📅 2025-yil 27-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 27 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 27 ноября 2025 г. · Постановления Президента
Официальный текст. Официальный документ. Редакционные примечания не включены.
📅 27 November 2025 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
«ЙЎЛ ХАРИТАСИ»
Интеллектуал фаолият натижаларини рағбатлантириш ҳамда соҳага замонавий ахборот-коммуникация технологияларини жорий этишни кенгайтиришга оид қўшимча чора-тадбирлар тўғрисида
Мамлакат иқтисодиётида интеллектуал мулкнинг улушини ошириш, интеллектуал мулкка бўлган ҳуқуқни ишончли ҳимоя қилиш тизимини шакллантириш, шунингдек, 2022 — 2026 йилларда Ўзбекистон Республикасида интеллектуал мулк соҳасини ривожлантириш стратегиясида белгиланган вазифалар ижросини таъминлаш мақсадида қарор қиламан:
1. Қуйидагилар 2026-2027 йилларда интеллектуал мулк соҳасини ривожлантиришнинг асосий мақсадли кўрсаткичлари этиб белгилансин:
(а) мамлакатда рўйхатдан ўтказилган интеллектуал мулк объектлари сонини 100 мингтага, миллий брендларни тарғиб қилиш орқали рўйхатдан ўтказилган географик кўрсаткичлар сонини 40 тага етказиш;
(б) интеллектуал мулк объектларини рўйхатдан ўтказиш жараёнида сунъий интеллект технологияларидан фойдаланиш орқали экспертиза муддатларини 2 баробарга қисқартириш, соҳадаги идоралараро ҳужжатлар алмашинувини тўлиқ электрон шаклга ўтказиш;
(в) патент вакиллари институтини кучайтириш орқали уларнинг сонини 400 тагача, Бутунжаҳон интеллектуал мулк ташкилоти ҳамкорлигида хорижда малакасини оширган интеллектуал мулк соҳасидаги мутахассислар сонини 200 нафаргача ошириш.
2. Адлия вазирлиги, Иқтисодиёт ва молия вазирлиги ҳамда Савдо-саноат палатасининг интеллектуал мулк соҳасида давлат хизматларини кўрсатишда қуйидагилар асосида амалдаги тартиб-таомилларни такомиллаштириш ҳамда янги хизматларни жорий қилиш тўғрисидаги таклифига розилик берилсин:
(а) соҳада рақамли ва сунъий интеллект технологияларини кенг қўллаган ҳолда тартиб-таомилларни соддалаштириш;
(б) фуқаролар ва тадбиркорларга давлат хизматларини ҳуқуқий ҳамда услубий ёрдам кўрсатиш билан бирга амалга ошириш;
(в) давлат хизматларини кўрсатишда бюрократик тўсиқларга барҳам бериш, композит ва проактив тарзда кўрсатиладиган давлат хизматлари сонини кўпайтириш;
(г) жисмоний ва юридик шахсларнинг мурожаатлари асосида мавжуд тартиб-таомилларни такомиллаштириб бориш, контрафакт маҳсулотларга қарши курашиш жараёнига тадбиркорларни жалб этиш;
(д) интеллектуал мулк объектларининг фуқаролик муомаласида фаол айланишини таъминлашга кўмаклашиш.
3. Адлия вазирлигининг «Саноат мулки муҳофазаси» ва «IP Protection» ахборот порталлари негизида қуйидагиларни амалга ошириш имконини берувчи Адлия вазирлигининг «Интеллектуал мулк муҳофазаси» портали (кейинги ўринларда — Интеллектуал мулк портали) ишга туширилсин:
(а) интеллектуал мулк масалаларига оид мурожаатларни қабул қилиш;
(б) сунъий интеллект технологияларидан фойдаланган ҳолда интеллектуал мулк объектларини рўйхатдан ўтказиш бўйича келиб тушган талабномаларни экспертизадан ўтказиш жараёнларини такомиллаштириш;
(в) интеллектуал мулк объектлари билан боғлиқ шартномаларни онлайн тузиш;
(г) интеллектуал мулк масалаларига оид услубий тавсияларни жойлаштириш ҳамда фуқаролар ва тадбиркорлик субъектларининг саволларига реал вақт режимида (онлайн) жавоб бериш;
(д) контрафакт товарлар ҳамда интеллектуал мулк ҳуқуқларини бузганлиги учун фаолияти чекланган веб-сайтлар тўғрисидаги маълумотларни жойлаштириш.
4. Белгилансинки, 2026 йил 1 мартдан бошлаб:
(а) Соғлиқни сақлаш вазирлиги томонидан биологик фаол моддаларни олиб кириш ва ишлаб чиқариш учун рухсатнома бериш жараёнида интеллектуал мулк объектларига (товар белгиси ва саноат намунасига) бўлган ҳуқуқларга риоя этилгани Интеллектуал мулк портали орқали мажбурий равишда текширилади ва (ёки) ўрганилади;
(б) Тадбиркорлик субъектларининг барқарорлик рейтингини аниқлашда интеллектуал мулкка оид ҳуқуқбузарликлар учун суд томонидан жарима, маъмурий ёхуд жиноий жавобгарлик чораларининг қўллангани рейтинг балларини камайтирувчи кўрсаткич ҳамда товар белгилари, хизмат кўрсатиш белгиларига эга бўлиш қўшимча балл берувчи кўрсаткич ҳисобланади;
(в) интеллектуал мулк объектларига доир муҳофаза ҳужжатлари (гувоҳнома, патент) дубликатини тўлов асосида онлайн шаклда бериш тартиби жорий этилади.
5. Адлия вазирлиги, Олий таълим, фан ва инновациялар вазирлиги ҳамда Фанлар академиясининг қуйидаги таклифлари маъқуллансин:
(а) олий таълим, илмий-тадқиқот муассасалари, технопаркларда (кейинги ўринларда — ташкилотлар) мавжуд штатлар доирасида тадқиқот натижаларини патентлаш, ишлаб чиқариш жараёнларига татбиқ этиш ҳамда тижоратлаштиришга кўмаклашувчи юридик шахс ҳисобланмайдиган технологиялар ва инновацияларни қўллаб-қувватлаш марказларини ташкил этиш. Бунда технологиялар ва инновацияларни қўллаб-қувватлаш марказлари ташкил этиладиган ташкилотлар рўйхати Олий таълим, фан ва инновациялар вазирлиги ҳамда Адлия вазирлиги таклифи асосида Вазирлар Маҳкамаси томонидан тасдиқланади;
(б) «Интеллектуал мулк соҳасини ривожлантиришга қўшган ҳиссаси учун» кўкрак нишонини таъсис этиш.
6. Адлия вазирлиги, Олий таълим, фан ва инновациялар вазирлиги ташкилотларга технологиялар ва инновацияларни қўллаб-қувватлаш марказлари фаолиятини самарали йўлга қўйишда, ходимларининг билим ва малакаларини оширишда услубий ёрдам кўрсатсин.
7. Олий таълим, фан ва инновациялар вазирлиги Адлия вазирлиги билан биргаликда:
(а) интеллектуал мулк объектларини бошқариш мутахассислиги бўйича:
(i) 2026/2027 ўқув йилидан бошлаб — Ўзбекистон миллий университетида;
(ii) 2029/2030 ўқув йилига қадар камида тўртта олий таълим муассасасида олий маълумотли кадрлар тайёрлашни йўлга қўйсин;
(б) Тошкент давлат юридик университетида интеллектуал мулкни ҳимоя қилиш бўйича замонавий таълим дастурларини жорий этсин.
Бунда ўқув жараёнига устувор равишда Буюк Британия, Корея Республикаси, Сингапур ва Хитой давлатларининг интеллектуал мулкни бошқариш бўйича экспертлари ҳамда хорижий ва маҳаллий патент вакиллари жалб қилинади.
8. Бош вазир ўринбосари Ж. Ходжаев Буюк Британия, Корея Республикаси, Сингапур ва Хитойдаги Ўзбекистон элчилари билан бирликда икки томонлама ҳамкорлик доирасида хорижий патент вакил (эксперт)ларини жалб қилиш ҳамда маҳаллий брендларни ҳимоя қилишга амалий ёрдам кўрсатсин.
9. Истиқболли кадрларни тайёрлаш бўйича «Эл-юрт умиди» жамғармаси Адлия вазирлиги таклифига биноан етакчи хорижий олий таълим ташкилотларида интеллектуал мулк объектларини бошқариш соҳасида кадрлар тайёрлаш учун ҳар йили квоталар ажратиб борсин.
10. Белгилансинки, ихтирочи ва новаторлар учун қулай шароитлар яратиш, уларни рағбатлантириш ҳамда илмий ишланмаларнинг фуқаролик муомаласидаги айланмасини ошириш мақсадида:
(а) интеллектуал мулк объектларига бўлган ҳуқуқни кредит олиш учун гаровга қўйиш амалиёти жорий этилади;
(б) интеллектуал мулк объектларининг гарови тўғрисидаги шартномалар Адлия вазирлигида белгиланган тартибда ҳисобга олинади;
(в) 2026 йилдан бошлаб ҳар йили «Энг яхши ихтиро», «Энг яхши фойдали модель», «Энг яхши саноат намунаси», «Энг яхши ЭҲМ учун дастур ва маълумотлар базаси» ҳамда «Энг яхши селекция ютуғи» номинациялари бўйича республика танлови ўтказиб борилади ҳамда танловнинг ҳар бир номинацияси бўйича 1, 2 ва 3-ўрин ғолибларига Илм-фанни молиялаштириш ва инновацияларни қўллаб-қувватлаш жамғармаси маблағлари ҳисобидан тегишлича базавий ҳисоблаш миқдорининг 150, 125 ва 100 баравари миқдорида мукофот пули берилади.
11. Адлия вазирлиги ва Савдо-саноат палатасининг географик кўрсаткичларни ривожлантириш, тарғиб қилиш ва ҳуқуқий муҳофазасини таъминлашга қаратилган қуйидаги таклифларига розилик берилсин:
(а) географик кўрсаткичларнинг муҳофаза белгисини жорий этиш;
(б) асосий мақсади географик кўрсаткичларни ривожлантириш, уларни тарғиб қилиш, жумладан, хорижий давлатларда тарғиб қилиш, тижоратлаштириш ишларида тадбиркорлик субъектларига ва ҳунармандларга ҳуқуқий ҳамда услубий ёрдам кўрсатиш ҳисобланадиган «oriGIn Uzbekistan» муассаса шаклидаги нодавлат нотижорат ташкилотни (кейинги ўринларда — муассаса) ташкил этиш;
(в) ҳар йили географик кўрсаткичлар фестивалларини ўтказиб бориш.
12. Адлия вазирлиги:
(а) уч ой муддатда муассасани ташкил этиш билан боғлиқ ташкилий масалаларни ҳал этиш ва географик кўрсаткичлар фестивалларини ўтказиш режа-жадвалини тасдиқлашни назарда тутувчи Ҳукумат қарори лойиҳасини Вазирлар Маҳкамасига киритсин;
(б) муассасанинг «oriGIn» халқаро географик кўрсаткичлар тармоғи ташкилотига аъзо бўлишини таъминлаш чораларини кўрсин.
13. Инвестициялар, саноат ва савдо вазирлиги, Ташқи ишлар вазирлиги, Қишлоқ хўжалиги вазирлиги, Туризм қўмитаси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари хорижий мамлакатларда ташкил этиладиган Ўзбекистоннинг халқаро кўргазма-ярмаркаларида географик кўрсаткичга эга бўлган товар ишлаб чиқарувчиларининг қатнашишини доимий равишда таъминлаб борсин.
14. Адлия вазирлиги ва Патент вакиллари ассоциациясининг қуйидаги таклифларига розилик берилсин:
(а) патент вакилларининг интеллектуал мулк билан боғлиқ низоларда (масалаларда) фуқаролик ишлари бўйича, иқтисодий ва маъмурий судларда шартнома бўйича (ихтиёрий) вакил бўлиб қатнашиши мумкинлиги;
(б) патент вакилларининг ҳар уч йилда малакасини ошириш тартибини жорий қилган ҳолда уларнинг аттестациядан ўтиш талабини бекор қилиш;
(в) Адлия вазирлигининг патент вакиллигига номзодларни аттестациядан ва рўйхатдан ўтказиш ваколатини Қорақалпоғистон Республикаси Адлия вазирлиги, вилоятлар ва Тошкент шаҳар адлия бошқармаларига ўтказиш.
15. Адлия вазирлиги ҳузуридаги «Интеллектуал мулк маркази» давлат муассасасига жойларда интеллектуал мулк объектларини давлат рўйхатидан ўтказиш учун талабномалар топширишда фуқаролар ва тадбиркорлик субъектларига услубий ёрдам кўрсатиш мақсадида фуқаролик-ҳуқуқий хусусиятга эга шартнома асосида ҳудудларда фаолият юритувчи интеллектуал мулк агентларини ишга жалб этиш ваколати берилсин.
16. Адлия вазирлиги доимий равишда Рақамли технологиялар вазирлиги ҳузуридаги Ахборотлаштириш ва телекоммуникациялар соҳасида назорат инспекцияси билан биргаликда ўзга шахсларга тегишли бўлган интеллектуал мулк объектларидан қонунга хилоф равишда фойдаланганлиги сабабли белгиланган тартибда фаолияти чекланган веб-сайт ва (ёки) веб-сайт саҳифалари тўғрисидаги маълумотларни муаллифлик ҳуқуқини Интернетда ҳимоя қилиш бўйича «WIPO Alert» онлайн платформасига киритиш учун Бутунжаҳон интеллектуал мулк ташкилотига тақдим этиб борсин.
17. Адлия вазирлиги Ташқи ишлар вазирлиги билан биргаликда 2026 йил 1 январга қадар Жаҳон савдо ташкилотининг Интеллектуал мулк ҳуқуқининг савдо аспектлари бўйича битими (TRIPS) нормалари ва тамойилларига номувофиқ бўлган интеллектуал мулк соҳасидаги икки томонлама халқаро битимларга ўзгартиришлар киритиш ёки уларни бекор қилиш юзасидан Вазирлар Маҳкамасига таклифлар киритсин.
18. Адлия вазирлиги интеллектуал мулк соҳасини ривожлантириш, жумладан, давлат органлари ва муассасалари ходимларининг интеллектуал мулк соҳасидаги малакасини ошириш, соҳага замонавий ахборот-коммуникация ва сунъий интеллект технологияларини жорий этиш тадбирларини амалга ошириш учун халқаро ва хорижий ташкилотларнинг грант маблағларини жалб этиш чораларини кўрсин. Бунда Инвестициялар, саноат ва савдо вазирлиги Ташқи ишлар вазирлиги билан биргаликда интеллектуал мулк соҳасини ривожлантириш учун грант маблағларини жалб қилиш тўғрисидаги масалани халқаро ва хорижий ташкилотлар билан ишлаб чиқади.
19. Интеллектуал мулк соҳасини янада такомиллаштириш ҳамда соҳага замонавий ахборот-коммуникация технологияларини кенг жорий этиш бўйича «Йўл харитаси» 1-иловага мувофиқ тасдиқлансин.
20. Ўзбекистон Республикаси Президентининг айрим қарорларига 2-иловага мувофиқ ўзгартириш ва қўшимчалар киритилсин.
21. Адлия вазирлиги манфаатдор вазирлик ва идоралар билан биргаликда:
(а) икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида таклифларни;
(б) 2026 йил 1 сентябрга қадар халқаро экспертлар билан ҳамкорликда 2027 — 2030 йилларга мўлжалланган интеллектуал мулк соҳасини ривожлантириш бўйича миллий стратегияни ишлаб чиқиб Вазирлар Маҳкамасига киритсин.
22. Ушбу қарорнинг ижросини самарали ташкил қилишга масъул ва шахсий жавобгар этиб адлия вазири А.Д. Ташкулов белгилансин.
23. Қарор ижросини назорат қилиш Ўзбекистон Республикаси Бош вазири А.Н. Арипов ҳамда Ўзбекистон Республикаси Президенти Администрацияси Ҳуқуқий экспертиза ва комплекс таҳлил қилиш департаменти бошлиғи А.Б. Самадов зиммасига юклансин.
Ўзбекистон Республикаси Президентининг 2025 йил 27 ноябрдаги ПҚ-358-сон қарорига 1-ИЛОВА
Интеллектуал мулк соҳасини янада такомиллаштириш ҳамда соҳага замонавий ахборот-коммуникация технологияларини кенг жорий этиш бўйича
Т/р Тадбирлар номи Амалга ошириш шакли Бажариш муддатлари Ижро учун масъул I. Интеллектуал мулк соҳасида норматив-ҳуқуқий базани ривожлантириш 1. Фуқаролик кодекси , « Гаров тўғрисида », « Товар белгилари, хизмат кўрсатиш белгилари ва товар келиб чиққан жой номлари тўғрисида », « Ихтиролар, фойдали моделлар ва саноат намуналари тўғрисида », « Селекция ютуқлари тўғрисида »ги қонунларга интеллектуал мулк объектларига бўлган ҳуқуқларни гаровга қўйиш механизмларини жорий этишни назарда тутувчи ўзгартириш ва қўшимчалар киритиш тўғрисида таклифлар ишлаб чиқиш. Қонун лойиҳаси 2026 йил февраль Адлия вазирлиги, Олий таълим, фан ва инновациялар вазирлиги, Иқтисодиёт ва молия вазирлиги, Марказий банк, манфаатдор вазирлик ва идоралар 2. Фуқаролик-процессуал , Иқтисодий-процессуал ва Маъмурий суд ишларини юритиш тўғрисидаги кодексларга патент вакилларининг интеллектуал мулк билан боғлиқ низоларда (масалаларда) фуқаролик ишлари бўйича, иқтисодий ва маъмурий судларда иш юритилишида шартнома бўйича (ихтиёрий) вакил бўлиши мумкинлигини назарда тутувчи ўзгартириш ва қўшимчалар киритиш тўғрисида таклифлар ишлаб чиқиш. Қонун лойиҳаси 2026 йил февраль Адлия вазирлиги, Олий суд, Бош прокуратура, ДХХ 3. Юқори технологиялар ва сунъий интеллектни ривожлантиришга оид янги устувор йўналишлар ва тадбирларни инобатга олган ҳолда, 2027 — 2030 йилларга мўлжалланган интеллектуал мулк соҳасини ривожлантириш бўйича Миллий стратегияни халқаро экспертлар билан ҳамкорликда ишлаб чиқиш. Ўзбекистон Республикаси Президенти қарори лойиҳаси 2026 йил сентябрь Адлия вазирлиги, Рақамли технологиялар вазирлиги, Олий таълим, фан ва инновациялар вазирлиги 4. Тадбиркорлик субъектларининг барқарорлик рейтингини шакллантиришда интеллектуал мулкка оид ҳуқуқбузарликлар учун суд томонидан жарима, маъмурий ёхуд жиноий жавобгарлик чораларининг қўллангани рейтинг балларини камайтирувчи кўрсаткич ҳамда товар белгилари, хизмат кўрсатиш белгиларига эга бўлишни қўшимча балл берувчи кўрсаткич сифатида белгилаш. Вазирлар Маҳкамаси қарори лойиҳаси 2026 йил январь Адлия вазирлиги, Савдо-саноат палатаси, Солиқ қўмитаси, Иқтисодиёт ва молия вазирлиги, манфаатдор вазирлик ва идоралар 5. Биологик фаол моддаларни олиб кириш ҳамда ишлаб чиқариш учун рухсатнома бериш жараёнида интеллектуал мулк объектларига (товар белгиси ва саноат намунасига) бўлган ҳуқуқларга риоя этилгани «Интеллектуал мулк муҳофазаси» портали орқали мажбурий равишда текшириш ва (ёки) ўрганиш тартибини белгилаш. Вазирлар Маҳкамаси қарори лойиҳаси 2026 йил январь Соғлиқни сақлаш вазирлиги, Адлия вазирлиги 6. Ўзбекистон Республикаси Адлия вазирлигининг Апелляция кенгаши тўғрисидаги низомга қуйидагиларни назарда тутувчи ўзгартириш ва қўшимчалар киритиш: Апелляция кенгашига апелляция ва аризаларни «Интеллектуал мулк муҳофазаси» портали орқали қабул қилиш; Апелляция кенгашининг иш юритиш жараёнларини (баённома, қарор қабул қилишни) тўлиқ рақамлаштириш. Вазирлар Маҳкамаси қарори лойиҳаси 2026 йил январь Адлия вазирлиги, Рақамли технологиялар вазирлиги 7. Қуйидагиларни тасдиқлашни назарда тутувчи Вазирлар Маҳкамасининг қарори лойиҳасини ишлаб чиқиш: таркибий тузилмасида технологиялар ва инновацияларни қўллаб-қувватлаш марказлари ташкил этиладиган олий таълим, илмий-тадқиқот муассасалари, технопарклар рўйхати; технологиялар ва инновацияларни қўллаб-қувватлаш марказлари тўғрисидаги намунавий низом. Вазирлар Маҳкамаси қарори лойиҳаси 2026 йил январь Олий таълим, фан ва инновациялар вазирлиги, Адлия вазирлиги, Фанлар академияси, манфаатдор вазирлик ва идоралар 8. «Интеллектуал мулк соҳасини ривожлантиришга қўшган ҳиссаси учун» кўкрак нишонини таъсис этиш. Вазирлар Маҳкамаси қарори лойиҳаси 2026 йил январь Адлия вазирлиги, Фанлар академияси, Олий таълим, фан ва инновациялар вазирлиги, манфаатдор вазирлик ва идоралар 9. «Энг яхши ихтиро», «Энг яхши фойдали модель», «Энг яхши саноат намунаси», «Энг яхши ЭҲМ учун дастур ва маълумотлар базаси» ҳамда «Энг яхши селекция ютуғи» номинациялари бўйича республика танловини ўтказиш тартибини белгилаш. Вазирлар Маҳкамаси қарори лойиҳаси 2026 йил февраль Олий таълим, фан ва инновациялар вазирлиги, Фанлар академияси, Адлия вазирлиги, манфаатдор вазирлик ва идоралар 10. Географик кўрсаткич ва товар келиб чиққан жой номининг логотипларини жорий этиш бўйича таклифлар ишлаб чиқиш. Вазирлар Маҳкамаси қарори лойиҳаси 2026 йил май Адлия вазирлиги, Қишлоқ хўжалиги вазирлиги, Инвестициялар, саноат ва савдо вазирлиги, Савдо-саноат палатаси, манфаатдор вазирлик ва идоралар 11. Қуйидагиларни ишлаб чиқиш ва тасдиқлаш: Саноат намунасига патент бериш бўйича давлат хизматини кўрсатишнинг маъмурий регламенти; Ихтирога патент бериш бўйича давлат хизматини кўрсатишнинг маъмурий регламенти; Фойдали моделга патент бериш бўйича давлат хизматини кўрсатишнинг маъмурий регламенти; Селекция ютуғига патент бериш бўйича давлат хизматини кўрсатишнинг маъмурий регламенти; Патентларни ўз кучида сақлаш бўйича давлат хизматини кўрсатишнинг маъмурий регламенти; Интеллектуал мулк объектларига доир муҳофаза ҳужжатлари (гувоҳнома, патент) дубликатини бериш бўйича давлат хизматини кўрсатишнинг маъмурий регламенти. Вазирлар Маҳкамаси қарори лойиҳаси 2026 йил февраль Адлия вазирлиги, Рақамли технологиялар вазирлиги 12. Контрафакт товарларга қарши курашишда тадбиркорлик субъектларини рағбатлантиришга қаратилган «Контрафактсиз савдо объекти» лойиҳасини амалга ошириш. Бунда: тадбиркорлик субъекти лойиҳада ихтиёрий иштирок этади; тадбиркорлик субъектининг розилиги билан унинг савдо нуқталарида контрафакт товар мавжуд ёки мавжуд эмаслиги адлия органлари ходимлари томонидан ўрганилади; лойиҳа доирасида савдо нуқтасида адлия органлари ходимлари томонидан ўтказилган ўрганиш тадбиркорлик субъекти фаолиятини текшириш ҳисобланмайди; контрафакт товар аниқланмаган савдо нуқтасига «Контрафактсиз савдо объекти» сертификати берилади, реестрга киритилади ва ОАВларда эълон қилинади; «Контрафактсиз савдо объекти» сертификатига эга савдо нуқтасида келгусида контрафакт товар мавжудлиги аниқланганда, сертификат чақириб олинади ва бу ҳақда ОАВларда эълон қилинади. Адлия вазири буйруғи лойиҳаси 2026 йил январь Адлия вазирлиги, манфаатдор вазирлик ва идоралар 13. Селекция ютуқларига доир талабномалар юзасидан қишлоқ хўжалиги экинларини фарқланиш, турдошлик ва барқарорликни аниқлаш бўйича синовлар ўтказиш методикасини ишлаб чиқиш ва тасдиқлаш. Қишлоқ хўжалиги вазири буйруғи лойиҳаси 2026 йил май Қишлоқ хўжалиги вазирлиги, Адлия вазирлиги 14. Интеллектуал мулк объектлари ва уларга оид шартномаларни давлат рўйхатидан ўтказиш бўйича талабнома ва аризаларни давлат хизматлари марказлари орқали топшириш тартибини жорий этиш . Норматив-ҳуқуқий ҳужжат лойиҳаси 2026 йил февраль Адлия вазирлиги, Рақамли технологиялар вазирлиги 15. Адлия вазирлигининг патент вакиллигига номзодларни аттестациядан ва рўйхатдан ўтказиш ваколатини Қорақалпоғистон Республикаси Адлия вазирлиги, вилоятлар ва Тошкент шаҳар адлия бошқармаларига бериш тўғрисида таклифлар ишлаб чиқиш. Норматив-ҳуқуқий ҳужжат лойиҳаси 2026 йил январь Адлия вазирлиги 16. Адлия вазирлиги ҳузуридаги «Интеллектуал мулк маркази» давлат муассасасига берилган қўшимча ваколатлардан келиб чиқиб унинг низомига ўзгартириш ва қўшимчалар киритиш. Ички идоравий ҳужжат лойиҳаси 2025 йил декабрь Адлия вазирлиги II. Интеллектуал мулк соҳасидаги тартиб-таомилларни такомиллаштириш 17. «Интеллектуал мулк муҳофазаси» порталини «Тадбиркорларнинг барқарорлик рейтинги» электрон платформаси билан интеграция қилиш. Комплекс чора-тадбирлар 2026 йил апрель Адлия вазирлиги, Солиқ қўмитаси 18. «Интеллектуал мулк муҳофазаси» портали қуйидаги маълумотлар алмашинилиши юзасидан тегишли тизимлар билан интеграция қилинишини таъминлаш: Тадбиркорлик субъектларини давлат рўйхатидан ўтказиш ва ҳисобга қўйишнинг автоматлаштирилган тизими — тадбиркорлик субъектининг номи, ташкилий-ҳуқуқий шакли, манзили ўзгарганлиги ёки фаолияти тугатилгани тўғрисидаги маълумотлар; «ФҲДЁнинг ягона электрон архиви» ахборот тизими — фуқаронинг фамилияси, исми, отасининг исми ўзгаргани ёки ўлими тўғрисидаги маълумотлар; Нотариатнинг ягона автоматлаштирилган ахборот тизими — мерос таркибидаги ҳамда корхонани сотиш шартномаси предмети бўлган интеллектуал мулк объектларига оид маълумотлар; «Манзил» автоматлаштирилган ахборот тизими — фуқаронинг манзили ўзгаргани тўғрисидаги маълумотлар; Божхона қўмитасининг ягона автоматлаштирилган ахборот тизими — давлат рўйхатидан ўтказилган интеллектуал мулк объектлари тўғрисидаги маълумотлар. Комплекс чора-тадбирлар 2026 йил февраль Адлия вазирлиги, Рақамли технологиялар вазирлиги, Ички ишлар вазирлиги, Божхона қўмитаси 19. Камида тўртта олий таълим муассасасида интеллектуал мулк объектларини бошқариш мутахассислиги бўйича ўқитишни ташкил этиш. Комплекс чора-тадбирлар 2029 йил июль Олий таълим, фан ва инновациялар вазирлиги 20. Жаҳон савдо ташкилотининг Интеллектуал мулк ҳуқуқининг савдо аспектлари бўйича битими (TRIPS) нормалари ва тамойилларига номувофиқ бўлган интеллектуал мулк соҳасидаги икки томонлама халқаро битимларга ўзгартиришлар киритиш ёки уларни бекор қилиш юзасидан Вазирлар Маҳкамасига таклифлар киритиш. Таҳлилий маълумот ва таклиф 2026 йил март Адлия вазирлиги, Ташқи ишлар вазирлиги 21. «oriGIn Uzbekistan» — муассаса шаклидаги нодавлат нотижорат ташкилотини давлат рўйхатдан ўтказиш. Муассасани бино, компьютер техникаси ва бошқа зарур жиҳозлар билан таъминлаш. Муассасани «oriGIn» халқаро географик кўрсаткичлар тармоғи ташкилотига аъзо бўлишига кўмаклашиш. Комплекс чора-тадбирлар 2025-2026 йиллар давомида Адлия вазирлиги 22. Рўйхатдан ўтган географик кўрсаткичларни туризм харитасига ҳамда сайёҳлик платформаларига киритиш мақсадида Туризм қўмитасига тақдим қилиш. Тақдим этилган географик кўрсаткичларни Туризм қўмитаси томонидан туризм хариталари ҳамда сайёҳлик платформаларида эълон қилиб бориш. Комплекс чора-тадбирлар Доимий Адлия вазирлиги, Туризм қўмитаси 23. Тадбиркорлик субъектлари давлат рўйхатидан ўтказилганда уларнинг таъсисчиларига товар ёки хизмат кўрсатиш белгиларига эга бўлишнинг афзалликлари ва тартиби тўғрисида СМС хабарномалар юбориш тизимини йўлга қўйиш. Амалий чора-тадбирлар 2026 йил январь Адлия вазирлиги 24. «Саноат мулки муҳофазаси» ва IP Protection порталлари негизида сунъий интеллект технологиялари асосида ягона «Интеллектуал мулк муҳофазаси» порталини яратиш ва унда қуйидаги имкониятларни белгилаш: интеллектуал мулк масалаларига оид мурожаатларни қабул қилиш; сунъий интеллект технологияларидан фойдаланган ҳолда интеллектуал мулк объектларини рўйхатдан ўтказиш бўйича келиб тушган талабномаларни экспертизадан ўтказиш жараёнларини такомиллаштириш; интеллектуал мулк объектлари билан боғлиқ шартномаларни онлайн тузиш; интеллектуал мулк масалаларига оид услубий тавсияларни жойлаштириш ҳамда фуқаролар ва тадбиркорлик субъектларининг саволларига реал вақт режимида (онлайн) жавоб бериш; контрафакт товарлар ҳамда интеллектуал мулк ҳуқуқларини бузгани учун фаолияти чекланган веб-сайтлар тўғрисидаги маълумотларни жойлаштириш. Комплекс чора-тадбирлар 2025 — 2028 йиллар давомида Адлия вазирлиги, Рақамли технологиялар вазирлиги 25. «Интеллектуал мулк муҳофазаси» порталини яратиш ва унинг барқарор, узлуксиз техник таъминотини таъминлаш бўйича тегишли таклифларни Вазирлар Маҳкамасига киритиш. Таҳлилий маълумот 2026 йил январь Адлия вазирлиги, Рақамли технологиялар вазирлиги 26. Бутунжаҳон интеллектуал мулк ташкилоти билан ҳамкорликда саноат намуналари муаллифларининг ҳуқуқларини ҳимоя қилишга қаратилган «Central Asia Design» платформасини яратиш бўйича таклифлар ишлаб чиқиш. Таҳлилий маълумот 2026 йил июнь Адлия вазирлиги, Рақамли технологиялар вазирлиги 27. «Интеллектуал мулк миллий биржаси» электрон платформасини яратиш. Комплекс чора-тадбирлар 2025-2026 йиллар давомида Олий таълим, фан ва инновациялар вазирлиги, Адлия вазирлиги, Рақамли технологиялар вазирлиги 28. Бутунжаҳон интеллектуал мулк ташкилоти Бош Ассамблеяси тадбирлари доирасида Ўзбекистон миллий кўргазмасини ташкил этиш. Амалий чора-тадбирлар 2026-2027 йиллар давомида Адлия вазирлиги, Ташқи ишлар вазирлиги, Инвестициялар, саноат ва савдо вазирлиги, Туризм қўмитаси, Маданият вазирлиги, Транспорт вазирлиги, Божхона қўмитаси, «Ҳунарманд» уюшмаси
Ўзбекистон Республикаси Президентининг 2025 йил 27 ноябрдаги ПҚ-358-сон қарорига 2-ИЛОВА
Ўзбекистон Республикаси Президентининг айрим қарорларига киритилаётган ўзгартириш ва қўшимчалар
1. Ўзбекистон Республикаси Президентининг 2018 йил 13 апрелдаги ПҚ-3666-сон қарори билан тасдиқланган Ўзбекистон Республикаси Адлия вазирлиги тўғрисидаги низомда :
(а) 10-банд 18-кичик бандининг олтинчи хатбошисида «тўлиқ ёки қисман бериш тўғрисидаги шартномаларни» сўзларидан кейин «, интеллектуал мулк объектларининг гарови тўғрисидаги шартномаларни» сўзлари билан тўлдирилсин;
(б) 16-банд қуйидаги мазмундаги хатбоши билан тўлдирилсин:
«Белгиланган вазифалар тақсимотига кўра интеллектуал мулк соҳасига жавобгар вазир ўринбосари халқаро ҳамкорлик амалга оширилаётганда лавозими бўйича Ўзбекистон Республикасининг интеллектуал мулк масалалари бўйича махсус миллий органи раҳбари ҳисобланади».
2. Ўзбекистон Республикаси Президентининг 2019 йил 8 февралдаги «Интеллектуал мулк соҳасида давлат бошқарувини такомиллаштириш чора-тадбирлари тўғрисида»ги ПҚ-4168-сон қарорининг 6-банди ўз кучини йўқотган деб ҳисоблансин.
3. Ўзбекистон Республикаси Президентининг 2021 йил 28 январдаги «Интеллектуал мулк объектларини муҳофаза қилиш тизимини такомиллаштириш чора-тадбирлари тўғрисида»ги ПҚ-4965-сон қарори 6-бандининг учинчи ва тўртинчи хатбошилари чиқариб ташлансин.
4. Ўзбекистон Республикаси Президентининг 2021 йил 1 апрелдаги ПҚ-5047-сон қарори билан тасдиқланган Илм-фанни молиялаштириш ва инновацияларни қўллаб-қувватлаш жамғармаси тўғрисидаги низомнинг 7-бандида :
(а) қуйидаги мазмундаги бешинчи ва олтинчи хатбошилар билан тўлдирилсин:
«Энг яхши ихтиро», «Энг яхши фойдали модель», «Энг яхши саноат намунаси», «Энг яхши ЭҲМ учун дастур ва маълумотлар базаси» ҳамда «Энг яхши селекция ютуғи» номинациялари бўйича республика танловларини ўтказиш тадбирларини молиялаштириш;
«Интеллектуал мулк миллий биржаси» электрон платформасини яратиш ва сақлаб туриш харажатларини молиялаштириш»;
(б) бешинчи — ўн тўртинчи хатбошилар тегишинча еттинчи — ўн олтинчи хатбошилар деб ҳисоблансин.
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 27 ноябрь,
ПҚ-358-сон
Oʻzbekiston Respublikasi Prezidentining
qarori
“YOʻL XARITASI”
Intellektual faoliyat natijalarini ragʻbatlantirish hamda sohaga zamonaviy axborot-kommunikatsiya texnologiyalarini joriy etishni kengaytirishga oid qoʻshimcha chora-tadbirlar toʻgʻrisida
Mamlakat iqtisodiyotida intellektual mulkning ulushini oshirish, intellektual mulkka boʻlgan huquqni ishonchli himoya qilish tizimini shakllantirish, shuningdek, 2022 — 2026-yillarda Oʻzbekiston Respublikasida intellektual mulk sohasini rivojlantirish strategiyasida belgilangan vazifalar ijrosini taʼminlash maqsadida qaror qilaman:
1. Quyidagilar 2026-2027-yillarda intellektual mulk sohasini rivojlantirishning asosiy maqsadli koʻrsatkichlari etib belgilansin:
(a) mamlakatda roʻyxatdan oʻtkazilgan intellektual mulk obyektlari sonini 100 mingtaga, milliy brendlarni targʻib qilish orqali roʻyxatdan oʻtkazilgan geografik koʻrsatkichlar sonini 40 taga yetkazish;
(b) intellektual mulk obyektlarini roʻyxatdan oʻtkazish jarayonida sunʼiy intellekt texnologiyalaridan foydalanish orqali ekspertiza muddatlarini 2 barobarga qisqartirish, sohadagi idoralararo hujjatlar almashinuvini toʻliq elektron shaklga oʻtkazish;
(v) patent vakillari institutini kuchaytirish orqali ularning sonini 400 tagacha, Butunjahon intellektual mulk tashkiloti hamkorligida xorijda malakasini oshirgan intellektual mulk sohasidagi mutaxassislar sonini 200 nafargacha oshirish.
2. Adliya vazirligi, Iqtisodiyot va moliya vazirligi hamda Savdo-sanoat palatasining intellektual mulk sohasida davlat xizmatlarini koʻrsatishda quyidagilar asosida amaldagi tartib-taomillarni takomillashtirish hamda yangi xizmatlarni joriy qilish toʻgʻrisidagi taklifiga rozilik berilsin:
(a) sohada raqamli va sunʼiy intellekt texnologiyalarini keng qoʻllagan holda tartib-taomillarni soddalashtirish;
(b) fuqarolar va tadbirkorlarga davlat xizmatlarini huquqiy hamda uslubiy yordam koʻrsatish bilan birga amalga oshirish;
(v) davlat xizmatlarini koʻrsatishda byurokratik toʻsiqlarga barham berish, kompozit va proaktiv tarzda koʻrsatiladigan davlat xizmatlari sonini koʻpaytirish;
(g) jismoniy va yuridik shaxslarning murojaatlari asosida mavjud tartib-taomillarni takomillashtirib borish, kontrafakt mahsulotlarga qarshi kurashish jarayoniga tadbirkorlarni jalb etish;
(d) intellektual mulk obyektlarining fuqarolik muomalasida faol aylanishini taʼminlashga koʻmaklashish.
3. Adliya vazirligining “Sanoat mulki muhofazasi” va “IP Protection” axborot portallari negizida quyidagilarni amalga oshirish imkonini beruvchi Adliya vazirligining “Intellektual mulk muhofazasi” portali (keyingi oʻrinlarda — Intellektual mulk portali) ishga tushirilsin:
(a) intellektual mulk masalalariga oid murojaatlarni qabul qilish;
(b) sunʼiy intellekt texnologiyalaridan foydalangan holda intellektual mulk obyektlarini roʻyxatdan oʻtkazish boʻyicha kelib tushgan talabnomalarni ekspertizadan oʻtkazish jarayonlarini takomillashtirish;
(v) intellektual mulk obyektlari bilan bogʻliq shartnomalarni onlayn tuzish;
(g) intellektual mulk masalalariga oid uslubiy tavsiyalarni joylashtirish hamda fuqarolar va tadbirkorlik subyektlarining savollariga real vaqt rejimida (onlayn) javob berish;
(d) kontrafakt tovarlar hamda intellektual mulk huquqlarini buzganligi uchun faoliyati cheklangan veb-saytlar toʻgʻrisidagi maʼlumotlarni joylashtirish.
4. Belgilansinki, 2026-yil 1-martdan boshlab:
(a) Sogʻliqni saqlash vazirligi tomonidan biologik faol moddalarni olib kirish va ishlab chiqarish uchun ruxsatnoma berish jarayonida intellektual mulk obyektlariga (tovar belgisi va sanoat namunasiga) boʻlgan huquqlarga rioya etilgani Intellektual mulk portali orqali majburiy ravishda tekshiriladi va (yoki) oʻrganiladi;
(b) Tadbirkorlik subyektlarining barqarorlik reytingini aniqlashda intellektual mulkka oid huquqbuzarliklar uchun sud tomonidan jarima, maʼmuriy yoxud jinoiy javobgarlik choralarining qoʻllangani reyting ballarini kamaytiruvchi koʻrsatkich hamda tovar belgilari, xizmat koʻrsatish belgilariga ega boʻlish qoʻshimcha ball beruvchi koʻrsatkich hisoblanadi;
(v) intellektual mulk obyektlariga doir muhofaza hujjatlari (guvohnoma, patent) dublikatini toʻlov asosida onlayn shaklda berish tartibi joriy etiladi.
5. Adliya vazirligi, Oliy taʼlim, fan va innovatsiyalar vazirligi hamda Fanlar akademiyasining quyidagi takliflari maʼqullansin:
(a) oliy taʼlim, ilmiy-tadqiqot muassasalari, texnoparklarda (keyingi oʻrinlarda — tashkilotlar) mavjud shtatlar doirasida tadqiqot natijalarini patentlash, ishlab chiqarish jarayonlariga tatbiq etish hamda tijoratlashtirishga koʻmaklashuvchi yuridik shaxs hisoblanmaydigan texnologiyalar va innovatsiyalarni qoʻllab-quvvatlash markazlarini tashkil etish. Bunda texnologiyalar va innovatsiyalarni qoʻllab-quvvatlash markazlari tashkil etiladigan tashkilotlar roʻyxati Oliy taʼlim, fan va innovatsiyalar vazirligi hamda Adliya vazirligi taklifi asosida Vazirlar Mahkamasi tomonidan tasdiqlanadi;
(b) “Intellektual mulk sohasini rivojlantirishga qoʻshgan hissasi uchun” koʻkrak nishonini taʼsis etish.
6. Adliya vazirligi, Oliy taʼlim, fan va innovatsiyalar vazirligi tashkilotlarga texnologiyalar va innovatsiyalarni qoʻllab-quvvatlash markazlari faoliyatini samarali yoʻlga qoʻyishda, xodimlarining bilim va malakalarini oshirishda uslubiy yordam koʻrsatsin.
7. Oliy taʼlim, fan va innovatsiyalar vazirligi Adliya vazirligi bilan birgalikda:
(a) intellektual mulk obyektlarini boshqarish mutaxassisligi boʻyicha:
(i) 2026/2027 oʻquv yilidan boshlab — Oʻzbekiston milliy universitetida;
(ii) 2029/2030 oʻquv yiliga qadar kamida toʻrtta oliy taʼlim muassasasida oliy maʼlumotli kadrlar tayyorlashni yoʻlga qoʻysin;
(b) Toshkent davlat yuridik universitetida intellektual mulkni himoya qilish boʻyicha zamonaviy taʼlim dasturlarini joriy etsin.
Bunda oʻquv jarayoniga ustuvor ravishda Buyuk Britaniya, Koreya Respublikasi, Singapur va Xitoy davlatlarining intellektual mulkni boshqarish boʻyicha ekspertlari hamda xorijiy va mahalliy patent vakillari jalb qilinadi.
8. Bosh vazir oʻrinbosari J. Xodjayev Buyuk Britaniya, Koreya Respublikasi, Singapur va Xitoydagi Oʻzbekiston elchilari bilan birlikda ikki tomonlama hamkorlik doirasida xorijiy patent vakil (ekspert)larini jalb qilish hamda mahalliy brendlarni himoya qilishga amaliy yordam koʻrsatsin.
9. Istiqbolli kadrlarni tayyorlash boʻyicha “El-yurt umidi” jamgʻarmasi Adliya vazirligi taklifiga binoan yetakchi xorijiy oliy taʼlim tashkilotlarida intellektual mulk obyektlarini boshqarish sohasida kadrlar tayyorlash uchun har yili kvotalar ajratib borsin.
10. Belgilansinki, ixtirochi va novatorlar uchun qulay sharoitlar yaratish, ularni ragʻbatlantirish hamda ilmiy ishlanmalarning fuqarolik muomalasidagi aylanmasini oshirish maqsadida:
(a) intellektual mulk obyektlariga boʻlgan huquqni kredit olish uchun garovga qoʻyish amaliyoti joriy etiladi;
(b) intellektual mulk obyektlarining garovi toʻgʻrisidagi shartnomalar Adliya vazirligida belgilangan tartibda hisobga olinadi;
(v) 2026-yildan boshlab har yili “Eng yaxshi ixtiro”, “Eng yaxshi foydali model”, “Eng yaxshi sanoat namunasi”, “Eng yaxshi EHM uchun dastur va maʼlumotlar bazasi” hamda “Eng yaxshi seleksiya yutugʻi” nominatsiyalari boʻyicha respublika tanlovi oʻtkazib boriladi hamda tanlovning har bir nominatsiyasi boʻyicha 1, 2 va 3-oʻrin gʻoliblariga Ilm-fanni moliyalashtirish va innovatsiyalarni qoʻllab-quvvatlash jamgʻarmasi mablagʻlari hisobidan tegishlicha bazaviy hisoblash miqdorining 150, 125 va 100 baravari miqdorida mukofot puli beriladi.
11. Adliya vazirligi va Savdo-sanoat palatasining geografik koʻrsatkichlarni rivojlantirish, targʻib qilish va huquqiy muhofazasini taʼminlashga qaratilgan quyidagi takliflariga rozilik berilsin:
(a) geografik koʻrsatkichlarning muhofaza belgisini joriy etish;
(b) asosiy maqsadi geografik koʻrsatkichlarni rivojlantirish, ularni targʻib qilish, jumladan, xorijiy davlatlarda targʻib qilish, tijoratlashtirish ishlarida tadbirkorlik subyektlariga va hunarmandlarga huquqiy hamda uslubiy yordam koʻrsatish hisoblanadigan “oriGIn Uzbekistan” muassasa shaklidagi nodavlat notijorat tashkilotni (keyingi oʻrinlarda — muassasa) tashkil etish;
(v) har yili geografik koʻrsatkichlar festivallarini oʻtkazib borish.
12. Adliya vazirligi:
(a) uch oy muddatda muassasani tashkil etish bilan bogʻliq tashkiliy masalalarni hal etish va geografik koʻrsatkichlar festivallarini oʻtkazish reja-jadvalini tasdiqlashni nazarda tutuvchi Hukumat qarori loyihasini Vazirlar Mahkamasiga kiritsin;
(b) muassasaning “oriGIn” xalqaro geografik koʻrsatkichlar tarmogʻi tashkilotiga aʼzo boʻlishini taʼminlash choralarini koʻrsin.
13. Investitsiyalar, sanoat va savdo vazirligi, Tashqi ishlar vazirligi, Qishloq xoʻjaligi vazirligi, Turizm qoʻmitasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari xorijiy mamlakatlarda tashkil etiladigan Oʻzbekistonning xalqaro koʻrgazma-yarmarkalarida geografik koʻrsatkichga ega boʻlgan tovar ishlab chiqaruvchilarining qatnashishini doimiy ravishda taʼminlab borsin.
14. Adliya vazirligi va Patent vakillari assotsiatsiyasining quyidagi takliflariga rozilik berilsin:
(a) patent vakillarining intellektual mulk bilan bogʻliq nizolarda (masalalarda) fuqarolik ishlari boʻyicha, iqtisodiy va maʼmuriy sudlarda shartnoma boʻyicha (ixtiyoriy) vakil boʻlib qatnashishi mumkinligi;
(b) patent vakillarining har uch yilda malakasini oshirish tartibini joriy qilgan holda ularning attestatsiyadan oʻtish talabini bekor qilish;
(v) Adliya vazirligining patent vakilligiga nomzodlarni attestatsiyadan va roʻyxatdan oʻtkazish vakolatini Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalariga oʻtkazish.
15. Adliya vazirligi huzuridagi “Intellektual mulk markazi” davlat muassasasiga joylarda intellektual mulk obyektlarini davlat roʻyxatidan oʻtkazish uchun talabnomalar topshirishda fuqarolar va tadbirkorlik subyektlariga uslubiy yordam koʻrsatish maqsadida fuqarolik-huquqiy xususiyatga ega shartnoma asosida hududlarda faoliyat yurituvchi intellektual mulk agentlarini ishga jalb etish vakolati berilsin.
16. Adliya vazirligi doimiy ravishda Raqamli texnologiyalar vazirligi huzuridagi Axborotlashtirish va telekommunikatsiyalar sohasida nazorat inspeksiyasi bilan birgalikda oʻzga shaxslarga tegishli boʻlgan intellektual mulk obyektlaridan qonunga xilof ravishda foydalanganligi sababli belgilangan tartibda faoliyati cheklangan veb-sayt va (yoki) veb-sayt sahifalari toʻgʻrisidagi maʼlumotlarni mualliflik huquqini Internetda himoya qilish boʻyicha “WIPO Alert” onlayn platformasiga kiritish uchun Butunjahon intellektual mulk tashkilotiga taqdim etib borsin.
17. Adliya vazirligi Tashqi ishlar vazirligi bilan birgalikda 2026-yil 1-yanvarga qadar Jahon savdo tashkilotining Intellektual mulk huquqining savdo aspektlari boʻyicha bitimi (TRIPS) normalari va tamoyillariga nomuvofiq boʻlgan intellektual mulk sohasidagi ikki tomonlama xalqaro bitimlarga oʻzgartirishlar kiritish yoki ularni bekor qilish yuzasidan Vazirlar Mahkamasiga takliflar kiritsin.
18. Adliya vazirligi intellektual mulk sohasini rivojlantirish, jumladan, davlat organlari va muassasalari xodimlarining intellektual mulk sohasidagi malakasini oshirish, sohaga zamonaviy axborot-kommunikatsiya va sunʼiy intellekt texnologiyalarini joriy etish tadbirlarini amalga oshirish uchun xalqaro va xorijiy tashkilotlarning grant mablagʻlarini jalb etish choralarini koʻrsin. Bunda Investitsiyalar, sanoat va savdo vazirligi Tashqi ishlar vazirligi bilan birgalikda intellektual mulk sohasini rivojlantirish uchun grant mablagʻlarini jalb qilish toʻgʻrisidagi masalani xalqaro va xorijiy tashkilotlar bilan ishlab chiqadi.
19. Intellektual mulk sohasini yanada takomillashtirish hamda sohaga zamonaviy axborot-kommunikatsiya texnologiyalarini keng joriy etish boʻyicha “Yoʻl xaritasi” 1-ilovaga muvofiq tasdiqlansin.
20. Oʻzbekiston Respublikasi Prezidentining ayrim qarorlariga 2-ilovaga muvofiq oʻzgartirish va qoʻshimchalar kiritilsin.
21. Adliya vazirligi manfaatdor vazirlik va idoralar bilan birgalikda:
(a) ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida takliflarni;
(b) 2026-yil 1-sentabrga qadar xalqaro ekspertlar bilan hamkorlikda 2027 — 2030-yillarga moʻljallangan intellektual mulk sohasini rivojlantirish boʻyicha milliy strategiyani ishlab chiqib Vazirlar Mahkamasiga kiritsin.
22. Ushbu qarorning ijrosini samarali tashkil qilishga masʼul va shaxsiy javobgar etib adliya vaziri A.D. Tashkulov belgilansin.
23. Qaror ijrosini nazorat qilish Oʻzbekiston Respublikasi Bosh vaziri A.N. Aripov hamda Oʻzbekiston Respublikasi Prezidenti Administratsiyasi Huquqiy ekspertiza va kompleks tahlil qilish departamenti boshligʻi A.B. Samadov zimmasiga yuklansin.
Oʻzbekiston Respublikasi Prezidentining 2025-yil 27-noyabrdagi PQ-358-son qaroriga 1-ILOVA
Intellektual mulk sohasini yanada takomillashtirish hamda sohaga zamonaviy axborot-kommunikatsiya texnologiyalarini keng joriy etish boʻyicha
T/r Tadbirlar nomi Amalga oshirish shakli Bajarish muddatlari Ijro uchun masʼul I. Intellektual mulk sohasida normativ-huquqiy bazani rivojlantirish 1. Fuqarolik kodeksi , “ Garov toʻgʻrisida ”, “ Tovar belgilari, xizmat koʻrsatish belgilari va tovar kelib chiqqan joy nomlari toʻgʻrisida ”, “ Ixtirolar, foydali modellar va sanoat namunalari toʻgʻrisida ”, “ Seleksiya yutuqlari toʻgʻrisida ”gi qonunlarga intellektual mulk obyektlariga boʻlgan huquqlarni garovga qoʻyish mexanizmlarini joriy etishni nazarda tutuvchi oʻzgartirish va qoʻshimchalar kiritish toʻgʻrisida takliflar ishlab chiqish. Qonun loyihasi 2026-yil fevral Adliya vazirligi, Oliy taʼlim, fan va innovatsiyalar vazirligi, Iqtisodiyot va moliya vazirligi, Markaziy bank, manfaatdor vazirlik va idoralar 2. Fuqarolik-protsessual , Iqtisodiy-protsessual va Maʼmuriy sud ishlarini yuritish toʻgʻrisidagi kodekslarga patent vakillarining intellektual mulk bilan bogʻliq nizolarda (masalalarda) fuqarolik ishlari boʻyicha, iqtisodiy va maʼmuriy sudlarda ish yuritilishida shartnoma boʻyicha (ixtiyoriy) vakil boʻlishi mumkinligini nazarda tutuvchi oʻzgartirish va qoʻshimchalar kiritish toʻgʻrisida takliflar ishlab chiqish. Qonun loyihasi 2026-yil fevral Adliya vazirligi, Oliy sud, Bosh prokuratura, DXX 3. Yuqori texnologiyalar va sunʼiy intellektni rivojlantirishga oid yangi ustuvor yoʻnalishlar va tadbirlarni inobatga olgan holda, 2027 — 2030-yillarga moʻljallangan intellektual mulk sohasini rivojlantirish boʻyicha Milliy strategiyani xalqaro ekspertlar bilan hamkorlikda ishlab chiqish. Oʻzbekiston Respublikasi Prezidenti qarori loyihasi 2026-yil sentabr Adliya vazirligi, Raqamli texnologiyalar vazirligi, Oliy taʼlim, fan va innovatsiyalar vazirligi 4. Tadbirkorlik subyektlarining barqarorlik reytingini shakllantirishda intellektual mulkka oid huquqbuzarliklar uchun sud tomonidan jarima, maʼmuriy yoxud jinoiy javobgarlik choralarining qoʻllangani reyting ballarini kamaytiruvchi koʻrsatkich hamda tovar belgilari, xizmat koʻrsatish belgilariga ega boʻlishni qoʻshimcha ball beruvchi koʻrsatkich sifatida belgilash. Vazirlar Mahkamasi qarori loyihasi 2026-yil yanvar Adliya vazirligi, Savdo-sanoat palatasi, Soliq qoʻmitasi, Iqtisodiyot va moliya vazirligi, manfaatdor vazirlik va idoralar 5. Biologik faol moddalarni olib kirish hamda ishlab chiqarish uchun ruxsatnoma berish jarayonida intellektual mulk obyektlariga (tovar belgisi va sanoat namunasiga) boʻlgan huquqlarga rioya etilgani “Intellektual mulk muhofazasi” portali orqali majburiy ravishda tekshirish va (yoki) oʻrganish tartibini belgilash. Vazirlar Mahkamasi qarori loyihasi 2026-yil yanvar Sogʻliqni saqlash vazirligi, Adliya vazirligi 6. Oʻzbekiston Respublikasi Adliya vazirligining Apellyatsiya kengashi toʻgʻrisidagi nizomga quyidagilarni nazarda tutuvchi oʻzgartirish va qoʻshimchalar kiritish: Apellyatsiya kengashiga apellyatsiya va arizalarni “Intellektual mulk muhofazasi” portali orqali qabul qilish; Apellyatsiya kengashining ish yuritish jarayonlarini (bayonnoma, qaror qabul qilishni) toʻliq raqamlashtirish. Vazirlar Mahkamasi qarori loyihasi 2026-yil yanvar Adliya vazirligi, Raqamli texnologiyalar vazirligi 7. Quyidagilarni tasdiqlashni nazarda tutuvchi Vazirlar Mahkamasining qarori loyihasini ishlab chiqish: tarkibiy tuzilmasida texnologiyalar va innovatsiyalarni qoʻllab-quvvatlash markazlari tashkil etiladigan oliy taʼlim, ilmiy-tadqiqot muassasalari, texnoparklar roʻyxati; texnologiyalar va innovatsiyalarni qoʻllab-quvvatlash markazlari toʻgʻrisidagi namunaviy nizom. Vazirlar Mahkamasi qarori loyihasi 2026-yil yanvar Oliy taʼlim, fan va innovatsiyalar vazirligi, Adliya vazirligi, Fanlar akademiyasi, manfaatdor vazirlik va idoralar 8. “Intellektual mulk sohasini rivojlantirishga qoʻshgan hissasi uchun” koʻkrak nishonini taʼsis etish. Vazirlar Mahkamasi qarori loyihasi 2026-yil yanvar Adliya vazirligi, Fanlar akademiyasi, Oliy taʼlim, fan va innovatsiyalar vazirligi, manfaatdor vazirlik va idoralar 9. “Eng yaxshi ixtiro”, “Eng yaxshi foydali model”, “Eng yaxshi sanoat namunasi”, “Eng yaxshi EHM uchun dastur va maʼlumotlar bazasi” hamda “Eng yaxshi seleksiya yutugʻi” nominatsiyalari boʻyicha respublika tanlovini oʻtkazish tartibini belgilash. Vazirlar Mahkamasi qarori loyihasi 2026-yil fevral Oliy taʼlim, fan va innovatsiyalar vazirligi, Fanlar akademiyasi, Adliya vazirligi, manfaatdor vazirlik va idoralar 10. Geografik koʻrsatkich va tovar kelib chiqqan joy nomining logotiplarini joriy etish boʻyicha takliflar ishlab chiqish. Vazirlar Mahkamasi qarori loyihasi 2026-yil may Adliya vazirligi, Qishloq xoʻjaligi vazirligi, Investitsiyalar, sanoat va savdo vazirligi, Savdo-sanoat palatasi, manfaatdor vazirlik va idoralar 11. Quyidagilarni ishlab chiqish va tasdiqlash: Sanoat namunasiga patent berish boʻyicha davlat xizmatini koʻrsatishning maʼmuriy reglamenti; Ixtiroga patent berish boʻyicha davlat xizmatini koʻrsatishning maʼmuriy reglamenti; Foydali modelga patent berish boʻyicha davlat xizmatini koʻrsatishning maʼmuriy reglamenti; Seleksiya yutugʻiga patent berish boʻyicha davlat xizmatini koʻrsatishning maʼmuriy reglamenti; Patentlarni oʻz kuchida saqlash boʻyicha davlat xizmatini koʻrsatishning maʼmuriy reglamenti; Intellektual mulk obyektlariga doir muhofaza hujjatlari (guvohnoma, patent) dublikatini berish boʻyicha davlat xizmatini koʻrsatishning maʼmuriy reglamenti. Vazirlar Mahkamasi qarori loyihasi 2026-yil fevral Adliya vazirligi, Raqamli texnologiyalar vazirligi 12. Kontrafakt tovarlarga qarshi kurashishda tadbirkorlik subyektlarini ragʻbatlantirishga qaratilgan “Kontrafaktsiz savdo obyekti” loyihasini amalga oshirish. Bunda: tadbirkorlik subyekti loyihada ixtiyoriy ishtirok etadi; tadbirkorlik subyektining roziligi bilan uning savdo nuqtalarida kontrafakt tovar mavjud yoki mavjud emasligi adliya organlari xodimlari tomonidan oʻrganiladi; loyiha doirasida savdo nuqtasida adliya organlari xodimlari tomonidan oʻtkazilgan oʻrganish tadbirkorlik subyekti faoliyatini tekshirish hisoblanmaydi; kontrafakt tovar aniqlanmagan savdo nuqtasiga “Kontrafaktsiz savdo obyekti” sertifikati beriladi, reyestrga kiritiladi va OAVlarda eʼlon qilinadi; “Kontrafaktsiz savdo obyekti” sertifikatiga ega savdo nuqtasida kelgusida kontrafakt tovar mavjudligi aniqlanganda, sertifikat chaqirib olinadi va bu haqda OAVlarda eʼlon qilinadi. Adliya vaziri buyrugʻi loyihasi 2026-yil yanvar Adliya vazirligi, manfaatdor vazirlik va idoralar 13. Seleksiya yutuqlariga doir talabnomalar yuzasidan qishloq xoʻjaligi ekinlarini farqlanish, turdoshlik va barqarorlikni aniqlash boʻyicha sinovlar oʻtkazish metodikasini ishlab chiqish va tasdiqlash. Qishloq xoʻjaligi vaziri buyrugʻi loyihasi 2026-yil may Qishloq xoʻjaligi vazirligi, Adliya vazirligi 14. Intellektual mulk obyektlari va ularga oid shartnomalarni davlat roʻyxatidan oʻtkazish boʻyicha talabnoma va arizalarni davlat xizmatlari markazlari orqali topshirish tartibini joriy etish . Normativ-huquqiy hujjat loyihasi 2026-yil fevral Adliya vazirligi, Raqamli texnologiyalar vazirligi 15. Adliya vazirligining patent vakilligiga nomzodlarni attestatsiyadan va roʻyxatdan oʻtkazish vakolatini Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalariga berish toʻgʻrisida takliflar ishlab chiqish. Normativ-huquqiy hujjat loyihasi 2026-yil yanvar Adliya vazirligi 16. Adliya vazirligi huzuridagi “Intellektual mulk markazi” davlat muassasasiga berilgan qoʻshimcha vakolatlardan kelib chiqib uning nizomiga oʻzgartirish va qoʻshimchalar kiritish. Ichki idoraviy hujjat loyihasi 2025-yil dekabr Adliya vazirligi II. Intellektual mulk sohasidagi tartib-taomillarni takomillashtirish 17. “Intellektual mulk muhofazasi” portalini “Tadbirkorlarning barqarorlik reytingi” elektron platformasi bilan integratsiya qilish. Kompleks chora-tadbirlar 2026-yil aprel Adliya vazirligi, Soliq qoʻmitasi 18. “Intellektual mulk muhofazasi” portali quyidagi maʼlumotlar almashinilishi yuzasidan tegishli tizimlar bilan integratsiya qilinishini taʼminlash: Tadbirkorlik subyektlarini davlat roʻyxatidan oʻtkazish va hisobga qoʻyishning avtomatlashtirilgan tizimi — tadbirkorlik subyektining nomi, tashkiliy-huquqiy shakli, manzili oʻzgarganligi yoki faoliyati tugatilgani toʻgʻrisidagi maʼlumotlar; “FHDYning yagona elektron arxivi” axborot tizimi — fuqaroning familiyasi, ismi, otasining ismi oʻzgargani yoki oʻlimi toʻgʻrisidagi maʼlumotlar; Notariatning yagona avtomatlashtirilgan axborot tizimi — meros tarkibidagi hamda korxonani sotish shartnomasi predmeti boʻlgan intellektual mulk obyektlariga oid maʼlumotlar; “Manzil” avtomatlashtirilgan axborot tizimi — fuqaroning manzili oʻzgargani toʻgʻrisidagi maʼlumotlar; Bojxona qoʻmitasining yagona avtomatlashtirilgan axborot tizimi — davlat roʻyxatidan oʻtkazilgan intellektual mulk obyektlari toʻgʻrisidagi maʼlumotlar. Kompleks chora-tadbirlar 2026-yil fevral Adliya vazirligi, Raqamli texnologiyalar vazirligi, Ichki ishlar vazirligi, Bojxona qoʻmitasi 19. Kamida toʻrtta oliy taʼlim muassasasida intellektual mulk obyektlarini boshqarish mutaxassisligi boʻyicha oʻqitishni tashkil etish. Kompleks chora-tadbirlar 2029-yil iyul Oliy taʼlim, fan va innovatsiyalar vazirligi 20. Jahon savdo tashkilotining Intellektual mulk huquqining savdo aspektlari boʻyicha bitimi (TRIPS) normalari va tamoyillariga nomuvofiq boʻlgan intellektual mulk sohasidagi ikki tomonlama xalqaro bitimlarga oʻzgartirishlar kiritish yoki ularni bekor qilish yuzasidan Vazirlar Mahkamasiga takliflar kiritish. Tahliliy maʼlumot va taklif 2026-yil mart Adliya vazirligi, Tashqi ishlar vazirligi 21. “oriGIn Uzbekistan” — muassasa shaklidagi nodavlat notijorat tashkilotini davlat roʻyxatdan oʻtkazish. Muassasani bino, kompyuter texnikasi va boshqa zarur jihozlar bilan taʼminlash. Muassasani “oriGIn” xalqaro geografik koʻrsatkichlar tarmogʻi tashkilotiga aʼzo boʻlishiga koʻmaklashish. Kompleks chora-tadbirlar 2025-2026-yillar davomida Adliya vazirligi 22. Roʻyxatdan oʻtgan geografik koʻrsatkichlarni turizm xaritasiga hamda sayyohlik platformalariga kiritish maqsadida Turizm qoʻmitasiga taqdim qilish. Taqdim etilgan geografik koʻrsatkichlarni Turizm qoʻmitasi tomonidan turizm xaritalari hamda sayyohlik platformalarida eʼlon qilib borish. Kompleks chora-tadbirlar Doimiy Adliya vazirligi, Turizm qoʻmitasi 23. Tadbirkorlik subyektlari davlat roʻyxatidan oʻtkazilganda ularning taʼsischilariga tovar yoki xizmat koʻrsatish belgilariga ega boʻlishning afzalliklari va tartibi toʻgʻrisida SMS xabarnomalar yuborish tizimini yoʻlga qoʻyish. Amaliy chora-tadbirlar 2026-yil yanvar Adliya vazirligi 24. “Sanoat mulki muhofazasi” va IP Protection portallari negizida sunʼiy intellekt texnologiyalari asosida yagona “Intellektual mulk muhofazasi” portalini yaratish va unda quyidagi imkoniyatlarni belgilash: intellektual mulk masalalariga oid murojaatlarni qabul qilish; sunʼiy intellekt texnologiyalaridan foydalangan holda intellektual mulk obyektlarini roʻyxatdan oʻtkazish boʻyicha kelib tushgan talabnomalarni ekspertizadan oʻtkazish jarayonlarini takomillashtirish; intellektual mulk obyektlari bilan bogʻliq shartnomalarni onlayn tuzish; intellektual mulk masalalariga oid uslubiy tavsiyalarni joylashtirish hamda fuqarolar va tadbirkorlik subyektlarining savollariga real vaqt rejimida (onlayn) javob berish; kontrafakt tovarlar hamda intellektual mulk huquqlarini buzgani uchun faoliyati cheklangan veb-saytlar toʻgʻrisidagi maʼlumotlarni joylashtirish. Kompleks chora-tadbirlar 2025 — 2028-yillar davomida Adliya vazirligi, Raqamli texnologiyalar vazirligi 25. “Intellektual mulk muhofazasi” portalini yaratish va uning barqaror, uzluksiz texnik taʼminotini taʼminlash boʻyicha tegishli takliflarni Vazirlar Mahkamasiga kiritish. Tahliliy maʼlumot 2026-yil yanvar Adliya vazirligi, Raqamli texnologiyalar vazirligi 26. Butunjahon intellektual mulk tashkiloti bilan hamkorlikda sanoat namunalari mualliflarining huquqlarini himoya qilishga qaratilgan “Central Asia Design” platformasini yaratish boʻyicha takliflar ishlab chiqish. Tahliliy maʼlumot 2026-yil iyun Adliya vazirligi, Raqamli texnologiyalar vazirligi 27. “Intellektual mulk milliy birjasi” elektron platformasini yaratish. Kompleks chora-tadbirlar 2025-2026-yillar davomida Oliy taʼlim, fan va innovatsiyalar vazirligi, Adliya vazirligi, Raqamli texnologiyalar vazirligi 28. Butunjahon intellektual mulk tashkiloti Bosh Assambleyasi tadbirlari doirasida Oʻzbekiston milliy koʻrgazmasini tashkil etish. Amaliy chora-tadbirlar 2026-2027-yillar davomida Adliya vazirligi, Tashqi ishlar vazirligi, Investitsiyalar, sanoat va savdo vazirligi, Turizm qoʻmitasi, Madaniyat vazirligi, Transport vazirligi, Bojxona qoʻmitasi, “Hunarmand” uyushmasi
Oʻzbekiston Respublikasi Prezidentining 2025-yil 27-noyabrdagi PQ-358-son qaroriga 2-ILOVA
Oʻzbekiston Respublikasi Prezidentining ayrim qarorlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2018-yil 13-apreldagi PQ-3666-son qarori bilan tasdiqlangan Oʻzbekiston Respublikasi Adliya vazirligi toʻgʻrisidagi nizomda :
(a) 10-band 18-kichik bandining oltinchi xatboshisida “toʻliq yoki qisman berish toʻgʻrisidagi shartnomalarni” soʻzlaridan keyin “, intellektual mulk obyektlarining garovi toʻgʻrisidagi shartnomalarni” soʻzlari bilan toʻldirilsin;
(b) 16-band quyidagi mazmundagi xatboshi bilan toʻldirilsin:
“Belgilangan vazifalar taqsimotiga koʻra intellektual mulk sohasiga javobgar vazir oʻrinbosari xalqaro hamkorlik amalga oshirilayotganda lavozimi boʻyicha Oʻzbekiston Respublikasining intellektual mulk masalalari boʻyicha maxsus milliy organi rahbari hisoblanadi”.
2. Oʻzbekiston Respublikasi Prezidentining 2019-yil 8-fevraldagi “Intellektual mulk sohasida davlat boshqaruvini takomillashtirish chora-tadbirlari toʻgʻrisida”gi PQ-4168-son qarorining 6-bandi oʻz kuchini yoʻqotgan deb hisoblansin.
3. Oʻzbekiston Respublikasi Prezidentining 2021-yil 28-yanvardagi “Intellektual mulk obyektlarini muhofaza qilish tizimini takomillashtirish chora-tadbirlari toʻgʻrisida”gi PQ-4965-son qarori 6-bandining uchinchi va toʻrtinchi xatboshilari chiqarib tashlansin.
4. Oʻzbekiston Respublikasi Prezidentining 2021-yil 1-apreldagi PQ-5047-son qarori bilan tasdiqlangan Ilm-fanni moliyalashtirish va innovatsiyalarni qoʻllab-quvvatlash jamgʻarmasi toʻgʻrisidagi nizomning 7-bandida :
(a) quyidagi mazmundagi beshinchi va oltinchi xatboshilar bilan toʻldirilsin:
“Eng yaxshi ixtiro”, “Eng yaxshi foydali model”, “Eng yaxshi sanoat namunasi”, “Eng yaxshi EHM uchun dastur va maʼlumotlar bazasi” hamda “Eng yaxshi seleksiya yutugʻi” nominatsiyalari boʻyicha respublika tanlovlarini oʻtkazish tadbirlarini moliyalashtirish;
“Intellektual mulk milliy birjasi” elektron platformasini yaratish va saqlab turish xarajatlarini moliyalashtirish”;
(b) beshinchi — oʻn toʻrtinchi xatboshilar tegishincha yettinchi — oʻn oltinchi xatboshilar deb hisoblansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 27-noyabr,
PQ-358-son
Президента Республики Узбекистан
Постановление
О дополнительных мерах по стимулированию результатов интеллектуальной деятельности и расширению внедрения в сферу современных информационно-коммуникационных технологий
В целях увеличения доли интеллектуальной собственности в экономике страны, формирования надежной системы защиты прав на интеллектуальную собственность, а также обеспечения выполнения задач, предусмотренных Стратегией развития сферы интеллектуальной собственности в Республике Узбекистан на 2022 — 2026 годы, постановляю:
1. Определить основными целевыми показателями развития сферы интеллектуальной собственности на 2026-2027 годы:
(а) доведение количества зарегистрированных в стране объектов интеллектуальной собственности до 100 тысяч, количества зарегистрированных географических указаний — до 40 путем продвижения национальных брендов;
(б) сокращение в 2 раза сроков экспертизы в процессе регистрации объектов интеллектуальной собственности посредством применения технологий искусственного интеллекта, а также полный переход на электронную форму межведомственного документооборота в сфере;
(в) увеличение количества патентных поверенных до 400 путем укрепления данного института, а также количества специалистов в сфере интеллектуальной собственности, прошедших повышение квалификации за рубежом в сотрудничестве со Всемирной организацией интеллектуальной собственности, до 200.
2. Согласиться с предложением Министерства юстиции, Министерства экономики и финансов и Торгово-промышленной палаты о совершенствовании действующих процедур и внедрении новых услуг в сфере интеллектуальной собственности при оказании государственных услуг на основе:
(а) упрощения процедур с широким использованием цифровых технологий и технологий искусственного интеллекта в сфере;
(б) предоставления государственных услуг гражданам и предпринимателям вместе с оказанием им правовой и методической помощи;
(в) устранения бюрократических барьеров, увеличения количества государственных услуг, предоставляемых в композитной и проактивной форме;
(г) постоянного совершенствования существующих процедур согласно обращениям физических и юридических лиц, привлечения предпринимателей к процессу борьбы с контрафактной продукцией;
(д) содействия обеспечению активного оборота объектов интеллектуальной собственности в гражданском обороте.
3. На основе информационных порталов «Охрана промышленной собственности» и «IP Protection» Министерства юстиции запустить портал «Охрана интеллектуальной собственности» Министерства юстиции (далее — Портал интеллектуальной собственности), предоставляющий возможность:
(а) принимать обращения по вопросам интеллектуальной собственности;
(б) совершенствовать процессы экспертизы поступивших заявок на регистрацию объектов интеллектуальной собственности с использованием технологий искусственного интеллекта;
(в) заключать договоры, связанные с объектами интеллектуальной собственности, в режиме онлайн;
(г) размещать методические рекомендации по вопросам интеллектуальной собственности, а также предоставлять ответы в режиме реального времени (онлайн) на вопросы граждан и субъектов предпринимательства;
(д) размещать информацию о контрафактных товарах и веб-сайтах, деятельность которых ограничена за нарушение прав интеллектуальной собственности.
4. Установить, что начиная с 1 марта 2026 года:
(а) Министерство здравоохранения в процессе выдачи разрешений на ввоз и производство биологически активных веществ в обязательном порядке проверяет и (или) изучает соблюдение прав на объекты интеллектуальной собственности (товарные знаки и промышленные образцы) через Портал интеллектуальной собственности;
(б) при определении Рейтинга устойчивости субъектов предпринимательства применение судом штрафов, мер административной или уголовной ответственности к правонарушениям касательно интеллектуальной собственности является показателем снижения рейтинговых баллов, а наличие товарных знаков и знаков обслуживания — показателем, дающим дополнительный балл;
(в) вводится порядок выдачи дубликатов охранных документов на объекты интеллектуальной собственности (свидетельства, патенты) в режиме онлайн на платной основе.
5. Одобрить следующие предложения Министерства юстиции, Министерства высшего образования, науки и инноваций, а также Академии наук, предусматривающие:
(а) создание центров поддержки технологий и инноваций в высших образовательных, научно-исследовательских учреждениях, технопарках (далее — организации) в пределах существующих штатных единиц, не являющихся юридическим лицом, оказывающих содействие патентованию результатов исследований, их внедрению в производственные процессы и коммерциализации. При этом перечень организаций, в которых создаются центры поддержки технологий и инноваций, утверждается Кабинетом Министров по предложению Министерства высшего образования, науки и инноваций и Министерства юстиции;
(б) учреждение нагрудного знака «За вклад в развитие сферы интеллектуальной собственности».
6. Министерству юстиции, Министерству высшего образования, науки и инноваций оказать методическую помощь организациям в эффективном налаживании деятельности центров поддержки технологий и инноваций, а также повышении знаний и квалификации их работников.
7. Министерству высшего образования, науки и инноваций совместно с Министерством юстиции:
(а) наладить подготовку кадров с высшим образованием по специальности «управление объектами интеллектуальной собственности»:
(i) начиная с 2026/2027 учебного года в Национальном университете Узбекистана;
(ii) до 2029/2030 учебного года в не менее четырех высших образовательных учреждениях;
(б) внедрить в Ташкентском государственном юридическом университете современные образовательные программы по защите интеллектуальной собственности.
При этом к учебному процессу в приоритетном порядке будут привлекаться эксперты по управлению интеллектуальной собственностью из Великобритании, Республики Корея, Сингапура и Китая, а также иностранные и отечественные патентные поверенные.
8. Заместителю Премьер-министра Ж. Ходжаеву совместно с послами Узбекистана в Великобритании, Республике Корея, Сингапуре и Китае в рамках двустороннего сотрудничества оказать практическое содействие в привлечении иностранных патентных поверенных (экспертов) и обеспечении защиты отечественных брендов.
9. Фонду по подготовке перспективных кадров «Эл-юрт умиди» по предложению Министерства юстиции ежегодно выделять квоты на подготовку кадров в области управления объектами интеллектуальной собственности в ведущих зарубежных образовательных организациях.
10. Установить, что в целях создания благоприятных условий для изобретателей и новаторов, их стимулирования, а также увеличения оборота научных разработок в гражданском обороте:
(а) внедряется практика использования прав на объекты интеллектуальной собственности в качестве залога для получения кредита;
(б) учет договоров о залоге объектов интеллектуальной собственности ведется в Министерстве юстиции в установленном порядке;
(в) начиная с 2026 года ежегодно будет проводиться республиканский конкурс по номинациям «Лучшее изобретение», «Лучшая полезная модель», «Лучший промышленный образец», «Лучшая программа для ЭВМ и база данных», а также «Лучшее селекционное достижение» и победителям конкурса в каждой номинации за 1-е, 2-е и 3-е места выплачивается вознаграждение из средств Фонда финансирования науки и поддержки инноваций соответственно в 150, 125 и 100-кратном размере базовой расчётной величины.
11. Согласиться со следующими предложениями Министерства юстиции и Торгово-промышленной палаты, направленными на развитие и продвижение географических указаний, а также на обеспечение их правовой охраны, предусматривающими:
(а) внедрение охранного знака для географических указаний;
(б) создание негосударственной некоммерческой организации «oriGIn Uzbekistan» в форме учреждения (далее — учреждение), основной целью которой являются развитие географических указаний, их продвижение, в том числе в зарубежных государствах, содействие предпринимателям и ремесленникам в коммерциализации, а также оказание им правовой и методической помощи;
(в) ежегодное проведение фестивалей географических указаний.
12. Министерству юстиции:
(а) в трехмесячный срок внести в Кабинет Министров проект постановления Правительства, предусматривающий решение организационных вопросов по созданию учреждения и утверждение плана-графика проведения фестивалей географических указаний;
(б) принять меры по обеспечению вступления учреждения в организацию по международной сети географических указаний «oriGIn».
13. Министерству инвестиций, промышленности и торговли, Министерству иностранных дел, Министерству сельского хозяйства, Комитету по туризму, Совету Министров Республики Каракалпакстан, хокимиятам областей и города Ташкента обеспечить на постоянной основе участие производителей товаров, имеющих географические указания, в международных выставках и ярмарках Узбекистана, проводимых в зарубежных странах.
14. Согласиться со следующими предложениями Министерства юстиции и Ассоциации патентных поверенных, предусматривающими:
(а) возможность участия патентных поверенных в качестве договорных (добровольных) представителей по спорам (вопросам), связанным с интеллектуальной собственностью, в судах по гражданским делам, в экономических и административных судах;
(б) отмену требования прохождения патентными поверенными аттестации и введение порядка повышения их квалификации каждые три года;
(в) передачу полномочия Министерства юстиции по проведению аттестации и регистрации кандидатов в патентные поверенные Министерству юстиции Республики Каракалпакстан, управлениям юстиции областей и города Ташкента.
15. Государственному учреждению «Центр интеллектуальной собственности» при Министерстве юстиции предоставить полномочие привлекать на основе гражданско-правового договора агентов интеллектуальной собственности, осуществляющих деятельность в регионах, в целях оказания методической помощи гражданам и субъектам предпринимательства при подаче заявок на государственную регистрацию объектов интеллектуальной собственности на местах.
16. Министерству юстиции совместно с Инспекцией по контролю в сфере информатизации и телекоммуникаций при Министерстве цифровых технологий на постоянной основе представлять во Всемирную организацию интеллектуальной собственности информацию о веб-сайтах и (или) страницах веб-сайтов, функционирование которых ограничено в установленном порядке по причине незаконного использования объектов интеллектуальной собственности, принадлежащих иным лицам, для размещения данной информации на онлайн-платформе «WIPO Alert» по защите авторских прав в интернете.
17. Министерству юстиции совместно с Министерством иностранных дел до 1 января 2026 года внести в Кабинет Министров предложения о внесении изменений в двусторонние международные соглашения в сфере интеллектуальной собственности или об отмене таких соглашений, не соответствующих нормам и принципам Соглашения по торговым аспектам прав интеллектуальной собственности (TRIPS) Всемирной торговой организации.
18. Министерству юстиции принять меры по привлечению грантовых средств международных и зарубежных организаций для реализации мероприятий по развитию сферы интеллектуальной собственности, включая повышение квалификации работников государственных органов и учреждений в сфере интеллектуальной собственности, а также внедрение современных информационно-коммуникационных технологий и технологий искусственного интеллекта в сферу. При этом Министерству инвестиций, промышленности и торговли совместно с Министерством иностранных дел проработать вопрос привлечения грантовых средств с международными и зарубежными организациями для развития сферы интеллектуальной собственности.
19. Утвердить «Дорожную карту» по дальнейшему совершенствованию сферы интеллектуальной собственности и широкому внедрению современных информационно-коммуникационных технологий в сферу согласно приложению № 1 * .
20. Внести изменения и дополнения в некоторые постановления Президента Республики Узбекистан согласно приложению № 2 .
21. Министерству юстиции совместно с заинтересованными министерствами и ведомствами внести в Кабинет Министров:
(а) в двухмесячный срок — предложения об изменениях и дополнениях в акты законодательства, вытекающих из настоящего постановления;
(б) до 1 сентября 2026 года — разработанную совместно с международными экспертами национальную стратегию по развитию сферы интеллектуальной собственности на 2027 — 2030 годы.
22. Возложить на министра юстиции А.Д. Ташкулова персональную ответственность за эффективную организацию исполнения настоящего постановления.
23. Контроль за исполнением настоящего постановления возложить на Премьер-министра Республики Узбекистан А.Н. Арипова и начальника Департамента правовой экспертизы и комплексного анализа Администрации Президента Республики Узбекистан А.Б. Самадова.
ПРИЛОЖЕНИЕ № 2 к постановлению Президента Республики Узбекистан от 27 ноября 2025 года № ПП-358
Изменения и дополнения, вносимые в некоторые постановления Президента Республики Узбекистан
1. В Положении о Министерстве юстиции Республики Узбекистан, утвержденном постановлением Президента Республики Узбекистан от 13 апреля 2018 года № ПП-3666:
(а) в абзаце шестом подпункта 18 пункта 10 после слов «договоры об их полной или частичной уступке» дополнить словами «, договоры о залоге объектов интеллектуальной собственности»;
(б) пункт 16 дополнить абзацем следующего содержания:
«В соответствии с распределением обязанностей заместитель министра, ответственный за сферу интеллектуальной собственности, при осуществлении международного сотрудничества по должности является руководителем специального национального органа Республики Узбекистан по вопросам интеллектуальной собственности».
2. Пункт 6 постановления Президента Республики Узбекистан от 8 февраля 2019 года № ПП-4168 «О мерах по совершенствованию государственного управления в сфере интеллектуальной собственности» признать утратившим силу.
3. Абзацы третий и четвертый из пункта 6 постановления Президента Республики Узбекистан от 28 января 2021 года № ПП-4965 «О мерах по совершенствованию системы охраны объектов интеллектуальной собственности» исключить.
4. В пункте 7 Положения о Фонде финансирования науки и поддержки инноваций, утвержденного постановлением Президента Республики Узбекистан от 1 апреля 2021 года № ПП-5047:
(а) дополнить абзацами пятым и шестым следующего содержания:
«финансирование мероприятий по проведению республиканских конкурсов по номинациям «Лучшее изобретение», «Лучшая полезная модель», «Лучший образец промышленности», «Лучшая программа для ЭВМ и база данных» и «Лучшее селекционное достижение»;
финансирование расходов на создание и содержание электронной платформы «Интеллектуал мулк миллий биржаси» («Национальная биржа интеллектуальной собственности»)»;
(б) абзацы пятый — четырнадцатый считать соответственно абзацами седьмым — шестнадцатым.
Президент Республики Узбекистан Ш. МИРЗИЁЕВ
г. Ташкент,
27 ноября 2025 г.,
№ ПП-358