📅 2025-yil 29-noyabr · Vazirlik va idoralar hujjatlari · Sport vaziri
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 29 ноябрь · Вазирлик ва идоралар ҳужжатлари · Спорт вазири
Расмий матн. Расмий ҳужжат. Таҳририй изоҳлар киритилмаган.
📅 29 ноября 2025 г. · Документы министерств и ведомств · Министр Спорта
Официальный текст. Официальный документ. Редакционные примечания не включены.
📅 29 November 2025 · Ministry and agency documents · Sport vaziri
Official text. Official document. Editorial notes are not included.
Ўзбекистон Республикаси Спорт вазирининг
буйруғи
«Футбол бўйича спорт мусобақаларини ўтказиш вақтида томошабинларнинг (мухлисларнинг) ўзини тутиш қоидаларини тасдиқлаш ҳақида»ги буйруққа ўзгартиришлар ва қўшимча киритиш тўғрисида
Ўзбекистон Республикасининг «Жисмоний тарбия ва спорт тўғрисида»ги Қонуни ва Ўзбекистон Республикаси Вазирлар Маҳкамасининг 2014 йил 29 июлдаги 205-сон «Оммавий тадбирларни ташкил этиш ва ўтказиш тартибини янада такомиллаштириш чора-тадбирлари тўғрисида»ги қарорига мувофиқ буюраман:
1. Ўзбекистон Республикаси маданият ва спорт ишлари вазирининг 2013 йил 22 февралдаги 162-сон «Футбол бўйича спорт мусобақаларини ўтказиш вақтида томошабинларнинг (мухлисларнинг) ўзини тутиш қоидаларини тасдиқлаш ҳақида»ги буйруғига (рўйхат рақами 2430, 2013 йил 22 февраль) (Ўзбекистон Республикаси қонун ҳужжатлари тўплами, 2013 й., 8-сон, 113-модда) иловага мувофиқ ўзгартиришлар ва қўшимча киритилсин.
2. Мазкур буйруқ Ўзбекистон Республикаси Ички ишлар вазирлиги, Фавқулодда вазиятлар вазирлиги ҳамда Миллий гвардияси билан келишилган.
3. Мазкур буйруқ расмий эълон қилинган кундан эътиборан кучга киради.
Келишилди:
Ўзбекистон Республикаси спорт вазирининг 2025 йил 29 ноябрдаги 9-мҳ-сон буйруғига ИЛОВА
«Футбол бўйича спорт мусобақаларини ўтказиш вақтида томошабинларнинг (мухлисларнинг) ўзини тутиш қоидаларини тасдиқлаш ҳақида»ги буйруққа киритилаётган ўзгартиришлар ва қўшимча
1. Буйруқнинг муқаддимаси қуйидаги таҳрирда баён этилсин:
«Ўзбекистон Республикасининг «Жисмоний тарбия ва спорт тўғрисида»ги Қонуни ва Ўзбекистон Республикаси Вазирлар Маҳкамасининг 2014 йил 29 июлдаги 205-сон «Оммавий тадбирларни ташкил этиш ва ўтказиш тартибини янада такомиллаштириш чора-тадбирлари тўғрисида»ги қарорига мувофиқ буюраман:».
2. Қоидаларда :
1) муқаддима қуйидаги таҳрирда баён этилсин:
«Мазкур Қоидалар Ўзбекистон Республикаси ҳудудида жойлашган спорт иншоотларида (бундан буён матнда спорт иншоотлари деб юритилади) футбол бўйича спорт мусобақалари ва томоша тадбирларини ўтказиш вақтида томошабинларнинг (мухлисларнинг) ўзини тутиш тартибини белгилайди.»;
2) 1-банд қуйидаги таҳрирда баён этилсин:
«1. Спорт иншоотига кириш вақтида томошабинлар (мухлислар):
спорт иншооти ҳудудига ва трибуналарига чипталар ёки кириш ҳуқуқини берувчи бошқа ҳужжатлар бўйича кириш ва спорт иншоотининг умумий сиғими доирасида уларда кўрсатилган жойларни эгаллаш;
спорт иншооти ҳудудида жойлашган сақлаш камералари, гардероблар, буфетлар, қаҳвахоналар, маълумотлар бюроси, телефонлар, киоскалар ва шу кабилардан белгиланган тартибда фойдаланиш;
пластик сурнайлар, дастаси пластикдан бўлган байроқчалар, дастаси йўқ байроқлар, фотоаппаратлар, мобиль телефонларни спорт иншоотига олиб кириш ҳуқуқига эга.»;
3) 4-бандда :
биринчи хатбоши қуйидаги таҳрирда баён этилсин:
«4. Спорт иншоотига кириш вақтида томошабинларнинг (мухлисларнинг) мажбуриятлари:»;
иккинчи хатбошидаги «келишга» деган сўз «келиш» деган сўз билан алмаштирилсин;
учинчи хатбошидаги «кўрсатишга ҳамда уларнинг хавфсизлик ва тартибни сақлаш бўйича қонуний талабларини бажаришга мажбур» деган сўзлар «кўрсатиш ҳамда уларнинг хавфсизлик ва тартибни сақлаш бўйича қонуний талабларини бажариш» деган сўзлар билан алмаштирилсин;
4) 5-банддаги «чоғида» деган сўз «вақтида» деган сўз билан алмаштирилсин;
5) 9-банд қуйидаги таҳрирда баён этилсин:
«9. Футбол бўйича спорт мусобақалари ўтказилаётган вақтда томошабинларнинг (мухлисларнинг) мажбуриятлари:
жамоат тартибига ва умумий қабул қилинган хулқ-одоб нормаларига риоя қилиш;
спорт иншоотининг жиҳозларига эҳтиёткорлик билан муносабатда бўлиш;
спорт иншоотига ташриф буюриш тартибига риоя қилиш;
ёнғин хавфсизлиги қоидаларига амал қилиш;
бошқа жамоаларнинг мухлисларига нисбатан қўпол муносабатда бўлмаслик;
бошқаларга нисбатан ҳурмат билан муносабатда бўлишлари, атрофдагиларга хавф соладиган ҳаракатларни содир этмаслик;
шубҳали предметлар ва буюмларни кўрганда, шунингдек тутун ёки ёнғин содир бўлганда зудлик билан спорт иншооти маъмурияти ёки ҳуқуқни муҳофаза қилиш органлари ходимларига хабар бериш;
фавқулодда вазиятларда ваҳима кўтармаслик, фуқароларни эвакуация қилишга тўсқинлик қилувчи хатти-ҳаракатларни амалга оширмаслик, спорт иншооти маъмурияти, ички ишлар органлари, Ўзбекистон Республикаси Миллий гвардияси ва Фавқулодда вазиятлар вазирлиги вакилларининг эвакуацияга доир қонуний талабларини бажариш;
давлат рамзларига, шунингдек Ўзбекистон Футбол ассоциацияси, Ўзбекистон Профессионал футбол лигаси, клублар ва жамоаларнинг рамзларига ҳурмат билан муносабатда бўлиш;
футбол бўйича спорт мусобақалари ташкилотчилари, спорт иншооти маъмурияти, ички ишлар органлари, Ўзбекистон Республикаси Миллий гвардияси ва Фавқулодда вазиятлар вазирлиги вакилларининг ушбу Қоидалар талабларига, умумий қабул қилинган хулқ-одоб нормаларига ва ёнғин хавфсизлиги қоидаларига риоя қилишга доир қонуний талабларини бажариш.».
Вазир А. ИКРАМОВ
Фавқулодда вазиятлар вазири Б. КУДРАТХОДЖАЕВ
Ички ишлар вазири А. ТАШПУЛАТОВ
Миллий гвардия қўмондони Р. ДЖУРАЕВ
Тошкент ш.,
2025 йил 29 ноябрь,
2025 йил 24 ноябрь
2025 йил 24 ноябрь
2025 йил 19 ноябрь
9-мҳ-сон
Oʻzbekiston Respublikasi Sport vazirining
buyrugʻi
“Futbol boʻyicha sport musobaqalarini oʻtkazish vaqtida tomoshabinlarning (muxlislarning) oʻzini tutish qoidalarini tasdiqlash haqida”gi buyruqqa oʻzgartirishlar va qoʻshimcha kiritish toʻgʻrisida
Oʻzbekiston Respublikasining “Jismoniy tarbiya va sport toʻgʻrisida”gi Qonuni va Oʻzbekiston Respublikasi Vazirlar Mahkamasining 2014-yil 29-iyuldagi 205-son “Ommaviy tadbirlarni tashkil etish va oʻtkazish tartibini yanada takomillashtirish chora-tadbirlari toʻgʻrisida”gi qaroriga muvofiq buyuraman:
1. Oʻzbekiston Respublikasi madaniyat va sport ishlari vazirining 2013-yil 22-fevraldagi 162-son “Futbol boʻyicha sport musobaqalarini oʻtkazish vaqtida tomoshabinlarning (muxlislarning) oʻzini tutish qoidalarini tasdiqlash haqida”gi buyrugʻiga (roʻyxat raqami 2430, 2013-yil 22-fevral) (Oʻzbekiston Respublikasi qonun hujjatlari toʻplami, 2013-y., 8-son, 113-modda) ilovaga muvofiq oʻzgartirishlar va qoʻshimcha kiritilsin.
2. Mazkur buyruq Oʻzbekiston Respublikasi Ichki ishlar vazirligi, Favqulodda vaziyatlar vazirligi hamda Milliy gvardiyasi bilan kelishilgan.
3. Mazkur buyruq rasmiy eʼlon qilingan kundan eʼtiboran kuchga kiradi.
Kelishildi:
Oʻzbekiston Respublikasi sport vazirining 2025-yil 29-noyabrdagi 9-mh-son buyrugʻiga ILOVA
“Futbol boʻyicha sport musobaqalarini oʻtkazish vaqtida tomoshabinlarning (muxlislarning) oʻzini tutish qoidalarini tasdiqlash haqida”gi buyruqqa kiritilayotgan oʻzgartirishlar va qoʻshimcha
1. Buyruqning muqaddimasi quyidagi tahrirda bayon etilsin:
“Oʻzbekiston Respublikasining “Jismoniy tarbiya va sport toʻgʻrisida”gi Qonuni va Oʻzbekiston Respublikasi Vazirlar Mahkamasining 2014-yil 29-iyuldagi 205-son “Ommaviy tadbirlarni tashkil etish va oʻtkazish tartibini yanada takomillashtirish chora-tadbirlari toʻgʻrisida”gi qaroriga muvofiq buyuraman:”.
2. Qoidalarda :
1) muqaddima quyidagi tahrirda bayon etilsin:
“Mazkur Qoidalar Oʻzbekiston Respublikasi hududida joylashgan sport inshootlarida (bundan buyon matnda sport inshootlari deb yuritiladi) futbol boʻyicha sport musobaqalari va tomosha tadbirlarini oʻtkazish vaqtida tomoshabinlarning (muxlislarning) oʻzini tutish tartibini belgilaydi.”;
2) 1-band quyidagi tahrirda bayon etilsin:
“1. Sport inshootiga kirish vaqtida tomoshabinlar (muxlislar):
sport inshooti hududiga va tribunalariga chiptalar yoki kirish huquqini beruvchi boshqa hujjatlar boʻyicha kirish va sport inshootining umumiy sigʻimi doirasida ularda koʻrsatilgan joylarni egallash;
sport inshooti hududida joylashgan saqlash kameralari, garderoblar, bufetlar, qahvaxonalar, maʼlumotlar byurosi, telefonlar, kioskalar va shu kabilardan belgilangan tartibda foydalanish;
plastik surnaylar, dastasi plastikdan boʻlgan bayroqchalar, dastasi yoʻq bayroqlar, fotoapparatlar, mobil telefonlarni sport inshootiga olib kirish huquqiga ega.”;
3) 4-bandda :
birinchi xatboshi quyidagi tahrirda bayon etilsin:
“4. Sport inshootiga kirish vaqtida tomoshabinlarning (muxlislarning) majburiyatlari:”;
ikkinchi xatboshidagi “kelishga” degan soʻz “kelish” degan soʻz bilan almashtirilsin;
uchinchi xatboshidagi “koʻrsatishga hamda ularning xavfsizlik va tartibni saqlash boʻyicha qonuniy talablarini bajarishga majbur” degan soʻzlar “koʻrsatish hamda ularning xavfsizlik va tartibni saqlash boʻyicha qonuniy talablarini bajarish” degan soʻzlar bilan almashtirilsin;
4) 5-banddagi “chogʻida” degan soʻz “vaqtida” degan soʻz bilan almashtirilsin;
5) 9-band quyidagi tahrirda bayon etilsin:
“9. Futbol boʻyicha sport musobaqalari oʻtkazilayotgan vaqtda tomoshabinlarning (muxlislarning) majburiyatlari:
jamoat tartibiga va umumiy qabul qilingan xulq-odob normalariga rioya qilish;
sport inshootining jihozlariga ehtiyotkorlik bilan munosabatda boʻlish;
sport inshootiga tashrif buyurish tartibiga rioya qilish;
yongʻin xavfsizligi qoidalariga amal qilish;
boshqa jamoalarning muxlislariga nisbatan qoʻpol munosabatda boʻlmaslik;
boshqalarga nisbatan hurmat bilan munosabatda boʻlishlari, atrofdagilarga xavf soladigan harakatlarni sodir etmaslik;
shubhali predmetlar va buyumlarni koʻrganda, shuningdek tutun yoki yongʻin sodir boʻlganda zudlik bilan sport inshooti maʼmuriyati yoki huquqni muhofaza qilish organlari xodimlariga xabar berish;
favqulodda vaziyatlarda vahima koʻtarmaslik, fuqarolarni evakuatsiya qilishga toʻsqinlik qiluvchi xatti-harakatlarni amalga oshirmaslik, sport inshooti maʼmuriyati, ichki ishlar organlari, Oʻzbekiston Respublikasi Milliy gvardiyasi va Favqulodda vaziyatlar vazirligi vakillarining evakuatsiyaga doir qonuniy talablarini bajarish;
davlat ramzlariga, shuningdek Oʻzbekiston Futbol assotsiatsiyasi, Oʻzbekiston Professional futbol ligasi, klublar va jamoalarning ramzlariga hurmat bilan munosabatda boʻlish;
futbol boʻyicha sport musobaqalari tashkilotchilari, sport inshooti maʼmuriyati, ichki ishlar organlari, Oʻzbekiston Respublikasi Milliy gvardiyasi va Favqulodda vaziyatlar vazirligi vakillarining ushbu Qoidalar talablariga, umumiy qabul qilingan xulq-odob normalariga va yongʻin xavfsizligi qoidalariga rioya qilishga doir qonuniy talablarini bajarish.”.
Vazir A. IKRAMOV
Favqulodda vaziyatlar vaziri B. KUDRATXODJAYEV
Ichki ishlar vaziri A. TASHPULATOV
Milliy gvardiya qoʻmondoni R. DJURAYEV
Toshkent sh.,
2025-yil 29-noyabr,
2025-yil 24-noyabr
2025-yil 24-noyabr
2025-yil 19-noyabr
9-mh-son