📅 2025-yil 28-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 28 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 28 ноября 2025 г. · Постановления Президента
Официальный текст. Официальный документ. Редакционные примечания не включены.
📅 28 November 2025 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Солиқларнинг йиғилувчанлик даражасини ошириш ва фаол солиқ тўловчиларни рағбатлантириш чора-тадбирлари тўғрисида
Аҳоли ва тадбиркорлик субъектлари ўртасида солиқ тўлаш маданиятини юксалтириш, мазкур жараёнларда маҳалла институтининг фаол иштирокини рағбатлантириш ҳамда солиқ органларининг жамоатчилик олдида ҳисобдорлигини ва фаолиятининг очиқлигини янада ошириш мақсадида қарор қиламан:
I. Асосий мақсадлар
1. Ушбу қарорни қабул қилишдан кўзланган асосий мақсадлар этиб қуйидагилар белгилансин:
(а) фуқароларда «солиқ тўлаш бурчим» деган фикрни шакллантириш, «солиқ — маҳалла тараққиёти гарови» тамойили асосида солиқ маданиятини янада юксалтириш;
(б) солиқларни тўлашда маҳалла институтининг фаол иштирокини рағбатлантириш;
(в) солиқ маъмурчилигининг бизнесни жадал ривожлантириш борасида амалга оширилаётган ислоҳотлар билан ҳамоҳанглигини таъминлаш.
II. Энг яхши солиқ тўловчи маҳаллаларни рағбатлантириш
2. Белгилансинки, 2026 йил 1 январдан бошлаб «Энг яхши солиқ тўловчи маҳалла» номинацияси жорий этилади. Бунда ғолибларни аниқлаш бўйича мезонлар қуйидагиларни ўз ичига олади:
(а) ҳар 1 000 нафар аҳолига тўғри келадиган кичик бизнес субъектлари сони;
(б) ҳар 1 000 нафар аҳолига тўғри келадиган кичик бизнес субъектлари томонидан тўланган солиқлар миқдори;
(в) ҳар 1 000 нафар аҳолига тўғри келадиган жисмоний шахслардан олинадиган даромад солиғи тўловчилар сони;
(г) ҳар 1 000 нафар аҳолига тўғри келадиган ўзини ўзи банд қилган фуқаролар сони ва улар томонидан тўланган солиқлар миқдори;
(д) маҳалла фуқаролари томонидан мол-мулк ва ер солиқларининг тўланганлик даражаси.
3. Белгилансинки, «Энг яхши солиқ тўловчи маҳалла» номинацияси ғолиблари учун қуйидаги рағбатлантириш чоралари жорий этилади:
(а) ташаббусли бюджет доирасида кетма-кет икки маротаба ғолиб деб топилган маҳаллалар учун навбатдаги иккита мавсум доирасида лойиҳа киритиш имкониятини чеклаш қоидаси қўлланмайди;
(б) лойиҳаларни шериклик асосида молиялаштиришда ушбу маҳаллалар аҳолиси томонидан лойиҳа қийматининг 25 фоизи молиялаштирилган тақдирда, лойиҳа ғолиб деб топилади ҳамда қолган 75 фоизи Давлат бюджетидан молиялаштирилади;
(в) белгиланган мезонлар асосида ҳар йили биринчи 100 таликка кирган энг яхши солиқ тўловчи маҳаллаларнинг ҳар бирига Давлат бюджетидан 2 миллиард сўм миқдорида маблағ тегишлича Маҳалланинг ижтимоий-иқтисодий муаммоларини ҳал этиш жамғармасига ажратилади.
Бунда ажратилган маблағлар тегишли фуқаролар йиғини кенгаши қарори асосида фақат ушбу маҳалла ҳудуди инфратузилмасини (ички йўлларни таъмирлаш, ичимлик суви ва электр таъминотини яхшилаш, кўча чироқларини ўрнатиш ва бошқа инфратузилма лойиҳаларини) яхшилаш учун йўналтирилади.
4. 2026 йил 1 январдан бошлаб «Очиқ бюджет» ахборот порталида жисмоний шахслар томонидан тўланган солиқлар ҳисобидан амалга ошириладиган бюджет харажатлари маълумотларини ўзида акс эттирувчи «Жисмоний шахсларнинг солиқлари ҳисобидан харажатлар» модули ишга туширилсин. Бунда:
(i) жисмоний шахс томонидан муайян даврда тўланган даромад солиғи, мол-мулк солиғи ва ер солиғи тўғрисидаги маълумот;
(ii) тўланган солиқлар эвазига Давлат бюджетидан амалга оширилган харажатлар тўғрисидаги маълумотлар (харажатлар йўналишлари кесимида) доимий равишда эълон қилиб борилади.
5. Иқтисодиёт ва молия вазирлиги Рақамли технологиялар вазирлиги билан биргаликда:
(а) бир ой муддатда фуқаролар учун жисмоний шахслар томонидан тўланган солиқлар ҳисобидан амалга ошириладиган бюджет харажатлари маълумотларини ёритувчи «Жисмоний шахсларнинг солиқлари ҳисобидан харажатлар» модулини ишлаб чиқсин ва унга «Рақамли ҳукумат» тизими фойдаланувчиларининг ягона идентификация тизими (OneID) орқали кириш имкониятини яратсин;
(б) 2026 йил 1 февралдан бошлаб «Очиқ бюджет» ахборот порталида овоз берувчилар портретини ўз ичига олган маълумотлар базасини шакллантириш чораларини кўрсин.
6. Солиқ қўмитаси:
(а) бир ой муддатда Иқтисодиёт ва молия вазирлигининг техник талабномаси асосида шахсга доир маълумотлар тўғрисидаги қонунчилик ҳужжатларига мувофиқ фуқаролар томонидан тўланган солиқ маълумотларининг «Очиқ бюджет» ахборот порталида фуқаронинг ўзи учун кўринадиган шаклда тўғридан-тўғри шаклланишини;
(б) ҳар йили 1 февралга қадар энг яхши солиқ тўловчи маҳаллалар рўйхати шакллантирилишини ҳамда 10 февралга қадар расмий веб-сайтда эълон қилинишини таъминласин.
7. Вазирлар Маҳкамаси икки ой муддатда энг яхши солиқ тўловчи маҳаллаларни аниқлаш мезонлари ва тартибини тасдиқласин.
III. Солиқ муносабатларини ташкил этишда янгича ёндашув
8. Солиқ қўмитаси ҳамда Иқтисодиёт ва молия вазирлигининг 2026 йил 1 январдан бошлаб Наманган вилоятида янги солиқ бошқаруви моделини жорий этиш бўйича қуйидагиларни назарда тутган ҳолда эксперимент ўтказиш тўғрисидаги таклифи маъқуллансин:
(а) жисмоний шахслардан олинадиган мол-мулк ва (ёки) ер солиғи бўйича умумий суммаси бир миллион сўмдан ошган солиқ қарздорлигини ундиришда электр энергиясининг биллинг тизими механизмидан фойдаланишни жорий этиш;
(б) солиқ органлари фаолиятини баҳолашда инсон омили таъсирисиз автоматик шаклланадиган энг муҳим самарадорлик кўрсаткичларини жорий этишни тизимли давом эттириш.
9. Солиқ қўмитаси 2026 йил 1 октябрга қадар эксперимент натижалари асосида уни бошқа ҳудудларда жорий этиш бўйича таклифларни Вазирлар Маҳкамасига киритсин.
10. Шундай тартиб ўрнатилсинки, унга мувофиқ 2026 йил 1 январдан бошлаб:
(а) жисмоний шахслар томонидан кўчмас мулкларни ижарага беришдан олинган даромад бўйича тўланган солиқ тўлиқ миқдорда мулк жойлашган туман (шаҳар) маҳаллий бюджетларига йўналтирилади;
(б) солиқлар ҳақидаги ҳуқуқий билимни ошириш ва солиқларни ўз вақтида тўлашни тарғиб қилувчи ахборотлар ижтимоий ахборот ҳисобланади ва улар белгиланган тартибда оммавий ахборот воситаларида бепул жойлаштирилади;
(в) ҳар чоракда аҳоли, тадбиркорлик субъектлари ва жамоатчилик вакилларининг солиқ органлари фаолияти юзасидан фикрларини ўрганиб бориш ҳамда натижаларини оммавий ахборот воситалари орқали эълон қилиш тизими жорий этилади.
11. Давлат хизматчиларининг солиқ тўлаш интизомини кучайтириш орқали аҳолига намуна бўлишини таъминлаш мақсадида республика ижро этувчи ҳокимият органларида ходимларнинг солиқдан мавжуд қарздорликлари тўғрисидаги умумлаштирилган маълумотлар фақатгина вазирликлар ва идоралар (таркибидаги ташкилотларни инобатга олган ҳолда) кесимида шахсга доир маълумотлар тўғрисидаги қонунчилик ҳужжатлари талаблари асосида ҳар чорак якуни билан кейинги ойнинг 25-санасига қадар Солиқ қўмитасининг расмий веб-сайтида эълон қилиб борилиши йўлга қўйилсин.
12. Солиқ қўмитаси аҳолининг солиқ саводхонлиги ва солиқ тўлаш маданиятини ошириш мақсадида:
(а) 2026 йил 1 мартга қадар қуйидагиларни ўз ичига олган портални ишга туширсин:
(i) ёш тоифаси бўйича мослаштирилган маълумотлар;
(ii) ўйинлар, электрон таълим материаллари ва қисқа ўқув видеолари;
(iii) солиқлар бўйича ресурслар, маслаҳатлар ва лайфхаклар;
(б) график асосида мунтазам равишда ўрта махсус, касбий ва олий таълим муассасалари ва жамоат жойларида «Солиқ тўла — келажакка ҳисса қўш», «Солиқ — маҳалла тараққиётининг гарови» ва «Тўланган солиқ — бизнес равнақи» каби қисқа шиорлар орқали тарғибот тадбирларини йўлга қўйсин.
13. Марказий банк ҳар ойда жисмоний шахсларнинг солиқ қарзи тўғрисидаги маълумотлар тижорат банклари ва тўлов ташкилотларининг мобил иловалари фойдаланувчиларига илованинг асосий саҳифасида акс эттириб борилиши юзасидан Солиқ қўмитасига амалий ёрдам кўрсатсин.
14. Иқтисодиёт ва молия вазирлиги ҳузуридаги Бюджет-солиқ тадқиқотлари институти негизида Иқтисодиёт ва молия вазирлиги ҳузуридаги Яширин иқтисодиёт улушини қисқартириш, солиқ ва божхона маъмурчилигини такомиллаштириш, фискал таҳлиллар институти ташкил этилсин ва унга қуйидаги қўшимча устувор вазифалар юклатилсин:
(а) яширин иқтисодиётнинг ижтимоий-иқтисодий сабаб ва омилларини чуқур таҳлил қилиш, уларни бартараф этиш бўйича аниқ таклифлар ишлаб чиқиш;
(б) аҳоли ва тадбиркорларнинг солиқ тўлаш маданиятини ошириш, уларга соҳада қонуний фаолият юритишнинг афзалликларини етказиш ҳамда фискал шаффофликни таъминлашга қаратилган чора-тадбирларни амалга ошириш;
(в) солиқ ва божхона маъмурчилиги самарадорлигини ошириш, соҳадаги тизимли муаммо ва тўсиқларни таҳлил қилиш ва аниқлаш, шунингдек, маҳаллий ва хорижий мутахассислар билан ҳамкорликда уларни бартараф қилиш бўйича асослантирилган таклифларни ишлаб чиқиш;
(г) бюджет-солиқ ва божхона-тариф сиёсатининг миллий иқтисодиёт ва фискал барқарорликка таъсирини баҳолаш, илғор хорижий тажриба асосида соҳадаги тизимли муаммоларга илмий ечим топишга қаратилган тадқиқотларни ташкил қилиш ва олиб бориш;
(д) Ўзбекистон Республикаси Давлат бюджети даромад ва харажатларини прогнозлаштириш ҳамда режалаштириш соҳасини таҳлил қилиш, маҳаллий бюджетларнинг даромадлар базасини ошириш ва мустаҳкамлаш бўйича амалий таклифлар ишлаб чиқиш.
15. Белгилансинки, Яширин иқтисодиёт улушини қисқартириш, солиқ ва божхона маъмурчилигини такомиллаштириш, фискал таҳлиллар институти Иқтисодиёт ва молия вазирлиги ҳузуридаги Бюджет-солиқ тадқиқотлари институтининг барча ҳуқуқлари, мажбуриятлари ҳамда тузилган шартномалари бўйича ҳуқуқий вориси ҳисобланади.
IV. Қарор ижросини ташкил этиш, таъминлаш ва назорат
16. Солиқ қўмитаси:
(а) Ўзбекистон маҳаллалари уюшмаси, Савдо-саноат палатаси, Ўзбекистон Миллий ахборот агентлиги ва Ўзбекистон Миллий телерадиокомпанияси билан биргаликда мунтазам равишда:
(i) маҳаллаларда учрашувлар ўтказиб, мазкур қарорнинг мақсади, вазифалари ва ундан кутилаётган натижаларни ҳамда «Энг яхши солиқ тўловчи маҳалла» номинацияси мезонларини тушунтириш, кўрсаткичларни яхшилаш бўйича тизимли равишда амалий ёрдам кўрсатиб борсин;
(ii) энг яхши солиқ тўловчи маҳаллалар ва тадбиркорлик субъектлари фаолияти тўғрисида видеороликлар ва ташвиқот материалларини тайёрлаб, уларнинг оммавий ахборот воситалари, ижтимоий тармоқлар ва ташқи реклама воситалари орқали кенг ёритиб борилишини ташкил этсин;
(б) манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
17. Ўзбекистон Республикаси Президентининг айрим қарорларига иловага мувофиқ қўшимча ва ўзгартириш киритилсин.
18. Иқтисодиёт ва молия вазирлиги:
(а) Солиқ қўмитаси билан биргаликда икки ой муддатда жисмоний шахслардан олинадиган мол-мулк солиғи ва ер солиғининг йиғилувчанлик даражасини ошириш ва ушбу солиқларни ундириш учун сарф этилаётган ресурсларни мақбуллаштириш юзасидан Вазирлар Маҳкамасига таклиф киритсин;
(б) ушбу қарорни амалга ошириш доирасидаги сарф-харажатлар учун ҳар йили Давлат бюджети параметрларида маблағлар ажратилишини назарда тутсин.
19. Мазкур қарорнинг ижросини самарали ташкил қилишга масъул ва шахсий жавобгар этиб Солиқ қўмитаси раиси Ф.Ж. Пулатов белгилансин.
20. Қарор ижросини муҳокама қилиб бориш, масъул идоралар фаолиятини мувофиқлаштириш ва назорат қилиш Бош вазир ўринбосари Ж.А. Қўчқоров зиммасига юклансин.
Ўзбекистон Республикаси Президентининг 2025 йил 28 ноябрдаги ПҚ-364-сон қарорига ИЛОВА
Ўзбекистон Республикаси Президентининг айрим қарорларига киритилаётган қўшимча ва ўзгартириш
1. Ўзбекистон Республикаси Президентининг 2023 йил 18 августдаги «Балиқчилик хўжалиги эҳтиёжлари учун сув ҳавзаларидан фойдаланиш тартибини такомиллаштириш ҳамда балиқ овлаш ва сув бўйи туризми масканларини ривожлантириш чора-тадбирлари тўғрисида»ги ПҚ-281-сон қарорининг 1-банди тўртинчи хатбошиси «Айдар-Арнасой кўллар тизимига» сўзларидан кейин «ҳамда Қорақалпоғистон Республикаси ҳудудидаги «Орол артемия саноати» давлат муассасасига доимий фойдаланиш ҳуқуқи асосида ажратилган Орол денгизининг 227 минг гектар сув ости ер майдонларига» сўзлари билан тўлдирилсин.
2. Ўзбекистон Республикаси Президентининг 2025 йил 18 ноябрдаги «Ўзбекистон Республикаси Экология ва иқлим ўзгариши миллий қўмитаси фаолиятини ташкил этиш чора-тадбирлари тўғрисида»ги ПҚ-343-сон қарори 3-бандининг «ж» кичик бандидаги «Ўзбекистон Республикаси Президенти томонидан лавозимга тайинланади ва лавозимидан озод этилади, мақоми» сўзлари «мақоми, лавозимга тайинлаш ва лавозимдан озод этиш шартлари» сўзлари билан алмаштирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 28 ноябрь,
ПҚ-364-сон
Oʻzbekiston Respublikasi Prezidentining
qarori
Soliqlarning yigʻiluvchanlik darajasini oshirish va faol soliq toʻlovchilarni ragʻbatlantirish chora-tadbirlari toʻgʻrisida
Aholi va tadbirkorlik subyektlari oʻrtasida soliq toʻlash madaniyatini yuksaltirish, mazkur jarayonlarda mahalla institutining faol ishtirokini ragʻbatlantirish hamda soliq organlarining jamoatchilik oldida hisobdorligini va faoliyatining ochiqligini yanada oshirish maqsadida qaror qilaman:
I. Asosiy maqsadlar
1. Ushbu qarorni qabul qilishdan koʻzlangan asosiy maqsadlar etib quyidagilar belgilansin:
(a) fuqarolarda “soliq toʻlash burchim” degan fikrni shakllantirish, “soliq — mahalla taraqqiyoti garovi” tamoyili asosida soliq madaniyatini yanada yuksaltirish;
(b) soliqlarni toʻlashda mahalla institutining faol ishtirokini ragʻbatlantirish;
(v) soliq maʼmurchiligining biznesni jadal rivojlantirish borasida amalga oshirilayotgan islohotlar bilan hamohangligini taʼminlash.
II. Eng yaxshi soliq toʻlovchi mahallalarni ragʻbatlantirish
2. Belgilansinki, 2026-yil 1-yanvardan boshlab “Eng yaxshi soliq toʻlovchi mahalla” nominatsiyasi joriy etiladi. Bunda gʻoliblarni aniqlash boʻyicha mezonlar quyidagilarni oʻz ichiga oladi:
(a) har 1 000 nafar aholiga toʻgʻri keladigan kichik biznes subyektlari soni;
(b) har 1 000 nafar aholiga toʻgʻri keladigan kichik biznes subyektlari tomonidan toʻlangan soliqlar miqdori;
(v) har 1 000 nafar aholiga toʻgʻri keladigan jismoniy shaxslardan olinadigan daromad soligʻi toʻlovchilar soni;
(g) har 1 000 nafar aholiga toʻgʻri keladigan oʻzini oʻzi band qilgan fuqarolar soni va ular tomonidan toʻlangan soliqlar miqdori;
(d) mahalla fuqarolari tomonidan mol-mulk va yer soliqlarining toʻlanganlik darajasi.
3. Belgilansinki, “Eng yaxshi soliq toʻlovchi mahalla” nominatsiyasi gʻoliblari uchun quyidagi ragʻbatlantirish choralari joriy etiladi:
(a) tashabbusli budjet doirasida ketma-ket ikki marotaba gʻolib deb topilgan mahallalar uchun navbatdagi ikkita mavsum doirasida loyiha kiritish imkoniyatini cheklash qoidasi qoʻllanmaydi;
(b) loyihalarni sheriklik asosida moliyalashtirishda ushbu mahallalar aholisi tomonidan loyiha qiymatining 25 foizi moliyalashtirilgan taqdirda, loyiha gʻolib deb topiladi hamda qolgan 75 foizi Davlat budjetidan moliyalashtiriladi;
(v) belgilangan mezonlar asosida har yili birinchi 100 talikka kirgan eng yaxshi soliq toʻlovchi mahallalarning har biriga Davlat budjetidan 2 milliard soʻm miqdorida mablagʻ tegishlicha Mahallaning ijtimoiy-iqtisodiy muammolarini hal etish jamgʻarmasiga ajratiladi.
Bunda ajratilgan mablagʻlar tegishli fuqarolar yigʻini kengashi qarori asosida faqat ushbu mahalla hududi infratuzilmasini (ichki yoʻllarni taʼmirlash, ichimlik suvi va elektr taʼminotini yaxshilash, koʻcha chiroqlarini oʻrnatish va boshqa infratuzilma loyihalarini) yaxshilash uchun yoʻnaltiriladi.
4. 2026-yil 1-yanvardan boshlab “Ochiq budjet” axborot portalida jismoniy shaxslar tomonidan toʻlangan soliqlar hisobidan amalga oshiriladigan budjet xarajatlari maʼlumotlarini oʻzida aks ettiruvchi “Jismoniy shaxslarning soliqlari hisobidan xarajatlar” moduli ishga tushirilsin. Bunda:
(i) jismoniy shaxs tomonidan muayyan davrda toʻlangan daromad soligʻi, mol-mulk soligʻi va yer soligʻi toʻgʻrisidagi maʼlumot;
(ii) toʻlangan soliqlar evaziga Davlat budjetidan amalga oshirilgan xarajatlar toʻgʻrisidagi maʼlumotlar (xarajatlar yoʻnalishlari kesimida) doimiy ravishda eʼlon qilib boriladi.
5. Iqtisodiyot va moliya vazirligi Raqamli texnologiyalar vazirligi bilan birgalikda:
(a) bir oy muddatda fuqarolar uchun jismoniy shaxslar tomonidan toʻlangan soliqlar hisobidan amalga oshiriladigan budjet xarajatlari maʼlumotlarini yorituvchi “Jismoniy shaxslarning soliqlari hisobidan xarajatlar” modulini ishlab chiqsin va unga “Raqamli hukumat” tizimi foydalanuvchilarining yagona identifikatsiya tizimi (OneID) orqali kirish imkoniyatini yaratsin;
(b) 2026-yil 1-fevraldan boshlab “Ochiq budjet” axborot portalida ovoz beruvchilar portretini oʻz ichiga olgan maʼlumotlar bazasini shakllantirish choralarini koʻrsin.
6. Soliq qoʻmitasi:
(a) bir oy muddatda Iqtisodiyot va moliya vazirligining texnik talabnomasi asosida shaxsga doir maʼlumotlar toʻgʻrisidagi qonunchilik hujjatlariga muvofiq fuqarolar tomonidan toʻlangan soliq maʼlumotlarining “Ochiq budjet” axborot portalida fuqaroning oʻzi uchun koʻrinadigan shaklda toʻgʻridan-toʻgʻri shakllanishini;
(b) har yili 1-fevralga qadar eng yaxshi soliq toʻlovchi mahallalar roʻyxati shakllantirilishini hamda 10-fevralga qadar rasmiy veb-saytda eʼlon qilinishini taʼminlasin.
7. Vazirlar Mahkamasi ikki oy muddatda eng yaxshi soliq toʻlovchi mahallalarni aniqlash mezonlari va tartibini tasdiqlasin.
III. Soliq munosabatlarini tashkil etishda yangicha yondashuv
8. Soliq qoʻmitasi hamda Iqtisodiyot va moliya vazirligining 2026-yil 1-yanvardan boshlab Namangan viloyatida yangi soliq boshqaruvi modelini joriy etish boʻyicha quyidagilarni nazarda tutgan holda eksperiment oʻtkazish toʻgʻrisidagi taklifi maʼqullansin:
(a) jismoniy shaxslardan olinadigan mol-mulk va (yoki) yer soligʻi boʻyicha umumiy summasi bir million soʻmdan oshgan soliq qarzdorligini undirishda elektr energiyasining billing tizimi mexanizmidan foydalanishni joriy etish;
(b) soliq organlari faoliyatini baholashda inson omili taʼsirisiz avtomatik shakllanadigan eng muhim samaradorlik koʻrsatkichlarini joriy etishni tizimli davom ettirish.
9. Soliq qoʻmitasi 2026-yil 1-oktabrga qadar eksperiment natijalari asosida uni boshqa hududlarda joriy etish boʻyicha takliflarni Vazirlar Mahkamasiga kiritsin.
10. Shunday tartib oʻrnatilsinki, unga muvofiq 2026-yil 1-yanvardan boshlab:
(a) jismoniy shaxslar tomonidan koʻchmas mulklarni ijaraga berishdan olingan daromad boʻyicha toʻlangan soliq toʻliq miqdorda mulk joylashgan tuman (shahar) mahalliy budjetlariga yoʻnaltiriladi;
(b) soliqlar haqidagi huquqiy bilimni oshirish va soliqlarni oʻz vaqtida toʻlashni targʻib qiluvchi axborotlar ijtimoiy axborot hisoblanadi va ular belgilangan tartibda ommaviy axborot vositalarida bepul joylashtiriladi;
(v) har chorakda aholi, tadbirkorlik subyektlari va jamoatchilik vakillarining soliq organlari faoliyati yuzasidan fikrlarini oʻrganib borish hamda natijalarini ommaviy axborot vositalari orqali eʼlon qilish tizimi joriy etiladi.
11. Davlat xizmatchilarining soliq toʻlash intizomini kuchaytirish orqali aholiga namuna boʻlishini taʼminlash maqsadida respublika ijro etuvchi hokimiyat organlarida xodimlarning soliqdan mavjud qarzdorliklari toʻgʻrisidagi umumlashtirilgan maʼlumotlar faqatgina vazirliklar va idoralar (tarkibidagi tashkilotlarni inobatga olgan holda) kesimida shaxsga doir maʼlumotlar toʻgʻrisidagi qonunchilik hujjatlari talablari asosida har chorak yakuni bilan keyingi oyning 25-sanasiga qadar Soliq qoʻmitasining rasmiy veb-saytida eʼlon qilib borilishi yoʻlga qoʻyilsin.
12. Soliq qoʻmitasi aholining soliq savodxonligi va soliq toʻlash madaniyatini oshirish maqsadida:
(a) 2026-yil 1-martga qadar quyidagilarni oʻz ichiga olgan portalni ishga tushirsin:
(i) yosh toifasi boʻyicha moslashtirilgan maʼlumotlar;
(ii) oʻyinlar, elektron taʼlim materiallari va qisqa oʻquv videolari;
(iii) soliqlar boʻyicha resurslar, maslahatlar va layfxaklar;
(b) grafik asosida muntazam ravishda oʻrta maxsus, kasbiy va oliy taʼlim muassasalari va jamoat joylarida “Soliq toʻla — kelajakka hissa qoʻsh”, “Soliq — mahalla taraqqiyotining garovi” va “Toʻlangan soliq — biznes ravnaqi” kabi qisqa shiorlar orqali targʻibot tadbirlarini yoʻlga qoʻysin.
13. Markaziy bank har oyda jismoniy shaxslarning soliq qarzi toʻgʻrisidagi maʼlumotlar tijorat banklari va toʻlov tashkilotlarining mobil ilovalari foydalanuvchilariga ilovaning asosiy sahifasida aks ettirib borilishi yuzasidan Soliq qoʻmitasiga amaliy yordam koʻrsatsin.
14. Iqtisodiyot va moliya vazirligi huzuridagi Budjet-soliq tadqiqotlari instituti negizida Iqtisodiyot va moliya vazirligi huzuridagi Yashirin iqtisodiyot ulushini qisqartirish, soliq va bojxona maʼmurchiligini takomillashtirish, fiskal tahlillar instituti tashkil etilsin va unga quyidagi qoʻshimcha ustuvor vazifalar yuklatilsin:
(a) yashirin iqtisodiyotning ijtimoiy-iqtisodiy sabab va omillarini chuqur tahlil qilish, ularni bartaraf etish boʻyicha aniq takliflar ishlab chiqish;
(b) aholi va tadbirkorlarning soliq toʻlash madaniyatini oshirish, ularga sohada qonuniy faoliyat yuritishning afzalliklarini yetkazish hamda fiskal shaffoflikni taʼminlashga qaratilgan chora-tadbirlarni amalga oshirish;
(v) soliq va bojxona maʼmurchiligi samaradorligini oshirish, sohadagi tizimli muammo va toʻsiqlarni tahlil qilish va aniqlash, shuningdek, mahalliy va xorijiy mutaxassislar bilan hamkorlikda ularni bartaraf qilish boʻyicha asoslantirilgan takliflarni ishlab chiqish;
(g) budjet-soliq va bojxona-tarif siyosatining milliy iqtisodiyot va fiskal barqarorlikka taʼsirini baholash, ilgʻor xorijiy tajriba asosida sohadagi tizimli muammolarga ilmiy yechim topishga qaratilgan tadqiqotlarni tashkil qilish va olib borish;
(d) Oʻzbekiston Respublikasi Davlat budjeti daromad va xarajatlarini prognozlashtirish hamda rejalashtirish sohasini tahlil qilish, mahalliy budjetlarning daromadlar bazasini oshirish va mustahkamlash boʻyicha amaliy takliflar ishlab chiqish.
15. Belgilansinki, Yashirin iqtisodiyot ulushini qisqartirish, soliq va bojxona maʼmurchiligini takomillashtirish, fiskal tahlillar instituti Iqtisodiyot va moliya vazirligi huzuridagi Budjet-soliq tadqiqotlari institutining barcha huquqlari, majburiyatlari hamda tuzilgan shartnomalari boʻyicha huquqiy vorisi hisoblanadi.
IV. Qaror ijrosini tashkil etish, taʼminlash va nazorat
16. Soliq qoʻmitasi:
(a) Oʻzbekiston mahallalari uyushmasi, Savdo-sanoat palatasi, Oʻzbekiston Milliy axborot agentligi va Oʻzbekiston Milliy teleradiokompaniyasi bilan birgalikda muntazam ravishda:
(i) mahallalarda uchrashuvlar oʻtkazib, mazkur qarorning maqsadi, vazifalari va undan kutilayotgan natijalarni hamda “Eng yaxshi soliq toʻlovchi mahalla” nominatsiyasi mezonlarini tushuntirish, koʻrsatkichlarni yaxshilash boʻyicha tizimli ravishda amaliy yordam koʻrsatib borsin;
(ii) eng yaxshi soliq toʻlovchi mahallalar va tadbirkorlik subyektlari faoliyati toʻgʻrisida videoroliklar va tashviqot materiallarini tayyorlab, ularning ommaviy axborot vositalari, ijtimoiy tarmoqlar va tashqi reklama vositalari orqali keng yoritib borilishini tashkil etsin;
(b) manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
17. Oʻzbekiston Respublikasi Prezidentining ayrim qarorlariga ilovaga muvofiq qoʻshimcha va oʻzgartirish kiritilsin.
18. Iqtisodiyot va moliya vazirligi:
(a) Soliq qoʻmitasi bilan birgalikda ikki oy muddatda jismoniy shaxslardan olinadigan mol-mulk soligʻi va yer soligʻining yigʻiluvchanlik darajasini oshirish va ushbu soliqlarni undirish uchun sarf etilayotgan resurslarni maqbullashtirish yuzasidan Vazirlar Mahkamasiga taklif kiritsin;
(b) ushbu qarorni amalga oshirish doirasidagi sarf-xarajatlar uchun har yili Davlat budjeti parametrlarida mablagʻlar ajratilishini nazarda tutsin.
19. Mazkur qarorning ijrosini samarali tashkil qilishga masʼul va shaxsiy javobgar etib Soliq qoʻmitasi raisi F.J. Pulatov belgilansin.
20. Qaror ijrosini muhokama qilib borish, masʼul idoralar faoliyatini muvofiqlashtirish va nazorat qilish Bosh vazir oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidentining 2025-yil 28-noyabrdagi PQ-364-son qaroriga ILOVA
Oʻzbekiston Respublikasi Prezidentining ayrim qarorlariga kiritilayotgan qoʻshimcha va oʻzgartirish
1. Oʻzbekiston Respublikasi Prezidentining 2023-yil 18-avgustdagi “Baliqchilik xoʻjaligi ehtiyojlari uchun suv havzalaridan foydalanish tartibini takomillashtirish hamda baliq ovlash va suv boʻyi turizmi maskanlarini rivojlantirish chora-tadbirlari toʻgʻrisida”gi PQ-281-son qarorining 1-bandi toʻrtinchi xatboshisi “Aydar-Arnasoy koʻllar tizimiga” soʻzlaridan keyin “hamda Qoraqalpogʻiston Respublikasi hududidagi “Orol artemiya sanoati” davlat muassasasiga doimiy foydalanish huquqi asosida ajratilgan Orol dengizining 227 ming gektar suv osti yer maydonlariga” soʻzlari bilan toʻldirilsin.
2. Oʻzbekiston Respublikasi Prezidentining 2025-yil 18-noyabrdagi “Oʻzbekiston Respublikasi Ekologiya va iqlim oʻzgarishi milliy qoʻmitasi faoliyatini tashkil etish chora-tadbirlari toʻgʻrisida”gi PQ-343-son qarori 3-bandining “j” kichik bandidagi “Oʻzbekiston Respublikasi Prezidenti tomonidan lavozimga tayinlanadi va lavozimidan ozod etiladi, maqomi” soʻzlari “maqomi, lavozimga tayinlash va lavozimdan ozod etish shartlari” soʻzlari bilan almashtirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 28-noyabr,
PQ-364-son
Президента Республики Узбекистан
Постановление
О мерах по повышению уровня собираемости налогов и стимулированию активных налогоплательщиков
В целях повышения культуры уплаты налогов среди населения и субъектов предпринимательства, стимулирования активного участия института махалли в данных процессах и дальнейшего усиления открытости деятельности и подотчетности налоговых органов перед общественностью постановляю:
I. Основные цели
1. Определить основными целями принятия настоящего постановления:
(а) формирование у граждан мнения «платить налоги — мой долг», дальнейшее повышение налоговой культуры на основе принципа «налог — залог развития махалли»;
(б) стимулирование активного участия института махалли в уплате налогов;
(в) обеспечение соответствия налогового администрирования осуществляемым реформам по ускоренному развитию бизнеса.
II. Поощрение лучших махаллей-налогоплательщиков
2. Определить, что с 1 января 2026 года внедряется номинация «Лучшая махалля-налогоплательщик». При этом критерии по определению победителей включают в себя:
(а) количество субъектов малого бизнеса на каждых 1 000 человек;
(б) размер налогов, уплаченных субъектами малого бизнеса на каждых 1 000 человек;
(в) количество плательщиков налога на доходы с физических лиц на каждых 1 000 человек;
(г) количество самозанятых граждан на каждых 1 000 человек и размер уплаченных ими налогов;
(д) степень уплаты налога на имущество и земельного налога гражданами махалли.
3. Установить, что внедряются поощрительные меры для победителей номинации «Лучшая махалля-налогоплательщик»:
(а) положение ограничения возможности внесения проекта в очередные два сезона для махаллей, признанных победителями два раза подряд в рамках инициативного бюджета, не применяется;
(б) при финансировании проектов на основе партнерства, если профинансировано 25 процентов стоимости проекта населением данных махаллей, проект признается победителем, а также оставшиеся 75 процентов финансируются из Государственного бюджета;
(в) на основе установленных критериев ежегодно каждой махалле, признанной лучшим налогоплательщиком, включенной в топ-100, из Государственного бюджета выделяются средства в размере 2 миллиардов сумов в Фонд по решению социально-экономических проблем махалли соответственно.
При этом выделенные средства на основании решения соответствующего совета схода граждан направляются исключительно на улучшение инфраструктуры территории данной махалли (ремонт внутренних дорог, улучшение обеспечения питьевой водой и электроэнергией, установка уличного освещения и другие инфраструктурные проекты).
4. Запустить с 1 января 2026 года на информационном портале «Открытый бюджет» модуль «Расходы за счет налогов физических лиц», включающий данные о бюджетных расходах, осуществляемых за счет налогов, уплаченных физическими лицами. При этом в нем на постоянной основе публикуются:
(i) данные о подоходном налоге, налоге на имущество и земельном налоге, уплаченных в определенный период физическими лицами;
(ii) данные о расходах, осуществленных из Государственного бюджета за счет уплаченных налогов (в разрезе направлений расходов).
5. Министерству экономики и финансов совместно с Министерством цифровых технологий:
(а) в месячный срок разработать для граждан модуль «Расходы за счет налогов физических лиц», отражающий данные бюджетных расходов, осуществляемых за счет налогов, уплаченных физическими лицами, а также создать доступ в него через Единую идентификационную систему пользователей системы «Цифровое правительство» (OneID);
(б) с 1 февраля 2026 года принять меры по формированию на информационном портале «Открытый бюджет» базы данных, включающей в себя портрет голосующих.
6. Налоговому комитету:
(а) в месячный срок в соответствии с актами законодательства о персональных данных обеспечить на основе технического требования Министерства экономики и финансов прямое формирование на информационном портале «Открытый бюджет» данных об уплаченных гражданами налогах в форме, открытой для каждого из них;
(б) ежегодно до 1 февраля обеспечить формирование перечня лучших махаллей-налогоплательщиков, а также до 10 февраля его опубликования на официальном веб-сайте.
7. Кабинету Министров в двухмесячный срок утвердить критерии и порядок определения лучших махаллей-налогоплательщиков.
III. Новый подход в организации налоговых отношений
8. Одобрить предложение Налогового комитета и Министерства экономики и финансов о проведении в экспериментальном порядке с 1 января 2026 года в Наманганской области внедрения новой модели налогового управления, предусматривая:
(а) введение использования механизма биллинговой системы по электроэнергии при взыскании налоговой задолженности на общую сумму более одного миллиона сумов по налогам на имущество и (или) земельному налогу, взимаемым с физических лиц;
(б) системное продолжение внедрения ключевых показателей эффективности, формируемых автоматически и без воздействия человеческого фактора при оценке деятельности налоговых органов.
9. Налоговому комитету до 1 октября 2026 года по результатам эксперимента внести в Кабинет Министров предложения по его внедрению в других регионах.
10. Установить порядок, в соответствии с которым начиная с 1 января 2026 года:
(а) налог, уплаченный физическим лицом по доходу, полученному от предоставления в аренду недвижимого имущества, в полном объеме направляется в местный бюджет района (города), в котором расположено имущество;
(б) информация по пропаганде повышения правовых знаний о налогах и своевременной уплате налогов является социальной информацией, которая в установленном порядке размещается в средствах массовой информации на бесплатной основе;
(в) внедряется система ежеквартального изучения мнений населения, субъектов предпринимательства и представителей общественности о деятельности налоговых органов, а также опубликования его результатов в средствах массовой информации.
11. В целях обеспечения демонстрации примера населению государственными служащими посредством усиления их платежной дисциплины наладить опубликование на официальном веб-сайте Налогового комитета по итогам каждого квартала до 25 числа следующего месяца обобщенных данных об имеющейся налоговой задолженности работников республиканских органов исполнительной власти в разрезе только министерств и ведомств (с учетом их структурных организаций) на основе требований актов законодательства о персональных данных.
12. Налоговому комитету в целях повышения налоговой грамотности и культуры уплаты налогов у населения:
(а) до 1 марта 2026 года запустить портал, включающий:
(i) данные, адаптированные по возрастной категории;
(ii) игры, электронные образовательные материалы и короткие обучающие видео;
(iii) ресурсы, советы и лайфхаки по налогам;
(б) наладить проведение в средних специальных, профессиональных и высших образовательных учреждениях и общественных местах пропагандистских мероприятий посредством таких коротких девизов, как «Плати налог — вноси вклад в будущее», «Налог — залог развития махалли» и «Уплаченный налог — процветание бизнеса», на регулярной основе по графику.
13. Центральному банку оказать практическую помощь Налоговому комитету по ежемесячному отображению на главной странице мобильных приложений коммерческих банков и платежных организаций для их пользователей данных о налоговой задолженности физических лиц.
14. Создать на базе Института бюджетно-налоговых исследований при Министерстве экономики и финансов Институт сокращения доли теневой экономики, совершенствования налогового и таможенного администрирования, фискальных анализов при Министерстве экономики и финансов и возложить на него следующие дополнительные задачи:
(а) проведение глубокого анализа социально-экономических причин и факторов теневой экономики, разработка конкретных предложений по их устранению;
(б) реализация мер, направленных на повышение культуры уплаты налогов у населения и предпринимателей, доведение до них преимуществ ведения легальной деятельности в сфере, а также обеспечение фискальной прозрачности;
(в) разработка обоснованных предложений по повышению эффективности налогового и таможенного администрирования, анализу и выявлению системных проблем и препятствий в сфере, а также их устранению в сотрудничестве с отечественными и зарубежными специалистами;
(г) организация и проведение исследований, направленных на оценку воздействия бюджетно-налоговой и таможенно-тарифной политики на национальную экономику и фискальную стабильность, поиск научных решений системным проблемам в сфере на основе передового зарубежного опыта;
(д) разработка практических предложений по анализу сферы прогнозирования и планирования доходов и расходов Государственного бюджета Республики Узбекистан, повышению и укреплению доходной базы местных бюджетов.
15. Определить, что Институт сокращения доли теневой экономики, совершенствования налогового и таможенного администрирования, фискальных анализов является правопреемником по всем правам, обязательствам и заключенным договорам Института бюджетно-налоговых исследований при Министерстве экономики и финансов.
IV. Организация, обеспечение и контроль исполнения постановления
16. Налоговому комитету:
(а) совместно с Ассоциацией махаллей Узбекистана, Торгово-промышленной палатой, Национальным информационным агентством Узбекистана и Национальной телерадиокомпанией Узбекистана на регулярной основе:
(i) оказывать на системной основе практическую помощь махаллям по проведению встреч в махаллях, разъяснению целей, задач настоящего постановления и ожидаемых от него результатов, критериев номинации «Лучшая махалля-налогоплательщик», улучшению их показателей;
(ii) подготавливать видеоролики и пропагандистские материалы о деятельности лучших налогоплательщиков среди махаллей и субъектов предпринимательства, организовывать их широкое освещение в средствах массовой информации, социальных сетях и средствах внешней рекламы;
(б) совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
17. Внести дополнения и изменения в некоторые постановления Президента Республики Узбекистан согласно приложению .
18. Министерству экономики и финансов:
(а) совместно с Налоговым комитетом в двухмесячный срок внести в Кабинет Министров предложение о повышении уровня собираемости налога на имущество и земельного налога с физических лиц, а также оптимизации ресурсов, расходуемых на взимание данных налогов;
(б) ежегодно предусматривать в параметрах Государственного бюджета выделение средств для расходов в рамках реализации настоящего постановления.
19. Возложить на председателя Налогового комитета Ф.Ж. Пулатова персональную ответственность за эффективную организацию исполнения настоящего постановления.
20. Обсуждение хода исполнения настоящего постановления, осуществление координации и контроля за деятельностью ответственных ведомств возложить на заместителя Премьер-министра Д.А. Кучкарова.
ПРИЛОЖЕНИЕ к постановлению Президента Республики Узбекистан от 28 ноября 2025 года № ПП-364
Дополнение и изменение, вносимые в некоторые постановления Президента Республики Узбекистан
1. Абзац четвертый пункта 1 постановления Президента Республики Узбекистан от 18 августа 2023 года № ПП-281 «О мерах по совершенствованию порядка использования водоемов для нужд рыбоводческих хозяйств, а также развитию объектов лова рыбы и прибрежного туризма» после слов «О мерах по совершенствованию управления Айдар-Арнасайской системой озер» дополнить словами «, а также на подводные грунты площадью 227 тысяч гектаров Аральского моря, выделенные Государственному учреждению «Орол артемия саноати» на территории Республики Каракалпакстан».
2. В подпункте «ж» пункта 3 постановления Президента Республики Узбекистан от 18 ноября 2025 года № ПП-343 «О мерах по организации деятельности Национального комитета Республики Узбекистан по экологии и изменению климата» слова «назначаются на должность и освобождаются от должности Президентом Республики Узбекистан, по статусу, условиям» заменить словами «по статусу, условиям назначения на должность и освобождения от должности,».
Президент Республики Узбекистан Ш. МИРЗИЁЕВ
г. Ташкент,
28 ноября 2025 г.,
№ ПП-364