📅 2025-yil 1-dekabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 1 декабрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 1 декабря 2025 г. · Постановления Президента
Официальный текст. Официальный документ. Редакционные примечания не включены.
📅 1 December 2025 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТАРТИБИ
РЎЙХАТИ
Қурилиш материаллари саноатини ривожлантириш чора-тадбирлари тўғрисида
Қурилиш материаллари саноатида рақобатбардошликни янада ошириш, қўшилган қийматли қурилиш материалларини ишлаб чиқариш ҳажмини кенгайтириш, соҳада амалиёт ва илмий тадқиқотларнинг ўзаро интеграциясини таъминлаш, сифат назоратини кучайтириш, малакали кадрлар тайёрлаш жараёнларини такомиллаштириш мақсадида қарор қиламан:
I. Мақсадлар
1. Қуйидагилар қурилиш материаллари саноатини ривожлантириш доирасидаги асосий вазифалар этиб белгилансин:
(а) ишлаб чиқариш ҳажмини 62 триллион сўмга етказиш;
(б) қурилиш саноати корхоналарининг экспорт салоҳиятини ошириш ва экспорт ҳажмини 1,5 миллиард АҚШ долларига етказиш учун зарур шароитларни яратиш;
(в) экологик тоза, ресурстежамкор ва энергосамарадор қурилиш материаллари ишлаб чиқариш ҳамда қурилишда улардан фойдаланишни босқичма-босқич йўлга қўйиш;
(г) қурилиш материалларини ишлаб чиқариш жараёнларининг илмий тадқиқотлар билан интеграциясини таъминлаш;
(д) қурилиш материаллари хавфсизлигини назорат қилишни кучайтириш.
II. Қурилиш материалларини ишлаб чиқариш ва экспорт қилиш салоҳиятини ошириш учун зарур шароитлар яратиш
2. Жаҳон савдо ташкилоти билан ишлаш бўйича идоралараро комиссия (Ж. Ходжаев) икки ҳафта муддатда 2028 йил 1 январга қадар импорт қилишда божхона божидан озод этиладиган қурилиш материалларини ишлаб чиқариш учун зарур бўлган хомашё ва материаллар рўйхатини тасдиқласин.
3. Инвестициялар, саноат ва савдо вазирлиги Савдо-саноат палатаси, Божхона қўмитаси ва Ташқи ишлар вазирлиги билан биргаликда икки ой муддатда:
(а) Марокаш, Тунис, Миср, Жазоир, Саудия Арабистони, Қатар, Мўғулистон давлатлари билан ҳукуматлараро музокаралар ўтказиш дастурини;
(б) мазкур давлатлар билан бир тарафлама ўрнатилган импорт божларини бекор қилиш ва маҳсулотлар келиб чиқиши тўғрисидаги сертификатларни (certificate of origin) икки тарафлама ўзаро тан олиш амалиётини йўлга қўйиш бўйича 2027 йилгача мўлжалланган чора-тадбирлар дастурини ишлаб чиқиб, амалга оширсин.
4. Қурилиш материалларини ишлаб чиқариш корхоналарининг кредит фоиз харажатларини компенсация қилиш тартиби 1-иловага мувофиқ тасдиқлансин.
5. 2026 йил 1 февралга қадар Божхона қўмитаси, Солиқ қўмитаси, Миллий статистика қўмитаси ва «Ўзсаноатқурилишматериаллари» уюшмаси (кейинги ўринларда — Уюшма) ўртасида 2-иловада назарда тутилган маълумотлар бўйича «Электрон ҳукумат» тизимининг идоралараро интеграциялашув платформаси орқали ўзаро электрон маълумотлар алмашинуви йўлга қўйилсин.
6. Бош вазир ўринбосари Ж.Ходжаев Уюшма, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари билан биргаликда бир ой муддатда қурилиш материаллари ишлаб чиқаришни ташкил этиш бўйича амалга ошириладиган 3,5 миллиард АҚШ доллари миқдоридаги инвестиция лойиҳаларининг йиғма параметрларини тасдиқласин.
7. Белгилансинки, қора металлар ва қора металлар прокати (ТИФ ТН бўйича коди — 7210) маҳсулотлари олдиндан ҳақи тўланмасдан, аккредитив очилмасдан, банк кафолати расмийлаштирилмасдан ва экспорт контрактини сиёсий ва тижорат таваккалчиликларидан суғурта қилиш бўйича полис мавжуд бўлмасдан хорижий валютага экспорт қилиш бўйича имтиёзлар татбиқ этилмайдиган товарлар сифатида тавсиф этилмайди.
8. Давлат хавфсизлик хизмати Чегара қўшинлари Ўзбекистон ҳудудида рўйхатдан ўтган ишлаб чиқарувчи корхоналар вакилларининг Афғонистон ҳудудига «Термиз» автойўл ўтказиш пункти орқали Давлат чегарасидан хавфсиз ўтиб қайтишларини таъминласин.
III. Қурилиш материаллари саноати корхоналари фаолиятини рақамлаштиришга кўмаклашиш
9. Қурилиш материаллари саноатини ривожлантириш бўйича кенгашнинг қуйидаги таклифларига розилик берилсин:
(а) Уюшма бошқарув раисининг қурилиш материаллари саноати корхоналарида сунъий интеллект ва рақамлаштиришни жорий этишга кўмаклашиш масалалари бўйича биринчи ўринбосари лавозимини жорий этиш;
(б) Уюшма бошқарув раиси биринчи ўринбосарининг асосий вазифалари сифатида корхоналарда сунъий интеллект, рақамлаштириш ва автоматлаштириш бўйича лойиҳаларни амалиётга жорий этиш, маълумотлар бошқаруви ва рақамли инфратузилмани ривожлантиришга кўмаклашишни белгилаш.
10. Савдо-саноат палатаси Уюшма билан биргаликда уч ой муддатда алоҳида юридик шахс мақомидаги «Қурилиш материаллари саноати корхоналарида сунъий интеллект ва рақамлаштиришни қўллаб-қувватлаш компанияси»ни ташкил этиш чораларини кўрсин.
11. Иқтисодиёт ва молия вазирлиги қурилиш материаллари саноати корхоналарининг ишлаб чиқариш фаолиятига сунъий интеллект технологиялари, рақамлаштириш ва автоматлаштириш тизимларини жорий этиш, илмий салоҳиятни юксалтириш ҳамда энергия аудитдан ўтказиш харажатларини қоплаш учун 2026 йилдан бошлаб ҳар йили 100 миллиард сўмлик маблағлар Давлат бюджети параметрларида назарда тутилишини таъминласин.
12. Инвестициялар, саноат ва савдо вазирлиги, Савдо-саноат палатаси Уюшма билан биргаликда бир ой муддатда қурилиш материаллари саноати корхоналарининг ишлаб чиқариш фаолиятига сунъий интеллект технологиялари, рақамлаштириш ва автоматлаштириш тизимларини жорий этиш, илмий салоҳиятни юксалтириш ҳамда энергия аудитдан ўтказиш харажатларини қоплаш тартибини ишлаб чиқсин.
IV. Экологик тоза, ресурстежамкор ва энергосамарадор қурилиш материалларини ишлаб чиқаришни қўллаб-қувватлаш
13. Бино ва иншоотларни лойиҳалашда ва қуришда экологик тоза ҳамда энергосамарадор қурилиш материалларидан фойдаланиш назоратини ташкил этиш мақсадида 2026 йил 1 июлдан бошлаб шаҳарсозлик ҳужжатларини экспертиза қилиш ваколатига эга ташкилотлар томонидан лойиҳа-смета ҳужжатларини шаҳарсозлик экспертизасидан ўтказишда уларнинг қурилишда фойдаланиладиган қурилиш материаллари ҳажмининг камида 25 фоизини экологик тоза, ресурстежамкор ва энергосамарадор қурилиш материаллари ташкил этишига оид талабни текшириш амалиёти жорий қилинсин.
14. Қурилиш ва уй-жой коммунал хўжалиги вазирлиги Уюшма билан биргаликда:
(а) уч ой муддатда экологик тоза, ресурстежамкор ва энергосамарадор қурилиш материалларини аниқлаш услубиётини ишлаб чиқсин;
(б) 2026 йил 1 майга қадар бино ва иншоотларни қуришда фойдаланилиши тавсия этиладиган экологик тоза, ресурстежамкор ва энергосамарадор қурилиш материаллари рўйхатини тасдиқласин.
15. Бюджет буюртмасига асосан амалга ошириладиган давлат харидлари бўйича инвестиция лойиҳалари доирасида бино-иншоотлар, шу жумладан, ижтимоий соҳа объектларини барпо этишда маҳаллий қурилиш материаллари улуши камида 80 фоизни ташкил этиши шартлиги тўғрисидаги талаб белгилансин, бундан Вазирлар Маҳкамаси қарорлари билан белгиланадиган алоҳида объектлар мустасно.
16. Иқтисодиёт ва молия вазирлиги, Қурилиш ва уй-жой коммунал хўжалиги вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари ҳар йили 1 декабрга қадар келгуси йил учун режалаштирилган қурилиш объектлари учун қурилиш материаллари ҳажми бўйича ҳудудлар кесимидаги прогноз маълумотларни Уюшмага тақдим этсин.
17. Иқтисодиёт ва молия вазирлиги, Энергетика вазирлиги ва Уюшма юқори қўшилган қийматли қурилиш материаллари ишлаб чиқариш корхоналарини табиий газ билан узлуксиз таъминлаш чораларини кўрсин.
18. Энергетика вазирлиги Уюшма тавсиясига асосан ҳар йили 1 сентябрга қадар кўмир ёқилғисини дастлабки қиздириш учун лимит асосида табиий газ етказиб бериладиган қурилиш материаллари ишлаб чиқариш корхоналари рўйхатини тасдиқласин.
19. 2026 йил 1 январдан бошлаб маҳаллий саноат корхоналарига улар томонидан ишлаб чиқарилган маҳсулотларни Ўзбекистон ҳудудида оммавий ахборот воситалари (телевидение, радио, газета ва журналлар, онлайн реклама, билборд, интернет тармоғидаги хорижий ахборот ресурсларида, шу жумладан, ижтимоий тармоқлар, савдо майдончалари ва мобил иловаларда жойлаштириш) орқали тарғибот ва ташвиқот қилиш харажатларини Савдога кўмаклашиш жамғармаси маблағлари ҳисобидан қоплаб беришга рухсат этилсин. Бунда:
(а) мазкур харажатларнинг 50 фоиздан 100 фоизгача қисми, бироқ бир календарь йилда 250 миллион сўмдан кўп бўлмаган қисми қоплаб берилади;
(б) Савдо-саноат палатасининг хулосасига асосан саноат корхоналарига компенсациялар тақдим этилади.
Савдо-саноат палатаси уч ҳафта муддатда компенсацияларни тақдим этиш тартибини ишлаб чиқиб, Вазирлар Маҳкамасига тасдиқлаш учун киритсин.
V. Қурилиш материалларини ишлаб чиқариш жараёнларини илмий тадқиқотлар билан интеграция қилиш
20. Олий таълим, фан ва инновациялар вазирлиги ҳузуридаги Инновацион ривожланиш агентлиги 2026 йил 1 январдан бошлаб:
(а) Илм-фанни молиялаштириш ва инновацияларни қўллаб-қувватлаш жамғармаси маблағлари ҳисобидан қурилиш материаллари соҳасида фаолият олиб бораётган ёш олимлар учун белгиланган тартибда хорижий илмий стажировка танловини эълон қилиш;
(б) Уюшма ва Тошкент архитектура-қурилиш университети томонидан тақдим этилган рўйхатга асосан Давлат бюджетидан илмий фаолиятга оид давлат дастурларига ажратилган маблағлар ҳисобидан 2026 — 2028 йиллар учун умумий молиялаштириш ҳажми 30 миллиард сўмлик илмий лойиҳалар танловларини эълон қилиш чораларини кўрсин. Бунда эълон матнида танловга келиб тушган лойиҳа ҳужжатлари Қурилиш материаллари саноати илмий-техникавий кенгашига юборилиши ва уларнинг ижобий хулосаси асосида саралашнинг кейинги босқичига ўтказилиши назарда тутилади.
21. Ўзбекистон техник жиҳатдан тартибга солиш агентлиги Уюшма билан биргаликда бир ой муддатда қурилиш материаллари саноати корхоналари вакиллари малакасини Ўзбекистон стандартлар институтида ошириш бўйича уч йиллик дастурни тасдиқласин.
22. Белгилансинки, малака ошириш курсларида 2026 йил 1 февралдан бошлаб аниқ режа-графикка асосан ҳар йили қурилиш материаллари саноати корхона вакилларининг халқаро стандартлар, Жаҳон савдо ташкилоти қоидалари, сифат менежменти, маҳсулотлар сифати ва хавфсизлиги, мувофиқликни баҳолаш ва техник жиҳатдан тартибга солиш йўналишлари бўйича малакаси белгиланган тартибда оширилади.
VI. Қурилиш материалларининг хавфсизлигини назорат қилишни кучайтириш, қурилиш чиқиндиларини қайта ишлаш ва утилизация қилишни ташкил этиш
23. Шундай тартиб ўрнатилсинки, унга мувофиқ 2026 йил 1 мартдан бошлаб:
(а) «Техник тартибга солиш» ва «Шаффоф қурилиш» ахборот тизимларининг ўзаро интеграцияси доирасида хавфсизлиги номувофиқ деб топилган қурилиш материаллари ишлаб чиқарувчилари ва етказиб берувчиларининг электрон реестри юритилади;
(б) электрон реестр маълумотлари Қурилиш ва уй-жой коммунал хўжалиги соҳасида назорат қилиш инспекцияси (кейинги ўринларда — Қурилиш назорати инспекцияси) томонидан қурилиш объектларида ўтказиладиган назорат тадбирлари натижаларида олинадиган маълумотларни интеграция қилиш орқали шакллантирилади;
(в) «Техник тартибга солиш» ва «Шаффоф қурилиш» ахборот тизимларидаги қурилиш материалларининг электрон реестрида ишлаб чиқарган қурилиш материалларининг хавфсизлиги номувофиқ деб топилган корхоналар давлат харидларида иштирок этиши тақиқланади;
(г) хавфли қурилиш материалларини ишлаб чиқарувчи ва етказиб берувчи корхоналарнинг жамоатчилик учун очиқ рўйхатини тегишли ахборот тизимлари, Уюшма ва бошқа ваколатли давлат органларининг расмий веб-саҳифаларида эълон қилиш амалиёти йўлга қўйилади.
24. Аниқланган хавфли қурилиш материаллари қайта муомалага чиқиб кетишини назорат қилиш мақсадида белгилансинки, 2026 йил 1 февралдан бошлаб:
(а) буюртмачилар ва ишлаб чиқарувчиларга тегишлилиги бўйича қурилиш объекти ва ишлаб чиқариш корхоналарида хавфлилиги аниқланган, ваколатли давлат органлари томонидан белгиланган тартибда муомаладан чиқаришга мажбурий кўрсатма берилган қурилиш материалларини қурилиш чиқиндиларини қайта ишлашга ихтисослашган корхоналар ёки чиқинди полигонларига шартнома доирасида юбориш мажбурияти юкланади;
(б) мазкур мажбурият бажарилишини назорат қилиш тегишлича Экология ва иқлим ўзгариши миллий қўмитаси (кейинги ўринларда — Экология қўмитаси) Давлат экологик назорат инспекцияси ва Техник жиҳатдан тартибга солиш соҳасида назорат инспекцияси томонидан амалга оширилади;
(в) Қурилиш назорати инспекцияси ва Техник жиҳатдан тартибга солиш соҳасида назорат инспекцияси томонидан мазкур мажбуриятни бажаришни талаб қилиш бўйича бериладиган мажбурий кўрсатмалар Экология қўмитасининг Ситуацион марказига интеграция қилинади;
(г) Бош прокуратура (С. Самадов) мазкур мажбурият аниқ ва бир хилда бажарилиши устидан қатъий назорат ўрнатилишини таъминлайди.
25. 2026 йил 1 июндан бошлаб қурилиш чиқиндиларини такрорий фойдаланиш, қайта ишлаш ёки утилизация қилишга йўналтиришнинг қуйидаги тартиби жорий этилсин:
(а) буюртмачи-юридик шахслар томонидан бинолар ва иншоотлар, йўллар ва муҳандислик-коммуникация тармоқларини қуриш, реконструкция қилиш, таъмирлаш ёки бузиш ишларида ҳосил бўладиган қурилиш чиқиндилари қурилиш чиқиндиларини қайта ишлаш фаолияти билан шуғулланувчи тадбиркорлик субъектлари ёки чиқинди полигонларига шартнома доирасида тақдим этилади;
(б) қурилиш ишлари бўйича лойиҳа-смета ҳужжатларини ишлаб чиқишда қурилиш жараёнида ҳосил бўладиган қурилиш чиқиндилари ҳажмини ва уларни тўплаш жойларини белгилаш, шунингдек, улар билан боғлиқ ишларни амалга ошириш бўйича лойиҳавий ечимлар назарда тутилиши мажбурий ҳисобланади;
(в) қурилиш чиқиндиларининг атмосфера ҳавосига таъсирининг олдини олиш мақсадида буюртмачи томонидан амалдаги шаҳарсозлик нормалари ва қоидаларига мувофиқ чанг ва ёқимсиз ҳидларни бартараф этиш чоралари кўрилади.
26. Қурилиш ва уй-жой коммунал хўжалиги вазирлиги бир ой муддатда қурилиш жараёнида фойдаланиладиган автоклав ва автоклавсиз усулда ишлаб чиқарилган газбетон маҳсулотларни қўллаш доирасини аниқ белгиловчи норматив ҳужжатларга ўзгартиришлар киритиш бўйича таклифларни ишлаб чиқиб, Ўзбекистон Республикаси Президенти Администрациясига киритсин.
VII. Қарор ижросини ташкил этиш, таъминлаш ва назорат
27. Ўзбекистон Республикаси Президентининг 2019 йил 20 февралдаги «Қурилиш материаллари саноатини тубдан такомиллаштириш ва комплекс ривожлантириш чора-тадбирлари тўғрисида»ги ПҚ-4198-сон қарори 2-бандининг «г» кичик банди қуйидаги таҳрирда баён этилсин:
«г) 2026 йил 1 январдан бошлаб «Ўзсаноатқурилишматериаллари» уюшмасини жорий таъминлаш ва унинг фаолиятини молиялаштириш Савдо-саноат палатасининг Тармоқларни қўллаб-қувватлаш жамғармаси ҳисобидан асосланган смета-ҳужжатларига мувофиқ амалга оширилади».
28. Савдо-саноат палатаси Уюшма, манфаатдор вазирлик ва идоралар билан биргаликда икки ой муддатда қонунчилик ҳужжатларига мазкур қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
29. Мазкур қарорнинг ижросини самарали ташкил қилишга масъул ва шахсий жавобгар этиб Бош вазир ўринбосарлари Ж.А. Қўчқоров ва Ж.А. Ходжаев, қурилиш ва уй-жой коммунал хўжалиги вазири Ш.С. Хидоятов ҳамда Қурилиш ва уй-жой коммунал хўжалиги соҳасида назорат қилиш инспекцияси бошлиғи С.Қ. Эшқувватов белгилансин.
30. Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2025 йил 1 декабрдаги ПҚ-365-сон қарорига 1-ИЛОВА
Қурилиш материалларини ишлаб чиқариш корхоналарининг кредит фоиз харажатларини компенсация қилиш
1. Қурилиш материаллари ишлаб чиқариш лойиҳаларининг бизнес-режасидаги иш ўринларини яратиш ва маҳсулотлар реализациясидан тушум каби кўрсаткичлар бажарилишининг ўртача миқдори 2025-2026 йилларда 30 фоиздан ва 2027-2028 йилларда 50 фоиздан юқори бўлган қурилиш материаллари ишлаб чиқарувчиларига «Тадбиркорликни ривожлантириш компанияси» акциядорлик жамияти томонидан ажратилаётган компенсация ёрдами қайта тикланади ва тўлаб берилади.
2. 2025 йил 1 ноябрга қадар қурилиш материалларини ишлаб чиқариш мақсадида ажратилган кредит (лизинг)лар миқдоридан қатъи назар, унинг 20 миллиард сўмгача бўлган қисми бўйича ҳисобот ойи якунида муддати ўтган қарздорлик мавжуд бўлмаган тақдирда:
(а) Марказий банк асосий ставкасининг икки бараваридан ортиқ бўлмаган ставкада миллий валютада ажратилган кредит фоизининг асосий ставкадан 4 фоиз пунктдан юқори қисми, бироқ 10 фоиз пунктдан ошмаган миқдорда;
(б) хорижий валютада ажратилган кредит фоизининг 8 фоиз пунктдан юқори қисми, бироқ 4 фоиз пунктдан ошмаган миқдорда 2028 йилга қадар компенсация қилиб берилади.
3. 2026-2027 йилларда қурилиш материалларини ишлаб чиқариш мақсадида тижорат банклари томонидан ажратиладиган кредитлар бўйича кредит миқдоридан қатъи назар, унинг 20 миллиард сўм эквивалентидан ошмаган қисми бўйича:
(а) айланма маблағларни тўлдириш мақсадлари учун:
(i) Марказий банк асосий ставкасининг икки бараваридан ортиқ бўлмаган ставкада миллий валютада ажратиладиган кредитлар бўйича асосий ставкадан 4 фоиз пункт юқори қисми, бироқ 5 фоиз пунктдан ошмаган миқдорда;
(ii) хорижий валютада ажратиладиган кредит фоиз ставкасининг 8 фоиздан юқори қисми, бироқ 3 фоиз пунктдан ошмаган миқдорда 12 ой муддатгача;
(б) лойиҳани амалга ошириш билан боғлиқ бўлган асосий воситаларни сотиб олиш учун ажратиладиган кредитлар бўйича:
(i) Марказий банк асосий ставкасининг икки бараваридан ортиқ бўлмаган ставкада миллий валютада ажратиладиган кредитлар бўйича асосий ставкадан 4 фоиз пункт юқори қисми, бироқ 10 фоиз пунктдан ошмаган миқдорда;
(ii) хорижий валютадаги кредит фоиз ставкасининг 8 фоиздан юқори қисми, бироқ 5 фоиз пунктдан ошмаган миқдорда уч йилгача муддатгача компенсация тақдим этилади.
Бунда компенсация «2+1» тамойили асосида, аввал кредитнинг дастлабки икки йилига тақдим этилади, кейинги бир йил учун маҳсулот (хизмат)ларни реализация қилишдан тушган йиллик тушум аввалги йилнинг мос даврига нисбатан 15 фоиз ва ундан ортиқ миқдорда ошган тақдирда, кейинги йил давомида ҳар ойда тўлаб берилади.
4. Кредит фоиз харажатларини компенсация қилиш кичик ва ўрта тадбиркорлик субъектларининг барқарорлик рейтинги ҳамда ҳудуд тоифасидан қатъи назар амалга оширилади.
5. 1 , 2 , 3 ва 4-бандларда назарда тутилган имтиёзлардан бир вақтда фойдаланишга йўл қўйилмайди.
Ўзбекистон Республикаси Президентининг 2025 йил 1 декабрдаги ПҚ-365-сон қарорига 2-ИЛОВА
«Ўзсаноатқурилишматериаллари» уюшмаси билан «Электрон ҳукумат» тизимининг идоралараро интеграциялашув платформаси орқали ўзаро электрон маълумотлар алмашинуви йўлга қўйиладиган давлат органлари ва маълумотлар
Т/р Ахборот тизимлари интеграция қилинадиган ташкилотлар Маълумот тури 1. Миллий статистика қўмитаси Қурилиш материаллари ишлаб чиқарувчи тадбиркорлик субъектларининг СТИР рақамлари, ишлаб чиқариладиган маҳсулотлар МСТ ва ТИФ ТН кодлари, ишлаб чиқариш ва экспорт кўрсаткичлари, энергия ресурслари ва нефть маҳсулотлари (электр энергия, кўмир, мазут, табиий газ, суюлтирилган газ, ичимлик ва техник сув, бензин, дизель) истеъмоли, ходимлар сони ҳамда алоқа ўрнатиш рақамлари. 2. Божхона қўмитаси Қурилиш материалларининг ташқи иқтисодий фаолият ва товар номенклатураси кодлари кесимида экспорт ва импорт кўрсаткичлари, божхона омборларида мавжуд ишлаб чиқариш технологиялари. 3. Солиқ қўмитаси Қурилиш материаллари ишлаб чиқарувчи тадбиркорлик субъектларининг СТИР, молиявий ҳисобот маълумотлари бўйича даромад ва харажатлари, тўлаган солиқлари, солиқ қарзининг суммаси, ходимларнинг рўйхатдаги ўртача сони тўғрисидаги маълумотлар.
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 1 декабрь,
ПҚ-365-сон
Oʻzbekiston Respublikasi Prezidentining
Qarori
TARTIBI
ROʻYXATI
Qurilish materiallari sanoatini rivojlantirish chora-tadbirlari toʻgʻrisida
Qurilish materiallari sanoatida raqobatbardoshlikni yanada oshirish, qoʻshilgan qiymatli qurilish materiallarini ishlab chiqarish hajmini kengaytirish, sohada amaliyot va ilmiy tadqiqotlarning oʻzaro integratsiyasini taʼminlash, sifat nazoratini kuchaytirish, malakali kadrlar tayyorlash jarayonlarini takomillashtirish maqsadida qaror qilaman:
I. Maqsadlar
1. Quyidagilar qurilish materiallari sanoatini rivojlantirish doirasidagi asosiy vazifalar etib belgilansin:
(a) ishlab chiqarish hajmini 62 trillion soʻmga yetkazish;
(b) qurilish sanoati korxonalarining eksport salohiyatini oshirish va eksport hajmini 1,5 milliard AQSH dollariga yetkazish uchun zarur sharoitlarni yaratish;
(v) ekologik toza, resurstejamkor va energosamarador qurilish materiallari ishlab chiqarish hamda qurilishda ulardan foydalanishni bosqichma-bosqich yoʻlga qoʻyish;
(g) qurilish materiallarini ishlab chiqarish jarayonlarining ilmiy tadqiqotlar bilan integratsiyasini taʼminlash;
(d) qurilish materiallari xavfsizligini nazorat qilishni kuchaytirish.
II. Qurilish materiallarini ishlab chiqarish va eksport qilish salohiyatini oshirish uchun zarur sharoitlar yaratish
2. Jahon savdo tashkiloti bilan ishlash boʻyicha idoralararo komissiya (J. Xodjayev) ikki hafta muddatda 2028-yil 1-yanvarga qadar import qilishda bojxona bojidan ozod etiladigan qurilish materiallarini ishlab chiqarish uchun zarur boʻlgan xomashyo va materiallar roʻyxatini tasdiqlasin.
3. Investitsiyalar, sanoat va savdo vazirligi Savdo-sanoat palatasi, Bojxona qoʻmitasi va Tashqi ishlar vazirligi bilan birgalikda ikki oy muddatda:
(a) Marokash, Tunis, Misr, Jazoir, Saudiya Arabistoni, Qatar, Moʻgʻuliston davlatlari bilan hukumatlararo muzokaralar oʻtkazish dasturini;
(b) mazkur davlatlar bilan bir taraflama oʻrnatilgan import bojlarini bekor qilish va mahsulotlar kelib chiqishi toʻgʻrisidagi sertifikatlarni (certificate of origin) ikki taraflama oʻzaro tan olish amaliyotini yoʻlga qoʻyish boʻyicha 2027-yilgacha moʻljallangan chora-tadbirlar dasturini ishlab chiqib, amalga oshirsin.
4. Qurilish materiallarini ishlab chiqarish korxonalarining kredit foiz xarajatlarini kompensatsiya qilish tartibi 1-ilovaga muvofiq tasdiqlansin.
5. 2026-yil 1-fevralga qadar Bojxona qoʻmitasi, Soliq qoʻmitasi, Milliy statistika qoʻmitasi va “Oʻzsanoatqurilishmateriallari” uyushmasi (keyingi oʻrinlarda — Uyushma) oʻrtasida 2-ilovada nazarda tutilgan maʼlumotlar boʻyicha “Elektron hukumat” tizimining idoralararo integratsiyalashuv platformasi orqali oʻzaro elektron maʼlumotlar almashinuvi yoʻlga qoʻyilsin.
6. Bosh vazir oʻrinbosari J.Xodjayev Uyushma, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari bilan birgalikda bir oy muddatda qurilish materiallari ishlab chiqarishni tashkil etish boʻyicha amalga oshiriladigan 3,5 milliard AQSH dollari miqdoridagi investitsiya loyihalarining yigʻma parametrlarini tasdiqlasin.
7. Belgilansinki, qora metallar va qora metallar prokati (TIF TN boʻyicha kodi — 7210) mahsulotlari oldindan haqi toʻlanmasdan, akkreditiv ochilmasdan, bank kafolati rasmiylashtirilmasdan va eksport kontraktini siyosiy va tijorat tavakkalchiliklaridan sugʻurta qilish boʻyicha polis mavjud boʻlmasdan xorijiy valyutaga eksport qilish boʻyicha imtiyozlar tatbiq etilmaydigan tovarlar sifatida tavsif etilmaydi.
8. Davlat xavfsizlik xizmati Chegara qoʻshinlari Oʻzbekiston hududida roʻyxatdan oʻtgan ishlab chiqaruvchi korxonalar vakillarining Afgʻoniston hududiga “Termiz” avtoyoʻl oʻtkazish punkti orqali Davlat chegarasidan xavfsiz oʻtib qaytishlarini taʼminlasin.
III. Qurilish materiallari sanoati korxonalari faoliyatini raqamlashtirishga koʻmaklashish
9. Qurilish materiallari sanoatini rivojlantirish boʻyicha kengashning quyidagi takliflariga rozilik berilsin:
(a) Uyushma boshqaruv raisining qurilish materiallari sanoati korxonalarida sunʼiy intellekt va raqamlashtirishni joriy etishga koʻmaklashish masalalari boʻyicha birinchi oʻrinbosari lavozimini joriy etish;
(b) Uyushma boshqaruv raisi birinchi oʻrinbosarining asosiy vazifalari sifatida korxonalarda sunʼiy intellekt, raqamlashtirish va avtomatlashtirish boʻyicha loyihalarni amaliyotga joriy etish, maʼlumotlar boshqaruvi va raqamli infratuzilmani rivojlantirishga koʻmaklashishni belgilash.
10. Savdo-sanoat palatasi Uyushma bilan birgalikda uch oy muddatda alohida yuridik shaxs maqomidagi “Qurilish materiallari sanoati korxonalarida sunʼiy intellekt va raqamlashtirishni qoʻllab-quvvatlash kompaniyasi”ni tashkil etish choralarini koʻrsin.
11. Iqtisodiyot va moliya vazirligi qurilish materiallari sanoati korxonalarining ishlab chiqarish faoliyatiga sunʼiy intellekt texnologiyalari, raqamlashtirish va avtomatlashtirish tizimlarini joriy etish, ilmiy salohiyatni yuksaltirish hamda energiya auditdan oʻtkazish xarajatlarini qoplash uchun 2026-yildan boshlab har yili 100 milliard soʻmlik mablagʻlar Davlat budjeti parametrlarida nazarda tutilishini taʼminlasin.
12. Investitsiyalar, sanoat va savdo vazirligi, Savdo-sanoat palatasi Uyushma bilan birgalikda bir oy muddatda qurilish materiallari sanoati korxonalarining ishlab chiqarish faoliyatiga sunʼiy intellekt texnologiyalari, raqamlashtirish va avtomatlashtirish tizimlarini joriy etish, ilmiy salohiyatni yuksaltirish hamda energiya auditdan oʻtkazish xarajatlarini qoplash tartibini ishlab chiqsin.
IV. Ekologik toza, resurstejamkor va energosamarador qurilish materiallarini ishlab chiqarishni qoʻllab-quvvatlash
13. Bino va inshootlarni loyihalashda va qurishda ekologik toza hamda energosamarador qurilish materiallaridan foydalanish nazoratini tashkil etish maqsadida 2026-yil 1-iyuldan boshlab shaharsozlik hujjatlarini ekspertiza qilish vakolatiga ega tashkilotlar tomonidan loyiha-smeta hujjatlarini shaharsozlik ekspertizasidan oʻtkazishda ularning qurilishda foydalaniladigan qurilish materiallari hajmining kamida 25 foizini ekologik toza, resurstejamkor va energosamarador qurilish materiallari tashkil etishiga oid talabni tekshirish amaliyoti joriy qilinsin.
14. Qurilish va uy-joy kommunal xoʻjaligi vazirligi Uyushma bilan birgalikda:
(a) uch oy muddatda ekologik toza, resurstejamkor va energosamarador qurilish materiallarini aniqlash uslubiyotini ishlab chiqsin;
(b) 2026-yil 1-mayga qadar bino va inshootlarni qurishda foydalanilishi tavsiya etiladigan ekologik toza, resurstejamkor va energosamarador qurilish materiallari roʻyxatini tasdiqlasin.
15. Budjet buyurtmasiga asosan amalga oshiriladigan davlat xaridlari boʻyicha investitsiya loyihalari doirasida bino-inshootlar, shu jumladan, ijtimoiy soha obyektlarini barpo etishda mahalliy qurilish materiallari ulushi kamida 80 foizni tashkil etishi shartligi toʻgʻrisidagi talab belgilansin, bundan Vazirlar Mahkamasi qarorlari bilan belgilanadigan alohida obyektlar mustasno.
16. Iqtisodiyot va moliya vazirligi, Qurilish va uy-joy kommunal xoʻjaligi vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari har yili 1-dekabrga qadar kelgusi yil uchun rejalashtirilgan qurilish obyektlari uchun qurilish materiallari hajmi boʻyicha hududlar kesimidagi prognoz maʼlumotlarni Uyushmaga taqdim etsin.
17. Iqtisodiyot va moliya vazirligi, Energetika vazirligi va Uyushma yuqori qoʻshilgan qiymatli qurilish materiallari ishlab chiqarish korxonalarini tabiiy gaz bilan uzluksiz taʼminlash choralarini koʻrsin.
18. Energetika vazirligi Uyushma tavsiyasiga asosan har yili 1-sentabrga qadar koʻmir yoqilgʻisini dastlabki qizdirish uchun limit asosida tabiiy gaz yetkazib beriladigan qurilish materiallari ishlab chiqarish korxonalari roʻyxatini tasdiqlasin.
19. 2026-yil 1-yanvardan boshlab mahalliy sanoat korxonalariga ular tomonidan ishlab chiqarilgan mahsulotlarni Oʻzbekiston hududida ommaviy axborot vositalari (televideniye, radio, gazeta va jurnallar, onlayn reklama, bilbord, internet tarmogʻidagi xorijiy axborot resurslarida, shu jumladan, ijtimoiy tarmoqlar, savdo maydonchalari va mobil ilovalarda joylashtirish) orqali targʻibot va tashviqot qilish xarajatlarini Savdoga koʻmaklashish jamgʻarmasi mablagʻlari hisobidan qoplab berishga ruxsat etilsin. Bunda:
(a) mazkur xarajatlarning 50 foizdan 100 foizgacha qismi, biroq bir kalendar yilda 250 million soʻmdan koʻp boʻlmagan qismi qoplab beriladi;
(b) Savdo-sanoat palatasining xulosasiga asosan sanoat korxonalariga kompensatsiyalar taqdim etiladi.
Savdo-sanoat palatasi uch hafta muddatda kompensatsiyalarni taqdim etish tartibini ishlab chiqib, Vazirlar Mahkamasiga tasdiqlash uchun kiritsin.
V. Qurilish materiallarini ishlab chiqarish jarayonlarini ilmiy tadqiqotlar bilan integratsiya qilish
20. Oliy taʼlim, fan va innovatsiyalar vazirligi huzuridagi Innovatsion rivojlanish agentligi 2026-yil 1-yanvardan boshlab:
(a) Ilm-fanni moliyalashtirish va innovatsiyalarni qoʻllab-quvvatlash jamgʻarmasi mablagʻlari hisobidan qurilish materiallari sohasida faoliyat olib borayotgan yosh olimlar uchun belgilangan tartibda xorijiy ilmiy stajirovka tanlovini eʼlon qilish;
(b) Uyushma va Toshkent arxitektura-qurilish universiteti tomonidan taqdim etilgan roʻyxatga asosan Davlat budjetidan ilmiy faoliyatga oid davlat dasturlariga ajratilgan mablagʻlar hisobidan 2026 — 2028-yillar uchun umumiy moliyalashtirish hajmi 30 milliard soʻmlik ilmiy loyihalar tanlovlarini eʼlon qilish choralarini koʻrsin. Bunda eʼlon matnida tanlovga kelib tushgan loyiha hujjatlari Qurilish materiallari sanoati ilmiy-texnikaviy kengashiga yuborilishi va ularning ijobiy xulosasi asosida saralashning keyingi bosqichiga oʻtkazilishi nazarda tutiladi.
21. Oʻzbekiston texnik jihatdan tartibga solish agentligi Uyushma bilan birgalikda bir oy muddatda qurilish materiallari sanoati korxonalari vakillari malakasini Oʻzbekiston standartlar institutida oshirish boʻyicha uch yillik dasturni tasdiqlasin.
22. Belgilansinki, malaka oshirish kurslarida 2026-yil 1-fevraldan boshlab aniq reja-grafikka asosan har yili qurilish materiallari sanoati korxona vakillarining xalqaro standartlar, Jahon savdo tashkiloti qoidalari, sifat menejmenti, mahsulotlar sifati va xavfsizligi, muvofiqlikni baholash va texnik jihatdan tartibga solish yoʻnalishlari boʻyicha malakasi belgilangan tartibda oshiriladi.
VI. Qurilish materiallarining xavfsizligini nazorat qilishni kuchaytirish, qurilish chiqindilarini qayta ishlash va utilizatsiya qilishni tashkil etish
23. Shunday tartib oʻrnatilsinki, unga muvofiq 2026-yil 1-martdan boshlab:
(a) “Texnik tartibga solish” va “Shaffof qurilish” axborot tizimlarining oʻzaro integratsiyasi doirasida xavfsizligi nomuvofiq deb topilgan qurilish materiallari ishlab chiqaruvchilari va yetkazib beruvchilarining elektron reyestri yuritiladi;
(b) elektron reyestr maʼlumotlari Qurilish va uy-joy kommunal xoʻjaligi sohasida nazorat qilish inspeksiyasi (keyingi oʻrinlarda — Qurilish nazorati inspeksiyasi) tomonidan qurilish obyektlarida oʻtkaziladigan nazorat tadbirlari natijalarida olinadigan maʼlumotlarni integratsiya qilish orqali shakllantiriladi;
(v) “Texnik tartibga solish” va “Shaffof qurilish” axborot tizimlaridagi qurilish materiallarining elektron reyestrida ishlab chiqargan qurilish materiallarining xavfsizligi nomuvofiq deb topilgan korxonalar davlat xaridlarida ishtirok etishi taqiqlanadi;
(g) xavfli qurilish materiallarini ishlab chiqaruvchi va yetkazib beruvchi korxonalarning jamoatchilik uchun ochiq roʻyxatini tegishli axborot tizimlari, Uyushma va boshqa vakolatli davlat organlarining rasmiy veb-sahifalarida eʼlon qilish amaliyoti yoʻlga qoʻyiladi.
24. Aniqlangan xavfli qurilish materiallari qayta muomalaga chiqib ketishini nazorat qilish maqsadida belgilansinki, 2026-yil 1-fevraldan boshlab:
(a) buyurtmachilar va ishlab chiqaruvchilarga tegishliligi boʻyicha qurilish obyekti va ishlab chiqarish korxonalarida xavfliligi aniqlangan, vakolatli davlat organlari tomonidan belgilangan tartibda muomaladan chiqarishga majburiy koʻrsatma berilgan qurilish materiallarini qurilish chiqindilarini qayta ishlashga ixtisoslashgan korxonalar yoki chiqindi poligonlariga shartnoma doirasida yuborish majburiyati yuklanadi;
(b) mazkur majburiyat bajarilishini nazorat qilish tegishlicha Ekologiya va iqlim oʻzgarishi milliy qoʻmitasi (keyingi oʻrinlarda — Ekologiya qoʻmitasi) Davlat ekologik nazorat inspeksiyasi va Texnik jihatdan tartibga solish sohasida nazorat inspeksiyasi tomonidan amalga oshiriladi;
(v) Qurilish nazorati inspeksiyasi va Texnik jihatdan tartibga solish sohasida nazorat inspeksiyasi tomonidan mazkur majburiyatni bajarishni talab qilish boʻyicha beriladigan majburiy koʻrsatmalar Ekologiya qoʻmitasining Situatsion markaziga integratsiya qilinadi;
(g) Bosh prokuratura (S. Samadov) mazkur majburiyat aniq va bir xilda bajarilishi ustidan qatʼiy nazorat oʻrnatilishini taʼminlaydi.
25. 2026-yil 1-iyundan boshlab qurilish chiqindilarini takroriy foydalanish, qayta ishlash yoki utilizatsiya qilishga yoʻnaltirishning quyidagi tartibi joriy etilsin:
(a) buyurtmachi-yuridik shaxslar tomonidan binolar va inshootlar, yoʻllar va muhandislik-kommunikatsiya tarmoqlarini qurish, rekonstruksiya qilish, taʼmirlash yoki buzish ishlarida hosil boʻladigan qurilish chiqindilari qurilish chiqindilarini qayta ishlash faoliyati bilan shugʻullanuvchi tadbirkorlik subyektlari yoki chiqindi poligonlariga shartnoma doirasida taqdim etiladi;
(b) qurilish ishlari boʻyicha loyiha-smeta hujjatlarini ishlab chiqishda qurilish jarayonida hosil boʻladigan qurilish chiqindilari hajmini va ularni toʻplash joylarini belgilash, shuningdek, ular bilan bogʻliq ishlarni amalga oshirish boʻyicha loyihaviy yechimlar nazarda tutilishi majburiy hisoblanadi;
(v) qurilish chiqindilarining atmosfera havosiga taʼsirining oldini olish maqsadida buyurtmachi tomonidan amaldagi shaharsozlik normalari va qoidalariga muvofiq chang va yoqimsiz hidlarni bartaraf etish choralari koʻriladi.
26. Qurilish va uy-joy kommunal xoʻjaligi vazirligi bir oy muddatda qurilish jarayonida foydalaniladigan avtoklav va avtoklavsiz usulda ishlab chiqarilgan gazbeton mahsulotlarni qoʻllash doirasini aniq belgilovchi normativ hujjatlarga oʻzgartirishlar kiritish boʻyicha takliflarni ishlab chiqib, Oʻzbekiston Respublikasi Prezidenti Administratsiyasiga kiritsin.
VII. Qaror ijrosini tashkil etish, taʼminlash va nazorat
27. Oʻzbekiston Respublikasi Prezidentining 2019-yil 20-fevraldagi “Qurilish materiallari sanoatini tubdan takomillashtirish va kompleks rivojlantirish chora-tadbirlari toʻgʻrisida”gi PQ-4198-son qarori 2-bandining “g” kichik bandi quyidagi tahrirda bayon etilsin:
“g) 2026-yil 1-yanvardan boshlab “Oʻzsanoatqurilishmateriallari” uyushmasini joriy taʼminlash va uning faoliyatini moliyalashtirish Savdo-sanoat palatasining Tarmoqlarni qoʻllab-quvvatlash jamgʻarmasi hisobidan asoslangan smeta-hujjatlariga muvofiq amalga oshiriladi”.
28. Savdo-sanoat palatasi Uyushma, manfaatdor vazirlik va idoralar bilan birgalikda ikki oy muddatda qonunchilik hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
29. Mazkur qarorning ijrosini samarali tashkil qilishga masʼul va shaxsiy javobgar etib Bosh vazir oʻrinbosarlari J.A. Qoʻchqorov va J.A. Xodjayev, qurilish va uy-joy kommunal xoʻjaligi vaziri Sh.S. Xidoyatov hamda Qurilish va uy-joy kommunal xoʻjaligi sohasida nazorat qilish inspeksiyasi boshligʻi S.Q. Eshquvvatov belgilansin.
30. Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2025-yil 1-dekabrdagi PQ-365-son qaroriga 1-ILOVA
Qurilish materiallarini ishlab chiqarish korxonalarining kredit foiz xarajatlarini kompensatsiya qilish
1. Qurilish materiallari ishlab chiqarish loyihalarining biznes-rejasidagi ish oʻrinlarini yaratish va mahsulotlar realizatsiyasidan tushum kabi koʻrsatkichlar bajarilishining oʻrtacha miqdori 2025-2026-yillarda 30 foizdan va 2027-2028-yillarda 50 foizdan yuqori boʻlgan qurilish materiallari ishlab chiqaruvchilariga “Tadbirkorlikni rivojlantirish kompaniyasi” aksiyadorlik jamiyati tomonidan ajratilayotgan kompensatsiya yordami qayta tiklanadi va toʻlab beriladi.
2. 2025-yil 1-noyabrga qadar qurilish materiallarini ishlab chiqarish maqsadida ajratilgan kredit (lizing)lar miqdoridan qatʼi nazar, uning 20 milliard soʻmgacha boʻlgan qismi boʻyicha hisobot oyi yakunida muddati oʻtgan qarzdorlik mavjud boʻlmagan taqdirda:
(a) Markaziy bank asosiy stavkasining ikki baravaridan ortiq boʻlmagan stavkada milliy valyutada ajratilgan kredit foizining asosiy stavkadan 4 foiz punktdan yuqori qismi, biroq 10 foiz punktdan oshmagan miqdorda;
(b) xorijiy valyutada ajratilgan kredit foizining 8 foiz punktdan yuqori qismi, biroq 4 foiz punktdan oshmagan miqdorda 2028-yilga qadar kompensatsiya qilib beriladi.
3. 2026-2027-yillarda qurilish materiallarini ishlab chiqarish maqsadida tijorat banklari tomonidan ajratiladigan kreditlar boʻyicha kredit miqdoridan qatʼi nazar, uning 20 milliard soʻm ekvivalentidan oshmagan qismi boʻyicha:
(a) aylanma mablagʻlarni toʻldirish maqsadlari uchun:
(i) Markaziy bank asosiy stavkasining ikki baravaridan ortiq boʻlmagan stavkada milliy valyutada ajratiladigan kreditlar boʻyicha asosiy stavkadan 4 foiz punkt yuqori qismi, biroq 5 foiz punktdan oshmagan miqdorda;
(ii) xorijiy valyutada ajratiladigan kredit foiz stavkasining 8 foizdan yuqori qismi, biroq 3 foiz punktdan oshmagan miqdorda 12 oy muddatgacha;
(b) loyihani amalga oshirish bilan bogʻliq boʻlgan asosiy vositalarni sotib olish uchun ajratiladigan kreditlar boʻyicha:
(i) Markaziy bank asosiy stavkasining ikki baravaridan ortiq boʻlmagan stavkada milliy valyutada ajratiladigan kreditlar boʻyicha asosiy stavkadan 4 foiz punkt yuqori qismi, biroq 10 foiz punktdan oshmagan miqdorda;
(ii) xorijiy valyutadagi kredit foiz stavkasining 8 foizdan yuqori qismi, biroq 5 foiz punktdan oshmagan miqdorda uch yilgacha muddatgacha kompensatsiya taqdim etiladi.
Bunda kompensatsiya “2+1” tamoyili asosida, avval kreditning dastlabki ikki yiliga taqdim etiladi, keyingi bir yil uchun mahsulot (xizmat)larni realizatsiya qilishdan tushgan yillik tushum avvalgi yilning mos davriga nisbatan 15 foiz va undan ortiq miqdorda oshgan taqdirda, keyingi yil davomida har oyda toʻlab beriladi.
4. Kredit foiz xarajatlarini kompensatsiya qilish kichik va oʻrta tadbirkorlik subyektlarining barqarorlik reytingi hamda hudud toifasidan qatʼi nazar amalga oshiriladi.
5. 1 , 2 , 3 va 4-bandlarda nazarda tutilgan imtiyozlardan bir vaqtda foydalanishga yoʻl qoʻyilmaydi.
Oʻzbekiston Respublikasi Prezidentining 2025-yil 1-dekabrdagi PQ-365-son qaroriga 2-ILOVA
“Oʻzsanoatqurilishmateriallari” uyushmasi bilan “Elektron hukumat” tizimining idoralararo integratsiyalashuv platformasi orqali oʻzaro elektron maʼlumotlar almashinuvi yoʻlga qoʻyiladigan davlat organlari va maʼlumotlar
T/r Axborot tizimlari integratsiya qilinadigan tashkilotlar Maʼlumot turi 1. Milliy statistika qoʻmitasi Qurilish materiallari ishlab chiqaruvchi tadbirkorlik subyektlarining STIR raqamlari, ishlab chiqariladigan mahsulotlar MST va TIF TN kodlari, ishlab chiqarish va eksport koʻrsatkichlari, energiya resurslari va neft mahsulotlari (elektr energiya, koʻmir, mazut, tabiiy gaz, suyultirilgan gaz, ichimlik va texnik suv, benzin, dizel) isteʼmoli, xodimlar soni hamda aloqa oʻrnatish raqamlari. 2. Bojxona qoʻmitasi Qurilish materiallarining tashqi iqtisodiy faoliyat va tovar nomenklaturasi kodlari kesimida eksport va import koʻrsatkichlari, bojxona omborlarida mavjud ishlab chiqarish texnologiyalari. 3. Soliq qoʻmitasi Qurilish materiallari ishlab chiqaruvchi tadbirkorlik subyektlarining STIR, moliyaviy hisobot maʼlumotlari boʻyicha daromad va xarajatlari, toʻlagan soliqlari, soliq qarzining summasi, xodimlarning roʻyxatdagi oʻrtacha soni toʻgʻrisidagi maʼlumotlar.
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 1-dekabr,
PQ-365-son
Президента Республики Узбекистан
Постановление
О мерах по развитию промышленности строительных материалов
В целях дальнейшего повышения конкурентоспособности в промышленности строительных материалов, расширения объемов производства строительных материалов с добавленной стоимостью, обеспечения взаимной интеграции практики и научных исследований в сфере, усиления контроля качества, совершенствования процессов подготовки квалифицированных кадров постановляю:
I. Цели
1. Определить основными задачами в рамках развития промышленности строительных материалов:
(а) доведение объема производства до 62 триллионов сумов;
(б) создание необходимых условий для повышения экспортного потенциала предприятий строительной отрасли и доведения объема экспорта до 1,5 миллиарда долларов США;
(в) производство экологически чистых, ресурсосберегающих и энергоэффективных строительных материалов, а также поэтапное налаживание их использования в строительстве;
(г) обеспечение интеграции процессов производства строительных материалов с научными исследованиями;
(д) усиление контроля безопасности строительных материалов.
II. Создание необходимых условий для производства строительных материалов и повышения их экспортного потенциала
2. Межведомственной комиссии по работе со Всемирной торговой организацией (Ж. Ходжаев) в двухнедельный срок утвердить перечень сырья и материалов, необходимых для производства строительных материалов, освобождаемых на срок до 1 января 2028 года от таможенной пошлины при импорте.
3. Министерству инвестиций, промышленности и торговли совместно с Торгово-промышленной палатой, Таможенным комитетом и Министерством иностранных дел в двухмесячный срок разработать и реализовать:
(а) программу проведения межправительственных переговоров с государствами Марокко, Тунис, Египет, Алжир, Саудовская Аравия, Катар, Монголия;
(б) программу мер до 2027 года по отмене импортных пошлин, установленных в одностороннем порядке с данными государствами, и налаживанию практики двустороннего взаимного признания сертификатов о происхождении товаров (certificate of origin).
4. Утвердить Порядок компенсации процентных расходов предприятий по производству строительных материалов по кредитам согласно приложению № 1 * .
5. Внедрить до 1 февраля 2026 года взаимный электронный обмен данными между Таможенным комитетом, Налоговым комитетом, Национальным комитетом по статистике и Ассоциацией «Узпромстройматериалы» (далее — Ассоциация) по данным, предусмотренным в приложении № 2 * , посредством межведомственной интеграционной платформы системы «Электронное правительство».
6. Заместителю Премьер-министра Ж. Ходжаеву совместно с Ассоциацией, Советом Министров Республики Каракалпакстан, хокимиятами областей и города Ташкента в месячный срок утвердить сводные параметры инвестиционных проектов стоимостью 3,5 миллиарда долларов США, которые будут реализованы по организации производства строительных материалов.
7. Определить, что продукции черных металлов и проката черных металлов (код ТН ВЭД 7210) не характеризуются в качестве товаров, на которые не распространяются льготы по экспорту за иностранную валюту без предварительной оплаты, открытия аккредитива, оформления гарантии банка и наличия полиса по страхованию экспортного контракта от политических и коммерческих рисков.
8. Пограничным войскам Службы государственной безопасности обеспечить безопасное пересечение Государственной границы представителями производственных предприятий, зарегистрированных на территории Узбекистана, через автодорожный пропускной пункт «Термез» на территорию Афганистана.
III. Содействие цифровизации деятельности предприятий промышленности строительных материалов
9. Согласиться с предложениями Совета по развитию промышленности строительных материалов, предусматривающими:
(а) введение должности первого заместителя председателя правления Ассоциации по вопросам содействия внедрению искусственного интеллекта и цифровизации на предприятиях промышленности строительных материалов;
(б) определение в качестве основных задач первого заместителя председателя правления Ассоциации содействие внедрению в практику проектов по искусственному интеллекту, цифровизации и автоматизации, развитию управления данными и цифровой инфраструктуры на предприятиях.
10. Торгово-промышленной палате совместно с Ассоциацией в трехмесячный срок принять меры по созданию «Компании по поддержке искусственного интеллекта и цифровизации на предприятиях промышленности строительных материалов» в статусе юридического лица.
11. Министерству экономики и финансов обеспечить начиная с 2026 года предусмотрение в параметрах Государственного бюджета ежегодно 100 миллиардов сумов для покрытия расходов на внедрение технологий искусственного интеллекта, систем цифровизации и автоматизации в производственную деятельность предприятий промышленности строительных материалов, повышение научного потенциала, а также проведение энергетического аудита.
12. Министерству инвестиций, промышленности и торговли, Торгово-промышленной палате совместно с Ассоциацией в месячный срок разработать порядок покрытия расходов по внедрению технологий искусственного интеллекта, систем цифровизации и автоматизации в производственную деятельность предприятий промышленности строительных материалов, а также проведению энергетического аудита.
IV. Поддержка производства экологически чистых, ресурсосберегающих и энергоэффективных строительных материалов
13. В целях организации контроля использования экологически чистых и энергоэффективных строительных материалов при проектировании и строительстве зданий и сооружений с 1 июля 2026 года при проведении градостроительной экспертизы проектно-сметной документации организациями, в полномочия которых входит проведение экспертизы градостроительной документации, внедрить практику проверки требования составления экологически чистых, ресурсосберегающих и энергоэффективных строительных материалов минимум 25 процентов объема строительных материалов, используемых данными организациями при строительстве.
14. Министерству строительства и жилищно-коммунального хозяйства совместно с Ассоциацией:
(а) в трехмесячный срок разработать методологию определения экологически чистых, ресурсосберегающих и энергоэффективных строительных материалов;
(б) до 1 мая 2026 года утвердить перечень экологически чистых, ресурсосберегающих и энергоэффективных строительных материалов, рекомендуемых к использованию при строительстве зданий и сооружений.
15. Установить требование об обязательности составления доли отечественных строительных материалов минимум 80 процентов при возведении зданий и сооружений, в том числе объектов социальной сферы, в рамках инвестиционных проектов по государственным закупкам, осуществляемым по бюджетным заявкам, за исключением отдельных объектов, определяемых постановлениями Кабинета Министров.
16. Министерству экономики и финансов, Министерству строительства и жилищно-коммунального хозяйства, Совету Министров Республики Каракалпакстан, хокимиятам областей и города Ташкента ежегодно до 1 декабря представлять в Ассоциацию прогнозные данные в разрезе регионов по объему строительных материалов для строительных объектов, планируемых для следующего года.
17. Министерству экономики и финансов, Министерству энергетики и Ассоциации принять меры по бесперебойному обеспечению природным газом предприятий по производству строительных материалов с высокой добавленной стоимостью.
18. Министерству энергетики по рекомендации Ассоциации ежегодно до 1 сентября утверждать перечень предприятий по производству строительных материалов, которым природный газ поставляется на основе лимита на первоначальный нагрев угольного топлива.
19. Разрешить с 1 января 2026 года отечественным промышленным предприятиям покрывать расходы на пропаганду и рекламирование произведенных ими товаров на территории Узбекистана через средства массовой информации (по телевидению, радио, газеты и журналы, размещение онлайн-рекламы, на билбордах, в зарубежных информационных ресурсах в сети Интернет, в том числе в социальных сетях, на торговых площадках и в мобильных приложениях), за счет средств Фонда содействия торговле. При этом:
(а) покрывается часть данных расходов от 50 процентов до 100 процентов, но не более 250 миллионов сумов в один календарный год;
(б) промышленным предприятиям на основе заключения Торгово-промышленной палаты предоставляются компенсации.
Торгово-промышленной палате в трехнедельный срок разработать и внести на утверждение в Кабинет Министров порядок предоставления компенсаций.
V. Интеграция процессов производства строительных материалов с научными исследованиями
20. Агентству инновационного развития при Министерстве высшего образования, науки и инноваций начиная с 1 января 2026 года:
(а) объявлять конкурс на зарубежные научные стажировки в установленном порядке для молодых ученых, осуществляющих деятельность в сфере строительных материалов, за счет средств Фонда финансирования науки и поддержки инноваций;
(б) принять меры по объявлению конкурсов на научные проекты с общим объемом финансирования 30 миллиардов сумов на 2026 — 2028 годы за счет средств, выделенных на государственные программы по научной деятельности из Государственного бюджета на основании перечня, предоставленного Ассоциацией и Ташкентским архитектурно-строительным университетом. При этом в тексте объявления предусматриваются направление поступившей на конкурс проектной документации в Научно-технический совет промышленности строительных материалов и ее переход на следующий этап отбора на основе положительного заключения.
21. Узбекскому агентству по техническому регулированию совместно с Ассоциацией в месячный срок утвердить трехлетнюю программу по повышению квалификации представителей предприятий промышленности строительных материалов в Узбекском институте стандартов.
22. Установить, что на курсах повышения квалификации начиная с 1 февраля 2026 года представители предприятий промышленности строительных материалов будут на основе конкретного плана-графика ежегодно повышать квалификацию по таким направлениям, как международные стандарты, правила Всемирной торговой организации, менеджмент качества, качество и безопасность продукции, оценка соответствия и техническое регулирование.
VI. Усиление контроля безопасности строительных материалов, организация переработки и утилизации строительных отходов
23. Установить порядок, в соответствии с которым с 1 марта 2026 года:
(а) в рамках взаимной интеграции информационных систем «Техническое регулирование» и «Прозрачное строительство» ведется электронный реестр производителей и поставщиков строительных материалов, безопасность которых признана несоответствующей;
(б) данные электронного реестра формируются Инспекцией по контролю в сфере строительства и жилищно-коммунального хозяйства (далее — Инспекция по контролю строительства) посредством интеграции данных на основе результатов контрольных мероприятий, проводимых на строительных объектах;
(в) участие в государственных закупках предприятий, произведенные строительные материалы которых признаны несоответствующими в электронном реестре строительных материалов в информационных системах «Техническое регулирование» и «Прозрачное строительство», запрещается;
(г) внедряется практика опубликования открытого для общественности перечня предприятий-производителей и предприятий-поставщиков опасных строительных материалов в соответствующих информационных системах, на официальных веб-сайтах Ассоциации и других уполномоченных государственных органов.
24. Определить, что в целях контроля повторного выхода в обращение выявленных опасных строительных материалов начиная с 1 февраля 2026 года:
(а) на заказчиков и производителей строительных материалов, в отношении которых уполномоченными государственными органами выдано в установленном порядке обязательное предписание об изъятии из обращения строительных материалов, опасность которых выявлена соответственно на строительных и производственных объектах, возлагается обязанность отправки этих отходов предприятиям, специализированным на переработке строительных отходов, или полигонам отходов в рамках договора;
(б) контроль данного обязательства осуществляется Инспекцией государственного экологического контроля Национального комитета по экологии и изменению климата (далее — Комитет по экологии) и Инспекцией по контролю в области технического регулирования соответственно;
(в) обязательные предписания, предоставляемые по требованию исполнения данного обязательства по данному вопросу Инспекцией по контролю строительства и Инспекцией по контролю в области технического регулирования, интегрируются с Ситуационным центром Комитета по экологии;
(г) Генеральная прокуратура (С. Самадов) обеспечивает установление строгого контроля за точным и единообразным выполнением данного обязательства.
25. Внедрить с 1 июня 2026 года следующий порядок отправки строительных отходов на повторное использование, переработку или утилизацию, в соответствии с которым:
(а) строительные отходы, образующиеся при работах по строительству, реконструкции, ремонту или сносу зданий и сооружений, дорог и инженерных коммуникаций заказчиком — юридическим лицом предоставляются в рамках договора субъектам предпринимательства, занимающимся деятельностью по переработке строительных отходов, или полигонам отходов;
(б) определение при разработке проектно-сметной документации по строительным работам объемов и мест скопления образующихся в процессе строительства строительных отходов, а также предусмотрение проектных решений по осуществлению работ, связанных с ними, является обязательным;
(в) заказчик в целях предотвращения воздействия строительных отходов на атмосферный воздух принимает меры по устранению пыли и неприятных запахов в соответствии с действующими градостроительными нормами и правилами.
26. Министерству строительства и жилищно-коммунального хозяйства в месячный срок разработать и внести в Администрацию Президента Республики Узбекистан предложения по внесению изменений в нормативные акты, конкретно определяющие сферу применения газобетонной продукции, произведенной автоклавным и безавтоклавным методом, используемым в процессе строительства.
VII. Организация, обеспечение и контроль исполнения постановления
27. Подпункт «г» пункта 2 постановления Президента Республики Узбекистан от 20 февраля 2019 года № ПП-4198 «О мерах по коренному совершенствованию и комплексному развитию промышленности строительных материалов» изложить в следующей редакции:
«г) начиная с 1 января 2026 года текущее содержание и финансирование ее деятельности Ассоциации «Узпромстройматериалы» осуществляются согласно обоснованной сметной документации за счет Фонда поддержки отраслей Торгово-промышленной палаты».
28. Торгово-промышленной палате совместно с Ассоциацией, заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
29. Возложить на заместителей Премьер-министра Д.А. Кучкарова и Ж.А. Ходжаева, министра строительства и жилищно-коммунального хозяйства Ш.С. Хидоятова и начальника Инспекции по контролю в сфере строительства и жилищно-коммунального хозяйства С.К. Эшкувватова персональную ответственность за эффективную организацию исполнения настоящего постановления.
30. Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
1 декабря 2025 г.,
№ ПП-365