UzbekAI

Ўзбекистон Республикаси Президентининг

Фармони

«ЙЎЛ ХАРИТАСИ»

Судьялар ҳамжамияти органлари фаолиятининг самарадорлиги ва очиқлигини ошириш ҳамда суд мустақиллиги кафолатларини янада кучайтириш чора-тадбирлари тўғрисида

Мамлакатимизда судьялар ҳамжамияти органларининг ролини тубдан ошириш, очиқ ва шаффоф тартиб-таомиллар асосида суд органларини малакали кадрлар билан тўлдириш, аҳолининг суд ҳимоясида бўлиш ҳуқуқини самарали таъминлаш, суд мустақиллиги кафолатларини кучайтириш мақсадида, шунингдек, «Ўзбекистон — 2030» стратегиясида белгиланган вазифаларга мувофиқ қарор қиламан:

I. Мақсадлар

1. Қуйидагилар суд ҳокимиятининг чинакам мустақиллигини таъминлаш, судьялар ҳамжамияти органлари фаолиятининг самарадорлигини оширишнинг устувор мақсадлари этиб белгилансин:

(а) судьялар ҳамжамияти органлари фаолиятида судьяларнинг ўзини ўзи бошқариш тамойилини ва суд мустақиллигига оид илғор халқаро стандартлар кенг жорий этилишини таъминлаш;

(б) судьялар корпусини шакллантириш тартибини такомиллаштириш, ушбу жараёнда судьялар ҳамжамияти органлари ролини ошириш ва уларнинг масъулият доирасини аниқ белгилаш;

(в) судьялар ҳамжамияти органлари фаолиятида очиқликни таъминлаш, судьяликка номзодларни танлашнинг шаффоф тартибини жорий этиш;

(г) суд тизимида гендер тенгликни таъминлаш имкониятларини кенгайтириш орқали аёл судьялар улушини камида 30 фоизга етказиш.

II. Суд мустақиллигига оид илғор стандартларни жорий этиш ҳамда судьялар ҳамжамияти органлари фаолиятини такомиллаштириш

2. Судьялар олий кенгашининг (кейинги ўринларда — Кенгаш) қонунчиликка судьянинг алмаштирилмаслигига оид тамойилни киритиш бўйича қуйидаги таклифларига розилик берилсин:

(а) судьяларни навбатдаги ўн йиллик муддатга тайинлаш (сайлаш) тартибини бекор қилиб, судьялик лавозимларига номзодларни дастлаб беш йил муддатга, кейинчалик муддатсиз даврга тайинлаш (сайлаш) тартибини белгилаш;

(б) туманлараро, туман, шаҳар судлари раислари ва уларнинг ўринбосарлари лавозимларига номзодларни аниқ мезонларга кўра судьялар орасида очиқ танлов асосида танлаш тартибини ўрнатиш;

(в) судьянинг касбий фаолиятини баҳолашда «ҳалоллик», «касбий лаёқатлилик» ва «судьялик одоби қоидаларига риоя этиш» талабларининг аниқ мезонларини қонун даражасида белгилаш.

3. Кенгаш ва Олий суднинг Кенгаш таркибини шакллантириш тартибини судьялар ҳамжамияти органларининг иштирокини ошириш орқали янада такомиллаштириш бўйича қуйидаги таклифлари маъқуллансин:

(а) Кенгашнинг доимий асосда фаолият юритувчи судьялари лавозимига номзодлар тегишли суд судьялари малака ҳайъатлари томонидан тавсия этилиши. Бунда Кенгашнинг доимий асосда фаолият юритувчи судьялари лавозимига, қоида тариқасида, судья сифатида камида 7 йил ишлаган судьялар номзоди кўрсатилиши мумкин;

(б) Кенгашнинг жамоатчилик асосида фаолият юритувчи аъзолари таркибига номзодлар ҳуқуқ соҳасидаги илмий ва олий таълим ташкилотлари ҳамда фуқаролик жамияти институтлари томонидан тавсия этилиши.

4. Кенгаш Олий суд билан биргаликда уч ой муддатда Кенгашнинг доимий асосда фаолият юритувчи судьялари таркибини қуйидаги суд судьялари орасидан шакллантириш тартибини жорий этиш бўйича қонунчиликка ўзгартириш ва қўшимчаларни назарда тутувчи норматив-ҳуқуқий ҳужжат лойиҳасини киритсин:

(а) Олий суддан — икки нафар судья;

(б) вилоят даражасидаги судлардан — етти нафар судья;

(в) туманлараро, туман, шаҳар судларидан — тўрт нафар судья.

5. Кенгашнинг судьялик лавозимларига номзодлар бўйича хулосалар қуйидаги судьялар ҳамжамияти органлари томонидан тақдим этилишини назарда тутувчи тартибни қонунчиликка киритиш ҳақидаги таклифига розилик берилсин:

(а) судьялар малака ҳайъатлари — ҳарбий судлар, Қорақалпоғистон Республикаси, вилоятлар ва Тошкент шаҳар судлари, Қорақалпоғистон Республикаси, вилоятлар ва Тошкент шаҳар маъмурий судларининг судьялари, ҳудудий ҳарбий судларнинг, туманлараро, туман, шаҳар судларининг раислари, раис ўринбосарлари ва судьялари лавозимларига номзодлар бўйича;

(б) Судьялар олий малака ҳайъати — Олий суд судьялари, Қорақалпоғистон Республикаси, вилоятлар ва Тошкент шаҳар судлари, Қорақалпоғистон Республикаси, вилоятлар ва Тошкент шаҳар маъмурий судларининг, Ўзбекистон Республикаси Ҳарбий судининг раислари ва раис ўринбосарлари лавозимларига номзодлар бўйича.

6. Кенгаш ва Олий суднинг судьялар ҳамжамияти органларининг мустақиллигини ошириш мақсадида Кенгаш ва Судьялар олий малака ҳайъатининг қўшма йиғилишини ўтказиш тартибини бекор қилиш ҳақидаги таклифи маъқуллансин.

7. Кенгаш раисига, унинг конституциявий мақомидан келиб чиққан ҳолда, қуйидаги ваколатлар берилсин:

(а) судьялар томонидан Судьялар одоби кодекси нормалари бузилган ёки манфаатлар тўқнашувига йўл қўйилган ҳолатларда судьялар малака ҳайъатлари томонидан интизомий иш асоссиз тугатилган ёки тайинланган интизомий жазо судья содир этган қилмишга мос эмас деб топилган тақдирда, малака ҳайъатларининг тегишли қарорларини қайта кўриб чиқиш бўйича тақдимнома киритиш;

(б) Кенгашнинг тузилмаси ва штат жадвалини белгиланган штат бирликлари доирасида мустақил тасдиқлаш.

8. Кенгаш ваколатларига тааллуқли норматив-ҳуқуқий ҳужжатлар лойиҳалари вазирлик ва идоралар томонидан Кенгаш билан мажбурий тартибда келишиб олиниши белгилансин.

III. Судьялар ҳамжамияти органлари фаолиятида очиқлик даражасини ошириш ва суд бошқарувини такомиллаштириш

9. 2025 йил 15 декабрга қадар Кенгашнинг расмий веб-сайтида қуйидагиларни очиқ эълон қилиб бориш амалиёти жорий этилсин:

(а) суд тизимида мавжуд бўш раҳбарлик ва юқори турувчи судьялик лавозимларига оид маълумотлар ҳамда уларни эгаллаш учун танловда иштирок этиш тартиби;

(б) суд тизимида судьялик лавозимлари, шу жумладан, раҳбарлик ва юқори турувчи судьялик лавозимларига номзодларни танлаш ҳамда тайинлаш бўйича барча босқичларга оид маълумотлар.

10. Кенгаш фаолиятига замонавий рақамли технологияларни кенг жорий этиш, судьялик лавозимларига номзодларни танлаш ва ўрганиш жараёнини рақамлаштириш мақсадида:

(а) судьялик лавозимларига номзодлардан ортиқча маълумотлар талаб этилишига чек қўйиш мақсадида «Рақамли ҳукумат» тизими идоралараро интеграциялашув платформаси Кенгашнинг ахборот тизими билан тўлиқ интеграция қилинсин;

(б) судьялар фаолияти самарадорлигини баҳолашда сунъий интеллект имкониятларидан фойдаланиш йўлга қўйилсин;

(в) судьялик лавозимига номзодлар ва судьяларнинг психологик портрети бўйича судьянинг касбига муносиблигини баҳолашга кўмаклашувчи электрон дастурни такомиллаштириш чоралари кўрилсин;

(г) Кенгаш мажлисларида ёпиқ овоз бериш ва қарор қабул қилиш жараёнларига рақамли технологиялар жорий этилсин.

11. Кенгаш фаолиятининг самарадорлигини ошириш, замонавий рақамли технологияларни жорий этиш мақсадида Давлат бюджети ҳисобидан молиялаштириладиган қўшимча 4 та штат бирлиги ажратилсин.

12. Кенгаш умумий штат бирликларининг чекланган сони 32 та, шу жумладан, судьялик лавозимлари — 13 та, ижро аппарати ходимлари — 10 та, молия-хўжалик бўлими ходимлари — 6 та этиб белгилансин.

IV. Суд мустақиллиги кафолатларини кучайтириш

13. Кенгаш (Х. Ёдгоров), Олий суд (Б. Исламов) ва Бош прокуратура (Н. Йўлдошев) уч ой муддатда қуйидагилар бўйича таҳлилий маълумотнома киритсин:

(а) адолатсиз ҳукм, ҳал қилув қарори, ажрим ёки қарор чиқарганлик учун жавобгарликни белгиловчи қонунчилик нормаларини суд мустақиллигига оид халқаро стандартлар асосида қайта кўриб чиқиш;

(б) Кенгаш аъзоларининг суд ҳокимияти мустақиллигини таъминлаш борасидаги фаолиятига аралашганлик учун жиноий жавобгарлик чораларини белгилаш;

(в) судьялар ва суд ходимлари кунини белгилаш.

14. Кенгаш ва Олий суднинг судья мустақиллиги ва жавобгарлиги ўртасидаги мувозанатни таъминлаш мақсадида судьяга нисбатан интизомий жазо қўллаш тизимини шаффоф ва адолатли қилиш бўйича қуйидаги таклифлари маъқуллансин:

(а) судьяга нисбатан интизомий иш кўриб чиқишда унинг ҳимояга бўлган ҳуқуқини тақдим этиш;

(б) қуйи судьялик лавозимига ўтказиш интизомий жазо чорасини жорий этиш;

(в) интизомий жазо амалда бўлган вақтда юқори судьялик лавозимига тавсия этилмаслик;

(г) судьяни интизомий жавобгарликка тортиш асосларининг аниқ мезонларини белгилаш.

V. Судьялар корпусида гендер тенгликни таъминлаш ва илмий салоҳиятни ошириш

15. Судьялар корпусида гендер тенгликни таъминлаш мақсадида:

(а) Кенгашнинг Одил судлов академиясининг касбий қайта тайёрлаш курсларига қабул қилишда ҳар йили заруратга қараб Кенгаш томонидан хотин-қизлар учун квота белгилаш ҳақидаги таклифига розилик берилсин;

(б) ташаббускор судьялар гуруҳи томонидан Ўзбекистон аёл судьялар ассоциациясини ташкил этиш бўйича таклиф ишлаб чиқилгани маълумот учун қабул қилинсин.

16. Суд тизимида камида беш йиллик меҳнат тажрибасига ва илмий салоҳиятга эга судьялар қонунчиликда белгиланган тартибда Одил судлов академиясига профессор-ўқитувчи лавозимига тайинланганда Академиядаги фаолияти тугагандан сўнг унинг муқаддам ишлаган судьялик лавозимида ишни давом эттириши, бўш турган судьялик лавозими бўлмаган тақдирда, розилиги билан аввалгисига тенг бошқа судьялик лавозимига ўтказилиши белгилансин.

VI. Фармон ижросини ташкил этиш, таъминлаш ва назорат

17. Судьялар ҳамжамияти органлари фаолиятининг самарадорлиги ва очиқлигини янада ошириш бўйича «йўл харитаси» иловага мувофиқ тасдиқлансин.

18. Ўзбекистон Республикаси Президентининг 2020 йил 7 декабрдаги «Судьяларнинг чинакам мустақиллигини таъминлаш ҳамда суд тизимида коррупциянинг олдини олиш самарадорлигини ошириш чора-тадбирлари тўғрисида»ги ПФ-6127-сон Фармони 8-бандининг учинчи ва тўртинчи хатбошилари ҳамда 2-иловаси ўз кучини йўқотган деб ҳисоблансин.

19. Кенгаш (Х. Ёдгоров) манфаатдор вазирлик ва идоралар билан биргаликда уч ой муддатда қонунчиликка ушбу Фармондан келиб чиқадиган ўзгартириш ва қўшимчалар тўғрисида таклифлар киритсин.

20. Мазкур Фармон ижросини самарали ташкил этишга масъул ва шахсий жавобгар этиб Судьялар олий кенгаши раиси Х.Б. Ёдгоров белгилансин.

21. Ушбу Фармон ижросини назорат қилиш ва ижро учун масъул ташкилотлар фаолиятини мувофиқлаштириш Ўзбекистон Республикаси Президенти Администрацияси раҳбарининг суд тизимини ислоҳ қилиш бўйича ўринбосари Н.Ж. Хакимова зиммасига юклансин.

Ўзбекистон Республикаси Президентининг 2025 йил 24 ноябрдаги ПФ-227-сон Фармонига ИЛОВА

Судьялар ҳамжамияти органлари фаолиятининг самарадорлиги ва очиқлигини янада ошириш бўйича

Т/р Чора-тадбирлар номланиши Амалга ошириш шакли Ижро муддати Молиялаштириш манбалари Масъул ижрочилар I. Суд мустақиллигига оид илғор стандартларни жорий этиш ҳамда судьялар ҳамжамияти органлари фаолиятини такомиллаштириш 1. Судьяларни навбатдаги ўн йиллик муддатга тайинлаш (сайлаш) тартибини бекор қилиш ҳамда судьялик лавозимларига номзодларни дастлаб беш йил муддатга, кейинчалик муддатсиз даврга тайинлаш (сайлаш) тартибини жорий этиш. Қонун лойиҳаси 2026 йил март - Судьялар олий кенгаши (Х. Ёдгоров), Олий суд (Б. Исламов) 2. Кенгашнинг доимий асосда фаолият юритувчи аъзолари лавозимига номзодларни тавсия этишнинг аниқ тартибини белгилаш. Норматив-ҳуқуқий ҳужжат лойиҳаси 2026 йил март - Судьялар олий кенгаши (Х. Ёдгоров), Олий суд (Б. Исламов) 3. Кенгашнинг жамоатчилик асосида фаолият юритувчи аъзолари лавозимига номзодларни тавсия этишнинг аниқ тартибини белгилаш. Идоравий ҳужжат лойиҳаси 2026 йил март - Судьялар олий кенгаши (Х. Ёдгоров) 4. Кенгаш таркибида суд тизимининг барча бўғинлари вакиллигини таъминлаш. Норматив-ҳуқуқий ҳужжат лойиҳаси 2026 йил март ойига қадар - Судьялар олий кенгаши (Х. Ёдгоров), Олий суд (Б. Исламов) 5. Судьянинг касбий фаолиятини баҳолашда «ҳалоллик», «касбий лаёқатлилик» ва «судьялик одоби қоидаларига риоя этиш» мезонларининг аниқ талабларини қонун даражасида белгилаш. Норматив-ҳуқуқий ҳужжат лойиҳаси 2026 йил март - Судьялар олий кенгаши (Х. Ёдгоров), Олий суд (Б. Исламов) 6. Судьяларнинг малака ҳайъатлари қарорларини қайта кўриб чиқиш тартибини такомиллаштириш. Норматив-ҳуқуқий ҳужжат лойиҳаси 2026 йил апрель - Судьялар олий кенгаши (Х. Ёдгоров), Олий суд (Б. Исламов) 7. Кенгаш ва Судьялар олий малака ҳайъатининг қўшма йиғилишларини ўтказиш тартибини бекор қилиш. Норматив-ҳуқуқий ҳужжат лойиҳаси 2026 йил апрель - Судьялар олий кенгаши (Х. Ёдгоров), Олий суд (Б. Исламов) 8. Судьялар малака ҳайъатларининг янги тайинланган аъзоларини Одил судлов академиясининг қисқа муддатли курсларида ўқитиш амалиётини йўлга қўйиш. Ташкилий чора-тадбирлар Алоҳида режа асосида - Судьялар олий кенгаши (Х. Ёдгоров), Одил судлов академияси (Ш. Абдуқодиров) II. Судьялар ҳамжамияти органлари фаолиятида очиқлик даражасини ошириш ва суд бошқарувини такомиллаштириш 9. Кенгашнинг расмий веб-сайтида қуйидагиларни очиқ эълон қилиб бориш амалиётини жорий этиш: (а) суд тизимида мавжуд бўш раҳбарлик ва юқори турувчи судьялик лавозимларига оид маълумотлар ҳамда уларни эгаллаш учун танловда иштирок этиш тартиби; (б) суд тизимида судьялик лавозимлари, шу жумладан, раҳбарлик ва юқори турувчи судьялик лавозимларига номзодларни танлаш ва тайинлаш бўйича барча босқичларга оид маълумотлар. Ташкилий чора-тадбирлар 2025 йил 15 декабрга қадар - Судьялар олий кенгаши (Х. Ёдгоров) 10. Ҳудудларда судьяларни мажбурий тартибда вилоят кўп тармоқли тиббиёт марказларида чуқурлаштирилган тиббий кўрикдан ўтказиш. Судьялар олий кенгаши томонидан Соғлиқни сақлаш вазирлиги билан биргаликда чуқурлаштирилган тиббий кўрикдан ўтиш тартибини ишлаб чиқиш ва тасдиқлаш. Ташкилий чора-тадбирлар, идоравий ҳужжат лойиҳаси 2026 йил март - Соғлиқни сақлаш вазирлиги (А. Худаяров) , Судьялар олий кенгаши (Х. Ёдгоров) III. Суд мустақиллиги кафолатларини кучайтириш ва Кенгаш фаолиятини рақамлаштириш 11. Адолатсиз ҳукм, ҳал қилув қарори, ажрим ёки қарор чиқарганлик учун жавобгарликни белгиловчи қонунчилик нормаларини суд мустақиллигига оид халқаро стандартлар асосида кўриб чиқиш. Таҳлилий маълумотнома 2026 йил март ойига қадар - Судьялар олий кенгаши (Х. Ёдгоров), Олий суд (Б. Исламов), Бош прокуратура (Н. Йўлдошев), манфаатдор вазирлик ва идоралар 12. Кенгаш аъзоларининг суд ҳокимияти мустақиллигини таъминлаш борасидаги фаолиятига аралашганлик учун жиноий жавобгарлик чораларини белгилаш. 13. Судьялар ва суд ходимлари кунини белгилаш. 14. Судьяга нисбатан интизомий жазо қўллашнинг шаффоф ва адолатли тизимини жорий этиш. Бунда: (а) судьяга нисбатан интизомий иш кўриб чиқишда унинг ҳимояга бўлган ҳуқуқини тақдим этиш; (б) қуйи судьялик лавозимига ўтказиш интизомий жазо чорасини жорий этиш; (в) интизомий жазо амалда бўлган вақтда юқори судьялик лавозимига тавсия этилмаслик; (г) судьяни интизомий жавобгарликка тортиш асосларининг аниқ мезонларини белгилаш. Норматив-ҳуқуқий ҳужжат лойиҳаси 2026 йил март - Судьялар олий кенгаши (Х. Ёдгоров), Олий суд (Б. Исламов) 15. «Рақамли ҳукумат» тизими Идоралараро интеграциялашув платформасида мавжуд маълумотларни Кенгашнинг ахборот тизими билан тўлиқ интеграция қилиш. Ташкилий чора-тадбирлар 2026 йил апрель Ижрочилар маблағлари Судьялар олий кенгаши (Х. Ёдгоров), Рақамли технологиялар вазирлиги (Ш. Шерматов), «UZINFOCOM» МЧЖ (Э. Гимранов), манфаатдор вазирлик ва идоралар 16. Судьялар фаолияти самарадорлигини сунъий интеллект ёрдамида баҳолашни йўлга қўйиш. Ташкилий чора-тадбирлар 2026 йил апрель - Судьялар олий кенгаши (Х. Ёдгоров), Олий суд (Б. Исламов), Рақамли технологиялар вазирлиги (Ш. Шерматов) 17. Судьялик лавозимига номзодлар ва судьяларнинг психологик портрети бўйича судьянинг касбига муносиблигини баҳолашга кўмаклашувчи электрон дастурни такомиллаштириш. Ташкилий чора-тадбирлар 2026 йил май - Судьялар олий кенгаши (Х. Ёдгоров), Олий суд (Б. Исламов), Рақамли технологиялар вазирлиги (Ш. Шерматов) IV. Судьялар корпусида гендер тенгликни таъминлаш ва илмий салоҳиятни ошириш 18. Одил судлов академиясининг судьялик касбига қайта тайёрлаш курсларига қабул қилишда ҳар йили заруратга қараб хотин-қизлар учун квота белгилаш. Идоравий ҳужжат лойиҳаси Доимий равишда - Судьялар олий кенгаши (Х. Ёдгоров) 19. Суд тизимида камида беш йиллик меҳнат тажрибаси ва илмий салоҳиятга эга судьяларни икки ўқув йили муддатига Одил судлов академиясига профессор-ўқитувчи лавозимига жалб этиш тартибини жорий этиш. Ташкилий чора-тадбирлар, идоравий ҳужжат лойиҳаси 2026 йил март - Судьялар олий кенгаши (Х. Ёдгоров), Одил судлов академияси (Ш. Абдуқодиров)

Ўзбекистон Республикаси Президенти Ш. МИРЗИЁЕВ

Тошкент ш.,

2025 йил 24 ноябрь,

ПФ- 227 -сон

(Қонунчилик маълумотлари миллий базаси, 25.11.2025 й., 06/25/227/1064-сон)

lex.uz

Oʻzbekiston Respublikasi Prezidentining

Farmoni

“YOʻL XARITASI”

Sudyalar hamjamiyati organlari faoliyatining samaradorligi va ochiqligini oshirish hamda sud mustaqilligi kafolatlarini yanada kuchaytirish chora-tadbirlari toʻgʻrisida

Mamlakatimizda sudyalar hamjamiyati organlarining rolini tubdan oshirish, ochiq va shaffof tartib-taomillar asosida sud organlarini malakali kadrlar bilan toʻldirish, aholining sud himoyasida boʻlish huquqini samarali taʼminlash, sud mustaqilligi kafolatlarini kuchaytirish maqsadida, shuningdek, “Oʻzbekiston — 2030” strategiyasida belgilangan vazifalarga muvofiq qaror qilaman:

I. Maqsadlar

1. Quyidagilar sud hokimiyatining chinakam mustaqilligini taʼminlash, sudyalar hamjamiyati organlari faoliyatining samaradorligini oshirishning ustuvor maqsadlari etib belgilansin:

(a) sudyalar hamjamiyati organlari faoliyatida sudyalarning oʻzini oʻzi boshqarish tamoyilini va sud mustaqilligiga oid ilgʻor xalqaro standartlar keng joriy etilishini taʼminlash;

(b) sudyalar korpusini shakllantirish tartibini takomillashtirish, ushbu jarayonda sudyalar hamjamiyati organlari rolini oshirish va ularning masʼuliyat doirasini aniq belgilash;

(v) sudyalar hamjamiyati organlari faoliyatida ochiqlikni taʼminlash, sudyalikka nomzodlarni tanlashning shaffof tartibini joriy etish;

(g) sud tizimida gender tenglikni taʼminlash imkoniyatlarini kengaytirish orqali ayol sudyalar ulushini kamida 30 foizga yetkazish.

II. Sud mustaqilligiga oid ilgʻor standartlarni joriy etish hamda sudyalar hamjamiyati organlari faoliyatini takomillashtirish

2. Sudyalar oliy kengashining (keyingi oʻrinlarda — Kengash) qonunchilikka sudyaning almashtirilmasligiga oid tamoyilni kiritish boʻyicha quyidagi takliflariga rozilik berilsin:

(a) sudyalarni navbatdagi oʻn yillik muddatga tayinlash (saylash) tartibini bekor qilib, sudyalik lavozimlariga nomzodlarni dastlab besh yil muddatga, keyinchalik muddatsiz davrga tayinlash (saylash) tartibini belgilash;

(b) tumanlararo, tuman, shahar sudlari raislari va ularning oʻrinbosarlari lavozimlariga nomzodlarni aniq mezonlarga koʻra sudyalar orasida ochiq tanlov asosida tanlash tartibini oʻrnatish;

(v) sudyaning kasbiy faoliyatini baholashda “halollik”, “kasbiy layoqatlilik” va “sudyalik odobi qoidalariga rioya etish” talablarining aniq mezonlarini qonun darajasida belgilash.

3. Kengash va Oliy sudning Kengash tarkibini shakllantirish tartibini sudyalar hamjamiyati organlarining ishtirokini oshirish orqali yanada takomillashtirish boʻyicha quyidagi takliflari maʼqullansin:

(a) Kengashning doimiy asosda faoliyat yurituvchi sudyalari lavozimiga nomzodlar tegishli sud sudyalari malaka hayʼatlari tomonidan tavsiya etilishi. Bunda Kengashning doimiy asosda faoliyat yurituvchi sudyalari lavozimiga, qoida tariqasida, sudya sifatida kamida 7 yil ishlagan sudyalar nomzodi koʻrsatilishi mumkin;

(b) Kengashning jamoatchilik asosida faoliyat yurituvchi aʼzolari tarkibiga nomzodlar huquq sohasidagi ilmiy va oliy taʼlim tashkilotlari hamda fuqarolik jamiyati institutlari tomonidan tavsiya etilishi.

4. Kengash Oliy sud bilan birgalikda uch oy muddatda Kengashning doimiy asosda faoliyat yurituvchi sudyalari tarkibini quyidagi sud sudyalari orasidan shakllantirish tartibini joriy etish boʻyicha qonunchilikka oʻzgartirish va qoʻshimchalarni nazarda tutuvchi normativ-huquqiy hujjat loyihasini kiritsin:

(a) Oliy suddan — ikki nafar sudya;

(b) viloyat darajasidagi sudlardan — yetti nafar sudya;

(v) tumanlararo, tuman, shahar sudlaridan — toʻrt nafar sudya.

5. Kengashning sudyalik lavozimlariga nomzodlar boʻyicha xulosalar quyidagi sudyalar hamjamiyati organlari tomonidan taqdim etilishini nazarda tutuvchi tartibni qonunchilikka kiritish haqidagi taklifiga rozilik berilsin:

(a) sudyalar malaka hayʼatlari — harbiy sudlar, Qoraqalpogʻiston Respublikasi, viloyatlar va Toshkent shahar sudlari, Qoraqalpogʻiston Respublikasi, viloyatlar va Toshkent shahar maʼmuriy sudlarining sudyalari, hududiy harbiy sudlarning, tumanlararo, tuman, shahar sudlarining raislari, rais oʻrinbosarlari va sudyalari lavozimlariga nomzodlar boʻyicha;

(b) Sudyalar oliy malaka hayʼati — Oliy sud sudyalari, Qoraqalpogʻiston Respublikasi, viloyatlar va Toshkent shahar sudlari, Qoraqalpogʻiston Respublikasi, viloyatlar va Toshkent shahar maʼmuriy sudlarining, Oʻzbekiston Respublikasi Harbiy sudining raislari va rais oʻrinbosarlari lavozimlariga nomzodlar boʻyicha.

6. Kengash va Oliy sudning sudyalar hamjamiyati organlarining mustaqilligini oshirish maqsadida Kengash va Sudyalar oliy malaka hayʼatining qoʻshma yigʻilishini oʻtkazish tartibini bekor qilish haqidagi taklifi maʼqullansin.

7. Kengash raisiga, uning konstitutsiyaviy maqomidan kelib chiqqan holda, quyidagi vakolatlar berilsin:

(a) sudyalar tomonidan Sudyalar odobi kodeksi normalari buzilgan yoki manfaatlar toʻqnashuviga yoʻl qoʻyilgan holatlarda sudyalar malaka hayʼatlari tomonidan intizomiy ish asossiz tugatilgan yoki tayinlangan intizomiy jazo sudya sodir etgan qilmishga mos emas deb topilgan taqdirda, malaka hayʼatlarining tegishli qarorlarini qayta koʻrib chiqish boʻyicha taqdimnoma kiritish;

(b) Kengashning tuzilmasi va shtat jadvalini belgilangan shtat birliklari doirasida mustaqil tasdiqlash.

8. Kengash vakolatlariga taalluqli normativ-huquqiy hujjatlar loyihalari vazirlik va idoralar tomonidan Kengash bilan majburiy tartibda kelishib olinishi belgilansin.

III. Sudyalar hamjamiyati organlari faoliyatida ochiqlik darajasini oshirish va sud boshqaruvini takomillashtirish

9. 2025-yil 15-dekabrga qadar Kengashning rasmiy veb-saytida quyidagilarni ochiq eʼlon qilib borish amaliyoti joriy etilsin:

(a) sud tizimida mavjud boʻsh rahbarlik va yuqori turuvchi sudyalik lavozimlariga oid maʼlumotlar hamda ularni egallash uchun tanlovda ishtirok etish tartibi;

(b) sud tizimida sudyalik lavozimlari, shu jumladan, rahbarlik va yuqori turuvchi sudyalik lavozimlariga nomzodlarni tanlash hamda tayinlash boʻyicha barcha bosqichlarga oid maʼlumotlar.

10. Kengash faoliyatiga zamonaviy raqamli texnologiyalarni keng joriy etish, sudyalik lavozimlariga nomzodlarni tanlash va oʻrganish jarayonini raqamlashtirish maqsadida:

(a) sudyalik lavozimlariga nomzodlardan ortiqcha maʼlumotlar talab etilishiga chek qoʻyish maqsadida “Raqamli hukumat” tizimi idoralararo integratsiyalashuv platformasi Kengashning axborot tizimi bilan toʻliq integratsiya qilinsin;

(b) sudyalar faoliyati samaradorligini baholashda sunʼiy intellekt imkoniyatlaridan foydalanish yoʻlga qoʻyilsin;

(v) sudyalik lavozimiga nomzodlar va sudyalarning psixologik portreti boʻyicha sudyaning kasbiga munosibligini baholashga koʻmaklashuvchi elektron dasturni takomillashtirish choralari koʻrilsin;

(g) Kengash majlislarida yopiq ovoz berish va qaror qabul qilish jarayonlariga raqamli texnologiyalar joriy etilsin.

11. Kengash faoliyatining samaradorligini oshirish, zamonaviy raqamli texnologiyalarni joriy etish maqsadida Davlat budjeti hisobidan moliyalashtiriladigan qoʻshimcha 4 ta shtat birligi ajratilsin.

12. Kengash umumiy shtat birliklarining cheklangan soni 32 ta, shu jumladan, sudyalik lavozimlari — 13 ta, ijro apparati xodimlari — 10 ta, moliya-xoʻjalik boʻlimi xodimlari — 6 ta etib belgilansin.

IV. Sud mustaqilligi kafolatlarini kuchaytirish

13. Kengash (X. Yodgorov), Oliy sud (B. Islamov) va Bosh prokuratura (N. Yoʻldoshev) uch oy muddatda quyidagilar boʻyicha tahliliy maʼlumotnoma kiritsin:

(a) adolatsiz hukm, hal qiluv qarori, ajrim yoki qaror chiqarganlik uchun javobgarlikni belgilovchi qonunchilik normalarini sud mustaqilligiga oid xalqaro standartlar asosida qayta koʻrib chiqish;

(b) Kengash aʼzolarining sud hokimiyati mustaqilligini taʼminlash borasidagi faoliyatiga aralashganlik uchun jinoiy javobgarlik choralarini belgilash;

(v) sudyalar va sud xodimlari kunini belgilash.

14. Kengash va Oliy sudning sudya mustaqilligi va javobgarligi oʻrtasidagi muvozanatni taʼminlash maqsadida sudyaga nisbatan intizomiy jazo qoʻllash tizimini shaffof va adolatli qilish boʻyicha quyidagi takliflari maʼqullansin:

(a) sudyaga nisbatan intizomiy ish koʻrib chiqishda uning himoyaga boʻlgan huquqini taqdim etish;

(b) quyi sudyalik lavozimiga oʻtkazish intizomiy jazo chorasini joriy etish;

(v) intizomiy jazo amalda boʻlgan vaqtda yuqori sudyalik lavozimiga tavsiya etilmaslik;

(g) sudyani intizomiy javobgarlikka tortish asoslarining aniq mezonlarini belgilash.

V. Sudyalar korpusida gender tenglikni taʼminlash va ilmiy salohiyatni oshirish

15. Sudyalar korpusida gender tenglikni taʼminlash maqsadida:

(a) Kengashning Odil sudlov akademiyasining kasbiy qayta tayyorlash kurslariga qabul qilishda har yili zaruratga qarab Kengash tomonidan xotin-qizlar uchun kvota belgilash haqidagi taklifiga rozilik berilsin;

(b) tashabbuskor sudyalar guruhi tomonidan Oʻzbekiston ayol sudyalar assotsiatsiyasini tashkil etish boʻyicha taklif ishlab chiqilgani maʼlumot uchun qabul qilinsin.

16. Sud tizimida kamida besh yillik mehnat tajribasiga va ilmiy salohiyatga ega sudyalar qonunchilikda belgilangan tartibda Odil sudlov akademiyasiga professor-oʻqituvchi lavozimiga tayinlanganda Akademiyadagi faoliyati tugagandan soʻng uning muqaddam ishlagan sudyalik lavozimida ishni davom ettirishi, boʻsh turgan sudyalik lavozimi boʻlmagan taqdirda, roziligi bilan avvalgisiga teng boshqa sudyalik lavozimiga oʻtkazilishi belgilansin.

VI. Farmon ijrosini tashkil etish, taʼminlash va nazorat

17. Sudyalar hamjamiyati organlari faoliyatining samaradorligi va ochiqligini yanada oshirish boʻyicha “yoʻl xaritasi” ilovaga muvofiq tasdiqlansin.

18. Oʻzbekiston Respublikasi Prezidentining 2020-yil 7-dekabrdagi “Sudyalarning chinakam mustaqilligini taʼminlash hamda sud tizimida korrupsiyaning oldini olish samaradorligini oshirish chora-tadbirlari toʻgʻrisida”gi PF-6127-son Farmoni 8-bandining uchinchi va toʻrtinchi xatboshilari hamda 2-ilovasi oʻz kuchini yoʻqotgan deb hisoblansin.

19. Kengash (X. Yodgorov) manfaatdor vazirlik va idoralar bilan birgalikda uch oy muddatda qonunchilikka ushbu Farmondan kelib chiqadigan oʻzgartirish va qoʻshimchalar toʻgʻrisida takliflar kiritsin.

20. Mazkur Farmon ijrosini samarali tashkil etishga masʼul va shaxsiy javobgar etib Sudyalar oliy kengashi raisi X.B. Yodgorov belgilansin.

21. Ushbu Farmon ijrosini nazorat qilish va ijro uchun masʼul tashkilotlar faoliyatini muvofiqlashtirish Oʻzbekiston Respublikasi Prezidenti Administratsiyasi rahbarining sud tizimini isloh qilish boʻyicha oʻrinbosari N.J. Xakimova zimmasiga yuklansin.

Oʻzbekiston Respublikasi Prezidentining 2025-yil 24-noyabrdagi PF-227-son Farmoniga ILOVA

Sudyalar hamjamiyati organlari faoliyatining samaradorligi va ochiqligini yanada oshirish boʻyicha

T/r Chora-tadbirlar nomlanishi Amalga oshirish shakli Ijro muddati Moliyalashtirish manbalari Masʼul ijrochilar I. Sud mustaqilligiga oid ilgʻor standartlarni joriy etish hamda sudyalar hamjamiyati organlari faoliyatini takomillashtirish 1. Sudyalarni navbatdagi oʻn yillik muddatga tayinlash (saylash) tartibini bekor qilish hamda sudyalik lavozimlariga nomzodlarni dastlab besh yil muddatga, keyinchalik muddatsiz davrga tayinlash (saylash) tartibini joriy etish. Qonun loyihasi 2026-yil mart - Sudyalar oliy kengashi (X. Yodgorov), Oliy sud (B. Islamov) 2. Kengashning doimiy asosda faoliyat yurituvchi aʼzolari lavozimiga nomzodlarni tavsiya etishning aniq tartibini belgilash. Normativ-huquqiy hujjat loyihasi 2026-yil mart - Sudyalar oliy kengashi (X. Yodgorov), Oliy sud (B. Islamov) 3. Kengashning jamoatchilik asosida faoliyat yurituvchi aʼzolari lavozimiga nomzodlarni tavsiya etishning aniq tartibini belgilash. Idoraviy hujjat loyihasi 2026-yil mart - Sudyalar oliy kengashi (X. Yodgorov) 4. Kengash tarkibida sud tizimining barcha boʻgʻinlari vakilligini taʼminlash. Normativ-huquqiy hujjat loyihasi 2026-yil mart oyiga qadar - Sudyalar oliy kengashi (X. Yodgorov), Oliy sud (B. Islamov) 5. Sudyaning kasbiy faoliyatini baholashda “halollik”, “kasbiy layoqatlilik” va “sudyalik odobi qoidalariga rioya etish” mezonlarining aniq talablarini qonun darajasida belgilash. Normativ-huquqiy hujjat loyihasi 2026-yil mart - Sudyalar oliy kengashi (X. Yodgorov), Oliy sud (B. Islamov) 6. Sudyalarning malaka hayʼatlari qarorlarini qayta koʻrib chiqish tartibini takomillashtirish. Normativ-huquqiy hujjat loyihasi 2026-yil aprel - Sudyalar oliy kengashi (X. Yodgorov), Oliy sud (B. Islamov) 7. Kengash va Sudyalar oliy malaka hayʼatining qoʻshma yigʻilishlarini oʻtkazish tartibini bekor qilish. Normativ-huquqiy hujjat loyihasi 2026-yil aprel - Sudyalar oliy kengashi (X. Yodgorov), Oliy sud (B. Islamov) 8. Sudyalar malaka hayʼatlarining yangi tayinlangan aʼzolarini Odil sudlov akademiyasining qisqa muddatli kurslarida oʻqitish amaliyotini yoʻlga qoʻyish. Tashkiliy chora-tadbirlar Alohida reja asosida - Sudyalar oliy kengashi (X. Yodgorov), Odil sudlov akademiyasi (Sh. Abduqodirov) II. Sudyalar hamjamiyati organlari faoliyatida ochiqlik darajasini oshirish va sud boshqaruvini takomillashtirish 9. Kengashning rasmiy veb-saytida quyidagilarni ochiq eʼlon qilib borish amaliyotini joriy etish: (a) sud tizimida mavjud boʻsh rahbarlik va yuqori turuvchi sudyalik lavozimlariga oid maʼlumotlar hamda ularni egallash uchun tanlovda ishtirok etish tartibi; (b) sud tizimida sudyalik lavozimlari, shu jumladan, rahbarlik va yuqori turuvchi sudyalik lavozimlariga nomzodlarni tanlash va tayinlash boʻyicha barcha bosqichlarga oid maʼlumotlar. Tashkiliy chora-tadbirlar 2025-yil 15-dekabrga qadar - Sudyalar oliy kengashi (X. Yodgorov) 10. Hududlarda sudyalarni majburiy tartibda viloyat koʻp tarmoqli tibbiyot markazlarida chuqurlashtirilgan tibbiy koʻrikdan oʻtkazish. Sudyalar oliy kengashi tomonidan Sogʻliqni saqlash vazirligi bilan birgalikda chuqurlashtirilgan tibbiy koʻrikdan oʻtish tartibini ishlab chiqish va tasdiqlash. Tashkiliy chora-tadbirlar, idoraviy hujjat loyihasi 2026-yil mart - Sogʻliqni saqlash vazirligi (A. Xudayarov) , Sudyalar oliy kengashi (X. Yodgorov) III. Sud mustaqilligi kafolatlarini kuchaytirish va Kengash faoliyatini raqamlashtirish 11. Adolatsiz hukm, hal qiluv qarori, ajrim yoki qaror chiqarganlik uchun javobgarlikni belgilovchi qonunchilik normalarini sud mustaqilligiga oid xalqaro standartlar asosida koʻrib chiqish. Tahliliy maʼlumotnoma 2026-yil mart oyiga qadar - Sudyalar oliy kengashi (X. Yodgorov), Oliy sud (B. Islamov), Bosh prokuratura (N. Yoʻldoshev), manfaatdor vazirlik va idoralar 12. Kengash aʼzolarining sud hokimiyati mustaqilligini taʼminlash borasidagi faoliyatiga aralashganlik uchun jinoiy javobgarlik choralarini belgilash. 13. Sudyalar va sud xodimlari kunini belgilash. 14. Sudyaga nisbatan intizomiy jazo qoʻllashning shaffof va adolatli tizimini joriy etish. Bunda: (a) sudyaga nisbatan intizomiy ish koʻrib chiqishda uning himoyaga boʻlgan huquqini taqdim etish; (b) quyi sudyalik lavozimiga oʻtkazish intizomiy jazo chorasini joriy etish; (v) intizomiy jazo amalda boʻlgan vaqtda yuqori sudyalik lavozimiga tavsiya etilmaslik; (g) sudyani intizomiy javobgarlikka tortish asoslarining aniq mezonlarini belgilash. Normativ-huquqiy hujjat loyihasi 2026-yil mart - Sudyalar oliy kengashi (X. Yodgorov), Oliy sud (B. Islamov) 15. “Raqamli hukumat” tizimi Idoralararo integratsiyalashuv platformasida mavjud maʼlumotlarni Kengashning axborot tizimi bilan toʻliq integratsiya qilish. Tashkiliy chora-tadbirlar 2026-yil aprel Ijrochilar mablagʻlari Sudyalar oliy kengashi (X. Yodgorov), Raqamli texnologiyalar vazirligi (Sh. Shermatov), “UZINFOCOM” MCHJ (E. Gimranov), manfaatdor vazirlik va idoralar 16. Sudyalar faoliyati samaradorligini sunʼiy intellekt yordamida baholashni yoʻlga qoʻyish. Tashkiliy chora-tadbirlar 2026-yil aprel - Sudyalar oliy kengashi (X. Yodgorov), Oliy sud (B. Islamov), Raqamli texnologiyalar vazirligi (Sh. Shermatov) 17. Sudyalik lavozimiga nomzodlar va sudyalarning psixologik portreti boʻyicha sudyaning kasbiga munosibligini baholashga koʻmaklashuvchi elektron dasturni takomillashtirish. Tashkiliy chora-tadbirlar 2026-yil may - Sudyalar oliy kengashi (X. Yodgorov), Oliy sud (B. Islamov), Raqamli texnologiyalar vazirligi (Sh. Shermatov) IV. Sudyalar korpusida gender tenglikni taʼminlash va ilmiy salohiyatni oshirish 18. Odil sudlov akademiyasining sudyalik kasbiga qayta tayyorlash kurslariga qabul qilishda har yili zaruratga qarab xotin-qizlar uchun kvota belgilash. Idoraviy hujjat loyihasi Doimiy ravishda - Sudyalar oliy kengashi (X. Yodgorov) 19. Sud tizimida kamida besh yillik mehnat tajribasi va ilmiy salohiyatga ega sudyalarni ikki oʻquv yili muddatiga Odil sudlov akademiyasiga professor-oʻqituvchi lavozimiga jalb etish tartibini joriy etish. Tashkiliy chora-tadbirlar, idoraviy hujjat loyihasi 2026-yil mart - Sudyalar oliy kengashi (X. Yodgorov), Odil sudlov akademiyasi (Sh. Abduqodirov)

Oʻzbekiston Respublikasi Prezidenti Sh. MIRZIYOYEV

Toshkent sh.,

2025-yil 24-noyabr,

PF- 227 -son

(Qonunchilik maʼlumotlari milliy bazasi, 25.11.2025-y., 06/25/227/1064-son)

lex.uz

Президента Республики Узбекистан

Указ

«ДОРОЖНАЯ КАРТА»

О мерах по повышению эффективности и открытости деятельности органов судейского сообщества, а также дальнейшему усилению гарантий судебной независимости

В целях коренного повышения роли органов судейского сообщества в стране, укомплектования судебных органов квалифицированными кадрами на основе открытых и прозрачных процедур, эффективного обеспечения права населения на судебную защиту, усиления гарантий судебной независимости, а также в соответствии с задачами, определенными в Стратегии «Узбекистан — 2030», постановляю:

I. Цели

1. Определить приоритетными целями обеспечения подлинной независимости судебной власти, повышения эффективности деятельности органов судейского сообщества:

(а) обеспечение широкого внедрения принципа судейского самоуправления и передовых международных стандартов судебной независимости в деятельность органов судейского сообщества;

(б) совершенствование порядка формирования судейского корпуса, повышение роли и четкое определение сферы ответственности органов судейского сообщества в данном процессе;

(в) обеспечение открытости в деятельности органов судейского сообщества, внедрение прозрачного порядка отбора кандидатов в судьи;

(г) доведение доли женщин судей минимум до 30 процентов путем расширения возможностей обеспечения гендерного равенства в судебной системе.

II. Внедрение передовых стандартов судебной независимости и совершенствование деятельности органов судейского сообщества

2. Согласиться со следующими предложениями Высшего судейского совета (далее — Совет) по внедрению в законодательство принципа несменяемости судьи, предусматривающими:

(а) отмену порядка назначения (избрания) судей на очередной десятилетний срок и установление порядка назначения (избрания) кандидатов на должности судей первоначально на пятилетний срок, а в последующем — на бессрочный период;

(б) установление порядка выбора кандидатов на должности председателя и заместителя председателя межрайонных, районных и городских судов среди судей путем открытого конкурса на основе конкретных критериев;

(в) определение на уровне закона четких критериев таких требований, как «честность», «компетентность» и «соблюдение этических правил судей», при оценке профессиональной деятельности судей.

3. Одобрить следующие предложения Совета и Верховного суда по дальнейшему совершенствованию порядка формирования состава Совета путем повышения участия органов судейского сообщества, предусматривающие:

(а) рекомендацию кандидатов на должность судей Совета, осуществляющих деятельность на постоянной основе, квалификационными коллегиями судей соответствующего суда. При этом на должности судей Совета, осуществляющих деятельность на постоянной основе, как правило, могут выдвигаться кандидатуры судей, осуществляющих деятельность в качестве судьи не менее 7 лет;

(б) рекомендацию кандидатов в состав членов Совета, осуществляющих деятельность на общественных началах, научными и высшими образовательными организациями в сфере права, институтами гражданского общества.

4. Совету совместно с Верховным судом в трехмесячный срок внести проект нормативно-правового акта, предусматривающего изменения и дополнения в законодательство по внедрению порядка формирования состава судей Совета, осуществляющих деятельность на постоянной основе, из числа судей следующих судов:

(а) Верховного суда — двух судей;

(б) судов областного уровня — семи судей;

(в) межрайонных, районных, городских судов — четырех судей.

5. Согласиться с предложением Совета по внедрению в законодательство порядка, предусматривающего представление заключений по кандидатам на судейские должности следующими органами судейского сообщества:

(а) квалификационными коллегиями судей — по кандидатам на должности судей военных судов, судов Республики Каракалпакстан, областей и города Ташкента, административных судов Республики Каракалпакстан, областей и города Ташкента, председателей, заместителей председателя и судей территориальных военных судов, межрайонных, районных, городских судов;

(б) Высшей квалификационной коллегией судей — по кандидатам на должности судей Верховного суда, председателей и заместителей председателя судов Республики Каракалпакстан, областей и города Ташкента, административных судов Республики Каракалпакстан, областей и города Ташкента, Военного суда Республики Узбекистан.

6. Одобрить предложение Совета и Верховного суда об отмене порядка проведения совместного заседания Совета и Высшей квалификационной коллегии судей в целях повышения независимости органов судейского сообщества.

7. Предоставить председателю Совета следующие полномочия, исходя из его конституционного статуса:

(а) вносить представления о пересмотре соответствующих решений квалификационных коллегий при выявлении необоснованного прекращения дисциплинарного дела либо несоответствия назначенного дисциплинарного взыскания проступку, совершенному судьей, в случае нарушения норм Кодекса судейской этики или допущения конфликта интересов судьями;

(б) самостоятельно утверждать структуру и штатное расписание Совета в рамках установленной численности штатных единиц.

8. Установить, что проекты нормативно-правовых актов по вопросам, отнесенным к полномочиям Совета, согласовываются министерствами и ведомствами с Советом в обязательном порядке.

III. Повышение уровня открытости деятельности органов судейского сообщества и совершенствование судебного управления

9. Внедрить до 15 декабря 2025 года практику опубликования на официальном веб-сайте Совета сведений по:

(а) вакантным руководящим и вышестоящим судейским должностям в системе судов, а также порядку участия в конкурсе на их замещение;

(б) всем этапам процесса отбора и назначения кандидатов на судейские должности в системе судов, включая руководящие и вышестоящие судейские должности.

10. В целях широкого внедрения современных цифровых технологий в деятельность Совета, цифровизации процессов изучения и отбора кандидатов на судейские должности:

(а) обеспечить полную интеграцию Межведомственной интеграционной платформы системы «Цифровое правительство» с информационной системой Совета в целях прекращения практики истребования излишних сведений от кандидатов на судейские должности;

(б) внедрить возможности использования искусственного интеллекта при оценке эффективности деятельности судей;

(в) принять меры по совершенствованию электронной программы, содействующей оценке профессионализма судьи на основе психологического портрета кандидатов на судейские должности и судей;

(г) внедрить цифровые технологии в процессы проведения закрытого голосования и принятия решений на заседаниях Совета.

11. В целях повышения эффективности и внедрения современных цифровых технологий в деятельность Совета выделить дополнительно 4 штатные единицы, финансируемые за счет Государственного бюджета.

12. Установить общую предельную численность штатных единиц Совета — 32, в том числе судейских должностей — 13, работников исполнительного аппарата — 10, работников финансово-хозяйственного отдела — 6.

IV. Усиление гарантий судебной независимости

13. Совету (Х. Ёдгоров), Верховному суду (Б. Исламов) и Генеральной прокуратуре (Н. Йулдошев) в трехмесячный срок внести аналитические материалы по:

(а) пересмотру норм законодательства, устанавливающих ответственность за вынесение несправедливых приговора, решения, определения или постановления, на основе международных стандартов независимости суда;

(б) установлению мер уголовной ответственности за вмешательство в деятельность членов Совета по обеспечению независимости судебной власти;

(в) установлению Дня судей и работников судов.

14. Одобрить следующие предложения Совета и Верховного суда по созданию прозрачной и справедливой системы применения дисциплинарных взысканий в отношении судей в целях обеспечения баланса независимости и ответственности судьи:

(а) предоставление права на защиту при рассмотрении дисциплинарного дела в отношении судьи;

(б) внедрение вида дисциплинарного взыскания в виде перевода на нижестоящую судейскую должность;

(в) невозможность рекомендации на вышестоящую судейскую должность в течение срока действия дисциплинарного взыскания;

(г) определение конкретных критериев оснований привлечения судьи к дисциплинарной ответственности.

V. Обеспечение гендерного равенства и повышение научного потенциала судейского корпуса

15. В целях обеспечения гендерного равенства в судейском корпусе:

(а) согласиться с предложением Совета о ежегодном установлении Советом квоты по необходимости для женщин при приеме на курсы профессиональной переподготовки Академии правосудия;

(б) принять к сведению разработку инициативной группой судей предложения об образовании Ассоциации женщин-судей Узбекистана.

16. Определить, что судьи, имеющие стаж работы в судебной системе не менее пяти лет и научный потенциал, при назначении в установленном законодательством порядке на должности профессорско-преподавательского состава Академии правосудия, после окончания деятельности в данной Академии продолжают деятельность на судейской должности, которую они занимали ранее, а при отсутствии вакантной судейской должности — переводятся с их согласия на другую равнозначную судейскую должность.

VI. Организация, обеспечение и контроль исполнения Указа

17. Утвердить «Дорожную карту» по дальнейшему повышению эффективности и открытости деятельности органов судейского сообщества согласно приложению .

18. Признать утратившими силу абзацы третий и четвертый пункта 8 Указа Президента Республики Узбекистан от 7 декабря 2020 года № УП-6127 «О мерах по обеспечению подлинной независимости судей и повышению эффективности предупреждения коррупции в судебной системе», а также приложение № 2 к нему.

19. Совету (Х. Ёдгоров) совместно с заинтересованными министерствами и ведомствами в трехмесячный срок внести предложения об изменениях и дополнениях в законодательство, вытекающих из настоящего Указа.

20. Возложить на председателя Высшего судейского совета Х.Б. Ёдгорова персональную ответственность за эффективную организацию исполнения настоящего Указа.

21. Контроль за исполнением настоящего Указа, осуществление координации деятельности организаций, ответственных за его исполнение, возложить на заместителя руководителя Администрации Президента Республики Узбекистан по реформированию судебной системы Н.Ж. Хакимову.

ПРИЛОЖЕНИЕ к Указу Президента Республики Узбекистан от 24 ноября 2025 года № УП-227

по дальнейшему повышению эффективности и открытости деятельности органов судейского сообщества

№ Наименование мер Форма реализации Срок исполнения Источники финансирования Ответственные исполнители I. Внедрение передовых стандартов по независимости судов и совершенствование деятельности органов судейского сообщества 1. Отмена порядка назначения (избрания) судей на следующий десятилетний срок, а также внедрение порядка назначения (избрания) кандидатов на судейские должности на первоначальный пятилетний срок, в последующем — на бессрочный период. Проект закона Март 2026 года - Высший судейский совет (Х. Ёдгоров), Верховный суд (Б. Исламов) 2. Определение конкретного порядка рекомендации кандидатов на должности членов Совета, осуществляющих деятельность на постоянной основе. Проект нормативно-правового акта Март 2026 года - Высший судейский совет (Х. Ёдгоров), Верховный суд (Б. Исламов) 3. Определение конкретного порядка рекомендации кандидатов на должности членов Совета, осуществляющих деятельность на общественных началах. Проект ведомственного акта Март 2026 года - Высший судейский совет (Х. Ёдгоров) 4. Обеспечение представительства всех звеньев судебной системы в составе Совета. Проект нормативно-правового акта До марта 2026 года - Высший судейский совет (Х. Ёдгоров), Верховный суд (Б. Исламов) 5. Закрепление на уровне закона четких требований таких критериев как «частность», «компетентность» и «соблюдение этических правил судей». Проект нормативно-правового акта Март 2026 года - Высший судейский совет (Х. Ёдгоров), Верховный суд (Б. Исламов) 6. Совершенствование порядка пересмотра решений квалификационных коллегий судей. Проект нормативно-правового акта Апрель 2026 года - Высший судейский совет (Х. Ёдгоров), Верховный суд (Б. Исламов) 7. Отмена порядка проведения совместных заседаний Совета и Высшей квалификационной коллегии судей. Проект нормативно-правового акта Апрель 2026 года - Высший судейский совет (Х. Ёдгоров), Верховный суд (Б. Исламов) 8. Налаживание практики обучения вновь назначенных членов квалификационных коллегий судей на краткосрочных курсах Академии правосудия. Организационные меры На основе отдельного плана - Высший судейский совет (Х. Ёдгоров), Академия правосудия (Ш. Абдукадиров) II. Повышение уровня открытости в деятельности органов судейского сообщества и совершенствование судебного управления 9. Внедрение практики открытого опубликования на официальном веб-сайте Совета: (а) сведений об имеющихся в судебной системе вакантных руководящих и вышестоящих судейских должностях, а также порядка участия в конкурсе на их занятие; (б) сведений касательно всех этапов отбора и назначения кандидатов на должности судей в судебной системе, в том числе руководящие и вышестоящие судейские должности. Организационные меры До 15 декабря 2025 года - Высший судейский совет (Х. Ёдгоров) 10. Проведение обязательного углубленного медицинского осмотра судей в регионах в областных многопрофильных медицинских центрах. Разработка и утверждение Высшим судейским советом совместно с Министерством здравоохранения порядка прохождения углубленного медицинского осмотра. Организационные меры, проект ведомственного акта Март 2026 года - Министерство здравоохранения (А. Худаяров) , Высший судейский совет (Х. Ёдгоров) III. Усиление гарантий независимости суда и цифровизация деятельности Совета 11. Рассмотрение норм законодательства, определяющих ответственность за вынесение несправедливых приговора, решения, определения или постановления, на основе международных стандартов по независимости суда. Аналитическая справка До марта 2026 года - Высший судейский совет (Х. Ёдгоров), Верховный суд (Б. Исламов), Генеральная прокуратура (Н. Йулдошев), заинтересованные министерства и ведомства 12. Определение мер уголовной ответственности за вмешательство членов Совета в деятельность по обеспечению независимости судебной власти. 13. Установление Дня судей и работников судов. 14. Внедрение прозрачной и справедливой системы применения дисциплинарного взыскания к судьям. При этом предусмотреть: (а) предоставление права на защиту при рассмотрении дисциплинарного дела в отношении судьи; (б) внедрение вида дисциплинарного взыскания в виде перевода на нижестоящую судейскую должность; (в) невозможность рекомендации на вышестоящую судейскую должность в течение срока действия дисциплинарного взыскания; (г) определение конкретных критериев оснований привлечения судьи к дисциплинарной ответственности. Проект нормативно-правового акта Март 2026 года - Высший судейский совет (Х. Ёдгоров), Верховный суд (Б. Исламов) 15. Полная интеграция имеющихся данных на Межведомственной интеграционной платформе системы «Цифровое правительство» с информационной системой Совета. Организационные меры Апрель 2026 года Средства исполнителей Высший судейский совет (Х. Ёдгоров), Министерство цифровых технологий (Ш. Шерматов), ООО «UZINFOCOM» (Э. Гимранов), заинтересованные министерства и ведомства 16. Налаживание оценки эффективности деятельности судей с помощью искусственного интеллекта. Организационные меры Апрель 2026 года - Высший судейский совет (Х. Ёдгоров), Верховный суд (Б. Исламов), Министерство цифровых технологий (Ш. Шерматов) 17. Совершенствование электронной программы, содействующей оценке кандидатов на судейскую должность и соответствия профессии судьи по психологическому портрету судей. Организационные меры Май 2026 года - Высший судейский совет (Х. Ёдгоров), Верховный суд (Б. Исламов), Министерство цифровых технологий (Ш. Шерматов) IV. Обеспечение гендерного равенства и повышение научного потенциала в судейском корпусе 18. Определение по необходимости ежегодных квот для женщин при принятии их на курсы по переподготовке в Академии правосудия. Проект ведомственного акта На постоянной основе - Высший судейский совет (Х. Ёдгоров) 19. Внедрение порядка привлечения на должность профессоров-преподавателей в Академию правосудия судей с опытом работы в судебной системе минимум пять лет и научным потенциалом сроком на два учебных года. Организационные меры, проект ведомственного акта Март 2026 года - Высший судейский совет (Х. Ёдгоров), Академия правосудия (Ш. Абдукадиров)

Президент Республики Узбекистан Ш. МИРЗИЁЕВ

г. Ташкент,

24 ноября 2025 г.,

№ УП- 227

(Национальная база данных законодательства, 25.11.2025 г., № 06/25/227/1064)

lex.uz