UzbekAI

ЎЗБЕКИСТОН РЕСПУБЛИКАСИ ВАЗИРЛАР МАҲКАМАСИНИНГ

ҚАРОРИ

НИЗОМ

БАҲОЛАШ МЕЗОНЛАРИ

ШАКЛИ

НИЗОМ

ТАШКИЛИЙ ТУЗИЛМАСИ

СХЕМАСИ

БАҲОЛАШ МЕЗОНЛАРИ

МАЪМУРИЙ РЕГЛАМЕНТИ

СХЕМАСИ

АРИЗА

Қишлоқ хўжалиги, ветеринария ва чорвачилик соҳаси ходимларини узлуксиз касбий ривожлантириш тизимини йўлга қўйиш чора-тадбирлари тўғрисида

Ўзбекистон Республикаси Президентининг «Қишлоқ хўжалиги ҳамда ветеринария ва чорвачилик соҳалари кадрларининг малакасини ошириш ва қайта тайёрлаш тизимини такомиллаштириш чора-тадбирлари тўғрисида» 2024 йил 4 декабрдаги ПҚ-420-сон қарори ижросини таъминлаш, шунингдек, қишлоқ хўжалиги, ветеринария ва чорвачилик соҳаларида кадрларни узлуксиз касбий ривожлантиришнинг замонавий тизимини йўлга қўйиш ҳамда уларни ўқитишни халқаро тажриба ва замонавий таълим стандартлари талабларидан келиб чиққан ҳолда такомиллаштириш мақсадида Вазирлар Маҳкамаси қарор қилади:

1. Ўзбекистон Республикаси Президентининг «Қишлоқ хўжалиги ҳамда ветеринария ва чорвачилик соҳалари кадрларининг малакасини ошириш ва қайта тайёрлаш тизимини такомиллаштириш чора-тадбирлари тўғрисида» 2024 йил 4 декабрдаги ПҚ-420-сон қарори билан:

Қишлоқ хўжалиги вазирлиги ҳузуридаги Қишлоқ хўжалигида билим ва инновациялар миллий маркази тизимида Қишлоқ хўжалиги соҳаси кадрларининг малакасини ошириш ва қайта тайёрлаш институти (кейинги ўринларда — Институт ) ;

Ветеринария ва чорвачиликни ривожлантириш қўмитаси ҳузурида Ветеринария ва чорвачилик соҳасида педагог ҳамда мутахассис кадрларни қайта тайёрлаш ва уларнинг малакасини ошириш институти (кейинги ўринларда — Ветеринария соҳасида кадрлар малакасини ошириш институти) ташкил этилгани маълумот учун қабул қилинсин.

2. Қуйидагилар:

Қишлоқ хўжалиги соҳасидаги раҳбар ва мутахассислар, илмий-тадқиқот муассасалари раҳбар ва илмий ходимларининг узлуксиз малакасини ошириш ва уларни қайта тайёрлаш тартиби тўғрисидаги низом 1-иловага мувофиқ;

Ветеринария ва чорвачилик соҳасидаги раҳбар ва мутахассис кадрлар, илмий-тадқиқот муассасалари раҳбар ва илмий ходимларининг узлуксиз малакасини ошириш ва уларни қайта тайёрлаш тартиби тўғрисидаги низом 2-иловага мувофиқ;

Қишлоқ хўжалиги соҳаси кадрларининг малакасини узлуксиз ошириш ва уларни қайта тайёрлаш бўйича давлат хизматларини кўрсатишнинг маъмурий регламенти 3-иловага мувофиқ тасдиқлансин.

3. Белгилансинки:

қишлоқ хўжалиги, ветеринария ва чорвачилик соҳаларидаги раҳбар ҳамда мутахассис кадрлар, илмий-тадқиқот муассасаларининг раҳбар ва илмий ходимлари малакасини узлуксиз ошириш ҳамда уларни қайта тайёрлаш буюртмачи билан тузиладиган шартнома асосида Институт ва Ветеринария соҳасида кадрлар малакасини ошириш институти томонидан амалга оширилади;

олий таълим ташкилотлари раҳбар ва педагог кадрлари Вазирлар Маҳкамасининг 2019 йил 23 сентябрдаги 797-сон қарори ҳамда касбий таълим ташкилотлари раҳбар ва ходимлари, махсус фан ўқитувчилари, ишлаб чиқариш таълим усталари 2021 йил 26 февралдаги 106-сон қарорида белгиланган тартибларга мувофиқ қайта тайёрланади ҳамда уларнинг малакаси оширилади;

Институт ва Ветеринария соҳасида кадрлар малакасини ошириш институтининг профессор-ўқитувчилари таркиби ҳамда техник ва хизмат кўрсатувчи ходимларини сақлаш харажатлари бюджетдан ташқари маблағлар ҳисобидан амалга оширилади;

бюджетдан ташқари маблағлар жами харажатларнинг (бюджетдан ташқари маблағлар ҳисобидан иш ҳақи оладиган ходимларни сақлаш ва малака ошириш ҳамда қайта тайёрлашни ташкил қилишдаги барча харажатлар) ўрни тўлдирилгандан кейин қолган маблағларнинг 50 фоизгача бўлган қисми Институт ва Ветеринария соҳасида кадрлар малакасини ошириш институти ходимларини ижтимоий ҳимоя қилиш ва моддий рағбатлантиришга, қолган 50 фоизи эса уларнинг моддий-техник базасини мустаҳкамлашга йўналтирилади.

4. Қишлоқ хўжалиги, ветеринария ва чорвачилик соҳасидаги раҳбар ҳамда мутахассис кадрлар, илмий-тадқиқот муассасаларининг раҳбар ва илмий ходимлари малакасини узлуксиз оширишнинг бевосита малака ошириш шакли билан биргаликда мустақил ва муқобил малака ошириш шакллари жорий этилсин.

5. Белгилансинки, мустақил (илмий конференцияларда маъруза билан қатнашиш, илмий журналларда мақолалар чоп этиш ва бошқалар) ва муқобил (сўнгги 3 йилда фалсафа доктори (PhD) ёки мутахассислик бўйича фан доктори (DSc) даражасини олиш учун диссертация ишини ҳимоя қилиш ва бошқалар) малака ошириш шакллари бўйича ўзининг малака ва кўникмаларини узлуксиз ошириб борган ҳамда белгиланган талабларга жавоб берган ходимлар навбатдаги мажбурий малака ошириш ўқув курсларига жалб этилмайди ҳамда уларга малака аттестати тўғридан-тўғри тақдим этилади.

Бунда мустақил ва муқобил малака ошириш шакллари бўйича маълумотлар ходимлар томонидан «Рақамли қишлоқ хўжалиги» ягона интеграциялашув платформасида очилган электрон портфолиога киритиб борилади.

6. Қишлоқ хўжалиги вазирлиги (И. Абдураҳмонов), Ветеринария ва чорвачиликни ривожлантириш қўмитаси (Б. Норқобилов) Рақамли технологиялар вазирлиги (Ш. Шерматов) билан биргаликда 2026 йил 1 июнга қадар «Рақамли қишлоқ хўжалиги» ягона интеграциялашув платформасида қуйидаги имкониятларни назарда тутувчи модулни яратсин:

қишлоқ хўжалиги, ветеринария ва чорвачилик соҳасидаги раҳбар ҳамда мутахассис кадрлар, илмий-тадқиқот муассасаларининг раҳбар ва илмий ходимлари малакасини узлуксиз ошириш шакллари (мустақил ва муқобил) бўйича маълумотларни киритиб борувчи электрон портфолио очиш;

қишлоқ хўжалиги, ветеринария ва чорвачилик соҳасидаги раҳбар ҳамда мутахассис кадрлар, илмий-тадқиқот муассасаларининг раҳбар ва илмий ходимларини қайта тайёрлашга жалб этиш;

онлайн тест синовларини ўтказиш, электрон дарслик, ўқув қўлланма ва онлайн видеодарслар жойлаштириш.

Бунда ушбу модул Қишлоқ хўжалиги вазирлигининг ҳамда Ветеринария ва чорвачиликни ривожлантириш қўмитасининг бюджетдан ташқари маблағлари ҳисобидан тенг миқдорларда яратилади.

7. Қишлоқ хўжалиги вазирлиги ҳамда Ветеринария ва чорвачиликни ривожлантириш қўмитасининг кадрлар билан ишлаш бўлинмалари тизим ходимларининг доимий равишда соҳа бўйича билимларини ошириш ва мустаҳкамлаш мақсадида:

ишга қабул қилинаётган ходимларни махсус ишлаб чиқилган бир ойлик дастур асосида онлайн ўқитсин;

ҳар олти ойда ходимларни онлайн тест синовларидан ўтказсин, қониқарсиз натижа кўрсатган ходимлар билан тизимли ишларни ташкил этсин;

ҳар ҳафтада камида бир соатлик дарслар ташкил этсин, унда соҳанинг малакали кадрлари, педагог ва мутахассислари томонидан мамлакатимизда амалга оширилаётган ислоҳотлар, соҳадаги янгиликлар, муаммолар ва уларнинг ечимлари муҳокамаларига алоҳида эътибор қаратсин;

ходимлар томонидан ҳар ҳафтада ахборот тизимида ўрганиб чиқилган мавжуд электрон дарслик, ўқув қўлланма ва видеодарслар натижалари бўйича тест синовлари топширилишини таъминласин, уларнинг натижаларини амалдаги қонунчилик ҳужжатларига мувофиқ моддий рағбатлантириш бўйича тўлов миқдорини белгилашда инобатга олсин.

8. Қишлоқ хўжалиги вазирлиги бир ҳафта муддатда:

Қишлоқ хўжалиги соҳаси кадрларининг малакасини ошириш ва қайта тайёрлаш институти ҳамда Ветеринария соҳасида кадрлар малакасини ошириш институти фаолиятини самарали йўлга қўйиш бўйича 2026-2027 йилларга мўлжалланган «йўл харитаси»ни;

Қишлоқ хўжалиги соҳаси кадрларининг малакасини ошириш ва қайта тайёрлаш институти ҳамда Ветеринария соҳасида кадрлар малакасини ошириш институтини 2026-2027 йилларда ривожлантиришнинг мақсадли кўрсаткичларини тасдиқласин.

9. Иқтисодиёт ва молия вазирлиги Институт ва Ветеринария соҳасида кадрлар малакасини ошириш институтига биттадан енгил автотранспорт воситасини сақлаш учун лимит ажратсин.

10. Ўзбекистон Республикаси Ҳукуматининг 4-иловага мувофиқ айрим қарорларига ўзгартириш ва қўшимчалар киритилсин.

11. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари Ж.А. Ходжаев ҳамда қишлоқ хўжалиги вазири И.Ю. Абдурахмонов зиммасига юклансин.

Вазирлар Маҳкамасининг 2025 йил 10 декабрдаги 783-сон қарорига 1-ИЛОВА

1-боб. Умумий қоидалар

1. Ушбу Низом қишлоқ хўжалиги соҳасидаги раҳбар ва мутахассислар, илмий-тадқиқот муассасалари раҳбар ва илмий ходимларининг узлуксиз малакасини ошириш ва уларни қайта тайёрлаш тартибини белгилайди.

2. Ўзбекистон Республикаси Қишлоқ хўжалиги вазирлиги (кейинги ўринларда — Вазирлик) марказий аппарати, тизим ташкилотлари, ҳудудий таркибий бўлинмалар ходимлари ва унинг тизимидаги ташкилотлар раҳбар ва мутахассис кадрларининг (кейинги ўринларда — соҳа мутахассислари) узлуксиз малакаси ҳар уч йилда камида бир марта Қишлоқ хўжалиги соҳаси кадрларининг малакасини ошириш ва қайта тайёрлаш институти (кейинги ўринларда — Институт) томонидан доимий равишда оширилади.

3. Институт соҳа мутахассисларининг малакасини ошириш ва уларни қайта тайёрлаш, шунингдек, маҳаллий ижро этувчи ҳокимият органлари, қишлоқ хўжалиги маҳсулотларини етиштирувчи субъектлар раҳбарлари, бошқа вазирлик ва идоралар тизимидаги ташкилотларнинг қишлоқ хўжалиги масалаларига масъул мутахассис кадрларининг соҳада амалга оширилаётган ислоҳотлар ҳамда инновациялар бўйича малакасини ошириш ва уларни қайта тайёрлаш бўйича давлат муассасаси ҳисобланади.

4. Ушбу Низомда қуйидаги асосий тушунчалардан фойдаланилади:

буюртмачи — қайта тайёрлаш, малака ошириш ва қисқа муддатли курсларда таълим олиш учун мурожаат қилган жисмоний ёки юридик шахс;

Вазирлик марказий аппарати — Ўзбекистон Республикаси Қишлоқ хўжалиги вазирлигининг департамент бошлиғи ва бошлиқ ўринбосарлари, бошқарма ва бўлим бошлиқлари ҳамда мутахассис кадрлар функциялари ва вазифаларини бажарувчи шахслар;

илмий ходимлар — илмий-тадқиқот муассасаларида инновацион фаолиятни амалга оширувчи лаборатория (бўлим) мудири, етакчи, катта ва кичик илмий ходимлар лавозимидаги шахслар;

малака ошириш — халқаро тажрибалар, стандартлар ва талаблар асосида ишлаб чиқилган таълим дастурларига мувофиқ соҳа раҳбар ва мутахассис кадрларининг малака ва кўникмаларини мунтазам равишда янгилаб бориш орқали касбий маҳоратининг ўсишини таъминлашдан иборат ўқув курси;

масофавий малака ошириш — ишлаб чиқаришдан ажралмаган ҳолда масофадан ўқитиш таълим усуллари орқали малака оширишнинг онлайн (видеомаърузалар, маслаҳатлар, назорат турларини масофадан туриб реал вақт режимида ўтказиш) ва офлайн (масофавий таълим тизимидаги тегишли ўқув-методик ресурсларни мустақил равишда ўзлаштириш) шакли;

тингловчи — қайта тайёрлаш, малака ошириш ва қисқа муддатли курсларда белгилаган тартибда ўқиётган ҳамда қишлоқ хўжалиги соҳасида фаолият кўрсатаётган раҳбар кадрлар, мутахассислар ва илмий ходимлар;

узлуксиз малака ошириш — раҳбар кадрлар, мутахассислар ва илмий ходимларнинг касбий билим ва кўникмаларини замонавий талаблар билан уйғунлаштириш, мунтазам равишда ривожлантириб бориш имкониятини берувчи кўп босқичли тизим;

ўқув дастури — ўқув курсининг таълим мазмунини, унинг тингловчилар томонидан ўзлаштирилишининг мақсадга мувофиқ усулларини ташкил этишни назарда тутадиган, ахборот манбаи бўлган, мутахассисликларнинг малака талаблари, ўқув курсининг асосий мазмуни ва методик тузилишини аниқлаб берувчи асосий ҳужжат;

ўқув режаси — блоклар ва ўқув фанларининг (курслар) номларини, уларни ўзлаштириш учун ажратилган соатлар ҳажмини ҳамда тингловчиларнинг билимларини назорат қилиш шаклларини белгилаб берувчи асосий ҳужжат;

қайта тайёрлаш — соҳада фаолият юритаётган кадрларда мутахассислигидан ташқари бошқа йўналишда халқаро тажрибалар, стандартлар ва талаблар асосида ишлаб чиқилган таълим дастурларига мувофиқ замонавий билим, кўникма ва малакаларни шакллантириш курси;

қисқа муддатли курслар — Вазирлик тизимига кирмайдиган қишлоқ хўжалиги соҳасида фаолият юритаётган ташкилот ва идоралар, агрокластерлар, кооперациялар, фермер хўжаликлари ҳамда бошқа ташкилотларнинг раҳбар кадрлари ва мутахассислари учун ташкил этиладиган ўқув курси.

2-боб. Қишлоқ хўжалиги соҳасида кадрларнинг узлуксиз малакасини ошириш ва уларни қайта тайёрлашни ташкил этишнинг мақсад ва вазифалари

5. Қишлоқ хўжалиги соҳасида кадрларнинг узлуксиз малакасини ошириш ва уларни қайта тайёрлашнинг бевосита ва билвосита шаклларини ўзаро бир-бирини тўлдириш тамойиллари асосида амалиётга жорий этиш орқали Вазирлик марказий аппарати, раҳбар кадрлари ва мутахассислари, илмий ходимларининг ўзини ўзи мустақил шахсий ва касбий ривожлантиришни рағбатлантириш, шунингдек, қишлоқ хўжалиги ишлаб чиқаришини илмий ҳамда замонавий тенденциялар асосида доимий равишда ривожлантиришга кўмаклашиш учун зарур бўладиган касбий билимлар, кўникмалар ва маҳоратларни мунтазам равишда янгилаб бориш узлуксиз малака ошириш ва қайта тайёрлаш жараёнларининг мақсади ҳисобланади.

6. Қуйидагилар қишлоқ хўжалиги соҳасида кадрларнинг узлуксиз малакасини ошириш ва уларни қайта тайёрлаш жараёнларининг асосий вазифалари ҳисобланади:

соҳа мутахассисларининг касбий билимлари, кўникмалари ва маҳоратларини узлуксиз янгилаб бориш механизмларини жорий этиш, замонавий талабларга мувофиқ қишлоқ хўжалигида юқори ҳосил олиш, қишлоқ хўжалиги маҳсулотлари сифатини ошириш учун зарур даражада касбий ва амалий тайёргарликни ошириш;

узлуксиз малака ошириш ва қайта тайёрлашнинг тўғридан-тўғри ва касбий фаолиятга боғлиқ билвосита шаклларининг амалиётга тўлиқ жорий этилишини таъминлаш ва мониторингини юритиш;

соҳа мутахассисларининг касбий салоҳиятидан келиб чиқиб, уларни касбий эҳтиёжларини қаноатлантиришга йўналтирилган узлуксиз малака ошириш ва қайта тайёрлашнинг шаклларини мустақил танлаш ва ўзлаштириш;

таълим, фан ва ишлаб чиқариш интеграциясини таъминлаш орқали Вазирлик марказий аппарати, раҳбар кадрлари ва мутахассислари, илмий ходимларининг касбий тайёргарлиги сифатига қўйиладиган малакавий талабларни такомиллаштириш.

3-боб. Узлуксиз малака ошириш ва қайта тайёрлаш жараёнларини ташкил этиш шакллари ва босқичлари

7. Узлуксиз малака ошириш ва қайта тайёрлаш шакллари қуйидагиларни ўз ичига олади:

соҳа ва мутахассислик, касбий фаолияти бўйича мустақил малака ошириш;

соҳа ва мутахассислик, касбий фаолияти бўйича муқобил малака ошириш;

таълим дастурлари асосида Институтда бевосита ўқиш.

8. Мутахассислик ва касбий фаолият бўйича мустақил малака ошириш қуйидагиларни ўз ичига олади:

илм-фан ютуқлари ва инновацион технологияларни ишлаб чиқаришга татбиқ этиш;

«Устоз-шогирд» тизими асосида иқтидорли ва истеъдодли ёшлар билан ишлаш;

илмий конференцияларда маъруза билан қатнашиш;

илмий журналларда мақолалар чоп этиш;

кўргазма ва танловларда иштирок этиш;

илмий лойиҳаларда иштирок этиш;

халқаро (импакт-факторли) нашрларда мақолалар эълон қилиш;

рационализаторлик таклифлари, инновацион ишланмаларга муаллифлик қилиш;

монография, муаллифлик ижодий ишлари каталогини тайёрлаш ва нашр қилиш;

ўқув адабиётлари (дарслик, ўқув қўлланма, методик қўлланма, тавсиянома) тайёрлаш ва нашр қилиш;

фан доктори (DSc) ёки фалсафа доктори (PhD) даражасини олиш учун ҳимоя қилинган диссертация ишига илмий раҳбарлик қилиш;

охирги 3 йилда хорижий мамлакатларда тўғридан-тўғри шаклда малака ошириш, стажировка ўташ.

9. Мустақил малака ошириш шакллари қуйидагича амалга оширилади:

илм-фан ютуқлари ва инновацион технологияларни ишлаб чиқаришга татбиқ этиш — ўзининг ташаббуси билан яратилган илм-фан ютуқлари ва инновацион технологияларни ҳудудларнинг ижтимоий-иқтисодий ривожланишига, ҳудудларнинг экспорт салоҳиятини оширишга, ўқув ва илмий-тадқиқот жараёнига кенг татбиқ этиш;

илмий конференцияларда маъруза билан қатнашиш — фан ва амалиёт, ўқитиш методикаси ҳамда технологиясининг долзарб муаммоларини ҳал этишга ва ўқув-тарбия жараёнининг юқори сифатини таъминлашга йўналтирилган долзарб мавзулари, инновацион йўналишлари бўйича республика ва халқаро миқёсдаги анжуманлар, давра суҳбатлари, семинарларда илмий ёки илмий-методик маърузалар (ахборотлар) қилиш;

илмий журналларда мақолалар чоп этиш — мустақил равишда таълим, фан ва ишлаб чиқаришнинг долзарб масалаларига йўналтирилган (мутахассислиги доирасида) муҳим мавзулар бўйича амалга оширилган тадқиқот (эмпирик) натижалари, таҳлиллари, рационализаторлик ғоялари ва ишланмаларини диссертацияларнинг асосий илмий натижаларини эълон қилиш учун тавсия этиладиган илмий нашрлар, шу жумладан, электрон илмий-техник журналларда эълон қилиш;

кўргазма ва танловларда иштирок этиш — машғулот олиб бораётган фанлари бўйича ижодий иш натижаларини республика ҳамда халқаро миқёсдаги кўрик-танловлар ва кўргазмаларда иштирок этиш орқали оммалаштириш, совриндор бўлиш;

илмий лойиҳаларда иштирок этиш — халқаро лойиҳалар ва дастурлар, шунингдек, фан ҳамда технологик тараққиётнинг бугунги даражаси билан кадрлар тайёрлаш таълим мазмуни, сифатини ошириш орасидаги узвийликни ривожлантириш мақсадида фундаментал, инновацион ва амалий лойиҳаларга, хўжалик шартномалари асосида бажариладиган ишларга, шунингдек, халқаро миқёсдаги лойиҳаларга раҳбарлик қилиш ёки иштирокчи сифатида фаолият юритиш;

халқаро (импакт-факторли) нашрларда мақолалар эълон қилиш — мустақил равишда таълим, фан ва ишлаб чиқаришнинг долзарб масалаларига йўналтирилган муҳим мавзулар бўйича амалга оширилган тадқиқот натижалари, таҳлиллари, рационализаторлик ва инновацион ғояларини халқаро маълумотлар базасига киритилган юқори рейтингли ёки импакт-факторли илмий журналларда эълон қилиш;

рационализаторлик таклифлари, инновацион ишланмаларга муаллифлик қилиш — соҳанинг долзарб масалаларига йўналтирилган тадқиқот натижалари асосида маҳсулот ва ишланмаларни яратиш;

монография, муаллифлик ижодий ишлари каталогини тайёрлаш ва нашр қилиш — айнан илмий-тадқиқот мавзуси натижалари ёки муаллифлик ижодий ишлари асосида тайёрланган асар (каталог)ни нашр этиш;

ўқув адабиётларини тайёрлаш — давлат таълим стандартлари, ўқув дастури, услубиёти ва дидактик талаблар асосида тегишли таълим йўналишлари ва мутахассисликлари бўйича хорижий тажрибалар асосида янги авлод ўқув (электрон) адабиётлари (дарслик, ўқув қўлланмаси, методик қўлланма)ни яратиш ва белгиланган тартибда таълим амалиётига жорий этиш;

илмий раҳбарлигида фан доктори (DSc) ёки фалсафа доктори (PhD) даражасини олиш учун диссертация ҳимоя қилинганлиги — илмий-педагог кадрлар тайёрлашдаги фаоллиги, раҳбарлигида фан доктори (DSc) ёки фалсафа доктори (PhD) даражасини олиш учун тайёрланган ва ҳимоя қилинган диссертация;

хорижий мамлакатларда малака ошириш — ишдан ажралган ҳолда, тўғридан-тўғри шаклда хорижий мамлакатларда касбий ва педагогик маҳоратини ошириш, ўқув-тарбия жараёнини юқори илмий-методик даражада амалга ошириш, ахборот технологиялари ва ўқитишнинг интерактив методлари бўйича касбий билимлар, малака ва кўникмаларни ошириш;

хорижий мамлакатларда стажировка ўташ — ишдан ажралган ҳолда тўғридан-тўғри хорижий мамлакатларда иш тажрибаси, амалий кўникмалари ва касбий билим даражасига эга бўлиш мақсадида маълум вақт давомида билим, малака ва кўникмаларини ошириш.

10. Қуйидагилар муқобил малака ошириш шакллари ҳисобланади:

Ўзбекистон Республикаси Фанлар академияси академиги илмий унвонига эга бўлиш;

охирги 3 йилда докторлик (PhD ёки DSc) диссертациясини ҳимоя қилиш;

охирги 3 йилда ўсимликларнинг янги нав ва дурагайларини, қишлоқ хўжалиги техникаси ёки ишлаб чиқариш агротехнологияси муаллифи бўлиши;

охирги 3 йилда хорижий мамлакатларда тўғридан-тўғри шаклда умумий давомийлиги 2 ҳафта ёки 72 соатдан кам бўлмаган малака ошириш ёки стажировка ўташ.

11. Қишлоқ хўжалиги соҳасидаги кадрларнинг узлуксиз малака ошириш шакллари бўйича сўнгги уч йилдаги маълумотлари электрон портфолио тизимига шахсан ходимларнинг ўзи томонидан киритилади ва кўрсаткичлар электрон мониторинг тизими орқали қайд этиб борилади.

Мустақил малака ошириш шакллари бўйича ходимларнинг фаолияти ушбу Низомга 1-иловадаги Қишлоқ хўжалиги соҳасидаги кадрларнинг мустақил ва муқобил малака ошириш шаклларини баҳолаш мезонларига мувофиқ баҳоланади.

12. Қишлоқ хўжалиги соҳасидаги кадрларнинг мустақил малака ошириш шакллари учун белгиланган 100 балли тизимда:

камида 55 баллни тўплаган ходимлар тўғридан-тўғри онлайн тест синовларини топширишга тавсия этилади. Бунда онлайн тест синовларидан муваффақиятли ўтмаган ходимлар Институтда таълим дастурлари асосида бевосита ўқишга тавсия этилади;

86 — 100 баллни тўплаган ходимларга тўғридан-тўғри малака аттестати Аттестация комиссиясининг қарори асосида тақдим этилади.

13. Муқобил малака ошириш шаклларидан ихтиёрий бирини амалга оширган соҳа мутахассисларига тўғридан-тўғри малака ошириш сертификати Аттестация комиссиясининг қарори асосида тақдим этилади.

14. Малака ошириш ва қайта тайёрлаш жараёни кундузги ўқиш шаклида соҳа мутахассисларини ишлаб чиқаришдан ажралган ҳолда бевосита касбий ривожланишни ташкил этишнинг мақбул йўлларини танлаш, касбий билим ва кўникмаларни доимий янгилаш имкониятини бериш орқали ташкил этилади.

15. Тегишли ахборот-методик ва ташкилий-техник база мавжуд бўлган тақдирда, малака ошириш жараёни масофадан ўқитиш усуллари қўлланган ҳолда ҳам ташкил этилиши мумкин.

16. Малака ошириш курсининг ўқув дастурларини (кейинги ўринларда — ўқув дастури) ўзлаштириш муддати 2 ҳафта (72 соат ёки 12 кредит)дан ҳамда қайта тайёрлаш курсининг ўқув дастури 4 ҳафта (144 соат ёки 24 кредит)дан кам бўлмаган ҳажмда белгиланади (қисқа муддатли курслар бундан мустасно).

Институт, заруратга кўра, ўқув курсларининг давомийлиги ва ўқув дастурларининг ҳажмига ўзгартириш киритиш, шунингдек, янги малака ошириш ва қайта тайёрлаш дастурларини жорий этиши мумкин.

17. Малака ошириш ва қайта тайёрлаш ўқув курсларида ўқув жараёни, қоида тариқасида, 25 нафардан кам бўлмаган тингловчидан иборат академик гуруҳларда ташкил қилинади.

Бунда аудитория машғулотлари барча турларининг давомийлиги Институт томонидан белгиланади, лекин ўқув машғулотлари 80 дақиқадан ошмаслиги ва ўқув машғулотлари оралиғидаги танаффус 10 дақиқадан кам бўлмаслиги лозим.

Малака ошириш ва қайта тайёрлаш курсларида ўқув жараёни Институт директорининг ўринбосари томонидан тасдиқланадиган машғулотлар жадвали бўйича ташкил этилади.

18. Вазирлик Иқтисодиёт ва молия вазирлиги билан келишилган ҳолда шартнома асосида ўқитиш қийматларини белгилайди (олий таълим ва касбий таълим ташкилотларининг раҳбар ҳамда педагог кадрларини қайта тайёрлаш ва малакасини ошириш бундан мустасно).

4-боб. Малака ошириш ва қайта тайёрлаш тартиби

19. Соҳа мутахассисларининг узлуксиз малакасини ошириш ва уларни қайта тайёрлаш Қишлоқ хўжалигида билим ва инновациялар миллий маркази (кейинги ўринларда — Миллий марказ) ҳузуридаги Институт томонидан амалга оширилади.

20. Қорақалпоғистон Республикаси Қишлоқ хўжалиги вазирлиги, вилоятлар ҳамда Тошкент шаҳар қишлоқ хўжалиги бошқармалари ҳар йили 5 ноябрга қадар қишлоқ хўжалиги тизимидаги ташкилотларнинг малака оширадиган мутахассислари рўйхатини шакллантиради ва Вазирликка тақдим қилади.

Вазирлик ҳар йили 10 ноябрга қадар Институтга Вазирлик марказий аппарати, раҳбар кадрлари ва мутахассислари, илмий ходимлари орасидан йўналишлар кесимида малака ошириш ва қайта тайёрлаш курслари бўйича тингловчиларнинг сони ва муддатларини кўрсатган ҳолда буюртма беради.

Қишлоқ хўжалиги тизимида фаолият кўрсатаётган номутахассис ходимлар Институтнинг қайта тайёрлаш курсларига жалб этилади.

21. Институт Вазирликнинг буюртмасига асосан ҳар йили 1 декабрга қадар йўналишларнинг ўқув дастури ва ўқув режаси асосида ўқув машғулотларини ўтказадиган профессор-ўқитувчилар ва тажрибали мутахассисларнинг рўйхатини ҳамда режа-графикларни ишлаб чиқади.

Малака ошириш ва қайта тайёрлаш йўналишларининг ўқув дастури ва ўқув режаси Вазирлик томонидан тасдиқланади.

22. Институт томонидан малака ошириш ва қайта тайёрлаш курсларининг ўқув машғулотларини ўтказиш учун Миллий марказ, соҳага алоқадор бошқа олий таълим ташкилотлари ва илмий-тадқиқот муассасаларининг етакчи профессор-ўқитувчилари, тажрибали ва амалиётчи мутахассислар соатбай ҳақ тўлаш асосида жалб қилинади.

Институт Миллий марказ билан келишилган ҳолда малака ошириш ва қайта тайёрлаш жараёнига хорижий экспертларни ҳам жалб қилиши мумкин.

23. Институтда малака ошириш ва қайта тайёрлаш ўқитишнинг замонавий шакллари, услублари, илғор педагогик, ахборот-коммуникация ва инновацион технологиялардан фойдаланиб, тасдиқланган машғулотлар дастурлари асосида амалга оширилади.

24. Ўқув жараёнида ўқув машғулотларининг қуйидаги асосий шакллари қўлланади:

маъруза;

семинар;

амалий (лаборатория машғулотлари) машғулотлар.

Ўқув машғулотларининг қўшимча турлари — сайёр (кўчма) машғулотлар ва дарс машғулотларини ташкил этишнинг амалиётга йўналтирилган замонавий шакллари — кейс-стади, илмий тақдимотлар, жамоада ишлаш ва бошқалар ҳам қўлланиши мумкин.

25. Масофавий таълим шаклидаги ўқув курсларида ўқув жараёни махсус таълим платформаларида онлайн (реал вақт режимида) ва офлайн (тегишли ўқув-методик ресурсларни мустақил равишда ўзлаштириш) режимда ташкил қилинади.

26. Соҳа мутахассисларининг малакасини ошириш ва уларни қайта тайёрлаш (олий ва касбий таълим ташкилотларининг раҳбар ҳамда педагог кадрларини қайта тайёрлаш ва уларнинг малакасини ошириш бундан мустасно) Институт билан улар фаолият юритаётган ташкилот ва идоралар ўртасида тузилган шартнома асосида ташкил этилади.

27. Ўқув машғулотлари Институтнинг биносида, амалий ва сайёр (кўчма) дарс машғулотлари ўқув режасига мувофиқ Миллий марказ тизимидаги илмий-тадқиқот муассасаларида, Тошкент давлат аграр университетида, шунингдек, замонавий бошқарув ва илғор инновацион агротехнологиялар жорий қилинган агрокластерлар ва фермер хўжаликлари экин ер майдонларида ҳамда бошқа кўргазмали объектларда ўтказилади.

28. Амалий ва сайёр (кўчма) дарс машғулотлари ўтказиладиган объектлар Миллий марказ билан келишилган ҳолда танланади.

29. Малака ошириш ва қайта тайёрлаш машғулотлари якуни бўйича тингловчиларнинг олган билими ҳамда қишлоқ хўжалиги соҳасидаги таянч билимлари ва таҳлилий фикрлашни аниқлаш нуқтаи назаридан Аттестация комиссияси томонидан суҳбат ёки тест асосида 100 балли тизимда қуйидагича баҳоланади:

0 — 54 балл — «ўтмади» (маълумотнома берилади);

55 — 100 балл — «ўтди» (сертификат берилади).

Бунда тест ва суҳбат саволлари ўқув дастурининг мазмуни ва касбий фаолиятининг асосий йўналишларидан келиб чиқиб, ўқув машғулотларини олиб борган тренер (ўқитувчи)лар томонидан тузилади.

Баҳолаш тест синовлари шаклида ўтказилганда, тест топшириқлари жами 50 та саволдан иборат бўлиб, топшириқларни бажариш учун 100 дақиқа ҳамда ҳар бир тўғри жавоб учун 2 балл ажратилади;

баҳолаш суҳбат асосида ўтказилганда, жами саволлар сони 5 тадан иборат бўлиб, ҳар бир саволга тўғри жавоб учун 20 балл ажратилади.

30. Суҳбат ва тест жараёнлари видеоёзувга олинади ва бир йил давомида Институтда сақланади.

31. Тингловчиларнинг олган билимларини холисона баҳолаш мақсадида Институт директорининг буйруғи билан Аттестация комиссияси тузилади.

Аттестация комиссияси аъзолари сони, қоида тариқасида, тоқ сондан — раис ва камида тўрт нафар аъзодан иборат бўлади.

Аттестация натижалари қайдномага қўйилади ҳамда Аттестация комиссияси раиси ва унинг аъзолари томонидан имзоланади.

Ўқув дастурларида назарда тутилган барча талабларни бажарган ва имтиҳонни муваффақиятли топширган (суҳбат ёки тестдан ўтган) тингловчиларга Аттестация комиссиясининг хулосаси асосида Институт томонидан ушбу Низомга 2 ва 2а-иловага мувофиқ намунадаги сертификат берилади.

Малака ошириш ва қайта тайёрлаш курсларини аъло баҳоларга ўзлаштирган тингловчиларни кейинги ўқув курсларига тренер сифатида тайёрлаш мақсадида улар халқаро молия институтларининг маблағлари, Институтнинг бюджетдан ташқари маблағлари ҳамда «Эл-юрт умиди» жамғармаси маблағлари ҳисобидан хорижий давлатларга малака ошириш ва стажировкаларга юборилади.

Аттестация синовларини топширмаган (суҳбат, тестдан ўтмаган) тингловчиларга сертификат берилмайди. Мазкур ҳолатда тингловчиларга малака ошириш курсида қатнашгани тўғрисида маълумотнома берилади.

Бунда аттестация синовларини топширмаган (суҳбат, тестдан ўтмаган) ҳамда узрли сабабларга кўра синовларга келмаган тингловчилар бир йил мобайнида ўз ҳисобидан пулли асосда ўқишнинг тегишли ёки турдош йўналиши (мутахассислиги) бўйича кейинги қайта тайёрлаш ва малака ошириш курси якунида аттестациядан ўтиши шарт.

5-боб. Тренер (ўқитувчи)ларни тайёрлаш тартиби

32. Вазирлик марказий аппарати, раҳбар кадрлари ва мутахассислари, илмий ходимлари учун дарс машғулотларини ўтказадиган ўқитувчиларнинг малакаси тренер (ўқитувчи)лар томонидан оширилади.

33. Тренер (ўқитувчи)лар Институтда Вазирликнинг буюртмаси бўйича шартнома асосида, тасдиқланган ўқув дастури ва ўқув режасига мувофиқ соҳадаги етук олимлар, тажрибали амалиётчилар ва хорижий экспертлар томонидан тайёрланади.

34. Тренер (ўқитувчи)ларнинг ўқув дастури ва ўқув режалари ҳар бир йўналишнинг ўзига хослигини инобатга олиб, Институт томонидан ишлаб чиқилади ва тегишлича Миллий марказ билан келишилган ҳолда Вазирлик томонидан тасдиқланади.

35. Институт томонидан тренер (ўқитувчи)ликка соҳа бўйича олий таълим ташкилотлари ва илмий-тадқиқот муассасалари, қишлоқ хўжалиги, халқаро лойиҳа ва бошқа ташкилотларининг етакчи профессор-ўқитувчилари ва амалиётчилари ҳамда хорижий мутахассислар соатбай ҳақ тўлаш асосида жалб қилинади.

36. Институтда тренер (ўқитувчи)ларни тайёрлаш курслари қуйидаги йўналишлар бўйича ташкил этилади:

Вазирлик марказий аппарати ва унинг тизимидаги ташкилотлар раҳбар ва мутахассис кадрларининг бошқарув кўникмаларини ривожлантириш;

тизимдаги олий таълим ташкилотлари ва илмий-тадқиқот муассасалари кадрларининг педагогик маҳоратини ривожлантириш, илмий-педагогик кадрлар ҳамда илмий ходимлар тадқиқотларини ташкил этиш;

маҳаллий ижро этувчи ҳокимият органлари ва бошқа ташкилотларнинг қишлоқ хўжалиги масалаларига масъул мутахассисларини соҳада амалга оширилаётган ислоҳотлар ҳамда инновациялар бўйича ўқитиш;

қишлоқ хўжалиги маҳсулотларини етиштирувчи субъектлар раҳбар ва ходимларини замонавий агробизнес (фермерликка) ҳамда қўшилган қиймат занжирини яратишга ўқитиш.

37. Тренер (ўқитувчи)лар Институтда бир ҳафтадан (36 соат) кам бўлмаган ўқув машғулотини, шундан 18 соатлик аудитория машғулотлари, 6 соатлик амалий ёки сайёр дарс машғулотлари ҳамда 12 соатлик мустақил машғулотларни ўтказади.

38. Институт томонидан ўқув дастурларида назарда тутилган барча талабларни бажарган ва имтиҳонни муваффақиятли топширган (суҳбатдан ўтган) тренер (ўқитувчи)ларга ушбу Низомга 3-иловага мувофиқ намунадаги гувоҳнома берилади.

Гувоҳнома тренер (ўқитувчи)лар учун уч йил давомида Институтда малака ошириш ва қайта тайёрлаш курсларида тегишли йўналиш бўйича дарс бериш учун асос бўлади.

39. Имтиҳонни топширмаган (суҳбатдан ўтмаган) тренер (ўқитувчи)ларга гувоҳнома берилмайди. Бундай ҳолатда уларга ўқув курсида қатнашгани тўғрисида маълумотнома берилади.

Бунда тренер (ўқитувчи)лар Институтда қишлоқ хўжалиги соҳасида мутахассисларнинг малакасини ошириш курсларида машғулотлар ўтказишга жалб этилмайди.

Узрли сабабларга кўра имтиҳонга келмаган тренер (ўқитувчи)лар учун имтиҳон Институт томонидан қўшимча равишда ташкил этилади.

6-боб. Соҳа мутахассисларининг малакасини ошириш тартиби

40. Вазирлик марказий аппарати, раҳбар кадрлари ва мутахассислари, илмий ходимлари, шунингдек, маҳаллий ижро этувчи ҳокимият органлари ва бошқа ташкилотларнинг қишлоқ хўжалиги масалаларига масъул мутахассислари соҳада амалга оширилаётган ислоҳотлар ҳамда инновациялар бўйича қишлоқ хўжалиги маҳсулотларини етиштирувчи субъектлар раҳбар ва ходимларини замонавий агробизнес (фермерликка) ҳамда қўшилган қиймат занжирини яратишга Институтда шартнома асосида ўқитилади.

41. Вазирлик тизимига кирмайдиган, лекин қишлоқ хўжалиги соҳа ва тармоқларига алоқадор муассасалар, агрокластерлар, кооперациялар, фермер хўжаликлари ва бошқа ташкилотлар мутахассислари ҳамда раҳбар кадрлари қисқа муддатли курсларда Институт билан тўғридан-тўғри шартнома тузиш орқали малака оширади.

Қисқа муддатли курслар Институт томонидан мустақил равишда ёки буюртмачи ташкилотлар билан келишилган ҳолда тасдиқланадиган ўқув дастурлари ва ўқув режасига мувофиқ ихтиёрий ташкил этилади.

Бунда ўқув курсларининг давомийлиги, ўқув юкламасининг ҳажми, ўқитиш шакллари ҳамда ўқув курслари якунлари бўйича қабул қилинадиган якуний синов имтиҳони Институт томонидан буюртмачи ташкилотлар билан келишилган ҳолда белгиланади.

Тингловчилар ўқув курсларига буюртмачининг мурожаатига асосан Институт директорининг буйруғи билан қабул қилинади.

42. Қисқа муддатли курсларни муваффақиятли тамомлаган тингловчиларга ушбу Низомга 4-иловада белгиланган намунадаги сертификат берилади. Сертификат, қоида тариқасида, электрон шаклда расмийлаштирилади.

Якуний синов имтиҳонини топширмаган тингловчига бир маротаба қайта топшириш учун уч ойгача муддат берилади.

Қайта топшириш натижасида ҳам якуний синов имтиҳонидан ўта олмаган тингловчига сертификат берилмайди. Бу ҳолда тингловчига малака ошириш курсида қатнашгани тўғрисида маълумотнома берилади.

7-боб. Соҳа мутахассисларининг малакасини ошириш ва қайта тайёрлашни молиялаштириш

43. Қуйидагилар Вазирлик марказий аппаратининг мутахассислари ва раҳбар кадрлари, Вазирлик тизимидаги ташкилотлар, илмий-тадқиқот муассасалари мутахассис ва раҳбар кадрларининг малакасини ошириш ва уларни қайта тайёрлашни молиялаштириш манбалари ҳисобланади:

Давлат бюджети маблағлари;

тингловчиларни тўлов-контракт асосида ўқитишдан тушадиган маблағлар;

хўжалик фаолиятидан ҳамда шартнома асосида хизматлар кўрсатишдан тушадиган тушумлар;

жисмоний ва юридик шахсларнинг ҳомийлик хайриялари;

халқаро молия ташкилотларининг грантлари;

қонунчилик ҳужжатлари билан тақиқланмаган бошқа манбалар.

44. Агрокластер, кооперациялар, фермер хўжаликлари ва бошқа алоқадор ташкилотларнинг мутахассислари ва раҳбар кадрлари малакасини ошириш уларнинг ўз маблағлари ҳисобидан молиялаштирилади.

45. Тренер (ўқитувчи)ларни Институтда тайёрлаш харажатлари Институтнинг бюджетдан ташқари маблағлари, хорижий грантлар ҳамда қонунчилик ҳужжатларида тақиқланмаган бошқа манбалар ҳисобидан амалга оширилади.

8-боб. Узлуксиз малака ошириш жараёнлари иштирокчиларининг ҳуқуқлари ва вазифалари

46. Институт:

тасдиқланган ўқув дастури ва ўқув режаси бўйича тингловчиларга юқори савияли профессор-ўқитувчилар ва тажрибали мутахассислар томонидан машғулотларнинг тўлиқ ва сифатли ўтказилишини таъминлайди;

тингловчиларни зарур ўқув материаллари билан таъминлайди, мавжуд ўқув ресурсларидан фойдаланиш имкониятини яратади;

тингловчиларнинг мурожаатига мувофиқ имкониятларидан келиб чиқиб, ётоқ жой билан таъминлайди;

электрон портфолио тизими кўрсаткичлари бўйича тингловчиларнинг фаолиятини тизимли таҳлил этиб боради ва якунлари бўйича тегишли кўрсаткичларини инобатга олади;

тингловчиларга ўқув машғулотлари бошланишидан олдин Институт тингловчиларининг ички тартиб-қоидалари ва ўқув жараёнларининг ташкил этилиши билан таништиради;

малака ошириш ва қайта тайёрлаш курслари давомида тингловчиларнинг давомати ва фаол иштирокини мониторинг қилиб боради ҳамда тегишлича Миллий марказга ёки Вазирликка кундалик маълумот тақдим этиб боради.

47. Вазирлик ва унинг тизимидаги ташкилотлар, илмий-тадқиқот муассасалари ва бошқа алоқадор ташкилотлар:

Институт билан малака ошириш ва қайта тайёрлаш бўйича тузилган шартномага мувофиқ тўловларни ўз вақтида амалга оширади;

тингловчиларнинг тасдиқланган режа-график бўйича малака ошириш ва қайта тайёрлаш курсларида ўз вақтида қатнашишини таъминлайди;

мустақил равишда малака ошириш шакллари бўйича фаолият олиб бораётган ходимлар тўғрисидаги маълумотларнинг Институтнинг электрон портфолио тизимига киритилишини таъминлайди.

48. Тингловчилар қуйидаги ҳуқуқларга эга:

ўқув жараёнини янада яхшилаш, қайта тайёрлаш ва малака ошириш тизимини такомиллаштириш бўйича Институт раҳбариятига таклифлар киритиш;

маънавий-маърифий ва маданий тадбирларда қатнашиш;

узлуксиз малака ошириш ва қайта тайёрлаш билан боғлиқ бўлган қўшимча маълумотлар ва маслаҳатлар олиш;

Институтнинг ахборот-ресурс маркази, ўқув хоналари ва компьютер техника воситаларидан фойдаланиш;

Институт ходимлари хатти-ҳаракатлари юзасидан шикоят қилиш.

Тингловчилар қонунчилик ҳужжатларига мувофиқ бошқа ҳуқуқларга ҳам эга бўлиши мумкин.

49. Тингловчилар:

белгиланган тартибда ўқув режаси ва дастурлари асосида ўқиши;

ўқув машғулотларида ўз вақтида шахсан ўзлари иштирок этиши ва онлайн ўқув машғулотларида веб-камерасини ёққан ҳолда қатнашиши;

ўқув дастурларида назарда тутилган назорат турларини ва якуний синов имтиҳонларини топшириши;

ўз билимлари, касбий кўникмалари ва маҳорат даражасини ошириши;

ўқув жараёнида берилган топшириқларни ўз вақтида бажариши;

Институтга тегишли бўлган мол-мулкни асраб-авайлаши, Институт тингловчиларининг ички тартиб-қоидаларига қатъий риоя этиши лозим.

Тингловчилар қонунчилик ҳужжатларига мувофиқ бошқа мажбуриятларга ҳам эга бўлиши мумкин.

50. Тингловчи қуйидаги ҳолатларда тингловчилар сафидан чиқарилади:

ўз хоҳишига биноан;

ўқув интизоми ва Институт тингловчиларининг ички тартиб-қоидаларини мунтазам равишда ёки бир маротаба қўпол равишда бузганда;

узрли сабабларсиз қайта тайёрлаш курслари бўйича ўқув машғулотларини 30 академик соатдан ва малака ошириш курслари бўйича ўқув машғулотларини 16 академик соатдан ортиқ қолдирганда;

шартномада назарда тутилган мажбуриятларни бажармаганда;

саломатлиги туфайли (тиббий комиссия маълумотномаси асосида);

суд томонидан озодликдан маҳрум этилганда;

вафот этганда.

51. Тингловчи қайта тайёрлаш ёки малака ошириш курси тингловчилари сафидан чиқарилганда, Институт бу ҳақида уни ўқишга юборган буюртмачи ташкилотга хабар беради.

Тингловчи ушбу Низомнинг 53-банди учинчи — бешинчи хатбошиларида назарда тутилган ҳолатларга кўра тингловчилар сафидан чиқарилган тақдирда, ушбу тингловчи учун тўланган тўлов миқдори қайтарилмайди.

52. Электрон портфолио тизимига киритилган барча маълумотларнинг ҳаққонийлигига ходимлар шахсан масъул ҳисобланадилар.

Электрон портфолио тизимидаги кўрсаткичларнинг ҳаққоний эмаслиги тасдиқланганда, тегишли ходимларнинг электрон портфолио натижалари бекор қилинади.

9-боб. Малака ошириш курслари якуни бўйича аттестация натижалари юзасидан шикоят қилиш

53. Аттестация натижаси бўйича олган баллидан норози бўлган тингловчиларнинг аризаларини кўриб чиқиш учун Институт директорининг буйруғи билан Апелляция комиссияси ташкил этилади.

54. Апелляция комиссияси Институтнинг илмий-педагог кадрлари (Апелляция комиссияси умумий таркибининг 40 фоизигача), шунингдек, тегишли соҳа бўйича корхоналарнинг (ташкилотларнинг) малакали мутахассислари, турдош олий таълим ташкилотларининг тажрибали профессор-ўқитувчилари ва илмий ходимлари орасидан камида 5 нафар аъзодан иборат таркибда тузилади.

55. Апелляция комиссияси таркибига жорий йилда Аттестация комиссияси ишида иштирок этган комиссия аъзолари киритилмайди.

56. Аттестацияда қўйилган баллидан норози бўлган тингловчилар аттестация баллари эълон қилинган кундан бошлаб уч иш куни ичида Апелляция комиссиясига мурожаат қилиш ҳуқуқига эга.

57. Шикоятлар уларни қабул қилиш тўхтатилган кундан бошлаб уч иш кунида суҳбат жараёнида ёзиб олинган видеоёзув асосида кўриб чиқилади.

Мурожаат этувчи Апелляция комиссияси томонидан шикояти кўриб чиқилиши жараёнида иштирок этиши мумкин.

58. Апелляция комиссияси шикоятни кўриб чиқиш натижаси бўйича қуйидаги қарорлардан бирини қабул қилади:

шикоятни асосли деб ҳисоблаш ҳамда уни қаноатлантириш тўғрисида;

шикоятни асоссиз деб ҳисоблаш ҳамда уни қаноатлантиришни рад этиш тўғрисида;

суҳбат ўтказиш жараёнида ташкилий-техник жиҳатдан камчиликлар мавжудлиги аниқланган тақдирда, Аттестация комиссияси қарорини бекор қилиб, қайта аттестация ташкил этиш тўғрисида.

59. Аттестацияни қайтадан ўтказиш тўғрисида қарор қабул қилинган тақдирда, мурожаат этувчи навбатдаги малака ошириш курслари аттестациясига жалб қилинади.

60. Такрорий апелляцияга йўл қўйилмайди. Апелляция комиссияси қароридан норози бўлган тингловчилар белгиланган тартибда судга мурожаат қилиши мумкин.

10-боб. Якунловчи қоидалар

61. Қишлоқ хўжалиги соҳаси мутахассис ва раҳбар ҳамда илмий ва илмий-педагог кадрларнинг малакасини ошириш бўйича низолар қонунчилик ҳужжатларида белгиланган тартибда ҳал этилади.

62. Ушбу Низом талабларининг бузилишида айбдор бўлган шахслар қонунчилик ҳужжатларига мувофиқ жавобгар бўлади.

Мустақил ва муқобил малака ошириш шакллари бўйича ходимларнинг фаолиятини

Т/р Мустақил малака ошириш шакллари Фаолиятни баҳолаш мезонлари Балл I. Мутахассислик бўйича мустақил малака ошириш 100 1. Илм-фан ютуқлари ва инновацион технологияларни ишлаб чиқаришга татбиқ этиш 10 Халқаро миқёсда — 6 Республика миқёсида — 4 2. «Устоз-шогирд» тизими асосида иқтидорли ва истеъдодли ёшлар билан ишлаш 6 Республика ва халқаро миқёсдаги фан олимпиадалари, кўрик танловлар ва кўргазмалардаги совринли ўрин учун: халқаро миқёсда — 4 республика миқёсида — 2 3. Илмий конференцияларда маъруза билан қатнашиш 6 Халқаро миқёсда — 4 Республика миқёсида — 2 4. Илмий журналларда мақолалар чоп этиш 6 Ҳар бир илмий мақола учун — 2 5. Кўргазма ва танловларда иштирок этиш 6 Халқаро миқёсда — 4 Республика миқёсида — 2 6. Илмий лойиҳаларда иштирок этиш 10 Халқаро лойиҳалар — 8 Давлат илмий-техник дастурлари доирасидаги лойиҳалар: лойиҳа раҳбари сифатида — 8 лойиҳа иштирокчиси сифатида — 4 Хўжалик шартномаси асосида бажариладиган ишлар: раҳбар сифатида — 4 иштирокчи сифатида — 2 Давлат буюртмаси асосида яратилган ижодий ишлар: якка муаллиф сифатида — 4 ҳаммуаллиф сифатида — 2 7. Халқаро (импакт-факторли) нашрларда мақолалар эълон қилиш 10 Халқаро маълумотлар базасига киритилган юқори рейтингли илмий журналлар ёки «импакт-фактор»га эга бўлган илмий журналларда чоп этилган ҳар бир мақола учун — 5 8. Рационализаторлик таклифлари, инновацион ишланмаларга муаллифлик қилиш 10 Рационализаторлик таклифи — 6 Инновацион ишланмаларга муаллифлик — 4 9. Монография, муаллифлик ижодий ишлар каталогини тайёрлаш ва нашр қилиш 10 Якка муаллифликда — 10 Ҳаммуаллифликда — 5 10. Ўқув адабиётлари (дарслик, ўқув қўлланма, методик қўлланма, тавсиянома) тайёрлаш ва нашр қилиш 10 Якка муаллифликда: дарслик — 10 ўқув қўлланмаси — 7 Ҳаммуаллифликда: дарслик — 5 ўқув қўлланмаси — 3 Методик қўлланма ёки тавсиянома: якка муаллифликда — 2 ҳаммуаллифликда — 1 11. Фан доктори (DSc) ёки фалсафа доктори (PhD) даражасини олиш учун ҳимоя қилинган диссертация ишига илмий раҳбарлик қилиш 10 Охирги 3 йилда ҳимоя қилинган диссертацияга — 10 12. Охирги 3 йилда хорижий мамлакатларда тўғридан-тўғри шаклда малака ошириш, стажировка ўташ 6 Охирги 3 йилда 3 кундан икки ҳафтагача бўлган муддатда 6 II. Муқобил малака ошириш шакллари 1. Ўзбекистон Фанлар академияси академиги илмий унвонига эга бўлиш 2. Охирги 3 йилда докторлик (PhD, DSc) диссертациясини ҳимоя қилиш 3. Охирги 3 йилда хорижий мамлакатларда тўғридан-тўғри шаклда умумий давомийлиги 2 ҳафтадан 4 ҳафтагача ёки 72 соатдан 144 соатгача бўлган малака ошириш ёки стажировка ўташ 4. Охирги 3 йилда ўсимликларнинг янги нав ва дурагайларини, қишлоқ хўжалиги техникаси ёки ишлаб чиқариш агротехнологиясининг муаллифи бўлиш (патент асосида)

Қишлоқ хўжалиги соҳасидаги раҳбар ва мутахассислар, илмий-тадқиқот муассасалари раҳбар ва илмий ходимларининг малакасини ошириш ва уларни қайта тайёрлаш тартиби тўғрисидаги низомга 2-ИЛОВА

Қишлоқ хўжалиги соҳасида раҳбар ва мутахассислар, илмий-тадқиқот муассасалари раҳбар ва илмий ходимларининг малакасини ошириш курсларида ўқигани тўғрисида давлат намунасидаги сертификат

Oʻzbekiston Respublikasi Davlat gerbi Oʻzbekiston Respublikasi __________________________________________________________________ (malaka oshirish kursining nomi) Malaka oshirish kursini tugatganligi haqida SERTIFIKAT МО № 000000 __________________________________________________________________ (tinglovchining familiyasi, ismi, otasining ismi) 20___-yil____________________dan 20____-yil __________________gacha Oʻzbekiston Respublikasi Qishloq xoʻjaligi vazirligining Qishloq xoʻjaligida bilim va innovatsiyalar milliy markazi huzuridagi Qishloq xoʻjaligi sohasi kadrlarining malakasini oshirish va qayta tayyorlash institutida jami __________ soatga moʻljallangan _________________________________________________________ _________________________________________________________________________________________ (malaka oshirish kursining nomi) oʻquv kursini muvaffaqiyatli tamomladi. Muhr oʻrni Direktor ______ _____________ Sana _________ _____________ ________ Qayd raqami__________

Малака ошириш курсини тамомлаганлик ҳақида давлат намунасидаги сертификат ТАВСИФИ

Малака ошириш тўғрисидаги сертификат А4 форматли оқ қоғозда офсет усулида, беш хил рангдан фойдаланган ҳолда: матн учун — қора рангда, расмлар тасвири учун — яшил, кўк, қизил рангларда, фон учун — оч кулрангда босиб чиқарилади.

Варақнинг чап қисмида четидан 10 мм чекинган ҳолда, эни 32 мм бўлган Ўзбекистон Республикаси Давлат байроғи тасвирланган тасма жойлаштирилади. Тасманинг юқори қисмида диаметри 30 мм бўлган Давлат герби, паст қисмида эса — 35 мм ўлчамли иккита квадрат қўшилишидан ҳосил бўлган саккиз қиррали юлдуз, юлдузнинг ўртасида муҳр учун 25 мм диаметрли оқ айлана жойлашган.

Варақнинг қолган қисмида, юқорида давлат тилида «OʻZBEKISTON RESPUBLIKASI» ва «Malaka oshirish kursini tugatganligi haqida SERTIFIKAT» сўзлари босилади. Сертификат икки ҳарф — МО ва олти рақамли сондан иборат тартиб рақамига эга. Барча матн нақшли растрдан иборат оч кулранг фонда босиб чиқарилади.

Сертификат:

ёруғлик воситасида нусха кўчиришни қийинлаштириш учун очиқ ранглар;

нақшли растр;

ҳар хил рангли растрлардан фойдаланиш орқали турли ранглар;

ўзгарадиган рақамлардан иборат тартиб рақами қўлланган ҳолда тўртта ҳимояга эга.

Қишлоқ хўжалиги соҳасида раҳбар ва мутахассислар, илмий-тадқиқот муассасалари раҳбар ва илмий ходимларининг қайта тайёрлаш курсларида ўқигани тўғрисида давлат намунасидаги сертификат

Oʻzbekiston Respublikasi Davlat gerbi Oʻzbekiston Respublikasi __________________________________________________________________ (qayta tayyorlash kursining nomi) Qayta tayyorlash kursini tugatganligi haqida SERTIFIKAT QT № 000000 __________________________________________________________________ (tinglovchining familiyasi, ismi, otasining ismi) 20__-yil__________________dan ____________ 20___-yil __________________gacha Oʻzbekiston Respublikasi Qishloq xoʻjaligi vazirligining Qishloq xoʻjaligida bilim va innovatsiyalar milliy markazi huzuridagi Qishloq xoʻjaligi sohasi kadrlarining malakasini oshirish va qayta tayyorlash institutida jami _________ soatga moʻljallangan __________________________________________________________ _________________________________________________________________________________________ (qayta tayyorlash kursining nomi) oʻquv kursini muvaffaqiyatli tamomladi. Muhr oʻrni Direktor ____ _____________ Sana _______ _____________ ________ Qayd raqami __________

Қайта тайёрлаш курсини тамомлаганлик ҳақида давлат намунасидаги сертификат ТАВСИФИ

Қайта тайёрлаш тўғрисидаги сертификат А4 форматли оқ қоғозда офсет усулида, беш хил рангдан фойдаланган ҳолда: матн учун — қора рангда, расмлар тасвири учун — яшил, кўк, қизил рангларда, фон учун — оч кулрангда босиб чиқарилади.

Варақнинг қолган қисмида, юқорида давлат тилида «OʻZBEKISTON RESPUBLIKASI» ва «Qayta tayyorlash kursini tugatganligi haqida SERTIFIKAT» сўзлари босилади. Сертификат икки ҳарф — QT ва олти рақамли сондан иборат тартиб рақамига эга. Барча матн нақшли растрдан иборат оч кулранг фонда босиб чиқарилади.

Сертификат:

ёруғлик воситасида нусха кўчиришни қийинлаштириш учун очиқ ранглар;

нақшли растр;

ҳар хил рангли растрлардан фойдаланиш орқали турли ранглар;

ўзгарадиган рақамлардан иборат тартиб рақами қўлланган ҳолда тўртта ҳимояга эга.

Қишлоқ хўжалиги соҳасидаги раҳбар ва мутахассислар, олий таълим ҳамда илмий-тадқиқот муассасалари раҳбар ва илмий ходимларининг малакасини ошириш ва уларни қайта тайёрлаш тартиби тўғрисидаги низомга 3-ИЛОВА

НАМУНА (Oʻzbekiston Respublikasi Davlat gerbi) OʻZBEKISTON RESPUBLIKASI QISHLOQ XOʻJALIGI VAZIRLIGI QISHLOQ XOʻJALIGIDA BILIM VA INNOVATSIYALAR MILLIY MARKAZI QISHLOQ XOʻJALIGI SOHASI KADRLARINING MALAKASINI OSHIRISH VA QAYTA TAYYORLASH INSTITUTI Qishloq xoʻjaligi sohasida rahbar va mutaxassislar, ilmiy-tadqiqot muassasalari rahbar, ilmiy va ilmiy-pedagog kadrlarining malaka oshirish va qayta tayyorlash kurslarida mashgʻulotlar oʻtkazish uchun TRENERLIK GUVOHNOMASI TG № 000000 20____-yil «____» ___________ _____________________ (berilgan joyi) _________________________________________________________________ (familiyasi, ismi, otasining ismi) 20____-yil «____»-___________dan 20____-yil «____»-_____________gacha _______________________________________________________________dagi (taʼlim muassasasining nomi) _________________________________________________________________ (trenerlik kursining nomi) _______________________________soatlik kurslardan muvaffaqiyatli oʻtdi. Institut direktori __________ _______________________________ ______________________________ (familiyasi, ismi, otasining ismi) M.Oʻ. 20___-yil «_____»-_________________ gacha amal qiladi.

Қишлоқ хўжалиги соҳасида раҳбар ва мутахассислар, илмий-тадқиқот муассасалари раҳбар ва илмий ходимларининг малакасини ошириш ва уларни қайта тайёрлаш тартиби тўғрисидаги низомга 4-ИЛОВА

НАМУНА (Oʻzbekiston Respublikasi Davlat gerbi) OʻZBEKISTON RESPUBLIKASI QISHLOQ XOʻJALIGI VAZIRLIGI QISHLOQ XOʻJALIGIDA BILIM VA INNOVATSIYALAR MILLIY MARKAZI QISHLOQ XOʻJALIGI SOHASI KADRLARINING MALAKASINI OSHIRISH VA QAYTA TAYYORLASH INSTITUTI Qishloq xoʻjaligi soha va tarmoqlariga aloqador muassasalar, agroklasterlar, kooreratsiyalar, fermer xoʻjaliklari va boshqa tashkilotlarning oʻz mutaxassislari va rahbar kadrlarining qisqa muddatli malaka oshirish kurslarida oʻtgani toʻgʻrisida SERTIFIKAT QXМО № 000000 20____-yil «____» ___________ _____________________ (berilgan joyi) __________________________________________________________________ (familiyasi, ismi, otasining ismi) 20____-yil «____»___________ dan 20____-yil «____»-_____________ gaсha ________________________________________________________________da (taʼlim muassasasining nomi) __________________________________________________________________ (qisqa muddatli malaka oshirish kursining nomi) _______________________________soatlik kurslardan muvaffaqiyatli oʻtdi. Institut direktori __________ _______________________________ ______________________________ (familiyasi, ismi, otasining ismi) M.Oʻ. 20___-yil «_____»-_________________ gacha amal qiladi.

Вазирлар Маҳкамасининг 2025 йил 2025 йил 10 декабрдаги 783-сон қарорига 2-ИЛОВА

1-боб. Умумий қоидалар

1. Ушбу Низом ветеринария ва чорвачилик соҳасидаги раҳбар ва мутахассис кадрлар, илмий-тадқиқот муассасалари раҳбар ва илмий ходимларининг узлуксиз малакасини ошириш, уларни қайта тайёрлаш ва уларга малака тоифалари бериш тартибини белгилайди.

Ветеринария ва чорвачилик соҳасида педагог ҳамда мутахассис кадрларни қайта тайёрлаш ва уларнинг малакасини ошириш институти (кейинги ўринларда — Институт) Ветеринария ва чорвачиликни ривожлантириш қўмитаси (кейинги ўринларда — Қўмита), унинг республика тизим ташкилотлари, ҳудудий бошқармалари ва туман (шаҳар) бўлимлари мутахассислари, илмий-тадқиқот муассасалари раҳбар ва илмий ходимлари, ветеринария, чорвачилик ва наслчилик соҳасида фаолият кўрсатаётган хусусий ветеринар ва чорвадор мутахассисларни амалга оширилаётган ислоҳотлар бўйича малакасини ошириш ва уларни қайта тайёрлаш бўйича давлат муассасаси ҳисобланади.

2. Ушбу Низомда қуйидаги асосий тушунчалардан фойдаланилади:

тингловчи — қайта тайёрлаш, малака ошириш ва қисқа муддатли курсларда белгилаган тартибда ўқиётган ҳамда ветеринария ва чорвачилик соҳасида фаолият кўрсатаётган раҳбар кадрлар, мутахассислар ва илмий ходимлар;

ветеринария хизмати мутахассислари — давлат ветеринария ташкилоти раҳбарлари, ветеринария ва чорвачиликни ривожлантириш бўлимининг ветеринария врачлари, ветеринария участкаси мудирлари, ҳайвон касалликлари ташхиси ва озиқ-овқат маҳсулотлари хавфсизлиги давлат марказларининг ветеринария врачлари, идоравий, ишлаб чиқариш ва хусусий ветеринария хизмати мутахассислари ва фельдшерлари;

илмий-тадқиқот муассасалари раҳбар ва илмий ходимлари — илмий-тадқиқот муассасаларининг раҳбар кадрлари ҳамда катта ва кичик илмий ходим лавозимидаги шахслар;

малака талаблари — тингловчиларнинг умумий билим ва касбий тайёргарлиги даражасига қўйиладиган талаблар мажмуи;

малака ошириш — тегишли ўқув дастурлари талабларидан келиб чиққан ҳолда, мутахассисларнинг малака ва кўникмаларини мунтазам равишда янгилаб бориш орқали уларнинг касбий билим ва маҳорати оширилишини таъминлашга қаратилган ўқитиш шакли;

мустақил малака ошириш — таълим даражаси ва сифатига қўйиладиган давлат таълим талабларига мувофиқ янги билимлар, малака ва кўникмаларни раҳбар ва педагог кадрлар томонидан мустақил ўзлаштириш, ўзини ўзи касбий ривожлантириш шакли;

муқобил малака ошириш — мустақил малака ошириш шаклларидан фойдаланиб, раҳбар ва педагог кадрларнинг алоҳида (индивидуал) касбий маҳорат натижалари тасдиғи амалдаги бевосита малака ошириш шаклларига тенглаштирилган шакли;

қайта тайёрлаш — соҳа раҳбар ва мутахассис кадрларида мутахассислигидан ташқари бошқа йўналишда халқаро тажрибалар, стандартлар ва талаблар асосида ишлаб чиқилган таълим дастурларига мувофиқ замонавий билим, кўникма ва малакаларни шакллантириш курси;

қисқа муддатли курслар — ветеринария ва чорвачилик соҳасида фаолият юритаётган ташкилот ва идоралар, агрокластерлар, кооперациялар, фермер хўжаликлари ва бошқа ташкилотларнинг раҳбар кадрлари ва мутахассислари учун ташкил этиладиган ўқув курси;

узлуксиз малака ошириш тизими — раҳбар ва мутахассис кадрлар, илмий ва илмий-педагог кадрларнинг касбий билим ва кўникмаларини замонавий талаблар билан уйғунлаштириш, мунтазам равишда ривожлантириб бориш имкониятини берувчи кўп босқичли тизим;

ўқув режаси — блоклар ва ўқув фанлари (курслар)нинг номларини, уларни ўзлаштириш учун ажратилган соатлар ҳажмини ҳамда тингловчиларнинг билимларини назорат қилиш шаклларини белгилаб берувчи асосий ҳужжат;

чорвадор (зоотехник) мутахассислар — чорвачилик (қорамолчилик, қўй-эчкичилик, қоракўлчилик, йилқичилик, туячилик), паррандачилик, балиқчилик, асаларичилик ва бошқа турдаги қишлоқ хўжалик ҳайвонларини озиқлантириш, сақлаш, кўпайтириш ва уларни идентификациялаш билан шуғулланувчи мутахассислар.

3. Ветеринария ва чорвачилик соҳасидаги раҳбар ва мутахассис кадрлар, илмий-тадқиқот муассасалари раҳбар ва илмий ходимларининг малакасини ошириш бўйича мутахассисликлар ва лавозимлар номенклатураси Қўмита томонидан тасдиқланади.

4. Институт ветеринария хизмати мутахассислари ва чорвадор (зоотехник) мутахассис кадрлар ҳамда илмий-тадқиқот муассасалари раҳбар ва илмий ходимларининг малакасини ошириш бўйича таълим жараёнини такомиллаштиришнинг илмий-методик асосларини, ўқув-методик ҳужжатларини ишлаб чиқишни ташкил этади ҳамда механизмлари ва услубларини белгилайди.

Ветеринария ва чорвачилик соҳасида фаолият юритаётган ветеринария хизмати мутахассислари ва чорвадор (зоотехник) мутахассислар, илмий-тадқиқот муассасалари раҳбар ҳамда илмий ходимларини қайта тайёрлаш ва уларнинг малакасини ошириш шартнома асосида ветеринария хизмати тизимига кирувчи ташкилотлар ҳамда илмий-тадқиқот муассасаларининг бюджет ва бюджетдан ташқари маблағлари ҳисобидан Институт томонидан амалга оширилади.

Ветеринария ва чорвачилик соҳасидаги раҳбар ва мутахассис кадрлар, илмий-тадқиқот муассасалари раҳбар ва илмий ходимларининг малакасини ошириш тизимининг ташкилий тузилмаси ушбу Низомга 1-иловадаги шаклга мувофиқ белгиланади.

5. Ветеринария ва чорвачилик соҳасида фаолият юритаётган ветеринария хизмати мутахассислари ва чорвадор (зоотехник) мутахассислар, илмий-тадқиқот муассасалари раҳбар ва илмий ходимлари (кейинги ўринларда — соҳа мутахассислари) малака ошириш курсларида ишлаб чиқаришдан ажралган, асосий иш жойи бўйича ўртача иш ҳақи ва эгаллаб турган лавозими сақланган ҳолда ўқитилади.

6. Соҳа мутахассисларининг малакасини ошириш курслари ушбу Низомга 2-иловада келтирилган схемага мувофиқ ташкил этилади ва ўтказилади.

7. Чорвачилик соҳа ва тармоқларига алоқадор муассасалар, агрокластерлар, кооперациялар, фермер хўжаликлари ва бошқа ташкилотлар мутахассислари ва раҳбар кадрларининг малакаси қисқа муддатли курсларда Институт билан тўғридан-тўғри шартнома тузиш орқали оширилади.

8. Қисқа муддатли курсларни муваффақиятли тамомлаган чорвачилик соҳа ва тармоқларига алоқадор муассасалар, агрокластерлар, кооперациялар, фермер хўжаликлари ва бошқа ташкилотлар мутахассислари ва раҳбар кадрларига ушбу Низомга 3-иловада келтирилган намунадаги сертификат берилади.

Якуний синов имтиҳонини топширмаган тингловчига бир маротаба қайта топшириш учун уч ойгача муддат берилади.

2-боб. Узлуксиз малака оширишнинг мақсад ва вазифалари

9. Соҳа мутахассисларини ветеринария ҳамда чорвачилик соҳасидаги халқаро тажрибани ва зарур касбий билим ва кўникмаларини мустақил янгилаш ҳамда ўзлаштириш, малака талаблари, ўқув режалари ва дастурларига мувофиқ уларнинг касбий лаёқати ва маҳоратининг доимий ривожланишини таъминлаш узлуксиз малака оширишнинг мақсади ҳисобланади.

10. Қуйидагилар узлуксиз малака оширишнинг вазифалари ҳисобланади:

касбий лаёқат ва маҳоратни янада ошириш;

соҳа мутахассисларининг мустақил фикрлаш кўникмаларини узлуксиз ривожлантириш, шунингдек, уларнинг билимларини янада такомиллаштириш;

ахборот технологиялари, Интернет жаҳон ахборот тармоғи имкониятларидан фойдаланишнинг амалий кўникмаларини шакллантириш;

ветеринария хизмати мутахассисларига ҳайвонларни даволаш ва профилактика қилишнинг замонавий усулларини, шунингдек, ветеринария-санитария тадбирларини ўтказишда қўлланадиган технологиялар хусусиятларини ўргатиш;

чорвадор мутахассисларга ҳайвонларни белгиланган меъёрлар асосида озиқлантириш ва сақлашнинг инновацион усулларини ҳамда селекция-наслчилик тадбирларини самарали ташкил қилишни ўқитиш;

илмий-тадқиқот муассасалари раҳбар ва илмий ходимларининг касбий малака ва кўникмаларини ошириш, соҳада долзарб мавзулар бўйича илмий-тадқиқот ишларини амалга ошириш, статистик таҳлил қилиш кўникмаларини такомиллаштириш;

соҳа мутахассисларига ветеринария ва чорвачилик соҳасидаги қонунчилик ҳужжатлари бўйича назарий билимлар бериш.

3-боб. Узлуксиз малака ошириш тизимини бошқариш

11. Қўмита:

узлуксиз малака ошириш ва қайта тайёрлаш тизимига умумий раҳбарлик қилади;

Қорақалпоғистон Республикаси Ветеринария ва чорвачиликни ривожлантириш қўмитаси, вилоятлар ва Тошкент шаҳар ветеринария ва чорвачиликни ривожлантириш ҳудудий бошқармалари (кейинги ўринларда — ҳудудий бошқармалар) ҳамда илмий-тадқиқот муассасаларидан олинадиган маълумотлар асосида ҳар йили декабрь ойининг биринчи ўн кунлигида келгуси йилда малака оширишга юборилаётган соҳа мутахассисларининг рўйхатини шакллантиради ҳамда рўйхатга мувофиқ декабрь ойининг учинчи ўн кунлигида малака ошириш курсларидан ўтишнинг ҳар йилги жадвалини ишлаб чиқади ва тасдиқлайди;

малака оширишнинг тўлиқ ҳамда сифатли ўтказилиши юзасидан доимий мониторинг ва назоратни амалга оширади;

малака ошириш курсларининг ўқув режалари ва дастурларини тасдиқлайди;

узлуксиз малака ошириш ва қайта тайёрлаш бўйича Институтнинг моддий-техник базасини мустаҳкамлаш чораларини кўради.

12. Институт:

узлуксиз малака оширишнинг илмий-услубий асослари, ўқув-услубий ҳужжатлари ва ягона таълим механизмини ишлаб чиқиш жараёнларини ташкил қилади;

ветеринария ва чорвачилик соҳасига оид фанларнинг умумкасбий ва махсус блоклари бўйича қайта тайёрлаш ва узлуксиз малака оширишни ташкил этади ҳамда улар бўйича маълумотлар базасини яратади;

таълимнинг ишлаб чиқариш билан самарали ўзаро ҳамкорлигини, ветеринария ва чорвачилик соҳаси кадрларини қайта тайёрлаш ва уларнинг малакасини ошириш жараёнига кўчма машғулотлар, замонавий техника ва технологиялар билан жиҳозланган корхоналарга ташрифлар ташкил этилишини таъминлайди;

ишлаб чиқариш, илмий-тадқиқот тузилмаларининг моддий-техник базасидан фойдаланган ҳолда машғулотлар ўтказиш учун зарур ўқув ва моддий-техник базани яратади;

соҳа мутахассисларини қайта тайёрлаш ва уларнинг малакасини оширишнинг инновацион илмий ютуқларини, замонавий педагогик ва ахборот-коммуникация технологияларини қўллашни, масофадан ўқитишни, мустақил таълим олишни кенгайтиришни назарда тутувчи техника ва технологияларнинг истиқболда ривожланишини ҳисобга олувчи дастурларини ишлаб чиқади ва жорий этади;

минтақалар учун хос бўлган ҳайвонлар касалликларини ҳисобга олган ҳолда малака ошириш курсларининг ўқув режаси ва дастурларини шакллантиради ҳамда ўқув курсларини ташкил қилади;

малака ошириш курсларида таълим жараёнини такомиллаштириш механизмлари ва услубларини белгилайди;

ветеринария ва чорвачилик соҳасидаги илғор хорижий тажрибани умумлаштирган ҳолда даволаш ва ташхис қўйишнинг замонавий, самарали усуллари ҳамда янги технологияларнинг ўқув жараёнига жорий қилинишини таъминлайди;

Қўмитанинг малакали мутахассислари, Самарқанд давлат ветеринария медицинаси, чорвачилик ва биотехнологиялар университетининг профессор-ўқитувчилари таркиби, илмий-тадқиқот институтларининг етакчи олимлари, ветеринария хизмати мутахассислари, кўп йиллик тажрибага эга чорвадор (зоотехник) ҳамда амалиётчи мутахассисларнинг малака ошириш курсларида машғулотларни ўтказишга қонунчилик ҳужжатларида белгиланган тартибда меҳнатга соатбай ҳақ тўлаш шартлари билан жалб этилишини таъминлайди;

малака ошириш бўйича хорижий тажрибани ва илғор таълим муассасалари ютуқларини таҳлил қилади ва умумлаштиради;

малака ошириш ва қайта тайёрлаш жараёнига хорижий экспертларни шартнома асосида жалб қилади;

тузилган шартномалар асосида номзодларни тингловчиликка қабул қилади, бунда қоида тариқасида, гуруҳлар 20 — 24 нафар тингловчидан иборат таркибда шакллантирилади;

малака ошириш курсларининг зарур даражада ташкил этилиши ва ўтказилиши учун масъул ҳисобланади.

Институт, заруратга кўра, ўқув курсларининг давомийлиги ва ўқув дастурларининг ҳажмига ўзгартириш киритиши, шунингдек, янги малака ошириш ва қайта тайёрлаш дастурларини жорий этиши мумкин.

13. Самарқанд давлат ветеринария медицинаси, чорвачилик ва биотехнологиялар университети:

малака ошириш курси тингловчиларига университет Ахборот-ресурс марказидан бепул фойдаланиш имкониятини яратади;

малака ошириш жараёни учун замонавий инновацион ва ахборот-коммуникация технологиялари ишлаб чиқилишини ва уларнинг малака ошириш жараёнига жорий этилишини ташкил қилади;

соҳа мутахассисларига малака ошириш даврида университетнинг ётоқхоналаридан фойдаланишлари учун қулай шароитлар яратади;

тингловчиларга университетнинг ўқув аудиторияларидан фойдаланишлари учун барча шароитларни яратади.

14. Қўмита тизимига кирувчи илмий-тадқиқот институтлари, ташкилотлар ҳамда чорвачилик, паррандачилик, балиқчилик, асаларичилик, йилқичилик ва бошқа тармоқ хўжаликлари:

малака ошириш амалиётини ўташга кўмаклашадилар;

илмий билимлар ва ветеринария амалиётининг интеграциясини таъминлайдилар.

15. Қўмита, ҳудудий бошқармалар, тизимида ветеринария хизмати мавжуд бўлган вазирлик, идора ва ташкилотлар, илмий-тадқиқот муассасалари, нодавлат ветеринария ташкилотлари, хусусий чорвачилик комплекслари (кластерлар) ва жисмоний шахслар ветеринария хизмати мутахассислари ва чорвадор (зоотехник)ларни ўқитишнинг буюртмачиси ҳисобланади.

4-боб. Малака ошириш ва қайта тайёрлаш жараёнининг мазмуни ва сифатига қўйиладиган талаблар

16. Таълим жараёнининг мазмуни ва сифатига қўйиладиган талаблар Ўзбекистон Республикасининг «Таълим тўғрисида»ги Қонунига мувофиқ белгиланади.

17. Малака ошириш тизимида мутахассисликлар йўналишлари бўйича ўқув режа ва дастурлари Самарқанд давлат ветеринария медицинаси, чорвачилик ва биотехнологиялар университетининг етакчи мутахассислари ва профессор-ўқитувчилари таркиби томонидан илмий-тадқиқот институтларининг олимлари, лабораториялар ва чорвачилик хўжаликларининг мутахассисларини жалб этган ҳолда ишлаб чиқилади ҳамда улар таълим жараёнини услубий таъминлашнинг ажралмас қисми ҳисобланади.

18. Ўқув режа ва дастурларини ишлаб чиқишда соатларнинг модуллар бўйича 10 фоизгача ўзгартирилишига рухсат этилади.

19. Ўқув дастури мазмунига қўйиладиган талаблар ветеринария ва чорвачилик соҳаси раҳбар ҳамда мутахассис кадрлари ва илмий-тадқиқот институтларининг раҳбар ҳамда илмий ходимлари мутахассислик йўналишларига мувофиқ равишда уларнинг зарур билим ва кўникмаларини эгаллашини ҳисобга олган ҳолда белгиланади.

Ўқув режа ва дастурларида ветеринария фани, техникаси, технологиялари, чорвачилик соҳасидаги ютуқлар акс эттирилиши, шунингдек, улар ветеринария ва чорвачилик таълими тизимида ягона узвийлик ва изчилликни таъминлаш талабларига жавоб бериши зарур.

20. Малака ошириш курсининг амалий, лаборатория ва сайёр дарс машғулотлари ўқув режа ва дастурларига мувофиқ илмий-тадқиқот муассасалари, ветеринария тизимига кирувчи тизим ташкилотлари ва етакчи чорвачилик хўжаликларида ўтказилади, унда даволаш ва ташхис қўйиш усулларини аниқлаш, чорвачиликда селекция-наслчилик тадбирлари бўйича билимларни ўзлаштириш ҳамда ветеринария хизмати раҳбар ва мутахассисларини ветеринария соҳасидаги фан ва технологияларнинг янги ютуқлари билан таништириш назарда тутилиши лозим.

21. Институтнинг профессор-ўқитувчилари таркибига қуйидаги талаблар қўйилади:

ветеринария ва чорвачилик соҳасидаги раҳбар ва мутахассис кадрлар, илмий-тадқиқот муассасалари раҳбар ва илмий ходимларининг малакасини оширишга қўйиладиган талаблар асосида тингловчилар билан ўқув машғулотларини ўтказиш, назорат ва тингловчилар билимларини холисона баҳолаш кўникмаларининг мавжудлиги;

ўзига хос юксак сифатларнинг (талабчанлик, холислик, тартиблилик, ҳаққонийлик, хушмуомалалик) мавжудлиги;

таълим беришда (ўқитишда) касбий маҳорат ва ўз соҳаси бўйича чуқур билимга эга эканлиги;

таълим жараёнининг юқори самарадорлигини таъминлаш, тингловчиларнинг ташаббускорлиги, ижодий маҳорати ва қобилиятларини ривожлантириш кўникмаларининг мавжудлиги.

5-боб. Узлуксиз малака ошириш жараёнларини ташкил этиш шакллари ва босқичлари

22. Ветеринария ва чорвачилик соҳасидаги раҳбар ва мутахассис кадрлар, илмий-тадқиқот муассасалари раҳбар ва илмий ходимларининг узлуксиз малакасини ошириш жараёнлари қуйидагиларни ўз ичига олади:

илмий-тадқиқот муассасалари раҳбар ва илмий ходимларининг мустақил малака ошириши;

муқобил малака ошириш;

таълим дастурлари асосида ветеринария ва чорвачилик соҳасидаги раҳбар ва мутахассис кадрлар, илмий-тадқиқот муассасалари раҳбар ва илмий ходимларини Институтда бевосита ўқитиш.

23. Илмий-тадқиқот муассасалари раҳбар ва илмий ходимларининг мустақил малака ошириши қуйидагиларни ўз ичига олади:

илмий конференцияларда маъруза билан қатнашиш;

илмий журналларда мақолалар чоп этиш;

кўргазма ва танловларда иштирок этиш;

илмий лойиҳаларда иштирок этиш;

халқаро (импакт-факторли) нашрларда мақолалар эълон қилиш;

ихтиро (патент), рационализаторлик таклифлари, инновацион ишланмаларга муаллифлик қилиш;

монография, муаллифлик ижодий ишлари каталогини тайёрлаш ва нашр қилиш;

ўқув адабиётлари (дарслик, ўқув қўлланма, методик қўлланма)ни тайёрлаш ва нашр қилиш;

фан доктори (DSc) ёки фалсафа доктори (PhD) даражасига эга бўлган илмий даражали кадрлар тайёрлаш;

хорижий мамлакатларда малака ошириш ёки стажировка ўташ.

Илмий конференцияларда маъруза билан қатнашиш — фан ва амалиёт, ўқитиш методикаси ҳамда технологиясининг долзарб муаммоларини ҳал этишга ва ўқув-тарбия жараёнининг юқори сифатини таъминлашга йўналтирилган долзарб мавзулар, инновацион йўналишлар бўйича республика ва халқаро миқёсдаги анжуманлар, давра суҳбатлари, семинарларда илмий ёки илмий-методик маърузалар (ахборотлар) билан иштирок этиш.

Илмий журналларда мақолалар чоп этиш — мустақил равишда таълим, фан ва ишлаб чиқаришнинг долзарб масалаларига йўналтирилган (мутахассислиги доирасида) муҳим мавзулар бўйича амалга оширилган тадқиқот (эмпирик) натижалари, таҳлиллари, рационализаторлик ғоялари ва ишланмаларини диссертацияларнинг асосий илмий натижаларини эълон қилиш учун тавсия этиладиган илмий нашрлар, шу жумладан, электрон илмий-техник журналларда эълон қилиш.

Кўргазма ва танловларда иштирок этиш — машғулот олиб бораётган фанлари бўйича ижодий иш натижаларини республика ҳамда халқаро миқёсдаги кўрик-танловлар ва кўргазмаларда иштирок этиш орқали оммалаштириш, совриндор бўлиш.

Илмий лойиҳаларда иштирок этиш — халқаро лойиҳалар ва дастурлар, шунингдек, фан ҳамда технологик тараққиётнинг бугунги даражаси билан кадрлар тайёрлаш, таълим мазмуни ва сифатини ошириш борасидаги узвийликни ривожлантириш мақсадида фундаментал, инновацион ва амалий лойиҳаларга, хўжалик шартномалари асосида бажариладиган ишларга, шунингдек, халқаро миқёсдаги лойиҳаларга раҳбарлик қилиш ёки иштирокчи сифатида фаолият юритиш.

Халқаро (импакт-факторли) нашрларда мақолалар эълон қилиш — мустақил равишда таълим, фан ва ишлаб чиқаришнинг долзарб масалаларига йўналтирилган муҳим мавзулар бўйича амалга оширилган тадқиқот натижалари, таҳлиллари, рационализаторлик ва инновацион ғояларини халқаро маълумотлар базасига киритилган юқори рейтингли ёки импакт-факторли илмий журналларда эълон қилиш.

Ихтиро (патент), рационализаторлик таклифлари, инновацион ишланмаларга муаллифлик қилиш — соҳанинг долзарб масалаларига йўналтирилган тадқиқот натижалари асосида маҳсулот ва ишланмаларни яратиш.

Монография, муаллифлик ижодий ишлари каталогини тайёрлаш ва нашр қилиш — айнан илмий-тадқиқот мавзуси натижалари ёки муаллифлик ижодий ишлари асосида тайёрланган асар (каталог)ни нашр этиш.

Ўқув адабиётлари (дарслик, ўқув қўлланма, методик қўлланма)ни тайёрлаш ва нашр қилиш — давлат таълим стандартлари, ўқув дастури, услубиёти ва дидактик талаблар асосида тегишли таълим йўналишлари ва мутахассисликлари бўйича хорижий тажрибалар асосида янги авлод ўқув (электрон) адабиётлари (дарслик, ўқув қўлланма, методик қўлланма)ни яратиш ва белгиланган тартибда таълим амалиётига жорий этиш.

Фан доктори (DSc) ёки фалсафа доктори (PhD) даражасига эга бўлган илмий даражали кадрлар тайёрлаш — илмий-педагог кадрлар тайёрлашдаги фаоллиги, илмий раҳбарлигида фан доктори (DSc) ёки фалсафа доктори (PhD) даражасини олиш учун тайёрланган ва ҳимоя қилинган диссертация ишлари.

Хорижий мамлакатларда малака ошириш ёки стажировка ўташ — ишдан ажралган ҳолда, тўғридан-тўғри шаклда хорижий мамлакатларда касбий ва педагогик маҳоратини ошириш, ўқув-тарбия жараёнини юқори илмий-методик даражада амалга ошириш, ахборот технологиялари ва ўқитишнинг интерактив методлари бўйича касбий билимлар, малака ва кўникмаларни ошириш.

24. Муқобил малака ошириш шакллари қуйидагиларни ўз ичига олади:

Ўзбекистон Республикаси Фанлар академияси академиги илмий унвонига эга бўлиш;

сўнгги 3 йилда хорижий мамлакатларда тўғридан-тўғри шаклда умумий давомийлиги 36 соатдан кам бўлмаган муддатда малака ошириш ёки стажировка ўташ;

сўнгги 3 йилда фалсафа доктори (PhD) ёки мутахассислик бўйича фан доктори (DSc) даражасини олиш учун диссертация ишини ҳимоя қилиш.

25. Мутахассис кадрлар, илмий-тадқиқот муассасалари раҳбар ва илмий ходимларининг узлуксиз малака ошириш шакллари бўйича сўнгги уч йилдаги маълумотлари электрон портфолио тизимига шахсан раҳбар ва илмий ходимнинг ўзи томонидан киритилади ва кўрсаткичлар электрон мониторинг тизими орқали қайд этиб борилади.

Мустақил малака ошириш шакллари бўйича илмий-тадқиқот муассасалари раҳбар ва илмий ходимларининг фаолияти ушбу Низомга 4-иловадаги Илмий-тадқиқот муассасалари раҳбар ва илмий ходимларининг мустақил малака ошириш шаклларини баҳолаш мезонларига мувофиқ баҳоланади.

26. Илмий-тадқиқот муассасалари раҳбар ва илмий ходимлари мустақил малака ошириш шаклларига ажратилган 100 балли тизимда:

камида 55 баллни тўплаган ходимлар тўғридан-тўғри онлайн тест синовларини топширишга тавсия этилади. Бунда онлайн тест синовларидан муваффақиятли ўтмаган раҳбар ва илмий ходимлар Институтда таълим дастурлари асосида бевосита ўқишга тавсия этилади;

27. Муқобил малака ошириш шаклларидан ихтиёрий бирини амалга оширган Қўмита, унинг республика тизим ташкилотлари, ҳудудий бошқармалари ва туман (шаҳар) бўлимлари мутахассислари, илмий-тадқиқот муассасалари раҳбар ва илмий ходимларига тўғридан-тўғри малака аттестати Аттестация комиссиясининг қарори асосида тақдим этилади.

6-боб. Малака ошириш муддатлари

28. Малака ошириш курсларининг давомийлиги қуйидагича белгиланади:

раҳбар ходимлар учун — 1 ҳафтадан 2 ҳафтагача (36 — 72 соатгача);

мутахассис ходимлар учун — камида 4 ҳафта (144 соатгача);

илмий-тадқиқот муассасалари раҳбар ва илмий ходимлари учун — 1 ҳафтадан 2 ҳафтагача (36 — 72 соатгача).

29. Раҳбар ходимлар учун ўқув курслари ветеринария соҳасини бошқаришнинг замонавий усулларини ўргатиш мақсадида ташкил этилади.

30. Малака ошириш курсларига ветеринария хизмати тизими ва чорвачилик соҳасида, илмий-тадқиқот муассасаларида камида 3 йил иш стажига эга, бакалавр, магистр даражасига ёки ўрта (профессионал) маълумотга эга бўлган ветеринария хизмати ва чорвадор (зоотехник) мутахассислар юборилади.

31. Ветеринария ва чорвачилик соҳасидаги раҳбар ва мутахассис кадрлар, илмий-тадқиқот муассасалари раҳбар ва илмий ходимларининг малакасини ошириш тизимида ҳафталик ўқиш юкламаси кўпи билан 36 соатни ташкил қилади.

7-боб. Ветеринария хизмати ва чорвадор (зоотехник) мутахассисларга малака тоифаларини бериш

32. Ветеринария ва чорвачилик соҳасидаги раҳбар ва мутахассис кадрларни малака ошириш ўқув курслари якуни бўйича аттестациядан ўтказиш ва уларга малака тоифаларини бериш уларни ўз малакаси ва касбий даражасини мунтазам равишда ошириб боришга йўналтириш ва моддий рағбатлантириш мақсадида амалга оширилади.

33. Малака ошириш курсларида ўқишни муваффақиятли тамомлаган ветеринария хизмати ва чорвачилик соҳасидаги мутахассисларга белгиланган тартибда малака ошириш курсларидан ўтганлиги тўғрисида сертификат ҳамда иккинчи, биринчи ва олий малака тоифалари берилади.

34. Ветеринария хизмати ва чорвачилик соҳасидаги мутахассисларга малака тоифаси 3 йил муддатга берилади. Ушбу муддат ичида ветеринария хизмати ва чорвадор (зоотехник) мутахассислар навбатдаги малака тоифасини олишлари учун ихтиёрий равишда малака ошириши ёки малака тоифасини ҳимоя қилиши мумкин.

35. Иккинчи малака тоифасини олиш учун ветеринария хизмати ва чорвачилик соҳасидаги мутахассислар қуйидаги мезонлар бўйича баҳоланади:

а) ветеринария хизмати мутахассислари — даволаш, профилактика ишлари ва ташхис қўйиш усулларини эркин қўллашдаги билимлари, махсус анжомлардан фойдаланиш кўникмалари даражаси;

б) чорвачилик (зоотехник) соҳаси мутахассислари — ҳайвонларнинг келиб чиқиши, зоти, зотдорлиги, уларни рацион асосида озиқлантириш ва зоогигиеник меъёр бўйича сақлаш кўникмаларига эга эканлиги.

36. Биринчи малака тоифасини олиш учун ветеринария хизмати ва чорвачилик соҳаси мутахассислари қуйидаги мезонлар бўйича баҳоланади:

а) ветеринария хизмати раҳбарияти томонидан ветеринария хизмати ва чорвачилик соҳасидаги мутахассислик учун зарур бўлган билим ва кўникмалар даражаси, ўз фаолиятида замонавий ахборот технологияларидан фойдаланиш маҳорати, шунингдек, илмий ва назарий билимлари даражаси тўғрисида берилган ижобий тавсифноманинг мавжудлиги;

б) иккинчи малака тоифасига эгалиги тўғрисидаги сертификатнинг мавжудлиги ҳамда ветеринария хизмати ва чорвачилик соҳасида камида 3 йиллик иш стажига эга бўлиши.

37. Олий малака тоифасини олиш учун ветеринария хизмати ва чорвачилик соҳаси мутахассислари қуйидаги мезонлар бўйича баҳоланади:

а) соҳа мутахассисининг ветеринария ва чорвачилик соҳасидаги илмий ютуқларни умумлаштириш ва амалиётга татбиқ этиш кўникмалари, шунингдек, пайдо бўладиган касбий тармоқ масалаларини ҳал этишга ижодий ёндашиш қобилияти тўғрисида берилган ижобий тавсифноманинг мавжудлиги;

б) биринчи малака тоифасига эгалиги тўғрисидаги сертификатнинг мавжудлиги ва ветеринария хизмати ҳамда чорвачилик мутахассислигида камида 3 йиллик иш стажига эга бўлиши;

в) ветеринария ва чорвачилик соҳаси бўйича олий маълумотга эга бўлиши.

38. Илмий даражага эга бўлган ветеринария ва чорвачилик соҳасидаги мутахассисларга олий малака тоифаси берилади. Бунда уларга ушбу Низомнинг 37-банди «б» кичик банди талаби татбиқ этилмайди.

39. Тегишли малака тоифаларига эга бўлган ветеринария хизмати, чорвачилик соҳасидаги мутахассислар, шу жумладан, бошқарув ходимларининг ойлик иш ҳақларига сертификатнинг амал қилиш муддатига меҳнатга ҳақ тўлашнинг энг кам миқдорига нисбатан бюджет маблағлари ҳисобидан қуйидагича устамалар белгиланади:

иккинчи тоифа учун — 8,8 фоиз;

биринчи тоифа учун — 12,3 фоиз;

олий тоифа учун — 21,1 фоиз.

8-боб. Малака ошириш сифатини назорат қилиш

40. Малака ошириш сифатини баҳолаш ва назорат қилиш қуйидагиларни ўз ичига олади:

а) ички назорат:

базавий билимларни баҳолаш;

янги билимлар, кўникмалар ва касбий маҳоратни жорий назорат қилиш;

мутахассислик бўйича аттестация натижалари юзасидан якуний назорат;

б) Қўмита, шунингдек, ветеринария хизмати тизимига кирувчи бошқа ташкилотлар томонидан ташқи назорат.

41. Якуний назоратни ташкил этиш ва ўтказиш бўйича аттестация комиссияси (кейинги ўринларда — Аттестация комиссияси) таркиби Қўмита билан келишилган ҳолда камида етти нафар аъзодан, шу жумладан, Аттестация комиссияси раиси, раис ўринбосари ва котибидан иборат таркибда Институт директорининг буйруғи билан ташкил этилади.

Аттестация комиссияси таркиби ҳар йили камида 20 фоизи янгиланган ҳолда қайта тасдиқланади.

42. Ветеринария ва чорвачилик соҳасидаги раҳбар ва мутахассис кадрлар, илмий-тадқиқот муассасалари раҳбар ва илмий ходимларининг малака тоифасини олиш учун аттестация суҳбат шаклида холислик ва ошкоралик тамойиллари асосида ўтказилиб, аттестация натижаларига кўра малака тоифалари берилади.

43. Суҳбат саволларининг аниқ рўйхати Институт директори томонидан тасдиқланади.

44. Аттестация комиссияси:

аттестациядан ўтказиладиган талабгор ҳақида қисқача ахборотни тинглайди;

аттестациядан ўтадиган талабгорга соҳага оид 5 та савол беради, унинг жавоблари натижалари бўйича очиқ овоз беради;

аттестация натижаси бўйича талабгорни баҳолайди;

аттестациядан ўтган талабгор фаолиятини яхшилаш бўйича тавсиялар беради;

аттестация саволларини тузади ва уларни янгилаб боради.

Аттестация комиссияси йиғилиши унинг ишида аттестация комиссияси аъзоларининг камида учдан икки қисми иштирок этган тақдирда, ваколатли ҳисобланади.

Суҳбат жараёни видеоёзувга олинади ҳамда берилган саволлар ва жавоблар махсус (саҳифаланган, тикилган ва муҳрланган) дафтарда қайд этилади.

Суҳбат саволлари йўналишлари ва уларнинг натижалари ушбу Низомга 5-иловада келтирилган баҳолаш мезонлари бўйича амалга оширилади.

45. Ветеринария ва чорвачилик соҳасидаги илмий-тадқиқот муассасалари раҳбар ва илмий ходимлари малакавий иш тайёрлайди ҳамда суҳбат жараёнига қадар тест синовларини топширади.

Малакавий иш мавзулари Институт директори томонидан тасдиқланади.

46. Тест синовлари базаси Институт томонидан ишлаб чиқилади ва доимий равишда янгилаб борилади.

Тест синовлари 50 та саволдан иборат бўлади ҳамда ишлаш учун бир соат вақт берилади, ҳар битта тўғри жавоб 1 баллдан баҳоланади.

47. Малака тоифасини бериш бўйича аттестация натижалари Аттестация комиссияси мажлисида эълон қилинади ва Аттестация комиссиясининг баёни билан расмийлаштирилади ҳамда комиссия раиси, раис ўринбосари ва котиб томонидан имзоланади.

48. Тингловчилар аттестацияга узрли сабабларга (меҳнатга лаёқатсизлик варақаси, ветеринария хизмати раҳбарларининг асосли маълумотномаси ва бошқа сабаблар) кўра келмаган тақдирда, уларнинг аттестацияси бошқа муддатга кўчирилади.

Тингловчилар узрсиз сабабга кўра аттестацияда иштирок этмаган тақдирда, аттестациядан ўтмаган ҳисобланади ҳамда уларга нисбатан «аттестациядан ўтмади, тегишли малака тоифаси туширилсин» қарори қабул қилинади.

Аттестациядан ўтмаган тингловчилар тўғрисидаги маълумотлар Қўмитага тақдим этиб борилади.

9-боб. Малака ошириш курсларини тамомлаганлик тўғрисида ҳужжат

49. Ўқув дастурларида назарда тутилган барча талабларни бажарган ва имтиҳонни муваффақиятли топширган тингловчиларга Аттестация комиссиясининг хулосаси асосида Институт томонидан сертификат берилади.

Ветеринария ва чорвачилик соҳасидаги раҳбар ва мутахассис кадрларга малака ошириш курсларидан ўтганлик тўғрисидаги сертификат (кейинги ўринларда — Сертификат) ушбу Низомга 6-иловада келтирилган намунада 3 йил муддатга берилади.

Илмий-тадқиқот муассасалари раҳбар ва илмий ходимларига малака ошириш курсларида аттестациядан ўтганлиги тўғрисида сертификат ушбу Низомга 7-иловага мувофиқ намунада 3 йил муддатга берилади.

Аттестациядан ўта олмаган тингловчиларга малака ошириш курсида иштирок этгани тўғрисида маълумотнома берилади.

Малака ошириш ва қайта тайёрлаш курсларини аъло баҳоларга ўзлаштирган тингловчилар халқаро молия институтларининг маблағлари, Институтнинг бюджетдан ташқари маблағлари ҳамда «Эл-юрт умиди» жамғармаси маблағлари ҳисобидан хорижий давлатларга малака ошириш ва стажировкаларга юборилиши мумкин.

50. Сертификат қатъий ҳисобга олинадиган ҳужжат ҳисобланади, ҳисоб серияси ва рақамига эга бўлади ҳамда QR-код (матрик штрихли код) қўйилган ҳолда электрон шаклда берилади.

51. Малака ошириш курсларида ўқиш якунлари бўйича аттестациядан ўта олмаган тингловчилар бир йил мобайнида ўз маблағлари ҳисобидан малака ошириш курсидан қайтадан ўтади.

Малака ошириш курсларида такроран қатнашиб, ўқув курси якуни бўйича аттестациядан ўта олмаган ветеринария ва чорвачилик соҳасидаги раҳбар ва мутахассис кадрларнинг малака тоифаси пасайтирилади ёки уларнинг эгаллаб турган лавозимига мувофиқлиги тўғрисидаги хулоса белгиланган тартибда асосий иш жойида муҳокама қилинади.

52. Аттестация комиссиясининг қароридан норози бўлган тингловчилар натижалар эълон қилинган вақтдан бошлаб уч иш куни ичида Апелляция комиссиясига ёзма равишда шикоят беришлари мумкин.

53. Электрон шаклда сертификат бериш тизими жорий этилгунга қадар олинган сертификат йўқотиб қўйилган ёки фойдаланишга яроқсиз бўлиб қолган тақдирда, унинг эгасига Институтга тақдим этилган аризага асосан уч иш куни ичида электрон шаклда тўлов ундирилмаган ҳолда олдинги қайд рақами кўрсатилган қайта (дубликат) сертификат берилади.

10-боб. Апелляция комиссияси фаолиятини ташкил этиш

54. Апелляция комиссияси шикоятларни кўриб чиқиш учун Институт директори буйруғи билан суҳбат натижалари эълон қилинган кундан кечиктирмасдан уч кишидан иборат таркибда ташкил этилади.

55. Апелляция комиссияси таркиби Институтнинг раҳбар ходими, касаба уюшмаси вакили ва малака тоифасига эга бўлган бир нафар ветеринария мутахассисидан иборат бўлади.

56. Апелляция комиссияси таркибига Аттестация комиссияси таркибидан аъзо киритилмайди.

Мурожаат этувчи апелляция комиссияси томонидан шикояти кўриб чиқилиши жараёнида иштирок этиши мумкин.

58. Апелляция комиссияси шикоятни кўриб чиқиш натижаси бўйича қуйидаги қарорлардан бирини қабул қилади:

шикоятни асосли деб ҳисоблаш ҳамда уни қаноатлантириш тўғрисида;

шикоятни асоссиз деб ҳисоблаш ҳамда уни қаноатлантиришни рад этиш тўғрисида;

11-боб. Тингловчиларнинг ҳуқуқлари ва мажбуриятлари

61. Тингловчилар ўқув машғулотлари бошланишидан олдин Институт тингловчиларининг ички тартиб-қоидалари билан таништирилади.

62. Тингловчилар қуйидаги ҳуқуқларга эга:

маънавий-маърифий ва маданий тадбирларда қатнашиш;

қайта тайёрлаш ва малака ошириш билан боғлиқ бўлган қўшимча маълумотлар ва маслаҳатлар олиш;

Институтнинг ахборот-ресурс маркази, ўқув хоналари ва компьютер техника воситаларидан фойдаланиш;

Институт ходимлари хатти-ҳаракатлари юзасидан шикоят қилиш.

Тингловчилар қонунчилик ҳужжатларига мувофиқ бошқа ҳуқуқларга ҳам эга бўлишлари мумкин.

63. Тингловчилар:

белгиланган тартибда ўқув режаси ва дастурлари асосида ўқиши;

ўқув машғулотларида ўз вақтида шахсан ўзлари иштирок этиши;

ўқув дастурларида назарда тутилган назорат турларини ва якуний синов имтиҳонларини топшириши;

ўз назарий билимларини, касбий кўникмалари ва маҳорат даражасини ошириши;

ўқув жараёнида берилган топшириқларни ўз вақтида бажариши;

Тингловчилар қонунчилик ҳужжатларига мувофиқ бошқа мажбуриятларни ҳам ўз зиммасига олиши мумкин.

64. Тингловчи қуйидаги ҳолатларда тингловчилар сафидан чиқарилади:

ўз хоҳишига биноан;

шартнома мажбуриятларини бажармаганда;

саломатлиги туфайли (тиббий комиссия маълумотномаси асосида);

суд томонидан озодликдан маҳрум этилганда;

вафот этганда.

65. Тингловчи қайта тайёрлаш ёки малака ошириш курси тингловчилари сафидан чиқарилганда, Институт бу ҳақида уни ўқишга юборган буюртмачи ташкилотга хабар беради.

Тингловчи ушбу Низомнинг 64-банд учинчи — олтинчи хатбошиларида назарда тутилган ҳолатларга кўра тингловчилар сафидан чиқарилган тақдирда, ушбу тингловчи учун тўланган тўлов миқдори қайтарилмайди.

66. Электрон портфолиога киритилган барча маълумотларнинг ҳаққонийлигига ходимлар шахсан масъул ҳисобланадилар.

Электрон портфолиодаги кўрсаткичларнинг ҳаққоний эмаслиги тасдиқланганда тегишли ходимларнинг электрон портфолио натижалари бекор қилинади.

12-боб. Якунловчи қоидалар

67. Ушбу Низомни қўллашда юзага келадиган низолар қонунчилик ҳужжатларида белгиланган тартибда ҳал этилади.

68. Ушбу Низом талабларининг бузилишида айбдор шахслар қонунчилик ҳужжатларига мувофиқ жавобгар бўлади.

Ветеринария ва чорвачилик соҳасида раҳбар ва мутахассис кадрлар, илмий-тадқиқот муассасалари раҳбар ва илмий ходимларининг малакасини ошириш, уларни қайта тайёрлаш ва уларга малака тоифаларини бериш тартиби тўғрисидаги низомга 1-ИЛОВА

Ветеринария ва чорвачилик соҳасидаги раҳбар ва мутахассис кадрлар, илмий-тадқиқот муассасалари раҳбар ва илмий ходимларининг малакасини ошириш тизимининг

Ветеринария ва чорвачиликни ривожлантириш қўмитаси ↓ Ветеринария ва чорвачилик соҳасида педагог ҳамда мутахассис кадрларни қайта тайёрлаш ва уларнинг малакасини ошириш институти ↓ Ветеринария ва чорвачиликни ривожлантириш қўмитаси ҳамда унинг республика тизим ташкилотлари, ҳудудий бошқармалари ва туман (шаҳар) бўлимлари мутахассисларининг малакасини ошириш Илмий-тадқиқот муассасалари раҳбар ва илмий ходимлари нинг малакасини ошириш Ветеринария, чорвачилик ва наслчилик соҳасида фаолият юритаётган хусусий ветеринария ва чорвадор (зоотехник) мутахассисларнинг малакасини ошириш

Ветеринария ва чорвачилик соҳасида раҳбар ва мутахассис кадрлар, илмий-тадқиқот муассасалари раҳбар ва илмий ходимларининг малакасини ошириш, уларни қайта тайёрлаш ва уларга малака тоифалари бериш тартиби тўғрисидаги низомга 2-ИЛОВА

Ветеринария хизмати ва чорвадор мутахассислар малакасини ошириш курсларини ташкил этиш

Босқичлар Субъектлар Тадбирлар Муддатлар 1-босқич Ветеринария ва чорвачиликни ривожлантириш қўмитаси ва унинг ҳудудий бошқармалари, Ветеринария ва чорвачилик соҳасида педагог ҳамда мутахассис кадрларни қайта тайёрлаш ва уларнинг малакасини ошириш институти Ветеринария хизматининг малака оширишга юбориладиган мутахассислари рўйхатини шакллантириш, малака ошириш курсларидан ўтишнинг ҳар йилги жадвалини ишлаб чиқиш ва тасдиқлаш. Ҳар йили 30 декабргача 2-босқич Ветеринария ва чорвачилик соҳасида педагог ҳамда мутахассис кадрларни қайта тайёрлаш ва уларнинг малакасини ошириш институти, Ветеринария ва чорвачиликни ривожлантириш қўмитаси 1. Машғулотларни Ветеринария ва чорвачилик соҳасида педагог ҳамда мутахассис кадрларни қайта тайёрлаш ва уларнинг малакасини ошириш институтида ўтказиш. 2. Илмий-тадқиқот институтлари, ветеринария хизмати тизимига кирувчи ташкилотлар ва етакчи чорвачилик хўжаликларида малака амалиёти ўтказилади. Тасдиқланган малака ошириш курсларидан ўтишнинг ҳар йилги жадвали бўйича 3-босқич Аттестация комиссияси 1. Аттестация натижаларини эълон қилади. 2. Ижобий баҳо олган ветеринария хизмати ва чорвадор (зоотехник) мутахассисларга аттестация натижалари бўйича ва Аттестация комиссиясининг қарорига биноан сертификат беради. Аттестациядан ўтмаган ветеринария хизмати ва чорвадор мутахассисларга сертификат берилмайди. Курс тугагандан сўнг

Ветеринария ва чорвачилик соҳасида раҳбар ва мутахассис кадрлар, илмий-тадқиқот муассасалари раҳбар ва илмий ходимларининг малакасини ошириш, уларни қайта тайёрлаш ва уларга малака тоифалари бериш тартиби тўғрисидаги низомга 3-ИЛОВА

НАМУНА (Oʻzbekiston Respublikasi Davlat gerbi tasviri) VETERINARIYA VA CHORVACHILIKNI RIVOJLANTIRISH QOʻMITASI Chorvachilik soha va tarmoqlariga aloqador muassasalar, agroklasterlar, kooperatsiyalar, fermer xoʻjaliklari va boshqa tashkilotlar mutaxassislari va rahbar kadrlarining qisqa muddatli kurslardan oʻtganligi toʻgʻrisida SERTIFIKAT MO № 000000 20____-yil «____»-___________ _____________________ (berilgan joyi) _____________________________________________________________________________ (familiyasi, ismi, otasining ismi) 20____-yil «____»-_____________dan 20____-yil «____»-________________gacha __________________________________________________________________________dagi (taʼlim muassasasining nomi) _____________________________________________________________________________ (qisqa muddatli malaka oshirish kurslarining nomi) _____________________________________________soatlik kurslardan muvaffaqiyatli oʻtdi. Institut direktori (QR-kod) ___________________________ (familiyasi, ismi, otasining ismi) 20___-yil «_____»-_________________ gacha amal qiladi.

Ветеринария ва чорвачилик соҳасидаги раҳбар ва мутахассис кадрлар, илмий-тадқиқот муассасалари раҳбар ва илмий ходимларининг узлуксиз малакасини ошириш, уларни қайта тайёрлаш ва уларга малака тоифаларини бериш тартиби тўғрисидаги низомга 4-ИЛОВА

Мустақил малака ошириш шакллари бўйича илмий-тадқиқот муассасалари раҳбар ва илмий ходимларнинг фаолиятини

Т/р Мустақил малака ошириш шакллари Фаолиятни баҳолаш мезонлари Балл 100 1. Илмий конференцияларда маъруза билан қатнашиш. 12 Халқаро миқёсда — 6 Республика миқёсида — 4 2. Илмий журналларда мақолалар чоп этиш. 10 Ҳар бир илмий мақола учун — 5 3. Кўргазма ва танловларда иштирок этиш. 8 Халқаро миқёсда — 8 Республика миқёсида — 4 4. Илмий лойиҳаларда иштирок этиш. 10 Халқаро лойиҳалар — 8 Давлат илмий-техник дастурлари доирасидаги лойиҳалар: лойиҳа раҳбари сифатида — 8 лойиҳа иштирокчиси сифатида — 4 Хўжалик шартномаси асосида бажариладиган ишлар: раҳбар сифатида — 4 иштирокчи сифатида — 2 Давлат буюртмаси асосида яратилган ижодий ишлар: якка муаллиф сифатида — 4 ҳаммуаллиф сифатида — 2 5. Халқаро (импакт-факторли) нашрларда мақолалар эълон қилиш. 10 Халқаро маълумотлар базасига киритилган юқори рейтингли илмий журналлар ёки «импакт-фактор»га эга бўлган илмий журналларда чоп этилган ҳар бир мақола учун — 5 6. Ихтиро (патент), рационализаторлик таклифлари, инновацион ишланмаларга муаллифлик қилиш. 10 Ихтиро (патент) — 10 Рационализаторлик таклифи — 6 Инновацион ишланмаларга муаллифлик — 4 7. Монография, муаллифлик ижодий ишлари каталогини тайёрлаш ва нашр қилиш. 10 Якка муаллифликда — 10 Ҳаммуаллифликда — 5 8. Ўқув адабиётлари (дарслик, ўқув қўлланма, методик қўлланма) тайёрлаш ва нашр қилиш. 10 Якка муаллифликда: дарслик — 10 ўқув қўлланмаси — 7 Ҳаммуаллифликда: дарслик — 7 ўқув қўлланмаси — 5 Методик қўлланма: якка муаллифликда — 3 ҳаммуаллифликда — 1 9. Фан доктори (DSc) ёки фалсафа доктори (PhD) даражасини олиш учун ҳимоя қилинган диссертацияга илмий раҳбарлик қилиш. 10 Охирги 3 йилда ҳимоя қилинган диссертацияга — 10 10. Охирги 3 йилда хорижий мамлакатларда тўғридан-тўғри шаклда малака ошириш, стажировка ўташ 10 Охирги 3 йилда икки ҳафтадан — тўрт ҳафтагача — 10 Охирги 3 йилда икки ҳафтагача — 5

Ветеринария ва чорвачилик соҳасида раҳбар ва мутахассис кадрлар, илмий-тадқиқот муассасалари раҳбар ва илмий ходимларининг малакасини ошириш, уларни қайта тайёрлаш ва уларга малака тоифалари бериш тартиби тўғрисидаги низомга 5-ИЛОВА

Ветеринария ва чорвачилик соҳасидаги раҳбар ва мутахассис кадрлар, илмий-тадқиқот муассасалари раҳбар ва илмий ходимларини суҳбат саволларининг йўналишлари ва баҳолаш мезонлари

I. Ветеринария ва чорвачилик соҳасидаги раҳбар ва мутахассис кадрлар Т/р Саволлар йўналишлари Балл 1. Мамлакатда ветеринария ва чорвачилик соҳасида амалга оширилаётган ислоҳотларнинг моҳияти ва аҳамияти 20 балл 2. Ветеринария ва чорвачилик соҳасида қўлланадиган махсус асбоб-ускуна ва анжомлардан фойдаланиш кўникмалари 20 балл 3. Қишлоқ хўжалиги ҳайвонларининг ўта хавфли юқумли касалликларига ташхис қўйиш, даволаш ва профилактик тадбирларни амалга ошириш бўйича билим ва кўникмаларининг мавжудлиги 20 балл 4. Компьютер ва ахборот технологияларидан фойдаланиш даражаси. Жумладан, ветеринария соҳасидаги ахборот тизимларидан фойдаланиш кўникмаси 20 балл 5. Бутун жаҳон ҳайвонлар соғлигини ҳимоя қилиш ташкилотининг асосий фаолият турлари ва Ветеринария ва чорвачиликни ривожлантириш қўмитаси билан мазкур ташкилотнинг ҳамкорлик алоқалари бўйича билимлари 20 балл Жами 100 II. Ветеринария ва чорвачилик соҳасидаги илмий-тадқиқот муассасалари раҳбар ва илмий ходимлари Т/р Саволлар йўналишлари Балл 1. Мамлакатда ветеринария ва чорвачилик соҳасида амалга оширилаётган кенг қамровли ислоҳотларнинг моҳияти ва аҳамияти. 5 2. Фаолият йўналиши бўйича хорижий олимлар билан ҳамкорлик алоқаларини ўрнатганлиги. Жумладан, хорижий олимлар билан ҳамкорликда чоп этилган илмий мақолаларининг мавжудлиги. 5 3. Давлат илмий дастурлари ёки халқаро илмий лойиҳалардаги иштироки тўғрисида. 5 4. Фан, таълим ва ишлаб чиқаришнинг ўзаро интеграцияси доирасида олиб бораётган илмий-тадқиқот ишларининг самарадорлик кўрсаткичлари хусусида. 5 5. Илмий лойиҳаларни шакллантириш ва давлат илмий дастурлари доирасида танловларда иштирок этиш юзасидан билbм ва кўникмаларининг мавжудлиги. 5 Тест синови (50 балл) 6. Тест синови 50 Малакавий иш ҳимояси 7. Малакавий иш ҳимояси 25 ЖАМИ 100

Ветеринария ва чорвачилик соҳасида раҳбар ва мутахассис кадрлар, илмий-тадқиқот муассасалари раҳбар ва илмий ходимларининг малакасини ошириш, уларни қайта тайёрлаш ва уларга малака тоифалари бериш тартиби тўғрисидаги низомга 6-ИЛОВА

НАМУНА (Oʻzbekiston Respublikasi Davlat gerbi tasviri) VETERINARIYA VA CHORVACHILIKNI RIVOJLANTIRISH QOʻMITASI Veterinariya xizmati va chorvador mutaxassislarni malaka oshirish va qayta tayyorlash kurslaridan oʻtganligi toʻgʻrisida SERTIFIKAT MO № 000000 20____-yil «____»-___________ _______________________ (berilgan joyi) _________________________________________________________________ (familiyasi, ismi, otasining ismi) 20____-yil «____»-____________ dan 20____-yil «____»-____________ gacha ____________________________________________________________________dagi (taʼlim muassasasining nomi) ________________________________________________________________________ (malaka oshirish va qayta tayyorlash kurslarining nomi) _______________________________________soatlik kurslardan muvaffaqiyatli oʻtdi. Attestatsiya komissiyasining 20___-yil «_____»-________________dagi «____»-son qaroriga binoan unga _______________________________________ malaka toifasi berildi. (oliy, birinchi, ikkinchi) Institut direktori (QR-kod) ____________________________ (familiyasi, ismi, otasining ismi) 20___-yil «_____»-_________________ gacha amal qiladi.

Ветеринария ва чорвачилик соҳасида раҳбар ва мутахассис кадрлар, илмий-тадқиқот муассасалари раҳбар ва илмий ходимларининг малакасини ошириш, уларни қайта тайёрлаш ва уларга малака тоифалари бериш тартиби тўғрисидаги низомга 7-ИЛОВА

НАМУНА (Oʻzbekiston Respublikasi Davlat gerbi tasviri) VETERINARIYA VA CHORVACHILIKNI RIVOJLANTIRISH QOʻMITASI Ilmiy-tadqiqot muassasalari rahbar va ilmiy xodimlarining malaka oshirish va qayta tayyorlash kurslaridan oʻtganligi toʻgʻrisida SERTIFIKAT MO № 000000 20____-yil «____»-___________ _____________________ (berilgan joyi) _________________________________________________________________________ (familiyasi, ismi, otasining ismi) 20____-yil «____»-____________ dan 20____-yil «____»-______________ gacha _________________________________________________________________________dagi (taʼlim muassasasining nomi) ____________________________________________________________________________ (malaka oshirish va qayta tayyorlash kurslarining nomi) _____________________________________________soatlik kurslardan muvaffaqiyatli oʻtdi. Institut direktori (QR-kod) ____________________________ (familiyasi, ismi, otasining ismi) 20___-yil «_____»-_________________ gacha amal qiladi.

Вазирлар Маҳкамасининг 2025 йил 2025 йил 10 декабрдаги 783-сон қарорига 3-ИЛОВА

Қишлоқ хўжалиги соҳаси кадрларининг малакасини узлуксиз ошириш ва уларни қайта тайёрлаш бўйича давлат хизматларини кўрсатишнинг

1-боб. Умумий қоидалар

1. Ушбу Регламент қишлоқ хўжалиги соҳасидаги раҳбар ва мутахассислар, илмий-тадқиқот муассасалари раҳбар ва илмий ходимларининг ҳамда қишлоқ хўжалиги соҳа ва тармоқларида фаолият кўрсатадиган хўжалик юритувчи субъектлар, агрокластерлар, кооперациялар, фермер хўжаликларининг раҳбар ва мутахассисларининг (кейинги ўринларда — соҳа мутахассислари) малакасини ошириш ва уларни қайта тайёрлаш бўйича (кейинги ўринларда — малака ошириш ва қайта тайёрлаш) давлат хизматларини кўрсатиш тартибини белгилайди.

2. Соҳа мутахассисларининг малакасини ошириш ва уларни қайта тайёрлаш бўйича давлат хизматлари ушбу Регламентга 1-иловадаги схемага мувофиқ кўрсатилади.

2-боб. Давлат хизматларини кўрсатиш тартиби

3. Малака ошириш ва қайта тайёрлашга талабгор бўлган соҳа мутахассислари (кейинги ўринларда — талабгорлар) давлат хизматидан фойдаланиш учун давлат хизматлари марказларига ўзи келиб мурожаат этади ёки давлат хизматидан электрон шаклда фойдаланиш учун Ўзбекистон Республикаси Ягона интерактив давлат хизматлари порталида (кейинги ўринларда — ЯИДХП) рўйхатдан ўтади.

4. Талабгорлар ўзи келиб мурожаат этган тақдирда, давлат хизматлари марказлари ходими ариза берувчи номидан, ЯИДХП орқали мурожаат этган тақдирда эса мустақил равишда ушбу Регламентга 2-иловага мувофиқ шаклдаги аризани электрон шаклда тўлдиради.

5. Талабгорлар белгиланган шаклдаги ариза тўлдирилгандан сўнг маълумотларнинг тўғрилигини текшириб, аризани имзоларни идентификация қилишнинг тегишли воситалари (ЭРИ, дактилоскопия, электрон имзо, Мобил-ID ва бошқалар) билан тасдиқлайди.

6. Давлат хизматлари марказлари қабул қилинган аризаларни кўриб чиқиш учун Қишлоқ хўжалиги соҳаси кадрларининг малакасини ошириш ва қайта тайёрлаш институтига (кейинги ўринларда — Институт) дарҳол юборади.

7. Институт ариза белгиланган талабларга мослигини уч кун ичида кўриб чиқади ҳамда малака ошириш ва қайта тайёрлашга қабул қилиш учун шартнома тузиш ёки рад этиш тўғрисида талабгорга СМС-хабар юборади.

8. Талабгорлар малака ошириш ва қайта тайёрлашга қабул қилиш учун шартнома тузиш ҳақида СМС-хабар олгандан сўнг уч кун ичида электрон ёки ёзма (қоғоз) шаклда Институт билан шартнома имзолайди.

Шартномада малака ошириш ва қайта тайёрлаш вақти, муддати ҳамда тўлов миқдори аниқ кўрсатилади.

Шартнома имзоланган кундан сўнг беш кун ичида белгиланган тўлов талабгорлар томонидан тўланиши лозим. Талабгорлар томонидан ушбу муддатда тўлов тўланмаган тақдирда, улар малака ошириш ва қайта тайёрлаш курсларига қабул қилинмайди.

9. Институт тўловни тўлаган талабгорлар сонидан келиб чиқиб, ўқув курслари контингентини шакллантиради ва ўқув курслари бошланадиган муддатдан камида уч кун олдин талабгорларга СМС-хабар юборади.

10. Бир вақтнинг ўзида шартномалар бўйича тўловларни тўлаган талабгорлар сони белгиланган контингентдан ортган тақдирда, талабгорлар кетма-кетлик асосида малака ошириш ва қайта тайёрлашга қабул қилинади.

11. Давлат хизматлари кўрсатилгани учун базавий ҳисоблаш миқдорининг 20 фоизи миқдорида йиғим ундирилади.

Давлат хизматлари кўрсатилиши учун ЯИДХП орқали мурожаат этилганда, ушбу банднинг биринчи хатбошисида кўрсатилган йиғим суммасининг 90 фоизи ундирилади.

Давлат хизматлари кўрсатилганда йиғим тўлангани Ягона биллинг тизими орқали тасдиқланади.

Йиғимлар қуйидаги тартибда тақсимланади:

а) давлат хизматлари марказларига ўзи келиб мурожаат этганда:

20 фоизи — Ўзбекистон Республикаси Адлия вазирлигининг бюджетдан ташқари жамғармасининг шахсий ҳисобварағига;

қолган маблағлар тўлиқ миқдорда ваколатли орган (Институт)нинг банк ҳисобварағига ўтказилади;

б) ЯИДХП орқали мурожаат этилганда:

10 фоизи — Ўзбекистон Республикаси Адлия вазирлигининг бюджетдан ташқари жамғармасининг шахсий ҳисобварағига;

11,25 фоизи — Рақамли технологиялар вазирлигининг ривожлантириш жамғармаси Электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига;

0,5 фоизи — тўловлар Ягона биллинг тизими орқали тасдиқлангани учун Рақамли технологиялар вазирлигининг ривожлантириш жамғармаси Электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига;

қолган маблағлар тўлиқ миқдорда ваколатли орган (Институт)нинг банк ҳисобварағига ўтказилади.

12. Талабгорлар аризасида нотўғри маълумотлар кўрсатилиши, шунингдек, малака ошириш ва қайта тайёрлаш учун белгиланган миқдордаги тўловни тўламаганлик давлат хизматлари кўрсатишни рад этиш учун асос ҳисобланади.

Давлат хизматларини кўрсатишни бошқа асослар бўйича рад этиш қатъиян тақиқланади.

13. Талабгорлар давлат хизматлари марказлари ёки ЯИДХП орқали юборилган аризадан воз кечиш ҳуқуқига эга.

14. Талабгорлар Давлат хизматлари марказлари ёки ЯИДХП орқали юборилган аризадан воз кечганда, уларнинг аризаси кўрилмасдан қолдирилади. Бунда тўланган йиғим қайтарилмайди.

3-боб. Якунловчи қоидалар

15. Давлат хизматлари марказлари ва ваколатли орган (Институт) ўз фаолиятини амалга ошириши натижасида олинган маълумотлар сир сақланишини таъминлайди.

16. Ўзбекистон Республикаси Адлия вазирлиги, унинг ҳудудий бошқармалари ва давлат хизматлари марказлари Регламент талаблари бажарилиши бўйича давлат органининг фаолияти устидан давлат хизматларини кўрсатиш давомида, шу жумладан, ЯИДХП орқали доимий назорат ва мониторингни амалга оширади.

17. Ариза берувчи ваколатли орган ходимларининг хатти-ҳаракатлари (ҳаракатсизлиги) устидан қонунчилик ҳужжатларида белгиланган тартибда шикоят қилишлари мумкин.

18. Ушбу Регламент талаблари бузилишида айбдор бўлган шахслар қонунчилик ҳужжатларига мувофиқ жавобгар бўлади.

Қишлоқ хўжалиги соҳаси кадрларининг малакасини узлуксиз ошириш ва уларни қайта тайёрлаш бўйича давлат хизматлари кўрсатишнинг маъмурий регламентига 1-ИЛОВА

Қишлоқ хўжалиги соҳаси кадрларининг малакасини узлуксиз ошириш ва уларни қайта тайёрлаш бўйича давлат хизматларини кўрсатиш

Босқичлар Субъектлар Тадбирлар Муддатлар 1-босқич Талабгор Давлат хизматлари марказлари ёки Ягона интерактив давлат хизматлари портали (ЯИДХП) орқали белгиланган шаклдаги ариза билан мурожаат қилади. Заруратга кўра 2-босқич Давлат хизматлари марказлари Аризаларни кўриб чиқиш учун Қишлоқ хўжалиги соҳаси кадрларининг малакасини ошириш ва қайта тайёрлаш институтига (кейинги ўринларда — Институт) юборади. Дарҳол 3-босқич Институт Аризада тўлдирилган маълумотларнинг белгиланган талабларга мослигини кўриб чиқади ва малака оширишга қабул қилиш ёки рад этиш асосларини кўрсатган ҳолда талабгорга СМС — хабар юборади. 3 кун ичида 4-босқич Талабгор, Институт Тарафлар ўртасида электрон ёки ёзма (қоғоз) шаклда шартнома имзолайди. 3 кун ичида 5-босқич Талабгор Шартнома имзолангандан сўнг шартномада белгиланган тўловни тўлайди. 5 кун ичида 6-босқич Институт Тўловни тўлаган талабгорлар сонидан келиб чиқиб, ўқув курслари контингентини шакллантиради ва ўқув курслари бошланадиган муддат тўғрисида талабгорларни хабардор қилади. Ўқув курслари бошланишидан 3 кун олдин

Қишлоқ хўжалиги соҳаси кадрларининг малакасини узлуксиз ошириш ва уларни қайта тайёрлаш бўйича давлат хизматлари кўрсатишнинг маъмурий регламентига 2-ИЛОВА

НАМУНА

Қишлоқ хўжалиги соҳаси кадрларининг узлуксиз малакасини ошириш ва уларни қайта тайёрлаш бўйича давлат хизматларидан фойдаланиш учун

I. Талабгор тўғрисида маълумот 1.1. Ф.И.О.: 1.2. Телефон рақами: 1.3. Электрон почта манзили: 1.4. Фаолиятни амалга ошириш манзили: II. Юридик шахс бўйича маълумот 2.1. Юридик шахснинг тўлиқ номи: 2.2. Ташкилий-ҳуқуқий шакли: 2.3. Жойлашуви: (почта манзили) 2.4. СТИР: 2.5. Банк реквизитлари: (банк бўлими номи, МФО ва ҳисобварағи) 2.6. Телефон рақами: 2.7. Электрон почта манзили: 2.8. Фаолиятни амалга ошириш манзили: 2.9. Ваколатли орган: Қишлоқ хўжалиги соҳасида кадрлар малакасини ошириш ва қайта тайёрлаш институти 2.10. Малака ошириш ва қайта тайёрлаш йўналишлари: □ агрономия; □ ўсимликларни ҳимоя қилиш; □ селекция ва уруғчилик; □ пахтачилик; □ дончилик (ғаллачилик, шоличилик); □ мевачилик; □ сабзавотчилик; □ ўрмончилик; □ манзарали боғдорчилик; □ доривор ўсимликларни етиштириш; □ балиқчилик; □ иссиқхона хўжалигини юритиш; □ ем-хашак етиштириш; □ раҳбар ходимлар; □ илмий ходимлар; □ бошқа йўналишлар (талабгор томонидан ёзилади) Талабгорнинг электрон рақамли имзоси

Вазирлар Маҳкамасининг 2025 йил 10 декабрдаги 783-сон қарорига 4-ИЛОВА

Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар

1. Вазирлар Маҳкамасининг «Ўзбекистон Республикаси Қишлоқ хўжалиги вазирлиги ҳузуридаги Ветеринария ва чорвачиликни ривожлантириш қўмитаси фаолиятини тартибга солувчи норматив-ҳуқуқий ҳужжатларни тасдиқлаш тўғрисида» 2019 йил 27 июндаги 532-сон қарорида :

а) 1-банднинг тўртинчи хатбошисидаги «Ветеринария хизмати мутахассисларини қайта тайёрлаш ва малакасини ошириш, уларга малака тоифалари бериш тартиби тўғрисидаги низом 4-иловага мувофиқ» сўзлари чиқариб ташлансин;

б) 1-илованинг 21-бандида :

қуйидаги мазмундаги ўн бешинчи хатбоши билан тўлдирилсин:

«Қўмита тизимига кирувчи ташкилотларда аҳоли ва тадбиркорлик субъектларига кўрсатиладиган ветеринария хизмати турлари кенгайиши ҳамда пулли хизмат кўрсатиш ҳажмининг ортишини рағбатлантириш мақсадида бюджетдан ташқари маблағлар ҳисобидан зарур бўлган мутахассис ва ходимларни жалб қилиш учун Қўмита томонидан тасдиқланган штатларни жорий қилиш;»;

ўн бешинчи — ўн еттинчи хатбошилар тегишлича ўн олтинчи — ўн саккизинчи хатбошилар деб ҳисоблансин;

в) 4-илова ўз кучини йўқотган деб ҳисоблансин.

2. Вазирлар Маҳкамасининг 2021 йил 29 апрелдаги 258-сон қарори билан тасдиқланган Давлат бошқаруви ва маҳаллий давлат ҳокимияти органларида хизмат автотранспорт воситаларини бириктириш меъёрлари Изоҳ қисмининг тўққизинчи хатбошиси «Кадастр» сўзидан кейин «Ветеринария ва чорвачиликни ривожлантириш қўмитаси» сўзлари билан тўлдирилсин.

3. Вазирлар Маҳкамасининг «Ветеринария хизмати мутахассисларининг малакасини ошириш, уларни қайта тайёрлаш ва уларга малака тоифалари бериш бўйича давлат хизматларини кўрсатишнинг маъмурий регламентини тасдиқлаш тўғрисида» 2022 йил 19 январдаги 33-сон қарорида :

а) муқаддимаси , 1-банднинг иккинчи хатбошиси ҳамда 5-банддаги «ветеринария хизмати мутахассисларининг малакасини ошириш, уларни қайта тайёрлаш ва уларга малака тоифалари» сўзлари «ветеринария ва чорвачилик соҳасида раҳбар ва мутахассис кадрлар, илмий-тадқиқот муассасалари раҳбар ва илмий ходимларининг малакасини ошириш, уларни қайта тайёрлаш ва уларга малака тоифалари» сўзлари билан алмаштирилсин;

б) 2-банднинг биринчи хатбошисидаги «Ветеринария хизмати мутахассисларининг малакасини ошириш, уларни қайта тайёрлаш ва уларга малака тоифалари» сўзлари «Ветеринария ва чорвачилик соҳасида раҳбар ва мутахассис кадрлар, илмий-тадқиқот муассасалари раҳбар ва илмий ходимларининг малакасини ошириш, уларни қайта тайёрлаш ва уларга малака тоифалари» сўзлари билан алмаштирилсин;

в) 1-иловада :

номидаги «Ветеринария хизмати мутахассисларининг» сўзлари «Ветеринария ва чорвачилик соҳасида раҳбар ва мутахассис кадрлар, илмий-тадқиқот муассасалари раҳбар ва илмий ходимларининг» сўзлари билан алмаштирилсин;

1-банддаги «ветеринария хизматлари ташкил этилган хўжалик юритувчи субъектлар, хусусий ветеринария хизматлари мутахассисларининг» сўзлари «ветеринария ва чорвачилик соҳасида раҳбар ва мутахассис кадрлар, илмий-тадқиқот муассасалари раҳбар ва илмий ходимларининг» сўзлари билан алмаштирилсин;

2-банддаги «Ветеринария хизмати мутахассисларининг малакасини ошириш» сўзлари «Ветеринария ва чорвачилик соҳасида раҳбар ва мутахассис кадрлар, илмий-тадқиқот муассасалари раҳбар ва илмий ходимларининг малакасини ошириш, уларни қайта тайёрлаш» сўзлари билан алмаштирилсин;

6-банддаги «Самарқанд ветеринария медицинаси институти ҳузуридаги Кадрларни қайта тайёрлаш ва уларнинг малакасини ошириш марказига (кейинги ўринларда — Малака ошириш маркази)» сўзлари «Ветеринария ва чорвачиликни ривожлантириш қўмитаси ҳузуридаги Ветеринария ва чорвачилик соҳасида педагог ҳамда мутахассис кадрларни қайта тайёрлаш ва уларнинг малакасини ошириш институти (кейинги ўринларда — Институт)» сўзлари билан алмаштирилсин;

7 ва 9-бандлардаги «Малака ошириш маркази» сўзлари «Институт» сўзи билан алмаштирилсин;

1-илова қуйидаги таҳрирда баён этилсин:

«Ветеринария ва чорвачилик соҳасида раҳбар ва мутахассис кадрлар, илмий-тадқиқот муассасалари раҳбар ва илмий ходимларининг малакасини ошириш, уларни қайта тайёрлаш ва уларга малака тоифалари бериш бўйича давлат хизматлари кўрсатишнинг маъмурий регламентига 1-ИЛОВА

Ветеринария ва чорвачилик соҳасида раҳбар ва мутахассис кадрлар, илмий-тадқиқот муассасалари раҳбар ва илмий ходимларининг малакасини ошириш, уларни қайта тайёрлаш ва уларга малака тоифалари бўйича давлат хизматлари ни кўрсатиш СХЕМАСИ

Босқичлар Масъуллар Тадбирлар Муддатлар 1-босқич Талабгор Давлат хизматлари марказлари ёки Ягона интерактив давлат хизматлари портали (ЯИДХП) орқали белгиланган шаклдаги ариза билан мурожаат қилади. Заруратга кўра 2-босқич Давлат хизматлари марказлари Аризаларни кўриб чиқиш учун Ветеринария ва чорвачиликни ривожлантириш қўмитаси ҳузуридаги Ветеринария ва чорвачилик соҳасида педагог ҳамда мутахассис кадрларни қайта тайёрлаш ва уларнинг малакасини ошириш институти га (кейинги ўринларда — Институт) юборади. Дарҳол 3-босқич Институт Аризада тўлдирилган маълумотлар белгиланган талабларга мослигини кўриб чиқади ва малака оширишга қабул қилиш ёки рад этиш асосларини кўрсатган ҳолда талабгорга СМС — хабар юборади. 3 кун муддатда 4-босқич Талабгор, Институт Тарафлар ўртасида шартнома имзолайди. 3 кун муддатда 5-босқич Талабгор Шартнома имзолангандан сўнг шартномада белгиланган тўловни тўлайди. 5 кун муддатда 6-босқич Институт Тўловни тўлаган талабгорлар сонидан келиб чиқиб, ўқув курслари контингентини шакллантиради ва ўқиш бошланадиган муддат тўғрисида талабгорларни хабардор қилади. 1 кун муддатда » ;

2-илова қуйидаги таҳрирда баён этилсин:

«Ветеринария ва чорвачилик соҳасида раҳбар ва мутахассис кадрлар, илмий-тадқиқот муассасалари раҳбар ва илмий ходимларининг малакасини ошириш, уларни қайта тайёрлаш ва малака тоифалари бериш бўйича давлат хизматларини кўрсатишнинг маъмурий регламентига 2-ИЛОВА

Ветеринария ва чорвачилик соҳасида раҳбар ва мутахассис кадрлар, илмий-тадқиқот муассасалари раҳбар ва илмий ходимларининг малакасини ошириш, уларни қайта тайёрлаш ва уларга малака тоифалари бўйича давлат хизматларидан фойдаланиш учун АРИЗА

I. Талабгор тўғрисида маълумот 1.1. Ф.И.О.: 1.2. Телефон рақами: 1.3. Электрон почта манзили: 1.4. Фаолиятни амалга ошириш манзили: II. Юридик шахс бўйича маълумот 2.1. Юридик шахснинг тўлиқ номи: 2.2. Ташкилий-ҳуқуқий шакли: 2.3. Жойлашуви: (почта манзили) 2.4. СТИР: 2.5. Банк реквизитлари: (банк бўлими номи, МФО ва ҳисобварағи) 2.6. Телефон рақами: 2.7. Электрон почта манзили: 2.8. Фаолиятни амалга ошириш манзили: 2.9. Ваколатли орган: Ветеринария ва чорвачиликни ривожлантириш қўмитаси ҳузуридаги Ветеринария ва чорвачилик соҳасида педагог ҳамда мутахассис кадрларни қайта тайёрлаш ва уларнинг малакасини ошириш институти 2.10. Малака ошириш йўналиши: □ ветеринария-санитария экспертизаси лаборатория ходимлари □ ветеринария мутахассислари □ ветеринария фармацевтикаси мутахассислари □ раҳбар ходимлар □ чорвадор (зоотехник) мутахассислар □ илмий-тадқиқот муассасалари раҳбар ва илмий ходимлари □ сунъий уруғлантириш билан шуғулланувчи мутахассислар (техник оссеминаторлар) Талабгорнинг электрон рақамли имзоси » .

Ўзбекистон Республикасининг Бош вазири А. АРИПОВ

Тошкент ш.,

2025 йил 10 декабрь,

783-сон

(Қонунчилик маълумотлари миллий базаси, 11.12.2025 й., 09/25/783/1154-сон)

lex.uz

OʻZBEKISTON RESPUBLIKASI VAZIRLAR MAHKAMASINING

QARORI

NIZOM

BAHOLASH MEZONLARI

SHAKLI

NIZOM

TASHKILIY TUZILMASI

SXEMASI

BAHOLASH MEZONLARI

MAʼMURIY REGLAMENTI

SXEMASI

ARIZA

Qishloq xoʻjaligi, veterinariya va chorvachilik sohasi xodimlarini uzluksiz kasbiy rivojlantirish tizimini yoʻlga qoʻyish chora-tadbirlari toʻgʻrisida

Oʻzbekiston Respublikasi Prezidentining “Qishloq xoʻjaligi hamda veterinariya va chorvachilik sohalari kadrlarining malakasini oshirish va qayta tayyorlash tizimini takomillashtirish chora-tadbirlari toʻgʻrisida” 2024-yil 4-dekabrdagi PQ-420-son qarori ijrosini taʼminlash, shuningdek, qishloq xoʻjaligi, veterinariya va chorvachilik sohalarida kadrlarni uzluksiz kasbiy rivojlantirishning zamonaviy tizimini yoʻlga qoʻyish hamda ularni oʻqitishni xalqaro tajriba va zamonaviy taʼlim standartlari talablaridan kelib chiqqan holda takomillashtirish maqsadida Vazirlar Mahkamasi qaror qiladi:

1. Oʻzbekiston Respublikasi Prezidentining “Qishloq xoʻjaligi hamda veterinariya va chorvachilik sohalari kadrlarining malakasini oshirish va qayta tayyorlash tizimini takomillashtirish chora-tadbirlari toʻgʻrisida” 2024-yil 4-dekabrdagi PQ-420-son qarori bilan:

Qishloq xoʻjaligi vazirligi huzuridagi Qishloq xoʻjaligida bilim va innovatsiyalar milliy markazi tizimida Qishloq xoʻjaligi sohasi kadrlarining malakasini oshirish va qayta tayyorlash instituti (keyingi oʻrinlarda — Institut ) ;

Veterinariya va chorvachilikni rivojlantirish qoʻmitasi huzurida Veterinariya va chorvachilik sohasida pedagog hamda mutaxassis kadrlarni qayta tayyorlash va ularning malakasini oshirish instituti (keyingi oʻrinlarda — Veterinariya sohasida kadrlar malakasini oshirish instituti) tashkil etilgani maʼlumot uchun qabul qilinsin.

2. Quyidagilar:

Qishloq xoʻjaligi sohasidagi rahbar va mutaxassislar, ilmiy-tadqiqot muassasalari rahbar va ilmiy xodimlarining uzluksiz malakasini oshirish va ularni qayta tayyorlash tartibi toʻgʻrisidagi nizom 1-ilovaga muvofiq;

Veterinariya va chorvachilik sohasidagi rahbar va mutaxassis kadrlar, ilmiy-tadqiqot muassasalari rahbar va ilmiy xodimlarining uzluksiz malakasini oshirish va ularni qayta tayyorlash tartibi toʻgʻrisidagi nizom 2-ilovaga muvofiq;

Qishloq xoʻjaligi sohasi kadrlarining malakasini uzluksiz oshirish va ularni qayta tayyorlash boʻyicha davlat xizmatlarini koʻrsatishning maʼmuriy reglamenti 3-ilovaga muvofiq tasdiqlansin.

3. Belgilansinki:

qishloq xoʻjaligi, veterinariya va chorvachilik sohalaridagi rahbar hamda mutaxassis kadrlar, ilmiy-tadqiqot muassasalarining rahbar va ilmiy xodimlari malakasini uzluksiz oshirish hamda ularni qayta tayyorlash buyurtmachi bilan tuziladigan shartnoma asosida Institut va Veterinariya sohasida kadrlar malakasini oshirish instituti tomonidan amalga oshiriladi;

oliy taʼlim tashkilotlari rahbar va pedagog kadrlari Vazirlar Mahkamasining 2019-yil 23-sentabrdagi 797-son qarori hamda kasbiy taʼlim tashkilotlari rahbar va xodimlari, maxsus fan oʻqituvchilari, ishlab chiqarish taʼlim ustalari 2021-yil 26-fevraldagi 106-son qarorida belgilangan tartiblarga muvofiq qayta tayyorlanadi hamda ularning malakasi oshiriladi;

Institut va Veterinariya sohasida kadrlar malakasini oshirish institutining professor-oʻqituvchilari tarkibi hamda texnik va xizmat koʻrsatuvchi xodimlarini saqlash xarajatlari budjetdan tashqari mablagʻlar hisobidan amalga oshiriladi;

budjetdan tashqari mablagʻlar jami xarajatlarning (budjetdan tashqari mablagʻlar hisobidan ish haqi oladigan xodimlarni saqlash va malaka oshirish hamda qayta tayyorlashni tashkil qilishdagi barcha xarajatlar) oʻrni toʻldirilgandan keyin qolgan mablagʻlarning 50 foizgacha boʻlgan qismi Institut va Veterinariya sohasida kadrlar malakasini oshirish instituti xodimlarini ijtimoiy himoya qilish va moddiy ragʻbatlantirishga, qolgan 50 foizi esa ularning moddiy-texnik bazasini mustahkamlashga yoʻnaltiriladi.

4. Qishloq xoʻjaligi, veterinariya va chorvachilik sohasidagi rahbar hamda mutaxassis kadrlar, ilmiy-tadqiqot muassasalarining rahbar va ilmiy xodimlari malakasini uzluksiz oshirishning bevosita malaka oshirish shakli bilan birgalikda mustaqil va muqobil malaka oshirish shakllari joriy etilsin.

5. Belgilansinki, mustaqil (ilmiy konferensiyalarda maʼruza bilan qatnashish, ilmiy jurnallarda maqolalar chop etish va boshqalar) va muqobil (soʻnggi 3 yilda falsafa doktori (PhD) yoki mutaxassislik boʻyicha fan doktori (DSc) darajasini olish uchun dissertatsiya ishini himoya qilish va boshqalar) malaka oshirish shakllari boʻyicha oʻzining malaka va koʻnikmalarini uzluksiz oshirib borgan hamda belgilangan talablarga javob bergan xodimlar navbatdagi majburiy malaka oshirish oʻquv kurslariga jalb etilmaydi hamda ularga malaka attestati toʻgʻridan-toʻgʻri taqdim etiladi.

Bunda mustaqil va muqobil malaka oshirish shakllari boʻyicha maʼlumotlar xodimlar tomonidan “Raqamli qishloq xoʻjaligi” yagona integratsiyalashuv platformasida ochilgan elektron portfolioga kiritib boriladi.

6. Qishloq xoʻjaligi vazirligi (I. Abdurahmonov), Veterinariya va chorvachilikni rivojlantirish qoʻmitasi (B. Norqobilov) Raqamli texnologiyalar vazirligi (Sh. Shermatov) bilan birgalikda 2026-yil 1-iyunga qadar “Raqamli qishloq xoʻjaligi” yagona integratsiyalashuv platformasida quyidagi imkoniyatlarni nazarda tutuvchi modulni yaratsin:

qishloq xoʻjaligi, veterinariya va chorvachilik sohasidagi rahbar hamda mutaxassis kadrlar, ilmiy-tadqiqot muassasalarining rahbar va ilmiy xodimlari malakasini uzluksiz oshirish shakllari (mustaqil va muqobil) boʻyicha maʼlumotlarni kiritib boruvchi elektron portfolio ochish;

qishloq xoʻjaligi, veterinariya va chorvachilik sohasidagi rahbar hamda mutaxassis kadrlar, ilmiy-tadqiqot muassasalarining rahbar va ilmiy xodimlarini qayta tayyorlashga jalb etish;

onlayn test sinovlarini oʻtkazish, elektron darslik, oʻquv qoʻllanma va onlayn videodarslar joylashtirish.

Bunda ushbu modul Qishloq xoʻjaligi vazirligining hamda Veterinariya va chorvachilikni rivojlantirish qoʻmitasining budjetdan tashqari mablagʻlari hisobidan teng miqdorlarda yaratiladi.

7. Qishloq xoʻjaligi vazirligi hamda Veterinariya va chorvachilikni rivojlantirish qoʻmitasining kadrlar bilan ishlash boʻlinmalari tizim xodimlarining doimiy ravishda soha boʻyicha bilimlarini oshirish va mustahkamlash maqsadida:

ishga qabul qilinayotgan xodimlarni maxsus ishlab chiqilgan bir oylik dastur asosida onlayn oʻqitsin;

har olti oyda xodimlarni onlayn test sinovlaridan oʻtkazsin, qoniqarsiz natija koʻrsatgan xodimlar bilan tizimli ishlarni tashkil etsin;

har haftada kamida bir soatlik darslar tashkil etsin, unda sohaning malakali kadrlari, pedagog va mutaxassislari tomonidan mamlakatimizda amalga oshirilayotgan islohotlar, sohadagi yangiliklar, muammolar va ularning yechimlari muhokamalariga alohida eʼtibor qaratsin;

xodimlar tomonidan har haftada axborot tizimida oʻrganib chiqilgan mavjud elektron darslik, oʻquv qoʻllanma va videodarslar natijalari boʻyicha test sinovlari topshirilishini taʼminlasin, ularning natijalarini amaldagi qonunchilik hujjatlariga muvofiq moddiy ragʻbatlantirish boʻyicha toʻlov miqdorini belgilashda inobatga olsin.

8. Qishloq xoʻjaligi vazirligi bir hafta muddatda:

Qishloq xoʻjaligi sohasi kadrlarining malakasini oshirish va qayta tayyorlash instituti hamda Veterinariya sohasida kadrlar malakasini oshirish instituti faoliyatini samarali yoʻlga qoʻyish boʻyicha 2026-2027-yillarga moʻljallangan “yoʻl xaritasi”ni;

Qishloq xoʻjaligi sohasi kadrlarining malakasini oshirish va qayta tayyorlash instituti hamda Veterinariya sohasida kadrlar malakasini oshirish institutini 2026-2027-yillarda rivojlantirishning maqsadli koʻrsatkichlarini tasdiqlasin.

9. Iqtisodiyot va moliya vazirligi Institut va Veterinariya sohasida kadrlar malakasini oshirish institutiga bittadan yengil avtotransport vositasini saqlash uchun limit ajratsin.

10. Oʻzbekiston Respublikasi Hukumatining 4-ilovaga muvofiq ayrim qarorlariga oʻzgartirish va qoʻshimchalar kiritilsin.

11. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Xodjayev hamda qishloq xoʻjaligi vaziri I.Yu. Abduraxmonov zimmasiga yuklansin.

Vazirlar Mahkamasining 2025-yil 10-dekabrdagi 783-son qaroriga 1-ILOVA

Qishloq xoʻjaligi sohasidagi rahbar va mutaxassislar, ilmiy-tadqiqot muassasalari rahbar va ilmiy xodimlarining uzluksiz malakasini oshirish va ularni qayta tayyorlash tartibi toʻgʻrisida

1-bob. Umumiy qoidalar

1. Ushbu Nizom qishloq xoʻjaligi sohasidagi rahbar va mutaxassislar, ilmiy-tadqiqot muassasalari rahbar va ilmiy xodimlarining uzluksiz malakasini oshirish va ularni qayta tayyorlash tartibini belgilaydi.

2. Oʻzbekiston Respublikasi Qishloq xoʻjaligi vazirligi (keyingi oʻrinlarda — Vazirlik) markaziy apparati, tizim tashkilotlari, hududiy tarkibiy boʻlinmalar xodimlari va uning tizimidagi tashkilotlar rahbar va mutaxassis kadrlarining (keyingi oʻrinlarda — soha mutaxassislari) uzluksiz malakasi har uch yilda kamida bir marta Qishloq xoʻjaligi sohasi kadrlarining malakasini oshirish va qayta tayyorlash instituti (keyingi oʻrinlarda — Institut) tomonidan doimiy ravishda oshiriladi.

3. Institut soha mutaxassislarining malakasini oshirish va ularni qayta tayyorlash, shuningdek, mahalliy ijro etuvchi hokimiyat organlari, qishloq xoʻjaligi mahsulotlarini yetishtiruvchi subyektlar rahbarlari, boshqa vazirlik va idoralar tizimidagi tashkilotlarning qishloq xoʻjaligi masalalariga masʼul mutaxassis kadrlarining sohada amalga oshirilayotgan islohotlar hamda innovatsiyalar boʻyicha malakasini oshirish va ularni qayta tayyorlash boʻyicha davlat muassasasi hisoblanadi.

4. Ushbu Nizomda quyidagi asosiy tushunchalardan foydalaniladi:

buyurtmachi — qayta tayyorlash, malaka oshirish va qisqa muddatli kurslarda taʼlim olish uchun murojaat qilgan jismoniy yoki yuridik shaxs;

Vazirlik markaziy apparati — Oʻzbekiston Respublikasi Qishloq xoʻjaligi vazirligining departament boshligʻi va boshliq oʻrinbosarlari, boshqarma va boʻlim boshliqlari hamda mutaxassis kadrlar funksiyalari va vazifalarini bajaruvchi shaxslar;

ilmiy xodimlar — ilmiy-tadqiqot muassasalarida innovatsion faoliyatni amalga oshiruvchi laboratoriya (boʻlim) mudiri, yetakchi, katta va kichik ilmiy xodimlar lavozimidagi shaxslar;

malaka oshirish — xalqaro tajribalar, standartlar va talablar asosida ishlab chiqilgan taʼlim dasturlariga muvofiq soha rahbar va mutaxassis kadrlarining malaka va koʻnikmalarini muntazam ravishda yangilab borish orqali kasbiy mahoratining oʻsishini taʼminlashdan iborat oʻquv kursi;

masofaviy malaka oshirish — ishlab chiqarishdan ajralmagan holda masofadan oʻqitish taʼlim usullari orqali malaka oshirishning onlayn (videomaʼruzalar, maslahatlar, nazorat turlarini masofadan turib real vaqt rejimida oʻtkazish) va oflayn (masofaviy taʼlim tizimidagi tegishli oʻquv-metodik resurslarni mustaqil ravishda oʻzlashtirish) shakli;

tinglovchi — qayta tayyorlash, malaka oshirish va qisqa muddatli kurslarda belgilagan tartibda oʻqiyotgan hamda qishloq xoʻjaligi sohasida faoliyat koʻrsatayotgan rahbar kadrlar, mutaxassislar va ilmiy xodimlar;

uzluksiz malaka oshirish — rahbar kadrlar, mutaxassislar va ilmiy xodimlarning kasbiy bilim va koʻnikmalarini zamonaviy talablar bilan uygʻunlashtirish, muntazam ravishda rivojlantirib borish imkoniyatini beruvchi koʻp bosqichli tizim;

oʻquv dasturi — oʻquv kursining taʼlim mazmunini, uning tinglovchilar tomonidan oʻzlashtirilishining maqsadga muvofiq usullarini tashkil etishni nazarda tutadigan, axborot manbai boʻlgan, mutaxassisliklarning malaka talablari, oʻquv kursining asosiy mazmuni va metodik tuzilishini aniqlab beruvchi asosiy hujjat;

oʻquv rejasi — bloklar va oʻquv fanlarining (kurslar) nomlarini, ularni oʻzlashtirish uchun ajratilgan soatlar hajmini hamda tinglovchilarning bilimlarini nazorat qilish shakllarini belgilab beruvchi asosiy hujjat;

qayta tayyorlash — sohada faoliyat yuritayotgan kadrlarda mutaxassisligidan tashqari boshqa yoʻnalishda xalqaro tajribalar, standartlar va talablar asosida ishlab chiqilgan taʼlim dasturlariga muvofiq zamonaviy bilim, koʻnikma va malakalarni shakllantirish kursi;

qisqa muddatli kurslar — Vazirlik tizimiga kirmaydigan qishloq xoʻjaligi sohasida faoliyat yuritayotgan tashkilot va idoralar, agroklasterlar, kooperatsiyalar, fermer xoʻjaliklari hamda boshqa tashkilotlarning rahbar kadrlari va mutaxassislari uchun tashkil etiladigan oʻquv kursi.

2-bob. Qishloq xoʻjaligi sohasida kadrlarning uzluksiz malakasini oshirish va ularni qayta tayyorlashni tashkil etishning maqsad va vazifalari

5. Qishloq xoʻjaligi sohasida kadrlarning uzluksiz malakasini oshirish va ularni qayta tayyorlashning bevosita va bilvosita shakllarini oʻzaro bir-birini toʻldirish tamoyillari asosida amaliyotga joriy etish orqali Vazirlik markaziy apparati, rahbar kadrlari va mutaxassislari, ilmiy xodimlarining oʻzini oʻzi mustaqil shaxsiy va kasbiy rivojlantirishni ragʻbatlantirish, shuningdek, qishloq xoʻjaligi ishlab chiqarishini ilmiy hamda zamonaviy tendensiyalar asosida doimiy ravishda rivojlantirishga koʻmaklashish uchun zarur boʻladigan kasbiy bilimlar, koʻnikmalar va mahoratlarni muntazam ravishda yangilab borish uzluksiz malaka oshirish va qayta tayyorlash jarayonlarining maqsadi hisoblanadi.

6. Quyidagilar qishloq xoʻjaligi sohasida kadrlarning uzluksiz malakasini oshirish va ularni qayta tayyorlash jarayonlarining asosiy vazifalari hisoblanadi:

soha mutaxassislarining kasbiy bilimlari, koʻnikmalari va mahoratlarini uzluksiz yangilab borish mexanizmlarini joriy etish, zamonaviy talablarga muvofiq qishloq xoʻjaligida yuqori hosil olish, qishloq xoʻjaligi mahsulotlari sifatini oshirish uchun zarur darajada kasbiy va amaliy tayyorgarlikni oshirish;

uzluksiz malaka oshirish va qayta tayyorlashning toʻgʻridan-toʻgʻri va kasbiy faoliyatga bogʻliq bilvosita shakllarining amaliyotga toʻliq joriy etilishini taʼminlash va monitoringini yuritish;

soha mutaxassislarining kasbiy salohiyatidan kelib chiqib, ularni kasbiy ehtiyojlarini qanoatlantirishga yoʻnaltirilgan uzluksiz malaka oshirish va qayta tayyorlashning shakllarini mustaqil tanlash va oʻzlashtirish;

taʼlim, fan va ishlab chiqarish integratsiyasini taʼminlash orqali Vazirlik markaziy apparati, rahbar kadrlari va mutaxassislari, ilmiy xodimlarining kasbiy tayyorgarligi sifatiga qoʻyiladigan malakaviy talablarni takomillashtirish.

3-bob. Uzluksiz malaka oshirish va qayta tayyorlash jarayonlarini tashkil etish shakllari va bosqichlari

7. Uzluksiz malaka oshirish va qayta tayyorlash shakllari quyidagilarni oʻz ichiga oladi:

soha va mutaxassislik, kasbiy faoliyati boʻyicha mustaqil malaka oshirish;

soha va mutaxassislik, kasbiy faoliyati boʻyicha muqobil malaka oshirish;

taʼlim dasturlari asosida Institutda bevosita oʻqish.

8. Mutaxassislik va kasbiy faoliyat boʻyicha mustaqil malaka oshirish quyidagilarni oʻz ichiga oladi:

ilm-fan yutuqlari va innovatsion texnologiyalarni ishlab chiqarishga tatbiq etish;

“Ustoz-shogird” tizimi asosida iqtidorli va isteʼdodli yoshlar bilan ishlash;

ilmiy konferensiyalarda maʼruza bilan qatnashish;

ilmiy jurnallarda maqolalar chop etish;

koʻrgazma va tanlovlarda ishtirok etish;

ilmiy loyihalarda ishtirok etish;

xalqaro (impakt-faktorli) nashrlarda maqolalar eʼlon qilish;

ratsionalizatorlik takliflari, innovatsion ishlanmalarga mualliflik qilish;

monografiya, mualliflik ijodiy ishlari katalogini tayyorlash va nashr qilish;

oʻquv adabiyotlari (darslik, oʻquv qoʻllanma, metodik qoʻllanma, tavsiyanoma) tayyorlash va nashr qilish;

fan doktori (DSc) yoki falsafa doktori (PhD) darajasini olish uchun himoya qilingan dissertatsiya ishiga ilmiy rahbarlik qilish;

oxirgi 3 yilda xorijiy mamlakatlarda toʻgʻridan-toʻgʻri shaklda malaka oshirish, stajirovka oʻtash.

9. Mustaqil malaka oshirish shakllari quyidagicha amalga oshiriladi:

ilm-fan yutuqlari va innovatsion texnologiyalarni ishlab chiqarishga tatbiq etish — oʻzining tashabbusi bilan yaratilgan ilm-fan yutuqlari va innovatsion texnologiyalarni hududlarning ijtimoiy-iqtisodiy rivojlanishiga, hududlarning eksport salohiyatini oshirishga, oʻquv va ilmiy-tadqiqot jarayoniga keng tatbiq etish;

ilmiy konferensiyalarda maʼruza bilan qatnashish — fan va amaliyot, oʻqitish metodikasi hamda texnologiyasining dolzarb muammolarini hal etishga va oʻquv-tarbiya jarayonining yuqori sifatini taʼminlashga yoʻnaltirilgan dolzarb mavzulari, innovatsion yoʻnalishlari boʻyicha respublika va xalqaro miqyosdagi anjumanlar, davra suhbatlari, seminarlarda ilmiy yoki ilmiy-metodik maʼruzalar (axborotlar) qilish;

ilmiy jurnallarda maqolalar chop etish — mustaqil ravishda taʼlim, fan va ishlab chiqarishning dolzarb masalalariga yoʻnaltirilgan (mutaxassisligi doirasida) muhim mavzular boʻyicha amalga oshirilgan tadqiqot (empirik) natijalari, tahlillari, ratsionalizatorlik gʻoyalari va ishlanmalarini dissertatsiyalarning asosiy ilmiy natijalarini eʼlon qilish uchun tavsiya etiladigan ilmiy nashrlar, shu jumladan, elektron ilmiy-texnik jurnallarda eʼlon qilish;

koʻrgazma va tanlovlarda ishtirok etish — mashgʻulot olib borayotgan fanlari boʻyicha ijodiy ish natijalarini respublika hamda xalqaro miqyosdagi koʻrik-tanlovlar va koʻrgazmalarda ishtirok etish orqali ommalashtirish, sovrindor boʻlish;

ilmiy loyihalarda ishtirok etish — xalqaro loyihalar va dasturlar, shuningdek, fan hamda texnologik taraqqiyotning bugungi darajasi bilan kadrlar tayyorlash taʼlim mazmuni, sifatini oshirish orasidagi uzviylikni rivojlantirish maqsadida fundamental, innovatsion va amaliy loyihalarga, xoʻjalik shartnomalari asosida bajariladigan ishlarga, shuningdek, xalqaro miqyosdagi loyihalarga rahbarlik qilish yoki ishtirokchi sifatida faoliyat yuritish;

xalqaro (impakt-faktorli) nashrlarda maqolalar eʼlon qilish — mustaqil ravishda taʼlim, fan va ishlab chiqarishning dolzarb masalalariga yoʻnaltirilgan muhim mavzular boʻyicha amalga oshirilgan tadqiqot natijalari, tahlillari, ratsionalizatorlik va innovatsion gʻoyalarini xalqaro maʼlumotlar bazasiga kiritilgan yuqori reytingli yoki impakt-faktorli ilmiy jurnallarda eʼlon qilish;

ratsionalizatorlik takliflari, innovatsion ishlanmalarga mualliflik qilish — sohaning dolzarb masalalariga yoʻnaltirilgan tadqiqot natijalari asosida mahsulot va ishlanmalarni yaratish;

monografiya, mualliflik ijodiy ishlari katalogini tayyorlash va nashr qilish — aynan ilmiy-tadqiqot mavzusi natijalari yoki mualliflik ijodiy ishlari asosida tayyorlangan asar (katalog)ni nashr etish;

oʻquv adabiyotlarini tayyorlash — davlat taʼlim standartlari, oʻquv dasturi, uslubiyoti va didaktik talablar asosida tegishli taʼlim yoʻnalishlari va mutaxassisliklari boʻyicha xorijiy tajribalar asosida yangi avlod oʻquv (elektron) adabiyotlari (darslik, oʻquv qoʻllanmasi, metodik qoʻllanma)ni yaratish va belgilangan tartibda taʼlim amaliyotiga joriy etish;

ilmiy rahbarligida fan doktori (DSc) yoki falsafa doktori (PhD) darajasini olish uchun dissertatsiya himoya qilinganligi — ilmiy-pedagog kadrlar tayyorlashdagi faolligi, rahbarligida fan doktori (DSc) yoki falsafa doktori (PhD) darajasini olish uchun tayyorlangan va himoya qilingan dissertatsiya;

xorijiy mamlakatlarda malaka oshirish — ishdan ajralgan holda, toʻgʻridan-toʻgʻri shaklda xorijiy mamlakatlarda kasbiy va pedagogik mahoratini oshirish, oʻquv-tarbiya jarayonini yuqori ilmiy-metodik darajada amalga oshirish, axborot texnologiyalari va oʻqitishning interaktiv metodlari boʻyicha kasbiy bilimlar, malaka va koʻnikmalarni oshirish;

xorijiy mamlakatlarda stajirovka oʻtash — ishdan ajralgan holda toʻgʻridan-toʻgʻri xorijiy mamlakatlarda ish tajribasi, amaliy koʻnikmalari va kasbiy bilim darajasiga ega boʻlish maqsadida maʼlum vaqt davomida bilim, malaka va koʻnikmalarini oshirish.

10. Quyidagilar muqobil malaka oshirish shakllari hisoblanadi:

Oʻzbekiston Respublikasi Fanlar akademiyasi akademigi ilmiy unvoniga ega boʻlish;

oxirgi 3 yilda doktorlik (PhD yoki DSc) dissertatsiyasini himoya qilish;

oxirgi 3 yilda oʻsimliklarning yangi nav va duragaylarini, qishloq xoʻjaligi texnikasi yoki ishlab chiqarish agrotexnologiyasi muallifi boʻlishi;

oxirgi 3 yilda xorijiy mamlakatlarda toʻgʻridan-toʻgʻri shaklda umumiy davomiyligi 2 hafta yoki 72 soatdan kam boʻlmagan malaka oshirish yoki stajirovka oʻtash.

11. Qishloq xoʻjaligi sohasidagi kadrlarning uzluksiz malaka oshirish shakllari boʻyicha soʻnggi uch yildagi maʼlumotlari elektron portfolio tizimiga shaxsan xodimlarning oʻzi tomonidan kiritiladi va koʻrsatkichlar elektron monitoring tizimi orqali qayd etib boriladi.

Mustaqil malaka oshirish shakllari boʻyicha xodimlarning faoliyati ushbu Nizomga 1-ilovadagi Qishloq xoʻjaligi sohasidagi kadrlarning mustaqil va muqobil malaka oshirish shakllarini baholash mezonlariga muvofiq baholanadi.

12. Qishloq xoʻjaligi sohasidagi kadrlarning mustaqil malaka oshirish shakllari uchun belgilangan 100 balli tizimda:

kamida 55 ballni toʻplagan xodimlar toʻgʻridan-toʻgʻri onlayn test sinovlarini topshirishga tavsiya etiladi. Bunda onlayn test sinovlaridan muvaffaqiyatli oʻtmagan xodimlar Institutda taʼlim dasturlari asosida bevosita oʻqishga tavsiya etiladi;

86 — 100 ballni toʻplagan xodimlarga toʻgʻridan-toʻgʻri malaka attestati Attestatsiya komissiyasining qarori asosida taqdim etiladi.

13. Muqobil malaka oshirish shakllaridan ixtiyoriy birini amalga oshirgan soha mutaxassislariga toʻgʻridan-toʻgʻri malaka oshirish sertifikati Attestatsiya komissiyasining qarori asosida taqdim etiladi.

14. Malaka oshirish va qayta tayyorlash jarayoni kunduzgi oʻqish shaklida soha mutaxassislarini ishlab chiqarishdan ajralgan holda bevosita kasbiy rivojlanishni tashkil etishning maqbul yoʻllarini tanlash, kasbiy bilim va koʻnikmalarni doimiy yangilash imkoniyatini berish orqali tashkil etiladi.

15. Tegishli axborot-metodik va tashkiliy-texnik baza mavjud boʻlgan taqdirda, malaka oshirish jarayoni masofadan oʻqitish usullari qoʻllangan holda ham tashkil etilishi mumkin.

16. Malaka oshirish kursining oʻquv dasturlarini (keyingi oʻrinlarda — oʻquv dasturi) oʻzlashtirish muddati 2 hafta (72 soat yoki 12 kredit)dan hamda qayta tayyorlash kursining oʻquv dasturi 4 hafta (144 soat yoki 24 kredit)dan kam boʻlmagan hajmda belgilanadi (qisqa muddatli kurslar bundan mustasno).

Institut, zaruratga koʻra, oʻquv kurslarining davomiyligi va oʻquv dasturlarining hajmiga oʻzgartirish kiritish, shuningdek, yangi malaka oshirish va qayta tayyorlash dasturlarini joriy etishi mumkin.

17. Malaka oshirish va qayta tayyorlash oʻquv kurslarida oʻquv jarayoni, qoida tariqasida, 25 nafardan kam boʻlmagan tinglovchidan iborat akademik guruhlarda tashkil qilinadi.

Bunda auditoriya mashgʻulotlari barcha turlarining davomiyligi Institut tomonidan belgilanadi, lekin oʻquv mashgʻulotlari 80 daqiqadan oshmasligi va oʻquv mashgʻulotlari oraligʻidagi tanaffus 10 daqiqadan kam boʻlmasligi lozim.

Malaka oshirish va qayta tayyorlash kurslarida oʻquv jarayoni Institut direktorining oʻrinbosari tomonidan tasdiqlanadigan mashgʻulotlar jadvali boʻyicha tashkil etiladi.

18. Vazirlik Iqtisodiyot va moliya vazirligi bilan kelishilgan holda shartnoma asosida oʻqitish qiymatlarini belgilaydi (oliy taʼlim va kasbiy taʼlim tashkilotlarining rahbar hamda pedagog kadrlarini qayta tayyorlash va malakasini oshirish bundan mustasno).

4-bob. Malaka oshirish va qayta tayyorlash tartibi

19. Soha mutaxassislarining uzluksiz malakasini oshirish va ularni qayta tayyorlash Qishloq xoʻjaligida bilim va innovatsiyalar milliy markazi (keyingi oʻrinlarda — Milliy markaz) huzuridagi Institut tomonidan amalga oshiriladi.

20. Qoraqalpogʻiston Respublikasi Qishloq xoʻjaligi vazirligi, viloyatlar hamda Toshkent shahar qishloq xoʻjaligi boshqarmalari har yili 5-noyabrga qadar qishloq xoʻjaligi tizimidagi tashkilotlarning malaka oshiradigan mutaxassislari roʻyxatini shakllantiradi va Vazirlikka taqdim qiladi.

Vazirlik har yili 10-noyabrga qadar Institutga Vazirlik markaziy apparati, rahbar kadrlari va mutaxassislari, ilmiy xodimlari orasidan yoʻnalishlar kesimida malaka oshirish va qayta tayyorlash kurslari boʻyicha tinglovchilarning soni va muddatlarini koʻrsatgan holda buyurtma beradi.

Qishloq xoʻjaligi tizimida faoliyat koʻrsatayotgan nomutaxassis xodimlar Institutning qayta tayyorlash kurslariga jalb etiladi.

21. Institut Vazirlikning buyurtmasiga asosan har yili 1-dekabrga qadar yoʻnalishlarning oʻquv dasturi va oʻquv rejasi asosida oʻquv mashgʻulotlarini oʻtkazadigan professor-oʻqituvchilar va tajribali mutaxassislarning roʻyxatini hamda reja-grafiklarni ishlab chiqadi.

Malaka oshirish va qayta tayyorlash yoʻnalishlarining oʻquv dasturi va oʻquv rejasi Vazirlik tomonidan tasdiqlanadi.

22. Institut tomonidan malaka oshirish va qayta tayyorlash kurslarining oʻquv mashgʻulotlarini oʻtkazish uchun Milliy markaz, sohaga aloqador boshqa oliy taʼlim tashkilotlari va ilmiy-tadqiqot muassasalarining yetakchi professor-oʻqituvchilari, tajribali va amaliyotchi mutaxassislar soatbay haq toʻlash asosida jalb qilinadi.

Institut Milliy markaz bilan kelishilgan holda malaka oshirish va qayta tayyorlash jarayoniga xorijiy ekspertlarni ham jalb qilishi mumkin.

23. Institutda malaka oshirish va qayta tayyorlash oʻqitishning zamonaviy shakllari, uslublari, ilgʻor pedagogik, axborot-kommunikatsiya va innovatsion texnologiyalardan foydalanib, tasdiqlangan mashgʻulotlar dasturlari asosida amalga oshiriladi.

24. Oʻquv jarayonida oʻquv mashgʻulotlarining quyidagi asosiy shakllari qoʻllanadi:

maʼruza;

seminar;

amaliy (laboratoriya mashgʻulotlari) mashgʻulotlar.

Oʻquv mashgʻulotlarining qoʻshimcha turlari — sayyor (koʻchma) mashgʻulotlar va dars mashgʻulotlarini tashkil etishning amaliyotga yoʻnaltirilgan zamonaviy shakllari — keys-stadi, ilmiy taqdimotlar, jamoada ishlash va boshqalar ham qoʻllanishi mumkin.

25. Masofaviy taʼlim shaklidagi oʻquv kurslarida oʻquv jarayoni maxsus taʼlim platformalarida onlayn (real vaqt rejimida) va oflayn (tegishli oʻquv-metodik resurslarni mustaqil ravishda oʻzlashtirish) rejimda tashkil qilinadi.

26. Soha mutaxassislarining malakasini oshirish va ularni qayta tayyorlash (oliy va kasbiy taʼlim tashkilotlarining rahbar hamda pedagog kadrlarini qayta tayyorlash va ularning malakasini oshirish bundan mustasno) Institut bilan ular faoliyat yuritayotgan tashkilot va idoralar oʻrtasida tuzilgan shartnoma asosida tashkil etiladi.

27. Oʻquv mashgʻulotlari Institutning binosida, amaliy va sayyor (koʻchma) dars mashgʻulotlari oʻquv rejasiga muvofiq Milliy markaz tizimidagi ilmiy-tadqiqot muassasalarida, Toshkent davlat agrar universitetida, shuningdek, zamonaviy boshqaruv va ilgʻor innovatsion agrotexnologiyalar joriy qilingan agroklasterlar va fermer xoʻjaliklari ekin yer maydonlarida hamda boshqa koʻrgazmali obyektlarda oʻtkaziladi.

28. Amaliy va sayyor (koʻchma) dars mashgʻulotlari oʻtkaziladigan obyektlar Milliy markaz bilan kelishilgan holda tanlanadi.

29. Malaka oshirish va qayta tayyorlash mashgʻulotlari yakuni boʻyicha tinglovchilarning olgan bilimi hamda qishloq xoʻjaligi sohasidagi tayanch bilimlari va tahliliy fikrlashni aniqlash nuqtai nazaridan Attestatsiya komissiyasi tomonidan suhbat yoki test asosida 100 balli tizimda quyidagicha baholanadi:

0 — 54 ball — “oʻtmadi” (maʼlumotnoma beriladi);

55 — 100 ball — “oʻtdi” (sertifikat beriladi).

Bunda test va suhbat savollari oʻquv dasturining mazmuni va kasbiy faoliyatining asosiy yoʻnalishlaridan kelib chiqib, oʻquv mashgʻulotlarini olib borgan trener (oʻqituvchi)lar tomonidan tuziladi.

Baholash test sinovlari shaklida oʻtkazilganda, test topshiriqlari jami 50 ta savoldan iborat boʻlib, topshiriqlarni bajarish uchun 100 daqiqa hamda har bir toʻgʻri javob uchun 2 ball ajratiladi;

baholash suhbat asosida oʻtkazilganda, jami savollar soni 5 tadan iborat boʻlib, har bir savolga toʻgʻri javob uchun 20 ball ajratiladi.

30. Suhbat va test jarayonlari videoyozuvga olinadi va bir yil davomida Institutda saqlanadi.

31. Tinglovchilarning olgan bilimlarini xolisona baholash maqsadida Institut direktorining buyrugʻi bilan Attestatsiya komissiyasi tuziladi.

Attestatsiya komissiyasi aʼzolari soni, qoida tariqasida, toq sondan — rais va kamida toʻrt nafar aʼzodan iborat boʻladi.

Attestatsiya natijalari qaydnomaga qoʻyiladi hamda Attestatsiya komissiyasi raisi va uning aʼzolari tomonidan imzolanadi.

Oʻquv dasturlarida nazarda tutilgan barcha talablarni bajargan va imtihonni muvaffaqiyatli topshirgan (suhbat yoki testdan oʻtgan) tinglovchilarga Attestatsiya komissiyasining xulosasi asosida Institut tomonidan ushbu Nizomga 2 va 2a-ilovaga muvofiq namunadagi sertifikat beriladi.

Malaka oshirish va qayta tayyorlash kurslarini aʼlo baholarga oʻzlashtirgan tinglovchilarni keyingi oʻquv kurslariga trener sifatida tayyorlash maqsadida ular xalqaro moliya institutlarining mablagʻlari, Institutning budjetdan tashqari mablagʻlari hamda “El-yurt umidi” jamgʻarmasi mablagʻlari hisobidan xorijiy davlatlarga malaka oshirish va stajirovkalarga yuboriladi.

Attestatsiya sinovlarini topshirmagan (suhbat, testdan oʻtmagan) tinglovchilarga sertifikat berilmaydi. Mazkur holatda tinglovchilarga malaka oshirish kursida qatnashgani toʻgʻrisida maʼlumotnoma beriladi.

Bunda attestatsiya sinovlarini topshirmagan (suhbat, testdan oʻtmagan) hamda uzrli sabablarga koʻra sinovlarga kelmagan tinglovchilar bir yil mobaynida oʻz hisobidan pulli asosda oʻqishning tegishli yoki turdosh yoʻnalishi (mutaxassisligi) boʻyicha keyingi qayta tayyorlash va malaka oshirish kursi yakunida attestatsiyadan oʻtishi shart.

5-bob. Trener (oʻqituvchi)larni tayyorlash tartibi

32. Vazirlik markaziy apparati, rahbar kadrlari va mutaxassislari, ilmiy xodimlari uchun dars mashgʻulotlarini oʻtkazadigan oʻqituvchilarning malakasi trener (oʻqituvchi)lar tomonidan oshiriladi.

33. Trener (oʻqituvchi)lar Institutda Vazirlikning buyurtmasi boʻyicha shartnoma asosida, tasdiqlangan oʻquv dasturi va oʻquv rejasiga muvofiq sohadagi yetuk olimlar, tajribali amaliyotchilar va xorijiy ekspertlar tomonidan tayyorlanadi.

34. Trener (oʻqituvchi)larning oʻquv dasturi va oʻquv rejalari har bir yoʻnalishning oʻziga xosligini inobatga olib, Institut tomonidan ishlab chiqiladi va tegishlicha Milliy markaz bilan kelishilgan holda Vazirlik tomonidan tasdiqlanadi.

35. Institut tomonidan trener (oʻqituvchi)likka soha boʻyicha oliy taʼlim tashkilotlari va ilmiy-tadqiqot muassasalari, qishloq xoʻjaligi, xalqaro loyiha va boshqa tashkilotlarining yetakchi professor-oʻqituvchilari va amaliyotchilari hamda xorijiy mutaxassislar soatbay haq toʻlash asosida jalb qilinadi.

36. Institutda trener (oʻqituvchi)larni tayyorlash kurslari quyidagi yoʻnalishlar boʻyicha tashkil etiladi:

Vazirlik markaziy apparati va uning tizimidagi tashkilotlar rahbar va mutaxassis kadrlarining boshqaruv koʻnikmalarini rivojlantirish;

tizimdagi oliy taʼlim tashkilotlari va ilmiy-tadqiqot muassasalari kadrlarining pedagogik mahoratini rivojlantirish, ilmiy-pedagogik kadrlar hamda ilmiy xodimlar tadqiqotlarini tashkil etish;

mahalliy ijro etuvchi hokimiyat organlari va boshqa tashkilotlarning qishloq xoʻjaligi masalalariga masʼul mutaxassislarini sohada amalga oshirilayotgan islohotlar hamda innovatsiyalar boʻyicha oʻqitish;

qishloq xoʻjaligi mahsulotlarini yetishtiruvchi subyektlar rahbar va xodimlarini zamonaviy agrobiznes (fermerlikka) hamda qoʻshilgan qiymat zanjirini yaratishga oʻqitish.

37. Trener (oʻqituvchi)lar Institutda bir haftadan (36 soat) kam boʻlmagan oʻquv mashgʻulotini, shundan 18 soatlik auditoriya mashgʻulotlari, 6 soatlik amaliy yoki sayyor dars mashgʻulotlari hamda 12 soatlik mustaqil mashgʻulotlarni oʻtkazadi.

38. Institut tomonidan oʻquv dasturlarida nazarda tutilgan barcha talablarni bajargan va imtihonni muvaffaqiyatli topshirgan (suhbatdan oʻtgan) trener (oʻqituvchi)larga ushbu Nizomga 3-ilovaga muvofiq namunadagi guvohnoma beriladi.

Guvohnoma trener (oʻqituvchi)lar uchun uch yil davomida Institutda malaka oshirish va qayta tayyorlash kurslarida tegishli yoʻnalish boʻyicha dars berish uchun asos boʻladi.

39. Imtihonni topshirmagan (suhbatdan oʻtmagan) trener (oʻqituvchi)larga guvohnoma berilmaydi. Bunday holatda ularga oʻquv kursida qatnashgani toʻgʻrisida maʼlumotnoma beriladi.

Bunda trener (oʻqituvchi)lar Institutda qishloq xoʻjaligi sohasida mutaxassislarning malakasini oshirish kurslarida mashgʻulotlar oʻtkazishga jalb etilmaydi.

Uzrli sabablarga koʻra imtihonga kelmagan trener (oʻqituvchi)lar uchun imtihon Institut tomonidan qoʻshimcha ravishda tashkil etiladi.

6-bob. Soha mutaxassislarining malakasini oshirish tartibi

40. Vazirlik markaziy apparati, rahbar kadrlari va mutaxassislari, ilmiy xodimlari, shuningdek, mahalliy ijro etuvchi hokimiyat organlari va boshqa tashkilotlarning qishloq xoʻjaligi masalalariga masʼul mutaxassislari sohada amalga oshirilayotgan islohotlar hamda innovatsiyalar boʻyicha qishloq xoʻjaligi mahsulotlarini yetishtiruvchi subyektlar rahbar va xodimlarini zamonaviy agrobiznes (fermerlikka) hamda qoʻshilgan qiymat zanjirini yaratishga Institutda shartnoma asosida oʻqitiladi.

41. Vazirlik tizimiga kirmaydigan, lekin qishloq xoʻjaligi soha va tarmoqlariga aloqador muassasalar, agroklasterlar, kooperatsiyalar, fermer xoʻjaliklari va boshqa tashkilotlar mutaxassislari hamda rahbar kadrlari qisqa muddatli kurslarda Institut bilan toʻgʻridan-toʻgʻri shartnoma tuzish orqali malaka oshiradi.

Qisqa muddatli kurslar Institut tomonidan mustaqil ravishda yoki buyurtmachi tashkilotlar bilan kelishilgan holda tasdiqlanadigan oʻquv dasturlari va oʻquv rejasiga muvofiq ixtiyoriy tashkil etiladi.

Bunda oʻquv kurslarining davomiyligi, oʻquv yuklamasining hajmi, oʻqitish shakllari hamda oʻquv kurslari yakunlari boʻyicha qabul qilinadigan yakuniy sinov imtihoni Institut tomonidan buyurtmachi tashkilotlar bilan kelishilgan holda belgilanadi.

Tinglovchilar oʻquv kurslariga buyurtmachining murojaatiga asosan Institut direktorining buyrugʻi bilan qabul qilinadi.

42. Qisqa muddatli kurslarni muvaffaqiyatli tamomlagan tinglovchilarga ushbu Nizomga 4-ilovada belgilangan namunadagi sertifikat beriladi. Sertifikat, qoida tariqasida, elektron shaklda rasmiylashtiriladi.

Yakuniy sinov imtihonini topshirmagan tinglovchiga bir marotaba qayta topshirish uchun uch oygacha muddat beriladi.

Qayta topshirish natijasida ham yakuniy sinov imtihonidan oʻta olmagan tinglovchiga sertifikat berilmaydi. Bu holda tinglovchiga malaka oshirish kursida qatnashgani toʻgʻrisida maʼlumotnoma beriladi.

7-bob. Soha mutaxassislarining malakasini oshirish va qayta tayyorlashni moliyalashtirish

43. Quyidagilar Vazirlik markaziy apparatining mutaxassislari va rahbar kadrlari, Vazirlik tizimidagi tashkilotlar, ilmiy-tadqiqot muassasalari mutaxassis va rahbar kadrlarining malakasini oshirish va ularni qayta tayyorlashni moliyalashtirish manbalari hisoblanadi:

Davlat budjeti mablagʻlari;

tinglovchilarni toʻlov-kontrakt asosida oʻqitishdan tushadigan mablagʻlar;

xoʻjalik faoliyatidan hamda shartnoma asosida xizmatlar koʻrsatishdan tushadigan tushumlar;

jismoniy va yuridik shaxslarning homiylik xayriyalari;

xalqaro moliya tashkilotlarining grantlari;

qonunchilik hujjatlari bilan taqiqlanmagan boshqa manbalar.

44. Agroklaster, kooperatsiyalar, fermer xoʻjaliklari va boshqa aloqador tashkilotlarning mutaxassislari va rahbar kadrlari malakasini oshirish ularning oʻz mablagʻlari hisobidan moliyalashtiriladi.

45. Trener (oʻqituvchi)larni Institutda tayyorlash xarajatlari Institutning budjetdan tashqari mablagʻlari, xorijiy grantlar hamda qonunchilik hujjatlarida taqiqlanmagan boshqa manbalar hisobidan amalga oshiriladi.

8-bob. Uzluksiz malaka oshirish jarayonlari ishtirokchilarining huquqlari va vazifalari

46. Institut:

tasdiqlangan oʻquv dasturi va oʻquv rejasi boʻyicha tinglovchilarga yuqori saviyali professor-oʻqituvchilar va tajribali mutaxassislar tomonidan mashgʻulotlarning toʻliq va sifatli oʻtkazilishini taʼminlaydi;

tinglovchilarni zarur oʻquv materiallari bilan taʼminlaydi, mavjud oʻquv resurslaridan foydalanish imkoniyatini yaratadi;

tinglovchilarning murojaatiga muvofiq imkoniyatlaridan kelib chiqib, yotoq joy bilan taʼminlaydi;

elektron portfolio tizimi koʻrsatkichlari boʻyicha tinglovchilarning faoliyatini tizimli tahlil etib boradi va yakunlari boʻyicha tegishli koʻrsatkichlarini inobatga oladi;

tinglovchilarga oʻquv mashgʻulotlari boshlanishidan oldin Institut tinglovchilarining ichki tartib-qoidalari va oʻquv jarayonlarining tashkil etilishi bilan tanishtiradi;

malaka oshirish va qayta tayyorlash kurslari davomida tinglovchilarning davomati va faol ishtirokini monitoring qilib boradi hamda tegishlicha Milliy markazga yoki Vazirlikka kundalik maʼlumot taqdim etib boradi.

47. Vazirlik va uning tizimidagi tashkilotlar, ilmiy-tadqiqot muassasalari va boshqa aloqador tashkilotlar:

Institut bilan malaka oshirish va qayta tayyorlash boʻyicha tuzilgan shartnomaga muvofiq toʻlovlarni oʻz vaqtida amalga oshiradi;

tinglovchilarning tasdiqlangan reja-grafik boʻyicha malaka oshirish va qayta tayyorlash kurslarida oʻz vaqtida qatnashishini taʼminlaydi;

mustaqil ravishda malaka oshirish shakllari boʻyicha faoliyat olib borayotgan xodimlar toʻgʻrisidagi maʼlumotlarning Institutning elektron portfolio tizimiga kiritilishini taʼminlaydi.

48. Tinglovchilar quyidagi huquqlarga ega:

oʻquv jarayonini yanada yaxshilash, qayta tayyorlash va malaka oshirish tizimini takomillashtirish boʻyicha Institut rahbariyatiga takliflar kiritish;

maʼnaviy-maʼrifiy va madaniy tadbirlarda qatnashish;

uzluksiz malaka oshirish va qayta tayyorlash bilan bogʻliq boʻlgan qoʻshimcha maʼlumotlar va maslahatlar olish;

Institutning axborot-resurs markazi, oʻquv xonalari va kompyuter texnika vositalaridan foydalanish;

Institut xodimlari xatti-harakatlari yuzasidan shikoyat qilish.

Tinglovchilar qonunchilik hujjatlariga muvofiq boshqa huquqlarga ham ega boʻlishi mumkin.

49. Tinglovchilar:

belgilangan tartibda oʻquv rejasi va dasturlari asosida oʻqishi;

oʻquv mashgʻulotlarida oʻz vaqtida shaxsan oʻzlari ishtirok etishi va onlayn oʻquv mashgʻulotlarida veb-kamerasini yoqqan holda qatnashishi;

oʻquv dasturlarida nazarda tutilgan nazorat turlarini va yakuniy sinov imtihonlarini topshirishi;

oʻz bilimlari, kasbiy koʻnikmalari va mahorat darajasini oshirishi;

oʻquv jarayonida berilgan topshiriqlarni oʻz vaqtida bajarishi;

Institutga tegishli boʻlgan mol-mulkni asrab-avaylashi, Institut tinglovchilarining ichki tartib-qoidalariga qatʼiy rioya etishi lozim.

Tinglovchilar qonunchilik hujjatlariga muvofiq boshqa majburiyatlarga ham ega boʻlishi mumkin.

50. Tinglovchi quyidagi holatlarda tinglovchilar safidan chiqariladi:

oʻz xohishiga binoan;

oʻquv intizomi va Institut tinglovchilarining ichki tartib-qoidalarini muntazam ravishda yoki bir marotaba qoʻpol ravishda buzganda;

uzrli sabablarsiz qayta tayyorlash kurslari boʻyicha oʻquv mashgʻulotlarini 30 akademik soatdan va malaka oshirish kurslari boʻyicha oʻquv mashgʻulotlarini 16 akademik soatdan ortiq qoldirganda;

shartnomada nazarda tutilgan majburiyatlarni bajarmaganda;

salomatligi tufayli (tibbiy komissiya maʼlumotnomasi asosida);

sud tomonidan ozodlikdan mahrum etilganda;

vafot etganda.

51. Tinglovchi qayta tayyorlash yoki malaka oshirish kursi tinglovchilari safidan chiqarilganda, Institut bu haqida uni oʻqishga yuborgan buyurtmachi tashkilotga xabar beradi.

Tinglovchi ushbu Nizomning 53-bandi uchinchi — beshinchi xatboshilarida nazarda tutilgan holatlarga koʻra tinglovchilar safidan chiqarilgan taqdirda, ushbu tinglovchi uchun toʻlangan toʻlov miqdori qaytarilmaydi.

52. Elektron portfolio tizimiga kiritilgan barcha maʼlumotlarning haqqoniyligiga xodimlar shaxsan masʼul hisoblanadilar.

Elektron portfolio tizimidagi koʻrsatkichlarning haqqoniy emasligi tasdiqlanganda, tegishli xodimlarning elektron portfolio natijalari bekor qilinadi.

9-bob. Malaka oshirish kurslari yakuni boʻyicha attestatsiya natijalari yuzasidan shikoyat qilish

53. Attestatsiya natijasi boʻyicha olgan ballidan norozi boʻlgan tinglovchilarning arizalarini koʻrib chiqish uchun Institut direktorining buyrugʻi bilan Apellyatsiya komissiyasi tashkil etiladi.

54. Apellyatsiya komissiyasi Institutning ilmiy-pedagog kadrlari (Apellyatsiya komissiyasi umumiy tarkibining 40 foizigacha), shuningdek, tegishli soha boʻyicha korxonalarning (tashkilotlarning) malakali mutaxassislari, turdosh oliy taʼlim tashkilotlarining tajribali professor-oʻqituvchilari va ilmiy xodimlari orasidan kamida 5 nafar aʼzodan iborat tarkibda tuziladi.

55. Apellyatsiya komissiyasi tarkibiga joriy yilda Attestatsiya komissiyasi ishida ishtirok etgan komissiya aʼzolari kiritilmaydi.

56. Attestatsiyada qoʻyilgan ballidan norozi boʻlgan tinglovchilar attestatsiya ballari eʼlon qilingan kundan boshlab uch ish kuni ichida Apellyatsiya komissiyasiga murojaat qilish huquqiga ega.

57. Shikoyatlar ularni qabul qilish toʻxtatilgan kundan boshlab uch ish kunida suhbat jarayonida yozib olingan videoyozuv asosida koʻrib chiqiladi.

Murojaat etuvchi Apellyatsiya komissiyasi tomonidan shikoyati koʻrib chiqilishi jarayonida ishtirok etishi mumkin.

58. Apellyatsiya komissiyasi shikoyatni koʻrib chiqish natijasi boʻyicha quyidagi qarorlardan birini qabul qiladi:

shikoyatni asosli deb hisoblash hamda uni qanoatlantirish toʻgʻrisida;

shikoyatni asossiz deb hisoblash hamda uni qanoatlantirishni rad etish toʻgʻrisida;

suhbat oʻtkazish jarayonida tashkiliy-texnik jihatdan kamchiliklar mavjudligi aniqlangan taqdirda, Attestatsiya komissiyasi qarorini bekor qilib, qayta attestatsiya tashkil etish toʻgʻrisida.

59. Attestatsiyani qaytadan oʻtkazish toʻgʻrisida qaror qabul qilingan taqdirda, murojaat etuvchi navbatdagi malaka oshirish kurslari attestatsiyasiga jalb qilinadi.

60. Takroriy apellyatsiyaga yoʻl qoʻyilmaydi. Apellyatsiya komissiyasi qaroridan norozi boʻlgan tinglovchilar belgilangan tartibda sudga murojaat qilishi mumkin.

10-bob. Yakunlovchi qoidalar

61. Qishloq xoʻjaligi sohasi mutaxassis va rahbar hamda ilmiy va ilmiy-pedagog kadrlarning malakasini oshirish boʻyicha nizolar qonunchilik hujjatlarida belgilangan tartibda hal etiladi.

62. Ushbu Nizom talablarining buzilishida aybdor boʻlgan shaxslar qonunchilik hujjatlariga muvofiq javobgar boʻladi.

Mustaqil va muqobil malaka oshirish shakllari boʻyicha xodimlarning faoliyatini

T/r Mustaqil malaka oshirish shakllari Faoliyatni baholash mezonlari Ball I. Mutaxassislik boʻyicha mustaqil malaka oshirish 100 1. Ilm-fan yutuqlari va innovatsion texnologiyalarni ishlab chiqarishga tatbiq etish 10 Xalqaro miqyosda — 6 Respublika miqyosida — 4 2. “Ustoz-shogird” tizimi asosida iqtidorli va isteʼdodli yoshlar bilan ishlash 6 Respublika va xalqaro miqyosdagi fan olimpiadalari, koʻrik tanlovlar va koʻrgazmalardagi sovrinli oʻrin uchun: xalqaro miqyosda — 4 respublika miqyosida — 2 3. Ilmiy konferensiyalarda maʼruza bilan qatnashish 6 Xalqaro miqyosda — 4 Respublika miqyosida — 2 4. Ilmiy jurnallarda maqolalar chop etish 6 Har bir ilmiy maqola uchun — 2 5. Koʻrgazma va tanlovlarda ishtirok etish 6 Xalqaro miqyosda — 4 Respublika miqyosida — 2 6. Ilmiy loyihalarda ishtirok etish 10 Xalqaro loyihalar — 8 Davlat ilmiy-texnik dasturlari doirasidagi loyihalar: loyiha rahbari sifatida — 8 loyiha ishtirokchisi sifatida — 4 Xoʻjalik shartnomasi asosida bajariladigan ishlar: rahbar sifatida — 4 ishtirokchi sifatida — 2 Davlat buyurtmasi asosida yaratilgan ijodiy ishlar: yakka muallif sifatida — 4 hammuallif sifatida — 2 7. Xalqaro (impakt-faktorli) nashrlarda maqolalar eʼlon qilish 10 Xalqaro maʼlumotlar bazasiga kiritilgan yuqori reytingli ilmiy jurnallar yoki “impakt-faktor”ga ega boʻlgan ilmiy jurnallarda chop etilgan har bir maqola uchun — 5 8. Ratsionalizatorlik takliflari, innovatsion ishlanmalarga mualliflik qilish 10 Ratsionalizatorlik taklifi — 6 Innovatsion ishlanmalarga mualliflik — 4 9. Monografiya, mualliflik ijodiy ishlar katalogini tayyorlash va nashr qilish 10 Yakka mualliflikda — 10 Hammualliflikda — 5 10. Oʻquv adabiyotlari (darslik, oʻquv qoʻllanma, metodik qoʻllanma, tavsiyanoma) tayyorlash va nashr qilish 10 Yakka mualliflikda: darslik — 10 oʻquv qoʻllanmasi — 7 Hammualliflikda: darslik — 5 oʻquv qoʻllanmasi — 3 Metodik qoʻllanma yoki tavsiyanoma: yakka mualliflikda — 2 hammualliflikda — 1 11. Fan doktori (DSc) yoki falsafa doktori (PhD) darajasini olish uchun himoya qilingan dissertatsiya ishiga ilmiy rahbarlik qilish 10 Oxirgi 3 yilda himoya qilingan dissertatsiyaga — 10 12. Oxirgi 3 yilda xorijiy mamlakatlarda toʻgʻridan-toʻgʻri shaklda malaka oshirish, stajirovka oʻtash 6 Oxirgi 3 yilda 3 kundan ikki haftagacha boʻlgan muddatda 6 II. Muqobil malaka oshirish shakllari 1. Oʻzbekiston Fanlar akademiyasi akademigi ilmiy unvoniga ega boʻlish 2. Oxirgi 3 yilda doktorlik (PhD, DSc) dissertatsiyasini himoya qilish 3. Oxirgi 3 yilda xorijiy mamlakatlarda toʻgʻridan-toʻgʻri shaklda umumiy davomiyligi 2 haftadan 4 haftagacha yoki 72 soatdan 144 soatgacha boʻlgan malaka oshirish yoki stajirovka oʻtash 4. Oxirgi 3 yilda oʻsimliklarning yangi nav va duragaylarini, qishloq xoʻjaligi texnikasi yoki ishlab chiqarish agrotexnologiyasining muallifi boʻlish (patent asosida)

Qishloq xoʻjaligi sohasidagi rahbar va mutaxassislar, ilmiy-tadqiqot muassasalari rahbar va ilmiy xodimlarining malakasini oshirish va ularni qayta tayyorlash tartibi toʻgʻrisidagi nizomga 2-ILOVA

Qishloq xoʻjaligi sohasida rahbar va mutaxassislar, ilmiy-tadqiqot muassasalari rahbar va ilmiy xodimlarining malakasini oshirish kurslarida oʻqigani toʻgʻrisida davlat namunasidagi sertifikat

Oʻzbekiston Respublikasi Davlat gerbi Oʻzbekiston Respublikasi __________________________________________________________________ (malaka oshirish kursining nomi) Malaka oshirish kursini tugatganligi haqida SERTIFIKAT MO № 000000 __________________________________________________________________ (tinglovchining familiyasi, ismi, otasining ismi) 20___-yil____________________dan 20____-yil __________________gacha Oʻzbekiston Respublikasi Qishloq xoʻjaligi vazirligining Qishloq xoʻjaligida bilim va innovatsiyalar milliy markazi huzuridagi Qishloq xoʻjaligi sohasi kadrlarining malakasini oshirish va qayta tayyorlash institutida jami __________ soatga moʻljallangan _________________________________________________________ _________________________________________________________________________________________ (malaka oshirish kursining nomi) oʻquv kursini muvaffaqiyatli tamomladi. Muhr oʻrni Direktor ______ _____________ Sana _________ _____________ ________ Qayd raqami__________

Malaka oshirish kursini tamomlaganlik haqida davlat namunasidagi sertifikat TAVSIFI

Malaka oshirish toʻgʻrisidagi sertifikat A4 formatli oq qogʻozda ofset usulida, besh xil rangdan foydalangan holda: matn uchun — qora rangda, rasmlar tasviri uchun — yashil, koʻk, qizil ranglarda, fon uchun — och kulrangda bosib chiqariladi.

Varaqning chap qismida chetidan 10 mm chekingan holda, eni 32 mm boʻlgan Oʻzbekiston Respublikasi Davlat bayrogʻi tasvirlangan tasma joylashtiriladi. Tasmaning yuqori qismida diametri 30 mm boʻlgan Davlat gerbi, past qismida esa — 35 mm oʻlchamli ikkita kvadrat qoʻshilishidan hosil boʻlgan sakkiz qirrali yulduz, yulduzning oʻrtasida muhr uchun 25 mm diametrli oq aylana joylashgan.

Varaqning qolgan qismida, yuqorida davlat tilida “OʻZBEKISTON RESPUBLIKASI” va “Malaka oshirish kursini tugatganligi haqida SERTIFIKAT” soʻzlari bosiladi. Sertifikat ikki harf — MO va olti raqamli sondan iborat tartib raqamiga ega. Barcha matn naqshli rastrdan iborat och kulrang fonda bosib chiqariladi.

Sertifikat:

yorugʻlik vositasida nusxa koʻchirishni qiyinlashtirish uchun ochiq ranglar;

naqshli rastr;

har xil rangli rastrlardan foydalanish orqali turli ranglar;

oʻzgaradigan raqamlardan iborat tartib raqami qoʻllangan holda toʻrtta himoyaga ega.

Qishloq xoʻjaligi sohasidagi rahbar va mutaxassislar, ilmiy-tadqiqot muassasalari rahbar va ilmiy xodimlarining malakasini oshirish va ularni qayta tayyorlash tartibi toʻgʻrisidagi nizomga 2a-ILOVA

Qishloq xoʻjaligi sohasida rahbar va mutaxassislar, ilmiy-tadqiqot muassasalari rahbar va ilmiy xodimlarining qayta tayyorlash kurslarida oʻqigani toʻgʻrisida davlat namunasidagi sertifikat

Qayta tayyorlash kursini tamomlaganlik haqida davlat namunasidagi sertifikat TAVSIFI

Qayta tayyorlash toʻgʻrisidagi sertifikat A4 formatli oq qogʻozda ofset usulida, besh xil rangdan foydalangan holda: matn uchun — qora rangda, rasmlar tasviri uchun — yashil, koʻk, qizil ranglarda, fon uchun — och kulrangda bosib chiqariladi.

Varaqning qolgan qismida, yuqorida davlat tilida “OʻZBEKISTON RESPUBLIKASI” va “Qayta tayyorlash kursini tugatganligi haqida SERTIFIKAT” soʻzlari bosiladi. Sertifikat ikki harf — QT va olti raqamli sondan iborat tartib raqamiga ega. Barcha matn naqshli rastrdan iborat och kulrang fonda bosib chiqariladi.

Sertifikat:

yorugʻlik vositasida nusxa koʻchirishni qiyinlashtirish uchun ochiq ranglar;

naqshli rastr;

har xil rangli rastrlardan foydalanish orqali turli ranglar;

oʻzgaradigan raqamlardan iborat tartib raqami qoʻllangan holda toʻrtta himoyaga ega.

Qishloq xoʻjaligi sohasidagi rahbar va mutaxassislar, oliy taʼlim hamda ilmiy-tadqiqot muassasalari rahbar va ilmiy xodimlarining malakasini oshirish va ularni qayta tayyorlash tartibi toʻgʻrisidagi nizomga 3-ILOVA

NAMUNA (Oʻzbekiston Respublikasi Davlat gerbi) OʻZBEKISTON RESPUBLIKASI QISHLOQ XOʻJALIGI VAZIRLIGI QISHLOQ XOʻJALIGIDA BILIM VA INNOVATSIYALAR MILLIY MARKAZI QISHLOQ XOʻJALIGI SOHASI KADRLARINING MALAKASINI OSHIRISH VA QAYTA TAYYORLASH INSTITUTI Qishloq xoʻjaligi sohasida rahbar va mutaxassislar, ilmiy-tadqiqot muassasalari rahbar, ilmiy va ilmiy-pedagog kadrlarining malaka oshirish va qayta tayyorlash kurslarida mashgʻulotlar oʻtkazish uchun TRENERLIK GUVOHNOMASI TG № 000000 20____-yil “____” ___________ _____________________ (berilgan joyi) _________________________________________________________________ (familiyasi, ismi, otasining ismi) 20____-yil “____”-___________dan 20____-yil “____”-_____________gacha _______________________________________________________________dagi (taʼlim muassasasining nomi) _________________________________________________________________ (trenerlik kursining nomi) _______________________________soatlik kurslardan muvaffaqiyatli oʻtdi. Institut direktori __________ _______________________________ ______________________________ (familiyasi, ismi, otasining ismi) M.Oʻ. 20___-yil “_____”-_________________ gacha amal qiladi.

Qishloq xoʻjaligi sohasida rahbar va mutaxassislar, ilmiy-tadqiqot muassasalari rahbar va ilmiy xodimlarining malakasini oshirish va ularni qayta tayyorlash tartibi toʻgʻrisidagi nizomga 4-ILOVA

NAMUNA (Oʻzbekiston Respublikasi Davlat gerbi) OʻZBEKISTON RESPUBLIKASI QISHLOQ XOʻJALIGI VAZIRLIGI QISHLOQ XOʻJALIGIDA BILIM VA INNOVATSIYALAR MILLIY MARKAZI QISHLOQ XOʻJALIGI SOHASI KADRLARINING MALAKASINI OSHIRISH VA QAYTA TAYYORLASH INSTITUTI Qishloq xoʻjaligi soha va tarmoqlariga aloqador muassasalar, agroklasterlar, kooreratsiyalar, fermer xoʻjaliklari va boshqa tashkilotlarning oʻz mutaxassislari va rahbar kadrlarining qisqa muddatli malaka oshirish kurslarida oʻtgani toʻgʻrisida SERTIFIKAT QXMO № 000000 20____-yil “____” ___________ _____________________ (berilgan joyi) __________________________________________________________________ (familiyasi, ismi, otasining ismi) 20____-yil “____”___________ dan 20____-yil “____”-_____________ gasha ________________________________________________________________da (taʼlim muassasasining nomi) __________________________________________________________________ (qisqa muddatli malaka oshirish kursining nomi) _______________________________soatlik kurslardan muvaffaqiyatli oʻtdi. Institut direktori __________ _______________________________ ______________________________ (familiyasi, ismi, otasining ismi) M.Oʻ. 20___-yil “_____”-_________________ gacha amal qiladi.

Vazirlar Mahkamasining 2025-yil 2025-yil 10-dekabrdagi 783-son qaroriga 2-ILOVA

1-bob. Umumiy qoidalar

1. Ushbu Nizom veterinariya va chorvachilik sohasidagi rahbar va mutaxassis kadrlar, ilmiy-tadqiqot muassasalari rahbar va ilmiy xodimlarining uzluksiz malakasini oshirish, ularni qayta tayyorlash va ularga malaka toifalari berish tartibini belgilaydi.

Veterinariya va chorvachilik sohasida pedagog hamda mutaxassis kadrlarni qayta tayyorlash va ularning malakasini oshirish instituti (keyingi oʻrinlarda — Institut) Veterinariya va chorvachilikni rivojlantirish qoʻmitasi (keyingi oʻrinlarda — Qoʻmita), uning respublika tizim tashkilotlari, hududiy boshqarmalari va tuman (shahar) boʻlimlari mutaxassislari, ilmiy-tadqiqot muassasalari rahbar va ilmiy xodimlari, veterinariya, chorvachilik va naslchilik sohasida faoliyat koʻrsatayotgan xususiy veterinar va chorvador mutaxassislarni amalga oshirilayotgan islohotlar boʻyicha malakasini oshirish va ularni qayta tayyorlash boʻyicha davlat muassasasi hisoblanadi.

2. Ushbu Nizomda quyidagi asosiy tushunchalardan foydalaniladi:

buyurtmachi — qayta tayyorlash, malaka oshirish va qisqa muddatli kurslarda taʼlim olish uchun murojaat qilgan jismoniy yoki yuridik shaxs;

tinglovchi — qayta tayyorlash, malaka oshirish va qisqa muddatli kurslarda belgilagan tartibda oʻqiyotgan hamda veterinariya va chorvachilik sohasida faoliyat koʻrsatayotgan rahbar kadrlar, mutaxassislar va ilmiy xodimlar;

veterinariya xizmati mutaxassislari — davlat veterinariya tashkiloti rahbarlari, veterinariya va chorvachilikni rivojlantirish boʻlimining veterinariya vrachlari, veterinariya uchastkasi mudirlari, hayvon kasalliklari tashxisi va oziq-ovqat mahsulotlari xavfsizligi davlat markazlarining veterinariya vrachlari, idoraviy, ishlab chiqarish va xususiy veterinariya xizmati mutaxassislari va feldsherlari;

ilmiy-tadqiqot muassasalari rahbar va ilmiy xodimlari — ilmiy-tadqiqot muassasalarining rahbar kadrlari hamda katta va kichik ilmiy xodim lavozimidagi shaxslar;

malaka talablari — tinglovchilarning umumiy bilim va kasbiy tayyorgarligi darajasiga qoʻyiladigan talablar majmui;

malaka oshirish — tegishli oʻquv dasturlari talablaridan kelib chiqqan holda, mutaxassislarning malaka va koʻnikmalarini muntazam ravishda yangilab borish orqali ularning kasbiy bilim va mahorati oshirilishini taʼminlashga qaratilgan oʻqitish shakli;

mustaqil malaka oshirish — taʼlim darajasi va sifatiga qoʻyiladigan davlat taʼlim talablariga muvofiq yangi bilimlar, malaka va koʻnikmalarni rahbar va pedagog kadrlar tomonidan mustaqil oʻzlashtirish, oʻzini oʻzi kasbiy rivojlantirish shakli;

muqobil malaka oshirish — mustaqil malaka oshirish shakllaridan foydalanib, rahbar va pedagog kadrlarning alohida (individual) kasbiy mahorat natijalari tasdigʻi amaldagi bevosita malaka oshirish shakllariga tenglashtirilgan shakli;

qayta tayyorlash — soha rahbar va mutaxassis kadrlarida mutaxassisligidan tashqari boshqa yoʻnalishda xalqaro tajribalar, standartlar va talablar asosida ishlab chiqilgan taʼlim dasturlariga muvofiq zamonaviy bilim, koʻnikma va malakalarni shakllantirish kursi;

qisqa muddatli kurslar — veterinariya va chorvachilik sohasida faoliyat yuritayotgan tashkilot va idoralar, agroklasterlar, kooperatsiyalar, fermer xoʻjaliklari va boshqa tashkilotlarning rahbar kadrlari va mutaxassislari uchun tashkil etiladigan oʻquv kursi;

uzluksiz malaka oshirish tizimi — rahbar va mutaxassis kadrlar, ilmiy va ilmiy-pedagog kadrlarning kasbiy bilim va koʻnikmalarini zamonaviy talablar bilan uygʻunlashtirish, muntazam ravishda rivojlantirib borish imkoniyatini beruvchi koʻp bosqichli tizim;

oʻquv rejasi — bloklar va oʻquv fanlari (kurslar)ning nomlarini, ularni oʻzlashtirish uchun ajratilgan soatlar hajmini hamda tinglovchilarning bilimlarini nazorat qilish shakllarini belgilab beruvchi asosiy hujjat;

chorvador (zootexnik) mutaxassislar — chorvachilik (qoramolchilik, qoʻy-echkichilik, qorakoʻlchilik, yilqichilik, tuyachilik), parrandachilik, baliqchilik, asalarichilik va boshqa turdagi qishloq xoʻjalik hayvonlarini oziqlantirish, saqlash, koʻpaytirish va ularni identifikatsiyalash bilan shugʻullanuvchi mutaxassislar.

3. Veterinariya va chorvachilik sohasidagi rahbar va mutaxassis kadrlar, ilmiy-tadqiqot muassasalari rahbar va ilmiy xodimlarining malakasini oshirish boʻyicha mutaxassisliklar va lavozimlar nomenklaturasi Qoʻmita tomonidan tasdiqlanadi.

4. Institut veterinariya xizmati mutaxassislari va chorvador (zootexnik) mutaxassis kadrlar hamda ilmiy-tadqiqot muassasalari rahbar va ilmiy xodimlarining malakasini oshirish boʻyicha taʼlim jarayonini takomillashtirishning ilmiy-metodik asoslarini, oʻquv-metodik hujjatlarini ishlab chiqishni tashkil etadi hamda mexanizmlari va uslublarini belgilaydi.

Veterinariya va chorvachilik sohasida faoliyat yuritayotgan veterinariya xizmati mutaxassislari va chorvador (zootexnik) mutaxassislar, ilmiy-tadqiqot muassasalari rahbar hamda ilmiy xodimlarini qayta tayyorlash va ularning malakasini oshirish shartnoma asosida veterinariya xizmati tizimiga kiruvchi tashkilotlar hamda ilmiy-tadqiqot muassasalarining budjet va budjetdan tashqari mablagʻlari hisobidan Institut tomonidan amalga oshiriladi.

Veterinariya va chorvachilik sohasidagi rahbar va mutaxassis kadrlar, ilmiy-tadqiqot muassasalari rahbar va ilmiy xodimlarining malakasini oshirish tizimining tashkiliy tuzilmasi ushbu Nizomga 1-ilovadagi shaklga muvofiq belgilanadi.

5. Veterinariya va chorvachilik sohasida faoliyat yuritayotgan veterinariya xizmati mutaxassislari va chorvador (zootexnik) mutaxassislar, ilmiy-tadqiqot muassasalari rahbar va ilmiy xodimlari (keyingi oʻrinlarda — soha mutaxassislari) malaka oshirish kurslarida ishlab chiqarishdan ajralgan, asosiy ish joyi boʻyicha oʻrtacha ish haqi va egallab turgan lavozimi saqlangan holda oʻqitiladi.

6. Soha mutaxassislarining malakasini oshirish kurslari ushbu Nizomga 2-ilovada keltirilgan sxemaga muvofiq tashkil etiladi va oʻtkaziladi.

7. Chorvachilik soha va tarmoqlariga aloqador muassasalar, agroklasterlar, kooperatsiyalar, fermer xoʻjaliklari va boshqa tashkilotlar mutaxassislari va rahbar kadrlarining malakasi qisqa muddatli kurslarda Institut bilan toʻgʻridan-toʻgʻri shartnoma tuzish orqali oshiriladi.

Tinglovchilar oʻquv kurslariga buyurtmachining murojaatiga asosan Institut direktorining buyrugʻi bilan qabul qilinadi.

8. Qisqa muddatli kurslarni muvaffaqiyatli tamomlagan chorvachilik soha va tarmoqlariga aloqador muassasalar, agroklasterlar, kooperatsiyalar, fermer xoʻjaliklari va boshqa tashkilotlar mutaxassislari va rahbar kadrlariga ushbu Nizomga 3-ilovada keltirilgan namunadagi sertifikat beriladi.

Yakuniy sinov imtihonini topshirmagan tinglovchiga bir marotaba qayta topshirish uchun uch oygacha muddat beriladi.

2-bob. Uzluksiz malaka oshirishning maqsad va vazifalari

9. Soha mutaxassislarini veterinariya hamda chorvachilik sohasidagi xalqaro tajribani va zarur kasbiy bilim va koʻnikmalarini mustaqil yangilash hamda oʻzlashtirish, malaka talablari, oʻquv rejalari va dasturlariga muvofiq ularning kasbiy layoqati va mahoratining doimiy rivojlanishini taʼminlash uzluksiz malaka oshirishning maqsadi hisoblanadi.

10. Quyidagilar uzluksiz malaka oshirishning vazifalari hisoblanadi:

kasbiy layoqat va mahoratni yanada oshirish;

soha mutaxassislarining mustaqil fikrlash koʻnikmalarini uzluksiz rivojlantirish, shuningdek, ularning bilimlarini yanada takomillashtirish;

axborot texnologiyalari, Internet jahon axborot tarmogʻi imkoniyatlaridan foydalanishning amaliy koʻnikmalarini shakllantirish;

veterinariya xizmati mutaxassislariga hayvonlarni davolash va profilaktika qilishning zamonaviy usullarini, shuningdek, veterinariya-sanitariya tadbirlarini oʻtkazishda qoʻllanadigan texnologiyalar xususiyatlarini oʻrgatish;

chorvador mutaxassislarga hayvonlarni belgilangan meʼyorlar asosida oziqlantirish va saqlashning innovatsion usullarini hamda seleksiya-naslchilik tadbirlarini samarali tashkil qilishni oʻqitish;

ilmiy-tadqiqot muassasalari rahbar va ilmiy xodimlarining kasbiy malaka va koʻnikmalarini oshirish, sohada dolzarb mavzular boʻyicha ilmiy-tadqiqot ishlarini amalga oshirish, statistik tahlil qilish koʻnikmalarini takomillashtirish;

soha mutaxassislariga veterinariya va chorvachilik sohasidagi qonunchilik hujjatlari boʻyicha nazariy bilimlar berish.

3-bob. Uzluksiz malaka oshirish tizimini boshqarish

11. Qoʻmita:

uzluksiz malaka oshirish va qayta tayyorlash tizimiga umumiy rahbarlik qiladi;

Qoraqalpogʻiston Respublikasi Veterinariya va chorvachilikni rivojlantirish qoʻmitasi, viloyatlar va Toshkent shahar veterinariya va chorvachilikni rivojlantirish hududiy boshqarmalari (keyingi oʻrinlarda — hududiy boshqarmalar) hamda ilmiy-tadqiqot muassasalaridan olinadigan maʼlumotlar asosida har yili dekabr oyining birinchi oʻn kunligida kelgusi yilda malaka oshirishga yuborilayotgan soha mutaxassislarining roʻyxatini shakllantiradi hamda roʻyxatga muvofiq dekabr oyining uchinchi oʻn kunligida malaka oshirish kurslaridan oʻtishning har yilgi jadvalini ishlab chiqadi va tasdiqlaydi;

malaka oshirishning toʻliq hamda sifatli oʻtkazilishi yuzasidan doimiy monitoring va nazoratni amalga oshiradi;

malaka oshirish kurslarining oʻquv rejalari va dasturlarini tasdiqlaydi;

uzluksiz malaka oshirish va qayta tayyorlash boʻyicha Institutning moddiy-texnik bazasini mustahkamlash choralarini koʻradi.

12. Institut:

uzluksiz malaka oshirishning ilmiy-uslubiy asoslari, oʻquv-uslubiy hujjatlari va yagona taʼlim mexanizmini ishlab chiqish jarayonlarini tashkil qiladi;

veterinariya va chorvachilik sohasiga oid fanlarning umumkasbiy va maxsus bloklari boʻyicha qayta tayyorlash va uzluksiz malaka oshirishni tashkil etadi hamda ular boʻyicha maʼlumotlar bazasini yaratadi;

taʼlimning ishlab chiqarish bilan samarali oʻzaro hamkorligini, veterinariya va chorvachilik sohasi kadrlarini qayta tayyorlash va ularning malakasini oshirish jarayoniga koʻchma mashgʻulotlar, zamonaviy texnika va texnologiyalar bilan jihozlangan korxonalarga tashriflar tashkil etilishini taʼminlaydi;

ishlab chiqarish, ilmiy-tadqiqot tuzilmalarining moddiy-texnik bazasidan foydalangan holda mashgʻulotlar oʻtkazish uchun zarur oʻquv va moddiy-texnik bazani yaratadi;

soha mutaxassislarini qayta tayyorlash va ularning malakasini oshirishning innovatsion ilmiy yutuqlarini, zamonaviy pedagogik va axborot-kommunikatsiya texnologiyalarini qoʻllashni, masofadan oʻqitishni, mustaqil taʼlim olishni kengaytirishni nazarda tutuvchi texnika va texnologiyalarning istiqbolda rivojlanishini hisobga oluvchi dasturlarini ishlab chiqadi va joriy etadi;

mintaqalar uchun xos boʻlgan hayvonlar kasalliklarini hisobga olgan holda malaka oshirish kurslarining oʻquv rejasi va dasturlarini shakllantiradi hamda oʻquv kurslarini tashkil qiladi;

malaka oshirish kurslarida taʼlim jarayonini takomillashtirish mexanizmlari va uslublarini belgilaydi;

veterinariya va chorvachilik sohasidagi ilgʻor xorijiy tajribani umumlashtirgan holda davolash va tashxis qoʻyishning zamonaviy, samarali usullari hamda yangi texnologiyalarning oʻquv jarayoniga joriy qilinishini taʼminlaydi;

Qoʻmitaning malakali mutaxassislari, Samarqand davlat veterinariya meditsinasi, chorvachilik va biotexnologiyalar universitetining professor-oʻqituvchilari tarkibi, ilmiy-tadqiqot institutlarining yetakchi olimlari, veterinariya xizmati mutaxassislari, koʻp yillik tajribaga ega chorvador (zootexnik) hamda amaliyotchi mutaxassislarning malaka oshirish kurslarida mashgʻulotlarni oʻtkazishga qonunchilik hujjatlarida belgilangan tartibda mehnatga soatbay haq toʻlash shartlari bilan jalb etilishini taʼminlaydi;

malaka oshirish boʻyicha xorijiy tajribani va ilgʻor taʼlim muassasalari yutuqlarini tahlil qiladi va umumlashtiradi;

malaka oshirish va qayta tayyorlash jarayoniga xorijiy ekspertlarni shartnoma asosida jalb qiladi;

tuzilgan shartnomalar asosida nomzodlarni tinglovchilikka qabul qiladi, bunda qoida tariqasida, guruhlar 20 — 24 nafar tinglovchidan iborat tarkibda shakllantiriladi;

malaka oshirish kurslarining zarur darajada tashkil etilishi va oʻtkazilishi uchun masʼul hisoblanadi.

Institut, zaruratga koʻra, oʻquv kurslarining davomiyligi va oʻquv dasturlarining hajmiga oʻzgartirish kiritishi, shuningdek, yangi malaka oshirish va qayta tayyorlash dasturlarini joriy etishi mumkin.

13. Samarqand davlat veterinariya meditsinasi, chorvachilik va biotexnologiyalar universiteti:

malaka oshirish kursi tinglovchilariga universitet Axborot-resurs markazidan bepul foydalanish imkoniyatini yaratadi;

malaka oshirish jarayoni uchun zamonaviy innovatsion va axborot-kommunikatsiya texnologiyalari ishlab chiqilishini va ularning malaka oshirish jarayoniga joriy etilishini tashkil qiladi;

soha mutaxassislariga malaka oshirish davrida universitetning yotoqxonalaridan foydalanishlari uchun qulay sharoitlar yaratadi;

tinglovchilarga universitetning oʻquv auditoriyalaridan foydalanishlari uchun barcha sharoitlarni yaratadi.

14. Qoʻmita tizimiga kiruvchi ilmiy-tadqiqot institutlari, tashkilotlar hamda chorvachilik, parrandachilik, baliqchilik, asalarichilik, yilqichilik va boshqa tarmoq xoʻjaliklari:

malaka oshirish amaliyotini oʻtashga koʻmaklashadilar;

ilmiy bilimlar va veterinariya amaliyotining integratsiyasini taʼminlaydilar.

15. Qoʻmita, hududiy boshqarmalar, tizimida veterinariya xizmati mavjud boʻlgan vazirlik, idora va tashkilotlar, ilmiy-tadqiqot muassasalari, nodavlat veterinariya tashkilotlari, xususiy chorvachilik komplekslari (klasterlar) va jismoniy shaxslar veterinariya xizmati mutaxassislari va chorvador (zootexnik)larni oʻqitishning buyurtmachisi hisoblanadi.

4-bob. Malaka oshirish va qayta tayyorlash jarayonining mazmuni va sifatiga qoʻyiladigan talablar

16. Taʼlim jarayonining mazmuni va sifatiga qoʻyiladigan talablar Oʻzbekiston Respublikasining “Taʼlim toʻgʻrisida”gi Qonuniga muvofiq belgilanadi.

17. Malaka oshirish tizimida mutaxassisliklar yoʻnalishlari boʻyicha oʻquv reja va dasturlari Samarqand davlat veterinariya meditsinasi, chorvachilik va biotexnologiyalar universitetining yetakchi mutaxassislari va professor-oʻqituvchilari tarkibi tomonidan ilmiy-tadqiqot institutlarining olimlari, laboratoriyalar va chorvachilik xoʻjaliklarining mutaxassislarini jalb etgan holda ishlab chiqiladi hamda ular taʼlim jarayonini uslubiy taʼminlashning ajralmas qismi hisoblanadi.

18. Oʻquv reja va dasturlarini ishlab chiqishda soatlarning modullar boʻyicha 10 foizgacha oʻzgartirilishiga ruxsat etiladi.

19. Oʻquv dasturi mazmuniga qoʻyiladigan talablar veterinariya va chorvachilik sohasi rahbar hamda mutaxassis kadrlari va ilmiy-tadqiqot institutlarining rahbar hamda ilmiy xodimlari mutaxassislik yoʻnalishlariga muvofiq ravishda ularning zarur bilim va koʻnikmalarini egallashini hisobga olgan holda belgilanadi.

Oʻquv reja va dasturlarida veterinariya fani, texnikasi, texnologiyalari, chorvachilik sohasidagi yutuqlar aks ettirilishi, shuningdek, ular veterinariya va chorvachilik taʼlimi tizimida yagona uzviylik va izchillikni taʼminlash talablariga javob berishi zarur.

20. Malaka oshirish kursining amaliy, laboratoriya va sayyor dars mashgʻulotlari oʻquv reja va dasturlariga muvofiq ilmiy-tadqiqot muassasalari, veterinariya tizimiga kiruvchi tizim tashkilotlari va yetakchi chorvachilik xoʻjaliklarida oʻtkaziladi, unda davolash va tashxis qoʻyish usullarini aniqlash, chorvachilikda seleksiya-naslchilik tadbirlari boʻyicha bilimlarni oʻzlashtirish hamda veterinariya xizmati rahbar va mutaxassislarini veterinariya sohasidagi fan va texnologiyalarning yangi yutuqlari bilan tanishtirish nazarda tutilishi lozim.

Malaka oshirish va qayta tayyorlash kurslarida oʻquv jarayoni Institut direktorining oʻrinbosari tomonidan tasdiqlanadigan mashgʻulotlar jadvali boʻyicha tashkil etiladi.

21. Institutning professor-oʻqituvchilari tarkibiga quyidagi talablar qoʻyiladi:

veterinariya va chorvachilik sohasidagi rahbar va mutaxassis kadrlar, ilmiy-tadqiqot muassasalari rahbar va ilmiy xodimlarining malakasini oshirishga qoʻyiladigan talablar asosida tinglovchilar bilan oʻquv mashgʻulotlarini oʻtkazish, nazorat va tinglovchilar bilimlarini xolisona baholash koʻnikmalarining mavjudligi;

oʻziga xos yuksak sifatlarning (talabchanlik, xolislik, tartiblilik, haqqoniylik, xushmuomalalik) mavjudligi;

taʼlim berishda (oʻqitishda) kasbiy mahorat va oʻz sohasi boʻyicha chuqur bilimga ega ekanligi;

taʼlim jarayonining yuqori samaradorligini taʼminlash, tinglovchilarning tashabbuskorligi, ijodiy mahorati va qobiliyatlarini rivojlantirish koʻnikmalarining mavjudligi.

5-bob. Uzluksiz malaka oshirish jarayonlarini tashkil etish shakllari va bosqichlari

22. Veterinariya va chorvachilik sohasidagi rahbar va mutaxassis kadrlar, ilmiy-tadqiqot muassasalari rahbar va ilmiy xodimlarining uzluksiz malakasini oshirish jarayonlari quyidagilarni oʻz ichiga oladi:

ilmiy-tadqiqot muassasalari rahbar va ilmiy xodimlarining mustaqil malaka oshirishi;

muqobil malaka oshirish;

taʼlim dasturlari asosida veterinariya va chorvachilik sohasidagi rahbar va mutaxassis kadrlar, ilmiy-tadqiqot muassasalari rahbar va ilmiy xodimlarini Institutda bevosita oʻqitish.

23. Ilmiy-tadqiqot muassasalari rahbar va ilmiy xodimlarining mustaqil malaka oshirishi quyidagilarni oʻz ichiga oladi:

ilmiy konferensiyalarda maʼruza bilan qatnashish;

ilmiy jurnallarda maqolalar chop etish;

koʻrgazma va tanlovlarda ishtirok etish;

ilmiy loyihalarda ishtirok etish;

xalqaro (impakt-faktorli) nashrlarda maqolalar eʼlon qilish;

ixtiro (patent), ratsionalizatorlik takliflari, innovatsion ishlanmalarga mualliflik qilish;

monografiya, mualliflik ijodiy ishlari katalogini tayyorlash va nashr qilish;

oʻquv adabiyotlari (darslik, oʻquv qoʻllanma, metodik qoʻllanma)ni tayyorlash va nashr qilish;

fan doktori (DSc) yoki falsafa doktori (PhD) darajasiga ega boʻlgan ilmiy darajali kadrlar tayyorlash;

xorijiy mamlakatlarda malaka oshirish yoki stajirovka oʻtash.

Ilmiy konferensiyalarda maʼruza bilan qatnashish — fan va amaliyot, oʻqitish metodikasi hamda texnologiyasining dolzarb muammolarini hal etishga va oʻquv-tarbiya jarayonining yuqori sifatini taʼminlashga yoʻnaltirilgan dolzarb mavzular, innovatsion yoʻnalishlar boʻyicha respublika va xalqaro miqyosdagi anjumanlar, davra suhbatlari, seminarlarda ilmiy yoki ilmiy-metodik maʼruzalar (axborotlar) bilan ishtirok etish.

Ilmiy jurnallarda maqolalar chop etish — mustaqil ravishda taʼlim, fan va ishlab chiqarishning dolzarb masalalariga yoʻnaltirilgan (mutaxassisligi doirasida) muhim mavzular boʻyicha amalga oshirilgan tadqiqot (empirik) natijalari, tahlillari, ratsionalizatorlik gʻoyalari va ishlanmalarini dissertatsiyalarning asosiy ilmiy natijalarini eʼlon qilish uchun tavsiya etiladigan ilmiy nashrlar, shu jumladan, elektron ilmiy-texnik jurnallarda eʼlon qilish.

Koʻrgazma va tanlovlarda ishtirok etish — mashgʻulot olib borayotgan fanlari boʻyicha ijodiy ish natijalarini respublika hamda xalqaro miqyosdagi koʻrik-tanlovlar va koʻrgazmalarda ishtirok etish orqali ommalashtirish, sovrindor boʻlish.

Ilmiy loyihalarda ishtirok etish — xalqaro loyihalar va dasturlar, shuningdek, fan hamda texnologik taraqqiyotning bugungi darajasi bilan kadrlar tayyorlash, taʼlim mazmuni va sifatini oshirish borasidagi uzviylikni rivojlantirish maqsadida fundamental, innovatsion va amaliy loyihalarga, xoʻjalik shartnomalari asosida bajariladigan ishlarga, shuningdek, xalqaro miqyosdagi loyihalarga rahbarlik qilish yoki ishtirokchi sifatida faoliyat yuritish.

Xalqaro (impakt-faktorli) nashrlarda maqolalar eʼlon qilish — mustaqil ravishda taʼlim, fan va ishlab chiqarishning dolzarb masalalariga yoʻnaltirilgan muhim mavzular boʻyicha amalga oshirilgan tadqiqot natijalari, tahlillari, ratsionalizatorlik va innovatsion gʻoyalarini xalqaro maʼlumotlar bazasiga kiritilgan yuqori reytingli yoki impakt-faktorli ilmiy jurnallarda eʼlon qilish.

Ixtiro (patent), ratsionalizatorlik takliflari, innovatsion ishlanmalarga mualliflik qilish — sohaning dolzarb masalalariga yoʻnaltirilgan tadqiqot natijalari asosida mahsulot va ishlanmalarni yaratish.

Monografiya, mualliflik ijodiy ishlari katalogini tayyorlash va nashr qilish — aynan ilmiy-tadqiqot mavzusi natijalari yoki mualliflik ijodiy ishlari asosida tayyorlangan asar (katalog)ni nashr etish.

Oʻquv adabiyotlari (darslik, oʻquv qoʻllanma, metodik qoʻllanma)ni tayyorlash va nashr qilish — davlat taʼlim standartlari, oʻquv dasturi, uslubiyoti va didaktik talablar asosida tegishli taʼlim yoʻnalishlari va mutaxassisliklari boʻyicha xorijiy tajribalar asosida yangi avlod oʻquv (elektron) adabiyotlari (darslik, oʻquv qoʻllanma, metodik qoʻllanma)ni yaratish va belgilangan tartibda taʼlim amaliyotiga joriy etish.

Fan doktori (DSc) yoki falsafa doktori (PhD) darajasiga ega boʻlgan ilmiy darajali kadrlar tayyorlash — ilmiy-pedagog kadrlar tayyorlashdagi faolligi, ilmiy rahbarligida fan doktori (DSc) yoki falsafa doktori (PhD) darajasini olish uchun tayyorlangan va himoya qilingan dissertatsiya ishlari.

Xorijiy mamlakatlarda malaka oshirish yoki stajirovka oʻtash — ishdan ajralgan holda, toʻgʻridan-toʻgʻri shaklda xorijiy mamlakatlarda kasbiy va pedagogik mahoratini oshirish, oʻquv-tarbiya jarayonini yuqori ilmiy-metodik darajada amalga oshirish, axborot texnologiyalari va oʻqitishning interaktiv metodlari boʻyicha kasbiy bilimlar, malaka va koʻnikmalarni oshirish.

24. Muqobil malaka oshirish shakllari quyidagilarni oʻz ichiga oladi:

Oʻzbekiston Respublikasi Fanlar akademiyasi akademigi ilmiy unvoniga ega boʻlish;

soʻnggi 3 yilda xorijiy mamlakatlarda toʻgʻridan-toʻgʻri shaklda umumiy davomiyligi 36 soatdan kam boʻlmagan muddatda malaka oshirish yoki stajirovka oʻtash;

soʻnggi 3 yilda falsafa doktori (PhD) yoki mutaxassislik boʻyicha fan doktori (DSc) darajasini olish uchun dissertatsiya ishini himoya qilish.

25. Mutaxassis kadrlar, ilmiy-tadqiqot muassasalari rahbar va ilmiy xodimlarining uzluksiz malaka oshirish shakllari boʻyicha soʻnggi uch yildagi maʼlumotlari elektron portfolio tizimiga shaxsan rahbar va ilmiy xodimning oʻzi tomonidan kiritiladi va koʻrsatkichlar elektron monitoring tizimi orqali qayd etib boriladi.

Mustaqil malaka oshirish shakllari boʻyicha ilmiy-tadqiqot muassasalari rahbar va ilmiy xodimlarining faoliyati ushbu Nizomga 4-ilovadagi Ilmiy-tadqiqot muassasalari rahbar va ilmiy xodimlarining mustaqil malaka oshirish shakllarini baholash mezonlariga muvofiq baholanadi.

26. Ilmiy-tadqiqot muassasalari rahbar va ilmiy xodimlari mustaqil malaka oshirish shakllariga ajratilgan 100 balli tizimda:

kamida 55 ballni toʻplagan xodimlar toʻgʻridan-toʻgʻri onlayn test sinovlarini topshirishga tavsiya etiladi. Bunda onlayn test sinovlaridan muvaffaqiyatli oʻtmagan rahbar va ilmiy xodimlar Institutda taʼlim dasturlari asosida bevosita oʻqishga tavsiya etiladi;

86 — 100 ballni toʻplagan xodimlarga toʻgʻridan-toʻgʻri malaka attestati Attestatsiya komissiyasining qarori asosida taqdim etiladi.

27. Muqobil malaka oshirish shakllaridan ixtiyoriy birini amalga oshirgan Qoʻmita, uning respublika tizim tashkilotlari, hududiy boshqarmalari va tuman (shahar) boʻlimlari mutaxassislari, ilmiy-tadqiqot muassasalari rahbar va ilmiy xodimlariga toʻgʻridan-toʻgʻri malaka attestati Attestatsiya komissiyasining qarori asosida taqdim etiladi.

6-bob. Malaka oshirish muddatlari

28. Malaka oshirish kurslarining davomiyligi quyidagicha belgilanadi:

rahbar xodimlar uchun — 1 haftadan 2 haftagacha (36 — 72 soatgacha);

mutaxassis xodimlar uchun — kamida 4 hafta (144 soatgacha);

ilmiy-tadqiqot muassasalari rahbar va ilmiy xodimlari uchun — 1 haftadan 2 haftagacha (36 — 72 soatgacha).

29. Rahbar xodimlar uchun oʻquv kurslari veterinariya sohasini boshqarishning zamonaviy usullarini oʻrgatish maqsadida tashkil etiladi.

30. Malaka oshirish kurslariga veterinariya xizmati tizimi va chorvachilik sohasida, ilmiy-tadqiqot muassasalarida kamida 3 yil ish stajiga ega, bakalavr, magistr darajasiga yoki oʻrta (professional) maʼlumotga ega boʻlgan veterinariya xizmati va chorvador (zootexnik) mutaxassislar yuboriladi.

31. Veterinariya va chorvachilik sohasidagi rahbar va mutaxassis kadrlar, ilmiy-tadqiqot muassasalari rahbar va ilmiy xodimlarining malakasini oshirish tizimida haftalik oʻqish yuklamasi koʻpi bilan 36 soatni tashkil qiladi.

7-bob. Veterinariya xizmati va chorvador (zootexnik) mutaxassislarga malaka toifalarini berish

32. Veterinariya va chorvachilik sohasidagi rahbar va mutaxassis kadrlarni malaka oshirish oʻquv kurslari yakuni boʻyicha attestatsiyadan oʻtkazish va ularga malaka toifalarini berish ularni oʻz malakasi va kasbiy darajasini muntazam ravishda oshirib borishga yoʻnaltirish va moddiy ragʻbatlantirish maqsadida amalga oshiriladi.

33. Malaka oshirish kurslarida oʻqishni muvaffaqiyatli tamomlagan veterinariya xizmati va chorvachilik sohasidagi mutaxassislarga belgilangan tartibda malaka oshirish kurslaridan oʻtganligi toʻgʻrisida sertifikat hamda ikkinchi, birinchi va oliy malaka toifalari beriladi.

34. Veterinariya xizmati va chorvachilik sohasidagi mutaxassislarga malaka toifasi 3 yil muddatga beriladi. Ushbu muddat ichida veterinariya xizmati va chorvador (zootexnik) mutaxassislar navbatdagi malaka toifasini olishlari uchun ixtiyoriy ravishda malaka oshirishi yoki malaka toifasini himoya qilishi mumkin.

35. Ikkinchi malaka toifasini olish uchun veterinariya xizmati va chorvachilik sohasidagi mutaxassislar quyidagi mezonlar boʻyicha baholanadi:

a) veterinariya xizmati mutaxassislari — davolash, profilaktika ishlari va tashxis qoʻyish usullarini erkin qoʻllashdagi bilimlari, maxsus anjomlardan foydalanish koʻnikmalari darajasi;

b) chorvachilik (zootexnik) sohasi mutaxassislari — hayvonlarning kelib chiqishi, zoti, zotdorligi, ularni ratsion asosida oziqlantirish va zoogigiyenik meʼyor boʻyicha saqlash koʻnikmalariga ega ekanligi.

36. Birinchi malaka toifasini olish uchun veterinariya xizmati va chorvachilik sohasi mutaxassislari quyidagi mezonlar boʻyicha baholanadi:

a) veterinariya xizmati rahbariyati tomonidan veterinariya xizmati va chorvachilik sohasidagi mutaxassislik uchun zarur boʻlgan bilim va koʻnikmalar darajasi, oʻz faoliyatida zamonaviy axborot texnologiyalaridan foydalanish mahorati, shuningdek, ilmiy va nazariy bilimlari darajasi toʻgʻrisida berilgan ijobiy tavsifnomaning mavjudligi;

b) ikkinchi malaka toifasiga egaligi toʻgʻrisidagi sertifikatning mavjudligi hamda veterinariya xizmati va chorvachilik sohasida kamida 3 yillik ish stajiga ega boʻlishi.

37. Oliy malaka toifasini olish uchun veterinariya xizmati va chorvachilik sohasi mutaxassislari quyidagi mezonlar boʻyicha baholanadi:

a) soha mutaxassisining veterinariya va chorvachilik sohasidagi ilmiy yutuqlarni umumlashtirish va amaliyotga tatbiq etish koʻnikmalari, shuningdek, paydo boʻladigan kasbiy tarmoq masalalarini hal etishga ijodiy yondashish qobiliyati toʻgʻrisida berilgan ijobiy tavsifnomaning mavjudligi;

b) birinchi malaka toifasiga egaligi toʻgʻrisidagi sertifikatning mavjudligi va veterinariya xizmati hamda chorvachilik mutaxassisligida kamida 3 yillik ish stajiga ega boʻlishi;

v) veterinariya va chorvachilik sohasi boʻyicha oliy maʼlumotga ega boʻlishi.

38. Ilmiy darajaga ega boʻlgan veterinariya va chorvachilik sohasidagi mutaxassislarga oliy malaka toifasi beriladi. Bunda ularga ushbu Nizomning 37-bandi “b” kichik bandi talabi tatbiq etilmaydi.

39. Tegishli malaka toifalariga ega boʻlgan veterinariya xizmati, chorvachilik sohasidagi mutaxassislar, shu jumladan, boshqaruv xodimlarining oylik ish haqlariga sertifikatning amal qilish muddatiga mehnatga haq toʻlashning eng kam miqdoriga nisbatan budjet mablagʻlari hisobidan quyidagicha ustamalar belgilanadi:

ikkinchi toifa uchun — 8,8 foiz;

birinchi toifa uchun — 12,3 foiz;

oliy toifa uchun — 21,1 foiz.

8-bob. Malaka oshirish sifatini nazorat qilish

40. Malaka oshirish sifatini baholash va nazorat qilish quyidagilarni oʻz ichiga oladi:

a) ichki nazorat:

bazaviy bilimlarni baholash;

yangi bilimlar, koʻnikmalar va kasbiy mahoratni joriy nazorat qilish;

mutaxassislik boʻyicha attestatsiya natijalari yuzasidan yakuniy nazorat;

b) Qoʻmita, shuningdek, veterinariya xizmati tizimiga kiruvchi boshqa tashkilotlar tomonidan tashqi nazorat.

41. Yakuniy nazoratni tashkil etish va oʻtkazish boʻyicha attestatsiya komissiyasi (keyingi oʻrinlarda — Attestatsiya komissiyasi) tarkibi Qoʻmita bilan kelishilgan holda kamida yetti nafar aʼzodan, shu jumladan, Attestatsiya komissiyasi raisi, rais oʻrinbosari va kotibidan iborat tarkibda Institut direktorining buyrugʻi bilan tashkil etiladi.

Attestatsiya komissiyasi tarkibi har yili kamida 20 foizi yangilangan holda qayta tasdiqlanadi.

42. Veterinariya va chorvachilik sohasidagi rahbar va mutaxassis kadrlar, ilmiy-tadqiqot muassasalari rahbar va ilmiy xodimlarining malaka toifasini olish uchun attestatsiya suhbat shaklida xolislik va oshkoralik tamoyillari asosida oʻtkazilib, attestatsiya natijalariga koʻra malaka toifalari beriladi.

43. Suhbat savollarining aniq roʻyxati Institut direktori tomonidan tasdiqlanadi.

44. Attestatsiya komissiyasi:

attestatsiyadan oʻtkaziladigan talabgor haqida qisqacha axborotni tinglaydi;

attestatsiyadan oʻtadigan talabgorga sohaga oid 5 ta savol beradi, uning javoblari natijalari boʻyicha ochiq ovoz beradi;

attestatsiya natijasi boʻyicha talabgorni baholaydi;

attestatsiyadan oʻtgan talabgor faoliyatini yaxshilash boʻyicha tavsiyalar beradi;

attestatsiya savollarini tuzadi va ularni yangilab boradi.

Attestatsiya komissiyasi yigʻilishi uning ishida attestatsiya komissiyasi aʼzolarining kamida uchdan ikki qismi ishtirok etgan taqdirda, vakolatli hisoblanadi.

Suhbat jarayoni videoyozuvga olinadi hamda berilgan savollar va javoblar maxsus (sahifalangan, tikilgan va muhrlangan) daftarda qayd etiladi.

Suhbat savollari yoʻnalishlari va ularning natijalari ushbu Nizomga 5-ilovada keltirilgan baholash mezonlari boʻyicha amalga oshiriladi.

45. Veterinariya va chorvachilik sohasidagi ilmiy-tadqiqot muassasalari rahbar va ilmiy xodimlari malakaviy ish tayyorlaydi hamda suhbat jarayoniga qadar test sinovlarini topshiradi.

Malakaviy ish mavzulari Institut direktori tomonidan tasdiqlanadi.

46. Test sinovlari bazasi Institut tomonidan ishlab chiqiladi va doimiy ravishda yangilab boriladi.

Test sinovlari 50 ta savoldan iborat boʻladi hamda ishlash uchun bir soat vaqt beriladi, har bitta toʻgʻri javob 1 balldan baholanadi.

47. Malaka toifasini berish boʻyicha attestatsiya natijalari Attestatsiya komissiyasi majlisida eʼlon qilinadi va Attestatsiya komissiyasining bayoni bilan rasmiylashtiriladi hamda komissiya raisi, rais oʻrinbosari va kotib tomonidan imzolanadi.

48. Tinglovchilar attestatsiyaga uzrli sabablarga (mehnatga layoqatsizlik varaqasi, veterinariya xizmati rahbarlarining asosli maʼlumotnomasi va boshqa sabablar) koʻra kelmagan taqdirda, ularning attestatsiyasi boshqa muddatga koʻchiriladi.

Tinglovchilar uzrsiz sababga koʻra attestatsiyada ishtirok etmagan taqdirda, attestatsiyadan oʻtmagan hisoblanadi hamda ularga nisbatan “attestatsiyadan oʻtmadi, tegishli malaka toifasi tushirilsin” qarori qabul qilinadi.

Attestatsiyadan oʻtmagan tinglovchilar toʻgʻrisidagi maʼlumotlar Qoʻmitaga taqdim etib boriladi.

9-bob. Malaka oshirish kurslarini tamomlaganlik toʻgʻrisida hujjat

49. Oʻquv dasturlarida nazarda tutilgan barcha talablarni bajargan va imtihonni muvaffaqiyatli topshirgan tinglovchilarga Attestatsiya komissiyasining xulosasi asosida Institut tomonidan sertifikat beriladi.

Veterinariya va chorvachilik sohasidagi rahbar va mutaxassis kadrlarga malaka oshirish kurslaridan oʻtganlik toʻgʻrisidagi sertifikat (keyingi oʻrinlarda — Sertifikat) ushbu Nizomga 6-ilovada keltirilgan namunada 3 yil muddatga beriladi.

Ilmiy-tadqiqot muassasalari rahbar va ilmiy xodimlariga malaka oshirish kurslarida attestatsiyadan oʻtganligi toʻgʻrisida sertifikat ushbu Nizomga 7-ilovaga muvofiq namunada 3 yil muddatga beriladi.

Attestatsiyadan oʻta olmagan tinglovchilarga malaka oshirish kursida ishtirok etgani toʻgʻrisida maʼlumotnoma beriladi.

Malaka oshirish va qayta tayyorlash kurslarini aʼlo baholarga oʻzlashtirgan tinglovchilar xalqaro moliya institutlarining mablagʻlari, Institutning budjetdan tashqari mablagʻlari hamda “El-yurt umidi” jamgʻarmasi mablagʻlari hisobidan xorijiy davlatlarga malaka oshirish va stajirovkalarga yuborilishi mumkin.

50. Sertifikat qatʼiy hisobga olinadigan hujjat hisoblanadi, hisob seriyasi va raqamiga ega boʻladi hamda QR-kod (matrik shtrixli kod) qoʻyilgan holda elektron shaklda beriladi.

51. Malaka oshirish kurslarida oʻqish yakunlari boʻyicha attestatsiyadan oʻta olmagan tinglovchilar bir yil mobaynida oʻz mablagʻlari hisobidan malaka oshirish kursidan qaytadan oʻtadi.

Malaka oshirish kurslarida takroran qatnashib, oʻquv kursi yakuni boʻyicha attestatsiyadan oʻta olmagan veterinariya va chorvachilik sohasidagi rahbar va mutaxassis kadrlarning malaka toifasi pasaytiriladi yoki ularning egallab turgan lavozimiga muvofiqligi toʻgʻrisidagi xulosa belgilangan tartibda asosiy ish joyida muhokama qilinadi.

52. Attestatsiya komissiyasining qaroridan norozi boʻlgan tinglovchilar natijalar eʼlon qilingan vaqtdan boshlab uch ish kuni ichida Apellyatsiya komissiyasiga yozma ravishda shikoyat berishlari mumkin.

53. Elektron shaklda sertifikat berish tizimi joriy etilgunga qadar olingan sertifikat yoʻqotib qoʻyilgan yoki foydalanishga yaroqsiz boʻlib qolgan taqdirda, uning egasiga Institutga taqdim etilgan arizaga asosan uch ish kuni ichida elektron shaklda toʻlov undirilmagan holda oldingi qayd raqami koʻrsatilgan qayta (dublikat) sertifikat beriladi.

10-bob. Apellyatsiya komissiyasi faoliyatini tashkil etish

54. Apellyatsiya komissiyasi shikoyatlarni koʻrib chiqish uchun Institut direktori buyrugʻi bilan suhbat natijalari eʼlon qilingan kundan kechiktirmasdan uch kishidan iborat tarkibda tashkil etiladi.

55. Apellyatsiya komissiyasi tarkibi Institutning rahbar xodimi, kasaba uyushmasi vakili va malaka toifasiga ega boʻlgan bir nafar veterinariya mutaxassisidan iborat boʻladi.

56. Apellyatsiya komissiyasi tarkibiga Attestatsiya komissiyasi tarkibidan aʼzo kiritilmaydi.

57. Shikoyatlar ularni qabul qilish toʻxtatilgan kundan boshlab uch ish kunida suhbat jarayonida yozib olingan videoyozuv asosida koʻrib chiqiladi.

Murojaat etuvchi apellyatsiya komissiyasi tomonidan shikoyati koʻrib chiqilishi jarayonida ishtirok etishi mumkin.

58. Apellyatsiya komissiyasi shikoyatni koʻrib chiqish natijasi boʻyicha quyidagi qarorlardan birini qabul qiladi:

shikoyatni asosli deb hisoblash hamda uni qanoatlantirish toʻgʻrisida;

shikoyatni asossiz deb hisoblash hamda uni qanoatlantirishni rad etish toʻgʻrisida;

suhbat oʻtkazish jarayonida tashkiliy-texnik jihatdan kamchiliklar mavjudligi aniqlangan taqdirda, Attestatsiya komissiyasi qarorini bekor qilib, qayta attestatsiya tashkil etish toʻgʻrisida.

59. Attestatsiyani qaytadan oʻtkazish toʻgʻrisida qaror qabul qilingan taqdirda, murojaat etuvchi navbatdagi malaka oshirish kurslari attestatsiyasiga jalb qilinadi.

60. Takroriy apellyatsiyaga yoʻl qoʻyilmaydi. Apellyatsiya komissiyasi qaroridan norozi boʻlgan tinglovchilar belgilangan tartibda sudga murojaat qilishi mumkin.

11-bob. Tinglovchilarning huquqlari va majburiyatlari

61. Tinglovchilar oʻquv mashgʻulotlari boshlanishidan oldin Institut tinglovchilarining ichki tartib-qoidalari bilan tanishtiriladi.

62. Tinglovchilar quyidagi huquqlarga ega:

oʻquv jarayonini yanada yaxshilash, qayta tayyorlash va malaka oshirish tizimini takomillashtirish boʻyicha Institut rahbariyatiga takliflar kiritish;

maʼnaviy-maʼrifiy va madaniy tadbirlarda qatnashish;

qayta tayyorlash va malaka oshirish bilan bogʻliq boʻlgan qoʻshimcha maʼlumotlar va maslahatlar olish;

Institutning axborot-resurs markazi, oʻquv xonalari va kompyuter texnika vositalaridan foydalanish;

Institut xodimlari xatti-harakatlari yuzasidan shikoyat qilish.

Tinglovchilar qonunchilik hujjatlariga muvofiq boshqa huquqlarga ham ega boʻlishlari mumkin.

63. Tinglovchilar:

belgilangan tartibda oʻquv rejasi va dasturlari asosida oʻqishi;

oʻquv mashgʻulotlarida oʻz vaqtida shaxsan oʻzlari ishtirok etishi;

oʻquv dasturlarida nazarda tutilgan nazorat turlarini va yakuniy sinov imtihonlarini topshirishi;

oʻz nazariy bilimlarini, kasbiy koʻnikmalari va mahorat darajasini oshirishi;

oʻquv jarayonida berilgan topshiriqlarni oʻz vaqtida bajarishi;

Institutga tegishli boʻlgan mol-mulkni asrab-avaylashi, Institut tinglovchilarining ichki tartib-qoidalariga qatʼiy rioya etishi lozim.

Tinglovchilar qonunchilik hujjatlariga muvofiq boshqa majburiyatlarni ham oʻz zimmasiga olishi mumkin.

64. Tinglovchi quyidagi holatlarda tinglovchilar safidan chiqariladi:

oʻz xohishiga binoan;

oʻquv intizomi va Institut tinglovchilarining ichki tartib-qoidalarini muntazam ravishda yoki bir marotaba qoʻpol ravishda buzganda;

uzrli sabablarsiz qayta tayyorlash kurslari boʻyicha oʻquv mashgʻulotlarini 30 akademik soatdan va malaka oshirish kurslari boʻyicha oʻquv mashgʻulotlarini 16 akademik soatdan ortiq qoldirganda;

shartnoma majburiyatlarini bajarmaganda;

salomatligi tufayli (tibbiy komissiya maʼlumotnomasi asosida);

sud tomonidan ozodlikdan mahrum etilganda;

vafot etganda.

65. Tinglovchi qayta tayyorlash yoki malaka oshirish kursi tinglovchilari safidan chiqarilganda, Institut bu haqida uni oʻqishga yuborgan buyurtmachi tashkilotga xabar beradi.

Tinglovchi ushbu Nizomning 64-band uchinchi — oltinchi xatboshilarida nazarda tutilgan holatlarga koʻra tinglovchilar safidan chiqarilgan taqdirda, ushbu tinglovchi uchun toʻlangan toʻlov miqdori qaytarilmaydi.

66. Elektron portfolioga kiritilgan barcha maʼlumotlarning haqqoniyligiga xodimlar shaxsan masʼul hisoblanadilar.

Elektron portfoliodagi koʻrsatkichlarning haqqoniy emasligi tasdiqlanganda tegishli xodimlarning elektron portfolio natijalari bekor qilinadi.

12-bob. Yakunlovchi qoidalar

67. Ushbu Nizomni qoʻllashda yuzaga keladigan nizolar qonunchilik hujjatlarida belgilangan tartibda hal etiladi.

68. Ushbu Nizom talablarining buzilishida aybdor shaxslar qonunchilik hujjatlariga muvofiq javobgar boʻladi.

Veterinariya va chorvachilik sohasida rahbar va mutaxassis kadrlar, ilmiy-tadqiqot muassasalari rahbar va ilmiy xodimlarining malakasini oshirish, ularni qayta tayyorlash va ularga malaka toifalarini berish tartibi toʻgʻrisidagi nizomga 1-ILOVA

Veterinariya va chorvachilik sohasidagi rahbar va mutaxassis kadrlar, ilmiy-tadqiqot muassasalari rahbar va ilmiy xodimlarining malakasini oshirish tizimining

Veterinariya va chorvachilikni rivojlantirish qoʻmitasi ↓ Veterinariya va chorvachilik sohasida pedagog hamda mutaxassis kadrlarni qayta tayyorlash va ularning malakasini oshirish instituti ↓ Veterinariya va chorvachilikni rivojlantirish qoʻmitasi hamda uning respublika tizim tashkilotlari, hududiy boshqarmalari va tuman (shahar) boʻlimlari mutaxassislarining malakasini oshirish Ilmiy-tadqiqot muassasalari rahbar va ilmiy xodimlari ning malakasini oshirish Veterinariya, chorvachilik va naslchilik sohasida faoliyat yuritayotgan xususiy veterinariya va chorvador (zootexnik) mutaxassislarning malakasini oshirish

Veterinariya xizmati va chorvador mutaxassislar malakasini oshirish kurslarini tashkil etish

Bosqichlar Subyektlar Tadbirlar Muddatlar 1-bosqich Veterinariya va chorvachilikni rivojlantirish qoʻmitasi va uning hududiy boshqarmalari, Veterinariya va chorvachilik sohasida pedagog hamda mutaxassis kadrlarni qayta tayyorlash va ularning malakasini oshirish instituti Veterinariya xizmatining malaka oshirishga yuboriladigan mutaxassislari roʻyxatini shakllantirish, malaka oshirish kurslaridan oʻtishning har yilgi jadvalini ishlab chiqish va tasdiqlash. Har yili 30-dekabrgacha 2-bosqich Veterinariya va chorvachilik sohasida pedagog hamda mutaxassis kadrlarni qayta tayyorlash va ularning malakasini oshirish instituti, Veterinariya va chorvachilikni rivojlantirish qoʻmitasi 1. Mashgʻulotlarni Veterinariya va chorvachilik sohasida pedagog hamda mutaxassis kadrlarni qayta tayyorlash va ularning malakasini oshirish institutida oʻtkazish. 2. Ilmiy-tadqiqot institutlari, veterinariya xizmati tizimiga kiruvchi tashkilotlar va yetakchi chorvachilik xoʻjaliklarida malaka amaliyoti oʻtkaziladi. Tasdiqlangan malaka oshirish kurslaridan oʻtishning har yilgi jadvali boʻyicha 3-bosqich Attestatsiya komissiyasi 1. Attestatsiya natijalarini eʼlon qiladi. 2. Ijobiy baho olgan veterinariya xizmati va chorvador (zootexnik) mutaxassislarga attestatsiya natijalari boʻyicha va Attestatsiya komissiyasining qaroriga binoan sertifikat beradi. Attestatsiyadan oʻtmagan veterinariya xizmati va chorvador mutaxassislarga sertifikat berilmaydi. Kurs tugagandan soʻng

NAMUNA (Oʻzbekiston Respublikasi Davlat gerbi tasviri) VETERINARIYA VA CHORVACHILIKNI RIVOJLANTIRISH QOʻMITASI Chorvachilik soha va tarmoqlariga aloqador muassasalar, agroklasterlar, kooperatsiyalar, fermer xoʻjaliklari va boshqa tashkilotlar mutaxassislari va rahbar kadrlarining qisqa muddatli kurslardan oʻtganligi toʻgʻrisida SERTIFIKAT MO № 000000 20____-yil “____”-___________ _____________________ (berilgan joyi) _____________________________________________________________________________ (familiyasi, ismi, otasining ismi) 20____-yil “____”-_____________dan 20____-yil “____”-________________gacha __________________________________________________________________________dagi (taʼlim muassasasining nomi) _____________________________________________________________________________ (qisqa muddatli malaka oshirish kurslarining nomi) _____________________________________________soatlik kurslardan muvaffaqiyatli oʻtdi. Institut direktori (QR-kod) ___________________________ (familiyasi, ismi, otasining ismi) 20___-yil “_____”-_________________ gacha amal qiladi.

Veterinariya va chorvachilik sohasidagi rahbar va mutaxassis kadrlar, ilmiy-tadqiqot muassasalari rahbar va ilmiy xodimlarining uzluksiz malakasini oshirish, ularni qayta tayyorlash va ularga malaka toifalarini berish tartibi toʻgʻrisidagi nizomga 4-ILOVA

Mustaqil malaka oshirish shakllari boʻyicha ilmiy-tadqiqot muassasalari rahbar va ilmiy xodimlarning faoliyatini

T/r Mustaqil malaka oshirish shakllari Faoliyatni baholash mezonlari Ball 100 1. Ilmiy konferensiyalarda maʼruza bilan qatnashish. 12 Xalqaro miqyosda — 6 Respublika miqyosida — 4 2. Ilmiy jurnallarda maqolalar chop etish. 10 Har bir ilmiy maqola uchun — 5 3. Koʻrgazma va tanlovlarda ishtirok etish. 8 Xalqaro miqyosda — 8 Respublika miqyosida — 4 4. Ilmiy loyihalarda ishtirok etish. 10 Xalqaro loyihalar — 8 Davlat ilmiy-texnik dasturlari doirasidagi loyihalar: loyiha rahbari sifatida — 8 loyiha ishtirokchisi sifatida — 4 Xoʻjalik shartnomasi asosida bajariladigan ishlar: rahbar sifatida — 4 ishtirokchi sifatida — 2 Davlat buyurtmasi asosida yaratilgan ijodiy ishlar: yakka muallif sifatida — 4 hammuallif sifatida — 2 5. Xalqaro (impakt-faktorli) nashrlarda maqolalar eʼlon qilish. 10 Xalqaro maʼlumotlar bazasiga kiritilgan yuqori reytingli ilmiy jurnallar yoki “impakt-faktor”ga ega boʻlgan ilmiy jurnallarda chop etilgan har bir maqola uchun — 5 6. Ixtiro (patent), ratsionalizatorlik takliflari, innovatsion ishlanmalarga mualliflik qilish. 10 Ixtiro (patent) — 10 Ratsionalizatorlik taklifi — 6 Innovatsion ishlanmalarga mualliflik — 4 7. Monografiya, mualliflik ijodiy ishlari katalogini tayyorlash va nashr qilish. 10 Yakka mualliflikda — 10 Hammualliflikda — 5 8. Oʻquv adabiyotlari (darslik, oʻquv qoʻllanma, metodik qoʻllanma) tayyorlash va nashr qilish. 10 Yakka mualliflikda: darslik — 10 oʻquv qoʻllanmasi — 7 Hammualliflikda: darslik — 7 oʻquv qoʻllanmasi — 5 Metodik qoʻllanma: yakka mualliflikda — 3 hammualliflikda — 1 9. Fan doktori (DSc) yoki falsafa doktori (PhD) darajasini olish uchun himoya qilingan dissertatsiyaga ilmiy rahbarlik qilish. 10 Oxirgi 3 yilda himoya qilingan dissertatsiyaga — 10 10. Oxirgi 3 yilda xorijiy mamlakatlarda toʻgʻridan-toʻgʻri shaklda malaka oshirish, stajirovka oʻtash 10 Oxirgi 3 yilda ikki haftadan — toʻrt haftagacha — 10 Oxirgi 3 yilda ikki haftagacha — 5

Veterinariya va chorvachilik sohasidagi rahbar va mutaxassis kadrlar, ilmiy-tadqiqot muassasalari rahbar va ilmiy xodimlarini suhbat savollarining yoʻnalishlari va baholash mezonlari

I. Veterinariya va chorvachilik sohasidagi rahbar va mutaxassis kadrlar T/r Savollar yoʻnalishlari Ball 1. Mamlakatda veterinariya va chorvachilik sohasida amalga oshirilayotgan islohotlarning mohiyati va ahamiyati 20 ball 2. Veterinariya va chorvachilik sohasida qoʻllanadigan maxsus asbob-uskuna va anjomlardan foydalanish koʻnikmalari 20 ball 3. Qishloq xoʻjaligi hayvonlarining oʻta xavfli yuqumli kasalliklariga tashxis qoʻyish, davolash va profilaktik tadbirlarni amalga oshirish boʻyicha bilim va koʻnikmalarining mavjudligi 20 ball 4. Kompyuter va axborot texnologiyalaridan foydalanish darajasi. Jumladan, veterinariya sohasidagi axborot tizimlaridan foydalanish koʻnikmasi 20 ball 5. Butun jahon hayvonlar sogʻligini himoya qilish tashkilotining asosiy faoliyat turlari va Veterinariya va chorvachilikni rivojlantirish qoʻmitasi bilan mazkur tashkilotning hamkorlik aloqalari boʻyicha bilimlari 20 ball Jami 100 II. Veterinariya va chorvachilik sohasidagi ilmiy-tadqiqot muassasalari rahbar va ilmiy xodimlari T/r Savollar yoʻnalishlari Ball 1. Mamlakatda veterinariya va chorvachilik sohasida amalga oshirilayotgan keng qamrovli islohotlarning mohiyati va ahamiyati. 5 2. Faoliyat yoʻnalishi boʻyicha xorijiy olimlar bilan hamkorlik aloqalarini oʻrnatganligi. Jumladan, xorijiy olimlar bilan hamkorlikda chop etilgan ilmiy maqolalarining mavjudligi. 5 3. Davlat ilmiy dasturlari yoki xalqaro ilmiy loyihalardagi ishtiroki toʻgʻrisida. 5 4. Fan, taʼlim va ishlab chiqarishning oʻzaro integratsiyasi doirasida olib borayotgan ilmiy-tadqiqot ishlarining samaradorlik koʻrsatkichlari xususida. 5 5. Ilmiy loyihalarni shakllantirish va davlat ilmiy dasturlari doirasida tanlovlarda ishtirok etish yuzasidan bilbm va koʻnikmalarining mavjudligi. 5 Test sinovi (50 ball) 6. Test sinovi 50 Malakaviy ish himoyasi 7. Malakaviy ish himoyasi 25 JAMI 100

NAMUNA (Oʻzbekiston Respublikasi Davlat gerbi tasviri) VETERINARIYA VA CHORVACHILIKNI RIVOJLANTIRISH QOʻMITASI Veterinariya xizmati va chorvador mutaxassislarni malaka oshirish va qayta tayyorlash kurslaridan oʻtganligi toʻgʻrisida SERTIFIKAT MO № 000000 20____-yil “____”-___________ _______________________ (berilgan joyi) _________________________________________________________________ (familiyasi, ismi, otasining ismi) 20____-yil “____”-____________ dan 20____-yil “____”-____________ gacha ____________________________________________________________________dagi (taʼlim muassasasining nomi) ________________________________________________________________________ (malaka oshirish va qayta tayyorlash kurslarining nomi) _______________________________________soatlik kurslardan muvaffaqiyatli oʻtdi. Attestatsiya komissiyasining 20___-yil “_____”-________________dagi “____”-son qaroriga binoan unga _______________________________________ malaka toifasi berildi. (oliy, birinchi, ikkinchi) Institut direktori (QR-kod) ____________________________ (familiyasi, ismi, otasining ismi) 20___-yil “_____”-_________________ gacha amal qiladi.

NAMUNA (Oʻzbekiston Respublikasi Davlat gerbi tasviri) VETERINARIYA VA CHORVACHILIKNI RIVOJLANTIRISH QOʻMITASI Ilmiy-tadqiqot muassasalari rahbar va ilmiy xodimlarining malaka oshirish va qayta tayyorlash kurslaridan oʻtganligi toʻgʻrisida SERTIFIKAT MO № 000000 20____-yil “____”-___________ _____________________ (berilgan joyi) _________________________________________________________________________ (familiyasi, ismi, otasining ismi) 20____-yil “____”-____________ dan 20____-yil “____”-______________ gacha _________________________________________________________________________dagi (taʼlim muassasasining nomi) ____________________________________________________________________________ (malaka oshirish va qayta tayyorlash kurslarining nomi) _____________________________________________soatlik kurslardan muvaffaqiyatli oʻtdi. Institut direktori (QR-kod) ____________________________ (familiyasi, ismi, otasining ismi) 20___-yil “_____”-_________________ gacha amal qiladi.

Vazirlar Mahkamasining 2025-yil 2025-yil 10-dekabrdagi 783-son qaroriga 3-ILOVA

Qishloq xoʻjaligi sohasi kadrlarining malakasini uzluksiz oshirish va ularni qayta tayyorlash boʻyicha davlat xizmatlarini koʻrsatishning

1-bob. Umumiy qoidalar

1. Ushbu Reglament qishloq xoʻjaligi sohasidagi rahbar va mutaxassislar, ilmiy-tadqiqot muassasalari rahbar va ilmiy xodimlarining hamda qishloq xoʻjaligi soha va tarmoqlarida faoliyat koʻrsatadigan xoʻjalik yurituvchi subyektlar, agroklasterlar, kooperatsiyalar, fermer xoʻjaliklarining rahbar va mutaxassislarining (keyingi oʻrinlarda — soha mutaxassislari) malakasini oshirish va ularni qayta tayyorlash boʻyicha (keyingi oʻrinlarda — malaka oshirish va qayta tayyorlash) davlat xizmatlarini koʻrsatish tartibini belgilaydi.

2. Soha mutaxassislarining malakasini oshirish va ularni qayta tayyorlash boʻyicha davlat xizmatlari ushbu Reglamentga 1-ilovadagi sxemaga muvofiq koʻrsatiladi.

2-bob. Davlat xizmatlarini koʻrsatish tartibi

3. Malaka oshirish va qayta tayyorlashga talabgor boʻlgan soha mutaxassislari (keyingi oʻrinlarda — talabgorlar) davlat xizmatidan foydalanish uchun davlat xizmatlari markazlariga oʻzi kelib murojaat etadi yoki davlat xizmatidan elektron shaklda foydalanish uchun Oʻzbekiston Respublikasi Yagona interaktiv davlat xizmatlari portalida (keyingi oʻrinlarda — YIDXP) roʻyxatdan oʻtadi.

4. Talabgorlar oʻzi kelib murojaat etgan taqdirda, davlat xizmatlari markazlari xodimi ariza beruvchi nomidan, YIDXP orqali murojaat etgan taqdirda esa mustaqil ravishda ushbu Reglamentga 2-ilovaga muvofiq shakldagi arizani elektron shaklda toʻldiradi.

5. Talabgorlar belgilangan shakldagi ariza toʻldirilgandan soʻng maʼlumotlarning toʻgʻriligini tekshirib, arizani imzolarni identifikatsiya qilishning tegishli vositalari (ERI, daktiloskopiya, elektron imzo, Mobil-ID va boshqalar) bilan tasdiqlaydi.

6. Davlat xizmatlari markazlari qabul qilingan arizalarni koʻrib chiqish uchun Qishloq xoʻjaligi sohasi kadrlarining malakasini oshirish va qayta tayyorlash institutiga (keyingi oʻrinlarda — Institut) darhol yuboradi.

7. Institut ariza belgilangan talablarga mosligini uch kun ichida koʻrib chiqadi hamda malaka oshirish va qayta tayyorlashga qabul qilish uchun shartnoma tuzish yoki rad etish toʻgʻrisida talabgorga SMS-xabar yuboradi.

8. Talabgorlar malaka oshirish va qayta tayyorlashga qabul qilish uchun shartnoma tuzish haqida SMS-xabar olgandan soʻng uch kun ichida elektron yoki yozma (qogʻoz) shaklda Institut bilan shartnoma imzolaydi.

Shartnomada malaka oshirish va qayta tayyorlash vaqti, muddati hamda toʻlov miqdori aniq koʻrsatiladi.

Shartnoma imzolangan kundan soʻng besh kun ichida belgilangan toʻlov talabgorlar tomonidan toʻlanishi lozim. Talabgorlar tomonidan ushbu muddatda toʻlov toʻlanmagan taqdirda, ular malaka oshirish va qayta tayyorlash kurslariga qabul qilinmaydi.

9. Institut toʻlovni toʻlagan talabgorlar sonidan kelib chiqib, oʻquv kurslari kontingentini shakllantiradi va oʻquv kurslari boshlanadigan muddatdan kamida uch kun oldin talabgorlarga SMS-xabar yuboradi.

10. Bir vaqtning oʻzida shartnomalar boʻyicha toʻlovlarni toʻlagan talabgorlar soni belgilangan kontingentdan ortgan taqdirda, talabgorlar ketma-ketlik asosida malaka oshirish va qayta tayyorlashga qabul qilinadi.

11. Davlat xizmatlari koʻrsatilgani uchun bazaviy hisoblash miqdorining 20 foizi miqdorida yigʻim undiriladi.

Davlat xizmatlari koʻrsatilishi uchun YIDXP orqali murojaat etilganda, ushbu bandning birinchi xatboshisida koʻrsatilgan yigʻim summasining 90 foizi undiriladi.

Davlat xizmatlari koʻrsatilganda yigʻim toʻlangani Yagona billing tizimi orqali tasdiqlanadi.

Yigʻimlar quyidagi tartibda taqsimlanadi:

a) davlat xizmatlari markazlariga oʻzi kelib murojaat etganda:

20 foizi — Oʻzbekiston Respublikasi Adliya vazirligining budjetdan tashqari jamgʻarmasining shaxsiy hisobvaragʻiga;

qolgan mablagʻlar toʻliq miqdorda vakolatli organ (Institut)ning bank hisobvaragʻiga oʻtkaziladi;

b) YIDXP orqali murojaat etilganda:

10 foizi — Oʻzbekiston Respublikasi Adliya vazirligining budjetdan tashqari jamgʻarmasining shaxsiy hisobvaragʻiga;

11,25 foizi — Raqamli texnologiyalar vazirligining rivojlantirish jamgʻarmasi Elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga;

0,5 foizi — toʻlovlar Yagona billing tizimi orqali tasdiqlangani uchun Raqamli texnologiyalar vazirligining rivojlantirish jamgʻarmasi Elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga;

qolgan mablagʻlar toʻliq miqdorda vakolatli organ (Institut)ning bank hisobvaragʻiga oʻtkaziladi.

12. Talabgorlar arizasida notoʻgʻri maʼlumotlar koʻrsatilishi, shuningdek, malaka oshirish va qayta tayyorlash uchun belgilangan miqdordagi toʻlovni toʻlamaganlik davlat xizmatlari koʻrsatishni rad etish uchun asos hisoblanadi.

Davlat xizmatlarini koʻrsatishni boshqa asoslar boʻyicha rad etish qatʼiyan taqiqlanadi.

13. Talabgorlar davlat xizmatlari markazlari yoki YIDXP orqali yuborilgan arizadan voz kechish huquqiga ega.

14. Talabgorlar Davlat xizmatlari markazlari yoki YIDXP orqali yuborilgan arizadan voz kechganda, ularning arizasi koʻrilmasdan qoldiriladi. Bunda toʻlangan yigʻim qaytarilmaydi.

3-bob. Yakunlovchi qoidalar

15. Davlat xizmatlari markazlari va vakolatli organ (Institut) oʻz faoliyatini amalga oshirishi natijasida olingan maʼlumotlar sir saqlanishini taʼminlaydi.

16. Oʻzbekiston Respublikasi Adliya vazirligi, uning hududiy boshqarmalari va davlat xizmatlari markazlari Reglament talablari bajarilishi boʻyicha davlat organining faoliyati ustidan davlat xizmatlarini koʻrsatish davomida, shu jumladan, YIDXP orqali doimiy nazorat va monitoringni amalga oshiradi.

17. Ariza beruvchi vakolatli organ xodimlarining xatti-harakatlari (harakatsizligi) ustidan qonunchilik hujjatlarida belgilangan tartibda shikoyat qilishlari mumkin.

18. Ushbu Reglament talablari buzilishida aybdor boʻlgan shaxslar qonunchilik hujjatlariga muvofiq javobgar boʻladi.

Qishloq xoʻjaligi sohasi kadrlarining malakasini uzluksiz oshirish va ularni qayta tayyorlash boʻyicha davlat xizmatlari koʻrsatishning maʼmuriy reglamentiga 1-ILOVA

Qishloq xoʻjaligi sohasi kadrlarining malakasini uzluksiz oshirish va ularni qayta tayyorlash boʻyicha davlat xizmatlarini koʻrsatish

Bosqichlar Subyektlar Tadbirlar Muddatlar 1-bosqich Talabgor Davlat xizmatlari markazlari yoki Yagona interaktiv davlat xizmatlari portali (YIDXP) orqali belgilangan shakldagi ariza bilan murojaat qiladi. Zaruratga koʻra 2-bosqich Davlat xizmatlari markazlari Arizalarni koʻrib chiqish uchun Qishloq xoʻjaligi sohasi kadrlarining malakasini oshirish va qayta tayyorlash institutiga (keyingi oʻrinlarda — Institut) yuboradi. Darhol 3-bosqich Institut Arizada toʻldirilgan maʼlumotlarning belgilangan talablarga mosligini koʻrib chiqadi va malaka oshirishga qabul qilish yoki rad etish asoslarini koʻrsatgan holda talabgorga SMS — xabar yuboradi. 3 kun ichida 4-bosqich Talabgor, Institut Taraflar oʻrtasida elektron yoki yozma (qogʻoz) shaklda shartnoma imzolaydi. 3 kun ichida 5-bosqich Talabgor Shartnoma imzolangandan soʻng shartnomada belgilangan toʻlovni toʻlaydi. 5 kun ichida 6-bosqich Institut Toʻlovni toʻlagan talabgorlar sonidan kelib chiqib, oʻquv kurslari kontingentini shakllantiradi va oʻquv kurslari boshlanadigan muddat toʻgʻrisida talabgorlarni xabardor qiladi. Oʻquv kurslari boshlanishidan 3 kun oldin

Qishloq xoʻjaligi sohasi kadrlarining malakasini uzluksiz oshirish va ularni qayta tayyorlash boʻyicha davlat xizmatlari koʻrsatishning maʼmuriy reglamentiga 2-ILOVA

NAMUNA

Qishloq xoʻjaligi sohasi kadrlarining uzluksiz malakasini oshirish va ularni qayta tayyorlash boʻyicha davlat xizmatlaridan foydalanish uchun

I. Talabgor toʻgʻrisida maʼlumot 1.1. F.I.O.: 1.2. Telefon raqami: 1.3. Elektron pochta manzili: 1.4. Faoliyatni amalga oshirish manzili: II. Yuridik shaxs boʻyicha maʼlumot 2.1. Yuridik shaxsning toʻliq nomi: 2.2. Tashkiliy-huquqiy shakli: 2.3. Joylashuvi: (pochta manzili) 2.4. STIR: 2.5. Bank rekvizitlari: (bank boʻlimi nomi, MFO va hisobvaragʻi) 2.6. Telefon raqami: 2.7. Elektron pochta manzili: 2.8. Faoliyatni amalga oshirish manzili: 2.9. Vakolatli organ: Qishloq xoʻjaligi sohasida kadrlar malakasini oshirish va qayta tayyorlash instituti 2.10. Malaka oshirish va qayta tayyorlash yoʻnalishlari: □ agronomiya; □ oʻsimliklarni himoya qilish; □ seleksiya va urugʻchilik; □ paxtachilik; □ donchilik (gʻallachilik, sholichilik); □ mevachilik; □ sabzavotchilik; □ oʻrmonchilik; □ manzarali bogʻdorchilik; □ dorivor oʻsimliklarni yetishtirish; □ baliqchilik; □ issiqxona xoʻjaligini yuritish; □ yem-xashak yetishtirish; □ rahbar xodimlar; □ ilmiy xodimlar; □ boshqa yoʻnalishlar (talabgor tomonidan yoziladi) Talabgorning elektron raqamli imzosi

Vazirlar Mahkamasining 2025-yil 10-dekabrdagi 783-son qaroriga 4-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining “Oʻzbekiston Respublikasi Qishloq xoʻjaligi vazirligi huzuridagi Veterinariya va chorvachilikni rivojlantirish qoʻmitasi faoliyatini tartibga soluvchi normativ-huquqiy hujjatlarni tasdiqlash toʻgʻrisida” 2019-yil 27-iyundagi 532-son qarorida :

a) 1-bandning toʻrtinchi xatboshisidagi “Veterinariya xizmati mutaxassislarini qayta tayyorlash va malakasini oshirish, ularga malaka toifalari berish tartibi toʻgʻrisidagi nizom 4-ilovaga muvofiq” soʻzlari chiqarib tashlansin;

b) 1-ilovaning 21-bandida :

quyidagi mazmundagi oʻn beshinchi xatboshi bilan toʻldirilsin:

“Qoʻmita tizimiga kiruvchi tashkilotlarda aholi va tadbirkorlik subyektlariga koʻrsatiladigan veterinariya xizmati turlari kengayishi hamda pulli xizmat koʻrsatish hajmining ortishini ragʻbatlantirish maqsadida budjetdan tashqari mablagʻlar hisobidan zarur boʻlgan mutaxassis va xodimlarni jalb qilish uchun Qoʻmita tomonidan tasdiqlangan shtatlarni joriy qilish;”;

oʻn beshinchi — oʻn yettinchi xatboshilar tegishlicha oʻn oltinchi — oʻn sakkizinchi xatboshilar deb hisoblansin;

v) 4-ilova oʻz kuchini yoʻqotgan deb hisoblansin.

2. Vazirlar Mahkamasining 2021-yil 29-apreldagi 258-son qarori bilan tasdiqlangan Davlat boshqaruvi va mahalliy davlat hokimiyati organlarida xizmat avtotransport vositalarini biriktirish meʼyorlari Izoh qismining toʻqqizinchi xatboshisi “Kadastr” soʻzidan keyin “Veterinariya va chorvachilikni rivojlantirish qoʻmitasi” soʻzlari bilan toʻldirilsin.

3. Vazirlar Mahkamasining “Veterinariya xizmati mutaxassislarining malakasini oshirish, ularni qayta tayyorlash va ularga malaka toifalari berish boʻyicha davlat xizmatlarini koʻrsatishning maʼmuriy reglamentini tasdiqlash toʻgʻrisida” 2022-yil 19-yanvardagi 33-son qarorida :

a) muqaddimasi , 1-bandning ikkinchi xatboshisi hamda 5-banddagi “veterinariya xizmati mutaxassislarining malakasini oshirish, ularni qayta tayyorlash va ularga malaka toifalari” soʻzlari “veterinariya va chorvachilik sohasida rahbar va mutaxassis kadrlar, ilmiy-tadqiqot muassasalari rahbar va ilmiy xodimlarining malakasini oshirish, ularni qayta tayyorlash va ularga malaka toifalari” soʻzlari bilan almashtirilsin;

b) 2-bandning birinchi xatboshisidagi “Veterinariya xizmati mutaxassislarining malakasini oshirish, ularni qayta tayyorlash va ularga malaka toifalari” soʻzlari “Veterinariya va chorvachilik sohasida rahbar va mutaxassis kadrlar, ilmiy-tadqiqot muassasalari rahbar va ilmiy xodimlarining malakasini oshirish, ularni qayta tayyorlash va ularga malaka toifalari” soʻzlari bilan almashtirilsin;

v) 1-ilovada :

nomidagi “Veterinariya xizmati mutaxassislarining” soʻzlari “Veterinariya va chorvachilik sohasida rahbar va mutaxassis kadrlar, ilmiy-tadqiqot muassasalari rahbar va ilmiy xodimlarining” soʻzlari bilan almashtirilsin;

1-banddagi “veterinariya xizmatlari tashkil etilgan xoʻjalik yurituvchi subyektlar, xususiy veterinariya xizmatlari mutaxassislarining” soʻzlari “veterinariya va chorvachilik sohasida rahbar va mutaxassis kadrlar, ilmiy-tadqiqot muassasalari rahbar va ilmiy xodimlarining” soʻzlari bilan almashtirilsin;

2-banddagi “Veterinariya xizmati mutaxassislarining malakasini oshirish” soʻzlari “Veterinariya va chorvachilik sohasida rahbar va mutaxassis kadrlar, ilmiy-tadqiqot muassasalari rahbar va ilmiy xodimlarining malakasini oshirish, ularni qayta tayyorlash” soʻzlari bilan almashtirilsin;

6-banddagi “Samarqand veterinariya meditsinasi instituti huzuridagi Kadrlarni qayta tayyorlash va ularning malakasini oshirish markaziga (keyingi oʻrinlarda — Malaka oshirish markazi)” soʻzlari “Veterinariya va chorvachilikni rivojlantirish qoʻmitasi huzuridagi Veterinariya va chorvachilik sohasida pedagog hamda mutaxassis kadrlarni qayta tayyorlash va ularning malakasini oshirish instituti (keyingi oʻrinlarda — Institut)” soʻzlari bilan almashtirilsin;

7 va 9-bandlardagi “Malaka oshirish markazi” soʻzlari “Institut” soʻzi bilan almashtirilsin;

1-ilova quyidagi tahrirda bayon etilsin:

“Veterinariya va chorvachilik sohasida rahbar va mutaxassis kadrlar, ilmiy-tadqiqot muassasalari rahbar va ilmiy xodimlarining malakasini oshirish, ularni qayta tayyorlash va ularga malaka toifalari berish boʻyicha davlat xizmatlari koʻrsatishning maʼmuriy reglamentiga 1-ILOVA

Bosqichlar Masʼullar Tadbirlar Muddatlar 1-bosqich Talabgor Davlat xizmatlari markazlari yoki Yagona interaktiv davlat xizmatlari portali (YIDXP) orqali belgilangan shakldagi ariza bilan murojaat qiladi. Zaruratga koʻra 2-bosqich Davlat xizmatlari markazlari Arizalarni koʻrib chiqish uchun Veterinariya va chorvachilikni rivojlantirish qoʻmitasi huzuridagi Veterinariya va chorvachilik sohasida pedagog hamda mutaxassis kadrlarni qayta tayyorlash va ularning malakasini oshirish instituti ga (keyingi oʻrinlarda — Institut) yuboradi. Darhol 3-bosqich Institut Arizada toʻldirilgan maʼlumotlar belgilangan talablarga mosligini koʻrib chiqadi va malaka oshirishga qabul qilish yoki rad etish asoslarini koʻrsatgan holda talabgorga SMS — xabar yuboradi. 3 kun muddatda 4-bosqich Talabgor, Institut Taraflar oʻrtasida shartnoma imzolaydi. 3 kun muddatda 5-bosqich Talabgor Shartnoma imzolangandan soʻng shartnomada belgilangan toʻlovni toʻlaydi. 5 kun muddatda 6-bosqich Institut Toʻlovni toʻlagan talabgorlar sonidan kelib chiqib, oʻquv kurslari kontingentini shakllantiradi va oʻqish boshlanadigan muddat toʻgʻrisida talabgorlarni xabardor qiladi. 1 kun muddatda ” ;

2-ilova quyidagi tahrirda bayon etilsin:

“Veterinariya va chorvachilik sohasida rahbar va mutaxassis kadrlar, ilmiy-tadqiqot muassasalari rahbar va ilmiy xodimlarining malakasini oshirish, ularni qayta tayyorlash va malaka toifalari berish boʻyicha davlat xizmatlarini koʻrsatishning maʼmuriy reglamentiga 2-ILOVA

I. Talabgor toʻgʻrisida maʼlumot 1.1. F.I.O.: 1.2. Telefon raqami: 1.3. Elektron pochta manzili: 1.4. Faoliyatni amalga oshirish manzili: II. Yuridik shaxs boʻyicha maʼlumot 2.1. Yuridik shaxsning toʻliq nomi: 2.2. Tashkiliy-huquqiy shakli: 2.3. Joylashuvi: (pochta manzili) 2.4. STIR: 2.5. Bank rekvizitlari: (bank boʻlimi nomi, MFO va hisobvaragʻi) 2.6. Telefon raqami: 2.7. Elektron pochta manzili: 2.8. Faoliyatni amalga oshirish manzili: 2.9. Vakolatli organ: Veterinariya va chorvachilikni rivojlantirish qoʻmitasi huzuridagi Veterinariya va chorvachilik sohasida pedagog hamda mutaxassis kadrlarni qayta tayyorlash va ularning malakasini oshirish instituti 2.10. Malaka oshirish yoʻnalishi: □ veterinariya-sanitariya ekspertizasi laboratoriya xodimlari □ veterinariya mutaxassislari □ veterinariya farmatsevtikasi mutaxassislari □ rahbar xodimlar □ chorvador (zootexnik) mutaxassislar □ ilmiy-tadqiqot muassasalari rahbar va ilmiy xodimlari □ sunʼiy urugʻlantirish bilan shugʻullanuvchi mutaxassislar (texnik osseminatorlar) Talabgorning elektron raqamli imzosi ” .

Oʻzbekiston Respublikasining Bosh vaziri A. ARIPOV

Toshkent sh.,

2025-yil 10-dekabr,

783-son

(Qonunchilik maʼlumotlari milliy bazasi, 11.12.2025-y., 09/25/783/1154-son)

lex.uz