UzbekAI

Ўзбекистон Республикаси Президентининг

қарори

ТАРКИБИ

ДАСТУРИ

Ўзбекистонда молиявий технологиялар соҳасини янада ривожлантириш чора-тадбирлари тўғрисида

Ўзбекистонда молиявий технологиялар бозорини жадал ривожлантириш, молиявий ва банк хизматларини кўрсатишда замонавий ахборот технологиялари ечимларидан фойдаланишни рағбатлантириш мақсадида қарор қиламан:

I. Мақсадли кўрсаткичлар

1. 2026 — 2030 йилларда молиявий технологиялар соҳасини ривожлантиришнинг асосий мақсадли кўрсаткичлари этиб қуйидагилар белгилансин:

(а) молиявий технологиялар соҳасидаги стартапларга 1 миллиард АҚШ доллари миқдорида хорижий инвестициялар жалб қилиш;

(б) молиявий технологиялар бозори иштирокчилар сонини камида 200 тага етказиш;

(в) молиявий технологиялар соҳасидаги инкубация ва акселерация дастурларидан ўтган стартаплар сонини 100 тага етказиш;

(г) молиявий технологиялар йўналишида камида 5 минг нафар ёшларни ўқитиш;

(д) тўлов воситаси сифатида рақамли валюталарни ва миллий ёки хорижий валюта билан таъминланган токенларни (кейинги ўринларда — барқарор токенлар) тажриба-синовдан ўтказиш.

II. Молиявий технологиялар соҳасини ривожлантириш ва лойиҳаларни молиявий қўллаб-қувватлаш чора-тадбирлари

2. Марказий банк молиявий технологиялар соҳасини ривожлантиришга масъул этиб белгилансин ва унга 1-иловага мувофиқ қўшимча вазифалар юклансин.

3. Марказий банк ҳузурида қуйидагилар ташкил этилсин:

(а) масъулияти чекланган жамият шаклида устав жамғармаси 50 миллион АҚШ доллари эквивалентига тенг бўлган стартап лойиҳаларни молиялаштирадиган венчур фонди;

(б) молиявий технологиялар соҳасидаги стартаплар учун қуйидаги хизматларни амалга оширадиган юридик шахс мақомига эга бўлмаган инновацион хаб (кейинги ўринларда — инновацион хаб):

(i) инкубация ва акселерация дастурларини амалга ошириш ва ташқи бозорларга чиқишга кўмак кўрсатиш;

(ii) маҳаллий ва хорижий венчур инвестицияларни жалб қилишга кўмаклашиш;

(iii) грант дастурларини амалга ошириш.

4. Белгилансинки:

(а) 2026 йил 1 январдан бошлаб инновацион хаб иштирокчиларига қуйидаги харажатлар қоплаб берилади:

(i) молиявий технологиялар йўналишидаги курсларда ўқиш ва сертификат олиш билан боғлиқ харажатларнинг 50 фоизигача бўлган қисми, бироқ 20 минг АҚШ доллари эквивалентидан ошмаган миқдорда;

(ii) инкубация ва акселерация дастурларини амалга оширувчи тадбиркорлик субъектларининг молиявий технологиялар соҳасидаги стартап лойиҳаларига менторлар ва тренерларни жалб қилиш билан боғлиқ харажатларнинг 50 фоизигача бўлган қисми, бироқ 50 минг АҚШ доллари эквивалентидан ошмаган миқдорда;

(б) инновацион хаб иштирокчиларига доир мезон ва талаблар Марказий банк томонидан белгиланади;

(в) 2026 йилдан бошлаб ҳар йили Марказий банк томонидан Рақамли технологиялар вазирлиги ва бошқа манфаатдор идоралар билан биргаликда молиявий технологиялар соҳасида мавжуд инновацион ечимлар ва амалга оширилган ишларни кенг тарғиб қилиш, хорижий инвестицияларни жалб этиш ҳамда халқаро ҳамкорликни кенгайтиришга доир молиявий технологиялар соҳасида халқаро форумлар ташкил этилади.

5. Марказий банкнинг қуйидаги таклифлари маъқуллансин:

(а) 2026 йил 1 сентябрга қадар банклар, тўлов ташкилотлари ва молиявий технологиялар бозори иштирокчилари ўртасида хавфсиз ва стандартлашган маълумот алмашинувини таъминлайдиган «очиқ банкинг» тизимини жорий этиш;

(б) 2025 йил якунига қадар маълумотларга асосланган бошқарувга ўтиш мақсадида Марказий банк ва тижорат банкларида маълумотларни бошқариш бўйича бош директор (Chief Data Officer) лавозимини жорий этиш.

6. Марказий банк (Т. Ишметов):

(а) 2026 йил 1 февралга қадар мижознинг рухсати билан банк сирини ташкил этувчи маълумотларни учинчи шахсларга тақдим этиш юзасидан қонунчилик ҳужжатларига ўзгартириш ва қўшимчалар тўғрисида таклифлар киритсин;

(б) 2026 йил 1 февралга қадар Марказий банкнинг Тезкор тўловлар тизимида жисмоний шахсларга уларнинг банк ҳисобварақлари орқали реал вақт режимида тўғридан-тўғри ўтказмаларни амалга ошириш имкониятини яратсин;

(в) 2026 йил 1 апрелга қадар хорижий консультантларни жалб қилган ҳолда 2026 — 2030 йилларга мўлжалланган молиявий технологиялар соҳасини ривожлантириш миллий стратегиясини ишлаб чиқсин ва Вазирлар Маҳкамасига киритсин;

(г) 2026 йил якунига қадар тижорат банкларида тартибга солиш технологиялари (RegTech) асосида статистик, молиявий ва назоратга доир маълумотларни узатишнинг ягона рақамли тизими жорий этилишини таъминласин;

(д) 2026 йил 1 июлга қадар венчур фонди фаолиятининг операцион бошқаруви, венчур капитални бошқариш ва молиявий технологиялар соҳасида халқаро тажрибага эга бўлган нуфузли чет эл компаниясини ишончли бошқарувчи сифатида жалб қилиш бўйича таклиф киритсин.

7. «Рақамли ҳукумат лойиҳаларини бошқариш маркази» давлат муассасасига давлат хизматлари билан боғлиқ тўловларни ўтказиш учун тўлов ташкилотларининг фаолиятини амалга ошириш ҳуқуқи берилсин. Бунда унга фаолиятини акциядорлик жамияти шаклида ташкил этиш ва устав капиталининг энг ками миқдорига доир талаблар татбиқ этилмайди.

III. Молия соҳасида крипто-активлардан фойдаланишни кенгайтириш

8. 2026 йил 1 январдан бошлаб тўлов воситаси сифатида барқарор токенлар айланмасини тартибга солишнинг махсус ҳуқуқий режими (кейинги ўринларда — «тартибга солиш қумдони») жорий этилсин. Бунда:

(а) маълумотларнинг тақсимланган реестри технологияси асосида фаолият юритувчи тўлов тизимини яратиш бўйича пилот лойиҳалар амалга оширилади;

(б) «тартибга солиш қумдони» режимини жорий қилиш тартиби ва унинг амал қилиш муддати Истиқболли лойиҳалар миллий агентлиги томонидан Марказий банк билан биргаликда белгиланади.

9. 2026 йил 1 январдан бошлаб:

(а) Ўзбекистон Республикаси резидентлари бўлган юридик шахслар томонидан токенлаштирилган акция ва облигацияларни эмиссия қилишга рухсат берилсин;

(б) Ўзбекистон Республикаси ҳудудида биржа фаолиятини амалга ошириш учун белгиланган тартибда лицензия олган фонд биржаларида токенлаштирилган акция ва облигацияларни жойлаштириш ҳамда уларнинг муомалада бўлиши учун алоҳида савдо майдончаси ташкил этилсин;

(в) Истиқболли лойиҳалар миллий агентлиги токенлаштирилган акция ва облигацияларнинг чиқарилиши ва муомалада бўлиши тартибини белгилашга масъул этиб белгилансин.

IV. Қарор ижросини ташкил этиш, таъминлаш ва назорат

10. Молиявий технологиялар соҳасини ривожлантириш бўйича республика комиссияси 2-иловага мувофиқ таркибда ташкил этилсин ва унга 3-иловага мувофиқ асосий вазифалар юклансин.

11. 2025-2026 йилларда молиявий технологиялар соҳасини қўллаб-қувватлаш дастури 4-иловага мувофиқ тасдиқлансин.

12. Ўзбекистон Республикаси Президентининг 2018 йил 3 июлдаги «Ўзбекистон Республикасида рақамли иқтисодиётни ва крипто-активлар айланмаси соҳасини ривожлантириш чора-тадбирлари тўғрисида»ги ПҚ-3832-сон қарорига 5-иловага мувофиқ ўзгартириш ва қўшимчалар киритилсин.

13. Марказий банк манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида таклифлар киритсин.

14. Мазкур қарорнинг ижросини самарали ташкил қилишга масъул ва шахсий жавобгар этиб Бош вазир ўринбосари Ж.А. Қўчқоров ва Марказий банк раиси Т.А. Ишметов белгилансин.

15. Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.

Ўзбекистон Республикаси Президентининг 2025 йил 27 ноябрдаги ПҚ-359-сон қарорига 1-ИЛОВА

Молиявий технологиялар соҳасини ривожлантириш бўйича Марказий банкнинг қўшимча вазифалари

(а) банк тизими, тўлов тизимларининг ишлаши ва нархлар барқарорлигини устувор мақсад сифатида сақлаган ҳолда инновацияларни қўллаб-қувватлашда мутаносибликни таъминлаш;

(б) молиявий секторда инновацияларнинг асосий драйвери сифатида ҳаракат қилиш ва бозор иштирокчилари учун самарали рақобат муҳитини таъминлаш;

(в) молиявий технологияларни жорий этиш ва ривожлантиришда тартибга солиш чораларини инновациялардан келиб чиқадиган хавфларни камайтиришга қаратилган ҳолда қўллаш;

(г) молиявий технологиялар соҳасида қарорларни тўлиқ ва ишончли маълумотлар асосида қабул қилиш;

(д) молиявий технологиялар соҳасида хизмат кўрсатиш жараёнида фуқароларнинг ҳуқуқларини кафолатлаш;

(ж) молиявий технологиялар соҳасидаги стартап лойиҳаларни қўллаб-қувватлаш.

Ўзбекистон Республикаси Президентининг 2025 йил 27 ноябрдаги ПҚ-359-сон қарорига 2-ИЛОВА

Молиявий технологиялар соҳасини ривожлантириш бўйича республика комиссияси

1. Т.А. Ишметов — Марказий банк раиси, Республика комиссияси раиси 2. Ш.Х. Шерматов — рақамли технологиялар вазири, Республика комиссияси раиси ўринбосари 3. В.Ю. Пак — Истиқболли лойиҳалар миллий агентлиги директорининг биринчи ўринбосари 4. М.Ш. Истамов — адлия вазирининг биринчи ўринбосари 5. И.У. Умрзаков — иқтисодиёт ва молия вазири ўринбосари 6. Ж.И. Абдиев — Солиқ қўмитаси раиси ўринбосари 7. Р.Ш. Кадиров — Марказий банк департаменти директори, Республика комиссияси котиби

Ўзбекистон Республикаси Президентининг 2025 йил 27 ноябрдаги ПҚ-359-сон қарорига 3-ИЛОВА

Молиявий технологиялар соҳасини ривожлантириш бўйича республика комиссиясининг асосий вазифалари

(а) молиявий технологиялар соҳасини ривожлантириш бўйича стратегик йўналишларни белгилаш;

(б) соҳадаги муаммоларни мунтазам равишда муҳокама қилиш ва уларни бартараф этиш чораларини кўриш;

(в) молиявий технологиялар соҳасида давлат органлари, молиявий ташкилотлар ва хусусий сектор фаолиятини мувофиқлаштириш;

(г) молиявий технологиялар соҳасида Марказий банкнинг «тартибга солиш қумдони»да муваффақиятли синовдан ўтган молиявий хизматларни кенг жорий этиш бўйича қонунчиликни такомиллаштириш юзасидан таклифлар тайёрлаш;

(д) молиявий технологиялар соҳасини ривожлантиришга тўсқинлик қилаётган омилларни, шу жумладан, тижорат банклари ва тўлов ташкилотларининг тарифларини хатловдан ўтказиш ҳамда уларни мақбуллаштириш бўйича тегишли чоралар кўриб бориш.

Ўзбекистон Республикаси Президентининг 2025 йил 27 ноябрдаги ПҚ-359-сон қарорига 4-ИЛОВА

2025-2026 йилларда молиявий технологиялар соҳасини қўллаб-қувватлаш

Т/р Чора-тадбирлар номи Амалга ошириш механизми Ижро муддати Масъул ижрочилар 1. 2026 — 2030 йилларга мўлжалланган молиявий технологиялар соҳасини ривожлантириш миллий стратегиясини ишлаб чиқиш. 1. Стратегияни ишлаб чиқиш учун хорижий консультантларни жалб қилиш. 2025 йил декабрь Марказий банк (Ишметов) 2. Стратегия лойиҳасини ишлаб чиқиш ва Вазирлар Маҳкамасига киритиш. 2026 йил март 2. Банк мижозларининг рухсати билан уларнинг шахсий ва молиявий маълумотларини учинчи шахсларга тақдим этиш амалиётини жорий қилиш. «Банк сири тўғрисида»ги, «Банклар ва банк фаолияти тўғрисида»ги қонунларга ва бошқа қонунчилик ҳужжатларига ўзгартириш ва қўшимчалар киритиш тўғрисида норматив-ҳуқуқий ҳужжат лойиҳасини Вазирлар Маҳкамасига киритиш. 2026 йил январь Марказий банк (Ишметов) , Адлия вазирлиги (Ташкулов) 3. Марказий банк фаолиятини рақамлаштиришга оид IT-стратегияни ишлаб чиқиш. Етакчи халқаро консалтинг компаниялари билан ҳамкорликда илғор хорижий тажриба асосида 2026 — 2030 йилларга мўлжалланган Марказий банк фаолиятини рақамлаштиришга оид IT-стратегия ва уни амалга ошириш бўйича «йўл харитаси»ни қабул қилиш. 2026 йил апрель Марказий банк (Ишметов), Рақамли технологиялар вазирлиги (Шерматов) 4. Марказий банкнинг «тартибга солиш қумдони» талабларини енгиллаштириш, стартаплар ва технологик компаниялар томонидан инновацион ечимларни жорий қилиш учун технологик ва тематик «қумдон»лар ташкил этиш. Норматив-ҳуқуқий ҳужжатларга ўзгартиришлар киритиш бўйича тегишли ҳужжат лойиҳасини ишлаб чиқиш. 2026 йил май Марказий банк (Ишметов) , Адлия вазирлиги (Ташкулов) 5. Марказий банк таъсисчилигида венчур фондини ташкил этиш. 1. Венчур фондини давлат рўйхатидан ўтказиш. 2026 йил май Марказий банк (Ишметов) 2. Венчур фондини бошқаришга тажрибали хорижий компанияни жалб қилиш бўйича таклиф киритиш. 2026 йил июль 3. Венчур фонди устав жамғармасини Марказий банк соф фойдаси ҳисобидан 2030 йилга қадар босқичма-босқич 50 млн АҚШ доллари эквивалентигача шакллантириш. 2026 — 2030 йилларда 6. QR-кодлар орқали тўловларни амалга оширишнинг ягона стандартларини жорий қилиш. 1. Универсал QR-код пилот лойиҳасини банклар ва тўлов ташкилотлари билан бирга синов тариқасида жорий этиш. 2025 йил декабрь Марказий банк (Ишметов) 2. Универсал QR-код бўйича тегишли норматив-ҳуқуқий ҳужжат лойиҳасини ишлаб чиқиш ва тасдиқлаш. 2026 йил январь 3. Тўлов хизматлари бозорида универсал QR-кодни амалиётга жорий этиш. 2026 йил февраль 7. Банклар, тўлов ташкилотлари ва молиявий технологиялар бозорининг бошқа иштирокчилари ўртасида хавфсиз ва стандартлашган маълумот алмашинувини таъминлайдиган «Очиқ банкинг» (Open banking) тизимини жорий этиш. 1. «Очиқ банкинг» тизими концепцияси ва бошқарув моделини шакллантириш. 2026 йил январь Марказий банк (Ишметов) 2. Норматив-техник база ҳамда тизим архитектурасини ишлаб чиқиш. 2026 йил май 3. «Очиқ банкинг» тизимини жорий этиш «йўл харитаси»ни ишлаб чиқиш, чекланган иштирокчилар билан пилот босқичини ўтказиш ҳамда синовдан кейин босқичма-босқич кенгайтириш. 2026 йил август 8. Марказий банк рақамли валютасини тўлов воситаси сифатида қўллаш бўйича тажриба-синовни ўтказиш учун «йўл харитаси»ни ишлаб чиқиш. Халқаро консалтинг компаниялари тавсияларини инобатга олган ҳолда Марказий банк рақамли валютасини жорий этиш бўйича «йўл харитаси»ни ишлаб чиқиш ва тасдиқлаш. 2026 йил апрель Марказий банк (Ишметов) , Истиқболли лойиҳалар миллий агентлиги (Ли), Солиқ қўмитаси (Пулатов) 9. Тўлов воситаси сифатида барқарор токенлар айланмасини тартибга солишнинг махсус ҳуқуқий режимини жорий этиш. 1. « Тартибга солиш қумдони» режимини жорий қилиш тартибини қабул қилиш. 2026 йил февраль Истиқболли лойиҳалар миллий агентлиги (Ли) , Марказий банк (Ишметов) , тегишли вазирлик ва идоралар 2. Режим иштирокчиларини танлаш. 3. Режим доирасида пилот лойиҳаларни амалга ошириш. 4. Тўлов тизимининг киберхавфсизлик талабларига мувофиқлиги юзасидан экспертизадан ўтказиш. Режим жорий қилингандан сўнг 10. Токенлаштирилган акция ва облигацияларни чиқариш ва муомалада бўлишини йўлга қўйиш. 1. Токенлаштирилган акция ва облигацияларни чиқариш ва муомалада бўлиш тартибини қабул қилиш. 2026 йил февраль Истиқболли лойиҳалар миллий агентлиги (Ли) , Марказий банк (Ишметов) 2. Токенлаштирилган акция ва облигацияларни эмиссия қилишда фойдаланиладиган ахборот тизимининг киберхавфсизлик талабларига мувофиқлиги юзасидан экспертизадан ўтказиш. 2026 йил май 11. Марказий банкнинг тўлов тизимида жисмоний шахслар учун мобил рақамдан фойдаланган ҳолда уларнинг банк ҳисобварақларидан тўғридан-тўғри ўтказмалар хизматини жорий қилиш. Марказий банкнинг Тезкор тўловлар тизимида жисмоний шахслар ўртасида «Р2Р» ўтказмаларини амалга ошириш имкониятини ишлаб чиқиш ва уни тўлов хизматларини кўрсатувчиларга Open API кўринишида тақдим этиш. 2026 йил февраль Марказий банк (Ишметов) 12. Чакана банк хизматлари ва тўлов хизматлари бозорида рақобатни рағбатлантириш мақсадида мажбурий мижозлар аудиториясидан воз кечган ҳолда фойдаланувчиларга банк картасини очишда танлов имкониятини яратиш. 1. Фуқароларга ўз маошини оладиган банкни ёки электрон ҳамён провайдерини танлаш ҳуқуқини беришга қаратилган чора-тадбирларни ишлаб чиқиш. 2025 йил декабрь Марказий банк (Ишметов) 2. Марказий банк томонидан бошқариладиган тўлов тизимларида оммавий (тўпламли) тўловлар функциясини яратиш. 2026 йил июнь 13. Тўловлар хавфсизлиги ва барқарорлигини ошириш мақсадида барча миллий валютадаги тўловларнинг Марказий банк орқали ўтишини назарда тутувчи тўлов «свитчи» учун тизим яратиш. 1. Тўлов «свитчи»ни жорий қилган хорижий давлатлар тажрибасини ўрганган ҳолда лойиҳанинг техник топшириғини ишлаб чиқиш. 2026 йил январь Марказий банк (Ишметов) 2. Халқаро ва маҳаллий тўлов тизимлари операторлари (электрон пуллар операторлари)нинг бевосита Марказий банкнинг ягона шлюзи орқали ишлашини белгилаш бўйича тегишли норматив-ҳуқуқий ҳужжат лойиҳасини ишлаб чиқиш ва тасдиқлаш. 2026 йил март 14. Марказий банкнинг булут тизими концепциясини ишлаб чиқиш. Халқаро тажрибани ўрганиш ва халқаро консалтинг компаниялари билан ҳамкорликда Марказий банкнинг булут тизими концепциясини ишлаб чиқиш ва тасдиқлаш. 2026 йил сентябрь Марказий банк (Ишметов) , Рақамли технологиялар вазирлиги (Шерматов) 15. Банк тизимида киберхавфсизлик ва ахборот хавфсизлиги ҳамда антифрод тизимини такомиллаштириш. 1. Халқаро консалтинг компанияси билан биргаликда Марказий банк назорати остидаги ташкилотлар ахборотлаштириш объектларини ахборот хавфсизлиги ва киберхавфсизлик аудитидан ўтказиш тартиби бўйича норматив-ҳуқуқий ҳужжатни қабул қилиш. 2026 йил июнь Марказий банк (Ишметов) 2. Банк тизимида киберхавфсизликни таъминлаш бўйича «йўл харитаси»ни ишлаб чиқиш ва тасдиқлаш. 2026 йил август Марказий банк (Ишметов) 16. Аҳоли томонидан кредит ва тўлов ташкилотларига шахсга доир ва/ёки молиявий маълумотларни қайта ишлашга берилган розилик ҳисобини юритиш ва зарур ҳолларда уни мижоз томонидан бекор қилиш механизмини ишлаб чиқиш. 1. Илғор хорижий тажрибалар асосида техник талаб ишлаб чиқиш. 2026 йил январь Марказий банк (Ишметов) , Рақамли технологиялар вазирлиги (Шерматов) 2. Платформани яратиш чораларини кўриш. 2026 йил сентябрь 3. Платформани Ягона интерактив давлат хизматлари портали билан интеграция қилиш. 2026 йил якунига қадар 17. Молиявий технологиялар соҳасида кадрлар салоҳиятини ошириш. 1. Нуфузли хорижий таълим муассасалари билан бирга молиявий технологиялар соҳаси бўйича ўқув дастурини жорий қилиш ва дастурда қатнашиш тартибини белгилаш. 2026 йил май Марказий банк (Ишметов) 2. Молиявий технологиялар ўқув дастури бўйича 5 минг нафар ёшларни ўқитишни ташкил этиш. 2026 — 2030 йиллар давомида 18. Ўзбекистон Республикасида молиявий технологиялар соҳасида форумларни ташкил этиш. Молиявий технологиялар соҳасидаги инновацион ечимлар ва амалга оширилган ишларни кенг тарғиб қилиш, хорижий инвестицияларни жалб этиш ҳамда халқаро ҳамкорликни кенгайтириш мақсадида Ўзбекистонда 2026 йилдан бошлаб ҳар йили «FinTech» ҳафталигини ташкил этиш. 2026 йил октябрь Марказий банк (Ишметов) , Рақамли технологиялар вазирлиги (Шерматов) 19. Марказий банк ва тижорат банкларида маълумотларга асосланган бошқарувга ўтиш мақсадида маълумотларни бошқариш бўйича бош директор (Chief Data Officer) лавозимини жорий этиш. 1. Марказий банк томонидан маълумотларни бошқариш бўйича бош директор (Chief Data Officer) учун малака талабларини ва устувор вазифаларни белгилаш. 2025 йил декабрь Марказий банк (Ишметов) 2. Тижорат банкларида лавозимга малакали кадрларни тайинлаш. 2026 йил июль Марказий банк (Ишметов) , Иқтисодиёт ва молия вазирлиги (Норқулов) , тижорат банклари

Ўзбекистон Республикаси Президентининг 2025 йил 27 ноябрдаги ПҚ-359-сон қарорига 5-ИЛОВА

Ўзбекистон Республикаси Президентининг 2018 йил 3 июлдаги «Ўзбекистон Республикасида рақамли иқтисодиётни ва крипто-активлар айланмаси соҳасини ривожлантириш чора-тадбирлари тўғрисида»ги ПҚ-3832-сон қарорига киритилаётган ўзгартириш ва қўшимчалар

1. 3-банд «и» кичик бандининг бешинчи хатбошиси қуйидаги таҳрирда баён этилсин:

«крипто-активлар айланмаси соҳасидаги рекламага қўйиладиган, шу жумладан, крипто-активлардан фойдаланиш билан боғлиқ фаолиятнинг самарадорлиги (даромади) ҳақида ваъдалар бериш, крипто-активлар билан битимларни тузиш бойишнинг енгил усули эканлиги ҳақидаги маълумотларни тарқатиш тақиқланганлиги ҳамда крипто-активлар Ўзбекистон Республикаси ҳудудида тўлов ёки тўловни қабул қилиш воситаси (қонунчилик ҳужжатларида белгиланган ҳоллар бундан мустасно) сифатида қўлланилиши мумкин эмаслиги ҳақидаги талабларга риоя қилиш».

2. 4-банд қуйидаги мазмундаги тўртинчи хатбоши билан тўлдирилсин:

«Крипто-дўкон ўз фаолиятини фақат электрон платформа орқали амалга ошириш жараёнида мижозларининг маблағларини транзакция амалга оширилган ва маълумотларнинг тақсимланган реестрида тегишли ёзув пайдо бўлган пайтдан бошлаб Агентлик томонидан белгиланган муддатда сақлаш ҳуқуқига эга».

3. 6-банд «в» кичик банди «қўлланилиши» сўзидан кейин «, қонунчилик ҳужжатларида белгиланган ҳоллар бундан мустасно» сўзлари билан тўлдирилсин.

Ўзбекистон Республикаси Президенти Ш. МИРЗИЁЕВ

Тошкент ш.,

2025 йил 27 ноябрь,

ПҚ-359-сон

(Қонунчилик маълумотлари миллий базаси, 28.11.2025 й., 07/25/359/1106-сон)

lex.uz

Oʻzbekiston Respublikasi Prezidentining

qarori

TARKIBI

DASTURI

Oʻzbekistonda moliyaviy texnologiyalar sohasini yanada rivojlantirish chora-tadbirlari toʻgʻrisida

Oʻzbekistonda moliyaviy texnologiyalar bozorini jadal rivojlantirish, moliyaviy va bank xizmatlarini koʻrsatishda zamonaviy axborot texnologiyalari yechimlaridan foydalanishni ragʻbatlantirish maqsadida qaror qilaman:

I. Maqsadli koʻrsatkichlar

1. 2026 — 2030-yillarda moliyaviy texnologiyalar sohasini rivojlantirishning asosiy maqsadli koʻrsatkichlari etib quyidagilar belgilansin:

(a) moliyaviy texnologiyalar sohasidagi startaplarga 1 milliard AQSH dollari miqdorida xorijiy investitsiyalar jalb qilish;

(b) moliyaviy texnologiyalar bozori ishtirokchilar sonini kamida 200 taga yetkazish;

(v) moliyaviy texnologiyalar sohasidagi inkubatsiya va akseleratsiya dasturlaridan oʻtgan startaplar sonini 100 taga yetkazish;

(g) moliyaviy texnologiyalar yoʻnalishida kamida 5 ming nafar yoshlarni oʻqitish;

(d) toʻlov vositasi sifatida raqamli valyutalarni va milliy yoki xorijiy valyuta bilan taʼminlangan tokenlarni (keyingi oʻrinlarda — barqaror tokenlar) tajriba-sinovdan oʻtkazish.

II. Moliyaviy texnologiyalar sohasini rivojlantirish va loyihalarni moliyaviy qoʻllab-quvvatlash chora-tadbirlari

2. Markaziy bank moliyaviy texnologiyalar sohasini rivojlantirishga masʼul etib belgilansin va unga 1-ilovaga muvofiq qoʻshimcha vazifalar yuklansin.

3. Markaziy bank huzurida quyidagilar tashkil etilsin:

(a) masʼuliyati cheklangan jamiyat shaklida ustav jamgʻarmasi 50 million AQSH dollari ekvivalentiga teng boʻlgan startap loyihalarni moliyalashtiradigan venchur fondi;

(b) moliyaviy texnologiyalar sohasidagi startaplar uchun quyidagi xizmatlarni amalga oshiradigan yuridik shaxs maqomiga ega boʻlmagan innovatsion xab (keyingi oʻrinlarda — innovatsion xab):

(i) inkubatsiya va akseleratsiya dasturlarini amalga oshirish va tashqi bozorlarga chiqishga koʻmak koʻrsatish;

(ii) mahalliy va xorijiy venchur investitsiyalarni jalb qilishga koʻmaklashish;

(iii) grant dasturlarini amalga oshirish.

4. Belgilansinki:

(a) 2026-yil 1-yanvardan boshlab innovatsion xab ishtirokchilariga quyidagi xarajatlar qoplab beriladi:

(i) moliyaviy texnologiyalar yoʻnalishidagi kurslarda oʻqish va sertifikat olish bilan bogʻliq xarajatlarning 50 foizigacha boʻlgan qismi, biroq 20 ming AQSH dollari ekvivalentidan oshmagan miqdorda;

(ii) inkubatsiya va akseleratsiya dasturlarini amalga oshiruvchi tadbirkorlik subyektlarining moliyaviy texnologiyalar sohasidagi startap loyihalariga mentorlar va trenerlarni jalb qilish bilan bogʻliq xarajatlarning 50 foizigacha boʻlgan qismi, biroq 50 ming AQSH dollari ekvivalentidan oshmagan miqdorda;

(b) innovatsion xab ishtirokchilariga doir mezon va talablar Markaziy bank tomonidan belgilanadi;

(v) 2026-yildan boshlab har yili Markaziy bank tomonidan Raqamli texnologiyalar vazirligi va boshqa manfaatdor idoralar bilan birgalikda moliyaviy texnologiyalar sohasida mavjud innovatsion yechimlar va amalga oshirilgan ishlarni keng targʻib qilish, xorijiy investitsiyalarni jalb etish hamda xalqaro hamkorlikni kengaytirishga doir moliyaviy texnologiyalar sohasida xalqaro forumlar tashkil etiladi.

5. Markaziy bankning quyidagi takliflari maʼqullansin:

(a) 2026-yil 1-sentabrga qadar banklar, toʻlov tashkilotlari va moliyaviy texnologiyalar bozori ishtirokchilari oʻrtasida xavfsiz va standartlashgan maʼlumot almashinuvini taʼminlaydigan “ochiq banking” tizimini joriy etish;

(b) 2025-yil yakuniga qadar maʼlumotlarga asoslangan boshqaruvga oʻtish maqsadida Markaziy bank va tijorat banklarida maʼlumotlarni boshqarish boʻyicha bosh direktor (Chief Data Officer) lavozimini joriy etish.

6. Markaziy bank (T. Ishmetov):

(a) 2026-yil 1-fevralga qadar mijozning ruxsati bilan bank sirini tashkil etuvchi maʼlumotlarni uchinchi shaxslarga taqdim etish yuzasidan qonunchilik hujjatlariga oʻzgartirish va qoʻshimchalar toʻgʻrisida takliflar kiritsin;

(b) 2026-yil 1-fevralga qadar Markaziy bankning Tezkor toʻlovlar tizimida jismoniy shaxslarga ularning bank hisobvaraqlari orqali real vaqt rejimida toʻgʻridan-toʻgʻri oʻtkazmalarni amalga oshirish imkoniyatini yaratsin;

(v) 2026-yil 1-aprelga qadar xorijiy konsultantlarni jalb qilgan holda 2026 — 2030-yillarga moʻljallangan moliyaviy texnologiyalar sohasini rivojlantirish milliy strategiyasini ishlab chiqsin va Vazirlar Mahkamasiga kiritsin;

(g) 2026-yil yakuniga qadar tijorat banklarida tartibga solish texnologiyalari (RegTech) asosida statistik, moliyaviy va nazoratga doir maʼlumotlarni uzatishning yagona raqamli tizimi joriy etilishini taʼminlasin;

(d) 2026-yil 1-iyulga qadar venchur fondi faoliyatining operatsion boshqaruvi, venchur kapitalni boshqarish va moliyaviy texnologiyalar sohasida xalqaro tajribaga ega boʻlgan nufuzli chet el kompaniyasini ishonchli boshqaruvchi sifatida jalb qilish boʻyicha taklif kiritsin.

7. “Raqamli hukumat loyihalarini boshqarish markazi” davlat muassasasiga davlat xizmatlari bilan bogʻliq toʻlovlarni oʻtkazish uchun toʻlov tashkilotlarining faoliyatini amalga oshirish huquqi berilsin. Bunda unga faoliyatini aksiyadorlik jamiyati shaklida tashkil etish va ustav kapitalining eng kami miqdoriga doir talablar tatbiq etilmaydi.

III. Moliya sohasida kripto-aktivlardan foydalanishni kengaytirish

8. 2026-yil 1-yanvardan boshlab toʻlov vositasi sifatida barqaror tokenlar aylanmasini tartibga solishning maxsus huquqiy rejimi (keyingi oʻrinlarda — “tartibga solish qumdoni”) joriy etilsin. Bunda:

(a) maʼlumotlarning taqsimlangan reyestri texnologiyasi asosida faoliyat yurituvchi toʻlov tizimini yaratish boʻyicha pilot loyihalar amalga oshiriladi;

(b) “tartibga solish qumdoni” rejimini joriy qilish tartibi va uning amal qilish muddati Istiqbolli loyihalar milliy agentligi tomonidan Markaziy bank bilan birgalikda belgilanadi.

9. 2026-yil 1-yanvardan boshlab:

(a) Oʻzbekiston Respublikasi rezidentlari boʻlgan yuridik shaxslar tomonidan tokenlashtirilgan aksiya va obligatsiyalarni emissiya qilishga ruxsat berilsin;

(b) Oʻzbekiston Respublikasi hududida birja faoliyatini amalga oshirish uchun belgilangan tartibda litsenziya olgan fond birjalarida tokenlashtirilgan aksiya va obligatsiyalarni joylashtirish hamda ularning muomalada boʻlishi uchun alohida savdo maydonchasi tashkil etilsin;

(v) Istiqbolli loyihalar milliy agentligi tokenlashtirilgan aksiya va obligatsiyalarning chiqarilishi va muomalada boʻlishi tartibini belgilashga masʼul etib belgilansin.

IV. Qaror ijrosini tashkil etish, taʼminlash va nazorat

10. Moliyaviy texnologiyalar sohasini rivojlantirish boʻyicha respublika komissiyasi 2-ilovaga muvofiq tarkibda tashkil etilsin va unga 3-ilovaga muvofiq asosiy vazifalar yuklansin.

11. 2025-2026-yillarda moliyaviy texnologiyalar sohasini qoʻllab-quvvatlash dasturi 4-ilovaga muvofiq tasdiqlansin.

12. Oʻzbekiston Respublikasi Prezidentining 2018-yil 3-iyuldagi “Oʻzbekiston Respublikasida raqamli iqtisodiyotni va kripto-aktivlar aylanmasi sohasini rivojlantirish chora-tadbirlari toʻgʻrisida”gi PQ-3832-son qaroriga 5-ilovaga muvofiq oʻzgartirish va qoʻshimchalar kiritilsin.

13. Markaziy bank manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida takliflar kiritsin.

14. Mazkur qarorning ijrosini samarali tashkil qilishga masʼul va shaxsiy javobgar etib Bosh vazir oʻrinbosari J.A. Qoʻchqorov va Markaziy bank raisi T.A. Ishmetov belgilansin.

15. Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidentining 2025-yil 27-noyabrdagi PQ-359-son qaroriga 1-ILOVA

Moliyaviy texnologiyalar sohasini rivojlantirish boʻyicha Markaziy bankning qoʻshimcha vazifalari

(a) bank tizimi, toʻlov tizimlarining ishlashi va narxlar barqarorligini ustuvor maqsad sifatida saqlagan holda innovatsiyalarni qoʻllab-quvvatlashda mutanosiblikni taʼminlash;

(b) moliyaviy sektorda innovatsiyalarning asosiy drayveri sifatida harakat qilish va bozor ishtirokchilari uchun samarali raqobat muhitini taʼminlash;

(v) moliyaviy texnologiyalarni joriy etish va rivojlantirishda tartibga solish choralarini innovatsiyalardan kelib chiqadigan xavflarni kamaytirishga qaratilgan holda qoʻllash;

(g) moliyaviy texnologiyalar sohasida qarorlarni toʻliq va ishonchli maʼlumotlar asosida qabul qilish;

(d) moliyaviy texnologiyalar sohasida xizmat koʻrsatish jarayonida fuqarolarning huquqlarini kafolatlash;

(j) moliyaviy texnologiyalar sohasidagi startap loyihalarni qoʻllab-quvvatlash.

Oʻzbekiston Respublikasi Prezidentining 2025-yil 27-noyabrdagi PQ-359-son qaroriga 2-ILOVA

Moliyaviy texnologiyalar sohasini rivojlantirish boʻyicha respublika komissiyasi

1. T.A. Ishmetov — Markaziy bank raisi, Respublika komissiyasi raisi 2. Sh.X. Shermatov — raqamli texnologiyalar vaziri, Respublika komissiyasi raisi oʻrinbosari 3. V.Yu. Pak — Istiqbolli loyihalar milliy agentligi direktorining birinchi oʻrinbosari 4. M.Sh. Istamov — adliya vazirining birinchi oʻrinbosari 5. I.U. Umrzakov — iqtisodiyot va moliya vaziri oʻrinbosari 6. J.I. Abdiyev — Soliq qoʻmitasi raisi oʻrinbosari 7. R.Sh. Kadirov — Markaziy bank departamenti direktori, Respublika komissiyasi kotibi

Oʻzbekiston Respublikasi Prezidentining 2025-yil 27-noyabrdagi PQ-359-son qaroriga 3-ILOVA

Moliyaviy texnologiyalar sohasini rivojlantirish boʻyicha respublika komissiyasining asosiy vazifalari

(a) moliyaviy texnologiyalar sohasini rivojlantirish boʻyicha strategik yoʻnalishlarni belgilash;

(b) sohadagi muammolarni muntazam ravishda muhokama qilish va ularni bartaraf etish choralarini koʻrish;

(v) moliyaviy texnologiyalar sohasida davlat organlari, moliyaviy tashkilotlar va xususiy sektor faoliyatini muvofiqlashtirish;

(g) moliyaviy texnologiyalar sohasida Markaziy bankning “tartibga solish qumdoni”da muvaffaqiyatli sinovdan oʻtgan moliyaviy xizmatlarni keng joriy etish boʻyicha qonunchilikni takomillashtirish yuzasidan takliflar tayyorlash;

(d) moliyaviy texnologiyalar sohasini rivojlantirishga toʻsqinlik qilayotgan omillarni, shu jumladan, tijorat banklari va toʻlov tashkilotlarining tariflarini xatlovdan oʻtkazish hamda ularni maqbullashtirish boʻyicha tegishli choralar koʻrib borish.

Oʻzbekiston Respublikasi Prezidentining 2025-yil 27-noyabrdagi PQ-359-son qaroriga 4-ILOVA

2025-2026-yillarda moliyaviy texnologiyalar sohasini qoʻllab-quvvatlash

T/r Chora-tadbirlar nomi Amalga oshirish mexanizmi Ijro muddati Masʼul ijrochilar 1. 2026 — 2030-yillarga moʻljallangan moliyaviy texnologiyalar sohasini rivojlantirish milliy strategiyasini ishlab chiqish. 1. Strategiyani ishlab chiqish uchun xorijiy konsultantlarni jalb qilish. 2025-yil dekabr Markaziy bank (Ishmetov) 2. Strategiya loyihasini ishlab chiqish va Vazirlar Mahkamasiga kiritish. 2026-yil mart 2. Bank mijozlarining ruxsati bilan ularning shaxsiy va moliyaviy maʼlumotlarini uchinchi shaxslarga taqdim etish amaliyotini joriy qilish. “Bank siri toʻgʻrisida”gi, “Banklar va bank faoliyati toʻgʻrisida”gi qonunlarga va boshqa qonunchilik hujjatlariga oʻzgartirish va qoʻshimchalar kiritish toʻgʻrisida normativ-huquqiy hujjat loyihasini Vazirlar Mahkamasiga kiritish. 2026-yil yanvar Markaziy bank (Ishmetov) , Adliya vazirligi (Tashkulov) 3. Markaziy bank faoliyatini raqamlashtirishga oid IT-strategiyani ishlab chiqish. Yetakchi xalqaro konsalting kompaniyalari bilan hamkorlikda ilgʻor xorijiy tajriba asosida 2026 — 2030-yillarga moʻljallangan Markaziy bank faoliyatini raqamlashtirishga oid IT-strategiya va uni amalga oshirish boʻyicha “yoʻl xaritasi”ni qabul qilish. 2026-yil aprel Markaziy bank (Ishmetov), Raqamli texnologiyalar vazirligi (Shermatov) 4. Markaziy bankning “tartibga solish qumdoni” talablarini yengillashtirish, startaplar va texnologik kompaniyalar tomonidan innovatsion yechimlarni joriy qilish uchun texnologik va tematik “qumdon”lar tashkil etish. Normativ-huquqiy hujjatlarga oʻzgartirishlar kiritish boʻyicha tegishli hujjat loyihasini ishlab chiqish. 2026-yil may Markaziy bank (Ishmetov) , Adliya vazirligi (Tashkulov) 5. Markaziy bank taʼsischiligida venchur fondini tashkil etish. 1. Venchur fondini davlat roʻyxatidan oʻtkazish. 2026-yil may Markaziy bank (Ishmetov) 2. Venchur fondini boshqarishga tajribali xorijiy kompaniyani jalb qilish boʻyicha taklif kiritish. 2026-yil iyul 3. Venchur fondi ustav jamgʻarmasini Markaziy bank sof foydasi hisobidan 2030-yilga qadar bosqichma-bosqich 50 mln AQSH dollari ekvivalentigacha shakllantirish. 2026 — 2030-yillarda 6. QR-kodlar orqali toʻlovlarni amalga oshirishning yagona standartlarini joriy qilish. 1. Universal QR-kod pilot loyihasini banklar va toʻlov tashkilotlari bilan birga sinov tariqasida joriy etish. 2025-yil dekabr Markaziy bank (Ishmetov) 2. Universal QR-kod boʻyicha tegishli normativ-huquqiy hujjat loyihasini ishlab chiqish va tasdiqlash. 2026-yil yanvar 3. Toʻlov xizmatlari bozorida universal QR-kodni amaliyotga joriy etish. 2026-yil fevral 7. Banklar, toʻlov tashkilotlari va moliyaviy texnologiyalar bozorining boshqa ishtirokchilari oʻrtasida xavfsiz va standartlashgan maʼlumot almashinuvini taʼminlaydigan “Ochiq banking” (Open banking) tizimini joriy etish. 1. “Ochiq banking” tizimi konsepsiyasi va boshqaruv modelini shakllantirish. 2026-yil yanvar Markaziy bank (Ishmetov) 2. Normativ-texnik baza hamda tizim arxitekturasini ishlab chiqish. 2026-yil may 3. “Ochiq banking” tizimini joriy etish “yoʻl xaritasi”ni ishlab chiqish, cheklangan ishtirokchilar bilan pilot bosqichini oʻtkazish hamda sinovdan keyin bosqichma-bosqich kengaytirish. 2026-yil avgust 8. Markaziy bank raqamli valyutasini toʻlov vositasi sifatida qoʻllash boʻyicha tajriba-sinovni oʻtkazish uchun “yoʻl xaritasi”ni ishlab chiqish. Xalqaro konsalting kompaniyalari tavsiyalarini inobatga olgan holda Markaziy bank raqamli valyutasini joriy etish boʻyicha “yoʻl xaritasi”ni ishlab chiqish va tasdiqlash. 2026-yil aprel Markaziy bank (Ishmetov) , Istiqbolli loyihalar milliy agentligi (Li), Soliq qoʻmitasi (Pulatov) 9. Toʻlov vositasi sifatida barqaror tokenlar aylanmasini tartibga solishning maxsus huquqiy rejimini joriy etish. 1. “ Tartibga solish qumdoni” rejimini joriy qilish tartibini qabul qilish. 2026-yil fevral Istiqbolli loyihalar milliy agentligi (Li) , Markaziy bank (Ishmetov) , tegishli vazirlik va idoralar 2. Rejim ishtirokchilarini tanlash. 3. Rejim doirasida pilot loyihalarni amalga oshirish. 4. Toʻlov tizimining kiberxavfsizlik talablariga muvofiqligi yuzasidan ekspertizadan oʻtkazish. Rejim joriy qilingandan soʻng 10. Tokenlashtirilgan aksiya va obligatsiyalarni chiqarish va muomalada boʻlishini yoʻlga qoʻyish. 1. Tokenlashtirilgan aksiya va obligatsiyalarni chiqarish va muomalada boʻlish tartibini qabul qilish. 2026-yil fevral Istiqbolli loyihalar milliy agentligi (Li) , Markaziy bank (Ishmetov) 2. Tokenlashtirilgan aksiya va obligatsiyalarni emissiya qilishda foydalaniladigan axborot tizimining kiberxavfsizlik talablariga muvofiqligi yuzasidan ekspertizadan oʻtkazish. 2026-yil may 11. Markaziy bankning toʻlov tizimida jismoniy shaxslar uchun mobil raqamdan foydalangan holda ularning bank hisobvaraqlaridan toʻgʻridan-toʻgʻri oʻtkazmalar xizmatini joriy qilish. Markaziy bankning Tezkor toʻlovlar tizimida jismoniy shaxslar oʻrtasida “R2R” oʻtkazmalarini amalga oshirish imkoniyatini ishlab chiqish va uni toʻlov xizmatlarini koʻrsatuvchilarga Open API koʻrinishida taqdim etish. 2026-yil fevral Markaziy bank (Ishmetov) 12. Chakana bank xizmatlari va toʻlov xizmatlari bozorida raqobatni ragʻbatlantirish maqsadida majburiy mijozlar auditoriyasidan voz kechgan holda foydalanuvchilarga bank kartasini ochishda tanlov imkoniyatini yaratish. 1. Fuqarolarga oʻz maoshini oladigan bankni yoki elektron hamyon provayderini tanlash huquqini berishga qaratilgan chora-tadbirlarni ishlab chiqish. 2025-yil dekabr Markaziy bank (Ishmetov) 2. Markaziy bank tomonidan boshqariladigan toʻlov tizimlarida ommaviy (toʻplamli) toʻlovlar funksiyasini yaratish. 2026-yil iyun 13. Toʻlovlar xavfsizligi va barqarorligini oshirish maqsadida barcha milliy valyutadagi toʻlovlarning Markaziy bank orqali oʻtishini nazarda tutuvchi toʻlov “svitchi” uchun tizim yaratish. 1. Toʻlov “svitchi”ni joriy qilgan xorijiy davlatlar tajribasini oʻrgangan holda loyihaning texnik topshirigʻini ishlab chiqish. 2026-yil yanvar Markaziy bank (Ishmetov) 2. Xalqaro va mahalliy toʻlov tizimlari operatorlari (elektron pullar operatorlari)ning bevosita Markaziy bankning yagona shlyuzi orqali ishlashini belgilash boʻyicha tegishli normativ-huquqiy hujjat loyihasini ishlab chiqish va tasdiqlash. 2026-yil mart 14. Markaziy bankning bulut tizimi konsepsiyasini ishlab chiqish. Xalqaro tajribani oʻrganish va xalqaro konsalting kompaniyalari bilan hamkorlikda Markaziy bankning bulut tizimi konsepsiyasini ishlab chiqish va tasdiqlash. 2026-yil sentabr Markaziy bank (Ishmetov) , Raqamli texnologiyalar vazirligi (Shermatov) 15. Bank tizimida kiberxavfsizlik va axborot xavfsizligi hamda antifrod tizimini takomillashtirish. 1. Xalqaro konsalting kompaniyasi bilan birgalikda Markaziy bank nazorati ostidagi tashkilotlar axborotlashtirish obyektlarini axborot xavfsizligi va kiberxavfsizlik auditidan oʻtkazish tartibi boʻyicha normativ-huquqiy hujjatni qabul qilish. 2026-yil iyun Markaziy bank (Ishmetov) 2. Bank tizimida kiberxavfsizlikni taʼminlash boʻyicha “yoʻl xaritasi”ni ishlab chiqish va tasdiqlash. 2026-yil avgust Markaziy bank (Ishmetov) 16. Aholi tomonidan kredit va toʻlov tashkilotlariga shaxsga doir va/yoki moliyaviy maʼlumotlarni qayta ishlashga berilgan rozilik hisobini yuritish va zarur hollarda uni mijoz tomonidan bekor qilish mexanizmini ishlab chiqish. 1. Ilgʻor xorijiy tajribalar asosida texnik talab ishlab chiqish. 2026-yil yanvar Markaziy bank (Ishmetov) , Raqamli texnologiyalar vazirligi (Shermatov) 2. Platformani yaratish choralarini koʻrish. 2026-yil sentabr 3. Platformani Yagona interaktiv davlat xizmatlari portali bilan integratsiya qilish. 2026-yil yakuniga qadar 17. Moliyaviy texnologiyalar sohasida kadrlar salohiyatini oshirish. 1. Nufuzli xorijiy taʼlim muassasalari bilan birga moliyaviy texnologiyalar sohasi boʻyicha oʻquv dasturini joriy qilish va dasturda qatnashish tartibini belgilash. 2026-yil may Markaziy bank (Ishmetov) 2. Moliyaviy texnologiyalar oʻquv dasturi boʻyicha 5 ming nafar yoshlarni oʻqitishni tashkil etish. 2026 — 2030-yillar davomida 18. Oʻzbekiston Respublikasida moliyaviy texnologiyalar sohasida forumlarni tashkil etish. Moliyaviy texnologiyalar sohasidagi innovatsion yechimlar va amalga oshirilgan ishlarni keng targʻib qilish, xorijiy investitsiyalarni jalb etish hamda xalqaro hamkorlikni kengaytirish maqsadida Oʻzbekistonda 2026-yildan boshlab har yili “FinTech” haftaligini tashkil etish. 2026-yil oktabr Markaziy bank (Ishmetov) , Raqamli texnologiyalar vazirligi (Shermatov) 19. Markaziy bank va tijorat banklarida maʼlumotlarga asoslangan boshqaruvga oʻtish maqsadida maʼlumotlarni boshqarish boʻyicha bosh direktor (Chief Data Officer) lavozimini joriy etish. 1. Markaziy bank tomonidan maʼlumotlarni boshqarish boʻyicha bosh direktor (Chief Data Officer) uchun malaka talablarini va ustuvor vazifalarni belgilash. 2025-yil dekabr Markaziy bank (Ishmetov) 2. Tijorat banklarida lavozimga malakali kadrlarni tayinlash. 2026-yil iyul Markaziy bank (Ishmetov) , Iqtisodiyot va moliya vazirligi (Norqulov) , tijorat banklari

Oʻzbekiston Respublikasi Prezidentining 2025-yil 27-noyabrdagi PQ-359-son qaroriga 5-ILOVA

Oʻzbekiston Respublikasi Prezidentining 2018-yil 3-iyuldagi “Oʻzbekiston Respublikasida raqamli iqtisodiyotni va kripto-aktivlar aylanmasi sohasini rivojlantirish chora-tadbirlari toʻgʻrisida”gi PQ-3832-son qaroriga kiritilayotgan oʻzgartirish va qoʻshimchalar

1. 3-band “i” kichik bandining beshinchi xatboshisi quyidagi tahrirda bayon etilsin:

“kripto-aktivlar aylanmasi sohasidagi reklamaga qoʻyiladigan, shu jumladan, kripto-aktivlardan foydalanish bilan bogʻliq faoliyatning samaradorligi (daromadi) haqida vaʼdalar berish, kripto-aktivlar bilan bitimlarni tuzish boyishning yengil usuli ekanligi haqidagi maʼlumotlarni tarqatish taqiqlanganligi hamda kripto-aktivlar Oʻzbekiston Respublikasi hududida toʻlov yoki toʻlovni qabul qilish vositasi (qonunchilik hujjatlarida belgilangan hollar bundan mustasno) sifatida qoʻllanilishi mumkin emasligi haqidagi talablarga rioya qilish”.

2. 4-band quyidagi mazmundagi toʻrtinchi xatboshi bilan toʻldirilsin:

“Kripto-doʻkon oʻz faoliyatini faqat elektron platforma orqali amalga oshirish jarayonida mijozlarining mablagʻlarini tranzaksiya amalga oshirilgan va maʼlumotlarning taqsimlangan reyestrida tegishli yozuv paydo boʻlgan paytdan boshlab Agentlik tomonidan belgilangan muddatda saqlash huquqiga ega”.

3. 6-band “v” kichik bandi “qoʻllanilishi” soʻzidan keyin “, qonunchilik hujjatlarida belgilangan hollar bundan mustasno” soʻzlari bilan toʻldirilsin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2025-yil 27-noyabr,

PQ-359-son

(Qonunchilik maʼlumotlari milliy bazasi, 28.11.2025-y., 07/25/359/1106-son)

lex.uz

Президента Республики Узбекистан

Постановление

О мерах по дальнейшему развитию сферы финансовых технологий в Узбекистане

В целях ускоренного развития рынка финансовых технологий, стимулирования использования современных IT-решений при оказании финансовых и банковских услуг в Узбекистане постановляю:

I. Целевые показатели

1. Определить основными целевыми показателями развития сферы финансовых технологий на 2026 — 2030 годы:

(а) привлечение иностранных инвестиций в размере 1 миллиарда долларов США на стартапы в сфере финансовых технологий;

(б) доведение числа участников рынка финансовых технологий минимум до 200;

(в) доведение количества стартапов, прошедших программы инкубации и акселерации в сфере финансовых технологий, до 100;

(г) обучение не менее 5 тысяч молодых людей по направлению финансовых технологий;

(д) проведение пилотного тестирования цифровых валют, а также токенов, обеспеченных национальной или иностранной валютой (далее — стабильные токены), в качестве средства платежа.

II. Меры по развитию сферы финансовых технологий и финансовой поддержке проектов

2. Определить Центральный банк ответственным за развитие сферы финансовых технологий и возложить на него дополнительные задачи согласно приложению № 1 * .

3. Образовать при Центральном банке:

(а) венчурный фонд по финансированию стартап-проектов в форме общества с ограниченной ответственностью с уставным фондом в размере, равном эквиваленту 50 миллионов долларов США;

(б) инновационный хаб без статуса юридического лица по оказанию стартапам в сфере финансовых технологий нижеследующих услуг (далее — инновационный хаб):

(i) содействие в реализации программ инкубации и акселерации и выходе на внешние рынки;

(ii) содействие в привлечении отечественных и иностранных венчурных инвестиций;

(iii) реализация программ грантов.

4. Установить, что:

(а) с 1 января 2026 года участникам инновационного хаба покрываются расходы, связанные с:

(i) обучением на курсах и получением сертификата по направлению финансовых технологий, в размере до 50 процентов этих расходов, но не превышающем эквивалента 20 тысяч долларов США;

(ii) привлечением менторов и тренеров к стартап-проектам в сфере финансовых технологий субъектов предпринимательства, реализующие программы инкубации и акселерации, в размере до 50 процентов этих расходов, но не превышающем эквивалента 50 тысяч долларов США;

(б) критерии и требования, предъявляемые к участникам инновационного хаба, определяются Центральным банком;

(в) начиная с 2026 года ежегодно Центральным банком совместно с Министерством цифровых технологий и другими заинтересованными ведомствами организовываются международные форумы в сфере финансовых технологий по широкой пропаганде применяемых инновационных решений и проводимой работы, а также привлечению иностранных инвестиций и расширению международного сотрудничества в сфере финансовых технологий.

5. Одобрить следующие предложения Центрального банка, предусматривающие:

(а) внедрение в срок до 1 сентября 2026 года системы «открытый банкинг», обеспечивающей безопасный и стандартизированный обмен данными между банками, платежными организациями и участниками рынка финансовых технологий;

(б) введение в срок до конца 2025 года в Центральном банке и коммерческих банках должности генерального директора по управлению данными (Chief Data Officer) в целях перехода на управление, основанное на данных.

6. Центральному банку (Т. Ишметов):

(а) в срок до 1 февраля 2026 года внести предложения об изменениях и дополнениях в акты законодательства по предоставлению сведений, составляющих банковскую тайну, третьим лицам с разрешения клиента;

(б) в срок до 1 февраля 2026 года создать для физических лиц в Системе мгновенных платежей Центрального банка возможность осуществления прямых переводов в режиме реального времени через их банковские счета;

(в) в срок до 1 апреля 2026 года разработать с привлечением зарубежных консультантов и внести в Кабинет Министров Национальную стратегию развития сферы финансовых технологий на 2026 — 2030 годы;

(г) в срок до конца 2026 года обеспечить внедрение в коммерческих банках единой цифровой системы передачи статистических, финансовых и надзорных данных на основе регуляторных технологий (RegTech);

(д) в срок до 1 июля 2026 года внести предложение о привлечении престижной иностранной компании, обладающей международным опытом операционного управления деятельностью венчурного фонда, управления венчурным капиталом, а также в сфере финансовых технологий, в качестве доверительного управляющего.

7. Предоставить Государственному учреждению «Центр управления проектами цифрового правительства» право на осуществление деятельности платежной организации для проведения платежей, связанных с государственными услугами. При этом требования по организации деятельности в форме акционерного общества и минимальному размеру уставного капитала к этому учреждению не применяются.

III. Расширение использования крипто-активов в сфере финансов

8. Внедрить с 1 января 2026 года специальный правовой режим регулирования оборота стабильных токенов в качестве средства платежа (далее — «регуляторная песочница»). При этом:

(а) реализуются пилотные проекты по созданию системы платежей, функционирующей на основе технологии распределенного реестра данных;

(б) порядок внедрения и срок действия режима «регуляторной песочницы» определяются Национальным агентством перспективных проектов совместно с Центральным банком.

9. Начиная с 1 января 2026 года:

(а) разрешить юридическим лицам, являющимся резидентами Республики Узбекистан, проводить эмиссию токенизированных акций и облигаций;

(б) создать на фондовых биржах, получивших в установленном порядке лицензию на осуществление биржевой деятельности на территории Республики Узбекистан, отдельную торговую площадку для размещения токенизированных акций и облигаций, а также их обращения;

(в) определить Национальное агентство перспективных проектов ответственным за установление порядка по выпуску и обращению токенизированных акций и облигаций.

IV. Организация, обеспечение и контроль исполнения постановления

10. Создать Республиканскую комиссию по развитию сферы финансовых технологий в составе согласно приложению № 2 * и возложить на нее основные задачи согласно приложению № 3 * .

11. Утвердить Программу поддержки сферы финансовых технологий на 2025-2026 годы согласно приложению № 4 * .

12. Внести изменение и дополнения в постановление Президента Республики Узбекистан от 3 июля 2018 года № ПП-3832 «О мерах по развитию цифровой экономики и сферы оборота крипто-активов в Республике Узбекистан» согласно приложению № 5 .

13. Центральному банку совместно с заинтересованными министерствами и ведомствами в двухмесячный срок внести предложения об изменениях и дополнениях в акты законодательства, вытекающих из настоящего постановления.

14. Возложить на заместителя Премьер-министра Д.А. Кучкарова и председателя Центрального банка Т.А. Ишметова персональную ответственность за эффективную организацию исполнения настоящего постановления.

15. Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на Премьер-министра Республики Узбекистан А.Н. Арипова.

ПРИЛОЖЕНИЕ № 5 к постановлению Президента Республики Узбекистан от 27 ноября 2025 года № ПП-359

Изменение и дополнения, вносимые в постановление Президента Республики Узбекистан от 3 июля 2018 года № ПП-3832 «О мерах по развитию цифровой экономики и сферы оборота крипто-активов в Республике Узбекистан»

1. Абзац пятый подпункта «и» пункта 3 изложить в следующей редакции:

«соблюдение требований к рекламе в сфере оборота крипто-активов, в том числе запрета обещания эффективности (доходности) деятельности, связанной с использованием крипто-активов, содержания информации о совершении сделок с крипто-активами как о легком способе обогащения, а также о возможности использования крипто-активов на территории Республики Узбекистан в качестве средства платежа или приема оплаты (за исключением случаев, установленных актами законодательства)».

2. Пункт 4 дополнить абзацем четвертым следующего содержания:

«Крипто-магазин в процессе осуществления своей деятельности исключительно через электронную платформу имеет право хранить средства своих клиентов в течение срока, установленного Агентством, с момента совершения транзакции и появления соответствующей записи в распределенном реестре данных».

3. Подпункт «в» пункта 6 после слов «приема оплаты» дополнить словами «, за исключением случаев, установленных актами законодательства».

Президент Республики Узбекистан Ш. МИРЗИЁЕВ

г. Ташкент,

27 ноября 2025 г.,

№ ПП-359

(Национальная база данных законодательства, 28.11.2025 г., № 07/25/359/1106)

lex.uz