UzbekAI

Ўзбекистон Республикаси Президентининг

Фармойиши

Давлат бошқарувини рақамли трансформация қилиш ва самарадорлигини оширишга қаратилган ташкилий чора-тадбирлар тўғрисида

Давлат хизматларини кўрсатиш босқичларини мақбуллаштириш, жисмоний ва юридик шахсларга ортиқча мажбуриятлар юклатилишининг олдини олиш, давлат ташкилотлари, аҳоли ва бизнес ўртасида рақамли мулоқотни тўлақонли йўлга қўйиш ва бу борадаги ислоҳотлар самарадорлигини ошириш мақсадида қарор қиламан:

1. 2026 йил 1 январдан бошлаб давлат бошқарувини рақамли трансформация қилиш ва самарадорлигини оширишга қаратилган «Бюрократияни бартараф этиш — 2030» дастури (кейинги ўринларда — Дастур) ишга туширилсин ва унинг асосий вазифалари этиб қуйидагилар белгилансин:

(а) давлат хизматларидан тез ва қулай фойдаланиш орқали фуқароларнинг ҳаёт сифатини яхшилаш;

(б) тадбиркорликни рағбатлантириш, хорижий инвестициялар учун жозибадорликни ошириш;

(в) рақамли ва давлат бошқаруви соҳаларида мамлакатимизнинг ижобий имижини шакллантириш;

(г) ортиқча тартиб-таомилларни бартараф этиш ва жараёнларнинг шаффофлигини ошириш орқали суиистеъмолчилик хавфини камайтириш.

2. Дастурнинг амалга оширилишини мувофиқлаштириш мақсадида Стратегик ривожланиш ва ислоҳотлар агентлиги (кейинги ўринларда — Агентлик) ҳузурида лойиҳа офиси ташкил этилсин ҳамда унинг асосий вазифалари этиб қуйидагилар белгилансин:

(а) Дастурни муваффақиятли амалга ошириш масалалари бўйича хорижий давлатлар ва халқаро ташкилотлар билан ҳамкорликни йўлга қўйиш;

(б) Дастур доирасида амалга ошириладиган чора-тадбирлар бўйича «йўл харитаси»ни ишлаб чиқиш ва тасдиқлаш учун Ўзбекистон Республикаси Президенти ҳузуридаги Стратегик режалаштириш ва ривожланиш бўйича мувофиқлаштирувчи кенгашга киритиш;

(в) ҳар йил якунида вазирлик ва идоралар, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари (кейинги ўринларда — давлат ташкилотлари) томонидан давлат бошқарувида бюрократияни бартараф этиш бўйича амалга оширилган ишлар самарадорлигини баҳолаш, эълон қилиш ҳамда давлат ташкилотлари ва ташаббускорларни рағбатлантириш юзасидан Ўзбекистон Республикаси Президентига ахборот киритиш.

3. Шундай тартиб ўрнатилсинки, бюрократияни бартараф этиш бўйича таклифларни ишлаб чиқиш ва кўриб чиқиш, бу борада амалга оширилган ишларнинг самарадорлигини баҳолаш Агентлик оператори ва мулкдори ҳисобланадиган «Zero Bureaucracy» рақамли платформаси орқали амалга оширилади.

4. Дастур доирасида белгиланган чора-тадбирларнинг ўз вақтида ва самарали амалга оширилишини таъминлаш ҳамда аниқ натижаларга эришиш учун давлат ташкилотларининг биринчи раҳбарлари шахсан масъул эканлиги кўрсатиб ўтилсин.

5. Агентлик бир ой муддатда:

(а) лойиҳа офиси фаолияти йўлга қўйилиши учун зарур ташкилий чора-тадбирларни амалга оширсин;

(б) «Бюрократияни бартараф этиш» миллий мукофот танловини ўтказиш регламенти лойиҳасини Ўзбекистон Республикаси Президент Администрациясига киритсин. Бунда мазкур танловни ҳар йили ўтказиб бориш назарда тутилсин;

(в) Рақамли технологиялар вазирлиги билан биргаликда «Zero Bureaucracy» рақамли платформаси ишга туширилишини ва мунтазам янгилаб борилишини таъминласин.

6. Мазкур фармойиш ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикаси Президентининг маслаҳатчиси С.У. Умурзаков зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2025 йил 28 ноябрь,

Ф-68-сон

lex.uz

Oʻzbekiston Respublikasi Prezidentining

Farmoyishi

Davlat boshqaruvini raqamli transformatsiya qilish va samaradorligini oshirishga qaratilgan tashkiliy chora-tadbirlar toʻgʻrisida

Davlat xizmatlarini koʻrsatish bosqichlarini maqbullashtirish, jismoniy va yuridik shaxslarga ortiqcha majburiyatlar yuklatilishining oldini olish, davlat tashkilotlari, aholi va biznes oʻrtasida raqamli muloqotni toʻlaqonli yoʻlga qoʻyish va bu boradagi islohotlar samaradorligini oshirish maqsadida qaror qilaman:

1. 2026-yil 1-yanvardan boshlab davlat boshqaruvini raqamli transformatsiya qilish va samaradorligini oshirishga qaratilgan “Byurokratiyani bartaraf etish — 2030” dasturi (keyingi oʻrinlarda — Dastur) ishga tushirilsin va uning asosiy vazifalari etib quyidagilar belgilansin:

(a) davlat xizmatlaridan tez va qulay foydalanish orqali fuqarolarning hayot sifatini yaxshilash;

(b) tadbirkorlikni ragʻbatlantirish, xorijiy investitsiyalar uchun jozibadorlikni oshirish;

(v) raqamli va davlat boshqaruvi sohalarida mamlakatimizning ijobiy imijini shakllantirish;

(g) ortiqcha tartib-taomillarni bartaraf etish va jarayonlarning shaffofligini oshirish orqali suiisteʼmolchilik xavfini kamaytirish.

2. Dasturning amalga oshirilishini muvofiqlashtirish maqsadida Strategik rivojlanish va islohotlar agentligi (keyingi oʻrinlarda — Agentlik) huzurida loyiha ofisi tashkil etilsin hamda uning asosiy vazifalari etib quyidagilar belgilansin:

(a) Dasturni muvaffaqiyatli amalga oshirish masalalari boʻyicha xorijiy davlatlar va xalqaro tashkilotlar bilan hamkorlikni yoʻlga qoʻyish;

(b) Dastur doirasida amalga oshiriladigan chora-tadbirlar boʻyicha “yoʻl xaritasi”ni ishlab chiqish va tasdiqlash uchun Oʻzbekiston Respublikasi Prezidenti huzuridagi Strategik rejalashtirish va rivojlanish boʻyicha muvofiqlashtiruvchi kengashga kiritish;

(v) har yil yakunida vazirlik va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari (keyingi oʻrinlarda — davlat tashkilotlari) tomonidan davlat boshqaruvida byurokratiyani bartaraf etish boʻyicha amalga oshirilgan ishlar samaradorligini baholash, eʼlon qilish hamda davlat tashkilotlari va tashabbuskorlarni ragʻbatlantirish yuzasidan Oʻzbekiston Respublikasi Prezidentiga axborot kiritish.

3. Shunday tartib oʻrnatilsinki, byurokratiyani bartaraf etish boʻyicha takliflarni ishlab chiqish va koʻrib chiqish, bu borada amalga oshirilgan ishlarning samaradorligini baholash Agentlik operatori va mulkdori hisoblanadigan “Zero Bureaucracy” raqamli platformasi orqali amalga oshiriladi.

4. Dastur doirasida belgilangan chora-tadbirlarning oʻz vaqtida va samarali amalga oshirilishini taʼminlash hamda aniq natijalarga erishish uchun davlat tashkilotlarining birinchi rahbarlari shaxsan masʼul ekanligi koʻrsatib oʻtilsin.

5. Agentlik bir oy muddatda:

(a) loyiha ofisi faoliyati yoʻlga qoʻyilishi uchun zarur tashkiliy chora-tadbirlarni amalga oshirsin;

(b) “Byurokratiyani bartaraf etish” milliy mukofot tanlovini oʻtkazish reglamenti loyihasini Oʻzbekiston Respublikasi Prezident Administratsiyasiga kiritsin. Bunda mazkur tanlovni har yili oʻtkazib borish nazarda tutilsin;

(v) Raqamli texnologiyalar vazirligi bilan birgalikda “Zero Bureaucracy” raqamli platformasi ishga tushirilishini va muntazam yangilab borilishini taʼminlasin.

6. Mazkur farmoyish ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Prezidentining maslahatchisi S.U. Umurzakov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2025-yil 28-noyabr,

F-68-son

lex.uz

Президента Республики Узбекистан

Распоряжение

Об организационных мерах, направленных на цифровую трансформацию и повышение эффективности Государственного управления

В целях оптимизации этапов оказания государственных услуг, недопущения обременения физических и юридических лиц излишними обязанностями, полноценного налаживания цифрового диалога между государственными организациями, населением и бизнесом, а также повышения эффективности реформ в данном направлении постановляю:

1. Запустить с 1 января 2026 года Программу «Устранение бюрократии — 2030» (далее — Программа), направленную на цифровую трансформацию и повышение эффективности государственного управления, определив ее основными задачами:

(а) улучшение качества жизни граждан посредством быстрого и удобного доступа к государственным услугам;

(б) стимулирование предпринимательства, повышение привлекательности для иностранных инвестиций;

(в) формирование положительного имиджа страны в сферах цифрового и государственного управления;

(г) снижение риска злоупотреблений путем устранения излишних процедур и повышения прозрачности процессов.

2. В целях координации реализации Программы создать при Агентстве стратегического развития и реформ (далее — Агентство) проектный офис, определив его основными задачами:

(а) налаживание сотрудничества с зарубежными государствами и международными организациями по вопросам успешной реализации Программы;

(б) разработку и внесение на утверждение в Координационный совет по стратегическому планированию и развитию при Президенте Республики Узбекистан «дорожной карты» мер, реализуемых в рамках Программы;

(в) внесение Президенту Республики Узбекистан по итогам года информации об оценке эффективности работ по устранению бюрократии в государственном управлении, проведенных министерствами и ведомствами, Советом Министров Республики Каракалпакстан, хокимиятами областей и города Ташкента (далее — государственные организации), ее обнародовании, а также стимулировании государственных организаций и инициаторов.

3. Установить порядок, в соответствии с которым разработка и рассмотрение предложений по устранению бюрократии, оценка эффективности проведенной в данном направлении работы осуществляются посредством цифровой платформы «Zero Bureaucracy», оператором и собственником которой является Агентство.

4. Указать на персональную ответственность первых руководителей государственных организаций за обеспечение своевременной и эффективной реализации мер, определенных в рамках Программы, а также достижение конкретных результатов.

5. Агентству в месячный срок:

(а) осуществить необходимые организационные меры для налаживания деятельности проектного офиса;

(б) внести в Администрацию Президента Республики Узбекистан проект регламента проведения конкурса на национальную премию «Устранение бюрократии». При этом предусмотреть ежегодное проведение данного конкурса;

(в) совместно с Министерством цифровых технологий обеспечить запуск и регулярное обновление цифровой платформы «Zero Bureaucracy».

6. Обсуждение хода исполнения настоящего распоряжения, осуществление координации и контроля за деятельностью организаций, ответственных за его выполнение, возложить на советника Президента Республики Узбекистан С.У. Умурзакова.

Президент Республики Узбекистан Ш. МИРЗИЁЕВ

г. Ташкент,

28 ноября 2025 г.,

№ Р-68

lex.uz