📅 2025-yil 15-noyabr · Vazirlik va idoralar hujjatlari · Ichki ishlar vaziri
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 15 ноябрь · Вазирлик ва идоралар ҳужжатлари · Ички ишлар вазири
Расмий матн. Расмий ҳужжат. Таҳририй изоҳлар киритилмаган.
📅 15 ноября 2025 г. · Документы министерств и ведомств · Министр внутренних дел
Официальный текст. Официальный документ. Редакционные примечания не включены.
📅 15 November 2025 · Ministry and agency documents · Ichki ishlar vaziri
Official text. Official document. Editorial notes are not included.
Ўзбекистон Республикаси ички ишлар вазирининг
буйруғи
Ўзбекистон Республикаси Ички ишлар вазирлигининг ихтисослаштирилган мактаб-интернатига ўқувчиларни ўқишга қабул қилиш учун танловлар ўтказиш ва уларнинг ҳужжатларини расмийлаштириш тартиби тўғрисидаги низомга ўзгартиришлар киритиш ҳақида
Ўзбекистон Республикаси Президентининг 2021 йил 23 мартдаги ПФ-6191-сон « Аҳоли ва тадбиркорлик субъектларига давлат хизматларидан фойдаланишда янада қулай шароитлар яратиш, бу борада бюрократик тўсиқларни қисқартириш бўйича қўшимча чора-тадбирлар тўғрисида »ги, 2021 йил 26 мартдаги ПФ-6196-сон « Жамоат хавфсизлигини таъминлаш ва жиноятчиликка қарши курашиш соҳасида ички ишлар органлари фаолиятини сифат жиҳатидан янги босқичга кўтариш чора-тадбирлари тўғрисида »ги фармонларига мувофиқ буюраман:
1. Ўзбекистон Республикаси ички ишлар вазирининг 2018 йил 20 октябрдаги 286-сон буйруғи (рўйхат рақами 3089, 2018 йил 22 ноябрь) (Қонун ҳужжатлари маълумотлари миллий базаси, 23.11.2018 й., 10/18/3089/2222-сон) билан тасдиқланган Ўзбекистон Республикаси Ички ишлар вазирлигининг ихтисослаштирилган мактаб интернатига ўқувчиларни ўқишга қабул қилиш учун танловлар ўтказиш ва уларнинг ҳужжатларини расмийлаштириш тартиби тўғрисидаги низомга иловага мувофиқ ўзгартиришлар киритилсин.
2. Мазкур буйруқ расмий эълон қилинган кундан эътиборан кучга киради.
Ўзбекистон Республикаси ички ишлар вазирининг 2025 йил 15 ноябрдаги 652-сон буйруғига ИЛОВА
Ўзбекистон Республикаси Ички ишлар вазирлигининг ихтисослаштирилган мактаб-интернатига ўқувчиларни ўқишга қабул қилиш учун танловлар ўтказиш ва уларнинг ҳужжатларини расмийлаштириш тартиби тўғрисидаги низомга киритилаётган ўзгартиришлар
1. 5-банднинг биринчи хатбошиси ва 36-банддаги «кадрлар бош бошқармаси бошлиғи» деган сўзлар «Маънавий-маърифий ишлар ва кадрлар билан таъминлаш департаменти бошлиғи» деган сўзлар билан алмаштирилсин.
2. 6-банддаги «Тошкент шаҳар ички ишлар бош бошқармаси» деган сўзлар «Тошкент шаҳар ва Тошкент вилояти ички ишлар бош бошқармалари» деган сўзлар билан алмаштирилсин.
3. 7-банддаги «Кадрлар билан ишлаш бошқармаси (бўлими)» ва «Ўз хавфсизлиги» деган сўзлар тегишли равишда «Маънавий-маърифий ишлар ва кадрлар билан таъминлаш хизмати» ва «Шахсий хавфсизлик» деган сўзлар билан алмаштирилсин.
4. 11-банд қуйидаги таҳрирда баён этилсин:
«11. Фарзандлари мактаб-интернатга ўқишга кириш истагида бўлган ота-оналар ёки уларнинг ўрнини босувчи шахслар ҳамда ходимлар мазкур Низомнинг 10-бандидаги ариза ёки билдирги билан бирга номзод тўғрисидаги маълумотлар анкетасини ҳамда электрон шаклда номзоднинг рангли фотосуратини тақдим этади.
Номзоднинг ота-онаси ёки уларнинг ўрнини босувчи шахслардан мазкур бандда назарда тутилмаган ҳужжатларни талаб қилиш тақиқланади.
Бунда, ишчи гуруҳ томонидан мазкур бандда назарда тутилмаган ҳужжатлар тегишли давлат органлари ва ташкилотларидан мустақил равишда, шу жумладан «Электрон ҳукумат» тизими идоралараро интеграциялашув платформаси орқали сўраб олиш орқали аниқланади.».
5. 15-банднинг учинчи хатбошисидаги «ички ишлар бошқармаларининг кадрлар билан ишлаш бошқармаси (бўлими)» деган сўзлар «ички ишлар бошқармалари Маънавий-маърифий ишлар ва кадрлар билан таъминлаш хизмати бошлиғининг ўринбосари» деган сўзлар билан алмаштирилсин.
6. 37-банддаги «Кадрлар бош бошқармаси» деган сўзлар «Маънавий-маърифий ишлар ва кадрлар билан таъминлаш департаменти» деган сўзлар билан алмаштирилсин.
Вазир А. ТАШПУЛАТОВ
Тошкент ш.,
2025 йил 15 ноябрь,
652-сон
Oʻzbekiston Respublikasi ichki ishlar vazirining
buyrugʻi
Oʻzbekiston Respublikasi Ichki ishlar vazirligining ixtisoslashtirilgan maktab-internatiga oʻquvchilarni oʻqishga qabul qilish uchun tanlovlar oʻtkazish va ularning hujjatlarini rasmiylashtirish tartibi toʻgʻrisidagi nizomga oʻzgartirishlar kiritish haqida
Oʻzbekiston Respublikasi Prezidentining 2021-yil 23-martdagi PF-6191-son “ Aholi va tadbirkorlik subyektlariga davlat xizmatlaridan foydalanishda yanada qulay sharoitlar yaratish, bu borada byurokratik toʻsiqlarni qisqartirish boʻyicha qoʻshimcha chora-tadbirlar toʻgʻrisida ”gi, 2021-yil 26-martdagi PF-6196-son “ Jamoat xavfsizligini taʼminlash va jinoyatchilikka qarshi kurashish sohasida ichki ishlar organlari faoliyatini sifat jihatidan yangi bosqichga koʻtarish chora-tadbirlari toʻgʻrisida ”gi farmonlariga muvofiq buyuraman:
1. Oʻzbekiston Respublikasi ichki ishlar vazirining 2018-yil 20-oktabrdagi 286-son buyrugʻi (roʻyxat raqami 3089, 2018-yil 22-noyabr) (Qonun hujjatlari maʼlumotlari milliy bazasi, 23.11.2018-y., 10/18/3089/2222-son) bilan tasdiqlangan Oʻzbekiston Respublikasi Ichki ishlar vazirligining ixtisoslashtirilgan maktab internatiga oʻquvchilarni oʻqishga qabul qilish uchun tanlovlar oʻtkazish va ularning hujjatlarini rasmiylashtirish tartibi toʻgʻrisidagi nizomga ilovaga muvofiq oʻzgartirishlar kiritilsin.
2. Mazkur buyruq rasmiy eʼlon qilingan kundan eʼtiboran kuchga kiradi.
Oʻzbekiston Respublikasi ichki ishlar vazirining 2025-yil 15-noyabrdagi 652-son buyrugʻiga ILOVA
Oʻzbekiston Respublikasi Ichki ishlar vazirligining ixtisoslashtirilgan maktab-internatiga oʻquvchilarni oʻqishga qabul qilish uchun tanlovlar oʻtkazish va ularning hujjatlarini rasmiylashtirish tartibi toʻgʻrisidagi nizomga kiritilayotgan oʻzgartirishlar
1. 5-bandning birinchi xatboshisi va 36-banddagi “kadrlar bosh boshqarmasi boshligʻi” degan soʻzlar “Maʼnaviy-maʼrifiy ishlar va kadrlar bilan taʼminlash departamenti boshligʻi” degan soʻzlar bilan almashtirilsin.
2. 6-banddagi “Toshkent shahar ichki ishlar bosh boshqarmasi” degan soʻzlar “Toshkent shahar va Toshkent viloyati ichki ishlar bosh boshqarmalari” degan soʻzlar bilan almashtirilsin.
3. 7-banddagi “Kadrlar bilan ishlash boshqarmasi (boʻlimi)” va “Oʻz xavfsizligi” degan soʻzlar tegishli ravishda “Maʼnaviy-maʼrifiy ishlar va kadrlar bilan taʼminlash xizmati” va “Shaxsiy xavfsizlik” degan soʻzlar bilan almashtirilsin.
4. 11-band quyidagi tahrirda bayon etilsin:
“11. Farzandlari maktab-internatga oʻqishga kirish istagida boʻlgan ota-onalar yoki ularning oʻrnini bosuvchi shaxslar hamda xodimlar mazkur Nizomning 10-bandidagi ariza yoki bildirgi bilan birga nomzod toʻgʻrisidagi maʼlumotlar anketasini hamda elektron shaklda nomzodning rangli fotosuratini taqdim etadi.
Nomzodning ota-onasi yoki ularning oʻrnini bosuvchi shaxslardan mazkur bandda nazarda tutilmagan hujjatlarni talab qilish taqiqlanadi.
Bunda, ishchi guruh tomonidan mazkur bandda nazarda tutilmagan hujjatlar tegishli davlat organlari va tashkilotlaridan mustaqil ravishda, shu jumladan “Elektron hukumat” tizimi idoralararo integratsiyalashuv platformasi orqali soʻrab olish orqali aniqlanadi.”.
5. 15-bandning uchinchi xatboshisidagi “ichki ishlar boshqarmalarining kadrlar bilan ishlash boshqarmasi (boʻlimi)” degan soʻzlar “ichki ishlar boshqarmalari Maʼnaviy-maʼrifiy ishlar va kadrlar bilan taʼminlash xizmati boshligʻining oʻrinbosari” degan soʻzlar bilan almashtirilsin.
6. 37-banddagi “Kadrlar bosh boshqarmasi” degan soʻzlar “Maʼnaviy-maʼrifiy ishlar va kadrlar bilan taʼminlash departamenti” degan soʻzlar bilan almashtirilsin.
Vazir A. TASHPULATOV
Toshkent sh.,
2025-yil 15-noyabr,
652-son