📅 2025-yil 26-noyabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 26 ноябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 26 ноября 2025 г. · Указы Президента
Официальный текст. Официальный документ. Редакционные примечания не включены.
📅 26 November 2025 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
ТАРКИБИ
ЧЕГАРАЛАРИНИНГ ТАВСИФИ
Рақамли технологиялар халқаро маркази фаолиятини ташкил этиш тўғрисида
Ўзбекистон Республикаси Президентининг 2020 йил 5 октябрдаги «Рақамли Ўзбекистон — 2030» стратегиясини тасдиқлаш ва уни самарали амалга ошириш чора-тадбирлари тўғрисида»ги ПФ-6079-сон Фармонида белгиланган вазифаларни амалга ошириш, шунингдек, дастурий маҳсулотлар ва IT хизматлар экспортини ривожлантириш учун қулай шарт-шароитлар яратиш, хорижий инвестицияларни фаол жалб этиш ҳамда инвесторлар ҳуқуқларини ҳимоя қилишнинг халқаро тан олинган илғор амалиёт ва институтларини жорий қилиш мақсадида қарор қиламан:
I. Мақсадлар
1. Қуйидагилар учун шарт-шароитлар яратиш ушбу Фармоннинг асосий мақсади этиб белгилансин:
(а) IT соҳасига инвестицияларни кенг жалб қилиш, бизнес юритиш учун қулай муҳит яратиш ҳамда халқаро даражада рақобатбардош ва жозибадор экотизимни шакллантириш;
(б) IT компаниялар томонидан венчур капитални жалб қилиш ҳамда халқаро шериклар билан шартномалар тузишда уларнинг ҳуқуқий кафолатларини янада мустаҳкамлаш;
(в) ахборот технологиялари ва бизнес жараёнлари соҳасида хизматлар экспортини ривожлантириш ҳамда жаҳон иқтисодиётига самарали интеграцияни таъминлаш;
(г) рақамли ечимлар ва инновациялар бўйича илғор маҳаллий компаниялар фаолиятини рағбатлантириш ва малакали кадрлар тайёрлаш;
(д) мамлакатимизда хорижий инвесторлар учун қулай ҳуқуқий муҳитни шакллантириш ва уларнинг ҳуқуқларини ишончли ҳимоя қилишнинг самарали механизмларини жорий этиш.
II. Рақамли технологиялар халқаро маркази фаолиятини ташкил этиш ва уни бошқариш
2. Ўзбекистон Республикаси Президентининг 2024 йил 1 февралдаги «Рақамли технологиялар халқаро марказини ташкил этиш бўйича биринчи навбатдаги чора-тадбирлар тўғрисида»ги ПФ-25-сон Фармонига мувофиқ «Enterprise Uzbekistan» рақамли технологиялар халқаро маркази (кейинги ўринларда — Марказ) ташкил этилгани маълумот учун қабул қилинсин.
3. Қуйидагилар:
(а) «Enterprise Uzbekistan» рақамли технологиялар халқаро маркази бошқарув кенгаши (кейинги ўринларда — Бошқарув кенгаши) таркиби 1-иловага мувофиқ;
(б) «Enterprise Uzbekistan» рақамли технологиялар халқаро маркази ҳудуди чегараларининг тавсифи 2-иловага мувофиқ тасдиқлансин.
4. Рақамли технологиялар вазирлиги, Иқтисодиёт ва молия вазирлиги ҳамда Инвестициялар, саноат ва савдо вазирлигининг қуйидаги таклифларига розилик берилсин:
(а) Марказ дирекциясини акциядорлик жамияти шаклида ташкил этиш, унинг ягона акциядори сифатида «Дастурий маҳсулотлар ва ахборот технологиялари технологик парки дирекцияси» МЧЖни белгилаш;
(б) Марказ органларининг фаолиятини Рақамли технологияларни ривожлантириш жамғармаси маблағлари, Марказ органлари томонидан кўрсатиладиган хизматлардан тушумлар, Марказ резидентларининг ойлик ажратмалари, шунингдек, қонунчиликда тақиқланмаган бошқа манбалар ҳисобидан молиялаштириш;
(в) Марказ резидентлари учун солиқ ва божхона маъмуриятчилиги, меҳнат муносабатларини тартибга солиш, шахсга доир маълумотлар ва интеллектуал мулкни ҳимоя қилиш, давлат хизматларини кўрсатиш, низоларни ҳал қилиш ҳамда қонун ҳужжатлари ва Бошқарув кенгаши қарорлари билан белгиланадиган бошқа соҳаларда махсус ҳуқуқий режим ўрнатиш.
III. Марказ ҳудудидаги махсус ҳуқуқий режим
5. Марказ ҳудудида қуйидаги фаолият турларига рухсат этилади:
(а) дастурий маҳсулотларни ишлаб чиқиш, рақамли технологиялар соҳасида консалтинг ва аутстаффинг хизматларини кўрсатиш;
(б) рақамли технологиялардан фойдаланган ҳолда аутсорсинг асосида масофавий хизматлар кўрсатиш, шу жумладан, бизнес жараёнлар аутсорсинги (BPO);
(в) рақамли технологиялар соҳасида илмий тадқиқотлар ва ишланмаларни (R&D) амалга ошириш;
(г) видео ўйинлар (GameDev) яратиш, улар учун рақамли контент ишлаб чиқиш, жумладан, график дизайн, видео ва аудиоконтент яратиш ва таҳрирлаш (шу жумладан, визуализация ва рақамли медиа);
(д) рақамли контентни (шу жумладан, электрон китоблар, ўқув курслари, медиаконтент) ёки дастурий ечимларни онлайн платформалар орқали яратиш, жойлаштириш ва тарғиб қилиш;
(ж) сунъий интеллект технологияларини яратиш ва ривожлантириш;
(з) маълумотларни қайта ишлаш ва сақлаш марказларини, булутли ҳисоблаш тизимларини яратиш, уларни бошқариш ва тегишли хизматларни кўрсатиш;
(и) рақамли технологиялар соҳасида таълим фаолиятини ва Бошқарув кенгаши томонидан белгиланадиган бошқа фаолият турларини амалга ошириш.
6. Шундай тартиб ўрнатилсинки, унга кўра Марказ резидентларига молиявий хизматлар кўрсатишнинг махсус қоидалари Марказий банк (банк хизматлари ва валютани тартибга солиш бўйича) ва Истиқболли лойиҳалар миллий агентлиги (суғурта ва қимматли қоғозлар соҳасидаги хизматлар бўйича) томонидан белгиланади.
7. Белгилансинки:
(а) Марказ резидентларининг махсус ҳуқуқий режим доирасидаги фаолияти мазкур Фармоннинг 2-иловасига мувофиқ тасдиқланган Марказ ҳудуди ва (ёки) унинг юрисдикцияси доирасида амалга оширилади;
(б) Марказ резидентларига хизмат кўрсатиш мақсадида Марказ ҳудудида «ягона дарча» тамойили асосида фаолият юритувчи, шу жумладан, инглиз тилида хизмат кўрсатувчи ихтисослаштирилган солиқ инспекцияси ташкил этилади.
8. Рақамли технологиялар вазирлиги, Инвестициялар, саноат ва савдо вазирлиги, Адлия вазирлиги ҳамда халқаро экспертларнинг қуйидагиларни назарда тутувчи таклифларига розилик берилсин:
(а) Марказни Англия ва Уэльс умумий ҳуқуқ нормалари ва принципларига ёки етакчи халқаро молия марказлари стандартларига асосланган махсус ҳуқуқий режимга эга алоҳида ҳудуд (юрисдикция) сифатида эътироф этиш;
(б) Марказнинг махсус ҳуқуқий режими доирасида унинг резидентлари ва томонларнинг ўзаро келишувига мувофиқ бошқа тадбиркорлик субъектларининг низоларини Ўзбекистон Республикаси суд тизимига кирмайдиган мустақил ихтисослаштирилган суд томонидан кўриб чиқиш имкониятларини яратиш;
(в) Марказ резидентлари учун ўрнатилган солиқ, божхона ва бошқа имтиёзларни татбиқ этмаган ҳолда Марказ ҳудудида резидент бўлмаган компаниялар томонидан молиявий, консалтинг, инвестиция ва юридик хизматлар кўрсатилишига рухсат этиш.
9. Вазирлар Маҳкамаси уч ой муддатда «Рақамли технологиялар халқаро маркази тўғрисида»ги Ўзбекистон Республикаси Конституциявий қонуни лойиҳасини ўрнатилган тартибда киритсин.
10. Ўзбекистон Республикаси Президентининг 2024 йил 1 февралдаги «Рақамли технологиялар халқаро марказини ташкил этиш бўйича биринчи навбатдаги чора-тадбирлар тўғрисида»ги ПФ-25-сон Фармонининг 2-банди учинчи хатбошиси , 3 , 5 , 6-бандлари ва иловаси ўз кучини йўқотган деб ҳисоблансин.
IV. Фармон ижросини ташкил этиш, таъминлаш ва назорат
11. Ушбу Фармон ижросини самарали ташкил этиш учун масъул этиб Ўзбекистон Республикаси Бош вазири ўринбосари Ж.А. Қўчқоров ва рақамли технологиялар вазири Ш.Х. Шерматов белгилансин.
12. Ушбу Фармон ижросини таъминлаш бўйича масъул органлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2025 йил 26 ноябрдаги ПФ-233-сон Фармонига 1-ИЛОВА
«Enterprise Uzbekistan» рақамли технологиялар халқаро маркази бошқарув кенгаши
1. Ш.М. Мирзиёев — Ўзбекистон Республикаси Президенти, Бошқарув кенгаши раиси 2. А.Н. Арипов — Ўзбекистон Республикаси Бош вазири 3. Ж.А. Қўчқоров — Бош вазир ўринбосари — иқтисодиёт ва молия вазири 4. Ш.Х. Шерматов — рақамли технологиялар вазири 5. А.Д. Ташкулов — адлия вазири 6. Т.А. Ишметов — Марказий банк раиси 7. Д.Р. Ли — Истиқболли лойиҳалар миллий агентлиги директори 8. Б.Б. Ходжаев — Ўзбекистон Республикаси Президенти Администрациясининг Молиявий технологиялар, рақамлаштириш ва сунъий интеллект бўйича департаменти бошлиғи, Бошқарув кенгаши котиби
Ўзбекистон Республикаси Президентининг 2025 йил 26 ноябрдаги ПФ-233-сон Фармонига 2-ИЛОВА
«Enterprise Uzbekistan» рақамли технологиялар халқаро маркази ҳудуди
Бурилиш нуқталари Бурилиш нуқталари координаталари Бурилиш нуқталари тавсифлари Тошкент шаҳри Мирзо Улуғбек тумани 1-нуқта 41°20'39.23'' ШК 69°20'12.49'' ШУ Тепамасжид ва Олимлар кўчалари кесишмаси 2-нуқта 41°20'35.11'' ШК 69°20'19.24'' ШУ Олимлар ва Мўминов кўчалари кесишмаси 3-нуқта 41°20'26.16'' ШК 69°20'9.83'' ШУ Мўминов ва Дўрмон йўли кўчалари кесишмаси 4-нуқта 41°20'28.88'' ШК 69°20'5.22'' ШУ 3-нуқтадан Дўрмон йўли ва Тепамасжид кўчалари кесишмасига қадар 135 метр масофадаги нуқта 5-нуқта 41°20'34.59'' ШК 69°20'10.95'' ШУ 4-нуқтадан «Тепа» жоме масжиди ҳудуди тугаган нуқта 6-нуқта 41°20'35.74'' ШК 69°20'9.24'' ШУ 5-нуқтадан Тепамасжид кўчасига чиқиш нуқтаси
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 26 ноябрь,
ПФ-233-сон
Oʻzbekiston Respublikasi Prezidentining
Farmoni
TARKIBI
CHEGARALARINING TAVSIFI
Raqamli texnologiyalar xalqaro markazi faoliyatini tashkil etish toʻgʻrisida
Oʻzbekiston Respublikasi Prezidentining 2020-yil 5-oktabrdagi “Raqamli Oʻzbekiston — 2030” strategiyasini tasdiqlash va uni samarali amalga oshirish chora-tadbirlari toʻgʻrisida”gi PF-6079-son Farmonida belgilangan vazifalarni amalga oshirish, shuningdek, dasturiy mahsulotlar va IT xizmatlar eksportini rivojlantirish uchun qulay shart-sharoitlar yaratish, xorijiy investitsiyalarni faol jalb etish hamda investorlar huquqlarini himoya qilishning xalqaro tan olingan ilgʻor amaliyot va institutlarini joriy qilish maqsadida qaror qilaman:
I. Maqsadlar
1. Quyidagilar uchun shart-sharoitlar yaratish ushbu Farmonning asosiy maqsadi etib belgilansin:
(a) IT sohasiga investitsiyalarni keng jalb qilish, biznes yuritish uchun qulay muhit yaratish hamda xalqaro darajada raqobatbardosh va jozibador ekotizimni shakllantirish;
(b) IT kompaniyalar tomonidan venchur kapitalni jalb qilish hamda xalqaro sheriklar bilan shartnomalar tuzishda ularning huquqiy kafolatlarini yanada mustahkamlash;
(v) axborot texnologiyalari va biznes jarayonlari sohasida xizmatlar eksportini rivojlantirish hamda jahon iqtisodiyotiga samarali integratsiyani taʼminlash;
(g) raqamli yechimlar va innovatsiyalar boʻyicha ilgʻor mahalliy kompaniyalar faoliyatini ragʻbatlantirish va malakali kadrlar tayyorlash;
(d) mamlakatimizda xorijiy investorlar uchun qulay huquqiy muhitni shakllantirish va ularning huquqlarini ishonchli himoya qilishning samarali mexanizmlarini joriy etish.
II. Raqamli texnologiyalar xalqaro markazi faoliyatini tashkil etish va uni boshqarish
2. Oʻzbekiston Respublikasi Prezidentining 2024-yil 1-fevraldagi “Raqamli texnologiyalar xalqaro markazini tashkil etish boʻyicha birinchi navbatdagi chora-tadbirlar toʻgʻrisida”gi PF-25-son Farmoniga muvofiq “Enterprise Uzbekistan” raqamli texnologiyalar xalqaro markazi (keyingi oʻrinlarda — Markaz) tashkil etilgani maʼlumot uchun qabul qilinsin.
3. Quyidagilar:
(a) “Enterprise Uzbekistan” raqamli texnologiyalar xalqaro markazi boshqaruv kengashi (keyingi oʻrinlarda — Boshqaruv kengashi) tarkibi 1-ilovaga muvofiq;
(b) “Enterprise Uzbekistan” raqamli texnologiyalar xalqaro markazi hududi chegaralarining tavsifi 2-ilovaga muvofiq tasdiqlansin.
4. Raqamli texnologiyalar vazirligi, Iqtisodiyot va moliya vazirligi hamda Investitsiyalar, sanoat va savdo vazirligining quyidagi takliflariga rozilik berilsin:
(a) Markaz direksiyasini aksiyadorlik jamiyati shaklida tashkil etish, uning yagona aksiyadori sifatida “Dasturiy mahsulotlar va axborot texnologiyalari texnologik parki direksiyasi” MCHJni belgilash;
(b) Markaz organlarining faoliyatini Raqamli texnologiyalarni rivojlantirish jamgʻarmasi mablagʻlari, Markaz organlari tomonidan koʻrsatiladigan xizmatlardan tushumlar, Markaz rezidentlarining oylik ajratmalari, shuningdek, qonunchilikda taqiqlanmagan boshqa manbalar hisobidan moliyalashtirish;
(v) Markaz rezidentlari uchun soliq va bojxona maʼmuriyatchiligi, mehnat munosabatlarini tartibga solish, shaxsga doir maʼlumotlar va intellektual mulkni himoya qilish, davlat xizmatlarini koʻrsatish, nizolarni hal qilish hamda qonun hujjatlari va Boshqaruv kengashi qarorlari bilan belgilanadigan boshqa sohalarda maxsus huquqiy rejim oʻrnatish.
III. Markaz hududidagi maxsus huquqiy rejim
5. Markaz hududida quyidagi faoliyat turlariga ruxsat etiladi:
(a) dasturiy mahsulotlarni ishlab chiqish, raqamli texnologiyalar sohasida konsalting va autstaffing xizmatlarini koʻrsatish;
(b) raqamli texnologiyalardan foydalangan holda autsorsing asosida masofaviy xizmatlar koʻrsatish, shu jumladan, biznes jarayonlar autsorsingi (BPO);
(v) raqamli texnologiyalar sohasida ilmiy tadqiqotlar va ishlanmalarni (R&D) amalga oshirish;
(g) video oʻyinlar (GameDev) yaratish, ular uchun raqamli kontent ishlab chiqish, jumladan, grafik dizayn, video va audiokontent yaratish va tahrirlash (shu jumladan, vizualizatsiya va raqamli media);
(d) raqamli kontentni (shu jumladan, elektron kitoblar, oʻquv kurslari, mediakontent) yoki dasturiy yechimlarni onlayn platformalar orqali yaratish, joylashtirish va targʻib qilish;
(j) sunʼiy intellekt texnologiyalarini yaratish va rivojlantirish;
(z) maʼlumotlarni qayta ishlash va saqlash markazlarini, bulutli hisoblash tizimlarini yaratish, ularni boshqarish va tegishli xizmatlarni koʻrsatish;
(i) raqamli texnologiyalar sohasida taʼlim faoliyatini va Boshqaruv kengashi tomonidan belgilanadigan boshqa faoliyat turlarini amalga oshirish.
6. Shunday tartib oʻrnatilsinki, unga koʻra Markaz rezidentlariga moliyaviy xizmatlar koʻrsatishning maxsus qoidalari Markaziy bank (bank xizmatlari va valyutani tartibga solish boʻyicha) va Istiqbolli loyihalar milliy agentligi (sugʻurta va qimmatli qogʻozlar sohasidagi xizmatlar boʻyicha) tomonidan belgilanadi.
7. Belgilansinki:
(a) Markaz rezidentlarining maxsus huquqiy rejim doirasidagi faoliyati mazkur Farmonning 2-ilovasiga muvofiq tasdiqlangan Markaz hududi va (yoki) uning yurisdiksiyasi doirasida amalga oshiriladi;
(b) Markaz rezidentlariga xizmat koʻrsatish maqsadida Markaz hududida “yagona darcha” tamoyili asosida faoliyat yurituvchi, shu jumladan, ingliz tilida xizmat koʻrsatuvchi ixtisoslashtirilgan soliq inspeksiyasi tashkil etiladi.
8. Raqamli texnologiyalar vazirligi, Investitsiyalar, sanoat va savdo vazirligi, Adliya vazirligi hamda xalqaro ekspertlarning quyidagilarni nazarda tutuvchi takliflariga rozilik berilsin:
(a) Markazni Angliya va Uels umumiy huquq normalari va prinsiplariga yoki yetakchi xalqaro moliya markazlari standartlariga asoslangan maxsus huquqiy rejimga ega alohida hudud (yurisdiksiya) sifatida eʼtirof etish;
(b) Markazning maxsus huquqiy rejimi doirasida uning rezidentlari va tomonlarning oʻzaro kelishuviga muvofiq boshqa tadbirkorlik subyektlarining nizolarini Oʻzbekiston Respublikasi sud tizimiga kirmaydigan mustaqil ixtisoslashtirilgan sud tomonidan koʻrib chiqish imkoniyatlarini yaratish;
(v) Markaz rezidentlari uchun oʻrnatilgan soliq, bojxona va boshqa imtiyozlarni tatbiq etmagan holda Markaz hududida rezident boʻlmagan kompaniyalar tomonidan moliyaviy, konsalting, investitsiya va yuridik xizmatlar koʻrsatilishiga ruxsat etish.
9. Vazirlar Mahkamasi uch oy muddatda “Raqamli texnologiyalar xalqaro markazi toʻgʻrisida”gi Oʻzbekiston Respublikasi Konstitutsiyaviy qonuni loyihasini oʻrnatilgan tartibda kiritsin.
10. Oʻzbekiston Respublikasi Prezidentining 2024-yil 1-fevraldagi “Raqamli texnologiyalar xalqaro markazini tashkil etish boʻyicha birinchi navbatdagi chora-tadbirlar toʻgʻrisida”gi PF-25-son Farmonining 2-bandi uchinchi xatboshisi , 3 , 5 , 6-bandlari va ilovasi oʻz kuchini yoʻqotgan deb hisoblansin.
IV. Farmon ijrosini tashkil etish, taʼminlash va nazorat
11. Ushbu Farmon ijrosini samarali tashkil etish uchun masʼul etib Oʻzbekiston Respublikasi Bosh vaziri oʻrinbosari J.A. Qoʻchqorov va raqamli texnologiyalar vaziri Sh.X. Shermatov belgilansin.
12. Ushbu Farmon ijrosini taʼminlash boʻyicha masʼul organlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2025-yil 26-noyabrdagi PF-233-son Farmoniga 1-ILOVA
“Enterprise Uzbekistan” raqamli texnologiyalar xalqaro markazi boshqaruv kengashi
1. Sh.M. Mirziyoyev — Oʻzbekiston Respublikasi Prezidenti, Boshqaruv kengashi raisi 2. A.N. Aripov — Oʻzbekiston Respublikasi Bosh vaziri 3. J.A. Qoʻchqorov — Bosh vazir oʻrinbosari — iqtisodiyot va moliya vaziri 4. Sh.X. Shermatov — raqamli texnologiyalar vaziri 5. A.D. Tashkulov — adliya vaziri 6. T.A. Ishmetov — Markaziy bank raisi 7. D.R. Li — Istiqbolli loyihalar milliy agentligi direktori 8. B.B. Xodjayev — Oʻzbekiston Respublikasi Prezidenti Administratsiyasining Moliyaviy texnologiyalar, raqamlashtirish va sunʼiy intellekt boʻyicha departamenti boshligʻi, Boshqaruv kengashi kotibi
Oʻzbekiston Respublikasi Prezidentining 2025-yil 26-noyabrdagi PF-233-son Farmoniga 2-ILOVA
“Enterprise Uzbekistan” raqamli texnologiyalar xalqaro markazi hududi
Burilish nuqtalari Burilish nuqtalari koordinatalari Burilish nuqtalari tavsiflari Toshkent shahri Mirzo Ulugʻbek tumani 1-nuqta 41°20'39.23'' SHK 69°20'12.49'' SHU Tepamasjid va Olimlar koʻchalari kesishmasi 2-nuqta 41°20'35.11'' SHK 69°20'19.24'' SHU Olimlar va Moʻminov koʻchalari kesishmasi 3-nuqta 41°20'26.16'' SHK 69°20'9.83'' SHU Moʻminov va Doʻrmon yoʻli koʻchalari kesishmasi 4-nuqta 41°20'28.88'' SHK 69°20'5.22'' SHU 3-nuqtadan Doʻrmon yoʻli va Tepamasjid koʻchalari kesishmasiga qadar 135 metr masofadagi nuqta 5-nuqta 41°20'34.59'' SHK 69°20'10.95'' SHU 4-nuqtadan “Tepa” jome masjidi hududi tugagan nuqta 6-nuqta 41°20'35.74'' SHK 69°20'9.24'' SHU 5-nuqtadan Tepamasjid koʻchasiga chiqish nuqtasi
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 26-noyabr,
PF-233-son
Президента Республики Узбекистан
Указ
СОСТАВ
Об организации деятельности Международного центра цифровых технологий
В целях реализации задач, определенных Указом Президента Республики Узбекистан от 5 октября 2020 года № УП-6079 «Об утверждении Стратегии «Цифровой Узбекистан — 2030» и мерах по ее эффективной реализации», а также создания благоприятных условий для развития экспорта программных продуктов и IT-услуг, активного привлечения иностранных инвестиций и внедрения международно признанных передовых практик и институтов по защите прав инвесторов постановляю:
I. Цели
1. Определить основной целью настоящего Указа создание условий для:
(а) широкого привлечения инвестиций в IT-сферу, создания благоприятной среды для ведения бизнеса, а также формирования конкурентоспособной и привлекательной экосистемы на международном уровне;
(б) привлечения IT-компаниями венчурного капитала, а также дальнейшего укрепления их правовых гарантий при заключении договоров с международными партнерами;
(в) развитие экспорта услуг в сфере информационных технологий и бизнес-процессов, а также обеспечения эффективной интеграции в мировую экономику;
(г) стимулирование деятельности ведущих отечественных компаний в области цифровых решений и инноваций, а также подготовки квалифицированных кадров;
(д) формирование в стране благоприятной правовой среды для иностранных инвесторов и внедрения эффективных механизмов надежной защиты их прав.
II. Организация и управление деятельностью Международного центра цифровых технологий
2. Принять к сведению, что в соответствии с Указом Президента Республики Узбекистан от 1 февраля 2024 года № УП-25 «О первоочередных мерах по созданию Международного центра цифровых технологий» создан Международный центр цифровых технологий «Enterprise Uzbekistan» (далее — Центр).
3. Утвердить:
(а) Состав Управляющего совета Международного центра цифровых технологий «Enterprise Uzbekistan» (далее — Управляющий совет) согласно приложению № 1 ;
(б) Описание границ территории Международного центра цифровых технологий «Enterprise Uzbekistan» согласно приложению № 2 * .
4. Одобрить предложения Министерства цифровых технологий, Министерства экономики и финансов, а также Министерства инвестиций, промышленности и торговли, предусматривающие:
(а) создание дирекции Центра в форме акционерного общества, определение в качестве его единственного акционера ООО «Дирекция технологического парка программных продуктов и информационных технологий»;
(б) финансирование деятельности органов Центра за счет средств Фонда развития цифровых технологий, поступлений от услуг, оказываемых органами Центра, ежемесячных отчислений резидентов Центра, а также иных источников, не запрещенных законодательством;
(в) установление для резидентов Центра специального правового режима в сферах налогового и таможенного администрирования, регулирования трудовых отношений, защиты персональных данных и интеллектуальной собственности, предоставления государственных услуг, разрешения споров, а также в иных областях, определяемых актами законодательства и решениями Управляющего совета.
III. Специальный правовой режим на территории Центра
5. На территории Центра разрешается осуществление следующих видов деятельности:
(а) разработка программных продуктов, оказание консалтинговых и аутстаффинговых услуг в сфере цифровых технологий;
(б) предоставление дистанционных услуг на аутсорсинговой основе с использованием цифровых технологий, включая аутсорсинг бизнес-процессов (BPO);
(в) проведение научных исследований и разработок (R&D) в области цифровых технологий;
(г) создание видеоигр (GameDev), разработка цифрового контента для них, в том числе графического дизайна, видео- и аудиоконтента, их редактирование (включая визуализацию и цифровые медиа);
(д) создание, размещение и продвижение цифрового контента (включая электронные книги, обучающие курсы, медиаконтент) или программных решений через онлайн-платформы;
(ж) разработка и развитие технологий искусственного интеллекта;
(з) создание и управление центрами обработки и хранения данных, облачными вычислительными системами, а также оказание сопутствующих услуг;
(и) осуществление образовательной деятельности в сфере цифровых технологий и других видов деятельности, определяемых Управляющим советом.
6. Установить порядок, в соответствии с которым специальные правила предоставления финансовых услуг резидентам Центра определяются Центральным банком (в части банковских услуг и валютного регулирования) и Национальным агентством перспективных проектов (в части услуг в сфере страхования и ценных бумаг).
7. Определить, что:
(а) деятельность резидентов Центра в рамках специального правового режима осуществляется на территории Центра, утвержденной согласно приложению № 2 * к настоящему Указу, и (или) в пределах его юрисдикции;
(б) в целях оказания услуг резидентам Центра создается специализированная налоговая инспекция, действующая на территории Центра по принципу «единое окно», в том числе предоставляющая услуги на английском языке.
8. Согласиться с предложениями Министерства цифровых технологий, Министерства инвестиций, промышленности и торговли, Министерства юстиции и международных экспертов, предусматривающими:
(а) признание Центра в качестве отдельной территории (юрисдикции), обладающей специальным правовым режимом, основанным на нормах, принципах общего права Англии и Уэльса либо стандартах ведущих международных финансовых центров;
(б) создание в рамках специального правового режима Центра возможности рассмотрения споров резидентов Центра, а также — при взаимном согласии сторон — споров иных субъектов предпринимательства в независимом специализированном суде, не входящем в судебную систему Республики Узбекистан;
(в) разрешение компаниям, не являющимся резидентами Центра, оказывать на территории Центра финансовые, консалтинговые, инвестиционные и юридические услуги без распространения на них налоговых, таможенных и иных льгот, предусмотренных для резидентов Центра.
9. Кабинету Министров в трехмесячный срок внести в установленном порядке проект Конституционного закона Республики Узбекистан «О Международном центре цифровых технологий».
10. Признать утратившими силу абзац третий пункта 2, пункты 3 , 5 , 6 Указа Президента Республики Узбекистан от 1 февраля 2024 года № УП-25 «О первоочередных мерах по созданию Международного центра цифровых технологий», а также приложение к нему.
IV. Организация, обеспечение и контроль исполнения Указа
11. Возложить на заместителя Премьер-министра Д.А. Кучкарова и министра цифровых технологий Ш.Х. Шерматова персональную ответственность за эффективную организацию исполнения настоящего Указа.
12. Осуществление координации и контроля за деятельностью органов, ответственных за исполнение настоящего Указа, возложить на Премьер-министра Республики Узбекистан А.Н. Арипова.
ПРИЛОЖЕНИЕ № 1 к Указу Президента Республики Узбекистан от 26 ноября 2025 года № УП-233
Управляющего совета Международного центра цифровых технологий «Enterprise Uzbekistan»
1. Ш.М. Мирзиёев — Президент Республики Узбекистан, председатель Управляющего совета 2. А.Н. Арипов — Премьер-министр Республики Узбекистан 3. Д.А. Кучкаров — заместитель Премьер-министра — министр экономики и финансов 4. Ш.Х. Шерматов — министр цифровых технологий 5. А.Д. Ташкулов — министр юстиции 6. Т.А. Ишметов — председатель Центрального банка 7. Д.Р. Ли — директор Национального агентства перспективных проектов 8. Б.Б. Ходжаев — начальник Департамента по финансовым технологиям, цифровизации и искусственному интеллекту Администрации Президента Республики Узбекистан, секретарь Управляющего совета
Президент Республики Узбекистан Ш. МИРЗИЁЕВ
г. Ташкент,
26 ноября 2025 г.,
№ УП-233