📅 2025-yil 4-dekabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 4 декабрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 4 декабря 2025 г. · Постановления Кабинета Министров
Официальный текст. Официальный документ. Редакционные примечания не включены.
📅 4 December 2025 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
РЎЙХАТИ
Булунғур, Сўх ва Тошкент шаҳри давлат ўрмон хўжаликлари фаолиятини ташкил этиш чора-тадбирлари тўғрисида
Ўзбекистон Республикаси Президентининг «Яшил макон» умуммиллий лойиҳаси доирасида ҳамда ўрмонларни бошқариш тизимида ислоҳотларни изчил давом эттириш, яшил ҳудудларни кенгайтириш чора-тадбирлари тўғрисида» 2025 йил 30 майдаги ПФ-90-сон Фармони ижросини таъминлаш, шунингдек, ўрмонлар ҳудудларини кенгайтириш, улардан самарали фойдаланиш ва чўлланишга қарши курашиш мақсадида Вазирлар Маҳкамаси қарор қилади:
1. Экология ва иқлим ўзгариши миллий қўмитаси, Иқтисодиёт ва молия вазирлиги, Самарқанд, Фарғона вилоятлари ҳамда Тошкент шаҳри ҳокимликларининг давлат муассасаси шаклидаги Булунғур, Сўх ва Тошкент шаҳри давлат ўрмон хўжаликларини ташкил этиш тўғрисидаги таклифлари маъқуллансин.
2. Булунғур, Сўх ва Тошкент шаҳри давлат ўрмон хўжаликларига доимий фойдаланиш ҳуқуқи асосида бериладиган ер участкалари рўйхати иловага мувофиқ тасдиқлансин.
3. Самарқанд, Фарғона вилоятлари ҳамда Тошкент шаҳри ҳокимликлари Қишлоқ хўжалиги вазирлиги, Экология ва иқлим ўзгариши миллий қўмитаси, Урбанизация ва уй-жой бозорини барқарор ривожлантириш миллий қўмитаси ҳузуридаги Кадастр агентлиги билан биргаликда икки ой муддатда:
а) ушбу қарорга иловага мувофиқ қишлоқ хўжалигига мўлжалланган ерларни ўрмон фонди ерлари тоифасига ўтказиш тўғрисида Қишлоқ хўжалигига мўлжалланган ва ўрмон фонди ерларининг ер фонди тоифаларини ўзгартириш масалаларини кўриб чиқиш бўйича Ҳукумат комиссиясига таклиф киритсин;
б) Булунғур, Сўх ва Тошкент шаҳри давлат ўрмон хўжаликларига белгиланган тартибда:
ушбу қарорга иловада назарда тутилган ер участкаларини доимий фойдаланиш ҳуқуқи асосида ажратиб берсин;
Ўрмон ва яшил ҳудудларни кўпайтириш, чўлланишга қарши курашиш агентлигининг сўровига асосан тегишлича Булунғур, Сўх туманлари ва Тошкент шаҳри ҳудудида жойлашган умумий фойдаланишдаги яшил ҳудудлар, шунингдек, «Яшил макон» умуммиллий лойиҳаси доирасида ташкил этилган ва ташкил этиладиган «яшил боғлар» ҳудудлари уларда суғориш тизимини яратиш, сақлаш, парваришлаш, зараркунанда ва касалликларга қарши курашиш тадбирларини амалга ошириш ҳамда бошқариш билан боғлиқ ишларни ташкил этиш учун доимий фойдаланиш ҳуқуқи асосида ажратилишини таъминлаб борсин.
4. Урбанизация ва уй-жой бозорини барқарор ривожлантириш миллий қўмитаси ҳузуридаги Кадастр агентлиги бир ой муддатда Ер ресурсларининг ҳолати тўғрисидаги миллий ҳисоботга ушбу қарорга иловадаги рўйхатга мувофиқ тегишли ўзгартиришлар киритсин.
5. Белгилансинки, Булунғур, Сўх ва Тошкент шаҳри давлат ўрмон хўжаликлари фаолиятини ташкил қилиш билан боғлиқ харажатлар тегишлича Самарқанд, Фарғона вилоятлари ҳамда Тошкент шаҳри маҳаллий бюджетлари, бюджетдан ташқари маблағлар ҳамда қонунчилик ҳужжатларида тақиқланмаган бошқа манбалар ҳисобидан молиялаштирилади.
6. Экология ва иқлим ўзгариши миллий қўмитаси бир ой муддатда Булунғур, Сўх ва Тошкент шаҳри давлат ўрмон хўжаликларининг тузилмалари, штатлар жадваллари белгиланган тартибда тасдиқланишини ҳамда улар юқори малакали мутахассислар билан тўлдирилишини таъминласин.
7. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари А.Ж. Раматов зиммасига юклансин.
Вазирлар Маҳкамасининг 2025 йил 4 декабрдаги 767-сон қарорига ИЛОВА
Булунғур, Сўх ва Тошкент шаҳри давлат ўрмон хўжаликларига доимий фойдаланиш ҳуқуқи асосида бериладиган ер участкалари
Ҳудуд номи Ердан фойдаланувчилар Контур рақами Ер майдони (га) I. Самарқанд вилояти (Булунғур давлат ўрмон хўжалиги) Булунғур тумани Жомбой давлат ўрмон хўжалиги 104, 146, 147, 148, 149, 150, 152, 171, 172, 173, 636, 638, 643, 645, 646, 647, 668, 672, 673, 769, 770, 792, 813, 855, 865, 873, 874, 875, 981, 983, 995, 996, 1017 241,5 Туман ҳокимлиги тасарруфидаги бўш турган қишлоқ хўжалигига мўлжалланган ерлар 2, 3, 4, 5, 6, 7, 13, 21, 22, 24, 25, 26, 27, 28, 29, 30, 151, 152, 153, 155, 156, 157, 158, 159, 183, 184, 185, 253, 254, 256, 257, 844, 850, 888, 896, 897, 898, 901, 902, 903, 906, 916, 917, 918, 919, 920, 921, 922, 930, 931, 960, 990, 1042, 1179, 1181, 1185, 1186, 1329, 1333 3 033,52 Жами 3 275,02 II. Фарғона вилояти (Сўх давлат ўрмон хўжалиги) Сўх тумани Фарғона давлат ўрмон хўжалиги 285, 287, 288, 289, 290, 291, 292, 293, 294, 295, 296, 298, 299, 477, 478, 479, 480, 481, 482, 484, 771, 772, 773, 774, 775, 776, 786, 787 3 980,3 Жами 3 980,3 III. Тошкент шаҳри (Тошкент шаҳри давлат ўрмон хўжалиги) Бектемир тумани Бектемир тумани газ таъминоти 41.251322 69.379342 0,03 Туман ҳокимлиги тасарруфидаги бўш турган қишлоқ хўжалигига мўлжалланган ерлар 422 23,32 Туман ҳокимлиги тасарруфидаги бўш турган қишлоқ хўжалигига мўлжалланган ерлар 324 23,83 Захира ерлар 41.249002 69.376769 0,03 Захира ерлар 41.249690 69.376891 0,32 Захира ерлар 41.250678 69.378179 0,80 Захира ерлар 41.251604 69.379673 0,07 Захира ерлар 41.252027 69.380289 0,10 Жами 60,24 Барчаси 7 315,56
Ўзбекистон Республикасининг Бош вазири А. АРИПОВ
Тошкент ш.,
2025 йил 4 декабрь,
767-сон
Oʻzbekiston Respublikasi Vazirlar Mahkamasining
qarori
ROʻYXATI
Bulungʻur, Soʻx va Toshkent shahri davlat oʻrmon xoʻjaliklari faoliyatini tashkil etish chora-tadbirlari toʻgʻrisida
Oʻzbekiston Respublikasi Prezidentining “Yashil makon” umummilliy loyihasi doirasida hamda oʻrmonlarni boshqarish tizimida islohotlarni izchil davom ettirish, yashil hududlarni kengaytirish chora-tadbirlari toʻgʻrisida” 2025-yil 30-maydagi PF-90-son Farmoni ijrosini taʼminlash, shuningdek, oʻrmonlar hududlarini kengaytirish, ulardan samarali foydalanish va choʻllanishga qarshi kurashish maqsadida Vazirlar Mahkamasi qaror qiladi:
1. Ekologiya va iqlim oʻzgarishi milliy qoʻmitasi, Iqtisodiyot va moliya vazirligi, Samarqand, Fargʻona viloyatlari hamda Toshkent shahri hokimliklarining davlat muassasasi shaklidagi Bulungʻur, Soʻx va Toshkent shahri davlat oʻrmon xoʻjaliklarini tashkil etish toʻgʻrisidagi takliflari maʼqullansin.
2. Bulungʻur, Soʻx va Toshkent shahri davlat oʻrmon xoʻjaliklariga doimiy foydalanish huquqi asosida beriladigan yer uchastkalari roʻyxati ilovaga muvofiq tasdiqlansin.
3. Samarqand, Fargʻona viloyatlari hamda Toshkent shahri hokimliklari Qishloq xoʻjaligi vazirligi, Ekologiya va iqlim oʻzgarishi milliy qoʻmitasi, Urbanizatsiya va uy-joy bozorini barqaror rivojlantirish milliy qoʻmitasi huzuridagi Kadastr agentligi bilan birgalikda ikki oy muddatda:
a) ushbu qarorga ilovaga muvofiq qishloq xoʻjaligiga moʻljallangan yerlarni oʻrmon fondi yerlari toifasiga oʻtkazish toʻgʻrisida Qishloq xoʻjaligiga moʻljallangan va oʻrmon fondi yerlarining yer fondi toifalarini oʻzgartirish masalalarini koʻrib chiqish boʻyicha Hukumat komissiyasiga taklif kiritsin;
b) Bulungʻur, Soʻx va Toshkent shahri davlat oʻrmon xoʻjaliklariga belgilangan tartibda:
ushbu qarorga ilovada nazarda tutilgan yer uchastkalarini doimiy foydalanish huquqi asosida ajratib bersin;
Oʻrmon va yashil hududlarni koʻpaytirish, choʻllanishga qarshi kurashish agentligining soʻroviga asosan tegishlicha Bulungʻur, Soʻx tumanlari va Toshkent shahri hududida joylashgan umumiy foydalanishdagi yashil hududlar, shuningdek, “Yashil makon” umummilliy loyihasi doirasida tashkil etilgan va tashkil etiladigan “yashil bogʻlar” hududlari ularda sugʻorish tizimini yaratish, saqlash, parvarishlash, zararkunanda va kasalliklarga qarshi kurashish tadbirlarini amalga oshirish hamda boshqarish bilan bogʻliq ishlarni tashkil etish uchun doimiy foydalanish huquqi asosida ajratilishini taʼminlab borsin.
4. Urbanizatsiya va uy-joy bozorini barqaror rivojlantirish milliy qoʻmitasi huzuridagi Kadastr agentligi bir oy muddatda Yer resurslarining holati toʻgʻrisidagi milliy hisobotga ushbu qarorga ilovadagi roʻyxatga muvofiq tegishli oʻzgartirishlar kiritsin.
5. Belgilansinki, Bulungʻur, Soʻx va Toshkent shahri davlat oʻrmon xoʻjaliklari faoliyatini tashkil qilish bilan bogʻliq xarajatlar tegishlicha Samarqand, Fargʻona viloyatlari hamda Toshkent shahri mahalliy budjetlari, budjetdan tashqari mablagʻlar hamda qonunchilik hujjatlarida taqiqlanmagan boshqa manbalar hisobidan moliyalashtiriladi.
6. Ekologiya va iqlim oʻzgarishi milliy qoʻmitasi bir oy muddatda Bulungʻur, Soʻx va Toshkent shahri davlat oʻrmon xoʻjaliklarining tuzilmalari, shtatlar jadvallari belgilangan tartibda tasdiqlanishini hamda ular yuqori malakali mutaxassislar bilan toʻldirilishini taʼminlasin.
7. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.J. Ramatov zimmasiga yuklansin.
Vazirlar Mahkamasining 2025-yil 4-dekabrdagi 767-son qaroriga ILOVA
Bulungʻur, Soʻx va Toshkent shahri davlat oʻrmon xoʻjaliklariga doimiy foydalanish huquqi asosida beriladigan yer uchastkalari
Hudud nomi Yerdan foydalanuvchilar Kontur raqami Yer maydoni (ga) I. Samarqand viloyati (Bulungʻur davlat oʻrmon xoʻjaligi) Bulungʻur tumani Jomboy davlat oʻrmon xoʻjaligi 104, 146, 147, 148, 149, 150, 152, 171, 172, 173, 636, 638, 643, 645, 646, 647, 668, 672, 673, 769, 770, 792, 813, 855, 865, 873, 874, 875, 981, 983, 995, 996, 1017 241,5 Tuman hokimligi tasarrufidagi boʻsh turgan qishloq xoʻjaligiga moʻljallangan yerlar 2, 3, 4, 5, 6, 7, 13, 21, 22, 24, 25, 26, 27, 28, 29, 30, 151, 152, 153, 155, 156, 157, 158, 159, 183, 184, 185, 253, 254, 256, 257, 844, 850, 888, 896, 897, 898, 901, 902, 903, 906, 916, 917, 918, 919, 920, 921, 922, 930, 931, 960, 990, 1042, 1179, 1181, 1185, 1186, 1329, 1333 3 033,52 Jami 3 275,02 II. Fargʻona viloyati (Soʻx davlat oʻrmon xoʻjaligi) Soʻx tumani Fargʻona davlat oʻrmon xoʻjaligi 285, 287, 288, 289, 290, 291, 292, 293, 294, 295, 296, 298, 299, 477, 478, 479, 480, 481, 482, 484, 771, 772, 773, 774, 775, 776, 786, 787 3 980,3 Jami 3 980,3 III. Toshkent shahri (Toshkent shahri davlat oʻrmon xoʻjaligi) Bektemir tumani Bektemir tumani gaz taʼminoti 41.251322 69.379342 0,03 Tuman hokimligi tasarrufidagi boʻsh turgan qishloq xoʻjaligiga moʻljallangan yerlar 422 23,32 Tuman hokimligi tasarrufidagi boʻsh turgan qishloq xoʻjaligiga moʻljallangan yerlar 324 23,83 Zaxira yerlar 41.249002 69.376769 0,03 Zaxira yerlar 41.249690 69.376891 0,32 Zaxira yerlar 41.250678 69.378179 0,80 Zaxira yerlar 41.251604 69.379673 0,07 Zaxira yerlar 41.252027 69.380289 0,10 Jami 60,24 Barchasi 7 315,56
Oʻzbekiston Respublikasining Bosh vaziri A. ARIPOV
Toshkent sh.,
2025-yil 4-dekabr,
767-son