📅 2025-yil 26-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 26 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 26 ноября 2025 г. · Постановления Президента
Официальный текст. Официальный документ. Редакционные примечания не включены.
📅 26 November 2025 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
«ЙЎЛ ХАРИТАСИ»
Ўзбек-Француз университетини ташкил этиш чора-тадбирлари тўғрисида
Олий таълим соҳасида халқаро ҳамкорликни кенгайтириш, Франция Республикасининг етакчи олий таълим ташкилотлари дастурлари асосида рақобатбардош олий маълумотли кадрлар тайёрлаш мақсадида қарор қиламан:
I. Мақсад
1. Белгилансинки, ушбу қарорнинг асосий мақсади Ўзбекистон ва Франция ўртасида таълим соҳасидаги ўзаро алоқаларни мустаҳкамлаш ҳамда Франция университетларининг таълим дастурлари асосида олий маълумотли кадрлар тайёрлаш ҳисобланади.
II. Ўзбек-Француз университетини ташкил этиш
2. Ўзбек-Француз университети (кейинги ўринларда — Университет) ташкил этилсин ҳамда унинг асосий фаолият йўналишлари 1-иловага мувофиқ тасдиқлансин.
3. Ўзбекистон Республикаси Ҳукумати ва Франция Республикаси Ҳукумати ўртасида 2025 йил 12 март куни Университетни ташкил этиш бўйича, жумладан, қуйидагиларни назарда тутувчи ҳамкорлик битими имзолангани маълумот учун қабул қилинсин:
(а) Ўзбекистон томонидан Олий таълим, фан ва инновациялар вазирлиги ҳамда Франция томонидан Олий таълим, тадқиқот ва космос вазирлиги Университет муассислари ҳисобланиши;
(б) Университетни ташкил этиш ва унинг фаолиятини юритиш жараёнида Франция университетлари консорциуми иштирок этиши ҳамда Франция Республикасининг таклифи билан дастлабки босқичда Пуатье университети, Ренн университети, Гавр-Нормандия университети, Люмьер Лион 2 университети консорциум таркибига киритилгани. Бунда консорциум таркиби Франция томонининг таклифи билан ўзгартирилиши мумкин;
(в) Франция университетлари консорциуми таркибига киритилган университетларга қуйидаги мажбуриятлар юклатилганлиги:
(i) Университетда таълим жараёнини ташкил этиш, ўқув режалари, ўқув дастурлари ва материалларини ишлаб чиқиш, шунингдек, талабаларни қабул қилиш ва педагогларни саралаш жараёнларида кўмаклашиш;
(ii) Университет талабалари ва профессор-ўқитувчиларини Францияга юбориш учун молиялаштириш манбаларини аниқлаш;
(iii) Университет талабалари учун ўз маълумотлар базаларидан, жумладан, кутубхона фондининг электрон базасидан фойдаланиш тартибини соддалаштириш;
(iv) Университет таълим дастурларини Франция Республикасида аккредитациядан ўтказишга кўмаклашиш;
(г) Университетнинг маъмурий-молиявий масалалари бўйича қарорлари таркиби Ўзбекистон ва Франция томонидан тенглик асосида шакллантириладиган Васийлик кенгаши томонидан қабул қилиниши.
4. Белгилаб қўйилсинки:
(а) Университет ўз фаолиятини Ўзбекистон Республикасининг таълим тўғрисидаги қонунчилик ҳужжатлари талаблари ҳамда Франция университетлари консорциуми тавсиялари асосида амалга оширади;
(б) Университетда қабул параметрлари, тўлов-контракт суммаси, ўқишга қабул қилиш ва битирувчиларни аттестациядан ўтказиш тартиби Университет Васийлик кенгаши томонидан белгиланади;
(в) Университетда дастлабки босқичда магистратурада, кейинчалик босқичма-босқич бакалавриат ва докторантурада кадрлар тайёрлаш йўлга қўйилади ҳамда Университетга кириш учун тайёрлов курси жорий этилади;
(г) Университетда таълим жараёни мақсадли давлат гранти ва тўлов-контракт асосида амалга оширилади;
(д) Университет битирувчиларига Университет дипломи ва (ёки) Франция Республикасида аккредитациядан ўтган таълим дастурлари бўйича консорциум таркибига кирган тегишли Франция университетининг дипломи берилади. Бунда битирувчиларга берилган диплом Ўзбекистон Республикасида тан олинади;
(ж) Университетга Олий таълим, фан ва инновациялар вазирлиги тавсияси асосида тайинланадиган ректор раҳбарлик қилади;
(з) Университетнинг ўқув жараёни ва илмий-тадқиқот фаолиятини бошқариш, шу жумладан, таълим дастурларини шакллантириш, кадрлар тайёрлаш сифатини таъминлаш Франция томонидан тайинланадиган биринчи проректор томонидан амалга оширилади.
III. Университет фаолиятини молиялаштириш
5. Қуйидагилар Университет фаолиятини молиялаштириш манбалари этиб белгилансин:
(а) Университетга ўқишга қабул қилинган талабалар умумий сонининг 30 фоизидан ошмаган ҳолда давлат гранти асосида талабаларни ўқитиш учун Олий таълим, фан ва инновациялар вазирлигига ажратиладиган Давлат бюджети маблағлари;
(б) талабаларни тўлов-контракт асосида ўқитишдан тушадиган маблағлар;
(в) Университетда тайёрланадиган мутахассисликлар бўйича магистр кадрларга эҳтиёж бўлган олий таълим ташкилотларининг бюджетдан ташқари маблағлари;
(г) грантлар, ҳомийлик хайриялари ва қонунчилик ҳужжатлари билан тақиқланмаган бошқа манбалар.
6. Шундай тартиб ўрнатилсинки, унга мувофиқ:
(а) Университетга давлат гранти асосида қабул қилинган бир нафар талабани ўқитиш харажати қиймати Университет моддий-техника базасини мустаҳкамлаш ва зарур лаборатория базасини яратиш харажатларини инобатга олган ҳолда Олий таълим, фан ва инновациялар вазирлиги томонидан Иқтисодиёт ва молия вазирлиги билан келишган ҳолда белгиланади;
(б) бюджет ташкилотларига, шу жумладан, олий таълим ташкилотларига бюджетдан ташқари маблағлари ҳисобидан Университетга тўлов-контракт асосида қабул қилинган талабаларнинг ўқитиш харажатларини тўлиқ ёки қисман қоплашга рухсат берилади. Бунда талабаларнинг ушбу ташкилотда мажбурий ишлаб бериш даври икки тараф ўртасида тузиладиган шартномада белгиланади.
IV. Қарор ижросини ташкил этиш, таъминлаш ва назорат қилиш
7. Ўзбек-Француз университети фаолиятини ташкил этиш бўйича «йўл харитаси» 2-иловага мувофиқ тасдиқлансин.
8. Олий таълим, фан ва инновациялар вазирлиги икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
9. Мазкур қарорнинг ижросини самарали ташкил қилишга масъул ва шахсий жавобгар этиб олий таълим, фан ва инновациялар вазири К.А. Шарипов белгилансин.
10. Қарор ижросини назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2025 йил 26 ноябрдаги ПҚ-354-сон қарорига 1-ИЛОВА
Ўзбек-Француз университетининг асосий фаолият йўналишлари
Қуйидагилар Ўзбек-Француз университетининг асосий фаолият йўналишлари ҳисобланади:
(а) муҳандислик, аниқ ва табиий фанлар, француз тили ва адабиёти, биоинформатика, транспорт хизматлари, қайта тикланувчи энергетика соҳалари учун олий маълумотли кадрларни хорижий, жумладан, Франциянинг етакчи олий таълим ташкилотлари дастурлари асосида тайёрлаш;
(б) талабаларнинг интеллектуал қобилиятини ривожлантиришга, билимини амалий тажрибалар орқали мустаҳкамлашга, ўқув материалларини самарали ва пухта ўзлаштиришга хизмат қиладиган ҳар томонлама қулай таълим муҳитини шакллантириш;
(в) илмий-педагогик салоҳиятни ошириб бориш, жумладан, профессор-ўқитувчилар стажировкаси ва малака оширишини Франция консорциуми таркибидаги олий таълим ташкилотларида ёки Франция корхоналарида ташкил этиш;
(г) илмий лойиҳаларни амалга оширишда етакчи республика ва хорижий олий таълим ҳамда илмий-тадқиқот ташкилотлари ва бошқа соҳавий корхоналар билан ҳамкорлик қилиш.
Ўзбекистон Республикаси Президентининг 2025 йил 26 ноябрдаги ПҚ-354-сон қарорига 2-ИЛОВА
Ўзбек-Француз университети фаолиятини ташкил этиш бўйича
Т/р Чора-тадбирлар Амалга ошириш механизми Бажариш муддати Молиялаштириш манбалари Ижро учун масъуллар I. Ўзбек-Француз университети фаолиятини йўлга қўйиш чора-тадбирлари 1. Ўзбек-Француз университети (кейинги ўринларда — Университет) фаолиятини ташкил этиш. 1. Университет уставини ишлаб чиқиш, тасдиқлаш ва белгиланган тартибда давлат рўйхатидан ўтказиш. 2. Университетнинг ташкилий тузилмаси ва харажатлар сметасини тасдиқлаш. 2026 йил январь - Олий таълим, фан ва инновациялар вазирлиги, Адлия вазирлиги, Университет 2. Университетни юқори касбий маҳоратга эга бўлган малакали, шу жумладан, хорижий мутахассислар билан тўлдириш. 1. Университет эҳтиёжидан келиб чиқиб, бошқарув ва таълим жараёнига жалб этиладиган профессор-ўқитувчилар таркибини шакллантириш. 2. Университет таълим жараёнига жалб этиладиган хорижий ва маҳаллий профессор-ўқитувчилар ҳамда малакали мутахассисларни очиқ танлов асосида саралаб олиш. 2026 йил август - Олий таълим, фан ва инновациялар вазирлиги, Ташқи ишлар вазирлиги, Университет 3. Университет ҳамда Франция университетлари консорциуми ўртасида таълим хизматлари бўйича битим имзолаш. 1. Университет ҳамда Франция университетлари консорциуми ўртасида таълим хизматларини кўрсатиш бўйича келишув битимини имзолаш. 2026 йил май Давлат бюджети ва Университетнинг бюджетдан ташқари маблағлари Университет, Олий таълим, фан ва инновациялар вазирлиги, Франция университетлари консорциуми 2. Келишув битимини Иқтисодиёт ва молия вазирлиги ҳузуридаги «Лойиҳалар ва импорт контрактларини комплекс экспертиза қилиш маркази» ДУК томонидан экспертизадан ўтказиш. Икки ҳафта муддатда Университет, Иқтисодиёт ва молия вазирлиги 3. Келишув битимига асосан амалга оширилган хизматлар ҳажмидан келиб чиқиб, Университет томонидан зарур маблағлар ўтказиш. Битимда белгиланган муддатларда Университет, Франция университетлари консорциуми 4. Олий таълим, фан ва инновациялар вазирлиги ҳамда Университетнинг буюртмасига асосан Университетга жалб қилинадиган чет эллик ўқитувчилар ва мутахассислар ҳамда уларнинг оила аъзолари учун рухсатномаларни белгиланган тартибда расмийлаштириш. 1. Чет эллик ўқитувчи ва мутахассислар ҳамда уларнинг оила аъзолари учун кўп марталик кириш визаларини белгиланган тартибда расмийлаштириш. Доимий - Ташқи ишлар вазирлиги 2. Университетга жалб этиладиган чет эллик ўқитувчилар ва мутахассислар, уларнинг оила аъзолари учун белгиланган тартибда кўп марталик визалар бериш ва уларни узайтириш, шунингдек, уларни Ўзбекистонда яшаш манзиллари бўйича вақтинчалик рўйхатдан ўтказиш ва унинг муддатини узайтириш. Ички ишлар вазирлиги 3. Чет эллик ўқитувчи ва мутахассисларни жалб қилишда белгиланган тартибда Ўзбекистонда меҳнат фаолиятини амалга ошириш ҳуқуқини берувчи тасдиқномаларни бериш ва муддатини узайтириш. Камбағалликни қисқартириш ва бандлик вазирлиги 5. Университетда таҳсил олиш истагини билдирган хорижий талабалар учун ўқишнинг бутун даври учун узоқ муддатли кўп марталик кириш визаларини расмийлаштириш. 1. Университет томонидан хорижий талабалар учун ўқиш муддатига мувофиқ узоқ муддатли кўп марталик виза талабномаларини тайёрлаш ва Ташқи ишлар вазирлигига тақдим этиш. 2. Ташқи ишлар вазирлиги томонидан белгиланган тартибда визаларни расмийлаштириш. Доимий - Университет, Ташқи ишлар вазирлиги 6. Университетнинг моддий-техника базасини мустаҳкамлаш. 1. Университетнинг дастлабки фаолиятини ташкил этиш учун уни Тошкент давлат техника университети бош биносининг бир қисмига текин фойдаланиш ҳуқуқи асосида вақтинча жойлаштириш. 2025 йил декабрь - Олий таълим, фан ва инновациялар вазирлиги, Иқтисодиёт ва молия вазирлиги, Давлат активларини бошқариш агентлиги, Университет 2. Тошкент давлат ўзбек тили ва адабиёти университети академик лицейининг Тошкент шаҳри Боғибўстон кўчаси 62-уй манзилида жойлашган бино ва иншоотларини Ўзбекистон миллий университетига оператив бошқарув ҳуқуқи асосида бериш. 2026 йил январь 3. Тошкент шаҳри Боғибўстон кўчаси 62-уй манзилида жойлашган бино ва иншоотларига Университетни текин фойдаланиш ҳуқуқи асосида жойлаштириш ҳамда бино ва иншоотларни халқаро талаблар асосида таъмирлаш ва жиҳозлаш. Жойлаштириш — 2026 йил март Таъмирлаш ва жиҳозлаш — 2026-2027 йилларда Давлат бюджети маблағлари, Олий таълим муассасаларини ривожлантириш жамғармаси 4. Тошкент давлат ўзбек тили ва адабиёти университети академик лицейи фаолиятини тугатиш. Бунда лицей ўқувчиларига амалдаги ўқув биноларида ўқув жараёнини якунлаш имконияти яратилади. 2027 йил май II. Университетда ўқув ва илмий жараённи ташкил этиш 7. 2026/2027 ўқув йилидан бошлаб Университетнинг тайёрлов курси ва магистратура босқичига талабалар қабулини ташкил этиш. 1. Франция университетлари консорциуми билан ҳамкорликда халқаро аккредитацияланган тайёрлов курси ва магистратура мутахассислиги дастурларини ишлаб чиқиш. 2026 йил апрель - Олий таълим, фан ва инновациялар вазирлиги, Университет 2. Қабул қилиш шартлари ва муддатларини оммавий ахборот воситаларида эълон қилиш. 2026 йил май 3. Номзодларни саралаб олиш ва талабалар қабулини ташкил этиш. 2026 йил июль — сентябрь 8. Университетда ёшлар ўртасида илмий ва маданий ҳамкорликни йўлга қўйиш. 1. Ёзги мактабларни ташкил этиш дастурини ишлаб чиқиш ва тасдиқлаш. 2027 йил июль Университет маблағлари Университет, Олий таълим, фан ва инновациялар вазирлиги, Франция университетлари консорциуми 2. Ёзги мактабларни ташкил этишга доир халқаро лойиҳалар базасини шакллантириш ва уларда талаба-ёшлар иштирокини ташкиллаштириш. Доимий Ҳомийлик ва грант маблағлари 9. Университет талабалари учун тегишли таълим дастурлари бўйича амалий машғулотлар ҳамда малакавий амалиётларни давлат органлари, давлат улушига эга бўлган хўжалик юритувчи субъектлар, етакчи илмий-тадқиқот муассасаларида ўтказишни ташкил этиш. 1. Кадрлар тайёрлаш йўналишларининг хусусиятидан келиб чиқиб, корхоналар ва ташкилотларда барча талабалар амалиётини ташкил этиш бўйича республика ҳудудлари кесимида талабалар тақсимот жадвалини ишлаб чиқиш. 2. Талабаларни тегишли ташкилотларга бириктириш ва шартномалар тузиш. 3. Тақсимот жадвалини тасдиқлаш ва талабаларни амалиётга юбориш. Режа-жадвал асосида - Университет, Олий таълим, фан ва инновациялар вазирлиги, Франция университетлари консорциуми 10. Франция олий таълим ташкилотлари билан халқаро ҳамкорликни кенгайтириш. 1. Франция университетлари консорциуми билан ўзаро ҳамкорликни мувофиқлаштириш ва ривожлантириш учун Тошкент давлат техника университети, Ўзбекистон миллий университети, Ўзбекистон давлат жаҳон тиллари университети, Тошкент давлат транспорт университетидан иборат Ўзбекистон олийгоҳлари консорциумини ташкил этиш ҳамда унинг таркибига заруратга кўра бошқа олийгоҳларни киритиш. 2026 йил март - Университет, Олий таълим, фан ва инновациялар вазирлиги, Транспорт вазирлиги, Франция университетлари консорциуми 2. Университет ўқув жараёнини дастлабки босқичда самарали ташкил этиш, жумладан, таълим дастурларининг ўқув-методик ҳужжатларини Франция университетлари консорциумидаги олий таълим ташкилотлари билан ҳамкорликда ўзаро мувофиқлаштирган ҳолда ишлаб чиқиш. 2026 йил июль 3. Франция университетлари консорциуми ва Ўзбекистон олийгоҳлари консорциуми таркибидаги олий таълим ташкилотлари ўртасида ўзаро ҳамкорлик алоқаларини ўрнатиш. Доимий 11. Университет профессор-ўқитувчиларининг илмий салоҳиятини ошириш. 1. Университет профессор-ўқитувчилари учун илмий мақолалар чоп этиш ва уларнинг иқтибослик даражасини ошириш бўйича семинарлар ташкил этиш. 2. Нуфузли халқаро илмий журналларда мақолалар чоп этишни қўллаб-қувватлаш механизмларини жорий этиш. 3. Хирш индекси 5 ва ундан юқори бўлган профессор-ўқитувчилар ва илмий изланувчиларни моддий рағбатлантириш тизимини йўлга қўйиш. 2026/2027 ўқув йилидан бошлаб Университетнинг бюджетдан ташқари маблағлари Университет, Олий таълим, фан ва инновациялар вазирлиги III. Маънавий-маърифий ва тарбиявий ишлар тизимини такомиллаштириш 12. Университетда беш муҳим ташаббус доирасида спорт ва маънавий тадбирларни ташкил этиш. 1. Беш муҳим ташаббус доирасида тўгараклар ва спорт секциялари ташкил этиш учун зарур хона ажратиш ва уни жиҳозлаш. 2026 йил август Университетнинг бюджетдан ташқари маблағлари Университет, Олий таълим, фан ва инновациялар вазирлиги 2. Беш муҳим ташаббус доирасида тўгараклар ва спорт секциялари фаолиятини йўлга қўйиш. 2026 йил сентябрь 13. Университетда «Ёш китобхон талабалар лигаси» танлови ва «Заковат» интеллектуал ўйинларини ташкил этиш. 1. «Ёш китобхон талабалар лигаси» танлови ва «Заковат» интеллектуал ўйинларини ўтказиш тартибини ишлаб чиқиш. 2026 йил октябрь Университетнинг бюджетдан ташқари маблағлари Университет, Олий таълим, фан ва инновациялар вазирлиги 2. «Ёш китобхон талабалар лигаси» танлови ва «Заковат» интеллектуал ўйинларини ўтказиш тартиби асосида танловларни юқори савияда ўтказиш. Доимий
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 26 ноябрь,
ПҚ-354-сон
Oʻzbekiston Respublikasi Prezidentining
qarori
“YOʻL XARITASI”
Oʻzbek-Fransuz universitetini tashkil etish chora-tadbirlari toʻgʻrisida
Oliy taʼlim sohasida xalqaro hamkorlikni kengaytirish, Fransiya Respublikasining yetakchi oliy taʼlim tashkilotlari dasturlari asosida raqobatbardosh oliy maʼlumotli kadrlar tayyorlash maqsadida qaror qilaman:
I. Maqsad
1. Belgilansinki, ushbu qarorning asosiy maqsadi Oʻzbekiston va Fransiya oʻrtasida taʼlim sohasidagi oʻzaro aloqalarni mustahkamlash hamda Fransiya universitetlarining taʼlim dasturlari asosida oliy maʼlumotli kadrlar tayyorlash hisoblanadi.
II. Oʻzbek-Fransuz universitetini tashkil etish
2. Oʻzbek-Fransuz universiteti (keyingi oʻrinlarda — Universitet) tashkil etilsin hamda uning asosiy faoliyat yoʻnalishlari 1-ilovaga muvofiq tasdiqlansin.
3. Oʻzbekiston Respublikasi Hukumati va Fransiya Respublikasi Hukumati oʻrtasida 2025-yil 12-mart kuni Universitetni tashkil etish boʻyicha, jumladan, quyidagilarni nazarda tutuvchi hamkorlik bitimi imzolangani maʼlumot uchun qabul qilinsin:
(a) Oʻzbekiston tomonidan Oliy taʼlim, fan va innovatsiyalar vazirligi hamda Fransiya tomonidan Oliy taʼlim, tadqiqot va kosmos vazirligi Universitet muassislari hisoblanishi;
(b) Universitetni tashkil etish va uning faoliyatini yuritish jarayonida Fransiya universitetlari konsorsiumi ishtirok etishi hamda Fransiya Respublikasining taklifi bilan dastlabki bosqichda Puatye universiteti, Renn universiteti, Gavr-Normandiya universiteti, Lyumyer Lion 2 universiteti konsorsium tarkibiga kiritilgani. Bunda konsorsium tarkibi Fransiya tomonining taklifi bilan oʻzgartirilishi mumkin;
(v) Fransiya universitetlari konsorsiumi tarkibiga kiritilgan universitetlarga quyidagi majburiyatlar yuklatilganligi:
(i) Universitetda taʼlim jarayonini tashkil etish, oʻquv rejalari, oʻquv dasturlari va materiallarini ishlab chiqish, shuningdek, talabalarni qabul qilish va pedagoglarni saralash jarayonlarida koʻmaklashish;
(ii) Universitet talabalari va professor-oʻqituvchilarini Fransiyaga yuborish uchun moliyalashtirish manbalarini aniqlash;
(iii) Universitet talabalari uchun oʻz maʼlumotlar bazalaridan, jumladan, kutubxona fondining elektron bazasidan foydalanish tartibini soddalashtirish;
(iv) Universitet taʼlim dasturlarini Fransiya Respublikasida akkreditatsiyadan oʻtkazishga koʻmaklashish;
(g) Universitetning maʼmuriy-moliyaviy masalalari boʻyicha qarorlari tarkibi Oʻzbekiston va Fransiya tomonidan tenglik asosida shakllantiriladigan Vasiylik kengashi tomonidan qabul qilinishi.
4. Belgilab qoʻyilsinki:
(a) Universitet oʻz faoliyatini Oʻzbekiston Respublikasining taʼlim toʻgʻrisidagi qonunchilik hujjatlari talablari hamda Fransiya universitetlari konsorsiumi tavsiyalari asosida amalga oshiradi;
(b) Universitetda qabul parametrlari, toʻlov-kontrakt summasi, oʻqishga qabul qilish va bitiruvchilarni attestatsiyadan oʻtkazish tartibi Universitet Vasiylik kengashi tomonidan belgilanadi;
(v) Universitetda dastlabki bosqichda magistraturada, keyinchalik bosqichma-bosqich bakalavriat va doktoranturada kadrlar tayyorlash yoʻlga qoʻyiladi hamda Universitetga kirish uchun tayyorlov kursi joriy etiladi;
(g) Universitetda taʼlim jarayoni maqsadli davlat granti va toʻlov-kontrakt asosida amalga oshiriladi;
(d) Universitet bitiruvchilariga Universitet diplomi va (yoki) Fransiya Respublikasida akkreditatsiyadan oʻtgan taʼlim dasturlari boʻyicha konsorsium tarkibiga kirgan tegishli Fransiya universitetining diplomi beriladi. Bunda bitiruvchilarga berilgan diplom Oʻzbekiston Respublikasida tan olinadi;
(j) Universitetga Oliy taʼlim, fan va innovatsiyalar vazirligi tavsiyasi asosida tayinlanadigan rektor rahbarlik qiladi;
(z) Universitetning oʻquv jarayoni va ilmiy-tadqiqot faoliyatini boshqarish, shu jumladan, taʼlim dasturlarini shakllantirish, kadrlar tayyorlash sifatini taʼminlash Fransiya tomonidan tayinlanadigan birinchi prorektor tomonidan amalga oshiriladi.
III. Universitet faoliyatini moliyalashtirish
5. Quyidagilar Universitet faoliyatini moliyalashtirish manbalari etib belgilansin:
(a) Universitetga oʻqishga qabul qilingan talabalar umumiy sonining 30 foizidan oshmagan holda davlat granti asosida talabalarni oʻqitish uchun Oliy taʼlim, fan va innovatsiyalar vazirligiga ajratiladigan Davlat budjeti mablagʻlari;
(b) talabalarni toʻlov-kontrakt asosida oʻqitishdan tushadigan mablagʻlar;
(v) Universitetda tayyorlanadigan mutaxassisliklar boʻyicha magistr kadrlarga ehtiyoj boʻlgan oliy taʼlim tashkilotlarining budjetdan tashqari mablagʻlari;
(g) grantlar, homiylik xayriyalari va qonunchilik hujjatlari bilan taqiqlanmagan boshqa manbalar.
6. Shunday tartib oʻrnatilsinki, unga muvofiq:
(a) Universitetga davlat granti asosida qabul qilingan bir nafar talabani oʻqitish xarajati qiymati Universitet moddiy-texnika bazasini mustahkamlash va zarur laboratoriya bazasini yaratish xarajatlarini inobatga olgan holda Oliy taʼlim, fan va innovatsiyalar vazirligi tomonidan Iqtisodiyot va moliya vazirligi bilan kelishgan holda belgilanadi;
(b) budjet tashkilotlariga, shu jumladan, oliy taʼlim tashkilotlariga budjetdan tashqari mablagʻlari hisobidan Universitetga toʻlov-kontrakt asosida qabul qilingan talabalarning oʻqitish xarajatlarini toʻliq yoki qisman qoplashga ruxsat beriladi. Bunda talabalarning ushbu tashkilotda majburiy ishlab berish davri ikki taraf oʻrtasida tuziladigan shartnomada belgilanadi.
IV. Qaror ijrosini tashkil etish, taʼminlash va nazorat qilish
7. Oʻzbek-Fransuz universiteti faoliyatini tashkil etish boʻyicha “yoʻl xaritasi” 2-ilovaga muvofiq tasdiqlansin.
8. Oliy taʼlim, fan va innovatsiyalar vazirligi ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
9. Mazkur qarorning ijrosini samarali tashkil qilishga masʼul va shaxsiy javobgar etib oliy taʼlim, fan va innovatsiyalar vaziri K.A. Sharipov belgilansin.
10. Qaror ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2025-yil 26-noyabrdagi PQ-354-son qaroriga 1-ILOVA
Oʻzbek-Fransuz universitetining asosiy faoliyat yoʻnalishlari
Quyidagilar Oʻzbek-Fransuz universitetining asosiy faoliyat yoʻnalishlari hisoblanadi:
(a) muhandislik, aniq va tabiiy fanlar, fransuz tili va adabiyoti, bioinformatika, transport xizmatlari, qayta tiklanuvchi energetika sohalari uchun oliy maʼlumotli kadrlarni xorijiy, jumladan, Fransiyaning yetakchi oliy taʼlim tashkilotlari dasturlari asosida tayyorlash;
(b) talabalarning intellektual qobiliyatini rivojlantirishga, bilimini amaliy tajribalar orqali mustahkamlashga, oʻquv materiallarini samarali va puxta oʻzlashtirishga xizmat qiladigan har tomonlama qulay taʼlim muhitini shakllantirish;
(v) ilmiy-pedagogik salohiyatni oshirib borish, jumladan, professor-oʻqituvchilar stajirovkasi va malaka oshirishini Fransiya konsorsiumi tarkibidagi oliy taʼlim tashkilotlarida yoki Fransiya korxonalarida tashkil etish;
(g) ilmiy loyihalarni amalga oshirishda yetakchi respublika va xorijiy oliy taʼlim hamda ilmiy-tadqiqot tashkilotlari va boshqa sohaviy korxonalar bilan hamkorlik qilish.
Oʻzbekiston Respublikasi Prezidentining 2025-yil 26-noyabrdagi PQ-354-son qaroriga 2-ILOVA
Oʻzbek-Fransuz universiteti faoliyatini tashkil etish boʻyicha
T/r Chora-tadbirlar Amalga oshirish mexanizmi Bajarish muddati Moliyalashtirish manbalari Ijro uchun masʼullar I. Oʻzbek-Fransuz universiteti faoliyatini yoʻlga qoʻyish chora-tadbirlari 1. Oʻzbek-Fransuz universiteti (keyingi oʻrinlarda — Universitet) faoliyatini tashkil etish. 1. Universitet ustavini ishlab chiqish, tasdiqlash va belgilangan tartibda davlat roʻyxatidan oʻtkazish. 2. Universitetning tashkiliy tuzilmasi va xarajatlar smetasini tasdiqlash. 2026-yil yanvar - Oliy taʼlim, fan va innovatsiyalar vazirligi, Adliya vazirligi, Universitet 2. Universitetni yuqori kasbiy mahoratga ega boʻlgan malakali, shu jumladan, xorijiy mutaxassislar bilan toʻldirish. 1. Universitet ehtiyojidan kelib chiqib, boshqaruv va taʼlim jarayoniga jalb etiladigan professor-oʻqituvchilar tarkibini shakllantirish. 2. Universitet taʼlim jarayoniga jalb etiladigan xorijiy va mahalliy professor-oʻqituvchilar hamda malakali mutaxassislarni ochiq tanlov asosida saralab olish. 2026-yil avgust - Oliy taʼlim, fan va innovatsiyalar vazirligi, Tashqi ishlar vazirligi, Universitet 3. Universitet hamda Fransiya universitetlari konsorsiumi oʻrtasida taʼlim xizmatlari boʻyicha bitim imzolash. 1. Universitet hamda Fransiya universitetlari konsorsiumi oʻrtasida taʼlim xizmatlarini koʻrsatish boʻyicha kelishuv bitimini imzolash. 2026-yil may Davlat budjeti va Universitetning budjetdan tashqari mablagʻlari Universitet, Oliy taʼlim, fan va innovatsiyalar vazirligi, Fransiya universitetlari konsorsiumi 2. Kelishuv bitimini Iqtisodiyot va moliya vazirligi huzuridagi “Loyihalar va import kontraktlarini kompleks ekspertiza qilish markazi” DUK tomonidan ekspertizadan oʻtkazish. Ikki hafta muddatda Universitet, Iqtisodiyot va moliya vazirligi 3. Kelishuv bitimiga asosan amalga oshirilgan xizmatlar hajmidan kelib chiqib, Universitet tomonidan zarur mablagʻlar oʻtkazish. Bitimda belgilangan muddatlarda Universitet, Fransiya universitetlari konsorsiumi 4. Oliy taʼlim, fan va innovatsiyalar vazirligi hamda Universitetning buyurtmasiga asosan Universitetga jalb qilinadigan chet ellik oʻqituvchilar va mutaxassislar hamda ularning oila aʼzolari uchun ruxsatnomalarni belgilangan tartibda rasmiylashtirish. 1. Chet ellik oʻqituvchi va mutaxassislar hamda ularning oila aʼzolari uchun koʻp martalik kirish vizalarini belgilangan tartibda rasmiylashtirish. Doimiy - Tashqi ishlar vazirligi 2. Universitetga jalb etiladigan chet ellik oʻqituvchilar va mutaxassislar, ularning oila aʼzolari uchun belgilangan tartibda koʻp martalik vizalar berish va ularni uzaytirish, shuningdek, ularni Oʻzbekistonda yashash manzillari boʻyicha vaqtinchalik roʻyxatdan oʻtkazish va uning muddatini uzaytirish. Ichki ishlar vazirligi 3. Chet ellik oʻqituvchi va mutaxassislarni jalb qilishda belgilangan tartibda Oʻzbekistonda mehnat faoliyatini amalga oshirish huquqini beruvchi tasdiqnomalarni berish va muddatini uzaytirish. Kambagʻallikni qisqartirish va bandlik vazirligi 5. Universitetda tahsil olish istagini bildirgan xorijiy talabalar uchun oʻqishning butun davri uchun uzoq muddatli koʻp martalik kirish vizalarini rasmiylashtirish. 1. Universitet tomonidan xorijiy talabalar uchun oʻqish muddatiga muvofiq uzoq muddatli koʻp martalik viza talabnomalarini tayyorlash va Tashqi ishlar vazirligiga taqdim etish. 2. Tashqi ishlar vazirligi tomonidan belgilangan tartibda vizalarni rasmiylashtirish. Doimiy - Universitet, Tashqi ishlar vazirligi 6. Universitetning moddiy-texnika bazasini mustahkamlash. 1. Universitetning dastlabki faoliyatini tashkil etish uchun uni Toshkent davlat texnika universiteti bosh binosining bir qismiga tekin foydalanish huquqi asosida vaqtincha joylashtirish. 2025-yil dekabr - Oliy taʼlim, fan va innovatsiyalar vazirligi, Iqtisodiyot va moliya vazirligi, Davlat aktivlarini boshqarish agentligi, Universitet 2. Toshkent davlat oʻzbek tili va adabiyoti universiteti akademik litseyining Toshkent shahri Bogʻiboʻston koʻchasi 62-uy manzilida joylashgan bino va inshootlarini Oʻzbekiston milliy universitetiga operativ boshqaruv huquqi asosida berish. 2026-yil yanvar 3. Toshkent shahri Bogʻiboʻston koʻchasi 62-uy manzilida joylashgan bino va inshootlariga Universitetni tekin foydalanish huquqi asosida joylashtirish hamda bino va inshootlarni xalqaro talablar asosida taʼmirlash va jihozlash. Joylashtirish — 2026-yil mart Taʼmirlash va jihozlash — 2026-2027-yillarda Davlat budjeti mablagʻlari, Oliy taʼlim muassasalarini rivojlantirish jamgʻarmasi 4. Toshkent davlat oʻzbek tili va adabiyoti universiteti akademik litseyi faoliyatini tugatish. Bunda litsey oʻquvchilariga amaldagi oʻquv binolarida oʻquv jarayonini yakunlash imkoniyati yaratiladi. 2027-yil may II. Universitetda oʻquv va ilmiy jarayonni tashkil etish 7. 2026/2027 oʻquv yilidan boshlab Universitetning tayyorlov kursi va magistratura bosqichiga talabalar qabulini tashkil etish. 1. Fransiya universitetlari konsorsiumi bilan hamkorlikda xalqaro akkreditatsiyalangan tayyorlov kursi va magistratura mutaxassisligi dasturlarini ishlab chiqish. 2026-yil aprel - Oliy taʼlim, fan va innovatsiyalar vazirligi, Universitet 2. Qabul qilish shartlari va muddatlarini ommaviy axborot vositalarida eʼlon qilish. 2026-yil may 3. Nomzodlarni saralab olish va talabalar qabulini tashkil etish. 2026-yil iyul — sentabr 8. Universitetda yoshlar oʻrtasida ilmiy va madaniy hamkorlikni yoʻlga qoʻyish. 1. Yozgi maktablarni tashkil etish dasturini ishlab chiqish va tasdiqlash. 2027-yil iyul Universitet mablagʻlari Universitet, Oliy taʼlim, fan va innovatsiyalar vazirligi, Fransiya universitetlari konsorsiumi 2. Yozgi maktablarni tashkil etishga doir xalqaro loyihalar bazasini shakllantirish va ularda talaba-yoshlar ishtirokini tashkillashtirish. Doimiy Homiylik va grant mablagʻlari 9. Universitet talabalari uchun tegishli taʼlim dasturlari boʻyicha amaliy mashgʻulotlar hamda malakaviy amaliyotlarni davlat organlari, davlat ulushiga ega boʻlgan xoʻjalik yurituvchi subyektlar, yetakchi ilmiy-tadqiqot muassasalarida oʻtkazishni tashkil etish. 1. Kadrlar tayyorlash yoʻnalishlarining xususiyatidan kelib chiqib, korxonalar va tashkilotlarda barcha talabalar amaliyotini tashkil etish boʻyicha respublika hududlari kesimida talabalar taqsimot jadvalini ishlab chiqish. 2. Talabalarni tegishli tashkilotlarga biriktirish va shartnomalar tuzish. 3. Taqsimot jadvalini tasdiqlash va talabalarni amaliyotga yuborish. Reja-jadval asosida - Universitet, Oliy taʼlim, fan va innovatsiyalar vazirligi, Fransiya universitetlari konsorsiumi 10. Fransiya oliy taʼlim tashkilotlari bilan xalqaro hamkorlikni kengaytirish. 1. Fransiya universitetlari konsorsiumi bilan oʻzaro hamkorlikni muvofiqlashtirish va rivojlantirish uchun Toshkent davlat texnika universiteti, Oʻzbekiston milliy universiteti, Oʻzbekiston davlat jahon tillari universiteti, Toshkent davlat transport universitetidan iborat Oʻzbekiston oliygohlari konsorsiumini tashkil etish hamda uning tarkibiga zaruratga koʻra boshqa oliygohlarni kiritish. 2026-yil mart - Universitet, Oliy taʼlim, fan va innovatsiyalar vazirligi, Transport vazirligi, Fransiya universitetlari konsorsiumi 2. Universitet oʻquv jarayonini dastlabki bosqichda samarali tashkil etish, jumladan, taʼlim dasturlarining oʻquv-metodik hujjatlarini Fransiya universitetlari konsorsiumidagi oliy taʼlim tashkilotlari bilan hamkorlikda oʻzaro muvofiqlashtirgan holda ishlab chiqish. 2026-yil iyul 3. Fransiya universitetlari konsorsiumi va Oʻzbekiston oliygohlari konsorsiumi tarkibidagi oliy taʼlim tashkilotlari oʻrtasida oʻzaro hamkorlik aloqalarini oʻrnatish. Doimiy 11. Universitet professor-oʻqituvchilarining ilmiy salohiyatini oshirish. 1. Universitet professor-oʻqituvchilari uchun ilmiy maqolalar chop etish va ularning iqtiboslik darajasini oshirish boʻyicha seminarlar tashkil etish. 2. Nufuzli xalqaro ilmiy jurnallarda maqolalar chop etishni qoʻllab-quvvatlash mexanizmlarini joriy etish. 3. Xirsh indeksi 5 va undan yuqori boʻlgan professor-oʻqituvchilar va ilmiy izlanuvchilarni moddiy ragʻbatlantirish tizimini yoʻlga qoʻyish. 2026/2027 oʻquv yilidan boshlab Universitetning budjetdan tashqari mablagʻlari Universitet, Oliy taʼlim, fan va innovatsiyalar vazirligi III. Maʼnaviy-maʼrifiy va tarbiyaviy ishlar tizimini takomillashtirish 12. Universitetda besh muhim tashabbus doirasida sport va maʼnaviy tadbirlarni tashkil etish. 1. Besh muhim tashabbus doirasida toʻgaraklar va sport seksiyalari tashkil etish uchun zarur xona ajratish va uni jihozlash. 2026-yil avgust Universitetning budjetdan tashqari mablagʻlari Universitet, Oliy taʼlim, fan va innovatsiyalar vazirligi 2. Besh muhim tashabbus doirasida toʻgaraklar va sport seksiyalari faoliyatini yoʻlga qoʻyish. 2026-yil sentabr 13. Universitetda “Yosh kitobxon talabalar ligasi” tanlovi va “Zakovat” intellektual oʻyinlarini tashkil etish. 1. “Yosh kitobxon talabalar ligasi” tanlovi va “Zakovat” intellektual oʻyinlarini oʻtkazish tartibini ishlab chiqish. 2026-yil oktabr Universitetning budjetdan tashqari mablagʻlari Universitet, Oliy taʼlim, fan va innovatsiyalar vazirligi 2. “Yosh kitobxon talabalar ligasi” tanlovi va “Zakovat” intellektual oʻyinlarini oʻtkazish tartibi asosida tanlovlarni yuqori saviyada oʻtkazish. Doimiy
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 26-noyabr,
PQ-354-son
Президента Республики Узбекистан
Постановление
О мерах по образованию Узбекско-Французского университета
В целях расширения международного сотрудничества в сфере высшего образования, подготовки конкурентоспособных кадров с высшим образованием на основе программ ведущих высших образовательных организаций Французской Республики постановляю:
I. Цель
1. Определить основной целью настоящего постановления укрепление взаимосвязей в сфере образования между Узбекистаном и Францией, подготовку кадров с высшим образованием на основе образовательных программ университетов Франции.
II. Создание Узбекско-Французского университета
2. Создать Узбекско-Французский университет (далее — Университет) и утвердить основные направления его деятельности согласно приложению № 1 * .
3. Принять к сведению, что 12 марта 2025 года между Правительством Республики Узбекистан и Правительством Французской Республики подписано Соглашение о сотрудничестве по созданию Университета, предусматривающее в том числе следующее:
(а) Министерство высшего образования, науки и инноваций от узбекской стороны и Министерство высшего образования, исследований и космоса от французской стороны являются учредителями Университета;
(б) в процессе создания и ведения деятельности Университета принимает участие консорциум университетов Франции, по предложению Французской Республики, на начальном этапе Университет Пуатье, Университет Ренна, Университет Гавр-Нормандии и Университет Люмьер Лион 2 включены в состав консорциума. При этом состав консорциума может быть изменен по предложению французской стороны;
(в) на университеты, включенные в состав консорциума университетов Франции, возлагаются следующие обязательства:
(i) содействие в организации образовательного процесса в Университете, процессах разработки учебных планов, учебных программ и материалов, а также приема студентов и отбора педагогов;
(ii) определение источников финансирования для направления студентов и профессоров-преподавателей Университета во Францию;
(iii) упрощение порядка использования их баз данных, включая электронную базу библиотечного фонда, для студентов Университета;
(iv) содействие в аккредитации во Французской Республике образовательных программ Университета;
(г) решения Университета по административно-финансовым вопросам принимаются его Попечительским советом, состав которого формируется узбекской и французской сторонами на основе равенства.
4. Установить, что:
(а) Университет осуществляет свою деятельность на основании требований актов законодательства об образовании Республики Узбекистан, а также рекомендаций консорциума университетов Франции;
(б) параметры приема в Университет, сумма платного контракта, порядок приема на учебу и проведения аттестации выпускников определяются Попечительским советом Университета;
(в) в Университете внедряются подготовка кадров на начальном этапе в магистратуре, в дальнейшем поэтапно — в бакалавриате и докторантуре, а также подготовительные курсы для поступления в Университет;
(г) в Университете образовательный процесс осуществляется на основе целевого государственного гранта, а также платного контракта;
(д) выпускникам Университета предоставляется диплом Университета и (или) диплом включенного в состав консорциума соответствующего университета Франции, образовательные программы которого прошли аккредитацию во Французской Республике. При этом диплом, выданный выпускникам, признается в Республике Узбекистан;
(ж) руководит Университетом ректор, который назначается по рекомендации Министерства высшего образования, науки и инноваций;
(з) управление учебным процессом и научно-исследовательской деятельностью Университета, включая формирование образовательных программ, обеспечение качества подготовки кадров, осуществляется первым проректором, который назначается французской стороной.
III. Финансирование деятельности Университета
5. Определить источниками финансирования деятельности Университета:
(а) средства Государственного бюджета, выделяемые Министерству высшего образования, науки и инноваций для обучения студентов на основе государственного гранта численностью, не превышающей 30 процентов общего числа студентов, принятых на учебу в Университет;
(б) средства, поступающие от обучения студентов на платно-контрактной основе;
(в) внебюджетные средства высших образовательных организаций, имеющих потребность в кадрах магистров по специальностям, подготавливаемым в Университете;
(г) гранты, благотворительные пожертвования и иные источники, не запрещенные актами законодательства.
6. Установить порядок, в соответствии с которым:
(а) сумма расходов по обучению в Университете одного студента, принятого на основе государственного гранта, определяется с учетом затрат на укрепление материально-технической базы и создание необходимой лабораторной базы Университета Министерством высшего образования, науки и инноваций по согласованию с Министерством экономики и финансов;
(б) бюджетным организациям, включая высшие образовательные организации, разрешается полностью либо частично компенсировать расходы по обучению студентов, принятых в Университет на платно-контрактной основе, за счет внебюджетных средств. При этом период обязательной отработки студентами в данной организации устанавливается договором, заключаемым между двумя сторонами.
IV. Организация, обеспечение и контроль исполнения постановления
7. Утвердить «Дорожную карту» по организации деятельности Узбекско-Французского университета согласно приложению № 2 * .
8. Министерству высшего образования, науки и инноваций в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
9. Возложить на министра высшего образования, науки и инноваций К.А. Шарипова персональную ответственность за эффективную организацию исполнения настоящего постановления.
10. Контроль за исполнением настоящего постановления возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
26 ноября 2025 г.,
№ ПП-354