UzbekAI

Ўзбекистон Республикаси Вазирлар Маҳкамасининг

Қарори

НИЗОМ

НИЗОМ

НИЗОМ

тўлаш шартлари

МЕЪЁРЛАРИ

МЕЪЁРЛАРИ

РЎЙХАТИ

«Келажак» марказлари фаолиятини тартибга солишга қаратилган айрим норматив-ҳуқуқий ҳужжатларни тасдиқлаш тўғрисида

Ўзбекистон Республикаси Президентининг «Мактабдан ташқари таълим тизимини янги босқичга олиб чиқиш чора-тадбирлари тўғрисида» 2025 йил 8 сентябрдаги ПҚ-277-сон қарори ижросини таъминлаш, шунингдек, мактабгача ва мактаб таълими соҳасидаги мактабдан ташқари таълим тизимини янада такомиллаштириш, уларни замонавий ёндашувлар асосида ривожлантириш орқали болаларнинг бўш вақтларини мазмунли ва самарали ташкил этиш мақсадида Вазирлар Маҳкамаси қарор қилади:

1. Ўзбекистон Республикаси Президентининг 2025 йил 8 сентябрдаги ПҚ-277-сон қарорига мувофиқ:

а) Мактабгача ва мактаб таълими вазирлиги тизимидаги «Баркамол авлод» республика болалар мактаби ҳамда Республика ўқувчи-ёшлар маркази негизида Республика «Келажак» маркази, Қорақалпоғистон Республикаси, вилоятлар ва Тошкент шаҳри, шунингдек, туман (шаҳар) «Баркамол авлод» болалар мактаблари негизида тегишлича Қорақалпоғистон Республикаси, вилоятлар ва Тошкент шаҳри, шунингдек, туман (шаҳар) «Келажак» марказлари;

Мактабгача ва мактаб таълими вазирлиги ҳузурида юридик шахс мақомига эга бўлмаган «Келажак» марказларини қўллаб-қувватлаш жамғармаси ташкил этилгани;

б) 2026 йил 1 январдан бошлаб «Келажак» марказларида ўқиганлик учун ота-оналар бадали тўловининг минимал миқдорлари қайта кўриб чиқилиши белгилангани маълумот учун қабул қилинсин.

2. Қуйидагилар:

«Келажак» марказлари тўғрисидаги низом 1-иловага мувофиқ;

«Келажак» марказларида ўқиганлик учун ота-оналар бадали тўловини ундириш ва ундан фойдаланиш тартиби тўғрисидаги низом 2-иловага мувофиқ;

Ўзбекистон Республикаси Мактабгача ва мактаб таълими вазирлиги ҳузуридаги «Келажак» марказларини қўллаб-қувватлаш жамғармаси тўғрисидаги низом 3-иловага мувофиқ;

«Келажак» марказларининг бошқарув, техник, хизмат кўрсатувчи ва ўқув-ёрдамчи ходимларининг намунавий штатлари ва меҳнатга ҳақ тўлаш шартлари 4-иловага мувофиқ тасдиқлансин.

3. «Келажак» марказларида ўқиганлик учун ота-оналар бадали тўлови ойига базавий ҳисоблаш миқдорига нисбатан:

а) 2026 йил 1 январдан бошлаб:

Тошкент шаҳрида — 30 фоиз;

вилоятлар марказларида — 25 фоиз;

республиканинг қолган туман (шаҳар)лари ҳамда Қорақалпоғистон Республикасининг Нукус ва Хоразм вилоятининг Урганч шаҳарларида — 15 фоиз;

Қорақалпоғистон Республикаси ва Хоразм вилоятининг қолган туман (шаҳар)ларида — 10 фоиз;

б) 2026 йил 1 сентябрдан бошлаб:

Тошкент шаҳрида — 60 фоиз;

вилоятлар марказларида — 50 фоиз;

республиканинг қолган туман (шаҳар)лари ҳамда Қорақалпоғистон Республикасининг Нукус ва Хоразм вилоятининг Урганч шаҳарларида — 30 фоиз;

Қорақалпоғистон Республикаси ва Хоразм вилоятининг қолган туман (шаҳар)ларида — 20 фоиз этиб белгилансин.

4. Белгилансинки:

«Келажак» марказларининг тармоқ тўгараклари фаолияти ҳар бир умумий ўрта таълим ташкилотларида босқичма-босқич йўлга қўйилади. Бунда тармоқ тўгараклари учун ота-оналар бадали тўловидан тушган маблағларнинг 40 фоизи умумий ўрта таълим ташкилотининг бюджетдан ташқари жамғармасига йўналтирилади;

Жиззах вилояти Жиззах шаҳри Қассоблик МФЙ Х. Носиров кўчаси 12-уй манзилида жойлашган Ш. Рашидов номидаги Жиззах вилояти ахборот-кутубхонасининг Матбуот уйи биноси Жиззах вилояти «Келажак» марказига оператив бошқариш ҳуқуқи асосида бепул берилади;

Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари ҳузуридаги «Ягона буюртмачи хизмати» инжиниринг компанияси «Келажак» марказларида амалга ошириладиган лойиҳалаштириш, қурилиш, реконструкция ва мукаммал таъмирлаш ишларида буюртмачи ҳисобланади.

5. Қурилиш ва уй-жой коммунал хўжалиги вазирлиги:

Мактабгача ва мактаб таълими вазирлиги билан биргаликда уч ой муддатда «Келажак» марказларининг намунавий лойиҳасини ишлаб чиқсин;

«Келажак» марказлари объектлари бўйича ишлаб чиқиладиган лойиҳа-смета ҳужжатлари белгиланган тартибда ва муддатларда экспертизадан ўтказилишини таъминласин.

6. Вазирлар Маҳкамаси ҳузуридаги Қурилиш ва уй-жой коммунал хўжалиги соҳасида назорат қилиш инспекцияси бажариладиган қурилиш-таъмирлаш ишларини шаҳарсозлик тўғрисидаги қонунчилик ҳужжатларига риоя этилган ҳолда амалга оширилиши устидан назорат ўрнатсин.

7. «Келажак» марказларида амалга ошириладиган лойиҳалаштириш, қурилиш-таъмирлаш ишларида бош лойиҳа ва бош пудрат ташкилотларини танлаш жараёнида шаффофликни таъминлаш, ажратилган маблағларнинг мақсадли ўзлаштирилиши ҳамда объектлар ўз муддатида фойдаланишга топширилиши учун Қурилиш ва уй-жой коммунал хўжалиги вазирлиги, Вазирлар Маҳкамаси ҳузуридаги Қурилиш ва уй-жой коммунал хўжалиги соҳасида назорат қилиш инспекцияси, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликларининг биринчи раҳбарлари шахсан жавобгар ҳисобланади.

8. Тошкент шаҳри Чилонзор тумани 19-мавзе 43а-уй манзилида жойлашган бинода Республика «Келажак» маркази ҳузурида Болалар сайёҳлик базаси ташкил этилсин.

8 1 . Ҳар бир ҳудудда биттадан «Келажак» марказларида ўйинлар яратиш ва анимация соҳасида тўгараклар фаолияти йўлга қўйилсин. Бунда тўгарак хоналарини жиҳозлаш «Келажак» марказларини қўллаб-қувватлаш жамғармаси маблағлари ҳисобидан амалга оширилади.

9. Ўзбекистон Республикаси Ҳукуматининг 5-иловага мувофиқ айрим қарорларига ўзгартириш ва қўшимчалар киритилсин.

10. Ўзбекистон Республикаси Ҳукуматининг 6-иловага мувофиқ баъзи қарорлари ўз кучини йўқотган деб ҳисоблансин.

11. Мактабгача ва мактаб таълими вазирлиги манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни икки ой муддатда ушбу қарорга мувофиқлаштирсин.

12. Ушбу қарорнинг бажарилишини назорат қилиш Ўзбекистон Республикаси мактабгача ва мактаб таълими вазири Э.Г. Каримова зиммасига юклансин.

Вазирлар Маҳкамасининг 2025 йил 10 декабрдаги 776-сон қарорига 1-ИЛОВА

«Келажак» марказлари тўғрисида

1-боб. Умумий қоидалар

1. Ушбу Низом «Келажак» марказлари (кейинги ўринларда — Марказ)нинг мақоми, асосий вазифалари ва функциялари, ҳуқуқлари ва мажбуриятлари, шунингдек, фаолиятини ташкил этиш тартибини белгилайди.

2. Марказ 6 — 18 ёшдаги болаларга қўшимча таълим хизматларини кўрсатувчи давлат муассасаси шаклидаги юридик шахс ҳисобланади, ўз уставига, банк ҳисобварағига, Ўзбекистон Республикаси Давлат герби тасвири туширилган ва ўз номи ёзилган муҳрга, штампга ҳамда бланкаларга эга бўлади.

3. Марказ ўз фаолиятида Ўзбекистон Республикасининг Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига, Ўзбекистон Республикаси мактабгача ва мактаб таълими вазирининг буйруқларига, шунингдек, ушбу Низомга, ўз уставига ва бошқа қонунчилик ҳужжатларига амал қилади.

4. Марказларнинг намунавий устави Ўзбекистон Республикаси Мактабгача ва мактаб таълими вазирлиги (кейинги ўринларда — Вазирлик) томонидан тасдиқланади. Марказ мазкур намунавий устав асосида ўз уставини ишлаб чиқади. Устав муассис томонидан тасдиқланади.

5. Вазирлик, Қорақалпоғистон Республикаси Мактабгача ва мактаб таълими вазирлиги, вилоятлар ва Тошкент шаҳри мактабгача ва мактаб таълими бошқармалари ҳамда туман (шаҳар) мактабгача ва мактаб таълими бўлимлари тегишлича марказларнинг муассислари ҳисобланади.

6. Марказларнинг умумий фаолияти Вазирлик томонидан мувофиқлаштирилади.

2-боб. Марказнинг асосий вазифалари ва функциялари

7. Қуйидагилар Марказнинг асосий вазифалари ҳисобланади:

мактабга тайёрлов гуруҳларидаги болаларда билим олиш, коммуникатив ва ижодий компетенцияларни шакллантириш;

ўқувчиларни Президент, ижод ва ихтисослаштирилган таълим ташкилотларига тайёрлаш;

иқтидорли ёшларни саралаб олиш тизимини ривожлантириш, уларни қўллаб-қувватлаш учун зарур шарт-шароитлар яратиш, улғайиб келаётган ёш авлоднинг STEAM (Science — табиий фанлар, Technology — технологиялар, Engineering — муҳандислик, Art — санъат, Mathematics — математика) фанлари ҳамда илм-фанга бўлган интилишларини рағбатлантириш, интеллектуал ва ижодий салоҳиятини рўёбга чиқариш;

ўқувчиларни сунъий интеллект ва робототехника йўналишларига жалб этиш орқали уларнинг яратувчанлик кўникмаларини янада шакллантириш ҳамда робототехника, мобилограф, дастурлаш, илгари суриш ва реклама қилиш (SMM), моделлаштириш каби тўгаракларни ташкил этиш;

ёшларни сунъий интеллект, рақамли технологиялар ва креатив индустрияга қизиқишини уйғотиш, ўйинлар яратиш ва анимация соҳасида тўгараклар фаолиятини йўлга қўйиш;

ўқувчиларнинг хорижий тилларни ўрганишга бўлган қизиқишини ошириш ва хорижий тилларни ўқитишнинг замонавий услублари асосида тўгараклар фаолиятини йўлга қўйиш;

ўқувчиларда экологик билимларни ошириш, экологияга оид лойиҳаларни амалга ошириш;

ўқувчиларнинг ижодий ва бадиий қобилиятларини ривожлантириш, улар ўртасида китобхонлик маданиятини ошириш;

умумий ўрта таълим мактаблари кутубхоналарига ҳамда китобхонлик клублари фаолиятига амалий ва услубий ёрдам кўрсатиш;

ўқувчилар ўртасида соғлом турмуш тарзини тарғиб қилиш, уларнинг спортнинг олимпия ва оммавий турларига қизиқишларини ошириш ҳамда мактаб спорт клублари фаолиятини ривожлантириш, спорт секцияларига амалий ва услубий ёрдам кўрсатишни ташкил этиш;

ўқувчиларда ҳунар эгаллаш бўйича дастлабки билим ва кўникмаларни шакллантириш;

болаларни ҳар томонлама баркамол шахс қилиб тарбиялаш, уларда етакчилик, жамоада ишлаш, фаол фуқаролик, ижтимоий масъулият ва коммуникатив кўникмаларни шакллантириш мақсадида таълим ташкилотларида болалар фаолияти ижтимоий-эмоционал таълим модели асосида 4 босқичда (мактабгача — бошланғич — таянч ўрта — ўрта таълим) йўлга қўйиш;

ўқувчилар ташаббусларини қўллаб-қувватлаш бўйича мактаб маслаҳатчилари (кейинги ўринларда — мактаб маслаҳатчилари)нинг касбий малакасини ошириш ишларини ташкил этиш, уларга методик ва услубий ёрдам кўрсатиш, инновацион тарбия ва таълим тажрибаларини амалиётга жорий этишда мактабларга кўмак бериш.

Бунда маслаҳатчиларни ишга қабул қилиш тартиби ўрнатилган тартибда Вазирлик томонидан белгиланади.

8. Марказ ўзининг асосий вазифаларини амалга оширишда қуйидаги функцияларни бажаради:

болаларда лидерлик қобилиятлари ҳамда «юмшоқ» кўникмаларини шакллантиришда «ўқувчилар кенгаши» сайловларини ўтказишда амалий ва услубий ёрдам кўрсатади;

болаларни таълим, медиа, маданият, экология, спорт, китобхонлик йўналишларида ташаббусларини қўллаб қувватлайди, жумладан, улар учун фестиваль, форум, вебинар ҳамда оромгоҳлар ташкил этади;

ўқувчиларни тўгараклар, китобхонлик клублари, ҳамда спорт клубларига қамраб олиш чораларини кўради;

фестиваль, танлов, мусобақа ва тадбирларни сифатли ўтказилиши бўйича сценарийлар ишлаб чиқади ҳамда ташкил этади;

мактаб маслаҳатчилари фаолиятини мониторинг қилади ҳамда уларнинг касбий малакасини оширишда тизимли равишда семинар, тренинг ва конференциялар ташкил этади;

дастур ва ўқув-режаларини ишлаб чиқишда кўмаклашади;

ўқув жараёнларини таҳлил қилиб боради ҳамда уларга амалий-услубий ёрдамлар кўрсатади;

услубчилар, тренерлар ва тўгарак раҳбарлари учун турли ўқув-семинарлар ҳамда вебинар машғулотлари ўтказади;

фаол ўқувчилар, мактаб маслаҳатчилари ҳамда тўгарак раҳбарлари ишларини оммалаштиради ҳамда танлов ва тадбирларни оммавий ахборот воситалари ва ижтимоий тармоқларда кенг ёритиб боради;

ўқувчилар қизиқишларига кўра тармоқ тўгаракларини ташкил этади ҳамда фаолиятини методик таъминлайди;

«Келажак» миллий бренди остида таълим ташкилотларида тарбиявий-ахлоқий, маънавий-мафкуравий ва ижтимоий-коммуникатив соҳаларда ўқувчиларнинг шахсий ривожланишига қаратилган лойиҳаларини амалга оширади;

ўқувчиларнинг иқтидорларини рўёбга чиқариш учун маданият ва санъат йўналишидаги тўгараклар тармоғини кенгайтиради, бадиий адабиётларга бўлган қизиқишларини аниқлайди, улар ўртасида китобхонлик маданиятини оширишга қаратилган тарғибот-ташвиқот ишларини амалга оширади;

алоҳида таълим эҳтиёжлари бўлган болалар учун марказларда инклюзив тўгараклар фаолиятини йўлга қўяди;

Марказнинг махсус электрон платформасини юритади, унда ўқув жараёнига оид маълумотларни жойлаштиради;

ўқувчиларнинг қўшимча таълимга жалб этилганлиги тўғрисидаги «Ижтимоий портфолио» модулини юритади.

3-боб. Марказнинг ҳуқуқлари ва мажбуриятлари

9. Марказ қуйидаги ҳуқуқларга эга:

Марказ ходимлари, тўгарак аъзолари ва уларнинг ота-оналари (ёки уларнинг ўрнини босувчи шахслар)дан мазкур Низом, ўз устави ва ички тартиб-қоидаларига риоя этилишини назорат қилиш;

ўқув жараёнини такомиллаштириш ва методик таъминлаш бўйича таклифлар киритиш;

молиялаштиришнинг қонунчилик ҳужжатларида тақиқланмаган манбалари ҳисобига бюджетдан ташқари маблағларни шакллантириш;

тўгарак машғулотлари учун белгиланган тўловни ота-оналар (ёки уларнинг ўрнини босувчи шахслар)дан ўз вақтида ундиришни назорат қилиш;

ваколатига кирадиган масалалар ҳамда унга юкланган вазифалар ва функцияларни бажариш билан боғлиқ бўлган қарорлар, буйруқлар, кўрсатмалар қабул қилиш, зарур бўлганда, бошқа давлат ташкилотлари билан биргаликда тегишли қарорлар қабул қилиш;

Марказ ваколатига кирадиган масалаларда белгиланган тартибда судларга аризалар ва даъволар киритиш;

қонун ҳужжатларида белгиланган тартибда бюджетдан ташқари жамғармаларга эга бўлиш;

давлат органлари ва манфаатдор шахслардан ўз ваколати доирасида зарур ахборотларни сўраш ва олиш.

Марказ қонунчилик ҳужжатларига мувофиқ бошқа ҳуқуқларга ҳам эга бўлиши мумкин.

10. Марказ:

ушбу Низомда ва ўз уставида назарда тутилган вазифа ва функцияларни самарали бажариши;

«Келажак» марказлари учун қўшимча таълимга қўйилган Давлат талаблари асосида таълим-тарбия жараёнини ташкил этиши;

таълим-тарбия жараёнини белгиланган тартибда санитария нормалари, қоидалари ва гигиена нормативларига ҳамда хавфсизлик қоидаларига мувофиқ ташкил этиши;

Марказнинг моддий-техник таъминоти ва кадрлар салоҳиятини ривожлантириши;

тўгаракларни ташкил этишда тўгарак аъзоларининг ёши, руҳий-физиологик ҳолати, лаёқати ва қизиқишларини инобатга олиши;

ўзи қабул қилган қарорлар ҳамда буйруқларни ўз вақтида, сифатли ва тўлиқ бажариши;

фаолиятини ривожлантириш бўйича тасдиқланган дастурлар, чора-тадбирлар режаси, «йўл хариталари» ва бошқа дастурий ҳужжатлар ижросини самарали ташкил этиши ва бажариши;

ўзига бириктириб берилган мулклар, шу жумладан, кўчмас мулклардан мақсадли фойдаланиши;

ўзига юкланган вазифа ва функциялар доирасида фуқаролар ҳамда тадбиркорлик субъектларининг ҳуқуқлари ва қонуний манфаатларини ҳимоя қилиши шарт.

Марказ зиммасига қонунчилик ҳужжатларига мувофиқ бошқа мажбуриятлар ҳам юкланиши мумкин.

4-боб. Марказ фаолиятини ташкил этиш

11. Марказ кўп тармоқли бўлиб, у фаолият юритадиган ҳудуднинг ўзига хос хусусияти, ўқувчиларнинг қизиқишлари ва эҳтиёжларига кўра, уларнинг ижодий имкониятларини янада ривожлантиришга қаратилган мактабга тайёрлов, илм-фан, хорижий тиллар, китобхонлик, маданият ва санъат, касб-ҳунар, ахборот технологиялари ҳамда спорт йўналишларида тўгараклар ташкил этади.

Марказда тўгараклар пуллик шаклда ташкил этилади ҳамда 6 — 18 ёшли болаларни ҳар томонлама камол топишлари ва бўш вақтларини мазмунли ўтказишлари учун кенг имкониятлар яратилади.

12. Марказда юқори малакали мутахассислар ҳамда нодавлат ўқув марказларини жалб этган ҳолда чуқурлаштирилган тўгараклар ҳам ташкил этилиши мумкин.

Чуқурлаштирилган тўгараклар ота-оналар (ёки уларнинг ўрнини босувчи шахслар) хоҳишларидан келиб чиқиб Президент, ижод ва ихтисослаштирилган мактабларга тайёрлов ҳамда бошқа йўналишларда якка тартибда (индивидуал) ёки гуруҳларга бўлган ҳолда ташкил этилади.

Чуқурлаштирилган тўгаракларда ўқиганлик учун ота-оналар тўлови миқдори Марказ томонидан мустақил белгиланади.

13. Марказ:

қонунчилик ҳужжатларида белгиланган тартибда қўшимча таълим, давлат ва нодавлат болалар ташкилоти ҳамда марказлар билан ҳамкорликни йўлга қўяди;

халқаро ҳамкорлик доирасида мактаб маслаҳатчилари, тизим ходимлари, тўгарак раҳбарлари тажриба алмашиши ҳамда малака ошириши чораларини кўради;

фаол ўқувчилар кенгаши халқаро ҳамкорлиги шартномалар асосида хорижий болалар ташкилотлари ҳамда марказлари болалар оромгоҳи, конференциялар, халқаро анжуманлар, форумлар ва фестивалларни ташкил этади.

14. Умумий ўрта таълим ташкилотларида жойлашган мавжуд марказлар шаҳарсозлик норма ва қоидаларига риоя этилган алоҳида бинода, янги қурилган ва реконструкция қилинган бино ва иншоотларда ёки истисно тариқасида, умумий ўрта таълим ташкилотлари биноларининг алоҳида ўқув блокларида, алоҳида чегара ҳудудини белгилаган ҳолда, кириш жойи билан таъминланган ва мактабдаги умумий ўрта таълим жараёнига халақит бермайдиган тарзда ташкил қилинади ҳамда мустақил равишда фаолият кўрсатади.

15. Умумий ўрта таълим ташкилотларида Марказнинг тармоқ тўгараклари ташкил этилиши мумкин.

Умумий ўрта таълим ташкилотлари биноларининг алоҳида ўқув блокларида ташкил қилинган Марказнинг тармоқ тўгараклари учун барча коммунал тўловлар ушбу мактаб коммунал харажатлари учун ажратилган бюджет маблағлари доирасида қопланади.

Қолган коммунал харажатлар эса Марказ эгаллаб турган бинонинг майдони ва ҳажмидан келиб чиқиб, умумий ўрта таълим ташкилотларига иқтисодиёт ва молия органлари билан келишув бўйича қоплаб берилади.

Марказ учун умумий ўрта таълим ташкилотларида ташкил этиладиган тармоқ тўгараклари, ўқув тажриба-синов майдончалари, боғлар, музейлар, оромгоҳлар, кампуслар, виртуал майдонлар, ихтиро ва кашфиётларни синовдан ўтказиш майдончалари, технопарклар, спорт заллари, кутубхоналар ҳамда ички имкониятлардан келиб чиқиб, ҳудудларда уларнинг филиаллари ҳам ташкил этилиши мумкин.

16. Қорақалпоғистон Республикаси Вазирлар Кенгаши, вилоятлар ва Тошкент шаҳри ҳамда туман (шаҳар) ҳокимликлари марказларнинг ҳар йили моддий-техника базасини мустаҳкамлашга оид чора-тадбирларни амалга оширади.

17. Тўгарак машғулотлари ўқув дастурлари ота-оналар ва мутахассисларнинг талабларига кўра бутун ўқув йили учун, шунингдек, қисқа муддатли ташкил этилади.

Тўгарак машғулотлари ўқув йилининг 15 сентябридан бошланиб, 25 майида якунланади. Ёзги таътил кунларида Марказ томонидан тўгарак машғулотлари фаолияти алоҳида дастур асосида (ўқувчиларни саёҳатларга олиб чиқиш, турли тўгараклар, пуллик оромгоҳларни ташкил этиш, фестиваль, мусобақа ва танловлар ташкил этилишини ўз ичига олган ҳолда) давом эттирилади.

Марказда тўгарак раҳбарлари ойлик маоши сақланган ҳолда йилнинг 26 майидан 1 июнига қадар ўқув йили якуни муносабати билан журналларни расмийлаштириш, тўгаракнинг ёз мавсуми ўқув режасини ишлаб чиқиш ва тасдиқлатиш, шунингдек, 2 сентябрдан 15 сентябрга қадар ёз мавсуми ўқув режаси якуни бўйича журналларни расмийлаштириш, янги ўқув йили режасини тузиш ва тасдиқлатиш, болаларни синфларга (гуруҳларга) бўлиш каби ишларини амалга оширади.

Марказнинг тўгарак машғулотлари жадвали тўгарак аъзолари учун қулай тартибда, уларнинг ёши, психофизиологик хусусиятлари ва санитария нормалари, қоидалари ва гигиена нормативлари инобатга олинган ҳолда, педагог ходимларнинг тақдимномасига кўра Марказ томонидан тузилади ва тасдиқланади.

18. Тўгарак раҳбарининг ҳафталик иш юкламаси 16 соатни ташкил этади. Бунда:

ҳар бир тўгарак машғулотини ташкил этиш учун ҳар бир гуруҳга ҳафтада 4 академик соат;

ҳар бир гуруҳ учун 0,25 штат бирлигида тўгарак раҳбари лавозими ажратилади.

19. Ҳар бир гуруҳдаги тўгарак аъзоларининг сони 10 нафардан (мактабга тайёрлов, инклюзив, хорижий тиллар, дастурий таъминот, робототехника, мехатроника ва инженерлик тўгаракларида 8 нафардан) кам бўлмаслиги лозим.

Агар бир гуруҳдаги тўгарак аъзоларининг сони белгиланган талабдан камайса, тўгарак раҳбарининг ойлик иш ҳақи мазкур ой учун тўлиқ тўлаб берилади.

20. Тўгарак раҳбарларига икки ставкагача (ҳафталик 32 соат) тўгарак машғулотларини олиб боришларига рухсат этилади.

Бунда тўгарак раҳбарларининг икки ставка миқдоригача белгиланган тўгарак машғулотларининг бир ставкадан ортиқ бўлган қисми бўш иш ўринлари сифатида қайд этилмайди.

21. Марказ томонидан ўқувчиларга қўшимча таълим олганлиги тўғрисида гувоҳнома намунаси Республика «Келажак» маркази томонидан ишлаб чиқилади ва тасдиқланади.

22. Марказнинг раҳбар ва ходимлари иш ҳақлари сақланган ҳолда малака оширади.

23. Марказлар контингент сони бўйича иккита гуруҳга ажратилади. Бунда контингент сони 600 нафаргача бўлган марказлар — II гуруҳга, 601 нафар ва ундан ортиқ бўлганда — I гуруҳга тегишли ҳисобланади.

5-боб. Марказда педагогик фаолият билан шуғулланиш

24. Олий таълим ташкилотларининг турли йўналишлари (педагог ва педагогик мутахассисликка эга бўлмаган) бўйича тегишли мутахассисликка эга, касбий таълим ташкилотлари ҳамда академик лицейларнинг тегишли маълумотига ҳамда касбий тайёргарликка, юксак ахлоқий фазилатларга эга шахслар Марказда тўгарак раҳбари сифатида педагогик фаолият билан шуғулланишга ҳақли.

Педагогик маълумотга эга бўлмаган, аммо тегишли вазирлик ва ташкилотларнинг тармоқ мукофотлари ҳамда унвонлар билан тақдирланган шахслар Марказда педагогик фаолият билан шуғулланишга жалб этилиши мумкин.

25. Педагогик фаолият билан шуғулланиш ҳуқуқидан суд қарорига кўра ёки тиббий хулосага асосан маҳрум қилинган шахсларнинг Марказда фаолият юритишларига йўл қўйилмайди.

6-боб. Марказни бошқариш

26. Марказга директор раҳбарлик қилади.

Республика «Келажак» марказининг директори ва директор ўринбосарлари Ўзбекистон Республикаси мактабгача ва мактаб таълими вазири томонидан лавозимга тайинланади ва лавозимдан озод этилади.

Қорақалпоғистон Республикаси, вилоятлар ва Тошкент шаҳри «Келажак» маркази директорлари Республика «Келажак» маркази тавсиясига асосан Ўзбекистон Республикаси мактабгача ва мактаб таълими вазири томонидан лавозимга тайинланади ва лавозимдан озод этилади.

Қорақалпоғистон Республикаси, вилоятлар ва Тошкент шаҳри «Келажак» марказларининг директор ўринбосарлари, туман (шаҳар) «Келажак» маркази директорлари Республика «Келажак» маркази директори томонидан лавозимга тайинланади ва лавозимдан озод этилади.

Туман (шаҳар) «Келажак» маркази директор ўринбосарлари Қорақалпоғистон Республикаси, вилоятлар ва Тошкент шаҳри «Келажак» маркази директори томонидан лавозимга тайинланади ва лавозимдан озод этилади.

Мактаб маслаҳатчилари умумий ўрта таълим ташкилоти директори томонидан Қорақалпоғистон Республикаси, вилоятлар ва Тошкент шаҳри «Келажак» марказларининг ишга қабул қилиш бўйича тавсияномаси асосида лавозимга тайинланади.

Вазирлик тизимидаги ҳудудий «Болалар кутубхоналари»нинг директорлари Республика «Келажак» маркази директори томонидан лавозимга тайинланади ва лавозимдан озод этилади.

Қорақалпоғистон Республикаси, вилоятлар ва Тошкент шаҳар Болалар кутубхоналари фаолияти Республика «Келажак» маркази томонидан мувофиқлаштирилади.

27. Марказнинг фаолиятига доир асосий масалаларни коллегиал тартибда муҳокама қилиш, Марказнинг тўгарак машғулотлари жараёнини ривожлантириш, такомиллаштириш, унинг фаолияти билан боғлиқ барча ташкилий масалаларни мувофиқлаштириш учун доимий фаолият юритадиган Педагогик кенгаш фаолияти жамоатчилик асосида ташкил этилади.

Педагогик кенгаш таркиби Марказ директори, директор ўринбосарлари ва педагог ходимларидан иборат бўлади. Марказнинг ҳар бир педагог ходими ишга қабул қилинган пайтдан бошлаб ушбу Кенгашнинг аъзоси ҳисобланади.

Марказ директори Педагогик кенгаш раиси ҳисобланади ва унинг котиби педагог ходимлар орасидан тўғридан-тўғри очиқ овоз бериш йўли билан сайланади.

Педагогик кенгаш раиси ўз вазифасини бажара олмайдиган (бетоб бўлган, хизмат сафарига кетган ва бошқа) ҳолларда, унинг вазифалари вақтинча вазифани бажариш юклатиладиган директор ўринбосари томонидан амалга оширилади.

Педагогик кенгаш йиғилиши ҳар чоракда камида бир марта ўтказилади. Заруратга кўра, навбатдан ташқари йиғилишлар ўтказилиши мумкин.

Педагогик кенгаш йиғилиши Марказ фаолиятини такомиллаштириш ва ривожлантириш, унинг фаолияти сифати ва самарадорлигини оширишнинг асосий йўналишларини белгилайди.

28. Ўқув-тарбия жараёнини ривожлантириш ва такомиллаштириш, педагог ходимларнинг касб маҳоратларини ва ижодий ўсишларини ривожлантириш мақсадида Республика «Келажак» маркази ҳузурида Илмий-методик кенгаш тузилади.

Республика «Келажак» маркази директори ўз навбатида Илмий-методик кенгаш раиси ҳам ҳисобланади.

Илмий-методик кенгаш таркибига Ихтисослаштирилган таълим муассасалари агентлиги, А. Авлоний номидаги Педагогик маҳорат миллий институти, Қори Ниёзий номидаги Тарбия педагогикаси миллий институти, Республика таълим марказининг тажрибали ходимлари, илмий даража ва унвонларга эга бўлган мутахассислар ҳамда хорижий экспертлар жалб этилади.

Илмий-методик кенгаш таркиби ва Низоми Республика «Келажак» маркази томонидан тасдиқланади.

Илмий-методик кенгашда ўқув режалар, дастурлар, ўқув қўлланмалар, тажриба-синов ишлари муҳокама қилинади, педагогик ходимларнинг ижодий ташаббусларини қўллаб-қувватлаш ва ривожлантириш, илғор тажрибаларни оммалаштириш ишларини ташкил қилиш юзасидан қарорлар қабул қилинади.

29. Туман (шаҳар)даги марказларда фаолият кўрсатаётган тўгараклар фаолиятини ривожлантириш, уларга методик ёрдам кўрсатиш, услубчи ва тўгарак раҳбарларининг тавсия, қўлланма ва ижодий ишларини такомиллаштириш бўйича Услубий кенгаш ташкил этилади. Қорақалпоғистон Республикаси, вилоятлар ва Тошкент шаҳри «Келажак» марказлари директори Услубий кенгаш раиси ҳам ҳисобланади.

Услубий кенгаш аъзолари ҳар чоракда бир марта йиғилади, тавсия, қўлланма ва ижодий ишларни сифатини таҳлил қилади ҳамда амалиётга жорий этиш учун рухсат беради.

30. Ҳудудий марказлар хорижда ўтказиладиган халқаро фестиваль, танлов, мусобақалар ҳамда бошқа тадбирларда Республика «Келажак» марказининг рухсатига асосан иштирок этади.

7-боб. Марказнинг мол-мулки ва пул маблағлари

31. Муассис ёки ваколатли давлат органи Марказга мол-мулкни қонунчилик ҳужжатларида белгиланган тартибда бириктиради.

Марказ ўзига бириктирилган мол-мулкни ҳамда даромадлар ва харажатлар сметаси бўйича ўзига ажратилган маблағлар ҳисобига сотиб олинган мол-мулкни қонунчилик ҳужжатларига мувофиқ тасарруф этади.

32. Марказлар фаолияти Ўзбекистон Республикаси Давлат бюджети ва бюджетдан ташқари маблағлари ҳамда қонунчилик ҳужжатларида тақиқланмаган бошқа манбалар ҳисобидан молиялаштирилади.

33. Қуйидагилар Марказ фаолиятини молиялаштириш манбалари ҳисобланади:

Ўзбекистон Республикаси Давлат бюджети маблағлари;

Марказ фаолиятини қўллаб-қувватлаш жамғармаси маблағлари;

ота-оналар тўловидан тушадиган маблағлар;

ўқувчилар ва педагог ходимлар томонидан ўқув жараёнида тайёрланган маҳсулотлар ва буюмларнинг сотувидан тушган маблағлар;

асосий машғулотлардан ташқари пайтда бўш бинолар, иншоотлар, асбоб-ускуналарни ижарага беришдан тушган маблағлар;

хўжалик фаолиятидан, қонунчилик ҳужжатларида тақиқланмаган шартнома асосида пулли хизмат кўрсатишдан олинган даромадлар;

ўқитувчилар ва педагог ходимлар томонидан ўқув-тарбия жараёнига таъсир этмаган ҳолда турли тўгараклар, оромгоҳлар, курслар, бадиий кечалар, концерт ва театр томошалари ташкил этишдан олинган маблағлар;

жисмоний ва юридик шахсларнинг ҳомийлик хайриялари, маҳаллий ва халқаро ташкилотларнинг грантлари;

қонунчилик ҳужжатларида тақиқланмаган бошқа манбалар.

34. Марказ аҳолига, турли ташкилотларга хизматлар кўрсатишга, қонунчилик билан тақиқланмаган, муассасанинг асосий фаолиятига салбий таъсир кўрсатмайдиган фаолият турлари билан шуғулланишга ҳақли.

Юқори турувчи ташкилотлар томонидан тўгарак аъзоларининг таълимга алоқаси бўлмаган тадбирларга жалб этилишига, концерт-томоша дастурлари ва кўргазмаларни ташкил этишга йўл қўйилмайди, тўлов-шартнома асосида кўрсатиладиган хизматлар бундан мустасно.

35. Марказнинг бюджетдан ташқари жамғармалари, шу жумладан, болалари ўқиганлиги учун ота-оналар бадали тўлови ҳисобига шаклланган жамғарма ойлик, чораклик ёки йиллик тушган маблағлари ҳисобидан тўгарак раҳбарлари, тренерлар ва ходимлари рағбатлантирилади.

36. Қонунчилик ҳужжатларида тақиқланмаган фаолиятдан олинган даромад ҳисобига сотиб олинган мол-мулк Марказ мол-мулки таркибига киритилади.

37. Марказнинг моддий-техника базаси ер, бино ва иншоотлар, кутубхоналар, спорт иншоотлари, спорт заллари, коммуникация, техник жиҳозлар ва ускуналар, транспорт воситалари ҳамда таълим ва тарбия жараёнида фойдаланиладиган бошқа анжомларни ўз ичига олади.

8-боб. Якунловчи қоидалар

38. Марказлар қонунчилик ҳужжатларида белгиланган тартибда қайта ташкил этилади ва тугатилади.

Марказ тугатилган тақдирда, унинг маблағлари ва мол-мулкидан, унинг мажбуриятларини қоплаш бўйича тўловлар чегирилган ҳолда, қонунчилик ҳужжатларига ҳамда Марказ уставига мувофиқ фойдаланилади.

39. Марказларни қайта ташкил этиш ёки тугатиш, қоида тариқасида, ўқув йилининг охирида амалга оширилади, бунда Қорақалпоғистон Республикаси Мактабгача ва мактаб таълими вазирлиги, вилоятлар ва Тошкент шаҳри мактабгача ва мактаб таълими бошқармалари ўқувчиларнинг ота-оналари (қонуний вакиллари) билан келишилган ҳолда, уларни бошқа марказларга ўтказиш учун жавобгарликни ўз зиммаларига оладилар.

40. Ушбу Низом талаблари бузилишида айбдор бўлган шахслар қонунчилик ҳужжатларида белгиланган тартибда жавобгар бўладилар.

Вазирлар Маҳкамасининг 2025 йил 10 декабрдаги 776-сон қарорига 2-ИЛОВА

«Келажак» марказларида ўқиганлик учун ота-оналар бадали тўловини ундириш ва ундан фойдаланиш тартиби тўғрисида

1-боб. Умумий қоидалар

1. Ушбу Низом «Келажак» марказларида (кейинги ўринларда — Марказ) ўқиганлик учун ота-оналар бадали тўловини (кейинги ўринларда — она-оналар тўлови) ундириш ва ундан фойдаланиш тартибини белгилайди.

2. Ота-оналар тўловидан тушган тушумлар Марказ учун хомашё ва материаллар хариди, Марказ ходимларини моддий рағбатлантириш, таъмирлаш ишлари, Марказнинг моддий-техника базасини яхшилаш ҳамда Марказ фаолиятини такомиллаштиришга қаратилган бошқа харажатларга йўналтирилади.

2-боб. Ота-оналар тўловини амалга ошириш

3. Ота-оналар тўлови ойига базавий ҳисоблаш миқдорига нисбатан белгиланади.

4. Ота-оналар тўлови ота-она (уларнинг ўрнини босувчи шахслар) ва Марказ ўртасида тузилган шартномага асосан амалга оширилади. Ушбу шартномада тўлов белгиланган миқдорда ва узрли сабабларсиз тўланмаган тақдирда, боланинг таълим олишини тўхтатиш ва бекор қилиш шартлари кўрсатилиши лозим.

5. Жорий ой учун тўлов мазкур ойнинг 10-санасидан кечикмасдан тўланади. Бунда сентябрь ойи учун тўлов 30-санага қадар амалга оширилади.

Белгиланган муддатда тўловлар тўланмаслиги болани Марказда таълим олувчилар сафидан чиқарилишига асос бўлади.

6. Тўлов тижорат банклари орқали нақд пул ёки нақд пулсиз шаклда (банк пластик карталари ва пул ўтказиш орқали), шунингдек электрон тўлов йўли билан амалга оширилади.

Бунда тўловлар Марказнинг тегишли ҳудудий ғазначилик бўлинмаларидаги шахсий ғазна ҳисобварақларида ундан кейинчалик фойдаланиш учун ҳисобга олинади.

7. Ота-онанинг олдиндан берган ёзма аризасига асосан, боланинг Марказга қатнаши бутунлай тўхтатилган тақдирда, тўлов тўлиқ бўлмаган ой учун, яъни бола амалда Марказга қатнаган кунлар учун тўланади.

Боланинг Марказга қатнаши вақтинча ёки бутунлай тўхтатилиши тўғрисида ота-онанинг ёзма аризаси бўлмаган тақдирда, тўлов тўлиқ ой учун ҳисобланади ва умумий асосларда ундирилади.

3-боб. Ота-оналар тўлови ҳисоб-китоби

8. Бир кунлик тўлов миқдорини аниқлаш учун ойлик тўлов миқдори Марказнинг бола жорий ойда қатнайдиган тўгараги иш кунларининг режадаги сонига бўлинади.

Бунда бола Марказдаги биттадан ортиқ тўгаракда ўқийдиган бўлса, тўлов ҳар бир тўгаракда ўқиганлик учун белгиланган миқдорда алоҳида ундирилади.

9. Боланинг ёки оила аъзоларининг бетоблиги туфайли бола Марказга кетма-кет уч кундан ортиқ келмаган даври учун тўланган тўловлар кейинги тўловларни амалга оширишда ҳисобга олинади. Бунда боланинг келмаган кунлари сони бир кунлик тўлов миқдорига кўпайтирилиб, кейинги тўлов суммаси чиққан суммага камайтирилади. Агар боланинг келмаган кунлари учун тўлов ҳали амалга оширилмаган бўлса, тўланиши лозим бўлган тўлов миқдори у келмаган кунлари учун ҳисобланган тўлов суммасига камайтирилади.

Боланинг ёки унинг оила аъзоларининг бетоблиги туфайли боланинг Марказга келмаганлиги тегишли даволаш-профилактика муассасаси ёки участка шифокори томонидан бериладиган маълумотнома билан тасдиқланиши шарт.

10. Боланинг Марказга келмаган бошқа барча ҳолларда, ота-оналар тўлови умумий асосларда ундирилади.

11. Ота-оналар тўловидан қуйидагилар озод этилади:

Ижтимоий реестрга киритилган оилаларнинг фарзандлари (таълим олувчилар умумий сонининг 15 фоизи миқдорида);

алоҳида таълимга эҳтиёжи бўлган болалар учун ихтисослаштирилган мактаб ва мактаб-интернат ўқувчилари, етим ва ота-она қарамоғидан маҳрум бўлган болалар, умумий ўрта таълим ташкилотларининг инклюзив синфларида таълим оладиган алоҳида таълим эҳтиёжлари бўлган ўқувчилар.

Бунда шартнома асосида малакали мутахассислар ҳамда нодавлат ўқув марказларини жалб этган ҳолда ташкил этилган чуқурлаштирилган тўгаракларда таълим олувчи болалар тўловдан озод этилмайди.

4-боб. Ота-оналар тўловидан тушган маблағлардан фойдаланиш

12. Ота-оналар тўловидан тушган маблағлар қуйидаги мақсадлар учун сарфланади:

а) ота-оналар тўловидан тушган умумий маблағларнинг 10 фоиз миқдори — Ўзбекистон Республикаси Мактабгача ва мактаб таълими вазирлиги ҳузуридаги «Келажак» марказларини қўллаб-қувватлаш жамғармасига;

тармоқ тўгаракларида ўқиганлик учун ота-оналар тўловидан тушган маблағларнинг 40 фоиз миқдори — умумий ўрта таълим ташкилотининг бюджетдан ташқари жамғармаси (мактаб фонди)га ўтказилади;

б) Марказ фаолияти учун зарур бўлган хомашё ва материаллар, моддий бойликлар (мебель, асбоб-ускуна ва жиҳозлар, компьютер техникаси ва бошқалар), иш ва хизматлар, транспорт воситаларини харид қилиш ҳамда бино ва иншоотларни қуриш, таъмирлаш;

в) маданий-оммавий тадбирларни ўтказиш ва уларда қатнашиш билан боғлиқ харажатларни қоплаш;

г) ўқувчилари халқаро миқёсида ўтказиладиган кўрик-танлов ва фестивалларда (онлайн тарзда ўтказиладиганлари бундан мустасно) ғолибликни қўлга киритган тўгарак раҳбарларини базавий ҳисоблаш миқдорининг қуйидаги миқдорларида бир марталик пул мукофотлари билан тақдирлаш:

1-ўрин учун — 20 бараваригача;

2-ўрин учун — 15 бараваригача;

3-ўрин учун — 12 бараваригача;

д) вазирлик ва идоралар томонидан ўтказиладиган республика кўрик-танловлари, мусобақа ва фестивалларда (онлайн тарзда ўтказиладиганлари бундан мустасно) ўқувчилари ғолибликни қўлга киритган тўгарак раҳбарлари базавий ҳисоблаш миқдорининг қуйидаги миқдорларида бир марталик пул мукофотлари билан тақдирлаш:

1-ўрин учун — 10 бараваригача;

2-ўрин учун — 7 бараваригача;

3-ўрин учун — 5 бараваригача;

е) Марказ ходимларига ҳар ойлик устамалар, мукофот пуллари, моддий ёрдам тўловларини тўлаш, уларни хорижий хизмат сафарлари ҳамда малака оширишга юбориш.

Ота-оналар тўловидан тушган маблағлар Марказ фаолиятини такомиллаштиришга қаратилган бошқа тадбирларга ҳам йўналтирилади.

13. Марказ директори тўловдан тушган маблағларни эркин йўналтириш ҳуқуқига эга.

5-боб. Якунловчи қоидалар

14. Маблағлардан мақсадли фойдаланилишини назорат қилиш Давлат молиявий назорат инспекцияси ва Ўзбекистон Республикаси Мактабгача ва мактаб таълими вазирлигининг Ички аудит хизмати томонидан қонунчилик ҳужжатлари билан белгиланган ваколатларга мувофиқ амалга оширилади.

15. Тўловдан тушган маблағларни тасарруф этиш ёки бошқа мақсадларга йўналтириш (ишлатиш) билан боғлиқ ҳар қандай кўринишдаги аралашиш тақиқланади.

16. Ушбу Низом талаблари бузилишида айбдор бўлган шахслар қонунчилик ҳужжатларида белгиланган тартибда жавобгар бўладилар.

Вазирлар Маҳкамасининг 2025 йил 10 декабрдаги 776-сон қарорига 3-ИЛОВА

Ўзбекистон Республикаси Мактабгача ва мактаб таълими вазирлиги ҳузуридаги «Келажак» марказларини қўллаб-қувватлаш жамғармаси тўғрисида

1-боб. Умумий қоидалар

1. Мазкур Низом Ўзбекистон Республикаси Мактабгача ва мактаб таълими вазирлиги ҳузуридаги «Келажак» марказларини қўллаб-қувватлаш жамғармаси (кейинги ўринларда — Жамғарма) маблағларини шакллантириш ва ундан фойдаланиш ҳамда Жамғарма маблағлари ҳисобидан «Келажак» маркази тизимидаги ходимларни рағбатлантириш ҳамда моддий-техника базасини мустаҳкамлаш тартибини белгилайди.

2. Жамғарма юридик шахс ҳисобланмайди ва унинг маблағлари Ўзбекистон Республикаси Мактабгача ва мактаб таълими вазирлигининг (кейинги ўринларда — Вазирлик) Ўзбекистон Республикаси Иқтисодиёт ва молия вазирлиги ҳузуридаги Ғазначилик хизмати қўмитаси (кейинги ўринларда — Ғазначилик хизмати қўмитаси) шахсий ғазна ҳисобварағида жамланади ва у орқали сарфланади.

3. Ушбу Низомда қуйидаги асосий тушунчалардан фойдаланилади:

раҳбар ходимлар — Республика «Келажак» маркази, Қорақалпоғистон Республикаси, вилоятлар ва Тошкент шаҳар «Келажак» марказларида фаолият юритаётган директорлар ва уларнинг ўринбосарлари, бош ҳисобчилар, таркибий бўлинмалар раҳбарлари;

педагог ходимлар — «Республика «Келажак» маркази, Қорақалпоғистон Республикаси, вилоятлар ва Тошкент шаҳар «Келажак» марказларида фаолият юритаётган тўгарак раҳбарлари, ўқитувчи-тренерлар, методик, ўқув ва услубий ёрдам кўрсатишдаги мутахассислар, методист ва услубчилар.

4. Жамғарма маблағлари ҳисобидан харажатларни молиялаштириш Ўзбекистон Республикаси мактабгача ва мактаб таълими вазирининг буйруғи асосида амалга оширилади.

2-боб. Жамғарма маблағларини шакллантириш

5. Жамғарма маблағлари қуйидаги манбалар ҳисобидан шакллантирилади:

Ўзбекистон Республикаси Давлат бюджетидан ҳар йили 70 млрд сўм миқдорида ажратиладиган маблағлар;

«Келажак» марказларига ота-оналар бадали тўловларидан тушган маблағларнинг 10 фоизи;

Жамғарманинг вақтинча бўш турган маблағларини тижорат банклари депозитларига жойлаштиришдан олинадиган даромадлар;

жисмоний ва юридик шахсларнинг, шу жумладан, Ўзбекистон Республикаси норезидентларининг ҳомийлик хайриялари;

халқаро молия ташкилотлари ҳамда хорижий давлатларнинг грантлари ва техник кўмак маблағлари;

қонунчилик ҳужжатлари билан тақиқланмаган бошқа манбалар.

3-боб. Жамғарма маблағларидан фойдаланиш

6. Жамғарма маблағлари қуйидаги мақсадларда сарфланади:

«Келажак» марказларининг моддий-техника базасини янгилаш, жумладан, уларнинг бино ва иншоотларини қуриш ва таъмирлаш, зарур жиҳоз, анжомлар, компьютерлар, алоқа ва бошқа техника воситалари билан таъминлаш бўйича харажатларни молиялаштириш;

«Келажак» марказлари фаолиятини такомиллаштиришга қаратилган тадбирлар, шу жумладан, Республика «Келажак» маркази, Қорақалпоғистон Республикаси, вилоятлар ва Тошкент шаҳри «Келажак» марказларининг раҳбар ва педагог ходимларини моддий рағбатлантириш.

Бунда, Жамғармага тушган маблағларнинг камида 40 фоизи моддий-техник базани мустаҳкамлашга сарфланади.

Жамғарма маблағларининг ушбу бандда назарда тутилмаган бошқа мақсадларга йўналтирилишига йўл қўйилмайди.

7. Жамғарманинг жорий йилда фойдаланилмаган маблағлари келгуси йилга қолдиқ маблағ сифатида ўтади.

8. Жамғарма маблағлари ҳисобидан мазкур Низомнинг 6-бандида кўрсатилган мақсадлар бўйича амалга оширилган харажатларнинг якунига кўра иқтисод қилинган қисми Жамғармага қайтарилади.

1-§. «Келажак» марказларининг моддий-техника базасини мустаҳкамлаш ишларини молиялаштириш

9. «Келажак» марказларида амалга ошириладиган лойиҳалаштириш, қурилиш, реконструкция қилиш ва мукаммал таъмирлаш ишларига Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари ҳузуридаги «Ягона буюртмачи хизмати» инжиниринг компаниялари (кейинги ўринларда — инжиниринг компаниялари) буюртмачи ҳисобланади.

10. Республика «Келажак» маркази Вазирлик билан келишган ҳолда ҳудудларда «Келажак» марказларини янги қуриш учун намунавий лойиҳани ёки таъмирлаш ишлари учун талабномаларни инжиниринг компанияларига тақдим этади.

11. Инжиниринг компанияси «Келажак» марказларини қуриш-таъмирлаш билан боғлиқ ишларга маблағ ажратиш юзасидан белгиланган тартибда Вазирликка мурожаат қилади.

Бунда ушбу мурожаатга асосан маблағлар Вазирлик томонидан тегишлилиги бўйича инжиниринг компанияларига ўтказиб берилади.

12. «Келажак» марказларида жиҳозлаш ишларини амалга ошириш бўйича Вазирлик ҳузуридаги «Таъминот ва логистика хизмати» давлат унитар корхонаси буюртмачи ҳисобланади.

13. Республика «Келажак» маркази Вазирлик билан биргаликда «Келажак» марказларини зарур жиҳоз, анжомлар, компьютер, алоқа ва бошқа техника воситалари билан таъминлаш бўйича уларнинг сони ва техник топшириқларини ишлаб чиқади ҳамда «Таъминот ва логистика хизмати» давлат унитар корхонасига тақдим этади.

14. «Таъминот ва логистика хизмати» давлат унитар корхонаси тақдим этилган маълумотлар асосида жиҳоз, анжомлар, компьютер, алоқа ва бошқа техника воситаларнинг нархларини ўрганиб чиқади ҳамда давлат харидларини амалга ошириш учун тегишли ҳисоб-китоблар асосида талаб этиладиган маблағларни ажратиш бўйича Вазирликка мурожаат этади.

Бунда талаб этиладиган маблағлар Вазирлик томонидан «Таъминот ва логистика хизмати» давлат унитар корхонасига ўтказиб берилади.

2-§. «Келажак» марказлари фаолиятини такомиллаштириш, унинг раҳбар ва педагог ходимларини моддий рағбатлантиришни молиялаштириш

15. «Келажак» марказлари фаолиятини такомиллаштиришга қаратилган тадбирлар, шу жумладан, Республика «Келажак» маркази, Қорақалпоғистон Республикаси, вилоятлар ва Тошкент шаҳри «Келажак» марказларининг раҳбар ва педагог ходимларини моддий рағбатлантириш Вазирликда ташкил этилган «Келажак» марказлари фаолиятини такомиллаштириш, раҳбар ва педагог ходимларини моддий рағбатлантириш бўйича ишчи гуруҳ (кейинги ўринларда — Ишчи гуруҳ) қарори асосида амалга оширилади.

Ишчи гуруҳ таркиби, унинг вазифалари ва фаолият юритиш тартиби Ўзбекистон Республикаси мактабгача ва мактаб таълими вазирининг буйруғи билан тасдиқланади.

16. Жамғарма маблағлари ҳисобидан раҳбар ва педагог ходимларга:

директор ва ўринбосарлар учун уларнинг лавозим маошининг 5 бараваригача ва қолган ходимлар учун 8 бараваригача ҳар ойлик устама;

соҳани ривожлантиришга қўшган шахсий ҳиссаси, ўз фаолиятида юқори кўрсаткичларга эришганлиги, ҳар бир ишланмайдиган байрам кунлари муносабати билан меҳнатга ҳақ тўлашнинг энг кам миқдорининг 5 бараваригача миқдорида моддий рағбатлантириш тўланади.

Бунда моддий рағбатлантириш миқдори Жамғарманинг амалдаги молиявий ҳолатидан келиб чиқиб, унинг мавжуд маблағлари доирасида белгиланади.

17. Республика «Келажак» маркази, Қорақалпоғистон Республикаси, вилоятлар ва Тошкент шаҳри «Келажак» марказлари ўз тизимида фаолият юритаётган раҳбар ва педагог ходимларга Жамғарма ҳисобидан ҳар ойлик устама тайинлаш ва моддий рағбатлантириш тўғрисидаги талабномаларни ҳар ой якуни бўйича келгуси ойнинг 5-санасига қадар Ишчи гуруҳга тақдим этади.

18. Ишчи гуруҳ киритилган талабномалар асосида зарур бўлган маблағларни кўриб чиқади ҳамда бу тўғрисида тегишли қарор қабул қилади.

19. Ишчи гуруҳ томонидан қабул қилинган қарор Жамғармадан маблағ ажратиш учун Вазирликка киритилади.

20. Ишчи гуруҳ қарори асосида белгиланган маблағлар Ўзбекистон Республикаси мактабгача ва мактаб таълими вазирининг буйруғи асосида Республика «Келажак» маркази, Қорақалпоғистон Республикаси, вилоятлар ва Тошкент шаҳри «Келажак» марказларига ўтказиб берилади.

4-боб. Якунловчи қоидалар

21. Жамғарма маблағларидан фойдаланиш юзасидан назорат қонунчилик ҳужжатларига мувофиқ амалга оширилади.

Жамғарманинг молиявий ҳисоботини юритиш, маблағларнинг мақсадли сарфланишини назорат қилиш ва улар учун жавобгарлик Вазирлик зиммасига юкланади.

22. Ушбу Низом талаблари бузилишида айбдор бўлган шахслар қонунчилик ҳужжатларида белгиланган тартибда жавобгар бўладилар.

Вазирлар Маҳкамасининг 2025 йил 10 декабрдаги 776-сон қарорига 4-ИЛОВА

«Келажак» марказларининг бошқарув, техник, хизмат кўрсатувчи ва ўқув-ёрдамчи ходимларининг намунавий штатлари ва меҳнатга ҳақ

1. Республика «Келажак» маркази

Т/р Лавозимлар номи Штат бирликлари сони Меҳнатга ҳақ тўлашнинг энг кам миқдорига нисбатан (коэффициентда) 1-гуруҳ 2-гуруҳ 1. Директор 1,0 5,844 5,525 2. Директорнинг биринчи ўринбосари 1,0 5,552 5,249 3. Директор ўринбосари 3,0 5,295 4,993 4. Бўлим бошлиғи 18,0 2,297 5. Юрисконсульт 1,0 * 6. Бош мутахассис 18,0 1,883 7. Етакчи мутахассис 18,0 1,755 8. Услубчи 14,0 8.1. олий тоифали 2,724 8.2. биринчи тоифали 2,506 8.3. иккинчи тоифали 2,297 8.4. тоифасиз (олий маълумотли) 2,097 8.5. тоифасиз (ўрта махсус маълумотли) 1,907 9. Ўқитувчи-тренер 42,0 9.1. олий тоифали 2,845 9.2. биринчи тоифали 2,657 9.3. иккинчи тоифали 2,487 9.4. тоифасиз (олий маълумотли) 2,318 9.5. тоифасиз (ўрта махсус маълумотли) 2,154 Жами 116,0

2. Қорақалпоғистон Республикаси, вилоятлар ва Тошкент шаҳри «Келажак» марказлари

Т/р Лавозимлар номи Штат бирликлари сони Меҳнатга ҳақ тўлашнинг энг кам миқдорига нисбатан (коэффициентда) 1-гуруҳ 2-гуруҳ 1. Директор 1,0 5,844 5,572 2. Директор ўринбосари 2,0 5,295 4,993 3. Бўлим бошлиғи 5,0 2,297 4. Юрисконсульт 1,0 * 5. Бош бухгалтер 1,0 2,297 6. Бош мутахассис 4,0 1,883 7. Етакчи мутахассис 3,0 1,755 8. Услубчи 3,0 8.1. олий тоифали 2,724 8.2. биринчи тоифали 2,506 8.3. иккинчи тоифали 2,297 8.4. тоифасиз (олий маълумотли) 2,097 8.5. тоифасиз (ўрта махсус маълумотли) 1,907 9. Ўқитувчи-тренер ** 9.1. олий тоифали 2,845 9.2. биринчи тоифали 2,657 9.3. иккинчи тоифали 2,487 9.4. тоифасиз (олий маълумотли) 2,318 9.5. тоифасиз (ўрта махсус маълумотли) 2,154 Жами *** 20,0

3. Туман (шаҳар) «Келажак» марказлари

Т/р Лавозимлар номи Штат бирликлари сони Меҳнатга ҳақ тўлашнинг энг кам миқдорига нисбатан (коэффициентда) 1-гуруҳ 2-гуруҳ 1. Директор 1,0 5,260 5,015 2. Директор ўринбосари 1,0 4,766 4,494 3. Бош бухгалтер 1,0 2,297 4. Бўлим бошлиғи 1,0 2,297 5. Бош мутахассис 2,0 1,883 6. Етакчи мутахассис 1,0 1,755 7. Услубчи 2,0 7.1. олий тоифали 2,724 7.2. биринчи тоифали 2,506 7.3. иккинчи тоифали 2,297 7.4. тоифасиз (олий маълумотли) 2,097 7.5. тоифасиз (ўрта махсус маълумотли) 1,907 Жами 9,0

4. «Келажак» марказлари техник, хизмат кўрсатувчи ва бошқа лавозимларининг меҳнатга ҳақ тўлаш шартлари *

Т/р Лавозим номи Меҳнатга ҳақ тўлашнинг энг кам миқдорига нисбатан (коэффициентда) Ишлаб чиқариш ходимлари 1. Тўгарак раҳбари 1.1. олий тоифали 2,724 1.2. биринчи тоифали 2,506 1.3. иккинчи тоифали 2,297 1.4. тоифасиз (олий маълумотли) 2,097 1.5. тоифасиз (ўрта махсус маълумотли) 1,907 2. Болалар сайёҳлик базаси мудири 2,297 3. Болалар сайёҳлик базаси бош мутахассиси 1,505 4. Экскурсовод 4.1. олий тоифали 1,511 4.2. биринчи тоифали 1,390 4.3. иккинчи тоифали 1,274 4.4. тоифасиз (олий маълумотли) 1,163 4.5. тоифасиз (ўрта махсус маълумотли) 1,057 5. Саёҳат ташкилотчиси 5.1. олий тоифали 1,5115 5.2. биринчи тоифали 1,390 5.3. иккинчи тоифали 1,274 5.4. тоифасиз (олий маълумотли) 1,163 5.5. тоифасиз (ўрта махсус маълумотли) 1,057 6. Аккомпаниатор, сувда қутқарувчи-йўриқчи, сузиш бўйича йўриқчи 6.1. олий тоифали 1,579 6.2. биринчи тоифали 1,453 6.3. иккинчи тоифали 1,332 6.4. тоифасиз (олий маълумотли) 1,216 6.5. тоифасиз (ўрта махсус маълумотли) 1,106 7. Спорт ва соғломлаштириш мажмуаси мудири 5,295 8. Қабул қилиш ва жойлаштириш бўйича менежер 1,883 9. Врач-терапевт ** Техник ва хизмат кўрсатувчи ходимлар 10. Хўжалик мудири 1,505 11. Раҳбар котиби (референт-котиб) 1,269 12. Архивариус 1,269 13. Бадиий раҳбар 1,883 14. Жамғармаларни сақловчи 1,053 15. Ошпаз 1,384 16. Ошпаз ёрдамчиси 1,269 17. Тиббиёт ҳамшираси ** 18. Хўжалик бекаси 1,053 19. Кир ювувчи 1,106 20. Бино (ётоқхона) коменданти 1,053 21. Мусиқа асбобларини таъмирловчи-созловчи 1,384 22. Гардеробчи 1,000 23. Безовчи рассом 1,106 24. Ўт ёқувчи 1,384 25. Биноларга комплекс хизмат кўрсатиш ва таъмирлаш бўйича ишчи 1,269 26. Хизмат хоналари фарроши 1,053 27. Ҳовли супурувчи 1,053 28. Боғбон 1,106 29. Қоровул 1,106 30. Автомобиль ҳайдовчиси (енгил, юк ташувчи), автобус ҳайдовчиси ** 31. Электромонтёр 1,384 32. Чилангар-сантехник 1,384 33. Хлораторчи 1,269 34. Меҳнат муҳофазаси ва техника хавфсизлиги бўйича инспектор 1,505 35. Овоз техникасига хизмат кўрсатиш бўйича механик 1,384

«Келажак» марказларининг бошқарув, техник, хизмат кўрсатувчи ва ўқув-ёрдамчи ходимларининг намунавий штатлари ва меҳнатга ҳақ тўлаш шартларига ИЛОВА

«Келажак» марказлари техник, хизмат кўрсатувчи ва бошқа лавозимларни киритиш

1. «Келажак» марказларида (кейинги ўринларда — Марказ) тўгарак раҳбари лавозими гуруҳларнинг шаклланиши ва машғулотлар ҳажмига қараб киритилади.

Тармоқ тўгаракларда тўгарак раҳбари лавозими Марказ учун белгиланган тартибда киритилади.

2. Марказда Болалар сайёҳлик базаси мавжуд бўлса, ҳар бирига 1,0 бирлик Болалар сайёҳлик базаси мудири лавозими киритилади.

3. Болалар сайёҳлик базаси бош мутахассиси лавозими Болалар сайёҳлик базасининг ҳар 100 ўрин учун 1,0 бирлик ҳисобидан келиб чиққан ҳолда (мутаносиб равишда) киритилади.

4. Доимий фаолият кўрсатувчи Болалар сайёҳлик базаси учун 1,0 бирлик экскурсовод, мавсумий фаолият кўрсатувчи сайёҳлик базаси учун 1,0 бирлик саёҳат ташкилотчиси лавозими киритилади.

5. Ошпаз ва ошпаз ёрдамчиси лавозими Болалар сайёҳлик базасининг фаолият турига қараб доимий ёки мавсумий ишлаш учун 1,0 бирликдан киритилади.

6. Тиббиёт ҳамшираси лавозими:

Республика «Келажак» марказига 1,5 бирлик;

Болалар сайёҳлик базасининг фаолият турига қараб доимий ёки мавсумий ишлаш учун 1,0 бирлик;

Спорт ва соғломлаштириш мажмуасига 2,0 бирлик киритилади.

7. Хўжалик бекаси лавозими Болалар сайёҳлик базасининг фаолият турига қараб доимий ёки мавсумий ишлаш учун 1,0 бирлик киритилади.

8. Кир ювувчи лавозими Болалар сайёҳлик базасининг фаолият турига қараб доимий ёки мавсумий ишлаш учун 1,0 бирлик киритилади.

9. Доимий фаолият кўрсатувчи экскурсия сайёҳлик базасида бино (ётоқхона) комменданти лавозими дам олиш, байрам ва меҳнат таътили вақтида ўрин алмашишни ҳисобга олган ҳолда ҳар бир турар жой биноси учун 1,0 бирлик ҳисобидан киритилади.

10. Мусиқа асбобларини таъмирловчи-созловчи лавозими мусиқий йўналишдаги тўгараклари мавжуд бўлганда 0,5 бирлик киритилади.

11. Гардеробчи лавозими муассасада хор, драма, хореография, театр ва шу каби тўгараклар фаолияти йўлга қўйилган ҳолда кийим-бош сақлаш учун мўлжалланган хона мавжуд бўлса (кийим-бош ва оёқ кийимларни сақлаш ва тарқатиш учун) 1,0 бирлик киритилади.

12. Томоша зали ва саҳнаси мавжуд бўлган Республика «Келажак» маркази, Қорақалпоғистон Республикаси, вилоят ва Тошкент шаҳри «Келажак» марказларида 1,0 бирлик безовчи рассом лавозими киритилади.

13. Марказда хор, драма, хореография, театр каби тўгараклар фаолияти йўлга қўйилган бўлса 1,0 бирлик аккомпаниатор лавозими киритилади.

14. Жамғармаларни сақловчи лавозими болалар томонидан ясалган (тайёрланган) моделлар, расмлар, лойиҳалар ва бошқа ижодий маҳсулотларни сақлаб туриш учун Республика «Келажак» маркази, Қорақалпоғистон Республикаси, вилоят ва Тошкент шаҳри «Келажак» марказларида 1,0 бирликдан, туман (шаҳар) марказларида 0,5 бирликдан киритилади.

15. Уй-жой коммунал хўжалик тизимига ўтказилмаган Марказда иситиш мавсумида (5 ой) ўт ёқувчи лавозими:

марказлашган иситиш тизимида кўмир, торф, мазут, табиий газ ва бошқалар билан иситиладиган ҳар бир қозонхонага бир ўрин алмашиш иш вақти (смена) учун 1,0 бирлик ҳисобидан;

локал иситиш қозонлари билан иситиладиган ҳар бир алоҳида манзилда жойлашган бинолар мажмуасига ҳар бир ўрин алмашиш иш вақти (смена) учун қозонлар сони 6 тагача бўлса 1,0 бирликдан, 6 ва ундан ортиқ бўлса 2,0 бирликдан;

иситиш печлари орқали иситиладиган муассасаларда ҳар 10 дона печь учун 1,0 бирлик ва кейинги ҳар 5 — 9 дона печь учун қўшимча 0,5 бирлик, лекин муассаса учун 0,5 бирликдан кам бўлмаган ҳолда киритилади.

Марказ марказий иситиш тизими орқали иситилганда ҳамда ҳудудида иссиқлик пункти ёки элеватор жойлашган бўлса 1,0 бирлик биноларга комплекс хизмат кўрсатиш ва таъмирлаш бўйича ишчи лавозими, агар муассасада бойлер ва насослар (ер остидан насос орқали сув тортиб оладиган сув йиғувчи минора (иншоот)) мавжуд бўлса, бир ўрин алмашиш иш вақти (смена)га 1,0 бирликдан киритилади.

Йил давомида ювиниш хонаси ёки ошхона ички қозонхона ҳисобидан иссиқ сув билан таъминланадиган Марказда ушбу бандда қайд этилган ўт ёқувчи лавозими биттаси доимий киритилади.

16. Биноларнинг барча ички қисмлари шу жумладан, хизмат хоналари, тўгарак ва машғулот хоналари, йўлак(каридор)лар, томоша заллари, бассейн жойлашган ҳудудлар, зинапоялар ва ётоқхона майдонини тозаловчи хизмат хоналари фарроши лавозими ҳар 400 кв. метр тозалаш майдони учун 0,5 бирлик ҳисобидан келиб чиққан ҳолда (мутаносиб равишда) киритилади. Ушбу лавозим Марказда 0,5 бирликдан кам бўлмаслиги лозим.

17. Марказнинг қоплама тўшалган (асфальт, бетон, брусчатка) ҳамда спорт майдонларининг ҳар 2500 кв. метр майдони учун 1,0 бирлик ҳисобидан келиб чиққан ҳолда (мутаносиб равишда) ҳовли супурувчи лавозими киритилади. Ушбу лавозим Марказда 0,5 бирликдан кам бўлмаслиги лозим.

18. Марказнинг мевали боғ, гулзор ва кўкаламзорлаштирилган 0,5 га дан 2,0 га гача майдони учун 1,0 бирлик, кейинги ҳар 2,0 га майдон учун 1,0 бирлик ҳисобидан келиб чиққан ҳолда (мутаносиб равишда) боғбон лавозими киритилади (Марказнинг ижарага берилган майдони бундан мустасно).

19. Марказнинг ҳар бир алоҳида манзилда жойлашган биноси учун дам олиш, байрам ва меҳнат таътили вақтида ўрин алмашишни ҳисобга олган ҳолда 3,0 бирликдан қоровул лавозими киритилади.

20. Автомобиль ҳайдовчиси (енгил, юк ташувчи), автобус ҳайдовчиси лавозими Марказнинг ҳар бир соз ҳолатдаги автотранспорт воситаси учун 1,0 бирликдан киритилади.

21. Электромонтёр лавозими ҳар 500 ёритиш ва электр нуқталарига (включатель, чироқ, розетка, балансда бўлган кўча ёриткичлар сони ҳисобга олинади) 1,0 бирлик ҳисобидан келиб чиққан ҳолда (мутаносиб равишда), бироқ Марказда 0,5 бирликдан кам бўлмаган ҳолда киритилади.

22. Чилангар-сантехник лавозими сув қувурлари, канализация ва иссиқлик қуввати билан жиҳозланган ҳар 2000 кв. метр майдонига 1,0 бирлик ҳисобидан келиб чиққан ҳолда (мутаносиб равишда), бироқ Марказда 0,5 бирликдан кам бўлмаган ҳолда киритилади.

23. Марказда Спорт ва соғломлаштириш мажмуаси мавжуд бўлганда:

1,0 бирлик Спорт ва соғломлаштириш мажмуаси мудири лавозими;

1,0 бирлик болаларга хизмат кўрсатиш юзасидан Қабул қилиш ва жойлаштириш бўйича менежер лавозими;

1,0 бирлик врач терапевт лавозими киритилади.

24. Марказда бассейн мавжуд бўлганда:

1,0 бирлик хлораторчи лавозими;

ҳар 20 нафар бола учун 1,0 бирлик ҳисобидан келиб чиққан ҳолда (мутаносиб равишда) сувда қутқарувчи-йўриқчи лавозими киритилади, бироқ ушбу лавозим 1,0 бирликдан кам бўлмаган ҳолда;

ҳар 40 нафар бола учун 1,0 бирлик ҳисобидан келиб чиққан ҳолда (мутаносиб равишда) сузиш бўйича йўриқчи лавозими киритилади, бироқ ушбу лавозим 1,0 бирликдан кам бўлмаган ҳолда киритилади.

25. Марказ учун 1,0 бирлик хўжалик мудири лавозими киритилади.

26. Республика «Келажак» марказига 1,0 бирликдан раҳбар котиби (референт-котиб), архивариус, меҳнат муҳофазаси ва техника хавфсизлиги бўйича инспектор, бадиий раҳбар, овоз техникасига хизмат кўрсатиш бўйича механик лавозимлари киритилади.

27. Иш шароитлари ва ҳажми бўйича мазкур Намунавий штатларни қўллаб бўлмайдиган айрим Марказнинг штатларига улар фаолиятининг ўзига хос хусусиятларидан келиб чиқиб, муассис ва тегишли иқтисодиёт ва молия органи билан келишган ҳолда, умумий ходимлар сонининг 10 фоизидан кўп бўлмаган миқдорда ажратилган иш ҳақи жамғармаси доирасида ўзгартириш киритилиши мумкин.

Вазирлар Маҳкамасининг 2025 йил 10 декабрдаги 776-сон қарорига 5-ИЛОВА

Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар

1. Вазирлар Маҳкамасининг «Таълим муассасалари ҳақидаги низомларни тасдиқлаш тўғрисида» 1995 йил 18 февралдаги 59-сон қарорига илованинг 2-банди иккинчи хатбошисидаги «Баркамол авлод» болалар мактаблари» сўзлари «Келажак» марказлари» сўзлари билан алмаштирилсин.

2. Вазирлар Маҳкамасининг «Халқ таълими ходимлари меҳнатига ҳақ тўлашнинг такомиллаштирилган тизимини тасдиқлаш тўғрисида» 2005 йил 21 декабрдаги 275-сон қарорида :

а) 2-банднинг иккинчи ва учинчи хатбошиларидаги «мактабдан ташқари» сўзлари «қўшимча» сўзи билан алмаштирилсин;

б) 1-иловада :

номи ҳамда 3 ва 8-позициялардаги «мактабдан ташқари» сўзлари «қўшимча» сўзи билан алмаштирилсин;

11-позиция «Лавозимлар номи» устунидаги «Баркамол авлод» болалар мактабларининг тўгарак раҳбарлари, инструктор-методистлари ва методистлари,» сўзлари чиқариб ташлансин;

изоҳ қисмининг иккинчи хатбошисидаги «Мактабдан ташқари муассасалар» сўзлари «Қўшимча таълим муассасалари» сўзлари билан алмаштирилсин;

в) 2-иловада :

1.3-позициянинг «Лавозимлар номи» устунидаги «Мактабдан ташқари муассаса» сўзлари «Қўшимча таълим муассасаси» сўзлари билан алмаштирилсин.

1.4-позиция чиқариб ташлансин;

2.3-позициянинг «Лавозимлар номи» устунидаги «Мактабдан ташқари муассаса» сўзлари «Қўшимча таълим муассасаси» сўзлари билан алмаштирилсин;

2.4-позиция чиқариб ташлансин;

г) 3-илованинг 3-бандидаги жадвалнинг «Халқ таълими муассасасининг типи» устунидаги «Мактабдан ташқари муассасалар» сўзлари «Қўшимча таълим муассасалари» сўзлари билан алмаштирилсин.

3. Вазирлар Маҳкамасининг 2006 йил 20 февралдаги 27-сон қарори билан тасдиқланган Давлат ахборот ресурслари ҳамда уларни шакллантириш, улардан фойдаланиш ва уларни қўллаб-қувватлаш учун масъул бўлган давлат органлари рўйхатининг 32 2 -позицияси қуйидаги таҳрирда баён этилсин:

« 32 2 . Қўшимча таълим муассасалари Мактабгача ва мактаб таълими вазирлиги » .

4. Вазирлар Маҳкамасининг «Республика олимпия захиралари теннис мактабининг фаолиятини ташкил этиш чора-тадбирлари тўғрисида» 2008 йил 13 июндаги 132-сон қарорида :

а) 1-банднинг иккинчи хатбошисидаги «мактабдан ташқари» сўзлари «қўшимча» сўзи билан алмаштирилсин;

б) 1-илованинг 1-бандидаги «мактабдан ташқари» сўзлари «қўшимча» сўзи билан алмаштирилсин.

5. Вазирлар Маҳкамасининг «Ўзбекистон иқтидорли ёшларини тақдирлаш ва моддий рағбатлантириш тўғрисида» 2008 йил 13 октябрдаги 226-сон қарорига 5-илованинг 2 2 -бандида :

биринчи хатбоши қуйидаги таҳрирда баён этилсин:

«2 2 . Мусиқа, рақс, театр, фольклор, шунингдек тасвирий ва амалий санъат ҳамда дизайн йўналишларидаги республика (1-ўрин, жумладан «Турон» театри, «Иқтидор ансамбли», «Жадидлар изидан» танловларининг республика босқичи ғолиблари) ва халқаро танловларда (1 — 3-ўринлар) ғолиб чиққан профессионал таълим муассасалари, ихтисослаштирилган санъат ва маданият мактаблари ҳамда мактаб-интернатлари ва умумтаълим мактабларининг битирувчиларига олий таълим муассасаларининг касбий (ижодий) имтиҳонларида соҳа бўйича энг юқори балл белгиланган фандан максимал балл олиш имтиёзи берилади»;

қуйидаги мазмундаги иккинчи хатбоши билан тўлдирилсин:

«Бунда «Иқтидор» мактаб ансамбли танловининг вилоят босқичи ғолиблари олий таълим муассасаларига кириш ёшига етмаган тақдирда Болалар мусиқа ва санъат мактабларида бепул ўқишга (ота-оналар тўловидан озод этилади) рухсат этилади»;

иккинчи ва учинчи хатбошилар тегишлича учинчи ва тўртинчи хатбошилар деб ҳисоблансин.

6. Вазирлар Маҳкамасининг 2012 йил 18 октябрдаги 297-сон қарори билан тасдиқланган Ўриндошлик асосида ҳамда бир неча касбда ва лавозимда ишлаш тартиби тўғрисида низомнинг иловаси 6-бандида :

а) «мактабдан ташқари» сўзлари «қўшимча» сўзи билан алмаштирилсин;

б) қуйидаги мазмундаги иккинчи хатбоши билан тўлдирилсин:

«Келажак» марказлари тўгарак раҳбарларининг айнан шу муассасада белгиланган меҳнат нормасидан ортиқ бўлган, лекин ушбу иш тури бўйича иш вақти нормал давомийлигининг 100 фоизидан кўп бўлмаган иши».

7. Вазирлар Маҳкамасининг «Сурхондарё вилоятида спортнинг миллий кураш турини янада ривожлантириш тўғрисида» 2015 йил 15 мартдаги 41-сон қарорининг 3-банди учинчи хатбошисидаги «мактабдан ташқари» сўзлари «қўшимча» сўзи билан алмаштирилсин.

8. Вазирлар Маҳкамасининг 2016 йил 5 майдаги 144-сон қарори билан тасдиқланган Болалар мусиқа ва санъат мактаблари тўғрисида низомнинг 1-бандидаги , 26-бандидаги , 44-банднинг тўртинчи ва бешинчи хатбошиларидаги , 46-банднинг иккинчи хатбошисидаги , 51-банднинг иккинчи хатбошисидаги , 61-банднинг ўнинчи хатбошисидаги ва 77-банднинг биринчи хатбошисидаги «мактабдан ташқари» сўзлари «қўшимча» сўзи билан алмаштирилсин.

9. Вазирлар Маҳкамасининг «Ўзбекистон давлат консерваторияси ҳузурида Мусиқа соҳаси педагогларини қайта тайёрлаш ва уларнинг малакасини ошириш маркази фаолиятини ташкил этиш тўғрисида» 2019 йил 20 февралдаги 149-сон қарорида :

а) 4-банд қуйидаги таҳрирда баён этилсин:

«4. Белгилаб қўйилсинки, Марказ юридик шахс мақомига, ўз уставига, Ўзбекистон Республикаси Давлат герби тасвири туширилган ва ўз номи давлат тилида ёзилган муҳрга ҳамда бланкаларга, мустақил балансга, Ўзбекистон Республикаси Иқтисодиёт ва молия вазирлигининг Ғазначилигида шахсий ғазна ҳисобварағига эга бўлган, мусиқага ихтисослаштирилган мактаб (мактаб-интернатлар), ўрта махсус ва қўшимча таълим муассасалари, хусусан, болалар мусиқа ва санъат мактабларининг педагог ходимларини (кейинги ўринларда мусиқа соҳаси педагоглари деб аталади) қайта тайёрлаш ва уларнинг малакасини оширишга ихтисослаштирилган илмий-методик ва таълим муассасаси ҳисобланади»;

б) 2-илованинг 1-бандидаги , 4-банднинг тўртинчи , бешинчи ва еттинчи хатбошиларидаги , 6-банднинг ўн бешинчи хатбошисидаги ҳамда 29-банддаги «мактабдан ташқари» сўзлари «қўшимча» сўзи билан алмаштирилсин.

10. Вазирлар Маҳкамасининг «Ўзбекистон Республикасида Экологик таълимни ривожлантириш концепциясини тасдиқлаш тўғрисида» 2019 йил 27 майдаги 434-сон қарори :

а) 1-илованинг 4-банди саккизинчи хатбошисидаги , 9-бобнинг номидаги , 46-банднинг биринчи ва иккинчи хатбошиларидаги ҳамда 48-банддаги «мактабдан ташқари» сўзлари «қўшимча» сўзи билан алмаштирилсин;

б) 2-иловада :

«VII. Мактабдан ташқари таълим тизимида» блогидаги «Мактабдан ташқари» сўзлари «Қўшимча» сўзи билан алмаштирилсин;

25-позиция қуйидаги таҳрирда баён этилсин:

« 25. Мактабдан ташқари тизимида экологик таълим-тарбия жараёнларини ривожлантириш. 1) Қўшимча таълим муассасаларининг тегишли йўналиши (экология ва ўлкашунослик) ўқув дастурларини таҳлил қилиш; 2) ўқув дастурлари мазмунини болаларнинг қизиқишини оширувчи, мустақил экологик тадқиқотлар олиб боришга йўналтирилган машғулот ва топшириқлар билан бойитиш; 3) қўшимча таълим муассасаларининг тегишли йўналишларига болалар қамровини кўпайтиришнинг таъсирчан механизмларини ишлаб чиқиш. 2019 йил август ойидан бошлаб мунтазам равишда Маблағ талаб этилмайди Мактабгача ва мактаб таълими вазирлиги (Э. Каримова), Ўзбекистон Республикаси Экология ва иқлим ўзгариши миллий қўмитаси (А. Абдухакимов) ».

11. Вазирлар Маҳкамасининг 2019 йил 9 сентябрдаги 754-сон қарори билан тасдиқланган Аҳолининг барча қатламларини фавқулодда вазиятларда ҳаракат қилишга ва фуқаро муҳофазаси соҳасида тайёрлаш тартиби тўғрисидаги низомнинг 6-банди «б» кичик бандининг учинчи хатбошисидаги «мактабдан ташқари» сўзлари «қўшимча» сўзи билан алмаштирилсин.

12. Вазирлар Маҳкамасининг 2019 йил 24 декабрдаги 1028-сон қарори билан тасдиқланган Нодавлат умумтаълим ташкилотининг намунавий уставининг 48-банди ўнинчи хатбошисидаги «мактабдан ташқари» сўзлари «қўшимча» сўзи билан алмаштирилсин.

13. Вазирлар Маҳкамасининг «Мактабдан ташқари таълим тизимини такомиллаштиришнинг қўшимча чора-тадбирлари тўғрисида» 2021 йил 27 майдаги 331-сон қарорида :

а) 1-бандда :

иккинчи — тўртинчи хатбошилар чиқариб ташлансин;

бешинчи — еттинчи хатбошилар тегишлича иккинчи — тўртинчи хатбошилар деб ҳисоблансин;

учинчи хатбоши қуйидаги таҳрирда баён этилсин:

«Қорақалпоғистон Республикаси, вилоятлар ва Тошкент шаҳар Болалар кутубхоналарининг бошқарув, техник, хизмат кўрсатувчи ва ўқув-ёрдамчи ходимларининг намунавий штатлари ва меҳнатга ҳақ тўлаш шартлари 6-иловага мувофиқ»;

б) 2-банд қуйидаги таҳрирда баён этилсин:

«2. Ўзбекистон Республикаси мактабгача ва мактаб таълими вазирига Иқтисодиёт ва молия вазирлиги, Рақамли технологиялар вазирлиги ҳамда Рақобатни ривожлантириш ва истеъмолчилар ҳуқуқларини ҳимоя қилиш қўмитаси билан келишган ҳолда мактабгача ва мактаб таълими тизимидаги умумий ўрта ва қўшимча таълим муассасалари учун ўқувчиларнинг муҳандислик, робототехника, мехатроника ва дастурий таъминот йўналишлари бўйича ўқув машғулотларида фойдаланиш ҳамда инновацион ишланмаларни амалга ошириш юзасидан республикада ишлаб чиқарилмайдиган, хориждан олиб келинадиган хом-ашёлар ва жиҳозлар рўйхатини тасдиқлаш ҳуқуқи берилсин»;

в) 3 ва 4-бандлар ҳамда 1 — 4-иловалар ўз кучини йўқотган деб ҳисоблансин;

г) 6-илова қуйидаги таҳрирда баён этилсин:

«Вазирлар Маҳкамасининг 2021 йил 27 майдаги 331-сон қарорига 6-ИЛОВА

Қорақалпоғистон Республикаси, вилоятлар ва Тошкент шаҳар Болалар кутубхоналарининг бошқарув, техник, хизмат кўрсатувчи ва ўқув-ёрдамчи ходимларининг намунавий штатлари ва меҳнатга ҳақ тўлаш шартлари

1. Директор, директор ўринбосарлари, бошқарув ва бошқа ходимлар намунавий штатлари ва меҳнатга ҳақ тўлаш шартлари

Т/р Лавозимлар номи Қорақалпоғистон Республикаси Андижон вилояти Бухоро вилояти Жиззах вилояти Қашқадарё вилояти Навоий вилояти Наманган вилояти Самарқанд вилояти Сурхондарё вилояти Сирдарё вилояти Тошкент вилояти Фарғона вилояти Хоразм вилояти Тошкент шаҳар Жами штат бирлик сони Меҳнатга ҳақ тўлашнинг энг кам миқдорига нисбатан (коэффициентда) Директор 1 1 1 1 1 1 1 1 1 1 1 1 1 1 14 * Директор ўринбосари 3 2 2 2 2 2 2 3 2 2 2 3 2 2 31 * Бўлим бошлиқлари 5 2 3 2 3 2 2 5 3 2 3 5 2 3 42 * Бош бухгалтер 1 1 1 1 1 1 1 1 1 1 1 1 1 1 14 * Шўъба мудири-бош кутубхоначи 1 1 1 3 * Шўъба мудири-бош библиограф 1 1 1 3 * Бош кутубхоначи 3 3 3 3 3 3 3 3 3 3 3 3 3 3 42 * Бош библиограф 1 1 1 1 1 1 1 1 1 1 1 1 1 1 14 * Етакчи кутубхоначи 5 2 2 2 2 2 2 5 2 2 2 5 2 2 37 * Услубчи 7 2 2 2 2 2 2 7 2 2 2 7 2 2 43 * Мактабларга амалий ва услубий ёрдам кўрсатиш бўлими услубчиси**** * Маданият ишлари бўйича ташкилотчи 1 1 1 3 ** Бухгалтер 1 1 1 3 2,870 Юрисконсульт 1 1 1 3 *** Жами 31 14 15 14 15 14 14 31 15 14 15 31 14 15 252

2. Қорақалпоғистон Республикаси, вилоятлар ва Тошкент шаҳар Болалар кутубхоналари техник, хизмат кўрсатувчи ва бошқа лавозимларининг меҳнатига ҳақ тўлаш шартлари

Т/р Лавозимлар номи Меҳнатга ҳақ тўлашнинг энг кам миқдорига нисбатан (коэффициентда) 1. Гардеробчи 1,000 2. Ўт ёқувчи 1,384 3. Биноларга комплекс хизмат кўрсатиш ва таъмирлаш бўйича ишчи 1,269 4. Хизмат хоналари фарроши 1,053 5. Ҳовли супурувчи 1,053 6. Боғбон 1,106 7. Қоровул 1,106 8. Автомобиль ҳайдовчиси (енгил, юк ташувчи), автобус ҳайдовчиси * 9. Электромонтёр 1,384 10. Чилангар-сантехник 1,384 11. Раҳбар котиби (референт-котиб) 1,269 12. Хўжалик мудири 1,505

3. Техник, хизмат кўрсатувчи ва бошқа лавозимларни киритиш меъёрлари иловага мувофиқ белгиланади.

Қорақалпоғистон Республикаси, вилоятлар ва Тошкент шаҳар Болалар кутубхоналарининг бошқарув, техник, хизмат кўрсатувчи ва ўқув-ёрдамчи ходимларининг намунавий штатлари ва меҳнатга ҳақ тўлаш шартларига ИЛОВА

Болалар кутубхоналарининг техник, хизмат кўрсатувчи ва бошқа лавозимларини киритиш

1. Гардеробчи лавозими Қорақалпоғистон Республикаси, вилоятлар ва Тошкент шаҳар Болалар кутубхоналарида (кейинги ўринларда — кутубхона) кийим-бош сақлаш учун мўлжалланган хона мавжуд бўлса мавсумий 5 ой учун 1,0 бирлик киритилади.

2. Уй-жой коммунал хўжалик тизимига ўтказилмаган кутубхонада иситиш мавсумида (5 ой) ўт ёқувчи лавозими:

марказлашган иситиш тизимида кўмир, торф, мазут, табиий газ кабилар билан иситиладиган ҳар бир қозонхонага бир ўрин алмашиш иш вақти (смена) учун 1,0 бирлик ҳисобидан;

локал иситиш қозонлари билан иситиладиган ҳар бир алоҳида манзилда жойлашган бинолар мажмуасига ҳар бир ўрин алмашиш иш вақти (смена) учун қозонлар сони 6 тагача бўлса 1,0 бирликдан, кейинги ҳар 6 та қозонга 1,0 бирлик ҳисобидан келиб чиққан ҳолда (мутаносиб равишда);

иситиш печлари орқали иситиладиган муассасаларда ҳар 10 дона печь учун 1,0 бирлик ва кейинги ҳар 5 — 9 дона печь учун қўшимча 0,5 бирлик, бироқ 0,5 бирликдан кам бўлмаган ҳолда;

Кутубхона марказий иситиш тизими орқали иситилганда ҳамда ҳудудида иссиқлик пункти ёки элеватор жойлашган бўлса 1,0 бирлик биноларга комплекс хизмат кўрсатиш ва таъмирлаш бўйича ишчи лавозими, агар муассасада бойлер ва насослар (ер остидан насос орқали сув тортиб оладиган сув йиғувчи минора (иншоот)) мавжуд бўлса, бир ўрин алмашиш иш вақти(смена)га 1,0 бирликдан киритилади.

Йил давомида ювиниш хонаси ёки ошхона ички қозонхона ҳисобидан иссиқ сув билан таъминланадиган кутубхонада юқорида қайд этилган ўт ёқувчи лавозими биттаси доимий киритилади.

3. Биноларнинг барча ички қисмлари шу жумладан, хизмат хоналари, тўгарак ва машғулот хоналари, йўлак (коридор)лар, томоша заллари, бассейн жойлашган ҳудудлар, зинапоялар ва ётоқхона майдонини тозаловчи хизмат хоналари фарроши лавозими ҳар 400 кв. метр тозалаш майдони учун 0,5 бирлик ҳисобидан келиб чиққан ҳолда (мутаносиб равишда) киритилади. Ушбу лавозим 0,5 бирликдан кам бўлмаслиги лозим.

4. Кутубхонанинг ҳар қоплама тўшалган (асфальт, бетон. брусчатка) майдонининг ҳар 2500 кв.метр майдони учун 1,0 бирлик ҳисобидан келиб чиққан ҳолда (мутаносиб равишда) ҳовли супурувчи лавозими киритилади.

5. Боғбон лавозими мевали боғ, гулзор ва кўкаламзорлаштирилган 0,5 тадан 2,0 гагача майдони учун 1,0 бирлик, кейинги ҳар 2,0 га майдон учун 1,0 бирлик ҳисобидан келиб чиққан ҳолда (мутаносиб равишда) боғбон лавозими киритилади, ижарага берилган майдон бундан мустасно.

6. Кутубхонанинг ҳар бир алоҳида манзилда жойлашган биноси учун дам олиш, байрам ва меҳнат таътили вақтида ўрин алмашишни ҳисобга олган ҳолда 3,0 бирликдан қоровул лавозими киритилади.

7. Автомобиль ҳайдовчиси (енгил, юк ташувчи), автобус ҳайдовчиси лавозими ҳар бир соз ҳолатдаги автотранспорт воситаси учун 1,0 бирликдан киритилади.

8. Электромонтёр лавозими ҳар 500 ёритиш ва электр нуқталарига (включатель, чироқ, розетка, балансда бўлган кўча ёриткичлари сони ҳисобга олинади) 1,0 бирлик ҳисобидан келиб чиққан ҳолда (мутаносиб равишда), бироқ ушбу лавозим 0,5 бирликдан кам бўлмаган ҳолда киритилади.

9. Чилангар-сантехник лавозими сув қувурлари, канализация ва иссиқлик қуввати билан жиҳозланган ҳар 2 000 кв метр майдонига 1,0 бирлик ҳисобидан келиб чиққан ҳолда (мутаносиб равишда), бироқ ушбу лавозим 0,5 бирликдан кам бўлмаган ҳолда киритилади.

10. Кутубхона учун 1,0 бирлик раҳбар котиби (референт-котиб) лавозими киритилади.

11. Кутубхона учун 1,0 бирлик хўжалик мудири лавозими киритилади.

12. Иш шароитлари ва ҳажми бўйича мазкур Намунавий штатларни қўллаб бўлмайдиган айрим кутубхонанинг штатларига улар фаолиятининг ўзига хос хусусиятларидан келиб чиқиб, умумий ходимлар сонининг 10 фоизидан кўп бўлмаган миқдорда ажратилган иш ҳақи жамғармаси доирасида ўзгартириш киритилишига рухсат этилади»;

д) 7-илованинг 26-банди иккинчи хатбошиси қуйидаги таҳрирда баён этилсин:

«Вазирлик тизимидаги ҳудудий «Болалар кутубхоналари»нинг директорлари Вазирлик билан келишилган ҳолда Республика «Келажак» маркази директори томонидан лавозимга тайинланади ва лавозимдан озод этилади».

14. Вазирлар Маҳкамасининг «Хорижий тилларни ўрганишни такомиллаштириш бўйича қўшимча чора-тадбирлар тўғрисида» 2022 йил 19 январдаги 34-сон қарорининг 8-банди қуйидаги таҳрирда баён этилсин:

«8. Белгилансинки, 2023 йил 1 январдан бошлаб мактабгача, умумий ўрта, ўрта махсус ва профессионал, шунингдек, қўшимча таълим ташкилотлари чет (инглиз, француз, немис, испан, итальян, араб, хитой, япон, корейс, турк, форс, пушту, дари, урду ҳинд) тили фани ўқитувчиларининг аттестацияси жараёнида ўқув фани бўйича малака синовлари тегишлилиги бўйича Мактабгача ва мактаб таълими вазирлиги ҳамда Олий таълим, фан ва инновациялар вазирлиги томонидан тинглаб тушуниш, ўқиш, ёзиш ҳамда гапириш кўникмаларини баҳолашни назарда тутувчи касбий синов шаклида ўтказилади».

15. Вазирлар Маҳкамасининг 2022 йил 25 февралдаги 88-сон қарори билан тасдиқланган Фаолиятни бошлаш ёки тугатиш учун ваколатли органни хабардор қилиш тартиби тўғрисидаги ягона низомга 6-иловада :

а) 1 ва 2-позициялар қуйидаги таҳрирда баён этилсин:

« 1. Хабарнома номи: Қўшимча таълим фаолиятини бошлаганлик ёки тугатганлик тўғрисида хабарнома 2. Хабардор қилиш тартибида амалга ошириладиган фаолият тури: а) болалар учун нодавлат қўшимча таълим, шу жумладан, болалар учун чет тилларини ўргатиш фаолияти; б) катта ёшдагилар учун нодавлат қўшимча таълим, шу жумладан, катта ёшдагилар учун чет тилларини ўргатиш фаолияти. »;

б) 4-позиция қуйидаги таҳрирда баён этилсин:

« 4. Хабарномани қабул қилувчи ваколатли орган(лар): Ўзбекистон Республикаси Мактабгача ва мактаб таълими вазирлиги; Ўзбекистон Республикаси Олий таълим, фан ва инновациялар вазирлиги ».

16. Вазирлар Маҳкамасининг 2022 йил 6 июлдаги 363-сон қарори билан тасдиқланган Болалар масалалари бўйича миллий комиссия тўғрисидаги низомнинг 8-банди саккизинчи хатбошисидаги «мактабдан ташқари» сўзлари «қўшимча» сўзи билан алмаштирилсин.

17. Вазирлар Маҳкамасининг «Педагог ходимлар учун йиллик узайтирилган меҳнат таътили давомийлиги меъёрларини белгилаш чора-тадбирлари тўғрисида» 2023 йил 26 июндаги 263-сон қарорига иловадаги «III. Мактабдан ташқари таълим ташкилотлари» сўзлари «III. Қўшимча таълим ташкилотлари» сўзлари билан, «1. Баркамол авлод болалар мактаблари, Ўқувчи ёшлар маркази» сўзлари «1. «Келажак» марказлари» сўзлари билан алмаштирилсин.

18. Вазирлар Маҳкамасининг 2024 йил 27 мартдаги 157-сон қарори билан тасдиқланган Давлат таълим стандартлари ва давлат таълим талабларини ишлаб чиқиш ҳамда жорий этиш тартиби тўғрисида низомда :

а) 9-банднинг тўртинчи хатбошисидаги , 21-банддаги , 22-банднинг иккинчи хатбошисидаги «мактабдан ташқари» сўзлари «қўшимча» сўзи билан алмаштирилсин;

б) 2-илованинг 9-позицияси «Ўзбекистон Республикасининг таълим босқичлари» устунидаги «мактабдан ташқари» сўзлари «қўшимча» сўзи билан алмаштирилсин.

19. Вазирлар Маҳкамасининг «Мактабгача таълим тизимини рақамлаштириш ва мактабгача таълим ташкилотлари фаолиятини янада такомиллаштиришнинг қўшимча чора-тадбирлари тўғрисида» 2024 йил 18 декабрдаги 848-сон қарорининг 5-банди «а» кичик бандининг биринчи хатбошисидаги «мактабдан ташқари» сўзлари «қўшимча» сўзи билан алмаштирилсин.

20. Вазирлар Маҳкамасининг 2024 йил 20 декабрдаги 867-сон қарори билан тасдиқланган Мактабгача ва мактаб таълими ташкилотлари ходимларини узлуксиз касбий ривожлантиришни ташкил этиш тартиби тўғрисида низомнинг 2-банди иккинчи , тўққизинчи ва ўнинчи хатбошиларидаги , 5-бандининг ўн биринчи хатбошисидаги , 8-бандининг тўртинчи хатбошисидаги , 9-бандининг учинчи ва бешинчи хатбошиларидаги , 15-бандининг биринчи хатбошисидаги , 19-бандининг учинчи хатбошисидаги , 41 ва 43-бандларидаги «мактабдан ташқари» сўзлари «қўшимча» сўзи билан алмаштирилсин.

21. Вазирлар Маҳкамасининг «Давлат умумий ўрта таълим ташкилотларида айрим тоифадаги ўқувчиларни мактабдан ташқари таълимга жалб қилиш чора-тадбирлари тўғрисида» 2025 йил 14 июндаги 365-сон қарорида :

а) номидаги ва 1-банднинг биринчи ҳамда иккинчи хатбошиларидаги «мактабдан ташқари» сўзлари «қўшимча» сўзи билан алмаштирилсин;

б) 1-иловада :

номидаги , 2-банднинг иккинчи ва учинчи хатбошиларидаги , 26-банднинг олтинчи хатбошисидаги «мактабдан ташқари» сўзлари «қўшимча» сўзи билан алмаштирилсин;

1-илованинг илова белгиси ва номидаги «мактабдан ташқари» сўзлари «қўшимча» сўзи билан алмаштирилсин;

2 — 4-илованинг илова белгисидаги «мактабдан ташқари» сўзлари «қўшимча» сўзи билан алмаштирилсин;

в) 2-илованинг 5-позицияси «Маълумотлар номи» устунидаги «Мактабдан ташқари» сўзлари «Қўшимча» сўзи билан алмаштирилсин.

Вазирлар Маҳкамасининг 2025 йил 10 декабрдаги 776-сон қарорига 6-ИЛОВА

Ўзбекистон Республикаси Ҳукуматининг ўз кучини йўқотган деб ҳисобланаётган баъзи қарорлари

1. Вазирлар Маҳкамасининг «Мактабдан ташқари таълим тизимини янада такомиллаштириш чора-тадбирлари тўғрисида» 2011 йил 28 февралдаги 50-сон қарори .

2. Вазирлар Маҳкамасининг «Ўзбекистон Республикаси Халқ таълими вазирлиги ҳузурида Республика ўқувчи-ёшлар марказини ташкил этиш чора-тадбирлари тўғрисида» 2014 йил 5 майдаги 115-сон қарори .

3. Вазирлар Маҳкамасининг «Ўзбекистон «Ёшлик» жисмоний тарбия ва спорт жамияти фаолиятини такомиллаштириш тўғрисида» 2014 йил 1 августдаги 210-сон қарори .

4. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида (Ўзбекистон Республикаси Президентининг «2017 — 2021 йилларда Оролбўйи минтақасини ривожлантириш Давлат дастури тўғрисида» 2017 йил 18 январдаги ПҚ-2731-сон қарори)» 2017 йил 12 майдаги 275-сон қарори .

5. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш тўғрисида (Ўзбекистон Республикасининг «Норматив-ҳуқуқий ҳужжатлар тўғрисида» 2021 йил 20 апрелдаги ЎРҚ-682-сон Қонуни)» 2022 йил 4 апрелдаги 153-сон қарорига илованинг 337-банди .

6. Вазирлар Маҳкамасининг «Мактабдан ташқари таълим тизимини такомиллаштиришнинг қўшимча чора-тадбирлари тўғрисида» 2021 йил 27 майдаги 331-сон қарорига 8-илованинг 3-банди .

7. Вазирлар Маҳкамасининг «Мактабгача ва мактаб таълими вазири жамғармаси фаолиятини ташкил этиш чора-тадбирлари тўғрисида» 2022 йил 2 августдаги 425-сон қарорига 1-илованинг 19-банди .

8. Вазирлар Маҳкамасининг «Ўзбекистон Республикаси Ҳукуматининг айрим қарорларига спорт соҳасида давлат бошқарувини самарали ташкил этишга қаратилган ўзгартириш ва қўшимчалар киритиш тўғрисида» 2025 йил 29 апрелдаги 275-сон қарорига илованинг 2-банди .

Ўзбекистон Республикасининг Бош вазири А. АРИПОВ

Тошкент ш.,

2025 йил 10 декабрь,

776-сон

(Қонунчилик маълумотлари миллий базаси, 11.12.2025 й., 09/25/776/1149-сон; 02.02.2026 й., 09/26/35/0101-сон; 30.07.2026 й., 09/26/412/0798-сон)

lex.uz

Oʻzbekiston Respublikasi Vazirlar Mahkamasining

Qarori

NIZOM

NIZOM

NIZOM

toʻlash shartlari

MEʼYORLARI

MEʼYORLARI

ROʻYXATI

“Kelajak” markazlari faoliyatini tartibga solishga qaratilgan ayrim normativ-huquqiy hujjatlarni tasdiqlash toʻgʻrisida

Oʻzbekiston Respublikasi Prezidentining “Maktabdan tashqari taʼlim tizimini yangi bosqichga olib chiqish chora-tadbirlari toʻgʻrisida” 2025-yil 8-sentabrdagi PQ-277-son qarori ijrosini taʼminlash, shuningdek, maktabgacha va maktab taʼlimi sohasidagi maktabdan tashqari taʼlim tizimini yanada takomillashtirish, ularni zamonaviy yondashuvlar asosida rivojlantirish orqali bolalarning boʻsh vaqtlarini mazmunli va samarali tashkil etish maqsadida Vazirlar Mahkamasi qaror qiladi:

1. Oʻzbekiston Respublikasi Prezidentining 2025-yil 8-sentabrdagi PQ-277-son qaroriga muvofiq:

a) Maktabgacha va maktab taʼlimi vazirligi tizimidagi “Barkamol avlod” respublika bolalar maktabi hamda Respublika oʻquvchi-yoshlar markazi negizida Respublika “Kelajak” markazi, Qoraqalpogʻiston Respublikasi, viloyatlar va Toshkent shahri, shuningdek, tuman (shahar) “Barkamol avlod” bolalar maktablari negizida tegishlicha Qoraqalpogʻiston Respublikasi, viloyatlar va Toshkent shahri, shuningdek, tuman (shahar) “Kelajak” markazlari;

Maktabgacha va maktab taʼlimi vazirligi huzurida yuridik shaxs maqomiga ega boʻlmagan “Kelajak” markazlarini qoʻllab-quvvatlash jamgʻarmasi tashkil etilgani;

b) 2026-yil 1-yanvardan boshlab “Kelajak” markazlarida oʻqiganlik uchun ota-onalar badali toʻlovining minimal miqdorlari qayta koʻrib chiqilishi belgilangani maʼlumot uchun qabul qilinsin.

2. Quyidagilar:

“Kelajak” markazlari toʻgʻrisidagi nizom 1-ilovaga muvofiq;

“Kelajak” markazlarida oʻqiganlik uchun ota-onalar badali toʻlovini undirish va undan foydalanish tartibi toʻgʻrisidagi nizom 2-ilovaga muvofiq;

Oʻzbekiston Respublikasi Maktabgacha va maktab taʼlimi vazirligi huzuridagi “Kelajak” markazlarini qoʻllab-quvvatlash jamgʻarmasi toʻgʻrisidagi nizom 3-ilovaga muvofiq;

“Kelajak” markazlarining boshqaruv, texnik, xizmat koʻrsatuvchi va oʻquv-yordamchi xodimlarining namunaviy shtatlari va mehnatga haq toʻlash shartlari 4-ilovaga muvofiq tasdiqlansin.

3. “Kelajak” markazlarida oʻqiganlik uchun ota-onalar badali toʻlovi oyiga bazaviy hisoblash miqdoriga nisbatan:

a) 2026-yil 1-yanvardan boshlab:

Toshkent shahrida — 30 foiz;

viloyatlar markazlarida — 25 foiz;

respublikaning qolgan tuman (shahar)lari hamda Qoraqalpogʻiston Respublikasining Nukus va Xorazm viloyatining Urganch shaharlarida — 15 foiz;

Qoraqalpogʻiston Respublikasi va Xorazm viloyatining qolgan tuman (shahar)larida — 10 foiz;

b) 2026-yil 1-sentabrdan boshlab:

Toshkent shahrida — 60 foiz;

viloyatlar markazlarida — 50 foiz;

respublikaning qolgan tuman (shahar)lari hamda Qoraqalpogʻiston Respublikasining Nukus va Xorazm viloyatining Urganch shaharlarida — 30 foiz;

Qoraqalpogʻiston Respublikasi va Xorazm viloyatining qolgan tuman (shahar)larida — 20 foiz etib belgilansin.

4. Belgilansinki:

“Kelajak” markazlarining tarmoq toʻgaraklari faoliyati har bir umumiy oʻrta taʼlim tashkilotlarida bosqichma-bosqich yoʻlga qoʻyiladi. Bunda tarmoq toʻgaraklari uchun ota-onalar badali toʻlovidan tushgan mablagʻlarning 40 foizi umumiy oʻrta taʼlim tashkilotining budjetdan tashqari jamgʻarmasiga yoʻnaltiriladi;

Jizzax viloyati Jizzax shahri Qassoblik MFY X. Nosirov koʻchasi 12-uy manzilida joylashgan Sh. Rashidov nomidagi Jizzax viloyati axborot-kutubxonasining Matbuot uyi binosi Jizzax viloyati “Kelajak” markaziga operativ boshqarish huquqi asosida bepul beriladi;

Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari huzuridagi “Yagona buyurtmachi xizmati” injiniring kompaniyasi “Kelajak” markazlarida amalga oshiriladigan loyihalashtirish, qurilish, rekonstruksiya va mukammal taʼmirlash ishlarida buyurtmachi hisoblanadi.

5. Qurilish va uy-joy kommunal xoʻjaligi vazirligi:

Maktabgacha va maktab taʼlimi vazirligi bilan birgalikda uch oy muddatda “Kelajak” markazlarining namunaviy loyihasini ishlab chiqsin;

“Kelajak” markazlari obyektlari boʻyicha ishlab chiqiladigan loyiha-smeta hujjatlari belgilangan tartibda va muddatlarda ekspertizadan oʻtkazilishini taʼminlasin.

6. Vazirlar Mahkamasi huzuridagi Qurilish va uy-joy kommunal xoʻjaligi sohasida nazorat qilish inspeksiyasi bajariladigan qurilish-taʼmirlash ishlarini shaharsozlik toʻgʻrisidagi qonunchilik hujjatlariga rioya etilgan holda amalga oshirilishi ustidan nazorat oʻrnatsin.

7. “Kelajak” markazlarida amalga oshiriladigan loyihalashtirish, qurilish-taʼmirlash ishlarida bosh loyiha va bosh pudrat tashkilotlarini tanlash jarayonida shaffoflikni taʼminlash, ajratilgan mablagʻlarning maqsadli oʻzlashtirilishi hamda obyektlar oʻz muddatida foydalanishga topshirilishi uchun Qurilish va uy-joy kommunal xoʻjaligi vazirligi, Vazirlar Mahkamasi huzuridagi Qurilish va uy-joy kommunal xoʻjaligi sohasida nazorat qilish inspeksiyasi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklarining birinchi rahbarlari shaxsan javobgar hisoblanadi.

8. Toshkent shahri Chilonzor tumani 19-mavze 43a-uy manzilida joylashgan binoda Respublika “Kelajak” markazi huzurida Bolalar sayyohlik bazasi tashkil etilsin.

8 1 . Har bir hududda bittadan “Kelajak” markazlarida oʻyinlar yaratish va animatsiya sohasida toʻgaraklar faoliyati yoʻlga qoʻyilsin. Bunda toʻgarak xonalarini jihozlash “Kelajak” markazlarini qoʻllab-quvvatlash jamgʻarmasi mablagʻlari hisobidan amalga oshiriladi.

9. Oʻzbekiston Respublikasi Hukumatining 5-ilovaga muvofiq ayrim qarorlariga oʻzgartirish va qoʻshimchalar kiritilsin.

10. Oʻzbekiston Respublikasi Hukumatining 6-ilovaga muvofiq baʼzi qarorlari oʻz kuchini yoʻqotgan deb hisoblansin.

11. Maktabgacha va maktab taʼlimi vazirligi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.

12. Ushbu qarorning bajarilishini nazorat qilish Oʻzbekiston Respublikasi maktabgacha va maktab taʼlimi vaziri E.G. Karimova zimmasiga yuklansin.

Vazirlar Mahkamasining 2025-yil 10-dekabrdagi 776-son qaroriga 1-ILOVA

“Kelajak” markazlari toʻgʻrisida

1-bob. Umumiy qoidalar

1. Ushbu Nizom “Kelajak” markazlari (keyingi oʻrinlarda — Markaz)ning maqomi, asosiy vazifalari va funksiyalari, huquqlari va majburiyatlari, shuningdek, faoliyatini tashkil etish tartibini belgilaydi.

2. Markaz 6 — 18 yoshdagi bolalarga qoʻshimcha taʼlim xizmatlarini koʻrsatuvchi davlat muassasasi shaklidagi yuridik shaxs hisoblanadi, oʻz ustaviga, bank hisobvaragʻiga, Oʻzbekiston Respublikasi Davlat gerbi tasviri tushirilgan va oʻz nomi yozilgan muhrga, shtampga hamda blankalarga ega boʻladi.

3. Markaz oʻz faoliyatida Oʻzbekiston Respublikasining Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, Oʻzbekiston Respublikasi maktabgacha va maktab taʼlimi vazirining buyruqlariga, shuningdek, ushbu Nizomga, oʻz ustaviga va boshqa qonunchilik hujjatlariga amal qiladi.

4. Markazlarning namunaviy ustavi Oʻzbekiston Respublikasi Maktabgacha va maktab taʼlimi vazirligi (keyingi oʻrinlarda — Vazirlik) tomonidan tasdiqlanadi. Markaz mazkur namunaviy ustav asosida oʻz ustavini ishlab chiqadi. Ustav muassis tomonidan tasdiqlanadi.

5. Vazirlik, Qoraqalpogʻiston Respublikasi Maktabgacha va maktab taʼlimi vazirligi, viloyatlar va Toshkent shahri maktabgacha va maktab taʼlimi boshqarmalari hamda tuman (shahar) maktabgacha va maktab taʼlimi boʻlimlari tegishlicha markazlarning muassislari hisoblanadi.

6. Markazlarning umumiy faoliyati Vazirlik tomonidan muvofiqlashtiriladi.

2-bob. Markazning asosiy vazifalari va funksiyalari

7. Quyidagilar Markazning asosiy vazifalari hisoblanadi:

maktabga tayyorlov guruhlaridagi bolalarda bilim olish, kommunikativ va ijodiy kompetensiyalarni shakllantirish;

oʻquvchilarni Prezident, ijod va ixtisoslashtirilgan taʼlim tashkilotlariga tayyorlash;

iqtidorli yoshlarni saralab olish tizimini rivojlantirish, ularni qoʻllab-quvvatlash uchun zarur shart-sharoitlar yaratish, ulgʻayib kelayotgan yosh avlodning STEAM (Science — tabiiy fanlar, Technology — texnologiyalar, Engineering — muhandislik, Art — sanʼat, Mathematics — matematika) fanlari hamda ilm-fanga boʻlgan intilishlarini ragʻbatlantirish, intellektual va ijodiy salohiyatini roʻyobga chiqarish;

oʻquvchilarni sunʼiy intellekt va robototexnika yoʻnalishlariga jalb etish orqali ularning yaratuvchanlik koʻnikmalarini yanada shakllantirish hamda robototexnika, mobilograf, dasturlash, ilgari surish va reklama qilish (SMM), modellashtirish kabi toʻgaraklarni tashkil etish;

yoshlarni sunʼiy intellekt, raqamli texnologiyalar va kreativ industriyaga qiziqishini uygʻotish, oʻyinlar yaratish va animatsiya sohasida toʻgaraklar faoliyatini yoʻlga qoʻyish;

oʻquvchilarning xorijiy tillarni oʻrganishga boʻlgan qiziqishini oshirish va xorijiy tillarni oʻqitishning zamonaviy uslublari asosida toʻgaraklar faoliyatini yoʻlga qoʻyish;

oʻquvchilarda ekologik bilimlarni oshirish, ekologiyaga oid loyihalarni amalga oshirish;

oʻquvchilarning ijodiy va badiiy qobiliyatlarini rivojlantirish, ular oʻrtasida kitobxonlik madaniyatini oshirish;

umumiy oʻrta taʼlim maktablari kutubxonalariga hamda kitobxonlik klublari faoliyatiga amaliy va uslubiy yordam koʻrsatish;

oʻquvchilar oʻrtasida sogʻlom turmush tarzini targʻib qilish, ularning sportning olimpiya va ommaviy turlariga qiziqishlarini oshirish hamda maktab sport klublari faoliyatini rivojlantirish, sport seksiyalariga amaliy va uslubiy yordam koʻrsatishni tashkil etish;

oʻquvchilarda hunar egallash boʻyicha dastlabki bilim va koʻnikmalarni shakllantirish;

bolalarni har tomonlama barkamol shaxs qilib tarbiyalash, ularda yetakchilik, jamoada ishlash, faol fuqarolik, ijtimoiy masʼuliyat va kommunikativ koʻnikmalarni shakllantirish maqsadida taʼlim tashkilotlarida bolalar faoliyati ijtimoiy-emotsional taʼlim modeli asosida 4 bosqichda (maktabgacha — boshlangʻich — tayanch oʻrta — oʻrta taʼlim) yoʻlga qoʻyish;

oʻquvchilar tashabbuslarini qoʻllab-quvvatlash boʻyicha maktab maslahatchilari (keyingi oʻrinlarda — maktab maslahatchilari)ning kasbiy malakasini oshirish ishlarini tashkil etish, ularga metodik va uslubiy yordam koʻrsatish, innovatsion tarbiya va taʼlim tajribalarini amaliyotga joriy etishda maktablarga koʻmak berish.

Bunda maslahatchilarni ishga qabul qilish tartibi oʻrnatilgan tartibda Vazirlik tomonidan belgilanadi.

8. Markaz oʻzining asosiy vazifalarini amalga oshirishda quyidagi funksiyalarni bajaradi:

bolalarda liderlik qobiliyatlari hamda “yumshoq” koʻnikmalarini shakllantirishda “oʻquvchilar kengashi” saylovlarini oʻtkazishda amaliy va uslubiy yordam koʻrsatadi;

bolalarni taʼlim, media, madaniyat, ekologiya, sport, kitobxonlik yoʻnalishlarida tashabbuslarini qoʻllab quvvatlaydi, jumladan, ular uchun festival, forum, vebinar hamda oromgohlar tashkil etadi;

oʻquvchilarni toʻgaraklar, kitobxonlik klublari, hamda sport klublariga qamrab olish choralarini koʻradi;

festival, tanlov, musobaqa va tadbirlarni sifatli oʻtkazilishi boʻyicha ssenariylar ishlab chiqadi hamda tashkil etadi;

maktab maslahatchilari faoliyatini monitoring qiladi hamda ularning kasbiy malakasini oshirishda tizimli ravishda seminar, trening va konferensiyalar tashkil etadi;

dastur va oʻquv-rejalarini ishlab chiqishda koʻmaklashadi;

oʻquv jarayonlarini tahlil qilib boradi hamda ularga amaliy-uslubiy yordamlar koʻrsatadi;

uslubchilar, trenerlar va toʻgarak rahbarlari uchun turli oʻquv-seminarlar hamda vebinar mashgʻulotlari oʻtkazadi;

faol oʻquvchilar, maktab maslahatchilari hamda toʻgarak rahbarlari ishlarini ommalashtiradi hamda tanlov va tadbirlarni ommaviy axborot vositalari va ijtimoiy tarmoqlarda keng yoritib boradi;

oʻquvchilar qiziqishlariga koʻra tarmoq toʻgaraklarini tashkil etadi hamda faoliyatini metodik taʼminlaydi;

“Kelajak” milliy brendi ostida taʼlim tashkilotlarida tarbiyaviy-axloqiy, maʼnaviy-mafkuraviy va ijtimoiy-kommunikativ sohalarda oʻquvchilarning shaxsiy rivojlanishiga qaratilgan loyihalarini amalga oshiradi;

oʻquvchilarning iqtidorlarini roʻyobga chiqarish uchun madaniyat va sanʼat yoʻnalishidagi toʻgaraklar tarmogʻini kengaytiradi, badiiy adabiyotlarga boʻlgan qiziqishlarini aniqlaydi, ular oʻrtasida kitobxonlik madaniyatini oshirishga qaratilgan targʻibot-tashviqot ishlarini amalga oshiradi;

alohida taʼlim ehtiyojlari boʻlgan bolalar uchun markazlarda inklyuziv toʻgaraklar faoliyatini yoʻlga qoʻyadi;

Markazning maxsus elektron platformasini yuritadi, unda oʻquv jarayoniga oid maʼlumotlarni joylashtiradi;

oʻquvchilarning qoʻshimcha taʼlimga jalb etilganligi toʻgʻrisidagi “Ijtimoiy portfolio” modulini yuritadi.

3-bob. Markazning huquqlari va majburiyatlari

9. Markaz quyidagi huquqlarga ega:

Markaz xodimlari, toʻgarak aʼzolari va ularning ota-onalari (yoki ularning oʻrnini bosuvchi shaxslar)dan mazkur Nizom, oʻz ustavi va ichki tartib-qoidalariga rioya etilishini nazorat qilish;

oʻquv jarayonini takomillashtirish va metodik taʼminlash boʻyicha takliflar kiritish;

moliyalashtirishning qonunchilik hujjatlarida taqiqlanmagan manbalari hisobiga budjetdan tashqari mablagʻlarni shakllantirish;

toʻgarak mashgʻulotlari uchun belgilangan toʻlovni ota-onalar (yoki ularning oʻrnini bosuvchi shaxslar)dan oʻz vaqtida undirishni nazorat qilish;

vakolatiga kiradigan masalalar hamda unga yuklangan vazifalar va funksiyalarni bajarish bilan bogʻliq boʻlgan qarorlar, buyruqlar, koʻrsatmalar qabul qilish, zarur boʻlganda, boshqa davlat tashkilotlari bilan birgalikda tegishli qarorlar qabul qilish;

Markaz vakolatiga kiradigan masalalarda belgilangan tartibda sudlarga arizalar va daʼvolar kiritish;

qonun hujjatlarida belgilangan tartibda budjetdan tashqari jamgʻarmalarga ega boʻlish;

davlat organlari va manfaatdor shaxslardan oʻz vakolati doirasida zarur axborotlarni soʻrash va olish.

Markaz qonunchilik hujjatlariga muvofiq boshqa huquqlarga ham ega boʻlishi mumkin.

10. Markaz:

ushbu Nizomda va oʻz ustavida nazarda tutilgan vazifa va funksiyalarni samarali bajarishi;

“Kelajak” markazlari uchun qoʻshimcha taʼlimga qoʻyilgan Davlat talablari asosida taʼlim-tarbiya jarayonini tashkil etishi;

taʼlim-tarbiya jarayonini belgilangan tartibda sanitariya normalari, qoidalari va gigiyena normativlariga hamda xavfsizlik qoidalariga muvofiq tashkil etishi;

Markazning moddiy-texnik taʼminoti va kadrlar salohiyatini rivojlantirishi;

toʻgaraklarni tashkil etishda toʻgarak aʼzolarining yoshi, ruhiy-fiziologik holati, layoqati va qiziqishlarini inobatga olishi;

oʻzi qabul qilgan qarorlar hamda buyruqlarni oʻz vaqtida, sifatli va toʻliq bajarishi;

faoliyatini rivojlantirish boʻyicha tasdiqlangan dasturlar, chora-tadbirlar rejasi, “yoʻl xaritalari” va boshqa dasturiy hujjatlar ijrosini samarali tashkil etishi va bajarishi;

oʻziga biriktirib berilgan mulklar, shu jumladan, koʻchmas mulklardan maqsadli foydalanishi;

oʻziga yuklangan vazifa va funksiyalar doirasida fuqarolar hamda tadbirkorlik subyektlarining huquqlari va qonuniy manfaatlarini himoya qilishi shart.

Markaz zimmasiga qonunchilik hujjatlariga muvofiq boshqa majburiyatlar ham yuklanishi mumkin.

4-bob. Markaz faoliyatini tashkil etish

11. Markaz koʻp tarmoqli boʻlib, u faoliyat yuritadigan hududning oʻziga xos xususiyati, oʻquvchilarning qiziqishlari va ehtiyojlariga koʻra, ularning ijodiy imkoniyatlarini yanada rivojlantirishga qaratilgan maktabga tayyorlov, ilm-fan, xorijiy tillar, kitobxonlik, madaniyat va sanʼat, kasb-hunar, axborot texnologiyalari hamda sport yoʻnalishlarida toʻgaraklar tashkil etadi.

Markazda toʻgaraklar pullik shaklda tashkil etiladi hamda 6 — 18 yoshli bolalarni har tomonlama kamol topishlari va boʻsh vaqtlarini mazmunli oʻtkazishlari uchun keng imkoniyatlar yaratiladi.

12. Markazda yuqori malakali mutaxassislar hamda nodavlat oʻquv markazlarini jalb etgan holda chuqurlashtirilgan toʻgaraklar ham tashkil etilishi mumkin.

Chuqurlashtirilgan toʻgaraklar ota-onalar (yoki ularning oʻrnini bosuvchi shaxslar) xohishlaridan kelib chiqib Prezident, ijod va ixtisoslashtirilgan maktablarga tayyorlov hamda boshqa yoʻnalishlarda yakka tartibda (individual) yoki guruhlarga boʻlgan holda tashkil etiladi.

Chuqurlashtirilgan toʻgaraklarda oʻqiganlik uchun ota-onalar toʻlovi miqdori Markaz tomonidan mustaqil belgilanadi.

13. Markaz:

qonunchilik hujjatlarida belgilangan tartibda qoʻshimcha taʼlim, davlat va nodavlat bolalar tashkiloti hamda markazlar bilan hamkorlikni yoʻlga qoʻyadi;

xalqaro hamkorlik doirasida maktab maslahatchilari, tizim xodimlari, toʻgarak rahbarlari tajriba almashishi hamda malaka oshirishi choralarini koʻradi;

faol oʻquvchilar kengashi xalqaro hamkorligi shartnomalar asosida xorijiy bolalar tashkilotlari hamda markazlari bolalar oromgohi, konferensiyalar, xalqaro anjumanlar, forumlar va festivallarni tashkil etadi.

14. Umumiy oʻrta taʼlim tashkilotlarida joylashgan mavjud markazlar shaharsozlik norma va qoidalariga rioya etilgan alohida binoda, yangi qurilgan va rekonstruksiya qilingan bino va inshootlarda yoki istisno tariqasida, umumiy oʻrta taʼlim tashkilotlari binolarining alohida oʻquv bloklarida, alohida chegara hududini belgilagan holda, kirish joyi bilan taʼminlangan va maktabdagi umumiy oʻrta taʼlim jarayoniga xalaqit bermaydigan tarzda tashkil qilinadi hamda mustaqil ravishda faoliyat koʻrsatadi.

15. Umumiy oʻrta taʼlim tashkilotlarida Markazning tarmoq toʻgaraklari tashkil etilishi mumkin.

Umumiy oʻrta taʼlim tashkilotlari binolarining alohida oʻquv bloklarida tashkil qilingan Markazning tarmoq toʻgaraklari uchun barcha kommunal toʻlovlar ushbu maktab kommunal xarajatlari uchun ajratilgan budjet mablagʻlari doirasida qoplanadi.

Qolgan kommunal xarajatlar esa Markaz egallab turgan binoning maydoni va hajmidan kelib chiqib, umumiy oʻrta taʼlim tashkilotlariga iqtisodiyot va moliya organlari bilan kelishuv boʻyicha qoplab beriladi.

Markaz uchun umumiy oʻrta taʼlim tashkilotlarida tashkil etiladigan tarmoq toʻgaraklari, oʻquv tajriba-sinov maydonchalari, bogʻlar, muzeylar, oromgohlar, kampuslar, virtual maydonlar, ixtiro va kashfiyotlarni sinovdan oʻtkazish maydonchalari, texnoparklar, sport zallari, kutubxonalar hamda ichki imkoniyatlardan kelib chiqib, hududlarda ularning filiallari ham tashkil etilishi mumkin.

16. Qoraqalpogʻiston Respublikasi Vazirlar Kengashi, viloyatlar va Toshkent shahri hamda tuman (shahar) hokimliklari markazlarning har yili moddiy-texnika bazasini mustahkamlashga oid chora-tadbirlarni amalga oshiradi.

17. Toʻgarak mashgʻulotlari oʻquv dasturlari ota-onalar va mutaxassislarning talablariga koʻra butun oʻquv yili uchun, shuningdek, qisqa muddatli tashkil etiladi.

Toʻgarak mashgʻulotlari oʻquv yilining 15-sentabridan boshlanib, 25-mayida yakunlanadi. Yozgi taʼtil kunlarida Markaz tomonidan toʻgarak mashgʻulotlari faoliyati alohida dastur asosida (oʻquvchilarni sayohatlarga olib chiqish, turli toʻgaraklar, pullik oromgohlarni tashkil etish, festival, musobaqa va tanlovlar tashkil etilishini oʻz ichiga olgan holda) davom ettiriladi.

Markazda toʻgarak rahbarlari oylik maoshi saqlangan holda yilning 26-mayidan 1-iyuniga qadar oʻquv yili yakuni munosabati bilan jurnallarni rasmiylashtirish, toʻgarakning yoz mavsumi oʻquv rejasini ishlab chiqish va tasdiqlatish, shuningdek, 2-sentabrdan 15-sentabrga qadar yoz mavsumi oʻquv rejasi yakuni boʻyicha jurnallarni rasmiylashtirish, yangi oʻquv yili rejasini tuzish va tasdiqlatish, bolalarni sinflarga (guruhlarga) boʻlish kabi ishlarini amalga oshiradi.

Markazning toʻgarak mashgʻulotlari jadvali toʻgarak aʼzolari uchun qulay tartibda, ularning yoshi, psixofiziologik xususiyatlari va sanitariya normalari, qoidalari va gigiyena normativlari inobatga olingan holda, pedagog xodimlarning taqdimnomasiga koʻra Markaz tomonidan tuziladi va tasdiqlanadi.

18. Toʻgarak rahbarining haftalik ish yuklamasi 16 soatni tashkil etadi. Bunda:

har bir toʻgarak mashgʻulotini tashkil etish uchun har bir guruhga haftada 4 akademik soat;

har bir guruh uchun 0,25 shtat birligida toʻgarak rahbari lavozimi ajratiladi.

19. Har bir guruhdagi toʻgarak aʼzolarining soni 10 nafardan (maktabga tayyorlov, inklyuziv, xorijiy tillar, dasturiy taʼminot, robototexnika, mexatronika va injenerlik toʻgaraklarida 8 nafardan) kam boʻlmasligi lozim.

Agar bir guruhdagi toʻgarak aʼzolarining soni belgilangan talabdan kamaysa, toʻgarak rahbarining oylik ish haqi mazkur oy uchun toʻliq toʻlab beriladi.

20. Toʻgarak rahbarlariga ikki stavkagacha (haftalik 32 soat) toʻgarak mashgʻulotlarini olib borishlariga ruxsat etiladi.

Bunda toʻgarak rahbarlarining ikki stavka miqdorigacha belgilangan toʻgarak mashgʻulotlarining bir stavkadan ortiq boʻlgan qismi boʻsh ish oʻrinlari sifatida qayd etilmaydi.

21. Markaz tomonidan oʻquvchilarga qoʻshimcha taʼlim olganligi toʻgʻrisida guvohnoma namunasi Respublika “Kelajak” markazi tomonidan ishlab chiqiladi va tasdiqlanadi.

22. Markazning rahbar va xodimlari ish haqlari saqlangan holda malaka oshiradi.

23. Markazlar kontingent soni boʻyicha ikkita guruhga ajratiladi. Bunda kontingent soni 600 nafargacha boʻlgan markazlar — II guruhga, 601 nafar va undan ortiq boʻlganda — I guruhga tegishli hisoblanadi.

5-bob. Markazda pedagogik faoliyat bilan shugʻullanish

24. Oliy taʼlim tashkilotlarining turli yoʻnalishlari (pedagog va pedagogik mutaxassislikka ega boʻlmagan) boʻyicha tegishli mutaxassislikka ega, kasbiy taʼlim tashkilotlari hamda akademik litseylarning tegishli maʼlumotiga hamda kasbiy tayyorgarlikka, yuksak axloqiy fazilatlarga ega shaxslar Markazda toʻgarak rahbari sifatida pedagogik faoliyat bilan shugʻullanishga haqli.

Pedagogik maʼlumotga ega boʻlmagan, ammo tegishli vazirlik va tashkilotlarning tarmoq mukofotlari hamda unvonlar bilan taqdirlangan shaxslar Markazda pedagogik faoliyat bilan shugʻullanishga jalb etilishi mumkin.

25. Pedagogik faoliyat bilan shugʻullanish huquqidan sud qaroriga koʻra yoki tibbiy xulosaga asosan mahrum qilingan shaxslarning Markazda faoliyat yuritishlariga yoʻl qoʻyilmaydi.

6-bob. Markazni boshqarish

26. Markazga direktor rahbarlik qiladi.

Respublika “Kelajak” markazining direktori va direktor oʻrinbosarlari Oʻzbekiston Respublikasi maktabgacha va maktab taʼlimi vaziri tomonidan lavozimga tayinlanadi va lavozimdan ozod etiladi.

Qoraqalpogʻiston Respublikasi, viloyatlar va Toshkent shahri “Kelajak” markazi direktorlari Respublika “Kelajak” markazi tavsiyasiga asosan Oʻzbekiston Respublikasi maktabgacha va maktab taʼlimi vaziri tomonidan lavozimga tayinlanadi va lavozimdan ozod etiladi.

Qoraqalpogʻiston Respublikasi, viloyatlar va Toshkent shahri “Kelajak” markazlarining direktor oʻrinbosarlari, tuman (shahar) “Kelajak” markazi direktorlari Respublika “Kelajak” markazi direktori tomonidan lavozimga tayinlanadi va lavozimdan ozod etiladi.

Tuman (shahar) “Kelajak” markazi direktor oʻrinbosarlari Qoraqalpogʻiston Respublikasi, viloyatlar va Toshkent shahri “Kelajak” markazi direktori tomonidan lavozimga tayinlanadi va lavozimdan ozod etiladi.

Maktab maslahatchilari umumiy oʻrta taʼlim tashkiloti direktori tomonidan Qoraqalpogʻiston Respublikasi, viloyatlar va Toshkent shahri “Kelajak” markazlarining ishga qabul qilish boʻyicha tavsiyanomasi asosida lavozimga tayinlanadi.

Vazirlik tizimidagi hududiy “Bolalar kutubxonalari”ning direktorlari Respublika “Kelajak” markazi direktori tomonidan lavozimga tayinlanadi va lavozimdan ozod etiladi.

Qoraqalpogʻiston Respublikasi, viloyatlar va Toshkent shahar Bolalar kutubxonalari faoliyati Respublika “Kelajak” markazi tomonidan muvofiqlashtiriladi.

27. Markazning faoliyatiga doir asosiy masalalarni kollegial tartibda muhokama qilish, Markazning toʻgarak mashgʻulotlari jarayonini rivojlantirish, takomillashtirish, uning faoliyati bilan bogʻliq barcha tashkiliy masalalarni muvofiqlashtirish uchun doimiy faoliyat yuritadigan Pedagogik kengash faoliyati jamoatchilik asosida tashkil etiladi.

Pedagogik kengash tarkibi Markaz direktori, direktor oʻrinbosarlari va pedagog xodimlaridan iborat boʻladi. Markazning har bir pedagog xodimi ishga qabul qilingan paytdan boshlab ushbu Kengashning aʼzosi hisoblanadi.

Markaz direktori Pedagogik kengash raisi hisoblanadi va uning kotibi pedagog xodimlar orasidan toʻgʻridan-toʻgʻri ochiq ovoz berish yoʻli bilan saylanadi.

Pedagogik kengash raisi oʻz vazifasini bajara olmaydigan (betob boʻlgan, xizmat safariga ketgan va boshqa) hollarda, uning vazifalari vaqtincha vazifani bajarish yuklatiladigan direktor oʻrinbosari tomonidan amalga oshiriladi.

Pedagogik kengash yigʻilishi har chorakda kamida bir marta oʻtkaziladi. Zaruratga koʻra, navbatdan tashqari yigʻilishlar oʻtkazilishi mumkin.

Pedagogik kengash yigʻilishi Markaz faoliyatini takomillashtirish va rivojlantirish, uning faoliyati sifati va samaradorligini oshirishning asosiy yoʻnalishlarini belgilaydi.

28. Oʻquv-tarbiya jarayonini rivojlantirish va takomillashtirish, pedagog xodimlarning kasb mahoratlarini va ijodiy oʻsishlarini rivojlantirish maqsadida Respublika “Kelajak” markazi huzurida Ilmiy-metodik kengash tuziladi.

Respublika “Kelajak” markazi direktori oʻz navbatida Ilmiy-metodik kengash raisi ham hisoblanadi.

Ilmiy-metodik kengash tarkibiga Ixtisoslashtirilgan taʼlim muassasalari agentligi, A. Avloniy nomidagi Pedagogik mahorat milliy instituti, Qori Niyoziy nomidagi Tarbiya pedagogikasi milliy instituti, Respublika taʼlim markazining tajribali xodimlari, ilmiy daraja va unvonlarga ega boʻlgan mutaxassislar hamda xorijiy ekspertlar jalb etiladi.

Ilmiy-metodik kengash tarkibi va Nizomi Respublika “Kelajak” markazi tomonidan tasdiqlanadi.

Ilmiy-metodik kengashda oʻquv rejalar, dasturlar, oʻquv qoʻllanmalar, tajriba-sinov ishlari muhokama qilinadi, pedagogik xodimlarning ijodiy tashabbuslarini qoʻllab-quvvatlash va rivojlantirish, ilgʻor tajribalarni ommalashtirish ishlarini tashkil qilish yuzasidan qarorlar qabul qilinadi.

29. Tuman (shahar)dagi markazlarda faoliyat koʻrsatayotgan toʻgaraklar faoliyatini rivojlantirish, ularga metodik yordam koʻrsatish, uslubchi va toʻgarak rahbarlarining tavsiya, qoʻllanma va ijodiy ishlarini takomillashtirish boʻyicha Uslubiy kengash tashkil etiladi. Qoraqalpogʻiston Respublikasi, viloyatlar va Toshkent shahri “Kelajak” markazlari direktori Uslubiy kengash raisi ham hisoblanadi.

Uslubiy kengash aʼzolari har chorakda bir marta yigʻiladi, tavsiya, qoʻllanma va ijodiy ishlarni sifatini tahlil qiladi hamda amaliyotga joriy etish uchun ruxsat beradi.

30. Hududiy markazlar xorijda oʻtkaziladigan xalqaro festival, tanlov, musobaqalar hamda boshqa tadbirlarda Respublika “Kelajak” markazining ruxsatiga asosan ishtirok etadi.

7-bob. Markazning mol-mulki va pul mablagʻlari

31. Muassis yoki vakolatli davlat organi Markazga mol-mulkni qonunchilik hujjatlarida belgilangan tartibda biriktiradi.

Markaz oʻziga biriktirilgan mol-mulkni hamda daromadlar va xarajatlar smetasi boʻyicha oʻziga ajratilgan mablagʻlar hisobiga sotib olingan mol-mulkni qonunchilik hujjatlariga muvofiq tasarruf etadi.

32. Markazlar faoliyati Oʻzbekiston Respublikasi Davlat budjeti va budjetdan tashqari mablagʻlari hamda qonunchilik hujjatlarida taqiqlanmagan boshqa manbalar hisobidan moliyalashtiriladi.

33. Quyidagilar Markaz faoliyatini moliyalashtirish manbalari hisoblanadi:

Oʻzbekiston Respublikasi Davlat budjeti mablagʻlari;

Markaz faoliyatini qoʻllab-quvvatlash jamgʻarmasi mablagʻlari;

ota-onalar toʻlovidan tushadigan mablagʻlar;

oʻquvchilar va pedagog xodimlar tomonidan oʻquv jarayonida tayyorlangan mahsulotlar va buyumlarning sotuvidan tushgan mablagʻlar;

asosiy mashgʻulotlardan tashqari paytda boʻsh binolar, inshootlar, asbob-uskunalarni ijaraga berishdan tushgan mablagʻlar;

xoʻjalik faoliyatidan, qonunchilik hujjatlarida taqiqlanmagan shartnoma asosida pulli xizmat koʻrsatishdan olingan daromadlar;

oʻqituvchilar va pedagog xodimlar tomonidan oʻquv-tarbiya jarayoniga taʼsir etmagan holda turli toʻgaraklar, oromgohlar, kurslar, badiiy kechalar, konsert va teatr tomoshalari tashkil etishdan olingan mablagʻlar;

jismoniy va yuridik shaxslarning homiylik xayriyalari, mahalliy va xalqaro tashkilotlarning grantlari;

qonunchilik hujjatlarida taqiqlanmagan boshqa manbalar.

34. Markaz aholiga, turli tashkilotlarga xizmatlar koʻrsatishga, qonunchilik bilan taqiqlanmagan, muassasaning asosiy faoliyatiga salbiy taʼsir koʻrsatmaydigan faoliyat turlari bilan shugʻullanishga haqli.

Yuqori turuvchi tashkilotlar tomonidan toʻgarak aʼzolarining taʼlimga aloqasi boʻlmagan tadbirlarga jalb etilishiga, konsert-tomosha dasturlari va koʻrgazmalarni tashkil etishga yoʻl qoʻyilmaydi, toʻlov-shartnoma asosida koʻrsatiladigan xizmatlar bundan mustasno.

35. Markazning budjetdan tashqari jamgʻarmalari, shu jumladan, bolalari oʻqiganligi uchun ota-onalar badali toʻlovi hisobiga shakllangan jamgʻarma oylik, choraklik yoki yillik tushgan mablagʻlari hisobidan toʻgarak rahbarlari, trenerlar va xodimlari ragʻbatlantiriladi.

36. Qonunchilik hujjatlarida taqiqlanmagan faoliyatdan olingan daromad hisobiga sotib olingan mol-mulk Markaz mol-mulki tarkibiga kiritiladi.

37. Markazning moddiy-texnika bazasi yer, bino va inshootlar, kutubxonalar, sport inshootlari, sport zallari, kommunikatsiya, texnik jihozlar va uskunalar, transport vositalari hamda taʼlim va tarbiya jarayonida foydalaniladigan boshqa anjomlarni oʻz ichiga oladi.

8-bob. Yakunlovchi qoidalar

38. Markazlar qonunchilik hujjatlarida belgilangan tartibda qayta tashkil etiladi va tugatiladi.

Markaz tugatilgan taqdirda, uning mablagʻlari va mol-mulkidan, uning majburiyatlarini qoplash boʻyicha toʻlovlar chegirilgan holda, qonunchilik hujjatlariga hamda Markaz ustaviga muvofiq foydalaniladi.

39. Markazlarni qayta tashkil etish yoki tugatish, qoida tariqasida, oʻquv yilining oxirida amalga oshiriladi, bunda Qoraqalpogʻiston Respublikasi Maktabgacha va maktab taʼlimi vazirligi, viloyatlar va Toshkent shahri maktabgacha va maktab taʼlimi boshqarmalari oʻquvchilarning ota-onalari (qonuniy vakillari) bilan kelishilgan holda, ularni boshqa markazlarga oʻtkazish uchun javobgarlikni oʻz zimmalariga oladilar.

40. Ushbu Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladilar.

Vazirlar Mahkamasining 2025-yil 10-dekabrdagi 776-son qaroriga 2-ILOVA

“Kelajak” markazlarida oʻqiganlik uchun ota-onalar badali toʻlovini undirish va undan foydalanish tartibi toʻgʻrisida

1-bob. Umumiy qoidalar

1. Ushbu Nizom “Kelajak” markazlarida (keyingi oʻrinlarda — Markaz) oʻqiganlik uchun ota-onalar badali toʻlovini (keyingi oʻrinlarda — ona-onalar toʻlovi) undirish va undan foydalanish tartibini belgilaydi.

2. Ota-onalar toʻlovidan tushgan tushumlar Markaz uchun xomashyo va materiallar xaridi, Markaz xodimlarini moddiy ragʻbatlantirish, taʼmirlash ishlari, Markazning moddiy-texnika bazasini yaxshilash hamda Markaz faoliyatini takomillashtirishga qaratilgan boshqa xarajatlarga yoʻnaltiriladi.

2-bob. Ota-onalar toʻlovini amalga oshirish

3. Ota-onalar toʻlovi oyiga bazaviy hisoblash miqdoriga nisbatan belgilanadi.

4. Ota-onalar toʻlovi ota-ona (ularning oʻrnini bosuvchi shaxslar) va Markaz oʻrtasida tuzilgan shartnomaga asosan amalga oshiriladi. Ushbu shartnomada toʻlov belgilangan miqdorda va uzrli sabablarsiz toʻlanmagan taqdirda, bolaning taʼlim olishini toʻxtatish va bekor qilish shartlari koʻrsatilishi lozim.

5. Joriy oy uchun toʻlov mazkur oyning 10-sanasidan kechikmasdan toʻlanadi. Bunda sentabr oyi uchun toʻlov 30-sanaga qadar amalga oshiriladi.

Belgilangan muddatda toʻlovlar toʻlanmasligi bolani Markazda taʼlim oluvchilar safidan chiqarilishiga asos boʻladi.

6. Toʻlov tijorat banklari orqali naqd pul yoki naqd pulsiz shaklda (bank plastik kartalari va pul oʻtkazish orqali), shuningdek elektron toʻlov yoʻli bilan amalga oshiriladi.

Bunda toʻlovlar Markazning tegishli hududiy gʻaznachilik boʻlinmalaridagi shaxsiy gʻazna hisobvaraqlarida undan keyinchalik foydalanish uchun hisobga olinadi.

7. Ota-onaning oldindan bergan yozma arizasiga asosan, bolaning Markazga qatnashi butunlay toʻxtatilgan taqdirda, toʻlov toʻliq boʻlmagan oy uchun, yaʼni bola amalda Markazga qatnagan kunlar uchun toʻlanadi.

Bolaning Markazga qatnashi vaqtincha yoki butunlay toʻxtatilishi toʻgʻrisida ota-onaning yozma arizasi boʻlmagan taqdirda, toʻlov toʻliq oy uchun hisoblanadi va umumiy asoslarda undiriladi.

3-bob. Ota-onalar toʻlovi hisob-kitobi

8. Bir kunlik toʻlov miqdorini aniqlash uchun oylik toʻlov miqdori Markazning bola joriy oyda qatnaydigan toʻgaragi ish kunlarining rejadagi soniga boʻlinadi.

Bunda bola Markazdagi bittadan ortiq toʻgarakda oʻqiydigan boʻlsa, toʻlov har bir toʻgarakda oʻqiganlik uchun belgilangan miqdorda alohida undiriladi.

9. Bolaning yoki oila aʼzolarining betobligi tufayli bola Markazga ketma-ket uch kundan ortiq kelmagan davri uchun toʻlangan toʻlovlar keyingi toʻlovlarni amalga oshirishda hisobga olinadi. Bunda bolaning kelmagan kunlari soni bir kunlik toʻlov miqdoriga koʻpaytirilib, keyingi toʻlov summasi chiqqan summaga kamaytiriladi. Agar bolaning kelmagan kunlari uchun toʻlov hali amalga oshirilmagan boʻlsa, toʻlanishi lozim boʻlgan toʻlov miqdori u kelmagan kunlari uchun hisoblangan toʻlov summasiga kamaytiriladi.

Bolaning yoki uning oila aʼzolarining betobligi tufayli bolaning Markazga kelmaganligi tegishli davolash-profilaktika muassasasi yoki uchastka shifokori tomonidan beriladigan maʼlumotnoma bilan tasdiqlanishi shart.

10. Bolaning Markazga kelmagan boshqa barcha hollarda, ota-onalar toʻlovi umumiy asoslarda undiriladi.

11. Ota-onalar toʻlovidan quyidagilar ozod etiladi:

Ijtimoiy reyestrga kiritilgan oilalarning farzandlari (taʼlim oluvchilar umumiy sonining 15 foizi miqdorida);

alohida taʼlimga ehtiyoji boʻlgan bolalar uchun ixtisoslashtirilgan maktab va maktab-internat oʻquvchilari, yetim va ota-ona qaramogʻidan mahrum boʻlgan bolalar, umumiy oʻrta taʼlim tashkilotlarining inklyuziv sinflarida taʼlim oladigan alohida taʼlim ehtiyojlari boʻlgan oʻquvchilar.

Bunda shartnoma asosida malakali mutaxassislar hamda nodavlat oʻquv markazlarini jalb etgan holda tashkil etilgan chuqurlashtirilgan toʻgaraklarda taʼlim oluvchi bolalar toʻlovdan ozod etilmaydi.

4-bob. Ota-onalar toʻlovidan tushgan mablagʻlardan foydalanish

12. Ota-onalar toʻlovidan tushgan mablagʻlar quyidagi maqsadlar uchun sarflanadi:

a) ota-onalar toʻlovidan tushgan umumiy mablagʻlarning 10 foiz miqdori — Oʻzbekiston Respublikasi Maktabgacha va maktab taʼlimi vazirligi huzuridagi “Kelajak” markazlarini qoʻllab-quvvatlash jamgʻarmasiga;

tarmoq toʻgaraklarida oʻqiganlik uchun ota-onalar toʻlovidan tushgan mablagʻlarning 40 foiz miqdori — umumiy oʻrta taʼlim tashkilotining budjetdan tashqari jamgʻarmasi (maktab fondi)ga oʻtkaziladi;

b) Markaz faoliyati uchun zarur boʻlgan xomashyo va materiallar, moddiy boyliklar (mebel, asbob-uskuna va jihozlar, kompyuter texnikasi va boshqalar), ish va xizmatlar, transport vositalarini xarid qilish hamda bino va inshootlarni qurish, taʼmirlash;

v) madaniy-ommaviy tadbirlarni oʻtkazish va ularda qatnashish bilan bogʻliq xarajatlarni qoplash;

g) oʻquvchilari xalqaro miqyosida oʻtkaziladigan koʻrik-tanlov va festivallarda (onlayn tarzda oʻtkaziladiganlari bundan mustasno) gʻoliblikni qoʻlga kiritgan toʻgarak rahbarlarini bazaviy hisoblash miqdorining quyidagi miqdorlarida bir martalik pul mukofotlari bilan taqdirlash:

1-oʻrin uchun — 20 baravarigacha;

2-oʻrin uchun — 15 baravarigacha;

3-oʻrin uchun — 12 baravarigacha;

d) vazirlik va idoralar tomonidan oʻtkaziladigan respublika koʻrik-tanlovlari, musobaqa va festivallarda (onlayn tarzda oʻtkaziladiganlari bundan mustasno) oʻquvchilari gʻoliblikni qoʻlga kiritgan toʻgarak rahbarlari bazaviy hisoblash miqdorining quyidagi miqdorlarida bir martalik pul mukofotlari bilan taqdirlash:

1-oʻrin uchun — 10 baravarigacha;

2-oʻrin uchun — 7 baravarigacha;

3-oʻrin uchun — 5 baravarigacha;

e) Markaz xodimlariga har oylik ustamalar, mukofot pullari, moddiy yordam toʻlovlarini toʻlash, ularni xorijiy xizmat safarlari hamda malaka oshirishga yuborish.

Ota-onalar toʻlovidan tushgan mablagʻlar Markaz faoliyatini takomillashtirishga qaratilgan boshqa tadbirlarga ham yoʻnaltiriladi.

13. Markaz direktori toʻlovdan tushgan mablagʻlarni erkin yoʻnaltirish huquqiga ega.

5-bob. Yakunlovchi qoidalar

14. Mablagʻlardan maqsadli foydalanilishini nazorat qilish Davlat moliyaviy nazorat inspeksiyasi va Oʻzbekiston Respublikasi Maktabgacha va maktab taʼlimi vazirligining Ichki audit xizmati tomonidan qonunchilik hujjatlari bilan belgilangan vakolatlarga muvofiq amalga oshiriladi.

15. Toʻlovdan tushgan mablagʻlarni tasarruf etish yoki boshqa maqsadlarga yoʻnaltirish (ishlatish) bilan bogʻliq har qanday koʻrinishdagi aralashish taqiqlanadi.

16. Ushbu Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladilar.

Vazirlar Mahkamasining 2025-yil 10-dekabrdagi 776-son qaroriga 3-ILOVA

Oʻzbekiston Respublikasi Maktabgacha va maktab taʼlimi vazirligi huzuridagi “Kelajak” markazlarini qoʻllab-quvvatlash jamgʻarmasi toʻgʻrisida

1-bob. Umumiy qoidalar

1. Mazkur Nizom Oʻzbekiston Respublikasi Maktabgacha va maktab taʼlimi vazirligi huzuridagi “Kelajak” markazlarini qoʻllab-quvvatlash jamgʻarmasi (keyingi oʻrinlarda — Jamgʻarma) mablagʻlarini shakllantirish va undan foydalanish hamda Jamgʻarma mablagʻlari hisobidan “Kelajak” markazi tizimidagi xodimlarni ragʻbatlantirish hamda moddiy-texnika bazasini mustahkamlash tartibini belgilaydi.

2. Jamgʻarma yuridik shaxs hisoblanmaydi va uning mablagʻlari Oʻzbekiston Respublikasi Maktabgacha va maktab taʼlimi vazirligining (keyingi oʻrinlarda — Vazirlik) Oʻzbekiston Respublikasi Iqtisodiyot va moliya vazirligi huzuridagi Gʻaznachilik xizmati qoʻmitasi (keyingi oʻrinlarda — Gʻaznachilik xizmati qoʻmitasi) shaxsiy gʻazna hisobvaragʻida jamlanadi va u orqali sarflanadi.

3. Ushbu Nizomda quyidagi asosiy tushunchalardan foydalaniladi:

rahbar xodimlar — Respublika “Kelajak” markazi, Qoraqalpogʻiston Respublikasi, viloyatlar va Toshkent shahar “Kelajak” markazlarida faoliyat yuritayotgan direktorlar va ularning oʻrinbosarlari, bosh hisobchilar, tarkibiy boʻlinmalar rahbarlari;

pedagog xodimlar — “Respublika “Kelajak” markazi, Qoraqalpogʻiston Respublikasi, viloyatlar va Toshkent shahar “Kelajak” markazlarida faoliyat yuritayotgan toʻgarak rahbarlari, oʻqituvchi-trenerlar, metodik, oʻquv va uslubiy yordam koʻrsatishdagi mutaxassislar, metodist va uslubchilar.

4. Jamgʻarma mablagʻlari hisobidan xarajatlarni moliyalashtirish Oʻzbekiston Respublikasi maktabgacha va maktab taʼlimi vazirining buyrugʻi asosida amalga oshiriladi.

2-bob. Jamgʻarma mablagʻlarini shakllantirish

5. Jamgʻarma mablagʻlari quyidagi manbalar hisobidan shakllantiriladi:

Oʻzbekiston Respublikasi Davlat budjetidan har yili 70 mlrd soʻm miqdorida ajratiladigan mablagʻlar;

“Kelajak” markazlariga ota-onalar badali toʻlovlaridan tushgan mablagʻlarning 10 foizi;

Jamgʻarmaning vaqtincha boʻsh turgan mablagʻlarini tijorat banklari depozitlariga joylashtirishdan olinadigan daromadlar;

jismoniy va yuridik shaxslarning, shu jumladan, Oʻzbekiston Respublikasi norezidentlarining homiylik xayriyalari;

xalqaro moliya tashkilotlari hamda xorijiy davlatlarning grantlari va texnik koʻmak mablagʻlari;

qonunchilik hujjatlari bilan taqiqlanmagan boshqa manbalar.

3-bob. Jamgʻarma mablagʻlaridan foydalanish

6. Jamgʻarma mablagʻlari quyidagi maqsadlarda sarflanadi:

“Kelajak” markazlarining moddiy-texnika bazasini yangilash, jumladan, ularning bino va inshootlarini qurish va taʼmirlash, zarur jihoz, anjomlar, kompyuterlar, aloqa va boshqa texnika vositalari bilan taʼminlash boʻyicha xarajatlarni moliyalashtirish;

“Kelajak” markazlari faoliyatini takomillashtirishga qaratilgan tadbirlar, shu jumladan, Respublika “Kelajak” markazi, Qoraqalpogʻiston Respublikasi, viloyatlar va Toshkent shahri “Kelajak” markazlarining rahbar va pedagog xodimlarini moddiy ragʻbatlantirish.

Bunda, Jamgʻarmaga tushgan mablagʻlarning kamida 40 foizi moddiy-texnik bazani mustahkamlashga sarflanadi.

Jamgʻarma mablagʻlarining ushbu bandda nazarda tutilmagan boshqa maqsadlarga yoʻnaltirilishiga yoʻl qoʻyilmaydi.

7. Jamgʻarmaning joriy yilda foydalanilmagan mablagʻlari kelgusi yilga qoldiq mablagʻ sifatida oʻtadi.

8. Jamgʻarma mablagʻlari hisobidan mazkur Nizomning 6-bandida koʻrsatilgan maqsadlar boʻyicha amalga oshirilgan xarajatlarning yakuniga koʻra iqtisod qilingan qismi Jamgʻarmaga qaytariladi.

1-§. “Kelajak” markazlarining moddiy-texnika bazasini mustahkamlash ishlarini moliyalashtirish

9. “Kelajak” markazlarida amalga oshiriladigan loyihalashtirish, qurilish, rekonstruksiya qilish va mukammal taʼmirlash ishlariga Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari huzuridagi “Yagona buyurtmachi xizmati” injiniring kompaniyalari (keyingi oʻrinlarda — injiniring kompaniyalari) buyurtmachi hisoblanadi.

10. Respublika “Kelajak” markazi Vazirlik bilan kelishgan holda hududlarda “Kelajak” markazlarini yangi qurish uchun namunaviy loyihani yoki taʼmirlash ishlari uchun talabnomalarni injiniring kompaniyalariga taqdim etadi.

11. Injiniring kompaniyasi “Kelajak” markazlarini qurish-taʼmirlash bilan bogʻliq ishlarga mablagʻ ajratish yuzasidan belgilangan tartibda Vazirlikka murojaat qiladi.

Bunda ushbu murojaatga asosan mablagʻlar Vazirlik tomonidan tegishliligi boʻyicha injiniring kompaniyalariga oʻtkazib beriladi.

12. “Kelajak” markazlarida jihozlash ishlarini amalga oshirish boʻyicha Vazirlik huzuridagi “Taʼminot va logistika xizmati” davlat unitar korxonasi buyurtmachi hisoblanadi.

13. Respublika “Kelajak” markazi Vazirlik bilan birgalikda “Kelajak” markazlarini zarur jihoz, anjomlar, kompyuter, aloqa va boshqa texnika vositalari bilan taʼminlash boʻyicha ularning soni va texnik topshiriqlarini ishlab chiqadi hamda “Taʼminot va logistika xizmati” davlat unitar korxonasiga taqdim etadi.

14. “Taʼminot va logistika xizmati” davlat unitar korxonasi taqdim etilgan maʼlumotlar asosida jihoz, anjomlar, kompyuter, aloqa va boshqa texnika vositalarning narxlarini oʻrganib chiqadi hamda davlat xaridlarini amalga oshirish uchun tegishli hisob-kitoblar asosida talab etiladigan mablagʻlarni ajratish boʻyicha Vazirlikka murojaat etadi.

Bunda talab etiladigan mablagʻlar Vazirlik tomonidan “Taʼminot va logistika xizmati” davlat unitar korxonasiga oʻtkazib beriladi.

2-§. “Kelajak” markazlari faoliyatini takomillashtirish, uning rahbar va pedagog xodimlarini moddiy ragʻbatlantirishni moliyalashtirish

15. “Kelajak” markazlari faoliyatini takomillashtirishga qaratilgan tadbirlar, shu jumladan, Respublika “Kelajak” markazi, Qoraqalpogʻiston Respublikasi, viloyatlar va Toshkent shahri “Kelajak” markazlarining rahbar va pedagog xodimlarini moddiy ragʻbatlantirish Vazirlikda tashkil etilgan “Kelajak” markazlari faoliyatini takomillashtirish, rahbar va pedagog xodimlarini moddiy ragʻbatlantirish boʻyicha ishchi guruh (keyingi oʻrinlarda — Ishchi guruh) qarori asosida amalga oshiriladi.

Ishchi guruh tarkibi, uning vazifalari va faoliyat yuritish tartibi Oʻzbekiston Respublikasi maktabgacha va maktab taʼlimi vazirining buyrugʻi bilan tasdiqlanadi.

16. Jamgʻarma mablagʻlari hisobidan rahbar va pedagog xodimlarga:

direktor va oʻrinbosarlar uchun ularning lavozim maoshining 5 baravarigacha va qolgan xodimlar uchun 8 baravarigacha har oylik ustama;

sohani rivojlantirishga qoʻshgan shaxsiy hissasi, oʻz faoliyatida yuqori koʻrsatkichlarga erishganligi, har bir ishlanmaydigan bayram kunlari munosabati bilan mehnatga haq toʻlashning eng kam miqdorining 5 baravarigacha miqdorida moddiy ragʻbatlantirish toʻlanadi.

Bunda moddiy ragʻbatlantirish miqdori Jamgʻarmaning amaldagi moliyaviy holatidan kelib chiqib, uning mavjud mablagʻlari doirasida belgilanadi.

17. Respublika “Kelajak” markazi, Qoraqalpogʻiston Respublikasi, viloyatlar va Toshkent shahri “Kelajak” markazlari oʻz tizimida faoliyat yuritayotgan rahbar va pedagog xodimlarga Jamgʻarma hisobidan har oylik ustama tayinlash va moddiy ragʻbatlantirish toʻgʻrisidagi talabnomalarni har oy yakuni boʻyicha kelgusi oyning 5-sanasiga qadar Ishchi guruhga taqdim etadi.

18. Ishchi guruh kiritilgan talabnomalar asosida zarur boʻlgan mablagʻlarni koʻrib chiqadi hamda bu toʻgʻrisida tegishli qaror qabul qiladi.

19. Ishchi guruh tomonidan qabul qilingan qaror Jamgʻarmadan mablagʻ ajratish uchun Vazirlikka kiritiladi.

20. Ishchi guruh qarori asosida belgilangan mablagʻlar Oʻzbekiston Respublikasi maktabgacha va maktab taʼlimi vazirining buyrugʻi asosida Respublika “Kelajak” markazi, Qoraqalpogʻiston Respublikasi, viloyatlar va Toshkent shahri “Kelajak” markazlariga oʻtkazib beriladi.

4-bob. Yakunlovchi qoidalar

21. Jamgʻarma mablagʻlaridan foydalanish yuzasidan nazorat qonunchilik hujjatlariga muvofiq amalga oshiriladi.

Jamgʻarmaning moliyaviy hisobotini yuritish, mablagʻlarning maqsadli sarflanishini nazorat qilish va ular uchun javobgarlik Vazirlik zimmasiga yuklanadi.

22. Ushbu Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladilar.

Vazirlar Mahkamasining 2025-yil 10-dekabrdagi 776-son qaroriga 4-ILOVA

“Kelajak” markazlarining boshqaruv, texnik, xizmat koʻrsatuvchi va oʻquv-yordamchi xodimlarining namunaviy shtatlari va mehnatga haq

1. Respublika “Kelajak” markazi

T/r Lavozimlar nomi Shtat birliklari soni Mehnatga haq toʻlashning eng kam miqdoriga nisbatan (koeffitsiyentda) 1-guruh 2-guruh 1. Direktor 1,0 5,844 5,525 2. Direktorning birinchi oʻrinbosari 1,0 5,552 5,249 3. Direktor oʻrinbosari 3,0 5,295 4,993 4. Boʻlim boshligʻi 18,0 2,297 5. Yuriskonsult 1,0 * 6. Bosh mutaxassis 18,0 1,883 7. Yetakchi mutaxassis 18,0 1,755 8. Uslubchi 14,0 8.1. oliy toifali 2,724 8.2. birinchi toifali 2,506 8.3. ikkinchi toifali 2,297 8.4. toifasiz (oliy maʼlumotli) 2,097 8.5. toifasiz (oʻrta maxsus maʼlumotli) 1,907 9. Oʻqituvchi-trener 42,0 9.1. oliy toifali 2,845 9.2. birinchi toifali 2,657 9.3. ikkinchi toifali 2,487 9.4. toifasiz (oliy maʼlumotli) 2,318 9.5. toifasiz (oʻrta maxsus maʼlumotli) 2,154 Jami 116,0

2. Qoraqalpogʻiston Respublikasi, viloyatlar va Toshkent shahri “Kelajak” markazlari

T/r Lavozimlar nomi Shtat birliklari soni Mehnatga haq toʻlashning eng kam miqdoriga nisbatan (koeffitsiyentda) 1-guruh 2-guruh 1. Direktor 1,0 5,844 5,572 2. Direktor oʻrinbosari 2,0 5,295 4,993 3. Boʻlim boshligʻi 5,0 2,297 4. Yuriskonsult 1,0 * 5. Bosh buxgalter 1,0 2,297 6. Bosh mutaxassis 4,0 1,883 7. Yetakchi mutaxassis 3,0 1,755 8. Uslubchi 3,0 8.1. oliy toifali 2,724 8.2. birinchi toifali 2,506 8.3. ikkinchi toifali 2,297 8.4. toifasiz (oliy maʼlumotli) 2,097 8.5. toifasiz (oʻrta maxsus maʼlumotli) 1,907 9. Oʻqituvchi-trener ** 9.1. oliy toifali 2,845 9.2. birinchi toifali 2,657 9.3. ikkinchi toifali 2,487 9.4. toifasiz (oliy maʼlumotli) 2,318 9.5. toifasiz (oʻrta maxsus maʼlumotli) 2,154 Jami *** 20,0

3. Tuman (shahar) “Kelajak” markazlari

T/r Lavozimlar nomi Shtat birliklari soni Mehnatga haq toʻlashning eng kam miqdoriga nisbatan (koeffitsiyentda) 1-guruh 2-guruh 1. Direktor 1,0 5,260 5,015 2. Direktor oʻrinbosari 1,0 4,766 4,494 3. Bosh buxgalter 1,0 2,297 4. Boʻlim boshligʻi 1,0 2,297 5. Bosh mutaxassis 2,0 1,883 6. Yetakchi mutaxassis 1,0 1,755 7. Uslubchi 2,0 7.1. oliy toifali 2,724 7.2. birinchi toifali 2,506 7.3. ikkinchi toifali 2,297 7.4. toifasiz (oliy maʼlumotli) 2,097 7.5. toifasiz (oʻrta maxsus maʼlumotli) 1,907 Jami 9,0

4. “Kelajak” markazlari texnik, xizmat koʻrsatuvchi va boshqa lavozimlarining mehnatga haq toʻlash shartlari *

T/r Lavozim nomi Mehnatga haq toʻlashning eng kam miqdoriga nisbatan (koeffitsiyentda) Ishlab chiqarish xodimlari 1. Toʻgarak rahbari 1.1. oliy toifali 2,724 1.2. birinchi toifali 2,506 1.3. ikkinchi toifali 2,297 1.4. toifasiz (oliy maʼlumotli) 2,097 1.5. toifasiz (oʻrta maxsus maʼlumotli) 1,907 2. Bolalar sayyohlik bazasi mudiri 2,297 3. Bolalar sayyohlik bazasi bosh mutaxassisi 1,505 4. Ekskursovod 4.1. oliy toifali 1,511 4.2. birinchi toifali 1,390 4.3. ikkinchi toifali 1,274 4.4. toifasiz (oliy maʼlumotli) 1,163 4.5. toifasiz (oʻrta maxsus maʼlumotli) 1,057 5. Sayohat tashkilotchisi 5.1. oliy toifali 1,5115 5.2. birinchi toifali 1,390 5.3. ikkinchi toifali 1,274 5.4. toifasiz (oliy maʼlumotli) 1,163 5.5. toifasiz (oʻrta maxsus maʼlumotli) 1,057 6. Akkompaniator, suvda qutqaruvchi-yoʻriqchi, suzish boʻyicha yoʻriqchi 6.1. oliy toifali 1,579 6.2. birinchi toifali 1,453 6.3. ikkinchi toifali 1,332 6.4. toifasiz (oliy maʼlumotli) 1,216 6.5. toifasiz (oʻrta maxsus maʼlumotli) 1,106 7. Sport va sogʻlomlashtirish majmuasi mudiri 5,295 8. Qabul qilish va joylashtirish boʻyicha menejer 1,883 9. Vrach-terapevt ** Texnik va xizmat koʻrsatuvchi xodimlar 10. Xoʻjalik mudiri 1,505 11. Rahbar kotibi (referent-kotib) 1,269 12. Arxivarius 1,269 13. Badiiy rahbar 1,883 14. Jamgʻarmalarni saqlovchi 1,053 15. Oshpaz 1,384 16. Oshpaz yordamchisi 1,269 17. Tibbiyot hamshirasi ** 18. Xoʻjalik bekasi 1,053 19. Kir yuvuvchi 1,106 20. Bino (yotoqxona) komendanti 1,053 21. Musiqa asboblarini taʼmirlovchi-sozlovchi 1,384 22. Garderobchi 1,000 23. Bezovchi rassom 1,106 24. Oʻt yoquvchi 1,384 25. Binolarga kompleks xizmat koʻrsatish va taʼmirlash boʻyicha ishchi 1,269 26. Xizmat xonalari farroshi 1,053 27. Hovli supuruvchi 1,053 28. Bogʻbon 1,106 29. Qorovul 1,106 30. Avtomobil haydovchisi (yengil, yuk tashuvchi), avtobus haydovchisi ** 31. Elektromontyor 1,384 32. Chilangar-santexnik 1,384 33. Xloratorchi 1,269 34. Mehnat muhofazasi va texnika xavfsizligi boʻyicha inspektor 1,505 35. Ovoz texnikasiga xizmat koʻrsatish boʻyicha mexanik 1,384

“Kelajak” markazlarining boshqaruv, texnik, xizmat koʻrsatuvchi va oʻquv-yordamchi xodimlarining namunaviy shtatlari va mehnatga haq toʻlash shartlariga ILOVA

“Kelajak” markazlari texnik, xizmat koʻrsatuvchi va boshqa lavozimlarni kiritish

1. “Kelajak” markazlarida (keyingi oʻrinlarda — Markaz) toʻgarak rahbari lavozimi guruhlarning shakllanishi va mashgʻulotlar hajmiga qarab kiritiladi.

Tarmoq toʻgaraklarda toʻgarak rahbari lavozimi Markaz uchun belgilangan tartibda kiritiladi.

2. Markazda Bolalar sayyohlik bazasi mavjud boʻlsa, har biriga 1,0 birlik Bolalar sayyohlik bazasi mudiri lavozimi kiritiladi.

3. Bolalar sayyohlik bazasi bosh mutaxassisi lavozimi Bolalar sayyohlik bazasining har 100 oʻrin uchun 1,0 birlik hisobidan kelib chiqqan holda (mutanosib ravishda) kiritiladi.

4. Doimiy faoliyat koʻrsatuvchi Bolalar sayyohlik bazasi uchun 1,0 birlik ekskursovod, mavsumiy faoliyat koʻrsatuvchi sayyohlik bazasi uchun 1,0 birlik sayohat tashkilotchisi lavozimi kiritiladi.

5. Oshpaz va oshpaz yordamchisi lavozimi Bolalar sayyohlik bazasining faoliyat turiga qarab doimiy yoki mavsumiy ishlash uchun 1,0 birlikdan kiritiladi.

6. Tibbiyot hamshirasi lavozimi:

Respublika “Kelajak” markaziga 1,5 birlik;

Bolalar sayyohlik bazasining faoliyat turiga qarab doimiy yoki mavsumiy ishlash uchun 1,0 birlik;

Sport va sogʻlomlashtirish majmuasiga 2,0 birlik kiritiladi.

7. Xoʻjalik bekasi lavozimi Bolalar sayyohlik bazasining faoliyat turiga qarab doimiy yoki mavsumiy ishlash uchun 1,0 birlik kiritiladi.

8. Kir yuvuvchi lavozimi Bolalar sayyohlik bazasining faoliyat turiga qarab doimiy yoki mavsumiy ishlash uchun 1,0 birlik kiritiladi.

9. Doimiy faoliyat koʻrsatuvchi ekskursiya sayyohlik bazasida bino (yotoqxona) kommendanti lavozimi dam olish, bayram va mehnat taʼtili vaqtida oʻrin almashishni hisobga olgan holda har bir turar joy binosi uchun 1,0 birlik hisobidan kiritiladi.

10. Musiqa asboblarini taʼmirlovchi-sozlovchi lavozimi musiqiy yoʻnalishdagi toʻgaraklari mavjud boʻlganda 0,5 birlik kiritiladi.

11. Garderobchi lavozimi muassasada xor, drama, xoreografiya, teatr va shu kabi toʻgaraklar faoliyati yoʻlga qoʻyilgan holda kiyim-bosh saqlash uchun moʻljallangan xona mavjud boʻlsa (kiyim-bosh va oyoq kiyimlarni saqlash va tarqatish uchun) 1,0 birlik kiritiladi.

12. Tomosha zali va sahnasi mavjud boʻlgan Respublika “Kelajak” markazi, Qoraqalpogʻiston Respublikasi, viloyat va Toshkent shahri “Kelajak” markazlarida 1,0 birlik bezovchi rassom lavozimi kiritiladi.

13. Markazda xor, drama, xoreografiya, teatr kabi toʻgaraklar faoliyati yoʻlga qoʻyilgan boʻlsa 1,0 birlik akkompaniator lavozimi kiritiladi.

14. Jamgʻarmalarni saqlovchi lavozimi bolalar tomonidan yasalgan (tayyorlangan) modellar, rasmlar, loyihalar va boshqa ijodiy mahsulotlarni saqlab turish uchun Respublika “Kelajak” markazi, Qoraqalpogʻiston Respublikasi, viloyat va Toshkent shahri “Kelajak” markazlarida 1,0 birlikdan, tuman (shahar) markazlarida 0,5 birlikdan kiritiladi.

15. Uy-joy kommunal xoʻjalik tizimiga oʻtkazilmagan Markazda isitish mavsumida (5 oy) oʻt yoquvchi lavozimi:

markazlashgan isitish tizimida koʻmir, torf, mazut, tabiiy gaz va boshqalar bilan isitiladigan har bir qozonxonaga bir oʻrin almashish ish vaqti (smena) uchun 1,0 birlik hisobidan;

lokal isitish qozonlari bilan isitiladigan har bir alohida manzilda joylashgan binolar majmuasiga har bir oʻrin almashish ish vaqti (smena) uchun qozonlar soni 6 tagacha boʻlsa 1,0 birlikdan, 6 va undan ortiq boʻlsa 2,0 birlikdan;

isitish pechlari orqali isitiladigan muassasalarda har 10 dona pech uchun 1,0 birlik va keyingi har 5 — 9 dona pech uchun qoʻshimcha 0,5 birlik, lekin muassasa uchun 0,5 birlikdan kam boʻlmagan holda kiritiladi.

Markaz markaziy isitish tizimi orqali isitilganda hamda hududida issiqlik punkti yoki elevator joylashgan boʻlsa 1,0 birlik binolarga kompleks xizmat koʻrsatish va taʼmirlash boʻyicha ishchi lavozimi, agar muassasada boyler va nasoslar (yer ostidan nasos orqali suv tortib oladigan suv yigʻuvchi minora (inshoot)) mavjud boʻlsa, bir oʻrin almashish ish vaqti (smena)ga 1,0 birlikdan kiritiladi.

Yil davomida yuvinish xonasi yoki oshxona ichki qozonxona hisobidan issiq suv bilan taʼminlanadigan Markazda ushbu bandda qayd etilgan oʻt yoquvchi lavozimi bittasi doimiy kiritiladi.

16. Binolarning barcha ichki qismlari shu jumladan, xizmat xonalari, toʻgarak va mashgʻulot xonalari, yoʻlak(karidor)lar, tomosha zallari, basseyn joylashgan hududlar, zinapoyalar va yotoqxona maydonini tozalovchi xizmat xonalari farroshi lavozimi har 400 kv. metr tozalash maydoni uchun 0,5 birlik hisobidan kelib chiqqan holda (mutanosib ravishda) kiritiladi. Ushbu lavozim Markazda 0,5 birlikdan kam boʻlmasligi lozim.

17. Markazning qoplama toʻshalgan (asfalt, beton, bruschatka) hamda sport maydonlarining har 2500 kv. metr maydoni uchun 1,0 birlik hisobidan kelib chiqqan holda (mutanosib ravishda) hovli supuruvchi lavozimi kiritiladi. Ushbu lavozim Markazda 0,5 birlikdan kam boʻlmasligi lozim.

18. Markazning mevali bogʻ, gulzor va koʻkalamzorlashtirilgan 0,5 ga dan 2,0 ga gacha maydoni uchun 1,0 birlik, keyingi har 2,0 ga maydon uchun 1,0 birlik hisobidan kelib chiqqan holda (mutanosib ravishda) bogʻbon lavozimi kiritiladi (Markazning ijaraga berilgan maydoni bundan mustasno).

19. Markazning har bir alohida manzilda joylashgan binosi uchun dam olish, bayram va mehnat taʼtili vaqtida oʻrin almashishni hisobga olgan holda 3,0 birlikdan qorovul lavozimi kiritiladi.

20. Avtomobil haydovchisi (yengil, yuk tashuvchi), avtobus haydovchisi lavozimi Markazning har bir soz holatdagi avtotransport vositasi uchun 1,0 birlikdan kiritiladi.

21. Elektromontyor lavozimi har 500 yoritish va elektr nuqtalariga (vklyuchatel, chiroq, rozetka, balansda boʻlgan koʻcha yoritkichlar soni hisobga olinadi) 1,0 birlik hisobidan kelib chiqqan holda (mutanosib ravishda), biroq Markazda 0,5 birlikdan kam boʻlmagan holda kiritiladi.

22. Chilangar-santexnik lavozimi suv quvurlari, kanalizatsiya va issiqlik quvvati bilan jihozlangan har 2000 kv. metr maydoniga 1,0 birlik hisobidan kelib chiqqan holda (mutanosib ravishda), biroq Markazda 0,5 birlikdan kam boʻlmagan holda kiritiladi.

23. Markazda Sport va sogʻlomlashtirish majmuasi mavjud boʻlganda:

1,0 birlik Sport va sogʻlomlashtirish majmuasi mudiri lavozimi;

1,0 birlik bolalarga xizmat koʻrsatish yuzasidan Qabul qilish va joylashtirish boʻyicha menejer lavozimi;

1,0 birlik vrach terapevt lavozimi kiritiladi.

24. Markazda basseyn mavjud boʻlganda:

1,0 birlik xloratorchi lavozimi;

har 20 nafar bola uchun 1,0 birlik hisobidan kelib chiqqan holda (mutanosib ravishda) suvda qutqaruvchi-yoʻriqchi lavozimi kiritiladi, biroq ushbu lavozim 1,0 birlikdan kam boʻlmagan holda;

har 40 nafar bola uchun 1,0 birlik hisobidan kelib chiqqan holda (mutanosib ravishda) suzish boʻyicha yoʻriqchi lavozimi kiritiladi, biroq ushbu lavozim 1,0 birlikdan kam boʻlmagan holda kiritiladi.

25. Markaz uchun 1,0 birlik xoʻjalik mudiri lavozimi kiritiladi.

26. Respublika “Kelajak” markaziga 1,0 birlikdan rahbar kotibi (referent-kotib), arxivarius, mehnat muhofazasi va texnika xavfsizligi boʻyicha inspektor, badiiy rahbar, ovoz texnikasiga xizmat koʻrsatish boʻyicha mexanik lavozimlari kiritiladi.

27. Ish sharoitlari va hajmi boʻyicha mazkur Namunaviy shtatlarni qoʻllab boʻlmaydigan ayrim Markazning shtatlariga ular faoliyatining oʻziga xos xususiyatlaridan kelib chiqib, muassis va tegishli iqtisodiyot va moliya organi bilan kelishgan holda, umumiy xodimlar sonining 10 foizidan koʻp boʻlmagan miqdorda ajratilgan ish haqi jamgʻarmasi doirasida oʻzgartirish kiritilishi mumkin.

Vazirlar Mahkamasining 2025-yil 10-dekabrdagi 776-son qaroriga 5-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining “Taʼlim muassasalari haqidagi nizomlarni tasdiqlash toʻgʻrisida” 1995-yil 18-fevraldagi 59-son qaroriga ilovaning 2-bandi ikkinchi xatboshisidagi “Barkamol avlod” bolalar maktablari” soʻzlari “Kelajak” markazlari” soʻzlari bilan almashtirilsin.

2. Vazirlar Mahkamasining “Xalq taʼlimi xodimlari mehnatiga haq toʻlashning takomillashtirilgan tizimini tasdiqlash toʻgʻrisida” 2005-yil 21-dekabrdagi 275-son qarorida :

a) 2-bandning ikkinchi va uchinchi xatboshilaridagi “maktabdan tashqari” soʻzlari “qoʻshimcha” soʻzi bilan almashtirilsin;

b) 1-ilovada :

nomi hamda 3 va 8-pozitsiyalardagi “maktabdan tashqari” soʻzlari “qoʻshimcha” soʻzi bilan almashtirilsin;

11-pozitsiya “Lavozimlar nomi” ustunidagi “Barkamol avlod” bolalar maktablarining toʻgarak rahbarlari, instruktor-metodistlari va metodistlari,” soʻzlari chiqarib tashlansin;

izoh qismining ikkinchi xatboshisidagi “Maktabdan tashqari muassasalar” soʻzlari “Qoʻshimcha taʼlim muassasalari” soʻzlari bilan almashtirilsin;

v) 2-ilovada :

1.3-pozitsiyaning “Lavozimlar nomi” ustunidagi “Maktabdan tashqari muassasa” soʻzlari “Qoʻshimcha taʼlim muassasasi” soʻzlari bilan almashtirilsin.

1.4-pozitsiya chiqarib tashlansin;

2.3-pozitsiyaning “Lavozimlar nomi” ustunidagi “Maktabdan tashqari muassasa” soʻzlari “Qoʻshimcha taʼlim muassasasi” soʻzlari bilan almashtirilsin;

2.4-pozitsiya chiqarib tashlansin;

g) 3-ilovaning 3-bandidagi jadvalning “Xalq taʼlimi muassasasining tipi” ustunidagi “Maktabdan tashqari muassasalar” soʻzlari “Qoʻshimcha taʼlim muassasalari” soʻzlari bilan almashtirilsin.

3. Vazirlar Mahkamasining 2006-yil 20-fevraldagi 27-son qarori bilan tasdiqlangan Davlat axborot resurslari hamda ularni shakllantirish, ulardan foydalanish va ularni qoʻllab-quvvatlash uchun masʼul boʻlgan davlat organlari roʻyxatining 32 2 -pozitsiyasi quyidagi tahrirda bayon etilsin:

“ 32 2 . Qoʻshimcha taʼlim muassasalari Maktabgacha va maktab taʼlimi vazirligi ” .

4. Vazirlar Mahkamasining “Respublika olimpiya zaxiralari tennis maktabining faoliyatini tashkil etish chora-tadbirlari toʻgʻrisida” 2008-yil 13-iyundagi 132-son qarorida :

a) 1-bandning ikkinchi xatboshisidagi “maktabdan tashqari” soʻzlari “qoʻshimcha” soʻzi bilan almashtirilsin;

b) 1-ilovaning 1-bandidagi “maktabdan tashqari” soʻzlari “qoʻshimcha” soʻzi bilan almashtirilsin.

5. Vazirlar Mahkamasining “Oʻzbekiston iqtidorli yoshlarini taqdirlash va moddiy ragʻbatlantirish toʻgʻrisida” 2008-yil 13-oktabrdagi 226-son qaroriga 5-ilovaning 2 2 -bandida :

birinchi xatboshi quyidagi tahrirda bayon etilsin:

“2 2 . Musiqa, raqs, teatr, folklor, shuningdek tasviriy va amaliy sanʼat hamda dizayn yoʻnalishlaridagi respublika (1-oʻrin, jumladan “Turon” teatri, “Iqtidor ansambli”, “Jadidlar izidan” tanlovlarining respublika bosqichi gʻoliblari) va xalqaro tanlovlarda (1 — 3-oʻrinlar) gʻolib chiqqan professional taʼlim muassasalari, ixtisoslashtirilgan sanʼat va madaniyat maktablari hamda maktab-internatlari va umumtaʼlim maktablarining bitiruvchilariga oliy taʼlim muassasalarining kasbiy (ijodiy) imtihonlarida soha boʻyicha eng yuqori ball belgilangan fandan maksimal ball olish imtiyozi beriladi”;

quyidagi mazmundagi ikkinchi xatboshi bilan toʻldirilsin:

“Bunda “Iqtidor” maktab ansambli tanlovining viloyat bosqichi gʻoliblari oliy taʼlim muassasalariga kirish yoshiga yetmagan taqdirda Bolalar musiqa va sanʼat maktablarida bepul oʻqishga (ota-onalar toʻlovidan ozod etiladi) ruxsat etiladi”;

ikkinchi va uchinchi xatboshilar tegishlicha uchinchi va toʻrtinchi xatboshilar deb hisoblansin.

6. Vazirlar Mahkamasining 2012-yil 18-oktabrdagi 297-son qarori bilan tasdiqlangan Oʻrindoshlik asosida hamda bir necha kasbda va lavozimda ishlash tartibi toʻgʻrisida nizomning ilovasi 6-bandida :

a) “maktabdan tashqari” soʻzlari “qoʻshimcha” soʻzi bilan almashtirilsin;

b) quyidagi mazmundagi ikkinchi xatboshi bilan toʻldirilsin:

“Kelajak” markazlari toʻgarak rahbarlarining aynan shu muassasada belgilangan mehnat normasidan ortiq boʻlgan, lekin ushbu ish turi boʻyicha ish vaqti normal davomiyligining 100 foizidan koʻp boʻlmagan ishi”.

7. Vazirlar Mahkamasining “Surxondaryo viloyatida sportning milliy kurash turini yanada rivojlantirish toʻgʻrisida” 2015-yil 15-martdagi 41-son qarorining 3-bandi uchinchi xatboshisidagi “maktabdan tashqari” soʻzlari “qoʻshimcha” soʻzi bilan almashtirilsin.

8. Vazirlar Mahkamasining 2016-yil 5-maydagi 144-son qarori bilan tasdiqlangan Bolalar musiqa va sanʼat maktablari toʻgʻrisida nizomning 1-bandidagi , 26-bandidagi , 44-bandning toʻrtinchi va beshinchi xatboshilaridagi , 46-bandning ikkinchi xatboshisidagi , 51-bandning ikkinchi xatboshisidagi , 61-bandning oʻninchi xatboshisidagi va 77-bandning birinchi xatboshisidagi “maktabdan tashqari” soʻzlari “qoʻshimcha” soʻzi bilan almashtirilsin.

9. Vazirlar Mahkamasining “Oʻzbekiston davlat konservatoriyasi huzurida Musiqa sohasi pedagoglarini qayta tayyorlash va ularning malakasini oshirish markazi faoliyatini tashkil etish toʻgʻrisida” 2019-yil 20-fevraldagi 149-son qarorida :

a) 4-band quyidagi tahrirda bayon etilsin:

“4. Belgilab qoʻyilsinki, Markaz yuridik shaxs maqomiga, oʻz ustaviga, Oʻzbekiston Respublikasi Davlat gerbi tasviri tushirilgan va oʻz nomi davlat tilida yozilgan muhrga hamda blankalarga, mustaqil balansga, Oʻzbekiston Respublikasi Iqtisodiyot va moliya vazirligining Gʻaznachiligida shaxsiy gʻazna hisobvaragʻiga ega boʻlgan, musiqaga ixtisoslashtirilgan maktab (maktab-internatlar), oʻrta maxsus va qoʻshimcha taʼlim muassasalari, xususan, bolalar musiqa va sanʼat maktablarining pedagog xodimlarini (keyingi oʻrinlarda musiqa sohasi pedagoglari deb ataladi) qayta tayyorlash va ularning malakasini oshirishga ixtisoslashtirilgan ilmiy-metodik va taʼlim muassasasi hisoblanadi”;

b) 2-ilovaning 1-bandidagi , 4-bandning toʻrtinchi , beshinchi va yettinchi xatboshilaridagi , 6-bandning oʻn beshinchi xatboshisidagi hamda 29-banddagi “maktabdan tashqari” soʻzlari “qoʻshimcha” soʻzi bilan almashtirilsin.

10. Vazirlar Mahkamasining “Oʻzbekiston Respublikasida Ekologik taʼlimni rivojlantirish konsepsiyasini tasdiqlash toʻgʻrisida” 2019-yil 27-maydagi 434-son qarori :

a) 1-ilovaning 4-bandi sakkizinchi xatboshisidagi , 9-bobning nomidagi , 46-bandning birinchi va ikkinchi xatboshilaridagi hamda 48-banddagi “maktabdan tashqari” soʻzlari “qoʻshimcha” soʻzi bilan almashtirilsin;

b) 2-ilovada :

“VII. Maktabdan tashqari taʼlim tizimida” blogidagi “Maktabdan tashqari” soʻzlari “Qoʻshimcha” soʻzi bilan almashtirilsin;

25-pozitsiya quyidagi tahrirda bayon etilsin:

“ 25. Maktabdan tashqari tizimida ekologik taʼlim-tarbiya jarayonlarini rivojlantirish. 1) Qoʻshimcha taʼlim muassasalarining tegishli yoʻnalishi (ekologiya va oʻlkashunoslik) oʻquv dasturlarini tahlil qilish; 2) oʻquv dasturlari mazmunini bolalarning qiziqishini oshiruvchi, mustaqil ekologik tadqiqotlar olib borishga yoʻnaltirilgan mashgʻulot va topshiriqlar bilan boyitish; 3) qoʻshimcha taʼlim muassasalarining tegishli yoʻnalishlariga bolalar qamrovini koʻpaytirishning taʼsirchan mexanizmlarini ishlab chiqish. 2019-yil avgust oyidan boshlab muntazam ravishda Mablagʻ talab etilmaydi Maktabgacha va maktab taʼlimi vazirligi (E. Karimova), Oʻzbekiston Respublikasi Ekologiya va iqlim oʻzgarishi milliy qoʻmitasi (A. Abduxakimov) ”.

11. Vazirlar Mahkamasining 2019-yil 9-sentabrdagi 754-son qarori bilan tasdiqlangan Aholining barcha qatlamlarini favqulodda vaziyatlarda harakat qilishga va fuqaro muhofazasi sohasida tayyorlash tartibi toʻgʻrisidagi nizomning 6-bandi “b” kichik bandining uchinchi xatboshisidagi “maktabdan tashqari” soʻzlari “qoʻshimcha” soʻzi bilan almashtirilsin.

12. Vazirlar Mahkamasining 2019-yil 24-dekabrdagi 1028-son qarori bilan tasdiqlangan Nodavlat umumtaʼlim tashkilotining namunaviy ustavining 48-bandi oʻninchi xatboshisidagi “maktabdan tashqari” soʻzlari “qoʻshimcha” soʻzi bilan almashtirilsin.

13. Vazirlar Mahkamasining “Maktabdan tashqari taʼlim tizimini takomillashtirishning qoʻshimcha chora-tadbirlari toʻgʻrisida” 2021-yil 27-maydagi 331-son qarorida :

a) 1-bandda :

ikkinchi — toʻrtinchi xatboshilar chiqarib tashlansin;

beshinchi — yettinchi xatboshilar tegishlicha ikkinchi — toʻrtinchi xatboshilar deb hisoblansin;

uchinchi xatboshi quyidagi tahrirda bayon etilsin:

“Qoraqalpogʻiston Respublikasi, viloyatlar va Toshkent shahar Bolalar kutubxonalarining boshqaruv, texnik, xizmat koʻrsatuvchi va oʻquv-yordamchi xodimlarining namunaviy shtatlari va mehnatga haq toʻlash shartlari 6-ilovaga muvofiq”;

b) 2-band quyidagi tahrirda bayon etilsin:

“2. Oʻzbekiston Respublikasi maktabgacha va maktab taʼlimi vaziriga Iqtisodiyot va moliya vazirligi, Raqamli texnologiyalar vazirligi hamda Raqobatni rivojlantirish va isteʼmolchilar huquqlarini himoya qilish qoʻmitasi bilan kelishgan holda maktabgacha va maktab taʼlimi tizimidagi umumiy oʻrta va qoʻshimcha taʼlim muassasalari uchun oʻquvchilarning muhandislik, robototexnika, mexatronika va dasturiy taʼminot yoʻnalishlari boʻyicha oʻquv mashgʻulotlarida foydalanish hamda innovatsion ishlanmalarni amalga oshirish yuzasidan respublikada ishlab chiqarilmaydigan, xorijdan olib kelinadigan xom-ashyolar va jihozlar roʻyxatini tasdiqlash huquqi berilsin”;

v) 3 va 4-bandlar hamda 1 — 4-ilovalar oʻz kuchini yoʻqotgan deb hisoblansin;

g) 6-ilova quyidagi tahrirda bayon etilsin:

“Vazirlar Mahkamasining 2021-yil 27-maydagi 331-son qaroriga 6-ILOVA

Qoraqalpogʻiston Respublikasi, viloyatlar va Toshkent shahar Bolalar kutubxonalarining boshqaruv, texnik, xizmat koʻrsatuvchi va oʻquv-yordamchi xodimlarining namunaviy shtatlari va mehnatga haq toʻlash shartlari

1. Direktor, direktor oʻrinbosarlari, boshqaruv va boshqa xodimlar namunaviy shtatlari va mehnatga haq toʻlash shartlari

T/r Lavozimlar nomi Qoraqalpogʻiston Respublikasi Andijon viloyati Buxoro viloyati Jizzax viloyati Qashqadaryo viloyati Navoiy viloyati Namangan viloyati Samarqand viloyati Surxondaryo viloyati Sirdaryo viloyati Toshkent viloyati Fargʻona viloyati Xorazm viloyati Toshkent shahar Jami shtat birlik soni Mehnatga haq toʻlashning eng kam miqdoriga nisbatan (koeffitsiyentda) Direktor 1 1 1 1 1 1 1 1 1 1 1 1 1 1 14 * Direktor oʻrinbosari 3 2 2 2 2 2 2 3 2 2 2 3 2 2 31 * Boʻlim boshliqlari 5 2 3 2 3 2 2 5 3 2 3 5 2 3 42 * Bosh buxgalter 1 1 1 1 1 1 1 1 1 1 1 1 1 1 14 * Shoʻba mudiri-bosh kutubxonachi 1 1 1 3 * Shoʻba mudiri-bosh bibliograf 1 1 1 3 * Bosh kutubxonachi 3 3 3 3 3 3 3 3 3 3 3 3 3 3 42 * Bosh bibliograf 1 1 1 1 1 1 1 1 1 1 1 1 1 1 14 * Yetakchi kutubxonachi 5 2 2 2 2 2 2 5 2 2 2 5 2 2 37 * Uslubchi 7 2 2 2 2 2 2 7 2 2 2 7 2 2 43 * Maktablarga amaliy va uslubiy yordam koʻrsatish boʻlimi uslubchisi**** * Madaniyat ishlari boʻyicha tashkilotchi 1 1 1 3 ** Buxgalter 1 1 1 3 2,870 Yuriskonsult 1 1 1 3 *** Jami 31 14 15 14 15 14 14 31 15 14 15 31 14 15 252

2. Qoraqalpogʻiston Respublikasi, viloyatlar va Toshkent shahar Bolalar kutubxonalari texnik, xizmat koʻrsatuvchi va boshqa lavozimlarining mehnatiga haq toʻlash shartlari

T/r Lavozimlar nomi Mehnatga haq toʻlashning eng kam miqdoriga nisbatan (koeffitsiyentda) 1. Garderobchi 1,000 2. Oʻt yoquvchi 1,384 3. Binolarga kompleks xizmat koʻrsatish va taʼmirlash boʻyicha ishchi 1,269 4. Xizmat xonalari farroshi 1,053 5. Hovli supuruvchi 1,053 6. Bogʻbon 1,106 7. Qorovul 1,106 8. Avtomobil haydovchisi (yengil, yuk tashuvchi), avtobus haydovchisi * 9. Elektromontyor 1,384 10. Chilangar-santexnik 1,384 11. Rahbar kotibi (referent-kotib) 1,269 12. Xoʻjalik mudiri 1,505

3. Texnik, xizmat koʻrsatuvchi va boshqa lavozimlarni kiritish meʼyorlari ilovaga muvofiq belgilanadi.

Qoraqalpogʻiston Respublikasi, viloyatlar va Toshkent shahar Bolalar kutubxonalarining boshqaruv, texnik, xizmat koʻrsatuvchi va oʻquv-yordamchi xodimlarining namunaviy shtatlari va mehnatga haq toʻlash shartlariga ILOVA

Bolalar kutubxonalarining texnik, xizmat koʻrsatuvchi va boshqa lavozimlarini kiritish

1. Garderobchi lavozimi Qoraqalpogʻiston Respublikasi, viloyatlar va Toshkent shahar Bolalar kutubxonalarida (keyingi oʻrinlarda — kutubxona) kiyim-bosh saqlash uchun moʻljallangan xona mavjud boʻlsa mavsumiy 5 oy uchun 1,0 birlik kiritiladi.

2. Uy-joy kommunal xoʻjalik tizimiga oʻtkazilmagan kutubxonada isitish mavsumida (5 oy) oʻt yoquvchi lavozimi:

markazlashgan isitish tizimida koʻmir, torf, mazut, tabiiy gaz kabilar bilan isitiladigan har bir qozonxonaga bir oʻrin almashish ish vaqti (smena) uchun 1,0 birlik hisobidan;

lokal isitish qozonlari bilan isitiladigan har bir alohida manzilda joylashgan binolar majmuasiga har bir oʻrin almashish ish vaqti (smena) uchun qozonlar soni 6 tagacha boʻlsa 1,0 birlikdan, keyingi har 6 ta qozonga 1,0 birlik hisobidan kelib chiqqan holda (mutanosib ravishda);

isitish pechlari orqali isitiladigan muassasalarda har 10 dona pech uchun 1,0 birlik va keyingi har 5 — 9 dona pech uchun qoʻshimcha 0,5 birlik, biroq 0,5 birlikdan kam boʻlmagan holda;

Kutubxona markaziy isitish tizimi orqali isitilganda hamda hududida issiqlik punkti yoki elevator joylashgan boʻlsa 1,0 birlik binolarga kompleks xizmat koʻrsatish va taʼmirlash boʻyicha ishchi lavozimi, agar muassasada boyler va nasoslar (yer ostidan nasos orqali suv tortib oladigan suv yigʻuvchi minora (inshoot)) mavjud boʻlsa, bir oʻrin almashish ish vaqti(smena)ga 1,0 birlikdan kiritiladi.

Yil davomida yuvinish xonasi yoki oshxona ichki qozonxona hisobidan issiq suv bilan taʼminlanadigan kutubxonada yuqorida qayd etilgan oʻt yoquvchi lavozimi bittasi doimiy kiritiladi.

3. Binolarning barcha ichki qismlari shu jumladan, xizmat xonalari, toʻgarak va mashgʻulot xonalari, yoʻlak (koridor)lar, tomosha zallari, basseyn joylashgan hududlar, zinapoyalar va yotoqxona maydonini tozalovchi xizmat xonalari farroshi lavozimi har 400 kv. metr tozalash maydoni uchun 0,5 birlik hisobidan kelib chiqqan holda (mutanosib ravishda) kiritiladi. Ushbu lavozim 0,5 birlikdan kam boʻlmasligi lozim.

4. Kutubxonaning har qoplama toʻshalgan (asfalt, beton. bruschatka) maydonining har 2500 kv.metr maydoni uchun 1,0 birlik hisobidan kelib chiqqan holda (mutanosib ravishda) hovli supuruvchi lavozimi kiritiladi.

5. Bogʻbon lavozimi mevali bogʻ, gulzor va koʻkalamzorlashtirilgan 0,5 tadan 2,0 gagacha maydoni uchun 1,0 birlik, keyingi har 2,0 ga maydon uchun 1,0 birlik hisobidan kelib chiqqan holda (mutanosib ravishda) bogʻbon lavozimi kiritiladi, ijaraga berilgan maydon bundan mustasno.

6. Kutubxonaning har bir alohida manzilda joylashgan binosi uchun dam olish, bayram va mehnat taʼtili vaqtida oʻrin almashishni hisobga olgan holda 3,0 birlikdan qorovul lavozimi kiritiladi.

7. Avtomobil haydovchisi (yengil, yuk tashuvchi), avtobus haydovchisi lavozimi har bir soz holatdagi avtotransport vositasi uchun 1,0 birlikdan kiritiladi.

8. Elektromontyor lavozimi har 500 yoritish va elektr nuqtalariga (vklyuchatel, chiroq, rozetka, balansda boʻlgan koʻcha yoritkichlari soni hisobga olinadi) 1,0 birlik hisobidan kelib chiqqan holda (mutanosib ravishda), biroq ushbu lavozim 0,5 birlikdan kam boʻlmagan holda kiritiladi.

9. Chilangar-santexnik lavozimi suv quvurlari, kanalizatsiya va issiqlik quvvati bilan jihozlangan har 2 000 kv metr maydoniga 1,0 birlik hisobidan kelib chiqqan holda (mutanosib ravishda), biroq ushbu lavozim 0,5 birlikdan kam boʻlmagan holda kiritiladi.

10. Kutubxona uchun 1,0 birlik rahbar kotibi (referent-kotib) lavozimi kiritiladi.

11. Kutubxona uchun 1,0 birlik xoʻjalik mudiri lavozimi kiritiladi.

12. Ish sharoitlari va hajmi boʻyicha mazkur Namunaviy shtatlarni qoʻllab boʻlmaydigan ayrim kutubxonaning shtatlariga ular faoliyatining oʻziga xos xususiyatlaridan kelib chiqib, umumiy xodimlar sonining 10 foizidan koʻp boʻlmagan miqdorda ajratilgan ish haqi jamgʻarmasi doirasida oʻzgartirish kiritilishiga ruxsat etiladi”;

d) 7-ilovaning 26-bandi ikkinchi xatboshisi quyidagi tahrirda bayon etilsin:

“Vazirlik tizimidagi hududiy “Bolalar kutubxonalari”ning direktorlari Vazirlik bilan kelishilgan holda Respublika “Kelajak” markazi direktori tomonidan lavozimga tayinlanadi va lavozimdan ozod etiladi”.

14. Vazirlar Mahkamasining “Xorijiy tillarni oʻrganishni takomillashtirish boʻyicha qoʻshimcha chora-tadbirlar toʻgʻrisida” 2022-yil 19-yanvardagi 34-son qarorining 8-bandi quyidagi tahrirda bayon etilsin:

“8. Belgilansinki, 2023-yil 1-yanvardan boshlab maktabgacha, umumiy oʻrta, oʻrta maxsus va professional, shuningdek, qoʻshimcha taʼlim tashkilotlari chet (ingliz, fransuz, nemis, ispan, italyan, arab, xitoy, yapon, koreys, turk, fors, pushtu, dari, urdu hind) tili fani oʻqituvchilarining attestatsiyasi jarayonida oʻquv fani boʻyicha malaka sinovlari tegishliligi boʻyicha Maktabgacha va maktab taʼlimi vazirligi hamda Oliy taʼlim, fan va innovatsiyalar vazirligi tomonidan tinglab tushunish, oʻqish, yozish hamda gapirish koʻnikmalarini baholashni nazarda tutuvchi kasbiy sinov shaklida oʻtkaziladi”.

15. Vazirlar Mahkamasining 2022-yil 25-fevraldagi 88-son qarori bilan tasdiqlangan Faoliyatni boshlash yoki tugatish uchun vakolatli organni xabardor qilish tartibi toʻgʻrisidagi yagona nizomga 6-ilovada :

a) 1 va 2-pozitsiyalar quyidagi tahrirda bayon etilsin:

“ 1. Xabarnoma nomi: Qoʻshimcha taʼlim faoliyatini boshlaganlik yoki tugatganlik toʻgʻrisida xabarnoma 2. Xabardor qilish tartibida amalga oshiriladigan faoliyat turi: a) bolalar uchun nodavlat qoʻshimcha taʼlim, shu jumladan, bolalar uchun chet tillarini oʻrgatish faoliyati; b) katta yoshdagilar uchun nodavlat qoʻshimcha taʼlim, shu jumladan, katta yoshdagilar uchun chet tillarini oʻrgatish faoliyati. ”;

b) 4-pozitsiya quyidagi tahrirda bayon etilsin:

“ 4. Xabarnomani qabul qiluvchi vakolatli organ(lar): Oʻzbekiston Respublikasi Maktabgacha va maktab taʼlimi vazirligi; Oʻzbekiston Respublikasi Oliy taʼlim, fan va innovatsiyalar vazirligi ”.

16. Vazirlar Mahkamasining 2022-yil 6-iyuldagi 363-son qarori bilan tasdiqlangan Bolalar masalalari boʻyicha milliy komissiya toʻgʻrisidagi nizomning 8-bandi sakkizinchi xatboshisidagi “maktabdan tashqari” soʻzlari “qoʻshimcha” soʻzi bilan almashtirilsin.

17. Vazirlar Mahkamasining “Pedagog xodimlar uchun yillik uzaytirilgan mehnat taʼtili davomiyligi meʼyorlarini belgilash chora-tadbirlari toʻgʻrisida” 2023-yil 26-iyundagi 263-son qaroriga ilovadagi “III. Maktabdan tashqari taʼlim tashkilotlari” soʻzlari “III. Qoʻshimcha taʼlim tashkilotlari” soʻzlari bilan, “1. Barkamol avlod bolalar maktablari, Oʻquvchi yoshlar markazi” soʻzlari “1. “Kelajak” markazlari” soʻzlari bilan almashtirilsin.

18. Vazirlar Mahkamasining 2024-yil 27-martdagi 157-son qarori bilan tasdiqlangan Davlat taʼlim standartlari va davlat taʼlim talablarini ishlab chiqish hamda joriy etish tartibi toʻgʻrisida nizomda :

a) 9-bandning toʻrtinchi xatboshisidagi , 21-banddagi , 22-bandning ikkinchi xatboshisidagi “maktabdan tashqari” soʻzlari “qoʻshimcha” soʻzi bilan almashtirilsin;

b) 2-ilovaning 9-pozitsiyasi “Oʻzbekiston Respublikasining taʼlim bosqichlari” ustunidagi “maktabdan tashqari” soʻzlari “qoʻshimcha” soʻzi bilan almashtirilsin.

19. Vazirlar Mahkamasining “Maktabgacha taʼlim tizimini raqamlashtirish va maktabgacha taʼlim tashkilotlari faoliyatini yanada takomillashtirishning qoʻshimcha chora-tadbirlari toʻgʻrisida” 2024-yil 18-dekabrdagi 848-son qarorining 5-bandi “a” kichik bandining birinchi xatboshisidagi “maktabdan tashqari” soʻzlari “qoʻshimcha” soʻzi bilan almashtirilsin.

20. Vazirlar Mahkamasining 2024-yil 20-dekabrdagi 867-son qarori bilan tasdiqlangan Maktabgacha va maktab taʼlimi tashkilotlari xodimlarini uzluksiz kasbiy rivojlantirishni tashkil etish tartibi toʻgʻrisida nizomning 2-bandi ikkinchi , toʻqqizinchi va oʻninchi xatboshilaridagi , 5-bandining oʻn birinchi xatboshisidagi , 8-bandining toʻrtinchi xatboshisidagi , 9-bandining uchinchi va beshinchi xatboshilaridagi , 15-bandining birinchi xatboshisidagi , 19-bandining uchinchi xatboshisidagi , 41 va 43-bandlaridagi “maktabdan tashqari” soʻzlari “qoʻshimcha” soʻzi bilan almashtirilsin.

21. Vazirlar Mahkamasining “Davlat umumiy oʻrta taʼlim tashkilotlarida ayrim toifadagi oʻquvchilarni maktabdan tashqari taʼlimga jalb qilish chora-tadbirlari toʻgʻrisida” 2025-yil 14-iyundagi 365-son qarorida :

a) nomidagi va 1-bandning birinchi hamda ikkinchi xatboshilaridagi “maktabdan tashqari” soʻzlari “qoʻshimcha” soʻzi bilan almashtirilsin;

b) 1-ilovada :

nomidagi , 2-bandning ikkinchi va uchinchi xatboshilaridagi , 26-bandning oltinchi xatboshisidagi “maktabdan tashqari” soʻzlari “qoʻshimcha” soʻzi bilan almashtirilsin;

1-ilovaning ilova belgisi va nomidagi “maktabdan tashqari” soʻzlari “qoʻshimcha” soʻzi bilan almashtirilsin;

2 — 4-ilovaning ilova belgisidagi “maktabdan tashqari” soʻzlari “qoʻshimcha” soʻzi bilan almashtirilsin;

v) 2-ilovaning 5-pozitsiyasi “Maʼlumotlar nomi” ustunidagi “Maktabdan tashqari” soʻzlari “Qoʻshimcha” soʻzi bilan almashtirilsin.

Vazirlar Mahkamasining 2025-yil 10-dekabrdagi 776-son qaroriga 6-ILOVA

Oʻzbekiston Respublikasi Hukumatining oʻz kuchini yoʻqotgan deb hisoblanayotgan baʼzi qarorlari

1. Vazirlar Mahkamasining “Maktabdan tashqari taʼlim tizimini yanada takomillashtirish chora-tadbirlari toʻgʻrisida” 2011-yil 28-fevraldagi 50-son qarori .

2. Vazirlar Mahkamasining “Oʻzbekiston Respublikasi Xalq taʼlimi vazirligi huzurida Respublika oʻquvchi-yoshlar markazini tashkil etish chora-tadbirlari toʻgʻrisida” 2014-yil 5-maydagi 115-son qarori .

3. Vazirlar Mahkamasining “Oʻzbekiston “Yoshlik” jismoniy tarbiya va sport jamiyati faoliyatini takomillashtirish toʻgʻrisida” 2014-yil 1-avgustdagi 210-son qarori .

4. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Prezidentining “2017 — 2021-yillarda Orolboʻyi mintaqasini rivojlantirish Davlat dasturi toʻgʻrisida” 2017-yil 18-yanvardagi PQ-2731-son qarori)” 2017-yil 12-maydagi 275-son qarori .

5. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasining “Normativ-huquqiy hujjatlar toʻgʻrisida” 2021-yil 20-apreldagi OʻRQ-682-son Qonuni)” 2022-yil 4-apreldagi 153-son qaroriga ilovaning 337-bandi .

6. Vazirlar Mahkamasining “Maktabdan tashqari taʼlim tizimini takomillashtirishning qoʻshimcha chora-tadbirlari toʻgʻrisida” 2021-yil 27-maydagi 331-son qaroriga 8-ilovaning 3-bandi .

7. Vazirlar Mahkamasining “Maktabgacha va maktab taʼlimi vaziri jamgʻarmasi faoliyatini tashkil etish chora-tadbirlari toʻgʻrisida” 2022-yil 2-avgustdagi 425-son qaroriga 1-ilovaning 19-bandi .

8. Vazirlar Mahkamasining “Oʻzbekiston Respublikasi Hukumatining ayrim qarorlariga sport sohasida davlat boshqaruvini samarali tashkil etishga qaratilgan oʻzgartirish va qoʻshimchalar kiritish toʻgʻrisida” 2025-yil 29-apreldagi 275-son qaroriga ilovaning 2-bandi .

Oʻzbekiston Respublikasining Bosh vaziri A. ARIPOV

Toshkent sh.,

2025-yil 10-dekabr,

776-son

(Qonunchilik maʼlumotlari milliy bazasi, 11.12.2025-y., 09/25/776/1149-son; 02.02.2026-y., 09/26/35/0101-son; 30.07.2026-y., 09/26/412/0798-son)

lex.uz