UzbekAI

Ўзбекистон Республикаси Вазирлар Маҳкамасининг

қарори

НИЗОМ

ТАРКИБИ

ТУЗИЛМАСИ

НИЗОМ

СХЕМАСИ

СХЕМАСИ

МЕДИА-РЕЖА

НИЗОМ

Аҳолига давлат ижтимоий суғуртаси бўйича тўловларни амалга ошириш тизимини такомиллаштиришнинг қўшимча чора-тадбирлари тўғрисида

Ўзбекистон Республикасининг «Давлат ижтимоий суғуртаси тўғрисида»ги Қонуни ҳамда Ўзбекистон Республикаси Президентининг 2025 йил 3 ноябрдаги «Давлат ижтимоий суғуртаси бўйича тўловларни тайинлаш ва тўлаш тизимини такомиллаштиришга оид чора-тадбирлар тўғрисида»ги ПФ-206-сон Фармони ижросини таъминлаш мақсадида Вазирлар Маҳкамаси қарор қилади:

1. Белгилансинки:

давлат ижтимоий суғуртаси бўйича ҳомиладорлик ва туғиш ҳамда вақтинча меҳнатга лаёқатсизлик нафақалари тарзидаги тўловлар (кейинги ўринларда — давлат ижтимоий суғуртаси бўйича тўловлар) фуқароларнинг мурожаати талаб этилмаган (проактив шаклда) ҳолда, «Ижтимоий ҳимоя ягона реестри» ахборот тизимининг (кейинги ўринларда — «Ягона реестр» АТ) «Ижтимоий суғурта» ахборот модули орқали тайинланади;

суғурталанган шахсларга давлат ижтимоий суғуртаси бўйича тўловлар Ўзбекистон Республикаси Президенти ҳузуридаги Ижтимоий ҳимоя миллий агентлигининг (кейинги ўринларда — Агентлик) Давлат ижтимоий суғурта жамғармаси (кейинги ўринларда — Жамғарма) томонидан тўғридан-тўғри шартнома асосида жалб этилган тижорат банки томонидан суғурталанган шахсларда мавжуд ижтимоий карта ёки банк картаси орқали амалга оширилади;

«Ягона реестр» АТ орқали суғурталанган шахсларнинг мобил алоқа воситаларига давлат ижтимоий суғуртаси билан боғлиқ жараёнлар бўйича бепул қисқа СМС-хабарлар юборилади.

2. Ўзбекистон Республикасининг Меҳнат кодексига мувофиқ:

иш берувчилар меҳнат шартномаларини, шунингдек уларга доир ўзгартириш ва қўшимчаларни Ўзбекистон Республикаси Вазирлар Маҳкамаси томонидан белгиланган тартибда «Ягона миллий меҳнат тизими» идоралараро дастурий-аппарат комплексида (кейинги ўринларда — «ЯММТ» ИДАК) ўз вақтида рўйхатга олиши шарт этиб белгиланганлиги;

ходимнинг хоҳишига кўра қонунчиликда ва меҳнат ҳақидаги бошқа ҳуқуқий ҳужжатларда, шунингдек, меҳнат шартномаси шартларида назарда тутилган ҳолларда иш ҳақи сақланмайдиган таътил мажбурий тартибда берилиши белгиланганлиги маълумот учун қабул қилинсин.

3. Шундай тартиб ўрнатилсинки, унга мувофиқ 2026 йил 1 январдан бошлаб:

давлат ижтимоий суғуртаси доирасида барча иш берувчилар, шу жумладан якка тартибдаги тадбиркорлик субъектлари томонидан ходимларга бериладиган барча турдаги таътилларни, шунингдек, фуқаролик-ҳуқуқий тусдаги шартномаларни «ЯММТ» ИДАКда рўйхатга олиш тизими йўлга қўйилади;

суғурталанган шахсларга, уларнинг хоҳишига кўра бир календарь йил давомида 2 иш кунидан кўп бўлмаган иш ҳақи сақланмайдиган қўшимча таътил олиш ҳуқуқи берилади.

4. Камбағалликни қисқартириш ва бандлик вазирлиги:

бир ой муддатда «ЯММТ» ИДАКда ходимларга бериладиган барча турдаги таътилларни ва фуқаролик-ҳуқуқий тусдаги шартномаларни рўйхатга олиш имкониятини яратсин;

2027 йил 1 январга қадар ҳарбий хизматчиларнинг, ички ишлар органларининг, Ўзбекистон Республикаси Миллий гвардиясининг бошлиқлар ва оддий аскарлар таркибидан бўлган шахсларнинг, судьяларнинг ва прокуратура органларининг мартаба даражаларига (ҳарбий ва махсус унвонларга) эга бўлган ходимлари билан тузилган меҳнат шартномаларини, шунингдек уларга доир ўзгартириш ва қўшимчаларни «ЯММТ» ИДАКда киритиш имкониятларини таҳлил қилган ҳолда, Ўзбекистон Республикаси Президенти Администрациясига таклиф киритсин.

5. Қуйидагилар:

Ўзбекистон Республикаси Президенти ҳузуридаги Ижтимоий ҳимоя миллий агентлигининг Давлат ижтимоий суғурта жамғармаси тўғрисидаги низом 1-иловага мувофиқ;

Ўзбекистон Республикаси Президенти ҳузуридаги Ижтимоий ҳимоя миллий агентлигининг Давлат ижтимоий суғурта жамғармасининг Кузатув кенгаши таркиби 2-иловага мувофиқ;

Ўзбекистон Республикаси Президенти ҳузуридаги Ижтимоий ҳимоя миллий агентлигининг Давлат ижтимоий суғурта жамғармасининг Ижро этувчи дирекцияси тузилмаси 3-иловага мувофиқ;

Давлат ижтимоий суғуртаси доирасида вақтинча меҳнатга лаёқатсизлик ҳамда ҳомиладорлик ва туғиш нафақаларини тайинлаш ҳамда тўлаш тартиби тўғрисидаги низом 4-иловага мувофиқ;

Давлат ижтимоий суғуртаси янги тизимининг мазмун-моҳияти ва аҳамиятини ёритиш бўйича медиа-режа 5-иловага мувофиқ тасдиқлансин.

6. Агентлик уч ой муддатда Рақамли технологиялар вазирлиги билан биргаликда «Ягона миллий ижтимоий ҳимоя» ахборот тизими орқали суғурталанган шахслар томонидан суғурта стажлари, тўланган суғурта бадаллари ҳисобидан хабардор бўлиш, нафақа тайинлаш рад этилганлиги ёки унинг миқдори нотўғри ҳисобланганлиги ва бошқа масалалар юзасидан мурожаат қилиш имкониятини яратсин.

7. Соғлиқни сақлаш вазирлиги:

а) 2026 йил 1 январга қадар Солиқ қўмитаси ҳамда Камбағалликни қисқартириш ва бандлик вазирлиги билан биргаликда Ягона тиббий ахборот тизимини такомиллаштириш чораларини кўрсин. Бунда қуйидагилар назарда тутилсин:

Ягона тиббий ахборот тизимини Солиқ қўмитасининг тегишли ахборот тизимлари ва «ЯММТ» ИДАК билан тўлиқ интеграция қилиш;

меҳнатга лаёқатсизлик варақаси расмийлаштириш вақтида суғурталанган шахснинг иш жойи Ягона тиббий ахборот тизимида автоматик равишда аниқлаш имкониятини яратиш;

меҳнатга лаёқатсизлик варақасини ўтказиб юборилган кунлар учун расмийлаштиришнинг техник имкониятларини тўлиқ чеклаш, қонунчиликда белгиланган ҳолатлар бундан мустасно;

ҳомиладорлик ва туғиш бўйича ҳамда янги туғилган болани фарзандлик олиниши ёки васий қилиб белгиланиши бўйича меҳнатга лаёқатсизлик варақаларини расмийлаштиришда, меҳнатга лаёқатсизлик варақалари «Ягона реестр» АТга келиб тушганда, уларни расмийлаштириш мақсадини аниқлаш имкониятини яратиш;

б) бир ой муддатда Иқтисодиёт ва молия вазирлиги ва Камбағалликни қисқартириш билан биргаликда, ўзлари қабул қилган норматив-ҳуқуқий ҳужжатларни ушбу қарорга мувофиқлаштирсин.

8. Ўзбекистон Республикаси Ҳукуматининг 6-иловага мувофиқ айрим қарорларига ўзгартириш ва қўшимчалар киритилсин.

9. Ўзбекистон Республикаси Ҳукуматининг баъзи қарорлари 7-иловага мувофиқ ўз кучини йўқотган деб ҳисоблансин.

10. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — иқтисодиёт ва молия вазири Ж.А. Қўчқоров зиммасига юклансин.

Вазирлар Маҳкамасининг 2025 йил 17 декабрдаги 796-сон қарорига 1-ИЛОВА

Ўзбекистон Республикаси Президенти ҳузуридаги Ижтимоий ҳимоя миллий агентлигининг Давлат ижтимоий суғурта жамғармаси тўғрисида

1-боб. Умумий қоидалар

1. Мазкур Низом Ўзбекистон Республикаси Президенти ҳузуридаги Ижтимоий ҳимоя миллий агентлигининг Давлат ижтимоий суғурта жамғармаси (кейинги ўринларда — Жамғарма) фаолиятини бошқариш, шунингдек, унинг маблағларини шакллантириш ва ушбу маблағлардан фойдаланиш йўналишларини белгилайди.

2. Жамғарма ўз фаолиятида Ўзбекистон Республикаси Конституцияси ва қонунлари, Ўзбекистон Республикаси Олий Мажлиси палаталарининг қарорлари, Ўзбекистон Республикаси Президентининг фармонлари, қарорлари, фармойишлари, Вазирлар Маҳкамасининг қарорлари, фармойишлари ҳамда бошқа қонунчилик ҳужжатлари, Ўзбекистон Республикаси Президенти ҳузуридаги Ижтимоий ҳимоя миллий агентлиги (кейинги ўринларда — Агентлик) директорининг буйруқлари ҳамда ушбу Низомга амал қилади.

3. Жамғарма давлат муассасаси шаклидаги юридик шахс ҳисобланади, ўзининг мустақил балансига, шахсий ғазна ҳисобварақларига, Ўзбекистон Республикаси Давлат герби тасвири туширилган ва ўз номи ёзилган муҳрга эга бўлади.

4. Жамғарманинг расмий номи:

а) давлат тилида:

тўлиқ номи — Ўзбекистон Республикаси Президенти ҳузуридаги Ижтимоий ҳимоя миллий агентлигининг Давлат ижтимоий суғурта жамғармаси;

қисқартирилган номи — Давлат ижтимоий суғурта жамғармаси;

б) рус тилида:

тўлиқ номи — Государственный фонд социального страхования Национального агентства социальной защиты при Президенте Республики Узбекистан;

қисқартирилган номи — Государственный фонд социального страхования;

в) инглиз тилида:

тўлиқ номи — State Social Insurance Fund of the National Agency for Social Protection under the President of the Republic of Uzbekistan;

қисқартирилган номи — State Social Insurance Fund.

5. Жамғарма Давлат мақсадли жамғармаси ҳисобланади.

6. Жамғарманинг жойлашган жойи (почта манзили) — Тошкент шаҳри, Амир Темур кўчаси, 3-уй, почта индекси 100060.

7. Жамғарма ўз фаолиятида Давлат ижтимоий суғурта жамғармасининг Кузатув кенгаши (кейинги ўринларда — Кузатув кенгаши) ва Агентликка ҳисобдордир.

2-боб. Жамғарма маблағларини шакллантириш

8. Жамғарма маблағлари Ўзбекистон Республикасининг консолидациялашган бюджети таркибига киради ва унинг ҳисоби белгиланган тартибда Ўзбекистон Республикаси Давлат бюджетининг ғазна ижроси орқали юритилади.

9. Жамғарма маблағлари қуйидаги манбалар ҳисобидан шакллантирилади:

Ўзбекистон Республикасининг Давлат бюджети тўғрисидаги Қонуни билан миқдори белгиланадиган иш берувчилар томонидан тўланадиган ижтимоий солиқнинг бир қисми;

суғурта бадали сифатида Ўзбекистон Республикасининг Давлат бюджети тўғрисидаги Қонуни билан миқдори (ставкаси) белгиланадиган жисмоний шахслардан олинадиган даромад солиғининг бир қисми;

давлат ижтимоий суғуртаси билан ихтиёрий тартибда қамраб олинадиган фуқаролар томонидан амалга ошириладиган суғурта бадаллари;

Ўзбекистон Республикаси республика бюджетидан ҳар йили ажратиладиган трансфертлар;

Жамғарманинг вақтинча бўш турган маблағларини тижорат банкларига жойлаштиришдан фоиз шаклида олинадиган даромадлар;

қонунчилик ҳужжатларида тақиқланмаган бошқа маблағлар.

Жамғарма маблағлари солиқ солинадиган объект ҳисобланмайди.

10. Ушбу Низомнинг 9-банди :

иккинчи ва учинчи хатбошиларида белгиланган манбалар қонунчилик ҳужжатларида белгиланган тақсимотга мувофиқ Иқтисодиёт ва молия вазирлиги ҳузуридаги Ғазначилик хизмати қўмитаси томонидан автоматик равишда Жамғармага йўналтирилади;

тўртинчи хатбошисида назарда тутилган маблағлар фуқаролар томонидан тўғридан-тўғри Жамғармага тўланади.

3-боб. Жамғарма маблағларини бошқариш

11. Жамғарма Ижро этувчи дирекцияси (кейинги ўринларда — Дирекция) томонидан бошқарилади.

Дирекция Жамғарма маблағларини тасарруф этувчи ҳисобланади.

12. Кузатув кенгаши:

ҳар йили Жамғарма маблағларидан фойдаланишнинг асосий йўналишларини, Жамғарма даромадлари ва харажатларининг прогноз кўрсаткичларини кўриб чиқади ва тасдиқлайди;

умумий тасдиқланган параметрлар доирасида, зарурат бўлганда, Жамғарма даромадлари ва харажатларининг прогноз параметрларига ўзгартиришлар киритади;

Жамғарма фаолияти ҳақидаги ҳисоботларни даврий равишда эшитиб боради ва тасдиқлайди;

давлат ижтимоий суғуртаси бўйича тўловларни тўлаш бўйича молиявий агентни жалб қилади;

Жамғарма олдига қўйилган вазифаларни ҳал этиш учун манфаатдор вазирликлар, идоралар, бошқа ташкилотларни жалб қилиш, шунингдек юридик ва жисмоний шахсларнинг, шу жумладан Ўзбекистон Республикаси норезидентларининг ҳомийлик хайрияларини жалб этишда Жамғармага кўмаклашади.

Жамғарма Кузатув кенгаши қонунчилик ҳужжатларига мувофиқ бошқа вазифаларни ҳам амалга оширади.

13. Кузатув кенгаши мажлислари заруратга кўра ўтказилади.

14. Кузатув кенгаши мажлисини кенгаш раиси, у бўлмаган тақдирда эса — кенгаш раисининг ўринбосари бошқаради.

15. Кузатув кенгаши мажлиси унда Кузатув кенгаши аъзоларининг камида учдан икки қисми иштирок этган тақдирда ваколатли ҳисобланади.

Кузатув кенгашининг қарори кенгаш аъзоларининг оддий кўпчилик овози билан қабул қилинади ва Кузатув кенгаши раиси томонидан имзоланади.

Овозлар тенг бўлганда, Кузатув кенгаши раисининг овози ҳал қилувчи овоз ҳисобланади.

16. Кузатув кенгаши қарорлари Кузатув кенгаши мажлисининг баённомалари билан расмийлаштирилади. Кенгаш мажлисининг баённомаси Кузатув кенгаши раиси, у бўлмаган тақдирда эса, кенгаш раисининг ўринбосари томонидан тасдиқланади.

17. Дирекция Кузатув кенгашининг ишчи органи ҳисобланади.

18. Агентлик:

Жамғармага юкланган вазифаларнинг бажарилишини мувофиқлаштиради;

Жамғармага юкланган вазифаларнинг ижросини ташкил қилиш, тегишли лойиҳаларни ишлаб чиқиш ҳамда амалиётга татбиқ этиш ва зарур тавсиялар тайёрланишини таъминлаш чораларини кўради;

Жамғарма фаолияти, шу жумладан маблағларнинг белгиланган йўналишлар бўйича мақсадли йўналтирилиши, давлат ижтимоий суғуртаси соҳасига доир қарорларнинг ўз вақтида қабул қилиниши юзасидан мониторингни амалга оширади.

Жамғарма Ижрочи директори ва унинг ўринбосарини лавозимга тайинлайди ҳамда лавозимдан озод этади.

19. Дирекция:

Ўзбекистон Республикасининг навбатдаги йил учун Ўзбекистон Республикаси Давлат бюджети асосий параметрлари билан боғлиқ ҳолда, Жамғарма маблағларидан фойдаланишнинг асосий йўналишлари бўйича Жамғарма даромадлари ва харажатларининг ҳар йилги прогноз кўрсаткичларини шакллантиради ҳамда кўриб чиқиш ва тасдиқлаш учун Кузатув кенгашига киритади;

Жамғарма маблағларини шакллантириш манбаларини кенгайтириш ва харажатлар самарадорлигини оширишга доир таклифларни ишлаб чиқади ва кўриб чиқиш учун Кузатув кенгаши ҳамда Агентликка киритади;

Жамғарма олдига қўйилган вазифаларнинг ўз вақтида ва самарали бажарилиши учун зарур қўшимча маблағларни жалб этиш бўйича амалий чоралар кўради;

Жамғарма даромадлари ва харажатлари сметасининг ижроси юзасидан ҳисоботни Кузатув кенгаши ҳамда Агентликка тақдим этади;

Жамғарма маблағларидан фойдаланилиши юзасидан белгиланган тартибда мониторинг юритилишини таъминлайди ҳамда мониторинг натижасида аниқланган ҳолатларни таҳлил қилади ва тегишли қарор қабул қилиш учун Кузатув кенгаши ёки Агентликка таклиф киритади;

жисмоний шахслар ва юридик шахсларнинг мурожаатларини қонун ҳужжатларида белгиланган муддатларда кўриб чиқади, жисмоний шахсларни ва юридик шахсларнинг вакилларини қабул қилади;

Дирекция штатлар жадвали ва харажатлар сметасини, зарур ҳолларда уларга киритиладиган тегишли ўзгартиришларни тасдиқлайди;

қонунчилик ҳужжатларига мувофиқ бошқа вазифаларни амалга оширади.

20. Дирекция қуйидаги ҳуқуқларга эга:

суғурта ҳодисаси юзага келганда, заруратга қараб, суғурта ҳодисаси юзага келганлигини текшириш;

суғурта бадалларини ҳисобга олиш ва тўлаш бўйича ҳужжатларни (электрон маълумотларни), шунингдек, давлат ижтимоий суғуртаси бўйича тўловларни амалга ошириш билан боғлиқ ҳужжатларни текшириш;

суғурталанган шахсни идентификация қилиш, суғурта стажини ва суғурта бадалининг миқдорини аниқлаш, суғурта ҳодисаси юзага келганлигини тасдиқлаш учун зарур бўлган суғурталанган шахс тўғрисидаги маълумотларни бепул олиш;

«Давлат ижтимоий суғуртаси тўғрисида»ги Қонунга мувофиқ давлат ижтимоий суғуртаси бўйича тўловларни тўхтатиб туриш, қайта тиклаш ва тугатиш;

ўз ҳуқуқларини ҳимоя қилиш ва етказилган зарарнинг ўрнини қоплаш тўғрисидаги даъволар, шу жумладан суғурталанган шахс томонидан тақдим этилган ишончсиз ёки сохта ҳужжатлар (маълумотлар) асосида давлат ижтимоий суғуртаси бўйича тўловлар тайинланганлиги муносабати билан қилинган харажатларнинг ўрнини қоплаш ҳақидаги даъволар билан судга мурожаат қилиш;

нафақаларни ўз вақтида ҳамда тўлиқ етказиб берилиши мониторингини юритади;

Дирекция қонунчилик ҳужжатларига мувофиқ бошқа ҳуқуқларга ҳам эга бўлиши мумкин.

21. Қуйидагилар Дирекциянинг мажбуриятлари ҳисобланади:

давлат ижтимоий суғуртаси бўйича тўловлар учун суғурта бадалларини жамғариб бориш;

фаолияти тўғрисидаги ахборотни ўзининг расмий веб-сайтида жойлаштириш;

давлат ижтимоий суғуртаси бўйича тўловларнинг ўз вақтида тайинланишини ва белгиланган миқдорларда тўланишини таъминлаш;

суғурта бадаллари ва тўловларининг электрон ҳисобини юритиш;

суғурта бадалларини тўлаган шахсларнинг давлат ижтимоий суғуртасини ахборот дастурлари ёрдамида автоматлаштирилган тартибда амалга ошириш;

суғурта қилдирувчиларни рўйхатдан ўтказиш ва ҳисобдан чиқариш;

суғурта қилдирувчилар ва суғурталанган шахсларнинг, Жамғарма тушумлари ва харажатларининг ягона ҳисобини юритиш, шунингдек, суғурталанган шахсларнинг персоналлаштирилган ҳисоби учун тақдим этилган маълумотларнинг тўғрилигини бошқа давлат органлари билан электрон ахборот алмашинуви орқали текшириш;

суғурта қилдирувчилар ва суғурталанган шахслар учун давлат ижтимоий суғуртаси бўйича тушунтириш ишларини олиб бориш, шу жумладан суғурта бадалларининг ва давлат ижтимоий суғуртаси бўйича амалга оширилган тўловларнинг ҳисоби юзасидан шахсга доир маълумотларни, мазкур тўловлар бўйича мурожаат қилиш ва уларни тайинлаш тартиби тўғрисидаги маълумотларни тақдим этиш.

22. Ижрочи директор Дирекциянинг раҳбари ҳисобланади.

Ижрочи директор:

Жамғарма жорий фаолиятини оператив бошқаради;

Жамғармага юкланган вазифалар ва функцияларга мувофиқ Жамғарма фаолиятини ташкил этади;

Жамғарма номидан вақтинча бўш турган маблағларни тижорат банклари депозитларига жойлаштиради, молиявий, хўжалик ҳамда бошқа шартномаларни имзолайди;

бажарилган ишлар ҳамда келгуси чорак учун иш режалари тўғрисида ҳар чоракда Кузатув кенгаши ёки Агентликка ҳисоб беради;

Жамғарма ходимларини ишга қабул қилиш, рағбатлантириш, уларга нисбатан интизомий жазо чораларини қўллаш ҳамда уларни ишдан бўшатиш ҳақида буйруқлар чиқаради. Бунда Ижрочи директор ўринбосари ва Жамғарманинг мустақил бўлинмалари раҳбарлари Агентлик билан келишилган ҳолда ишга қабул қилинади;

Жамғарма фаолияти билан боғлиқ бўлган бошқа буйруқлар қабул қилади;

Жамғарма номидан судларга ариза (даъво, шикоят) билан мурожаат қилади;

ички меҳнат тартиби қоидалари, таркибий бўлинмалар низомлари, лавозим йўриқномаларини ва бошқа ички ҳужжатларни тасдиқлайди;

қонунчилик ҳужжатларига мувофиқ бошқа вазифаларни амалга оширади.

23. Хорижий валютадаги маблағлар Жамғарманинг чет эл валютасидаги шахсий ғазна ҳисобварақларига тушади.

Жамғарманинг чет эл валютасидаги шахсий ғазна ҳисобварақларига тушган хорижий валютадаги маблағлар, заруратга кўра қонунчилик ҳужжатларида белгиланган тартибда сотилиб, Жамғарманинг асосий ҳисобварағига ўтказилади ва ушбу Низомга мувофиқ фойдаланилади (бундан мазкур Низомда кўзда тутилган ҳолатлар ва алоҳида харажатлар мустасно).

Жамғарманинг чет эл валютасидаги шахсий ғазна ҳисобварақларидаги маблағлар импорт шартномалари, хорижий маслаҳатчиларни жалб этиш ва чет элда ўтказиладиган тадбирларни ташкил қилиш билан боғлиқ ҳамда бошқа зарур харажатлар учун ишлатилиши мумкин.

24. Дирекция ходимлари штат бирликлари Агентликнинг марказий аппарати ва унинг тизимидаги ташкилотларнинг бошқарув штат бирликлари доирасида ажратилади, шунингдек, Дирекция ходимлари меҳнатига ҳақ тўлаш разрядлари Агентлик марказий аппаратининг ходимлари учун белгиланган разрядлардан бир поғона паст миқдорда қўлланади.

Дирекция ходимлари меҳнатига ҳақ тўлаш ва рағбатлантиришнинг бошқа шартлари бўйича Агентлик марказий аппарати ходимлари учун белгиланган шартлар татбиқ этилади.

25. Ушбу Низомнинг 19-банди талабларини инобатга олган ҳолда Дирекция ходимлари меҳнатига ҳақ тўлаш шартлари бўйича қуйидагиларга тенглаштирилади:

Ижрочи директор Агентликнинг бошқарма бошлиғига;

Ижрочи директорнинг ўринбосари Агентликнинг бошқарма бошлиғи ўринбосарига;

Дирекциянинг бўлим бошлиғи Агентликнинг бўлим бошлиғига;

Дирекциянинг мутахассислари Агентликнинг тегишли мутахассисларига;

Дирекциянинг техник ва хизмат кўрсатувчи ходимлари Агентликнинг техник ва хизмат кўрсатувчи ходимларига.

26. Жамғарма ходимларини қўшимча рағбатлантириш ва мукофотлаш, моддий-техника базасини мустаҳкамлаш учун Агентликнинг бюджетдан ташқари жамғармаси ва Ижтимоий ҳимоя давлат жамғармаси маблағлари ҳисобидан маблағ ажратилиши мумкин.

27. Дирекцияни сақлаш билан боғлиқ харажатлар Ўзбекистон Республикаси республика бюджети маблағлари, Агентлик томонидан ажратиладиган маблағлар ва қонунчиликда тақиқланмаган бошқа манбалар ҳисобидан молиялаштирилади.

28. Хизмат вазифаларини бажаришда фойдаланиш учун Жамғармага 1 та автотранспорт воситасини сақлаш учун лимит ажратилади.

29. Жамғарма томонидан амалга оширилган ишлар тўғрисидаги маълумотларнинг шаффофлигини таъминлаш мақсадида Жамғарма харажатлари ҳамда бажарилган ишлар ҳақидаги ҳисоботлар ҳар чоракда Агентликнинг расмий веб-сайтида жойлаштириб борилади.

4-боб. Жамғарма маблағларидан фойдаланиш

30. Жамғарма маблағларидан қуйидаги мақсадлар учун фойдаланилади:

давлат ижтимоий суғуртаси бўйича ҳомиладорлик ва туғиш нафақасини тўлаш;

давлат ижтимоий суғуртаси бўйича вақтинча меҳнатга лаёқатсизлик нафақасини тўлаш;

давлат ижтимоий суғуртаси бўйича ишдан бўшатиш нафақасини тўлаш.

31. Жамғарманинг йил якуни бўйича маблағлари қолдиғи олиб қўйилмайди ва кейинги молия йили учун даромадлар ва харажатлар сметасини тузишда инобатга олинади.

5-боб. Жамғарманинг тушуми ва маблағларидан фойдаланишни назорат қилиш ҳамда жавобгарлик

32. Дирекция Жамғарма маблағларидан мақсадли ва самарали фойдаланилиши учун жавоб беради.

33. Жамғарма маблағларидан фойдаланиш юзасидан назорат Агентлик томонидан амалга оширилади.

6-боб. Якунловчи қоидалар

34. Ушбу Низомни қўллашда юзага келадиган низолар қонунчилик ҳужжатларида белгиланган тартибда ҳал этилади.

35. Мазкур Низом талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

36. Жамғарма қонунчиликда белгиланган тартибда қайта ташкил этилади ва тугатилади.

Вазирлар Маҳкамасининг 2025 йил 17 декабрдаги 796-сон қарорига 2-ИЛОВА

Ўзбекистон Республикаси Президенти ҳузуридаги Ижтимоий ҳимоя миллий агентлигининг Давлат ижтимоий суғурта жамғармасининг Кузатув кенгаши

1. М. Оллоёров — Ўзбекистон Республикаси Президентининг ижтимоий ҳимоя бўйича маслаҳатчиси — Ижтимоий ҳимоя миллий агентлиги директори, Кузатув кенгаши раиси 2. Б. Захидов — камбағалликни қисқартириш ва бандлик вазири, Кузатув кенгаши раиси ўринбосари 3. А. Худаяров — соғлиқни сақлаш вазири 4. О. Фозилкаримов — иқтисодиёт ва молия вазири ўринбосари 5. М. Аллакулиев — адлия вазири ўринбосари 6. Ж. Абруев — Ижтимоий ҳимоя миллий агентлиги директори ўринбосари 7. Н. Муслитдинов — Давлат ижтимоий суғурта жамғармаси Ижро этувчи дирекцияси директори, Кенгаш котиби

Вазирлар Маҳкамасининг 2025 йил 17 декабрдаги 796-сон қарорига 3-ИЛОВА

Ўзбекистон Республикаси Президенти ҳузуридаги Ижтимоий ҳимоя миллий агентлигининг Давлат ижтимоий суғурта жамғармаси Ижро этувчи дирекциясининг

Ижрочи директор Ижрочи директор ўринбосари Жамғарма даромад ва харажатларини режалаштириш ва ҳисобини юритиш бўлими 3 Стратегик режалаштириш, прогнозлаштириш ва методология бўлими 3 Бош аудитор 1 Тўловларни амалга ошириш ва мониторинг қилиш бўлими 6 Бош ҳисобчи 1 Бош юрисконсульт 1 Қорақалпоғистон Республикаси, вилоятлар ва Тошкент шаҳридаги жамғарма маблағлари тушумини шакллантириш ва мониторинг қилиш бўйича бош мутахассислар (ҳудудий вакил) 14 Лойиҳа менежери 1 Девонхона ва мурожаатлар билан ишлаш бўйича бош мутахассис 1

Вазирлар Маҳкамасининг 2025 йил 17 декабрдаги 796-сон қарорига 4-ИЛОВА

Давлат ижтимоий суғуртаси доирасида вақтинча меҳнатга лаёқатсизлик ҳамда ҳомиладорлик ва туғиш нафақаларини тайинлаш ҳамда тўлаш тартиби тўғрисида

1-боб. Умумий қоидалар

1. Ушбу Низом Ўзбекистон Республикасининг «Давлат ижтимоий суғуртаси тўғрисида»ги Қонуни (кейинги ўринларда — Қонун)га мувофиқ давлат ижтимоий суғуртаси доирасида суғурта бадаллари ва стажлари ҳисобини юритиш, суғурталанган шахсларга вақтинча меҳнатга лаёқатсизлик ҳамда ҳомиладорлик ва туғиш нафақаларини тайинлаш ва тўлаш тартибини белгилайди.

2. Ушбу Низомда қуйидаги асосий тушунчалар қўлланилади:

Давлат ижтимоий суғурта жамғармаси (кейинги ўринларда — Жамғарма) — суғурта бадалларини жамғариш, суғурталанган шахсларга давлат ижтимоий суғуртаси бўйича тўловларни амалга ошириш учун мўлжалланган Ўзбекистон Республикаси Президенти ҳузуридаги Ижтимоий ҳимоя миллий агентлиги ҳузуридаги (кейинги ўринларда — Агентлик) давлат мақсадли жамғармаси;

давлат ижтимоий суғуртаси бўйича тўловлар — суғурта ҳодисаси юзага келганда суғурталанган шахсга Жамғарма маблағлари ҳисобидан амалга ошириладиган нафақалар тарзидаги давлат ижтимоий суғуртаси бўйича тўловлар;

«Ижтимоий суғурта» ахборот модули — идоралараро электрон ҳамкорлик асосида суғурталанган шахсларга давлат ижтимоий суғуртаси бўйича тўловларни тайинлаш, тўлаш, маълумотларни сақлаш ва уларга ишлов беришни назарда тутувчи «Ижтимоий ҳимоя ягона реестри» ахборот тизимининг алоҳида модули;

меҳнатга лаёқатсизлик варақаси — суғурталанган шахсни ишдан озод қилиш, шунингдек, вақтинча меҳнатга лаёқатсизлик ёки ҳомиладорлик ва туғиш бўйича нафақаларни суғурталанган шахсга тайинлаш учун асос бўладиган ҳужжат;

молиявий агент — давлат ижтимоий суғуртаси бўйича тўловларни суғурталанган шахсларга тўлаб беришга масъул бўлган тижорат банки;

суғурта бадали — суғурталанган шахс учун Жамғармага ўтказиладиган ажратма ёки тўлов;

суғурталанган шахс — суғурта ҳодисаларидан давлат ижтимоий суғуртаси орқали ҳимояланган жисмоний шахс;

суғурта ҳодисаси — суғурталанган шахсга давлат ижтимоий суғуртаси бўйича тўловларни амалга ошириш мажбуриятининг юзага келиши;

суғурта қилдирувчи — суғурта ҳодисалари юзага келганда суғурталанган шахснинг ҳимоя қилинишини таъминлаш мақсадида ижтимоий солиқ ва (ёки) суғурта бадаллари тўлайдиган шахс;

суғурта стажи — суғурталанган шахс учун суғурта бадалларини тўлови амалга оширилган давр;

тўлов рўйхат (ведомост)лари — давлат ижтимоий суғуртаси бўйича тўловлар тўланиши белгиланган суғурталанган шахснинг фамилияси, исми ва отасининг исми, паспорт маълумотлари, банк картаси (ижтимоий карта) орқали тўланганда тегишли тижорат банки ҳамда банк картаси (ижтимоий карта) реквизитлари ва тўланиши лозим бўлган нафақа суммасига доир маълумотлар акс эттирилган ва молиявий агентга электрон кўринишда тақдим этиладиган ҳужжат;

ҳомиладорлик ва туғиш нафақаси — суғурталанган шахсга туғруққача етмиш календарь кун ҳамда туғруқдан кейин эллик олти календарь кун (туғиш қийин кечган ёхуд икки ёки ундан ортиқ бола туғилган тақдирда, етмиш календарь кун) давомида таътил даврида меҳнат мажбуриятларини бажара олмаганлиги учун тўланадиган кафолатли тўлов.

3. Давлат ижтимоий суғуртаси бўйича муносабатлар давлат ижтимоий суғуртаси билан мажбурий асосда қамраб олинадиган фуқароларга даромад ҳисобланган пайтдан, давлат ижтимоий суғуртаси билан ихтиёрий асосда қамраб олинадиган фуқароларга суғурта бадаллари тўланган пайтдан бошлаб юзага келади.

4. Ушбу Низомга мувофиқ суғурта ҳодисалари юзага келган тақдирда суғурталанган шахсларга қуйидаги давлат ижтимоий суғуртаси бўйича тўловлар тўланади:

2026 йил 1 январдан бошлаб юзага келган суғурта ҳодисасига нисбатан ҳомиладорлик ва туғиш нафақаси;

2026 йил 1 июлдан бошлаб юзага келган суғурта ҳодисасига нисбатан вақтинча меҳнатга лаёқатсизлик нафақаси.

Ушбу бандга мувофиқ суғурта ҳодисаси юзага келган сана сифатида меҳнатга лаёқатсизлик варақасида кўрсатилган суғурталанган шахснинг ишдан озод этиладиган давр бошланадиган кун (туғиш қийин кечган ёхуд икки ёки ундан ортиқ бола туғилганда ҳомиладорлик ва туғиш таътили узайтириш ҳолатлари бундан мустасно) инобатга олинади.

5. Ушбу Низомнинг 4-бандида назарда тутилган давлат ижтимоий суғуртаси бўйича тўловларни тайинлаш учун меҳнатга лаёқатсизлик варақаси асос ҳисобланади.

6. Суғурта ҳодисаси юзага келганда суғурталанган шахсларга давлат ижтимоий суғуртаси бўйича тўловларни тайинлаш ва тўлаш ушбу Низомга 1-иловага мувофиқ схема асосида амалга оширилади.

2-боб. Давлат ижтимоий суғуртаси бўйича тўловларни тайинлаш шартлари ва тартиби

7. Суғурталанган шахсларга суғурта ҳодисаси юзага келганда, давлат ижтимоий суғуртаси бўйича тўловлар қуйидаги шартларга асосан тайинланади:

а) давлат ижтимоий суғуртаси бўйича тўловларни олиш ҳуқуқи қуйидаги даврлардан бирида юзага келганда, бундан ушбу банднинг саккизинчи хатбошиси мустасно:

суғурталанган шахслар иш берувчи билан якка тартибдаги меҳнатга оид муносабатларда бўлган даврда, синов муддати ва ишдан бўшатилган кунни ҳам қўшган ҳолда, бундан ушбу Низомнинг 23-бандида белгиланган ҳолатлар мустасно;

юридик ёки жисмоний шахслар билан тузилган фуқаролик-ҳуқуқий хусусиятга эга шартномалар асосида хизмат кўрсатаётган (ишларни бажараётган) даврда;

қонунчиликда белгиланган тартибда бошқа расмий фаолият билан банд бўлган даврда;

б) ҳомиладорлик ва туғиш нафақасини олиш учун камида ўн ой, вақтинча меҳнатга лаёқатсизлик нафақасини олиш учун камида олти ой суғурта стажи мавжуд бўлса.

в) ҳомиладорлик ва туғиш нафақасини олиш учун суғурта ҳодисаси юзага келган ойдан олдинги охирги олти ой давомида узлуксиз суғурта стажи мавжуд бўлса. Бунда якка тартибдаги меҳнатга оид муносабатлар сақланган ҳолда меҳнат тўғрисидаги қонунчиликка мувофиқ суғурталанган шахсга меҳнатга ҳақ тўлаш тарзидаги даромадлар тўланмаган ойлар ҳамда вақтинча меҳнатга қобилиятсизлик даври мазкур кичик банднинг биринчи хатбошисида белгиланган олти ойлик суғурта стажининг узилишига сабаб бўлмайди.

Қонунга мувофиқ суғурта бадали эри (хотини) томонидан тўланган ишламайдиган фуқаролар ва юридик шахсларнинг муассислари (иштирокчилари) сифатида даромадлар оладиган фуқаролар учун давлат ижтимоий суғуртаси бўйича тўловлар 2026 йил 1 январдан бошлаб ҳисобланадиган ушбу банднинг «б» ва «в» кичик бандларида кўрсатилган суғурта стажи асосида тайинланади. Бунда ушбу фуқаролар эр-хотин ёки юридик шахсларнинг муассислари (иштирокчилари) бўлмаган даврларда суғурта бадаллари тўланганда, ушбу даврлар суғурта стажи сифатида ҳисобга олинмайди.

8. Ушбу Низом 4-бандида назарда тутилган давлат ижтимоий суғуртаси бўйича тўловлар «Ижтимоий суғурта» ахборот модулида суғурталанган шахсларнинг мурожаати талаб этилмаган ҳолда (проактив шаклда) «Рақамли ҳукумат» тизимининг идоралараро интеграциялашув платформаси орқали тегишли вазирлик ва идораларнинг ахборот тизимларидан олинган маълумотларга асосан тайинланади.

9. Меҳнатга лаёқатсизлик варақаси ҳудудий амбулатор-поликлиника ёки туғуруқхона муассасаси, шунингдек, меҳнатга лаёқатсизлик варақаси беришга ваколатли бошқа тиббий муассасалар томонидан Соғлиқни сақлаш вазирлигининг Ягона тиббий ахборот тизимида (кейинги ўринларда — «Ягона тиббий» АТ) электрон шаклда расмийлаштирилади.

10. «Ягона тиббий» АТ томонидан меҳнатга лаёқатсизлик варақаси автоматик равишда «Ижтимоий суғурта» ахборот модулига юборилади ҳамда ушбу ахборот модулида у очилгандан бошлаб ёпилгунига қадар бўлган жараёнлар акс эттирилади.

«Ижтимоий суғурта» ахборот модулида меҳнатга лаёқатсизлик варақаси ёпилгандан сўнг ушбу Низомнинг 4-бандида белгиланган тегишли давлат ижтимоий суғуртаси бўйича тўлов тайинлаб борилади, бундан ушбу Низомнинг 34-банди бешинчи хатбошиси мустасно.

11. Вақтинча меҳнатга лаёқатсизлик нафақаси қуйидаги ҳолатлар бўйича суғурта ҳодисаси юзага келганда тўланади:

а) ушбу Низомнинг 7-банди «а» ва «б» кичик бандлари талабларига мувофиқ келадиган суғурталанган шахсларда қуйидаги ҳолатлар юзага келганлиги натижасида меҳнат мажбуриятларини бажара олмаганлиги учун:

вақтинча меҳнат лаёқатини йўқотиш билан боғлиқ касаллик вақтида (шикастланишда);

санаторий ва соғломлаштириш муассасаларида даволанганда;

касалланган оила аъзосини парваришлаш зарур бўлганда;

карантинда;

сил касаллиги туфайли вақтинча бошқа ишга ўтказилганда;

меҳнат лаёқатини тиклаш ёки ясама аъзо (протез) қўйдириш учун реабилитация муассасаларига ётқизилганда;

б) ушбу Низомнинг 7-банди саккизинчи хатбошиси талабларига мувофиқ келадиган суғурталанган шахслар учун:

санаторий ва соғломлаштириш муассасаларида даволанганда;

ясама аъзо (протез) қўйдириш учун реабилитация муассасаларига ётқизилганда.

12. «Ижтимоий суғурта» ахборот модулида:

суғурталанган шахсларнинг давлат ижтимоий суғуртаси билан мажбурий асосда суғурталанган давридаги меҳнатга ҳақ тўлаш тарзидаги даромадлари ва суғурта бадаллари тўлови тўғрисидаги маълумотлар — Солиқ қўмитасининг ахборот тизимлари орқали;

ихтиёрий давлат ижтимоий суғуртаси билан суғурталанган шахсларнинг тўланган суғурта бадаллари тўғрисидаги маълумотлар — «Ижтимоий суғурта» ахборот модулининг суғурта бадаллари реестри орқали ҳамда уларнинг фаолияти тури (ўз ўзини банд қилиш, якка тартибдаги тадбиркор ва бошқалар) тўғрисидаги маълумотлар — Солиқ қўмитасининг ахборот тизимлари орқали;

суғурталанган шахсларнинг меҳнат стажи, бандлиги ва таътиллари, шунингдек, фуқаролик-ҳуқуқий тусдаги шартномалар тўғрисидаги маълумотлар — «Ягона миллий меҳнат тизими» идоралараро дастурий-аппарат комплекси (кейинги ўринларда — «ЯММТ» ИДАК) орқали;

суғурталанган шахснинг жамғариб бориладиган пенсия тизимига тўланган мажбурий бадаллари тўғрисидаги маълумотлар — АТ «Халқ банки»нинг тегишли ахборот тизими орқали автоматик равишда текширилади.

13. «Ижтимоий суғурта» ахборот модули орқали суғурталанган шахсларнинг ушбу Низомнинг 7-бандида белгиланган шартларга мувофиқлиги аниқланган тақдирда, автоматик равишда тегишли давлат ижтимоий суғуртаси бўйича тўлов тайинланади.

Суғурталанган шахсларга тайинланган давлат ижтимоий суғуртаси бўйича тўловларнинг миқдорини ҳисоблаш ушбу Низомнинг 3-бобида белгиланган тартибда тегишли тўловни тайинлаш билан бир вақтда «Ижтимоий суғурта» ахборот модулида амалга оширилади.

14. Қуйидаги ҳолларда «Ижтимоий суғурта» ахборот модулида суғурталанган шахсларга давлат ижтимоий суғуртаси бўйича тўловларни тайинлаш автоматик равишда рад этилади:

суғурталанган шахснинг ушбу Низомнинг 7-бандида белгиланган шартларга мувофиқ келмаслиги;

меҳнатга лаёқатсизлик варақаси янги туғилган болани фарзандликка олган ёки унга васий қилиб белгиланган ходимга, ушбу мақсадларда расмийлаштирилганда;

ушбу Низомнинг 20-бандига асосан меҳнатга лаёқатсизлик даврининг нафақа тўланадиган умумий давомийлигидан ошганда.

15. «Ижтимоий суғурта» ахборот модули орқали суғурталанган шахсга давлат ижтимоий суғуртаси бўйича тўловлар тайинланганлиги, унинг миқдори, тўлов шакли ва муддати бўйича ёки тегишли тўловни тайинлаш рад этилганлиги ва унинг сабаблари тўғрисидаги маълумотлар унинг «Ягона тиббий» АТда қайд этилган мобил телефон рақамига СМС-хабарнома шаклида ёки Ягона давлат интерактив хизматлари порталидаги шахсий кабинетига ҳамда унинг иш берувчисининг (агар мавжуд бўлса) Солиқ қўмитасининг ахборот тизимидаги ва «ЯММТ» ИДАКдаги шахсий кабинетларига автоматик тарзда хабарнома юборилади.

3-боб. Давлат ижтимоий суғуртаси бўйича тўловларни ҳисоблашнинг ўзига хос хусусиятлари

1-§. Давлат ижтимоий суғуртаси бўйича тўловларни ҳисоблаш шартлари

16. Суғурталанган шахсларга суғурта ҳодисаси юзага келганда, уларга тайинланадиган давлат ижтимоий суғуртаси бўйича тўловлар миқдори қуйидаги тартибда ҳисобланади:

Нафақа миқдори=ЎОИҲ÷25,3 х СК х КС , бунда

ЎОИҲ — ҳисобланган ўртача ойлик иш ҳақи;

25,3 — иш кунларининг ўртача ойлик сони;

СК — суғурта стажига мутаносиб равишда ўртача ойлик иш ҳақига нисбатан қўлланиладиган стаж коэффициенти;

КС — меҳнатга лаёқатсизлик варақасида кўрсатилган давр ичидаги Жамғарма ҳисобидан қоплаб бериладиган кунлар сони.

17. Меҳнатга лаёқатсизлик варақасида кўрсатилган давр ичида якшанба куни ҳамда Меҳнат кодексининг 208-моддасига мувофиқ ишланмайдиган байрам кунлари мавжуд бўлган тақдирда, ушбу кунлар давлат ижтимоий суғуртаси бўйича тўловлар миқдорини ҳисоблашда инобатга олинмайди.

18. Вақтинча меҳнатга лаёқатсизлик нафақаси миқдорини ҳисоблашда суғурталанган шахснинг суғурта стажига мутаносиб равишда ўртача ойлик иш ҳақига қуйидаги стаж коэффициенти қўлланилади:

олти ойдан тўқсон олти ойгача (тўқсон олтинчи ой ҳам киради) суғурта стажига эга бўлганда — 60 фоиз;

тўқсон етти ва ундан ортиқ ой суғурта стажига эга бўлганда — 80 фоиз.

19. Вақтинча меҳнатга лаёқатсизлик нафақаси миқдори:

I ва II гуруҳ ногиронлиги бўлган суғурталанган шахсларга, шунингдек, қарамоғида 18 ёшга тўлмаган тўрт ёки ундан ортиқ фарзанди бўлган ёхуд қарамоғида ногиронлиги бўлган 18 ёшга тўлмаган фарзанди бўлган суғурталанган шахсларга стаж коэффициенти 20 фоиз бандга оширилган ҳолда ҳисобланади. Бунда суғурталанган шахс ушбу бандда назарда тутилган бир нечта тоифага тўғри келса, унга нисбатан фақат битта тоифа бўйича имтиёз қўлланилади;

календарь йил давомида расмийлаштирилган меҳнатга лаёқатсизлик варақаларидаги (бундан ҳомиладорлик ва туғишга оид давр мустасно) 77 календарь кундан ошган давр учун вақтинча меҳнатга лаёқатсизлик нафақаси миқдори тегишли стаж коэффициентини 10 фоиз бандга камайтирилган ҳолда ҳисобланади.

20. Вақтинча меҳнатга лаёқатсизлик нафақаси бўйича тўловлар меҳнатга лаёқатсизлик варақасида кўрсатилган барча давр учун, бироқ бир календарь йил давомида 182 календарь кундан ошмаган қисми учун амалга оширилади, бундан ушбу Низомнинг 21-бандида белгиланган ҳоллар мустасно.

Бунда вақтинча меҳнатга лаёқатсизлик нафақасининг тегишли календарь йилдаги меҳнатга лаёқатсизлик даврининг бешинчи кунигача бўлган қисми давлат ижтимоий суғуртаси билан суғурталанган шахснинг иш берувчиси томонидан (агар иш берувчиси мавжуд бўлмаса суғурталанган шахснинг ўз ҳисобидан), олтинчи кундан бошлаб эса Жамғарма томонидан тўлаб берилади.

21. Меҳнатга лаёқатсизлик варақаси суғурталанган шахс (ота-она, уларнинг ўрнини босувчи шахс, васий ёки ҳомий)га касалланган боласини парваришлаш учун очилган ҳолларда ушбу Низомнинг 20-бандининг биринчи хатбошисида белгиланган вақтинча меҳнатга лаёқатсизлик нафақаси тўланадиган вақтинча меҳнатга лаёқатсизлик даври қуйидагича узайтирилади:

14 ёшгача бўлган фарзанди учун — қўшимча 20 календарь кун;

16 ёшгача ногиронлиги бўлган фарзанди учун — қўшимча 40 календарь кун.

22. Вақтинча меҳнатга лаёқатсизлик нафақасининг иш берувчи томонидан тўланадиган қисми ўриндошлик асосидаги (шу жумладан, ички ўриндошлик асосидаги) иш жойи бўйича ҳам тўланади.

23. Вақтинча меҳнатга лаёқатсизлик қуйидаги даврларга тўғри келганда вақтинча меҳнатга лаёқатсизлик нафақаси тўланмайди:

иш ҳақи сақланмаган таътил;

иш ҳақи қисман сақланадиган таътил;

болани парваришлаш бўйича таътил;

ҳарбий ўқув ёки текширув йиғини;

ишлаб чиқаришдан ажралмаган ҳолда ўқув юртларида таҳсил олиш муносабати билан берилган ўқув таътили вақтида;

Ушбу даврлардан бошланиб давом этаётган вақтинча меҳнатга лаёқатсизлик даври бўйича вақтинча меҳнатга лаёқатсизлик нафақаси суғурталанган шахс ишга чиқиши (лавозимга тикланиши) лозим бўлган кундан бошлаб берилади.

24. Ҳомиладорлик ва туғиш бўйича нафақа миқдорини ҳисоблашда суғурталанган шахснинг суғурта стажига мутаносиб равишда ўртача ойлик иш ҳақига қуйидаги стаж коэффициенти қўлланилади:

ўн ойдан йигирма тўрт ойгача (йигирма тўртинчи ой ҳам киради) суғурта стажига эга бўлганда — 75 фоиз;

йигирма беш ойдан олтмиш ойгача (олтмишинчи ой ҳам киради) суғурта стажига эга бўлганда — 85 фоиз;

олтмиш бир ва ундан ортиқ ой суғурта стажига эга бўлганда — 100 фоиз.

25. Ҳомиладорлик ва туғиш бўйича нафақа меҳнатга лаёқатсизлик варақасида кўрсатилган барча давр учун, бироқ ушбу Низомнинг 17-банди талабларини инобатга олган ҳолда ҳисобланади ва тўланади. Бунда:

давлат ижтимоий суғуртаси билан ихтиёрий асосда суғурталанган шахсларга ҳомиладорлик ва туғиш нафақаси мазкур нафақа тайинланадиган санада қонунчилик ҳужжатларига мувофиқ амалда бўлган меҳнатга ҳақ тўлашнинг энг кам миқдори (кейинги ўринларда — МҲТЭКМ)нинг беш бараваридан ортиқ бўлмаган миқдорда тайинланади ва тўланади;

ҳомиладорлик ва туғиш бўйича меҳнатга лаёқатсизлик варақасида кўрсатилган давр тугагунча она ва (ёки) бола вафот этган ҳолда тўланган ҳомиладорлик ва туғиш бўйича нафақа қайтариб олинмайди.

2-§. Суғурталанган шахсларнинг ўртача ойлик иш ҳақи миқдорини ва суғурта стажини ҳисоблаш тартиби

26. Суғурта ҳодисаси юзага келган тақдирда суғурталанган шахсларга тайинланадиган тегишли давлат ижтимоий суғуртаси бўйича тўлов миқдори суғурталанган шахсларнинг ўртача ойлик иш ҳақидан келиб чиққан ҳолда ҳисобланади.

Бунда суғурталанган шахснинг ўртача ойлик иш ҳақи миқдори қуйидаги тартибда аниқланади:

суғурталанган шахсга нафақа тайинланадиган ойдан олдинги суғурта стажи сифатида инобатга олинадиган ўн икки ойлик даврдаги иш ҳақи миқдорини ўн иккига бўлиш орқали;

суғурталанган шахснинг суғурта стажи ўн икки ойдан кам бўлса, нафақа тайинланадиган ойдан олдинги суғурта стажи сифатида инобатга олинадиган ойлардаги иш ҳақи миқдорини мавжуд суғурта стажи ойлари сонига бўлиш орқали.

Давлат ижтимоий суғуртаси билан мажбурий асосда суғурталанган шахснинг ўртача ойлик иш ҳақининг нафақа тайинланадиган санада қонунчилик ҳужжатларига мувофиқ амалда бўлган МҲТЭКМнинг ўн баравари миқдоридан ортиқ бўлмаган қисми инобатга олинади.

Жамоа келишувларида, шунингдек жамоа шартномасида, ички ҳужжатларда суғурталанган шахс учун мазкур бандда белгиланганидан бошқа қўшимча тўловлар назарда тутилиши мумкин.

27. Суғурталанган шахсларнинг ўртача ойлик иш ҳақи миқдорини аниқлаш:

а) давлат ижтимоий суғуртаси билан мажбурий асосда суғурталанган шахслар учун солиқ тўғрисидаги қонунчиликка мувофиқ солиққа тортиладиган ва суғурта бадали сифатида ажратмалар ажратиладиган меҳнатга ҳақ тўлаш тарзидаги барча даромадларини инобатга олган ҳолда;

б) давлат ижтимоий суғуртаси билан ихтиёрий асосда суғурталанган шахслар учун ихтиёрий тарзда ҳар ойда тўланган суғурта бадалларини ойлик иш ҳақига айлантирган ҳолда ҳисобланади.

Бунда ушбу кичик бандга мувофиқ бир ойлик иш ҳақи миқдори 2026 йил 1 январдан бошлаб ҳар ой тўланган суғурта бадали суммасини, уни тўлаш даврида амалда бўлган суғурта бадали ставкасига бўлиш ҳамда олинган натижани 100 фоизга кўпайтириш йўли билан аниқланади.

Мисол: суғурталанган шахс ўзини ўзи банд қилган шахс сифатида ихтиёрий равишда 2026 йил январь учун Жамғармага бир юз эллик минг сўм миқдорда суғурта бадали тўлади. Ушбу фуқарога нафақа ҳисоблашда унинг 2026 йил январь учун 3 000 000 сўм миқдорда иш ҳақи аниқланади:

Бир ойлик иш ҳақи миқдори қуйидаги тартибда аниқланади:

тўланган суғурта бадали (бир юз эллик минг) ÷ суғурта бадали ставкаси (2026 йил учун суғурта бадали ставкаси — 5 фоиз) × 100%= 3 000 000 сўм.

Аниқланган бир ойлик иш ҳақи миқдори нафақа ҳисобланаётган суғурталанган шахсга ўртача бир ойлик иш ҳақи сифатида инобатга олинади.

28. Суғурталанган шахс ҳомиладорлик ва туғиш таътили ёки бола парвариши таътилидан қайтганидан сўнг ёхуд бола парвариши таътилида бўлган даврда, ҳомиладорлик ва туғиш бўйича такрорий нафақа тайинлаш зарурияти вужудга келганда, унга нисбатан мазкур Низом 7-бандининг «в» кичик бандида назарда тутилган олти ой давомидаги узлуксиз суғурта стажи мавжуд бўлиши бўйича талаб татбиқ этилмайди ҳамда унинг ўртача иш ҳақи миқдорини аниқлаш учун такрорий нафақа тайинланадиган ойгача бўлган ойлик иш ҳақи ҳисобланган охирги ўн икки ой инобатга олинади.

Суғурталанган шахсга такрорий нафақа тайинлаш учун унинг ўртача иш ҳақи миқдори ушбу банднинг биринчи хатбошисига мувофиқ инобатга олинадиган ўн икки ойлик жами иш ҳақи миқдорини ўн иккига бўлиш йўли билан ҳисобланади. Бунда суғурталанган шахс ҳомиладорлик ва туғиш ёки бола парваришлаш таътили даврида ёки ундан қайтгандан сўнг:

иш ҳақи ҳисобланган ёки ихтиёрий суғурта бадали тўланган ойлар сони 3 ойдан кам бўлса, ушбу бандга мувофиқ аниқланган ўртача иш ҳақи миқдорига нисбатан 0,5 коэффициент;

иш ҳақи ҳисобланган ёки ихтиёрий суғурта бадали тўланган ойлар сони 3 ойдан 6 ойгача бўлса, ушбу бандга мувофиқ аниқланган ўртача иш ҳақи миқдорига нисбатан 0,75 коэффициент қўлланилади.

Такрорий нафақа тайинлашда суғурталанган шахсга нафақа тайинлаш учун ҳисобга олинадиган ўртача ойлик иш ҳақи миқдори минимал истеъмол харажатлари миқдоридан кам бўлганда, мазкур шахснинг ўртача ойлик иш ҳақи миқдори минимал истеъмол харажатлари миқдорига тенглаштирилади.

28 1 . Туғиш қийин кечган ёки икки ёхуд ундан ортиқ бола туғилганда ҳомиладорлик ва туғиш таътилини узайтириш учун расмийлаштирилган меҳнатга лаёқатсизлик варақаси асосида нафақани ҳисоблаш учун суғурталанган шахсга охирги ҳомиладорлик ва туғиш бўйича меҳнатга лаёқатсизлик варақаси асосида нафақани ҳисоблашда аниқланган кўрсаткичлар ва суғурта ҳодисаси юзага келган сана қўлланилади.

29. Қуйидагилар суғурталанган шахсларга давлат ижтимоий суғуртаси бўйича тўловларни тайинлашда суғурта стажи сифатида ҳисобга олинади:

2005 йил 1 январдан 2016 йил 1 январга қадар бўлган давр учун — жамғариб бориладиган пенсия тизимига мажбурий бадаллар тўланган тақдирда;

2016 йил 1 январдан 2019 йил 1 январга қадар бўлган давр учун — Иқтисодиёт ва молия вазирлиги ҳузуридаги бюджетдан ташқари Пенсия жамғармасига суғурта бадаллари тўланган тақдирда;

2019 йил 1 январдан — иш берувчилар томонидан солиқ органларига топширилган ҳисоботларда иш ҳақи миқдори кўрсатилган тақдирда;

2026 йил 1 январдан — давлат ижтимоий суғуртаси билан ихтиёрий асосда суғурталанган шахслар учун Жамғармага суғурта бадаллари тўланган тақдирда.

30. Суғурталанган шахсларнинг суғурта стажига қуйидаги ойлар киритилади:

ушбу Низомнинг 29-бандида кўрсатилган тўловлар ҳисобланган ой;

иш ҳақи сақланган ҳолда таътилдаги ой;

иш ҳақи қисман сақланадиган таътилдаги ой;

ижодий таътилдаги ой;

ҳарбий ўқув ёки текширув йиғинида қатнашган ой;

ишлаб чиқаришдан ажралмаган ҳолда ўқув юртларида таҳсил олиш муносабати билан берилган ўқув таътилидаги ой.

Ушбу банднинг иккинчи — олтинчи хатбошиларида кўрсатилган ҳолатлардан иккитаси битта календарь ойда вужудга келганида суғурта стажига фақат бир ой киритилади.

Қонунчиликка мувофиқ меҳнат стажини ҳисоблаб чиқариш учун йилига бир маротаба ижтимоий солиқ тўловчи шахсларнинг ушбу тўловни тўлаган даври учун ҳисобланадиган меҳнат стажи суғурта стажи сифатида ҳисобга олинмайди, якка тартибдаги тадбиркор билан меҳнат муносабатларида бўлган жисмоний шахслар бундан мустасно.

31. Суғурталанган шахсларга ҳисобланган ойлик иш ҳақи миқдори нафақа тайинлаш ва унинг миқдорини ҳисоблаш даврида амалда бўлган МҲТЭКМнинг бир баравари ва ундан кўп бўлган тақдирда, бир ой суғурта стажи, бир бараваригача бўлган тақдирда эса ярим ой суғурта стажи ҳисобланади.

3-§. Айрим тоифадаги суғурталанган шахсларнинг ўртача иш ҳақи миқдорини ва суғурта стажини ҳисоблаш тартиби

32. Ўзбекистон Республикаси Олий Мажлиси палаталари, Ўзбекистон Республикаси Президенти Администрацияси, Ўзбекистон Республикаси Вазирлар Маҳкамаси ҳамда Жамғарманинг Кузатув кенгаши томонидан тасдиқланадиган рўйхатдаги ташкилотларнинг ходими ҳисобланган суғурталанган шахсларнинг ўртача ойлик иш ҳақи миқдори ва суғурта стажини ҳисоблаш мазкур бобда белгиланган тартибга мувофиқ амалга оширилади.

Мазкур банднинг биринчи хатбошисида белгиланган ташкилотларнинг бухгалтерия ҳисоби ёки инсон ресурсларини ривожлантириш ва бошқариш бўлинмалари томонидан ташкилотнинг давлат ижтимоий суғуртаси билан суғурталанган ходимларига (суғурталанган шахсларга) нисбатан суғурта ҳодисаси юзага келганда нафақа олиш ҳуқуқи пайдо бўлган кундан бошлаб ўн кун ичида уларнинг охирги ўн икки ой давомида ҳисобланган ўртача ойлик иш ҳақи ва меҳнат стажи тўғрисидаги маълумотларни «Ижтимоий суғурта» ахборот модулига киритиш орқали Жамғармага тақдим этади. Бунда:

а) ходимнинг (суғурталанган шахсларнинг) ўртача ойлик иш ҳақи миқдори:

МҲТЭКМнинг ўн бараваригача бўлган тақдирда «Ижтимоий суғурта» ахборот модулига ушбу миқдор киритилади;

МҲТЭКМнинг ўн бараваридан ошган тақдирда, «Ижтимоий суғурта» ахборот модулига МҲТЭКМнинг ўн баравари миқдоридаги қисми киритилади;

б) давлат ижтимоий суғуртаси билан суғурталанган шахснинг суғурта стажи ўн икки ойдан кам бўлса, суғурта стажи сифатида инобатга олинадиган ойлардаги иш ҳақи миқдорини мавжуд суғурта стажи ойлари сонига бўлиш орқали аниқланади.

33. Фуқароларнинг ҳарбий хизматчи сифатидаги, ички ишлар органларининг, Ўзбекистон Республикаси Миллий гвардиясининг бошлиқлар ва оддий аскарлар таркибидаги ва прокуратура органларидаги мартаба даражаларига (ҳарбий унвонларга) эга бўлган ходим сифатидаги аввалги фаолияти, мазкур даврдаги иш стажи ва иш ҳақи тўғрисидаги маълумотлар мазкур фуқаролар томонидан Жамғармага тақдим этилганда, уларга суғурталанган шахс сифатида нафақалар тайинлашда инобатга олинади.

4-боб. Давлат ижтимоий суғуртаси бўйича тўловларни тўлаш тартиби

34. Ушбу Низомга мувофиқ суғурталанган шахсларга тайинланган давлат ижтимоий суғуртаси бўйича тўловларни тўлаш молиявий агент томонидан амалга оширилади.

«Ижтимоий суғурта» ахборот модулида тайинланган давлат ижтимоий суғуртаси бўйича тўловлар тўғрисидаги тўлов рўйхат (ведомост)лари молиявий агентга қуйидаги муддатларда тақдим этилади ҳамда Жамғарманинг ғазна ҳисобварағидан зарур маблағлар молиявий агентга ўтказиб берилади:

ҳар ойнинг 1 — 15-саналари оралиғида тайинланган давлат ижтимоий суғуртаси бўйича тўловлар тўғрисида мазкур ойнинг 25-санасига қадар;

ҳар ойнинг 16-санасидан ушбу ойнинг якуний санаси оралиғида тайинланган давлат ижтимоий суғуртаси бўйича тўловлар тўғрисида кейинги ойнинг 10-санасига қадар.

Меҳнатга лаёқатсизлик варақаси очилиб, ўн кун ва ундан ортиқ давр ичида ёпилмаган бўлса, у бўйича ҳам ушбу банднинг учинчи ва тўртинчи хатбошиларида кўрсатилган муддатларда давлат ижтимоий суғуртаси бўйича тўловлар тегишли кунлар учун ҳисобланиб тўланади.

Ушбу бандда кўрсатилган муддатнинг охирги куни байрам ёки дам олиш кунларига тўғри келганда, тўлов рўйхат (ведомост)лари ва зарур маблағлар кейинги икки иш куни мобайнида молиявий агентга тақдим этилиши ва молиялаштирилиши мумкин.

35. Давлат ижтимоий суғуртаси бўйича тўловларни тўлаш учун молиявий агент томонидан Жамғармадан келиб тушадиган маблағларни ҳисобга олиш ва тўловларни амалга ошириш бўйича алоҳида махсус банк ҳисобварақлари очилади.

36. «Ижтимоий суғурта» ахборот модули орқали тўлов рўйхат (ведомост)лари шакллантирилади. Бунда давлат ижтимоий суғуртаси бўйича тўловлар:

биринчи навбатда суғурталанган шахснинг ижтимоий картаси мавжуд бўлганда, «Ижтимоий карта» ахборот тизими орқали унинг ижтимоий картасига;

суғурталанган шахснинг ижтимоий ёки банк картаси мавжуд бўлмаганда, «Ижтимоий карта» ахборот тизимида суғурталанган шахсга виртуал ижтимоий карта очилиб, тўловлар тўланади.

37. Молиявий агент томонидан давлат ижтимоий суғуртаси бўйича тўловлар ушбу Низомнинг 34-бандига мувофиқ тўлов рўйхат (ведомост)ларини тақдим этиш учун белгиланган сўнгги кундан кейинги беш иш куни ичида тўланади.

38. Молиявий агент ҳар ойнинг охирги иш кунига қадар ушбу ой учун ҳар бир нафақа олувчи суғурталанган шахс бўйича амалга оширилган тўловлар, нафақа тўланган сана ва тўланмаган маблағлар ҳақидаги маълумотларни доимий равишда «Ижтимоий суғурта» ахборот модули орқали Жамғармага тақдим этади ва маълумотлар тўғрилигига жавобгар бўлади.

5-боб. Давлат ижтимоий суғуртаси бўйича тўловларни тайинлаш ва тўлаш билан боғлиқ жараёнларни мониторинг қилиш

39. Жамғарма томонидан суғурталанган шахсларга ҳомиладорлик ва туғиш нафақаси тайинлангандан кейин тўқсон кун ичида «ФҲДЁ ягона электрон архиви» ахборот тизими орқали автоматик равишда бола туғилганлиги, шу жумладан, ўлик туғилганлиги ёки туғруқ муассасасидан чиққунга қадар нобуд бўлганлиги тўғрисидаги маълумотлар «Ижтимоий суғурта» ахборот модули орқали текширилади.

40. «Ижтимоий суғурта» ахборот модулида текшириш натижасида бола туғилганлиги, шу жумладан ўлик туғилганлиги ёки туғруқ муассасасидан чиққунга қадар нобуд бўлганлиги қайд этилмаган ҳолатлар бўйича нафақа олувчи суғурталанган шахсларнинг рўйхати ҳудудлар кесимида шакллантирилади.

«Ижтимоий суғурта» ахборот модули орқали қуйидаги маълумотлар «Ягона тиббий» АТга тўғри киритилганлигини текшириш учун Соғлиқни сақлаш вазирлигига юборилади:

шакллантирилган рўйхат бўйича нафақа олувчи суғурталанган шахсларнинг ҳомиладорлик ва туғиш бўйича маълумотлари;

меҳнатга лаёқатсизлик варақасида кўрсатилган даврларда бола туғилганлиги, шу жумладан ўлик туғилганлиги ёки туғруқ муассасасидан чиққунга қадар нобуд бўлганлиги ҳолатларига мутаносиб киритилганлиги.

41. Нафақа олувчи суғурталанган шахслар бўйича шакллантирилган рўйхат Жамғарманинг Қорақалпоғистон Республикаси, вилоятлар ва Тошкент шаҳридаги Жамғарма маблағлари тушумини шакллантириш ва мониторинг қилиш бўйича бош мутахассислар (кейинги ўринларда — ҳудудий вакиллар) томонидан ҳар чоракда ФҲДЁ органлари ва/ёки тиббиёт муассасасига борган ҳолда танлов асосида ўрганилади.

42. Ҳудудий вакиллар томонидан ўрганиш натижалари бўйича ФҲДЁ органлари ва/ёки тиббиёт муассасасининг масъул ходимлари иштирокида «Ижтимоий суғурта» ахборот модулида электрон далолатнома шакллантирилиб, тегишли ФҲДЁ органлари ва/ёки тиббиёт муассасаси раҳбарининг электрон рақамли имзоси билан тасдиқланган ҳолда, тегишлигича ФҲДЁ тизимига ёки Ягона тиббий ахборот тизимига юборилади.

Бунда далолатнома дастлаб ҳудудий вакил томонидан «Ижтимоий суғурта» ахборот модулида электрон рақамли имзо билан тасдиқланади.

43. «Ижтимоий суғурта» ахборот модулида ҳар ойда, иш ҳақи ҳисобланган, аммо «ЯММТ» ИДАКда меҳнат стажи тўғрисида маълумоти бўлмаган шахслар рўйхати шакллантирилади ва мазкур рўйхат Камбағалликни қисқартириш ва бандлик вазирлигига ундаги маълумотларни ўрганиш ва зарур чоралар кўриш учун юборилади.

44. Нафақа олувчи суғурталанган шахснинг тиббиёт ёки бошқа тааллуқли муассасаларга ёлғон маълумот бериши ёхуд ҳисоб-китоблардаги хатоликлар туфайли нотўғри тўланган нафақа мазкур суғурталанган шахс томонидан Жамғармага бир ой ичида қайтарилиши лозим. Бунда:

ихтиёрий равишда Жамғармага қайтарилмаган ёки тўлиқ қайтарилмаган маблағлар суд тартибида ундирилади;

ахборот тизимларида мавжуд камчиликлар ёки ўзаро электрон маълумот алмашинувидаги техник хатоликлар ёхуд такрорий маълумот алмашинувида суғурта стажи сифатида инобатга олинадиган ўн икки ойлик давр ўзгарганлиги сабабли ортиқча тўланган маблағлар қайтарилмайди ҳамда Жамғарма харажатлари сифатида инобатга олинади.

Вазирлик ва идораларнинг ахборот тизимларидаги маълумотларнинг тўғрилиги ва тўлиқлиги таъминлангандан сўнг Жамғарма томонидан суғурталанган шахсларга нафақа миқдорлари қайта ҳисоб-китоб қилиниб, белгиланган тартибда молиялаштирилиши мумкин.

6-боб. Давлат ижтимоий суғуртаси доирасида суғурта бадали ва стажлари ҳисобини юритиш тартиби

1-§. Суғурталанган шахсларни рўйхатга олиш ва уларнинг персоналлаштирилган ҳисобини юритиш

45. Суғурта бадали ва стажларининг ҳисобини юритиш, суғурталанган шахсларни идентификация қилиш ва уларнинг персоналлаштирилган ҳисобини юритиш Жамғарма томонидан амалга оширилади.

46. Жамғарма томонидан «Ижтимоий суғурта» ахборот модулида қуйидаги маълумотларнинг алоҳида реестри юритилади:

суғурта қилдирувчилар реестри;

суғурталанган шахслар реестри;

суғурта бадаллари реестри;

ортиқча/нотўғри тўланган нафақалар реестри.

47. Жамғармада давлат ижтимоий суғуртаси бўйича муносабатлар субъектларини рўйхатга олиш қуйидаги тартибда амалга оширилади:

а) давлат ижтимоий суғуртаси билан мажбурий асосда суғурталанган шахслар солиқ агенти томонидан мазкур шахсларга меҳнатга ҳақ тўлаш тарзидаги даромадларига жисмоний шахслардан олинадиган даромад солиғи ҳисобланганда, Солиқ қўмитасининг ахборот тизимларидан «Ижтимоий суғурта» ахборот модулига келиб тушган ҳисобот маълумотлари асосида рўйхатга олинади;

б) давлат ижтимоий суғуртаси билан ихтиёрий асосда суғурталанган шахслар томонидан қонунчилик ҳужжатларида белгиланган суғурта бадаллари тўланган тақдирда, ушбу Низомнинг 2-иловасига мувофиқ рўйхатга олинади.

48. Ушбу Низомнинг 47-бандига мувофиқ рўйхатга олинган шахсларга «Ижтимоий суғурта» ахборот модулида шахсий ҳисоб очилади. Шахсий ҳисобда қуйидагилар юритилади:

а) суғурта қилдирувчилар кесимида уларда фаолият юритаётган шахсларнинг персоналлаштирилган рўйхати;

б) суғурталанган шахслар бўйича:

суғурта бадаллари тўловлари (ойлар кесимида);

суғурта стажи сифатида ҳисобга олинган даврлар;

меҳнатга ҳақ тўлаш тарзидаги даромадлар тўғрисидаги маълумотлар, мавжуд бўлса, маълумот манбалари кўрсатилган ҳолда;

ушбу Низомнинг 19 — 21-бандларига мувофиқ алоҳида тартиб қўлланилган даврлар.

49. Жамғарма ҳар ой якунидан кейинги ойнинг 10-санасига қадар «Ижтимоий суғурта» ахборот модулида суғурталанган шахсларнинг шахсий ҳисоблари ҳолатини янгилаб боради.

Суғурталанган шахс «Ижтимоий суғурта» ахборот модули орқали ўзининг шахсий ҳисоби тўғрисидаги маълумотномаларни электрон тарзда олиши мумкин.

2-§. Давлат ижтимоий суғуртаси билан мажбурий асосда суғурталанадиган шахслар томонидан суғурта бадалларини тўлаш ва ҳисоблаш тартиби

50. Иқтисодиёт ва молия вазирлиги ҳузуридаги Ғазначилик хизмати қўмитаси давлат ижтимоий суғуртаси билан мажбурий асосда суғурталанган шахслар учун суғурта бадали сифатида Ўзбекистон Республикасининг Давлат бюджети тўғрисидаги Қонунида белгиланган миқдорда жисмоний шахслардан олинадиган даромад солиғидан тегишли ажратмаларни Жамғарманинг ғазна ҳисобварақларига ўтказиб боради.

Бунда давлат ижтимоий суғуртаси билан мажбурий асосда суғурталанган шахслар учун Ўзбекистон Республикасининг Давлат бюджети тўғрисидаги қонун билан миқдори (ставкаси) белгиланадиган жисмоний шахслардан олинадиган даромад солиғининг бир қисми ҳисобидан Жамғарманинг ғазна ҳисобварақларига ўтказилган ой бир ойлик суғурта стажи сифатида ҳисобланади.

51. Солиқ қўмитаси:

суғурта қилдирувчиларнинг солиқ агентлари сифатида тақдим этган маълумотлари асосида жисмоний шахслардан олинадиган даромад солиғи тўланганлиги бўйича жисмоний шахслар кесимидаги ҳисоботларни юритади ва бу тўғрисидаги маълумотларни ўз базасида сақлайди;

ҳар ҳисобот давридан кейинги ойнинг 5-санасигача суғурталанган шахсга ҳисобланган меҳнатга ҳақ тўлаш тарзидаги даромадлар ҳамда мазкур даромадлар бўйича ҳисобланган (тўланган) жисмоний шахслардан олинадиган даромад солиғи миқдорлари тўғрисидаги ҳисоботларни «Ижтимоий суғурта» ахборот модулига юборади.

52. Жамғарма Солиқ қўмитасининг ахборот тизимлари орқали юборилган маълумотлар асосида суғурталанган шахслар кесимида уларга ҳисобланган меҳнатга ҳақ тўлаш тарзидаги даромадлар ҳамда мазкур даромадлар бўйича ҳисобланган (тўланган) жисмоний шахслардан олинадиган даромад солиғи миқдорлари бўйича уларнинг персоналлаштирилган ҳисобини «Ижтимоий суғурта» ахборот модулининг ушбу Низомнинг 46-бандида белгиланган тегишли реестрларда юритади.

3-§. Давлат ижтимоий суғуртаси билан ихтиёрий асосда суғурталанадиган шахслар томонидан суғурта бадалларини тўлаш тартиби

53. Давлат ижтимоий суғуртаси билан ихтиёрий асосда суғурталанадиган шахслар суғурта бадалини у тўланадиган ойнинг исталган даврида тўлаши мумкин.

Бунда давлат ижтимоий суғуртаси билан ихтиёрий асосда суғурталанадиган шахслар учун қонунчилик ҳужжатларида белгиланган энг кам суғурта бадали тўланган ой бир ойлик суғурта стажи сифатида ҳисобланади.

54. Суғурталанган шахслар томонидан ҳар ойлик ихтиёрий суғурта бадаллари ушбу Низомнинг 2-иловасига мувофиқ белгиланган тартибга асосан тўланади.

4-§. Давлат ижтимоий суғуртаси билан ихтиёрий (мажбурий) асосда суғурталанишдан мажбурий (ихтиёрий) асосда суғурталанишга ўтиш (конвертация)

55. Шахслар бир вақтнинг ўзида давлат ижтимоий суғуртаси билан ҳам мажбурий асосда, ҳам ихтиёрий асосда суғурталанганда, улар учун давлат ижтимоий суғуртаси билан мажбурий асосда суғурталанганлиги бўйича амалга оширилган суғурта бадали инобатга олинади.

56. Давлат ижтимоий суғуртаси билан ихтиёрий асосда суғурталанишдан давлат ижтимоий суғуртаси билан мажбурий асосда суғурталанишга ўтиш:

суғурталанган шахс давлат ижтимоий суғуртаси билан мажбурий суғурталанган ойда, мазкур ойнинг биринчи кунидан бошлаб амал қилади;

давлат ижтимоий суғуртаси билан ихтиёрий асосда суғурталанган даврлар учун тўланган суғурта бадаллари ҳисоби сақланади ва суғурта стажи ҳисобланишида инобатга олинади.

57. Давлат ижтимоий суғуртаси билан мажбурий асосда суғурталанишдан давлат ижтимоий суғуртаси билан ихтиёрий асосда суғурталанишга ўтиш давлат ижтимоий суғуртаси билан мажбурий суғурталанишга асос бўлган меҳнат фаолияти тугаган ойнинг кейинги ойидан амал қилади. Бунда суғурталанган шахс давлат ижтимоий суғуртаси билан ихтиёрий асосда суғурталаниш бўйича рўйхатдан ўтиб, суғурта бадалларини мустақил тўлайди.

7-боб. Якунловчи қоидалар

58. Манфаатдор вазирликлар ва идораларнинг ахборот тизимларидан суғурталанган шахслар тўғрисидаги электрон шаклда олинган маълумотлар «Шахсга доир маълумотлар тўғрисида»ги Ўзбекистон Республикаси Қонунига мувофиқ ҳимояланади.

Тегишли вазирликлар ва идоралар ўз фаолиятини амалга ошириши натижасида суғурталанган шахслар тўғрисида олинган маълумотларнинг сир сақланишини таъминлайди.

59. Ушбу Низомга мувофиқ давлат ижтимоий суғуртаси бўйича тўловларни тайинлаш ва тўлаш учун асос ҳисобланган Жамғармага тегишли ахборот тизимлари орқали юборилган маълумотларнинг тўғрилиги ва ишончлилиги учун жавобгарлик ахборот тизимларига маълумотларни киритган юридик ва жисмоний шахсларга, шунингдек, ахборот тизимлари орқали тақдим этилмаганлиги ёки нотўғри маълумотлар тақдим этилиши натижасида суғурта нафақалари ортиқча ёхуд кам тўланиши учун жавобгарлик ушбу ахборот тизимларнинг эгаси бўлган вазирлик ва идораларга юкланади.

Суғурталанган шахс ва (ёки) суғурта қилдирувчилар томонидан нафақалар тайинлаш ва тўлашга таъсир этиши мумкин бўлган ўзига маълум барча ҳолатлар тўғрисида Жамғармага хабар бермаганлиги ёки улар томонидан содир этилган суиистеъмолликлар натижасида унга нафақалар суммасининг ортиқча тўланиши туфайли Жамғармага етказилган зарарни тўлаш мажбурияти суғурталанган шахс ва (ёки) суғурта қилдирувчиларга юкланади.

60. «Ижтимоий суғурта» ахборот модулида ҳамда манфаатдор вазирлик ва идораларнинг ахборот тизимларида техник носозликлар ҳамда маълумотлар алмашинуви жараёнида узилишлар юзага келганда, ушбу ҳолатлар тўлиқ бартараф этилгунга қадар меҳнатга лаёқатсизлик варақасидаги электрон маълумотларни киритиш, нафақаларни тайинлаш ва тўлаш муддатлари узайтирилиши мумкин.

61. Суғурталанган шахслар қонунчиликда белгиланган тартибда суғурта стажлари ёки амалга оширилган суғурта бадаллари ёхуд бошқа масалалар юзасидан тўғридан-тўғри шунингдек, «Инсон» ижтимоий хизматлар марказлари ёки «Ягона миллий ижтимоий ҳимоя» ахборот тизими орқали Жамғармага мурожаат қилиши мумкин.

62. Ушбу Низом талаблари бузилишида айбдор бўлган шахслар қонунчилик ҳужжатларида белгиланган тартибда жавоб беради.

Давлат ижтимоий суғуртаси доирасида вақтинча меҳнатга лаёқатсизлик ҳамда ҳомиладорлик ва туғиш нафақаларини тайинлаш ҳамда тўлаш тартиби тўғрисидаги низомга 1-ИЛОВА

Давлат ижтимоий суғуртаси бўйича тўловларни тайинлаш ҳамда тўлаш

Босқичлар Субъектлар Тадбирлар Бажариш муддатлари 1-босқич Ҳудудий амбулатор-поликлиника ёки туғуруқхона муассасаси ёхуд меҳнатга лаёқатсизлик варақаси беришга ваколатли бошқа тиббий муассаса Меҳнатга лаёқатсизлик варақасини Соғлиқни сақлаш вазирлигининг Ягона тиббий ахборот тизимида (кейинги ўринларда — «Ягона тиббий» АТ) электрон шаклда расмийлаштирилади. Меҳнатга лаёқатсизлик даври бошланган вақтдан бошлаб бир иш куни ичида 2-босқич «Ягона тиббий» АТ Меҳнатга лаёқатсизлик варақаси автоматик равишда «Ижтимоий суғурта» ахборот модулига юборилади. Автоматик тарзда 3-босқич «Ижтимоий суғурта» ахборот модули 1. Суғурталанган шахсларнинг меҳнатга лаёқатсизлик варақаси ёпилгандан сўнг, уларга тегишли маълумотлар Давлат ижтимоий суғуртаси доирасида вақтинча меҳнатга лаёқатсизлик ҳамда ҳомиладорлик ва туғиш нафақаларини тайинлаш ҳамда тўлаш тартиби тўғрисидаги низомга мувофиқ тегишли ахборот тизимлари орқали текширилади. Автоматик тарзда 2. Давлат ижтимоий суғуртаси бўйича тўловларни тайинлаш ёки рад этиш тўғрисидаги қарорни ҳамда тўлов рўйхат (ведомост)ларини шакллантиради ҳамда давлат ижтимоий суғуртаси бўйича тўловларнинг миқдори, тўлов шакли ва муддати ёки рад этишнинг сабаблари бўйича суғурталанган шахсга СМС-хабарнома юборади. Автоматик тарзда 3. Шакллантирилган тўлов рўйхат (ведомост)лари молиявий агентга юборилади. Қонунчиликда белгиланган муддатларда 4-босқич Давлат ижтимоий суғурта жамғармаси Давлат ижтимоий суғуртаси бўйича тўловларни тўлаш учун тегишли маблағларни молиявий агентга ўтказиб беради. Тўлов рўйхат (ведомост)ларини тақдим этиш билан бир вақтда 5-босқич Молиявий агент Суғурталанган шахсларнинг ижтимоий картаси ёки бошқа банк карталарига давлат ижтимоий суғуртаси бўйича тўловларни амалга оширади. Тўлов рўйхат (ведомост)ларини тақдим этиш учун белгиланган сўнгги кундан кейинги беш иш куни ичида Суғурталанган шахсларга амалга оширилган тўловлар ҳамда тўланмаган маблағлар тўғрисидаги маълумотларни «Ижтимоий суғурта» ахборот модули орқали тақдим этади. Доимий равишда

Давлат ижтимоий суғуртаси доирасида вақтинча меҳнатга лаёқатсизлик ҳамда ҳомиладорлик ва туғиш нафақаларини тайинлаш ҳамда тўлаш тартиби тўғрисидаги низомга 2-ИЛОВА

Давлат ижтимоий суғуртаси билан ихтиёрий асосда қамраб олинадиган шахсларни рўйхатга олиш ва ихтиёрий суғурта бадалларини тўлаш

Босқичлар Субъектлар Тадбирлар Муддатлар I. Давлат ижтимоий суғуртаси билан ихтиёрий асосда қамраб олинадиган шахсларни рўйхатга олиш тартиби 1-босқич Давлат ижтимоий суғуртаси билан ихтиёрий асосда қамраб олинадиган шахслар «Ижтимоий ҳимоя ягона реестри» ахборот тизимининг «Ижтимоий суғурта» ахборот модулида юритиладиган электрон рўйхатга кириш учун биометрик паспорт (ID-карта) маълумотлари ва телефон рақами кўрсатган ҳолда, қуйидаги усуллардан бири орқали мурожаат қилади: «Ягона миллий ижтимоий ҳимоя» ахборот тизими (кейинги ўринларда — «ЯМИҲ» АТ) ёки унинг мобил иловаси орқали; Ягона интерактив давлат хизматлари портали орқали (кейинги ўринларда — ЯИДХП); «Инсон» ижтимоий хизматлар марказлари (кейинги ўринларда — «Инсон» маркази)га бевосита бориш орқали; «Инсон» марказларининг ижтимоий ходимлари орқали; Давлат ижтимоий суғурта жамғармасининг Қорақалпоғистон Республикаси, вилоятлар ва Тошкент шаҳридаги ҳудудий вакиллари (кейинги ўринларда — ҳудудий вакиллар) орқали. Хоҳишига кўра 2-босқич «ЯМИҲ» АТ ёки унинг мобил иловаси ёхуд ЯИДХП Мурожаат қилувчи шахс томонидан мустақил равишда киритилган маълумотлар, у томонидан белгиланган тартибда тасдиқлангандан сўнг, «Ижтимоий суғурта» ахборот модулида юборилади. Автоматик тарзда «Инсон» маркази ёки ижтимоий ходимлари ёхуд ҳудудий вакиллар 1. «ЯМИҲ» АТда мурожаат қилувчи шахснинг тегишли маълумотлари, унинг номидан киритилади. Мурожаат қилинган вақтда 2. Киритилган маълумотлар мурожаат қилувчи томонидан кўриб чиқиб, белгиланган тартибда тасдиқланади. Мурожаат қилинган вақтда 3. Мурожаат қилувчининг тасдиқланган маълумотлари «Ижтимоий суғурта» ахборот модулига юборилади. Автоматик тарзда 3-босқич «Ижтимоий суғурта» ахборот модули Мурожаат қилувчи шахс «Ижтимоий суғурта» ахборот модулида юритиладиган электрон рўйхатга киритилади. Маълумотлар келиб тушгандан сўнг автоматик тарзда II. Давлат ижтимоий суғуртаси билан ихтиёрий асосда қамраб олинадиган шахслар томонидан суғурта бадалларини тўлаш тартиби 1-босқич Давлат ижтимоий суғуртаси билан ихтиёрий асосда қамраб олинадиган шахслар Ҳар ойлик энг кам миқдори қонунчилик ҳужжатларида белгиланган суғурта бадалларини ихтиёрий равишда исталган тижорат банкига мурожаат қилиш орқали ёки мустақил равишда «Ижтимоий карта» ахборот тизими ёки унинг «Барака» мобил иловаси орқали амалга оширади. Хоҳишига кўра 2-босқич Тижорат банки Давлат ижтимоий суғуртаси билан ихтиёрий асосда қамраб олинадиган шахснинг шахсини тасдиқловчи ҳужжати асосида тўловни расмийлаштиради ва маблағларни Давлат ижтимоий суғурта жамғармасининг ғазначилик ҳисоб рақамига ўтказади. Мурожаат қилувчи шахсга тўлов амалга оширилганлигини тасдиқловчи ҳужжатларни тақдим этади. Мурожаат вақтида Тижорат банки орқали ихтиёрий асосда тўланган суғурта бадаллари тўғрисидаги маълумотлар суғурталанган шахслар кесимида «Ижтимоий суғурта» ахборот модулига юборилади. Тўлов амалга оширилган вақтда автоматик тарзда 3-босқич «Ижтимоий суғурта» ахборот модули Суғурталанган шахс томонидан тўланган суғурта бадалларини ҳисобга олади ва маълумотлар базасида сақлайди. Автоматик тарзда 4-босқич Давлат ижтимоий суғурта жамғармаси Давлат ижтимоий суғуртаси билан ихтиёрий асосда қамраб олинадиган шахслар томонидан амалга оширилган суғурта бадаллари ҳисоботини юритади. Доимий равишда

Вазирлар Маҳкамасининг 2025 йил 17 декабрдаги 796-сон қарорига 5-ИЛОВА

Давлат ижтимоий суғуртаси янги тизимининг мазмун-моҳияти ва аҳамиятини ёритиш бўйича

Т/р Чора-тадбир номи Амалга ошириш шакли Муддат Масъул ижрочи 1. Давлат ижтимоий суғуртаси янги тизимининг мазмун-моҳияти ва аҳамиятини ёритиш бўйича республиканинг барча ҳудудлари кесимида матбуот анжуманларини ташкил этиш. Ўзбекистон Республикасининг «Давлат ижтимоий суғуртаси тўғрисида»ги Қонун ва Ўзбекистон Республикаси Президентининг 2025 йил 3 ноябрдаги «Давлат ижтимоий суғуртаси бўйича тўловларни тайинлаш ва тўлаш тизимини такомиллаштиришга оид чора-тадбирлар тўғрисида»ги ПФ-206-сон Фармони мазмуни-моҳияти, нафақаларни ҳисоблаш ва тўлаш механизмлари юзасидан жамоатчиликнинг фаол аъзолари иштирокида брифинглар ўтказиш. 2025-2026 йиллар давомида Ижтимоий ҳимоя миллий агентлиги, Оммавий ахборот воситалари учун контент тайёрлаш маркази, Ўзбекистон Миллий телерадиокомпанияси, Ўзбекистон Миллий ахборот агентлиги 2. Давлат ижтимоий суғуртаси янги тизимининг мазмун-моҳияти ва аҳамиятини ёритиш бўйича телевидение ва радио орқали ахборот ва тушунтиришлар бериш. Телевидение ва радио учун қисқа тушунтириш роликлари, интервьюлар ва ток-шоулар тайёрлаш; эксперт ва манфаатдор шахслар иштирокида эфирлар ташкил этиш. 2025-2026 йиллар давомида Ижтимоий ҳимоя миллий агентлиги, Оммавий ахборот воситалари учун контент тайёрлаш маркази, Ўзбекистон Миллий телерадиокомпанияси 3. Давлат ижтимоий суғуртаси янги тизимининг мазмун-моҳияти ва аҳамиятини ёритиш бўйича ижтимоий тармоқларда контентлар тайёрлаш ва жойлаштириш. Ижтимоий тармоқлар («Telegram», «Instagram», «Facebook» ва бошқалар) орқали инфографика, видео лавҳалар ва мақолалар ҳамда мутахассислар фикри, ижтимоий шарҳ тайёрлаш ва тарқатиш, шунингдек, хэштеглар орқали оммалаштириш. 2025-2026 йиллар давомида Ижтимоий ҳимоя миллий агентлиги Ўзбекистон Миллий ахборот агентлиги, Оммавий ахборот воситалари учун контент тайёрлаш маркази 4. Маҳалла марказлари ва Давлат хизматлари марказлари ҳамда маҳалладаги мавжуд тадбиркорлик субъектлари объектларида давлат ижтимоий суғуртасига оид турли материаллар тарқатиш. Маҳалла марказлари ва Давлат хизматлари марказлари ҳамда маҳаллалар ҳудудида жойлашган тадбиркорлик субъектларига давлат ижтимоий суғуртаси янги тизимининг мазмун-моҳияти ва аҳамияти бўйича буклет, брошюра ва баннерларни ижтимоий ходимлар орқали етказиш. 2025-2026 йиллар давомида Савдо-саноат палатаси, Ўзбекистон маҳаллалари уюшмаси, Ижтимоий ҳимоя миллий агентлиги, Солиқ қўмитаси, Оила ва хотин-қизлар қўмитаси, Ёшлар ишлари агентлиги, Камбағалликни қисқартириш ва бандлик вазирлиги 5. Давлат ижтимоий суғуртаси янги тизимининг мазмун-моҳияти ва аҳамиятини тушунтириш мақсадида тадбиркорлар субъектлари билан учрашувлар ташкил этиш. Савдо-саноат палатасининг ҳудудий бошқармаларида тадбиркорлар билан давра суҳбатлари, семинарлар ва маслаҳат сессияларини ўтказиш. 2025-2026 йиллар давомида Савдо-саноат палатаси, Ижтимоий ҳимоя миллий агентлиги, Ўзбекистон Миллий телерадиокомпанияси, Ўзбекистон Миллий ахборот агентлиги, Миллий медиа бирлашмаси 6. Давлат ижтимоий суғуртаси янги тизимига оид тартиб-таомиллар бўйича онлайн платформалар орқали хабарномалар жойлаштириш. «my.gov.uz», «lex.uz», «ihma.uz», «imv.uz», «soliq.uz», «mehnat.uz», «ЯММТ» ахборот тизими, «Ягона давлат назорати» ахборот тизими, «chamber.uz» ва бошқа онлайн платформаларда мазмун-моҳиятини ёритишга қаратилган ҳаракатланувчи ёзув (scrolling text) шаклида ахборот баннерларини жойлаштириш. 2025-2026 йиллар давомида Рақамли технологиялар вазирлиги, Давлат ахборот тизимларини яратиш ва қўллаб-қувватлаш бўйича ягона интегратор — «UZINFOCOM» МЧЖ, Ижтимоий ҳимоя миллий агентлиги, манфаатдор вазирлик ва идоралар 7. Ижтимоий ҳимоя миллий агентлиги ҳамда Давлат ижтимоий суғурта жамғармасининг расмий сайтида махсус бўлим яратиш (чат-бот, калькулятор). 1. Ижтимоий ҳимоя миллий агентлиги ҳамда Давлат ижтимоий суғурта жамғармасининг расмий сайтларида фуқаролар учун мурожаат қилиш (кўп бериладиган саволлар ва уларга жавоблар) ҳамда тайинланадиган нафақалар миқдорларини онлайн ҳисоблаш имкониятини яратиш. 2. Фуқароларнинг давлат ижтимоий суғуртаси тизими доирасидаги мурожаатларини Ижтимоий ҳимоя миллий агентлигининг Call-маркази билан қамраб олиш. 3. Онлайн чат хизмати фаолиятини кенгайтириш, давлат ижтимоий суғуртасининг янги тизими бўйича автоматик маълумот ботини жорий этиш. 2026 йил I чорак Ижтимоий ҳимоя миллий агентлиги 8. Давлат ижтимоий суғуртаси тизими бўйича манфаатдор вазирлик ва идораларнинг масъул ходимлари учун вебинарлар ташкил этиш. 1. Ходимлар учун давлат ижтимоий суғурта тизими ва унинг амалиётдаги аҳамияти, меҳнатга лаёқатсизлик варақаларини электрон тарзда расмийлаштириш тартиби, Давлат ижтимоий суғурта жамғармасига маълумот юбориш ва ҳисобот бериш жараёнлари, бунда меҳнатга лаёқатсизлик варақаларини расмийлаштиришда соғлиқни сақлаш тизими ходимларининг масъулияти каби мавзуларда ўқув-семинарлар ташкил қилиш. 2025-2026 йиллар давомида Соғлиқни сақлаш вазирлиги, Ижтимоий ҳимоя миллий агентлиги, Камбағалликни қисқартириш ва бандлик вазирлиги, Солиқ қўмитаси 2. Барча давлат ва нодавлат ташкилот бухгалтерлари ва НR-мутахассислари учун янги тизимнинг моҳияти, қонунчиликка киритилган янгиликлар ва ўзгаришлар тўғрисида семинар ва вебинарлар ташкил қилиш. Савдо-саноат палатаси, Иқтисодиёт ва молия вазирлиги, Камбағалликни қисқартириш ва бандлик вазирлиги, Ижтимоий ҳимоя миллий агентлиги, Солиқ қўмитаси 9. Медиамониторинг ва жамоатчилик фикрини ўрганиш. Ижтимоий тармоқлардаги фикрлар, мурожаатлар ва саволларни таҳлил қилиш, онлайн сўровнома ва контент самарадорлигини баҳолаш. Ҳар чоракда Ижтимоий ҳимоя миллий агентлиги 10. Давлат ижтимоий суғуртаси тизими бўйича подкастлар ташкил қилиш. «Ижтимоий суғурта ҳақида» мавзусида подкастлар тайёрлаш (kun.uz, daryo.uz, qalampir.uz) ҳамда блогерлар орқали ахборот тарқатиш. 2025-2026 йиллар давомида Оммавий ахборот воситалари учун контент тайёрлаш маркази 11. Жамоат жойларида ўрнатилган ахборот тарқатиш воситалари орқали тарғибот ишларини амалга ошириш. Давлат ижтимоий суғуртаси тизими мазмун-моҳияти ва аҳамияти юзасидан савдо марказлари, метро, транспорт воситалари ва LED-экранларда қисқа видеоролик ёки баннерлар жойлаштириш. 2025-2026 йиллар давомида Ижтимоий ҳимоя миллий агентлиги, Ўзбекистон Миллий ахборот агентлиги, Ўзбекистон Миллий телерадиокомпанияси, Оммавий ахборот воситалари учун контент тайёрлаш маркази, «Тасвирий ойина» ижодий уюшмаси

Вазирлар Маҳкамасининг 2025 йил 17 декабрдаги 796-сон қарорига 6-ИЛОВА

Вазирлар Маҳкамасининг айрим қарорларига киритилаётган ўзгартириш ва қўшимчалар

1. Вазирлар Маҳкамасининг «Тиббий-ижтимоий экспертиза хизмати ташкилий тузилмасини ва фаолиятини ташкил этишга оид норматив-ҳуқуқий ҳужжатларни тасдиқлаш тўғрисида» 2022 йил 8 февралдаги 62-сон қарорида :

а) қуйидаги мазмундаги 3 1 -банд билан тўлдирилсин:

«3 1 . 2025 йил декабрь ойидан бошлаб Қашқадарё вилоятида, 2026 йил 1 май ойига қадар республиканинг қолган ҳудудларида тажриба-синов тариқасида ногиронлиги бўлган шахсларни ҳисобга олиш ва навбат асосида ногиронлиги бўлган шахсларни реабилитация қилиш ва протезлаш марказлари (кейинги ўринларда — Реабилитация марказлари)га йўллаш «Ягона миллий ижтимоий ҳимоя» ахборот тизими орқали электрон тарзда амалга оширилади. Бунда:

Реабилитация марказларига йўлланма олиш учун Ягона интерактив давлат хизматлари портали, «Инсон» ижтимоий хизматлар марказлари ёки ижтимоий ходимлар орқали ёхуд бевосита оилавий шифокорга мурожаат қилиш имконияти яратилади;

ногиронлиги бўлган шахсларни Реабилитация марказларига йўллаш учун қарши кўрсатмалар мавжудлигини аниқлаш оилавий шифокор томонидан амалга оширилади;

Ногиронлиги бўлган шахсларни ҳисобга олиш ва навбат асосида Реабилитация марказларига электрон тарзда йўллаш тартиби Ижтимоий ҳимоя миллий агентлиги ҳамда Соғлиқни сақлаш вазирлиги томонидан белгиланади»;

б) 8-илованинг 30-банди иккинчи хатбошисидаги «75» рақами «100» рақами билан алмаштирилсин.

2. Вазирлар Маҳкамасининг 2024 йил 31 майдаги «Айрим турдаги нафақаларни тайинлаш ва тўлашни тартибга солиш чора-тадбирлари тўғрисида»ги 314-сон қарорида :

а) қарорда :

2-банд қуйидаги мазмундаги «а 1 » кичик банд билан тўлдирилсин:

«а 1 ) Янги туғилган болани фарзандликка олган ёки васий қилиб белгиланган ходимга бериладиган нафақанинг бир қисмини қоплаб бериш тартиби тўғрисидаги низомнинг 1 1 -иловасига мувофиқ:

туғиш вақтида ёки туғишдан кейинги даврда она вафот этганда, туғилган болани (болаларни) фарзандликка олган ёки унга васий қилиб белгиланган ходимга минимал истеъмол харажатларининг 4 баравари миқдорида нафақа тўланиши;

нафақа меҳнатга лаёқатсизлик варақаси асосида Соғлиқни сақлаш вазирлигининг Ягона тиббий ахборот тизимидан олинган маълумотлар асосида «Ижтимоий ҳимоя ягона реестри» ахборот тизими орқали фуқароларнинг мурожаатларисиз «проактив шакл»да тайинланиши ва тўланиши»;

3-банд ўз кучини йўқотган деб ҳисоблансин;

б) 1-иловада :

1-банд қуйидаги таҳрирда баён этилсин:

«1. Ушбу Низом вақтинчалик меҳнатга лаёқатсизлик, ҳомиладорлик ва туғиш бўйича нафақаларни ҳамда янги туғилган болани фарзандликка олган ёки унга васий қилиб белгиланган ходимга нафақани (кейинги ўринларда — нафақа) тайинлаш ҳамда тўлаш тартибини белгилайди. Бунда:

а) ҳомиладорлик ва туғиш нафақасини тайинлаш ва тўлашга доир нормалар «Давлат ижтимоий суғуртаси тўғрисида»ги Қонун татбиқ этилмайдиган ташкилотларнинг ходимларига ушбу турдаги нафақани тайинланиши ва тўланиши билан боғлиқ муносабатларни;

б) вақтинчалик меҳнатга лаёқатсизлик нафақасини тайинлаш ва тўлашга доир нормалар:

«Давлат ижтимоий суғуртаси тўғрисида»ги Қонун татбиқ этилмайдиган ташкилотларнинг ходимларига ушбу турдаги нафақани тайинланиши ва тўланиши билан боғлиқ муносабатларни;

давлат ижтимоий суғуртаси бўйича меҳнатга лаёқатсизлик даврининг иш берувчи томонидан тўланадиган қисми бўйича вақтинчалик меҳнатга лаёқатсизлик нафақасини тайинлаш ва тўлаш билан боғлиқ муносабатларни тартибга солади»;

3-банднинг учинчи хатбошиси қуйидаги таҳрирда баён этилсин:

«Бюджет ташкилотларидан ташқари барча юридик шахсларда ва якка тартибдаги тадбиркорларда ишловчи янги туғилган болани фарзандликка олган ёки унга васий қилиб белгиланган ходимга республика бюджети маблағлари ҳисобидан бериладиган нафақани қоплаб бериш тартиби 1 1 -иловага мувофиқ амалга оширилади.

Иш берувчиларнинг ушбу нафақани тўлаш бўйича мажбуриятлари Ўзбекистон Республикаси Президенти ҳузуридаги Ижтимоий ҳимоя миллий агентлиги томонидан республика бюджети маблағлари ҳисобидан бериладиган нафақа миқдорида камайтирилади»;

в) қуйидаги мазмундаги 1 1 -илова билан тўлдирилсин:

«Вазирлар Маҳкамасининг 2024 йил 31 майдаги 314-сон қарорига 1 1 -ИЛОВА

« Янги туғилган болани фарзандликка олган ёки васий қилиб белгиланган ходимга бериладиган нафақанинг бир қисмини қоплаб бериш тартиби тўғрисида

1-боб. Умумий қоидалар

1. Ушбу Низом Ўзбекистон Республикасида бюджет ташкилотларидан ташқари барча юридик шахсларда (кейинги ўринларда — юридик шахслар) ва якка тартибдаги тадбиркорларда меҳнат шартномасига асосан охирги 6 ой давомида узлуксиз иш стажига эга бўлган ходимларга янги туғилган болани фарзандликка олганлиги ёки унга васий қилиб белгиланганлиги муносабати билан бериладиган нафақанинг (кейинги ўринларда — нафақа) бир қисмини республика бюджети маблағлари ҳисобидан тайинлаш ва тўлаш тартибини белгилайди.

2. Мазкур Низомда қуйидаги асосий тушунчалар қўлланилади:

«Ижтимоий ҳимоя ягона реестри» ахборот тизимининг алоҳида модули — идоралараро электрон ўзаро ҳамкорлик асосида нафақани «проактив» шаклда тайинлаш ва тўлашни назарда тутувчи «Ижтимоий ҳимоя ягона реестри» ахборот тизимининг таркибий қисми (кейинги ўринларда — «Ягона реестр» АТ);

нафақа олувчи — Ўзбекистон Республикаси ҳудудидаги юридик шахслар ва якка тартибдаги тадбиркорларда охирги олти ой давомида узлуксиз иш стажига эга бўлган ҳамда янги туғилган болани фарзандликка олган ёки унга васий қилиб белгиланган ходим (якка тартибдаги тадбиркор);

тўлов рўйхат (ведомост)лари — нафақа олувчининг фамилияси, исми ва отасининг исми, паспорт маълумотлари, банк картаси орқали тўланганда тегишли тижорат банки ҳамда нафақа олувчининг банк картаси реквизитлари ва тўланиши лозим бўлган нафақа суммасига доир маълумотлар акс эттирилган, нафақа бўйича тўловларни амалга оширувчи тижорат банкига электрон кўринишда тақдим этиладиган ҳужжат.

3. Ушбу Низом бюджет ташкилотларида, шу жумладан, ўриндошлик асосида ишлайдиган ходимларга татбиқ этилмайди.

4. Нафақа туғиш вақтида ёки туғишдан кейинги даврда она вафот этган кундан бошлаб, туғилган болани (болаларни) фарзандликка олган ёки унга васий қилиб белгиланган шахсга (ходимга), бола туғилган кунидан эътиборан эллик олти календарь куни, икки ёки ундан ортиқ бола туғилганда етмиш календарь кунигача бўлган муддатда белгиланган тартибда расмийлаштирилган меҳнатга лаёқатсизлик варақаси асосида тайинланади ва тўланади.

5. Нафақа минимал истеъмол харажатларининг 4 баравари миқдорида тўланади.

Бунда нафақанинг миқдори у тайинланган даврда амалда бўлган минимал истеъмол харажатларининг миқдоридан келиб чиқиб белгиланади.

6. Нафақани тўлаш ва нотўғри тайинланган нафақани қайтариш билан боғлиқ харажатлар республика бюджетидан Ўзбекистон Республикаси Президенти ҳузуридаги Ижтимоий ҳимоя миллий агентлигига (кейинги ўринларда — Агентлик) мазкур мақсадларда ажратилган маблағлари ҳисобидан амалга оширилади.

7. Нафақа олувчининг асосий иш жойи ҳисобланган юридик шахслар ва якка тартибдаги тадбиркорларнинг нафақа тўлаш бўйича мажбуриятлари Агентлик томонидан тўланган нафақа миқдорида камайтирилади.

8. Нафақа «Ягона реестр» АТ томонидан фуқароларнинг мурожаатларисиз «проактив шакл»да тайинланади ва тўланади.

2-боб. Нафақани тайинлаш тартиби

9. Белгиланган тартибда берилган меҳнатга лаёқатсизлик варақаси нафақани тайинлаш ва тўлаш учун асос бўлади.

10. Меҳнатга лаёқатсизлик варақаси ҳудудий амбулатор-поликлиника ёки туғуруқхона муассасаси, шунингдек, меҳнатга лаёқатсизлик варақаси беришга ваколатли бошқа тиббий муассасалар томонидан Соғлиқни сақлаш вазирлигининг Ягона тиббий ахборот тизимига (кейинги ўринларда — «Ягона тиббий» АТ) электрон шаклда расмийлаштирилади.

11. «Ягона тиббий» АТ томонидан меҳнатга лаёқатсизлик варақаси автоматик равишда «Ягона реестр» АТга юборилади.

12. «Ягона реестр» АТ томонидан меҳнатга лаёқатсизлик варақаси тўғрисидаги маълумотлар келиб тушгандан сўнг, автоматик равишда нафақа олувчининг охирги олти ой давомида:

узлуксиз иш стажига эга эканлиги ва юридик шахсда бандлиги «Ягона миллий меҳнат тизими» идоралараро дастурий-аппарат комплекси (кейинги ўринларда — «ЯММТ» ИДАК), якка тартибдаги тадбиркорларда бандлиги Солиқ қўмитасининг маълумотлар базаси орқали;

меҳнатга ҳақ тўлаш тарзидаги даромадлари мавжудлиги — Солиқ қўмитасининг маълумотлар базаси орқали;

бюджет ташкилотларида ишлаши ёки ишламаслиги Иқтисодиёт ва молия вазирлигининг «UzASBO» дастурий мажмуаси орқали автоматик равишда текширилади.

13. Нафақа олувчининг охирги олти ой давомидаги узлуксиз иш стажини ҳисоблашда, юридик шахсларда «ЯММТ» ИДАКдаги ва якка тартибдаги тадбиркорларда Солиқ қўмитасининг маълумотлар базасидаги меҳнатга лаёқатсизлик варақаси расмийлаштирилган кунга қадар олти ой узлуксиз иш стажи инобатга олинади.

Бунда ушбу даврда ўттиз бир кундан кўп бўлмаган танаффуслар бўлганда, меҳнатга лаёқатсизлик варақаси расмийлаштирилган кундан олдинги ўн икки ой давомидаги кетма-кет даврлар иш стажини ҳисоблашда қўлланилади. Агар охирги олти ой давомидаги узлуксиз иш стажи даврида ходимнинг меҳнатга ҳақ тўлаш тарзидаги даромадлари мавжуд бўлмаса, ушбу давр иш стажини ҳисоблашда инобатга олинмайди.

Болани парваришлаш учун таътилда бўлган ходимнинг иш стажини Солиқ қўмитасининг маълумотлар базаси орқали текширишда унинг таътилга чиқишидан олдинги даври ҳисобга олинади.

14. Нафақа ходим йиллик (асосий ва қўшимча) меҳнат таътилида, болани парваришлаш учун таътилда ёки иш ҳақи сақланмайдиган таътилларда бўлганда ҳам тўлаб берилади.

15. Нафақа олувчининг охирги олти ой давомидаги узлуксиз иш стажи давридаги меҳнатга ҳақ тўлаш тарзидаги даромадлари мавжуд бўлса ва «ЯММТ» ИДАКда иш стажи тўғрисидаги маълумот бўлмаган тақдирда, бу ҳақда «Ягона реестр» АТ томонидан автоматик тарзда нафақа олувчининг «Ягона тиббий» АТда қайд этилган мобил телефон рақамига СМС-хабар, шунингдек, иш берувчининг Солиқ қўмитасининг маълумотлар базасидаги ва «ЯММТ» ИДАКдаги шахсий кабинетларига хабарнома юборилади.

Нафақа олувчининг иш стажи номутаносиблиги (нотўғри киритилганлиги ёки киритилмаганлиги) хабарнома олинган ойдан кейинги ойнинг охирги иш кунига қадар «ЯММТ» ИДАКда иш берувчи томонидан тўғриланиши лозим.

16. Хабарнома юборилган нафақа олувчиларнинг охирги олти ой давомидаги узлуксиз иш стажи хабарнома юборилган ойдан кейинги ойнинг охирги иш кунида қайта текширилади.

Номутаносиблик тўғриланмаган ҳолларда, нафақа тайинлашни рад этиш тўғрисидаги қарор «Ягона реестр» АТ томонидан автоматик тарзда шакллантирилади.

17. «Ягона реестр» АТ томонидан нафақа олувчининг охирги олти ой давомидаги узлуксиз иш стажи, меҳнатга ҳақ тўлаш тарзидаги даромадлари ва унинг ишлаши тасдиқланганда, нафақани тайинлаш тўғрисидаги қарор автоматик тарзда шакллантирилади.

18. «Ягона реестр» АТ томонидан:

нафақа тайинлаш тўғрисидаги қарор қабул қилинганда, нафақанинг тўлов шакли ва муддати бўйича;

нафақа тайинлашни рад этиш тўғрисидаги қарор қабул қилинганда, рад этиш сабаблари бўйича нафақа олувчининг «Ягона тиббий» АТда қайд этилган мобил телефон рақамига СМС-хабар, шунингдек, иш берувчининг Солиқ қўмитасининг маълумотлар базасидаги ва «ЯММТ» ИДАКдаги шахсий кабинетларига автоматик тарзда хабарнома юборилади.

3-боб. Нафақани тўлаш тартиби

19. Ушбу Низомга мувофиқ тайинланган нафақани тўлаб бериш Агентлик томонидан тўғридан-тўғри шартнома асосида жалб этилган тижорат банки томонидан амалга оширилади.

20. «Ягона реестр» АТ томонидан ҳар ойнинг 10-санасига қадар нафақа бўйича тўлов рўйхат (ведомост)лари тижорат банкига тақдим этилади ҳамда Агентликнинг махсус ғазна ҳисобварағидан зарур маблағлар белгиланган тартибда тижорат банкига ўтказиб берилади.

Ушбу бандда кўрсатилган муддатнинг охирги куни байрам ва дам олиш кунларига тўғри келганда, тўлов рўйхат (ведомост)лари ва зарур маблағлар кейинги 2 иш куни мобайнида тижорат банкига тақдим этилиши ва молиялаштирилиши мумкин.

21. Нафақани тўлаш учун тижорат банкида алоҳида махсус банк ҳисобварақлари очилади.

22. «Ягона реестр» АТ томонидан тўлов рўйхат (ведомост)лари банк картаси бўйича шакллантирилади. Бунда тегишли банклараро репроцессинг марказларидан нафақа олувчининг номига очилган, актив ҳолатда бўлган, охирги олтмиш кун давомида охирги транзакция амалга оширилган банк пластик картаси танлаб олинади.

Нафақа олувчининг банк картаси бўлмаганда, тўлов нақд пул кўринишида амалга оширилади.

23. Тижорат банки томонидан нафақа тўлов амалга ошириладиган ойнинг 27-санасига қадар тўлаб берилади.

24. Тижорат банки томонидан нафақани нақд пул кўринишида нафақа олувчининг мурожаатига асосан, бироқ нафақа тайинланганлиги тўғрисида СМС-хабар юборилган кундан бошлаб тўқсон кун давомида белгиланган тартибда тўланади.

25. Жорий ой мобайнида нафақа олувчилар томонидан талаб қилинмаган маблағларни тижорат банкининг махсус ҳисобварақлардан келгусида тўлаш учун Агентлик махсус ғазна ҳисобварағига қайтарилади.

26. Тижорат банки ҳар ойнинг охирги иш кунига қадар ушбу ой учун ва йил бошидан амалга оширилган тўловлар ҳамда тўланмаган маблағлар ҳақидаги маълумотларни «Ягона реестр» АТга тақдим этади.

27. Нафақа олувчиларга тижорат банки томонидан нафақани нақд пул шаклида тўлаб берганлик учун банк хизмат ҳақи миқдори тижорат банки ва Агентлик ўртасида тузиладиган шартномага мувофиқ, бироқ нақд пул шаклида тўлаб берилган нафақа миқдорининг 0,5 фоизидан ошмаган миқдорда белгиланади.

28. Нафақа олувчининг виждонсизлиги ёки ҳисоб-китоблардаги хатоликлар туфайли нотўғри тўланган нафақа нафақа олувчи томонидан Агентликка бир ой ичида қайтарилиши лозим. Бунда ихтиёрий равишда қайтарилмаган ёки тўлиқ қайтарилмаган маблағ суд тартибида ундирилади.

Ушбу бандда кўрсатилган асослардан бошқа сабаблар билан нотўғри тўланган нафақа хатоликка йўл қўйган ташкилот ходимидан белгиланган тартибда ундирилади.

Нотўғри тўланган нафақа тижорат банки орқали нафақа олувчидан хизмат ҳақи ундирилмаган ҳолда қайтарилади.

4-боб. Якунловчи қоидалар

29. Манфаатдор вазирликлар ва идораларнинг ахборот тизимларидан нафақа олувчи тўғрисида электрон шаклда автоматлаштирилган тарзда олинган маълумотлар «Шахсга доир маълумотлар тўғрисида»ги Ўзбекистон Республикаси Қонунига мувофиқ ҳимояланади.

Тегишли давлат органлари ўз фаолиятини амалга ошириши натижасида нафақа олувчи тўғрисида олинган маълумотларнинг сир сақланишини таъминлайди.

30. «Ягона реестр» АТда ҳамда манфаатдор вазирлик ва идораларнинг ахборот тизимларида техник носозликлар ҳамда маълумотлар алмашинуви жараёнида узилишлар юзага келганда, ушбу ҳолатлар тўлиқ бартараф этилгунга қадар меҳнатга лаёқатсизлик варақасидаги электрон маълумотларни киритиш, нафақани тайинлаш ва тўлаш муддатлари узайтирилиши мумкин.

31. Мазкур Низом талаблари бузилишида айбдор бўлган шахслар қонунчилик ҳужжатларида белгиланган тартибда жавоб беради».

г) 3-илова ўз кучини йўқотган деб ҳисоблансин.

3. Ўзбекистон Республикаси Вазирлар Маҳкамасининг 2025 йил 1 июлдаги 405-сон қарори билан тасдиқланган Ногиронлиги бўлган шахслар бандлигини таъминлашга кўмаклашиш, уларнинг бандлигини таъминлаш ҳамда меҳнат қилишини қўллаб-қувватлашни рағбатлантириш тартиби тўғрисидаги низомда :

а) 18-банд қуйидаги мазмундаги иккинчи хатбоши билан тўлдирилсин:

«Бунда электрон реестрда турган I ва (ёки) II гуруҳ ногиронлиги бўлган шахсни расмий бандлиги таъминланган ойда ишга қабул қилинган санадан қатъий назар, меҳнатга ҳақ тўлаш бўйича шарт бажарилган тақдирда, мазкур ногиронлиги бўлган шахс бир ой давомида расмий банд қилинган деб ҳисобланади»;

б) 19-банднинг биринчи хатбошиси «бажарилиши таъминлангандан кейин» сўзларидан кейин «олти ой ичида» сўзлари билан тўлдирилсин;

в) 25-банднинг «а» кичик банди қуйидаги таҳрирда баён этилсин:

«а) сурдотаржимон ёки психолог хизматини кўрсатмоқчи бўлган шахслар мазкур соҳада олий маълумотга эга бўлиши ёки давлат таълим ташкилотларида касбий ва педагогик қайта тайёрлов курсларини тамомлаган бўлиши талаб этилади.

Республика касбий кўникмалар маркази ёки Ўзбекистон карлар жамияти томонидан сурдотаржимонлик йўналишида ташкил этиладиган ўқув курслари ёки қайта тайёрлов курсларини ўқиб тугатган шахслар томонидан сурдотаржимон хизмати кўрсатилиши мумкин»;

г) 26-бандда :

қуйидаги мазмундаги тўртинчи хатбоши билан тўлдирилсин:

«давлат таълим ташкилотларининг касбий ва педагогик қайта тайёрлов курсларини тамомлаган ёки республика касбий кўникмалар маркази ёхуд Ўзбекистон карлар жамияти томонидан ташкил этиладиган ўқув курслари ёки қайта тайёрлов курсларини ўқиб тугатган шахслар, ушбу маълумотни тасдиқловчи ҳужжатларни (диплом, сертификат) илова қилиш орқали»

тўртинчи хатбоши бешинчи хатбоши деб ҳисоблансин;

е) 27-банд қуйидаги мазмундаги тўртинчи хатбоши билан тўлдирилсин:

«Хизмат кўрсатувчи шахслар томонидан ушбу Низомнинг 26-банди тўртинчи хатбошисида кўрсатилган ҳужжатлар илова қилинган ҳолда, мурожаат этилган тақдирда, мазкур ҳужжатлар «ЯМИҲ» АТ орқали Агентликнинг тегишли ҳудудий бошқармалари томонидан икки иш куни ичида кўриб чиқилиб, текширилади»;

ж) 28-бандда :

биринчи хатбошиси «маълумотлар мавжудлиги аниқланган» сўзларидан кейин «ёки ўз тасдиғини топган» сўзлари билан тўлдирилсин;

иккинчи хатбошиси «маълумотларнинг мавжуд эмаслиги» сўзларидан кейин «ёки ўз тасдиғини топмаганлиги» сўзлари билан тўлдирилсин;

з) 39-банд қуйидаги мазмундаги иккинчи хатбоши билан тўлдирилсин:

«Агар бандликка кўмаклашиш субсидияси ёки иш ўринларига мослаштириш субсидияси тадбиркорлик субъектлари томонидан нотўғри киритилган (кўрсатилган) маълумотлар асосида ёки техник камчиликлар ёхуд ҳисоб-китоблардаги хатоликлар туфайли нотўғри тўланган тақдирда, мазкур маблағлар уларнинг нотўғри тўланганлиги аниқланган санадан бошлаб тадбиркорлик субъектлари томонидан Жамғармага бир ой ичида қайтарилиши лозим. Бунда ихтиёрий равишда Жамғармага қайтарилмаган ёки тўлиқ қайтарилмаган маблағ суд тартибида ундирилади»;

и) 3-илова қуйидаги мазмундаги изоҳ қисми билан тўлдирилсин:

4. Вазирлар Маҳкамасининг «Жазони ижро этиш муассасаларидан озод қилинган шахсларга нафақа тайинлаш ва тўлаш тартибини такомиллаштириш чора-тадбирлари тўғрисида»ги 2025 йил 16 июлдаги 444-сон қарорида :

а) қарорда :

3-банднинг «б» кичик бандидаги «маҳаллий» сўзи «республика» сўз билан алмаштирилсин;

5-банддаги «тегишли бюджет» сўзлари «Давлат бюджети» сўзлари билан алмаштирилсин;

б) иловада :

5-бандидаги «маҳаллий» сўзи «республика» сўз билан алмаштирилсин;

11-бандда :

қуйидаги мазмундаги тўртинчи хатбоши билан тўлдирилсин:

«жазони ижро этиш муассасасидан озод қилинган шахс вафот этган тақдирда»;

тўртинчи хатбоши бешинчи хатбоши деб ҳисоблансин.

Вазирлар Маҳкамасининг 2025 йил 17 декабрдаги 796-сон қарорига 7-ИЛОВА

Ўзбекистон Республикаси Ҳукуматининг ўз кучини йўқотган деб ҳисобланаётган қарорлари рўйхати

1. Вазирлар Маҳкамасининг 2022 йил 20 сентябрдаги «Давлат ижтимоий суғурта тизимини ривожлантириш чора-тадбирлари тўғрисида»ги 515-сон қарори .

2. Вазирлар Маҳкамасининг 2024 йил 5 октябрдаги «Ижтимоий ҳимояга муҳтож шахсларни моддий қўллаб-қувватлаш ҳамда ногиронлиги бўлган болаларни ижтимоий ҳимоя қилиш тизими такомиллаштирилиши муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида»ги 640-сон қарорига илованинг 8-банди .

Ўзбекистон Республикасининг Бош вазири А. АРИПОВ

Тошкент ш.,

2025 йил 17 декабрь,

796 -сон

(Қонунчилик маълумотлари миллий базаси, 19.12.2025 й., 09/25/796/1180-сон; 13.05.2026 й., 09/26/239/0481-сон; 13.08.2026 й., 09/26/440/0837-сон)

lex.uz

Oʻzbekiston Respublikasi Vazirlar Mahkamasining

qarori

NIZOM

TARKIBI

TUZILMASI

NIZOM

SXEMASI

SXEMASI

MEDIA-REJA

NIZOM

Aholiga davlat ijtimoiy sugʻurtasi boʻyicha toʻlovlarni amalga oshirish tizimini takomillashtirishning qoʻshimcha chora-tadbirlari toʻgʻrisida

Oʻzbekiston Respublikasining “Davlat ijtimoiy sugʻurtasi toʻgʻrisida”gi Qonuni hamda Oʻzbekiston Respublikasi Prezidentining 2025-yil 3-noyabrdagi “Davlat ijtimoiy sugʻurtasi boʻyicha toʻlovlarni tayinlash va toʻlash tizimini takomillashtirishga oid chora-tadbirlar toʻgʻrisida”gi PF-206-son Farmoni ijrosini taʼminlash maqsadida Vazirlar Mahkamasi qaror qiladi:

1. Belgilansinki:

davlat ijtimoiy sugʻurtasi boʻyicha homiladorlik va tugʻish hamda vaqtincha mehnatga layoqatsizlik nafaqalari tarzidagi toʻlovlar (keyingi oʻrinlarda — davlat ijtimoiy sugʻurtasi boʻyicha toʻlovlar) fuqarolarning murojaati talab etilmagan (proaktiv shaklda) holda, “Ijtimoiy himoya yagona reyestri” axborot tizimining (keyingi oʻrinlarda — “Yagona reyestr” AT) “Ijtimoiy sugʻurta” axborot moduli orqali tayinlanadi;

sugʻurtalangan shaxslarga davlat ijtimoiy sugʻurtasi boʻyicha toʻlovlar Oʻzbekiston Respublikasi Prezidenti huzuridagi Ijtimoiy himoya milliy agentligining (keyingi oʻrinlarda — Agentlik) Davlat ijtimoiy sugʻurta jamgʻarmasi (keyingi oʻrinlarda — Jamgʻarma) tomonidan toʻgʻridan-toʻgʻri shartnoma asosida jalb etilgan tijorat banki tomonidan sugʻurtalangan shaxslarda mavjud ijtimoiy karta yoki bank kartasi orqali amalga oshiriladi;

“Yagona reyestr” AT orqali sugʻurtalangan shaxslarning mobil aloqa vositalariga davlat ijtimoiy sugʻurtasi bilan bogʻliq jarayonlar boʻyicha bepul qisqa SMS-xabarlar yuboriladi.

2. Oʻzbekiston Respublikasining Mehnat kodeksiga muvofiq:

ish beruvchilar mehnat shartnomalarini, shuningdek ularga doir oʻzgartirish va qoʻshimchalarni Oʻzbekiston Respublikasi Vazirlar Mahkamasi tomonidan belgilangan tartibda “Yagona milliy mehnat tizimi” idoralararo dasturiy-apparat kompleksida (keyingi oʻrinlarda — “YAMMT” IDAK) oʻz vaqtida roʻyxatga olishi shart etib belgilanganligi;

xodimning xohishiga koʻra qonunchilikda va mehnat haqidagi boshqa huquqiy hujjatlarda, shuningdek, mehnat shartnomasi shartlarida nazarda tutilgan hollarda ish haqi saqlanmaydigan taʼtil majburiy tartibda berilishi belgilanganligi maʼlumot uchun qabul qilinsin.

3. Shunday tartib oʻrnatilsinki, unga muvofiq 2026-yil 1-yanvardan boshlab:

davlat ijtimoiy sugʻurtasi doirasida barcha ish beruvchilar, shu jumladan yakka tartibdagi tadbirkorlik subyektlari tomonidan xodimlarga beriladigan barcha turdagi taʼtillarni, shuningdek, fuqarolik-huquqiy tusdagi shartnomalarni “YAMMT” IDAKda roʻyxatga olish tizimi yoʻlga qoʻyiladi;

sugʻurtalangan shaxslarga, ularning xohishiga koʻra bir kalendar yil davomida 2 ish kunidan koʻp boʻlmagan ish haqi saqlanmaydigan qoʻshimcha taʼtil olish huquqi beriladi.

4. Kambagʻallikni qisqartirish va bandlik vazirligi:

bir oy muddatda “YAMMT” IDAKda xodimlarga beriladigan barcha turdagi taʼtillarni va fuqarolik-huquqiy tusdagi shartnomalarni roʻyxatga olish imkoniyatini yaratsin;

2027-yil 1-yanvarga qadar harbiy xizmatchilarning, ichki ishlar organlarining, Oʻzbekiston Respublikasi Milliy gvardiyasining boshliqlar va oddiy askarlar tarkibidan boʻlgan shaxslarning, sudyalarning va prokuratura organlarining martaba darajalariga (harbiy va maxsus unvonlarga) ega boʻlgan xodimlari bilan tuzilgan mehnat shartnomalarini, shuningdek ularga doir oʻzgartirish va qoʻshimchalarni “YAMMT” IDAKda kiritish imkoniyatlarini tahlil qilgan holda, Oʻzbekiston Respublikasi Prezidenti Administratsiyasiga taklif kiritsin.

5. Quyidagilar:

Oʻzbekiston Respublikasi Prezidenti huzuridagi Ijtimoiy himoya milliy agentligining Davlat ijtimoiy sugʻurta jamgʻarmasi toʻgʻrisidagi nizom 1-ilovaga muvofiq;

Oʻzbekiston Respublikasi Prezidenti huzuridagi Ijtimoiy himoya milliy agentligining Davlat ijtimoiy sugʻurta jamgʻarmasining Kuzatuv kengashi tarkibi 2-ilovaga muvofiq;

Oʻzbekiston Respublikasi Prezidenti huzuridagi Ijtimoiy himoya milliy agentligining Davlat ijtimoiy sugʻurta jamgʻarmasining Ijro etuvchi direksiyasi tuzilmasi 3-ilovaga muvofiq;

Davlat ijtimoiy sugʻurtasi doirasida vaqtincha mehnatga layoqatsizlik hamda homiladorlik va tugʻish nafaqalarini tayinlash hamda toʻlash tartibi toʻgʻrisidagi nizom 4-ilovaga muvofiq;

Davlat ijtimoiy sugʻurtasi yangi tizimining mazmun-mohiyati va ahamiyatini yoritish boʻyicha media-reja 5-ilovaga muvofiq tasdiqlansin.

6. Agentlik uch oy muddatda Raqamli texnologiyalar vazirligi bilan birgalikda “Yagona milliy ijtimoiy himoya” axborot tizimi orqali sugʻurtalangan shaxslar tomonidan sugʻurta stajlari, toʻlangan sugʻurta badallari hisobidan xabardor boʻlish, nafaqa tayinlash rad etilganligi yoki uning miqdori notoʻgʻri hisoblanganligi va boshqa masalalar yuzasidan murojaat qilish imkoniyatini yaratsin.

7. Sogʻliqni saqlash vazirligi:

a) 2026-yil 1-yanvarga qadar Soliq qoʻmitasi hamda Kambagʻallikni qisqartirish va bandlik vazirligi bilan birgalikda Yagona tibbiy axborot tizimini takomillashtirish choralarini koʻrsin. Bunda quyidagilar nazarda tutilsin:

Yagona tibbiy axborot tizimini Soliq qoʻmitasining tegishli axborot tizimlari va “YAMMT” IDAK bilan toʻliq integratsiya qilish;

mehnatga layoqatsizlik varaqasi rasmiylashtirish vaqtida sugʻurtalangan shaxsning ish joyi Yagona tibbiy axborot tizimida avtomatik ravishda aniqlash imkoniyatini yaratish;

mehnatga layoqatsizlik varaqasini oʻtkazib yuborilgan kunlar uchun rasmiylashtirishning texnik imkoniyatlarini toʻliq cheklash, qonunchilikda belgilangan holatlar bundan mustasno;

homiladorlik va tugʻish boʻyicha hamda yangi tugʻilgan bolani farzandlik olinishi yoki vasiy qilib belgilanishi boʻyicha mehnatga layoqatsizlik varaqalarini rasmiylashtirishda, mehnatga layoqatsizlik varaqalari “Yagona reyestr” ATga kelib tushganda, ularni rasmiylashtirish maqsadini aniqlash imkoniyatini yaratish;

b) bir oy muddatda Iqtisodiyot va moliya vazirligi va Kambagʻallikni qisqartirish bilan birgalikda, oʻzlari qabul qilgan normativ-huquqiy hujjatlarni ushbu qarorga muvofiqlashtirsin.

8. Oʻzbekiston Respublikasi Hukumatining 6-ilovaga muvofiq ayrim qarorlariga oʻzgartirish va qoʻshimchalar kiritilsin.

9. Oʻzbekiston Respublikasi Hukumatining baʼzi qarorlari 7-ilovaga muvofiq oʻz kuchini yoʻqotgan deb hisoblansin.

10. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov zimmasiga yuklansin.

Vazirlar Mahkamasining 2025-yil 17-dekabrdagi 796-son qaroriga 1-ILOVA

Oʻzbekiston Respublikasi Prezidenti huzuridagi Ijtimoiy himoya milliy agentligining Davlat ijtimoiy sugʻurta jamgʻarmasi toʻgʻrisida

1-bob. Umumiy qoidalar

1. Mazkur Nizom Oʻzbekiston Respublikasi Prezidenti huzuridagi Ijtimoiy himoya milliy agentligining Davlat ijtimoiy sugʻurta jamgʻarmasi (keyingi oʻrinlarda — Jamgʻarma) faoliyatini boshqarish, shuningdek, uning mablagʻlarini shakllantirish va ushbu mablagʻlardan foydalanish yoʻnalishlarini belgilaydi.

2. Jamgʻarma oʻz faoliyatida Oʻzbekiston Respublikasi Konstitutsiyasi va qonunlari, Oʻzbekiston Respublikasi Oliy Majlisi palatalarining qarorlari, Oʻzbekiston Respublikasi Prezidentining farmonlari, qarorlari, farmoyishlari, Vazirlar Mahkamasining qarorlari, farmoyishlari hamda boshqa qonunchilik hujjatlari, Oʻzbekiston Respublikasi Prezidenti huzuridagi Ijtimoiy himoya milliy agentligi (keyingi oʻrinlarda — Agentlik) direktorining buyruqlari hamda ushbu Nizomga amal qiladi.

3. Jamgʻarma davlat muassasasi shaklidagi yuridik shaxs hisoblanadi, oʻzining mustaqil balansiga, shaxsiy gʻazna hisobvaraqlariga, Oʻzbekiston Respublikasi Davlat gerbi tasviri tushirilgan va oʻz nomi yozilgan muhrga ega boʻladi.

4. Jamgʻarmaning rasmiy nomi:

a) davlat tilida:

toʻliq nomi — Oʻzbekiston Respublikasi Prezidenti huzuridagi Ijtimoiy himoya milliy agentligining Davlat ijtimoiy sugʻurta jamgʻarmasi;

qisqartirilgan nomi — Davlat ijtimoiy sugʻurta jamgʻarmasi;

b) rus tilida:

toʻliq nomi — Gosudarstvenniy fond sotsialnogo straxovaniya Natsionalnogo agentstva sotsialnoy zashiti pri Prezidente Respubliki Uzbekistan;

qisqartirilgan nomi — Gosudarstvenniy fond sotsialnogo straxovaniya;

v) ingliz tilida:

toʻliq nomi — State Social Insurance Fund of the National Agency for Social Protection under the President of the Republic of Uzbekistan;

qisqartirilgan nomi — State Social Insurance Fund.

5. Jamgʻarma Davlat maqsadli jamgʻarmasi hisoblanadi.

6. Jamgʻarmaning joylashgan joyi (pochta manzili) — Toshkent shahri, Amir Temur koʻchasi, 3-uy, pochta indeksi 100060.

7. Jamgʻarma oʻz faoliyatida Davlat ijtimoiy sugʻurta jamgʻarmasining Kuzatuv kengashi (keyingi oʻrinlarda — Kuzatuv kengashi) va Agentlikka hisobdordir.

2-bob. Jamgʻarma mablagʻlarini shakllantirish

8. Jamgʻarma mablagʻlari Oʻzbekiston Respublikasining konsolidatsiyalashgan budjeti tarkibiga kiradi va uning hisobi belgilangan tartibda Oʻzbekiston Respublikasi Davlat budjetining gʻazna ijrosi orqali yuritiladi.

9. Jamgʻarma mablagʻlari quyidagi manbalar hisobidan shakllantiriladi:

Oʻzbekiston Respublikasining Davlat budjeti toʻgʻrisidagi Qonuni bilan miqdori belgilanadigan ish beruvchilar tomonidan toʻlanadigan ijtimoiy soliqning bir qismi;

sugʻurta badali sifatida Oʻzbekiston Respublikasining Davlat budjeti toʻgʻrisidagi Qonuni bilan miqdori (stavkasi) belgilanadigan jismoniy shaxslardan olinadigan daromad soligʻining bir qismi;

davlat ijtimoiy sugʻurtasi bilan ixtiyoriy tartibda qamrab olinadigan fuqarolar tomonidan amalga oshiriladigan sugʻurta badallari;

Oʻzbekiston Respublikasi respublika budjetidan har yili ajratiladigan transfertlar;

Jamgʻarmaning vaqtincha boʻsh turgan mablagʻlarini tijorat banklariga joylashtirishdan foiz shaklida olinadigan daromadlar;

qonunchilik hujjatlarida taqiqlanmagan boshqa mablagʻlar.

Jamgʻarma mablagʻlari soliq solinadigan obyekt hisoblanmaydi.

10. Ushbu Nizomning 9-bandi :

ikkinchi va uchinchi xatboshilarida belgilangan manbalar qonunchilik hujjatlarida belgilangan taqsimotga muvofiq Iqtisodiyot va moliya vazirligi huzuridagi Gʻaznachilik xizmati qoʻmitasi tomonidan avtomatik ravishda Jamgʻarmaga yoʻnaltiriladi;

toʻrtinchi xatboshisida nazarda tutilgan mablagʻlar fuqarolar tomonidan toʻgʻridan-toʻgʻri Jamgʻarmaga toʻlanadi.

3-bob. Jamgʻarma mablagʻlarini boshqarish

11. Jamgʻarma Ijro etuvchi direksiyasi (keyingi oʻrinlarda — Direksiya) tomonidan boshqariladi.

Direksiya Jamgʻarma mablagʻlarini tasarruf etuvchi hisoblanadi.

12. Kuzatuv kengashi:

har yili Jamgʻarma mablagʻlaridan foydalanishning asosiy yoʻnalishlarini, Jamgʻarma daromadlari va xarajatlarining prognoz koʻrsatkichlarini koʻrib chiqadi va tasdiqlaydi;

umumiy tasdiqlangan parametrlar doirasida, zarurat boʻlganda, Jamgʻarma daromadlari va xarajatlarining prognoz parametrlariga oʻzgartirishlar kiritadi;

Jamgʻarma faoliyati haqidagi hisobotlarni davriy ravishda eshitib boradi va tasdiqlaydi;

davlat ijtimoiy sugʻurtasi boʻyicha toʻlovlarni toʻlash boʻyicha moliyaviy agentni jalb qiladi;

Jamgʻarma oldiga qoʻyilgan vazifalarni hal etish uchun manfaatdor vazirliklar, idoralar, boshqa tashkilotlarni jalb qilish, shuningdek yuridik va jismoniy shaxslarning, shu jumladan Oʻzbekiston Respublikasi norezidentlarining homiylik xayriyalarini jalb etishda Jamgʻarmaga koʻmaklashadi.

Jamgʻarma Kuzatuv kengashi qonunchilik hujjatlariga muvofiq boshqa vazifalarni ham amalga oshiradi.

13. Kuzatuv kengashi majlislari zaruratga koʻra oʻtkaziladi.

14. Kuzatuv kengashi majlisini kengash raisi, u boʻlmagan taqdirda esa — kengash raisining oʻrinbosari boshqaradi.

15. Kuzatuv kengashi majlisi unda Kuzatuv kengashi aʼzolarining kamida uchdan ikki qismi ishtirok etgan taqdirda vakolatli hisoblanadi.

Kuzatuv kengashining qarori kengash aʼzolarining oddiy koʻpchilik ovozi bilan qabul qilinadi va Kuzatuv kengashi raisi tomonidan imzolanadi.

Ovozlar teng boʻlganda, Kuzatuv kengashi raisining ovozi hal qiluvchi ovoz hisoblanadi.

16. Kuzatuv kengashi qarorlari Kuzatuv kengashi majlisining bayonnomalari bilan rasmiylashtiriladi. Kengash majlisining bayonnomasi Kuzatuv kengashi raisi, u boʻlmagan taqdirda esa, kengash raisining oʻrinbosari tomonidan tasdiqlanadi.

17. Direksiya Kuzatuv kengashining ishchi organi hisoblanadi.

18. Agentlik:

Jamgʻarmaga yuklangan vazifalarning bajarilishini muvofiqlashtiradi;

Jamgʻarmaga yuklangan vazifalarning ijrosini tashkil qilish, tegishli loyihalarni ishlab chiqish hamda amaliyotga tatbiq etish va zarur tavsiyalar tayyorlanishini taʼminlash choralarini koʻradi;

Jamgʻarma faoliyati, shu jumladan mablagʻlarning belgilangan yoʻnalishlar boʻyicha maqsadli yoʻnaltirilishi, davlat ijtimoiy sugʻurtasi sohasiga doir qarorlarning oʻz vaqtida qabul qilinishi yuzasidan monitoringni amalga oshiradi.

Jamgʻarma Ijrochi direktori va uning oʻrinbosarini lavozimga tayinlaydi hamda lavozimdan ozod etadi.

19. Direksiya:

Oʻzbekiston Respublikasining navbatdagi yil uchun Oʻzbekiston Respublikasi Davlat budjeti asosiy parametrlari bilan bogʻliq holda, Jamgʻarma mablagʻlaridan foydalanishning asosiy yoʻnalishlari boʻyicha Jamgʻarma daromadlari va xarajatlarining har yilgi prognoz koʻrsatkichlarini shakllantiradi hamda koʻrib chiqish va tasdiqlash uchun Kuzatuv kengashiga kiritadi;

Jamgʻarma mablagʻlarini shakllantirish manbalarini kengaytirish va xarajatlar samaradorligini oshirishga doir takliflarni ishlab chiqadi va koʻrib chiqish uchun Kuzatuv kengashi hamda Agentlikka kiritadi;

Jamgʻarma oldiga qoʻyilgan vazifalarning oʻz vaqtida va samarali bajarilishi uchun zarur qoʻshimcha mablagʻlarni jalb etish boʻyicha amaliy choralar koʻradi;

Jamgʻarma daromadlari va xarajatlari smetasining ijrosi yuzasidan hisobotni Kuzatuv kengashi hamda Agentlikka taqdim etadi;

Jamgʻarma mablagʻlaridan foydalanilishi yuzasidan belgilangan tartibda monitoring yuritilishini taʼminlaydi hamda monitoring natijasida aniqlangan holatlarni tahlil qiladi va tegishli qaror qabul qilish uchun Kuzatuv kengashi yoki Agentlikka taklif kiritadi;

jismoniy shaxslar va yuridik shaxslarning murojaatlarini qonun hujjatlarida belgilangan muddatlarda koʻrib chiqadi, jismoniy shaxslarni va yuridik shaxslarning vakillarini qabul qiladi;

Direksiya shtatlar jadvali va xarajatlar smetasini, zarur hollarda ularga kiritiladigan tegishli oʻzgartirishlarni tasdiqlaydi;

qonunchilik hujjatlariga muvofiq boshqa vazifalarni amalga oshiradi.

20. Direksiya quyidagi huquqlarga ega:

sugʻurta hodisasi yuzaga kelganda, zaruratga qarab, sugʻurta hodisasi yuzaga kelganligini tekshirish;

sugʻurta badallarini hisobga olish va toʻlash boʻyicha hujjatlarni (elektron maʼlumotlarni), shuningdek, davlat ijtimoiy sugʻurtasi boʻyicha toʻlovlarni amalga oshirish bilan bogʻliq hujjatlarni tekshirish;

sugʻurtalangan shaxsni identifikatsiya qilish, sugʻurta stajini va sugʻurta badalining miqdorini aniqlash, sugʻurta hodisasi yuzaga kelganligini tasdiqlash uchun zarur boʻlgan sugʻurtalangan shaxs toʻgʻrisidagi maʼlumotlarni bepul olish;

“Davlat ijtimoiy sugʻurtasi toʻgʻrisida”gi Qonunga muvofiq davlat ijtimoiy sugʻurtasi boʻyicha toʻlovlarni toʻxtatib turish, qayta tiklash va tugatish;

oʻz huquqlarini himoya qilish va yetkazilgan zararning oʻrnini qoplash toʻgʻrisidagi daʼvolar, shu jumladan sugʻurtalangan shaxs tomonidan taqdim etilgan ishonchsiz yoki soxta hujjatlar (maʼlumotlar) asosida davlat ijtimoiy sugʻurtasi boʻyicha toʻlovlar tayinlanganligi munosabati bilan qilingan xarajatlarning oʻrnini qoplash haqidagi daʼvolar bilan sudga murojaat qilish;

nafaqalarni oʻz vaqtida hamda toʻliq yetkazib berilishi monitoringini yuritadi;

Direksiya qonunchilik hujjatlariga muvofiq boshqa huquqlarga ham ega boʻlishi mumkin.

21. Quyidagilar Direksiyaning majburiyatlari hisoblanadi:

davlat ijtimoiy sugʻurtasi boʻyicha toʻlovlar uchun sugʻurta badallarini jamgʻarib borish;

faoliyati toʻgʻrisidagi axborotni oʻzining rasmiy veb-saytida joylashtirish;

davlat ijtimoiy sugʻurtasi boʻyicha toʻlovlarning oʻz vaqtida tayinlanishini va belgilangan miqdorlarda toʻlanishini taʼminlash;

sugʻurta badallari va toʻlovlarining elektron hisobini yuritish;

sugʻurta badallarini toʻlagan shaxslarning davlat ijtimoiy sugʻurtasini axborot dasturlari yordamida avtomatlashtirilgan tartibda amalga oshirish;

sugʻurta qildiruvchilarni roʻyxatdan oʻtkazish va hisobdan chiqarish;

sugʻurta qildiruvchilar va sugʻurtalangan shaxslarning, Jamgʻarma tushumlari va xarajatlarining yagona hisobini yuritish, shuningdek, sugʻurtalangan shaxslarning personallashtirilgan hisobi uchun taqdim etilgan maʼlumotlarning toʻgʻriligini boshqa davlat organlari bilan elektron axborot almashinuvi orqali tekshirish;

sugʻurta qildiruvchilar va sugʻurtalangan shaxslar uchun davlat ijtimoiy sugʻurtasi boʻyicha tushuntirish ishlarini olib borish, shu jumladan sugʻurta badallarining va davlat ijtimoiy sugʻurtasi boʻyicha amalga oshirilgan toʻlovlarning hisobi yuzasidan shaxsga doir maʼlumotlarni, mazkur toʻlovlar boʻyicha murojaat qilish va ularni tayinlash tartibi toʻgʻrisidagi maʼlumotlarni taqdim etish.

22. Ijrochi direktor Direksiyaning rahbari hisoblanadi.

Ijrochi direktor:

Jamgʻarma joriy faoliyatini operativ boshqaradi;

Jamgʻarmaga yuklangan vazifalar va funksiyalarga muvofiq Jamgʻarma faoliyatini tashkil etadi;

Jamgʻarma nomidan vaqtincha boʻsh turgan mablagʻlarni tijorat banklari depozitlariga joylashtiradi, moliyaviy, xoʻjalik hamda boshqa shartnomalarni imzolaydi;

bajarilgan ishlar hamda kelgusi chorak uchun ish rejalari toʻgʻrisida har chorakda Kuzatuv kengashi yoki Agentlikka hisob beradi;

Jamgʻarma xodimlarini ishga qabul qilish, ragʻbatlantirish, ularga nisbatan intizomiy jazo choralarini qoʻllash hamda ularni ishdan boʻshatish haqida buyruqlar chiqaradi. Bunda Ijrochi direktor oʻrinbosari va Jamgʻarmaning mustaqil boʻlinmalari rahbarlari Agentlik bilan kelishilgan holda ishga qabul qilinadi;

Jamgʻarma faoliyati bilan bogʻliq boʻlgan boshqa buyruqlar qabul qiladi;

Jamgʻarma nomidan sudlarga ariza (daʼvo, shikoyat) bilan murojaat qiladi;

ichki mehnat tartibi qoidalari, tarkibiy boʻlinmalar nizomlari, lavozim yoʻriqnomalarini va boshqa ichki hujjatlarni tasdiqlaydi;

qonunchilik hujjatlariga muvofiq boshqa vazifalarni amalga oshiradi.

23. Xorijiy valyutadagi mablagʻlar Jamgʻarmaning chet el valyutasidagi shaxsiy gʻazna hisobvaraqlariga tushadi.

Jamgʻarmaning chet el valyutasidagi shaxsiy gʻazna hisobvaraqlariga tushgan xorijiy valyutadagi mablagʻlar, zaruratga koʻra qonunchilik hujjatlarida belgilangan tartibda sotilib, Jamgʻarmaning asosiy hisobvaragʻiga oʻtkaziladi va ushbu Nizomga muvofiq foydalaniladi (bundan mazkur Nizomda koʻzda tutilgan holatlar va alohida xarajatlar mustasno).

Jamgʻarmaning chet el valyutasidagi shaxsiy gʻazna hisobvaraqlaridagi mablagʻlar import shartnomalari, xorijiy maslahatchilarni jalb etish va chet elda oʻtkaziladigan tadbirlarni tashkil qilish bilan bogʻliq hamda boshqa zarur xarajatlar uchun ishlatilishi mumkin.

24. Direksiya xodimlari shtat birliklari Agentlikning markaziy apparati va uning tizimidagi tashkilotlarning boshqaruv shtat birliklari doirasida ajratiladi, shuningdek, Direksiya xodimlari mehnatiga haq toʻlash razryadlari Agentlik markaziy apparatining xodimlari uchun belgilangan razryadlardan bir pogʻona past miqdorda qoʻllanadi.

Direksiya xodimlari mehnatiga haq toʻlash va ragʻbatlantirishning boshqa shartlari boʻyicha Agentlik markaziy apparati xodimlari uchun belgilangan shartlar tatbiq etiladi.

25. Ushbu Nizomning 19-bandi talablarini inobatga olgan holda Direksiya xodimlari mehnatiga haq toʻlash shartlari boʻyicha quyidagilarga tenglashtiriladi:

Ijrochi direktor Agentlikning boshqarma boshligʻiga;

Ijrochi direktorning oʻrinbosari Agentlikning boshqarma boshligʻi oʻrinbosariga;

Direksiyaning boʻlim boshligʻi Agentlikning boʻlim boshligʻiga;

Direksiyaning mutaxassislari Agentlikning tegishli mutaxassislariga;

Direksiyaning texnik va xizmat koʻrsatuvchi xodimlari Agentlikning texnik va xizmat koʻrsatuvchi xodimlariga.

26. Jamgʻarma xodimlarini qoʻshimcha ragʻbatlantirish va mukofotlash, moddiy-texnika bazasini mustahkamlash uchun Agentlikning budjetdan tashqari jamgʻarmasi va Ijtimoiy himoya davlat jamgʻarmasi mablagʻlari hisobidan mablagʻ ajratilishi mumkin.

27. Direksiyani saqlash bilan bogʻliq xarajatlar Oʻzbekiston Respublikasi respublika budjeti mablagʻlari, Agentlik tomonidan ajratiladigan mablagʻlar va qonunchilikda taqiqlanmagan boshqa manbalar hisobidan moliyalashtiriladi.

28. Xizmat vazifalarini bajarishda foydalanish uchun Jamgʻarmaga 1 ta avtotransport vositasini saqlash uchun limit ajratiladi.

29. Jamgʻarma tomonidan amalga oshirilgan ishlar toʻgʻrisidagi maʼlumotlarning shaffofligini taʼminlash maqsadida Jamgʻarma xarajatlari hamda bajarilgan ishlar haqidagi hisobotlar har chorakda Agentlikning rasmiy veb-saytida joylashtirib boriladi.

4-bob. Jamgʻarma mablagʻlaridan foydalanish

30. Jamgʻarma mablagʻlaridan quyidagi maqsadlar uchun foydalaniladi:

davlat ijtimoiy sugʻurtasi boʻyicha homiladorlik va tugʻish nafaqasini toʻlash;

davlat ijtimoiy sugʻurtasi boʻyicha vaqtincha mehnatga layoqatsizlik nafaqasini toʻlash;

davlat ijtimoiy sugʻurtasi boʻyicha ishdan boʻshatish nafaqasini toʻlash.

31. Jamgʻarmaning yil yakuni boʻyicha mablagʻlari qoldigʻi olib qoʻyilmaydi va keyingi moliya yili uchun daromadlar va xarajatlar smetasini tuzishda inobatga olinadi.

5-bob. Jamgʻarmaning tushumi va mablagʻlaridan foydalanishni nazorat qilish hamda javobgarlik

32. Direksiya Jamgʻarma mablagʻlaridan maqsadli va samarali foydalanilishi uchun javob beradi.

33. Jamgʻarma mablagʻlaridan foydalanish yuzasidan nazorat Agentlik tomonidan amalga oshiriladi.

6-bob. Yakunlovchi qoidalar

34. Ushbu Nizomni qoʻllashda yuzaga keladigan nizolar qonunchilik hujjatlarida belgilangan tartibda hal etiladi.

35. Mazkur Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

36. Jamgʻarma qonunchilikda belgilangan tartibda qayta tashkil etiladi va tugatiladi.

Vazirlar Mahkamasining 2025-yil 17-dekabrdagi 796-son qaroriga 2-ILOVA

Oʻzbekiston Respublikasi Prezidenti huzuridagi Ijtimoiy himoya milliy agentligining Davlat ijtimoiy sugʻurta jamgʻarmasining Kuzatuv kengashi

1. M. Olloyorov — Oʻzbekiston Respublikasi Prezidentining ijtimoiy himoya boʻyicha maslahatchisi — Ijtimoiy himoya milliy agentligi direktori, Kuzatuv kengashi raisi 2. B. Zaxidov — kambagʻallikni qisqartirish va bandlik vaziri, Kuzatuv kengashi raisi oʻrinbosari 3. A. Xudayarov — sogʻliqni saqlash vaziri 4. O. Fozilkarimov — iqtisodiyot va moliya vaziri oʻrinbosari 5. M. Allakuliyev — adliya vaziri oʻrinbosari 6. J. Abruyev — Ijtimoiy himoya milliy agentligi direktori oʻrinbosari 7. N. Muslitdinov — Davlat ijtimoiy sugʻurta jamgʻarmasi Ijro etuvchi direksiyasi direktori, Kengash kotibi

Vazirlar Mahkamasining 2025-yil 17-dekabrdagi 796-son qaroriga 3-ILOVA

Oʻzbekiston Respublikasi Prezidenti huzuridagi Ijtimoiy himoya milliy agentligining Davlat ijtimoiy sugʻurta jamgʻarmasi Ijro etuvchi direksiyasining

Ijrochi direktor Ijrochi direktor oʻrinbosari Jamgʻarma daromad va xarajatlarini rejalashtirish va hisobini yuritish boʻlimi 3 Strategik rejalashtirish, prognozlashtirish va metodologiya boʻlimi 3 Bosh auditor 1 Toʻlovlarni amalga oshirish va monitoring qilish boʻlimi 6 Bosh hisobchi 1 Bosh yuriskonsult 1 Qoraqalpogʻiston Respublikasi, viloyatlar va Toshkent shahridagi jamgʻarma mablagʻlari tushumini shakllantirish va monitoring qilish boʻyicha bosh mutaxassislar (hududiy vakil) 14 Loyiha menejeri 1 Devonxona va murojaatlar bilan ishlash boʻyicha bosh mutaxassis 1

Vazirlar Mahkamasining 2025-yil 17-dekabrdagi 796-son qaroriga 4-ILOVA

Davlat ijtimoiy sugʻurtasi doirasida vaqtincha mehnatga layoqatsizlik hamda homiladorlik va tugʻish nafaqalarini tayinlash hamda toʻlash tartibi toʻgʻrisida

1-bob. Umumiy qoidalar

1. Ushbu Nizom Oʻzbekiston Respublikasining “Davlat ijtimoiy sugʻurtasi toʻgʻrisida”gi Qonuni (keyingi oʻrinlarda — Qonun)ga muvofiq davlat ijtimoiy sugʻurtasi doirasida sugʻurta badallari va stajlari hisobini yuritish, sugʻurtalangan shaxslarga vaqtincha mehnatga layoqatsizlik hamda homiladorlik va tugʻish nafaqalarini tayinlash va toʻlash tartibini belgilaydi.

2. Ushbu Nizomda quyidagi asosiy tushunchalar qoʻllaniladi:

Davlat ijtimoiy sugʻurta jamgʻarmasi (keyingi oʻrinlarda — Jamgʻarma) — sugʻurta badallarini jamgʻarish, sugʻurtalangan shaxslarga davlat ijtimoiy sugʻurtasi boʻyicha toʻlovlarni amalga oshirish uchun moʻljallangan Oʻzbekiston Respublikasi Prezidenti huzuridagi Ijtimoiy himoya milliy agentligi huzuridagi (keyingi oʻrinlarda — Agentlik) davlat maqsadli jamgʻarmasi;

davlat ijtimoiy sugʻurtasi boʻyicha toʻlovlar — sugʻurta hodisasi yuzaga kelganda sugʻurtalangan shaxsga Jamgʻarma mablagʻlari hisobidan amalga oshiriladigan nafaqalar tarzidagi davlat ijtimoiy sugʻurtasi boʻyicha toʻlovlar;

“Ijtimoiy sugʻurta” axborot moduli — idoralararo elektron hamkorlik asosida sugʻurtalangan shaxslarga davlat ijtimoiy sugʻurtasi boʻyicha toʻlovlarni tayinlash, toʻlash, maʼlumotlarni saqlash va ularga ishlov berishni nazarda tutuvchi “Ijtimoiy himoya yagona reyestri” axborot tizimining alohida moduli;

mehnatga layoqatsizlik varaqasi — sugʻurtalangan shaxsni ishdan ozod qilish, shuningdek, vaqtincha mehnatga layoqatsizlik yoki homiladorlik va tugʻish boʻyicha nafaqalarni sugʻurtalangan shaxsga tayinlash uchun asos boʻladigan hujjat;

moliyaviy agent — davlat ijtimoiy sugʻurtasi boʻyicha toʻlovlarni sugʻurtalangan shaxslarga toʻlab berishga masʼul boʻlgan tijorat banki;

sugʻurta badali — sugʻurtalangan shaxs uchun Jamgʻarmaga oʻtkaziladigan ajratma yoki toʻlov;

sugʻurtalangan shaxs — sugʻurta hodisalaridan davlat ijtimoiy sugʻurtasi orqali himoyalangan jismoniy shaxs;

sugʻurta hodisasi — sugʻurtalangan shaxsga davlat ijtimoiy sugʻurtasi boʻyicha toʻlovlarni amalga oshirish majburiyatining yuzaga kelishi;

sugʻurta qildiruvchi — sugʻurta hodisalari yuzaga kelganda sugʻurtalangan shaxsning himoya qilinishini taʼminlash maqsadida ijtimoiy soliq va (yoki) sugʻurta badallari toʻlaydigan shaxs;

sugʻurta staji — sugʻurtalangan shaxs uchun sugʻurta badallarini toʻlovi amalga oshirilgan davr;

toʻlov roʻyxat (vedomost)lari — davlat ijtimoiy sugʻurtasi boʻyicha toʻlovlar toʻlanishi belgilangan sugʻurtalangan shaxsning familiyasi, ismi va otasining ismi, pasport maʼlumotlari, bank kartasi (ijtimoiy karta) orqali toʻlanganda tegishli tijorat banki hamda bank kartasi (ijtimoiy karta) rekvizitlari va toʻlanishi lozim boʻlgan nafaqa summasiga doir maʼlumotlar aks ettirilgan va moliyaviy agentga elektron koʻrinishda taqdim etiladigan hujjat;

homiladorlik va tugʻish nafaqasi — sugʻurtalangan shaxsga tugʻruqqacha yetmish kalendar kun hamda tugʻruqdan keyin ellik olti kalendar kun (tugʻish qiyin kechgan yoxud ikki yoki undan ortiq bola tugʻilgan taqdirda, yetmish kalendar kun) davomida taʼtil davrida mehnat majburiyatlarini bajara olmaganligi uchun toʻlanadigan kafolatli toʻlov.

3. Davlat ijtimoiy sugʻurtasi boʻyicha munosabatlar davlat ijtimoiy sugʻurtasi bilan majburiy asosda qamrab olinadigan fuqarolarga daromad hisoblangan paytdan, davlat ijtimoiy sugʻurtasi bilan ixtiyoriy asosda qamrab olinadigan fuqarolarga sugʻurta badallari toʻlangan paytdan boshlab yuzaga keladi.

4. Ushbu Nizomga muvofiq sugʻurta hodisalari yuzaga kelgan taqdirda sugʻurtalangan shaxslarga quyidagi davlat ijtimoiy sugʻurtasi boʻyicha toʻlovlar toʻlanadi:

2026-yil 1-yanvardan boshlab yuzaga kelgan sugʻurta hodisasiga nisbatan homiladorlik va tugʻish nafaqasi;

2026-yil 1-iyuldan boshlab yuzaga kelgan sugʻurta hodisasiga nisbatan vaqtincha mehnatga layoqatsizlik nafaqasi.

Ushbu bandga muvofiq sugʻurta hodisasi yuzaga kelgan sana sifatida mehnatga layoqatsizlik varaqasida koʻrsatilgan sugʻurtalangan shaxsning ishdan ozod etiladigan davr boshlanadigan kun (tugʻish qiyin kechgan yoxud ikki yoki undan ortiq bola tugʻilganda homiladorlik va tugʻish taʼtili uzaytirish holatlari bundan mustasno) inobatga olinadi.

5. Ushbu Nizomning 4-bandida nazarda tutilgan davlat ijtimoiy sugʻurtasi boʻyicha toʻlovlarni tayinlash uchun mehnatga layoqatsizlik varaqasi asos hisoblanadi.

6. Sugʻurta hodisasi yuzaga kelganda sugʻurtalangan shaxslarga davlat ijtimoiy sugʻurtasi boʻyicha toʻlovlarni tayinlash va toʻlash ushbu Nizomga 1-ilovaga muvofiq sxema asosida amalga oshiriladi.

2-bob. Davlat ijtimoiy sugʻurtasi boʻyicha toʻlovlarni tayinlash shartlari va tartibi

7. Sugʻurtalangan shaxslarga sugʻurta hodisasi yuzaga kelganda, davlat ijtimoiy sugʻurtasi boʻyicha toʻlovlar quyidagi shartlarga asosan tayinlanadi:

a) davlat ijtimoiy sugʻurtasi boʻyicha toʻlovlarni olish huquqi quyidagi davrlardan birida yuzaga kelganda, bundan ushbu bandning sakkizinchi xatboshisi mustasno:

sugʻurtalangan shaxslar ish beruvchi bilan yakka tartibdagi mehnatga oid munosabatlarda boʻlgan davrda, sinov muddati va ishdan boʻshatilgan kunni ham qoʻshgan holda, bundan ushbu Nizomning 23-bandida belgilangan holatlar mustasno;

yuridik yoki jismoniy shaxslar bilan tuzilgan fuqarolik-huquqiy xususiyatga ega shartnomalar asosida xizmat koʻrsatayotgan (ishlarni bajarayotgan) davrda;

qonunchilikda belgilangan tartibda boshqa rasmiy faoliyat bilan band boʻlgan davrda;

b) homiladorlik va tugʻish nafaqasini olish uchun kamida oʻn oy, vaqtincha mehnatga layoqatsizlik nafaqasini olish uchun kamida olti oy sugʻurta staji mavjud boʻlsa.

v) homiladorlik va tugʻish nafaqasini olish uchun sugʻurta hodisasi yuzaga kelgan oydan oldingi oxirgi olti oy davomida uzluksiz sugʻurta staji mavjud boʻlsa. Bunda yakka tartibdagi mehnatga oid munosabatlar saqlangan holda mehnat toʻgʻrisidagi qonunchilikka muvofiq sugʻurtalangan shaxsga mehnatga haq toʻlash tarzidagi daromadlar toʻlanmagan oylar hamda vaqtincha mehnatga qobiliyatsizlik davri mazkur kichik bandning birinchi xatboshisida belgilangan olti oylik sugʻurta stajining uzilishiga sabab boʻlmaydi.

Qonunga muvofiq sugʻurta badali eri (xotini) tomonidan toʻlangan ishlamaydigan fuqarolar va yuridik shaxslarning muassislari (ishtirokchilari) sifatida daromadlar oladigan fuqarolar uchun davlat ijtimoiy sugʻurtasi boʻyicha toʻlovlar 2026-yil 1-yanvardan boshlab hisoblanadigan ushbu bandning “b” va “v” kichik bandlarida koʻrsatilgan sugʻurta staji asosida tayinlanadi. Bunda ushbu fuqarolar er-xotin yoki yuridik shaxslarning muassislari (ishtirokchilari) boʻlmagan davrlarda sugʻurta badallari toʻlanganda, ushbu davrlar sugʻurta staji sifatida hisobga olinmaydi.

8. Ushbu Nizom 4-bandida nazarda tutilgan davlat ijtimoiy sugʻurtasi boʻyicha toʻlovlar “Ijtimoiy sugʻurta” axborot modulida sugʻurtalangan shaxslarning murojaati talab etilmagan holda (proaktiv shaklda) “Raqamli hukumat” tizimining idoralararo integratsiyalashuv platformasi orqali tegishli vazirlik va idoralarning axborot tizimlaridan olingan maʼlumotlarga asosan tayinlanadi.

9. Mehnatga layoqatsizlik varaqasi hududiy ambulator-poliklinika yoki tugʻuruqxona muassasasi, shuningdek, mehnatga layoqatsizlik varaqasi berishga vakolatli boshqa tibbiy muassasalar tomonidan Sogʻliqni saqlash vazirligining Yagona tibbiy axborot tizimida (keyingi oʻrinlarda — “Yagona tibbiy” AT) elektron shaklda rasmiylashtiriladi.

10. “Yagona tibbiy” AT tomonidan mehnatga layoqatsizlik varaqasi avtomatik ravishda “Ijtimoiy sugʻurta” axborot moduliga yuboriladi hamda ushbu axborot modulida u ochilgandan boshlab yopilguniga qadar boʻlgan jarayonlar aks ettiriladi.

“Ijtimoiy sugʻurta” axborot modulida mehnatga layoqatsizlik varaqasi yopilgandan soʻng ushbu Nizomning 4-bandida belgilangan tegishli davlat ijtimoiy sugʻurtasi boʻyicha toʻlov tayinlab boriladi, bundan ushbu Nizomning 34-bandi beshinchi xatboshisi mustasno.

11. Vaqtincha mehnatga layoqatsizlik nafaqasi quyidagi holatlar boʻyicha sugʻurta hodisasi yuzaga kelganda toʻlanadi:

a) ushbu Nizomning 7-bandi “a” va “b” kichik bandlari talablariga muvofiq keladigan sugʻurtalangan shaxslarda quyidagi holatlar yuzaga kelganligi natijasida mehnat majburiyatlarini bajara olmaganligi uchun:

vaqtincha mehnat layoqatini yoʻqotish bilan bogʻliq kasallik vaqtida (shikastlanishda);

sanatoriy va sogʻlomlashtirish muassasalarida davolanganda;

kasallangan oila aʼzosini parvarishlash zarur boʻlganda;

karantinda;

sil kasalligi tufayli vaqtincha boshqa ishga oʻtkazilganda;

mehnat layoqatini tiklash yoki yasama aʼzo (protez) qoʻydirish uchun reabilitatsiya muassasalariga yotqizilganda;

b) ushbu Nizomning 7-bandi sakkizinchi xatboshisi talablariga muvofiq keladigan sugʻurtalangan shaxslar uchun:

sanatoriy va sogʻlomlashtirish muassasalarida davolanganda;

yasama aʼzo (protez) qoʻydirish uchun reabilitatsiya muassasalariga yotqizilganda.

12. “Ijtimoiy sugʻurta” axborot modulida:

sugʻurtalangan shaxslarning davlat ijtimoiy sugʻurtasi bilan majburiy asosda sugʻurtalangan davridagi mehnatga haq toʻlash tarzidagi daromadlari va sugʻurta badallari toʻlovi toʻgʻrisidagi maʼlumotlar — Soliq qoʻmitasining axborot tizimlari orqali;

ixtiyoriy davlat ijtimoiy sugʻurtasi bilan sugʻurtalangan shaxslarning toʻlangan sugʻurta badallari toʻgʻrisidagi maʼlumotlar — “Ijtimoiy sugʻurta” axborot modulining sugʻurta badallari reyestri orqali hamda ularning faoliyati turi (oʻz oʻzini band qilish, yakka tartibdagi tadbirkor va boshqalar) toʻgʻrisidagi maʼlumotlar — Soliq qoʻmitasining axborot tizimlari orqali;

sugʻurtalangan shaxslarning mehnat staji, bandligi va taʼtillari, shuningdek, fuqarolik-huquqiy tusdagi shartnomalar toʻgʻrisidagi maʼlumotlar — “Yagona milliy mehnat tizimi” idoralararo dasturiy-apparat kompleksi (keyingi oʻrinlarda — “YAMMT” IDAK) orqali;

sugʻurtalangan shaxsning jamgʻarib boriladigan pensiya tizimiga toʻlangan majburiy badallari toʻgʻrisidagi maʼlumotlar — AT “Xalq banki”ning tegishli axborot tizimi orqali avtomatik ravishda tekshiriladi.

13. “Ijtimoiy sugʻurta” axborot moduli orqali sugʻurtalangan shaxslarning ushbu Nizomning 7-bandida belgilangan shartlarga muvofiqligi aniqlangan taqdirda, avtomatik ravishda tegishli davlat ijtimoiy sugʻurtasi boʻyicha toʻlov tayinlanadi.

Sugʻurtalangan shaxslarga tayinlangan davlat ijtimoiy sugʻurtasi boʻyicha toʻlovlarning miqdorini hisoblash ushbu Nizomning 3-bobida belgilangan tartibda tegishli toʻlovni tayinlash bilan bir vaqtda “Ijtimoiy sugʻurta” axborot modulida amalga oshiriladi.

14. Quyidagi hollarda “Ijtimoiy sugʻurta” axborot modulida sugʻurtalangan shaxslarga davlat ijtimoiy sugʻurtasi boʻyicha toʻlovlarni tayinlash avtomatik ravishda rad etiladi:

sugʻurtalangan shaxsning ushbu Nizomning 7-bandida belgilangan shartlarga muvofiq kelmasligi;

mehnatga layoqatsizlik varaqasi yangi tugʻilgan bolani farzandlikka olgan yoki unga vasiy qilib belgilangan xodimga, ushbu maqsadlarda rasmiylashtirilganda;

ushbu Nizomning 20-bandiga asosan mehnatga layoqatsizlik davrining nafaqa toʻlanadigan umumiy davomiyligidan oshganda.

15. “Ijtimoiy sugʻurta” axborot moduli orqali sugʻurtalangan shaxsga davlat ijtimoiy sugʻurtasi boʻyicha toʻlovlar tayinlanganligi, uning miqdori, toʻlov shakli va muddati boʻyicha yoki tegishli toʻlovni tayinlash rad etilganligi va uning sabablari toʻgʻrisidagi maʼlumotlar uning “Yagona tibbiy” ATda qayd etilgan mobil telefon raqamiga SMS-xabarnoma shaklida yoki Yagona davlat interaktiv xizmatlari portalidagi shaxsiy kabinetiga hamda uning ish beruvchisining (agar mavjud boʻlsa) Soliq qoʻmitasining axborot tizimidagi va “YAMMT” IDAKdagi shaxsiy kabinetlariga avtomatik tarzda xabarnoma yuboriladi.

3-bob. Davlat ijtimoiy sugʻurtasi boʻyicha toʻlovlarni hisoblashning oʻziga xos xususiyatlari

1-§. Davlat ijtimoiy sugʻurtasi boʻyicha toʻlovlarni hisoblash shartlari

16. Sugʻurtalangan shaxslarga sugʻurta hodisasi yuzaga kelganda, ularga tayinlanadigan davlat ijtimoiy sugʻurtasi boʻyicha toʻlovlar miqdori quyidagi tartibda hisoblanadi:

Nafaqa miqdori=OʻOIH÷25,3 x SK x KS , bunda

OʻOIH — hisoblangan oʻrtacha oylik ish haqi;

25,3 — ish kunlarining oʻrtacha oylik soni;

SK — sugʻurta stajiga mutanosib ravishda oʻrtacha oylik ish haqiga nisbatan qoʻllaniladigan staj koeffitsiyenti;

KS — mehnatga layoqatsizlik varaqasida koʻrsatilgan davr ichidagi Jamgʻarma hisobidan qoplab beriladigan kunlar soni.

17. Mehnatga layoqatsizlik varaqasida koʻrsatilgan davr ichida yakshanba kuni hamda Mehnat kodeksining 208-moddasiga muvofiq ishlanmaydigan bayram kunlari mavjud boʻlgan taqdirda, ushbu kunlar davlat ijtimoiy sugʻurtasi boʻyicha toʻlovlar miqdorini hisoblashda inobatga olinmaydi.

18. Vaqtincha mehnatga layoqatsizlik nafaqasi miqdorini hisoblashda sugʻurtalangan shaxsning sugʻurta stajiga mutanosib ravishda oʻrtacha oylik ish haqiga quyidagi staj koeffitsiyenti qoʻllaniladi:

olti oydan toʻqson olti oygacha (toʻqson oltinchi oy ham kiradi) sugʻurta stajiga ega boʻlganda — 60 foiz;

toʻqson yetti va undan ortiq oy sugʻurta stajiga ega boʻlganda — 80 foiz.

19. Vaqtincha mehnatga layoqatsizlik nafaqasi miqdori:

I va II guruh nogironligi boʻlgan sugʻurtalangan shaxslarga, shuningdek, qaramogʻida 18 yoshga toʻlmagan toʻrt yoki undan ortiq farzandi boʻlgan yoxud qaramogʻida nogironligi boʻlgan 18 yoshga toʻlmagan farzandi boʻlgan sugʻurtalangan shaxslarga staj koeffitsiyenti 20 foiz bandga oshirilgan holda hisoblanadi. Bunda sugʻurtalangan shaxs ushbu bandda nazarda tutilgan bir nechta toifaga toʻgʻri kelsa, unga nisbatan faqat bitta toifa boʻyicha imtiyoz qoʻllaniladi;

kalendar yil davomida rasmiylashtirilgan mehnatga layoqatsizlik varaqalaridagi (bundan homiladorlik va tugʻishga oid davr mustasno) 77 kalendar kundan oshgan davr uchun vaqtincha mehnatga layoqatsizlik nafaqasi miqdori tegishli staj koeffitsiyentini 10 foiz bandga kamaytirilgan holda hisoblanadi.

20. Vaqtincha mehnatga layoqatsizlik nafaqasi boʻyicha toʻlovlar mehnatga layoqatsizlik varaqasida koʻrsatilgan barcha davr uchun, biroq bir kalendar yil davomida 182 kalendar kundan oshmagan qismi uchun amalga oshiriladi, bundan ushbu Nizomning 21-bandida belgilangan hollar mustasno.

Bunda vaqtincha mehnatga layoqatsizlik nafaqasining tegishli kalendar yildagi mehnatga layoqatsizlik davrining beshinchi kunigacha boʻlgan qismi davlat ijtimoiy sugʻurtasi bilan sugʻurtalangan shaxsning ish beruvchisi tomonidan (agar ish beruvchisi mavjud boʻlmasa sugʻurtalangan shaxsning oʻz hisobidan), oltinchi kundan boshlab esa Jamgʻarma tomonidan toʻlab beriladi.

21. Mehnatga layoqatsizlik varaqasi sugʻurtalangan shaxs (ota-ona, ularning oʻrnini bosuvchi shaxs, vasiy yoki homiy)ga kasallangan bolasini parvarishlash uchun ochilgan hollarda ushbu Nizomning 20-bandining birinchi xatboshisida belgilangan vaqtincha mehnatga layoqatsizlik nafaqasi toʻlanadigan vaqtincha mehnatga layoqatsizlik davri quyidagicha uzaytiriladi:

14 yoshgacha boʻlgan farzandi uchun — qoʻshimcha 20 kalendar kun;

16 yoshgacha nogironligi boʻlgan farzandi uchun — qoʻshimcha 40 kalendar kun.

22. Vaqtincha mehnatga layoqatsizlik nafaqasining ish beruvchi tomonidan toʻlanadigan qismi oʻrindoshlik asosidagi (shu jumladan, ichki oʻrindoshlik asosidagi) ish joyi boʻyicha ham toʻlanadi.

23. Vaqtincha mehnatga layoqatsizlik quyidagi davrlarga toʻgʻri kelganda vaqtincha mehnatga layoqatsizlik nafaqasi toʻlanmaydi:

ish haqi saqlanmagan taʼtil;

ish haqi qisman saqlanadigan taʼtil;

bolani parvarishlash boʻyicha taʼtil;

harbiy oʻquv yoki tekshiruv yigʻini;

ishlab chiqarishdan ajralmagan holda oʻquv yurtlarida tahsil olish munosabati bilan berilgan oʻquv taʼtili vaqtida;

Ushbu davrlardan boshlanib davom etayotgan vaqtincha mehnatga layoqatsizlik davri boʻyicha vaqtincha mehnatga layoqatsizlik nafaqasi sugʻurtalangan shaxs ishga chiqishi (lavozimga tiklanishi) lozim boʻlgan kundan boshlab beriladi.

24. Homiladorlik va tugʻish boʻyicha nafaqa miqdorini hisoblashda sugʻurtalangan shaxsning sugʻurta stajiga mutanosib ravishda oʻrtacha oylik ish haqiga quyidagi staj koeffitsiyenti qoʻllaniladi:

oʻn oydan yigirma toʻrt oygacha (yigirma toʻrtinchi oy ham kiradi) sugʻurta stajiga ega boʻlganda — 75 foiz;

yigirma besh oydan oltmish oygacha (oltmishinchi oy ham kiradi) sugʻurta stajiga ega boʻlganda — 85 foiz;

oltmish bir va undan ortiq oy sugʻurta stajiga ega boʻlganda — 100 foiz.

25. Homiladorlik va tugʻish boʻyicha nafaqa mehnatga layoqatsizlik varaqasida koʻrsatilgan barcha davr uchun, biroq ushbu Nizomning 17-bandi talablarini inobatga olgan holda hisoblanadi va toʻlanadi. Bunda:

davlat ijtimoiy sugʻurtasi bilan ixtiyoriy asosda sugʻurtalangan shaxslarga homiladorlik va tugʻish nafaqasi mazkur nafaqa tayinlanadigan sanada qonunchilik hujjatlariga muvofiq amalda boʻlgan mehnatga haq toʻlashning eng kam miqdori (keyingi oʻrinlarda — MHTEKM)ning besh baravaridan ortiq boʻlmagan miqdorda tayinlanadi va toʻlanadi;

homiladorlik va tugʻish boʻyicha mehnatga layoqatsizlik varaqasida koʻrsatilgan davr tugaguncha ona va (yoki) bola vafot etgan holda toʻlangan homiladorlik va tugʻish boʻyicha nafaqa qaytarib olinmaydi.

2-§. Sugʻurtalangan shaxslarning oʻrtacha oylik ish haqi miqdorini va sugʻurta stajini hisoblash tartibi

26. Sugʻurta hodisasi yuzaga kelgan taqdirda sugʻurtalangan shaxslarga tayinlanadigan tegishli davlat ijtimoiy sugʻurtasi boʻyicha toʻlov miqdori sugʻurtalangan shaxslarning oʻrtacha oylik ish haqidan kelib chiqqan holda hisoblanadi.

Bunda sugʻurtalangan shaxsning oʻrtacha oylik ish haqi miqdori quyidagi tartibda aniqlanadi:

sugʻurtalangan shaxsga nafaqa tayinlanadigan oydan oldingi sugʻurta staji sifatida inobatga olinadigan oʻn ikki oylik davrdagi ish haqi miqdorini oʻn ikkiga boʻlish orqali;

sugʻurtalangan shaxsning sugʻurta staji oʻn ikki oydan kam boʻlsa, nafaqa tayinlanadigan oydan oldingi sugʻurta staji sifatida inobatga olinadigan oylardagi ish haqi miqdorini mavjud sugʻurta staji oylari soniga boʻlish orqali.

Davlat ijtimoiy sugʻurtasi bilan majburiy asosda sugʻurtalangan shaxsning oʻrtacha oylik ish haqining nafaqa tayinlanadigan sanada qonunchilik hujjatlariga muvofiq amalda boʻlgan MHTEKMning oʻn baravari miqdoridan ortiq boʻlmagan qismi inobatga olinadi.

Jamoa kelishuvlarida, shuningdek jamoa shartnomasida, ichki hujjatlarda sugʻurtalangan shaxs uchun mazkur bandda belgilanganidan boshqa qoʻshimcha toʻlovlar nazarda tutilishi mumkin.

27. Sugʻurtalangan shaxslarning oʻrtacha oylik ish haqi miqdorini aniqlash:

a) davlat ijtimoiy sugʻurtasi bilan majburiy asosda sugʻurtalangan shaxslar uchun soliq toʻgʻrisidagi qonunchilikka muvofiq soliqqa tortiladigan va sugʻurta badali sifatida ajratmalar ajratiladigan mehnatga haq toʻlash tarzidagi barcha daromadlarini inobatga olgan holda;

b) davlat ijtimoiy sugʻurtasi bilan ixtiyoriy asosda sugʻurtalangan shaxslar uchun ixtiyoriy tarzda har oyda toʻlangan sugʻurta badallarini oylik ish haqiga aylantirgan holda hisoblanadi.

Bunda ushbu kichik bandga muvofiq bir oylik ish haqi miqdori 2026-yil 1-yanvardan boshlab har oy toʻlangan sugʻurta badali summasini, uni toʻlash davrida amalda boʻlgan sugʻurta badali stavkasiga boʻlish hamda olingan natijani 100 foizga koʻpaytirish yoʻli bilan aniqlanadi.

Misol: sugʻurtalangan shaxs oʻzini oʻzi band qilgan shaxs sifatida ixtiyoriy ravishda 2026-yil yanvar uchun Jamgʻarmaga bir yuz ellik ming soʻm miqdorda sugʻurta badali toʻladi. Ushbu fuqaroga nafaqa hisoblashda uning 2026-yil yanvar uchun 3 000 000 soʻm miqdorda ish haqi aniqlanadi:

Bir oylik ish haqi miqdori quyidagi tartibda aniqlanadi:

toʻlangan sugʻurta badali (bir yuz ellik ming) ÷ sugʻurta badali stavkasi (2026-yil uchun sugʻurta badali stavkasi — 5 foiz) × 100%= 3 000 000 soʻm.

Aniqlangan bir oylik ish haqi miqdori nafaqa hisoblanayotgan sugʻurtalangan shaxsga oʻrtacha bir oylik ish haqi sifatida inobatga olinadi.

28. Sugʻurtalangan shaxs homiladorlik va tugʻish taʼtili yoki bola parvarishi taʼtilidan qaytganidan soʻng yoxud bola parvarishi taʼtilida boʻlgan davrda, homiladorlik va tugʻish boʻyicha takroriy nafaqa tayinlash zaruriyati vujudga kelganda, unga nisbatan mazkur Nizom 7-bandining “v” kichik bandida nazarda tutilgan olti oy davomidagi uzluksiz sugʻurta staji mavjud boʻlishi boʻyicha talab tatbiq etilmaydi hamda uning oʻrtacha ish haqi miqdorini aniqlash uchun takroriy nafaqa tayinlanadigan oygacha boʻlgan oylik ish haqi hisoblangan oxirgi oʻn ikki oy inobatga olinadi.

Sugʻurtalangan shaxsga takroriy nafaqa tayinlash uchun uning oʻrtacha ish haqi miqdori ushbu bandning birinchi xatboshisiga muvofiq inobatga olinadigan oʻn ikki oylik jami ish haqi miqdorini oʻn ikkiga boʻlish yoʻli bilan hisoblanadi. Bunda sugʻurtalangan shaxs homiladorlik va tugʻish yoki bola parvarishlash taʼtili davrida yoki undan qaytgandan soʻng:

ish haqi hisoblangan yoki ixtiyoriy sugʻurta badali toʻlangan oylar soni 3 oydan kam boʻlsa, ushbu bandga muvofiq aniqlangan oʻrtacha ish haqi miqdoriga nisbatan 0,5 koeffitsiyent;

ish haqi hisoblangan yoki ixtiyoriy sugʻurta badali toʻlangan oylar soni 3 oydan 6 oygacha boʻlsa, ushbu bandga muvofiq aniqlangan oʻrtacha ish haqi miqdoriga nisbatan 0,75 koeffitsiyent qoʻllaniladi.

Takroriy nafaqa tayinlashda sugʻurtalangan shaxsga nafaqa tayinlash uchun hisobga olinadigan oʻrtacha oylik ish haqi miqdori minimal isteʼmol xarajatlari miqdoridan kam boʻlganda, mazkur shaxsning oʻrtacha oylik ish haqi miqdori minimal isteʼmol xarajatlari miqdoriga tenglashtiriladi.

28 1 . Tugʻish qiyin kechgan yoki ikki yoxud undan ortiq bola tugʻilganda homiladorlik va tugʻish taʼtilini uzaytirish uchun rasmiylashtirilgan mehnatga layoqatsizlik varaqasi asosida nafaqani hisoblash uchun sugʻurtalangan shaxsga oxirgi homiladorlik va tugʻish boʻyicha mehnatga layoqatsizlik varaqasi asosida nafaqani hisoblashda aniqlangan koʻrsatkichlar va sugʻurta hodisasi yuzaga kelgan sana qoʻllaniladi.

29. Quyidagilar sugʻurtalangan shaxslarga davlat ijtimoiy sugʻurtasi boʻyicha toʻlovlarni tayinlashda sugʻurta staji sifatida hisobga olinadi:

2005-yil 1-yanvardan 2016-yil 1-yanvarga qadar boʻlgan davr uchun — jamgʻarib boriladigan pensiya tizimiga majburiy badallar toʻlangan taqdirda;

2016-yil 1-yanvardan 2019-yil 1-yanvarga qadar boʻlgan davr uchun — Iqtisodiyot va moliya vazirligi huzuridagi budjetdan tashqari Pensiya jamgʻarmasiga sugʻurta badallari toʻlangan taqdirda;

2019-yil 1-yanvardan — ish beruvchilar tomonidan soliq organlariga topshirilgan hisobotlarda ish haqi miqdori koʻrsatilgan taqdirda;

2026-yil 1-yanvardan — davlat ijtimoiy sugʻurtasi bilan ixtiyoriy asosda sugʻurtalangan shaxslar uchun Jamgʻarmaga sugʻurta badallari toʻlangan taqdirda.

30. Sugʻurtalangan shaxslarning sugʻurta stajiga quyidagi oylar kiritiladi:

ushbu Nizomning 29-bandida koʻrsatilgan toʻlovlar hisoblangan oy;

ish haqi saqlangan holda taʼtildagi oy;

ish haqi qisman saqlanadigan taʼtildagi oy;

ijodiy taʼtildagi oy;

harbiy oʻquv yoki tekshiruv yigʻinida qatnashgan oy;

ishlab chiqarishdan ajralmagan holda oʻquv yurtlarida tahsil olish munosabati bilan berilgan oʻquv taʼtilidagi oy.

Ushbu bandning ikkinchi — oltinchi xatboshilarida koʻrsatilgan holatlardan ikkitasi bitta kalendar oyda vujudga kelganida sugʻurta stajiga faqat bir oy kiritiladi.

Qonunchilikka muvofiq mehnat stajini hisoblab chiqarish uchun yiliga bir marotaba ijtimoiy soliq toʻlovchi shaxslarning ushbu toʻlovni toʻlagan davri uchun hisoblanadigan mehnat staji sugʻurta staji sifatida hisobga olinmaydi, yakka tartibdagi tadbirkor bilan mehnat munosabatlarida boʻlgan jismoniy shaxslar bundan mustasno.

31. Sugʻurtalangan shaxslarga hisoblangan oylik ish haqi miqdori nafaqa tayinlash va uning miqdorini hisoblash davrida amalda boʻlgan MHTEKMning bir baravari va undan koʻp boʻlgan taqdirda, bir oy sugʻurta staji, bir baravarigacha boʻlgan taqdirda esa yarim oy sugʻurta staji hisoblanadi.

3-§. Ayrim toifadagi sugʻurtalangan shaxslarning oʻrtacha ish haqi miqdorini va sugʻurta stajini hisoblash tartibi

32. Oʻzbekiston Respublikasi Oliy Majlisi palatalari, Oʻzbekiston Respublikasi Prezidenti Administratsiyasi, Oʻzbekiston Respublikasi Vazirlar Mahkamasi hamda Jamgʻarmaning Kuzatuv kengashi tomonidan tasdiqlanadigan roʻyxatdagi tashkilotlarning xodimi hisoblangan sugʻurtalangan shaxslarning oʻrtacha oylik ish haqi miqdori va sugʻurta stajini hisoblash mazkur bobda belgilangan tartibga muvofiq amalga oshiriladi.

Mazkur bandning birinchi xatboshisida belgilangan tashkilotlarning buxgalteriya hisobi yoki inson resurslarini rivojlantirish va boshqarish boʻlinmalari tomonidan tashkilotning davlat ijtimoiy sugʻurtasi bilan sugʻurtalangan xodimlariga (sugʻurtalangan shaxslarga) nisbatan sugʻurta hodisasi yuzaga kelganda nafaqa olish huquqi paydo boʻlgan kundan boshlab oʻn kun ichida ularning oxirgi oʻn ikki oy davomida hisoblangan oʻrtacha oylik ish haqi va mehnat staji toʻgʻrisidagi maʼlumotlarni “Ijtimoiy sugʻurta” axborot moduliga kiritish orqali Jamgʻarmaga taqdim etadi. Bunda:

a) xodimning (sugʻurtalangan shaxslarning) oʻrtacha oylik ish haqi miqdori:

MHTEKMning oʻn baravarigacha boʻlgan taqdirda “Ijtimoiy sugʻurta” axborot moduliga ushbu miqdor kiritiladi;

MHTEKMning oʻn baravaridan oshgan taqdirda, “Ijtimoiy sugʻurta” axborot moduliga MHTEKMning oʻn baravari miqdoridagi qismi kiritiladi;

b) davlat ijtimoiy sugʻurtasi bilan sugʻurtalangan shaxsning sugʻurta staji oʻn ikki oydan kam boʻlsa, sugʻurta staji sifatida inobatga olinadigan oylardagi ish haqi miqdorini mavjud sugʻurta staji oylari soniga boʻlish orqali aniqlanadi.

33. Fuqarolarning harbiy xizmatchi sifatidagi, ichki ishlar organlarining, Oʻzbekiston Respublikasi Milliy gvardiyasining boshliqlar va oddiy askarlar tarkibidagi va prokuratura organlaridagi martaba darajalariga (harbiy unvonlarga) ega boʻlgan xodim sifatidagi avvalgi faoliyati, mazkur davrdagi ish staji va ish haqi toʻgʻrisidagi maʼlumotlar mazkur fuqarolar tomonidan Jamgʻarmaga taqdim etilganda, ularga sugʻurtalangan shaxs sifatida nafaqalar tayinlashda inobatga olinadi.

4-bob. Davlat ijtimoiy sugʻurtasi boʻyicha toʻlovlarni toʻlash tartibi

34. Ushbu Nizomga muvofiq sugʻurtalangan shaxslarga tayinlangan davlat ijtimoiy sugʻurtasi boʻyicha toʻlovlarni toʻlash moliyaviy agent tomonidan amalga oshiriladi.

“Ijtimoiy sugʻurta” axborot modulida tayinlangan davlat ijtimoiy sugʻurtasi boʻyicha toʻlovlar toʻgʻrisidagi toʻlov roʻyxat (vedomost)lari moliyaviy agentga quyidagi muddatlarda taqdim etiladi hamda Jamgʻarmaning gʻazna hisobvaragʻidan zarur mablagʻlar moliyaviy agentga oʻtkazib beriladi:

har oyning 1 — 15-sanalari oraligʻida tayinlangan davlat ijtimoiy sugʻurtasi boʻyicha toʻlovlar toʻgʻrisida mazkur oyning 25-sanasiga qadar;

har oyning 16-sanasidan ushbu oyning yakuniy sanasi oraligʻida tayinlangan davlat ijtimoiy sugʻurtasi boʻyicha toʻlovlar toʻgʻrisida keyingi oyning 10-sanasiga qadar.

Mehnatga layoqatsizlik varaqasi ochilib, oʻn kun va undan ortiq davr ichida yopilmagan boʻlsa, u boʻyicha ham ushbu bandning uchinchi va toʻrtinchi xatboshilarida koʻrsatilgan muddatlarda davlat ijtimoiy sugʻurtasi boʻyicha toʻlovlar tegishli kunlar uchun hisoblanib toʻlanadi.

Ushbu bandda koʻrsatilgan muddatning oxirgi kuni bayram yoki dam olish kunlariga toʻgʻri kelganda, toʻlov roʻyxat (vedomost)lari va zarur mablagʻlar keyingi ikki ish kuni mobaynida moliyaviy agentga taqdim etilishi va moliyalashtirilishi mumkin.

35. Davlat ijtimoiy sugʻurtasi boʻyicha toʻlovlarni toʻlash uchun moliyaviy agent tomonidan Jamgʻarmadan kelib tushadigan mablagʻlarni hisobga olish va toʻlovlarni amalga oshirish boʻyicha alohida maxsus bank hisobvaraqlari ochiladi.

36. “Ijtimoiy sugʻurta” axborot moduli orqali toʻlov roʻyxat (vedomost)lari shakllantiriladi. Bunda davlat ijtimoiy sugʻurtasi boʻyicha toʻlovlar:

birinchi navbatda sugʻurtalangan shaxsning ijtimoiy kartasi mavjud boʻlganda, “Ijtimoiy karta” axborot tizimi orqali uning ijtimoiy kartasiga;

sugʻurtalangan shaxsning ijtimoiy yoki bank kartasi mavjud boʻlmaganda, “Ijtimoiy karta” axborot tizimida sugʻurtalangan shaxsga virtual ijtimoiy karta ochilib, toʻlovlar toʻlanadi.

37. Moliyaviy agent tomonidan davlat ijtimoiy sugʻurtasi boʻyicha toʻlovlar ushbu Nizomning 34-bandiga muvofiq toʻlov roʻyxat (vedomost)larini taqdim etish uchun belgilangan soʻnggi kundan keyingi besh ish kuni ichida toʻlanadi.

38. Moliyaviy agent har oyning oxirgi ish kuniga qadar ushbu oy uchun har bir nafaqa oluvchi sugʻurtalangan shaxs boʻyicha amalga oshirilgan toʻlovlar, nafaqa toʻlangan sana va toʻlanmagan mablagʻlar haqidagi maʼlumotlarni doimiy ravishda “Ijtimoiy sugʻurta” axborot moduli orqali Jamgʻarmaga taqdim etadi va maʼlumotlar toʻgʻriligiga javobgar boʻladi.

5-bob. Davlat ijtimoiy sugʻurtasi boʻyicha toʻlovlarni tayinlash va toʻlash bilan bogʻliq jarayonlarni monitoring qilish

39. Jamgʻarma tomonidan sugʻurtalangan shaxslarga homiladorlik va tugʻish nafaqasi tayinlangandan keyin toʻqson kun ichida “FHDY yagona elektron arxivi” axborot tizimi orqali avtomatik ravishda bola tugʻilganligi, shu jumladan, oʻlik tugʻilganligi yoki tugʻruq muassasasidan chiqqunga qadar nobud boʻlganligi toʻgʻrisidagi maʼlumotlar “Ijtimoiy sugʻurta” axborot moduli orqali tekshiriladi.

40. “Ijtimoiy sugʻurta” axborot modulida tekshirish natijasida bola tugʻilganligi, shu jumladan oʻlik tugʻilganligi yoki tugʻruq muassasasidan chiqqunga qadar nobud boʻlganligi qayd etilmagan holatlar boʻyicha nafaqa oluvchi sugʻurtalangan shaxslarning roʻyxati hududlar kesimida shakllantiriladi.

“Ijtimoiy sugʻurta” axborot moduli orqali quyidagi maʼlumotlar “Yagona tibbiy” ATga toʻgʻri kiritilganligini tekshirish uchun Sogʻliqni saqlash vazirligiga yuboriladi:

shakllantirilgan roʻyxat boʻyicha nafaqa oluvchi sugʻurtalangan shaxslarning homiladorlik va tugʻish boʻyicha maʼlumotlari;

mehnatga layoqatsizlik varaqasida koʻrsatilgan davrlarda bola tugʻilganligi, shu jumladan oʻlik tugʻilganligi yoki tugʻruq muassasasidan chiqqunga qadar nobud boʻlganligi holatlariga mutanosib kiritilganligi.

41. Nafaqa oluvchi sugʻurtalangan shaxslar boʻyicha shakllantirilgan roʻyxat Jamgʻarmaning Qoraqalpogʻiston Respublikasi, viloyatlar va Toshkent shahridagi Jamgʻarma mablagʻlari tushumini shakllantirish va monitoring qilish boʻyicha bosh mutaxassislar (keyingi oʻrinlarda — hududiy vakillar) tomonidan har chorakda FHDY organlari va/yoki tibbiyot muassasasiga borgan holda tanlov asosida oʻrganiladi.

42. Hududiy vakillar tomonidan oʻrganish natijalari boʻyicha FHDY organlari va/yoki tibbiyot muassasasining masʼul xodimlari ishtirokida “Ijtimoiy sugʻurta” axborot modulida elektron dalolatnoma shakllantirilib, tegishli FHDY organlari va/yoki tibbiyot muassasasi rahbarining elektron raqamli imzosi bilan tasdiqlangan holda, tegishligicha FHDY tizimiga yoki Yagona tibbiy axborot tizimiga yuboriladi.

Bunda dalolatnoma dastlab hududiy vakil tomonidan “Ijtimoiy sugʻurta” axborot modulida elektron raqamli imzo bilan tasdiqlanadi.

43. “Ijtimoiy sugʻurta” axborot modulida har oyda, ish haqi hisoblangan, ammo “YAMMT” IDAKda mehnat staji toʻgʻrisida maʼlumoti boʻlmagan shaxslar roʻyxati shakllantiriladi va mazkur roʻyxat Kambagʻallikni qisqartirish va bandlik vazirligiga undagi maʼlumotlarni oʻrganish va zarur choralar koʻrish uchun yuboriladi.

44. Nafaqa oluvchi sugʻurtalangan shaxsning tibbiyot yoki boshqa taalluqli muassasalarga yolgʻon maʼlumot berishi yoxud hisob-kitoblardagi xatoliklar tufayli notoʻgʻri toʻlangan nafaqa mazkur sugʻurtalangan shaxs tomonidan Jamgʻarmaga bir oy ichida qaytarilishi lozim. Bunda:

ixtiyoriy ravishda Jamgʻarmaga qaytarilmagan yoki toʻliq qaytarilmagan mablagʻlar sud tartibida undiriladi;

axborot tizimlarida mavjud kamchiliklar yoki oʻzaro elektron maʼlumot almashinuvidagi texnik xatoliklar yoxud takroriy maʼlumot almashinuvida sugʻurta staji sifatida inobatga olinadigan oʻn ikki oylik davr oʻzgarganligi sababli ortiqcha toʻlangan mablagʻlar qaytarilmaydi hamda Jamgʻarma xarajatlari sifatida inobatga olinadi.

Vazirlik va idoralarning axborot tizimlaridagi maʼlumotlarning toʻgʻriligi va toʻliqligi taʼminlangandan soʻng Jamgʻarma tomonidan sugʻurtalangan shaxslarga nafaqa miqdorlari qayta hisob-kitob qilinib, belgilangan tartibda moliyalashtirilishi mumkin.

6-bob. Davlat ijtimoiy sugʻurtasi doirasida sugʻurta badali va stajlari hisobini yuritish tartibi

1-§. Sugʻurtalangan shaxslarni roʻyxatga olish va ularning personallashtirilgan hisobini yuritish

45. Sugʻurta badali va stajlarining hisobini yuritish, sugʻurtalangan shaxslarni identifikatsiya qilish va ularning personallashtirilgan hisobini yuritish Jamgʻarma tomonidan amalga oshiriladi.

46. Jamgʻarma tomonidan “Ijtimoiy sugʻurta” axborot modulida quyidagi maʼlumotlarning alohida reyestri yuritiladi:

sugʻurta qildiruvchilar reyestri;

sugʻurtalangan shaxslar reyestri;

sugʻurta badallari reyestri;

ortiqcha/notoʻgʻri toʻlangan nafaqalar reyestri.

47. Jamgʻarmada davlat ijtimoiy sugʻurtasi boʻyicha munosabatlar subyektlarini roʻyxatga olish quyidagi tartibda amalga oshiriladi:

a) davlat ijtimoiy sugʻurtasi bilan majburiy asosda sugʻurtalangan shaxslar soliq agenti tomonidan mazkur shaxslarga mehnatga haq toʻlash tarzidagi daromadlariga jismoniy shaxslardan olinadigan daromad soligʻi hisoblanganda, Soliq qoʻmitasining axborot tizimlaridan “Ijtimoiy sugʻurta” axborot moduliga kelib tushgan hisobot maʼlumotlari asosida roʻyxatga olinadi;

b) davlat ijtimoiy sugʻurtasi bilan ixtiyoriy asosda sugʻurtalangan shaxslar tomonidan qonunchilik hujjatlarida belgilangan sugʻurta badallari toʻlangan taqdirda, ushbu Nizomning 2-ilovasiga muvofiq roʻyxatga olinadi.

48. Ushbu Nizomning 47-bandiga muvofiq roʻyxatga olingan shaxslarga “Ijtimoiy sugʻurta” axborot modulida shaxsiy hisob ochiladi. Shaxsiy hisobda quyidagilar yuritiladi:

a) sugʻurta qildiruvchilar kesimida ularda faoliyat yuritayotgan shaxslarning personallashtirilgan roʻyxati;

b) sugʻurtalangan shaxslar boʻyicha:

sugʻurta badallari toʻlovlari (oylar kesimida);

sugʻurta staji sifatida hisobga olingan davrlar;

mehnatga haq toʻlash tarzidagi daromadlar toʻgʻrisidagi maʼlumotlar, mavjud boʻlsa, maʼlumot manbalari koʻrsatilgan holda;

ushbu Nizomning 19 — 21-bandlariga muvofiq alohida tartib qoʻllanilgan davrlar.

49. Jamgʻarma har oy yakunidan keyingi oyning 10-sanasiga qadar “Ijtimoiy sugʻurta” axborot modulida sugʻurtalangan shaxslarning shaxsiy hisoblari holatini yangilab boradi.

Sugʻurtalangan shaxs “Ijtimoiy sugʻurta” axborot moduli orqali oʻzining shaxsiy hisobi toʻgʻrisidagi maʼlumotnomalarni elektron tarzda olishi mumkin.

2-§. Davlat ijtimoiy sugʻurtasi bilan majburiy asosda sugʻurtalanadigan shaxslar tomonidan sugʻurta badallarini toʻlash va hisoblash tartibi

50. Iqtisodiyot va moliya vazirligi huzuridagi Gʻaznachilik xizmati qoʻmitasi davlat ijtimoiy sugʻurtasi bilan majburiy asosda sugʻurtalangan shaxslar uchun sugʻurta badali sifatida Oʻzbekiston Respublikasining Davlat budjeti toʻgʻrisidagi Qonunida belgilangan miqdorda jismoniy shaxslardan olinadigan daromad soligʻidan tegishli ajratmalarni Jamgʻarmaning gʻazna hisobvaraqlariga oʻtkazib boradi.

Bunda davlat ijtimoiy sugʻurtasi bilan majburiy asosda sugʻurtalangan shaxslar uchun Oʻzbekiston Respublikasining Davlat budjeti toʻgʻrisidagi qonun bilan miqdori (stavkasi) belgilanadigan jismoniy shaxslardan olinadigan daromad soligʻining bir qismi hisobidan Jamgʻarmaning gʻazna hisobvaraqlariga oʻtkazilgan oy bir oylik sugʻurta staji sifatida hisoblanadi.

51. Soliq qoʻmitasi:

sugʻurta qildiruvchilarning soliq agentlari sifatida taqdim etgan maʼlumotlari asosida jismoniy shaxslardan olinadigan daromad soligʻi toʻlanganligi boʻyicha jismoniy shaxslar kesimidagi hisobotlarni yuritadi va bu toʻgʻrisidagi maʼlumotlarni oʻz bazasida saqlaydi;

har hisobot davridan keyingi oyning 5-sanasigacha sugʻurtalangan shaxsga hisoblangan mehnatga haq toʻlash tarzidagi daromadlar hamda mazkur daromadlar boʻyicha hisoblangan (toʻlangan) jismoniy shaxslardan olinadigan daromad soligʻi miqdorlari toʻgʻrisidagi hisobotlarni “Ijtimoiy sugʻurta” axborot moduliga yuboradi.

52. Jamgʻarma Soliq qoʻmitasining axborot tizimlari orqali yuborilgan maʼlumotlar asosida sugʻurtalangan shaxslar kesimida ularga hisoblangan mehnatga haq toʻlash tarzidagi daromadlar hamda mazkur daromadlar boʻyicha hisoblangan (toʻlangan) jismoniy shaxslardan olinadigan daromad soligʻi miqdorlari boʻyicha ularning personallashtirilgan hisobini “Ijtimoiy sugʻurta” axborot modulining ushbu Nizomning 46-bandida belgilangan tegishli reyestrlarda yuritadi.

3-§. Davlat ijtimoiy sugʻurtasi bilan ixtiyoriy asosda sugʻurtalanadigan shaxslar tomonidan sugʻurta badallarini toʻlash tartibi

53. Davlat ijtimoiy sugʻurtasi bilan ixtiyoriy asosda sugʻurtalanadigan shaxslar sugʻurta badalini u toʻlanadigan oyning istalgan davrida toʻlashi mumkin.

Bunda davlat ijtimoiy sugʻurtasi bilan ixtiyoriy asosda sugʻurtalanadigan shaxslar uchun qonunchilik hujjatlarida belgilangan eng kam sugʻurta badali toʻlangan oy bir oylik sugʻurta staji sifatida hisoblanadi.

54. Sugʻurtalangan shaxslar tomonidan har oylik ixtiyoriy sugʻurta badallari ushbu Nizomning 2-ilovasiga muvofiq belgilangan tartibga asosan toʻlanadi.

4-§. Davlat ijtimoiy sugʻurtasi bilan ixtiyoriy (majburiy) asosda sugʻurtalanishdan majburiy (ixtiyoriy) asosda sugʻurtalanishga oʻtish (konvertatsiya)

55. Shaxslar bir vaqtning oʻzida davlat ijtimoiy sugʻurtasi bilan ham majburiy asosda, ham ixtiyoriy asosda sugʻurtalanganda, ular uchun davlat ijtimoiy sugʻurtasi bilan majburiy asosda sugʻurtalanganligi boʻyicha amalga oshirilgan sugʻurta badali inobatga olinadi.

56. Davlat ijtimoiy sugʻurtasi bilan ixtiyoriy asosda sugʻurtalanishdan davlat ijtimoiy sugʻurtasi bilan majburiy asosda sugʻurtalanishga oʻtish:

sugʻurtalangan shaxs davlat ijtimoiy sugʻurtasi bilan majburiy sugʻurtalangan oyda, mazkur oyning birinchi kunidan boshlab amal qiladi;

davlat ijtimoiy sugʻurtasi bilan ixtiyoriy asosda sugʻurtalangan davrlar uchun toʻlangan sugʻurta badallari hisobi saqlanadi va sugʻurta staji hisoblanishida inobatga olinadi.

57. Davlat ijtimoiy sugʻurtasi bilan majburiy asosda sugʻurtalanishdan davlat ijtimoiy sugʻurtasi bilan ixtiyoriy asosda sugʻurtalanishga oʻtish davlat ijtimoiy sugʻurtasi bilan majburiy sugʻurtalanishga asos boʻlgan mehnat faoliyati tugagan oyning keyingi oyidan amal qiladi. Bunda sugʻurtalangan shaxs davlat ijtimoiy sugʻurtasi bilan ixtiyoriy asosda sugʻurtalanish boʻyicha roʻyxatdan oʻtib, sugʻurta badallarini mustaqil toʻlaydi.

7-bob. Yakunlovchi qoidalar

58. Manfaatdor vazirliklar va idoralarning axborot tizimlaridan sugʻurtalangan shaxslar toʻgʻrisidagi elektron shaklda olingan maʼlumotlar “Shaxsga doir maʼlumotlar toʻgʻrisida”gi Oʻzbekiston Respublikasi Qonuniga muvofiq himoyalanadi.

Tegishli vazirliklar va idoralar oʻz faoliyatini amalga oshirishi natijasida sugʻurtalangan shaxslar toʻgʻrisida olingan maʼlumotlarning sir saqlanishini taʼminlaydi.

59. Ushbu Nizomga muvofiq davlat ijtimoiy sugʻurtasi boʻyicha toʻlovlarni tayinlash va toʻlash uchun asos hisoblangan Jamgʻarmaga tegishli axborot tizimlari orqali yuborilgan maʼlumotlarning toʻgʻriligi va ishonchliligi uchun javobgarlik axborot tizimlariga maʼlumotlarni kiritgan yuridik va jismoniy shaxslarga, shuningdek, axborot tizimlari orqali taqdim etilmaganligi yoki notoʻgʻri maʼlumotlar taqdim etilishi natijasida sugʻurta nafaqalari ortiqcha yoxud kam toʻlanishi uchun javobgarlik ushbu axborot tizimlarning egasi boʻlgan vazirlik va idoralarga yuklanadi.

Sugʻurtalangan shaxs va (yoki) sugʻurta qildiruvchilar tomonidan nafaqalar tayinlash va toʻlashga taʼsir etishi mumkin boʻlgan oʻziga maʼlum barcha holatlar toʻgʻrisida Jamgʻarmaga xabar bermaganligi yoki ular tomonidan sodir etilgan suiisteʼmolliklar natijasida unga nafaqalar summasining ortiqcha toʻlanishi tufayli Jamgʻarmaga yetkazilgan zararni toʻlash majburiyati sugʻurtalangan shaxs va (yoki) sugʻurta qildiruvchilarga yuklanadi.

60. “Ijtimoiy sugʻurta” axborot modulida hamda manfaatdor vazirlik va idoralarning axborot tizimlarida texnik nosozliklar hamda maʼlumotlar almashinuvi jarayonida uzilishlar yuzaga kelganda, ushbu holatlar toʻliq bartaraf etilgunga qadar mehnatga layoqatsizlik varaqasidagi elektron maʼlumotlarni kiritish, nafaqalarni tayinlash va toʻlash muddatlari uzaytirilishi mumkin.

61. Sugʻurtalangan shaxslar qonunchilikda belgilangan tartibda sugʻurta stajlari yoki amalga oshirilgan sugʻurta badallari yoxud boshqa masalalar yuzasidan toʻgʻridan-toʻgʻri shuningdek, “Inson” ijtimoiy xizmatlar markazlari yoki “Yagona milliy ijtimoiy himoya” axborot tizimi orqali Jamgʻarmaga murojaat qilishi mumkin.

62. Ushbu Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradi.

Davlat ijtimoiy sugʻurtasi doirasida vaqtincha mehnatga layoqatsizlik hamda homiladorlik va tugʻish nafaqalarini tayinlash hamda toʻlash tartibi toʻgʻrisidagi nizomga 1-ILOVA

Davlat ijtimoiy sugʻurtasi boʻyicha toʻlovlarni tayinlash hamda toʻlash

Bosqichlar Subyektlar Tadbirlar Bajarish muddatlari 1-bosqich Hududiy ambulator-poliklinika yoki tugʻuruqxona muassasasi yoxud mehnatga layoqatsizlik varaqasi berishga vakolatli boshqa tibbiy muassasa Mehnatga layoqatsizlik varaqasini Sogʻliqni saqlash vazirligining Yagona tibbiy axborot tizimida (keyingi oʻrinlarda — “Yagona tibbiy” AT) elektron shaklda rasmiylashtiriladi. Mehnatga layoqatsizlik davri boshlangan vaqtdan boshlab bir ish kuni ichida 2-bosqich “Yagona tibbiy” AT Mehnatga layoqatsizlik varaqasi avtomatik ravishda “Ijtimoiy sugʻurta” axborot moduliga yuboriladi. Avtomatik tarzda 3-bosqich “Ijtimoiy sugʻurta” axborot moduli 1. Sugʻurtalangan shaxslarning mehnatga layoqatsizlik varaqasi yopilgandan soʻng, ularga tegishli maʼlumotlar Davlat ijtimoiy sugʻurtasi doirasida vaqtincha mehnatga layoqatsizlik hamda homiladorlik va tugʻish nafaqalarini tayinlash hamda toʻlash tartibi toʻgʻrisidagi nizomga muvofiq tegishli axborot tizimlari orqali tekshiriladi. Avtomatik tarzda 2. Davlat ijtimoiy sugʻurtasi boʻyicha toʻlovlarni tayinlash yoki rad etish toʻgʻrisidagi qarorni hamda toʻlov roʻyxat (vedomost)larini shakllantiradi hamda davlat ijtimoiy sugʻurtasi boʻyicha toʻlovlarning miqdori, toʻlov shakli va muddati yoki rad etishning sabablari boʻyicha sugʻurtalangan shaxsga SMS-xabarnoma yuboradi. Avtomatik tarzda 3. Shakllantirilgan toʻlov roʻyxat (vedomost)lari moliyaviy agentga yuboriladi. Qonunchilikda belgilangan muddatlarda 4-bosqich Davlat ijtimoiy sugʻurta jamgʻarmasi Davlat ijtimoiy sugʻurtasi boʻyicha toʻlovlarni toʻlash uchun tegishli mablagʻlarni moliyaviy agentga oʻtkazib beradi. Toʻlov roʻyxat (vedomost)larini taqdim etish bilan bir vaqtda 5-bosqich Moliyaviy agent Sugʻurtalangan shaxslarning ijtimoiy kartasi yoki boshqa bank kartalariga davlat ijtimoiy sugʻurtasi boʻyicha toʻlovlarni amalga oshiradi. Toʻlov roʻyxat (vedomost)larini taqdim etish uchun belgilangan soʻnggi kundan keyingi besh ish kuni ichida Sugʻurtalangan shaxslarga amalga oshirilgan toʻlovlar hamda toʻlanmagan mablagʻlar toʻgʻrisidagi maʼlumotlarni “Ijtimoiy sugʻurta” axborot moduli orqali taqdim etadi. Doimiy ravishda

Davlat ijtimoiy sugʻurtasi doirasida vaqtincha mehnatga layoqatsizlik hamda homiladorlik va tugʻish nafaqalarini tayinlash hamda toʻlash tartibi toʻgʻrisidagi nizomga 2-ILOVA

Davlat ijtimoiy sugʻurtasi bilan ixtiyoriy asosda qamrab olinadigan shaxslarni roʻyxatga olish va ixtiyoriy sugʻurta badallarini toʻlash

Bosqichlar Subyektlar Tadbirlar Muddatlar I. Davlat ijtimoiy sugʻurtasi bilan ixtiyoriy asosda qamrab olinadigan shaxslarni roʻyxatga olish tartibi 1-bosqich Davlat ijtimoiy sugʻurtasi bilan ixtiyoriy asosda qamrab olinadigan shaxslar “Ijtimoiy himoya yagona reyestri” axborot tizimining “Ijtimoiy sugʻurta” axborot modulida yuritiladigan elektron roʻyxatga kirish uchun biometrik pasport (ID-karta) maʼlumotlari va telefon raqami koʻrsatgan holda, quyidagi usullardan biri orqali murojaat qiladi: “Yagona milliy ijtimoiy himoya” axborot tizimi (keyingi oʻrinlarda — “YAMIH” AT) yoki uning mobil ilovasi orqali; Yagona interaktiv davlat xizmatlari portali orqali (keyingi oʻrinlarda — YIDXP); “Inson” ijtimoiy xizmatlar markazlari (keyingi oʻrinlarda — “Inson” markazi)ga bevosita borish orqali; “Inson” markazlarining ijtimoiy xodimlari orqali; Davlat ijtimoiy sugʻurta jamgʻarmasining Qoraqalpogʻiston Respublikasi, viloyatlar va Toshkent shahridagi hududiy vakillari (keyingi oʻrinlarda — hududiy vakillar) orqali. Xohishiga koʻra 2-bosqich “YAMIH” AT yoki uning mobil ilovasi yoxud YIDXP Murojaat qiluvchi shaxs tomonidan mustaqil ravishda kiritilgan maʼlumotlar, u tomonidan belgilangan tartibda tasdiqlangandan soʻng, “Ijtimoiy sugʻurta” axborot modulida yuboriladi. Avtomatik tarzda “Inson” markazi yoki ijtimoiy xodimlari yoxud hududiy vakillar 1. “YAMIH” ATda murojaat qiluvchi shaxsning tegishli maʼlumotlari, uning nomidan kiritiladi. Murojaat qilingan vaqtda 2. Kiritilgan maʼlumotlar murojaat qiluvchi tomonidan koʻrib chiqib, belgilangan tartibda tasdiqlanadi. Murojaat qilingan vaqtda 3. Murojaat qiluvchining tasdiqlangan maʼlumotlari “Ijtimoiy sugʻurta” axborot moduliga yuboriladi. Avtomatik tarzda 3-bosqich “Ijtimoiy sugʻurta” axborot moduli Murojaat qiluvchi shaxs “Ijtimoiy sugʻurta” axborot modulida yuritiladigan elektron roʻyxatga kiritiladi. Maʼlumotlar kelib tushgandan soʻng avtomatik tarzda II. Davlat ijtimoiy sugʻurtasi bilan ixtiyoriy asosda qamrab olinadigan shaxslar tomonidan sugʻurta badallarini toʻlash tartibi 1-bosqich Davlat ijtimoiy sugʻurtasi bilan ixtiyoriy asosda qamrab olinadigan shaxslar Har oylik eng kam miqdori qonunchilik hujjatlarida belgilangan sugʻurta badallarini ixtiyoriy ravishda istalgan tijorat bankiga murojaat qilish orqali yoki mustaqil ravishda “Ijtimoiy karta” axborot tizimi yoki uning “Baraka” mobil ilovasi orqali amalga oshiradi. Xohishiga koʻra 2-bosqich Tijorat banki Davlat ijtimoiy sugʻurtasi bilan ixtiyoriy asosda qamrab olinadigan shaxsning shaxsini tasdiqlovchi hujjati asosida toʻlovni rasmiylashtiradi va mablagʻlarni Davlat ijtimoiy sugʻurta jamgʻarmasining gʻaznachilik hisob raqamiga oʻtkazadi. Murojaat qiluvchi shaxsga toʻlov amalga oshirilganligini tasdiqlovchi hujjatlarni taqdim etadi. Murojaat vaqtida Tijorat banki orqali ixtiyoriy asosda toʻlangan sugʻurta badallari toʻgʻrisidagi maʼlumotlar sugʻurtalangan shaxslar kesimida “Ijtimoiy sugʻurta” axborot moduliga yuboriladi. Toʻlov amalga oshirilgan vaqtda avtomatik tarzda 3-bosqich “Ijtimoiy sugʻurta” axborot moduli Sugʻurtalangan shaxs tomonidan toʻlangan sugʻurta badallarini hisobga oladi va maʼlumotlar bazasida saqlaydi. Avtomatik tarzda 4-bosqich Davlat ijtimoiy sugʻurta jamgʻarmasi Davlat ijtimoiy sugʻurtasi bilan ixtiyoriy asosda qamrab olinadigan shaxslar tomonidan amalga oshirilgan sugʻurta badallari hisobotini yuritadi. Doimiy ravishda

Vazirlar Mahkamasining 2025-yil 17-dekabrdagi 796-son qaroriga 5-ILOVA

Davlat ijtimoiy sugʻurtasi yangi tizimining mazmun-mohiyati va ahamiyatini yoritish boʻyicha

T/r Chora-tadbir nomi Amalga oshirish shakli Muddat Masʼul ijrochi 1. Davlat ijtimoiy sugʻurtasi yangi tizimining mazmun-mohiyati va ahamiyatini yoritish boʻyicha respublikaning barcha hududlari kesimida matbuot anjumanlarini tashkil etish. Oʻzbekiston Respublikasining “Davlat ijtimoiy sugʻurtasi toʻgʻrisida”gi Qonun va Oʻzbekiston Respublikasi Prezidentining 2025-yil 3-noyabrdagi “Davlat ijtimoiy sugʻurtasi boʻyicha toʻlovlarni tayinlash va toʻlash tizimini takomillashtirishga oid chora-tadbirlar toʻgʻrisida”gi PF-206-son Farmoni mazmuni-mohiyati, nafaqalarni hisoblash va toʻlash mexanizmlari yuzasidan jamoatchilikning faol aʼzolari ishtirokida brifinglar oʻtkazish. 2025-2026-yillar davomida Ijtimoiy himoya milliy agentligi, Ommaviy axborot vositalari uchun kontent tayyorlash markazi, Oʻzbekiston Milliy teleradiokompaniyasi, Oʻzbekiston Milliy axborot agentligi 2. Davlat ijtimoiy sugʻurtasi yangi tizimining mazmun-mohiyati va ahamiyatini yoritish boʻyicha televideniye va radio orqali axborot va tushuntirishlar berish. Televideniye va radio uchun qisqa tushuntirish roliklari, intervyular va tok-shoular tayyorlash; ekspert va manfaatdor shaxslar ishtirokida efirlar tashkil etish. 2025-2026-yillar davomida Ijtimoiy himoya milliy agentligi, Ommaviy axborot vositalari uchun kontent tayyorlash markazi, Oʻzbekiston Milliy teleradiokompaniyasi 3. Davlat ijtimoiy sugʻurtasi yangi tizimining mazmun-mohiyati va ahamiyatini yoritish boʻyicha ijtimoiy tarmoqlarda kontentlar tayyorlash va joylashtirish. Ijtimoiy tarmoqlar (“Telegram”, “Instagram”, “Facebook” va boshqalar) orqali infografika, video lavhalar va maqolalar hamda mutaxassislar fikri, ijtimoiy sharh tayyorlash va tarqatish, shuningdek, xeshteglar orqali ommalashtirish. 2025-2026-yillar davomida Ijtimoiy himoya milliy agentligi Oʻzbekiston Milliy axborot agentligi, Ommaviy axborot vositalari uchun kontent tayyorlash markazi 4. Mahalla markazlari va Davlat xizmatlari markazlari hamda mahalladagi mavjud tadbirkorlik subyektlari obyektlarida davlat ijtimoiy sugʻurtasiga oid turli materiallar tarqatish. Mahalla markazlari va Davlat xizmatlari markazlari hamda mahallalar hududida joylashgan tadbirkorlik subyektlariga davlat ijtimoiy sugʻurtasi yangi tizimining mazmun-mohiyati va ahamiyati boʻyicha buklet, broshyura va bannerlarni ijtimoiy xodimlar orqali yetkazish. 2025-2026-yillar davomida Savdo-sanoat palatasi, Oʻzbekiston mahallalari uyushmasi, Ijtimoiy himoya milliy agentligi, Soliq qoʻmitasi, Oila va xotin-qizlar qoʻmitasi, Yoshlar ishlari agentligi, Kambagʻallikni qisqartirish va bandlik vazirligi 5. Davlat ijtimoiy sugʻurtasi yangi tizimining mazmun-mohiyati va ahamiyatini tushuntirish maqsadida tadbirkorlar subyektlari bilan uchrashuvlar tashkil etish. Savdo-sanoat palatasining hududiy boshqarmalarida tadbirkorlar bilan davra suhbatlari, seminarlar va maslahat sessiyalarini oʻtkazish. 2025-2026-yillar davomida Savdo-sanoat palatasi, Ijtimoiy himoya milliy agentligi, Oʻzbekiston Milliy teleradiokompaniyasi, Oʻzbekiston Milliy axborot agentligi, Milliy media birlashmasi 6. Davlat ijtimoiy sugʻurtasi yangi tizimiga oid tartib-taomillar boʻyicha onlayn platformalar orqali xabarnomalar joylashtirish. “my.gov.uz”, “lex.uz”, “ihma.uz”, “imv.uz”, “soliq.uz”, “mehnat.uz”, “YAMMT” axborot tizimi, “Yagona davlat nazorati” axborot tizimi, “chamber.uz” va boshqa onlayn platformalarda mazmun-mohiyatini yoritishga qaratilgan harakatlanuvchi yozuv (scrolling text) shaklida axborot bannerlarini joylashtirish. 2025-2026-yillar davomida Raqamli texnologiyalar vazirligi, Davlat axborot tizimlarini yaratish va qoʻllab-quvvatlash boʻyicha yagona integrator — “UZINFOCOM” MCHJ, Ijtimoiy himoya milliy agentligi, manfaatdor vazirlik va idoralar 7. Ijtimoiy himoya milliy agentligi hamda Davlat ijtimoiy sugʻurta jamgʻarmasining rasmiy saytida maxsus boʻlim yaratish (chat-bot, kalkulyator). 1. Ijtimoiy himoya milliy agentligi hamda Davlat ijtimoiy sugʻurta jamgʻarmasining rasmiy saytlarida fuqarolar uchun murojaat qilish (koʻp beriladigan savollar va ularga javoblar) hamda tayinlanadigan nafaqalar miqdorlarini onlayn hisoblash imkoniyatini yaratish. 2. Fuqarolarning davlat ijtimoiy sugʻurtasi tizimi doirasidagi murojaatlarini Ijtimoiy himoya milliy agentligining Call-markazi bilan qamrab olish. 3. Onlayn chat xizmati faoliyatini kengaytirish, davlat ijtimoiy sugʻurtasining yangi tizimi boʻyicha avtomatik maʼlumot botini joriy etish. 2026-yil I chorak Ijtimoiy himoya milliy agentligi 8. Davlat ijtimoiy sugʻurtasi tizimi boʻyicha manfaatdor vazirlik va idoralarning masʼul xodimlari uchun vebinarlar tashkil etish. 1. Xodimlar uchun davlat ijtimoiy sugʻurta tizimi va uning amaliyotdagi ahamiyati, mehnatga layoqatsizlik varaqalarini elektron tarzda rasmiylashtirish tartibi, Davlat ijtimoiy sugʻurta jamgʻarmasiga maʼlumot yuborish va hisobot berish jarayonlari, bunda mehnatga layoqatsizlik varaqalarini rasmiylashtirishda sogʻliqni saqlash tizimi xodimlarining masʼuliyati kabi mavzularda oʻquv-seminarlar tashkil qilish. 2025-2026-yillar davomida Sogʻliqni saqlash vazirligi, Ijtimoiy himoya milliy agentligi, Kambagʻallikni qisqartirish va bandlik vazirligi, Soliq qoʻmitasi 2. Barcha davlat va nodavlat tashkilot buxgalterlari va NR-mutaxassislari uchun yangi tizimning mohiyati, qonunchilikka kiritilgan yangiliklar va oʻzgarishlar toʻgʻrisida seminar va vebinarlar tashkil qilish. Savdo-sanoat palatasi, Iqtisodiyot va moliya vazirligi, Kambagʻallikni qisqartirish va bandlik vazirligi, Ijtimoiy himoya milliy agentligi, Soliq qoʻmitasi 9. Mediamonitoring va jamoatchilik fikrini oʻrganish. Ijtimoiy tarmoqlardagi fikrlar, murojaatlar va savollarni tahlil qilish, onlayn soʻrovnoma va kontent samaradorligini baholash. Har chorakda Ijtimoiy himoya milliy agentligi 10. Davlat ijtimoiy sugʻurtasi tizimi boʻyicha podkastlar tashkil qilish. “Ijtimoiy sugʻurta haqida” mavzusida podkastlar tayyorlash (kun.uz, daryo.uz, qalampir.uz) hamda blogerlar orqali axborot tarqatish. 2025-2026-yillar davomida Ommaviy axborot vositalari uchun kontent tayyorlash markazi 11. Jamoat joylarida oʻrnatilgan axborot tarqatish vositalari orqali targʻibot ishlarini amalga oshirish. Davlat ijtimoiy sugʻurtasi tizimi mazmun-mohiyati va ahamiyati yuzasidan savdo markazlari, metro, transport vositalari va LED-ekranlarda qisqa videorolik yoki bannerlar joylashtirish. 2025-2026-yillar davomida Ijtimoiy himoya milliy agentligi, Oʻzbekiston Milliy axborot agentligi, Oʻzbekiston Milliy teleradiokompaniyasi, Ommaviy axborot vositalari uchun kontent tayyorlash markazi, “Tasviriy oyina” ijodiy uyushmasi

Vazirlar Mahkamasining 2025-yil 17-dekabrdagi 796-son qaroriga 6-ILOVA

Vazirlar Mahkamasining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining “Tibbiy-ijtimoiy ekspertiza xizmati tashkiliy tuzilmasini va faoliyatini tashkil etishga oid normativ-huquqiy hujjatlarni tasdiqlash toʻgʻrisida” 2022-yil 8-fevraldagi 62-son qarorida :

a) quyidagi mazmundagi 3 1 -band bilan toʻldirilsin:

“3 1 . 2025-yil dekabr oyidan boshlab Qashqadaryo viloyatida, 2026-yil 1-may oyiga qadar respublikaning qolgan hududlarida tajriba-sinov tariqasida nogironligi boʻlgan shaxslarni hisobga olish va navbat asosida nogironligi boʻlgan shaxslarni reabilitatsiya qilish va protezlash markazlari (keyingi oʻrinlarda — Reabilitatsiya markazlari)ga yoʻllash “Yagona milliy ijtimoiy himoya” axborot tizimi orqali elektron tarzda amalga oshiriladi. Bunda:

Reabilitatsiya markazlariga yoʻllanma olish uchun Yagona interaktiv davlat xizmatlari portali, “Inson” ijtimoiy xizmatlar markazlari yoki ijtimoiy xodimlar orqali yoxud bevosita oilaviy shifokorga murojaat qilish imkoniyati yaratiladi;

nogironligi boʻlgan shaxslarni Reabilitatsiya markazlariga yoʻllash uchun qarshi koʻrsatmalar mavjudligini aniqlash oilaviy shifokor tomonidan amalga oshiriladi;

Nogironligi boʻlgan shaxslarni hisobga olish va navbat asosida Reabilitatsiya markazlariga elektron tarzda yoʻllash tartibi Ijtimoiy himoya milliy agentligi hamda Sogʻliqni saqlash vazirligi tomonidan belgilanadi”;

b) 8-ilovaning 30-bandi ikkinchi xatboshisidagi “75” raqami “100” raqami bilan almashtirilsin.

2. Vazirlar Mahkamasining 2024-yil 31-maydagi “Ayrim turdagi nafaqalarni tayinlash va toʻlashni tartibga solish chora-tadbirlari toʻgʻrisida”gi 314-son qarorida :

a) qarorda :

2-band quyidagi mazmundagi “a 1 ” kichik band bilan toʻldirilsin:

“a 1 ) Yangi tugʻilgan bolani farzandlikka olgan yoki vasiy qilib belgilangan xodimga beriladigan nafaqaning bir qismini qoplab berish tartibi toʻgʻrisidagi nizomning 1 1 -ilovasiga muvofiq:

tugʻish vaqtida yoki tugʻishdan keyingi davrda ona vafot etganda, tugʻilgan bolani (bolalarni) farzandlikka olgan yoki unga vasiy qilib belgilangan xodimga minimal isteʼmol xarajatlarining 4 baravari miqdorida nafaqa toʻlanishi;

nafaqa mehnatga layoqatsizlik varaqasi asosida Sogʻliqni saqlash vazirligining Yagona tibbiy axborot tizimidan olingan maʼlumotlar asosida “Ijtimoiy himoya yagona reyestri” axborot tizimi orqali fuqarolarning murojaatlarisiz “proaktiv shakl”da tayinlanishi va toʻlanishi”;

3-band oʻz kuchini yoʻqotgan deb hisoblansin;

b) 1-ilovada :

1-band quyidagi tahrirda bayon etilsin:

“1. Ushbu Nizom vaqtinchalik mehnatga layoqatsizlik, homiladorlik va tugʻish boʻyicha nafaqalarni hamda yangi tugʻilgan bolani farzandlikka olgan yoki unga vasiy qilib belgilangan xodimga nafaqani (keyingi oʻrinlarda — nafaqa) tayinlash hamda toʻlash tartibini belgilaydi. Bunda:

a) homiladorlik va tugʻish nafaqasini tayinlash va toʻlashga doir normalar “Davlat ijtimoiy sugʻurtasi toʻgʻrisida”gi Qonun tatbiq etilmaydigan tashkilotlarning xodimlariga ushbu turdagi nafaqani tayinlanishi va toʻlanishi bilan bogʻliq munosabatlarni;

b) vaqtinchalik mehnatga layoqatsizlik nafaqasini tayinlash va toʻlashga doir normalar:

“Davlat ijtimoiy sugʻurtasi toʻgʻrisida”gi Qonun tatbiq etilmaydigan tashkilotlarning xodimlariga ushbu turdagi nafaqani tayinlanishi va toʻlanishi bilan bogʻliq munosabatlarni;

davlat ijtimoiy sugʻurtasi boʻyicha mehnatga layoqatsizlik davrining ish beruvchi tomonidan toʻlanadigan qismi boʻyicha vaqtinchalik mehnatga layoqatsizlik nafaqasini tayinlash va toʻlash bilan bogʻliq munosabatlarni tartibga soladi”;

3-bandning uchinchi xatboshisi quyidagi tahrirda bayon etilsin:

“Budjet tashkilotlaridan tashqari barcha yuridik shaxslarda va yakka tartibdagi tadbirkorlarda ishlovchi yangi tugʻilgan bolani farzandlikka olgan yoki unga vasiy qilib belgilangan xodimga respublika budjeti mablagʻlari hisobidan beriladigan nafaqani qoplab berish tartibi 1 1 -ilovaga muvofiq amalga oshiriladi.

Ish beruvchilarning ushbu nafaqani toʻlash boʻyicha majburiyatlari Oʻzbekiston Respublikasi Prezidenti huzuridagi Ijtimoiy himoya milliy agentligi tomonidan respublika budjeti mablagʻlari hisobidan beriladigan nafaqa miqdorida kamaytiriladi”;

v) quyidagi mazmundagi 1 1 -ilova bilan toʻldirilsin:

“Vazirlar Mahkamasining 2024-yil 31-maydagi 314-son qaroriga 1 1 -ILOVA

“ Yangi tugʻilgan bolani farzandlikka olgan yoki vasiy qilib belgilangan xodimga beriladigan nafaqaning bir qismini qoplab berish tartibi toʻgʻrisida

1-bob. Umumiy qoidalar

1. Ushbu Nizom Oʻzbekiston Respublikasida budjet tashkilotlaridan tashqari barcha yuridik shaxslarda (keyingi oʻrinlarda — yuridik shaxslar) va yakka tartibdagi tadbirkorlarda mehnat shartnomasiga asosan oxirgi 6 oy davomida uzluksiz ish stajiga ega boʻlgan xodimlarga yangi tugʻilgan bolani farzandlikka olganligi yoki unga vasiy qilib belgilanganligi munosabati bilan beriladigan nafaqaning (keyingi oʻrinlarda — nafaqa) bir qismini respublika budjeti mablagʻlari hisobidan tayinlash va toʻlash tartibini belgilaydi.

2. Mazkur Nizomda quyidagi asosiy tushunchalar qoʻllaniladi:

“Ijtimoiy himoya yagona reyestri” axborot tizimining alohida moduli — idoralararo elektron oʻzaro hamkorlik asosida nafaqani “proaktiv” shaklda tayinlash va toʻlashni nazarda tutuvchi “Ijtimoiy himoya yagona reyestri” axborot tizimining tarkibiy qismi (keyingi oʻrinlarda — “Yagona reyestr” AT);

nafaqa oluvchi — Oʻzbekiston Respublikasi hududidagi yuridik shaxslar va yakka tartibdagi tadbirkorlarda oxirgi olti oy davomida uzluksiz ish stajiga ega boʻlgan hamda yangi tugʻilgan bolani farzandlikka olgan yoki unga vasiy qilib belgilangan xodim (yakka tartibdagi tadbirkor);

toʻlov roʻyxat (vedomost)lari — nafaqa oluvchining familiyasi, ismi va otasining ismi, pasport maʼlumotlari, bank kartasi orqali toʻlanganda tegishli tijorat banki hamda nafaqa oluvchining bank kartasi rekvizitlari va toʻlanishi lozim boʻlgan nafaqa summasiga doir maʼlumotlar aks ettirilgan, nafaqa boʻyicha toʻlovlarni amalga oshiruvchi tijorat bankiga elektron koʻrinishda taqdim etiladigan hujjat.

3. Ushbu Nizom budjet tashkilotlarida, shu jumladan, oʻrindoshlik asosida ishlaydigan xodimlarga tatbiq etilmaydi.

4. Nafaqa tugʻish vaqtida yoki tugʻishdan keyingi davrda ona vafot etgan kundan boshlab, tugʻilgan bolani (bolalarni) farzandlikka olgan yoki unga vasiy qilib belgilangan shaxsga (xodimga), bola tugʻilgan kunidan eʼtiboran ellik olti kalendar kuni, ikki yoki undan ortiq bola tugʻilganda yetmish kalendar kunigacha boʻlgan muddatda belgilangan tartibda rasmiylashtirilgan mehnatga layoqatsizlik varaqasi asosida tayinlanadi va toʻlanadi.

5. Nafaqa minimal isteʼmol xarajatlarining 4 baravari miqdorida toʻlanadi.

Bunda nafaqaning miqdori u tayinlangan davrda amalda boʻlgan minimal isteʼmol xarajatlarining miqdoridan kelib chiqib belgilanadi.

6. Nafaqani toʻlash va notoʻgʻri tayinlangan nafaqani qaytarish bilan bogʻliq xarajatlar respublika budjetidan Oʻzbekiston Respublikasi Prezidenti huzuridagi Ijtimoiy himoya milliy agentligiga (keyingi oʻrinlarda — Agentlik) mazkur maqsadlarda ajratilgan mablagʻlari hisobidan amalga oshiriladi.

7. Nafaqa oluvchining asosiy ish joyi hisoblangan yuridik shaxslar va yakka tartibdagi tadbirkorlarning nafaqa toʻlash boʻyicha majburiyatlari Agentlik tomonidan toʻlangan nafaqa miqdorida kamaytiriladi.

8. Nafaqa “Yagona reyestr” AT tomonidan fuqarolarning murojaatlarisiz “proaktiv shakl”da tayinlanadi va toʻlanadi.

2-bob. Nafaqani tayinlash tartibi

9. Belgilangan tartibda berilgan mehnatga layoqatsizlik varaqasi nafaqani tayinlash va toʻlash uchun asos boʻladi.

10. Mehnatga layoqatsizlik varaqasi hududiy ambulator-poliklinika yoki tugʻuruqxona muassasasi, shuningdek, mehnatga layoqatsizlik varaqasi berishga vakolatli boshqa tibbiy muassasalar tomonidan Sogʻliqni saqlash vazirligining Yagona tibbiy axborot tizimiga (keyingi oʻrinlarda — “Yagona tibbiy” AT) elektron shaklda rasmiylashtiriladi.

11. “Yagona tibbiy” AT tomonidan mehnatga layoqatsizlik varaqasi avtomatik ravishda “Yagona reyestr” ATga yuboriladi.

12. “Yagona reyestr” AT tomonidan mehnatga layoqatsizlik varaqasi toʻgʻrisidagi maʼlumotlar kelib tushgandan soʻng, avtomatik ravishda nafaqa oluvchining oxirgi olti oy davomida:

uzluksiz ish stajiga ega ekanligi va yuridik shaxsda bandligi “Yagona milliy mehnat tizimi” idoralararo dasturiy-apparat kompleksi (keyingi oʻrinlarda — “YAMMT” IDAK), yakka tartibdagi tadbirkorlarda bandligi Soliq qoʻmitasining maʼlumotlar bazasi orqali;

mehnatga haq toʻlash tarzidagi daromadlari mavjudligi — Soliq qoʻmitasining maʼlumotlar bazasi orqali;

budjet tashkilotlarida ishlashi yoki ishlamasligi Iqtisodiyot va moliya vazirligining “UzASBO” dasturiy majmuasi orqali avtomatik ravishda tekshiriladi.

13. Nafaqa oluvchining oxirgi olti oy davomidagi uzluksiz ish stajini hisoblashda, yuridik shaxslarda “YAMMT” IDAKdagi va yakka tartibdagi tadbirkorlarda Soliq qoʻmitasining maʼlumotlar bazasidagi mehnatga layoqatsizlik varaqasi rasmiylashtirilgan kunga qadar olti oy uzluksiz ish staji inobatga olinadi.

Bunda ushbu davrda oʻttiz bir kundan koʻp boʻlmagan tanaffuslar boʻlganda, mehnatga layoqatsizlik varaqasi rasmiylashtirilgan kundan oldingi oʻn ikki oy davomidagi ketma-ket davrlar ish stajini hisoblashda qoʻllaniladi. Agar oxirgi olti oy davomidagi uzluksiz ish staji davrida xodimning mehnatga haq toʻlash tarzidagi daromadlari mavjud boʻlmasa, ushbu davr ish stajini hisoblashda inobatga olinmaydi.

Bolani parvarishlash uchun taʼtilda boʻlgan xodimning ish stajini Soliq qoʻmitasining maʼlumotlar bazasi orqali tekshirishda uning taʼtilga chiqishidan oldingi davri hisobga olinadi.

14. Nafaqa xodim yillik (asosiy va qoʻshimcha) mehnat taʼtilida, bolani parvarishlash uchun taʼtilda yoki ish haqi saqlanmaydigan taʼtillarda boʻlganda ham toʻlab beriladi.

15. Nafaqa oluvchining oxirgi olti oy davomidagi uzluksiz ish staji davridagi mehnatga haq toʻlash tarzidagi daromadlari mavjud boʻlsa va “YAMMT” IDAKda ish staji toʻgʻrisidagi maʼlumot boʻlmagan taqdirda, bu haqda “Yagona reyestr” AT tomonidan avtomatik tarzda nafaqa oluvchining “Yagona tibbiy” ATda qayd etilgan mobil telefon raqamiga SMS-xabar, shuningdek, ish beruvchining Soliq qoʻmitasining maʼlumotlar bazasidagi va “YAMMT” IDAKdagi shaxsiy kabinetlariga xabarnoma yuboriladi.

Nafaqa oluvchining ish staji nomutanosibligi (notoʻgʻri kiritilganligi yoki kiritilmaganligi) xabarnoma olingan oydan keyingi oyning oxirgi ish kuniga qadar “YAMMT” IDAKda ish beruvchi tomonidan toʻgʻrilanishi lozim.

16. Xabarnoma yuborilgan nafaqa oluvchilarning oxirgi olti oy davomidagi uzluksiz ish staji xabarnoma yuborilgan oydan keyingi oyning oxirgi ish kunida qayta tekshiriladi.

Nomutanosiblik toʻgʻrilanmagan hollarda, nafaqa tayinlashni rad etish toʻgʻrisidagi qaror “Yagona reyestr” AT tomonidan avtomatik tarzda shakllantiriladi.

17. “Yagona reyestr” AT tomonidan nafaqa oluvchining oxirgi olti oy davomidagi uzluksiz ish staji, mehnatga haq toʻlash tarzidagi daromadlari va uning ishlashi tasdiqlanganda, nafaqani tayinlash toʻgʻrisidagi qaror avtomatik tarzda shakllantiriladi.

18. “Yagona reyestr” AT tomonidan:

nafaqa tayinlash toʻgʻrisidagi qaror qabul qilinganda, nafaqaning toʻlov shakli va muddati boʻyicha;

nafaqa tayinlashni rad etish toʻgʻrisidagi qaror qabul qilinganda, rad etish sabablari boʻyicha nafaqa oluvchining “Yagona tibbiy” ATda qayd etilgan mobil telefon raqamiga SMS-xabar, shuningdek, ish beruvchining Soliq qoʻmitasining maʼlumotlar bazasidagi va “YAMMT” IDAKdagi shaxsiy kabinetlariga avtomatik tarzda xabarnoma yuboriladi.

3-bob. Nafaqani toʻlash tartibi

19. Ushbu Nizomga muvofiq tayinlangan nafaqani toʻlab berish Agentlik tomonidan toʻgʻridan-toʻgʻri shartnoma asosida jalb etilgan tijorat banki tomonidan amalga oshiriladi.

20. “Yagona reyestr” AT tomonidan har oyning 10-sanasiga qadar nafaqa boʻyicha toʻlov roʻyxat (vedomost)lari tijorat bankiga taqdim etiladi hamda Agentlikning maxsus gʻazna hisobvaragʻidan zarur mablagʻlar belgilangan tartibda tijorat bankiga oʻtkazib beriladi.

Ushbu bandda koʻrsatilgan muddatning oxirgi kuni bayram va dam olish kunlariga toʻgʻri kelganda, toʻlov roʻyxat (vedomost)lari va zarur mablagʻlar keyingi 2 ish kuni mobaynida tijorat bankiga taqdim etilishi va moliyalashtirilishi mumkin.

21. Nafaqani toʻlash uchun tijorat bankida alohida maxsus bank hisobvaraqlari ochiladi.

22. “Yagona reyestr” AT tomonidan toʻlov roʻyxat (vedomost)lari bank kartasi boʻyicha shakllantiriladi. Bunda tegishli banklararo reprotsessing markazlaridan nafaqa oluvchining nomiga ochilgan, aktiv holatda boʻlgan, oxirgi oltmish kun davomida oxirgi tranzaksiya amalga oshirilgan bank plastik kartasi tanlab olinadi.

Nafaqa oluvchining bank kartasi boʻlmaganda, toʻlov naqd pul koʻrinishida amalga oshiriladi.

23. Tijorat banki tomonidan nafaqa toʻlov amalga oshiriladigan oyning 27-sanasiga qadar toʻlab beriladi.

24. Tijorat banki tomonidan nafaqani naqd pul koʻrinishida nafaqa oluvchining murojaatiga asosan, biroq nafaqa tayinlanganligi toʻgʻrisida SMS-xabar yuborilgan kundan boshlab toʻqson kun davomida belgilangan tartibda toʻlanadi.

25. Joriy oy mobaynida nafaqa oluvchilar tomonidan talab qilinmagan mablagʻlarni tijorat bankining maxsus hisobvaraqlardan kelgusida toʻlash uchun Agentlik maxsus gʻazna hisobvaragʻiga qaytariladi.

26. Tijorat banki har oyning oxirgi ish kuniga qadar ushbu oy uchun va yil boshidan amalga oshirilgan toʻlovlar hamda toʻlanmagan mablagʻlar haqidagi maʼlumotlarni “Yagona reyestr” ATga taqdim etadi.

27. Nafaqa oluvchilarga tijorat banki tomonidan nafaqani naqd pul shaklida toʻlab berganlik uchun bank xizmat haqi miqdori tijorat banki va Agentlik oʻrtasida tuziladigan shartnomaga muvofiq, biroq naqd pul shaklida toʻlab berilgan nafaqa miqdorining 0,5 foizidan oshmagan miqdorda belgilanadi.

28. Nafaqa oluvchining vijdonsizligi yoki hisob-kitoblardagi xatoliklar tufayli notoʻgʻri toʻlangan nafaqa nafaqa oluvchi tomonidan Agentlikka bir oy ichida qaytarilishi lozim. Bunda ixtiyoriy ravishda qaytarilmagan yoki toʻliq qaytarilmagan mablagʻ sud tartibida undiriladi.

Ushbu bandda koʻrsatilgan asoslardan boshqa sabablar bilan notoʻgʻri toʻlangan nafaqa xatolikka yoʻl qoʻygan tashkilot xodimidan belgilangan tartibda undiriladi.

Notoʻgʻri toʻlangan nafaqa tijorat banki orqali nafaqa oluvchidan xizmat haqi undirilmagan holda qaytariladi.

4-bob. Yakunlovchi qoidalar

29. Manfaatdor vazirliklar va idoralarning axborot tizimlaridan nafaqa oluvchi toʻgʻrisida elektron shaklda avtomatlashtirilgan tarzda olingan maʼlumotlar “Shaxsga doir maʼlumotlar toʻgʻrisida”gi Oʻzbekiston Respublikasi Qonuniga muvofiq himoyalanadi.

Tegishli davlat organlari oʻz faoliyatini amalga oshirishi natijasida nafaqa oluvchi toʻgʻrisida olingan maʼlumotlarning sir saqlanishini taʼminlaydi.

30. “Yagona reyestr” ATda hamda manfaatdor vazirlik va idoralarning axborot tizimlarida texnik nosozliklar hamda maʼlumotlar almashinuvi jarayonida uzilishlar yuzaga kelganda, ushbu holatlar toʻliq bartaraf etilgunga qadar mehnatga layoqatsizlik varaqasidagi elektron maʼlumotlarni kiritish, nafaqani tayinlash va toʻlash muddatlari uzaytirilishi mumkin.

31. Mazkur Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradi”.

g) 3-ilova oʻz kuchini yoʻqotgan deb hisoblansin.

3. Oʻzbekiston Respublikasi Vazirlar Mahkamasining 2025-yil 1-iyuldagi 405-son qarori bilan tasdiqlangan Nogironligi boʻlgan shaxslar bandligini taʼminlashga koʻmaklashish, ularning bandligini taʼminlash hamda mehnat qilishini qoʻllab-quvvatlashni ragʻbatlantirish tartibi toʻgʻrisidagi nizomda :

a) 18-band quyidagi mazmundagi ikkinchi xatboshi bilan toʻldirilsin:

“Bunda elektron reyestrda turgan I va (yoki) II guruh nogironligi boʻlgan shaxsni rasmiy bandligi taʼminlangan oyda ishga qabul qilingan sanadan qatʼiy nazar, mehnatga haq toʻlash boʻyicha shart bajarilgan taqdirda, mazkur nogironligi boʻlgan shaxs bir oy davomida rasmiy band qilingan deb hisoblanadi”;

b) 19-bandning birinchi xatboshisi “bajarilishi taʼminlangandan keyin” soʻzlaridan keyin “olti oy ichida” soʻzlari bilan toʻldirilsin;

v) 25-bandning “a” kichik bandi quyidagi tahrirda bayon etilsin:

“a) surdotarjimon yoki psixolog xizmatini koʻrsatmoqchi boʻlgan shaxslar mazkur sohada oliy maʼlumotga ega boʻlishi yoki davlat taʼlim tashkilotlarida kasbiy va pedagogik qayta tayyorlov kurslarini tamomlagan boʻlishi talab etiladi.

Respublika kasbiy koʻnikmalar markazi yoki Oʻzbekiston karlar jamiyati tomonidan surdotarjimonlik yoʻnalishida tashkil etiladigan oʻquv kurslari yoki qayta tayyorlov kurslarini oʻqib tugatgan shaxslar tomonidan surdotarjimon xizmati koʻrsatilishi mumkin”;

g) 26-bandda :

quyidagi mazmundagi toʻrtinchi xatboshi bilan toʻldirilsin:

“davlat taʼlim tashkilotlarining kasbiy va pedagogik qayta tayyorlov kurslarini tamomlagan yoki respublika kasbiy koʻnikmalar markazi yoxud Oʻzbekiston karlar jamiyati tomonidan tashkil etiladigan oʻquv kurslari yoki qayta tayyorlov kurslarini oʻqib tugatgan shaxslar, ushbu maʼlumotni tasdiqlovchi hujjatlarni (diplom, sertifikat) ilova qilish orqali”

toʻrtinchi xatboshi beshinchi xatboshi deb hisoblansin;

e) 27-band quyidagi mazmundagi toʻrtinchi xatboshi bilan toʻldirilsin:

“Xizmat koʻrsatuvchi shaxslar tomonidan ushbu Nizomning 26-bandi toʻrtinchi xatboshisida koʻrsatilgan hujjatlar ilova qilingan holda, murojaat etilgan taqdirda, mazkur hujjatlar “YAMIH” AT orqali Agentlikning tegishli hududiy boshqarmalari tomonidan ikki ish kuni ichida koʻrib chiqilib, tekshiriladi”;

j) 28-bandda :

birinchi xatboshisi “maʼlumotlar mavjudligi aniqlangan” soʻzlaridan keyin “yoki oʻz tasdigʻini topgan” soʻzlari bilan toʻldirilsin;

ikkinchi xatboshisi “maʼlumotlarning mavjud emasligi” soʻzlaridan keyin “yoki oʻz tasdigʻini topmaganligi” soʻzlari bilan toʻldirilsin;

z) 39-band quyidagi mazmundagi ikkinchi xatboshi bilan toʻldirilsin:

“Agar bandlikka koʻmaklashish subsidiyasi yoki ish oʻrinlariga moslashtirish subsidiyasi tadbirkorlik subyektlari tomonidan notoʻgʻri kiritilgan (koʻrsatilgan) maʼlumotlar asosida yoki texnik kamchiliklar yoxud hisob-kitoblardagi xatoliklar tufayli notoʻgʻri toʻlangan taqdirda, mazkur mablagʻlar ularning notoʻgʻri toʻlanganligi aniqlangan sanadan boshlab tadbirkorlik subyektlari tomonidan Jamgʻarmaga bir oy ichida qaytarilishi lozim. Bunda ixtiyoriy ravishda Jamgʻarmaga qaytarilmagan yoki toʻliq qaytarilmagan mablagʻ sud tartibida undiriladi”;

i) 3-ilova quyidagi mazmundagi izoh qismi bilan toʻldirilsin:

4. Vazirlar Mahkamasining “Jazoni ijro etish muassasalaridan ozod qilingan shaxslarga nafaqa tayinlash va toʻlash tartibini takomillashtirish chora-tadbirlari toʻgʻrisida”gi 2025-yil 16-iyuldagi 444-son qarorida :

a) qarorda :

3-bandning “b” kichik bandidagi “mahalliy” soʻzi “respublika” soʻz bilan almashtirilsin;

5-banddagi “tegishli budjet” soʻzlari “Davlat budjeti” soʻzlari bilan almashtirilsin;

b) ilovada :

5-bandidagi “mahalliy” soʻzi “respublika” soʻz bilan almashtirilsin;

11-bandda :

quyidagi mazmundagi toʻrtinchi xatboshi bilan toʻldirilsin:

“jazoni ijro etish muassasasidan ozod qilingan shaxs vafot etgan taqdirda”;

toʻrtinchi xatboshi beshinchi xatboshi deb hisoblansin.

Vazirlar Mahkamasining 2025-yil 17-dekabrdagi 796-son qaroriga 7-ILOVA

Oʻzbekiston Respublikasi Hukumatining oʻz kuchini yoʻqotgan deb hisoblanayotgan qarorlari roʻyxati

1. Vazirlar Mahkamasining 2022-yil 20-sentabrdagi “Davlat ijtimoiy sugʻurta tizimini rivojlantirish chora-tadbirlari toʻgʻrisida”gi 515-son qarori .

2. Vazirlar Mahkamasining 2024-yil 5-oktabrdagi “Ijtimoiy himoyaga muhtoj shaxslarni moddiy qoʻllab-quvvatlash hamda nogironligi boʻlgan bolalarni ijtimoiy himoya qilish tizimi takomillashtirilishi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida”gi 640-son qaroriga ilovaning 8-bandi .

Oʻzbekiston Respublikasining Bosh vaziri A. ARIPOV

Toshkent sh.,

2025-yil 17-dekabr,

796 -son

(Qonunchilik maʼlumotlari milliy bazasi, 19.12.2025-y., 09/25/796/1180-son; 13.05.2026-y., 09/26/239/0481-son; 13.08.2026-y., 09/26/440/0837-son)

lex.uz