UzbekAI

Ўзбекистон Республикаси Адлия вазирининг

буйруғи

НИЗОМ

Нотариусликка талабгорлар учун Адлия вазирлиги ҳузуридаги Юридик кадрларни қайта тайёрлаш ва малакасини ошириш институтида мажбурий ўқув курсларини ташкил этиш тартиби тўғрисидаги низомни тасдиқлаш ҳақида

Ўзбекистон Республикасининг «Нотариат тўғрисида»ги Қонуни , Ўзбекистон Республикаси Президентининг 2018 йил 13 апрелдаги ПҚ-3666-сон « Ўзбекистон Республикаси Адлия вазирлиги фаолиятини янада такомиллаштиришга доир ташкилий чора-тадбирлар тўғрисида »ги ва 2025 йил 9 сентябрдаги ПҚ-280-сон « Нотариат институтини янада ривожлантириш ҳамда соҳага замонавий ахборот-коммуникация технологияларини кенг жорий этишга оид қўшимча чора-тадбирлар тўғрисида »ги қарорлари ҳамда Ўзбекистон Республикаси Вазирлар Маҳкамасининг 2025 йил 19 мартдаги 171-сон «Ўзбекистон Республикаси Адлия вазирлиги ҳузуридаги Юридик кадрларни қайта тайёрлаш ва малакасини ошириш институти фаолиятини ташкил этиш чора-тадбирлари тўғрисида»ги қарорига мувофиқ буюраман:

1. Нотариусликка талабгорлар учун Адлия вазирлиги ҳузуридаги Юридик кадрларни қайта тайёрлаш ва малакасини ошириш институтида мажбурий ўқув курсларини ташкил этиш тартиби тўғрисидаги низом иловага мувофиқ тасдиқлансин.

2. Мазкур буйруқ Ўзбекистон Республикаси Нотариал палатаси билан келишилган.

3. Мазкур буйруқ 2026 йил 1 апрелдан бошлаб кучга киради.

Келишилди:

Ўзбекистон Республикаси адлия вазирининг 2025 йил 6 декабрдаги 27-мҳ-сон буйруғига ИЛОВА

Мазкур Низом нотариусликка талабгорлар (бундан буён матнда талабгорлар деб юритилади) учун Адлия вазирлиги ҳузуридаги Юридик кадрларни қайта тайёрлаш ва малакасини ошириш институтида (бундан буён матнда Институт деб юритилади) махсус тайёрлаш ўқув курсларини ташкил этиш тартибини белгилайди.

1-боб. Умумий қоидалар

1. Мазкур Низомда қуйидаги асосий тушунчалар қўлланилади:

махсус тайёрлаш ўқув курси (бундан буён матнда ўқув курси деб юритилади) — нотариус мақомига эга бўлиш учун талабгорларнинг нотариат соҳаси бўйича ишлаш ва иш юритишга йўналтирилган зарур билим, кўникма ва малакаларини шакллантиришга қаратилган ўқув шакли;

педагог-маслаҳатчи — таълим жараёнида ўқув курси бўйича тингловчилар фаолиятини мувофиқлаштирувчи ва йўналтирувчи, методик ёрдам кўрсатувчи, ўқиш ва билишни назорат қилувчи шахс;

талабгор — Ўзбекистон Республикасининг «Нотариат тўғрисида»ги Қонуни (бундан буён матнда Қонун деб юритилади) талабларига мувофиқ ўқув курсларида таълим олиш учун мурожаат қилган жисмоний шахс;

тингловчи — ўқиш учун тўловни амалга оширган ва ўқув курсларига қабул қилинган жисмоний шахс;

ўқув дастури — ўқув курсларининг таълим мазмунини, унинг тингловчилар томонидан ўзлаштирилишининг мақсадга мувофиқ усулларини ташкил этишни назарда тутадиган, ахборот манбаи бўлган, мутахассисликларнинг малака талаблари, ўқув курсининг асосий мазмуни ва методик тузилишини аниқлаб берувчи асосий ҳужжат.

2. Талабгорлар ўқув курсларида Институт билан ўзаро тузилган шартномага мувофиқ тўлов асосида ўқитилади. Ўқув курслари якуни бўйича синов имтиҳонини (бундан буён матнда синов имтиҳони деб юритилади) муваффақиятли топширган тақдирда уларга ўқув курсини тугатганлиги ҳақида сертификат (бундан буён матнда сертификат деб юритилади) берилади.

3. Талабгорлар учун ўқув курсларининг давомийлиги 72 соатни ташкил этади.

4. Талабгорлар учун ўқув курслари бевосита Институтда ёки масофавий таълим шаклида ташкил этилиши мумкин.

2-боб. Ўқув курсларини ташкил этиш

5. Ўқув курслари тўғрисидаги маълумотлар Институтнинг расмий веб-сайтига жойлаштирилади.

6. Ўқув курсларида ўқиш истагини билдирган талабгорлар мазкур Низомнинг 1-иловасига мувофиқ электрон ёки ёзма шаклдаги ариза билан Институтга мурожаат қилади.

7. Талабгорлар календар йил давомида узлуксиз мурожаат қилиши мумкин.

Бунда, нотариус стажёрларининг ўқув курсларида ўқиши стажировка тугагандан сўнг амалга оширилади.

8. Талабгорнинг аризаси Институт томонидан қабул қилиниб, Қонуннинг 2-моддаси талабларига мувофиқлиги аниқланган тақдирда, талабгорга ўқув курсида иштирок этиш учун шартнома тузиши мумкинлиги ҳақида уч иш кунида телефон рақами, электрон почта ёки яшаш манзилига хабарнома юборилади.

Бунда, талабгор Қонуннинг 2-моддаси талабларига мувофиқ эмаслиги аниқланган тақдирда, Институт томонидан ариза рад этилганлиги юзасидан асослантирилган ҳолда телефон рақами, электрон почта ёки яшаш манзилига хабарнома юборилади.

9. Институт ўқув курсларини ташкил этишда тингловчиларни Институтнинг ички тартиб ва ўқув жараёнини ташкиллаштириш қоидалари билан таништиради, шунингдек тингловчининг ўзлаштириш кўрсаткичи ва рейтинги ҳисобини юритади.

10. Шартномада кўрсатилган ўқитиш қиймати талабгор томонидан шартномада белгиланган муддатда тўлиқ тўлангандан сўнг, у Институт директорининг буйруғи билан ўқув курсларига қабул қилинади.

11. Институт талабгорлар томонидан юборилган аризаларга асосан ўқув гуруҳларини шакллантиради.

12. Ўқув курсларида ўқув жараёни, қоида тариқасида, 25 нафардан ортиқ бўлмаган тингловчилардан иборат академик гуруҳларда ташкил қилинади.

13. Ўқув курсларининг ўқув дастурлари Институт томонидан ишлаб чиқилиб, Ўзбекистон Республикаси Нотариал палатаси билан келишган ҳолда Институт томонидан тасдиқланади.

Бунда, ўқув дастури давлат ва жамият бошқаруви ҳамда коррупцияга қарши курашиш, фуқаролик ҳуқуқи, нотариат ва ворислик ҳуқуқи модуллари, шунингдек нотариал ҳаракатларнинг лойиҳаларини тайёрлаш машғулотларини қамраб олиши лозим.

14. Ўқув курсларида ўқув машғулотлари маъруза, семинар ва амалий машғулотлар шаклида ўтказилади.

15. Ўқув курсларини бевосита Институтда ўқиш истагини билдирган талабгорлар учун ўқув жараёнлари Институт аудиторияларида, масофавий таълим шаклида ўқиш истагини билдирган талабгорлар учун махсус электрон платформалардан фойдаланган ҳолда ўтказилади.

16. Барча турдаги ўқув машғулотларининг давомийлиги 80 дақиқани, ўқув машғулотлари ўртасидаги танаффус камида 10 дақиқани ташкил этади.

17. Тингловчилар ўқув курсларни ташкил этиш ва ўтказиш режасига, ўқиш давомийлигига амал қилиши, шунингдек, таълим жараёнида шахсан ўзи иштирок этиши талаб этилади.

18. Масофавий таълим шаклидаги ўқув курслари бўйича ўқитиш жараёнида бўлган тингловчиларнинг фаолияти, таълим жараёнини мувофиқлаштириш ва йўналтириш Институт директорининг буйруғи билан бириктириладиган педагог-маслаҳатчи томонидан амалга оширилади.

Масофавий таълим шаклидаги тингловчилар билан доимий алоқани йўлга қўйиш, тингловчиларга зарур методик ёрдам бериш педагог-маслаҳатчининг асосий вазифаларига киради.

Педагог-маслаҳатчи билан алоқа электрон почта, телефон ва бошқа электрон алоқа воситалари ёрдамида амалга оширилади. Педагог-маслаҳатчи билан алоқа сессиялар (бевосита юзма-юз мулоқот) тарзида ҳам амалга оширилиши мумкин.

3-боб. Ўқув курслари якуни бўйича синов имтиҳонларини ташкил этиш

19. Ўқув курслари якуни бўйича синов имтиҳонларини ташкил этиш ва ўтказиш учун Институт директорининг буйруғи билан беш кишидан иборат комиссия шакллантирилади.

Бунда, комиссия аъзоси тингловчи сифатида синов имтиҳонида иштирок этган тақдирда, мазкур комиссия таркибидан чиқарилади.

20. Комиссия аъзоларининг камида уч нафари қатнашса, ваколатли (кворумга эга) ҳисобланади.

21. Комиссия таркибидан комиссия раиси ва масъул котиб тайинланади.

22. Комиссия ҳужжатлари комиссиянинг масъул котиби томонидан юритилади.

23. Синов имтиҳонлари тингловчиларнинг билим ва кўникмаларини баҳолаш мақсадида бевосита Институтда ёки масофавий шаклда суҳбат тарзида ўтказилади.

Бунда, суҳбат саволлари ахборот технологияларидан фойдаланган ҳолда махсус электрон дастур орқали тасодифий равишда танланади.

24. Тингловчиларга саволларга жавоб беришга тайёргарлик кўришлари учун 15 дақиқагача вақт ажратилади.

Тайёргарлик кўриш учун берилган вақт тугагандан сўнг тингловчи комиссияга жавоб беради. Комиссия аъзолари айрим жавобларни аниқлаштириш мақсадида қўшимча саволлар бериши мумкин.

25. Тингловчиларга саволларга тайёргарлик кўриш вақтида алоқа ва телекоммуникация воситалари (телефон, компьютер, планшет ва бошқалар), китоб ҳамда шпаргалкалардан фойдаланиши ҳамда бошқа шахслар билан суҳбатлашиш тақиқланади.

26. Тингловчиларнинг билими ва ўзлаштириш даражаси комиссиянинг ҳар бир аъзоси томонидан бошқа аъзоларидан мустақил ҳолда мазкур Низомнинг 2-иловасига мувофиқ шаклда баҳолаш бюллетенида 100 баллик тизимда баҳоланади.

Бунда, комиссиянинг ҳар бир аъзоси талабгорларни қуйидаги мезонларга асосан баҳолайди:

берилган саволларга тўлиқ ва аниқ жавоб бериши, фаолият соҳаси билан боғлиқ тизимли билимларга эга бўлиши, улардан ўз касб фаолиятида мустақил фойдаланишни билиши, ижтимоий муаммолар ва жараёнларни мустақил таҳлил қила олиши — 86 — 100 балл;

берилган саволларга аниқ, бироқ тўлиқ жавоб беролмаслиги, фаолият соҳаси билан боғлиқ билимларга эга бўлиши, улардан ўз касб фаолиятида фойдаланишни билиши, ижтимоий муаммолар ва жараёнларни таҳлил қила олиши — 71 — 85 балл;

берилган саволларга тўлиқ жавоб беролмаслиги, фаолият соҳаси билан боғлиқ билимларга етарли даражада эга бўлиши, улардан ўз касб фаолиятида фойдаланишни билиши — 56 — 70 балл;

берилган саволларга ноаниқ жавоб бериши, фаолият соҳаси билан боғлиқ билимларга эга бўлиши, улардан ўз касб фаолиятида фойдаланишни билмаслиги — 41 — 55 балл;

берилган саволларга ноаниқ жавоб бериши, фаолият соҳаси билан боғлиқ билимларга етарли даражада эга эмаслиги — 1 — 40 балл;

берилган саволларга умуман жавоб бера олмаслиги — 0 балл.

Тингловчига комиссия аъзолари томонидан қўйилган баллар умумлаштирилиб, олиниши мумкин бўлган максимал баллнинг 56 фоизидан кам бўлмаган балл қўйилганда тингловчи ўқув курсини ўзлаштирган ҳисобланади.

27. Баҳолаш бюллетенларидаги баллар комиссия котиби томонидан ҳисоблаб чиқилади. Ҳисоблаш натижалари мазкур Низомнинг 3-иловасига мувофиқ шаклдаги йиғма баҳолаш бюллетенига киритилади ва комиссия аъзоларига тақдим этилади.

28. Тингловчилар томонидан тўпланган баллар синов имтиҳони ўтказилган куннинг ўзида тингловчиларга комиссия раиси томонидан ўқиб эшиттирилади.

29. Комиссия якуни бўйича синов имтиҳони баённомаси тузилади ва комиссия раиси томонидан тасдиқланади.

Бунда, синов имтиҳони баённомаси бир иш куни ичида тасдиқланиб, унинг кўчирма нусхаси тингловчиларга юборилади.

30. Синов имтиҳонини муваффақиятли топширган кундан бошлаб беш иш куни ичида тингловчига сертификат берилади.

31. Тингловчи синов имтиҳонини муваффақиятли топширмаган деб топилган тақдирда синов имтиҳонини қайта топшириш учун навбатдаги имтиҳонларда иштирок этиши мумкин.

Бунда, синов имтиҳонини қайта топшириш учун тўлов ундирилмайди.

32. Синов имтиҳонини муваффақиятли топширмаган ва қайта топшириш натижасида ҳам синов имтиҳонидан ўтолмаган тингловчига сертификат берилмайди.

33. Синов имтиҳони жараёни аудио ва видеоёзувда қайд қилинади ҳамда Институт томонидан бир йил мобайнида сақланади.

4-боб. Синов имтиҳони натижалари юзасидан апелляция бериш ва уни кўриб чиқиш

34. Тингловчи синов имтиҳони натижасидан норози бўлган тақдирда, у синов имтиҳони баённомаси нусхасини олган кундан бошлаб беш иш куни ичида Апелляция комиссиясига ёзма ёки электрон шаклда апелляция шикояти бериш ҳуқуқига эга.

35. Апелляция комиссияси Институт директорининг буйруғи асосида беш нафардан иборат таркибда тузилади.

Апелляция комиссияси таркибидан комиссияси раиси ва масъул котиб тайинланади.

Апелляция комиссиясига бошқа ташкилотлардан ҳам мутахассислар жалб этилиши мумкин.

36. Апелляция комиссияси унда аъзоларнинг камида уч нафари қатнашса, ваколатли (кворумга эга) ҳисобланади.

37. Бир шахс бир вақтнинг ўзида синов имтиҳони комиссияси ва апелляция комиссияси аъзоси бўлиши мумкин эмас.

38. Апелляция комиссияси апелляция шикоятини, у келиб тушган кундан бошлаб уч иш куни ичида кўриб чиқади.

39. Апелляция комиссияси апелляция шикояти билан мурожаат қилган тингловчини шикоятни кўриб чиқиш вақти ва жойи ҳақида огоҳлантиради.

40. Апелляция шикояти билан мурожаат қилган тингловчи мазкур шикоятни кўриб чиқишда иштирок этиш ҳуқуқига эга.

41. Апелляция шикоятини кўриб чиқишда апелляция комиссияси синов имтиҳони билан боғлиқ материалларни ҳар томонлама ўрганади. Апелляция комиссияси томонидан апелляция шикоятини кўриб чиқиш давомида тингловчига уни қайта баҳолашга қаратилган саволлар берилишига йўл қўйилмайди.

42. Апелляция шикоятини кўришда тингловчининг синов имтиҳони натижасида олган балларини пасайтиришга йўл қўйилмайди.

43. Шикоятни кўриб чиқиш натижалари бўйича апелляция комиссияси томонидан қуйидаги қарорлардан бири қабул қилинади:

синов имтиҳони натижаларини ўзгаришсиз қолдириш;

синов имтиҳони натижаларига ўзгартириш киритиш.

44. Апелляция комиссиясининг кўриб чиқилиши натижаси комиссияда иштирок этган барча аъзолар томонидан тасдиқланадиган баённома билан расмийлаштирилади.

45. Тингловчи апелляция комиссияси йиғилишида бевосита иштирок этган тақдирда комиссия қарори шикоят кўриб чиқилган куннинг ўзида эълон қилинади.

Тингловчи апелляция комиссияси йиғилишида иштирок этмаган тақдирда комиссия қароридан кўчирма баённома расмийлаштирилган кундан бошлаб бир иш куни ичида тингловчига юборилади.

46. Апелляция комиссияси томонидан синов имтиҳони натижаларига ўзгартириш киритилганда ҳамда тингловчи синов имтиҳонларини муваффақиятли топширган деб топилганда унга сертификат берилади.

47. Апелляция комиссияси қарори устидан тингловчи юқори турувчи органга ёки судга шикоят қилиши мумкин.

5-боб. Якуний қоидалар

48. Тингловчилар қуйидаги ҳолатларда ўқув курсидан четлаштирилади:

ўқув интизомини ва ички тартиб-қоидаларни бузганда;

ўқув курсидаги дарс машғулотларини узрли (касаллиги, давлат ёки жамоат вазифаларини бажарганлиги, яқин қариндошининг вафоти) сабабларсиз 18 соат ва ундан ортиқ қолдирганда;

саломатлиги туфайли (тиббий комиссия маълумотномаси асосида);

суд томонидан озодликдан маҳрум этилганда;

вафот этганда.

49. Мазкур Низом талаблари бузилишида айбдор бўлган шахслар қонунчилик ҳужжатларига мувофиқ жавоб беради.

Юридик кадрларни қайта тайёрлаш ва малакасини ошириш институтига _______________________________________ _______________________________________ (талабгорнинг яшаш манзили ва Ф.И.О.) АРИЗА Мени Юридик кадрларни қайта тайёрлаш ва малакасини ошириш институтининг нотариусликка талабгорлар учун ташкил этилган шартномага мувофиқ ўқитиладиган махсус тайёрлаш ўқув курсига қабул қилишингизни сўрайман. Телефон рақамим: ___________________________________ Электрон почта манзилим: _________________________________ Паспорт (идентификация ID -карта) маълумотларим: __________ _______________ ______________________ (серияси) (рақами) (ЖШШИР) __________________________ ______________ _____________________ (Ф.И.О) (Имзо) (сана)

Синов имтиҳонининг БАҲОЛАШ БЮЛЛЕТЕНИ Т/р Тингловчининг Ф.И.О. Қўйилган балл 1. 2. 3. ... Комиссия аъзоси _______________ _______________________________________ (имзо) (Ф.И.О.)

Синов имтиҳонининг ЙИҒМА БАҲОЛАШ БЮЛЛЕТЕНИ Т/р Тингловчининг Ф.И.О. Комиссия аъзоларининг Ф.И.О. ва улар томонидан қўйилган баллар Ф.И.О. Ф.И.О. Ф.И.О. Ф.И.О. Ф.И.О. 1. 2. 3. ... Комиссия аъзоси _______________ _______________________________________ (имзо) (Ф.И.О.) Комиссия аъзоси _______________ _______________________________________ (имзо) (Ф.И.О.) Комиссия аъзоси _______________ _______________________________________ (имзо) (Ф.И.О.)

Вазир А. ТАШКУЛОВ

Нотариал палата раиси Д. АШУРОВ

Тошкент ш.,

2025 йил 6 декабрь,

2025 йил 17 ноябрь

27-мҳ-сон

(Қонунчилик маълумотлари миллий базаси, 09.12.2025 й., 10/25/3721/1136-сон)

lex.uz

Oʻzbekiston Respublikasi Adliya vazirining

buyrugʻi

NIZOM

Notariuslikka talabgorlar uchun Adliya vazirligi huzuridagi Yuridik kadrlarni qayta tayyorlash va malakasini oshirish institutida majburiy oʻquv kurslarini tashkil etish tartibi toʻgʻrisidagi nizomni tasdiqlash haqida

Oʻzbekiston Respublikasining “Notariat toʻgʻrisida”gi Qonuni , Oʻzbekiston Respublikasi Prezidentining 2018-yil 13-apreldagi PQ-3666-son “ Oʻzbekiston Respublikasi Adliya vazirligi faoliyatini yanada takomillashtirishga doir tashkiliy chora-tadbirlar toʻgʻrisida ”gi va 2025-yil 9-sentabrdagi PQ-280-son “ Notariat institutini yanada rivojlantirish hamda sohaga zamonaviy axborot-kommunikatsiya texnologiyalarini keng joriy etishga oid qoʻshimcha chora-tadbirlar toʻgʻrisida ”gi qarorlari hamda Oʻzbekiston Respublikasi Vazirlar Mahkamasining 2025-yil 19-martdagi 171-son “Oʻzbekiston Respublikasi Adliya vazirligi huzuridagi Yuridik kadrlarni qayta tayyorlash va malakasini oshirish instituti faoliyatini tashkil etish chora-tadbirlari toʻgʻrisida”gi qaroriga muvofiq buyuraman:

1. Notariuslikka talabgorlar uchun Adliya vazirligi huzuridagi Yuridik kadrlarni qayta tayyorlash va malakasini oshirish institutida majburiy oʻquv kurslarini tashkil etish tartibi toʻgʻrisidagi nizom ilovaga muvofiq tasdiqlansin.

2. Mazkur buyruq Oʻzbekiston Respublikasi Notarial palatasi bilan kelishilgan.

3. Mazkur buyruq 2026-yil 1-apreldan boshlab kuchga kiradi.

Kelishildi:

Oʻzbekiston Respublikasi adliya vazirining 2025-yil 6-dekabrdagi 27-mh-son buyrugʻiga ILOVA

Notariuslikka talabgorlar uchun Adliya vazirligi huzuridagi Yuridik kadrlarni qayta tayyorlash va malakasini oshirish institutida majburiy oʻquv kurslarini tashkil etish tartibi toʻgʻrisidagi

Mazkur Nizom notariuslikka talabgorlar (bundan buyon matnda talabgorlar deb yuritiladi) uchun Adliya vazirligi huzuridagi Yuridik kadrlarni qayta tayyorlash va malakasini oshirish institutida (bundan buyon matnda Institut deb yuritiladi) maxsus tayyorlash oʻquv kurslarini tashkil etish tartibini belgilaydi.

1-bob. Umumiy qoidalar

1. Mazkur Nizomda quyidagi asosiy tushunchalar qoʻllaniladi:

maxsus tayyorlash oʻquv kursi (bundan buyon matnda oʻquv kursi deb yuritiladi) — notarius maqomiga ega boʻlish uchun talabgorlarning notariat sohasi boʻyicha ishlash va ish yuritishga yoʻnaltirilgan zarur bilim, koʻnikma va malakalarini shakllantirishga qaratilgan oʻquv shakli;

pedagog-maslahatchi — taʼlim jarayonida oʻquv kursi boʻyicha tinglovchilar faoliyatini muvofiqlashtiruvchi va yoʻnaltiruvchi, metodik yordam koʻrsatuvchi, oʻqish va bilishni nazorat qiluvchi shaxs;

talabgor — Oʻzbekiston Respublikasining “Notariat toʻgʻrisida”gi Qonuni (bundan buyon matnda Qonun deb yuritiladi) talablariga muvofiq oʻquv kurslarida taʼlim olish uchun murojaat qilgan jismoniy shaxs;

tinglovchi — oʻqish uchun toʻlovni amalga oshirgan va oʻquv kurslariga qabul qilingan jismoniy shaxs;

oʻquv dasturi — oʻquv kurslarining taʼlim mazmunini, uning tinglovchilar tomonidan oʻzlashtirilishining maqsadga muvofiq usullarini tashkil etishni nazarda tutadigan, axborot manbai boʻlgan, mutaxassisliklarning malaka talablari, oʻquv kursining asosiy mazmuni va metodik tuzilishini aniqlab beruvchi asosiy hujjat.

2. Talabgorlar oʻquv kurslarida Institut bilan oʻzaro tuzilgan shartnomaga muvofiq toʻlov asosida oʻqitiladi. Oʻquv kurslari yakuni boʻyicha sinov imtihonini (bundan buyon matnda sinov imtihoni deb yuritiladi) muvaffaqiyatli topshirgan taqdirda ularga oʻquv kursini tugatganligi haqida sertifikat (bundan buyon matnda sertifikat deb yuritiladi) beriladi.

3. Talabgorlar uchun oʻquv kurslarining davomiyligi 72 soatni tashkil etadi.

4. Talabgorlar uchun oʻquv kurslari bevosita Institutda yoki masofaviy taʼlim shaklida tashkil etilishi mumkin.

2-bob. Oʻquv kurslarini tashkil etish

5. Oʻquv kurslari toʻgʻrisidagi maʼlumotlar Institutning rasmiy veb-saytiga joylashtiriladi.

6. Oʻquv kurslarida oʻqish istagini bildirgan talabgorlar mazkur Nizomning 1-ilovasiga muvofiq elektron yoki yozma shakldagi ariza bilan Institutga murojaat qiladi.

7. Talabgorlar kalendar yil davomida uzluksiz murojaat qilishi mumkin.

Bunda, notarius stajyorlarining oʻquv kurslarida oʻqishi stajirovka tugagandan soʻng amalga oshiriladi.

8. Talabgorning arizasi Institut tomonidan qabul qilinib, Qonunning 2-moddasi talablariga muvofiqligi aniqlangan taqdirda, talabgorga oʻquv kursida ishtirok etish uchun shartnoma tuzishi mumkinligi haqida uch ish kunida telefon raqami, elektron pochta yoki yashash manziliga xabarnoma yuboriladi.

Bunda, talabgor Qonunning 2-moddasi talablariga muvofiq emasligi aniqlangan taqdirda, Institut tomonidan ariza rad etilganligi yuzasidan asoslantirilgan holda telefon raqami, elektron pochta yoki yashash manziliga xabarnoma yuboriladi.

9. Institut oʻquv kurslarini tashkil etishda tinglovchilarni Institutning ichki tartib va oʻquv jarayonini tashkillashtirish qoidalari bilan tanishtiradi, shuningdek tinglovchining oʻzlashtirish koʻrsatkichi va reytingi hisobini yuritadi.

10. Shartnomada koʻrsatilgan oʻqitish qiymati talabgor tomonidan shartnomada belgilangan muddatda toʻliq toʻlangandan soʻng, u Institut direktorining buyrugʻi bilan oʻquv kurslariga qabul qilinadi.

11. Institut talabgorlar tomonidan yuborilgan arizalarga asosan oʻquv guruhlarini shakllantiradi.

12. Oʻquv kurslarida oʻquv jarayoni, qoida tariqasida, 25 nafardan ortiq boʻlmagan tinglovchilardan iborat akademik guruhlarda tashkil qilinadi.

13. Oʻquv kurslarining oʻquv dasturlari Institut tomonidan ishlab chiqilib, Oʻzbekiston Respublikasi Notarial palatasi bilan kelishgan holda Institut tomonidan tasdiqlanadi.

Bunda, oʻquv dasturi davlat va jamiyat boshqaruvi hamda korrupsiyaga qarshi kurashish, fuqarolik huquqi, notariat va vorislik huquqi modullari, shuningdek notarial harakatlarning loyihalarini tayyorlash mashgʻulotlarini qamrab olishi lozim.

14. Oʻquv kurslarida oʻquv mashgʻulotlari maʼruza, seminar va amaliy mashgʻulotlar shaklida oʻtkaziladi.

15. Oʻquv kurslarini bevosita Institutda oʻqish istagini bildirgan talabgorlar uchun oʻquv jarayonlari Institut auditoriyalarida, masofaviy taʼlim shaklida oʻqish istagini bildirgan talabgorlar uchun maxsus elektron platformalardan foydalangan holda oʻtkaziladi.

16. Barcha turdagi oʻquv mashgʻulotlarining davomiyligi 80 daqiqani, oʻquv mashgʻulotlari oʻrtasidagi tanaffus kamida 10 daqiqani tashkil etadi.

17. Tinglovchilar oʻquv kurslarni tashkil etish va oʻtkazish rejasiga, oʻqish davomiyligiga amal qilishi, shuningdek, taʼlim jarayonida shaxsan oʻzi ishtirok etishi talab etiladi.

18. Masofaviy taʼlim shaklidagi oʻquv kurslari boʻyicha oʻqitish jarayonida boʻlgan tinglovchilarning faoliyati, taʼlim jarayonini muvofiqlashtirish va yoʻnaltirish Institut direktorining buyrugʻi bilan biriktiriladigan pedagog-maslahatchi tomonidan amalga oshiriladi.

Masofaviy taʼlim shaklidagi tinglovchilar bilan doimiy aloqani yoʻlga qoʻyish, tinglovchilarga zarur metodik yordam berish pedagog-maslahatchining asosiy vazifalariga kiradi.

Pedagog-maslahatchi bilan aloqa elektron pochta, telefon va boshqa elektron aloqa vositalari yordamida amalga oshiriladi. Pedagog-maslahatchi bilan aloqa sessiyalar (bevosita yuzma-yuz muloqot) tarzida ham amalga oshirilishi mumkin.

3-bob. Oʻquv kurslari yakuni boʻyicha sinov imtihonlarini tashkil etish

19. Oʻquv kurslari yakuni boʻyicha sinov imtihonlarini tashkil etish va oʻtkazish uchun Institut direktorining buyrugʻi bilan besh kishidan iborat komissiya shakllantiriladi.

Bunda, komissiya aʼzosi tinglovchi sifatida sinov imtihonida ishtirok etgan taqdirda, mazkur komissiya tarkibidan chiqariladi.

20. Komissiya aʼzolarining kamida uch nafari qatnashsa, vakolatli (kvorumga ega) hisoblanadi.

21. Komissiya tarkibidan komissiya raisi va masʼul kotib tayinlanadi.

22. Komissiya hujjatlari komissiyaning masʼul kotibi tomonidan yuritiladi.

23. Sinov imtihonlari tinglovchilarning bilim va koʻnikmalarini baholash maqsadida bevosita Institutda yoki masofaviy shaklda suhbat tarzida oʻtkaziladi.

Bunda, suhbat savollari axborot texnologiyalaridan foydalangan holda maxsus elektron dastur orqali tasodifiy ravishda tanlanadi.

24. Tinglovchilarga savollarga javob berishga tayyorgarlik koʻrishlari uchun 15 daqiqagacha vaqt ajratiladi.

Tayyorgarlik koʻrish uchun berilgan vaqt tugagandan soʻng tinglovchi komissiyaga javob beradi. Komissiya aʼzolari ayrim javoblarni aniqlashtirish maqsadida qoʻshimcha savollar berishi mumkin.

25. Tinglovchilarga savollarga tayyorgarlik koʻrish vaqtida aloqa va telekommunikatsiya vositalari (telefon, kompyuter, planshet va boshqalar), kitob hamda shpargalkalardan foydalanishi hamda boshqa shaxslar bilan suhbatlashish taqiqlanadi.

26. Tinglovchilarning bilimi va oʻzlashtirish darajasi komissiyaning har bir aʼzosi tomonidan boshqa aʼzolaridan mustaqil holda mazkur Nizomning 2-ilovasiga muvofiq shaklda baholash byulletenida 100 ballik tizimda baholanadi.

Bunda, komissiyaning har bir aʼzosi talabgorlarni quyidagi mezonlarga asosan baholaydi:

berilgan savollarga toʻliq va aniq javob berishi, faoliyat sohasi bilan bogʻliq tizimli bilimlarga ega boʻlishi, ulardan oʻz kasb faoliyatida mustaqil foydalanishni bilishi, ijtimoiy muammolar va jarayonlarni mustaqil tahlil qila olishi — 86 — 100 ball;

berilgan savollarga aniq, biroq toʻliq javob berolmasligi, faoliyat sohasi bilan bogʻliq bilimlarga ega boʻlishi, ulardan oʻz kasb faoliyatida foydalanishni bilishi, ijtimoiy muammolar va jarayonlarni tahlil qila olishi — 71 — 85 ball;

berilgan savollarga toʻliq javob berolmasligi, faoliyat sohasi bilan bogʻliq bilimlarga yetarli darajada ega boʻlishi, ulardan oʻz kasb faoliyatida foydalanishni bilishi — 56 — 70 ball;

berilgan savollarga noaniq javob berishi, faoliyat sohasi bilan bogʻliq bilimlarga ega boʻlishi, ulardan oʻz kasb faoliyatida foydalanishni bilmasligi — 41 — 55 ball;

berilgan savollarga noaniq javob berishi, faoliyat sohasi bilan bogʻliq bilimlarga yetarli darajada ega emasligi — 1 — 40 ball;

berilgan savollarga umuman javob bera olmasligi — 0 ball.

Tinglovchiga komissiya aʼzolari tomonidan qoʻyilgan ballar umumlashtirilib, olinishi mumkin boʻlgan maksimal ballning 56 foizidan kam boʻlmagan ball qoʻyilganda tinglovchi oʻquv kursini oʻzlashtirgan hisoblanadi.

27. Baholash byulletenlaridagi ballar komissiya kotibi tomonidan hisoblab chiqiladi. Hisoblash natijalari mazkur Nizomning 3-ilovasiga muvofiq shakldagi yigʻma baholash byulleteniga kiritiladi va komissiya aʼzolariga taqdim etiladi.

28. Tinglovchilar tomonidan toʻplangan ballar sinov imtihoni oʻtkazilgan kunning oʻzida tinglovchilarga komissiya raisi tomonidan oʻqib eshittiriladi.

29. Komissiya yakuni boʻyicha sinov imtihoni bayonnomasi tuziladi va komissiya raisi tomonidan tasdiqlanadi.

Bunda, sinov imtihoni bayonnomasi bir ish kuni ichida tasdiqlanib, uning koʻchirma nusxasi tinglovchilarga yuboriladi.

30. Sinov imtihonini muvaffaqiyatli topshirgan kundan boshlab besh ish kuni ichida tinglovchiga sertifikat beriladi.

31. Tinglovchi sinov imtihonini muvaffaqiyatli topshirmagan deb topilgan taqdirda sinov imtihonini qayta topshirish uchun navbatdagi imtihonlarda ishtirok etishi mumkin.

Bunda, sinov imtihonini qayta topshirish uchun toʻlov undirilmaydi.

32. Sinov imtihonini muvaffaqiyatli topshirmagan va qayta topshirish natijasida ham sinov imtihonidan oʻtolmagan tinglovchiga sertifikat berilmaydi.

33. Sinov imtihoni jarayoni audio va videoyozuvda qayd qilinadi hamda Institut tomonidan bir yil mobaynida saqlanadi.

4-bob. Sinov imtihoni natijalari yuzasidan apellyatsiya berish va uni koʻrib chiqish

34. Tinglovchi sinov imtihoni natijasidan norozi boʻlgan taqdirda, u sinov imtihoni bayonnomasi nusxasini olgan kundan boshlab besh ish kuni ichida Apellyatsiya komissiyasiga yozma yoki elektron shaklda apellyatsiya shikoyati berish huquqiga ega.

35. Apellyatsiya komissiyasi Institut direktorining buyrugʻi asosida besh nafardan iborat tarkibda tuziladi.

Apellyatsiya komissiyasi tarkibidan komissiyasi raisi va masʼul kotib tayinlanadi.

Apellyatsiya komissiyasiga boshqa tashkilotlardan ham mutaxassislar jalb etilishi mumkin.

36. Apellyatsiya komissiyasi unda aʼzolarning kamida uch nafari qatnashsa, vakolatli (kvorumga ega) hisoblanadi.

37. Bir shaxs bir vaqtning oʻzida sinov imtihoni komissiyasi va apellyatsiya komissiyasi aʼzosi boʻlishi mumkin emas.

38. Apellyatsiya komissiyasi apellyatsiya shikoyatini, u kelib tushgan kundan boshlab uch ish kuni ichida koʻrib chiqadi.

39. Apellyatsiya komissiyasi apellyatsiya shikoyati bilan murojaat qilgan tinglovchini shikoyatni koʻrib chiqish vaqti va joyi haqida ogohlantiradi.

40. Apellyatsiya shikoyati bilan murojaat qilgan tinglovchi mazkur shikoyatni koʻrib chiqishda ishtirok etish huquqiga ega.

41. Apellyatsiya shikoyatini koʻrib chiqishda apellyatsiya komissiyasi sinov imtihoni bilan bogʻliq materiallarni har tomonlama oʻrganadi. Apellyatsiya komissiyasi tomonidan apellyatsiya shikoyatini koʻrib chiqish davomida tinglovchiga uni qayta baholashga qaratilgan savollar berilishiga yoʻl qoʻyilmaydi.

42. Apellyatsiya shikoyatini koʻrishda tinglovchining sinov imtihoni natijasida olgan ballarini pasaytirishga yoʻl qoʻyilmaydi.

43. Shikoyatni koʻrib chiqish natijalari boʻyicha apellyatsiya komissiyasi tomonidan quyidagi qarorlardan biri qabul qilinadi:

sinov imtihoni natijalarini oʻzgarishsiz qoldirish;

sinov imtihoni natijalariga oʻzgartirish kiritish.

44. Apellyatsiya komissiyasining koʻrib chiqilishi natijasi komissiyada ishtirok etgan barcha aʼzolar tomonidan tasdiqlanadigan bayonnoma bilan rasmiylashtiriladi.

45. Tinglovchi apellyatsiya komissiyasi yigʻilishida bevosita ishtirok etgan taqdirda komissiya qarori shikoyat koʻrib chiqilgan kunning oʻzida eʼlon qilinadi.

Tinglovchi apellyatsiya komissiyasi yigʻilishida ishtirok etmagan taqdirda komissiya qaroridan koʻchirma bayonnoma rasmiylashtirilgan kundan boshlab bir ish kuni ichida tinglovchiga yuboriladi.

46. Apellyatsiya komissiyasi tomonidan sinov imtihoni natijalariga oʻzgartirish kiritilganda hamda tinglovchi sinov imtihonlarini muvaffaqiyatli topshirgan deb topilganda unga sertifikat beriladi.

47. Apellyatsiya komissiyasi qarori ustidan tinglovchi yuqori turuvchi organga yoki sudga shikoyat qilishi mumkin.

5-bob. Yakuniy qoidalar

48. Tinglovchilar quyidagi holatlarda oʻquv kursidan chetlashtiriladi:

oʻquv intizomini va ichki tartib-qoidalarni buzganda;

oʻquv kursidagi dars mashgʻulotlarini uzrli (kasalligi, davlat yoki jamoat vazifalarini bajarganligi, yaqin qarindoshining vafoti) sabablarsiz 18 soat va undan ortiq qoldirganda;

salomatligi tufayli (tibbiy komissiya maʼlumotnomasi asosida);

sud tomonidan ozodlikdan mahrum etilganda;

vafot etganda.

49. Mazkur Nizom talablari buzilishida aybdor boʻlgan shaxslar qonunchilik hujjatlariga muvofiq javob beradi.

Yuridik kadrlarni qayta tayyorlash va malakasini oshirish institutiga _______________________________________ _______________________________________ (talabgorning yashash manzili va F.I.O.) ARIZA Meni Yuridik kadrlarni qayta tayyorlash va malakasini oshirish institutining notariuslikka talabgorlar uchun tashkil etilgan shartnomaga muvofiq oʻqitiladigan maxsus tayyorlash oʻquv kursiga qabul qilishingizni soʻrayman. Telefon raqamim: ___________________________________ Elektron pochta manzilim: _________________________________ Pasport (identifikatsiya ID -karta) maʼlumotlarim: __________ _______________ ______________________ (seriyasi) (raqami) (JSHSHIR) __________________________ ______________ _____________________ (F.I.O) (Imzo) (sana)

Sinov imtihonining BAHOLASH BYULLETENI T/r Tinglovchining F.I.O. Qoʻyilgan ball 1. 2. 3. ... Komissiya aʼzosi _______________ _______________________________________ (imzo) (F.I.O.)

Sinov imtihonining YIGʻMA BAHOLASH BYULLETENI T/r Tinglovchining F.I.O. Komissiya aʼzolarining F.I.O. va ular tomonidan qoʻyilgan ballar F.I.O. F.I.O. F.I.O. F.I.O. F.I.O. 1. 2. 3. ... Komissiya aʼzosi _______________ _______________________________________ (imzo) (F.I.O.) Komissiya aʼzosi _______________ _______________________________________ (imzo) (F.I.O.) Komissiya aʼzosi _______________ _______________________________________ (imzo) (F.I.O.)

Vazir A. TASHKULOV

Notarial palata raisi D. ASHUROV

Toshkent sh.,

2025-yil 6-dekabr,

2025-yil 17-noyabr

27-mh-son

(Qonunchilik maʼlumotlari milliy bazasi, 09.12.2025-y., 10/25/3721/1136-son)

lex.uz