UzbekAI

Ўзбекистон Республикаси Вазирлар Маҳкамасининг

қарори

НИЗОМ

РЎЙХАТИ

Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида

Ўзбекистон Республикасининг «Норматив-ҳуқуқий ҳужжатлар тўғрисида»ги Қонуни 18-моддасига мувофиқ, шунингдек, қонунчилик ҳужжатларини ўзаро мувофиқлаштириш мақсадида Вазирлар Маҳкамаси қарор қилади:

1. Ўзбекистон Республикаси Ҳукуматининг 1-иловага мувофиқ айрим қарорларига ўзгартириш ва қўшимчалар киритилсин.

2. Ўзбекистон Республикаси Ҳукуматининг 2-иловага мувофиқ айрим қарорлари ўз кучини йўқотган деб ҳисоблансин.

3. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари Ж.А. Ходжаев зиммасига юклансин.

Вазирлар Маҳкамасининг 2025 йил 24 ноябрдаги 740-сон қарорига 1-ИЛОВА

Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар

1. Вазирлар Маҳкамасининг «Ўқитувчилар ва ўқувчилар турмуши моддий шароитларини яхшилашга оид қўшимча чора-тадбирлар тўғрисида» 1997 йил 20 августдаги 409-сон қарорининг 2-банди «(уйда якка тартибда таълим берадиган ўқитувчилар бундан мустасно)» сўзлари билан тўлдирилсин.

2. Вазирлар Маҳкамасининг «Халқ таълими ходимлари меҳнатига ҳақ тўлаш шартларини тартибга солиш тўғрисида» 1994 йил 29 сентябрдаги 490-сон қарорида :

а) 1-илованинг 23-бандида :

биринчи хатбошидаги «3,6» рақами «8» рақами билан алмаштирилсин;

иккинчи хатбоши чиқариб ташлансин;

б) 2-илованинг I-банди «е» кичик банди ўз кучини йўқотган деб ҳисоблансин.

3. Вазирлар Маҳкамасининг «Халқ таълими ходимлари меҳнатига ҳақ тўлашнинг такомиллаштирилган тизимини тасдиқлаш тўғрисида» 2005 йил 21 декабрдаги 275-сон қарорида :

а) 1-илова қуйидаги мазмундаги 14-позиция билан тўлдирилсин:

« 14. Ёрдамчи ходим (ассистент-ўқитувчи) 2,470 » ;

б) 3-иловада :

3-бандда :

иккинчи хатбоши қуйидаги таҳрирда баён этилсин:

«таълим муассасалари педагог ва раҳбар ходимларининг ҳар бир лавозими ва малака тоифаси учун белгиланган базавий тариф ставкалари асосида ҳамда қонунчиликда белгиланган устамалар ва қўшимча тўловлар асосида шакллантирилади»;

учинчи хатбоши чиқариб ташлансин;

тўртинчи — саккизинчи хатбошилар тегишлича учинчи — еттинчи хатбошилар деб ҳисоблансин;

қуйидаги мазмундаги 11 1 -банд билан тўлдирилсин:

«11 1 . Уйда якка тартибда ўқитиладиган ўқувчиларни, шу жумладан, бир хил ёшдаги ва битта манзилдаги икки ва ундан ортиқ ўқувчиларни ўқитганлик учун умумтаълим мактабларининг ўқитувчиларига базавий ҳисоблаш миқдорининг бир баравари миқдорида ойлик йўл компенсацияси тўланади.

Мазкур компенсация мактабдан уйда якка тартибда ўқитиладиган ўқувчининг яшаш жойигача камида 1,5 километр масофа бўлганда ҳамда уйда ўқитилаётган ўқувчига бириктирилган бир нечта ўқитувчиларга компенсация уларнинг ҳар ойда амалда ўтказадиган ўқув соатлари улушидан келиб чиққан ҳолда, уйда ўқитилаётганларнинг ўқув режасидаги ўқув соатларининг умумий миқдорига мутаносиб равишда тўланади.

Уйда ўқитиладиган болалар рўйхати, шунингдек, уларнинг мактабга бириктирилиши туман (шаҳар)мактабгача ва мактаб таълими бўлимлари томонидан уйда ўқитиладиган болаларнинг яшаш жойи микроучасткасидаги мактабларга бириктирилган ҳолда тасдиқланади.

Ўзбекистон Республикаси Президенти ҳузуридаги Ижтимоий ҳимоя миллий агентлиги тизимидаги алоҳида таълим эҳтиёжлари бўлган болалар учун ихтисослаштирилган мактаблар ва мактаб-интернатлардан уйда якка тартибда ўқитиладиган болалар рўйхати Ўзбекистон Республикаси Президенти ҳузуридаги Ижтимоий ҳимоя миллий агентлигининг ҳудудий бошқармалари томонидан тасдиқланади».

4. Вазирлар Маҳкамасининг 2017 йил 15 мартдаги 140-сон қарори билан тасдиқланган Умумий ўрта таълим тўғрисидаги низомнинг 28-банди учинчи хатбошиси қуйидаги таҳрирда баён этилсин:

«Умумтаълим муассасаларининг (филиалларининг) кам комплектли синфларида бошланғич синф ўқувчилари қуйидаги ҳолларда битта синфга бирлаштирилиши мумкин:».

5. Вазирлар Маҳкамасининг 2017 йил 22 декабрдаги 1013-сон қарори билан тасдиқланган Норматив-ҳуқуқий ҳужжатлар матнлари ҳамда зарур бўлган тақдирда уларга тегишли ахборот-таҳлилий материаллар электрон шаклда юбориладиган давлат органлари ва бошқа ташкилотларнинг рўйхатининг «5. Қўмиталар» бўлимининг 2-банди қуйидаги таҳрирда баён этилсин:

«2. Ўзбекистон Республикаси Миллатлараро муносабатлар ва хориждаги ватандошлар масалалари бўйича қўмитаси».

6. Вазирлар Маҳкамасининг «Ўзбекистон Республикаси Маданият вазирлиги ҳузуридаги Миллатлараро муносабатлар ва хорижий мамлакатлар билан дўстлик алоқалари қўмитаси ҳузуридаги Жамоатчилик кенгаши фаолиятини ташкил этиш тўғрисида» 2017 йил 25 декабрдаги 1018-сон қарорида :

а) номидаги «Маданият вазирлиги ҳузуридаги Миллатлараро муносабатлар ва хорижий мамлакатлар билан дўстлик алоқалари қўмитаси» сўзлари «Миллатлараро муносабатлар ва хориждаги ватандошлар масалалари бўйича қўмитаси» сўзлари билан алмаштирилсин;

б) 1-банднинг иккинчи ва учинчи хатбошиларидаги «Маданият вазирлиги ҳузуридаги Миллатлараро муносабатлар ва хорижий мамлакатлар билан дўстлик алоқалари қўмитаси» сўзлари «Миллатлараро муносабатлар ва хориждаги ватандошлар масалалари бўйича қўмитаси» сўзлари билан алмаштирилсин;

в) 1-иловада :

номидаги «Маданият вазирлиги ҳузуридаги Миллатлараро муносабатлар ва хорижий мамлакатлар билан дўстлик алоқалари қўмитаси» сўзлари «Миллатлараро муносабатлар ва хориждаги ватандошлар масалалари бўйича қўмитаси» сўзлари билан алмаштирилсин;

1-банддаги «Маданият вазирлиги ҳузуридаги Миллатлараро муносабатлар ва хорижий мамлакатлар билан дўстлик алоқалари қўмитаси» сўзлари «Миллатлараро муносабатлар ва хориждаги ватандошлар масалалари бўйича қўмитаси» сўзлари билан алмаштирилсин;

2-банд қуйидаги таҳрирда баён этилсин:

«2. Жамоатчилик кенгаши маслаҳат-кенгаш органи ҳисобланиб, Қўмитага юкланган вазифа ва мажбуриятларнинг бажарилишига кўмаклашади»;

4 ва 5-бандлар қуйидаги таҳрирда баён этилсин:

«4. Қуйидагилар Жамоатчилик кенгашининг асосий вазифалари ҳисобланади:

Ўзбекистон халқининг бирдамлигини таъминлаш, хориждаги ватандошларни тарихий Ватани билан бирлаштиришга қаратилган чора-тадбирлар ижросини комплекс таҳлил қилишда иштирок этиш, уларнинг амалга оширилиши юзасидан самарали жамоатчилик назоратини ўрнатиш;

мамлакатимизда умуммиллий тотувлик ва ҳамжиҳатликни мустаҳкамлаш, Ўзбекистоннинг халқаро имижини оширишда халқ дипломатияси механизмларидан фойдаланиш борасида амалга оширилаётган ишлар самарадорлигини оширишга қаратилган таклифлар тайёрлаш ва Қўмитага киритиш;

аҳолида Ўзбекистон халқининг умуммиллий қадриятлари устуворлигини англаш туйғусини кучайтиришда давлат ва жамоат ташкилотлари ҳамда фуқаролик жамиятининг бошқа институтлари билан ўзаро ҳамкорлик қилиш;

жамиятда умуммиллий бирдамлик, хорижий давлатлар ҳудудлари билан дўстлик ва биродарлик алоқаларини ривожлантиришга оид тарғибот ишларини тизимли амалга ошириш.

5. Жамоатчилик кенгаши ўзининг асосий вазифаларига мувофиқ қуйидаги функцияларни амалга оширади:

фуқаролар, нодавлат нотижорат ташкилотлари ва фуқаролик жамиятининг бошқа институтларининг умуммиллий бирдамлик ва ҳамжиҳатликни таъминлашга оид ташаббус ва мурожаатларини кўриб чиқишда иштирок этади, уларни кўриб чиқиш натижалари бўйича таклифлар тайёрлайди;

мамлакатимизда умуммиллий тотувлик, бирдамлик ва ҳамжиҳатликни янада мустаҳкамлаш юзасидан таклифлар тайёрлайди;

жамиятда дўстлик, ўзаро ишонч ва тушуниш муҳитини асраб-авайлаш ҳамда мустаҳкамлашга қаратилган чора-тадбирларни ишлаб чиқишда ва амалга оширишда Қўмитага кўмаклашади;

умуммиллий бирдамлик ва ҳамжиҳатликни таъминлаш бўйича мамлакатда амалга оширилаётган тизимли чора-тадбирларни самарали амалга оширилишига кўмаклашади ҳамда мавжуд муаммолар, камчиликларни бартараф қилиш ҳақида таклифлар ишлаб чиқади;

аҳоли орасида умуммиллий тотувлик, дўстлик ва бирдамликни таъминлашга қаратилган чора-тадбирлар дастурини ишлаб чиқишда, уни давлат ва нодавлат ташкилотлар билан ҳамкорликда амалга оширишда иштирок этади;

умуммиллий бирдамлик ва ҳамжиҳатлик масалаларида илмий-назарий ва илмий-амалий анжуманлар, семинарлар, давра суҳбатларини ташкил қилишда иштирок этади;

умуммиллий бирдамлик ва ҳамжиҳатликни таъминлашга доир норматив-ҳуқуқий ҳужжатларни такомиллаштириш, улардаги мавжуд камчиликларни бартараф этиш бўйича таклифларни ишлаб чиқади;

давлат органлари ва нодавлат нотижорат ташкилотлари билан хорижий мамлакатларнинг турдош ташкилотлари ва фуқаролик жамиятлари институтлари ўртасидаги кўп томонлама алоқалар ва алмашинувлар ривожланишини қўллаб-қувватлашда Қўмитага кўмаклашади;

юртимиз ва хорижий мамлакатлар ҳудудлари ўртасида дўстлик, ўзаро ишонч ва биродарлик алоқаларини ўрнатиш ҳамда ривожлантиришда манфаатдор ташкилотлар билан чора-тадбирлар амалга оширилишида иштирок этади;

мамлакатимизда туғилган буюк олим ва мутафаккирларнинг барҳаёт меросини, уларнинг жаҳон илм-фани ва маданияти ривожига қўшган ҳиссасини кенг намоён этиш чора-тадбирларини ишлаб чиқишда иштирок этади;

ўзбек халқининг хорижий давлатлар ҳудудларида жойлашган ва сақланаётган моддий-маданий мероси объектларини асраб-авайлашда давлат ва нодавлат ташкилотлар билан фаол ҳамкорлик қилади ҳамда ушбу соҳада жамоатчилик назоратини олиб боради;

хорижий мамлакатлар билан дўстлик алоқаларини ривожлантириш дастурларини ишлаб чиқишда ва амалга оширишда бевосита иштирок этади ҳамда дастурлар амалга оширилиши юзасидан жамоатчилик назоратини ўрнатади;

мамлакатимизда фаолият кўрсатаётган хорижий ташкилотлар ва дипломатик ваколатхоналар, хорижий давлатлардаги турдош ташкилотлар билан халқ дипломатияси асосида дўстона муносабатларни ўрнатиш ва ривожлантиришга қаратилган тизимли ишлар амалга оширилишида Қўмитага кўмаклашади;

жаҳон ҳамжамиятида мамлакатимизнинг бой тарихи ҳамда бугунги тараққиёт босқичидаги ютуқларга бағишланган кўргазмалар, илмий-амалий семинарлар, анжуманлар ва маданий тадбирларни ташкил этишда Қўмитага кўмаклашади;

Ўзбекистоннинг халқаро имижини оширишда халқ дипломатияси механизмларидан фойдаланиш борасида амалга оширилаётган ишлар самарадорлигини оширишга қаратилган таклифлар тайёрлайди;

хорижий давлатлар ҳудудлари билан дўстлик ва биродарлик алоқаларини ривожлантиришга оид тарғибот ишларини тизимли ташкил этади, таклифлар тайёрлайди, давлат ва жамоат ташкилотлари ҳамда фуқаролик жамиятининг бошқа институтлари билан ҳамкорлик қилади, тарғибот ишлари юзасидан жамоатчилик назоратини олиб боради;

Жамоатчилик кенгаши фаолиятини расмий веб-сайтларда ҳамда оммавий ахборот воситаларида ёритиш бўйича амалга оширилаётган ишлар натижаларини таҳлил қилади, уларнинг самарадорлигини ошириш ва мавжуд камчиликларни бартараф этишга доир таклифлар тайёрлайди;

ўз вазифаларини амалга оширишда нодавлат нотижорат ташкилотлари, оммавий ахборот воситалари, шунингдек, фуқаролик жамиятининг бошқа институтлари ҳамда фуқаролар билан ҳамкорлик қилади;

соҳага оид мавжуд муаммоларнинг таъсирчан ечимини назарда тутувчи ташаббусли лойиҳаларни амалга ошириш учун давлат ижтимоий буюртмасини қонунчиликка мувофиқ шакллантиришда Қўмитага кўмаклашади»;

9-банд қуйидаги таҳрирда баён этилсин:

«9. Жамоатчилик кенгашининг таркиби Ўзбекистон Республикаси Вазирлар Маҳкамаси томонидан тасдиқланади.

Жамоатчилик кенгаши аъзоси бошқа ишга ўтган тақдирда, унинг ўрнига ушбу лавозимга янги тайинланган ёки унинг вазифасини бажариш зиммасига юкланган шахс киритилади.

Қўмита ходимлари, фахрийлари, нодавлат нотижорат ташкилотлари ва оммавий ахборот воситаларининг вакиллари, дўстлик жамиятлари ва миллий маданий марказлар вакиллари, шунингдек Ўзбекистон Республикасининг фуқаролари Жамоатчилик кенгашининг таркибига киритилиши мумкин»;

22-банднинг иккинчи хатбошисидаги «Қўмита раҳбарининг ўринбосарлари ёки бошқа ходимлар» сўзлари «Қўмита ходимлари» сўзлари билан алмаштирилсин.

г) 2-илованинг матни қуйидаги таҳрирда баён этилсин:

«Ўзбекистон Республикаси Миллатлараро муносабатлар ва хориждаги ватандошлар масалалари бўйича қўмитаси ҳузуридаги Жамоатчилик кенгаши ТАРКИБИ

1. О. Ҳасанов — Республика Маънавият ва маърифат маркази раҳбари, Жамоатчилик кенгаши раиси 2. Б. Шукуров — Ўзбекистон Республикаси Миллатлараро муносабатлар ва хориждаги ватандошлар масалалари бўйича қўмитаси раиси ўринбосари, Жамоатчилик кенгаши раисининг ўринбосари 3. А. Умаров — Ўзбекистон Республикаси Президенти ҳузуридаги Давлат сиёсати ва бошқаруви академияси проректори (келишув асосида) 4. А. Саидов — Инсон ҳуқуқлари бўйича Ўзбекистон Республикаси Миллий маркази директори (келишув асосида) 5. О. Абдуллаев — ташқи ишлар вазири ўринбосари 6. Н. Мухаммадиев — адлия вазири ўринбосари 7. М. Маджидов — маданият вазири ўринбосари 8. М. Куранов — Ўзбекистон Республикаси Вазирлар Маҳкамаси ҳузуридаги Миграция агентлиги раисининг ўринбосари 9. Д. Каттаханова — Ёшлар ишлари агентлиги директорининг биринчи ўринбосари 10. Д. Махсудов — Дин ишлари бўйича қўмита раисининг биринчи ўринбосари 11. У. Ташходжаев — Ички ишлар вазирлиги Миграция ва персоналлаштириш департаменти бошлиғи 12. М. Нурматова — Оила ва хотин-қизлар қўмитаси раиси ўринбосари 13. Р. Курбанов — Меҳнат фахрийси 14. Б. Абдухалимов — Фанлар академияси вице-президенти 15. Х. Нуритдинов — Ўзбекистон Миллий телерадиокомпанияси раисининг биринчи ўринбосари 16. Д. Усманов — «Маҳалла» хайрия жамоат фонди раиси 17. С. Турдиев — «Нуроний» жамғармаси раиси 18. А. Нуридинов — Ўзбекистон Бадиий академияси раиси 19. И. Латипов — «Тасвирий ойина» ижодий уюшмаси раиси 20. Б. Маҳмадалиев — Ўзбекистон Касаба уюшмалари федерацияси кенгаши раиси ўринбосари 21. М. Ҳожиматов — Ўзбекистон Ёзувчилар уюшмаси раисининг биринчи ўринбосари 22. Г. Исмаилова — «Эл-юрт умиди» жамғармаси ижрочи директори 23. О.Саттаров — «Ватандошлар» жамоат фонди раиси 24. Ҳ. Раҳимов — Ўзбекистон композиторлари ва бастакорлари уюшмаси раиси ўринбосари 25. О. Давлатов — Алишер Навоий номидаги халқаро жамоат фонди ижрочи директори 26. З. Абидов — «Биродар шаҳарлар альянси» нодавлат нотижорат ташкилоти раҳбари 27. Қ. Собиров — Шанхай Ҳамкорлик Ташкилоти Халқ дипломатияси маркази раҳбари 28. Ф. Беков — Ўзбекистон Республикаси Миллатлараро муносабатлар ва хориждаги ватандошлар масалалари бўйича қўмитаси бўлими бошлиғи, Жамоатчилик кенгаши котиби 29. Лавозимига кўра — Дўстлик жамиятлари ва миллий маданий марказлар раҳбарлари

7. Вазирлар Маҳкамасининг 2018 йил 5 январдаги 10-сон қарори билан тасдиқланган Давлат мактабгача таълим тизими ходимлари меҳнатига ҳақ тўлаш ва уларни моддий рағбатлантириш тартиби тўғрисидаги низомда :

а) 5-банд қуйидаги таҳрирда баён этилсин:

«5. Давлат мактабгача таълим ташкилотларининг тиббиёт ходимларига иш ҳақи, устама ва қўшимча тўловлар Вазирлар Маҳкамасининг «Тиббиёт ходимлари меҳнатига ҳақ тўлашнинг такомиллаштирилган тизимини тасдиқлаш тўғрисида» 2005 йил 21 декабрдаги 276-сон қарорига мувофиқ тўланади»;

б) 7-банд қуйидаги таҳрирда баён этилсин:

«7. Давлат мактабгача таълим ташкилоти ходимларига малака тоифалари Вазирлар Маҳкамасининг 2021 йил 17 сентябрдаги 572-сон қарори билан тасдиқланган Мактабгача, умумий ўрта, ўрта махсус, касбий ва мактабдан ташқари таълим ташкилотлари педагог кадрларини аттестациядан ўтказиш тартиби тўғрисидаги низомга мувофиқ берилади»;

в) қуйидаги мазмундаги 7 3 -банд билан тўлдирилсин:

«7 3 . Давлат мактабгача таълим ташкилоти тарбиячиси ҳамда тиббиёт ҳамшираси лавозимларида фаолият юритаётган ходимлар вақтинча ишда бўлмаган даврда уларнинг вазифасини бажариш учун ички буйруқларни ўриндошлик асосида расмийлаштиради ҳамда бажарилган иш учун 100 фоиз миқдорда (бошқа лавозимлар учун 50 фоиз миқдорда) иш ҳақи тўланади.

Бунда ўриндошлик асосида фаолият юритган ходимнинг жами иш юкламаси 1,5 ставкадан ортиқ бўлишига йўл қўйилмайди».

8. Вазирлар Маҳкамасининг 2018 йил 28 мартдаги 244-сон қарори билан тасдиқланган Болаларни давлат мактабгача таълим ташкилотларига қабул қилиш бўйича давлат хизматлари кўрсатишнинг маъмурий регламентида :

а) 1-бандда :

қуйидаги мазмундаги тўртинчи хатбоши билан тўлдирилсин:

«давлат олий таълим ташкилотлари ҳузуридаги давлат мактабгача таълим ташкилотлари (ушбу ташкилотлар ходимлари ва талабаларининг фарзандлари бундан мустасно)»;

тўртинчи ва бешинчи хатбошилар тегишлича бешинчи ва олтинчи хатбошилар деб ҳисоблансин;

б) 4-банднинг «д» кичик банди қуйидаги таҳрирда баён этилсин:

«д) етим болалар ва ота-она қарамоғидан маҳрум бўлган болалар ҳамда Фаластиндан Ўзбекистонга олиб келинган фуқаролар фарзандлари давлат мактабгача таълим ташкилотларига навбатга қўйилмаган ҳолда, «Инсон» ижтимоий хизматлар марказларидаги ижтимоий ходимлар гуруҳлари томонидан ёки бевосита қонуний вакиллари орқали тегишли ташкилотга мурожаат этган ҳолда жойлаштирилади».

9. Вазирлар Маҳкамасининг 2019 йил 26 февралдаги 172-сон қарори билан тасдиқланган Ўзбекистон Республикаси Олий ва ўрта махсус таълим вазирлигининг Олий таълим муассасаларини ривожлантириш жамғармаси тўғрисидаги низомнинг 1-банди иккинчи хатбошиси «Фавқулодда вазиятлар вазирлиги,» сўзларидан кейин «Мактабгача ва мактаб таълими вазирлиги,» сўзлари билан тўлдирилсин.

10. Вазирлар Маҳкамасининг 2019 йил 7 июндаги 471-сон қарори билан тасдиқланган Умумий ўрта таълим муассасаларида бошқа ҳудудлардан келиб фаолият юритаётган педагог ходимларга махсус устама белгиланадиган ҳудудлар рўйхатининг матни қуйидаги таҳрирда баён этилсин:

«Умумий ўрта таълим муассасаларида бошқа ҳудудлардан келиб фаолият юритаётган педагог ходимларга махсус устама белгиланадиган ҳудудлар РЎЙХАТИ

Ҳудуднинг номи Махсус устама белгиланаётган ҳудуд 1. Қорақалпоғистон Республикаси Нукус шаҳри «Каратов» маҳалла фуқаролар йиғини (МФЙ) Бўзатов тумани «Аспантай» овул фуқаролар йиғини (ОФЙ) «Кўксув» овул фуқаролар йиғини (ОФЙ) Қўнғирот тумани «Қорақалпоғистон» шаҳарча фуқаролар йиғини (ШФЙ) «Қирққиз» шаҳарча фуқаролар йиғини (ШФЙ) «Жаслиқ» шаҳарча фуқаролар йиғини (ШФЙ) «Раушан» овул фуқаролар йиғини (ОФЙ) Мўйноқ тумани «Қазақдарья» овул фуқаролар йиғини (ОФЙ) «Ҳаким ота» овул фуқаролар йиғини (ОФЙ) «Мадели» овул фуқаролар йиғини (ОФЙ) Тахтакўпир тумани «Қоструба» маҳалла фуқаролар йиғини (МФЙ) Тўрткўл тумани «Оққамиш» овул фуқаролар йиғини (ОФЙ) «Қумбоскан» овул фуқаролар йиғини (ОФЙ) «Пахтаобод» овул фуқаролар йиғини (ОФЙ) «Янбошқальа» овул фуқаролар йиғини (ОФЙ) «Кўкча» овул фуқаролар йиғини (ОФЙ) «Базирган» маҳалла фуқаролар йиғини (МФЙ) Элликқалъа тумани «Чуқурқақ» маҳалла фуқаролар йиғини (МФЙ) Қораўзак тумани «Қойбақ» овул фуқаролар йиғини (ОФЙ) Амударё тумани «Назархан» овул фуқаролар йиғини (ОФЙ) 2. Бухоро вилояти Шофиркон тумани «Шароф Рашидов» маҳалла фуқаролар йиғини (МФЙ) Ромитан шаҳри «Газли» маҳалла фуқаролар йиғини (МФЙ) «Қизилравот» маҳалла фуқаролар йиғини (МФЙ) Ғиждувон тумани «Кўкча» маҳалла фуқаролар йиғини (МФЙ) Пешку тумани «Жонгелди» маҳалла фуқаролар йиғини (МФЙ) 3. Жиззах вилояти Бахмал тумани «Бахмал» қишлоқ фуқаролар йиғини (ҚФЙ) «Музбулоқ» маҳалла фуқаролар йиғини (МФЙ) Ғаллаорол тумани «Гулчамбар» қишлоқ фуқаролар йиғини (ҚФЙ) «Жийдали» қишлоқ фуқаролар йиғини (ҚФЙ) «Қипчоқсув» қишлоқ фуқаролар йиғини (ҚФЙ) «Коризқудуқ» қишлоқ фуқаролар йиғини (ҚФЙ) «Қўйтош» шаҳарча фуқаролар йиғини (ШФЙ) «Оқтош» маҳалла фуқаролар йиғини (МФЙ) «Соврук» маҳалла фуқаролар йиғини (МФЙ) Шароф Рашидов тумани «Кўрпасой» маҳалла фуқаролар йиғини (МФЙ) «Тинчлик» маҳалла фуқаролар йиғини (МФЙ) Фориш тумани «Дўстлик» маҳалла фуқаролар йиғини (МФЙ) «Дарвоза» маҳалла фуқаролар йиғини (МФЙ) 4. Қашқадарё вилояти Қарши тумани «Чўлибўстон» маҳалла фуқаролар йиғини (МФЙ) «Манғит» маҳалла фуқаролар йиғини (МФЙ) Ғузор тумани «Қоракўл» маҳалла фуқаролар йиғини (МФЙ) «Эшонқудуқ» маҳалла фуқаролар йиғини (МФЙ) «Омон-ота» маҳалла фуқаролар йиғини (МФЙ) Деҳқонобод тумани «Сарчашма» маҳалла фуқаролар йиғини (МФЙ) «Теракли» маҳалла фуқаролар йиғини (МФЙ) «Бошчорбоғ» маҳалла фуқаролар йиғини (МФЙ) «Оққишлоқ» маҳалла фуқаролар йиғини (МФЙ) «Тарқопчиғай» маҳалла фуқаролар йиғини (МФЙ) «Ойбек» маҳалла фуқаролар йиғини (МФЙ) «Обиравон» маҳалла фуқаролар йиғини (МФЙ) «Дуоб» маҳалла фуқаролар йиғини (МФЙ) «Бошчорбоқ» маҳалла фуқаролар йиғини (МФЙ) «Чашмаимирон» маҳалла фуқаролар йиғини (МФЙ) «Чилгаз» маҳалла фуқаролар йиғини (МФЙ) Қамаши тумани «Катта ўра» маҳалла фуқаролар йиғини (МФЙ) Косон тумани «Олачабоб» маҳалла фуқаролар йиғини (МФЙ) «Уйрот» маҳалла фуқаролар йиғини (МФЙ) «Хўжақудуқ» маҳалла фуқаролар йиғини (МФЙ) «Навниҳол» маҳалла фуқаролар йиғини (МФЙ) Нишон тумани «Дўстлик» маҳалла фуқаролар йиғини (МФЙ) «Қирққулоч» маҳалла фуқаролар йиғини (МФЙ) Касби тумани «Чўлқувар» қишлоқ фуқаролар йиғини (ҚФЙ) Китоб тумани «Кўхсор» маҳалла фуқаролар йиғини (МФЙ) «Аёқчи» маҳалла фуқаролар йиғини (МФЙ) Миришкор тумани «Гулобод» маҳалла фуқаролар йиғини (МФЙ) «Помуқ» маҳалла фуқаролар йиғини (МФЙ) «Гулистон» маҳалла фуқаролар йиғини (МФЙ) «Барҳаёт» маҳалла фуқаролар йиғини (МФЙ) Чироқчи тумани «Лангар» маҳалла фуқаролар йиғини (МФЙ) «Тарағай» маҳалла фуқаролар йиғини (МФЙ) «Қуруқсой» маҳалла фуқаролар йиғини (МФЙ) «Қўшанҳор» маҳалла фуқаролар йиғини (МФЙ) «Галабек» маҳалла фуқаролар йиғини (МФЙ) «Қалқама» маҳалла фуқаролар йиғини (МФЙ) «Қўрғонтепа» маҳалла фуқаролар йиғини (МФЙ) «Уйшун» маҳалла фуқаролар йиғини (МФЙ) «Мирзатўп» маҳалла фуқаролар йиғини (МФЙ) «Бешбулоқ» маҳалла фуқаролар йиғини (МФЙ) «Араббанди» маҳалла фуқаролар йиғини (МФЙ) «Чамбил» маҳалла фуқаролар йиғини (МФЙ) «Оқ олтин» маҳалла фуқаролар йиғини (МФЙ) «Гулобод» маҳалла фуқаролар йиғини (МФЙ) «Нуробод» маҳалла фуқаролар йиғини (МФЙ) Кўкдала тумани «Қаноатли» маҳалла фуқаролар йиғини (МФЙ) «Чорвадор» маҳалла фуқаролар йиғини (МФЙ) «Тошли» маҳалла фуқаролар йиғини (МФЙ) «Қучқорбулоқ» маҳалла фуқаролар йиғини (МФЙ) Шаҳрисабз тумани «Ғилон» маҳалла фуқаролар йиғини (МФЙ) «Сарчашма» маҳалла фуқаролар йиғини (МФЙ) «Сайёд» маҳалла фуқаролар йиғини (МФЙ) «Кўл» маҳалла фуқаролар йиғини (МФЙ) «Ҳисор» маҳалла фуқаролар йиғини (МФЙ) «Хитой» маҳалла фуқаролар йиғини (МФЙ) «Ҳисорак» маҳалла фуқаролар йиғини (МФЙ) Яккабоғ тумани «Татар» маҳалла фуқаролар йиғини (МФЙ) «Хонақа» маҳалла фуқаролар йиғини (МФЙ) «Ишкент» маҳалла фуқаролар йиғини (МФЙ) «Дарё» маҳалла фуқаролар йиғини (МФЙ) 5. Навоий вилояти Зарафшон шаҳри «Даугизтов» маҳалла фуқаролар йиғини (МФЙ) Хатирчи тумани «Ангидон» маҳалла фуқаролар йиғини (МФЙ) «Лангар» маҳалла фуқаролар йиғини (МФЙ) «Сангижумонг» маҳалла фуқаролар йиғини (МФЙ) «Қўрғонтепа» маҳалла фуқаролар йиғини (МФЙ) Учқудуқ тумани «Алтинтов» овул фуқаролар йиғини (ОФЙ) «Узунқудуқ» овул фуқаролар йиғини (ОФЙ) «Боздун» овул фуқаролар йиғини (ОФЙ) «Мингбулоқ» овул фуқаролар йиғини (ОФЙ) Авангард овули («Кукаяз» ОФЙ таркибида) Нурота тумани «Янгитурмуш» маҳалла фуқаролар йиғини (МФЙ) «Қадоқ» маҳалла фуқаролар йиғини (МФЙ) «Сентоб» маҳалла фуқаролар йиғини (МФЙ) «Темирқовуқ» маҳалла фуқаролар йиғини (МФЙ) «Қизилча» маҳалла фуқаролар йиғини (МФЙ) «Сувлиқ» маҳалла фуқаролар йиғини (МФЙ) «Каттасой» маҳалла фуқаролар йиғини (МФЙ) «Бўстон» маҳалла фуқаролар йиғини (МФЙ) «Тинчлик» маҳалла фуқаролар йиғини (МФЙ) Конимех тумани «Саржал» овул фуқаролар йиғини (ОФЙ) «Янгиқазған» қишлоқ фуқаролар йиғини (ҚФЙ) «Қарағата» қишлоқ фуқаролар йиғини (ҚФЙ) «Уштобе» овул фуқаролар йиғини (ОФЙ) «Боймурат» овул фуқаролар йиғини (ОФЙ) Томди тумани «Аяққудуқ» овул фуқаролар йиғини (ОФЙ) «Керегетов» овул фуқаролар йиғини (ОФЙ) «Кориз» овул фуқаролар йиғини (ОФЙ) «Сукетти» овул фуқаролар йиғини (ОФЙ) «Шарқ» овул фуқаролар йиғини (ОФЙ) «Шиели» овул фуқаролар йиғини (ОФЙ) 6. Наманган вилояти Поп тумани «Гулистон» маҳалла фуқаролар йиғини (МФЙ) «Юқори Чодак боши» маҳалла фуқаролар йиғини (МФЙ) «Қўшчинор» маҳалла фуқаролар йиғини (МФЙ) «Навбаҳор» маҳалла фуқаролар йиғини (МФЙ) Олтинкон шаҳарчаси («Юқори чодак боши» ва «Чодакбоши» МФЙ таркибида) 7. Самарқанд вилояти Каттақўрғон тумани «Бунёдкор» маҳалла фуқаролар йиғини (МФЙ) «Жизмонсой» маҳалла фуқаролар йиғини (МФЙ) Қўшработ тумани «Тоз» маҳалла фуқаролар йиғини (МФЙ) «Янги қишлоқ» маҳалла фуқаролар йиғини (МФЙ) «Ўрта-сой» маҳалла фуқаролар йиғини (МФЙ) «Жонбулоқ» маҳалла фуқаролар йиғини (МФЙ) «Қўштамғали» маҳалла фуқаролар йиғини (МФЙ) «Урганжи» маҳалла фуқаролар йиғини (МФЙ) «Оқчобсой» маҳалла фуқаролар йиғини (МФЙ) «Минишкор» маҳалла фуқаролар йиғини (МФЙ) Боғожат қишлоғи («Тоз» МФЙ таркибида) Нуробод тумани «Тепақул» маҳалла фуқаролар йиғини (МФЙ) «Сарой» маҳалла фуқаролар йиғини (МФЙ) «Сазағон» маҳалла фуқаролар йиғини (МФЙ) «Омондара» маҳалла фуқаролар йиғини (МФЙ) «Жом» маҳалла фуқаролар йиғини (МФЙ) «Саҳоба» маҳалла фуқаролар йиғини (МФЙ) «Жарқудуқ» маҳалла фуқаролар йиғини (МФЙ) Сепқи қишлоғи («Булоқбоши» МФЙ таркибида) «Навбаҳор» маҳалла фуқаролар йиғини (МФЙ) «Ағрон» маҳалла фуқаролар йиғини (МФЙ) «Аработа» маҳалла фуқаролар йиғини (МФЙ) «Бунёдкор» маҳалла фуқаролар йиғини (МФЙ) Пахтачи тумани «Чашма» маҳалла фуқаролар йиғини (МФЙ) Пайариқ тумани «Накурт» маҳалла фуқаролар йиғини (МФЙ) 8. Сурхондарё вилояти Музработ тумани «Чегарачи» маҳалла фуқаролар йиғини (МФЙ) Шеробод тумани «Чорбоғ» маҳалла фуқаролар йиғини (МФЙ) «Вандоб» маҳалла фуқаролар йиғини (МФЙ) «Узунсой» маҳалла фуқаролар йиғини (МФЙ) «Қизил олма» маҳалла фуқаролар йиғини (МФЙ) Термиз тумани «Гулбаҳор» маҳалла фуқаролар йиғини (МФЙ) Олтинсой тумани «Хўжаипок» маҳалла фуқаролар йиғини (МФЙ) Бойсун тумани «Қизилнавр» маҳалла фуқаролар йиғини (МФЙ) «Хўжаидод» маҳалла фуқаролар йиғини (МФЙ) «Деҳиболо» маҳалла фуқаролар йиғини (МФЙ) «Обикор» маҳалла фуқаролар йиғини (МФЙ) «Ўрмончи» маҳалла фуқаролар йиғини (МФЙ) «Чилонзор» маҳалла фуқаролар йиғини (МФЙ) «Мунчоқ» маҳалла фуқаролар йиғини (МФЙ) Узун тумани «Хурсанд» маҳалла фуқаролар йиғини (МФЙ) «Маданий турмуш» маҳалла фуқаролар йиғини (МФЙ) «Толтўғай» маҳалла фуқаролар йиғини (МФЙ) «Боботоғ» маҳалла фуқаролар йиғини (МФЙ) «Янгиобод» маҳалла фуқаролар йиғини (МФЙ) «Хўжақулсин» маҳалла фуқаролар йиғини (МФЙ) «Ўрмончи» маҳалла фуқаролар йиғини (МФЙ) «Оқмачит» маҳалла фуқаролар йиғини (МФЙ) «Нурли келажак» маҳалла фуқаролар йиғини (МФЙ) «Жийдабулоқ» маҳалла фуқаролар йиғини (МФЙ) «Паҳлавон» маҳалла фуқаролар йиғини (МФЙ) Қумқўрғон тумани «Тебат» маҳалла фуқаролар йиғини (МФЙ) «Саховат» маҳалла фуқаролар йиғини (МФЙ) Сариосиё тумани «Сангардак» маҳалла фуқаролар йиғини (МФЙ) «Субҳидам» маҳалла фуқаролар йиғини (МФЙ) «Эҳтиром» маҳалла фуқаролар йиғини (МФЙ) «Чош» маҳалла фуқаролар йиғини (МФЙ) «Хонжиза» маҳалла фуқаролар йиғини (МФЙ) «Маланд» маҳалла фуқаролар йиғини (МФЙ) «Карш» маҳалла фуқаролар йиғини (МФЙ) «Дарагистон» маҳалла фуқаролар йиғини (МФЙ) «Термушобод» маҳалла фуқаролар йиғини (МФЙ) «Шабнам» маҳалла фуқаролар йиғини (МФЙ) «Боғисамарқанд» маҳалла фуқаролар йиғини (МФЙ) «Нилу» маҳалла фуқаролар йиғини (МФЙ) Денов тумани «Чагам» маҳалла фуқаролар йиғини (МФЙ) «Жийдабулоқ» маҳалла фуқаролар йиғини (МФЙ) «Пожур» маҳалла фуқаролар йиғини (МФЙ) «Паҳлавон» маҳалла фуқаролар йиғини (МФЙ) «Ёшлик» маҳалла фуқаролар йиғини (МФЙ) «Кукабулоқ» маҳалла фуқаролар йиғини (МФЙ) «Куёвсув» маҳалла фуқаролар йиғини (МФЙ) «Файзабод» маҳалла фуқаролар йиғини (МФЙ) «Ойбарак» маҳалла фуқаролар йиғини (МФЙ) «Ушор» маҳалла фуқаролар йиғини (МФЙ) «Ризқ-насиба» маҳалла фуқаролар йиғини (МФЙ) «Дашти-чинор» маҳалла фуқаролар йиғини (МФЙ) Шўрчи тумани «Тамшуш» маҳалла фуқаролар йиғини (МФЙ) 9. Сирдарё вилояти Мирзаобод тумани «Йўлдошобод» маҳалла фуқаролар йиғини (МФЙ) «Баҳористон» маҳалла фуқаролар йиғини (МФЙ) 10. Тошкент вилояти Бекобод тумани «Найман» маҳалла фуқаролар йиғини (МФЙ) «Уяс» маҳалла фуқаролар йиғини (МФЙ) «Ачамайли» маҳалла фуқаролар йиғини (МФЙ) Паркент тумани «Толбулоқ» маҳалла фуқаролар йиғини (МФЙ) «Файзобод» маҳалла фуқаролар йиғини (МФЙ) «Ойдин» маҳалла фуқаролар йиғини (МФЙ) Оҳангарон тумани «Чинор» маҳалла фуқаролар йиғини (МФЙ) «Четсув» маҳалла фуқаролар йиғини (МФЙ) «Кўксарой» маҳалла фуқаролар йиғини (МФЙ) «Гўшсой» маҳалла фуқаролар йиғини (МФЙ) Бўстонлиқ тумани «Болодала» маҳалла фуқаролар йиғини (МФЙ) «Алғабас» маҳалла фуқаролар йиғини (МФЙ) «Новабод» маҳалла фуқаролар йиғини (МФЙ) «Якка-тут» маҳалла фуқаролар йиғини (МФЙ) «Бурчмулла» маҳалла фуқаролар йиғини (МФЙ) «Боғистон» маҳалла фуқаролар йиғини (МФЙ) «Нанай» маҳалла фуқаролар йиғини (МФЙ) «Дадабоев» маҳалла фуқаролар йиғини (МФЙ) «Узун» маҳалла фуқаролар йиғини (МФЙ) «Пском» маҳалла фуқаролар йиғини (МФЙ) 11. Фарғона вилояти Фарғона тумани «Бой-маҳалла» маҳалла фуқаролар йиғини (МФЙ) «Юқори Гулшан» маҳалла фуқаролар йиғини (МФЙ) «Гулшан» маҳалла фуқаролар йиғини (МФЙ) «Гузар» маҳалла фуқаролар йиғини (МФЙ) «Шарқ ҳақиқати» маҳалла фуқаролар йиғини (МФЙ) «Улуғбек» маҳалла фуқаролар йиғини (МФЙ) «Сойбўйи» маҳалла фуқаролар йиғини (МФЙ) «Юқори Арча» маҳалла фуқаролар йиғини (МФЙ) «Қурилиш» маҳалла фуқаролар йиғини (МФЙ) «Пастки Арча» маҳалла фуқаролар йиғини (МФЙ) «Чимён» маҳалла фуқаролар йиғини (МФЙ) «Шифокор» маҳалла фуқаролар йиғини (МФЙ) «Миндон» маҳалла фуқаролар йиғини (МФЙ) «Қўриқ» маҳалла фуқаролар йиғини (МФЙ) «Фарғона» маҳалла фуқаролар йиғини (МФЙ) «Хонқиз» маҳалла фуқаролар йиғини (МФЙ) «Янги йўл» маҳалла фуқаролар йиғини (МФЙ) «Майдон» маҳалла фуқаролар йиғини (МФЙ) «Қўрғонтепа» маҳалла фуқаролар йиғини (МФЙ) «Ҳосилот» маҳалла фуқаролар йиғини (МФЙ) «Шоҳимардон» маҳалла фуқаролар йиғини (МФЙ) «Ёрдон» маҳалла фуқаролар йиғини (МФЙ) Риштон тумани «Чўнғара» маҳалла фуқаролар йиғини (МФЙ) Сўх тумани «Истиқлол» маҳалла фуқаролар йиғини (МФЙ) «Янгиариқ» маҳалла фуқаролар йиғини (МФЙ) «Сариканда» маҳалла фуқаролар йиғини (МФЙ) «Сарибозорча» маҳалла фуқаролар йиғини (МФЙ) «Қалъа» маҳалла фуқаролар йиғини (МФЙ) «Офтобру» маҳалла фуқаролар йиғини (МФЙ) «Навобод» маҳалла фуқаролар йиғини (МФЙ) «Мулгон» маҳалла фуқаролар йиғини (МФЙ) «Чумоқча» маҳалла фуқаролар йиғини (МФЙ) «Гулистон»маҳалла фуқаролар йиғини (МФЙ) «Демурсад» маҳалла фуқаролар йиғини (МФЙ) «Чашма» маҳалла фуқаролар йиғини (МФЙ) «Зангат» маҳалла фуқаролар йиғини (МФЙ) «Қизилқиёқ» маҳалла фуқаролар йиғини (МФЙ) Тариқ қишлоғи («Чашма» МФЙ таркибида) «Ҳушёр» маҳалла фуқаролар йиғини (МФЙ) «Шарқобод» маҳалла фуқаролар йиғини (МФЙ) Умабара қишлоғи («Девайрон» МФЙ таркибида) «Девайрон» маҳалла фуқаролар йиғини (МФЙ) «Ленбур» маҳалла фуқаролар йиғини (МФЙ) «Тул» маҳалла фуқаролар йиғини (МФЙ) «Қалъача» маҳалла фуқаролар йиғини (МФЙ) «Ғазноб» маҳалла фуқаролар йиғини (МФЙ) «Соҳибкор» маҳалла фуқаролар йиғини (МФЙ) «Себзор» маҳалла фуқаролар йиғини (МФЙ) «Ҳазрат Али» маҳалла фуқаролар йиғини (МФЙ) 12. Хоразм вилояти Қўшкўпир тумани «Араблар» маҳалла фуқаролар йиғини (МФЙ) Тупроққалъа тумани «Нукус» маҳалла фуқаролар йиғини (МФЙ) «Ҳазорасп» маҳалла фуқаролар йиғини (МФЙ) «Тупроққалъа маскани» маҳалла фуқаролар йиғини (МФЙ) «Саримой» маҳалла фуқаролар йиғини (МФЙ) » .

11. Вазирлар Маҳкамасининг 2020 йил 25 мартдаги 182-сон қарори билан тасдиқланган Уй-жой сотиб олиш учун фуқароларга субсидия тўлаш тартиби тўғрисидаги низомда :

а) 2-банднинг ўн учинчи хатбошисидаги «тўланадиган фуқароларни танлаб олиш» сўзлари «тўланишини мувофиқлаштириш» сўзлари билан алмаштирилсин;

б) 7-бандда :

иккинчи хатбошидаги «Ижтимоий ҳимоя миллий агентлиги, Адлия вазирлиги, Кадастр агентлиги, Камбағалликни қисқартириш ва бандлик вазирлиги, Солиқ қўмитаси» сўзлари «Вазирлар Маҳкамаси ҳузуридаги Миграция агентлиги, Иқтисодиёт ва молия вазирлиги, Ижтимоий ҳимоя миллий агентлиги, Адлия вазирлиги, Кадастр агентлиги, Солиқ қўмитаси ва иштирок этувчи тижорат банклари» сўзлари билан алмаштирилсин;

учинчи хатбоши чиқариб ташлансин;

в) 10-бандда :

учинчи хатбоши қуйидаги таҳрирда баён қилинсин:

«Айрим тоифадаги шахслар (Ўзбекистон Республикаси Президенти Давлат хавфсизлик хизмати, Ўзбекистон Республикаси Давлат хавфсизлик хизмати, Мудофаа вазирлиги, Ички ишлар вазирлиги, Миллий гвардия ва бошқа ҳарбий тузилмалар ходимлари (ҳарбий хизматчиларидан ташқари) ва давлат ҳисобидан уй-жойлар билан таъминланмаган нафақадаги ҳарбий хизматчилар томонидан ойлик даромадлари тўғрисидаги маълумотнома Давлат хизматлари марказига тақдим этилади»;

қуйидаги мазмундаги тўртинчи хатбоши билан тўлдирилсин:

«Бунда ҳарбий тузилмалари ходимларининг даромадларини тасдиқловчи маълумотномага асосан Давлат хизматлари марказининг масъул ходими ушбу марказ электрон платформасига ҳарбий тузилма ходимларининг ойлик даромадларини ойлар кесимида киритади ҳамда мазкур маълумотномани «PDF» шаклда юклайди»;

тўртинчи — олтинчи хатбошилар тегишлича бешинчи — еттинчи хатбошилар деб ҳисоблансин;

г) 14-банднинг учинчи ва тўртинчи хатбошилари қуйидаги таҳрирда баён қилинсин:

«Ариза берувчининг аризаси ушбу Низомнинг 7-бандида назарда тутилган масъул ташкилотларнинг маълумотлар базаси орқали ижтимоий мезонларга мувофиқлиги «subsidiya.idm.uz» дастурий таъминот тизими орқали автомат равишда аниқланади.

Ариза баҳолаш жараёнидан ўтказилишидан олдин «ФҲДЁ ягона электрон архиви» маълумотлар базасидан ариза берувчи ва унинг турмуш ўртоғи ўртасида никоҳ тузилгани ҳамда аризада кўрсатилган яқин қариндошларининг ариза берувчи билан қариндошлик даражасини аниқлаш учун Адлия вазирлигининг маълумотлар базасига юборилади»;

д) 15-банд қуйидаги таҳрирда баён қилинсин:

«15. Давлат хизматлари маркази, комиссия ҳамда масъул ташкилотлар ўртасида ахборот алмашинуви электрон рақамли имзони (кейинги ўринларда — ЭРИ) мажбурий тартибда қўллаш орқали фақат идоралараро ўзаро электрон боғланиш ёрдамида амалга оширилади.

Масъул ташкилот раҳбарлари томонидан «subsidiya.idm.uz» дастурий таъминот тизимида ариза берувчини ижтимоий мезонлар бўйича баҳолаш натижаларини кузатиб туриш учун масъул ходим ички буйруқ асосида бириктирилади.

Бириктириш тўғрисидаги маълумотлар тизим администраторига электрон шаклда юборилиши учун комиссия котибига тақдим этилади.

Ариза берувчининг ижтимоий мезонларга мувофиқлигини қуйидаги кетма-кетликда масъул ташкилотларнинг электрон маълумотлар базалари маълумотлари асосида интеграциялашган тизим орқали «subsidiya.idm.uz» дастурий таъминот тизими аниқлайди ва ижтимоий мезонлар асосида баҳолайди:

а) Солиқ қўмитаси — ариза берувчи, шу жумладан, унинг турмуш ўртоғи ва яқин қариндошларининг (бунда яқин қариндошлари аризада кўрсатилган ҳолатларда) даромадларини (аризада «Xorijda ish» меҳнат миграцияси электрон дастурий мажмуасида рўйхатдан ўтганлиги кўрсатилган ариза берувчилар ҳамда ҳарбий тузилмаларнинг ходимлари бундан мустасно). Бунда:

ариза берувчи, унинг турмуш ўртоғи ва яқин қариндошларининг ойлик даромадлари бўйича балл берилмаган тақдирда, ариза бошқа масъул ташкилотлар томонидан кўриб чиқилмайди ва «subsidiya.idm.uz» дастурий таъминот тизими томонидан автомат тарзда рад этилади;

ариза берувчи расмий даромад манбаига эга бўлмаган тақдирда, унинг турмуш ўртоғи ва яқин қариндошларининг даромадлари инобатга олинмайди;

б) Кадастр агентлиги — ариза берувчи, шу жумладан, унинг турмуш ўртоғининг номида республиканинг барча ҳудудлари миқёсида мулк ҳуқуқи билан турар жойнинг мавжуд ёки мавжуд эмаслиги;

в) Вазирлар Маҳкамаси ҳузуридаги Миграция агентлиги — ариза берувчининг «Xorijda ish» меҳнат миграцияси электрон дастурий мажмуасида рўйхатдан ўтганлиги, хорижда вақтинча меҳнат фаолиятини амалга ошираётгани;

г) Иқтисодиёт ва молия вазирлиги — «UzASBO-2» ахборот тизими орқали ариза берувчининг олис ва чекка ҳудудда жойлашган бюджет ташкилотларига бошқа ҳудудлардан меҳнат фаолиятини амалга ошириш учун келган олий маълумотли мутахассис ва (ёки) тиббиёт ходими эканлиги, шунингдек, ариза берувчининг ёшлар тоифасига мансублиги (30 ёшдан ошмаган фуқаролар);

д) Адлия вазирлиги — ариза берувчининг оғир ижтимоий вазиятга тушиб қолган хотин-қизлар (бева, ажрашган, фарзандларини тўлиқсиз оилада тарбиялаётган аёл) тоифасига мансублигини;

е) Ижтимоий ҳимоя миллий агентлиги — ариза берувчи ёки унинг оила аъзолари «Ягона миллий ижтимоий ҳимоя» ахборот тизимининг «Тиббий-ижтимоий экспертиза» модулидан рўйхатдан ўтгани ёки ўтмагани;

ж) Иштирок этувчи тижорат банклари — ариза берувчининг кредит тарихи банк ички қоидаларига мувофиқлигини аниқлайди»;

е) 16-бандда :

иккинчи хатбоши чиқариб ташлансин;

учинчи хатбоши иккинчи хатбоши деб ҳисоблансин;

ж) 17-банд қуйидаги таҳрирда баён қилинсин:

«17. Масъул ташкилотларнинг ахборот тизимлари маълумотлари асосида талабгорнинг ижтимоий мезонларга мувофиқлиги «subsidiya.idm.uz» дастурий таъминот тизимида автоматлаштирилган тартибда баллар кўринишида баҳоланади.

Масъул ташкилотлар ўзларининг ахборот тизимлари орқали тақдим қилинган ҳар бир маълумотнинг ҳаққонийлиги учун жавобгар ҳисобланади»;

з) 21-банд қуйидаги мазмундаги иккинчи хатбоши билан тўлдирилсин:

«Комиссия туман (шаҳар)да ипотека кредитлари бўйича субсидия олиш истагида бўлган фуқароларга субсидия бўйича тушунтириш ва маслаҳатлар бериш билан шуғулланади, субсидия хабарномасини олган талабгорларга уй-жой топишда кўмаклашади, ажратилган субсидиялар ўзлаштирилиши юзасидан ҳар ойда мониторинг олиб боради, шунингдек, масъул ташкилотларнинг маълумотлар базасида вужудга келган техник муаммоларини бартараф этиш чораларини кўради»;

и) 5-бобнинг номидаги «Комиссия томонидан баҳолаш» сўзлари «Баҳолаш» сўзи билан алмаштирилсин;

к) 30-банд қуйидаги таҳрирда баён қилинсин:

«30. Ариза берувчининг аризаси унинг қайд этилиш кетма-кетлигига мувофиқ ижтимоий мезонлар доирасида масъул ташкилотларнинг ахборот тизимлари томонидан ижтимоий мезонларга мувофиқ автомат равишда кўриб чиқилади ва натижаси бўйича маълумот берилади.

Масъул ташкилотлар томонидан электрон тизим орқали ижтимоий мезонлар юзасидан тақдим этилган маълумоти асосида «subsidiya.idm.uz» дастурий таъминот тизими орқали субсидия бериш ёки беришни рад этиш тўғрисида электрон QR-код (матрик штрихли код) қўйилган хабарнома (талабгор ҳарбий хизматчи бўлган тақдирда) тегишли туман (шаҳар) давлат хизматлари марказига ва ЯИДХПга юборилади»;

л) 32-банд қуйидаги таҳрирда баён қилинсин:

«32. Ижтимоий мезонлар асосида баҳоланган ариза берувчи 30 ва ундан юқори балл тўплаган тақдирда, талабгор сифатида тан олиниб, квартира сотиб олиш учун ипотека кредити бўйича субсидия олишга ҳақли деб ҳисобланади.

Ариза берувчининг кредит тарихи камида битта иштирок этувчи тижорат банкининг ички талабларига мувофиқ бўлиши лозим. Бунда субсидия ажратиш тўғрисидаги хабарнома олган талабгорнинг бошқа исталган иштирок этувчи тижорат банкидан ипотека кредитини олиш ҳуқуқи сақлаб қолинади»;

м) 34-бандда :

«е» кичик банднинг биринчи хатбошиси қуйидаги таҳрирда баён қилинсин:

«е) ариза берувчи, шу жумладан, унинг турмуш ўртоғи ва яқин қариндошларининг (бунда яқин қариндошлар аризада кўрсатилган ҳолларда) ўртача ойлик даромади»;

қуйидаги мазмундаги «з» кичик банд билан тўлдирилсин:

«з) ариза берувчининг кредит тарихи иштирок этувчи тижорат банкининг ички қоидаларида белгиланган талабларга мувофиқ бўлмаганда»;

н) 35-банднинг иккинчи хатбошиси қуйидаги таҳририда баён қилинсин:

«Субсидия ажратиш рад этилган тақдирда, автомат равишда рад этиш сабабларини ва қонунчилик ҳужжатларининг аниқ нормаларини кўрсатган ҳолда QR-код қўйилган хабарнома шакллантирилади ҳамда ЯИДХПга электрон тарзда юборилади»;

о) 37-бандда :

иккинчи хатбоши «ўз хоҳишига кўра» сўзларидан кейин «ЯИДХП орқали электрон ариза билан мурожаат қилган ҳолда» сўзлари билан тўлдирилсин;

учинчи ва тўртинчи хатбошилар қуйидаги таҳрирда баён қилинсин:

«Талабгорнинг аризасида бекор қилиниши лозим бўлган субсидия ажратиш тўғрисидаги хабарнома реквизитлари кўрсатилади;

«Талабгорнинг субсидия ажратиш тўғрисидаги хабарномани бекор қилиш ҳақидаги аризаси келиб тушган кундан бошлаб беш иш куни ичида Иқтисодиёт ва молия вазирлиги томонидан бекор қилинади»;

п) 1-иловада :

I бўлимдаги «ва/ёки унинг оиласининг» сўзлари «ва унинг турмуш ўртоғи, шу жумладан, яқин қариндошларининг (бунда яқин қариндошлар аризада кўрсатилган ҳолларда) ўртача ойлик» сўзлари билан алмаштирилсин;

III бўлимнинг 2-банди «Масъул орган» устунидаги «Туман (шаҳар) иқтисодиёт ва молия бўлими» сўзлари «Иқтисодиёт ва молия вазирлиги» сўзлари билан алмаштирилсин;

IV бўлимнинг 1-банди «Мезонлар» устунидаги «Тиббий-ижтимоий экспертиза» электрон ахборот тизимидан» сўзлари «Ягона миллий ижтимоий ҳимоя» ахборот тизимининг «Тиббий-ижтимоий экспертиза» модулидан» сўзлари билан алмаштирилсин;

қуйидаги мазмундаги V бўлим билан тўлдирилсин:

« V. Ариза берувчининг кредит тарихи иштирок этувчи тижорат банкларининг ички қоидаларига мувофиқлиги*** 1. Ариза берувчининг кредит тарихи иштирок этувчи тижорат банкларининг ички қоидаларига мувофиқлиги — Иштирок этувчи тижорат банклари » ;

изоҳ қуйидаги мазмундаги учинчи хатбоши билан тўлдирилсин:

р) 3-иловада :

илова номи қуйидаги таҳрирда баён қилинсин:

«______ тумани (шаҳри)да ипотека кредитлари бўйича субсидиялар тўланишини мувофиқлаштириш бўйича комиссиянинг НАМУНАВИЙ ТАРКИБИ»;

2-банддаги «туман (шаҳар) Халқ қабулхонаси раҳбари, Комиссия раиси ўринбосари (келишув асосида)» сўзлари «туман (шаҳар) «Инсон» ижтимоий хизматлар маркази раҳбари» сўзлари билан алмаштирилсин;

5-банд қуйидаги мазмундаги 5 — 7-бандлар билан алмаштирилсин:

« 5. Лавозимига кўра — туман (шаҳар) адлия бўлими бошлиғи 6. Лавозимига кўра — туман (шаҳар) кадастрлар палатаси бошлиғи 7. Лавозимига кўра — туман (шаҳар) иқтисодиёт ва молия бўлими масъул ходими, Комиссия котиби » ;

с) 4-иловада :

2, 3 ва 4-босқичлар қуйидаги таҳрирда баён қилинсин:

« 2-босқич Туман (шаҳар) давлат хизматлари маркази 1. Анкета-ариза ва унга илова қилинган ҳужжатлар туман (шаҳар) давлат хизматлари маркази томонидан қабул қилинади. 2. Айрим тоифадаги шахслар мурожаат этганда, уларнинг даромадларини тасдиқловчи маълумотномага асосан Давлат хизматлари марказининг масъул ходими ушбу марказ электрон платформасига ҳарбий тузилма ходимларининг ойлик даромадларини ойлар кесимида киритади ҳамда мазкур маълумотномани «PDF» шаклда юклайди. 3. Туман (шаҳар) давлат хизматлари аризалар қайд қилиниши навбатлигига кўра уларни ижтимоий мезонлар бўйича кўриб чиқиш учун «subsidiya.idm.uz» дастурий таъминот тизимига юборади ва тизим орқали Солиқ қўмитасига, Кадастрлар палатасига, Вазирлар Маҳкамаси ҳузуридаги Миграция агентлигига, Иқтисодиёт ва молия вазирлигига, Адлия вазирлигига, Ижтимоий ҳимоя миллий агентлигига ҳамда иштирок этувчи тижорат банкларига ҳамда электрон шаклда тақдим этилади. 1 иш куни ичида 3-босқич Иқтисодиёт ва молия вазирлиги («subsidiya.idm.uz» дастурий тизимида тегишли ташкилотларнинг электрон базасидан келиб тушган маълумотлар асосида автоматлаштирилган тарзда баҳоланади) 1. Солиқ тўловчининг жисмоний шахснинг шахсий идентификация рақами (ЖШ ШИР) бўйича ариза берувчи, шу жумладан, унинг турмуш ўртоғи ва яқин қариндошларининг (бунда яқин қариндошлари аризада кўрсатилган ҳолатларда) даромадларини аниқлайди. 2. Ариза берувчи ва унинг оила аъзолари орасида «Ягона миллий ижтимоий ҳимоя» ахборот тизимининг «Тиббий-ижтимоий экспертиза» модулидан ногиронлик белгилангани ёки белгиланмаганини аниқлайди. 3. Ариза берувчининг фарзандларини тўлиқсиз оилада тарбиялаётган аёл, бева ва ажрашганлар тоифасига мансублигини «ФҲДЁнинг ягона электрон архиви» маълумотлар базасидан аниқлайди. 4. Ариза берувчининг «Xorijda ish» меҳнат миграцияси электрон дастурий мажмуасида рўйхатдан ўтганлиги, хорижда вақтинча меҳнат фаолиятини амалга ошираётганлигини аниқлайди. 5. Ариза берувчи 30 ёшдан ошмаган ёшлар тоифасига мансублигини аниқлайди. 6. Ариза берувчида, шу жумладан, унинг турмуш ўртоғининг номида республиканинг барча ҳудудлари миқёсида мулк ҳуқуқи билан турар жойнинг мавжуд ёки мавжуд эмаслигини аниқлайди. 7. Олис ва чекка ҳудудларда жойлашган бюджет ташкилотларига бошқа ҳудудлардан меҳнат фаолиятини амалга ошириш учун келган олий маълумотли мутахассис ва (ёки) тиббиёт ходими эканлиги; Профессионал таълим ташкилотларининг муҳандислик, ишлов бериш ва қурилиш соҳаларидаги махсус фанлар бўйича дарс бераётган ёки ўқув амалиётини ўтказаётган ўқитувчилари ва ишлаб чиқариш таълим усталари тоифасига мансублигини аниқлайди. 2 иш куни мобайнида Иштирок этувчи тижорат банклари Ариза берувчининг шахсий идентификация рақами (ЖШШИР) орқали иштирок ариза берувчининг кредит тарихи банкнинг ички қоидаларида белгиланган талабларга мувофиқлиги ёки мувофиқ эмаслиги тўғрисида маълумот тақдим этади. 2 иш куни мобайнида 4-босқич Иқтисодиёт ва молия вазирлиги («subsidiya.idm.uz» дастурий таъминот тизими) Танлов натижалари юзасидан «subsidiya.idm.uz» дастурий таъминот тизими томонидан автоматик равишда субсидия ажратиш ёки ажратишни рад этиш тўғрисида QR-код қўйилган субсидия хабарномасини тегишли туман (шаҳар) давлат хизматлари марказига ва ЯИДХПга электрон тарзда юборади. 1 иш куни мобайнида »;

т) 5-илованинг 12-банди еттинчи хатбошиси «ҳақиқийлигини тасдиқлайман» сўзларидан кейин «ҳамда кредит ахбороти тўғрисидаги» сўзлари билан тўлдирилсин.

12. Вазирлар Маҳкамасининг «Миллатлараро тотувлик, бағрикенглик ва ҳамжиҳатликни таъминлаш бўйича жамоатчилик кенгашлари фаолиятини ташкил этиш тўғрисида» 2020 йил 17 ноябрдаги 723-сон қарорида :

а) номидаги «Миллатлараро тотувлик, бағрикенглик» сўзлари «Умуммиллий бирдамлик» сўзлари билан алмаштирилсин;

б) 1-банднинг иккинчи — бешинчи хатбошиларидаги «Миллатлараро тотувлик, бағрикенглик» сўзлари «Умуммиллий бирдамлик» сўзлари билан алмаштирилсин;

в) 1-иловада :

номидаги «Миллатлараро тотувлик, бағрикенглик» сўзлари «Умуммиллий бирдамлик» сўзлари билан алмаштирилсин;

1-банддаги «Миллатлараро тотувлик, бағрикенглик» сўзлари «Умуммиллий бирдамлик» сўзлари билан алмаштирилсин;

3 ва 4-бандлар қуйидаги таҳрирда баён этилсин:

«3. Қуйидагилар Жамоатчилик кенгашининг асосий вазифалари ҳисобланади:

жойларда миллатлараро муносабатларни уйғунлаштириш, жамиятда дўстлик, ўзаро ҳамжиҳатлик, бағрикенглик ва бирдамликни мустаҳкамлашга қаратилган чора-тадбирларни амалга оширилишига кўмаклашиш;

умуммиллий бирдамлик, ҳамжиҳатлик ва бағрикенгликни таъминлаш масалалари бўйича давлат органлари билан нодавлат нотижорат ташкилотлари ва фуқаролик жамиятининг бошқа институтлари ўртасида самарали ҳамкорликни таъминлашда кўмаклашиш;

миллатлараро тотувлик, ҳамжиҳатлик ва бағрикенглик соҳасида давлат сиёсатини ҳудудларда амалга оширилиши учун масъул бўлган давлат органлари фаолияти бўйича жамоатчилик назоратини олиб бориш;

ҳудудларда турли миллат ва элатларнинг ўзига хос хусусиятларини сақлаб қолиш мақсадида жойларда этнотуризмни ривожлантириш ишларида ҳамкорлик қилиш;

халқ дипломатияси механизмлари орқали хорижий мамлакатлар билан ижтимоий-маданий ва дўстлик алоқалари ҳамда Ўзбекистоннинг халқаро майдондаги ижобий имижини мустаҳкамлашда иштирок этиш ва таклифлар ишлаб чиқиш;

Ўзбекистоннинг ягона халқи ҳамда хориждаги ватандошларнинг жамиятнинг муштарак мақсадлари йўлида бирдамлиги, умуммиллий ҳамжиҳатлик масалаларини ўрганиш, таҳлил қилиш ҳамда таклифлар тайёрлаш.

4. Жамоатчилик кенгаши ўзининг асосий вазифаларига мувофиқ қуйидаги функцияларни амалга оширади:

умуммиллий тотувлик, ҳамжиҳатлик ва бағрикенгликни мустаҳкамлашга қаратилган давлат сиёсатини ҳудудларда изчил амалга оширилишида кўмаклашади;

турли миллат вакиллари яшаётган ҳудудлар аҳолисининг маиший ва ижтимоий-иқтисодий муаммоларини ўрганиб, таҳлил қилиб боради, уларнинг ечимлари бўйича таклифлар тайёрлайди;

жамиятда дўстлик, ўзаро ишонч ва тушуниш муҳитини асраб-авайлаш ҳамда мустаҳкамлашга қаратилган чора-тадбирларни ишлаб чиқиш ва амалга оширишда иштирок этади;

давлат ташкилотлари ва нодавлат ташкилотлар, фуқаролик жамияти институтлари билан ҳамкорликда ёшларни умуммиллий қадриятлар атрофида бирлаштирувчи тарғибот тадбирларини амалга оширади;

миллатлараро тотувлик, ҳамжиҳатлик ва бағрикенгликни мустаҳкамлашга йўналтирилган ижтимоий ташаббусларни рағбатлантириш ва қўллаб-қувватлаш юзасидан таклифлар ишлаб чиқади;

аҳоли орасида умуммиллий тотувлик, дўстлик, бирдамлик ва бағрикенгликни таъминлашга қаратилган чора-тадбирлар дастурини ишлаб чиқишда иштирок этади, уни давлат ташкилотлари ва нодавлат ташкилотлар билан ҳамкорликда амалга оширишга кўмаклашади;

мамлакатдаги барча миллат ва элатларнинг конституциявий ҳуқуқлари ва қонуний манфаатларини ҳимоя қилиш, улар ўртасида ўзаро тушуниш ҳамда ёрдам ҳиссини кучайтиришга зарур шарт-шароит яратиш бўйича жойлардаги давлат органларининг фаолиятида жамоатчилик назоратини олиб боради;

юртимизда яшовчи турли миллат ва элатлар вакилларининг ўзига хос анъаналари, урф-одатлари ва расм-русумларини асраб-авайлашга кўмаклашади;

мамлакатимизга ишлаш, таълим олиш мақсадида узоқ муддатга келган хорижий фуқароларнинг маҳаллий шарт-шароитларга ва ижтимоий-маданий мослашувини таъминлаш ва умумий манфаатларни рўёбга чиқаришга қаратилган чора-тадбирлар ишлаб чиқишда ҳамда уни ўзаро ҳамкорликда амалга оширишда иштирок этади;

умуммиллий манфаатларга хизмат қилувчи маданий-маърифий тадбирларни ташкил этишда миллий маданий марказларга кўмаклашади;

хорижий мамлакатлар билан дўстлик алоқаларини ривожлантириш бўйича дастурларни ишлаб чиқишда ва амалга оширишда иштирок этади;

мамлакатимизда туғилган буюк олим ва мутафаккирларнинг барҳаёт меросини, уларнинг жаҳон илм-фани ва маданияти ривожига қўшган ҳиссасини кенг намоён этиш бўйича чора-тадбирларни ишлаб чиқишда иштирок этади;

юртимиз ва хорижий мамлакатлар ҳудудлари ўртасида дўстлик, ўзаро ишонч ва биродарлик алоқаларини ўрнатиш ҳамда ривожлантиришда манфаатдор ташкилотлар билан ҳамкорлик қилади ва кўмаклашади;

жамиятда миллий, этник омиллар сабабли юзага келиши мумкин бўлган баҳсли ҳолатларнинг олдини олиш бўйича таклифлар тайёрлайди, бу борадаги ишларни ташкил этишга кўмаклашади;

хориждаги ватандошлар жамоалари билан ҳамкорликнинг янги «ўсиш нуқта»ларини белгилашга қаратилган мақсадли лойиҳа ва дастурлар ишлаб чиқишда иштирок этади;

хорижий мамлакатлардаги ватандошларни мамлакатимизда амалга оширилаётган иқтисодий, инвестициявий, туристик ва бошқа йўналишлардаги стартап лойиҳаларда фаол иштирок этишга жалб қилиш орқали уларда тарихий Ватани ривожига дахлдорлик туйғусини кучайтиришга қаратилган таклифларни ишлаб чиқади;

ўз вазифаларини амалга оширишда нодавлат нотижорат ташкилотлари, оммавий ахборот воситалари, шунингдек, фуқаролик жамиятининг бошқа институтлари ҳамда фуқаролар билан ҳамкорлик қилади;

соҳага оид мавжуд муаммоларнинг таъсирчан ечимини назарда тутувчи ташаббусли лойиҳаларни амалга ошириш учун давлат ижтимоий буюртмасини қонунчиликка мувофиқ шакллантиришда Қўмитага кўмаклашади»;

29 — 31-бандлар қуйидаги таҳрирда баён этилсин:

«29. Жамоатчилик кенгашининг ташкилий-техник таъминоти Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари томонидан, шунингдек, қонунчилик ҳужжатларида тақиқланмаган бошқа манбалар ҳисобига амалга оширилади.

30. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ҳузуридаги Умуммиллий бирдамлик ва ҳамжиҳатликни таъминлаш бўйича жамоатчилик кенгашлари ўз ваколатига кирувчи масалалар бўйича Ўзбекистон Республикаси Миллатлараро муносабатлар ва хориждаги ватандошлар масалалари бўйича қўмитаси ҳузуридаги Жамоатчилик кенгаши билан ҳамкорлик қилади.

31. Жамоатчилик кенгашининг қарорлари ҳамда Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари ҳузуридаги Умуммиллий бирдамлик ва ҳамжиҳатликни таъминлаш бўйича жамоатчилик кенгашларининг фаолиятини ташкил этиш билан боғлиқ қарорлари юзасидан белгиланган тартибда шикоят қилиниши мумкин»;

г) 2-иловада :

номидаги «Миллатлараро тотувлик, бағрикенглик» сўзлари «Умуммиллий бирдамлик» сўзлари билан алмаштирилсин;

1-банддаги «Миллатлараро тотувлик, бағрикенглик» сўзлари «Умуммиллий бирдамлик» сўзлари билан алмаштирилсин;

3 ва 4-бандлар қуйидаги таҳрирда баён этилсин:

«3. Қуйидагилар Жамоатчилик кенгашининг асосий вазифалари ҳисобланади:

жойларда миллатлараро муносабатларни уйғунлаштириш, жамиятда дўстлик, ўзаро ҳамжиҳатлик, бағрикенглик ва бирдамликни мустаҳкамлашга қаратилган чора-тадбирлар амалга оширилишига кўмаклашиш;

умуммиллий бирдамлик ва ҳамжиҳатликни таъминлаш масалалари бўйича жойларда давлат органлари, нодавлат нотижорат ташкилотлари ва фуқаролик жамиятининг бошқа институтлари билан самарали ҳамкорлигини таъминлашда кўмаклашиш;

миллатлараро муносабатлар соҳасида давлат сиёсати амалга оширилиши учун жойларда масъул давлат органлари фаолияти бўйича жамоатчилик назоратини олиб бориш;

Ўзбекистоннинг ягона халқи ҳамда хориждаги ватандошларнинг ўзаро бирдамлиги, умуммиллий ҳамжиҳатлик масалаларини ўрганиш, таклифлар тайёрлаш.

4. Жамоатчилик кенгаши ўзининг асосий вазифаларига мувофиқ қуйидаги функцияларни амалга оширади:

жойларда умуммиллий тотувлик, ҳамжиҳатлик ва бағрикенгликни мустаҳкамлашга қаратилган давлат сиёсатини изчил амалга оширилишида кўмаклашади;

турли миллат вакиллари яшаётган ҳудудлар аҳолисининг маиший ва ижтимоий-иқтисодий муаммоларини ўрганиб, таҳлил қилиб боради, уларнинг ечимлари бўйича таклифлар тайёрлайди;

миллатлараро тотувлик, дўстлик ва ҳамжиҳатликни қарор топтиришга йўналтирилган ижтимоий ташаббусларни рағбатлантириш ва қўллаб-қувватлаш юзасидан таклифлар тайёрлайди;

аҳоли орасида умуммиллий тотувлик, дўстлик, бирдамлик ва бағрикенгликни мустаҳкамлашга қаратилган чора-тадбирларни ишлаб чиқишда иштирок этади, уни давлат ташкилотлари ва нодавлат ташкилотлар билан ҳамкорликда амалга оширишга кўмаклашади;

мамлакатдаги барча миллат ва элатларнинг конституциявий ҳуқуқлари ва қонуний манфаатларини ҳимоя қилиш, улар ўртасида ўзаро тушуниш ҳамда ёрдам ҳиссини кучайтиришга зарур шарт-шароит яратиш бўйича давлат органларининг фаолиятида жамоатчилик назоратини олиб боради;

ҳудудда яшовчи турли миллат ва элатлар вакилларининг ўзига хос анъаналари, урф-одатлари ва расм-русумларини асраб-авайлашга кўмаклашади;

мамлакатимизга ишлаш, таълим олиш мақсадида узоқ муддатга келган хорижий фуқароларнинг маҳаллий шарт-шароитларга ва ижтимоий-маданий мослашувига кўмаклашишга қаратилган тадбирларни амалга оширишда иштирок этади;

мамлакатимизда туғилган буюк олим ва мутафаккирларнинг барҳаёт меросини, уларнинг жаҳон илм-фани ва маданияти ривожига қўшган ҳиссасини кенг намоён этиш бўйича чора-тадбирларни ишлаб чиқишда иштирок этади;

юртимиз ва хорижий мамлакатлар ҳудудлари ўртасида дўстлик, ўзаро ишонч ва биродарлик алоқаларини ўрнатиш ҳамда ривожлантириш бўйича таклифлар тайёрлайди;

хорижий мамлакатлардаги ватандошлар билан алоқаларни мустаҳкамлашга, уларни Ўзбекистон тараққиётига дахлдорлик туйғусини кучайтиришга қаратилган таклифларни ишлаб чиқади;

ўз вазифаларини амалга оширишда нодавлат нотижорат ташкилотлари, оммавий ахборот воситалари, шунингдек, фуқаролик жамиятининг бошқа институтлари ҳамда фуқаролар билан ҳамкорлик қилади;

соҳага оид мавжуд муаммоларнинг таъсирчан ечимини назарда тутувчи ташаббусли лойиҳаларни амалга ошириш учун давлат ижтимоий буюртмасини қонунчиликка мувофиқ шакллантиришда Қўмитага кўмаклашади»;

29 ва 30-бандлар қуйидаги таҳрирда баён этилсин:

«29. Жамоатчилик кенгашининг ташкилий-техник таъминоти туман (шаҳар) ҳокимликлари томонидан, шунингдек, қонунчилик ҳужжатларида тақиқланмаган бошқа манбалар ҳисобига амалга оширилади.

30. Туманлар (шаҳарлар) ҳокимликлари ҳузуридаги Умуммиллий бирдамлик ва ҳамжиҳатликни таъминлаш бўйича жамоатчилик кенгашлари ўз ваколатига кирувчи масалалар бўйича Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари ҳузуридаги Умуммиллий бирдамлик ва ҳамжиҳатликни таъминлаш бўйича жамоатчилик кенгашлари, Ўзбекистон Республикаси Миллатлараро муносабатлар ва хориждаги ватандошлар масалалари бўйича қўмитаси ҳузуридаги Жамоатчилик кенгаши билан ҳамкорлик қилади»;

31-банддаги «Миллатлараро тотувлик, бағрикенглик» сўзлари «Умуммиллий бирдамлик» сўзлари билан алмаштирилсин;

д) 3-илованинг матни қуйидаги таҳрирда баён этилсин:

«Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари ҳузуридаги Умуммиллий бирдамлик ва ҳамжиҳатликни таъминлаш бўйича жамоатчилик кенгашларининг НАМУНАВИЙ ТАРКИБИ

1. Лавозимига кўра — Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри ҳокимлари, Жамоатчилик кенгаши раиси 2. Лавозимига кўра — Қорақалпоғистон Республикаси Вазирлар Кенгаши Раисининг, вилоятлар ва Тошкент шаҳри ҳокимларининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосарлари, Жамоатчилик кенгаши раиси ўринбосари 3. Лавозимига кўра — Қорақалпоғистон Республикаси Вазирлар Кенгаши Раиси ўринбосари — Оила ва хотин-қизлар қўмитаси раиси, вилоятлар ва Тошкент шаҳри ҳокимлари ўринбосарлари — оила ва хотин-қизлар бошқармалари бошлиқлари 4. Лавозимига кўра — Қорақалпоғистон Республикаси адлия вазири, вилоятлар ва Тошкент шаҳри адлия бошқармалари бошлиқлари 5. Лавозимига кўра — Ўзбекистон маҳаллалари уюшмаси ҳудудий бошқармалари бошлиқлари 6. Лавозимига кўра — Ёшлар ишлари агентлигининг Қорақалпоғистон Республикаси, вилоятлар ва Тошкент шаҳри бошқармалари бошлиқлари 7. Лавозимига кўра — Республика Маънавият ва маърифат марказининг Қорақалпоғистон Республикаси, вилоятлар ва Тошкент шаҳри бўлимлари раҳбарлари 8. Лавозимига кўра — Ўзбекистон Миллий телерадиокомпаниясининг ҳудудий телерадиокомпаниялари раҳбарлари 9. Лавозимига кўра — Миллий маданий марказлар раҳбарлари ва фаоллари 10. Келишувга асосан — нодавлат нотижорат ташкилотлари ва оммавий ахборот воситаларининг вакиллари 11. Келишувга асосан — фан ва маданият намояндалари 12. Келишувга асосан — фуқаролик жамияти институтларининг вакиллари 13. Лавозимига кўра — Қорақалпоғистон Республикаси Вазирлар Кенгаши Раисининг, вилоятлар ва Тошкент шаҳри ҳокимларининг жамоат ва диний ташкилотлар билан алоқалар бўйича ўринбосарлари, Жамоатчилик кенгаши котиби

е) 4-илованинг матни қуйидаги таҳрирда баён этилсин:

«Туман (шаҳар) ҳокимликлари ҳузуридаги Умуммиллий бирдамлик ва ҳамжиҳатликни таъминлаш бўйича жамоатчилик кенгашларининг НАМУНАВИЙ ТАРКИБИ

1. Лавозимига кўра — туман (шаҳар) ҳокимлари, Жамоатчилик кенгаши раиси 2. Лавозимига кўра — туман (шаҳар) ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари, Жамоатчилик кенгаши раиси ўринбосари 3. Лавозимига кўра — туман ҳокимининг ўринбосари — Оила ва хотин-қизлар бўлими бошлиқлари 4. Лавозимига кўра — туман (шаҳар) Адлия бўлими бошлиғи 5. Лавозимига кўра — Ёшлар ишлари агентлигининг туман (шаҳар) бўлими бошлиғи 6. Лавозимига кўра — Республика Маънавият ва маърифат марказининг туман (шаҳар) бўлимлари раҳбарлари 7. Келишувга асосан — фан ва маданият намояндалари 8. Лавозимига кўра — Миллий маданий марказлар раҳбарлари ва фаоллари 9. Келишувга асосан — нодавлат нотижорат ташкилотлари ва оммавий ахборот воситаларининг вакиллари 10. Келишувга асосан — фуқаролик жамиятининг бошқа институтлари вакиллари 11. Лавозимига кўра — Ўзбекистон маҳаллалари уюшмаси туман (шаҳар) бўлими бошлиғи, Жамоатчилик кенгаши котиби

13. Вазирлар Маҳкамасининг 2021 йил 28 августдаги 548-сон қарори билан тасдиқланган Ҳокимнинг жамоат ва диний ташкилотлар билан алоқалар бўйича ўринбосарининг функционал вазифалари тўғрисидаги намунавий низомда :

а) 3-банддаги «Кенгаши олдида ҳисобдордир» сўзлари «Кенгаши, шунингдек, ҳудуддаги миллатлараро муносабатлар ва хориждаги ватандошлар масалалари юзасидан ваколатли орган олдида ҳисобдордир» сўзлари билан алмаштирилсин;

б) 7-банднинг бешинчи хатбошиси қуйидаги таҳрирда баён этилсин:

«жамиятда умуммиллий бирдамлик, ҳамжиҳатлик ва бағрикенгликни ҳамда хориждаги ватандошлар билан алоқаларни мустаҳкамлаш, шунингдек хорижий давлатлар ҳудудлари билан дўстлик ва биродарлик муносабатларини ривожлантириш»;

в) 8-банднинг «г» кичик банди қуйидаги таҳрирда баён этилсин:

«г) жамиятда умуммиллий бирдамлик, ҳамжиҳатлик ва бағрикенгликни ҳамда хориждаги ватандошлар билан алоқаларни мустаҳкамлаш, шунингдек хорижий давлатлар ҳудудлари билан дўстлик ва биродарлик муносабатларини ривожлантириш соҳасида:

миллатлараро муносабатлар ва хориждаги ватандошлар билан алоқаларни мустаҳкамлашга қаратилган давлат сиёсатини ҳудудда изчил амалга оширилишини таъминлайди;

Ўзбекистон Республикаси Миллатлараро муносабатлар ва хориждаги ватандошлар масалалари бўйича қўмитасига юкланган вазифаларнинг ҳудудларда сифатли бажарилишини ташкил этади ва таъсирчан назоратни амалга оширади;

ҳудудларда умуммиллий тотувлик ва хориждаги ватандошлар билан алоқаларнинг мавжуд ҳолати, уни янада мустаҳкамлаш истиқболлари тўғрисида тегишли ахборот, ахборот-таҳлилий ҳужжатлар ва ҳисоботларни Ўзбекистон Республикаси Миллатлараро муносабатлар ва хориждаги ватандошлар масалалари бўйича қўмитасига киритади;

миллатлараро муносабатлар ва хориждаги ватандошлар билан алоқаларни мустаҳкамлаш соҳасини ривожлантириш ва ҳудудларнинг муаммоли масалаларини ҳал қилиш бўйича дастур, чора-тадбирлар режаси, «йўл хариталари» ва бошқа ҳужжатлар ижросини таъминлайди;

ҳудуддаги аҳоли ўртасида умуммиллий бирдамлик, ҳамжиҳатлик ва бағрикенгликни таъминлашга қаратилган чора-тадбирларни ишлаб чиқади, давлат органлари ва нодавлат ташкилотлар билан ҳамкорликда амалга оширади;

мамлакатимизга ишлаш, таълим олиш мақсадида узоқ муддатга келган хорижий фуқароларнинг маҳаллий шарт-шароитларга ва ижтимоий-маданий мослашувини таъминлаш чораларини кўради;

ҳудудларда миллий маданий марказлар умуммиллий ҳамжиҳатликни мустаҳкамлашга қаратилган фаолиятини амалга оширишига кўмаклашади;

хорижий давлатлар ҳудудлари билан дўстлик ва биродарлик алоқаларини ривожлантириш чораларини кўради».

14. Вазирлар Маҳкамасининг «Халқлар дўстлиги» кўкрак нишонини таъсис этиш тўғрисида» 2021 йил 1 июндаги 335-сон қарорида :

а) 3-банддаги «Вазирлар Маҳкамаси ҳузуридаги Миллатлараро муносабатлар ва хорижий мамлакатлар билан дўстлик алоқалари қўмитасининг» сўзлари «Ўзбекистон Республикаси Миллатлараро муносабатлар ва хориждаги ватандошлар масалалари бўйича қўмитасининг» сўзлари билан алмаштирилсин;

б) 1-иловада :

5-банддаги «Ўзбекистон Республикаси Вазирлар Маҳкамаси ҳузурида Миллатлараро муносабатлар ва хорижий мамлакатлар билан дўстлик алоқалари қўмитасига» сўзлари «Ўзбекистон Республикаси Миллатлараро муносабатлар ва хориждаги ватандошлар масалалари бўйича қўмитасига» сўзлари билан алмаштирилсин;

6-банддаги «Ўзбекистон Республикаси Вазирлар Маҳкамаси ҳузуридаги Миллатлараро муносабатлар ва хорижий мамлакатлар билан дўстлик алоқалари қўмитасининг» сўзлари «Ўзбекистон Республикаси Миллатлараро муносабатлар ва хориждаги ватандошлар масалалари бўйича қўмитасининг» сўзлари билан алмаштирилсин;

иловада :

2-босқичнинг «Тадбирлар» устунидаги «Ўзбекистон Республикаси Вазирлар Маҳкамаси ҳузуридаги Миллатлараро муносабатлар ва хорижий мамлакатлар билан дўстлик алоқалари қўмитасига» сўзлари «Ўзбекистон Республикаси Миллатлараро муносабатлар ва хориждаги ватандошлар масалалари бўйича қўмитасига» сўзлари билан алмаштирилсин;

3 — 5-босқичларнинг «Субъектлар» устунидаги «Ўзбекистон Республикаси Вазирлар Маҳкамаси ҳузуридаги Миллатлараро муносабатлар ва хорижий мамлакатлар билан дўстлик алоқалари қўмитаси» сўзлари «Ўзбекистон Республикаси Миллатлараро муносабатлар ва хориждаги ватандошлар масалалари бўйича қўмитаси» сўзлари билан алмаштирилсин;

в) 3-иловада :

«Халқлар дўстлиги» кўкрак нишони гувоҳномасининг тавсифининг ўнинчи хатбошиси қуйидаги таҳрирда баён этилсин:

«Пастки чизиқдан 4 миллиметр қуйида, марказда оралиғи 2 миллиметрли икки сатрдан иборат матн жойлашган. Биринчи сатрда «Oʻzbekiston Respublikasi Millatlararo munosabatlar va», иккинчи сатрда «xorijdagi vatandoshlar masalalari boʻyicha qoʻmitasi raisining» («Times new Roman Bolt» шрифти, 10 кегл) сўзлари ёзилган»;

«Халқлар дўстлиги» кўкрак нишони гувоҳномаси матнида «Oʻzbekiston Respublikasi Vazirlar Mahkamasi huzuridagi Millatlararo munosabatlar va xorijiy mamlakatlar bilan doʻstlik aloqalari qoʻmitasi raisining» сўзлари «Oʻzbekiston Respublikasi Millatlararo munosabatlar va xorijdagi vatandoshlar masalalari boʻyicha qoʻmitasi raisining» сўзлари билан алмаштирилсин.

15. Вазирлар Маҳкамасининг 2021 йил 7 сентябрдаги 558-сон қарори билан тасдиқланган Ўзбекистон Республикаси Маданият вазирлиги тўғрисидаги низомда :

а) 10-бандда :

учинчи хатбоши чиқариб ташлансин;

тўртинчи — йигирма учинчи хатбошилар тегишлича учинчи — йигирма иккинчи хатбошилар деб ҳисоблансин;

б) 11-банднинг ўнинчи ва ўн биринчи хатбошилари ҳамда 12-банднинг «и» ва «к» кичик бандлари чиқариб ташлансин.

16. Вазирлар Маҳкамасининг 2021 йил 17 сентябрдаги 572-сон қарори билан тасдиқланган Мактабгача, умумий ўрта, ўрта махсус, профессионал ва мактабдан ташқари таълим ташкилотлари педагог кадрларини аттестациядан ўтказиш тартиби тўғрисидаги низомда :

а) 8-банд қуйидаги таҳрирда баён этилсин:

«8. Қуйидаги педагог кадрларга малака тоифаси (лавозим) тўғридан-тўғри (аттестациядан ўтказилмасдан) берилади:

а) Ўзбекистон Республикаси Мактабгача ва мактаб таълими вазирлиги томонидан рўйхати тасдиқланадиган спорт мусобақаларининг:

халқаро ҳамда республика босқичида 3-ўринни эгаллаган тарбияланувчисини тайёрлаган мактабгача таълим ташкилотларининг жисмоний тарбия йўриқчиларига — иккинчи малака тоифаси (катта ўқитувчи лавозими);

халқаро ҳамда республика босқичида 2-ўринни эгаллаган тарбияланувчисини тайёрлаган мактабгача таълим ташкилотларининг жисмоний тарбия йўриқчиларига — биринчи малака тоифаси (етакчи ўқитувчи лавозими);

халқаро ҳамда республика босқичида 1-ўринни эгаллаган тарбияланувчисини тайёрлаган мактабгача таълим ташкилотларининг жисмоний тарбия йўриқчиларига — олий малака тоифаси (бош ўқитувчи лавозими);

б) белгиланган тартибда тасдиқланадиган халқаро ва республика миқёсидаги спорт ҳамда оммавий жисмоний тарбия тадбирларининг республика, ҳудудий ва жисмоний тарбия-спорт ташкилотлари календарь-режаларига киритиладиган, шунингдек, Ўзбекистон Республикаси ҳудудида ўтказиладиган халқаро ва республика миқёсидаги расмий спорт ёки оммавий жисмоний тарбия тадбирлари рўйхатига киритилган спорт мусобақаларининг:

халқаро ҳамда республика босқичида 3-ўринни эгаллаган ўқувчисини тайёрлаган таълим ташкилотлари жисмоний тарбия фани ўқитувчиларига — иккинчи малака тоифаси (катта ўқитувчи лавозими);

халқаро ҳамда республика босқичида 2-ўринни эгаллаган ўқувчисини тайёрлаган таълим ташкилотлари жисмоний тарбия фани ўқитувчиларига — биринчи малака тоифаси (етакчи ўқитувчи лавозими);

халқаро ҳамда республика босқичида 1-ўринни эгаллаган ўқувчисини тайёрлаган таълим ташкилотлари жисмоний тарбия фани ўқитувчиларига — олий малака тоифаси (бош ўқитувчи лавозими);

в) жисмоний тарбия фани олимпиадасининг, шунингдек, «Беш ташаббус олимпиадаси», олимпия, ноолимпия ва миллий спорт турлари бўйича уч босқичли умумреспублика спорт мусобақаларининг:

республика (финал) босқичида 3-ўринни эгаллаган ўқувчисини тайёрлаган таълим ташкилотларининг жисмоний тарбия фани ўқитувчиларига — иккинчи малака тоифаси (катта ўқитувчи лавозими);

республика (финал) босқичида 2-ўринни эгаллаган ўқувчисини тайёрлаган таълим ташкилотларининг жисмоний тарбия фани ўқитувчиларига — биринчи малака тоифаси (етакчи ўқитувчи лавозими);

республика (финал) босқичида 1-ўринни эгаллаган ўқувчисини тайёрлаган таълим ташкилотларининг жисмоний тарбия фани ўқитувчиларига — олий малака тоифаси (бош ўқитувчи лавозими);

г) халқаро математика (IMO), физика (IPhO), кимё (IChO), биология (IBO) информатика (IOI) олимпиадаларида олтин, кумуш ёки бронза медални (биринчи, иккинчи ва учинчи ўринни) қўлга киритган совриндор ўқувчини тайёрлаган таълим ташкилотларининг педагог кадрларига — олий малака тоифаси (бош ўқитувчи лавозими)»;

б) 32-банднинг тўртинчи хатбошиси «муддатда» сўзидан кейин «(агар мурожаатни ўрганиш учун қўшимча вақт талаб этилса, уни кўриб чиқиш муддати бир ойга узайтирилиши мумкин)» сўзлари билан тўлдирилсин;

в) 44-банднинг «д» кичик банди учинчи хатбошисидаги «ўқитувчи» сўзи «эгаллаб турган» сўзлари билан алмаштирилсин;

г) 52-банднинг учинчи хатбошиси қуйидаги таҳрирда баён этилсин:

«Апелляция комиссиясига ёзма равишда ёки ваколатли вазирликнинг расмий веб-сайтидаги мурожаат этувчи педагог кадрнинг шахсий кабинети орқали электрон шаклда мурожаат қилинади»;

д) 53-банднинг иккинчи хатбошиси чиқариб ташлансин;

е) 58-банд ўз кучини йўқотган деб ҳисоблансин;

ж) 60-банд қуйидаги таҳрирда баён этилсин:

«60. Апелляция мурожаатини кўриб чиқиш бўйича экспертларнинг хулосалари кўриб чиқиш якунланган заҳоти мурожаат этувчи педагог кадрнинг шахсий кабинетига юборилади. Мурожаат этувчи педагог кадрнинг сўровига кўра Апелляция комиссияси қарорининг тегишли қисмидан кўчирма тақдим этилиши мумкин».

17. Вазирлар Маҳкамасининг «Алоҳида таълим эҳтиёжлари бўлган болаларга таълим беришга оид норматив-ҳуқуқий ҳужжатларни тасдиқлаш тўғрисида» 2021 йил 12 октябрдаги 638-сон қарорида :

а) 1-бандда :

«б» кичик банднинг биринчи хатбошисидаги «Жисмоний, ақлий, сенсор ёки руҳий нуқсонлари» сўзлари «Алоҳида таълим эҳтиёжлари» сўзлари билан алмаштирилсин;

«в» кичик банд ўз кучини йўқотган деб ҳисоблансин;

б) 1-иловада :

7-банднинг биринчи хатбошисидаги «педагогларни» сўзи «педагоглар ва ёрдамчи ходим (ассистент-ўқитувчи)ларни» сўзлари билан алмаштирилсин;

11-банд қуйидаги таҳрирда баён этилсин:

«11. Инклюзив таълим ва бошланғич таянч коррекцион синфлар ташкил этилган мактаблар фаолияти Ўзбекистон Республикаси Мактабгача ва мактаб таълими вазирлигининг Ўқувчиларни касб-ҳунарга йўналтириш ва психологик-педагогик республика ташхис маркази ҳамда ҳудудий мактабгача ва мактаб таълими бошқармалари томонидан методик таъминланади ва мувофиқлаштирилади»;

13-банднинг иккинчи хатбошиси қуйидаги таҳрирда баён этилсин:

«Психологик-тиббий-педагогик комиссия хулосаси:

ўқувчиларнинг инклюзив таълим синфлари ва бошланғич таянч коррекцион синфларга қабул қилинишига;

инклюзив таълим синфи ёки бошланғич таянч коррекцион синф учун махсус педагог ёхуд ёрдамчи ходим (ассистент-ўқитувчи) штатини ажратишга асос ҳисобланади»;

20-бандда :

қуйидаги мазмундаги иккинчи хатбоши билан тўлдирилсин:

«Агар алоҳида таълим эҳтиёжига эга бўлган бола қабул қилинаётган синф мактабда битта ва унинг параллели мавжуд бўлмаса, истисно тариқасида туман (шаҳар) мактабгача ва мактаб таълими бўлимининг розилиги билан ушбу синфга 3 нафардан ортиқ бола қабул қилишга йўл қўйилади»;

иккинчи хатбоши учинчи хатбоши деб ҳисоблансин;

25-банддаги «тьюторлар (ёрдамчи педагог ходимлар)» сўзлари «ёрдамчи ходимлар (ассистент-ўқитувчилар)» сўзлари билан алмаштирилсин;

26-банд қуйидаги таҳрирда баён этилсин:

«26. Ҳар бир инклюзив таълим синфи ёки бошланғич таянч коррекцион синф учун:

нутқида оғир нуқсони бўлган, кар-соқов, ақлий ривожланишида муаммолари бўлган ўқувчилар билан ишлаш учун 1,0 бирлик махсус педагог;

эшитиш, кўриш, тутқаноқ ҳолати ва таянч-ҳаракатида (мустақил юра олмайдиган) нуқсони бор ўқувчилар билан ишлаш учун 1,0 бирлик ёрдамчи ходим (ассистент-ўқитувчи) ажратилади.

Бунда махсус педагог ажратилишига эҳтиёжи бўлган болалар билан ёрдамчи ходим ажратиш эҳтиёжи бўлган болаларнинг бир синфга қабул қилинишига йўл қўйилмайди»;

27-банд қуйидаги мазмундаги иккинчи ва учинчи хатбошилар билан тўлдирилсин:

«Махсус педагог фаолияти индивидуал таълим дастурлари натижадорлигига қараб баҳолаб борилади.

Махсус педагог фаолиятини баҳолаш тартиби Мактабгача ва мактаб таълими вазирлиги томонидан белгиланади.»;

29-банд қуйидаги таҳрирда баён этилсин:

«29. Инклюзив таълим синфлари жорий қилинган мактабларга тьютор сифатида тегишли малакага эга волонтёрлар ва олий таълим муассасаларининг педагогика йўналишидаги юқори курс талабалари педагогик амалиёт даврида ихтиёрийлик асосида жалб қилиниши мумкин.

Талабаларни инклюзив таълим синфлари жорий қилинган мактабларга жалб этиш тартиби Ўзбекистон Республикаси Мактабгача ва мактаб таълими вазирлиги ҳамда Олий таълим, фан ва инновациялар вазирлиги томонидан белгиланади»;

32-банднинг иккинчи хатбошисидаги «тьюторнинг» сўзи «ёрдамчи ходим (ассистент-ўқитувчи)нинг» сўзлари билан алмаштирилсин;

39-банд қуйидаги таҳрирда баён этилсин:

«39. Ўқувчиларнинг ўқув-тарбия жараёнида иштирокини таъминлаш ҳамда уларнинг индивидуал (мослаштирилган) таълим дастурларини ўзлаштиришда ёрдамчи ходим (ассистент-ўқитувчи) яқиндан ёрдамлашади.

Ёрдамчи ходим (ассистент-ўқитувчи):

ўқитувчи кўрсатмасига мувофиқ болага дарс жараёнида тушуниш, ёзиш, ўқиш ва бошқа машғулотларда кўмаклашади;

инклюзив синфдаги болаларнинг синфдаги фаолиятини мунтазам кузатади, хулқ-атвордаги ўзгаришлар ёки эҳтиёжлар ҳақида ўқитувчи ва психологга маълум қилади;

бола иштирок этадиган тестлар, машғулотлар ва ривожланишни баҳолаш жараёнида иштирок этади;

болаларнинг ўзига ишончи ва ижобий ҳиссиётларини оширишга ҳаракат қилади, жамоада ишлаш ва синфда ўзаро ҳурмат муҳитини шакллантиришда фаол иштирок этади;

танаффус, овқатланиш, жисмоний машғулотлар ва экскурсияларда кўмаклашади, бошқа болалар билан ҳамкорликни таъминлайди, ижтимоий интеграцияга ёрдам беради;

инклюзив синфдаги болалар билан ишлаш жараёнини кундалик қайд этади, ота-она, ўқитувчи ва мутахассислар билан мулоқотда бўлади, фойдаланилган усуллар ва кузатув натижаларини тақдим этади»;

44-банднинг еттинчи хатбошисидаги «тьютор» сўзи «ёрдамчи ходим (ассистент-ўқитувчи)» сўзлари билан алмаштирилсин;

50-банд қуйидаги таҳрирда баён этилсин:

«50. Инклюзив таълим синфлари ва бошланғич таянч коррекцион синфлар Қорақалпоғистон Республикаси Мактабгача ва мактаб таълими вазирлиги, вилоятлар ҳамда Тошкент шаҳар мактабгача ва мактаб таълими бошқармалари томонидан Қорақалпоғистон Республикаси Иқтисодиёт ва молия вазирлиги, вилоятлар иқтисодиёт ва молия бошқармалари билан келишилган ҳолда ҳар йили 20 августгача тўлдирилади»;

53-банд қуйидаги таҳрирда баён этилсин:

«53. Инклюзив таълим синфлари ўқитувчиларига меҳнатнинг алоҳида шароитлари учун ҳар ойда тўланадиган устама ҳақи синфда алоҳида таълим эҳтиёжлари бўлган бир нафар бола учун тариф ставкасининг 10 фоизи, икки нафар бола учун тариф ставкасининг 20 фоизи, уч нафар бола учун тариф ставкасининг 30 фоизи миқдорида, икки ва ундан ортиқ инклюзив таълим синфларида тўрт нафар ва ундан ортиқ бола учун таълим-тарбия ишларини амалга оширган фан ўқитувчиларига тариф ставкасининг 40 фоизи миқдорида белгиланади.

Бошланғич таянч коррекцион синфлар ўқитувчилари болалар сонидан қатъи назар, инклюзив синфлар ёки бошланғич таянч коррекцион синфларда фаолият юритаётган махсус педагогларга ва ёрдамчи ходим (ассистент-ўқитувчи)ларга меҳнатнинг алоҳида шароитлари учун ҳар ойда тўланадиган устама ҳақи лавозим маошининг 50 фоизи миқдорида тўланади»;

54-банд ўз кучини йўқотган деб ҳисоблансин;

в) 3-илова ўз кучини йўқотган деб ҳисоблансин;

г) 6-иловада :

5-банднинг иккинчи хатбошиси қуйидаги таҳрирда баён этилсин:

«Ўқув курсида ўргатиладиган касбларнинг малака талаблари Ўзбекистон Республикаси Президенти ҳузуридаги Ижтимоий ҳимоя миллий агентлиги (кейинги ўринларда — Агентлик) томонидан Олий таълим, фан ва инновациялар вазирлиги, Мактабгача ва мактаб таълими вазирлиги ҳамда Камбағалликни қисқартириш ва бандлик вазирлиги билан келишган ҳолда тасдиқланади»;

9-банд , 17-банднинг биринчи хатбошиси ва 21-банддаги «Ўзбекистон Республикаси Халқ таълими вазирлиги» сўзлари «Агентлик» сўзи билан алмаштирилсин;

26-банд қуйидаги таҳрирда баён этилсин:

«26. Ўқув курси қонунчилик ҳужжатларига мувофиқ Агентликнинг ҳудудий бошқармалари буйруғи билан ўқув йили якунида ёки ўқув йили бошланишидан аввал қайта ташкил этилади ёки тугатилади»;

иловага изоҳларнинг учинчи хатбошисидаги «Ўзбекистон Республикаси Халқ таълими вазирлиги тизимидаги Ўқувчиларни касб-ҳунарга йўналтириш ва психологик-педагогик республика ташхис маркази» сўзлари «Ўзбекистон Республикаси Президенти ҳузуридаги Ижтимоий ҳимоя миллий агентлиги» сўзлари билан алмаштирилсин;

д) 7-илова матни қуйидаги таҳрирда баён этилсин:

«Алоҳида таълим эҳтиёжлари бўлган болаларнинг таълим олиши ва касб эгаллашига кўмаклашишни ташкил этиш бўйича ишчи гуруҳ ТАРКИБИ

1. У. Шарифхўжаев — Ўзбекистон Республикаси Президенти ҳузуридаги Ижтимоий ҳимоя миллий агентлиги директори ўринбосари, ишчи гуруҳ раҳбари 2. Ф. Боқиев — Ўзбекистон Республикаси мактабгача ва мактаб таълими вазирининг ўринбосари, ишчи гуруҳ раҳбари ўринбосари 3. Э. Баситханова — Ўзбекистон Республикаси соғлиқни сақлаш вазирининг ўринбосари 4. Лавозимига кўра — Ўзбекистон Республикаси олий таълим, фан ва инновациялар вазирининг ўринбосари 5. Р. Турдибоева — Ўзбекистон Республикаси камбағалликни қисқартириш ва бандлик вазирининг ўринбосари 6. Лавозимига кўра — Ўзбекистон Республикаси Оила ва хотин-қизлар қўмитаси раисининг ўринбосари 7. Лавозимига кўра — Ўзбекистон Республикаси Ёшлар ишлари агентлиги директорининг биринчи ўринбосари 8. Р. Тўраев — Ўзбекистон Республикаси Мактабгача ва мактаб таълими вазирлиги Инклюзив таълим ва меҳрли мактаб фаолиятини мувофиқлаштириш бўлими бошлиғи 9. Лавозимига кўра — Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимларининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосарлари 10. Лавозимига кўра — Ўзбекистон Ногиронлар ассоциацияси раиси 11. Ф. Бобоев — Ўзбекистон Республикаси Президенти ҳузуридаги Ижтимоий ҳимоя миллий агентлиги бошқармаси бошлиғи, ишчи гуруҳ котиби ».

18. Вазирлар Маҳкамасининг 2022 йил 21 февралдаги 80-сон қарори билан тасдиқланган Махсус электрон тизим орқали айрим фаолият турларини лицензиялаш тартиби тўғрисидаги ягона низомга 2-илованинг 10-позицияси учинчи устуни қуйидаги мазмундаги «д» кичик банд билан тўлдирилсин:

«д) Мактабгача ва мактаб таълими вазирлигининг хулосаси (педагогик таълим йўналишларида таълим жараёнини ташкил этиш истагидаги нодавлат олий таълим хизматларини кўрсатиш фаолиятини лицензиялашда) (5 иш куни ичида)».

19. Вазирлар Маҳкамасининг 2022 йил 1 июндаги 295-сон қарори билан тасдиқланган Экстернат тартибида имтиҳонлар олиш учун аризалар қабул қилиш бўйича давлат хизмати кўрсатишнинг маъмурий регламентида :

а) 5-банднинг иккинчи ва учинчи хатбошиларидаги «тўлган» сўзи «тўладиган» сўзи билан алмаштирилсин;

б) 2-илованинг «II. Илова қилинадиган ҳужжатлар» бўлими чиқариб ташлансин.

21. Вазирлар Маҳкамасининг 2022 йил 16 декабрдаги 711-сон қарори билан тасдиқланган «Қишлоқ хўжалиги маҳсулотларини ишлаб чиқарувчиларга субсидия бериш» ахборот тизими орқали бериладиган субсидия турлари ва уларни ажратишга масъул бўлган давлат органлари рўйхатининг 20 ва 21-позицияларидан «кооперация ташкил этган ҳолда» сўзлари чиқариб ташлансин.

22. Вазирлар Маҳкамасининг «Президент, ижод, ихтисослаштирилган мактаб ва мактаб-интернатларга ўқувчиларни саралаб олиш ҳамда қабул қилиш тартибига оид норматив-ҳуқуқий ҳужжатларни тасдиқлаш тўғрисида» 2023 йил 27 майдаги 214-сон қарорида :

а) 1-бандда :

тўртинчи хатбошидаги «мувофиқ тасдиқлансин.» сўзлари «мувофиқ;» сўзи билан алмаштирилсин;

қуйидаги мазмундаги бешинчи хатбоши билан тўлдирилсин:

«Ўзбекистон Республикаси Мактабгача ва мактаб таълими вазирлиги ҳузуридаги Ихтисослаштирилган таълим муассасалари агентлиги тизимидаги Хорижий тилларга ихтисослаштирилган мактаб-интернатига ўқувчиларни саралаб олиш ва қабул қилиш тартиби тўғрисидаги низом 3а-иловага мувофиқ тасдиқлансин»;

б) қуйидаги мазмундаги 3а-илова билан тўлдирилсин:

«Вазирлар Маҳкамасининг 2023 йил 27 майдаги 214-сон қарорига 3а-ИЛОВА

Ўзбекистон Республикаси Мактабгача ва мактаб таълими вазирлиги ҳузуридаги Ихтисослаштирилган таълим муассасалари агентлиги тизимидаги Хорижий тилларга ихтисослаштирилган мактаб-интернатига ўқувчиларни саралаб олиш ва қабул қилиш тартиби тўғрисида

1-боб. Умумий қоидалар

1. Мазкур Низом Ўзбекистон Республикаси Мактабгача ва мактаб таълими вазирлиги ҳузуридаги Ихтисослаштирилган таълим муассасалари агентлиги (кейинги ўринларда — Агентлик) тизимидаги Хорижий тилларга ихтисослаштирилган мактаб-интернатига (кейинги ўринларда — ихтисослаштирилган мактаб) мактабга тайёрлов гуруҳи ва 1 — 11-синфларга ўқувчилар ва болаларни (кейинги ўринларда — ўқувчилар) саралаб олиш ва қабул қилиш тартибини белгилайди.

2. Ихтисослаштирилган мактабга ўқувчилар Агентлик томонидан таълим соҳасида хизмат кўрсатувчи ихтисослашган маҳаллий ёки хорижий ташкилотлар (кейинги ўринларда — маҳаллий ёки хорижий ташкилотлар) билан биргаликда ўтказиладиган кириш имтиҳонлари натижалари асосида қабул қилинади.

3. Ихтисослаштирилган мактабга ўқувчилар йиллик қабул квотаси (иккита синфга бир хил 24 нафардан ўқувчи тақсимланган, 48 нафар ўқувчидан иборат) доирасида қабул қилинади.

4. Ихтисослаштирилган мактабда 6 ёшли болалар учун 2 та мактабга тайёрлов гуруҳи ташкил этилади, уларга 10 нафардан 20 нафаргача болалар қабул қилиниши мумкин.

5. Ихтисослаштирилган мактабга ўқувчилар тенг ҳуқуқлилик, очиқлик, адолат ва шаффофлик принциплари асосида мазкур Низомга иловада келтирилган схемага мувофиқ қабул қилинади.

6. Белгиланган квота доирасида кириш имтиҳонлари натижаларига кўра энг юқори балл тўплаган ўқувчилар ўқишга қабул қилинади.

2-боб. Қабул комиссияси фаолиятини ташкил этиш

7. Ихтисослаштирилган мактабга ҳужжатларни қабул қилиш, кириш имтиҳонларини тенг ҳуқуқлилик, очиқлик, адолат ва шаффофлик принциплари асосида ташкил этиш мақсадида Агентлик ҳамда унинг тизимидаги ташкилотлар вакилларидан иборат Қабул комиссияси шакллантирилади.

8. Қабул комиссиясининг таркиби Агентлик директори буйруғи билан тасдиқланади.

Қабул комиссияси таркиби 7 кишидан кам бўлмаган тоқ сонда комиссия раиси, комиссия раиси ўринбосари, комиссия котиби ҳамда унинг аъзоларидан иборат таркибда тузилади.

9. Қабул комиссияси:

кириш имтиҳонлари материалларини маҳаллий ёки хорижий ташкилотлар билан биргаликда тайёрлайди;

маҳаллий ёки хорижий ташкилотлар билан биргаликда кириш имтиҳонларининг баҳолаш мезонлари, уларни ўтказиш вақти ҳамда жойларини белгилайди;

ихтисослаштирилган мактаб бўйича тузилган ишчи гуруҳ фаолиятини мувофиқлаштиради;

ҳужжатлари қабул қилинган ўқувчиларнинг рўйхатини шакллантиради, уларни кириш имтиҳонлари шартларига мос равишда гуруҳларга тақсимлайди;

кириш имтиҳонларини ташкил этади, натижаларини эълон қилади.

10. Қабул комиссияси томонидан алоҳида ишчи гуруҳ шакллантирилади ва тасдиқланади.

11. Ишчи гуруҳ:

ўқувчининг ҳужжатлари мазкур Низом талаблари асосида тақдим этилганини кўриб чиқади;

кўриб чиқиш натижасида ўқувчининг ҳужжатларини қабул қилиш, таҳрирлашга юбориш ёки қабул қилишни рад этиш тўғрисида қарор қабул қилади;

ҳужжатлари таҳрир қилишга юборилган ёки қабул қилиниши рад этилган ҳолларда, таҳрир қилишга юбориш ёки рад этилиш сабабларини аниқ кўрсатган ҳолда, ўқувчиларнинг шахсий кабинетига ёки мобил уяли алоқа воситасига СМС шаклида хабар юборади;

кириш имтиҳонлари ўтказиладиган жойларни талаб даражасида тайёрлайди;

ўқувчини, унинг ота-онаси (қонуний вакили)ни кириш имтиҳонлари шартлари билан таништиради, кириш имтиҳонлари ўтказиладиган жойи ва вақти тўғрисида шахсий кабинет ёки мобил уяли алоқа воситасига СМС шаклида хабар юбориш орқали огоҳлантиради;

ихтисослаштирилган мактаб учун ўтказиладиган кириш имтиҳонлари ҳамда қабул жараёнлари бўйича мурожаат қилувчиларга маслаҳат бериб боради;

қабул қилинган ҳужжатларнинг кунлик мониторингини юритади ва қабул комиссиясига кунлик ахборот киритади;

ўқувчилар ва уларнинг ота-онаси (қонуний вакили) томонидан берилаётган саволларга жавоб тайёрлаш ва уларни веб-сайт, ижтимоий тармоқлар орқали кенг оммага тақдим этиш чораларини кўради.

3-боб. Ҳужжатларни қабул қилиш

12. Ҳужжатларни қабул қилиш бошланишидан камида 10 кун олдин Қабул комиссияси томонидан Агентлик ва ихтисослаштирилган мактабнинг расмий веб-сайтлари, ижтимоий тармоқлардаги саҳифаларида қабул қилиш тартиби, ҳужжатларни топшириш муддатлари ва қабул квоталари тўғрисида эълон қилинади.

13. Ихтисослаштирилган мактабнинг тайёрлов гуруҳлари ҳамда 1-синфига ўқувчиларнинг ҳужжатлари қабул қилинади.

14. Хорижий таълим муассасаларида ўқиётган Ўзбекистон Республикаси фуқароларининг фарзандлари ихтисослаштирилган мактабнинг тегишли синфига ҳужжат топшириши мумкин.

Бунда ўқувчи томонидан (иккинчи ва ундан юқори синфлар учун) ўзи таълим олаётган таълим муассасасининг баҳолар табели (ёки шунга тенглаштирилган расмий ҳужжат)нинг давлат тилига таржима қилинган ва тегишли тартибда нотариал идора томонидан тасдиқланган шакли тақдим этилади.

15. Ўзбекистон Республикасида доимий яшаётган фуқаролиги бўлмаган шахслар ихтисослаштирилган мактабда таълим олиш учун Ўзбекистон Республикаси фуқаролари билан тенг ҳуқуқларга эга.

16. Чет эл фуқароларининг фарзандлари ихтисослаштирилган мактабга Ўзбекистон Республикасининг «Таълим тўғрисида»ги Қонунига, бошқа қонунчилик ҳужжатларига ҳамда ушбу Низомга мувофиқ қабул қилинади.

17. Умумий ўрта таълим муассасасининг тегишли синфида ўқишни тўлиқ тамомлаган ўқувчилар ихтисослаштирилган мактабнинг шундай синфида такроран ўқишни талаб қилиш ҳуқуқига эга эмас.

18. Ихтисослаштирилган мактабга ўқувчиларнинг қуйидаги ҳужжатлари онлайн шаклда Агентликнинг расмий веб-сайти орқали қабул қилинади:

имтиҳон рухсатномасини шакллантириш жараёнида фойдаланиш учун ўқувчининг охирги 2 ой давомида тушган фотосурати;

ўқувчининг туғилганлик ҳақида гувоҳномаси ва уларнинг ота-онаси (қонуний вакили) фуқаролик паспорти маълумотлари, боғланиш учун телефон рақамлари.

Ҳужжат топшириш жараёнида ўқувчиларнинг ота-онаси (қонуний вакили) кириш имтиҳонлари шартлари ва талаблари билан танишганлиги тўғрисидаги онлайн офертани тасдиқлайди.

19. Ҳужжатларни белгиланган муддатларда, тўғри ва сифатли тақдим этиш бўйича масъулият ўқувчиларнинг ота-онаси (қонуний вакили) зиммасига юкланади.

20. Ҳужжатларни қабул қилиш, кириш имтиҳонлари юзасидан юборилган (шахсий кабинети ёки мобил уяли алоқа воситасига СМС) хабарларни ўқувчилар ёки унинг ота-онаси (қонуний вакили) томонидан қабул қилинмаслиги (ўқимаслиги, мобил уяли алоқа воситасининг ишчи ҳолатда бўлмаслиги ва бошқалар) бўйича жавобгарлик қабул комиссиясига юкланмайди.

21. Ўқувчиларнинг ҳужжатлари ишчи гуруҳ томонидан (24 соат ичида) кўриб чиқилгандан сўнг уларга ҳужжатлар қабул қилингани, таҳрир қилишга юборилгани ёки рад этилгани тўғрисида хабар юборилади.

22. Ушбу Низомнинг 18-бандида белгиланган ҳужжатлар тўлиқ бўлмаганда ҳужжатлар таҳрир қилишга юборилади.

23. Ҳужжатлар таҳрир қилиш учун юборилганда, ўқувчиларга кўрсатилган камчиликларни бартараф этиш учун ҳужжатлар қабул қилиш муддати тугагунга қадар тўғрилашга рухсат берилади.

Ҳужжатларни қабул қилиш муддати тугагандан сўнг маълумотларни ўзгартиришга рухсат берилмайди.

24. Қуйидаги ҳолларда ўқувчиларнинг ҳужжатларини қабул қилиш рад этилади:

белгиланган муддатлардан кейин кириш имтиҳонида иштирок этиш хоҳиши билдирилганда;

тақдим этилган ҳужжатларнинг сохта эканлиги аниқланганда;

умумий ўрта таълим муассасасининг тегишли синфида ўқишни тўлиқ тамомлаган ўқувчилар томонидан ихтисослаштирилган мактабнинг шу синфида такроран ўқиш истаги билдирилганда.

25. Ўқувчиларнинг ота-онаси (қонуний вакили) ҳужжатларни қабул қилиш муддати тугагунга қадар тақдим этилган аризани қайтариб олиш ёки бекор қилиш ҳуқуқига эга.

4-боб. Кириш имтиҳонларини ташкил этиш ва ўтказиш тартиби

26. Кириш имтиҳонлари материаллари малакали маҳаллий ва хорижий мутахассисларни жалб этган ҳолда Агентлик томонидан тайёрланади.

27. Кириш имтиҳони ҳар йили Қабул комиссияси томонидан белгиланган муддатларда ўтказилади.

28. Мактабга тайёрлов гуруҳи ҳамда 1-синфлар учун кириш имтиҳонлари икки босқичда ўтказилади.

29. Биринчи босқич мантиқий фикрлаш бўйича мактабга тайёрлов гуруҳи учун 10 та, 1-синф учун 20 та тест шаклида ўтказилади.

Биринчи босқич имтиҳони натижалари Агентликнинг расмий веб-сайтида эълон қилинади.

30. Биринчи босқич натижасига кўра қабул квотасида белгиланган ҳар бир ўринга 5 нафар ҳисобидан максимал балл тўплаган ўқувчиларга иккинчи босқичда иштирок этишга рухсат этилади.

31. Биринчи босқич натижасига кўра тенг натижалар юзага келган ҳолларда, яъни бир нечта ўқувчилар бир хил умумий балл тўплаган тақдирда, улар туғилган санаси бўйича сараланади, бунда ёшроқ ўқувчиларга устунлик берилади.

Агарда бу ҳолатда ҳам тенглик сақланиб қолса, қабул комиссияси томонидан ўқувчиларга қўшимча топшириқлар берилади.

32. Иккинчи босқич психологик ва интеллектуал қобилият даражасини аниқлаш бўйича турли даражадаги суҳбатлар шаклида ўтказилади.

33. Кириш имтиҳонлари:

а) 2 — 4-синфлар учун бир босқичда қуйидаги фанлардан ўтказилади:

2-синф учун математика фанидан 15 та, инглиз тили фанидан 10 та тест саволлари шаклида;

3-синф учун математика фанидан 20 та, инглиз тили фанидан 10 та тест саволлари шаклида;

4-синф учун математика фанидан 20 та, инглиз тили фанидан 15 та тест саволлари шаклида;

б) 5 — 11-синфлар учун бир босқичда математика фанидан 20 та, инглиз тили фанидан 25 та тест саволлари шаклида ўтказилади.

34. Кириш имтиҳонлари якунлари бўйича ўқувчилар ўртасида тенг натижалар юзага келганда, ўқувчиларга қуйидаги тартибда устунлик берилади:

а) мактабга тайёрлов гуруҳи ҳамда 1-синфда психологик қобилият даражасини аниқлаш йўналишидаги саволлар бўйича юқори балл тўплаганлар;

б) 2 — 4-синфларда математика фанидан юқори балл тўплаганлар;

в) 5 — 11-синфларда инглиз тили фанидан юқори балл тўплаганлар.

35. Агар юқорида қайд этилган фанлар бўйича ҳам тенглик сақланиб қолса, улар туғилган санаси бўйича сараланади, бунда ёшроқ ўқувчиларга устунлик берилади.

Агарда бу ҳолатда ҳам тенглик сақланиб қолса, Қабул комиссияси томонидан ўқувчиларга қўшимча топшириқлар берилади.

36. Ўқувчилар имтиҳонга ўз шахсини тасдиқловчи ҳужжатнинг асли ва имтиҳон рухсатномаси билан келиши лозим.

Имтиҳон рухсатномаси имтиҳон бошланишидан камида 3 (уч) кун олдин ўқувчининг кириш имтиҳонига оид шахсий маълумотлари билан бирга кириш имтиҳонининг ўтказиш жойи, гуруҳи ва ўтириш ўрни кўрсатилган ҳолда унинг шахсий кабинетига юборилади.

37. Кириш имтиҳонларига ҳужжат топширмаган, имтиҳонга кечиккан ёки келмаган ўқувчилар учун қўшимча танлов ўтказишга йўл қўйилмайди.

38. Қуйидаги ҳолатлар ўқувчиларни кириш имтиҳони жараёнларидан четлаштиришга асос бўлади:

имтиҳон жараёнида соғлиги билан муаммо юзага келиб, имтиҳонни давом эттириш имкони бўлмаган ҳолларда;

бошқалардан кўчиришга уриниш ва бошқа ўқувчиларга халақит бериш;

шпаргалка, барча турдаги мобил алоқа воситалари, калькулятор, луғат, китоблардан фойдаланиш.

Юқоридаги ҳолатлар содир этилганда, ўқувчиларга нисбатан тегишли далолатнома расмийлаштирилади ва улар жавоблар варағини топширган ҳолда имтиҳонни тарк этади. Четлаштирилган ўқувчиларнинг имтиҳон натижалари инобатга олинмайди.

39. Кириш имтиҳонлари жараёнида ўқувчиларнинг ўзларига боғлиқ бўлган ҳолда жараёндан четлатилиши ёки чиқиб кетиши қайта имтиҳон ўтказишга асос бўлмайди.

5-боб. Кириш имтиҳонлари натижаларини эълон қилиш

40. Кириш имтиҳонлари натижалари имтиҳон топширилган кундан кейин 20 кун ичида Агентлик ва ихтисослаштирилган мактабнинг расмий веб-сайтларида эълон қилинади.

41. Ўқувчилар кириш имтиҳонлари натижаларидан норози бўлган тақдирда, натижа эълон қилинган вақтдан бошлаб 3 (уч) иш куни ичида Апелляция комиссиясига ариза билан мурожаат этишга ҳақли.

42. Кириш имтиҳонлари натижаларидан норози бўлган ўқувчиларнинг мурожаатлари Апелляция комиссияси томонидан Агентлик директори томонидан белгиланадиган тартиб асосида кўриб чиқилади.

Агентликда тузилган Апелляция комиссиясига Агентлик директори ўринбосари раислик қилади.

43. Апелляция комиссияси ўқувчиларнинг мурожаатини 10 кун муддатда кўриб чиқади ва аризани қаноатлантириш ёки рад қилиш тўғрисида мурожаатчига хулоса беради.

44. Апелляция комиссиясининг норозилик аризасини қаноатлантириш тўғрисидаги хулосаси ўқувчиларга аризани кўриб чиқиш натижалари бўйича балл қўшиб берилишига асос бўлади.

45. Апелляция комиссиясига бошқа ўқувчиларнинг ишларини кўриб чиқиш ва мурожаатчининг иши билан солиштиришга рухсат берилмайди.

46. Ўқувчилар ва уларнинг ота-онаси (қонуний вакили) берилган жавоблардан норози бўлган тақдирда, белгиланган тартибда юқори турувчи органларга мурожаат этиш ҳуқуқларига эга.

6-боб. Ўқувчиларни мактабга қабул қилиш

47. Кириш имтиҳонлари натижасига кўра энг юқори балл тўплаган ўқувчилар белгиланган қабул квотаси доирасида баллар кетма-кетлигида ихтисослаштирилган мактабнинг ўқувчилар сафига қабул қилинади.

48. Агентлик томонидан тасдиқланган қайдномаларга асосан янги ўқув йили бошлангунга қадар ихтисослаштирилган мактаб директорининг буйруғи асосида ўқувчилар мактабга қабул қилинади, мазкур Низомнинг 51-бандида назарда тутилган ҳоллар бундан мустасно.

49. Ихтисослаштирилган мактабга қабул қилиниши белгиланган ўқувчи ўқишни давом эттирмаган ҳолатларда, унинг ўрнига ўқишга кира олмаганлар орасидан баллар кетма-кетлиги бўйича навбатдаги ўқувчи таклиф қилинади.

Навбатдаги ўқувчи баллар кетма-кетлиги бўйича ундан олдинги ўқувчининг ота-онаси (қонуний вакили) томонидан ўқишни мактабда давом эттириш истаги мавжуд эмаслигини тасдиқловчи ҳужжат олинганидан сўнг қабул қилинади.

50. Белгиланган тартибда тегишли ҳужжатларнинг асл нусхаси тақдим этилмаслиги, ўқувчи ўқишни давом эттириш истагини билдирмаслиги, мактаб ходимлари мурожаатларига жавоб бермаслиги ундан кейинги ўқувчининг қабул қилиниши учун асос бўлади. Ушбу ҳолат бўйича мактаб маъмурияти томонидан тегишли далолатнома расмийлаштирилади.

7-боб. Ўқувчилар бўш ўринларини тўлдириш

51. Ихтисослаштирилган мактабда ўқув йили якунлангандан кейин бўшаган ўринлар учун кириш имтиҳонлари ушбу Низом талабларига мувофиқ Агентлик томонидан ўтказилади, мос равишда умумий ўрта таълим ташкилотларининг тегишли синфини тамомлаган ўқувчилардан ҳужжат қабул қилинади.

8-боб. Якунловчи қоидалар

52. Ушбу Низомни қўллашда юзага келадиган низолар қонунчилик ҳужжатларида белгиланган тартибда ҳал этилади.

53. Ушбу Низом талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Ўзбекистон Республикаси Мактабгача ва мактаб таълими вазирлиги ҳузуридаги Ихтисослаштирилган таълим муассасалари агентлиги тизимидаги хорижий тилларга ихтисослаштирилган мактаб-интернатига ўқувчиларни саралаб олиш ва қабул қилиш тартиби тўғрисидаги низомга ИЛОВА

Хорижий тилларга ихтисослаштирилган мактаб-интернатига ўқувчиларни саралаб олиш ва қабул қилиш СХЕМАСИ

Босқичлар Субъектлар Тадбирлар Бажариш муддатлари 1-босқич Ихтисослаштирилган таълим муассасалари агентлиги (кейинги ўринларда — Агентлик) Ҳужжатлар қабули бошланиши тўғрисида ОАВда эълон бериш Ихтисослаштирилган мактабга қабул қилиш тартиби, ҳужжатларни топшириш муддатлари ва квоталари тўғрисида маълумот эълон қилади. Ҳужжатларни қабул қилиш бошланишидан 10 кун олдин 2-босқич Ўқувчилар томонидан ихтисослаштирилган мактабга ҳужжатларни топшириш Агентлик 1. Ўқувчиларнинг ҳужжатларини қабул қилиш учун қабул комиссиясини тузади. Таркибни Агентлик директори буйруғи билан тасдиқлайди. Ҳужжатларни қабул қилиш бошланишидан олдин Қабул комиссияси 2. Кириш имтиҳонларини ўтказиш жадвалларини тасдиқлайди, Агентлик ва ихтисослаштирилган мактабнинг расмий веб-сайтлари, ижтимоий тармоқлардаги саҳифаларида ҳамда оммавий ахборот воситаларида эълон қилади. Ҳужжатларни қабул қилиш бошланишидан 10 кун олдин Ишчи гуруҳ 3. Ўқувчилар томонидан онлайн шаклда тақдим этилган ҳужжатларни кўриб чиқади. Кўриб чиқиш жараёнида ҳужжатларни қабул қилади ёки рад этади. 20 кундан кам бўлмаган муддатда 4. Ихтисослаштирилган мактабга ўқувчиларнинг кириш имтиҳонлари юзасидан мурожаат қилган шахсларга маслаҳат бериб боради. Ҳужжатларни қабул қилиш даврида 3-босқич Қабул комиссияси, маҳаллий ҳокимликлар (хорижий мутахассисларни жалб этган ҳолда) Имтиҳон ўтказишга тайёргарлик кўриш Кириш имтиҳонлари бошланишидан олдин 1. Кириш имтиҳонларини ўтказиш жойларини тайёрлайди. 2. Кириш имтиҳонларининг материалларини тайёрлайди. 4-босқич Қабул комиссияси маҳаллий ташкилотлар билан биргаликда Кириш имтиҳонларини ўтказиш 1. Кириш имтиҳонларини ўтказади. Тасдиқланган жадвал асосида 2. Кириш имтиҳонлари натижаларини Агентлик ва ихтисослаштирилган мактабнинг расмий веб-сайтларида эълон қилади. Имтиҳон топширилган кундан кейин 20 кун ичида 5-босқич Қабул комиссияси Қабул қилишни расмийлаштириш Имтиҳон натижаларига асосан ўқувчиларни мактабга ўқишга қабул қилиш ҳақида ихтисослаштирилган мактаб директорининг буйруғини чиқаради. Янги ўқув йили бошлангунга қадар 6-босқич Қабул комиссияси Ўқувчилар бўш ўринларини тўлдириш Ихтисослаштирилган мактабнинг мавжуд бўш ўринларини танлов асосида тўлдиради. Ўқув йили якунлангандан сўнг

».

23. Вазирлар Маҳкамасининг «Қорақалпоғистон Республикаси совиткичли сиғимлар уюшмасига аъзо субъектларга кооперация ташкил этган ҳолда, совиткичли сиғимларни қуриш ва жиҳозлаш ҳамда қиш ва баҳор ойларида электр энергияси истеъмоли харажатларининг бир қисмини қоплаш тартиби тўғрисидаги низомни тасдиқлаш ҳақида» 2023 йил 29 ноябрдаги 632-сон қарорида :

а) номи қуйидаги таҳрирда баён этилсин:

«Қорақалпоғистон Республикаси совиткичли сиғимлар уюшмасига аъзо субъектларга совиткичли сиғимларни қуриш ва жиҳозлаш ҳамда қиш ва баҳор ойларида электр энергияси истеъмоли харажатларининг бир қисмини қоплаш тартиби тўғрисидаги низомни тасдиқлаш ҳақида»;

б) 1-банднинг иккинчи ва учинчи хатбошилари ҳамда 2-банддан «кооперация ташкил этган ҳолда» сўзлари чиқариб ташлансин;

в) 1-иловада :

номи қуйидаги таҳрирда баён этилсин:

«Қорақалпоғистон Республикаси совиткичли сиғимлар уюшмасига аъзо субъектларга совиткичли сиғимларни қуриш ва жиҳозлаш харажатларининг бир қисмини қоплаш тартиби тўғрисида НИЗОМ»;

1-банд қуйидаги таҳрирда баён этилсин:

«1. Ушбу Низом Қорақалпоғистон Республикаси совиткичли сиғимлар уюшмасига (кейинги ўринларда — Уюшма) аъзо субъектларга совиткичли сиғимларни қуриш ва жиҳозлаш харажатларининг бир қисмини Ўзбекистон Республикасининг республика бюджети ҳисобидан қоплаш тартибини белгилайди ҳамда 2028 йил 31 майгача амал қилади.

Мазкур Низом талаблари Қорақалпоғистон Республикаси совиткичли сиғимлар уюшмасига аъзо бўлмаган, совиткичли сиғимларни ишга туширмаган ҳамда Низом кучга киргунга қадар совиткичли сиғимларни қурган ва жиҳозлаган субъектларга нисбатан татбиқ этилмайди»;

2-бандда :

иккинчи хатбошидан «ҳамда кооперация асосида иш ташкил этган» сўзлари чиқариб ташлансин;

бешинчи хатбошидан «ва кооперация ташкил этган» сўзлари чиқариб ташлансин;

олтинчи хатбоши қуйидаги таҳрирда баён этилсин:

« ишчи гуруҳ — субсидия ажратилишига кўмаклашиш мақсадида Ўзбекистон Республикаси Қишлоқ хўжалиги вазирлиги ҳузуридаги Агросаноатни ривожлантириш агентлигининг Қорақалпоғистон Республикаси бўлими бошлиғи (ишчи гуруҳ раҳбари), Қорақалпоғистон Республикаси Қишлоқ хўжалиги вазирининг ўринбосари ҳамда Уюшма раҳбаридан иборат таркибда тузилган ишчи гуруҳ»;

3 , 5 ва 7-бандлардан «кооперация ташкил этган ҳолда,» сўзлари чиқариб ташлансин;

2-боб номи қуйидаги таҳрирда баён этилсин:

«2-боб. Уюшмага аъзо субъектларга совиткичли сиғимларни қуриш ва жиҳозлаш харажатларининг бир қисмини қоплаш»;

4-банддаги «Агентлик» сўзи «Ўзбекистон Республикаси Қишлоқ хўжалиги вазирлиги ҳузуридаги Агросаноатни ривожлантириш агентлиги (кейинги ўринларда — Агентлик)» сўзлари билан алмаштирилсин;

8-банднинг учинчи хатбошиси ва 20-банддан «кооперация ташкил этган ҳолда» сўзлари чиқариб ташлансин;

1-иловада :

илова белгиси ва номидан «кооперация ташкил этган ҳолда,» сўзлари чиқариб ташлансин;

2-босқичнинг «Ижрочилар» устунидаги «Агросаноатни ривожлантириш агентлиги ишчи гуруҳи (ишчи гуруҳ)» сўзлари «Ишчи гуруҳ» сўзлари билан алмаштирилсин;

2-иловада :

илова белгиси ва номидан «кооперация ташкил этган ҳолда,» сўзлари чиқариб ташлансин;

1-банддан «кооперация ташкил этган ҳолда,» сўзлари чиқариб ташлансин;

9-банддан «ва кооперация ташкил этган» сўзлари чиқариб ташлансин;

3-иловада :

илова белгиси ва номидан «кооперация ташкил этган ҳолда,» сўзлари чиқариб ташлансин;

биринчи хатбошидан «кооперация ташкил этган холда» сўзлари чиқариб ташлансин;

«ХУЛОСА:» бўлимидаги «субъект томонидан кооперация ташкил этган ҳолда,» сўзлари «субъектга» сўзи билан алмаштирилсин;

4-иловада :

илова белгиси ва номидан «кооперация ташкил этган ҳолда,» сўзлари чиқариб ташлансин;

биринчи хатбошидан «кооперация ташкил этган холда.» сўзлари чиқариб ташлансин;

«ХУЛОСА:» бўлимидаги «субъект томонидан кооперация ташкил этган ҳолда,» сўзлари «субъектга» сўзи билан алмаштирилсин;

5-илованинг илова белгиси ва биринчи хатбошисидан «кооперация ташкил этган ҳолда,» сўзлари чиқариб ташлансин;

г) 2-иловада :

номи қуйидаги таҳрирда баён этилсин:

«Қорақалпоғистон Республикаси совиткичли сиғимлар уюшмасига аъзо субъектларга ишга туширилган совиткичли сиғимларнинг қиш ва баҳор ойларида электр энергияси истеъмоли харажатларининг бир қисмини қоплаш тартиби тўғрисида НИЗОМ»;

1-бандда :

биринчи хатбоши қуйидаги таҳрирда баён этилсин:

«1. Мазкур Низом Қорақалпоғистон Республикаси совиткичли сиғимлар уюшмасига (кейинги ўринларда — Уюшма) аъзо субъектларга ишга туширилган совиткичли сиғимларнинг қиш ва баҳор ойларида электр энергияси истеъмоли харажатларининг бир қисмини Ўзбекистон Республикаси республика бюджетидан қоплаш тартибини белгилайди ҳамда 2028 йил 31 майгача амал қилади»;

иккинчи хатбошидан «кооперация ташкил этмаган,» сўзлари чиқариб ташлансин;

2-бандда :

иккинчи хатбошидан «ҳамда кооперация асосида иш ташкил этган» сўзлари чиқариб ташлансин;

тўртинчи хатбошидан «ва кооперация ташкил этган» сўзлари чиқариб ташлансин;

қуйидаги мазмундаги бешинчи хатбоши билан тўлдирилсин:

« ишчи гуруҳ — субсидия ажратилишига кўмаклашиш мақсадида Ўзбекистон Республикаси Қишлоқ хўжалиги вазирлиги ҳузуридаги Агросаноатни ривожлантириш агентлигининг Қорақалпоғистон Республикаси бўлими бошлиғи (ишчи гуруҳ раҳбари), Қорақалпоғистон Республикаси Қишлоқ хўжалиги вазирининг ўринбосари, ҳудудий электр тармоқлари корхонаси бошлиғи ҳамда Уюшма раҳбаридан иборат таркибда тузилган ишчи гуруҳ»;

3-банддан «кооперация ташкил этган ҳолда» сўзлари чиқариб ташлансин;

4-банд қуйидаги таҳрирда баён этилсин:

«4. Уюшма электр энергияси истеъмолчиларининг ишга туширилган совиткичли сиғимларининг қиш ва баҳор ойларида электр энергияси истеъмоли харажатларининг бир қисмини қоплаш мақсадида кейинги йил учун талаб этиладиган электр энергияси ва унинг қиймати бўйича талабномаларни таҳлил қилади, умумлаштиради ҳамда Қорақалпоғистон Республикаси Вазирлар Кенгаши билан келишган ҳолда Қишлоқ хўжалиги вазирлигига, вазирлик эса ушбу маълумотларни ҳар йили 1 августга қадар Иқтисодиёт ва молия вазирлигига тақдим этади»;

5-банддаги «Уюшма» сўзи «Қишлоқ хўжалиги вазирлиги» сўзлари билан алмаштирилсин;

6-банд қуйидаги мазмундаги иккинчи хатбоши билан тўлдирилсин:

«Уюшмага аъзо субъектларга ишга туширилган совиткичли сиғимларнинг қиш ва баҳор ойларида электр энергияси истеъмоли харажатларининг бир қисмини қоплаш учун ушбу Низомга 1-иловага мувофиқ схема бўйича субсидия ажратилади»;

8 ва 9-бандлар қуйидаги таҳрирда баён этилсин:

«8. Электр энергияси истеъмолчиси ҳисобот ойида сарфлаган электр энергияси қийматининг 50 фоизини Ўзбекистон Республикасининг республика бюджетидан қоплаш учун субсидия олиш мақсадида ҳисобот ойидан кейинги ойнинг 25 санасига қадар «Agro-subsidiya» ахборот тизими (кейинги ўринларда — «Agro-subsidiya» АТ) орқали мазкур Низомга 2-иловада келтирилган шаклда электрон ариза билан Ўзбекистон Республикаси Қишлоқ хўжалиги вазирлиги ҳузуридаги Агросаноатни ривожлантириш агентлигига (кейинги ўринларда — Агентлик) мурожаат қилади.

Аризага қуйидаги ҳужжатлар илова қилинади:

Уюшмага аъзоликни тасдиқловчи ҳужжат;

туман (шаҳар) электр тармоқлари ташкилоти билан тузилган таққослаш далолатномаси ва ҳисоб-фактураларининг нусхаси;

компрессор қувватини ҳисобга олган ҳолда совиткичли сиғим истеъмол қиладиган электр энергияси миқдорини кўрсатиб берадиган электр энергияси истеъмолчиси томонидан ихтиёрий шаклда тасдиқланган маълумотнома.

Аризадаги маълумотлар ва тақдим этилган ҳужжатларнинг ишончлилиги ва ҳаққонийлиги учун ариза берувчи жавобгар ҳисобланади.

Ишчи гуруҳ томонидан ариза берувчидан ушбу бандда назарда тутилмаган ҳужжатларни тақдим этишни талаб қилишга йўл қўйилмайди.

Зарур ҳолларда, туман (шаҳар) электр тармоқлари ташкилоти ва туман (шаҳар) қишлоқ хўжалиги бўлими томонидан электр энергияси истеъмоли бўйича тақдим қилинган ҳисоб-китоблар жойига чиққан ҳолда ўрганилиши мумкин.

9. Ариза қуйидаги мезонлар бўйича Ишчи гуруҳи томонидан ўн кун ичида ўрганиб чиқилади:

совиткичли сиғим бўйича ҳисобланган электр энергияси истеъмоли ҳажмида бошқа ишлаб чиқариш ёки хизмат кўрсатиш жараёнлари сарфлари ҳисобга олинмаганлиги;

озиқ-овқат ва қишлоқ хўжалиги маҳсулотларини сақлаш бўйича олинган мажбуриятларнинг бажарилиши.

Ўрганиш натижаларига кўра ишчи гуруҳ уч иш куни ичида:

аризадаги маълумотлар ва тақдим этилган ҳужжатлар ушбу Низомда белгиланган мезонларга мувофиқ бўлганда, мазкур Низомга 3-иловадаги шаклда субсидия ажратиш мақсадга мувофиқлиги тўғрисидаги хулосани шакллантиради ва «Agro-subsidiya» АТ орқали ариза берувчига юборади;

аризадаги маълумотлар ва тақдим этилган ҳужжатлар ушбу Низомда белгиланган мезонларга мувофиқ бўлмаганда, мазкур Низомга 4-иловадаги шаклда субсидия ажратишнинг мақсадга мувофиқ эмаслиги тўғрисидаги хулосани шакллантиради ва «Agro-subsidiya» АТ орқали ариза берувчига юборади.

Ишчи гуруҳ хулосаларини расмийлаштиришда қопланадиган электр энергияси миқдори тўғри ҳисобланганлиги ҳамда компрессор қувватидан келиб чиқиб ортиқча электр энергия сарфи ҳисобланмаганлиги учун масъулият ҳудудий электр тармоқлари корхонаси зиммасига юкланади.

Бунда тайёрланган хулосалар ишчи гуруҳ раҳбари томонидан электрон рақамли имзо билан тасдиқланади»;

қуйидаги мазмундаги 9 1 -банд билан тўлдирилсин:

«9 1 . Субсидия ажратиш рад этилганда, ариза берувчи ишчи гуруҳ хулосасида кўрсатилган камчиликларни тўлиқ бартараф қилгандан сўнг «Agro-subsidiya» АТ орқали субсидия ажратиш тўғрисида қайта мурожаат қилиши мумкин.

Ариза берувчи ишчи гуруҳнинг субсидия ажратишни рад этиш тўғрисидаги хулосасидан норози бўлса, юқори турувчи орган ёки судга шикоят қилиши мумкин»;

10-банд қуйидаги таҳрирда баён этилсин:

«10. «Agro-subsidiya» АТ орқали расмийлаштирилган Ишчи гуруҳнинг субсидия ажратиш мақсадга мувофиқлиги юзасидан хулосасида кўрсатилган электр энергияси истеъмоли харажатларининг 50 фоизи, лекин ҳар бир ҳисобот ойи учун 15 минг киловатт соат электр энергияси қийматидан ошмаган миқдори Агентлик томонидан электр энергияси истеъмолчисининг хизмат кўрсатувчи тижорат банкида очилган ҳисобварақларига уч кун муддатда ўтказиб берилади»;

қуйидаги мазмундаги 1 — 4-иловалар билан тўлдирилсин:

«Қорақалпоғистон Республикаси совиткичли сиғимлар уюшмасига аъзо субъектларга ишга туширилган совиткичли сиғимларнинг қиш ва баҳор ойларида электр энергияси истеъмоли харажатларининг бир қисмини қоплаш тартиби тўғрисидаги низомга 1-ИЛОВА

Қорақалпоғистон Республикаси совиткичли сиғимлар уюшмасига аъзо субъектларга ишга туширилган совиткичли сиғимларнинг қиш ва баҳор ойларида электр энергияси истеъмоли харажатларининг бир қисмини қоплаш СХЕМАСИ

Босқичлар Ижрочилар Амалга ошириш механизми Муддати 1-босқич Электр энергияси истеъмолчиси «Агро-субсидия» АТ орқали электрон шаклда ариза тақдим этади. ҳисобот ойидан кейинги ойнинг 25-санасига қадар 2-босқич Ишчи гуруҳ «Агро-субсидия» АТ орқали тақдим этилган ариза ва унга илова қилинган ҳужжатларни, объект ишга туширилганлигини жойига чиққан ҳолда ўрганади. Ариза тақдим этилгандан кундан эътиборан 10 кун ичида 3-босқич Ишчи гуруҳ Ўрганиш натижалари бўйича электр энергияси истеъмолчисига субсидия ажратиш мақсадга мувофиқлиги ёки мувофиқ эмаслиги тўғрисидаги хулосани «Агро-субсидия» АТда расмийлаштиради. 3 иш куни ичида 4-босқич Агросаноатни ривожлантириш агентлиги Ишчи гуруҳнинг субсидия ажратиш мақсадга мувофиқлиги юзасидан «Агро-субсидия» АТ орқали расмийлаштирилган хулосасига асосан электр энергияси истеъмолчисининг тижорат банкидаги асосий ҳисобварағига субсидияни ўтказиб беради. Хулоса расмийлаштирилгандан сўнг 3 кун ичида

Қорақалпоғистон Республикаси совиткичли сиғимлар уюшмасига аъзо субъектларга ишга туширилган совиткичли сиғимларнинг қиш ва баҳор ойларида электр энергияси истеъмоли харажатларининг бир қисмини қоплаш тартиби тўғрисидаги низомга 2-ИЛОВА

Қорақалпоғистон Республикаси совиткичли сиғимлар уюшмасига аъзо субъектларга ишга туширилган совиткичли сиғимларнинг қиш ва баҳор ойларида электр энергияси истеъмоли харажатларининг бир қисмини қоплаш учун субсидия ажратиш тўғрисида АРИЗА 1. Қорақалпоғистон Республикаси ______________ туманида қиш ва баҳор ойларида совиткичли сиғимларни ишга туширган тадбиркорлик субъектининг номи ___________________________. 2. Қопланадиган харажатлар амалга оширилган давр (ҳисобот даври): 20_ _ _ йил __ ___ ____ ойи. 3. Ҳисобот даврида совиткичли сиғимларнинг электр энергияси истеъмоли миқдори:_____ квт . 4. Ҳисобот даврида совиткичли сиғимларнинг электр энергияси истеъмоли харажатлари қиймати: __________________ сўм. 5. Сиғим миқдори: ___________________________________________. 6. Тадбиркорлик субъектининг СТИР ______________________. 7. Ҳисобот даврида совиткичли сиғимларнинг электр энергияси истеъмоли харажатларининг бир қисмини қоплаш учун _______________ сўм субсидия маблағлари ажратишингизни сўрайман. 8. Хизмат кўрсатувчи тижорат банки номи __________________________ ______________________________________________ ҳисобварағи. Ариза берувчи: ___________________________ Ф.И.О. йил, кун, ой

Қорақалпоғистон Республикаси совиткичли сиғимлар уюшмасига аъзо субъектларга ишга туширилган совиткичли сиғимларнинг қиш ва баҳор ойларида электр энергияси истеъмоли харажатларининг бир қисмини қоплаш тартиби тўғрисидаги низомга 3-ИЛОВА

Қорақалпоғистон Республикаси совиткичли сиғимлар уюшмасига аъзо субъектларга ишга туширилган совиткичли сиғимларнинг қиш ва баҳор ойларида электр энергияси истеъмоли харажатларининг бир қисмини қоплаш учун субсидия ажратиш бўйича ишчи гуруҳ ХУЛОСАСИ Қорақалпоғистон Республикаси ________ туманида __________________ тадбиркорлик субъекти томонидан ишга туширилган совиткичли сиғимларнинг қиш ва баҳор ойларида электр энергияси истеъмоли харажатларининг бир қисмига субсидия ажратиш тўғрисида 20___ йил «___» ___________ даги ______-сон мурожаати ишчи гуруҳ томонидан кўриб чиқилди ва қуйидагилар аниқланди: 1. Тадбиркорлик субъектининг номи: _______________________; 2. Субсидия объекти: ____________________________________; 3. Субсидия ажратилиши назарда тутилаётган харажатлар амалга оширилган давр (ҳисобот даври): 20___ йил _________ ойи; 4. Ҳисобот даврида совиткичли сиғимларнинг электр энергияси истеъмоли миқдори: _________ квт ; 5. Ҳисобот даврида совиткичли сиғимларнинг электр энергияси истеъмоли харажатлари қиймати: __________________ сўм; 6. Ажратиладиган субсидия миқдори: _________________________ сўм; 7. Тадбиркорлик субъектининг СТИР: ________________________; 8. Тижорат банки номи: ________________________________. ХУЛОСА: ____________________________________________________________ ______________________ (тадбиркорлик субъекти номи) Қорақалпоғистон Республикаси Совиткичли сиғимлар уюшмасига аъзо субъектга совиткичли сиғимларнинг қиш ва баҳор ойларида электр энергияси истеъмоли харажатларининг бир қисмини қоплаш учун ______________ сўм субсидия ажратиш мақсадга мувофиқ деб топилди. Ишчи гуруҳ раҳбари: _____________ Ф.И.О. (имзо) Ишчи гуруҳ аъзолари: _____________ Ф.И.О. (имзо)

Қорақалпоғистон Республикаси совиткичли сиғимлар уюшмасига аъзо субъектларга ишга туширилган совиткичли сиғимларнинг қиш ва баҳор ойларида электр энергияси истеъмоли харажатларининг бир қисмини қоплаш тартиби тўғрисидаги низомга 4-ИЛОВА

Қорақалпоғистон Республикаси совиткичли сиғимлар уюшмасига аъзо субъектларга ишга туширилган совиткичли сиғимларнинг қиш ва баҳор ойларида электр энергияси истеъмоли харажатларининг бир қисмини қоплаш учун субсидия ажратишни рад этиш бўйича ишчи гуруҳ ХУЛОСАСИ Қорақалпоғистон Республикаси ____________ туманида ______________ тадбиркорлик субъекти томонидан ишга туширилган совиткичли сиғимларнинг қиш ва баҳор ойларида электр энергияси истеъмоли харажатларининг бир қисмига субсидия ажратиш тўғрисида 20___ йил «____» __________ даги _______-сон мурожаати ишчи гуруҳ томонидан кўриб чиқилди ва куйидагилар аниқланди: 1. Тадбиркорлик субъектининг номи: ___________________________; 2. Субсидия объекти: __________________________________; 3. Субсидия ажратилиши назарда тутилаётган харажатлар амалга оширилган давр (ҳисобот даври): 20___ йил ________ ойи; 4. Тадбиркорлик субъектининг СТИР: ________________________. ХУЛОСА: ___________________________________________ _____________________ __________________. (рад этиш сабаби) _____________________________________ _____________________ ________________________. (тадбиркорлик субъекти номи) Қорақалпоғистон Республикаси Совиткичли сиғимлар уюшмасига аъзо субъектга совиткичли сиғимларнинг қиш ва баҳор ойларида электр энергияси истеъмоли харажатларининг бир қисмини қоплаш учун субсидия ажратиш мақсадга мувофиқ эмас деб топилди. Ишчи гуруҳ раҳбари: _____________ Ф.И.О. (имзо) Ишчи гуруҳ аъзолари: _____________ Ф.И.О. (имзо) ».

24. Вазирлар Маҳкамасининг 2024 йил 25 январдаги 46-сон қарори билан тасдиқланган Психологик-тиббий-педагогик комиссиялар тўғрисидаги низомнинг 29-банди қуйидаги мазмундаги саккизинчи хатбоши билан тўлдирилсин:

«бола инклюзив таълим синфи, бошланғич таянч коррекцион синфга йўналтирилганда, махсус педагог ёки ёрдамчи ходим (ассистент) штатини ажратиш зарурлиги».

25. Вазирлар Маҳкамасининг «Давлат умумий ўрта таълим ташкилотлари педагог кадрларини касбий сертификатлаш бўйича давлат хизматларини кўрсатишнинг маъмурий регламентини тасдиқлаш тўғрисида» 2024 йил 12 февралдаги 87-сон қарорида :

а) номи «Давлат» сўзидан кейин «мактабгача ва» сўзлари билан тўлдирилсин;

б) муқаддима «шунингдек,» сўзидан кейин «мактабгача ва» сўзлари билан тўлдирилсин;

в) 3-банднинг иккинчи ва учинчи хатбошилари қуйидаги таҳрирда баён этилсин:

«стажёр-ўқитувчи ва стажёр-тарбиячилар, шунингдек психологлар бир йилга ишга қабул қилинадилар, муддат якунлангандан сўнг, фақат касбий сертификат олган ёки навбатдан ташқари педагог кадрлар аттестациясида иштирок этиб, камида мутахассис (олий маълумотли ўқитувчи) лавозими сақланган даражада кўрсаткичга эга бўлган педагоглар билан белгиланган тартибда ўқитувчи ёки мос равишда психолог тарбиячи сифатида меҳнат шартномаси тузилади;

2023/2024 ўқув йилидан бошлаб умумий ўрта таълим ташкилотларида педагог касбига биринчи марта ишга қабул қилинган стажёр-ўқитувчилар, 2024/2025 ўқув йилидан бошлаб педагоглар аттестациясидан ўта олмаган, мутахассис (олий маълумотли ўқитувчи) лавозимига мувофиқ эмас деб топилган, 2026 йилдан бошлаб мактабгача таълим ташкилотида тарбиячи лавозимига биринчи марта ишга қабул қилинган стажёр-тарбиячилар ва мактабгача таълим ташкилоти психологлари, 2027 йилдан бошлаб эса педагоглар аттестациясидан ўта олмаган, лавозимига мувофиқ эмас деб топилган, педагог кадрлар ҳам касбий сертификатлаш синовларига жалб этилади»

г) иловада :

номи «Давлат» сўзидан кейин «мактабгача ва» сўзлари билан тўлдирилсин;

1-банд қуйидаги таҳрирда баён этилсин:

«1. Мазкур Регламент давлат мактабгача ва умумий ўрта таълим ташкилотлари педагог кадрларини касбий сертификатлаш бўйича давлат хизматларини кўрсатиш тартибини белгилайди.

Ушбу Регламент қоидалари Ўзбекистон Республикаси Маданият вазирлиги ва Бадиий академия тизимидаги ихтисослаштирилган санъат ва маданият мактаблари, мактаб-интернатлар, Ихтисослаштирилган таълим муассасалари агентлиги тизимидаги Президент, ижод ва ихтисослаштирилган мактаблар, кўп тармоқли ихтисослаштирилган мактабгача таълим ташкилотлари ва қўшма типдаги мактабгача таълим ташкилотлари ҳамда нодавлат таълим ташкилотлари педагог кадрларига нисбатан татбиқ этилмайди.

Бунда нодавлат таълим ташкилотлари педагоглари ўз хоҳишларига кўра навбатдан ташқари назорат синовида иштирок этишлари мумкин.

Педагогик касбга биринчи марта ишга қабул қилинадиган олий маълумотли талабгорлар стажёр-ўқитувчи, шунингдек, мактабгача таълим ташкилотларидаги олий ва ўрта-махсус маълумотли талабгорлар стажёр-тарбиячи сифатида фаолият юритади ва улар ишга қабул қилинган вақтдан бошлаб бир йил муддат давомида касбий сертификатга эга бўлиши талаб этилади.

Касбий сертификат олганидан сўнг педагоглар педагогик фаолиятида беш ва ундан кўп йил давомида узилишлар бўлган фаолиятини қайта бошлаган вақтдан бошлаб бир йил давомида касбий сертификатга эга бўлиши лозим»;

2-бандда :

тўртинчи хатбоши қуйидаги таҳрирда баён этилсин:

« навбатдан ташқари назорат синови — узрли сабабларга кўра назорат синовида иштирок эта олмаган ҳамда биринчи маротаба назорат синовида иштирок этиб, ундан ўта олмаган, шунингдек, ўз хоҳишларига кўра иштирок этадиган талабгорлар учун ташкил этиладиган назорат синови»;

қуйидаги мазмундаги олтинчи хатбоши билан тўлдирилсин:

« стажёр-тарбиячи — давлат мактабгача таълим ташкилотида тарбиячи лавозимига биринчи марта ишга қабул қилинган жисмоний шахс»;

олтинчи хатбоши еттинчи хатбоши деб ҳисоблансин;

еттинчи хатбоши қуйидаги таҳрирда баён этилсин:

« талабгор — касбий сертификат олишга даъвогар бўлган давлат мактабгача ва умумий ўрта таълим ташкилотидаги ҳамда аввал касбий сертификатлашда иштирок этиб, ўта олмаган стажёр-ўқитувчи, стажёр-тарбиячи, психолог ёки мутахассис лавозимидаги, шунингдек, педагоглар аттестациясидан ўта олмаган, мутахассис (олий маълумотли ўқитувчи) лавозимига мувофиқ эмас, эгаллаб турган лавозимига мувофиқ эмас (ўрта махсус маълумотлилар) деб топилган педагог кадрлар»;

4-банднинг иккинчи хатбошиси «Стажёр-ўқитувчи» сўзларидан кейин «стажёр-тарбиячи ва психологлар» сўзлари билан тўлдирилсин;

6-банд «кўрсатаётган» сўзидан кейин «давлат мактабгача ва» сўзлари билан тўлдирилсин;

7-банднинг учинчи хатбошиси «ола олмаганлиги сабабли» сўзларидан кейин «тарбиячи ёки психолог» сўзлари билан тўлдирилсин;

8-банднинг биринчи хатбошисидаги «олий» сўзи «тегишли» сўзи билан алмаштирилсин;

11-банд «Давлат» сўзидан кейин «давлат мактабгача ва» сўзлари билан тўлдирилсин;

15-банднинг биринчи хатбошисидаги «Назорат синовида қайта» сўзлари «Навбатдан ташқари назорат синовида» сўзлари билан алмаштирилсин;

17-банд «олмаганда,» сўзидан кейин «шунингдек, нотўғри маълумотлар ёки қалбаки ҳужжатлар тақдим этилгани аниқланган тақдирда,» сўзлари билан тўлдирилсин;

34-банднинг биринчи хатбошиси «талабгор» сўзидан кейин «, шунингдек ўз хоҳишларига кўра иштирок этадиганлар» сўзлари билан тўлдирилсин;

1-илова қуйидаги таҳрирда баён этилсин:

«Давлат мактабгача ва умумий ўрта таълим ташкилотлари педагог кадрларини касбий сертификатлаш бўйича давлат хизматларини кўрсатишнинг маъмурий регламентига 1-ИЛОВА

Давлат мактабгача ва умумий ўрта таълим ташкилотлари педагог кадрларини касбий сертификатлаш СХЕМАСИ

Босқичлар Ижрочилар Тадбирлар Муддатлар . 1-босқич Талабгор Талабгор касбий сертификатлаш назорат синовида иштирок этиш учун Давлат хизматлари маркази, Ягона интерактив давлат хизматлари портали ёки Мактабгача ва мактаб таълими вазирлигининг махсус электрон платформаси орқали рўйхатдан ўтади. Рўйхатга олиш расмий эълон қилинган кундан бошлаб бир ой давомида . 2-босқич Мактабгача ва мактаб таълими вазирлиги Талабгорнинг ўз фанини (мутахассислиги) билиши, педагогик маҳорати, кўникма ва малакаларини баҳолаш учун назорат синовини ташкил этади. Ҳар йили март — май ойларида . 3-босқич Мактабгача ва мактаб таълими вазирлиги Талабгор касбий сертификатлаш назорат синовидан муваффақиятли ўтганда, унга электрон шаклдаги сертификатни ( QR -код) расмийлаштиради ва Ягона интерактив давлат хизматлари портали орқали юборади. Буйруқ қабул қилинган кундан бошлаб бир ой мобайнида . 4-босқич Талабгор Назорат синови натижасидан норози бўлганда, Апелляция комиссиясига апелляция шикоятини беради. Натижа эълон қилинган кундан бошлаб беш кун мобайнида . 5-босқич Апелляция комиссияси 1. Апелляция шикоятини кўриб чиқади. 2. Талабгорни Апелляция комиссияси қарори тўғрисида Ягона интерактив давлат хизматлари портали орқали хабардор қилади. Икки ҳафта мобайнида »;

2-иловада :

илова белгиси қуйидаги таҳрирда баён этилсин:

«Давлат мактабгача ва умумий ўрта таълим ташкилотлари педагог кадрларини касбий сертификатлаш бўйича давлат хизматларини кўрсатишнинг маъмурий регламентига 2-ИЛОВА»;

номи қуйидаги таҳрирда баён этилсин:

«Давлат мактабгача ва умумий ўрта таълим ташкилотлари педагог кадрларини касбий сертификатлаш бўйича СЎРОВНОМА»;

3-илова қуйидаги таҳрирда баён этилсин:

«Давлат мактабгача ва умумий ўрта таълим ташкилотлари педагог кадрларини касбий сертификатлаш бўйича давлат хизматларини кўрсатишнинг маъмурий регламентига 3-ИЛОВА

Davlat maktabgacha va umumiy oʻrta taʼlim tashkilotlari pedagog kadrlarining kasbiy sertifikatlashdan oʻtganligi toʻgʻrisidagi sertifikatning davlat namunasi OʻZBEKISTON RESPUBLIKASI DAVLAT GERBINING TASVIRI OʻZBEKISTON RESPUBLIKASI MAKTABGACHA VA MAKTAB TAʼLIMI VAZIRLIGI DAVLAT MAKTABGACHA VA UMUMIY OʻRTA TAʼLIM TASHKILOTLARI PEDAGOG KADRLARINING KASBIY SERTIFIKATLASHDAN OʻTGANLIGI TOʻGʻRISIDA SERTIFIKAT Sertifikat seriyasi Sertifikat raqami Pedagog kadr toʻgʻrisida maʼlumot: Pedagog kadrning shaxsiy kodi Familiyasi Ismi Otasining ismi Tugʻilgan vaqti Ish joyi Tayyorlov yoki taʼlim yoʻnalishi, mutaxassislik yoki ixtisoslik nomi Pedagogik mahorat boʻyicha (nazorat) sinovi natijasi Oʻquv (maxsus) fani (mutaxassisligi) boʻyicha (nazorat) sinovi natijasi Jami toʻplangan ball Berilgan sana Sertifikatni imzolagan shaxs QR -kod » .

26. Вазирлар Маҳкамасининг 2024 йил 6 майдаги 263-сон қарори билан тасдиқланган Сифатли таълимни таъминлашда ижобий натижаларга эришаётган умумий ўрта таълим мактаблари раҳбарияти ҳамда ўқитувчиларига устама бериш тартиби тўғрисидаги низомнинг 6-банди тўртинчи хатбошиси қуйидаги таҳрирда баён этилсин:

«Бунда устама баҳолаш ўтказилган ўқув йилидан кейин келадиган ўқув йили давомида (1 сентябрдан 31 августгача) тўланади».

27. Вазирлар Маҳкамасининг 2025 йил 31 январдаги 54-сон қарори билан тасдиқланган Ягона платформага давлат органларининг расмий веб-сайтларини ўтказиш режасининг 8-позициясидаги «Миллатлараро муносабатлар ва хорижий мамлакатлар билан дўстлик алоқалари қўмитаси» сўзлари «Миллатлараро муносабатлар ва хориждаги ватандошлар масалалари бўйича қўмитаси» сўзлари билан алмаштирилсин.

28. Вазирлар Маҳкамасининг 2025 йил 2 майдаги 288-сон қарори билан тасдиқланган Фуқаролик жамиятини ривожлантириш концепциясини 2025 йилда амалга ошириш бўйича « йўл харитаси »нинг 23-позицияси «Муддат» устунидаги «ноябрь» сўзи «декабрь» сўзи билан алмаштирилсин.

Вазирлар Маҳкамасининг 2025 йил 24 ноябрдаги 740-сон қарорига 2-ИЛОВА

Ўзбекистон Республикаси Ҳукуматининг ўз кучини йўқотган деб ҳисобланаётган айрим қарорлари

1. Вазирлар Маҳкамасининг «Давлат мактабгача таълим тизими ходимлари меҳнатига ҳақ тўлаш тартибини янада такомиллаштириш чора-тадбирлари тўғрисида» 2020 йил 9 мартдаги 135-сон қарорининг 1-банди ўз кучини йўқотган деб ҳисоблансин.

2. Вазирлар Маҳкамасининг «Алоҳида таълим эҳтиёжлари бўлган болаларнинг таълим олишларини ташкил этиш ва уларни реабилитация қилиш тизимини такомиллаштириш чора-тадбирлари тўғрисида» 2024 йил 25 январдаги 46-сон қарорига 5-илованинг 5-банди «г» кичик банди .

3. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида» 2025 йил 7 ноябрдаги 709-сон қарорига 1-илованинг 48-банди «б» кичик банди .

Ўзбекистон Республикасининг Бош вазири А. АРИПОВ

Тошкент ш.,

2025 йил 24 ноябрь,

740-сон

(Қонунчилик маълумотлари миллий базаси, 26.11.2025 й., 09/25/740/1090-сон; 09.09.2026 й., 09/26/472/0908-сон)

lex.uz

Oʻzbekiston Respublikasi Vazirlar Mahkamasining

qarori

NIZOM

ROʻYXATI

Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida

Oʻzbekiston Respublikasining “Normativ-huquqiy hujjatlar toʻgʻrisida”gi Qonuni 18-moddasiga muvofiq, shuningdek, qonunchilik hujjatlarini oʻzaro muvofiqlashtirish maqsadida Vazirlar Mahkamasi qaror qiladi:

1. Oʻzbekiston Respublikasi Hukumatining 1-ilovaga muvofiq ayrim qarorlariga oʻzgartirish va qoʻshimchalar kiritilsin.

2. Oʻzbekiston Respublikasi Hukumatining 2-ilovaga muvofiq ayrim qarorlari oʻz kuchini yoʻqotgan deb hisoblansin.

3. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Xodjayev zimmasiga yuklansin.

Vazirlar Mahkamasining 2025-yil 24 noyabrdagi 740-son qaroriga 1-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining “Oʻqituvchilar va oʻquvchilar turmushi moddiy sharoitlarini yaxshilashga oid qoʻshimcha chora-tadbirlar toʻgʻrisida” 1997-yil 20-avgustdagi 409-son qarorining 2-bandi “(uyda yakka tartibda taʼlim beradigan oʻqituvchilar bundan mustasno)” soʻzlari bilan toʻldirilsin.

2. Vazirlar Mahkamasining “Xalq taʼlimi xodimlari mehnatiga haq toʻlash shartlarini tartibga solish toʻgʻrisida” 1994-yil 29-sentabrdagi 490-son qarorida :

a) 1-ilovaning 23-bandida :

birinchi xatboshidagi “3,6” raqami “8” raqami bilan almashtirilsin;

ikkinchi xatboshi chiqarib tashlansin;

b) 2-ilovaning I-bandi “e” kichik bandi oʻz kuchini yoʻqotgan deb hisoblansin.

3. Vazirlar Mahkamasining “Xalq taʼlimi xodimlari mehnatiga haq toʻlashning takomillashtirilgan tizimini tasdiqlash toʻgʻrisida” 2005-yil 21-dekabrdagi 275-son qarorida :

a) 1-ilova quyidagi mazmundagi 14-pozitsiya bilan toʻldirilsin:

“ 14. Yordamchi xodim (assistent-oʻqituvchi) 2,470 ” ;

b) 3-ilovada :

3-bandda :

ikkinchi xatboshi quyidagi tahrirda bayon etilsin:

“taʼlim muassasalari pedagog va rahbar xodimlarining har bir lavozimi va malaka toifasi uchun belgilangan bazaviy tarif stavkalari asosida hamda qonunchilikda belgilangan ustamalar va qoʻshimcha toʻlovlar asosida shakllantiriladi”;

uchinchi xatboshi chiqarib tashlansin;

toʻrtinchi — sakkizinchi xatboshilar tegishlicha uchinchi — yettinchi xatboshilar deb hisoblansin;

quyidagi mazmundagi 11 1 -band bilan toʻldirilsin:

“11 1 . Uyda yakka tartibda oʻqitiladigan oʻquvchilarni, shu jumladan, bir xil yoshdagi va bitta manzildagi ikki va undan ortiq oʻquvchilarni oʻqitganlik uchun umumtaʼlim maktablarining oʻqituvchilariga bazaviy hisoblash miqdorining bir baravari miqdorida oylik yoʻl kompensatsiyasi toʻlanadi.

Mazkur kompensatsiya maktabdan uyda yakka tartibda oʻqitiladigan oʻquvchining yashash joyigacha kamida 1,5 kilometr masofa boʻlganda hamda uyda oʻqitilayotgan oʻquvchiga biriktirilgan bir nechta oʻqituvchilarga kompensatsiya ularning har oyda amalda oʻtkazadigan oʻquv soatlari ulushidan kelib chiqqan holda, uyda oʻqitilayotganlarning oʻquv rejasidagi oʻquv soatlarining umumiy miqdoriga mutanosib ravishda toʻlanadi.

Uyda oʻqitiladigan bolalar roʻyxati, shuningdek, ularning maktabga biriktirilishi tuman (shahar)maktabgacha va maktab taʼlimi boʻlimlari tomonidan uyda oʻqitiladigan bolalarning yashash joyi mikrouchastkasidagi maktablarga biriktirilgan holda tasdiqlanadi.

Oʻzbekiston Respublikasi Prezidenti huzuridagi Ijtimoiy himoya milliy agentligi tizimidagi alohida taʼlim ehtiyojlari boʻlgan bolalar uchun ixtisoslashtirilgan maktablar va maktab-internatlardan uyda yakka tartibda oʻqitiladigan bolalar roʻyxati Oʻzbekiston Respublikasi Prezidenti huzuridagi Ijtimoiy himoya milliy agentligining hududiy boshqarmalari tomonidan tasdiqlanadi”.

4. Vazirlar Mahkamasining 2017-yil 15-martdagi 140-son qarori bilan tasdiqlangan Umumiy oʻrta taʼlim toʻgʻrisidagi nizomning 28-bandi uchinchi xatboshisi quyidagi tahrirda bayon etilsin:

“Umumtaʼlim muassasalarining (filiallarining) kam komplektli sinflarida boshlangʻich sinf oʻquvchilari quyidagi hollarda bitta sinfga birlashtirilishi mumkin:”.

5. Vazirlar Mahkamasining 2017-yil 22-dekabrdagi 1013-son qarori bilan tasdiqlangan Normativ-huquqiy hujjatlar matnlari hamda zarur boʻlgan taqdirda ularga tegishli axborot-tahliliy materiallar elektron shaklda yuboriladigan davlat organlari va boshqa tashkilotlarning roʻyxatining “5. Qoʻmitalar” boʻlimining 2-bandi quyidagi tahrirda bayon etilsin:

“2. Oʻzbekiston Respublikasi Millatlararo munosabatlar va xorijdagi vatandoshlar masalalari boʻyicha qoʻmitasi”.

6. Vazirlar Mahkamasining “Oʻzbekiston Respublikasi Madaniyat vazirligi huzuridagi Millatlararo munosabatlar va xorijiy mamlakatlar bilan doʻstlik aloqalari qoʻmitasi huzuridagi Jamoatchilik kengashi faoliyatini tashkil etish toʻgʻrisida” 2017-yil 25-dekabrdagi 1018-son qarorida :

a) nomidagi “Madaniyat vazirligi huzuridagi Millatlararo munosabatlar va xorijiy mamlakatlar bilan doʻstlik aloqalari qoʻmitasi” soʻzlari “Millatlararo munosabatlar va xorijdagi vatandoshlar masalalari boʻyicha qoʻmitasi” soʻzlari bilan almashtirilsin;

b) 1-bandning ikkinchi va uchinchi xatboshilaridagi “Madaniyat vazirligi huzuridagi Millatlararo munosabatlar va xorijiy mamlakatlar bilan doʻstlik aloqalari qoʻmitasi” soʻzlari “Millatlararo munosabatlar va xorijdagi vatandoshlar masalalari boʻyicha qoʻmitasi” soʻzlari bilan almashtirilsin;

v) 1-ilovada :

nomidagi “Madaniyat vazirligi huzuridagi Millatlararo munosabatlar va xorijiy mamlakatlar bilan doʻstlik aloqalari qoʻmitasi” soʻzlari “Millatlararo munosabatlar va xorijdagi vatandoshlar masalalari boʻyicha qoʻmitasi” soʻzlari bilan almashtirilsin;

1-banddagi “Madaniyat vazirligi huzuridagi Millatlararo munosabatlar va xorijiy mamlakatlar bilan doʻstlik aloqalari qoʻmitasi” soʻzlari “Millatlararo munosabatlar va xorijdagi vatandoshlar masalalari boʻyicha qoʻmitasi” soʻzlari bilan almashtirilsin;

2-band quyidagi tahrirda bayon etilsin:

“2. Jamoatchilik kengashi maslahat-kengash organi hisoblanib, Qoʻmitaga yuklangan vazifa va majburiyatlarning bajarilishiga koʻmaklashadi”;

4 va 5-bandlar quyidagi tahrirda bayon etilsin:

“4. Quyidagilar Jamoatchilik kengashining asosiy vazifalari hisoblanadi:

Oʻzbekiston xalqining birdamligini taʼminlash, xorijdagi vatandoshlarni tarixiy Vatani bilan birlashtirishga qaratilgan chora-tadbirlar ijrosini kompleks tahlil qilishda ishtirok etish, ularning amalga oshirilishi yuzasidan samarali jamoatchilik nazoratini oʻrnatish;

mamlakatimizda umummilliy totuvlik va hamjihatlikni mustahkamlash, Oʻzbekistonning xalqaro imijini oshirishda xalq diplomatiyasi mexanizmlaridan foydalanish borasida amalga oshirilayotgan ishlar samaradorligini oshirishga qaratilgan takliflar tayyorlash va Qoʻmitaga kiritish;

aholida Oʻzbekiston xalqining umummilliy qadriyatlari ustuvorligini anglash tuygʻusini kuchaytirishda davlat va jamoat tashkilotlari hamda fuqarolik jamiyatining boshqa institutlari bilan oʻzaro hamkorlik qilish;

jamiyatda umummilliy birdamlik, xorijiy davlatlar hududlari bilan doʻstlik va birodarlik aloqalarini rivojlantirishga oid targʻibot ishlarini tizimli amalga oshirish.

5. Jamoatchilik kengashi oʻzining asosiy vazifalariga muvofiq quyidagi funksiyalarni amalga oshiradi:

fuqarolar, nodavlat notijorat tashkilotlari va fuqarolik jamiyatining boshqa institutlarining umummilliy birdamlik va hamjihatlikni taʼminlashga oid tashabbus va murojaatlarini koʻrib chiqishda ishtirok etadi, ularni koʻrib chiqish natijalari boʻyicha takliflar tayyorlaydi;

mamlakatimizda umummilliy totuvlik, birdamlik va hamjihatlikni yanada mustahkamlash yuzasidan takliflar tayyorlaydi;

jamiyatda doʻstlik, oʻzaro ishonch va tushunish muhitini asrab-avaylash hamda mustahkamlashga qaratilgan chora-tadbirlarni ishlab chiqishda va amalga oshirishda Qoʻmitaga koʻmaklashadi;

umummilliy birdamlik va hamjihatlikni taʼminlash boʻyicha mamlakatda amalga oshirilayotgan tizimli chora-tadbirlarni samarali amalga oshirilishiga koʻmaklashadi hamda mavjud muammolar, kamchiliklarni bartaraf qilish haqida takliflar ishlab chiqadi;

aholi orasida umummilliy totuvlik, doʻstlik va birdamlikni taʼminlashga qaratilgan chora-tadbirlar dasturini ishlab chiqishda, uni davlat va nodavlat tashkilotlar bilan hamkorlikda amalga oshirishda ishtirok etadi;

umummilliy birdamlik va hamjihatlik masalalarida ilmiy-nazariy va ilmiy-amaliy anjumanlar, seminarlar, davra suhbatlarini tashkil qilishda ishtirok etadi;

umummilliy birdamlik va hamjihatlikni taʼminlashga doir normativ-huquqiy hujjatlarni takomillashtirish, ulardagi mavjud kamchiliklarni bartaraf etish boʻyicha takliflarni ishlab chiqadi;

davlat organlari va nodavlat notijorat tashkilotlari bilan xorijiy mamlakatlarning turdosh tashkilotlari va fuqarolik jamiyatlari institutlari oʻrtasidagi koʻp tomonlama aloqalar va almashinuvlar rivojlanishini qoʻllab-quvvatlashda Qoʻmitaga koʻmaklashadi;

yurtimiz va xorijiy mamlakatlar hududlari oʻrtasida doʻstlik, oʻzaro ishonch va birodarlik aloqalarini oʻrnatish hamda rivojlantirishda manfaatdor tashkilotlar bilan chora-tadbirlar amalga oshirilishida ishtirok etadi;

mamlakatimizda tugʻilgan buyuk olim va mutafakkirlarning barhayot merosini, ularning jahon ilm-fani va madaniyati rivojiga qoʻshgan hissasini keng namoyon etish chora-tadbirlarini ishlab chiqishda ishtirok etadi;

oʻzbek xalqining xorijiy davlatlar hududlarida joylashgan va saqlanayotgan moddiy-madaniy merosi obyektlarini asrab-avaylashda davlat va nodavlat tashkilotlar bilan faol hamkorlik qiladi hamda ushbu sohada jamoatchilik nazoratini olib boradi;

xorijiy mamlakatlar bilan doʻstlik aloqalarini rivojlantirish dasturlarini ishlab chiqishda va amalga oshirishda bevosita ishtirok etadi hamda dasturlar amalga oshirilishi yuzasidan jamoatchilik nazoratini oʻrnatadi;

mamlakatimizda faoliyat koʻrsatayotgan xorijiy tashkilotlar va diplomatik vakolatxonalar, xorijiy davlatlardagi turdosh tashkilotlar bilan xalq diplomatiyasi asosida doʻstona munosabatlarni oʻrnatish va rivojlantirishga qaratilgan tizimli ishlar amalga oshirilishida Qoʻmitaga koʻmaklashadi;

jahon hamjamiyatida mamlakatimizning boy tarixi hamda bugungi taraqqiyot bosqichidagi yutuqlarga bagʻishlangan koʻrgazmalar, ilmiy-amaliy seminarlar, anjumanlar va madaniy tadbirlarni tashkil etishda Qoʻmitaga koʻmaklashadi;

Oʻzbekistonning xalqaro imijini oshirishda xalq diplomatiyasi mexanizmlaridan foydalanish borasida amalga oshirilayotgan ishlar samaradorligini oshirishga qaratilgan takliflar tayyorlaydi;

xorijiy davlatlar hududlari bilan doʻstlik va birodarlik aloqalarini rivojlantirishga oid targʻibot ishlarini tizimli tashkil etadi, takliflar tayyorlaydi, davlat va jamoat tashkilotlari hamda fuqarolik jamiyatining boshqa institutlari bilan hamkorlik qiladi, targʻibot ishlari yuzasidan jamoatchilik nazoratini olib boradi;

Jamoatchilik kengashi faoliyatini rasmiy veb-saytlarda hamda ommaviy axborot vositalarida yoritish boʻyicha amalga oshirilayotgan ishlar natijalarini tahlil qiladi, ularning samaradorligini oshirish va mavjud kamchiliklarni bartaraf etishga doir takliflar tayyorlaydi;

oʻz vazifalarini amalga oshirishda nodavlat notijorat tashkilotlari, ommaviy axborot vositalari, shuningdek, fuqarolik jamiyatining boshqa institutlari hamda fuqarolar bilan hamkorlik qiladi;

sohaga oid mavjud muammolarning taʼsirchan yechimini nazarda tutuvchi tashabbusli loyihalarni amalga oshirish uchun davlat ijtimoiy buyurtmasini qonunchilikka muvofiq shakllantirishda Qoʻmitaga koʻmaklashadi”;

9-band quyidagi tahrirda bayon etilsin:

“9. Jamoatchilik kengashining tarkibi Oʻzbekiston Respublikasi Vazirlar Mahkamasi tomonidan tasdiqlanadi.

Jamoatchilik kengashi aʼzosi boshqa ishga oʻtgan taqdirda, uning oʻrniga ushbu lavozimga yangi tayinlangan yoki uning vazifasini bajarish zimmasiga yuklangan shaxs kiritiladi.

Qoʻmita xodimlari, faxriylari, nodavlat notijorat tashkilotlari va ommaviy axborot vositalarining vakillari, doʻstlik jamiyatlari va milliy madaniy markazlar vakillari, shuningdek Oʻzbekiston Respublikasining fuqarolari Jamoatchilik kengashining tarkibiga kiritilishi mumkin”;

22-bandning ikkinchi xatboshisidagi “Qoʻmita rahbarining oʻrinbosarlari yoki boshqa xodimlar” soʻzlari “Qoʻmita xodimlari” soʻzlari bilan almashtirilsin.

g) 2-ilovaning matni quyidagi tahrirda bayon etilsin:

“Oʻzbekiston Respublikasi Millatlararo munosabatlar va xorijdagi vatandoshlar masalalari boʻyicha qoʻmitasi huzuridagi Jamoatchilik kengashi TARKIBI

1. O. Hasanov — Respublika Maʼnaviyat va maʼrifat markazi rahbari, Jamoatchilik kengashi raisi 2. B. Shukurov — Oʻzbekiston Respublikasi Millatlararo munosabatlar va xorijdagi vatandoshlar masalalari boʻyicha qoʻmitasi raisi oʻrinbosari, Jamoatchilik kengashi raisining oʻrinbosari 3. A. Umarov — Oʻzbekiston Respublikasi Prezidenti huzuridagi Davlat siyosati va boshqaruvi akademiyasi prorektori (kelishuv asosida) 4. A. Saidov — Inson huquqlari boʻyicha Oʻzbekiston Respublikasi Milliy markazi direktori (kelishuv asosida) 5. O. Abdullayev — tashqi ishlar vaziri oʻrinbosari 6. N. Muxammadiyev — adliya vaziri oʻrinbosari 7. M. Madjidov — madaniyat vaziri oʻrinbosari 8. M. Kuranov — Oʻzbekiston Respublikasi Vazirlar Mahkamasi huzuridagi Migratsiya agentligi raisining oʻrinbosari 9. D. Kattaxanova — Yoshlar ishlari agentligi direktorining birinchi oʻrinbosari 10. D. Maxsudov — Din ishlari boʻyicha qoʻmita raisining birinchi oʻrinbosari 11. U. Tashxodjayev — Ichki ishlar vazirligi Migratsiya va personallashtirish departamenti boshligʻi 12. M. Nurmatova — Oila va xotin-qizlar qoʻmitasi raisi oʻrinbosari 13. R. Kurbanov — Mehnat faxriysi 14. B. Abduxalimov — Fanlar akademiyasi vitse-prezidenti 15. X. Nuritdinov — Oʻzbekiston Milliy teleradiokompaniyasi raisining birinchi oʻrinbosari 16. D. Usmanov — “Mahalla” xayriya jamoat fondi raisi 17. S. Turdiyev — “Nuroniy” jamgʻarmasi raisi 18. A. Nuridinov — Oʻzbekiston Badiiy akademiyasi raisi 19. I. Latipov — “Tasviriy oyina” ijodiy uyushmasi raisi 20. B. Mahmadaliyev — Oʻzbekiston Kasaba uyushmalari federatsiyasi kengashi raisi oʻrinbosari 21. M. Hojimatov — Oʻzbekiston Yozuvchilar uyushmasi raisining birinchi oʻrinbosari 22. G. Ismailova — “El-yurt umidi” jamgʻarmasi ijrochi direktori 23. O.Sattarov — “Vatandoshlar” jamoat fondi raisi 24. H. Rahimov — Oʻzbekiston kompozitorlari va bastakorlari uyushmasi raisi oʻrinbosari 25. O. Davlatov — Alisher Navoiy nomidagi xalqaro jamoat fondi ijrochi direktori 26. Z. Abidov — “Birodar shaharlar alyansi” nodavlat notijorat tashkiloti rahbari 27. Q. Sobirov — Shanxay Hamkorlik Tashkiloti Xalq diplomatiyasi markazi rahbari 28. F. Bekov — Oʻzbekiston Respublikasi Millatlararo munosabatlar va xorijdagi vatandoshlar masalalari boʻyicha qoʻmitasi boʻlimi boshligʻi, Jamoatchilik kengashi kotibi 29. Lavozimiga koʻra — Doʻstlik jamiyatlari va milliy madaniy markazlar rahbarlari

7. Vazirlar Mahkamasining 2018-yil 5-yanvardagi 10-son qarori bilan tasdiqlangan Davlat maktabgacha taʼlim tizimi xodimlari mehnatiga haq toʻlash va ularni moddiy ragʻbatlantirish tartibi toʻgʻrisidagi nizomda :

a) 5-band quyidagi tahrirda bayon etilsin:

“5. Davlat maktabgacha taʼlim tashkilotlarining tibbiyot xodimlariga ish haqi, ustama va qoʻshimcha toʻlovlar Vazirlar Mahkamasining “Tibbiyot xodimlari mehnatiga haq toʻlashning takomillashtirilgan tizimini tasdiqlash toʻgʻrisida” 2005-yil 21-dekabrdagi 276-son qaroriga muvofiq toʻlanadi”;

b) 7-band quyidagi tahrirda bayon etilsin:

“7. Davlat maktabgacha taʼlim tashkiloti xodimlariga malaka toifalari Vazirlar Mahkamasining 2021-yil 17-sentabrdagi 572-son qarori bilan tasdiqlangan Maktabgacha, umumiy oʻrta, oʻrta maxsus, kasbiy va maktabdan tashqari taʼlim tashkilotlari pedagog kadrlarini attestatsiyadan oʻtkazish tartibi toʻgʻrisidagi nizomga muvofiq beriladi”;

v) quyidagi mazmundagi 7 3 -band bilan toʻldirilsin:

“7 3 . Davlat maktabgacha taʼlim tashkiloti tarbiyachisi hamda tibbiyot hamshirasi lavozimlarida faoliyat yuritayotgan xodimlar vaqtincha ishda boʻlmagan davrda ularning vazifasini bajarish uchun ichki buyruqlarni oʻrindoshlik asosida rasmiylashtiradi hamda bajarilgan ish uchun 100 foiz miqdorda (boshqa lavozimlar uchun 50 foiz miqdorda) ish haqi toʻlanadi.

Bunda oʻrindoshlik asosida faoliyat yuritgan xodimning jami ish yuklamasi 1,5 stavkadan ortiq boʻlishiga yoʻl qoʻyilmaydi”.

8. Vazirlar Mahkamasining 2018-yil 28-martdagi 244-son qarori bilan tasdiqlangan Bolalarni davlat maktabgacha taʼlim tashkilotlariga qabul qilish boʻyicha davlat xizmatlari koʻrsatishning maʼmuriy reglamentida :

a) 1-bandda :

quyidagi mazmundagi toʻrtinchi xatboshi bilan toʻldirilsin:

“davlat oliy taʼlim tashkilotlari huzuridagi davlat maktabgacha taʼlim tashkilotlari (ushbu tashkilotlar xodimlari va talabalarining farzandlari bundan mustasno)”;

toʻrtinchi va beshinchi xatboshilar tegishlicha beshinchi va oltinchi xatboshilar deb hisoblansin;

b) 4-bandning “d” kichik bandi quyidagi tahrirda bayon etilsin:

“d) yetim bolalar va ota-ona qaramogʻidan mahrum boʻlgan bolalar hamda Falastindan Oʻzbekistonga olib kelingan fuqarolar farzandlari davlat maktabgacha taʼlim tashkilotlariga navbatga qoʻyilmagan holda, “Inson” ijtimoiy xizmatlar markazlaridagi ijtimoiy xodimlar guruhlari tomonidan yoki bevosita qonuniy vakillari orqali tegishli tashkilotga murojaat etgan holda joylashtiriladi”.

9. Vazirlar Mahkamasining 2019-yil 26-fevraldagi 172-son qarori bilan tasdiqlangan Oʻzbekiston Respublikasi Oliy va oʻrta maxsus taʼlim vazirligining Oliy taʼlim muassasalarini rivojlantirish jamgʻarmasi toʻgʻrisidagi nizomning 1-bandi ikkinchi xatboshisi “Favqulodda vaziyatlar vazirligi,” soʻzlaridan keyin “Maktabgacha va maktab taʼlimi vazirligi,” soʻzlari bilan toʻldirilsin.

10. Vazirlar Mahkamasining 2019-yil 7-iyundagi 471-son qarori bilan tasdiqlangan Umumiy oʻrta taʼlim muassasalarida boshqa hududlardan kelib faoliyat yuritayotgan pedagog xodimlarga maxsus ustama belgilanadigan hududlar roʻyxatining matni quyidagi tahrirda bayon etilsin:

“Umumiy oʻrta taʼlim muassasalarida boshqa hududlardan kelib faoliyat yuritayotgan pedagog xodimlarga maxsus ustama belgilanadigan hududlar ROʻYXATI

Hududning nomi Maxsus ustama belgilanayotgan hudud 1. Qoraqalpogʻiston Respublikasi Nukus shahri “Karatov” mahalla fuqarolar yigʻini (MFY) Boʻzatov tumani “Aspantay” ovul fuqarolar yigʻini (OFY) “Koʻksuv” ovul fuqarolar yigʻini (OFY) Qoʻngʻirot tumani “Qoraqalpogʻiston” shaharcha fuqarolar yigʻini (SHFY) “Qirqqiz” shaharcha fuqarolar yigʻini (SHFY) “Jasliq” shaharcha fuqarolar yigʻini (SHFY) “Raushan” ovul fuqarolar yigʻini (OFY) Moʻynoq tumani “Qazaqdarya” ovul fuqarolar yigʻini (OFY) “Hakim ota” ovul fuqarolar yigʻini (OFY) “Madeli” ovul fuqarolar yigʻini (OFY) Taxtakoʻpir tumani “Qostruba” mahalla fuqarolar yigʻini (MFY) Toʻrtkoʻl tumani “Oqqamish” ovul fuqarolar yigʻini (OFY) “Qumboskan” ovul fuqarolar yigʻini (OFY) “Paxtaobod” ovul fuqarolar yigʻini (OFY) “Yanboshqala” ovul fuqarolar yigʻini (OFY) “Koʻkcha” ovul fuqarolar yigʻini (OFY) “Bazirgan” mahalla fuqarolar yigʻini (MFY) Ellikqalʼa tumani “Chuqurqaq” mahalla fuqarolar yigʻini (MFY) Qoraoʻzak tumani “Qoybaq” ovul fuqarolar yigʻini (OFY) Amudaryo tumani “Nazarxan” ovul fuqarolar yigʻini (OFY) 2. Buxoro viloyati Shofirkon tumani “Sharof Rashidov” mahalla fuqarolar yigʻini (MFY) Romitan shahri “Gazli” mahalla fuqarolar yigʻini (MFY) “Qizilravot” mahalla fuqarolar yigʻini (MFY) Gʻijduvon tumani “Koʻkcha” mahalla fuqarolar yigʻini (MFY) Peshku tumani “Jongeldi” mahalla fuqarolar yigʻini (MFY) 3. Jizzax viloyati Baxmal tumani “Baxmal” qishloq fuqarolar yigʻini (QFY) “Muzbuloq” mahalla fuqarolar yigʻini (MFY) Gʻallaorol tumani “Gulchambar” qishloq fuqarolar yigʻini (QFY) “Jiydali” qishloq fuqarolar yigʻini (QFY) “Qipchoqsuv” qishloq fuqarolar yigʻini (QFY) “Korizquduq” qishloq fuqarolar yigʻini (QFY) “Qoʻytosh” shaharcha fuqarolar yigʻini (SHFY) “Oqtosh” mahalla fuqarolar yigʻini (MFY) “Sovruk” mahalla fuqarolar yigʻini (MFY) Sharof Rashidov tumani “Koʻrpasoy” mahalla fuqarolar yigʻini (MFY) “Tinchlik” mahalla fuqarolar yigʻini (MFY) Forish tumani “Doʻstlik” mahalla fuqarolar yigʻini (MFY) “Darvoza” mahalla fuqarolar yigʻini (MFY) 4. Qashqadaryo viloyati Qarshi tumani “Choʻliboʻston” mahalla fuqarolar yigʻini (MFY) “Mangʻit” mahalla fuqarolar yigʻini (MFY) Gʻuzor tumani “Qorakoʻl” mahalla fuqarolar yigʻini (MFY) “Eshonquduq” mahalla fuqarolar yigʻini (MFY) “Omon-ota” mahalla fuqarolar yigʻini (MFY) Dehqonobod tumani “Sarchashma” mahalla fuqarolar yigʻini (MFY) “Terakli” mahalla fuqarolar yigʻini (MFY) “Boshchorbogʻ” mahalla fuqarolar yigʻini (MFY) “Oqqishloq” mahalla fuqarolar yigʻini (MFY) “Tarqopchigʻay” mahalla fuqarolar yigʻini (MFY) “Oybek” mahalla fuqarolar yigʻini (MFY) “Obiravon” mahalla fuqarolar yigʻini (MFY) “Duob” mahalla fuqarolar yigʻini (MFY) “Boshchorboq” mahalla fuqarolar yigʻini (MFY) “Chashmaimiron” mahalla fuqarolar yigʻini (MFY) “Chilgaz” mahalla fuqarolar yigʻini (MFY) Qamashi tumani “Katta oʻra” mahalla fuqarolar yigʻini (MFY) Koson tumani “Olachabob” mahalla fuqarolar yigʻini (MFY) “Uyrot” mahalla fuqarolar yigʻini (MFY) “Xoʻjaquduq” mahalla fuqarolar yigʻini (MFY) “Navnihol” mahalla fuqarolar yigʻini (MFY) Nishon tumani “Doʻstlik” mahalla fuqarolar yigʻini (MFY) “Qirqquloch” mahalla fuqarolar yigʻini (MFY) Kasbi tumani “Choʻlquvar” qishloq fuqarolar yigʻini (QFY) Kitob tumani “Koʻxsor” mahalla fuqarolar yigʻini (MFY) “Ayoqchi” mahalla fuqarolar yigʻini (MFY) Mirishkor tumani “Gulobod” mahalla fuqarolar yigʻini (MFY) “Pomuq” mahalla fuqarolar yigʻini (MFY) “Guliston” mahalla fuqarolar yigʻini (MFY) “Barhayot” mahalla fuqarolar yigʻini (MFY) Chiroqchi tumani “Langar” mahalla fuqarolar yigʻini (MFY) “Taragʻay” mahalla fuqarolar yigʻini (MFY) “Quruqsoy” mahalla fuqarolar yigʻini (MFY) “Qoʻshanhor” mahalla fuqarolar yigʻini (MFY) “Galabek” mahalla fuqarolar yigʻini (MFY) “Qalqama” mahalla fuqarolar yigʻini (MFY) “Qoʻrgʻontepa” mahalla fuqarolar yigʻini (MFY) “Uyshun” mahalla fuqarolar yigʻini (MFY) “Mirzatoʻp” mahalla fuqarolar yigʻini (MFY) “Beshbuloq” mahalla fuqarolar yigʻini (MFY) “Arabbandi” mahalla fuqarolar yigʻini (MFY) “Chambil” mahalla fuqarolar yigʻini (MFY) “Oq oltin” mahalla fuqarolar yigʻini (MFY) “Gulobod” mahalla fuqarolar yigʻini (MFY) “Nurobod” mahalla fuqarolar yigʻini (MFY) Koʻkdala tumani “Qanoatli” mahalla fuqarolar yigʻini (MFY) “Chorvador” mahalla fuqarolar yigʻini (MFY) “Toshli” mahalla fuqarolar yigʻini (MFY) “Quchqorbuloq” mahalla fuqarolar yigʻini (MFY) Shahrisabz tumani “Gʻilon” mahalla fuqarolar yigʻini (MFY) “Sarchashma” mahalla fuqarolar yigʻini (MFY) “Sayyod” mahalla fuqarolar yigʻini (MFY) “Koʻl” mahalla fuqarolar yigʻini (MFY) “Hisor” mahalla fuqarolar yigʻini (MFY) “Xitoy” mahalla fuqarolar yigʻini (MFY) “Hisorak” mahalla fuqarolar yigʻini (MFY) Yakkabogʻ tumani “Tatar” mahalla fuqarolar yigʻini (MFY) “Xonaqa” mahalla fuqarolar yigʻini (MFY) “Ishkent” mahalla fuqarolar yigʻini (MFY) “Daryo” mahalla fuqarolar yigʻini (MFY) 5. Navoiy viloyati Zarafshon shahri “Daugiztov” mahalla fuqarolar yigʻini (MFY) Xatirchi tumani “Angidon” mahalla fuqarolar yigʻini (MFY) “Langar” mahalla fuqarolar yigʻini (MFY) “Sangijumong” mahalla fuqarolar yigʻini (MFY) “Qoʻrgʻontepa” mahalla fuqarolar yigʻini (MFY) Uchquduq tumani “Altintov” ovul fuqarolar yigʻini (OFY) “Uzunquduq” ovul fuqarolar yigʻini (OFY) “Bozdun” ovul fuqarolar yigʻini (OFY) “Mingbuloq” ovul fuqarolar yigʻini (OFY) Avangard ovuli (“Kukayaz” OFY tarkibida) Nurota tumani “Yangiturmush” mahalla fuqarolar yigʻini (MFY) “Qadoq” mahalla fuqarolar yigʻini (MFY) “Sentob” mahalla fuqarolar yigʻini (MFY) “Temirqovuq” mahalla fuqarolar yigʻini (MFY) “Qizilcha” mahalla fuqarolar yigʻini (MFY) “Suvliq” mahalla fuqarolar yigʻini (MFY) “Kattasoy” mahalla fuqarolar yigʻini (MFY) “Boʻston” mahalla fuqarolar yigʻini (MFY) “Tinchlik” mahalla fuqarolar yigʻini (MFY) Konimex tumani “Sarjal” ovul fuqarolar yigʻini (OFY) “Yangiqazgʻan” qishloq fuqarolar yigʻini (QFY) “Qaragʻata” qishloq fuqarolar yigʻini (QFY) “Ushtobe” ovul fuqarolar yigʻini (OFY) “Boymurat” ovul fuqarolar yigʻini (OFY) Tomdi tumani “Ayaqquduq” ovul fuqarolar yigʻini (OFY) “Keregetov” ovul fuqarolar yigʻini (OFY) “Koriz” ovul fuqarolar yigʻini (OFY) “Suketti” ovul fuqarolar yigʻini (OFY) “Sharq” ovul fuqarolar yigʻini (OFY) “Shiyeli” ovul fuqarolar yigʻini (OFY) 6. Namangan viloyati Pop tumani “Guliston” mahalla fuqarolar yigʻini (MFY) “Yuqori Chodak boshi” mahalla fuqarolar yigʻini (MFY) “Qoʻshchinor” mahalla fuqarolar yigʻini (MFY) “Navbahor” mahalla fuqarolar yigʻini (MFY) Oltinkon shaharchasi (“Yuqori chodak boshi” va “Chodakboshi” MFY tarkibida) 7. Samarqand viloyati Kattaqoʻrgʻon tumani “Bunyodkor” mahalla fuqarolar yigʻini (MFY) “Jizmonsoy” mahalla fuqarolar yigʻini (MFY) Qoʻshrabot tumani “Toz” mahalla fuqarolar yigʻini (MFY) “Yangi qishloq” mahalla fuqarolar yigʻini (MFY) “Oʻrta-soy” mahalla fuqarolar yigʻini (MFY) “Jonbuloq” mahalla fuqarolar yigʻini (MFY) “Qoʻshtamgʻali” mahalla fuqarolar yigʻini (MFY) “Urganji” mahalla fuqarolar yigʻini (MFY) “Oqchobsoy” mahalla fuqarolar yigʻini (MFY) “Minishkor” mahalla fuqarolar yigʻini (MFY) Bogʻojat qishlogʻi (“Toz” MFY tarkibida) Nurobod tumani “Tepaqul” mahalla fuqarolar yigʻini (MFY) “Saroy” mahalla fuqarolar yigʻini (MFY) “Sazagʻon” mahalla fuqarolar yigʻini (MFY) “Omondara” mahalla fuqarolar yigʻini (MFY) “Jom” mahalla fuqarolar yigʻini (MFY) “Sahoba” mahalla fuqarolar yigʻini (MFY) “Jarquduq” mahalla fuqarolar yigʻini (MFY) Sepqi qishlogʻi (“Buloqboshi” MFY tarkibida) “Navbahor” mahalla fuqarolar yigʻini (MFY) “Agʻron” mahalla fuqarolar yigʻini (MFY) “Arabota” mahalla fuqarolar yigʻini (MFY) “Bunyodkor” mahalla fuqarolar yigʻini (MFY) Paxtachi tumani “Chashma” mahalla fuqarolar yigʻini (MFY) Payariq tumani “Nakurt” mahalla fuqarolar yigʻini (MFY) 8. Surxondaryo viloyati Muzrabot tumani “Chegarachi” mahalla fuqarolar yigʻini (MFY) Sherobod tumani “Chorbogʻ” mahalla fuqarolar yigʻini (MFY) “Vandob” mahalla fuqarolar yigʻini (MFY) “Uzunsoy” mahalla fuqarolar yigʻini (MFY) “Qizil olma” mahalla fuqarolar yigʻini (MFY) Termiz tumani “Gulbahor” mahalla fuqarolar yigʻini (MFY) Oltinsoy tumani “Xoʻjaipok” mahalla fuqarolar yigʻini (MFY) Boysun tumani “Qizilnavr” mahalla fuqarolar yigʻini (MFY) “Xoʻjaidod” mahalla fuqarolar yigʻini (MFY) “Dehibolo” mahalla fuqarolar yigʻini (MFY) “Obikor” mahalla fuqarolar yigʻini (MFY) “Oʻrmonchi” mahalla fuqarolar yigʻini (MFY) “Chilonzor” mahalla fuqarolar yigʻini (MFY) “Munchoq” mahalla fuqarolar yigʻini (MFY) Uzun tumani “Xursand” mahalla fuqarolar yigʻini (MFY) “Madaniy turmush” mahalla fuqarolar yigʻini (MFY) “Toltoʻgʻay” mahalla fuqarolar yigʻini (MFY) “Bobotogʻ” mahalla fuqarolar yigʻini (MFY) “Yangiobod” mahalla fuqarolar yigʻini (MFY) “Xoʻjaqulsin” mahalla fuqarolar yigʻini (MFY) “Oʻrmonchi” mahalla fuqarolar yigʻini (MFY) “Oqmachit” mahalla fuqarolar yigʻini (MFY) “Nurli kelajak” mahalla fuqarolar yigʻini (MFY) “Jiydabuloq” mahalla fuqarolar yigʻini (MFY) “Pahlavon” mahalla fuqarolar yigʻini (MFY) Qumqoʻrgʻon tumani “Tebat” mahalla fuqarolar yigʻini (MFY) “Saxovat” mahalla fuqarolar yigʻini (MFY) Sariosiyo tumani “Sangardak” mahalla fuqarolar yigʻini (MFY) “Subhidam” mahalla fuqarolar yigʻini (MFY) “Ehtirom” mahalla fuqarolar yigʻini (MFY) “Chosh” mahalla fuqarolar yigʻini (MFY) “Xonjiza” mahalla fuqarolar yigʻini (MFY) “Maland” mahalla fuqarolar yigʻini (MFY) “Karsh” mahalla fuqarolar yigʻini (MFY) “Daragiston” mahalla fuqarolar yigʻini (MFY) “Termushobod” mahalla fuqarolar yigʻini (MFY) “Shabnam” mahalla fuqarolar yigʻini (MFY) “Bogʻisamarqand” mahalla fuqarolar yigʻini (MFY) “Nilu” mahalla fuqarolar yigʻini (MFY) Denov tumani “Chagam” mahalla fuqarolar yigʻini (MFY) “Jiydabuloq” mahalla fuqarolar yigʻini (MFY) “Pojur” mahalla fuqarolar yigʻini (MFY) “Pahlavon” mahalla fuqarolar yigʻini (MFY) “Yoshlik” mahalla fuqarolar yigʻini (MFY) “Kukabuloq” mahalla fuqarolar yigʻini (MFY) “Kuyovsuv” mahalla fuqarolar yigʻini (MFY) “Fayzabod” mahalla fuqarolar yigʻini (MFY) “Oybarak” mahalla fuqarolar yigʻini (MFY) “Ushor” mahalla fuqarolar yigʻini (MFY) “Rizq-nasiba” mahalla fuqarolar yigʻini (MFY) “Dashti-chinor” mahalla fuqarolar yigʻini (MFY) Shoʻrchi tumani “Tamshush” mahalla fuqarolar yigʻini (MFY) 9. Sirdaryo viloyati Mirzaobod tumani “Yoʻldoshobod” mahalla fuqarolar yigʻini (MFY) “Bahoriston” mahalla fuqarolar yigʻini (MFY) 10. Toshkent viloyati Bekobod tumani “Nayman” mahalla fuqarolar yigʻini (MFY) “Uyas” mahalla fuqarolar yigʻini (MFY) “Achamayli” mahalla fuqarolar yigʻini (MFY) Parkent tumani “Tolbuloq” mahalla fuqarolar yigʻini (MFY) “Fayzobod” mahalla fuqarolar yigʻini (MFY) “Oydin” mahalla fuqarolar yigʻini (MFY) Ohangaron tumani “Chinor” mahalla fuqarolar yigʻini (MFY) “Chetsuv” mahalla fuqarolar yigʻini (MFY) “Koʻksaroy” mahalla fuqarolar yigʻini (MFY) “Goʻshsoy” mahalla fuqarolar yigʻini (MFY) Boʻstonliq tumani “Bolodala” mahalla fuqarolar yigʻini (MFY) “Algʻabas” mahalla fuqarolar yigʻini (MFY) “Novabod” mahalla fuqarolar yigʻini (MFY) “Yakka-tut” mahalla fuqarolar yigʻini (MFY) “Burchmulla” mahalla fuqarolar yigʻini (MFY) “Bogʻiston” mahalla fuqarolar yigʻini (MFY) “Nanay” mahalla fuqarolar yigʻini (MFY) “Dadaboyev” mahalla fuqarolar yigʻini (MFY) “Uzun” mahalla fuqarolar yigʻini (MFY) “Pskom” mahalla fuqarolar yigʻini (MFY) 11. Fargʻona viloyati Fargʻona tumani “Boy-mahalla” mahalla fuqarolar yigʻini (MFY) “Yuqori Gulshan” mahalla fuqarolar yigʻini (MFY) “Gulshan” mahalla fuqarolar yigʻini (MFY) “Guzar” mahalla fuqarolar yigʻini (MFY) “Sharq haqiqati” mahalla fuqarolar yigʻini (MFY) “Ulugʻbek” mahalla fuqarolar yigʻini (MFY) “Soyboʻyi” mahalla fuqarolar yigʻini (MFY) “Yuqori Archa” mahalla fuqarolar yigʻini (MFY) “Qurilish” mahalla fuqarolar yigʻini (MFY) “Pastki Archa” mahalla fuqarolar yigʻini (MFY) “Chimyon” mahalla fuqarolar yigʻini (MFY) “Shifokor” mahalla fuqarolar yigʻini (MFY) “Mindon” mahalla fuqarolar yigʻini (MFY) “Qoʻriq” mahalla fuqarolar yigʻini (MFY) “Fargʻona” mahalla fuqarolar yigʻini (MFY) “Xonqiz” mahalla fuqarolar yigʻini (MFY) “Yangi yoʻl” mahalla fuqarolar yigʻini (MFY) “Maydon” mahalla fuqarolar yigʻini (MFY) “Qoʻrgʻontepa” mahalla fuqarolar yigʻini (MFY) “Hosilot” mahalla fuqarolar yigʻini (MFY) “Shohimardon” mahalla fuqarolar yigʻini (MFY) “Yordon” mahalla fuqarolar yigʻini (MFY) Rishton tumani “Choʻngʻara” mahalla fuqarolar yigʻini (MFY) Soʻx tumani “Istiqlol” mahalla fuqarolar yigʻini (MFY) “Yangiariq” mahalla fuqarolar yigʻini (MFY) “Sarikanda” mahalla fuqarolar yigʻini (MFY) “Saribozorcha” mahalla fuqarolar yigʻini (MFY) “Qalʼa” mahalla fuqarolar yigʻini (MFY) “Oftobru” mahalla fuqarolar yigʻini (MFY) “Navobod” mahalla fuqarolar yigʻini (MFY) “Mulgon” mahalla fuqarolar yigʻini (MFY) “Chumoqcha” mahalla fuqarolar yigʻini (MFY) “Guliston”mahalla fuqarolar yigʻini (MFY) “Demursad” mahalla fuqarolar yigʻini (MFY) “Chashma” mahalla fuqarolar yigʻini (MFY) “Zangat” mahalla fuqarolar yigʻini (MFY) “Qizilqiyoq” mahalla fuqarolar yigʻini (MFY) Tariq qishlogʻi (“Chashma” MFY tarkibida) “Hushyor” mahalla fuqarolar yigʻini (MFY) “Sharqobod” mahalla fuqarolar yigʻini (MFY) Umabara qishlogʻi (“Devayron” MFY tarkibida) “Devayron” mahalla fuqarolar yigʻini (MFY) “Lenbur” mahalla fuqarolar yigʻini (MFY) “Tul” mahalla fuqarolar yigʻini (MFY) “Qalʼacha” mahalla fuqarolar yigʻini (MFY) “Gʻaznob” mahalla fuqarolar yigʻini (MFY) “Sohibkor” mahalla fuqarolar yigʻini (MFY) “Sebzor” mahalla fuqarolar yigʻini (MFY) “Hazrat Ali” mahalla fuqarolar yigʻini (MFY) 12. Xorazm viloyati Qoʻshkoʻpir tumani “Arablar” mahalla fuqarolar yigʻini (MFY) Tuproqqalʼa tumani “Nukus” mahalla fuqarolar yigʻini (MFY) “Hazorasp” mahalla fuqarolar yigʻini (MFY) “Tuproqqalʼa maskani” mahalla fuqarolar yigʻini (MFY) “Sarimoy” mahalla fuqarolar yigʻini (MFY) ” .

11. Vazirlar Mahkamasining 2020-yil 25-martdagi 182-son qarori bilan tasdiqlangan Uy-joy sotib olish uchun fuqarolarga subsidiya toʻlash tartibi toʻgʻrisidagi nizomda :

a) 2-bandning oʻn uchinchi xatboshisidagi “toʻlanadigan fuqarolarni tanlab olish” soʻzlari “toʻlanishini muvofiqlashtirish” soʻzlari bilan almashtirilsin;

b) 7-bandda :

ikkinchi xatboshidagi “Ijtimoiy himoya milliy agentligi, Adliya vazirligi, Kadastr agentligi, Kambagʻallikni qisqartirish va bandlik vazirligi, Soliq qoʻmitasi” soʻzlari “Vazirlar Mahkamasi huzuridagi Migratsiya agentligi, Iqtisodiyot va moliya vazirligi, Ijtimoiy himoya milliy agentligi, Adliya vazirligi, Kadastr agentligi, Soliq qoʻmitasi va ishtirok etuvchi tijorat banklari” soʻzlari bilan almashtirilsin;

uchinchi xatboshi chiqarib tashlansin;

v) 10-bandda :

uchinchi xatboshi quyidagi tahrirda bayon qilinsin:

“Ayrim toifadagi shaxslar (Oʻzbekiston Respublikasi Prezidenti Davlat xavfsizlik xizmati, Oʻzbekiston Respublikasi Davlat xavfsizlik xizmati, Mudofaa vazirligi, Ichki ishlar vazirligi, Milliy gvardiya va boshqa harbiy tuzilmalar xodimlari (harbiy xizmatchilaridan tashqari) va davlat hisobidan uy-joylar bilan taʼminlanmagan nafaqadagi harbiy xizmatchilar tomonidan oylik daromadlari toʻgʻrisidagi maʼlumotnoma Davlat xizmatlari markaziga taqdim etiladi”;

quyidagi mazmundagi toʻrtinchi xatboshi bilan toʻldirilsin:

“Bunda harbiy tuzilmalari xodimlarining daromadlarini tasdiqlovchi maʼlumotnomaga asosan Davlat xizmatlari markazining masʼul xodimi ushbu markaz elektron platformasiga harbiy tuzilma xodimlarining oylik daromadlarini oylar kesimida kiritadi hamda mazkur maʼlumotnomani “PDF” shaklda yuklaydi”;

toʻrtinchi — oltinchi xatboshilar tegishlicha beshinchi — yettinchi xatboshilar deb hisoblansin;

g) 14-bandning uchinchi va toʻrtinchi xatboshilari quyidagi tahrirda bayon qilinsin:

“Ariza beruvchining arizasi ushbu Nizomning 7-bandida nazarda tutilgan masʼul tashkilotlarning maʼlumotlar bazasi orqali ijtimoiy mezonlarga muvofiqligi “subsidiya.idm.uz” dasturiy taʼminot tizimi orqali avtomat ravishda aniqlanadi.

Ariza baholash jarayonidan oʻtkazilishidan oldin “FHDY yagona elektron arxivi” maʼlumotlar bazasidan ariza beruvchi va uning turmush oʻrtogʻi oʻrtasida nikoh tuzilgani hamda arizada koʻrsatilgan yaqin qarindoshlarining ariza beruvchi bilan qarindoshlik darajasini aniqlash uchun Adliya vazirligining maʼlumotlar bazasiga yuboriladi”;

d) 15-band quyidagi tahrirda bayon qilinsin:

“15. Davlat xizmatlari markazi, komissiya hamda masʼul tashkilotlar oʻrtasida axborot almashinuvi elektron raqamli imzoni (keyingi oʻrinlarda — ERI) majburiy tartibda qoʻllash orqali faqat idoralararo oʻzaro elektron bogʻlanish yordamida amalga oshiriladi.

Masʼul tashkilot rahbarlari tomonidan “subsidiya.idm.uz” dasturiy taʼminot tizimida ariza beruvchini ijtimoiy mezonlar boʻyicha baholash natijalarini kuzatib turish uchun masʼul xodim ichki buyruq asosida biriktiriladi.

Biriktirish toʻgʻrisidagi maʼlumotlar tizim administratoriga elektron shaklda yuborilishi uchun komissiya kotibiga taqdim etiladi.

Ariza beruvchining ijtimoiy mezonlarga muvofiqligini quyidagi ketma-ketlikda masʼul tashkilotlarning elektron maʼlumotlar bazalari maʼlumotlari asosida integratsiyalashgan tizim orqali “subsidiya.idm.uz” dasturiy taʼminot tizimi aniqlaydi va ijtimoiy mezonlar asosida baholaydi:

a) Soliq qoʻmitasi — ariza beruvchi, shu jumladan, uning turmush oʻrtogʻi va yaqin qarindoshlarining (bunda yaqin qarindoshlari arizada koʻrsatilgan holatlarda) daromadlarini (arizada “Xorijda ish” mehnat migratsiyasi elektron dasturiy majmuasida roʻyxatdan oʻtganligi koʻrsatilgan ariza beruvchilar hamda harbiy tuzilmalarning xodimlari bundan mustasno). Bunda:

ariza beruvchi, uning turmush oʻrtogʻi va yaqin qarindoshlarining oylik daromadlari boʻyicha ball berilmagan taqdirda, ariza boshqa masʼul tashkilotlar tomonidan koʻrib chiqilmaydi va “subsidiya.idm.uz” dasturiy taʼminot tizimi tomonidan avtomat tarzda rad etiladi;

ariza beruvchi rasmiy daromad manbaiga ega boʻlmagan taqdirda, uning turmush oʻrtogʻi va yaqin qarindoshlarining daromadlari inobatga olinmaydi;

b) Kadastr agentligi — ariza beruvchi, shu jumladan, uning turmush oʻrtogʻining nomida respublikaning barcha hududlari miqyosida mulk huquqi bilan turar joyning mavjud yoki mavjud emasligi;

v) Vazirlar Mahkamasi huzuridagi Migratsiya agentligi — ariza beruvchining “Xorijda ish” mehnat migratsiyasi elektron dasturiy majmuasida roʻyxatdan oʻtganligi, xorijda vaqtincha mehnat faoliyatini amalga oshirayotgani;

g) Iqtisodiyot va moliya vazirligi — “UzASBO-2” axborot tizimi orqali ariza beruvchining olis va chekka hududda joylashgan budjet tashkilotlariga boshqa hududlardan mehnat faoliyatini amalga oshirish uchun kelgan oliy maʼlumotli mutaxassis va (yoki) tibbiyot xodimi ekanligi, shuningdek, ariza beruvchining yoshlar toifasiga mansubligi (30 yoshdan oshmagan fuqarolar);

d) Adliya vazirligi — ariza beruvchining ogʻir ijtimoiy vaziyatga tushib qolgan xotin-qizlar (beva, ajrashgan, farzandlarini toʻliqsiz oilada tarbiyalayotgan ayol) toifasiga mansubligini;

e) Ijtimoiy himoya milliy agentligi — ariza beruvchi yoki uning oila aʼzolari “Yagona milliy ijtimoiy himoya” axborot tizimining “Tibbiy-ijtimoiy ekspertiza” modulidan roʻyxatdan oʻtgani yoki oʻtmagani;

j) Ishtirok etuvchi tijorat banklari — ariza beruvchining kredit tarixi bank ichki qoidalariga muvofiqligini aniqlaydi”;

e) 16-bandda :

ikkinchi xatboshi chiqarib tashlansin;

uchinchi xatboshi ikkinchi xatboshi deb hisoblansin;

j) 17-band quyidagi tahrirda bayon qilinsin:

“17. Masʼul tashkilotlarning axborot tizimlari maʼlumotlari asosida talabgorning ijtimoiy mezonlarga muvofiqligi “subsidiya.idm.uz” dasturiy taʼminot tizimida avtomatlashtirilgan tartibda ballar koʻrinishida baholanadi.

Masʼul tashkilotlar oʻzlarining axborot tizimlari orqali taqdim qilingan har bir maʼlumotning haqqoniyligi uchun javobgar hisoblanadi”;

z) 21-band quyidagi mazmundagi ikkinchi xatboshi bilan toʻldirilsin:

“Komissiya tuman (shahar)da ipoteka kreditlari boʻyicha subsidiya olish istagida boʻlgan fuqarolarga subsidiya boʻyicha tushuntirish va maslahatlar berish bilan shugʻullanadi, subsidiya xabarnomasini olgan talabgorlarga uy-joy topishda koʻmaklashadi, ajratilgan subsidiyalar oʻzlashtirilishi yuzasidan har oyda monitoring olib boradi, shuningdek, masʼul tashkilotlarning maʼlumotlar bazasida vujudga kelgan texnik muammolarini bartaraf etish choralarini koʻradi”;

i) 5-bobning nomidagi “Komissiya tomonidan baholash” soʻzlari “Baholash” soʻzi bilan almashtirilsin;

k) 30-band quyidagi tahrirda bayon qilinsin:

“30. Ariza beruvchining arizasi uning qayd etilish ketma-ketligiga muvofiq ijtimoiy mezonlar doirasida masʼul tashkilotlarning axborot tizimlari tomonidan ijtimoiy mezonlarga muvofiq avtomat ravishda koʻrib chiqiladi va natijasi boʻyicha maʼlumot beriladi.

Masʼul tashkilotlar tomonidan elektron tizim orqali ijtimoiy mezonlar yuzasidan taqdim etilgan maʼlumoti asosida “subsidiya.idm.uz” dasturiy taʼminot tizimi orqali subsidiya berish yoki berishni rad etish toʻgʻrisida elektron QR-kod (matrik shtrixli kod) qoʻyilgan xabarnoma (talabgor harbiy xizmatchi boʻlgan taqdirda) tegishli tuman (shahar) davlat xizmatlari markaziga va YIDXPga yuboriladi”;

l) 32-band quyidagi tahrirda bayon qilinsin:

“32. Ijtimoiy mezonlar asosida baholangan ariza beruvchi 30 va undan yuqori ball toʻplagan taqdirda, talabgor sifatida tan olinib, kvartira sotib olish uchun ipoteka krediti boʻyicha subsidiya olishga haqli deb hisoblanadi.

Ariza beruvchining kredit tarixi kamida bitta ishtirok etuvchi tijorat bankining ichki talablariga muvofiq boʻlishi lozim. Bunda subsidiya ajratish toʻgʻrisidagi xabarnoma olgan talabgorning boshqa istalgan ishtirok etuvchi tijorat bankidan ipoteka kreditini olish huquqi saqlab qolinadi”;

m) 34-bandda :

“e” kichik bandning birinchi xatboshisi quyidagi tahrirda bayon qilinsin:

“e) ariza beruvchi, shu jumladan, uning turmush oʻrtogʻi va yaqin qarindoshlarining (bunda yaqin qarindoshlar arizada koʻrsatilgan hollarda) oʻrtacha oylik daromadi”;

quyidagi mazmundagi “z” kichik band bilan toʻldirilsin:

“z) ariza beruvchining kredit tarixi ishtirok etuvchi tijorat bankining ichki qoidalarida belgilangan talablarga muvofiq boʻlmaganda”;

n) 35-bandning ikkinchi xatboshisi quyidagi tahririda bayon qilinsin:

“Subsidiya ajratish rad etilgan taqdirda, avtomat ravishda rad etish sabablarini va qonunchilik hujjatlarining aniq normalarini koʻrsatgan holda QR-kod qoʻyilgan xabarnoma shakllantiriladi hamda YIDXPga elektron tarzda yuboriladi”;

o) 37-bandda :

ikkinchi xatboshi “oʻz xohishiga koʻra” soʻzlaridan keyin “YIDXP orqali elektron ariza bilan murojaat qilgan holda” soʻzlari bilan toʻldirilsin;

uchinchi va toʻrtinchi xatboshilar quyidagi tahrirda bayon qilinsin:

“Talabgorning arizasida bekor qilinishi lozim boʻlgan subsidiya ajratish toʻgʻrisidagi xabarnoma rekvizitlari koʻrsatiladi;

“Talabgorning subsidiya ajratish toʻgʻrisidagi xabarnomani bekor qilish haqidagi arizasi kelib tushgan kundan boshlab besh ish kuni ichida Iqtisodiyot va moliya vazirligi tomonidan bekor qilinadi”;

p) 1-ilovada :

I boʻlimdagi “va/yoki uning oilasining” soʻzlari “va uning turmush oʻrtogʻi, shu jumladan, yaqin qarindoshlarining (bunda yaqin qarindoshlar arizada koʻrsatilgan hollarda) oʻrtacha oylik” soʻzlari bilan almashtirilsin;

III boʻlimning 2-bandi “Masʼul organ” ustunidagi “Tuman (shahar) iqtisodiyot va moliya boʻlimi” soʻzlari “Iqtisodiyot va moliya vazirligi” soʻzlari bilan almashtirilsin;

IV boʻlimning 1-bandi “Mezonlar” ustunidagi “Tibbiy-ijtimoiy ekspertiza” elektron axborot tizimidan” soʻzlari “Yagona milliy ijtimoiy himoya” axborot tizimining “Tibbiy-ijtimoiy ekspertiza” modulidan” soʻzlari bilan almashtirilsin;

quyidagi mazmundagi V boʻlim bilan toʻldirilsin:

“ V. Ariza beruvchining kredit tarixi ishtirok etuvchi tijorat banklarining ichki qoidalariga muvofiqligi*** 1. Ariza beruvchining kredit tarixi ishtirok etuvchi tijorat banklarining ichki qoidalariga muvofiqligi — Ishtirok etuvchi tijorat banklari ” ;

izoh quyidagi mazmundagi uchinchi xatboshi bilan toʻldirilsin:

r) 3-ilovada :

ilova nomi quyidagi tahrirda bayon qilinsin:

“______ tumani (shahri)da ipoteka kreditlari boʻyicha subsidiyalar toʻlanishini muvofiqlashtirish boʻyicha komissiyaning NAMUNAVIY TARKIBI”;

2-banddagi “tuman (shahar) Xalq qabulxonasi rahbari, Komissiya raisi oʻrinbosari (kelishuv asosida)” soʻzlari “tuman (shahar) “Inson” ijtimoiy xizmatlar markazi rahbari” soʻzlari bilan almashtirilsin;

5-band quyidagi mazmundagi 5 — 7-bandlar bilan almashtirilsin:

“ 5. Lavozimiga koʻra — tuman (shahar) adliya boʻlimi boshligʻi 6. Lavozimiga koʻra — tuman (shahar) kadastrlar palatasi boshligʻi 7. Lavozimiga koʻra — tuman (shahar) iqtisodiyot va moliya boʻlimi masʼul xodimi, Komissiya kotibi ” ;

s) 4-ilovada :

2, 3 va 4-bosqichlar quyidagi tahrirda bayon qilinsin:

“ 2-bosqich Tuman (shahar) davlat xizmatlari markazi 1. Anketa-ariza va unga ilova qilingan hujjatlar tuman (shahar) davlat xizmatlari markazi tomonidan qabul qilinadi. 2. Ayrim toifadagi shaxslar murojaat etganda, ularning daromadlarini tasdiqlovchi maʼlumotnomaga asosan Davlat xizmatlari markazining masʼul xodimi ushbu markaz elektron platformasiga harbiy tuzilma xodimlarining oylik daromadlarini oylar kesimida kiritadi hamda mazkur maʼlumotnomani “PDF” shaklda yuklaydi. 3. Tuman (shahar) davlat xizmatlari arizalar qayd qilinishi navbatligiga koʻra ularni ijtimoiy mezonlar boʻyicha koʻrib chiqish uchun “subsidiya.idm.uz” dasturiy taʼminot tizimiga yuboradi va tizim orqali Soliq qoʻmitasiga, Kadastrlar palatasiga, Vazirlar Mahkamasi huzuridagi Migratsiya agentligiga, Iqtisodiyot va moliya vazirligiga, Adliya vazirligiga, Ijtimoiy himoya milliy agentligiga hamda ishtirok etuvchi tijorat banklariga hamda elektron shaklda taqdim etiladi. 1 ish kuni ichida 3-bosqich Iqtisodiyot va moliya vazirligi (“subsidiya.idm.uz” dasturiy tizimida tegishli tashkilotlarning elektron bazasidan kelib tushgan maʼlumotlar asosida avtomatlashtirilgan tarzda baholanadi) 1. Soliq toʻlovchining jismoniy shaxsning shaxsiy identifikatsiya raqami (JSH SHIR) boʻyicha ariza beruvchi, shu jumladan, uning turmush oʻrtogʻi va yaqin qarindoshlarining (bunda yaqin qarindoshlari arizada koʻrsatilgan holatlarda) daromadlarini aniqlaydi. 2. Ariza beruvchi va uning oila aʼzolari orasida “Yagona milliy ijtimoiy himoya” axborot tizimining “Tibbiy-ijtimoiy ekspertiza” modulidan nogironlik belgilangani yoki belgilanmaganini aniqlaydi. 3. Ariza beruvchining farzandlarini toʻliqsiz oilada tarbiyalayotgan ayol, beva va ajrashganlar toifasiga mansubligini “FHDYning yagona elektron arxivi” maʼlumotlar bazasidan aniqlaydi. 4. Ariza beruvchining “Xorijda ish” mehnat migratsiyasi elektron dasturiy majmuasida roʻyxatdan oʻtganligi, xorijda vaqtincha mehnat faoliyatini amalga oshirayotganligini aniqlaydi. 5. Ariza beruvchi 30 yoshdan oshmagan yoshlar toifasiga mansubligini aniqlaydi. 6. Ariza beruvchida, shu jumladan, uning turmush oʻrtogʻining nomida respublikaning barcha hududlari miqyosida mulk huquqi bilan turar joyning mavjud yoki mavjud emasligini aniqlaydi. 7. Olis va chekka hududlarda joylashgan budjet tashkilotlariga boshqa hududlardan mehnat faoliyatini amalga oshirish uchun kelgan oliy maʼlumotli mutaxassis va (yoki) tibbiyot xodimi ekanligi; Professional taʼlim tashkilotlarining muhandislik, ishlov berish va qurilish sohalaridagi maxsus fanlar boʻyicha dars berayotgan yoki oʻquv amaliyotini oʻtkazayotgan oʻqituvchilari va ishlab chiqarish taʼlim ustalari toifasiga mansubligini aniqlaydi. 2 ish kuni mobaynida Ishtirok etuvchi tijorat banklari Ariza beruvchining shaxsiy identifikatsiya raqami (JSHSHIR) orqali ishtirok ariza beruvchining kredit tarixi bankning ichki qoidalarida belgilangan talablarga muvofiqligi yoki muvofiq emasligi toʻgʻrisida maʼlumot taqdim etadi. 2 ish kuni mobaynida 4-bosqich Iqtisodiyot va moliya vazirligi (“subsidiya.idm.uz” dasturiy taʼminot tizimi) Tanlov natijalari yuzasidan “subsidiya.idm.uz” dasturiy taʼminot tizimi tomonidan avtomatik ravishda subsidiya ajratish yoki ajratishni rad etish toʻgʻrisida QR-kod qoʻyilgan subsidiya xabarnomasini tegishli tuman (shahar) davlat xizmatlari markaziga va YIDXPga elektron tarzda yuboradi. 1 ish kuni mobaynida ”;

t) 5-ilovaning 12-bandi yettinchi xatboshisi “haqiqiyligini tasdiqlayman” soʻzlaridan keyin “hamda kredit axboroti toʻgʻrisidagi” soʻzlari bilan toʻldirilsin.

12. Vazirlar Mahkamasining “Millatlararo totuvlik, bagʻrikenglik va hamjihatlikni taʼminlash boʻyicha jamoatchilik kengashlari faoliyatini tashkil etish toʻgʻrisida” 2020-yil 17-noyabrdagi 723-son qarorida :

a) nomidagi “Millatlararo totuvlik, bagʻrikenglik” soʻzlari “Umummilliy birdamlik” soʻzlari bilan almashtirilsin;

b) 1-bandning ikkinchi — beshinchi xatboshilaridagi “Millatlararo totuvlik, bagʻrikenglik” soʻzlari “Umummilliy birdamlik” soʻzlari bilan almashtirilsin;

v) 1-ilovada :

nomidagi “Millatlararo totuvlik, bagʻrikenglik” soʻzlari “Umummilliy birdamlik” soʻzlari bilan almashtirilsin;

1-banddagi “Millatlararo totuvlik, bagʻrikenglik” soʻzlari “Umummilliy birdamlik” soʻzlari bilan almashtirilsin;

3 va 4-bandlar quyidagi tahrirda bayon etilsin:

“3. Quyidagilar Jamoatchilik kengashining asosiy vazifalari hisoblanadi:

joylarda millatlararo munosabatlarni uygʻunlashtirish, jamiyatda doʻstlik, oʻzaro hamjihatlik, bagʻrikenglik va birdamlikni mustahkamlashga qaratilgan chora-tadbirlarni amalga oshirilishiga koʻmaklashish;

umummilliy birdamlik, hamjihatlik va bagʻrikenglikni taʼminlash masalalari boʻyicha davlat organlari bilan nodavlat notijorat tashkilotlari va fuqarolik jamiyatining boshqa institutlari oʻrtasida samarali hamkorlikni taʼminlashda koʻmaklashish;

millatlararo totuvlik, hamjihatlik va bagʻrikenglik sohasida davlat siyosatini hududlarda amalga oshirilishi uchun masʼul boʻlgan davlat organlari faoliyati boʻyicha jamoatchilik nazoratini olib borish;

hududlarda turli millat va elatlarning oʻziga xos xususiyatlarini saqlab qolish maqsadida joylarda etnoturizmni rivojlantirish ishlarida hamkorlik qilish;

xalq diplomatiyasi mexanizmlari orqali xorijiy mamlakatlar bilan ijtimoiy-madaniy va doʻstlik aloqalari hamda Oʻzbekistonning xalqaro maydondagi ijobiy imijini mustahkamlashda ishtirok etish va takliflar ishlab chiqish;

Oʻzbekistonning yagona xalqi hamda xorijdagi vatandoshlarning jamiyatning mushtarak maqsadlari yoʻlida birdamligi, umummilliy hamjihatlik masalalarini oʻrganish, tahlil qilish hamda takliflar tayyorlash.

4. Jamoatchilik kengashi oʻzining asosiy vazifalariga muvofiq quyidagi funksiyalarni amalga oshiradi:

umummilliy totuvlik, hamjihatlik va bagʻrikenglikni mustahkamlashga qaratilgan davlat siyosatini hududlarda izchil amalga oshirilishida koʻmaklashadi;

turli millat vakillari yashayotgan hududlar aholisining maishiy va ijtimoiy-iqtisodiy muammolarini oʻrganib, tahlil qilib boradi, ularning yechimlari boʻyicha takliflar tayyorlaydi;

jamiyatda doʻstlik, oʻzaro ishonch va tushunish muhitini asrab-avaylash hamda mustahkamlashga qaratilgan chora-tadbirlarni ishlab chiqish va amalga oshirishda ishtirok etadi;

davlat tashkilotlari va nodavlat tashkilotlar, fuqarolik jamiyati institutlari bilan hamkorlikda yoshlarni umummilliy qadriyatlar atrofida birlashtiruvchi targʻibot tadbirlarini amalga oshiradi;

millatlararo totuvlik, hamjihatlik va bagʻrikenglikni mustahkamlashga yoʻnaltirilgan ijtimoiy tashabbuslarni ragʻbatlantirish va qoʻllab-quvvatlash yuzasidan takliflar ishlab chiqadi;

aholi orasida umummilliy totuvlik, doʻstlik, birdamlik va bagʻrikenglikni taʼminlashga qaratilgan chora-tadbirlar dasturini ishlab chiqishda ishtirok etadi, uni davlat tashkilotlari va nodavlat tashkilotlar bilan hamkorlikda amalga oshirishga koʻmaklashadi;

mamlakatdagi barcha millat va elatlarning konstitutsiyaviy huquqlari va qonuniy manfaatlarini himoya qilish, ular oʻrtasida oʻzaro tushunish hamda yordam hissini kuchaytirishga zarur shart-sharoit yaratish boʻyicha joylardagi davlat organlarining faoliyatida jamoatchilik nazoratini olib boradi;

yurtimizda yashovchi turli millat va elatlar vakillarining oʻziga xos anʼanalari, urf-odatlari va rasm-rusumlarini asrab-avaylashga koʻmaklashadi;

mamlakatimizga ishlash, taʼlim olish maqsadida uzoq muddatga kelgan xorijiy fuqarolarning mahalliy shart-sharoitlarga va ijtimoiy-madaniy moslashuvini taʼminlash va umumiy manfaatlarni roʻyobga chiqarishga qaratilgan chora-tadbirlar ishlab chiqishda hamda uni oʻzaro hamkorlikda amalga oshirishda ishtirok etadi;

umummilliy manfaatlarga xizmat qiluvchi madaniy-maʼrifiy tadbirlarni tashkil etishda milliy madaniy markazlarga koʻmaklashadi;

xorijiy mamlakatlar bilan doʻstlik aloqalarini rivojlantirish boʻyicha dasturlarni ishlab chiqishda va amalga oshirishda ishtirok etadi;

mamlakatimizda tugʻilgan buyuk olim va mutafakkirlarning barhayot merosini, ularning jahon ilm-fani va madaniyati rivojiga qoʻshgan hissasini keng namoyon etish boʻyicha chora-tadbirlarni ishlab chiqishda ishtirok etadi;

yurtimiz va xorijiy mamlakatlar hududlari oʻrtasida doʻstlik, oʻzaro ishonch va birodarlik aloqalarini oʻrnatish hamda rivojlantirishda manfaatdor tashkilotlar bilan hamkorlik qiladi va koʻmaklashadi;

jamiyatda milliy, etnik omillar sababli yuzaga kelishi mumkin boʻlgan bahsli holatlarning oldini olish boʻyicha takliflar tayyorlaydi, bu boradagi ishlarni tashkil etishga koʻmaklashadi;

xorijdagi vatandoshlar jamoalari bilan hamkorlikning yangi “oʻsish nuqta”larini belgilashga qaratilgan maqsadli loyiha va dasturlar ishlab chiqishda ishtirok etadi;

xorijiy mamlakatlardagi vatandoshlarni mamlakatimizda amalga oshirilayotgan iqtisodiy, investitsiyaviy, turistik va boshqa yoʻnalishlardagi startap loyihalarda faol ishtirok etishga jalb qilish orqali ularda tarixiy Vatani rivojiga daxldorlik tuygʻusini kuchaytirishga qaratilgan takliflarni ishlab chiqadi;

oʻz vazifalarini amalga oshirishda nodavlat notijorat tashkilotlari, ommaviy axborot vositalari, shuningdek, fuqarolik jamiyatining boshqa institutlari hamda fuqarolar bilan hamkorlik qiladi;

sohaga oid mavjud muammolarning taʼsirchan yechimini nazarda tutuvchi tashabbusli loyihalarni amalga oshirish uchun davlat ijtimoiy buyurtmasini qonunchilikka muvofiq shakllantirishda Qoʻmitaga koʻmaklashadi”;

29 — 31-bandlar quyidagi tahrirda bayon etilsin:

“29. Jamoatchilik kengashining tashkiliy-texnik taʼminoti Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari tomonidan, shuningdek, qonunchilik hujjatlarida taqiqlanmagan boshqa manbalar hisobiga amalga oshiriladi.

30. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari huzuridagi Umummilliy birdamlik va hamjihatlikni taʼminlash boʻyicha jamoatchilik kengashlari oʻz vakolatiga kiruvchi masalalar boʻyicha Oʻzbekiston Respublikasi Millatlararo munosabatlar va xorijdagi vatandoshlar masalalari boʻyicha qoʻmitasi huzuridagi Jamoatchilik kengashi bilan hamkorlik qiladi.

31. Jamoatchilik kengashining qarorlari hamda Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari huzuridagi Umummilliy birdamlik va hamjihatlikni taʼminlash boʻyicha jamoatchilik kengashlarining faoliyatini tashkil etish bilan bogʻliq qarorlari yuzasidan belgilangan tartibda shikoyat qilinishi mumkin”;

g) 2-ilovada :

nomidagi “Millatlararo totuvlik, bagʻrikenglik” soʻzlari “Umummilliy birdamlik” soʻzlari bilan almashtirilsin;

1-banddagi “Millatlararo totuvlik, bagʻrikenglik” soʻzlari “Umummilliy birdamlik” soʻzlari bilan almashtirilsin;

3 va 4-bandlar quyidagi tahrirda bayon etilsin:

“3. Quyidagilar Jamoatchilik kengashining asosiy vazifalari hisoblanadi:

joylarda millatlararo munosabatlarni uygʻunlashtirish, jamiyatda doʻstlik, oʻzaro hamjihatlik, bagʻrikenglik va birdamlikni mustahkamlashga qaratilgan chora-tadbirlar amalga oshirilishiga koʻmaklashish;

umummilliy birdamlik va hamjihatlikni taʼminlash masalalari boʻyicha joylarda davlat organlari, nodavlat notijorat tashkilotlari va fuqarolik jamiyatining boshqa institutlari bilan samarali hamkorligini taʼminlashda koʻmaklashish;

millatlararo munosabatlar sohasida davlat siyosati amalga oshirilishi uchun joylarda masʼul davlat organlari faoliyati boʻyicha jamoatchilik nazoratini olib borish;

Oʻzbekistonning yagona xalqi hamda xorijdagi vatandoshlarning oʻzaro birdamligi, umummilliy hamjihatlik masalalarini oʻrganish, takliflar tayyorlash.

4. Jamoatchilik kengashi oʻzining asosiy vazifalariga muvofiq quyidagi funksiyalarni amalga oshiradi:

joylarda umummilliy totuvlik, hamjihatlik va bagʻrikenglikni mustahkamlashga qaratilgan davlat siyosatini izchil amalga oshirilishida koʻmaklashadi;

turli millat vakillari yashayotgan hududlar aholisining maishiy va ijtimoiy-iqtisodiy muammolarini oʻrganib, tahlil qilib boradi, ularning yechimlari boʻyicha takliflar tayyorlaydi;

millatlararo totuvlik, doʻstlik va hamjihatlikni qaror toptirishga yoʻnaltirilgan ijtimoiy tashabbuslarni ragʻbatlantirish va qoʻllab-quvvatlash yuzasidan takliflar tayyorlaydi;

aholi orasida umummilliy totuvlik, doʻstlik, birdamlik va bagʻrikenglikni mustahkamlashga qaratilgan chora-tadbirlarni ishlab chiqishda ishtirok etadi, uni davlat tashkilotlari va nodavlat tashkilotlar bilan hamkorlikda amalga oshirishga koʻmaklashadi;

mamlakatdagi barcha millat va elatlarning konstitutsiyaviy huquqlari va qonuniy manfaatlarini himoya qilish, ular oʻrtasida oʻzaro tushunish hamda yordam hissini kuchaytirishga zarur shart-sharoit yaratish boʻyicha davlat organlarining faoliyatida jamoatchilik nazoratini olib boradi;

hududda yashovchi turli millat va elatlar vakillarining oʻziga xos anʼanalari, urf-odatlari va rasm-rusumlarini asrab-avaylashga koʻmaklashadi;

mamlakatimizga ishlash, taʼlim olish maqsadida uzoq muddatga kelgan xorijiy fuqarolarning mahalliy shart-sharoitlarga va ijtimoiy-madaniy moslashuviga koʻmaklashishga qaratilgan tadbirlarni amalga oshirishda ishtirok etadi;

mamlakatimizda tugʻilgan buyuk olim va mutafakkirlarning barhayot merosini, ularning jahon ilm-fani va madaniyati rivojiga qoʻshgan hissasini keng namoyon etish boʻyicha chora-tadbirlarni ishlab chiqishda ishtirok etadi;

yurtimiz va xorijiy mamlakatlar hududlari oʻrtasida doʻstlik, oʻzaro ishonch va birodarlik aloqalarini oʻrnatish hamda rivojlantirish boʻyicha takliflar tayyorlaydi;

xorijiy mamlakatlardagi vatandoshlar bilan aloqalarni mustahkamlashga, ularni Oʻzbekiston taraqqiyotiga daxldorlik tuygʻusini kuchaytirishga qaratilgan takliflarni ishlab chiqadi;

oʻz vazifalarini amalga oshirishda nodavlat notijorat tashkilotlari, ommaviy axborot vositalari, shuningdek, fuqarolik jamiyatining boshqa institutlari hamda fuqarolar bilan hamkorlik qiladi;

sohaga oid mavjud muammolarning taʼsirchan yechimini nazarda tutuvchi tashabbusli loyihalarni amalga oshirish uchun davlat ijtimoiy buyurtmasini qonunchilikka muvofiq shakllantirishda Qoʻmitaga koʻmaklashadi”;

29 va 30-bandlar quyidagi tahrirda bayon etilsin:

“29. Jamoatchilik kengashining tashkiliy-texnik taʼminoti tuman (shahar) hokimliklari tomonidan, shuningdek, qonunchilik hujjatlarida taqiqlanmagan boshqa manbalar hisobiga amalga oshiriladi.

30. Tumanlar (shaharlar) hokimliklari huzuridagi Umummilliy birdamlik va hamjihatlikni taʼminlash boʻyicha jamoatchilik kengashlari oʻz vakolatiga kiruvchi masalalar boʻyicha Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari huzuridagi Umummilliy birdamlik va hamjihatlikni taʼminlash boʻyicha jamoatchilik kengashlari, Oʻzbekiston Respublikasi Millatlararo munosabatlar va xorijdagi vatandoshlar masalalari boʻyicha qoʻmitasi huzuridagi Jamoatchilik kengashi bilan hamkorlik qiladi”;

31-banddagi “Millatlararo totuvlik, bagʻrikenglik” soʻzlari “Umummilliy birdamlik” soʻzlari bilan almashtirilsin;

d) 3-ilovaning matni quyidagi tahrirda bayon etilsin:

“Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari huzuridagi Umummilliy birdamlik va hamjihatlikni taʼminlash boʻyicha jamoatchilik kengashlarining NAMUNAVIY TARKIBI

1. Lavozimiga koʻra — Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlari, Jamoatchilik kengashi raisi 2. Lavozimiga koʻra — Qoraqalpogʻiston Respublikasi Vazirlar Kengashi Raisining, viloyatlar va Toshkent shahri hokimlarining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosarlari, Jamoatchilik kengashi raisi oʻrinbosari 3. Lavozimiga koʻra — Qoraqalpogʻiston Respublikasi Vazirlar Kengashi Raisi oʻrinbosari — Oila va xotin-qizlar qoʻmitasi raisi, viloyatlar va Toshkent shahri hokimlari oʻrinbosarlari — oila va xotin-qizlar boshqarmalari boshliqlari 4. Lavozimiga koʻra — Qoraqalpogʻiston Respublikasi adliya vaziri, viloyatlar va Toshkent shahri adliya boshqarmalari boshliqlari 5. Lavozimiga koʻra — Oʻzbekiston mahallalari uyushmasi hududiy boshqarmalari boshliqlari 6. Lavozimiga koʻra — Yoshlar ishlari agentligining Qoraqalpogʻiston Respublikasi, viloyatlar va Toshkent shahri boshqarmalari boshliqlari 7. Lavozimiga koʻra — Respublika Maʼnaviyat va maʼrifat markazining Qoraqalpogʻiston Respublikasi, viloyatlar va Toshkent shahri boʻlimlari rahbarlari 8. Lavozimiga koʻra — Oʻzbekiston Milliy teleradiokompaniyasining hududiy teleradiokompaniyalari rahbarlari 9. Lavozimiga koʻra — Milliy madaniy markazlar rahbarlari va faollari 10. Kelishuvga asosan — nodavlat notijorat tashkilotlari va ommaviy axborot vositalarining vakillari 11. Kelishuvga asosan — fan va madaniyat namoyandalari 12. Kelishuvga asosan — fuqarolik jamiyati institutlarining vakillari 13. Lavozimiga koʻra — Qoraqalpogʻiston Respublikasi Vazirlar Kengashi Raisining, viloyatlar va Toshkent shahri hokimlarining jamoat va diniy tashkilotlar bilan aloqalar boʻyicha oʻrinbosarlari, Jamoatchilik kengashi kotibi

e) 4-ilovaning matni quyidagi tahrirda bayon etilsin:

“Tuman (shahar) hokimliklari huzuridagi Umummilliy birdamlik va hamjihatlikni taʼminlash boʻyicha jamoatchilik kengashlarining NAMUNAVIY TARKIBI

1. Lavozimiga koʻra — tuman (shahar) hokimlari, Jamoatchilik kengashi raisi 2. Lavozimiga koʻra — tuman (shahar) hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosari, Jamoatchilik kengashi raisi oʻrinbosari 3. Lavozimiga koʻra — tuman hokimining oʻrinbosari — Oila va xotin-qizlar boʻlimi boshliqlari 4. Lavozimiga koʻra — tuman (shahar) Adliya boʻlimi boshligʻi 5. Lavozimiga koʻra — Yoshlar ishlari agentligining tuman (shahar) boʻlimi boshligʻi 6. Lavozimiga koʻra — Respublika Maʼnaviyat va maʼrifat markazining tuman (shahar) boʻlimlari rahbarlari 7. Kelishuvga asosan — fan va madaniyat namoyandalari 8. Lavozimiga koʻra — Milliy madaniy markazlar rahbarlari va faollari 9. Kelishuvga asosan — nodavlat notijorat tashkilotlari va ommaviy axborot vositalarining vakillari 10. Kelishuvga asosan — fuqarolik jamiyatining boshqa institutlari vakillari 11. Lavozimiga koʻra — Oʻzbekiston mahallalari uyushmasi tuman (shahar) boʻlimi boshligʻi, Jamoatchilik kengashi kotibi

13. Vazirlar Mahkamasining 2021-yil 28-avgustdagi 548-son qarori bilan tasdiqlangan Hokimning jamoat va diniy tashkilotlar bilan aloqalar boʻyicha oʻrinbosarining funksional vazifalari toʻgʻrisidagi namunaviy nizomda :

a) 3-banddagi “Kengashi oldida hisobdordir” soʻzlari “Kengashi, shuningdek, hududdagi millatlararo munosabatlar va xorijdagi vatandoshlar masalalari yuzasidan vakolatli organ oldida hisobdordir” soʻzlari bilan almashtirilsin;

b) 7-bandning beshinchi xatboshisi quyidagi tahrirda bayon etilsin:

“jamiyatda umummilliy birdamlik, hamjihatlik va bagʻrikenglikni hamda xorijdagi vatandoshlar bilan aloqalarni mustahkamlash, shuningdek xorijiy davlatlar hududlari bilan doʻstlik va birodarlik munosabatlarini rivojlantirish”;

v) 8-bandning “g” kichik bandi quyidagi tahrirda bayon etilsin:

“g) jamiyatda umummilliy birdamlik, hamjihatlik va bagʻrikenglikni hamda xorijdagi vatandoshlar bilan aloqalarni mustahkamlash, shuningdek xorijiy davlatlar hududlari bilan doʻstlik va birodarlik munosabatlarini rivojlantirish sohasida:

millatlararo munosabatlar va xorijdagi vatandoshlar bilan aloqalarni mustahkamlashga qaratilgan davlat siyosatini hududda izchil amalga oshirilishini taʼminlaydi;

Oʻzbekiston Respublikasi Millatlararo munosabatlar va xorijdagi vatandoshlar masalalari boʻyicha qoʻmitasiga yuklangan vazifalarning hududlarda sifatli bajarilishini tashkil etadi va taʼsirchan nazoratni amalga oshiradi;

hududlarda umummilliy totuvlik va xorijdagi vatandoshlar bilan aloqalarning mavjud holati, uni yanada mustahkamlash istiqbollari toʻgʻrisida tegishli axborot, axborot-tahliliy hujjatlar va hisobotlarni Oʻzbekiston Respublikasi Millatlararo munosabatlar va xorijdagi vatandoshlar masalalari boʻyicha qoʻmitasiga kiritadi;

millatlararo munosabatlar va xorijdagi vatandoshlar bilan aloqalarni mustahkamlash sohasini rivojlantirish va hududlarning muammoli masalalarini hal qilish boʻyicha dastur, chora-tadbirlar rejasi, “yoʻl xaritalari” va boshqa hujjatlar ijrosini taʼminlaydi;

hududdagi aholi oʻrtasida umummilliy birdamlik, hamjihatlik va bagʻrikenglikni taʼminlashga qaratilgan chora-tadbirlarni ishlab chiqadi, davlat organlari va nodavlat tashkilotlar bilan hamkorlikda amalga oshiradi;

mamlakatimizga ishlash, taʼlim olish maqsadida uzoq muddatga kelgan xorijiy fuqarolarning mahalliy shart-sharoitlarga va ijtimoiy-madaniy moslashuvini taʼminlash choralarini koʻradi;

hududlarda milliy madaniy markazlar umummilliy hamjihatlikni mustahkamlashga qaratilgan faoliyatini amalga oshirishiga koʻmaklashadi;

xorijiy davlatlar hududlari bilan doʻstlik va birodarlik aloqalarini rivojlantirish choralarini koʻradi”.

14. Vazirlar Mahkamasining “Xalqlar doʻstligi” koʻkrak nishonini taʼsis etish toʻgʻrisida” 2021-yil 1-iyundagi 335-son qarorida :

a) 3-banddagi “Vazirlar Mahkamasi huzuridagi Millatlararo munosabatlar va xorijiy mamlakatlar bilan doʻstlik aloqalari qoʻmitasining” soʻzlari “Oʻzbekiston Respublikasi Millatlararo munosabatlar va xorijdagi vatandoshlar masalalari boʻyicha qoʻmitasining” soʻzlari bilan almashtirilsin;

b) 1-ilovada :

5-banddagi “Oʻzbekiston Respublikasi Vazirlar Mahkamasi huzurida Millatlararo munosabatlar va xorijiy mamlakatlar bilan doʻstlik aloqalari qoʻmitasiga” soʻzlari “Oʻzbekiston Respublikasi Millatlararo munosabatlar va xorijdagi vatandoshlar masalalari boʻyicha qoʻmitasiga” soʻzlari bilan almashtirilsin;

6-banddagi “Oʻzbekiston Respublikasi Vazirlar Mahkamasi huzuridagi Millatlararo munosabatlar va xorijiy mamlakatlar bilan doʻstlik aloqalari qoʻmitasining” soʻzlari “Oʻzbekiston Respublikasi Millatlararo munosabatlar va xorijdagi vatandoshlar masalalari boʻyicha qoʻmitasining” soʻzlari bilan almashtirilsin;

ilovada :

2-bosqichning “Tadbirlar” ustunidagi “Oʻzbekiston Respublikasi Vazirlar Mahkamasi huzuridagi Millatlararo munosabatlar va xorijiy mamlakatlar bilan doʻstlik aloqalari qoʻmitasiga” soʻzlari “Oʻzbekiston Respublikasi Millatlararo munosabatlar va xorijdagi vatandoshlar masalalari boʻyicha qoʻmitasiga” soʻzlari bilan almashtirilsin;

3 — 5-bosqichlarning “Subyektlar” ustunidagi “Oʻzbekiston Respublikasi Vazirlar Mahkamasi huzuridagi Millatlararo munosabatlar va xorijiy mamlakatlar bilan doʻstlik aloqalari qoʻmitasi” soʻzlari “Oʻzbekiston Respublikasi Millatlararo munosabatlar va xorijdagi vatandoshlar masalalari boʻyicha qoʻmitasi” soʻzlari bilan almashtirilsin;

v) 3-ilovada :

“Xalqlar doʻstligi” koʻkrak nishoni guvohnomasining tavsifining oʻninchi xatboshisi quyidagi tahrirda bayon etilsin:

“Pastki chiziqdan 4 millimetr quyida, markazda oraligʻi 2 millimetrli ikki satrdan iborat matn joylashgan. Birinchi satrda “Oʻzbekiston Respublikasi Millatlararo munosabatlar va”, ikkinchi satrda “xorijdagi vatandoshlar masalalari boʻyicha qoʻmitasi raisining” (“Times new Roman Bolt” shrifti, 10 kegl) soʻzlari yozilgan”;

“Xalqlar doʻstligi” koʻkrak nishoni guvohnomasi matnida “Oʻzbekiston Respublikasi Vazirlar Mahkamasi huzuridagi Millatlararo munosabatlar va xorijiy mamlakatlar bilan doʻstlik aloqalari qoʻmitasi raisining” soʻzlari “Oʻzbekiston Respublikasi Millatlararo munosabatlar va xorijdagi vatandoshlar masalalari boʻyicha qoʻmitasi raisining” soʻzlari bilan almashtirilsin.

15. Vazirlar Mahkamasining 2021-yil 7-sentabrdagi 558-son qarori bilan tasdiqlangan Oʻzbekiston Respublikasi Madaniyat vazirligi toʻgʻrisidagi nizomda :

a) 10-bandda :

uchinchi xatboshi chiqarib tashlansin;

toʻrtinchi — yigirma uchinchi xatboshilar tegishlicha uchinchi — yigirma ikkinchi xatboshilar deb hisoblansin;

b) 11-bandning oʻninchi va oʻn birinchi xatboshilari hamda 12-bandning “i” va “k” kichik bandlari chiqarib tashlansin.

16. Vazirlar Mahkamasining 2021-yil 17-sentabrdagi 572-son qarori bilan tasdiqlangan Maktabgacha, umumiy oʻrta, oʻrta maxsus, professional va maktabdan tashqari taʼlim tashkilotlari pedagog kadrlarini attestatsiyadan oʻtkazish tartibi toʻgʻrisidagi nizomda :

a) 8-band quyidagi tahrirda bayon etilsin:

“8. Quyidagi pedagog kadrlarga malaka toifasi (lavozim) toʻgʻridan-toʻgʻri (attestatsiyadan oʻtkazilmasdan) beriladi:

a) Oʻzbekiston Respublikasi Maktabgacha va maktab taʼlimi vazirligi tomonidan roʻyxati tasdiqlanadigan sport musobaqalarining:

xalqaro hamda respublika bosqichida 3-oʻrinni egallagan tarbiyalanuvchisini tayyorlagan maktabgacha taʼlim tashkilotlarining jismoniy tarbiya yoʻriqchilariga — ikkinchi malaka toifasi (katta oʻqituvchi lavozimi);

xalqaro hamda respublika bosqichida 2-oʻrinni egallagan tarbiyalanuvchisini tayyorlagan maktabgacha taʼlim tashkilotlarining jismoniy tarbiya yoʻriqchilariga — birinchi malaka toifasi (yetakchi oʻqituvchi lavozimi);

xalqaro hamda respublika bosqichida 1-oʻrinni egallagan tarbiyalanuvchisini tayyorlagan maktabgacha taʼlim tashkilotlarining jismoniy tarbiya yoʻriqchilariga — oliy malaka toifasi (bosh oʻqituvchi lavozimi);

b) belgilangan tartibda tasdiqlanadigan xalqaro va respublika miqyosidagi sport hamda ommaviy jismoniy tarbiya tadbirlarining respublika, hududiy va jismoniy tarbiya-sport tashkilotlari kalendar-rejalariga kiritiladigan, shuningdek, Oʻzbekiston Respublikasi hududida oʻtkaziladigan xalqaro va respublika miqyosidagi rasmiy sport yoki ommaviy jismoniy tarbiya tadbirlari roʻyxatiga kiritilgan sport musobaqalarining:

xalqaro hamda respublika bosqichida 3-oʻrinni egallagan oʻquvchisini tayyorlagan taʼlim tashkilotlari jismoniy tarbiya fani oʻqituvchilariga — ikkinchi malaka toifasi (katta oʻqituvchi lavozimi);

xalqaro hamda respublika bosqichida 2-oʻrinni egallagan oʻquvchisini tayyorlagan taʼlim tashkilotlari jismoniy tarbiya fani oʻqituvchilariga — birinchi malaka toifasi (yetakchi oʻqituvchi lavozimi);

xalqaro hamda respublika bosqichida 1-oʻrinni egallagan oʻquvchisini tayyorlagan taʼlim tashkilotlari jismoniy tarbiya fani oʻqituvchilariga — oliy malaka toifasi (bosh oʻqituvchi lavozimi);

v) jismoniy tarbiya fani olimpiadasining, shuningdek, “Besh tashabbus olimpiadasi”, olimpiya, noolimpiya va milliy sport turlari boʻyicha uch bosqichli umumrespublika sport musobaqalarining:

respublika (final) bosqichida 3-oʻrinni egallagan oʻquvchisini tayyorlagan taʼlim tashkilotlarining jismoniy tarbiya fani oʻqituvchilariga — ikkinchi malaka toifasi (katta oʻqituvchi lavozimi);

respublika (final) bosqichida 2-oʻrinni egallagan oʻquvchisini tayyorlagan taʼlim tashkilotlarining jismoniy tarbiya fani oʻqituvchilariga — birinchi malaka toifasi (yetakchi oʻqituvchi lavozimi);

respublika (final) bosqichida 1-oʻrinni egallagan oʻquvchisini tayyorlagan taʼlim tashkilotlarining jismoniy tarbiya fani oʻqituvchilariga — oliy malaka toifasi (bosh oʻqituvchi lavozimi);

g) xalqaro matematika (IMO), fizika (IPhO), kimyo (IChO), biologiya (IBO) informatika (IOI) olimpiadalarida oltin, kumush yoki bronza medalni (birinchi, ikkinchi va uchinchi oʻrinni) qoʻlga kiritgan sovrindor oʻquvchini tayyorlagan taʼlim tashkilotlarining pedagog kadrlariga — oliy malaka toifasi (bosh oʻqituvchi lavozimi)”;

b) 32-bandning toʻrtinchi xatboshisi “muddatda” soʻzidan keyin “(agar murojaatni oʻrganish uchun qoʻshimcha vaqt talab etilsa, uni koʻrib chiqish muddati bir oyga uzaytirilishi mumkin)” soʻzlari bilan toʻldirilsin;

v) 44-bandning “d” kichik bandi uchinchi xatboshisidagi “oʻqituvchi” soʻzi “egallab turgan” soʻzlari bilan almashtirilsin;

g) 52-bandning uchinchi xatboshisi quyidagi tahrirda bayon etilsin:

“Apellyatsiya komissiyasiga yozma ravishda yoki vakolatli vazirlikning rasmiy veb-saytidagi murojaat etuvchi pedagog kadrning shaxsiy kabineti orqali elektron shaklda murojaat qilinadi”;

d) 53-bandning ikkinchi xatboshisi chiqarib tashlansin;

e) 58-band oʻz kuchini yoʻqotgan deb hisoblansin;

j) 60-band quyidagi tahrirda bayon etilsin:

“60. Apellyatsiya murojaatini koʻrib chiqish boʻyicha ekspertlarning xulosalari koʻrib chiqish yakunlangan zahoti murojaat etuvchi pedagog kadrning shaxsiy kabinetiga yuboriladi. Murojaat etuvchi pedagog kadrning soʻroviga koʻra Apellyatsiya komissiyasi qarorining tegishli qismidan koʻchirma taqdim etilishi mumkin”.

17. Vazirlar Mahkamasining “Alohida taʼlim ehtiyojlari boʻlgan bolalarga taʼlim berishga oid normativ-huquqiy hujjatlarni tasdiqlash toʻgʻrisida” 2021-yil 12-oktabrdagi 638-son qarorida :

a) 1-bandda :

“b” kichik bandning birinchi xatboshisidagi “Jismoniy, aqliy, sensor yoki ruhiy nuqsonlari” soʻzlari “Alohida taʼlim ehtiyojlari” soʻzlari bilan almashtirilsin;

“v” kichik band oʻz kuchini yoʻqotgan deb hisoblansin;

b) 1-ilovada :

7-bandning birinchi xatboshisidagi “pedagoglarni” soʻzi “pedagoglar va yordamchi xodim (assistent-oʻqituvchi)larni” soʻzlari bilan almashtirilsin;

11-band quyidagi tahrirda bayon etilsin:

“11. Inklyuziv taʼlim va boshlangʻich tayanch korreksion sinflar tashkil etilgan maktablar faoliyati Oʻzbekiston Respublikasi Maktabgacha va maktab taʼlimi vazirligining Oʻquvchilarni kasb-hunarga yoʻnaltirish va psixologik-pedagogik respublika tashxis markazi hamda hududiy maktabgacha va maktab taʼlimi boshqarmalari tomonidan metodik taʼminlanadi va muvofiqlashtiriladi”;

13-bandning ikkinchi xatboshisi quyidagi tahrirda bayon etilsin:

“Psixologik-tibbiy-pedagogik komissiya xulosasi:

oʻquvchilarning inklyuziv taʼlim sinflari va boshlangʻich tayanch korreksion sinflarga qabul qilinishiga;

inklyuziv taʼlim sinfi yoki boshlangʻich tayanch korreksion sinf uchun maxsus pedagog yoxud yordamchi xodim (assistent-oʻqituvchi) shtatini ajratishga asos hisoblanadi”;

20-bandda :

quyidagi mazmundagi ikkinchi xatboshi bilan toʻldirilsin:

“Agar alohida taʼlim ehtiyojiga ega boʻlgan bola qabul qilinayotgan sinf maktabda bitta va uning paralleli mavjud boʻlmasa, istisno tariqasida tuman (shahar) maktabgacha va maktab taʼlimi boʻlimining roziligi bilan ushbu sinfga 3 nafardan ortiq bola qabul qilishga yoʻl qoʻyiladi”;

ikkinchi xatboshi uchinchi xatboshi deb hisoblansin;

25-banddagi “tyutorlar (yordamchi pedagog xodimlar)” soʻzlari “yordamchi xodimlar (assistent-oʻqituvchilar)” soʻzlari bilan almashtirilsin;

26-band quyidagi tahrirda bayon etilsin:

“26. Har bir inklyuziv taʼlim sinfi yoki boshlangʻich tayanch korreksion sinf uchun:

nutqida ogʻir nuqsoni boʻlgan, kar-soqov, aqliy rivojlanishida muammolari boʻlgan oʻquvchilar bilan ishlash uchun 1,0 birlik maxsus pedagog;

eshitish, koʻrish, tutqanoq holati va tayanch-harakatida (mustaqil yura olmaydigan) nuqsoni bor oʻquvchilar bilan ishlash uchun 1,0 birlik yordamchi xodim (assistent-oʻqituvchi) ajratiladi.

Bunda maxsus pedagog ajratilishiga ehtiyoji boʻlgan bolalar bilan yordamchi xodim ajratish ehtiyoji boʻlgan bolalarning bir sinfga qabul qilinishiga yoʻl qoʻyilmaydi”;

27-band quyidagi mazmundagi ikkinchi va uchinchi xatboshilar bilan toʻldirilsin:

“Maxsus pedagog faoliyati individual taʼlim dasturlari natijadorligiga qarab baholab boriladi.

Maxsus pedagog faoliyatini baholash tartibi Maktabgacha va maktab taʼlimi vazirligi tomonidan belgilanadi.”;

29-band quyidagi tahrirda bayon etilsin:

“29. Inklyuziv taʼlim sinflari joriy qilingan maktablarga tyutor sifatida tegishli malakaga ega volontyorlar va oliy taʼlim muassasalarining pedagogika yoʻnalishidagi yuqori kurs talabalari pedagogik amaliyot davrida ixtiyoriylik asosida jalb qilinishi mumkin.

Talabalarni inklyuziv taʼlim sinflari joriy qilingan maktablarga jalb etish tartibi Oʻzbekiston Respublikasi Maktabgacha va maktab taʼlimi vazirligi hamda Oliy taʼlim, fan va innovatsiyalar vazirligi tomonidan belgilanadi”;

32-bandning ikkinchi xatboshisidagi “tyutorning” soʻzi “yordamchi xodim (assistent-oʻqituvchi)ning” soʻzlari bilan almashtirilsin;

39-band quyidagi tahrirda bayon etilsin:

“39. Oʻquvchilarning oʻquv-tarbiya jarayonida ishtirokini taʼminlash hamda ularning individual (moslashtirilgan) taʼlim dasturlarini oʻzlashtirishda yordamchi xodim (assistent-oʻqituvchi) yaqindan yordamlashadi.

Yordamchi xodim (assistent-oʻqituvchi):

oʻqituvchi koʻrsatmasiga muvofiq bolaga dars jarayonida tushunish, yozish, oʻqish va boshqa mashgʻulotlarda koʻmaklashadi;

inklyuziv sinfdagi bolalarning sinfdagi faoliyatini muntazam kuzatadi, xulq-atvordagi oʻzgarishlar yoki ehtiyojlar haqida oʻqituvchi va psixologga maʼlum qiladi;

bola ishtirok etadigan testlar, mashgʻulotlar va rivojlanishni baholash jarayonida ishtirok etadi;

bolalarning oʻziga ishonchi va ijobiy hissiyotlarini oshirishga harakat qiladi, jamoada ishlash va sinfda oʻzaro hurmat muhitini shakllantirishda faol ishtirok etadi;

tanaffus, ovqatlanish, jismoniy mashgʻulotlar va ekskursiyalarda koʻmaklashadi, boshqa bolalar bilan hamkorlikni taʼminlaydi, ijtimoiy integratsiyaga yordam beradi;

inklyuziv sinfdagi bolalar bilan ishlash jarayonini kundalik qayd etadi, ota-ona, oʻqituvchi va mutaxassislar bilan muloqotda boʻladi, foydalanilgan usullar va kuzatuv natijalarini taqdim etadi”;

44-bandning yettinchi xatboshisidagi “tyutor” soʻzi “yordamchi xodim (assistent-oʻqituvchi)” soʻzlari bilan almashtirilsin;

50-band quyidagi tahrirda bayon etilsin:

“50. Inklyuziv taʼlim sinflari va boshlangʻich tayanch korreksion sinflar Qoraqalpogʻiston Respublikasi Maktabgacha va maktab taʼlimi vazirligi, viloyatlar hamda Toshkent shahar maktabgacha va maktab taʼlimi boshqarmalari tomonidan Qoraqalpogʻiston Respublikasi Iqtisodiyot va moliya vazirligi, viloyatlar iqtisodiyot va moliya boshqarmalari bilan kelishilgan holda har yili 20-avgustgacha toʻldiriladi”;

53-band quyidagi tahrirda bayon etilsin:

“53. Inklyuziv taʼlim sinflari oʻqituvchilariga mehnatning alohida sharoitlari uchun har oyda toʻlanadigan ustama haqi sinfda alohida taʼlim ehtiyojlari boʻlgan bir nafar bola uchun tarif stavkasining 10 foizi, ikki nafar bola uchun tarif stavkasining 20 foizi, uch nafar bola uchun tarif stavkasining 30 foizi miqdorida, ikki va undan ortiq inklyuziv taʼlim sinflarida toʻrt nafar va undan ortiq bola uchun taʼlim-tarbiya ishlarini amalga oshirgan fan oʻqituvchilariga tarif stavkasining 40 foizi miqdorida belgilanadi.

Boshlangʻich tayanch korreksion sinflar oʻqituvchilari bolalar sonidan qatʼi nazar, inklyuziv sinflar yoki boshlangʻich tayanch korreksion sinflarda faoliyat yuritayotgan maxsus pedagoglarga va yordamchi xodim (assistent-oʻqituvchi)larga mehnatning alohida sharoitlari uchun har oyda toʻlanadigan ustama haqi lavozim maoshining 50 foizi miqdorida toʻlanadi”;

54-band oʻz kuchini yoʻqotgan deb hisoblansin;

v) 3-ilova oʻz kuchini yoʻqotgan deb hisoblansin;

g) 6-ilovada :

5-bandning ikkinchi xatboshisi quyidagi tahrirda bayon etilsin:

“Oʻquv kursida oʻrgatiladigan kasblarning malaka talablari Oʻzbekiston Respublikasi Prezidenti huzuridagi Ijtimoiy himoya milliy agentligi (keyingi oʻrinlarda — Agentlik) tomonidan Oliy taʼlim, fan va innovatsiyalar vazirligi, Maktabgacha va maktab taʼlimi vazirligi hamda Kambagʻallikni qisqartirish va bandlik vazirligi bilan kelishgan holda tasdiqlanadi”;

9-band , 17-bandning birinchi xatboshisi va 21-banddagi “Oʻzbekiston Respublikasi Xalq taʼlimi vazirligi” soʻzlari “Agentlik” soʻzi bilan almashtirilsin;

26-band quyidagi tahrirda bayon etilsin:

“26. Oʻquv kursi qonunchilik hujjatlariga muvofiq Agentlikning hududiy boshqarmalari buyrugʻi bilan oʻquv yili yakunida yoki oʻquv yili boshlanishidan avval qayta tashkil etiladi yoki tugatiladi”;

ilovaga izohlarning uchinchi xatboshisidagi “Oʻzbekiston Respublikasi Xalq taʼlimi vazirligi tizimidagi Oʻquvchilarni kasb-hunarga yoʻnaltirish va psixologik-pedagogik respublika tashxis markazi” soʻzlari “Oʻzbekiston Respublikasi Prezidenti huzuridagi Ijtimoiy himoya milliy agentligi” soʻzlari bilan almashtirilsin;

d) 7-ilova matni quyidagi tahrirda bayon etilsin:

“Alohida taʼlim ehtiyojlari boʻlgan bolalarning taʼlim olishi va kasb egallashiga koʻmaklashishni tashkil etish boʻyicha ishchi guruh TARKIBI

1. U. Sharifxoʻjayev — Oʻzbekiston Respublikasi Prezidenti huzuridagi Ijtimoiy himoya milliy agentligi direktori oʻrinbosari, ishchi guruh rahbari 2. F. Boqiyev — Oʻzbekiston Respublikasi maktabgacha va maktab taʼlimi vazirining oʻrinbosari, ishchi guruh rahbari oʻrinbosari 3. E. Basitxanova — Oʻzbekiston Respublikasi sogʻliqni saqlash vazirining oʻrinbosari 4. Lavozimiga koʻra — Oʻzbekiston Respublikasi oliy taʼlim, fan va innovatsiyalar vazirining oʻrinbosari 5. R. Turdiboyeva — Oʻzbekiston Respublikasi kambagʻallikni qisqartirish va bandlik vazirining oʻrinbosari 6. Lavozimiga koʻra — Oʻzbekiston Respublikasi Oila va xotin-qizlar qoʻmitasi raisining oʻrinbosari 7. Lavozimiga koʻra — Oʻzbekiston Respublikasi Yoshlar ishlari agentligi direktorining birinchi oʻrinbosari 8. R. Toʻrayev — Oʻzbekiston Respublikasi Maktabgacha va maktab taʼlimi vazirligi Inklyuziv taʼlim va mehrli maktab faoliyatini muvofiqlashtirish boʻlimi boshligʻi 9. Lavozimiga koʻra — Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlarining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosarlari 10. Lavozimiga koʻra — Oʻzbekiston Nogironlar assotsiatsiyasi raisi 11. F. Boboyev — Oʻzbekiston Respublikasi Prezidenti huzuridagi Ijtimoiy himoya milliy agentligi boshqarmasi boshligʻi, ishchi guruh kotibi ”.

18. Vazirlar Mahkamasining 2022-yil 21-fevraldagi 80-son qarori bilan tasdiqlangan Maxsus elektron tizim orqali ayrim faoliyat turlarini litsenziyalash tartibi toʻgʻrisidagi yagona nizomga 2-ilovaning 10-pozitsiyasi uchinchi ustuni quyidagi mazmundagi “d” kichik band bilan toʻldirilsin:

“d) Maktabgacha va maktab taʼlimi vazirligining xulosasi (pedagogik taʼlim yoʻnalishlarida taʼlim jarayonini tashkil etish istagidagi nodavlat oliy taʼlim xizmatlarini koʻrsatish faoliyatini litsenziyalashda) (5 ish kuni ichida)”.

19. Vazirlar Mahkamasining 2022-yil 1-iyundagi 295-son qarori bilan tasdiqlangan Eksternat tartibida imtihonlar olish uchun arizalar qabul qilish boʻyicha davlat xizmati koʻrsatishning maʼmuriy reglamentida :

a) 5-bandning ikkinchi va uchinchi xatboshilaridagi “toʻlgan” soʻzi “toʻladigan” soʻzi bilan almashtirilsin;

b) 2-ilovaning “II. Ilova qilinadigan hujjatlar” boʻlimi chiqarib tashlansin.

21. Vazirlar Mahkamasining 2022-yil 16-dekabrdagi 711-son qarori bilan tasdiqlangan “Qishloq xoʻjaligi mahsulotlarini ishlab chiqaruvchilarga subsidiya berish” axborot tizimi orqali beriladigan subsidiya turlari va ularni ajratishga masʼul boʻlgan davlat organlari roʻyxatining 20 va 21-pozitsiyalaridan “kooperatsiya tashkil etgan holda” soʻzlari chiqarib tashlansin.

22. Vazirlar Mahkamasining “Prezident, ijod, ixtisoslashtirilgan maktab va maktab-internatlarga oʻquvchilarni saralab olish hamda qabul qilish tartibiga oid normativ-huquqiy hujjatlarni tasdiqlash toʻgʻrisida” 2023-yil 27-maydagi 214-son qarorida :

a) 1-bandda :

toʻrtinchi xatboshidagi “muvofiq tasdiqlansin.” soʻzlari “muvofiq;” soʻzi bilan almashtirilsin;

quyidagi mazmundagi beshinchi xatboshi bilan toʻldirilsin:

“Oʻzbekiston Respublikasi Maktabgacha va maktab taʼlimi vazirligi huzuridagi Ixtisoslashtirilgan taʼlim muassasalari agentligi tizimidagi Xorijiy tillarga ixtisoslashtirilgan maktab-internatiga oʻquvchilarni saralab olish va qabul qilish tartibi toʻgʻrisidagi nizom 3a-ilovaga muvofiq tasdiqlansin”;

b) quyidagi mazmundagi 3a-ilova bilan toʻldirilsin:

“Vazirlar Mahkamasining 2023-yil 27-maydagi 214-son qaroriga 3a-ILOVA

Oʻzbekiston Respublikasi Maktabgacha va maktab taʼlimi vazirligi huzuridagi Ixtisoslashtirilgan taʼlim muassasalari agentligi tizimidagi Xorijiy tillarga ixtisoslashtirilgan maktab-internatiga oʻquvchilarni saralab olish va qabul qilish tartibi toʻgʻrisida

1-bob. Umumiy qoidalar

1. Mazkur Nizom Oʻzbekiston Respublikasi Maktabgacha va maktab taʼlimi vazirligi huzuridagi Ixtisoslashtirilgan taʼlim muassasalari agentligi (keyingi oʻrinlarda — Agentlik) tizimidagi Xorijiy tillarga ixtisoslashtirilgan maktab-internatiga (keyingi oʻrinlarda — ixtisoslashtirilgan maktab) maktabga tayyorlov guruhi va 1 — 11-sinflarga oʻquvchilar va bolalarni (keyingi oʻrinlarda — oʻquvchilar) saralab olish va qabul qilish tartibini belgilaydi.

2. Ixtisoslashtirilgan maktabga oʻquvchilar Agentlik tomonidan taʼlim sohasida xizmat koʻrsatuvchi ixtisoslashgan mahalliy yoki xorijiy tashkilotlar (keyingi oʻrinlarda — mahalliy yoki xorijiy tashkilotlar) bilan birgalikda oʻtkaziladigan kirish imtihonlari natijalari asosida qabul qilinadi.

3. Ixtisoslashtirilgan maktabga oʻquvchilar yillik qabul kvotasi (ikkita sinfga bir xil 24 nafardan oʻquvchi taqsimlangan, 48 nafar oʻquvchidan iborat) doirasida qabul qilinadi.

4. Ixtisoslashtirilgan maktabda 6 yoshli bolalar uchun 2 ta maktabga tayyorlov guruhi tashkil etiladi, ularga 10 nafardan 20 nafargacha bolalar qabul qilinishi mumkin.

5. Ixtisoslashtirilgan maktabga oʻquvchilar teng huquqlilik, ochiqlik, adolat va shaffoflik prinsiplari asosida mazkur Nizomga ilovada keltirilgan sxemaga muvofiq qabul qilinadi.

6. Belgilangan kvota doirasida kirish imtihonlari natijalariga koʻra eng yuqori ball toʻplagan oʻquvchilar oʻqishga qabul qilinadi.

2-bob. Qabul komissiyasi faoliyatini tashkil etish

7. Ixtisoslashtirilgan maktabga hujjatlarni qabul qilish, kirish imtihonlarini teng huquqlilik, ochiqlik, adolat va shaffoflik prinsiplari asosida tashkil etish maqsadida Agentlik hamda uning tizimidagi tashkilotlar vakillaridan iborat Qabul komissiyasi shakllantiriladi.

8. Qabul komissiyasining tarkibi Agentlik direktori buyrugʻi bilan tasdiqlanadi.

Qabul komissiyasi tarkibi 7 kishidan kam boʻlmagan toq sonda komissiya raisi, komissiya raisi oʻrinbosari, komissiya kotibi hamda uning aʼzolaridan iborat tarkibda tuziladi.

9. Qabul komissiyasi:

kirish imtihonlari materiallarini mahalliy yoki xorijiy tashkilotlar bilan birgalikda tayyorlaydi;

mahalliy yoki xorijiy tashkilotlar bilan birgalikda kirish imtihonlarining baholash mezonlari, ularni oʻtkazish vaqti hamda joylarini belgilaydi;

ixtisoslashtirilgan maktab boʻyicha tuzilgan ishchi guruh faoliyatini muvofiqlashtiradi;

hujjatlari qabul qilingan oʻquvchilarning roʻyxatini shakllantiradi, ularni kirish imtihonlari shartlariga mos ravishda guruhlarga taqsimlaydi;

kirish imtihonlarini tashkil etadi, natijalarini eʼlon qiladi.

10. Qabul komissiyasi tomonidan alohida ishchi guruh shakllantiriladi va tasdiqlanadi.

11. Ishchi guruh:

oʻquvchining hujjatlari mazkur Nizom talablari asosida taqdim etilganini koʻrib chiqadi;

koʻrib chiqish natijasida oʻquvchining hujjatlarini qabul qilish, tahrirlashga yuborish yoki qabul qilishni rad etish toʻgʻrisida qaror qabul qiladi;

hujjatlari tahrir qilishga yuborilgan yoki qabul qilinishi rad etilgan hollarda, tahrir qilishga yuborish yoki rad etilish sabablarini aniq koʻrsatgan holda, oʻquvchilarning shaxsiy kabinetiga yoki mobil uyali aloqa vositasiga SMS shaklida xabar yuboradi;

kirish imtihonlari oʻtkaziladigan joylarni talab darajasida tayyorlaydi;

oʻquvchini, uning ota-onasi (qonuniy vakili)ni kirish imtihonlari shartlari bilan tanishtiradi, kirish imtihonlari oʻtkaziladigan joyi va vaqti toʻgʻrisida shaxsiy kabinet yoki mobil uyali aloqa vositasiga SMS shaklida xabar yuborish orqali ogohlantiradi;

ixtisoslashtirilgan maktab uchun oʻtkaziladigan kirish imtihonlari hamda qabul jarayonlari boʻyicha murojaat qiluvchilarga maslahat berib boradi;

qabul qilingan hujjatlarning kunlik monitoringini yuritadi va qabul komissiyasiga kunlik axborot kiritadi;

oʻquvchilar va ularning ota-onasi (qonuniy vakili) tomonidan berilayotgan savollarga javob tayyorlash va ularni veb-sayt, ijtimoiy tarmoqlar orqali keng ommaga taqdim etish choralarini koʻradi.

3-bob. Hujjatlarni qabul qilish

12. Hujjatlarni qabul qilish boshlanishidan kamida 10 kun oldin Qabul komissiyasi tomonidan Agentlik va ixtisoslashtirilgan maktabning rasmiy veb-saytlari, ijtimoiy tarmoqlardagi sahifalarida qabul qilish tartibi, hujjatlarni topshirish muddatlari va qabul kvotalari toʻgʻrisida eʼlon qilinadi.

13. Ixtisoslashtirilgan maktabning tayyorlov guruhlari hamda 1-sinfiga oʻquvchilarning hujjatlari qabul qilinadi.

14. Xorijiy taʼlim muassasalarida oʻqiyotgan Oʻzbekiston Respublikasi fuqarolarining farzandlari ixtisoslashtirilgan maktabning tegishli sinfiga hujjat topshirishi mumkin.

Bunda oʻquvchi tomonidan (ikkinchi va undan yuqori sinflar uchun) oʻzi taʼlim olayotgan taʼlim muassasasining baholar tabeli (yoki shunga tenglashtirilgan rasmiy hujjat)ning davlat tiliga tarjima qilingan va tegishli tartibda notarial idora tomonidan tasdiqlangan shakli taqdim etiladi.

15. Oʻzbekiston Respublikasida doimiy yashayotgan fuqaroligi boʻlmagan shaxslar ixtisoslashtirilgan maktabda taʼlim olish uchun Oʻzbekiston Respublikasi fuqarolari bilan teng huquqlarga ega.

16. Chet el fuqarolarining farzandlari ixtisoslashtirilgan maktabga Oʻzbekiston Respublikasining “Taʼlim toʻgʻrisida”gi Qonuniga, boshqa qonunchilik hujjatlariga hamda ushbu Nizomga muvofiq qabul qilinadi.

17. Umumiy oʻrta taʼlim muassasasining tegishli sinfida oʻqishni toʻliq tamomlagan oʻquvchilar ixtisoslashtirilgan maktabning shunday sinfida takroran oʻqishni talab qilish huquqiga ega emas.

18. Ixtisoslashtirilgan maktabga oʻquvchilarning quyidagi hujjatlari onlayn shaklda Agentlikning rasmiy veb-sayti orqali qabul qilinadi:

imtihon ruxsatnomasini shakllantirish jarayonida foydalanish uchun oʻquvchining oxirgi 2 oy davomida tushgan fotosurati;

oʻquvchining tugʻilganlik haqida guvohnomasi va ularning ota-onasi (qonuniy vakili) fuqarolik pasporti maʼlumotlari, bogʻlanish uchun telefon raqamlari.

Hujjat topshirish jarayonida oʻquvchilarning ota-onasi (qonuniy vakili) kirish imtihonlari shartlari va talablari bilan tanishganligi toʻgʻrisidagi onlayn ofertani tasdiqlaydi.

19. Hujjatlarni belgilangan muddatlarda, toʻgʻri va sifatli taqdim etish boʻyicha masʼuliyat oʻquvchilarning ota-onasi (qonuniy vakili) zimmasiga yuklanadi.

20. Hujjatlarni qabul qilish, kirish imtihonlari yuzasidan yuborilgan (shaxsiy kabineti yoki mobil uyali aloqa vositasiga SMS) xabarlarni oʻquvchilar yoki uning ota-onasi (qonuniy vakili) tomonidan qabul qilinmasligi (oʻqimasligi, mobil uyali aloqa vositasining ishchi holatda boʻlmasligi va boshqalar) boʻyicha javobgarlik qabul komissiyasiga yuklanmaydi.

21. Oʻquvchilarning hujjatlari ishchi guruh tomonidan (24 soat ichida) koʻrib chiqilgandan soʻng ularga hujjatlar qabul qilingani, tahrir qilishga yuborilgani yoki rad etilgani toʻgʻrisida xabar yuboriladi.

22. Ushbu Nizomning 18-bandida belgilangan hujjatlar toʻliq boʻlmaganda hujjatlar tahrir qilishga yuboriladi.

23. Hujjatlar tahrir qilish uchun yuborilganda, oʻquvchilarga koʻrsatilgan kamchiliklarni bartaraf etish uchun hujjatlar qabul qilish muddati tugagunga qadar toʻgʻrilashga ruxsat beriladi.

Hujjatlarni qabul qilish muddati tugagandan soʻng maʼlumotlarni oʻzgartirishga ruxsat berilmaydi.

24. Quyidagi hollarda oʻquvchilarning hujjatlarini qabul qilish rad etiladi:

belgilangan muddatlardan keyin kirish imtihonida ishtirok etish xohishi bildirilganda;

taqdim etilgan hujjatlarning soxta ekanligi aniqlanganda;

umumiy oʻrta taʼlim muassasasining tegishli sinfida oʻqishni toʻliq tamomlagan oʻquvchilar tomonidan ixtisoslashtirilgan maktabning shu sinfida takroran oʻqish istagi bildirilganda.

25. Oʻquvchilarning ota-onasi (qonuniy vakili) hujjatlarni qabul qilish muddati tugagunga qadar taqdim etilgan arizani qaytarib olish yoki bekor qilish huquqiga ega.

4-bob. Kirish imtihonlarini tashkil etish va oʻtkazish tartibi

26. Kirish imtihonlari materiallari malakali mahalliy va xorijiy mutaxassislarni jalb etgan holda Agentlik tomonidan tayyorlanadi.

27. Kirish imtihoni har yili Qabul komissiyasi tomonidan belgilangan muddatlarda oʻtkaziladi.

28. Maktabga tayyorlov guruhi hamda 1-sinflar uchun kirish imtihonlari ikki bosqichda oʻtkaziladi.

29. Birinchi bosqich mantiqiy fikrlash boʻyicha maktabga tayyorlov guruhi uchun 10 ta, 1-sinf uchun 20 ta test shaklida oʻtkaziladi.

Birinchi bosqich imtihoni natijalari Agentlikning rasmiy veb-saytida eʼlon qilinadi.

30. Birinchi bosqich natijasiga koʻra qabul kvotasida belgilangan har bir oʻringa 5 nafar hisobidan maksimal ball toʻplagan oʻquvchilarga ikkinchi bosqichda ishtirok etishga ruxsat etiladi.

31. Birinchi bosqich natijasiga koʻra teng natijalar yuzaga kelgan hollarda, yaʼni bir nechta oʻquvchilar bir xil umumiy ball toʻplagan taqdirda, ular tugʻilgan sanasi boʻyicha saralanadi, bunda yoshroq oʻquvchilarga ustunlik beriladi.

Agarda bu holatda ham tenglik saqlanib qolsa, qabul komissiyasi tomonidan oʻquvchilarga qoʻshimcha topshiriqlar beriladi.

32. Ikkinchi bosqich psixologik va intellektual qobiliyat darajasini aniqlash boʻyicha turli darajadagi suhbatlar shaklida oʻtkaziladi.

33. Kirish imtihonlari:

a) 2 — 4-sinflar uchun bir bosqichda quyidagi fanlardan oʻtkaziladi:

2-sinf uchun matematika fanidan 15 ta, ingliz tili fanidan 10 ta test savollari shaklida;

3-sinf uchun matematika fanidan 20 ta, ingliz tili fanidan 10 ta test savollari shaklida;

4-sinf uchun matematika fanidan 20 ta, ingliz tili fanidan 15 ta test savollari shaklida;

b) 5 — 11-sinflar uchun bir bosqichda matematika fanidan 20 ta, ingliz tili fanidan 25 ta test savollari shaklida oʻtkaziladi.

34. Kirish imtihonlari yakunlari boʻyicha oʻquvchilar oʻrtasida teng natijalar yuzaga kelganda, oʻquvchilarga quyidagi tartibda ustunlik beriladi:

a) maktabga tayyorlov guruhi hamda 1-sinfda psixologik qobiliyat darajasini aniqlash yoʻnalishidagi savollar boʻyicha yuqori ball toʻplaganlar;

b) 2 — 4-sinflarda matematika fanidan yuqori ball toʻplaganlar;

v) 5 — 11-sinflarda ingliz tili fanidan yuqori ball toʻplaganlar.

35. Agar yuqorida qayd etilgan fanlar boʻyicha ham tenglik saqlanib qolsa, ular tugʻilgan sanasi boʻyicha saralanadi, bunda yoshroq oʻquvchilarga ustunlik beriladi.

Agarda bu holatda ham tenglik saqlanib qolsa, Qabul komissiyasi tomonidan oʻquvchilarga qoʻshimcha topshiriqlar beriladi.

36. Oʻquvchilar imtihonga oʻz shaxsini tasdiqlovchi hujjatning asli va imtihon ruxsatnomasi bilan kelishi lozim.

Imtihon ruxsatnomasi imtihon boshlanishidan kamida 3 (uch) kun oldin oʻquvchining kirish imtihoniga oid shaxsiy maʼlumotlari bilan birga kirish imtihonining oʻtkazish joyi, guruhi va oʻtirish oʻrni koʻrsatilgan holda uning shaxsiy kabinetiga yuboriladi.

37. Kirish imtihonlariga hujjat topshirmagan, imtihonga kechikkan yoki kelmagan oʻquvchilar uchun qoʻshimcha tanlov oʻtkazishga yoʻl qoʻyilmaydi.

38. Quyidagi holatlar oʻquvchilarni kirish imtihoni jarayonlaridan chetlashtirishga asos boʻladi:

imtihon jarayonida sogʻligi bilan muammo yuzaga kelib, imtihonni davom ettirish imkoni boʻlmagan hollarda;

boshqalardan koʻchirishga urinish va boshqa oʻquvchilarga xalaqit berish;

shpargalka, barcha turdagi mobil aloqa vositalari, kalkulyator, lugʻat, kitoblardan foydalanish.

Yuqoridagi holatlar sodir etilganda, oʻquvchilarga nisbatan tegishli dalolatnoma rasmiylashtiriladi va ular javoblar varagʻini topshirgan holda imtihonni tark etadi. Chetlashtirilgan oʻquvchilarning imtihon natijalari inobatga olinmaydi.

39. Kirish imtihonlari jarayonida oʻquvchilarning oʻzlariga bogʻliq boʻlgan holda jarayondan chetlatilishi yoki chiqib ketishi qayta imtihon oʻtkazishga asos boʻlmaydi.

5-bob. Kirish imtihonlari natijalarini eʼlon qilish

40. Kirish imtihonlari natijalari imtihon topshirilgan kundan keyin 20 kun ichida Agentlik va ixtisoslashtirilgan maktabning rasmiy veb-saytlarida eʼlon qilinadi.

41. Oʻquvchilar kirish imtihonlari natijalaridan norozi boʻlgan taqdirda, natija eʼlon qilingan vaqtdan boshlab 3 (uch) ish kuni ichida Apellyatsiya komissiyasiga ariza bilan murojaat etishga haqli.

42. Kirish imtihonlari natijalaridan norozi boʻlgan oʻquvchilarning murojaatlari Apellyatsiya komissiyasi tomonidan Agentlik direktori tomonidan belgilanadigan tartib asosida koʻrib chiqiladi.

Agentlikda tuzilgan Apellyatsiya komissiyasiga Agentlik direktori oʻrinbosari raislik qiladi.

43. Apellyatsiya komissiyasi oʻquvchilarning murojaatini 10 kun muddatda koʻrib chiqadi va arizani qanoatlantirish yoki rad qilish toʻgʻrisida murojaatchiga xulosa beradi.

44. Apellyatsiya komissiyasining norozilik arizasini qanoatlantirish toʻgʻrisidagi xulosasi oʻquvchilarga arizani koʻrib chiqish natijalari boʻyicha ball qoʻshib berilishiga asos boʻladi.

45. Apellyatsiya komissiyasiga boshqa oʻquvchilarning ishlarini koʻrib chiqish va murojaatchining ishi bilan solishtirishga ruxsat berilmaydi.

46. Oʻquvchilar va ularning ota-onasi (qonuniy vakili) berilgan javoblardan norozi boʻlgan taqdirda, belgilangan tartibda yuqori turuvchi organlarga murojaat etish huquqlariga ega.

6-bob. Oʻquvchilarni maktabga qabul qilish

47. Kirish imtihonlari natijasiga koʻra eng yuqori ball toʻplagan oʻquvchilar belgilangan qabul kvotasi doirasida ballar ketma-ketligida ixtisoslashtirilgan maktabning oʻquvchilar safiga qabul qilinadi.

48. Agentlik tomonidan tasdiqlangan qaydnomalarga asosan yangi oʻquv yili boshlangunga qadar ixtisoslashtirilgan maktab direktorining buyrugʻi asosida oʻquvchilar maktabga qabul qilinadi, mazkur Nizomning 51-bandida nazarda tutilgan hollar bundan mustasno.

49. Ixtisoslashtirilgan maktabga qabul qilinishi belgilangan oʻquvchi oʻqishni davom ettirmagan holatlarda, uning oʻrniga oʻqishga kira olmaganlar orasidan ballar ketma-ketligi boʻyicha navbatdagi oʻquvchi taklif qilinadi.

Navbatdagi oʻquvchi ballar ketma-ketligi boʻyicha undan oldingi oʻquvchining ota-onasi (qonuniy vakili) tomonidan oʻqishni maktabda davom ettirish istagi mavjud emasligini tasdiqlovchi hujjat olinganidan soʻng qabul qilinadi.

50. Belgilangan tartibda tegishli hujjatlarning asl nusxasi taqdim etilmasligi, oʻquvchi oʻqishni davom ettirish istagini bildirmasligi, maktab xodimlari murojaatlariga javob bermasligi undan keyingi oʻquvchining qabul qilinishi uchun asos boʻladi. Ushbu holat boʻyicha maktab maʼmuriyati tomonidan tegishli dalolatnoma rasmiylashtiriladi.

7-bob. Oʻquvchilar boʻsh oʻrinlarini toʻldirish

51. Ixtisoslashtirilgan maktabda oʻquv yili yakunlangandan keyin boʻshagan oʻrinlar uchun kirish imtihonlari ushbu Nizom talablariga muvofiq Agentlik tomonidan oʻtkaziladi, mos ravishda umumiy oʻrta taʼlim tashkilotlarining tegishli sinfini tamomlagan oʻquvchilardan hujjat qabul qilinadi.

8-bob. Yakunlovchi qoidalar

52. Ushbu Nizomni qoʻllashda yuzaga keladigan nizolar qonunchilik hujjatlarida belgilangan tartibda hal etiladi.

53. Ushbu Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Oʻzbekiston Respublikasi Maktabgacha va maktab taʼlimi vazirligi huzuridagi Ixtisoslashtirilgan taʼlim muassasalari agentligi tizimidagi xorijiy tillarga ixtisoslashtirilgan maktab-internatiga oʻquvchilarni saralab olish va qabul qilish tartibi toʻgʻrisidagi nizomga ILOVA

Xorijiy tillarga ixtisoslashtirilgan maktab-internatiga oʻquvchilarni saralab olish va qabul qilish SXEMASI

Bosqichlar Subyektlar Tadbirlar Bajarish muddatlari 1-bosqich Ixtisoslashtirilgan taʼlim muassasalari agentligi (keyingi oʻrinlarda — Agentlik) Hujjatlar qabuli boshlanishi toʻgʻrisida OAVda eʼlon berish Ixtisoslashtirilgan maktabga qabul qilish tartibi, hujjatlarni topshirish muddatlari va kvotalari toʻgʻrisida maʼlumot eʼlon qiladi. Hujjatlarni qabul qilish boshlanishidan 10 kun oldin 2-bosqich Oʻquvchilar tomonidan ixtisoslashtirilgan maktabga hujjatlarni topshirish Agentlik 1. Oʻquvchilarning hujjatlarini qabul qilish uchun qabul komissiyasini tuzadi. Tarkibni Agentlik direktori buyrugʻi bilan tasdiqlaydi. Hujjatlarni qabul qilish boshlanishidan oldin Qabul komissiyasi 2. Kirish imtihonlarini oʻtkazish jadvallarini tasdiqlaydi, Agentlik va ixtisoslashtirilgan maktabning rasmiy veb-saytlari, ijtimoiy tarmoqlardagi sahifalarida hamda ommaviy axborot vositalarida eʼlon qiladi. Hujjatlarni qabul qilish boshlanishidan 10 kun oldin Ishchi guruh 3. Oʻquvchilar tomonidan onlayn shaklda taqdim etilgan hujjatlarni koʻrib chiqadi. Koʻrib chiqish jarayonida hujjatlarni qabul qiladi yoki rad etadi. 20 kundan kam boʻlmagan muddatda 4. Ixtisoslashtirilgan maktabga oʻquvchilarning kirish imtihonlari yuzasidan murojaat qilgan shaxslarga maslahat berib boradi. Hujjatlarni qabul qilish davrida 3-bosqich Qabul komissiyasi, mahalliy hokimliklar (xorijiy mutaxassislarni jalb etgan holda) Imtihon oʻtkazishga tayyorgarlik koʻrish Kirish imtihonlari boshlanishidan oldin 1. Kirish imtihonlarini oʻtkazish joylarini tayyorlaydi. 2. Kirish imtihonlarining materiallarini tayyorlaydi. 4-bosqich Qabul komissiyasi mahalliy tashkilotlar bilan birgalikda Kirish imtihonlarini oʻtkazish 1. Kirish imtihonlarini oʻtkazadi. Tasdiqlangan jadval asosida 2. Kirish imtihonlari natijalarini Agentlik va ixtisoslashtirilgan maktabning rasmiy veb-saytlarida eʼlon qiladi. Imtihon topshirilgan kundan keyin 20 kun ichida 5-bosqich Qabul komissiyasi Qabul qilishni rasmiylashtirish Imtihon natijalariga asosan oʻquvchilarni maktabga oʻqishga qabul qilish haqida ixtisoslashtirilgan maktab direktorining buyrugʻini chiqaradi. Yangi oʻquv yili boshlangunga qadar 6-bosqich Qabul komissiyasi Oʻquvchilar boʻsh oʻrinlarini toʻldirish Ixtisoslashtirilgan maktabning mavjud boʻsh oʻrinlarini tanlov asosida toʻldiradi. Oʻquv yili yakunlangandan soʻng

”.

23. Vazirlar Mahkamasining “Qoraqalpogʻiston Respublikasi sovitkichli sigʻimlar uyushmasiga aʼzo subyektlarga kooperatsiya tashkil etgan holda, sovitkichli sigʻimlarni qurish va jihozlash hamda qish va bahor oylarida elektr energiyasi isteʼmoli xarajatlarining bir qismini qoplash tartibi toʻgʻrisidagi nizomni tasdiqlash haqida” 2023-yil 29-noyabrdagi 632-son qarorida :

a) nomi quyidagi tahrirda bayon etilsin:

“Qoraqalpogʻiston Respublikasi sovitkichli sigʻimlar uyushmasiga aʼzo subyektlarga sovitkichli sigʻimlarni qurish va jihozlash hamda qish va bahor oylarida elektr energiyasi isteʼmoli xarajatlarining bir qismini qoplash tartibi toʻgʻrisidagi nizomni tasdiqlash haqida”;

b) 1-bandning ikkinchi va uchinchi xatboshilari hamda 2-banddan “kooperatsiya tashkil etgan holda” soʻzlari chiqarib tashlansin;

v) 1-ilovada :

nomi quyidagi tahrirda bayon etilsin:

“Qoraqalpogʻiston Respublikasi sovitkichli sigʻimlar uyushmasiga aʼzo subyektlarga sovitkichli sigʻimlarni qurish va jihozlash xarajatlarining bir qismini qoplash tartibi toʻgʻrisida NIZOM”;

1-band quyidagi tahrirda bayon etilsin:

“1. Ushbu Nizom Qoraqalpogʻiston Respublikasi sovitkichli sigʻimlar uyushmasiga (keyingi oʻrinlarda — Uyushma) aʼzo subyektlarga sovitkichli sigʻimlarni qurish va jihozlash xarajatlarining bir qismini Oʻzbekiston Respublikasining respublika budjeti hisobidan qoplash tartibini belgilaydi hamda 2028-yil 31-maygacha amal qiladi.

Mazkur Nizom talablari Qoraqalpogʻiston Respublikasi sovitkichli sigʻimlar uyushmasiga aʼzo boʻlmagan, sovitkichli sigʻimlarni ishga tushirmagan hamda Nizom kuchga kirgunga qadar sovitkichli sigʻimlarni qurgan va jihozlagan subyektlarga nisbatan tatbiq etilmaydi”;

2-bandda :

ikkinchi xatboshidan “hamda kooperatsiya asosida ish tashkil etgan” soʻzlari chiqarib tashlansin;

beshinchi xatboshidan “va kooperatsiya tashkil etgan” soʻzlari chiqarib tashlansin;

oltinchi xatboshi quyidagi tahrirda bayon etilsin:

“ ishchi guruh — subsidiya ajratilishiga koʻmaklashish maqsadida Oʻzbekiston Respublikasi Qishloq xoʻjaligi vazirligi huzuridagi Agrosanoatni rivojlantirish agentligining Qoraqalpogʻiston Respublikasi boʻlimi boshligʻi (ishchi guruh rahbari), Qoraqalpogʻiston Respublikasi Qishloq xoʻjaligi vazirining oʻrinbosari hamda Uyushma rahbaridan iborat tarkibda tuzilgan ishchi guruh”;

3 , 5 va 7-bandlardan “kooperatsiya tashkil etgan holda,” soʻzlari chiqarib tashlansin;

2-bob nomi quyidagi tahrirda bayon etilsin:

“2-bob. Uyushmaga aʼzo subyektlarga sovitkichli sigʻimlarni qurish va jihozlash xarajatlarining bir qismini qoplash”;

4-banddagi “Agentlik” soʻzi “Oʻzbekiston Respublikasi Qishloq xoʻjaligi vazirligi huzuridagi Agrosanoatni rivojlantirish agentligi (keyingi oʻrinlarda — Agentlik)” soʻzlari bilan almashtirilsin;

8-bandning uchinchi xatboshisi va 20-banddan “kooperatsiya tashkil etgan holda” soʻzlari chiqarib tashlansin;

1-ilovada :

ilova belgisi va nomidan “kooperatsiya tashkil etgan holda,” soʻzlari chiqarib tashlansin;

2-bosqichning “Ijrochilar” ustunidagi “Agrosanoatni rivojlantirish agentligi ishchi guruhi (ishchi guruh)” soʻzlari “Ishchi guruh” soʻzlari bilan almashtirilsin;

2-ilovada :

ilova belgisi va nomidan “kooperatsiya tashkil etgan holda,” soʻzlari chiqarib tashlansin;

1-banddan “kooperatsiya tashkil etgan holda,” soʻzlari chiqarib tashlansin;

9-banddan “va kooperatsiya tashkil etgan” soʻzlari chiqarib tashlansin;

3-ilovada :

ilova belgisi va nomidan “kooperatsiya tashkil etgan holda,” soʻzlari chiqarib tashlansin;

birinchi xatboshidan “kooperatsiya tashkil etgan xolda” soʻzlari chiqarib tashlansin;

“XULOSA:” boʻlimidagi “subyekt tomonidan kooperatsiya tashkil etgan holda,” soʻzlari “subyektga” soʻzi bilan almashtirilsin;

4-ilovada :

ilova belgisi va nomidan “kooperatsiya tashkil etgan holda,” soʻzlari chiqarib tashlansin;

birinchi xatboshidan “kooperatsiya tashkil etgan xolda.” soʻzlari chiqarib tashlansin;

“XULOSA:” boʻlimidagi “subyekt tomonidan kooperatsiya tashkil etgan holda,” soʻzlari “subyektga” soʻzi bilan almashtirilsin;

5-ilovaning ilova belgisi va birinchi xatboshisidan “kooperatsiya tashkil etgan holda,” soʻzlari chiqarib tashlansin;

g) 2-ilovada :

nomi quyidagi tahrirda bayon etilsin:

“Qoraqalpogʻiston Respublikasi sovitkichli sigʻimlar uyushmasiga aʼzo subyektlarga ishga tushirilgan sovitkichli sigʻimlarning qish va bahor oylarida elektr energiyasi isteʼmoli xarajatlarining bir qismini qoplash tartibi toʻgʻrisida NIZOM”;

1-bandda :

birinchi xatboshi quyidagi tahrirda bayon etilsin:

“1. Mazkur Nizom Qoraqalpogʻiston Respublikasi sovitkichli sigʻimlar uyushmasiga (keyingi oʻrinlarda — Uyushma) aʼzo subyektlarga ishga tushirilgan sovitkichli sigʻimlarning qish va bahor oylarida elektr energiyasi isteʼmoli xarajatlarining bir qismini Oʻzbekiston Respublikasi respublika budjetidan qoplash tartibini belgilaydi hamda 2028-yil 31-maygacha amal qiladi”;

ikkinchi xatboshidan “kooperatsiya tashkil etmagan,” soʻzlari chiqarib tashlansin;

2-bandda :

ikkinchi xatboshidan “hamda kooperatsiya asosida ish tashkil etgan” soʻzlari chiqarib tashlansin;

toʻrtinchi xatboshidan “va kooperatsiya tashkil etgan” soʻzlari chiqarib tashlansin;

quyidagi mazmundagi beshinchi xatboshi bilan toʻldirilsin:

“ ishchi guruh — subsidiya ajratilishiga koʻmaklashish maqsadida Oʻzbekiston Respublikasi Qishloq xoʻjaligi vazirligi huzuridagi Agrosanoatni rivojlantirish agentligining Qoraqalpogʻiston Respublikasi boʻlimi boshligʻi (ishchi guruh rahbari), Qoraqalpogʻiston Respublikasi Qishloq xoʻjaligi vazirining oʻrinbosari, hududiy elektr tarmoqlari korxonasi boshligʻi hamda Uyushma rahbaridan iborat tarkibda tuzilgan ishchi guruh”;

3-banddan “kooperatsiya tashkil etgan holda” soʻzlari chiqarib tashlansin;

4-band quyidagi tahrirda bayon etilsin:

“4. Uyushma elektr energiyasi isteʼmolchilarining ishga tushirilgan sovitkichli sigʻimlarining qish va bahor oylarida elektr energiyasi isteʼmoli xarajatlarining bir qismini qoplash maqsadida keyingi yil uchun talab etiladigan elektr energiyasi va uning qiymati boʻyicha talabnomalarni tahlil qiladi, umumlashtiradi hamda Qoraqalpogʻiston Respublikasi Vazirlar Kengashi bilan kelishgan holda Qishloq xoʻjaligi vazirligiga, vazirlik esa ushbu maʼlumotlarni har yili 1-avgustga qadar Iqtisodiyot va moliya vazirligiga taqdim etadi”;

5-banddagi “Uyushma” soʻzi “Qishloq xoʻjaligi vazirligi” soʻzlari bilan almashtirilsin;

6-band quyidagi mazmundagi ikkinchi xatboshi bilan toʻldirilsin:

“Uyushmaga aʼzo subyektlarga ishga tushirilgan sovitkichli sigʻimlarning qish va bahor oylarida elektr energiyasi isteʼmoli xarajatlarining bir qismini qoplash uchun ushbu Nizomga 1-ilovaga muvofiq sxema boʻyicha subsidiya ajratiladi”;

8 va 9-bandlar quyidagi tahrirda bayon etilsin:

“8. Elektr energiyasi isteʼmolchisi hisobot oyida sarflagan elektr energiyasi qiymatining 50 foizini Oʻzbekiston Respublikasining respublika budjetidan qoplash uchun subsidiya olish maqsadida hisobot oyidan keyingi oyning 25 sanasiga qadar “Agro-subsidiya” axborot tizimi (keyingi oʻrinlarda — “Agro-subsidiya” AT) orqali mazkur Nizomga 2-ilovada keltirilgan shaklda elektron ariza bilan Oʻzbekiston Respublikasi Qishloq xoʻjaligi vazirligi huzuridagi Agrosanoatni rivojlantirish agentligiga (keyingi oʻrinlarda — Agentlik) murojaat qiladi.

Arizaga quyidagi hujjatlar ilova qilinadi:

Uyushmaga aʼzolikni tasdiqlovchi hujjat;

tuman (shahar) elektr tarmoqlari tashkiloti bilan tuzilgan taqqoslash dalolatnomasi va hisob-fakturalarining nusxasi;

kompressor quvvatini hisobga olgan holda sovitkichli sigʻim isteʼmol qiladigan elektr energiyasi miqdorini koʻrsatib beradigan elektr energiyasi isteʼmolchisi tomonidan ixtiyoriy shaklda tasdiqlangan maʼlumotnoma.

Arizadagi maʼlumotlar va taqdim etilgan hujjatlarning ishonchliligi va haqqoniyligi uchun ariza beruvchi javobgar hisoblanadi.

Ishchi guruh tomonidan ariza beruvchidan ushbu bandda nazarda tutilmagan hujjatlarni taqdim etishni talab qilishga yoʻl qoʻyilmaydi.

Zarur hollarda, tuman (shahar) elektr tarmoqlari tashkiloti va tuman (shahar) qishloq xoʻjaligi boʻlimi tomonidan elektr energiyasi isteʼmoli boʻyicha taqdim qilingan hisob-kitoblar joyiga chiqqan holda oʻrganilishi mumkin.

9. Ariza quyidagi mezonlar boʻyicha Ishchi guruhi tomonidan oʻn kun ichida oʻrganib chiqiladi:

sovitkichli sigʻim boʻyicha hisoblangan elektr energiyasi isteʼmoli hajmida boshqa ishlab chiqarish yoki xizmat koʻrsatish jarayonlari sarflari hisobga olinmaganligi;

oziq-ovqat va qishloq xoʻjaligi mahsulotlarini saqlash boʻyicha olingan majburiyatlarning bajarilishi.

Oʻrganish natijalariga koʻra ishchi guruh uch ish kuni ichida:

arizadagi maʼlumotlar va taqdim etilgan hujjatlar ushbu Nizomda belgilangan mezonlarga muvofiq boʻlganda, mazkur Nizomga 3-ilovadagi shaklda subsidiya ajratish maqsadga muvofiqligi toʻgʻrisidagi xulosani shakllantiradi va “Agro-subsidiya” AT orqali ariza beruvchiga yuboradi;

arizadagi maʼlumotlar va taqdim etilgan hujjatlar ushbu Nizomda belgilangan mezonlarga muvofiq boʻlmaganda, mazkur Nizomga 4-ilovadagi shaklda subsidiya ajratishning maqsadga muvofiq emasligi toʻgʻrisidagi xulosani shakllantiradi va “Agro-subsidiya” AT orqali ariza beruvchiga yuboradi.

Ishchi guruh xulosalarini rasmiylashtirishda qoplanadigan elektr energiyasi miqdori toʻgʻri hisoblanganligi hamda kompressor quvvatidan kelib chiqib ortiqcha elektr energiya sarfi hisoblanmaganligi uchun masʼuliyat hududiy elektr tarmoqlari korxonasi zimmasiga yuklanadi.

Bunda tayyorlangan xulosalar ishchi guruh rahbari tomonidan elektron raqamli imzo bilan tasdiqlanadi”;

quyidagi mazmundagi 9 1 -band bilan toʻldirilsin:

“9 1 . Subsidiya ajratish rad etilganda, ariza beruvchi ishchi guruh xulosasida koʻrsatilgan kamchiliklarni toʻliq bartaraf qilgandan soʻng “Agro-subsidiya” AT orqali subsidiya ajratish toʻgʻrisida qayta murojaat qilishi mumkin.

Ariza beruvchi ishchi guruhning subsidiya ajratishni rad etish toʻgʻrisidagi xulosasidan norozi boʻlsa, yuqori turuvchi organ yoki sudga shikoyat qilishi mumkin”;

10-band quyidagi tahrirda bayon etilsin:

“10. “Agro-subsidiya” AT orqali rasmiylashtirilgan Ishchi guruhning subsidiya ajratish maqsadga muvofiqligi yuzasidan xulosasida koʻrsatilgan elektr energiyasi isteʼmoli xarajatlarining 50 foizi, lekin har bir hisobot oyi uchun 15 ming kilovatt soat elektr energiyasi qiymatidan oshmagan miqdori Agentlik tomonidan elektr energiyasi isteʼmolchisining xizmat koʻrsatuvchi tijorat bankida ochilgan hisobvaraqlariga uch kun muddatda oʻtkazib beriladi”;

quyidagi mazmundagi 1 — 4-ilovalar bilan toʻldirilsin:

“Qoraqalpogʻiston Respublikasi sovitkichli sigʻimlar uyushmasiga aʼzo subyektlarga ishga tushirilgan sovitkichli sigʻimlarning qish va bahor oylarida elektr energiyasi isteʼmoli xarajatlarining bir qismini qoplash tartibi toʻgʻrisidagi nizomga 1-ILOVA

Qoraqalpogʻiston Respublikasi sovitkichli sigʻimlar uyushmasiga aʼzo subyektlarga ishga tushirilgan sovitkichli sigʻimlarning qish va bahor oylarida elektr energiyasi isteʼmoli xarajatlarining bir qismini qoplash SXEMASI

Bosqichlar Ijrochilar Amalga oshirish mexanizmi Muddati 1-bosqich Elektr energiyasi isteʼmolchisi “Agro-subsidiya” AT orqali elektron shaklda ariza taqdim etadi. hisobot oyidan keyingi oyning 25-sanasiga qadar 2-bosqich Ishchi guruh “Agro-subsidiya” AT orqali taqdim etilgan ariza va unga ilova qilingan hujjatlarni, obyekt ishga tushirilganligini joyiga chiqqan holda oʻrganadi. Ariza taqdim etilgandan kundan eʼtiboran 10 kun ichida 3-bosqich Ishchi guruh Oʻrganish natijalari boʻyicha elektr energiyasi isteʼmolchisiga subsidiya ajratish maqsadga muvofiqligi yoki muvofiq emasligi toʻgʻrisidagi xulosani “Agro-subsidiya” ATda rasmiylashtiradi. 3 ish kuni ichida 4-bosqich Agrosanoatni rivojlantirish agentligi Ishchi guruhning subsidiya ajratish maqsadga muvofiqligi yuzasidan “Agro-subsidiya” AT orqali rasmiylashtirilgan xulosasiga asosan elektr energiyasi isteʼmolchisining tijorat bankidagi asosiy hisobvaragʻiga subsidiyani oʻtkazib beradi. Xulosa rasmiylashtirilgandan soʻng 3 kun ichida

Qoraqalpogʻiston Respublikasi sovitkichli sigʻimlar uyushmasiga aʼzo subyektlarga ishga tushirilgan sovitkichli sigʻimlarning qish va bahor oylarida elektr energiyasi isteʼmoli xarajatlarining bir qismini qoplash tartibi toʻgʻrisidagi nizomga 2-ILOVA

Qoraqalpogʻiston Respublikasi sovitkichli sigʻimlar uyushmasiga aʼzo subyektlarga ishga tushirilgan sovitkichli sigʻimlarning qish va bahor oylarida elektr energiyasi isteʼmoli xarajatlarining bir qismini qoplash uchun subsidiya ajratish toʻgʻrisida ARIZA 1. Qoraqalpogʻiston Respublikasi ______________ tumanida qish va bahor oylarida sovitkichli sigʻimlarni ishga tushirgan tadbirkorlik subyektining nomi ___________________________. 2. Qoplanadigan xarajatlar amalga oshirilgan davr (hisobot davri): 20_ _ _ yil __ ___ ____ oyi. 3. Hisobot davrida sovitkichli sigʻimlarning elektr energiyasi isteʼmoli miqdori:_____ kvt . 4. Hisobot davrida sovitkichli sigʻimlarning elektr energiyasi isteʼmoli xarajatlari qiymati: __________________ soʻm. 5. Sigʻim miqdori: ___________________________________________. 6. Tadbirkorlik subyektining STIR ______________________. 7. Hisobot davrida sovitkichli sigʻimlarning elektr energiyasi isteʼmoli xarajatlarining bir qismini qoplash uchun _______________ soʻm subsidiya mablagʻlari ajratishingizni soʻrayman. 8. Xizmat koʻrsatuvchi tijorat banki nomi __________________________ ______________________________________________ hisobvaragʻi. Ariza beruvchi: ___________________________ F.I.O. yil, kun, oy

Qoraqalpogʻiston Respublikasi sovitkichli sigʻimlar uyushmasiga aʼzo subyektlarga ishga tushirilgan sovitkichli sigʻimlarning qish va bahor oylarida elektr energiyasi isteʼmoli xarajatlarining bir qismini qoplash tartibi toʻgʻrisidagi nizomga 3-ILOVA

Qoraqalpogʻiston Respublikasi sovitkichli sigʻimlar uyushmasiga aʼzo subyektlarga ishga tushirilgan sovitkichli sigʻimlarning qish va bahor oylarida elektr energiyasi isteʼmoli xarajatlarining bir qismini qoplash uchun subsidiya ajratish boʻyicha ishchi guruh XULOSASI Qoraqalpogʻiston Respublikasi ________ tumanida __________________ tadbirkorlik subyekti tomonidan ishga tushirilgan sovitkichli sigʻimlarning qish va bahor oylarida elektr energiyasi isteʼmoli xarajatlarining bir qismiga subsidiya ajratish toʻgʻrisida 20___ yil “___” ___________ dagi ______-son murojaati ishchi guruh tomonidan koʻrib chiqildi va quyidagilar aniqlandi: 1. Tadbirkorlik subyektining nomi: _______________________; 2. Subsidiya obyekti: ____________________________________; 3. Subsidiya ajratilishi nazarda tutilayotgan xarajatlar amalga oshirilgan davr (hisobot davri): 20___ yil _________ oyi; 4. Hisobot davrida sovitkichli sigʻimlarning elektr energiyasi isteʼmoli miqdori: _________ kvt ; 5. Hisobot davrida sovitkichli sigʻimlarning elektr energiyasi isteʼmoli xarajatlari qiymati: __________________ soʻm; 6. Ajratiladigan subsidiya miqdori: _________________________ soʻm; 7. Tadbirkorlik subyektining STIR: ________________________; 8. Tijorat banki nomi: ________________________________. XULOSA: ____________________________________________________________ ______________________ (tadbirkorlik subyekti nomi) Qoraqalpogʻiston Respublikasi Sovitkichli sigʻimlar uyushmasiga aʼzo subyektga sovitkichli sigʻimlarning qish va bahor oylarida elektr energiyasi isteʼmoli xarajatlarining bir qismini qoplash uchun ______________ soʻm subsidiya ajratish maqsadga muvofiq deb topildi. Ishchi guruh rahbari: _____________ F.I.O. (imzo) Ishchi guruh aʼzolari: _____________ F.I.O. (imzo)

Qoraqalpogʻiston Respublikasi sovitkichli sigʻimlar uyushmasiga aʼzo subyektlarga ishga tushirilgan sovitkichli sigʻimlarning qish va bahor oylarida elektr energiyasi isteʼmoli xarajatlarining bir qismini qoplash tartibi toʻgʻrisidagi nizomga 4-ILOVA

Qoraqalpogʻiston Respublikasi sovitkichli sigʻimlar uyushmasiga aʼzo subyektlarga ishga tushirilgan sovitkichli sigʻimlarning qish va bahor oylarida elektr energiyasi isteʼmoli xarajatlarining bir qismini qoplash uchun subsidiya ajratishni rad etish boʻyicha ishchi guruh XULOSASI Qoraqalpogʻiston Respublikasi ____________ tumanida ______________ tadbirkorlik subyekti tomonidan ishga tushirilgan sovitkichli sigʻimlarning qish va bahor oylarida elektr energiyasi isteʼmoli xarajatlarining bir qismiga subsidiya ajratish toʻgʻrisida 20___ yil “____” __________ dagi _______-son murojaati ishchi guruh tomonidan koʻrib chiqildi va kuyidagilar aniqlandi: 1. Tadbirkorlik subyektining nomi: ___________________________; 2. Subsidiya obyekti: __________________________________; 3. Subsidiya ajratilishi nazarda tutilayotgan xarajatlar amalga oshirilgan davr (hisobot davri): 20___ yil ________ oyi; 4. Tadbirkorlik subyektining STIR: ________________________. XULOSA: ___________________________________________ _____________________ __________________. (rad etish sababi) _____________________________________ _____________________ ________________________. (tadbirkorlik subyekti nomi) Qoraqalpogʻiston Respublikasi Sovitkichli sigʻimlar uyushmasiga aʼzo subyektga sovitkichli sigʻimlarning qish va bahor oylarida elektr energiyasi isteʼmoli xarajatlarining bir qismini qoplash uchun subsidiya ajratish maqsadga muvofiq emas deb topildi. Ishchi guruh rahbari: _____________ F.I.O. (imzo) Ishchi guruh aʼzolari: _____________ F.I.O. (imzo) ”.

24. Vazirlar Mahkamasining 2024-yil 25-yanvardagi 46-son qarori bilan tasdiqlangan Psixologik-tibbiy-pedagogik komissiyalar toʻgʻrisidagi nizomning 29-bandi quyidagi mazmundagi sakkizinchi xatboshi bilan toʻldirilsin:

“bola inklyuziv taʼlim sinfi, boshlangʻich tayanch korreksion sinfga yoʻnaltirilganda, maxsus pedagog yoki yordamchi xodim (assistent) shtatini ajratish zarurligi”.

25. Vazirlar Mahkamasining “Davlat umumiy oʻrta taʼlim tashkilotlari pedagog kadrlarini kasbiy sertifikatlash boʻyicha davlat xizmatlarini koʻrsatishning maʼmuriy reglamentini tasdiqlash toʻgʻrisida” 2024-yil 12-fevraldagi 87-son qarorida :

a) nomi “Davlat” soʻzidan keyin “maktabgacha va” soʻzlari bilan toʻldirilsin;

b) muqaddima “shuningdek,” soʻzidan keyin “maktabgacha va” soʻzlari bilan toʻldirilsin;

v) 3-bandning ikkinchi va uchinchi xatboshilari quyidagi tahrirda bayon etilsin:

“stajyor-oʻqituvchi va stajyor-tarbiyachilar, shuningdek psixologlar bir yilga ishga qabul qilinadilar, muddat yakunlangandan soʻng, faqat kasbiy sertifikat olgan yoki navbatdan tashqari pedagog kadrlar attestatsiyasida ishtirok etib, kamida mutaxassis (oliy maʼlumotli oʻqituvchi) lavozimi saqlangan darajada koʻrsatkichga ega boʻlgan pedagoglar bilan belgilangan tartibda oʻqituvchi yoki mos ravishda psixolog tarbiyachi sifatida mehnat shartnomasi tuziladi;

2023/2024 oʻquv yilidan boshlab umumiy oʻrta taʼlim tashkilotlarida pedagog kasbiga birinchi marta ishga qabul qilingan stajyor-oʻqituvchilar, 2024/2025 oʻquv yilidan boshlab pedagoglar attestatsiyasidan oʻta olmagan, mutaxassis (oliy maʼlumotli oʻqituvchi) lavozimiga muvofiq emas deb topilgan, 2026-yildan boshlab maktabgacha taʼlim tashkilotida tarbiyachi lavozimiga birinchi marta ishga qabul qilingan stajyor-tarbiyachilar va maktabgacha taʼlim tashkiloti psixologlari, 2027-yildan boshlab esa pedagoglar attestatsiyasidan oʻta olmagan, lavozimiga muvofiq emas deb topilgan, pedagog kadrlar ham kasbiy sertifikatlash sinovlariga jalb etiladi”

g) ilovada :

nomi “Davlat” soʻzidan keyin “maktabgacha va” soʻzlari bilan toʻldirilsin;

1-band quyidagi tahrirda bayon etilsin:

“1. Mazkur Reglament davlat maktabgacha va umumiy oʻrta taʼlim tashkilotlari pedagog kadrlarini kasbiy sertifikatlash boʻyicha davlat xizmatlarini koʻrsatish tartibini belgilaydi.

Ushbu Reglament qoidalari Oʻzbekiston Respublikasi Madaniyat vazirligi va Badiiy akademiya tizimidagi ixtisoslashtirilgan sanʼat va madaniyat maktablari, maktab-internatlar, Ixtisoslashtirilgan taʼlim muassasalari agentligi tizimidagi Prezident, ijod va ixtisoslashtirilgan maktablar, koʻp tarmoqli ixtisoslashtirilgan maktabgacha taʼlim tashkilotlari va qoʻshma tipdagi maktabgacha taʼlim tashkilotlari hamda nodavlat taʼlim tashkilotlari pedagog kadrlariga nisbatan tatbiq etilmaydi.

Bunda nodavlat taʼlim tashkilotlari pedagoglari oʻz xohishlariga koʻra navbatdan tashqari nazorat sinovida ishtirok etishlari mumkin.

Pedagogik kasbga birinchi marta ishga qabul qilinadigan oliy maʼlumotli talabgorlar stajyor-oʻqituvchi, shuningdek, maktabgacha taʼlim tashkilotlaridagi oliy va oʻrta-maxsus maʼlumotli talabgorlar stajyor-tarbiyachi sifatida faoliyat yuritadi va ular ishga qabul qilingan vaqtdan boshlab bir yil muddat davomida kasbiy sertifikatga ega boʻlishi talab etiladi.

Kasbiy sertifikat olganidan soʻng pedagoglar pedagogik faoliyatida besh va undan koʻp yil davomida uzilishlar boʻlgan faoliyatini qayta boshlagan vaqtdan boshlab bir yil davomida kasbiy sertifikatga ega boʻlishi lozim”;

2-bandda :

toʻrtinchi xatboshi quyidagi tahrirda bayon etilsin:

“ navbatdan tashqari nazorat sinovi — uzrli sabablarga koʻra nazorat sinovida ishtirok eta olmagan hamda birinchi marotaba nazorat sinovida ishtirok etib, undan oʻta olmagan, shuningdek, oʻz xohishlariga koʻra ishtirok etadigan talabgorlar uchun tashkil etiladigan nazorat sinovi”;

quyidagi mazmundagi oltinchi xatboshi bilan toʻldirilsin:

“ stajyor-tarbiyachi — davlat maktabgacha taʼlim tashkilotida tarbiyachi lavozimiga birinchi marta ishga qabul qilingan jismoniy shaxs”;

oltinchi xatboshi yettinchi xatboshi deb hisoblansin;

yettinchi xatboshi quyidagi tahrirda bayon etilsin:

“ talabgor — kasbiy sertifikat olishga daʼvogar boʻlgan davlat maktabgacha va umumiy oʻrta taʼlim tashkilotidagi hamda avval kasbiy sertifikatlashda ishtirok etib, oʻta olmagan stajyor-oʻqituvchi, stajyor-tarbiyachi, psixolog yoki mutaxassis lavozimidagi, shuningdek, pedagoglar attestatsiyasidan oʻta olmagan, mutaxassis (oliy maʼlumotli oʻqituvchi) lavozimiga muvofiq emas, egallab turgan lavozimiga muvofiq emas (oʻrta maxsus maʼlumotlilar) deb topilgan pedagog kadrlar”;

4-bandning ikkinchi xatboshisi “Stajyor-oʻqituvchi” soʻzlaridan keyin “stajyor-tarbiyachi va psixologlar” soʻzlari bilan toʻldirilsin;

6-band “koʻrsatayotgan” soʻzidan keyin “davlat maktabgacha va” soʻzlari bilan toʻldirilsin;

7-bandning uchinchi xatboshisi “ola olmaganligi sababli” soʻzlaridan keyin “tarbiyachi yoki psixolog” soʻzlari bilan toʻldirilsin;

8-bandning birinchi xatboshisidagi “oliy” soʻzi “tegishli” soʻzi bilan almashtirilsin;

11-band “Davlat” soʻzidan keyin “davlat maktabgacha va” soʻzlari bilan toʻldirilsin;

15-bandning birinchi xatboshisidagi “Nazorat sinovida qayta” soʻzlari “Navbatdan tashqari nazorat sinovida” soʻzlari bilan almashtirilsin;

17-band “olmaganda,” soʻzidan keyin “shuningdek, notoʻgʻri maʼlumotlar yoki qalbaki hujjatlar taqdim etilgani aniqlangan taqdirda,” soʻzlari bilan toʻldirilsin;

34-bandning birinchi xatboshisi “talabgor” soʻzidan keyin “, shuningdek oʻz xohishlariga koʻra ishtirok etadiganlar” soʻzlari bilan toʻldirilsin;

1-ilova quyidagi tahrirda bayon etilsin:

“Davlat maktabgacha va umumiy oʻrta taʼlim tashkilotlari pedagog kadrlarini kasbiy sertifikatlash boʻyicha davlat xizmatlarini koʻrsatishning maʼmuriy reglamentiga 1-ILOVA

Davlat maktabgacha va umumiy oʻrta taʼlim tashkilotlari pedagog kadrlarini kasbiy sertifikatlash SXEMASI

Bosqichlar Ijrochilar Tadbirlar Muddatlar . 1-bosqich Talabgor Talabgor kasbiy sertifikatlash nazorat sinovida ishtirok etish uchun Davlat xizmatlari markazi, Yagona interaktiv davlat xizmatlari portali yoki Maktabgacha va maktab taʼlimi vazirligining maxsus elektron platformasi orqali roʻyxatdan oʻtadi. Roʻyxatga olish rasmiy eʼlon qilingan kundan boshlab bir oy davomida . 2-bosqich Maktabgacha va maktab taʼlimi vazirligi Talabgorning oʻz fanini (mutaxassisligi) bilishi, pedagogik mahorati, koʻnikma va malakalarini baholash uchun nazorat sinovini tashkil etadi. Har yili mart — may oylarida . 3-bosqich Maktabgacha va maktab taʼlimi vazirligi Talabgor kasbiy sertifikatlash nazorat sinovidan muvaffaqiyatli oʻtganda, unga elektron shakldagi sertifikatni ( QR -kod) rasmiylashtiradi va Yagona interaktiv davlat xizmatlari portali orqali yuboradi. Buyruq qabul qilingan kundan boshlab bir oy mobaynida . 4-bosqich Talabgor Nazorat sinovi natijasidan norozi boʻlganda, Apellyatsiya komissiyasiga apellyatsiya shikoyatini beradi. Natija eʼlon qilingan kundan boshlab besh kun mobaynida . 5-bosqich Apellyatsiya komissiyasi 1. Apellyatsiya shikoyatini koʻrib chiqadi. 2. Talabgorni Apellyatsiya komissiyasi qarori toʻgʻrisida Yagona interaktiv davlat xizmatlari portali orqali xabardor qiladi. Ikki hafta mobaynida ”;

2-ilovada :

ilova belgisi quyidagi tahrirda bayon etilsin:

“Davlat maktabgacha va umumiy oʻrta taʼlim tashkilotlari pedagog kadrlarini kasbiy sertifikatlash boʻyicha davlat xizmatlarini koʻrsatishning maʼmuriy reglamentiga 2-ILOVA”;

nomi quyidagi tahrirda bayon etilsin:

“Davlat maktabgacha va umumiy oʻrta taʼlim tashkilotlari pedagog kadrlarini kasbiy sertifikatlash boʻyicha SOʻROVNOMA”;

3-ilova quyidagi tahrirda bayon etilsin:

“Davlat maktabgacha va umumiy oʻrta taʼlim tashkilotlari pedagog kadrlarini kasbiy sertifikatlash boʻyicha davlat xizmatlarini koʻrsatishning maʼmuriy reglamentiga 3-ILOVA

Davlat maktabgacha va umumiy oʻrta taʼlim tashkilotlari pedagog kadrlarining kasbiy sertifikatlashdan oʻtganligi toʻgʻrisidagi sertifikatning davlat namunasi OʻZBEKISTON RESPUBLIKASI DAVLAT GERBINING TASVIRI OʻZBEKISTON RESPUBLIKASI MAKTABGACHA VA MAKTAB TAʼLIMI VAZIRLIGI DAVLAT MAKTABGACHA VA UMUMIY OʻRTA TAʼLIM TASHKILOTLARI PEDAGOG KADRLARINING KASBIY SERTIFIKATLASHDAN OʻTGANLIGI TOʻGʻRISIDA SERTIFIKAT Sertifikat seriyasi Sertifikat raqami Pedagog kadr toʻgʻrisida maʼlumot: Pedagog kadrning shaxsiy kodi Familiyasi Ismi Otasining ismi Tugʻilgan vaqti Ish joyi Tayyorlov yoki taʼlim yoʻnalishi, mutaxassislik yoki ixtisoslik nomi Pedagogik mahorat boʻyicha (nazorat) sinovi natijasi Oʻquv (maxsus) fani (mutaxassisligi) boʻyicha (nazorat) sinovi natijasi Jami toʻplangan ball Berilgan sana Sertifikatni imzolagan shaxs QR -kod ” .

26. Vazirlar Mahkamasining 2024-yil 6-maydagi 263-son qarori bilan tasdiqlangan Sifatli taʼlimni taʼminlashda ijobiy natijalarga erishayotgan umumiy oʻrta taʼlim maktablari rahbariyati hamda oʻqituvchilariga ustama berish tartibi toʻgʻrisidagi nizomning 6-bandi toʻrtinchi xatboshisi quyidagi tahrirda bayon etilsin:

“Bunda ustama baholash oʻtkazilgan oʻquv yilidan keyin keladigan oʻquv yili davomida (1-sentabrdan 31-avgustgacha) toʻlanadi”.

27. Vazirlar Mahkamasining 2025-yil 31-yanvardagi 54-son qarori bilan tasdiqlangan Yagona platformaga davlat organlarining rasmiy veb-saytlarini oʻtkazish rejasining 8-pozitsiyasidagi “Millatlararo munosabatlar va xorijiy mamlakatlar bilan doʻstlik aloqalari qoʻmitasi” soʻzlari “Millatlararo munosabatlar va xorijdagi vatandoshlar masalalari boʻyicha qoʻmitasi” soʻzlari bilan almashtirilsin.

28. Vazirlar Mahkamasining 2025-yil 2-maydagi 288-son qarori bilan tasdiqlangan Fuqarolik jamiyatini rivojlantirish konsepsiyasini 2025-yilda amalga oshirish boʻyicha “ yoʻl xaritasi ”ning 23-pozitsiyasi “Muddat” ustunidagi “noyabr” soʻzi “dekabr” soʻzi bilan almashtirilsin.

Vazirlar Mahkamasining 2025-yil 24-noyabrdagi 740-son qaroriga 2-ILOVA

Oʻzbekiston Respublikasi Hukumatining oʻz kuchini yoʻqotgan deb hisoblanayotgan ayrim qarorlari

1. Vazirlar Mahkamasining “Davlat maktabgacha taʼlim tizimi xodimlari mehnatiga haq toʻlash tartibini yanada takomillashtirish chora-tadbirlari toʻgʻrisida” 2020-yil 9-martdagi 135-son qarorining 1-bandi oʻz kuchini yoʻqotgan deb hisoblansin.

2. Vazirlar Mahkamasining “Alohida taʼlim ehtiyojlari boʻlgan bolalarning taʼlim olishlarini tashkil etish va ularni reabilitatsiya qilish tizimini takomillashtirish chora-tadbirlari toʻgʻrisida” 2024-yil 25-yanvardagi 46-son qaroriga 5-ilovaning 5-bandi “g” kichik bandi .

3. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2025-yil 7-noyabrdagi 709-son qaroriga 1-ilovaning 48-bandi “b” kichik bandi .

Oʻzbekiston Respublikasining Bosh vaziri A. ARIPOV

Toshkent sh.,

2025-yil 24-noyabr,

740-son

(Qonunchilik maʼlumotlari milliy bazasi, 26.11.2025-y., 09/25/740/1090-son; 09.09.2026-y., 09/26/472/0908-son)

lex.uz