UzbekAI

Ўзбекистон Республикаси Президентининг

қарори

РЎЙХАТИ

Тадбиркорлик субъектларига давлат, профессионал, консалтинг, молиявий, инжиниринг, маркетинг, медиа, IT ва операцион хизматларни комплекс кўрсатиш тизимини жорий этиш чора-тадбирлари тўғрисида

Хусусий секторни жалб қилган ҳолда тадбиркорлик субъектларига давлат, профессионал, консалтинг, молиявий, инжиниринг, маркетинг, медиа, IT ва операцион хизматларни (кейинги ўринларда — давлат ва хусусий хизматлар) битта нуқтадан комплекс тарзда кўрсатиш орқали бизнесни тез ва осон бошлаш ҳамда юритиш учун қўшимча имкониятлар яратиш мақсадида қарор қиламан:

I. Мақсадлар

1. Қуйидагилар ушбу қарорни қабул қилишдан кўзланган асосий мақсадлар этиб белгилансин:

(а) мингдан ортиқ давлат ва хусусий хизматларни «ягона дарча» тамойили асосида кўрсатишни йўлга қўйиш орқали тадбиркорлар фаолиятига тўлақонли ҳамроҳлик қилиш тизимини жорий этиш;

(б) тадбиркорлар масалалари ва муаммоларини эшитиш, муҳокама қилиш ва жойида ҳал қилишга мўлжалланган сифат жиҳатдан янги майдонча яратиш.

II. «Бизнес ҳамроҳ» лойиҳасини амалга ошириш

2. 2026 йил 1 мартдан бошлаб тадбиркорлик фаолиятига оид давлат хизматлари ва мазкур қарорга 1-иловага мувофиқ хусусий хизматларни тадбиркорлик субъектларига «ягона дарча» тамойили асосида кўрсатиш бўйича «Бизнес ҳамроҳ» лойиҳаси амалга оширилсин.

3. Белгилансинки, «Бизнес ҳамроҳ» лойиҳаси доирасида:

(а) Савдо-саноат палатаси ҳузурида ташкил этиладиган масъулияти чекланган жамият томонидан бошқариладиган «Бизнес ҳамроҳ» марказлари фаолияти йўлга қўйилади ва улар мазкур қарорга 2-иловага мувофиқ асосий вазифаларни амалга оширади;

(б) дастлабки босқичда «Бизнес ҳамроҳ» марказлари Тошкент ва Нукус шаҳарларида ҳамда вилоятлар марказларида биттадан ташкил этилади;

(в) тадбиркорлик субъектларига давлат ва хусусий хизматларни кўрсатиш зарур функционал имкониятларга эга бўлган давлат хизматлари марказлари биноларида ёки янги қуриладиган (реконструкция қилинадиган) биноларда йўлга қўйилади.

4. Шундай тартиб ўрнатилсинки, унга мувофиқ «Бизнес ҳамроҳ» лойиҳаси доирасида хусусий хизматларни кўрсатишни ташкил қилиш учун:

(а) хизмат кўрсатиш жойлари тегишли хизмат тури аниқ кўрсатилиб ва кичик лотларга бўлинган ҳолда тадбиркорлик субъектларига 1 йилгача муддатга ижарага берилади;

(б) «Бизнес ҳамроҳ» марказларига уларга ажратилган бинодан хизмат кўрсатиш жойларини балансда сақловчининг розилиги билан қонунчилик ҳужжатларида белгиланган тартибда иккиламчи ижарага беришга рухсат этилади.

5. 2026 йил 1 мартдан бошлаб республика ижро этувчи ҳокимият органлари раҳбарларининг (кейинги ўринларда — раҳбарлар) тадбиркорлар билан мулоқотини ташкил қилишнинг қуйидаги тартиби жорий этилсин:

(а) раҳбарлар ҳар чоракда тасдиқланадиган режа-графиклар асосида ҳудудларда тадбиркорлар билан «Бизнес ҳамроҳ» марказларида учрашади;

(б) режа-графиклар ҳар чоракда барча учун очиқ ҳолатда «Бизнес ҳамроҳ» электрон платформаси (кейинги ўринларда — платформа) ва тегишли ташкилотларнинг расмий веб-сайтларида эълон қилинади;

(в) платформадаги «Раҳбарлар билан мулоқот» модули орқали бир чорак давомида битта ҳудуддан камида 10 нафар тадбиркорнинг мурожаати йўналтирилган ташкилот раҳбарлари кейинги чорак учун мўлжалланган режа-графигига ушбу ҳудуддаги тадбиркорлар билан учрашув ўтказишни киритади (бундан мурожаатлар кейинги режа-график тасдиқлангунга қадар ижобий ҳал қилинган ҳолатлар мустасно);

(г) учрашувларда кўтарилган ва «Бизнес ҳамроҳ» марказининг «Call маркази»дан келиб тушган мурожаатлар платформа орқали «Тадбиркор виртуал офиси» ахборот порталига киритилади. Бунда:

(i) мурожаатлар ваколатли органларга кўриб чиқиш ва ҳал этиш учун йўналтирилади;

(ii) Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил мурожаатлар кўриб чиқилиши ва давлат хизматлари ўрнатилган тартибда кўрсатилиши устидан назоратни амалга оширади;

(iii) келиб тушган мурожаатлар таҳлили асосида тизимли масалалар ечими юзасидан қонунчиликни ёки ҳуқуқни қўллаш амалиётини такомиллаштириш бўйича ҳар чоракда таклифлар киритиб борилади;

(д) учрашувлар, кўтарилган масалалар, ҳал этилган мурожаатлар сони каби кўрсаткичлар асосида раҳбарлар фаолияти баҳоланиб, ҳар чоракда платформада уларнинг рейтинги эълон қилиб борилади.

III. «Бизнес ҳамроҳ» марказлари фаолиятини йўлга қўйиш

6. «Бизнес ҳамроҳ» марказлари зарур функционал имкониятларга эга бўлган давлат хизматлари марказлари биноларига тўғридан-тўғри жойлаштирилсин. Бунда:

(а) биринчи йил — текин фойдаланиш ҳуқуқи асосида (коммунал тўловлар бундан мустасно);

(б) иккинчи ва ундан кейинги йиллар давлат мулки объекти учун белгиланган ижара тўловининг минимал миқдоридаги ставкаси бўйича ижара ҳуқуқи асосида жойлаштирилади.

7. Савдо-саноат палатаси:

(а) мавжуд талабга биноан «Бизнес ҳамроҳ» марказларини бошқа туман (шаҳар)ларда ҳам ташкил қилиб борсин;

(б) Рақамли технологиялар вазирлиги билан биргаликда уч ой муддатда қуйидагиларни ишга туширсин:

(i) «Бизнес ҳамроҳ» электрон платформасини;

(ii) хизматлардан фойдаланишда юзага келган масалалар ва муаммолар юзасидан мурожаатларни қабул қилиш, маслаҳат бериш ва уларни ҳал қилишга мўлжалланган «Call маркази»ни;

(в) икки ой муддатда «Бизнес ҳамроҳ» марказлари учун янги бинолар қуриш (мавжудларини реконструкция қилиш) дастурини тасдиқлаш учун Вазирлар Маҳкамасига киритсин.

8. Адлия вазирлиги Савдо-саноат палатаси билан биргаликда 2026 йил 1 мартга қадар «Бизнес ҳамроҳ» марказларида «ягона дарча» тамойили асосида тадбиркорлик субъектларига давлат хизматлари кўрсатишни йўлга қўйсин.

9. Белгилаб қўйилсинки:

(а) Савдо-саноат палатаси ва Адлия вазирлиги «Бизнес ҳамроҳ» марказлари фаолиятини услубий ва ҳуқуқий жиҳатдан таъминлашга масъул ҳисобланади;

(б) «Бизнес ҳамроҳ» марказлари ўз хизматларини тижорий асосда кўрсатади ва хизмат ҳақи миқдорларини мустақил белгилайди.

IV. Қарор ижросини ташкил этиш, таъминлаш ва назорат

10. «Бизнес ҳамроҳ» лойиҳасини амалга ошириш бўйича «йўл харитаси» 3-иловага мувофиқ тасдиқлансин.

11. Ўзбекистон Республикаси Президентининг 2024 йил 1 майдаги «Тўқимачилик ва тикув-трикотаж саноатини ривожлантиришни янги босқичга олиб чиқиш чора-тадбирлари тўғрисида»ги ПФ-71-сон Фармони 7-бандида назарда тутилган маблағлар ҳисобидан «Бизнес ҳамроҳ» марказлар фаолиятини ташкил қилиш, шу жумладан улар учун зарур биноларни қуриш (реконструкция қилиш) ва жиҳозлашга рухсат этилсин.

12. Савдо-саноат палатаси Адлия вазирлиги билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.

13. Қарор ижросини самарали ташкил қилишга масъул ва шахсий жавобгар этиб Савдо-саноат палатаси раиси Д.А. Вахабов ва адлия вазири А.Д. Ташкулов белгилансин.

14. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов зиммасига юклансин.

Ўзбекистон Республикаси Президентининг 2025 йил 13 декабрдаги ПҚ-375-сон қарорига 1-ИЛОВА

«Бизнес ҳамроҳ» лойиҳаси доирасида кўрсатиладиган хусусий хизматлар

1. Солиқ ҳисоботини (декларациясини) тайёрлаш ва солиқ ҳисобини юритиш (солиқ маслаҳати).

2. Бухгалтерия ҳисобини ташкил этиш, юритиш ва ҳисоботни тузиш.

3. Молиявий ҳисоботни тайёрлаш ва тақдим этиш.

4. Аудиторлик хизматлари.

5. Бизнес-режаларни ишлаб чиқиш ва кредит олиш учун банкка тақдим этиладиган бирламчи ҳужжатларни тайёрлаш.

6. Юридик хизматлар (таъсис ҳужжатларини, уларга ўзгартириш ва қўшимчалар киритиш тўғрисидаги ҳужжатларни, хўжалик шартномаларини ишлаб чиқиш).

7. Хорижий бозорлар учун тижорат таклифларини тайёрлаш.

8. Божхона (экспорт ва импорт) юкларини расмийлаштириш (декларантлик).

9. Биржа савдоларида иштирок этиш (брокерлик).

10. Корхона логотипи ва товар белгисини ишлаб чиқиш.

11. Интеллектуал мулк объектларини ҳуқуқий муҳофазага олиш ва уни амалга ошириш масалалари бўйича вакиллик қилиш (патент вакили).

12. Маркетинг тадқиқотлари олиб бориш ва реклама қилиш.

13. IT ва рақамлаштириш (ERP, CRM, электрон ҳужжат айланмаси).

14. Ходимларни саралаш, HR-консалтинг ва кадрлар ҳужжатларини юритиш.

15. Хорижий ва маҳаллий корхоналарга ташрифларни (бизнес-миссиялар) ташкил этиш.

16. Сертификатларни (ISO, Halal ва бошқалар) расмийлаштириш.

Ўзбекистон Республикаси Президентининг 2025 йил 13 декабрдаги ПҚ-375-сон қарорига 2-ИЛОВА

«Бизнес ҳамроҳ» марказларининг асосий вазифалари

1. Тадбиркорлик субъектини рўйхатдан ўтказишдан бошлаб фаолиятини йўлга қўйиш ва кенгайтириш, маҳсулотини ички ва ташқи бозорларга чиқаришгача бўлган бутун «ҳаётий цикли»да амалий ёрдам бериш.

2. Марказ орқали тадбиркорларга давлат ва хусусий хизматларни сифатли, қулай, қисқа муддатларда ва шаффоф тарзда кўрсатиш, ушбу жараёнларда замонавий рақамли ечимларни жорий этиш.

3. Давлат органлари ва ташкилотлари раҳбарларининг тадбиркорлар билан мулоқотини ташкил қилиш бўйича майдонча яратиш, кўтарилган масалаларни қайд этишдан ҳал қилишгача бўлган барча жараёнларда ҳамроҳлик қилиш.

4. Марказ хизматларидан фойдаланувчи тадбиркорларга малакали ахборот, маслаҳат ва услубий ёрдам кўрсатиш, уларнинг мурожаатларига тезкор муносабат билдириш.

5. Тадбиркорлар ўртасида марказ орқали кўрсатиладиган давлат ва хусусий хизматлар тўғрисидаги ахборотни кенг тарғиб этиш, оммавий ахборот воситалари, интернет, ижтимоий тармоқлар ва бошқа коммуникация каналлари орқали ахборот-тушунтириш ишларини амалга ошириш.

6. Марказлар фаолиятига тадбиркорлар учун зарур бўлган банк-молия, солиқ, экспорт (импорт), сертификатлаш масалалари бўйича консалтинг каби талаб юқори бўлган хусусий хизматлар кўрсатишни жорий этиш.

7. Марказлар орқали кўрсатилаётган хизматлар сифати ва муддатлари бўйича тадбиркорлар қониқиш даражасини мунтазам мониторинг қилиш, таҳлил натижалари асосида давлат ва хусусий хизматлар соҳасини такомиллаштириш бўйича таклифлар ишлаб чиқиш.

8. Тадбиркорларга маҳсулот (ишлар, хизматлар) ишлаб чиқариш учун керакли хомашёларни харид қилиш бўйича хизмат кўрсатувчи биржа бозорлари билан танишиш ва брокерлар билан алоқа ўрнатишда қулай шароитлар яратиш.

9. Марказларда фаолият юритувчи ходимларни тизимли ўқитиш ва қайта тайёрлаш, хорижий мамлакатларнинг етакчи ихтисослашган муассасаларида стажировка ўташ орқали уларнинг малакасини оширишни ташкил этиш.

Ўзбекистон Республикаси Президентининг 2025 йил 13 декабрдаги ПҚ-375-сон қарорига 3-ИЛОВА

«Бизнес ҳамроҳ» лойиҳасини амалга ошириш бўйича «ЙЎЛ ХАРИТАСИ»

Т/р Чора-тадбирлар номи Амалга ошириш механизмлари Ижро муддати Масъул ижрочилар 1. «Бизнес ҳамроҳ» марказларини (кейинги ўринларда — марказлар) ташкил қилиш. 1. Марказларни ташкил қилиш бўйича ташкилий чора-тадбирларни амалга ошириш. Бунда дастлабки босқичда марказларни Тошкент ва Нукус шаҳарларида ҳамда вилоятлар марказларида биттадан ташкил этиш. 2. «Бизнес ҳамроҳ» марказлари учун янги бинолар қуриш (реконструкция қилиш) дастурини тасдиқлаш учун Вазирлар Маҳкамасига киритиш. 2026 йил январь Савдо-саноат палатаси (Вахабов) 3. Мавжуд талабга биноан марказларни бошқа туман (шаҳар)ларда ҳам ташкил қилиб бориш. Талабга биноан 4. Марказлар фаолияти учун зарур функционал имкониятларга эга бўлган давлат хизматлари марказлари биноларини аниқлаш ва уларга марказларни жойлаштириш. 5. Марказларда «ягона дарча» тамойили асосида тадбиркорлик субъектларига давлат хизматлари кўрсатишни йўлга қўйиш. 2026 йил февраль Адлия вазирлиги (Ташкулов) , Савдо-саноат палатаси (Вахабов) 2. «Бизнес ҳамроҳ» электрон платформасини (кейинги ўринларда — платформа) ишга тушириш. 1. Платформада «Бизнес ҳамроҳ» лойиҳаси доирасидаги барча жараёнларни рақамлаштириш, жумладан, тадбиркорлар мурожаатлари, аризаларини ижро этиш ҳолатини реал вақт режимида кузатиш ҳамда натижаларини олиш имкониятини яратиш. 2. Платформани Ягона интерактив давлат хизматлари портали, «Лицензия» ахборот тизими, «Тадбиркор виртуал офиси» ахборот портали ҳамда заруратга кўра бошқа ташкилотларнинг ахборот тизимлари билан интеграция қилиш. 2026 йил февраль Савдо-саноат палатаси (Вахабов) , Рақамли технологиялар вазирлиги (Шерматов) , Адлия вазирлиги (Ташкулов) , Бизнес-омбудсман (Урунов) , манфаатдор идоралар 3. «Бизнес ҳамроҳ» лойиҳаси доирасида тадбиркорларга хизмат кўрсатиш жойларини ижарага бериш. 1. Марказлардаги бўш жойларнинг майдони, шароити ва қайси хизмат тури учун мос келишини аниқлаш. 2. Тадбиркорларга осон бўлиши учун ҳар бир жойни хизмат турига қараб тўғри таснифлаш ва уни кичик лотларга бўлиб чиқиш. 3. Лотларни тегишли электрон платформага жойлаштириш ва реализация қилиш. 2026 йил февраль, доимий Савдо-саноат палатаси (Вахабов) 4. «Бизнес ҳамроҳ» маркази «Call маркази»ни ташкил этиш. 1. Мурожаатларни қабул қилиш, кўриб чиқиш ва ҳал этиш тизимини жорий этиш. 2. Муаммоларни тезкор ҳал қилиш учун соҳалар бўйича операторлар жамоасини шакллантириш. 3. Платформада мурожаатларни ҳал этиш муддатлари ва натижаларини реал вақтда кузатиш тизимини жорий қилиш. 2026 йил февраль Савдо-саноат палатаси (Вахабов) 5. Республика ижро этувчи ҳокимият органлари раҳбарларининг тадбиркорлар билан мулоқотини ташкил қилиш. 1. Ҳудудларда тадбиркорлар билан марказларда учрашиш режа-графикларини тасдиқлаш. 2. Режа-графикларни ҳар чоракда барча учун очиқ ҳолатда платформа ва тегишли ташкилотларнинг расмий веб-сайтларида эълон қилиш. 3. Режа-графиклар асосида тадбиркорлар билан учрашувлар ўтказиш. Ҳар чоракда Республика ижро этувчи ҳокимият органлари, Савдо-саноат палатаси (Вахабов) 4. Платформада «Раҳбарлар билан мулоқот» модулини яратиш. 2026 йил февраль Савдо-саноат палатаси (Вахабов) 5. Учрашувларда кўтарилган ва «Call маркази»дан келиб тушган мурожаатларни платформа орқали «Тадбиркор виртуал офиси» ахборот порталига киритиш. Доимий 6. Мурожаатларни ваколатли органларга кўриб чиқиш ва ҳал этиш учун йўналтириш. 7. Мурожаатлар кўриб чиқилиши ва давлат хизматлари ўрнатилган тартибда кўрсатилиши устидан назоратни амалга ошириш. Бизнес-омбудсман (Урунов) 8. Келиб тушган мурожаатлар таҳлили асосида тизимли масалалар ечими юзасидан қонунчиликни ёки ҳуқуқни қўллаш амалиётини такомиллаштириш бўйича таклифлар киритиб бориш. Ҳар чоракда Бизнес-омбудсман (Урунов), Савдо-саноат палатаси (Вахабов) 6. Давлат органларининг тадбиркорлар билан ишлаш рейтингини жорий қилиш. 1. Учрашувлар, кўтарилган масалалар, ҳал этилган мурожаатлар сони каби кўрсаткичлар асосида раҳбарлар фаолиятини баҳолаш тартибини белгилаш. 2026 йил февраль Савдо-саноат палатаси (Вахабов) 2. Раҳбарлар фаолиятини баҳолаш ва ҳар чоракда платформада уларнинг рейтингини эълон қилиб бориш. Ҳар чоракда 7. Марказлар фаолиятини ташкил этишга қаратилган норматив-ҳуқуқий ҳужжат лойиҳасини ишлаб чиқиш. 1. Марказлар фаолиятининг регламенти ва хизмат кўрсатиш тартибини белгилаш. 2. Лойиҳани манфаатдор вазирлик ва идоралар билан келишиш ва Вазирлар Маҳкамасига киритиш. 2026 йил февраль Савдо-саноат палатаси (Вахабов) , Адлия вазирлиги (Ташкулов)

Ўзбекистон Республикаси Президенти Ш. МИРЗИЁЕВ

Тошкент ш.,

2025 йил 13 декабрь,

ПҚ-375-сон

(Қонунчилик маълумотлари миллий базаси, 15.12.2025 й., 07/25/375/1161-сон)

lex.uz

Oʻzbekiston Respublikasi Prezidentining

qarori

ROʻYXATI

Tadbirkorlik subyektlariga davlat, professional, konsalting, moliyaviy, injiniring, marketing, media, IT va operatsion xizmatlarni kompleks koʻrsatish tizimini joriy etish chora-tadbirlari toʻgʻrisida

Xususiy sektorni jalb qilgan holda tadbirkorlik subyektlariga davlat, professional, konsalting, moliyaviy, injiniring, marketing, media, IT va operatsion xizmatlarni (keyingi oʻrinlarda — davlat va xususiy xizmatlar) bitta nuqtadan kompleks tarzda koʻrsatish orqali biznesni tez va oson boshlash hamda yuritish uchun qoʻshimcha imkoniyatlar yaratish maqsadida qaror qilaman:

I. Maqsadlar

1. Quyidagilar ushbu qarorni qabul qilishdan koʻzlangan asosiy maqsadlar etib belgilansin:

(a) mingdan ortiq davlat va xususiy xizmatlarni “yagona darcha” tamoyili asosida koʻrsatishni yoʻlga qoʻyish orqali tadbirkorlar faoliyatiga toʻlaqonli hamrohlik qilish tizimini joriy etish;

(b) tadbirkorlar masalalari va muammolarini eshitish, muhokama qilish va joyida hal qilishga moʻljallangan sifat jihatdan yangi maydoncha yaratish.

II. “Biznes hamroh” loyihasini amalga oshirish

2. 2026-yil 1-martdan boshlab tadbirkorlik faoliyatiga oid davlat xizmatlari va mazkur qarorga 1-ilovaga muvofiq xususiy xizmatlarni tadbirkorlik subyektlariga “yagona darcha” tamoyili asosida koʻrsatish boʻyicha “Biznes hamroh” loyihasi amalga oshirilsin.

3. Belgilansinki, “Biznes hamroh” loyihasi doirasida:

(a) Savdo-sanoat palatasi huzurida tashkil etiladigan masʼuliyati cheklangan jamiyat tomonidan boshqariladigan “Biznes hamroh” markazlari faoliyati yoʻlga qoʻyiladi va ular mazkur qarorga 2-ilovaga muvofiq asosiy vazifalarni amalga oshiradi;

(b) dastlabki bosqichda “Biznes hamroh” markazlari Toshkent va Nukus shaharlarida hamda viloyatlar markazlarida bittadan tashkil etiladi;

(v) tadbirkorlik subyektlariga davlat va xususiy xizmatlarni koʻrsatish zarur funksional imkoniyatlarga ega boʻlgan davlat xizmatlari markazlari binolarida yoki yangi quriladigan (rekonstruksiya qilinadigan) binolarda yoʻlga qoʻyiladi.

4. Shunday tartib oʻrnatilsinki, unga muvofiq “Biznes hamroh” loyihasi doirasida xususiy xizmatlarni koʻrsatishni tashkil qilish uchun:

(a) xizmat koʻrsatish joylari tegishli xizmat turi aniq koʻrsatilib va kichik lotlarga boʻlingan holda tadbirkorlik subyektlariga 1 yilgacha muddatga ijaraga beriladi;

(b) “Biznes hamroh” markazlariga ularga ajratilgan binodan xizmat koʻrsatish joylarini balansda saqlovchining roziligi bilan qonunchilik hujjatlarida belgilangan tartibda ikkilamchi ijaraga berishga ruxsat etiladi.

5. 2026-yil 1-martdan boshlab respublika ijro etuvchi hokimiyat organlari rahbarlarining (keyingi oʻrinlarda — rahbarlar) tadbirkorlar bilan muloqotini tashkil qilishning quyidagi tartibi joriy etilsin:

(a) rahbarlar har chorakda tasdiqlanadigan reja-grafiklar asosida hududlarda tadbirkorlar bilan “Biznes hamroh” markazlarida uchrashadi;

(b) reja-grafiklar har chorakda barcha uchun ochiq holatda “Biznes hamroh” elektron platformasi (keyingi oʻrinlarda — platforma) va tegishli tashkilotlarning rasmiy veb-saytlarida eʼlon qilinadi;

(v) platformadagi “Rahbarlar bilan muloqot” moduli orqali bir chorak davomida bitta hududdan kamida 10 nafar tadbirkorning murojaati yoʻnaltirilgan tashkilot rahbarlari keyingi chorak uchun moʻljallangan reja-grafigiga ushbu hududdagi tadbirkorlar bilan uchrashuv oʻtkazishni kiritadi (bundan murojaatlar keyingi reja-grafik tasdiqlangunga qadar ijobiy hal qilingan holatlar mustasno);

(g) uchrashuvlarda koʻtarilgan va “Biznes hamroh” markazining “Call markazi”dan kelib tushgan murojaatlar platforma orqali “Tadbirkor virtual ofisi” axborot portaliga kiritiladi. Bunda:

(i) murojaatlar vakolatli organlarga koʻrib chiqish va hal etish uchun yoʻnaltiriladi;

(ii) Tadbirkorlik subyektlarining huquqlari va qonuniy manfaatlarini himoya qilish boʻyicha vakil murojaatlar koʻrib chiqilishi va davlat xizmatlari oʻrnatilgan tartibda koʻrsatilishi ustidan nazoratni amalga oshiradi;

(iii) kelib tushgan murojaatlar tahlili asosida tizimli masalalar yechimi yuzasidan qonunchilikni yoki huquqni qoʻllash amaliyotini takomillashtirish boʻyicha har chorakda takliflar kiritib boriladi;

(d) uchrashuvlar, koʻtarilgan masalalar, hal etilgan murojaatlar soni kabi koʻrsatkichlar asosida rahbarlar faoliyati baholanib, har chorakda platformada ularning reytingi eʼlon qilib boriladi.

III. “Biznes hamroh” markazlari faoliyatini yoʻlga qoʻyish

6. “Biznes hamroh” markazlari zarur funksional imkoniyatlarga ega boʻlgan davlat xizmatlari markazlari binolariga toʻgʻridan-toʻgʻri joylashtirilsin. Bunda:

(a) birinchi yil — tekin foydalanish huquqi asosida (kommunal toʻlovlar bundan mustasno);

(b) ikkinchi va undan keyingi yillar davlat mulki obyekti uchun belgilangan ijara toʻlovining minimal miqdoridagi stavkasi boʻyicha ijara huquqi asosida joylashtiriladi.

7. Savdo-sanoat palatasi:

(a) mavjud talabga binoan “Biznes hamroh” markazlarini boshqa tuman (shahar)larda ham tashkil qilib borsin;

(b) Raqamli texnologiyalar vazirligi bilan birgalikda uch oy muddatda quyidagilarni ishga tushirsin:

(i) “Biznes hamroh” elektron platformasini;

(ii) xizmatlardan foydalanishda yuzaga kelgan masalalar va muammolar yuzasidan murojaatlarni qabul qilish, maslahat berish va ularni hal qilishga moʻljallangan “Call markazi”ni;

(v) ikki oy muddatda “Biznes hamroh” markazlari uchun yangi binolar qurish (mavjudlarini rekonstruksiya qilish) dasturini tasdiqlash uchun Vazirlar Mahkamasiga kiritsin.

8. Adliya vazirligi Savdo-sanoat palatasi bilan birgalikda 2026-yil 1-martga qadar “Biznes hamroh” markazlarida “yagona darcha” tamoyili asosida tadbirkorlik subyektlariga davlat xizmatlari koʻrsatishni yoʻlga qoʻysin.

9. Belgilab qoʻyilsinki:

(a) Savdo-sanoat palatasi va Adliya vazirligi “Biznes hamroh” markazlari faoliyatini uslubiy va huquqiy jihatdan taʼminlashga masʼul hisoblanadi;

(b) “Biznes hamroh” markazlari oʻz xizmatlarini tijoriy asosda koʻrsatadi va xizmat haqi miqdorlarini mustaqil belgilaydi.

IV. Qaror ijrosini tashkil etish, taʼminlash va nazorat

10. “Biznes hamroh” loyihasini amalga oshirish boʻyicha “yoʻl xaritasi” 3-ilovaga muvofiq tasdiqlansin.

11. Oʻzbekiston Respublikasi Prezidentining 2024-yil 1-maydagi “Toʻqimachilik va tikuv-trikotaj sanoatini rivojlantirishni yangi bosqichga olib chiqish chora-tadbirlari toʻgʻrisida”gi PF-71-son Farmoni 7-bandida nazarda tutilgan mablagʻlar hisobidan “Biznes hamroh” markazlar faoliyatini tashkil qilish, shu jumladan ular uchun zarur binolarni qurish (rekonstruksiya qilish) va jihozlashga ruxsat etilsin.

12. Savdo-sanoat palatasi Adliya vazirligi bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

13. Qaror ijrosini samarali tashkil qilishga masʼul va shaxsiy javobgar etib Savdo-sanoat palatasi raisi D.A. Vaxabov va adliya vaziri A.D. Tashkulov belgilansin.

14. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidentining 2025-yil 13-dekabrdagi PQ-375-son qaroriga 1-ILOVA

“Biznes hamroh” loyihasi doirasida koʻrsatiladigan xususiy xizmatlar

1. Soliq hisobotini (deklaratsiyasini) tayyorlash va soliq hisobini yuritish (soliq maslahati).

2. Buxgalteriya hisobini tashkil etish, yuritish va hisobotni tuzish.

3. Moliyaviy hisobotni tayyorlash va taqdim etish.

4. Auditorlik xizmatlari.

5. Biznes-rejalarni ishlab chiqish va kredit olish uchun bankka taqdim etiladigan birlamchi hujjatlarni tayyorlash.

6. Yuridik xizmatlar (taʼsis hujjatlarini, ularga oʻzgartirish va qoʻshimchalar kiritish toʻgʻrisidagi hujjatlarni, xoʻjalik shartnomalarini ishlab chiqish).

7. Xorijiy bozorlar uchun tijorat takliflarini tayyorlash.

8. Bojxona (eksport va import) yuklarini rasmiylashtirish (deklarantlik).

9. Birja savdolarida ishtirok etish (brokerlik).

10. Korxona logotipi va tovar belgisini ishlab chiqish.

11. Intellektual mulk obyektlarini huquqiy muhofazaga olish va uni amalga oshirish masalalari boʻyicha vakillik qilish (patent vakili).

12. Marketing tadqiqotlari olib borish va reklama qilish.

13. IT va raqamlashtirish (ERP, CRM, elektron hujjat aylanmasi).

14. Xodimlarni saralash, HR-konsalting va kadrlar hujjatlarini yuritish.

15. Xorijiy va mahalliy korxonalarga tashriflarni (biznes-missiyalar) tashkil etish.

16. Sertifikatlarni (ISO, Halal va boshqalar) rasmiylashtirish.

Oʻzbekiston Respublikasi Prezidentining 2025-yil 13-dekabrdagi PQ-375-son qaroriga 2-ILOVA

“Biznes hamroh” markazlarining asosiy vazifalari

1. Tadbirkorlik subyektini roʻyxatdan oʻtkazishdan boshlab faoliyatini yoʻlga qoʻyish va kengaytirish, mahsulotini ichki va tashqi bozorlarga chiqarishgacha boʻlgan butun “hayotiy sikli”da amaliy yordam berish.

2. Markaz orqali tadbirkorlarga davlat va xususiy xizmatlarni sifatli, qulay, qisqa muddatlarda va shaffof tarzda koʻrsatish, ushbu jarayonlarda zamonaviy raqamli yechimlarni joriy etish.

3. Davlat organlari va tashkilotlari rahbarlarining tadbirkorlar bilan muloqotini tashkil qilish boʻyicha maydoncha yaratish, koʻtarilgan masalalarni qayd etishdan hal qilishgacha boʻlgan barcha jarayonlarda hamrohlik qilish.

4. Markaz xizmatlaridan foydalanuvchi tadbirkorlarga malakali axborot, maslahat va uslubiy yordam koʻrsatish, ularning murojaatlariga tezkor munosabat bildirish.

5. Tadbirkorlar oʻrtasida markaz orqali koʻrsatiladigan davlat va xususiy xizmatlar toʻgʻrisidagi axborotni keng targʻib etish, ommaviy axborot vositalari, internet, ijtimoiy tarmoqlar va boshqa kommunikatsiya kanallari orqali axborot-tushuntirish ishlarini amalga oshirish.

6. Markazlar faoliyatiga tadbirkorlar uchun zarur boʻlgan bank-moliya, soliq, eksport (import), sertifikatlash masalalari boʻyicha konsalting kabi talab yuqori boʻlgan xususiy xizmatlar koʻrsatishni joriy etish.

7. Markazlar orqali koʻrsatilayotgan xizmatlar sifati va muddatlari boʻyicha tadbirkorlar qoniqish darajasini muntazam monitoring qilish, tahlil natijalari asosida davlat va xususiy xizmatlar sohasini takomillashtirish boʻyicha takliflar ishlab chiqish.

8. Tadbirkorlarga mahsulot (ishlar, xizmatlar) ishlab chiqarish uchun kerakli xomashyolarni xarid qilish boʻyicha xizmat koʻrsatuvchi birja bozorlari bilan tanishish va brokerlar bilan aloqa oʻrnatishda qulay sharoitlar yaratish.

9. Markazlarda faoliyat yurituvchi xodimlarni tizimli oʻqitish va qayta tayyorlash, xorijiy mamlakatlarning yetakchi ixtisoslashgan muassasalarida stajirovka oʻtash orqali ularning malakasini oshirishni tashkil etish.

Oʻzbekiston Respublikasi Prezidentining 2025-yil 13-dekabrdagi PQ-375-son qaroriga 3-ILOVA

“Biznes hamroh” loyihasini amalga oshirish boʻyicha “YOʻL XARITASI”

T/r Chora-tadbirlar nomi Amalga oshirish mexanizmlari Ijro muddati Masʼul ijrochilar 1. “Biznes hamroh” markazlarini (keyingi oʻrinlarda — markazlar) tashkil qilish. 1. Markazlarni tashkil qilish boʻyicha tashkiliy chora-tadbirlarni amalga oshirish. Bunda dastlabki bosqichda markazlarni Toshkent va Nukus shaharlarida hamda viloyatlar markazlarida bittadan tashkil etish. 2. “Biznes hamroh” markazlari uchun yangi binolar qurish (rekonstruksiya qilish) dasturini tasdiqlash uchun Vazirlar Mahkamasiga kiritish. 2026-yil yanvar Savdo-sanoat palatasi (Vaxabov) 3. Mavjud talabga binoan markazlarni boshqa tuman (shahar)larda ham tashkil qilib borish. Talabga binoan 4. Markazlar faoliyati uchun zarur funksional imkoniyatlarga ega boʻlgan davlat xizmatlari markazlari binolarini aniqlash va ularga markazlarni joylashtirish. 5. Markazlarda “yagona darcha” tamoyili asosida tadbirkorlik subyektlariga davlat xizmatlari koʻrsatishni yoʻlga qoʻyish. 2026-yil fevral Adliya vazirligi (Tashkulov) , Savdo-sanoat palatasi (Vaxabov) 2. “Biznes hamroh” elektron platformasini (keyingi oʻrinlarda — platforma) ishga tushirish. 1. Platformada “Biznes hamroh” loyihasi doirasidagi barcha jarayonlarni raqamlashtirish, jumladan, tadbirkorlar murojaatlari, arizalarini ijro etish holatini real vaqt rejimida kuzatish hamda natijalarini olish imkoniyatini yaratish. 2. Platformani Yagona interaktiv davlat xizmatlari portali, “Litsenziya” axborot tizimi, “Tadbirkor virtual ofisi” axborot portali hamda zaruratga koʻra boshqa tashkilotlarning axborot tizimlari bilan integratsiya qilish. 2026-yil fevral Savdo-sanoat palatasi (Vaxabov) , Raqamli texnologiyalar vazirligi (Shermatov) , Adliya vazirligi (Tashkulov) , Biznes-ombudsman (Urunov) , manfaatdor idoralar 3. “Biznes hamroh” loyihasi doirasida tadbirkorlarga xizmat koʻrsatish joylarini ijaraga berish. 1. Markazlardagi boʻsh joylarning maydoni, sharoiti va qaysi xizmat turi uchun mos kelishini aniqlash. 2. Tadbirkorlarga oson boʻlishi uchun har bir joyni xizmat turiga qarab toʻgʻri tasniflash va uni kichik lotlarga boʻlib chiqish. 3. Lotlarni tegishli elektron platformaga joylashtirish va realizatsiya qilish. 2026-yil fevral, doimiy Savdo-sanoat palatasi (Vaxabov) 4. “Biznes hamroh” markazi “Call markazi”ni tashkil etish. 1. Murojaatlarni qabul qilish, koʻrib chiqish va hal etish tizimini joriy etish. 2. Muammolarni tezkor hal qilish uchun sohalar boʻyicha operatorlar jamoasini shakllantirish. 3. Platformada murojaatlarni hal etish muddatlari va natijalarini real vaqtda kuzatish tizimini joriy qilish. 2026-yil fevral Savdo-sanoat palatasi (Vaxabov) 5. Respublika ijro etuvchi hokimiyat organlari rahbarlarining tadbirkorlar bilan muloqotini tashkil qilish. 1. Hududlarda tadbirkorlar bilan markazlarda uchrashish reja-grafiklarini tasdiqlash. 2. Reja-grafiklarni har chorakda barcha uchun ochiq holatda platforma va tegishli tashkilotlarning rasmiy veb-saytlarida eʼlon qilish. 3. Reja-grafiklar asosida tadbirkorlar bilan uchrashuvlar oʻtkazish. Har chorakda Respublika ijro etuvchi hokimiyat organlari, Savdo-sanoat palatasi (Vaxabov) 4. Platformada “Rahbarlar bilan muloqot” modulini yaratish. 2026-yil fevral Savdo-sanoat palatasi (Vaxabov) 5. Uchrashuvlarda koʻtarilgan va “Call markazi”dan kelib tushgan murojaatlarni platforma orqali “Tadbirkor virtual ofisi” axborot portaliga kiritish. Doimiy 6. Murojaatlarni vakolatli organlarga koʻrib chiqish va hal etish uchun yoʻnaltirish. 7. Murojaatlar koʻrib chiqilishi va davlat xizmatlari oʻrnatilgan tartibda koʻrsatilishi ustidan nazoratni amalga oshirish. Biznes-ombudsman (Urunov) 8. Kelib tushgan murojaatlar tahlili asosida tizimli masalalar yechimi yuzasidan qonunchilikni yoki huquqni qoʻllash amaliyotini takomillashtirish boʻyicha takliflar kiritib borish. Har chorakda Biznes-ombudsman (Urunov), Savdo-sanoat palatasi (Vaxabov) 6. Davlat organlarining tadbirkorlar bilan ishlash reytingini joriy qilish. 1. Uchrashuvlar, koʻtarilgan masalalar, hal etilgan murojaatlar soni kabi koʻrsatkichlar asosida rahbarlar faoliyatini baholash tartibini belgilash. 2026-yil fevral Savdo-sanoat palatasi (Vaxabov) 2. Rahbarlar faoliyatini baholash va har chorakda platformada ularning reytingini eʼlon qilib borish. Har chorakda 7. Markazlar faoliyatini tashkil etishga qaratilgan normativ-huquqiy hujjat loyihasini ishlab chiqish. 1. Markazlar faoliyatining reglamenti va xizmat koʻrsatish tartibini belgilash. 2. Loyihani manfaatdor vazirlik va idoralar bilan kelishish va Vazirlar Mahkamasiga kiritish. 2026-yil fevral Savdo-sanoat palatasi (Vaxabov) , Adliya vazirligi (Tashkulov)

Oʻzbekiston Respublikasi Prezidenti Sh. MIRZIYOYEV

Toshkent sh.,

2025-yil 13-dekabr,

PQ-375-son

(Qonunchilik maʼlumotlari milliy bazasi, 15.12.2025-y., 07/25/375/1161-son)

lex.uz

Президента Республики Узбекистан

Постановление

О мерах по внедрению системы комплексного оказания субъектам предпринимательства государственных, профессиональных, консалтинговых, финансовых, инжиниринговых, маркетинговых, медиа, IT и операционных услуг

В целях создания дополнительных возможностей для быстрого и легкого старта и ведения бизнеса путем комплексного оказания из одной точки субъектам предпринимательства государственных, профессиональных, консалтинговых, финансовых, инжиниринговых, маркетинговых, медиа, IT и операционных услуг с привлечением частного сектора (далее — государственные и частные услуги) постановляю:

1. Цели

1. Определить основными целями принятия настоящего постановления:

(а) внедрение системы полноценного сопровождения деятельности предпринимателей путем налаживания оказания более тысячи государственных и частных услуг на основе принципа «единое окно»;

(б) создание качественно новой площадки для озвучивания, обсуждения и решения на месте вопросов и проблем предпринимателей.

II. Реализация проекта «Бизнес хамрох»

2. Реализовать с 1 марта 2026 года проект «Бизнес хамрох» по оказанию субъектам предпринимательства государственных услуг по предпринимательской деятельности и частных услуг согласно приложению № 1 * к настоящему постановлению на основе принципа «единое окно».

3. Установить, что в рамках проекта «Бизнес хамрох»:

(а) организуется деятельность центров «Бизнес хамрох», управляемых обществом с ограниченной ответственностью, создаваемым при Торгово-промышленной палате, данные центры осуществляют свои основные задачи, определенные в приложении № 2 * к настоящему постановлению;

(б) на первоначальном этапе в городах Ташкенте и Нукусе, а также областных центрах создается по одному центру «Бизнес хамрох»;

(в) оказание государственных и частных услуг субъектам предпринимательства организуется в зданиях центров государственных услуг или новых построенных (реконструируемых) зданиях, имеющих необходимые функциональные возможности.

4. Установить порядок, в соответствии с которым в рамках проекта «Бизнес хамрох» для организации оказания частных услуг:

(а) места для оказания услуг передаются в аренду субъектам предпринимательства на срок до 1 года с конкретным указанием соответствующего вида услуг и разделением на малые лоты;

(б) центрам «Бизнес хамрох» разрешается передача в субаренду мест для оказания услуг в выделенном им здании по согласию балансодержателя в порядке, установленном актами законодательства.

5. Внедрить начиная с 1 марта 2026 года следующий порядок организации диалога руководителей республиканских органов исполнительной власти (далее — руководители) с предпринимателями:

(а) руководители на основе ежеквартально утверждаемых планов-графиков в регионах проводят встречи с предпринимателями в центрах «Бизнес хамрох»;

(б) планы-графики ежеквартально публикуются в открытом доступе на электронной платформе «Бизнес хамрох» (далее — платформа) и официальных веб-сайтах соответствующих организаций;

(в) руководители организаций, в которые посредством платформы в модуле «Диалог с руководителями» в течение одного квартала направили обращение с одной территории не менее 10 предпринимателей, в план-график на следующий квартал включают проведение встречи с предпринимателями данной территории (за исключением случаев положительного решения таких обращений до утверждения следующего плана-графика);

(г) обращения, выдвинутые в ходе встреч и поступившие из «Саll-центра» центра «Бизнес хамрох», посредством платформы вводятся в информационный портал «Виртуальный офис предпринимателя». При этом:

(i) обращения направляются в уполномоченные органы для рассмотрения и решения;

(ii) Уполномоченный по защите прав и законных интересов субъектов предпринимательства осуществляет контроль за рассмотрением обращений и оказанием государственных услуг в установленном порядке;

(iii) ежеквартально вносятся предложения по совершенствованию законодательства или правоприменительной практики по решению системных вопросов на основе анализа поступивших обращений;

(д) на основе таких показателей, как количество встреч, поднятых вопросов, решенных обращений, оценивается деятельность руководителей, и ежеквартально на платформе публикуется их рейтинг.

III. Налаживание деятельности центров «Бизнес хамрох»

6. Разместить напрямую центры «Бизнес хамрох» в зданиях центров государственных услуг, имеющих необходимые функциональные возможности. При этом они размещаются:

(а) в первый год — на основе права безвозмездного пользования (за исключением коммунальных платежей);

(б) во второй и последующие годы — на основе права аренды по минимальной ставке арендной платы, установленной для объекта государственной собственности.

7. Торгово-промышленной палате:

(а) организовывать в соответствии с имеющимся спросом центры «Бизнес хамрох» также в других районах (городах);

(б) совместно с Министерством цифровых технологий в трехмесячный срок запустить:

(i) электронную платформу «Бизнес хамрох»;

(ii) «Call-центр» для приема, консультирования и решения обращений по вопросам и проблемам, возникшим при пользовании услугами;

(в) в двухмесячный срок внести в Кабинет Министров для утверждения программу строительства новых (реконструкции имеющихся) зданий для центров «Бизнес хамрох».

8. Министерству юстиции совместно с Торгово-промышленной палатой в срок до 1 марта 2026 года организовать в центрах «Бизнес хамрох» оказание государственных услуг субъектам предпринимательства на основе принципа «единое окно».

9. Определить, что:

(а) Торгово-промышленная палата и Министерство юстиции являются ответственными за методическое и правовое обеспечение деятельности центров «Бизнес хамрох»;

(б) центры «Бизнес хамрох» оказывают услуги на коммерческой основе и самостоятельно определяют размер платы за услуги.

IV. Организация, обеспечение и контроль исполнения постановления

10. Утвердить «Дорожную карту» по реализации проекта «Бизнес хамрох» согласно приложению № 3 * .

11. Разрешить организацию деятельности центров «Бизнес хамрох», в том числе строительство (реконструкцию) и оснащение необходимых зданий для них за счет средств, предусмотренных в пункте 7 Указа Президента Республики Узбекистан от 1 мая 2024 года № УП-71 «О мерах по выведению на новый этап развития текстильной и швейно-трикотажной промышленности».

12. Торгово-промышленной палате совместно с Министерством юстиции в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.

13. Возложить на председателя Торгово-промышленной палаты Д.А. Вахабова и министра юстиции А.Д. Ташкулова персональную ответственность за эффективную организацию исполнения настоящего постановления.

14. Контроль за исполнением настоящего постановления возложить на Премьер-министра Республики Узбекистан А.Н. Арипова.

Президент Республики Узбекистан Ш. МИРЗИЁЕВ

г. Ташкент,

13 декабря 2025 г.,

№ ПП-375

(Национальная база данных законодательства, 15.12.2025 г., № 07/25/375/1161)

lex.uz