(а) средства, выделяемые из Государственного бюджета Республики Узбекистан;
(б) средства Фонда поддержки туризма;
(в) гранты, выделяемые по результатам конкурсов, проводимых Министерством высшего образования, науки и инноваций для реализации государственных программ научной деятельности;
(г) средства, поступающие от выполнения научно-исследовательских и информационно-аналитических работ, а также оказания платных образовательных и прочих услуг на договорной основе;
(д) благотворительные пожертвования физических и юридических лиц;
(ж) иные источники, не запрещенные актами законодательства.
6. Установить, что:
(а) с 1 декабря 2027 года ежегодно за счет средств Фонда поддержки туризма 100 одаренным специалистам государств-членов Всемирной туристской организации выделяются специальные гранты для обучения по учебным программам переподготовки и повышения квалификации Академии;
(б) финансирование расходов, связанных с содержанием Академии, в 2025 году осуществляется в рамках средств, выделенных Комитету по туризму из республиканского бюджета Республики Узбекистан в качестве распределителя бюджетных средств первого уровня, с 2026 года — предусматривается в параметрах Государственного бюджета Республики Узбекистан;
(в) оплата труда и материальное стимулирование работников Академии осуществляются в соответствии с порядком, установленным для работников Университета.
7. Министерству экономики и финансов обеспечить выделение Академии средств из республиканского бюджета Республики Узбекистан в размере до 50 миллиардов сумов на следующие цели:
(а) налаживание подготовки специалистов в сфере туризма и других сферах услуг в сотрудничестве с образовательными организациями, включенными в рейтинг топ — 10 самых авторитетных образовательных организаций мира;
(б) повышение квалификации и переподготовку на международном уровне профессорско-преподавательского состава Академии и представителей гостиничной индустрии и сферы оказания услуг регионов республики с высоким потоком туристов посредством привлечения специалистов международно признанных ведущих зарубежных организаций в сфере туризма и других сферах услуг;
(в) покрытие расходов, связанных с привлечением международно признанных образовательных организаций, осуществляющих подготовку специалистов для сферы туризма и других сфер услуг.
8. Определить, что с 1 января 2026 года деятельность учебной лаборатории «Художественная галерея» и Лаборатории финансируется за счет средств Университета.
IV. Организация, обеспечение и контроль исполнения постановления
9. Комитету по туризму обеспечить:
(а) совместно с Министерством высшего образования, науки и инноваций в двухмесячный срок привлечение квалифицированных профессоров-преподавателей, включая преподавателей, ученых и специалистов из-за рубежа, к организации учебного процесса в Академии;
(б) совместно с Попечительским советом Университета начало учебного процесса по подготовке, переподготовке и повышению квалификации кадров в сфере туризма и других сферах услуг в установленные сроки.
10. Министерству иностранных дел совместно с Комитетом по туризму обеспечить осуществление по дипломатическим каналам разъяснительной работы о предоставленных настоящим постановлением для специалистов из государств-членов Всемирной туристской организации возможностях получения образования на основе программы специальных грантов в Академии.
11. Национальному комитету по экологии и изменению климата, Агентству по управлению государственными активами и хокимияту Самаркандской области обеспечить в десятидневный срок безвозмездную передачу на баланс Университета зданий и сооружений вместе с прилегающей территорией, расположенных по адресу: город Самарканд, улица Гуругли, дом 13.
12. Хокимияту Самаркандской области обеспечить возмещение расходов, связанных с передислокацией областной стоматологической поликлиники и созданием для нее необходимых условий, за счет средств местного бюджета.
13. Кабинету Министров в двухнедельный срок принять постановление Правительства, предусматривающее совершенствование деятельности Академии, налаживание деятельности учебной лаборатории «Художественная галерея» и Лаборатории.
14. Возложить на председателя Комитета по туризму, а также на исполняющего обязанности хокима Самаркандской области А.М. Бобоева персональную ответственность за эффективную организацию исполнения настоящего постановления.
15. Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
20 ноября 2025 г.,
№ ПП-350