📅 2025-yil 19-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 19 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 19 ноября 2025 г. · Постановления Президента
Официальный текст. Официальный документ. Редакционные примечания не включены.
📅 19 November 2025 · Presidential resolutions
Official text. Official document. Editorial notes are not included.
ЎЗБЕКИСТОН РЕСПУБЛИКАСИ ПРЕЗИДЕНТИНИНГ
ҚАРОРИ
АСОСИЙ ЙЎНАЛИШЛАРИ
ТАШКИЛИЙ ТУЗИЛМАСИ
РЎЙХАТИ
ТАРТИБИ
«ЙЎЛ ХАРИТАСИ»
Ўзбекистон Республикаси Туризм қўмитаси фаолиятини ташкил этиш ва туризм соҳасини жадал ривожлантириш чора-тадбирлари тўғрисида
Ўзбекистон Республикаси Президентининг 2025 йил 18 ноябрдаги «Экология ва туризм соҳаларида аҳоли талабларига тезкор жавоб бера оладиган бошқарув тизимини яратиш чора-тадбирлари тўғрисида»ги ПФ-217-сон Фармонига мувофиқ, иқтисодиётнинг стратегик жиҳатдан муҳим сектори сифатида туризм соҳасининг тизимли ва барқарор ривожланишини таъминлаш, соҳада давлат бошқарувини янада такомиллаштириш, кўрсатиладиган хизматлар сифатини ошириш ҳамда миллий туристик маҳсулотларнинг жаҳон бозорида рақобатбардошлигини таъминлаш мақсадида қарор қиламан:
I. Мақсадлар
1. Қуйидагилар 2030 йилгача туризм соҳасини ривожлантиришнинг асосий мақсадлари этиб белгилансин:
(а) туризм соҳасининг ялпи ички маҳсулотдаги улушини амалдаги 3,5 фоиздан 7 фоизгача етказиш;
(б) чет эллик туристларнинг йиллик сонини амалдаги 10 млн нафардан 20 млн нафаргача етказиш, шу жумладан, тўлов қобилияти юқори бўлган туристлар оқимини кўпайтириш;
(в) туризм хизматлари йиллик экспорти ҳажмини 6 млрд АҚШ долларидан ошириш;
(г) Ўзбекистоннинг туристик шаҳарлари ўртасидаги транспорт боғланишини яхшилаш, ички авиақатновлар сонини кўпайтириш ҳамда йўлга сарфланадиган вақтни камида 3 бараварга қисқартириш;
(д) 4 ва 5 юлдузли меҳмонхоналар сонини 2 бараварга ошириш;
(ж) туристик хизматлар ва маҳсулотларни диверсификация қилиш орқали республиканинг туристик салоҳиятини тўлиқ ишга солиш;
(з) жаҳонда кенг таниладиган Ўзбекистоннинг туристик брендини яратиш ва миллий туристик маҳсулотларни оммалаштириш учун янги инструментларни жорий этиш.
II. Соҳада давлат бошқарувини такомиллаштириш
2. Қуйидагилар:
(а) Ўзбекистон Республикаси Туризм қўмитаси фаолиятининг асосий йўналишлари 1-иловага мувофиқ;
(б) Ўзбекистон Республикаси Туризм қўмитасининг ташкилий тузилмаси 2-иловага мувофиқ тасдиқлансин.
3. Белгилансинки:
(а) Ўзбекистон Республикаси Туризм қўмитаси (кейинги ўринларда — Қўмита) туризм соҳасини тартибга солиш ва ривожлантириш бўйича давлат сиёсатини амалга оширувчи республика ижро этувчи ҳокимият органи ҳисобланади;
(б) Қўмита ўз ваколатлари доирасида умуммажбурий бўлган норматив-ҳуқуқий ҳужжатлар қабул қилишга ҳақли;
(в) Қўмита раиси:
(i) белгиланган тартибда Ўзбекистон Республикаси Президенти томонидан лавозимга тайинланади ва лавозимидан озод қилинади;
(ii) Қўмита ва унинг тизимидаги ташкилотлар ишини тўғри ва самарали ташкил этиш, бу орқали уларнинг фаолиятини натижадорликка йўналтириш, шунингдек, ушбу йўналишда белгиланган мақсадли кўрсаткичларга сўзсиз ва тўлақонли эришишни таъминлаш учун масъул ҳамда шахсан жавобгар ҳисобланади;
(г) Қўмита Экология, атроф-муҳитни муҳофаза қилиш ва иқлим ўзгариши вазирлиги ҳузуридаги Туризм қўмитасининг ҳуқуқ ва мажбуриятлари бўйича вориси ҳисобланади.
III. Туристик оқимни ошириш
4. Миллий туристик маҳсулотларни жаҳонда оммалаштириш мақсадида:
(а) Қўмита раисининг миллий туристик маҳсулотларни оммалаштириш бўйича ўринбосари лавозими киритилсин;
(б) Қўмитанинг хорижий мамлакатлардаги ваколатхоналари (кейинги ўринларда — ваколатхоналар) 3-иловага мувофиқ ташкил этилсин;
(в) ваколатхоналар ўзи фаолият юритадиган давлатларда 4-иловада назарда тутилган вазифаларни бажариши белгилансин;
(г) Қўмита раисининг миллий туристик маҳсулотларни оммалаштириш бўйича ўринбосари «Миллий PR-маркази» давлат муассасаси ва ваколатхоналар фаолиятини мувофиқлаштириш ҳамда миллий туристик маҳсулотларнинг самарали маркетинги учун шахсан масъул ва жавобгар этиб белгилансин.
5. Қўмита:
(а) Ташқи ишлар вазирлиги, Транспорт вазирлиги ҳамда бошқа манфаатдор вазирлик ва идоралар билан биргаликда икки ой муддатда:
(i) Ўзбекистон Республикаси ҳудудига кириш учун визасиз режим жорий этиладиган давлатлар рўйхатини кенгайтириш, Ўзбекистон Республикаси ҳудудига кириш ва унинг ҳудудида бўлиш билан боғлиқ тартиб-таомилларни соддалаштириш;
(ii) республиканинг туризм-транспорт логистикасини ривожлантириш бўйича пухта ишлаб чиқилган таклифларни;
(б) Стратегик ривожланиш ва ислоҳотлар агентлиги билан биргаликда 2026 йил 1 мартга қадар Ўзбекистон Республикаси туризм соҳасини 2040 йилгача ривожлантириш стратегияси лойиҳасини;
(в) Рақамли технологиялар вазирлиги ҳамда Иқтисодиёт ва молия вазирлиги билан биргаликда 2026 йил 1 июнга қадар қуйидагиларни назарда тутувчи 2030 йилгача мўлжалланган туристик хизматлар бозорларида маркетинг дастури лойиҳасини Вазирлар Маҳкамасига киритсин:
(i) миллий туристик маҳсулотларни фаол саёҳат қилувчи аҳолига эга хорижий давлатларда оммалаштириш;
(ii) туризм соҳасида таргетланган реклама тизимини кенг жорий этиш.
6. Маданият ва санъатни ривожлантириш жамғармаси Маданий мерос агентлиги, Қўмита билан биргаликда туристларни жалб қилиш бўйича қўшимча имкониятларни ишга солиш мақсадида 2026 — 2028 йилларда қуйидаги лойиҳа ва чора-тадбирларни амалга оширсин:
(а) Самарқанд шаҳридаги энг муҳим тарихий объектларни боғловчи 6,6 км узунликдаги туристик маршрутни ташкил этиш бўйича «Самарқанднинг мерос йўли» лойиҳасини;
(б) аҳолининг турмуш тарзи, савдо ва хизмат кўрсатиш шохобчалари ва коммуникация тизимини тарихий муҳит билан уйғунлаштирган ҳолда Хива шаҳридаги Ичан-қалъа мажмуасини жаҳонда ягона бўлган иммерсив ва «ақлли» музей-шаҳарга айлантириш;
(в) Тошкент шаҳри бўйича:
(i) модернизм ёдгорликларини ЮНЕСКОнинг Умумжаҳон мероси рўйхатига киритиш бўйича материаллар тақдим этиш;
(ii) энг кўп мозаикалар бор шаҳар сифатида жаҳон миқёсида эътироф этилишига эришиш.
7. Инвестициялар, саноат ва савдо вазирлиги Қўмита ҳамда маҳаллий давлат ҳокимияти органлари билан биргаликда қуйидаги тартибда жаҳонга машҳур кийим-кечак брендларини савдо-кўнгилочар мажмуаларга жалб қилиш ҳамда шаҳарлар четларида (атрофларида) миллий архитектура услубига асосланган замонавий аутлет марказларни ташкил этиш чораларини кўрсин:
(а) биринчи босқичда (2030 йилгача) — Тошкент, Самарқанд, Бухоро ва Хива шаҳарларида;
(б) иккинчи босқичда (2030 йилдан бошлаб) — туристик салоҳияти юқори бўлган бошқа аҳоли пунктларида.
IV. Туризм соҳасини давлат томонидан қўллаб-қувватлаш
8. Шундай тартиб ўрнатилсинки, унга мувофиқ:
(а) 2026 йил 1 апрелдан бошлаб чет эл фуқаролари томонидан Ўзбекистон Республикаси ҳудудидан чиқиб кетишда аввал харид қилинган товарлар учун тўланган қўшилган қиймат солиғи суммасини қайтариш уларнинг хоҳишига кўра нақд пул шаклида амалга оширилиши мумкин;
(б) 2026 йил 1 мартдан бошлаб Туризмни қўллаб-қувватлаш жамғармаси (кейинги ўринларда — Жамғарма) маблағлари ҳисобидан:
(i) туристик стартапларни — янги турдаги туризм хизматларини ишлаб чиқиб, амалиётга жорий этиш билан боғлиқ харажатларнинг 50 фоизи, бироқ 1 млрд сўмдан кўп бўлмаган миқдорда ҳар йили энг яхши 10 тагача лойиҳаларга субсидиялар ажратилади;
(ii) меҳмонхоналарнинг Вазирлар Маҳкамаси томонидан тасдиқланадиган рўйхатда назарда тутилган халқаро эътироф этилган «яшил» сертификатларни олиш билан боғлиқ харажатларининг 50 фоизи қоплаб берилади;
(в) 2026 йил 1 апрелдан бошлаб халқаро конференциялар ва тадбирларни (MICE туризм) ташкил қилиб, унга камида 100 нафар чет эллик туристни жалб қилган тадбиркорлик субъектларига ушбу тадбирларни ташкил қилишда улар томонидан тўланган қўшилган қиймат солиғи суммаларининг 50 фоизини қайтариш тартиби жорий этилади;
(г) 2028 йил 1 январга қадар ушбу қарорга 5-иловада назарда тутилган тартибга риоя қилган ҳолда:
(i) туризм соҳаси субъектлари томонидан импорт қилинадиган автобус, электробус ҳамда ҳайдовчи ўриндиғидан ташқари саккиздан ортиқ ўриндиқларга эга бўлган микроавтобуслар божхона божидан ва утилизация йиғимидан озод этилади (бунда утилизация йиғимидан озод қилишга оид имтиёз фақат ўхшаши Ўзбекистон Республикасида ишлаб чиқарилмайдиган автобус, электробус ва микроавтобусларга нисбатан татбиқ этилади);
(ii) Қорақалпоғистон Республикасида рўйхатга олиниб, лицензияга эга бўлган туроператорларга, истисно тариқасида, экстремал турларни ташкил қилиш учун двигатель ҳажми 2,4 литрдан кам бўлмаган юқори ўтиш қобилиятига эга транспорт воситалари импорт қилинаётганда божхона божи ва утилизация йиғимини амалдаги ставканинг 25 фоизи миқдорида 3 йил муддатга бўлиб-бўлиб тўлашга рухсат этилади;
(iii) туризм соҳаси субъектлари томонидан импорт қилинадиган автобус, электробус ва микроавтобусларнинг сонидан қатъи назар, уларга битта сертификат беришга рухсат этилади;
(д) 2030 йил 1 январга қадар Вазирлар Маҳкамаси томонидан тасдиқланган рўйхатга кирган меҳмонхона брендларини жалб қилган ҳолда бренд билан дастлабки келишувларга эга тадбиркорлик субъектлари томонидан меҳмонхонани қуриш ва жиҳозлаш учун мазкур бренднинг талабига мувофиқ олиб келинадиган асбоб-ускуналар, техника, транспорт воситалари, мебель ва инвентарлар божхона божидан озод этилади.
9. Белгилансинки:
(а) Қўмита республика ҳудудида ўз фильмларини яратишда хорижий кинокомпанияларга харажатларнинг бир қисмини қайтаришни (Rebate) мувофиқлаштирувчи масъул давлат органи ҳисобланади;
(б) ушбу банднинг «а» кичик бандида назарда тутилган харажатлар суммаси:
(i) 3 миллиард сўмгача бўлса — 10 фоиз;
(ii) 3 миллиард сўмдан 5 миллиард сўмгача бўлса — 15 фоиз;
(iii) 5 миллиард сўмдан 10 миллиард сўмгача бўлса — 20 фоиз;
(iv) 10 миллиард сўмдан ортиқ бўлса — 25 фоиз, бироқ битта фильм учун 4 миллиард сўмдан ошмаган миқдорда Давлат бюджети маблағлари ҳисобидан қоплаб берилади;
(в) 2026 йил 1 мартдан бошлаб нуфузли хорижий кинокомпаниялар билан музокаралар ўтказган ҳолда Жамғарма маблағлари ҳисобидан фильмларнинг бевосита ёки билвосита Ўзбекистон Республикаси туристик жозибадорлиги, тарихий-маданий мероси ва бошқа муҳим ижобий жиҳатларини намойиш қилувчи қисмини (эпизодини) яратганлик (шу жумладан, Ўзбекистон Республикаси ҳудудида, ўз павильонларида ёки компьютер графикаси ёрдамида) учун ҳақ тўлаш тартиби жорий этилади.
V. Туризм соҳасини рақамлаштириш
10. Шундай тартиб ўрнатилсинки, унга мувофиқ 2026 йил 1 июлдан бошлаб:
(а) ишга тушириладиган Миллий туризм ягона платформаси ва унинг мобил иловаси орқали:
(i) хорижий туристларнинг розилиги асосида Давлат чегарасини кесиб ўтишда йиғиладиган маълумотларни интеграция қилган ҳолда туристик электрон SIM-карта билан улаш ва вақтинча бўлиш жойи бўйича рўйхатга олиш проактив шаклда амалга оширилади;
(ii) мулкчилик шаклидан қатъи назар транспортнинг барча турлари интеграция қилинган ҳолда саёҳат йўналишини тузиш, энг мақбул йўналиш ва транспорт турини танлаш, чипталарни онлайн банд қилиш ва сотиб олиш имконияти яратилади;
(iii) чипта хўжалиги жорий қилинган барча туризм объектлари, шу жумладан, музейлар, маданий мерос объектлари, маданият, кўнгилочар ва дам олиш объектларига билетларни онлайн сотиб олиш имкониятига эга бўлган ягона чипта тизими жорий қилинади;
(iv) экскурсиялар ўтказиш учун интерактив хариталар, планшетлар, аудиоёрдамчи, видеоёрдамчи ҳамда онлайн трансляциялар воситасида туристик объектлар ҳақида ахборот бериш имконини берувчи рақамли гид тизими ишга туширилади;
(v) жойлаштириш воситалари томонидан хорижий ва маҳаллий туристлардан ундириладиган туристик (меҳмонхона) йиғим биллинг тизими орқали автоматик тарзда тўғридан-тўғри Жамғармага ўтказилади;
(б) аҳоли томонидан дала ҳовлиларини ижарага бериш «Soliq» мобил иловаси орқали «мен билан бирга» шаклида бир нафар шахс номига бирга дам олувчилар сонини кўрсатган ҳолда соддалаштирилган тартибда расмийлаштириш орқали амалга оширилади.
11. 2026 йил якунига қадар Миллий туризм ягона платформаси доирасида «Хавфсиз шаҳар» аппарат-дастурий комплекси билан интеграция қилган ҳолда республика ҳудудларига туристлар оқимлари (тоифаларга қараб) ва уларнинг хоҳишларини таҳлил қилиш, персоналлаштирилган маршрутлар ва таклифларни яратиш, шунингдек, нарх шаклланиши ва ресурслар тақсимланиши каби имкониятларни назарда тутувчи сунъий интеллект ва катта ҳажмдаги маълумотларни таҳлил қилиш тизими жорий этилсин.
VI. Соҳада кадрларни қайта тайёрлаш ва уларнинг малакасини ошириш тизимини такомиллаштириш
12. Туризм хизматлари сифатини ошириш мақсадида Бутунжаҳон туризм ташкилоти шафелигида Халқаро туризм академияси Самарқанд кампусида туризм соҳаси субъектлари ходимларининг малакасини ошириш (1 ойгача) ҳамда уларни қайта тайёрлаш (8 ойгача) ўқув курслари ташкил этилсин.
VII. Жамғарма харажатларини мақбуллаштириш
13. Белгилансинки, 2026 йил 1 январдан бошлаб:
(а) Жамғарма кенгаши тузилиб, унинг ижобий қарори бўлмаган лойиҳаларни молиялаштириш бюджет ҳамда смета-штат интизомини бузиш ҳисобланади, бундан Ўзбекистон Республикаси Президентининг ҳужжатларида Жамғарма маблағлари ҳисобидан молиялаштирилиши белгиланган лойиҳалар ҳамда Қўмита, шу жумладан, унинг тизим ташкилотлари ва ҳудудий бўлинмаларини сақлаш билан боғлиқ харажатлар мустасно;
(б) Жамғарма маблағлари ҳисобидан молиялаштириладиган лойиҳаларнинг натижадорлиги Жамғарма кенгаши томонидан доимий равишда баҳолаб борилади;
(в) Ички ишлар вазирлиги ҳузуридаги Хавфсиз туризмни таъминлаш жамғармасига туристик (меҳмонхона) йиғимдан келиб тушадиган тушумлардан ўтказиладиган маблағ миқдори амалдаги 10 фоиздан 5 фоизга камайтирилади.
14. Қўмита Иқтисодиёт ва молия вазирлиги билан биргаликда бир ой муддатда Жамғарма манбалари ҳисобидан вазирлик ва идораларга ажратмаларни бекор қилиш юзасидан Ўзбекистон Республикаси Президенти Администрациясига таклиф киритсин.
VIII. Қарор ижросини ташкил этиш, таъминлаш ва назорат
15. Туризмни жадал ривожлантириш ва ушбу соҳада давлат бошқарувини такомиллаштириш бўйича «йўл харитаси» 6-иловага мувофиқ тасдиқлансин.
16. Ўзбекистон Республикаси Президенти Администрацияси Креатив иқтисодиёт ва туризм бўйича департаменти ҳузурида Туризм соҳасидаги ислоҳотлар штаби фаолияти йўлга қўйилсин.
17. Белгилансинки:
(а) Туризм соҳасидаги ислоҳотлар штаби ҳудудлар, тармоқлар ҳамда йирик туристик объектлар кесимида туризм соҳасидаги масалаларни мониторинг қилиш ва ҳал қилиш, янги имкониятларни аниқлаш ҳамда ишга солиш чораларини кўриб боради;
(б) Туризм соҳасидаги ислоҳотлар штабига жалб қилинган (хизмат сафарига юборилган) давлат органлари ва ташкилотлари ходимлари меҳнатига ҳақ тўлаш ва уларни моддий рағбатлантириш миқдорлари ва шартлари тўлиқ сақлаб қолинади ҳамда хизмат сафари давомида уларнинг асосий иш жойи бўйича бюджет ташкилотларининг мавжуд тасдиқланган бюджет параметрлари ва бюджетдан ташқари маблағлари доирасида ойлик иш ҳақига 20 фоиз миқдорида устама тўланади.
18. Қўмита:
(а) бир ой муддатда Туризм қўмитаси тўғрисидаги низомни;
(б) икки ой муддатда қонунчилик ҳужжатларига мазкур қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
19. Қўмита Тошкент шаҳри Амир Темур шоҳкўчаси 107б-уй манзили бўйича жойлаштирилсин.
20. Мазкур қарорнинг ижросини самарали ташкил қилишга масъул ва шахсий жавобгар этиб Туризм қўмитаси раиси белгилансин.
21. Ушбу қарор ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов ҳамда Ўзбекистон Республикаси Президенти Администрацияси Креатив иқтисодиёт ва туризм бўйича департаменти бошлиғи Г.О. Умерова зиммасига юклансин.
Ўзбекистон Республикаси Президентининг 2025 йил 19 ноябрдаги ПҚ-348-сон қарорига 1-ИЛОВА
Ўзбекистон Республикаси Туризм қўмитаси фаолиятининг
1. Туризм турларини диверсификация қилиш, энг аввало, ички ва зиёрат туризми, экологик туризм, этнотуризм, ишбилармонлик туризми, спорт, гастрономик, тиббий, таълим ва илмий туризмни ҳар томонлама ривожлантириш, ташқи ва ички туризмни ҳар томонлама кенгайтириш, янги туризм йўналишларини ишлаб чиқиш ҳамда уларни туризм бозорларида жорий қилиш.
2. Туристик хизматларнинг ташқи ва ички бозорларида маркетинг тадқиқотларини олиб бориш, мамлакатнинг туристик нуфузини янада ривожлантириш, бебаҳо туризм салоҳиятини оммалаштириш ва тарғиб қилиш, миллий туристик маҳсулотлар ва туризм брендларининг халқаро туризм бозорларига кириб боришига йўналтирилган фаол реклама-ахборот сиёсатини амалга ошириш.
3. Туристик инфратузилмани шакллантириш, шу жумладан, туристик объектларни жойлаштириш учун имконият юқори бўлган ҳудудларда режалаштириш ва лойиҳалаштириш ишларини ташкил этиш, инвесторларни жалб қилиш, туризм соҳасида тадбиркорлик фаоллиги ошишига ҳар томонлама кўмаклашиш, туристик объектларни давлат-хусусий шериклик асосида самарали бошқариш ҳамда соҳани босқичма-босқич тўлиқ рақамлаштириш.
4. Туризм соҳасини давлат томонидан ва бозор орқали тартибга солишни мақбуллаштириш, туристик хизматлар бозорида рақобатни ривожлантириш бўйича таклифларни ишлаб чиқиш.
5. Туризм соҳаси учун кадрлар тайёрлаш бўйича таклифлар киритиш, туризм соҳаси субъектлари ходимларини мунтазам қайта тайёрлаш ва уларнинг малакасини оширишни юқори даражада ташкил этиш, соҳада илм-фанини ривожлантиришга кўмаклашиш.
6. Мамлакатнинг туризм салоҳиятини тубдан ошириш, туризмга иқтисодиётнинг стратегик сектори мақомини бериш, туризм соҳасида ягона давлат сиёсатини олиб бориш мақсадида туризмни ривожлантиришнинг яхлит концепциясини ишлаб чиқиш ва амалга оширишни таъминлаш.
7. Республика ҳудудларининг туризм салоҳиятидан келиб чиқиб, туризмнинг истиқболли йўналишларини белгилаш, янги туристик маҳсулотларни яратиш, уларни паспортлаштириш, туризм соҳасидаги ягона реестрларни шакллантириш.
8. Туристик объектларда, овқатланиш жойларида, республика ҳудуди бўйлаб ҳаракатланиш вақтида ва ташрифларни ташкил этишда туристлар хавфсизлиги ҳамда соғлиғини таъминлашга йўналтирилган туристик хизматларни кўрсатиш сифати ва хавфсизлигининг стандартларини ишлаб чиқишни мувофиқлаштириш.
9. Республика кинолокацияларини, шу жумладан, жамоат ташкилотлари ва тадбиркорлик субъектларини жалб қилган ҳолда хорижда тарғиб қилиш.
10. Туризм бўйича нуфузли халқаро ва миллий ташкилотлар, биринчи навбатда, БМТнинг Бутунжаҳон туризм ташкилоти, шунингдек, хорижий компаниялар билан халқаро ҳамкорликни кенгайтириш, халқаро ва давлатлараро стандартлар ҳамда нормаларни туризм фаолияти ва амалиётига жорий этиш.
Ўзбекистон Республикаси Президентининг 2025 йил 19 ноябрдаги ПҚ-348-сон қарорига 2-ИЛОВА
Ўзбекистон Республикаси Туризм қўмитасининг
Туризм қўмитаси Қорақалпоғистон Республикаси, вилоятлар ва Тошкент шаҳри туризм бошқармалари «Туризм хизматларини сертификатлаштириш маркази» давлат муассасаси «Ипак йўли» туризм ва маданий мерос халқаро университети Хорижий мамлакатлардаги ваколатхоналар * «Миллий PR-маркази» давлат муассасаси Халқаро туризм академияси Самарқанд кампуси «Белдирсой-Чимён-Нанай» халқаро умуммавсумий курортини қуриш ва эксплуатация қилиш бўйича лойиҳа офиси «Туристларга хизмат кўрсатиш маркази» давлат муассасаси Туризмни ривожлантириш илмий-тадқиқот институти «Ипак йўли» офиси» унитар корхонаси
Ўзбекистон Республикаси Президентининг 2025 йил 19 ноябрдаги ПҚ-348-сон қарорига 3-ИЛОВА
Ўзбекистон Республикаси Туризм қўмитасининг хорижий мамлакатлардаги ваколатхоналари
Т/р Ваколатхона жойлашадиган шаҳар Фаолият олиб бориладиган минтақа Штат бирликлари сони 1. Абу Даби шаҳри Кўрфаз давлатлари 3 2. Жакарта шаҳри Жанубий ва Жанубий-Шарқий Осиё давлатлари 3 3. Париж шаҳри Европа давлатлари 5 4. Пекин шаҳри Хитой Халқ Республикаси, Корея Республикаси, Япония 5 5. Нью-Йорк шаҳри АҚШ, Канада, Лотин Америкаси давлатлари 3
Ўзбекистон Республикаси Президентининг 2025 йил 19 ноябрдаги ПҚ-348-сон қарорига 4-ИЛОВА
Ўзбекистон Республикаси Туризм қўмитасининг хорижий мамлакатлардаги ваколатхоналари томонидан бажариладиган вазифалар
I. Миллий туристик маҳсулотлар маркетинги
1. Тегишли давлатнинг ўзига хос хусусиятларидан келиб чиққан ҳолда мақсадли маркетинг стратегияларини (телевидение, интернет ва ижтимоий тармоқлар, босма нашрлар, ташқи реклама орқали) ишлаб чиқиш ва амалга ошириш.
2. Оммавий ахборот воситалари ва фикр етакчилари (инфлюенсерлар) билан ишлаш, шу жумладан, журналистлар, блогерлар ва туроператорлар учун матбуот анжуманлари ва пресс турлар ташкил этиш, ижобий ахборот фонини яратиш.
3. Маҳаллий тилларда рақамли маркетинг ўтказиш, шу жумладан, миллий туризм ягона платформаси ва ижтимоий тармоқларни оммалаштириш, онлайн кампанияларни йўлга қўйиш.
4. Маҳаллий тилларда миллий туризм имкониятлари ҳақида долзарб каталоглар, брошюралар, хариталар ва видеоматериаллар тайёрлаш ва тарқатиш.
5. Халқаро туристик кўргазмалар ва ярмаркаларда миллий стендни ташкил этиш, янги маҳсулотлар ва йўналишларни тақдимот қилиш.
II. Туристик бизнес вакиллари ва ташкилотлар билан ҳамкорлик қилиш
1. Миллий туристик маҳсулотларни ўз туристик пакетларига қўшиш учун етакчи туроператорлар билан ҳамкорлик ўрнатиш ва ривожлантириш.
2. Маҳаллий туристик бизнес вакиллари учун «B2B» тадбирларини ташкил этиш, шу жумладан, роуд-шоулар, тақдимотлар ва воркшоплар ўтказиш.
3. Республика билан ишлашдан манфаатдор бўлган чет эллик туристик компаниялар учун «ягона дарча» тамойилини йўлга қўйиш.
4. Маҳаллий бозордаги талабни ўрганган ҳолда Туризм қўмитаси учун янги туристик маҳсулотларни яратиш ва мослаштириш бўйича таклифлар ишлаб чиқиш.
III. Ахборот ва таҳлилий фаолият
1. Тегишли давлатдаги тенденциялар, рақобат муҳити, туристик хизматлар истеъмолчиларининг ҳаракати ва уларга бўлган талабини доимий равишда таҳлил қилиш.
2. Туристлар, туроператорлар ва оммавий ахборот воситаларидан миллий туристик маҳсулотлар сифати ва улардан фойдаланишга бўлган қизиқиши тўғрисида маълумотлар олиш.
3. Туризм қўмитасига ўз фаолияти, маркетинг кампаниялари самарадорлиги ва стратегияни такомиллаштириб бориш бўйича ҳисоботларни доимий равишда тақдим этиб бориш.
4. Қонунчиликдаги, шу жумладан, туристик оқимга таъсир кўрсатиши мумкин бўлган виза ва республикага киришга оид талаблардаги ўзгартиришларни кузатиб бориш.
IV. Ижобий миллий имижни яратиш ва оммалаштириш
1. Мамлакатнинг муҳим туризм йўналиши сифатидаги барқарор, жозибадор ва хавфсиз имижни шакллантириш.
2. Умумий мақсадларга эришиш учун Ўзбекистон Республикасининг хорижий давлатлардаги дипломатик ваколатхоналари ва консуллик муассасалари билан ўзаро ҳамкорлик қилиш.
3. Визага оид тартиб-таомилларни соддалаштириш, авиақатновларни ва туристик оқимни оширишга хизмат қиладиган бошқа омилларни яхшилашга қаратилган чораларни ишлаб чиқиш ва амалга ошириш.
4. Мамлакатнинг таниқлилиги ва жозибадорлигини ошириш учун маданий тадбирлар, фестиваллар ва маданият кунларини ташкил этиш.
V. Миллий туристик маҳсулот ҳақидаги хабардорликни ошириш
1. Миллий туристик маҳсулотларнинг ўзига хос хусусиятлари бўйича чет эллик туроператорлар учун ўқув семинарлари ва вебинарлар ўтказиш.
2. Долзарб таклифлар, чегирмалар ва махсус турлар ҳақида ахборот тақдим этиш.
Ўзбекистон Республикаси Президентининг 2025 йил 19 ноябрдаги ПҚ-348-сон қарорига 5-ИЛОВА
Туризм соҳаси субъектлари учун айрим имтиёзларни қўллаш
I. Мазкур қарор 8-банди «г» кичик бандининг иккинчи хатбошиси бўйича
1. Имтиёз Ўзбекистон Республикаси божхона ҳудудига олиб кирилаётган янги ишлаб чиқарилган, «Евро-5» ва ундан юқори экологик стандарт талабларига мос келадиган автобус ва ҳайдовчи ўриндиғидан ташқари саккиздан ортиқ ўриндиқларга эга бўлган микроавтобуслар учун тақдим этилади.
2. Имтиёз Ўзбекистон Республикаси божхона ҳудудига олиб кирилаётган янги ишлаб чиқарилган электробуслар учун ҳам тақдим этилади.
3. Импорт қилинган автобуслар, электробус ва микроавтобуслар импорт қилинган кундан бошлаб 3 йил давомида бошқа шахсга сотилган ёки ўтказилган ёхуд ижарага берилган тақдирда, тақдим этилган имтиёз бекор қилинади ҳамда божхона божи ва утилизация йиғими белгиланган тартибда тўлиқ ҳажмда импорт қилган шахсдан ундириб олинади.
II. Мазкур қарор 8-банди «г» кичик бандининг учинчи хатбошиси бўйича
4. Транспорт воситаси импорт қилинган кундан бошлаб 3 йил давомида Қорақалпоғистон Республикаси ҳудудидан ташқарида фойдаланилгани, бошқа шахсларга сотилгани ёки ўтказилгани ёхуд ижарага берилгани аниқланган тақдирда, божхона божи ва утилизация йиғими тўлиқ ҳажмда импорт қилган шахсдан ундириб олинади.
III. Мазкур қарор 8-банди «г» кичик бандининг тўртинчи хатбошиси бўйича
5. Имтиёз Ўзбекистон Республикаси божхона ҳудудига олиб кирилаётган янги ишлаб чиқарилган, «Евро-5» ва ундан юқори экологик стандарт талабларига мос келадиган автобус ва ҳайдовчи ўриндиғидан ташқари саккиздан ортиқ ўриндиқларга эга бўлган микроавтобуслар учун тақдим этилади.
6. Имтиёз Ўзбекистон Республикаси божхона ҳудудига олиб кирилаётган янги ишлаб чиқарилган электробуслар учун ҳам тақдим этилади.
7. Импорт қилинган автобус, электробус ва микроавтобуслар импорт қилинган кундан бошлаб 3 йил давомида бошқа шахсга сотилган ёки ўтказилган ёхуд ижарага берилган тақдирда, тақдим этилган имтиёз бекор қилинади ҳамда қонунчиликда белгиланган тартибда транспорт воситасини импорт қилган шахсга молиявий санкция қўлланади.
Ўзбекистон Республикаси Президентининг 2025 йил 19 ноябрдаги ПҚ-348-сон қарорига 6-ИЛОВА
Туризмни жадал ривожлантириш ва ушбу соҳада давлат бошқарувини такомиллаштириш бўйича
Т/р Чора-тадбир номи Амалга ошириш шакли Ижро муддати Ижро учун масъуллар I. Туризм қўмитаси ва унинг тизимидаги ташкилотлар фаолиятини йўлга қўйиш 1. Туризм қўмитасининг марказий аппарати, унинг таркибий ва ҳудудий бўлинмалари тузилмасини тасдиқлаш. Идоравий ҳужжат лойиҳаси 2025 йил декабрь Туризм қўмитаси 2. 1. Туризм қўмитасининг хорижий мамлакатлардаги ваколатхоналари фаолиятини самарали ташкил этиш бўйича: ваколатхоналар тўғрисидаги низомни тасдиқлаш, шу жумладан, унда ваколатхоналарнинг фаолият бошлаш шартлари, уларнинг раҳбарлари мақомини белгилаш ва уларга дипломатик мартаба даражаларини беришни назарда тутиш; харажатлар сметаси, ходимлар меҳнатига ҳақ тўлаш ва моддий рағбатлантириш тартибини белгилаш, шунингдек, моддий-техник ва транспорт воситалари билан таъминлашни назарда тутувчи Вазирлар Маҳкамаси қарори лойиҳасини ишлаб чиқиш. Вазирлар Маҳкамаси қарори лойиҳаси 2026 йил июнь Туризм қўмитаси, Ташқи ишлар вазирлиги, Иқтисодиёт ва молия вазирлиги 2. Тегишли давлатларда ваколатхоналар фаолиятини йўлга қўйиш, шу жумладан, жойлаштириш чораларини кўриш. Амалий чора-тадбирлар Келишилган муддатларда Ташқи ишлар вазирлиги, Туризм қўмитаси, Иқтисодиёт ва молия вазирлиги 3. Туризмни қўллаб-қувватлаш жамғармаси маблағларидан фойдаланишнинг самарадорликка ва натижадорликка асосланган тизимини яратиш, шу жумладан, жамғарма кенгашини тузишни назарда тутувчи Вазирлар Маҳкамаси қарори лойиҳасини ишлаб чиқиш. Вазирлар Маҳкамаси қарори лойиҳаси 2025 йил декабрь Туризм қўмитаси, Иқтисодиёт ва молия вазирлиги 4. Халқаро туризм академияси Самарқанд кампуси фаолиятини янада самарали ташкил этиш. Ўзбекистон Республикаси Президенти қарори лойиҳаси 2025 йил ноябрь Туризм қўмитаси, Олий таълим, фан ва инновациялар вазирлиги, Самарқанд вилояти ҳокимлиги II. Туризм соҳасидаги лойиҳаларни амалга ошириш ва қўшимча имкониятларни ишга солиш 5. Самарқанд шаҳридаги энг муҳим тарихий объектларни боғловчи 6,6 км узунликдаги туристик маршрутни ташкил этиш бўйича «Самарқанднинг мерос йўли» лойиҳасини амалга оширишни назарда тутувчи Вазирлар Маҳкамаси қарори лойиҳасини ишлаб чиқиш. Вазирлар Маҳкамаси қарори лойиҳаси 2025 йил ноябрь Маданият ва санъатни ривожлантириш жамғармаси, Маданий мерос агентлиги, Туризм қўмитаси, Иқтисодиёт ва молия вазирлиги, Самарқанд вилояти ҳокимлиги 6. 1. Аҳоли турмуш тарзи, савдо ва хизмат кўрсатиш шохобчалари ва коммуникация тизимини тарихий муҳит билан уйғунлаштирган ҳолда Хива шаҳридаги Ичан-қалъа мажмуасини жаҳонда ягона бўлган иммерсив ва «ақлли» музей-шаҳарга айлантириш лойиҳасини амалга ошириш. Норматив-ҳуқуқий ҳужжат лойиҳаси 2026 йил март Маданий мерос агентлиги, Маданият ва санъатни ривожлантириш жамғармаси, Хоразм вилояти ҳокимлиги, Бош прокуратура, Ички ишлар вазирлиги, Қурилиш ва уй-жой коммунал хўжалиги вазирлиги, Энергетика вазирлиги, манфаатдор вазирлик ва идоралар 2. Ичан-қалъа мажмуасининг умумбашарий бемисл қимматини муҳофаза қилиш, бу борадаги ҳар қандай салбий таъсирни барвақт аниқлаш, олдини олиш ҳамда айбдор шахсларга нисбатан қонуний таъсир чораларини кўриб бориш. Амалий чора-тадбирлар режаси Доимий равишда 7. Тошкент шаҳридаги модернизм ёдгорликларини ЮНЕСКОнинг Умумжаҳон мероси рўйхатига киритиш бўйича материаллар тақдим этиш. Амалий чора-тадбирлар режаси 2026 йил июнь Маданият ва санъатни ривожлантириш жамғармаси, Маданий мерос агентлиги, Туризм қўмитаси, Ташқи ишлар вазирлиги, ЮНЕСКО ишлари бўйича миллий комиссия, Тошкент шаҳри ҳокимлиги 8. Тошкент шаҳрининг энг кўп мозаикалар бор шаҳар сифатида жаҳон миқёсида эътироф этилишига эришиш чораларини кўриш. Амалий чора-тадбирлар режаси 2026 йил давомида Маданият ва санъатни ривожлантириш жамғармаси, Маданий мерос агентлиги, Туризм қўмитаси, Ташқи ишлар вазирлиги, ЮНЕСКО ишлари бўйича миллий комиссия, Тошкент шаҳри ҳокимлиги 9. Илғор хорижий тажрибадан келиб чиқиб, спелеотуризмни ривожлантиришни назарда тутувчи Вазирлар Маҳкамаси қарори лойиҳасини ишлаб чиқиш. Бунда қуйидагилар назарда тутилади: нуфузли хорижий телеканаллар учун Ўзбекистоннинг спелеотуризм соҳасидаги салоҳиятини намойиш этувчи ҳужжатли фильмлар яратиш; мамлакатимиздаги энг йирик ғорларга нуфузли халқаро илмий экспедициялар ташкил этиш; ғорларга саёҳатларни ташкил қилишда туристлар хавфсизлигини таъминлаш ва атроф-муҳитга салбий таъсирни камайтириш чораларини кўриш. Вазирлар Маҳкамаси қарори лойиҳаси 2026 йил апрель Туризм қўмитаси, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари 10. Туристик объектларда, айниқса, экотуризм йўналишлари ва сув ҳавзаларида қўшимча, ёрдамчи ва кўнгилочар хизматлар кўрсатишни рағбатлантириш ва уларни яширин иқтисодиётдан чиқаришни назарда тутувчи Вазирлар Маҳкамаси қарори лойиҳасини ишлаб чиқиш. Вазирлар Маҳкамаси қарори лойиҳаси 2026 йил апрель Туризм қўмитаси, Солиқ қўмитаси, Иқтисодиёт ва молия вазирлиги, Экология ва иқлим ўзгариши миллий қўмитаси 11. Ўзбекистоннинг туристик шаҳарлари ўртасида транспорт боғланишини яхшилаш ҳамда йўлга сарфланадиган вақтни камида 3 баробарга қисқариш бўйича таклифларни ишлаб чиқиб, Ўзбекистон Республикаси Президенти Администрациясига киритиш. Бунда, жумладан: Ўзбекистоннинг туристик шаҳарлари, биринчи навбатда, Самарқанд, Бухоро, Хива шаҳарлари ўртасида авиақатновларни йўлга қўйиш; туроператорлар учун «транспорт-пакет» тизимини жорий қилиш (авиа+тур хизматлари); билет нархларини давлат томонидан субсидиялаш орқали ички рейсларни оммалаштириш назарда тутилади. Таҳлилий маълумотлар 2026 йил март Транспорт вазирлиги, Туризм қўмитаси, Иқтисодиёт ва молия вазирлиги 12. Соҳада яширин иқтисодиётни қисқартириш бўйича қуйидагиларни назарда тутувчи норматив-ҳуқуқий ҳужжат лойиҳасини ишлаб чиқиш: «туристик дала ҳовли» тушунчасини киритиш, уларнинг реестрини шакллантириш ҳамда мижозларни Миллий туризм ягона платформасига киритишни мажбурий этиб белгилаш; Миллий туризм ягона платформасига киритилмаган меҳмонхона, туристик дала ҳовлиларнинг ноқонуний фаолияти ҳақида хабар берган шахсга ҳисобланган солиқнинг 30 фоизини кешбек сифатида тўлаш тартибини жорий этиш; Миллий туризм ягона платформасига меҳмонхона ва туристик дала ҳовлида кўрсатиладиган хизматларнинг нархини доимий киритиш ва бу жараёнларни Туризм қўмитаси томонидан назорат қилиш тартибини жорий қилиш; меҳмонхона ва туристик дала ҳовлилар фаолияти қонунга мувофиқ олиб борилишини мониторинг қилиш вазифасини «маҳаллабай» тамойили асосида солиқ инспектори зиммасига юклаш. Норматив-ҳуқуқий ҳужжат лойиҳаси 2026 йил май Солиқ қўмитаси, Туризм қўмитаси, Иқтисодиёт ва молия вазирлиги, Адлия вазирлиги 13. Фарғона вилоятининг Фарғона, Қўқон ва Марғилон шаҳарларига асосий эътиборни қаратган ҳолда вилоятда юлдузли меҳмонхоналар сонини умумий 15 тага етказиш. Амалий чора-тадбирлар 2025 — 2028 йиллар Туризм қўмитаси, Фарғона вилояти ҳокимлиги III. Туризм соҳасини давлат томонидан қўллаб-қувватлаш 14. Туризмни қўллаб-қувватлаш жамғармаси ҳисобидан туристик стартапларни — янги турдаги туризм хизматларини ишлаб чиқиб, амалиётга жорий этиш билан боғлиқ харажатларнинг бир қисмига субсидия ажратишни назарда тутувчи Вазирлар Маҳкамаси қарори лойиҳасини ишлаб чиқиш. Вазирлар Маҳкамаси қарори лойиҳаси 2026 йил февраль Туризм қўмитаси, Иқтисодиёт ва молия вазирлиги 15. Қуйидагиларни назарда тутувчи Вазирлар Маҳкамаси қарори лойиҳасини ишлаб чиқиш: Туризмни қўллаб-қувватлаш жамғармаси ҳисобидан меҳмонхоналарнинг халқаро эътироф этилган «яшил» сертификатларни олиш билан боғлиқ харажатларининг 50 фоизини қоплаб бериш тартибини белгилаш; халқаро эътироф этилган «яшил» сертификатлар рўйхатини тасдиқлаш. Вазирлар Маҳкамаси қарори лойиҳаси 2026 йил февраль Туризм қўмитаси, Иқтисодиёт ва молия вазирлиги 16. Халқаро конференциялар ва тадбирларни (MICE туризм) ташкил қилиб, унга камида 100 нафар чет эллик туристни жалб қилган тадбиркорлик субъектларига ушбу тадбирларни ташкил қилишда улар томонидан тўланган қўшилган қиймат солиғи суммаларининг 50 фоизини қайтариш тартибини белгилаш. Норматив-ҳуқуқий ҳужжат лойиҳаси 2026 йил март Туризм қўмитаси, Иқтисодиёт ва молия вазирлиги, Солиқ қўмитаси 17. Чет давлатлар фуқаролари томонидан Ўзбекистон Республикаси ҳудудидан чиқиб кетишда аввал харид қилинган товарлар учун тўланган қўшилган қиймат солиғини нақд пул шаклида қайтариш тартибини белгилаш. Норматив-ҳуқуқий ҳужжат лойиҳаси 2026 йил апрель Солиқ қўмитаси, Туризм қўмитаси, Марказий банк, Иқтисодиёт ва молия вазирлиги 18. Нуфузли хорижий кинокомпаниялар билан музокаралар ўтказган ҳолда Жамғарма маблағлари ҳисобидан фильмларнинг бевосита ёки билвосита Ўзбекистон Республикаси туристик жозибадорлиги, тарихий-маданий мероси ва бошқа муҳим ижобий жиҳатларини намойиш қилувчи қисмини (эпизодини) яратганлик (шу жумладан, Ўзбекистон Республикаси ҳудудида, ўз павильонларида ёки компьютер графикаси ёрдамида) учун ҳақ тўлаш тартибини жорий этишни назарда тутувчи Вазирлар Маҳкамаси қарори лойиҳасини ишлаб чиқиш. Вазирлар Маҳкамаси қарори лойиҳаси 2026 йил февраль Туризм қўмитаси, Адлия вазирлиги, Иқтисодиёт ва молия вазирлиги, Маданият вазирлиги IV. Туризм соҳасини рақамлаштириш 19. Ушбу қарорнинг 10-бандига мувофиқ, миллий туризм ягона платформаси ва унинг мобил иловасини ишга тушириш ҳамда унинг функцияларини кенгайтириш орқали туристларга қўшимча қулайликлар яратиш. Амалий чора-тадбирлар 2026 йил июнь Туризм қўмитаси, Рақамли технологиялар вазирлиги, Солиқ қўмитаси 20. Миллий туризм ягона платформаси доирасида «Хавфсиз шаҳар» аппарат-дастурий комплекси билан ўзаро интеграция қилган ҳолда республика ҳудудларига туристлар оқимларини (тоифаларга қараб) ва уларнинг хоҳишларини таҳлил қилиш, персоналлаштирилган маршрутлар ва таклифларни яратиш, шунингдек, нарх шаклланиши ва ресурслар тақсимланишини назарда тутувчи сунъий интеллект ва катта ҳажмдаги маълумотларни таҳлил қилиш тизимини жорий этиш. Амалий чора-тадбирлар 2026 йил декабрь Туризм қўмитаси, Рақамли технологиялар вазирлиги, Ички ишлар вазирлиги 21. Туристлар учун электрон декларацияни онлайн тўлдириш тизими тўлиқ ишга туширилгандан сўнг, чет эл фуқаролари томонидан олдиндан тўлдириш имкониятини яратиш ҳамда ушбу қулайликлар хусусида мобил иловалар, СМС-хабарлар ва онлайн платформалар орқали тарғиб қилиш. Амалий чора-тадбирлар режаси Доимий равишда Божхона қўмитаси, Туризм қўмитаси V. Бошқа чора-тадбирлар 22. Қуйидагиларни назарда тутувчи норматив-ҳуқуқий ҳужжат лойиҳасини киритиш: Ўзбекистон Республикасининг Америка Қўшма Штатлари, Россия Федерацияси, Хитой Халқ Республикаси, Франция Республикаси, Бирлашган Араб Амирликлари, Буюк Британия, Индонезия Республикасидаги элчихоналарига биттадан қўшимча равишда маданият масалалари бўйича маслаҳатчи штат бирликлари ажратиш; ушбу штат бирликларини сақлаш харажатларини Туризмни қўллаб-қувватлаш жамғармаси маблағлари ҳисобидан қоплаш; маслаҳатчиларнинг Ўзбекистон Республикаси Президенти Администрацияси Креатив иқтисодиёт ва туризм бўйича департаменти бошлиғи — Маданият ва санъатни ривожлантириш жамғармаси раисига бўйсунуви ва ҳисобдорлигини йўлга қўйиш. Норматив-ҳуқуқий ҳужжат лойиҳаси 2025 йил декабрь Ташқи ишлар вазирлиги, Туризм қўмитаси, Иқтисодиёт ва молия вазирлиги, Маданият ва санъатни ривожлантириш жамғармаси 23. Туризм қўмитасининг буюртмасига асосан жойлаштириш воситаларининг хоналари банд қилинишини таъминлаш. Бунда ушбу тартибда банд қилинган хоналарга ваколатли орган томонидан, улардан фойдаланилганидан қатъий назар, бозор нархларидан келиб чиқиб, тўлов қилиниши лозим. Амалий чора-тадбирлар режаси Доимий равишда Туризм қўмитаси 24. Ўзбекистон Республикасига учувчисиз учиш аппаратларини олиб киришни режалаштирган шахсларни чет давлатлар божхона масканларида аниқлаш ва тўхтатиш чораларини кўриш, шу жумладан, ушбу мақсадда чет давлатлар божхона идораларига учувчисиз учиш аппаратларини Ўзбекистон Республикасига олиб кириш тартиби хусусидаги маълумотларни юбориш. Амалий чора-тадбирлар режаси Доимий равишда Божхона қўмитаси, Ташқи ишлар вазирлиги, Транспорт вазирлиги 25. 1. Халқаро ўтказиш масканлари ва уларнинг яқинида, шу жумладан, Ўзбекистон Республикаси ҳудудига киришдан чегара назоратидан ўтказиш пунктигача бўлган ҳудудда валюта айирбошлаш ва нақд пулни нақдсиз шаклга ўтказиш имкониятини берувчи банк шохобчалари ва (ёки) банкоматлар фаолиятини туну кун йўлга қўйиш учун улар ўрнатиладиган жойларни хатловдан ўтказиш. Амалий чора-тадбирлар 2026 йил апрель Марказий банк, Божхона қўмитаси, Транспорт вазирлиги 2. Хатлов натижаларига кўра, банк шохобчалари ва (ёки) банкоматларни белгиланган тартибда ўрнатиш. Амалий чора-тадбирлар 2026 йил декабрь 26. Авиакомпаниялар ва хориждаги ваколатхоналар имкониятларини ишга солган ҳолда Ўзбекистон Республикасига кириш/чиқишда учувчисиз учиш аппаратлари ҳамда валюта билан боғлиқ масалалар бўйича чет эл фуқароларига амалдаги қонунчилик талабларини етказиш бўйича кенг қамровли тарғибот ишларини (реклама, визуал материаллар, баннерлар, флаерлар, плакатлар ва ҳ.к.) олиб бориш. Амалий чора-тадбирлар режаси Доимий равишда Ташқи ишлар вазирлиги, Божхона қўмитаси, Транспорт вазирлиги, Марказий банк, Туризм қўмитаси
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 19 ноябрь,
ПҚ- 348 -сон
OʻZBEKISTON RESPUBLIKASI PREZIDENTINING
QARORI
ASOSIY YOʻNALISHLARI
TASHKILIY TUZILMASI
ROʻYXATI
TARTIBI
“YOʻL XARITASI”
Oʻzbekiston Respublikasi Turizm qoʻmitasi faoliyatini tashkil etish va turizm sohasini jadal rivojlantirish chora-tadbirlari toʻgʻrisida
Oʻzbekiston Respublikasi Prezidentining 2025-yil 18-noyabrdagi “Ekologiya va turizm sohalarida aholi talablariga tezkor javob bera oladigan boshqaruv tizimini yaratish chora-tadbirlari toʻgʻrisida”gi PF-217-son Farmoniga muvofiq, iqtisodiyotning strategik jihatdan muhim sektori sifatida turizm sohasining tizimli va barqaror rivojlanishini taʼminlash, sohada davlat boshqaruvini yanada takomillashtirish, koʻrsatiladigan xizmatlar sifatini oshirish hamda milliy turistik mahsulotlarning jahon bozorida raqobatbardoshligini taʼminlash maqsadida qaror qilaman:
I. Maqsadlar
1. Quyidagilar 2030-yilgacha turizm sohasini rivojlantirishning asosiy maqsadlari etib belgilansin:
(a) turizm sohasining yalpi ichki mahsulotdagi ulushini amaldagi 3,5 foizdan 7 foizgacha yetkazish;
(b) chet ellik turistlarning yillik sonini amaldagi 10 mln nafardan 20 mln nafargacha yetkazish, shu jumladan, toʻlov qobiliyati yuqori boʻlgan turistlar oqimini koʻpaytirish;
(v) turizm xizmatlari yillik eksporti hajmini 6 mlrd AQSH dollaridan oshirish;
(g) Oʻzbekistonning turistik shaharlari oʻrtasidagi transport bogʻlanishini yaxshilash, ichki aviaqatnovlar sonini koʻpaytirish hamda yoʻlga sarflanadigan vaqtni kamida 3 baravarga qisqartirish;
(d) 4 va 5 yulduzli mehmonxonalar sonini 2 baravarga oshirish;
(j) turistik xizmatlar va mahsulotlarni diversifikatsiya qilish orqali respublikaning turistik salohiyatini toʻliq ishga solish;
(z) jahonda keng taniladigan Oʻzbekistonning turistik brendini yaratish va milliy turistik mahsulotlarni ommalashtirish uchun yangi instrumentlarni joriy etish.
II. Sohada davlat boshqaruvini takomillashtirish
2. Quyidagilar:
(a) Oʻzbekiston Respublikasi Turizm qoʻmitasi faoliyatining asosiy yoʻnalishlari 1-ilovaga muvofiq;
(b) Oʻzbekiston Respublikasi Turizm qoʻmitasining tashkiliy tuzilmasi 2-ilovaga muvofiq tasdiqlansin.
3. Belgilansinki:
(a) Oʻzbekiston Respublikasi Turizm qoʻmitasi (keyingi oʻrinlarda — Qoʻmita) turizm sohasini tartibga solish va rivojlantirish boʻyicha davlat siyosatini amalga oshiruvchi respublika ijro etuvchi hokimiyat organi hisoblanadi;
(b) Qoʻmita oʻz vakolatlari doirasida umummajburiy boʻlgan normativ-huquqiy hujjatlar qabul qilishga haqli;
(v) Qoʻmita raisi:
(i) belgilangan tartibda Oʻzbekiston Respublikasi Prezidenti tomonidan lavozimga tayinlanadi va lavozimidan ozod qilinadi;
(ii) Qoʻmita va uning tizimidagi tashkilotlar ishini toʻgʻri va samarali tashkil etish, bu orqali ularning faoliyatini natijadorlikka yoʻnaltirish, shuningdek, ushbu yoʻnalishda belgilangan maqsadli koʻrsatkichlarga soʻzsiz va toʻlaqonli erishishni taʼminlash uchun masʼul hamda shaxsan javobgar hisoblanadi;
(g) Qoʻmita Ekologiya, atrof-muhitni muhofaza qilish va iqlim oʻzgarishi vazirligi huzuridagi Turizm qoʻmitasining huquq va majburiyatlari boʻyicha vorisi hisoblanadi.
III. Turistik oqimni oshirish
4. Milliy turistik mahsulotlarni jahonda ommalashtirish maqsadida:
(a) Qoʻmita raisining milliy turistik mahsulotlarni ommalashtirish boʻyicha oʻrinbosari lavozimi kiritilsin;
(b) Qoʻmitaning xorijiy mamlakatlardagi vakolatxonalari (keyingi oʻrinlarda — vakolatxonalar) 3-ilovaga muvofiq tashkil etilsin;
(v) vakolatxonalar oʻzi faoliyat yuritadigan davlatlarda 4-ilovada nazarda tutilgan vazifalarni bajarishi belgilansin;
(g) Qoʻmita raisining milliy turistik mahsulotlarni ommalashtirish boʻyicha oʻrinbosari “Milliy PR-markazi” davlat muassasasi va vakolatxonalar faoliyatini muvofiqlashtirish hamda milliy turistik mahsulotlarning samarali marketingi uchun shaxsan masʼul va javobgar etib belgilansin.
5. Qoʻmita:
(a) Tashqi ishlar vazirligi, Transport vazirligi hamda boshqa manfaatdor vazirlik va idoralar bilan birgalikda ikki oy muddatda:
(i) Oʻzbekiston Respublikasi hududiga kirish uchun vizasiz rejim joriy etiladigan davlatlar roʻyxatini kengaytirish, Oʻzbekiston Respublikasi hududiga kirish va uning hududida boʻlish bilan bogʻliq tartib-taomillarni soddalashtirish;
(ii) respublikaning turizm-transport logistikasini rivojlantirish boʻyicha puxta ishlab chiqilgan takliflarni;
(b) Strategik rivojlanish va islohotlar agentligi bilan birgalikda 2026-yil 1-martga qadar Oʻzbekiston Respublikasi turizm sohasini 2040-yilgacha rivojlantirish strategiyasi loyihasini;
(v) Raqamli texnologiyalar vazirligi hamda Iqtisodiyot va moliya vazirligi bilan birgalikda 2026-yil 1-iyunga qadar quyidagilarni nazarda tutuvchi 2030-yilgacha moʻljallangan turistik xizmatlar bozorlarida marketing dasturi loyihasini Vazirlar Mahkamasiga kiritsin:
(i) milliy turistik mahsulotlarni faol sayohat qiluvchi aholiga ega xorijiy davlatlarda ommalashtirish;
(ii) turizm sohasida targetlangan reklama tizimini keng joriy etish.
6. Madaniyat va sanʼatni rivojlantirish jamgʻarmasi Madaniy meros agentligi, Qoʻmita bilan birgalikda turistlarni jalb qilish boʻyicha qoʻshimcha imkoniyatlarni ishga solish maqsadida 2026 — 2028-yillarda quyidagi loyiha va chora-tadbirlarni amalga oshirsin:
(a) Samarqand shahridagi eng muhim tarixiy obyektlarni bogʻlovchi 6,6 km uzunlikdagi turistik marshrutni tashkil etish boʻyicha “Samarqandning meros yoʻli” loyihasini;
(b) aholining turmush tarzi, savdo va xizmat koʻrsatish shoxobchalari va kommunikatsiya tizimini tarixiy muhit bilan uygʻunlashtirgan holda Xiva shahridagi Ichan-qalʼa majmuasini jahonda yagona boʻlgan immersiv va “aqlli” muzey-shaharga aylantirish;
(v) Toshkent shahri boʻyicha:
(i) modernizm yodgorliklarini YUNESKOning Umumjahon merosi roʻyxatiga kiritish boʻyicha materiallar taqdim etish;
(ii) eng koʻp mozaikalar bor shahar sifatida jahon miqyosida eʼtirof etilishiga erishish.
7. Investitsiyalar, sanoat va savdo vazirligi Qoʻmita hamda mahalliy davlat hokimiyati organlari bilan birgalikda quyidagi tartibda jahonga mashhur kiyim-kechak brendlarini savdo-koʻngilochar majmualarga jalb qilish hamda shaharlar chetlarida (atroflarida) milliy arxitektura uslubiga asoslangan zamonaviy autlet markazlarni tashkil etish choralarini koʻrsin:
(a) birinchi bosqichda (2030-yilgacha) — Toshkent, Samarqand, Buxoro va Xiva shaharlarida;
(b) ikkinchi bosqichda (2030-yildan boshlab) — turistik salohiyati yuqori boʻlgan boshqa aholi punktlarida.
IV. Turizm sohasini davlat tomonidan qoʻllab-quvvatlash
8. Shunday tartib oʻrnatilsinki, unga muvofiq:
(a) 2026-yil 1-apreldan boshlab chet el fuqarolari tomonidan Oʻzbekiston Respublikasi hududidan chiqib ketishda avval xarid qilingan tovarlar uchun toʻlangan qoʻshilgan qiymat soligʻi summasini qaytarish ularning xohishiga koʻra naqd pul shaklida amalga oshirilishi mumkin;
(b) 2026-yil 1-martdan boshlab Turizmni qoʻllab-quvvatlash jamgʻarmasi (keyingi oʻrinlarda — Jamgʻarma) mablagʻlari hisobidan:
(i) turistik startaplarni — yangi turdagi turizm xizmatlarini ishlab chiqib, amaliyotga joriy etish bilan bogʻliq xarajatlarning 50 foizi, biroq 1 mlrd soʻmdan koʻp boʻlmagan miqdorda har yili eng yaxshi 10 tagacha loyihalarga subsidiyalar ajratiladi;
(ii) mehmonxonalarning Vazirlar Mahkamasi tomonidan tasdiqlanadigan roʻyxatda nazarda tutilgan xalqaro eʼtirof etilgan “yashil” sertifikatlarni olish bilan bogʻliq xarajatlarining 50 foizi qoplab beriladi;
(v) 2026-yil 1-apreldan boshlab xalqaro konferensiyalar va tadbirlarni (MICE turizm) tashkil qilib, unga kamida 100 nafar chet ellik turistni jalb qilgan tadbirkorlik subyektlariga ushbu tadbirlarni tashkil qilishda ular tomonidan toʻlangan qoʻshilgan qiymat soligʻi summalarining 50 foizini qaytarish tartibi joriy etiladi;
(g) 2028-yil 1-yanvarga qadar ushbu qarorga 5-ilovada nazarda tutilgan tartibga rioya qilgan holda:
(i) turizm sohasi subyektlari tomonidan import qilinadigan avtobus, elektrobus hamda haydovchi oʻrindigʻidan tashqari sakkizdan ortiq oʻrindiqlarga ega boʻlgan mikroavtobuslar bojxona bojidan va utilizatsiya yigʻimidan ozod etiladi (bunda utilizatsiya yigʻimidan ozod qilishga oid imtiyoz faqat oʻxshashi Oʻzbekiston Respublikasida ishlab chiqarilmaydigan avtobus, elektrobus va mikroavtobuslarga nisbatan tatbiq etiladi);
(ii) Qoraqalpogʻiston Respublikasida roʻyxatga olinib, litsenziyaga ega boʻlgan turoperatorlarga, istisno tariqasida, ekstremal turlarni tashkil qilish uchun dvigatel hajmi 2,4 litrdan kam boʻlmagan yuqori oʻtish qobiliyatiga ega transport vositalari import qilinayotganda bojxona boji va utilizatsiya yigʻimini amaldagi stavkaning 25 foizi miqdorida 3 yil muddatga boʻlib-boʻlib toʻlashga ruxsat etiladi;
(iii) turizm sohasi subyektlari tomonidan import qilinadigan avtobus, elektrobus va mikroavtobuslarning sonidan qatʼi nazar, ularga bitta sertifikat berishga ruxsat etiladi;
(d) 2030-yil 1-yanvarga qadar Vazirlar Mahkamasi tomonidan tasdiqlangan roʻyxatga kirgan mehmonxona brendlarini jalb qilgan holda brend bilan dastlabki kelishuvlarga ega tadbirkorlik subyektlari tomonidan mehmonxonani qurish va jihozlash uchun mazkur brendning talabiga muvofiq olib kelinadigan asbob-uskunalar, texnika, transport vositalari, mebel va inventarlar bojxona bojidan ozod etiladi.
9. Belgilansinki:
(a) Qoʻmita respublika hududida oʻz filmlarini yaratishda xorijiy kinokompaniyalarga xarajatlarning bir qismini qaytarishni (Rebate) muvofiqlashtiruvchi masʼul davlat organi hisoblanadi;
(b) ushbu bandning “a” kichik bandida nazarda tutilgan xarajatlar summasi:
(i) 3 milliard soʻmgacha boʻlsa — 10 foiz;
(ii) 3 milliard soʻmdan 5 milliard soʻmgacha boʻlsa — 15 foiz;
(iii) 5 milliard soʻmdan 10 milliard soʻmgacha boʻlsa — 20 foiz;
(iv) 10 milliard soʻmdan ortiq boʻlsa — 25 foiz, biroq bitta film uchun 4 milliard soʻmdan oshmagan miqdorda Davlat budjeti mablagʻlari hisobidan qoplab beriladi;
(v) 2026-yil 1-martdan boshlab nufuzli xorijiy kinokompaniyalar bilan muzokaralar oʻtkazgan holda Jamgʻarma mablagʻlari hisobidan filmlarning bevosita yoki bilvosita Oʻzbekiston Respublikasi turistik jozibadorligi, tarixiy-madaniy merosi va boshqa muhim ijobiy jihatlarini namoyish qiluvchi qismini (epizodini) yaratganlik (shu jumladan, Oʻzbekiston Respublikasi hududida, oʻz pavilyonlarida yoki kompyuter grafikasi yordamida) uchun haq toʻlash tartibi joriy etiladi.
V. Turizm sohasini raqamlashtirish
10. Shunday tartib oʻrnatilsinki, unga muvofiq 2026-yil 1-iyuldan boshlab:
(a) ishga tushiriladigan Milliy turizm yagona platformasi va uning mobil ilovasi orqali:
(i) xorijiy turistlarning roziligi asosida Davlat chegarasini kesib oʻtishda yigʻiladigan maʼlumotlarni integratsiya qilgan holda turistik elektron SIM-karta bilan ulash va vaqtincha boʻlish joyi boʻyicha roʻyxatga olish proaktiv shaklda amalga oshiriladi;
(ii) mulkchilik shaklidan qatʼi nazar transportning barcha turlari integratsiya qilingan holda sayohat yoʻnalishini tuzish, eng maqbul yoʻnalish va transport turini tanlash, chiptalarni onlayn band qilish va sotib olish imkoniyati yaratiladi;
(iii) chipta xoʻjaligi joriy qilingan barcha turizm obyektlari, shu jumladan, muzeylar, madaniy meros obyektlari, madaniyat, koʻngilochar va dam olish obyektlariga biletlarni onlayn sotib olish imkoniyatiga ega boʻlgan yagona chipta tizimi joriy qilinadi;
(iv) ekskursiyalar oʻtkazish uchun interaktiv xaritalar, planshetlar, audioyordamchi, videoyordamchi hamda onlayn translyatsiyalar vositasida turistik obyektlar haqida axborot berish imkonini beruvchi raqamli gid tizimi ishga tushiriladi;
(v) joylashtirish vositalari tomonidan xorijiy va mahalliy turistlardan undiriladigan turistik (mehmonxona) yigʻim billing tizimi orqali avtomatik tarzda toʻgʻridan-toʻgʻri Jamgʻarmaga oʻtkaziladi;
(b) aholi tomonidan dala hovlilarini ijaraga berish “Soliq” mobil ilovasi orqali “men bilan birga” shaklida bir nafar shaxs nomiga birga dam oluvchilar sonini koʻrsatgan holda soddalashtirilgan tartibda rasmiylashtirish orqali amalga oshiriladi.
11. 2026-yil yakuniga qadar Milliy turizm yagona platformasi doirasida “Xavfsiz shahar” apparat-dasturiy kompleksi bilan integratsiya qilgan holda respublika hududlariga turistlar oqimlari (toifalarga qarab) va ularning xohishlarini tahlil qilish, personallashtirilgan marshrutlar va takliflarni yaratish, shuningdek, narx shakllanishi va resurslar taqsimlanishi kabi imkoniyatlarni nazarda tutuvchi sunʼiy intellekt va katta hajmdagi maʼlumotlarni tahlil qilish tizimi joriy etilsin.
VI. Sohada kadrlarni qayta tayyorlash va ularning malakasini oshirish tizimini takomillashtirish
12. Turizm xizmatlari sifatini oshirish maqsadida Butunjahon turizm tashkiloti shafeligida Xalqaro turizm akademiyasi Samarqand kampusida turizm sohasi subyektlari xodimlarining malakasini oshirish (1 oygacha) hamda ularni qayta tayyorlash (8 oygacha) oʻquv kurslari tashkil etilsin.
VII. Jamgʻarma xarajatlarini maqbullashtirish
13. Belgilansinki, 2026-yil 1-yanvardan boshlab:
(a) Jamgʻarma kengashi tuzilib, uning ijobiy qarori boʻlmagan loyihalarni moliyalashtirish budjet hamda smeta-shtat intizomini buzish hisoblanadi, bundan Oʻzbekiston Respublikasi Prezidentining hujjatlarida Jamgʻarma mablagʻlari hisobidan moliyalashtirilishi belgilangan loyihalar hamda Qoʻmita, shu jumladan, uning tizim tashkilotlari va hududiy boʻlinmalarini saqlash bilan bogʻliq xarajatlar mustasno;
(b) Jamgʻarma mablagʻlari hisobidan moliyalashtiriladigan loyihalarning natijadorligi Jamgʻarma kengashi tomonidan doimiy ravishda baholab boriladi;
(v) Ichki ishlar vazirligi huzuridagi Xavfsiz turizmni taʼminlash jamgʻarmasiga turistik (mehmonxona) yigʻimdan kelib tushadigan tushumlardan oʻtkaziladigan mablagʻ miqdori amaldagi 10 foizdan 5 foizga kamaytiriladi.
14. Qoʻmita Iqtisodiyot va moliya vazirligi bilan birgalikda bir oy muddatda Jamgʻarma manbalari hisobidan vazirlik va idoralarga ajratmalarni bekor qilish yuzasidan Oʻzbekiston Respublikasi Prezidenti Administratsiyasiga taklif kiritsin.
VIII. Qaror ijrosini tashkil etish, taʼminlash va nazorat
15. Turizmni jadal rivojlantirish va ushbu sohada davlat boshqaruvini takomillashtirish boʻyicha “yoʻl xaritasi” 6-ilovaga muvofiq tasdiqlansin.
16. Oʻzbekiston Respublikasi Prezidenti Administratsiyasi Kreativ iqtisodiyot va turizm boʻyicha departamenti huzurida Turizm sohasidagi islohotlar shtabi faoliyati yoʻlga qoʻyilsin.
17. Belgilansinki:
(a) Turizm sohasidagi islohotlar shtabi hududlar, tarmoqlar hamda yirik turistik obyektlar kesimida turizm sohasidagi masalalarni monitoring qilish va hal qilish, yangi imkoniyatlarni aniqlash hamda ishga solish choralarini koʻrib boradi;
(b) Turizm sohasidagi islohotlar shtabiga jalb qilingan (xizmat safariga yuborilgan) davlat organlari va tashkilotlari xodimlari mehnatiga haq toʻlash va ularni moddiy ragʻbatlantirish miqdorlari va shartlari toʻliq saqlab qolinadi hamda xizmat safari davomida ularning asosiy ish joyi boʻyicha budjet tashkilotlarining mavjud tasdiqlangan budjet parametrlari va budjetdan tashqari mablagʻlari doirasida oylik ish haqiga 20 foiz miqdorida ustama toʻlanadi.
18. Qoʻmita:
(a) bir oy muddatda Turizm qoʻmitasi toʻgʻrisidagi nizomni;
(b) ikki oy muddatda qonunchilik hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
19. Qoʻmita Toshkent shahri Amir Temur shohkoʻchasi 107b-uy manzili boʻyicha joylashtirilsin.
20. Mazkur qarorning ijrosini samarali tashkil qilishga masʼul va shaxsiy javobgar etib Turizm qoʻmitasi raisi belgilansin.
21. Ushbu qaror ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov hamda Oʻzbekiston Respublikasi Prezidenti Administratsiyasi Kreativ iqtisodiyot va turizm boʻyicha departamenti boshligʻi G.O. Umerova zimmasiga yuklansin.
Oʻzbekiston Respublikasi Prezidentining 2025-yil 19-noyabrdagi PQ-348-son qaroriga 1-ILOVA
Oʻzbekiston Respublikasi Turizm qoʻmitasi faoliyatining
1. Turizm turlarini diversifikatsiya qilish, eng avvalo, ichki va ziyorat turizmi, ekologik turizm, etnoturizm, ishbilarmonlik turizmi, sport, gastronomik, tibbiy, taʼlim va ilmiy turizmni har tomonlama rivojlantirish, tashqi va ichki turizmni har tomonlama kengaytirish, yangi turizm yoʻnalishlarini ishlab chiqish hamda ularni turizm bozorlarida joriy qilish.
2. Turistik xizmatlarning tashqi va ichki bozorlarida marketing tadqiqotlarini olib borish, mamlakatning turistik nufuzini yanada rivojlantirish, bebaho turizm salohiyatini ommalashtirish va targʻib qilish, milliy turistik mahsulotlar va turizm brendlarining xalqaro turizm bozorlariga kirib borishiga yoʻnaltirilgan faol reklama-axborot siyosatini amalga oshirish.
3. Turistik infratuzilmani shakllantirish, shu jumladan, turistik obyektlarni joylashtirish uchun imkoniyat yuqori boʻlgan hududlarda rejalashtirish va loyihalashtirish ishlarini tashkil etish, investorlarni jalb qilish, turizm sohasida tadbirkorlik faolligi oshishiga har tomonlama koʻmaklashish, turistik obyektlarni davlat-xususiy sheriklik asosida samarali boshqarish hamda sohani bosqichma-bosqich toʻliq raqamlashtirish.
4. Turizm sohasini davlat tomonidan va bozor orqali tartibga solishni maqbullashtirish, turistik xizmatlar bozorida raqobatni rivojlantirish boʻyicha takliflarni ishlab chiqish.
5. Turizm sohasi uchun kadrlar tayyorlash boʻyicha takliflar kiritish, turizm sohasi subyektlari xodimlarini muntazam qayta tayyorlash va ularning malakasini oshirishni yuqori darajada tashkil etish, sohada ilm-fanini rivojlantirishga koʻmaklashish.
6. Mamlakatning turizm salohiyatini tubdan oshirish, turizmga iqtisodiyotning strategik sektori maqomini berish, turizm sohasida yagona davlat siyosatini olib borish maqsadida turizmni rivojlantirishning yaxlit konsepsiyasini ishlab chiqish va amalga oshirishni taʼminlash.
7. Respublika hududlarining turizm salohiyatidan kelib chiqib, turizmning istiqbolli yoʻnalishlarini belgilash, yangi turistik mahsulotlarni yaratish, ularni pasportlashtirish, turizm sohasidagi yagona reyestrlarni shakllantirish.
8. Turistik obyektlarda, ovqatlanish joylarida, respublika hududi boʻylab harakatlanish vaqtida va tashriflarni tashkil etishda turistlar xavfsizligi hamda sogʻligʻini taʼminlashga yoʻnaltirilgan turistik xizmatlarni koʻrsatish sifati va xavfsizligining standartlarini ishlab chiqishni muvofiqlashtirish.
9. Respublika kinolokatsiyalarini, shu jumladan, jamoat tashkilotlari va tadbirkorlik subyektlarini jalb qilgan holda xorijda targʻib qilish.
10. Turizm boʻyicha nufuzli xalqaro va milliy tashkilotlar, birinchi navbatda, BMTning Butunjahon turizm tashkiloti, shuningdek, xorijiy kompaniyalar bilan xalqaro hamkorlikni kengaytirish, xalqaro va davlatlararo standartlar hamda normalarni turizm faoliyati va amaliyotiga joriy etish.
Oʻzbekiston Respublikasi Prezidentining 2025-yil 19-noyabrdagi PQ-348-son qaroriga 2-ILOVA
Oʻzbekiston Respublikasi Turizm qoʻmitasining
Turizm qoʻmitasi Qoraqalpogʻiston Respublikasi, viloyatlar va Toshkent shahri turizm boshqarmalari “Turizm xizmatlarini sertifikatlashtirish markazi” davlat muassasasi “Ipak yoʻli” turizm va madaniy meros xalqaro universiteti Xorijiy mamlakatlardagi vakolatxonalar * “Milliy PR-markazi” davlat muassasasi Xalqaro turizm akademiyasi Samarqand kampusi “Beldirsoy-Chimyon-Nanay” xalqaro umummavsumiy kurortini qurish va ekspluatatsiya qilish boʻyicha loyiha ofisi “Turistlarga xizmat koʻrsatish markazi” davlat muassasasi Turizmni rivojlantirish ilmiy-tadqiqot instituti “Ipak yoʻli” ofisi” unitar korxonasi
Oʻzbekiston Respublikasi Prezidentining 2025-yil 19-noyabrdagi PQ-348-son qaroriga 3-ILOVA
Oʻzbekiston Respublikasi Turizm qoʻmitasining xorijiy mamlakatlardagi vakolatxonalari
T/r Vakolatxona joylashadigan shahar Faoliyat olib boriladigan mintaqa Shtat birliklari soni 1. Abu Dabi shahri Koʻrfaz davlatlari 3 2. Jakarta shahri Janubiy va Janubiy-Sharqiy Osiyo davlatlari 3 3. Parij shahri Yevropa davlatlari 5 4. Pekin shahri Xitoy Xalq Respublikasi, Koreya Respublikasi, Yaponiya 5 5. Nyu-York shahri AQSH, Kanada, Lotin Amerikasi davlatlari 3
Oʻzbekiston Respublikasi Prezidentining 2025-yil 19-noyabrdagi PQ-348-son qaroriga 4-ILOVA
Oʻzbekiston Respublikasi Turizm qoʻmitasining xorijiy mamlakatlardagi vakolatxonalari tomonidan bajariladigan vazifalar
I. Milliy turistik mahsulotlar marketingi
1. Tegishli davlatning oʻziga xos xususiyatlaridan kelib chiqqan holda maqsadli marketing strategiyalarini (televideniye, internet va ijtimoiy tarmoqlar, bosma nashrlar, tashqi reklama orqali) ishlab chiqish va amalga oshirish.
2. Ommaviy axborot vositalari va fikr yetakchilari (inflyuyenserlar) bilan ishlash, shu jumladan, jurnalistlar, blogerlar va turoperatorlar uchun matbuot anjumanlari va press turlar tashkil etish, ijobiy axborot fonini yaratish.
3. Mahalliy tillarda raqamli marketing oʻtkazish, shu jumladan, milliy turizm yagona platformasi va ijtimoiy tarmoqlarni ommalashtirish, onlayn kampaniyalarni yoʻlga qoʻyish.
4. Mahalliy tillarda milliy turizm imkoniyatlari haqida dolzarb kataloglar, broshyuralar, xaritalar va videomateriallar tayyorlash va tarqatish.
5. Xalqaro turistik koʻrgazmalar va yarmarkalarda milliy stendni tashkil etish, yangi mahsulotlar va yoʻnalishlarni taqdimot qilish.
II. Turistik biznes vakillari va tashkilotlar bilan hamkorlik qilish
1. Milliy turistik mahsulotlarni oʻz turistik paketlariga qoʻshish uchun yetakchi turoperatorlar bilan hamkorlik oʻrnatish va rivojlantirish.
2. Mahalliy turistik biznes vakillari uchun “B2B” tadbirlarini tashkil etish, shu jumladan, roud-shoular, taqdimotlar va vorkshoplar oʻtkazish.
3. Respublika bilan ishlashdan manfaatdor boʻlgan chet ellik turistik kompaniyalar uchun “yagona darcha” tamoyilini yoʻlga qoʻyish.
4. Mahalliy bozordagi talabni oʻrgangan holda Turizm qoʻmitasi uchun yangi turistik mahsulotlarni yaratish va moslashtirish boʻyicha takliflar ishlab chiqish.
III. Axborot va tahliliy faoliyat
1. Tegishli davlatdagi tendensiyalar, raqobat muhiti, turistik xizmatlar isteʼmolchilarining harakati va ularga boʻlgan talabini doimiy ravishda tahlil qilish.
2. Turistlar, turoperatorlar va ommaviy axborot vositalaridan milliy turistik mahsulotlar sifati va ulardan foydalanishga boʻlgan qiziqishi toʻgʻrisida maʼlumotlar olish.
3. Turizm qoʻmitasiga oʻz faoliyati, marketing kampaniyalari samaradorligi va strategiyani takomillashtirib borish boʻyicha hisobotlarni doimiy ravishda taqdim etib borish.
4. Qonunchilikdagi, shu jumladan, turistik oqimga taʼsir koʻrsatishi mumkin boʻlgan viza va respublikaga kirishga oid talablardagi oʻzgartirishlarni kuzatib borish.
IV. Ijobiy milliy imijni yaratish va ommalashtirish
1. Mamlakatning muhim turizm yoʻnalishi sifatidagi barqaror, jozibador va xavfsiz imijni shakllantirish.
2. Umumiy maqsadlarga erishish uchun Oʻzbekiston Respublikasining xorijiy davlatlardagi diplomatik vakolatxonalari va konsullik muassasalari bilan oʻzaro hamkorlik qilish.
3. Vizaga oid tartib-taomillarni soddalashtirish, aviaqatnovlarni va turistik oqimni oshirishga xizmat qiladigan boshqa omillarni yaxshilashga qaratilgan choralarni ishlab chiqish va amalga oshirish.
4. Mamlakatning taniqliligi va jozibadorligini oshirish uchun madaniy tadbirlar, festivallar va madaniyat kunlarini tashkil etish.
V. Milliy turistik mahsulot haqidagi xabardorlikni oshirish
1. Milliy turistik mahsulotlarning oʻziga xos xususiyatlari boʻyicha chet ellik turoperatorlar uchun oʻquv seminarlari va vebinarlar oʻtkazish.
2. Dolzarb takliflar, chegirmalar va maxsus turlar haqida axborot taqdim etish.
Oʻzbekiston Respublikasi Prezidentining 2025-yil 19-noyabrdagi PQ-348-son qaroriga 5-ILOVA
Turizm sohasi subyektlari uchun ayrim imtiyozlarni qoʻllash
I. Mazkur qaror 8-bandi “g” kichik bandining ikkinchi xatboshisi boʻyicha
1. Imtiyoz Oʻzbekiston Respublikasi bojxona hududiga olib kirilayotgan yangi ishlab chiqarilgan, “Yevro-5” va undan yuqori ekologik standart talablariga mos keladigan avtobus va haydovchi oʻrindigʻidan tashqari sakkizdan ortiq oʻrindiqlarga ega boʻlgan mikroavtobuslar uchun taqdim etiladi.
2. Imtiyoz Oʻzbekiston Respublikasi bojxona hududiga olib kirilayotgan yangi ishlab chiqarilgan elektrobuslar uchun ham taqdim etiladi.
3. Import qilingan avtobuslar, elektrobus va mikroavtobuslar import qilingan kundan boshlab 3 yil davomida boshqa shaxsga sotilgan yoki oʻtkazilgan yoxud ijaraga berilgan taqdirda, taqdim etilgan imtiyoz bekor qilinadi hamda bojxona boji va utilizatsiya yigʻimi belgilangan tartibda toʻliq hajmda import qilgan shaxsdan undirib olinadi.
II. Mazkur qaror 8-bandi “g” kichik bandining uchinchi xatboshisi boʻyicha
4. Transport vositasi import qilingan kundan boshlab 3 yil davomida Qoraqalpogʻiston Respublikasi hududidan tashqarida foydalanilgani, boshqa shaxslarga sotilgani yoki oʻtkazilgani yoxud ijaraga berilgani aniqlangan taqdirda, bojxona boji va utilizatsiya yigʻimi toʻliq hajmda import qilgan shaxsdan undirib olinadi.
III. Mazkur qaror 8-bandi “g” kichik bandining toʻrtinchi xatboshisi boʻyicha
5. Imtiyoz Oʻzbekiston Respublikasi bojxona hududiga olib kirilayotgan yangi ishlab chiqarilgan, “Yevro-5” va undan yuqori ekologik standart talablariga mos keladigan avtobus va haydovchi oʻrindigʻidan tashqari sakkizdan ortiq oʻrindiqlarga ega boʻlgan mikroavtobuslar uchun taqdim etiladi.
6. Imtiyoz Oʻzbekiston Respublikasi bojxona hududiga olib kirilayotgan yangi ishlab chiqarilgan elektrobuslar uchun ham taqdim etiladi.
7. Import qilingan avtobus, elektrobus va mikroavtobuslar import qilingan kundan boshlab 3 yil davomida boshqa shaxsga sotilgan yoki oʻtkazilgan yoxud ijaraga berilgan taqdirda, taqdim etilgan imtiyoz bekor qilinadi hamda qonunchilikda belgilangan tartibda transport vositasini import qilgan shaxsga moliyaviy sanksiya qoʻllanadi.
Oʻzbekiston Respublikasi Prezidentining 2025-yil 19-noyabrdagi PQ-348-son qaroriga 6-ILOVA
Turizmni jadal rivojlantirish va ushbu sohada davlat boshqaruvini takomillashtirish boʻyicha
T/r Chora-tadbir nomi Amalga oshirish shakli Ijro muddati Ijro uchun masʼullar I. Turizm qoʻmitasi va uning tizimidagi tashkilotlar faoliyatini yoʻlga qoʻyish 1. Turizm qoʻmitasining markaziy apparati, uning tarkibiy va hududiy boʻlinmalari tuzilmasini tasdiqlash. Idoraviy hujjat loyihasi 2025-yil dekabr Turizm qoʻmitasi 2. 1. Turizm qoʻmitasining xorijiy mamlakatlardagi vakolatxonalari faoliyatini samarali tashkil etish boʻyicha: vakolatxonalar toʻgʻrisidagi nizomni tasdiqlash, shu jumladan, unda vakolatxonalarning faoliyat boshlash shartlari, ularning rahbarlari maqomini belgilash va ularga diplomatik martaba darajalarini berishni nazarda tutish; xarajatlar smetasi, xodimlar mehnatiga haq toʻlash va moddiy ragʻbatlantirish tartibini belgilash, shuningdek, moddiy-texnik va transport vositalari bilan taʼminlashni nazarda tutuvchi Vazirlar Mahkamasi qarori loyihasini ishlab chiqish. Vazirlar Mahkamasi qarori loyihasi 2026-yil iyun Turizm qoʻmitasi, Tashqi ishlar vazirligi, Iqtisodiyot va moliya vazirligi 2. Tegishli davlatlarda vakolatxonalar faoliyatini yoʻlga qoʻyish, shu jumladan, joylashtirish choralarini koʻrish. Amaliy chora-tadbirlar Kelishilgan muddatlarda Tashqi ishlar vazirligi, Turizm qoʻmitasi, Iqtisodiyot va moliya vazirligi 3. Turizmni qoʻllab-quvvatlash jamgʻarmasi mablagʻlaridan foydalanishning samaradorlikka va natijadorlikka asoslangan tizimini yaratish, shu jumladan, jamgʻarma kengashini tuzishni nazarda tutuvchi Vazirlar Mahkamasi qarori loyihasini ishlab chiqish. Vazirlar Mahkamasi qarori loyihasi 2025-yil dekabr Turizm qoʻmitasi, Iqtisodiyot va moliya vazirligi 4. Xalqaro turizm akademiyasi Samarqand kampusi faoliyatini yanada samarali tashkil etish. Oʻzbekiston Respublikasi Prezidenti qarori loyihasi 2025-yil noyabr Turizm qoʻmitasi, Oliy taʼlim, fan va innovatsiyalar vazirligi, Samarqand viloyati hokimligi II. Turizm sohasidagi loyihalarni amalga oshirish va qoʻshimcha imkoniyatlarni ishga solish 5. Samarqand shahridagi eng muhim tarixiy obyektlarni bogʻlovchi 6,6 km uzunlikdagi turistik marshrutni tashkil etish boʻyicha “Samarqandning meros yoʻli” loyihasini amalga oshirishni nazarda tutuvchi Vazirlar Mahkamasi qarori loyihasini ishlab chiqish. Vazirlar Mahkamasi qarori loyihasi 2025-yil noyabr Madaniyat va sanʼatni rivojlantirish jamgʻarmasi, Madaniy meros agentligi, Turizm qoʻmitasi, Iqtisodiyot va moliya vazirligi, Samarqand viloyati hokimligi 6. 1. Aholi turmush tarzi, savdo va xizmat koʻrsatish shoxobchalari va kommunikatsiya tizimini tarixiy muhit bilan uygʻunlashtirgan holda Xiva shahridagi Ichan-qalʼa majmuasini jahonda yagona boʻlgan immersiv va “aqlli” muzey-shaharga aylantirish loyihasini amalga oshirish. Normativ-huquqiy hujjat loyihasi 2026-yil mart Madaniy meros agentligi, Madaniyat va sanʼatni rivojlantirish jamgʻarmasi, Xorazm viloyati hokimligi, Bosh prokuratura, Ichki ishlar vazirligi, Qurilish va uy-joy kommunal xoʻjaligi vazirligi, Energetika vazirligi, manfaatdor vazirlik va idoralar 2. Ichan-qalʼa majmuasining umumbashariy bemisl qimmatini muhofaza qilish, bu boradagi har qanday salbiy taʼsirni barvaqt aniqlash, oldini olish hamda aybdor shaxslarga nisbatan qonuniy taʼsir choralarini koʻrib borish. Amaliy chora-tadbirlar rejasi Doimiy ravishda 7. Toshkent shahridagi modernizm yodgorliklarini YUNESKOning Umumjahon merosi roʻyxatiga kiritish boʻyicha materiallar taqdim etish. Amaliy chora-tadbirlar rejasi 2026-yil iyun Madaniyat va sanʼatni rivojlantirish jamgʻarmasi, Madaniy meros agentligi, Turizm qoʻmitasi, Tashqi ishlar vazirligi, YUNESKO ishlari boʻyicha milliy komissiya, Toshkent shahri hokimligi 8. Toshkent shahrining eng koʻp mozaikalar bor shahar sifatida jahon miqyosida eʼtirof etilishiga erishish choralarini koʻrish. Amaliy chora-tadbirlar rejasi 2026-yil davomida Madaniyat va sanʼatni rivojlantirish jamgʻarmasi, Madaniy meros agentligi, Turizm qoʻmitasi, Tashqi ishlar vazirligi, YUNESKO ishlari boʻyicha milliy komissiya, Toshkent shahri hokimligi 9. Ilgʻor xorijiy tajribadan kelib chiqib, speleoturizmni rivojlantirishni nazarda tutuvchi Vazirlar Mahkamasi qarori loyihasini ishlab chiqish. Bunda quyidagilar nazarda tutiladi: nufuzli xorijiy telekanallar uchun Oʻzbekistonning speleoturizm sohasidagi salohiyatini namoyish etuvchi hujjatli filmlar yaratish; mamlakatimizdagi eng yirik gʻorlarga nufuzli xalqaro ilmiy ekspeditsiyalar tashkil etish; gʻorlarga sayohatlarni tashkil qilishda turistlar xavfsizligini taʼminlash va atrof-muhitga salbiy taʼsirni kamaytirish choralarini koʻrish. Vazirlar Mahkamasi qarori loyihasi 2026-yil aprel Turizm qoʻmitasi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari 10. Turistik obyektlarda, ayniqsa, ekoturizm yoʻnalishlari va suv havzalarida qoʻshimcha, yordamchi va koʻngilochar xizmatlar koʻrsatishni ragʻbatlantirish va ularni yashirin iqtisodiyotdan chiqarishni nazarda tutuvchi Vazirlar Mahkamasi qarori loyihasini ishlab chiqish. Vazirlar Mahkamasi qarori loyihasi 2026-yil aprel Turizm qoʻmitasi, Soliq qoʻmitasi, Iqtisodiyot va moliya vazirligi, Ekologiya va iqlim oʻzgarishi milliy qoʻmitasi 11. Oʻzbekistonning turistik shaharlari oʻrtasida transport bogʻlanishini yaxshilash hamda yoʻlga sarflanadigan vaqtni kamida 3 barobarga qisqarish boʻyicha takliflarni ishlab chiqib, Oʻzbekiston Respublikasi Prezidenti Administratsiyasiga kiritish. Bunda, jumladan: Oʻzbekistonning turistik shaharlari, birinchi navbatda, Samarqand, Buxoro, Xiva shaharlari oʻrtasida aviaqatnovlarni yoʻlga qoʻyish; turoperatorlar uchun “transport-paket” tizimini joriy qilish (avia+tur xizmatlari); bilet narxlarini davlat tomonidan subsidiyalash orqali ichki reyslarni ommalashtirish nazarda tutiladi. Tahliliy maʼlumotlar 2026-yil mart Transport vazirligi, Turizm qoʻmitasi, Iqtisodiyot va moliya vazirligi 12. Sohada yashirin iqtisodiyotni qisqartirish boʻyicha quyidagilarni nazarda tutuvchi normativ-huquqiy hujjat loyihasini ishlab chiqish: “turistik dala hovli” tushunchasini kiritish, ularning reyestrini shakllantirish hamda mijozlarni Milliy turizm yagona platformasiga kiritishni majburiy etib belgilash; Milliy turizm yagona platformasiga kiritilmagan mehmonxona, turistik dala hovlilarning noqonuniy faoliyati haqida xabar bergan shaxsga hisoblangan soliqning 30 foizini keshbek sifatida toʻlash tartibini joriy etish; Milliy turizm yagona platformasiga mehmonxona va turistik dala hovlida koʻrsatiladigan xizmatlarning narxini doimiy kiritish va bu jarayonlarni Turizm qoʻmitasi tomonidan nazorat qilish tartibini joriy qilish; mehmonxona va turistik dala hovlilar faoliyati qonunga muvofiq olib borilishini monitoring qilish vazifasini “mahallabay” tamoyili asosida soliq inspektori zimmasiga yuklash. Normativ-huquqiy hujjat loyihasi 2026-yil may Soliq qoʻmitasi, Turizm qoʻmitasi, Iqtisodiyot va moliya vazirligi, Adliya vazirligi 13. Fargʻona viloyatining Fargʻona, Qoʻqon va Margʻilon shaharlariga asosiy eʼtiborni qaratgan holda viloyatda yulduzli mehmonxonalar sonini umumiy 15 taga yetkazish. Amaliy chora-tadbirlar 2025 — 2028-yillar Turizm qoʻmitasi, Fargʻona viloyati hokimligi III. Turizm sohasini davlat tomonidan qoʻllab-quvvatlash 14. Turizmni qoʻllab-quvvatlash jamgʻarmasi hisobidan turistik startaplarni — yangi turdagi turizm xizmatlarini ishlab chiqib, amaliyotga joriy etish bilan bogʻliq xarajatlarning bir qismiga subsidiya ajratishni nazarda tutuvchi Vazirlar Mahkamasi qarori loyihasini ishlab chiqish. Vazirlar Mahkamasi qarori loyihasi 2026-yil fevral Turizm qoʻmitasi, Iqtisodiyot va moliya vazirligi 15. Quyidagilarni nazarda tutuvchi Vazirlar Mahkamasi qarori loyihasini ishlab chiqish: Turizmni qoʻllab-quvvatlash jamgʻarmasi hisobidan mehmonxonalarning xalqaro eʼtirof etilgan “yashil” sertifikatlarni olish bilan bogʻliq xarajatlarining 50 foizini qoplab berish tartibini belgilash; xalqaro eʼtirof etilgan “yashil” sertifikatlar roʻyxatini tasdiqlash. Vazirlar Mahkamasi qarori loyihasi 2026-yil fevral Turizm qoʻmitasi, Iqtisodiyot va moliya vazirligi 16. Xalqaro konferensiyalar va tadbirlarni (MICE turizm) tashkil qilib, unga kamida 100 nafar chet ellik turistni jalb qilgan tadbirkorlik subyektlariga ushbu tadbirlarni tashkil qilishda ular tomonidan toʻlangan qoʻshilgan qiymat soligʻi summalarining 50 foizini qaytarish tartibini belgilash. Normativ-huquqiy hujjat loyihasi 2026-yil mart Turizm qoʻmitasi, Iqtisodiyot va moliya vazirligi, Soliq qoʻmitasi 17. Chet davlatlar fuqarolari tomonidan Oʻzbekiston Respublikasi hududidan chiqib ketishda avval xarid qilingan tovarlar uchun toʻlangan qoʻshilgan qiymat soligʻini naqd pul shaklida qaytarish tartibini belgilash. Normativ-huquqiy hujjat loyihasi 2026-yil aprel Soliq qoʻmitasi, Turizm qoʻmitasi, Markaziy bank, Iqtisodiyot va moliya vazirligi 18. Nufuzli xorijiy kinokompaniyalar bilan muzokaralar oʻtkazgan holda Jamgʻarma mablagʻlari hisobidan filmlarning bevosita yoki bilvosita Oʻzbekiston Respublikasi turistik jozibadorligi, tarixiy-madaniy merosi va boshqa muhim ijobiy jihatlarini namoyish qiluvchi qismini (epizodini) yaratganlik (shu jumladan, Oʻzbekiston Respublikasi hududida, oʻz pavilyonlarida yoki kompyuter grafikasi yordamida) uchun haq toʻlash tartibini joriy etishni nazarda tutuvchi Vazirlar Mahkamasi qarori loyihasini ishlab chiqish. Vazirlar Mahkamasi qarori loyihasi 2026-yil fevral Turizm qoʻmitasi, Adliya vazirligi, Iqtisodiyot va moliya vazirligi, Madaniyat vazirligi IV. Turizm sohasini raqamlashtirish 19. Ushbu qarorning 10-bandiga muvofiq, milliy turizm yagona platformasi va uning mobil ilovasini ishga tushirish hamda uning funksiyalarini kengaytirish orqali turistlarga qoʻshimcha qulayliklar yaratish. Amaliy chora-tadbirlar 2026-yil iyun Turizm qoʻmitasi, Raqamli texnologiyalar vazirligi, Soliq qoʻmitasi 20. Milliy turizm yagona platformasi doirasida “Xavfsiz shahar” apparat-dasturiy kompleksi bilan oʻzaro integratsiya qilgan holda respublika hududlariga turistlar oqimlarini (toifalarga qarab) va ularning xohishlarini tahlil qilish, personallashtirilgan marshrutlar va takliflarni yaratish, shuningdek, narx shakllanishi va resurslar taqsimlanishini nazarda tutuvchi sunʼiy intellekt va katta hajmdagi maʼlumotlarni tahlil qilish tizimini joriy etish. Amaliy chora-tadbirlar 2026-yil dekabr Turizm qoʻmitasi, Raqamli texnologiyalar vazirligi, Ichki ishlar vazirligi 21. Turistlar uchun elektron deklaratsiyani onlayn toʻldirish tizimi toʻliq ishga tushirilgandan soʻng, chet el fuqarolari tomonidan oldindan toʻldirish imkoniyatini yaratish hamda ushbu qulayliklar xususida mobil ilovalar, SMS-xabarlar va onlayn platformalar orqali targʻib qilish. Amaliy chora-tadbirlar rejasi Doimiy ravishda Bojxona qoʻmitasi, Turizm qoʻmitasi V. Boshqa chora-tadbirlar 22. Quyidagilarni nazarda tutuvchi normativ-huquqiy hujjat loyihasini kiritish: Oʻzbekiston Respublikasining Amerika Qoʻshma Shtatlari, Rossiya Federatsiyasi, Xitoy Xalq Respublikasi, Fransiya Respublikasi, Birlashgan Arab Amirliklari, Buyuk Britaniya, Indoneziya Respublikasidagi elchixonalariga bittadan qoʻshimcha ravishda madaniyat masalalari boʻyicha maslahatchi shtat birliklari ajratish; ushbu shtat birliklarini saqlash xarajatlarini Turizmni qoʻllab-quvvatlash jamgʻarmasi mablagʻlari hisobidan qoplash; maslahatchilarning Oʻzbekiston Respublikasi Prezidenti Administratsiyasi Kreativ iqtisodiyot va turizm boʻyicha departamenti boshligʻi — Madaniyat va sanʼatni rivojlantirish jamgʻarmasi raisiga boʻysunuvi va hisobdorligini yoʻlga qoʻyish. Normativ-huquqiy hujjat loyihasi 2025-yil dekabr Tashqi ishlar vazirligi, Turizm qoʻmitasi, Iqtisodiyot va moliya vazirligi, Madaniyat va sanʼatni rivojlantirish jamgʻarmasi 23. Turizm qoʻmitasining buyurtmasiga asosan joylashtirish vositalarining xonalari band qilinishini taʼminlash. Bunda ushbu tartibda band qilingan xonalarga vakolatli organ tomonidan, ulardan foydalanilganidan qatʼiy nazar, bozor narxlaridan kelib chiqib, toʻlov qilinishi lozim. Amaliy chora-tadbirlar rejasi Doimiy ravishda Turizm qoʻmitasi 24. Oʻzbekiston Respublikasiga uchuvchisiz uchish apparatlarini olib kirishni rejalashtirgan shaxslarni chet davlatlar bojxona maskanlarida aniqlash va toʻxtatish choralarini koʻrish, shu jumladan, ushbu maqsadda chet davlatlar bojxona idoralariga uchuvchisiz uchish apparatlarini Oʻzbekiston Respublikasiga olib kirish tartibi xususidagi maʼlumotlarni yuborish. Amaliy chora-tadbirlar rejasi Doimiy ravishda Bojxona qoʻmitasi, Tashqi ishlar vazirligi, Transport vazirligi 25. 1. Xalqaro oʻtkazish maskanlari va ularning yaqinida, shu jumladan, Oʻzbekiston Respublikasi hududiga kirishdan chegara nazoratidan oʻtkazish punktigacha boʻlgan hududda valyuta ayirboshlash va naqd pulni naqdsiz shaklga oʻtkazish imkoniyatini beruvchi bank shoxobchalari va (yoki) bankomatlar faoliyatini tunu kun yoʻlga qoʻyish uchun ular oʻrnatiladigan joylarni xatlovdan oʻtkazish. Amaliy chora-tadbirlar 2026-yil aprel Markaziy bank, Bojxona qoʻmitasi, Transport vazirligi 2. Xatlov natijalariga koʻra, bank shoxobchalari va (yoki) bankomatlarni belgilangan tartibda oʻrnatish. Amaliy chora-tadbirlar 2026-yil dekabr 26. Aviakompaniyalar va xorijdagi vakolatxonalar imkoniyatlarini ishga solgan holda Oʻzbekiston Respublikasiga kirish/chiqishda uchuvchisiz uchish apparatlari hamda valyuta bilan bogʻliq masalalar boʻyicha chet el fuqarolariga amaldagi qonunchilik talablarini yetkazish boʻyicha keng qamrovli targʻibot ishlarini (reklama, vizual materiallar, bannerlar, flayerlar, plakatlar va h.k.) olib borish. Amaliy chora-tadbirlar rejasi Doimiy ravishda Tashqi ishlar vazirligi, Bojxona qoʻmitasi, Transport vazirligi, Markaziy bank, Turizm qoʻmitasi
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 19-noyabr,
PQ- 348 -son
ПРЕЗИДЕНТА РЕСПУБЛИКИ УЗБЕКИСТАН
ПОСТАНОВЛЕНИЕ
О мерах по организации деятельности Комитета по туризму Республики Узбекистан и ускоренному развитию сферы туризма
В соответствии с Указом Президента Республики Узбекистан от 18 ноября 2025 года № УП-217 «О мерах по созданию системы управления по оперативному реагированию на требования населения в сферах экологии и туризма», в целях обеспечения системного и устойчивого развития сферы туризма в качестве стратегически важного сектора экономики, дальнейшего совершенствования государственного управления, повышения качества оказываемых услуг в сфере, а также обеспечения конкурентоспособности национальных туристских продуктов на мировом рынке постановляю:
I. Цели
1. Определить основными целями развития сферы туризма до 2030 года:
(а) доведение доли сферы туризма в валовом внутреннем продукте с нынешних 3,5 процента до 7 процентов;
(б) доведение ежегодного количества иностранных туристов с нынешних 10 млн человек до 20 млн человек, в том числе увеличение потока туристов с высокой платежеспособностью;
(в) повышение годового объема экспорта туристских услуг более, чем до 6 млрд долларов США;
(г) улучшение транспортного сообщения между туристическими городами Узбекистана, увеличение количества внутренних авиасообщений и сокращение времени в пути минимум в 3 раза;
(д) увеличение количества 4- и 5-звездочных гостиниц в 2 раза;
(ж) полное задействование туристического потенциала республики путем диверсификации туристских услуг и продуктов;
(з) создание широко узнаваемого в мире туристического бренда Узбекистана и внедрение новых инструментов для продвижения национальных туристских продуктов.
II. Совершенствование государственного управления в сфере
2. Утвердить:
(а) Основные направления деятельности Комитета по туризму Республики Узбекистан согласно приложению № 1 * ;
(б) Организационную структуру Комитета по туризму Республики Узбекистан согласно приложению № 2 * .
3. Установить, что:
(а) Комитет по туризму Республики Узбекистан (далее — Комитет) является республиканским органом исполнительной власти, осуществляющим государственную политику по регулированию и развитию сферы туризма;
(б) Комитет вправе принимать нормативно-правовые акты общеобязательного характера в пределах своих полномочий;
(в) председатель Комитета:
(i) назначается на должность и освобождается от должности Президентом Республики Узбекистан в установленном порядке;
(ii) несет персональную ответственность за надлежащую и эффективную организацию деятельности Комитета и организаций в его системе, ориентирование посредством этого их деятельности на результативность, а также обеспечение безусловного и полноценного достижения целевых показателей, определенных в этом направлении;
(г) Комитет является правопреемником Комитета по туризму при Министерстве экологии, охраны окружающей среды и изменения климата по правам и обязательствам.
III. Повышение туристического потока
4. В целях продвижения национальных туристских продуктов в мире:
(а) ввести должность заместителя председателя Комитета по продвижению национальных туристских продуктов;
(б) образовать представительства Комитета в зарубежных странах (далее — представительства) согласно приложению № 3 * ;
(в) определить, что представительства осуществляют задачи, предусмотренные приложением № 4 * , в государствах, в которых они будут осуществлять свою деятельность;
(г) определить заместителя председателя Комитета по продвижению национальных туристских продуктов, несущим персональную ответственность за координацию деятельности Государственного учреждения «Национальный PR-центр» и представительств, а также эффективный маркетинг национальных туристских продуктов.
5. Комитету внести в Кабинет Министров:
(а) совместно с Министерством иностранных дел, Министерством транспорта и другими заинтересованными министерствами и ведомствами в двухмесячный срок — детально разработанные предложения по:
(i) расширению перечня государств, с которыми устанавливается безвизовый режим для въезда на территорию Республики Узбекистан, упрощению процедур въезда и пребывания на территории Республики Узбекистан;
(ii) развитию туристско-транспортной логистики республики;
(б) совместно с Агентством стратегического развития и реформ в срок до 1 марта 2026 года — проект Стратегии развития сферы туризма Республики Узбекистан до 2040 года;
(в) совместно с Министерством цифровых технологий и Министерством экономики и финансов до 1 июня 2026 года — проект Маркетинговой программой на рынках туристских услуг до 2030 года, предусматривающей:
(i) продвижение национальных туристских продуктов в зарубежных странах с активно путешествующим населением;
(ii) широкое внедрение системы таргетированной рекламы в сфере туризма.
6. Фонду развития культуры и искусства совместно с Агентством культурного наследия, Комитетом в целях задействования дополнительных возможностей по привлечению туристов реализовать в 2026 — 2028 годах следующие проекты и меры:
(а) проект «Путь наследия Самарканда» по организации туристического маршрута протяженностью 6,6 км, связывающего самые важные исторические объекты в городе Самарканде;
(б) преобразование комплекса «Ичан-Калъа» в городе Хиве в единственный в мире иммерсивный и «умный» город-музей с гармонизацией образа жизни населения, торговых пунктов, точек обслуживания и системы коммуникации с исторической средой;
(в) по городу Ташкенту:
(i) предоставление материалов по включению памятников модернизма в Список всемирного наследия ЮНЕСКО;
(ii) достижение признания в мировом масштабе как города с наибольшим количеством мозаик.
7. Министерству инвестиций, промышленности и торговли совместно с Комитетом и органами государственной власти на местах принять меры по привлечению всемирно известных брендов одежды в торгово-развлекательные комплексы и созданию на окраинах (вокруг) городов современных аутлет-центров, основанных на национальном архитектурном стиле, в следующем порядке:
(а) на первом этапе (до 2030 года) — в городах Ташкенте, Самарканде, Бухаре и Хиве;
(б) на втором этапе (начиная с 2030 года) — в других населенных пунктах с высоким туристическим потенциалом.
IV. Государственная поддержка сферы туризма
8. Установить порядок, в соответствии с которым:
(а) с 1 апреля 2026 года возврат суммы налога на добавленную стоимость при выезде с территории Республики Узбекистан, уплаченного за ранее приобретенные товары иностранными гражданами, по их желанию может быть осуществлен в наличной форме;
(б) с 1 марта 2026 года за счет средств Фонда поддержки туризма (далее — Фонд):
(i) ежегодно на 10 лучших проектов выделяются субсидии в размере 50 процентов расходов, связанных с разработкой и внедрением туристических стартапов — новых видов туристских услуг, но не более 1 млрд сумов;
(ii) покрывается 50 процентов расходов гостиниц, связанных с получением международно признанных «зеленых» сертификатов, предусмотренных перечнем, утверждаемым Кабинетом Министров;
(в) с 1 апреля 2026 года внедряется порядок возврата 50 процентов суммы налога на добавленную стоимость, уплаченную субъектами предпринимательства, организовавшими международные конференции и мероприятия (MICE-туризм) и привлекшими к ним не менее 100 зарубежных туристов, при организации ими данных мероприятий;
(г) на срок до 1 января 2028 года с соблюдением порядка, предусмотренного приложением № 5 * к настоящему постановлению:
(i) автобусы, электробусы, а также микроавтобусы, имеющие кроме места водителя более восьми мест для сидения, импортируемые субъектами сферы туризма, освобождаются от уплаты таможенной пошлины и утилизационного сбора (при этом льгота по освобождению от утилизационного сбора применяется только в отношении автобусов, электробусов и микроавтобусов, аналоги которых не производятся в Республике Узбекистан);
(ii) туроператорам, зарегистрированным в Республике Каракалпакстан и имеющим лицензию, при импорте транспортных средств с высокой проходимостью двигателя объемом не менее 2,4 литра для организации экстремальных туров в порядке исключения разрешается уплачивать таможенную пошлину и утилизационный сбор в размере 25 процентов от действующей ставки в рассрочку в течение 3 лет;
(iii) разрешается выдача одного сертификата для автобусов, электробусов и микроавтобусов, импортируемых субъектами сферы туризма, независимо от их количества;
(д) До 1 января 2030 года оборудование, машины, транспортные средства, мебель и товарные запасы, импортируемые хозяйствующими субъектами, имеющими предварительные соглашения с брендом на строительство и оснащение гостиницы в соответствии с требованиями данного бренда, включая гостиничные бренды, включенные в список, утвержденный Кабинетом Министров, будут освобождены от таможенных пошлин.
9. Установить, что:
(а) Комитет является ответственным государственным органом, координирующим возврат зарубежным кинокомпаниям части расходов при создании своих фильмов на территории республики («Rebate»);
(б) сумма расходов, предусмотренных подпунктом «а» настоящего пункта, покрывается за счет средств Государственного бюджета в размере:
(i) 10 процентов — если сумма расходов составляет до 3 млрд сумов;
(ii) 15 процентов — если сумма расходов составляет от 3 млрд сумов до 5 млрд сумов;
(iii) 20 процентов — если сумма расходов составляет от 5 млрд сумов до 10 млрд сумов;
(iv) 25 процентов — если сумма расходов превышает 10 млрд сумов, но не более 4 млрд сумов за один фильм;
(в) с 1 марта 2026 года внедряется порядок оплаты за создание части (эпизода) фильмов, прямо или косвенно демонстрирующих туристическую привлекательность, историко-культурное наследие и иные важные позитивные стороны Республики Узбекистан (в том числе на территории Республики Узбекистан, в собственных павильонах или с помощью компьютерной графики), путем проведения переговоров с авторитетными зарубежными кинокомпаниями, за счет средств Фонда.
V. Цифровизация сферы туризма
10. Установить порядок, в соответствии с которым с 1 июля 2026 года:
(а) посредством запускаемой Единой национальной платформы туризма и ее мобильного приложения:
(i) подключение туристической электронной SIM-карты и регистрация по месту временного пребывания зарубежных туристов осуществляются на основе их согласия в проактивной форме с интеграцией данных, собираемых при пересечении Государственной границы;
(ii) создается возможность составления направления путешествия, выбора наиболее оптимального маршрута и вида транспорта, онлайн-бронирования и покупки билетов с интеграцией всех видов транспорта независимо от формы собственности;
(iii) внедряется система «единый билет» с возможностью онлайн-покупки билета на все туристические объекты, на которых введено билетное хозяйство, в том числе в музеи, на объекты культурного наследия, культуры, развлечения и досуга;
(iv) запускается система «цифрового гида» для проведения экскурсий, позволяющая предоставлять информацию о туристических объектах посредством интерактивных карт, планшетов, «аудиопомощника», «видеопомощника» и онлайн-трансляций;
(v) средства от туристического (гостиничного) сбора, взимаемого со стороны средств размещения с зарубежных и местных туристов, перечисляются напрямую в Фонд посредством биллинговой системы в автоматическом порядке;
(б) передача населением в аренду дач осуществляется путем оформления в упрощенном порядке на имя одного лица с указанием количества отдыхающих в форме «вместе со мной» посредством мобильного приложения «Soliq».
11. Внедрить до конца 2026 года в рамках Единой национальной платформы туризма систему искусственного интеллекта и анализа больших данных, предусматривающую такие возможности, как анализ потока туристов (по категориям) на территорию республики и их предпочтений, создание персонализированных маршрутов и предложений, а также формирование цен и распределение ресурсов, с ее интеграцией с аппаратно-программным комплексом «Безопасный город».
VI. Совершенствование системы переподготовки и повышения квалификации кадров в сфере
12. В целях повышения качества туристских услуг организовать в Самаркандском кампусе Международной академии туризма под эгидой Всемирной туристской организации учебные курсы по повышению квалификации (до 1 месяца) и переподготовке (до 8 месяцев) работников субъектов сферы туризма.
VII. Оптимизация расходов Фонда
13. Установить, что с 1 января 2026 года:
(а) образуется совет Фонда и финансирование проектов, по которым отсутствует его положительное решение, считается нарушением бюджетной и сметно-штатной дисциплины, за исключением проектов, финансирование которых в актах Президента Республики Узбекистан определено за счет средств Фонда, и расходов, связанных с содержанием Комитета, в том числе организаций в его системе и территориальных подразделений;
(б) результативность проектов, финансируемых за счет средств Фонда, оценивается советом Фонда на постоянной основе;
(в) размер средств, подлежащих перечислению в Фонд обеспечения безопасного туризма при Министерстве внутренних дел за счет поступлений от туристического (гостиничного) сбора, уменьшается с действующих 10 процентов до 5 процентов.
14. Комитету совместно с Министерством экономики и финансов в месячный срок внести в Администрацию Президента Республики Узбекистан предложение по отмене отчислений в министерства и ведомства за счет источников Фонда.
VIII. Организация, обеспечение и контроль исполнения постановления
15. Утвердить «Дорожную карту» по ускоренному развитию туризма и совершенствованию государственного управления в данной сфере согласно приложению № 6 * .
16. Организовать при Департаменте по креативной экономике и туризму Администрации Президента Республики Узбекистан деятельность Штаба реформ в сфере туризма.
17. Установить, что:
(а) Штаб реформ в сфере туризма принимает меры по мониторингу и решению вопросов в сфере туризма, выявлению и задействованию новых возможностей в разрезе территорий, отраслей и крупных туристических объектов;
(б) размеры и условия оплаты труда и материального стимулирования работников государственных органов и организаций, привлеченных (откомандированных) к деятельности Штаба реформ в сфере туризма, полностью сохраняются и в период служебной командировки к месячной заработной плате по их основному месту работы выплачивается надбавка в размере 20 процентов в пределах действующих утвержденных бюджетных параметров и внебюджетных средств бюджетных организаций.
18. Комитету внести в Кабинет Министров:
(а) в месячный срок — положение о Комитете по туризму;
(б) в двухмесячный срок — предложения об изменениях и дополнениях в акты законодательства, вытекающих из настоящего постановления.
19. Разместить Комитет по адресу: город Ташкент, улица Амира Темира, дом 107б.
20. Возложить на председателя Комитета по туризму персональную ответственность за эффективную организацию исполнения настоящего постановления.
21. Обсуждение хода исполнения настоящего постановления, осуществление координации и контроля за деятельностью организаций, ответственных за его исполнение, возложить на Премьер-министра Республики Узбекистан А.Н. Арипова и начальника Департамента по креативной экономике и туризму Администрации Президента Республики Узбекистан Г.О. Умерову.
Президент Республики Узбекистан Ш. МИРЗИЁЕВ
г. Ташкент,
19 ноября 2025 г.,
№ ПП- 348